မြန်မာနိုင်ငံမှတင်သွင်းလာသည့် ယာဘာဆေးပြား တစ်သန်းကျော် တက်ကနက်တွင် ဖမ်းမိ


နိရဉ္စရာ၊ ဖေဖော်ဝါရီ ၂၂

မြန်မာနိုင်ငံမှ တင်သွင်းလာသည့် ယာဘားစိတ်ကြွဆေးပြား ၁၁၂၀၀၀၀ ကို ဘင်္ဂလာဒေ့ရ်ှနိုင်ငံ တက်ကနက်မြို့တွင် ယနေ့နံနက်က ဖမ်းဆီးရမိကြောင်း Cox”sbazar news တွင် သတင်းဖော်ပြသည်။

၎င်းဆေးပြားများကို မြန်မာနိုင်ငံဘက်မှ နတ်မြစ်ဖြစ်ကျော်ပြီး လှေဖြင့် ယူဆောင်လာကြောင်း၊ လှေပေါ်မှ ဆာလာအိတ်များတွင် ထည့်၍ သယ်ယူလာစဉ် တက်ကနက်မြို့နယ် (ရခိုင်အခေါ် ကယုချောင်း) တောင်ဘက် ဆားပြင်ကျေးရွာအနီးတွင် ဘင်္ဂလာဒေ့ရှ် နယ်ခြားစောင့်တပ်မှ ဖမ်းမိခြင်း ဖြစ်ကြောင်း သတင်းတွင် ရေးသားထားသည်။

၎င်းဆေးပြားများကို သယ်ဆောင်လာသူများမှာ ရဲကိုမြင်ပြီးနောက် အိတ်များကို ပစ်ချကာ တောထဲသို့ ထွက်ပြေးသွားကြသည်ဟု ဆိုသည်။

၎င်းဆေးပြားများ၏ တန်ဖိုးမှ တာကာ ၃၃ ကုဋေ ၆ သောင်းဖိုးရှိကြောင်း သတင်းတွင် ဖော်ပြထားသည်။

Narinjara
https://www.facebook.com/Narinjara

မြန်မာကထွက်ပြေးသွားသူ ဘင်္ဂလီများအကြားသတ်ဖြတ်မှုများ ဆက်လက်ပေါ်ပေါက်နေ


နိရဉ္စရာ၊ ဖေဖော်ဝါရီ ၂၂

ရခိုင်ပြည်နယ် မြောက်ပိုင်းမှ ထွက်ပြေးပြီး ဘင်္ဂလာဒေ့ရ်ှနိုင်ငံ ဒုက္ခသည် စခန်းတွင် ခိုလုံနေသည့် အသက် (၅၀) အရွယ် ဘင်္ဂလီလူကြီး တစ်ဦးကို လူဆိုးအုပ်စု တစ်ခုမှ ဓါးဖြင့်ထိုးသတ်သွားကြောင်း The Daily Star သတင်းတွင် ဖော်ပြသည်။

အသတ်ခံရသူမှာ ကော့စ်ဘဇားခရိုင် အိုကီးယားမြို့နယ်ရှိ ဘာလူခါလီ ဒုက္ခသည်စခန်း အကွက် အမှတ်( ဒီ)မှ ယာဆုအာလီ (၅၀) နှစ်ဖြစ်ကြောင်းသိရသည်။

သူသည် စခန်းထဲရှိ ဗလီတွင် အီမန် (ဘာသာရေးခေါင်းဆောင်) အဖြစ် ဆောင်ရွက်နေသူ တစ်ဦးဖြစ်ပြီး တနင်္လာနေ့ နံနက် အစောကြီး စခန်းမှ ဗလီသို့ ၀တ်ပြုရန်သွားရောက်စဉ် အမည်မသိ လူတစ်စု၏ တိုက်ခိုက်ခြင်းကို ခံရပြီး ဓါးဖြင့် ထိုးသတ်သွားသဖြင့် ၎င်းနေရာတွင်ပင် ပွဲချင်းပြီး သေဆုံးသွားခဲ့သည်ဟု အိုကီးယား ရဲစခန်းမှ ရဲအုပ် Abul Khayer ပြောကြောင်း သတင်းတွင် ရေးသားထားသည်။

အလားတူ လွန်ခဲ့သော တနင်္လာနေ့ ညနေပိုင်းကလည်း အိုကီးယားမြို့နယ် Thaingkhali နယ်မြေရှိ ဒုက္ခသည်စခန်းမှ ဘင်္ဂလီ တစ်ဦးကို အမည်မသိအုပ်စု တစ်ခုမှ သေနတ်ဖြင့် ပစ်သတ်သွားသွားကြောင်း သတင်းတွင် ရေးသားထားသည်။

သေဆုံးသူမှာ ဘင်္ဂလီခေါင်းဆောင် အမ်းဒီ ယူစွတ် (Md Yusuf) ၃၅ နှစ်ဖြစ်ပြီး ဒုက္ခသည် စခန်း Tajnimar Khola အကွက် (၂)မှ ဖြစ်ကြောင်း သိရသည်။

၎င်းညဥ့်တွင်ပင် တစ်ခြား ဒုက္ခသည် စခန်းထဲမှ လူကြီး တစ်ဦးဖြစ်သူ အာရစ် အူလာ (Arif Ullah) အား လုပ်ကြံသတ်ဖြတ်ရန် ကြိုးပမ်းသူ အမ်းဒီ ( Md Alam) ကို ပစ္စတိုတစ်လက်နှင့် အတူ စခန်းထဲမှ လူများက ၀ိုင်းဖမ်းမိခဲ့သည်ဟု သတင်းတွင် ဖော်ပြထားသည်။

Narinjara
https://www.facebook.com/Narinjara
 

နေအိမ်တံခါးဖျက်ဆီးပြီး ပစ္စည်းခိုးရန်ကြံသူကို ကြိုးတုပ်ရိုက်ရာမှ သေဆုံးမှုဖြစ်


တောင်ကြီးမြို့ ကျောင်းကြီးစုရပ်ကွက် ရှိ တထာဂတသာဝက တောရကမ္မဌာန်းကျောင်းသို့ လာရောက်လည်ပတ်ရင်း ကျောင်းအနောက်ဘက်ကပ်လျက်ရှိနေအိမ်မှ တံခါးအား ဖျက်ဆီးကာ ပစ္စည်းများခိုးယူရန်ကြံစည်သူ ဇော်ထွန်းဦး(အသက်၃၅နှစ်) အား တောရကျောင်းထိုင်ဘုန်းကြီးနှင့်ကပ္ပိယတို့က ကြိုးဖြင့်တုပ်ပြီး သစ်ကိုင်း၊ကြေးစည်တုတ်တို့ဖြင့် ရိုက်နှက်ရာမှ သေဆုံးမှုဖြစ်ပေါ်ခဲ့ကြောင်း သတင်းရရှိခဲ့သည်။

ဖေဖော်ဝါရီလ၂၁ရက် မနက်၉နာရီအချိန်က ဇော်ထွန်းဦး(ကံသာရပ်ကွက်နေသူ)သည် အဆိုပါဘုန်းကြီးကျောင်းသို့ အလည်ရောက်ရှိနေရာမှ ဒေါ်စန္ဒာဌေး ဆိုသူ၏ နေအိမ်တံခါးကို ဖျက်ဆီးပြီး ပစ္စည်းခိုးယူရန်ကြံစည်နေသည်ကို တောရကျောင်းးထိုင်ဘုန်းကြီးနှင့် ကပ္ပိယတို့ကတွေ့ရှိခဲ့သည်ဟုဆိုသည်။ သို့ဖြစ်ရာ ဇော်ထွန်းဦးအား ကျောင်းထိုင်ဘုန်းကြီးဖြစ်သူ ဦးနန္ဒပတိနှင့် ကပ္ပိယစိုင်းဝဏ္ဏတို့က ကျောင်းအတွင်းခေါ်ဆောင်ပြီး လက်နှစ်ဖက်အား ၀ါယာကြိုးဖြင့်တုပ်နှောင်ကာ အရှည်၎ပေခန့်ရှည်ပြီးလုံးပတ်၁လက္မခွဲခန့်ရှိ ချယ်ရီသစ်ကိုင်းအစို တစ်ချောင်းနှင့် အရှည်၂ပေ ခန့် လုံးပတ် ၃လက်မခန့်ရှိ ကြေးစည်ထုသည့်တုတ်တို့ဖြင့် ရိုက်နှက်ခဲ့သည်။ ထိုသို့ရိုက်နှက်နေခဲ့သည်ကိုလည်း ဘုန်းကြီးကျောင်း အနီးနေသူ ၂ဦးက တွေ့မြင်ကြောင်း စုံစမ်းသိရှိရသည်။

ထိုသို့ရိုက်နှက်နေရာ နေ့လည် ၃နာရီခန့်တွင် ဇော်ထွန်းဦးသည် ဒဏ်ရာများဖြင့် လဲကျသွားရာမှ သေဆုံးခဲ့ခြင်းဖြစ်ကြောင်း သက်ဆိုင်ရာက စစ်ဆေးသိရှိရသဖြင့် ပြစ်မှုကျူးလွန်သူ၂ဦးအား တောင်ကြီးမြို့မရဲစခန်းမှ ရာဇသတ်ကြီးပုဒ်မ ၂၉၅-က/၃၀၂/၁၁၄ အရ အမှုဖွင့်ဆောင်ရွက်လျက်ရှိသည်ဟုသိရသည်။

သံလွင်သွေးချင်း
https://www.facebook.com/thanlwinthwaychinnJournal/

ပိုက်ဆံ(၅၀၀၀)တောင်းရာမှ စကားများရန်ဖြစ်ပြီး လူသတ်မှုဖြစ်ပွား


ရှမ်းပြည်နယ်၊ ကွတ်ခိုင်မြို့နယ်၊ မုန်ခုတ် ရွာနေ ဒေါ်ဖန်ပေါင်း(ခ)နန်းဖန်ပေါင်း(၄၆)နှစ်၏ နေအိမ်ထမင်းဆိုင်ရှေ့ ၌ ဖေဖော်ဝါရီလ ၂၁ ရက်နေ့ နေ့ လည်ပိုင်းက ပိုက်ဆံ(၅၀၀၀)တောင်းရာမှ ညီအစ်ကို ၃ ဦး စကားများရန်ဖြစ်ပြီး လူသတ်မှုဖြစ်ပွား ခဲ့ကြောင်း သိရပါသည်။

ဖြစ်စဉ်မှာ ၂၀၁၈ ခုနှစ်၊ ဖေဖော်ဝါရီလ ၂၁ ရက်နေ့ ၀၀၃၀ အချိန် ရှမ်းပြည်နယ်၊ ကွတ်ခိုင်မြို့နယ်၊ မုန်ခုတ် ရွာနေ ဒေါ်ဖန်ပေါင်း(ခ)နန်းဖန်ပေါင်း(၄၆)နှစ်သည် နေအိမ်ထမင်းဆိုင်၌ ဈေးရောင်နေစဉ် မောင်ဖြစ်သူ လှမြင့်(၄၀)နှစ်ရောက်ရှိလာပြီး ငွေ(၅၀၀၀)အား တောင်းရာ မပေးနိုင်ကြောင်း ပြောခဲ့သဖြင့် ဆိုင်အတွင်းမှ ပြန်ထွက်သွားကြောင်း သိရသည်။

 လှမြင့် သည် ဆိုင်အပြင်တွင် အစ်ကိုဖြစ်သူ ကျော်ဆွေ(၄၂)နှစ် ထံမှ ထပ်မံတောင်းရာ မပေးသဖြင့် လှမြင့် မှ ဆိုင်အနီးရှိ အရိုးအသွား(၂)ပေခန့် ဝါးရိုးတပ် ဓားဖြင့် ကျော်ဆွေ အား လိုက်ခုတ်ခဲ့သည်။

 ကျော်ဆွေမှ မီးညှပ်ဖြင့်ပြန်လည်ခုခံရင်း ညီအစ်ကိုနှစ်ဦး လုံးထွေးရန်ဖြစ်နေကြာင်း၊ ဒေါ်ဖန်ပေါင်း(ခ)နန်းဖန်ပေါင်း မှ ရန်မဖြစ်ကြရန်ပြောဆိုနေစဉ် အစ်ကိုကြီး ဖြစ်သူ အိုက်ဆန်(၄၇)နှစ် ထပ်မံရောက်ရှိလာပြီး နှစ်တောင်ခန့်ရှိ သစ်သားတုတ်ဖြင့် လှမြင့် အား ဝင်ရိုက်၍ ညီအစ်ကို(၃)ဦးစလုံး လုံးထွေးသတ်ပုတ်ရန်ဖြစ်ခဲ့ကြောင်း သိရပါသည်။

 ထို့နောက် ဆိုင်ရှေ့တွင် လှမြင့် မှာ လဲကျသွားသောကြောင့် ဒေါ်ဖန်ပေါင်း(ခ)နန်းဖန်ပေါင်းမှ သွားရောက်ကြည့်ရှုစဉ် လှမြင့် တွင် ဒဏ်ရာများ ရရှိသေဆုံးနေသည်ကို တွေ့ရှိရသဖြင့် အရေးယူပေးရန် တိုင်တန်းချက်အရ ကျော်ဆွေနှင့် အိုက်ဆန်တို့(၂)ဦးအား ကွတ်ခိုင်မြို့မရဲစခန်း(ပ)၁၁/၂၀၁၈၊ ရာဇသတ်ကြီးပုဒ်မ ၃၀၂/၁၁၄ ဖြင့် အရေးယူထားကြောင်း သတင်းထုတ်ပြန်ချက်တွင် ဖော်ပြထားပါသည်။

သစ်ထူးလွင်
 

ရိုဟင်ဂျာဒုက္ခသည်တွေကို ကျွန်းပြောင်းဖို့ ဘင်္ဂလားဒေ့ရှ် အစိုးရအားထုတ်


ဘင်္ဂလားပင်လယ်အော်နားက ဒီရေအမြဲတက်ပြီး ရွှံ့နွံထူထပ်တဲ့ ကျွန်းလေးတကျွန်းမှာ ရိုဟင်ဂျာဒုက္ခသည် ၁ သိန်း နေထိုင်ဖို့နေရာကို ဘင်္ဂလေားဒေ့ရ်ှအစိုးရက ပြင်ဆင်နေတာ အတော်အသင့်ပြီးနေပြီဖြစ်ပါတယ်။

ကော့ဆစ်ဘဇားက ဒုက္ခသည်စခန်းမှာ လူဦးရေပြွတ်သိပ်လွန်းနေတာကို ယာယီဖြေရှင်းဖို့ အဲဒီနေရာမှာစီစဉ်နေတာလို့ ဝန်ကြီးချုပ် ရှိတ်ဟာဆီနာကပြောပါတယ်။ အဲဒီစခန်းဆောက်တာကို တရုတ်နဲ့ ဗြိတိသျှအင်ဂျင်နီယာတွေ ကူညီနေပြီး၊ အခုနှစ်မိုးမကျခင်မှာ ပြောင်းနိုင်အောင် ကြိုးစားနေတယ်လို့ သိရပါတယ်။

အဲဒီကျွန်းမှာသွားနေရမယ့် ဒုက္ခသည်တွေကိုရွေးတဲ့အခါ ကိုယ့်သဘောဆန္ဒအလျောက်နေချင်သူတွေကို အဓိကဦးစားပေးမှာဖြစ်ပြီး၊ ဒုတိယအနေနဲ့ မဲနှိုက်ပြီးပေါက်တဲ့သူတွေ သွားရမှာဖြစ်တယ်လို့ ဝန်ကြီးချုပ်ရဲ့အကြံပေးပုဂ္ဂိုလ် အီမန် ကပြောပါတယ်။

လူ့အခွင့်အရေးအဖွဲ့တွေကတော့ အဲဒီနေရာဟာ မုန်တိုင်းမကြာခဏတိုက်ခံရပြီး၊ ရာသီဥတုကြမ်းတဲ့အတွက် လူတွေလုပ်ကိုင် စားသောက်နေထိုင်ဖို့ ခက်ခဲလို့ စိုးရိမ်ရတယ်ဆိုပြီး ပြောနေကြပါတယ်။

RFA Burmese
https://www.facebook.com/rfaburmese/

လားရှိုးဗုံးကွဲမှု ရဲနဲ့စစ်ဖက် ပူးပေါင်းစုံစမ်းနေ

ဗုံးပေါက်ကွဲပြီးမြင်ကွင်း။ (ဓာတ်ပုံ - တပ်မတော်ကာကွယ်ရေးဦးစီးချုပ်ရုံး)
ရှမ်းပြည်နယ် လားရှိုးမြို့မှာရှိတဲ့ ရိုးမဘဏ် ဗုဒ္ဒဟူးနေ့က ပေါက်ကွဲဖြစ်သွားခဲ့တဲ့ကိစ္စနဲ့ ပတ်သက်လို့ သက်ဆိုင်ရာ ရဲတပ်ဖွဲ့အပြင် စစ်တပ်နဲ့ စစ်တိုင်းအဖွဲ့တို့ကပါ စုံစမ်း စစ်ဆေးမှုတွေံမှာ ကူညီ ဆောင်ရွက်ပေးနေတယ်လို့ လားရှိုးမြို့နယ် ဒုရဲမှူး ကျော်နိုင်က ပြောပါတယ်။ ဒီတောအတွင်း ပေါက်ကွဲမှုကြောင့် သေဆုံးသွားခဲ့တဲ့ ၂ ဦးအပါအ၀င် ထိခိုက် ဒဏ်ရာရသူ ဘဏ်ဝန်ထမ်းတွေကို ရိုးမဘဏ်က အစစအရာရာ ကူညီ ဆောင်ရွက်ပေးနိုင်ရေးအတွက် ရန်ကုန်က တာဝန်ရှိသူတွေ လားရှိုးမြို့ကို ရောက်သွားကြပြီလို့ ရိုးမဘဏ် ပြောခွင့်ရ ဒေါ်မေဦးက ပြောပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးပါမယ်။

လားရှိုးမြို့က ရိုးမဘဏ် ပေါက်ကွဲမှု ဖြစ်သွားခဲ့ပြီးတဲ့နောက် ဒေသခံတွေအကြား လုံခြုံရေးအရ စိုးရိမ်မှုတွေ ကြီးထွားနေချိန်မှာဘဲ ဒီကိစ္စအတွက် သက်ဆိုင်ရာ တာဝန်ရှိသူတွေဟာ ဒေသခံ စစ်တိုင်းအဖွဲ့ရဲ့ အကူအညီနဲ့ စုံစမ်း စစ်ဆေးမှုတွေ လုပ်ဆောင်နေပြီဖြစ်ကြောင်း လားရှိုးမြို့နယ် ဒုရဲမှူး ကျော်နိုင်က အခုလို ပြောပြပါတယ်။

ဗုဒ္ဓဟူးနေ့ ဘဏ်ပိတ်ချိန်မှာ ဖြစ်သွားခဲ့တဲ့ အဲဒီ ပေါက်ကွဲမှုကြောင့် ဘဏ်ဝန်ထမ်း အမျိုးသမီး ၂ ဦး သေဆုံးပြီး ၂၁ ဦး ထိခိုက် ဒဏ်ရာရခဲ့တာပါ။ သေဆုံးသွားသူ ဘဏ်ဝန်ထမ်း ၂ ဦးနဲ့ တခြား ထိခိုက် ဒဏ်ရာရခဲ့ကြတဲ့ ဘဏ်ဝန်ထမ်းတွေအတွက် တတ်နိုင်သလောက် ကူညီဆောင်ရွက်ပေးနိုင်အောင် ရန်ကုန်က ရိုးမဘဏ် တာဝန်ရှိသူတွေ လားရှိုးမြို့ကို ရောက်သွားကြပြီလို့ ရိုးမဘဏ် ပြောခွင့်ရအမျိုးသမီး ဒေါ်မေဦးက ပြောပါတယ်။

ပေါက်ကွဲမှုကြောင့် ဘဏ်ဝန်ထမ်း ၂ ဦး သေဆုံးခဲ့တာအပြင် တခြား ၀န်ထမ်း ၆ ဦးလည်း ထိခိုက် ဒဏ်ရာရသွားကြတယ်လို့ ဒေါ်မေဦးက ပြောပါတယ်။ အခုဖြစ်သွားတဲ့ ပေါက်ကွဲမှုနဲ့ ပတ်သက်လို့ ရိုးမဘဏ်ဘက်က မကြာခင်မှာ ကြေညာချက် ထုတ်ပြန်သွားဖို့ ရှိတယ်လို့လည်း ဒေါ်မေဦးက ပြောပါတယ် ခင်ဗျား။

ကိုဇော်ဝင်းလှိုင်  / ဗွီအိုအေ (မြန်မာပိုင်း)
https://burmese.voanews.com

မြန်မာနဲ့ဖိလစ်ပိုင်ကြောင့် အရှေ့တောင်အာရှ လူ့အခွင့်အရေး ပိုဆိုးလာ

Amnesty International ရဲ့၂၀၁၇- ၂၀၁၈ ခုနှစ် အတွက် အစိုးရတွေရဲ့ လူ့အခွင့်အရေး လေးစားလိုက်နာမှု အစီရင်ခံစာ The State of the World’s Human Rights
မြန်မာနိုင်ငံမှာ ရိုဟင်ဂျာတွေကို လူမျိုးစု အလိုက် ရှင်းလင်းဖယ်ရှားမှုနဲ့ ဖိလစ်ပိုင်နိုင်ငံက မူးယစ်ဆေးဝါး တိုက်ဖျက်ရေး စစ်ဆင်ရေးတို့ကြောင့် အရှေ့တောင် အာရှ ဒေသတွင်း လူ့အခွင့်အရေး ပိုပြီး ဆိုးရွားလာစေတယ်လို့ နိုင်ငံတကာ အခွင့်အရေး လှုပ်ရှားမှု အဖွဲ့ကြီး Amnesty International က ပြောဆိုလိုက်ပါတယ်။ Amnesty International ရဲ့၂၀၁၇- ၂၀၁၈ ခုနှစ် အတွက် အစိုးရတွေရဲ့ လူ့အခွင့်အရေး လေးစားလိုက်နာမှု အစီရင်ခံစာ The State of the World’s Human Rights မှာ အခုလို ထောက်ပြလိုက်တာ ဖြစ်ပါတယ်။ မသိင်္ဂီထိုက် စုစည်းတင်ပြပေးမှာပါ။

