လစ်ဗျား နိုင်ငံ စစ်ဘက်ဆိုင်ရာ သယ်ယူပို့ဆောင်ရေး လေယာဉ် တစ်စင်း နိုင်ငံတောင်ပိုင်း တွင် ပျက်က ခဲ့ရာ လူ ၃ ဦး သေဆုံး

လစ်ဗျား နိုင်ငံ တွင် ဧပြီလ ၂၉ ရက်နေ့ ၌ စစ်ဘက်ဆိုင်ရာ C-130 ပျက်ကျ ခဲ့သည် ကို မြင်တွေ့ရစဉ်(ဓာတ်ပုံ-အင်တာနက်)
တူနီးရှား ၊ ဧပြီ ၃၀ ရက် (ဆင်ဟွာ)

    လစ်ဗျား နိုင်ငံ ၌ ဧပြီလ ၂၉ ရက်နေ့ ညနေပိုင်း အချိန် က စစ်ဘက်ဆိုင်ရာ C-130 သယ်ယူပို့ဆောင်ရေး လေယာဉ် တစ်စင်း သည် နိုင်ငံတောင်ပိုင်း ရေနံမြေ တစ်ခု အနီးတွင် ပျက်ကျ ခဲ့ရာ လေယာဉ်ပေါ် လိုက်ပါခဲ့သည့် တပ်ဖွဲ့ဝင် ၃ ဦး သေဆုံးခဲ့ရကြောင်း သိရှိရသည်။

လစ်ဗျား နိုင်ငံ အမျိုးသား ရေနံ ကုမ္ပဏီ ၏ ထုတ်ပြန်ချက်အရ ပျက်ကျခဲ့သည့် လေယာဉ်သည် Sharara ရေနံမြေ အတွက် လိုအပ်သည့် ပစ္စည်း များ ပို့ဆောင်ပြီးနောက် ပြန်လည်ထွက်ခွာ စဉ် တွင် ပျက်ကျ ခဲ့ခြင်း ဖြစ်ကြောင်း သိရှိရသည်။

Sharara ရေနံမြေ ရှိ အရာရှိ တစ်ဦး က ဆင်ဟွာ သတင်းဌာန သို့ ပြောကြားရာတွင် လေယာဉ် သည် စတင်ပျံသန်း ပြီးနောက် အောက်သို့ ထိုးကျ လာခဲ့ပြီး ရေနံမြေ နှင့် ၂ ကီလိုမီတာ ကွာဝေးသော သဲကန္တာရ ၌ တွင် ပျက်ကျ ခဲ့ကြောင်း ၊ လေယာဉ်ပေါ်တွင် ဝန်ထမ်း ၄ ဦး လိုက်ပါသွား ခဲ့ပြီး ၃ ဦး သေဆုံး ခဲ့ကာ ၁ ဦး မှာ ပျောက်ဆုံးနေကြောင်း ပြောကြား ခဲ့သည်။Sharara ရေနံမြေ ကို လစ်ဗျား နိုင်ငံ အမျိုးသာ ရေနံ ကုမ္ပဏီ နှင့် နိုင်ငံခြား ရင်းနှီးမြှုပ်နှံမှု ကုမ္ပဏီ ၃ ခု တို့မှ ပူးပေါင်း တူးဖော်နေသည့် လစ်ဗျား နိုင်ငံ ၏ အကြီးဆုံးသော ရေနံမြေ တစ်ခုဖြစ်ပြီး တစ်ရက်လျင် ပျှမ်းမျှ ရေနံစည်ပေါင်း ၂၇၀,၀၀၀ ထွက်ရှိကြောင်း သိရှိရသည်။

(Xinhua)
http://xinhuamyanmar.com

တိုက်ပွဲတွေကြောင့် ပိတ်မိသူတွေ လွှတ်ပေးရေး သပိတ်စခန်း ပိတ်သိမ်း

ပိတ်မိနေတဲ့ ဒေသခံတွေကို အမြန်ဆုံးလွှတ်ပေးဖို့ ၂၀၁၈ ခုနှစ်၊ ဧပြီလ ၃၀ ရက်နေ့ ညနေပိုင်းမှာ ဖွင့်လှစ်တဲ့ သပိတ်စခန်းကို ပိတ်ပင်တားမြစ်စဉ်/ Photo: Kachin Youth Movement
ကချင်ပြည်နယ်က မြို့နယ်အတော်များများမှာ အစိုးရတပ်မတော်နဲ့ ကေအိုင်အေတို့အကြား တိုက်ပွဲတွေ ဖြစ်ပွားနေ တာကြောင့် တောတောင်တွေထဲ ထွက်ပြေးတိမ်းရှောင်ရင်း ပိတ်မိနေတဲ့ ဒေသခံတွေကို အမြန်ဆုံးလွှတ်ပေးဖို့ အတွက် မြစ်ကြီးနားမြို့ မှာ ဒီနေ့ညနေပိုင်းက ဖွင့်လှစ်တဲ့ သပိတ်စခန်းကို ပြည်နယ်ဝန်ကြီးချုပ် လက်မှတ်နဲ့ ခွင့်မပြုကြောင်း စာထုတ်ပြီး တားမြစ်တာကြောင့် ပိတ်သိမ်းလိုက်ပါတယ်။

မြစ်ကြီးနားမြို့ အ.ထ.က ၈ ကျောင်းရှေ့မှာ သပိတ်စခန်းဖွင့်တာကို တားမြစ်တာကြောင့် ပိတ်သိမ်းလိုက်ပေမယ့် တခြားနေရာမှာ ထပ်မံဖွင့်လှစ်သွားဖို့ စီစဉ်နေတယ်လို့ သပိတ်စခန်းဖြစ်မြောက်ရေးတာဝန်ခံ မဆွတ်ဆိုင်းထွယ် က ပြောပါတယ်။

ပြည်နယ်ရဲမှူးကြီး သန်းဦး က ငြိမ်းစုစီဥပဒေနဲ့ မညီတာကြောင့် တားမြစ်တာဖြစ်တယ်လို့ အခုလိုပြောပါတယ်။

အဲဒီသပိတ်စခန်းမှာ ကချင်လူငယ် ၂၀၀ နီးပါး ပါဝင်ပါတယ်။

ပိတ်မိနေတဲ့ ဒေသခံတွေကို အမြန်ဆုံးလွှတ်ပေးဖို့အတွက် မနက်ပိုင်းမှာ ဒေသခံတွေအရပ်ဖက်အဖွဲ့တွေ နိုင်ငံရေး ပါတီတွေက ပါဝင်ဆန္ဒပြတောင်းဆိုခဲ့ကြပါတယ်။

ဆန္ဒပြပွဲနဲ့ သပိတ်စခန်းကို "ပိတ်မိပြည်သူများ လွှတ်ပေးရေးကော်မတီ" က ဦးဆောင်ပြုလုပ်တာဖြစ်ပါတယ်။ အဲဒီ ကော်မတီကို ကချင်အရပ်ဖက်အဖွဲ့အစည်းတွေနဲ့ ဖွဲ့စည်းထားတာဖြစ်ပါတယ်။

ဖားကန့်၊ တနိုင်း၊ အင်ဂျန်းယန်၊ မိုးကောင်းစတဲ့ ဒေသတွေမှာ အစိုးရနဲ့ တပ်မတော်တို့ တိုက်ပွဲတွေကြောင့် ထောင်နဲ့ ချီတဲ့ ဒေသခံတွေ တောတောင်တွေထဲမှာ ပုန်းအောင်းခိုလှုံနေကြပါတယ်။

RFA Burmese
https://www.rfa.org/burmese
 

အယ်လ်ဂျီးရီးယား ပင်လယ်တွင် တရားမ၀င်ခိုးဝင်လာသူ ၁၅ ဦး ရေနစ်သေဆုံး

သင်္ဘောဖြင့် တရားမ၀င်ဝင်ရောက်လာသူများအား တွေ့ရှိရစဉ်(ဓာတ်ပုံ- ဆင်ဟွာ )
အယ်လ်ဂျီးယား၊ ၊ ဧပြီ  ၃၀ ရက်(ဆင်ဟွာ)

    တရားမ၀င်ခိုးဝင်လာသူ အပြည့်တင်ဆောင်လာသောရေယာဉ်တစ်စီးသည် ဧပြီလ ၂၉ ရက်က အယ်လ်ဂျီးရီးယား နိုင်ငံ အနောက်ဘက် ပင်လယ်ပြင်တွင် နစ်မြုပ်ခဲ့ရာ လူ ၁၅ ဦး သေဆုံးခဲ့ကြောင်း သိရှိရသည်။

ထိုရေယာဉ်မှာ အယ်လ်ဂျီးရီးယားနိုင်ငံ မြို့တော် အယ်လ်ဂျီးယား အနောက်ဘက်  ၄၀၀ ကီလိုမီတာ အကွာ အဝေးရှိ  အိုရန် ပြည်နယ်(Oran Province)အနီးရှိ ပင်လယ်ပြင်တွင် နစ်မြုပ်ခဲ့ကာ လူ ၁၅ ဦး ရေနစ်သေဆုံး ခဲ့ကြောင်း၊ ကျန် ၁၉ ဦးအား ၎င်းဒေသရှိ နီးစပ်ရာဆေးရုံသို့ ပို့ဆောင် ကုသနေပြီဖြစ်ကြောင်း အယ်လ်ဂျီးရီးယား ပင်လယ်ကမ်းခြေကင်းလှည့်အဖွဲ့၏သတင်းများကို ကိုးကား၍ အယ်လ်ဂျီးရီးယား သတင်းစာ က ရေးသားဖော်ပြ ထားသည်။

အယ်လ်ဂျီးရီးယားရုပ်မြင်သံကြားဌာနတစ်ခုက   အဆိုပါရေယာဉ်မှာ အာဖရိကနိုင်ငံများမှ တရားမ၀င်ခိုးဝင် လာသူများကို တင်ဆောင်လာပြီး  မော်ရိုကိုမှ  စပိန်သို့ မောင်းနှင်ရာတွင် လေပြင်းမုန်တိုင်းမိပြီး  ယခုကဲ့သို့ နစ်မြုပ်ခဲ့ခြင်းဖြစ်ကြောင်း  ဆိုသည်။အယ်လ်ဂျီးရီးယားနိုင်ငံသည် အီတလီ၊စပိန် စသည့်နိုင်ငံများနှင့် နီးသောကြောင့် အာဖရိက၏တရားမ၀င်ခိုးဝင် လာသူများ ဥရောပသို့သွားရာတွင် ခရီးတစ်ထောက်နားရာ နေရာတစ်ခုဖြစ်နေသည်။  အယ်လ်ဂျီးရီးယားနိုင်ငံ တောင်ပိုင်း နယ်စပ်လုံခြုံရေးတပ်ဖွဲ့ဝင်များက နေ့စဉ် တရားမ၀င်နယ်စပ်ဖြတ်ကျော်ဝင်ရောက်သည့်အမှုပေါင်း ၅၀ ကျော်ကို တားဆီးဖြေရှင်းနေရသည်ဟု  ပြည်ထဲရေးဝန်ကြီး က ဧပြီလ လဆန်းပိုင်းက ပြောကြားခဲ့သည်။ ၂၀၁၄ ခုနှစ်ကစပြီး အယ်လ်ဂျီးရီးယားနိုင်ငံသည် တရားမ၀င်နယ်စပ်ဖြတ်ကျော်ဝင်ရောက်သူ နှစ်သောင်းကျော် ကို ပြန်လည်ပို့ဆောင်ခဲ့ကြောင်း သိရှိရသည်။
(Xinhua)
http://xinhuamyanmar.com

ပါကစ္စတန်နွယ်ဖွား ဗြိတိသျှ ပြည်ထဲရေးဝန်ကြီး

ဝင်းရက်ရှ် အရှုပ်တော်ပုံကို ဖြေရှင်းမယ်
အသစ်တက်လာတဲ့ ပြည်ထဲရေးဝန်ကြီး ဆာဂျစ် ဂျာဗစ် က ပါကစ္စတန် နွယ်ဖွား ဖြစ်ပြီး သူ့ရဲ့မိသားစုက ၁၉၆၀ ခုနှစ်လောက်ကတည်းက ဗြိတိန်မှာ အခြေချနေထိုင်ခဲ့တာ ဖြစ်ပါတယ်။

