အသက်မပြည့်သည့် ကလေးငယ်များကို ၄ နာရီထက် အလုပ်ပိုခိုင်းပါက ထိရောက်စွာ အရေးယူမည်ဟုဆို


စစ်တွေ၊ ဇန်နဝါရီ ၃၁

ရခိုင်ပြည်နယ်အတွင်းမှ အသက်မပြည့်သည့် ကလေးသူငယ်များကို အလုပ်ချိန် ၄ နာရီထက် ပိုသည့် လုပ်အားခပေးခိုင်းစေနေမှုများကို တွေ့ရှိပါက အလုပ်ခိုင်းစေနေသူများကို ထိရောက်စွာ အရေးယူ ဆောင်ရွက်သွားမည်ဖြစ်ကြောင်း ရခိုင်ပြည်နယ် ကလေးသူငယ်များ အခွင့်အရေး ဆိုင်ရာ လုပ်ငန်းကော်မတီ ဥက္ကဋ္ဌ ဒေါက်တာချမ်းသာက ပြောသည်။

ယနေ့ စစ်တွေမြို့တွင် ရခိုင်ပြည်နယ် ကလေးသူငယ်များအခွင့်အရေးဆိုင်ရာ ကော်မတီနှင့် ပြည်နယ် အမျိုးသမီးရေးရာ ကော်မတီတို့၏ လုပ်ငန်း ညှိနိုင်း အစည်းအဝေးတွင် ဥက္ကဋ္ဌ ဒေါက်တာချမ်းသာက ထိုသို့ ပြောကြားသွားခြင်း ဖြစ်သည်။

သို့သော်လည်း အရေးယူမှု မပြုလုပ်ခင် တွေ့ဆုံဆွေးနွေးမှုများပြုလုပ်ပြီး ပညာပေးမှုများ ပြုလုပ်သွားမည် ဖြစ်ကြောင်း၊ ပညာပေးမှု ပြုလုပ်သော်လည်း ပြုပြင် ပြောင်းလဲမှု မရှိမှသာ စိစစ်မှုများ ပြုလုပ်ကာ အရေးယူသွားမည် ဖြစ်ကြောင်း ပြောဆိုသည်။

“ကလေးသူငယ်တွေကို လုပ်အား ခပေးပြီး ခိုင်းစေနေတာတွေပေါ့။ အမှန်တကယ်ကတော့ အသက် ၁၄ နှစ်နဲ့ ၁၆ နှစ် အကြား ကလေးတွေကို အလုပ်ခိုင်းစေမယ်ဆိုရင်တောင် ၄ နာရီထက် မပိုရဘူး။ တချို့မြင်တဲ့အတိုင်းပဲ တစ်နေ့ကုန်လုပ်နေရတာတွေရှိတယ်။ ဒါတွေကို ကျနော်တို့ စစ်ဆေးပြီးရင် ပညာပေးသွားဖို့ဖြစ်ပါတယ်။ ပညာပေးလို့မှမရရင် နောက်တစ်ဆင့်ကတော့ အရေးယူမယ့်အပိုင်းတွေကို လုပ်နိုင်ဖို့ စီစဉ်နေကြပါတယ်” ဟု ရခိုင်ပြည်နယ် ကလေးသူငယ်များအခွင့်အရေးဆိုင်ရာလုပ်ငန်းကော်မတီ ဥက္ကဌ ဒေါက်တာချမ်းသာက ပြောသည်။

ကလေးငယ်များ၏အခွင့်အရေးဆိုင်ရာများကို ပညာရေးဌာနမှဆောင်ရွက်ထားရှိမှုများနှင့် ပတ်သက်၍ စစ်တွေခရိုင် လက်ထောက်ညွန်ကြားရေးမှူး ဒေါ်လှယဉ်အေး ယခုကဲ့သို့ ရှင်းလင်းပြောကြားသည်။

“ကလေးသူငယ်များနဲ့ ပတ်သက်လို့ ဆရာ၊ဆရာမတွေက ကိုယ်ထိလက်ရောက် ကျူးလွန် ရိုက်နက်မှုတွေကို မပြုလုပ်ဖို့ အခြေခံပညာဦးစီဌာနကနေ ပြည်နယ်ပညာက တစ်ဆင့် တစ်ပြည်နယ်လုံးကို အော်ဒါ ထုတ်ပြီးတော့ ညွှန်ကြားထားတာလည်း ရှိပါတယ်” ဟု ဒေါ်လှအေးယဉ်က ပြောသည်။

ရခိုင်ပြည်နယ်အတွင်းက ဆင်းရဲနွမ်းပါးသည့် ကလေးသူငယ်အများစုသည် လက်ရှိတွင် စားသောက်ဆိုင်၊ လက်ဖက်ရည်ဆိုင်နှင့် ကုန်စုံဆိုင်အစရှိသည့် လုပ်ငန်းများတွင် မိသားစုဝင်ငွေ အဖြစ် အခကြေးငွေများရယူကာ ဝင်ရောက် အလုပ် လုပ်ကိုင်နေမှု အများအပြား ရှိနေသည်။

အဆိုပါကလေးငယ်များ၏ အခွင့်အရေးကို ကာကွယ်သောအားဖြင့် အသက်မပြည့် ကလေးငယ်များ အလုပ်ချိန် ၄ နာရီထက်သာမက တစ်နေ့ကုန် လုပ်အားပေး ခိုင်းစေမှုများ မရှိစေရန်နှင့် ကလေးသူငယ်များအခွင့်ရေးဆိုင်ရာနှင့်ပတ်သက်ပြီး အပြည့်အဝရရှိစေရန် ဌာနဆိုင်ရာများနှင့် အရပ်ဖက်လူမှုအဖွဲ့အစည်းတို့ ပူးပေါင်းဆောင်ရွက်သွားမည်ဖြစ်ကြောင်း ဒေါက်တာချမ်းသာက ပြောသည်။

နောင်ခိုင်အောင်
Narinjara
https://www.facebook.com/Narinjara

မြန်မာနိုင်ငံ နိုင်ငံရေးအံတုမှု လှုပ်ရှားရေး စေ့ဆော်သူ Gene Sharp ကွယ်လွန်

နိုင်ငံရေးသိပ္ပံပညာရှင် Gene Sharp
အကြမ်းမဖက် နိုင်ငံရေးလှုပ်ရှားမှု သဘောတရားစာအုပ်တွေ ရေးသားခဲ့ပြီး ၊ မြန်မာနိုင်ငံရဲ့ နိုင်ငံရေးအံတုမှု လှုပ်ရှားမှုကို စေ့ဆော်ခဲ့သူ နိုင်ငံရေးသိပ္ပံပညာရှင် Gene Sharp ဟာ ပြီးခဲ့တဲ့ စနေနေ့က ကွယ်လွန်သွားပြီ ဖြစ်ပါတယ်။ မြန်မာ့ဒီမိုကရေစီရေး လှုပ်ရှားမှု အပြောင်းအလဲ တွေမှာလည်း ဂျင်းရှပ်ရဲ့နိုင်ငံရေး အတွေးအခေါ်တွေက အများကြီး အကျိုးသက်ရောက်မှု ရှိစေခဲ့တယ်လို့ နိုင်ငံရေးလှုပ်ရှားသူ တချို့က ပြောပါတယ်။ ဒီအကြောင်း ကိုဉာဏ်ဝင်းအောင်က စုစည်းတင်ပြမှာပါ။

မြန်မာ့နိုင်ငံရေး လှုပ်ရှားသူတွေကြားမှာ “အာဏာရှင်စနစ်မှ ဒီမိုကရေစီစနစ်သို့” ဆိုတဲ့စာအုပ်နဲ့ “နိုင်ငံရေးအံတုမှု လက်စွဲ” ဆိုတဲ့ ဒေါက်တာ ဂျင်းရှပ်ရဲ့ အတွေးအခေါ် နည်းနာစာအုပ်တွေဟာ ၁၉၉၀ ခုနှစ်နောက်ပိုင်း ထိုင်းမြန်မာနယ်စပ်နဲ့ မြန်မာပြည်တွင်းမှာပါ လူသိ များလာခဲ့တာပါ။ အခုတော့ Gene Sharp ဟာ အသက်(၉၀)အရွယ် အမေရိကန်ပြည်ထောင်စု မက်ဆာချူးဆက်ပြည်နယ် ဘော့စတွန်မြို့ နေအိမ်မှာ ပြီးခဲ့တဲ့ စနေနေ့ ဇန်န၀ါရီ(၂၈)ရက်နေ့မှာ လူကြီးရောဂါနဲ့ပဲ ကွယ်လွန်သွားပြီ ဖြစ်ပါတယ်။

၁၉၈၈ မှာ အာဏာသိမ်းပြီးတက်လာတဲ့ စစ်အစိုးရကလည်း အစိုးရဆန့်ကျင်တဲ့ လှုပ်ရှားမှုမှာ နောက်ကွယ်ကပါဝင်သူ အမေရိကန်နိုင်ငံသား ၄ ယောက်ရှိတဲ့အနက် ဂျင်းရှပ်လဲ တယောက်အပါဝင်ဖြစ်တယ်လို့ ၁၉၉၆ ခုနှစ် သတင်းစာရှင်းလင်းပွဲတခုမှာ စွပ်စွဲပြောဆိုခဲ့ပြီး ဂျင်းရှပ်ရဲ့စာအုပ် လက်ဝယ်ထားရှိသူ၊ သူ့အတွေးအခေါ်ဆောင်းပါးတွေ ပြန်လည် ဖြန့်ဝေသူတွေကို ဖမ်းဆီး ထောင်ချခဲ့ပါတယ်။

မုံရွာမြို့က ဒေါက်တာ ဒေါ်ခင်မာကြည်ဟာ ဂျင်းရှပ်ရဲ့စာအုပ် လက်ဝယ်ထားရှိမှု တဆင့်ဖြန့်ဝေမှုတွေနဲ့ ၁၉၉၆ ခုနှစ် ဇွန်လမှာ ထောင်ဒဏ် (၇)နှစ် ချမှတ်ခံရပြီး၊ (၇)နှစ်လုံးလုံး တိုက်ပိတ်ခံရသူ ဖြစ်ပါတယ်။

"Gene Sharp ရဲ့ စာအုပ်က ကျမတို့ အကြမ်းမဖက်တဲ့ လမ်းစဉ်နဲ့ ပြည်သူကို စည်းရုံးပြီးတော့ ဆန့်ကျင်တဲ့နည်းလမ်းပါ။ အာဏာရှင်ကတော့ ဆန့်ကျင်တယ်ဆိုရင် ဖမ်းမှာပဲ။ အဲဒါကြောင့်မို့လို့ ကျမတို့ အဖမ်းခံရတာပါ။ ကျမတို့ နှစ်သက်တဲ့ အပိုင်းကဏ္ဍလေးတွေကို ဖြတ်ပြီးတော့ ပြည်သူထဲကို ကျမတို့ ဖြန့်တယ်လေ။"

ဂျင်းရှပ်ရဲ့စာအုပ်ကြောင့် စစ်အစိုးရက ဖမ်းဆီးထောင်ချခဲ့သူ ဒါဇင်နဲ့ချီ ရှိခဲ့ပါတယ်။ ဒေါက်တာဂျင်းရှပ်ဟာ ထိုင်းမြန်မာနယ်စပ် KNU ကရင်တိုင်းရင်းသား လက်နက်ကိုင်တပ်ဖွဲ့ အခြေစိုက်တဲ့ မာနာပလောစခန်းကို ၁၉၉၀ ခုနှစ် ဝန်းကျင်လောက်က ရောက်လာခဲ့ပြီး စင်ပြိုင် အမျိုးသားညွန့်ပေါင်းအစိုးရ (NCGUB) နဲ့ ဆက်သွယ်လာသူ ဖြစ်ပြီး သူ့ရဲ့ မဟာဗျူဟာမြောက် အကြမ်းမဖက် လှုပ်ရှားမှုအတွေးအခေါ်တွေကို လာရောက်ရှင်းပြခဲ့သူပါ။ သူ့ရဲ့ “နိုင်ငံရေးအံတုမှု လက်စွဲ”စာအုပ်ကို ဘာသာပြန်ပေးခဲ့တဲ့ အဲဒီ အချိန်က ABSDF ကျောင်းသားတပ်မတော်ရဲ့ အထွေထွေအတွင်းရေးမှူး တာဝန်ယူခဲ့ဖူးတဲ့ ဦးအောင်သူငြိမ်းက ခုလို ပြန်ပြောပြပါတယ်။