မြန်မာနိုင်ငံရဲ့ လူ့အခွင့်အရေး အခြေအနေက မယုံကြည်နိုင်စရာ ကောင်းလောက်အောင် ယိုယွင်း ဆိုးရွားလာခဲ့တယ်လို့ ဒီကနေ့ ထုတ်တဲ့ Amnesty International ရဲ့ အစီရင်ခံစာ သစ်က ဖော်ပြလိုက်တာပါ။ သိန်းနဲ့ချီတဲ့ ရိုဟင်ဂျာတွေ ဘင်္ဂလားဒေရှ့် ဘက်ကို ထွက်ပြေးကြရတဲ့ကိစ္စကို ထောက်ပြထားသလို အာဏာပိုင်တွေ ဘက်ကလည်း နိုင်ငံတ၀န်း လူသားချင်း စာနာထောက်ထားမှု အကူအညီတွေ ၀င်ရောက်ခွင့်၊ လွတ်လပ်စွာ ထုတ်ဖော်ပြောဆိုခွင့်တို့ကို တားမြစ်နေတယ်လို့လည်း ပြောဆိုထားပါတယ်။

ဒါ့အပြင် မြန်မာနိုင်ငံမှာ ဘာသာရေး အရ ချုပ်ချယ်ကန့်သတ်မှုတွေ၊ မူဆလင် ဆန့်ကျင်ရေး သဘောထားတွေကလည်း ရှိနေပြီး ပြစ်မှုကျူးလွန်သူတွေလည်း ပြစ်ဒဏ်ကနေ လွတ်ငြိမ်းခွင့်ရနေတယ်လို့ ထောက်ပြထားပါတယ်။ AI အဖွဲ့ကြီးရဲ့ ဖိလစ်ပိုင် နိုင်ငံဆိုင်ရာ ညွှန်ကြားရေးမှူး Jose Olano ကတော့ အခုလို ပြောဆိုလိုက်ပါတယ်။

"၂၀၁၈ ခုနှစ် အတွင်း အရှေ့တောင် အာရှ ဒေသတွင်းက လူ့အခွင့်အရေး သတင်းဆိုးတွေက ကမ္ဘာ့မှာ ထိပ်တန်း သတင်းတွေ ဖြစ်နေပါတယ်။ ဖိလစ်ပိုင် သမ္မတ ဒူတာတေးကလည်း ကျေးလက် လူမှုအသိုင်းအ၀ိုင်းက အများစု ဆင်းရဲသားတွေကို ပစ်မှတ်ထားပြီး မူးယစ် တိုက်ဖျက်ရေး စစ်ဆင်ရေး အတွင်း သတ်ဖြတ်မှုတွေကို ဆက်ပြီး လုပ်နေတဲ့ တချိန်တည်းမှာဘဲ မြန်မာ စစ်တပ်ကတော့ ရိုဟင်ဂျာတွေကို လူမျိုးစု အလိုက် ရှင်းလင်းရေးကို လုပ်ဆောင်ခဲ့ပါတယ်။"

မြန်မာနိုင်ငံ မြောက်ပိုင်း ပဋိပက္ခတွေကြောင့် လူတသိန်းကျော် အိုးအိမ်စွန့်ခွာ ထွက်ပြေးနေရပြီး ရခိုင်ဒေသမှာတော့ အများစု ရိုဟင်ဂျာတွေ ပါဝင်တဲ့ လူပေါင်း ၁ သိန်းကျော်တို့ ဖြစ်သလို နေထိုင်နေကြရတယ်လို့လည်း ထောက်ပြပါတယ်။ ဘင်္ဂလားဒေရှ့်ဘက်ကို ထွက်ပြေးရသူက ၆ သိန်းကျော် ရှိနေပြီး ထိုင်းက ဒုက္ခသည် စခန်းတွေမှာလည်း လူ ၁ သိန်းနီးပါးတို့ ရှိနေတယ်လို့ အစီရင်ခံစာမှာ ဖော်ပြပါတယ်။ တချိန်တည်းမှာဘဲ လွတ်လပ်စွာ ထုတ်ဖော် ပြောဆိုခွင့် လွတ်လပ်စွာ သင်းပင်း စုဝေးခွင့်တို့ကိုလည်း တင်းကျပ်ထားတယ်လို့ ပြောဆိုပါတယ်။

AI အဖွဲ့ကြီးရဲ့ ဖိလစ်ပိုင် နိုင်ငံဆိုင်ရာ ညွှန်ကြားရေးမှူး Jose Olano ကတော့ လွတ်လပ်စွာ ထုတ်ဖော်ခွင့်၊ သင်းပင်း စုဝေးခွင့်တွေ အပေါ် တင်းကျပ်လာတာကတော့ အရှေ့တောင် အာရှ ဒေသတခုလုံးမှာ ဖြစ်နေတယ်လို့ ပြောဆိုလိုက်ပါတယ်။

"အရှေ့တောင် အာရှက အစိုးရတွေက ဝေဖန်မှုတွေ လျော့ပါးသွားစေရေး အတွက် ရက်စက်ပြင်းထန်တဲ့ ဥပဒေတေကို အသုံးပြု ခြိမ်းခြောက်ပြီး လူထုကြား ဆွေးနွေး ငြင်းခုံမှုတွေ အပေါ် တင်းတင်းကျပ်ကျပ် ထိန်းချုပ်လာပါတယ်။ ဖိလစ်ပိုင် နိုင်ငံမှာ ဆိုရင် သမ္မတ ဒူတာတေး အစိုးရက ဝေဖန်သူတွေ၊ လူ့အခွင့်အရေး လှုပ်ရှားသူတွေ အပေါ် ဆက်ပြီး နှိပ်ကွက်နေသလို လွတ်လပ်တဲ့ သတင်းဝက်ဘ်ဆိုက် Rappler.com ကိုလည်း ပိတ်ဖို့ လုပ်ခဲ့ပါတယ်။ မြန်မာနိုင်ငံမှာ ဆိုရင်တော့ အစိုးရက ဥပဒေ အသစ်တွေရော အဟောင်းတွေရော သုံးပြီး မီဒီယာ သမားတွေကို ပစ်မှတ်ထားနေပြီး ရိုက်တာ သတင်းထောက် နှစ်ဦးကို နိုင်ငံတော် လျို့ဝှက်ချက် အက်ဥပဒေ ဖောက်ဖျက်မှု စွပ်စွဲချက်နဲ့ ဖမ်းဆီးတာမျိုးတွေ ဖြစ်နေပါတယ်။"

မြန်မာ လုံခြုံရေး စခန်းတွေကို လက်နက်ကိုင် ရိုဟင်ဂျာ အဖွဲ့ရဲ့ တိုက်ခိုက်မှုတွေကို မြန်မာ လုံခြုံရေး တပ်ဖွဲ့တွေက အင်အားအလွန်အကျွံသုံး နှိမ်နင်းခဲ့တာကြောင့် ဆယ်စုနှစ်တွေ အတွင်း အရှေ့တောင် အာရှ ဒေသမှာ အဆိုးရွားဆုံး ဒုက္ခသည် ကပ်ဘေးကြီး ဖြစ်စေခဲ့ပြီး လူသားချင်း စာနာထောက်ထားမှု အကူအညီတွေကို ၀င်ရောက်ခွင့် တားမြစ်တာကြောင့် ပိုပြီး အတိဒုက္ခ ရောက်စေတယ်လို့လည်း AI အစီရင်ခံစာက ထောက်ပြပါတယ်။

ရိုဟင်ဂျာတွေ အပေါ် အကြမ်းဖက်မှုတွေမှာ မြန်မာ လုံခြုံရေး တပ်ဖွဲ့တွေမှာ အဓိက တာဝန်ရှိတယ်လို့ အစီရင်ခံစာက ဖော်ပြပေမယ့် ဒေါ်အောင်ဆန်းစုကြည် ဦးဆောင်တဲ့ အရပ်သား အစိုးရဘက်က ဒီကိစ္စကို ကြားဝင် ဟန့်တားတာမျိုး၊ ပြောဆိုတာမျိုးတွေ မရှိခဲ့ဘူးလို့လည်း ထောက်ပြထားတာပါ။ နိုင်ငံပေါင်း ၁၅၉ နိုင်ငံက လူ့အခွင့်အရေး အခြေနေတွေကို ဆန်းစစ်ထားတဲ့ AI ရဲ့ နှစ်ပတ်လည် လူ့အခွင့်အရေး အစီရင်ခံစာ မှာတော့ ဖိလစ်ပိုင် သမ္မတ ရိုဒရီဂို ဒူတာတေးကိုလည်း လူ့အခွင့်အရေးကို လေးစား လိုက်နာမှု မရှိဆုံး အဆိုးရွားဆုံး နိုင်ငံ ခေါင်းဆောင် တဦး အဖြစ် သတ်မှတ် ဖော်ပြထားပါတယ်။

မသိင်္ဂီထိုက်  / ဗွီအိုအေ (မြန်မာပိုင်း)
https://burmese.voanews.com

ဖိလစ်ပိုင်အလုပ်သမားတွေကို ကာကွယ်ပေးဖို့ ကူဝိတ်ကို HRW တိုက်တွန်း


ရွှေ့ပြောင်းအလုပ်သမားတွေကို အကာအကွယ် အပြည့်အဝပေးဖို့ ကူဝိတ်အစိုးရကို HRW လူ့အခွင့်အရေးစောင့်ကြည့်အဖွဲ့က တိုက်တွန်းလိုက်ပါတယ်။ အလုပ်သမားအရေး ဆွေးနွေးဖြေရှင်းဖို့ ဖိလစ်ပိုင်ကိုယ်စားလှယ်အဖွဲ့ ကူဝိတ်ကို ဒီနေ့ရောက်သွားချိန်မှာ HRW က အခုလို တိုက်တွန်းလိုက်တာပါ။

တဘက်မှာလည်း ကူဝိတ်ကို အလုပ်သမားတွေ သွားခွင့်မပြုတော့ဘူးလို့ ပိတ်ပင်လိုက်တဲ့ ဖိလစ်ပိုင်သမ္မတ ဒူတာတေးရဲ့လုပ်ရပ်ကို HRW အဖွဲ့က ဝေဖန်လိုက်ပါတယ်။ အဲဒီလိုပိတ်ပင်တားမြစ်မယ်ဆိုရင် တရားဝင်မဟုတ်တဲ့ လမ်းကြောင်းတွေကနေ ထွက်သွားနိုင်တဲ့အတွက် အလုပ်သမားတွေအတွက်ပိုပြီး ဒုက္ခတွေ့နိုင်တယ်လို့ HRW အဖွဲ့ထောက်ပြပါတယ်။

ကူဝိတ်နိုင်ငံမှာ ဖိလစ်ပိုင်အိမ်ဖေါ်တယောက်ကိုသတ်ပြီး အသားထည့်တဲ့ ရေခဲသေတ္တာကြီးထဲ ထည့်ထားတဲ့ဖြစ်ရပ်တခု ဒီလအစောပိုင်းမှာ တွေ့ခဲ့ရတဲ့နောက်၊ သမ္မတဒူတာတေးက ဖိလစ်ပိုင် အလုပ်သမားတွေကို ကူဝိတ်သွားခွင့်ပိတ်လိုက်တာပါ။

အခုအခါ အလုပ်သမားတွေအရေးကိစ္စဖြေရှင်းဖို့ ဖိလစ်ပိုင်အလုပ်သမားဝန်ကြီး ဆီရီရာကို လာဂန်ဇက် ဦးဆောင်တဲ့ ကိုယ်စားလှယ်အဖွဲ့ ကူဝိတ်နိုင်ငံကို ရောက်နေသလို၊ အဲဒီကနေ ဆော်ဒီအာရေဘီးယားနဲ့ ကာတာနိုင်ငံတို့ကို ဆက်သွားမှာဖြစ်ပါတယ်။ အဲဒီအရှေ့အလယ်ပိုင်းနိုင်ငံတွေမှာ ဖိလစ်ပိုင်အလုပ်သမား ၂ သန်းကျော်ရှိနေပါတယ်။

RFA Burmese
https://www.facebook.com/rfaburmese/

ပြုံချမ်းအိုလံပစ်ပိတ်ပွဲ မြောက်ကိုရီးယား ပါတီ ဒု-ခေါင်းဆောင်တက်မည်


တောင်ကိုရီးယားနိုင်ငံမှာ ကျင်းပနေတဲ့ ပြုံချမ်းဆောင်းရာသီအိုလံပစ် ပိတ်ပွဲတက်ဖို့ မြောက်ကိုရီးယားက ထိပ်တန်းကိုယ်စားလှယ်အဖွဲ့ စေလွှတ်မယ်လို့ တောင်ကိုရီးယား ပေါင်းစည်းရေးဝန်ကြီးက ပြောပါတယ်။

အဖွဲ့ဝင် ၈ ယောက်ပါမယ့် မြောက်ကိုရီးယားကိုယ်စားလှယ်အဖွဲ့ကို အာဏာရပါတီရဲ့ ဒုဥက္ကဌ ကင်မ်ယုံချို ဦးဆောင်မှာဖြစ်ပါတယ်။ သူဟာထောက်လှမ်းရေး အကြီးအကဲဟောင်းဖြစ်ပြီး ၂၀၁၀ ခုနှစ်က တောင်ကိုရီးယားက လုပ်ကြံမှုတခုအတွက် တာဝန်ရှိသူလို့ သတ်မှတ်ခံထားရတဲ့သူဖြစ်ပါတယ်။ တဘက်မှာလည်း တောင်-မြောက်ကိုရီးယား ဆက်ဆံရေးတာဝန်ခံလည်းဖြစ်ပါတယ်။

အိုလံပစ်ပိတ်ပွဲကို တနင်္ဂနွေနေ့မှာ ကျင်းပမှာဖြစ်ပြီး၊ အဲဒီပွဲကို အမေရိကန်သမ္မတ ဒေါ်နယ်လ်ထရမ့်ရဲ့ အကြံပေးလုပ်နေတဲ့ သမီးဖြစ်သူ အိုင်ဗန်ကာ ထရမ့် တက်ရောက်မှာဖြစ်ပါတယ်။ ဒါပေမဲ့ မြောက်ကိုရီးယားကိုယ်စားလှယ်နဲ့ အမေရိကန်ကိုယ်စားလှယ်တို့ တွေ့မယ်-မတွေ့ဘူးဆိုတာတော့ ခုချိန်ထိထုတ်ဖေါ်ပြောဆိုတာ မတွေ့ရသေးပါဘူး။

RFA Burmese
https://www.facebook.com/rfaburmese/

Boko Haram ဖမ်းထားတဲ့ နိုင်ဂျီးရီးယားကျောင်းသူအချို့ ကယ်တင်


နိုင်ဂျီးရီးယားနိုင်ငံမှာ ဒီသီတင်းပတ် အစောပိုင်းက စာသင်ကျောင်းတွေကို ၀င်ရောက်တိုက်ခိုက်ပြီး Boko Haram စစ်သွေးကြွအဖွဲ့က ဖမ်းဆီးသွားတယ်လို့ဆိုတဲ့ ကျောင်းသူတွေထဲက တချို့ကို ပြန်လည်ကယ်တင်နိုင်ခဲ့ကြောင်း အာဏာပိုင်တွေက ပြောပါတယ်။

နိုင်ဂျီးရီးယားနိုင်ငံ အရှေ့မြောက်ဖက် Yobe ပြည်နယ်၊ Dapchi မြို့က အစိုးရပိုင် အမျိုးသမီး သိပ္ပံပညာ အထက်တန်းကျောင်းကို လက်နက်ကိုင် သေနတ်သမားတွေ စီးနင်းတိုက်ခိုက်ခဲ့ပြီး ၂ ရက်အကြာမှာပဲ ပျောက်ဆုံးနေတဲ့ ကျောင်းသူတချို့ကို Yobe နဲ့ Borno ပြည်နယ် နယ်စပ်အနီး မနေ့တုန်းက ရှာဖွေတွေ့ရှိခဲ့ကြတာပါ။ အင်္ဂါနေ့တုန်းက ကျောင်းတက်တဲ့ ကျောင်းသားစာရင်း ကောက်ယူချိန်မှာပဲ ကျောင်းသူ ၉၁ ယောက် ပျောက်ဆုံးနေတာ သိခဲ့ရကြောင်းလည်း နီးစပ်သူတွေက ပြောပါတယ်။

ကျောင်းသူတွေ ပျောက်ဆုံးမှုကြောင့် Boko Haram အဖွဲ့က အစုလိုက်အပြုံလိုက် ဖမ်းဆီးမှုတွေ တကျော့ပြန် ပေါ်ပေါက်လာမှာကို စိုးရိမ်မှုတွေလည်း ထွက်ပေါ်လာပါတယ်။ လွန်ခဲ့တဲ့ ၂၀၁၄ ခုနှစ်တုန်းက Chibok ကျေးရွာက ကျောင်းတကျောင်းကနေ မိန်းကလေးငယ် ၂၇၆ ယောက်ကို Boko Haram အဖွဲ့က ဖမ်းဆီးသွားခဲ့ရာက ကမ္ဘာတ၀န်း ဒေါသထွက်ခဲ့ကြသလို၊ မိန်းကလေးငယ်တွေ အိမ်ပြန်နိုင်ရေး လှုပ်ရှားမှုတခုလည်း ပေါ်ပေါက်ခဲ့တာပါ။

၎ နှစ်နီးပါး ကြာလာတဲ့ အခုအချိန်အထိလည်း ဖမ်းဆီးခံရတဲ့ ကျောင်းသူတွေထဲက ၁၀၀ ကျော် ပျောက်ဆုံးနေဆဲ ဖြစ်ပါတယ်။ အခုနောက်ဆုံး ကျောင်းသူတွေ ထပ်မံပျောက်ဆုံးခဲ့တဲ့ ဖြစ်ရပ်နဲ့ ပတ်သက်လို့ သက်ဆိုင်ရာ မိဘတွေနဲ့ ကိုယ်တိုင်တွေ့သူတွေက ပြောဆိုနေကြပေမဲ့လည်း၊ နိုင်ဂျီးရီးယား ရဲတပ်ဖွဲ့နဲ့ ဒေသခံ ပညာရေးဝန်ကြီးဌာနတို့ကတော့ မိန်းကလေးတွေ ပြန်ပေးဆွဲခံရတာ မဟုတ်ကြောင်း ငြင်းဆိုထားကြတာပါ။

ဗဟိုအစိုးရ ပညာရေးဝန်ကြီးဌာနကလည်း ပြန်ပေးဆွဲခံရတယ်လို့ဆိုတဲ့ သတင်းဟာ မမှန်ကြောင်း ငြင်းဆိုခဲ့ပေမဲ့၊ ကျောင်းသူတွေနဲ့ မိဘတွေ ပြန်လည် ဆုံဆည်းနိုင်ဖို့ဆိုပြီး၊ ကျောင်းကို သီတင်းတပတ်ကြာ ပိတ်လိုက်ကြောင်း ကြေညာခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

ပညာရေးဝန်ထမ်းများ လက်နက်တပ်ပေးဖို့ သမ္မတ Trump စဉ်းစား


အမေရိကန် ပြည်ထောင်စုက စာသင်ကျောင်းတွေမှာ ပစ်ခတ်မှုတွေကို ဟန့်တားနိုင်ဖို့ ပညာရေး ၀န်ထမ်းတွေကို လက်နက်တပ်ဆင်ပေးမယ့် စိတ်ကူးနဲ့ ပတ်သက်လို့ ရှင်းရှင်းလင်းလင်းဖြစ်အောင် သမ္မတ Donald Trump က ကြိုးစားလိုက်ပါတယ်။ စစ်ဘက်ဆိုင်ရာ ဒါမှမဟုတ် အထူးလေ့ကျင့် သင်ကြားမှု အတွေ့အကြုံရှိပြီး သေနတ်နဲ့ အကျွမ်းတ၀င်ရှိတဲ့ ကျောင်းဆရာတွေကို လူမမြင်အောင် သေနတ်ကိုင်ခွင့် ပေးနိုင်မယ့် နည်းလမ်းမျိုးကို ရှာဖွေစေလိုကြောင်း ပြောဆိုခဲ့တာပါ။

အထူးချွန်ဆုံး ဆရာ ၂၀% လောက် ရှိတယ်ဆိုရင်ပဲ၊ မသမာတဲ့ ရည်ရွယ်ချက်နဲ့ စိတ်မမှန်တဲ့သူတယောက် ကျောင်းထဲရောက်လာရင်၊ ချက်ခြင်းတုံ့ပြန် ပစ်ခတ်နိုင်မှာဖြစ်ကြောင်း စာသင်ကျောင်းတွေက ပစ်ခတ်မှုတွေကြောင့် ထိခိုက်နစ်နာခဲ့ရသူ ကျောင်းသားတွေ၊ မိဘတွေနဲ့ အပြန်အလှန် သဘောထား ဖလှယ်ခဲ့ကြတဲ့ စိတ်လှုပ်ရှားစရာ တွေ့ဆုံမှုအပြီး နောက်တရက်မှာပဲ သမ္မတ Trump က Twitter လူမှုကွန်ယက်ကနေ ပြောဆိုခဲ့ပါတယ်။