ဝန်ကြီး မစ္စတာ ဂျာဗစ် ရဲ့ ဖခင်ကတော့ ကားဒရိုင်ဘာ တဦးဖြစ်ပြီး မစ္စတာ ဂျာဗစ်က အိုးအိမ်နဲ့ ပတ်သက်တဲ့ ဝန်ကြီးတဦးလည်း ဖြစ်ပါတယ်။

ဗြိတိန်မှာ အခြေချနေထိုင်တဲ့သူတွေနဲ့ ပတ်သက်ပြီး မူဝါဒနဲ့ Windrush အရှုပ်တော်ပုံကို ကိုင်တွယ် ပုံကြောင့် ဝေဖန်ခံနေရတဲ့ အချိန်မှာ ပြည်ထဲရေး ဝန်ကြီးဟောင်း အမ်ဘာရက် နုတ်ထွက် သွားရ တာဖြစ်ပါတယ်။

ဝင်းရက်ရှ် အရှုပ်တော်ပုံကြောင့် မစ္စစ်ရက် နုတ်ထွက်သွားရတာလို့ ပြည်ထဲရေးနဲ့ ပတ်သက်ပြီး တာဝန်ယူထားတဲ့ အတိုက်အခံ လေဘာပါတီက Diane Abbott က ပြောပါတယ်။
 ပြည်ထဲရေး ဝန်ကြီး အမ်ဘာ ရက် နုတ်ထွက်
အလုပ်မှာ ဖြစ်ခဲ့တာကြောင့် ပြန်တာဝန်ယူရမှာ ဖြစ်တာကြောင့် သူနုတ်ထွက်တာ မှန်တယ်လို့လည်း လေဘာပါတီက ပြောပါတယ်။

ဒုတိယကမ္ဘာစစ်အပြီး ဗြိတိန်မှာ အလုပ်သမား ပြတ်လပ်မှုကြောင့် ဂျမေကာ၊ ထရီနီဒက်၊ တိုဘာကိုနဲ့ တခြားကျွန်း နိုင်ငံက အလုပ်သမားတွေကို ၁၉၄၈ ခုနှစ်က HMT Empire Windrush သင်္ဘောနဲ့ ခေါ်ဆောင် လာခဲ့ပါတယ်။

ဒါကြောင့် ၁၉၄၈ ခုနှစ် ကနေ ၁၉၇၁ ခုနှစ် အတွင်း ကာရစ်ဘီယံ တိုင်းပြည်တွေကနေ ဗြိတိန်ကို ရွှေ့ပြောင်း နေထိုင်တဲ့သူတွေကို ဝင်းရက်ရှ် မျိုးဆက်လို့ ခေါ်ဝေါ်ပါတယ်။

ဝင်းရက်ရှ် မျိုးဆက်တွေ ဆန္ဒပြ
ဝင်းရက်ရှ် မျိုးဆက်တွေထဲမှာ ကလေးဘဝကတည်းက မိဘရဲ့ နိုင်ငံကူး လက်မှတ်နဲ့ ဗြိတိန်ကို ရောက်ရှိလာခဲ့သလို နှစ်ပေါင်းများစွာ အခြေချနေထိုင်ခဲ့ပေမယ့် နိုင်ငံသားဖြစ်တယ် ဆိုတဲ့ အထောက်အထား လက်မှတ်တွေ လျှောက်ထားခဲ့တာ မရှိပါဘူး။

လွတ်လပ်ရေးမရသေးတဲ့ ဗြိတိသျှ ကိုလိုနီ နိုင်ငံကနေ လာတာကြောင့် ဗြိတိသျှ နိုင်ငံသားတွေ ဖြစ်တယ်ဆိုပြီး ၂ဝ၁ဝ ပြည့်နှစ်က ဝင်းရက်ရှ် ရွှေ့ပြောင်းနေထိုင်သူတွေဆီမှာ ရှိတဲ့ တချို့ စာရွက်စာတမ်း အထောက်အထားတွေကို ပြည်ထဲရေး ဝန်ကြီးဌာနက ဖျက်ဆီးခဲ့ပါတယ်။

ဒါပေမယ့် ၂ဝ၁၂ ခုနှစ် ပြောင်းလဲလိုက်တဲ့ ရွှေ့ပြောင်းနေထိုင်သူများ ဆိုင်ရာ ဥပဒေအရ အထောက်အထား မရှိတဲ့သူတွေဟာ အလုပ်လုပ်ခွင့် မရသလို ကျန်းမာရေး စောင့်ရှောက်မှုတွေ မရရှိတော့ပါဘူး။

အထောက်အထားမရှိတဲ့သူတွေကို ဗြိတိန်မှာ တရားမဝင်နေထိုင်သူတွေလို့ ကြေညာလိုက် တာကြောင့် အထောက်အထားမဲ့တဲ့ ဝင်းရက်ရှ် မျိုးဆက်တွေဟာ တရားမဝင် နေထိုင်သူတွေ ဖြစ်သွားခဲ့ပါတယ်။
 ဗြိတိသျှ ဝန်ကြီးချုပ် ထရီဇာမေ
ဒါကြောင့် ဒီမူဝါဒကို ပြန်လည် စဉ်းစားဖို့ တောင်းဆိုခဲ့ပေမယ့် မစ္စစ် ရက်နဲ့ ဗြိတိသျှ ဝန်ကြီးချုပ် ထရီဇာမေတို့က ကာကွယ် ပြောဆိုမှုတွေ ပြုလုပ်ခဲ့ပါတယ်။

ဒါအပြင် ပြီးခဲ့တဲ့ အပတ်က ပြည်ထဲရေး အနေနဲ့ တရားမဝင်နေထိုင်သူတွေကို ဖယ်ရှားဖို့ မကြိုးစားဘူးလို့ လွှတ်တော်အမတ်တွေကို မစ္စစ် ရက်က ပြောကြားခဲ့ပါတယ်။

ဒါပေမယ့် ဗြိတိန်က ဂါးဒီးယန်း သတင်းစာကတော့ မစ္စစ် ရက်က လာမယ့်နှစ်အတွင်း တရားမဝင် နေထိုင်သူ ၁၀ ရာခိုင်နှုန်းကို ပြန်ပို့ဖို့ စီစဉ်နေတဲ့အကြောင်း ဝန်ကြီးချုပ် ထရီဇာမေ ဆီကို ပေးပို့တဲ့ စာတစောင်ကို ထုတ်ပြန် လိုက်ပါတယ်။

အရင် တပတ်က ဗြိတိသျှ ပါလီမန်မှာ တရားမဝင် ရွှေ့ပြောင်းနေထိုင်သူတွေကို ဖယ်ရှားတာနဲ့ ပတ်သက်ပြီး ရှင်းလင်းခဲ့ရာမှာ လွှတ်တော်အမတ်တွေကို လွဲမှား ပြောဆိုမိ တယ်လို့ မစ္စစ် ရက်က ဝန်ခံပြီး နုတ်ထွက်ခဲ့တာ ဖြစ်ပါတယ်။

အသစ်တက်လာတဲ့ ပြည်ထဲရေး ဝန်ကြီး ဂျာဗစ် ကတော့ သူရဲ့ပထမ ဦးစားပေး အရေးကတော့ ဝင်းရက်ရှ် အရှုပ်တော်ပုံကို ဖြေရှင်းဖို့ ဖြစ်တယ်လို့ ပြောဆိုထားပါတယ်။

BBC Burmese
http://www.bbc.com/burmese
 

ဘီဘီစီ သတင်းထောက်ဟောင်း ဦးစိန်ကျော်လှိုင် ကွယ်လွန်

 ဦးစိန်ကျော်လှိုင်
ဘီဘီစီ နဲ့ အာရ်အက်ဖ်အေ ၊ ခေတ်ပြိုင် သတင်း ဂျာနယ်တွေမှာ သတင်းထောက် အယ်ဒီတာ တာဝန်တွေ ယူခဲ့တဲ့ ဦးစိန်ကျော်လှိုင်ဟာ အသက် ၆၆ နှစ် အရွယ်မှာ သူ့ဇာတိ တောင်သာ မြို့နယ် ဝဲလောင်ရွာမှာ ကွယ်လွန်သွားပါတယ်။

ဦးစိန်ကျော်လှိုင်ဟာ ဥမ္မာခင် ခေါ် ဗစ်ကီဘိုးမန်းနဲ့အတူ မြသန်းတင့်ရဲ့ အညတြ ရုပ်ပုံလွှာများကို အင်္ဂလိပ်လို ပြန်ဆိုခဲ့သလို ဟန်တင်အောင် အမည်နဲ့ နိုင်ငံရေး သုံးသပ်ချက်တွေ ရေးခဲ့ပါတယ်။

စုံစမ်း ထောက်လှမ်း သတင်းယူရာမှာ ထင်ရှားတဲ့ ဦးစိန်ကျော်လှိုင်ရဲ့ တင်ဆက်မှုတွေကို နှစ်ခြိုက် အားပေးသူတွေ များပြားခဲ့ပါတယ်။

မြန်မာ နိုင်ငံ မှာ သတင်း အမှောင်ချ ခံရတဲ့ ကာလတွေမှာ သူ့ရဲ့ ရေဒီယို မေးမြန်းခန်းတွေကို လူတွေက စောင့်မျှော် အားပေးခဲ့တယ် လို့လည်း သိရပါတယ်။
ဥမ္မာခင်နဲ့ စိန်ကျော်လှိုင် ဘာသာပြန်တဲ့ အညတြရုပ်ပုံလွှာများ
စက်မှုတက္ကသိုလ် ကျောင်းသားဘဝ ထဲက စက်မှု တက္ကသိုလ် မဂ္ဂဇင်း အယ်ဒီတာ၊ ကဗျာ နဲ့ ဘာသာပြန် ရေးသူ အဖြစ် စတင်ခဲ့တဲ့ ဦးစိန်ကျော်လှိုင်ဟာ အင်္ဂလိပ် စာကို ဂျာနယ်ကျော် မမလေးရဲ့သား စာရေးဆရာ ဦးမိုးဟိန်း ဆီကနေ သင်ယူခဲ့တယ်လို့ သူနဲ့ ကျောင်းနေဘက် စံပယ်ဖြူ မဂ္ဂဇင်း အယ်ဒီတာ ဟောင်း ဦးမြင့်အောင်က ပြောပါတယ်။

ဓာတု အင်ဂျင်နီယာ အဖြစ် စလေ ဓာတ်မြေသြဇာ စက်ရုံမှာ လုပ်ခဲ့ပြီး ၁၉၈၈ အရေးအခင်း နောက်ပိုင်း အလုပ်က ထွက်ပြီး ရန်ကုန်မှာ စာအုပ်ဟောင်း ရောင်းခဲ့တယ် လို့လည်း ဆိုပါတယ်။
၈၈ အပေါ် သမိုင်းပါမောက္ခရဲ့ သုံးသပ်ချက်

အဲဒီနောက် ဗြိတိသျှ သံရုံးမှာ ဆက်သွယ်ရေး အရာရှိ လုပ်ခဲ့ပြီး ဗြိတိန်ကို သင်တန်းလာရင်း မပြန်တော့ဘဲ ဘီဘီစီ အသံလွှင့်ဌာနမှာ လုပ်ကိုင်ခဲ့တာ လို့ သိရပါတယ်။
ဘီဘီစီ အသံလွှင့်ဌာန အဆောက်အအုံဟောင်း
ဘီဘီစီမှာ လုပ်ရင်း မြသန်းတင့်၊ နေဝင်းမြင့်နဲ့ မသီတာ စမ်းချောင်း စတဲ့ မြန်မာ စာရေးဆရာတွေရဲ့ လက်ရာတွေကို ဥမ္မာခင် ခေါ် ဗစ်ကီဘိုးမန်းနဲ့ အင်္ဂလိပ်လို ပြန်ဆိုခဲ့ပါတယ်။

အာရ်အက်ဖ်အေကို ရွှေ့ပြောင်း လုပ်ကိုင်ခဲ့ပြီးနောက် ဦးစိန်ကျော်လှိုင်ဟာ ထိုင်း အခြေစိုက် ခေတ်ပြိုင် ဂျာနယ်နဲ့ မီဒီယာမှာ အယ်ဒီတာ အဖြစ် လုပ်ကိုင်ခဲ့ပါတယ်။