"From Dictatorship to Democracy ပေါ့နော် အာဏာရှင်စနစ်မှ ဒီမိုကရေစီသို့ဆိုတာလေ အဲဒီစာအုပ်ကို ဘာသာပြန်တာ ကျနော်မဟုတ်ဘူးခင်ဗျ။ အဲဒါက ခေတ်ပြိုင်ကနေပြီးတော့ ဒီစာအုပ်ကိုထုတ်တယ်ပေါ့နော် ။ နောက်တခုကတော့ ကျနော်တို့နဲ့ နိုင်ငံရေးအံတုမှု ဆိုပြီးတော့ ကိစ္စတွေဆက်ဖြစ်တော့ သူက လူတိုင်းလည်းဖတ်လို့ရအောင် အိတ်ဆောင်စာအုပ်သဘောမျိုး ဆိုပြီးတော့ political defiance handbook ပေါ့ “နိုင်ငံရေးအံတုမှု လက်စွဲ” ဆိုပြီးတော့ ခပ်ပါးပါးလေးပြန်ရေးတယ်ပေါ့နော်။ အဲဒီတော့ ဘာသာပြန်ရေးရတာက ကျနေ်ာပြန်ပေးရတယ်။"

တကယ်တော့ ဒေါက်တာဂျင်းရှပ်ရဲ့ အကြမ်းမဖက်နည်းနဲ့ နိုင်ငံရေးအံတုမှုဟာ ဒီကနေ့အချိန်ထိ မြန်မာ့နိုင်ငံရေးမှာ အများကြီး အထောက်ကူ ဖြစ်စေခဲ့တယ်လို့ ဒေါက်တာ ဒေါ်ခင်မာကြည်က မှတ်ချက်ပေးပါတယ်။

"ဘာဖြစ်လို့လဲဆိုတော့ ကျမတို့ လက်နက်ကိုင်လမ်းစဉ်နဲ့ သွားမယ်ဆိုရင် ဒီထက်ပိုပြီးတော့ ပေးဆပ်ရလိမ့်မယ်။ ပြည်သူတွေကလည်း ဒီငြိမ်းချမ်းတဲ့ လမ်းစဉ်ကို ကြိုက်တယ်။ ငြိမ်းချမ်းတဲ့ လမ်းစဉ်ကို ကြိုက်တယ်ဆိုတာက မြန်မာနိုင်ငံ ပြည်သူတွေအားလုံးမှာလည်း ဖြန့်ဝေထားတဲ့ ဂျင်းရှပ်ရဲ့အတွေးအခေါ်တွေလည်း ၀င်နေတာလည်းရှိမယ်။ ဒေါ်အောင်ဆန်းစုကြည်ရဲ့ ကျမတို့ ၂၀၁၅ မှာ NLD ပါတီဟာ ဒေါ်အောင်ဆန်းစုကြည်ဦးဆောင်ပြီးတော့ ပြိုင်ပွဲဝင်လိုက်တဲ့အခါမှာ လွှမ်းမိုးမှုလည်း အများဆုံးရှိတယ်။

ဂျင်းရှပ်ကွယ်လွန်သွားတဲ့ပေမယ့် သူ့အတွေးအခေါ်တွေ ဆက်ရှိနေဦးမှာဖြစ်တယ်လို့ ဦးအောင်သူငြိမ်းက သုံးသပ်ပါတယ်။

ဒေါက်တာဂျင်းရှပ်ဟာ အိန္ဒိယက အကြမ်းမဖက်လှုပ်ရှားမှုခေါင်းဆောင် မဟတမဂန္ဓီကြီးရဲ့နည်းနာကို နှစ်သစ် စွဲလမ်းသူဖြစ်ပြီး၊ ဂျင်းရှပ်ရဲ့ မဟာဗျူဟာမြောက် အကြမ်းမဖက်လှုပ်ရှားမှု (Strategic Non-Violence Actions)စာတမ်းကို ဘာသာပေါင်း ၅၀နဲ့ ဘာသာပြန် ထုတ်ဝေခဲ့ ပါတယ်။ သူ့အတွေးအခေါ်တွေဟာ အာဏာရှင်ကြီးစိုးတဲ့ အထူးသဖြင့် အရှေ့ဥရောပ၊ အီရန်နဲ့ မြန်မာနိုင်ငံတွေမှာ ရေပန်းစားခဲ့ပါတယ်။

မစ္စတာ ဂျင်းရှပ်ကို အမေရိကန် အိုဟိုင်းယိုးပြည်နယ်မှာ ၁၉၂၈ ဇန်န၀ါရီ (၂၁)ရက်နေ့မှာ မွေးဖွားခဲ့ပြီး၊ အိုဟိုင်းယိုးပြည်နယ် တက္ကသိုလ်နဲ့ လန်ဒန်က Oxford တက္ကသိုလ်တွေမှာ နိုင်ငံရေးသိပ္ပံဘာသာရပ်နဲ့ ပညာသင်ကြားခဲ့ပါတယ်။ Massachusetts Dartmouth တက္ကသိုလ်မှာ နိုင်ငံရေး သိပ္ပံ ပါမောက္ခအဖြစ် လုပ်ဆောင်ခဲ့သူဖြစ်ပါတယ်။ ၁၉၈၀ ခုနှစ်မှာ Albert Einstein အင်စတီကျုဆိုတဲ့ အကြမ်းမဖက်လှုပ်ရှားရေး ဆိုင်ရာ သုတေသန အဖွဲ့ကိုတည်ထောင်ခဲ့သူပါ။

ဂျင်းရှပ်ကို ငြိမ်းချမ်းရေးနိုဘဲလ်ဆု ပေးဖို့ ၂၀၀၉- ၂၀၁၂နဲ့ ၂၀၁၃ ခုနှစ်တွေမှာ အမည်စာရင်းတင်သွင်းခံရပြီး၊ ၂၀၁၂ ခုနှစ်တုန်းက နောက်ဆုံး ဆန်ခါတင်အဆင့်အထိ အစဉ်းစားခံရသူဖြစ်ပါတယ်။ သူဟာ ၂၀၁၁ မှာ El-Hibri Peace Education Prize ငြိမ်းချမ်းရေးဆုကို ရခဲ့သလို၊ Right Livelihood Award တသက်တာ ဒီမိုကရေစီဆုကိုလဲ ရရှိခဲ့သူဖြစ်ပါတယ်။

ကိုဉာဏ်ဝင်းအောင်  / ဗွီအိုအေ (မြန်မာပိုင်း)
https://burmese.voanews.com
 

မြစ်ကြီးနားမြို့နယ် အမျိုးသားလွှတ်တော်ကိုယ်စားလှယ် ဒေါ်ရှီလာနန်တောင်ကွယ်လွန်


မြစ်ကြီးနား၊ ဇန်န၀ါရီ ၃၁

နေပြည်တော် ခုတင် ၁၀၀၀ ဆံ့ဆေးရုံ၌ ဆေးကုသမှုခံယူနေသည့် မြစ်ကြီးနားမြို့နယ် အမျိုးသား လွှတ်တော်ကိုယ်စားလှယ် ဒေါ်ရှီလာနန်တောင် အသက် (၆၃)နှစ် သည် ဇန်န၀ါရီလ ၃၁ ရက်ညနေ ၇ နာရီခွဲအချိန်ခန့်က ခရစ် တော်ထံပါး အိပ်ပျော်သွားကြောင်း ဖားကန့်မြို့နယ်အမျိုးသား လွှတ်တော်ကိုယ်စားလှယ် ဦးခင်မောင်မြင့် (ခ) ဦးချိုထံမှ သတင်းရရှိသည်။

ဒေါ်ရှီလာနန်တောင်သည် ကျောက်ကပ်နှင့် ဆီးချိုဝေဒနာကြောင့် လွန်ခဲ့သည့် သုံးလခန့်ကတည်းက နေပြည်တော်တွင် ဆေးရုံတက်ရောက် ကုသမှုခံယူခဲ့ရကြောင်းသိရသည်။

၎င်းသည် အမျိုးသားဒီမိုကရေစီအဖွဲ့ချုပ်ပါတီဝင် တစ်ဦးဖြစ်ပြီး မြစ်ကြီးနားတက္ကသိုလ် အင်္ဂလိပ်စာဌာနမှ အငြိမ်းစား ပါမောက္ခတစ်ဦးလည်းဖြစ်သည်။

ဇော်နိုင်ဦး
Myitkyina News Journal
https://www.facebook.com/myitkyinanewsjournal.mm

ကလေးစစ်သားဟောင်း ကိုအောင်ကိုထွေး တရားရုံးကို သပိတ်မှောက်

ကိုအောင်ကိုထွေး ကို ၂၀၁၇ ခုနှစ် စက်တင်ဘာလ ၁ ရက်နေ့က ဒဂုံမြို့သစ် ဆိပ်ကမ်း မြို့နယ်တရားရုံးမှာ ရုံးထုတ်စဉ်/ Photo: Aung Thain Kha/RFA
နိုင်ငံတော် အကြည်ညိုပျက်စေမှု ပုဒ်မ ၅၀၅ (ခ)နဲ့ တရားစွဲဆိုခံထားရတဲ့ ကလေးစစ်သားဟောင်း ကိုအောင်ကိုထွေးကို ဒီနေ့ ဒဂုံမြို့သစ်ဆိပ်ကမ်းမြို့နယ်တရားရုံးမှာ ရုံးထုတ်စစ်ဆေးရာ ကိုအောင်ကိုထွေး က အစစ်ဆေးမခံဘဲ တရားရုံးကို သပိတ်မှောက်ခဲ့ပါတယ်။

တရားသူကြီးကို အယုံအကြည်မရှိတာကြောင့် အစစ်ဆေးမခံနိုင်ကြောင်း ကိုအောင်ကိုထွေး က ရုံးထုတ်မှာ ပြောခဲ့ပါတယ်။

"တရားရုံးကို လုံးဝရုံးမထွက်ပါဘူး။ သပိတ်မှောက်ပါတယ်။ ဘာဖြစ်လို့လဲဆိုတော့ ဖြောင့်မတ် မှန်ကန်တဲ့ တရားစီရင်မှု မရှိလို့ ဒဂုံဆိပ်ကမ်းတရားသူကြီး ဟာ ကျတော်ရှေ့ဆက် ဆက်သွားနေမယ်ဆိုရင် ကျတော်တို့ရဲ့ မိသားစုတွေပါ အကုန်လုံးထောင်ထဲ ရောက်နေပါတယ် အမှန်တရားဆိုတာ မရှိပါဘူး ဒီကနေ့ မိသားစုတွေပါ အကုန်လုံးထောင်ထဲ ထည့်နေပါတယ်"

ကိုအောင်ကိုထွေးက ဆက်လက်အစစ်ဆေးခံမှာ မဟုတ်တော့တဲ့အတွက် သူ့ရဲ့ရှေ့နေ ဦးဇော်မင်းလှိုင်ကလည်း တရားရုံးမှာ ရှေ့နေ ကိုယ်စားလှယ်လွှဲစာရုပ်သိမ်းခွင့် ဒီနေ့ တင်သွင်းလိုက်ပါတယ်။

ကိုအောင်ကိုထွေးကို နိုင်ငံတော်အကြည်ညိုပျက်စေမှု ပုဒ်မ ၅၀၅ (ခ) နဲ့ ပြီးခဲ့တဲ့နှစ် သြဂုတ်လ ၁၈ ရက်နေ့က စတင်ဖမ်းဆီးထိမ်းသိမ်းထားရာမှာ တရားစွဲဆိုသူ ဒုတိယဗိုလ်မှူးကြီး မျိုးမြင့်အောင်နဲ့ တရားလို ပြသက်သေတွေကို ဒဂုံမြို့သစ်ဆိပ်ကမ်းမြို့နယ်တရားရုံးက စစ်ဆေးပြီးသွားပြီဖြစ်ပါတယ်။

