အစိုးရစကားကို နားထောင်ဖို့ အတိုင်ပင်ခံပုဂ္ဂိုလ် ပြော

နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ၂၀၁၈ ခုနှစ်၊ ဖေဖော်ဝါရီလ ၂၈ ရက်နေ့က ကျင်းပတဲ့ JICM အစည်းအဝေးမှာ တွေ့ရစဉ်။ Photo: Win Ko Ko Latt/ RFA
ငြိမ်းချမ်းရေးအတွက် တပ်မတော်နဲ့ တိုင်းရင်းသား လက်နက်ကိုင်တွေအကြား၊ တိုင်းရင်းသား လက်နက်ကိုင်အဖွဲ့ အချင်းချင်းကြားမှာ အစိုးရကို ညှိနှိုင်းပေးစေချင်တယ်ဆိုရင် စကားနားထောင်ရမယ်လို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဒီနေ့ ပြောပါတယ်။

နေပြည်တော်က အမျိုးသား ပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာနမှာ ဒီကနေ့ ကျင်းပတဲ့ JICM အစည်းအဝေး အဖွင့်မိန့်ခွန်းမှာ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားခဲ့တာဖြစ်ပါတယ်။

"တစ်ယောက်နဲ့ တစ်ယောက်ကြားထဲမှာ ညှိနှိုင်းမှုတွေရှိတဲ့အခါ အထူးသဖြင့် အစိုးရကနေ ညှိနှိုင်းပေးနေတယ် ဆိုတာ တပ်မတော်နဲ့ တိုင်းရင်းသားလက်နက်ကိုင်အဖွဲ့တွေကြားထဲမှာ ညှိနှိုင်းပေးနေရဲ့လားဆိုပြီး တချို့က လည်းမေးတယ်၊ ကျမတို့က လူတိုင်းလိုက်ပြီးတော့ ညှိနှိုင်းပေးနေတာပဲ၊ သို့သော်ငြားလည်း ညှိနှိုင်းခံရမယ့် လူတွေကလည်း ညှိနှိုင်းခံချင်မှရတာပဲ၊ ပြောတယ် လက်ခုပ်ဆိုတာ နှစ်ဖက်တီးတာ၊ သုံးဖက်တီးတော့ ပိုပြီးတော့ ခက်ပါတယ်၊ အဲဒါကြောင့် ကျမကနေ လုပ်ကြည့်မှပဲသိမှာပါ၊ လုပ်ကြည့်ရမယ် ကြိုးစားကြည့်ရမယ်၊ နောက် ပြီးတော့လည်း ကျမတို့ညှိနှိုင်းပေးစေချင်လို့ရှိရင်တော့ ကျမတို့စကားကိုနားထောင်ရမယ်၊ နားမထောင်ပဲ ညှိနှိုင်းပေးပါဆိုရင် ဘယ်လိုလုပ် ကျမတို့က ညှိနှိုင်းပေးမလဲ"

ပြီးခဲ့တဲ့နှစ် နိုဝင်ဘာလက ကျင်းပခဲ့တဲ့ JICM အစည်းအဝေးမှာ  ရှမ်းပြည်နယ်အတွင်း အမျိုးသားအဆင့် နိုင်ငံရေး ဆွေးနွေးပွဲတွေ ကျင်းပဖို့အတွက် တပ်မတော်နဲ့ တိုင်းရင်းသား လက်နက်ကိုင်အဖွဲ့အကြား သဘောထားကွဲနေတာကို နိုင်ငံတော် အတိုင်ပင်ခံပုဂ္ဂိုလ်က ကြားဝင် စေ့စပ်ပေးခဲ့တာကြောင့် ကျင်းပမယ့်နေရာ သတ်မှတ်နိုင်ခဲ့တာ ဖြစ်ပါတယ်။

ဒီကနေ့ အစည်းအဝေးကို ရောက်လာတဲ့ ပုဂ္ဂိုလ်အားလုံး ယုံကြည်မှုအပြည့်နဲ့ ဆွေးနွေးစေချင်ကြောင်း ဒေါ်အောင်ဆန်းစုကြည်က တိုက်တွန်းခဲ့ပါတယ်။ ဒါ့အပြင် ငြိမ်းချမ်းရေးဖြစ်စဉ်မှာ ပါဝင်နေတဲ့ လက်နက်ကိုင်အဖွဲ့ တချို့က ဒီမိုကရေစီ ဖယ်ဒရယ်ပြည်ထောင်စုကို အစိုးရက ယုံကြည်ရဲ့လားဆိုပြီး မေးခွန်းထုတ်ကြတယ်လို့ ဆိုပါတယ်။ ဒီမိုကရေစီ ဖယ်ဒရယ်ပြည်ထောင်စုကို အစိုးရက လိုချင်လား၊ မလိုချင်လားဆိုတာ သိချင်ရင် ငြိမ်းချမ်းရေး ညီလာခံမှာ ပါဝင်ပါလို့လည်း ဖိတ်ခေါ်လိုက်ပါတယ်။

အစည်းအဝေးကို အဖွဲ့အစည်းအသီးသီးက ခေါင်းဆောင်တွေ စုံစုံညီညီ မတက်ရောက်တဲ့အတွက် အကြောင်းအရာ အားလုံးကို ကျေကျေလည်လည် ဆွေးနွေးနိုင်မှာမဟုတ်ဘူးလို့ ပြောပါတယ်။

အစည်းအဝေးတက်ရောက်လာတဲ့ ဒုတိယ တပ်မတော်ကာကွယ်ရေးဦးစီးချုပ်၊ ကာကွယ်ရေးဦးစီးချုပ်(ကြည်း) ဒုတိယ ဗိုလ်ချုပ်မှူးကြီး စိုးဝင်းကလည်း နိုင်ငံရေးဆွေးနွေးပွဲမှာ အမြင့်ဆုံးအစည်းအဝေးဖြစ်တဲ့ JICM အစည်းအဝေး ကို ဆုံးဖြတ်ချက်ချပေးနိုင်တဲ့ အဖွဲ့ခေါင်းဆောင်တွေ တက်ရောက်သင့်တယ်လို့ ပြောခဲ့ပါတယ်။

RFA Burmese
https://www.rfa.org/burmese

တစ်နှစ်ဝင်ငွေ သိန်း ၆၀ အထက်ရှိသူတွေ ၀င်ငွေခွန်ဆောင်ရမည်

ပြည်ထောင်စုလွှတ်တော်၊ ပြည်သူ့ငွေစာရင်းပူးပေါင်းကော်မတီ ဒုတိယဥက္ကဌ ဦးအောင်မင်း ကို တွေ့ရစဉ်။ Photo: Myanmar Union Parliament
တစ်လမှာ ၀င်ငွေကျပ် ငါးသိန်းအထက်နဲ့ တစ်နှစ်မှာ ငွေကျပ် သိန်း ၆၀ အထက်ရှိသူတွေ ၀င်ငွေခွန်ဆောင်ရမယ်လို့ ပြည်ထောင်စုလွှတ်တော်၊ ပြည်သူ့ငွေစာရင်းပူးပေါင်းကော်မတီ ဒုတိယဥက္ကဌ ဦးအောင်မင်းက ဒီနေ့ ပြောပါတယ်။

၂၀၁၈ ခုနှစ်၊ ပြည်ထောင်စုရဲ့ အခွန်အကောက်ဆိုင်ရာ ဥပဒေကြမ်းနဲ့ ပတ်သက်ပြီး ပြည်ထောင်စုလွှတ်တော် ဥပဒေကြမ်းကော်မတီရဲ့ အစီရင်ခံစာကို ဒီကနေ့ ပြည်ထောင်စုလွှတ်တော်မှာ ဥပဒေကြမ်းပူးပေါင်းကော်မတီ အတွင်းရေးမှူး ဒေါက်တာမြတ်ဥာဏစိုးက တင်ပြခဲ့ပါတယ်။

ဥပဒေကြမ်းပူးပေါင်းကော်မတီရဲ့ တွေ့ရှိချက် အစီရင် ခံစာနဲ့ ပတ်သက်ပြီး ပြည်သူ့ငွေစာရင်း ပူးပေါင်းကော်မတီ ဒုတိယဥက္ကဌ ဦးအောင်မင်းက အခုလို ပြောပါတယ်။

"အရင်တုန်းက လစာ ၄၈ သိန်းအထိရတဲ့လူတွေ ဝင်ငွေအခွန် ပေးဆောင်စရာမလိုဘူး၊ အခု လစာဝင်ငွေ သိန်း ၆ဝ အထိရတဲ့လူတွေ ဆောင်စရာမလိုဘူး၊ သိန်း ၆၁ ကျပ်ရမှ ဝင်ငွေအခွန်ဆောင်ရမယ်၊ ပျဉ်းမခြင်း ပြောမယ် ဆိုရင် တစ်လ ၅ သိန်းရတဲ့လူတွေ ဝင်ငွေခွန် ပေးဆောင်စရာ မလိုတော့ပါဘူး"

အရင်က တစ်လမှာ လစာဝင်ငွေ ကျပ်လေးသိန်းအထက်၊ တစ်နှစ်လုံးမှာ ၄၈ သိန်း ၀င်ငွေရှိသူတွေက ၀င်ငွေခွန် ဆောင်ရမှာဖြစ်ပြီး အခုအချိန်မှာ ဖြေလျှော့လိုက်တာဖြစ်တယ်လို့ ဦးအောင်မင်းက ပြောပါတယ်။

အဲဒီလို လျှော့ပေါ့လိုက်တဲ့အတွက် ပြည်သူတွေ ဖိစီးမှုနည်းသွားမယ်လို့လည်း ဆိုပါတယ်။

အခွန်နှုန်းထား လျှော့ပေါ့လိုက်တဲ့အတွက် လျှော့နည်းသွားတဲ့ အခွန်ဝင်ငွေတွေအတွက် ကုန်သွယ်လုပ်ငန်းခွန်ကနေ ဖြည့်ဆည်းမယ်လို့ ပြောပါတယ်။

၂၀၁၈ ခုနှစ်၊ ပြည်ထောင်စုရဲ့ အခွန်အကောက်ဆိုင်ရာဥပဒေကြမ်း ကို လွှတ်တော်မှာ ကိုယ်စားလှယ်တွေ ဆွေးနွေးကြဦးမှာဖြစ်ပါတယ်။

RFA Burmese
https://www.rfa.org/burmese
 

စည်းကြပ်မှုက ကင်းလွတ်တဲ့ ဝင်ငွေတွေကို ဘယ်လို အခွန်ကောက်ဖို့ ပြင်ဆင်နေလဲ

 ၃ မျိုး ၃စားခွဲပြီး နှုန်းထား သတ်မှတ်
၂ဝ၁၈ ခုနှစ် ပြည်ထောင်စု အခွန်အကောက် ဥပဒေကြမ်းနဲ့ ပတ်သက်ပြီး ဥပဒေကြမ်း ကော်မတီရဲ့ လေ့လာ တွေ့ရှိချက်နဲ့ သဘောထား မှတ်ချက်တွေ ဖော်ပြထားတဲ့ အစီရင်ခံစာကို ပြည်ထောင်စု လွှတ်တော်ထံ ဖေဖေါ်ဝါရီ ၂၈ ရက်နေ့က တင်သွင်း လာပါတယ်။

အဲဒီ အစီရင်ခံစာမှာ ဝင်ငွေရလမ်း မဖော်ပြနိုင်တဲ့ စည်းကြပ်မှုကနေ လွတ် ကင်းနေတဲ့ ဝင်ငွေ တွေကို အခွန် သက်သာခွင့် ပေးတဲ့အခါမှာ ၃ မျိုး ၃စားခွဲပြီး နှုန်းထား သတ်မှတ်ထားတာ တွေ့ရပါတယ်။

စီးပွားရေး လုပ်ငန်း တခုခုကို ဆောင်ရွက်ခဲ့ပေမယ့် အခွန် မပေးဆောင်ခဲ့တဲ့ ဒါမှမဟုတ် လျော့ပြီး ပေး ဆောင်ခဲ့တဲ့ ဝင်ငွေတွေ ကို ၃% ကနေ ၅% ကောက်ခံဖို့ ပြင်ဆင် ထားပါတယ်။

ဝင်ငွေရလမ်း မဖော်ပြနိုင်ပဲ ဘဏ်မှာ အပ်နှံထားရှိတဲ့ ငွေကြေး နဲ့ အစုရှယ်ယာ ထည့်ဝင်ထားတဲ့ ငွေအတွက် အခွန် ဆောင်မယ်ဆိုရင် ပထမ၆ လအတွက် ၅ % ၊ ဒုတိယ၆ လအတွက် ၇ % ကောက်ခံဖို့ ပြင်ဆင်ထားပါတယ်။
 ပြည်ထောင်စုလွှတ်တော်ထဲ ဆွေးနွေး အတည်ပြုမယ်
တခါမြေအဆောက်အဦး အပါအဝင် မရွှေ့ မပြောင်းနိုင်တဲ့ ပစ္စည်း၊ ရွှေနှင့် တခြား အဖိုးတန် ပစ္စည်းတွေ၊ ယဉ်အပါအဝင် ရွှေ့ပြောင်းနိုင်တဲ့ ပစ္စည်း၊ ထိတွေ့ ကိုင်တွယ်လို့ရတဲ့ ပစ္စည်းတွေ ဝယ်ယူ တည်ဆောက်တဲ့အခါ ရင်းနှီးမြှုပ်နှံတဲ့ အခါ တွေမှာ အသုံးပြုမယ့် ဝင်ငွေရလမ်း မဖော်ပြနိုင်တဲ့ ဝင်ငွေ အတွက် ပထမ ၆ လမှာ ၇ ရာခိုင်နှုန်း ၊ ဒုတိယ ၆ လမှာ ၁ဝ ရာခိုင်နှုန်း ကောက်ခံသင့်တယ် လို့ ပြင်ဆင်ထားပါတယ်။

စည်းကြပ်မှုက လွတ်ကင်းနေတဲ့ ဝင်ငွေခွန်ဆိုတဲ့ ခေါင်းစဉ်မရှိတော့ပဲ လစာဝင်ငွေခွန်၊ စီးပွားရေး ဝင်ငွေခွန်နဲ့ ပစ္စည်းတွေ ရောင်းဝယ်တာကနေ ရရှိတဲ့ ဝင်ငွေ ဆိုပြီး ၃မျိုး သာ ကောက်တော့မှာဖြစ်ပါတယ်။

အခုလို အခွန် ဥပဒေ အပြောင်းအလဲလုပ်ဖို့ ကြိုးစားနေတာဟာ အစိုးရ အနေနဲ့ အခွန်တွေ တိုးပြီး ရရှိလာနိုင်မှာ ဖြစ်ပေမယ့်၊ စီးပွားရေး တစ်ခုလုံး ဦးမော့ လာစေနိုင်တဲ့ ကိစ္စရပ်မျိုးတော့ မဟုတ်ဘူး ဆိုပြီး ပြည်သူ့ လွှတ်တော် ဘဏ်များနဲ့ ငွေကြေးဆိုင်ရာ ကော်မတီ ဥက္ကဌ ဒေါ်ခင်စန်းလှိုင်က ဘီဘီစီကို ပြောပါတယ်။

အခွန်သက်သာ ခွင့်တွေ ပေးတာကို တစ်နှစ်သာ ဖြစ်တယ်လို့ ဥပဒေထဲ တိတိကျ ဖော်ပြဖို့နဲ့ ငွေကြေး ခဝါချမှုတွေ မပေါ်ဖို့လည်း မဖြစ်ပေါ်စေအတွက် ဥပဒေ ပြဌာန်း ချက်တွေကို တိတိကျကျ ရေးဖို့ လိုတယ် ဆိုပြီး ကော်မတီဘက်က အကြံပြု ထားသလို၊ လစာ ဝင်ငွေ တစ်လ ၅ သိန်း ကျပ် အထက် ရမှာသာ ဝင်ငွေခွန် ကောက်ခံဖို့ အချက်လည်း ပါဝင်ပါတယ်။

ပြည်ထောင်စု အခွန်အကောက် ဥပဒေကြမ်းကို မကြာခင်မှာပဲ ပြည်ထောင်စုလွှတ်တော်ထဲ ဆွေးနွေး အတည်ပြု လာဖို့ ရှိတယ်လို့ ဘီဘီစီရဲ့ နေပြည်တော် သတင်းထောက်က ပြောပါတယ်။

BBC Burmese
http://www.bbc.com/burmese

ရိုဟင်ဂျာအရေးဆွေးနွေးဖို့ နိုဘဲလ်ငြိမ်းချမ်းရေး ဆုရှင်သုံးဦး မြန်မာနိုင်ငံသွားရောက်လို

နိုဘဲလ်ငြိမ်းချမ်းရေး ဆုရှင်သုံးဦး
ရိုဟင်ဂျာတွေ အရေး ဒေါ်အောင်ဆန်းစုကြည်ကို နားချ ဆွေးနွေးနိုင်ဖို့ မြန်မာနိုင်ငံကို သွားရောက်လိုကြောင်း နိုဘဲလ်ငြိမ်းချမ်းရေး ဆုရှင် အမျိုးသမီးတွေက ပြောဆိုလိုက်ပါတယ်။ ရိုဟင်ဂျာတွေ အပေါ် မြန်မာ စစ်တပ်ရဲ့ နှိပ်ကွက်မှုတွေကိုလည်း ဒေါ်အောင်ဆန်းစုကြည်ဘက်က ဆန့်ကျင် ပြောဆိုဖို့ကိုလည်း တိုက်တွန်းလိုက်ပါတယ်။ မသိင်္ဂီထိုက် စုစည်းတင်ပြမှာပါ။

ရိုဟင်ဂျာတွေ အပေါ် မြန်မာ စစ်တပ်ရဲ့ လုပ်ရပ်တွေကို ဒေါ်အောင်ဆန်းစုကြည် အနေနဲ့ သတ္တိရှိရှိ ဆန့်ကျင် ပြောဆိုဖို့ နိုဘဲလ်ငြိမ်းချမ်းရေး ဆုရှင် အမျိုးသမီးတွေက တောင်းဆိုလိုက်ပါတယ်။ ဘင်္ဂလားဒေရှ့် နိုင်ငံ ကော့ဆက်ဘဇားက ရိုဟင်ဂျာ ဒုက္ခသည် စခန်းတွေကို ကိုယ်တိုင် သွားရောက်ခဲ့တဲ့ နိုဘဲလ် ငြိမ်းချမ်းရေး ဆုရှင်တွေက ဒီကနေ့ သတင်းစာ ရှင်းလင်းပွဲမှာ ပြောဆိုသွားတာပါ။ မြောက်အိုင်ယာလန်က နိုဘဲလ်ငြိမ်းချမ်းရေး ဆုရှင် Mairead Maguire က အခုလို ပြောဆိုပါတယ်။

"ဒေါ်အောင်ဆန်းစုကြည်ကို ပြောချင်တာကတော့ သူမကို ကမ္ဘာက သိပ်ချစ်ကြတာကြောင့် သူမရဲ့ သြဇာက သိပ်ပြီး ကြီးမားပါတယ်ဆိုတဲ့ အကြောင်းပါ။ ဒေါ်အောင်ဆန်းစုကြည် နေအ်ိမ်အကျယ်ချုပ် ကျစဉ်ကာလက လူ့အခွင့်အရေးနဲ့ ဒီမိုကရေစီရေးကို တောင်းဆိုချိန်မှာ သူမရဲ့ တောင်းဆိုချက် အတွက် ကျမတို့ တုံ့ပြန် ဆောင်ရွက်ခဲ့ပါတယ်။ လူ့အခွင့်အရေးနဲ့ ဒီမိုကရေစီဟာ လူတိုင်း ပိုင်ဆိုင်ပါတယ်။ ရိုဟင်ဂျာတွေ အနေနဲ့လည်း သူတို့ရဲ့ နိုင်ငံသား ဖြစ်ပိုင်ခွင့်၊ ဘေးကင်းလုံခြုံရေး အခွင့်အရေးတွေ ရှိပါတယ်။ မြန်မာနိုင်ငံတွင်းက တိုင်းရင်းသား ၁၃၅ မျိုးလိုဘဲ ရိုဟင်ဂျာတွေမှာလည်း လူ့အခွင့်အရေးနဲ့ ဒီမိုကရေစီ အခွင့်အရေး ရှိပါတယ်။ ကျမတို့ အနေနဲ့ နိုဘဲလ် ငြိမ်းချမ်းရေး ဆုရှင် ဒေါ်အောင်ဆန်းစုကြည်ထံ သွားရောက်ခွင့် ရဖို့ ကြိုးစား သွားမှာ ဖြစ်ပြီး ဒေါ်အောင်ဆန်းစုကြည် အနေနဲ့ ကမ္ဘာ့ ပြည်သူတွေရဲ့ ထောက်ခံမှုကို ရရှိစေဖို့၊ မြန်မာ စစ်တပ်က လုပ်နေတဲ့ လူမျိုးတုန်း သတ်ဖြတ်မှုတွေကို ဆန့်ကျင်ပြောဆိုနိုင်မယ့် သတ္တိ ပိုင်ဆိုင်ပါစေကြောင်း ကျမတို့ မျှော်လင့်ပါတယ်။"

