အနာဂတ်အတွက် တခုတည်းသောတပ်မတော်

ပင်လုံညီလာခံမှာ ပြည်ထောင်စု သဘောတူချက်လက်မှတ်ထိုး
ပြည်ထောင်စုငြိမ်းချမ်းရေးညီလာခံ ပင်လုံဒုတိယ အစည်းအဝေးမှာ အစုအဖွဲ့တွေ ဖြစ်ကြတဲ့အစိုးရ စစ်တပ် လွှတ်တော် တိုင်းရင်းသား လက်နက်ကိုင်နဲ့ နိုင်ငံရေးပါတီ တွေကြားမှာ အနာဂတ်အတွက် တခုတည်းသော တပ်မတော်ထားဖို့ မူအားဖြင့် သဘောတူခဲ့ပါတယ်။

တပ်မတော်ဘက်ကတော့ တခုတည်း သောတပ်မတော်ဆိုတာကိုလက်ခံပြီးမှ အခြေခံမူတွေ ဆွေးနွေးစေချင်ပါတယ်။ တိုင်းရင်းသားတွေ ဘက်ကတော့ ဘယ်လိုတခုတည်းသော တပ်မတော်လည်းဆိုတဲ့ အခြေခံမူတွေကို အရင်ဆွေးနွေးဖို့ လိုမယ်လို့ တောင်းဆိုတဲ့အတွက် သဘောတူညီမှု မရတာဖြစ်ပါတယ်။

လွှတ်တော်ဘက်ကတော ဒီမိုကရေစီနည်းကျ ရွေးကောက် တင်မြှောက်ထားတဲ့ အစိုးရလက်အောက်က တခုတည်းသော တပ်မတော်လို့ သုံးစွဲဖို့ အဆိုပြုပါတယ်။

တိုင်းရင်းသား လက်နက်ကိုင်နဲ့ နိုင်ငံရေးပါတီအစုအဖွဲ့ကတော့ ဒီမိုကရေစီဖယ်ဒရယ် ပြည်ထောင်စုရဲ့ ဝိသေသနဲ့ပြည်စုံတဲ့ အနာဂတ် ပြည်ထောင်စု တပ်မတော်လို့ သုံးစွဲချင်ပါတယ်။

တပ်မတော်ဘက်ကတော့ ဝိသေသမပါပဲ တခုတည်းသောတပ်မတော်လို့ခေါ်ဖို့ လိုလားတဲ့အတွက်ညှိလို့မရဖြစ်နေတာပါ။

အခုရရှိတဲ့ ဆွေးနွေးချက်တွေကို လုပ်ငန်းကော်မတီ အစည်းအဝေးသို့မဟုတ် နောက်လုပ်မယ့် ပင်လုံညီလာခံကျမှ ဆွေးနွေးကြမှာဖြစ်ပါတယ်။

လုံခြုံရေး ကဏ္ဍဆွေးနွေးရာမှာ အခက်အခဲကတော့ ပြည်နယ်တိုင်းတွေမှာ အမျိုးသား အဆင့်အစည်းဝေးတွေ အတွင်းလုံခြုံရေး ကိစ္စ မပါတဲ့အတွက် လုပ်ငန်းအဖွဲ့ အစည်းအဝေးကျမှ ဘယ်လိုအခြေခံမူတွေကို ဆွေးနွေးမယ်ဆိုတဲ့ စဆွေးနွေးရတဲ့ အခက်အခဲရှိတယ်လို့ ပင်လုံညီလာခံကို တက်ရောက်ခဲ့တဲ့ တကောင်း သုတေသနအဖွဲ့မှ ကိုရဲမျိုးဟိန်းကပြောပါတယ်။

အခုလိုတကယ်ညှိရတဲ့ အချိန်မျိုးမှာ တဘက်နဲ့တဘက် အပေးအယူ အလျှော့အတင်း လုပ်နိုင်အောင်ကြားက ညှိနှိုင်းရေးမှူးကောင်းတွေ လိုအပ်တယ်လို့ ကိုရဲမျိုးဟိန်းက ပြောသွားပါတယ်။

BBC Burmese
http://www.bbc.com/burmese

ကားဗုံးခွဲ တိုက်ခိုက်မှုကြောင့် ကာဘူးလ်မှာ အသေအပျောက်များ

သံရုံးတွေ အနားမှာ ဖောက်ခွဲ တိုက်ခိုက်ခဲ့
အာဖဂန်နစ္စတန် နိုင်ငံ ကာဘူးလ် မြို့တော်က သံတမန် ရပ်ကွက်မှာ အသေခံ ကားဗုံးခွဲ တိုက်ခိုက်မှုကြီး တစ်ခုကြောင့် လူ ၈၀ သေဆုံးပြီး နောက်ထပ် ၃၅၀ ကျော် ဒဏ်ရာ ရခဲ့တယ်လို့ အာဖဂန် အရာရှိတွေက ပြောပါတယ်။

သေဆုံးသူတွေထဲ မှာ ဘီဘီစီ သတင်း အဖွဲ့က အသုံးပြုတဲ့ ကားသမား မိုဟာမက် နာဇီရာ လည်း ပါဝင်ခဲ့ပြီး နောက် ဘီဘီစီ ဝန်ထမ်း လေးယောက် ဒဏ်ရာ ရခဲ့ပါတယ်။

ဖောက်ခွဲရေး ပစ္စည်းတွေ အပြည့် တင်လာတဲ့ ထရပ်ကားကို မနက် လူသွားလူလာ များချိန် သံရုံးတွေ အနားမှာ ဖောက်ခွဲ တိုက်ခိုက်ခဲ့တာပါ။

အနီးအနားက ကားတွေ အတော်များများ ပျက်စီးပြီး မှန်စတွေက ကီလိုမီတာ အတော်ဝေးဝေး အထိ ပြန့်ကြဲ သွားခဲ့ပါတယ်။

ငလျင်လှုပ်သလို မြေကြီးတွေ တုန်သွားခဲ့တယ်လို့ ဒေသခံတွေက ပြောပါတယ်။

ဒီတိုက်ခိုက်မှု သူတို့ နဲ့ မပတ်သက်ကြောင်း တာလီဘန်တို့က ငြင်းဆိုပါတယ်။

ကာဘူးလ် မြို့တော်မှာ ဖြစ်ပေါ် ခဲ့တဲ့ တိုက်ခိုက်မှု တချို့ကို အိုင်အက်စ် အဖွဲ့က လုပ်ဆောင် ခဲ့ဖူးပါတယ်။

BBC Burmese
http://www.bbc.com/burmese
 

လူမှုကွန်ယက်ပေါ်က နှိပ်စက်ညှင်းပမ်းမှုဗွီဒီယို မြန်မာစစ်တပ် စုံစမ်းအရေးယူမည်

လူမှုကွန်ယက်ပေါ်က နှိပ်စက်ညှင်းပမ်းမှုဗွီဒီယို (Fortify Rights - Myanmar)
ရှမ်းပြည်နယ်အတွင်း အရပ်သားအချို့ကို တပ်မတော်သားတချို့က ဖမ်းဆီးနှိပ်စက် စစ်ဆေးနေတာနဲ့ ပတ်သက်လို့ စုံစမ်းစစ်ဆေးနေကြောင်း တပ်မတော် ကာကွယ်ရေးဦးစီးချုပ်ရုံးက သတင်း ထုတ်ပြန်ပါတယ်။ နိုင်ငံတော် အတိုင်ပင်ခံရုံး ၀န်ကြီးဌာနကလည်း ပြစ်မှုချိုးဖောက်ကြောင်း ထင်ရှားလျှင် တည်ဆဲဥပဒေ စည်မျဉ်းစည်းကမ်းတွေနဲ့ အညီ အရေးယူသွားမယ်ဆိုပြီး ဒီကနေ့ ကြေညာချက် ထုတ်လိုက်ပါတယ်။ အခုလို ပြစ်မှုကျူးလွန်သူတွေကို ထိထိရောက်ရောက် အပြစ်ပေးမှသာ ဒီလို လူ့အခွင့်အရေး ချိုးဖေါက်မှုတွေကို တားဆီးနိုင်လိမ့်မယ်ဆိုပြီး လူ့အခွင့်အရေးအဖွဲ့တွေက ထောက်ပြကြပါတယ်။ ဒီအကြောင်း ကိုအောင်အောင်က ပြောပြပေးမှာပါ။

ရှမ်းပြည်နယ်အတွင်းက ဒေသခံ တိုင်းရင်းသားအချို့ တပ်မတော်သားတချို့က ကိုယ်ထိလက်ရောက် ရိုက်နှက်နေတဲ့ ဗွီဒီယိုမှတ်တမ်း ဖေ့စ်ဘွတ်စာမျက်နှာမှာ မေလ ၂၇ ရက်နေ့ မနက် ၁ နာရီလောက်က စတင်ထွက်ပေါ်လာတာပါ။

တယ်လီဖုန်းနဲ့ ရိုက်ကူးထားတယ်လို့ယူဆရတဲ့ ဗွီဒီယို အွန်လိုင်းမှာ ပျံ့နှံ့ခဲ့ပြီးနောက် အခုလို ပြစ်မှုကျူးလွန်သူတွေကို ဖေါ်ထုတ်ဖို့ ကြိုးပမ်းနေပြီး တည်ဆဲဥပဒေနဲ့အညီ အရေးယူသွားမယ်လို့ တပ်မတော် ကာကွယ်ရေးဦးစီးချုပ်ရုံးကရော နိုင်ငံတော် အတိုင်ပင်ခံရုံး ၀န်ကြီးဌာနကပါ သတင်းထုတ်ပြန်ထားပါတယ်။ ဘယ်လို ပုံစံမျိုးနဲ့ စုံစမ်းစစ်ဆေးသွားလဲဆိုတာကို နိုင်ငံတော် အတိုင်ပင်ခံရုံး ညွှန်ကြားရေးမှူးချုပ် ဦးဇော်ဌေးက အခုလိုရှင်းပြပါတယ်။

“အဲဒီလိုမျိုးတပ်မတော်သားတယောက်က ဒီလိုမျိုးကျူးလွှန်တယ်ဆိုရင် သက်ဆိုင်ရာ စစ်ဘက်ဆိုင်ရာဥပဒေအရ အရေးယူသင့်သလိုမျိုး ၊ အရပ်ဘက်မှာလည်း အရပ်ဘက်ဆိုင်ရာ အရပ်ဘက်အကြောင်းအရ ပတ်သက်တယ်ဆိုရင် အရပ်ဘက်တရားရုံးကိုလွှဲတယ်။ ဒါက မြန်မာ့တပ်မတော်မှာ ဥပဒေ နှစ်ရပ်နဲ့ အရေးယူခံရတာတွေအများကြီးရှိခဲ့တယ်။”

နိုင်ငံတကာ လူ့အခွင့်အရေးအဖွဲ့အချို့က ဒီဖမ်းဆီးနှိပ်စက်မှုနဲ့ ပတ်သက်လို့ ထိထိရောက်ရောက် အရေးယူဆောင်ရွက်ပေးဖို့ တောင်းဆိုအပြီး ရက်အနည်းငယ် အကြာမှာ တပ်မတော်ဘက်ကရော အစိုးရဘက်ကပါ အခုလို သတင်း ထုတ်ပြန်လိုက်တာပါ။ Fortify Rights လူ့အခွင့်အရေးအဖွဲ့ကလည်း မေလ ၂၈ ရက်နေ့က ကြေညာချက် ထုတ်ပြီး ဖမ်းဆီးနှိပ်စက်ခံရသူတွေ ဘယ်မှာ ဖမ်းဆီးချုပ်နှောင် ထားသလဲဆိုတာနဲ့ သူတို့တွေရဲ့ လုံခြုံရေးအတွက် အာဏာပိုင်တွေအနေနဲ့စုံစမ်း စစ်ဆေးပေးဖို့ အမှုဆောင် ညွှန်ကြားရေးမှူးချုပ် Matthew Smith က ပြောပါတယ်။

“တပ်မ ၈၈ က စစ်သားတွေဟာ လက်နောက်ပြန်ကြိုးချည်ခံထားရတဲ့ ရွာသားတွေကို ပြင်းပြင်းထန်ထန်နှိပ်စက်နေတာပါ။ ဗွီဒီယိုထဲမှာတော့ သူတို့ဟာ တခုခုကို စစ်ဆေးနေပုံပါ။ ဒါကြောင့် အာဏာပိုင်တွေအနေနဲ့ ဒီကိစ္စကို အမြန်ဆုံး စုံစမ်းစစ်ဆေးပြီး ပြစ်မှုကျူးလွန်တဲ့တပ်ဖွဲ့ဝင်တွေကို အပြစ်ပေးအရေးယူဖို့ပါ။”

၁၇ မိနစ်ကြာ ဗွီဒီယိုထဲမှာ လက်ပြန်ကြိုးတုပ်ပြီး ဖမ်းဆီးခံထားရတဲ့ အရပ်ဝတ် အမျိုးသားအချို့ကို ယူနီဖောင်း ၀တ်ထားတဲ့ တပ်မတော်သားအချို့က မျက်နှာကို ခြေနဲ့ကန်၊ ပါးရိုက်တဲ့အပြင်၊ စစ်သံခမောက်နဲ့ မျက်နှာကိုရိုက်နှက်နေတာကို တွေ့ရပါတယ်။ တပ်မတော်ကာကွယ်ရေးဦးစီးချုပ်ရုံး Facebook စာမျက်နှာမှာတော့ ရှမ်းပြည်နယ်မြောက်ပိုင်း ကွတ်ခိုင်မြို့နယ်ထဲက ဖမ်းဆီးရမိတဲ့ အကြမ်းဖက်သောင်းကျန်းသူ ၄ ဦးဆိုပြီး အဲဒီအဖမ်းခံရသူတွေကို ရည်ညွှန်းဖေါ်ပြ ထားပါတယ်။

TNLA တအောင်းတပ်ဖွဲ့ ပြန်ကြားရေးတာဝန်ခံ ဗိုလ်မှူး မိုင်အိုက်ကျော်ကတော့ ဒီဖြစ်စဉ်နဲ့ ပတ်သက်ပြီး စုံစမ်းနေဆဲဖြစ်ကြောင်း ပြောပါတယ်။

“ကျနော်တို့လည်းဖွင့်ကြည့်တယ် အဲဒီမှာ ပလောင်စကားပြောတဲ့အသံ တခွန်း၊ ၂ ခွန်းကြားရတယ်။ ဒါပေမယ့် ဘယ်နားမှာဆိုတာကိုတော့ ကျနော်တို့လည်း လိုက်မေးကြည့်နေတုန်းပဲ။ ပြောရမယ်ဆိုရင်တော့ ဒီဟာက အရပ်ဝတ်ဖြစ်တယ် ကျနေ်ာ့အမြင်ပေါ့နော်။ သူတို့ဆီမှာ လည်း ဘာမှမပါဘူး၊ ပြီးရင် ကြိုးတုတ်ပြီးမှ ရိုက်တယ်။ ဘာမှလက်နက်မရှိတဲ့လူကို အဲဒီလိုမျိုး ညှင်းပမ်း နှိပ်စက်တာက သဘာဝတော့မကျဘူး။”

ဖမ်းဆီးစစ်ဆေးနေတဲ့သူတွေထဲမှာ မြန်မာ့တပ်မတော် လက်မောင်းအမှတ်တံဆိပ် တပ်ဆင်ထားသူ တပ်မတော်သားအချို့နဲ့ ပြည်သူ့စစ်လို့ ယူဆရသူတွေ ပါဝင်ပါတယ်။ အခုနောက်ပိုင်းမှာ တပ်မတော်အနေနဲ့ တပ်ဖွဲ့ဝင်တွေရဲ့ လူ့အခွင့်အရေးချိုးဖေါက်မှု ဖြစ်စဉ်တွေအပေါ် အရေးယူဆောင်ရွက်မှုတွေ ရှိလာပေမယ့် ဘယ်လိုပုံစံနဲ့ အရေးယူသလဲ ဆိုတာကို ပွင့်လင်းမြင်သာမှုရှိရှိ ဆောင်ရွက်ဖို့လိုကြောင်း ထောက်ပြသူက ကချင်ငြိမ်းချမ်းရေးကွန်ယက်က ဒေါ်ခွန်ဂျာပါ။

“အခုလောလောဆည်ကတော့ တရားစီရင်ရေးမှာ တပ်မတော်ကကျူးလွှန်တာနဲ့ ပတ်သက်လို့ရှိရင် အမြဲတမ်း စစ်ဥပဒေအရပဲ၊ စစ်စည်းကမ်းအရပဲ ကိုင်တွယ်ဖြေရှင်း တာဖြစ်တဲ့အတွက်ကြောင့် ပွင့်လင်းမြင်သာမှုမရှိတဲ့အတွက်ကြောင့် ဘယ်လိုအတိုင်းအတာအထိ တရားမျှတမှုကို ရှာဖွေပေးမလဲဆိုတာကို မသိပါဘူးရှင့်။ မြစ်ကြီးနားမြို့လယ်ခေါင်မှာ ဇွန်လ ၂၀ ရက်နေ့တုန်းက ပစ်သတ်ခံရတဲ့ ဂွန်ဆိုင်းအောင်ကိစ္စရော ၊ ပြီးလို့ရှိရင် ၂၀၁၅ ဧပြီလ ၁၃ ရက်နေ့မှာ မုဒိမ်းကျင့်ခံခဲ့ရတဲ့ Numlang ကျေးရွာက အသက် ၇၃ နှစ်အရွက် အဖွားကြီးရဲ့ case ရော ဒီ ၂ ခုစလုံးမှာက ပွင့်လင်းမြင်သာစွာ စီရင်မှုမရှိတဲ့အတွက် ကျမတို့အနေနဲ့ အရပ်သားခုံရုံးကို ပြန်လွှဲရဖို့ ကြိုးစားနေဆဲ ဖြစ်ပါတယ်။”

လွန်ခဲ့တဲ့ သီတင်းပတ်တုန်းကပဲ ကချင်ပြည်နယ် မန်စီမြို့နယ်အတွင်းက စစ်ဘေးရှောင် ကယ်ဆယ်ရေး စခန်းမှာ ခိုလှုံနေတဲ့ ကချင်အမျိုးသားသုံးဦး သတ်ဖြတ်ခံခဲ့ရပါတယ်။ သူတို့ကို အစိုးရစစ်တပ်က ဖမ်းဆီးသွားပြီးနောက် ပျောက်ဆုံးသွားတာဖြစ်ကြောင်း ဒေသခံတွေကပြောပါတယ်။ဒီကိစ္စအပေါ်မှာလည်း တပ်မတော်သားတွေ ပါဝင် ပတ်သက်မှုရှိမရှိ စုံစမ်းစစ်ဆေးသွားမယ်လို့ ကာကွယ်ရေးဦးစီးချုပ်ရုံးက သတင်း ထုတ်ပြန်ထားပါတယ်။

 အောင်အောင်  / ဗွီအိုအေ (မြန်မာပိုင်း)
http://burmese.voanews.com

အစိုးရတပ်စခန်း ပြန်ရုပ်သိမ်းစေလိုသည့် လူထုတောင်းဆိုချက်ပြည့်အောင် ကေအဲန်ယူ တိုက်တွန်းသွားမည်


မေလ ၃၁ရက်၊ ၂၀၁၇ခုနှစ်။ စအိုင်ဆူး

ကေအဲန်ယူ-ကရင်အမျိုးသားအစည်းအရုံး ဖာပွန်ခရိုင်အတွင်းရှိ အစိုးရ စစ်တပ်စခန်းများ ရုပ်သိမ်းပေးသွားရန် ပြီးခဲ့သည့် ရက် အနည်းငယ်က ပြည်တွင်းစစ်ဘေးရှောင် ဒုက္ခသည်များ ဆန္ဒထုတ်ဖော်တောင်းဆိုချက်များ ပြည့်မြောက်စေရန် သက်ဆိုင်ရာ အဖွဲ့အစည်းအသီးသီးအား တိုက်တွန်းနှိုးဆော်ပေးသွားမည်ဟု ကေအဲန်ယူ ဖာပွန်ခရိုင်၏ အမြဲတမ်းကော်မတီမှ မေလ ၂၉ရက် နေ့တွင် ကြေညာချက် ထုတ်ပြန်လိုက်သည်။

စစ်ဘေးရှောင် IDP များအနေဖြင့် ၎င်းတို့နေရပ်သို့ ဘေးကင်းလုံခြုံစွာပြန်နိုင်ရေးဟုဆိုကာ ၎င်းတို့ဒေသရှိ အစိုးရ တပ်စခန်းများ ကို ရုပ်သိမ်းပေးရေးကို မေလ ၁၅ရက်နှင့် ၂၄ရက်နေ့များတွင် ဖလာခို့ဒေသနှင့် အီတူးထာ့ ပြည်တွင်း စစ်ရှောင်စခန်း၌ ဆန္ဒထုတ်ဖော်ပွဲနှင့်အတူ တောင်းဆိုချက်များမှာ အမှန်တကယ် လိုအပ်မှုဖြစ်သောကြောင့် ခရိုင်ခေါင်း ဆောင်များအနေဖြင့် ယခုလို ကြေညာချက် ထုတ်ပြန်ရခြင်းဖြစ်ကြောင်း ကေအဲန်ယူ ဖာပွန်ခရုိုင်/ တပ်မဟာ (၅) ရုံးထိုင်မှူးဗိုလ်မှူးစောကလယ်ဒို့က ကေအိုင်စီသို့ ပြောသည်။

၎င်းက “ကိုယ့်ဒေသနဲ့ကိုယ် အရင်ကတည်းက နေလာခဲ့တဲ့ ဒေသခံတွေက အစိုးရတပ်စခန်းတွေ တိုးချဲ့လာတာကြောင့် သူတို့ ဒေသတွေကိုစွန့်ခွာပြီးတော့ ရှောင်ပြေးခဲ့ရတယ်။ အခုက အပစ်ရပ်ကာလရောက်လာတာနဲ့အညီ သူတို့ဒေသကို ပြန်ပြီး နေထိုင် လုပ်ကိုင်စားသောက်ချင်ကြတယ်။ ဒီအပေါ် သူတို့ဒေသမှာရှိနေတဲ့ စစ်တပ်စခန်းတွေကို ပြန်လည်ရုပ်သိမ်းဖို့ လိုလားတောင်းဆို ချက်အပေါ်မှာ ကျနော်တို့က အမှန်တကယ် လိုအပ်မှုဖြစ်တယ်လို့ ယူဆထားတယ်”ဟု ဗိုလ်မှူးစောကလယ်ဒို့က ပြောသည်။

ဒေသခံ လူထုများ၏ လိုလားတောင်းဆိုချက်များ ပြည့်မြောက်အောင် အဖက်ဖက်မှ ဝိုင်းဝန်းကူညီ ထောက်ခံပြောဆိုသွားရန် ဖာပွန်ခရိုင် အမြဲတမ်းကော်မတီအနေဖြင့် သက်ဆိုင်ရာ ကေအဲန်ယူ ဗဟိုခေါင်းဆောင်များ၊ နိုင်ငံတကာနှင့် အိမ်နီးချင်းနိုင်ငံများ အပြင် သက်ဆိုင်ရာ အခြားအဖွဲ့အစည်းများကိုလည်း အသိပေးရင်း တိုက်တွန်းပြောဆိုသွားမည်ဖြစ်ကြောင်း ၎င်းက ဆက်ပြော သည်။