အဲဒီအချိန်ကလည်း ခေတ်ပြိုင် ဂျာနယ်ကို ထိုင်းရောက် မြန်မာ အလုပ်သမားတွေ စောင့်မျှော် ဖတ်ရှုခဲ့ကြတာပါ။

၂ဝ၁၁ မြန်မာပြည် နိုင်ငံရေး အပြောင်းလဲတွေ ဖြစ်ပြီးနောက် ဦးစိန်ကျော်လှိုင် မြန်မာပြည် ပြန်တယ်၊ လေဆိပ်မှာ ထိန်းသိမ်းခံရတယ် ဆိုပြီး သတင်းဖြစ်ခဲ့ပါတယ်။

ဒီသတင်းတွေ မဟုတ်ကြောင်း ဦးစိန်ကျော်လှိုင်က တုံ့ပြန် ရှင်းလင်းခဲ့ပါတယ်။

အဲဒီနောက် ဘားအံမှာ ဂျပန် အကူအညီပေးရေး အဖွဲ့ အတွက် အလုပ်လုပ်ခဲ့ရင်း နိုင်ငံရေး သုံးသပ်ချက်တွေ ရေးသားခဲ့ပါတယ်။
တနယ်တည်းသား ဦးအောင်သောင်း
ဦးစိန်ကျော်လှိုင်ဟာ စစ်အာဏာရှင် စနစ်ကို မလိုလားသူမို့ သူနဲ့ တနယ်တည်းသား ဖြစ်တဲ့ ဦးအောင်သောင်းရဲ့ လုပ်ရပ်တွေကို ဝေဖန် ရေးသား ခဲ့တယ်၊ ဒါကို ဦးအောင်သောင်းဘက်က ဘယ်လို သဘောထားမယ် မသိဘူးလို့လည်း စံပယ်ဖြူ အယ်ဒီတာဟောင်း ဦးမြင့်အောင်က ပြောပါတယ်။

မြန်မာ နိုင်ငံ အပြောင်းအလဲမှာ ပြည်သူတွေဟာ ဒီထက် ထိုက်တန်တဲ့ အပြောင်းအလဲကို ရသင့်ပေမယ့် မရခဲ့တာကိုလည်း သူရှိစဉ်က ထောက်ပြ ခဲ့ဖူးတယ်လို့ ဆိုပါတယ်။

ဒီမအောင်မြင်မှုတွေ အတွက် မည်သူ့ကိုမှ အပြစ်တင် ပြောဆိုခဲ့တာတော့ မရှိဘူးလို့လည်း ဆိုပါတယ်။

BBC Burmese
http://www.bbc.com/burmese

သတင်းစာဆရာ ဦးစိန်ကျော်လှိုင် ကွယ်လွန်

သတင်းစာဆရာ ဦးစိန်ကျော်လှိုင်
BBC နဲ့ RFA သတင်းထောက်ဟောင်းဖြစ်သူ ဦးစိန်ကျော်လှိုင်ဟာ (၂၉.၄.၂၀၁၈.) တနင်္ဂနွေ မှာ သူ့ဇာတိရွာ တောင်သာမြိုနယ်၊ ဝဲလောင်ရွာသစ်မှာ ကွယ်လွန်သွားတယ်လို့ သူငယ်ချင်းဖြစ်သူ စစ်ကိုင်းတိုင်းဒေသကြီး အစိုးရအဖွဲ့ဝန်ကြီး ဦးသိန်းညွှန့်ဝင်း က ဗွီအိုအေကို ပြောပါတယ်။

ဦးစိန်ကျော်လှိုင်ဟာ အင်ဂျင်နီယာဘွဲ့ရပြီးတဲ့နောက် စလေဓာတ်မြေသြဇာစက်ရုံ (ရေနံဓာတုကော်ပိုရေးရှင်း) မှာ လုပ်ကိုင်ခဲ့သလို ဆက်သွယ်ရေးအရာရှိအဖြစ် ရန်ကုန်ဗြိတိသျှသံရုံးမှာ၊ နောက် ဗြိတိန်အခြေစိုက် BBC သတင်းဌာနနဲ့ အမေရိကန် အခြေစိုက် RFA သတင်းဌာနတွေမှာ လုပ်ဆောင်ခဲ့သူပါ။

မကွယ်လွန်ခင်က ဂျပန်နိုင်ငံတကာပူးပေါင်းဆောင်ရွက်ရေး အေဂျင်စီ JICA ရဲ့ ကရင်ပြည်နယ်၊ ဖားအံဒေသတွင်း တိုးတက်ရေး လေ့လာဆန်းစစ်မှုတွေအတွက် တာဝန်ယူဆောင်ရွက်ခဲ့သူ ဖြစ်ပါတယ်။ ဖခင်ရဲမှုးဦးသာလှိုင် မိခင်ဒေါ်ထွေးစိန်တို့ရဲ့ သားဖြစ်သူ အသက် ၆၆ နှစ်ရှိပြီဖြစ်တဲ့ ဦးစိန်ကျော်လှိုင်မှာ ညီအကိုမောင်နှမ ၇ ယောက်ရှိပါတယ်။ တနင်္ဂနွေမှာကွယ်လွန်ခဲ့တဲ့ သူ့ကို သူ့ဇာတိချက်မြုပ် ဝဲလောင်က ဆည်ရွာသုဿန်မှာ တနင်္လာနေ့မှာပဲ မြေမြှုပ်သဂြိုလ်ခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

ကုလ လုံခြုံရေးကောင်စီအဖွဲ့ အတိုင်ပင်ခံပုဂ္ဂိုလ်နဲ့တွေ့ဆုံ

ကုလ လုံခြုံရေးကောင်စီအဖွဲ့ မြန်မာနိုင်ငံကိုရောက်ရှိ
မြန်မာနိုင်ငံကို ရောက်ရှိလာတဲ့ ကုလသမဂ္ဂလုံခြုံရေးကောင်စီရဲ့ သံတမန်အဖွဲ့ဟာ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နဲ့တွေ့ဆုံခဲ့သလို၊ တပ်မတော်ကာကွယ်ရေးဦးစီးချုပ်နဲ့လည်း အချိန်အတော်ကြာ တွေ့ဆုံခဲ့ပါတယ်။ မနက်ဖြန်မှာတော့ ရခိုင်မြောက်ပိုင်းဒေသ ပဋိပက္ခဖြစ်ပွားရာဒေသကို လုံခြုံရေးကောင်စီအဖွဲ့ဝင်တွေ ကိုယ်တိုင်ကိုယ်ကျ သွားရောက် လေ့လာကြမှာပါ။ ဒီခရီးစဉ်ဟာ ကုလသမဂ္ဂအတွက်ရော မြန်မာအစိုးရအတွက်ရော ရိုဟင်ဂျာဒုက္ခသည်တွေအတွက်ပါ အရေးပါတဲ့ ခရီးစဉ်ဖြစ်မယ်လို့ ယူဆကြပါတယ်။ ဒါနဲ့ပတ်သက်လို့ ကိုသားညွန့်ဦးက ဆက်ပြီး ပြောပြမှာပါ။


မြန်မာနိုင်ငံ ရောက်ရှိလာတဲ့ ကုလသမဂ္ဂ လုံခြုံရေးကောင်စီ သံတမန်ကိုယ်စားလှယ်အဖွဲ့ဟာ မြန်မာခေါင်းဆောင် ဒေါ်အောင်ဆန်းစုကြည်နဲ့ ဒီကနေ့ ညနေပိုင်းက တွေ့ဆုံခဲ့ပြီး၊ ရခိုင်အရေးနဲ့ပတ်သက်လို့ မြန်မာအစိုးရရဲ့ လက်ရှိ ကိုင်တွယ်ဖြေရှင်းဆောင်ရွက်မှုတွေအပေါ်မှာ ဆွေးနွေးခဲ့ကြပုံရပါတယ်။ အဲဒီနောက်မှာတော့ မြန်မာတပ်မတော် ကာကွယ်ရေးဦးစီးချုပ် ဗိုလ်ချုပ်မှုးကြီးမင်းအောင်လှိုင်နဲ့ နှစ် နာရီ ကြာအောင် တွေ့ဆုံခဲ့ကြပါတယ်။ ဆွေးနွေးချက် အသေးစိတ်ကို နှစ်ဖက်စလုံးက ထုတ်ပြန်တာမရှိသေးပါဘူး။ အဲဒီနောက်တော့ လွှတ်တော်ဖက်က တာဝန်ရှိသူအချို့နဲ့တွေ့ဆုံသလို၊ အရပ်ဖက် အဖွဲ့အစည်တွေက ပုဂ္ဂိုလ်တချို့ကိုလည်း နေပြည်တော်မှာ တွေ့ဆုံပါတယ်။

မနက်ဖြန်ကျရင်တော့ ရခိုင်မြောက်ပိုင်း မောင်းတောကို နေချင်းပြန်ခရီးသွားပြီး၊ အဲဒီအခြေအနေတွေကို လေ့လာမှာဖြစ်ပါတယ်။ ဒီ ကိုယ်စားလှယ်အဖွဲ့ဟာ ပြီးခဲ့တဲ့ တနင်းနွေနေ့တုန်းကတော့ ဘင်္ဂလားဒေ့ရ်ှနိုင်ငံကို သွားရောက်ခဲ့ပြီး၊ နယ်စပ်က ဒုက္ခသည်စခန်းမှာ ရိုဟင်ဂျာဒုက္ခသည်တွေနဲ့ တွေ့ဆုံခဲ့ပါတယ်။ ဒီလူတွေ နေရပ်ပြန်နိုင်ရေးဟာ မြန်မာဖက်ခြမ်းအခြေအနေအပေါ် တည်နေတယ်လို့ ဒီ အဖွဲ့မှာ ပါတဲ့ ကုလသမဂ္ဂဆိုင်ရာ ဗြိတိန်သံအမတ်ကြီး Karen Pierce က ပြောပါတယ်။ ဒါကြောင့်လည်း ဒီ ပြဿနာပြေလည်ရေးအတွက် မြန်မာဖက်က ဘယ်လို ဖြေရှင်းမလဲဆိုတာ သူတို့ ကြည့်မယ်လို့ဆိုခဲ့ပါတယ်။

“ သူတို့ဟာ မြန်မာပြည်က လာတာဖြစ်လို့ ပြဿနာရဲ့အဖြေဟာ မြန်မာနိုင်ငံပေါ်မှာ တည်နေပါတယ်။ စိတ်ချလုံခြုံတဲ့အခြေအနေအောက်မှာ သူတို့နေအိမ်တွေကို ပြန်ခွင့် ရရပါလိမ့်မယ်။ မြန်မာအစိုးရအနေနဲ့ နိုင်ငံတကာအသိုင်းအ၀ိုင်းနဲ့ ဘယ်လို ပူးပေါင်းဆောင်ရွက်မလဲဆိုတာ သိလိုပါတယ်။ လုံခြုံရေးကောင်စီအနေနဲ့တော့ ရိုဟင်ဂျာတွေကို အကူအညီဖြစ်စေမယ့် ဆုံးဖြတ်ချက်တွေမှာ ပူးပေါင်းဆောင်ရွက်ဖို့ကြိုးပမ်းသွားမှာဖြစ်သလို၊ တိုးတက်မှုတွေအတွက် ထောက်ခံအားပေးသွားမှာပါ။”

ရခိုင်ပဋိပက္ခနဲ့ ရိုဟင်ဂျာဒုက္ခသည်အရေးနဲ့ပတ်သက်ပြီး ကုလသမဂ္ဂလုံခြုံရေးကောင်စီမှာ ဆွေးနွေးမှုတွေရှိနေပြီး၊ လူ့အခွင့်အရေးအဖွဲ့တွေကတော့ ဒီကိစ္စကို ICC နိုင်ငံတကာ ပြစ်မှုဆိုင်ရာတရားရုံးက ကိုင်တွယ်ဖြေရှင်းရေး လုံခြုံရေးကောင်စီက လွှဲပြောင်းပေးဖို့ လိုလားကြပါတယ်။ ဒါပေမယ့်လည်း လုံခြုံရေးကောင်စီထဲမှာတော့ ရုရှား တရုတ်တို့က ဒီလို အခြေအနေကို လိုလားပုံမရပါဘူး။