နိုဘယ်ငြိမ်းချမ်းရေးဆုရှင်တွေ ဖြစ်ကြတဲ့ အီရန်က Shirin Ebadi ၊ ယီမင်က Tawakkol Karman နဲ့ မြောက်အိုင်ယာလန်က Mairead Maguire တို့ဟာ စနေနေ့ကစပြီး ဘင်္ဂလားဒေ့ရှ် နိုင်ငံကို ရိုဟင်ဂျာအမျိုးသမီးများအရေးနဲ့ ပတ်သက်ပြီး အတူရပ်တည်တာကို ပြသဖို့ တပတ်ကြာ သွားရောက်ခဲ့ကြတာပါ။ ဒီကနေ့ ခရီးစဉ် အဆုံးသတ် အဖြစ် ဘင်္ဂလားဒေရှ့်နိုင်ငံ မြို့တော် ဒက္ကားမှာ သတင်းစာရှင်းလင်းပွဲ တရပ် ကျင်းပခဲ့တာ ဖြစ်ပါတယ်။ မျိုးနွယ်စု တခုအပေါ် လူမျိုးတုံး သတ်ဖြတ်မှု ဆောင်ရွက်နေတယ်လို့ နိုဘဲလ် ငြိမ်းချမ်းရေး ဆုရှင် အမျိုးသမီးတွေက ပြောဆိုလိုက်ပြီး ဒေါ်အောင်ဆန်းစုကြည်က ဒီကိစ္စကို အရေးယူ ကိုင်တွယ်ရေး နားချဖို့ အတွက် မြန်မာနိုင်ငံကို သွားရောက်ဖို့လည်း အစီအစဉ် ရှိတယ်လို့ ယီမင် နိုဘဲလ်ငြိမ်းချမ်းရေး ဆုရှင် Tawakkol Karman က ပြောဆိုပါတယ်။

"မြန်မာနိုင်ငံကို သွားရောက်ဖို့ အစီအစဉ် ရှိပါတယ်။ ကျမတို့ရဲ့ ညီအမ နိုဘဲလ် ငြိမ်းချမ်းရေးဆုရှင် ဒေါ်အောင်ဆန်းစုကြည်ကို အကြောင်းကြားချက်၊ ပန်ကြားချက်တွေ အကြိမ်ပေါင်းများစွာ ပို့ခဲ့ပါတယ်။ ဒါပေမယ့် စာမပြန်ပါဘူး။ ကျမတို့ အနေနဲ့ မြန်မာပြည်က ဒေါ်အောင်ဆန်းစုကြည်ထံကိုရော၊ နောက် ရိုဟင်ဂျာ ဒေသကိုပါ သွားရောက်ပြီး သူမနဲ့ ဆွေးနွေး ပြောဆိုဖို့ နားချဖို့ လာရောက်ခွင့်ပြုဖို့ အခု ထပ်ပြီး ပန်ကြားပါတယ်။"

မြန်မာနိုင်ငံတွင်း အကြမ်းဖက်မှုတွေကနေ ဘင်္ဂလားဒေရှ့်ဘက်ကို ရိုဟင်ဂျာ မူဆလင် ၆ သိန်းခွဲကျော် ထွက်ပြေးခဲ့ကြရမှုနဲ့ ဆက်စပ်ပြီး အခွင့်အရေး လှုပ်ရှားမှု အဖွဲ့တွေ၊ ကုလသမဂ္ဂ စုံစမ်းစစ်ဆေးရေးမှူးတွေက လိင်ပိုင်းဆိုင်ရာ အကြမ်းဖက်မှု၊ သတ်ဖြတ်မှုတို့လို အခွင့်အရေး ချိုးဖောက်မှု အထောက်အထားတွေကို စုစည်းခဲ့ပြီးနောက် စစ်တပ်ရဲ့ နှိမ်နင်းမှုက လူမျိုးစု အလိုက် ရှင်းလင်းမှု အဖြစ် ပြောဆိုထားတာပါ။ မြန်မာ အစိုးရဘက်ကတော့ ဒီစွပ်စွဲချက်တွေ အားလုံးကို တစိုက်မတ်မတ် ငြင်းဆိုနေတာပါ။ အစိုးရ လုံခြုံရေး တပ်ဖွဲ့တွေကို တိုက်ခိုက်ခဲ့တဲ့ အကြမ်းဖက်ဝါဒီတွေကို တရားဥပဒေနဲ့ အညီ ချေမှုန်းတာလို့ မြန်မာ အစိုးရက ပြောဆိုထားတာပါ။ အီရန်နိုဘဲလ် ငြိမ်းချမ်းရေး ဆုရှင် Shirin Ebad ကတော့ အခုလို ပြောပါတယ်။

"ဒေါ်အောင်ဆန်းစုကြည်လို လူမျိုး အနေနဲ့ သူမ နိုင်ငံထဲမှာ လူမျိုးတုန်း သတ်ဖြတ်မှုတွေ ဖြစ်နေတာတွေ၊လူအများအပြား ပါဝင် ကျူးလွန်နေတဲ့ ရာဇ၀တ်မှုတွေကို မျက်ကွယ်ပြုထားတဲ့ အတွက် သိပ်ကို ၀မ်းနည်းရပါတယ်။"

ဘင်္ဂလားဒေရှ့်ဘက်ကို ထွက်ပြေးရတဲ့ ရိုဟင်ဂျာ ၆ သိန်းခွဲကျော် ဌာနေပြန်ရေး လုပ်ငန်းစဉ်ကလည်း မြန်မာနဲ့ ဘင်္ဂလားဒေရှ့် နှစ်နိုင်ငံကြား သဘောတူထားပေမယ့် အခုအချိန်ထိ မစနိုင်သေးပါဘူး။ ဒုက္ခသည်တွေ ဌာနေပြန်ရေးဟာ ဘေးကင်းလုံခြုံမှု ရှိဖို့ ဆန္ဒနဲ့ အညီ ဌာနေပြန်နိုင်ရေး အတွက် မြန်မာ အစိုးရဘက်က လုံခြုံရေး အာမခံပေးဖို့ တောင်းဆိုနေကြတာပါ။ ရိုဟင်ဂျာ အရေး ဖိအားပေးတဲ့ အနေနဲ့ဥရောပ သမဂ္ဂ ဘက်ကလည်း မြန်မာ စစ်ဗိုလ်ချုပ်တွေကို ဒဏ်ခတ်ပိတ်ဆို့ဖို့ ပြီးခဲ့တဲ့ တနလာင်္နေ့က သဘောတူခဲ့ကြပါတယ်။

မသိင်္ဂီထိုက်  / ဗွီအိုအေ (မြန်မာပိုင်း)
https://burmese.voanews.com
 

မြောက်ကိုးရီးယားခေါင်းဆောင်များ တရားမဝင် နိုင်ငံကူးပတ်စ်ပို့ သုံးခဲ့တယ်ဟုဆို


မြောက်ကိုးရီးယားခေါင်းဆောင် ကင်ဂျုံအွန်နဲ့ သူ့ရဲ့ဖခင် ကင်ဂျုံအီးလ်တို့ဟာ ၁၉၉၀ ခုနှစ်တွေအတွင်းက အနောက်နိုင်ငံတွေကို သွားဖို့အတွက် တရားမဝင်တဲ့ ဘရာဇီးလ်နိုင်ငံသား ပတ်စ်ပို့တွေနဲ့ ဗီဇာ လျှောက်ခဲ့တယ်လို့ အနောက်ဥရောပလုံခြုံရေးကောင်စီ တာဝန်ရှိသူတွေက ရိုက်တာစ်သတင်းဌာနကို ဒီနေ့ပြောပါတယ်။

ရိုက်တာစ်သတင်းဌာနက တွေ့မြင်ရတဲ့ ဘရာဇီးလ်နိုင်ငံသားပတ်စ်ပို့ မိတ္တူတွေကို အရင်ကတခါမှ မထုတ်ပြန်ခဲ့ဖူးပါဘူး။ အဲဒီကိစ္စနဲ့ပတ်သက်ပြီး ဘရာဇီးလ်နိုင်ငံက မြောက်ကိုးရီးယားသံရုံးကို ဆက်သွယ်ရာမှာ တစ်စုံတရာမှတ်ချက်ပေးဖို့ ငြင်းဆိုပါတယ်။ ဘရာဇီးလ်နိုင်ငံခြားရေးဌာနကတော့ အဲဒီကိစ္စကိုစုံစမ်း စစ်ဆေးခဲ့တယ်လို့ဆိုပါတယ်။

ကင်ဂျုံအွန်နဲ့ ကင်ဂျုံအီးလ်တို့ဟာ Josef Pwag နဲ့ Ijong Tchoi ဆိုတဲ့နာမည်တုတွေနဲ့ ဘရာဇီးလ်ပတ်စ်ပို့တွေမှာ သူတို့ဓါတ်ပုံတွေကပ်ပြီး အနည်းဆုံး အနောက်နိုင်ငံနှစ်ခုမှာ ဗီဇာလျှောက်ခဲ့တယ်လို့ နောက်ထပ် အနောက်ဥရောပလုံခြုံရေးကောင်စီက အရာရှိ ၄ ယောက်ကအတည်ပြုခဲ့ပါတယ်။

ခေတ်မီစက်ကိရိယာတွေနဲ့စစ်ဆေးရာမှာတော့ ပတ်စ်ပို့ကဓါတ်ပုံတွေဟာ ကင်မ်သားအဖနှစ်ယောက် ရဲ့ပုံတွေ စစ်မှန်ကြောင်းတွေ့ရတယ်လို့ဆိုပါတယ်။

ကင်မ်ဂျုံအွန်ဟာ ကလေးအရွယ်သာရှိနေသေးချိန် ၁၉၉၁ ခုနှစ်က ဘရာဇီးလ်ပတ်စ်ပို့နဲ့ ဂျပန်နိုင်ငံကို လာရောက်လည်ပတ်ခဲ့တယ်လို့ ဂျပန်နိုင်ငံထုတ် Yomiuri Shimbun သတင်းစာက ပြီးခဲ့တဲ့ ၂၀၁၁ ခုနှစ်မှာ ဖော်ပြခဲ့ပါတယ်။

RFA Burmese
https://www.facebook.com/rfaburmese

ဆီးရီးယားမှာ ဓါတုလက်နက် ထုတ်နိုင်ဖို့ မြောက်ကိုရီးယားကူညီ

အရှေ့ဂူတာမှာ ကလိုရင်းဓာတ်ငွေ့သုံး တိုက်ခိုက်မှု ရှိတယ်ဆိုတဲ့ စွပ်စွဲချက်တွေ ရှိနေ
ပေါက်ကြားလာတဲ့ ကုလသမဂ္ဂ အစီရင်ခံစာ တစောင်မှာ ဓာတုလက်နက် ထုတ်လုပ်ရာမှာ သုံးစွဲနိုင်တဲ့ ပစ္စည်းတွေကို မြောက်ကိုရီးယားက ဆီးရီးယား နိုင်ငံထဲ တင်သွင်းနေတယ်လို့ ဖော်ပြထား ပါတယ်။

အဲဒီ အစီရင်ခံစာ အရ ၂၀၁၂ ခုနှစ်ကနေ ၂၀၁၇ ခုနှစ်အတွင်းမှာ မြောက်ကိုရီးယားဟာ ဆီးရီးယား နိုင်ငံကို သင်္ဘောခရီးစဉ် ၄၀ ဆိုက်ကပ်ခဲ့တယ်လို့ ဆိုပါတယ်။

အဲဒီ ခရီးစဉ်တွေထဲမှာ ဓာတုလက်နက် အဖြစ်အသုံးပြုလို့ ရမယ့် ပစ္စည်းတချို့ကို တင်ပို့ ခဲ့တယ်၊ အဲဒီပစ္စည်းတွေက အက်ဆစ်ဒဏ်ခံနိုင်တဲ့ ကြွေပြားတွေ၊ အထူး ခံနိုင်ရည် မြင့်မားတဲ့ အဆို့ရှင်၊ ပိုက်ခေါင်းနဲ့ အပူချိန်တိုင်း ကိရိယာတွေလို့ဖော်ပြထားပါတယ်။

ဒါ့အပြင် မြောက်ကိုရီးယား မစ်ဆိုင်း ကျွမ်းကျင်ပညာရှင် တွေကို ဆီးရီးယားလက်နက် စက်ရုံတွေမှာ တွေ့ရတယ်လို့လည်း တရားဝင် မထုတ်ပြန်ရ သေးတဲ့ အဲဒီအစီရင်ခံစာမှာ ဖော်ပြထားပါတယ်။

မကြာခင်က ဆီးရီးယား တပ်ဖွဲ့တွေက ကလိုရင်း အဆိပ်ဓာတ်ငွေ့ ထပ်မံအသုံးပြုခဲ့တယ်ဆိုတဲ့ စွပ်စွဲချက် အသစ် ပေါ်ထွက်ခဲ့ပြီးနောက်မှာ အခု မြောက်ကိုရီးယား ကိစ္စထွက်ပေါ် လာတာလည်း ဖြစ်ပါတယ်။

ဆီးရီးယားအစိုးရဘက်ကတော့ ကလိုရင်း အသုံးပြုတယ်ဆိုတဲ့ စွပ်စွဲချက်ကို ငြင်းပါတယ်။

၂၀၁၃ ခုနှစ်တုန်းက ဆာရင်း ဓာတ်ငွေ့ကြောင့် ဂုတာမှာ လူပေါင်း ရာချီသေဆုံးခဲ့တဲ့ ဖြစ်စဉ် နောက်ပိုင်းမှာ ဓာတုလက်နက်တွေကို ဖျက်ဆီးဖို့ ဆီးရီးယား အစိုးရက သဘောတူခဲ့ပါတယ်။

ဒါပေမယ့်လည်း အဲဒီနောက်ပိုင်း ဓာတုလက်နက် အသုံးပြုတယ်ဆိုတဲ့ သတင်းတွေ ထွက်ခဲ့ပြန် ပါတယ်။

တောင်ကိုရီးယား ဘုဆန် အမျိုးသား တက္ကသိုလ် နိုင်ငံရေးသိပ္ပံနဲ့ သံတမန်ရေးရာ ဌာန တွဲဖက်ပါမောက္ခ ရောဘတ် ကယ်လီကတော့ မြောက်ကိုရီးယားဟာ လူဆိုးဂိုဏ်းဆန်ဆန် တရားမဝင် ပစ္စည်းတွေ ပို့ဆောင်ခဲ့ဖူးတဲ့ သမိုင်းရှိပြီး နျူးကလီးယား မစ်ဆိုင်းရဲ့ အစိတ်အပိုင်းသာ မက မက်သာဖက် တမင်း အပြင် အမေရိကန်ဒေါ်လာ၊ ယူရိုငွေ၊ တရုတ်ငွေ အတုတွေလည်း တင်ပို့ခဲ့ဖူးတဲ့ အတွက် အခုလို သတင်း ထွက်လာတာ မဆန်းဘူးလို့ ပြော ပါတယ်။

မြောက်ကိုရီးယားက ပို့ဆောင်တဲ့ အဲဒီပစ္စည်းတွေရဲ့ အခကြေးငွေကို ကုမ္ပဏီတွေရဲ့ ဘဏ်စာရင်း တွေက တဆင့် ဆီးရီးယား အစိုးရရဲ့ သုတေသနဌာန တစ်ခုက ပေးချေခဲ့တယ်လို့ဆိုပါတယ်။

အဲဒီသုတေသန အဖွဲ့ရဲ့ အမည်က သိပ္ပံလေ့လာရေး သုတေသန ဌာန SSRC ဖြစ်ပါတယ်။

ဒါပေမယ့် SSRC ရဲ့ဌာန ၃ ခုဟာ ဓာတုလက်နက် ထုတ်လုပ်ရေး လုပ်ငန်းတွေ လုပ်နေတယ်လို့ အနောက်နိုင်ငံ ထောက်လှမ်းရေး အဖွဲ့တွေက ပြောပါတယ်။

မြောက်ကိုရီးယား ပညာရှင်တွေ တွေ့ခဲ့ရတဲ့ ဓာတု လက်နက်နဲ့ မစ်ဆိုင်း ထုတ်လုပ်တဲ့ စက်ရုံကတော့ ဘာဇက် ဆိုတဲ့ စက်ရုံဖြစ်တယ်လို့ ကုလသမဂ္ဂ အစီရင်ခံစာမှာ ဖော်ပြထား ပါတယ်။

ဆီးရီးယား အစိုးရကတော့ ဆီးရီးယား နိုင်ငံထဲမှာ မြောက်ကိုရီးယားနိုင်ငံကလူဆိုလို့ အာကစား သမားတွေပဲ ရှိပါတယ်လို့ ဆိုပါတယ်။

BBC Burmese
http://www.bbc.com/burmese

ကုလတားမြစ်ပစ္စည်း မြောက်ကိုရီးယားတင်ပို့မှုထဲ မြန်မာပါဝင်နေ


ကုလသမဂ္ဂက ပိတ်ဆို့ဒဏ်ခတ် တားမြစ်ထားတဲ့ စစ်လက်နက်ပစ္စည်းတွေကို မြောက်ကိုရီးယားက တင်ပို့ခဲ့တဲ့ နိုင်ငံတွေအနက် မြန်မာနိုင်ငံလည်း ပါဝင်ကြောင်း ကျွမ်းကျင်သူတွေက ပြောဆိုလိုက်ကြပါတယ်။ ကုလသမဂ္ဂရဲ့ တားမြစ်ချက်ကို ချိုးဖောက်ပြီး မြန်မာနိုင်ငံကို ပဲ့ထိန်းတပ် မစ်ဇိုင်းဒုံးစနစ် တင်ပို့ခဲ့သလို၊ ဆီးရီးယားနိုင်ငံကိုလည်း ပဲ့ထိန်းတပ် မစ်ဇိုင်းဒုံးနဲ့ ဓာတုလက်နက်တွေ တင်ပို့ခဲ့ကြောင်း မြောက်ကိုရီးယားအပေါ် ဒဏ်ခတ်မှုတွေကို စောင့်ကြည့်အကဲခတ်နေတဲ့ ကျွမ်းကျင်သူအဖွဲ့က အစီရင်ခံစာ ထုတ်ပြန်ရာမှာ ပြောဆိုခဲ့တာပါ။

ရော့ကတ်ဒုံးပစ်စင်တွေ၊ မြေပြင်က ဝေဟင်ပစ် မစ်ဇိုင်းဒုံးတွေနဲ့ ပဲ့ထိန်းတပ် မစ်ဇိုင်းဒုံးတွေ အပါအ၀င် သမားရိုးကျ လက်နက်တွေ မြန်မာနိုင်ငံကို မြောက်ကိုရီးယားက တင်ပို့ခဲ့တဲ့ အထောက်အထားတွေကို ကုလသမဂ္ဂ အဖွဲ့ဝင်နိုင်ငံတခုက တင်ပြထားကြောင်းလည်း မနေ့နှောင်းပိုင်းက ထုတ်ပြန်လိုက်တဲ့ စာမျက်နှာ ၂၀၀ ကျော် ပါဝင်တဲ့ အစီရင်ခံစာကို ကိုးကားပြီး AP သတင်းက ဖော်ပြပါတယ်။