ငြိမ်းချမ်းရေးဖြစ်စဉ်များနှင့်အတူ ပြည်တွင်းစစ်ရှောင် IDP များအပေါ် စားနပ်ရိက္ခာများ ဖြတ်တောက်ခြင်းနှင့် ၎င်းတို့၏ နေရပ်သို့ ပြန်လည်နေထိုင်ရန် ဖိအားပေးမှုများရှိလာသည့်အပေါ် ဘေးကင်းလုံခြုံစွာ နေရပ်ပြန်နိုင်ရေးအတွက် အီတူး ထာ့ပြည်တွင်းပုန်း ရှောင်ဒုက္ခသည်များက အိမ်ပြန်လမ်းတစ်လျှောက်ရှိ မြန်မာ့တပ်မတော်၏ စခန်း ၁၇ခုကို ရုပ်သိမ်းပေးရန်၊ မြေမြုပ်မိုင်းများ ဖယ်ရှားပေးရန်၊ လိင်ပိုင်းဆိုင်ရာအခွင့်အရေး စော်ကားချိုးဖောက်မှု၊ အတင်းအဓမ္မခိုင်းစေမှု၊ အတင်းအဓမ္မ ပစ္စည်းတောင်းယူမှု၊ သတ်ဖြတ်မှု၊ လယ်ယာမြေနှင့် ဥယျာဉ်ခြံမြေ ဖျက်ဆီးမှု သို့မဟုတ် သိမ်းယူမှု ကဲ့သို့သော လူ့အခွင့်အရေးချိုးဖောက်မှုများကို အဆုံးသတ် ရပ်တန့်ပေးရန် အပါအဝင် အချက် (၆)ချက်ဖြင့် မေလ ၂၄ရက်နေ့က တောင်းဆိုခဲ့ခြင်းဖြစ်သည်။

အီတူးထာ့ပြည်တွင်းပုန်းရှောင်ဒုက္ခသည်စခန်း၏ ဥက္ကဌ စောညာထယ်က “လက်ရှိ ကျနော်တို့ဒေသတွေမှာ စစ်စခန်းတွေ ရှိ သေးတယ်။ ဒါ့အပြင် မြေမြုပ်မိုင်းတွေလည်း ရှိနေသေးတယ်။ ရှိနေတဲ့ စစ်စခန်းတွေကလည်း ကျနော်တို့ဒေသနဲ့နီးတယ်။ ဒီအ ပေါ်မှာ ကျနော်တို့ပြန်ဖို့ အခက်အခဲတွေ၊ စိုးရိမ်ကြောက်ရွံ့မှုတွေ ရှိနေသေးတယ်။ ဒီအတွက် ကျနော်တို့ ခေါင်းဆောင် တွေ တွေ့ ဆုံဆွေးနွေးကြပြီး အဲ့ဒီအခက်အခဲတွေအကုန်လုံးကို ဖြေရှင်းပြီးမှ ကျနော်တို့ပြည်သူတွေ ပြန်လို့ရမယ်”ဟု ကေအိုင်စီသို့ ပြော သည်။


အလားတူ ကေအဲန်ယူနယ်မြေ လူသောမြို့နယ်အတွင်းရှိ ဖလာခို့၊ ယယ်မူပလော၊ ကျော်မူပလော စသည့်ကျေးနယ် ၃ခုမှ ဒေသ ခံ တစ်ထောင်နီးပါးက မေလ ၁၅ရက်နေ့တွင် ပြုလုပ်သည့် ဆန္ဒထုတ်ဖော်မှုတွင်လည်း လွတ်လပ်စွာ ပြန်လည် အခြေချ နေထိုင် နိုင်ရန်အတွက် ယင်းဒေသရှိ အစိုးရတပ်မတော် စစ်စခန်းများကို ရုပ်သိမ်းပေးရန် တောင်းဆိုခဲ့ကြသည်။

ကေအဲန်ယူ ဖာပွန်ခရိုင်၏ ထုတ်ပြန်ချက်အရ ပြည်သူလူထု၏ လိုလားတောင်းဆိုချက်များအပေါ် ဖာပွန်ခရိုင် ခေါင်းဆောင်များ အနေဖြင့် ဒေသခံလူထုနှင့် အတူတကွ ပူးပေါင်းပြီး အကောင်းဆုံး လုပ်ဆောင်ပေးသွားမည်ဖြစ်သလို ပြည်သူများ၏ လိုလား ချက်ပြည့်မြောက်အောင် ထောက်ခံအားပေး ဖြည့်ဆည်းပေးလိုသူများကိုလည်း ၎င်းတို့နှင့် ပူးပေါင်းပါဝင် လုပ်ဆောင်သွားရန် လည်း တိုက်တွန်းထားသည်။

ယင်းကိစ္စအပေါ် ကေအဲန်ယူတွဲဘက်အတွင်းရေးမှူး ၂ဖြစ် သူ ပဒိုစောလှထွန်းက “ဒီကိစ္စ ကျနော်တို့ ခေါင်းဆောင် တွေပြန်ပြီးတိုင်ပင်သွားမယ်။ ဖြစ်စဉ်တစ်ခုလုံးကိုပြန်ပြီး သုံးသပ်တဲ့အခါ အဲဒါတွေလည်း ပါလာမယ်။ ဒီကိစ္စ တပ်ဘက်ပိုင်း ဆိုင်ရာနဲ့ဆက်စပ်တဲ့အတွက် တပ်ဘက်က ပြန်ပြီးတော့ ရှေ့သျှောင်ပေးဖို့ လိုမယ်လေ။ တပ်ပြန်ချရေး၊ ပြန်ရုပ်သိမ်းကိစ္စက အကောင်အထည်လုပ်ဆောင်ဖို့အဆင့်ဆင့် ရှိတဲ့အပေါ်မှာ ပြန်ပြီးတော့ ရှေ့သျှောင်နိုင်ဖို့အတွက် တပ်အစည်းအဝေးကျရင် ပြန်ဆွေးနွေးဖို့လိုတယ်ပေါ့နော်။”ဟု ကေအိုင်စီသို့ ပြောသည်။

ကေအဲန်ယူ ဖာပွန်ခရိုင်/တပ်မဟာ (၅) နယ်မြေတစ်ခုတည်းအတွင်း၌ ကေအဲန်ယူနှင့် ဦးသိန်းစိန် ဦးဆောင်သည့် မြန်မာအစိုးရ တို့ ပဏာမ အပစ်အခတ်ရပ်စဲရေး လက်မှတ်ရေးထိုးသည့် ၂ဝ၁၂ခုနှစ်မှစတင်ပြီး ယခုအချိန်အထိ မြန်မာစစ်တပ်၏ စစ်စခန်းများ ၆၅နေရာမှ ၈၁နေရာအထိ တိုးမြှင့်လာခဲ့သည်ဟု အီတူးထာ့စခန်းနေ ဒုက္ခသည်ပြည်သူများ၏ ထုတ်ပြန်ချက်အရ သိရသည်။

 စအိုင်ဆူး
http://kicnews.org
 

BGF တပ်ဖွဲ့ ဖမ်းထားသည့် ရွာသားများကို အမြန်ဆုံးပြန်လွတ်ပေးရန် မိသားစုဝင်များလိုလား


မေလ ၃၁ ရက်၊ ၂၀၁၇ ခုနှစ်။ ကေအိုင်စီ

မွန်ပြည်နယ်၊ ကျိုက်မရောမြို့နယ် ကြီးအုပ်ကျေးရွာအုပ်စု ကရင်လိုင်ကျေးရွာ ဒါလီသစ်တောကြိုးဝိုင်းတွင် မေလ ၂၃ ရက် နေ့က ကရင်ပြည်နယ်၊ နယ်ခြားစောင့်တပ် (BGF) အမှတ် ၁၀၂၁ တပ်ရင်း၏ ဖမ်းဆီးခြင်းခံရပြီး ပြန်လည်လွတ် မြောက် လာခြင်းမရှိသေးသည့် ကရင်လိုင်ကျေးရွာသား ဒေသခံ ၂ ဦးအား အမြန်ဆုံးပြန်လွတ်ပေးရန် မိသားစုဝင်များက လို လား လျှက်ရှိကြောင်း သိရသည်။

ဖမ်းဆီးခံရသည့် ကရင်လိုင်ကျေးရွာသား ဦးတင်ထွန်လေး၏ ဇနီးဖြစ်သူ နော်ဖလေးဝါးက “ဘာအကြောင်း ကိစ္စမှန်းမသိ ဖမ်းထားတာ ရက်ကြာလာတော့ ဘယ်လိုနေ ဘယ်လိုစားရမှန်းမသိ စိတ်ပူတယ်။ ဘယ်သူမှ အကြောင်းမကြားလာတော့ အရမ်းသွားတွေ့မရဲဘူး။ တစ်နေ့လုပ်မှ တစ်နေ့စားရတာပါ။ ယောက်ျားလဲမရှိတော့ ကလေးတွေလည်းကျောင်းမအပ်နိုင် သေးဘူး။ စာဝတ်နေရေးလည်း အခက်အခဲရှိတယ်။ အမြန်ဆုံးပြန်လွတ်ပေးဖို့ အထက်လူကြီတွေကို တောင်းဆိုချင်ပါ တယ်” ဟု ကေအိုင်စီသို့ ပြောသည်။

ပြီးခဲ့သည့် ရက်သတ္တပတ်က ဒါလီသစ်တောကြိုးဝိုင်းအတွင်း ရာဘာစိုက်ပျိုးရန် ခုတ်ထွင်ရှင်းလင်းမှုများပြုလုပ်နေသည့် က ရင်လိုင်ကျေးရွာသား ၄ ဦးကို နယ်ခြားစောင့်တပ် BGF အမှတ် ၁၀၂၁ တပ်ရင်းမှ တပ်ဖွဲ့ဝင် အင်အား ၂၀ ကျော် ရောက်ရှိ လာပြီး အဆိုပါ ဒေသခံများအား လက်ထိပ်ခတ်ကာ ခေါ်ဆောင်သွားခြင်းဖြစ်သည်ဟု ဖမ်းဆီးခံ မိသားစုဝင်များဘက်က ပြောသည်။

နယ်ခြားစောင့်တပ်၏ ဖမ်းဆီးခြင်းခံထားရသူ ၄ ဦးအနက် ၂ ဦးသာ ပြန်လည်လွတ်မြောက်လာသေးပြီး ဆက်လက်ဖမ်း ဆီး ခံထားရဆဲဖြစ်သည့် ကရင်လိုင်ရွာမှ စောတင်ထွန်းလေးနှင့် ဦးတရုတ်တို့ ၂ ဦးအတွက် မိသားစု ၀င်များအနေဖြင့် ၎င်းတို့ အား အမြန်ဆုံးပြန်လွတ်ပေးရန် တောင်းဆိုနေကြခြင်းဖြစ်သည်။

ဒေသခံများ ဖမ်းဆီးခံရခြင်းနှင့် ပတ်သက်၍ BGF အမှတ် ၁၀၂၁ တပ်ရင်းမှူး ဒုဗိုလ်မှူးကြီးစောဘီလူးက “ BGF မဖြစ်ခင်က တည်းက ထိန်းသိမ်းခဲ့တဲ့ မြေနေရာမှာ လာပြီးလုပ်လို့ ခေါ်ပြီးတော့ နားလည်အောင်ရှင်းပြတာပဲ ဖမ်းဆီးတာ မဟုတ်ဘူး။ အဲ ဒီမှာရှိတဲ့ ရွာတိုင်းကို ပေးစိုက်ထားတာ သူများတွေ ရာဘာခြစ်စားကုန်ပြီး။ အဲဒီရွာကပဲ စိုက်လိုက်၊ ရောင်း စားလိုက်နဲ့၊ မ ထိန်းသိမ်းပဲ သူများရောင်းစားလို့ ကုန်တာကြာပြီး။ အဲနေရာ တစ်ကွက်ပဲ ကျန်ပါတယ်။ ကျေးရွာ တာဝန်ရှိသူ တွေအနေနဲ့ လာပြီးတွေ့ဆုံတာ မရှိဘူး ။ အချိန်မရွေး ပြန်လွတ်လို့ရတယ်” ဟု မေလ ၃၀ ရက်နေ့တွင် ကေအိုင်စီသို့ ပြောသည်။

ယင်းဒါလီကြိုးဝိုင်းအတွင်း ရွာသားများ သစ်ပင်သွားရောက်စိုက်ပျိုးသည့် မြေနေရာကို အစိုးရက တရားဝင်ချထားပေးသည့် မြေဧရိယာအတွင်းဖြစ်သည်ဟု ဒေသခံများက ပြောဆိုနေကြသလို BGF ဘက်ကလည်း ၂၀၁၂ ခုနှစ်အတွင်းက တပ်မြေ အဖြစ် သတ်မှတ်ထားသည့် မြေဧရိယာ ၆၀၀ အတွင်း ပါဝင်သည်ဟု ပြောဆိုသည့်အတွက် အငြင်းအပွား မြေနေ ရာများ ဖြစ်သည်ဟု သိရသည်။

၂၀၁၅ ခုနှစ် ဒါလီသစ်တောကြိုးဝိုင်းတွင် နိုင်ငံတော်မှ ဒေသခံ ၃၀ ဦးကို စိုက်ပျိုးမြေ ၈၆၄ ဧက စိုက်ပျိုးခွင့်ပေးခဲ့ခြင်းဖြစ် သည်ဟုသိရပြီး ဒေသခံများက ကျွန်း၊ ပျဉ်းကတိုး၊ မဟော်ဂနီပင်များ စိုက်ပျိုးရန်အတွက် ယခင်လကတည်းက BGFမှ တား ဆီးမှုများပြုလုပ်ခဲ့သေးကြောင်းလည်း စိုပြည်စိမ်းလန်း မြန်မာတစ်ဝှမ်း ကြီးငယ် သစ်ပင် စိုက်ပျိုးရေးအဖွဲ့ ဥက္ကဌ စောဖုန်း နိုင်က ပြောသည်။

ယင်းကိစ္စအပေါ် ကျိုက်မရောမြို့နယ် သစ်တောဦးစီးဌာနမှ ဦးစီးမှူးဦးဆန်းဝင်းထွန်းက “ဒါလီသစ်တောကြိုးဝိုင်းမှာ ၁၆၊ ၂ဝ၊ ၂၁၊ ၂၃၊ အကွက်တွေမှာ ၂၀၁၄ ခုနှစ်က ရာဘာစိုက်ပျိုးဖို့ ဒေသခံ ၃၀ ဦး လျှောက်ထားတယ်။ ဧကပြည့်မီအောင် စိုက်ပျိုး ဖို့ ညွှန်ကြားထားတယ်။ ၈ဝ၅ ဧကတောင်းခံထားတာ ကွင်းဆင်းစစ်ဆေးတဲ့အခါမှာ ၃.၂၅ ဧကပဲ စိုက်ထားတယ်။ ၇၀ ရာ ခိုင်နှုန်းမပြည့်လို့ စာချုပ်မချုပ်ပေးသေးဘူး။ BGFရဲ့ တိုက်ရိုက်စိုးမိုးမှု ဧရိယာ နယ်မြေတော့မသိဘူး ။ ရွာရဲ့အနေအထားနဲ့ အဖွဲ့အစည်းရဲ့အနေထား မပြောနိုင်သေးဘူး” ဟု မေလ ၃၁ ရက်နေ့တွင် ကေအိုင်စီသို့ပြောသည်။

ဒါလီသစ်တောကြိုးဝိုင်း ဧရိယာအတွင်း ဖြစ်ပွားသည့် ကိစ္စနှင့်ပတ်သက်၍ မွန်ဒေသမြေယာ အသုံးချမှု ကွန်ယက်အဖွဲ့မှ မေလ ၂၉ ရက်နေ့က မွန်ပြည်နယ် ဝန်ကြီးချုပ်နှင့် လုံခြုံရေးနှင့် နယ်စပ်ရေးရာဝန်ကြီးထံသို့ စာရေးတင်ပြထားကြောင်း လည်း သိရသည်။

 ကေအိုင်စီ
http://kicnews.org

အလုပ်သမား အငြင်းပွားမှု ဥပဒေကြမ်းပါ အချက် ၂ ချက်ပြင်ပေးဖို့ တောင်းဆို

အထည်ချုပ်လုပ်ငန်းရှင်အသင်း အတွင်းရေးမှူး ဒေါ်ခိုင်ခိုင်နွယ် ကိုတွေ့ရစဉ်။ Photo: Thant Zin Oo/RFA
အလုပ်သမားဝန်ကြီးဌာနကနေ ပြည်သူ့လွှတ်တော် ဥပဒေရေးရာနှင့် အထူးကိစ္စရပ်များ လေ့လာ ဆန်းစစ် သုံးသပ်ရေးကော်မရှင်ကို မနေ့က တင်ပြလိုက်တဲ့ အလုပ်ရှင်အလုပ်သမား အငြင်းပွားမှု ဖြေရှင်းရေး ဥပဒေ မူကြမ်းမှာ ပါဝင်တဲ့ အချက်၂ ချက်ကို ပြင်ဆင်ပေးဖို့ အလုပ်ရှင်တွေက တောင်းဆိုထားတယ်လို့ အထည်ချုပ် လုပ်ငန်းရှင်အသင်း အတွင်းရေးမှူး ဒေါ်ခိုင်ခိုင်နွယ် က ပြောပါတယ်။

ဒီကနေ့ ရန်ကုန်မြို့ ပြည်ထောင်စုမြန်မာနိုင်ငံ ကုန်သည်ကြီးများနှင့် စက်မှု လက်မှု လုပ်ငန်းရှင်များ အသင်းချုပ်မှာ ပြုလုပ်တဲ့ အလုပ်သမား ဥပဒေများ ပြုပြင်ပြောင်းလဲရေး ဆွေးနွေးပွဲမှာ အလုပ်ရှင်တွေဘက်က ပြင်ဆင်ပေး ဖို့ တောင်းဆိုထားတဲ့ အချက် ၂ ချက်နဲ့ပတ်သက်ပြီး ဒေါ်ခိုင်ခိုင်နွယ်က အခုလိုပြောတာပါ။

"ဥပဒေကြမ်းထဲမှာ အလုပ်ရှင်များကို ထောင်ဒဏ်လို့ချထားတာရှိပါတယ်၊ အလုပ်ရှင်တွေအနေနဲ့ ဒီဟာကို ပယ်ဖျက်ဖို့အတွက် တောင်းဆိုထားတာရှိပါတယ်"

ဒါ့အပြင် လက်ရှိဥပဒေကြမ်းဟာလည်း အလုပ်ရှင်၊ အလုပ်သမားနဲ့ အစိုးရ သုံးပွင့်ဆိုင်ဆွေးနွေးရေးဆွဲထားတာ မဟုတ်လို့ အစိုးရအနေနဲ့ လွှတ်တော် ကော်မရှင်ကို တင်ပြရုံပဲ တင်ပြလို့ရတယ်လို့ အထည်ချုပ်လုပ်ငန်းရှင်အသင်း အတွင်းရေးမှူး ဒေါ်ခိုင်ခိုင်နွယ် ကပြောပါတယ်။

ဆွေးနွေးပွဲကို တက်ရောက်လာတဲ့ တရားလွှတ်တော်ရှေ့နေ ဦးသန်းမောင်ကတော့ စက်ရုံအလုပ်ရုံတွေပိတ်သွား ရင် အဲဒီစက်ရုံပိုင်ရှင်တွေက အခြားအလုပ်ပြောင်းလုပ်လို့ရလို့ အခက်အခဲမရှိနိုင်ပေမယ့် အလုပ်သမားတွေ မှာတော့ အခက်အခဲဖြစ်နိုင်တာကြောင့် ဥပဒေတွေရေးဆွဲတဲ့အခါ နှစ်ဦးနှစ်ဖက်မျှတအောင်ကြည့်ပြီးမှ ဆွဲဖို့လိုတယ်လို့ အကြံပြုပါတယ်။

၂ဝ၁၆ ခုနှစ်ထဲမှာ တစ်နိုင်ငံလုံး အလုပ်ရှင် အလုပ်သမား အငြင်းပွားမှုကြောင့် ခုံသမာဓိကောင်စီမှာဖြေရှင်းပေး ခဲ့ရတဲ့အမှု ၁၂၃၈ ခုရှိကာ ၂၀၁၇ ခုနှစ် မတ်အလအထိလည်း အမှုပေါင်း ၃ဝ၅ ခုရောက်လာခဲ့ပါတယ်၊ အဲဒီအ မှုတွေထဲမှာ ခုံသမာဓိကောင်စီမှာပြေလည်မှုမရလို့ နောက်ဆုံးအဆင့်ခုံကောင်စီကို ၄၈မှု ရောက်ခဲ့တယ်လို့ အလုပ်သမား ညွှန်ကြားရေးမှူးဦးစီးဌာန စာရင်းဇယားတွေအရ သိရပါတယ်။

RFA Burmese
http://www.rfa.org/burmese

နမ္မတူမြို့ ရွှေမြင်သာကျောင်းရောက် စစ်ရှောင် ၁၀၀ ကျော် နေရပ်ပြန် - ၅၀၀ ကျော်ကျန်သေး


မေလ ၃၁ ရက် ၂၀၁၇

သျှမ်းပြည်မြောက်ပိုင်း နမ္မတူမြို့နယ် ရွှေမြင်သာကျောင်းတိုက် မှာရောက်ရှိခိုလှုံနေကြတဲ့ စစ်ဘေးရှောင်လူထု ၁၀၀ ကျော်ဟာ မေ လ ၃၀ ရက်နေ့က နေရပ်ပြန်သွားပြီဖြစ်ပါတယ်။

ဒီဒေသခံတွေဟာ တအာင်းတပ်ဖွဲ့နဲ့ အစိုးရတပ်မတော်တို့ကြားဖြစ် ပွါးတဲ့တိုက်ပွဲတွေကြောင့် ပြီးခဲ့တဲ့မေလဆန်း ကတည်းက နမ္မတူမြို့ရွှေမြင်သာကျောင်း တိုက်ကိုရောက်ရှိခိုလှုံနေတဲ့ နမ္မတူမြို့နယ် ဆိုင်းခေါင်ကျေး ရွာအုပ်စုဝင်ရွာခံတွေဟာ နေရပ်နဲ့ခွဲခွါရတာ တလနီးပါးရှိပြီဖြစ်ပါတယ်။

“ရွာသားတွေ မိမိနေရပ်ကိုပြန်ချင်ပြီလေ။ ဒီရွှေမြင်သာကျောင်းကို စစရောက်တုန်းကတော့ ဆိုင်းခေါင် အုပ်စုထဲက ရွာသူရွာသား ၃၀၀ လောက်ရှိမယ်။ အခြေအနေငြိမ်သက် သွားလို့နဲနဲ ချင်းစီပြန် သွားကြ တာနောက်ဆုံး ဒီ ၁၄၇ ဦးဘဲကျန်ပါတယ်။ ဒီနောက်ဆုံးအဖွဲ့ကလည်း သူတို့နေရပ်ပြန်နေ နိုင်ဖို့ ဒီမတိုင်ခင်တုန်းကရွာကိုပြန်ပြီးသွားကြည့်ပါတယ်။”- လို့ နမ္မတူမြို့နယ် စစ်ဘေးရှောင်များ ကူညီစောင့်ရှောက်မှုပေးနေတဲ့ ကော်မတီဝင် စိုင်းဘဥာဏ်ကပြောပါတယ်။


အဆိုပါရွာသားတွေဟာ အစိုးရတပ်မတော်နဲ့ တအာင်း တပ်ဖွဲ့တို့ကြားဖြစ်ပွါးတဲ့တိုက်ပွဲတွေကြောင့် မေလ ၁၁ ရက်နေ့တုန်းက နမ္မတူမြို့ရွှေမြင်သာကျောင်းတိုက်ကိုေ၇ာက်ရှိလာကြတာပါ။

တဖက်ကလည်း မန်တုံ ကျောက်မဲဘက်က စစ်ဘေးရှောင် တွေကလည်း နမ္မတူမြို့ကို ယမန်နှစ်က တည်းကစစ်ဘေးရှောင်ရောက်ရှိခိုလှုံနေကြတာ ၅၀၀ ကျော်ရှိနေသေးတယ်လို့လည်း စိုင်းဘဥာဏ်က ပြောပါတယ်။