အခု ခရီးစဉ်မှာ ကုလသမဂ္ဂလုံခြုံရေးကောင်စီအဖွဲ့ဝင်နိုင်ငံတွေဖြစ်တဲ့ ရုရှားနဲ့ တရုတ်နိုင်ငံက သံအမတ်တွေလည်း ပါဝင်ကြပါတယ်။ ရုရှားနဲ့ တရုတ်သံအမတ်နှစ်ဦးစလုံးကတော့ ဒီပြဿနာဟာ အင်မတန်ရှုပ်ထွေးတာကြောင့် အပြုသဘောဆောင်ပြီး ဖြေရှင်းရမယ်၊ ပြဿနာကို လွယ်လွယ်လေးနဲ့ ဖြေရှင်းနိုင်ဖို့ မျှော်လင့်လို့မရတဲ့အကြောင်း ပြောပါတယ်။ လူ့အခွင့်အရေးအဖွဲ့တွေကတော့ ရခိုင်ပဋိပက္ခနဲ့ပတ်သက်လို့ မြန်မာအာဏာပိုင်တွေရဲ့ ကိုင်တွယ်ဖြေရှင်းမှုအပေါ် ပြစ်တင်ဝေဖန်သလို၊ ဒီအတွက် နိုင်ငံတကာဖိအားတွေပေးဖို့ လုံခြုံရေးကောင်စီကို တိုက်တွန်းနေကြပါတယ်။ အထူးသဖြင့်တော့ ရခိုင်အရေးနဲ့ပတ်သက်လို့ ICC နိုင်ငံတကာခုံရုံးက ကိုင်တွယ်အရေးယူဖို့ လုံခြုံရေးကောင်စီက ဆုံးဖြတ်သင့်တယ်လို့ HRW လူ့အခွင့်အရေးစောင့်ကြည့်မှုအဖွဲ့ အမှုဆောင်ညွန်ကြားရေးမှုး Kenneth Roth က ပြောပါတယ်။

“ လုံခြုံရေးကောင်စီအနေနဲ့ အခြားလုပ်နိုင်တာကတော့ ရခိုင်ပြဿနာကို ICC နိုင်ငံတကာခုံရုံးကို လွှဲပြောင်းပေးဖို့ပါ။ ရိုဟင်ဂျာတွေအပေါ် ကျူးလွန်တာတွေဟာ လူသားထုအပေါ်ကျူးလွန်တဲ့ရာဇ၀တ်မှုအဖြစ် ရှင်းရှင်းလင်းလင်းကို ရှိထားပြီး၊ ICC ကနေ အပြစ်ပေး အရေးယူရပါမယ်။”

ရခိုင်မြောက်ပိုင်းမှာ ရိုဟင်ဂျာတွေအပေါ် ကျူးလွန်မှုဟာ လူမျိုးတုန်းသတ်ဖြတ်မှု Genocide ဖြစ်နိုင်ဖွယ်ရှိတယ်လို့ ဒုက္ခသည်များဆိုင်ရာ ကုလသမဂ္ဂမဟာမင်းကြီးအပါအ၀င် အခြားကုလသမဂ္ဂအရာရှိတွေ လူ့အခွင့်အရေးတာဝန်ရှိသူတွေရဲ့ အစီရင်ခံစာတွေ ပြောကြားချက်တွေမှာ ပါရှိပါတယ်။ ကုလသမဂ္ဂရဲ့ အာဏာအကြီးဆုံး လုံခြုံရေးကောင်စီအနေနဲ့ကတော့ ဒါကို ခုတကြိမ်မှာ ကိုယ်တိုင်ကိုယ်ကျ လေ့လာစုံစမ်းနိုင်မှာပါ။

Monique Skidmore ဟာ သြစတေးသျှနိုင်ငံ Tasmania တက္ကသိုလ်က ပရော်ဖက်ဆာတဦးဖြစ်ပါတယ်။ ရခိုင်ပြည်နယ်ထဲ ကုလသမဂ္ဂအဖွဲ့တွေ ၀င်ရောက်ခွင့်ပေးခြင်းအားဖြင့် အခြေအနေတွေ ကောင်းလာနိုင်တယ်ဆိုတာ မြန်မာစစ်တပ်ကို သတင်းစကားပေးနိုင်မယ်လို့ သူ့အနေနဲ့ ယူဆပါတယ်။

“လုံခြုံရေးကောင်စီအနေနဲ့ မြန်မာအစိုးရကို ICC နိုင်ငံတကာခုံရုံးကို လွှဲပြောင်းပေးနိုင်တယ်ဆိုတာကို ဒုက္ခသည်တွေက ကောင်းကောင်းသိထားပါတယ်။ ဒါကြောင့်လည်း မြန်မာအစိုးရကို ICC တင်ဖို့ဟာ သူတို့ရဲ့ တောင်းဆိုချက်တခုပါ။ နောက်တခုကတော့ သူတို့ နေရပ်ပြန်ရေးကိစ္စမှာ ကုလသမဂ္ဂကနေ ကြီးကြပ်ဆောင်ရွက်ပေးဖို့ပါ။ ဒါဟာ မြန်မာစစ်တပ်ကို ဖျောင့်ဖျနိုင်တဲ့ အခွင့်အလမ်းတခုပါ။ ရခိုင်ဒေသကို ကုလသဂ္ဂ၀င်ခွင့်ပေးလိုက်ခြင်းအားဖြင့်၊ ICC အတင်ခံရမယ့် အရေးကနေ ရှောင်နိုင်မယ်ဆိုတာ ဒေါ်အောင်ဆန်းစုကြည်အနေနဲ့ သူတို့ကို အကြံကောင်းပေးနိုင်ပါတယ်။”

အခု လာရောက်တဲ့ လုံခြုံရေးကောင်စီအဖွဲ့အနေနဲ့ မနက်ဖြန်မှာတော့ သူတို့ ခရီးစဉ်အဆုံးသတ်ပြီး နေပြည်တော်မှာ သတင်းစာရှင်းလင်းပွဲ ပြုလုပ်ဖို့ရှိပါတယ်။ ဒီ ခရီးစဉ်ရဲ့ တွေ့ရှိချက်တွေကိုတော့ ကုလသမဂ္ဂ လုံခြုံရေးကောင်စီမှာ ပြန်လည်သုံးသပ်ကြမှာ ဖြစ်ပါတယ်။

သားညွန့်ဦး  / ဗွီအိုအေ (မြန်မာပိုင်း)
https://burmese.voanews.com

ကုလသမဂ္ဂလုံခြုံရေးကောင်စီအဖွဲ့ဝင်တွေ နေပြည်တော်ရောက်ရှိ

နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ကုလသမဂ္ဂလုံခြုံရေးကောင်စီ ကိုယ်စားလှယ်အဖွဲ့ဝင်များ ၂ဝ၁၈ ခုနှစ်၊ ဧပြီလ ၃ဝ ရက်နေ့က နေပြည်တော်တွင် တွေ့ဆုံဆွေးနွေးစဉ်/ Photo: MOI/AFP
ကုလသမဂ္ဂ လုံခြုံရေးကောင်စီအဖွဲ့ဝင် နိုင်ငံတွေရဲ့ ကိုယ်စားလှယ်တွေဟာ ဒီနေ့ နေပြည်တော်မှာ နိုင်ငံတော် အတိုင်ပင်ခံပုဂ္ဂိုလ်အပါအ၀င် ထိပ်ပိုင်းခေါင်းဆောင်တွေနဲ့ တွေ့ဆုံပြီး မနက်ဖြန်မှာ ရခိုင်ပြည်နယ် မောင်တောဒေသ ကို သွားရောက်လေ့လာကြမှာ ဖြစ်ပါတယ်။

မနက်ဖြန် မောင်တောဒေသကို နေ့ချင်းပြန်ခရီးသွားမှာဖြစ်တယ်လို့ ရခိုင်ပြည်နယ် ပြန်ကြားရေးနဲ့ ပြည်သူ့ ဆက်ဆံရေးဌာန ဒုတိယညွှန်ကြားရေးမှူး ဦးမောင်မောင် က ပြောပါတယ်။

ကိုယ်စားလှယ်အဖွဲ့ဟာ မနက်ဖြန်မနက်မှာ နေပြည်တော်ကနေ စစ်တွေလေဆိပ်ကို ရောက်ရှိမှာဖြစ်ပြီး ပြည်နယ် ဝန်ကြီးချုပ် ဦးညီပု အပါအဝင် ပြည်နယ်အစိုးရတာဝန်ရှိသူတွေနဲ့ လေဆိပ်မှာ တွေ့ဆုံမှာဖြစ်ပါတယ်။

အဲဒီနောက် မောင်တောမြို့နယ်မှာရှိတဲ့ သစ်ဆုံးနားခွဆုံ၊ အိုးထိန်း၊ တောင်ပြိုလက်ဝဲ၊ ငခူရ၊ လှဖိုးခေါင်၊ ရွှေဇား၊ ပန်းတောပြင်ကျေးရွာတွေကို သွားရောက်ကြမှာဖြစ်ပါတယ်။

ခရီးစဉ်အတွင်း စစ်တွေမြို့မှာ ရခိုင်အရပ်ဘက် ကိုယ်စားလှယ်တစ်ချို့နဲ့ တွေ့ဆုံဖို့ရှိတယ်လို့ သတင်းထွက်နေ ပေမယ့် အဲဒီကိစ္စ အသေးစိတ်ကို မသိရသေးဘူးလို့ ရခိုင်ပြည်နယ် ပြန်ကြားရေးနဲ့ ပြည်သူ့ ဆက်ဆံရေးဌာန ဒုတိယ ညွှန်ကြားရေးမှူး ဦးမောင်မောင် က ပြောပါတယ်။

ဒီနေ့ညနေပိုင်းမှာ နေပြည်တော်မှာ လွှတ်တော်ကိုယ်စားလှယ်တွေနဲ့ ပထမဆုံး တွေ့ဆုံဖို့ စီစဉ်ခဲ့ပေမယ့် လေယာဉ် ချိန် နောက်ကျခဲ့တာကြောင့် ကိုယ်စားလှယ်တွေနဲ့ တွေ့ဆုံဖို့ အချိန်နောက်ဆုတ်ခဲ့ရပါတယ်။ တွေ့ဆုံမယ့် လွှတ်တော် ကိုယ်စားလှယ် စာရင်းမှာပါဝင်တဲ့ ဒေါ်ပြုံးကေသီနိုင်က အချိန်အကန့်အသတ်အရ ဒီနေ့ သံတမန်တွေနဲ့ မတွေ့ဆုံ ဖြစ်ခဲ့ရင် ကိုယ်စားလှယ်တွေဘက်က တင်ပြလိုတဲ့ အချက် ၉ ချက်ကို စာနဲ့အသိပေး သွားမယ်လို့ ပြောပါတယ်။

ကုလသမဂ္ဂလုံခြုံရေးကောင်စီအဖွဲ့ဝင်နိုင်ငံတွေရဲ့ ကိုယ်စားလှယ်တွေဟာ ဘင်္ဂလားဒေ့ရ်ှနယ်စပ်က ဒုက္ခသည် စခန်းတွေကို ပြီးခဲ့တဲ့ရက်က သွားရောက်ခဲ့ပါတယ်။

RFA Burmese
https://www.rfa.org/burmese

ဒုရဲမှူး မိုးရန်နိုင် ကို ရဲစည်းကမ်းဖောက်ဖျက်မှုနဲ့ ထောင်ချ

ဒုရဲမှူး မိုးရန်နိုင် ကို တွေ့ရစဉ်/ Photo: Htet Arkar/RFA
ရိုက်တာသတင်းဌာနက သတင်းထောက်နှစ်ဦးအမှုနဲ့ ပတ်သက်ပြီး ဖမ်းဆီး စစ်ဆေးခံနေရတဲ့ ဒုရဲမှူး မိုးရန်နိုင် ကို ရဲတရားရုံးက ရဲစည်းကမ်းဖေါက်ဖျက်မှုနဲ့ ထောင်ဒဏ်ချမှတ်လိုက်ပြီး၊ အင်းစိန်ထောင်ကို ပို့လိုက်ကြောင်း ရဲတပ်ဖွဲ့ပြောခွင့်ရသူ ရဲမှူးကြီး မျိုးသူစိုး က ပြောဆိုတယ်လို့ ရိုက်တာသတင်းက ဖေါ်ပြပါတယ်။

ဒါပေမဲ့ ချမှတ်လိုက်တဲ့ ထောင်ဒဏ် ကာလနဲ့ ပတ်သက်ပြီး အသေးစိတ်ကို မပြောဆိုကြောင်းလည်း ဖေါ်ပြ ပါတယ်။