 ရေနံနဲ့ဓာတ်ငွေ့ မရောင်းချဖို့ ကုလသမဂ္ဂရဲ့ ပိတ်ဆို့ဒဏ်ခတ် တားမြစ်ချက်ကို ရှောင်ရှားနိုင်အောင် မြောက်ကိုရီးယားဟာ မြန်မာနဲ့ ဆီးရီးယား နိုင်ငံတွေနဲ့ ပဲ့ထိန်းတပ် မစ်ဇိုင်းဒုံးစနစ် တည်ဆောက်မှုတွေမှာ ပူးပေါင်းဆောင်ရွက်ခဲ့သလို၊ ဥပဒေမဲ့ တင်ပို့မှုတွေကြောင့် ပြီးခဲ့တဲ့နှစ်ထဲ ၉ လအတွင်း ဒေါ်လာသန်း ၂၀၀ နီးပါး ၀င်ငွေရခဲ့ကြောင်းလည်း AP သတင်ဌာနက ဒီလဆန်းမှာပဲ ဖော်ပြခဲ့တာပါ။

 အမည်ဖော်ပြမထားတဲ့ ကုလသမဂ္ဂ အဖွဲ့ဝင်နိုင်ငံတခုကို ကိုးကားထားတဲ့ ကျွမ်းကျင်သူတွေရဲ့ အစီရင်ခံစာမှာတော့ မြန်မာနိုင်ငံ ကာကွယ်ရေး ၀န်ကြီးဌာနဟာ ရှုတ်ထွေးနက်နဲတဲ့ နိုင်ငံတကာ လက်နက်အရောင်းအ၀ယ် ကွန်ယက်နဲ့ ပတ်သက်မှု ရှိနေဆဲဖြစ်ပြီး၊ မြောက်ကိုရီးယားနဲ့ ဆက်နွယ်တဲ့ မစ်ဇိုင်းဒုံး အစီအစဉ်အတွက် ပြည်ပကနေ လိုအပ်တဲ့ ပစ္စည်းတွေ ရရှိဖို့ ကြိုးပမ်းခဲ့ကြောင်းလည်း ဖော်ပြထားပါတယ်။

 နျူကလီးယားနဲ့ ဆက်နွယ်တဲ့ တားမြစ်ပစ္စည်းတွေကို ၂၀၁၂ ခုနှစ်တုန်းက တင်ပို့ဖို့ ကြိုးစားရာမှာ မြန်မာနိုင်ငံက စိုးမင်းထိုက် ကုမ္ပဏီက ၀ယ်သူအဖြစ် လက်မှတ်ရေးထိုးထားတာ တွေ့ရကြောင်းလည်း ကုလသမဂ္ဂ ကျွမ်းကျင်သူတွေ အရင်တုန်းက အစီရင်ခံခဲ့ဖူးပါတယ်။ မြန်မာအစိုးရ တာဝန်ရှိသူတွေကတော့ မြောက်ကိုရီးယားနဲ့ ပုံမှန်သံတမန် ဆက်သွယ်မှုတွေသာရှိပြီး စစ်ဘက်ဆိုင်ရာ အဆက်အဆံတွေ မရှိကြောင်း ကုလသမဂ္ဂ ကျွမ်းကျင်သူအဖွဲ့ကို ၂၀၁၅ ခုနှစ်တုန်းက ပြောဆိုထားပါတယ်။

ဗွီအိုအေ (မြန်မာပိုင်း)
https://burmese.voanews.com

ကုလ ပိတ်ဆို့ထားတဲ့ လက်နက်တွေ မြန်မာနဲ့ ဆီးရီးယားတို့ကို မြောက်ကိုရီးယားတင်ပို့

မြောက်ကိုရီးယားခေါင်းဆောင် Kim Jong Un တိုက်ချင်းပစ်ဒုံးကျည်လက်နက်ကို စစ်ဆေးနေစဉ်။ Korean Central News Agency/Korea News Service
မြောက်ကိုရီးယားနိုင်ငံက ဒုံးကျည်နဲ့ ဓါတုလက်နက်များမှာ အသုံးပြုတဲ့ပစ္စည်းတွေ၊ နည်းပညာတွေကို မြန်မာနိုင်ငံနဲ့ ဆီးရီးယားတို့ကို တင်ပို့ခဲ့တယ်လို့ ကုလကျွမ်းကျင်သူတွေရဲ့ အစီရင်ခံစာမှာ ဖေါ်ပြထားတယ်လို့ AP သတင်းတရပ်မှာ ဖေါ်ပြထားပါတယ်။

စာမျက်နှာ ၂၀၀ ကျော်ပါရှိတဲ့ အစီရင်ခံစာမှာ မြောက်ကိုရီးယားဟာ မြန်မာနိုင်ငံကို သမရိုးကျ စစ်လက်နက် ပစ္စည်းတွေ၊ မြေပြင်က ဝေဟင်ပစ်ဒုံးကျည်တွေ၊ ဒုံးကျည်လောင်ချာတွေကို တင်ပို့ခဲ့တယ်လို့ ဖေါ်ပြထားပြီး အလားတူပဲ ဆီးရီးယားနိုင်ငံကိုလည်း ၂၀၁၂ ခုနှစ်ကနေ ၂၀၁၇ အတွင်း စစ်ဘက်ပစ္စည်းအမျိုးပေါင်း ၄၀ကျော် တင်ပို့ခဲ့တယ်လုိ့ ပါရှိပါတယ်။

အစီရင်ခံစာမှာ မြောက်ကိုရီးယားအနေနဲ့ ကုလသမဂ္ဂက ကန့်သတ်ပိတ်ပင်ချက်တွေကို ဂရုမစိုက်ဘဲ မြန်မာနဲ့ဆီးရီးယားတို့နဲ့ တရားမ၀င်ကုန်သွယ်မှုတွေ ပြုလုပ်ခဲ့တာမှာ၊ မနှစ်က ၉ လတာအချိန်အတွင်း အမေရိကန်ဒေါ်လာ သန်း၂၀၀ကျော်ဖိုးဖြစ်တယ်လို့ ဆိုပါတယ်။

RFA Burmese
https://www.rfa.org/burmese

ရိုဟင်ဂျာ ၃ ထောင်နီးပါး ဘင်္ဂလားဒေ့ရ်ှကို ထပ်မံရောက်ရှိ

ဘင်္ဂလားဒေ့ရ်ှဘက်ကို ထွက်ပြေးလာတဲ့ မွတ်စလင်တွေကို တွေ့ရစဉ်။ Photo: UNHCR in Bangladesh Facebook
မြန်မာနဲ့ ဘင်္ဂလားဒေ့ရ်ှနယ်ခြားဒေသမှာ နေထိုင်နေကြတဲ့ ရိုဟင်ဂျာမွတ်စလင် ၂ ထောင်ကျော် ၃ ထောင်နီး ပါးလောက် ပြီးခဲ့တဲ့ရက်အနည်းငယ်ထဲက နယ်ခြားဒေသကို ဖြတ်သန်းလာပြီး ဘင်္ဂလားဒေ့ရ်ှနိုင်ငံထဲကို ဝင်ရောက်လာကြတယ်လို့ ဘင်္ဂလားဒေ့ရ်ှအရာရှိတဦးက ပြောပါတယ်။

နှစ်နိုင်ငံနယ်ခြားဒေသမှာ နေထိုင်နေကြသူတွေရဲ့တဝက်လောက်ဟာ ဒီကနေ့ညနေမှာ ဘင်္ဂလားဒေ့ရ်ှနိုင်ငံ ပိုင်နက်ထဲ ဝင်ရောက်လာကြပြီး ဒုက္ခသည်စခန်းတွေရှိရာကို သွားနေကြတယ်လို့ ဘင်္ဂလားဒေ့ရှ် နယ်ခြားစောင့်တပ် ဗိုလ်မှူး အာဂဘဲ- အာမက်က ပြောပါတယ်။

သူတို့ဟာ အကြောက်တရားနဲ့ နေရတဲ့မြေထဲက ထွက်ခွာလာကြတာပါ။ သူတို့ထဲကတချို့နဲ့ စကားပြောဖြစ်ပြီး သူတို့ကိုအိမ်ပြန်ဖို့ တိုက်တွန်းတဲ့အခါ သူတို့အထဲက ခေါင်းဆောင်တယောက်က မပြန်ဘူးလို့ ပြောတယ်လို့ အဲဒီအရာရှိက ဆက်ပြောပါတယ်။

သူတို့ဟာ အမြဲပဲအထိတ်ထိတ်အလန့်လန့်နေနေရကြောင်းနဲ့ မြန်မာအစိုးရကဖွင့်ထားတဲ့ ယာယီစောင့်ရှောက်ရေး စခန်းတွေနဲ့ အိမ်အသစ်တွေဆီကို ပြန်မှာမဟုတ်ဘူး၊ အဲဒီမှာ ဘဝအာမခံချက် မရှိသလို သူတို့ဟာ နိုင်ငံသားဖြစ်ခွင့် အပါအဝင် တခြားလူ့အခွင့်အရေးတွေ လိုအပ်နေပါတယ်လို့ အဲဒီလူတွေကပြောတယ်လို့ ဆိုပါတယ်။

RFA Burmese
https://www.rfa.org/burmese

ရိုဟင်ဂျာဒုက္ခသည်များစီစစ်ခေါ်ယူရေး UNHCR ပူးပေါင်းပါဝင်မှု ကမ်းလှမ်း


ရခိုင်ပြည်နယ်က ဒုက္ခသည်တွေ စီစစ်ပြန်လက်ခံရေးအစီအစဉ်မှာ ဒုက္ခသည်များဆိုင်ရာ ကုလသမဂ္ဂမဟာမင်းကြီးရုံး UNHCR အကူအညီကို ရယူဖို့ရှိနေပြီး၊ ဒီအကူအညီဟာလည်း UEHRD ရခိုင်ပြည်နယ်တွင်းလူသားချင်းစာနာမှု အကူအညီထောက်ပံ့ရေး ၊ပြန်လည်နေရာချထားရေးနဲ့ ဖွံဖြိုးရေးစီမံကိန်းရဲ့ လမ်းညွှန်ထားချက်တွေအောက် မှာ ဆောင်ရွက်ရမှာဖြစ်တယ်လို့ သိရပါတယ်။ ဒုက္ခသည်တွေ ပြန်လည်လက်ခံနေရာချရေးကိစ္စတွေမှာ နိုင်ငံတကာ အထူးသဖြင့် ကုလသမဂ္ဂရဲ့ စောင့်ကြည့်မှုလိုအပ်တယ်လို့ နိုင်ငံတကာရဲ့တိုက်တွန်းတောင်းဆိုချက်တွေပေါ်လာပြီးနောက် UNHCR ရဲ့ပါဝင်မှုကို အခုလို ကမ်းလှမ်းလိုက်တာဖြစ်ပါတယ်။ ကိုသားညွန့်ဦးက စုံစမ်းမေးမြန်းထားတာပါ။

ရခိုင်မြောက်ပိုင်းဒေသ ပဋိပက္ခတွေကြောင့် ဘင်္ဂလားဒေရ်ှနိုင်ငံဖက် ထွက်ပြေးသွားကြတဲ့ သိန်းဂဏန်းရှိတဲ့ ရိုဟင်ဂျာဒုက္ခသည်တွေ ပြန်လည်စီစစ်လက်ခံရေးကို ဇန်န၀ါရီလကုန်ပိုင်းမှာ စတင်ဖို့ မြန်မာဖက်က ပြင်ဆင်ဆောင်ရွက်ထားပေမယ့်၊ ဒုက္ခသည်တွေ ပြန်လာဖို့ ဆန္ဒမရှိသေးတာကြောင့် ဒီ အစီအစဉ်ဟာ ပျက်သလောက်ဖြစ်သွားခဲ့ရတာပါ။ ဒုက္ခသည်တွေ သူတို့ သဘောဆန္ဒအတိုင်းပြန်လာဖို့ဆိုရင် ပြန်လည်နေရာချထားမယ့် သူတို့မူရင်းဒေသတွေမှာ လုံခြုံဘေးကင်းမှုရှိဖို့ အထူးသဖြင့် နိုင်ငံတကာရဲ့စောင့်ကြပ်မှုလိုတယ်ဆိုပြီး နိုင်ငံတကာလူ့အခွင့်အရေးအဖွဲ့တွေရော အစိုးရတွေကပါ ပြောခဲ့ပါတယ်။ ပြန်လည်စီစစ်လက်ခံရေးမှာ မြန်မာအစိုးရဖက်က ဖွဲ့ထားတဲ့ UEHRD က ဦးစီးဦးဆောင်လုပ်ပြီး၊ နိုင်ငံတကာအဖွဲ့အစည်းရယ်ဆိုလို့ ICRC ကြက်ခြေနီအသင်းလောက်ကိုပဲ ခွင့်ပြုခဲ့တာပါ။ ဒါပေမယ့်အခုတော့ လာမယ့် ပြန်လည်စီစစ်လက်ခံရေးအစီအစဉ်မှာတော့ UNHCR ဒုက္ခသည်များဆိုင်ရာ ကုလသမဂ္ဂမဟာမင်းကြီးရုံးရဲ့ အကူအညီကို ရယူဖို့ မြန်မာအစိုးရဖက်က ကမ်းလှမ်းလိုက်ပါတယ်။ မနေ့က ကျင်းပခဲ့တဲ့ ကုလသမဂ္ဂလူ့အခွင့်အရေးကောင်စီ အစည်းအဝေးအတွင်း နိုင်ငံတကာဆက်ဆံရေးဝန်ကြီးဌာန ၀န်ကြီး ဦးကျော်တင်က တရားဝင်အသိပေးလိုက်တာပါ။

“ ဒုက္ခသည်တွေ ပြန်လာရေးနဲ့ ပြန်လည်နေရာချထားရေးလုပ်ငန်းစဉ် အဆင့်ဆင့်တွေမှာ ပါဝင်ဖို့ UNHCR နဲ့ အခြားကုလသမဂ္ဂအေဂျင်စီတွေကို ဖိတ်ခေါ်သွားပါမယ်။ မြန်မာအာဏာပိုင်တွေဟာ ကုလသမဂ္ဂ ဌာနေကိုယ်စားလှယ်နဲ့ UNHCR တာဝန်ရှိသူတွေကို ဖေဖော်ဝါရီလ ၂၃ရက်နေ့က တွေ့ဆုံခဲ့ပြီး၊ ရခိုင်ပြည်နယ်တွင်းလူမှုအသိုက်အ၀န်းအားလုံးအတွက် ဖွံဖြိုးရေးအစီအစဉ်နဲ့ ဒုက္ခသည်တွေ ပြန်လည်နေရာချထားရေး အစိုးရလုပ်ငန်းတွေမှာ ပူးပေါင်းကူညီဖို့ ဖိတ်ခေါ်လိုက်တယ်ဆိုတာကို အခု လူ့အခွင့်အရေးကောင်စီကို အသိပေးလိုက်ပါတယ်။”

မြန်မာဖက်က တာဝန်ရှိသူအချို့ကို ဗွီအိုအေက ဆက်သွယ်စုံစမ်းကြည့်ရာမှာတော့ ဒုက္ခသည်တွေနဲ့ပတ်သက်ပြီး အဆင့်သုံးဆင့် သတ်မှတ်ထားရာမှာ ဒုတိယနဲ့တတိယအဆင့်တွေမှာပဲ UNHCR ကို ပါဝင်ပတ်သက်ခွင့်ပေးဖို့ မူလက ဆုံးဖြတ်ခဲ့တာဖြစ်ပြီး၊ အခုတော့ ပထမဆုံးအဆင့်ဖြစ်တဲ့ Repatriation ဒုက္ခသည်ပြန်လည်လက်ခံရေးမှာပါ UNHCR ကို တစုံတရာ ပါဝင်ခွင့်ပေးဖို့ ညှိုနှိုင်းဆုံးဖြတ်ခဲ့တယ်လို့ သိရပါတယ်။ ဒါနဲ့ပတ်သက်ပြီး UN တာဝန်ရှိသူတွေနဲ့ မြန်မာဖက်က ပြည်ထောင်စုဝန်ကြီးတွေ တွေ့ဆုံဆွေးနွေးခဲ့ပြီး၊ UNHCR ဖက်က ဘယ်လို ကူညီနိုင်မလဲဆိုတာကို ကမ်းလှမ်းထားတယ်လို့ဆိုပါတယ်။ ဒါပေမယ့်လည်း အစိုးရရဲ့ကော်မတီဖြစ်တဲ့ UEHRD ရဲ့ လမ်းညွှန်ချက်အောက်မှာပဲ UNHCR အနေနဲ့ ပူးပေါင်းဆောင်ရွက်ခွင့်ရမှာဖြစ်တယ်လို့လည်း ဆိုပါတယ်။ အသေးစိတ်ကိုတော့ နှစ်ဖက်စလုံး ညှိုနှိုင်းဖို့ရှိနေသေးတယ်လို့သိရပါတယ်။ UNHCR ဒုက္ခသည်များဆိုင်ရာ ကုလသမဂ္ဂ မဟာမင်းကြီးရုံးဖက်ကတော့ ဒီကိစ္စအပေါ်မှာ သီးခြားထုတ်ပြန်ချက် မကြာမီ ထုတ်ပြန်မယ်လို့ပဲ ဗွီအိုအေကို အကြောင်းပြန်ပါတယ်။

ရိုဟင်ဂျာဒုက္ခသည်တွေ ပြန်ပို့ရေးနဲ့ပတ်သက်လို့တော့ ဘင်္ဂလားဒေ့ရ်ှဖက်မှာတော့ မူလကတည်းက UNHCR နဲ့ ပူးပေါင်းဆောင်ရွက်မှုတွေ ရှိပြီးသားဖြစ်ပါတယ်။ ဒါပေမယ့်လည်း ဇန်န၀ါရီလအကုန် စမယ့် အစီအစဉ်မှာတော့ ဒုက္ခသည်တွေရော နိုင်ငံတကာရဲ့ စိုးရိမ်ချက်ကြောင့်ပါ ဘင်္ဂလားဒေ့ရ်ှဖက်က ဒီ ပြန်ပို့ရေးအစီအစဉ်မှာ မူလသတ်မှတ်ချက်အတိုင်း ဆောင်ရွက်နိုင်ခြင်းမရှိခဲ့ပါဘူး။ ဒါပေမယ့် မကြာခင်ကပဲ မြန်မာ ပြည်ထဲရေးဝန်ကြီးနဲ့အဖွဲ့ ဘင်္ဂလားဒေရ်ျနိုင်ငံကို သွားရောက်ဆွေးနွေးခဲ့ပြီးတဲ့နောက်၊ ဒုက္ခသည်တွေပြန်ပို့ရေးအတွက် အပြန်အလှန်စာရင်းပေးပို့တဲ့ လုပ်ငန်းစဉ်တွေ ပြန်လည်စတင်နိုင်နေပြီးဖြစ်ပါတယ်။