“ကျန်တာကတော့ မန်တုံမြို့နယ်ထဲကလူတွေ။ အဲတာတွေ က ၁၂၆ အိမ်ထောင်ကျန်သေး တယ်။ ကျားက ၂၅၃ ယိင်း ၂၈၁ စုစုပေါင်း ၅၃၄ ကျန်သေးတယ်။ သူတို့တော့မပြန် နိုင်သေးဘူး ခုထိ။” - လို့ဆိုပါတယ်။

မြန်မာအစိုးရ တပ်မတော် နဲ့ မြောက်ပိုင်းမဟာ မိတ်တပ်တို့အကြားတိုက်ပွဲ၊ သျှမ်းပြည်တပ်မတော် RCSS နဲ့ တအာင်း ပလောင် TNLA တပ်တို့ကြားတိုက်ပွဲကြောင့် နမ္မတူမြို့နယ်အပြင် ကျောက်မဲ နဲ့ တခြားမြို့နယ် တွေဖြစ်တဲ့ မူစယ်၊ နမ့်ခမ်း၊ ကွတ်ခိုင် တို့တွေမှာလဲ စစ်ဘေးရှောင်ဒုက္ခသည်များ ရှိနေပါသေးတယ်။

ဓါတ်ပုံ- နမ္မတူမြို့ ရွှေမြင်သာကျောင်းတိုက်ရောက် ဆိုင်းခေါင်အုပ်စုမှ စစ်ဘေးရှောင်များအား နေရပ်ပြန်ပို့ဖို့ စစ်ဘေးရှောင်ကူညီရေး မြို့နယ်ကော်မတီမှ ကားများစီစဉ်ဆောင် ရွက်ပေးနေသည်ကိုတွေ့ရစဉ် Photo by Sai Ba Nyan

Panglong(Burmese)
https://www.facebook.com/Panglong.burmese

ခိုလမ်မြို့တွင် ပြည်နယ်အဆင့် ငြိမ်းချမ်းရေး ပူးတွဲစောင့်ကြည့်ရေး ကော်မတီ JMC-S ရုံးဖွင့်လှစ်


မေ ၃၁ ရက် ၂၀၁၇

သျှမ်းပြည်တောင်ပိုင်း လွိုင်လင်ခရိုင် နမ့်စန်မြို့နယ် ခိုလမ်မြို့နယ်ခွဲ တွင် မြန်မာအစိုးရတပ်မတော်၊ သျှမ်းအပစ်ရပ် RCSS/SSA ၊ ပအိုးအပစ်ရပ် PNLO နှင့် ငြိမ်းချမ်းရေးပူးတွဲစောင့်ကြည့်ရေး ကိုယ်စားလှယ်များ စုပေါင်း ပြီး ပြည်နယ်အဆင့်ငြိမ်းချမ်းရေးပူးတွဲစောင့်ကြည့်ရေးကော်မတီ JMC-S ရုံး ဖွင့်လှစ်လိုက်ကြောင်း သိရှိရသည်။

၂၀၁၇ ခု မေ ၃၀ ရက် နေ့က သျှမ်းပြည်နယ် ပြည်နယ်အဆင့် ငြိမ်းချမ်းရေးပူးတွဲ စောင့်ကြည့်ရေး ကော်မတီ ဖွင့်ပွဲသို့ ပြည်ထောင်စုအဆင့် JMC-U ကော်မတီ ၁၄ ၊ ဦး၊ လင်းခေးမြို့၌ ဖွဲ့စည်းလိုက်သည့် ခရိုင်အဆင့် ပူးတွဲစောင့်ကြည့်ရေးကော်မတီဝင် ၈ ဦး အပါအဝင် အစိုးရ၊ တပ်မတော်၊ ပအိုဝ်း အမျိုး သားလွတ်မြောက်ရေးအဖွဲ့ချုပ် တို့မှ ကိုယ်စားလှယ်တော်ကြီးများ စုစုပေါင်း ၄၆ ဦး တက်ရောက် သည်ဟုသိရသည်။

“ အရင်က ကျနော်တို့ တဖွဲ့တည်းအနေနဲ့ တောင်ကြီးမှာ ရုံးဖွင့်ထားတယ်။ အခုက ခိုလမ်မှာ ဖွင့်လှစ် လိုက်တဲ့ ရုံးသစ်က ပူးပေါင်းဖွင့်လှစ်တာဖြစ်ပါတယ်” - ဟု သျှမ်းပြည်တပ်မတော် ပြောခွင့်ရ ဒုတိယ ဗိုလ်မှူးကြီး စိုင်းမိဏ်းက ပြောသည်။

သျှမ်းပြည်နယ် ပြည်နယ်အဆင့်ငြိမ်းချမ်းရေးပူးတွဲစောင့်ကြည့်ရေးကော်မတီ ဝင်များ၏ ၄ ကြိမ်မြောက် အစည်းအဝေးတွင် ရုံးသစ်ဖွင့်လှစ်ရန် RCSS/SSA မှ ရန်ပုံငွေ ကျပ်သိန်း ၁၅၀ ထည့်ဝင်ကြောင်း RCSS ပိုင် taifreedom ဝဲပ်ဆိုဒ်တွင် ဖေါ်ပြထားသည်။

အဆိုပါ ဖွင့်လှစ်လိုက်သည့် သျှမ်း - ပြည်နယ်အဆင့်ငြိမ်းချမ်းရေးပူးတွဲစောင့်ကြည့်ရေးကော်မတီ JMC-S တွင် ပူးတွဲရုံးထိုင်မည်ဖြစ်ကြောင်း၊ အပစ်ရပ်လက်နက်ကိုင်တပ်ဖွဲ့နှင့် အစိုးရ တပ်မတော်ကြားဖြစ် ပွားသည့် ပြဿနာများ၊ အပစ်ရပ်လက်နက်ကိုင်တပ်ဖွဲ့အချင်းချင်း ဖြစ်ပွားသည့် ပြဿနာများ စုပေါင်း ဖြေရှင်းကြမည်ဖြစ်ကြောင်း ၊ အဆိုပါလက်နက်ကိုင်များနှင့်ပတ်သက်သည့်ကိစ္စရပ်များအား လူထု အနေဖြင့်လည်း အဆိုပါရုံးသို့ တိုက်ရိုက်တိုင်ကြားနိုင်သည်ဟုလည်းသိရှိရသည်။

သျှမ်းသံတော်ဆင့်
Panglong(Burmese)
https://www.facebook.com/Panglong.burmese

သီရီလင်္ကာ ရေဘေး လူ ၂၀၀ ကျော်သေဆုံး


မုတ်သုန်ရာသီမိုးကြောင့် ရေကြီး၊ မြေပြိုမှုတွေကြုံခဲ့ရာက သေဆုံးသူ အရေအတွက်ဟာ အနည်းဆုံး ၂၀၂ ယောက်အထိ ရှိခဲ့ကြောင်း သီရီလင်္ကာနိုင်ငံက ဒီကနေ့ပဲ ပြောဆိုလိုက်ပါတယ်။

လူပေါင်း ၉၆ ယောက်ဟာလည်း ပျောက်ဆုံးနေဆဲဖြစ်ပြီး၊ ၈ သောင်း နီးပါးဟာလည်း ယာယီခိုလှုံရာနေရာတွေမှာ နေထိုင်နေကြရကြောင်း သီရိလင်္ကာနိုင်ငံက ကပ်ဘေးဒဏ်စီမံခန့်ခွဲရေးဌာနရဲ့ နောက်ဆုံးထုတ်ပြန်ချက်မှာ ဖော်ပြထားတာပါ။ ပြီးခဲ့တဲ့သီတင်းပတ်ကုန်ကစလို့ မိုးသည်းထန်ရွာသွန်းမှုတွေကြောင့် ရေကြီး၊ မြေပြိုမှုတွေ ဖြစ်ပွားရာက ရာချီတဲ့ အဆောက်အဦးတွေ၊ နေအိမ်တွေ ပျက်စီးခဲ့သလို၊ လမ်းတွေ၊ စိုက်ခင်းတွေဟာလည်း ရွှံ့နွံတွေ ဖုံးလွှမ်းခဲ့ပါတယ်။

ရေဘေးဒဏ်ခံခဲ့ရသူ စုစုပေါင်းကတော့ လူပေါင်း ၆ သိန်း ၃ သောင်း အထိ ရှိခဲ့တာပါ။ သီရိလင်္ကာ ကြည်း၊ ရေ၊ လေ တပ်ဖွဲ့တွေကတော့ ကပ်ဘေးသင့်သူတွေကို အကူအညီတွေ ပေးအပ်ဖို့၊ အန္တရာယ်နဲ့ ရင်ဆိုင်နေရသူတွေကို ကယ်ဆယ်ဖို့ ၀ိုင်းဝန်းကူညီနေကြပါတယ်။ ကုလသမဂ္ဂ၊ အမေရိကန်၊ သြစတြေးလျ၊ တရုတ်၊ အိန္ဒိယ၊ ဂျပန်၊ ပါကစ္စတန် စတဲ့နိုင်ငံတွေကလည်း ရေဘေးဒဏ်သင့်သူတွေကို အကူအညီပေးဖို့ ကတိပြုထားကြပါတယ်။

ဗွီအိုအေ (မြန်မာပိုင်း)
http://burmese.voanews.com

အာဖဂန်ဗုံးကွဲမှု လူ၉၀ထက်မနည်း သေဆုံး


အာဖဂနစ္စတန်နိုင်ငံ Kabul မြို့တော်က သံတမန်ရပ်ကွက်မှာ ဒီကနေ့ မနက်အစောပိုင်းက ထရပ်ကားတစင်းနဲ့ ပြင်းထန်တဲ့ ကားဗုံးထောင် တိုက်ခိုက်မှုကြောင့် လူ ၉၀ ထက်မနည်း သေဆုံးပြီး၊ ၃၀၀ ကျော် ဒဏ်ရာရခဲ့ပါတယ်။

ပေါက်ကွဲမှုဖြစ်ပွားပြီး နာရီပိုင်းအကြာမှာပဲ သေဆုံးသူ အရေအတွက်ကို အမည်မဖော်လိုသူ အာဖဂန် လုံခြုံရေးအရာရှိတဦးက ဗွီအိုအေကို အတည်ပြုပြောဆိုခဲ့တာပါ။

အစောပိုင်းမှာတော့ သေဆုံးသူ ၈၀ အထိ ရှိနေပြီး၊ အရေအတွက် ပိုတိုးနိုင်ကြောင်းလည်း ကျန်းမာရေးဝန်ကြီးဌာန ပြောခွင့်ရပုဂ္ဂိုလ် Wahidullah Majroh က ပြောဆိုထားပါတယ်။ နိုင်ငံတကာသံရုံးတွေနဲ့ အစိုးရရုံးတွေ တည်ရှိရာ Kabul မြို့တော်က အချက်အခြာ Wazir Akbar Khan အရပ်မှာ ဖြစ်ခဲ့တဲ့ ပေါက်ကွဲမှုကြောင့် ဒါဇင်နဲ့ချီတဲ့ ကားတွေ၊ အနီးအနားက အဆောက်အဦးတွေလည်း ထိခိုက်ပျက်စီးခဲ့တာပါ။

အညစ်အကြေးတင် ကားတစင်းမှာ ဖောက်ခွဲရေးပစ္စည်းတွေ တင်ဆောင်လာပြီး ဖောက်ခွဲခဲ့တာလို့လည်း အာဖဂန်တာဝန်ရှိသူတွေက ပြောပါတယ်။ ပြင်းထန်တဲ့ ကားဗုံးပေါက်ကွဲမှုဟာ ဂျာမန်သံရုံးနဲ့ မလှမ်းမကမ်းမှာ ဖြစ်ပွားခဲ့ပြီး အင်တာနက် လူမှုကွန်ယက်တွေပေါ်က ဓာတ်ပုံတွေမှာတော့ သံရုံးအဆောက်အဦး တစိတ်တပိုင်း ပြိုကျပျက်စီးနေတာကို တွေ့ကြရပါတယ်။ ဂျာမန်နိုင်ငံခြားရေးဝန်ကြီး Sigmar Gabriel ကတော့၊ ပေါက်ကွဲမှုအတွင်း အာဖဂန်လုံခြုံရေးအစောင့် တော်တော်များများ သေဆုံးပြီး၊ ၀န်ထမ်းတွေလည်း ထိခိုက်ဒဏ်ရာတွေ ရရှိခဲ့ကြောင်း Twitter လူမှုကွန်ယက်ကနေ ပြောဆိုခဲ့တာပါ။

ပေါက်ကွဲမှုကြောင့် အာဖဂန်က ထိပ်တန်း ဆက်သွယ်ရေး ၀န်ဆောင်မှုပေးနေတဲ့ Roshan လုပ်ငန်းရဲ့ ရုံးချုပ်ရှိရာ အဆောက်အဦးမှာ ထိခိုက်ပျက်စီးမှု အများဆုံး ဖြစ်ခဲ့ပါတယ်။ အခင်းဖြစ်ရာ နေရာကိုတော့ အာဖဂန်လုံခြုံရေးတွေက ချက်ခြင်းပိတ်ဆို့တားဆီး ထားလိုက်သလို၊ ရှာဖွေကယ်ဆယ်ရေး လုပ်ငန်းတွေအတွက် နိုင်ငံတကာက တပ်ဖွဲ့တွေလည်း ရောက်လာခဲ့ကြတာပါ။ အာဖဂန်နိုင်ငံက ရုပ်မြင်သံကြားသတင်းတွေမှာတော့ အမျိုးသမီးတွေ အပါအ၀င် လူတော်တော်များများကို အရေးပေါ်ကားတွေနဲ့ ဆေးရုံကို သယ်ဆောင်သွားတာကိုလည်း တွေ့ကြရပါတယ်။

နှစ်ပေါင်းများစွာအတွင်း အသေအပျောက် အများဆုံးအဖြစ် Kabul မြို့ခံတွေ ပြောဆိုနေကြတဲ့ တိုက်ခိုက်မှုနဲ့ ပတ်သက်လို့ IS အစ္စလာမ်စစ်သွေးကြွ အဖွဲ့ကတော့ သူတို့လက်ချက်ဖြစ်ကြောင်း ကြေညာခဲ့တယ်လို့ အာဖဂန်မှာရှိတဲ့ အဓိကရုပ်မြင်သံကြားဌာန ၂ ခု က ပြောဆိုနေပါတယ်။

ဆီးရီးယား အခြေစိုက် IS အဖွဲ့ဟာ မတ်လထဲ Kabul မြို့တော်မှာ စစ်သားတွေ၊ ဆရာဝန်တွေ အပါအ၀င် လူ ၅၀ ထက်မနည်း သေဆုံးခဲ့တဲ့ အကြီးဆုံးစစ်ဆေးရုံကို အသေခံ တိုက်ခိုက်ခဲ့တာ အပါအ၀င် အဓိကကျတဲ့ ပစ်မှတ်တွေကို တိုက်ခိုက်မှုတွေမှာ သူတို့လက်ချက်ဖြစ်ကြောင်း ကြေညာခဲ့ဖူးပါတယ်။ အာဖဂန်နိုင်ငံက လက်နက်ကိုင် ပဋိပက္ခတွေကို အဆုံးသတ်နိုင်ရေး အိမ်နီးချင်းတွေ၊ ဒေသတွင်းနိုင်ငံတွေနဲ့ ရှေ့သီတင်းပတ်ထဲ ဆွေးနွေးမယ့် ညီလာခံတရပ် ကျင်းပဖို့ အာဖဂန်သမ္မတ Ashraf Ghani စီစဉ်နေချိန်မှာပဲ အခုနောက်ဆုံး တိုက်ခိုက်မှုနဲ့ ကြုံခဲ့ရတာလည်း ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com

မိုရာမုန်တိုင်းကြောင့် နေအိမ် ၁ ထောင်နီးပါး ပျက်စီး

မိုရာမုန်တိုင်းကြောင့် စစ်တွေမြို့က ပျက်စီးသွားတဲ့နေအိမ်အချို့ မေလ ၃၁ ရက်နေ့က တွေ့ရစဉ်။ Photo: Min Thein Aung/ RFA
ဆိုင်ကလုန်းမုန်တိုင်း မိုရာ အရှိန်ကြောင့် ရခိုင်ပြည်နယ်၊ ချင်းပြည်နယ် နဲ့ ဧရာဝတီတိုင်း ဒေသကြီးတို့က စုစုပေါင်း နေအိမ် ၁ ထောင်နီးပါး ပျက်စီးခဲ့တယ်လို့ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနက ပြောပါတယ်။

နေအိမ်ပျက်စီးမှုတွေက ရခိုင်ပြည်နယ်များအများဆုံးဖြစ်တယ်လို့ ကယ်ဆယ်ရေးနှင့် ပြန်လည်နေရာချ ထားရေးဦးစီးဌာန ညွှန်ကြားရေးမှူး ဒေါ်ဖြူလဲ့လဲ့ထွန်း က ပြောပါတယ်။

"ရခိုင်ကတော့ ပျက်စီးမှုအများဆုံးပဲ၊ ရခိုင်မှာဆိုလို့ရှိရင် အိမ်အနေနဲ့ပြောမယ်ဆိ်ုရင် လုံးဝ ပျက်စီး သွားတာ ၁၆၃ လုံးရှိတယ်၊ တစ်စိတ်တစ်ပိုင်း ပျက်စီးတာ ၇၄၆ ရှိတယ်၊ နောက်ဧရာဝတီ သူက မော်လမြိုင်ကျွန်း၊ ဖျာပုံ၊ ငပုတော သူက ၃ မြို့ဆိုလို့ရှိရင် အိမ်က လုံးဝပျက်စီးတာ ၂၂ ၊ တစ်စိတ် တစ်ပိုင်းပျက်စီးတာ ၁၄ ရှိတယ်၊ နောက် ချင်းပြည်နယ်မှာကျတော့ ဟားခါးရယ်၊ ထန်တလန်ရယ်၊ ဖလမ်းပေါ့၊ ဒါပေမဲ့ ဖလမ်းက လုံးဝပြိုကျ ပျက်စီးတာ ၁ လုံးပဲ ရှိတယ်၊ နောက်ဟားခါး မှာက အိမ်တစ်စိတ်တစ်ပိုင်းပျက်စီးတာ အိမ် ၁၄ လုံးရှိတယ်၊ ၀န်ထမ်းအိမ်ရာ ၅ ခုရှိတယ်၊ ထန်တလန်မှာကတော့ တစ်စိတ်တစ်ပိုင်းပျက်စီးတာ ၃၈ လုံးရှိတယ်"

ရခိုင်ပြည်နယ်က စစ်တွေ၊ ပေါက်တော၊ ရသေ့တောင်၊ တောင်ကုတ်၊ မြောက်ဦး၊ မင်းပြား၊ ကျောက်တော်၊ ကျောက်ဖြူ၊၊ ရမ်းဗြဲ၊ ပုဏ္ဏားကျွန်း၊ မောင်တောနဲ့ သံတွဲ စတဲ့မြို့နယ်တွေမှာ နေအိမ်တွေ အမိုးလန်ပျက်စီးတာ၊ သာသနိကအဆောက်အအုံတွေ၊ ဌာနဆိုင်ရာအဆောက်အအုံတွေ၊ စာသင်ကျောင်းတွေ ပြိုကျ ပျက်စီးခဲ့တဲ့ အပြင် သောက်သုံးရေကန်တွေပါ ကျိုးပေါက်ပျက်စီးခဲ့တာ ဖြစ်ပါတယ်။

ဧရာဝတီတိုင်းဒေသကြီး၊ မော်လမြိုင်ကျွန်း၊ ဖျာပုံ၊ ငပုတောနဲ့ မြန်အောင်မြို့နယ်တို့မှာ ဝန်ထမ်းအိမ်ရာတွေ၊ လူနေအိမ်တွေ ပြိုကျပျက်စီးခဲ့ပြီး မြန်အောင်မြို့ နယ်၊ ရွှေကျင်ကျေးရွာအုပ်စု ကျူတောလေးကျေးရွာ က ဒေသခံတစ်ဦး လယ်ကွင်းအတွင်း ပျိုးကြဲနေစဉ် မိုးကြိုးထိမှန် သေဆုံးခဲ့တယ်လို့ ပြန်ကြားရေးဝန်ကြီးဌာနက သတင်းထုတ်ပြန်ပါတယ်။

အဲဒီလို မုန်တိုင်းအရှိန်ကြောင့် ထိခိုက်ပျက်စီးခဲ့တဲ့ တိုင်းနဲ့ပြည်နယ်တွေအလိုက် သက်ဆိုင်ရာ အစိုးရအဖွဲ့၊ ကယ်ဆယ်ရေးနဲ့ ပြန်လည်နေရာချထားရေးဦးစီးဌာနနဲ့ အုပ်ချုပ်ရေးအဖွဲ့တွေက ကူညီကယ်ဆယ်ရေးလုပ်ငန်းတွေ လုပ်ဆောင်ပေးနေပါတယ်။

RFA Burmese
http://www.rfa.org/burmese

တရားမ၀င်သစ်ထုတ်လို့ သစ်တောပြုန်းတီးဟုဆို

တရားဝင် သစ်တောထွက်ပစ္စည်းများ ဥပဒေနှင့်အညီ ကူးသန်းရောင်းဝယ်ဖွံ့ဖြိုးရေးဆိုင်ရာ ကောင်းမွန်သော သစ်တောစီမံအုပ်ချုပ်လုပ်ကိုင်မှု တိုးမြင့်ဆောင်ရွက်ခြင်း " FLEGT-VPA အလုပ်ရုံဆွေးနွေးပွဲကို မေလ ၃၁ ရက်နေ့က မြစ်ကြီးနားမြို့ မြို့တော်ခန်းမမှာ ကျင်းပစဉ်။ Photo: Kyaw Myo Min/ RFA
တရားမဝင်သစ်အလွန်အကျွံ ထုတ်လုပ်ရောင်းဝယ်မှုတွေဟာ သစ်တောပြုန်းတီးမှုကိုဖြစ်စေတဲ့ အကြောင်းတွေထဲ မှာ အဓိက အခန်းကဏ္ဍကပါဝင်နေတယ်လို့ ကချင်ပြည်နယ်ဝန်ကြီးချုပ် ဒေါက်တာခက်အောင်က ပြောလိုက် ပါတယ်။

မြစ်ကြီးနားမြို့ မြို့တော်ခန်းမမှာ ဒီကနေ့ပြုလုပ်တဲ့ " တရားဝင် သစ်တောထွက်ပစ္စည်းများ ဥပဒေနှင့်အညီ ကူးသန်းရောင်းဝယ်ဖွံ့ဖြိုးရေးဆိုင်ရာ ကောင်းမွန်သော သစ်တောစီမံ အုပ်ချုပ်လုပ်ကိုင်မှု တိုးမြင့်ဆောင်ရွက်ခြင်း " FLEGT အခမ်းအနားမှာ ဒေါက်တာခက်အောက်က အဲဒီလိုထည့်သွင်းပြောခဲ့တာပါ။

သစ်တွေကို အလွန်အကျွံထုတ်ယူမှုတွေကြောင့် အကျိုးဆက်အနေနဲ့ သဘာဝပတ်ဝန်းကျင် ထိခိုက်ပျက်စီးမှု၊ လူမှုစီးပွားထိခိုက်မှု၊ အကျင့်ပျက်ခြစားမှုတွေနဲ့ အတူ နိုင်ငံတော်ကလည်း အခွန်ဝင်ငွေတွေထိခိုက်နစ်နာစေတယ် လို့ဆိုပါတယ်။

