ဖောက်ခွဲရေးခါးပတ် ချွတ်ဖို့အမိန့် ဖီဆန်တာကြောင့် အသေပစ်ခတ်ခဲ့

အဘူယာကုဘ် လက်ချက်နဲ့ လူ ၁၄ ယောက် သေဆုံး
ဘာစီလိုနာမြို့မှာ လူအုပ်ထဲ ကားနဲ့ ဝင်တိုက်ခဲ့သူ အဖြစ် ယူဆ ထားတဲ့ ယူနက်စ် အဘူယာကုဘ်ကို သေနတ်နဲ့ အသေ ပစ်သတ်ခဲ့တယ်လို့ စပိန် ရဲတပ်ဖွဲ့က ပြောပါတယ်။

ပြီးခဲ့တဲ့ ကြာသပတေးနေ့က တိုက်ခိုက်မှု ကျူးလွန်ခဲ့ပြီး ထွက်ပြေးနေသူကို ၄ ရက် အကြာမှာ အခုလို အသေ ရရှိခဲ့တာ ဖြစ်ပါတယ်။

ဘာစီလိုနာမြို့ရဲ့ အနောက်ဘက် ဆူဘီရတ်စ် ဆိုတဲ့ အရပ်မှာ ရှိတဲ့ ကျေးရွာမှာ အဘူယာကုဘ်ကို တွေ့ရှိ ခဲ့ရတာ ဖြစ်ပြီး ဖောက်ခွဲရေး ပစ္စည်းတွေ တပ်ဆင် ထားတဲ့ ခါးပတ်မျိုး ဝတ်ဆင် ထားတယ်လို့ ဆိုပါတယ်။

စပျစ်ခြံထဲ ဝင်ပြီး ထွက်ပြေးခဲ့တဲ့ အဘူယာကုဘ်ကို သူပတ်ထားတဲ့ သံသယ ရှိဖွယ် ခါးပတ်ကို ချွတ်ခိုင်း ခဲ့ပေမယ့် ငြင်းဆန် နေခဲ့ပြီး အဆုံးမှာ အသေ ပစ်ခတ် ခဲ့ရတာ ဖြစ်တယ်လို့ စပိန် ရဲတပ်ဖွဲ့က ပြောပါတယ်။

တခါ၊ အဘူယာကုဘ် အပါအဝင် လူငယ်တွေကို အကြမ်းဖက် ဝါဒထဲ ဆွဲသွင်းခဲ့တဲ့ ဘာသာရေး ဆရာလည်း ဗုဒ္ဓဟူးနေ့တုန်းက အယ်လ်ကနား အရပ်က နေအိမ် ပေါက်ကွဲမှု အတွင်း သေဆုံး သူ နှစ်ယောက်ထဲက တစ်ယောက် ဖြစ်တယ်လို့ အတည်ပြု နိုင်ပါတယ်။

ဒါ့ကြောင့် အဘူယာကုဘ် ပါဝင်တဲ့ အကြမ်းဖက် ဆဲလ် အဖွဲ့ဝင် ၁၂ ယောက် အနက် ကင်မ်ဘရီးလ်စ်မှာ ရဲက ပစ်သတ်ခဲ့တဲ့ ၅ ယောက်နဲ့ ဆိုရင် သေဆုံးသူ ၈ ယောက် ရှိပြီး၊ ၄ ယောက်ကို အရှင် ဖမ်းဆီး မိထားပါတယ်။

ဘာစီလိုနာမြို့မှာ အဘူယာကုဘ်က ကားနဲ့ တိုက်သတ်လို့ လူ ၁၃ ယောက် သေဆုံး ခဲ့ရသလို၊ သူထွက်ပြေးတဲ့ အခါမှာလည်း ကားတစ်စင်းပေါ်က သူတစ်ဦးကို ဓားနဲ့ အသေထိုးသတ်ပြီး အဲဒီကားကို ခိုးယူ မောင်းပြေး ခဲ့တာကြောင့် သူ့လက်ချက်နဲ့ လူ ၁၄ ယောက် သေဆုံး ခဲ့ပါတယ်။

ကင်မ်ဘရီးလ်စ် တိုက်ခိုက်မှုမှာလည်း လူ တစ်ယောက် သေဆုံး ခဲ့ရတာကြောင့် စပိန် တိုက်ခိုက်မှုတွေ အတွင်း စုစုပေါင်း သေဆုံးသူ အရေအတွက် ၁၅ ယောက် ရှိပါတယ်။

BBC Burmese
http://www.bbc.com/burmese

အမေရိကန် တလွှားက ပြည်သူတွေ နေကြတ်တာကို စောင့်ကြည့်ခဲ့

စုစုပေါင်း တစ်နာရီခွဲ ဝန်းကျင် ကြာမြင့်
အမေရိကန်ပြည်ထောင်စုမှာ အနှစ်တစ်ရာနီးပါး အတွင်း ပထဆုံးအကြိမ် ကြုံတောင့်ကြုံခဲ အလုံးစုံ နေကြတ်တဲ့ ဖြစ်ရပ်ကို နိုင်ငံတလွှားက သန်းနဲ့ချီတဲ့ ပြည်သူတွေ စောင့်ကြည့် ခဲ့ကြပါတယ်။

အနောက်ဘက် အော်ရီဂွန် ပြည်နယ်ကနေ အရှေ့ဘက် တောင်ကာရိုးလိုင်းနား ပြည်နယ်ထိ အမေရိကန် တလွှားမှာ လရဲ့ အရိပ် နေပေါ်ကို ကျရောက်တဲ့ အဲဒီ ဖြစ်စဉ်ကို တွေ့ခဲ့ ကြရပြီး၊ စုစုပေါင်း တစ်နာရီခွဲ ဝန်းကျင် ကြာမြင့် ခဲ့ပါတယ်။

အိမ်ဖြူတော်ကနေ နေကြတ်တာကို ကြည့်ကြသူတွေ
ဝါရှင်တန် ဒီစီ မြို့တော်မှာလည်း နေတစ်စိတ်တစ်ပိုင်း ကြတ်နေခဲ့တာကို သမ္မတ ထရမ့်နဲ့ ဇနီးသည် မလာနီယာတို့ လည်း အိမ်ဖြူတော်ကနေ ကြည့်နေ ခဲ့ကြပါတယ်။

ဒီ နေအလုံးစုံကြတ်တဲ့ ဖြစ်စဉ်အတွင်း ကိုရိုနာလို့ ခေါ်တဲ့ နေရဲ့ အပြင်ဘက် အကျဆုံး အလွှာကို လေ့လာဖို့ အခွင့်အရေးကို သိပ္ပံ ပညာရှင်တွေ မျှော်လင့် ခဲ့ကြပါတယ်။

 နေရဲ့ အပြင်ဘက် အကျဆုံး အလွှာကို လေ့လာဖို့ အခွင့်အရေးရလာ
နေလုံးကြီးထက်ကို ပို ပူပြင်းအောင် လောင်ကျွမ်းနေတဲ့ အဲဒီ ကိုရိုနာ အလွှာ အကြောင်း လူတွေ နားမလည်နိုင် ဖြစ်နေဆဲပါ။

အခုလို နေအလုံးစုံ ကြတ်မယ့် နောက်တစ်ကြိမ်ကတော့ ၂ဝ၁၉ ခုနှစ် ဂျူလိုင်လ ၂ ရက် နေ့မှာမှ ဖြစ်ပြီး၊ အဲဒီ တစ်ကြိမ်မှာတော့ ပစိဖိတ် တောင်ပိုင်း ဒေသ၊ ချီလီနဲ့ အာဂျင်တီးနား နိုင်ငံ တွေကနေ တွေ့မြင်ရမှာ ဖြစ်ပါတယ်။

BBC Burmese
http://www.bbc.com/burmese

 

H1N1 နဲ့ သေဆုံးသူ ၃၁ဦး တိုးလာ


မြန်မာနိုင်ငံမှာ H1N1 ရာသီတုပ်ကွေးရောဂါပိုး စတင်ဖြစ်ပွားခဲ့တဲ့ တစ်လတာကြာမြင့်ချိန် ဒီကနေ့အထိ H1N1 ကြောင့် သေဆုံးသူပေါင်း (၃၁) ဦးအထိရှိသွားပြီဖြစ်ပြီး ရောဂါပိုး တွေ့ရှိသူပေါင်းကတော့ ၃၀၄ ဦးအထိ ကူးစက်ခံနေရပြီး ပိုးရှိတယ်လို့သံသယရှိသူပေါင်းကတော့ ၈၀၀ကျော်သွားပြီဖြစ်ပါတယ်။ မြန်မာနိုင်ငံအပါအဝင် အိမ်နီးချင်းနိုင်ငံတွေမှာလည်း ဒီ H1N1 ရောဂါပိုးကူးစက်ဖြစ်ပွားနေတဲ့အတွက် တုပ်ကွေးရောဂါ ကူးစက်ပြန့်ပွားမှု မမြန်ဆန်အောင် မြန်မာနိုင်ငံကျန်းမာရေးဝန်ကြီးဌာနက တနိုင်ငံလုံးအတိုင်းအတာနဲ့ ဝန်ကြီးဌာနအားလုံးက ပူးပေါင်းပြီး ပညာပေးလုပ်ငန်းတွေ H1N1 တုပ်ကွေးရောဂါ ကူးစက်မှုကာကွယ်ရေး လုပ်ငန်းတွေက ဆောင်ရွက်နေတယ်လို့ ပြည်သူ့ကျန်းမာရေးဦးစီးဌာန ဒုတိယညွှန်ကြားရေးမှူးချုပ်က ပြောပါတယ်။ အသေးစိတ် ဆက်သွယ်မေးမြန်းထားတဲ့ မဆုမွန် ပြောပြပေးပါမယ်။

မြန်မာတနိုင်ငံလုံးအတိုင်းအတာနဲ့ ကချင်ပြည်နယ်နဲ့ ကယားပြည်နယ်ကလွဲလို့ ကျန်ပြည်နယ်နဲ့တိုင်းအသီးသီးမှာ (H1N1) ရာသီတုပ်ကွေးရောဂါကြောင့် ပြီးခဲ့တဲ့လ ဇူလိုင်လ (၂၁)ရက်နေ့ကစလို့ သြဂုတ်လ ၂၁ရက်နေ့အထိ တစ်လတာအချိန် အတွင်းမှာ (H1N1)ရောဂါပိုးကြောင့် သေဆုံးသူလူနာပေါင်းက ၃၁ဦးအထိ ရှိသွားပြီဖြစ်တယ်လို့ ကျန်းမာရေးနဲ့ အားကစားဝန်ကြီးဌာန ပြည်သူ့ကျန်းမာရေးဦးစီးက သတင်းထုတ်ပြန်ထားပါတယ်။ တနိုင်ငံလုံးအတိုင်းအတာနဲ့ H1N1 ရောဂါပိုးတွေ့ရှိသူ သံသယရှိသူအဖြစ် ဆေးရုံတက်ရောက်ကုသသူပေါင်း (၈၁၆)ဦး ရှိနေပြီး (H1N1) ပိုးတွေ့ရှိတဲ့သူက (၃၀၄)ဦးအထိ ရှိနေပြီဖြစ်တယ်လို့ ပြည်သူ့ကျန်းမာရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာသန်းထွန်းအောင်က ဗွီအိုအေမြန်မာပိုင်းကို အခုလို ပြောပါတယ်။

“ဒီနေ့ သြဂုတ်လ ၂၁ ရက်နေ့အထိ ဒီကနေ့ မွန်းလွဲ ၂ နာရီအထိကတော့ သေဆုံးသူ ၁ ဦး ထပ်တိုးပါတယ်၊ ၃၁ ဦးပေါ့နော်။ ပိုးတွေ့သူပေါင်းကတော့ (၃၀၄)ဦး H1N1 ပေါ့။ ဆေးရုံတက်ရောက်တဲ့သူ ပြင်းထန်အသက်ရှုလမ်းကြောင်း စိုးရိမ်လက္ခဏာနဲ့တက်ရောက်သူပေါင်းကတော့ ၈၁၆ ဦးပါ။”

သြဂုတ်လ ၂၁ရက်နေ့အထိ ထုတ်ပြန်ချက်အရ ရန်ကုန်တိုင်းကတော့ ရောဂါကူးစက်မှုအဖြစ်အများဆုံးဖြစ်ပြီး ရောဂါလက္ခဏာပြသူပေါင်း ၃၀၀ကျော်အထိရှိပြီး ရောဂါကူးစက်ခံရသူပေါင်းက ၉၀နီးပါး အထိရှိပါတယ်။ ဧရာဝတီတိုင်းကတော့ သေဆုံးသူ ၁၂ဦးအထိ ရှိလို့ သေဆုံးသူဦးရေ အများဆုံးဖြစ်နေပါတယ်။

တစ်လတာကာလအတွင်း အခုလို လူ(၃၁)အထိသေဆုံးခဲ့ရတဲ့ H1N1 ရောဂါပိုးကူးစက်ပြန့်ပွားမှုထိန်းချုပ်နိုင်ရေး ကျန်းမာရေးဝန်ကြီးဌာန အနေနဲ့ဆောင်ရွက်နေတဲ့ အခြေအနေကိုတော့ ပြည်သူ့ကျန်းမာရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာသန်းထွန်းအောင်က အခုလိုရှင်းပြပါတယ်။

“အခြားကျနော်တို့ ပတ်ဝန်းကျင်နိုင်ငံတွေရဲ့ဖြစ်ပွားမှုတွေ နောက်ရာသီတုပ်ကွေးနဲ့ ပတ်သက်ပြီးတော့ သေဆုံးမှုတွေရှိပါတယ်။ ကျနေ်ာတို့ ရာသီတုပ်ကွေးက moderate transmission ပဲ ပေါ့ ။ ကူးစက်ပြန့်ပွားမှုကလည်း အသင့်အသင့်ပဲရှိတယ်ဆိုတာကို ကျနော်တို့ထုတ်ပြန်ထားတယ်။ ဆေးရုံသွားတာ နောက်ကျတယ် နောက်ပြီးမတတ်ကျွမ်းသူတွေနဲ့ ကုသတာ နောက်ကျနေရင်တော့ ထိရောက်တဲ့ ကုသမှုတွေရှိပေမယ့်လည်း သေဆုံးမှုကတော့ မလွှတ်နိုင်ဘူးပေါ့နော်။ နောက်တခုက ရောဂါအခံရှိတဲ့လူတွေ ၊ကလေးငယ်တွေ၊ ကိုယ်ဝန်ဆောင်တွေ ၊ အဖိုးကြီးအဖွားကြီးတွေတော့ နည်းနည်းဆုံးတတ်တယ်။”

H1N1 ရာသီတုပ်ကွေးရောဂါပိုးတွေ့ရှိပေမဲ့ တုပ်ကွေးရောဂါကြောင့်မဟုတ်ပဲ အခြားရောဂါအခံကြောင့် သေဆုံးသူပေါင်းကလည်း (၂၀)ဦးအထိရှိ သွားပြီဖြစ်တယ်လို့လည်း ကျန်းမာရေးဦးစီးဌာနက သတင်းထုတ်ပြန်ထားပါတယ်။ အခုလက်ရှိနောက်ဆုံး အခြေအနေအထိကတော့ H1N1 ရောဂါပိုးတွေ့ရှိတဲ့လူနာတွေထဲက အတွင်းလူနာတွေကို ဝေဘာဂီအထူးကုဆေးရုံကြီးနဲ့ အခြားတိုင်းဒေသကြီး၊ ပြည်နယ်တွေမှာ ဆေးကုသပေးနေပြီး ပြင်ပလူနာတွေကိုလည်း စနစ်တကျကုသမှုပေးနေပါတယ်လို့လည်း ကျန်းမာရေးဦးစီးဌာန ဒုညွှန်ချုပ်က ပြောပါတယ်။

“ဝေဘာဂီဆိုရင် အခုဆိုရင် ၂ ယောက် ပဲရှိတော့တယ်။ အခြားတိုင်းနဲ့ ပြည်နယ်ဆေးရုံတွေမှာ အတွင်းလူနာ ၃၄ ဦး စုစုပေါင်း ၃၆ ဦး ဆက်လက်ကုသမှု ခံယူနေတယ်။ ကောင်းမွန်ပြီးဆေးရုံက ဆင်းသွားတာ ၂၀၁ ဦး ၊ ပြင်ပလူနာက ၁၆ ဦးပေါ့နော် ဆိုတော့ ပိုးတွေ့တိုင်းလည်း မစိုးရိမ်ရဘူး ၊ ဆေးရုံမှာ အကောင်းလိုက်ဆင်းသွားတာ ၂၀၁ ဦး။ ပြင်ပလူနာအနေနဲ့ပဲ သွားသွားလာလာကုသွားတာ ၁၆ ဦးဆိုတော့ အခုတဖြေးဖြေးနဲ့ လျှော့လာပြီဆိုတာ ပြပါတယ်။”

တုပ်ကွေးရောဂါဖြစ်ပွားနေတယ်လို့သံသယရှိရင် ပြည်သူတွေအနေနဲ့ ချက်ခြင်း ပြည်သူ့ဆေးရုံတွေဆီကို အမြန်ဆုံးကုလမှု လာရောက်ခံယူကြဖို့လည်း ဒေါက်တာသန်းထွန်းအောင်က ပြည်သူကိုတိုက်တွန်းပါတယ်။

“အဲဒီတော့ လူထုက သတိထားရမယ့်အချက်၊ ဆောင်ရန်၊ ရှောင်ရန်လို့ ကျနော်တို့ ထုတ်ပြန်ထားတာလေးတွေကို လုပ်ဖို့လိုပါတယ်။ ဒီရာသီတုပ်ကွေးသည် နောက်နှစ်တွေမှာလည်းရှိဦးမယ်၊ ကျနော်တို့ Environment ထဲမှာ ဒီပိုးက ၂၀၀၉ ကတည်းကနေ ဆက်တိုက်ရှိလာခဲ့တယ်။ ၂၀၁၇ မှာတော့ နည်းနည်းလေး ပြင်းထန်မှုလေးရှိလာတယ်၊ အဲဒီတော့ ပြည်သူလူထုအနေနဲ့ကတော့ မိမိမှာ ဒီတုပ်ကွေးလက္ခဏာခံစားရတယ်ဆိုတာကို သံဿယရှိရင် နီးစပ်ရာဆေးရုံတွေကို အချိန်မှီသွားရောက်ကုသခံယူဖို့လိုတယ်။ ၄၈ နာရီ အတွင်းကုရင် သူကလုံးဝကောင်းတယ် ၊ ၄၈ နာရီ အတွင်းဆေးရုံရောက်မယ်၊ ဆေးသောက်မယ် ၅ ရက်သောက်ရာမှာ သောက်လိုက်ရင် လုံးဝလည်းကောင်းတယ်၊ တခြားလူ ကူးစက်မှုလည်း လျော့သွားတယ်။ အဲဒီတော့ မိမိကိုယ်တိုင်ကစပြီးတော့ ကာကွယ်ရေး၊ ကျန်းမာရေး အသိပညာပေး နိုးဆော်ချက်တွေကိုလိုက်နာဆောင်ရွက်ဖို့လိုတယ်။ အိမ်ထောင်စုတိုင်း အိမ်ထောင်စုတိုင်း မိသားစုတိုင်း တဦးချင်း တယောက်ချင်းအလိုက် လိုက်နာမယ်။ လူထုအဖွဲ့အစည်းတွေကလည်း ပညာပေးမယ်။ အကုန်လုံး လိုက်နာမယ်ဆိုရင် ဒီရောဂါက ချက်ချင်းကျသွားမယ်။”

ကျန်းမာရေးဝန်ကြီးဌာနနဲ့အတူ တနိုင်ငံလုံးအတိုင်းအတာနဲ့ လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာနအပါအဝင် ဝန်ကြီးဌာနအားလုံးနဲ့ ပူးပေါင်းပြီး H1N1 တုပ်ကွေးရောဂါကူးစက်မှုကာကွယ်ရေး ပညာပေးလုပ်ငန်းတွေ လုပ်ဆောင်နေကြပါတယ်။ အထူးသဖြင့် ရေဘေးကူညီကယ်ဆယ်ရေးစခန်းတွေနဲ့ အများပြည်သူ လှုပ်ရှားသွားလာနေတဲ့ လူနေထူထပ်တဲ့နေရာတွေမှာ H1N1 တုပ်ကွေးရောဂါ ပညာပေးလုပ်ငန်းတွေနဲ့ ကျမ်းမာရေး အထောက်အကူပစ္စည်းတွေကို ကူညီထောက်ပံ့ပေးနေတာဖြစ်ပါတယ်။

ရာသီတုပ်ကွေးရောဂါ H1N1 ((Seasonal Influenza A (H1N1) ) ဗိုင်းရပ်စ်ရောဂါပိုး ဖြစ်ပွားနေဆဲအခြေအနေ၊ ပြည်သူတွေအကြား ကြိုတင်ကာကွယ်နိုင်ရေးနဲ့ ရှောင်ရန်ဆောင်ရန်အချက်တွေနဲ့ပတ်သက်ပြီး ကြိုတင်ကာကွယ်ရေးနှင့် ထိန်းချုပ်ရေး သက်ဆိုင်ရာ ကျန်းမာရေးဝန်ကြီးဌာနဝန်ကြီးအပါအဝင် တာဝန်ရှိသူတွေနဲ့ ဆရာဝန်ကြီးတွေ၊ ဆေးပညာရှင်တွေ ပြည်သူ့ကျမ်းမာရေး ကျွမ်းကျင်မှုဆိုင်ရာ အကြံပေးသမားတော်တွေ စုပေါင်းပြီး ဆောင်ရွက်နေကြတာဖြစ်ပါတယ်။

WHO ကမ္ဘာ့ကျန်းမာရေးအဖွဲ့ကြီးရဲ့ ဇန်နဝါရီလ(၁) ရက်နေ့ကနေ သြဂုတ်လ (၂၀) ရက်နေ့အထိ ထုတ်ပြန်ချက်အရ မြန်မာအပါအဝင် တရုတ်၊ အိန္ဒိယ၊ နီပေါလ်၊ သီရိလင်္ကာ၊ မော်လ်ဒိုက်၊ ဘင်္ဂလားဒေ့ရှ်၊ ထိုင်း၊ မလေးရှား၊ ဘူတန်၊ အင်ဒိုနီးရှားနိုင်ငံတွေမှာ H1N1 ရောဂါပိုး အမျိုးအစားတူ ကူးစက်ရောဂါဖြစ်ပွားနေတာဖြစ်ပါတယ်။

မဆုမွန် / ဗွီအိုအေ (မြန်မာပိုင်း)
https://burmese.voanews.com

ဖမ်းဆီးခံကလေးစစ်သားဟောင်း ပြန်လွှတ်ဖို့ HRW တောင်းဆို

မြန်မာစစ်တပ်က အသက်မပြည့်သေးတဲ့ ကလေးစစ်သားတွေကို မိဘထံပြန်လည်အပ်နှံတဲ့အခမ်းအနားတွင် တွေ့ရစဉ်။ (စက်တင်ဘာလ ၂၀၁၂)
ကလေးစစ်သားဖြစ်ခဲ့သူ ကိုအောင်ကိုထွေးကို ဖမ်းဆီးထားတာကနေ အမြန်ဆုံးပြန်လွှတ်ပေးဖို့ ကုလသမဂ္ဂအနေနဲ့ တောင်းဆိုဖို့ HRW လူ့အခွင့်အရေးအဖွဲ့ကြီးက တိုက်တွန်းလိုက်ပါတယ်။ RFA လွတ်လပ်တဲ့အာရှအသံ မြန်မာဌာနရဲ့ ရုပ်မြင်သံကြားအစီအစဉ်တခုမှာ ကလေးစစ်သားဘ၀က အတွေ့အကြုံတွေကို ပြန်ပြောင်း ပြောပြခဲ့တာကြောင့် နိုင်ငံတော် အကြည်ညိုပျက်စေမှုနဲ့ သူ့ကို ဖမ်းဆီးခဲ့တာပါ။ ဒီအကြောင်း ကိုအောင်အောင်က တင်ပြထားပါတယ်။