သားညွန့်ဦး  / ဗွီအိုအေ (မြန်မာပိုင်း)
https://burmese.voanews.com

ရခိုင်အရေးလွတ်လပ်စွာသတင်းယူခွင့်ရဖို့ ဖမ်းဆီးခံရိုက်တာသတင်းထောက် တောင်းဆို

ဖမ်းဆီးခံရိုက်တာသတင်းထောက် ကိုဝလုံး
ရခိုင်ပြည်နယ်မှာ ရှိနေတဲ့ ပဋိပက္ခ အခက်အခဲတွေနဲ့ နိုင်ငံတကာက စွပ်စွဲနေတဲ့ ကိစ္စရပ်တွေ ဖြေရှင်းနိုင်ဖို့အတွက် ဘက်လိုက်မှုကင်းတဲ့ မီဒီယာသမားတွေကို ရခိုင်ပြည်နယ်ကို စေလွှတ်ပေးဖို့ လိုအပ်သလို လက်ရှိအချိန်မှာ ရခိုင်ပြည်နယ်တွင်း သတင်းအမှန်ကို အစိုးရကိုယ်တိုင် ရရှိဖို့ ခက်ခဲနေတယ်လို့ ဖမ်းဆီးခံ ရိုက်တာသတင်းထောက်တွေက ပြောပါတယ်။ ရိုက်တာ သတင်းထောက်တွေကို ဒီကနေ့ ၆ကြိမ် မြောက် ရုံးထုတ်စဉ် သူတို့က အခုလိုပြောခဲ့တာပါ။ ဒီသတင်းကို ကိုယ်တိုင် သွားရောက် သတင်းယူခဲ့တဲ့မေခက ပေးပို့ထားတာပါ။

Reuters သတင်းဌာနက မြန်မာသတင်းသမား ၂ ဦးဖြစ်တဲ့ ကိုဝလုံးနဲ့ ကိုကျော်စိုးဦး တို့ ၂ ဦးကို ရုံးထုတ်စစ်ဆေးတဲ့ ဒီကနေ့ မှာ တရားလိုပြသက်သေ ၂ဦးကိုစစ်မေးခဲ့တာဖြစ်ပါတယ်။ တရားခွင် ခေတ္တနားချိန်မှာ ရိုက်တာသတင်းထောက် ကိုဝလုံးက ဗီအိုအေသတင်းဌာနကို ပြောဆိုခဲ့တာမှာတော့ လက်ရှိ ရခိုင်ပဋိပက္ခအတွင်းမှာ အောက်ခြေကနေ သတင်း တင်ပို့မှုတွေ အားနည်းနေသလို ထိန်ချန်တင်ပို့မှုတွေကြောင့် အစိုးရဘက်က သတင်းအမှန်ရဖို့ခက်ခဲနေတယ်လို့ ဆိုပါတယ်။ ဖော်ထုတ်ရမယ့် သတင်းတွေများစွာရှိနေပြီး သတင်းမှန်တင်ပြနိုင်ဖို့ ကြိုးစားတာမို့ အခုလိုအဖမ်းခံခဲ့ရတယ်လို့ ကိုဝလုံးကဆိုပါတယ်။

လက်ရှိရခိုင် ပဋိပက္ခတွေမှာ အခက်အခဲတွေနဲ့ နိုင်ငံတကာက စွပ်စွဲနေတဲ့ ကိစ္စရပ်တွေ ဖြေရှင်းနိုင်ဖို့အတွက် သတင်းသမား တွေကိုလွတ်လပ်စွာ သွားရောက် သတင်းယူခွင့်ပေးဖို့ အစိုးရကို ဖမ်းဆီးခံ သတင်းထောက်ကိုဝလုံးက အခုလိုတောင်းဆို လိုက်ပါတယ်။

" လက်ရှိအစိုးရက သတင်းရရှိမှုအားနည်းပါတယ်။ ကျနော်တို့ မီဒီယာသမားတွေဖော်ထုတ်တာ မဟုတ်ဘဲနဲ့ဆိုရင် မှန်ကန်တဲ့ သတင်း အချက်အလက်တွေ ရရှိမှာမဟုတ် ပါဘူး။ ပဋိပက္ခ အခက်အခဲတွေကို ဖြေရှင်းဖို့ဆိုလို့ရှိရင် ဘက်လိုက်မှုကင်းတဲ့ မီဒီယာသမားတွေကို ရခိုင်ပြည်နယ်မှာ သွားပြီးတော့ အောက်ခြေကဖြစ်ပျက်နေတာတွေ ကို မှန်မှန်ကန်ကန်တင်ပြနိုင်ဖို့ အမြန်ဆုံ အစိုးရဘက်က လုပ်ပေးသင့်ပါတယ်"

ဖမ်းဆီး ထိန်းသိမ်း ခံထားရတဲ့ ရိုက်တာ သတင်းဌာန မြန်မာ သတင်းထောက် ၂တွေကုို အစိုးရက နိုင်ငံတော် လျှို့ဝှက် အက်ဥပဒေနဲ့ တရားစွဲထားတာဖြစ်ပါတယ်။ ရခိုင်ပြည်နယ် မြောက်ပိုင်း မောင်တောဒေသတွင်း အကြမ်း ဖက်မှုများနဲ့ ပတ်သက်နေတဲ့ အစီအရင်ခံစာ စာရွက်စာတမ်းများ လက်ဝယ် တွေ့ရှိတယ် ဆိုကာ ပြီးခဲ့တဲ့ ဒီဇင်ဘာ ၁၂ ရက်နေ့ ညကဖမ်းခံခဲ့ရတာဖြစ် ပါတယ်။

ဒါပေမယ့် ဒီလျှို့ဝှက်စာရွက်တွေဟာ တရားဝင် အများပြည်သူကို ဖော်ပြထားတဲ့ အကြောင်းအရာတွေဖြစ်နေပြီး သတင်းစာတွေ မှာပါ ဖော်ပြထားတဲ့ အချက်တွေဖြစ်နေပါတယ်။ ဒါ့အပြင် တရားခွင်အတွင်း ပြန်လှန်မေးခွန်း ထုတ်ရာမှာတော့ အမှုဖြစ်စဉ်နဲ့ ကွဲလွဲမှုတွေ ရှိနေတာ တွေ့ခဲ့ရကြောင်း သတင်းထောက်တွေရဲ့ အကျိုးဆောင် ရှေ့နေ ဦးသန်းဇော်အောင်က ဆိုထားပါတယ်။

"စွပ်စွဲခံရသူတွေ ကျနော်ကိုပြောသလိုဘဲ စဉ်ဖမ်းခံရတယ်ဆိုတာမျိုးပေါ်ပေါက်တယ်။ စစ်ပြီးသမျှကတော့ လျှို့ဝှက်စာရွက်စာတမ်းတွေ သတင်းထောက်ဆီမှာတွေ့တယ် ဆိုပြီးဖမ်းတာဘဲ။ ဖမ်းတယ်ဆိုပေမယ့် ကျနော်ခုနပြောသလိုဘဲ လျှို့ဝှက်စာရွက်စာတမ်းတွေက အစိုးရသတင်းစာတွေထဲကနေသေချာရှင်းလင်းပြပြီးသားအကြောင်းအ ရာတွေ အဲကိစ္စတွေဖြစ်နေတယ်။ တချို့ကိစ္စကတော့ အသေးစိတ်ပါမယ်။ တချို့အချက်တွေကတော့ အကြောင်းအရာရှင်းပြပြီးသားတွေဖြစ်နေတယ်။ ဒါကလျှို့ဝှက်အ ကြောင်းအရာတွေမဟုတ်ဘူး"

အမှုနဲ့ ပတ်သက်ပြီး စစ်ဆေးဖို့ တင်ပြထားတဲ့ တရားလိုပြသက်သေ ၂၅ ဦးထိ ရှိနေတာကြောင့် အခုလို သက်သေတဦးချင်းစီကို သီတင်းတပတ်စီ ခွာချိန်းနေမယ်ဆိုရင် အားလုံး စစ်ဆေး ပြီးစီးဖို့အတွက် ကြာဦးမယ့်သဘော ရှိနေပါတယ်။ သတင်းထောက် ၂ ဦးဟာ ရဲတာဝန်ရှိသူတွေနဲ့ ညစာစားရင်း တွေ့ဆုံဖို့ ဖိတ်ကြားခံရပြီးနောက် အဲဒီ ချိန်းဆိုထားတဲ့ညမှာပဲ ဖမ်းဆီးခံခဲ့ရတဲ့အတွက် တမင် အကွက်ချ ဖမ်းဆီးတာဖြစ်တယ်လို့ ပြောဆိုထားပြီး ဖမ်းဆီးခံထားရချိန်မှာလည်း အမှုနဲ့ပတ်သက်လို့ ခြိမ်းခြောက် ၀န်ခံခိုင်းတာတွေ ရှိတယ်လို့ ပြောဆိုထားပါတယ်။

လာမယ့် မတ် လ ၇ရက်နေ့မှာ ထပ်မံရုံးချိန်းခေါ်ယူ စစ်ဆေးသွားဖို့ရှိပါတယ်။

မေခ  / ဗွီအိုအေ (မြန်မာပိုင်း)
https://burmese.voanews.com

အမည်မသိအမျိုးသားတစ်ဦး သံလွင်တံတားပေါ်မှ ခုန်ချ


ဘားအံ ဖေဖေါ်ဝါရီ ၂၇

ကရင်ပြည်နယ်၊ ဘားအံမြို့တွင် ဖေဖေါ်ဝါရီလ ၂၇ ရက်နေ့ နံနက် ၉ နာရီအချိန်က အမည်မသိ အမျိုးသားတစ်ဦးသည် သံလွင်တံတားပေါ်မှ သံလွင်မြစ်အတွင်းသို့ ခုန်ချပျောက်ဆုံးသွားကြောင်း သိရသည်။

ဘားအံမြို့ဘက်မှ သထုံမြို့ဘက်သို့ အမည်နေရပ်လိပ်မသိ အသက်(၂၂)ခန့် ၊ ဆံပင်ဘိုကေ၊ အသားဖြူ ၊ အရပ် ၅ ပေ ၅ လက်မခန့်ရှိ ကုလယ်ဆင် အကျီာင်္အနီရောင်လက်တို၊ ဘောင်းဘီအရှည်၊ ခရီးဆောင်အိတ်လွယ်ထား သူမှာ သံလွင်တံတားအလယ် တံတားတိုင်အမှတ် PH 8 နှင့် PH 7 ကြားအရောက် ၄င်းမောင်နှင်လာသည့် မော်တော် ဆိုင်ကယ်အမှတ် ၂ယ/၅၆၄၀၆ Dream125 စိမ်းပြာရောင်ဆိုင်ကယ်အား ရပ်တန့်ဇတ်သော့ခတ်ပြီး သော့နှင့်ဆိုင်ကယ် ဦးထုတ်အနီရောင်တစ်လုံးတို့အား အနီးတွင်ပစ်ချ၍ တံတားလက်ရန်းအားကျော်တက်ခုန်ချသွားကြောင်း စောမောင်ကြီး ဘားအံမြို့ အမှတ်(၇)ရပ်ကွက်နေသူနှင့် တပ်ကြပ် ဇေယျာမျိုးသူ ဘားအံမြို့ အမှတ်(၅)တပ်မတော်တပ်ထိန်းတို့မှ မြင်တွေ့လိုက်ရ၍ တားဆီးသော်လည်း မရရှိဘဲ မြစ်အတွင်းခုန်ချပျောက်ဆုံးသွားခြင်းဖြစ်ကြောင်း သိရသည်။

အခင်းဖြစ်ရာသို့ ဘားကပ်ရဲကင်းမှူးရဲအုပ်ဇော်လင်းနှင့်အဖွဲ့သည် ဘားကပ်ကျေးရွာအုပ်ချုပ်ရေးမှူးဦးစံသွယ် နှင့်အတူ သွားရောက်ကြည့်ရှု့စစ်ဆေးခဲ့ရာ ကျန်ရှိသောမော်တော်ဆိုင်ကယ်၊ သောနှင့်အနီရောင်ဆိုင်ကယ်ဦးထုတ် တစ်လုံးတို့အား သိမ်းဆည်းထားရှိပြီး ခုန်ချပျောက်ဆုံးသွားသောအမည်မသိလူငယ်၏ အမည်နှင့်နေရပ်လိပ်စာတို့အား စုံစမ်းလျက်ရှိကြောင်း၊ ကျေးရွာအုပ်ချုပ်ရေးမှူးနှင့်ရွာသူ/သားများနှင့်ပူးပေါင်း၍ စက်လှေများဖြင့် မြစ်အတွင်းလိုက်လံ ရှာဖွေလျက်ရှိကြောင်း သတင်းရရှိသည်။

ကရင် ပြန်/ဆက်

စစ်တွေပေါက်ကွဲမှုနဲ့ ဆက်စပ်ပြီး ဖမ်းဆီးခံထားရသူ ၈ ဦး အထိ ရှိလာ

မိုင်းပေါက်ကွဲမှုဖြစ်ပွားခဲ့တဲ့ ရခိုင်ပြည်နယ် အစိုးရအဖွဲ့ အတွင်းရေးမှူး ဦးတင်မောင်ဆွေ နေအိမ်ကို ၂ဝ၁၈ ခုနှစ် ဖေဖော်ဝါရီလ ၂၄ ရက်နေ့က တွေ့ရစဉ်/ Photo: Min Thein Aung/ RFA
ရခိုင်ပြည်နယ် စစ်တွေမြို့မှာ ပြီးခဲ့တဲ့ ဖေဖော်ဝါရီလ ၂၄ ရက်နေ့က ဖြစ်ပွားခဲ့တဲ့ လက်လုပ်မိုင်းပေါက်ကွဲမှုနဲ့ ဆက်နွယ်ပြီး အရပ်သားတွေကို ရဲတပ်ဖွဲ့က ဖမ်းဆီးစစ်ဆေးနေရာမှာ ဒီနေ့အထိ ဖမ်းဆီးခံထားရသူ ၈ ဦး ရှိနေပြီ ဖြစ်ပါတယ်။

မနေ့ကအထိ ဖမ်းဆီးခံထားရသူ ၇ ဦးရှိခဲ့ပြီး ဒီနေ့မှာ မင်းဂံရပ်ကွက်မှာ နေထိုင်သူ ကိုသက်စိုးပိုင် ဆိုသူကို ထပ်မံ ခေါ်ဆောင်သွားတယ်လို့ သိရပါတယ်။ ဒီနေ့မနက်မှာ နေအိမ်ကနေ ဖမ်းဆီးခေါ်ဆောင်ခံရတာလို့ ကိုသက်စိုးပိုင် က ပြောပါတယ်။

ကိုသက်ပိုင်စိုးကို ဒီနေ့ ညနေပိုင်းအထိ အမှတ်(၁) မြို့မရဲစခန်းထဲမှာ ထိန်းသိမ်းထားပြီး သူ့ကိုဘာအတွက်ကြောင့် အခုလိုထိန်းသိမ်းထားတယ်ဆိုတာ မသိရသေးဘူးလို့ ဆိုပါတယ်။

ပြီးခဲ့တဲ့ ဖေဖော်ဝါရီလ ၂၄ ရက်နေ့မနက်ပိုင်းက စစ်တွေမြို့မှာ လက်လုပ်မိုင်း ၃ လုံးပေါက်ကွဲခဲ့တာနဲ့ ဆက်နွယ်ပြီး ဖေဖော်ဝါရီလ ၂၅ ရက်နေ့မှာ စစ်တွေမြို့မှာရှိတဲ့ သံသယရှိတဲ့အရပ်သားတွေကို ရဲတပ်ဖွဲ့က ဖမ်းဆီးစစ်ဆေးမှုတွေ ပြုလုပ်နေတာပါ။

ဖမ်းဆီးခံထားရသူတွေရဲ့မိသားစုဝင်တွေဟာ စစ်တွေမြို့ အမှတ်(၁)ရဲစခန်းမှာ တွေ့ဆုံခွင့်ရဖို့ အကြိမ်ကြိမ် ကြိုးစားပေမယ့် ရဲအရာရှိတွေက စစ်ဆေးနေဆဲကာလဖြစ်တာကြောင့် တွေ့ဆုံခွင့်မပေးနိုင်ကြောင်း ပြန်လည် ပြောဆိုခဲ့တယ်လို့ မိသားစုဝင်တွေကပြောကြပါတယ်။

ဖမ်းဆီးစစ်ဆေးခံနေရသူတွေထဲမှာပါဝင်တဲ့ ဦးနိုင်စိုးဟာ ရခိုင်ပြည်အမျိုးသားကောင်စီ (ANC) ရဲ့ ဗဟို အလုပ်အမှု ဆောင်အဖွဲ့ဝင်တစ်ဦးဖြစ်ပြီး ဦးနိုင်စိုးဟာ မတရားဖမ်းဆီးခံနေရတာဖြစ်တဲ့အတွက် အမြန်ဆုံးပြန်လွှတ်ပေးဖို့ ရခိုင်ပြည်အမျိုးသားကောင်စီ (ANC) က မနေ့က တောင်းဆိုထားပါတယ်။

RFA Burmese
https://www.rfa.org/burmese

ခြောက်လ ဘတ်ဂျက်ကို လွှတ်တော်က ကျပ် ၁၀၅ ဘီလျံခန့် လျှော့ချ ပြီး အတည်ပြု

ပြည်ထောင်စု လွှတ်တော် အစည်းအဝေး ကျင်းပနေစဉ် (ဆင်ဟွာ)
 နေပြည်တော်၊ ဖေဖော်ဝါရီ ၂၈ ရက် (ဆင်ဟွာ)

    ဘဏ္ဍာရေးနှစ် အသစ်နှင့် အဟောင်း ကြားကာလ ခြောက်လအတွင်း (၂၀၁၈ ခုနှစ် ဧပြီလမှ စက်တင် ဘာလအထိ) အမျိုးသားစီမံကိန်း ဥပဒေကြမ်းပါ စီမံကိန်းလုပ်ငန်းများအား ယနေ့  ပြည်ထောင်စု လွှတ်တော် အစည်းအဝေးက ဝန်ကြီးဌာန ၂၄ ခုနှင့် ပြည်ထောင်စု အဆင့် အဖွဲ့ အစည်း အချို့ တို့ ၏ စီမံကိန်း လုပ်ငန်းများ အတွက် မူလ လျာထား ဘတ်ဂျက်များမှ ကျပ်သန်း ၁၀၄,၉၈၄ ဒသမ ၃၅၀ လျှော့ချ ပြင်ဆင်ပြီး  အဆိုပါ ခြောက်လ ဘတ်ဂျက် ဥပဒေကြမ်းကို အတည်ပြုလိုက်သည်။

ထိုသို့  လျှော့ချသည့် ၀န်ကြီးဌာနများ၊ ပြည်ထောင်စုအဆင့် အဖွဲ့ အစည်းများအနက် ပြည်ထဲရေး ဝန်ကြီးဌာနမှ လုပ်ငန်း ၃၇ ခုကို အကောင်အထည်ဖော်ရန် မူလ လျာထားငွေများမှ ကျပ် သန်း ၈၅၅၆ ဒသမ ၉၅၂ ၊ ကာကွယ်ရေးဝန်ကြီးဌာန၏ လုပ်ငန်း သုံးခုအတွက် မူလ လျာထား ငွေမှ ကျပ်သန်း ၈၅၂၅ ၊ နယ်စပ်ရေးရာ ၀န်ကြီးဌာန၏ လုပ်ငန်း ၅၁ ခုတို့ အတွက် မူလ လျာထားငွေမှ ကျပ်သန်း ၂၉၉ ဒသမ ၀၈၅ ၊ စိုက်ပျိုးရေးနှင့် ဆည်မြောင်းဝန်ကြီးဌာန၏ လုပ်ငန်း ၅၂ ခုအတွက် မူလ လျာထားငွေမှ ကျပ်သန်း ၁၉၉၉၀ ဒသမ ၈၅၃ ၊ လျှပ်စစ်နှင့် စွမ်းအင်ဝန်ကြီးဌာန၏ လုပ်ငန်း ၄၁ ခုအတွက် မူလ လျားငွေမှ ကျပ်သန်း ၃၂၈ ဒသမ ၈၉၈ ၊ စက်မှုဝန်ကြီးဌာန၏ လုပ်ငန်း ၂၇ ခုမှ ကျပ် သန်း ၁,၁၈၇ ဒသမ ၉၂၄ ၊ ပညာရေးဝန်ကြီးဌာန၏ လုပ်ငန်း ၃၃ ခုမှ ကျပ်သန်း ၅,၁၇၄ ဒသမ ၁၆၉ ၊ ကျန်းမာရေးနှင့် အားကစား ၀န်ကြီးဌာန၏လုပ်ငန်း ၈၃ ခုတို့ မှ ကျပ်သန်း ၁၀,၇၅၄ ဒသမ ၇၉၃ ၊ စီမံကိန်းနှင့် ဘဏ္ဍာရေး ၀န်ကြီးဌာန၏ လုပ်ငန်း ၃၅ ခုတို့ မှ ကျပ်သန်း ၂,၀၁၅ ဒသမ ၅၀၂ ၊ ဆောက် လုပ် ရေး ၀န်ကြီးဌာန၏ လုပ်ငန်း ၂၀ ခုမှ ကျပ်သန်း ၁၉,၄၉၀ ဒသမ ၉၂၃ ၊ လူ - ကယ် - ပြန် ဝန်ကြီး ဌာန၏ လုပ်ငန်း ၈၇ ခုမှ ကျပ်သန်း ၄,၆၂၀ ဒသမ ၈၅၉ ၊ နေပြည်တော် စည်ပင်သာယာရေး ကော်မတီ ၏ လုပ်ငန်း ၆၁ ခုမှ ကျပ်သန်း ၆၈၁ ဒသမ ၂၇၂  အသီးသီး လျှော့ချ ပြင်ဆင်ထားကြောင်း ပြည်ထောင်စု လွှတ်တော် ဥပဒေကြမ်း ပူးပေါင်းကော်မတီက ယနေ့ ပြည်ထောင်စု လွှတ်တော် အစည်းအဝေးသို့  ပြင်ဆင်ပြီး ဥပဒေကြမ်းကို တင်သွင်း ခဲ့ရာ သက်ဆိုင်ရာ ပြည်ထောင်စု အဆင့် အဖွဲ့ အစည်းဝင်များက ထိုသို့  လျှော့ချပြင်ဆင်ခြင်းများကို သဘောတူကြပြီး လွှတ်တော်က အတည်ပြုခဲ့ခြင်းဖြစ်သည်။