ဒါ့အပြင် သစ်ထုတ်လုပ်ရေးတွေနဲ့ ဆက်စပ်ပြီး စီးပွားရေးလက်ဝါးကြီးအုပ်လိုတဲ့ဆန္ဒနဲ့ မြေယာရယူ မှုတွေကြောင့် ဒေသခံဋ္ဌာနေတိုင်းရင်းသားတွေ ရဲ့မူလရပိုင်ခွင့်အခွင့်အရေးတွေ ဆုံးရှုံးနေရတယ်လို့ လည်း ဒေါက်တာခက်အောင်က ပြောပါတယ်။

" တရားဝင် သစ်တောထွက်ပစ္စည်းများ ဥပဒေနှင့်အညီ ကူးသန်းရောင်းဝယ်ဖွံ့ဖြိုးရေးဆိုင်ရာ ကောင်းမွန်သော သစ်တောစီမံအုပ်ချုပ်လုပ်ကိုင်မှု တိုးမြင့်ဆောင် ရွက်ခြင်း " FLEGT ကို ဥရောပသမဂ္ဂ EU က ဆောင်ရွက် တာဖြစ်ပါတယ်။

မြန်မာနိုင်ငံအနေနဲ့ ဥရောပသမဂ္ဂကို သစ်တင်ပို့ရောင်းချမယ်ဆိုရင် " နှစ်နိုင်ငံမိတ်ဖက်သဘောတူ သစ်ကုန်သွယ်ရေးစာချုပ် " VPA ( Voluntary Partnership Agreement ) ကို ချုပ်ဆိုရမှာဖြစ်ပါတယ်။

အဲဒီလို FLEGT-VPA လုပ်ငန်းစဉ်အတိုင်းဆောင်ရွက်မယ်ဆိုရင် တရားဝင်သစ်ဖြစ်ကြောင်း အာမခံနိုင်ခြင်း၊ သစ်ထောက်ပံ့ရေးစနစ်ကို ခြေရာခံတဲ့ စနစ်ဖော်ထုတ်နိုင်ခြင်း နဲ့ သစ်တောကဏ္ဍ စီမံအုပ်ချုပ်မှုကို တိုးတက်ကောင်းမွန်လာနိုင်ခြင်းစတဲ့ရလဒ်တွေကို ရရှိစေမယ်လို့ ဆိုပါတယ်။

ဒီကနေ့ပြုလုပ်တဲ့ အလုပ်ရုံဆွေးနွေးပွဲကို သစ်တောဋ္ဌာနအဆင့်မြင့်အရာရှိတွေ နဲ့ ဋ္ဌာနဆိုင်ရာတချို့၊ ဥရေပသမဂ္ဂ EUကတာဝန်ရှိသူတွေ၊အရပ်ဘက် အဖွဲ့အစည်းတွေနဲ့ဒေသခံတချို့တက်ရောက် ခဲ့ကြပါတယ်။

RFA Burmese
http://www.rfa.org/burmese

ထိုင်းနိုင်ငံချင်းမိုင်မြို့တွင် သျှမ်းရွှေ့ပြောင်းအလုပ်သမားတဦး တည်ဆောက်ဆဲ ၅ ထပ်တိုက်မှ ပြုတ်ကျ သေဆုံး


မေလ ၃၁ ရက် ၂၀၁၇

ထိုင်းနိုင်ငံသို့ရောက်ရှိအလုပ်လုပ်ကိုင်နေသော သျှမ်းပြည်တောင်ပိုင်း မိုင်းကိုင်မြို့နယ်နေ သျှမ်းအမျိုးသား တဦး က တည်ဆောက်ဆဲ ၅ ထပ်တိုက်ပေါ်မှပြုတ်ကျသဖြင့် မဟာရတ်(ဆွန်ဒေါက်) ဆေးရုံသို့ပို့ ဆောင်စဉ် သေဆုံးသွားခဲ့သည်။

မေလ ၂၇ ရက်နေ့ ညနေ ၆ နာရီက ချင်းမိုင်မြို့ မယ်ကျို့မြို့နယ် ကတ်ရုမ်းချုတ်ဈေးအနီး ဆောက်လုပ်ရေး လုပ်ငန်းခွင်အတွင်း တည်ဆောက်ဆဲ ၅ ထပ်တိုက် ပေါ်မှ ပြုတ်ကျသဖြင့် ၄င်းတိုက်ဘေးရှိ ဆောက်လုပ် လက်စ ၊ အုဋ်မြစ်ချဆဲလုပ်ငန်းခွင်အတွင်းကျသွားကြောင်း၊ ၄င်းကျသွားသည့်နေရာတွင် ၃ ပေအရှည်ခန့်ရှိ ထောင်နေသော သံချောင်း များ စိုက်မိသောကြောင့် ဒဏ်ရာအပြင်းအထန်ဖြင့် ဆေးရုံ အရောက် တွင် သေဆုံးသွားကြောင်း အလုပ်သမားများအရေးဆောင်ရွက်နေသည့် MWF မှ စိုင်းဆူချတ်က သျှမ်းသံတော်ဆင့်အားပြောပြသည်။

ချင်းမိုင်မြို့ရှိ ရွှေ့ပြောင်းအလုပ်သမားများအရေး ကူညီဆောင်ရွက်ပေးနေ သည့် စိုင်းလိန်ခမ်းက - စိုင်းခမ်းရဲ့အလောင်းကို မေလ ၃၀ ရက်နေ့ မွန်းတည့်က လွယ်ဆကိတ်မြို့နယ်မှာရှိတဲ့ သုသာန်မှာဘဲ မီးသဂြိုဟ်လိုက်ပြီ။ အသုဘစရိတ်အပါအ၀င် သေဆုံးသူအတွက် ဆောက်လုပ်ရေးကုမဏီက လျော်ကြေးငွေ ၂၅၀၀၀၀ ဘတ် (နှစ်သိန်းခွဲ) ပေးလျော်ခဲ့တယ် - ဟု ပြောသည်။

ဆောက်လုပ်ရေးလုပ်ငန်းမှပြုတ်ကျသေဆုံးသူ စိုင်းခမ်းအသက် ၃၁ နှစ်မှာ မိုင်းကိုင်မြို့နယ် ဟမ်းငိုင်းအုပ်စု နောင်တောင်းရွာဇာတိဖြစ်ပြီး အမည်အပြည့်အစုံမှာ စိုင်းပန်းခမ်းဖြစ်သည်။ ဇနီးသည်မှာ အသက် ၂၅ နှစ်ရှိ အေးနန်း ဆိုသူဖြစ်ပြီး ၄င်းတို့တွင် ၃ နှစ်အရွယ် သမီးတဦးရှိပါသည်။

Photo by Thai News
Panglong(Burmese)
https://www.facebook.com/Panglong.burmese/

KIA ခြိမ်းခြောက် ဆက်ကြေး ကောက်ခံ စာပို့

KIA အကြမ်းဖက်သောင်းကျန်းသူအဖွဲ့က မူဆယ်မြို့ရှိ ဂိုဒေါင်လုပ်ငန်းရှင်များသို့ ခြိမ်းခြောက်ဆက်ကြေး ကောက်ခံသည့် စာတစ်စောင်ပေးပို့
နေပြည်တော် မေ ၃၀

ရှမ်းပြည်နယ်(မြောက်ပိုင်း)၊ မူဆယ်မြို့၊ စွမ်စော်ရပ်ကွက်၊ ပင်လုံ(၄)လမ်းရှိ ကုန်သည်တစ်ဦး ပိုင်ဆိုင်သောပြောင်းဖူးဂိုဒေါင်သို့ မေ ၂၇ ရက် ည ၆ နာရီခွဲခန့်တွင် အသက် ၃၀ ခန့်ရှိ အမျိုးသား တစ်ဦးရောက်ရှိလာပြီး စာရေးမထံသို့ “အခွန်ငွေပေးဆောင်ရန်ကိစ္စ” ခေါင်းစဉ်ပါ KIA အကြမ်းဖက် သောင်းကျန်းသူအဖွဲ့၏ ခြိမ်းခြောက်ဆက်ကြေးတောင်းခံသည့် စာတစ်စောင်ကိုပေး၍ ခိုဝိန်းကျေးရွာဘက်သို့ ပြန်လည်ထွက်ခွာသွားကြောင်း သိရှိရသည်။

အဆိုပါခြိမ်းခြောက်စာတွင် “အခွန်ငွေပေးဆောင်ရန်ကိစ္စ၊ အထက်အကြောင်းအရာပါကိစ္စနှင့်ပတ်သက်၍ ဂိုဒေါင်လုပ်ငန်းရှင်များအား အသိပေးအကြောင်းကြားအပ်ပါသည်။ အမှတ်(၉)တပ်ရင်း ကွတ်ခိုင်ခရိုင် အုပ်ချုပ်ရေးရုံး အုပ်ချုပ်ရာနေရာဒေသအတွင်း ဂိုဒေါင်လုပ်ငန်းရှင်များအနေဖြင့် ၂၀၁၆-၂၀၁၇ ခုနှစ်၊ ဘဏ္ဍာရေးနှစ်အတွက် အခွန်ငွေကျပ် ၁၀၀၀၀၀၀(သိန်းတစ်ဆယ်) တိတိကို ကွတ်ခိုင်ခရိုင်အုပ်ချုပ်ရေးရုံး သို့ နေ့စွဲ (၁၀.၆.၂၀၁၇) ရက်နေ့ နောက်ဆုံးထား၍ လာရောက်ပေးဆောင်ရန် အကြောင်းကြား လိုက်သည်”ဟု ခြိမ်းခြောက်ဆက်ကြေးတောင်းခံထားသည်ကို တွေ့ရှိရသည်။

KIA အကြမ်းဖက်သောင်းကျန်းသူအဖွဲ့သည် မတ် ၈ ရက်တွင်လည်း မူဆယ်မြို့ရှိ မြ၀တီဘဏ်ရှေ့သို့ ဆက်ကြေးတောင်းသည့် စာကိုပေးပို့ခဲ့ဖူးပြီး ယခုလည်း ဂိုဒေါင်ပိုင်ရှင်များထံသို့ ထပ်မံပေးပို့ခြင်းဖြစ်ရာ မြန်မာနိုင်ငံရဲတပ်ဖွဲ့ဝင်များက အဆိုပါနေရာတစ်ဝိုက်၌ နယ်မြေလုံခြုံရေးဆောင်ရွက်လျက်ရှိကြောင်း သတင်းရရှိသည်။

တပ်မတော်ကာကွယ်ရေးဦးစီးချုပ်ရုံး
https://www.facebook.com/Cincds/

ကျောက်တံခါးမြို့ စာတိုက်ရပ်ကွက်တွင် ကလေးငယ် နှစ်ဦး ရေနစ်သေဆုံး


ပဲခူးတိုင်းဒေသကြီး ကျောက်တံခါးမြို့မရဲစခန်းအပိုင်တွင် မေ(၃၀) ရက် မွန်းလွဲပိုင်းက ကျောင်းသား ကလေးငယ်နှစ်ဦး မြေတူးထားသော ကန်အတွင်း ရေဆင်းကူးရာမှ ရေနစ်သေဆုံးခဲ့မှု ဖြစ်ပွားခဲ့တယ်လို့ သိရပါတယ်။

 ဖြစ်စဉ်မှာ စာတိုက်ရပ်ကွက် ခေတ္တရာ (၆)လမ်း သုသာန်အနီးရှိ အလျား ပေ (၇၀) အနံ ပေ (၄၀)၊ ရေအနက် (၁၅)ပေခန့်ရှိ မြေသားပေါင်ဖို့ထားတဲ့ ရေကန်ဟောင်းမှာ (၁၂ နှစ်) အရွယ်ကလေးငယ်(၂)ဦး ကန်အတွင်းရေဆင်းကူးကြရာကနေ ရေနစ်သေဆုံးခဲ့ရတာဖြစ်တယ်လို့ သိရပါတယ်။

 အဲဒီကလေး(၂)ဦး ရေဆင်းကူးရာမှာ ပြန်မပေါ်လာလို့ အနီးမှာ ဆော့ကစားနေတဲ့ (၁၃)နှစ်သားအရွယ် ကလေးငယ်တစ်ဦးက လူကြီးတွေကို ပြန်လည်ပြောကြားရာမှာ ရေကူးကျွမ်းကျင်သူတွေက စုပေါင်း ရေငုပ်လိုက်လံရှာဖွေခဲ့ရာ ရေနစ်သေဆုံးနေတဲ့ ကလေးငယ်တွေကို တွေ့ရှိခဲ့ရပြီး ပြင်ပဒဏ်ရာ တစ်စုံတစ်ရာမတွေ့ရှိရကြောင်း သိရပါတယ်။

 ကလေးတွေကို ကယ်ဆယ်နိုင်ဖို့ ကြိုးစားခဲ့သူ တစ်ဦးဖြစ်တဲ့ ကျေးရွာကာလသားခေါင်းဆောင် ကိုစိုးနိုင်ဝင်းက ကယ်ဆယ်ရေးလုပ်ဆောင်ခဲ့တာနဲ့ ပတ်သက်တာတွေကို အခုလိုပြောပါတယ်။ဒီကန်မှာက မကြာသေးမီကလည်း ကလေး နှစ်ဦး ရေနစ်ဖူးပြီး အချိန်မီကယ်တင်နိုင်လို့ ဘာမှမဖြစ်ကြကြောင်း၊ ပြီးခဲ့တဲ့ရက်ပိုင်းကလည်း ရပ်ကွက်ထဲက လူကြီးတစ်ယောက် ထပ်မံ ရေနစ်ကြောင်း၊ ရေကန်ကို အကာအရံလုပ်ထားသင့်ကြောင်း ကျေးရွာမှ ရာအိမ်မှူး ကိုကျော်ဦးက ပြောပါတယ်။

 ဖြစ်စဉ်နဲ့ပတ်သက်ပြီး ကလေးငယ်(၂)ဦးတို့ သေဆုံးရတာဟာ ဓမ္မတာအတိုင်းသေဆုံးရခြင်း ဟုတ်/မဟုတ် စစ်ဆေးအတည်ပြုနိုင်ဖို့အတွက် ကျောက်တံခါးမြို့မရဲစခန်းမှ သေမှု/သေခင်း အမှတ်စဉ် ၅/၂၀၁၇ ဖြင့် အမှုဖွင့်လှစ် ဆောင်ရွက်နေကြောင်းသိရပါတယ်။ ဒီသတင်းကို ဖြိုးကိုလင်း(ညောင်ဝိုင်း) ပေးပို့တာ ဖြစ်ပါတယ်။

Central News Bureau
https://www.facebook.com/skynetcnb/

မဘသမှာ ပါခဲ့သူတွေ တစ်သုံးငါး မျိုးချစ်ပါတီ ထောင်မယ်


မဘသ အဖွဲ့မှာ ဦးဆောင်ပါဝင်ခဲ့သူတချို့က တစ်သုံးငါး မျိုးချစ်ပါတီ အမည်နဲ့ ဗုဒ္ဓဘာသာ အပေါ် အခြေခံတဲ့ နိုင်ငံရေးပါတီတရပ် တည်ထောင်တော့မယ်လို့ ဆိုပါတယ်။

တစ်က ဘုရား၊ သုံးက ရတနာသုံးပါး၊ ငါးက အနန္တော အနန္တ ကို ကိုယ်စားပြုတာ ဖြစ်ပြီး မျိုးချစ်စိတ် ရှိသူ အမျိုးသား အင်အားစုတွေ ပေါင်းစု ဖွဲ့စည်းထားတဲ့ ပါတီ ဖြစ်တယ်လို့ မြန်မာနိုင်ငံလုံးဆိုင်ရာ ဝံသာနု ရက္ခိတ အသင်းရဲ့ ဥက္ကဋ္ဌလည်း ဖြစ် သာကီသွေးဂျာနယ်ရဲ့ အယ်ဒီတာချုပ်လည်း ဖြစ်ပြီး အခုပါတီကို ဦးဆောင်ဖွဲ့စည်းနေသူလည်း ဖြစ်တဲ့ မောင်သွေးချွန်က ဘီဘီစီကို ပြောပါတယ်။

ဒီပါတီဟာ မဘသနဲ့ မပါတ်သက်ကြောင်း၊ ဒါပေမယ့် ပါဝင်တည်ထောင်သူတွေ အားလုံးဟာ မဘသထဲမှာ ပါဝင်ခဲ့သူတွေ၊ မဘသကို ဦးဆောင်မှုပေးခဲ့သူတွေ ဖြစ်တယ်လို့ သူက ပြောပါတယ်။

ဗုဒ္ဓဘာသာဝင်တွေ အပေါ် ဖိနှိပ်မှုတွေကို ဆန့်ကျင် ရပ်တည်ပြီး ဗုဒ္ဓဘာသာဝင်တွေ ရသင့် ရထိုက်တဲ့ အခွင့်အရေးတွေကို ကာကွယ် တောင်းဆိုဖို့ ဒီပါတီကို ဖွဲ့စည်းခဲ့တာလို့ ဆိုပါတယ်။

တခြားဘာသာဝင်တွေကို ဆန့်ကျင်ဖို့ ရည်ရွယ်ချက်နဲ့ ဖွဲ့တာ မဟုတ်ကြောင်း၊ အထူးသဖြင့် အစ္စလာမ်ဘာသာအပေါ် ဆန့်ကျင်ဖို့ ဖွဲ့တဲ့ အဖွဲ့လို့ တချို့က ထင်ကောင်းထင်မှာ ဖြစ်ပေမယ့် နိုင်ငံသား အစ္စလာမ်ဘာသာဝင်တွေနဲ့ ပြဿနာ အထူးမရှိပဲ ရခိုင်ပြည်နယ်မှာ ရှိတဲ့ သူတို့ကို သူတို့ ရိုဟင်ဂျာလို့ ဆိုနေတဲ့ ဘင်္ဂါလီ မွတ်ဆလင်တွေကိုတော့ တိုင်းပြည်ကို ကျူးကျော်ပြီး အချုပ်အခြာ အာဏာပိုင်မှုကို ထိပါးလာမှာကို သည်းခံမှု မဟုတ်ကြောင်း သူက ပြောပါတယ်။

အခုလို နိုင်ငံရေး ပါတီ ဖွဲ့ရတာဟာ အစိုးရအဖွဲ့ ဖွဲ့နိုင်ဖို့က နံပါတ်တစ် ရည်ရွယ်ချက် ဖြစ်တယ်လို့လည်း မောင်သွေးချွန်က ပြောပါတယ်။

BBC Burmese
http://www.bbc.com/burmese

မြန်အောင်မြို့နယ် အတွင်း လေပြင်းတိုက်ခတ်မှုကြောင့် နေအိမ်များပြိုလဲခြင်း၊ အမိုးလန်ခြင်းနှင့်မိုးကြိုးထိမှန်သဖြင့် လူတစ်ဦးသေဆုံး


မြန်အောင် မေ ၃၁

မြန်အောင်မြို့နယ် အတွင်း လေပြင်းတိုက်ခတ်မှုကြောင့် နေအိမ်များပြိုလဲခြင်း၊ အမိုးလန်ခြင်းနှင့်မိုးကြိုးထိမှန်သဖြင့် လူတစ်ဦးသေဆုံးခြင်းကို မေ ၃၀ ရက်နေ့ ၁၂ နာရီ အချိန်ခန့်က ဖြစ်ပွားခဲ့ကြောင်း သိရှိရသည်။


မြန်အောင်မြို့နယ် အတွင်း လေပြင်းတိုက်ခတ်မှုကြောင့် တယ်ကုန်းကျေးရွာအုပ်စု တယ်ကုန်းကျေးရွာ၊ ရေနစ်ကွင်း ကျေးရွာ၊ အိမ်ကြီးကုန်းကျေးရွာ၊ မြစ်ကျိုးကျေးရွာအုပ်စု မာလကာကုန်းကျေးရွာ၊ ပေါက်ကုန်းစွန်းကျေးရွာအုပ်စု ဂုံညှင်းတန်းကျေးရွာ၊ လေးတူးကျေးရွာအုပ်စု လေးတူးကြီးကျေးရွာ တို့တွင် စုစုပေါင်း နေအိမ် ၁၁ လုံးပြို၊ ၉၄ လုံး အမိုးလန်၊ ကြက်ခြံ ၁ ခြံပြို၊ ဈေးဆိုင် ၂ ဆိုင် အမိုးလန်ပြီး ရွှေကျင်ကျေးရွာအုပ်စု ကျူတောလေးကျေးရွာနေ ဦးမြင့်ဦးလွင်သည် ကျူတောလေးကျေးရွာနှင့် ကိုက် ၅၀၀ အကွာ လယ်ကွင်း အတွင်း ပျိုးကြဲနေစဉ် မိုးကြိုးထိမှန်သေဆုံးခဲ့ကြောင်းနှင့် လေပြင်းတိုက်ခတ်မှုကြောင့် ကြက်အကောင် ၅၀ သေဆုံးပြီး လေဘေးသင့်သူဦးရေ စုစုပေါင်း ကျား ၁၈၁ ဦး၊ မ ၂၁၄ ဦး ရှိကြောင်း သတင်းရရှိသည်။

ဝင်းဗိုလ်​ ပြန်​ဆက်​ မြန်​​အောင်​
MOI Webportal Myanmar 
https://www.facebook.com/MOIWebportalMyanmar

ဖိလစ်ပိုင် နိုင်ငံ မာလာဝီ မြို့တွင် ဖြစ်ပွားနေသည့် တိုက်ပွဲကြောင့် သေဆုံးသူ ပေါင်း ၁၀၀ ကျော် ရှိလာ


    မနီလာ ၊ မေ ၃၁ ရက် (ဆင်ဟွာ)

    ဖိလစ်ပိုင် နိုင်ငံ အစိုးရတပ်ဖွဲ့ ပြောရေးဆိုခွင့်ရှိသူ Restituto Padilla က မေလ ၃၀ ရက်နေ့တွင် ထုတ်ပြန်ခဲ့သည့် ကြေညာချက်တွင် အစိုးရတပ်ဖွဲ့ နှင့် အစိုးရ ဆန့်ကျင်ရေး တပ်ဖွဲ့ တို့အကြား မာလာဝီ မြို့၌ ဖြစ်ပွားခဲ့သော ပြင်းထန်သည့် တိုက်ပွဲကြောင့် သေဆုံးခဲ့သူပေါင်း ၁၀၀ ကျော်ခဲ့ပြီး အစိုးရ ဆန့်ကျင်ရေး လက်နက်ကိုင် တပ်ဖွဲ့ဝင် လက်ကျန်များ အနေဖြင့် အမြန်ဆုံး လက်နက်ချရန် ပြောကြား ခဲ့သည်။

Padilla က မာလာဝီ မြို့တွင် ဖြစ်ပွား ခဲ့သည့် တိုက်ပွဲ သည် အချိန် တစ်ပတ်ခန့်ကြာမြင့် ခဲ့ပြီးဖြစ်ကာ မေလ ၂၉ ရက်နေ့ ညပိုင်း အချိန်အထိ သေဆုံးသူ ပေါင်း ၁၀၄ ဦးရှိခဲ့ပြီး ၄င်းတို့တွင် အစိုးရ တပ်ဖွဲ့ဝင် နှင့် ရဲဝန်ထမ်း ၂၀ ဦး ၊ အရပ်သား ၁၉ ဦး နှင့် အစိုးရ ဆန့်ကျင်ရေး တပ်ဖွဲ့မှ ၆၅ ဦး တို့ ပါဝင် ကြောင်း ၊ ထို့ပြင် အစိုးရတပ်ဖွဲ့ဝင် နှင့် ရဲဝန်ထမ်း စုစုပေါင်း ၇၂ ဦး ဒဏ်ရာရရှိခဲ့ကြောင်း ပြောကြား ခဲ့သည်။