ရဲစည်းကမ်းဖေါက်ဖျက်မှု ဥပဒေ အခန်း ၁၆ (ခ) နဲ့ အခန်း ၂၂ မှာတော့ စည်းကမ်းဖေါက်ဖျက်မှု ကျူးလွန်ကြောင်း ဆုံးဖြတ်ခံရသူကို ထောင်ဒဏ် တနှစ်အထိ ချမှတ်နိုင်တယ်လို့ဆိုပါတယ်။

ဒုရဲမှူးမိုးရန်နိုင်ရဲ့ ဇနီး ဒေါ်တူး ကတော့ ခင်ပွန်းဖြစ်သူကို ထောင်ဒဏ်ချမှတ်ကြောင်း သတင်းတွေ ထွက်ပေါ်နေပေမယ့် မိသားစုကို တရားဝင်အကြောင်းမကြားသေးကြောင်း၊ လာမယ့် မေလ ၂ ရက်နေ့ အင်းစိန်တရားရုံး မှာ ခင်ပွန်းဖြစ်သူကို တရားလိုပြ သက်သေအဖြစ် ရုံးထုတ်တဲ့အခါ တွေ့ခွင့်ရဖို့ ကြိုးစားနေကြောင်း ပြောပါ တယ်။

ဒုရဲမှူးမိုးရန်နိုင်ရဲ့ အမှုနဲ့ပတ်သက်ပြီး၊ မြန်မာနိုင်ငံ အမျိုးသားလူ့အခွင့်အရေးကော်မရှင်နဲ့ တွေ့ဆုံဖို့ ရှိတယ် လို့လည်း ဒေါ်တူး က ပြောပါတယ်။

RFA Burmese
https://www.rfa.org/burmese

ရန်ကုန်မြို့ရှိ နေရာငါးခု၌ နိုက်ထရိုဂျင်နှင့် ဆာလ်ဖာဒိုင် အောက်ဆိုက် သတ်မှတ်စံနှုန်းထက် ပိုများနေ

ရန်ကုန်မြို့တွင်း လေထုတိုင်းတာရေးစက်အားတွေ့ရစဉ်(ဆင်ဟွာ)

ရန်ကုန်၊ ဧပြီ ၃၀ ရက် (ဆင်ဟွာ)

    ရန်ကုန်တိုင်းဒေသကြီးအတွင်းရှိ လေထုတိုင်းတာသော နေရာငါးခု၌ တိုင်းတာချက်များ အရ နိုက်ထရိုဂျင်နှင့် ဆာလ်ဖာဒိုင်အောက်ဆိုက် ပါဝင်မှုသည် သတ်မှတ်စံနှုန်းထက် ပိုများနေကြောင်း စိမ်းလန်းအမိမြေ ဖွံ့ဖြိုးတိုးတက်ရေးအသင်းထံမှ သိရသည်။

အဆိုပါ လေထုတိုင်းတာမှုကို လှည်းတန်း လမ်းဆုံ၊ ဘုရင့်နောင်လမ်းဆုံ၊ မြေနီကုန်း လမ်းဆုံ၊ တာမွေလမ်းဆုံနှင့် ရန်ကုန်မြို့တော် ခန်းမရှေ့တို့၌ တိုင်းတာခဲ့ခြင်း ဖြစ်ကြောင်း သိရသည်။ယင်း လေထုတိုင်းတာမှုကို ၂ဝ၁၆ ခုနှစ် အတွင်းက စတင်တိုင်းတာခဲ့ပြီး တစ်နှစ်လျှင်တစ်ကြိမ်သာ တိုင်းတာနိုင်ကြောင်း၊ ယင်းစစ်တမ်းများ ကောက်ယူမှုကို ရန်ကုန်တိုင်း ဒေသကြီး၌သာမက တခြားတိုင်းဒေသကြီးနှင့် ပြည်နယ်များ၌လည်း လေ့လာ ဆန်းစစ်မှုများ ဆောင်ရွက်နေကြောင်း သိရ သည်။

(Xinhua)
http://xinhuamyanmar.com

အသေခံဗုံးခွဲတိုက်ခိုက်မှု နှစ်ခုကြောင့် AFP ဓာတ်ပုံသတင်းထောက်ချုပ်နဲ့ တခြားသတင်းဌာနတွေက သတင်းထောက် သုံးဦး သေဆုံး


၃၀ ဧပြီ

အာဖဂန်နစ္စတန်နိုင်ငံ ကာဘူးမြို့မှာ ဖြစ်ခဲ့တဲ့ မိနစ်ပိုင်း အနည်းငယ်သာခြားတဲ့ အသေခံဗုံးခွဲတိုက်ခိုက်မှု နှစ်ခုကြောင့် အနည်းဆုံး ၂၁ ဦး သေဆုံးခဲ့ကြောင်း၊ အဲဒီထဲမှာ AFP ဓာတ်ပုံသတင်းထောက်ချုပ်နဲ့ တခြား သတင်းဌာနတွေက သတင်းထောက် သုံးဦး သေဆုံးမှုမှာ ပါဝင်ကြောင်း ကျန်းမာရေးဝန်ကြီးက AFP သတင်းဌာနကို အတည်ပြု ပြောကြားပါတယ်။

ဝန်ကြီးရဲ့ ပြောခွင့်ရသူက ဒဏ်ရာရသူ ၂၇ ဦးရှိပါတယ်။ အဲဒီထဲမှ စိုးရိမ်ရတဲ့အခြေအနေရှိတဲ့သူတွေ ပါသေးတဲ့အတွက် သေဆုံးသူ အရေအတွက် တိုးလာနိုင်ကြောင်း အာဖဂန်နိုင်ငံရဲ့ ပုဂ္ဂလိက အကြီးဆုံး ရုပ်မြင်သံကြား Tolo ကို ပြောကြားသွားပါတယ်။

ကာဘူး ရဲဌာနရဲ့ ပြောခွင့်ရသူက မိနစ်ပိုင်းအနည်းအတွင်း ထပ်မံပေါက်ကွဲတဲ့ ဗုံးဟာ ခွဲနေရာမှာရှိတဲ့ သတင်းထောက်တွေကို ပစ်မှတ်ထားတဲ့ပုံရှိတယ်။ ဗုံးဖောက်ခွဲတဲ့သူဟာ သတင်းထောက် အယောင်ဆောင် ထားသူဖြစ်ပြီး လူကြားထဲမှာ သူဟာသူ စနက်တံကို ဖြုတ်ပစ်ခဲ့တာပါလို့ ပြောပါတယ်။

အခုဗုံးခွဲတဲ့ ကိစ္စကို ဘယ်အဖွဲ့စည်းကမှ တာဝန်ရှိကြောင်း ထုတ်ပြန်ခြင်းမျိုး မရှိသေးပါဘူး။

ကိုးကား-AFP
Myanmar Digital News
https://www.facebook.com/MyanmarDigitalNews

မိုင်းသောက်ကျေးရွာအုပ်စုရှိ တောင်သူ ၁၀၀ကျော်သိမ်းဆည်းခံမြေယာများ ပြန်လည်ရရှိရေး အတွက် ဆန္ဒဖော်ထုတ်


ညောင်ရွှေ၊ ဧပြီ-၃၀

ရှမ်းပြည်နယ်တောင်ပိုင်း၊ ညောင်ရွှေမြို့နယ်၊ မိုင်းသောက်ကျေးရွာအုပ်စုရှိ ဒေသခံ တောင်သူ ၁၀၀ကျော် ဟာ သိမ်းဆည်းခံမြေယာများပြန်လည်ရရှိရေးအတွက် ဒီကနေ့ ဧပြီ ၃၀ ရက်နေ့ နံနက် ၈း၀၀နာရီမှာ ဆန္ဒဖော်ထုတ်ခဲ့ကြပါတယ်။

မိုင်းသောက်ကျေးရွာအုပ်စု၊ ပါနွေး (မြောက်)ရွာမှ စတင်ပြီးတော့ ပေပင်အင်းကျေးရွာထိပ်အထိ လမ်းမကြီးအတိုင်း ဒေသခံတောင်သူ ၁၀၀ကျော်က စီတန်းလည့်လည်ကာ ဆန္ဒဖော်ထုတ်ခဲ့ကြတာဖြစ်ပါတယ်။

ချီတက်ရာ လမ်းတစ်လျှောက်မှာလည်း နိုင်ငံတော် သမ္မတ ဦးဝင်းမြင့်၊ အတိုင်ပင်ခံ ဒေါ်အောင်ဆန်းစုကြည်နဲ့ တောင်သူလယ်သမားအရေးတော်ပုံ ခေါင်းဆောင် ဆရာစံ ပုံတူ ဗီနိုင်းတွေ ကိုင်ဆောင်ကာ စီတန်းလည့်လည်ခဲ့ကြတာပါ။
" သိမ်းထားတာတော့ကြာပြီ ၉၅ခုနှစ်ကတည်းက လျော်ကြေးလည်းထိုက်ထိုက်တန်တန်မရဘူး အခုမှ ခရိုနီတွေ ၊ တိုက်ဖွန်းတွေကို ဟိုတယ်ဆောက်သလိုလို ဘာလိုလိုနဲ့ မြေတွေ ယူလာကြလို့ နှစ်နာတဲ့တောင်သူတွေက ဆန္ဒဖော်ထုတ်ကြတာပါ " လို့ ဆန္ဒဖော်ထုတ်ပွဲမှာ ၀န်းရံပါဝင်တဲ့ တရားလွှတ်တော်ရှေ့နေ ဦးသိန်းရွှေ ကပြောပါတယ်။
"တောင်သူမူလ ဓါးမဦးချမြေများ၏ မြေယာများ မတရားသိမ်းယူသွားခြင်းအပေါ် ဥပဒေနှင့်အညီ အမြန်စိစစ်ဆောင်ရွက်ပေးပါ" "လွှတ်တော်ကိုယ်စားလှယ်များ ပြည်သူ့အသံနားထောင်ပေးပါ "အစရှိတဲ့ စာသားပါ ဗီနိုင်းဆိုင်းဘုတ်တွေကို လည်း ဆန္ဒဖော်ထုတ်ပွဲမှာ ပါဝင်တဲ့တောင်သူတွေက ကိုင်ဆောင်ခဲ့ကြပါတယ်။

ဒီဆန္ဒဖော်ထုတ်ပွဲကို မိုင်းသောက်ကျေးရွာအုပ်စုရှိ ပါနွေးမြောက်ရွာအပါအ၀င် ကျေးရွာ ၅ ရွာမှ မြေသိမ်းခံတောင်သူတွေ ပူးပေါင်းပါဝင်ခဲ့ပြီး တရားဝင် ခွင့်ပြုချက် ငြိမ်းစုစီနဲ့ဆန္ဒဖော်ထုတ်ခဲ့တာဖြစ်တယ်လို့ ညောင်ရွှေမြို့နယ် ရဲတပ်ဖွဲ့မှူးရုံးမှ သိရပါတယ်။

ဆန္ဒဖော်ထုတ်ခဲ့တဲ့ ကျေးရွာသားတွေရဲ့ မြေယာဧက ၄၀ကျော်ကို ၁၉၉၁ ခုနှစ်ကတည်းက သိမ်းဆည်းထားတာဖြစ်တယ်လို့ ဆန္ဒဖော်ထုတ်ရာမှာပါဝင်တဲ့ကျေးရွာသားအချို့ကပြောပါတယ်။

သတင်း -အယ်ငဲ (ညောင်ရွှေ) ဓာတ်ပုံ-နေမျိုးသူရိန်
ရွှေတြိဂံဒေသသတင်းလွှာ
https://www.facebook.com/GoldenTriangleRegionalNews/

မြန်မာဘက်သွင်းလာမယ့် ဘတ် ၁သန်းကျော်တန်ဖိုးရှိ ဆိုဒီယမ်ဆိုင်ယာနိုက်တွေ ထိုင်းစစ်ဆေးရေးဂိတ်မှာဖမ်းမိ


