လူငယ်ဂေါက်သီးပြိုင်ပွဲ မြန်မာလူငယ် ကမ္ဘာ့အဆင့်တစ်ရရှိ

အမေရိကန်ပြည်ထောင်စု ၂၀၁၇ အမေရိကန် ဂျူနီယာ လူငယ်ဂေါက်သီးပြိုင်ပွဲ ကမ္ဘာ့အဆင့်(၁) အနိုင်ရသူ မြန်မာနိုင်ငံက ကိုဟိန်းစည်သူ ။
အမေရိကန်ပြည်ထောင်စု ကျင်းပခဲ့တဲ့ ၂၀၁၇ အမေရိကန် ဂျူနီယာ လူငယ်ဂေါက်သီးပြိုင်ပွဲ မှာတော့ မြန်မာနိုင်ငံက ကိုဟိန်းစည်သူ အနိုင်ရပြီး ကမ္ဘာ့အဆင့် ၁ လူငယ် ကစားသမားဖြစ် သွားပါတယ်။ ၂၀၁၇ အမေရိကန်ဂျူနီယာ လူငယ်ဂေါက်သီးပြိုင်ပွဲ ကိုတော့ ဒီဇင်ဘာ ၂၈ ရက်နေ့က ၃၁ ရက်နေ့အထိ ဖလော်ရီဒါပြည်နယ် St. Augustine မြို့မှာ ၃ ရက်ကြာကျင်းပခဲ့တာဖြစ်ပြီး၊ ကိုဟိန်းစည်သူက သတ်မှတ်ရိုက်ချက်အတိုင်း၊ စုစုပေါင်းရိုက်ချက် ၂၁၆ ချက် နဲ့ ဗိုလ်စွဲခဲ့တာဖြစ်ပါတယ်။

ဒီပွဲနိုင်လိုက်တဲ့အတွက် သူဟာ ကမ္ဘာ့အဆင့် ၁ လူငယ်ဂေါက်သီးကစားသမား လည်းဖြစ် လာခဲ့ပါတယ်။ ဒီလိုအနိုင်ရပြီး၊ ကမ္ဘာ အဆင့် ၁ လူငယ် ကစားသမားဖြစ်လာတာနဲ့ ပတ်သက်ပြီး ကိုဟိန်းစည်သူက ဗွီအိုအေကို ပြောပြပါတယ်။

ဒီပြိုင်ပွဲမှာ အိုက်စလန်နိုင်ငံက Sidgurdur Gardarsson နဲ့ အမေရိကန်က James Ballato တို့က ၂၂၃ ချက်နဲ့ ပူးတွဲဒုတိယရခဲ့ကြပါတယ်။

ဒီပြိုင်ပွဲကို နိုင်ငံပေါင်း ၂၀ ကျော်က လူငယ်ဂေါက်သီးအားကစားသမားပေါင်း ၅၀ ကျော် ၀င်ပြိုင်ခဲ့ကြပြီး၊ မြန်မာနိုင်ငံ ကိုဟိန်းစည်သူအပါအ၀င် ကိုကောင်းမြတ်ကျော်၊ ကိုဖြိုးဇံ နဲ့ကိုမင်းသန်းလွင်အောင်တို့လည်း ၀င်ရောက်ယှဉ်ပြိုင်ခဲ့ပြီး၊ အဆင့် ၂၉ ၊ ၃၁ နဲ့ ၃၂ အသီးသီးချိတ်ခဲ့သလို၊ အမျိုးသမီးဘက်မှာတော့ မဖူးပွင့်ရတီခိုင်က အဆင့် ၉ ရခဲ့ပါတယ်။

ကိုရန်နိုင်  / ဗွီအိုအေ (မြန်မာပိုင်း)
https://burmese.voanews.com

ကျွန်းလှမြို့နယ်၌ ကြာပန်းဆင်းခူးရာမှ ကျောင်းသား/သူ ၃ ဦး ရေနစ်သေဆုံး


၂၀၁၇ခုနှစ်၊ ဒီဇင်ဘာလ ၃၀ ရက်နေ့ ၀၉၃၀ အချိန် စစ်ကိုင်းတိုင်းဒေသကြီး ကျွန်းလှမြို့နယ်၊ ကုက္ကိုကုန်းကျေးရွာ အနောက်ဖက်(၂)ဖာလုံခန့်ရှိ သဖန်းဆိပ်ဆည်ရေဝင် ဧရိယာ၌ မောင်ဝေဠုအောင်(၁၄)နှစ်၊ (၉တန်း) ပါ ၃ ဦး(ကျား ၁၊ မ ၂)တို့ သည် ကြာပန်းဆင်းခူးရာ ရေနစ်နေသဖြင့် ဆယ်ယူခဲ့ပြီး ကျွန်းလှမြို့ ပြည်သူ့ဆေးရုံသို့ ပို့ဆောင်ကုသစဉ် ၁၃၅၀ အချိန်တွင် သေဆုံး သွားခဲ့ သဖြင့် ၁၈၃၀ အချိန်တွင် သေမှုသေခင်း အမှတ်စဉ် (၈/၂၀၁၇ )ရေး ဖွင့်စစ်ဆေးလျက်ရှိကြောင်း ပြည်ထဲရေးဝန်ကြီးဌာန၏ သတင်းထုတ်ပြန်ချက်အရ သိရပါသည်။

သစ်ထူးလွင်
 

မိုင်းတုံ နှစ်လောင်းပြိုင် လူသတ်မှု


၂၀၁၇ခုနှစ်၊ ဒီဇင်ဘာလ ၂၉ ရက်နေ့ ည ၁၁ နာရီကျော်အချိန်ခန့် တွင် ရှမ်းပြည်နယ် အရှေ့ ပိုင်း မိုင်းတုံမြို့နယ်၊ ပါခတ်ကျေးရွာတွင် နှစ်လောင်းပြိုင် လူသတ်မှု ဖြစ်ပွားခဲ့ကြောင်း သိရပါသည်။

အဆိုပါ သတင်းအရ မိုင်းတုံမြို့မရဲစခန်းမှ ရဲတပ်ဖွဲ့ဝင်များ သွားရောက် စစ်ဆေးခဲ့ရာ မအီနာရှဲ(၄၀)နှစ် ၏အိမ်တွင်အတူနေ မအီနာရှဲ၏ သမီး မနားကျို(၂၅)နှစ်တို့တွင် ဘယ်ဂျိုစောင်း/မေးရိုးတွင် ပြတ်ရှဒဏ်ရာ ၂ ချက်၊ ရင်ဘတ်တွင် ထိုးသွင်း ဒဏ်ရာ ၁ ချက်နှင့် မော်ကျို(၃၅)နှစ် (မနားကျို၏ ခင်ပွန်း)တွင် သွား ၂ ချောင်းကျိုး၊ နား ၂ ဖက်/ပါးစပ်ပေါက်ပြဲ (သွေးထွက်လျက်)၊ ရင်ဘတ်ညိုမဲဒဏ်ရာများဖြင့် သေဆုံးနေပြီး မော်ကျို၏ ဘယ်ဘက်တွင် ဓါးချွန် ၁ ချောင်းနှင့် တူမီး ၁ လက် တွေ့ရှိ သိမ်းဆည်းခဲ့ကြောင်း သိရပါသည်။


 အဆိုပါ ဖြစ်စဉ်မှာ ည ၈ နာရီ အချိန်တွင် မအီနာရှဲသည် တစ်ရွာတည်းနေ ဦးအဲယေ၏ ဈေးဆိုင်သို့ မုန့်ဝယ်သွားစဉ် ၎င်း၏ အိမ်ဘက်မှ ကျည်ပေါက်သံကြား၍ ပြန်သွားကြည့်ရာ အိမ်ပေါ်၌ မနားကျိုနှင့် မော်ကျိုတို့ ၂ ဦး မှာ ဒဏ်ရာများဖြင့် သေဆုံးနေသည်ကို တွေ့ရှိခြင်းဖြစ်ကြောင်းသိရပြီး၊ ည ၁၁ နာရီ ၃၀ မိနစ် အချိန်တွင် မနားကျိုနှင့် မော်ကျိုတို့၏ အလောင်းအား မိုင်းတုံမြို့ ပြည်သူ့ဆေးရုံသို့ ပို့အပ်ခဲ့ကြောင်း သိရသည်။

 ဒီဇင်ဘာလ ၃၀ ရက်နေ့ ၀၁၃၅ အချိန် မိုင်းတုံမြို့မရဲစခန်း (ပ)၁၆/၂၀၁၇ ရာဇသတ်ကြီးပုဒ်မ ၃၀၂ (လူသတ်မှု)ဖြင့် အမှုဖွင့် စုံစမ်းစစ်ဆေးလျက်ရှိကြောင်းနှင့် နံနက် ၁၀  နာရီ အချိန်တွင် မော်ကျို၏ အလောင်း အား ရင်ခွဲစစ်ဆေးရာ ၎င်း၏ဦးနှောက်ငယ်အတွင်း ယမ်းစပေနေသော အဝတ်စငယ် ၁ ခု တွေ့ရှိရသဖြင့် ဇနီးဖြစ်သူ မနားကျိုနှင့် စကားများကာ မနားကျိုအား ဓါးဖြင့်ထိုးပြီး မိမိကိုကိုယ် တူမီးသေနတ်ဖြင့် ပစ်ခတ်သေဆုံးခြင်း ဖြစ်နိုင်ကြောင်း ပြည်ထဲရေးဝန်ကြီးဌာန၏ သတင်းထုတ်ပြန်ချက်အရ သိရပါသည်။

သစ်ထူးလွင်

စိုးရိမ်စရာနှစ်အဖြစ် ကုလအတွင်းရေးမှူးချုပ် နှစ်သစ်သဝဏ်လွှာ ဖော်ပြ

၂၀၁၈ နှစ်သစ်ကူးပွဲတော်။
ကုလသမဂ္ဂ အတွင်းရေးမှူးချုပ် Antonio Guterres ရဲ့ ၂၀၁၈ ခုနှစ် နှစ်သစ် အတွက် ကြေညာချက်မှာ ပဋိပက္ခတွေ ပိုမို နက်ရှိုင်းလာပြီး နျူးကလီးယား လက်နက်တွေ အပေါ် စိုးရိမ်စိတ်တွေ တိုးလာတဲ့ အပေါ် သတိပေးထားပြီး ကမ္ဘာကို အဆုံးစွန် သတိပေး တပ်လှန့်လိုက်ပါတယ်။
ကုလသမဂ္ဂ အတွင်းရေးမှူးချုပ်-Antonio Guterres
ကမ္ဘာတလွှားက မိတ်ဆွေများ ပျော်ရွှင်ဖွယ်ရာ နှစ်သစ် ဖြစ်ပါစေလို့ ကုလ အတွင်းရေးမှူးချုပ်က နုတ်ခွန်းဆက်သခဲ့တာပါ။ လွန်ခဲ့တဲ့ တနှစ် သူ စပြီး တာဝန်ယူချိန်တုန်းက ၂၀၁၇ ခုနှစ်ကို ငြိမ်းချမ်းရေး အတွက် နှစ်သစ် ဖြစ်ဖို့ ပန်ကြားခဲ့ပေမယ့် ကံမကောင်း အကြောင်းမလှစွာနဲ့ ကမ္ဘာကြီးကတော့ ပြောင်းပြန် ဆန့်ကျင်ဖြစ်ခဲ့ပါတယ်။ အခု ၂၀၁၈ ခုနှစ် နှစ်သစ်မှာတော့ သူ့အနေနဲ့ ပန်ကြားချက် မထုတ်တော့ပါဘူးတဲ့။ သတိပေးချက် - ကမ္ဘာကြီးအတွက် အဆုံးစွန် သတိပေး တပ်လှန့်ချက်ကိုဘဲ ထုတ်ပါတော့မယ်လို့ ပြောကြားသွားတာပါ။

ပဋိပက္ခတွေက ပိုပြီး နက်ရှိုင်းလာပြီး အန္တရာသစ်တွေလည်း ထွက်လာတယ်။ စစ်အေးခေတ် ကာလ နောက်ပိုင်း နျူးကလီးယား လက်နက်တွေ အပေါ် ကမ္ဘာတလွှား စိုးရိမ်စိတ် အများဆုံး အခြေအနေကို ရောက်လာပြီး ရာသီဥတု ပြောင်းလဲမှုကလည်း ပိုပြီး မြန်လာတယ်လို့ ကုလ အတွင်းရေးမှူးချုပ်က နှစ်သစ် အမှာစကားမှာ ထောက်ပြ ပြောဆိုပါတယ်။ တရားမျှတမှု မရှိတာတွေ ကြီးထွားလာနေပြီး ဆိုးဆိုးရွားရွား လူ့အခွင့်အရေး ချိုးဖောက်မှုတွေကိုလည်း တွေ့နေရတယ်။ ကိုယ့်အမျိုးကို ဦးစားပေးလွန်းတဲ့ အမျိုးသားရေး ၀ါဒနဲ့ လူမျိုးမတူသူတွေ အပေါ် စိုးရိမ်ကြောက်ရွံ့မှုတွေ ကြီးထွားလာနေပြီး ၂၀၁၈ ခုနှစ်ကို စတင်ချိန်မှာတော့ ညီညွတ်ရေး အတွက် အတွင်းရေးမှူးချုပ် Guterres ကတိုက်တွန်းလိုက်ပါတယ်။

ကမ္ဘာကြီး ဘေးကင်းလုံခြုံမှု ပိုပြီး ခိုင်မာလာရေး အတွက် ပဋိပက္ခတွေကို အတူတကွ ကျော်လွှာပြီး ဆောင်ရွက်နိုင်မယ်လို့ မျှော်လင့်ကြောင်းလည်း ပြောကြားခဲ့ပါတယ်။ကွာဟမှုတွေ ကျဉ်းမြောင်းသွားစေဖို့၊ ကွဲပြားမှုတွေကို ပေါင်းကူးပေးနိုင်ဖို့၊ ဘုံရည်မှန်းချက်တွေမှာ လူထု တစုတဝေးတည်း ပါဝင်လာပြီး ယုံကြည်မှု ပြန်ပြီး တည်ဆောက်နိုင်ရေး ကမ္ဘာတလွှား ခေါင်းဆောင်တွေ အနေနဲ့ ၂၀၁၈ ခုနှစ် နှစ်သစ် ရည်မှန်းချက် အဖြစ် ချမှတ် ဆောင်ရွက်ကြဖို့လည်း ကုလ အတွင်းရေးမှူးချုပ်က တိုက်တွန်းလိုက်ပါတယ်။ အနာဂတ်ဟာ ညီညွတ်ခြင်းပေါ်မှာ မူတည်နေပြီး ၂၀၁၈ ခုနှစ်မှာ ငြိမ်းချမ်းခြင်းနဲ့ ကျန်းမာခြင်းနဲ့ ပြည့်စုံစေဖို့ ဆန္ဒပြုတယ်လို့လည်း ကုလ အတွင်းရေးမှူးချုပ်က ပြောဆိုခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com
 

အီရန်ဆန္ဒပြမှု “ပြည်ပသြဇာခံတွေလို့” အစိုးရ အပြစ်တင်

အီရန်နိုင်ငံက အစိုးရဆန့်ကျင်ရေး ဆန္ဒပြပွဲ (ဒီဇင်ဘာ ၃၀-၂၀၁၇)
အီရန်နိုင်ငံမှာ မနေ့ စနေနေ့က အစိုးရ ဆန့်ကျင်ရေး ဆန္ဒပြပွဲကြီး အတွင်း ဆန္ဒပြသူနှစ်ဦး ပစ်ခတ်ခံရပြီး သေဆုံးခဲ့ရတာနဲ့ ပတ်သက်ပြီး ပြည်ပ အစိုးရ သြဇာခံတွေကို အီရန် အစိုးရက ပြစ်တင်ပြောဆိုလိုက်ပါတယ်။ ရဲတွေနဲ့ လုံခြုံရေး တပ်ဖွဲ့တွေဘက်က ပစ်ခတ်ခဲ့တာ မရှိဘူးဆိုပြီး ပြည်နယ် ဒုတိယ အုပ်ချုပ်ရေးမှူး Habibollah Khojastehpour က ပြောပါတယ်။

အုံကြွမှုကြီးရဲ့ ရန်သူတွေ ရှိတဲ့ အထောက်အထားတွေ ရထားတယ်လို့ ပြောဆိုပြီး ရုန်းရင်းဆန်ခတ် ဖြစ်မှုအတွင်း Takfiri အဖွဲ့နဲ့ ပြည်ပ သြဇာခံတွေပါတဲ့ အထောက်အထားတွေ ရှိကြောင်း နိုင်ငံပိုင် ရုပ်သံမှာ ဒီကနေ့ တနင်္ဂနွေနေ့ တွေ့ဆုံ မေးမြန်းခန်းမှာ ပြောဆိုသွားပါတယ်။

သုံးရက်မြောက် ဆန္ဒပြပွဲနေ့မှာ နိုင်ငံ အနောက်ပိုင်း Dorud မြို့မှာ ပစ်ခတ်မှု ဖြစ်ခဲ့တာပါ။ သေဆုံးသူတွေရဲ့ မိသားစုတွေနဲ့ သတင်းထောက် တဦး တွေ့ဆုံခွင့် ရခဲ့ပြီးနောက် သေဆုံးသူတွေက Hamzeh Lashni နဲ့ Hossein Reshno တို့ ဖြစ်ကြောင်း ဗွီအိုအေ ပါရှန် ဌာနက အတည်ပြုထားပါတယ်။

မနေ့ စနေနေ့က တတိယမြောက်နေ့ အဖြစ် လူပေါင်း ထောင်နဲ့ချီပြီး အစိုးရ ဆန့်ကျင်ရေး ဆန္ဒပြခဲ့ကြပြီးနောက်မှာတော့ အများပြည်သူကို အနှောင့်အယှက်ဖြစ်စေပြီး တရားဥပဒေ ချိုးဖောက်သူတွေ အနေနဲ့ သူတို့လုပ်ရပ် အတွက် တာဝန်ယူရမှာ ဖြစ်ပြီး ထိုက်သင့်သလို ပေးဆပ်ကြရမယ်လို့ အီရန် ပြည်ထဲရေး ၀န်ကြီးက သတိပေးလိုက်ပါတယ်။

ပြည်ထဲရေး ၀န်ကြီး Abdolrahman Rahmani Fazli က နိုင်ငံပိုင် ရုပ်သံကနေ ကြေညာချက်ထုတ်ခဲ့တာပါ။ အီရန်မှာ ကုန်ဈေးနှုန်းတွေ ကြီးမြင့်မှုနဲ့ အလုပ်လက်မဲ့နှုန်း တိုးလာမှုတွေကို ဆန့်ကျင် ဆန္ဒပြမှုတွေက ကြာသပတေးနေဲ့ သောကြာနေ့တို့မှာ နိုင်ငံတ၀န်းက မြို့တွေမှာ ပြုလုပ်ခဲ့ကြတာပါ။

နိုင်ငံရဲ့ စီးပွားရေး ပြန်ကောင်းလာရပါစေမယ်ဆိုတဲ့ ကတိက၀တ်နဲ့ ပြီးခဲ့တဲ့ မေလ ရွေးကောက်ပွဲ ထပ်နိုင်ခဲ့တဲ့ အီရန် သမ္မတ Hassan Rouhani ကို ဆန္ဒပြသူတွေ ဆန့်ကျင် ကြွေးကြော်ခဲ့ကြသလို ဆန္ဒပြသူ တချို့တို့ကတော့ ဆီးရီးယား သမ္မတ Bashar al-Assad အစိုးရကို အီရန်ဘက်က ထောက်ခံမှု အပါအ၀င် အီရန်ရဲ့ နိုင်ငံခြားရေး မူဝါဒကို ဆန့်ကျင် ကြွေးကြော်ခဲ့ကြပါတယ်။

ဗွီအိုအေ (မြန်မာပိုင်း)
https://burmese.voanews.com

ကျွန်းလှမြို့နယ် ကုက္ကိုကုန်းကျေးရွာ သဖန်းဆိပ်ဆည်အနီးတွင် ကျာင်းသားကျောင်းသူ သုံးဦးရေနစ်သေဆုံး


ကျွန်းလှ - ဒီဇင်ဘာ ၃၀

စစ်ကိုင်းတိုင်းဒေသကြီး ကန့်ဘလူခရိုင် ကျွန်းလှမြို့နယ် ကုက္ကိုကုန်း ကျေးရွာသဖန်းဆိပ်ဆည်အနီးတွင် ဒီဇင်ဘာ၃၀ရက်နေ့ နေ့လည် ၁နာရီ မိနစ်၅၀အချိန်ခန့်က ကျောင်းသားကျောင်းသူသုံးဦးရေနစ်သေဆုံးသွားကြောင်း သိရသည်။

ဖြစ်စဉ်မှာ ကျောင်းသားကျောင်းသူငါးဦး သည်ကုက္ကိုကုန်း ကျေးရွာ အနီးသဖန်းဆိပ်ဆည်ရေဝပ်ဧရိယာတွင် ကြာပန်းဆင်းခူးကြရာ မခိုင်သဇင်ထွန်း(၁၀)နှစ်/မသဲစုလှိုင်(၁၃)နှစ်/မောင်ဝေဠုအောင်သုံးဦးတို့မှာ ရေနစ်ပြီး မြို့နယ်ပြည်သူ့ဆေးရုံသို့ ပို့ဆောင်၍ ဆေးကုသခံယူစဉ်သေဆုံးသွားကြောင်း သတင်းရရှိသည်။