လက်နက်နဲ့ အကျွမ်းဝင်သူ ကျောင်းဆရာတယောက် ရှိတယ်ဆိုရင်၊ တိုက်ခိုက်မှုတွေကို မြန်မြန်ဆန်ဆန် ဟန့်တားနိုင်မှာဖြစ်ကြောင်းလည်း မနေ့တုန်းက အိမ်ဖြူတော်မှာ တွေ့ဆုံချိန် သမ္မတက ပြောဆိုခဲ့တာပါ။ စစ်မှုထမ်းဟောင်းတွေကို စာသင်ကျောင်းတွေမှာ ဖြန့်ကြတ် ချထားပြီး ပြဿနာကို ဖြေရှင်းကောင်း ဖြေရှင်းနိုင်မှာဖြစ်ကြောင်းလည်း သမ္မတက ပြောဆိုခဲ့ပါတယ်။ အစီအစဉ်ကို အသေးစိတ် လေ့လာဆန်းစစ် နေကြောင်းနဲ့ ဒီစိတ်ကူးကို သဘောကျကြရဲ့လား ဆိုပြီးတော့လည်း သမ္မတက တွေ့ဆုံသူတွေကို မေးမြန်းရာမှာတော့ အနည်းအကျဉ်းကသာ လက်ထောင်ပြီး၊ ထောက်ခံမှု ပြသခဲ့ကြပါတယ်။

ဆန့်ကျင်တဲ့ သဘောထားနဲ့ ပတ်သက်လို့ မေးမြန်းရာမှာတော့ စာသင်ကျောင်းတွေက ပစ်ခတ်မှုတွေရဲ့ အကျိုးဆက်တွေကို တိုက်ရိုက်ခံစားခဲ့ရတဲ့ ကျောင်းသားတွေ၊ မိသားစုဝင်တွေနဲ့ ဆရာတွေ အများစုပါဝင်တဲ့ သမ္မတနဲ့ တွေ့ဆုံသူ လူပေါင်း ၄၀ လောက်အနက် အများစုကတော့ လက်ထောင်ပြီး သဘောမကျတဲ့အကြောင်း ပြသခဲ့ကြတာပါ။

ဖလော်ရီဒါပြည်နယ် Parkland မြို့က၊ Marjory Stoneman Douglas အထက်တန်းကျောင်းမှာ ပြီးခဲ့တဲ့ သီတင်းပတ်ထဲ အသက် ၁၉ နှစ်အရွယ် ကျောင်းသားဟောင်း တယောက်ရဲ့ ပစ်ခတ်မှုကနေ လွတ်မြောက်လာသူတွေ ပါဝင်ဆွေးနွေးခဲ့တဲ့ အမေရိကန်ရုပ်သံ CNN ရဲ့ မနေ့နှောင်းပိုင်း ဆွေးနွေးခန်းမှာတော့ ကျောင်းဆရာတွေကို လက်နက်တပ်ဆင်ပေးမယ့် အစီအစဉ်ကို မထောက်ခံနိုင်ကြောင်း သမ္မတရဲ့ ရီပတ်ဘလစ်ကန် ပါတီက အထက်လွှတ်တော်အမတ် Marco Rubio က ပရိတ်သတ်တွေကို ပြောဆိုခဲ့ပါတယ်။

bump stocks လို့ခေါ်တဲ့ ဆက်တိုက် ပစ်နိုင်အောင် သေနတ်မှာ တပ်ဆင်နိုင်တဲ့ ကရိယာကို တားမြစ်ဖို့၊ ရိုင်ဖယ်သေနတ် ၀ယ်ယူခွင့်ပြုတဲ့ အသက်အရွယ်ကို တိုးမြှင့်ဖို့ အစီအစဉ်တွေကို ထောက်ခံပေမဲ့၊ လက်နက်ကိုက်ဆောင်ခွင့်ကို ပိုမိုတင်းကျပ်ရုံနဲ့ ပြဿနာကို ဖြေရှင်းနိုင်မှာ မဟုတ်ကြောင်းလည်း ကျောင်းသားတွေ၊ မိဘတွေနဲ့ ဆရာတွေက မေးခွန်းထုတ်ရာမှာ အထက်လွှတ်တော်အမတ် Rubio က တုံ့ပြန်ပြောဆိုသွားခဲ့ပါတယ်။

ဗွီအိုအေ (မြန်မာဌာန)
https://burmese.voanews.com

နမ့်​ဆန်​မြို့နယ်​ နမ့်တွေရွာတွင် မီးထပ်​​မံ​လောင်​ကျွမ်း ​နေအိမ်​ ၃ လုံး ပျက်​စီးဆုံးရှုံး


ဖေ​ဖော်​ဝါရီ ၂၁ ရက်​၊ နမ့်​ဆန်​။

ပ​လောင်​ကိုယ်​ပိုင်​အုပ်​ချုပ်​ခွင့်​ရ​ဒေသ နမ့်​ဆန်​မြို့နယ်​ နမ့်​​တွေေ​ကျးရွာ၌ ယ​နေ့ ​ဖေ​ဖော်​ဝါရီ ၂၁ ရက်​​ ​နေ့လည်​ပိုင်း ၁၁ နာရီခန့်​တွင်​ မီး​လောင်​ကျွမ်းမှု ထပ်မံဖြစ်​ပွားခဲ့ပြီး ​နေအိမ်​ ၃ လုံး မီးလောင်ကျွမ်းခဲ့​ကြောင်း သိရသည်​။

နမ့်​​တွေရွာခံ နွယ်​​လေးက "စ​လောင်​တဲ့အိမ်​က အိမ်​​ပေါ်မှာ ဓာတ်​ဆီပုံးတွေ ထားတာ​လေ။ ​နေပူဒဏ်​​ကြောင့်​ မီးထ​လောင်​တာ။ မီး​လောင်​​တော့ မီးသတ်​တဲ့စက်​ကလည်း နှိုးမရဘူး။ မီးသတ်​တဲ့ နှစ်​ယောက်​ကလည်း အလုပ်​သွား​နေတာ။ ဝိုင်းငြိမ်း​ပေမယ့်​ ​လေဒဏ်​​ကြောင့်​ ဘယ်​လိုမှ မနိုင်​တဲ့အဆုံး ၃ အိမ်​ပါသွားတယ်​" ဟု မားနဂါးသတင်းဂျာနယ်သို့ အတည်ပြု ​ပြောဆိုသည်​။


မီး​လောင်​ကျွမ်းမှု​ကြောင့်​ အိမ်​​ထောင်​စု ၄ စုသည်​ အိုးမဲ့အိမ်​မဲ့ဖြစ်​ပြီး နီးစပ်​ရာ ​ဆွေးမျိုးများ၏ ​နေအိမ်​များတွင်​ သွား​ရောက်​ခိုလှုံ​နေရ​ကြောင်း သိရသည်​။

"ပါသွားတာက ဆန်​ ၁၀ အိတ်၊ ဆိုင်​ကယ်​တစ်​စီး၊ ပိုက်​ဆံ ၄ သိန်းနီးပါးပါတယ်​။ ပြီး​တော့ အိမ်​​တွေက နှစ်ထပ်​အိမ်​အကြီးကြီး​တွေ​လေ အကုန်​ပါသွားတယ်​။ အဝတ်​အစား အထည်​​တွေ သုံးလို့ရမယ့်​ပစ္စည်း အကုန်​ပါသွားတယ်​" ဟု နွယ်​​လေးက ဆက်​​ပြောသည်​။

နမ့်​ဆန်​မြို့နယ်​တွင်​ မီးမကြာခဏ​လောင်​ကျွမ်းမှုဖြစ်​ပွားခဲ့ပြီး ပြီးခဲ့သည့်​ ​ဖေ​ဖော်​ဝါရီ ၁၈ ရက်​​တွင်​လည်း နမ့်​ဆန်​မြို့နယ်​ ​ခေးခင်​​ကျေးရွာတွင်​ မီး​လောင်​ကျွမ်းမှု​ကြောင့်​ ဘုန်းကြီး​ကျောင်းဆောင် ပျက်​စီးဆုံးရှုံးခဲ့သည်​။

Photo- Local Youth
မိုင်းအနိုင်​၊ မားနဂါး
Marnagar News Journal
https://www.facebook.com/marnagarnewsjournal

သမီးရည်းစားနှင့် ချိန်းတွေ့စဉ် အလိုမတူဘဲ သားမယားအဖြစ်ပြုကျင့်ခံရ


မန္တလေးတိုင်းဒေသကြီး၊ မတ္တရာမြို့နယ်နေ အသက် ၂၂ နှစ်အရွယ် မိန်းကလေးတစ်ဦးမှ ဖေဖော်ဝါရီလ ၂၁ ရက်နေ့  နံနက် ၁၁ နာရီအချိန်ခန့် က  ပဲခင်းထဲမှာ သမီးရည်းစားနှင့် ချိန်းတွေ့စဉ် အလိုမတူဘဲ သားမယားအဖြစ် (၂)ကြိမ် ပြုကျင့်ခံရမှုကို အရေးယူပေးရန် တိုင်းတန်းထားကြောင်း မြန်မာနိုင်ငံ ရဲတပ်ဖွဲ့ ၏ သတင်းထုတ်ပြန်ချက်အရ သိရပါသည်။

ဖြစ်စဉ်မှာ ဖေဖော်ဝါရီလ ၂၁ ရက်နေ့  နံနက် ၁၁ နာရီအချိန် မန္တလေးတိုင်းဒေသကြီး၊ မတ္တရာမြို့နယ်နေ မ×××(၂၂)နှစ် သည် နေအိမ်၌ရှိနေစဉ် ရည်စားဖြစ်သူ ရွှေချောင်းကျေးရွာနေ တိုးတက်ထွန်း(၁၈)နှစ်မှ ရွာတောင် ဘက်ရှိ ပဲခင်းထဲသို့လာရောက်တွေ့ရန် ဖုန်းဆက်ချိန်းဆိုခဲ့သဖြင့် သွားရောက်ခဲ့သည်။

 လမ်း၌ ရည်စားဖြစ်သူ တိုးတက်ထွန်း အား အမျိုးသားတစ်ဦးနှင့် တွေ့ရှိရပြီး အဆိုပါအမျိုးသား အား ထားခဲ့ကာ တိုးတက်ထွန်းသည် မ×××× အား ဆိုင်ကယ်ဖြင့် တင့်၍ ပဲခင်းထဲသို့ ခေါ်ဆောင်သဖြင့် လိုက်ပါသွားခဲ့ရာ ပဲခင်းထဲအရောက် တိုးတက်ထွန်း မှ အလိုမတူဘဲ သားမယားအဖြစ်(၂)ကြိမ် ပြုကျင့်ခဲ့သောကြောင့် အရေးယူပေးရန်တိုင်တန်းချက်အရ တိုးတက်ထွန်း အား မတ္တရာမြို့မရဲစခန်း (ပ)၇၃/၂၀၁၈၊ ရာဇသတ်ကြီးပုဒ်မ ၃၇၆ ဖြင့် အရေးယူထားကြောင်း သတင်းထုတ်ပြန်ချက်မှာ ဖော်ပြထားပါသည်။

သစ်ထူးလွင်

ထားဝယ်မြို့ ၌ အသက်(၈)နှစ်အရွယ် မိန်းကလေး သားမယားပြုကျင့်ခံရ


တနင်္သာရီတိုင်းဒေသကြီး ထားဝယ်မြို့ မှာ ဖေဖော်ဝါရီလ ၂၁ ရက်နေ့ နံနက် ၃ နာရီ ၅၀ မိနစ်အချိန်ခန့် က အသက်(၈)နှစ်အရွယ် မိန်းကလေး သားမယားပြုကျင့်ခံရကြောင်း မြန်မာနိုင်ငံ ရဲတပ်ဖွဲ့ မှ ယနေ့ သတင်းထုတ်ပြန်ပါသည်။

ဖြစ်စဉ်မှာ ၂၀၁၈ ခုနှစ်၊ ဖေဖော်ဝါရီလ ၂၁ ရက်နေ့ နံနက် ၃ နာရီ ၅၀ မိနစ်အချိန် ထားဝယ်မြို့နေ ဒေါ်×××သည် အိပ်ယာနိုး၍ အောက်ထပ်သို့ ဆင်းကြည့်စဉ် အတူနေ မြေးဖြစ်သူ မ×××(၈)နှစ်အား မတွေ့ရှိ၍ မိသားစုများမှ လိုက်လံရှာဖွေခဲ့ရာ နံနက် ၄ နာရီ ၂၀ မိနစ်တွင် နေအိမ်နှင့် တစ်အိမ် ကျော်ရှိ ခြံဝင်းအတွင်း ငှက်ပျောတော၌ မ×××အား မိန်းမကိုယ်မှ သွေးများထွက်လျက်တွေ့ရှိရသည်။

 ၎င်းအနီးမှ လူတစ်ဦး(စိစစ်ဆဲ) ထွက်ပြေးသွားသည်ကို တွေ့ရှိရသောကြောင့် အရေးယူပေးရန် တိုင်တန်း ချက်အရ သားမယားပြုကျင့်သူ တရားခံ(စုံစမ်းဆဲ)အား ထားဝယ်မြို့မရဲစခန်း(ပ)၄၀၈/၂၀၁၈၊ ရာဇသတ်ကြီးပုဒ်မ ၃၇၆/၃၆၃ ဖြင့် အရေးယူထားကြောင်း သတင်းထုတ်ပြန်ချက်တွင် ဖော်ပြထားပါသည်။

သစ်ထူးလွင်

ဒုက္ခသည်တွေထဲမှာ အကြမ်းဖက် ပါ မပါ စိစစ်ဆဲသာဖြစ်

မြန်မာနဲ့ ဘင်္ဂလားဒေ့ရှ် နယ်စပ်က မွတ်စလင် ဒုက္ခသည်တချို့ကို ၂ဝ၁၈ ခုနှစ် ဇန်နဝါရီလ ၂၄ ရက်နေ့က တွေ့ရစဉ်/ Photo:AP
မြန်မာနိုင်ငံနဲ့ ဘင်္ဂလားဒေ့ရ်ှနိုင်ငံ နယ်ခြားမှာ ဘင်္ဂလားဒေ့ရ်ှဘက်ကိုသွားဖို့ ရောက်ရှိနေကြတဲ့ မွတ်စလင် ဒုက္ခသည်တွေထဲမှာ အကြမ်းဖက် အဖွဲ့အစည်းကလူတွေ ပါဝင်နေတယ်ဆိုပြီး သတင်းတွေ ထွက်ပေါ်နေတာနဲ့ ပတ်သက်ပြီး စိစစ်နေဆဲဖြစ်တယ်လို့ မောင်တောခရိုင် အထွေထွေအုပ်ချုပ်ရေးမှူးက ပြောပါတယ်။

အကြမ်းဖက်သမားတွေ ပါတယ်ဆိုတဲ့ ကိစ္စနဲ့ပတ်သက်ပြီး တိကျတဲ့သတင်းတော့ မရသေးပေမယ့် စိစစ်နေတယ်လို့ မောင်တောခရိုင် အုပ်ချုပ်ရေးမှူး ဦးရဲထွဋ်က ပြောပါတယ်။

"တိကျတဲ့သတင်းတော့ မရသေးဘူး၊ စိစစ်ဆဲပဲ၊ ထပ်ပြီးတော့ စိစစ်နေပါတယ်"

အဲဒီ နှစ်နိုင်ငံ နယ်စပ်မျဉ်းနေရာမှာ ခန့်မှန်းလူဦးရေ ၆ ထောင်ကျော် ရောက်ရှိနေပြီး သူတို့တွေ စားရေးသောက်ရေး အတွက် နိုင်ငံတကာအဖွဲ့ INGO အဖွဲ့တွေက ထောက်ပံ့ပေးနေတာဖြစ်တယ်လို့လည်း ပြောပါတယ်။

လူနေခွင့်မရှိတဲ့ ဧရိယာမှာ ရောက်ရှိနေသူတွေရဲ့ကိစ္စနဲ့ ပတ်သက်ပြီးတော့ မြန်မာ-ဘင်္ဂလားဒေ့ရှ် နှစ်နိုင်ငံနယ်စပ် အာဏာပိုင် ခရိုင်အဆင့် တာဝန်ရှိသူတွေ တောင်ပြိုလက်ဝဲက အထွေထွေအုပ်ချုပ်ရေးမှူးရုံးမှာ ပြီးခဲ့တဲ့ ဖေဖော်ဝါရီ လ ၂၀ ရက်နေ့က တွေ့ဆုံဆွေးနွေးခဲ့ကြတယ်လို့ အစိုးရ သတင်းထုတ်ပြန်ရေးကော်မတီက ထုတ်ပြန်ထားပါတယ်။

အဲဒီနေရာဟာ လူနေခွင့်မရှိတဲ့ နေရာဖြစ်တာကြောင့် ဘယ်သူမှနေထိုင်လို့ မရကြောင်း၊ တားမြစ်နယ်မြေ Zero Line အတွင်း ဝင်ရောက်နေထိုင်တာဟာ ဥပဒေနဲ့ မညီတဲ့အတွက် နိုင်ငံတကာ INGO အဖွဲ့အစည်းတွေရဲ့ ထောက်ပံ့ မှုတွေကို အသိပေးနေရတယ်လို့လည်း ထုတ်ပြန်ချက်မှာ ပါရှိပါတယ်။

ပြီးခဲ့တဲ့နှစ် သြဂုတ်လကုန်ပိုင်းမှာ ဖြစ်ပွားခဲ့တဲ့ အကြမ်းဖက်မှုတွေနောက်ပိုင်းမှာ ရခိုင်ပြည်နယ် မောင်တောဒေသက ဒေသခံ ဟိန္ဒူဘာသာဝင် အနည်းစုနဲ့ သိန်းနဲ့ချီတဲ့ မွတ်စလင်တွေဟာ ဘင်္ဂလားဒေ့ရ်ှနိုင်ငံဘက်ကို ထွက်ပြေးခိုလှုံနေ တာဖြစ်ပါတယ်။

နှစ်နိုင်ငံ သဘောတူညီချက်အရ အဲဒီဒုက္ခသည်တွေကို ပြန်ခေါ်ဖို့အစီအစဉ်ကို မြန်မာအစိုးရဘက်က ပြီးခဲ့တဲ့ ဇန်န၀ါရီလ ၂၃ ရက်နေ့က စတင်ခဲ့ပေမယ့် လက်ရှိအချိန်အထိ ဒုက္ခသည်တစ်ယောက်မှ ပြန်မလာသေးပါဘူး။

ဒါပေမဲ့ ဘင်္ဂလားဒေ့ရ်ှနိုင်ငံကနေ ပထမအသုတ်အဖြစ် ပြန်လာမယ့် ဒုက္ခသည် ၈ ထောင်ကျော်ရဲ့ အမည်စာရင်းနဲ့ အချက်အလက်တွေကို ပြည်ထဲရေးဝန်ကြီး ဒုတိယဗိုလ်ချုပ်ကြီး ကျော်ဆွေ ဦးဆောင်တဲ့အဖွဲ့ကို ဘင်္ဂလားဒေ့ရ်ှဘက် က ပြီးခဲ့တဲ့ရက်ပိုင်းက လွှဲပြောင်းပေးအပ်ထားပါတယ်။

RFA Burmese
https://www.rfa.org/burmese

ပုပ္ပါးတောင် မြေထပ်ပြိုနိုင်

ပုပ္ပား​တောင်​ကလပ်​ အဆင်းလမ်းမှာ မြေသားတွေ ကွဲအက်နေတာကို တွေ့ရစဉ်/ Photo: Pyae Phyo Win's facebook
မြေပြိုမှုဖြစ်ခဲ့တဲ့ ပုပ္ပါးတောင်ကို မောင်းသူမဲ့ လေယာဉ်ငယ် (Drone) နဲ့ ဓါတ်ပုံရိုက်ကြည့်ရာမှာ နောက်ထပ်မြေပြိုနိုင် တဲ့ နေရာတွေရှိနေတာကို တွေ့ရတယ်လို့ မြန်မာနိုင်ငံဘူမိသိပ္ပံအသင်းက ပြောပါတယ်။

Drone နဲ့ ရိုက်ကြည့်တဲ့အခါမှာ မြေပြိုတဲ့နေရာကို ရှင်းလင်းလင်းတွေ့ရသလို နောက်ထပ်ပြိုနိုင်တဲ့ နေရာတွေကို လည်း အများကြီးတွေ့ရကြောင်း မြန်မာနိုင်ငံ ဘူမိသိပ္ပံအသင်း အတွင်းရေးမှူး ဦးသန်းထွန်းက ပြောပါတယ်။

"Drone နဲ့ ကျနော်တို့ ဓါတ်ပုံရိုက်တဲ့အခါ မြေပြိုတဲ့နေရာတွေကို အများကြီး ကျနော်တို့ ရှင်းရှင်းလင်းလင်း တွေ့ရတယ်၊ နောက်ထပ်ပြိုမယ့် နေရာတွေကလည်း အများကြီးပဲရှိနေသေးတယ်၊ အန္တရာယ်တော့ တော်တော်များတယ်၊ အဓိကကတော့ လူတွေရဲ့ နည်းစနစ်ကျကျ မဆောက်တတ် မနေတတ်လို့လည်း ဖြစ်ရတာက ပိုများသွားတာပေါ့လေ၊ သဘာဝကိုက မြေကအမြဲတမ်း လျှောကျနေတာပဲလေ၊ လူတွေနေတဲ့နေရာ မှာ ရုတ်တရက်ကြီး ၀ုန်းကနဲပြိုမှာပဲ ကျနော်တို့က စိုးရိမ်တာ၊ ဒါဘယ်သူမှ မပြောနိုင်ဘူး၊ ဘယ်အင်ဂျင်နီယာမှ မပြောနိုင်ဘူး"

မြန်မာနိုင်ငံ ဘူမိသိပ္ပံအသင်းဟာ ပုပ္ပားတောင်ကို ပြီးခဲ့တဲ့ ဖေဖော်ဝါရီလဆန်းပိုင်းက ကွင်းဆင်းခဲ့ကာ စမ်းသပ် မှုတွေပြုလုပ်ခဲ့ပြီး လာမယ့် ၂၄ ရက်နေ့မှာလည်း ဒုတိယအကြိမ်အနေနဲ့ မြေတူးတဲ့ လွန်စက်တွေနဲ့ ထပ်ပြီးသွားရောက်စမ်းသပ်မှာ ဖြစ်ပါတယ်။