(Xinhua)
http://xinhuamyanmar.com

အသက်မပြည့်သေးသူအား သားမယားပြုကျင့်သူကို အရေးယူ

အဓမ္မပြုကျင့်ခံရသူ၏ ပုံမဟုတ်ပါ၊ နမူနာဓါတ်ပုံသာဖြစ်ပါသည်။
ဝမ်းတွင်း ဖေဖော်ဝါရီ ၂၈

မန္တလေးတိုင်းဒေသကြီး မိတ္ထီ လာခရိုင်ဝမ်းတွင်းမြို့နယ်တွင် facebook ရှိ messenger ပေါ်မှ ချစ်ကြိုက် ပြီး အသက်မပြည့်သေးသူအား သားမယားပြုကျင့်သူကို အမှုဖွင့် အရေးယူထားကြောင်း သိရသည်။

ဖြစ်စဉ်မှာ ဝမ်းတွင်းမြို့နယ် ရွာတန်းအုပ်စု လျော်ပင်ကျးရွာနေ မ-----(၁၄နှစ်)နှင့် ဝမ်းတွင်း မြို့နယ် ဆည်ရွာကျေးရွာနေ နိုင်မျိုး ဝင်း(၂၁နှစ်)တို့သည် ယခုနှစ် ဇန်န ဝါရီလအတွင်း ဖုန်းဖြင့်facebook လိုင်းပေါ်ရှိmessenger ပေါ်တွင် အသုံးပြုရာမှ သမီးရည်းစားများ ဖြစ်ခဲ့ကြသည်။ ယခုလ ၂၅ ရက် ည ၁၁ နာရီတွင် တစ်ဦးကိုတစ်ဦး အပြင်မှာတွေ့ဖူးရန်နှင့် စကားပြော လိုကြောင်း ဆက်သွယ်ချက်အရ မ----သည် မိဘများအိပ်နေခိုက် နိုင်မျိုးဝင်းနှင့်တွေ့ဆုံရန် ထွက်ခွာ ခဲ့ပြီး နိုင်မျိုးဝင်းနှင့်တွေ့ဆုံစဉ် နိုင်မျိုးဝင်းက ဆိုင်ကယ်ဖြင့်လိုက် ခဲ့ရန်ပြောဆို၍ ၄င်း၏သူငယ်ချင်း ဖြစ်သူ ဝမ်းတွင်းမြို့နယ် ဆည်ရွာ ကျေးရွာနေ မောင်မြင့် (၂၂နှစ်) ပိုင်ဆိုင်သော ရွာအဝင်လမ်းအနီးရှိ ယာစောင့်တဲအတွင်းသို့ ခေါ်ဆောင် သွားပြီး ''နင့်ကိုခိုးလာတာ'' ဟု ပြောဆိုကာ သားမယားအဖြစ် သုံးကြိမ်ပြုကျင့်ခဲ့သည်။

 ယခုလ ၂၆ ရက် ညနေ ၄ နာရီတွင် နိုင်မျိုး ဝင်းသည် ၄င်း၏ရွာထဲသို့ ထွက် သွားချိန်တွင် မ----က မိဘ များထံ ဖုန်းဆက်အကြောင်းကြား ရာမှ မိဘများကပြန်ခေါ်၍ နေအိမ် သို့ပြန်လည်ရောက်ရှိခဲ့သည်။ မ----(၁၄နှစ်)အား စကားပြောဆို ရန်ရှိသည်ဟုခေါ်ဆောင်သွားကာ သားမယားပြုကျင့်ခဲ့သူ နိုင်မျိုး ဝင်းအား မ----က တရားလိုပြု လုပ်တိုင်တန်းခဲ့ကြောင်း မှုခင်းမှတ် တမ်းအရ သိရသည်။

မ-----အား သားမယား ပြုကျင့်ခဲ့သူ နိုင်မျိုးဝင်းအား ဝမ်း တွင်းမြို့မရဲစခန်းမှ (ပ)၅၃/၂ဝ၁၈ ရာဇသတ်ကြီးပုဒ်မ ၃၇၆အရ အမှုဖွင့်ကာ တရားခံဖမ်းဆီးနိုင်ရေး ဆောင်ရွက်လျက်ရှိကြောင်း စုံစမ်း သိရသည်။

ဘိုဘို(မလှိုင်)
The Union Daily
https://www.facebook.com/uniondaily.net

တိုင်းဝန်ကြီးတစ်ဦးကို ပါတီဝင်အဖြစ်ကနေ ထုတ်ပယ်ဖို့ ပါတီဗဟိုထံ တင်ပြ

ရန်ကုန်တိုင်း၊ ဗဟန်းမြို့နယ်ရှိ NLD ရုံးချုပ်ကို မြင်ရစဉ်/ Photo: RFA
ပဲခူးတိုင်းဒေသကြီး အစိုးရအဖွဲ့က စီမံကိန်းနဲ့ ဘဏ္ဍာရေးဝန်ကြီး ဦးညွန့်ရွှေကို ပါတီဝင်အဖြစ်ကနေ ထုတ်ပယ်ဖို့ အတွက် က၀မြို့နယ် အမျိုးသားဒီမိုကရေစီအဖွဲ့ချုပ်က ပါတီဌာနချုပ်ထံ တင်ပြထားပါတယ်။

ဝန်ကြီး ဦးညွန့်ရွှေဟာ ပါတီနဲ့ ကင်းကွာနေတဲ့အတွက် ပါတီဝင်အဖြစ်ကနေ ထုတ်ပယ်ဖို့ မြို့နယ် အလုပ်အမှုဆောင် အဖွဲ့က ပါတီဌာနချုပ်ကို တင်ပြထားတာဖြစ်တယ်လို့ က၀မြို့နယ် တိုင်းဒေသကြီးလွှတ်တော်ကိုယ်စားလှယ် ဦးမျိုးခိုင် က ပြောပါတယ်။

"လောလောဆယ်တို့ သူတို့ ပါတီကနေ ထုတ်ဖို့ လုပ်ထားတယ်ဗျ။ ဒါပေမယ့် ဟိုဟာမဖြစ်သေးဘူး။ အတည်ပြု ချက်တော့ ဟိုဟာ မဖြစ်သေးပါဘူး။ ဗဟိုကို တင်ထားတာရှိသေးတယ်။ ဗဟိုက ပြန်ဆိုင်းငံ့ထားတဲ့သဘောဗျ။ မြို့နယ် အလုပ်အမှုဆောင်အဖွဲ့ကတော့ သူတို့ မြို့နယ် အလုပ်အမှုဆောင်အဖွဲ့နဲ့ ကင်းကွာတယ်လို့ ပြောတယ်ပေါ့"

ဝန်ကြီး ဦးညွန့်ရွှေကို ပါတီကနေ ထုတ်ပယ်ဖို့အတွက် က၀မြို့နယ် အလုပ်အမှုဆောင်အဖွဲ့က ပါတီဗဟိုကို တင်ပြထားတာ ၂ လ၀န်းကျင် ကြာမြင့်နေပြီဖြစ်တယ်လို့ ပြောပါတယ်။

ဒီကိစ္စနဲ့ပတ်သက်ပြီး ကာယကံရှင်ဖြစ်တဲ့ ၀န်ကြီး ဦးညွန့်ရွှေကို RFA က ဆက်သွယ်မေးမြန်းခဲ့ပေမယ့် ဆက်သွယ်လို့ မရပါဘူး။

ပဲခူးတိုင်းဒေသကြီးမှာ ၀န်ကြီးချုပ်အပါအ၀င် တိုင်းအစိုးရအဖွဲ့ဝင်အချို့ကို နုတ်ထွက်ပေးဖို့အတွက် ဆန္ဒပြမှုတွေ လည်း ရှိခဲ့ပါတယ်။

ပြီးခဲ့တဲ့ ဇန်န၀ါရီလတုန်းက ပဲခူးတိုင်း ၀န်ကြီးချုပ် နုတ်ထွက်ပေးဖို့အတွက် ပဲခူးမြို့မှာ လူ ၁၀၀ ကျော်က ဆန္ဒပြခဲ့ပြီး အဲဒီအထဲမှာ NLD ပါတီဝင်တွေလည်း ပါဝင်တယ်လို့ သိရပါတယ်။

RFA Burmese
https://www.rfa.org/burmese

တပ်မတော်သားတွေ ကန့်ကွက်ပေမယ့် ဦးရွှေမန်းကော်မရှင် သက်တမ်း တစ်နှစ်တိုး

ပြည်ထောင်စုလွှတ်တော် ဥပဒေရေးရာနဲ့ အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင် ဥက္ကဌ ဦးရွှေမန်း ကို တွေ့ရစဉ်/ Photo: Thura U Shwe Mann - Facebook
သူရဦးရွှေမန်း ဥက္ကဌအဖြစ် ဆောင်ရွက်နေတဲ့ ပြည်ထောင်စုလွှတ်တော် ဥပဒေရေးရာနဲ့ အထူးကိစ္စရပ်များ လေ့လာဆန်းစစ်သုံးသပ်ရေး ကော်မရှင်ကို ဒုတိယအကြိမ် သက်တမ်းတစ်နှစ် တိုးဖို့အတွက် လွှတ်တော်ရဲ့ သဘောထားခံယူရာမှာ တပ်မတော်သားတွေဘက်က ကန့်ကွက်မှုတွေ ရှိပေမယ့် မဲခွဲဆုံးဖြတ်ပြီး အတည်ပြုလိုက် ပါတယ်။

အဲဒီကော်မရှင်ဟာ ဒီနေ့မှာ သက်တမ်း တစ်နှစ်ပြည့်ပြီဖြစ်တာကြောင့် ဒုတိယအကြိမ် တစ်နှစ် သက်တမ်းထပ်တိုးဖို့ ဒီနေ့ လွှတ်တော်မှာ သဘောထားတောင်းယူရာမှာ တပ်မတော်သား ကိုယ်စားလှယ်တစ်ဦးက မတ်တပ်ရပ် ကန့်ကွက်ခဲ့တာဖြစ်ပါတယ်။

ကန့်ကွက်သူရှိတာကြောင့် စက်ခလုတ်နှိပ်ပြီး မဲခွဲရာမှာ ထောက်ခံမဲ ၂၉၅ မဲ၊ ကန့်ကွက်မဲ ၁၇၉ မဲ ရရှိတာကြောင့် သက်တမ်းတစ်နှစ်တိုးတာကို အတည်ပြုလိုက်တာပါ။ ပြည်ထောင်စုလွှတ်တော်မှာ တပ်မတော်သား လွှတ်တော် ကိုယ်စားလှယ် ၁၆၆ ဦးရှိတာဖြစ်ပြီး ဒီနေ့ မဲခွဲရာမှာ ကန့်ကွက်မဲ ၁၇၉ မဲ ရရှိခဲ့တာဖြစ်တဲ့အတွက် တပ်မတော်သား ကိုယ်စားလှယ်တွေအပြင် ပါတီလွှတ်တော် ကိုယ်စားလှယ်တွေထဲမှာလည်း ဒီကော်မရှင် သက်တမ်းတိုးတာကို ကန့်ကွက်သူတွေ ရှိနေတာဖြစ်ပါတယ်။

အဲဒီကော်မရှင်ဟာ ၂၀၁၆ ခုနှစ်က ပြည်သူ့လွှတ်တော်အဆင့် ဖွဲ့စည်းထားရာကနေ ပြည်ထောင်စုလွှတ်တော်အဆင့် ကော်မရှင်အဖြစ် ဖွဲ့စည်းလိုက်တာဖြစ်ပါတယ်။ အဲဒီအချိန်ကလည်း တပ်မတော်သား လွှတ်တော်ကိုယ်စားလှယ်တွေ က ကန့်ကွက်ခဲ့သလို ပြီးခဲ့တဲ့နှစ် ဖေဖော်ဝါရီလမှာ ပထမအကြိမ် သက်တမ်းတစ်နှစ်တိုးဖို့ လွှတ်တော်ရဲ့ သဘောထား ခံယူရာမှာလည်း ကန့်ကွက်ခဲ့ဖူးပါတယ်။

RFA Burmese
https://www.rfa.org/burmese

ကျောက်မျက်ဥပဒေကြမ်းကို ဒေသခံများ ကန့်ကွက် ဆန္ဒပြ


ဖေဖောါဝါရီလ ၂၈ ရက်၊ ၂၀၁၈ ခုနှစ်။

၂၀၁၇ ကျောက်မျက်ဥပဒေမူကြမ်းအား ပြင်ဆင်ပေးရန် ကချင်ဒေသခံများက မြစ်ကြီးနားမြို့တွင် ဖေဖော်ဝါရီလ ၂၈ ရက်(ယနေ့)တွင် ဆန္ဒ ထုတ်ဖော်ခဲ့သည်။

“နံပါတ်တစ် တချက်က အကြီးစားလုပ်ကွက်ကို ပြန်လည်ဖော်ဆောင်ဖို့ ကြိုးစားလာတယ်။ နောက်တစ်ချက်က ကျနော်တို့ တကယ် သဘာဝပတ်ဝန်းကျင် တကယ်ထိခိုက်နေတဲ့ စက်ယန္ထရား အကြီး ကြီးတွေကိုသုံးတာ။ ဒါကိုသူတို့မရပ်ဘူး။ အဲ့ဒီနှစ်ချက်က အဓိကပဲ”ဟု လူထုဆန္ဒပြပွဲ ဦးဆောင်သူ ကချင်အမျိုးသားကွန်ဂရက် KNC ပါတီ ဥက္ကဋ္ဌ ဒေါက်တာ Mကောန်လက ပြောသည်။

အကြီးစားလုပ်ကွက်ကို ဧက ၅၀ အထိ သတ်မှတ်ပြီး ၁၀ နှစ်အထိ လုပ်ပိုင်ခွင့်ပေးရန် ဥပဒေကြမ်းတွင် ဖော်ပြထားချက်သည် လူတစ်စုကိုသာ အကျိုးရှိစေပြီး ဒေသခံများ နစ်နာစေသည်ဟုဆိုကာ ဒေသခံများက ကန့်ကွက်ကြခြင်းဖြစ်သည်။

ဆန္ဒထုတ်ဖော်ပွဲတွင် ဒေသခံများက ကျောက်မျက်ဥပဒေသစ်တစ်ခုကို အမြန်ပြဌာန်းပေးရန်လည်း တောင်းဆိုထားသည်ဟု ဒေါက်တာ Mကောန်လ က ဆက်ပြောသည်။

“နောက်သုံးအချက်ကတော့ အဓိက ဘာလဲဆိုတော့ ကျောက်မျက်ဥပဒေက အရမ်းကြန့်ကြာတယ်။ ကြန့်ကြာတဲ့အခါကြတော့ အခုဥပဒေမဲ့ ထင်ရာမြင်ရာတွေ လုပ်နေတယ်။ အခုလုပ်ကွက်တချို့ကပြီးနေပြီ။ အဲ့ဒါကို ဆက်ပြီးတော့ နားလည်မှုနဲ့ ဆက်တူးနေတယ်။ အဲ့လိုတူးတော့ တရားဝင်နိုင်ငံတော် အခွန်ငွေမရဘူး။ နောက်တစ်ခါ ရေမဆေးလုပ်သားတွေလည်း အရမ်းများလာတယ်။ အလေအလွင့် များလာတယ်။ ဥပဒေမဲ့လုပ်ရပ်တွေများတယ်။ အဲ့ဒါတွေ ထိန်းချုပ်ဖို့လည်းလိုတယ်။ အဲ့ဒါကြောင့် ဥပဒေ အမြန်ပြဌာန်းဖို့တောင်းဆိုချင်တယ်။”

၂၀၁၇ ခုနှစ် ကျောက်မျက်ရတနာ ဥပဒေမူကြမ်းသည် လူတစ်စု၏ အကျိုးစီးပွားကို ဖော်ဆောင်သည့် ဥပဒေဖြစ်သောကြောင့် ပြည်သူများနှင့် နိုင်ငံတော်၏ အကျိုးစီးပွားကို ဖော်ဆောင်သည့် ဥပဒေအဖြစ်သို့ အစိုးရအနေဖြင့် ပြောင်းလဲပေးရန် ယခုကဲ့သို့ ဆန္ဒထုတ်ဖော်ရခြင်းဖြစ်သည်ဟု လူထုဆန္ဒပြပွဲအား ဦးဆောင်သူများက ပြောသည်။

ကျောက်မျက်ရတနာ၏ မူရင်းပိုင်ရှင်ဖြစ်သော ဌာနေတိုင်းရင်းသားတစ်ယောက်အနေဖြင့် ဆန္ဒထုတ်ဖော်ပွဲတွင် ပါဝင်ရခြင်းဖြစ်သည် ဟု ဦးကင်ဆားရှရွိုင်ကလည်း ယခုလိုပြောသည်။

“ဦးလေးလည်း ဒီကျောက်မျက်ရတနာလည်း ဦးလေးနဲ့သက်ဆိုင်တာပေါ့။ ပြည်သူတစ်ယောက် ကျနော်တို့ ကချင်ပြည်နယ် ပြည်သူတစ်ယောက်ဖြစ်တယ်။ ကျောက်မျက်ရတနာ ကျနော်တို့ ကချင်ပြည်နယ်ရဲ့ ကချင်လူမျိုးရဲ့ ကျောက်မျက်ရတနာပဲ ဒါကျနော်တို့ ပိုင်ရမယ်။ ကျနော်တို့တန်းတူ ကျနော်တို့ လုပ်ပိုင်ခွင့်ရှိရမယ်။”

ဆန္ဒထုတ်ဖော်ပွဲကို ကချင်နိုင်ငံရေးပါတီများ၊ ကချင်လူမှုအဖွဲ့အစည်းများ၊ ကချင်ဥပဒေပညာရှင်များ၊ ကျောက်မျက်လုပ်ငန်းရှင်များနှင့် ဒေသခံလူထုများ စုစုပေါင်း လူဦးရေ သုံးရာနီးပါးခန့်က လမ်းလျှောက် ဆန္ဒထုတ်ဖော်ခဲ့ကြသည်။

