ဂျာမနီမှာ လိင်တူထိန်းမြားခွင့် ဥပဒေကို လွှတ်တော် အတည်ပြု

 မစ္စစ် မာကယ်ဟာ သူ့ပါတီဝင်တွေကို သူ့သဘောအတိုင်းမဟုတ်ပဲ ဆန္ဒရှိသလို မဲပေးခွင့် ပေးခဲ့တာကလည်း ဒီဥပဒေ အတည်ဖြစ်သွားရတဲ့ အကြောင်းရင်းတခု ဖြစ်ပါတယ်။
ဂျာမနီနိုင်ငံမှာ လိင်တူထိန်းမြားမှုဥပဒေကို အတည်ပြုဖို့အတွက် ဂျာမန်ပါလီမန် ဘွန်ဒက်စ်တာ့ဂ် အတွင်း မဲခွဲခဲ့ရာမှာ ဝန်ကြီးချုပ်မာကယ်က ကန့်ကွက်မဲပေးခဲ့ပေမယ့် ၆၀%ကျော် ထောက်ခံမဲရခဲ့လို့ ဒီဥပဒေကို ပါလီမန်က အတည်ပြုလိုက်ပါတယ်။

မစ္စစ်မာကယ်က 'ကျမ အမြင်တော့ အမျိုးသမီးနဲ့ အမျိုးသားတွေပဲ လက်ထပ်ခွင့် ရှိသင့်တယ်လို့ ထင်ပါတယ်။

ဒါပေမယ့်လည်း အခုလို လိင်တူ ထိန်းမြားခွင့် အတည်ဖြစ်လာတဲ့အတွက် ပါတီအချင်းချင်း အပြန်အလှန် လေးစားမှု တိုးလာပြီး ပိုပြီးလာမယ်လို့ မျှော်လင့်ပါတယ်' လို့ ပြောပါတယ်။

မစ္စစ် မာကယ်ဟာ သူ့ပါတီဝင်တွေကို သူ့သဘောအတိုင်းမဟုတ်ပဲ ဆန္ဒရှိသလို မဲပေးခွင့် ပေးခဲ့တာကလည်း ဒီဥပဒေ အတည်ဖြစ်သွားရတဲ့ အကြောင်းရင်းတခု ဖြစ်ပါတယ်။

ဂျာမန်နိုင်ငံတွင်းက နိုင်ငံရေးပါတီတွေကလည်း မစ္စစ် မာကယ်ရဲ့ ခရစ်ယာန် ဒီမိုကရက်တစ် စည်းလုံးရေးပါတီနဲ့ လာမယ့် စက်တင်ဘာလ ရွေးကောက်ပွဲအပြီး ညွန့်ပေါင်းဖွဲ့ရဖို့ ဖြစ်လာရင် ဒီဥပဒေ ရှိမှ ညွန့်ပေါင်းအစိုးရထဲဝင်မယ်လို့ ပြောဆိုထားတာ ဖြစ်ပါတယ်။

ဒီဥပဒေသစ်အရ လိင်တူထိန်းမြားတဲ့စုံတွဲတွေဟာ ကလေးမွေးစားခွင့် အပါအဝင် လက်ထပ်ဥပဒေက ပေးတဲ့ အခွင့်အရေး အပြည့်ရမှာ ဖြစ်ပါတယ်။

အခုလို လိင်တူထိန်းမြားခွင့် ဥပဒေ အတည်ဖြစ်သွားတဲ့အပေါ် လိင်တူအခွင့်အရေး လှုပ်ရှားသူတွေကလည်း သမိုင်းဝင် ပြဋ္ဌာန်းမှုအဖြစ် အောင်ပွဲခံခဲ့ကြပါတယ်။

ဒီဥပဒေဟာ ဖွဲ့စည်းပုံ အခြေခံ ဥပဒေ ခုံရုံးကတဆင့် ကန့်ကွက်မှုတွေ ခံရနိုင်ပေမယ့် ဒီနှစ်ထဲမှာပဲ ဒီဥပဒေ အသက်ဝင်မှာ ဖြစ်ပါတယ်။

ဥရောပတလွှားမှာ နော်ဝေး၊ ဆွီဒင်၊ ဒိန်းမတ် (ဖာရိုးကျွန်းစုမပါ)၊ ဖင်လန်၊ အိုက်စလန်၊ နယ်သာလန်၊ ဘယ်လဂျီယံ၊ စပိန်၊ ပေါ်တူဂီ၊ လပ်ဇမ်ဘတ်ဂ်၊ ပြင်သစ်၊ ယူကေ (မြောက်အိုင်ယာလန်နဲ့ ဂျာဆီ မပါ) နဲ့ အိုင်ယာလန် တို့က လိင်တူ တရားဝင် ထိန်းမြားခွင့်ပြုထားပြီး သြစတြီးယားနဲ့ အီတလီတို့မှာတော့ ထိန်းမြားခွင့်လောက် ဥပဒေ အခွင့်အရေး မရတဲ့ လက်တွဲဖော်အဖြစ် လက်မှတ်ထိုးခွင့် civil partnerships ကိုပဲ ခွင့်ပြုထားတာ ဖြစ်ပါတယ်။

BBC Burmese
http://www.bbc.com/burmese

ဖေ့ဘုတ် အသုံးလွန်ရာမှ လူသတ်မှုဖြစ်ပွား


၃၀-၆-၂၀၁၇

ထိုင်းနိုင်ငံမှာ ဖေ့ဘုတ်ကနေ တွေ့ ခဲ့ချစ်ကြိုက်ခဲ့ပြီး အတူနေကြတော့မှ အမျိုးသမီး အသက်(၃၈) ဟာ အိမ်အလုပ်မလုပ်တော့ပဲ တချိန်လုံး အွန်လိုင်းတက် ဖုန်းပွတ်နေလို့  ယောက်ကျားဖြစ်သူ ဟာ စိတ်မထိမ်းနိုင်ဖြစ်ပြီး ဒေါသနဲ့ လည်ပင်းညှစ်သတ်ခဲ့တာဖြစ်ပါတယ်။

မကြာခင်ရဲစခန်းမှာ လာရောက်အဖမ်းခံပါမယ်လို့  အမျိုးသာဟာ သေဆုံးသူ အနားမှာ စာရေးခဲ့ပြီး သုံးရက်အကြာမှာ ရဲစခန်းမှာ လာရောက်အဖမ်းခံခဲ့ပါတယ်။


အသက် ၅၃ နှစ်အရွယ် လူသတ်တရားခံ ထိုင်းနိုင်ငံသားက လူသတ်မှုနဲ့  ပါတ်သက်ပြီး သူအနေနဲ့  ခုလိုသတ်မိတဲ့အထိဖြစ်ခဲ့တာဟာ သေဆုံးသူအမျိုးသမီး ဟာ တချိန်လုံးဖုန်းသုံးနေတာ အိမ်အလုပ်တွေ မလုပ်တာထက် ညအိပ်ယာဝင် ချိန် မှာ အတူအိပ်ဘို့  ကို အမျိုးသမီးကငြင်းခဲ့ပြီး ဖုန်းဆက်ပွတ်နေတာကြောင့် စကားများရန်ဖြစ်ရာက ခုလို သတ်လိုက်တဲ့အထိ ဖြစ်ပွားခဲ့ရတာလို့  ၀န်ခံ ဖြောင့်ချက်ပေးခဲ့ပါတယ်။

Social Action for Children and Women - SAW
 

ရေမဆေးသမား ၁ဝဝဝ ကျော်ကို ပုဒ်မ ၅ ခုနဲ့ အမှုဖွင့်


ကချင်ပြည်နယ် ဖားကန့်မြို့နယ် ဝါကျဲမှော် ငွေဆင်ကျောက်မျက်တူးဖော်ရေးကုမ္ပဏီမှာ ပြီးခဲ့တဲ့ ဇွန် ၂၅ ရက်နေ့က  ရဲတပ်ဖွဲ့ဝင် ၆ ဦးနဲ့ ရေမဆေးသမားတွေရဲ့ ရုန်းရင်းဆန်ခတ်ဖြစ်စဉ်မှာ ပါဝင်ခဲ့တယ်ဆိုတဲ့ ရေမဆေးသမား ၁၂၀၀ လောက်ကို လုံးခင်းရဲစခန်းမှာ ပုဒ်မ ၅ ခုနဲ့ အမှုဖွင့်ထားပါတယ်။

လုံခြုံရေးတာဝန်ထမ်းဆောင်နေတဲ့ ရဲတပ်ဖွဲ့ဝင်တွေအပေါ် တာဝန်ဝတ္တရားနှောင့်ယှက်မှုတွေ အပါအဝင် ပုဒ်မ ၅ ခုနဲ့ အမှုဖွင့်တာဖြစ်တယ်လို့ ပြည်နယ်ရဲတပ်ဖွဲ့ရုံးက ဒုတိယရဲမှူးကြီး မျိုးသူရနောင် က ဒီကနေ့ပြောပါတယ်။

ပြီးခဲ့တဲ့ ဇွန် ၂၆ ရက်နေ့က လုံးခင်းနယ်မြေရဲစခန်းမှာ အမှုဖွင့်ခဲ့တာဖြစ်ပြီး ဒီကနေ့အထိတော့ ဖမ်းဆီးရမိတာ မရှိတာသေးဘူးလို့ သိရပါတယ်။

မတရားချုပ်နှောင်ဖမ်းဆီးမှု၊ အကျိုးစီးပွားတစ်ခုကို မီးအသုံးပြုဖျက်ဆီးမှု၊ တာဝန်ထမ်းဆောင်နေတဲ့ နိုင်ငံ့ဝန်ထမ်း ကို ဟန့်တားနှောင့်ယှက်ပြီး ထိခိုက်ဒဏ်ရာရအောင်ဆောင်ရွက်မှု၊  ပြစ်မှုကျူးလွန်ချိန်မှာ ညစ်ညမ်းစွာဆဲဆိုးမှု၊ ဝိုင်းဝန်းပူးပေါင်းကြံစည်မှု စတဲ့ ရာဇသတ်ကြီးပုဒ်မ ၃၆၅၊ ၄၃၆၊ ၃၃၃၊ ၂၉၄၊ ၁၁၄ တွေနဲ့ အမှုဖွင့်ထားတာပါ။

လုံးခင်းအုပ်စု ဝါကျဲမှော်က အစိုးရနဲ့ အကျိုးတူ လုပ်ကိုင်နေတဲ့ ငွေဆင်ကျောက်မျက်ကုမ္ပဏီမှာ ဇွန် ၂၅ ရက် ညနေပိုင်းက လုံခြုံရေးတာဝန်ကျနေတဲ့ ရဲတပ်ဖွဲ့ဝင် ၆ ဦးနဲ့ ခန့်မှန်း အယောက်တစ်ထောင်ကျော်လောက် ရှိတဲ့ ရေမဆေးသမားတွေ ပဋိပက္ခဖြစ်ပွားခဲ့တာပါ။

အဲဒီဖြစ်စဉ်မှာ ရဲတပ်ဖွဲ့ဝင် တစ်ဦးရဲ့ ခြိမ်းခြောက်ပစ်ခတ်မှုကြောင့် အသက်နှစ်ဆယ်ကျော်အရွယ် ရေမဆေးသမား တစ်ဦး သေဆုံးခဲ့ပါတယ်။ ရေမဆေးသမားတွေက ကုမ္ပဏီပိုင် ဘက်ဟိုးယာဉ်နဲ့ ကျောက်ဖောက်စက်တွေကို မီးရှို့ဖျက်ဆီးခဲ့သလို သေနတ်နဲ့ ပစ်ခတ်ခဲ့တဲ့ ရဲတပ်ဖွဲ့ဝင်ကိုလည်း ဖမ်းဆီးရိုက်နှက်ခဲ့လို့ အဲဒီရဲတပ်ဖွဲ့ဝင်ကို ဖားကန့်ဆေးရုံကနေတဆင့် မန္တလေးဆေးရုံမှာ ပို့ဆောင်ကုသနေတယ်လို့ သိရပါတယ်။

ရေမဆေးသမားတစ်ဦး သေဆုံးအောင် သေနတ်နဲ့ ခြိမ်းခြောက်ပစ်ခတ်ခဲ့တဲ့ ရဲတပ်ဖွဲ့ဝင်ကိုလည်း သေမှုသေခင်းနဲ့ အမှုဖွင့်ထားပါတယ်။

ဖားကန့်ကျောက်စိမ်းတွင်းဒေသမှာ တစ်နိုင်ငံလုံးကနေ လာရောက်လုပ်ကိုင်နေကြတဲ့ ရွှေ့ပြောင်း လုပ်သား နှစ်သိန်းဝန်းကျင်ရှိမယ်လို့ ခန့်မှန်းထားပါတယ်။ အားလုံးနီးပါးဟာ ကျောက်စိမ်းနဲ့ ဆက်နွယ်တဲ့ စီးပွားရေးတွေကို လုပ်ကိုင်ကြပြီး အဲဒီထဲက အများစုဟာ တနိုင်တပိုင်ရေမဆေးကျောက် ရှာဖွေတူးဖော် လုပ်ကိုင်ကြသူတွေဖြစ်ပါတယ်။

RFA Burmese
http://www.rfa.org/burmese

လူဝင်မှုကြီးကြပ်ရေး ဥပဒေကြမ်း ၂ ရပ် အမေရိကန်အောက်လွှတ်တော် အတည်ပြု

အမေရိကန်ပြည်ထောင်စု ဝါရှင်တန်ဒီစီ ကွန်ကရက်လွှတ်တော်။
အမေရိကန် လူဝင်မှုကြီးကြပ်ရေးဆိုင်ရာ ဥပဒေမူကြမ်းနှစ်ရပ်ကို အမေရိကန်အောက် လွှတ်တော်က ကြာသပတေးနေ့မှာ အတည် ပြု ပြဌာန်းလိုက်ပါတယ်။ တခုကတော့ နိုင်ငံရင်းကို ပြန်ပို့ခံရပြီးတဲ့နောက် အမေရိကန်ကိုပြန်ဝင်လာတဲ့ အထောက်အထားမဲ့ ရွှေ့ပြောင်းဝင်သူတွေအပေါ် ပိုပြီးပြင်းထန်တဲ့ပြစ်ဒဏ် ချမှတ်မယ့်ဥပဒေဖြစ်ပြီး နောက်တခုကတော့ အဲဒီလိုလူတွေကို အရေးမယူ ဘဲ နေထိုင်ခွင့်ပေးထားတဲ့ မြို့တွေကို ဖက်ဒရယ်အစိုးရရန်ပုံငွေ ဖြတ်တောက်မယ့်ဥပဒေဖြစ်ပါတယ်။

Kate ဥပဒေလို့ အမည်ပေးထားတဲ့ဥပဒေကို အောက်လွှတ်တော်မှာ ထောက်ခံမဲ ၂၅၇ မဲ၊ ကန့်ကွက်မဲ ၁၆၇ မဲနဲ့ အတည်ပြုလိုက် တာပါ။ ၂၀၁၅ ခုနှစ်၊ ဇူလိုင်လက ဆန်ဖရန်ဆစ္စကိုမြို့မှာ သေနတ်နဲ့ ပစ်သတ်ခံခဲ့ရတဲ့ အသက် ၃၂ နှစ်အရွယ် Kate Steinle ရဲ့ နာမည်ကိုယူပြီး ဥပဒေကို အမည်ပေးထားတာဖြစ်ပါတယ်။ Kate ကိုသတ်ခဲ့တာကတော့ ငါးကြိမ်ထိ ပြန်ပို့ခံခဲ့ရဖူးတဲ့ Juan Francisco Lopez-Sanchez ဖြစ်ပြီး လူသတ်မှု၊ သေနတ်ပစ်မှုနဲ့ဆက်စပ်တဲ့ တခြားစွဲချက်တွေနဲ့ တရားရင်ဆိုင်နေရပါတယ်။

ဒီ Kate ဥပဒေအရ မူရင်းနိုင်ငံကို ပြန်ပို့ခံရပြီးတဲ့နောက် အမေရိကန်ကို နောက်တကြိမ်ပြန် ၀င်လာတဲ့ အထောက်အထားမဲ့ ရွှေ့ပြောင်းဝင်သူတွေအပေါ် ထောင်ဒဏ်ကို တိုးမြှင့်ချမှတ်မှာဖြစ်ပါတယ်။

ဒါ့အပြင် ရာဇ၀တ်လုပ်ရပ်အတွက် ဘေးကင်းခိုလှုံခွင့်မပြုရေးဥပဒေလို့ဆိုရမယ့် No Sanctuary for Criminals Act ဆိုတဲ့ ဥပဒေ ကိုလဲ ထောက်ခံမဲ ၂၂၈ မဲ၊ ကန့်ကွက်မဲ ၁၉၅ မဲနဲ့ အောက်လွှတ်တော်က အတည်ပြုခဲ့ပါသေးတယ်။ အထောက်အထားမဲ့ ရွှေ့ ပြောင်းဝင်သူတွေကို အရေးမယူဘဲ နေထိုင်ခွင့်ပေးထားတဲ့မြို့တွေကို ဖက်ဒရယ်အစိုးရ ရန်ပုံငွေမပေးဖို့ ဒီဥပဒေအရ ကန့်သတ် ထားသလို လူဝင်မှုကြီးကြပ်ရေး လုပ်ဆောင်ချက်တွေကို လိုက်နာစေဖို့ ဖက်ဒရယ်အစိုးရ လုပ်ပိုင်ခွင့်ကိုလဲတိုးချဲ့ပေးထားပါတယ်။

ဗွီအိုအေ (မြန်မာပိုင်း)
https://burmese.voanews.com
 

ထိုင်ဝမ်ကို လက်နက်ရောင်းမယ့် အမေရိကန်အစီအစဉ် တရုတ်ကန့်ကွက်

ထိုင်ဝမ်-အမေရိကန်-တရုတ် နိုင်ငံ့ခေါင်းဆောင်များ။
အမေရိကန်က တိုင်ဝမ်ကို ဒေါ်လာ ၁.၄ ဘီလီယံဖိုး လက်နက်ခဲယမ်းတွေ ရောင်းမယ့်ကိစ္စ အပေါ် မကျေနပ်တဲ့အကြောင်း တရုတ်ကပြောပါတယ်။ ဒီလုပ်ရပ်ဟာ မှားယွင်းတယ်လို့ ခေါ်ဆိုပြီး အရောင်းအ၀ယ်ကိစ္စ ပြန်ရုပ်သိမ်းဖို့ တရုတ်က လိုလားပါတယ်။

အမေရိကန်ဘက်ခြမ်းက ဒီ မှားယွင်းတဲ့လုပ်ရပ်ဟာ သမ္မတနှစ်ဦးကြား Mar-a-Lago မှာရခဲ့တဲ့ တူညီတဲ့သဘောထား၊ အမေရိကန်-တရုတ် ဆက်ဆံရေးမှာ အပေါင်း လက္ခဏာဆောင် တိုးတက်မှုအရှိန်အဟုန်တို့နဲ့ ဆန့်ကျင်နေတယ်လို့ ၀ါရှင်တန်ဒီစီ မြို့တော်မှာရှိတဲ့ တရုတ်သံရုံးကပြောပါတယ်။

လက်နက်ခဲယမ်းအရောင်းအ၀ယ်ကိစ္စကို ထရမ့်ပ်အစိုးရက ကြာသပတေးနေ့မှာ ကွန်ဂရက်လွှတ်တော်ကို အသိပေးခဲ့တယ်လို့ နိုင်ငံခြားရေးဌာနပြောခွင့်ရ Heather Nauert ကပြောပါတယ်။ ကိုယ်ပိုင်အုပ်ချုပ်ရေးနဲ့နေတဲ့ တိုင်ဝမ်ကျွန်းကို သူ့ရဲ့ပိုင်နက်အဖြစ် တရုတ်က သတ်မှတ်ထားတာပါ။ တိုင်ဝမ်ဟာ တရုတ်နိုင်ငံရဲ့ အရေးပါတဲ့ အစိတ်အပိုင်းတရပ်ဖြစ်ပြီး တိုင်ဝမ်ကို လက်နက်ခဲယမ်း ရောင်းတဲ့ ဒီကိစ္စကို အပြင်းအထန် ကန့်ကွက်တယ်လို့ တရုတ်နိုင်ငံခြားရေးဌာနပြောခွင့်ရ Lu Kang က ဘေဂျင်းမြို့တော်မှာပြော ပါတယ်။

မြောက်ကိုရီးယားရဲ့ နျူကလီးယားအန္တရာယ်ကို တားဆီးကာကွယ်ဖို့ အမေရိကန်နဲ့ တရုတ်တို့ ကြိုးပမ်းနေကြတဲ့ အကဲ ဆတ်တဲ့ ဆက်ဆံရေးကာလတခုကို ရောက်နေချိန်မှာပဲ ဒီ လက်နက်ခဲယမ်း ရောင်းတဲ့ကိစ္စဖြစ်လာတာပါ။ ဒီလက်နက်အရောင်းကိစ္စဟာ တိုင်ဝမ်ကျွန်းနဲ့ အမေရိကန်ကြား ဆက်ဆံရေးဆိုင်ရာအတွက် ပြဌာန်းထားတဲ့ တိုင်ဝမ်ဆက်ဆံရေး ဥပဒေကို မချိုးဖောက်ဘူးလို့ နိုင်ငံခြားရေးဌာနပြောခွင့်ရ Nauert ကပြောပါတယ်။

ဗွီအိုအေ (မြန်မာပိုင်း)
https://burmese.voanews.com

သူနာပြု သားဖွားတွေကို လစာတိုးပေးမည်

သူနာပြုဆရာမများကို တွေ့ရစဉ် Photo: RFA
သူနာပြုတွေနဲ့ သားဖွာဆရာမများရဲ့ ရာထူးနဲ့ လစားနှုန်းထားများကို တိုးမြှင့်ပြင်ဆင်ပေးဖို့ အစီအစဉ် ရှိကြောင်း ကျန်မာရေးနဲ့ အားကစားဝန်ကြီး ဒေါက်တာမြင့်ထွေး က ဒီကနေ့ ပြည်သူ့လွှတ်တော် အစည်းအဝေးမှာ ပြော ပါတယ်။

ဂန့််ဂေါမဲဆန္ဒနယ် လွှတ်တော်ကိုယ်စားလှယ် ဒေါ်ယဉ်မင်းလှိုင်တင်သွင်းထားတဲ့ ကျန်းမာရေးအတွက် အဓိကကျပြီး အရေးပါတဲ့ သူနာပြုလောကကို ပြုပြင်ပြောင်းလဲမှုများပြုလုပ်ပြီး နိုင်ငံတော်ရဲ့ ကျန်းမာရေးကဏ္ဍကို မြှင့်တင်ပေးပါ ရန် ပြည်ထောင်စုအစိုးရအား တိုက်တွန်းကြောင်းအဆိုကို လွှတ်တော် ကိုယ်စားလှယ်တွေ ဆွေးနွေးအပြီး ပြန်လည် ရှင်းလင်းရာမှာ ပြည်ထောင်စုဝန်ကြီး ဒေါက်တာမြင့်ထွေး က အခုလိုထည့်သွင်းပြောဆိုသွားတာပါ။

ဘက်စုံသားဖွားဒီပလိုမာရထားတဲ့ သားဖွားဆရာမတွေကို လက်ရှိလစာနှုန်းထား တစ်သိန်းခွဲကနေ တစ်သိန်းခြောက် သောင်းငါးထောင်ကျပ်၊ သူနာပြုသိပ္ပံဘွဲ့ရထားတဲ့ သူနာပြုတွေကို တစ်သိန်းခြောက် သောင်း ငါးထောင်ကနေ တစ်သိန်းရှစ်သောင်းနှုန်း တိုးမြှင့်ပေးသွားမှာဖြစ်ပြီး သူနာပြုသားဖွားဒီပလိုမာ ရထားတဲ့သူတွေ ကိုတော့ လက်ရှိလစားနှုန်းထားဖြစ်တဲ့ တစ်သိန်းခြောက်သောင်းငါးထောင်အတိုင်းသာထားရှိသွား မှာဖြစ်ကြောင်း  ဒေါက်တာမြင့်ထွေးက ပြောပါတယ်။