အဲဒီလို ထပ်မံစမ်းသပ်ရာမှာ မြေတိုင်းအဖွဲ့၊ ဘူမိအင်ဂျင်နီယာတွေ၊ ကျောက်အမျိုးအစားခွဲတဲ့ ဘူမိဗေဒ၊ လွန်တူးတဲ့ လွန်စက်သမားတွေ စတဲ့ပညာရှင်အစုံပါမှာဖြစ်တယ်လို့ ဦးသန်းထွန်းက ပြောပါတယ်။

အဲဒီလိုလွန်တူး စမ်းသပ်ပြီးရင် ဘာတွေလုပ်သင့်တယ်ဆိုတာတွေ ပြောနိုင်မှာဖြစ်တယ်လို့လည်း ပြောပါတယ်။

လဆန်းပိုင်းသွားခဲ့တုန်းက မရွေ့တဲ့မြေနေရာ ၃ ခုမှာ အမှတ်အသားတွေထားခဲ့သလို ရွေ့နေတဲ့မြေ သားနေရာတွေမှာလည်း အမှတ်အသားတွေထားခဲ့ပြီး ပြန်လည်နှိုင်းယှဉ် စစ်ဆေးသွားမှာဖြစ်တယ်လို့ သိရပါတယ်။

ပြီးခဲ့တဲ့နှစ် အောက်တိုဘာလ ၁၉ ရက်နေ့က စတင်ကာ ပုပ္ပါးတောင်အနီးက အောင်သိဒ္ဓိကုန်းမှာရှိတဲ့ ဆိုင်ခန်းနဲ့ နေအိမ် ၁၀၀ လောက်မှာ အက်ကွဲကြောင်းတွေဖြစ်ပေါ်လာပြီး တောင်တက်ကားလမ်းမှာလည်း မြေအက် ကွဲကြောင်းတွေ ဖြစ်ပေါ်ခဲ့တာဖြစ်ပါတယ်။

အဲဒီနောက်ပိုင်းမှာ မြန်မာနိုင်ငံ ဘူမိသိပ္ပံအသင်းက ပညာရှင်တွေက လေ့လာဆန်းစစ်မှုတွေ ဆက်တိုက်ပြု လုပ်နေတာ ဖြစ်ပါတယ်။

RFA Burmese
https://www.rfa.org/burmese

အိန္ဒိယတွင် ကုန်တင်ကားတစ်စီးမှ အိမ်တစ်လုံးအား အရှိန်လွန်ဝင်တိုက်မိ၍ လူ ၁၀ဦးသေဆုံး

အိန္ဒိယတွင် ကုန်တင်ကားတစ်စီးမှ အိမ်တစ်လုံးအား အရှိန်လွန်ဝင်တိုက်မိစဉ် (ဓါတ်ပုံ-အင်တာနက်)
နယူးဒေလီ၊ ဖေဖော်ဝါရီ ၂၂ ရက် (ဆင်ဟွာ)

    အိန္ဒိယနိုင်ငံ အလယ်ပိုင်း Madhya Pradesh ပြည်နယ် ရှိ နေအိမ်တစ်လုံး နှင့် လက်ဖက်ရည်ဆိုင် တစ်ဆိုင်အား ကုန်တင်ကားတစ်စီးမှ အရှိန်လွန်၍ ဝင်တိုက်မှုကြောင့် အနည်းဆုံး လူ ၁၀ဦးသေဆုံးပြီး အခြားလူ အများအပြား ဒဏ်ရာရရှိခဲ့ကြောင်း ရဲတပ်ဖွဲ့က ပြောကြားခဲ့သည်။

ပြည်နယ်မြို့တော် Bhopal မြို့ မှ ၃၀၀ ကီလိုမီတာ အကွာ Jabalpur မြို့ ရှိ  Barela ဧရိယာတွင် ယင်းမတော်တဆမှု ဖြစ်ပွားခဲ့ခြင်းဖြစ်ကြောင်း သိရသည်။

အကြီးတန်းရဲတပ်ဖွဲ့ဝင် တစ်ဦးက ကုန်တင်ကားမောင်းသူသည် အရှိန်မထိန်းနိုင်ဘဲ လက်ဖက်ရည်ဆိုင်အား အရင်ဆုံးတိုက်မိပြီးနောက် နေအိမ်တစ်လုံးအား ထပ်မံတိုက်မိခဲ့ကြောင်း၊ အခင်းဖြစ်ပွားရာ၌ပင် လူ၁၀ဦး သေဆုံးခဲ့ပြီး ဒဏ်ရာရရှိသူများကို ဒေသတွင်း ဆေးရုံတစ်ရုံသို့ ပို့ဆောင်ပေးခဲ့ကြောင်း ပြောကြားခဲ့သည်။

ပြည်တွင်း ရုပ်သံလိုင်းများက ဒေါသထွက်နေသော လူအုပ်စုကြီးသည် လမ်းမပေါ်၌ ဆန္ဒပြနေပြီး ရဲတပ်ဖွဲ့၏ ဗင်ကာတစ်စီးအား မီးတင်ရှို့ခဲ့၍ လူစုခွဲရန် ရဲတပ်ဖွဲ့က ကြိုးစားလျက်ရှိကြောင်း ဖော်ပြခဲ့သည်။

တာဝန်ရှိသူက အုပ်ချုပ်ရေးထိပ်ပိုင်းတာဝန်ရှိသူများ နှင့် ရဲအရာရှိများ အခင်းဖြစ်ပွားရာသို့ ချက်ချင်းရောက်ရှိလာကြောင်း ပြောကြားခဲ့သည်။

ကုန်တင်ကားသည် နေအိမ်အတွင်း၌ ညပ်ကျန်ခဲ့သော်လည်း ကားမောင်းသမားသည် မတော်တဆမှုဖြစ်ပွား ပြီးနောက် အခင်းဖြစ်ပွားရာမှ ချက်ချင်း ထွက်ပြေးလွတ်မြောက်သွားကြောင်း နှင့် ၎င်းအား ယာဉ်မဆင်မခြင်မောင်းနှင်မှုဖြင့် ရဲတပ်ဖွဲ့ ရှာဖွေဖမ်းဆီးရန် ကြိုးပမ်းလျက်ရှိကြောင်း တာဝန်ရှိသူက ပြောကြားခဲ့သည်။

၎င်းက ယင်းဖြစ်စဉ်အား စုံစမ်းစစ်ဆေးရန် ညွှန်ကြားထားကြောင်း ပြောကြားခဲ့သည်။

(Xinhua)
http://www.xinhuamyanmar.com

မွန်တီနီဂရိုးနိုင်ငံရှိ အမေရိကန် သံရုံး အသေခံဗုံးခွဲခံရ


    ဘယ်လ်ဂရိတ်၊ ဝါရှင်တန်၊ ဖေဖော်ဝါရီ ၂၂ ရက် (ဆင်ဟွာ)

    မွန်တီနီဂရိုးနိုင်ငံ (Montenegro) မြို့တော် ပေါ့ဂိုရီကာရှိ အမေရိကန်နိုင်ငံ သံရုံးထဲသို့ လက်လုပ် လက်ပစ်ဗုံးဟု ယူဆရသော ပေါက်ကွဲစေသော ပစ္စည်းအား အမည်မသိ တိုက်ခိုက်သူတစ်ဦးက ပစ်သွင်းခဲ့ပြီး ၎င်းကိုယ်တိုင်လည်း အခြားဗုံးဖြင့် မိမိကိုယ်ကို အဆုံးစီရင်ခဲ့ကြောင်း ဒေသခံ ရဲတပ်ဖွဲ့က ဖေဖော်ဝါရီလ ၂၂ ရက်က အတည်ပြု ပြောကြားခဲ့သည်။

အဆိုပါ ပေါက်ကွဲမှုသည် ဒေသစံတော်ချိန် နံနက် ၀၀း၃၀ နာရီတွင် ဖြစ်ပွားခဲ့သည်။ အမည်မသိ လူတစ်ဦးသည် ပေါက်ကွဲစေသော ပစ္စည်းအား ပေါ့ဂိုရီကာရှိ အားကစားစင်တာအနီး အမေရိကန်သံရုံးဝင်းအတွင်းသို့ ပစ်သွင်းခဲ့ခြင်း ဖြစ်ကြောင်း မွန်တီဂီနီဂရိုးနို်င်ငံ အစိုးရ၏ ပြောကြားချက်အား ရဲတပ်ဖွဲ့၏ တွစ်တာအကောင့်၌ ဖော်ပြထားသည်။

ရဲတပ်ဖွဲ့ စုံစမ်းစစ်ဆေးမှုနှင့် လုပ်ကြံသူအား စုံစမ်းနေဆဲဖြစ်ကြောင်း ဖြည့်စွက်ရေးသားထားသည်။

သံရုံးဝန်ထမ်းများအားလုံး ဘေးကင်းမှုရှိမရှိ သံရုံးက စိစစ်ရန် အမေရိကန်နိုင်ငံ နိုင်ငံခြားရေးဝန်ကြီးက ပြောကြားထားကြောင်း အမေရိကန် နိုင်ငံခြားရေးဝန်ကြီး  ပြောခွင့်ရပုဂ္ဂိုလ် Heather Nauert က ပြောကြားခဲ့သည်။

“လုပ်ကြံသူကို သိရဖို့ ရဲတပ်ဖွဲ့နဲ့အတူ သံရုံးဝန်ထမ်းတွေလဲ အနီးကပ်လုပ်ကိုင်နေပါတယ်။ အမေရိကန်နိုင်ငံသားတွေ အနေနဲ့ သံရုံးလုံခြုံရေး အခြေအနေအရ နိုးနိုးကြားကြားရှိဖို့နဲ့ နောက်ထပ် သတိပေးချက် မထွက်လာမီတိုင်အောင် သံရုံးအား ရှောင်ရှားသွားလာကြပါ” ဟု ပေါ့ဂိုရီကာရှိ အမေရိကန်နိုင်ငံ သံရုံးက သတိပေးထားသည်။

ဥရောပတိုက်၏ အရှေ့တောင်ဘက်တွင် ရှိသော မွန်တီနီဂရိုးနိုင်ငံသည် Adriatic ပင်လယ် အနောက်တောင် ကမ်းရိုးတန်းနိုင်ငံ တစ်ခုဖြစ်ကာ ခရိုအေးရှားနိုင်ငံ၊ ဘော့စနီးယားနိုင်ငံနှင့် ဟာဇီဂိုးဗီးယားနိုင်ငံ၊  အယ်လ်ဘေးနီးယားနိုင်ငံတို့နှင့် နယ်နိမိတ်ထိစပ်လျက်ရှိကြောင်း သိရသည်။

(Xinhua)
http://www.xinhuamyanmar.com

တာချီလိတ်ရွှေတိဂုံစေတီပေါ်မှာ လုံးတော်ပြည့် ရွှေသင်္ကန်းကပ်လှူရန် ပြင်ဆင်ထားတဲ့ ငြမ်းနှင့် ဖျာချပ်အချို့မီးလောင်မှုဖြစ်ပွား


တာချီလိတ်၊ဖေဖော်ဝါရီ ၂၂

ရှမ်းပြည်နယ်(အရှေ့ပိုင်း) တာချီလိတ်မြို့ရှိ ရွှေတိဂုံ စေတီတော် မြတ်ကြီးမှာ ၂၀၁၈ ခုနှစ် ဖေဖော်ဝါရီလ (၂၂) ရက်နေ့ နံနက် (၄)နာရီ အချိန်ခန့်က ရွှေသင်္ကန်း ကပ်လှူရန် ဆင်ထားတဲ့ ငြမ်းတိုင်မှတဆင့် ဖျာချပ် အချို့ မီးလောင်ကျွမ်းမှု ဖြစ်ပွားခဲ့တယ်လို့ သိရပါတယ်။


အဆိုပါဖြစ်စဉ်မှာ တာချီလိတ်ရွှေတိဂုံစေတီတော်မှာ လုံးတော်ပြည့် ရွှေသင်္ကန်း ကပ်လှူရန် ဆင်ထားတဲ့ ငြမ်းတိုင်ရဲ့ ခြေရင်းရှိ အမှိုက် များမှတဆင့် မီးစတင် လောင်ကျွမ်းခဲ့ တာဖြစ်ပြီး၊ မီးလောင်မှု ဖြစ်ပွား ကြောင်း သတင်းအရ မြို့နယ်ရဲတပ်ဖွဲ့မှူး ရဲမှူး သန်းနု၊ မြို့မစခန်းမှူး ဒုရဲမှူး မျိုးခိုင်၊ တာဝန်မှူးရဲအုပ် ခင်မောင်ဝင်း တို့ပါဝင်တဲ့ ရဲတပ်ဖွဲ့ ဝင်များ၊ ခရိုင်မီးသတ် ဦးစီးမှူး ဦးထွန်းနိုင်ဦး နှင့် မီးသတ်တပ်ဖွဲ့ဝင်များ၊ တာချီလိတ် နာရေး ကူညီမှုအသင်းမှ ဦးလှမိုး နှင့်အဖွဲ့တို့က သွား ရောက်ဝိုင်းဝန်းငြှိမ်းသတ်ခဲ့ရာ (၄) နာရီ (၁၅)မိနစ်အချိန်ခန့်က မီးငြိမ်းသွားခဲ့တယ်လို့ သိရပါတယ်။

ယခု မီးလောင်မှုကြောင့် ငြမ်းတွင်ကာရံထားတဲ့ ဖျာချပ်အချို့ မီးလောင်ကျွမ်းခဲ့ကာ အဆိုပါ မီးလောင်းမှု နှင့် ပတ်သက်၍ အမှုမှန်ပေါ်ပေါက်ရေး စုံစမ်းစစ်ဆေး လျက်ရှိတယ်လို့ သိရပါတယ်။

သတင်း - ဇင်လတ်(ရွှေတြိဂံ)
ရွှေတြိဂံဒေသသတင်းလွှာ
https://www.facebook.com/GoldenTriangleRegionalNews/

RCSS/SSA ဥက္ကဌအဖြစ် ဗိုလ်ချုပ်ကြီးယွက်စစ်အား ပြန်လည်ရွေးကောက်တင်မြှောက်


ဖေဖော်ဝါရီလ ၂၂ ရက် ၂၀၁၈

သျှမ်းပြည်ပြန်လည်ထူထောင်ရေးကောင်စီ သျှမ်းပြည်တပ်မတော် RCSS/SSA ၏ ဥက္ကဌရွေးကောက်ပွဲကျင်းပရာ လက်ရှိဥက္ကဌဟောင်း ဗိုလ်ချုပ်ကြီးယွက်စစ်အား ပြန်လည်ရွေးကောက်တင်မြှောက်ခဲ့ကြကြောင်းသိရသည်။

ရွေးကောက်ပွဲအား ဖေဖော်ဝါရီလ ၂၁ နှင့် ၂၂ ရက်က ကျင်းပခဲ့ခြင်းဖြစ်သည်။

RCSS/SSA ဌာနချုပ် လွယ်တိုင်းလျန်းတွင် ၄ နှစ်တကြိမ် ဥက္ကဌရွေးကောက်ပွဲကျင်းပပါသည်။

ယခုရွေးကောက်ပွဲတွင်လည်း ယှဉ်ပြိုင်သည့် ဥက္ကဌလောင်း ၅ ဦးအနက် မဲပေးပိုင်ခွင့်ရှိသူ ဗိုလ်မှူးအဆင့် နှင့်အထက် ၂၄၄ ဦးက ဗိုလ်ချုပ်ကြီးယွက်စစ်အားပြန်လည်ရွေးကောက်ခဲ့ကြခြင်းဖြစ်သည်။

သျှမ်းသံတော်ဆင့်/ ဟွမ်ဟိန်း
Panglong(Burmese)
https://www.facebook.com/Panglong.burmese

လမ်းပေါ်ထွက် တောင်းဆိုမှု ပေါ်ပေါက်ပြီးနောက် အလုပ်ဖြုတ်ခံရသူ အမျိုးသမီးများကို အလုပ်ပြန်ခန့်


နိရဉ္စရာ၊ ဖေဖော်ဝါရီ ၂၂

အမျိုးသမီးများ ၂၀၀ ကျော်မှ လမ်းပေါ်ထွက် တောင်းဆိုမှုများ ပေါ်ပေါက်ပြီးနောက် အလုပ်ဖြုတ်ခံရသူ အမျိုးသမီး အလုပ်သမား ၁၉ ဦးကို အလုပ်ပြန်ခန့်အပ်ရန် သဘောတူလိုက်ပြီဟု ရေထွက်လုပ်ငန်းကုမ္ပဏီတစ်ခု ဖြစ်သည့် Gallant Ocean မှ စက်ရုံမန်နေဂျာ ဦးကျော်လင်းက နိရဉ္စရာ သတင်းဌာနသို့ ပြောကြားသည်။

“ သူတို့တောင်းဆိုတာပြေလည်သွားပါပြီ ခင်ဗျား။ အလုပ်ဖြုတ်ခံရတဲ့သူက ၂၀ ဦး မဟုတ်ပါ။ အခု ၁၉ ဦးပါ။ ၁၉ ဦးစလုံးကို ပြန်လည် အလုပ်ခန့်ဖို့ ကျွန်တော်တို့ သဘောတူလိုက်ပါပြီ။ အခုဘဲ အလုပ်သမားညွန်ကြားရေးဦးစီဌာနဲ့ အလုပ်ပြန်ခန့်ဖို့ သဘောတူ လက်မှတ်ရေးထိုးလိုက်ပါပြီ ” ဟု သူ ဦးကျော်လင်းက ပြောကြားသည်။

ယနေ့နံနက် ၉ နာရီကျော်မှ စတင်ပြီး ရေထွက်လုပ်ငန်းကုမ္ပဏီတစ်ခု ဖြစ်သည့် Gallant Ocean မှ အမျိုးသမီး အလုပ်သမား ၂၄၀ ခန့်သည် သူတို့နှင့် ဘ၀တူ အမျိုးသမီး ၁၉ ဦး အလုပ်ဖြုတ် ခံရသဖြင့် အလုပ်သမားညွန်ကြားရေးဦးစီဌာ(ရခိုင်ပြည်ရုံး) အထိ လမ်းလျှောက်ချီတာကာ အလုပ်သမများ အလုပ်ဖြုတ်ခံရမှု အပေါ် ညှိနှိုင်း ဆောင်ရွက်ပေးရန် တောင်းဆိုကြခဲ့သည်။

“ ကျွန်တော်တို့လည်း ဖြုတ်ချင်လို့ မဟုတ်ပါဘူး။ စက်ရုံလုပ်ငန်းကလည်း အရင်လို မလည်ပတ်တော့ တစ်ချို့ အလုပ်သမား အရေအတွက်က လျော့ရမယ် အနေအထားကို ရောက်လာပါတယ်။ သူတို့က လုပ်ခ သုံးလစာ လျော်ကြေးပေးရမယ် တောင်းဆိုတော့ ကျွန်တော်လည်း ဒီလို မထူးဘူးဆိုပြီး အလုပ်ပြန်ခန့်ဖို့ သဘောတူလိုက်တာပါ” ဟု မန်နေဂျာ ဦးကျော်လင်းက ပြောကြားသည်။

အလုပ်ဖြုတ်ပြီးမှ ပြန်လည် ခန့်အပ်ခံရသည့် အမျိုးသမီးများမှ စစ်တွေမြို့နယ် ဗျိုင်းဖြူရွာ၊ ကျေးတော၊ ရွာသာယာ စသည့် ကျေးရွာများမှ မိန်းခလေးများ ဖြစ်ကြသည်ဟုသိရသည်။

Narinjara
https://www.facebook.com/Narinjara

ဦးကိုနီ အမှုမှာပါသူ အာမခံရ

ရှေ့နေ ဦးကိုနီနဲ့ အငှားယာဉ်မောင်း ဦးနေ၀င်းတို့ အသတ်ခံရတဲ့ အမှုမှာ တရားစွဲဆိုခံထားရတဲ့ တရားခံ လေးဦးထဲက အောင်ဝင်းထွန်း ဆိုသူကို တွေ့ရစဉ် / Photo: Kyaw Zaw Win/RFA
တရားလွှတ်တော် ရှေ့နေ ဦးကိုနီနဲ့ အငှားယာဉ်မောင်း ဦးနေ၀င်းတို့ အသတ်ခံရတဲ့ အမှုမှာ တရားစွဲဆိုခံထားရတဲ့ တရားခံ လေးဦးထဲ အောင်ဝင်းထွန်း ဆိုသူကို ဒီကနေ့ အင်းစိန်မြောက်ပိုင်း ခရိုင်တရားရုံးက အာမခံပေးလိုက် ပါတယ်။

အောင်ဝင်းထွန်းကို စွဲချက်တင်ထားတဲ့ပုဒ်မဟာ အာမခံပေးလို့ရတဲ့ ပုဒ်မဖြစ်တဲ့အတွက် တရားရုံးက အာမခံပေးလိုက် တာဖြစ်တယ်လို့ တရားလိုဘက်က ရှေ့နေအဖြစ် လိုက်ပါဆောင်ရွက်တဲ့ တရားလွှတ်တော်ရှေ့နေ ဦးနေလက ပြောပါတယ်။

ဦးကိုနီနဲ့ ဦးနေ၀င်းတို့ အသတ်ခံရမှုနဲ့ပတ်သက်ပြီး ရဲတပ်ဖွဲ့က ဖမ်းဆီးထားတဲ့ အောင်ဝင်းထွန်း၊ အောင်ဝင်းဇော်၊ ဇေယျာဖြိုး၊ ကြည်လင်းတို့ ၄ ဦးကို ပြီးခဲ့တဲ့ ရုံးချိန်းမှာ စွဲချက်တင်ခဲ့တာဖြစ်ပါတယ်။