ကလေးစစ်သားအဖြစ် စုဆောင်းခံခဲ့ရတဲ့ ကိုအောင်ကိုထွေးရဲ့ဘ၀အကြောင်း ရုပ်မြင်သံကြား အစီအစဉ်တခုကို သြဂုတ်လ ၁၀ ရက်နေ့ RFA လွတ်လပ်တဲ့အာရှအသံ မြန်မာဌာနကနေ တင်ဆက်ခဲ့ပါတယ်။ ဒီအစီအစဉ်မှာ ကလေးစစ်သားအဖြစ် တာဝန်ထမ်းဆောင်စဉ်က ဒုက္ခတွေ ရင်ဆိုင်ခဲ့ရပုံကို ကိုအောင်ကိုထွေးက စေ့စေ့စပ်စပ် မြင်သာအောင် ပြောပြခဲ့တာကြောင့် သူ့ကို ဖမ်းဆီးခဲ့တာပါ။ ဒါဟာ စစ်တပ်အနေနဲ့ လူ့အခွင့်အရေးနဲ့ လွတ်လပ်စွာထုတ်ဖေါ်ပြောဆိုခွင့်အပေါ် အလေးထားအသိအမှတ် မပြုတာကို ပြသတာဖြစ်ပြီး ကိုအောင်ကိုထွေးကို အမြန်ဆုံးပြန်လွှတ်ပေးဖို့ နိုင်ငံတကာအဖွဲ့အစည်းတွေအနေနဲ့ တောင်းဆိုဖို့ HRW လူ့အခွင့်အရေးအဖွဲ့ အာရှရေးရာ လက်ထောက်ညွှန်ကြားရေးမှူး Phil Robertson က တိုက်တွန်းလိုက်ပါတယ်။

" နိုင်ငံတကာအသိုင်းအ၀ိုင်း၊ UNICEF ကုလသမဂ္ဂ ကလေးများရံပုံငွေအဖွဲ့၊ နယူးယောက်က ကုလသမဂ္ဂ အတွင်းရေးမှူးချုပ်ရုံးအနေနဲ့ အောင်ကိုထွေးကို ဖမ်းဆီးထိန်းသိမ်းထားရာကနေ ချက်ချင်း ပြန်လွှတ်ပေးဖို့ တောင်းဆိုပေးဖို့ တိုက်တွန်းပါတယ်။ ဒီလို စွဲချက်တင်တာဟာ ဘာမှ ကြိုးကြောင်းဆီလျော်မှုမရှိသလို သူ့အနေနဲ့ ဘာတွေ ရင်ဆိုင်ကြုံတွေ့ရတယ်ဆိုတာကို ပြန်ပြောတာကြောင့် ဖမ်းဆီးလိုက်တာဟာ အဓိပ္ပါယ်မရှိပါဘူး။ သူ့အပေါ် စွဲချက်တင်သူအနေနဲ့ရော မြန်မာ့တပ်မတော်အနေနဲ့ ဒီလုပ်ရက်အတွက် ရှက်သင့်ပါတယ်။"

သြဂုတ်လ ၁၈ ရက်နေ့ညပိုင်းမှာ ကိုအောင်ကိုထွေးကို ပုဒ်မ ၅၀၅ (ခ) နိုင်ငံတော် အကြည်ညိုပျက်စေမှုနဲ့ လုံခြုံရေးရဲတပ်ဖွဲ့ဝင် ၂၀ ကျော်နဲ့ လာရောက်ဖမ်းဆီးတာဖြစ်တယ်လို့ ကိုအောင်ကိုထွေးအမဖြစ်သူ မနေဇာထွန်းကပြောပါတယ်။ တရားလိုကတော့ ဒုတိယဗိုလ်မှူးကြီး မျိုးမြင့်အောင် ဖြစ်တယ်လို့လည်း သူက ပြောပါတယ်။ ကိုအောင်ကိုထွေးကို သြဂုတ်လ ၁၉ ရက်နေ့ နေ့လည်ပိုင်းအထိ ဒဂုံမြို့သစ်ဆိပ်ကမ်းမြို့နယ် ရဲစခန်းမှာ ဖမ်းဆီးထားပြီး ညနေပိုင်းမှာတော့ အင်းစိန်အကျဉ်းထောင်ကို ပို့လိုက်ပြီး လာမယ့်စက်တင်ဘာ ၁ ရက်နေ့မှာတော့ ဒဂုံမြို့သစ် ဆိပ်ကမ်းမြို့နယ် တရားရုံးမှာ ပထမဆုံးအကြိမ်အဖြစ် ရုံးထုတ်စစ်ဆေးမှာပါ။ အခုလိုမျိုး လွတ်လပ်စွာ ထုတ်ဖေါ်ပြောဆိုခွင့်အပေါ် ကန့်သန့်တဲ့ ဥပဒေမျိုး ဖျက်သိမ်းပစ်ဖို့ အစိုးရအနေနဲ့ ဆောင်ရွက်သင့်ကြောင်းလည်း Phil Robertson က ထောက်ပြပါတယ်။

"လွှတ်တော် ၂ ရပ်လုံးမှာ နိုင်ငံရေးအကျဉ်းသားဟောင်း အများအပြားပါဝင်တဲ့ ဒီမိုကရက်တစ်ပါတီ တရပ်က အများစုဖြစ်နေချိန်မှာ ဒီဥပဒေဘာကြောင့် ဆက်တည်ရှိနေသေးလဲ ဆိုတာ မေးခွန်းထုတ်စရာပါ။ NLD အနေနဲ့ ဒီလိုဥပဒေမျိုးကို ဖျက်သိမ်းပစ်ဖို့ လွန်ခဲ့တဲ့တနှစ်ကျော်ကတည်းက ဦးတည်လုပ်ဆောင်သင့်ပါတယ်။ ဒီဥပဒေ ရှိနေသမျှ တပ်မတော်က ဆက်အသုံးချနေပြီး သူတို့အပေါ် ဆန့်ကျင်သူမှန်သမျှကို ဒီဥပဒေအသုံးပြုပြီး ဆက်ဖိနှိပ်သွားမှာပါ။ ဒါကြောင့် နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နဲ့ အစိုးရကို ဒီလိုဥပဒေမျိုးဖျက်သိမ်းပစ်ဖို့နဲ့ ကိုယ့်ဘ၀အကြောင်း ပြောပြလို့ စွဲချက်တင် ဖမ်းဆီးခံရသူတွေကို လွှတ်ပေးဖို့ အားလုံးဝိုင်းတောင်းဆိုသင့်ပါတယ်။"

လွန်ခဲ့တဲ့ ဇွန်လကုန်ပိုင်းက ထုတ်ပြန်ခဲ့တဲ့ အမေရိကန်အစိုးရရဲ့ ၂၀၁၇ ခုနှစ် နိုင်ငံတကာ လူကုန်ကူးမှုဆိုင်ရာအစီရင်ခံစာမှာတော့ မြန်မာနိုင်ငံကို လူကုန်ကူးမှုတိုက်ဖျက်ရေး ပူးပေါင်းဆောင်ရွက်မှု လုံးဝမရှိတဲ့နိုင်ငံ Tier 3 အဆင့်ကနေ စောင့်ကြည့်ခံနိုင်ငံ Tier 2 အဆင့်ကို ပြောင်းလဲသတ်မှတ်ပေးလိုက်ပါတယ်။ ကလေးစစ်သားစုဆောင်းမှုတွေ လျော့ကျသွားအောင် မြန်မာအစိုးရအနေနဲ့ ဆောင်ရွက်တာကြောင့် တိုးတက်မှုတွေရှိတယ်ဆိုပြီး အဲဒီလို အဆင့်ပြောင်းလဲသတ်မှတ်လိုက်တာပါ။ ဒါပေမယ့်လည်း အဲဒီလို ပြောင်းလဲပေးဖို့ မသင့်သေးကြောင်း လူ့အခွင့်အရေးအဖွဲ့တွေက ထောက်ပြပြောဆိုနေတဲ့ကြားမှာပဲ အမေရိကန်အစိုးရက မြန်မာနိုင်ငံကို ကလေးစစ်သားအသုံးပြုတဲ့ နိုင်ငံများစာရင်းကနေ ပယ်ဖျက်ပေးခဲ့ပါတယ်။

"မြန်မာစစ်တပ်ရဲ့ ဒီလုပ်ရပ်ဟာ အခြေအနေကို ခြုံငုံပြီး မစဉ်းစားပဲ စာရင်းထဲက ပယ်ဖျက်ပေးလိုက်တဲ့ နိုင်ငံခြားရေးဝန်ကြီး Rex Tillerson ဆုံးဖြတ်ချက်ကို အသိအမှတ်မပြုကြောင်း ပြသလိုက်တာပါ။စစ်တပ်အနေနဲ့ ဖိနှိပ်မှုတွေ၊ ကလေးစစ်သား စုဆောင်းမှုတွေ ဆက်လုပ်နေတာကြောင့် အဲဒီစာရင်းထဲကနေ မြန်မာနိုင်ငံကို ပယ်ဖျက် မပေးဖို့ ပြောဆိုခဲ့ပေမယ့် ကျနော်တို့ရဲ့ အကြံပေးမှုကို နိုင်ငံခြားရေးဌာနက လက်မခံခဲ့ပါဘူး။ ဒါဟာ တပ်မတော်အနေနဲ့ ဒီလိုဖမ်းဆီးမှုတွေ ဆက်လုပ်နေလည်း ဘာမှမဖြစ်ဘူးဆိုတဲ့ အရိပ်အယောင်မျိုး ပြသလိုက်တာဖြစ်တာကြောင့် အခုလို ဖမ်းဆီးမှု ထပ်ဖြစ်တာပါ။"

ကိုအောင်ကိုထွေးဟာ ၂၀၀၅ ခုနှစ် အသက် ၁၄ နှစ်အရွယ်မှာ နေပြည်တော်ကနေ ရန်ကုန်ကို ပြန်အလာ ရန်ကုန်ဘူတာကြီးမှာ ကလေးစစ်သားအဖြစ် မတရားဖမ်းဆီးပြီး စစ်သားစုဆောင်းရေး တပ်ဖွဲ့ကိုပို့ဆောင်ခံရပါတယ်။ ဒီနောက် စစ်တပ်ကနေ တခြားသူနဲ့ အတူထွက်ပြေးလာချိန်မှာ အတူထွက်ပြေးသူတဦးက ဆိုင်ကယ်ပိုင်ရှင်တဦးကို သတ်ဖြတ်ပြီး အဲဒီဆိုင်ကယ်နဲ့ ထွက်ပြေးလာခဲ့ပြီးနောက် ပြန်ဖမ်းဆီးခံရပါတယ်။ အဲဒီနောက်တော့ သေဒဏ်၊ တသက်တကျွန်း၊ ထောင်ဒဏ် ၁၀ နှစ် အထိ ပြောင်းလဲကျခံခဲ့ရပြီးနောက် ဇူလိုင်လဆန်းပိုင်းက မန္တလေးအိုးဘိုထောင်ကနေ ပြန်လွှတ်မြောက်လာတာပါ။ ပုဒ်မ ၅၀၅ (ခ) အရ ပြစ်မှုထင်ရှားရင်တော့ ကိုအောင်ကိုထွေးဟာ ထောင်ဒဏ် ၂ နှစ်ထိ ကျခံရမှာ ဖြစ်ပါတယ်။

အောင်အောင် / ဗွီအိုအေ (မြန်မာပိုင်း)
https://burmese.voanews.com
 

မိုးများစွာရွာသွန်းမှုကြောင့် မကွေးတိုင်းဆေးရုံဝန်းအား ကာရံထားသော အုတ်တံတိုင်းများ ပြိုကျ ပျက်ဆီး


သြဂုတ် ၂၁

မကွေးတိုင်းပြည်သူ့ဆေးရုံ ဝန်ထမ်းအိမ်ယာအား ကာရံထားသော အုတ်တံတိုင်းကြီးများ သြဂုတ်လ (၂၁)ရက် ညသန်းခေါင်ယံအချိန်တွင် မိုးသည်းထန်စွာ ရွာသွန်းခဲ့မူ့ကြောင့် ပြိုကျ ပျက်ဆီးခဲ့ကြောင်းသိရသည်။

မကွေးတိုင်း ဆေးရုံဝန်းထမ်အိမ်ယာ များမှာ နှစ်ပေါင်း(၆၀)နီးပါး သက်တမ်းကြာမြင့်ခဲ့ပြီး အငယ်တန်းဝန်ထမ်းများနေထိုင်ရာ အဆောက်အဦးများမှာ ဆွေးမြေ့ ပေါက်ပြဲခြင်း အိမ်တိုင်အခြေများမရှိခြင်းများအား မိမိကုန်ကျစရိတ်ဖြင့်သာ နှစ်ပေါင်းများစွာ မိသားစုနေထိုင်နိုင်ရန် ပြုပြင်နေခဲ့ကြရပြီး (၂၀၁၄-၁၅)ဘဏ္ဍာနှစ်တွင် နိုင်ငံတော်အစိုးရမှ ပြည်သူ့ဆေးရုံဝန်းအတွင်း ဝန်ထမ်းများနေထိုင်ရန် နှစ်ခန်းတွဲ (၂၄)လုံးပါ သုံးထပ်အဆောက်အဦးဆောက်လုပ်ပေးခဲ့သော်လည်း နှစ်ပေါင်းများစွာ နေထိုင်လာသော အငယ်တန်းဝင်ထမ်း မိသားစု (၄၃)ဦးမှာ တိုက်ခံသစ်များတွင်မနေရဘဲ ယခင် အဆောက်အဦးဟောင်းများတွင်သာ ပြုပြင်နေခဲ့ကျရပြီး မိုးရွာသွန်းမူ့ကြောင့် ပြိုကျပျက်ဆီး ခဲ့သော အုတ်တံတိုင်းများမှာ အငယ်တန်းဝန်ထမ်း အိမ်ယာများအား ကာရံထားခြင်းဖြစ်ကြောင်းသိရသည်။

"ညက မိုးကြီးလို့ ထကြည့်မိတော့ လိုင်းထဲမှာရေတွေ ဝင်ပြီ ဖိနပ်တွေ ပစ္စည်းတွေ မျှောသွားမှာစိုးလို့ လိုက်လံသိမ်းဆည်းနေတုန်း ဝုန်းဆိုတဲ့အသံကြီး ကြားလို့ ဘာဖြစ်တာလဲ ထကြည့်တော့ ဆေးရုံဝန်းကို အချိန်မှန် ပိတ်တဲ့ သံတားကြီး ကျိုးပျက်ပြီး အုတ်တံတိုင်းကြီး ပြိုလဲနေတာတွေ့ရပြီး ရေတွေ လိမ့်ဝင်လာလို့ ပစ္စည်းတွေ မပျောက်ပျက်အောင် ထိန်းသိမ်းဖို့ သတိပေးတော့ ဝန်ထမ်းတွေ အနည်းငယ်နိုးလာပါတယ် ည(၁)နာရီလောက်ဆိုတော့ အားလုံးကအိပ်မောကျ နေတော့ သိပ်မသိကျဘူးဟု ဝန်ထမ်းတဦးက ပြောပြသည်။

ပြိုကျ ပျက်ဆီးသွားသော အုတ်တံတိုင်းများမှာ ဆောက်လုပ်ထားတာ မကြာသေးပါဘူး တာဝန်ယူဆောက်လုပ်ထားတဲ့ လေလံအောင်တဲ့ ကုမဏီ တွေအနေနဲ့ ခိုင်ခံမူ့ရှိအောင် စနစ်တကျတာဝန်ယူ ဆောက်လုပ်စေခြင်တာပေါ့ အောက်ခံဖောင်းဒေးရှင်းမြောင်း ကိုသေချာမတူးဘဲအပေါ်ယံ အနည်းငယ်နဲ့ တင်ဆောက်လုပ်ထားတော့ ဘယ်ခိုင်ခန့်နိုင်ပါမလဲ တာဝန်ရှိသူတွေအနေနဲ့လည်း လုပ်ငန်းများ မပီးခင်ကတည်းကကွင်းဆင်းလေ့လာမူ့တွေလုပ်လို့ ရေရှည်ပါရင် နိုင်ငံတော်ဘဏ္ဍာငွေ ထိခိုက်ဆုံးရှုံးမူ့နည်းတာပေါ့ဟု ဆေးရုံဝင်းနေ သူတဦးကဖြည့်စွက်ပြောပြသည်။

ပိုင်ဇေ(မကွေး)
Myanmaalinn
https://www.facebook.com/MYANMAALINNNEWS/

ဖိလစ်ပိုင်က သတ်ဖြတ်မှုတွေ ဝေဖန်ခံရ

သမ္မတ ဒူတာတေးဟာ အာဏာစတင်ရကတည်းက ဖိလစ်ပိုင်မှာ ရာဇဝတ်မှုနဲ့ မူးယစ်ဆေး နှိမ်နင်းဖို့ ကတိပြုထား
ဖိလစ်ပိုင် ကက်သလစ် ကျောင်းတော်ရဲ့ အကြီးအကဲက လူအမြောက်အမြား သတ်ဖြတ်ခံနေရတဲ့ အစိုးရရဲ့ မူးယစ်ဆေးဝါး တိုက်ဖျက်မှု စစ်ဆေးရေးတွေကို ဝေဖန်လိုက်ပါတယ်။

မနီလာမြို့တော်က ရဟန်းမင်းကြီး ကာဒီနယ် လူးဝစ်တာဂလေက ကူညီရာမဲ့နေသူတွေအပေါ် သတ်ဖြတ်နေသူတွေကို ပြစ်တင်ခဲ့တာပါ။ တရားမဝင် မူးယစ်မှောင်ခိုမှုတွေကို နိုင်ငံရေးနဲ့ ရာဇဝတ် ပြဿနာအဖြစ် အဆင့် လျှော့ချ မပစ်သင့်ဘဲ အားလုံးနဲ့ ဆက်နွှဲနေတဲ့ လူသားဆိုင်ရာ ပြဿနာ အဖြစ် ရှုမြင်ဖို့လည်း သူက တောင်းဆိုခဲ့ပါတယ်။

ကာဒီနယ် တာကလေရဲ့ တောင်းဆိုမှုကို အခြား အကြီးတန်း ဘုန်းတော်ကြီး တပါး ဖြစ်တဲ့ ဆိုခရေတီးစ်ဗီလီဂတ်စ်ကလည်း ထောက်ခံလိုက်ပြီး အကြမ်းဖက်မှုတွေကို ပြစ်တင်ရှုတ်ချတာ မလုပ်ရင် သူရဲဘောကြောင်လွန်းရာ ကျမယ်လို့ ဆိုလိုက်ပါတယ်။

မူးယစ်ရောင်းဝယ်သူ အဖြစ် စွပ်စွဲပြီး သတ်ဖြတ်ခံခဲ့ရသူ တယောက်ရဲ့ တနင်္ဂနွေနေ့က ဈာပန မြင်ကွင်း
ဖိလစ်ပိုင်က ခရစ်ယာန် ဘုရားကျောင်းတွေဟာ သမ္မတ ဒူတာတေးရဲ့ မူးယစ်တိုက်ဖျက်ရေး အပေါ် ဝေဖန်နေကြတာတွေကို အစဦးမှာ ကြားဝင် မှတ်ချက်ပေးတာတွေ မလုပ်ခဲ့ပါဘူး။ ဒါပေမယ့် နောက်ပိုင်းမှာတော့ အကြမ်းဖက်မှုတွေ ရပ်တန့် ဖို့ တောင်းဆိုခဲ့ရာမှာ သမ္မတ ဒူတာတေးကလည်း ဘုရားကျောင်းတော်တွေကို ပြန်လည် တုံ့ပြန် ဝေဖန်ခဲ့ပါတယ်။

လွန်ခဲ့တဲ့ ၁၄ လ က စတင်ခဲ့တဲ့ သမ္မတ ရိုဒရီဂို ဒူတာတေးရဲ့ မူးယစ်ဆေးဝါး ရောင်းဝယ်ဖောက်ကားသူတွေကို နှိမ်နင်းတဲ့ စစ်ဆင်ရေးတွေ အတွင်းမှာ လူ ၃,၅၀ဝ သေဆုံးခဲ့ရပြီး ဖြစ်တယ်လို့ ရဲတပ်ဖွဲ့ တရားဝင် ထုတ်ပြန်ထားပါတယ်။

ဒါပေမယ့် လူ့အခွင့်အရေး အဖွဲ့တွေကတော့ သတ်ဖြတ်ခံရသူ အရေအတွက် ဟာ ဒီထက်ပိုများနိုင်ပြီး အဲဒီထဲက အများအပြားဟာ အပြစ်မဲ့သူတွေ ဖြစ်တယ်လို့ ဆိုပါတယ်။ အခုလတ်တလော ဖြစ်ခဲ့တဲ့ လူအစုလိုက်အပြုံလိုက် သေဆုံးခဲ့ရတဲ့ ဖြစ်ရပ်အတွက်လည်း ဝေဖန်မှု အသစ်တွေ ဖြစ်ပေါ်နေပါတယ်။

ဖိလစ်ပိုင်က သတ်ဖြတ်မှုတွေကို နိုင်ငံတကာကလည်း ဝေဖန်နေကြ
ရိုက်တာ သတင်း တပုဒ်အရ မနီလာ မြို့တော်ရဲ့ မြောက်ဘက် ဘူလကန် ဒေသမှာ သြဂုတ်လ ၁၅ ရက်နေ့ တရက်တည်း လူ ၃၂ ယောက် သတ်ဖြတ်ခံခဲ့ရပြီး ဒီသီတင်းပတ်ထဲမှာ သေဆုံးသူ အနည်းဆုံး အယောက် ၉၀ ရှိတယ် ဆိုပါတယ်။

အဲဒီ သေဆုံးရသူတွေထဲမှာ ကာလိုအိုကမ် မြို့က ကီရန်ဒီလို့စ်ဆန်းတို့စ် အမည်နဲ့ အသက် ၁၇ နှစ်သား တယောက်လည်း ပါဝင်ပြီး သူက သေနတ်နဲ့ စတင် ပစ်ခတ်လို့ ရဲက သတ်ဖြတ်ခဲ့ရတယ်လို့ သတင်း ထုတ်ပြန်ခဲ့ပေမယ့် နောက်ပိုင်းမှာ အဲဒီ ဆယ်ကျော်သက် လူငယ်ကို ရဲအရာရှိ နှစ်ယောက်က ဆွဲခေါ်ယူသွားတဲ့ မှတ်တမ်းရုပ်သံ ပေါ်ထွက်လာခဲ့လို့ ဒီ သတ်ဖြတ်မှုနဲ့ ပတ်သက်ပြီး အလေးအနက် မေးခွန်းထုတ်တာတွေ ဖြစ်ပေါ်လာခဲ့ပါတယ်။