ဒါ့အပြင် ကျေးလက်ကျန်းမာရေးဌာနတွေမှာ တာဝန်ထမ်းဆောင်နေတဲ့ သားဖွားဆရာမများကိုလက်ရှိ လစာနှုန်း ထား တစ်သိန်းငါးသောင်းကနေ တစ်သိန်းခြောက်သောင်းငါးထောင် အမျိုးသမီးကျန်းမာရေး ဆရာမများကို လက်ရှိလစာနှုန်းထား တစ်သိန်းခြောက်သောင်းငါထောင်ကနေ တစ်သိန်းရှစ်သောင်း အထိ တိုးမြှင့်ပေးဖို့ စီစဉ်နေကြောင်း ပြောပါတယ်။

သူနာပြုနဲ့သားဖွားဆရာမများရဲ့ လိုအပ်ချက်တွေကို ကျန်းမာရေးနဲ့ အားကစားဝန်ကြီဌာနက ဖြည့်ဆည်းပေးနေတဲ့ အပြင် ကျန်တဲ့ကျွမ်းကျင်ဝန်ထမ်းတွေအတွက်လည်း စီစဉ်နေတာကြောင့် အဆိုကိုမှတ်တမ်းတင်ဖို့ ဒေါက် တာမြင့်ထွေးက ပြောဆိုတာကြောင့် အဆိုကို မှတ်တမ်းတင်စောင့်ကြည့်ဖို့ ဆုံးဖြတ်လိုက်ပါတယ်။

RFA Burmese
http://www.rfa.org/burmese

ပြည်သူ့စားဝတ်နေရေး တိုး တက်အောင် မလုပ်နိုင်သေးဘူးလို့ ဦးဝင်းထိန်ပြော

NLD ပါတီ ဗဟိုအတွင်းရေးမှူးအဖွဲ့ဝင် ဦးဝင်းထိန် ကို ဇွန်လ ၃ဝ ရက်နေ့ကတွေ့ရစဉ် Photo: Win Ko Ko Latt/RFA
NLD ပါတီ အစိုးရသစ်တက်လာတဲ့ တနှစ်နဲ့ သုံးလအတွင်း ပြည်သူလူထုရဲ့ စားဝတ်နေရေး၊ အလုပ်အကိုင် ဖန်တီးရေး သိသိသာသာတိုးတက်အောင်လုပ်မပေးနိုင်သေးကြောင်း ဒေါ်အောင်ဆန်းစုကြည်ကို တင်ပြထားတယ် လို့ ပါတီဗဟိုအတွင်းရေးမှူးအဖွဲ့ဝင် ဦးဝင်းထိန် ကပြောပါတယ်။

ဒီကနေ့ နေပြည်တော် စည်ပင်ရိပ်သာက အစည်းအဝေးခန်းမမှာ ဗမာနိုင်ငံလုံးဆိုင်ရာ ကျောင်းသားများ သမဂ္ဂအဖွဲ့ချုပ်က ကျောင်းသား၊ ကျောင်းသူတွေနဲ့ တွေ့ဆုံရာမှာ ဦးဝင်းထိန်က အဲဒီလို ပြောတာပါ။

ဒါ့အပြင် အရင်အစိုးရလက်ထက်က သင့်ရာသင့်ရာအပေးယူလုပ်ပြီး စီးပွားရေးလုပ်လို့ ဆုံးဖြတ်ချက်မြန်ကြောင်း၊ အခုအစိုးရလက်ထက်မှာ အဂတိတရားမရှိအောင်ထိန်းလို့ လုပ်ငန်းလုပ်တဲ့သူတွေ မလုပ်တက်ဖြစ်ပြီး စီးပွားရေးနှောင့်နှေးရတယ်လို့လည်း ဦးဝင်းထိန် ကပြောပါတယ်။

နိုင်ငံတကာအကူအညီနဲ့ အလုပ်အကိုင်အချို့ အဆင်ပြေတာကြောင့် ၂၀၁၇ ဟာ နိုင်ငံရဲ့ စီးပွားရေးအခြေအနေကို ဆင်းရဲတွင်းက နုတ်နိုင်မယ့် ပထမဦးဆုံးနှစ်ဖြစ်မယ်လို့လည်း ဦးဝင်းထိန် ကပြောပါတယ်။

ဒါ့အပြင် အစိုးရအနေနဲ့ ဥပဒေပြုရေးနဲ့ အုပ်ချုပ်ရေးမဏ္ဍိုင်တို့ကို နိုင်နိုင်နင်းနင်းကိုယ်တွယ်နိုင်ပေမယ့် တရား စီရင်ရေးကိုပြုပြင်ဖို့ ကြိုးစားဖို့ လိုတယ်လို့လည်းပြောပါတယ်။

ဒီကနေ့ တွေ့ဆုံပွဲကို ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် အဖွဲ့ဝင် ၅၀ ကျော်နဲ့ NLD ပါတီရဲ့ လွှတ်တော်ကိုယ်စားလှယ်တွေဖြစ်တဲ့ ဦးသိန်းဆွေ၊ ဦးမောင်မောင်ဦးတို့လည်း တက်ရောက်ခဲ့ပါတယ်။

RFA Burmese
http://www.rfa.org/burmese

သတင်းသမားတွေ လွတ်မြောက်ရေး ရန်ကုန်မှာဆန္ဒပြ

သတင်းသမားတွေ လွတ်မြောက်ရေး ရန်ကုန်မှာဆန္ဒပြ။ (ဇွန် ၃၀-၂၀၁၇)
မြန်မာနိုင်ငံမှာ မကြာသေးခင်တုန်းကပဲ အာဏာပိုင်တွေက ဖမ်းဆီးအရေးယူခဲ့တဲ့ သတင်းသမားတွေကို ပြန်လွှတ်ပေးဖို့နဲ့ သတင်းမီဒီယာ သမားတွေ အပါအ၀င် လွတ်လပ်စွာ ထုတ်ဖော်ပြောဆိုမှုတွေကို ဖိနှိပ်တဲ့ ဥပဒေကို အဆုံးသတ်ရေး ရန်ကုန်မြို့မှာ ဒီကနေ့ပဲ မီဒီယာသမားတွေနဲ့ တက်ကြွလှုပ်ရှားသူတွေ ဆန္ဒပြခဲ့ကြပါတယ်။ မြန်မာနိုင်ငံမှာ အရပ်သားအစိုးရ တက်လာပေမဲ့၊ လွတ်လပ်စွာ ထုတ်ဖော်ပြောဆိုခွင့်တွေ အားနည်း လာနေပြီလား လို့လည်း ဆန္ဒပြသူတွေက စိုးရိမ်နေကြတာပါ။ အပြည့်အစုံ ကိုတော့ ရန်ကုန်မြို့က ဆန္ဒပြပွဲကို ကိုယ်တိုင်သွားရောက် သတင်းယူခဲ့တဲ့ မမြင့်မြင့်ခိုင်က ပြောပြပေးမှာ ဖြစ်ပါတယ်။

ရန်ကုန်မြို့က ဆန္ဒပြပွဲမှာတော့ လက်ရှိ တပ်မတော်က ဆက်သွယ်ရေး ဥပဒေ ပုဒ်မ ၆၆ဃနဲ့ တရားစွဲဆို ဖမ်းဆီးထားတဲ့ The Voice Weekly အယ်ဒီတာချုပ် ဦးကျော်မင်းဆွေ အပါအဝင် မတရားသင်းနဲ့ ဆက်သွယ်တယ်ဆိုပြီး သီပေါ ရဲစခန်းမှာ အမှုဖွင့် ဖမ်းဆီးထားတဲ့ DVB က သတင်းထောက် ဦးအေးနိုင်နဲ့ ကိုပြည့်ဘုန်းနိုင်၊ ဧရာဝတီ သတင်းဌာနက သတင်းထောက် ဦးသိန်းဇော်ခေါ် လဝီဝမ်တို့ ကို ချက်ချင်း လွှတ်ပေးဖို့ တောင်းဆိုခဲ့ကြတဲ့အကြောင်း ဆန္ဒပြရာမှာ ပါဝင်ခဲ့တဲ့ မြန်မာသတင်းသမားများ ကာကွယ်ရေး ကော်မတီက ကိုသာလွန်ဇောင်းထက်က ပြောပါတယ်။

" ကျနော်တို့သည် အုပ်ချုပ်ရေးမဏ္ဍိုင် တရားစီရင်ရေးမဏ္ဍိုင် ဥပဒေပြုရေးမဏ္ဍိုင် ဒီမဏ္ဍိုင်တွေကို ထိန်းကွပ်ရမယ့် မီဒီယာပေါ့နော် အဲ့တာကို ဒီမီဒီယာကို ဒီမီဒီယာသမားကို ၁၇-၁ နဲ့ဖမ်းမယ်။ ၆၆ဃ နဲ့ ဖမ်းမယ် ဆိုတဲ့ကိစ္စက ဘယ်လိုမှ လက်ခံလို့မရဘူး။ ၁၇-၁ နဲ့ ဖမ်းကြကြေးဆိုလို့ရှိရင် တပ်မတော်မှာလည်း ငြိမ်းချမ်းရေးအတွက် သူတို့သွားပြီးတော့ ဆွေးနွေးနေတဲ့ ဗိုလ်ချုပ်တွေရှိတယ်။ သူတို့လည်း ၁၇-၁ နဲ့ ငြိမှာပဲလေ။ အဲ့တော့ ဒေါက်တာတင်မျိုးဝင်းလည်း ၁၇-၁ နဲ့ ငြိမှာပဲ။ ဒေါ်အောင်ဆန်းစုကြည်လည်း ၁၇-၁ နဲ့ ငြိမှာပဲ။ ဒီပင်လုံညီလာခံကြီးတခုလုံးလည်း ၁၇-၁ နဲ့ မငြိနိုင်ဘူးလား။ အဲ့တော့ ဥပဒေရဲ့သဘောတရားသည် ဥပဒေသည် မည်သူ့ကိုမျှ မျက်နှာလိုက်စရာမလို ဥပဒေသည် နိုင်ငံသားအားလုံးကို တပြေးညီ ဆက်ဆံရမယ်။ အဲ့တော့ သတင်းသမားတွေကို ၁၇-၁ နဲ့ ဖမ်းရင် ကျန်တဲ့သူလည်း ၁၇-၁ နဲ့ အကုန်ဖမ်း ဟုတ်တယ်မဟုတ်လား။ အဲ့တော့ ကျနော်တို့က သတင်းသမားတွေကိုမှ ရွေးပြီး ၁၇-၁ နဲ့ ဖမ်းတာ လုံးဝ လက်ခံလို့မရဘူး။ အဲ့တာကြောင့် ကျနော်တို့ ဒီနေ့ဆန္ဒပြပွဲကိုလုပ်တယ်။

နောက်တခုက ပုဒ်မ ၆၆ ဃ ဒီ ၆၆ဃ သည် နိုင်ငံတကာစံချိန်စံညွှန်းနဲ့ပဲ ကြည့်ကြည့် ဘ ယ်လိုပဲကြည့်ကြည့် ဘယ်လိုမှ ဒီမိုကရေစီနဲ့ မသင့်တော်တဲ့ဥပဒေ ဒါကြောင့်မို့လို့ ကိုကျော်မင်းဆွေ၊ ကိုအေးနိုင်၊ ကိုပြည့်ဘုန်းနိုင်၊ ကိုသိန်းဇော် ဒီလေးယောက်စလုံးကို ချက်ခြင်းလွှတ်ပေးဖို့ ကျနော်တို့ တောင်းဆိုတယ်။ အဲ့တော့ သူတို့ကို ဆွဲထားတဲ့ အမှုတွေသည် မတရားတဲ့ကိစ္စတွေဖြစ်တယ်။ အဖွဲ့အစည်းတရပ်ရပ်ကနေ ရည်ရွယ်ချက်ရှိရှိ ကျနော်တို့ကို နှိပ်ကွပ်တဲ့လုပ်ရပ်အနေနဲ့ ဆွဲတာဖြစ်တယ် အဲ့တာကြောင့် ကျနော်တို့ ဒီနေ့ဆန္ဒပြတယ် ဥပဒေဘောင်ထဲကနေ ဆန္ဒပြတယ်။ ရှေ့လျောက်လည်း ဥပဒေဘောင်ထဲကနေ ကျနော်တို့ ဆက်ပြီးတိုက်ပွဲဝင်မယ်။"

NLD အစိုးရသစ်လက်ထက် မီဒီယာဖိနှိပ်မှုက ပိုဆိုးလာတဲ့ အနေအထားမျိုးဖြစ်လာသလို ဒီမိုကရေစီ စနစ်ကို အကောင်အထည်ဖော်နေတဲ့ အစိုးရရဲ့ စံနှုန်းကျလာတယ်လို့ သူကဆိုပါတယ်။

သတင်းမီဒီယာသမားတွေကို ဖမ်းဆီးထောင်ချမှုကို ကန့်ကွက်ဆန္ဒဖော်ထုတ်နေတဲ့ တချိန်တည်းမှာပါပဲ ပုဒ်မ ၆၆ဃ ဖျက်သိမ်းရေး လက်မှတ်ထိုးလှုပ်ရှားမှုကိုလဲ ပြုလုပ်ခဲ့ပြီး သတင်းသမားတွေနဲ့အတူ အရပ်ဖက်အဖွဲ့အစည်းတချို့နဲ့ ပြည်သူတွေ ပူးပေါင်း ပါဝင်ခဲ့ကြပါတယ်။

၂၀၁၇ ခုနှစ် မြန်မာပြည်ရဲ့ သတင်းစာလွတ်လပ်ခွင့် ညွှန်းကိန်း အရင်နှစ်တွေကထက် စာရင် တိုးတက် လာတယ်လို့ နယ်စည်းမခြား သတင်းထောက်များအဖွဲ့ RSF က ပြီးခဲ့တဲ့ ဧပြီလက ထုတ်ပြန်ထားတာ ရှိပါတယ်။ ဒါပေမဲ့လဲ လက်ရှိ ဖြစ်ပေါ်နေတဲ့ မီဒီယာ ဖိနှိပ်မှုအခြေအနေအရ ဒါဟာ ဟန်ပြတိုးတက်မှု လား ဆိုတာ သံသယ ဖြစ်လာတယ်လို့ Equality Myanmar အဖွဲ့က ဦးအောင်မျိုးမင်းက ပြောပါတယ်။

"ကမ္ဘာမှာ မြန်မာနိုင်ငံရဲ့ လွတ်လပ်စွာ ထုတ်ဖော်ပြောဆိုခွင့်တွေ သတင်းမီဒီယာ လွတ်လပ်ခွင့်တွေ တိုးတက်လာတယ်ဆိုတာ ကျနော် အများကြီးဂုဏ်ယူပါတယ်။ တကယ်လည်း တိုးတက်သင့်တာ ကြာလှပါပြီ။ ဒါပေမဲ့ အားနည်းချက်ကတော့ အခုလိုမျိုး ကိစ္စတွေ ဖြစ်လာတဲ့အချိန်မှာ တိုးတက်မှုတွေကို သံသယရှိလာကြတယ်။ ဟန်ပြရုံတိုးတက်မှုလား နိုင်ငံတကာ က အသိအမှတ်ပြုပြီး တိုးတက်ဟန်ပြပြီး ပြန်ပြီး နောက်ဆုတ်မှာလားဆိုတဲ့အရာမျိုး ဖြစ်လာတယ်။ အဲ့တာမျိုးဖြစ်လာရင် တိုင်းပြည်အတွက်လည်း မကောင်းပါဘူး။ တိုင်းပြည်က ဖွံ့ဖြိုးတိုးတက်အောင် လုပ်ဆောင်နေတဲ့ နိုင်ငံတကာရဲ့ ပူးပေါင်းဆောင်ရွက်မှုတွေအရလည်း အားမကောင်းပါဘူး။ အဆိုးဆုံးကတော့ ဒီမှာရှိတဲ့သူတွေကိုယ်တိုင်က အခြေခံသတင်းမီဒီယာ လွတ်လပ်ခွင့် ထုတ်ဖော်ပြောဆိုခွင့် ထိခိုက်နေသမျှကာလပတ်လုံး ဖွံ့ဖြိုးတိုးတက်တဲ့တိုင်းပြည်လို့ ဘယ်လိုမှ ဂုဏ်ယူနိုင်မှာမဟုတ်ဘူး။"

လက်ရှိ NLD အစိုးရလက်ထက် ဆက်သွယ်ရေး ဥပဒေ ပုဒ်မ ၆၆ဃနဲ့ တရားစွဲဆိုမှု၆၄မှု ရှိပြီး သတင်း မီဒီယာသမားတွေအပေါ် အရေးယူထားတဲ့အမှု ၉ မှုအထိရှိနေပြီး သတင်းသမား ၁၄ဦး တရားရင် ဆိုင် နေရတာဖြစ်ပါတယ်။ ပြီးခဲ့တဲ့ ရက်ပိုင်းမှာတော့ TNLA ခေါ် တအာင်း (ပလောင်)တပ်ဖွဲ့က လုပ်တဲ့ မူးယစ်ဆေးဝါးအလွဲသုံးမှုနဲ့ တရားမ၀င် ရောင်းဝယ်မှုတိုက်ဖျက်ရေးနေ့အခမ်းအနားကို သွားရောက် သ တင်းယူခဲ့တဲ့ သတင်းထောက် ၃ဦးကို တပ်မတော်က သီပေါမြို့နယ်ရဲတပ်ဖွဲ့မှုရုံးမှာ မတရားအသင်းနဲ့ ဆက်သွယ်မှုနဲ့ အမှုဖွင့်ထားပြီး လောလောဆယ်မှာတော့ သီပေါအကျဉ်းထောင်မှာ ထိန်းသိမ်းထားတာ လဲဖြစ်ပါတယ်။

မြင့်မြင့်ခိုင်  / ဗွီအိုအေ (မြန်မာပိုင်း)
https://burmese.voanews.com

ပေါက်တောတွင် ငွေစက္ကူအတုသုံးစွဲသူ ၅ ဦးကို ဖမ်းဆီးရမိ


ဇွန် ၃၀ ၊ ပေါက်တော

ရခိုင်ပြည်နယ်၊ ပေါက်တောမြို့နယ်၊ ကန်ချောင်းကျေးရွာတွင် တစ်သောင်းတန်ငွေစက္ကူအတု သုံးစွဲနေတဲ့သူ ၅ ဦး ကို ဖမ်းဆီးရရှိခဲ့ကြောင်း သိရသည်။

ငွေစက္ကူအတု လက်ဝယ်ရှိသူများသည် ပေါက်တောမြို့နယ် ကန်ချောင်းကျေးရွာရှိ ဈေးဆိုင်များတွင် တစ်သောင်းတန်ငွေစက္ကူအတုများဖြင့် ဈေးဝယ်နေစဉ်မှာ ပိုင်ရှင်ဖြစ်သူက မသင်္ကာတာကြောင့် ကျေးရွာအုပ်ချုပ်ရေးမှူးကို တိုင်တန်းပြီး ကျေးရွာအုပ်ချုပ်ရေးမှူးက ပေါက်တောမြို့နယ် ရဲစခန်းကို တိုင်တန်းခဲ့တာကြောင့် ဖမ်းဆီးရမိခဲ့ခြင်းဖြစ်ကြောင်း သိရသည်။

ငွေစက္ကူတွေကို မသင်္ကာတာကြောင့် ဈေးဆိုင်ပိုင်ရှင်နဲ့ အငြင်းပွားရာကနေ သတင်းလှမ်းပို့တာကြောင့် ဖမ်းဆီး ရရှိခဲ့တာဖြစ်တယ်လို့ ပေါက်တောမြို့မ ရဲစခန်းမှူး ဦးသန်းဌေးက ပြောသည်။

“ သူတို့တွေရွာက ဈေးဆိုင်မှာ အဲ့ဒီငွေစက္ကူအတုတွေနဲ့ဈေးဝယ်တယ်။ တစ်သောင်းတန်ကို သုံးရာဖို့လောက်ပဲဝယ်တာ။ အဲ့ဒီမှာ ဈေးပိုင်ရှင်က ဒီပိုက်ဆံကအတု မရဘူးဆိုပြီးပြောတယ်။ အငြင်းပွားကြတယ်။ အဲ့ဒီမှာ ဈေးဆိုင်ပိုင်ရှင်က သူတို့တွေကို မသင်္ကာလို့ အုပ်ချုပ်ရေးမှူးကို သွားရောက်တိုင်လိုက်တယ်။ ကျနော်တို့ ရဲတပ်ဖွဲ့ဝင်တွေ ရောက်သွားတယ်။ သူတို့ကို ကျနော်တို့ သေချာစိစစ်လိုက်တော့ ငွေစက္ကူအတု တစ်သောင်တန်အားလုံး(၁၂၀၀၀၀) တွေ့တယ်။ ငွေစက္ကူသုံးစွဲသူ ၅ ယောက်ကို ကျနော်တို့ ဖမ်းဆီးထားပါတယ်။ ” ဟု ဆိုသည်။

ငွေစက္ကူအတုသုံးစွဲနေသူများမှာ ရွာကန်ချောင်းကျေးရွာက ဒေသခံတွေမဟုတ်ဘဲ ရန်ကုန်၊ ရွှေပေါက်ကံက နှစ်ဦး၊ ပေါက်တောမြို့နယ်၊ ဗျိုင်းသစ်အုပ်စု၊ ကြံခင်းရွာကနှစ်ဦး၊ ပေါက်တောမြို့နယ်၊ င/ပြီတက်ကျေးရွာကတစ်ဦး တို့ဖြစ်ကြပြီး သူတို့တွေက ဆွေမျိုးသားချင်းတွေဖြစ်တယ်လို့လည်း ဦးသန်းဌေးက ပြောသည်။

ငွေစက္ကူအတုကိုသုံးစွဲသဖြင့် ဖမ်းဆီးခံရတဲ့သူများဖြစ်သော ဇော်ဝင်းထွဋ် (၂၆ နှစ်)၂၁ ပတ်လမ်း သပြေကုန်းရပ်ကွက် ရွှေပေါက်ကံ၊ ဒေါ်လှခင်သိန်း (၂၃နှစ်) ၂၁ ပတ်လမ်း သပြေကုန်းရပ်ကွက် ရွှေပေါက်ကံ၊ ဒေါ်ကြည်မေ ( ၆၀ နှစ်) ကြံခင်းရွာ ၊ မလှမောင်သိန်း (၁၉နှစ်) ကြံခင်းရွာ ၊ ကျော်နိုင်ဝင်း (၁၈နှစ်) င/ပြီတက် ကျေးရွာ တို့ကို (ပ)၈၁/၂၀၁၇/ဗဟိုဘဏ်ဥပဒေပုဒ်မ ၁၀၅/၁၀၆ ဖြင့် အမှုဖွင့်အရေးယူဆောင်ရွက်နေကြောင်း ပေါက်တောရဲစခန်းက သိရသည်။

နေရောင်မင်း (စစ်တွေ) / DMG
Development Media Group
https://www.facebook.com/dmgnewsagency/