အဲဒီအထဲက အောင်ဝင်းဇော်၊ ဇေယျာဖြိုးနဲ့ ကြည်လင်းတို့ သုံးယောက်ကို သေဒဏ်ထိကျခံရနိုင်တဲ့ ပုဒ်မတွေနဲ့ စွဲချက်တင်ထားတာဖြစ်ပြီး အောင်ဝင်းထွန်းကိုတော့ ပြစ်မှုကျူးလွန်သူကို လွတ်မြောက်အောင် ကူညီတဲ့အမှု ပုဒ်မ ၂၁၂ အရ စွဲချက်တင်ခံရတာဖြစ်ပါတယ်။

တရားလွှတ်တော် ရှေ့နေ ဦးကိုနီဟာ ပြီးခဲ့တဲ့ ၂၀၁၇ ခုနှစ် ဇန်နဝါရီလက ရန်ကုန်လေဆိပ်မှာ သေနတ်ပစ်ခတ်ပြီး လုပ်ကြံခံလိုက်တာဖြစ်ပါတယ်။

ဒီအမှုရဲ့ အဓိကတရားခံလို့ သတင်းထွက်ပေါ်နေတဲ့ အောင်ဝင်းခိုင် ဆိုသူကတော့ အခုချိန်ထိ လွတ်မြောက်နေ တာဖြစ်ပြီး ပြီးခဲ့တဲ့ ရုံးချိန်းတုန်းက အောင်ဝင်းခိုင်ကို တရားခံပြေးအဖြစ်  အင်းစိန် တရားရုံးက အမိန့်ချလိုက်ပါတယ်။

အဲဒီအမှုကို မနက်ဖြန်မှာ ဆက်လက် စစ်ဆေးဖို့  ရုံးချိန်းထပ်မံချိန်းဆိုလိုက်ပါတယ်။

RFA Burmese
https://www.rfa.org/burmese

အဓမ္မပြုကျင့်သူ အငှားယဉ်မောင်းကို သေဒဏ်ပေးဖို့ တောင်းဆို

FDA ဒုတိယဦးစီးမှူး မရွှေရည်ဝင်း အဓမ္မပြုကျင့် သတ်ဖြတ်ခံရမှုနဲ့ ဖမ်းဆီးထားတဲ့ အငှားယာဉ်​​မောင်း မျိုးဇော်ဦး ကို ၂ဝ၁၈ ခုနှစ် ဖေဖော်ဝါရီလ ၂၂ ရက်နေ့က ရန်ကုန်အရှေ့ပိုင်းခရိုင် တရားရုံးမှာ ရုံးထုတ်စဉ်/ Photo: Thant Zin Oo/RFA
အစား၊ အသောက်နဲ့ ဆေးဝါးကြီးကြပ်မှုကွပ်ကဲရေးဌာန (FDA)က ဒုတိယဦးစီးမှူး မရွှေရည်ဝင်း အဓမ္မပြုကျင့် သတ်ဖြတ်ခံရမှုနဲ့ပတ်သက်ပြီး ဖမ်းဆီးခံထားရတဲ့ အငှားယာဉ်​​မောင်း မျိုးဇော်ဦးကို သေဒဏ်ပေးဖို့ အမျိုးသမီး စောင့်ရှောက်ရေးအဖွဲ့က ဒီကနေ့ ရန်ကုန်အရှေ့ပိုင်းခရိုင် တရားရုံးမှာ တောင်းဆိုကြပါတယ်။

မြန်​မာအမျိုးသမီးများ ​စောင့်​​ရှောက်​​ရေးအဖွဲ့ဝင် မနှင်းရည်အေးက တရားဥပဒေပီပီပြင်ပြင် တကယ်ဖြစ်မလားဆိုတာ စောင့်ကြည့်ရမှာဖြစ်ပြီး အမိန့်ချပြီးရင်လည်း လွှတ်ငြိမ်းချမ်းသာခွင့်ထဲ မပါလာစေချင်ဘူးလို့ ပြောပါတယ်။

အငှားယာဉ်မောင်း မျိုးဇော်ဦးကို မုဒိန်းမှု ပုဒ်မ ၃၇၆၊ ဓမ္မတာနဲ့ဆန့်ကျင်ပြီး လိင်ဆက်ဆံမှု ပုဒ်မ ၃၇၇ ၊ လူသတ်မှု ပုဒ်မ ၃၀၂၊ ၊ လုယက်မှု ပုဒ်မ ၃၉၄ တို့နဲ့ ဒီနေ့ တရားရုံးက တရားစွဲဆိုလိုက်ပါတယ်။

အသတ်ခံခဲ့ရတဲ့ မရွှေရည်ဝင်းဟာ နေပြည်တော်ကနေတဆင့် ရန်ကုန်မြို့၊ ဒဂုံမြို့နယ်မှာရှိတဲ့ သူရဲ့ နေအိမ်ကို ပြန်ရောက်လာခဲ့ပြီးနောက် ဇန်နဝါရီ ၂၀ ရက် မနက်ပိုင်းမှာ အလုပ်ကိစ္စနဲ့ နေအိမ်ကနေ ပြန်ထွက်သွားခဲ့ပြီး ညပိုင်းမှာ အဆက်သွယ်ပြတ်သွားခဲ့တာဖြစ်ပါတယ်။

အဲဒီနောက် ည ၁၁ နာရီကျော်တဲ့အထိ နေအိမ်ပြန်မရောက်ခဲ့တဲ့အတွက် မိသားစုက ဒဂုံမြို့မရဲစခန်းမှာ လူပျောက်အမှုဖွင့်တိုင်ကြားခဲ့ပြီး နောက်တစ်နေ့ မနက် ဇန်နဝါရီ ၂၁ ရက်မှာ မုဒိန်းကျင့် အသတ်ခံထားရတဲ့ အလောင်းကို ပြန်လည်တွေ့ရှိခဲ့တာဖြစ်ပါတယ်။

RFA Burmese
https://www.rfa.org/burmese

စစ်တွေရှိ Gallant Ocean မှ အမျိုးသမီး အလုပ်သမား ၂၀ ကို အကြောင်းမရှိ၍ အလုပ်ဖြုတ်၍ အလုပ်သမား ၂၀၀ ကျော်က လမ်းပေါ်ထွက် တောင်းဆိုမှုပြုလုပ်


နိရဉ္စရာ၊ ဖေဖော်ဝါရီ ၂၂

ရခိုင်ပြည်နယ် မြို့တော် စစ်တွေတွင် ရေထွက်လုပ်ငန်းကုမ္ပဏီတစ်ခု ဖြစ်သည့် Gallant Ocean မှ အမျိုးသမီး အလုပ်သမား ၂၀ ကို အလုပ် ဖြုတ်ပစ်ရာမှ သူမတို့၏ နစ်နာကြေးများကို ရရှိရန် အမျိုးသမီး အလုပ်သမား ၂၀၀ ကျော်က တောင်းဆိုနေကြောင်း သတင်းရရှိသည်။

“ ကျွန်မတို့က ဆန္ဒပြတာမဟုတ်ဘူး။ တောင်းဆိုတာပါ။ အလုပ်ရုံက အမျိုးသမီး အလုပ်သမား ၂၀ ကို အကြောင်းမဲ့ အလုပ်ဖြုတ်လိုက်တဲ့ အပြင် လျော်ကြေးသုံးလစာလည်း မပေးတဲ့ အတွက် ဒီအပေါ်မှာ ကျွန်မတို့ရဲ့ လုပ်ဖော်ကိုင်ဘက်တွေ နစ်နာတဲ့ အတွက် ဒါကို မျှတမှုရှိအောင် တောင်းဆိုနေတာ ဖြစ်ပါတယ်” ဟု ၎င်းစက်ရုံမှ အလုပ်သမ တစ်ဦးဖြစ်သူ မထွေးက နိရဉ္စရာ သတင်းဌာနသို့ ပြောသည်။


အမျိုးသမီး အလုပ်သမား ၂၀၀ ကျော်ခန့်သည် ယနေ့ ဖေဖော်ဝါရီ ၂၂ ရက်နေ့ နံနက် ၉ နာရီမှ စတင်ကာ Gallant Ocean အလုပ်ရုံမှ စတင်ပြီး အလုပ်သမားညွန်ကြားရေးဦးစီဌာ(ရခိုင်ပြည်ရုံး) အထိ လမ်းလျှောက်ချီတာကာ အမျိုးသမီး အလုပ်သမား ၂၀ အလုပ်ဖြုတ်ခံရခြင်း အပေါ် လာရောက် ညှိနှိုင်း ပေးရန် တောင်းဆိုကြသည်ဟု သိရသည်။

အလုပ်ဖြုတ်ခံရသူ မဦးမျှဝင်းမှ သူမတို့အား အလုပ်ပါးလာသဖြင့် အကြောင်းမရှိ အကြောင်းရှာပြီး အလုပ်ဖြုတ်ပစ်ခဲ့သည်ဟု ပြောဆိုသည်။

“ ကျွန်မတို့ကို မီးဖိုချောင်ကို ပြောင်းပါတယ်။ ကျွန်မတို့က မပြောင်းနိုင်လို့ဆိုတော့ ကျွန်မတို့ကို အလုပ်ဖြုတ်ပစ်ပါတယ်။ ဘာမှ အပြစ်မရှိဘဲနဲ့ ဖြုတ်ပစ်တာပါ။ အလုပ်ဖြုတ်ရင် လျော်ကြေး သုံးလ လစာ ကိုလည်း ပေးတာမရှိပါ။ ကျွန်မတို့က ခုလို အလုပ်ဖြုတ်ပစ်တဲ့ အတွက် အထူးနစ်နာပါတယ်” ဟု မဦးမျှဝင်းက ပြောဆိုသည်။


Gallant Ocean သည် တရုတ် ရေထွက်လုပ်ငန်းကုမ္ပဏီတစ်ဖြစ်ပြီး အဓိကအားဖြင့် ပုဇွန်နှင့် ငါးတို့ကို ကုန်ချောလုပ်ငန်း လုပ်ကိုင်သည့် ကုမ္ပဏီ ဖြစ်သည်ဟု သိရသည်။

စက်ရုံမန်နေဂျာအား ဆက်သွယ်ရန် ကြိုးစားသော်လည်း ဆက်သွယ်မှု မရရှိသဖြင့် စက်ရုံဘက်မှ သဘောထားကို တင်ပြနိုင်ခြင်း မရှိသေးပါ။

Narinjara
https://www.facebook.com/Narinjara

တရုတ်ပြည်ဘက်သို့ အလုပ်လုပ်ကိုင်ရန် ၅၂ ဦးအား တရားမဝင် ခေါ်ဆောင်လာသူ၂ ဦးကို ပြည်ပ အလုပ်အကိုင်ဆိုင်ရာ ဥပဒဖြင့် အရေးယူ

တရုတ်ပြည်ဘက်သို့ အလုပ်လုပ်ကိုင်ရန် ၅၂ ဦးအား တရားမဝင် ခေါ်ဆောင်လာသူ၂ ဦးကို ပြည်ပ အလုပ်အကိုင်ဆိုင်ရာ ဥပဒဖြင့် အရေးယူ
ဖေဖေါ်ဝါရီ ၂၂ ။

မန္တလေးတိုင်း၊ ပုသိမ်ကြီးမြို့နယ်၊ အုန်းချောရွာ၊ Asia Worldတိုးဂိတ်အနီးတွင် အမှတ်(၁၁)လူကုန်ကူးမှု တားဆီးနှိမ်နင်းရေး ရဲတပ်ဖွဲ့စု (မန္တလေး)မှ ဖေဖေါ်ဝါရီ၂၁ ရက် ညနေ ၃ နာရီက သတင်းအရ စောင့်ဆိုင်းနေစဉ် ကြယ်တံခွန် မှန်လုံယာဉ်ဖြင့် အမျိုးသား ၊ အမျိုးသမီး ၅၂ဦးကို တရုတ်ပြည်သို့ အလုပ်လုပ်ကိုင်ရန် တရားမဝင်ခေါ်ဆောင်လာသူ ၂ ဦးကို ပြည်ပအလုပ်အကိုင်ဆိုင်ရာဥပဒေဖြင့် အမှုဖွင့် အရေးယူထားကြောင်း ယင်းတပ်ဖွဲ့မှ သိရသည်။

“ပြည်ပကို အလုပ်လုပ်ကိုင်ဖို့ ခေါ်ယူရာမှာ တရားဝင် အကျိုးဆောင် လိုင်စင်မရှိဘဲ အမျိုးသား ၄၄ ဦးနှဲ့ အမျိုး သမီး ၈ ဦးကို တရုတ်ပြည် ပရိဘောဂစက်ရုံမှာ အလုပ်လုပ်ကိုင်ဖို့ ငွေကြေးလက်ခံရယူပြီး မြင်းခြံနယ်ဘက်က ခေါ်လာတာပါ”ဟု ၄င်းတပ်ဖွဲ့မှ ရဲအုပ်မြင့်သိန်းကပြောသည်။


စစ်ဆေးခဲ့ရာတွင် တရုတ်နိုင်ငံ၊ ဟွေ့ကျုံးပြည်နယ်၊ တုံကွမ်မြို့ရှိ ပရိဘောဂစက်ရုံတွင် အလုပ်လုပ်ကိုင်နေသော မြင်းခြံမြို့နယ်၊ ကူရွာနေ ကိုကျော်စိုးလင်းနှင့် မကျီးသမျှားကျေးရွာနေ ကိုအောင်လင်း တို့က အဆိုပါ စက်ရုံတွင် တလလျင် လုပ်အားခ ကျပ်ငါးသိန်းရရှိကြောင်း ပြောကြားကာ
ကိုကျော်စိုးလင်းက ၂၆ ဦးအား တစ်ဦးလျင် ခရီးစရိတ် (၅၂၀၀၀၀)ကျပ်နှင့် ကိုအောင်လင်းက ၂၆ ဦးထံမှ တစ်ဦးလျင် ကျပ် (၅၅၀၀၀၀)ငွေကြေးရယူ ခေါ်ဆောင်လာ ကြောင်းသိရသည်။

“အလုပ်လုပ်ဖို့ ခေါ်ခံရတဲ့ ၅၂ ဦးကို အုန်းချောရွာ အုပ်ချုပ်ရေးမှု အကူအညီနဲ့ အုန်းချောရွာ ဓမ္မာရုံမှာ စောင့်ရှောက်ပြီးတော့ ပြည်ပသွားပြီး အလုပ်လုပ်ရင် တွေ့ကြုံနိုင်တဲ့ အန္တရာယ်တွေကို ပညာပေးခဲ့ပါတယ်။”ဟု ဆက်လက် ပြောကြားသည်။


တရားဝင်လိုင်စင်မရှိဘဲ အလုပ်သမားစုဆောင်း သယ်ဆောင်လာသူ ကိုကျော်စိုးလင်းနှင့် ကိုအောင်လင်းတို့ အား ဥပဒေအရ အရေးယူရန် လူကုန်ကူးမှုတားဆီးနှိမ်နင်းရေးမှ ရဲအုပ် မြင့်သိန်းကတရားလို ပြုလုပ်တိုင်တန်း ခဲ့ပြီး ပုသိမ်ကြီးမြို့နယ် အုန်းချောနယ်မြေရဲစခန်းတွင် (ပ) ၂၇/၂၀၁၈ ။ ပြည်ပအလုပ်အကိုင်ဆိုင်ရာ ဥပဒေ ပုဒ်မ-၂၆ ဖြင့် ဖေဖေါ်ဝါရီ ၂၂ ရက်နေ့က အမှုဖွင့် အရေးယူထားကြောင်း သိရသည်။

Mandalay News
https://www.facebook.com/lin.aung.777/

ကျန်းမာရေး ဆိုးရွားတဲ့ မြန်မာရေလုပ်သား ၂ ဦး ထိုင်းရေတပ် ကယ်တင်

မြန်မာ ငါးဖမ်းသမား နှစ်ဦးကို ထိုင်းစစ်တပ်က ရဟတ်ယာဉ်နဲ့ ဆေးရုံပို့ဆောင်။ ဓာတ်ပုံ - ကိုဝဏ္ဏ
ထိုင်းနိုင်ငံ တောင်ပိုင်း ဖန်င ခရိုင် ရေပိုင်နက်ထဲမှာ မြန်မာလှေလုပ်သား၂ ဦး အရေးပေါ် မခံမရပ်နိုင်တဲ့ ဗိုက်အောင့်တဲ့ရောဂါ ခံစားရတာကြောင့် ဖေဖေါ်ဝါရီလ ၂၁ ရက် နေ့က ဖူးခက်ကမ်းခြေက ထိုင်းရေတပ်က ရဟတ်ယာဉ်နဲ့ ရနောင်းဆေးရုံကြီးကို အရေးပေါ် ပို့ပေးခဲ့တယ်လို့ ဆိုပါတယ်။ ထိုင်းအခြေစိုက် ဗွီအိုအေ သတင်းထောက် မအေးအေးမာက သတင်းပေးပို့ထားပါတယ်။

ထိုင်းနိုင်ငံ ဖန်းင ခရိုင်အတွင်းမှာ လှေလုပ်သား အဖြစ် လုပ်နေတဲ့ မြန်မာနိုင်ငံသား ၂ ဦးဟာ ဗိုက်အောင့်ပြီး ကျန်းမာရေး ဆိုးဝါးနေတာကြောင့် ထိုင်းလှေဦးစီးကနေ အဆင့်ဆင့် အကြောင်းကြားတာကြောင့်ထိုင်းရေတပ်က ရဟတ်ယာဉ်သုံးပြီး ကူညီကယ်ဆယ်ပြီး ဆေးရုံပို့ပေးခဲ့ရတယ်လို့ ဖန်ငအခြေစိုက် ပညာရေးနဲ့ ဖွံဖြိုးရေး ဖောင်ဒေရှင်းရဲ့ အလုပ်သမားရေးနဲ့ မှတ်တမ်းရေးရာ တာဝန်ခံ ဦးမင်းဦးက ဆိုပါတယ်။

“ဗိုက်အောင့်လို့ ဆိုပြီး မခံနိုင်လို့ ဆိုပြီး လှေဦးစီးကို ပြောတာပေါ့။ ထိုင်းလှေဦးစီးက ဆိပ်ကမ်း အာဏာပိုင်တွေ လှေဝင်လှေထွက်စစ်တဲ့ သူတွေကို အကြောင်းကြားတယ်။ အဲဒီကနေ ရေတပ်အာဏာပိုင်တွေကို အကြောင်းကြားတယ်။ အဲဒီ ကနေတဆင့် ရေတပ် အာဏာပိုင်တွေက လာခေါ်ပြီး ရနောင်းဆေးရုံကြီးကို ပို့ပေးတာပေါ့။ အခုတော့ ဆေးရုံမှာ။”

ရနောင်းဆေးရုံကြီးကို လှေလုပ်သား ၂ ဦးကို ပို့ခဲ့ရာမှာ တဦးကတော့ ကျန်းမာရေး အခြေအနေ မဆိုးပေမဲ့ တဦးကတော့ အရေးပေါ် အခန်းကို ပို့ပြီး ကုသမှု ခံယူနေရကြောင်း၊ ဘာရောဂါ ဖြစ်သလဲ ဆိုတာကိုတော့ စစ်ဆေးနေဆဲပဲလို့ ဆိုပါတယ်။ ထိုင်းရေတပ် အနေနဲ့ မြန်မာတွေကို အခုလို ကျန်းမာရေး အခြေအနေ ဆိုးတဲ့အချိန် လာရောက် ကူညီပေးမူတွေ ကတော့ သိပ်မကြုံဖူး ပေမယ့် လှေနစ်တာတွေ မျိုးကို ကယ်ဆယ်တာတွေတော့ လုပ်လေ့ရှိတယ်လို့ ဆိုပါတယ်။

“ ဒီလိုမျိုး ရောဂါဖြစ်တာ မဟုတ်ဘူး။ လှေနစ်တာတို့ မမြုပ်ခင် လှေဝမ်းကွဲတဲ့ အချိန် အကြောင်းကြားလို့ လာကယ်တာမျိုး၊ မုန်တိုင်းလိုမျိုး ရှိလို့ လှေနစ်မလို ဖြစ်လို့ လာကယ်တာမျိုးတော့ ရှိဘူးတယ်။ ဒီလို ရောဂါနဲ့ကတော့ အတော်ရှားတယ်။ ထိုင်းစစ်တပ်ဘက်က အဲဒီလိုမျိုး အကူအညီတောင်းမယ်ဆိုရင်တော့ မြန်မာရယ်၊ ထိုင်းရယ် မဟုတ်ဘူး။ ကယ်ပေးတာတွေတော့ လုပ်ကြတယ်။ ကြုံဖူးတာကော ကြားဖူးတာကောပေါ့။”

ထိုင်းနိုင်ငံရဲ့ ပင်လယ်ပြင်မှာ အလုပ်လုပ်နေကြတဲ့ မြန်မာ ရေလုပ်သားတွေကို အရင်တုန်းက ဆိုရင် ကျန်းမာရေး မကောင်းလို့ အလုပ်မလုပ်နိုင်ဘူးဆိုရင် လှေပေါ်ကနေ တွန်းချတာတွေ ရိုက်နှက်တာတွေ ရှိခဲ့တာပါ။ လှေလုပ်သားတွေကို ကျွန်တွေသဖွယ် ခိုင်းစေတယ်ဆိုတဲ့ လူ့အခွင်အရေး အဖွဲတွေရဲ့ အစီရင်ခံစာတွေ ထွက်အပြီး နာမည်ဆိုးတွေ ထွက်လာပြီး တဲ့နောက်မှာတော့ ရေလုပ်သားတွေကို လူ့အခွင့်အရေး ချိုးဖောက်တာတွေ လျော့နည်းလာတာ ဖြစ်ပါတယ်။

မအေးအေးမာ  / ဗွီအိုအေ (မြန်မာပိုင်း)
https://burmese.voanews.com

ပီရူးနိုင်ငံတောင်ပိုင်း၌ ဘတ်စ်ကားတိမ်းမှောက်မှုဖြစ်ပွားရာ လူပေါင်း ၄၄ ဦးသေဆုံး

ပီရူးနိုင်ငံ၌ လူပေါင်း ၄၄ ဦးအသက်သေဆုံးခဲ့ရသော ဘတ်စ်ကားမတော်တဆမှုအားတွေ့ ရစဉ်(ဓာတ်ပုံ-အင်တာနက်)
လီမာ ၊ ဖေဖော်ဝါရီ ၂၂ ရက်(ဆင်ဟွာ)