ကာလိုအိုကမ်မြို့ ရဲတပ်ဖွဲ့ အကြီးအကဲကိုလည်း စုံစမ်းစစ်ဆေးတာတွေ လုပ်နေပြီး ရာထူးကနေ ယာယီ ဖယ်ရှားထားပါတယ်။ ဖိလစ်ပိုင် လွှတ်တော်မှာလည်း အဲဒီသတ်ဖြတ်မှုကို ပြစ်တင်တဲ့ ဆုံးဖြတ်ချက် အဆို တင်သွင်းခဲ့ပြီး အဲဒီမှာ လွှတ်တော် ထဲက သမ္မတ ဒူတာတေးရဲ့ မဟာမိတ်တွေကိုယ်တိုင် ပါဝင်ခဲ့ပါတယ်။

စမ်ဆေးရေးတွေအတွင်းက သတ်ဖြတ်မှုတွေကြောင့် ပူဆွေးသောကရောက်နေရတဲ့ မိသားစု အမြောက်အမြားရှိ
ဖိလစ်ပိုင် ရဲတပ်ဖွဲ့ဝင်တွေဟာ သူတို့ အကျိုးအမြတ် အတွက် ဥပဒေပြင်ပ သတ်ဖြတ်တာတွေ လုပ်နေတယ်လို့လည်း လူ့အခွင့်တက်ကြွလှုပ်ရှားသူတွေက ထောက်ပြကြပါတယ်။ ဒါပေမယ့် ရဲတပ်ဖွဲ့ဘက်ကတော့ သေဆုံးရသူတွေဟာ လက်နက်နဲ့ ပြန်လည် ခုခံ လို့သာ သတ်ဖြတ်ခံရတာလို့ ဖြေရှင်းပါတယ်။

ဒီနှစ်ဆန်း ဇန်နဝါရီလတုန်းကတော့ သမ္မတ ဒူတာတေးက မူးယစ်နှိမ်နင်းရေးတွေကို ရပ်တန့်ပြီး ရဲတပ်ဖွဲ့ သန့်ရှင်းရေးကို လုပ်ကာ မူးယစ်တိုက်ဖျက်ရေး အဖွဲ့ကို ပြန်လည်ဖွဲ့စည်းမယ်လို့ ကတိပေးခဲ့ပါတယ်။

အခု ဆောင်ရွက်နေတဲ့ မူးယစ် စစ်ဆင်ရေးတွေကတော့ မတ်လက ပြန်စခဲ့တာပါ။

BBC Burmese
http://www.bbc.com/burmese

စစ်ပြေး ကချင်ကဆုန့်ရွာသားများ နေရပ်ပြန်ပို့မည်

တိမ်းရှောင်လာတဲ့ ကဆုန့်ရွာသားများ ( KBC Kachin Facebook)
မြန်မာ့တပ်မတော်နဲ့ KIOကချင်လွတ်လပ်ရေးအဖွဲ့တို့ စစ်ရေးပဋိပက္ခဖြစ်ပွါးရာ ကချင်ပြည်နယ်မိုးကောင်းမြို့နယ် နမ္မတီးမြို့က ဘာသာရေးအသင်းမှာ တိမ်းရှောင်နေတဲ့ ကဆုန့်ရွာသား တထောင်ကျော်ကို မနက်ဖြန်မှာ နေရပ်ပြန်ဖို့ပေးဖို့ စီစဉ်နေ ကြပါတယ်။ ဒေသခံတွေ ငြိမ်းချမ်းစွာနေထိုင်နိုင်ရေးအတွက် ကချင်ငြိမ်းချမ်းရေးအဖွဲ့အနေနဲ့ အစိုးရနဲ့KIO အကြား ဝင်ရောက် ညျှိနှိုင်းဖို့ လုပ်ဆောင် နေတယ်လို့တာဝန်ရှိသူတွေက ပြောပါတယ်။ ဗွီအိုအေ ထုိုင်းအခြေစိုက် သတင်းထောက် နုိုင်ကွန်းအိန် ကနေ သတင်းပေးပုို့ထားပါတယ်။

ကချင်ပြည်နယ် မိုးကောင်းမြို့နယ် နမ္မတီးခရစ်ယာန်အသင်းတော်တွေမှာတိမ်းရှောင်နေရတဲ့ ကဆုန့်ကျေးရွာသား၁၀၀၀ကျော်ဟာ မနက်ဖန်မှာ နေရပ်ပြန်ဖို့စီစဉ်နေဆဲလို့ အသင်းတော်တာဝန်ရှိသူတဦးဖြစ်တဲ့ဆရာသောမတ်ကပြောပါတယ်။

“မနက်ဖန်ပြန်ဖို့တော့လုပ်ထားတယ်။ ရွာပြန်ဖို့ကအရေးကြီးတယ်ဆိုပြီးမှ ဒီPCG အဖွဲ့က နှစ်ဖက်အစိုးရစစ်တပ်ရယ်။ KIA KIOအဖွဲ့ အစည်းတွေကို သူတို့ကြားကနေ ညှိနှိုင်းဆောင်ရွက်ပေးတာတွေ အခု အားလုံးအဆင်ပြေလို့အခုပြန်ဖို့အတွက်လုပ်နေကြတာပါ။ အခုကျွန်တော်တို့ ကားစီစဉ်နေတာဘဲရှိပါတယ် မနက်ဖန်သွားဖို့အတွက်။ အားလုံးလူဦးရေတထောင်ကျော် ဒီမှာအခုသူများ NGO ကနေ အလှူရှင်ကနေ လာလှူထားတဲ့ပစ္စည်းတွေရောဆိုရင်ကျွန်တော်တို့ ကားအစီး(၁၀၀)လောက်မှအဆင်ပြေမယ်ထင်တယ်။”

ပြီးခဲ့တဲ့ သြဂုတ်လ(၁၁)ရက်နေ့တုန်းက KIAတပ်ရင်း(၁၁)ထိမ်းချုပ်မှုအောက်မှာရှိတဲ့ ကဆုန့်ရွာအတွင်းကို တပ်မတော်ဘက်က ၀င်ရောက်ပစ်ခတ်ခတ်တိုက်ခိုက်မှုကြောင့် ရွာသားတထောင်ကျော်ဟာ နမ္မတီးခရစ်ယာန်အသင်းတော်နဲ့ ကက်သလစ်ကျောင်း တွေမှာ စစ်ရှောင်လာကြတာ ဒီကနေ့ပါဆို (၁၀)ရက်ပြည့်ခဲ့ပြီးဖြစ်ပါတယ်။

အခုလိုစစ်ရှောင်ရွာသားတွေနေရပ်ကိုအေးချမ်းစွာပြန်နိုင်ရေးနဲ့ ရှေ့ဆက်နေထိုင်ရေးအတွက် ကချင်ငြိမ်းချမ်းရေးအဖွဲ့အနေနဲ့ အစိုးရနဲ့KIOအကြားညျှိနှိုင်းသွားမယ်လို့ ကချင်ငြိမ်းချမ်းရေးအကျိုးဆောင် ဦးလမိုင်ဂွန်ဂျာကပြောပါတယ်။

“အခုကျွန်တော်တို့နှစ်ဦးနှစ်ဖွဲ့ကိုညှိနှိုင်းတာဖြစ်တယ်။ KIOအဖွဲ့တဖွဲ့အနေနဲ့လဲ သူတို့တပ်ရင်းနေရာမှာနေပြီးတော့မှ ရွာ တွေမှာ အတတ်နိုင်ဆုံးရှောင်တိမ်းပြီးတော့မှ သွားလာဖို့ ကျွန်တော်တို့လဲ သူတို့ကိုညှိနှိုင်းဖို့အစီစဉ်ရှိတယ်ဗျ။ နောက်ပြီးဒီဘက်က အစိုးရအဖွဲ့တွေကိုလဲဘဲ သူတို့ရွာသားတွေရှိတဲ့နေရာမှာ စစ်ကြောင်းတွေအနေနဲ့မသွားရောက်ဖို့အတွက်ပေါ့လေ။ အဲတာတွေ ကျွန်တော်တို့ဆက်လက်ဆွေးနွေးပြီးတော့မှ ကချင်ပြည်နယ်အစိုးရနဲ့တဆင့်ပြန်ညှိနှိုင်းဆွေးနွေးဖို့တော့ရှိတယ်ဗျ။”

စစ်ဘေးရှောင်တွေအနေနဲ့ဒေသရင်းကို အေးချမ်းစွာပြန်နိုင်ပြီးဆိုပေမဲ့ KIOကချင်လွတ်လပ်ရေးအဖွဲ့နဲ့ကင်းကင်းရှင်းနေဖို့ ပြီးခဲ့ တဲ့သြဂုတ်လ(၁၆)ရက်နေ့က စစ်ဘေးရှောင်တွေ ကချင်ဘာသာရေးအသင်းတော်တွေနဲ့ တွေ့ဆုံမှုမှာ မိုးကောင်းနယ် စစ်ဆင်ရေး ကွပ်ကဲမှုဌာနချုပ် စကခမှူးဗိုလ်မှူးကြီး ကျော်ခိုင်ထွန်းကနေ ပြောဆိုမှုတွေလဲရှိနေပါတယ်။

ဒေသခံရွာသားတွေအနေနဲ့ ငြိမ်းချမ်းရေးအတွက်အာမခံချက်ဘယ်လိုရှိလာမလဲဆိုတာ မသိရှိသေးပေမယ့် ငြိမ်းချမ်းရေးကိုလိုချင် တယ်လို့ စစ်ရှောင်ရွာသားတဦးကပြောပါတယ်။

“လုံခြုံရေးအတွက်ကတော့ ကျွန်တော်တို့လဲသိပ်မပြောတတ်ဘူး။ ကျွန်တော်တို့ရွာသားတယောက်အနေနဲ့ကျွန်တော်တို့နေထိုင်တဲ့ နေရာမှာတော့ ပိုပြီးငြိမ်းချမ်းတဲ့နေရာဖြစ်ချင်တာပေါ့။ ငြိမ်းချမ်းရေးဘဲလိုချင်တယ်ကျွန်တော်တို့က။”

ရွာပြန်စစ်ရှောင်ရွာသားတွေရဲ့ ဘေးကင်းလုံခြုံရေးအတွက်ကချင်ဘာသာရေးအသင်းတော်ခေါင်းဆောင်တွေ ကချင်ငြိမ်းချမ်းရေး အကျိုးဆောင်အဖွဲ့တွေကနေ ကချင်ပြည်နယ်အစိုးရအပါအ၀င်တပ်မတော်နဲ့ဆက်လက်ညှိနှိုင်းသွားမှာဖြစ်ပါတယ်။

လက်ရှိမှာ စစ်ရှောင်ရွာသားတွေကိုအကူညီပေးဖို့ ဖါးကန့် ကချင်လူမှုဖွံ့ဖြိုးရေးအဖွဲ့က ပစ္စည်းတင်ဆောင်လာတဲ့ကားတွေကို ကားမိုင်းဂိတ်မှာ တပ်မတော်ဘက်ကနေ ပြီးခဲ့တဲ့ကြာသာပတေးနေ့မှာ တားဆီးခဲ့ပါတယ်။

လက်ရှိထိန်းသိမ်းထားတဲ့ကား(၄)စီးကို ပြန်လည်ပေးအပ်ဖို့ကချင်ပြည်နယ်အစိုးရကို တောင်းဆိုသွားမှာဖြစ်သလို စစ်ရှောင်တွေ အတွက် ကား(၄)စီးစာပစ္စည်းတွေကို နမ္မတီးစစ်ရှောင်စခမ်းကိုပေးအပ်ကူညီခဲ့ပြီးလို့ကချင်လူမှုဖွံ့ဖြိုးရေးအဖွဲ့ဥက္ကဋ္ဌ ဦးလမောင်လ တောင်ကပြောပါတယ်။

“ကျွန်တော်တို့ကား(၄)စီးနဲ့ အဲဒီမှာပါတဲ့ပစ္စည်းပစ္စယအားလုံးကိုသူတို့ကအရေးယူထားပါတယ်။ သူတို့ကသိမ်းထားပါတယ်။ အဲတာ ကို ပြည်နယ်မှာဘဲသွားရှင်းပေါ့။ ကျွန်တော်တို့အခုက(၄)စီးကျန်တဲ့အခါကျတော့ (၄)စီးမှာရှိတဲ့ပစ္စည်းတွေကျတော့အခု စစ်ရှောင် စခမ်း ကို မနေ့ကပေးပြီးပါပြီး။ ခုလောလောဆယ်ကျွန်တော်တို့လဲ အခုနမ္မတီးမှာပေါ့လေ။”

လက်ရှိကချင်ပြည်နယ်အတွင်းမှာ မြန်မာ့တပ်မတော်နဲ့ ကချင်လွတ်လပ်ရေးအဖွဲ့တို့အကြား စစ်ရေးတင်းမာနေဆဲအခြေအနေဖြစ် သလို KIOဘက်ကလဲ မိုး​ကောင်း မြစ်​ကြီးနား တနိုင်းလမ်း​ကြောင်း​ပေါ် KIA တပ်​ရင်း 11 ထိန်းချုပ်​နယ်မြေအတွင်းက နမ့်ခန်း ချောင်းရိုးတလျှောက်မှ ခမွတ်ချောင်း ဖေါ်ကျန်ကုန်းအထိ ဖေါ်ကျန်ကုန်းမှ နမ္မတီးချောင်း ရှန်ခချောင်းဖျား မိုင်စော်ခက် ပိတောင် တောင်အထိ လက်ထောက်ချောင်း ရီတောင်ချောင်း ၀ါရောင်တောင် တာရိုးယာန် ဂျောင်ဒေါ့ ရှာလဲန်ခက် ဖုန်အင်ချောင်းအထိ နယ်မြေကို သွားလာခွင့်နဲ့ သစ်ခုတ်သားငါးရှာဖွေခွင့်ကို သြဂုတ်လ(၁၈)ရက်စွဲနဲ့ တားမြစ်​နယ်မြေအဖြစ်​ ​ကြေညာထားပါတယ်။
KIOနဲ့မြန်မာ့တပ်မတော်တို့ဟာ ၂၀၁၁ခုနှစ်ကစပြီး တကျော့ပြန်စစ်ရေးတင်းမာတာဖြစ်ပြီး NCAအပစ်ရပ်စာချုပ်ကို လက်မှတ်ရေး ထိုး နိုင်ခြင်းမရှိသေးပါဘူး။

စစ်ဘေးဒုက္ခသည်တွေအတွက် အကူအညီတွေ သယ်လာတဲ့ ကချင်လူမှုဖွံ့ဖြိုးရေးအဖွဲ့က ကားတွေ တားမြစ်အရေးယူခံရတာနဲ့ပတ်သက်လို့တော့ တပ်မတော်ကာကွယ်ရေးဦးစီးချုပ်ရုံးကနေ အခု ညနေပိုင်းမှာပဲ ကြေညာချက်ထုတ်ပါတယ်။ ဖမ်းဆီးခံရတဲ့ ကားတွေထဲက လေးစင်းဟာ တရားမ၀င်လိုင်စင်မဲ့ယဉ်ဖြစ်ပြီး၊ အဲဒီပေါ်က အထောက်အပံ့အကူအညီတွေကို အစားထိုးမော်တော်ယဉ်တွေနဲ့ သယ်ဆောင်ဖို့ စီစဉ်ပေးတာကို လက်မခံခဲ့ကြဘူးလို့ ဖော်ပြထားပါတယ်။ သြဂုတ်လ ၁၇ ရက်နေ့ နေ့လည်ပိုင်းက လူ ၃၁ ဦး လိုက်ပါလာတဲ့ မော်တော်ယဉ် ၈စီးပါ ယဉ်တန်းကို မြို့နယ်အထွေထွေအုပ်ချုပ်ရေးအဖွဲ့နဲ့ တပ်မတော်တို့ ပူးတွဲ စစ်ဆေးရာမှာ၊ မော်တော်ယဉ် လေးစင်းဟာ လိုင်စင်မဲ့ဖြစ်နေတာကို စစ်ဆေးတွေ့ခဲ့တာလို့ ဆိုပါတယ်။ ဒီကိစ္စကို ဥပဒေနဲ့အညီ အရေးယူဆောင်ရွက်မှာဖြစ်ပြီး၊ ထောက်ပံ့ရေးပစ္စည်းတွေကိုတော့ ကချင်ပြည်နယ်အစိုးရအစီအစဉ်နဲ့ ဆက်လက်ပို့ဆောင်နိုင်ဖို့ စီမံဆောင်ရွက်နေတယ်လို့ တပ်မတော်ကာကွယ်ရေးဦးစီးချုပ်ရုံးက သူ့ရဲ့ တရားဝင် facebook စာမျက်နှာမှာ ဖော်ပြထားပါတယ်။

နိုင်ကွန်းအိန်  / ဗွီအိုအေ (မြန်မာပိုင်း)
https://burmese.voanews.com

မန္တလေးမှာ ပြိုင်ကားနဲ့ ဆိုင်ကယ်တွေကို ညပိုင်းဖမ်းဆီးစစ်ဆေး မှုတွေ စတင်

မန္တလေးမြို့တွင်းမောင်းနှင်နေတဲ့ မော်တော်ဆိုင်ကယ်တစ်စီးကို တွေ့ရစဉ်။ Photo: RFA
မန္တလေးမြို့အတွင်း အများပြည်သူပိုင်လမ်းတွေမှာ ပြိုင်ကားတွေ၊ ပြိုင်ကားလို ပြုပြင်ထားတဲ့ ကားတွေ၊ အိတ်ဇောဖြုတ်ထားတဲ့ ဆိုင်ကယ်တွေအပါအ၀င် အသံဆူညံအောင် မောင်းတဲ့ ယာဉ်အားလုံးကို မနေ့ညကစပြီး ဖမ်းဆီးအရေးယူနေတယ်လို့ သိရပါတယ်။

ညဘက် အများပြည်သူ အိပ်စက်အနားယူချိန်ကို အနှောင့်အယှက်ဖြစ်စေတာကြောင့် အသံဆူညံအောင်လုပ်ထား တဲ့ယာဉ်တွေ အကုန်လုံးကို မနေ့ညကစပြီး အရေးယူတာဖြစ်တယ်လို့ ယာဉ်ထိန်းရဲတပ်ဖွဲ့ အမှတ် ၃ ယာဉ်ထိန်း တပ်ဖွဲ့ခွဲမှူး ဒုရဲမှူးကြီးကံသိန်းက ပြောပါတယ်။

"မနေ့ညကစပြီး ညဉ့်နက်ပိုင်းအရေးယူတဲ့ အပိုင်းတွေစတင်လိုက်ပါတယ်။ ကျနော်တို့ ပြည်သူလူထုက တနေ့လုံး ပင်ပင်ပန်းပန်းအလုပ်တွေ လုပ်လာရတယ်။ ညဘက်မှာ ၁၀ နာရီနောက်ပိုင်းမှာ ကျနော်တို့ ပြည် သူလူထုက အိပ်စက်အနားယူတာပေါ့။ အဲ့အချိန်မှာ အေးအေးချမ်းချမ်းနဲ့ အိပ်စက်အနားယူချင်တဲ့ ဆန္ဒရှိပါတယ်။ ဒါကို ပတ်ဝန်းကျင်မှာ ဆူညံစွာသွားတဲ့ မော်တော်ကား၊ မော်တော်ဆိုင်ကယ် သံတွေကြောင့် ကျနော်တို့ ပြည်သူလူထုက အထိတ်တလန့်တွေဖြစ်ပြီးမှ အိပ်စက်အနားယူမှုကို အနှောင့်ယှက်ဖြစ်စေတဲ့ အနေထားလေးတွေ ရှိပါတယ်။ ဒါတွေနဲ့ ပတ်သက်ပြီးတော့မှ ကျနော်တို့ ည ဒါမျိုးသွားလာလှုပ်ရှားမှု မရှိအောင်ဆိုပြီး ကျနော်တို့ စစ်ဆေးအရေးယူနေတဲ့ အပိုင်းလေးပါ"

မန္တလေးမြို့တွင်းမှာ အသံဆူညံအောင်လုပ်ပြီး မောင်းနေတဲ့ ယာဉ်တွေကို ပြီးခဲ့တဲ့ ဇူလိုင် ၃၁ ရက်နေ့က စပြီး နေ့ဘက်တွေမှာ ဖမ်းဆီးနေတာဖြစ်ပါတယ်။

မနေ့ညကစပြီး ည ၁၁ နာရီကနေ မနက် ၃ နာရီအထိ ညပိုင်းဖမ်းဆီးမှု စတင်တာဖြစ်ပါတယ်။

မနေ့ကစပြီး မန္တလေးမြို့တွင်းက လမ်းတွေမှာ ယာဉ်ထိန်းရဲ၊ ရဲတပ်ဖွဲ့၊ စည်ပင်ရဲ၊ အထွေထွေ အုပ်ချုပ်ရေးမှူးနဲ့ မီးသတ်တပ်ဖွဲ့တွေ ပါဝင်တဲ့ ပူးပေါင်းအဖွဲ့က ဖမ်းဆီး အရေးယူတာဖြစ်ပါတယ်။

အဲဒီလိုယာဉ်တွေကို ဖမ်းဆီးရမိတဲ့အခါ ယာဉ်မောင်းဟာ အရက်သေစာ သောက်စားထားတာ ရှိ/မရှိ ၊ ယာဉ်ပေါ်မှာ လူကို အန္တရာယ်ဖြစ်စေတဲ့ လက်နက်တွေ ပါ/မပါ၊ မူးယစ်ဆေးသုံးစွဲထားတာ ရှိ/မရှိ စတာတွေကိုပါ စစ်ဆေးပြီး အရေးယူသွားမှာဖြစ်တယ်လို့ သိရပါတယ်။

မနေ့ညကတော့ အသံဆူညံအောင်မောင်းလာတဲ့ ပြိုင်ကား ၄ စီး၊ အိတ်ဇောဖြုတ်ထားတဲ့ ဆိုင်ကယ် ၂ စီး၊ နံပါတ်ပြားမပါတဲ့ ဆိုင်ကယ် ၁၀ စီးတို့ကို ဖမ်းမိထား တယ်လို့ သိရပါတယ်။

အဲဒီလိုဖမ်းဆီးအရေးယူမှုတွေကို ရက်အကန့်အသတ်မရှိ ဖမ်းဆီးစစ်ဆေးသွားမှာဖြစ်တယ်လို့လည်း သိရပါတယ်။

RFA Burmese
http://www.rfa.org/burmese

ဦးပြုံးချို အပါအ၀င် ၅ ဦးကို အဂတိလိုက်စားမှုနဲ့ ရုံးထုတ်

ကရင်ပြည်နယ်အစိုးရ အဖွဲ့အတွင်းရေးမှူး ဦးပြုံးချို အပါအ၀င် ၅ ဦးကို သြဂုတ်လ ၂၁ ရက်နေ့က ရန်ကုန်တိုင်း တရားလွှတ်တော်ရုံးမှာ ရုံးထုတ်လာစဉ်။ Photo: Htet Arker/ RFA
ကျပ်သိန်းထောင်ချီ အဂတိလိုက်စားမှုနဲ့ တရားစွဲဆိုဖမ်းဆီးခံထားရတဲ့ ကရင်ပြည်နယ်အစိုးရ အဖွဲ့အတွင်းရေးမှူး ဦးပြုံးချို အပါအ၀င် ၅ ဦးကို ဒီနေ့ ရန်ကုန်တိုင်း တရားလွှတ်တော်ရုံးမှာ ရုံးထုတ်ခဲ့ပါတယ်။