အဆိုပါ ရေနစ်သေဆုံးမှုနှင့် ပတ်သက်၍ ဓမ္မတာအတိုင်း သေဆုံးခြင်း ဟုတ်မဟုတ် ကျွန်းလှမြို့မရဲစခန်းမှ စစ်ဆေးလျှက်ရှိကြောင်း သိရသည်။

မျိုးဝင်းညို - ကျွန်းလှ
Myanmaalinn
https://www.facebook.com/MYANMAALINNNEWS

ဓနုဖြူမြို့နယ်​ (၁၆)ရပ်​ကွက်​ မြစ်​ကမ်းပါပြိုကျမှု​ကြောင့် နေအိမ်​ (၁၁)လုံးပါသွား


ဓနုဖြူ ဒီဇင်​ဘာ ၃၁

ဓနုဖြူမြို့ ၊ (၁၆)ရပ်​ကွက်​ ကမ်းနားလမ်း ခန့်​မှန်း (GQ-750113)အတွင်း ဒီဇင်​ဘာ ၃၀၊ ည (၁၀း၃၀)ကမြစ်​ကမ်းပြိုကျမှု ဖြစ်​ပွားရာ ပျဉ်​ခင်း၊ ထရံကာ၊ သွပ်​မိုးအိမ် (၇)လုံး၊ ပျဉ်​ခင်း၊ ဝါးထရံကာ၊ သွပ်​မိုးအိမ်​ (၄)လုံး၊ စုစု​ပေါင်း ​နေအိမ်​(၁၁)လုံးနှင့်​ ကျွန်းငါးဖမ်း​လှေ (၂)စီး၊ ပိုက်​ (၂)ပုံ၊ စက်​တစ်​လုံးပါရှိသွားခဲ့ပြီး ပျဉ်​ခင်း၊ ဝါးထရံကာ၊ သွပ်​မိုး​နေအိမ်​ (၈)လုံးအား ကြိုတင်​ဝိုင်​ဝန်းဖျက်​သိမ်းခဲ့​ကြပြီး စုစု​ပေါင်းဆုံးရှုံးမှုတန်​ဖိုးမှာ ခန့်​မှန်း​(၉၆)သိန်းခန့့်​ ပျက်​စီးဆုံးရှုံးခဲ့သည်​။

 လူနှင့်​တိရစ္ဆာန်​ ​သေ​ကြေပျက်​စီးမှုမရှိပါ။ ကမ်းပြိုသည့်​​နေရာအား လွတ်​​တော်​ကိုယ်​စားလှယ်​များ၊ မြို့နယ်​အ​ထွေ​ထွေအုပ်​ချုပ်​​ရေးမှူးနှင့်​ ဝန်​ထမ်းများ၊ စည်​ပင်​​ကော်​မတီဝင်​များ၊ စီမံကိန်း​ရေး​ဆွဲေ​ကော်​မတီဝင်​များ၊ မြို့နယ်​ရဲတပ်​ဖွဲ့များ၊ မီးသတ်​တပ်​ဖွဲ့ဝင်​များ၊ ရပ်​ကွက်​အုပ်​ချုပ်​​ရေးမှူးနှင့်​ တာဝန်​ရှိသူများ၊ ရပ်​ကွက်​​နေပြည်​သူများမှ ​​ရေထဲ​နေအိမ်​​မျောပါ အိမ်​​ထောင်​စုများအား ​ဘေးလွတ်​ရာသို့​ရွေ့​ပြောင်း​ပေးခဲ့​ကြောင်း မြို့နယ်​အ​ထွေ​ထွေအုပ်​ချုပ်​​ရေးဦးစီးဌာနမှသိရပြီး ယ​နေ့တွင်​လည်း စိုးရိမ်​ရ ​နေအိမ်​ (၅)လုံးတို့အား ကြိုတင်​ဖျက်​သိမ်း​နေကြ​ကြောင်းသိရသည်​။

အောင်​သူဟိဏ်း(ပြန်​/ဆက်​)
Myanmaalinn
https://www.facebook.com/MYANMAALINNNEWS

ဓနုဖြူမှာ မြစ်ကမ်းပါးပြို

ဧရာဝတီတိုင်းဒေသကြီး၊ ဓနုဖြူမြို့နယ်မှာ ဧရာဝတီမြစ်ကမ်းပါး ပြိုကျနေသည်ကို ၂၀၁၇ ခုနှစ် ဒီဇင်ဘာလ ၃၀ ရက်နေ့က တွေ့ရစဉ်။ Photo: Aung Naing Tun
ဧရာဝတီတိုင်းဒေသကြီး ၊ ဓနုဖြူမြို့နယ် အမှတ် ၁၆ ရပ်ကွက်မှာ မနေ့ညက ဧရာဝတီမြစ်ကမ်းပါး ပြိုကျတာကြောင့် နေအိမ် ၁၁ လုံး မြစ်ထဲမျောပါသွားခဲ့ပြီး အန္တရာယ်ရှိတဲ့ နေအိမ် ၁၃ လုံးကို ဖြိုချခဲ့ရတယ်လို့ ဓနုဖြူမြို့နယ် တိုင်းဒေသကြီးလွှတ်တော်ကိုယ်စားလှယ် ဦးအောင်နိုင်ထွန်း က ဒီနေ့ ပြောပါတယ်။

ဓနုဖြူမြို့နယ် ဧရာဝတီမြစ်ကမ်းပါးတစ်လျှောက်မှာ အရင်က သဲစုပ်၊ ကျောက်စုပ်လုပ်ကိုင်တာ တွေရှိတာကြောင့် အခုလို ကမ်းပါးပြိုကျတာဖြစ်တယ် လို့ ဦးအောင်နိုင်ထွန်း က ပြောပါတယ်။

"အခုဟာက သဲစုပ်၊ ကျောက်စုပ်တာတွေက ရွေ့ဆိုင်းထားတာ နှစ်နှစ်လောက်ရှိပြီ၊ ဒီအစိုးရ သစ်တက်ပြီးနောက်ပိုင်းရွေ့ထားတာ ဒါပေမယ့် ၂၀၁၄၊ ၂၀၁၅ တုန်းက အဲ့ဒီနားမှာ ကျောက်တွေ အတင်အချ စက်ကြီးတွေနဲ့ရပ်တော့ အဲဒီနေရာတွေက ဂလိုင်တွေ ဖြစ်နေတာလေ၊ ဂလိုင်တွေဖြစ်နေ တော့ ပြိုတာပေါ့လေ၊ အခုလို ရေစွယ်ထိုးတာနဲ့ ပြိုတာပေါ့၊ အိမ်တွေ ထပ်ရွှေ့ရတယ်၊ အန္တရာယ်ရှိတယ် ဆိုပြီးတော့၊ လူတွေတော့ အထိအခိုက်မရှိပါဘူး"

မနေ့ည သန်းခေါင်ယံအချိန်မှာ ကမ်းပါးပြိုတာကြောင့် ကမ်းနားလမ်းတစ်လျှောက်က နေအိမ်တွေကို ဘေးလွတ်ရာကို ရွှေ့နေစဉ် နေအိမ် ၁၁ လုံးက မြစ်ထဲမျောပါသွားတာဖြစ်ပါတယ်။ အန္တရာယ်ရှိတဲ့ နေအိမ် ၈ လုံးကို ညတွင်းချင်း ရွှေ့ပြောင်းခဲ့ပြီး ဒီနေ့မနက်မှာ နောက်ထပ် အန္တရာယ်ရှိတဲ့ နေအိမ် ၅ လုံးကို ထပ်မံရွှေ့ပြောင်းခဲ့တာဖြစ်ပါတယ်။

နေအိမ်တွေ မြစ်ထဲမျောပါသွားတဲ့ အိမ်ထောင်စုတွေနဲ့ ရွှေ့ပြောင်းခဲ့ရတဲ့နေအိမ်တွေက အိမ်ထောင်စု စုစုပေါင်း ၂၄ စု ကို လတ်တလောမှာ ယာယီတဲတွေ ဆောက်လုပ်ပြီး နေရာချထားပေးတယ်လို့ သိရပါတယ်။

ရွှေ့ပြောင်းနေကြရသူတွေဟာ ကျပန်းအလုပ်လုပ်ကိုင်သူတွေများတာကြောင့်  လတ်တလော စားဝတ်နေရေးအတွက် လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဦးစီးဌာန၊ အုပ်ချုပ်ရေးအဖွဲ့တွေနဲ့ လွှတ်တော်ကိုယ်စားလှယ်တွေ စီစဉ်ဆောင်ရွက်ပေးနေတယ်လို့ ဆိုပါတယ်။

RFA Burmese
http://www.rfa.org/burmese

ကင်ညာနိုင်ငံအနောက်ပိုင်းတွင် ကားတိုက်မှုကြောင့် လူ ၃၀ ဦး သေဆုံး


    နိုင်ရိုဘီ၊ ဒီဇင်ဘာ ၃၁ ရက် (ဆင်ဟွာ)

    ကင်ညာနိုင်ငံ အနောက်ပိုင်းရှိ အဓိက အဝေးပြေးလမ်းမကြီး တစ်ခုပေါ်တွင် ယနေ့ (ဒီဇင်ဘာလ ၃၁ ရက်) ကားတိုက်မှုဖြစ်ပွားခဲ့ပြီး လူပေါင်း ၃၀ သေဆုံးကာ အများအပြား ဒဏ်ရာရရှိခဲ့ကြောင်း သိရသည်။

ယနေ့ နံနက်အရုဏ်တက်ချိန်က Nakuru-Eldoret အဝေးပြေးလမ်းမပေါ်ရှိ အန္တရာယ်ကွေ့ (Black spot) ဟု လူသိများသော နေရာ၌ ဘတ်စ်ကား တစ်စီးနှင့် နောက်တွဲယာဉ် တစ်စီး တိုက်မိခဲ့ခြင်း ဖြစ်သည်။

နယ်စပ်မြို့ဖြစ်သော Busia မှ နိုင်ရိုဘီသို့ သွားမည့် ခရီးသည်များအား တင်ဆောင်လာသော ဘတ်စ်ကားနှင့် ကင်ညာနိုင်ငံ အနောက်မြောကိပိုင်း Eldoret မြို့သို့ ဦးတည်သွားနေသော နောက်တွဲယာဉ်တို့ တိုက်မိခဲ့ခြင်းဖြစ်ကြောင်း ရဲတပ်ဖွဲ့က ပြောခဲ့သည်။

ယာဉ်တိုက်မှုဖြစ်ပွားသည့် ပျက်စီးနေသည့် ဘတ်စ်ကားပေါ်မှ သေဆုံး ၂၈ ဦးနှင့် နောက်တွဲယာဉ်ပေါ်မှ သေဆုံးသူ ၂ ဦးတို့အား တွေ့ရှိခဲ့ရကြောင်း Rift Valley မှုခင်း စုံစမ်းစစ်ဆေးရေး ညွှန်ကြားမှုဦးစီးဋ္ဌာန ဋ္ဌာနမှူး Gideon Kibunja က ပြောကြားခဲ့သည်။

အဆိုပါ ဘတ်စ်ကားမှာ ခရီးသည် အလွန်အကျွံတင်ဆောင်လာခဲ့သည်ဟု Kibunja က ဆိုသည်။

(Xinhua)
http://www.xinhuamyanmar.com

မူဆယ်-နမ့်ခမ်းသွား ကားလမ်းအား KIA မိုင်းထောင်ဖောက်ခွဲ

မူဆယ်-နမ့်ခမ်းသွား ကားလမ်းအား KIA အကြမ်းဖက်သောင်းကျန်းသူအဖွဲ့က မိုင်းထောင်ဖောက်ခွဲ၊ ၁၀၅ မိုင် ကုန်သွယ်ရေးဇုန်အနီး မိုင်းတစ်လုံးတွေ့ရှိ
နေပြည်တော် ၊ ဒီဇင်ဘာ ၃၁

ရှမ်းပြည်နယ်(မြောက်ပိုင်း)၊ မူဆယ်မြို့နယ်၊ ဆယ်လန့်ကျေးရွာ၏ အနောက်တောင်ဘက် မီတာ ၅၀၀၀ ခန့်အကွာရှိ အများပြည်သူများ သွားလာအသုံးပြုလျက်ရှိသော မူဆယ်-နမ့်ခမ်း ကားလမ်းအား ဒီဇင်ဘာ ၃၀ ရက်ည ၁၂ နာရီ ၄၅ မိနစ်တွင် KIA အကြမ်းဖက်သောင်းကျန်းသူများက မိုင်းထောင်ဖောက်ခွဲ ဖျက်ဆီးမှုဖြစ်ပွားခဲ့သည်။

ဖြစ်စဉ်နေရာသို့ တပ်မတော်စစ်ကြောင်းများက သွားရောက်ရှင်းလင်းရာ ယနေ့ နံနက် ၁ နာရီ ၁၅ မိနစ်ခန့်တွင် ဆယ်လန့်ကျေးရွာ၏ အနောက်တောင်ဘက် မီတာ ၆၀၀၀ ခန့်အကွာရှိ လမ်းမပေါ်၌ KIA အကြမ်းဖက်သောင်းကျန်းသူ ၂ ဦးအားတွေ့ရှိသဖြင့် ပစ်ခတ်ဖမ်းဆီးရာ တစ်ဦးသေဆုံးခဲ့ပြီး တစ်ဦးအား မိုင်းထောင်ဖောက်ခွဲရာတွင် အသုံးပြုသည့် ရီမု ၁ ခုနှင့်အတူ ဖမ်းဆီးရမိခဲ့သည်။

ဖမ်းဆီးရမိသူ လီကြာသက်(ဘ) ဦးလီကျန်ရွမ်၊ မူဆယ်မြို့နယ်၊ ဈေးရပ်ကွက်၊ နမ့်ဆန်ဂိုဒေါင်ကျေးရွာနေသူမှာ KIA အကြမ်းဖက်သောင်းကျန်းသူအဖွဲ့မှ တပ်သား အဆင့်ရှိသူဖြစ်ပြီး ၎င်းအား စစ်ဆေးမေးမြန်းချက်အရ သေဆုံးသူ မာတူး(ဘ) ဦးကွမ်တောင် သည်လည်း အဆိုပါကျေးရွာတွင် နေထိုင်ပြီး KIA အကြမ်းဖက် သောင်းကျန်းသူအဖွဲ့မှ တပ်စုမှူး အဆင့်ရှိသူဖြစ်ကြောင်း သိရှိရသည်။

အဆိုပါ ဖြစ်စဉ်နေရာအား အသေးစိတ် ဆက်လက်ရှင်းလင်းခဲ့ရာ ယနေ့မွန်းလွဲ ၁ နာရီခန့်တွင် ဆယ်လန့် ကျေးရွာ၏ အနောက်တောင်ဘက် မီတာ ၃၀၀၀ ခန့်အကွာရှိ ကားလမ်းဘေးချုံအတွင်း၌ ပလပ်စတစ်အိတ်အမဲဖြင့် ထုပ်ထားသည့် မိုင်း ၁ လုံးအား တွေ့ရှိသဖြင့် အဝေးမှ ရှင်းလင်းစဉ် ပေါက်ကွဲသွားခဲ့သည်။


ထို့ပြင် မူဆယ်မြို့နယ်၊ မိုင်းယုကျေးရွာအနီး ၁၀၅ မိုင်ကုန်သွယ်ရေးဇုန် အ၀င်တိုးဂိတ်အနီး ကားလမ်းဘေး၌ မိုင်းတစ်လုံးတွေ့ရှိကြောင်း သတင်းအရ ယနေ့နံနက် ၁၀ နာရီခန့်တွင် တပ်မတော်သားများနှင့် မြန်မာနိုင်ငံရဲ တပ်ဖွဲ့ဝင်များ ပါဝင်သော ပူးပေါင်းအဖွဲ့က သွားရောက်စစ်ဆေးရာ အဆိုပါ တိုးဂိတ်အနီး ကတ်တားအဟောင်း နေရာ၏ အရှေ့ဘက် ၃၀ ပေခန့်အကွာရှိ ချုံအတွင်း၌ KIA အကြမ်းဖက်သောင်းကျန်းသူ များ ထောင်ထားသည့် အလျား ၈ လက်မ၊ အနံ ၄ လက်မခန့်ရှိ ရီမုမိုင်း ၁ လုံးကို တွေ့ရှိသဖြင့် အများပြည်သူများ အန္တရာယ်မဖြစ်စေရေး သက်မဲ့ပြုလုပ် သိမ်းဆည်းခဲ့သည်။

ဖမ်းဆီးရမိသော KIA အကြမ်းဖက်သောင်းကျန်းသူအား နမ့်ခမ်းမြို့မရဲစခန်းသို့ လွှဲပြောင်းအပ်နှံသွားမည် ဖြစ်ကြောင်းနှင့် ဖြစ်စဉ်နေရာဝန်းကျင်တစ်ဝိုက်အား တပ်မတော်စစ်ကြောင်း နှင့် လုံခြုံရေးပူးပေါင်းအဖွဲ့က အသေးစိတ်ရှင်းလင်းခြင်းများ ဆက်လက်ဆောင်ရွက်လျက်ရှိကြောင်း သတင်းရရှိသည်။

မြ၀တီ
https://www.facebook.com/mwdmedia/

မူဆယ်​(၁၀၅)မိုင်​ကုန်​သွယ်​​ရေးဇုန်​ ယာဉ်​ငယ်​စစ်​​ဆေး​ရေးဂိတ်​အနီး၌ အ​ဝေးထိန်းမိုင်း(၁)လုံး​တွေ့ရှိ


မူဆယ် ​ဒီဇင်​ဘာ ၃၁​

ရှမ်းပြည်​နယ်​(​မြောက်​ပိုင်း) မူဆယ်​ခရိုင်​ မူဆယ်​မြို့နယ်​ မိုင်းယု(၁၀၅)မိုင်​ကုန်​​သွယ်​​ရေးဇုန်​ ယာဉ်​ငယ်​စစ်​​ဆေးဂိတ်​အနီး၌ ဒီဇင်​ဘာ ၃၁ ရက်​ နံနက်​(၉)နာရီအချိန်​ခန့်​ အ​ဝေးထိန်းမိုင်း(၁)လုံး​တွေ့ရှိခဲ့သည်။

ဖြစ်​စဉ်​မှာ မူဆယ်​ခရိုင်​ မူဆယ်​မြို့နယ် ​မိုင်းယု(၁၀၅)မိုင်​ကုန်​သွယ်​​ရေးဇုန် ​​ယာဉ်င​​ယ်​စစ်​​ဆေး​ရေးဂိတ်​အနီး ပြည်​​ထောင်​စုလမ်းမကြီး​ဘေး ခြုံဖုတ်​အတွင်း၌ အမည်​မသိလက်​နက်​ကိုင်​အဖွဲ့၏​ထောင်​ထား​သော အ​ဝေးထိန်း မိုင်းတစ်​လုံးကို ဒီဇင်​ဘာ (၃၁)ရက်​ နံနက်​​က ကုန်​တင်​ကုန်​ချအလုပ်​သမားတစ်​ဦးမှ ​တွေ့ရှိခဲ့သဖြင့် နယ်မြေခံတပ်မှ ဒုတပ်​ရင်းမှူးသိန်းလိူင်​ဦးထံ ဖုန်းဖြင့် ဆက်​သွယ်​အကြာင်းကြားသဖြင့် နယ်မြေခံတပ်မှ တပ်ဖွဲ့ဝင်များ၊ နန်းခမ်းမြို့မပြည်​သူ့စစ်​တပ်​ဖွဲ့ဝင်​များ၊(၁၀၅)မိုင်​ရဲကင်းအဖွဲ့များ၊သတင်းရဲတပ်​ဖွဲ့များ၊ မူဆယ်​သတင်းရဲတပ်​ဖွဲ့များ၊ ကုန်​သွယ်​​ရေးဇုန်​မှတာဝန်​ရှိသူများ၊ လုံထန်​ပြည်​သူ့စစ်​များ၊ မီးသတ်​အဖွဲ့များ၊ ရပ်​မိရပ်​ဖများအခင်းဖြစ်​ပွားရာ​နေရာသို့ အချိန်​မီရာက်​ရှိလာခဲ့သည်​။

ထို့​နောက်​ ဆားကစ်​ပြားဖြူး(၂)​ချောင်းပါ​ ရှေ့ထွက်​ ရမုအ​ဝေးထိန်း မိုင်းကို အဖွဲ့စုံဖြင့် ကြည့်​ရူ့စစ်​​ဆေးခဲ့ပြီး အဆိုပါမိုင်းအား အောင်​မြင်​စွာ ဖယ်​ရှားရှင်းလင်း​ပေးခဲ့​ကြောင်း သိရသည်​။

သတင်းနှင့်​ဓာတ်​ပုံ သန့်​ဇင်​-မူဆယ်​
Myanmaalinn
https://www.facebook.com/MYANMAALINNNEWS