ငါးနှစ်သမီးကို စိတ်ဖောက်ပြန်နေသည့် ၁၉ နှစ်သမီးက သတ်မှု ဖြစ်ပွား


အင်္ဂပူ ဇွန် ၃ဝ

ဧရာဝတီတိုင်း ဒေသကြီး အင်္ဂပူမြို့နယ် ကွင်းကောက်နယ်မြေ ရဲတပ်ဖွဲ့စခန်းအပိုင် ကညွတ်ကွင်း ကျေးရွာအုပ်စု ဝါဘိုကျေးရွာတွင် အသက် ငါးနှစ်အရွယ် မိန်ကလေး ငယ်ကို ၁၉ နှစ်အရွယ် အမျိုးသမီး တစ်ဦးကသတ်မှု ဇွန် ၂၈ ရက် မွန်းလွဲ ၃ နာရီက ဖြစ်ပွားခဲ့ ကြောင်း သိရသည်။

ကွင်းကောက်နယ်မြေရဲတပ်ဖွဲ့ စခန်းမှ စခန်းမှူး ရဲအုပ်ဇော်မင်း ထွန်းက ''ဟုတ်ပါတယ်။ မနေ့က ညနေပိုင်းကဖြစ်တာပါ။ သေဆုံး သွားတာက ငါးနှစ်အရွယ် မနှင်း နှင်းဝေဖြစ်ပါတယ်။ သတ်တာက မသဇင်(၁၉နှစ်) ဖြစ်ပါတယ်။ သတ်တဲ့ကောင်မလေးက ကျေးရွာ အုပ်ချုပ်ရေးမှူး ပြောပြချက်အရ တော့ သူက လွန်ခဲ့တဲ့သုံးလ လောက်ကတည်းက စိတ်ဖောက် ပြန်နေတယ်လို့တော့ ပြောထားပါ တယ်။ ခု သူက သူ့ကိုယ်သူ ခဲချွန် ဓားနဲ့လှီးထားတဲ့အတွက် ဒဏ်ရာ ပေါင်းကတော့ မရေတွက်နိုင်ပါ ဘူး။ ခုကွင်းကောက် တိုက်နယ် ပြည်သူ့ဆေးရုံတင်ပြီး ကုသနေ တယ်။ တစ်စုံတစ်ရာ ဘာမှတော့ မေးလို့မရပါဘူး။ ဆရာဝန်ရဲ့ ညွှန် ကြားချက်အပေါ်မူတည်ပြီး ဆက်ပြီး လုပ်ရမှာပါပဲ။ ရန်ကုန်စိတ်ရောဂါ ကုဆေးရုံတော့ ပို့ရလိမ့်မယ်ထင် ပါတယ်''ဟု ပြောကြားခဲ့သည်။

အဆိုပါဖြစ်စဉ်များကို ကွင်း ကောက်စခန်းမှူး ရဲအုပ်ဇော်မင်း ထွန်းက တရားလိုပြုလုပ်ပြီး အမှု ဖြစ်စဉ်အမှတ် (ပ)၈၅ ရာဇသတ် ကြီးဥပဒေပုဒ်မ ၃ဝ၂ လူသတ်မှု ဖြင့်အမှုဖွင့်ဆောင်ရွက်နေကြောင်း သိရသည်။

အောင်ထူးမြတ်ပိုင်
The Union Daily
https://www.facebook.com/uniondaily.net

ရခိုင်ပြည်နယ် ပေါက်တောမြို့နယ်တွင် ကျပ်တစ်သောင်းတန် ငွေစက္ကူအတု အသုံးပြုနေသူများကို ဖမ်းဆီး စစ်ဆေး


ရခိုင်ပြည်နယ်၊ ပေါက်တောမြို့နယ်တွင် ကျပ်တစ်သောင်းတန် ငွေစက္ကူအတုများဖြင့် ဈေးဝယ်နေသည့်သူ (၅)ဦး အား ဇွန်လ(၂၉)ရက်က ဖမ်းဆီးကာ စစ်ဆေးနေကြောင်း ပေါက်တောမြို့မ ရဲစခန်းက သိရှိရသည်။

 ပေါက်တောမြို့နယ်၊ ကံချောင်းကျေးရွာတွင် လူစိမ်း(၅)ဦးမှ တစ်သောင်းတန် ငွေစက္ကူများဖြင့် ဈေးဝယ်ရာမှ မသင်္ကာဖွယ်တွေ့ရှိ၍ ကျေးရွာအုပ်ချုပ်ရေးမှူးက စစ်ဆေးရာ တစ်သောင်းတန် ငွေစက္ကူအတု (၁၂) ရွက်တွေ့ရှိခဲ့ကြောင်း သိရသည်။
“ဖမ်းမိတဲ့အထဲမှာ လင်မယားနှစ်ယောက်ပါတယ်။ တစ်သောင်းတန်တွေနဲ့ ဈေးဝယ်ရာကနေတဆင့် သူတို့ သုံးတဲ့ တစ်သောင်းကျပ်တန်တွေကို မသင်္ကာလို့ စစ်ဆေးရာကနေ ဖော်ထုတ်မိတာပါ။“ဟု ပေါက်တော မြို့မ ရဲစခန်းမှ ရဲအုပ်သန်းဌေး ကပြောသည်။

ဖမ်းဆီးရမိသူ (၅)ဦးတွင် ငွေစက္ကူအတုများ၏ ပိုင်ရှင်ဇော်ဝင်းထွဋ်(၂၆)နှစ်နှင့် လှခင်သိန်း(၂၃)နှစ်တို့ လင်မယား (၂)ဦးမှာ ရန်ကုန်တိုင်း၊ ရွှေပေါက်ကံမြို့တွင် နေထိုင်သူများဖြစ်ကြပြီး ကျန်(၃)ဦးမှာ ပေါက်တော မြို့နယ်၊ ကြံခင်းကျေးရွာနှင့် ငပြီတတ်ကျေးရွာတို့တွင် နေထိုင်သူများဖြစ်ကြကြောင်း သိရသည်။

အဆိုပါ (၅)ဦးကို ပေါက်တောမြို့မ ရဲစခန်းတွင် (ပ)၈၁/၂၀၁၇၊ ဗဟိုဘဏ်ဥပဒေပုဒ်မ(၁၀၅)၊ (၁၀၆) တို့ဖြင့် အမူဖွင့်၍ စစ်ဆေးနေကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper

ရခိုင်မှာ အကြမ်းဖက်မှုနဲ့ ဆက်နွယ်တဲ့ တရားခံပြေး ၁၃၀၀ ကျော်ရှိ


ရခိုင်ပြည်နယ် မောင်တောခရိုင်နဲ့ ရသေ့တောင်မြို့နယ်တွေမှာ ပြီးခဲ့တဲ့နှစ် အောက်တိုဘာလက နယ်ခြားစောင့် ရဲကင်းစခန်းတွေ အကြမ်းဖက် တိုက်ခိုက်ခံရတဲ့ဖြစ်စဉ်တွေနဲ့ ဆက်နွယ်ပြီး လူကြီးတရားခံ ၅၁၆ ဦးနဲ့ ကလေးတရားခံ ၅ ဦးကို တရားစွဲဆိုခဲ့ပြီး တရားခံပြေးကတော့ လူပေါင်း ၁၃၀၀ ကျော်အထိရှိတယ်လို့ ရခိုင်ပြည်နယ်တရားလွှတ်တော် ပြည်နယ်တရားသူကြီးချုပ် ဦးကျောက်က ဒီနေ့ကျင်းပတဲ့ ရခိုင်ပြည်နယ်လွှတ်တော်အစည်းအဝေးမှာ ပြောပါတယ်။

နိုင်ငံတော်ဒုတိယသမ္မတရဲ့ လမ်းညွှန်မှုနဲ့ အမှုတွေကို ဘူးသီးတောင်မြို့ပေါ်မှာ မောင်တောခရိုင်တရားရုံးအဖြစ် သီးသန့်ဖွင့်လှစ်ပြီး စစ်ဆေးနေတယ်လို့လည်း ပြည်နယ်တရားသူကြီးချုပ်က ပြောပါတယ်။

ရခိုင်ပြည်နယ်တရားလွှတ်တော်နဲ့ လက်အောက်တရားရုံးအဆင့်ဆင့်တို့ရဲ့ တရားစီရင်ရေးဆိုင်ရာ အခြေအနေတွေနဲ့ ပတ်သက်တဲ့ အစီရင်ခံစာကို ဒီနေ့ကျင်းပတဲ့ ရခိုင်ပြည်နယ်လွှတ်တော် အစည်းအဝေးမှာ ပြည်နယ်တရားသူကြီးချုပ် ဦးကျောက်က တင်သွင်းခဲ့ရာမှာ ထည့်သွင်းပြောဆိုခဲ့တာလည်းဖြစ်ပါတယ်။

တရားစွဲဆိုထားတဲ့ ကလေးတရားခံတစ်ဦးက သေဆုံးခဲ့ပြီး အဲဒီအထဲက တချို့အမှုတွေက ပြီးပြတ်ပြီဖြစ်သလို တချို့အမှုတွေကိုတော့ ဆက်လက်စစ်ဆေးနေဆဲဖြစ်တယ်လို့လည်း ပြည်နယ်တရားသူကြီးချုပ် ဦးကျောက် ကပြောပါတယ်။

ဒါ့အပြင် အဲဒီအကြမ်းဖက်မှုတွေနဲ့ ဆက်နွယ်နေတဲ့ တရားခံတချို့ကို မောင်တောခရိုင်၊ မောင်တောမြို့နယ်နဲ့ စစ်တွေခရိုင်၊ စစ်တွေမြို့နယ် တရားရုံးတွေမှာလည်း စစ်ဆေးနေတယ်လို့သိရပါတယ်။

RFA Burmese
http://www.rfa.org/burmese

ကျောက်တံခါးမြို့ ရင်းတိုက်ကုန်းသံလမ်းခုံးကွေ့အနီး ၁ဝ ဘီးကုန်တင်ယာဉ် တိမ်းမှောက် သုံးဦးသေ



ကျောက်တံခါး ဇွန် ၃ဝ

ပဲခူးတိုင်းဒေသကြီး ကျောက် တံခါးမြို့မရဲစခန်းအပိုင် ရန်ကုန်- မန္တလေးကားလမ်းဟောင်းမိုင်တိုင် အမှတ် ၁၁၇/၂နှင့် ၃အကြား ရင်း တိုက်ကုန်း သံလမ်းခုံးကွေ့အနီး၌ ယနေ့နံနက် ၆နာရီက ၁ဝဘီးကုန် တင်ယာဉ်တိမ်းမှောက်မှုဖြစ်ပွားခဲ့ ကြောင်း သိရသည်။


ရန်ကုန်ဘက်မှ မန္တလေးဘက် သို့ ယာဉ်မောင်း မောင်ဖြိုး(၂၁နှစ်) အေးသာယာမြို့ တောင်ကြီးမြို့နယ် နေသူမောင်းနှင်လာသော ၅ဃ။--- နစ်ဆန်း ဒီဇယ်အပြာရောင် ၁ဝဘီး ယာဉ်သည် နေကြာဖက်အိတ်များ တင်ဆောင်မောင်းနှင်လာစဉ် လမ်း အကွေ့၌ အရှိန်မထိန်းနိုင်ဘဲ လမ်း ၏ဝဲဘက်ခြမ်းလမ်းဘေးရေအိုင်စပ် သို့ ထိုးကျတိမ်းမှောက်ခဲ့ရာ ယာဉ် ပေါ်တွင်လိုက်ပါလာသော မချော ချော(၂၅နှစ်) ရပ်စောက်မြို့ တောင် ကြီးမြို့နယ်နေသူမှာ ဝဲမျက်ခုံး ပေါက်ပြဲ၊ နှာခေါင်းသွေးထွက် ဒဏ်ရာဖြင့် နေရာတွင်သေဆုံး၊ မအေးသီတာထွန်း(၂၅နှစ်) (လိပ် စာတူ)တွင် နှာခေါင်းသွေးထွက်၊ ဝဲခြေခုံပြတ်ရှဒဏ်ရာဖြင့် နေရာ တွင် သေဆုံး၊ ဒေါ်ခင်မြင့်ကြည် (၅ဝနှစ်) လျှားချောင်းကျေးရွာ လယ်ဝေးမြို့နယ်နေသူတွင် ဝဲဘက် ချိုစောင်းပေါက်ပြဲ နှာခေါင်းသွေး ထွက်ဒဏ်ရာဖြင့် နေရာတွင် သေဆုံးခဲ့ပြီး ဦးကျော်စိန်(၄၇နှစ်) မြို့သစ်မြို့ တောင်ကြီးမြို့နယ်နေသူ နှင့်ကျော်ဝင်းသိန်း(၃၄နှစ်) မြို့သစ် မြို့ တောင်ကြီးမြို့နယ်၊ မမီးရုပ် (၂ဝနှစ်) တောင်ကြီးမြို့နယ်နေသူ တို့ သုံးဦးမှာ ပွန်းပဲ့ဒဏ်ရာ ပြင်ပ လူနာမစိုးရိမ်ရတို့ အသီးသီးရရှိကာ ကျောက်တံခါးမြို့နယ် ပြည်သူ့ ဆေးရုံသို့ပို့ဆောင်ခဲ့ပြီး ယာဉ် မောင်းမှာ ထိခိုက်ဒဏ်ရာမရရှိ သော်လည်း ယာဉ်မှာရှေ့လေကာ မှန်ကွဲ ဝဲဘက်ခြမ်းဘော်ဒီပိန်ချိုင့် ပျက်စီးခဲ့သည်။

ဖြစ်စဉ်နှင့်ပတ်သက်၍ ရဲအုပ် ကျော်သူထက်က တရားလိုပြုလုပ် တိုင်တန်းကာ ကျောက်တံခါးမြို့မ ရဲစခန်းမှယာဉ်(ပ)၃ဝ/၂ဝ၁၇ ရာဇ သတ်ကြီးပုဒ်မ ၃ဝ၄-က/၃၃၇ အရ ယာဉ်မောင်း မောင်ဖြိုးအား အမှုဖွင့်အရေးယူဆောင်ရွက်ထား ကြောင်း သိရသည်။

ခင်ကို(ကျောက်တံခါး)
The Union Daily
https://www.facebook.com/uniondaily.net

သူနာပြု/ သားဖွားများ ၀င်ပေါက် ရာထူးနှင့် လစာနှုန်းထားများ ပြောင်းလဲမည်

ဒုတိယအကြိမ် ပြည်သူ့ လွှတ်တော် ပဉ္စမပုံမှန် အစည်းအဝေး ၂၄ ရက်မြောက်နေ့ တွင် ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီး ဒေါက်တာ မြင့်ထွေး ဖြေကြားနေစဉ် (ဆင်ဟွာ)
    နေပြည်တော်၊ ဇွန် ၃၀ ရက် (ဆင်ဟွာ)

    သူနာပြုနှင့် သားဖွား ဆရာမများ၏ အလုပ်ဝင်ပေါက်(ပညာအရည်အချင်း)၊ ရာထူးနှင့် လစာနှုန်းထား များအား ပြောင်းလဲသတ်မှတ်ရန် စီစဉ်လျက်ရှိသည်ဟု ကျန်းမာရေးနှင့် အားကစား ၀န်ကြီးဌာန ပြည်ထောင်စုဝန်ကြီး ဒေါက်တာ မြင့်ထွေးက ယနေ့  ပြည်သူ့ လွှတ်တော် အစည်းအဝေးတွင် ပြောကြားခဲ့သည်။

“သူနာပြုပညာအရည်အချင်းတွင် သူနာပြု ဒီပလိုမာနှငိ့် သူနာပြု သိပ္ပံဘွဲ့ နှစ်မျိုးရှိပါတယ်၊ ပြည်သူ လူထု ကျန်းမာရေး စောင့်ရှောက်မှုအတွက် သူနာပြု သိပ္ပံဘွဲ့  (BNSc)တစ်ခုတည်းနဲ့  မရနိုင်ပါသဖြင့် သူနာပြု ဒီပလိုမာ သုံးနှစ် သင်တန်း ဖွင့်ပြီး သူနာပြုများကို ဆက်လက်မွေးထုတ်သင့်ပါတယ်၊  သူနာပြု သားဖွား ဒီပလိုမာမှ သူနာပြု သိပ္ပံဘွဲ့ (ပေါင်းကူး)၊ သူနာပြု ပါရဂူဘွဲ့ များသို့  အဆင့်ဆင့် ပညာ ဆည်းပူး နိုင်ပါတယ်၊ ပြည်သူလူထု ကျန်းမာရေးအတွက် အဓိကကျပြီး အရေးပါလှသော ၀န်ထမ်း အမျိုး အစား ဖြစ်တဲ့  သူနာပြု သားဖွား လောကကို ပြုပြင် ပြောင်းလဲမှုတွေ ပြုလုပ်ဖို့  စီစဉ်ဆောင်ရွက် နေပါတယ်” ဟု ၎င်းက ပြောခဲ့သည်။

သူနာပြုများအတွက် စားစရိတ်အတွက် တစ်လ နှစ်သောင်းကျပ်၊ ၀တ်စုံဖိုးအတွက် တစ်နှစ် နှစ်သောင်းကျပ် ထုတ်ပေးမည့် အစီအစဉ်များ ပါဝင်သည့် အဆိုပါ ပြုပြင် ပြောင်းလဲမှုများတွင် ၀င်ပေါက် ရာထူးနှင့် လစာနှုန်းထားများကိုလည်း ပြင်ဆင်မည်ဟု ၎င်းက ပြောသည်။

“ဘက်စုံ သားဖွား ဒီပလိုမာ ရထားတဲ့ သားဖွားဆရာမကို လက်ရှိ လစာ (ကျပ် ၁၅၀၀၀၀ - ၂၀၀၀ - ၁၆၀၀၀၀)ကနေ ၁၆၅၀၀၀ - ၂၀၀၀ - ၁၇၅၀၀၀ ကျပ်၊ သူနာပြု သိပ္ပံဘွဲ့ ရထားတဲ့ သူနာပြုရဲ့ လက်ရှိလစာ (ကျပ် ၁၆၅၀၀၀ - ၂၀၀၀ - ၁၇၅၀၀၀)ကို ၁၈၀၀၀၀ - ၂၀၀၀ - ၁၉၀၀၀၀ ကျပ်အထိ တိုးဖို့ စီစဉ်ဆောင်ရွက်နေပါတယ်” ဟု ပြည်ထောင်စုဝန်ကြီးက ပြောခဲ့သည်။ အဆိုပါ နှုန်းထားများအတိုင်း တိုးမြှင့် ပေးရန် အစိုးရဖွဲ့သို့  စာတင်ထားပြီးဖြစ်ကြောင်းနှင့် ဇူလိုင် လဆန်းရက်များတွင် ခွင့်ပြုချက် ကျလာနိုင်ကြောင်းလည်း ၎င်းက ပြောခဲ့သည်။

သူနာပြုများ၏ အဆင့်ကို သတ်မှတ်ရာတွင် လက်ရှိရာထူး အခေါ်အဝေါ်များကို ပြောင်းလဲခေါ်ဝေါ် သွားမည်ဖြစ်ရာ  လက်ရှိ သူနာပြု - ၁ (ပြည်သူ့ ကျန်းမာရေးဆရာမကြီး) ကို ပြည်သူ့  ကျန်းမာရေး ဆရာမကြီး (Public Health Nurse) ဟုလည်းကောင်း၊ သူနာပြု - ၂ သူနာပြုဆရာမကြီး (Sister) ကို သူနာပြုအရာရှိ (Head Nurse) ဟုလည်းကောင်း၊ သူနာပြု - ၃ ၊ (အထက်တန်း သူနာပြု၊ သူနာပြု) ကို အထက်တန်း သူနာပြု (Staff Nurse) ၊ သူနာပြု (Trained Nurse) ဟုလည်းကောင်း၊ သူနာပြု - ၄ (သားဖွား အကူ သူနာပြု) ကို သားဖွား (Midwife) ဟုလည်းကောင်း၊ သူနာပြု - ၅ (ဆေးထည့်) ကို ဆေးထည့် (Dresser) ဟုလည်းကောင်း ပြောင်းလဲ ခေါ်ဝေါ်သွားရန် အဆိုပြု တင်ပြထားကြောင်း သိရသည်။

(Xinhua)
http://www.xinhuamyanmar.com

ဦးကိုနီ လုပ်ကြံခံရမှု တရားလိုကို စစ်ဆေး

ရှေ့နေဦးကိုနီ လုပ်ကြံခဲ့သူတွေကို ရန်ကုန်မြောက်ပိုင်းခရိုင် တရားရုံးမှာ ဇွန်လ ၃ဝ ရက်နေ့က ရုံးထုတ်ပြီးနောက်တွေ့ရစဉ် Photo: Kaung Htet Kyaw/RFA
အမျိုးသားဒီမိုကရေစီအဖွဲ့ချုပ်ရဲ့ ဥပဒေအကြံပေးဖြစ်တဲ့ တရားလွှတ်တော်ရှေ့နေဦးကိုနီ လုပ်ကြံခံရမှုနဲ့ ပတ်သက် ပြီး လူသတ်မှုကို ဒီကနေ့ အင်းစိန်မြို့နယ်က ရန်ကုန်မြောက်ပိုင်းခရိုင် တရားရုံးမှာ စတင်စစ်ဆေးပါတယ်။

ဒီကနေ့ရုံးချိန်းမှာ ဦးကိုနီ လုပ်ကြံခံရစဉ်က လေဆိပ်မှာ တာဝန်ကျခဲ့တဲ့ တရားလို ရဲအုပ်မိုးနိုင်ကို စစ်ဆေးခဲ့တယ် လို့ မြာက်ပိုင်းခရိုင်တရားရုံးက ဒုတိယ ခရိုင်တရားသူကြီးဖြစ်တဲ့ ပြန်ကြားရေးအရာရှိ ဦးရဲလွင်က ပြောပါတယ်။

တရားလွှတ်တော်ရှေ့နေ ဦးကိုနီ လုပ်ကြံခံရမှုနဲ့ပတ်သက်ပြီး အရင်ရုံးချိန်းတွေမှာ တရားခံပြေးအမှုနဲ့ လက်နက် မှုတွေကို စစ်ဆေးခဲ့ပြီး ဒီကနေ့ရုံးချိန်းမှာမှ လူသတ်မှုကို စတင်စစ်ဆေးတာဖြစ်ပါတယ်။

ပြီးခဲ့တဲ့ ဇန်နဝါရီလ ၂၉ ရက်နေ့က ရန်ကုန် အပြည်ပြည်ဆိုင်ရာလေဆိပ်မှာ တရားလွှတ်တော်ရှေ့နေ ဦးကိုနီ ကို ကြည်လင်းဆိုသူက အနီးကပ် သေနတ်နဲ့ ပစ်ခတ်လုပ်ကြံခဲ့တာဖြစ်ပါတယ်။အဲဒီ လုပ်ကြံမှုကြောင့် ဦးကိုနီ နေရာမှာ တင် သေဆုံးခဲ့ပြီး ကြည်လင်းကို လိုက်လံဖမ်းဆီးရာမှာ ပါဝင်တဲ့ အငှားယာဉ်မောင်း ဦးနေဝင်းလည်း သေနတ်နဲ့ အပစ်ခံရပြီး သေဆုံးခဲ့ရပါတယ်။

အဲဒီအမှုနဲ့ပတ်သက်ပြီး သေနတ်နဲ့ပစ်ခတ်ခဲ့တဲ့ ကြည်လင်းနဲ့အတူ အောင်ဝင်းထွန်း၊ အောင်ဝင်းဇော်၊ ဇေယျာဖြိုး တို့ကို ရဲတပ်ဖွဲ့က ဖမ်းဆီးပြီး လူသတ်မှု၊ အားပေးကူညီမှု၊ လက်နက်မှုတွေနဲ့ တရားစွဲဆိုထားပါတယ်။

ဦိးကိုနီကို လုပ်ကြံမှုမှာ အဓိက ပါဝင်ပတ်သက်သူလို့ ရဲတပ်ဖွဲ့က ထုတ်ပြန်ထားတဲ့ အောင်ဝင်းခိုင် ကိုတော့ လက်ရှိအချိန်အထိ ဖမ်းဆီးရမိခြင်း မရှိသေးပါဘူး။