ဝရမ်းပြေးအဖြစ် ကြေညာခံထားရတဲ့ အဂတိလိုက်စားမှုမှာပါဝင်ခဲ့တဲ့ မော်လိုက်ခရိုင် အထွေထွေ အုပ်ချုပ်ရေး ဦးစီးဌာန ဒုတိယညွန်ကြားရေးမှူး ဦးကျော်ရဲသွေး ကို ဖမ်းဆီးရမိခြင်းမရှိသေးတာကြောင့် သူ့မျက်ကွယ်မှာ ကျန်တဲ့လူ ၅ ဦးကို ဆက်လက်စစ်ဆေးသွားမှာဖြစ်တယ်လို့ ဖမ်းဆီးခံထားရသူ ၅ ဦးထဲက ၂ ဦး ရဲ့ ရှေ့နေ ဦးချစ်ကိုကို က ပြောပါတယ်။

အဂတိလိုက်စားမှုနဲ့ ဖမ်းဆီးခံထားရသူ ၅ ဦးက ကရင်ပြည်နယ်အစိုးရအဖွဲ့အတွင်းရေးမှူး ဦးပြုံးချို ၊ ပြည်ထဲရေး ၀န်ကြီးဌာနက ဒုတိယရဲမှူးကြီး ကျော်ဇေယျ ၊ ဗိုလ်ကြီးဟောင်း ဦးနေမျိုးထွန်း၊ စစ်ကိုင်းခရိုင်အုပ်ချုပ်ရေးမှူး ဦးကျော်စိုးနိုင်၊ မြေရှင်ရဲ့ ကိုယ်စားလှယ် ဦးမျိုးခိုင် တို့ဖြစ်ပါတယ်။

တရားစွဲဆိုခံထားရသူ ၅ ဦးဟာ နိုင်ငံတော်က ပြန်လည်လွှဲပြောင်းပေးအပ်ထားတဲ့ ရန်ကုန်မြို့က စက်မှုဝန်ကြီး ဌာနအမည်ပေါက် မြေကိစ္စနဲ့ပတ်သက်ပြီး နစ်နာသူတွေက ပြည်ထဲရေးဝန်ကြီးဌာနထံ တိုင်ကြားရာမှာ ပြည်ထဲရေး ၀န်ကြီးဌာနက အဂတိလိုက်စားမှုတိုက်ဖျက်ရေးကော်မတီကို လွှဲပြောင်း ပေးခဲ့တဲ့ အမှုဖြစ်ပါတယ်။

အဲဒီအမှုကို လာမယ့် စက်တင်ဘာလ ၄ ရက်နေ့မှာ ရန်ကုန်တိုင်းတရားလွှတ်တော်ရုံးမှာ စတင် စစ်ဆေးတော့ မှာဖြစ်ပါတယ်။

RFA Burmese
http://www.rfa.org/burmese

ရုရှားတိုက်လေယာဉ်များ၏ ပစ်ခတ်တိုက်ခိုက်မှုကြောင့် ဆီးရီးယားတွင် IS စစ်သွေးကြွ ၂ဝဝ ကျော်သေဆုံးခဲ့ရ


မော်စကို သြဂုတ် ၂၁

ရုရှားလေတပ်မှဆီးရီးယားနိုင်ငံDeir al-Zor မြို့အနီးတွင် ကြီးမား သည့်အစ္စလာမ္မစ်စစ်သွေးကြွအဖွဲ့ (IS) တိုက်ခိုက်ရေးသမားများ၏ ယာဉ်တန်းကို ပစ်ခတ်တိုက်ခိုက်ခဲ့ ကြောင်းနှင့်IS စစ်သွေးကြွများစွာ သေဆုံးခဲ့ရကြောင်း သိရသည်။

 ရုရှားလေတပ်မှDeir al-Zor မြို့ သို့ သွားရာလမ်းကြောင်းအတွင်း၌ အဆိုပါတိုက်ခိုက်မှုကို ပြုလုပ်ခဲ့ ခြင်းဖြစ်ပြီး အဆိုပါတိုက်ခိုက်မှု အတွင်းIS စစ်သွေးကြွ ၂ဝဝကျော် သေဆုံးခဲ့ရကြောင်းရုရှားကာကွယ် ရေးဝန်ကြီး၏ယနေ့တွင်ပြောကြားမှု ကို ရုရှားသတင်းဌာနများမှ ကိုး ကားပြီးဖော်ပြခဲ့ခြင်းဖြစ်သည်။

IS အဖွဲ့များသည် ဆီးရီးယား နိုင်ငံတောင်ပိုင်း ရက်ကာပြည်နယ် နှင့် ဟွမ်းစ်ပြည်နယ်အနောက်ပိုင်း တို့မှ ဆီးရီးယားမြေပြင်တပ်များနှင့် ရုရှားလေတပ်တို့၏တိုက်ထုတ်ခြင်း ခံရပြီးနောက်ပိုင်းတွင်၎င်းတို့၏တပ် များကိုDeir al-Zor မြို့အနီးတစ် ဝိုက်တွင်အခြေချတပ်စွဲလာကြခြင်း ဖြစ်ကြောင်း ရုရှားကာကွယ်ရေးဝန် ကြီးဌာန၏ ပြောကြားချက်အရသိ ရသည်။

ထို့ပြင် ရုရှားလေတပ်မှ တိုက် လေယာဉ်များသည်စစ်သွေးကြွများ ၏တိုက်ခိုက်ရေးဆိုင်ရာလက်နက် ပစ္စည်းများကိုလည်း ဖျက်ဆီးပစ် နိုင်ခဲ့ကြောင်း ပြောကြားခဲ့သည်။ သို့သော်လည်း ရုရှားလေတပ်မှDeir al-Zor မြို့အနီးတွင် အဆိုပါIS ၂ဝဝ ကျော် သေဆုံးစေသည့် တိုက်ခိုက်ရေးသမားများ၏ ယာဉ် တန်းကို လေကြောင်းမှတိုက်ခိုက်မှု ပြုလုပ်ခဲ့သည့်အချိန်ကိုမူအတိအကျ ဖော်ပြခဲ့ခြင်းမရှိကြောင်းသိရသည်။

နောင်နောင်
Ref: Reuters
The Union Daily
https://www.facebook.com/uniondaily.net

ကျောက်တော်မြို့နယ် ခမရ (၃၇၇)အနီးမှ လက်နက်ကြီးပေါက်ကွဲသံကဲ့သို့ အသံများကြားနေရဟုဆို

( ကန်စောက်တောင်ပေါ်တစ်နေရာကို တွေ့ရစဉ်/ ဓာတ်ပုံ-မာန်ယုကျော်)
စစ်တွေ၊ သြဂုတ် ၂၁

ရခိုင်ပြည်နယ် ကျောက်တော်မြို့နယ်ရှိ ကန်စောက်တောင် တောင်ခြေရင်းရှိ ခမရ (၃၇၇)အနီးမှ ယခုရက်ပိုင်းအတွင်း လက်နက်ကြီးပေါက်ကွဲသံကဲ့သို့ ပေါက်ကွဲသံများကြားနေရသည်ဟု ဒေသခံများက နိရဉ္စရာကိုပြောသည်။

"တစ်ခါတခါ ကျောက်တွေကို မိုင်းခွဲသံလိုလိုကြားရပြီး တစ်ခါတစ်ခါ လက်နက်ကြီး စမ်းသပ်သလိုမျိုးလည်း ကြားရတယ်။ ညဘက်တော့ သတိမထားမိဘူး။ နေ့ခင်းဘက်တွေတော့ မကြာမကြာကြားရတယ်" ဟု အပေါက်ဝကျေးရွာမှ ကိုဦးဝင်းလှိုင်က နိရဉ္စရာသို့ပြောသည်။

ပေါက်ကွဲသံများကို ခမရ (၃၇၇)အနီး ကန်စောက်ကျေးရွာ၊ အပေါက်ဝကျေးရွာနှင့် ပြိန်းချောင်းကျေးရွာတို့အပြင် ယင်းအနီးရှိ ကျေးရွာအများအပြားမှ သြဂုတ်လ ၁၉ ရက်နေ့တွင် စတင်ကြားနေရခြင်းဖြစ်သည်ဟု ဆိုကြသည်။

"အမြဲတမ်းလည်း ကြားရတာ မဟုတ်ဘူး။ မနက် ၁ဝ နာရီ၊ ၁၁ နာရီလောက်မှာ ကြားရတယ်။ မနေ့ကလည်း ကြားရတယ်။ ဒီနေ့တော့ မကြားရတော့ဘူး"ဟု ခမရ (၃၇၇)အနီးရှိ ပြိန်းချောင်း ကျေးရွာမှ မှန်ကျောင်းဘုန်းတော်ကြီးကျောင်း ကျောင်းထိုင်ဆရာတော် ဦးဝရသာမိက သြဂုတ်လ ၂၁ ရက်နေ့က နိရဉ္စရာသို့ မိန့်ကြားသည်။

ယင်းကဲ့သို့ ပေါက်ကွဲသံများကြားနေရသော်လည်း ဒေသခံပြည်သူများမှာ ပုံမှန်အတိုင်း သွားလာလှုပ်ရှားနေကြပြီး စိုးရိမ်ထိတ်လန့်မှု အလွန်တရာဖြစ်ပေါ်နေမှုမရှိဟုလည်း ဒေသခံများက ပြောသည်။

မာန်ယုကျော် (ရွှေဝမြေ)
Narinjara
https://www.facebook.com/Narinjara

သားအဖချင်း စကားများရာက လူသတ်မှုဖြစ်ပွား


နေပြည်တော်၊ ဩဂုတ် ၂၁

၂၀၁၇ ခုနှစ်၊ ဩဂုတ်လ ၂၀ ရက်နေ့ နံနက် ၅ နာရီ ၂၀ မိနစ်အချိန် မန္တလေးတိုင်းဒေသကြီး၊ ရမည်းသင်းမြို့၊ ရွှေကူရပ်ကွက်နေ ဦးပေါက်စ(၅၅)နှစ်သည် အရက်မူးပြီး သားဖြစ်သူ အမင်းလေး (ခ)မင်းကျော်သူ(၁၈)နှစ်(အရက်မူးနေသူ)အား ဆုံးမစဉ် သားအဖချင်း စကားများရာမှ လူသတ်မှု ဖြစ်ပွားခဲ့ကြောင်း သိရသည်။

သားအဖချင်း စကားများစဉ် အမင်းလေး (ခ)မင်းကျော်သူ က အိပ်ယာအနီးရှိ အရိုးအသွား(၈) လက်မခန့်ရှိ ဓားဖြင့်ထိုးရာ ဦးပေါက်စတွင် ထိုးသွင်းဒဏ်ရာများ ရရှိသေဆုံးသွားသောကြောင့် အမင်းလေး(ခ)မင်းကျော်သူ အား ရမည်းသင်း မြို့မရဲစခန်း(ပ)၁၆၂/၂၀၁၇၊ ရာဇသတ်ကြီးပုဒ်မ ၃၀၂ ဖြင့် အမှုဖွင့်အရေးယူထားကြောင်း သတင်း ရရှိသည်။

ရဲဇာနည်
https://www.facebook.com/yezarnimedia

အရက်မူးလာသူမှ ကိုးလအရွယ်ကလေးငယ်အား သတ်မှုဖြစ်ပွား


နေပြည်တော်၊ ဩဂုတ် ၂၁

စစ်ကိုင်းတိုင်းဒေသကြီး၊ ဝက်လက်မြို့နယ်၊ မင်းကျီကျေးရွာတွင် အရက်မူးလာသူတစ်ဦးက (၉)လအရွယ် ကလေးငယ်တစ်ဦးအား ကိုင်ပေါက်၍ ကန်ကြောက်သတ်မှုဖြစ်ပွားကြောင်း သိရှိရ သည်။

 ဖြစ်စဉ်မှာ ဩဂုတ်လ ၉ ရက်နေ့ နံနက် ၆ နာရီအချိန်က မင်းကျီကျေးရွာနေ ဒေါ်စိန် (၅၉)နှစ်သည် ကောက်စိုက်သမများအားစောင့်နေစဉ် တူမဖြစ်သူ မကြူကြူခိုင် ရောက်ရှိလာပြီး ရွာလယ်နတ်စင်ကုန်းဝန်းထဲတွင် တစ်ရွာတည်းနေ ချစ်စန်းမောင်(၂၅)နှစ် အရက်မူးရောက်ရှိလာကာ မကြူကြူခိုင်နှင့် ကလေးများအား လိုက်လံရိုက်နှက်နေသဖြင့် ၎င်းထိန်းနေသည့် ညီမဖြစ်သူ မမီးမီး (၉)လအား မြေကြီးပေါ်သို့ချခဲ့ပြီး ထွက်ပြေးလာသည်။

ထိုသို့ ထွက်ပြေးလာစဉ် ချစ်စန်းမောင်က မမီးမီးအား မြေကြီးပေါ်မှဆွဲယူ ကိုင်ပေါက်ခြင်း၊ ကန်ကြောက်ခြင်းများပြုလုပ်ကာ ကလေးအား ပွေ့ချီထွက်ပြေးသွားကြောင်း ပြောပြသိရှိရ၍ ရွာသူ/သားများနှင့်အတူ လိုက်လံရှာဖွေခဲ့ပါသည်။

 အရှေ့ကျောင်းတိုက်ဘုန်းကြီးကျောင်းဝန်း အတွင်းရှိ ဆုတောင်းပြည့်ဘုရားအရှေ့ဘက် ဆင်ရုပ်ခေါင်းနှင့် တံခွန်တိုင်ကြားတွင် မမီးမီးအား မှောက်လျက်တင်ထားသည်ကိုတွေ့ရှိသဖြင့် ကြည့်ရှုရာ သေဆုံးနေသောကြောင့် အရေးယူပေးရန် တိုင်တန်းချက်အရ ချစ်စန်းမောင်အား ဝက်လက်မြို့မရဲစခန်း(ပ)၁၇၀/၂၀၁၇၊ ရာဇသတ်ကြီးပုဒ်မ ၃၀၂ ဖြင့် အမှုဖွင့်အရေးယူထားကြောင်း သတင်းရရှိသည်။

ရဲဇာနည်
https://www.facebook.com/yezarnimedia

အိန္ဒိယဘက်ခြမ်းနယ်စပ်မှ ကွမ်းသီးဝယ်ယူမှု ရပ်ဆိုင်းလိုက်၍ ရိနယ်စပ်၌ မြန်မာကုန်သည်များအခက်ကြုံ


ရိခေါဒါရ် သြဂုတ် ၂၁

ချင်းပြည်နယ် ရိနယ်စပ်ကုန်သွယ်ရေးသည် အရောင်းအ၀ယ်ကောင်း မွန်ခဲ့သော်လည်းဇူလိုင်လ ကုန်ပိုင်းမှအစပြု၍ မြန်မာ- အိန္ဒိယနယ်စပ်ဂိတ်ပေါက်များမှတစ်ဆင့်အိန္ဒိယနိုင်ငံဘက်မှ ပိတ်ပင်မှုများရှိ သည့်အတွက် ကွမ်းသီးတင်ပို့ မှုမှာယခုအခါ ရပ်ဆိုင်းလိုက်သဖြင့် အရောင်းအ၀ယ်လုပ်ကိုင်နေသည့်မြန်မာကွမ်းသီးကုန်သည်များ အခက်ကြုံနေကြောင်း သိရသည်။

ချင်းပြည်နယ် ရိခေါဒါရ်မြို့ နှင့် အိန္ဒိယနိုင်ငံမီဇိုရမ်ပြည်နယ်
ဇိုခေါထာကျေးရွာအကြားရှိ နယ်စပ်ဂိတ် ပေါက်မှတင်ပို့ သော ကွမ်းသီးများကိုအိန္ဒိယနိုင်ငံအစိုးရက အခွန်စည်းကြပ်ရန်ပြုလုပ်ခဲ့၍ မီဇိုရမ်ပြည်နယ်အတွင်းရောက်ရှိနေသောမြန်မာ့ကွမ်းသီးများသည် အိန္ဒိယနိုင်ငံပြည်မအတွင်းသို့ထပ်မံသယ်ယူ၍မရတော့ ကြောင်း၊ ထို့ ပြင် မီဇိုရမ်ပြည်နယ်အတွင်းရှိဂိုဒေါင်များတွင် ကွမ်းသီးများပြည့်လျှံသွား သည့်အခါတွင် ရိခေါ ဒါရ်မြို့သို့ ရောက်ရှိသည့်ကွမ်းသီးများ ကို ထပ်မံတင်ပို့ ၍ မရတော့ဘဲအိန္ဒိယနိုင်ငံသို့ တင်ပို့ မည့်ကွမ်းသီး များသည် ရိခေါဒါရ်မြို့ တွင်ပိတ်မိနေသည်မှာ နှစ်လနီးပါးခန့် ကြာမြင့်ပြီဖြစ်ကြောင်း
ရိခေါဒါရ်နယ်စပ်မှ ကွမ်း သီးကုန်သည်များက ပြောဆိုသည်။

“ တမူးနယ်စပ်မှာလည်း ကွမ်းသီးတွေတင်ပို့ ရောင်းချလို့ မရတော့တဲ့အတွက်တမူး- ကလေး- ရိ ခရီးစဉ်အတိုင်းနောက်ကြောင်းပြန်သယ်ပို့ ရပါတယ်။ ဒါပေမယ့်
တမူးနဲ့ ရိနယ်စပ်နှစ်ခုစလုံးမှာ ကွမ်းသီး ၀ယ်ယူမှုရပ်ဆိုင်းသွားတဲ့ အတွက်ကြောင့် ကျွန်တော်တို့ ဘက်ခြမ်းမှာရှိတာရောမီဇိုရမ်ဘက်ခြမ်းမှာ သောင် တင်နေတာရော လမ်းမှာပုံထားရတာတွေအများကြီးပါပဲ။ အရင်ရောင်းထားတဲ့ကွမ်းသီးဖိုးငွေတွေလည်းဆုံးရှုံးရမယ့်အနေအထားမျိုးဖြစ်နေပါတယ် ” ဟု ကွမ်းသီးကုန်သည်တစ်ဦးကပြောသည်။

မြန်မာဘက်မှကွမ်းသီးရောင်းဝယ်သူများသည် တစ်ဖက်နိုင်ငံအလုပ်သမားခများ၊အခွန်စည်းကြပ်မှုများ၊ မြန်မာဘက်မှ လမ်းခရီးကုန်ကျစရိတ်နှင့် ကုန်တန်ဆာခပေးဆောင်ရမှု
များပြားလာကြောင်း၊ ယခင်ကာလများက မြန်မာဘက်မှ ကွမ်းသီးတင်ပို
့ရောင်းချမှုကို အခွန်ကောက်ခံမှုမရှိခဲ့သော်လည်း
ယခုအခါအိန္ဒိယနိုင်ငံအတွင်းသို့ဝင်ရောက်သည့်ကွမ်းသီးများကို အိန္ဒိယ နိုင်ငံအစိုးရက ၄၀ ရာခိုင်နှုန်းအထိအခွန်ကောက်ခံလိုက်သည့်အတွက် ကွမ်းသီးကုန်သည်များ အရူံးပေါ် ကြောင်းရိနယ်စပ်ကုန်သည်များအသင်းမှ ကွမ်းသီးကုန်သည်တစ်ဦးက ပြောဆိုသည်။

နယ်စပ်ကုန်သွယ်ရေးစခန်းမှထုတ်ပြန်သည့်စာရင်းဇယားများအရ ရိနယ်စပ်မှတစ်ဖက်နိုင်ငံသို့  ကွမ်းသီးတင်ပို့ ရောင်းချမှုမှာ ၂၀၁၄- ၂၀၁၅ ခုနှစ်တွင်တန်ချိန် ၈၄၅၂ ဒသမ ၂၁၀ တန် အမေရိကန်ဒေါ် လာ ၇ ဒသမ ၇၀၆သန်းဖိုးကိုလည်းကောင်း၊ ၂၀၁၅- ၂၀၁၆ ခုနှစ်တွင် တန်ချိန် ၂၀၃၇၉ ဒသမ ၇၁၀တန် အမေရိကန်ဒေါ်လာ ၁၆ ဒသမ ၇၈၄ သန်းဖိုးကိုလည်းကောင်း၊ ၂၀၁၆- ၂၀၁၇ခုနှစ်တွင် တန်ချိန် ၂၁၄၉၂ ဒသမ ၃၉၀ တန် အမေရိကန်ဒေါ်လာ ၁၈ ဒသမ ၈၄၃သန်းဖိုးကိုလည်းကောင်း အိန္ဒိယနိုင်ငံသို့ တင်ပို့ ရောင်းချနိုင်ခဲ့ကြောင်း သိရသည်။

နေစု(ချင်းရိုးမ)
Myanmaalinn
https://www.facebook.com/MYANMAALINNNEWS/

ခိုတောင်းကျွန်းလူသတ်မှု နောက်ဆုံးအယူခံ တရားရုံးလက်ခံ

ထိုင်း လိပ်ကျွန်းလူသတ်မှုနဲ့ စွပ်စွဲခံရတဲ့ ကိုဝင်းဇော်ထွန်းနဲ့ ကိုဇော်လင်း တို့ကို တွေ့ရစဉ်
ထိုင်းနိုင်ငံ၊ ခိုတောင်းကျွန်းမှာ ဗြိတိန်နိုင်ငံသားနှစ်ဦး အသတ်ခံရမှုနဲ့ သေဒဏ်ချမှတ်ခံထားရတဲ့ မြန်မာနိုင်ငံသား ကိုဇော်လင်းနဲ့ ကိုဝင်းဇော်ထွန်း တို့နှစ်ဦး အတွက် နောက်ဆုံးအယူခံကို ဒီနေ့ ထိုင်းနိုင်ငံရဲ့ အဆင့်မြင့်ဆုံးတရားရုံး မှာတင်ခဲ့ပြီး တရားရုံးက အယူခံကို လက်ခံလိုက်ပါတယ်။

ဒီနေ့အယူခံလျှောက်လွှာတင်ပြီးနောက် တရားရုံးဘက်က ၆ လကနေ တစ်နှစ်အတွင်း ဆုံးဖြတ်ချက် ချသွားမယ့် အနေအထားရှိတယ်လို့ မြန်မာသံရုံးအထူး ကိုယ်စားလှယ်အဖွဲ့ဝင် ရှေ့နေဦးအောင်မျိုးသန့် က ပြောပါတယ်။

"ဖြစ်ရိုးဖြစ်စဉ်အရဆိုရင်တော့ ဒီလိုအမိန့်တစ်ခုဟာ ၆ လကနေ ၁ နှစ်အတွင်းကြာပါတယ်။ ဒါပေမယ့် ကျနော်တို့ ပထမအယူခံတရားရုံးမှာ အမိန့်ချခဲ့တဲ့ရက်ကိုပြန်ပြီးတော့တွက်ကြည့်မယ်ဆိုရင် ၆ လ မပြည့်ခင် အမိန့်ချခဲ့တယ်ဆိုတာ ကျနော်တို့ ပြန်လေ့လာလို့ရပါတယ်။ ဒါကြောင့်မို့လို့ အမှုဟာ ကောင်းတဲ့ အလားအလာ ရှိတဲ့အတွက်ကြောင့်မို့လို့ ဒီအထက်တရားရုံးတော်မှာလည်း ကျနော် ထင်တယ် ၆ လပတ်ဝန်းကျင်အတွင်းမှာကို အမိန့်ထွက်လာလိမ့်မယ်လို့လည်း မျှော်လင့်ပါတယ်ခင်ဗျ"