ထို့ပြင် Padilla က အစိုးရ တပ်ဖွဲ့ အနေဖြင့် မာလာဝီ မြို့တွင် ကျန်ရှိနေသည့် Maute လက်နက်ကိုင် အဖွဲ့အစည်း ကို ဆက်လက်ရှင်းလင်းသွားမည်ဖြစ်ပြီး ပိုမိုများပြားသည့် အသက်အိုးအိမ်စည်းစိမ် ဆုံးရှုံးမှု မဖြစ်ပွားစေရန် ကျန်ရှိနေသည့် အစိုးရ ဆန့်ကျင်ရေး လက်နက်ကိုင် သမား တို့အား အစိုးရ ထံ အမြန်ဆုံး လက်နက်ချရန် တိုက်တွန်းကြောင်း ၊ အစိုးရတပ်ဖွဲ့အနေဖြင့် မာလာဝီ မြို့အတွင်း ပိတ်မိနေသော ပြည်သူလူထု များကို ကယ်ထုတ်ရန် အစွမ်းကုန် ဆောင်ရွက်သွားမည် ဖြစ်ကြောင်း ပြောကြား ခဲ့သည်။

ဖိလစ်ပိုင် နိုင်ငံ အစိုးရ တပ်ဖွဲ့သည် မေလ ၂၃ ရက်နေ့တွင် စုံစမ်းရရှိသည့် သတင်းအရ မာလာဝီ မြို့တွင် Maute အဖွဲ့အစည်း နှင့် Abu Sayyaf လက်နက်ကိုင် အဖွဲ့ဝင် တို့ကို သွားရောက် ရှာဖွေဖမ်းစီး စဉ် အတွင်း နှစ်ဘက်မှ တိုက်ပွဲ ဖြစ်ပွား ခဲ့သည်။ ဖိလစ်ပိုင် နိုင်ငံ သမ္မတ ဒူတာတေး မှ တိုက်ပွဲစတင်ဖြစ်ပွား သည့် နေ့မှ စတင်၍ Mindanao ကျွန်း ဒေသများတွင် စစ်အုပ်ချုပ်ရေး ရက်ပေါင်း ၆၀ ကို ကြေညာခဲ့သည်။

Abu Sayyaf လက်နက်ကိုင် အဖွဲ့အစည်း သည် ၁၉၉၀ ခုနှစ် မှ စတင်၍ တည်ထောင် ခဲ့ပြီး  ဖိလစ်ပိုင် နိုင်ငံ တောင်ပိုင်းတွင် တိုက်ခိုက်မှု များ နှင့် အနုကြမ်းစီးမှု များကို များစွာ ဆောင်ရွက်ခဲ့သည်။ Maute အဖွဲ့အစည်း သည် Mindanao ကျွန်း တွင် လှုပ်ရှားနေသည့် အစိုးရ ဆန့်ကျင်ရေး လက်နက်ကိုင် တပ်ဖွဲ့တစ်ခုဖြစ်ပြီး ဗုံးခွဲ တိုက်ခိုက်မှု နှင့် အနုကြမ်းစီးမှု များစွာ ကို ဆောင်ရွက်ခဲ့သည်။

(Xinhua)
http://www.xinhuamyanmar.com

အီရတ်မြို့တော် ဘဂ္ဂဒက်တွင် ကားဗုံးပေါက်ကွဲမှုကြောင့် လူ ၁၁ဦးသေ၊ ၃၅ဦးဒဏ်ရာရရှိ

အီရတ်နိုင်ငံ မြို့တော် ဘဂ္ဂဒက်မြို့တွင် ယခင်က ဖြစ်ပွားခဲ့သည့် ကားဗုံးပေါက်ကွဲမှုတစ်ခုအားတွေ့ရစဉ် (ဆင်ဟွာ)
    ဘဂ္ဂဒက်၊ မေ ၃၁ ရက် (ဆင်ဟွာ)

    အီရတ်နိုင်ငံ မြို့တော် ဘဂ္ဂဒက်မြို့လယ်ခေါင်တွင် မေလ ၃၀ ရက် နံနက်ပိုင်းက ကားဗုံးပေါက်ကွဲမှုဖြစ်ပွားခဲ့ရာ လူ ၁၁ဦးအထိသေဆုံးပြီး အခြားလူ ၃၅ဦး ဒဏ်ရာရရှိခဲ့ကြောင်း ပြည်ထဲရေးဝန်ကြီးဋ္ဌာန မှ သတင်းရင်းမြစ်က ပြောကြားခဲ့သည်။

အမည်မဖော်လိုသူ သတင်းရင်းမြစ်က “ဘဂ္ဂဒက်မြို့လယ် က ရှူဟာဒါး လမ်းဆုံ အနီးမှာ ကားဗုံးနဲ့ တိုက်ခိုက်ခဲ့လို့ လူ ၁၁ဦးသေဆုံးခဲ့ပြီး အခြားလူ ၃၅ဦး ဒဏ်ရာရရှိခဲ့ပါတယ်” ဆင်ဟွာသို့ ပြောကြားခဲ့သည်။

သတင်းရင်းမြစ်၏ ပြောကြားချက်အရ ဖောက်ခွဲရေးပစ္စည်းများ တင်ဆောင်လာသော ကားတစ်စီးသည် ဒေသစံတော်ချိန် နံနက် ၉း၀၀နာရီအကျော်လောက်တွင် ဘဂ္ဂဒက်မြို့အလယ်ပိုင်း တိုင်ဂရိစ်မြစ်ကို ဖြတ်ကျော်တည်ဆောက်ထားသော အယ် ရှူဟာဒါး တံတားအနီးရှိ လူစည်ကားရာလမ်းဆုံ ကို ဖြတ်သန်းသွားစဉ် ပေါက်ကွဲခဲ့ခြင်းဖြစ်ကြောင်း သိရသည်။

ကားဗုံးပေါက်ကွဲမှုကြောင့် အနီးအနားရှိ ကားများ၊ ဈေးဆိုင်အများအပြား နှင့် အဆောက်အအုံများ ထိခိုက်ပျက်စီးခဲ့ကြောင်း နှင့် ဒဏ်ရာရရှိသူများအနက် ၃ဦးမှာ ရဲတပ်ဖွဲ့ဝင်များဖြစ်ပြီး ကျန်သူများမှာ အရပ်သားများဖြစ်ကြကြောင်း သိရသည်။

ယင်းတိုက်ခိုက်မှုအား မည်သည့်အဖွဲ့ က ပြုလုပ်ခဲ့ခြင်းဖြစ်ကြောင်း ထုတ်ပြန်ကြေညာခြင်းမရှိသေးသော်လည်း အလားတူတိုက်ခိုက်မှုမျိုးကို IS စစ်သွေးကြွအုပ်စု က လုပ်ဆောင်လေ့ရှိကြောင်း သိရသည်။

ဘဂ္ဂဒက်မြို့လယ်ခေါင် ကာရာဒါရပ်ကွက် ရှိ ရေခဲမုန့်ဆိုင်တစ်ခုအနီးတွင် လူ ၁၁ဦးသေဆုံးခဲ့ပြီး အခြားလူ ၇၅ဦး ဒဏ်ရာရရှိစေခဲ့သော IS စစ်သွေးကြွအုပ်စု ၏ အသေခံကားဗုံးဖောက်ခွဲမှုအပြီး နာရီပိုင်းအကြာတွင် ယင်းကဲ့သို့ ကားဗုံးတိုက်ခိုက်မှု ဖြစ်ပေါ်လာခြင်းဖြစ်သည်။

(Xinhua)
http://www.xinhuamyanmar.com

ကာဘူးလ်မှာ ကားဗုံးပေါက်၊ အနည်းဆုံး လူ ၄၉ ယောက် သေဆုံး


အာဖဂန်နစ္စတန်နိုင်ငံ ကာဘူးလ်မြို့တော်ရဲ့ သံတမန်ရပ်ကွက်မှာ အားပြင်းတဲ့ ကားဗုံး တလုံး ပေါက်ကွဲခဲ့ပြီး အနည်းဆုံး လူ ၄၉ ယောက် သေဆုံးကာ ၃၂၀ ဒဏ်ရာ ရခဲ့ပါတယ်။

မနက်ပိုင်း လူစည်ကားချိန် Zanbaq ရင်ပြင်က ဂျာမနီ သံရုံးနားမှာ ပေါက်ကွဲခဲ့တဲ့ အဲဒီ ဗုံးကြောင့် အရပ်သားအများစု သေဆုံးခဲ့ပါတယ်။


ပေါက်ကွဲမှု အရှိန်က ပြင်းလွန်းလို့ မီတာ ရာကျော် ဝေးတဲ့ အဆောက်အအုံတွေက တံခါးနဲ့ ပြတင်းပေါက်တွေတောင် ကျိုးပဲ့ လွင့်စင် ကုန်ပါတယ်။

အခုလောလောဆယ်မှာ ဒီ အကြမ်းဖက်မှုကို ဘယ်အဖွဲ့က လုပ်ဆောင်ခဲ့ကြောင်း ထုတ်ဖော်ပြောကြားလာတာ မရှိသေးပေမယ့် အာဖဂန်က လတ်တလော တိုက်ခိုက်မှုတွေကို တာလီဘန်ကော၊ အိုင်အက်စ် အဖွဲ့ကောက လုပ်ဆောင်နေပါတယ်။

ဘီဘီစီမြန်မာပိုင်း
BBC Burmese
https://www.facebook.com/bbcburmese

ရေတာရှည်မြို့တွင် ၁၂ဘီးကား က ဆိုက်ကားကို ဝင်တိုက်၊ ဆိုက်ကား ပေါ်တွင်လိုက်ပါလာသည့် ခရီးသည်သေဆုံး


ရေတာရှည်၊ မေ ၃၀ ။

ယနေ့ မေလ ၃၀ ရက်နေ့ နံနက် ၆း၃၀ အချိန်ခန့်က ပဲခူးတိုင်းဒေသကြီး၊ ရေတာရှည်မြို့နယ် တောင်နန်းချွန် ကျေးရွာ ၊ ရန်ကုန် - မန္တလေး ပုံမှန်ကားလမ်း ပေါ်တွင် ဆိုက် ကားတစ်စီးအား ၁၂ ဘီးကုန်တင်ယာဉ်က၀င်တိုက်မိခဲ့၍ ဆိုက်ကား ပေါ်တွင်လိုက်ပါလာသည့် ခရီးသည်သေဆုံး သွားကြောင်း ယာဉ်တိုက်သည့်နေရာသို့သွားရောက်ကူညီပေးခဲ့သူ နည်းပညာတက္ကသိုလ်(တောင်ငူ)ကျောင်းသားလူငယ် ပရဟိတ အသင်းမှတာဝန်ရှိသူတစ်ဦးကပြောသည်။

“ကားက အရှိန်လွန်ပြီးဆိုက်ကားကိုဝင်တိုက်မိခဲ့တာလို့ သိရပါတယ် ။ ယာဉ်တိုက်မှု ကြောင့် ဆိုက်ကား နင်းသူ ဒဏ်ရာများ ရရှိခဲ့ပါတယ်။ စိုးရိမ်ရ ပါတယ်။ ဆိုက်ကားပေါ်မှာ လိုက်ပါလာတဲ့ ခရီးသည်အမျိုးသားကတော့နေရာမှာပဲသေဆုံးခဲ့ပါတယ်။ သေဆုံး၊ ဒဏ်ရာရတဲ့သူတွေကို ကျွန်တော်တို့ အသင်းကားနဲ့ ရေတာရှည် ဆေးရုံကို ပို့ဆောင်ပေးခဲ့ပါတယ်” ဟု၎င်းကပြောသည်။

ကျော်သူဝင်း(တောင်ငူ)
PHOTO = KTW
The Asia Heart News

ဝန်ကြီးချုပ်မေကို လူလိမ်လို့ စွပ်စွဲထားတဲ့ သီချင်း ယူကေမှာ ရေပန်းစားနေ


အခု တပတ် ယူကေ ထိပ်တန်း အရောင်းရဆုံး သီချင်းစာရင်းမှာ အသစ်ဝင်လာတဲ့ သီချင်းတပုဒ်ကတော့ ထူးခြားနေပါတယ်။

ဗြိတိန်ဝန်ကြီးချုပ် ထရီဇာမေကို လူလိမ် လို့ စွပ်စွဲ ထားတဲ့ Liar Liar GE2017 အမည်နဲ့ သီချင်းဟာ လက်ရှိ အရောင်းရဆုံး နံပါတ် ၇ နေရာမှာ ရပ်တည်နေတာပါ။ iTunes က အရောင်းရဆုံး စာရင်းမှာလည်း အဲဒီ သီချင်းက တတိယနေရာ ချိတ်ပါတယ်။

Captain Ska အဖွဲ့ရဲ့ အဲဒီ ပေါ့ပ်ရဂေး အမျိုးအစား သီချင်းမှာ မစ္စမေရဲ့ မိန့်ခွန်းနဲ့ တွေ့ဆုံးမေးမြန်းခန်း တချို့ကို ထည့်သွင်းထားပြီး ယူကေရဲ့ ကျန်းမာရေး၊ ပညာရေး၊ ဆင်းရဲမွဲတေမှုနှုန်း မြင့်တက်နေမှုနဲ့ ရွေးကောက်ပွဲ အကြောင်းတွေကို စပ်ဆိုထားတာပါ။

ဝင်ငွေနည်း လုပ်သားတွေ၊ အလုပ်လက်မဲ့တွေ၊ မသန်စွမ်းတွေ၊ လူငယ်နဲ့ လူနည်းစု လူမျိုးစု ဝင်တွေရဲ့ အခွင့်အရေး အတွက် တိုက်ပွဲ ဝင်ပေးနေတဲ့ People's Assembly Against Austerity အဖွဲ့ကလည်း ဒီသီချင်းကို သူတို့ရဲ့ လှုံဆော်ပွဲတွေမှာ အသုံးပြုနေပါတယ်။

သီချင်းရဲ့ သံပြိုင် အပိုဒ်မှာ “သူဟာ လူလိမ်၊ သူ့ကို ယုံကြည်လို့မရဘူး၊ လုံးဝ လုံးဝ ပဲ” လို့ ဆိုထားပါတယ်။

“ဒီသီချင်း အောင်မြင်မှုက လူချမ်းသာတွေ အတွက်ပဲ ရပ်တည်နေတဲ့ အစိုးရကို လူတွေ ဘယ်လောက် စိတ်ပျက်နေသလဲ ဆိုတာ ပြတယ်” လို့ Captain Ska က ဘီဘီစီနယူးစ်ဘိကို ပြောပါတယ်။

ဒီသီချင်း အပေါ် ဘယ်လို တုံ့ပြန်မှတ်ချက် ပေးလိုသလဲဆိုတာကို ဝန်ကြီးချုပ်မေရဲ့ ရှေးရိုးစွဲ ကွန်ဆားဗတစ် ပါတီကို ဘီဘီစီက မေးမြန်းခဲ့ပေမယ့် ပြန်လည် ဖြေဆိုခြင်း မရှိသေးပါဘူး။

ဘီဘီစီမြန်မာပိုင်း
BBC Burmese
https://www.facebook.com/bbcburmese

ရွှေညောင်မြို့ရှိ လက်ဖက်ရည်ဆိုင်အတွင်း လမ်းချော်ဝင်ရောက်လာသည့် ကျောက်မီးသွေးတင် တွဲကားကြောင့် တပ်မတော်သားတစ်ဦး သေဆုံး


ရှမ်းပြည်နယ်တောင်ပိုင်း ၊ ရွှေညောင်မြို့ အောင်သပြေ စဥ့်ဟယ်ရပ်ကွက်တွင် မေလ (၃၁) ရက်နေ့ နံနက် (၆) နာရီ (၃၀) မိနစ်ဝန်းကျင်က ကျောက်မီးသွေးတင်ဆောင်လာသော တွဲကားသည် အရှိန်ဖြင့် လမ်းချော်ပြီး လမ်းလျှောက် နေသည့် တပ်မတော်သားတစ်ဦးအား တိုက်မိပြီး လမ်းဘေးမှ လက်ဖက်ရည်ဆိုင်တွင်း ထိုးဝင်သွားကြောင်း ရွှေညောင်နယ်မြေရဲစခန်းမှ သိရသည်။


“ အောင်သပြေ စဥ့်ဟယ်ရပ်ကွက်ထဲမှာ ဖြစ်တာပါ။ ကျောက်မီးသွေးတင်တဲ့ကားက တောင်ကြီးဘက်ကနေ လာတာပါ။ ကျောက်မီးသွေးတွေလည်း သယ်လာတယ်။ ကားကလည်း အရှိန်နဲ့လာတော့ မထိန်းနိုင်ဘဲနဲ့ လမ်းချော်ပြီး အောင်စိုးမိုးလက်ဖက်ရည်ဆိုင်ထဲ ၀င်သွားတယ်။ ၀င်သွားတဲ့အခါမှာ လမ်းမှာ လမ်းလျှောက်နေတဲ့ စစ်သည် တပ်ကြပ် စောအလွင် (ရွှေညောင်မြို့ ထောက်ပို့တပ်က)ကို တိုက်မိတယ်။ ဆိုင်ထဲမှာတော့ ဘယ်သူမှ မရှိပါဘူး။ စစ်သည်ကတော့ အဲဒီမှာတင် ပွဲချင်းပြီး ဆုံးသွားပါတယ်။ ယာဉ်မောင်း နာမည်က သန်းတင့်ဆွေ (၃၂) နှစ်၊ ယာဉ်နောက်လိုက်က အောင်နိုင်စိုးပါ။ သူတို့ နှစ်ဦးကတော့ ခြေသလုံးမှာ ဒဏ်ရာရသွားပါတယ်။ အခုကျွန်တော်တို့ စစ်ဆေးဖို့လုပ်နေပါတယ်” ဟု ရွှေညောင်နယ်မြေရဲစခန်း ဒုရဲအုပ်ဇာနည်မျိုးက တာချီလိတ်သတင်းအေဂျင်စီသို့ ပြောသည်။


အဆိုပါ ယာဉ်မောင်းနှင့် ယာဉ်နောက်လိုက်အား ရွှေညောင်နယ်မြေရဲစခန်းတွင် ယ(ပ) ၁၄/၂၀၁၇ ရာဇသတ်ကြီးပုဒ်မ ၂၇၉/၃၃၇/၃၃၈/၃၀၄-က အရ အရေးယူ ဆောင်ရွက်ထားကြောင်းသိရသည်။

သတင်း - နိုနို
ဓာတ်ပုံ - Kotoe Taunggyi(FB)
Tachileik News Agency
http://www.tachileik.net

နမ္မတူမြို့တွင် ဘုရားမီးပူဇော်ထားရာမှ နေအိမ်တစ်လုံး မီးလောင်ကျွမ်း


ရှမ်းပြည်နယ်မြောက်ပိုင်း နမ္မတူမြို့၊ ပန်ဟိုက်ရပ်ကွက်(၄)တွင် မေလ (၃၀)ရက်နေ့ ည(၁၁)နာရီ(၅၀)မိနစ်ဝန်းကျင်အချိန်က အဘိုးအိုတစ်ဦးတည်း နေထိုင်သည့် နေအိမ်တွင် ဘုရားမီးပူဇော်ထားရာမှ မီးလောင်ကျွမ်းမှုဖြစ်ပွားသဖြင့် နေအိမ်တစ်လုံး မီးလောင်ဆုံးရှုံးသွားကြောင်း သိရသည်။

“ဘုရားစင်က သစ်သားတန်းပေါ် ဘုရားမီးထွန်းညှိပူဇော်ရာက လူက အိပ်ပျော်သွားပြီး မစောင့်ကြည့်နေတဲ့ အတွက် မီးလောင်မှုဖြစ်ပွားခဲ့တာဖြစ်ပါတယ်။ ဖြစ်ပွားတဲ့ နေအိမ်တစ်လုံးပဲ မီးလောင်သွားတာပါ။ ဘေးပတ်ဝန်းကျင်ကို ကူးစက်မှု မရှိခဲ့ပါဘူး။ မီးလောင်မှုဖြစ်ပွားပြီး (၁၅) မိနစ်လောက်မှာ မီးငြိမ်းသတ်နိုင်ခဲ့ပါတယ်” ဟု နမ္မတူမြို့နယ်ရဲတပ်ဖွဲ့မှူး ရဲမှူးမြဆွေက တာချီလိတ်သတင်းအေဂျင်စီသို့ ပြောသည်။


အသက်(၈၉)နှစ်အရွယ် အဘ်ိုးအိုနေထိုင်သည့် နေအိမ်၏ဘုရားစင်သစ်သားတန်းပေါ်၌ ဖယောင်းတိုင်ထွန်းညှိ ပူဇော်ထားရာမှ မီးစတင်လောင်ကျွမ်းခြင်းဖြစ်သည်ဟု စစ်ဆေးတွေ့ရှိရပြီး မီးလောင်ကျွမ်းမှုကြောင့် ပေ(၄၀ -၁၅ )ပေ ရွှံ့အုတ်ကာ၊ သွပ်မိုး၊ မြေစိုက်အိမ်တစ်လုံး ပျက်စီးဆုံးရှုံးခဲ့ရပြီး ထိခိုက်ဒဏ်ရာရရှိမှုမရှိခဲ့ကြောင်း သိရသည်။

“မီးလောင်တဲ့အိမ်မှာက အဖိုးကြီးတစ်ယောက်ပဲနေနေတာ။ ဘုရားမီးထွန်းပြီး အိပ်ပျော်သွားရာက ဘုရားစင်ကနေ မီးစလောင်တယ်လို့သိရတယ်။ သူ့အိမ်တစ်လုံးပဲလောင်သွားတာ ဘေးပတ်ဝန်းကျင်ကို မီးကူးမှာစိုးလို့ မီးတားတဲ့ အနေနဲ့ အဖီတစ်ချို့ဖျက်လိုက်ရတာပဲရှိတယ်။ ကျန်တာတော့ဘာမှမဖြစ်သွားဘူး” ဟု မီးလောင်ရာသို့ သွားရောက် ငြှိမ်းသတ်ကူခဲ့သူ ကိုကျော်စိုးက ပြောသည်။

မီးလောင်မှုဖြစ်ပွားရာသို့ နမ္မတူမြို့နယ်မီးသတ်စခန်းမှ မီးသတ်တပ်ဖွဲ့ဝင်များ၊ နမ္မတူမြို့မရဲစခန်းမှ အင်အားနှင့် ရပ်ကွက်နေလူထုတို့ သွားရောက်ဝိုင်းဝန်းငြှိမ်းသတ်ခဲ့ပြီး မီးလောင်မှုစတင်ဖြစ်ပွားသည့် နေအိမ်ပိုင်ရှင်အား မီးပေါ့ဆမှုဖြင့် အရေးယူရန်ပြင်ဆင်နေကြောင်း သိရသည်။

သတင်း - နေဖြိုးမြင့်
ဓာတ်ပုံ - ကိုကျော်စိုး
Tachileik News Agency
http://www.tachileik.net

အမြန်​လမ်းတွင်​ ​ရွှေမန်းသူ ခရီးသည်​တင်​ Express ယာဉ်​မှ light truck ယာဉ်​ကို​ နောက်​မှဝင်​တိုက်​ ၂ ဦး​သေ ၁၄ ဦး ဒဏ်​ရာရ


