တကၠဆက္စ္ျပည္နယ္မွာ ေရႀကီးမွု အဆိုးဝါးဆုံး အေျခအေနက မလြတ္ေသး



Share/Bookmark
 ေရႀကီးမွုေၾကာင့္ လူ၃ေသာင္းေက်ာ္ေလာက္ ယာယီစခန္းေတြမွာ ခိုလွုံေနရ
အေမရိကန္နိုင္ငံမွာ ဟာဗီ အပူပိုင္း မုန္တိုင္းက အခုအခါ လူဝီဆီယားနား ျပည္နယ္မွာ ေရာက္ရွိေနၿပီ ျဖစ္ၿပီး ကမ္းရိုးတန္းေတြမွာ ပင္လယ္ေရျပင္ျမင့္တက္မွုေတြ ရွိနိုင္တယ္လို႔ သတိေပးခ်က္ေတြ ထုတ္ျပန္ထားပါတယ္။

တကၠဆက္စ္ျပည္နယ္မွာ အခုအခါ ရာသီဥတု အေျခအေန ေကာင္းလာၿပီလို႔ မိုးေလဝသ ပညာရွင္ေတြက ခန္႔မွန္း ေျပာေနေပမယ့္ တကၠဆက္စ္ျပည္နယ္ အုပ္ခ်ဳပ္ေရးမွူး Greg Abbot ကေတာ့ ေရႀကီး ေရလၽွံမွု အဆိုးဝါးဆုံး အႏၲရာယ္ ကေန လြတ္ေျမာက္အုံးမွာ မဟုတ္ေသးဘူးလို႔ သတိေပးလိုက္ပါတယ္။

မိုးေတြ ဆက္ရြာေနအုံးမွာ ျဖစ္ၿပီး တခ်ိဳ႕ေနရာေတြမွာ ေနာက္တပတ္ေလာက္အထိ ေရႀကီးမွုေတြ ဆက္ျဖစ္ေနအုံးမယ္လို႔ ဆိုပါတယ္။

တကၠဆက္စ္ျပည္နယ္မွာ လူ ၂၀ေက်ာ္ေသဆုံးခဲ့တယ္လို႔ သိရၿပီး Houston၊ Port Arthur၊ Beaumont ၿမိဳ႕ေတြမွာ ေနရာ အေတာ္မ်ားမ်ား ေရႀကီးေနပါတယ္။

ေနအိမ္ စြန္႔ခြာခဲ့ရသူ ၃ေသာင္းေက်ာ္ေလာက္ ယာယီ စခန္းေတြမွာ ခိုလွုံေနရတယ္လို႔ တာဝန္ရွိပုဂၢိဳလ္ေတြက ေျပာပါတယ္။

ကယ္ဆယ္ေရးေတြ ေဆာင္ရြက္ဖို႔ စစ္တပ္ဖြဲ႕ဝင္ေတြ ပိုခ်ထားမယ့္ အေၾကာင္းကိုလည္း ျပည္နယ္ အုပ္ခ်ဳပ္ေရးမွူး Greg Abbot က သတင္းစာရွင္းလင္းပြဲမွာ ေျပာသြားပါတယ္။

တကၠဆက္စ္ျပည္နယ္မွာ ေရႀကီးေရလၽွံမွုေတြေၾကာင့္ အေမရိကန္နိုင္ငံရဲ့ အႀကီးဆုံး ေရနံ ခ်က္စက္႐ုံႀကီးကို ယာယီ ပိတ္ထားလိုက္ရပါတယ္။

တခါCrosby ၿမိဳ႕မွာ ဓါတု စက္႐ုံတခု ေပါက္ကြဲမယ့္ အႏၲရာယ္ ရွိေနတဲ့ အတြက္ စိုးရိမ္ေနၾကပါတယ္။

အေမရိကန္နိုင္ငံရဲ့ စတုတၳေျမာက္ လူဦးေရ အမ်ားဆုံး ၿမိဳ႕ႀကီး ျဖစ္တဲ့ ဟူစတန္ၿမိဳ႕မွာ လူေတြ အိမ္ပစ္ၿပီး ယာယီစခန္းေတြမွာ သြားခိုလွုံေနရတဲ့အတြက္ ခိုးဆိုး လုယက္မွုေတြ ျဖစ္မလာေအာင္ တားဆီးတဲ့အေနနဲ႔ ညမထြက္ရအမိန္႔ ယာယီ ထုတ္ျပန္ထားပါတယ္။

ဟာဗီမုန္တိုင္းဟာ တကၠဆက္စ္ျပည္နယ္ကို ႏွစ္ေပါင္း ၅၀ေက်ာ္အတြင္း အားအျပင္းဆုံး တိုက္ခဲ့တဲ့ မုန္တိုင္းျဖစ္ပါတယ္။

BBC Burmese
http://www.bbc.com/burmese

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