မူးယစ်ဆေးဝါးပြုလုပ်ပြုရာမှာအသုံးပြုတဲ့ ဆိုဒီယမ်ဆိုင်ယာနိုက် ကီလို ၅၀ ၀င်ပုံး ၇၀၊ စုစုပေါင်းကီလို ၃၅၀၀ (ဘတ်ငွ ၁၁ သိန်းဖိုးတန်ကြေးရှိ)ကို ဧပြီလ ၂၉ ရက်ညနေပိုင်းက ချစ်ကြည်ရေးတံတားကနေ မြန်မာဘက် ကိုသွားဖို့လုပ်နေစဉ်မှာဖမ်းဆီးရမိခဲ့တယ်လို့ မဲဆောက်အကောက်ခွန်မင်းကြီးနိုင်ဝမ်လုဖ်ဝုဒ်ဒါဖါနစ် က ဧပြီ ၃၀ ရက်နေ့မှာပြုလုပ်တဲ့ သတင်းစာရှင်းလင်းပွဲမှာပြောကြားခဲ့ပါတယ်။

ကျော်ဖြိုးအောင်မောင်းတဲ့ယာဉ်အမှတ် YGN 9D---ကိုချစ်ကြည်ရေးစစ်ဆေးရေးဂိတ်မှာစစ်ဆေးစဉ် ဖိနပ်နဲ့ ကလေးကစားစရာအရုပ်တွေအောက်ကပုံးတွေကိုတွေ့ရှိဖမ်းဆီးရမိတာလို့ဆိုပါတယ်။

အခုကျော်ဖြိုးအောင်ကို ထိုင်းမူးယစ်ဆေးဝါးနှိမ်နင်းရေးအဖွဲ့ ကိုလွှဲအပ်ပေးလိုက်ပြီး၊ ဒီပစ္စည်းတွေကို ဘယ်သူကတင်သွင်းလာတာလဲ၊ ဘယ်သူ့ဆီကိုပို့မှာလည်းဆိုတာကို ဆက်လက်စစ်ဆေးနေတယ်လို့ သိရပါတယ်။

ဘီဘီစီမြန်မာပိုင်း
BBC Burmese
https://www.facebook.com/BBCnewsBurmese

အာဖဂန်ဗုံးပေါက်ကွဲမှု မှတ်တမ်းယူနေတဲ့ ဓာတ်ပုံသမားအပါဝင် ၂၅ ဦးသေဆုံး


အာဖဂန်နစ္စတန်ရဲ့မြို့တော် ကဘူးမှာ ဗုံးပေါက်ကွဲမှုဖြစ်ပွားခဲ့ရာ အနည်းဆုံး ၂၅ ယောက်သေဆုံးပြီး အဲ့ဒီဖြစ်စဉ်ကို မှတ်တမ်းတင်နေတဲ့ သတင်းသမားတွေလည်း ဒဏ်ရာရခဲ့ပါတယ်။

အဲ့ဒီပေါက်ကွဲမှုမှာ အေအက်ဖ်ပီ သတင်းဌာနရဲ့ ဓာတ်ပုံ သတင်းထောက်ချုပ် ရှာမရွိုင်းလည်း
သေဆုံးခဲ့ပါတယ်။

ပထမဆုံးပေါက်ကွဲမှုကို မော်တော်ဆိုင်ကယ်စီးလာသူက ဖောက်ခွဲခဲ့တာဖြစ်ပြီး ၁၅ မိနစ်ကြာ
ပြီး အဲ့ဒီနေရာမှာ သတင်းထောက်တွေနဲ့ လူစုလူဝေး ရောက်ရှိနေစဉ်မှာပဲ နောက်ထပ်ပေါက်ကွဲခဲ့တာပါ။

ဒီတိုက်ခိုက်မှုကို အိုင်အက်စ်တွေကတော့ သူတို့လက်ချက်လို့ပြောဆိုထားပါတယ်။

အေအက်ဖ်ပီ သတင်းဌာနကတော့ ဒုတိယပေါက်ကွဲမှုဟာ သတင်းထောက်တွေကို ပစ်မှတ်ထား တိုက်ခိုက် တာဖြစ်တယ်လို့ ဆိုပါတယ်။

ဘီဘီစီမြန်မာပိုင်း
BBC Burmese
https://www.facebook.com/BBCnewsBurmese

အိန္ဒိယနိုင်ငံ အရှေ့ပိုင်း တွင် လှေတိမ်းမှောက်မှုကြောင့် လူ ၈ဦးသေဆုံး

အိန္ဒိယတွင် ယခင်ကဖြစ်ပွားခဲ့သည့် လှေတိမ်းမှောက်မှုမှ သေဆုံးသူတစ်ဦးအား သယ်ဆောင်လာစဉ် (ဆင်ဟွာ)
 နယူးဒေလီ၊ ဧပြီ ၃၀ ရက် (ဆင်ဟွာ)

    အိန္ဒိယနိုင်ငံ အရှေ့ပိုင်း ဘီဟာပြည်နယ် မြစ်တစ်ခု၌ လှေတစ်စီး တိမ်းမှောက်မှုကြောင့် ဧပြီ ၃၀ ရက် နံနက်ပိုင်းတွင် ရုပ်အလောင်းများ ဆယ်ယူရရှိခဲ့ပြီး ယခုအချိန်အထိ လူ ၈ဦးသေဆုံးကြောင်း အတည်ပြုနိုင်ခဲ့သည်ဟု ရဲတပ်ဖွဲ့ ကပြောကြားခဲ့သည်။

လှေတိမ်းမှောက်မှု သည် ဘီဟာပြည်နယ် Bhagalpur ခရိုင် ရှိ Kosi မြစ်တွင် ဖြစ်ပွားခဲ့ခြင်းဖြစ်သည်။အဆိုပါ လှေသည် ၎င်းသယ်ဆောင်နိုင်သည့် ပမာဏထက် ပို၍ လူ ၁၅ဦးသယ်ဆောင်လာပြီး ဧပြီ ၂၉ ရက် ညပိုင်းတွင် တိမ်းမှောက်ခဲ့ခြင်းဖြစ်ကြောင်း၊ လူ ၇ဦး မှာ ကမ်းဘက်သို့ ရေကူးနိုင်ခဲ့၍ အသက်ရှင်ခဲ့ပြီး အခြားလူ ၈ဦး ပျောက်ဆုံးနေကြောင်း နှင့် ရုပ်အလောင်းအများစုကို ဆယ်ယူနိုင်ခဲ့ကြောင်း ရဲအရာရှိတစ်ဦးက ပြောကြားခဲ့သည်။

ပြည်တွင်းရုပ်သံလိုင်းများ၏ ဖော်ပြချက်အရ အဆိုပါလှေသည် ငါးဖမ်းလှေတစ်စင်ဖြစ်သော်လည်း အပြန်တွင် မင်္ဂလာဆောင်တစ်ခုမှာလူတစ်ချို့ လိုက်ပါလာခြင်းဖြစ်ကြောင်း သိရသည်။အဆိုပါလှေတိမ်းမှောက်မှုအား စုံစမ်းစစ်ဆေးလျက်ရှိကြောင်း သိရသည်။ယခုတစ်ချိန် လှေတိမ်းမှောက်မှုသည် ၂၀၁၈ခုနှစ်အတွင်း ဘီဟာပြည်နယ်၌ သုံးကြိမ်မြောက် လှေတိမ်းမှောက်ခြင်းဖြစ်ကြောင်း သိရသည်။

(Xinhua)
http://xinhuamyanmar.com

အိန္ဒိယနိုင်ငံ ဘီဟာပြည်နယ်တွင် မိုးကြိုးထိမိ၍ လူ ၁၁ ဦးသေဆုံး

အိန္ဒိယနိုင်ငံ ကောင်းကင်ယံတွင် လျှပ်စီးကြောင်းအား တွေ့ရစဉ် (ဓာတ်ပုံ-အင်တာနက်)
 နယူးဒေလီ၊ ဧပြီ ၃၀ ရက် (ဆင်ဟွာ)

    အိန္ဒိယနိုင်ငံ အရှေ့ပိုင်း ဘီဟာပြည်နယ်တွင် မတူညီသောနေရာများ၌ မိုးကြိုးထိမှန်ကာ အနည်းဆုံး လူ ၁၁ ဦး သေဆုံးပြီး ၈ ဦး ဒဏ်ရာရရှိခဲ့ကြောင်း တာဝန်ရှိသူများက ဧပြီလ ၃၀ ရက်တွင် ပြောကြားခဲ့သည်။

မိုးကြိုးထိမှန်သေဆုံးမှုများသည် ဘီဟာပြည်နယ်ရှိ် Madhubani, Muzaffarpur, Supaul, Bhagalpur, Madhepura  Purnia စသည့် ခရိုင်များ၌ ဖြစ်ပွားခဲ့ကြောင်း သိရသည်။“လူ သေဆုံး ဒဏ်ရာရမှုတွေက လွန်ခဲ့တဲ့ ၂၄ နာရီအတွင်း ဖြစ်ပွားခဲ့တာပါ” ဟု တာဝန်ရှိသူက ပြောခဲ့သည်။

ဘီဟာပြည်နယ် ဝန်ကြီးချုပ် Mitish Kumar က သေဆုံးသူများအတွက် ကြေကွဲဝမ်းနည်းရပါကြောင်း ပြောကြားခဲ့ပြီး ဒဏ်ရာရသူများအတွက် ကုသမှုပေးနိုင်ရန် ကျန်းမာရေးတာဝန်ရှိသူများအား ပြောကြားထားကြောင်း သိရသည်။ဘီဟာပြည်နယ်နှင့် အနောက်ဘန်ဂေါပြည်နယ်များရှိ နေရာများ၌ လာမည့် ၄၈ နာရီအတွင်း မိုးသက်မုန်တိုင်းများ တိုက်ခတ်မည် ဖြစ်ကြောင်း ခန့်မှန်းထားခဲ့ကြောင်း သိရသည်။

(Xinhua)
http://xinhuamyanmar.com

FDA အမှုက အဖမ်းခံထားရသူကို သေဒဏ်အထိချမှတ်နိုင်တဲ့ စွဲချက်နဲ့ အမိန့်ချ


FDA အမျိုးသမီးအသတ်ခံရမှုမှာ ဖမ်းဆီးထားသူ မျိုးဇော်ဦးကို သေဒဏ်အထိချမှတ်နိုင်တဲ့စွဲချက်အမိန့်ကို အရှေ့ပိုင်းခရိုင်တရားရုံးက ဧပြီလ(၃၀)ရက် ဒီနေ့မှာ ချမှတ်လိုက်ပါတယ်။

 အသတ်ခံရသူ ရွှေရည်ဝင်းကို လက်ဝတ်လက်စားလုယက်ပြီး ဓမ္မတာနဲ့ဆန့်ကျင်ပြီး မုဒိန်းမှုကျူးလွန်နေစဉ် လူသတ်မှုကိုပါ ကျူးလွန်တယ်လို့ ယုံကြည်တဲ့အတွက် ပုဒ်မ(၃၀၂)(၁)(ဂ)နဲ့ ခရိုင်တရားသူကြီးက အခုလို အမိန့်ချမှတ်လိုက်တာဖြစ်ပါတယ်။


 ဒီစွဲချက်အမိန့်ကို မျိုးဇော်ဦးက ငြင်းဆိုလိုက်တာကြောင့် ပြန်ခေါ်သက်သေအဖြစ် တရားလိုသက်သေ ဒုရဲအုပ်ရာချမ်းမြေ့အောင်ကို လာမယ့်မေလ(၇)ရက်မှာ အရှေ့ပိုင်းခရိုင်တရားရုံးက ပြန်လည်စစ်ဆေး သွားမှာဖြစ်ပါတယ်။

သတင်း -မျိုးမင်း၊ မိခိုင်သီရိဇော်(5 Plus News)
https://www.facebook.com/5plusnews/

မူဆယ်-မန္တလေး ပြည်ထောင်စုလမ်းပေါ်၌ ခရီးသည်တင်ယာဉ်တိမ်းမှောက် (၃)ဦးသေဆုံး (၂၄)ဦး ဒဏ်ရာရ

မူဆယ်-မန္တလေး ပြည်ထောင်စုလမ်းပေါ်၌ ခရီးသည်တင်ယာဉ်တိမ်းမှောက်
မူဆယ်၊ ဧပြီ ၃၀

ရှမ်းပြည်နယ်၊ မူဆယ်မြို့နှင့်ကွတ်ခိုင်မြို့ကြား၊ မိုင်တိုင်အမှတ် (၂၃၆) ပြည်ထောင်စုလမ်း၊ နမ့်ဖတ်လွန်းကျေးရွာအနီးတွင် လားရှိုးဘက်မှ မူဆယ်သို့ မောင်းနှင်လာသော Express မှန်လုံယာဉ်သည် ယနေ့ နံနက် ၇နာရီ ၄၀မိနစ် အချိန်က တိမ်းမှောက်သွားကြောင်း သိရသည်။