နေပြည်​​တော်​ ၊​မေ ၃၁

ရန်​ကုန်​-မန္တ​လေးအမြန်​လမ်းမကြီး၏ ဥတ္တရသီရိမြို့ နယ်​ မိုင်​တိုင်​အမှတ်​ ၂၀၇/၄ နှင့် ၅ အကြား မန္တ​လေးဘက်​မှ ရန်​ကုန်​ဘက်​သို့ ယာ​မောင်း သန်းနိုင်​စိုး ​မောင်​နှင်​လာ​သော ​ရွှေမန်းသူ Express ခရီးသည်​တင်​ယာဉ်​ မှာ ​မေ ၃၁ နံနက်​ ၂ နာရီခန်​က အရှိန်​မထိမ်းနိုင်​ဘဲ ​ရှေ့ကွန်​ကရစ်​လမ်းအစပ်​​တွင်​ ရပ်​ထား​သော ယာဉ်​​မောင်း ဦးတင်​ထွန်း​မောင်းနှင်​သည့် Light truck ယာဉ်​အား ​နောက်​မှဝင်​တိုက်​ခဲ့​ပြီး ​ရွှေမန်းသူ ယာဉ်​​မောင်းမှာအခင်း ဖြစ်​ပွားရာ​နေရာမှ ထွက်​​ပြေးတိမ်း​ရှောင်​ခဲ့သည်​။

ဖြစ်​စဉ်​​ကြောင့် ​ရွှေမန်းသူ Express ယာဉ်​​ပေါ်တွင်​ ယာဉ်​​မောင်းပါ ခရီး သည်​ ၃၅ ဦးမှာ ထိခိုက်​မှုမရှိ​သော်​လည်း Light Truck ယာဉ်​​ပေါ်တွင်​ ယာဉ်​​မောင်းပါ အမျိုးသား ၁၈ဦး အနက်​ ၂ ဦး​သေဆုံးပြီး ၁၄ ဦး မှာ အတွင်းလူနာအဖြစ်​ ဒဏ်​ရာရရှိခဲ့သည်​။ ​သေဆုံးသူရုပ်​အ​လောင်းနှင့် ဒဏ်​ရာရရှိသူ များအား ပန်းတင်​အမြန်​လမ်းရဲတပ်​ဖွဲ့ပိုင်​ ​မော်​​တော်​ယဉ်​ဖြင့် ​နေပြည်​​တော်​ ခုတင်​ ၁၀၀၀ ​ဆေးရုံသို့ ပို့​ဆောင်​​ပေးခဲ့ရ​ကြောင်း သိရသည်​။


အဆိုပါ ​ရွှေမန်းသူExpress ယာဉ်​​မောင်းအား ဖမ်းဆီးရရှိရေးအတွက် ​ဂိတ်​တာဝန်​ခံများနှင့် ဆက်​သွယ်​​ဆောင်​ရွက်​ခဲ့ရာ​ အောင်​မင်္ဂလာအ​ဝေး​ပြေးဂိတ်​ တာဝန်​ခံမှ အဆိုပါ ယာ​ဉ်​​မောင်း သန်းစိုးနိုင်​အား ယ​နေ့ နံနက်​ ၁၀ နာရီခွဲတွင်​ ရဲစခန်းသို့လာ​ရောက်​အပ်​နှံခဲ့​သည်​။

သို့ပါ၍ယာဉ်​ကိုမဆင်​မခြင် ​​ပေါ့ဆစွာ​မောင်းနှင်​သူ ​ရွှေမန်းသူExpress ယာဉ်​​မောင်းအား ပန်းတင်​အမြန်​လမ်းရဲ တပ်​ဖွဲ့စခန်းမှ ယာဉ်​(ပ)၅/၂၀၁၇၊ရာဇသတ်​ကြီးပုဒ်​မ ၃၀၄-က/၃၃၈/၃၃၇ အရအမှုဖွင့် အ​ရေးယူထား​ကြောင်းသိရသည်​။

ညီညီသန်း(​နေပြည်​​တော်​)၊ ဓာတ်​ပုံ/အမြန်​လမ်းရဲတပ်​ဖွဲ့
Nan Myat Oo (fb)

တိုက်ချင်းပစ် ဒုံးရန်ကာကွယ်ရေး ဒုံးခွင်းဒုံး ကန် စမ်းသပ် အောင်မြင်

အမေရိကန်က စမ်းသပ် ပစ်လွတ်လိုက်တဲ့ ဒုံးခွင်းဒုံး
တိုက်ချင်းပစ် ဒုံးရန်ကာကွယ်ရေးအတွက် ဒုံးခွင်းဒုံး ပထမဆုံးအကြိမ် စမ်းသပ်မှု အောင်မြင်တယ်လို့ အမေရိကန် ပင်တဂွန် စစ်ဌာနချုပ်က ပြောကြားလိုက်ပါတယ်။

အင်္ဂါနေ့က စမ်းသပ်မှုကို သီးခြားဒုံးကျည် ၂ ခု ပစ်လွှတ်ပြီး စမ်းသပ်ခဲ့တာပါ။ ပစိဖိတ် သမုဒ္ဒရာထဲမှာရှိတဲ့ ကျွန်းတခုကနေ တိုက်ချင်းပစ် ပဲ့ထိန်းတပ်ဒုံးကျည်တခုကို တိုက်ခိုက်တဲ့ ပုံစံမျိုး ပစ်လွှတ်ခဲ့ပါတယ်။

ကာလီဖိုးနီးယား ပြည်နယ်မှာရှိတဲ့ Vandenberg လေတပ်အခြေစိုက်စခန်းကနေ အဲဒီဒုံးကို ဖြိုခွင်းဖို့ ဒုတိယဒုံးကျည်ကို ပစ်လွှတ်ခဲ့တာမှာ လမ်းခုလတ်မှာတင် ပထမဒုံးကျည်ကို ကြားဖြတ် ဖျက်ဆီးနိုင်ခဲ့တာ ဖြစ်ပါတယ်။ ပဲ့ထိန်းတပ် တိုက်ချင်းပစ် ဒုံးရန်ကို ကြားဖြတ် ဖြိုခွင်းနိုင်ခဲ့တာဟာ မယုံကြည်နိုင်လောက်တဲ့ အောင်မြင်မှုဖြစ်တယ် လို့ ဒုံးရန် ကာကွယ်ရေးအေဂျင်စီက ဒုတိယ ရေတပ်ဗိုလ်ချုပ်ကြီး Jim Syring က ပြောကြားခဲ့ပါတယ်။

တဖက်သေနတ်ကပစ်လိုက်တဲ့ ကျည်ကို နောက်ကျည်တခုနဲ့ ပစ်ချခဲ့တယ်ဆိုတာမျိုး ဒုံးခွင်းဒုံး စမ်းသပ်မှုကို ပင်တဂွန် စစ်ဌာနချုပ် တာဝန်ရှိသူတွေက နှိုင်းယှဉ် ပြောကြားခဲ့ပါတယ်။ မြောက်ကိုရီးယားလို ရန်လိုနေတဲ့နိုင်ငံတွေက ပစ်လိုက်နိုင်တဲ့ ဒုံးကျည်ရန်ကို ကာကွယ်နိုင်ဖို့ အဲဒီဒုံးခွင်းဒုံးစနစ်ကို ပြင်ဆင်ထားတာ ဖြစ်ပါတယ်။

မြောက်ကိုရီးယားက တနင်္လာနေ့က နောက်ဆုံး ပစ်လွှတ်ခဲ့တဲ့ ပဲ့ထိန်းတပ်ဒုံး စမ်းသပ်မှု အောင်မြင်တယ်လို့ အင်္ဂါနေ့ အစောပိုင်းမှာပဲ ကြေညာခဲ့တာပါ။ တာတို ပဲ့ထိန်းဒုံးဖြစ်ပုံရတဲ့ ဒုံးကျည်တခု လေထဲမှာ ၆ မိနစ်လောက်သွားခဲ့ပြီး ဂျပန်ရေပိုင်နက်ထဲကို ကျသွားခဲ့တယ်လို့ အမေရိကန်စစ်တပ် ပစိဖိတ် ဒေသကွပ်ကဲရေးဌာနက ပြောကြားခဲ့ပါတယ်။

VOA (မြန်မာပိုင်း)
http://burmese.voanews.com

အိမ်ဖြူတော် ပြန်ကြားရေး အကြီးအကဲ ရာထူးက နုတ်ထွက်

မှတ်တမ်းပုံ - အိမ်ဖြူတော် ပြန်ကြားရေး အကြီးအကဲ Mike Dubke။ ဧပြီလ ၂၀ ရက် ၂၀၁၇။
အိမ်ဖြူတော် ပြန်ကြားရေး အကြီးအကဲ Mike Dubke တာဝန်ကနေ နုတ်ထွက်သွားပါပြီ။ သမ္မတ Donald Trump ရဲ့ အနီးကပ် အကြံပေးတွေနဲ့ ရုရှားကြား အဆက်အသွယ်နဲ့ ပတ်သက်လို့ စုံစမ်းစစ်ဆေးမှုတွေ အပေါ် အိမ်ဖြူတော်ရဲ့တုံ့ပြန်မှုကို ထိန်းချုပ်ဖို့ သမ္မတက ကြိုးစားနေတာနဲ့ အတူ သမ္မတ Trump ရဲ့အကြီးတန်း အရာရှိတချို့ ကြား ရှိလာနိုင်တဲ့ အပြောင်းအလဲ တွေရဲ့အစလို့ မြင်နိုင်ပါတယ်။

Republican အတိုင်ပင်ခံ တယောက်ဖြစ်တဲ့ Mike Dubke ဟာ အိမ်ဖြူတော် ပြန်ကြားရေး ညွှန်ကြားရေးမှူး တာဝန်ယူပြီး ၃ လအကြာမှာပဲ ရာထူးကနေ နုတ်ထွက်ခဲ့တာပါ။ Mr. Dubke ဟာလွန်ခဲ့တဲ့ သီတင်း ၂ ပတ်ထဲက ထွက်စာ တင်ထားခဲ့တာ ဖြစ်ပြီး သမ္မတရဲ့ပထမဆုံး နိုင်ငံခြားခရီး ဖြစ်တဲ့ ဥရောပနဲ့ အရှေ့အလယ်ပိုင်း ဒေသခရီးစဉ်တွေ ပြီးတဲ့အထိ တာဝန်ဆက် ထမ်းပေးမယ်ဆိုတဲ့ ကမ်းလှမ်းချက်ကို သမ္မတ Trump လက်ခံခဲ့တာ ဖြစ်ပါတယ်။

သူ့နေရာမှာ အစားထိုးမယ့်သူ ရှိလာတဲ့အထိ Mike Dubke က အိမ်ဖြူတော် ပြန်ကြားရေး ညွှန်ကြားရေးမှူး တာဝန်ကို ယူထားမှာ ဖြစ်တယ်လို့ အိမ်ဖြူတော်က ပြောပါတယ်။ Trump အစိုးရအပေါ် အမေရိကန် မဲဆန္ဒရှင်တွေရဲ့ အမြင် ပိုပြီး ကောင်းမွန်စေဖို့ ရည်ရွယ်ချက်နဲ့ အိမ်ဖြူတော် ထိပ်ပိုင်းတာဝန် တချို့အပြောင်းအလဲလုပ်ဖို့ သမ္မတ Trump က စဉ်းစားနေတယ်လို့ အမေရိကန် သတင်းမီဒီယာတွေက သတင်းထုတ်ပြန် နေကြပါတယ်။

ဗွီအိုအေ (မြန်မာပိုင်း)
http://burmese.voanews.com

ယီမင်တွင် ဝမ်းရောဂါဖြစ်ပွားမှုကြောင့် ၄၇၁ ဦး သေဆုံး


ဆာနား မေ ၃ဝ

ပြည်တွင်းစစ် ဆိုးဆိုးရွားရွားဖြစ်ပွားနေ သည့် ယီမင်နိုင်ငံတွင် ကာလဝမ်း ရောဂါဖြစ်ပွားမှုကြောင့် ယခုလအတွင်း ၄၇၁ ဦး သေဆုံးကြောင်း ကမ္ဘာ့ကျန်းမာရေးအဖွဲ့က ပြောကြားသည်။

ကမ္ဘာ့ကျန်းမာရေးအဖွဲ့က မေ ၂၇ ရက်အထိ သေဆုံးသူအရေအတွက်ကို နောက်ဆုံးထုတ်ပြန်ပေးထားသည်။ သေဆုံးသူအရေအတွက်ကို အတည်ပြုထားပြီး ဝမ်းရောဂါဖြစ်ပွားနေသည် ဟု သံသယရှိသူ ၅၂ဝဝဝ ကျော်ရှိကြောင်းလည်း ကမ္ဘာ့ကျန်းမာရေး အဖွဲ့က ပြောကြားသည်။

ဆော်ဒီ ထောက်ခံအားပေးထားသော အစိုးရနှင့် သူပုန်တပ်ဖွဲ့များ ဖြစ်ပွားသည့် ပြည်တွင်းစစ်ပွဲတွင် ဆေးရုံများနှင့် ရေဖြန့်ဖြူးပေးဝေသော စနစ်များဖျက်ဆီးခံခဲ့ရသည်။ ထို့ပြင် ယီမင်နိုင်ငံတွင် ဆရာဝန်၊ သူနာပြုနှင့် ဆေးဝါးများလည်း ဆိုးဆိုးရွားရွား ပြတ်တောက်လျက်ရှိသည်။

ကုလသမဂ္ဂနှင့် နိုင်ငံတကာအဖွဲ့ အစည်းများက စစ်ပွဲတွင်ပါဝင် တိုက်ခိုက်နေသော အဖွဲ့အစည်းများအနေဖြင့် ဆေးရုံဆေးခန်းများအတွက် ရန်ပုံငွေထောက်ပံ့ပေးရန် တိုက်တွန်းထားသကဲ့သို့ ကျန်းမာရေးစောင့် ရှောက်မှုပေးမည့် ပုဂ္ဂိုလ်များကိုလည်း ပဋိပက္ခဖြစ်ပွားနေသည့် နယ်မြေများသို့ ဝင်ရောက်ခွင့်ပေးရန်လည်း တောင်းဆိုထားသည်။

အင်န်အိတ်ခ်ျကေ။
The Mirror Daily
https://www.facebook.com/TheMirrorDaily

ဗန်းမောက်မြို့နယ် မံထုံကျေးရွာတွင် ဖုန်းကိုင်ဆောင်ထားသူ မိုးကြိုးပစ်ခံရမှုဖြစ်ပွားခဲ့


ဗန်းမောက်မြို့နယ် နှင့် ၁၈ မိုင်ခန့်ရှိသော မံထုံကျေးရွာတွင် နေအိမ်အတွင်း လက်ကိုင်ဖုန်းကိုင်
ဆောင်ထားသူ (၁၀)စာမေးပွဲ ဖြေဆိုထားသည့် မိန်းကလေးတစ်ဦး မေလ ၂၉ ရက်နေ့ ၁၈.၃၀
နာရီအချိန်တွင် မိုးကြိုးပစ် စက်ကွင်းမိ၍ သတိလစ် မေ့မျောနေကြောင်းဗန်းမောက်ရဲစခန်းမှ သတင်းသိရသည်။

ဗန်းမောက်မြို့နယ် မံထုံကျေးရွာတွင် မခင်မိုးဦး၂၀ နှစ် (ဘ)ဦးစိုးမြင့်အောင် (မိ)ဒေါ်အုန်းကျန်
သမီးဖြစ်သူ တက္ကသိုလ် စာမေးပွဲ (၁၀)တန်းဖြေဆိုထားသော မိန်းကလေးအား နေအိမ်အတွင်း
ဧည့်ခံ ဘုရားစင် ရှေ့လက်ကိုင်ဖုန်းကိုင်ဆောင်၍ လမ်းလျှောက်နေ့စဉ် မိုးကြိုးစက်ကွင်းမိသဖြင့် သတိမေ့သွားခဲ့ကြောင်းသတင်းအရ မံထုံရဲကင်း စခန်းမှူး ရဲအုပ်မင်းမော်နှင့် တပ်ဖွဲ့ဝင် (၃)ဦး ၊အုပ်ထိန်းသူမိဘဆွေမျိုးများ ကျေးရွာအုပ်ချုပ်ရေးမှူးနှင့် ဒေသခံပြည်သူများ ပူးပေါင်း၍ ဗန်းမောက်မြို့နယ် ပြည်သူဆေးရုံသို့ ဆေးဝါးကုသခံယူရန် ဝိုင်းဝန်းကူညီပို့ဆောင်ပေးခဲ့ရာ ဆေးဝါးကုသခံယူနေရာ သတိရကောင်းမွန်လာကြောင်း သတင်းသိရသည်။

ငွေအိုး (ကသာ)
https://www.facebook.com/ngwe.aoe.54

အမုန်းစကားမပြန့်ပွားရေး IT ကျွမ်းကျင်နားလည်သူများအဖွဲ့ ဖွဲ့စည်းရေး ရန်ကုန်တိုင်း လွှတ်တော်ကိုယ်စားလှယ် တိုက်တွန်း


မြန်မာနိုင်ငံမှာ ပြီးခဲ့တဲ့ရက်ပိုင်းတွေက နိုင်ငံတွင်း လူတော်တော်များများ လူသုံးများလာတဲ့ Facebook လူမှုကွန်ယက်ပေါ်မှာ ကုလားဆိုတဲ့ အသုံးအနှုန်းပါဝင်တဲ့ Post တွေ ဖယ်ရှားခံခဲ့ရသလို အဲဒီ Post တွေတင်ခဲ့တဲ့ Account တချို့ အပိတ်ခံခဲ့ရပါတယ်။ ဖေ့စ်ဘွတ်ခ်လို လူမှုကွန်ယက်တွေပေါ်မှာ အမုန်းစကား ဖြန့်ဝေနေတာတွေကို တားဆီးဖို့ နိုင်ငံတကာအစိုးရတွေရဲ့ ဖိအားတွေရှိနေချိန်မှာ ကမ္ဘာတဝန်း ဘာသာစကား ၇၀ ကျော်နဲ့ သုံးစွဲသူ သန်း ၂ ထောင်နီးပါးရှိနေတဲ့ Facebook က မြန်မာနိုင်ငံမှာ ကုလားဆိုတဲ့ အသုံးအနှုန်းကိုပိတ်ပင်ခဲ့တာဖြစ်ပါတယ်။ ဒါပေမဲ့ မြန်မာဘာသာမှာ ကုလားပဲ၊ ကုလားထိုင်စတဲ့ ကုလားကိုအခြေခံတဲ့ အသုံးအနှုန်းတွေ အများအပြား ရှိနေတာကြောင့် ကုလား ဆိုတဲ့ စာလုံးပါသမျှ ပိတ်ပင်ခဲ့တဲ့အပေါ် Facebook သုံးသူတော်တော်များများက ဝေဖန်ခဲ့ကြပါတယ်။မြန်မာနိုင်ငံထဲက လူမှုအသိုင်းအဝိုင်းတွေ၊ လုံခြုံရေးဆိုင်ရာကျွမ်းကျင်သူတွေနဲ့ NGO အဖွဲ့တွေရဲ့အကြံပြုချက်တွေအတိုင်း လိုက်နာပြီး ခုလို တားဆီးပိတ်ပင်မှုလုပ်ခဲ့တာလို့ ပြောတယ်ဆိုတာကို Facebookက ပြောကြောင်း Online media ကုမ္ပဏီတခုဖြစ်တဲ့ Mashable ရဲ့သတင်းထဲမှာ ဖော်ပြထားပါတယ်။

ဒီအပေါ်မှာ မြန်မာနိုင်ငံတွင်း အင်တာနက်အွန်လိုင်းစာမျက်နှာ လူမှုကွန်ယက်တွေပေါ်မှာ အမုန်းစကားမပြန့်ပွားရေး ဦးဆောင် လှုပ်ရှားခဲ့သူလည်းဖြစ် လက်ရှိရန်ကုန်တိုင်းဒေသကြီးလွှတ်တော်ရဲ့ လွှတ်တော်ကိုယ်စားလှယ်တဦးလည်းဖြစ်တဲ့ ကိုနေဘုန်းလတ်ကို အခုလို ကုလားဆိုတဲ့အသုံးအနှုန်း FB က ပိတ်ပင်ခဲ့တဲ့အပေါ် သူ့အမြင်မေးကြည့်တဲ့အခါ သူက အခုလိုစဖြေပါတယ်။

“ကိုနေဘုန်းလတ်။ ။ စကားလုံးတွေအပေါ်မှာတော့ မြန်မာစကားလုံးက အရမ်းကျယ်ပြန့်တယ်လေ။ ဒီကုလားဆိုတဲ့စကားလုံးကို ဒီစကားလုံးတလုံးထဲမှာကိုပဲ မကောင်းတဲ့ရည်ရွယ်ချက်နဲ့ ပြောတာရှိတယ်၊ ကောင်းတဲ့ရည်ရွယ်ချက်နဲ့ သုံးနေတာရှိတယ်။ ကုလားထိုင် တို့၊ ကုလားဟင်းတို့ အဲလိုဟာတွေလည်းရှိတယ်။ ဆိုတော့ ဒီ Wording စကားလုံးတလုံးအပေါ်မှာအခြေခံပြီးတော့ အကောင့်တွေကို ပိတ်တယ်လို့၊ ban တယ်ဆိုတာကြီးက ဘယ်လိုမှ အဆင်မပြေနိုင်ဘူး မြန်မာနိုင်ငံမှာကလေ။ စကားလုံးအပေါ်မှာမူတည်ပြီးတော့ ဖျက်တာတွေကို အားမပေးခဲ့ဘူး ဘာဖြစ်လို့လဲဆိုတော့ အဲဒါတွေက မထိရောက်ဘူး။ အခုဆိုရင်လည်း ဒီဟာတွေဆိုရင်လည်း ကုလားဆိုပြီးတော့လုပ်တဲ့ဟာတွေက အမှန်အတိုင်းပြောရင် ဘာမှထိရောက်မှုမရှိဘူးလေ။

မဆုမွန်။ ။ အဓိက မြန်မာပြည်မှာဒီလိုမျိုး အမုန်းပွားစေမယ့် စကားလုံးတွေလုပ်တဲ့အပေါ်မှာ Facebook ကနေပြီးတော့ တချို့ဟာတွေ report လုပ်ခိုင်းတာတွေရှိတယ်။ နောက်ပြီး ban ခိုင်းတာတွေရှိတယ်ပေါ့နော်။ ဆိုတော့ Facebook အပေါ်မှာ အခြေခံပြီးတော့မှ ဒီလိုပြဿနာ တချို့ဟာတွေက ပိုပြီးပြန့်တာမြန်သွားတော့ ထိန်းချုပ်ဖို့ လိုတယ်လို့ထင်သလား။ ဘယ်လိုပုံစံမျိုးနဲ့လုပ်မယ်ဆိုရင် အကောင်းဆုံးဖြစ်မယ်လို့ထင်သလဲ။

ကိုနေဘုန်းလတ်။ ။ဖြစ်စေချင်တာက ဒီလိုမျိုး စကားလုံးတွေနဲ့ လုပ်မယ့်အစား တချို့အရမ်းကို ဆိုးဆိုးဝါးဝါးဖြစ်နေတာမျိုးကို ဖျက်ချ Reporting system ကို ပိုကောင်းအောင်လုပ်စေချင်တယ်။ နောက်ပြီးတော့ လိုအပ်ရင် Myanmar Team ဆိုတဲ့ ပုံစံမျိုးကို ဖွဲ့စေချင်တယ်။ တယောက်တည်း ဆင်ခြင်တုံတရားနဲ့ မဟုတ်ပဲနဲ့။ တကယ့်နည်းပညာကျွမ်းကျင်သူတွေ မြန်မာ့နိုင်ငံရေးကို နားလည်တဲ့သူတွေ ပါဝင်တဲ့ အစုအဖွဲ့မျိုးဖွဲ့ပြီးတော့ အဲဒီအစုအဖွဲ့ကနေပြီးတော့ ဒီအပေါ်မှာ Report တွေအပေါ်မှာ လေ့လာပြီးတော့ ဖြုတ်သင့်မဖြုတ်သင့်ဆိုတာကို သုံးသပ်တာမျိုးပေါ့နော်။ အခုက ကုလားဆိုတဲ့စာကားလုံးမျိုးကို လုပ်တာဆိုရင်လည်းမထိရောက်ဘူး။ နောက်ပြီးတော့ Report လုပ်တဲ့ဟာတွေကလည်း သိပ်မထိရောက်ဘူး။