ကိုဇော်လင်းနဲ့ကိုဝင်းဇော်ထွန်းတို့ နှစ်ဦးကို ၂၀၁၅ ခုနှစ် ဒီဇင်ဘာလ ၂၄ ရက်နေ့က လူသတ်မူ၊ မုဒိန်းမှု၊ တရားမဝင်ခိုးဝင်နေထိုင်မှုစတဲ့ပြစ်မှု ၇ ခုနဲ့ ထိုင်းနိုင်ငံတောင်ပိုင်း ကော့စမွေခရိုင်တရားရုံးက သေဒဏ်ချမှတ် ထားတာဖြစ်ပါတယ်။

အဲဒီနောက် ထိုင်းအယူခံတရားရုံးမှာ နှစ်ကြိမ်အယူခံတင်ခဲ့ပေမယ့် သေဒဏ်သာ ထပ်မံချမှတ်ခဲ့တာကြောင့် အခုနောက်ဆုံး အဆင့်မြင့်ဆုံးတရားရုံးမှာ အယူခံ တင်ရတာဖြစ်ပါတယ်။

အဲဒီအယူခံလျှောက်လွှာမှာ လူသတ်မှုမှာ သက်သေအဖြစ်တင်သွင်းတဲ့ ပေါက်တူးမှာ သေဒဏ်ချမှတ် ခံထားရတဲ့ မြန်မာနိုင်ငံသားနှစ်ဦးရဲ့ DNA မတွေ့ရှိကြောင်း၊ DNA စစ်ဆေးမှုတွေပြုလုပ်ခဲ့ရာမှာ အပြည်ပြည်ဆိုင်ရာ လုပ်ထုံးလုပ်နည်းတွေနဲ့ မညီတာတွေရှိကြောင်းနဲ့ ရုံးတော်ကိုတင်ပြတဲ့ DNA စစ်ဆေးချက်မှာ ပြင်ရာ၊ ဖျက်ရာတွေရှိနေကြောင်း ထည့်သွင်းရေးသားထားတယ်လို့ ရှေ့နေ ဦးအောင်မျိုးသန့်က ပြောပါတယ်။

အဆင့်မြင့်တရားရုံးအနေနဲ့ အရင်အတိုင်းသာ ပြစ်ဒဏ်ချမှတ်မယ်ဆိုရင် ထိုင်းဘုရင်မင်းမြတ်ထံ အသနားခံစာ တင်သွင်းဖို့ ထိုင်းရှေ့နေများကောင်စီ နဲ့ မြန်မာသံရုံးအထူးကိုယ်စားလှယ်အဖွဲ့တို့က ပြင်ဆင်ထားတယ် လို့လည်း ပြောပါတယ်။

ပြီးခဲ့တဲ့ သြဂုတ်လ ၁၇ ရက်နေ့က ကိုဇော်လင်းနဲ့ကိုဝင်းဇော်ထွန်းတို့ကို ထိုင်းရှေ့နေများကောင်စီက သွားရောက် တွေ့ဆုံရာမှာ ကျန်းမာရေးကောင်း မွန်ကြောင်း တွေ့ရှိခဲ့တယ်လို့ ပြောပါတယ်။

RFA Burmese
http://www.rfa.org/burmese

ပုသိမ်မြို့ မြကျွန်းသာအိမ်ရာ ရေမြောင်းအတွင်း ရေဆင်းကူးသည့်ကလေး ၂ ဦး ရေနစ်သေဆုံး


(ပုသိမ်) / ဩဂုတ်လ ၂၁ ရက်

ဧရာဝတီတိုင်းဒေသကြီး၊ ပုသိမ်မြို့၊ အမှတ်(၃)ရပ်ကွက်၊ မြကျွန်းသာအိမ်ယာတွင် ယနေ့နေ့လည်းပိုင်းတွင် ကလေး(၂) ဦး ရေဆင်းကူးရာမှ ရေနစ်သေဆုံးခဲ့ကြောင်း သိရသည်။

သေဆုံးခဲ့တဲ့ကလေး(၂) ဦးမှာ ပန်းညိုကုန်းရပ်ကွက်နှင့် အရှေ့ကိုးသိန်းတို့တွင် နေထိုင်သူများဖြစ်ပြီး ရဲထက်ဆိုသည့် (၈) တန်းကျောင်းသားတစ်ဦးနှင့် နောက်တစ်ဦးကတော့ ကျပန်းအလုပ်လုပ် လုပ်သူတစ်ဦးဖြစ်ကြောင်းသိရသည်။

“သေဆုံးခဲ့သည်ကလေး(၂) ဦးမှာ အသက် (၁၄)နှစ် (၁၅) နှစ်အရွယ်လောက်ရှိပြီး ပုသိမ်မြို့၊ အမှတ်(၃) ရပ်ကွက်၊ မြကျွန်းသာအိမ်ယာဘေး(ဘုရားကြီးကုန်းဘက်ဖောက်နေတဲ့ လမ်းဘက်အခြမ်း)ရေမြောင်းအတွင်း ရေဆင်းကူးရာမှ ရေနစ်သေဆုံးခဲ့ခြင်းဖြစ်ကြောင်း" ရေနစ်သေဆုံးသည့်ကလေး ငယ်(၂)ဦးအား ဆေးရုံသို့ပို့ဆောင်ပေးခဲ့သော ကရုဏာလူမှု ကူညီရေးအသင်း(ပုသိမ်)မှ ယာဉ်မောင်းဖြစ်သူမှ ဧရာဝတီတိုင်းမ် သတင်းဌာနသို့ ပြောကြားခဲ့သည်။

ရေနစ်သေဆုံးခဲ့သည် ကလေး(၂) ဦးနှင့် ပတ်သက်၍ ဓမ္မာတာ အတိုင်းသေဆုံးမှု ဟုတ်မဟုတ် သိရှိနိုင်ရန် ပုသိမ်မြို့မရဲစခန်းမှ သေမှုသေခင်းအမှတ်စဉ် ၁၃/၂၀၁၇ ဖြင့် အမှုဖွင့်စစ်ဆေး နေကြောင်း သိရှိရသည်။

မင်း ထက်မုန်း/ဧရာဝတီတိုင်းမ်
ဓါတ်ပုံ- အောင်ထက်ပိုင်
Ayeyarwaddy Times
https://www.facebook.com/ayeyarwaddytimes

ဆားလင်းကြီးမြို့မှာ နှစ်(၁၅၀)ခန့် ကိုးကွယ်ခဲ့တဲ့ ကျောက်ဆင်းတုတော်တစ်ဆူ ပျောက်ဆုံး


စစ်ကိုင်းတိုင်းဒေသကြီး ဆားလင်းကြီးမြို့မှာ နှစ်(၁၅၀)ခန့်ကကိုးကွယ်ခဲ့တဲ့ ထိုင်တော်မူ ကျောက်ဆင်းတုတော်တစ်ဆူ ပျောက်ဆုံးနေတယ်လို့ သိရပါတယ်။ ဆားလင်းကြီးမြို့က အောင်ချမ်းသာဘုရားစေတီတော် အ၀င်ပေါက် လှိုဏ်ဂူအတွင်း ကျောက်ပလ္လင်ပေါ်မှာ ကိုးကွယ်ထားတဲ့
ကျောက်ဆင်းတုတော် (၃)ဆူအနက် အလယ်ကတစ်ဆူပျောက်ဆုံး နေတာဖြစ်တယ်လို့ ဂေါပကအဖွဲ့က သိရပါတယ်။


 ဒီကျောက်ဆင်းတုတော်ပျောက်ဆုံးတာကို ဂေါပကအဖွဲ့က အခုလ(၂၀)ရက် မနက်စောပိုင်းက သိရှိခဲ့တာဖြစ်ပါတယ်။ ဒီဖြစ်စဉ်နဲ့ပတ်သက်ပြီး ဆားလင်းကြီးမြို့မရဲစခန်း က အမှုဖွင့်ဆောင်ရွက်နေတယ်လို့ သိရပါတယ်။

သတင်း၊ ဓာတ်ပုံ - မျိုးဝင်းထွန်း (မုံရွာ)
5 PLUS NEWS
https://www.facebook.com/5plusnews/

ဗဟိုပြန်ကြားရေး ကော်မတီ ဥက္ကဌ ဦးဥာဏ်ဝင်း ဖြစ်လာ


အမျိုးသားဒီမိုကရေစီ အဖွဲ့ချုပ်၏ ဗဟိုအလုပ်အမှုဆောင်အဖွဲ့ ဆုံးဖြတ်ချက်အရ ဗဟိုပြန်ကြားရေး ကော်မတီကို (၁၁) ဦးနဲ့ ပြင်ဆင်ဖွဲ့စည်းလိုက်ကြောင်းNLD က သြဂုတ်လ ၂၁ရက်နေ့ ရက်စွဲဖြင့် ထုတ်ပြန်လိုက်သည်။

ဖွဲ့စည်းလိုက်သည့် ဗဟိုပြန်ကြားရေးကော်မတီတွင် အဖွဲ့ချုပ်၏ အတွင်းရေးမှုးအဖွဲ့ဝင်ဖြစ်သူ ဦးဥာဏ်ဝင်းက ကော်မတီဥက္ကဌတာဝန်ယူထားပြီး အတွင်းရေးမှုး အဖြစ် မုံရွာအောင်ရှင်က တာဝန် ယူထားကာ အဖွဲ့ဝင်များအဖြစ် ဦးကျော်အေးနိုင် ၊ဦးကြည်တိုး၊ ဦးငြိမ်းသစ်၊ ဦးတင်လှ၊ဦးနေဘုန်းလတ်၊ ဦးရဲမင်းဦး၊ ဦးလွင်ကိုလတ်၊ ဦးဝေဖြိုးဟန်နဲ့ ဦးသန့်ဇင်ထွန်း တို့ပါဝင် သည်။

5 PLUS NEWS
https://www.facebook.com/5plusnews/

အလုံဈေးသူဈေးသားတွေ ဆန္ဒပြ

ရန်ကုန်တိုင်းဒေသကြီး အလုံမြို့နယ်က အလုံဈေးသူ၊ ဈေးသားတွေ သြဂုတ်လ ၂၁ ရက်နေ့က ရန်ကုန်မြို့တော်ခန်းမရှေ့မှာ ဆန္ဒပြတောင်းဆိုနေစဉ်။ Photo: Aung Thain Kha/ RFA
ရန်ကုန်တိုင်းဒေသကြီး အလုံမြို့မှာရှိတဲ့ ဈေးကို ရန်ကုန်မြို့တော်စည်ပင်သာယာရေး ကေ်ာမတီက အဆင့်မြှင့်တင် ပြီး ဈေးသစ်တည်ဆောက်ဖို့ စီစဉ်တာကို ကန့်ကွက်ပြီး မူလဆိုင်ခန်းနေရာမှာ ဈေးရောင်းချခွင့်ရရှိဖို့အတွက် အလုံဈေးသူ ဈေးသား ၅၀ ကျော်က ဒီနေ့ အလုံဈေးကနေ ရန်ကုန်မြို့တော်ခန်းမရှေ့အထိ လမ်းလျှောက်ဆန္ဒပြ ကြပါတယ်။

အလုံဈေးမှာ မီးသွေးရောင်းချနေတဲ့ ကိုမျိုးမင်းဦးက ဒီကနေ့ ဆန္ဒပြတာနဲ့ ပတ်သက်ပြီး အခုလို ပြောပါတယ်။

ဈေးသစ်တည်ဆောက်ရေးဖို့ ခွင့်မပြုတာကြောင့် ပြီးခဲ့တဲ့ သြဂုတ်လ ၁၅ ရက်နေ့က အလုံဈေးသူ ဈေးသားတွေနဲ့ ရန်ကုန်မြို့တော် စည်ပင်သာယာရေး ဝန်ထမ်းတွေ အချင်းများပြီး ရုန်းရင်းဆန်ခတ်ဖြစ်ခဲ့ကြပါတယ်။

အလုံဈေး မြေညီထပ်က ဆိုင်ခန်း ၂၀၀ ကျော်က ဆိုင်ရှင်တွေအတွက် ဈေးသစ်တည်ဆောက် ပြီးတဲ့အခါ မူလနေရာမှာဘဲ ပြန်လည်နေရာချပေးမယ်လို့ ရန်ကုန်မြို့တော်ဝန်က ပြောထားပေမယ့် ဒါသာ နှုတ်ကတိသာ ဖြစ် တယ်လို့ ဆန္ဒပြတဲ့ ဈေးသူ ဈေးသားတွေက ပြောပါတယ်။

ပြီးခဲ့တဲ့ သြဂုတ်လ ၁၉ ရက်နေ့က ရန်ကုန်မြို့တော်ဝန်က အလုံဈေးသူဈေးသားတွေနဲ့ တွေ့ဆုံဖို့ ဖိတ်ကြားခဲ့ပေမယ့် အလုံ ဈေးသူဈေးသားတွေက တွေ့ဆုံပွဲကို မတက်ရောက်ခဲ့ကြဘူးလို့ သိရပါတယ်။

လက်ရှိအချိန်မှာ အလုံဈေးသူဈေးသားတွေကို ယာယီဆိုင်ခန်းတွေ ပေးထားပြီး ဈေးသစ်ဆောက် လုပ်နေပြီဖြစ် ပါတယ်။

RFA Burmese
http://www.rfa.org/burmese

ဆဒုံးကဒုက္ခသည်တွေကို ဆန်အိတ်တွေသွားရောက်လှူဒါန်းတဲ့ ၈၈ ငြိမ်းပွင့် တားဆီးခံရ

ကချင်ပြည်နယ် ဆဒုံးဒေသက စစ်ဘေးဒုက္ခသည်တွေကို သြဂုတ်လ ၂၁ ရက်နေ့က ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းနဲ့အတူ တွေ့ရစဉ်။ Photo: The 88 Generation Peace and Open Society/ Facebook
ကချင်ပြည်နယ် ဆဒုံးဒေသက စစ်ဘေးဒုက္ခသည်တွေအတွက် ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်း က မနေ့ကဆန်အိတ်တွေသွားရောက် လှူဒါန်းရာမှာ အတားခံရပြီး ဒီကနေ့ နေ့လည်ပိုင်း အထိ ခွင့်မပြုသေးဘူးလို့ သိရပါတယ်။

ဝါရှောင်ဂိတ်မှာ ကချင်ပြည်နယ်တိုင်းမှုးရဲ့အမိန့်အရ ပါလာတဲ့ဆန်အိတ်တွေကို သယ်ခွင့်မပြုလို့ လူချည်း သက်သက်သာ သွားရောက်ခဲ့ရတယ်လို့ ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့ အစည်းက မမီးမီးက ပြော ပါတယ်။

"ဝါရှောင်ဂိတ်မှာ ကျမတို့ ဆန်အိတ်တစ်ရာကို သူတို့စစ်ဒေသကနေပြီးတော့ သူတို့အထက်ကို သတင်းပို့ ဦးမယ်ဆိုပြီးတော့ အတားခံရတယ်ပေါ့နော် တိုင်းမှူးက ခွင့်မပြုလို့ဆိုပြီးတော့ ဆန်အိတ် တစ်ရာကို အဲဒီ ဝါရှောင်မှာရှိတဲ့ လီဆူဒုက္ခသည်စခန်းမှာထားခဲ့တယ်"

လက်ရှိ ကချင်ပြည်နယ် ဒေသတချို့မှာ အစိုးရတပ်မတော်နဲ့ ကေအိုင်အေတို့ တိုက်ပွဲတွေ ဖြစ်ပွားနေပြီး ဆဒုံး ဒုက္ခသည်စခန်းမှာ လီဆူတိုင်းရင်းသား ၅၀၀ လောက်ရှိကာ ကလေး အယောက် တစ်ရာကျော်လောက်ရှိတယ် လို့ ပြောပါတယ်။

၈၈ မျိုးဆက်အဖွဲ့ဟာ နမ္မတီးနဲ့ ဝါရှောင်က ဒုက္ခသည်စခန်းတွေဆီလည်း ဆန်အိတ်တွေ သွားရောက် လှူဒါန်းခဲ့ပြီးဖြစ်သလို တနိုင်းကဒုက္ခသည်တွေဆီကိုလည်း သွားရောက်လှူဒါန်းမှာဖြစ်တယ်လို့ ပြောပါတယ်။

အခုလိုသွားရောက်လှူဒါန်းရာမှာ ကချင်ပြည်နယ်အစိုးရအဖွဲ့က ဗမာနဲ့ လီဆူတိုင်းရင်းသားရေးရာ ဝန်ကြီးနှစ်ဦး ၊ ကချင်ပြည်နယ်က အရပ်ဖက်အဖွဲ့အစည်းတွေ လည်း ပါဝင်တယ်လို့ သိရပါတယ်။

RFA Burmese
http://www.rfa.org/burmese

အမေရိကန်ဖျက်သင်္ဘော ဆီတင်သင်္ဘောနဲ့ တိုက်

ယူအက်စ်အက်စ် မက်ကိန်း သင်္ဘောဟာ စင်ကာပူ ဆိပ်ကမ်းဆီ ဦးတည်နေတုန်းမှာ ဆီတင်သင်္ဘောနဲ့ တိုက်မိ
အမေရိကန် ဖျက်သင်္ဘော တစင်းနဲ့ ဆီတင်သင်္ဘော တစင်း စင်ကာပူ ကမ်းခြေမှာ တိုက်မိပြီး သင်္ဘောသား ၁၀ ယောက် ပျောက်ဆုံးနေကာ၊ ၅ ယောက် ဒဏ်ရာ ရရှိသွားတယ်လို့ အမေရိကန် ရေတပ်က ပြောပါတယ်။

စင်ကာပူ အရှေ့ဘက်ကမ်းခြေမှာ ခုတ်မောင်းနေတဲ့ ယူအက်စ်အက်စ် မက်ကိန်း သင်္ဘောဟာ ပုံမှန်ရပ်နားနေကျ အတိုင်း ဆိပ်ကမ်းကို ကပ်ဖို့ ပြင်ဆင်နေတုန်း လိုက်ဘေးရီးယန်း အလံတင်ဆင်ထားတဲ့ သင်္ဘောနဲ့ ဒေသစံတော်ချိန် မနက် ၅ နာရီ ၂၄ မိနစ်မှာ တိုက်မိခဲ့တာပါ။

ပျောက်ဆုံးနေသူတွေကို နေရာကျယ်ကျယ်ပြန့်ပြန့်မှာ ဖြန့်ကျက် ရှာဖွေနေပြီး ရှာဖွေရေးနဲ့ ကယ်ဆယ်ရေးလုပ်ငန်းတွေမှာ အမေရိကန် စစ်ရဟတ်ယာဉ်တွေနဲ့ အတူ စင်ကာပူရေတပ်နဲ့ ကမ်းခြေစောင့်တပ်တွေ ဆောင်ရွက်နေကြကာ မလေးရှားနိုင်ငံဘက်ကလည်း ပါဝင် ကူညီကြပါတယ်။

 ရေတပ်ရဲ့ နောက်ဆုံးထုတ်ပြန်ချက်မှာ ဖျက်သင်္ဘောဟာ စင်ကာပူ ချန်ဂီ ရေတပ်စခန်းကို ဆိုက်ရောက်ပြီဆို
ကနဦးပိုင်း သတင်းတွေ အရ အမေရိကန်စစ်သင်္ဘောရဲ့ ဆိပ်ကမ်းဘက်ခြမ်းမှာ ကြီးကြီးမားမား ထိခိုက်ပျက်စီးတာ ရှိတယ်လို့ သိရပေမယ့် အမေရိကန်ရဲ့ သတင်းထုတ်ပြန်ချက်မှာတော့ သူတို့ သင်္ဘောဟာ ကိုယ်ပိုင် စက်အား အပြည့်နဲ့ စင်ကာပူ ဆိပ်ကမ်းဆီ ဦးတည် ခုတ်မောင်း သွားခဲ့တယ် ဆိုပါတယ်။

တိုက်မိတဲ့ အဲလ်နစ် အမ်စီ အမည်နဲ့ ဆီတင်သင်္ဘောက ကုန်မပါ တန်ချိန် ၃၀,ဝ၀ဝ ရှိပြီး ယူအက်စ်အက်စ်မက်ကိန်းထက် ၃ ဆ ပိုကြီးပါတယ်။

အခုနောက်ဆုံး သိရသမျှ ဆီတင်သင်္ဘောက သင်္ဘောသားတွေ ထိခိုက်ဒဏ်ရာ မရခဲ့သလို ဆီယိုဖိတ်တာလည်း မဖြစ်ခဲ့ပါဘူး။

စင်ကာပူ ရေပြင်ဟာ ကမ္ဘာ့ ကုန်သွယ်ရေကြောင်း သွားလာမှု အများဆုံးထဲက တခု ဖြစ်
အခင်းဖြစ်ပွားခဲ့တဲ့ စင်ကာပူ ရေပြင်ဟာ ကမ္ဘာပေါ်မှာ ရေကြောင်း ခရီးသွားလာတာ အများဆုံး လမ်းကြောင်းတွေထဲမှာ ပါဝင်ပြီး ကမ္ဘာ့ ကုန်သွယ်ရေးမှာ ကုန်ပစ္စည်းနဲ့ ဆီ အများအပြား သယ်ဆောင်ရာ ရေလမ်းကြောင်း အဖြစ် ကျော်ကြားပါတယ်။ မလက်ကာ ရေလက်ကြားဟာလည်း ကမ္ဘာ့ ဗျူဟာ အမြောက်ဆုံး ရေလမ်းကြောင်းထဲက တခု ဖြစ်ပါတယ်။

ဆီးနိတ်အမတ် ဂျွန်မက်ကိန်းရဲ့ တွစ်တာက ဆုတောင်း စကား
ဒီသင်္ဘော တိုက်မှု အတွက် အမေရိကန် အထက်လွှတ်တော် အမတ် ဂျွန်မက်ကိန်းက သူ့ရဲ့ အွန်လိုင်းလူမှုကွန်ရက် တွစ်တာမှာ ဆုတောင်းစကား ဆိုခဲ့ပါတယ်။ ယူအက်စ်အက်စ် မက်ကိန်း သင်္ဘော အမည်က အမေရိကန် ရေတပ်မှာ တာဝန်ထမ်းဆောင်ခဲ့တဲ့ သူ့ရဲ့ ဖခင်နဲ့ အဘိုး တို့ကို ဂုဏ်ပြုပြီး မှည့်ခေါ်ထားတာပါ။

အခုလပိုင်းအတွင်း အမေရိကန် ရေတပ်သင်္ဘောတွေ ပြင်းထန်တဲ့ မတော်တဆ တိုက်ခိုက်မှု ဖြစ်ပွားခဲ့တာ ဒါနဲ့ပါဆိုရင် ၂ ကြိမ် ရှိပါပြီ။ ဇွန်လတုန်းကလည်း ဂျပန်ရေပိုင်နက် ယိုကိုဆူကဆိမ်ကမ်းမြို့နားမှာ ယူအက်စ်အက်စ် ဖစ်ဇ်ဂျရဲလ်က ကုန်တင်သင်္ဘောနဲ့ တိုက်မိလို့ အမေရိကန် သင်္ဘောသား ၇ ယောက် သေဆုံးခဲ့ပါတယ်။

BBC Burmese
http://www.bbc.com/burmese

အမေရိကန်နဲ့ တောင်ကိုရီးယား ပူးတွဲစစ်ရေးလေ့ကျင့်

ဆိုးလ်က အမေရိကန်သံရုံးရှေ့ စစ်ရေးလေ့ကျင့်တာတွေ ရပ်ဖို့ တောင်းဆိုနေကြ
အမေရိကန်နဲ့ တောင်ကိုရီးယား နှစ်နိုင်ငံဟာ မြောက်ကိုရီးယားကို စိတ်ဆိုးဒေါသ ထွက်စေမယ့် နှစ်စဉ် ကျင်းပနေကျ ပူးတွဲ စစ်ရေးလေ့ကျင့်မှုကို စတင်လိုက်ပါတယ်။