မယ်ဟုတ်ချောင်းအနီး ပျောက်ဆုံးခဲ့သည့် ရဲတပ်ကြပ် တစ်ဦး ရေနစ်သေဆုံးလျက်တွေ့ရှိ


တာချီလိတ် - ဒီဇင်ဘာ ၃၁

ရှမ်းပြည်နယ်(အရှေ့ပိုင်း)တာချီလိတ်မြို့နယ်၊ ဖန်မင်အုပ်စု၊ ပြည်သူ့စစ်စခန်းရှေ့ မယ်ဟုတ်ချောင်းအနီး ခြောက်ရက်ကြာ ပျောက်ဆုံးခဲ့သည့် မယ်ယန်းပူးပေါင်းစစ်ဆေးရေးစခန်း တာဝန်ကျ ရဲဝန်ထမ်း တစ်ဦး ဖန်မင်ရွာ သဲစုတ်စက်အနီးဒီဇင်ဘာ ၃၁ ရက် နံနက်ပိုင်းက ရေနစ်သေဆုံးလျက်တွေ့ရှိရသည်။

ဒီဇင်ဘာ ၃၁ ရက် နံနက် ၈ နာရီခွဲ အချိန်ခန့်တွင် တာချီလိတ်မြို့၊ ဖန်မင်အုပ်စု၊ ဖန်မင်ရွာ ဦးစိုင်းညွန့်၏ သဲစုတ်စက်အနီး မယ်ဟုတ်ချောင်းအတွင်း လူသေ အမျိုးသားအလောင်း တစ်လောင်းတွေ့ရှိကြောင်း ဖုန်းဆက်အကြောင်းကြားသဖြင့် တာချီလိတ်မြို့နယ်ရဲတပ်ဖွဲ့မှူး ရဲမှူး သန်းနု၊ မြို့မစခန်းမှူး ဒုရဲမှူး ကြည်စိုးနှင့် ရဲတပ်ဖွဲ့ဝင် များသည် သက်သေများနှင့်အတူ သွားရောက် စစ်ဆေးရာ ဦးစိုင်းညွန့်၏ သဲရေစုပ်စက်ပိုက်လိုင်းပေပါတွင် မှောက်လျက်အနေထားဖြင့် ကပ်ညှိနေသော လူသေ အမျိုးသား အလောင်းအား ပုပ်ပွလျက် ပြင်ပဒဏ်ရာမတွေ့ရှိဘဲ ရေနစ်သေဆုံးနေသည်ကို တွေ့ရှိသဖြင့် စစ်ဆေးရာ တာချီလိတ်မြို့မရဲစခန်း လူပျောက်အမှတ်စဉ် (၅/၂ဝ၁၇)ရေးဖွင့် စုံစမ်းစစ်ဆေးနေသည့် ရဲတပ်ကြပ် သန်းထွန်းဦး (၄၂ နှစ်)၊ ကျိုင်းတုံမြို့မရဲစခန်း၏ အလောင်းဖြစ်ကြောင်း သိရှိရ၍ အလောင်းအား တာချီလိတ်ပြည်သူ့ ဆေးရုံကြီးသို့ ဆေးစာ ရေးသားပို့အပ်ခဲ့သည်။

ဖြစ်စဉ်မှာ ဒီဇင်ဘာ ၂၆ ရက်နေ့လည်ပိုင်းတွင်မယ်ယန်းပူးပေါင်းစစ်ဆေးရေးစခန်းတာဝန်ကျ ရဲတပ်ကြပ် သန်းထွန်းဦးသည်အတူတာဝန်ကျနေသည့် ရဲအုပ် စန်းယုအောင်၏ သမီးဖြစ်သူ မရတနာယုအောင် (၉ နှစ်)အား မုန့်စားရန်အတွက် ဆိုင်ကယ်ဖြင့် ခေါ်ဆောင်သွားရာမှ ပြည်သူ့စစ်စခန်းရှေ့ မယ်ဟုတ်ချောင်းအနီး ဆိုင်ကယ်အား တွေ့ရှိရပြီး လူ နှစ်ဦးပျောက်ဆုံးနေသဖြင့် လိုက်လံရှာဖွေစဉ် ဒီဇင်ဘာ ၃၁ ရက်နေ့ နံနက်ပိုင်းတွင် ရေချောင်းအတွင်း ပုပ်ပွလျက် ရဲတပ်ကြပ် သန်းထွန်းဦးဖြစ်ကြောင်း အတည်ပြု သိရပြီး ပျောက်ဆုံးနေသည့် မရတနာယုအောင်ကို ဆက်လက်စုံ စမ်းရှာဖွေလျှက်ရှိသည်။

ဖြစ်စဉ်တွင် ရဲတပ်ကြပ် သန်းထွန်းဦး သေဆုံးခြင်းနှင့် ပတ်သက်၍ ဓမ္မတာအတိုင်း သေဆုံးခြင်း ဟုတ်/မဟုတ် စစ်ဆေးနိုင်ရန် တာချီလိတ်မြို့မရဲစခန်း အမှုရေးဖွင့် ဆောင်ရွက် ထားကြောင်းသိရသည်။

မြင့်မိုရ်(တာချီလိတ်)
Myanmaalinn
https://www.facebook.com/MYANMAALINNNEWS

စစ်ဘေးဒုက္ခသည်တွေ အကြပ်အတည်းတွေနဲ့ ရင်ဆိုင်နေရကြောင်း UNFC ပြော

ရှမ်းပြည်နယ်ကနေထွက်ပြေးလာတဲ့ ဒုက္ခသည်အချို့ကို တွေ့ရစဉ်။ Photo: Kan Thar/ RFA
လက်ရှိအစိုးရလက်ထက်မှာ တိုင်းရင်းသားဒေသဖွံ့ဖြိုးရေးအတွက် စီမံကိန်းတွေ အကောင်အထည် ဖော်နိုင်မှု မရှိသေးတဲ့အပြင် လက်ရှိမှာ စစ်ဘေး ဒုက္ခသည်တွေဟာ ပိုမိုဆိုးဝါးတဲ့ အကြပ်အတည်းတွေ ကိုသာ ရင်ဆိုင်နေရတယ်လို့ UNFC ရဲ့ဗဟိုအလုပ်မှုဆောင်ကော်မတီဝင် ဦးထွန်းဇော် က ဒီနေ့ ပြောပါတယ်။

ဒုက္ခသည်တွေကို ထောက်ပံ့နေတဲ့ နိုင်ငံတကာအကူအညီတွေ ရပ်ဆိုင်းလိုက်ပြီဖြစ်တာကြောင့် ပိုပြီး ဒုက္ခရောက်နေကြတယ်လို့ UNFC ရဲ့ဗဟိုအလုပ် မှုဆောင်ကော်မတီဝင် ဦးထွန်းဇော် က  ပြောတာဖြစ်ပါတယ်။

"မရှိဘူးခင်ဗျ၊ ဖွံ့ဖြိုးမှုထက် ကျနော်တို့ ဆုတ်ယုတ်မှုက ပိုရှိတယ်လို့ ပြောရမှာ ဖြစ်ပါတယ်၊ ဒုက္ခသည် စခန်းမှာ နေလာခဲ့ကြတဲ့ ရွာပုန်းရွာရှောင်တွေ၊ ဒုက္ခသည်တွေ၊ အထူးသဖြင့် ထိုင်းမြန်မာနယ်စပ်မှာ ဆိုရင် နိုင်ငံတကာ အကူအညီတွေ ရပ်ဆိုင်းလိုက်ပြီ ဖြစ်တဲ့အတွက် အခုဒုက္ခတွေရောက်နေ တယ်၊ ပြီးရင် ကရင်ပြည်ထဲမှာလည်း အဲ့အတိုင်းပါပဲ၊ ပိုပြီးတော့မှ ဒုက္ခတွေရောက်နေကြတာတွေရှိတယ်၊ သူတို့အိမ်မပြန်နိုင်ကြသေးဘူး၊ ဒါပေမယ့် နိုင်ငံတကာ ကူညီမှုတွေရပ်တံ့ကုန်ပြီ"

ဆောင်းရာသီမှာ ရှမ်းပြည်နယ်နဲ့ ကချင်ပြည်နယ်အတွင်းက ဒုက္ခသည်စခန်းတွေမှာ ဒေသခံတွေ နေထိုင်ရေး အတွက် အခက်အခဲတွေရှိနေကြောင်းနဲ့ အစိုးရနဲ့ တိုင်းရင်းသားလက်နက်ကိုင် တပ်ဖွဲ့တွေကြား ဖွံ့ဖြိုးရေး စီမံကိန်းတွေအတွက် မူဝါဒတွေသာချမှတ်နိုင်ပြီး လက်တွေ့ အကောင်ထည် ဖော်ဆောင်ရွက်နိုင်မှု မရှိဘူးလို့ ဆိုပါတယ်။

ဒါ့အပြင် နိုင်ငံတကာက လူသားချင်းစာနာမှုအနေနဲ့ အပစ်ရပ်လက်မှတ်မရေးထိုးရသေးတဲ့ တိုင်းရင်းသားဒေသတွေမှာ စိုက်ပျိုးရေးစီမံကိန်းတွေ ဆောင်ရွက်ပေးဖို့ စီစဉ်မှုအပေါ် NCA လက်မှတ်ရေးထိုးပြီးမှ ဆက်လက်ဆောင်ရွက်ဖို့ တပ်မတော်က တားမြစ်မှုကြောင့် ဆက်လက် လုပ်ဆောင်နိုင်မှုမရှိတာတွေလည်း ရှိခဲ့တယ် လို့ ဦးထွန်းဇော် က ပြောပါတယ်။

NCA လက်မှတ်ရေးထိုးနိုင်ရေးအတွက် အပြီးသတ်ဆွေးနွေးနိုင်ဖို့ UNFC ထိပ်ပိုင်းခေါင်းဆောင်တွေနဲ့ နိုင်ငံတော် အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တို့ထိပ်တိုက်တွေ့ဆုံဖို့ UNFC ဘက်က ကမ်းလှမ်းချက်ကို အစိုးရနဲ့ တပ်မတော်က အကြောင်းပြန်တာမရှိသေးကြောင်း ပြောပါတယ်။

RFA Burmese
http://www.rfa.org/burmese

NCA မှာ လက်မှတ်ထိုးမယ့် အဖွဲ့တွေ ရှိကြောင်း ဦးဝင်းထိန် ပြော

အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင်ကော်မတီဝင် ဦးဝင်းထိန်ကို ၂၀၁၇ ခုနှစ် ဒီဇင်ဘာလ ၃၁ ရက်နေ့က ကျင်းပတဲ့ NLD ပါတီရဲ့ပထမဗဟိုကော်မတီ၊ အဋ္ဌမအကြိမ်အစည်းအဝေးတွင် တွေ့ရစဉ်။ Photo: Aung Thain Kha/ RFA
တတိယအကြိမ်မြောက် ၂၁ ရာစုပင်လုံညီလာခံမှာ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် NCA မှာလက်မှတ်ထိုးမယ့် အဖွဲ့တွေ ရှိလာမယ်လို့ အမျိုးသားဒီမိုကရေစီ အဖွဲ့ချုပ် ဗဟိုအလုပ်အမှုဆောင်ကော်မတီဝင် ဦးဝင်းထိန်က ဒီနေ့ ပြောပါတယ်။

ရန်ကုန်မြို့ အမျိုးသားဒီမိုကရေစီ အဖွဲ့ချုပ် ပါတီဗဟိုဌာနချုပ်မှာ ၂ ရက်ကြာ ကျင်းပခဲ့တဲ့ အမျိုးသားဒီမိုကရေစီ အဖွဲ့ချုပ်ပါတီရဲ့ ပထမဗဟိုကော်မတီ၊ အဋ္ဌမအကြိမ်အစည်းအဝေးပွဲအပြီး ကျင်းပတဲ့ သတင်းစာရှင်းလင်းပွဲမှာ ဦးဝင်းထိန်က သတင်းမီဒီယာသမားတွေရဲ့ မေးမြန်းမှုကို ဖြေကြားခဲ့တာဖြစ်ပါတယ်။

"အန်ကယ်လ်တို့က ဖြတ်သန်းလာတဲ့အခါမှာ ၁၉၇၀ ၈၀ လောက်မှာ ဖက်ဒရယ်ဆိုတဲ့ စကားပြောကြည့် ထောင်ကျတယ် ဖက်ဒရယ်ဆိုတဲ့ ပြောတဲ့စကားပြောတဲ့ လူက ပြည်ထောင်စုပြိုကွဲဖို့ လုပ်တယ်ဆိုတဲ့ သဘော တရားတွေ့တဲ့အတွက်ကြောင့်မို့ လုံးဝလက်မခံခဲ့ဘူး အော်အခု အားလုံးက သဘောတူညီခဲ့တယ် ဒါဟာဆိုရင် အင်မတန် ထူးခြားတဲ့တိုးတက်မှု ဖြစ်တယ် အဲဒီ ၃၇ ချက်ဟာ နောင်လာမယ့် (National A Court)  အမျိုးသားငြိမ်းချမ်းရေး စာချုပ်မှာ အကြုံးဝင် သွားပြီ ဖြစ်တဲ့အတွက် အဲအတွက်မို့လို့ အရင်တုန်းက တစ်ခါမှ မရခဲ့ဖူးတဲ့ ကတိတွေရခဲ့တယ် သဘောတူညီချက်တွေ ရခဲ့တယ် အခုနောက်လာမယ့် တတိယ တစ်ကြိမ်မှာလည်း လက်မှတ်ထိုးမယ့် အဖွဲ့တွေ ရှိလာပြီဆိုတာတော့ ကြိုတင်ပြီး ပြောထားချင်တယ်"

ငြိမ်းချမ်းရေး လုပ်ငန်းစဉ်ဟာ အချိန်ကြာဦးမှာ ဖြစ်တယ်လို့လည်း ဆိုပါတယ်။ ဒါ့အပြင် အနာဂတ်မှာ ဒီမိုကရေစီကို အခြေခံတဲ့ ဖက်ဒရယ်ပြည်ထောင်စု တည်ဆောက်မယ်ဆိုတဲ့အချက်ကို ငြိမ်းချမ်းရေး လုပ်ငန်းစဉ်မှာ ပါဝင်တဲ့အဖွဲ့အစည်းတွေ အားလုံးနီးပါးလက်ခံထားပြီး အဓိကအနေနဲ့ တပ်မတော်က လက်ခံထားတယ်လို့ ဦးဝင်းထိန် ကပြောပါတယ်။

မွန်ပြည်သစ်ပါတီက NCA မှာ လက်မှတ်ရေးထိုးမယ်လို့ ပြီးခဲ့တဲ့ရက်ပိုင်းက ဆုံးဖြတ်ထားပြီး ဘယ်နေ့ဘယ်ရက်မှာ လက်မှတ်ထိုးမယ်ဆိုတာ လက်ရှိအချိန်မှာ မပြောနိုင်သေးဘူးလို့ ပြောထားပါတယ်။

အမျိုးသားဒီမိုကရေစီ အဖွဲ့ချုပ်ပါတီရဲ့ ပထမဗဟိုကော်မတီ၊ အဋ္ဌမအကြိမ်အစည်းအဝေးပွဲအပြီးမှာ အလုပ်အမှု ဆောင် အဖွဲ့တွေကို အစားထိုးဖြည့်ဆည်းဖို့၊ ပါတီစည်းရုံးရေး လုပ်ငန်းတွေကို တိုးမြှင့် ဆောင်ရွက်ဖို့၊ ပါတီ၊ အစိုးရ၊ လွှတ်တော် ဟန်ချက်ညီညီ ဆောင်ရွက်ဖို့၊ ပါတီစည်းကမ်းထိန်းသိမ်းရေးအဖွဲ့ အဆင့်ဆင့်ကို ပြန်လည် ဖွဲ့စည်းဖို့၊ စစ်ဘေးဒုက္ခသည်တွေကို တတ်နိုင်သမျှ ပံ့ပိုးကူညီဖို့ စတဲ့ အချက် ၆ ချက်ပါတဲ့ ဆုံးဖြတ်ချက်ကို ချမှတ်ခဲ့ပြီး ရှေ့လုပ်ငန်း စဉ်တွေလည်း ရေးဆွဲခဲ့ပါတယ်။ ရှေ့လုပ်ငန်းစဉ်တွေထဲမှာ ကြားဖြတ်ရွေးကောက်ပွဲ အောင်နိုင်ရေးးကို ဦးတည်ဖို့ ဒုတိယအကြိမ် ပါတီညီလာခံကျင်းပဖို့တို့ ပါဝင်ပါတယ်။

အမျိုးသားဒီမိုကရေစီအဖွဲ့ချုပ် ပထမဗဟိုကော်မတီ အဋ္ဌမအကြိမ် ပုံမှန်အစည်းအဝေးကို အစည်းအဝေးကို နိုင်ငံတော် သမ္မတ ဦးထင်ကျော်ရဲ့ဇနီး ဒေါ်စုစုလွင်၊ ပါတီဗဟိုကော်တီဝင် ၁၀၀ ကျော်၊ အရံဗဟိုကော်မတီဝင်တွေ၊  ပြည်နယ်တိုင်း အလုပ်အမှုဆောင် ဥက္ကဋ္ဌတွေ၊ လွှတ်တော်ဥက္ကဋ္ဌ တွေနဲ့ ဝန်ကြီးချုပ်တွေ စုစုပေါင်း ၁၂၈ ဦးတက်ရောက်ခဲ့ကြပါတယ်။

RFA Burmese
http://www.rfa.org/burmese

ဂန့်ဂေါမြို့ တော်ဝင်ဘီယာဆိုင်တွင် မီးလောင်မှုဖြစ်ပွား


ဂန့်ဂေါ - ဒီဇင်ဘာ ၃၁

ဂန့်ဂေါမြို့ မြောက်ကုန်းရပ်ကွက် တော်ဝင်ဘီယာဆိုင် ၏ စားဖိုဆောင်တွင် ဒီဇင်ဘာ ၃၀ ရက် ညနေ ၆ နာရီ ၄၅ မိနစ် က ဂတ်စ်အိုးလှယ်ရာမှ မီးလောင်မှုဖြစ်ပွားခဲ့သည်။

အဆိုပါ တော်ဝင် ဘီယာဆိုင်မှာ ဦးနေမျိုးအောင်(ခ) သားကြီး ပိုင်ဆိုင်သည့် ဆိုင်ဖြစ်ပြီး စားဖိုဆောင်ရှိ ပုလဲမြို့နယ် သာယာကုန်းကျေးရွာမှ အကြော်ဆရာ ဦးနေဇော် (၂၀) နှစ် က ဂတ်စ်ကုန်သွားသဖြင့် ဂတ်ဆ် အိုး လဲလှယ်ရာတွင် ဂတ်ဆ်များစိမ့်ထွက်၍ မီးဖိုခန်းအတွင်းရောက်ရှိကာ မီးစတင်လောင်ကျွမ်းခြင်းဖြစ်ကြောင်း သိရသည်။

မီးလောင်သဖြင့် အကြော်ဆရာ နေဇော်တွင် မီးငြိမ်းသတ်ရာမှ အပေါ်နှုတ်ခမ်း ပေါက်ပြဲဒဏ်ရာရရှိ သွား ပြီး သာယာကုန်းကျေးရွာမှ ဆိုင်လုပ်သား ဖိုးသား(ခ) ဇင်မင်းနိုင် (၁၅) နှစ် မှာ ဝဲ၊ယာ လက်ဖျံနှင့် မေးစေ့၊ ဝဲခြေသလုံးတို့တွင် မီးလောင်ဒဏ်ရာရှိကာ ဂန့်ဂေါမြို့ မြို့မရပ်ကွက်မှ ဆိုင်လုပ်သား ဒေါ်စန်းစန်းအောင် (၂၃) နှစ် တွင် ဝဲ၊ယာ လက်ဖျံ၊ လက်ခုံ၊ လက်ချောင်း၊ ဝဲယာခြေသလုံး၊ ခြေချောင်း၊ခြေချောင်း တို့တွင် မီးလောင် ဒဏ်ရာများ ရရှိကြကြောင်း နှင့် မီးလောင်သွား သည့်အတွက် ကာလတန်ဖိုး ၁၁ သိန်းကျပ်ခန့် ပျက်စီး ဆုံးရှုံးသွားကာ မီးပေါ့ဆစွာ အသုံးပြုသူ အကြော်ဆရာ နေဇော်အား ဂန့်ဂေါမြို့မ ရဲစခန်းမှ အမှုဖွင့် အရေးယူ ဆောင်ရွက်ထားသည်။
မီးလောင်ရာသို့ မြို့နယ်အုပ်ချုပ်ရေးမှူး၊ မြို့နယ်ရဲတပ်ဖွဲ့မှူးနှင့် တပ်ဖွဲ့ဝင်များ၊ မြို့နယ်မီးသတ်ဦးစီးမှူး နှင့် တပ်ဖွဲ့ဝင်များ၊ ရပ်ကွက်အရန်မီးသတ်တပ်ဖွဲ့ဝင်များ၊ ပြည်သူများ ရောက်ရှိ၍ မီးသတ်ကား ၇ စီး၊ ရေသယ်ယာဉ် ၄ စီးတို့ဖြင့် ဝိုင်းဝန်းငြှိမ်းသတ်ကြကြောင်းနှင့် အခြား အဆောက်အဦးများသို့ မီးကူးစက်ခြင်းမရှိ ကြောင်း သိရသည်။