ခရီးသည် ကျား(၂)ဦး၊မ (၁)ဦး စုစုပေါင်း(၃)ဦး သေဆုံးပြီး ထိခိုက်ဒဏ်ရာရ ခရီးသည်(၂၄)ဦးအား ကွတ်ခိုင်ပြည်သူ့ ဆေးရုံသို့ အတွင်းလူနာအဖြစ် သယ်ဆောင်ကုသလျက်ရှိကြောင်း သိရှိရပါသည်။

မူဆယ်၊ ခရိုင်(ပြန်ဆက်)
MOI Webportal Myanmar
https://www.facebook.com/MOIWebportalMyanmar/

ချီဖွေမြို့အဝင်တွင်ရှိသော လဗျူဟိုတယ် ကေအိုင်အေမှ ပစ်လိုက်သော လက်နက်ကြီးကျည် ကျရောက်ပေါက်ကွဲ


ချီဖွေ၊ ဧပြီ ၂၉

ကချင်ပြည်နယ်ချီဖွေမြို့အဝင် ဥက္ကပ်ရပ်ကွက်တွင်ရှိသော ချီဖွေမြို့ ဂုဏ်ဆောင် လဗျူဟိုတယ်သို့်ဧပြီလ ၂၆ ရက်နေ့ ည(၇)နာရီကျော်ခန့်က ကေအိုင်အေမှ ပစ်လိုက်သော လက်နက်ကြီးကျည်
ကျရောက် ပေါက်ကွဲခဲ့သဖြင့် ဟိုတယ်ခေါင်းမိုးနှင့် အခန်းအချို့ပျက်ဆီးခဲ့ပြီး လူထိခိုက်မှု မရှိကြောင်း သိရသည်။


ဖြစ်စဉ်မှာ ဧပြီလ ၂၆ရက်နေ့ ည(၇)နာရီကျော်ခန့်က ကေအိုင်အေမှ ပစ်လိုက်သော လက်နက်ကြီးကျည်ဆံ အခန်းနံပါတ် (၂၁၀)နှင့် အခန်းနံပါတ်(၂၂၀)အခန်းကြား ဟိုတယ်ထောက်တိုင်ပေါ်တည့်တည့်တွင် ကျရောက်ပေါက်ကွဲခဲ့သဖြင့် မိုင်းစများပျံ့၍ အပေါ်ဆောင်တစ်ဆောင်လုံး၏ သွပ်ပြားများ ဇကားပေါက်ကဲ့သို့ ပေါက်ခဲ့ပြီး ကျည်ကျသည့်နေရာတွင် ၁ပေခွဲပတ်လည်အပေါက်ကြီး ဖြစ်ခဲ့ကြောင်း အခန်းအပြင်ဘက် မျက်နှာကျက်များ မီးကြိုးအချို့နှင့် လှေကားကောင်တာခန်း မျက်နှာကျက် အားလုံးပြိုကျခဲ့ ရေပိုက်ပေါက်ခဲ့ မီးသီး မီးချောင်းများ ပျက်ဆီးခဲ့ ကြောင်း သိရသည်။

“လက်နက်ကြီးက ဟိုတယ်ခေါင်းမိုးပေါ် လာကျတာ။ ပြီးမှ အဲဒီကနေ ပေါက်ကွဲ သွားတာ။ ဟိုတယ်မှာ လူမရှိလို့တော်သေးတယ်။ခုလိုဖြစ်တော့ ကျွန် တော်တို့က စစ်ပဲ ပြေးရတော့မလိုဖြစ်နေတယ်။ ”ဟုမျက်မြင်တွေ့ရှိသူ ချီဖွေမြို့ဒေသခံတစ်ဦးကပြောသည်။


ကေအိုင်အေတပ်ရင်း ၁၄ က ဟူးကောင်းဒေသအတွင်း ဧပြီလ ၁၀ ရက်နေ့မှစ၍ ပြောက်ကျား စစ်ဆင်ရေး၊ မိုင်းစစ်ဆင်ရေးများ ဆောင်ရွက်မည်ဖြစ်ကြောင်း ဧပြီလ ၅ ရက်နေ့က ထုတ်ပြန်ကြေညာ ထားပြီးနောက် ကချင်ပြည်နယ်တွင်တိုက်ပွဲများ ပိုမိုဖြစ်ပွားလာခဲ့ခြင်းဖြစ်သည်။

မင်းရာဇာ / EPN
https://www.facebook.com/epngnews/

ရာနဲ့ချီတဲ့ ကချင်လူငယ်တွေ ပထမဆုံးအကြိမ် သပိတ်စခန်းဖွင့် တောင်းဆိုမယ်

 ထောင်နဲ့ချီတဲ့လူတွေ မြစ်ကြီးနားမြို့ပေါ်မှာ ချီတက်လမ်းလျှောက်ပြီး ဆန္ဒထုတ်ဖော်
ကချင်ပြည်နယ်မှာ မြန်မာ့တပ်မတော်နဲ့ ကချင်လွတ်မြောက်ရေးတပ်မတော် (KIA) တို့အကြား ဖြစ်ပေါ်နေတဲ့ တိုက်ပွဲတွေကြောင့် အောင်လေ့ာဒ်၊ အင်ဂျန်းယန်နဲ့ လိုင်းနားခူရွာက ဒေသခံ ၂၀၀၀ကျော် ပိတ်မိနေတာ ရက် ၂၀ ကျော်သွားပြီ ဖြစ်ပါတယ်။

အစာရေဆာပြတ်လပ်နေတာကြာမြင့်နေပြီဖြစ်တဲ့ဒေသခံတွေ ဘေးကင်းရာကို ပို့ဆောင်ပေးနိုင်ရေးအတွက် ကချင်လူငယ် ၃၀၀ ကျော်ဟာ ဒီကနေ့ (ဧပြီ ၃၀ ရက်) ညနေ လေးနာရီကစပြီး မြစ်ကြီးနားမြို့ပေါ်မှာ သပိတ်စခန်း ဖွင့်လှစ်ပြီး တောင်းဆိုသွားမယ်လို့သိရပါတယ်။

တိုက်ပွဲကြားပိတ်မိနေတဲ့ဒေသခံ၂၀၀၀ကျော်ဘေးကင်းရာကိုလွတ်မြောက်ရေးအတွက် ကချင်ပြည်နယ် ဝန်ကြီးချုပ်ဆီကို စာပေးပို့တောင်းဆိုခဲ့ပေမဲ့လည်း ပြည်နယ်အစိုးရဘက်ကတော့ ဒါဟာအစိုးရဘက်ကပဲ ဆုံးဖြတ်လို့မရဘဲ၊ စစ်တပ်နဲ့လည်း ညှိရမယ်အပိုင်းတွေလည်းရှိတယ်လို့တုန့်ပြန်ခဲ့တယ်လို့ သိရပါတယ်။

' 'ကချင်မှာ တိုက်ပွဲတွေက ပြင်းထန်လာတယ်။ ပိုဆိုးတာက အရင်က တိုက်ပွဲ တွေဖြစ်တယ်ဆိုရင် ပြည်သူတွေကလုံခြုံတဲ့နေရာကိုထွက်လာခွင့်ရှိတယ်။ အခုကဘေးကင်းရာကိုသွားဖို့ ပြည်သူတွေမှာ ရွေးချယ်ခွင့်တောင်မရှိတော့ဘူးဖြစ်နေတာ။ တိုက်ပွဲတွေကြားညှပ်နေတာ ရက် ၂၀ကျော်သွားပြီ။ ရိက္ခာက ပြတ်၊ ရေကအဆင်မပြေနဲ့တော်တော်လေးဒုက္ခရောက်နေကြတာ။

။အဲဒီက လူတွေကို ဘေးကင်းရာ တိမ်းရှောင်နိုင်အောင် လုပ်ပေးဖို့က ကြေညာချက် ထုတ်ရုံနဲ့လည်း မရဘူး။ ရိုးရိုးဆန္ဒပြနေရုံနဲ့လည်း မရဘူး။ ဒါကြောင့် လူငယ်တွေက သပိတ်စခန်းဖွင့်ပြီး အစိုးရကိုတောင်းဆို ဖို့ ဆုံးဖြတ်လိုက်တာပါ။ '' လို့ သပိတ်စခန်းရဲ့ဦးဆောင်ကော်မတီဝင်တဦးဖြစ်တဲ့ မဆွတ်ဆိုင်းထွယ်က ဘီဘီစီကိုပြောပါတယ်။

သပိတ်စခန်းမဖွင့်လှစ်မှီ ဧပြီ ၃၀ ရက်နေ့ မနက်ပိုင်းက လူဦးရေ ၃ထောင်ကျော်ပါဝင်တဲ့ လူအုပ်ကြီးဟာ မနောကွင်းမှာ စုရပ်လုပ်ပြီး မြစ်ကြီးနားမြို့ပေါ်မှာ သတ်မှတ်လမ်းကြောင်းအတိုင်း လမ်းလျှောက်ချီတက်ပြီး ဆန္ဒထုတ်ဖော်ခဲ့ကြပါတယ်။ ဆန္ဒထုတ်ဖော်မှုမှာ မြစ်ကြီးနားမြို့က ဒေသခံတွေအပြင် စစ်ရှောင်စခန်းကသူတွေလည်းပါဝင်ပြီး အနီးတဝိုက်မြို့ တွေက လူတွေပါ ပါဝင်တယ်လို့ သိရပါတယ်။

သပိတ်စခန်းဖွင့်ဖို့ကို ခွင့်ပြုချက်တောင်းထားတာ ၂ပတ်ပဲဖြစ်ပေမဲ့ တိုက်ပွဲကြားပိတ်မိနေတဲ့လူတွေ မလွတ်မြောက်မချင်း သပိတ်စခန်းကိုဖွင့်လှစ်တောင်းဆိုသွားမှာဖြစ်တယ်လို့လည်းသိရပါတယ်။

ကချင်ပြည်နယ်မှာ တပ်မတော်နဲ့ ကချင် လွတ်မြောက်ရေး တပ်ဖွဲ့၊ ကေအိုင်အေတို့ရဲ့ တိုက်ပွဲတွေ က ဆက်လက် ပြင်းထန်နေဆဲဖြစ်ပါတယ်။ အင်ဂျန်းယန်နဲ့ မြစ်ကြီးနားမြို့ အနီး အပါအဝင် စုစုပေါင်း မြို့နယ် ၁၈ ခု ထဲက ၁၀ ခုမှာ တိုက်ပွဲတွေ ဆက်လက် ပြင်းထန်နေတဲ့အတွက် ထွက်ပြေးရတဲ့ စစ်ပြေး ဒုက္ခသည် တွေ ပိုများလာနေပါတယ်။

BBC Burmese
http://www.bbc.com/burmese

အာဖဂန်မြို့တော် တွင် အသေခံ ဗုံးဖောက်ခွဲမှုများကြောင့် သေဆုံးသူ ၂၃ဦးအထိ မြင့်တက်လာ

အာဖဂန်နစ္စတန်နိုင်ငံ မြို့တော် ကဘူးလ်မြို့တွင် ယခင်က ဖြစ်ပွားခဲ့သည့် ဗုံးပေါက်ကွဲမှုတစ်ခုအားတွေ့ရစဉ် (ဆင်ဟွာ)
 ကဘူးလ်၊ ဧပြီ ၃၀ ရက် (ဆင်ဟွာ)

    အာဖဂန်နစ္စတန်နိုင်ငံ မြို့တော် ကဘူးလ်မြို့ အလယ်ပိုင်း သံတမန်ရပ်ကွက်တစ်ခုတွင် ဧပြီ ၃၀ ရက် နံနက်ပိုင်းက အသေခံဗုံးဖောက်ခွဲမှု ၂ခုဖြစ်ပွားခဲ့ရာ အသေခံဗုံးခွဲသမား ၂ဦးအပါအဝင် သေဆုံးသူ အနည်းဆုံး ၂၃ဦးအထိ ရှိလာပြီး အခြားလူ ၂၇ဦး ဒဏ်ရာရရှိခဲ့ကြောင်း တာဝန်ရှိသူများက ပြောကြားခဲ့သည်။