ဒီလို စစ်ရေးလေ့ကျင့်တာတွေကို ပြုံယမ်းအစိုးရက အစဉ်တစိုက် ကန့်ကွက်လာခဲ့တာပါ။ ဝါရှန်တန်အစိုးရက ပူးတွဲ စစ်ရေးလေ့ကျင့်မှုဟာ ခုခံ ကာကွယ်ရေး အတွက် သက်သက်ပဲလို့ ဆိုပေမယ့် မြောက်ကိုရီးယားကတော့ ဒါဟာ သူတို့ကို ကျူးကျော်တိုက်ခိုက်ဖို့ ပြင်ဆင်နေတာလို့ ရှုမြင်ပါတယ်။

စစ်ရေးလေ့ကျင့်တာတွေက မီးပုံကို ဓာတ်ဆီနဲ့ လောင်းသလိုပဲလို့ မြောက်ကိုရီးဘက်က ပြစ်တင်ထားပါတယ်။

ပြီးခဲ့တဲ့ သီတင်းပတ်တွေ အတွင်းမှာ မြောက်ကိုရီးယားရဲ့ ဒုံးကျည်နဲ့ ခြိမ်းခြောက်တာတွေ ရှိခဲ့လို့ ကိုရီးယားကျွန်းဆွယ်မှာ အခြေအနေတွေ တင်းမာနေခဲ့တာပါ။ ဒါပေမယ့် အရင်အပတ်ထဲမှာပဲ မြောက်ကိုရီးယားက အမေရိကန်ပိုင် ဂူအမ်ကျွန်းဆီ ဦးတည်ပြီး ဒုံးကျည် ပစ်လွှတ်မယ့် အစီအစဉ်ကို ဆိုင်းငံ့ထားမယ် ဆိုထားလို့ တင်းမာမှု အရှိန်အဟုန်ကကျသွားခဲ့ပါတယ်။ ဒါပေမယ့် မြောက်ကိုရီးယားဟာ အမေရိကန်ရဲ့ လှုပ်ရှားမှုတွေကို စောင့်ကြည့်နေမယ် ဆိုထားပါတယ်။

ဒီနှစ် အစောပိုင်းက Foal Eagle စစ်ရေးလေ့ကျင့်မှုမှာ ကမ်းခြေသိမ်း စစ်ပွဲ လေ့ကျင့်နေမှု မြင်ကွင်း
ဇူလိုင်လတုန်းက စီစဉ်ခဲ့တဲ့ တရုတ်နဲ့ ရုရှရဲ့ နှစ်နိုင်ငံ ပူးတွဲ စစ်ရေးလေ့ကျင့်မှုကိုတော့ မြောက်ကိုရီးယားက ဒုံးကျည်စမ်းသပ်တာတွေ ရပ်တန့်စေလိုတဲ့ ရည်ရွယ်ချက်နဲ့ ပယ်ဖျက်ပေးခဲ့ပါတယ်။

ဒါပေမယ့် အမေရိကန်စစ်ဦးစီးချုပ် ဂျိုးဆက်ကတော့ အမေရိကန်အနေနဲ့ စစ်ရေးလေ့ကျင့်တာတွေကို မြောက်ကိုရီးယားနဲ့ ဆွေးနွေးတဲ့ ဘယ်လို အဆင့်မျိုးမှာမှ အပေးအယူ လုပ်မှာ မဟုတ်ဘူးလို့ ဆိုထားပြီး Ulchi-Freedom Guardian (UFG) အမည်နဲ့ စစ်ရေးလေ့ကျင့်မှုတွေကို စီစဉ်ထားတဲ့ အတိုင်း ဆက်လုပ်မယ့်လို့ ဆိုပါတယ်။

 စစ်ရေးလေ့ကျင့်မှုကို ဆန့်ကျင်တဲ့ တောင်ကိုရီးယား အတိုက်အခံ ရဲ့ ဆန္ဒပြပွဲတွေ အခု သီတင်းပတ်ထဲမှာ ဖြစ်ပွား
အခု စစ်ရေးလေ့ကျင်မှုက ၁၀ ရက်ကြာမှာ ဖြစ်ပြီး အမေရိကန်တပ်သား ၁၇,၅၀ဝ ပါဝင်ကာ ကြည်း၊ ရေ၊ လေ တပ်ပေါင်းစုံ စစ်ရေးပြမှုတွေ အပြင် ကွန်ပျူတာနဲ့ စမ်းသပ် စစ်ရေးပြင်ဆင်တာတွေလည်း လုပ်မယ်လို့ အမေရိကန်က ပြောပါတယ်။

ဂူအမ်အပေါ် ဒုံးကျည်နဲ့ ခြိမ်းခြောက်ခဲ့မှု အပါအဝင် ဒုံးကျည်စမ်းသပ်တာတွေ အဆက်မပြတ် လုပ်နေတဲ့ မြောက်ကိုရီးယားနဲ့ အထိမခံ ဖြစ်နေတဲ့ စိုးရိမ်ဖွယ် အခြေအနေမှာ အခု ပြုလုပ်မယ့် အမေရိကန်နဲ့ တောင်ကိုရီးယားရဲ့ စစ်ရေးလေ့ကျင့်မှုကို ရန်လိုမှု အဖြစ် မြောက်ကိုရီးယားက တုံ့ပြန်ဖွယ်ရှိတယ်လို့ ကိုရီးယားအရေး လေ့လာသူတွေက သုံးသပ်ထားကြပါတယ်။

၂၀၁၅ ခုနှစ် UFG စစ်ရေးလေ့ကျင့်မှုတုန်းကတော့ မြောက်ကိုရီးယားနဲ့ အခြေအနေတွေ အတော် တင်းမာသွားခဲ့ပြီး တောင်ကိုရီးယားနဲ့မြောက်ကိုရီးယား နယ်စပ်မှာ နှစ်ဖက် အပြန်အလှန် ပစ်ခတ်တာတွေ အထိ ဖြစ်ခဲ့ဖူးပါတယ်။

မြောက်ကိုရီးယား အစိုးရ သတင်းစာ ရိုဒွန်းရှင်းမွန်းရဲ့ တနင်္ဂနွေထုတ် အယ်ဒီတာ့ အာဘော် ကဏ္ဍမှာ ဒီ စစ်ရေးလေ့ကျင့်မှုက ကိုရီးယားကျွန်းဆွယ်ရဲ့ အခြေအနေကို ဆိုးရွားသွားစေပြီး ထိန်းချုပ်လို့ မရတဲ့ နျူကလီးယားစစ်ပွဲ တခု အတွက် သတိပေးထားပါတယ်။

မနှစ်က UFG လေ့ကျင့်မှုမှာ ဆိုးလ်မြေအောက်ရထား ဓာတုလက်နက် တိုက်ခိုက်ခံရမှုအတွက် ပြင်ဆင်လေ့ကျင့်ခဲ့
အမေရိကန်နဲ့ တောင်ကိုရီးယားဟာ နှစ်စဉ် ပူးတွဲ စစ်ရေးလေ့ကျင့်မှု ၂ ကြိမ် ပြုလုပ်လေ့ရှိပါတယ်။ Foal Eagle/Key Resolve အမည်နဲ့ စစ်ရေးလေ့ကျင်မှုကို နွေဦးပေါက်မှာ ပြုလုပ်လေ့ရှိပြီး Ulchi-Freedom Guardian အမည်နဲ့ စစ်ရေးလေ့ကျင့်မှုကိုတော့ ဆောင်းဦးပေါက် ကာလ အခုလို အချိန်မှာ ပြုလုပ်လေ့ရှိပါတယ်။

ဒီလေ့ကျင့်မှုတွေမှာ တောင်ကိုရီးယားဘက်က စစ်သား ၅၀,ဝ၀ဝ ပါဝင်လေ့ရှိပြီး အမေရိကန်ဘက်ကတော့ တပ်သား ၂၅၀ဝ၀ ကနေ ၃၀ဝ၀ဝ ကြား စေလွှတ်လေ့ရှိပါတယ်။ ဒါ့အပြင် အခြား မဟာမိတ် နိုင်ငံတွေက တပ်ဖွဲ့တွေလည်း ပါဝင်လေ့ရှိပြီး မနှစ်က UFG စစ်ရေးလေ့ကျင့်မှုမှာ အခြား နိုင်ငံ ၉ နိုင်ငံက ပူးပေါင်း ပါဝင်ခဲ့ပါတယ်။

BBC Burmese
http://www.bbc.com/burmese

AK ဆောက်လုပ်ရေးကုမ္ပဏီကို မွန်ဝန်ကြီးချုပ် သတိပေး

မွန်ပြည်နယ်ဝန်ကြီးချုပ် ဒေါက်တာအေးဇံကို သြဂုတ်လ ၂၁ ရက်နေ့က တွေ့ရစဉ်။ Photo: Kyaw Lwin Oo/ RFA
မွန်ပြည်နယ် မော်လမြိုင်-သံဖြူဇရပ်လမ်းပိုင်းမှာ လမ်းအသုံးပြုခကောက်ခံနေတဲ့  AK ဆောက်လုပ်ရေးကုမ္ပဏီဟာ လမ်းတွေဆိုးရွားစွာ ပျက်စီးနေပေမယ့် တာဝန်ယူပြုပြင်ပေးခြင်း မရှိတာကြောင့် ပြင်းထန်စွာ သတိပေးထားတယ်လို့ ပြည်နယ်ဝန်ကြီးချုပ် ဒေါက်တာအေးဇံ က ပြောပါတယ်။

လက်ရှိ လမ်းတွေပျက်စီးနေတာကို မပြုပြင်တာနဲ့ပတ်သက်ပြီး AK ကုမ္ပဏီအနေနဲ့ တာဝန်မယူနိုင်ရင် လမ်းတွေပြန်အပ်ဖို့ ပြင်းထန်စွာသတိပေးထားတယ်လို့ မွန်ပြည်နယ်ဝန်ကြီးချုပ် ဒေါက်တာအေးဇံ က ပြောပါတယ်။

ပြီးခဲ့တဲ့သြဂုတ်လ ၁၈ရက်နေ့က ဆောက်လုပ်ရေးဝန်ကြီးဌာန ပြည်ထောင်စုဝန်ကြီးထံ AK ကုမ္ပဏီနဲ့ပတ်သက်ပြီး အကြောင်းကြားစာပို့ထားတာဖြစ်တယ်လို့ သိရပါတယ်။

AK ကုမ္ပဏီဟာ မော်လမြိုင်မြို့ကနေ သံဖြူဇရပ်မြို့အထိ ၃၇ မိုင်ရှည်လျားတဲ့ လမ်းပိုင်းကို ၂၀၁၁ ခုနှစ်ကတည်းက နှစ် ၄၀စာချုပ်နဲ့ လမ်းအဆင့်မြှင့်တင်ပြုပြင်ကာ လမ်းအသုံးပြုခ ကောက်ခံဖို့ သဘောတူစာချုပ်ချုပ်ဆိုခဲ့တာဖြစ်ပါတယ်။

အဲဒီကုမ္ပဏီဟာ လမ်းကြေးစတင်ကောက်ခံကတည်းက လမ်းပြုပြင်တာတွေ ထိထိရောက်ရောက် လုပ်ဆောင်တာ မရှိဘူးဆိုတဲ့ ဝေဖန်မှုတွေလည်းရှိနေပါတယ်။

လက်ရှိအချိန်မှာ လမ်းပိုင်းပျက်စီးမှုများနေတဲ့အတွက် ဒေသခံတွေ ခရီးသွားတွေအတွက် အခက်အခဲဖြစ်နေသလို မကြာခဏဆိုင်ကယ်မှောက်တာတွေလည်း ကြုံတွေ့နေရတယ်လို့ ဒေသခံတွေက ပြောပါတယ်။

လမ်းပြုပြင်မှုမရှိဘူးဆိုတဲ့ ဒေသခံတွေရဲ့ တိုင်တန်းချက်တွေကြောင့် လွှတ်တော်ဘက်ကလည်း စုံစမ်းစစ်ဆေးတာတွေပြုလုပ်သွားမယ်လို့ မွန်ပြည်နယ်လွှတ်တော် ဘဏ္ဍာရေးနဲ့ စီမံကိန်း စီးပွားရေးဆိုင်ရာ ကိစ္စရပ်များလေ့လာသုံးသပ်ရေး ကေ်ာမတီဥက္ကဌ ဦးအောင်ကျော်သူက ပြောပါတယ်။

RFA Burmese
http://www.rfa.org/burmese

မြန်မာ Squash အားကစားသမား ၂ ဦး ကားမတော်တဆမှုကြောင့် ကစားခွင့်မရ

မြန်မာ Squash အားကစားသမားတွေကို ယာဉ်မတော်တဆမှုဖြစ်ပွားခဲ့ပြီး တွေ့ရစဉ်။ Photo: မြန်မာဘောလုံး ချစ်ပရိသတ်များ - MFFG
မလေးရှားနိုင်ငံမှာ ကျင်းပနေတဲ့ ၂၉ ကြိမ်မြောက် အရှေ့တောင်အာရှအားကစားပြိုင်ပွဲ ဆီးဂိမ်းမှာ Squash အားကစားပြိုင်ပွဲဝင် မြန်မာအသင်းလိုက်ပါလာတဲ့ ကားဟာ ဒီနေ့ မနက်ပိုင်းက ယာဉ်မတော်တဆမှု ဖြစ်ပွားခဲ့တဲ့ အတွက် ထိခိုက်ဒဏ်ရာရမှုများခဲ့ပြီး မြန်မာအမျိုးသမီးလက်ရွေးစင် ကစားသမားနှစ်ဦးကို ဒဏ်ရာအခြေ အနေကြောင့် ဆက်ကစားခွင့်မပြုတော့ဘူးလို့ သိရပါတယ်။

မြန်မာ၊ ထိုင်းနဲ့ ဖီလစ်ပိုင် လက်ရွေးစင် Squash အားကစားသမားတွေဟာ ပြိုင်ပွဲကျင်းပတဲ့ မလေးရှားနိုင်ငံ ဘူခက်ဂျာလီ အမျိုးသား အားကစားရုံကို အသွားမှာ ယာဉ်မတော်တဆမှု ဖြစ်ခဲ့တာလို့ အားကစားနဲ့ ကာယပညာဦးစီးဌာန တာဝန်ရှိသူတစ်ဦးက RFA ကို ပြောပါတယ်။

အဲဒီယာဉ်ပေါ်မှာ ပါသွားတဲ့ မြန်မာ အားကစားသမား ၈ ဦးနဲ့ နည်းပြ၊ အသင်းအုပ်ချုပ်သူ နှစ်ဦး စုစုပေါင်း ၁၀ ဦးလုံးထိခိုက်မှုရှိခဲ့ပေမယ့် ကစားသမား မအိအိပြုံးနဲ့ မအေးအေးသင်းတို့ နှစ်ဦးကိုတော့ ဒဏ်ရာကြောင့် ဆက်ကစားခွင့်မပြုတော့တာဖြစ်ပါတယ်။

မြန်မာ့လက်ရွေးစင် မအေးအေးသင်းကတော့ လည်ပင်း၊ ဘယ်ဘယ်ခြေထောက်နဲ့ ဒူးမှာ ထိခိုက် ဒဏ်ရာရခဲ့ပြီး မအိအိပြုံးကတော့ ခေါင်းနဲ့လည်ပင်းမှာ ထိခိုက် ဒဏ်ရာ ရခဲ့တယ်လို့ သူကပြောပါတယ်။

မြန်မာအသင်းက နည်းပြနဲ့ အားကစားသမားတွေအပါအ၀င် ၁၀ ဦး၊ ထိုင်း ၁၃ ဦး နဲ့ ဖိလစ်ပိုင် လက်ရွေးစင် ၅ ဦးပါဝင်တဲ့ Squash အားကစားသမားတွေဟာ ပြိုင်ပွဲကျင်းပတဲ့ ဘူခက်ဂျာလီ အားကစားအမျိုးသား အားကစားရုံကို အသွားမှာ အရှေ့က ကားတစီးကို ၀င်တိုက်မိတာဖြစ်တယ်လို့ ပြောပါတယ်။

ဒီနေ့ မနက်ပိုင်း Squash  အမျိုးသမီးနှစ်ယောက်ပြိုင်ပွဲမှာ မြန်မာနဲ့ ထိုင်းအသင်းတို့ ယှဉ်ပြိုင်ရမှာ ဖြစ်ပါ တယ်။ ဒီလိုထိခိုက်ဒဏ်ရာရမှုတွေကြောင့် မနက်ပိုင်းမှာ ပြိုင်ပွဲကို ရပ်နားခဲ့ရပြီး ညနေပိုင်းမှာတော့ တချို့ပွဲစဉ်တွေ ကို ဆက်လက်ယှဉ်ပြိုင်ဖို့ရှိတယ်လို့ သိရပါတယ်။

အဲဒီယာဉ်ပေါ်မှာပါတဲ့ ထိုင်းနဲ့ ဖီလစ်ပိုင်နိုင်ငံက အားကစားသမားတွေရဲ့ ထိခိုက်ဒဏ်ရာ အခြေအနေကိုတော့ မသိရသေးဘူးလို့ အားကစားနှင့်ကာယပညာ ဦးစီးဌာန ကပြောပါတယ်။

RFA Burmese
http://www.rfa.org/burmese

မလေးရှားနိုင်ငံ၌ မြန်မာ Squash အားကစားအဖွဲ့လိုက်ပါလာသော ယာဉ်မတော်တဆမှုကြောင့် ပြိုင်ပွဲစဉ်များ ယာယီရွှေ့ဆိုင်းထား

မလေးရှားနိုင်ငံတွင် မြန်မာ Squash အားကစားအဖွဲ့လိုက်ပါလာသော ယာဉ်မတော်တဆမှုဖြစ်ပွားစဉ်(ဓာတ်ပုံ- မြန်မာ Squash)
    ရန်ကုန်၊ သြဂုတ် ၂၁ ရက် (ဆင်ဟွာ)

    မလေးရှားနိုင်ငံ၌ ကျင်းပသည့် ၂၉ကြိမ်မြောက် အရှေ့တောင်အာရှအားကစားတွင် သွားရောက်ယှဉ်ပြိုင်မည့် မြန်မာ Squash အားကစားအဖွဲ့လိုက်ပါလာသော ယာဉ်မတော်ဆမှုကြောင့် Squash အားကစားပြိုင်ပွဲစဉ်များကို ယာယီရွှေ့ဆိုင်း ထားကြောင်း မလေးရှားနိုင်ငံဆီးဂိမ်းပြိုင်ပွဲကျင်းပရေးကော်မတီ(MASOC)က ထုတ်ပြန်ချက်အရ သိရသည်။

ယင်းရပ်ဆိုင်းလိုက်ရသည့် အားကစားပွဲများ ပြန်လည်စတင်နိုင်ရေးအတွက် ယနေ့ နေ့လည်၂နာရီတွင် အစည်းအဝေးတစ်ခုပြုလုပ်မည်ဖြစ်ကြောင်း သိရသည်။“ဟိုတယ်ကနေ ပြိုင်ပွဲကျင်းပမယ့်နေရာကို သွားတာ မြန်မာအားကစားသမားတွေပါတဲ့ကားကို အခြား ကားတစ်စီးက ၀င်တိုက်တာ၊ နည်းပြတွေနဲ့ အားကစားသမားအချို့ ဒဏ်ရာအနည်းငယ်ရရှိထားတယ်”လို့ မလေးရှားနိုင်ငံသို့ရောက်ရှိနေသာ ဆီးဂိမ်းပြိုင်ပွဲသွားရောက်ယှဉ်ပြိုင်နေသူတစ်ဦးက ဆိုသည်။ယနေ့  သြဂုတ် ၂၁ရက်နေ့ မလေးရှားစံတော်ချိန် နံနက် ကိုးနာရီတွင် မြန်မာ၊ ထိုင်းနှင့် ဖိလစ်ပိုင်နိုင်ငံများမှ Squash အားကစားအဖွဲ့လိုက်ပါလာသော ယာဉ်မတော်တဆမှုနှင့် ပတ်သတ်ပြီး မလေးရှားနိုင်ငံဆီးဂိမ်းပြိုင်ပွဲကျင်းပရေးကော်မတီ(MASOC)အနေဖြင့် ၀မ်းနည်းကြောင်း ထုတ်ပြန်ချက်တွင် ဖော်ပြထားသည်။

အဆိုပါ ယာဉ်မတော်တဆဖြစ်ပွားခဲ့သော အားကစားသမားကို အားကစားပွဲ၏ ကျန်းမာရေးစင်တာ၌ ကျန်းမာရေးစစ်ဆေးမှုပြုလုပ်ပေးထားပြီး အချို့အားကစားသမားများ ကောင်းမွန်လျက်ရှိ ကြောင်း သိရသည်။အဆိုပါ ယာဉ်မတော်တဆဖြစ်ပွားခဲ့မှုနှင့် ပတ်သတ်ပြီး မလေးရှားတော်ဝင်ရဲတပ်ဖွဲ့နှင့် လမ်းသယ်ယူပို့ဆောင်ရေးဌာနသို့ စုံစမ်းစစ်ဆေးမှုပြုလုပ်လျက်ရှိကြောင်း သိရသည်။

(Xinhua)
http://www.xinhuamyanmar.com

မလေးရှားဝက်ဘ်ဆိုဒ်တွေ ဖောက်ထွင်းခံရ

 အင်ဒိုနီးရှားအလံကို ဇောက်ထိုး ပုံနှိပ်ခဲ့လို့ မလေးရှား အာဏာပိုင်တွေ တောင်းပန်ခဲ့ရပြီးဖြစ်
မလေးရှား နိုင်ငံ ကွာလမ်လာပူမြို့တော်မှာ ကျင်းပနေတဲ့ ၂၉ ကြိမ်မြောက် အရှေ့တောင်အာရှအားကစားပြိုင်ပွဲ (SEA Games) ရဲ့ တရားဝင် လမ်းညွှန် စာအုပ်မှာ အင်ဒိုနီးရှားနိုင်ငံရဲ့ အလံကို ပြောင်းပြန် ပုံနှိပ်မိခဲ့တဲ့ ဖြစ်စဉ် အပြီးမှာ မလေးရှား အွန်လိုင်ဝက်ဘ်ဆိုဒ် အတော်များများကို တိုက်ခိုက်ခဲ့တယ်လို့ အင်ဒိုနီးရှား ဟက်ကာ ဖောက်ထွင်းသူတွေက ကြေညာလိုက်ပါတယ်။

အနည်းဆုံး ဝက်ဘ်ဆိုဒ် ၂၇ ခု ဖောက်ထွင်း နှောင့်ယှက်ခံခဲ့ရပြီး အဲဒီမှာ အင်ဒိုနီးရှား အလံ အရောင်တွေ ဖြစ်တဲ့ အနီနဲ့ အဖြူကို သုံးကာ "ငါ့ရဲ့ နိုင်ငံတော်အလံက ကလေးကစားစရာ မဟုတ်" လို့ ရေးသားထားပါတယ်။

တိုက်ခိုက်ခံရတဲ့ ဝက်ဘ်ဆိုဒ်တွေကို တနင်္လာနေ့မှာ ဘီဘီစီက ဝင်ရောက်ကြည့်ရှုခဲ့ရာ အတော်များများဟာ ပိတ်သိမ်းထားပြီး ဖြစ်နေပါတယ်။