ပြီးခဲ့တဲ့ ဇန်နဝါရီလ ၁၇ ရက်နေ့က ရုံးထုတ်မှာ ကိုအောင်ကိုထွေး အမြန်ဆုံးလွတ်မြောက်ဖို့နဲ့ ၂၀၀၈ ဖွဲ့စည်းပုံအခြေခံဥပဒေ ဖျက်သိမ်းဖို့ ဆန္ဒပြခဲ့ကြသူတွေထဲက ဒေါ်လေးလေး(ခ) ဒေါ်စန်းစန်းဦးနဲ့ ကိုနောင်နောင် တို့နှစ်ဦးကို နိုင်ငံတော်အကြည်ညိုပျက်စေမှုနဲ့ ဒဂုံမြို့သစ်ဆိပ်ကမ်းမြို့နယ် ရဲစခန်းက ဇန်နဝါရီလ ၁၈ ရက်နေ့မှာ ဖမ်းဆီးထားပါတယ်။

ကိုအောင်ကိုထွေးက တရားရုံးကို သပိတ်မှောက်ကြောင်း လျှောက်ထားခဲ့ပေမယ့် တရားသူကြီးက လာမယ့် ဖေဖော်ဝါရီလ ၁၄ ရက်နေ့မှာ ရုံးထုတ်ဖို့ ချိန်းဆိုခဲ့ပါတယ်။

RFA Burmese
https://www.rfa.org/burmese
 

ကချင်ဒေသ လေကြောင်းအပါအ၀င် တိုက်ပွဲများ ဆက်လက်ဖြစ်ပွား


ဇန်န၀ါရီလ ၃၁ ရက်၊ ၂၀၁၈ ခုနှစ်။

ကချင်လွတ်လပ်ရေး တပ်မတော် (ကေအိုင်အေ) နှင့် အစိုးရတပ်မတော်တို့အကြား တိုက်ပွဲများ ပြင်းထန်စွာ ဆက်လက်ဖြစ်ပွားနေသည်ဟု ကချင်လွတ်လပ်ရေးအဖွဲ့ (ကေအိုင်အို)က ပြောသည်။

“တိုက်ပွဲကတော့ ခုတစ်လောကတော့ တနိုင်းမြို့နယ်ဖက်မှာပေါ့ ကေအိုင်အေ တပ်ရင်း ၁၄ ဖက်မှာတော့ နေ့တိုင်းနေ့တိုင်းလို တိုက်ပွဲကတော့ ပြင်းထန်နေတဲ့ အနေအထားဖြစ်ပါတယ်။ ဒီနေ့လည်းပဲ အဲဒီ တပ်ရင်း ၁၄ ဖက်မှာ တပ်မတော်ဖက်ကနေ လေယာဉ်ပျံနှင့် လာပစ်တယ် ဗုံးကြဲတယ် နောက်ပြီးတော့ မြေပြင်တိုက်ပွဲတွေလည်း ပြန်ဖြစ်တာ အဲဒီအခြေအနေဖြစ်ပါတယ်” ဟု ကေအိုင်အို သတင်းနှင့် ပြန်ကြားရေးတာဝန်ခံ ဗိုလ်မှူးကြီးနော်ဘူက ပြောသည်။

တိုက်ပွဲများမှာ တနိုင်း၊ မန်စီနှင့် ဆွမ်ပရာဘွမ် မြို့နယ်များအတွင်း ဖြစ်ပွားနေခြင်းဖြစ်သည်။

တနိုင်းဒေသ၊ လီဒိုလမ်းမတစ်လျှောက် တိန်ကောက်ကျေးရွာ၊ ရှဒူးဇွပ်ကျေးရွာများတွင် တိုက်ပွဲများ ဆက်လက်ဖြစ်ပွားနေသည်ဟု တနိုင်းဒေသခံများက ပြောသည်။

“တိုက်ပွဲက ဆက်တိုက်ဖြစ်နေတာ။ ဒီ ညနေ နှစ်နာရီလောက်ပေါ့ အခုနကပေါ့ လေယာဉ်နှစ်စင်းနဲ့ နှစ်ခေါက်ပြန်ပေါ့ လာပစ်သွားတယ်။ လက်နက်ကြီးသံတွေ သေနတ်သံတွေကလည်း တနိုင်းကနေ ကြားနေရတာ။ ဒီနေ့ တိန်ကောက် ဒီဂျန်ဘွမ်တောင်မှာလည်း တိုက်ပွဲဖြစ်တယ်။ အခုဒီ တိုက်ပွဲတွေမှာ ဒီနန်းကွမ်းဘက်၊ ရှဒူးဇွပ်နဲ့ တိန်ကောက်ဘက်မှာ ရှမ်းပြည်သူ့စစ်တွေ၊ စခုန်တိန်းယိန်းရဲ့ အဖွဲ့တွေ၊ ရင်း ၁၄ ဘက်မှာက လီဆူပြည်သူ့စစ်တွေလည်းပါတယ်။ တိုက်ပွဲက ပြန်ထွက်လာတဲ့လူတွေပြောပြတာပေါ့နော်” ဟု အမည်မဖော်လိုသူ တနိုင်းဒေသခံတစ်ဦးက ပြောသည်။

တချိန်တည်းမှာပင် မန်စီမြို့နယ်ရှိ တပ်မဟာ ၃ နယ်မြေဖက်တွင် တိုက်ပွဲများ ဆက်လက်ဖြစ်ပွားနေသည်ဟု ဗိုလ်မှူးကြီး နော်ဘူက ဆက်ပြောသည်။

“နောက်ပြီးတော့ တပ်မဟာ ၃ တပ်ရင်း ၂၇ နှင့် ၁၂ နေရာဖက်မှာလည်း တိုက်ပွဲတွေ ဒီနေ့လည်းဖြစ်တယ်။ အခုတလော သုံးရက်လောက်ကကြိုကြားကြိုကြားနဲ့ဖြစ်တယ်။ ဒီနေ့က ညနေ ၃ နာရီ လောက်မှာ ဂျက်ဖိုက်တာပေါ့ လေယာဉ်ပျံနဲ့ လာပစ်တာ ဗုံးလာကြဲတာ အဲ့အနေအထားရှိပါတယ်။”

ကချင်ပြည်နယ် မြောက်ပိုင်း ဆွမ်ပရာဘွမ်မြို့နယ်ဘက်တွင် တိုက်ပွဲများဖြစ်ပွားခြင်း မရှိသော်လည်း အစိုးရတပ်မတော်ဘက်က လက်နက်ကြီးများဖြင့် ပစ်ခတ်မှုများရှိသည်ဟု ကေအိုင်အိုက ပြောသည်။

ယခုကဲ့သို့ တိုက်ပွဲများသည် ငြိမ်းချမ်းရေး အလားအလာကို အလှမ်းပိုဝေးစေနိုင်သည်ဟု ဗိုလ်မှူးကြီးနော်ဘူကပြောသည်။

“အခုလိုမျိုး စစ်ရေးနှင့်ပဲ ဖိအားပေးနေတာ တိုက်ပွဲပဲဆင်နွှဲနေတာဆိုတော့ ငြိမ်းချမ်းရေးကတော့ သိပ်ပြီးမှ အခြေအနေက မကောင်းဘူးထင်တယ်။ ပြည်ထောင်စုလို့ပဲပြောပြော ဖက်ဒရယ်လို့ပဲပြောပြော အတူတူနေထိုင်ဖို့ ကျနော်တို့ ဆွေးနွေးချင်နေတာ ဒါပေမယ့် ဒီတပ်မတော်ဖက်ကတော့ အခုလိုမျိုး စစ်ရေးနှင့်ပဲ သူကဖိအားပေးတယ်ဆိုတော့ အချင်းချင်းကတော့ အယုံအကြည်မရှိဘူး။ အယုံအကြည်မရှိတဲ့အခါကျတော့ နိုင်ငံရေးဆွေးနွေးတာဟာလည်း အောင်မြင်မှာမဟုတ်ဘူး”

၂၀၁၁ ခုနှစ်ကစပြီး ကချင်လွတ်လပ်ရေး တပ်မတော် ကေအိုင်အေနှင့် အစိုးရတပ်မတော်တို့အကြား တိုက်ပွဲများ တစ်ကျော့ပြန် ဖြစ်ပွားလာခဲ့ပြီး ငြိမ်းချမ်းရေး ကြိုးပမ်းမှုများ ရှိသော်လည်း တိုက်ပွဲများ ဆက်လက်ဖြစ်ပွားဆဲဖြစ်သည်။

သတင်းနှင့် မီဒီယာ ကွန်ရက်။
http://www.nmg-news.com/

မြောက်​ဒဂုံမြို့နယ်​ ​ရေခဲဆိုင်​မှတ်​တိုင်​အနီး လုယက်​မှုဖြစ်


မြောက်​ဒဂုံမြို့နယ်​ ၄၆ရပ်​ကွက်​ ​ရေခဲဆိုင်​မှတ်​တိုင်​အနီး ဗိုလ်​ချိုလမ်း အုပ်​ချုပ်​​ရေးမှူးရုံးနားမှာ ပိုက်​ဆံအိတ်​လုယူမှုဖြစ်​ပွားခဲ့ပါတယ်​။ ဒီ​နေ့ည ၇နာရီဝန်းကျင်​​လောက်​မှာ လမ်း​လျှောက်​လာတဲ့ အမျိုးသမီးတစ်​ဦးရဲ့ပိုက်​ဆံအိတ်​ကို ဆိုင်​ကယ်​စီးလာတဲ့ အမျိုးသားနှစ်​ဦးက လုယူထွက်​​ပြေးသွားတာဖြစ်​ပါတယ်​။

 ဖြစ်​စဉ်​​ကြောင့်​ အမျိုးသမီးက လဲကျသွားခဲ့ပြီး​နောက်​ သတိလစ်​ကာ ပွန်းပဲ့ဒဏ်​ရာရခဲ့တယ်​လို့သိရပါတယ်​။ ပိုက်​ဆံအိတ်​အတွင်း ​မိဘဆီလွှဲမယ့်​ ​ငွေတစ်​သိန်း​ကျော်​၊ မှတ်​ပုံတင်​နဲ့ ဘဏ်​စာအုပ်​​တွေပါသွားတယ်​လို့ ကာယကံရှင်​ဖြစ်​သူအမျိုးသမီးက ဆိုပါတယ်​။ လက်​ရှိမှာ ထွက်​​ပြေးသွားသူနှစ်​ဦးကို သ်​ဆိုင်​ရာရဲတပ်​ဖွဲ့နဲ့ အုပ်​ချုပ်​​ရေးမှူး​တွေက ရှာ​ဖွေစုံစမ်း​နေပါတယ်​။

သတင်း - မျိုးမင်း(5 Plus News)
5 PLUS NEWS
https://www.facebook.com/5plusnews

မောင်တော ပြည်သူ့စစ် ၃ ဖွဲ့ကို လက်နက်တပ်ဆင်

လုံခြုံရေး စိုးရိမ်ရဆဲ မောင်တော
ရခိုင်ပြည် မောင်တောမြို့နယ် မြောက်ပိုင်းက ဗန္ဓုလ၊ တပ်ချောင်း၊ ဝေလာတောင်ကျေးရွာတို့မှာ ပြည်သူ့စစ်အဖွဲ့ ၃ ဖွဲ့ကို လက်နက်တပ်ဆင် ပေးထားတယ်လို့ ပြည်ထဲရေး ဒုတိယဝန်ကြီး ဗိုလ်ချုပ်အောင်စိုးက ဇန်နဝါရီလ ၃၀ ရက်က ထုတ်ဖော် ပြောကြား ခဲ့ပါတယ်။

ဇန်နဝါရီလ ၃၀ ရက် အမျိုးသား လွှတ်တော်မှာ ရခိုင်ပြည်နယ် မဲဆန္ဒနယ်မြေ အမှတ် ၈ ကိုယ်စားလှယ် ဦးကျော်ကျော်ဝင်းက ကြယ်ပွင့်ပြမေးခွန်း အနေနဲ့ ပြည်သူ့စစ်အဖွဲ့ ထားမထား မေးခဲ့ပါတယ်။

တိုင်းရင်းသားကျေးရွာတွေမှာ တိုင်းရင်းသားတွေကို အကာအကွယ်ပေးဖို့ အတွက် ပြည်သူ့စစ်ဖွဲ့စည်းဖို့ တောင်းဆိုခဲ့တာဖြစ်ပါတယ်။

အဲသလို ပြည်သူ့စစ်ဖွဲ့စည်းဖို့ တောင်းဆိုတာဟာလည်း ရိုဟင်ဂျာ ခေါ် ဘင်္ဂါလီတွေရဲ့ အန္တရာယ်ကို ကာကွယ်ဖို့လို့ ပြောပါတယ်။