    ပီရူးနိုင်ငံတောင်ပိုင်း Arequipa ဒေသအနီး၌ ဖေဖော်ဝါရီ ၂၁ ရက်တွင် ဘတ်စ်ကားတစ်စင်း တိမ်းမှောက်မှုဖြစ်ပွားရာ သေဆုံးသူ ၄၄ ဦးထိ ရောက်ရှိသွားပြီဖြစ်ကြောင်း သိရသည်။

ဒေသဆိုင်ရာ ရဲတပ်ဖွဲ့ အကြီးအကဲ ရဲဗိုလ်ချုပ် ဝေါတာအော့တစ်ခ် ( Walter Ortiz ) က လူ ၄၃ ဦးမှာ ဘတ်စ်ကားထိုးကျသွားသော အနက် ၂ဝဝ မီတာရှိ တောင်စောင်း ချောက်ထဲ၌ပင် ပွဲချင်းပြီး သေဆုံးခဲ့ကြောင်း နှင့် အခြားတစ်ဦးမှာ အနီးအနားရှိ ဆေးရုံတစ်ရုံ၌ သေဆုံးသွားကြောင်း ပြောကြားခဲ့သည်။

ပီရူးနိုင်ငံ အသံလွှင့်ဌာန ( RPP ) က နောက်ဆုံးရသတင်းဖော်ပြရာ၌ သေဆုံးသူဦးရေမှာ ၃ဝ မှ ၃၅ ဦး ၊ ယင်းနောက် ၄၄ ဦးထိ မြင့်တက်သွားခဲ့ကြောင်း နှင့် အခြား လူပေါင်း ၃၄ ဦး ထိခိုက်ဒဏ်ရာရခဲ့ကြောင်း တင်ဆက်သွားခဲ့သည်။

ဒဏ်ရာရသူအချို့ ကို ရဟတ်ယာဉ်များဖြင့် Arequipa ဆေးရုံသို့ စစ်သားများက ပို့ ဆောင်ပေးခဲ့ကြောင်း ၊ ၄င်းမတော်တဆမှုမှာ ဒေသစံတော်ချိန် နံနက် ၁ နာရီခွဲတွင်  Panamerican အဝေးပြေးလမ်း တောင်ဘက် ၇၈၂ ကီလိုမီတာ၌ ဖြစ်ပွားခဲ့ကြောင်း သိရသည်။

အဆိုပါ ဘတ်စ်ကားသည် ဖေဖော်ဝါရီ ၂ဝ ရက် ညပိုင်းတွင် Chala မြို့ မှ Arequipa သို့ ဦးတည်ထွက်ခွာလာခဲ့ခြင်းဖြစ်ကြောင်း ၊ ကားပေါ်တွင် ခရီးသည် ၄၅ ဦးလိုက်ပါလာကြောင်း ၊ သို့ သော် လမ်းခရီး၌ အရေအတွက် မသိနိုင်သော အခြား လမ်းခုလပ် ခရီးသည်များလည်း လိုက်ပါလာခဲ့ကြောင်း သိရသည်။

ဘတ်စ်ကားတိမ်းမှောက်စဉ် ခရီးသည်အရေအတွက် မည်၍မည်မျှ လိုက်ပါလာသည်ကို အတိအကျမသိရသေးကြောင်း ဒေသဆိုင်ရာ အရပ်သားကာကွယ်ရေးအဖွဲ့ အကြီးအကဲ Jacqueline Choque က ဆိုသည်။

ကနဦး စစ်ဆေးမှုများအရ ယာဉ်မောင်းမှာ အိတ်ငိုက်သွား၍ ကားကို ထိန်းချုပ်နိုင်ခြင်းမရှိတော့ဘဲ တိမ်းမှောက်ရခြင်းဖြစ်ကြောင်း ဖော်ပြထားသည်။ ယခုဖြစ်စဉ်မှာ ပီရူးနိုင်ငံ၌ ယခုနှစ်အတွင်း ဒုတိယအကြိမ်မြောက် ကြီးမားသော ဘတ်စ်ကားမတော်တဆမှုဖြစ်ပြီး ယင်းမတိုင်မီက လီမာမြို့ မြောက်ပိုင်း၌ လူပေါင်း ၅၂ ဦးသေဆုံးခဲ့ရသည့် ဘတ်စ်ကား မတော်တဆမှုတစ်ခု ဖြစ်ပွားခဲ့ကြောင်း သိရသည်။

(Xinhua)
http://xinhuamyanmar.com

တောင်အာဖရိက နိုင်ငံ ရှိ ရဲစခန်း တစ်ခု တိုက်ခိုက်ခံရ လူပေါင်း ၆ ဦး သေဆုံး

တောင်အာဖရိက နိုင်ငံ ရှိ ရဲစခန်း တစ်ခု တိုက်ခိုက်ခံရ လူပေါင်း ၆ ဦး သေဆုံး
  ဂျိုဟန်နက်စ်ဘတ် ၊ ဖေဖော်ဝါရီ ၂၂ ရက် (ဆင်ဟွာ)

    တောင်အာဖရိက နိုင်ငံ ဒေသတွင်း မီဒီယာ များ၏ ဖော်ပြချက်အရ ဖေဖော်ဝါရီ ၂၁ ရက်နေ့ နံနက်ပိုင်း အချိန်တွင် အမည်မသိသေးသည့် လက်နက်ကိုင် အဖွဲ့ဝင် တစ်ဦး က Eastern Cape ပြည်နယ် Engcobo မြို့ ရှိ ရဲစခန်း တစ်ခု ကို တိုက်ခိုက်ခဲ့ရာ ရဲတပ်ဖွဲ့ဝင် ၅ ဦး နှင့် အငြိမ်းစား အစိုးရ တပ်ဖွဲ့ဝင် တစ်ဦး သေဆုံးခဲ့ကြောင်း သိရှိရသည်။

သတင်းဖော်ပြချက်များတွင် လက်နက်ကိုင် အဖွဲ့ဝင် တစ်ဦး က ရဲစခန်း အတွင်းသို့ ဝင်ရောက် လာခဲ့ပြီး တာဝန်ထမ်းဆောင်နေသည့် ရဲတပ်ဖွဲ့များကို ပစ်ခတ်ခဲ့ရာ နေရာတွင် ၃ ဦး သေဆုံးခဲ့ကြောင်း ၊ ထိုနောက် ၄င်းက ရဲတပ်ဖွဲ့ မှ ကားတစ်စင်း နှင့်အတူ ရဲတပ်ဖွဲ့ဝင် ၂ ဦး ကို ဖမ်းဆီးသွား ခဲ့ကြောင်း ၊ ထွက်ပြေးနေစဉ် အတွင်း အငြိမ်းစား အစိုးရ တပ်ဖွဲ့ဝင် တစ်ဦး ကို ပစ်ခတ် သတ်ဖြတ် ခဲ့ကြောင်း ၊ ရဲတပ်ဖွဲ့၏ ကားကို ရဲစခန်း နှင့် ၆ ကီလိုမီတာ အကွာအဝေး နေရာ တွင် ပြန်လည် တွေ့ရှိခဲ့ပြီး ရဲတပ်ဖွဲ့ဝင် ၂ ဦး ၏ ရုပ်အလောင်းကို တွေ့ရှိခဲ့ကြောင်း ၊  တိုက်ခိုက်သူ အနေဖြင့် ရဲစခန်း မှ လက်နက်များ ကိုလည်း ယူဆောင်သွားကြောင်း ရေးသား ဖော်ပြခဲ့ကြသည်။

လက်ရှိချိန်တွင် ရဲတပ်ဖွဲ့ အနေဖြင့် တိုက်ခိုက်ခံရသည့် အကြောင်းရင်း နှင့် ပတ်သက်၍ မသိရှိသေးဘဲ ကနဦး စစ်ဆေးချက်များအရ တိုက်ခိုက်သူ အနေဖြင့် ရဲစခန်း အနီးရှိ ATM စက် မှ ငွေများကိုလည်း လုယူသွားခဲ့ကြောင်း သိရှိရသည်။

(Xinhua)
http://xinhuamyanmar.com

အထူးသတင်းထောက်ကိစ္စအပေါ် အရေးယူ​ပေးရန် ပြောဆိုထားကြောင်း ဦးဇော်ဌေးပြော


နေပြည်​​တော်​၊ ​ဖေ​ဖော်​ဝါရီ ​၂၂။

ပြည်ထဲရေးအရာရှိဟောင်းများပါဝင်နေသည့် အထူးသတင်းထောက်ကိစ္စရပ်များအပေါ် အရေးယူရန် ပြည်ထဲရေးသို့ ပြောဆိုထားပြီးဖြစ်ကြောင်း နိုင်ငံတော်သမ္မတရုံး ပြောရေးဆိုခွင့်ရှိသူ ဦးဇော်ဌေးက ပြောသည်။

“အထူးသတင်းထောက်ဆိုပြီးတော့ ဒီလိုမျိုး လူထုအပေါ်နိုင်ထက်စီးနင်းလုပ်နေတာတွေမလုပ်ဖို့ ကိစ္စကိုလည်း ပြည်ထဲရေးကို ပြောထားတယ်။ ဘာကြောင့်လဲဆိုတော့ အထူးသတင်းထောက်အသင်းအဖွဲ့တွေရဲ့ နာယကတွေက အရင်တုန်းက ပြည်ထဲရေးက အရာရှိကြီးအဟောင်းတွေ ဖြစ်နေတယ်။ လက်ရှိမှာလည်း တစ်ချို့ က ပတ်သက်မှုတွေရှိတယ်ဆိုတဲ့အတွက် ပြည်ထဲရေးဝန်ကြီးဌာနရယ်​ ရဲချုပ်ရယ်​ အကုန်လုံးကို ​ပြောထားတယ်”ဟု ဦးဇော်ဌေးက ပြောသည်။

ဦးဇော်ဌေးမှ ဖေဖော်ဝါရီလ ၂၁ ရက်နေ့က နေပြည်တော်၊ ပြန်ကြားရေးဝန်ကြီးဌာနရုံး၌ ဒုတိယအကြိမ် မဏ္ဍိုင် ၄ ရပ်အလုပ်ရုံဆွေးနွေးပွဲ ခေတ္တနားချိန်တွင် သတင်းထောက်များ၏ အထူးသတင်းထောက်ကိစ္စနှင့် ပတ်သက်၍ မေးမြန်းမှုအပေါ် ဖြေကြားခဲ့ခြင်း ဖြစ်သည်။

ထိုအပြင် အထူးသတင်းထောက်များဝတ်စုံသည် လုံခြုံရေး တပ်ဖွဲ့ဝင်များ၏ ယူနီဖောင်များနှင့် ဆင်တူရိုးမှားဖြစ်နေခြင်းကြောင့် ၀တ်ဆင်ခြင်းမပြုလုပ်ရန် ပြည်ထဲရေးမှလည်း ကြော်ငြာချက်ထုတ်ပြန် ထားပြီးဖြစ်ကြောင်း သိရှိရသည်။

အထူးသတင်းထောက်များမှ မတရားငွေကြေးတောင်းခံနေမှုများ ရှိနေသည်ဟု လူမှုကွန်ယက်စာမျက် နှာများတွင် ဓါတ်ပုံ၊ ရုပ်သံများဖြင့် ဖော်ပြ၍ ပြောဆိုမှုများလဲရှိကြောင်း သိရှိရသည်။

ကြယ်စင်ခ (နေပြည်တော်)
Central News Myanmar
https://www.facebook.com/CNMyanmar

ကျိုက်ထီးရိုးစေတီတော်၌ ဘုရားဖူးများ အဆင်ပြေရေး ကေဘယ်ကားကို အခြား တစ်နေရာမှ ထပ်မံဆောင်ရွက်မည်


မော်လမြိုင် ဖေဖော်ဝါရီ ၂၁

မွန်ပြည်နယ် ကျိုက်ထိုမြို့ရှိ ဆံတော်ရှင် ကျိုက်ထီးရိုးစေတီတော်၌ ပြည်တွင်း ပြည်ပ ဘုရားဖူးပြည်သူများ အဆင် ပြေစေရေးအတွက် Kyaiktiyo Great Green Co.,Ltd သည် ဆံတော်ရှင် ကျိုက်ထီး ရိုးစေတီတော် နယ်မြေ စိမ်းလန်းစိုပြည်ဖွံ့ဖြိုးတိုးတက် ရေးနှင့် ရဟန်းသံဃာများ၊ သက်ကြီး ရွယ်အိုများနှင့် ပြည်တွင်း ပြည်ပခရီးသွား ပြည်သူများ ပိုမို အဆင်ပြေလွယ်ကူစေ ရေးအတွက် ကျိုက်ထီး ရိုးစေတီတော် ၏ အခြားတစ်ဖက်လမ်းတွင် ကေဘယ်ကား ပြေးဆွဲရေး လုပ်ငန်း စီမံကိန်း အဆိုပြု ချက်ကို ဖေဖော်ဝါရီ ၂ဝ ရက်က ပြည်နယ် အစိုးရအဖွဲ့ရုံး၌ တင်ပြခဲ့ ကြောင်း သိရသည်။

ယခု ပြေးဆွဲမည့်လမ်းကြောင်းသည် ကျိုက်ထီးရိုးလမ်းခွဲမှ မဲယွန်းကြီး၊ ကဒိုင်ဒွတ်၊ မိုးဘောနယ်ရှင်၊ ကျောက် ဖျာ၊ခေါင်းဆေးကန်လမ်းဖြစ်ပြီးmain station မှ စေတီတော်အနီး မုဆိုး တောင် Return station ထိ ၂၃၉၆ မီတာ အကွာအဝေးရှိပြီး ကျိုက်ထီးရိုး လမ်းခွဲမှ main station ထိ ၁၃ မိုင် ကားလမ်းကို လေးလမ်းသွားအဖြစ်တိုးချဲ့သွားမည်ဖြစ်ကြောင်း၊ လမ်း၌ရှိ သည့် တံတား ၁၂ စင်းကို အသစ် ပြန်လည်ပြုပြင်သွားကာ ကေဘယ် ကား လမ်း အသစ်ဖောက်လုပ်လိုက် ခြင်းဖြင့် ပြည်တွင်း ပြည်ပ ဘုရားဖူး များ အတွက် ပိုမိုအဆင်ပြေလာမည် ဖြစ်ပြီး ခရီးသွားလုပ်ငန်းလည်း ပိုမို တိုးတက်လာပြီး ဒေသခံများအနေဖြင့် အလုပ်အကိုင် အခွင့်အလမ်းများ ရရှိလာ မည်ဖြစ်ကြောင်း ၊ ယခု ကေဘယ်ကား ပြေးဆွဲရေးလုပ်ငန်းတွင် တစ်စီးလျှင် ၁ဝ ဦး လိုက်ပါနိုင်သော ကေဘယ်ကား အစီး ၈ဝ ပါရှိ မည်ဖြစ်ပြီး Return Station မှ ဘုရားဆင်းထိ မီတာ ၄ဝဝ လျှောက်လမ်း ပါဝင်မည်ဖြစ် ကြောင်း၊main Station နေရာတွင် ကားပါကင် အခမဲ့ တည်းခိုဆောင် များနှင့် အဆင့်မြင့် အိမ်သာများ ပါဝင်မည် ဖြစ်ကြောင်း၊ စီမံကိန်း တစ်လုံးကို ၂ဝ၁၉ ခုနှစ်တွင် ပြီးစီးရန် လျာထားကြောင်း ကုမ္ပဏီမန်နေဂျင်း ဒါရိုက်တာ ဦးစောရွှေအောင်က ပြောသည်။

တင်ထွဋ်(မော်လမြိုင်)
MOI Webportal Myanmar
https://www.facebook.com/MOIWebportalMyanmar/

ခိုင်မျိုးထွန်း စစ်တွေအကျဉ်းထောင်မှ ယနေ့လွတ်ပြီ


ဖေဖော်ဝါရီ ၂၂

စစ်တွေထောင်ထဲတွင် ၁ နှစ် ၃ လ အထိ ဖမ်းဆီးထိန်းသိမ်းထားခြင်းကို ခံခဲ့ရသူ ကိုခိုင်မျိုးထွန်းသည် ယနေ့ ဖေဖော်ဝါရီ ၂၂ ရက်နေ့ နံနက် ၇ နာရီ ၄၅ မိနစ်တွင် လွတ်မြောက်လာခဲ့ပြီ ဖြစ်သည်။

ကိုခိုင်မျိုးထွန်းသည် လွန်ခဲ့သည့် ၂၀၁၇ ခုနှစ် အောက်တိုဘာလ ၁၂ ရက်နေ့က စစ်တွေတရားရုံးမှ နိုင်ငံတော်ကို အကြည်အညိုပျက်စေသည်ဟုဆိုကာ ရာဇသတ်ကြီးပုဒ်မ ၅ဝ၅(ခ)/၅ဝ၅(ဂ)တို့အရ ထောင်ဒဏ် ၁ နှစ် ခွဲ ချမှတ်ခံခဲ့ရသည်။

၂ဝ၁၆ ခုနှစ်က ဧပြီလ ၂၄ ရက်နေ့စွဲဖြင့် ရခိုင်ပြည်လွတ်မြောက်ရေးပါတီ (ALP) ပြန်ကြားရေးဌာန မှ မြန်မာတပ်မတော်နှင့် ရက္ခိုင့်တပ်မတော်(AA)တို့အကြား တိုက်ပွဲများ ဖြစ်ပွားခဲ့မှုတွင် မြန်မာ တပ်မတော်မှ အရပ်သားပြည်သူများအား ပေါ်တာဆွဲခြင်း၊ လမ်းပြ အဖြစ်ခေါ် ယူအသုံးပြုခြင်းများ ရှိသည်ဟု ကြေညာ ချက်ထုတ်ပြန်ခဲ့မှုနှင့် ပတ်သက်ပြီး ကိုခိုင်မျိုးထွန်းတွင် တာဝန်ရှိသည်ဟု ဆိုကာ ဖမ်းဆီးထောင်ချခဲ့သည်။

ထောင်ထဲမှ လွတ်မြောက်လာသည့် ကိုခိုင်မျိုးထွန်းအား နိရဉ္စရာ သတင်းဌာနမှ မေးမြန်းရာ သူက “ရခိုင်ပြည်သူပြည်သားတွေလိုအပ်တဲ့ မွေးရာပါ မူအခွင့်အရေးပေါ့နော်။ ရခိုင်ပြည်သူ ပြည်သား အားလုံးရဲ့မွေးရာပါလိုအပ်တဲ့ လူ့အခွင့်အရေး၊ လယ်သမား အခွင့်အရေး သားငါးတွေနဲ့ ပတ်သက်လို့ ရခိုင်ပြည်သူပြည်သားတွေလိုအပ်တဲ့ အခွင့်အရေး၊ အလုပ်သမားအခွင့်အရေး၊ ပြောရမယ်ဆိုရင် အဲဒီအခွင့်အရေးတွေ တိုက်ပွဲဝင်တဲ့ နေရာမှာ ကျနော်က ပြည်သူနဲ့ ထပ်တူရှိနေမှာပါ။ ပြည်သူနဲ့ ပတ်သက်တာအားလုံးကို ကျနော်တတ်နိုင်သလောက် လုပ်သွားမှာပါ” ဟု ပြောသည်။

ရခိုင်ကိုခိုင်မျိုးထွန်းသည် ရခိုင့်ပြည်လွတ်မြောက်ရေးပါတီALP ပါတီမှ စည်းရုံးရေးနှင့် ပြန်ကြားရေးတာဝန်ခံ ဗိုလ်မှူးအဆင်ရာထူးရှိသူတစ်ဦးဖြစ်သည်။

နောင်ခိုင်အောင်
Narinjara
https://www.facebook.com/Narinjara

အမျိုးသမီး ၁ဦး ကားပေါ်မှ ထွက်​ကျစဉ် ကုန်​တင်​ယာဉ်​မှ တက်​ကြိတ်မိသဖြင့် ​သေဆုံး


ပဲခူးတိုင်းဒေသကြီး ဥက္ကံမြို့​ တောင်​ဖက်​ ပါဒဘုန်း​တော်​ကြီး​ကျောင်း​ရှေ့၌ ဖေဖော်ဝါရီ ၂၂ ရက်နေ့ ယနေ့ နံနက် ၅ နာရီခန့် က သာယာဝတီ - သဲဖြူ မှ ဟိုင်းလက်​ယာဉ်​အား မီး​သွေးများတင်​​ဆောင်​လာသည့် နီဆန်းကုန်​တင်​ယာဉ် (နီညိုေ​ရာင်)​မှ ​နောက်​မှဝင်​တိုက်​မှု ဖြစ်​ပွားခဲ့ပါသည်​။

ဟိုင်းလက်​ယာဉ်​​ပေါ်မှ အမျိုးသမီး ၁ဦး ထွက်​ကျ၍ ကုန်​တင်​ယာဉ်​မှ တက်​ကြိတ်သဖြင့် ​သေဆုံးပြီး ၈ဦးခန့်​ ဒဏ်​ရာ ရရှိခဲ့ပါသည်။


အဆိုပါ သေဆုံးဒဏ်ရာရရှိသူများကို ​မေတ္တာ​ရေစင်​ အမှတ်​(၁)(၂)(၄)ယာဉ်​ ၃စီးဖြင့် သွား​ရောက်​ကူညီ၍ ဥက္ကံတိုက်​နယ်​​ဆေးရုံသို့ ပို့​ဆောင်​​ပေးခဲ့ပါသည်​။

 ​သေဆုံးသူ အမျိုးသမီးမှာ ဥက္ကံသစ်​​ခေါင်းကြီး​ကျေးရွာမှဖြစ်​ပြီး ဒါဏ်​ယာရရှိသူများမှာ သုံးဆယ်​မြို့မှဟု သိရပါသည်​။ ကုန်​တင်​ကားမှာ ​မောင်းနှင်​ထွက်​​ပြေးသွားခဲ့ပါသည်​။