ဆန္ဒထုတ်ဖော်ပွဲတွင် ကချင်ပြည်နယ်ကျောက်စိမ်း ကချင်နှင့်နိုင်ငံသားတိုင်းရင်းသား လက်ထဲရှိရေး-ဒို့အရေး၊ အကြီးစားလုပ်ကွက်အလိုမရှိ-အလိုမရှိ၊ စက်ယန္ဒရားကန့်သတ်ရေး အမြန်လုပ်ပေးရေး-ဒို့အရေး၊ ကျောက်မျက် ဥပဒေအမြန်ပြဋ္ဌာန်းပေးရေး-ဒို့အရေး၊ ကချင်လူမျိုးများနှင့် နိုင်ငံသားတိုင်းရင်းသား များ ကျောက်မျက်ထုတ်လုပ်ရေးကဏ္ဍ တန်းတူအခွင့်အရေး ရရှိရေး-ဒိုအရေး စသည်ကြွေးကြော်သံ များဖြင့် လမ်းလျှောက်ချီတက်ကာ ဆန္ဒထုတ်ဖော်ခဲ့ကြသည်။

ဆန္ဒထုတ်ဖော်ပွဲတွင် ပါဝင်သူ ကချင်လူမှုဖွံ့ဖြိုးရေးကွန်ရက်မှ အဖွဲ့ဝင်တစ်ဦးက “ဘာလို့ပါလဲဆိုရင် ဒီ ၂၀၁၇ ကျောက်မျက်ဥပဒေကို အဲဒါကို အလိုမရှိလိုပေါ့နော။ ကိုယ့်အတွက် အကျိုးပြုတဲ့ ဥပဒေ မဟုတ်ဘူးပေါ့။ ဒါကြောင့်မို့လို့ အဲကြောင့် မလိုလားကြောင်း ပါဝင်ရခြင်းဖြစ်ပါတယ်” ဟုပြောသည်။

အဆိုပါ ဥပဒေမူကြမ်းမှာ အကြီးစား စီမံကိန်းများကို ဆက်လုပ်လုပ်ဆောင်နိုင်ခွင့်ပေးထားခြင်း၊ လုပ်ငန်းရှင်ကြီးများနှင့် နိုင်ငံခြားသားများသာ လုပ်ဆောင်နိုင်ခြင်း၊ ဒေသခံများနှင့် နိုင်ငံသားများ၏ လုပ်ပိုင်ခွင့်ကို ကန့်သတ်ထားသည်ဟု လူထုဆန္ဒထုတ်ဖော်ပွဲ ဖြစ်မြောက်ရေး ဦးဆောင်သူများက ပြောသည်။

သတင်းနှင့် မီဒီယာ ကွန်ရက်။
http://www.nmg-news.com/

လက်မှုပညာ လုပ်ငန်းဖြစ်သည့် စစ်ကိုင်းအိုးလုပ်ငန်း ရေရှည်တွင် ကွယ်ပျောက်နိုင်ဟုဆို


စစ်ကိုင်း ၂၈ ဖေဖော်ဝါရီ

စစ်ကိုင်းမြို့၊ အိုးဘိုရပ်ကွက်တွင် ရှေးယခင်ကတည်က ပြုလုပ်နေသည့် မိရိုးဖလား လက်မှုပညာ အိုးလုပ်ငန်းမှာ လက်ရှိ အချိန်တွင် ကုန်ကြမ်းမြေ ဈေးကြီးမြင့်ပြီး ရှားပါးလာမှုနှင့် အလုပ်သမား ရှားပါးလာမှုတို့ကြောင့် ရေရှည်တွင် ကွယ်ပျောက်လာနိုင်ကြောင်း အိုးလုပ်ငန်း လုပ်ကိုင်သူများက ပြောသည်။

အိုးလုပ်ငန်းများတွင် အသုံးပြုသော မြေနီ၊ မြေနက်မှာ ယခင်က အိုးဘိုရပ်ကွက် အနီးတွင် လွယ်လင့်တကူ ရရှိသော်လည်း ယခုအခါတွင် မင်းကွန်းဒေသသွားသည့် ပယ်ငါးဆယ်၊ ခိုတောင် ချောင်းပေါက် စသည့်ကျေးရွာများမှ မြေနီများကို မှာယူဝယ်ယူနေရပြီး ကုန်ကြမ်းများ ဈေးနှုန်းမြင့်တက်လာခြင်းနှင့်အတူ သယ်ယူခများ မြင့်တက်လာခြင်း၊ အလုပ်သမား ရှားပါးလာခြင်းတို့ကြောင့် အိုးလုပ်သူတချို့ လုပ်ငန်းရပ်ဆိုင်းကာ အလုပ်အကိုင်အသစ်များ ရှာဖွေလုပ်ကိုင်လာကြောင်း သိရသည်။

"အရင်တုန်းကတော့ ဒီက လူတွေအများစုက အိုးလုပ်ငန်းကို အဓိကထား လုပ်တာဗျ၊ ခုဆို လုပ်တဲ့သူ နည်းလာတယ် ဘာလို့လဲ ဆိုတော့ ကုန်းကြမ်းဖြစ်တဲ့ မြေနီ၊ မြေနက် ဈေးကလည်း ကြီးလာတယ်၊ ဝယ်ယူလို့တော့ရတယ် ဒါပေမယ့် ဝယ်ယူတဲ့ အခါမှာ ကြိုတင်မှာယူ ရတာပေါ့။ အရင်ကလို လိုသလောက် မရတော့ဘူး၊ အရင်တုန်းက မြေနီကို ဒီအိုးဘိုရပ်ကွက် ဝန်းကျင်မှာပဲ တူးလို့ရတယ်။ ၀ယ်လို့ရတယ်။ ခုကျမြေနီရော၊ မြေနက်ပါ ရှားလာတယ်။ မင်းကွန်းသွားတဲ့ လမ်းက ပယ်ငါးဆယ်၊ ခိုတောင် ချောင်းပေါက်ရွာ တွေဘက်က မြေနီ ထော်လာဂျီတစ်စီး ငွေ(၃၀၀၀၀) ကျော်၊ မြေနက်က ထော်လာဂျီ တစ်စီး (၂၀၀၀၀) ကျော် ပေးဝယ်နေရတယ် "ဟု စစ်ကိုင်းအိုး လုပ်ကိုင်သူ တစ်ဦးက ပြောသည်။


အခြားဒေသထွက် အိုးများထက် စစ်ကိုင်းဒေသထွက် သောက်ရေအိုးသည် အေးမြသောဓာတ်ကို ပေးစွမ်းနိုင်သောကြောင့် မြန်မာပြည်အနှံ့အပြားတွင် စစ်ကိုင်းအိုးဟု ကျော်ကြားလျက်ရှိပြီး အနယ်နယ်အရပ်ရပ်မှ ဝယ်ယူသုံးစွဲ လျက်ရှိပြီး ယခင်က အိုးလုပ်ငန်းကို နှစ်ပတ်လည် လုပ်ကိုင်ကြသော်လည်း ယခုအခါတွင် မိုးလေကင်းစင်သော တန်ဆောင်မုန်းလမှ တန်ခူးလ အထိသာ လုပ်ကိုင်ကြကြောင်း သိရသည်။

ကုန်ချောအနေဖြင့် ထွက်ရှိလာသည့် အိုးများကို ကျောက်ဆည်၊ မြစ်သား၊ မြို့သာ၊ မန္တလေး၊ တံတားဦး၊ ငါန်းဇွန် စသည့် မြို့နယ်များသို့ ဖြန့်ဖြူးရောင်းချ လျက်ရှိသည့်အပြင် အိုးလုပ်ငန်း လုပ်ကိုင်သူ အများစုမှလည်း ကိုယ်တိုင်ရောင်းချ လျက်ရှိကြောင်း အိုးလုပ်ငန်း လုပ်ကိုင်သူများထံက သိရသည်။

''ဒီအိုးလုပ်ငန်းက မိုးတွင်းတစ်တွင်းလုံးဆို နားရတယ်၊ နွေအခါနဲ့ဆောင်း ရာသီလောက်ပဲ လုပ်ကိုင်ကြရတယ်၊ အဲဒါကြောင့် ပုံမှန်ဝင်ငွေ မရှိဘူး၊ ပုံမှန်ဝင်ငွေ မရှိတော့ မျိုးဆက်သစ်ကလေးလည်း မသင်ယူကြတော့ဘူးဗျာ၊ အိုးလုပ်ငန်း လုပ်ကိုင်မယ့် မျိုးဆက်သစ် ကလေးတွေ မရှိတော့ ရှေ့လျောက် အိုးလုပ်ငန်းက ကောင်းလာနိုင်ဖို့ အလားအလား မရှိတော့ဘူး၊ တိမ်ကောပျောက်ကွယ်သွားနိုင်တယ်"ဟု စစ်ကိုင်း အိုးလုပ်ကိုင်သူတစ်ဦးက ထပ်မံ ပြောသည်။

ရှေးမြန်မာမင်းအဆက်ဆက် လက်ထပ်ကတည်းက စစ်ကိုင်းမြို့ အိုးဘိုရပ်ကွက်သည် အိုးလုပ်ငန်းဖြင့် အသက်မွေးဝမ်းကြောင်း ပြုခဲ့သော ရပ်ကွက်ဖြစ်ပြီး "အိုးဘို" ရပ်ကွက်ဟု အမည်ပေးခဲ့ခြင်း ဖြစ်ကာ ၁၉၈၆ -၁၉၈၇ ခုနှစ် အတွင်းထိ ရွာလုံးနီးပါး အိုးလုပ်ငန်းကို လုပ်ကိုင်ကြသော်လည်း ယခုအခါတွင် အိမ်ခြေ (၃၀၀) ကျော်ရှိသည့်အနက် အိမ်ခြေ (၁၀၀) ဝန်းကျင်သာ အိုးလုပ်ငန်းကို လုပ်ကိုင်နေကြပြီး ကျန်အိမ်ထောင်စုများမှာ ရက်ကန်းလုပ်ငန်းနှင့် အခြား အသက်မွေးဝမ်းကြောင်း လုပ်ငန်းများကို ပြောင်းရွေ့လုပ်ကိုင် လျက်ရှိကြောင်း သိရသည်။

ရဲထက်ဇော် (စစ်ကိုင်း)
Myanmar Digital News
https://www.facebook.com/MyanmarDigitalNews

ဘုရားအတွင်းမှ အလှူခံပုံးခိုးယူသူအား စုံစမ်းဖော်ထုတ် ဖမ်းဆီးရမိ


ရန်ကုန်၊ ဖေဖော်ဝါရီ ၂၈

၁၅.၂.၂၀၁၈ ရက်နေ့ နံနက် ၀၈၀၀ နာရီအချိန်တွင် မဟာကျိန်သစ္စာရှင် ဘုရားဂေါပကအဖွဲ့များသည် ဘုရားအတွင်းထားရှိသည့် အလှူခံပုံးများကို လိုက်လံကြည့်ရှုစစ်ဆေးခဲ့ရာ အဓိဌာန်အောင် န၀ကမ္မအလှူခံပုံးမှာ ပျောက်ဆုံးနေကြောင်း သိရှိရသဖြင့် အလှူခံပုံးအား လိုက်လံရှာဖွေရာ
ဘုရားပရ၀ဏ်အပြင်ဘက်မှ ပုံးခွံအား ပြန်လည်တွေ့ရှိရကြောင်း သိရသည်။

ဘုရားအတွင်းတပ်ဆင်ထားသည့် CCTV မှတ်တမ်းအရ ခိုးယူသူမှာ အင်္ကျီ အဖြူရောင်လက်ရှည်၊ ဘောင်ဘီအနက်ဝတ်ဆင်ထားပြီး ချောကလပ်ရောင်ဦးထုပ်ဆောင်းထားကာ အနက်ရောင် နှာခေါင်းစည်း တပ်ဆင်ထားသူဖြစ်ကြောင်းပြောပြ တိုင်တန်းချက်အရ မြောက်ဥက္ကလာပမြို့ မရဲစခန်း (ပ)၂၁၅/ ၂၀၁၈၊ ရာဇသတ်ကြီးပုဒ်မ ၃၈၀ဖြင့် အမှုဖွင့်ကာ ခိုးယူသွားသူအား ဖမ်းဆီးရမိရေး စုံစမ်းဆောင်ရွက်ခဲ့သည်။

အမှုမှ ပြစ်မှုကျူးလွန်သူအား ဖမ်းဆီးရမိရေးအတွက် မြောက်ဥက္ကလာပမြို့မ ရဲစခန်းမှတပ်ဖွဲ့ဝင်များက စုံစမ်းဆောင်ရွက်ခဲ့ရာ ၎င်းအမှုအား ကျူးလွန်သူမှာ မြောက်ဥက္ကလာပမြို့နယ်၊ ရွှေပေါက္ကံမြို့သစ်၊ (၁၂)ရပ်ကွက်တွင် နေထိုင်သူ ဇော်ထက်ဖြစ်ကြောင်း အတည်ပြုနိုင်ခဲ့ပြီး ဖမ်းဆီးရမိရေး ဆက်လက်ဆောင်ရွက်ခဲ့ရာ ၂၇.၂.၂၀၁၇ ရက်နေ့ ညနေ ၁၇း၃၅နာရီအချိန်တွင် ဇော်ထက်အား ရွှေပေါက္ကံမြို့သစ်၊ မင်းထူးကျော်လမ်းရှိ လက်ဘက်ရည်ဆိုင်အတွင်းမှ ဖမ်းဆီးရမိခဲ့ပြီး ၎င်းထံမှတွေ့ရှိသော ကျောပိုးအိတ်အား စစ်ဆေးရာ အခင်းဖြစ်စဉ်ဝတ်ဆင်ခဲ့သည့် အ၀တ်အစား များနှင့် ဦးထုပ်တို့အား ရှာဖွေတွေ့ရှိ သိမ်းဆည်းရမိခဲ့သည်။

ဖမ်းဆီးရမိသူ ဇော်ထက်စစ်ဆေးရာ ၎င်းသည် နံနက် ၀၁း၀၀နာရီအချိန်တွင် မဟာကျိန်သစ္စာရှင်ဘုရားသို့ရောက် ရှိခဲ့ပြီး အလှူခံပုံးအား ခိုးယူခဲ့ခြင်းဖြစ်ကြောင်းနှင့် အလှူခံပုံးအတွင်းမှ ငွေကျပ် ၁၆၅၀၀၀ကျပ်တို့ပါရှိကြောင်း ပေါ်ပေါက်ခဲ့သဖြင့် အမှုဖြင့် ဆက်လက်အရေးယူ ဆောင်ရွက်လျက်ရှိကြောင်း သတင်းရရှိသည်။

Yangon Police
https://www.facebook.com/yangonpolice

တိုက်ပွဲကြောင့်ပြေလည်မှုရအောင် ကေအန်ယူနဲ့မွန်ပြည်သစ်ပါတီ ညှိနှိုင်း

 ကေအန်ယူဌာနချုပ် လေးဝါးစခန်းမှ ကေအန်ယူတပ်သားများ
မြန်မာအစိုးရနဲ့ အပစ်အခတ်ရပ်စဲထားတဲ့ တိုင်းရင်းသားလက်နက်ကိုင်အဖွဲ့နှစ်ဖွဲ့ ဖြစ်တဲ့ ကရင်အမျိူးသားအစည်းအရုံး ကေအန်ယူနဲ့ မွန်ပြည်သစ်ပါတီ တပ်ဖွဲ့တွေအကြား မွန်ပြည်နယ် ရေးမြို့နယ်မှာ အသေးစားတိုက်ပွဲဖြစ်ခဲ့ပြီး နှစ်ဖက်ကိုယ်စားလှယ်တွေ ပြေလည်မှုရအောင်ဖြေရှင်း နေရတယ်လို့ သိရတယ်။

ရေးမြို့နယ်မာန်အောင်ရွာအနားမှာ ကေအန်ယူ တပ်မဟာ ၆ လက်အောက်ခံ တပ်ဖွဲ့ဝင်နဲ့ မွန်ပြည်သစ် ပါတီတပ်ဖွဲ့ဝင်တွေ အကြား ဖေဖော်ဝါရီ ၂၄ရက်နေ့က ရှောင်တခင်တိုက်ပွဲ တခုဖြစ်ခဲ့ပြီး မွန်ပြည်သစ်ပါ တီက ကေအန်ယူစစ်သားရဲ့သေနတ်နှစ်လက်နဲ့ ရွာသားတယောက်ကို ဖမ်းဆီးခဲ့တယ်လို့ ကေအန်ယူက ပြောပါတယ်။

ကေအန်ယူကတော့ သူတို့ တပ်ဖွဲ့ဝင်တွေကို မွန်ပြည်သစ်ပါတီစစ်သားတွေက လာရောက်ပစ်ခတ်ခဲ့လို့ ပြောပေမဲ့ မွန်ပြည်သစ်ပါတီကတော့ သူတို့ဌာနချုပ်နားမှာ ကေအန်ယူစစ်သားနဲ့သစ်ခိုးထုတ်သူတွေ ဝင်လာတဲ့အတွက် တိုက်ခိုက်နှိမ်နင်းရတာဖြစ်တယ်လို့ မွန်ပြည်သစ်ပါတီက ပြောပါတယ်။

ကေအန်ယူ တပ်မဟာ ၆ က တာဝန်ရှိသူတယောက် ဖြစ်တဲ့ ပဒိုစောအက်ဒဝပ်က တိုက်ပွဲမှာ ကေအန်ယူစစ်သားတွေက ထိခိုက်ဒဏ်ရာရတာမရှိပေမဲ့ လက်နက်တချို့ဆုံးရှုံးတယ်လို့ ဘီဘီစီကို ပြောပါတယ်။

လွန်ခဲ့တဲ့လကလည်း သစ်ခိုးထုတ်သူ ၄၀ ကျော်ကို မွန်ပြည်သစ်ပါတီက ဖမ်းဆီးထိန်းသိမ်းခဲ့ဖူးပါတယ်။ ဒါပေမယ့် ကေအန်ယူတာဝန်ရှိသူတွေက လာရောက်ညှိနှိုင်းလို့ ပြန်လွှတ်ပေးခဲ့တယ်လို့ မွန်ပြည်သစ်ပါတီရဲ့ ပြောရေးဆိုခွင့်ရှိသူ နိုင်အောင်မငေးက ပြောပါတယ်။

တိုက်ပွဲဖြစ်ပြီးနောက် မွန်ပြည်သစ်ပါတီက သိမ်းယူခဲ့တဲ့ လက်နက်နဲ့ ရွာသားကို ပြန်လွှတ်ပေးဖို့ ကေအန်ယူဖက်က တောင်းဆိုထားပါတယ်။ မွန်ပြည်သစ်ပါတီကတော့ သူတို့ထိပ်ပိုင်းခေါင်းဆောင်တွေက နေပြည်တော်မှာ ခရီးလွန်နေတဲ့အတွက် ညှိနှိုင်းမှုတွေမပြီးပြတ်သေးဘူးလို့ နိုင်အောင်မငေးက ပြောပါတယ်။

မွန်ပြည်သစ်ပါတီနဲ့ ကေအန်ယူအကြားမှာ အရင်ကလည်း နယ်မြေအငြင်းပွားမှုတွေ ရှိခဲ့ဖူးပါတယ်။ ကေအန်ယူနဲ့မွန်ပြည်သစ်ပါတီအကြား ပြေလည်မှုရရှိဖို့ မြန်မာအစိုးရဖက်က နယ်လုံဝန်ကြီးဌာနက တာဝန်ရှိသူတွေလည်း ကြားဝင်ဖြေရှင်းပေးတယ်လို့ မွန်ပြည်သစ်ပါတီက ပြောပါတယ်။

BBC Burmese
http://www.bbc.com/burmese

အင်း​တော်​မြို့နယ်​အတွင်းမှာ ကျောက်​စိမ်းအရိုင်းတုံး (၄၇၅)ပိဿာဖမ်းမိ


ကသာ - ဖေဖော်ဝါရီ ၂၈

စစ်​ကိုင်းတိုင်း​ဒေသကြီး၊ ကသာခရိုင်​၊ အင်း​တော်​မြိုနယ်​အတွင်း​ ရွှေဘို - မြစ်​ကြီးနားသွား ကားလမ်း​ပေါ်ရှိ နဘားလမ်းဆုံ​နေရာမှ တရားမဝင် ​သယ်​​ဆောင်​လာ​သော ​ကျောက်​စိမ်းအရိုင်းတုံး (၄၇၅) ပိဿာကို သယ်​​ဆောင်​လာသူနှစ်​ဦးနှင့်​ အတူ ဖမ်းမိခဲ့​ကြောင်း သိရပါသည်​။