အဲသလို ပြည်သူ့စစ်ဖွဲ့စည်းရေး မေးမြန်းရာမှာ ပြည်ထဲရေး ဒုတိယဝန်ကြီး ဗိုလ်ချုပ်အောင်စိုးက လက်နက်တပ်ဆင်ပေးထားတဲ့ တိုင်းရင်းသား ပြည်သူ့စစ် ၃ ဖွဲ့ရှိပြီးဖြစ်သလို နောက်ထပ် ၃၀ ကျော်ကိုလည်း လေ့ကျင့်ပြီး လက်နက်တပ်ဆင်ပေးဖို့ရှိကြောင်း ပြောပါတယ်။

ဒီလို တိုင်းရင်းသားတွေကို လက်နက်တပ်ဆင်ပြီး ပြည်သူ့စစ်ဖွဲ့စည်းပေးတဲ့အပေါ် ရိုဟင်ဂျာတွေဘက်မှာတော့ စိုးရိမ်ပူပန်မှုရှိပါတယ်။

မောင်တောမြောက်ပိုင်း အဲဒီပြည်သူ့စစ်ဖွဲ့စည်းထားတဲ့ နေရာတွေဟာ ပြီးခဲ့တဲ့ ရခိုင်ပြည်နယ်အရေးအခင်းအတွင်း ပဋိပက္ခဖြစ်ပွားခဲ့တဲ့ နေရာတွေထဲမှာ အပါအဝင်လည်း ဖြစ်တယ်လို့ ကုလားတန်သတင်းစာအယ်ဒီတာ ဦးတင်စိုးက ဆိုပါတယ်။

BBC Burmese
http://www.bbc.com/burmese

မြောက်ဦး အုပ်ချုပ်ရေးမှူးဟောင်း အသတ်ခံရမှုကို ပုဒ်မ ၃ခု နဲ့ အမှုဖွင့်

ဒဏ်ရာတွေနဲ့ သေဆုံးနေတဲ့ ရခိုင်ပြည်နယ် မြောက်ဦးမြို့နယ် အုပ်ချုပ်ရေးမှူးဟောင်း ဦးဘိုဘိုမင်းသိုက် ကို တွေ့ရစဉ်။ Photo: Ministry of Home Affairs, Myanmar's facebook
မြောက်ဦးမြို့နယ် အုပ်ချုပ်ရေးမှူးဟောင်း ဦးဘိုဘိုမင်းသိုက် အသတ်ခံရမှုနဲ့ ပတ်သက်ပြီး ပုဏ္ဏားကျွန်းမြို့နယ် ရဲစခန်းမှာ လူသတ်မှု ပုဒ်မ (၃၀၂) ၊ သေစေရန် ရည်ရွယ်၍ အကျိုးဖျက်ဆီးမှု ပုဒ်မ (၄၄၀)၊ အားပေးကူညီမှု ပုဒ်မ (၁၁၄) စတဲ့ ပုဒ်မ ၃ ခုနဲ့ အမှုဖွင့်ပြီး စုံစမ်းစစ်ဆေးနေတယ်လို့ ပြည်ထဲရေးဝန်ကြီးဌာနက ဒီကနေ့ ထုတ်ပြန်ပါတယ်။

ဦးဘိုဘိုမင်းသိုက်ဟာ ထိုးသွင်းဒဏ်ရာ ၁၄ ချက်နဲ့ သေဆုံးနေတာဖြစ်ပြီး အလောင်းကိုတော့ မနေ့က ညနေ ၆ နာရီအချိန်လောက်မှာ ပုဏ္ဏားကျွန်းမြို့နယ်ထဲက ရန်ကုန်-စစ်တွေ လမ်းဘေးမှာ တိမ်းစောင်းနေတဲ့ မော်တော်ယာဉ်ရဲ့ အောက်ကနေ တွေ့ရှိခဲ့တာ ဖြစ်ပါတယ်။

သူဟာ ပြီးခဲ့တဲ့ ဇန်န၀ါရီလ ၁၆ ရက်နေ့က ဆန္ဒပြသူ ၇ ယောက် သေဆုံးခဲ့တဲ့ မြောက်ဦး ဆန္ဒပြမှုဖြစ်စဉ် ကာလတုန်းက မြောက်ဦးမြို့နယ်ရဲ့ အုပ်ချုပ်ရေးမှူးဖြစ်ပြီး နောက်ပိုင်းမှာ  ရာထူးနေရာ ပြောင်းရွှေ့ခံလိုက်ရသူ ဖြစ်ပါတယ်။

အဲဒီသေဆုံးမှုဟာ ဆန္ဒပြသူတွေကို ပစ်ခတ်ခဲ့တဲ့အပေါ် မကျေနပ်တာကြောင့် ရခိုင့်တပ်မတော် AA က လုပ်ကြံသတ်ဖြတ်တာဆိုပြီး စွပ်စွဲမှုတွေ ထွက်ပေါ်နေပါတယ်။

ဒါပေမဲ့ AA ရဲ့ ပြန်ကြားရေး တာဝန်ခံ ခိုင်သုခ ကတော့ ဦးဘိုဘိုမင်းသိုက် အသတ်ခံရမှုဟာ AA ရဲ့ လက်ချက် မဟုတ်ဘူးလို့ ငြင်းဆိုပါတယ်။

ဦးဘိုဘိုမင်းသိုက် အသတ်ခံရမှုနဲ့ ပတ်သက်ပြီး ဒီကနေ့ ရခိုင်ပြည်နယ် အစိုးရအဖွဲ့ဝင်အချို့ အစည်းအဝေး ပြုလုပ် ဆွေးနွေးနေတယ်လို့ သိရပါတယ်။

RFA Burmese
https://www.rfa.org/burmese

မြောက်ဦးဖြစ်စဉ် စစ်ဆေးခံပြီးအပြန်မှာ ဦးဘိုဘိုမင်းသိုက် လုပ်ကြံခံရခြင်းဖြစ်

(ဦးဘိုဘိုမင်းသိုက်အား တွေ့ဆုံဆွေးနွေးပွဲတစ်ခုတွင် တွေ့ရစဉ် ။ ဓာတ်ပုံ - DMG)
မြောက်ဦးမြို့နယ် အုပ်ချုပ်ရေးမှူးဟောင်း ဦးဘိုဘိုမင်းသိုက်မှာ ဇန်နဝါရီလ ၁၆ ရက်နေ့က ဖြစ်ပွားခဲ့သော မြောက်ဦးပဋိပက္ခနှင့် ပတ်သက်ပြီး စစ်ဆေးခံရန် ဇန်နဝါရီလ ၂၅ ရက်နေ့ကတည်းက မြောက်ဦးသို့ ရောက်ရှိနေပြီး တစ်ပတ်ကြာစစ်ဆေးခံပြီးနောက် ဇန်နဝါရီလ ၃၀ ရက်နေ့ မြောက်ဦးမှ စစ်တွေသို့အပြန် ရန်ကုန်-စစ်တွေကားလမ်းဘေး ပုဏ္ဏားကျွန်းမြို့နယ်တွင် သတ်ဖြတ်ခံခဲ့ရခြင်းဖြစ်သည်။

ဦးဘိုဘိုမင်းသိုက်ကို ပုဏ္ဏားမြို့နယ် သရက်ချိုကျေးရွာနှင့် ယိုးငူကျေးရွာကြား ကားလမ်းမဘေးတွင် YGN 6K-4396 HONDA CR-V ကားနှင့်အတူ ညနေ ၄ နာရီကျော်က သေဆုံးလျှက်တွေ့ရှိခဲ့ရခြင်းဖြစ်ကြောင်း သက်ရက်ချိုကျေးရွာအုပ်ချုပ်ရေးမှူးက ပြောသည်။

အဆိုပါဖြစ်စဉ်နှင့် ပတ်သက်ပြီး ရခိုင်ပြည်နယ်အစိုးရအဖွဲ့ အတွင်းရေးမှူး ဦးတင်မောင်ဆွေကို DMG က ဆက်သွယ်ခဲ့သော်လည်း ယခုအချိန်ထိ ဆက်သွယ်၍ မရသေးပေ။ သို့သော်လည်း ဦးဘိုဘိုမင်းသိုက်သည် လုပ်ကြံခံရခြင်းဖြစ်ပြီး ကားထဲမှာပါလာသော လူသုံးဦးကသတ်ဖြတ်ခဲ့ခြင်းဖြစ်သည်ဟု ဦးတင်မောင်ဆွေက နိရဉ္စရာသတင်းဌာနသို့ မနေ့က အတည်ပြုပြောကြားထားသည်။

ဦးဘိုဘိုမင်းသိုက်နှင့် ပတ်သက်ပြီး လက်ရှိမြောက်ဦးမြို့နယ် အုပ်ချုပ်ရေးမှူး ဦးမောင်သာစိန်က “ မြောက်ဦးကနေ စစ်တွေကိုပြန်တာဟုတ်တယ်။ မြောက်ဦးကို စစ်ဆေးခံဖို့ ၂၅ ရက်နေ့က ရောက်နေတာ။ မနေ့က အပြန်တော့ ကျနော်တို့ကို နုတ်မဆက်ခဲ့ဘူး။ သူပြန်သွားတာ မသိလိုက်ဘူး။ ကျနော်စုံစမ်းတော့ ၂ နာရီကျော်လောက်က ထွက်သွားတယ်လို့ သိရတယ်။ သူနဲ့အတူ နောက်ထပ်လူတွေ ပါသွားတယ်လို့ ကြားထားတယ်။ ဘယ်သူဆိုတာတော့ မသိဘူး။ ကျနော်တို့ဌာနကတော့ မဟုတ်ဘူး။ ကျနော်တို့လည်း စုံစမ်းနေဆဲပါ။ ” ဟု ပြောသည်။

ဦးဘိုဘိုမင်းသိုက် လုပ်ကြံခံရခြင်းကို အတည်မပြုနိုင်သေးကြောင်း ပုဏ္ဏားကျွန်းမြို့မရဲစခန်း ဂတ်စာရေးက DMG သို့ ပြောသည်။

“ လုပ်ကြံခံရတာလားဆိုတာ အတည်မပြုနိုင်သေးဘူး ခင်ဗျာ။ ကားမှာတခါတည်းပါလာတဲ့ သူတွေက လုပ်တာလား၊ ကားကိုတားပြီး လုပ်တာလား မသိရသေးဘူး။ ကားမှာပါတယ်ဆိုတာကိုလည်း ဘယ်သူဘယ်ဝါဆိုတာ မသိရဘူး။ ဘယ်နှစ်ယောက် ပါလာသလဲ မသိရဘူး။ ကျနော်တို့ စုံစမ်းနေပါတယ်။ ” ဟု ပြောသည်။

ဦးဘိုဘိုမင်းသိုက်၏ ရုပ်အလောင်းကို ပုဏ္ဏားကျွန်းမြို့ပြည်သူ့ဆေးရုံသို့ ယူဆောင်အပြီး ၄င်းစီးနှင်းလာသော CR-V ကား မှာ ညနေ ၇ နာရီအချိန်ခန့်က မီးရှို့ခံခဲ့ရသည်။ လက်ရှိမှာ ဦးဘိုဘိုမင်းသိုက်၏ ရုပ်အလောင်းကို စစ်တွေပြည်သူ့ဆေးရုံသို့ ပို့ဆောင်ထားပြီးဖြစ်သည်။

ဦးဘိုဘိုမင်းသိုက်မှာ ဇန်နဝါရီလ ၁၆ ရက်နေ့က ဖြစ်ပွားခဲ့သည့် မြောက်ဦးဖြစ်စဉ်နောက်ပိုင်း ရခိုင်ပြည်နယ်ရုံးသို့  လက်ထောက်ညွှန်ကြားရေးမှူးအဖြစ် တာဝန်ထမ်းဆောင်ရန် ပြောင်းရွှေ့ခံထားရသူလည်း ဖြစ်သည်။

 ဇော်ဇော်(မြောက်ဦး)
Development Media Group
http://www.dmediag.com/

ဘိုဘိုမင်းသိုက် လုပ်ကြံခံရမှု မြောက်ဦးဖြစ်စဉ်နှင့် ပတ်သက်မှု မရှိကြောင်း ဦးဇော်ဌေးပြောသည်ဟု ရိုက်တာတွင် သတင်းဖော်ပြ


နိရဉ္စရာ၊ ဇန်န၀ါရီ ၃၁

ဇန်န၀ါရီလ ၃၀ ရက်နေ့ ည ၅ နာရီကျော်က ပုဏ္ဍားကျွန်းမြို့နယ်အတွင်းရှိ သရက်ချိုနှင့် ယိုးငူအကြား ကားပေါ်တွင် ယခင် မြောက်ဦးမြို့နယ် အုပ်ချုပ်ရေးမှူး လုပ်ကြံသတ်ဖြတ်ခံရမှုမှာ မြောက်ဦးဖြစ်စဉ်နှင့် ပတ်သက်မှု မရှိကြောင်း အစိုးရ ပြောခွင့်ရသူ ဦးဇော်ဌေးက ပြောသည်ဟု ရိုက်တာတွင် သတင်းဖော်ပြထားသည်။

ပုဂ္ဂိုလ်ရေး အာဃာတကြောင့် သတ်ဖြတ်ခြင်းဖြစ်ပြီး ၎င်းသတ်ဖြတ်မှုမှာ ဒေသအတွင်း ဖြစ်ပေါ်ခဲ့သည့် ဖြစ်စဉ်နှင့် ပတ်သက်မှု မရှိကြောင်း ရဲက ယူဆထားသည်ဟု ဦးဇော်ဌေးက ပြောကြောင်း သတင်းတွင် ဖော်ပြထားသည်။

Reuters မှ အောက်ပါသတင်းတွင် ရေးသားထားခြင်းဖြစ်သည်။

Myanmar official in charge of troubled town stabbed to death

Police were treating the death of Bo Bo Min Theik as a case of personal enmity and it was not related to the violence in the region, said Zaw Htay, a government spokesman.