Myanmaalinn
https://www.facebook.com/MYANMAALINNNEWS

ရေခဲသေတ္တာဆေးကတ်စ် အပူလွန်ခဲ့ရာမှ မီးလောင်မှုဖြစ်ပွား


မော်လမြိုင်မြို့ - ဒီဇင်ဘာ ၃၁

ချောင်းဆုံမြို့နယ် ကညောကျေးရွာ အပေါ်ခြံစုတွင် ဒီဇင်ဘာလ(၃၁)ရက်နေ့ နံနက်(၄)နာရီခွဲအချိန်ခန့်က အိမ်ရှင်ဦးထွန်းရွှေ၏နေအိမ်တွင် ရေခဲသေတ္တာဆေးကတ်စ် အပူလွန်ကဲပြီး မီးစတင်လောင်ကျွမ်းခဲ့ကြောင်း သိရသည်။

မီးလောင်မှုဖြစ်ပွားသည့်နေရာသို့ ချောင်းဆုံမြို့နယ်မီးသတ်ဦးစီးဌာနဒုဦးစီးမှူးဦးလွင်မင်းပိုင်နှင့်မီးသတ်တပ်ဖွဲ့ဝင်များမော်လမြိုင်မြို့မှမီးသတ်ယာဉ်များ၊ချောင်းဆုံမြို့နယ်ရဲတပ်ဖွဲ့မှူးရဲမှူးဖုန်းနိုင်နှင့်ရဲတပ်ဖွဲ့ဝင်များ၊ကျေးရွာနေပြည်သူများမှမီးသတ်ယာဉ်(၇)စီးတို့ဖြင့်ဝိုင်းဝန်းငြိမ်းသတ်ခဲ့ရာမီးငြိမ်းသွားခဲ့ကြောင်းသိရသည်။

မီးလောင်မှုကြောင့်ဦးထွန်းရွှေ၏နေအိမ်သွပ်မိုးပြင်ခင်းပြင်ကာဦးမောင်ဇော်၏နေအိမ်သွပ်မိုးပြင်ခင်းပြင်ကာနေအိမ်နှင့်ဦးဒွတ်၏နေအိမ်ဓနိမိုး၊ဓနိကာ၊ပြင်ခင်းနေအိမ်(၃)လုံးမီးလောင်ပျက်စီးဆုံးရှုံးသွားခဲ့ပြီးမီးလောင်မှုကြောင့်လူနှင့်တိရစ္ဆာန်များထိခိုက်မှုမရှိကြောင်းနှင့်မီးစတင်လောင်ကျွမ်းမှုဖြစ်ပွားသောအိမ်ရှင်ဦးထွန်းရွှေကိုသက်ဆိုင်ရာနယ်မြေရဲစခန်းမှအမှုဖွင့်အရေးယူဆောင်ရွက်ထားကြောင်းသိရသည်။

တင်ထွဋ် (မော်လမြိုင်)
Myanmaalinn
https://www.facebook.com/MYANMAALINNNEWS

၈ လေးလုံး အရေးအခင်းကို ကမ္ဘာ့သမိုင်း ဖြစ်ရပ်အဖြစ်မှတ်တမ်းတင်ဖို့ ကြိုးပမ်း

ရှစ်လေးလုံးပြတိုက်ရောက်လာခဲ့တဲ့ သာသနာရေး ယဉ်ကျေးမှုဝန်ကြီး သူရဦးအောင်ကိုကို သတင်းမီဒီယာသမားတွေက မေးမြန်းနေစဉ်
လွန်ခဲ့တဲ့ ၂၉ နှစ်က တနိုင်ငံလုံး ပါဝင်ခဲ့ကြတဲ့ ရှစ်လေးလုံးအရေးအခင်းကာလကို ကုလသမဂ္ဂ ပညာရေး သိပ္ပံနှင့် ယဉ်ကျေးမှုအဖွဲ့ (UNESCO)ရဲ့ Memory of the World Register ကမ္ဘာ့သမိုင်းဝင်ဖြစ်ရပ် အဖြစ် ထားရှိနိုင်ဖို့ ရှစ်လေးလုံးခေါင်းဆောင်တွေရဲ့ တောင်းဆိုချက်ကို သာသနာရေးနဲ့ ယဉ်ကျေးမှုဝန်ကြီးဌာနကနေ လက်ခံလိုက်ပြီး အခုတော့ ယူနက်စကိုမှာ လျှောက်ထားဖို့ စတင်လုပ်ဆောင်နေကြပြီ ဖြစ်ပါတယ်။

ရှစ်လေးလုံးလှုပ်ရှားမှုကို ကုလသမဂ္ဂ ပညာရေး သိပ္ပံနှင့် ယဉ်ကျေးမှုအဖွဲ့ (UNESCO)မှာ ကမ္ဘာ့သမိုင်းဝင်ဖြစ်ရပ်အဖြစ် မှတ်တမ်းတင်နိုင်ဖို့ သာသနာရေးနဲ့ ယဉ်ကျေးမှုဝန်ကြီးဌာနကနေ ဦးဆောင် လျှောက်ထားပေးမှာ ဖြစ်ပါတယ်။ အရေးအခင်းကာလတုန်းက ကျန်ရစ်ခဲ့တဲ့ အလံတွေ ဓာတ်ပုံတွေ ပစ္စည်းတွေကို ရှစ်လေးလုံးသမိုင်းပြတိုက် ဖြစ်မြောက်ရေး ကော်မတီ စုဆောင်းနေပြီး ဒီအချက်လက်တွေ နဲ့ အတူ သာသနာရေး နဲ့ ယဉ်ကျေးမှုဝန်ကြီးဌာနကနေ ယူနက်စကို ကို ၂၀၁၈ ခုနှစ် မတ်လမကုန်ခင် တင်ပြရမှာ ဖြစ်တယ်ဆိုပြီးတော့ ရှစ်လေးလုံးသမိုင်းပြတိုက် ဖြစ်မြောက်ရေးကော်မတီ ပြောခွင့်ရသူ ကိုရဲနိုင်အောင် က ပြောပါတယ်။

ပြတိုက်နဲ့ပတ်သက်တဲ့ ဝန်ကြီးဌာနကနေ ယူနက်စကိုကို လျှောက်ရမယ်ဆိုတော့ သာသနာရေးနဲ့ ယဉ်ကျေးမှု ဝန်ကြီးဌာနကနေ လျှောက်ရမှာဖြစ်ပြီး ၂၀၁၈ ခုနစ်မတ်လမတိုင် တင်ပြမဲ့ အထောက်အထား ပစ္စည်းမှတ်တမ်းတွေကို ဝန်ကြီးဌာနနဲ့ ညှိနှိုင်းပြီး တင်ပြရမှာဖြစ်တယ်လို့ ကိုရဲနိုင်အောင်က ပြောပါတယ်။

လောလောဆယ်မှာတော့ ရှစ်လေးလုံးကာလက အဖြစ်အပျက် အထောက်ထားတွေကို ပြန်ကြည့်ရှုနိုင်ဖို့ အတွက် ရှစ်လေးလုံးသမိုင်းပြတိုက် (ယာယီ) ဆိုပြီး ဖွင့်လှစ်ထားပေမယ့် အဲ့ဒီမှာတော့ အရေးအခင်းကာလက ကျန်ရှိခဲ့တဲ့ ပစ္စည်းတွေထက် ဓာတ်ပုံအထောက်အထားတွေနဲ့ စာရွက်စာတမ်းတွေ အများစုကိုပဲ ပြသထားနိုင်တာ ဖြစ်ပါတယ်။ ဒီအတွက် ပြတိုက်ကော်မတီကနေ အရေးအခင်းကာလ ကျန်ရှိခဲ့တဲ့ ပစ္စည်းတွေကို အစိုးရကို တောင်းခံထားပြီး သမိုင်းပြတိုက်ဖွင့်လှစ်နိုင်ဖို့ လုပ်ဆောင်နေပါတယ်။ အခု ယူနက်စကိုကနေ ဒီအဖျက်အပျက်တွေကို မှတ်တမ်းတင်ဖို့ အသိအမှတ်ပြုမယ်ဆိုရင် ပြတိုက်အတွက် လိုအပ်တာတွေကို ကူညီပေးနိုင်ဖို့ မျှော်လင့်တယ်လို့ ရှစ်လေးလုံးသမိုင်းပြတိုက် ဖြစ်မြောက်ရေးကော်မတီ ပြောခွင့်ရသူ ကိုရဲနိုင်အောင် က ပြောပါတယ်။

ရှစ်လေးလုံးသမိုင်းပြတိုက် ဖြစ်မြောက်ရေးကော်မတီဟာ ယာယီ ရှစ်လေးလုံးယာယီ ပြတိုက်ကို ၂၀၁၅ ခုနှစ် သြဂုတ်လက ဖွင့်လှစ်ခဲ့တာ ဖြစ်ပြီး တကယ့် ရှစ်လေးလုံးပြတိုက် မြေနေရာနဲ့ အဆောက်အဦးကို ခုထိ မတည်ဆောက်နိင်သေးပါဘူး။ ဒီအစိုးရကို တောင်းခံထားပေမယ့် အခုထိ တိတိကျကျရလဒ် ထွက်မလာသေးဘူးလို့ ပြောပါတယ်။ အခုတော့ ရှစ်လေးလုံးကာလ အဖြစ်အပျက်တွေကို ယူနက်စကိုမှာ ကမ္ဘာ့သမိုင်းဝင် မှတ်တမ်းတင်ဖို့ လျှောက်ထားရာမှာ လိုအပ်တဲ့ အချက်အလက်တွေကို ရှေးဟောင်းသုတေသနဦးစီးဌာန၊ ပြတိုက်ကော်မတီဝင်တွေ ၊ သမိုင်းပညာရှင်တွေနဲ့ ဆွေးနွေးနေပါတယ်။ လျှောက်လွှာတင်ပြီးပြီဆိုရင်တော့ ယူနက်စကိုက လာရောက် စစ်ဆေးမှုတွေလုပ်ပြီး တစ်နှစ်ကြာလောက် သုံးသပ်စစ်ဆေးပြီးကာမှ လက်ခံသင့် မခံသင့် ဆုံးဖြတ်မှာ ဖြစ်ပါတယ်။

BBC Burmese
http://www.bbc.com/burmese

ငြိမ်းချမ်းရေးဖြစ်စဉ်ကို ထိခိုက်စေတယ်လို့ KNPP ပြော

KNPP ရဲ့ အထွေထွေအတွင်းရေးမှူး ဦးရွှေမျိုးသန့်ကို တွေ့ရစဉ်။ Photo: RFA
ကရင်နီအမျိုးသား တိုးတက်ရေးပါတီ KNPP တပ်ဖွဲ့ဝင် ၃ ယောက်နဲ့ အရပ်သားတစ်ယောက် သတ်ဖြတ်ခံရတဲ့ ကိစ္စဟာ အစိုးရနဲ့ ငြိမ်းချမ်းရေးဖြစ်စဉ်ကို ထိခိုက်စေတယ်လို့ KNPP ရဲ့ အထွေထွေအတွင်းရေးမှူး ဦးရွှေမျိုးသန့်က ဒီနေ့ ပြောပါတယ်။

KNPP အောက်ခြေ တပ်ဖွဲ့ဝင်တွေကြားမှာ ငြိမ်းချမ်းရေးဖြစ်စဉ်ကို အယုံအကြည်နည်းသွားစေတယ်လို့ ဦးရွှေမျိုးသန့်က ပြောပါတယ်။

"အခုဒီလိုဖြစ်တဲ့အခါမှာ ပြဿနာက ဘာလဲဆိုတော့ အောက်ခြေရဲဘော်တွေက အယုံအကြည် မရှိတော့ဘူး။ အယုံအကြည်မရှိတော့ ဘာဖြစ်လဲဆိုတော့ သူတို့ ယာယီ တပ်စခန်းတွေမှာ နေ့ဆိုနေတယ်။ ညဆိုတောထဲထွက်အိပ်တယ်။ အဲဒီလိုတွေဖြစ်နေတယ်။ ပြီးတော့ ကျနော်တို့က ဒီလိုအခြေအနေမျိုးမှာ ငြိမ်းချမ်းရေးဖြစ်စဉ်ဘာညာ လက်မှတ်ထိုးမယ့် ကိစ္စတွေကို ဘယ်လိုထပ်ပြီး တော့ဆွေးနွေးတော့မလဲ။ ကျနော်တို့ ရဲဘော်တွေက ကျနော်တို့ကို ဘယ်လိုမြင်သွားမလဲပေါ့နော်။ အဲဒီတော့ အချိန်ယူပြီးတော့ သူတို့ ယုံကြည်မှုတည်ဆောက်ဖို့ ပြန်လုပ် ရမလိုဖြစ်နေတယ်။ သူတို့ ယုံကြည်မှုဆိုတာ သူတို့ရဲ့ ငြိမ်းချမ်းရေး ဖြစ်စဉ်အပေါ်မှာ ယုံကြည်မှုပေါ့လေ။ အဲဒီတော့ ကျနော်တို့ ယုံကြည်မှုကို အများကြီး ထိခိုက်သွားတဲ့ အတွက်ကြောင့်မို့လို့ တကယ်လည်း ငြိမ်းချမ်းရေးဖြစ်စဉ် အပေါ်မှာလည်း ထိခိုက်မှု ရှိပါတယ်"

ယုံကြည်မှု နည်းသွားတဲ့အတွက် ငြိမ်းချမ်းရေးဖြစ်စဉ်ကို နှောင့်နှေးစေနိုင်တယ်လို့လည်း ဦးရွှေမျိုးသန့်က ပြောပါတယ်။

ပြီးခဲ့တဲ့ ဒီဇင်ဘာလ ၂၀ ရက်နေ့က လွိုင်ကော်မြို့၊ ပါလောင်းကျေးရွာနဲ့ ဒေါတခြား ကျေးရွာ ကြားမှာရှိတဲ့ KNPP ရဲ့ယာယီကင်းစခန်းတစ်ခုကို တပ်မတော်က ဝင်ရောက်စီးနင်းခဲ့ပြီး  တပ်ဖွဲ့ဝင် ၃ ယောက်နဲ့ အရပ်သားတစ်ယောက်ကို သတ်ဖြတ်ခဲ့တာဖြစ်ပါတယ်။ အဲဒီယာယီကင်းစခန်းက KNPP တပ်ဖွဲ့ဝင်တစ်ယောက်ကတော့ ထွက်ပြေးလွတ်မြောက်ခဲ့ပါတယ်။

တပ်မတော်ဘက်ကတော့ နှစ်ဘက်တိုက်ပွဲဖြစ်လို့ သေဆုံးတာဖြစ်ပြီး ဥပဒေမဲ့ သတ်ဖြတ်တာ မဟုတ်ဘူးလို့ ထုတ်ပြန်ထားပါတယ်။

အဲဒီကိစ္စနဲ့ပတ်သက်ပြီး တပ်မတော်က စုံစမ်းစစ်ဆေးရေးအဖွဲ့ဖွဲ့ပြီး စစ်ဆေးတာတွေလည်း ပြုလုပ်နေပါတယ်။

ကရင်နီအမျိုးသားတိုးတက်ရေးပါတီ (KNPP) ဟာ အစိုးရနဲ့ နိုင်ငံလုံးဆိုင်ရာ ပစ်ခတ်တိုက်ခိုက်မှု ရပ်စဲရေး သဘောတူညီမှုစာချုပ် (NCA) မှာ လက်မှတ်ရေးထိုးနိုင်ဖို့အတွက် ညှိနှိုင်းမှုတွေပြုလုပ်နေတဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (UNFC) အဖွဲ့ဝင် တိုင်းရင်းသား လက်နက်ကိုင် တပ်ဖွဲ့ဖြစ်ပါတယ်။

RFA Burmese
http://www.rfa.org/burmese

KNPP တပ်ဖွဲ့ဝင်တွေ အသတ်ခံရမှုကို ဆန္ဒပြတဲ့ ခေါင်းဆောင် ၅ ဦး အမှုဖွင့်ခံရ

အမှုဖွင့်ခံထားရတဲ့ ဆန္ဒပြ ခေါင်းဆောင် ၅ ဦး ကို တွေ့ရစဉ်။ Photo: Union of Karenni State Youth
ကရင်နီအမျိုးသားတိုးတက်ရေးပါတီ KNPP တပ်ဖွဲ့ဝင်တွေ အသတ်ခံရတဲ့ ကိစ္စနဲ့ပတ်သက်ပြီး လွိုင်ကော်မြို့မှာ ဦးဆောင်ဆန္ဒပြခဲ့သူ ၅ ယောက်ကို ငြိမ်းချမ်းစွာ စုဝေးခွင့်နဲ့ စီတန်းလှည့်လည်ခွင့် ဥပဒေပုဒ်မ ၁၉ နဲ့ အမှုဖွင့်ထားတယ်လို့ အမှုဖွင့်ခံထားရသူတစ်ယောက်ဖြစ်တဲ့ ကိုရဲမင်းကျော်က ဒီနေ့ ပြောပါတယ်။

အမှန်တရားအတွက် လုပ်ဆောင်ခဲ့တာဖြစ်တဲ့အတွက် အမှုဖွင့်ထားတဲ့ကိစ္စကို ရင်ဆိုင်သွားမယ်လို့ ကယားပြည်နယ် ကျောင်းသားသမဂ္ဂ ဥက္ကဌ ကိုရဲမင်းကျော် က ပြောပါတယ်။

"ကျနော့်အနေနဲ့ကတော့ ရှင်းရှင်းလေးပေါ့နော်။ ကျနော်တို့ လုပ်တဲ့ဟာက လူသားတစ်ယောက် အနေနဲ့ ရှုထောင့်ကနေကြည့်ပြီးတော့ ဒီအမှုမှန်တွေ ပြန်လည် ပေါ်ပေါက်ဖို့ပေါ့နော်။ အဓိက ကျနော်တို့က ဒီအမှုမှန် ပြန်လည်ပေါ်ပေါက်စေချင်တယ်။ ကျနော်တို့ကို တရားစွဲတဲ့အပေါ်မှာတော့ ဒါက အမှန်တရားအတွက် လုပ်နေတာဆိုတော့ ကျနော်တို့က ရဲရဲရင်ဆိုင်သွားမယ်ပေါ့နော်။ ဒါကတော့ ကျနော်တို့ဘက်မှာ ပြည်သူတွေရှိမယ်။ ကျနော်တို့ အမှန်တရားအတွက်ပဲ လုပ်နေတာကြောင့်မို့လို့ပေါ့နော်"

KNPP တပ်ဖွဲ့ဝင် ၃ ယောက်နဲ့ အရပ်သားတစ်ယောက်ကို တပ်မတော်က သတ်လိုက်တဲ့ ကိစ္စနဲ့ ပတ်သက်ပြီး ကယားပြည်နယ် လွိုင်ကော်ဒေသခံ တက်ကြွ လှုပ်ရှားသူ ၁၅ ယောက်က ပြီးခဲ့တဲ့ ဒီဇင်ဘာလ ၂၂ ရက်နေ့က လွိုင်ကော်မြို့မှာ ဆန္ဒပြခဲ့ကြတာပါ။

ဆန္ဒပြပွဲမှာ ဟောပြောမှုတွေလုပ်ခဲ့တဲ့ ကယားပြည်နယ် ကျောင်းသားသမဂ္ဂအဖွဲ့က ကိုရဲမင်းကျော်၊ ကိုမျိုးလှိုင်ဝင်း၊ ကိုဂျွန်ပေါလ် တို့နဲ့ ကရင်နီပြည် တောင်သူ လယ်သမားသမဂ္ဂက ကိုဒီးဒီ၊ ကရင်နီပြည် လူငယ်များ သမဂ္ဂက ခွန်းဘိုဘိုတို့ကို လွိုင်ကော်မြို့နယ် ရဲစခန်းမှာ အမှုဖွင့်ထားတာ ဖြစ်ပါတယ်။

အမှုဖွင့်ထားတဲ့အကြောင်းကို လွိုင်ကော်မြို့နယ် ရဲစခန်းမှူးက မနေ့က နှုတ်နဲ့ အကြောင်းကြား ခဲ့ပေမယ့် တရားဝင်စာပေးပို့တာမရှိသေးဘူးလို့ ပြောပါတယ်။ တရားလိုအမည်ကို မေးမြန်းပေမယ့် ရဲတပ်ဖွဲ့က ထုတ်ဖော်မပြောဘူးလို့ ပြောပါတယ်။

အဲဒီအမှုအတွက် လာမယ့် ၂၀၁၈ ခုနှစ် ဇန်န၀ါရီလ ၅ ရက်နေ့မှာ ရုံးချိန်း ချိန်းဆိုထားတယ်လို့ သိရပါတယ်။