နောက်ထပ်ရုံးချိန်းကိုတော့ လာမယ့် ဇူလိုင်လ ၇ ရက်နေ့မှာ ထပ်မံ ချိန်းဆိုထားပါတယ်။

RFA Burmese
http://www.rfa.org/burmese

အဂတိလိုက်စားမှု တိုက်ဖျက်ရေးကော်မရှင် ပြန်ဖွဲ့ဖို့ ရှိတယ်လို့ပြော

အမျိုးသားလွှတ်တော်၊ ဥပဒေကြမ်းကော်မတီဥက္ကဌ ဦးဇော်မင်း ကို ဇွန်လ ၃ဝ ရက်နေ့က တွေ့ရစဉ် Photo: Win Ko Ko Latt/RFA
အဂတိလိုက်စားမှု တိုက်ဖျက်ရေးကော်မရှင်ရဲ့ လုပ်ဆောင်ချက်တွေကို အားရကျေနပ်မှု မရှိကြောင်းနဲ့ အသစ်ပြန် ဖွဲ့ဖို့ ရည်ရွယ်ချက်ရှိကြောင်း အမျိုးသားလွှတ်တော်၊ ဥပဒေကြမ်းကော်မတီဥက္ကဌ ဦးဇော်မင်း က ပြောပါတယ်။

ဒီကနေ့ အမျိုးသားလွှတ်တော်အစည်းအဝေး အပြီးမှာ အမျိုးသားလွှတ်တော်၊ ဥပဒေကြမ်းကော်မတီဥက္ကဌ ဦးဇော်မင်း က အဂတိလိုက်စားမှုတိုက် ဖျက်ရေးကော်မရှင်နဲ့ ပတ်သက်ပြီး သတင်းထောက်တွေကို အခုလိုပြောတာပါ။

အဂတိလိုက်စားမှု တိုက်ဖျက်ရေးကော်မရှင်ကို ပြီးခဲ့တဲ့ အစိုးရလက်ထက် ၂၀၁၄ ခုနှစ်က အဖွဲ့ဝင် ၁၅ ဦးနဲ့ စတင်ဖွဲ့စည်းခဲ့ပြီး အငြိမ်းစားဗိုလ်ချုပ် ဦးမြဝင်းက ဥက္ကဌအဖြစ် ဆောင်ရွက်နေတာပါ။

ဒီကနေ့ အမျိုသားလွှတ်တော်အစည်းအဝေးမှာ အဂတိလိုက်စားမှု တိုက်ဖျက်ရေးဥပဒေကို တတိယ အကြိမ်မြောက် ပြင်ဆင်တဲ့ ဥပဒေကြမ်းကိုလည်း အမျိုးသားလွှတ်တော် ဥပဒေကြမ်း ကော်မတီက တင်သွင်းခဲ့ပါတယ်။

လက်ရှိ ကျင့်သုံးနေတဲ့ အဂတိလိုက်စားမှု တိုက်ဖျက်ရေး ဥပဒေထဲမှာ ကော်မရှင်အဖွဲ့ဝင်တွေဟာ အသက် ၇၀ ထက် မကျော်လွန်သူဖြစ်ရမယ် ဆိုတဲ့ ပြဌာန်းချက်ကို အသက် ၇၅ နှစ် အထိ တိုးမြှင့်ပြင်ဆင်သတ်မှတ်ဖို့အတွက် အဲဒီ ဥပဒေကြမ်းမှာ ပြင်ဆင်ထားပါတယ်။

RFA Burmese
http://www.rfa.org/burmese

ရွှေပြည်သာမြို့နယ်တွင် မယားပါသားမှ ဓားဖြင့်ထိုးရာ ပထွေးဖြစ်သူ သေဆုံးမှုဖြစ်ပွား


ရန်ကုန်တိုင်း ရွှေပြည်သာမြို့နယ် အမှတ်(၁၈)ရပ် ကွက် ဘုရင့်နောင်လမ်းသွယ် အိမ်အမှတ်(၇၅၈)တွင်  ဇွန်လ ၂၉ ရက်နေ့ ည(၈)နာရီ အချိန်ခန့်က မယားပါသားမှ ဓားဖြင့်ထိုးရာ ပထွေးဖြစ်သူ သေဆုံးမှုဖြစ်ပွား ခဲ့ကြောင်း သိရပါသည်။

အဆိုပါအမှုအား ရွှေပြည်သာမြို့မရဲစခန်းမှ တာဝန်မှူးဒုရဲအုပ်သန်းတိုးအောင် နှင့်အဖွဲ့မှ သွားရောက်စစ်ဆေးရာ သီဟအောင်(၂၈)နှစ်(ဘ)ဦးအောင်ကြည် အမှတ်(၁၈)ရပ် ကွက် ဘုရင့်နောင်လမ်းသွယ် အိမ်အမှတ်(၇၅၈)နေထိုင်သူသည် ၎င်း၏မယားပါသားဖြစ်သော ဝေယံထွန်း(၁၆)နှစ် (ဘ)ဦးစိုးနိုင်ထွန်း အမှတ်(၁၈)ရပ်ကွက် သမာဓိလမ်းသွယ် အမှတ် ၈၀၀(က) နေထိုင်သူနှင့် စကားများရာမှ မယားပါသားဖြစ်သူ ဝေယံထွန်းမှ ဓားဖြင့်ထိုးရာ ပထွေးဖြစ်သူသီဟအောင် မှာ ဝမ်းဗိုက်တွင်း ထိုးသွင်းဒဏ်ရာ(၁)ချက် ရရှိသဖြင့် မေတ္တာရောင်ခြည် ကျန်းမာရေးကူညီစောင့်ရှောက်ရေး အသင်းမှကားဖြင့် အင်းစိန်ဆေးရုံသို့ ပို့ဆောင် ကုသနေစဉ် သေဆုံးသွားခဲ့ကြောင်း သိပါသည်။

ဖြစ်စဉ်နှင့် ပတ်သတ်၍ ရွှေပြည်သာမြို့မရဲစခန်းမှဒုရဲအုပ် သန်းတိုးအောင်မှ တရားလိုပြု၍တိုင်ကြားရာ မြို့မရဲစခန်းမှ(ပ)၁၅၅၀/၂၀၁၇ ရာဇသတ်ကြီးပုဒ်မ ၃၀၂ ဖြင့် အမှုဖွင့်လှစ်ပြီး အမှုစစ်အဖြစ် မြို့မစခန်းမှူး ဒုရဲမှူးခင်ဇော် မှဆောင်ရွက်ကာ တိမ်းရှောင်ထွက်ပြေးနေသော ဝေယံထွန်းအား ဖမ်းဆီးရမိနိုင်ရေးအတွက် ဆက်လက်လုပ်ဆောင်လျှက်ရှိသည်။

မြန်မာနိုင်ငံမှုခင်းသတင်းထောက်များအသင်း(MCRA)
ရှုထောင့်မှုခင်းနှင့်သတင်းအဖွဲ့(SH)
ရွှေပြည်သာမြို့နယ်ရုံး

မိုင်းပါလျှိုးနယ်မြေအတွင်း တောင်ကျချောင်းရေ တိုက်စား၍ လမ်းပန်းခေတ္တပြတ်တောက်


ကျိုင်းလပ် ဇွန် ၃ဝ

ဇွန် ၃ဝ ရက် နံနက် ၇ နာရီခန့်က တာချီလိတ်မြို့နယ်၊ မိုင်းပါလျှိုးနယ်မြေအတွင်း မိုးအဆက်မပြတ်ရွာသွန်းမှုနှင့်အတူ တောင်ကျချောင်းရေများပါ ကျဆင်းလာ သည့်အတွက် မိုင်းပါလျှိုးအုပ်စု၊ တာလေ-ကျိုင်းလပ်သွားလမ်း၊ နမ်ဝမ်း(၂)ကျေးရွာအနီး မိုင်တိုင်အမှတ် (၄၁-၄၂)ကြား ကတ္တရာလမ်းပျက်စီးပြီး လမ်းပန်းသွားလာရေး ခေတ္တ ပြတ်တောက် သွားခဲ့သည်။

တောင်ကျချောင်းရေတိုက်စားမှုကြောင့် ရေထွက်ပြွန်နှင့် လမ်းအကျယ် ၁ဝ ပေကျော်ခန့် ကတ္တရာလမ်းပျက်စီးပြီး၊ ဆိုင်ကယ်နှင့် ကားများဖြတ်သန်းသွားလာ၍ မရရှိ သဖြင့် လမ်းပန်း ဆက်သွယ်သွားလာရေး ပြတ်တောက်သွားခဲ့သည်၊ ထို့အပြင် မိုင်းပါလျှိုးအုပ်စု၊ နမ့်ကိုင်းကျေးရွာ အတွင်းသို့ တောင်ကျချောင်းရေများနှင့် လယ်ကွင်းပြင်မှ ရေများစီးဝင်မှုကြောင့် ဦးနမ့်ခမ်းကောင်နေအိမ်နှင့် ဦးအိုက်အင် နေအိမ်များအတွင်းသို့ သုံးပေခန့် ရေစီးဝင်နစ်မြုပ်ခဲ့ရာ လူ၊ တိရစ္ဆာန်နှင့် နေအိမ်ရှိ ပစ္စည်းများ တစ်စုံတစ်ရာ ထိုခိုက်ပျက်စီးဆုံးရှုံးမှု မရှိကြောင်း သိရသည်။

အဆိုပါ တောင်ကျချောင်းရေတိုက်စားမှုကြောင့် ပျက်စီးသွားသော ကတ္တရာလမ်းနှင့် အိမ်ထောင်စု နှစ်စုနှင့် မိသားစု ခုနှစ်ဦးတို့အား ရေလွတ်ရာ နမ့်ကိုင်းကျေးရွာရှိ နေအိမ်များသို့ ပြောင်းရွှေ့နေရာ ချထားပေးရေးအတွက် တာချီလိတ်မြို့နယ်အုပ်ချုပ်ရေးမှူး ဦးထွန်းဝင်းအောင်နှင့် တာဝန်ရှိသူများက လှည့်လည်ကြည့်ရှု့ စစ်ဆေးကြကာ လိုအပ် သည်များ ပံ့ပိုးကူညီဆောင်ရွက်ပေးခဲ့သည်။

မြင့်မိုရ်(တာချီလိတ်)
Myanmaalinn
https://www.facebook.com/MYANMAALINNNEWS/

မြို့သာနတ်ပွဲမော်တော်ကားလမ်း အလှူခံသူအား ကားဝင်တိုက်သေဆုံး


မြိုင် ဇွန် ၃၀

မကွေးတိုင်းဒေသကြီး မြိုင်မြို့နယ် ကျောက်ဆောက်ရေယဉ် မြို့သာနတ်ပွဲသွား မော်တော်ကားလမ်းပေါ်၌ အလှူခံနေသည့်သူအား မော်တော်ကား ဝင်တိုက်သေဆုံးကြောင်း ဇွန်၃၀နေ့ နံက်က မြို့မရဲစခန်းမှ သိရသည်။

ဖြစ်စဉ်မှာ...နှစ်စဉ်ကျင်းပမြဲဖြစ်သော ရိုးရာနတ်ပွဲဖြစ်သည့် မြိုင်မြို့နယ် မြို့သာနတ်ပွဲ၌ နေရာဒေသ အသီးသီး ဆိုင်ရာတို့မှ မော်တော်ယာဉ်များဖြင့် လာရောက်ကြရာ ကျောက်ဆောက်ကျေးရွာအုပ်စု ရေယဉ်ကျေးရွာအနီး ထန်းငယ်တောကျေးရွာ အလှူခံမဏ္ဍပ်တွင် မောင်အေးကို (၃၇)နှစ် အလှူခံနေစဉ် အပြာရောင်ထော်လာဂျီ မောင်ဝင်းကို(၂၄)နှစ်မောင်းနှင် လာသော ယာဉ်မှ တိုက်မိသဖြင့် ပခုက္ကူဆေးရုံကြီးသို့ အပို့ သေဆုံးသွားကြောင်း ယာဉ်တိုက်မှုအား မြိုင်မြို့မရဲစခန်းမှ အရေးယူဆောင်ရွက်ကြောင်းသိရသည်။

စိန်မြိုင်(မြိုင်)
Myanmaalinn
https://www.facebook.com/MYANMAALINNNEWS/

ထောက်ကြန့် (၄)လောင်းပြိုင် အမှု ၁ နှစ် နီးပါး အကြာမှာ ရဲ သတင်းထုတ်

ထောက်ကြန့် လေးလောင်းပြိုင် Photo Credit - MOI
ထောက်ကြန့်မြို့နယ် လေးလောင်းပြန်လူသတ်မှုနဲ့ ပတ်သတ်လို့ တနှစ်နီးပါးအကြာမှာ ရဲတပ်ဖွဲ့က ပထမဦးဆုံးအကြိမ်အဖြစ် တွေ့ရှိချက်ကို ထုတ်ပြန်ခဲ့ပါတယ်။

ရဲစစ်ဆေးတွေ့ရှိချက်တွေအရ သေဆုံးသူ ရဲအရာရှိဟောင်း ကိုစိုးနောင်တို့ ဇနီးမောင်နှံအပါအ၀င် မိသားစုလေးဦး သေဆုံးခဲ့တဲ့ အမှုနဲ့ ပတ်သတ်လို့ ကိုစိုးနောင်မှာ မိသားစုစီးပွားရေး အကျပ်အတည်းနဲ့ စိတ်မတည်ငြိမ်မှုတွေ ဖြစ်ခဲ့တယ်လို့ ဆိုပါတယ်။

မှုခင်းဆရာဝန်ကြီးရဲ့ တွေ့ရှိချက်ကို ကိုးကားကာ ကိုစိုးနောင် ရရှိတဲ့ ဒဏ်ရာမှာ စိတ်မတည်ငြိမ်တဲ့ အချိန် ကိုယ့်ဘာသာကိုယ် ထိုးသွင်းတဲ့ ဒဏ်ရာဖြစ်တယ်လို့ အဆိုပါထုတ်ပြန်ချက်မှာ ရေးသားထားပါတယ်။

ဒါ့အပြင် သေဆုံးသူ အနီးမှာ တွေ့ရတဲ့ ဓားမှာ သေဆုံးသူရဲ့ ဓားဖြစ်တယ်လို့ ဆိုပါတယ်။

မင်္ဂလာဒုံမြို့နယ် တိုင်းဒေသကြီး လွှတ်တော် မဲဆန္ဒနယ် အမှတ် ၂ ကိုယ်စားလှယ် ဒေါ်သန္တာမိုး က လူတယောက် အနေနဲ့ အခုလို လုပ်နိုင်လောက်တဲ့ အခြေအနေ ရှိ၊ မရှိ ပြန် သုံးသပ်ဖို့ လိုပြီး အမှုမှန် ပေါ်ပေါက်ရေး အမြန်ဆုံး ဆောက်ရွက်သင့်တယ်လို့ ဘီဘီစီကို ပြောပါတယ်။

ဒီအမှုဟာ ၂၀၁၆ ခုနှစ် သြဂုတ်လ ၂၀ရက်နေ့မှာ ဖြစ်ပွားခဲ့တာဖြစ်ပြီး အမှုစုံစမ်းစစ်ဆေးမှု ကြန့်ကြာနေမှုအပေါ် လူအများက ဝေဖန်မှုတွေရှိခဲ့ပါတယ်။ ဒီလိုဝေဖန်မှုတွေ ဖြစ်နေချိန်မှာပဲ အခုလို ရဲတပ်ဖွဲ့က ထုတ်ပြန်ခဲ့တာ ဖြစ်ပါတယ်။

ဘီဘီစီမြန်မာပိုင်း
BBC Burmese
https://www.facebook.com/bbcburmese/

နယ်လုံ ၀န်ကြီး ၇ ဦးပြောင်းလဲမည်


လက်ရှိတာဝန်ထမ်းနေတဲ့ ရန်ကုန်၊မန္တလေးနဲ့ မကွေးတိုင်းဒေသကြီး ကရင် ရခိုင် ချင်း နဲ့ ရှမ်းပြည်နယ်တို့ မှာ တာဝန်ထမ်းဆောင်နေတဲ့ နယ်စပ်ရေးရာနဲ့ လုံးခြုံရေးဝန်ကြီးများကို မကြာခင်ပြောင်းလဲခန့် အပ် တော့မယ်လို့ သတင်းရရှိပါတယ်။

အသစ်ခန့် အပ်မဲ့ နယ်လုံဝန်ကြီးတွေကို သက်ဆိုင်ရာပြည်နယ်တိုင်း ဒေသကြီးလွှတ်တော်ကိုယ်စားလှယ်များအဖြစ် မနေ့ က ခန့် အပ်ခဲ့ပါတယ်။

လက်ရှိတာဝန်ထမ်းဆောင်နေတဲ့ နယ်လုံဝန်ကြီးအများစုဟာ သမ္မတ ဦးသိန်းစိန်လက်ထက်က ခန့် အပ်ခဲ့တဲ့ဝန်ကြီးတွေဖြစ်ပါတယ်။

ဘီဘီစီမြန်မာပိုင်း
BBC Burmese
https://www.facebook.com/bbcburmese/

The Voice အမှု အာမခံ ၅ ကြိမ်မြောက် ပယ်ချခံရ

The Voice အယ်ဒီတာချုပ် ဦးကျော်မင်းဆွေ ကို ဇွန်လ ၃ဝ ရက်နေ့က တွေ့ရစဉ် Photo: Thant Zin Oo / RFA
ဆက်သွယ်ရေးဥပဒေ ပုဒ်မ ၆၆ ဃနဲ့ တရားစွဲဆိုခံထားရတဲ့ The Voice အယ်ဒီတာချုပ် ဦးကျော်မင်းဆွေရဲ့ အမှုအတွက် အာမခံလျှောက်ထားတာကို ဗဟန်းမြို့နယ်တရားရုံးက ဒီကနေ့ ၅ ကြိမ်မြောက် ပယ်ချလိုက်ပါတယ်။

အချက်အလက်မပြည့်စုံတာနဲ့ သက်သေတွေစစ်ဆေးတာ မပြီးသေးလို့ဆိုတဲ့ အကြောင်းပြချက်နဲ့ ထပ်မံပယ်ချ လိုက်တာဖြစ်တယ်လို့ ဦးကျော်မင်းဆွေရဲ့ တရားဥပဒေအကြံပေး ဦးခင်မောင်မြင့် ကပြောပါတယ်။

ဒီကနေ့ စတုတ္တအကြိမ်ရုံးထုတ်မှာ တရားလိုဖြစ်တဲ့ ဒုတိယဗိုလ်မှူးကြီးလင်းထွန်း ကို စစ်ဆေးဖို့ စီစဉ်ထား တာဖြစ်ပေမယ့် တရားလိုက ရုံးချိန်းကို မလာရောက်ခဲ့ဘဲ ခွင့်တိုင်ကြားခဲ့ပါတယ်။

ပြီးခဲ့တဲ့ မတ်လ ၂၆ ရက်နေ့ထုတ် The Voice သတင်းစာမှာ ဖော်ပြခဲ့တဲ့ ကျည်ထောင်စုသစ္စာ သရော်စာကို သတင်းဌာနရဲ့ အွန်လိုင်း စာမျက်နှာမှာ ဖော်ပြခဲ့တာနဲ့ပတ်သက်ပြီး အယ်ဒီတာချုပ် ဦးကျော်မင်းဆွေ ကို တပ်မတော်က ဆက်သွယ်ရေး ဥပဒေပုဒ်မ ၆၆ ဃနဲ့ တရားစွဲဆိုထားတာ ဖြစ်ပါတယ်။

The Voice အယ်ဒီတာချုပ် ဦးကျော်မင်းဆွေ ကို လာမယ့် ဇူလိုင်လ ၇ ရက်နေ့ကို ထပ်မံရုံးချိန်းလိုက်ပြီး အဲဒီနေ့မှာလည်း အာမခံထပ်မံလျှောက်ထားမှာဖြစ်တယ်လို့ သိရပါတယ်။

RFA Burmese
http://www.rfa.org/burmese

ထိုင်းမှာ တရားမဝင် အလုပ်သမားတွေကို ဖမ်းဆီးမှု ယာယီရပ်ဆိုင်း

ထိုင်းကနေ မြန်မာနိုင်ငံကို ပြန်လာတဲ့သူတွေကို မြဝတီ ကိုးသုံးလုံးဂိတ်မှာ ဇွန်လ ၂၉ ရက်နေ့က တွေ့ရစဉ် Photo: Ye Min - AAC Facebook
ဇွန်လ ၂ဝ ရက်နေ့က ထိုင်းအစိုးရက ထုတ်ပြန်လိုက်တဲ့ ဥပဒေအရ တရားမဝင်အလုပ်သမားတွေကို ဖမ်းဆီးနေ တာတွေကို ယာယီရပ်ဆိုင်းထားလိုက်ပြီး တရားမဝင်အလုပ်လုပ်နေကြတဲ့ အလုပ်သမားတွေအနေနဲ့ တရား ဝင်ဖြစ်အောင် လျှောက်ထားကြဖို့ အချိန်ပေးထားကြောင်း ထိုင်းအစိုးရက မနေ့က ကြေညာလိုက်ပါတယ်။

ဇွန်လ ၂ဝ ရက်နေ့က ထုတ်ပြန်တဲ့ ဥပဒေအရ တရားမဝင် အလုပ်သမားတွေကို ဖမ်းဆီးနေတာကိုပါ ရပ်ဆိုင်းထားတယ်လို့ မြန်မာရွှေ့ပြောင်းလုပ်သားတွေကို ကူညီပေးနေတဲ့ ထိုင်းနိုင်ငံအခြေစိုက် ပညာရေးနှင့် ဖွံ့ဖြိုးတိုးတက်ရေး ဖောင်ဒေးရှင်း ဒါရိုက်တာ ဦးထူးချစ် က ပြောပါတယ်။

"အဓိကကတော့ အလုပ်ရှင်မတူတဲ့ အလုပ်သမားတွေကလည်း အလုပ်ရှင်အချိန်မီပြောင်းလို့ရအောင်၊ အဓိကတော့ သူတို့လက်ရှိ ပြီးခဲ့တဲ့ရက်ပိုင်းအတွင်းက ဖမ်းနေတဲ့အဖမ်းဆီးတွေကို ခဏရပ်မယ်ဆို တာတော့ ပါတာပေါ့။ ရက်ကတော့ ဘယ်နေ့နောက်ဆုံးဆိုတာတော့ မတွေ့ရဘူး။ အနည်းဆုံးကတော့ တလလောက်ကတော့ ကျနော်တို့ ဒီလက်မှတ်တွေ၊ စာရွက်စာတန်းတွေလုပ်ဖို့ အချိန်ပေးမယ့်သဘော ရှိတယ်။ ရပ်ဆိုင်းတယ်ဆိုတဲ့ သဘောပဲ ကြေညာတာပါ။ အတိအကျကြီး ဘယ်နေ့ ဘယ်ရက်အထိ ဖမ်းမယ် ဆီးမယ်ဆိုတာတော့ မပါသေးဘူးခင်ဗျ။"

ထိုင်းနိုင်ငံ ဝန်ကြီးချုပ်က ဥပဒေသစ်ကို ခေတ္တရပ်ဆိုင်းတယ်ဆိုပြီး အလုပ်သမားဝန်ကြီးဌာနက မနေ့က ထုတ်ပြန်လိုက်တာဖြစ်ပါတယ်။

တရားဝင်လက်မှတ်ကိုင်ဆောင်ထားတဲ့ အလုပ်သမားတွေထဲမှာ လက်မှတ်ထဲမှာပါတဲ့ အလုပ်ရှင်နဲ့ လက်ရှိ အလုပ်ရှင် မတူရင် ပြန်ပြောင်းဖို့ ၊ ယာယီနိုင်ငံကူးလက်မှတ်ကိုင်ထားတဲ့ အလုပ်သမားတွေ၊ MOU နိုင်ငံကူး လက်မှတ်ကိုင်ဆောင်ထားသူတွေကလည်း အလုပ်လုပ်ခွင့်ပါမစ်လုပ်ကြဖို့ ထိုင်းအစိုးရက တိုက်တွန်းထားပါတယ်။