Narinjara
https://www.facebook.com/Narinjara

ဒေါက်တာအေးမောင်တို့ကို ပြန်လွတ်ပေးရေး မင်းပြားတွင် လူပေါင်းရာနှင့်ချီပြီး ဆန္ဒဖော်ထုတ်

(ဓာတ်ပုံ- Lay Mro)
နိရဉ္စရာ၊ ဇန်န၀ါရီ ၃၁

ရခိုင်ပြည်နယ် မင်းပြားမြို့တွင် လူပေါင်း ရာနှင့် ချီပြီး လမ်းပေါ်ထွက်ကာ ဒေါက်တာအေးမောင်တို့ကို ပြန်လွတ်ပေးရေးအတွက် ဆန္ဒဖော်ထုတ် တောင်းဆိုခဲ့ကြသည်ဟု သတင်းရရှိသည်။

“ဒီဆန္ဒဖော်ထုတ်ပွဲကို မင်းပြားမြို့ လူမှု အဖွဲ့အစည်း အကုန်လုံး စုစည်းပြီး ပြုလုပ်တာပါ။ လူပေါင်းကတော့ တစ်ထောင်ဝန်းကျင်လောက်ပါမယ်။ နေ့လယ် တစ်နာရီကျော်က စတင်ပြီး ၂ နာရီကျော်မှာ ပြီးဆုံးပါတယ်။ ရခိုင်အမျိုးသားပါတီရုံးရှေ့မှာ စုရပ်လုပ်ပြီး မင်းစောမွန်လမ်း၊ ဘုရားတကာလမ်း၊ ဦးကျော်ဝင်းလမ်း၊ မင်းဂံလမ်း၊ စွန်ရဲလမ်း၊ အောင်သစ္စာလမ်း၊ မြောင်းဘွေလမ်း၊ ဦးဥတ္တမလမ်း၊ ကန့်ကော်မြိုင်လမ်းတို့ကို ချီတက်ပြီး ရခိုင်အမျိုးသားရုံးကို ပြန်လာပြီး လူစုခွဲလိုက်ပါတယ်” ဟု ဆန္ဒဖော်ထုတ်ပွဲကို ဦးဆောင်ရာတွင် ပါဝင်သူ မင်းပြားဒေသခံ ဦးကျော်ဝင်းခိုင်က နိရဉ္စရာ သတင်းဌာနသို့ ပြောသည်။

ဆန္ဒဖော်ထုတ်ပွဲတွင် ပိုစတာများ၊ ဆိုင်းဘုတ်များကို ကိုင်ဆောင်ကာ လူထု၏ လိုလားချက်များကို တောင်းဆိုခဲ့ကြသည်။

“ ရခိုင်ခေါင်းဆောင် ဒေါက်တာ အေးမောင်နဲ့ လူငယ် စာရေးဆရာ ဝေဟင်အောင်တို့ကို အစိုးရက စွဲထားတဲ့ ပုဒ်မတွေက တအားကြီး အရမ်းပြင်းထန်နေတော့ သူတို့ကို အမျိုးသားရင်ကြားစေ့ရေးကို ဦးတည်ပြီး ပြန်လွတ်ပေးဖို့ တောင်းဆိုပါတယ်။ ဥပဒေအထက်မှာ ဘယ်သူမှ မရှိစေရဘူးဆိုတဲ့ အဆို အမိန့် အတိုင်းပေါ့ဗျာ၊ မြောက်ဦးပစ်ခတ်နှိမ်နှင်းမှုမှာ ပါဝင်ပတ်သက်သူတွေကို ဥပဒေအရ ထိထိ ရောက်ရောက် အရေးယူစစ်ဆေးပေးဖို့နဲ့ ရခိုင်လူထု တောင်းဆိုချက်တွေကို အစိုးရအနေနဲ့ လိုက်လျော့ပေးဖို့ဆိုတဲ့ အချက်တွေကို တောင်းဆိုကြပါတယ်” ဟု ဦးကျော်ဝင်းခိုင်က ပြောသည်။

ဆန္ဒဖော်ထုတ်သူများသည် ဒီမိုကရေစီနှင့် လူ့အခွင့်အရေး အပြည့်အဝရရှိရေး (ဒို့အရေး)၊ ဒေါက်တာအေးမောင်နှင့် ဦးဝေဟင်အောင်အား အမြန်ဆုံးလွှတ်ပေးရေး (ဒို့အရေး)၊ မြောက်ဦးပစ်ခတ်နှိမ်နှင်းမှုအား ဥပဒေနှင့် အညီ စစ်ဆေးအရေးယူပေးရေး(ဒို့အရေး)၊ တိုင်းရင်းသား စည်းလုံးညီညွတ်မှုကို အလေးထားပါက ရခိုင်လူထု တောင်းဆိုမှုများကို (လိုက်နာပါ) စသည့် အချက် (၄) ချက်ကို ကြွေးကြော်ကာ ဆန္ဒထုတ်ဖော်ခဲ့ကြသည်ဟု သိရသည်။

Narinjara
https://www.facebook.com/Narinjara

ဒုက္ခသည် နှစ်ထောင်နီးပါး တနိုင်း နမ့်ဂွမ်မှော်မှာ ပိတ်မိနေ

တနိုင်ဒေသ စစ်ပြေးဒုက္ခသည်များ (Father Vincent Zinwa)
ကချင်ပြည်နယ် တနိုင်းမြို့နယ်က နမ့်ဂွမ်မှော်မှာ ပိတ်မိနေသူ ၂ထောင်လောက်ကျန်ရှိနေပြီး သောက်ရေနဲ့ စားနပ်ရိက္ခာပြတ်လပ်နေသလို ပြင်ပနဲ့ ဆက်သွယ်ဖို့ပါ အခက်အခဲတွေရှိနေတယ်လို့ တနိုင်းမြို့ကို ရောက်ရှိလာတဲ့ ဒုက္ခသည်တွေကို ကူညီနေသူတဦးက ပြောပါတယ်။ လောလောဆည်မှာ ပိတ်မိနေသူ ၃ထောင်ကျော်ရှိရာက လူ ၁ထောင်ကျော်လောက် ပြင်ပကို ရောက်ရှိလာပြီဖြစ်ပါတယ်။ တနိုင်းဒေသက စစ်ရှောင်တွေရဲ့ နောက်ဆုံးအခြေအနေကို ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

တနိုင်းဒေသက ရွှေနဲ့ ပယင်းတူးဖော်ရာ နမ့်ဂွမ်မှော်မှာ ဒီလ ၂၇ရက်နေ့က အစိုးရတပ်မတော်က ၀င်ရောက်ရှင်းလင်းခဲ့တဲ့နောက် အဲဒီမှာ နေထိုင် အလုပ်လုပ်ကိုင်နေသူ လူ ၃၄၀၀လောက်ဟာ တိုက်ပွဲတွေအကြားမှာ ပိတ်မိနေခဲ့တာ ဖြစ်ပါတယ်။ ဒီလ ၂၉ရက်နေ့မှာတော့ အမျိုးသမီး၊ ကလေးနဲ့ သက်ကြီးပိုင်း လူ ၈၀၀လောက်ကို တပ်မတော်က တိုက်ပွဲဖြစ်ပွားရာဒေသက ထွက်ခွာခွင့်ပေးခဲ့ပြီး ၃၀ရက်နေ့မှာတော့ ကျန်ရှိတဲ့ အမျိုးသားတွေအပါအ၀င် လူ ၄၀၀လောက်ကို ထပ်မံထွက်ခွာခွင့်ပေးခဲ့ပါတယ်။

လက်ရှိအခြေအနေမှာ လူ ၂ထောင်လောက်ကျန်ရှိနေပြီး သူတို့နဲ့ နောက်ဆုံးဆက်သွယ် ရရှိတဲ့ အခြေအနေကို စစ်ရှောင်တွေကို ကူညီပေးနေတဲ့ ကိုဆိုင်းခွန်က အခုလို ပြောပါတယ်။

“ ခုနက ၁၁နာရီအထိကတော့ တပ်ဖက်က အဆက်အသွယ်လည်း မလာဘူး။ ဟိုကနေ လူထုကပဲ သွားရမလား။ လူထုကြားမှာ စည်းတားထားတယ်။ အဲဒီကနေ မကျော်နဲ့ ဘာညာလုပ်ထားတယ်လေ။ သူတို့စခန်းကြားမှာ။ အဲဒါမျိုးလုပ်ထားတဲ့အခါကျတော့ ဟိုမှာရှိတဲ့လူတွေက သွားရမယ်ဆိုရင်လည်း အန္တရာယ်က ရှိ။ ဘယ်လိုလုပ်မလဲမသိဘူး။ ဟိုမှာ လူတွေက ၁၁နာရီထိလည်း မလွှတ်ဆိုတော့ စိတ်ပူ။ သူတို့မှာက ရေပြတ်၊ ထမင်းပြတ်၊ ပါတဲ့ဖုန်းတွေလည်း မီးအားကုန်တော့ သူတို့လည်း ကြာကြာ မပြောနိုင်တော့ဘူး။ ဒီမှာ အခုအထိ အဆက်အသွယ်မရဘူး။ ”

စစ်ရှောင်တွေ ထွက်ခွာရမယ့် လမ်းခရီးမှာ မြေမြုပ်မိုင်းတွေ ရှိနေတာကြောင့် ကျန်ရှိနေသူတွေအတွက် စိုးရိမ်ကြောင်းလည်း ပြောပါတယ်။

ကိုဆိုင်းခွန်ဟာ ၃၀ရက်နေ့ညက နမ့်ဂွမ်မှော်ကနေ တနိုင်းမြို့ကို ရောက်ရှိလာပြီး ကျန်ရှိနေသူတွေ အဆင်ပြေပြေ ထွက်ခွာနိုင်ဖို့အတွက် တနိုင်းမြို့က ဘာသာရေး အဖွဲ့အစည်းတွေ၊ မြစ်ကြီးနားမြို့ ကချင်နှစ်ခြင်း ခရစ်ယာန်အဖွဲ့ချုပ် KBC နဲ့ ကချင်ငြိမ်းချမ်းရေးအကျိုးဆောင်အဖွဲ့ PCG တို့ကို ဆက်သွယ် ဆောင်ရွက်နေပါတယ်။

တနိုင်းမြို့က ဘာသာရေး အဖွဲ့အစည်းတွေက အာဏာပိုင်တွေနဲ့ညှိနှိုင်းပြီး ကူညီဆောင်ရွက်နေတဲ့ အခြေအနေကို ကယ်ဆယ်ရေးလုပ်ငန်းမှာ ပါဝင်ဆောင်ရွက်နေတဲ့ ဦးနော်တောင်က အခုလို ပြောပါတယ်။