RFA Burmese
http://www.rfa.org/burmese

ရန်ကုန်-မန္တလေးအမြန်လမ်းမကြီးတွင် Express ယာဉ်မီးလောင်


နေပြည်တော်-ဒီဇင်ဘာ-၃၁

ရန်ကုန်-မန္တလေးအမြန်လမ်းမကြီး၏ မြို့ချောင်းအမြန်လမ်းပိုင်း မိုင်တိုင် ၉၉/၃ နှင့် ၄ အကြားယာဉ် မောင်းမင်းမင်း မောင်းနှင်လာသော YBS -16 EXPRESS ယာဉ်မှာ ဒီဇင်ဘာလ ၃၁ ရက်နေ့ ယနေ့နံနက် ၁ နာရီက အင်ဂျင်ခန်းမှ ဝါယာရှော့ဖြစ်ခါ မီးလောင်မှုဖြစ်ပွားခဲ့သည်။


ဖြစ်စဉ်အား မြို့ချောင်းအမြန်လမ်းရဲစခန်းနှင်မီးသတ်စခန်း တို့မှ အုပ်ချုပ်မှုယာဉ်နှင့် မီးသတ်ယာဉ်များဖြင့် မီးငြိမ်းငတ်ခဲ့ရသည်။ ဖြစ်စဉ်ကြောင့် ယာဉ်ပေါ်တွင် ယာဉ်မောင်းပါ သံဃာ ၄ပါး အမျိုးသား ၁၇ ဦး-အမျိုးသမီး ၁၉ဦး ပေါင်း ၄၀ ဦးတို့မှာ ထိခိုက်မှုမရှိသော်လည်း ယဉ်မှာ တစ်စီးလုံးမီးလောင်ပျက်စီးသွားခဲ့သည်။

သို့ပါ၍ယာဉ်အားကြံ့ခိုင်ရေးစစ်ဆေးမှုမရှိပဲ ပေါ့ဆစွာမောင်းနှင်သော ယာဉ်မောင်းမင်းမင်းအား သက်ဆိုင်ရာက အမှုဖွင့်စစ်ဆေးလျှက်ရှိကြောင်းသိရသည်။

သန်းဦး(လေးမျက်နှာ)
ဓါတ်ပုံ/အမြန်လမ်းရဲတပ်ဖွဲ့
Min Myat Oo (fb)

တိုးရတနာခရီးသည်​ တင် အမြန်​ယာဉ်​ အရှိန်​မထိန်းနိုင်​ဘဲ တိမ်းမှောက်မှုဖြစ်​ပွား


ရခိုင်ဂေဇက်၊ ဒီဇင်ဘာ၃၀

စစ်တွေ မှ ရန်ကုန်သို့ ယာဉ်မောင်း ဦးသိန်းထွန်း မောင်းနှင်းလာသော ယာဉ်အမှတ် 4M-4986 တိုးရတနာ ခရီးသယ်​တင်​အမြန်​ယာဉ်​သည် နေ့လည် (၁)နာရီအချိန်တွင် မိုင်တိုင် (၃၃) မိုင် (၃) ဖာလုံ စညှင်းနဲ့ လေသွန်ကျေးရွာကြား အနီးတွင် အရှိန်မထိန်းနိူင်​ဘဲ တိမ်းမှောက်သွားမှု ဖြစ်​ပွား ခဲ့​ကြောင်း ကင်းထောင်ကြီးရဲစခန်းမှ သိရသည်​။


"လူအသေပျောက်မှုတော့ မရှိပါ ပြင်းထန်ဒဏ်ရာရှိသူ ဘုန်းကြီး(၂)ပါး၊ အမျိုးသား (၁၀)​ယောက်​၊ အမျိုးသမီး(၆)​ယောက်​ကို အရေးပေါ် အမ်းပြည်သူ ဆေးရုံသို့ပို့ဆောင်ထားပါတယ်​၊"ဟု ကမ်း​ထောင်းကြီး ရဲစခန်းတာဝန်​ရှိသူတစ်​ဦးမှ ​ပြောသည်​။

အဆိုပါဖြစ်​စဉ်​တွင်​ ယာဉ်မဆင်မခြင် မောင်းနှင်မှုဖြင့် ယာဉ်မောင်း ဦးသိန်းထွန်းအား အ​မှုဖွင့်​အ​ရေးယူထား​ကြောင်း ကမ်းထောင်ကြီး ရဲစခန်းတာဝန်ရှိသူတစ်ဦးက ပြောကြားခဲ့သည်။

ဖိုးခွားလေး
Rakhine Gazette
https://www.facebook.com/RakhineGazetteJournal/

မိုင်းတုံမြို့ ၌ နှစ်လောင်းပြိုင်လူသတ်မှုဖြစ်


မိုင်းဆတ် - ဒီဇင်ဘာ ၃ဝ

ရှမ်းပြည်နယ်အရှေ့ပိုင်း မိုင်းဆတ်ခရိုင် မိုင်းတုံမြို့နယ်တွင် ဒီဇင်ဘာ ၂၉ ရက်က နှစ်လောင်းပြိုင်လူသတ်မှု ဖြစ်ပွားခဲ့ကြောင်း သိရသည်။

ဖြစ်စဉ်မှာ မိုင်းတုံမြို့၏ မြောက်ဘက် ၁၁ မိုင်ခန့်အကွာ လွယ်ခမ်းလုံကျေးရွာအုပ်စု ပါခတ်ကျေးရွာနေ ဒေါ်အီနာရှဲသည် တစ်ရွာတည်းနေ ဦးအဲယေ နေအိမ်၌ ဒီဇင်ဘာ ၂၉ ရက် ညနေ ၆ နာရီခန့်က မုန့်ဝယ်နေစဉ် မိမိ၏ နေအိမ်ဘက်မှ သေနတ်သံကြား၍ နေအိမ်သို့ ပြန်လာရာ နေအိမ်ပေါ်တွင် သမီးဖြစ်သူ မနားကျို(၂၅နှစ်)နှင့် သမက် ဖြစ်သူ မောင်မော်ကျို(၃၅နှစ်)သည် ဒဏ်ရာများဖြင့် သေဆုံးနေသည်ကို တွေ့ရှိရ ကြောင်း၊ မောင်မော်ကျို၏ ဘယ်ဘက်ဘေးတွင် သွေးများပေကျံနေသည့် အရိုးအသွား ၁ ပေ ၉ လက်မရှိ ဓားဦးချွန်တစ်ချောင်းနှင့်ဒင်ပြောင်းပါ ၄ ပေ ၁ဝ လက်မခန့်ရှိ တူမီး သေနတ်တစ်လက်ကိုတွေ့ရှိရသဖြင့် ပတ်ဝန်းကျင်ကို အော်ဟစ်အကူအညီတောင်း ခဲ့ကြောင်း သိရသည်။

ထို့နောက် မောင်မော်ကျိုနှင့် မနားကျိုတို့၏ ရုပ်အလောင်းအား ရဲဆေးစာနှင့်အတူ မိုင်းတုံမြို့ ပြည်သူ့ဆေးရုံသို့ပို့ဆောင်ခဲ့ပြီး ပြစ်မှုကျူးလွန်သူအား စုံစမ်းဖော်ထုတ် အရေးယူပေးပါရန် ဒေါ်အီနာရှဲက တိုင်တန်းသဖြင့် မိုင်းတုံမြို့မရဲစခန်း၌ အမှုဖွင့်လှစ်၍ ပြစ်မှုကျူးလွန်သူအား အမြန်ဆုံးဖမ်းဆီးရမိရေး စစ်ဆေးဖော်ထုတ်ဆောင်ရွက်လျက် ရှိကြောင်း သိရသည်။

သန်းဇော်
MOI Webportal Myanmar
https://www.facebook.com/MOIWebportalMyanmar

တောင်ကိုရီးယားဖမ်းထားတဲ့ သင်္ဘောသားတွေထဲ မြန်မာနှစ်ဦးပါ

တောင်ကိုရီးယားနိုင်ငံ၊ Yeosu ဆိပ်ကမ်းတွင် ဒီဇင်ဘာလ ၂၉ ရက်နေ့ကတွေ့ရသည့် Lighthouse Winmore သင်္ဘော။
ကုလသမဂ္ဂ လုံခြုံရေးကောင်စီရဲ့ ဒဏ်ခတ်ပိတ်ဆို့မှုကို ဆန့်ကျင်ပြီး အရှေ့တရုတ်ပင်လယ်ပြင်မှာ မြောက်ကိုရီးယား ရေနံတင်သင်္ဘော Sam Jong 2 ထဲကို သန့်စင်ပြီးသားလောင်စာဆီတွေ လွှဲပြောင်းပေးခဲ့တဲ့ Lighthouse Winmore သင်္ဘောက သင်္ဘောသားတွေကို တောင်ကိုရီးယားနိုင်ငံက ဖမ်းဆီး စစ်ဆေးနေပြီး အဲဒီထဲမှာ မြန်မာသင်္ဘောသား နှစ်ဦးလဲ ပါဝင်တယ်လို့ တောင်ကိုရီးယားအာဏာပိုင်တွေကို ကိုးကားပြီး နိုင်ငံတကာသတင်းတွေမှာ ဖော်ပြပါတယ်။

အဲဒီ မြန်မာသင်္ဘောသား နှစ်ဦးနဲ့ပတ်သက်တဲ့ အသေးစိတ် အချက်အလက်တွေကိုတော့ ရှင်းရှင်းလင်းလင်း မသိရသေးပါဘူး။ ဟောင်ကောင်ကျွန်းမှာ မှတ်ပုံတင်ထားတဲ့ Lighthouse Winmore သင်္ဘောပေါ်မှာ မြန်မာသင်္ဘောသားနှစ်ဦးအပြင် ကျန်တဲ့ ၂၃ ဦးကတော့ တရုတ်သင်္ဘောသားတွေဖြစ်တယ်လို့ သတင်းတွေမှာ ဖော်ပြကြပါတယ်။ ဒီဖြစ်ရပ် စုံစမ်စစ်ဆေးနေတာ ပြီးဆုံးမှပဲ သင်္ဘောသားတွေ ပြန်ထွက်ခွာဖို့ ခွင့်ပြုမယ်လို့ တောင်ကိုရီးယား တာဝန်ရှိသူတွေကို ကိုးကားပြီး CNN သတင်းတပုဒ်မှာ ရေး ထားပါတယ်။

Lighthouse Winmore ရေနံတင်သင်္ဘောဟာ ဟောင်ကောင်မှာ မှတ်ပုံတင်ထားတယ်ဆိုပေမယ့် တိုင်ဝမ်ကုမ္ပဏီဖြစ်တဲ့ Billions Bunker အုပ်စုပိုင် သင်္ဘောဖြစ်ပြီး အောက်တိုဘာလ ၁၁ ရက်နေ့တုန်းက တောင်ကိုရီးယား Yeosu ဆိပ်ကမ်းမှာ ဆိုက်ကပ်ခဲ့ဖူးပါ တယ်။ အဲဒီကမှ ဂျပန်နိုင်ငံမှာ သန့်စင်လောင်စာဆီ တန်ချိန် ၁၄,၀၀၀ ကိုတင်ပြီး တိုင်ဝမ်နိုင်ငံကို သွားရမယ့်အစား အောက်တို ဘာလ ၁၉ ရက်နေက နိုင်ငံတကာရေပိုင်နက် တရုတ်ပင်လယ်ပြင်မှာ မြောက်ကိုရီးယားသင်္ဘောပေါ်ကို လောင်စာဆီ် တန်ချိန် ၆၀၀ လွှဲပြောင်းပေးခဲ့တာကို စစ်ဆေးတွေ့ရှိကြောင်း တောင်ကိုရီးယား ဆိပ်ကမ်းအာဏာပိုင်တွေကို ကိုးကားပြီး AFP သတင်း ကရေးပါတယ်။

နျူကလီးယားစမ်းသပ် ခြိမ်းခြောက်မှုတွေကြောင့် မြောက်ကိုရီးယားနိုင်ငံကို ဘယ်နိုင်ငံကမှ ဓာတ်ဆီနဲ့ သန့်စင်ပြီးသား လောင်စာဆီတွေ တင်ပို့တာ မလုပ်ရဘူးလို့ ကုလသမဂ္ဂလုံခြုံရေးကောင်စီက ဒဏ်ခတ် အရေးယူထားတာ ဖြစ်ပါတယ်။

ဗွီအိုအေ (မြန်မာဌာန)
https://burmese.voanews.com

တရားစီရင်ရေးအား စော်ကားမှုဖြင့် အီဂျစ်နိုင်ငံ သမ္မတဟောင်း မော်စီကို ထောင်ဒဏ် ၃ နှစ် ချမှတ်


    ကိုင်ရို၊ ဒီဇင်ဘာ ၃၀ ရက် (ဆင်ဟွာ)

    အီဂျစ်နိုင်ငံ ဖြုတ်ချခံ သမ္မတဟောင်း မိုဟာမက်မော်စီ (Mohamed Morsi) ကို တရားစီရင်ရေးအား စော်ကားမှုဖြင့် တရားရုံးက ထောင်ဒဏ် ၃ နှစ်ချမှတ်လိုက်ကြောင်း နိုင်ငံပိုင် ရုပ်မြင်သံကြားက သတင်းတင်ပြထားသည်။

မော်စီ၏ မူဆလင် ညီအစ်ကိုတော်များအဖွဲ့ဝင် အခြားသူ ၁၈ ဦးကိုလည်း အလားတူ ပြစ်ဒဏ်များ အသီးသီး ချမှတ်လိုက်ကြောင်း သိရသည်။

တရားခံများသည် တရားသူကြီးအချို့အား စော်ကားမှုနှင့် ၎င်းတို့အား မုန်းတီးမှုများဖြစ်ပေါ်စေရန် လှုံ့ဆော်ခြင်းဖြင့် တရားစီရင်ရေးအား စော်ကားကျူးလွန်သည်ဟု စွပ်စွဲခံထားရကြောင်း တရားသူကြီးက ဖတ်ကြားခဲ့သည်။

လက်ရှိတွင် မော်စီသည် ၂၀၁၂ ခုနှစ်နှောင်းပိုင်းက ၎င်းအား ထောက်ခံသူများနှင့် ဆန့်ကျင်သူများအကြား အကြီးအကျယ် တိုက်ခိုက်မှုများ ဖြစ်ပွားစေသဖြင့် ထောင်ဒဏ် နှစ် ၂၀၊ ကာတာနိုင်ငံသို့ စာရွက်စာတမ်းများ ပေါက်ကြားမှုကြောင့် ထောင်ဒဏ် ၂၅ နှစ် စသည့် ပြစ်ဒဏ်များ ချမှတ်ခြင်းခံထားသူဖြစ်သည်။

(Xinhua)
http://www.xinhuamyanmar.com

ကိုင်ရိုအနီး ဘုရားရှိခိုးကျောင်းတွင် လက်နက်ကိုင်တစ်ဦးက တိုက်ခိုက်မှုပြုလုပ်ခဲ့ရာ ၁၁ ဦးထက်မနည်းသေဆုံး


ကိုင်ရို ဒီဇင်ဘာ ၃ဝ

လက်နက်ကိုင်တစ်ဦးက ကိုင်ရိုအနီး ခရစ်ယာန်ပိုင် ဆိုင်တစ်ဆိုင်နှင့် Coptic Orthodox ဘုရားရှိခိုးကျောင်းတွင် ဒီဇင်ဘာ ၃ဝ ရက်က တိုက်ခိုက်မှုများပြုလုပ်ခဲ့ရာ လူ ၁၁ ဦးထက်မနည်း သေဆုံးခဲ့ကြောင်း ရိုက်တာသတင်းတစ်ရပ်တွင် ဖော်ပြခဲ့သည်။ ထို့နောက် အဆိုပါလူအား ဒဏ်ရာများဖြင့် ဖမ်းဆီးနိုင်ခဲ့ကြောင်း အီဂျစ်ပြည်ထဲရေး ဝန်ကြီးနှင့် ဘုရားရှိခိုးကျောင်း အာဏာပိုင်များက ပြောခဲ့သည်။

အိုင်အက်စ်အကြမ်းဖက်သမားများက အဆိုပါတိုက်ခိုက်မှုမှာ ၄င်းတို့ လက်ချက် ဖြစ်ကြောင်း ထုတ်ပြန်ကြေညာသော်လည်း ထိုကဲ့သို့ ပြောကြားမှုအတွက် မည်သည့် သက်သေအထောက်အထားမှ မရှိကြောင်း သိရသည်။

ဇန်နဝါရီ ၇ ရက်တွင်ကျင်းပမည့် Coptic Christmasပွဲမတိုင်မီ ရဲများက ဘုရားရှိခိုးကျောင်းများတွင် လုံခြုံရေးတိုးမြှင့်ချထားကြောင်း သိရသည်။

အိုင်အက်စ်စစ်သွေးကြွများသည် မကြာသေးမီနှစ်များအတွင်းက အီဂျစ်ရှိ ခရစ်ယာန်လူနည်းစုကို တိုက်ခိုက်မှုများပြုလုပ်ခဲ့သည်။ လွန်ခဲ့သည့်နှစ် ဒီဇင်ဘာလက ကိုင်ရိုမြို့၏ အကြီးဆုံး ဘုရားရှိခိုးကျောင်းဖြစ်သည့် Coptic cathedral တွင်ဖြစ်ပွား ခဲ့သည့် ပေါက်ကွဲမှုနှင့် ဧပြီလက Palm Sunday တွင် ဖြစ်ပွားခဲ့သည့် ဗုံးပေါက်ကွဲမှု နှစ်ခုတွင် လူ ၂၈ ဦး သေဆုံးခဲ့သည်။

လုံခြုံရေးတပ်ဖွဲ့များက ပေးပို့သော အစောပိုင်းသတင်းဖော်ပြချက်များအရ တိုက်ခိုက်မှုဖြစ်စဉ်တွင် တိုက်ခိုက်ရေးသမားနှစ်ဦးပါဝင်ခဲ့ကြောင်း၊ တစ်ဦးမှာ လုံခြုံရေး အဖွဲ့များ၏ ပစ်ခတ်မှုကြောင့် သေဆုံးခဲ့ပြီး အခြားတစ်ဦးမှာ အခင်းဖြစ်ရာနေရာမှ ထွက်ပြေးလွတ်မြောက်သွားခဲ့ကြောင်း ဖော်ပြခဲ့သည်။ ထိုသို့ သတင်းဖော်ပြချက်များ ကွဲပြားနေမှုနှင့် ပတ်သက်ပြီး ပြည်ထဲရေးဝန်ကြီးဌာနက မည်သည့် မှတ်ချက်ပြု ပြောဆိုခြင်းမျှ မလုပ်ခဲ့ပေ။

တိုက်ခိုက်မှုဖြစ်ပြီးနောက် သေနတ်သမားကို လုံခြုံရေးတပ်ဖွဲ့က ချက်ချင်း ဖမ်းဆီးနိုင်ခဲ့ပြီး တရားဥပဒေအရ အရေးယူသွားမည်ဖြစ်ကြောင်း ပြည်ထဲရေးဝန်ကြီး ဌာနက ပြောကြားခဲ့သည်။

ရိုက်တာ
Myanmaalinn
https://www.facebook.com/MYANMAALINNNEWS/

ဟူ့စတန်တွင် သေနတ်ပစ်ခတ်မှုဖြစ်ပွား၊ လူ ၃ ဦး သေဆုံး

အမေရိကန်နိုင်ငံ တက္ကဆက်ပြည်နယ် ဟူ့စတန်မြို့ ရဲဋ္ဌာနအတွင်း ရဲတပ်ဖွဲ့ဝင်များအား တွေ့ရစဉ် (ဆင်ဟွာ)
ဟူ့စတန်၊ ဒီဇင်ဘာ ၃၀ ရက် (ဆင်ဟွာ)

    အမေရိကန်နိုင်ငံ တက္ကဆက်ပြည်နယ် ဟူ့စတန်မြို့ အနောက်တောင်ပိုင်းတွင် သေနတ်ပစ်ခတ်မှု ဖြစ်ပွားခဲ့ရာ သေနတ်သမားအပါအဝင် လူ သုံးဦး သေဆုံးခဲ့ကြောင်း ဟူ့စတန် ရဲတပ်ဖွဲ့က ဒီဇင်ဘာလ ၂၉ ရက်က အတည်ပြုပြောကြားခဲ့သည်။

ဟူ့စတန် ရဲဋ္ဌာန လက်ထောက် အမှုဆောင်အရာရှိချုပ် Troy Finner က သတင်းထောက်များအား ပြောကြားရာတွင်  သေနတ်သမားမှာ ကားပစ္စည်းဆိုင် ဝန်ထမ်းဟောင်း တစ်ဦးဖြစ်ကြောင်း၊ ဒေသစံတော်ချိန် ညနေ ၄း၀၀ နာရီဝန်းကျင်တွင် ယင်းဆိုင်ရှိ အလုပ်သမား နှစ်ဦးအား သေနတ်ဖြင့်ပစ်သတ်ခဲ့ကြောင်း၊ သေနတ်သမားမှာ ဆိုင်ခြံဝင်းအတွင်း လမ်းလျှောက်ကာ မိမိကိုယ်ကို သေနတ်ဖြင့် သတ်သေသွားခဲ့ကြောင်း သိရသည်။ပစ်ခတ်မှုဖြစ်ပွားစဉ်တွင် ဆိုင်အတွင်း လူများစွာ ရှိနေခဲ့ကြောင်း၊ ရဲတပ်ဖွဲ့က သေနတ်သမား၏ မိသားစုနှင့် အဆက်အသွယ်ရရှိခဲ့ကြောင်း၊ သို့သော် သေနတ်သမားအား အမျိုးသား သို့မဟုတ် အမျိုးသမီးဖြစ်သည်ကို ငြင်းဆိုထားကြောင်း Finner က ဆိုသည်။