ပြီးခဲ့တဲ့ ရက်ပိုင်းက ဖမ်းဆီးမှုတွေ များလာတာကြောင့် တရားမဝင် အလုပ်လုပ်နေကြတဲ့ ထောင်နဲ့ချီတဲ့ မြန်မာ အလုပ်သမားတွေဟာ မြဝတီ မဲဆောက်နယ်စပ်ဘက်ကနေ ပြန်လာတာများသလို တခြားနယ်စပ်ဂိတ်တွေ ကနေလည်း ပြန်လာနေကြပါတယ်။

ထိုင်းအစိုးရက တရားမဝင်အလုပ်သမားတွေနဲ့ ပတ်သက်တဲ့ ဥပဒေသစ်ကို ဇွန်လ ၂၀ ရက်နေ့က ပြဌာန်းခဲ့ပါတယ်။ အဲဒီ ဥပဒေအရ ဖမ်းဆီးခံရရင် တရားမဝင် အလုပ်သမားတွေအနေနဲ့ ထိုင်းဘတ်ငွေ ၂ ထောင်ကနေ ၄ သိန်းအထိ ဒဏ်ရိုက်ခံရနိုင်တာဖြစ်ပြီး ထောင်ဒဏ်အနေနဲ့လည်း ၅ နှစ်အထိ ချမှတ်ခံရနိုင်ပါတယ်။

အဲဒီဥပဒေ ပြဌာန်းပြီးနောက်ပိုင်းမှာ ထောင်နဲ့ချီတဲ့ မြန်မာအလုပ်သမားတွေ အဖမ်းခံထားရပြီး အတော်များများဟာ လည်း တောတွေထဲမှာ ထွက်ပြေးတိမ်းရှောင်နေကြရတယ်လို့ မြန်မာရွှေ့ပြောင်းလုပ်သားတွေကို ကူညီပေးနေတဲ့ အဖွဲ့တွေက ပြောပါတယ်။

RFA Burmese
http://www.rfa.org/burmese

သိန်းနီမြို့ အသက်(၅)နှစ် အရွယ် မိန်းကလေးငယ်အား အဓမ္မပြုကျင့်ခဲ့သူကို ထောင်ဒဏ် ၂၂ နှစ်နှင့် ၃ လ ချမှတ်


ဇွန်လ ၂၉ရက်၊ မားနဂါး၊ သိန်းနီ။

သိန်းနီမြို့ အ.ထ.က(၂) ၆၉ တပ်ကျောင်း၌ အသက် ၅ နှစ်အရွယ် မိန်းကလေးငယ်တစ်ဦးအား အဓမ္မပြုကျင့်သူ ကျောင်းစောင့် ဦးဝင်းညွန့်ကို လားရှိုးခရိုင်တရားရုံး၌ ဇွန် ၂၉ ရက်တွင် ထောင်ဒဏ် ၂၂ နှစ်နှင့် ၃ လ ချမှတ်လိုက် ကြောင်း သိရသည်။

တရားခံဖြစ်သူ ဦးဝင်းညွန့်ကို ရာဇသတ်ကြီးပုဒ်မ ၃၄၂၊ ၃၆၃၊ ၃၇၆ဖြင့် ထောင်ဒဏ် ၂၂ နှစ်နှင့် ၃ လချမှတ်လိုက်ခြင်း ဖြစ်သည်ဟု လိုက်ပါ ကူညီပေးခဲ့သူ တအာင်းအမျိုးသမီးအဖွဲ့အစည်း(TWO)မှ လွေးပ္လါင်ချှီက ပြောသည်။

"ဒီနေ့ အမိန့်ချလိုက်တာက ထောင်ဒဏ် ၂၂ နှစ်နဲ့ ၃လပေ့ါ။ လားရှိုးခရိုင်တရားရုံးက ချလိုက်တာပါ။ ပုဒ်မ ၃၄၂၊ ၃၆၃၊ ၃၇၆ စတဲ့ ပုဒ်မ ၃ ခုနဲ့ အမိန့် ချမှတ်လိုက်တယ်။ သူတို့မိဘဘက်ကတော့ ကျေနပ်တယ်လို့ ပြောတယ်။ အထက်ကို ဆက်မတက်တော့ဘူး" ဟု လွေးပ္လါင်ချှီက ပြောပါသည်။

ရာဇသတ်ကြီး ပုဒ်မ ၃၄၂ မည်သူမဆို တဦးတယောက်သောသူကို မတရားချုပ်နှောင်ထားလျှင် ထိုသူကို တနှစ်ထိ ထောင်ဒဏ်တမျိုးမျိုးဖြစ်စေ၊ တထောင်ထိ ငွေဒဏ်ဖြစ်စေ ဒဏ်နှစ်ရပ်လုံးဖြစ်စေ ချမှတ်ရမည်။ ပုဒ်မ ၃၆၃တွင် မည်သူ မဆို တဦးတယောက်သောသူအား ပြည်ထောင်စုမြန်မာနိုင်ငံမှအပသို့ဖြစ်စေ ဥပဒေနှင့်အညီ အုပ်ထိန်းသူထံမှဖြစ်စေ ခိုးယူလျှင် ထိုသူကို ခုနှစ်နှစ်ထိ ထောင်ဒဏ်တမျိုးမျိုးချမှတ်ရမည့်အပြင် ငွေဒဏ်လည်း ချမှတ်နိုင်သည်။

ပုဒ်မ ၃၇၆ တွင် မုဒိမ်းမှု ကျူးလွန်သူကို တသက်တကျွန်းဒဏ်ဖြစ်စေ ဆယ်နှစ်ထိ ထောင်ဒဏ်တမျိုးမျိုးဖြစ်စေ ချမှတ် ရမည့်အပြင် ငွေဒဏ်လည်း ချမှတ်နိုင်သည်။ မုဒိမ်းကျင့်ခံရသော မိန်းမသည် မိမိ၏မယားဖြစ်၍ အသက်တဆယ့်နှစ် နှစ်အောက် မဟုတ်လျှင်မူကား မုဒိမ်းကျင့်သော ထိုလင်ကို နှစ်နှစ်ထိ ထောင်ဒဏ်တမျိုးမျိုးဖြစ်စေ ငွေဒဏ်ဖြစ်စေ ဒဏ် နှစ်ရပ်လုံးဖြစ်စေ ချမှတ်ရမည်ဟု ပြဌာန်းထားသည်။

အဆိုပါ တရားခံဦးဝင်းညွန့်ကို ထောင်ဒဏ် ၂၂နှစ်နှင့် ၃လ ချမှတ်လိုက်သည့်အပေါ် မိသားစုဝင်များအနေဖြင့် ကျေနပ် ကြောင်း မိသားစုဝင်တစ်ဦးက ဆိုသည်။

ဖြစ်စဉ်မှာ ကျောင်းစောင့် ဦးဝင်းညွန့်သည် အသက်(၅)နှစ်အရွယ် လွေး×××ကို ၂ဝ၁၇ခု ဇန်နဝါရီ ၂၆ ရက်တွင် မုန့် နှင့်အချိုရည် တိုက်ကျွေးမည်ဟုဆိုကာ လွေး×××အား ၎င်း၏နေအိမ်သို့လိုက်ခဲ့ရန် လိမ်လည်၍ ခေါ်ဆောင်သွားခဲ့ပြီး အဓမ္မပြုကျင့်ခဲ့ခြင်းဖြစ်သည်။

Marnagar News Journal
https://www.facebook.com/marnagarnewsjournal

မင်္ဂလာဒုံမြို့နယ်တွင် ဖြစ်ပွားခဲ့သော လေးလောင်းပြိုင်လူသတ်မှုနှင့်ပတ်သက်၍ သတင်းထုတ်ပြန်


နေပြည်တော် ဇွန် ၂၉

မင်္ဂလာဒုံမြို့နယ် ထောက်ကြန့်နယ်မြေရဲစခန်းအပိုင်တွင် ဖြစ်ပွားခဲ့သော လေးလောင်းပြိုင်လူသတ်မှုနှင့် ပတ်သက်၍ မြန်မာနိုင်ငံရဲတပ်ဖွဲ့မှ သတင်း တစ်ရပ် ထုတ်ပြန်လိုက်သည်။

သတင်းထုတ်ပြန်ချက်တွင် မင်္ဂလာဒုံမြို့နယ် ရွှေနံ့သာကျေးရွာအုပ်စု ပတ္တမြားမြို့သစ် မြအေးချမ်းသာလမ်း အမှတ် (မရှိ)ကျူးကျော်နေ ဒေါ်ရီရီနွဲ့ သည် ဇွန် ၂ဝ ရက် နံနက် ၆ နာရီခန့်တွင် ရွှေပြည်သာမြို့နယ်မှ ပြန်လာစဉ် ခြံဝင်းတံခါးနှင့် အိမ်ရှေ့တံခါးမကြီးမှာ ပိတ်ထားသဖြင့် အိမ်နီးချင်း မခင်မာချို၊ မအိဖြူနှင့် ကိုကျော်ရွှေတို့နှင့်အတူ ခေါင်းရင်းဘက်ရှိ ပြတင်းတံခါးမှ တစ်ဆင့် နေအိမ်အတွင်း ဝင်ရောက်ကြည့်ရှုရာ သားမက်ဖြစ်သူ စိုးနောင်(၃၇)နှစ်နှင့် မြေးဖြစ်သူ မောင်ဟန်သူရ (၁၃)နှစ်တို့သည် အိမ်ရှေ့ခန်း၌ လည်းကောင်း၊ သမီးဖြစ်သူ မချယ်ရီပွင့်(၃၄)နှစ်သည် မီးဖိုခန်း၌ လည်းကောင်း၊ မြေးဖြစ်သူ မောင်စွမ်းထက်မြတ်(၈)နှစ်သည် အိပ်ခန်းအတွင်းရှိ အိပ်ရာပေါ် တွင် လည်းကောင်း၊ ဓားဒဏ်ရာများဖြင့် သေဆုံးနေသည်ကို တွေ့ရှိခဲ့သဖြင့် ထောက်ကြန့်နယ်မြေရဲစခန်း၌ အမှုဖွင့်လှစ်ခဲ့ပြီး မှုခင်းရဲတပ်ဖွဲ့မှ စစ်ဆေးခဲ့ ကြောင်း ဖော်ပြထားသည်။

သေဆုံးသူ စိုးနောင်မှာ ဧည့်ခန်းအတွင်း၌ အဝတ်အစားမပါရှိဘဲ ပက်လက်အနေအထားဖြင့် ရင်ဘတ်တွင် ဓားသွားကန့်လန့်ထိုးသွင်းဒဏ်ရာ(၄)ချက်၊ ဇနီးဖြစ်သူ မချယ်ရီပွင့်မှာ မီးဖိုချောင်ခန်းအတွင်း၌ မျက်နှာ၊ ရင်ဘတ်၊ ကျောတို့၌ ဓားထိုးသွင်းဒဏ်ရာ ၁၂ ချက်၊ သားအကြီးဖြစ်သူ မောင်ဟန်သူရမှာ ဧည့်ခန်းအတွင်း၌ ယာဘက်နံစောင်းတွင် ဓားထိုးသွင်းဒဏ်ရာ ငါးချက်နှင့် သားငယ်ဖြစ်သူ မောင်စွမ်းထက်မြတ်မှာ အိပ်ခန်းအတွင်း အိပ်ရာပေါ်၌ ဓားသွားကန့်လန့် ထိုးသွင်းဒဏ်ရာ လေးချက်တို့ဖြင့် တွေ့ရှိခဲ့ပြီး သေဆုံးသူ စိုးနောင်၏ ဝဲဘက်လက်အနီးတွင် အရိုးလေးလက်မ၊ အသွားခုနစ်လက်မရှိ သတ္တုလက်ကိုင် တပ်ဆင်ထားသော သွေးစွန်းနေသည့် သက်သေခံဓား တစ်ချောင်းကို တွေ့ရှိသိမ်းဆည်းရရှိခဲ့ကြောင်း။

ထို့ပြင် သေဆုံးသူ စိုးနောင်၏ အလောင်းအနီးရှိ သွေးကွက်အတွင်း၌ ခြေရာအချို့နှင့် သေဆုံးသူ မောင်စွမ်းထက်မြတ်၏ ခုတင်ဘေးရှိ သွေးစွန်းနေ သော ကြမ်းပြင်ပေါ်၌ ဖိနပ်ရာတစ်ခု၊ သွေးများ ပေကျံနေသည့် စွပ်ကျယ် တစ်ထည်နှင့် သွေးများပေကျံနေသည့် ခြင်ထောင်အား သက်သေခံ အထောက် အထားများအဖြစ် သိမ်းဆည်းရရှိခဲ့သည်။ နေအိမ်အတွင်းသို့ ပြစ်မှုကျူးလွန် သူများ ဝင်/ထွက်နိုင်သည့် လမ်းကြောင်းနှင့် ထူးခြားသည့် သဲလွန်စများ မတွေ့ရှိသော်လည်း နေအိမ်ဧည့်ခန်းအတွင်းရှိ စားပွဲပေါ်တွင် ဖြစ်စဉ် မဖြစ်ပွားမီညက သေဆုံးသူ မချယ်ရီပွင့်၏ ဖခင် ဦးခွန်နောင် ပေးထားသော ငွေစက္ကူရောရာ ကျပ် ၁ဝ၅ဝဝဝ မှာလည်း ပုံမပျက်ရှိနေခြင်း၊ သေဆုံးသူ မချယ်ရီပွင့်မှာ စိန်နားကပ် ဝတ်ဆင်ထားခြင်းတို့ကြောင့် ပစ္စည်းတစ်စုံတစ်ရာ ရယူလိုမှုကြောင့် လူသတ်လုယက်ခံရခြင်းမဟုတ်ကြောင်း ယူဆနိုင်သည်ဟု ဖော်ပြထားသည်။

လူမှုကွန်ရက်ပေါ်တွင် ပျံ့နှံ့ခဲ့သည့် လေးလောင်းပြိုင်လူသတ်မှုနှင့် ပတ်သက်သည့် မသင်္ကာဖွယ်လူသုံးဦး၏ ဓာတ်ပုံမှာ တရားလိုဒေါ်ရီရီနွဲ့၏ ထွက်ဆိုချက်အရ ဖြစ်စဉ်မဖြစ်ပွားမီ တစ်ပတ်ကျော်ခန့်က မချယ်ရီပွင့်သည် နေအိမ်အတွင်း ရှိနေစဉ် အိမ်အရှေ့ဘက် ခြံစည်းရိုး၌ ဓာတ်ပုံရိုက်နေသော လူ(၃)ဦးအား မသင်္ကာသဖြင့် မချယ်ရီပွင့်မှ လက်ကိုင်ဖုန်းဖြင့် ဓာတ်ပုံရိုက်ယူ ထားခဲ့ခြင်းဖြစ်၍ ဆက်လက်စုံစမ်းဖော်ထုတ်ဆဲဖြစ်ကြောင်းနှင့် သေဆုံးသူ စိုးနောင်သည် ရွှေပြည်သာမြို့နယ် (၁၈)ရပ်ကွက် ဆိပ်ကမ်းသာလမ်းရှိ သဲ/ကျောက် အရောင်းဆိုင်ဖွင့်လှစ်ထားသူ ဦးမြင့်ကြိုင်၊ ဒေါ်တင်တင်ငြိမ်းတို့ ထံမှ အုတ်/သဲ/ကျောက်များကို အကြွေးဝယ်ယူပြီး ၂ဝ၁၆ ခုနှစ် နှစ်ဆန်း ပိုင်းတွင် ငွေကျပ် ၂၇ သိန်း အကြွေးတင်ရာ ဒေါ်တင်တင်ငြိမ်းမှ ဖုန်းဖြင့် အကြိမ်ကြိမ်တောင်းခံမှုကြောင့် ၂ဝ၁၆ ခုနှစ် ဖေဖော်ဝါရီ ၂ဝ ရက်တွင် စိုးနောင်မှ ငွေကျပ် ၁ဝ သိန်း ပေးဆပ်ခဲ့ကြောင်း စစ်ဆေးသိရှိရသည်။

ဖြစ်စဉ် ဖြစ်ပွားသည့် အိမ်ခြံဝင်းအတွင်းနှင့် အပြင်တို့တွင် စစ်ဆေးချက် များအရ သေဆုံးသူ မိသားစုတို့ ဗေဒင်၊ ယတြာချေထားသော ပစ္စည်းများ၊ သေဆုံးသူ မချယ်ရီပွင့်၏ ခြေဖဝါးနှစ်ဖက်တွင် အကြွေးပေးရန်ရှိသူ၏ အမည် အား မင်ဖြင့်ရေးသား၍ ယတြာချေထားမှုများ၊ နေအိမ်ဗီရိုအတွင်းမှ မှော်၊ ကဝေ၊ သရဲ၊ တစ္ဆေ၊ ဝိညာဉ်နှင့် ဂမ္ဘီရအကြောင်းအရာပါ စာအုပ်များတွေ့ရှိ သိမ်းဆည်းရရှိခဲ့သည်။ အမှုစစ် ရဲတပ်ဖွဲ့အနေဖြင့် တရားလိုနှင့် လွတ်လပ် သောသက်သေ ၁၅၆ ဦး၊ သင်္ကာမကင်းသူ ခုနစ်ဦးတို့အား အသေးစိတ်စိစစ်ခဲ့ရာ အမှုနှင့်ဆက်စပ်သည့် အခြင်းအရာများ ကျူးလွန်သည့် အချက်အလက်အထောက် အထား တစ်စုံတစ်ရာ ပေါ်ပေါက်ခြင်းမရှိခဲ့ကြောင်း သိရသည်။

သက်သေခံ ခြေရာများမှာ သေဆုံးသူ စိုးနောင်၏ ခြေရာများ ဖြစ်ပြီး ခုတင်ဘေးတွင် တွေ့ရှိသော ဖိနပ်ရာမှာ တရားလို ဒေါ်ရီရီနွဲ့၏ ဖိနပ်ရာဖြစ် ကြောင်း အတည်ပြုနိုင်ခဲ့ကာ သေဆုံးသူ မချယ်ရီပွင့်သည် တစ်ခါတစ်ရံတွင် အရက်နှင့် ဝိုင်ကိုသောက်လေ့ရှိပြီး နေအိမ်ထမင်းစားခန်းတွင် သောက်လက်စ Grand Royal ဝီစကီပုလင်း၌ အရက်လေးပုံတစ်ပုံကျန်ရှိမှုနှင့် ရေခဲသေတ္တာ အတွင်း၌ ဝိုင်အသစ်နှစ်ပုလင်းတို့ တွေ့ရှိခဲ့သည်။ ဓာတုဗေဒဝန်ရုံး၏ စစ်ဆေး ချက်အရ စိုးနောင်၏ အစာအိမ်အရည်တွင် အရက်ပါဝင်မှု မတွေ့ရှိရဘဲ မချယ်ရီပွင့်၏ အစာအိမ်အရည်တွင် အရက်ပါဝင်မှု ( သုည ဒသမ ၁၆)ရာခိုင် နှုန်းတွေ့ရှိခဲ့ကြောင်း ထုတ်ပြန်ချက်တွင် ဖော်ပြထားသည်။

သေဆုံးသူ စိုးနောင်အနီးမှ တွေ့ရှိခဲ့သောဓားမှာ စိုးနောင်၏ ကိုယ်ပိုင် ဓားဖြစ်ကြောင်း အတည်ပြုနိုင်ခဲ့ပြီး ယင်းဓားရိုးတွင် စိုးနောင်၏ DNA စိစစ်တွေ့ရှိရခြင်း၊ ဓားသွားပေါ်ရှိ သွေးများမှာလည်း စိုးနောင်၊ မချယ်ရီပွင့်၊ မောင်ဟန်သူရနှင့် မောင်စွမ်းထက်မြတ်တို့၏ DNA များသာ တွေ့ရှိခဲ့သည်။ သက်သေခံသိမ်းဆည်းရမိထားသော စွပ်ကျယ်မှာ သေဆုံးသူ စိုးနောင်၏ စွပ်ကျယ်ဖြစ်ပြီး စွပ်ကျယ်အား ချွတ်၍ သုတ်ထားသည့် အနေအထားဟုယူဆ ခဲ့ရသည်။ ထို့ပြင် စွပ်ကျယ်တွင် ဓားဖြင့်ထိုးထားသော အပေါက်အရာ မရှိဘဲ ခြင်ထောင်ရှိ သွေးများနှင့် စွပ်ကျယ်တွင် ပေကျံနေသည့်သွေးများကို DNA စစ်ဆေးခဲ့ရာ သေဆုံးသူ လေးဦးတို့၏ DNA သာတွေ့ရှိရပြီး အခြားပြင်ပ DNA မတွေ့ရကြောင်း စစ်ဆေးတွေ့ရှိရသည်ဟု ဖော်ပြထားသည်။

သေဆုံးသူ စိုးနောင်၏ ဝဲဘက်လက်သန်းတွင် သွေးခြေဥဒဏ်ရာ တွေ့ရှိရ သဖြင့် မှုခင်းဆရာဝန်မှစစ်ဆေးရာ သက်သေခံဓား၏ သတ္တုအရိုးအား တင်းကြပ်စွာကိုင်ဆောင်၍ အချက်ပေါင်းများစွာထိုးစဉ် ရရှိနိုင်သော သွေးခြေဥ ဒဏ်ရာဖြစ်ကြောင်းနှင့် သေဆုံးသူ စိုးနောင်မှာ ဘယ်သန်ဖြစ်ကြောင်း၊ သေ ဆုံးသူ တစ်ဦးချင်းစီတွင် တွေ့ရှိရသော ဓားဒဏ်ရာများမှာ သိမ်းဆည်းရမိခဲ့သည့် သက်သေခံဓားဖြင့် ထိုးသွင်းရရှိခဲ့သော ဒဏ်ရာများဖြစ်ကြောင်း အတည် ပြုနိုင်ခဲ့သည်။ ထို့ပြင် သေဆုံးသူ စိုးနောင်၏ ကိုယ်ပေါ်တွင် တွေ့ရှိရသော ကန့်လန့်ပုံ ဓားထိုးသွင်းဒဏ်ရာလေးချက်မှာလည်း သေဆုံးသူအနေဖြင့် ပုံမှန်မဟုတ်သော စိတ်ခံစားမှုမျိုးဖြစ်ပေါ်ချိန်၌ မိမိကိုယ်ကို ထိုးသွင်းရရှိသည့် ဒဏ်ရာဖြစ်ကြောင်း မှုခင်းဆရာဝန်ကြီးမှ အတည်ပြုပြောကြားခဲ့သည့်အပြင် အလားတူ အခြားသာဓကဖြစ်စဉ် မှုခင်းများလည်းရှိကြောင်း။

သေဆုံးသူ စိုးနောင်သည် ဒဿနိကဗေဒဘွဲ့ရရှိထားသူဖြစ်ပြီး စိတ် မြန်လက်မြန် ဆောင်ရွက်တတ်သူဖြစ်ကြောင်း၊ တုတ်/ဓားလက်နက်ကိုင်ဆောင် တတ်သည့် အလေ့အထရှိကြောင်း၊ ၎င်းတို့ဇနီးမောင်နှံသည် အိမ်ထောင် မပြုမီအချိန်မှစ၍ သေဆုံးချိန်အထိ အိမ်ထောင်ရေး ပြဿနာများ၊ လူမှုရေး ပြဿနာများရှိနေခဲ့ကြောင်း၊ အခင်းမဖြစ်မီ သုံးလခန့်မှစ၍ မိသားစု စီးပွားရေး အကြပ်အတည်းများ ကြုံတွေ့နေရကြောင်း၊ ၎င်းတို့မကြာခဏ စကားများမှုရှိ ကြောင်း၊ ထိုအချက်များအပေါ်တွင် အကြောင်းပြု၍ စိုးနောင်သည် အအိပ် အစားပျက်မှုများ၊ စိတ်မတည်ငြိမ်မှုများ ဖြစ်ပေါ်လျက်ရှိကြောင်း ပတ်ဝန်းကျင် သက်သေများ၏ ထွက်ဆိုချက်များအရ သိရှိရသည်။

