ပြွန်တန်ဆာမြို့တွင် လျှပ်စစ်ဝါယာရှော့ဖြစ်၍ နေအိမ်(၂)လုံးမီးလောင်

ပဲခူးတိုင်းဒေသကြီး ညောင်လေးပင်မြို့နယ် ပြွန်တန်ဆာမြို့မှာ သြဂုတ် (၃၀)ရက် ညသန်းခေါင်ကျော် (၁၂)နာရီခွဲခန့်က ဝါယာရှော့ဖြစ်ရာကနေ နေအိမ်(၂)လုံး လောင်ကျွမ်းခဲ့တယ်လို့သိရပါတယ်။

 ဖြစ်စဉ်ကတော့ ပြွန်တန်ဆာမြို့ မြို့မ(၃)ရပ်ကွက် ရန်ကုန်-မန္တလေးကားလမ်းမဘေးရှိ သွပ်မိုး ပျဉ်ကာ ပျဉ်ခင်း နှစ်ထပ်အိမ်မှာ လျှပ်စစ်ဝါယာရှော့ဖြစ်ပြီး မီးစတင် လောင်ကျွမ်းတာဖြစ်ပြီး အနီးမှာရှိတဲ့ သွပ်မိုးပျဉ်ကာပျဉ်ခင်းနှစ်ထပ်အိမ်ကို ကူးစက်လောင်ကျွမ်းခဲ့တာဖြစ်ပါတယ်။

မီးလောင်မှုကြောင့်ပျက်ဆီးဆုံးရှုံးမှုတန်ဖိုးကျပ်(၂၄)သိန်းခန့်ရှိပြီးလူနဲ့တိရိစ္ဆာန်ထိခိုက်ဒဏ်ရာရရှိမှုမရှိဘူးလို့သိရပါတယ်။

မီးလောင်ကျွမ်းရာနေရာကို မြို့နယ်မီးသတ်တပ်ဖွဲ့ဝင်တွေက မီးသတ်ယာဉ် (၃) စီး ရေသယ်ယာဉ် (၁) စီးအပါအ၀င် ရဲတပ်ဖွဲ့ဝင်တွေ နဲ့ ပြည်သူတွေ ဝိုင်းဝန်းငြှိမ်း သတ်ခဲ့ကာ သြဂုတ် (၃၁)ရက် နံနက်(၁နာရီ) (၅၀)မှာ မီးငြိမ်းခဲ့တယ်လို့သိရပါတယ်။

 မီးပေါ့ဆစွာသုံးစွဲသူကို ပြွန်တန်ဆာနယ်မြေ ရဲစခန်းက (ပ) ၂၁၁/၂၀၁၇ ရာဇသတ်ကြီးပုဒ်မ (၂၈၅) နဲ့အမှုဖွင့် အရေးယူဆောင်ရွက်ထားတယ်လို့သိရပါတယ်။ ဒီသတင်းကို ကိုထွေး(ညောင်လေးပင်)ကပေးပို့တာပါ။

Central News Bureau
https://www.facebook.com/skynetcnb/