ယင်းဖြစ်ရပ်နှင့်ပတ်သက်၍ ဒဏ်ရာရသူမရှိကြောင်း၊ သေနတ်ဖြင့် ပစ်သတ်ရခြင်း အကြောင်းရင်းအား ယခုချိန်၌ မသိရသေးကြောင်း၊ စုံစမ်းစစ်ဆေးမှုများ ပြုလုပ်ပြီးပါက အသေးစိတ် အချက်အလက်များအား ထုတ်ပြန်သွားမည် ဖြစ်ကြောင်း သိရသည်။အဆိုပါ ကားပစ္စည်းဆိုင်မှာ ဟူ့စတန်မြို့လယ်မှ အနောက်တောင်ဘက် ၂၀ ကီလိုမီတာအကွာတွင် တည်ရှိသည်။

(Xinhua)
http://www.xinhuamyanmar.com

ဂရိ တရားရုံးရဲ့ ခိုလှုံခွင့်ပေးတဲ့ ဆုံးဖြတ်ချက်ကို တူရကီ စိတ်ဆိုး

တူရကီ အာဏာသိမ်းမှုအတွင်း ဂရိထွက်ပြေးလာတဲ့ စစ်သားတွေ
မနှစ်ဇူလိုင်လ တုန်းက မအောင်မြင်ခဲ့တဲ့ တူရကီက အာဏာသိမ်းမှုအတွင်း ဂရိနိုင်ငံဆီ ရောက်လာတဲ့ ပူးတွဲ ရဟတ်ယာဉ်မှူးရဲ့ နိုင်ငံရေးခိုလှုံခွင့်ကို လက်ခံလိုက်တဲ့ ၊ တရားရုံးဆုံးဖြတ်ချက်ကို ဆန့်ကျင်ကြောင်း ပြတဲ့ အနေနဲ့ ဂရိ အစိုးရက အယူခံဝင်မယ်လို့ ပြောပါတယ်။

နေတိုး အဖွဲ့ဝင်နိုင်ငံတွေ ဖြစ်တဲ့ ဂရိ နဲ့ တူရကီ အိမ်နီးချင်း နှစ်နိုင်ငံကြား အခုလို နိုင်ငံရေး ခိုလှုံခွင့်ပေးမှုကြောင့် ဆက်ဆံရေး ထိခိုက်လာစေလိမ့်မယ်လို့ တူရကီ နိုင်ငံခြားရေး ဌာနက ပြောနေပါတယ်။

ဂရိဟာ အာဏာသိမ်းဖို့ ကြံတဲ့သူတွေကိုကြိုဆို ၊ အကာအကွယ်ပေးကြောင်း ထပ်ပြနေတယ်လို့လည်း တူရကီက ဆိုပါတယ်။

တူရကီမှာ မအောင်မြင်ခဲ့တဲ့ အာဏာသိမ်းမှု ဖြစ်ပွားတဲ့နေ့မှာ ဂရိမြောက်ပိုင်းကို အဲဒီ ပူးတွဲ ရဟတ်ယာဉ်မှူးနဲ့ စစ်သား ခုနှစ်ယောက် ရောက်ရှိလာတာ ဖြစ်ပါတယ်။

BBC Burmese
http://www.bbc.com/burmese

ကမ္ဘာတ၀န်း တင်းကျပ်တဲ့လုံခြုံရေးနဲ့ နှစ်သစ်ကြိုဖို့ ပြင်ဆင်နေ

နယူးယောက် Times Square တွင် စောင့်ကျပ်နေသည့် အကြမ်းဖက် ၀ါဒတန်ပြန်နှိမ်နင်ရေး တပ်ဖွဲ့ဝင်များ။ ၂၈ ဒီဇင်ဘာ ၂၀၁၇။
ကမ္ဘာတဝန်းက မြို့ကြီးတွေမှာ လာမယ့် ၂၀၁၈ နှစ်သစ်ကို ကြိုဆိုဖို့ စုဝေးကြမယ့် သူတွေရဲ့ လုံခြုံရေးအတွက် နှစ်သစ်ကြိုညမှာ သိန်းနဲ့ချီတဲ့ ရဲဝန်ထမ်းတွေ၊ စစ်ဘက်နဲ့ လုံခြုံရေးဆိုင်ရာ ဝန်ထမ်းတွေကို တာဝန်ချထားမှာဖြစ်ပါတယ်။

အမေရိကန်ပြည်ထောင်စု နယူးယောက်က Times Square မှာ နှစ်သစ်ကူးချိန် နှစ်စဉ်ကျင်းပတဲ့ နှစ်ဟောင်းဘောလုံးကိုချပြီး နှစ်သစ်ကူးပြောင်းတာကို စောင့်ကြည့် ဆင်နွှဲကြတဲ့ ပရိသတ်က ၂ သန်းလောက် လာရောက်မယ်လို့ ခန့်မှန်းထားတာမို့ အဲဒီနေရာ တဝိုက်ကို ဝင်ရောက်မယ့်သူတွေအတွက် စစ်ဆေးမှုကို နှစ်ဆင့် လုပ်ဆောင်မှ ဖြစ်သလို လမ်းပိတ်ဆို့တာတွေ၊ အထူး လေ့ကျင့် ထားတဲ့ခွေးတွေနဲ့ လုံခြုံရေး တင်းကျပ်ထားမှာဖြစ်ပြီး လက်ဖြောင့်တပ်သားတွေလဲ ချထားမှာဖြစ်ကြောင်း နယူးယောက်မြို့တော် လုံခြုံရေး တာဝန်ရှိသူတွေက ပြောပါတယ်။

နီဗားဒါးပြည်နယ်က ကာစီနိုကစားဝိုင်းတွေ၊ အပန်းဖြေစခန်းတွေနဲ့ ဟော်တယ်တွေရှိရာ နာမည်ကြီး Las Vegas မှာတော့ လာရောက်သူ ၃၀၀,၀၀၀ ကျော်မယ်လို့ ခန့်မှန်းထားပြီး သူတို့အတွက် ရဲအရာရှိ ၁,၅၀၀ ကျော်အပြင် ပြည်တွင်းကာကွယ်ရေး အရံတပ်ဖွဲ့အင်အား ၃၀၀ ကပါ လုံခြုံရေးတာဝန်ယူကြမှာဖြစ်သလို ခေါင်မိုးတွေပေါ်မှာ လက်ဖြောင့်သေနတ် သမားတွေ အစောင့်ချထားပြီး အရေးပေါ်တပ်ဖွဲ့တွေကိုပါ မနှစ်ကထက် နှစ်ဆတိုးပြီး ထားရှိပေးမှာဖြစ်ပါတယ်။

တောင်အမေရိကတိုက်၊ ဘရာဇီးလ်က Rio de Janeiro မှာ လုံခြုံရေးတပ်သား ၁၂,၀၀၀ လောက် ချထားဖို့ စီစဉ်ထားတာမို့ ဒါဟာ မနှစ်ကထက် ၂၀% တိုးချထားတာ ဖြစ်ပါတယ်။

လန်ဒန်မှာလဲ လုံခြုံရေးအတွက် ခြိမ်းခြောက်မှု တစုံတရာ ရမထားပေမယ့် မြေအောက်ရထားလမ်းတွေနဲ့ လူအများစုဝေးကြမယ့် နေရာတွေမှာ လုံခြုံရေးအတွက် လက်နက်ကိုင်အရာရှိတွေနဲ့ K-9 ရဲခွေးတွေကို အများအပြားချထားဖို့ စီစဉ်ထားပါတယ်။ ဂျာမနီက ဘာလင်၊ မြူးနစ်၊ ဟမ်းဘတ်နဲ့ Cologne မြို့တွေအပါအဝင် မြို့ကြီးအားလုံးမှာ နှစ်သစ်ကူးအကြိုညအတွက် လုံခြုံရေးတွေ တိုးချထားတာပါ။

အိန္ဒိယနိုင်ငံမှာတော့ မွန်ဘိုင်းမြို့က လူအများလာရောက်စုဝေးမယ့် နေရာတွေမှာ လုံခြုံရေးတပ်သား ၃၀,၀၀၀ ကျော် ချထားမှာ ဖြစ်သလို မကြာသေးခင်ကမှ အကြမ်းဖက် တိုက်ခိုက်မှုတွေ ခံခဲ့ရတဲ့ သြစတြေးလျက လူအများလာရောက် စုဝေးရာ နေရာ တွေမှာ လုံခြုံရေးတွေ တိုးမြှင့် ချထားပါတယ်။

ဗွီအိုအေ (မြန်မာဌာန)
https://burmese.voanews.com

Times Square နှစ်သစ်ကြိုပွဲ လုံခြုံရေးအပြည့်ဖြင့် ဆင်နွှဲမည်

၂၀၁၈ နှစ်သစ်ကူးပွဲအတွက် New York မြို့ Times Square တ၀ိုက်လုံခြုံရေး တင်းကျပ်ထား။
ကမ္ဘာတလွှား နှစ်သစ်ကူးကြိုဆိုပွဲတွေ ကျင်းပဖို့ ပြင်ဆင်နေကြတဲ့ထဲမှာ အမေရိကန်ပြည်ထောင်စု နယူးယောက်မြို့လဲ အပါအ၀င်ပါ။ နယူးယောက်မြို့၊ Times Square မှာ နှစ်စဉ်ကျင်းပနေကျ နှစ်သစ်ကြိုဆိုပွဲဟာ အမေရိကန်မှာသာမက ကမ္ဘာပေါ်မှာပါ အထင်ရှားဆုံးပွဲ တခု ဖြစ်ပါတယ်။ အကြမ်းဖက်ဝါဒစွဲ တိုက်ခိုက်မှုတချို့နဲ့ ကြုံထားရတဲ့ နယူးယောက်မြို့ Time Squares နှစ်သစ် ကူးကြိုဆိုပွဲအတွက် ဒီနှစ်မှာ ဘယ်လိုတွေ ပြင်ဆင်နေကြပါသလဲ၊ လုံခြုံရေးပိုင်းအနေနဲ့ရော ဘယ်လောက်ထိများ တင်းကျပ် ထားပါသလဲ ၊ စုံစမ်း မေးမြန်းထားတဲ့ မအင်ကြင်းနိုင်က ပြောပြပါမယ်။

နှစ်သစ်ကူးကြိုဆိုတဲ့ ပွဲတော်ကို နယူးယောက်မြို့မှာ ၁၉၀၇ခုနှစ်က စတင်ပြီး အစဉ်အလာမပြတ် နှစ်စဉ်ကျင်းပလာတာ အခုဆို နှစ်ပေါင်း တရာကျော် ရှိနေပါပြီ။ နယူးယောက်မြို့ရဲ့ နှစ်သစ်ကူးပွဲမှာ မရှိမဖြစ်ပါဝင်တဲ့အရာကတော့ Times Square မှာမျှော်စင်ပုံစံမျိုး တည်ဆောက် ထားပြီး သူ့ အပေါ်ထိပ်မှာ ရောင်စုံမီးလုံးပေါင်း သုံးသောင်းကျော်နဲ့ ဖန်ပြားပေါင်း နှစ်ထောင်ကျော် တပ်ဆင်ထားတဲ့ ခရစ်စတယ် ဘောလုံးကြီးပဲ ဖြစ်ပါတယ်။ ၁၉၀၇ ခုနှစ် နှစ်သစ်ကူးကြိုဆိုပွဲစ တင်ကျင်းပချိန်က ရှိခဲ့တဲ့ ဖန်ဘောလုံးအရွယ်အစားက ဒီလောက်မကြီးသလို၊ ခမ်းခမ်းနားနား မရှိသေးပါဘူး။ နှစ်ဟောင်းကုန် နှစ်သစ်ကူးဖို့ မိနစ်ပိုင်းအလို ချိန်ကိုက်ပြီး အဲဒီဘောလုံကြီး အပေါ်ကနေ လိမ့်ဆင်းလာတဲ့ အချိန်ကို သန်းနဲ့ချီတဲ့ ပွဲလာပရိသတ်တွေဝိုင်းဝန်း အော်ဟစ်ရေတွက်ပြီး နှစ်သစ်ကို ပျော်ပျော်ရွှင်ရွှင်နဲ့ ကြိုဆိုကြတာဟာ နယူးရောက်ရဲ့ အစဉ်အလာဖြစ်ပါတယ်။

၂၀၁၇ခုနှစ်အတွင်း နယူးယောက်မြို့မှာ အကြမ်းဖက်တိုက်ခိုက်မှု တချို့ဖြစ်ပွားခဲ့ပေမယ့်လည်း မကြာခင်မှာ ကျင်းပတော့မယ့် နယူးယောက် Times Square က နှစ်သစ်ကူးအကြိုပွဲတော်ကို အထိအခိုက်မခံပဲ လူပေါင်းသန်းနဲ့ချီ ပါဝင်ဆင်နွှဲဖို့ ပြင်ဆင်နေကြောင်း နယူးရောက်မှာ နေထိုင်တဲ့ မြန်မာနွယ်ဖွားတွေက ဗွီအိုအေကို ပြောပါတယ်။ ကမ္ဘာကျော် နယူးရောက် နှစ်သစ်ကူးအကြိုပွဲတော်အတွက် ပြင်ဆင်နေတာ တွေကို ဧည့်သည်တွေကို ပြသရင်း ကိုယ်တိုင် သွားရောက်ကြည့်ရှုခဲ့တဲ့ ဦးကျော်စိုးကတော့ သူတွေခဲ့ရတဲ့မြင်ကွင်းကို အခုလိုပြောပါတယ်။

“ ကျနော်တို့ မနေ့တုန်းက မြို့ထဲကို သွားခဲ့တုန်းကတော့ ကမ္ဘာ့ကုလသမဂ္ဂ UN ဌာနချုပ်ရုံးကို ရောက်ခဲ့တယ်။ နောက်ပြီး မြို့လယ်ခေါင် Times Square တို့ ၊ 58th Street တို့ Broad Way တို့အကုန်လုံးပေါ့နော်၊ New event တို့ Live Display ရှိမယ့် နေရာတွေပေါ့နော် လျှောက်ကြည့်တယ် ဓါတ်ပုံရိုက်တယ်။ နယူးယောက် အနေနဲ့က သူ့ရဲ့ထုံးစံအတိုင်းပဲ ဘာမှထူးမခြားနားပဲ၊ နှစ်သစ်ကူးပွဲကို ကျနော်တို့ နယူးရောက်ကလူတွေ ပျော်ဖို့ပါးဖို့ ကိစ္စမှာ အကြမ်းဖက်သမားတွေကြောင့် ပျက်စီးသွားမယ်ဆိုတဲ့ အခြေအနေမျိုး လုံးဝမရှိဘူး။”

လက်ရှိ နယူးယောက်မြို့အနှံ လုံခြုံရေးတွေ တင်းတင်းကျပ်ကျပ်ချထားပြီး နှစ်သစ်ကူးပွဲကို လာရောက် ဆင်နွှဲကြမယ့် ပြည်သူတွေအတွက်လည်း လုံခြုံရေး သတိပေးမှုတွေကို သက်ဆိုင်ရာက ရုပ်သံ၊ သတင်းတွေကတဆင့် အဆက်မပြတ် ထုတ်ပြန်ကြေညာပေးနေတယ်လို့ နယူးယောက်မြို့မှာ နေထိုင်နေတဲ့ မြန်မာနွယ်ဖွား ကိုမိုးချမ်းက ဗွီအိုအေကို ပြောပါတယ်။

“ လမ်းတိုင်း လမ်းတိုင်းမှာ ရဲတွေအပြည့်ချထားပြီးတော့မှ လမ်းတခုနဲ့တခု အဝင်အထွက်တွေမှာပေ့ါနော် .. အထူးသဖြင့် လူအများဆုံလေ့ ရှိတဲ့ Times Square လိုနေရာမျိုးမှာ မီးလုံးတွေနဲ့ ဆင်ထားတဲ့ ဘောလုံးကြီးက ကျလာပြီးတော့မှ နှစ်သစ်ကို ကြိုဆိုတဲ့ အခမ်းအနားဆိုတော့ နှစ်တိုင်း ပြန်ကြည့်လိုက်ရင် သိန်းနဲ့ချီတဲ့လူတွေက အဲဒီမှာ သွားဆုံကြတယ်လေ … ညသန်းခေါင်ထိပေါ့နော်။ ဆုံကြတာဆိုတော့ အခမ်းအနား ကတော့ အကြီးအကျယ်လုပ်ကြတာပဲ။ အဲလိုနေရာမျိုးကို ရောက်ဖို့အတွက်က ဘယ်လောက်ထိ တင်းကျပ်သလဲဆိုတော့ လမ်းတိုင်း လမ်းတိုင်းမှာ ရဲတွေက စောင့်နေပြီးတော့မှ လူတယောက်ချင်းစီရဲ့ အဝင်အထွက်ကို အကုန်လုံး လိုက်ကြည့်နေတာ ၊ အဲလောက်ထိကို တင်းကျပ်ထားတယ်။”

ဒီနှစ်အတွက် နှစ်သစ်ကူးချိန်ရေတွက်မယ့် ဖန်ဘောလုံးကြီးရဲ့ ရည်မှန်းချက်ကတော့ ငြိမ်းချမ်းရေး လက်ဆောင်အဖြစ်သတ်မှတ်ထားပါတယ်။ ၂၀၁၇ခုနှစ်မှာ ကြုံတွေ့ခဲ့ရတဲ့ အမျက်ဒေါသတွေ၊ အခက်အခဲတွေကို ကျော်ဖြတ်ပြီး ၂၀၁၈ခုနှစ်အတွက် ငြိမ်းချမ်းမှုတွေ ဆောင်ကျဉ်းလာဖို့ ရည်ရွယ်တာဖြစ်ပါတယ်။ ဒါနဲ့ ပတ်သက်လို့ ကိုမိုးချမ်းရဲ့ အမြင်ကတော့-

“ 2017 ကတော့ အမေရိကားမှာ စီးပွားရေးတက်လာတာတော့ ရှိတယ်။ ငြိမ်းချမ်းရေး ရှိသလားဆိုရင်တော့ တော်တော်များများမှာ ရှိပါတယ်၊ ဒါပေမယ့် အငြင်းပွားစရာတွေလဲ အများကြီး ရှိသလို၊ ရန်ဖြစ်ရတာတွေလည်း အများကြီးရှိတယ်။ ဆန္ဒပြတာတွေလည်း ရှိတယ်၊ အကြမ်းဖက် တာတွေလဲ ကြိုကြားကြိုကြား ရှိနေတယ်။ ၂၀၁၈ မှာ စီးပွားရေး ဒီထက်ပိုကောင်းလာ လိမ့်မယ်လို့ လူအများက မျှော်လင့်နေကြတယ်။ နယူးယောက်မြို့အတွက် ၂၀၁၈ ကတော့ လက်ရှိ ၂၀၁၇ထက် လက်ရှိအနေထားထက်ကို စီးပွားရေးအရ ပိုပြီးကောင်းမယ့်အနေအထားလို့ ကျနော်မြင်ပါတယ်။”

Waterford အိုင်းရစ်ကုမ္ပဏီကနေ ဖန်ဘောလုံးကို စတင်ပြုလုပ်ခဲ့တာဖြစ်ပါတယ်။ နှစ်စဉ်ချမှတ်ထားတဲ့ ရည်မှန်းချက်အလိုက် ဒီဘောလုံးကို ပြောင်းလဲ တီထွင်ပုံဖေါ်ကြောင်း ကုမ္ပဏီတာဝန်ရှိသူတွေက ပြောပါတယ်။

ဒီနှစ်အတွက် နယူးရောက်က နှစ်သစ်ကူးကြိုဆိုပွဲမှာ လုံခြုံရေးနဲ့ ဖျော်ဖြေရေးအသုံးစရိတ် အမေရိကန်ဒေါ်လာ တသန်းကျော်ကုန်ကျကြောင်း ခန့်မှန်းထားပါတယ်။ Times Square နှစ်သစ် ကူးကြိုဆိုပွဲမှာ ကမ္ဘာလှည့်ခရီးသည် တသန်းလောက် ပါဝင်ဆင်နွှဲဖို့ ခန့်မှန်းထားပြီး အမေရိကန် ပြည်ထောင်စု အပါအ၀င် ကမ္ဘာတလွှားက ပရိသတ်ပေါင်း ၁၇၅ သန်းလောက် ဒီပွဲကို ရုပ်မြင်သံကြား ထုတ်လွှင့်မှု အစီအစဉ်တွေကနေ ကြည့်ရှု မယ်လို့ ခန့်မှန်းထားပါတယ်။

အင်ကြင်းနိုင်  / ဗွီအိုအေ (မြန်မာပိုင်း)
https://burmese.voanews.com

တယောက်တည်း တောင်တက်မယ့်သူကို နီပေါခွင့်မပြု

၁၉၂၀ နောက်ပိုင်း တောင်တက်ရင်း သေဆုံးသူ နှစ်ရာနီးပါး ရှိလာတဲ့ ဧ၀ရက်တောင်ထိပ် မြင်ကွင်း
နီပေါလ်မှာ တောင်တက်ရင်း မတော်တဆဖြစ်မှုတွေ လျော့ကျသွားအောင် ဧ၀ရက်တောင် အပါအဝင် သူတို့နိုင်ငံတွင်းတဉီးတည်းတောင်တက်မှုတွေကို တားမြစ်လိုက်ပါတယ်။