ထို့ပြင် ၎င်းတို့မိသားစု၏ အိမ်ထောင်ရေး၊ လူမှုရေးပြဿနာများအား ကောင်းစွာသိရှိသူ ရှစ်ဦးမှလည်း သက်ဆိုင်ရာတရားရုံးတွင် ကြိုတင်ထွက် ဆိုချက်များ ပြည့်စုံစွာထွက်ဆိုပေးထားပြီး ဖြစ်ကြောင်းနှင့် သက်သေ၊ ကျွမ်းကျင်သူပညာရှင်များ၊ သက်မဲ့သက်သေအထောက်အထားများမှ စစ်ဆေးပေါ်ပေါက်ချက်များအရ အမှုအား ဥပဒေနှင့်အညီ ဆက်လက် ဆောင်ရွက်သွားမည်ဖြစ်ကြောင်း သိရသည်။

(သတင်းစဉ်)
The Mirror Daily
https://www.facebook.com/TheMirrorDaily

တမူးမြို့မှ စစ်ကိုင်းတိုင်းဒေသကြီးလွှတ်တော်အမတ် ဦးထန်ခိုဟောက် ကွယ်လွန်


မုံရွာ၊ ဇွန် ၂၉။

တမူးမြို့ မဲဆန္ဒနယ် အမှတ် ၂ မှ စစ်ကိုင်းတိုင်းဒေသကြီးလွှတ်တော်အမတ် ဦးထန်ခို ဟောက်သည် အသည်းရောဂါဖြင့် မန္တလေးဆေးရုံကြီး၌ တက်ရောက်ကုသခံနေစဉ် ဇွန် ၂၉ ရက် မွန်းလွဲ ၃နာရီခန့် ကွယ်လွန်ခဲ့ကြောင်း သတင်းရရှိသည်။

ဦးထန်ခိုဟောက်ထံသို့ လူနာမေးသွားရန် စစ်ကိုင်းတိုင်းဒေသကြီးမှ လွှတ်တော်အမတ်များသည် ယနေ့လွှတ်တော်အစည်းအဝေးပြီးချိန်တွင် သွားရောက်ခိုက် မုံရွာ-မန္တလေးလမ်း ချောင်းဦးမြို့ အရောက်တွင် ဆုးံပါးသွားကြောင်းသတင်းအရ လှည့်ပြန်ခဲ့ရကြောင်း လွှတ်တော်အမတ်များထံမှ သိရသည်။

၎င်းသည် စစ်ကိုင်းတိုင်းဒေသကြီးလွှတ်တော်မှ ဖွဲ့စည်းထားသော တိုင်းရင်းသား လူမျိုးများဖွံ့ဖြိုးတိုးတက်ရေးကော်မတီတွင် ဥက္ကဌအဖြစ် ဆောင်ရွက်ခဲ့သည်။ ဦးထန်ခိုဟောက်မဆုံးမီ တိုင်းလွှတ်တော် အမတ်များစုပေါင်း၍ တစ်ဦးလျှင် ငွေတစ်သောင်းကျပ်ဖြင့် မိသားစုဝင်များထံသို့ ထောက်ပံ့ပေးအပ်ခဲ့သည်။

ဇွန်လ ၃၀ ရက်နေ့တွင် ကျင်းပမည့် တိုင်းဒေသကြီးလွှတ်တော် အစည်းအဝေး နေ့တွင်လည်း ၀မ်းနည်းကြောင်းအဆို တင်သွင်းသွားမည်ဖြစ်ကြောင်း သိရပြီး ဦးထန်ခိုဟောင်း ရုပ်အလောင်းကို နေရပ်တမူးမြို့သို့ သယ်ဆောင်ပြီး ဘာသာထုံးတမ်းဓလေ့အရ သဂြိုလ်သွားမည်ဖြစ်သည်။

နှင်းမောင်
Central News Myanmar
https://www.facebook.com/CNMyanmar/

မွေးရာပါကိုယ်အင်္ဂါချို့ယွင်းသော်လည်း မလျှော့သော ဇွဲ၊ လုံ့လ၊ ဝီရိယဖြင့် တက္ကသိုလ်ဝင်တန်းစာမေးပွဲကို ကြိုးစားဖြေဆိုအောင်မြင်ခဲ့သူ မထူးထူးမွန်


ချီးကျူးဂုဏ်ပြုထိုက်သူ မထူးထူးမွန်

မထူးထူးမွန်သည် ညာဘက်လက်တွင် လက်ချောင်းများမပါရှိခြင်း၊ ဝဲဘက်လက် သည် တံတောင်ဆစ်အထိသာပါရှိခြင်း၊ ခြေထောက်နှစ်ဖက်သည် ဒူးခေါင်းအထိ သာပါရှိခြင်း စသည့် မွေးရာပါကိုယ်အင်္ဂါချို့ယွင်းမှုများဖြင့် မွေးဖွားကြီးပြင်းလာသူ ဖြစ်သော်လည်း မလျှော့သော ဇွဲ၊ လုံ့လ၊ ဝီရိယ၊ ကြိုးစားအားထုတ်မှုတို့ဖြင့် ၂ဝ၁၆- ၂ဝ၁၇ ပညာသင်နှစ်တွင် တက္ကသိုလ်ဝင်တန်းစာမေးပွဲကို ဝင်ရောက်ဖြေဆိုအောင်မြင် ခဲ့သူ လူငယ်တစ်ဦးဖြစ်ပါသည်။

မထူးထူးမွန်အား စစ်ကိုင်းတိုင်းဒေသကြီး ရွှေဘိုခရိုင် ကျွန်းလှမြို့နယ် သဖန်းဆိပ် ကျေးရွာတွင် အဖ ဦးမြင့်ငွေ (တောင်သူ/ ကွယ်လွန်)နှင့် အမိ ဒေါ်စက်ငွေ (တောင်သူ) တို့မှ ၂၇-၁ဝ-၁၉၉၈ ရက်နေ့တွင် ကိုယ်အင်္ဂါချို့ယွင်းမှုများစွာဖြင့် မွေးဖွားခဲ့ပါသည်။ မွေးကတည်းက ညာဘက်လက်တွင် လက်ချောင်းများမပါရှိပါ။ ဝဲဘက်လက်သည်လည်း တံတောင်ဆစ်အထိသာပါရှိပြီး ခြေထောက်နှစ်ဖက်မှာ လည်း ဒူးဆစ်အထိသာ ပါရှိလာသူဖြစ်ပါသည်။ မွေးချင်းမောင်နှမ (၃)ဦးရှိပြီး မထူးထူးမွန်မှာ အငယ်ဆုံးသမီးဖြစ်ပါသည်။

မိသားစုစားဝတ်နေရေးအဆင်မပြေသော်လည်း မိဘဖြစ်သူများက ကြိုးစား ရုန်းကန်၍ ကျောင်းထားပေးခဲ့ပြီး မထူးထူးမွန်ကိုယ်၌ကလည်း ကြိုးစားခဲ့သော ကြောင့် သဖန်းဆိပ်ရွာ၊ အလယ်တန်းကျောင်းတွင် သတ္တမတန်းအထိ တစ်နှစ် တစ်တန်း မှန်မှန်အောင်မြင်ခဲ့ပါသည်။ သတ္တမတန်းအောင်မြင်ပြီးနောက် မိသားစု စီးပွားရေးအခြေအနေအရ ကျောင်းဆက်တက်ရန် မဖြစ်နိုင်တော့သည့်အခြေအနေ ကြုံတွေ့ခဲ့ရပါသည်။ ယင်းအခြေအနေကို ဆရာမတစ်ဦးက လူမှုကွန်ရက်စာမျက်နှာ တွင် စေတနာရှင်ရှိပါက ကျောင်းဆက်တက်ချင်ကြောင်း ဖော်ပြခဲ့ပါသည်။ ယင်း ဖော်ပြချက်ကို ဦးခင်မောင်ဆွေ (ခေတ္တ-စင်ကာပူ)က တွေ့ရှိရာမှ၎င်း၏ငွေကြေး ထောက်ပံ့ပညာဒါနပြုမှုဖြင့် ရွာတိရွာအလယ်တန်းကျောင်းမှ အဋ္ဌမတန်းကို လည်းကောင်း၊ ၂ဝ၁၄-၂ဝ၁၅ ပညာသင်နှစ်တွင် ကျွန်းလှမြို့ အထက်တန်းကျောင်းမှ နဝမတန်းကိုလည်းကောင်း အောင်မြင်ခဲ့ပါသည်။ ထိုအချိန်တွင် ဦးခင်မောင်ဆွေမှာ စင်ကာပူမှ ပြန်လည်ရောက်ရှိခဲ့ကာ ကလေးမြို့၌ ဘာသာရပ်သင်ကိုယ်ပိုင်သင်တန်း ကျောင်းဖွင့်လှစ်ပြီး မထူးထူးမွန်နှင့် မိခင်ဖြစ်သူတို့အား ထိုသင်တန်းကျောင်းတွင် နေထိုင်စေကာ ဒသမတန်းပညာကို ဆက်လက်သင်ယူစေခဲ့ပါသည်။

၂ဝ၁၅-၂ဝ၁၆ ပညာသင်နှစ်တွင် ဒသမတန်းကို ပထမဆုံးအကြိမ် ဖြေဆိုခဲ့သော်လည်း ကျရှုံးခဲ့ ပါသည်။

သို့ရာတွင် မထူးထူးမွန်၏ ဇွဲ၊ လုံ့လ၊ ဝီရိယ ၊ ကြိုးစားအားထုတ်မှု၊ ဦးခင်မောင်ဆွေ ၏ ပံ့ပိုးမှု၊ မိခင်ဖြစ်သူ၏ စောင့်ရှောက်မှုတို့ဖြင့် ၂ဝ၁၆-၂ဝ၁၇ ပညာသင်နှစ် တက္ကသိုလ်ဝင်တန်းစာမေးပွဲကို ကလေးမြို့ စာစစ်ဌာနတွင် ဝင်ရောက်ဖြေဆိုခဲ့ရာ အောင်မြင်ခဲ့ပါသည်။


မထူးထူးမွန်၏ ကိုယ်ရေးအကျဉ်း

ကျွန်မ၏အမည်မှာ မထူးထူးမွန် ဖြစ်ပါသည်။ ကျွန်မကို စစ်ကိုင်းတိုင်း ဒေသကြီး၊ ကျွန်းလှမြို့နယ်၊ သဖန်းဆိပ် ရွာတွင် အဖ ဦးမြင့်ငွေ(ကွယ်လွန်)နှင့် အမိ ဒေါ်စက်ငွေတို့မှ ၂၇-၁ဝ-၁၉၉၈ ရက်နေ့တွင် ဖွားမြင်ခဲ့ပါသည်။ မွေးချင်း (၃)ဦးအနက် အငယ်ဆုံးဖြစ်ပြီး ကျွန်မတွင် မွေးရာပါကိုယ်လက်အင်္ဂါများ ချို့ယွင်းခဲ့ပါသည်။ ကျွန်မ၏ ညာဘက် လက်တွင် လက်ချောင်းများ မပါရှိခဲ့ပါ။ ထို့ပြင် ဝဲဘက်လက်တွင်လည်း တံတောင်ဆစ်အထိသာ ပါရှိခဲ့ပါသည်။ ခြေထောက်နှစ်ဖက်မှာလည်း ဒူးခေါင်း အထိသာ ပါရှိခဲ့ပါသည်။

ကျွန်မသည် တက္ကသိုလ်ဝင်တန်း စာမေးပွဲအောင်မြင်သောအခါ ဝမ်းသာဝမ်းနည်း ဖြစ်မိပါသည်။ ကျွန်မ တက္ကသိုလ် ဝင်တန်း စာမေးပွဲအောင်မြင်၍ ဝမ်းသာသည်မှာမှန်သော်လည်း ကျွန်မတက္ကသိုလ် ဆက်တက်နိုင်ရေးအတွက် အဆင်မပြေဖြစ်မည်ကို စိုးရိမ်ပူပန်ကာ ဝမ်းနည်းမိပါသည်။ အဘယ်ကြောင့်ဆိုသော် ဆရာဦးခင်မောင်ဆွေမှ ဒသမတန်းအောင်မြင်သည်အထိ သာ တာဝန်ယူပေးမည်ဟု ပြောထားရာ တက္ကသိုလ်ဆက်လက်သင်ကြားနိုင်ရေး အကူအညီလိုအပ်နေပါသေးသည်။

ယခုလက်ရှိ၌ ဦးခင်မောင်ဆွေနှင့်အတူ ပညာတံခွန်-၁ (ဘာသာရပ်သင် ကိုယ်ပိုင်သင်တန်းကျောင်း)၊ ၁ဝ၉/၅၊ ပင်လုံရပ်ကွက်၊ ကလေးမြို့၊ စစ်ကိုင်းတိုင်း ဒေသကြီးတွင် နေထိုင်လျက်ရှိပါသည်။

ဆက်သွယ်ရန် ဖုန်း -ဝ၉-၇၈၉၁၂၄၂၄ဝ/ဝ၉-၂၅၈၁၅၄၆၅၇/ဝ၉-၃၆၈၄၉၉ဝ၄

Myanmaalinn
https://www.facebook.com/MYANMAALINNNEWS/

မြန်မာလုံခြုံရေး အကြံပေး ဘင်္ဂလားဒေ့ရှ် သွားမည်

မြန်မာနိုင်ငံ အမျိုးသားလုံခြုံရေးအကြံပေး ဦးသောင်းထွန်း
မြန်မာနိုင်ငံကနေ ဘင်္ဂလားဒေ့ရ်ှကိုထွက်ပြေးလာတဲ့ ဒုက္ခသည်တွေကို မြန်မာပြည်ပြန်ပို့ရေးကိစ္စအပါအ၀င် နှစ်နိုင်ငံ အကြား ဖြေရှင်းရခက်ခဲနေတဲ့ကိစ္စရပ်တွေအပေါ် အမြင်ခြင်း ဖလှယ်ကြဖို့ မြန်မာနိုင်ငံ အမျိုးသားလုံခြုံရေးအကြံပေး ဦးသောင်းထွန်းဘင်္ဂလားဒေ့ရှ် နိုင်ငံကို နောက်သတင်းပတ်ထဲမှာ ရောက်လာဖို့ရှိတယ်လို့ ဘင်္ဂလားဒေ့ရ်ှကလာတဲ့ သတင်းတွေမှာဖေါ်ပြထားပါတယ်။

အမျိုးသားလုံခြုံရေးအကြံပေးဦးသောင်းထွန်းနဲ့ ဘင်္ဂလားဒေ့ရ်ှနိုင်ငံခြားရေးဝန်ကြီး အာ မာမွတ်အာလီ တို့ ဇူလိုင်လ၃ရက်နေ့မှာ ဆွေးနွေးပွဲကျင်းပဖို့ရှိတယ်လို့ ဘင်္ဂလားဒေ့ခ်ျအရာရှိတွေကပြောပါတယ်။

ဦးသောင်းထွန်းရဲ့ ဘင်္ဂလားဒေ့ရ်ှခရီးစဉ်အတွင်း ၀န်ကြီးချုပ် ရှိခ်ဟာစီနာနဲ့ဆက်သွယ်စကားပြောဖို့လည်းရှိပါတယ်။ ဒေါ်အောင်ဆန်းစု ကြည်ဦးဆောင်တဲ့လက်ရှိမြန်မာအစိုးရဟာ ပြည်တွင်းပြည်ပက ခြိမ်းခြောက်မှုအန္တရာယ်တွေနဲ့ပတ်သက်ပြီး အစိုးရနဲ့ သမ္မတကို အကြံပေးတင်ပြဖို့ ပြည်ထောင်စုဝန်ကြီးအဆင့်ရှိတဲ့ အမျိုးသားလုံခြုံရေးအကြံပေးရဲ့ ရာထူးကို ပြီးခဲ့တဲ့ ဇန်န၀ါရီလက ဖန်တီးခဲ့ပါတယ်။

ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးUNHCR ရဲ့ခန့် မှန်းချက်အရ ၂၀၁၆ခု အောက်တိုဘာလ ၉ရက်နေ့ကစပြီး ရခိုင်ပြည်နယ်အတွင်း မြန်မာလုံခြုံရေးတပ်ဖွဲ့တွေရဲ့နယ် မြေရှင်းလင်းရေးလုပ် ဆောင်မှုတွေကြောင့် လူနည်းစုမွတ်ဆလင် အနည်းဆုံး၇ထောင့်၎ရာလောက်အိုးအိမ်စွန့်ခွါထွက် ပြေးခဲ့ရတယ်လို့ဆိုပါ တယ်။

ရေရှည်ဖြေရှင်းရမယ့် ရိုဟင်ဂျာကိစ္စအပါအ၀င် နှစ်နိုင်ငံအကြားရှိနေ တဲ့တခြားပြဿနာတွေ ဖြေရှင်းရေးမှာ တိုးတက်မှုတွေဖြစ်ပေါ်ဖို့ ဘင်္ဂလားဒေ့ရှ် အာဏာပိုင်တွေဘက်ကလိုလားတယ်လို့လည်း ဘင်္ဂလားဒေ့ရှ် အရာရှိကပြော ပါတယ်။ ပြီးခဲ့တဲ့ဇန်န၀ါရီလတုန်းကလည်း မြန်မာဒုတိယနိုင်ငံခြားရေးဝန်ကြီး ဦးကျော်တင် ဘင်္ဂလား ဒေ့ရ်ှကို စေလွှတ် ခဲ့ပေမယ့်လည်း ရိုဟင်ဂျာဒုက္ခသည်တွေဌာနေပြန်ခေါ်ရေးကိစ္စနဲ့ပတ်သက်ပြီးဆွေးနွေဖို့ ရှင်းလင်းပြတ် သားတဲ့ အခွင့် အာဏာမရှိခဲ့ဘူးလို့လည်း ဘင်္ဂလားဒေ့ရှ် အရာရှိတွေက သတင်းထောက်တွေကိုပြောပါတယ်။

ဗွီအိုအေ (မြန်မာပိုင်း)
https://burmese.voanews.com

Trump နဲ့ တောင်ကိုရီးယားသမ္မတ တွေ့ဆုံ


တောင်ကိုရီးယားသမ္မတသစ် Moon Jae-in ဟာ အမေရိကန်သမ္မတဒေါ်နလ်ထရမ့်နဲ့ ပထမဆုံးအကြိမ်အဖြစ် အိမ်ဖြူ တော်မှာ ဇွန်လ၂၉ရက် မနေ့က တွေ့ဆုံခဲ့ကြပါတယ်။ သမ္မတထရမ့်နဲ့သမ္မတကတော် Melania Trump တို့ဟာ တောင်ကိုရီးယားသမ္မတမွန်းဂျေးအင်နဲ့သမ္မတကတော်တို့ကို အိမ်ဖြူတော်မှာ နိုင်ငံတော်ညစာစားပွဲနဲ့ တည်ခင်း ဧည့်ခံခဲ့ကြပါတယ်။

မြောက်ကိုရီးယားရဲ့ အရေးပေါ်အန္တရာယ်ကျရောက်မှုနဲ့ပတ်သက်ပြီး နှစ်နိုင်ငံခေါင်းဆောင်တွေ ဒီကနေ့မှာ ဆွေးနွေးဖို့ရှိပြီး ဒီကိစ္စနဲ့ပတ်သက်လို့ ခေါင်းဆောင်နှစ်ဦးရဲ့သဘောထားအမြင်တွေ သိသိသာသာကွဲပြား နေကြတာပါ။

ဆယ်နှစ်နီးပါးအတွင်း တောင်ကိုရီးယားရဲ့ ပထဦးဆုံး လက်ဝဲယိမ်းသမ္မတဖြစ်တဲ့ မစ္စတာမွန်းက စီးပွါးရေး ပူးပေါင်းဆောင်ရွက်မှုကတဆင့် မြောက်ကိုရီးယားနဲ့ပိုပြီးရင်းနှီးလာအောင်ဆက်ဆံဖို့လိုလားပြီး သမ္မတထရမ့်ရဲ့ အစိုးရ ကတော့ မြောက်ကိုရီးယားကို ပြင်းထန်တဲ့ ဒဏ်ခတ်ပိတ်ဆို့မှုတွေချမှတ်တာတွေ၊ စစ်ရေးအရဖိအားပေးတာတွေနဲ့ သံတမန်နည်းအရ ၀ိုင်းကျဉ်ပယ်ဖို့နည်းတွေကို သုံးချင်နေတာပါ။

ခေါင်းဆောင်နှစ်ဦးရဲ့ မနေ့က အိမ်ဖြူတော်ဆွေနွေးမှုအပြီး ထုတ်ပြန်ချက်တွေကို ကြေညာဖို့ရှိပါတယ်။ မနေ့ကစောစောပိုင်းမှာ တောင်ကိုရီးယားသမ္မတဟာ အမေရိကန်လွှတ်တော်ခေါင်းဆောင်တွေနဲ့တွေ့ဆုံခဲ့ပြီး မြောက်ကိုရီးယားရဲ့အန္တရာယ်ကိုဖြေရှင်းရေးမှာ သူ့အနေနဲ့ နီးနီးကပ်ကပ်ပူးပေါင်းဆောင်ရွက်သွားမယ်လို့ အမေရိကန်ကို စိတ်ချစေဖို့ကြိုးပမ်းခဲ့ပါတယ် ပြီးခဲ့တဲ့လက ရာထူးလက်ခံခဲ့ပြီး သူ့ရဲ့ ပထမဆုံးပြည်ပခရီးစဉ်အဖြစ် အမေရိကန်ကို ၄ရက်ကြာလာရောက်မှုအတွင်း အမေရိကန်နဲ့တောင်ကိုရီးယားမဟာမ်ိတ်ဆက်ဆံရေးခိုင်မာတဲ့ အကြောင်းပြသလိုတာပါ။

ဗုဒ္ဓဟူးနေ့ကတော့ သမ္မတ မွန်းက ကိုရီးယားစစ်အတွင်းကျဆုံးခဲ့တဲ့ မရိမ်းတပ်သားတွေရဲ့ အထိမ်းအမှတ်ကျောက်တိုင်မှာ လွမ်းသူ့ပန်းခွေချခဲ့ပါ တယ်။ စနေနေ့မှာတော့ တောင်ကိုရီးယားသမ္မတ အမေရိကန်ကနေ ပြန်လည်ထွက်ခွါပါလိမ့်မယ်။

ဗွီအိုအေ (မြန်မာပိုင်း)
https://burmese.voanews.com

ပူတင်နဲ့ ထရမ့် G20 မှာ သီးခြားတွေ့မယ်

ပူတင်နဲ့ ထရမ့် G 20 မှာ ဆုံမယ်
အမေရိကန် သမ္မတ ဒေါ်နယ် ထရမ့် ဟာ ရုရှား သမ္မတ ဗလာဒီမြာ ပူတင်တဲ့ နောက်အပတ်ထဲ ဂျာမနီမှာ ကျင်းပမယ့် ဂျီတွမ်တီး အစည်းအဝေးတက်ရင်း သီးခြားတွေ့ဆုံဖို့ ရှိတယ်လို့ အိမ်ဖြူတော်က အတည်ပြုပါတယ်။