မဆုမွန်။ ။အရင်တုန်းကရော လူမှုအဖွဲ့အစည်းတွေ MIDO (Myanmar ICT for Development Organization) တို့လိုမျိုး Facebook တာဝန်ရှိတဲ့လူတွေနဲ့ ပူးပေါင်းပြီးတော့ဆွေးနွေးတာမျိုး ဒီအမုန်းပွားစေတဲ့ဟာမျိုးတွေ တားဆီးနိုင်ဖို့အတွက်ကို ၀ိုင်းပြီးတော့ ဆောင်ရွက်ကြမယ်ဆိုပြီးဆွေးနွေးတာမျိုးရော ရှိပါသလား အလွတ်သဘောမျိုးပေါ့နော်။

ကိုနေဘုန်းလတ်။ ။ရှိတယ် အဲဒါတွေကတော့ Civil society နဲ့တွေ့ပြီးတော့ ဘယ်လိုလုပ်ရင်ကောင်းမလဲဆိုတာကို Facebook တာဝန်ရှိတဲ့လူတွေလာပြီးတော့ အဲဒီလိုပွဲတွေလုပ်ပြီးတော့ ဆွေးနွေးတာမျိုး ရှိတယ်။ ဘန်းစကားနဲ့ ဆိုရင်လည်း အဲဒီလိုချိတ်ပြီးတော့ လုပ်ဖြစ်တာတွေရှိတယ်။ နောက်ပြီးတော့ Community တွေကို စာအုပ်တွေထုတ်တာတွေရှိတယ်။

မဆုမွန်။ ။ကိုနေဘုန်းလတ်အနေနဲ့ပေါ့နော် မြန်မာပြည်မှာ အခုဆိုရင် Social Media ကိုအသုံးပြုသူလည်းများလာတယ်၊ နောက် Social Media ကိုအသုံးပြုပြီးတော့မှ ဒီလိုလူမျိုး ဘာသာရေးဆန်တဲ့ ပဋိပက္ခတွေ ဖြစ်ပွားဖို့အတွက်လည်း အများကြီး အထောက်အကူ ဖြစ်စေမယ့်အနေအထားမျိုးနဲ့ Social Media ကိုအသုံးပြုလာတဲ့ အနေအထားလည်း ရှိတော့Facebookအနေနဲ့ ဘယ်လိုမျိုးပုံစံမျိုးနဲ့ မြန်မာနိုင်ငံမှာရှိတဲ့ အရပ်ဘက်အဖွဲ့အစည်းတွေ တာဝန်ရှိတဲ့သူတွေနဲ့ရော ပူးပေါင်းပြီးတော့ ဆောင်ရွက်သင့်တယ်လို့ အကြံပြုချင်တာရှိပါသလဲရှင့်။

ကိုနေဘုန်းလတ်။ ။ Facebook အနေအထားကတော့ Community way လူထုနည်းနဲ့ ဖြစ်တာမျိုးတော့ လူထုလှုပ်ရှားမှုတွေလည်း Facebookက ဒီထက်ပိုပြီးတော့ လုပ်သင့်တယ်။ ဘာဖြစ်လို့လဲဆိုတော့ တခါတုန်းက ဘန်းစကားနဲ့ Facebook sticker လေးတွေလုပ်တဲ့ဟာမျိုးအပြင်ကို အခြားလူထုကို အသိပညာပေး တဲ့လှုပ်ရှားမှုကိုလည်း လုပ်သင့်တယ်ပေါ့နော် ဒါကတော့ တပိုင်းပေါ့နော်။ Campaign တွေလုပ်တော့ အဲဒီလုပ်တဲ့အထဲမှာ Facebook အနေနဲ့ ဒီထက်ပိုပြီးပါဝင်သင့်တယ်ပေါ့နော်။ နောက်တခုကတော့ Facebook မှာရှိပြီးသား Community standard တွေရှိပြီးသား ၊ နောက်ပြီးတော့ Report လုပ်လို့ရတဲ့ဟာမျိုးတွေရှိပြီးသား အဲဒါတွေကို Effective ဖြစ်အောင်ဘယ်လိုစဉ်းစားမလဲပေါ့နော်။ Community standard တွေကို လူတွေများများသိအောင် နောက်တခါ Reporting System ကို ဒီထက်ပိုပြီးချောမွေ့အောင်ပေါ့နော်။ အဲဒီဟာကို ပညာရှင်တွေနဲ့ တိုင်ပင်ပြီး လုပ်သင့်တယ်။ နောက်ပြီးတော့ နောက်တခုလုပ်လို့ရတာက မြန်မာ Team ဆိုတာမျိုးဖွဲ့တာအပြင်ကို တကယ့် ယုံကြည်စိတ်ချရမယ့်သူတွေကို appoint သဘောမျိုးသတ်မှတ်ထားပြီးတော့ လှမ်းပြီးတော့ ပို့တဲ့ဟာမျိုးဆိုရင် အဲဒီ Report ကိုသေချာစစ်တာမျိုးပေါ့နော် အဲဒါမျိုးလုပ်နိုင်ရင်လည်းမဆိုးဘူး။

မဆုမွန်။ ။ဟုတ်ကဲ့ ကိုနေဘုန်းလတ် ဖြေပေးတာကျေးဇူးအများကြီးတင်ပါတယ်။

ကိုနေဘုန်းလတ်။ ။ဟုတ်ကဲ့ပါခင်ဗျ။

ရန်ကုန်တိုင်းဒေသကြီးလွှတ်တော်ရဲ့ လွှတ်တော်ကိုယ်စားလှယ်တဦးလည်းဖြစ်တဲ့ ကိုနေဘုန်းလတ်ကို ဗွီအိုအေမြန်မာပိုင်းက မဆုမွန်က ဆက်သွယ်မေးမြန်းခဲ့တာဖြစ်ပါတယ်။

မဆုမွန်  / ဗွီအိုအေ (မြန်မာပိုင်း)
http://burmese.voanews.com

ရခိုင်အရေး ကုလစုံစမ်းရေးအဖွဲ့ မြန်မာနိုင်ငံကို လာရောက်ခွင့်ပြုမည်မဟုတ်

မောင်တောက မီးလောင်ခံထားရတဲ့ဈေးတခု၊ ၂၇ အောက်တိုဘာ၊ ၂၀၁၆။
ရခိုင်ပြည်နယ်မှာ လုံခြုံရေးတပ်ဖွဲ့တွေရဲ့ လူ့အခွင့်အရေး ချိုးဖောက်မှုတွေ ကျယ်ကျယ်ပြန့်ပြန့် ရှိခဲ့တယ်ဆိုတဲ့ စွပ်စွဲချက်တွေနဲ့ ပတ်သက်လို့ စုံစမ်းစစ်ဆေးနိုင်ဖို့အတွက် အချက်အလက် ရှာဖွေရေးအဖွဲ့ကို နိုင်ငံတကာက ကျွမ်းကျင်ပညာရှင်တချို့နဲ့ ကုလသမဂ္ဂက ဖွဲ့စည်းလိုက်ပါပြီ။ ဒီအပေါ် မြန်မာအစိုးရဘက်က သဘောထား၊ လူ့အခွင့်အရေးအဖွဲ့တချို့ရဲ့ အမြင်တွေကို မခင်ဖြူထွေးက စုစည်းတင်ပြထားပါတယ်။

ရခိုင်ပြည်နယ်မှာ လုံခြုံရေးတပ်ဖွဲ့တွေရဲ့ လူ့အခွင့်အရေး ချိုးဖောက်မှုတွေ ကျယ်ကျယ်ပြန့်ပြန့် ရှိခဲ့တယ်ဆိုတဲ့ စွပ်စွဲချက်တွေနဲ့ ပတ်သက်လို့ စုံစမ်းစစ်ဆေးဖို့အတွက် အချက်အလက်ရှာဖွေရေးအဖွဲ့ စေလွှတ်ဖို့ ကုလသမဂ္ဂ လူ့အခွင့်အရေးကောင်စီက ပြီးခဲ့တဲ့မတ်လ ၂၄ ရက်နေ့ ဆုံးဖြတ်ချက် ချမှတ်ခဲ့ပြီးတဲ့နောက် ဒီကနေ့မှာတော့ နိုင်ငံတကာ ကျွမ်းကျင်သူပုဂ္ဂိုလ် ၃ ယောက်ပါဝင်တဲ့ ဒီအဖွဲ့ကို ဖွဲ့စည်းလိုက်တဲ့အကြောင်း ကြေညာချက် ထုတ်ပြန်လိုက်ပါတယ်။ မြန်မာအစိုးရဘက်ကတော့ ဒီကိစ္စနဲ့ပတ်သက်လို့ သဘောမတူတဲ့အတွက် ပူးပေါင်း ဆောင်ရွက်မှာ မဟုတ်တဲ့အကြောင်းကို အဲဒီအချိန်ကတည်းက အတိအလင်း ပြောဆိုခဲ့ပြီးဖြစ်သလို၊ အခုလည်း ဒီအတိုင်းပဲ ဆက်လက် ရပ်တည်မှာ ဖြစ်တယ်လို့ မြန်မာသမ္မတရုံး ပြောခွင့်ရပုဂ္ဂိုလ် ဦးဇော်ဌေးက ပြောပါတယ်။

“ဒါနဲ့ပတ်သက်လို့ နိုင်ငံခြားရေးဝန်ကြီးဌာနက နိုင်ငံတော်အစိုးရရဲ့ ရပ်တည်ချက်သဘောထားကိုး ၂၀၁၇ မတ်လ ၂၄ ရက်နေ့မှာ ကျနော်တို့ သတင်းထုတ်ပြန်ချက်ထုတ်ပြန်ထားပြီးဖြစ်တယ်။ အခု လူ့အခွင့်အရေးကောင်စီက Fact-Finding Mission သူ့ Resolutionအရ သူတို့ဆက်လုပ်တယ်ပေါ့နော်။ လုပ်ပေမယ့်လို့လည်း ကျနော်တို့က ကျနော်တို့နိုင်ငံရပ်တည်ချက်အရ မတ်လ ၂၄ ရက်နေ့မှာထုတ်ပြန်ထားတဲ့ ထုတ်ပြန်ချက်မှာ သူတို့က Resolutionအရလုပ်သလို ကျနော်တို့က ကျနော်တို့နိုင်ငံရပ်တည်ချက်အရ ဆက်လက်ဆောင်ရွက်သွားမှာဖြစ်တယ်။”

နိုင်ငံတကာ လူ့အခွင့်အရေး အဖွဲ့တွေကတော့ မြန်မာအစိုးရအနေနဲ့ ကုလသမဂ္ဂဦးဆောင်တဲ့ နိုင်ငံတကာ စုံစမ်းစစ်ဆေးရေးအဖွဲ့နဲ့ ပူးပေါင်း ဆောင်ရွက်တာဟာ မြန်မာအစိုးရအတွက် တိုင်းပြည်အတွက် အကျိုးရှိစေမယ့်နည်းလမ်း ဖြစ်တယ်လို့ ထောက်ပြ တိုက်တွန်း နေကြပါတယ်။ နိုင်ငံတကာ လူ့အခွင့်အရေးအဖွဲ့တခုဖြစ်တဲ့ Fortify Rights အဖွဲ့က အမှုဆောင်အရာရှိချုပ် Matthew Smith က အခုလို မှတ်ချက်ပေးပါတယ်။

“ဒါဟာ သိပ်ကို အရေးကြီးတဲ့ တာဝန်ပေးမှု၊ လုပ်ငန်းတရပ် ဖြစ်ပါတယ်။ ရခိုင်ပြည်နယ်တခုတည်းမှာတင် မဟုတ်ပါဘူး။ ကချင်ပြည်နယ်နဲ့ ရှမ်းပြည်နယ်တွေမှာ ဖြစ်ခဲ့တဲ့ ရာဇ၀တ်ပြစ်မှုတွေဟာ သိပ်ကို ဆိုးရွားပါတယ်။ အပြစ်ကျူးလွန်သူတွေဟာလည်း အပြစ်ကလည်း ကင်းလွတ်ခွင့်ရနေပါတယ်။ ဒါကြောင့် အခု နိုင်ငံတကာ စုံစမ်းစစ်ဆေးရေးအဖွဲ့ အနေနဲ့ ဒီလို လူ့အခွင့်အရေး ချိုးဖောက်မှုတွေကို အနီးကပ် လေ့လာပြီး ပွင့်လင်းမြင်သာတဲ့ စုံစမ်းစစ်ဆေးမှုတွေ လုပ်ဆောင်နိုင်ပါတယ်။ ဒါဟာ တိုက်ခိုက်ခံရတဲ့ လူမှုအသိုင်းအ၀ိုင်းတွေ အတွက်တင်မဟုတ်ပါဘူး။ တိုင်းပြည်တခုလုံးအတွက် အလွန်ကို အရေးပါတဲ့ကိစ္စ ဖြစ်ပါတယ်။”

အခုဖွဲ့စည်းလိုက်တဲ့ နိုင်ငံတကာ စုံစမ်းစစ်ဆေးရေးအဖွဲ့ အနေနဲ့ နိုင်ငံထဲ ၀င်ရောက်ခွင့် တောင်းခံတဲ့အခါ မြန်မာအစိုးရဘက်က လိုက်လျော ခွင့်ပြုပြီး ပူးပေါင်းဆောင်ရွက်လာဖို့ မျှော်လင့်တဲ့အကြောင်းလည်း Matthew Smith က ပြောပါတယ်။ တကယ်လို့ မြန်မာအစိုးရဘက်က ဆက်ပြီး ငြင်းဆန်နေမယ်ဆိုရင်လည်း ကုလသမဂ္ဂ စုံစမ်းစစ်ဆေးရေးအဖွဲ့အနေနဲ့ကတော့ တခြား ဖြစ်နိုင်ချေ လမ်းကြောင်းတွေကနေဆင့် စုံစမ်းစစ်ဆေးမှုတွေ ဆက်ပြီးတော့ လုပ်သွားနိုင်တယ်လို့Matthew Smith က ထောက်ပြပါတယ်။

ကုလသမဂ္ဂအတွင်းရေးမှူးချုပ်ဟောင်း ကိုဖီအာနန် ဦးဆောင်တဲ့ ကော်မရှင် အပါအ၀င် အစိုးရက ဖွဲ့စည်းထားတဲ့ ကော်မရှင်တွေကတော့ ရခိုင်ပြည်နယ်တွင်းက ပဋိပက္ခဖြစ်ပွားနေတဲ့ လူမှုအသိုင်းအ၀ိုင်းတွေ သာမက ဒေသခံအစိုးရ တာဝန်ရှိသူတွေ၊ လူမှုရေးအဖွဲ့အစည်းတွေနဲ့ပါ တွေ့ဆုံဆွေးနွေးမှုတွေ လုပ်ဆောင်နေပြီး အစိုးရကို အပြီးသတ်အစီရင်ခံစာ တင်ပြနိုင်ဖို့ ကြိုးပမ်းနေတာပါ။ ရခိုင်အကြံပေး ကော်မရှင်အနေနဲ့ ကြားဖြတ် အစီရင်ခံစာ ထုတ်ပြန်ချိန်တုန်းကတော့ - ဘယ်သူဘယ်ဝါတွေ ပါဝင်ပြီး ဘယ်လိုလုပ်ရမယ်ဆိုတာ ထည့်သွင်း ပြောမထားပေမဲ့ လွတ်လပ် တရားမျှတတဲ့ စုံစမ်းစစ်ဆေးမှု လိုအပ်တယ်ဆိုတာကို ထောက်ပြ အကြံပြုထားတဲ့အကြောင်း ကော်မရှင်အဖွဲ့ဝင် ဦးအေးလွင်က ပြောပါတယ်။

“ကျနော်တို့ကတော့ ကော်မရှင်ရဲ့ သဘောထားပဲပြောချင်တာပေါ့နော် ၊ ကော်မရှင်ကြားဖြတ် အစီရင်ခံစာမှာ ကျနော်တို့က ဒီကိစ္စရပ်တွေနဲ့ ပတ်သက်ပြီးတော့ လွတ်လပ်တဲ့၊ တရားမျှတတဲ့ စုံစမ်းစစ်ဆေးမှုတခု လိုအပ်တယ်။ အဲဒီက အဖြေကို ကျနော်တို့ တရားဥပဒေနဲ့ အညီ ဆောင်ရွက်ပေးဖို့လုပ်သင့်ပါတယ်ဆိုတဲ့ အကြံပေးထားပါတယ်။ အဲဒီတော့ တရားမျှတတဲ့ လွတ်လပ်တဲ့ စုံစမ်းစစ်ဆေးမှုကို ဘယ်လိုလုပ်ရမယ် ၊ ဘယ်မှာလုပ်ရမယ်။ ပြည်တွင်းပြည်ပ ကျနော်တို့ ဘာမှမပြောထားပါဘူး။ အဲဒီတော့ အဲဒီအတိုင်းလေးပဲ ကျနော်မှတ်ချက်ပေးချင်ပါတယ်။”

ပြီးခဲ့တဲ့နှစ်ထဲ ရခိုင်ပြည်နယ်မှာ နယ်ခြားစောင့်တပ်စခန်းတချို့ တိုက်ခိုက်ခံခဲ့ရပြီးနောက်ပိုင်း လုံခြုံရေးအဖွဲ့တွေရဲ့ နယ်မြေရှင်းလင်းမှုတွေ အတွင်း ရိုဟင်ဂျာ မူစလင်တွေ အများအပြား သတ်ဖြတ်ခံရတာ၊ အဓမ္မပြုကျင့်ခံရတာ အပါအ၀င် လူ့အခွင့်အရေး ချိုးဖောက်မှုတွေ ကျယ်ကျယ်ပြန့်ပြန့် ဖြစ်ခဲ့တယ်ဆိုတဲ့ စွပ်စွဲချက်တွေနဲ့ ပတ်သက်ပြီးတော့ စုံစမ်းစစ်ဆေးဖို့ နိုင်ငံတကာ ကျွမ်းကျင်ပညာရှင် သုံးဦးရဲ့ အမည်ကိုတော့ ကုလသမဂ္ဂ ဒီကနေ့ပဲ ကြေညာလိုက်တာပါ။ အိန္ဒိယနိုင်ငံက တရားရုံးချုပ်ရှေ့နေ Indira Jaising က ဒီအဖွဲ့ကို ဦးဆောင်မှာ ဖြစ်ပြီး သီရိလင်္ကာနိုင်ငံက လူ့အခွင့်အရေးကော်မရှင် ဥက္ကဋ္ဌဟောင်း Radhika Coomaraswamy သြစတြေးလျနိုင်ငံက နိုင်ငံတကာ လူ့အခွင့်အရေး ဆိုင်ရာ အတိုင်ပင်ခံပုဂ္ဂိုလ် Christopher Dominic Sidoti တို့လည်း အဖွဲ့ဝင်တွေအဖြစ် တာဝန်ယူမှာ ဖြစ်တဲ့အကြောင်းကို ကုလသမဂ္ဂ လူ့အခွင့်ရေးကောင်စီ ဥက္ကဋ္ဌက ဒီကနေ့ ထုတ်ပြန်လိုက်တဲ့ ကြေညာချက်မှာ ဖော်ပြထားပါတယ်။ ဒါဟာ ပြီးခဲ့တဲ့ မတ်လတုန်းက လူ့အခွင့်အရေးကောင်စီ ဆုံးဖြတ်ချက်နဲ့အညီ ဆောင်ရွက်တဲ့အကြောင်းလည်း ကြေညာချက်မှာ ဖော်ပြထားပြီး မြန်မာအစိုးရအနေနဲ့လည်း ကုလသမဂ္ဂရဲ့ အချက်အလက်ရှာဖွေရေး အဖွဲ့နဲ့ အပြည့်အ၀ ပူးပေါင်း ဆောင်ရွက်ဖို့ ထပ်မံ တိုက်တွန်းထားပါတယ်။

 မခင်ဖြူထွေး  / ဗွီအိုအေ (မြန်မာပိုင်း)
http://burmese.voanews.com

ကျောက်မဲ ဒေသခံတွေ မြေမြှုပ်မိုင်းအန္တရယ် စိုးရွံ့

ရှမ်းပြည်နယ် ကျောက်မဲမြို့နယ် တော့ဆန်ကျေးရွာကို တွေ့ရစဉ်။ Photo: Kan Thar/RFA
ရှမ်းပြည်မြောက်ပိုင်း သီပေါနဲ့ ကျောက်မဲမြို့နယ်ထဲက ဒေသတလျှောက်မှာ လှုပ်ရှားနေကြတဲ့ လက်နက်ကိုင် တပ်တွေ ထောင်ထားတဲ့ မိုင်းတွေကြောင့် ဒေသခံရွာသားတွေ သွားလာရခက်ခဲနေကြရတယ်လို့ ဒေသခံတွေ က ပြောပါတယ်။

သီပေါနဲ့ ကျောက်မဲမြို့နယ်တဝိုက် ကျေးရွာအချင်းချင်း ဆက်သွယ်သွားလာကြရတဲ့ လမ်းတွေမှာ လက်နက်ကိုင် တပ်တွေက မိုင်းတွေထောင်ထားတာလို့ ကျောက်မဲမြို့ ဇီဝိတလူမှုရေးအသင်း ဥက္ကဌ ဦးတင်မောင်သိန်း က ပြောပါတယ်။

"တော့ဆန်ရွာနားမှာပဲ မိုင်းထောင်တာ၊ မိုင်းတွေရှိနေတာပေါ့ဗျာ၊ ဘယ်သူထောင်တဲ့မိုင်းတွေလဲဆို တာ ပြောရခက်ပါတယ်၊ ရည်ရွယ်တာကတော့ လက်နက်ကိုင်အဖွဲ့ကိုပဲ ရည်ရွယ်တာပေါ့၊ သူတို့ ရင်ဆိုင်နေကြတဲ့ ဧရိယာမှာတော့ ထုံးစံအတိုင်းပဲ၊ မိုင်းကိစ္စတွေက ရှိနေတာပါပဲ၊ သီပေါနဲ့ ကျောက်မဲ ကြား လူသွားလမ်းတွေရှိနေပါတယ်၊ သူတို့ရွာတွေပေါ့ စစ်ဖြစ်နေတဲ့ ဧရိယာပေါ့။"

ပြီးခဲ့တဲ့မေလလယ်ပိုင်းလောက်က ကျောက်မဲမြို့ တော့ဆန်ကျေးရွာက ရွာသားနှစ်ဦးတို့ မိုင်းနင်းမိပြီး ဒဏ်ရာတွေ ရခဲ့ကြတယ်လို့လည်းပြောပါတယ်။

အဲဒီနှစ်ဦးထဲက အမျိုးသမီးတစ်ဦးဟာ လက်ရှိမန္တလေးဆေးရုံမှာ သွားရောက်ဆေးကုသနေရဆဲဖြစ်တယ် လို့ ပြောပါတယ်။

အဲဒီဒေသမှာ တပ်မတော်၊ ရှမ်းပြည်ပြန်လည်ထူထောင်ရေးကောင်စီ RCSS/SSA နဲ့ တအာင်းအမျိုးသား လွတ်မြောက်ရေး တပ်မတော် TNLA တပ်တွေ လှုပ်ရှားသွားလာနေကြပြီး မကြာမကြာလည်း တိုက်ပွဲတွေ ဖြစ်ပွားကြတယ်လို့ သိရပါတယ်။