နောက်ဆုံးရရှိသည့် ကိန်းဂဏန်းများအရ ဧပြီ ၃၀ ရက် နံနက်ပိုင်း ဗုံးပေါက်ကွဲမှုများကြောင့် လူ ၂၁ဦး သေဆုံးပြီး အခြားလူ ၂၇ဦး ဒဏ်ရာရရှိခဲ့ကြောင်း ပြည်သူ့ကျန်းမာရေးဝန်ကြီးဌာန ပြောရေးဆိုခွင့်ရှိသူတစ်ဦးက ပြောကြားခဲ့သည်။အသေခံဗုံးခွဲသမား ၂ဦးမှာ အခင်းဖြစ်ပွားရာ၌ပင် သေဆုံးခဲ့ကြောင်း သိရသည်။

(Xinhua)
http://xinhuamyanmar.com

ဆီးရီးယား နိုင်ငံ အတွင်းရှိ အစိုးရ တပ်စခန်းများ ဒုံးကျည်များဖြင့် တိုက်ခိုက်ခံရ

ဆီးရီးယား နိုင်ငံ အတွင်းရှိ အဆောက်အဦများ တိုက်ပွဲကြောင့် ပျက်ဆီး နေသည် ကို မြင်တွေ့ရစဉ်(ဆင်ဟွာ)
ဒမတ်စကက်စ် ၊ ဧပြီ ၃၀ ရက် (ဆင်ဟွာ)

    ဆီးရီးယား နိုင်ငံပိုင် ရုပ်သံ ဌာန ၏ ထုတ်လွှင့်ချက် အရ ဆီးရီးယား နိုင်ငံ Hama ပြည်နယ် နှင့် Aleppo ပြည်နယ် အတွင်းရှိ အစိုးရ တပ်စခန်းများသည် ဧပြီလ ၂၉ ရက်နေ့ ညပိုင်း အချိန်တွင် ဒုံးကျည်များ ဖြင့် တိုက်ခိုက် ခံခဲ့ရကြောင်း သိရှိရသည်။

သတင်းဖော်ပြချက်များတွင် ဧပြီလ ၂၉ ရက်နေ့ ည ၁၀ နာရီ ၃၀ မိနစ် ခန့် အချိန်တွင် ဆီးရီးယား အစိုးရ တပ်ဖွဲ့ ၏ တပ်စခန်းများသည် ဒုံးကျည်များဖြင့် တိုက်ခိုက် ခံခဲ့ရကြောင်း ၊ သို့သော်လည်း ဆီးရီးယား နိုင်ငံ ဒုံးကျည်ကာကွယ်ရေး စနစ် မှ တိုက်ခိုက်လာသည့် ဒုံးကျည်များ ကို ဖျက်ဆီး နိုင်ခဲ့ကြောင်း ၊ လက်ရှိချိန်တွင် တိုက်ခိုက်ခံရမှု နှင့် ပတ်သက်၍ ဆီးရီးယား နိုင်ငံ အစိုးရ နှင့် စစ်ဘက်ဆိုင်ရာ တို့မှ တရားဝင် ထုတ်ပြန်ချက်များ မထုတ်ပြန်သေးကြောင်း ရေးသား ဖော်ပြခဲ့ကြသည်။

ဆီးရီးယား နိုင်ငံ စစ်ဘက်ဆိုင်ရာ အနေဖြင့် ဧပြီလ ၂၉ ရက်နေ့ ၌ ဒမတ်စကက်စ် တောင်ပိုင်း ရှိ IS အစွန်းရောက် အဖွဲ့အစည်း ၏ တပ်စခန်းများအား ရှင်းလင်းမှုများ ဆက်လက်ဆောင်ရွက်ခဲ့သည်။ ထို့ပြင် ဆီးရီးယား နိုင်ငံ အစိုးရ တပ်ဖွဲ့က ယင်းနေ့ တွင် နိုင်ငံ အရှေ့ပိုင်း Deir ez-Zor ပြည်နယ် Euphrates အရှေ့ဘက်ကမ်းရှိ ရွာများကို စစ်ရေးတိုက်ခိုက်မှု ဆောင်ရွက်ခဲ့ရာ ဒေသတွင်းရှိ Kurd လက်နက်ကိုင် တပ်ဖွဲ့ ဦးဆောင်သည့် ဆီးရီးယား ဒီမိုကရေစီ တပ်ဖွဲ့ နှင့် ပြင်းထန်သည့် တိုက်ပွဲများ ဖြစ်ပွား ခဲ့ကြောင်း သိရှိရသည်။

ဧပြီ လ ၁၃ ရက်နေ့ ညပိုင်း အချိန်တွင် အမေရိကန် နိုင်ငံ ဦးဆောင်၍ ဗြိတိန် နှင့် ပြင်သစ် နိုင်ငံ တို့က ဆီးရီးယား နိုင်ငံ အစိုးရ တပ်ဖွဲ့များကို ဒုံးကျည်များဖြင့် တိုက်ခိုက်မှု စတင်ဆောင်ရွက် ခဲ့သည်။ ယင်းဆောင်ရွက်မှု နှင့် ပတ်သက်၍ နိုင်ငံအချို့၏ နိုင်ငံတကာ ဥပဒေ နှင့် ညီမညီ သံသယဖြစ်မှု ကို ခံခဲ့ရပြီး နိုင်ငံတကာ အသိုင်းအဝိုင်း မှလည်း ဆီးရီးယား ဓာတုလက်နက် တိုက်ခိုက်မှု အား တရားမျှတစွာ စစ်ဆေးမှု ဆောင်ရွက်ရန် တိုက်တွန်းမှုများ ထွက်ပေါ်လာစေခဲ့သည်။

(Xinhua)
http://xinhuamyanmar.com

ကွတ်ခိုင်မြို့အနီးတွင် Winner ခရီးသည်တင်ယာဉ် ချောက်ထဲထိုးကျ တိမ်းမှောက်


ရှမ်းပြည်နယ်(မြောက်ပိုင်း)ကွတ်ခိုင်မြို့နယ် နမ့်ဖတ်လွန်းကျေးရွာအနီးတွင် ဧပြီလ (၃၀) ရက်နေ့ နံနက် အစောပိုင်းက Winner ခရီးသည်တင် ယာဉ်တစ်စီး မူဆယ်သို့အသွား လမ်းဘေးချောက်ထဲထိုးကျခဲ့ရာ သုံးဦးသေဆုံးပြီး (၁၀)ဦး ဒဏ်ရာပြင်းထန်စွာရရှိသွားကြောင်း သိရသည်။

“မနက်အစောပိုင်းက ဖြစ်တာ။ ကျွန်တော်တို့ကို ခရီးသွားတစ်ချို့က အကြောင်းကြားလာတာနဲ့ သိရတာ။ ဒဏ်ရာရသူတွေကို လောလောဆယ် ကွတ်ခိုင်ဆေးရုံမှာ တင်ထားတယ်” ဟု ဗြမ္မစိုရ်လူမှုကူညီရေးအသင်း (ကွတ်ခိုင်)မှ ကိုတင်ဝင်းက တာချီလိတ်သတင်းအေဂျင်စီသို့ ပြောသည်။


ယာဉ်တိမ်းမှောက်မှုကြောင့် ဒဏ်ရာရသူ အရေအတွက် စာရင်းအတိအကျ မသိရသေးသော်လည်း အနည်းဆုံး (၁၀) ဦးဝန်းကျင် ရှိမည်ဟု လူနာများအား ဆေးရုံသို့ ပို့ဆောင်ပေးနေသည့် အဆိုပါ လူမှုကူညီရေးအသင်းက ခန့်မှန်းထားသည်။

လားရှိုးမှ မူဆယ်သို့ ဧပြီလ (၃၀) ရက်နေ့က ထွက်ခွာလာသည့် Winner Express ယာဉ်သည် နံနက် (၅)နာရီဝန်းကျင်တွင် ကွတ်ခိုင်မြို့မှ (၁၃) မိုင်ခန့်အကွာရှိ နမ့်ဖတ်လွန်းကျေးရွာအနီးတွင် လမ်းဘေး ပေ (၂၀၀)ခန့် နက်သည့် ချောက်အတွင်း ထိုးကျသွားခြင်းဖြစ်ကြောင်း သိရသည်။

“ဖြစ်စဉ်အသေးစိတ်ကိုတော့ မသိရသေးပါဘူး။ လူမှုကူညီရေးအသင်းတွေနဲ့ သက်ဆိုင်ရာအဖွဲ့တွေ ရောက်ရှိပြီး ကူညီပေးနေပါတယ်”ဟု ကွတ်ခိုင်မြို့နယ်ရဲတပ်ဖွဲ့ရုံးမှ တာဝန်ကျရဲဝန်ထမ်းတစ်ဦးက ပြောသည်။

အဆိုပါ မတော်တဆမှုနှင့် ပတ်သက်၍ မူဆယ်ခရိုင် ယာဉ်ထိန်းရဲတပ်ဖွဲ့က သွားရောက် စစ်ဆေးနေကြောင်း ကွတ်ခိုင်မြို့နယ်ရဲတပ်ဖွဲ့ထံမှ သိရသည်။

သတင်း - နေဖြိုးမြင့်
ဓါတ်ပုံ- ဗြမ္မစိုရ်လူမှုကူညီရေးအသင်း(ကွတ်ခိုင်)၊ Than Tun Aung (Lashio News)
Tachileik News Agency
https://www.tachileik.net

အောင်ပန်း - ဟဲဟိုးကြား တီကောင်တောင်အဆင်း၌ ဘုရားဖူးယာဉ် တိမ်းမှောက် (၂)ဦး သေဆုံး၊ (၃၉)ဦး ဒဏ်ရာရ

ရှမ်းပြည်နယ်၊ အောင်ပန်း - တောင်ကြီး ပြည်ထောင်စုလမ်း၊ အောင်ပန်း - ဟဲဟိုးကြား တီကောင်တောင်အဆင်း၌ ဧပြီလ ၂၉ ရက်နေ့ နေ့လယ် ၁၁း၃၀ အချိန်ခန့်က ဘုရားဖူးယာဉ် တိမ်းမှောက်မူ့  ဖြစ်ပွားခဲ့ရာမှာ သေဆုံးသူ(၂)ဦး၊ ထိခိုက်ဒဏ် ရာရ လူနာ(၃၉)ဦး၊ ထိခိုက်ဒဏ်ရာမရှိ (၃) ဦး ရှိကြောင်း နာရေးကူညီမှု (အောင်ပန်း)  ဖေ့ဘွတ်ခ် လူမှုကွန်ယက် အင်တာနက်စာမျက်နှာ်မှာ ဖော်ပြထားပါသည်။

ဘုရားဖူးခရီးသည်(၄၄)ဦး၊ လိုက်ပါလာသည့် ရန်ကုန်- သံလျင်(express)ကား တိမ်းမှောက်မူဖြစ်ပွားရာသို့ မြို့/နာကူအဖွဲ့၊ အောင်ပြည့်စုံသွေးအဖွဲ့၊ ကြက်ခြေနီအဖွဲ့၊ မီးသတ်တပ်ဖွဲ့၊ ဟဲဟိုး
ပရဟိတအဖွဲ့၊ ကလောမြို့နယ်လွတ်တော်ကိုယ်စားလှယ်၊ မြို့နယ်အသီးသီးတို့မှ အခင်းဖြစ်ပွားရာသို့သွားရောက်ကူညီပေးခဲ့ကြပြီး၊ ထိခိုက်သေဆုံးဒဏ်ရာရလူနာများကို အောင်ပန်းပြည်သူ့ဆေးရုံ၊ ဟဲဟိုးပြည်သူ့ဆေးရုံ၊ တောင်ကြီးစဝ်စံထွန်းဆေးရုံသို့ ပို့ဆောင် ကူညီဖေးမမူပေးခဲ့ကြပါသည်။

သေဆုံးသူ(၂)ဦးမှာ မအေးမြင့်ရီ အသက်(၄၀)နှစ်၊ သမီး မဆောင်းလပြည့် အသက်(၁၄)နှစ်၊
ရန်ကုန်-ကမ္ဘာအေး နေဟုသိရှိရပါသည်။

နာ/ကူ(အောင်ပန်း)
နာရေး ကူညီမှု အောင်ပန်း

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