“ ကျနော်တို့က ဒီကနေ စက်လှေလွှတ်ပေးရုံကလွဲလို့ တခြားကိစ္စ လုပ်လို့ မရဘူးဗျ။ ဟိုမှာစိစစ်ပြီးမှ အပေါက်ဝကို သူတို့အစီအစဉ်နဲ့ သူတို့ ရောက်လာတဲ့သူတွေကို စက်လှေကနေ ဒီကို တင်နိုင်အောင် ကျနော်တို့ စက်လှေလွှတ်ပေးရတယ်ခင်ဗျ။ ဒီအပေါက်ဝ ရောက်တဲ့လူတွေကျတော့ ဒီကနေ ထမင်းထုပ်တွေ ဘာတွေ ပို့ပေးတယ်။ ဒါပေမဲ့ အဲဒီထမင်းထုပ်ကို ဟိုမှာ တကယ့် ပိတ်မိနေတဲ့သူတွေကို ပို့ပေးဖို့ ကျနော်တို့ အကူအညီ တောင်းပေမဲ့လည်း စစ်တပ်က ခွင့်မပြုဘူးလို့ ပြောတယ်ခင်ဗျ။”

အပေါက်ဝဆိုတာ နမ့်ဂွမ်မှော်ကနေ ခြေလျင်ခရီး တနာရီနီးပါးအကွာမှာရှိတဲ့ စက်လှေဆိပ်ဖြစ်ပါတယ်။ အဲဒီစက်လှေဆိပ်ကနေ တနိုင်းဖက်ကို လာရင် လူတယောက်ကို စက်လှေခ ၁သောင်းပေး နေကြရကြောင်းလည်း ပြောပါတယ်။

မှော်အတွင်းမှာ ကျန်ရှိနေသူတွေ ကယ်ဆယ်နိုင်ရေးအတွက် ကချင်ငြိမ်းချမ်းရေး အကျိုးဆောင်အဖွဲ့ PCG က မြောက်ပိုင်းတိုင်း စစ်တိုင်းမှုးနဲ့ ညှိနှိုင်းနေသလို တနိုင်းမြို့နယ်က အမျိုးသားလွှတ်တော်နဲ့ ပြည်သူ့လွှတ်တော် ကိုယ်စားလှယ်တွေက ပြည်သူ့လွှတ်တော်ဥက္ကဌ ဆီကို မေတ္တာရပ်ခံစာ ပေးပို့ထားပါတယ်။

ဒီကနေ့မှာလည်း တနိုင်းဒေသအတွင်းမှာ တိုက်ပွဲတွေ ဆက်လက်ဖြစ်ပွားနေကြောင်း ဒေသခံတွေက ပြောဆိုပေမဲ့ သီးခြား အတည်ပြုချက်တော့ မရရှိပါဘူး။

ကိုမိုးဇော်   / ဗွီအိုအေ (မြန်မာပိုင်း)
https://burmese.voanews.com

တိုက်ပွဲတွေကြောင့် ပိတ်မိနေသူ ၃ ထောင်ကျော်ထဲက တစ်ထောင်ကျော် မြို့ပေါ်ထွက်လာနိုင်ပြီလို့ ကိုယ်စားလှယ်ပြော

တနိုင်းမြို့နယ်အတွင်းက တပ်မတော်နဲ့ KIA တိုက်ပွဲတွေကြောင့် ထွက်ပြေးလာသူတွေကို ၂၁၀၈ ခုနှစ် ဇန်နဝါရီလ ၃၀ ရက်နေ့က တွေ့ရစဉ်
ကချင်ပြည်နယ် တနိုင်းဒေသမှာ အစိုးရတပ်မတော်နဲ့ ကေအိုင်အေတို့ရဲ့ တိုက်ပွဲတွေကြောင့် နမ့်ကွမ်းမှော်နဲ့ စမတ်စခန်းကြားမှာ ပိတ်မိနေတဲ့ လူဦးရေ ၃ ထောင်ကျော်ထဲက ဒီကနေ့အထိ ၁ ထောင်ကျော်လောက် တနိုင်းမြို့ဘက်ကို ထွက်လာနိုင်ပြီလို့ ပြည်နယ်လွှတ်တော်ကိုယ်စားလှယ် ဦးဇော်ဝင်းက ပြောပါတယ်။

တနိုင်းဘက်ထွက်လာသူတွေရဲ့ အရေအတွက်ဟာ ကွဲပြားမှုတွေရှိနေတာကြောင့် အတိအကျကို ဒီကနေ့ ညဦးပိုင်းမှသာ အတည်ပြုနိုင်မယ်လို့ တနိုင်းမြို့နယ်ရဲ့ အမှတ် ၂ ပြည်နယ် လွှတ်တော် ကိုယ်စားလှယ် ဦးဇော်ဝင်း က ပြောပါတယ်။

"ပထမ ၂၉ ရက်နေ့က အမျိုးသမီး ရှစ်ရာလွှတ်လိုက်တယ်၊ ကျနော်တို့မနေ့က လေးနာရီ အထိပေါ့နော်၊ လေးရာ၊ ဟိုဘက်က ပိတ်မိနေတဲ့ လူလေးရာ လွှတ်လိုက်တယ်၊ ကျနော်တို့ဒီဘက်ကို ထောင့်နှစ်ရာရောက်ခဲ့ပြီ၊ အခု ညနေ ၇ နာရီလောက်တော့ အတွင်းထဲက လူက ဖုန်းဆက်ခဲ့မယ်၊ အဲဒီကျမှ ကျနော် Update ပြောလို့ရမယ်"

ပိတ်မိနေသူတွေက ကိုယ့်အစီအစဉ်နဲ့ကိုယ် ပြန်လာသူတွေရှိသလို တပ်မတော်နဲ့ အစိုးရဋ္ဌာန ဆိုင်ရာပေါင်းစုံရဲ့ စီစဉ်မှုနဲ့ ပြန်လာကြသူတွေလည်းရှိတာကြောင့် ဘယ်လောက်ပြန်ထွက်လာပြီလဲဆိုတဲ့ အရေအတွက်အတိအကျ ကိုတော့ ပြောရခက်နေပါတယ်။

အစိုးရဋ္ဌာနဆိုင်ရာတွေက ကောက်ယူထားတဲ့ စာရင်းကတော့ ဒီကနေ့အထိ တနိုင်းမြို့ကို အယောက် လေးရာကျော် ရောက်ရှိလာတယ်လို့ဆိုပါတယ်။

တိုက်ပွဲတွေအကြား ပိတ်မိနေသူတွေကို တဝမ်ချောင်းတံတားအထိ သွားရောက်ခေါ်ဆောင်ခဲ့ပြီး အဲဒီကနေ အစိုးရ ဋ္ဌာနဆိုင်ရာတွေ စုပေါင်းစိစစ်နေတဲ့ လမုံရွာအထိ ၁ မိုင်ကျော်အကွာအဝေးမှာ ရှောင်ကွင်းလမ်းတွေလည်း ရှိတာကြောင့် တနိုင်းမြို့ပေါ်ရောက်ရှိလာတဲ့ အရေအတွက်ဟာ ကွဲပြားနေတာပါ။

အဲဒီလိုပိတ်မိနေသူတွေထဲက တချို့ဟာ အစာရေစာပြတ်လတ်တာတွေရှိပြီး တနိုင်းဘက် ထွက်လာသူတွေကိုတော့ ဋ္ဌာနဆိုင်ရာတွေ၊ ပရဟိတနဲ့ လူမှုရေးအဖွဲ့တွေ၊ ဘာသာရေးအသင်း အဖွဲ့တွေက စားနပ်ရိက္ခာထောက်ပံ့တာတွေ ရှိပါတယ်။

ဒီအတောအတွင်း မြစ်ကြီးနား-ဆွမ်ပရာဘွမ်-ပူတာအိုလမ်းပေါ်က တံတားနဲ့ စက်ယန္တရားအချို့ကို ကေအိုင်အေက ဖျက်ဆီးခဲ့တာကြောင့် အဲဒီတဝိုက်မှာ လုပ်သားတွေအဖြစ်လုပ်ကိုင်နေကြသူ အယောက် ၅၀၀ ကျော်လည်း  ဆွမ်ပရာဘွမ်မှာ ခိုလှုံနေကြတယ်လို့ ပြည်နယ်ရဲတပ်ဖွဲ့ရုံးရဲ့ စာရင်းတွေအရသိရပါတယ်။

အဲဒီလမ်းလုပ်သားတွေ အားလုံးနီးပါးဟာ မြန်မာနိုင်ငံအနှံ့က လာရောက်လုပ်ကိုင်ကြသူတွေဖြစ်ပြီး လမ်းပန်းဆက်သွယ်ရေးခက်ခဲတဲ့အတွက် ရေရှည်မှာ စားနပ်ရက္ခာအခက်အခဲဖြစ်လာမယ့် အခြေအနေရှိနေပါတယ်။

အလားတူ ဆွမ်ပရာဘွမ်ဘက်က စစ်ရေးအခြေအနေကြောင့်လည်း ဘေးလွတ်ရာ ထွက်ပြေးခိုလှုံနေကြရသူတွေ ရှိသလို စာသင်ကျောင်းတချို့လည်း ပိတ်ထားရပါတယ်။

RFA Burmese
https://www.rfa.org/burmese

ဘဏ် အတိုးနှုန်းတွေ လျှော့ချဖို့ မရှိကြောင်း ဗဟိုဘဏ် ဒု ဥက္ကဌ ပြော

မြန်မာနိုင်ငံတော် ဗဟိုဘဏ်၊ ဒုတိယဥက္ကဌ ဦးစိုးမင်းကို ၂၀၁၈ ခုနှစ်၊ ဇန်န၀ါရီလ ၃၁ ရက်နေ့က ပြည်ထောင်စုလွှတ်တော်တွင် တွေ့ရစဉ်
ဘဏ်အတိုးနှုန်းတွေ လျှော့ချဖို့ အစီအစဉ် မရှိကြောင်း မြန်မာနိုင်ငံတော် ဗဟိုဘဏ်၊ ဒုတိယဥက္ကဌ ဦးစိုးမင်း က ဒီကနေ့ ပြည်ထောင်စု လွှတ်တော်မှာ ပြောကြားခဲ့ပါတယ်။

၂၀၁၆-၂၀၁၇ ဘဏ္ဍာရေးနှစ် အစိုးရရဲ့ ကြွေးမြီဆိုင်ရာ နှစ်ပတ်လည် အစီရင်ခံစာကို ပြီးခဲ့တဲ့ ဇန်န၀ါရီလ ၂၄ ရက်နေ့က ပြည်ထောင်စု လွှတ်တော်မှာ ကိုယ်စားလှယ်တွေက ဆွေးနွေးခဲ့ကြပါတယ်။

ဘဏ်ချေးငွေ အတိုးနှုန်း ၁၃ ရာခိုင်နှုန်းကို ၁၁ ရာခိုင်နှုန်းအထိ လျှော့ချဖို့နဲ့ ဘဏ်အပ်ငွေ အတိုးနှုန်း ၈ ရာခိုင်နှုန်းကို ၇ ရာခိုင်နှုန်းအထိ လျှော့ချဖို့ ဒဂုံမြို့နယ်၊ ပြည်သူ့လွှတ်တော် ကိုယ်စားလှယ် ဒေါက်တာ ဒေါ်သက်သက်ခိုင်က ဆွေးနွေးထားတဲ့အပေါ် ပြည်ထောင်စု လွှတ်တော်မှာ မြန်မာနိုင်ငံတော် ဗဟိုဘဏ် ဒုတိယဥက္ကဌ ဦးစိုးမင်းက ဖြေကြားခဲ့တာဖြစ်ပါတယ်။

အစိုးရရဲ့ ဘက်ဂျက် လိုငွေပြမှုကြောင့် ဖြစ်ပေါ်လာတဲ့ အတိုးပေးနေရမှုကို လျှော့ချနိုင်ဖို့ တစ်ခုတည်းနဲ့ အတိုးနှုန်းလျှော့ချဖို့ ဆောင်ရွက်တာဟာ အခြား ပိုမိုပြင်းထန်တဲ့ အကျိုးဆက်ကို ဖြစ်ပေါ်စေနိုင်တယ်လို့လည်း ဦးစိုးမင်းက ပြောပါတယ်။