အခုလို ဥပဒေတွေ ပြဌာန်းရတာဟာ တောင်တက်သမားတွေ လုံခြုံပြီး အသေအပျောက်နည်းသွားအောင် လုပ်ဆောင်တာလို့ ခရီးသွား ၀န်ကြီးဌာန အရာရှိက တယောက် ပြောပါတယ်။

ပြီးခဲ့တဲ့ ဧပြီလတုန်းက ကမ္ဘာသိ ဆွစ်တောင်တက်သမား Ueli Steck အူးလစ်ရှ် တက်ခ် ၊ ဧ၀ရက်တောင်နားမှာ မတ်စောက်တဲ့ တောင်မပေါ်တက်ရင်း ကျပြီး သေဆုံးခဲ့တာ ဖြစ်ပါတယ်။

မသန်စွမ်းနဲ့ မျက်မမြင်တွေ ဆိုရင်လည်း ကြံ့ခိုင်မှုရှိကြောင်း ကျန်းမာရေး ထောက်ခံချက် ပြနိုင်မှာသာ တောင်တက်ခွင့်ပြုမယ်လို့လည်း နီပေါအစိုးရက ပြောပါတယ်။

BBC Burmese
http://www.bbc.com/burmese

လိုင်စင်မထုတ်ပေးခင်ကြားကာလမှာ ငါးဖမ်းခွင့်ပေးဖို့ တောင်းဆို

တနင်္သာရီတိုင်းဒေသကြီး ထားဝယ်ခရိုင် လောင်းလုံမြို့နယ်က ငါးဖမ်းလှေတချို့ကို တွေ့ရစဉ်/ Photo: Kyaw Lwin Oo/RFA
တနင်္သာရီတိုင်းဒေသကြီး ထားဝယ်ခရိုင် လောင်းလုံမြို့နယ်က ကမ်းနီးငါးဖမ်းလှေပိုင်ရှင်တွေနဲ့ လှေလုပ်သား စုစုပေါင်း ၁၀၀ လောက်ဟာ ငါးဖမ်းလိုင်စင် မရှိသေးတဲ့အတွက် ၁၉၉၀ မြန်မာ့ပင်လယ်ပြင် ငါးလုပ်ငန်းဥပဒေကို မပြင်ရသေးတဲ့ကြားကာလအတွင်း လိုင်စင်မရှိဘဲ ငါးဖမ်းခွင့်ပေးဖို့ ဒီနေ့ သတင်းစာရှင်းလင်းပွဲမှာ တောင်းဆိုလိုက် ပါတယ်။

ကျွန်းစုမြို့နယ်မှာရှိတဲ့ ရေတပ်က လာမယ့် ဇန်နနဝါရီလ ၁ ရက်နေနောက်ပိုင်း ငါးဖမ်းလိုင်စင်တွေ စစ်ဆေးမယ် ဆိုတာကြောင့် ဖမ်းဆီးခံရမှာ စိုးရိမ်နေကြတဲ့အတွက် ကျေးရွာ ၉ ရွာက လှေပိုင်ရှင်တွေနဲ့ လှေလုပ်သားတွေက ဒီနေ့ မောင်းမကန်ကျေးရွာမှာ သတင်းစာရှင်းလင်းပွဲ ပြုလုပ်ခဲ့တာဖြစ်ပါတယ်။

သတင်းစာရှင်းလင်းပွဲမှာ သဘောဆိပ်ပြင်ကြီး မျောပိုက်လှေလုပ်ငန်းရှင်များအသင်း ဥက္ကဌ ဦးထွန်းသိန်းက အမြန်ဆုံး လိုင်စင်ချပေးဖို့နဲ့ လိုင်စင်မချပေးခင်မှာ မဖမ်းဆီးဖို့ ဒေဿန္တရအမိန့် ထုတ်ပြန်ပေးစေချင်တယ်လို့ ပြောပါတယ်။

တနင်္သာရီတိုင်းဒေသကြီး လောင်းလုံမြို့နယ်က ငပိတတ်ကျေးရွာအုပ်စု၊ မောင်းမကန်ကျေးရွာအုပ်စုနဲ့ ကျောက်ဆင်ကျေးရွာအုပ်စုတွေမှာရှိတဲ့ ကမ်းနီးမျောပိုက်လှေတွေကို ငါးဖမ်းလိုင်စင် လှေလိုင်ချမပေးတာဟာ တစ်နှစ်နီးပါးရှိပြီဖြစ်ပါတယ်။

အရင်ကအခုချိန်ဆို လှေလိုင်စင်၊ ငါးဖမ်းလိုင်စင်တွေ ချပေးလေ့ရှိပြီး ဒီနှစ်မှာတော့ ကမ်းနီးငါးဖမ်းလှေတွေဟာ ကမ်းနီးရေလုပ်ငန်း ဥပေဒေနဲ့မကိုက်ညီဘူးဆိုပြီး လိုင်စင်ချပေးတာတွေ မရှိပါဘူး။

ဒီလို ငါးဖမ်းလိုင်စင်တွေကို ထုတ်မပေးတာဟာ ၁၉၉၀ မြန်မာ့ပင်လယ်ပြင် ငါးလုပ်ငန်းဥပဒေအရ ကမ်းနီး ငါးဖမ်းလှေတွေဟာ အလျားပေ ၃၀ ထက် မကျော်ရ အင်ဂျင် မြင်းကောင်ရေ ၂၀ ထက် မကျော်ရဆိုပြီး ကန့်သတ်ထားပါတယ်။

ဒီမြန်မာ့ပင်လယ်ပြင်ဥပဒေအရ ကမ်းနီးငါးဖမ်းလှေတွေကို ခေတ်နဲ့အညီပြုပြင်ဖို့ ပြည်ထောင်စု လွှတ်တော်မှာ တင်ပြထားပေမယ့် ခုထိအတည်မပြုနိုင်သေးတာကြောင့်  ငါးဖမ်းလိုင်စင်တွေ ချမပေးတဲ့အခြေအနေ ဖြစ်နေပါတယ်။

ဒီဒေသမှာ ကမ်းနီးငါးဖမ်းလှေတွေဟာ ငါးအမိနည်းတာ၊ ရာသီဥတု ဖောက်ပြန်လာတာတွေကြောင့် လှေတွေဟာ တဖြည်းဖြည်ကြီးလာသလို အင်ဂျင်ပါဝါတွေလည်း ပိုများလာတယ်လို့ ဒေသခံလှေပိုင်ရှင်တွေက ပြောပါတယ်။

လက်ရှိမှာ လောင်းလုံမြို့နယ်အတွင်း ကမ်းနီးငါးဖမ်းလှေ ထောင်ချီရှိပြီး ၃ ပုံ၂ ပုံကျော်ဟာ လက်ရှိကမ်းနီး ငါးဖမ်းဥပဒေအရ ပေ ၃၀ ထက်ကျော်တဲ့ လှေတွေများပါတယ်။

RFA Burmese
http://www.rfa.org/burmese

လသာမြို့နယ်တွင် အငှားယာဉ်ဖြင့် လုယက်သူများအား အချိန်တိုအတွင်း ဖမ်းဆီး


ရန်ကုန်တိုင်းဒေသကြီး၊ လသာမြို့နယ်မှာ အငှားယာဉ်နဲ့ လုယက်သူတွေကို အချိန်တိုအတွင်း ဖော်ထုတ်ဖမ်းဆီးရရှိခဲ့တယ်လို့ ရန်ကုန်တိုင်းဒေသ ကြီးရဲတပ်ဖွဲ့ရဲ့ ဒီဇင်ဘာ(၃၀)ရက် သတင်းထုတ်ပြန်ချက်အရ သိရပါတယ်။

 ဖြစ်စဉ်မှာ ဒီဇင်ဘာ (၂၇) ရက် ည (၁၁) နာရီမှာ အမျိုးသမီး(၁)ဦးဟာ ဒဂုံမြို့နယ်၊တော်ဝင်စင်တာအရှေ့ကနေ အငှားယာဉ်ကိုငှားပြီး ရန်ကုန်ဆေးရုံကြီးကို အသွား ရန်ကုန်ဆေးရုံကြီး
ဝင်ပေါက်မှာ အငှားယာဉ်က ရပ်တန့်မပေးဘဲ မောင်းနှင်သွားပြီး ယာဉ်မောင်းဘေးက အမျိုးသား(၁)ဦးနဲ့အနောက်ဖုံးအခန်းက အမျိုးသား(၂)ဦးတို့က ဓားထောက်လုယက်ခဲ့တာ ဖြစ်ပါတယ်။

 လုယက်သူတွေဟာ အဲဒီအမျိုးသမီးဆီက Vivo ဖုန်း(၁)လုံး၊ (၂) ပဲသားခန့်ရှိ ရွှေနားဆွဲ(၁)ရံ၊ ငွေ (၈၀၀၀၀)ကျပ်၊ စုစုပေါင်းတန်ဖိုးငွေ (၃)သိန်းခန့်ကို လုယက်ယူဆောင်ကာ အင်းယားမြိုင်လမ်းပေါ်မှာ ချထားခဲ့ပါတယ်။ အငှားယာဉ်ငှားသူ အမျိုးသမီးက ယာဉ်မောင်းနဲ့ အပေါင်းအပါ(၃)ဦးတို့အပေါ် အရေးယူပေးဖို့တိုင်တန်းခဲ့ပြီး လသာမြို့မရဲစခန်း(ပ) ၃၉၇/၂၀၁၇ ရာဇသတ်ကြီးပုဒ်မ၃၉၄/၁၁၄ နဲ့ အရေးယူဆောင်ရွက်ခဲ့ပါတယ်။

 တာဝန်ရှိသူတွေက ဖမ်းဆီးရမိရေးအတွက် စုံစမ်းခဲ့ရာ ယာဉ်မောင်းဖြစ်သူကို ဖမ်းမိပြီး ဆက်လက်စစ်ဆေးရာ ပြစ်မှုကျူးလွန်ရာမှာ အတူပါဝင်သူ(၃)ဦး ပေါ်ပေါက်ခဲ့ပါတယ်။ အဲဒီ(၃)ဦးကို ဒီဇင်ဘာ (၂၉) ရက်ည (၉)နာရီက ကြည့်မြင်တိုင်မြို့နယ်၊ ဈေးကလေးရပ်ကွက်၊ ကမ်းနားလမ်းပေါ်မှာ ဖမ်းဆီးရမိခဲ့ပြီး ငွေနဲ့ ဖုန်းကို ရောင်းချကာ ရရှိငွေတွေ ခွဲဝေယူခဲ့ကြတယ်လို့ စစ်ဆေး ပေါ်ပေါက်ခဲ့ပါတယ်။

 ပြစ်မှုကျူးလွန်သူ (၄)ဦးကို အခြားလုယက်မှုတွေ ရှိ/မရှိ တိုက်ဆိုင်စစ်ဆေးနေပြီး သက်သေခံပစ္စည်းတွေကို ပြန်လည် သိမ်းဆည်းနိုင်ခဲ့ကာ ဥပဒေနဲ့ အညီဆက်လက် ဆောင်ရွက်သွား မှာဖြစ်တယ်လို့ သိရပါတယ်။ ဒီသတင်းကို central news bureau က ပေးပို့တာပါ။

Central News Bureau
https://www.facebook.com/skynetcnb

မြောက်ကိုရီးယား သင်္ဘောတွေကို ရှရှားက လောင်စာပံ့ပိုးခဲ့ဟု ဥရောပလုံခြုံရေးအရာရှိတွေဆို

မြောက်ကိုရီးယား Rason သင်္ဘောဆိပ်က ကုန်တင်သင်္ဘော (နိုဝင်ဘာ ၂၁၊ ၂၀၁၇)
အခုလပိုင်းတွေအတွင်း ရုရှားကုန်တင်သင်္ဘောတွေဟာ မြောက်ကိုရီးယားသင်္ဘောတွေဆီ လောင်စာဆီအပါအ၀င် လောင်စာဆီကုန်ကြမ်းကနေ ကုန်ချောထုတ်လုပ်ရာမှာ အသုံးပြုတဲ့ ဓါတုပစ္စည်းတွေကို ၃ ကြိမ်ထက်မနည်း ပင်လယ်ပြင်မှာ လွှဲပြောင်းပေးခဲ့တယ်လို့ အနောက်ဥရောပက လုံခြုံရေးဆိုင်ရာအဆင့်မြင့်အရာရှိ ၂ ဦးကို ကိုးကားပြီး ရိုက်တာသတင်းမှာ ဖော်ပြထားပါတယ်။

ကုလသမဂ္ဂလုံခြုံရေးကောင်စီမှာ ဗီတိုအာဏာကိုင်ထားသလို ကမ္ဘာမှာ ဒုတိယလောင်စာဆီတင်ပို့မှုအများဆုံး နိုင်ငံဖြစ်တဲ့ ရုရှားအနေနဲ့ အခုလို လောင်စာဆီရောင်းချတာဟာ ကုလသမဂ္ဂရဲ့ မြောက်ကိုရီးယားအပေါ် ပိတ်ဆို့ဒဏ်ခတ်မှုဆုံးဖြတ်ချက်ကို ဖောက်ဖျက် ကျူးလွန်မှုဖြစ်တယ်လို့ အဲဒီ လုံခြုံရေးဆိုင်ရာ အရာရှိတွေက ပြောပါတယ်။ စက်တင်ဘာလအတွင်း မြောက်ကိုရီးယားသင်္ဘောတွေဟာ ရုရှားကနေ မြောက်ကိုရီးယားကို ဦးတည်ခုတ်မောင်းနေခဲ့တယ်လို့ ရိုက်တာသတင်းဌာနက ပြောဆိုခဲ့အပြီး နောက်ပိုင်းမှာ အောက်တိုဘာနဲ့ နိုဝင်္ဘာလအတွင်း ရုရှားနဲ့ မြောက်ကိုရီးယားသင်္ဘောတွေဟာ ပင်လယ်ပြင်မှာ တရားမ၀င်ပစ္စည်းလွှဲပြောင်းတဲ့ သတင်းတွေ ထွက်ပေါ်လာတာပါ။

အခုလို သတင်းထုတ်ဖေါ်ပြောကြားလာသူ တဦးကတော့ အခုနောက်ဆုံး ပစ္စည်း လွှဲပြောင်းပေးမှုမှာ ရုရှားအစိုးရအနေနဲ့ ပတ်သက်နေတဲ့ အထောက်အထားမျိုး မတွေ့ရပေမယ့် ဒီရုရှားသင်္ဘောတွေဟာ မြောက်က်ိုရီးယားအတွက် လိုအပ်နေတဲ့ အထောက်အကူပြုပစ္စည်းတွေကို လွှဲပြောင်းပေးနေတာဖြစ်တယ်လို့ ဆိုပါတယ်။ ပင်လယ်သမုဒ္ဒရာ ထောက်လှမ်းရေးနဲ့ ဂြိုဟ်တုကရရှိတဲ့ပုံတွေကို ကိုးကားပြီး ရုရှားနဲ့ မြောက်ကိုရီးယားတို့ရဲ့ ဆက်စပ်မှုကို အခုလို ထုတ်ဖေါ်ပြောကြားတာပါ။

ရုရှားရဲ့ အရှေ့ဖက်စွန်း ပစိဖိတ်သမုဒ္ဒရာဘက်ထဲမှာ ရုရှား ကုန်တင်သင်္ဘောတွေ သွားလာနေတာကို ဂြိုဟ်တုဓါတ်ပုံတွေထဲမှာ တွေ့ရတာဖြစ်တယ်လို့ဆိုပေမယ့် လျှို့ဝှက်အချက်အလက်တွေဖြစ်တာကြောင့် အသေးစိတ်ကိုတော့ သူတို့က ပြောကြားခြင်းမရှိပါဘူး။

ဗွီအိုအေ (မြန်မာပိုင်း)
https://burmese.voanews.com

ယီမင် လူမှုဘေးဒုက္ခ ကုလသတိပေးချက် ထုတ်ပြန်

ယီမင်နိုင်ငံမှာ ရေခပ်ဖို့ စောင့်နေသူများ (မေ ၁၃၊ ၂၀၁၅)
ယီမင်နိုင်ငံမှာ ဖြစ်နေတဲ့ လူမှုဘေးဒုက္ခကြီးနဲ့ ပတ်သက်ပြီး ကုလသမဂ္ဂအကူအညီပေးရေး အေဂျင်စီတွေကု သတိပေးချက်ထုတ်ပြန်လိုက်ပါတယ်။

ကမ္ဘာ့ကျန်းမာရေး ၊ စားနပ်ရိက္ခာ နဲ့ ကလေးသူငယ်များအရေးပေါ် ရန်ပုံငွေအဖွဲ့တွေပူးတွဲပြီး ရီမင်နိုင်ငံကို လူသားချင်းစာနာတဲ့အကူအညီတွေပေးဖို့ နဲ့ ပဋိပက္ခတွေအဆုံးသတ်ဖို့ တောင်းဆိုတဲ့ ကြေညာချက်ထဲမှာတော့ အခုဆိုရင် ယီမင်နိုင်ငံမှာ စစ်ပွဲတွေဖြစ်ပွားနေတာဟာ ရက်ပေါင်း ၁ ထောင်ကျော်သွားခဲ့ပြီဖြစ်တယ်လို့ ပြောထားပါတယ်။

ယီမင်နိုင်ငံက ပဋိပက္ခတွေဟာ ကမ္ဘာပေါ်က အဆိုးရွားဆုံး လူမှုကပ်ဘေးဒုက္ခကြီးကို ဖြစ်ပေါ်စေခဲ့တယ်လို့ အဲဒီအဖွဲ့တွေက ပြောပါတယ်။ ယီမင်နိုင်ငံ လူဦးရေရဲ့ ၇၅ ရာခိုင်နှုန်းဟာဟာ လူသားချင်းစာနာတဲ့အကူအညီတွေကိုလိုအပ်နေပြီး၊ အဲဒီအကူအညီတွေမရဘဲနဲ့တော့ ဒီထဲမှာရှိတဲ့ ကလေးငယ် ၁၁.၃ သန်းအနေနဲ့ ရှင်သန်နိုင်မှာမဟုတ်ဘူးလို့ ပြောလိုက်ပါတယ်။

ယီမင်နိုင်ငံသား အနည်းဆုံး ၆၀ ရာခိုင်နှုန်းလောက်ဟာ စားနှပ်ရိက္ခာလုံလောက်မှုရှိမနေဘဲ၊ ၁၆ သန်းလောက်ကတော့ သန့်ရှင်းတဲ့ရေ နဲ့ မိလ္လာစနစ်ကို မရရှိဘဲ ဖြစ်နေပြီး၊ နောက်ထပ်လူအများအပြားကတော့ အခြေခံကျန်းမာရေးစောင့်ရှောက်မှုမရှိဘဲဖြစ်နေတယ်လို့ ဆိုပါတယ်။

ယီမင်နိုင်ငံမှာ နိုင်ငံတကာက ထောက်ခံတဲ့ သမ္မတ Mansour Hadi ကိုထောက်ခံသူတွေ နဲ့ ဟူသီ သူပုန်တွေကြား ၂၀၁၅ ခုနှစ်ကတည်းက တိုက်ပွဲတွေဖြစ်ပွားပြီး ၊ နိုင်ငံတွင်းမှာ မတည်မငြိမ်ဖြစ်နေခဲ့တာဖြစ်ပါတယ်။

BBC Burmese
https://burmese.voanews.com

၂၁ရာစုပင်လုံ တတိယအကြိမ် နောက်လကုန် လုပ်နိုင်

ဒုတိယအကြိမ်တုန်းက သဘောတူညီမှုယူဖို့ ကျန်ရှိနေသေးတဲ့ UPDJC က တင်သွင်းထားတဲ့ အဆိုပြုချက်တွေကိုလည်း ထပ်မံ ဆွေးနွေးသွားမယ်
ပြည်ထောင်စုငြိမ်းချမ်းရေး ညီလာခံ ၂၁ ရာစု ပင်လုံ တတိယ အစည်းအဝေးကိုလာမယ့် ဇန်နဝါရီ လကုန်ပိုင်းမှာ ကျင်းပဖို့ ရည်မှန်းထားတယ်လို့ နေပြည်တော်မှာ ဒီဇင်ဘာလ ၃၀ ရက်နေ့က ကျင်းပတဲ့ ပြည်ထောင်စု ငြိမ်းချမ်းရေး ဆွေးနွေးမှု ပူးတွဲ ကော်မတီ UPDJC အစည်းအဝေး အပြီးမှာ ကော်မတီ အတွင်းရေးမှူးအဖွဲ့ဝင် ဦးခွန်မြင့်ထွန်းက ဘီဘီစီကို ပြောပါတယ်။