ဖြစ်​စဉ်​မှာ ဖေဖော်ဝါရီ ၂၇ ရက်​​နေ့ည(၁၁)နာရီအချိန်​ခန့်​တွင်​ မူးယစ်​တပ်​ဖွဲ့စု(၆) ကသာမှ ရဲအုပ်​ ​ကျော်​စိုးလင်းဦး​ဆောင်​​သော မူးယစ်​ရဲတပ်​ဖွဲ့ဝင်​များသည်​ သက်​​သေများနှင့်​အတူ အင်း​တော်​မြို့နယ်​အတွင်းရှိ​ ရွှေဘို - မြစ်​ကြီးနား သွားလမ်း​ပေါ် နဘားလမ်းဆုံတွင်​ သတင်းအရ ​စောင့်​ဆိုင်း​နေစဉ်​ မိုးညှင်းမြို့ဘက်​မှ​ ကျော်​မြင့်​လွင်​(ခ)အာကာလွင်​ဆိုသူ ​မောင်းနှင်​ပြီး ထွန်း​ဇော်​ဦး(ခ)​မောင်​ထွန်း လိုက်​ပါလာ​သော 2H ----- ယာဉ်​အား မသင်္ကာ၍ ရပ်​တန့်​ စစ်​​ဆေးရာ ယာဉ်​​မောင်​၏ ​ရှေ့ဒက်​စ်​ဘုတ်​​ပေါ်မှ ဟင်း​ဆက်​နှစ်​လုံးနှင့်​အတူ ဘိန်းစိမ်း ၅ ဂရမ်​အား​တွေ့ရှိရ၍ ၎င်းယာဉ်​အား အ​သေးစိတ်​ရှာ​ဖွေ စစ်​​ဆေးရာ ယာဉ်​၏ကြမ်းခင်းအတွင်း၌ အံဝှက်​များပြုလုပ်​၍ သယ်​​ဆောင်​ လာ​သော​ တရားမဝင် ​​ကျောက်​စိမ်းအရိုင်းတုံး(၉၂)တုံး၊ အ​လေးချိန်​(၄၇၅)ပိဿာ ရှာ​ဖွေစစ်​​ဆေး​တွေ့ရှိရသဖြင့် တရားမဝင်​​ကျောက်​စိမ်းအရိုင်းတုံးများ သယ်​​ဆောင်​လာသူ ​ကျော်​မြင့်​လွင်​(ခ)အာကာလွင်​၊ ဆင်​ဘိုကုန်း​ကျေးရွာ၊ မိုးညှင်းမြို့နယ်​​နေသူနှင့် ထွန်း​ဇော်​ဦး(ခ)​မောင်​ထွန်းတို့နှစ်​ဦးအား အင်း​တော်​မြို့မရဲစခန်းမှ ဥပ​ဒေအရ ဖမ်းဆီးအ​ရေးယူ​ ဆောင်​ရွက်​ထား​ကြောင်း ရဲအုပ်​​ကျော်​စိုးလင်းမှ ​ပြောပြသိရှိရသည်​။

လူ​အောင်​(ကသာ)
Myanmaalinn
https://www.facebook.com/MYANMAALINNNEWS/

ပဲခူးမှာ ကြက်အသေ၊ အပုပ် ရောင်းချသူတွေကို အရေးယူပြီ


ပဲခူး၊ ဖေဖော်ဝါရီ ၂၇

ပဲခူးတိုင်းဒေသကြီး အတွင်းစား သုံးသူတွေကို အဆိပ် သင့်ပြီးဘေး ဥပါတ် အန္တရာယ်ဖြစ်စေနိုင်တဲ့ကြက်အသေ၊ အပုပ် ရောင်းချ/ဖြန့်ဖြူးသူတွေ၊ အညှော်နံ့နဲ့ အနံ့ဆိုးတွေ ထွက်အောင်ကြော်လှော်၊ စွန့်ပစ် သူတွေကို အရေးယူမှုတွေ စတင်လိုက်ပြီ ဖြစ်ပါတယ်။

ပဲခူး တိုင်းေ ဒသကြီး၊ စားသုံးသူအငြင်းပွားမှု ဖြေရှင်းရေးအဖွဲ့ အတွင်းရေးမှုး ဦးဌေးအောင်ကပဲခူးတိုင်းဒေသကြီး အတွင်း ပြည်သူတွေ စားသုံးဖို့မသင့်တဲ့ ကြက်အသေ၊ အပုတ်တွေ ရောင်းချနေသူတွေကို အရေးယူပေးဖို့ တိုင်ကြား ခဲ့တာပါ။

အဲဒီတိုင်ကြားမှု့နဲ့ ပတ်သက်ပြီး ဖေဖော်ဝါရီလ၂၇ရက်နေ့က ပဲခူးမြို့ ကျွန်းသာယာရပ်ကွက်၊ နယ်မြေ(၇)ရှိကြက်အသေ၊ အပုတ် ရောင်း ချသူ ဦးကျော်မင်းထင်(ပါ)၄ဦးကို ပဲခူးမြို့ အမှတ်(၂)နယ်မြေရဲစခန်းက (ပ)၁၆၈/၂၀၁၈၊ အမျိုးသားအစားအသောက် ဥပဒေပုဒ်မ၂၈(က)အရ အမှုဖွင့်လှစ်ပြီး အမှုစစ်ဒုရဲအုပ်ထွန်းအောင်နိုင်က စစ်ဆေးဆောင်ရွက်နေတယ်လို့ သိရပါတယ်။

သတင်း၊ ဧရာ(ပဲခူး)
Channel B Media Group
https://www.facebook.com/ChannelBMediaGroup

ရခိုင်ပဋိပက္ခဟာ ဘာသာရေးပြဿနာ မဟုတ်ကြောင်း ဝန်ကြီး ပြော

ကုလလူ့အခွင့်အရေးကောင်စီ နှစ်ပတ်လည် အစည်းအဝေးမှာ နိုင်ငံတကာပူးပေါင်းဆောင်ရွက်ရေးဝန်ကြီး ဦးကျော်တင် ကို တွေ့ရစဉ်။ Photo: RFA
မြန်မာနိုင်ငံ ရခိုင်ပြည်နယ် ပဋိပက္ခအရေးဟာ ဘာသာရေးပြဿနာမဟုတ်ဘဲ နိုင်ငံရေး၊ စီးပွားရေးနဲ့ တရား ဥပဒေ စိုးမိုးရေး ပြဿနာတွေဖြစ်ကြောင်း နိုင်ငံတကာပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင် က ပြောပါတယ်။

ဆွီဇာလန်နိုင်ငံ ဂျနီဗာမြို့မှာ မနေ့က စတင်ကျင်းပတဲ့ လူ့အခွင့်အရေးကောင်စီ နှစ်ပတ်လည် အစည်းအဝေး မှာ ပြောကြားခဲ့တာပါ။

ရခိုင်ပြည်နယ်ပြဿနာဟာ ဘာသာရေး ပြဿနာမဟုတ်ပါဘူး။ လူဝင်မှု ပြဿနာ၊ ဆင်းရဲမွဲတေမှု နဲ့ တရားဥပဒေစိုးမိုးရေး စတဲ့ နိုင်ငံရေးနဲ့ စီးပွားရေး ပြဿနာတွေပဲဖြစ်ပါတယ်။၊ အဲဒီကတဆင့် လုံခြုံရေးနဲ့ အကြမ်းဖက် ပြဿနာတွေ ပေါ်ပေါက် လာခဲ့တာပါ၊ မြန်မာနိုင်ငံမှာ ဘာသာအယူဝါဒ မျိုးစုံ ရှိပါတယ်၊ နိုင်ငံရဲ့နေရာအများအပြားမှာ မွတ်စလင် ဘာသာဝင်တွေနဲ့ တခြားဘာသာဝင်တွေကြား လူမှုပြဿနာမရှိဘဲ အေးအေးချမ်းချမ်း ရှိနေကြပါတယ် လို့ ပြည်ထောင်စုဝန်ကြီး ဦးကျော်တင်က ပြောကြားခဲ့ပါတယ်။

ဆက်လက်ပြီး အခုလို ဒုက္ခသည်တွေ ပြန်လည်လက်ခံ နေရာချထားပေးရေးနဲ့ ဒေသဖွံဖြိုးရေးတွေ ဆောင်ရွက်ဖို့ အရေးကြီးနေတဲ့အချိန်မှာ နိုင်ငံတကာအသိုင်းအ၀ိုင်းအနေရဲ့ အပြုသဘော အားပေးကူညီမှုတွေ အရေးတကြီး လိုအပ်နေကြောင်းလည်း ပြောကြားခဲ့ပါတယ်။

RFA Burmese
https://www.rfa.org/burmese

နေအိမ်​အတွင်း အမျိုးသားတစ်​ဦး ကြိုးဆွဲချ​သေဆုံး


တောင်​တွင်းကြီး ၊ ​ဖေ​ဖေါ်ဝါရီ (၂၈) ရက်​

မ​ကွေးတိုင်း​ဒေသကြီး၊​ တောင်​တွင်းကြီးမြို့ ၊ အုန်း​တော(၂)ရပ်​ကွက်​၊ အပိုင်း(၄)မှ ​နေအိမ်​အတွင်း အမျိုးသားတစ်​ဦး ကြိုးဆွဲချ​သေဆုံး​​နေ​ကြောင်း ဖေဖော်ဝါရီလ ၂၈ ရက်နေ့ ယ​နေ့မနက်​(၇းဝဝ)နာရီအချိန်​ခန့်​က ​တွေ့ရှိရပါသည်။


သေဆုံးသူမှာ ဦးတင့်လွင်​၊ အသက်​(၅၁)နှစ်​ဖြစ်​ပြီး စစ်​​ဆေးမှုများပြု လုပ်​နိုင်​ရန်​ အခင်းဖြစ်​​နေရာမှ ​တောင်​တွင်းကြီးမြို့ ရင်​ခွဲရုံသို့ ကလျာဏသုခလူမှုကူညီ​ရေးအသင်းမှ ယာဉ်​ဖြင့်​ ပို့​ဆောင်​ကူညီ​ပေးခဲ့ပါသည်​။

Kyaw Zay Ya

အာရှဘောလုံးအဖွဲ့ချုပ်ဖလား (AFC Cup) အုပ်စုဒုတိယမြောက် ပွဲစဉ်များ၌ မြန်မာကလပ်အသင်းများ နိုင်ပွဲ ကိုယ်စီရရှိ

-မြန်မာအသင်းယှဉ်ပြိုင်ကစားနေစဉ် (ဓာတ်ပုံ--MfF)
ရန်ကုန်၊ ဖေဖော်ဝါရီ ၂၈ ရက် (ဆင်ဟွာ)

    အာရှဘောလုံးအဖွဲ့ချုပ်ဖလား (AFC Cup) အုပ်စုဒုတိယမြောက် ပွဲစဉ်များ၌ မြန်မာကလပ်အသင်းများ နိုင်ပွဲ ကိုယ်စီရရှိထားကြောင်း သိရသည်။

ဖေဖော်ဝါရီလ ၂၇ ရက်နေ့တွင်  ယှဉ်ပြိုင်ကစားခဲ့သည့် အေအက်ဖ်စီဖလား အုပ်စုဒုတိယမြောက် ပွဲစဉ်များတွင် မြန်မာနိုင်ငံကိုယ်စားပြု ကလပ်အသင်းများ တူညီသော ရလဒ်များ နှင့်  နိုင်ပွဲ ကိုယ်စီရရှိခဲ့ကြခြင်းဖြစ်သည်။

ရန်ကုန်ယူနိုက်တက်အသင်းက အိမ်ကွင်းတွင် ဗီယက်နမ်ကလပ် သန်ဟွာအက်ဖ်စီ အသင်းကို ၂-၁ဂိုး ရလဒ်နှင့် အနိုင်ရရှိခဲ့တာဖြစ်ပြီး အဝေးကွင်းတွင် ယှဉ်ပြိုင်ရသည့် ရှမ်းယူနိုက်တက်အသင်းကလည်း အလားတူ ရလဒ်နဲ့ ပဲ ဘွန်ကတ်အန်ကောအသင်းကို အနိုင် ရရှိခဲ့ခြင်းဖြစ်သည်။

ကမ္ဘောဒီးယားမြေမှာ ယှဉ်ပြိုင်ခဲ့သည့် ဘွန်ကတ်အသင်းနှင့် ရှမ်းယူနိုက်တက်တို့  ပွဲစဉ်တွင်  အိမ်ရှင်အသင်းက ၂၈ မိနစ်၌ ဦးဆောင်ဂိုး သွင်းယူခဲ့သော်လည်း ၄၂ မိနစ်၌ ဒွေးကိုကိုချစ်က ချေပဂိုးနှင့်  ၅၅ မိနစ်၌ ခရစ္စတိုဖာတို့ က အနိုင်ဂိုးတွေ သွင်းယူပြီး နိုင်ပွဲတစ်ပွဲကို ဖော်ဆောင်နိုင်ခဲ့ခြင်း ဖြစ်ကြောင်း သိရသည်။

ရှမ်းယူနိုက်တက် အသင်းအတွက်ေ(AFC Cup)  ပထမဦးဆုံးနိုင်ပွဲဖြစ်ခဲ့ပြီး ရန်ကုန်ယူနိုက်တက် အသင်းအတွက် ဒုတိယမြောက်နိုင်ပွဲဆက်ခဲ့ခြင်းဖြစ်ကြောင်း၊ ရန်ကုန်အသင်းအတွက် သွင်းဂိုးများကို ကွင်းလယ်လူ ယာမာဆာကီက ၆၇ မိနစ်| လူငယ်တိုက်စစ်မှူး အီစိုးက လူစားဝင်လာပြီး ၈၈ မိနစ် တို့၌ သွင်းယူပေးခဲ့ခြင်းဖြစ်ကြောင်း သိရသည်။

၂၀၁၈ ခုနှစ် အုပ်စု တတိယမြောက်ပွဲစဉ်များကို မတ်လ ၆ရက်နှင့် ၇ ရက်နေ့ များတွင် ဆက်လက် ကျင်းပသွားမှာဖြစ်ပြီး ဖိလစ်ပိုင်ကလပ်အသင်းများ နှင့်  ရင်ဆိုင်ရမှာဖြစ်ကြောင်း၊  ရှမ်းယူနိုက်တက်အသင်းသည်  ဆီရီးနီဂရိုးစ် အသင်းနှင့်  အဝေးကွင်းပွဲစဉ်၊ ရန်ကုန်ယူနိုက်တက်အသင်းသည် ဂလိုဘယ်အသင်းနှင့် အိမ်ကွင်းပွဲစဉ် ဆက်လက်ယှဉ်ပြိုင် ကစားသွားရမှာဖြစ်ကြောင်း မြန်မာနိုင်ငံဘောလုံးအဖွဲ့ ချုပ်မှ သတင်းထုတ်ပြန်သည်။

(Xinhua)
http://xinhuamyanmar.com

ယူကရိန်းပါလီမန် အနီးတွင် ရဲတပ်ဖွဲ့ဝင်များ နှင့် ဆန္ဒပြသူများအကြား ပဋိပက္ခများဖြစ်ပွားရာ ရဲတပ်ဖွဲ့ဝင် ၁၁ဦး ဒဏ်ရာရရှိ

ယူကရိန်းပါလီမန် အနီးတွင် ရဲတပ်ဖွဲ့ဝင်များ နှင့် ဆန္ဒပြသူများအကြား ပဋိပက္ခများဖြစ်ပွားစဉ် (ဆင်ဟွာ)
 ကီးအက်ဗ်၊ ဖေဖော်ဝါရီ ၂၈ ရက် (ဆင်ဟွာ)

    ယူကရိန်းနိုင်ငံ ပါလီမန်အနီးတွင် ဖေဖော်ဝါရီ ၂၇ ရက် က ရဲတပ်ဖွဲ့ဝင်များ နှင့် ဆန္ဒပြသူများအကြား ပဋိပက္ခများဖြစ်ပွားရာ အနည်းဆုံး ရဲတပ်ဖွဲ့ဝင် ၁၁ဦး ဒဏ်ရာရရှိခဲ့ကြောင်း အာဏာပိုင်များက ပြောကြားခဲ့သည်။

တက်ကြွလှုပ်ရှားသူအုပ်စုတစ်စု သည် ပါလီမန်အဆောက်အအုံ အပြင်ဘက်ရှိ ရင်ပြင်သို့ ကားတာယာများ ယူဆောင်လာပြီး မီးရှို့ရန်ကြိုးပမ်းရာမှ ပဋိပက္ခများဖြစ်ပွားခဲ့ကြောင်း ပြည်ထဲရေးဝန်ကြီးဋ္ဌာန၏ သတင်းထုတ်ပြန်ရေး ဋ္ဌာနက ထုတ်ပြန်ခဲ့သည်။

ရဲတပ်ဖွဲ့သည် ဆန္ဒပြသူများ မီးရှို့ခြင်းကို တားဆီးရန် ကြိုးစားခဲ့သော်လည်း ဆန္ဒပြသူများက ရဲတပ်ဖွဲ့ဝင်များအား ကျောက်တုံးများ၊ အရက်ပုလင်းများကို မီးရှို့၍ ပစ်ပေါက်ခဲ့ကြောင်း ထုတ်ပြန်ချက်၌ပါရှိသည်။

ပဋိပက္ခမှုများဖြစ်ပွားပြီးနောက် ဆန္ဒပြသူ ၉ဦးကို ဖမ်းဆီးထိန်းသိမ်းခဲ့ကြောင်း သိရသည်။

ဖေဖော်ဝါရီ ၂၇ရက် အစောပိုင်းတွင် ပါလီမန် အပြင်ဘက်၌ မတူညီသော အုပ်စုများမှ ဆန္ဒပြသူများ စုဝေးပြီး အကျင့်ပျက်ခြစားမှု တိုက်ဖျက်ရေး တရားရုံးတစ်ခု ထွက်ပေါ်လာရေး ဥပဒေတစ်ရပ်ကို ဥပဒေပြုအမတ်များက လုပ်ဆောင်ပေးရန်၊ ဗဟိုဘဏ် ဥက္ကဋ္ဌသစ်အား ခန့်အပ်ရန် နှင့် စစ်မှုထမ်းများ၏ ပင်စင်လစာအား တိုးမြှင့်ပေးရန် တောင်းဆိုခဲ့ရကြောင်း သိရသည်။

(Xinhua)
http://xinhuamyanmar.com

၁၃ နှစ်အရွယ် မိန်းကလေးငယ်အား မိခင်ရှေ့တွင် ခြိမ်းခြောက်ပြီး ပထွေးမှ အဓမ္မပြုကျင့်မှုဖြစ်ပွား


ပေါင်းတည် ဖေဖေါ်ဝါရီ ၂၇။

ပဲခူးတိုင်းဒေသကြီး ပေါင်းတည်မြို့နယ် ပျံချီတက်အုပ်စု ညောင်နီပင်ရွာတွင် (၁၃)နှစ်အရွယ်မိန်းကလေးကို ပထွေးဖြစ်သူမှ သားမယားပြုကျင့်သဖြင့် မိခင်ဖြစ်သူကိုယ်တိုင် ဖေဖော်ဝါရီ၂၇ရက်နေ့တွင် မှတ်တိုင်ရဲစခန်းကို လာရောက် တိုင်ကြားခဲ့ကြောင်း သိရသည်။