အင်ဒို ဟက်ကာတွေ လက်ချက်မိခဲ့တဲ့ မလေးဆိုဒ်တခု
ပြီးခဲ့တဲ့ သီတင်းပတ်ကုန်ထဲ အင်ဒိုနီးရှားနိုင်ငံတဝှမ်းမှာ အလံမှားယွင်းတဲ့ ကိစ္စအပေါ် ဒေါသတကြီး တုံ့ပြန်ခဲ့ကြသလို သမ္မတ ဂျိုကို ဝီဒိုဒိုကလည်း မလေးရှား အစိုးရကို တရားဝင် တောင်းပန်ဖို့ တောင်းဆိုခဲ့ရပါတယ်။

မလေးရှား ပြိုင်ပွဲကျင်းပရေး တာဝန်ခံတွေနဲ့ အစိုးရအရာရှိတွေက ဒီကိစ္စအတွက် အကြီးအကျယ် တောင်းပန်ခဲ့ပြီး ဖြစ်ပါတယ်။

ပြီးခဲ့တဲ့ သောကြာနေ့တုန်းကလည်း မလေးရှား ဆီးဂိမ်း ရေကူးပြိုင်ပွဲ ရဲ့ အမှတ်ပေးဘုတ်မှာ ဘရူးနိုင် အလံကို လွဲမှားဖော်ပြခဲ့တဲ့ ဖြစ်စဉ် ဖြစ်ပွားခဲ့ပါသေးတယ်။

BBC Burmese
http://www.bbc.com/burmese

ဒိုင်ရဲ့ အဆုံးအဖြတ်ကို မကျေနပ်လို့ မလေးရှားအသင်းနဲ့ ယှဉ်ပြိုင်နေချိန် ပွဲမပြီးသေးပဲ ကွင်းထဲက ထွက်ခဲ့တဲ့ အင်ဒိုနီးရှား အမျိုးသမီး ပိုက်ကျော်ခြင်း အသင်း


အင်ဒိုနီးရှား အမျိုးသမီး ပိုက်ကျေ်ခြင်း အသင်းဟာ မလေးရှားအသင်းနဲ့ ယှဉ်ပြိုင်နေချိန် ပွဲမပြီးသေးဘဲ အားကစားရုံထဲက ဆန္ဒပြ ထွက်ခွာသွားတယ်လို့ channel news asia သတင်းမှာ ဖော်ပြထားပါတယ်။ မနေ့က ဆီးဂိမ်း အိမ်ရှင် အမျိုးသမီး အသင်းဟာ အင်ဒိုနီးရှား အမျိုးသမီးအသင်းနဲ့ ယှဉ်ပြိုင်ခဲ့တာပါ။

 ပထမပွဲမှာ မလေးရှား အသင်းက (၂၂) မှတ်၊ အမှတ် (၂၀) နဲ့ အနိုင်ရပြီး ဒုတိယပွဲဆက်လက်ယှဉ်ပြိုင်ခဲ့ပါတယ်။ ဒုတိယပွဲစဉ် အရောက်မှာတော့ အင်ဒိုနီးရှားအသင်းက (၁၆) မှတ် (၁၀) မှတ်နဲ့ အမှတ်သာနေချိန်မှာ အင်ဒိုနီးရှား နောက်ထိန်းအမျိုးသမီးရဲ့ စ ပေးခြင်းလုံး ခတ်ပုံကို ဒိုင်လူကြီးက ပြစ်ဒဏ်ပေးခဲ့ပါတယ်။

 အဲဒီနောက်မှာတော့ အင်ဒိုနီးရှား အသင်းနည်းပြ အစရီ ဆိုင်ယမ်က ဒိုင်လူကြီးရဲ့ ဆုံးဖြတ်ချက်ကို ဆန္ဒပြတဲ့ အနေနဲ့ ခြင်းကွင်းထဲ အပြေးဝင်ရောက်လာခဲ့ပါတယ်။ဒါ့အပြင် ကစားသမားတွေကိုလည်း ခြင်းကွင်းထဲက ထွက်ခွာသွားဖို့ ပြောကြားလိုက်တာဖြစ်ပါတယ်။

 ပွဲတာဝန်ရှိသူတွေက ပြိုင်ပွဲမပြီးခင် ကွင်းထဲက ထွက်မသွားဖို့ အသနားခံခဲ့ကြပေမယ့်လည်း အင်ဒိုနီးရှား နည်းပြအပါအ၀င် ကစားသမားတွေဟာ ပြိုင်ပွဲကျင်းပတဲ့ တီတီဝန်ဆာ အားကစားရုံကြီးထဲက အလျင်အမြန်ထွက်ခွာသွားကြပါတယ်။

 အဲဒီနောက်မှာတော့ ဒိုင်လူကြီးက မလေးရှားအသင်းကို (၂) ပွဲပြတ်အနိုင်ပေးလိုက်ပါတယ်။ ဒီနေ့မနက်အစောပိုင်းမှာတော့ မလေးရှား အမျိုးသမီးအသင်းဟာ ထိုင်းအမျိုးသမီးအသင်းနဲ့ ဗိုလ်လုပွဲယှဉ်ပြိုင်ခဲ့ရာ ထိုင်းအသင်းက အနိုင်ရပြီး ရွှေတံဆိပ်ဆု ရရှိသွားခဲ့ပါတယ်။

 ပြီးခဲ့တဲ့ ရက်ပိုင်းတွေကတည်းက မလေးရှား ဆီးဂိမ်းလက်စွဲစာအုပ်မှာ အင်ဒိုနီးရှား နိုင်ငံအလံကို ဇောက်ထိုးဖော်ပြမိခဲ့တာကြောင့် မလေးရှားနိုင်ငံအပေါ် ဝေဖန်မှုတွေ ထွက်ပေါ်ခဲ့ပါတယ်။

5 PLUS NEWS
https://www.facebook.com/5plusnews/

UNFC အဖွဲ့ဝင်အဖြစ်မှ နှုတ်ထွက်စာတင်ကြောင်း SSPP/SSA အတည်ပြု


ဩဂတ်စ်လ ၂၀ ရက် ၂၀၁၇

ညီညွှတ်တော်သောတိုင်းရင်းသားလူမျိုးများဖက်ဒရယ်ကောင်စီ UNFC အဖွဲ့ဝင်အဖြစ်မှ သျှမ်းပြည်တိုး တက်ရေးပါတီ သျှမ်းပြည်တပ်မတော် SSPP/SSA နှုတ်ထွက်စာတင်ထားကြောင်း ပြောရေး ဆိုခွင့်ရှိသူ စိုင်းဘုန်းဟန်က အတည်ပြုပါသည်။

“ဒီကိစ္စနဲ့ ပတ်သက်ပြီး အထက်က လူကြီးတွေ ဆွေးနွေးနေပါတယ်။ နှုတ်ထွက်စာတော့ ဒီလ ၁၂ ရက်နေ့ ကတည်းက တင်ထားတာပါ” ဟု စိုင်းဘုန်းဟန် ကပြောသည်။

ညီညွှတ်သောတိုင်းရင်းသားလူမျိုးများဖက်ဒရယ်ကောင်စီ UNFC အဖွဲ့ဝင်အဖြစ်မှ နှုတ်ထွက်သည့် အကြောင်း UWSA ၀ တပ်ဖွဲ့မှ ကမကထပြု ဦးဆောင်ကျင်းပနေသည့် ပြည်ထောင်စုနိုင်ငံရေး ဆွေးနွေးညှိနှိုင်းရေးကော်မတီအစည်းအဝေးတွင် ဒုတိယ ဥက္ကဌ ဖြစ်သူ ဗိုလ်ချုပ်ခွန်ဆိုင်မှ တင်ပြဆွေးနွေးသည့် အစည်းအဝေးရုပ်သံအားလည်း ၀ တပ်ဖွဲ့ ပိုင် ရုပ်မြင်သံကြားတွင် ယမန်နေ့က ထုတ်လွှင့်ခဲ့သည်။

ညီညွှတ်သောတိုင်းရင်းသားလူမျိုးများဖက်ဒရယ်ကောင်စီ UNFC အဖွဲ့ဝင်အဖြစ်မှ နှုတ်ထွက်မည့် အကြောင်း ပြီးခဲ့သည့်ခြောက်လပတ်အစည်းအဝေးက ဆုံးဖြတ်ထားသည်ဟုလည်း ဌာနချုပ် ရုံး အရာရှိတဦးကလည်းသျှမ်းသံတော်ဆင့်သို့ပြောသည်။

သျှမ်းပြည်တပ်မတော် SSPP/SSA နှုတ်ထွက်မှုကြောင့် UNFC တွင် မွန်ပြည်သစ်ပါတီ NMSP ကရင်နီအမျိုးသားတိုးတက်ရေးပါတီ KNPP လားဟူဒီမိုကရက်တစ်ယူနီယံ LDU နှင့် ရခိုင်အမျိုးသား ကောင်စီ ANC တို့သာ ကျန်ရှိသည်။

UNFC သည် တနိုင်ငံလုံးပစ်ခတ်တိုက်ခိုက်မှုရပ်စဲရေးစာချုပ် NCA လက်မှတ်ရေးထိုးရန် အစိုးရ ငြိမ်းချမ်းရေး ကော်မရှင် PC နှင့် ဆွေးနွေးညှိနှိုင်းနေသည်။ သဘောတူညီချက် အချို့ရရှိပါက မကြာမှီလက်မှတ် ရေးထိုး တော့မည်ဟုလည်း သတင်းများထွက်ပေါ်နေပါသည်။ သျှမ်းပြည်တပ်မတော် SSPP/SSA သည် UNFC မတိုင်ခင် ခေတ်အဆက်ဆက် အဖွဲ့အစည်းများမှ ပါဝင်လာသည့် UNFC ၏ အဓိက အဖွဲ့ဝင် အဖွဲ့တဖွဲ့ဖြစ်သည်။

သျှမ်းသံတော်ဆင့်
Panglong(Burmese)
https://www.facebook.com/Panglong.burmese/

နာဂလက်နက်ကိုင်အဖွဲ့ ခေါ်ဆောင်သွားသော ကျားကိုက်ကျေးရွာသားသုံးဦး ပြန်လည် လွှတ်မြောက်လာ


သြဂုတ် ၂၀ ၊ ခန္တီး

စစ်ကိုင်းတိုင်းဒေသကြီး ခန္တီးမြို့နယ် ကျားကိုက်ကျေးရွာသားသုံးဦးကို သြဂုတ်လ ၁၆ ရက်နေ့ညက နာဂလက်နက်ကိုင် အဖွဲ့တစ်ဖွဲ့မှ ဖမ်းဆီးခေါ်ဆောင်သွားရာ သြဂုတ်လ ၁၇ ရက်နေ့တွင် ပြန်လည် လွှတ်မြောက်လာခဲ့ကြောင်း ပြန်လည်လွှတ်မြောက်လာသူ တစ်ဦးဖြစ်သည့် ဦးဇော်မိုးက ရှမ်းနီအသံကို ပြောကြားသည်။

" ကျွန်တော်တို့ ဆယ်နာရီလောက်မှာ ကျွန်တော်နဲ့ သိန်းလွင်ဆိုတဲ့ အသိတစ်ယောက်နဲ့ ထိုင်နေတုန်း တစ်ယောက်မှ မလုပ်နဲ့ဆိုပြီးတော့မှ ပြေးဝင်လာတာ။ ပျောက်ကျားဝတ်စုံတွေနဲ့ လက်နက်ကိုယ်စီနဲ့ ။" ဟု ဖမ်းဆီးခံခဲ့ရသည့် အခြေအနေကို ဦးဇော်မိုးကပြောကြားသည်။

ဦးဇော်မိုး၏ သူငယ်ချင်းမှာ ထွက်ပြေးလွတ်မြောက်သွားပြီး ဦးဇော်မိုးတစ်ဦးသာ အဆိုပါနေရာမှ ဖမ်းဆီးခံရခြင်းဖြစ်ကြောင်းလည်း ၎င်းကပြောကြားသည်။

ဖမ်းဆီးသွားသူများသည် ၎င်းတို့၏ ယာယီစခန်းတဲရှိရာသို့ ကြိုးများဖြင့်တုပ်နှောင်၍ ခေါ်ဆောင်သွားခြင်းဖြစ်ပြီး ရိုက်နှက်မှုများလည်း ရှိကြောင်း သိရသည်။

ဖမ်းဆီးသွားသော လက်နက်ကိုင်အဖွဲ့ဝင်များသည် နာဂဘာသာစကားကိုသာ ပြောဆိုကြကြောင်းလည်း ၄င်းကပြောသည်။

လက်နက်ကိုင် အဖွဲ့များသည် ဦးဇော်မိုးအပြင် ဦးစိန်ဝင်းနှင့် မောင်ယောတို့အားလည်း ဖမ်းဆီးခဲ့ခြင်းဖြစ်သည်။

" ကျွန်တေ်ာ့ကို အရင်ဖမ်းခေါ်သွားတယ်။ နောက်မှ စိန်ဝင်းတို့ ရောက်ခဲ့တယ်ဗျ။ ကျွန်တေ်ာ့ကို ခေါ်တဲ့အချိန်မှာ ညဆယ်နာရီလောက်ရှိမယ် ။ သူတို့ကို ခေါ်တာက ၁ နာရီလောက်ရှိပြီတဲ့ဗျ။ နောက်နေ့ သုံးနာရီခွဲလောက်မှာ ပြန်လွှတ်လိုက်တယ်ဗျ။" ဟု ဦဇော်မိုးကပြောကြားသည်။

အဆိုပါလက်နက်ကိုင်အဖွဲ့များသည်ငွေဖြင့်လာရောက်ရွေးယူရန်လည်းအကြောင်းကြားခိုင်းခဲ့ကြောင်းသိရသည်။

"နှစ်ဆယ့်ငါးသိန်းစာရေးပြီးတောင်းတယ်ဗျ။ စာက ကျွန်တော်တို့ ကိုယ်တိုင်ရေးရတာ။" ဦးဇော်မိုးက ပြောကြားသည်။

သက်ဆိုင်ရာမှ လိုက်လာသည့် သတင်းကိုရရှိခဲ့ပြီး ပြန်လည် လွှတ်ပေးခဲ့ကြောင်းလည်း သိရသည်။
"စစ်တပ်ချီတက်လာပြီ မင်းတို့လည်းသွားတော့ ငါတို့လည်း သွားတော့မယ်ဆိုပြီး လွှတ်လိုက်တာဗျ။" ဟု ၎င်းက ပြောကြားသည်။

ဖမ်းဆီးခံရသည့်ဖြစ်စဉ်မှာ မှန်ကန်ကြောင်းနှင့် သက်ဆိုင်ရာမှ အဖွဲ့အစည်းအား အတည်မပြုသေးကြောင်း ခန္တီးမြို့နယ်အတွင်းရှိ ဆရာတော်တစ်ပါးက ရှမ်းနီအသံဂျာနယ်သို့ မိန့်ကြားသည်။

အဆိုပါ ဒေသသည် NSCN-K နာဂလက်နက်ကိုင်၏ လှုပ်ရှားနယ်မြေတစ်ခုဖြစ်ပြီး မကြာခဏ ဆက်ကြေးကောက်ခံခြင်း အရပ်သားများကို ဖမ်းဆီးခေါ်ဆောင်ခြင်းများ ပြုလုပ်လေ့ရှိကြောင်းမှတ်တမ်း များအရ သိရသည်။

The Voice of Shan-Ni
https://www.facebook.com/shannivoicenewsjournal

မလေးရှား ဆီးဂိမ်း လုံခြုံရေး မြန်မာအဖွဲ့တွေ ကူညီမည်

မလေးရှားနိုင်ငံ ကွာလာလမ်ပူမြို့မှာ ကျင်းပနေတဲ့ ၂၉ ကြိမ်မြောက် အရှေ့တောင်အာရှ အားကစားပွဲတော် ဆီးဂိမ်းမှာ မြန်မာ ပရိသတ်တွေကို တွေ့ရစဉ်။ Photo: Myanmar Football Federation
မလေးရှားနိုင်ငံ ကွာလာလမ်ပူမြို့မှာ ကျင်းပနေတဲ့ ၂၉ ကြိမ်မြောက် အရှေ့တောင်အာရှ အားကစားပွဲတော် ဆီးဂိမ်း အမျိုးသားဘောလုံးပွဲမှာ ဒီကနေ့ မြန်မာ ဘောလုံးအသင်းနဲ့ အိမ်ရှင် မလေးရှား အသင်းတို့ အုပ်စု ဗိုလ်လုပွဲ ကစားမှာဖြစ်တာကြောင့် မြန်မာပရိသတ်ကို အကူအညီပေးဖို့ မလေးရှားမှာရှိတဲ့ မြန်မာ ပရဟိတ အဖွဲ့တွေနဲ့ အဖွဲ့ပေါင်းစုံက တာဝန်ယူထားပါတယ်။

မလေးရှားအာဏာပိုင်တွေဘက်ကလည်း မြန်မာပရိသတ် ၈၀၀၀ ကျော်အတွက် နေရာသီးခြား သတ်မှတ်ပေး ထားပါတယ်။ မြန်မာပရိသတ်အနေနဲ့ ကြိုတင်စီစဉ်ထားတဲ့ ဘတ်စ်ကားတွေနဲ့ ကွင်းထဲမှာရှိတဲ့ ကားရပ်နားနေရာကို တိုက်ရိုက်တန်းဝင်ပြီး၊ လုပ်အားပေးအဖွဲ့က နေရာချထားပေးမှာ ဖြစ်ပါတယ်။

လုပ်အားပေးအဖွဲ့ဝင်တစ်ဦးဖြစ်တဲ့ ကိုသီဟက အခုလို ပြောပြပါတယ်။

"ကျနော်တို့ အဖွဲ့တစ်ဖွဲ့ဖွဲ့လိုက်တယ်ပေါ့၊ ရန်မဖြစ်အောင်၊ ကျနော်တို့က လာကတည်းက စနစ်တကျ ကားပါကင်ရောက်မယ်၊ အဲဒီက ကျနော်တို့ လက်မှတ်ကောင်တာကိုခေါ်သွားမယ်၊ လက်မှတ်ကောင်တာ ကိုရောက်ပြီဆိုတာနဲ့ လက်မှတ်ဖြတ်မယ်၊ ဂိတ်ဖြတ်မယ်၊ ခန္ခာကိုယ်စစ်ဆေးမယ်၊ ပြီးတာနဲ့ ကျနော်တို့ လူတွေရှိမယ် ထိုင်ခုံတွေဘက်ကိုပေါ့နော်"

အလားတူ ဘောလုံးပွဲပြီးချိန်မှာလည်း ကားပေါ်ရောက်တဲ့အထိ လုပ်အားပေးအဖွဲ့တွေက ပြန်ပို့ပေးပြီး ကွင်းထဲ က ပြန်ထွက်မှာဖြစ်ပါတယ်။ အဖွဲ့အနေနဲ့ မလေးရှားအာဏာပိုင်တွေနဲ့လည်း ညိုနှိုင်းမှုတွေ ဆောင်ရွက်ထားတယ် လို့ သိရပါတယ်။

မြန်မာနိုင်ငံသားတချို့ စိုးရိမ်နေတာက ဘောလုံးပွဲအပြီး အပြန်မှာ နေထိုင်ခွင့်လက်မှတ်မရှိသူတွေကို မလေးရှား ရဲက ဖမ်းဆီးနိုင်တဲ့ကိစ္စဖြစ်ပါတယ်။ ဒီအတွက်လည်း ကြိုတင်ညှိနှိုင်းတာတွေရှိတယ်လို့ သိရပါတယ်။

RFA Burmese
http://www.rfa.org/burmese

မြန်မာနဲ့ ကုန်သွယ်ရေး ခိုင်မာအောင် အိန္ဒိယ လုပ်ဆောင်

မိုးရေးမှာ နယ်စပ်ဈေးတန်းတွေ ဖွင့်လှစ်သွားမယ်
အိန္ဒိယနိုင်ငံ အနေနဲ့ အရှေ့တောင် အာရှ နိုင်ငံတွေနဲ့ကြား စီးပွားရေးအရ ဆက်ဆံရေး ပိုပြီး ခိုင်မာအောင် ပြုလုပ်နေတာမှာ အထူးသဖြင့် အိမ်နီးချင်း မြန်မာနိုင်ငံနဲ့ကြား ကုန်သွယ်ရေး ကောင်းမွန်အောင် လိုအပ်တာတွေ လုပ်ဆောင်နှင့်ပြီး ဖြစ်တယ်လို့ အိန္ဒိယ ဗဟိုအစိုးရရဲ့ ကုန်သွယ်ရေးနဲ့ ကုန်ထုတ်လုပ်ရေး အမျိုးသမီး ဝန်ကြီး နီရ်မာလာ ဆီထာရာမင်က ပြောပါတယ်။

မြန်မာနဲ့ နယ်စပ်ချင်းထိနေတဲ့ အိန္ဒိယ ပြည်နယ် မဏိပူရရဲ့ မြို့တော် အင်ဖာမှာ ရောက်နေတဲ့ ဝန်ကြီး ဆီထာရာမင်က ပြောလာတာပါ။

မြန်မာနဲ့ နယ်စပ်မြို့ မိုးရေးမှာ နယ်စပ် ကုန်သွယ်ရေး ဈေးတန်းတွေ ဖွင့်လှစ်သွားမယ်လို့ ဝန်ကြီး ဆီထာရာမင်က ပြောပါတယ်။

မဏိပူရပြည်နယ် အနေနဲ့ နိုင်ငံတကာ ကုန်သွယ်ရေး တိုးတက်လာစေဖို့ ပြည်နယ် အစိုးရရဲ့ ကြိုးပမ်းနေမှုတွေကို ဗဟို အစိုးရကလည်း အားပေး ကူညီနေတယ်လို့ ဆိုပါတယ်။

BBC Burmese
http://www.bbc.com/burmese

အင်ဒိုအလံကို ပြောင်းပြန် ပုံနှိပ်မိလို့ မလေးတောင်းပန်

တကယ်ဖြစ်ရမှာ အနီ အပေါ် အဖြူ အောက်။
မလေးရှား နိုင်ငံမှာ လက်ရှိ ကျင်းပနေတဲ့ အရှေ့တောင် အာရှ အားကစား ပွဲတော် အထိမ်းအမှတ် ထုတ်ဝေတဲ့ ဧည့်လမ်းညွှန် စာအုပ်ထဲမှာ အင်ဒိုနီးရှား နိုင်ငံရဲ့ အလံကို ပြောင်းပြန် ဇောက်ထိုး ပုံနှိပ် မိခဲ့တဲ့ အမှားအယွင်းအတွက် မလေးရှား အာဏာပိုင်တွေဘက်က တောင်းပန် လိုက်ပါတယ်။

ကွာလာလမ်ပူ မြို့တော်မှာ စနေနေ့တုန်းက လုပ်ခဲ့တဲ့ အားကစား ပွဲတော် ဖွင့်ပွဲမှာ ဒီ အမှားအယွင်းကို လူအများ သတိ ထားမိလာပြီး အင်ဒိုနီးရှား နိုင်ငံသားတွေ မကျေမနပ်နဲ့ ဆိုရှယ်မီဒီယာတွေပေါ် "မလေးရှား ရှက်ဖွယ်" ဆိုပြီး အုံလိုက်ကျင်းလိုက် ရေးသား လာကြပါတယ်။