 နံနက် ၇ နာရီခန့် တွင် ယာဉ်​တိုက်​မှုမှ ဒဏ်ရာရရှိသူ အမျိုးသမီး၂ဦးအား ရန်​ကုန်​​ဆေးရုံကြီးသို့ ​မေတ္တာ​ရေစင်​ အမှတ်​(၁)(၂)ယာဉ်​ ၂စီးဖြင့် ဥက္ကံတိုက်​နယ်​​ဆေးရုံ မှတဆင့် ဆက်​လက်​ပို့​ဆောင် ပေးခဲ့ကြောင်း သိရပါသည်။

မေတ္တာရေစင် လူနာတင်ယာဉ် အသင်း ။ ဥက္ကံမြို့

ဆီးရီးယား အရေးပေါ်အပစ်ရပ်ဖို့ ကုလကြိုးပမ်း


ဆီးရီးယား အရှေ့ပိုင်း Ghouta ဒေသက တိုက်ပွဲတွေကြား ပိတ်မိနေတဲ့ ဒေသခံ ၄ သိန်းကို အကူညီပေးနိုင်ဖို့ ဆီးရီးယား နိုင်ငံတလွှား ရက်ပေါင်း ၃၀ အမြန် အပစ်အခတ် ရပ်စဲပေးရေးအတွက် လုံခြုံရေးကောင်စီရဲ့ ခွင့်ပြုချက်ရဖို့ ကုလသမဂ္ဂ အတွင်းရေးမှုးချုပ် António Guterres ကကြိုးစားနေပါတယ်။

အဲဒီဒေသခံတွေဟာ လောကငရဲခံရသလို နေကြရကြောင်းနဲ့ အချိန်ထပ်ဆွဲလို့ မဖြစ်တော့ကြောင်းလည်း ပြောကြားခဲ့ပါတယ်။

မြောက်ပိုင်းသူပုန်တွေ ထိန်းချုပ်ထားတဲ့ ဒီဒေသကို ၂၀၁၃ ခုနှစ်ကစပြီး အစိုးရလိုလားတဲ့ တပ်တွေက သိမ်းပိုက်ထားတာ ဖြစ်ပါတယ်။ လူသားချင်းစာနာမှု အကူညီတွေ ပေးနိုင်အောင် အရှေ့ပိုင်း Ghouta ဒေသတွင်း တိုက်ပွဲတွေအားလုံးကို ချက်ချင်း ရပ်ဆိုင်းထားဖို့လည်း အတွင်းရေးမှုးချုပ်က ပန်ကြားလိုက်ပါတယ်။

ပြီးခဲ့တဲ့ နှစ်တုန်းကတော့ ရုရှားနဲ့ အီရန်အပြင် တူရကီတွေရဲ့ ထောက်ခံမှုနဲ့ ဆီးရီးယား သမ္မတ Bashar al-Assad ရဲ့ သဘောတူညီချက်အရ အဲဒီဒေသဟာ တိုက်ပွဲအရှိန်လျှော့ချတဲ့ ဇုံ ၄ ခုထဲမှာ တခုအဖြစ် ပါဝင်ခဲ့တာပါ။

ဒါပေမယ့် ဆီးရီးယား တပ်တွေနဲ့ သူ့မဟာမိတ်တပ်တွေက အဲဒီဒေသကို ပြန်သိမ်းဖို့ စစ်ဆင်ရေးတွေ လုပ်တဲ့ ပုံတွေ့လာရပြီး မကြာခင်ကမှာ တိုက်ပွဲတွေ တိုးလာတာ ဖြစ်ပါတယ်။

တိုက်ပွဲတွေ ရပ်ဆိုင်းထားဖို့ ကုလသမဂ္ဂရဲ့ တောင်းဆိုမှုကို အကောင်ထည် ဖေါ်နိုင်မယ့် ဆုံးဖြတ်ချက် မူကြမ်းရေးဆွဲဖို့ လက်ရှိမှာ လုံခြုံရေးကောင်စီ အဖွဲ့ဝင် ၁၅ နိုင်ငံက ဆွေးနွေးနေကြပါတယ်။

ကောင်စီအဖွဲ့ဝင် နိုင်ငံတွေဖြစ်တဲ့ ဆွီဒင်နဲ့ ကူဝိတ်တို့က မူကြမ်းတင်သွင်းဖို့ ရေးဆွဲနေကြပြီး ကြာသပတေးနေ့လောက်မှာ တင်သွင်းဖို့ ရှိပါတယ်။

ဗွီအိုအေ (မြန်မာပိုင်း)
https://burmese.voanews.com

သေနတ်ထိန်းချုပ်ဖို့ ဖလော်ရီဒါ အထက်တန်းကျောင်းသားတွေ ဆန္ဒပြ


ဖလော်ရီဒါပြည်နယ် Parkland မြို့ Marjory Stoneman Douglas အထက်တန်းကျောင်းက ရာနဲ့ချီတဲ့ ကျောင်းသူ ကျောင်းသားတွေဟာ သူတို့ပြည်နယ်မြို့တော် Tallahassee မှာ ဗုဒ္ဓဟူးနေ့က စုဝေးပြီး သေနတ်ထိန်းချုပ်ရေး အတွက် ပြင်းထန်တဲ့ ဥပဒေတွေ ပြဌာန်းဖို့အတွက် တောင်းဆိုခဲ့ကြပါတယ်။ လူအသေပျောက် များပြားတဲ့ အမေရိကန် စာသင်ကျောင်းပစ်ခတ်မှုတွေအနက် တခုဖြစ်ပွားခဲ့ပြီးနောက် တပတ်အကြာမှာ အခုလို စုဝေးခဲ့ကြတာဖြစ်ပါတယ်။

သေနတ်သမားတဦးက လူပေါင်း ၁၇ ယောက်ကို ပစ်သတ်ခဲ့ပြီးတဲ့နောက် Tallahessee နဲ့ အမေရိကန်ပြည်ထောင်စု နေရာအနှံ့အပြားမှာ ကျောင်းသူကျောင်းသားတွေရဲ့ ဆန္ဒပြမှုတွေ အများအပြား ပေါ်ပေါက်လာခဲ့တာပါ။

ဆရာ၊ ဆရာမတွေနဲ့ ဖလော်ရီဒါပြည်နယ် အောက်လွှတ်တော်အမတ် Sean Shaw တို့လည်း ကျောင်းသူ ကျောင်းသားတွေနဲ့အတူ စုဝေးခဲ့ကြပါတယ်။

ဒီဆန္ဒပြပွဲတွေဟာ လူအများအပြားကို သေဆုံးစေတဲ့ ပစ်ခတ်မှုမျိုး ဟန့်တားနိုင်အောင် ဒေသတွင်းနဲ့ နိုင်ငံခေါင်းဆောင်တွေကို တွန်းအားပေးဖို့ ရည်ရွယ်ပြုလုပ်တာ ဖြစ်ပါတယ်။

ဂျော်ဂျီယာ ပြည်နယ်မြို့တော်မှာတော့ အမျိုးသမီးအဖွဲ့တခုက သေနတ်ကို တာဝန်ရှိရှိ ကိုင်ဆောင်စေဖို့ ထောက်ခံပြောဆိုပြီး သေနတ်ကို မပိတ်ပင်ဖို့ တောင်းဆိုခဲ့ကြပါတယ်။

ဝါရှင်တန်မြို့တော် သမ္မတအိမ်ဖြူတော်ရှေ့မှာလည်း ရာနဲ့ချီတဲ့ ကျောင်းသူကျောင်းသားတွေဟာ သေနတ်အကြမ်းဖက်မှုကို အဆုံးသတ်ပါ။ နှုတ်ဆိတ်မနေပါနဲ့ No more silence, end gun violence ဆိုပြီး ကြွေးကြော်ခဲ့ကြပါတယ်။ ဖလော်ရီဒါ ပြည်နယ် သေနတ်ပစ်မှု ဖြစ်ပွားခဲ့တဲ့ ကျောင်းက ကျောင်းသူ၊ ကျောင်းသားတွေဟာလည်း မြို့တော် ၀ါရှင်တန်ကို ဘတ်စ်ကားတွေစီးပြီး ခုလိုဆန္ဒပြဖို့ ၂ ရက်တာ ချီတက်ခဲ့ကြတာဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

အဂတိလိုက်စားမှုနဲ့ အများဆုံး အတိုင်ခံရတာ ပြည်ထဲရေးလို့ အဂတိတိုက်ဖျက်ရေး ကော်မရှင် ပြော

အဂတိလိုက်စားမှု တိုက်ဖျက်ရေး ကော်မရှင်
အဂတိလိုက်စားမှုကြောင့် အများဆုံး အတိုင်ခံရတဲ့ အထဲမှာ ပြည်ထဲရေး ဝန်ကြီးဌာနက အများဆုံးလို့ အဂတိလိုက်စားမှုတိုက်ဖျက်ရေး ကော်မရှင်က ပြောပါတယ်။

အုပ်ချုပ်ရေး အာဏာကို အသုံးပြုပြီး ငွေကြေးအလွဲသုံးစားလုပ်တဲ့သူတွေကို အဂတိတိုက်ဖျက်ရေး ကော်မရှင် ဥပဒေ ပုဒ်မတွေနဲ့ ရဲကို တိုင်ကြားပြီး အမှု ဖွင့်ထားတယ်လို့ ကော်မရှင်ရဲ့ ပြောရေး ဆိုခွင့်ရှိသူ ဦးဟန်ညွန့်က ဘီဘီစီကို ပြောပါတယ်။

ရပ်ကွက်တွေမှာ မီးရရှိဖို့အတွက် အုပ်ချုပ်ရေးမှူးတွေက ကျသင့်တဲ့ ငွေကြေးထက် ပိုမိုကောက်ခံတာ၊ ရဲက အမှုတခုကို ဖမ်းဆီးပြီး လာဘ်ယူကာ လွတ်ပေးလိုက်တာ၊ တရားရုံးမှာ လာဘ်ယူတာ၊ ဆိုင်ခန်းအတွက် စည်ပင်သာယာအုပ်ချုပ်ရေးမှူးက ကျသင့်ငွေထက်ပိုယူတာ စတဲ့တိုင်တန်းလွှာတွေကို လက်ခံရရှိထားတယ်လို့လည်း ဆိုပါတယ်။

အခုနောက်ပိုင်းမှာ အဂတိလိုက်စားမှု တိုက်ဖျက်ရေး ကော်မရှင်ကို တိုင်တန်းမှု တွေက အရင်ကထက် ၅ ဆလောက်များလာတယ်လို့လည်း သူက ဆိုပါတယ်။

အဂတိတိုက်ဖျက်ရေး ဥပဒေနဲ့အမှုဖွင့်ခံထားရသူ ၁၂ ဦးဟာ ထွက်ပြေး လွတ်မြောက်နေတာကြောင့် သူတို့ကို ဖမ်းဆီးရမိရေး သတင်းပေးတိုင်ကြားဖို့ မြန်မာနိုင်ငံရဲတပ်ဖွဲက မနေ့ကထုတ်ပြန် ထားပါတယ်။

BBC Burmese
http://www.bbc.com/burmese

ဗိုလ်ချုပ်မှူးကြီး မင်းအောင်လှိုင်ကို ICC လွှဲပြောင်းရေး ဗြိတိန်အမတ် တောင်းဆို

ဥရောပသမဂ္ဂ (EU)ရဲ့ နိုင်ငံခြားရေးဝန်ကြီးတွေ တွေ့ဆုံရင် ရခိုင်ပြည်နယ်အရေးနဲ့ ပတ်သက်ပြီး ဘာဆက်လုပ်မလဲဆိုတာ ဆွေးနွေး ဖို့ ရှိနေပါတယ်။
ကုလသမဂ္ဂ လုံခြုံရေးကောင်စီကနေတဆင့် မြန်မာနိုင်ငံရဲ့ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်ကို နိုင်ငံတကာ ရာဇဝတ်မှု ခုံရုံး(ICC)ကို လွှဲပြောင်းရေး ဗြိတိသျှနိုင်ငံခြားရေးဝန်ကြီးဌာနက ထောက်ခံတင်ပြ ဖိအားပေးဖို့ ဗြိတိန်လွှတ်တော်အမတ် ၁၀၂ ယောက်က လက်မှတ်ရေးထိုး တောင်းဆို လိုက်ပါတယ်။

ဖေဖော်ဝါရီလ ၂၆ ရက်နေ့မှာ ဥရောပသမဂ္ဂ (EU)ရဲ့ နိုင်ငံခြားရေးဝန်ကြီးတွေ တွေ့ဆုံရင် ရခိုင်ပြည်နယ်အရေးနဲ့ ပတ်သက်ပြီး ဘာဆက်လုပ်မလဲ ဆိုတာ ဆွေးနွေးဖို့ ရှိနေပါတယ်။

ဒီဆွေးနွေးပွဲမှာ ဗြိတိသျှနိုင်ငံခြားရေးဝန်ကြီးက ကျန်အီးယူဝန်ကြီးတွေကို ဖိအားပေး တောင်းဆိုဖို့ လွှတ်တော်အမတ်တွေက တိုက်တွန်းလိုက်တာဖြစ်ပါတယ်။

နိုင်ငံတကာ ဥပဒေကို ချိုးဖောက်တဲ့ အထောက်အထားတွေ အများအပြား တွေ့လာ ရပြီမို့ နောက်ထပ်ခြေတလှမ်းတိုးဖို့ လွှတ်တော်အမတ်တွေက တိုက်တွန်းလာတာလို့ ဘားမား ကန်းပိန်း ယူကေ အဖွဲ့ရဲ့ ဒါရိုက်တာ Mark Farmanerက ပြောပါ တယ်။

ဒီမိုကရေစီနိုင်ငံတွေမှာ အစိုးရနဲ့ လွှတ်တော် ရပ်တည်ချက်က ကွာဟပေမယ့် အခု လွှတ်တော်အမတ်တွေ တညီတညွတ်တည်း တောင်းဆိုတယ်ဆိုတာ အလွန် ဖြစ်ခဲတဲ့ အဖြစ်အပျက် ဖြစ်တယ်လို့ သူက ဆိုပါတယ်။

BBC Burmese
http://www.bbc.com/burmese

ငွေစက္ကူတွေ သုံးစွဲနေဆဲ မြန်မာနိုင်ငံ


မြန်မာနိုင်ငံမှာ မိုဘိုင်းဖုန်းကနေ ဘဏ်လုပ်ငန်းသုံးစွဲသူတွေ အရင်ကထက်ပိုများလာတယ်ဆိုပေမဲ့ လူအများစုဟာ ဘဏ်စာရင်းမရှိကြသေးပဲ ငွေစက္ကူတွေကိုပဲ သုံးစွဲနေကြတုန်းပါပဲ။ အွန်လိုင်းဘဏ်စံနစ်ဟာ လွယ်ကူပြီးအချိန် ရောငွေပါ အကုန်သက်သာတယ်လို့ စစ်တမ်းတွေကဆိုပါတယ်။ မခက်မာဆက်လက်တင်ပြပါလိမ့်မယ်။

မြန်မာနိုင်ငံထဲမှာ အိမ်ငှားခပေးတာ၊ လျှပ်စစ်မီးဖိုးပေးတာကစလို့ မီးဖိုချောင်အတွက် အသားငါးဟင်းသီးဟင်းရွက်ဝယ်တာကအဆုံး ဘယ်ကိစ္စအတွက်မဆို ငွေသားစက္ကူတွေကိုပဲ သုံးကြတာပါ။ လူတယောက် ကားဝယ် မယ်ဆိုရင် ပုံမှန်အားဖြင့် ငွေထုတ်ကြီးသယ်ပြီးလာရတာ အားလုံးအသိဖြစ်ပါတယ်။ အဲဒီအထုတ်ကြီးထဲက ငွေစက္ကူတွေကို ကားကုမ္ပဏီကလူတွေက စက်နဲ့ရေတွက်တယ် လို့ဆိုပါတယ်။ ခုနောက်ပိုင်းတော့ လူတွေဟာ ငွေပေးငွေယူကိစ္စတွေမှာ ဘဏ်ကိုပိုသုံးလာကြပြီဖြစ်ပြီး ဒါဟာအပြောင်းအလဲတခုပါပဲလို့ ကားအရောင်း ကိုယ်စားလှယ်တယောက်က ပြောပါတယ်။

ဒါပေမဲ့ ခုထိတော့ လူအများစုဟာ ဘဏ်အကောင့်မရှိကြသေးပါဘူး။ ၂၀၁၃ မှာဆိုရင် မြန်မာနိုင်ငံ လူဦးရေရဲ့ ၁၇ ရာခိုင်နှုန်းပဲ ဘဏ်အကောင့်ရှိခဲ့ပြီး ဒီကနေ့အထိလည်း ငွေစုအကောင့်စာရင်းရှိသူဟာ ၄ ရာခိုင်နှုန်းပဲရှိတယ် လို့ဆိုပါတယ်။ မေ့လ်ခ်ကန် အင်စတီကျု Milken Institute ကပြုလုပ်တဲ့ သုတေသနစစ်တမ်းအရ အရှေ့ တောင်အာရှနိုင်ငံတွေမှာ လူတွေဟာ ဘဏ်တွေကိုအယုံအကြည်မရှိဘူးလို့ဆိုပါတယ်။ မြန်မာနိုင်ငံကလူတွေ ကတော့ ၁၉၆၂ ခုနှစ်မှာ စစ်အစိုးရက နိုင်ငံတွင်းကပုဂ္ဂလိကဘဏ်တွေကို ပြည်သူပိုင်သိမ်းခဲ့တာကိုမမေ့ကြ သေးပါဘူး။ ၁၉၉၀ ခုနှစ်မှာတော့ ပုဂ္ဂလိကဘဏ်တွေပြန်ဖွင့်ခွင့်ပြုခဲ့ပေမဲ့ ၁၉၉၇ နဲ့ ၂၀၀၃ ခုနှစ်တွေမှာ ငွေကြေး အကြပ်အတည်းပြဿနာတွေကြောင့် ဘဏ်တွေအခက်အခဲနဲ့ရင်ဆိုင်ခဲ့ရပါတယ်။

၂၀၁၂ ခုနှစ်မှာ မြန်မာနိုင်ငံရဲ့စီးပွားရေးတိုးတက်နှုန်းဟာ ၆ ရာခိုင်နှုန်းကနေ ၈ ရာခိုင်နှုန်းထိတိုးတက်ခဲ့ပေမဲ့ ငွေသားကိုသာ သုံးစွဲနေဆဲအခြေအနေတွေဟာ စီးပွားရေးကိုတွန့်ဆုတ်စေခဲ့ပါတယ်။ ငွေသားနဲ့ သုံးစွဲပေးချေ နေတာဟာ စီးပွားရေးလည်ပတ်မှုကို နှေးကွေးစေပြီး ကုန်ကျစရိတ်ပိုများသလို လာဘ်ပေးလာဘ်ယူအဂတိ လိုက်စားမှုတွေကိုလည်းတိုးစေတယ်လို့ မေ့လ်ခ်ကန် အင်စတီကျု Milken Institute ရဲ့စစ်တမ်းမှာ ဖော်ပြထား ပါတယ်။

အွန်လိုင်းငွေကြေးနည်းစံနစ်နဲ့ လည်ပတ်နေတဲ့ကုမ္ပဏီတွေကတော့ မိုဘိုင်းဖုန်းနဲ့ ဘဏ်စံနစ် သုံးစွဲတာဟာ အဖြေဖြစ်တယ်လို့ ဆိုပါတယ်။ အခုအချိန်မှာ မြန်မာနိုင်ငံတွင်း မိုဘိုင်းဖုန်းသုံးစွဲမှု တနေ့တခြားများပြားလာ တာနဲ့အမျှ ဖုန်းကနေ ငွေပေးငွေယူဘဏ်စံနစ်သုံးတဲ့နှုန်းဟာလည်း ၂၀၁၁ ကနေ ၂၀၁၆ ခုနှစ်အတွင်း ၉၀ ရာခိုင်နှုန်းတိုးတက်လာပါတယ်။ အခုဆိုရင် စမတ်ဖုန်းတွေကနေ ဘဏ်ငွေဖြည့်တာ၊ ထုတ်တာတွေပါ လုပ်နိုင်လာပြီဖြစ်ပါတယ်။
အိုကေ ဒေါ်လာလုပ်ငန်းစုရဲ့ စီမံခန့်ခွဲမှုအရာရှိချုပ် ရှီဂျု လိုနာပန် က သူတို့ရဲ့ဝန်ဆောင်မှုလုပ်ငန်းဟာ လျှပ်စစ် မီးဘေလ်ပေးတာ၊ အစားအသောက်ပို့တာနဲ့ ဖုန်းကဒ်ဖြည့်တာတွေအပါအဝင်ဝန်ဆောင်မှု အတော်များများကို လုပ်ပေးနေတယ်လို့ဆိုပါတယ်။ ငွေသားကိုကိုင်သုံးလာတဲ့မြန်မာနိုင်ငံကလူတွေကို APPS တွေသုံးဖို့ စည်းရုံး သိမ်းသွင်းဖို့ အချိန်ယူရပါမယ်။ ဒါပေမဲ့ လူတွေဟာတဖြည့်ဖြည်းနဲ့တော့ ကျင့်သားရလာတာတွေ့ရပါတယ်လို့ သူကဆက်ပြောပါတယ်။ သူတို့ရဲ့ ဝန်ဆောင်မှုတွေကို ဖုန်းကနေသုံးရတာ လွယ်ကူသလိုဈေးသက်သာပါတယ်။ ညနေ ၃ နာရီဆို ဘဏ်ပိတ်တဲ့ နယ်မြို့တွေမှာတောင် အဲဒီဝန်ဆောင်မှုစံနစ်ကို ဖုန်းကနေတဆင့်သုံးလို့ ရပါ တယ်လို့ သူကဆက်ပြောပါတယ်။