ဒဂုံမြို့နယ်၊ ပြည်သူ့လွှတ်တော် ကိုယ်စားလှယ် ဒေါက်တာ ဒေါ်သက်သက်ခိုင် က စီးပွားရေးလုပ်ငန်းတွေ တိုးတက်ဖို့အတွက် ဘဏ်တိုးနှုန်းတွေ လျှော့ချဖို့ အချိန်ရောက်နေပြီလို့ ပြောပါတယ်။

ဒါ့အပြင် ဘဏ်တွေမှာ ငွေကြေးအပ်နှံနေတဲ့ ပြည်သူတွေနဲ့ ဘဏ်ကနေ ချေးငွေယူနေတဲ့ လုပ်ငန်းရှင်တွေ၊ နိုင်ငံတော်အစိုးရ နဲ့ ဘဏ်တွေ နှစ်ဦးနှစ်ဘက် အကျိုးစီးပွားရှိမှာဖြစ်ဖို့ လိုတယ်လို့လည်း ဒေါ်သက်သက်ခိုင်က ဆိုပါတယ်။

အပ်ငွေအပေါ်က အတိုးနှုန်း ၁ ရာခိုင်နှုန်းနဲ့ ချေးငွေအပေါ်က အတိုးနှုန်း ၂ ရာခိုင်နှုန်း လျှော့ချရုံနဲ့ ဗဟိုဘဏ်ရဲ့ ၀င်ငွေ မထိခိုက်နိုင်ပေမယ့် တိုင်းပြည် စီးပွားရေးအတွက် ပိုကောင်းတဲ့အခြေအနေ ဖြစ်လာမယ်လို့လည်း ပြောပါတယ်။

RFA Burmese
https://www.rfa.org/burmese

သမ္မတ Trump ရဲ့ ပထမဆုံး နိုင်ငံတော်အခြေပြမိန့်ခွန်း ညီညွတ်ရေးတိုက်တွန်း

သမ္မတ Trump ရဲ့ ပထမဆုံးနိုင်ငံတော်အခြေပြမိန့်ခွန်း
အမေရိကန်သမ္မတ Donald Trump က ပထမဆုံးအကြိမ် နိုင်ငံတော် အခြေပြမိန့်ခွန်းပြောကြားရာမှာ ညီညွတ်ဖို့ တိုက်တွန်းခဲ့သလို၊ နိုင်ငံခြား မူဝါဒရေး၊ စီးပွားရေးမှာ အောင်မြင်မှုတွေ ရခဲ့ကြောင်းလည်း ပြောကြားသွားပါတယ်။

မဲဆန္ဒရှင် လူထုအတွက် တာဝန်ထမ်းဆောင်နိုင်အောင် သဘောထား ကွဲပြားမှုတွေကို ဘေးဖယ်ထားပြီး၊ ဘုံသဘောတူညီချက်တွေရအောင် ကြိုးပမ်းကြဖို့နဲ့ ညီညွတ်ကြဖို့ လိုအပ်ကြောင်း သမ္မတ Trump ကပြောကြားခဲ့တာပါ။ မိနစ် ၈၀ ကြာမိန့်ခွန်းမှာတော့ အမေရိကန် လူဝင်မှုကြီးကြပ်ရေးစနစ်ကို ပြုပြင်ပြောင်းလဲရေးနဲ့ အခြေခံ အဆောက်အအုံတွေ တိုးတက်အောင် ဆောင်ရွက်ရေး အဆိုပြုချက်တွေကို ဥပဒေပြုအမတ်တွေ အတည်ပြုပေးဖို့လည်း တိုက်တွန်းခဲ့ပါတယ်။

နိုင်ငံခြား မူဝါဒရေးရာတွေနဲ့ ပတ်သက်လို့ ပြောဆိုရာမှာတော့ အီရန်နဲ့ နိုင်ငံတကာ နျူကလီးယား သဘောတူညီချက်မှာ အခြေခံကျကျ အားနည်းချက်တွေ ရှိနေတာကို ဖြေရှင်းဖို့နဲ့ မြောက်ကိုရီးယား အရေးမှာတော့ အမေရိကန်ရဲ့ ရပ်တည်ချက်ကို ပြတ်ပြတ်သားသား ပြသဖို့ ပြောဆိုခဲ့တာပါ။

အတိတ်ကသင်ခန်းစာတွေအရ ပျော့ပြောင်းတဲ့ ဆက်ဆံရေးနဲ့ အခွင့်အရေးပေးတာတွေဟာ သဘောထား တင်းမာပြီး ရန်လိုမှုတွေကိုသာ ဖိတ်ခေါ်ရာရောက်ကြောင်းနဲ့ အန္တရာယ်ရှိတဲ့ အခြေအနေကို ရောက်အောင် တွန်းဖို့ခဲ့တဲ့ အရင်အစိုးရတွေရဲ့ အမှားမျိုးတွေကို ရှောင်ရှားသွားမှာဖြစ်ကြောင်းလည်း ပြောဆိုခဲ့ပါတယ်။ ဝေဖန်သူတွေကို သမ္မတ Trump က တိုက်ရိုက်တုံ့ပြန် ပြောဆိုလေ့ ရှိတတ်ပေမဲ့ လွှတ်တော် ၂ ရပ်ပေါင်းရှေ့မှောက်မ မနေ့ညက ပြောကြားခဲ့တဲ့ မိန့်ခွန်းမှာတော့ ပုဂ္ဂိုလ်ရေးတိုက်ခိုက် ပြောဆိုတာမျိုး မတွေ့ခဲ့ရပါဘူး။ ဒါပေမဲ့လည်း အတိုက်အခံ ဒီမိုကရက်တွေကတော့ သမ္မတရဲ့ ပြောဆိုချက် တော်တော်များများကို ဘ၀င်ကျတဲ့ အရိပ်အယောင်မျိုးလည်း မတွေ့ခဲ့ရပါဘူး။

အထူးသဖြင့် လူဝင်မှုကြီးကြပ်ရေးစနစ်မှာ လူတဦးချင်းရဲ့ အရည်အချင်းအပေါ် မူတည်ပြီးသာ လက်ခံဖို့ ရည်ရွယ်တဲ့ ပြုပြင်ပြောင်းလဲရေးလုပ်မယ့် အစီအစဉ်ကို ပြောဆိုရာမှာတော့ ဒီမိုကရက်တွေရဲ့ ရှုတ်ချသရော်သံတွေ ထွက်ပေါ်ခဲ့တာပါ။ သမ္မတ Trump ကတော့ ခေတ်မမှီတော့တဲ့ လူဝင်မှုကြီးကြပ်ရေးစနစ်ကို ၂၁ ရာစုခေတ်နဲ့အညီ ပြုပြင်ဖို့ လိုအပ်နေကြောင်းနဲ့ ပြုပြင်ရာမှာလည်း ဘေးကင်းလုံခြုံပြီး၊ ခေတ်နဲ့ ဥပဒေနဲ့ညီတဲ့ စနစ်ဖြစ်ဖို့ လိုအပ်ကြောင်း ပြောဆိုခဲ့ပါတယ်။

စီးပွားရေးနဲ့ ပတ်သက်လို့ ပြောဆိုရာမှာတော့ သမ္မတရွေးကောက်ပွဲ ကာလကစလို့ ကုန်ထုတ်လုပ်ငန်းမှာ အလုပ်နေရာသစ် ၂ သိန်း အပါအ၀င်၊ စုစုပေါင်း အလုပ်အကိုင်ပေါင်း ၂ သန်း ၄ သိန်း ဖန်တီးပေးနိုင်ခဲ့ပြီး၊ တိုးတက်မှုတွေ ရခဲ့ကြောင်း ပြောဆိုခဲ့ပါတယ်။

ဗွီအိုအေ (မြန်မာပိုင်း)
https://burmese.voanews.com

ကျောက်ဆည်မြို့ တွင် လူသတ်မှုဖြစ်ပွား

30-1-2018 ည ကျောက်ဆည် ဈေးတန်းရပ်ကွက် အရက်ဆိုင်၌ ဖြစ်ပွားခဲ့သော ဒါးထိုးမှု့မှ တရားခံ အား အမရပူရမြို့နယ် ရေပုပ် ရွာ ရဲကင်းစခန်း၌ ဖမ်းဆီးထိမ်းသိမ်းထားပြီး ကျောက်ဆည်ရဲစခန်းမှ သွားရောက်ခေါ်ဆောင်နေပါကြောင်း-----။ ဓါတ်ပုံ - Iron Palace Kokohanmyo (fb)
အရက်မူးစကားများရာမှ ဓားထိုးမှုဖြစ်ပွားပြီး အမျိုးသားတစ်ဦးသေဆုံး

ကျောက်ဆည် - ဇန်နဝါရီ ၃၁

မန္တလေးတိုင်းဒေသကြီး ကျောက်ဆည်မြို့၊ ဈေးတန်းရပ်ကွက် စားသောက်ဆိုင် တစ်ဆိုင်တွင် ဇန်နဝါရီ(၃၀)ရက်၊ ည(၉)နာရီခွဲ အချိန့်က အရက်မူးစကားများရာမှ ဓားထိုးမှု ဖြစ်ပွားရာ လူတစ်ဦး သေဆုံးသွားကြောင်း သိရှိရသည်။

ဖြစ်စဉ်မှာ ကျောက်ဆည်မြို့နယ်၊ မြေစိုအုပ်စု၊ ပါယ်လေးဆယ်ကျေးရွာနေ ဖိုးသား(ခ)မင်းသီရိအောင် ၊ ဖိုးသဲ(ခ)အေးချမ်းမောင်နှင့် အောင်စိုးမိုးတို့သည် ကျောက်ဆည်မြို့ဈေးတန်းရပ်ကွက်ရှိ ဓလင်းလင်းဓ စား သောက်ဆိုင်တွင် အရက်အတူသောက်နေစဉ် ၎င်းဆိုင်သို့ကျောက်ဆည်မြို့၊ မြင်စိုင်ရပ်တွင် နေထိုင်သော(ဘ)ဦးအောင်ဝင်း၏သား ယာဉ်မောင်းအလုပ်လုပ်နေသည့် ရဲအောင်(၂၈)နှစ်ရောက်ရှိလာပြီး စကားများကြရာ လက်လွန်ခြေလွန်ဖြစ်မည် စိုးသဖြင့် ဆိုင်ရှင်မှ ရဲအောင်အား ပြန်သွားရန်ပြောသော်လည်း ရဲအောင်မှ ပြန်မသွားဘဲ ဆက်လက်စကားများနေကြပြီး ရဲအောင်မှအသင့်ပါလာသော အရိုးအသွား(၉)လက်မခန့်ရှိဓါးဖြင့် ထိုးခုတ်သဖြင့် ၊ ဖိုးသား(ခ)မင်းသီရိ အောင်၏ ယာဘက်ရင်အုံထိုးသွင်းဒါဏ်ရာ(၁)ချက်၊ အောင်စိုးမိုး၏ ဝဲဘက်လက်ဝါးစောင်း ပြတ်ရှဒဏ်ရာနှင့် နောက်ကျောပြင်ပြတ်ရှဒဏ်ရာ တစ်ချက်၊ ဖိုးသဲ (ခ)အေးချမ်းအောင်တွင် ဘယ်ဘက်လက်မောင်း ပြတ်ရှဒဏ်ရာ များရရှိခဲ့ကြောင်းသိရှိရသည်။

ထိုသို့ဒဏ်ရာများ အသီးသီးရရှိခဲပြီး ဖိုးသား(ခ)မင်းသီရိမှာ ရရှိသော ဓါးဒဏ်ရာဖြင့် နေရာတွင်သေဆုံးသွားခဲ့ကြောင်း သိရှိရပြီး မြို့မရဲစခန်းမှ ရဲအောင်အား အမှုဖွင့် အရေးယူထားကြောင်း သိရှိရသည်။

သက်မောင်(ကျောက်ဆည်)
Myanmaalinn
https://www.facebook.com/MYANMAALINNNEWS

စာရာမေတိဥယျာဉ် ကိစ္စ နာဂကန့်ကွက်

စာရာမေတိတောင်
စစ်ကိုင်းတိုင်း နာဂကိုယ်ပိုင်အုပ်ချုပ်ခွင့်ရ ဒေသ လေရှီးမြို့နယ်မှာ ရှိတဲ့ စာရာမေတိတောင်နဲ့ ပတ်ဝန်းကျင်ဒေသကို စာရာမေတိအမျိုးသား ဥယျာဉ်အဖြစ် သတ်မှတ်မယ့် ကိစ္စကို မကူရီ နာဂလူငယ်များအစည်းအရုံးက ကန့်ကွက် ထားပါတယ်။