နောက်ပိုင်း အင်ဒိုနီးရှား သမ္မတ ဂျိုကို ဝီဒိုဒို ကိုယ်တိုင် ဒီ ကိစ္စနဲ့ ပတ်သက်ပြီး မလေးရှား အပေါ် ဝေဖန် ပြစ်တင်စကား ပြောလာတာမှာ အင်ဒိုနီးရှားရဲ့ အမျိုးသား ဂုဏ်သိက္ခာနဲ့ ဆိုင်တဲ့ လုပ်ရပ် ဖြစ်တဲ့ အတွက် မလေးရှားဘက်က တရားဝင် တောင်းပန်ပါ ဆိုပြီး တောင်းဆို ခဲ့ပါတယ်။

အဲဒီနောက် နာရီ အနည်းငယ် အကြာမှာပဲ မလေးရှား နိုင်ငံခြားရေး ဝန်ကြီး အာနီဖာဟ် အာမင်က မရည်ရွယ်ပဲ ဖြစ်ခဲ့တဲ့ အမှားအတွက် အင်ဒိုနီးရှား အစိုးရနဲ့ ပြည်သူတွေကို တောင်းပန်ကြောင်း ပြောလာပါတယ်။

အင်ဒိုနီးရှား အလံ ပြောင်းပြန် ရိုက်ထားတဲ့ လမ်းညွှန် စာအုပ်တွေကို မလေးရှား အားကစား အာဏာပိုင်တွေဘက်က ပြန်လည် သိမ်းယူခဲ့ပြီး အခုဆို အမှားအယွင်း မပါတဲ့ လမ်းညွှန် စာအုပ်သစ်တွေကို တက်ရောက်လာတဲ့ ပြိုင်ပွဲ ဖြစ်မြောက်ရေး တာဝန်ခံတွေ၊ ဧည့်သည်တွေထံ ပေးပို့ ခဲ့ပြီလို့ မလေးရှားရဲ့ လူငယ်ရေးရာနဲ့ အားကစား ဝန်ကြီး ခါအီရီ ဂျမာလူဒင်က ပြောပါတယ်။

ပြီးခဲ့တဲ့ သီတင်းပတ်တုန်းကလည်း အမျိုးသမီး ဘောလုံးပြိုင်ပွဲမှာ မလေးရှား အသင်းကို ဂိုးပြတ်နဲ့ နိုင်တဲ့ မြန်မာ အသင်း ပွဲအပြီး ဟိုတယ်ကို ပြန်ဖို့ ဖယ်ရီကားမောင်းသူ ရောက်မလာလို့ သန်းခေါင်ချဉ်းတဲ့ အထိ စောင့်ခဲ့ရတာမှာ မလေးရှား ဘက်က တမင် ဖန်တီး ခဲ့တာ ဖြစ်တယ် ဆိုတဲ့ စွပ်စွဲ ဝေဖန်သံတွေ မြန်မာ ပရိသတ်တွေဘက်က ကျယ်ကျယ်လောင်လောင် ထွက် ခဲ့ပါသေးတယ်။

ဒါပေမယ့်၊ နောက်ပိုင်းမှာတော့ အဲဒီ ဖယ်ရီကားမောင်းသမားကို လက်ပတ် နာရီ ခိုးမှုနဲ့ မသင်္ကာလို့ ရဲက ဖမ်းချုပ်ခဲ့တဲ့ အတွက် ကားဆီ ရောက်မလာခဲ့တာ ဖြစ်ကြောင်း ပေါ်ထွက်လာသလို၊ အဲဒီသူ ဆီမှာ ကားမောင်းလိုင်စင် ရှိမနေဘူး ဆိုတဲ့ အချက်လည်း သိလာရပါတယ်။

BBC Burmese
http://www.bbc.com/burmese

မြန်မာ U-22 နဲ့မလေးရှားအသင်းတို့ ဒီနေ့ကန်မည်

မြန်မာ U-22 လေ့ကျင့်စဉ် (Myanmar Football Federation)
မလေးရှားနိုင်ငံမှာ Kuala Lumpur မြို့တော်မှာ ကျင်းပနေတဲ့ အရှေ့တောင်အာရှ အားကစားပြိုင်ပွဲ အမျိုးသားဘောလုံးအုပ်စု A ပွဲစဉ်တွေ အဖြစ် မြန်မာနဲ့ မလေးရှား Laos နဲ့ Brunei အသင်းတို့ ဒီကနေ့ တနင်္လာနေ့မှာ ကစားကြမှာဖြစ်ပါတယ်။

ဒီကနေ့ပွဲဟာမြန်မာအသင်းအတွက် အုပ်စု A နောက်ဆုံးပွဲ ဖြစ်ပါတယ်။ အရင် ၃ ပွဲလုံးမှာ မြန်မာအသင်းကနိုင်ထားတဲ့အတွက် မြန်မာအသင်းအနေနဲ့က အကြိုဗိုလ်လုပွဲ ဆီမီးဖိုင်နယ်ကို တက်မှာသေချာနေပါတယ်။ အုပ်စု A ထဲက မလေးရှားအသင်းက ဒီကနေ့အပါအဝင် ၂ ပွဲကစားဖို့ကျန်သေးတဲ့အတွက် မြန်မာအသင်းအနေနဲ့ အုပ်စုဗိုလ်အဖြစ် ဆီမီးတက်မလား ဒုတိယနေရာက တက်မလားဆိုတာကိုတော့ မပြောနိုင်သေးပါဘူး။

ဆီမီးဖိုင်နယ်ကျရင် ဘယ်အသင်းနဲ့ တွေ့မလဲဆိုတာ ဒီကနေ့ပွဲရလာဒ်ပေါ်မှာ မူတည်ပါတယ်။ တနင်္ဂနွေနေ့က ကစားခဲ့တဲ့ မြန်မာအမျိုးသမီးဘောလုံးအသင်းကတော့ Vietnam အသင်းကို ၁ ဂိုး ၃ ဂိုးနဲ့ရှုံးခဲ့ပြီးနောက် ရွှေတံဆိပ်ဆုရနိုင်မယ့် မျှော်လင့်ချက်ဝေးခဲ့ရပေမယ့် ကြေးတံဆိပ်အတွက် မျှော်လင့်ချက်ထားနိုင်ပါသေးတယ်။ အရှေ့တောင်အာရှအားကစားပြိုင်ပွဲ ဆုတံဆိပ်ရရှိမှုအနေအထားမှာတော့ မလေးရှားက ရွှေ ၁၆ ခု၊ ငွေ ၁၃ ခု ၊ ကြေး ၉ ခု နဲ့ ပထမ၊ မြန်မာက ရွှေ ၂ ခု၊ ငွေ ၂ ခု နဲ့ ဆဌမနေရာမှာရှိနေပါတယ်။

ဗွီအိုအေ (မြန်မာပိုင်း)
https://burmese.voanews.com

ရန်ကုန်မှာ ဒုစရိုက်မှုတွေ ပို ထူပြောလာနေပြီလား


ပြီးခဲ့တဲ့ သြဂုတ်လ ၁၁ ရက်နေ့ မနက်လင်းအားကြီး ၃ နာရီဝန်းကျင်လောက်က စမ်းချောင်းမြို့နယ်၊ စမ်းချောင်းလမ်းက g&g စတိုးဆိုင်ကို လူငယ်တစ်စု ၀င်ပြီး ဓားပြတိုက်ပါတယ်။ လူငယ်တွေလို့ သိလိုက်ရတာက နောက်ပိုင်း အဲဒီဆိုင်ရဲ့ စီစီတီဗွီ ကင်မရာကို ရဲတပ်ဖွဲ့က စစ်ဆေးပြီးနောက် သိရတာပါ။ သြဂုတ်လ ၁၆ ရက်နေ့မှာတော့ အဲဒီ ဓားပြတိုက် လုယက်မှု တရားခံတွေဖမ်းဆီးရမိပါတယ်၊ နောက်ဆက်တွဲ အမှုတွေနဲ့ တရားခံတွေလည်း ထပ်ပြီး ဖမ်းဆီးရမိတယ်လို့ ရဲတပ်ဖွဲ့က ထုတ်ပြန်ပါတယ်။ အဲဒထုတ်ပြန်ချက်အရ g&g စတိုးဆိုင် ၅ ဆိုင် ဓားပြတိုက်ခံရတာကို ဖမ်းဆီးရမိတာပါ။ အလားတူပါပဲ၊ ပြီးခဲ့တဲ့ လ ပိုင်းက အငှားကား တစ်စီးကို အသုံးပြုပြီး ညဘက် ဓားပြလိုက်တိုက်တဲ့ အဖွဲ့တစ်ဖွဲ့ကို မထင်မှတ်ပဲ ဖော်ထုတ် ဖမ်းဆီးနိုင်ခဲ့ပါသေးတယ်။ တရားခံတွေ ဖမ်းဆီးရမိပြီးနောက် အဲဒီ အဖွဲ့တွေ ကျူးလွန်ခဲ့တဲ့ အမှုပေါင်း၂၈ မှု ရှိတယ်ဆိုတာ သိလာရပါတယ်။ ဒါတွေကိုကြည့်ရင် ရန်ကုန်မှာ ဖြစ်ပွားခဲ့တဲ့ မှုခင်း အရည်အတွက် ဘယ်လောက်တောင် များနေသလဲ၊ တစ်ခုခု မိလိုက်မှ နောက်ဆက်တွဲ အများကြီး ကျူးလွန်ခဲ့တာတွေ ဖော်ထုတ်နိုင်တာကိုကြည့်ရင် ရဲတပ်ဖွဲ့ရဲ့ စွမ်းဆောင်ရည် ဘယ်လောက် ကျဆင်းနေပြီလဲ ဆိုတာကိုလည်း မှန်းဆနိုင်ပါတယ်။ ရန်ကုန်မှာ ဒုစရိုက်မှုတွေ ပို ထူပြောလာနေပြီလား၊ ဒီ အတွက် ဘာတွေ လုပ်သင့်သလဲဆိုတာ ခုတစ်ပါတ် ဆွေးနွေးတင်ပြသွားပါ့မယ်။


g&g စတိုးဆိုင်တွေ ဓားပြတိုက် လုယက်ခံရမှုနဲ့ ပတ်သက်ပြီး ဖော်ထုတ် ဖမ်းဆီးနိုင်ခဲ့တဲ့ အမှုတွေကတော့ ၂၀၁၇ မတ်လ ၁၈ ရက် မနက် ၄နာရီခွဲ အလုံမြို့နယ် ငုဝါလမ်း g&g စတိုးဆိုင် ဓားပြတိုက်ခံရမှု၊ ဇူလိုင်လ အတွင်း မနက် ၂နာရီ မရမ်းကုန်းမြို့နယ် ကမ္ဘာအေး ဘုရားလမ်းပေါ်က g&g စတိုးဆိုင် ဓားပြတိုက်ခံရမှု၊ သြဂုတ်လ ၁ ရက်နေ့ မနက် ၂နာရီ မရမ်းကုန်းမြို့နယ် အမှတ်(၁) ကျန်စစ်သားလမ်း g&g စတိုးဆိုင် ဓားပြတိုက်ခံရမှု၊ သြဂုတ်လ ၁၁ ရက် မနက် ၁ နာရီ မရမ်းကုန်းမြို့နယ် အင်းစိန်လမ်းနဲ့ ရေခဲလမ်းဒေါင့်က g&g စတိုးဆိုင် ဓားပြတိုက်ခံရမှု၊ သြဂုတ်လ ၁၁ ရက်နေ့ မနက် ၂နာရီ ၄၀က စမ်းချောင်းမြို့နယ် စမ်းချောင်းလမ်း g&g စတိုးဆိုင် ဓားပြတိုက်ခံရမှု တွေပဲ ဖြစ်ပါတယ်။ ဓားပြတိုက် လုယက်သူတွေဟာ မရမ်းကုန်းမြို့နယ်မှာ နေထိုင်သူတွေ ဖြစ်ကြပြီး အုပ်စုလိုက်၊ ကားတစ်စီး အသုံးပြုကာ ဓားပြတိုက် လုယက်မှုတွေ ကျူးလွန်ခဲ့ကြတယ်လို့ သိရပါတယ်။ ပြစ်မှုကျူးလွန်ရာမှာ တစ်ယောက်က ပတ်ဝန်းကျင် အခြေအနေကို စောင့်ကြည့် သတင်းပေး၊ တစ်ယောက်က အရောင်းစာရေး ၀န်ထမ်းကို ဓားနဲ့ထောက်၊ ကျန်သူတွေက အံဆွဲထဲက ရောင်းရငွေ၊ တယ်လီဖုန်း ငွေဖြည့်ကဒ်တွေ၊ ဆိုင်တွင်း ရှိနေသူတွေရဲ့ မိုဘိုင်းဖုန်း၊ ၀န်ထမ်းတွေရဲ့ လက်ဝတ်လက်စား စတာတွေကို လုယက်ခဲ့ကြတာ ဖြစ်ပါတယ်။ အခုဓားပြမှုတွေနဲ့ ပတ်သက်လို့ စုစုပေါင်း ၇ ယောက်ဖမ်းဆီးထားပြီး နှစ်ယောက်က လွတ်မြောက်နေဆဲ လို့ ဆိုပါတယ်။ အဲဒီ နှစ်ယောက်ကို ဖမ်းဆီးရမိရင် နောက်ထပ် အမှုတွေလည်း ထပ်ပြီး ပေါ်ပေါက်ကောင်း ပေါက်ပေါက်လာနိုင်ပါသေးတယ်။

ပြီးခဲ့တဲ့ ၂၀၁၇ မေလ ၂ ရက်နေ့တုန်းကလည်း ရန်ကုန်တိုင်း၊ မင်္ဂလာဒုံမြို့နယ် ပြည်လမ်းပေါ်မှာ ကားတစ်စီး ဓားပြ အတိုက်ခံရပါသေးတယ်။ ဖြစ်စဉ် အကျဉ်းကတော့ ခုလိုပါ။

ပဲခူးမြို့မှာ နေထိုင်တဲ့ အမျိုးသမီးကြီး တစ်ဦးဟာ ကိုရီးယားသွားမယ့် သူ့ရဲ့ သားကို မိသားစုဝင်တွေနဲ့အတူ မင်္ဂလာဒုံ လေယာဉ်ကွင်းကို ကိုယ်ပိုင်ကားနဲ့ လိုက်ပို့ပါတယ်။ အပြန် ကားပေါ်ပါလာတဲ့ ကလေးငယ် တစ်ယောက် အပေါ့သွားချင်တယ် ဆိုလို့ မင်္ဂလာဒုံမြို့နယ်၊ ပြည်လမ်းမပေါ် ဘီအိုစီ မှတ်တိုင်နားမှာ လမ်းဘေးရပ်ပြီး အပေါ့သွားစေပါတယ်။ အဲဒီအချိန် ကယ်လ်ဒီနား အမျိုးအစား အငှားယာဉ်တစ်စီး သူတို့ကားရှေ့ ပိတ်ရပ်၊ ကားပေါ်ပါတဲ့ လူ ၄ ယောက်က အမျိုးသမီးကြီးကို ဓားနဲ့ထောက်ပြီး ပါလာတဲ့ ပိုက်ဆံအိတ်၊ ဆွဲကြိုး၊ နားကပ်၊ လက်စွပ်၊ လက်ကိုင်ဖုန်း စုစုပေါင်း တန်ဘိုး ကျပ် သိန်း ၄၀ ကျော်ဖိုး၊ အားလုံးကို လုယူပြီး သူတို့ကားနဲ့ပဲ ပြန်ထွက်သွားပါတယ်။

အချိန်က ည ၉ နာရီလောက်ပဲ ရှိပါသေးတယ်။ ဓားပြတိုက်ခံလိုက်ရတဲ့ မိသားစု အနေနဲ့ ဖြတ်သွားတဲ့ ဘယ်ကားဆီကမှ အကူအညီ ရခဲ့ပုံ မပေါ်ပါဘူး။ ဒီလိုနဲ့ ပဲခူးက အဲဒီ မိသားစုဟာ မင်္ဂလာဒုံ မြို့မ ရဲစခန်းမှာ အမှုဖွင့်ပြီး ပြန်သွားခဲ့ပါတယ်။ နောက်ထပ် တစ်လကျော်ကြာမှ ရဲတပ်ဖွဲ့ဟာ အဲဒီအမှုကို မတော်တဆ ဖော်ထုတ်နိုင်ခဲ့ပြီး တရားခံတွေကို ဖမ်းမိခဲ့ပါတယ်။

အမှု ဖမ်းမိပုံက ခုလိုပါ။ ဇွန်လဆန်းမှာ ရန်ကုန်တိုင်း ရွှေပြည်သာမြို့နယ် လှော်ကားနယ်မြေမှာ အပြင်းအထန် နာကျင်စေမှု၊ လုယက်မှုနဲ့ သက်ထွေး (ခေါ်) တိုက်မောင်း (ခေါ်) အသေးလေးလို့ ခေါ်တဲ့ လူဆိုးတစ်ယောက်ကို ဖမ်းဆီးရမိပါတယ်။ သူ့ကို လှော်ကားနယ်မြေ ရဲစခန်းမှာ ချုပ်ထားပြီး အမှုကို စစ်ဆေးရင်း စစ်ဆေးရင်းနဲ့ မေလ ၂ ရက်နေ့က ပြည်လမ်းမှာ ကားတစ်စီးကို ဓားပြတိုက်တဲ့အထဲ သူပါတယ် ဆိုတာကို မတော်တဆ ၀န်ခံမိရာကနေ နောက်ထပ် ကွင်းဆက် တရားခံတွေကို ဖမ်းမိခဲ့တာပါ။ အဲဒီ ဓားပြအဖွဲ့မှာ လူ(၈) ယောက်ပါဝင်ပြီး ကယ်ဒီးနားအမျိုးအစား အငှားတက္ကစီ တစ်စီးကို ငှားပြီး လုယက်မှု၊ ဓားပြမှုတွေကို ပုံမှန် အလုပ်လုပ်နေသလို ကျူးလွန်နေကြသူတွေပါ။ ကျူးလွန်သူတွေကို ဖမ်းဆီးပြီးနောက် အဲဒီ အဖွဲ့ရဲ့ ၀န်ခံချက်အရ သူတို့ဟာ ၂၀၁၆ ဒီဇင်ဘာ လောက်ကတည်းက စ ပြီး ကားတစ်စီးနဲ့ လုယက်မှု၊ ဓားပြမှုတွေ ကျူးလွန်ခဲ့တယ် လို့ ဆိုပါတယ်။ အဲဒီအချိန်ကနေ သူတို့ အဖမ်းခံရတဲ့ ဇွန်လလယ်အထိ ရန်ကုန်တိုင်း ရွှေပြည်သာ၊ လှိုင်သာယာ၊ ဒဂုံမြို့သစ် ဆိပ်ကမ်းမြို့နယ်နဲ့ မင်္ဂလာဒုံမြို့နယ်တွေမှာ လုယက်မှု ဓားပြမှု (၂၈) မှု ကျူးလွန်ခဲ့တယ်လို့ ဆိုပါတယ်။

သူတို့ လုယက်၊ ဓားပြတိုက်ခဲ့တဲ့ ပစ္စည်းအမျိုးအမည်ပေါင်းကလည်း အတော်လေး စုံပါတယ်။ ပိုက်ဆံတွေ၊ ရွှေထည်နဲ့ လက်ဝတ်ရတနာ ပစ္စည်းတွေ၊ ဖုန်းတွေအပြင် ဆိုင်ကယ်တွေလည်း ပါပါတယ်။ ဒီ အုပ်စုရဲ့ ပြစ်မှုကျူးလွန်ပုံတွေကို အသေအခြာ လေ့လာဆန်းစစ်ကြည့်ရင် ကျူးလွန်သူ များတာ၊ လုယက်၊ ဓားပြတိုက်ခံရတဲ့သူ များတာ၊ လုယက် ဓားပြတိုက်လို့ ရလာတဲ့ ပစ္စည်းတွေလည်း များပြားပြီး ပြန်ရောင်းချတဲ့ နေရာတွေလည်း အနှံ့အပြား ဖြစ်နေမှာ အသေအခြာပါပဲ။ ပြောရရင် အစတွေ အများကြီး ထွက်နေတဲ့ မှုခင်းတွေလို့ ပြောရင် ရနိုင်ပါတယ်။ ဒါပေမယ့် တကယ့်ပြသနာကြီးက အဲဒီ အမှုတွဲကြီးကို ရဲတပ်ဖွဲ့က ၀ိရီယ စိုက်ထုတ်ပြီး အသေအခြာ ဖော်ထုတ်နိုင်ခြင်း မရှိခဲ့တာပါပဲ။ တကယ်လို့သာ အဲဒီထဲက တစ်ယောက် လှော်ကားမှာ သူ့ဖာသာသူ သီးသန့် အကြမ်းဖက် လုယက်မှု မကျူးလွန်ခဲ့ရင်၊ ကျူးလွန်ပေမယ့် ရဲက ဖမ်းမမိခဲ့ရင်၊ ဖမ်းမိတဲ့တိုင် ပြည်လမ်းမှာ ကားနဲ့ ဓားပြတိုက်တာကို ၀န်မခံခဲ့ရင် အခုအမှုတွဲကြီး တစ်ခုလုံး ဖမ်းမိသေးမှာ မဟုတ်ပဲ ဓားပြအဖွဲ့ဟာ ဆက်ပြီး ဓားပြတိုက် လုယက်နေဦးမှာ ဖြစ်လို့ပါပဲ။

ဒါတွေဟာ ရန်ကုန်မှာ ကျူးလွန်တဲ့ ဒုစရိုက်မှုတွေထဲက အုပ်စုနှစ်ခု ကျူးလွန်ခဲ့တာလောက်ပဲ ဖြစ်ပြီး တခြား အမှုတွေ အမြောက်အများ ရှိနေသေးသလို မဖော်ထုတ်နိုင်သေးတဲ့ အမှုတွေလည်း အများကြီး ရှိနေပါသေးတယ်။ အမှုအတော်များများ ပြည်သူတွေက မတိုင်ကြလို့ စာရင်းမ၀င်တာတွေလည်း မနည်းမနောပါ။ ဒါတွေကိုကြည့်ရင် ရန်ကုန်မှာ ဒုစရိုက်မှုတွေ ထူပြောလာတာ ငြင်းလို့ မရနိုင်ပါဘူး။ ဒီအတွက် လူတွေ ပြစ်မှုကျူးလွန်လာရတဲ့ ရေခံမြေခံဖြစ်တဲ့ အလုပ်အကိုင်ရှားပါးမှု၊ ဆင်းရဲမွဲတေမှု စတဲ့ ပြသနာတွေကို ဖြေရှင်းပေးရမှာ ဖြစ်သလို၊ ရဲတပ်ဖွဲ့ စွမ်းရည် ကျဆင်းနေရင်၊ ၀ီရိယ စိုက်ထုတ်မှု အားနည်းရင်လည်း မှုခင်းဖြစ်ပွားမှု တားဆီးကာကွယ်နိုင်မှာ မဟုတ်သလို အားပေးအားမြှောက် ပြုသလိုတောင် ဖြစ်နေပါဦးမယ်။ ဒါကြောင့် ရန်ကုန်မှာ ဒုစရိုက်မှု ထူပြောလာတဲ့ ပြသနာတွေကို ဖြေရှင်းနိုင်ဖို့ အစိုးရကနေ တိုင်းပြည်စီးပွားရေး ဖွံ့ဖြိုးတိုးတက်အောင် လုပ်ပေးရမယ့်အပြင် ရဲတပ်ဖွဲ့ဘက်ကလည်း ပြုပြင်ပြောင်းလဲမှုတွေလုပ်ဖို့ လိုနေပြီဖြစ်ပါကြောင်း တင်ပြလိုက်ရပါတယ်။

ဦးစည်သူအောင်မြင့်  / ဗွီအိုအေ (မြန်မာပိုင်း)
https://burmese.voanews.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