ဒါဟာ သမ္မတ နှစ်ယောက် ရဲ့ ပထမဆုံး မျက်နှာချင်း တွေ့ဆုံမှု ဖြစ်လာမှာပါ ဖြစ်ပါတယ်။

အဲလို တွေ့တဲ့ အခါ ဘာတွေ ဆွေးနွေးမလဲ ဆိုတာ မသိရသေးဘူးလို့ အမျိုးသား လုံခြုံရေး အကြံပေး အရာရှိ H.R. MacMaster က ပြောပါတယ်။

ဒီတွေ့ဆုံမှုနဲ့ ပတ်သက်လို့ ရုရှား အစိုးရ ပြောခွင့်ရသူကလည်း အစောပိုင်းတုန်းက အတည်ပြု ပြောဆိုခဲ့ပါတယ်။

တဆက်တည်း ဂျီ တွမ်တီး ညီလာခံကို အိမ်ရှင် အဖြစ် လက်ခံ ကျင်းပတဲ့ အခါ ရာသီဥတု ပြောင်းလဲမှု အပေါ် ပဲရစ် သဘောတူ စာချုပ်ကို ရပ်တည်ကာကွယ်ဖို့ ဂျာမန် ဝန်ကြီးချုပ် အန်ဂလာ မာခဲလ်က ကတိပေး ပြောကြား လိုက်ပါတယ်။

ဒီစာချုပ်ကနေ အမေရိကန် နှုတ်ထွက်ဖို့ သမ္မတ ထရမ့်က ဆုံးဖြတ်ပေမယ့် ဥရောပ သမဂ္ဂ ကတော့ ဆက်ပြီး အကောင်အထည် ဖော်သွားမှာပါလို့ မစ္စက် မာခဲလ်က ဂျာမန် ပါလီမန်မှာ ပြောကြားခဲ့ပါတယ်။

ပဲရစ် သဘောတူညီမှုကို ဥရောပ သမဂ္ဂက အပြည့်အဝ ရပ်တည် ကာကွယ် သွားပြီး အလျင်အမြန် တစိုက်မတ်မတ် အကောင်အထည် ဖော်သွားမှာပါ ၊ အမေရိကန် ထွက်သွားတဲ့ အတွက် ကျမတို့ အနေနဲ့ ပိုပြီး လေးလေးနက်နက် အောင်မြင်မှု ရအောင် လုပ်သွားဖို့ ဆုံးဖြတ်ထားတယ်လို့ မစ္စက် မာခဲလ် ဆိုပါတယ်။

G20 စက်မှု ထိပ်သီး နိုင်ငံများ အစည်းအဝေးကို Hamburg မြို့မှာ လာမယ့် ဇူလိုင်လ ရ ရက်နေ ၈ ရက်ထိ ကျင်းပမှာ ဖြစ်ပါတယ်။

BBC Burmese
http://www.bbc.com/burmese

အီရတ် မိုဆူးလ် ဗလီကြီး ပြန်သိမ်းမိ

ဖျက်ဆီးခံရတဲ့ ဗလီကြီး
အီရတ် နိုင်ငံ မိုဆူးလ် မြို့က ဖျက်ဆီးခံရတဲ့ အယ်လ် နူရီ ဗလီ ကြီးကို အီရတ် အစိုးရတပ်တွေက အိုင်အက်စ်တွေ လက်က ပြန်သိမ်းလိုက်နိုင်ပြီ ဖြစ်ပါတယ်။

ဒီနယ်မြေမှာ ခုချိန်ထိ လက်ဖြောင့် တပ်သားတွေ ရန်နဲ့ မော်တာ ကျည်ဆန်တွေ ကျနေဆဲ ဖြစ်တယ်လို့ ဒီတပ်တွေနဲ့ အတူပါသွားတဲ့ ဘီဘီစီ သတင်းထောက်က ဆိုပါတယ်။

ခုလို ပြန်သိမ်းနိုင်တာနဲ့ ပတ်သက်ပြီး ဒါဟာ အိုင်အက်စ်တွေ ကျဆုံးတော့မယ့် အစဖြစ်တယ်လို့ အီရတ် ဝန်ကြီးချုပ် Haider al-Abadi က ဆိုပါတယ်။

စတုရန်းမိုင် ၃ သောင်းကျော်တဲ့ နယ်မြေကို အိုင်အက်စ်တွေ လက်က ပြန်သိမ်းနိုင်ခဲ့ပြီး လူ ၄ သန်းကျော်ကို လွတ်မြောက် စေခဲ့တယ်လို့လည်း အီရတ် အစိုးရ ခေါင်းဆောင်တဲ့ ညွန့်ပေါင်းတပ်တွေရဲ့ ပြောခွင့်ရ ပုဂ္ဂိုလ်က ထုတ်ပြန်ခဲ့ပါတယ်။

ဒါပေမဲ့လည်း အိုင်အက်စ် စစ်သွေးကြွတွေ လက်ထဲမှာ နောက်ထပ် စတုရန်းမိုင် ၁ သောင်း ၄ ထောင်လက် ကျန်နေပြီး အီရတ်နဲ့ ဆီးရီးယား နိုင်ငံတွေထိ ကျယ်ပြန့်တယ်၊ သူတို့ရနေတဲ့ အခွန်အတုပ်တွေကတော့ လွန်ခဲ့တဲ့ ၂ နှစ်က ၃ လကို ဒေါ်လာ သန်း ၈ဝ ကျော် ရရာက အခု ဒေါ်လာ ၁၆ သန်းလောက်ပဲ ရတော့တယ်လို့ IHS Markit သုတေသန အဖွဲ့က လေ့လာ တွေ့ရှိခဲ့ပါတယ်။

မိုဆူးလ် မြို့ဟောင်းထဲမှာ စစ်သွေးကြွ ရာဂဏန်းလောက်ပဲ ကျန်တော့ပြီး အရပ်သား ၅ သောင်းလောက် ပိတ်မိနေတယ်၊ အစာရေစာလည်း ပြတ်သလောက် ဖြစ်နေပြီး သူတို့အတွက် အသက်အန္တရာယ် ရှိတယ်လို့ ကူညီရေး အဖွဲ့တွေက ထုတ်ပြန်ပါတယ်။

ပြန်သိမ်းရမိတဲ့ နယ်မြေခံ တယောက် ပြောတာက လွတ်မြောက်လာတဲ့ နေရာတွေမှာတောင် အိုင်အက်စ်တွေ ပျောက်မသွားသေးဘဲ ကျန်နေတယ်၊ သူတို့အရေအတွက်က များတယ်၊ ခုထိ လုံခြုံရေးက စိတ်မချရသေးဘူးလို့ နယ်ခံတွေက ဆိုပါတယ်။

အီရတ် အစိုးရတပ်တွေနဲ့ ရဲတွေက နောက်ဆုံးပိတ် တိုက်ပွဲ ဆိုပြီးမြို့ဟောင်းထဲကို မနေ့က စထိုးစစ်ဆင်တာလို့လည်း သိရပါတယ်။

မနေ့က တမနက်လုံး တိုက်ပွဲပြင်းထန်ခဲ့ပြီး အိုင်အက်စ် တွေက အရေးကြီးတဲ့ ခံစစ် စခန်းတွေကို သိမ်းထားဆဲလို့လည်း ဘီဘီစီ သတင်းထောက်တွေက ဆိုပါတယ်။

တပ်ပေါင်းစုတွေရဲ့ တပ်မှူး ဒုဗိုလ်ချုပ်ကြီး Amir Yarallah က သူတို့ ဗလီပျက်ကြီးနဲ့ အနီးတဝိုက်ဒေသတွေကို သိမ်းခဲ့ပြီလို့ ချက်ချင်း ကြေညာခဲ့ပေမယ့် နာရီအကြာကြီးနေမှ ဝင်နိုင်တာလို့လည်း ဆိုပါတယ်။

ဖျက်ဆီးခံရတဲ့ ဗလီမှာ တိမ်းစောင်းနေတဲ့ မျှော်စင်ကြီးနဲ့ တိုင်လုံးတချို့ပဲ ကျန်ရစ်ပါတယ်။ ဒီဗလီကို လွန်ခဲ့တဲ့ ၉ ရက်က အိုင်အက်စ် တွေ ဖျက်ဆီးလို့ မျှော်စင်နဲ့ ခုံးတခုပဲ ကျန်တယ်လို့ အစိုးရဘက်က ထုတ်ပြန်ထားပါတယ်။

အိုင်အက်စ် တွေဘက်က ဒီဗလီကို အမေရိကန် ညွန့်ပေါင်းတပ်တွေ ဗုံးချလို့ ပျက်တာ ဆိုပေမယ့် အင်တာနက်မှာ တွေ့ရတဲ့ ဗီဒီယို အရ အဆောက်အအုံ အထဲက ပေါက်ကွဲတဲ့ ပုံတွေ တွေ့ရတယ်လို့ ဆိုပါတယ်။

BBC Burmese
http://www.bbc.com/burmese

ရှေးဟောင်း Mosul ဗလီ အီရတ်တပ် ပြန်သိမ်း

ရှေးဟောင်း Mosul ဗလီ တ၀ိုက်
အီရတ် တပ်ဖွဲ့တွေဟာ Mosulမြို့အတွင်းက ဖျက်ဆီးခံထားရတဲ့ သမိုင်းဝင် ဗလီကျောင်းကြီးကို ပြန်လည် သိမ်းပိုက် လိုက်ပါတယ်။ Mosulမြို့ဟာ လွန်ခဲ့တဲ့ သုံးနှစ်က IS အစ္စလာမ်မစ် စစ်သွေးကြွတွေ သိမ်းပိုက်တာ ခံခဲ့ရပြီး၊ IS တွေဟာ သူတို့သဘောနဲ့ သူတို့ ကာလီဖိတ်လို့ ခေါ်တဲ့ ဘာသာရေး နိုင်ငံတော်အဖြစ် ကြေညာခဲ့ကြတာပါ။

စစ်သွေးကြွတွေဟာ သက်တမ်း နှစ် ၈၅၀ ရှိပြီ ဖြစ်တဲ့ Grand al-Nuri ဗလီဘုရား ရှိခိုးကျောင်းကြီး နဲ့ ၄၅ မီတာ အမြင့်ရှိတဲ့ ဗလီကျောင်း မျှော်စင်ကြီးကို ပြီးခဲ့တဲ့ သတင်းပတ်က ဖေါက်ခွဲခဲ့ပါတယ်။ နောက်ပြီး (၈) လကြာ စစ်မက်ဖြစ်ပွားနေချိန်အတွင်း Mosul မြို့ကို ရစရာမရှိအောင် မွှေနှောက် ဖျက်ဆီးခဲ့ကြပါတယ်။

နံနက်လင်းအားကြီး စစ်ဆင်တိုက်ခိုက်အပြီး အီရတ်တပ်ဖွဲ့တွေက ဗလီကျောင်းကြီးကို ပြန်လည်သိမ်းပိုက်လိုက်တာ ဖြစ်ပါတယ်။ ဆက်လက်ပြီးတော့လည်း မြို့ဟောင်း အတွင်းကို ၀င်ရောက် တိုက်ခိုက်နေပါတယ်လို့ IS စစ်သွေးကြွတွေကို တိုက်ခိုက်နေတဲ့ အမေရိကန် စစ်ဆင်ရေးအဖွဲ့ ပြောခွင့်ရသူ က ပြောပါတယ်။

ကြာသာပတေးနေ့ တနေ့လုံး မူဆိုးလ်မှာ တိုက်ပွဲတွေ ဆက်ဖြစ်နေပါတယ်။ သူတို့အနေနဲ့ မြို့ဟောင်းကို သောကြာနေ့ ဒါမှ မဟုတ် စနေနေ့မှာ ထိန်းချုပ်နိုင်လိမ့်မယ်လို့ ယုံကြည်ကြောင်း စစ်သွေးကြွတွေကို စစ်ဆင်နေတဲ့ အထူးတပ်ဖွဲ့ဝင် တွေက VOA ကို ပြောပါတယ်။

အီရတ် လုံခြုံရေးတပ်ဖွဲ့တွေဟာ ISIS တွေ အခိုင်အမာတပ်စွဲထားတဲ့ လက်ကျန် စခန်း ၂ ခုကို တိုက်ခိုက်နေကြကြောင်း စစ်ဖက် ပြောခွင့်ရသူ ကြည်းတပ် ဗိုလ်မှုးကြီး Ryan Dillon က ပြောပါတယ်။

ဗွီအိုအေ (မြန်မာပိုင်း)
https://burmese.voanews.com

မြောက်ကိုရီးယားကို ပံ့ပိုးမှုနဲ့ တရုတ်ကုမ္ပဏီကို ကန်အရေးယူ

မြောက်ကိုရီးယားခေါင်းဆောင် Kim Jong Un
မြောက်ကိုရီးယား Nuclear လက်နက်ထုတ်နိုင်အောင် ငွေကြေးခ၀ါချ တယ် ဆိုတဲ့ စွပ်စွဲချက်နဲ့တရုတ်ဘဏ်တခုကို အမေရိကန်ပြည်ထောင်စုက ဇွန်လ၂၉ရက် မနေ့ကပဲ နာမည်ပျက်စာရင်းသွင်းခဲ့ပါ တယ်။

Dandong ဘဏ်ကို ငွေကြေးခ၀ါချမှုနဲ့ပတ်သက်လို့ အထူးစိုးရိမ်မှုရှိတဲ့ဘဏ်လို့ အမေရိကန်ဘဏ္ဍာရေး ၀န်ကြီးဌာနက သတ်မှတ်ခဲ့ပြီး ရက်ပေါင်း ၆၀ ပြန်လည်စီစစ်မှုတွေလုပ်ပြီး နောက်ပိုင်း အမေရိကန်ဘဏ္ဍာရေးစံနစ်ထဲကနေ Dandongဘဏ်ကို ထုတ်ပယ်ဖို့ တင်ပြထားပါတယ်။

တရုတ်သင်္ဘောကုမ္မဏီတခုနဲ့ တရုတ်နိုင်ငံသားနှစ်ဦးဖြစ်ကြတဲ့ San Weiနဲ့ Li Hong Ri တို့ကိုလည်း မြောက်ကိုရီးယားမှာ တရားမ၀င်တဲ့လုပ်ရပ်တွေရှိခဲ့လို့ အမေရိကန်က အရေးယူဒဏ်ခတ်ပိတ် ဆို့လည်းလုပ်ခဲ့ပါသေးတယ်။

တရုတ် Dandongဘဏ်ကို ရည်ရွယ်ပြီး နာမည်ပျက်စာရင်း သွင်းခဲ့တာဖြစ်ပြီး ဒီလုပ်ရပ် ဟာ တရုတ်အစိုးရကို မရည်ရွယ်ဘူးလို့လည်း အမေရိကန်ဘဏ္ဍရေးဝန်ကြီး Steve Mnuchin က အိမ်ဖြူတော် သတင်းစာရှင်းလင်းပွဲမှာပြောခဲ့ပါတယ်။

မြောက်ကိုရီးယားအစိုးရကို ပံ့ပိုးကူညီတဲ့လုပ်ငန်း တွေလုပ်တဲ့သူ ဘယ်သူ ပဲဖြစ်ဖြစ်၊ ဘယ်ကုမ္မဏီပဲဖြစ်ဖြစ် ဘယ်လိုဘဏ္ဍာရေးလုပ်ငန်းပဲဖြစ်ဖြစ် အရေးယူဖို့ဝန်လေး နေမှာမဟုတ်ဘူးဆိုတာ ကို အမေရိကန်ပြည်ထောင်စုက ပြတ်ပြတ်သားသားအသိပေးလိုက်တာပဲလို့လည်း အမေရိကန်ဘဏ္ဍာရေးဝန်ကြီးက ပြောပါတယ်။

မြောက်ကိုရီးယားက ကောင်းကောင်းမွန်မွန်ရပ်တည်မှုရှိမလာမချင်း ငွေကြေးစီးဆင်းမှုတွေကို စောင့်ကြည့်ပြီး ငွေကြေးဖြတ်တောက်မှုတွေကို လုပ်သွားမယ်လို့လည်း အမေရိကန်ဘဏ္ဍာရေးဝန်ကြီး Steve Mnuchin ကပြောခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

ROYAL STAR( KTV )တွင် ခိုက်ရန်ဖြစ်ပွားရာမှ အမျိုးသားတစ်ဦး သေဆုံး


ပြည် ဇွန်လ( ၂၉)ရက်နေ့

ပဲခူးတိုင်းဒေသကြီး၊ ပြည်ခရိုင်၊ ပြည်မြို့၊ န၀ဒေးရပ်ကွက်၊ ကုန်တင်ကုန်ချဝင်းရှိ ROYAL STAR (KTV ) ဆိုင်တွင်ခိုက်ရန်ဖြစ်ပွားရာမှ အမျိုးသားတစ်ဦး ဓါးထိုးခံရ၍ သေဆုံးခဲ့ကြောင်း သိရသည်။

ဖြစ်စဉ်မှာ ဇွန်လ(၂၈)ရက်နေ့ ည(၁၁)နာရီ(၁၅)အချိန်ခန့် ပြည်မြို့၊ န၀ဒေးရပ်ကွက်၊ ကုန်တင်ကုန်ချဝင်းရှိ ROYA STAR ( KTV)သို့ ဇာနည်ထွန်း(ခ) အာကြီး၊ သော်ဇင်အောင်၊ နိုင်းဝေယံ တို့သည် သီချင်းဆိုရန် ရောက်ရှိလာပြီး ဆိုင်ရှိဧည့်ကြိုများနှင့် KTV အခန်းကိစ္စစကားပြောရာမှအဆင်မပြေဖြစ်ကြကာ ဇာနည်ထွန်း(ခ)အာကြီး သည် ဧည့်ကြိုများအား လိုက်လံထိုးကြိတ်ရာမှ ရန်ဖြစ်ခဲ့ကြသည်ဆို၏။

ထိုသို့ရန်ဖြစ်ရာဆိုင်ရှိ ဧည့်ကြိုလက်ထောက်ခေါင်းဆောင် စိုင်းလူ ခေါင်းဆောင်သော ဧည့်ကြို(၁၅)ဦးခန့်မှ ၄င်းတို့အား ၀ိုင်းဝန်းထိုးကြိတ်၊ တုတ်ဖြင့်ရိုက်၊ ဓါးမြောင်ဖြင့်ထိုးခဲ့သဖြင့် ဇာနည်ထွန်း (ခ)အာကြီး တွင် ယာဘက်ရင်အုံတွင် (၁)လက်မခန့် ထိုးသွင်းဒဏ်ရာ(၁)ချက်၊ ဦးခေါင်းထိပ်ယာဘက်တွင် (၂)လက်မခန့် ပြတ်ရှဒဏ်ရာ(၁)ချက်တို့ဖြင့် အခင်းဖြစ်နေရာတွင် သေဆုံးခဲ့ကြောင်း ပြည်မြို့မရဲစခန်းမှသိရသည်။

ထို့နောက် သော်ဇင်အောင်တွင် ယာဘက်ရင်ခေါင်း(၁) လက်မခန့်ထိုးသွင်း ဒဏ်ရာ(၁)ချက်၊ ယာဘက်နံဘေး (၁)လက်မခန့် ထိုးသွင်းဒဏ်ရာ(၁)ချက်နှင့် နိုင်းဝေယံတွင် ယာဘက်ဂျိုဟောင်း (၁)လက်မခန့် ပြတ်ရှဒဏ်ရာ(၁)ချက်၊ ယာဘက်နံဘေး(၁)လက်မခန့် ထိုးသွင်းဒဏ်ရာ(၁)ချက်အသီးသီး ဒဏ်ရာများရရှိခဲ့ကြောင်း စစ်ဆေးတွေ့ရှိရဟုသိရသည်။

ထို့ကြောင့် ဇာနည်ထွန်း (ခ) အာကြီး ၏ မိခင်ဖြစ်သူ ဒေါ်သန်းသန်းဌေး မှ စိုင်းလူပါ ဧည့်ကြို(၁၅)ဦးခန့်အား စုံစမ်းဖော်ထုတ် အရေးယူပေးပါရန် ပြည်မြို့မရဲစခန်းသို့လာရောက် တိုင်ကြား ခဲ့သည်။

ဖြစ်စဉ်နှင့်ပတ်သက်၍ ပြည်မြို့မရဲစခန်း(ပ) ၁၂၉၆ /၂၀၁၇ ၊ ရာဇသတ်ကြီးဥပဒေပုဒ်မ-၃၀၂ /၃၂၆/၃၂၄/၃၂၃/၁၁၄ ဖြင့် အမှုဖွင့် အရေးယူဆောင်ရွက် ထားရှိကာ အမှုအား ပြည်မြို့မ ရဲစခန်းမှူး ဒုရဲမှူးတင်ကိုမှ လက်ခံစစ်ဆေးပြီး KTV ရှိ ဧည့်ကြိုများနှင့် အခြားဝန်ထမ်းများအား ပြည်မြို့မရဲစခန်းတွင် စစ်ဆေးလျှက်ရှိကြောင်း သတင်းရရှိသည်။

အဆိုပါအခင်းဖြစ်ပွားမှု cctv ဗီဒီယိုမှတ်တမ်းများ online ပေါ်တွင် ပျံနှံလျှက်ရှိကြောင်း တွေ့ရပါသည်။

ပြည့်သဲမောင်(ပြည်)
ပြည်သတင်း
https://www.facebook.com/pyaynews

“ထူးခြား”ဆိုင်တွင် ဝါယာရှော့ဖြစ် မီးလောင်မှုဖြစ်ပွား


ပြည် ဇွန်လ(၂၉)ရက်နေ့

ပြည်ခရိုင်၊ ပြည်မြို့၊ အောင်တန်းပြည်သာယာရပ်ကွက်တွင် ဇွန်လ(၂၉)ရက်နေ့ နံနက်  (၁)နာရီ (၅၀)အချိန်ခန့် စက်ဘီးဆိုင်ကယ်ပြုပြင်ရေးဆိုင်တွင် မီးလောင်မှုဖြစ်ပွားကြောင်း သိရသည်။

ဖြစ်စဉ်မှာ ပြည်မြို့၊ ပြည်သာယာရပ်ကွက်၊ အောင်ဆန်းအပိုင်း (၁)ရှိ ဦးတင်အောင် ၊ (၃၉)နှစ်၊ (ဘ) ဦးကျော်လှ၊စက်ဘီး/ဆိုင်ကယ်ပြုပြင်ရေး ကားကြီးဝန်းအနီး၊ ခေတ္တရာမြို့သစ်ရပ်ကွက် ပြ
ည်မြို့နေသူပိုင်(ထူးခြား) စက်ဘီး/ဆိုင်ကယ်ပြုပြင်ရေးဆိုင်သို့ သွယ်တန်းထားသော စပ်မီတာ၏ လျှပ်စစ်ဝါယာကြိုးရှော့ဖြစ်၍ ထရံသို့ မီးကူးစက်လောင်ကျွမ်းခဲ့ခြင်း ဖြစ်ကြောင်း သိရ၏။


ထိုသို့ မီးကူးစက်လောင်ကျွမ်းမှုကြောင့် အလျား(၃၀)ပေ အနံ(၁၀) ၊ သွပ်မိုး၊ ထရံကာဆိုင်ကယ်ပြင်ဆိုင် (၁)လုံးဆုံးရှုံးခဲ့ပြီး မီးလောင်မှုဖြစ် ပွားရာသို့ မီးသတ်တပ်ဖွဲ့ဝင်များ၊ရဲတပ်ဖွဲ့ဝင်များ၊ရပ်ကွက်သူ/သားများ ၀ိုင်းဝန်းမီးငြိမ်းသတ်ခဲ့ကျသဖြင့် လူထိခိုက် ဒဏ်ရာရရှိမှုမရှိ ဘဲ အချိန်တိုအတွင်း မီးငြိမ်းသတ်နိုင်ခဲ့ကြောင်းသိရသည်။