အခုလို အစည်းအဝေး ကျင်းပဖို့ ရက်အတိအကျကိုတော့ ဇန်နဝါရီလ ဒုတိယပတ်လောက်မှာ လုပ်ငန်းကော်မတီ အစည်းအဝေးလုပ်ပြီး ဆုံးဖြတ်မှာ ဖြစ်တယ်လို့ ပအို့ဝ် အမျိုးသားရေး လွတ်မြောက်ရေးတပ်ဖွဲ့ PNLO ရဲ့ ဥက္ကဋ္ဌလည်း ဖြစ်တဲ့ ဦးခွန်မြင့်ထွန်းက ပြောပါတယ်။

လာမယ့် ဇန်နဝါရီလဆန်းမှာပဲ ကျင်းပဖို့ စီစဉ်ထားတဲ့ ရှမ်းအမျိုးသားအဆင့် နိုင်ငံရေးဆွေးနွေးပွဲ အကြို လူထု တွေ့ဆုံပွဲတွေကို အစိုးရတပ်မတော်ဘက်က ဟန့်တားနေပေမယ့် နှစ်ဖက် ခေါင်းဆောင်တွေ ညှိနှိုင်းလို့ရမယ်လို့ ယုံကြည်ကြောင်းကိုလည်း သူက ပြောပါတယ်။

ရှမ်းပြည်နယ်က နိုင်ငံရေး အစုအဖွဲ့တွေ အနေနဲ့ ရှမ်းအမျိုးသားအဆင့် နိုင်ငံရေးဆွေးနွေးပွဲမတိုင်ခင် လူထုတွေ့ဆုံပွဲတွေ လုပ်ဖို့ UPDJC အစည်းအဝေးတွေမှာ သဘောတူပြီးသား ဖြစ်ပေမယ့် တပ်မတော်ဘက်ကတော့ တနိုင်ငံလုံး အပစ်ရပ်စာချုပ် NCA မှာ ဒီအချက် မပါဘူးလို့ ယူဆထားတဲ့အတွက် အခုလို တားမြစ်နေတာလို့လည်း သူက ပြောပါတယ်။

ပင်လုံ ငြိမ်းချမ်းရေး ညီလာခံကို တတိယအကြိမ် မကျင်းပခင်မှာ ယခင် ဒုတိယအကြိမ်တုန်းက သဘောတူညီမှုယူဖို့ ကျန်ရှိနေသေးတဲ့ UPDJC က တင်သွင်းထားတဲ့ အဆိုပြုချက်တွေကိုလည်း ထပ်မံ ဆွေးနွေးသွားမယ်လို့ ဦးခွန်မြင့်ထွန်းက ပြောပါတယ်။

ပြီးခဲ့တဲ့ မေလက ကျင်းပပြီးစီးခဲ့တဲ့ ပြည်ထောင်စုငြိမ်းချမ်းရေး ညီလာခံ ၂၁ ရာစု ပင်လုံ ဒုတိယ အစည်းအဝေးမှာ UPDJC က တင်သွင်းတဲ့ အဆိုပြုချက် ၄၅ ချက်ထဲက နိုင်ငံရေး မူဝါဒ အဆိုပြုချက် ၁၂ ချက်၊ စီးပွားရေး မူဝါဒ အဆိုပြုချက် ၁၁ ချက်၊ လူမှုရေး မူဝါဒ အဆိုပြုချက် ၄ ချက်၊ မြေယာဆိုင်ရာ မူဝါဒ အဆိုပြုချက် ၁၀ ချက်၊ စုစုပေါင်း ၃၇ ချက်ကို သဘောတူခဲ့ပေမယ့် ပြည်ထောင်စုအတွင်းက ခွဲမထွက်ရဆိုတဲ့ အချက် အပါအဝင် နိုင်ငံရေးနဲ့ လုံခြုံရေး ကဏ္ဍ မူဝါဒ ၈ ချက် ကို သဘောတူညီမှု ယူဖို့ ကျန်ရှိနေတာ ဖြစ်ပါတယ်။

BBC Burmese
http://www.bbc.com/burmese

ရခိုင်အရေးကို အစိုးရနဲ့ တပ်မတော် လက်တွဲဖြေရှင်းခဲ့

ရန်ကုန်မြို့ ရွှေဂုံတိုင်က ပါတီဌာနချုပ်မှာ ကျင်းပတဲ့ ပထမအကြိမ် ဗဟိုကော်မတီအစည်းအဝေး အခမ်းအနားမှာ သဘာပတိအဖြစ် ဆောင်ရွက်တဲ့ ဒေါက်တာအေးဇံ ကို ၂ဝ၁၇ ခုနှစ် ဒီဇင်ဘာလ ၃ဝ ရက်နေ့က တွေ့ရစဉ်/ Photo: Yangon Region Government
ရခိုင်ပြည်နယ်မှာ ဖြစ်ပွားခဲ့တဲ့ အကြမ်းဖက်မှုတွေကို အစိုးရနဲ့ တပ်မတော် လက်တွဲဖြေရှင်းပြီး ရပ်တန့်စေခဲ့တယ်လို့ မွန်ပြည်နယ် ၀န်ကြီးချုပ် ဒေါက်တာအေးဇံ က ဒီနေ့ ပြောပါတယ်။

ဒီနေ့ ရန်ကုန်မြို့ ရွှေဂုံတိုင်က ပါတီဌာနချုပ်မှာ ကျင်းပတဲ့ ပထမအကြိမ် ဗဟိုကော်မတီအစည်းအဝေး အခမ်းအနား မှာ သဘာပတိအဖြစ် ဆောင်ရွက်ခဲ့တဲ့ ဒေါက်တာအေးဇံက အဖွင့်မိန့်ခွန်းမှာ ထည့်သွင်းပြောကြားခဲ့တာဖြစ်ပါတယ်။

အစိုးရအနေနဲ့ ရခိုင်ပြည်နယ်က တိုင်းရင်းသားတွေ လူများစု၊ လူနည်းစုတွေကိုသာမက ခရစ်ယာန် ဟိန္ဒူနဲ့ အစ္စလာမ်ဘာသာဝင်တွေကိုပါ တပြေးညီ ကာကွယ်စောင့်ရှောက်သွားမှာ ဖြစ်တယ်လို့လည်း ပြောပါတယ်။

ဒါ့အပြင် ရခိုင်ပြည်နယ် အပါအ၀င် နိုင်ငံတော်ရဲ့ နိုင်ငံရေးမှာ ပါဝင်ဆောင်ရွက်နေကြသူတွေ၊ တိုင်းပြည်အာဏာရရှိဖို့ နည်းအမျိုးမျိုးနဲ့ ကြိုးပမ်းနေကြသူတွေ၊ အရပ်ဖက်အဖွဲ့အစည်းတွေနဲ့ လက်နက်ကိုင် ခေါင်းဆောင်တွေအားလုံးကို မေတ္တာရပ်ခံလိုကြောင်း၊ ရခိုင်ပြည်နယ်က ပြည်သူ ပြည်သားတွေရဲ့ အပြုံးပန်းဟာ လူကြီးမင်းတို့ မျှော်လင့်တဲ့ အာဏာထက် ပိုချိုမြကြောင်း ပြောခဲ့ပါတယ်။

ဒီနေ့ အခမ်းအနားကို ပါတီနာယက ဦးတင်ဦး၊ ဗဟိုအလုပ်အမှုဆောင်အဖွဲ့ဝင်တွေ၊ ဗဟိုကော်မတီဝင်တွေ၊ တိုင်းနဲ့ ပြည်နယ်အသီးသီးက ၀န်ကြီးချုပ်တွေ၊ အစိုးရအဖွဲ့ဝင်တွေ၊ လွှတ်တော် ကိုယ်စားလှယ်တွေ၊ လွှတ်တော် ဥက္ကဌတွေနဲ့ ပါတီလုပ်ငန်းကော်မတီအဖွဲ့ဝင်တွေ တက်ရောက်ခဲ့ကြပါတယ်။

RFA Burmese
http://www.rfa.org/burmese

ကေအိုင်အေနဲ့ တပ်မတော် တိုက်ပွဲဖြစ်

တနိုင်း-လီဒို လမ်းပေါ်က ဖားကန့်မြို့နယ် ရှဒူးဇွပ်ရွာအဝင်ကို တွေ့ရစဉ်/ Photo: Kyaw Myo Min/RFA
ကချင်ပြည်နယ် တနိုင်း-လီဒိုလမ်းပေါ် ဖားကန့်မြို့နယ်အပိုင် ရှဒူးဇွပ်ရွာနဲ့ ၁ မိုင်အကွာမှာ အစိုးရတပ်မတော်နဲ့ ကေအိုင်အေတို့ ဒီနေ့ တိုက်ပွဲဖြစ်ပွားခဲ့ပါတယ်။

မနက်အစောပိုင်းကနေ နေ့လည်ပိုင်းအထိ ပစ်ခတ်တိုက်ခိုက်မှုတွေ ရှိခဲ့တာကြောင့် ဒေသခံတွေ စိုးရိမ်ထိတ်လန့်နေ ကြတယ်လို့ ရှဒူးဇွပ်ရွာ ဒေသခံတစ်ဦးက ပြောပါတယ်။

"ထိခိုက်ဒဏ်ရာရမှုတော့ မရှိပါဘူး။ ဒေသအနေနဲ့ကတော့ ပြည်သူလူထု မျက်လုံးပြူးတာပေါ့။ အားလုံး ကံကောင်းသွားတယ် ဆိုတာကလည်း အဲဒီ ကျည်ဆံ ဘုန်းကြီးကျောင်းနား ကျတာကလည်း အဲဒီမှာ အိမ်တွေရှိတယ်။ အဲဒီ အိမ်တွေပေါ် မကျဘဲနဲ့ အိမ်ကြားထဲကို နည်းနည်းလွတ်တဲ့နေရာ သွားကျကြလို့ပေါ့။ ကံကောင်းသွားကြတာပေါ့။ အဲဒီလိုမျိုးပါ"

တပ်စခန်းကုန်းအစောင့် ကျန်နေရစ်တဲ့ တပ်မတော်သားတချို့နဲ့ ရဲမေတွေက ခုခံတိုက်ခိုက်ခဲ့ကြပြီး အဲဒီအဖြစ် အပျက်မှာ အစိုးရတပ်မတော်ဘက်ကရော၊ ကေအိုင်အေဘက်ကပါ ထိခိုက်မှုတွေရှိခဲ့တယ်လို့ သိရပါတယ်။

ရှဒူးဇွပ်ရွာနယ်နိမိတ်ထဲကို လက်နက်ကြီးအပါအဝင် ကျည်ဆံ ၅ ခု ကျရောက်ပေါက်ကွဲခဲ့ပြီး ထိခိုက်ဒဏ်ရာတွေတော့ မရရှိခဲ့ဘူးလို့ ရွာသားတွေက ပြောပါတယ်။

တိုက်ပွဲဖြစ်ရတဲ့ အခြေခံအကြောင်းရင်းတွေကို မသိရပေမယ့် အဲဒီ ခလရ ၂၉၇ တပ်က ရှေ့တန်းထွက်သွား တာကြောင့် လူအင်အားနည်းချိန်မှာ လာရောက်စီးနင်းတာ ဖြစ်နိုင်တယ်လို့ ရွာသားတွေက ခန့်မှန်းကြပါတယ်။

ဒီရက်ပိုင်းအတွင်း နမ္မတီးမြို့နဲ့ ၁၁ မိုင်အကွာ တနိုင်း-လီဒိုလမ်းပေါ်နဲ့ တနိုင်းဒေသပတ်ဝန်းကျင် တဝိုက်က ရွှေနဲ့ ပယင်းမှော်တွေဘက်မှာ တပ်မတော်နဲ့ ကေအိုင်အေအဖွဲ့တွေအကြား တိုက်ပွဲတွေ ပြင်းထန်နေတယ်လို့လည်း တနိုင်းမြို့ခံတွေက ပြောပါတယ်။ ဒီနေ့ညနေပိုင်းမှာ တနိုင်းမြို့နယ် မိုင်းခွန်မှော်ရွာက လူနေအိမ်တစ်လုံးပေါ်ကို လက်နက်ကြီး ကျရောက်ပေါက်ကွဲတာကြောင့် လူ ၄ ဦး ထိခိုက်ဒဏ်ရာရရှိခဲ့ပါတယ်။ ဒဏ်ရာပြင်းထန်တာကြောင့် တနိုင်းဆေးရုံမှာ ဆေးကုသမှုခံယူနေတယ်လို့ သိရပါတယ်။

တနိုင်းဒေသက ရွှေနဲ့ ပယင်းအပါအဝင် နိုင်ငံတော်ရဲ့ သဘာဝသယံဇာတပစ္စည်းတွေ တရားမဝင် ထုတ်ယူတာတွေ ကို ကာကွယ်တားဆီးဖို့ အစိုးရတပ်မတော်က နယ်မြေရှင်းလင်းရေးတွေ ဆောင်ရွက်နေတယ်လို့ ကချင်ပြည်နယ် လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး သူရမျိုးတင်က RFA ကို ပြောထားပါတယ်။

RFA Burmese
http://www.rfa.org/burmese

ခရိုင်ရဲရုံးမှ လစာထုတ်စာရေးမထံ ရဲတပ်သားဖြစ်သူက ငွေချေးရာကနေ ခိုက်ရန်ဖြစ်ပွား


ကျောက်ဆည် -  ဒီဇင်ဘာ ၃ဝ

မန္တလေးတိုင်းဒေသကြီး ကျောက်ဆည်ခရိုင်-ကျောက်ဆည်မြို့ မရဲစခန်းအပိုင် နယ်မြေ၌ ဒီဇင်ဘာ(၃ဝ)ရက် နံနက်(၆)နာရီ အချိန်ခန့် တွင် ကျောက်ဆည်ခရိုင်ရဲတပ်ဖွဲ့ မှူးရုံးမှ လစာထုတ်စာရေးမဖြစ်သူထံမှ ရဲတပ်သားတစ်ဦးက ငွေသွားရောက်ချေးဌါးရာမှ စကားများကာ ခိုက်ရန်ဖြစ်ပွားခဲ့ကြောင်း ကျောက်ဆည်မြို့ မရဲစခန်းက သိရသည်။

 ဖြစ်စဉ်မှာ ကျောက်ဆည်မြို့ မင်းရပ်(ဆင်နှစ်ကောင်ဝင်း)အတွင်း နေထိုင်သူ ကျောက်ဆည်ခရိုင်ရဲတပ်ဖွဲ့ မှူးရုံးမှ လစာထုတ်စာရေးဖြစ်သူ မ....... ထံသို့ ကျောက်ဆည်ခရိုင်မြစ်သားမြို့ နယ် ရဲစခန်းမှ ရဲတပ်သားအေးကို အသက်(၂၂)သည် ငွေသွားရောက် ချေးဌားရာ ၄င်း၏အဒေါ်ဖြစ်သူဒေါ်ပြုံး အသက်(၅၅)နှစ် ဖြစ်သူနှင့် စကားများ ရန်ဖြစ်ခဲ့ပြီး ရဲတပ်သားအေးကိုမှ ဒေါ်ပြုံးအား ၄င်းအိမ်ရှိအိမ်သုံးဓားဖြင့် လည်ပင်ကို ဓားဖြင့်ထောက် လှီးခဲ့သဖြင့် ဒေါ်ပြုံး တွင် လည်ပင်ပြက်ရှဒဏ်ရာတစ်ချက် (မစိုးရိမ်ရ)ရရှိခဲကြောင်း သိရသည်။

 အဆိုပါ ခိုက်ရန်ဖြစ်ပွားနေချိန်တွင် ရဲစာရေးမဖြစ်သူမှ အိပ်နေရာကနေ အချင်းဖြစ်ပွားနေရာသို့ ရောက်ရှိလာရာ ရဲတပ်သားအေးကိုမှ ရဲစာရေးမဖြစ်သူ မ...... အား လည်ပင်ကိုဓားဖြင့် ထောက်ခဲ့ခြင်းကြောင့် ရဲစာရေးမက လက်ဖြင့်ပြန်လည်ဖယ်ထုတ်ခဲ့ကြောင်း ယင်းကြောင့် ရဲစာရေးမဖြစ်သူမ၏ လည်ပင်၌ ဓားထောက်ဒဏ်ရာ(၁)ချက် ညာလက်ညိုးပြက်ရှ ဒဏ်ရာ(၁)ချက်(မစိုးရိမ်းရ)ဒဏ်ရာများ အသီးသီးရရှိခဲ့ပြီးနောက် ရဲတပ်သားအေးကိုသည်အပြင်သို့ ပြန်လည်ထွက်ခွာလာရာ အဆိုပါရပ်ကွက်နေပြည်သူများနှင့်ရဲတပ်ဖွဲ့ ဝင်များမှပိတ်စို့ တားစီး ဖမ်းဆီးမိခဲ့ကြောင်းအဆိုပါဖြစ်စဉ်နှင့် ပက်သက်ပြီး ကျောက်ဆည်မြို.မရဲစခန်းတပ်ဖွဲဝင်များမှ ဒဏ်ရာရှိသူများကိုကျောက်ဆည်ပြည်သူ့ ဆးရုံသို.ရဲဆေးစာဖြင့်ပို.ဆောင်ပေးခဲ့ပြီး ရဲတပ်သားအေးကိုအား ကျောက်ဆည်မြို.မရဲစခန်းမှ မှုဖွင့်အရေးယူစစ်ဆေးဆောင်ရွက်လျက် ရှိကြောင်းကျောက်ဆည်မြို့ မရဲစခန်းမူး ဒုရဲမူးမြင့်ဦးထံ ကသိရသည်။

ကျော်ကျော်(မလိူင်)
Myanmaalinn
https://www.facebook.com/MYANMAALINNNEWS

နံမည်ကြီး အဆိုတော်တဦး ဘုန်းကြီး ကျောင်းဝင်းအတွင်း သေနတ်ပစ်ဖေါက်မှုဖြင့် ရဲတပ်ဖွဲ့ က ရှာဖွေနေ


စစ် လိုဆို SEK LOSO ဟာ ထိုင်းနိုင်ငံမှာ လူကြိုက်များဆုံး အဆိုတော်တဦး ဖြစ်ပါတယ်၊ ဒီဇင်ဘာလ ၂၉ ရက်နေ့ ည တနာရီအချိန် နကော်စီဌာမရ ပြည်နယ်မှာ ဂီတပွဲပြီးတဲ့နောက် လိုဆိုဟာ ဘုရားရှေ့ မှာ ဆုတောင်းရင်း သေနတ်(၉ )ချက် မိုးပေါ်ထောင်ပစ်ပြီး သေနတ်ကို ကျည်ရှင်းလိုက်တဲ့ချိန် ကျည်တတောင့် ထပ်မှန်ပေါက်ကွဲခဲ့ပါတယ်။ သေနတ်ပြောင်းဝ ဟာ အောက်ပိုင်းသုံးပေအကွာကိုချိန်ထားတဲ့အချိန်မှာ ကျည်ဆံပေါက်ကွဲသွားခဲ့တာဟာ အနီးနာမှာ လူတွေရှိနေရင် ထိမှန်သွားနိုင်ပါတယ်။

အယုဒ္ဒယပြည်ကို ဗမာမင်းတွေ သိမ်းပိုက်ထားတဲ့ လက်တွင်းကနေ ပြန်လည်တိုက်ခိုက်သိမ်းယူ
ပေးနိုင်ခဲ့သူ ထိုင်းဘုရင် စုမ်ဒက် တက်စင် မဟာရ Somdet Phra Chao Taksin Maha Rat (မွေး December 28, 1767 – ကံတော်ကုန် April 6, 1782 ) ၂၅၀ မြောက် မွေးနေ့ ပွဲ မှာ အဆိုတော် လိုဆို လာရာက်ပြီး ဖျော်ဖြေနေချိန် မိုးတွေသဲလာလို့  ပွဲပျက်သွားရပါတယ်။

သူ့ ရဲဖေ့ဘုတ်စာမျက်နှာမှာ တိုက်ရိုက်ပြနေတဲ့ ရုပ်သံတင်ခဲ့ပြီး တဲ့ နောက်ပိုင်း လူမှူကွန်ယက်စာမျက်နှာတွေမှာ ဖေါ်ပြခဲ့ကြရာကနေ ခုတော့ ပြည်နယ်ရဲတွေက လိုဆိုကို စစ်ဆေးတရားစွဲဘို့  လိုက်ရှာနေပြီလို့  သိရပါတယ်။

ထိုင်းနိုင်ငံမှာ သေနတ်စွဲကိုင်မှုဆိုင်ရာဥပဒေ ၃၇၆ မှာ ခုလိုအများပြည်သူနေရာမှာ သေနတ်ပစ်ဖေါက်ခဲ့ရင် ထောင်ဒဏ်(၁၀)ရက်နဲ့  ဒဏ်ငွေ ထိုင်းဘတ်ငွေ ၅၀၀၀ ပေးဆောင်ရမယ်လို့  ဖေါ်ပြထားပါတယ် ၊ တကယ်လို့  နောက်ဆုံး ထွက်သွားတဲ့ကျည်ဟာ ဘေးကလူကိုထိမှန်သွားမယ်ဆိုရင် ထောင်ဒဏ် ၁၀ နှစ်အထိ အပြစ်ပေးနိုင်ကြောင်းသိရပါတယ်။

Social Action for Children and Women - SAW
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