RFA Burmese
http://www.rfa.org/burmese

အစိုးရကတိတွေကို သေချာစိစစ် သင့်တယ်လို့ဆို

တန့်ဆည်မဲဆန္ဒနယ်က လွှတ်တော်ကိုယ်စားလှယ် ဦးမြင့်ထွန်း ကို မေလ ၃ဝ ရက်နေ့က ပြည်သူ့လွှတ်တော်မှာတွေ့ရစဉ်။ Photo: RFA
သက်ဆိုင်ရာ အစိုးရဝန်ကြီးဌာနတွေအနေနဲ့ လွှတ်တော်မှာ ကတိပေးသွားပြီး အကောင်အထည်ဖော်ရမယ့် လုပ်ငန်းတွေမှာ အကြောင်းပြချက်မခိုင်လုံဘဲ ဆောင်ရွက်ဆဲလို့ ဖော်ပြထားတာကြောင့် လွှတ်တော် ကတိ ကဝတ်ကော်မတီအနေနဲ့ သေချာစိစစ်သင့်ကြောင်း တန့်ဆည်မဲဆန္ဒနယ်က လွှတ်တော်ကိုယ်စားလှယ် ဦးမြင့်ထွန်း က ပြောပါတယ်။

ပြည်သူ့လွှတ်တော်အစိုးရဲ့ အာမခံချက်များ၊ ကတိများနဲ့ တာဝန်ခံချက်များ စိစစ်ရေးကော်မတီရဲ့ အစီရင်ခံစာကို ဒီကနေ့ ဆွေးနွေးရာမှာ ဦးမြင့်ထွန်း က အဲဒီလိုပြောတာပါ။

ဒါ့အပြင် အခုကျင်းပနေတဲ့ ဒုတိယအကြိမ် ပြည်သူ့လွှတ်တော် တတိယ ပုံမှန်အစည်းအဝေးအထိ ကတိကဝတ်ဖြစ်ခဲ့ တဲ့ မေးခွန်းလေးရာကျော်မှာ ကိုးဆယ်နီးပါးလောက်ပဲ အကောင်အတည်ဖော်နိုင်ခဲ့ကြောင်းနဲ့ အစိုးရအဖွဲ့အစည်း အသီးသီးက တာဝန်ယူဖြေရှင်းနိုင်တဲ့ ဒုတိယဝန်ကြီး၊ ပြည်ထောင်စုဝန်ကြီးတွေကို ကော်မတီထံ ဖိတ်ကြား ပြီး ဆွေးနွေးသင့်ကြောင်းလည်း အကြံပြုဆွေးနွေးသွားပါတယ်။

မြေပုံမဲဆန္ဒနယ် ပြည်သူ့လွှတ်တော်ကိုယ်စားလှယ် ဦးဖေသန်းကလည်း လွှတ်တော်မှာ မေးခွန်းတွေကို လာရောက်ဖြေဆိုရာမှာ တိုက်ရိုက်မသက်ဆိုင်တဲ့ ဝန်ကြီးဌာနတွေက ဖြေနေလို့ ကတိမဖြစ်တာကြောင့် သက်ဆိုင်တဲ့ဝန်ကြီးဌာနတွေသာ လာရောက်ဖြေဆိုသင့်တယ်လို့ ပြောပါတယ်။

ပြည်သူ့လွှတ်တော် အစိုးရဲ့အာမခံချက်များ၊ ကတိများနဲ့ တာဝန်ခံချက်များစိစစ်ရေးကော်မတီဟာ လွှတ်တော်မှာ ဝန်ကြီးဌာနတွေက လာရောက်ဖြေဆိုပြီး ကတိဖြစ်သွားတဲ့ မေးခွန်းနဲ့အဆိုတွေကို အကောင်အထည်ဖော် လုပ်ဆောင်ခြင်းရှိ မရှိ စိစစ်ရတာဖြစ်ပါတယ်။

ပြည်သူ့လွှတ်တော်အစိုးရဲ့ အာမခံချက်များ၊ ကတိများနဲ့ တာဝန်ခံချက်များ စိစစ်ရေးကော်မတီရဲ့ အစီရင်ခံစာကို ဒီကနေ့ ပြည်သူ့လွှတ်တော် အစည်းအဝေးမှာ မြေပုံမဲဆန္ဒနယ်က ဦးဖေသန်းနဲ့ တန့်ဆည်မဲဆန္ဒနယ်က ဦးမြင့်ထွန်း တို့က ဆွေးနွေးပြီး ကန့်ကွက်တဲ့သူမရှိတဲ့အတွက် အတည်ပြုလိုက်ပါတယ်။

RFA Burmese
http://www.rfa.org/burmese

ဘင်္ဂလားဒေ့ရ်ှကို ဆိုင်ကလုန်းမိုရာ ဝင်ရောက်

 ကော့ဆက်ဘဇားမှာ လေပြင်းစတိုက်စဉ်
ဘင်္ဂလားဒေ့ရ်ှနိုင်ငံကို မုန်တိုင်း မိုရာ ဝင်ရောက်ခဲ့ပြီး မိုးအဆက်မပြတ်ရွာသွန်းကာ လေတိုက်နှုန်းက တစ်နာရီကို ၇၅ မိုင်နှုန်းလောက်ထိ ရှိခဲ့ပါတယ်။

မုန်တိုင်းဟာ စစ်တကောင်းနဲ့ ကော့ဆက်ဘဇား ဆိပ်ကမ်း ကြားကို အဓိက ဝင်ရောက်ခဲ့တာ ဖြစ်ပါတယ်။

မြေနိမ့်ပိုင်းမှာ ဒီရေက ခြောက်ပေကျော်အထိ မြင့်တက်ခဲ့တယ်လို့ ဘင်္ဂလားဒေ့ရ်ှအရာရှိတွေက ပြောပါတယ်။

မုန်တိုင်းကြောင့် အနည်းဆုံး လူ ၅ ဦးသေဆုံးပြီး အများစုက လဲကျလာတဲ့ သစ်ပင်တွေ ပိပြီး သေဆုံးရတာ ဖြစ်ပါတယ်။

လူသိန်းဂဏန်းလောက်ဟာ အကာအကွယ်ရှိတဲ့နေရာတွေကို ရွှေ့ပြောင်းနေကြပါတယ်။

မြန်မာနဲ့ ဘင်္ဂလားဒေ့ရှ် နယ်စပ်က ရိုဟင်ဂျာဒုက္ခသည်တွေ အများစုရှိရာ ကော့ဆက်ဘဇား ဆိပ်ကမ်းဝန်းကျင်မှာလည်း ဆိုးဆိုးဝါးဝါးထိခိုက်ခဲ့ပြီး ဒုက္ခသည်တွေရဲ့ တဲအိမ်တွေ အတော်များများ ပျက်စီးသွားခဲ့ပါတယ်။

ဆိုင်ကလုန်းမုန်တိုင်းအရှိန်ကြောင့် ရခိုင်ပြည်နယ်ဘက်မှာလည်း လေပြင်းတိုက်ခတ်မှုကြောင့် စစ်တွေမြို့က အိမ်တွေ၊ သစ်ပင်တွေနဲ့ ကြော်ငြာဆိုင်းဘုတ်တွေ ပြိုကျပျက်စီးခဲ့တယ်လို့ ဒေသခံတွေက ပြောပါတယ်။ ထိခိုက်ပျက်စီးမှုအသေးစိတ်ကိုတော့ မသိရသေးပါဘူး။

အိန္ဒိယက ကရီလာပြည်နယ်မှာလည်း မိုရာရဲ့ အရှိန် ရိုက်ခတ်မှုရှိတယ်လို့ အိန္ဒိယကလာတဲ့ သတင်းတွေက ဖော်ပြပါတယ်။

BBC Burmese
http://www.bbc.com/burmese

ရခိုင်ပြည်နယ် အစိုးရအဖွဲ့ ကက်ဘိနပ် အရေးပေါ် အစည်းအဝေး ခေါ်ယူ


နိရဉ္စရာ၊ မေ ၃၀

မုန်တိုင်းကြောင့် ပျက်စီးဆုံးရှုံးမှု ပမာဏ အလွန်များပြားသော ရခိုင်ပြည်နယ်တွင် အရေးပေါ် ကယ်ဆယ်ရေးလုပ်ငန်းများဆောင်ရွက်နိုင်ရေး အတွက် ရခိုင်ပြည်နယ် အစိုးရကက်ဘိနပ် အစည်းအဝေးကို ယနေ့ ညနေပိုင်းက ရခိုင်ပြည်နယ် အစိုးရအဖွဲ့ ရုံးတွင် ပြုလုပ်ခဲ့သည်ဟု သတင်းရရှိသည်။
(ရခိုင်ပြည်နယ် ၀န်ကြီးချုပ် စစ်တွေတွင် ယနေ့ နေ့လယ်က ကြည့်ရှု စစ်ဆေးနေစဉ်/ ဓာတ်ပုံ- Laywaddy Tunsawkhine)
ရခိုင်ပြည်နယ် အစိုးရ အဖွဲ့ လျှပ်စစ်၊ စက်မှုနှင့် လမ်းပန်းဆက်သွယ်ရေး ၀န်ကြီး ဦးအောင်ကျော်ဇံက “ ကျွန်တော်တို့ အခု အစိုးရ အဖွဲ့ ကက်ဘိနက် အစည်းလုပ်နေပါတယ်။ ဒီလေဘေးကယ်ဆယ်ရေးနဲ့ ပတ်သက်ပြီး ဆွေးနွေးနေကြတာပါ။ အခု ဘာမှ ပြောလို့ မရသေးဘူး။ ကက်ဘိနက် အစည်း အဝေး လုပ်နေပါတယ်” ဟု ယနေ့ ၅ နာရီခန့်က နိရဉ္စရာက မေးမြန်းစဉ် ပြောကြားသည်။

ရခိုင်ပြည်နယ်မှ ကျောက်တော်၊ ပုဏ္ဍားကျွန်း၊ မြောက်ဦး၊ ရသေ့တောင်၊ ပေါက်တော၊ မောင်တော၊ ဘူးသီးတောင်နှင့် ချင်းပြည်နယ် ပလက်ဝမြို့နယ်တို့တွင် စာသင်ကျောင်းများ၊ ဘာသာရေးအဆောက်အဦများ၊ လူနေအိမ်များ ရာနှင့်ချီ၍ ပျက်စီးဆုံးရှုံးခဲ့သည်ဟု သိရသည်။

ပုဏ္ဍားကျွန်း မြို့နယ် အုပ်ချုပ်ရေးမှူးအား ဆက်သွယ်မေးမြန်းရာ သူက “ အခု စာရင်းတွေ လိုက်ကောက်နေတုန်း ဖြစ်ပါတယ်။ ဖုန်းလိုင်းတွေအကုန်လုံး ပြတ်တောက်နေတဲ့ အတွက် အဆက်အသွယ်မရပါဘူး။ လက်ရှိ စာသင်ကျောင်းပေါင်း တစ်ဆယ်ကျော် ခေါင်းမိုးတွေလန်ပြီး ပျက်စီးသွားတဲ့ စာရင်းတွေတော့ ရထားပါတယ်။ ဘုန်းကြီးကျောင်းတစ်ချို့လည်း ပျက်စီးသွားပါတယ်” ဟု ပြောကြားသည်။

ပုဏ္ဍားကျွန်းမြို့နယ် ယိုးတရုတ်ကျေးရွာတွင်လည်း စာသင်ကျောင်း၊ ဓမ္မာရုံ၊ ဘုန်းကြီးကျောင်းနှင့် လူနေအိမ်များ ပြိုပျက်သွားကြောင်း၊ သို့သော် မြို့နယ်သို့ အစီရင်ခံစာ မတင်ရသေးသဖြင့် အသေးစိတ် မပြောနိုင်ကြောင်း ကျေးရွာ အုပ်ချုပ်ရေးမှူးက ပြောကြားသည်။

Narinjara
https://www.facebook.com/Narinjara

စကားများရန်ဖြစ်ရာက မရီးတော်စပ်သူက ဓားဦးချွန်နှင့် ထိုးသတ်မှုဖြစ်ပွား


နေပြည်တော်၊ မေ ၃၀

 စစ်ကိုင်းတိုင်းဒေသကြီး၊ ရွှေဘိုမြို့၊ အမှတ် (၇)ရပ်ကွက်တွင် ၂၀၁၇ ခုနှစ်၊ မေလ ၂၉ ရက်နေ့ ည ၇ နာရီအချိန်ခန့် က စကားများရန်ဖြစ်ရာက လူသတ်မှုဖြစ်ပွား ခဲ့ကြောင်း သိရပါသည်။ အသက် ၂၃ နှစ်အရွယ် မရီးတော်စပ်သူက ညီမယောက်ျားကို ဓားဦးချွန်နှင့် ထိုးသတ်လိုက်ခြင်း ဖြစ်သည်။

ဖြစ်စဉ်မှာ ရွှေဘိုမြို့၊ အမှတ် (၇)ရပ်ကွက်နေ ဦးကျော်စိုး(၄၀)နှစ်သည် နေအိမ်၌ရှိနေစဉ် သားဖြစ်သူ ဇင်ဝေထွန်း(၁၈)နှစ်သည် ၎င်း၏ဇနီး မဝိုင်းအိကျော် ၏ အစ်မဖြစ်သည့် မရီးတော်စပ်သူ မသီရိကျော်(၂၃)နှစ်နှင့် စကားများ ရန်ဖြစ်ရာက နေအိမ်ရှေ့လမ်းမပေါ်တွင် ဒဏ်ရာများရရှိကာ လဲကျနေကြောင်းသတင်းအရ သွားရောက်ကြည့်ရှု မေးမြန်းရာ ဇင်ဝေထွန်း၏ ဇနီးဖြစ်သူ မဝိုင်းအိကျော်မှ မသီရိကျော်၏ နေအိမ်သို့ သွားရောက်လည်ပတ်နေသည်ကို လိုက်ခေါ်သည့်ကိစ္စနှင့်ပတ်သက်၍ စကားများရန် ဖြစ်စဉ် မသီရိကျော်က ဇင်ဝေထွန်းအား အရိုးအသွား(၈)လက်မခန့်ရှိ စတီးဓားဦးချွန် ဖြင့်ထိုးရာ ဒဏ်ရာများရရှိခဲ့ခြင်းဖြစ်ကြောင်း သိရှိရသည်။

ဓားထိုးခံရတဲ့ ဇင်ဝေထွန်းကို ပြည်သူ့ဆေးရုံသို့ တင်ပို့ကုသစဉ် ရရှိသောဒဏ်ရာများဖြင့် သေဆုံးသွားသောကြောင့် အရေးယူပေးရန်တိုင်တန်းချက် အရ မသီရိကျော်အား ရွှေဘိုမြို့မရဲစခန်း(ပ)၃၂၀/၂၀၁၇၊ ရာဇသတ်ကြီးပုဒ်မ ၃၀၂ ဖြင့် အမှုဖွင့် အရေးယူထားကြောင်း မြန်မာနိုင်ငံ ရဲတပ်ဖွဲ့ ၏ သတင်းထုတ်ပြန်ချက်အရ သိရပါသည်။

သစ်ထူးလွင်

မိုရာမုန်တိုင်းကြောင့် ဘင်္ဂလားဒေ့ရ်ှတွင် ထိခိုက်ဆုံးရှုံးမှုကြီးမား (၅)ဦးသေဆုံးကာ အိမ်ခြေရာနှင့်ချီ၍ ပျက်စီးဟုအတည်ပြု


ဒါကာ မေ ၃ဝ

ဘင်္ဂလားဒေ့ရ်ှနိုင်ငံအတွင်း၌ မိုရာမုန်တိုင်း ဒဏ်ကြောင့် ထိခိုက်ဆုံးရှုံးမှုကြီးမားခဲ့ကြောင်း ဘီဘီစီသတင်းဌာနကဖော်ပြသည်။

ဘင်္ဂလားပင်လယ်အော်အတွင်း၌ ဖြစ်ပေါ် ခဲ့သည့် မိုရာမုန်တိုင်းသည် ဒေသစံတော်ချိန် နံနက် ၆ နာရီတွင် ဘင်္ဂလားဒေ့ရ်ှနိုင်ငံအရှေ့ တောင်ပိုင်းသို့ စတင်ဝင်ရောက်ခဲ့ခြင်းဖြစ်ကာ ကော့ဘဇားခရိုင်၌ ထိခိုက်ဆုံးရှုံးမှုကြီးမားခဲ့ ကြောင်း အတည်ပြုခဲ့သည်။

 ဘင်္ဂလားဒေ့ရှ် သဘာဝဘေးအန္တရာယ်တားဆီးကာကွယ်ရေး အဖွဲ့၏ လေ့လာမှုများအရ မုန်တိုင်းဒဏ် ကြောင့် ငါးဦးသေဆုံးကာ အိမ်ခြေရာနှင့်ချီ၍ ပျက်စီးခဲ့ကြောင်း တွေ့ရှိခဲ့သည်။ သေဆုံးသူ အများစုမှာ သစ်ပင်များပြိုလဲမှုကြောင့် သေဆုံးခဲ့ခြင်းဖြစ်ကြောင်းသိရသည်။

 မုန်တိုင်း ဝင်ရောက်မည့်ဒေသများတွင် သက်ဆိုင်ရာ တာဝန်ရှိသူများက ဒေသခံများအား ကြိုတင် ရွှေ့ပြောင်းပေးမှုများပြုလုပ်ကာ မုန်တိုင်း ဒဏ်ခံအဆောက်အအုံများသို့ ပို့ဆောင်ပေးခဲ့ ခြင်းကြောင့် သေဆုံးသူဦးရေ နည်းပါးခဲ့ခြင်း ဖြစ်ကြောင်း ဘင်္ဂလားဒေ့ရ်ှအစိုးရက အတည် ပြုခဲ့သည်။

 ကော့ဘဇားခရိုင်အတွင်း၌ မုန် တိုင်းဒဏ်ကြောင့်ဖြစ်ပေါ်ခဲ့သည့် လေတိုက် နှုန်းမှာ တစ်နာရီလျှင် ၇၃ မိုင်ရှိခဲ့ကာ ပင် လယ်ပြင်၌ဖြစ်ပေါ်ခဲ့သည့် လှိုင်းအမြင့်မှာမူ ငါးပေခန့်ရှိခဲ့ကြောင်း ဘင်္ဂလားဒေ့ရ်ှမိုးလေ ဝသညွှန်ကြားမှုဦးစီးဌာနက ထုတ်ပြန်သော သတင်းထုတ်ပြန်ချက်တွင် ဖော်ပြသည်။

NG(Ref;BBC)
The Union Daily
https://www.facebook.com/uniondaily.net/

မုန်တိုင်းအရှိန်ကြောင့် ရခိုင်မှာ အဆောက်အဦးတွေ ပျက်စီး

မုန်တိုင်းကြောင့် စစ်တွေမြို့ မင်းဂံရပ်ကွက် ရထားလမ်းဘေးတလျှောက်က ပျက်စီးသွားတဲ့နေအိမ်ကို မေလ ၃ဝ ရက်နေ့က တွေ့ရစဉ်။ Photo: Min Thein Aung/RFA
ရခိုင်ကမ်းရိုးတန်းအနီးကနေဖြတ်ပြီး ဘင်္ဂလားဒေ့ရ်ှကို ဦးတည်ဝင်ရောက်သွားတဲ့ ဆိုင်ကလုန်းမုန်တိုင်း မိုရာကြောင့် စစ်တွေအပါအ၀င် ရခိုင်ပြည်နယ်က မြို့နယ် ၁၂ မြို့နယ်လောက်မှာ သစ်ပင်တွေကျိုးကျတာ၊ နေအိမ်နဲ့ စာသင်ကျောင်းတွေနဲ့ ဘာသာရေး အဆောက်အဦးတွေ အမိုးလန်ပျက်စီးတာတွေ ဖြစ်ခဲ့တယ်လို့ လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာနကနေ သိရပါတယ်။

ကနဦးရရှိထားတဲ့ စာရင်းတွေအရ စစ်တွေ၊ သံတွဲနဲ့ ကျောက်တော်မြို့တွေမှာ နေအိမ်အဆောက်အဦးတွေ ပျက်စီးဆုံးရှုံးမှုရှိတယ်လို့ ကယ်ဆယ်ရေးနဲ့ ပြန်လည်နေရာချထားရေးဦးစီးဌာန ရခိုင်ပြည်နယ်ဦးစီးမှူး ဦးကျော်မင်း က ပြောပါတယ်။

"မုန်တိုင်းက ည ၁ နာရီလောက်မှာ မိုးတွေရွာ လေပြင်းတွေ တအားတိုက်ပြီးတော့ မနက်မိုးလင်းတဲ့အထိပါပဲ၊ စစ်တွေမြို့ပေါ်တော့ ဆိုင်းဘုတ်တွေလဲ၊ သစ်ပင်တွေကျိုးကျ၊ နောက်မင်းဂံရပ်ကွက်ရှေ့မှာတော့ ကျူးကျော်တဲလေးတွေ၊ နေအိမ်လေးတွေ ပြိုကျပျက်စီးလန်ပြန်ထွက်တာတော့ အိမ်ခြေ ၈၀ လောက်ရှိတယ်လို့ သိရပါတယ်၊ သံတွဲက မော်ရုံကျေးရွာမှာတော့ အိမ်ခြေ ၃၀ လောက် အမိုးလန်ပျက်စီးကုန်တယ်လို့ သိရတယ်၊ ကျောက်တော်မြို့ မင်းရဲဒင်ကျေးရွာမှာတော့ အိမ်ခြေ ၃၀ လောက် အမိုးလန်ပျက်စီးတယ်လို့ အကြမ်းဖျင်းတော့ သတင်းရပါတယ်။"

မုန်တိုင်း သက်ရောက်မှုရှိတဲ့ ဘူးသီးတောင်ဒေသဘက်ကတော့ အဆက်အသွယ်တွေ ပြတ်တောက်နေတာကြောင့် ပျက်စီးဆုံးရှုံးမှုစာရင်းကို မသိရသေးဘူးလို့ ပြောပါတယ်။

စစ်တွေ၊ ပေါက်တော၊ ရသေ့တောင်၊ တောင်ကုတ်၊ မြောက်ဦး၊ မင်းပြား၊ ကျောက်တော်၊ ကျောက်ဖြူ၊ ရမ်းဗြဲ၊ ပုဏ္ဏားကျွန်း၊ မောင်တောနဲ့ သံတွဲ စတဲ့မြို့နယ်တွေမှာ မိုရာ မုန်တိုင်းအရှိန်ကြောင့် လေပြင်းတွေတိုက်ခတ်ပြီး မိုးရွာသွန်းမှုတွေ ဖြစ်ခဲ့တာပါ။

မုန်တိုင်းအရှိန်ကြောင့် ရခိုင်ပြည်နယ်က ဒုက္ခသည်စခန်းတချို့လည်း ပျက်စီးခဲ့တယ်လို့ သိရပါတယ်။

မုန်းတိုင်း သက်ရောက်မှုရှိခဲ့တဲ့ ရခိုင်ပြည်နယ်ကို ဒီကနေ့ လူကယ်ပြန်ဝန်ကြီးဌာနရဲ့ ညွှန်ကြားရေးမှူးချုပ် သွားရောက်ပြီး ပြည်နယ်အစိုးရအဖွဲ့နဲ့ ပူးပေါင်းကာ ကူညီကယ်ဆယ်ရေးလုပ်ငန်းတွေ လုပ်ဆောင်မှာ ဖြစ်တယ်လို့ လူကယ်ပြန်ဝန်ကြီးဌာနရဲ့ ပြောရေးဆိုခွင့်ရှိသူ ဒေါက်တာ အောင်သူရိန်က ပြောပါတယ်။

RFA Burmese
http://www.rfa.org/burmese
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