ထို့ကြောင့် ဖြစ်စဉ်နှင့်ပတ်သက်၍ ဦးတင်အောင် အား ဥပဒေအရ အရေးယူပေးရန် ဒုရဲအုပ် ၀င်းမင်းစိုး မှတရားလိုပြုလုပ်တိုင်တန်းသဖြင့် ပြည်အမှတ်(၃)နယ်မြေရဲစခန်း (ပ) ၉၁၅/၂၀၁၇ ရာဇသတ်ကြီးပုဒ်မ ၂၈၅ ဖြင့် အမှုရေးဖွင့်ဆောင်ရွက်ခဲ့ပြီး အမှုအား ဒုရဲအုပ် ၀င်းမင်းစိုးမှ လက်ခံစစ်ဆေးဆောင်ရွက်လျက်ရှိကြောင်း သတင်းရရှိသည်။

ပြည့်သဲမောင်(ပြည်)
ပြည်သတင်း
https://www.facebook.com/pyaynews

နာဂအရပ်သား တွေကို နှိပ်စက်တဲ့ စစ်သားတွေကို ခုံရုံးဖွဲ့စစ်

တာဝန်ရှိသူတွေ ယန်းကြုံးရွာမှာ စစ်ဆေးစဉ်
နာဂ ဒေသမှာ ကျောင်း ဆရာမတွေ အပါအဝင် ဒေသခံတွေကို ရိုက်နှက် ညှဉ်းပန်းမှုနဲ့ ပတ်သက်လို့ တပ်မတော်ဘက်က တပ်ရင်းမှူးအဆင့် အရာရှိ အပါအဝင် စစ်သည် တချို့ကို ခုံရုံးဖွဲ့ စစ်ဆေးနေပါတယ်။

ပြီးခဲ့တဲ့ မေလက လဟယ်မြို့မှာ ကျင်းပတဲ့ သင်ရိုးသစ် အလုပ်ရုံ ဆွေးနွေးပွဲကအပြန် ထန်ကုန်းရွာ အရောက်မှာ ဟုမ္မလင်း အခြေစိုက် ခလရ ၂၂၂ က တပ်မတော် တပ်ရင်းက စစ်သည်တွေက သူတို့ကို ရိုက်နှက် ညှဉ်းပန်းတာတွေ လုပ်ခဲ့တယ်လို့ သိရကြောင်း နာဂကိုယ်ပိုင် အုပ်ချုပ်ခွင့်ရဒေသ ဦးစီးအဖွဲ့ ဥက္ကဌ ဦးကေးဆိုင်းက ဘီဘီစီကို ပြောပါတယ်။

နာဂဒေသ လဟယ်မြို့နယ် လန်ထိန် ကျေးရွာမှာ နယ်မြေ တာဝန်ကျတဲ့ တပ်မတော် တပ်ရင်းက ဒေသခံတွေအပေါ် လူ့အခွင့်အရေး ချိုးဖောက်တယ် ဆိုပြီး အနောက်မြောက်တိုင်း စစ်ဌာနချုပ် အပါဝင် အစိုးရ တာဝန်ရှိသူတွေကို တိုင်ကြားခဲ့ ပြီးနောက် အခုလို စုံစမ်း စစ်ဆေးတဲ့ အထိ ဖြစ်လာခဲ့တာပါ။

လူမှု ကွန်ရက် မီဒီယာမှာလည်း ဒီကိစ္စ ပျံ့နှံ့ခဲ့ ပါတယ်။

အခု စစ်ဆေးမှုက ပဏာမ စစ်ဆေးမှု ဖြစ်ပြီး ကျူးလွန်မှု ဖြစ်ခဲ့တယ်ဆိုတာ တပ်ရင်းက တပ်ရင်းမှူးကလည်း ဝန်ခံခဲ့ပြီး ဖြစ်လို့ ဒီအမှုမှာ ကျူးလွန်သူ တွေကို အပြစ်ပေးမယ်လို့ ယုံကြည်ကြောင်း ဦးကေးဆိုင်းက ပြောပါတယ်။

စစ်ဆေးမှုကို လဟယ် တပ်နယ်မှာ လွန်ခဲ့တဲ့ သီတင်းပတ်က ပြုလုပ်ခဲ့တာပါ။

တပ်မတော်က ခုံရုံးဖွဲ့ စစ်ဆေးမှုမှာ စစ်ခုံရုံး စည်းမျဉ်းအရ လွှတ်တော် ကိုယ်စားလှယ်တွေ ဒေသ ဦးစီးအဖွဲ့တွေ ဝင်ရောက်ခွင့် မရှိတဲ့အတွက် ပွင့်လင်း မြင်သာမှုပိုင်းမှာ အားမရဘူးလို့ ဒေသခံ တချို့က ပြောပါတယ်။

စစ်မက်ဖြစ်ပွားတဲ့ ဒေသတွေမှာ တပ်မတော်က လူ့အခွင့်အရေး ချိုးဖောက်တာတွေ အရင်က ရှိခဲ့ပေမဲ့ နောက်ပိုင်းမှာ ဒါတွေနဲ့ ပတ်သက်လို့ စစ်တပ်က ခုံရုံးဖွဲ့ စစ်ဆေးတာတွေ ပြုလုပ်လာတာ တွေ့ရပါတယ်။

အခုလို စစ်ဆေးမှုတွေ ရှိပေမဲ့ တချို့ စစ်မက်ဖြစ်ပွားနေတဲ့ တိုင်းရင်းသား ဒေသတွေမှာတော့ လူ့အခွင့် အရေး ချိုးဖောက်မှုတွေ ရှိနေဆဲ ဖြစ်တယ်လို့ လူ့အခွင့် အရေး လှုပ်ရှားသူတွေက ပြောနေကြ ပါတယ်။

BBC Burmese
http://www.bbc.com/burmese

ကမ္ဘာ့ချန်ပီယံနဲ့ မကျေပွဲ ထပ်နွှဲမယ့် အောင်လအန်ဆန်

ဂျကာတာပွဲမှာ ဗစ်တာလီနဲ့ ၅ ချီပြည့် ထိုးသတ်ခဲ့
ဇွန်လ ၃၀ ရက် ဆိုရင် ရုရှားက ဗစ်တာလီ ဘစ်ဒက်ရ်ှနဲ့ သုဝဏ္ဏ မိုးလုံလေလုံကွင်းမှာ မကျေပွဲ ပြန်လည် ထိုးသတ်မယ့် မြန်မာ့ စပါးအုံး အောင်လအန်ဆန်နဲ့ ပတ်သက်တဲ့ အချက်အလက်တွေ ကြည့်ရအောင်ပါ။

အသက် ၃၂၊ အရပ် ၆ ပေ ၁ လက်မ၊ ကိုယ် အလေးချိန် ၁၈၅ ပေါင် ရှိတဲ့ အောင်လအန်ဆန်ဟာ မစ်ဒယ်ဝိတ်တန်းမှာ ထိုးသတ် သူဖြစ်ပါတယ်။

ထိုးသတ်နည်းပေါင်းစုံကို ခွင့်ပြုတဲ့ One Championship ပွဲတွေမှာ မြစ်ကြီးနားဇာတိ ကချင်နွယ်ဖွား အောင်လအန်ဆန်ဟာ ၁၉ ပွဲနိုင်၊ ၁ဝ ပွဲရှုံးထားပါတယ်။

နိုင်ငံတကာ ဇာတ်ခုံပေါ်မှာ မြန်မာ ဆိုတဲ့ နာမည်ကို ဆောင်ကြဉ်းပေးတဲ့ လက်ရှိ ခေတ်ပြိုင် တွေထဲ အောင်လအန်ဆန် အပါအဝင်မို့ မြန်မာ နိုင်ငံသားတွေရဲ့ အကြီးအကျယ် အားပေးမှု ရရှိထားသူပါ။

အင်ဒိုနီးရှား ပွဲတုန်းက ပြင်ဆင်ချိန် ၁ရက် အနည်းငယ်ပဲ ရခဲ့ပေမယ့် ပွဲမရှောင်ခဲ့ပဲ ကမ္ဘာ့ ချန်ပီယံ ဗစ်တာလီနဲ့ ၅ ချီပြည့် ထိုးသတ်ခဲ့သူမို့ အောင်လအန်ဆန်ကို ရဲရင့်တဲ့ နှလုံးသားမျိုး ရှိသူလို့ အများက လေးစား ခဲ့ပါတယ်။

အခုတော့ သူ့ကို ချစ်ကြတဲ့ မြန်မာ ပရိသတ်တွေရှေ့ အောင်လအန်ဆန်ဟာ ဗစ်တာလီနဲ့ မကျေပွဲ ပြန်ထိုးသတ်တော့မှာ ဖြစ်ပါတယ်။

အောင်လအန်ဆန်နဲ့ အသက်တူ၊ အလေးချိန်တူ၊ အရပ်မတိမ်းရှိတဲ့ ဗစ်တာလီ ဘစ်ဒက်ရှ် One Championship ရဲ့ မစ်ဒယ်ဝိတ်တန်း လက်ရှိ ချန်ပီယံ ဖြစ်ပါတယ်။

ဇာတိမြေ ရုရှားနဲ့ ယူကရိန်း၊ တူရကီ အပါအဝင် နိုင်ငံတကာမှာ ပွဲတိုးထားတဲ့ ဗစ်တာလေဟာ ၂၀၁၅ မှာတော့ အီဂို ဆီဗရစ်ကို အနိုင်ယူပြီး ချန်ပီယံ ဖြစ်လာပြီး ဂျကာတာပွဲမှာလည်း အောင်လအန်ဆန်ကို နိုင်လို့ သရဖူ ကာကွယ် နိုင်ခဲ့ပါတယ်။

ရှုံးပွဲမရှိ နိုင်ပွဲ ၉ ပွဲ ရထားတဲ့ ဗစ်တာလေဟာ ပြိုင်ဘက်တွေကို အလဲထိုးပြီးတော့ရော ချုပ်ကွက်တွေနဲ့ရော သတ်ကွက် အမျိုးစုံ သုံးပြီး အနိုင်ယူ တတ်သူမို့ အင်မတန် ကြောက်စရာ ကောင်းတဲ့ ကစားသမား အဖြစ် အသိအမှတ်ပြု ခံရသူ ဖြစ်ပါတယ်။

နည်းပေါင်းစုံ ခွင့်ပြုတဲ့ Mixed Martial Art ကစားနည်းတွေ အပေါ် အင်မတန် ခုံမင်ပြီး ဘဝကို နှစ်မြှုပ်ထားသူ တစ်ယောက် ဖြစ်တယ်လို့ ကိုယ်တိုင် ဖွင့်ဟ ပြောထားပါတယ်။

ရုရှားက Rostov- on-Don ဆိုတဲ့ ရုရှားမြို့မှာ ဇနီးသည်နဲ့ အခြေချ နေထိုင် နေပါတယ်။

BBC Burmese
http://www.bbc.com/burmese

ထိုင်းအလုပ်သမားဥပဒေသစ် ထုတ်ပြန်အပြီး၊ မြန်မာအလုပ်သမား ၃၀၀၀ ခန့် ဌာနေပြန်ရေး စိုင်းပြင်း

ထိုင်းနိုင်ငံရောက် မြန်မာရွှေ့ပြောင်း အလုပ်သမားများ
ထိုင်းနိုင်ငံမှာ နိုင်ငံခြားသားအလုပ်သမားတွေနဲ့ ပတ်သက်တဲ့ဥပဒေသစ်ထွက်ပေါ်ခဲ့ပြီး ပညာပေးအနေနဲ့ အဖမ်းဆီးတွေဆက်တိုက်လုပ်နေတာကြောင့် ထိုင်းနိုင်ငံတွင်းမှာ မနေထိုင်ရဲတော့တဲ့ မြန်မာနိုင်ငံသားများဟာ သက်ဆိုင်ရာ လူဝန်မူကြီးကြပ်ရေးရုံးတွေမှာ နေရပ်ပြန်မဲ့ အကြောင်းကြားမူတွေက ဇွန်လ ၂၉ရက်နေ့ ကဆိုရင် လူ၃ထောင်လောက် ထိရှ်ိလာတယ်လို့ ဆိုပါတယ် ။ ဒါကတရားဝင်အသိပေးပြန်ကြသူတွေဖြစ်ပြီး တခြားလူတွေကတော့ အဖမ်းဆီးတွေနဲ့ တောတောင်ထဲ တိမ်းရှောင်နေတာမျိုးတွေ လုပ်နေတယ်လို့ ဆိုပါတယ်။ မြန်မာသံရုံးဘက်ကတော့ ထိုင်းအစိုးရနဲ့ ဆွေးနွေးညှိနှိုင်းဖို့ ရှိတယ်လို့ ဆိုပါတယ်။ အခုလို အဖမ်းဆီးတွေရှိနေမဲ့ မြန်မာတွေသောင်းနဲ့ သိန်းနဲချီပြီး နေရပ်ပြန်ဖို့ ကတော့သိပ်မလွယ်ကူ သေးပါဘူး။ အပြည့်အစုံကိုတော့ ထိုင်းအခြေစိုက် သတင်းထောက် မအေးအေးမာက သတင်းပေးပို့ထားပါတယ်။

ထိုင်းနိုင်ငံမှာ နိုင်ငံခြားသား အလုပ်သမားတွေ အလုပ်ရှင်တွေ အတွက် ပိုမိုတင်းကြပ်တဲ့ ဥပဒေသစ်ထွက်လာပြီးတဲ့ နောက်မှာတော့ အဖမ်းအဆီးတွေ ဆက်တိုက်လုပ်လာတာပါ။မြန်မာသံရုံးဘက်ကလည်း အထောက်အထားမရှိသူတွေ နေရပ်ပြန်ကြပါလို့ပဲ အသိပေးခဲ့ပြီး တဲ့နောက်မှာတော့ နေရပ်မှာ ပြန်လည်တိမ်းရှောင်နေထိုင်နိုင်တဲ့ ငွေကြေးအနည်းငယ်ရှိသူ အလုပ်သမားတချိုကတော့ နေရပ်ပြန်ဖို့အတွက် လ၀ကရုံးမှာ သတင်းပေးပို့ပြီး စာရွက်စာတမ်းတွေ ထုတ်ယူ နေရပ်ပြန်တာဖြစ်ပါတယ်။

ဇွန်လ ၂၉ရက်နေ့မှာ နေရပ်ပြန်ဖို့ လုပ်ကြသူ တွေ၃ထောင်လောက် ရှိတယ်လို့ အလုပ်သမားရေး ဆောင်ရွက်နေတဲ့ အေအေစီမဟာမိတ်အဖွဲ့က ကိုရဲမင်းကပြောပါတယ်။

“အလုပ်တွေကမတူဘူး၊ Work permit မစုံတဲ့လူတွေက ပိုများသလိုဖြစ်နေတယ် ၊ အထောက်အထားမှန်ကန်ပြည့်စုံတဲ့လူထက်စာရင် ။ ပြန်တယ်ဆိုတာကလည်း Work permit မစုံတော့ ပြန်ဖို့ ခက်နေတယ်။ အဲဒီတော့ ထိုင်းလ၀က ရုံးမှာ အရင်ကတည်းကရှိတယ်။ ပိုက်ဆုံ ၂၅၀၀ တို့၊ ၂၈၀၀ တို့ ၊ ၃၀၀၀ တို့ အစားစား ။ ပွဲစားနဲ့ ချိတ်ပြီးတော့ ပြန်မယ်ဆိုရင်လည်း လမ်းမှာလည်း အဖမ်းခံရနိုင်တယ်။ အခုဒီနေ့ စာရင်းကတေ့ ၃၀၀၀ နီးပါးပြန်တယ်အမ။ ဆက်နေရင် ပိုက်စိပ်တိုက်ရှာဖွေဖမ်းဆီးတော့ မိမှာပဲ၊ မိမယ့်အတူတူတော့ မြန်မာပြည်ခဏပြန်ရှောင်နေလိုက်တာ ကောင်းတယ်ဆိုတဲ့သဘောနဲ့ လူတွေက စိတ်ဓါတ်ကျပြီးတော့ လုပ်ငန်းခွင်တွေ စွန့်ပြီးတော့ ပြန်ကြတာ။”

တကယ်တော့ထိုင်းနိုင်ငံမှာ အခုအဖမ်းဆီးကြောင့်နေရပ်ကို သိန်းချီ၊ သောင်းနဲ့ချီပြန်ဖို့ဆိုတာကတော့ ဖြစ်နိုင်ဖို့ မလွယ်ကူပါဘူး။ ထိုင်းနိုင်ငံထဲမှာ တရားမ၀င်အလုပ်သမားက သန်းနဲ့ချီရှိနေတာပါ။ နေရပ်မှာ အိမ်တွေ မြေတွေပေါင်နှံပြီး ပွဲစားကိုငွေပေးလာကြသူတွေများပါတယ်။ မြန်မာပြည်ထဲမှာ အလုပ်အကိုင်ရှာဖွေဖို့ အတွက် ခက်ခဲတာကြောင့် မိသားစုစားဝတ်နေရေးအတွက် လာလုပ်ကိုင်ကြသူတွေအဖို့ ကတော့ အခုအဖမ်းအဆီးကြောင့် ဒုက္ခတွေပိုရောက်သွားစေတာပါ။ နောက်ဆက်တွဲဖြစ်နိုင်တဲ့အကျိုးဆက်တွေနဲ့ ပတ်သက်ပြီးဆက်ပြောပြပါတယ်။

“ဖမ်းရုံနဲ့ မပြီးဘူးအမ နောက်ဆက်တွဲကတော့ မြန်မာပြန်မှာလည်း အခက်အခဲတွေဖြစ်မယ်။ မိသားစုတွေကို ထောက်ပံ့နေတဲ့လူတွေအတွက်လည်း ထောက်ပံ့မှုတွေရပ်သွားနိုင်တယ်။ ထိုင်းအစိုးရဘက်ကလည်း အလုပ်ရှင်တွေက ပြဿနာ ဖြစ်လာနိုင်တယ်။ အလုပ်သမားရှားပါးမှုကို ကြုံနိုင်တဲ့အနေအထားရှိတယ်ပေါ့နော်။”

ထိုင်းရောက် မြန်မာအလုပ်သမားတွေ အဖမ်းဆီးခံနေရတဲ့ အခြေအနေနဲ့ ပတ်သက်လို့ မြန်မာအလုပ်သမား သံအရာရှိဦးအောင်ခင်မြင့်ကတော့ အခုလိုပြောသွားပါတယ်

“မြန်မာသံရုံးက ဘယ်လိုလုပ်ဆောင်မလဲဆိုတော့ အခုရန်ကုန်မှာ ထိုင်း-မြန်မာ အစည်းအဝေးလုပ်နေပါတယ်နော်။ သူတို့လူကြီးတွေ ဆွေးနွေးပြီးတော့အဖြေရှာမှာပေါ့နော်။

မေး။ ။ အလုပ်သမားတွေက သန်းနဲ့ချီပြီးရှိနေတယ်။ တရားမ၀င်တဲ့လူက အများကြီးဖြစ်နေတယ်ဆိုတော့ ဖမ်းဆီးရုံနဲ့ နေရပ်ပြန်ပါလို့ ပြောတာနဲ့ ဖြစ်နိုင်မလားရှင့်။

ဖြေ။ ။အဲဒါကိုတော့ ထိုင်းဘက်က စဉ်းစားရမယ့် ကိစ္စပါခင်ဗျ။”

ဒိလိုအဖမ်းခံရတဲ့ အခါတရားရုံးတင် စစ်ဆေးဒဏ်ငွေရိုက် နေရပ်ပြန်ပို့တော့လည်း မြန်မာနိုင်ငံဘက်ခြမ်းက နယ်စပ်စစ်ဆေးရေးဂိတ်တွေကနေ ငွေကြေးတောင်းခံတဲ့ပြဿနာ ကလည်းဆယ်စုနှစ် ၂စုနီးပါးရှိတဲ့ တိုင်အောင်မဖြေရှင်းပေးနိုင်သေးပါဘူး ။ ဒီလိုအခြေအနေတွေဖြစ်ပေမဲ့လည်း တခါဖမ်းတိုင်း ငွေကုန်ပြီး နောက်တကြိမ် ထိုင်းထဲကိုပဲ ပြန်ဝင်လာနေတာကြောင့် ထိုင်းမှာ အဖမ်းအဆီးတွေများပေမယ့် ထိုင်းရောက်မြန်မာအလုပ်သမားတွေ ပြဿနာကတော့ ရှင်းလင်းဖို့ အတွက် ကတော့ ခက်ခဲနေမှာဖြစ်ပါတယ်။

မအေးအေးမာ  / ဗွီအိုအေ (မြန်မာပိုင်း)
https://burmese.voanews.com

ကက်သလစ်ဂိုဏ်းချုပ် ဆရာတော် George Pell ကို လိင်မှုနဲ့ သြစတြေးလျရဲ တရားစွဲ

ကက်သလစ်ဂိုဏ်းချုပ် ဆရာတော် George Pell
ဗာတီကန် ကက်သလစ် ခရစ်ယာန် ကျောင်းတော်က အဆင့်မြင့် တာဝန်ရှိသူတဦးကို လိင်မှုဆိုင်ရာ ရာဇ၀တ်မှု နောက်ကြောင်းနဲ့ သြစတြေးလျ ရဲတပ်ဖွဲ့က တရားစွဲဆိုလိုက်ပါတယ်။

ရဲတပ်ဖွဲ့ကတော့ ကက်သလစ်ဂိုဏ်းချုပ် ဆရာတော် George Pell အပေါ် စွပ်စွဲချက်တွေနဲ့ ပတ်သက်လို့ တိုင်ကြားချက်တွေ အများအပြား လက်ခံရရှိထားကြောင်းသာ ပြောဆိုခဲ့ပြီး၊ အသေးစိတ်ကိုတော့ မပြောပါဘူး။

ကက်သလစ် သာသနာပိုင် ပုပ်ရဟန်းမင်းကြီး Francis ရဲ့ ဘဏ္ဍာရေးဆိုင်ရာ အကြံပေးအရာရှိချုပ် ဆရာတော် Pell ကိုတော့ သြစတြေးလျနိုင်ငံ Melbourne မြို့က တရားရုံးမှာ ဒီလ ၁၈ ရက်နေ့ လာရောက်ထွက်ဆိုဖို့ ဆင့်ခေါ်ထားပါတယ်။

ဗာတီကန်မှာ ပြုလုပ်ခဲ့တဲ့ သတင်းစာ ရှင်းလင်းပွဲ အတွင်းမှာတော့ စွပ်စွဲချက်တွေနဲ့ ပတ်သက်လို့ သူ့မှာအပြစ်မရှိကြောင်းနဲ့ သိက္ခာကျအောင် လုပ်ကြံဖန်တီးမှုတွေ အဆက်မပြတ် ကြုံနေရကြောင်း ပြောဆိုခဲ့တာပါ။

ဗာတီကန်ကျောင်းတော် ပြောခွင့်ရပုဂ္ဂိုလ် Greg Burke ကတော့ သြစတြေးလျနိုင်ငံရဲ့ တရားရေးစနစ်ကို လေးစားကြောင်း ပြောဆိုခဲ့သလို၊ ပုပ်ရဟန်းမင်းကြီး Francis အနေနဲ့လည်း ဆရာတော် Pell ကို သွားခွင့်ပြုထားကြောင်း ပြောဆိုခဲ့ပါတယ်။ လိင်မှုဆိုင်ရာ စွပ်စွဲချက်နဲ့ တရားစွဲဆိုခံရတဲ့ ကက်သလစ်ကျောင်းတော်က တာဝန်ရှိသူတွေထဲမှာတော့ ဆရာတော် Pell ဟာ အဆင့်အမြင့်ဆုံး ပုဂ္ဂိုလ်တဦးလည်း ဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