ဖြစ်စဉ်မှာ ဖေဖော်ဝါရီ၂၆ရက်နေ့ ည၁၀ နာရီခန့်တွင် ကျူးလွန်ခံရသူ မိန်ကလေးမ…….၁၃နှစ်၊မ…..၁၁နှစ် နှင့်အတူ မိခင်တရားလိုတို့(၄)ဦးသား အတူအိပ်နေစဉ် ပထွေးဖြစ်သူ နိင်နိင်စိုး(ခ)ဘီချဲမှ မ…..၁၃နှစ်ကို ၎င်းဘေး၌ လာအိပ်ရန်ပြောရာ အရက်မူးနေသဖြင့် တရားလိုမှ မအိပ်ရန်ပြောဆိုသော်လည်း မရသဖြင့် အတူအိပ်စဉ် ပထွေးဖြစ်သူမှ သမီးဖြစ်သူ မ….၁၃နှစ်အား သားမယားပြုကျင့်နေသည်ကို မြင်သဖြင့် တားမြစ်ရာ ပထွေးဖြစ်သူ နိုင်နိုင်စိုး(ခ)ဘီချဲမှ ''အရှက်မကွဲချင်ရင် မအော်နဲ့ အော်ရင် ဓါးနှင့်ထိုးမည်”ဟုပြောပြီး ဓါးဦးချွန်အား ဘေးတွင် ချထားကာ သမီးဖြစ်သူအား သားမယားအဖြစ် ဆက်လက်ပြုကျင့်ခဲ့ကြောင်း ဖေဖေါ်ဝါရီ(၂၇) ရက်နေ့နံနက်က နယ်မြေခံရဲစခန်းသို့ လာရောက်တိုင်ကြားကြောင်း သိရသည်။

အဆိုပါအမှုမှ တရားခံနိင်နိင်စိုး(ခ)ဘီချဲကို မှတ်တိုင်ရဲစခန်းမှ (ပ)၂၂/၁၈ ရာဇသတ်ကြီးပုဒ်မ(၃၇၆) ဖြင့်အမူဖွင့် ဖမ်းဆီးထားကြောင်း မှတ်တိုင်ရဲစခန်းမှူး ရဲအုပ်မျိုးကျော်သူထံမှ သိရသည်။

အောင်ကြီး(မြေလတ်ဒေသ)
Myae Latt Region News Agency
https://www.facebook.com/MLRnewsagency/

မတ်ပဲဈေးကျပြီး အထွေထွေစရိတ် မြှင့်တက်နေတာကြောင့် တောင်သူများ အရှုံးပေါ်နေ


အုတ်ဖို၊ဖေဖော်ဝါရီ ၂၆။

မတ်ပဲပေါ်ချိန် ရောက်ရှိလာသော်လည်း မတ်ပဲဈေးမှာ ကျဆင်းလာ၍ မတ်ပဲစိုက်တောင်သူများ စိုက်ပျိုးစရိတ်နှင့် သွင်အားစုများ အလုပ်သမားခများ မကျေဘဲ အရှုံးပေါ်နေသည်ဟု မတ်ပဲစိုက်တောင်သူများထံမှသိရသည်။
 “မတ်ပဲဈေးက တဖြည်းဖြည်းကျလာတယ် အရင်နှစ်က ဒီအချိန်ဆို မတ်ပဲတစ်တင်းခွဲတစ်အိတ်ကို ကျပ်၃၆၀၀၀ ဒီနှစ် ၁၈၀၀၀ ဆိုတော့ ဈေးတအားကျတယ် မတ်ပဲရဲ့ စိုက်ပျိုးစရိတ် ၊ သွင်းအားစုတွေဖြစ်တဲ့ ဆေးဖိုး မျိုးဖိုး နဲ့ လုပ်အားခက တစ်ဧကကို ကျပ်၂၀၀၀၀၀ လောက်ကုန်တယ် ။ အထွက်နှုန်းက တစ်ဧကကို တင်း၂၀နီးပါးလောက်ဘဲထွက်တော့ လုပ်အားခ မကျေဘဲ အရှုံးပေါ်နေပါတယ်”ဟု အုတ်ဖိုမြို့နယ် အောင်သပြေစမ်းရွာမှ တောင်သူဦးဋ္ဌေးကျော်မှ ပြောသည်။

အလုပ်သမား ရှားပါးနေသည့်အပြင် အလုပ်သမားဌားခ ဈေးမကျတာကြောင့် တောင်သူများ အခက်ခဲတွေ့နေကျသည်။
 “ထမင်းကျွေး စရိတ်ငြိမ်း လယ်တစ်ကြိုးကို ၇၀၀၀ ပေးဌားတာတောင် လုပ်တဲ့သူရှားတယ် အဲ့ဒီအပြင် မတ်ပဲဈေးကကျဆင်းနေလို့ ကျွန်တော်တို့ တောင်သူတွေ အရှုံးပေါ်နေပါတယ်”ဟု တောင်သူဦးပေါက်ကြီးက ရှင်းပြသည်။ မတ်ပဲကိုဆောင်းသီးနှံအဖြစ် စိုက်ပျိုးလျက်ရှိကြရာ အုတ်ဖိုမြို့နယ် လယ်ပတောအုပ်စုတွင် မတ်ပဲစိုက်ဧက ၃၀၀၀ခန့်ရှိကြောင်း သိရှိရသည်။

ဝေဇင်ကြည်(ဇီးကုန်း)
Myae Latt Region News Agency
https://www.facebook.com/MLRnewsagency/

တာပိန်မြစ်ပေါ်ဆောက်ထားသည့် ပေပေါင်း ၁၇၀၀ ကျော်ရှည်သည့် ၀ါးတံတား


ဒီတံတားဟာ ဗန်းမော်မြို့နယ် စင့်ကင်စံပြကျေးရွာနဲ့ ရွှေကျီးနား ကျေးရွားတို့ကို ဆက်သွယ်ထားတဲ့ ၀ါးတံတားရှည်ဖြစ်ပါတယ်။

ယခုဝါးတံတားကို စင့်ကင် ရွာသူရွာသားတွေက နှစ်စဉ် နိုဝင်ဘာလတွင် တည်ဆောက်လျှက်ရှိပါတယ်။ ဒီတစ်တံတား သက်တမ်းကတော့ နှစ်စဉ် ဒီဇင်ဘာလမှ မေလ ကုန်ထိသာဖြစ်ပါတယ်။

မေလကုန်ပြီဆိုရင်တော့ ဒီတံတားပေါ်က မသွားရတော့ပဲ မြို့နယ်အုပ်ချုပ်ရေးကနေ လေလံပေးထားတဲ့ စက်လှေများဖြင့် အခကြေးငွေပေးကာ ပြန်လည် သွားလာရပါတယ်။

မေလကုန်ပြီဆို တံတား ကောင်းနေရင်လည်း တံတားပေါ်ကနေ မသွားရတော့ပဲ စက်လှေကိုသာစီးပြီး သွားရပါတယ်။ ထိုတံတားကို ကျေးရွာပေါင်းများစွာမှ လူဦးရေ နှစ်သောင်းကျော်က ဖြတ်သန်းသွားလာ အသုံးပြုကြတာဖြစ်ပါတယ်။
ဒီတံတားကို စင့်ကင် ရွာသားတွေ ၁၉၇၅ ခုနှစ်မှ စတင်ပြီး နှစ်စဉ်နှစ်တိုင်း တည်ဆောက်လာသည်မှာ နှစ်ပေါင်း ၄၃ နှစ်ရှိပြီဖြစ်သည်။

တံတား တည်ဆောက်ရာတွင် ပါဝင်တဲ့ စင်ကင့်ရွာသားများကတော့ ဒီတံတားကို ဖြတ်ခမပေးရပါဘူး။ သို့ပယ်မယ့် တံတားဆောက်ရာတွင် မပါဝင်တဲ့ အခြားရွာသားများကတော့ လူတစ်ဦးကို ၃၀၀ ကျပ် ဆိုင်ကယ်ပါရင် ၅၀၀ ကျပ်ပေးရပါတယ်။

ငွေကောက်ခံရခြင်းသည်လည်း တံတားအား ပြုပြင်ထိန်းသိမ်းရန်နဲ့ နောက်နှစ်တံတားပြန်ဆောက်ရာတွင်အသုံးပြုဖို့ ကောက်ခံခြင်းဖြစ်ပါသည်။

Kachinwaves
https://www.facebook.com/kachinwavesnews

တရုတ်သမ္မတသက်တမ်း ပြင်ဆင်မှုကို ဝေဖန်ကန့်ကွက်တဲ့စာ စိစစ်ရေးဖြတ်ခံရ


သမ္မတသက်တမ်းကို နှစ်ကြိမ်ထက်ပိုထမ်းဆောင်ခွင့်မရှိတဲ့ ဖွဲ့စည်းပုံအခြေခံဥပဒေကို ပြင်ဆင်ဖို့ တရုတ်ကွန်မြူနစ်ပါတီက ဒီလ ၂၅ ရက်က အဆိုပြုလိုက်တာကို ဝေဖန်ကန့်ကွက်တဲ့စာတွေကို သက်ဆိုင်ရာက စိစစ်ဖြတ်တောက်ဖို့ ကြိုးစားတာကို လူမှုမီဒီယာတွေက အံတုပြီး ဒီကိစ္စကို ထောက်ပြကန့်ကွက်ကြပါတယ်။

၂၀၂၃ ကျော်သွားတဲ့တိုင်အောင် ခုသမ္မတရှီကျင့်ပင်ပဲ သမ္မတဖြစ်နိုင်မယ့်အဆိုကို အမျိုးသားပြည်သူ့ကွန်ဂရက်က ရှေ့သီတင်းပတ်မှာ အတည်ပြုဖို့ကလည်း သေချာတယ်လို့ အေအက်ဖ်ပီ သတင်းက ဖော်ပြပါတယ်။

ဒါကို ကန့်ကွက်မဲပေးဖို့ အစိုးရပိုင် လူငယ်နေ့စဉ်သတင်းစာ အယ်ဒီတာဟောင်း Li Datong က အိတ်ဖွင့်ပေးစာတစောင်နဲ့ တိုက်တွန်းတာပါ။

တိန့်ရှောင်ပိန်လက်ထက် ၁၉၈၂ ခုနှစ်က ပယ်ဖျက်ခဲ့တဲ့ကိစ္စကို ကွန်မြူနစ်ပါတီကတင်တဲ့အဆိုက ပယ်ဖျက်မှာမို့ မော်စီတုံးလက်အောက် ဆယ်စုနှစ်တွေချီ ကမောက်ကဖြစ်ခဲ့တာမျိုး ပြန်မရောက်အောင် တားဆီးဖို့ ကန့်ကွက်ပါလို့ တိုက်တွန်းတာပါ။

တရုတ်နိုင်ငံက WeChat ဆိုတဲ့ အုပ်စုက ရာနဲ့ချီတဲ့လူတွေက Li Datong ရဲ့ အမှာစကားကို ဖြန့်ဝေကြပါတယ်။
လူမှုမီဒီယာမှာ အတိုက်အခံတွေရေးတဲ့ထဲ လက်မခံနိုင်ဘူးဆိုတဲ့ စာသားကိုတောင် ဆင်ဆာလုပ်စိစစ် ဖြတ်တောက်ပြီး ကန့်ကွက်တဲ့ စာသားမှန်သမျှ ဖျက်ပစ်ပေမဲ့ ဒီကြားထဲကပဲ Twitter လိုမျိုး Weibo စာမျက်နှာကနေ ဝေဖန်သံတွေ မနေ့ကထွက်လာပါတယ်။

AFP Photo
RFA Burmese
https://www.facebook.com/rfaburmese

အမေရိကန်နိုင်ငံ စစ်အခြေစိုက်စခန်းတွင် ကြောက်မက်ဖွယ် အဆိပ်သင့်မှု ဖြစ်ပြီးနောက် လူ ၁၁ ဦးဖျားနာ

အမေရိကန်နိုင်ငံ ဗာဂျီးနီးယားပြည်နယ်ရှိ် Myer-Henderson Hall အခြေစိုက်စခန်းတွင် မီးသတ်ကားများအား တွေ့ရစဉ် (ဓာတ်ပုံ-အင်တာနက်)
 ဝါရှင်တန်၊ ဖေဖော်ဝါရီ ၂၈ ရက် (ဆင်ဟွာ)

    အမေရိကန်နိုင်ငံ ဗာဂျီးနီးယားပြည်နယ်ရှိ် စစ်အခြေစိုက်စခန်း တစ်ခုတွင် ဖေဖော်ဝါရီလ ၂၇ ရက်က အမျိုးအမည်မသိ ပစ္စည်းများ ပါဝင်သော သံသယရှိဖွယ် စာအိတ် တစ်အိတ် ဖွင့်ဖောက်ခဲ့ပြီးနောက် လူ ၁၁ ဦး နာမကျန်းဖြစ်ခဲ့ကြောင်း ဒေသခံ အာဏာပိုင်များက ပြောကြားလိုက်သည်။

အဆိုပါ ကြောက်မက်ဖွယ် အဆိပ်သင့်မှုသည် ယခင်က Fort Myer အခြေစိုက်စခန်းဟု လူသိများသော Myer-Henderson Hall အခြေစိုက်စခန်းရှိ အုပ်ချုပ်ရေးမှူး အဆောက်အအုံ၌ ဖြစ်ပွားခဲ့ခြင်း ဖြစ်ကြောင်း အာလင်တန်နယ်မြေ မီးသတ်ဋ္ဌာနက တွစ်တာအကောင့်တွင် ရေးသားထားသည်။

အဆိပ်သင့်မှုကြောင်း လူ ၃ ဦးအား ဆေးရုံသို့ ပို့ဆောင်ခဲ့ရပြီး လက်ရှိတွင် အခြေအနေ တည်ငြိမ်လာပြီ ဖြစ်ကြောင်း မီးသတ်ဋ္ဌာနက တွစ်တာအကောင့်တွင် နောက်ဆက်တွဲရေးသားဖော်ပြခဲ့သည်။

(Xinhua)
http://xinhuamyanmar.com

ကမ္ဘာ့ လိင်နိုင်ငံလို့ ပြောခဲ့သည့် ဂမ်ဘီယာ ၀န်ကြီးစကားကို ထိုင်း လက်တုန့် ပြန်


ဖေဖော်ဝါရီလ ၂၈ ရက်နေ့  ဒီကနေ့ နံနက် ၁နာရီ ကစပြီး ထိုင်း တနိုင်ငံလုံးမှာရှိတဲ့ နိုက်ကလပ်နဲ့  အရက်ဘား တွေရှိရာ နိုင်ငံခြားသားပေါင်းစုံ နေထိုင်နေကြတဲ့ နေရာပေါင်း ၁၁၀ ကို ပိုက်စိတ်တိုက် စစ်ဆေး ဖမ်းဆီးခဲ့ကြောင်း သိရပါတယ်။

ဘန်ကောက်မြို့ က နာမည်ကြီး ဆွိုင်ကောင်းဗွိုင်၂၃ -နာနာလမ်း-ဆူကိုဗစ်- စတဲ့-နေရာတွေကို ရဲ၊ စစ်တပ်နဲ့  လူဝင်မှုကြီးကြပ်ရေး အရာရှိတွေပါ ပါဝင်ပြီး ပိတ်ဆို ဖမ်းဆီးခဲ့တာ ဖြစ်ပါတယ်။ အထူးသဖြင့် အာဖရိကန် လူမဲနေထိုင် ကြက်စားနေသည့်နေရာ တွေကို စစ်ဆင်ရေး အနေနဲ့ ရှင်းလင်းခဲ့တာပါ။

ဖမ်းဆီးလိုက်တဲ့ နိုင်ငံခြားသား ၇၅ ဦးဟာ ယူဂန်ဒါ-ဆူဒန်-အိန္ဒိယ-ကမ္ဘောဒီးယားနိုင်ငံသားတွေဖြစ်ပြီး နိုင်ငံကူးစာအုပ် စာရွက်စာတမ်းမရှိ နေထိုင်ခွင့်ဗီဇာ သက်တမ်း ကုန်နေသူတွေဖြစ်ပါတယ်။

အဆိုပါ နိုင်ငံခြားသားတွေကို ဘလက်လစ်အဖြစ် မှတ်တမ်းယူပြီး သက်ဆိုင်ရာနိုင်ငံတွေကို ပြန်ပို့ မယ်လို့  ဆိုပါတယ်။

ယခုရက်ပိုင်းအတွင်းမှာ အာဖရိကတိုက် အရှေ့ ပိုင်း Gambia ဂန်ဗီယာနိုင်ငံက ခရီးသွားလာရေး ၀န်ကြီး Hamat Bah ဟာမက် က လိင်ဆက်ဆံခြင်လား ထိုင်းနို်င်ငံသွားလို့  ထိုင်းနိုင်ငံကို ကမ္ဘာ့ လိင်နိုင်ငံလို့  စွတ်စွဲပြောဆိုလိုက်တာကြောင့် ထိုင်းအစိုးရဟာ စိတ်ဆိုးဒေါသထွက်ခဲ့ပြီး ထိုင်းနိုင်ငံအတွင်းမှာ နေထိုင်နေကြတဲ့ နိုင်ငံခြားတွေကို ဖိအားပေးတဲ့အနေနဲ့  ဆက်တိုက် ဖမ်းဆီးမှာဖြစ်ပြီး ဂမ်ဘီယာ နိုင်ငံဝန်ကြီးပြောစကားကို သံတမန် အဆင့် တရားဝင် ကန့် ကွက်သွားမှာဖြစ်ကြောင်းလည်း သိရပါတယ်။

Credit Khaosod
Social Action for Children and Women - SAW

မြိတ်မြို့၏ အနောက်တောင်ဘက် ပင်လယ်ပြင်အတွင်း တရားမဝင် ကင်းမွန်မီးထွန်းလှေ နှစ်စင်း ဖမ်းဆီးရမိ


နေပြည်တော် ၂၈-၂-၂ဝ၁၈

တနင်္သာရီတိုင်း ဒေသကြီး၊ မြိတ်မြို့အနီး ပင်လယ်ပြင်အတွင်း လုံခြုံရေးဆောင်ရွက်နေသည့် တပ်ဖွဲ့ဝင်များသည် ဖေဖော်ဝါရီ၂၅ ရက် ည ၆ နာရီခွဲခန့်တွင် မြိတ်မြို့၏ အနောက်တောင်ဘက် ရေမိုင် ၁၈ မိုင်ခန့်အကွာသို့ အရောက်၌ အလျား ၅၆ ပေ၊ အနံ ၁၂ ပေ၊ ရေစူး ပေ ၂ဝ ခန့်ရှိ တရားမဝင် ကင်းမွန်မီးထွန်းလှေ တစ်စင်းအား တွေ့ရှိသဖြင့် သွားရောက်စစ်ဆေးရာ လှေပေါ်တွင် မြန်မာနိုင်ငံသား ဦးရန်အောင်မျိုး (ဘ) ဦးငွေညွန့်အပါအဝင် အမျိုးသား ၁ဝ ဦးအား ဖမ်းဆီးရမိခဲ့သည်။

အလားတူ ဖေဖော်ဝါရီ ၂၆ ရက် ည ၂ နာရီခန့်တွင် အဆိုပါနေရာ၌ အလျား ၆ဝ ပေ ၇ လက်မ၊ အနံ ၁၃ ပေ ၂ လက်မ၊ ရေစူး ၂၂ ပေခန့်ရှိ တရားမဝင် ကင်းမွန်မီးထွန်းလှေ တစ်စင်းအား မြန်မာနိုင်ငံသား ဦးချမ်းမြေ့နိုင်(ဘ) ဦးမြင့်နိုင် အပါအဝင် အမျိုးသား ၁၃ ဦးအား ထပ်မံတွေ့ရှိ ဖမ်းဆီးရမိခဲ့သည်။

ဖမ်းဆီးရမိသူများနှင့် တရားမဝင် ကင်းမွန်မီးထွန်းလှေများအား မြိတ်မြို့နယ် ရဲစခန်းသို့ စနစ်တကျ လွှဲပြောင်းအပ်နှံ သွားမည်ဖြစ်ကြောင်း သတင်းရရှိသည်။

မြ၀တီ
https://www.facebook.com/mwdmedia
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