မြန်မာနိုင်ငံထဲမှာ OK Dollar လုပ်ငန်းစုကို သုံးစွဲသူ ၆ သိန်းဝန်းကျင်ရှိပြီး လူ ၉ သောင်းလောက်ဟာ အဲဒီ ဝန်ဆောင်မှုကို နေ့စဉ်အသုံးပြုတယ်လို့လည်းဆိုပါတယ်။ နောက်လာမယ့်နှစ်တွေမှာ သုံးစွဲသူပိုများလာမယ်လို့ လည်း မျှော်လင့်တယ်လို့ဆိုပါတယ်။ သူတို့လုပ်ငန်းစုအနေနဲ့ တနိုင်ငံလုံးကလူတွေကို ပစ်မှတ်ထားပြီး နောက် ၅ နှစ်အတွင်း မြန်မာနိုင်ငံလူဦးရေရဲ့ ၅၀ ရာခိုင်နှုန်းဟာ OK Dollar အွန်လိုင်းဝန်ဆောင်မှုကိုအသုံးပြုလာလိမ့် မယ်လို့ မျှော်လင့်တယ်လို့လည်း ရှီဂျု လိုနာပန် က ပြောပါတယ်။
ပြီးခဲ့တဲ့နှစ်ကလည်း မြန်ိမာမိုဘိုင်းဖုန်းဈေးကွက်ထဲကို ထိုင်းအခြေစိုက် TrueMoney ငွေကြေးဝန်ဆောင်မှု လုပ်ငန်း ဝင်ရောက်လာပါတယ်။ တယ်လီနောနဲ့ အော်ရီဒူး ဖုန်းကုမ္ပဏီတွေကလည်း အဲဒီဝန်ဆောင်မှုကိုပေးပါ တယ်။

အနာဂတ်မြန်မာနိုင်ငံမှာ အွန်လိုင်းငွေပေးငွေယူစံနစ် တွင်ကျယ်လာမှာဖြစ်ပါတယ်။ နောက်ဆိုရင် ကုမ္ပဏီတွေ ဟာ လစာငွေတွေကို OK Dollar အကောင့်ကတဆင့် ပေးနိုင်တော့မှာဖြစ်သလို ကားကို အွန်လိုင်းကနေ ဝယ်နိုင်တော့မှာဖြစ်ပါတယ်လို့ OK Dollar ရဲ့ စီမံခန့်ခွဲမှု အရာရှိချုပ်က ပြောပါတယ်။

RFA Burmese
https://www.facebook.com/rfaburmese

အကျင့်ပျက်ခြစားမှု ကမ္ဘာမှာ မြန်မာက အဆင့် ၁၃ဝ


Transparency International ထရန်ပဲရန်စီ အင်တာနယ်ရှင်နယ် ခေါ် နိုင်ငံတကာ ပွင့်လင်းမြင်သာမှုအဖွဲ့က ၂ဝ၁၇ ခုနှစ်အတွက် အကျင့်ပျက်ခြစားမှုစာရင်းကို မနေ့က ထုတ်ပြန်ခဲ့ရာမှာ မြန်မာနိုင်ငံက အမှတ် ၃ဝ ရရှိပြီး ကမ္ဘာ့နိုင်ငံ ၁၈ဝ အနက် အဆင့် ၁၃ဝ မှာ ရှိပါတယ်။ ပြီးခဲ့တဲ့၂ဝ၁၆ နှစ်က အဆင့် ၁၃၆ ဖြစ်တဲ့အတွက် အနည်းငယ် မြင့်တက်လာတယ် လို့ ဆိုနိုင်ပါတယ်။

အခုနှစ် စာရင်းမှာ အဆင့် ၁ ဖြစ်တဲ့ နယူးဇီလန်က အမှတ် ၈၉ နဲ့ ခြစားမှုအနည်းဆုံးဖြစ်ပြီး ဒုတိယက အမှတ် ၈၈ ရတဲ့ ဒိန်းမတ်နိုင်ငံဖြစ်ကာ စင်္ကာပူနဲ့ ဆွီဒင်နိုင်ငံ ၂ ခုက ၈၄ မှတ်နဲ့ အဆင့် ၆ မှာရှိပါတယ်။

တရုတ်ပြည်က ၄၁ မှတ်နဲ့ အဆင့် ၇၇ ၊ ထိုင်းနိုင်ငံက ၃၇ မှတ်နဲ့ အဆင့် ၉၆၊ မြောက်ကိုရီးယားက ၁၇ မှတ်နဲ့ အဆင့် ၁၇၁ စသဖြင့် ဖေါ်ပြထားပါတယ်။ အဆိုးဝါးဆုံး အဆင့် ၁ဂဝ ဖြစ်တဲ့ ဆိုမာလီယာက အမှတ် ၉ မှတ်ပဲ ရရှိပါတယ်။

နိုင်ငံတကာပွင့်လင်းမြင်သာမှုအဖွဲ့ရဲ့ ၂ဝ၁၇ အစီရင်ခံစာမှာ အကျင့်ပျက်ခြစားမှုများတဲ့ နိုင်ငံတွေက စာနယ်ဇင်း သမားတွေ အန္တရာယ်အင်မတန်များပြားကြောင်းလည်း ဖေါ်ပြထားပါတယ်။

ပြီးခဲ့တဲ့ ၆ နှစ်အတွင်း သတ်ဖြတ်ခံရတဲ့ သတင်းထောက် ၁ဝ ဦးမှာ ၉ ဦးဟာ ခြစားမှုများပြားတဲ့နိုင်ငံတွေမှာ အသတ်ခံရတာ ဖြစ်တယ်လို့ ဆိုပါတယ်။

RFA Burmese
https://www.facebook.com/rfaburmese

၂၀၁၇-၂၀၁၈ ကမ္ဘာ့တရားမျှတမှု စာရင်း မြန်မာ အဆင့်နိမ့်ဆဲ

ရန်ကုန်မြို့ရှိ ဗဟိုတရားရုံးချုပ် အဆောက်အဦးမြင်ကွင်းတခု။ ဇွန် ၁၊ ၂၀၁၂။
World Justic Project ခေါ် ကမ္ဘာ့တရားမျှတမှု လေ့လာစောင့်ကြည့်ရေး အဖွဲ့ရဲ့ သုတေသန ပြုချက်အရ မြန်မာနိုင်ငံဟာ ကမ္ဘာပေါ်မှာ တရားမျှတမှု ရှိတဲ့ နိုင်ငံတွေအနက် အဆင့် ၁၀၀ မှာ ရောက်ရှိနေတယ်လို့ ဖေါ်ပြထားပါတယ်။

WJP အဖွဲ့က နိုင်ငံပေါင်း ၁၁၃ နိုင်ငံကို လေ့လာပြီးတင်ပြထားတဲ့ တရားဥပဒေစိုးမိုးမှု ၂၀၁၇-၂၀၁၈ ခုနှစ်အတွက် ထုတ်ပြန်တဲ့ လေ့လာချက်ထဲမှာ အခုလို ဖေါ်ပြထား တာဖြစ်ပါတယ်။ ဒါဟာ ၂၀၁၆ ခုနှစ်ကထက် အဆင့် ၂ ဆင့် ပြုတ်ကျသွားတာဖြစ်ပြီး မြန်မာနိုင်ငံရဲ့ အထက်မှာ လက်တင် အမေရိကတိုက်က နီကာရာဂွာနိုင်ငံ ရှိနေပြီး၊ မြန်မာနိုင်ငံရဲ့ အောက်မှာတော့ တူရကီနိုင်ငံရှိနေပါတယ်။

ကမ္ဘာပေါ်မှာ တရားဥပဒေ စိုးမိုးရေး အရှိဆုံး နိုင်ငံတွေအဖြစ် ဒိန်းမတ်၊ နော်ဝေနဲ့ ဖင်လန်နိုင်ငံတို့ကို နံပတ် ၁၊၂၊၃ အဖြစ်ဖေါ်ပြထားပြီး တရားဥပဒေစိုးမိုးမှု အနည်းဆုံး နိုင်ငံတွေအဖြစ် ကမ္ဘောဒီးယားနိုင်ငံနဲ့ ဗင်နီဇွဲလားနိုင်ငံတို့ကို ဖေါ်ပြထားပါတယ်။

WJP အဖွဲ့အနေနဲ့ တရားဥပဒေစိုးမိုးမှုကို တိုင်းတာတဲ့နေရာမှာ အစိုးရကော ပြည်သူတွေပါ တာဝန်ယူမှု တာဝန်ခံမှုရှိခြင်း၊ လူတိုရဲ့အခြေခံ ရပိုင်ခွင့်တွေကို အကာကွယ်ပေးတဲ့ မျှတသော တရားဥပဒေများ ရှိခြင်း၊ ပွင့်လင်းမြင်သာစွာ စီစဉ်ဆောင်ရွက်ခြင်းနဲ့ ဘက်လိုက်မှု ကင်းမဲ့ခြင်းတို့ကို အခြေခံပြီး ဆုံးဖြတ်ခဲ့တာလို့ ဆိုပါတယ်။

ဒေသတွင်းမှာ ကြည့်မယ်ဆိုရင်တော့ ၁၅ နိုင်ငံရှိတဲ့အနက် မြန်မာနိုင်ငံဟာ အဆင့် ၁၄ မှာ ရောက်ရှိနေပါတယ်။

ဗွီအိုအေ (မြန်မာပိုင်း)
https://burmese.voanews.com

လားရှိုး ရိုးမဘဏ် ဗုံးပေါက်ကွဲမှု ဒေသခံတွေ လုံခြုံရေးစိုးရိမ်

ဗုံးပေါက်ကွဲပြီးမြင်ကွင်း။ (ဓာတ်ပုံ - တပ်မတော်ကာကွယ်ရေး ဦးစီးချုပ်ရုံး)
ဗုဒ္ဓဟူး နေ့ညနေပိုင်းက လားရှိုးမြို့နယ်၊ ရိုးမဘဏ်ခွဲမှာ ဗုံးပေါက်ကွဲမှုဖြစ်ပြီးတဲ့နောက် လုံခြုံရေးပိုင်းတင်းကျပ်ထားပြီး မြို့ခံတွေကြားမှာတော့ စိုးရိမ်မှုတွေရှိနေကြတယ်လို့ မြို့ခံတဦးက ဗွီအိုအေကိုပြောပါတယ်။ ဒီပေါက်ကွဲမှုမှာ လူနှစ်ဦးသေဆုံးပြီး ၂၂ ဦး ထိခိုက်ဒဏ်ရာရတယ်လို့ တပ်မတော်ကာကွယ်ရေးဦးစီးချုပ်ရုံးက အင်္ဂါနေ့ညပိုင်းမှာ သတင်းထုတ်ပြန်ထားပါတယ်။ ဘဏ်ခွဲတွေလုံခြုံရေး ပိုစိတ်ချရဖို့ အထူးအားစိုက်ပြီး လုပ်သွားမယ်လို့ ရိုးမဘဏ်အမှုဆောင်ဥက္ကဌ ဦးသိမ်းဝေရဲ့ ဖေဖော်ဝါရီလ ၂၁ ရက်နေ့စွဲနဲ့ ထုတ်ပြန်ချက်တခုမှာ ဖော်ပြထားပါတယ်။ ကိုကျော်ကျော်သိန်းက တင်ပြထားပါတယ်။

လားရှိုးမြို့မှာ နှစ်ပေါင်းများစွာအတွင်း အပြင်းထန်ဆုံးလို့ပြောရမယ့် ဗုဒ္ဓဟူး နေ့ညနေပိုင်း ၄ နာရီ ၄၇ မိနစ်အချိန် ဗုံးပေါက်ကွဲမှု ဟာ ရိုးမဘဏ်ရဲ့ လားရှိုးဘဏ်ခွဲ (၁)၊ မြေညီထပ်မှာဖြစ်ခဲ့တာပါ။ ဒီဖြစ်ရပ်မှာ ဒဏ်ရာရသူ ၂၄ ဦးထက်မနည်းရှိခဲ့ပြီး သူတို့အားလုံး ကို ဆေးရုံပို့ပြီးတဲ့နောက် အဲဒီထဲက ဘဏ်ဝန်ထမ်း အမျိုးသမီးနှစ်ဦး သေဆုံးသွားခဲ့ပါတယ်။ ကျန်တဲ့ဒဏ်ရာရသူ ၂၂ ဦးကတော့ ဆေးရုံမှာ ဆေးကုသမှုခံ ယူနေပြီး သူတို့အခြေအနေအသေးစိတ်ကို အတိအကျ မသိရသေးပါဘူး။ ဒဏ်ရာရသူတွေထဲက ၆ ဦး ဟာ ဘဏ်ဝန်ထမ်းတွေဖြစ်တယ်လို့ ရိုးမဘဏ်ရဲ့ ဗုဒ္ဓဟူး နေ့ထုတ်ပြန်ချက်တခုမှာ ဖော်ပြထားပါတယ်။ ဗွီအိုအေက လားရှိုးဆေးရုံကို ဆက်သွယ်ခဲ့ပေမဲ့ အဆက်အသွယ်မရခဲ့ပါဘူး။

ရှမ်းပြည်ဆိုတာက ဗုံးသံ၊ သေနတ်သံနဲ့ စိမ်းတဲ့ဒေသမဟုတ်ပေမယ့် အခုဖြစ်ရပ်ကတော့ လားရှိုးမှာ အကြီးမားဆုံးဖြစ်တဲ့ ဖြစ်ရပ်ပဲ လို့ အခင်းဖြစ်နေ့က ကိုယ်တိုင်သွားပြီး ကူညီကယ်ဆယ်ရေး လုပ်ဆောင်ပေးခဲ့သူ လားရှိုးလူငယ်များ လူမှုကူညီရေးအဖွဲ့ဥက္ကဌ ကိုထွန်းမြင့်က ဗွီအိုအေကိုပြောပါတယ်။

“ရှမ်းပြည်ဘက်က အမြဲတမ်းတော့ အသံလေးတွေ ကြားနေရတာတော့ရှိတာပေါ့။ ဒါတော့ နည်းနည်းကြီးကြီးမားမား ဖြစ်တာပေါ့။ သေနတ်ပစ်တာတို့ ဘာတို့တော့ ရှိတာပေါ့ခင်ဗျာ။ လမ်းသွားလမ်းလာတွေ ရှိနေတာဆိုတော့ ဒီမှာတော့ မြို့ထဲမှာတော့ ဒါကြီးတာ ပေါ့။ ဒီ့ထက်ကြီးတာတော့ ဘာမှမရှိတော့ဘူးဗျ။ ဗုံးသံကလည်း တော်တော်လေးကြီးတာကိုး။ ဒါက အကြီးမားဆုံးပဲ။ အဆုံးဆုံးပဲ ပြောရမှာပေါ့။ မြို့ထဲမှာတော့ အဆိုးဆုံးပေါ့ဗျာ။ နောက် ရဲစခန်းနီးတယ်ဗျာ၊ ဆေးရုံနီးတယ်ဗျာ၊ ကျောင်းတွေနီးတယ်ဗျာ၊ ဘုရား တွေနီးတယ်၊ အဆိုးဆုံးအခြေအနေပေါ့ဗျာ၊ ဒါကတော့။ ခါတိုင်း ကျနော်တို့မြို့မှာ ဒီလိုအဆိုးဆုံး မဖြစ်မှမဖြစ်တာ။”

၂၀၁၄ ခုနှစ်၊ မေလလည်ပိုင်း လင်းအားကြီးအချိန်တုန်းကလည်း လားရှိုးက ကမ္ဘောဇဘဏ်နဲ့ သမဝါယမဘဏ်တွေနားမှာ ရှေ့ဆင့် နောက်ဆင့်ဆိုသလို ပေါက်ကွဲမှုနှစ်ခုဖြစ်ခဲ့ပါသေးတယ်။ အဲဒီတုန်းကတော့ ထိခိုက် သေဆုံးတာတွေ မရှိခဲ့သလို အပျက် အစီးလည်း အခုလောက် မကြီးခဲ့ပါဘူး။

ဗုဒ္ဓဟူး နေ့ညနေ ပေါက်ကွဲမှုဖြစ်ပြီးနောက်ပိုင်း စုံစမ်းစစ်ဆေးမှုအခြေအနေနဲ့ လုံခြုံရေးဆောင်ရွက်နေမှုအခြေအနေတွေကို သိရဖို့ လားရှိုးရဲတပ်ဖွဲ့ကို ဗွီအိုအေက ဆက်သွယ်ခဲ့ပေမဲ့လည်း အဆက်အသွယ်မရခဲ့ပါဘူး။

ပေါက်ကွဲမှုဖြစ်တဲ့အချိန်ဟာ ညနေ ၅ နာရီနီးပါးအချိန် ဖြစ်တာကြောင့် ညနေပိုင်းနဲ့ညပိုင်း ပုံမှန်အရောင်းအဝယ် အသွားအလာ တွေနဲ့ စပြီး စည်ကားစအချိန်လို့ဆိုရမှာပါ။ ဒါပေမဲ့လည်း ပေါက်ကွဲမှုကြောင့် လူတွေ သေဆုံး ဒဏ်ရာရတဲ့ထိ ဖြစ်ပြီးတဲ့နောက် မြို့ရဲ့ပုံမှန်စည်ကားမှု ပျောက်သွားတယ်လို့ မြို့ခံတဦးက ဗွီအိုအေကိုပြောပါတယ်။

“စိုးရိမ်ထိတ်လန့်ပြီးတော့ မနေ့ကတော့ တိတ်ဆိပ် ခြောက်ကပ်နေတာပဲ၊ တမြို့လုံးကတော့။ ခါတိုင်းဆိုလို့ရှိရင် ၁၀ နာရီ၊ ၁၂ နာရီလောက်အထိ ကားတွေ၊ ဆိုင်ကယ်တွေ သွားလာနေကြတာပေါ့။ မနေ့ကတော့ တော်တော်လေးကို တိတ်ဆိတ်သွားတယ်ဗျ။ ၈ နာရီနောက်ပိုင်းကို လူမရှိတော့ဘူး။ ညဈေးလည်း သိမ်းကုန်ကြတာပေါ့၊ အားလုံးကြောက်လန့်ပြီးတော့။ ညဈေးမှာဆိုလို့ရှိရင် လည်း ဆိုင် ၃၀၀ လောက်ရှိတဲ့ထဲမှာ ၂၀၀ ကျော်လောက်တော့ သိမ်းကုန်ကြတာပေါ့။ သိမ်းတဲ့အချိန်မှာ နောက်ကျန်တဲ့ ဆိုင်တွေ လည်း အားလုံးသိမ်းပြီးတော့ ပြန်ကုန်ကြတယ်။ မနေ့က သူတို့ တမြို့လုံး လုံခြုံရေး လှည့်ကင်း ဆောင်ရွက်နေတယ်။”

ရိုးမဘဏ်ရဲ့ အမှုဆောင်ဥက္ကဌ ဦးသိမ်းဝေ (ခ) မစ္စတာ Serge Pun က အခင်းဖြစ်တဲ့ ဖေဖော်ဝါရီလ ၂၁ ရက်နေ့မှာပဲ သတင်း ထုတ်ပြန်ချက်တခု ထုတ်ပြန်ခဲ့ပြီး အခုလို ရက်စက်ယုတ်မာတဲ့ အကြမ်းဖက်လုပ်ရပ်အတွက် များစွာတုန်လှုပ်မိပြီး ဝမ်းနည်းမိပါ တယ်၊ ဒီလို လူမဆန်တဲ့လုပ်ရပ်အတွက် အကြောင်းပြချက်တွေ မပေးနိုင်ပါဘူး၊ အကြမ်းဖက်မှုတွေကို တိုက်ဖျက်နိုင်ဖို့၊ ဘဏ်ခွဲ တွေမှာရှိတဲ့ ဝန်ထမ်းတွေနဲ့ Customer တွေရဲ့လုံခြုံရေးကို ပိုမိုစိတ်ချရမှုရှိစေဖို့ အထူးအားစိုက်ပြီး အလေးအနက်ထား ဆောင်ရွက်သွားမှာဖြစ်ပါတယ်လို့ ပြောထားပါတယ်။

တပ်မတော်ကာကွယ်ရေးဦးစီးချုပ်ရုံးရဲ့ ဗုဒ္ဓဟူး နေ့ည နောက်ဆုံးထုတ်ပြန်ချက်မှာ “အကြမ်းဖက်သောင်းကျန်းသူ စိစစ်ဆဲအဖွဲ့ ထောင်ထားတဲ့ ဒေသန္တရ မိုင်းတလုံး” ပေါက်ကွဲတယ်လို့ ဖော်ပြထားပါတယ်။ အခုချိန်ထိတော့ ဘယ်အဖွဲ့ဆိုတာ အတိအကျ ထွက်မလာသေးပါဘူး။ မြန်မာ့တပ်မတော်ကတော့ လူမျိုးစုလက်နက်ကိုင်အဖွဲ့တွေကို “အကြမ်းဖက်သောင်းကျန်းသူ” အဖြစ် မကြာခနဆိုသလို ခေါ်ဆို သုံးနှုန်းလေ့ရှိပါတယ်။

ရိုးမဘဏ်ကို ၁၉၉၃ ခုနှစ်က စတင်ထူထောင်ခဲ့တာဖြစ်ပြီး မြန်မာနိုင်ငံ ဘဏ်တွေထဲမှာ နံပါတ် ၄ အဆင့် အကြီးဆုံးဘဏ်ဖြစ်ပြီး ဝန်ထမ်းပေါင်း ၃,၀၀၀ ကျော်၊ ဘဏ်ခွဲပေါင်း ၇၄ ခု ဖွင့်လှစ်ထားတယ်လို့ ရိုးမဘဏ်ရဲ့ တရားဝင်ထုတ်ပြန်ချက်မှာ ဖော်ပြထားပါတယ်။

ကျော်ကျော်သိန်း  / ဗွီအိုအေ (မြန်မာပိုင်း)
https://burmese.voanews.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