စာရာမေတိတောင်ဟာ မကူရီနာဂလူမျိုးတွေအတွက် အထွတ်အမြတ်ထားရာ တောင်ဖြစ်တဲ့အပြင် ရိုးရာ ကိုးကွယ် ယုံကြည်မှုအတွက်ပါ အရေးပါတဲ့ တောင်ဖြစ်တဲ့အတွက် ဒေသခံတွေရဲ့ သဘောဆန္ဒမပါဘဲ ဒီလိုဒေသကို အမျိုးသား ဥယျာဉ် အဖြစ် လျာထားမှု အပေါ် ကန့်ကွက်ရတာ ဖြစ်တယ်လို့ မကူရီနာဂ လူငယ်များ အစည်းအရုံးက ဥက္ကဋ္ဌ ဒေါ်ဆန်းစစ်ရှီက ဘီဘီစီကို ပြောပါတယ်။

သူတို့အဖွဲ့ကနေ စစ်ကိုင်းလွှတ်တော် ဥက္ကဋ္ဌဆီ ပြီးခဲ့တဲ့နှစ် နှောင်းပိုင်းက တိုင်ကြားစာကို ပေးပို့ လိုက်တာဖြစ်ပြီး တိုင်ကြားစာ လက်ခံရရှိကြောင်း အကြောင်းပြန်ခဲ့ပေမယ့် ဒီကိစ္စအပေါ် အစိုးရဘက်က ဒေသခံတွေနဲ့ အခုထိ တိုင်ပင် ဆွေးနွေးမှုမရှိဘဲ အမျိုးသား ဥယျာဉ်အဖြစ် သတ်မှတ်မယ့် ကိစ္စကို ဆက်လုပ်မယ့် သဘော မြင်တွေ့နေရတယ်လို့လည်း ဒေါ်ဆန်းစစ်ရှီက ပြောပါတယ်။

စစ်ကိုင်းတိုင်း ဒေသအတွင်းမှာ ရေခဲတဲ့တောင် ဆိုလို့ စာရာမေတိတောင်သာ ရှိတဲ့အတွက် အဲဒီဒေသကို ခရီးသွားလုပ်ငန်းဆိုင်ရာ ဒေသသစ်အဖြစ် သတ်မှတ်နိုင်ဖို့ စစ်ကိုင်းတိုင်းဒေသကြီး အစိုးရအနေနဲ့ လေ့လာမှုတွေ ပြုလုပ်နေတယ် လို့ ဇန်နဝါရီလ ၂၉ ရက်က ဆဲဗင်းဒေးသတင်းမှာ ဖော်ပြထားပါတယ်။

ဘိုးဘွားလက်ထက်ကတည်းက ရှိခဲ့တဲ့ ဒေသခံတွေရဲ့ အမွေအနှစ်တွေကို ဒေသခံတိုင်းရင်းသားတွေကပဲ စီမံအုပ်ချုပ်သင့်ပြီး ယဉ်ကျေးမှု ဓလေ့ထုံးတမ်းတွေကို ဖျက်ဆီးမယ့် အစီအစဉ်ကို ဒေသခံတွေက လုံးဝ ခွင့်မပြုနိုင်ဘူးလို့ လေရှီးဒေသခံတဦး ကလည်း ဘီဘီစီကို ပြောပါတယ်။

ဒေသခံတွေနဲ့ မတိုင်ပင်ဘဲ အစိုးရဘက်က ဆက်လုပ်ဖို့ ကြိုးစားမယ်ဆိုရင် ဒါဟာ တိုင်းရင်းသားလူမျိုးများ အခွင့်အရေး ကာကွယ်စောင့်ရှောက်ရေး ဥပဒေပါ ပြဋ္ဌာန်းချက်တွေနဲ့ ဆန့်ကျင်ရာရောက်လိမ့်မယ်လို့လည်း ဒေါ်ဆန်းစစ်ရှီက ပြောပါတယ်။

စာရာမေတိတောင်ကို အမျိုးသား ဥယျာဉ်အဖြစ် သတ်မှတ်ပါက တောင်ဧရိယာဝန်းကျင်က အနည်းဆုံး မြေဧက ၅ သောင်း ၅ ထောင်ကျော်ဟာ အမျိုးသား ဥယျာဉ်နယ်မြေ အဖြစ် သတ်မှတ်ခံရမှာဖြစ်ပါတယ်။

BBC Burmese
http://www.bbc.com/burmese

အနည်းဆုံးအခကြေးငွေ ကျပ် ၄၈၀၀ ကို မန္တလေးတိုင်း အလုပ်သမားတွေနဲ့ အလုပ်ရှင်တွေ ကန့်ကွက်

အနည်းဆုံး အခကြေးငွေ သတ်မှတ်ရေး အမျိုးသားအဆင့်ကော်မတီ အစည်းအဝေးကို ၂ဝ၁၇ ခုနှစ် ဒီဇင်ဘာလ ၂၉ ရက်နေ့ က နေပြည်တော်မှာကျင်းပခဲ့စဉ်/ Photo: Win Ko Ko Latt/RFA
အစိုးရက အဆိုပြုထားတဲ့ အနည်းဆုံးအခကြေးငွေ ကျပ် ၄၈၀၀ ကို မန္တလေးတိုင်းဒေသကြီးမှာရှိတဲ့ အလုပ်သမားအဖွဲ့အစည်းတွေနဲ့ အလုပ်ရှင် တချို့က ကန့်ကွက်ကြတယ်လို့ မန္တလေးတိုင်းဒေသကြီး အနည်းဆုံးအခကြေးငွေ သတ်မှတ်ရေးဆိုင်ရာကော်မတီ ကွင်းဆင်းစစ်ဆေးရေးအဖွဲ့ဝင် ကိုသက်နှင်းအောင် က ဒီနေ့ ပြောပါတယ်။

အလုပ်ရှင်၊ အလုပ်သမားအဖွဲ့အစည်းတွေနဲ့ မန္တလေးတိုင်းဒေသကြီး အနည်းဆုံး အခကြေးငွေ သတ်မှတ်ရေးဆိုင်ရာကော်မတီကွင်းဆင်းစစ်ဆေးရေး အဖွဲ့တို့ မန္တလေးမြို့မှာ ဒီနေ့ တွေ့ဆုံဆွေးနွေး ရာမှာ အလုပ်သမားတွေဘက်က ငွေကျပ် ၅၆၀၀ သတ်မှတ်ဖို့ တင်ပြပြီး အလုပ်ရှင်တွေကတော့ ကျပ် ၄ ထောင်သာ သတ်မှတ်ပေးဖို့ တင်ပြကြတယ်လို့ ကိုသက်နှင်းအောင်က ပြောပါတယ်။

အနည်းဆုံးအခကြေးငွေဆိုင်ရာ အမျိုးသားကော်မတီဟာ ဒီလ ၂ ရက်နေ့က အနည်းဆုံးအခကြေးငွေ နှုန်းထား ကျပ် ၄၈၀၀ ကို အဆိုပြု ထုတ်ပြန်ခဲ့ပါတယ်။  အဲဒီနှုန်းထားကို ကန့်ကွက်လိုသူ၊ ပြင်ဆင်ဖို့ အကြံပြုလိုသူတွေ အနေနဲ့ နှစ်ပတ်အတွင်း တိုင်းဒေသကြီးကော်မတီထံ တင်ပြဖို့လည်း ကြေညာခဲ့တာဖြစ်ပါတယ်။

မန္တလေးတိုင်းဒေသကြီးမှာရှိတဲ့ အလုပ်သမား အဖွဲ့အစည်း ၂၁ဖွဲ့ နဲ့ တစ်ဦးချင်း ကန့်ကွက်သူ အလုပ်သမား ဦးရေ ၂၀၀  ရှိခဲ့ပြီး အလုပ်ရှင်ဘက်ကလည်း မန္တလေး စက်မှုဇုန်စီမံခန့်ခွဲရေး ကော်မတီက လုပ်ငန်းရှင် ၂၃၀၀ ကျော်က ကန့်ကွက်ခဲ့ကြတယ်လို့ သိရပါတယ်။

မန္တလေးတိုင်းဒေသကြီး အဆိုပြုအနည်းဆုံးအခကြေးငွေ သတ်မှတ်ရေးဆိုင်ရာ ကွင်းဆင်းစစ်ဆေးရေး အဖွဲ့အနေနဲ့ ကန့်ကွက်တဲ့ အလုပ်သမား ၊ အလုပ်ရှင် အဖွဲ့အစည်းတွေကို ဒီနေ့မှာ တွေ့ဆုံဆွေးနွေး ခဲ့တာဖြစ်ပါတယ်။

အဲဒီလိုတွေ့ဆုံရာမှာ အလုပ်သမားတွေက အစိုးရရဲ့ အဆိုပြုနှုန်းထား ကျပ် ၄၈၀၀ နဲ့ မလုံလောက် ကြောင်း အထောက်အထားတွေနဲ့ တင်ပြခဲ့ကြပေမယ့် လုပ်ငန်းရှင်တွေဘက်တော့ လုပ်ငန်းအရှုံးပေါ်တာကို အထောက်အထားနဲ့ တင်ပြနိုင်ခြင်းမရှိခဲ့ဘူးလို့ ကိုသက်နှင်းအောင် ကပြောပါတယ်။

ဒီနေ့ တွေ့ဆုံပွဲကနေ ကန့်ကွက်တဲ့ အလုပ်သမားတွေ၊ အလုပ်ရှင်တွေရဲ့ တင်ပြချက်တွေကို အမျိုးသားအဆင့် အနည်းဆုံးအခကြေးငွေ သတ်မှတ်ရေး ဆိုင်ရာကော်မတီကို ပြန်လည်တင်ပြ သွားမယ်လို့ သိရပါတယ်။

RFA Burmese
https://www.rfa.org/burmese

Ve Ve စက်ရုံ အလုပ်သမား ၈၀ ကျော် ဆန္ဒပြ

Ve Ve အချိုရည် စက်ရုံက အလုပ်သမားတွေ ၂၀၁၈ ခုနှစ်၊ ဇန်န၀ါရီလ ၃၁ ရက်နေ့က စက်ရုံရှေ့မှာ ဆန္ဒပြနေသည်ကို တွေ့ရစဉ်/ Photo: Khaymani Win/ RFA
မန္တလေး စက်မှုဇုန်မှာရှိတဲ့ Ve Ve အချိုရည် စက်ရုံက အလုပ်သမား ၈၀ ကျော်ဟာ လုပ်သက်နှစ်တိုးကြေး ရရှိဖို့၊ လုပ်သက်ခွင့်ရရှိဖို့ အပါအ၀င် အလုပ်သမား အခွင့်အရေး ၁၅ ချက်ကို စက်ရုံရှေ့မှာ ဆန္ဒပြ တောင်းဆိုကြပါတယ်။

Ve Ve အချိုရည်စက်ရုံမှာ လုပ်သက်ခွင့် မရရှိတဲ့အကြောင်း ဆန္ဒပြ၀န်ထမ်း မဆွေဇင်မိုးက အခုလိုပြောပါတယ်။

ကျန်းမာရေးနဲ့ မညီညွတ်တဲ့ မြန်မာ့ယဉ်ကျေးမှုနဲ့ မကိုက်ညီတဲ့ ယူနီဖောင်းတွေကို ပြောင်းလဲပေးဖို့၊ နားနေဆောင် တွေ ရရှိဖို့၊ ကုန်တင်ကုန်ချအလုပ်တွေကို အမျိုးသမီးဝန်ထမ်းတွေကို မခိုင်းဖို့၊ အလုပ်သမားဆန္ဒမပါဘဲ မြို့၊ ဌာနမပြောင်းရွေ့ဖို့၊  နှစ်တိုးကြေးတွေရရှိဖို့ စတဲ့ အချက်တွေကို တောင်းဆိုနေကြတာ ဖြစ်ပါတယ်။

အခုလို အလုပ်သမားတွေ ဆန္ဒထုတ်ဖော်နေတာနဲ့ ပတ်သက်ပြီး Ve Ve အချိုရည်စက်ရုံထံ ဆက်သွယ် မေးမြန်းခဲ့ပေမယ့် တာဝန်ယူ ဖြေကြားပေးမယ့်သူ မရှိခဲ့ပါဘူး။

အဲဒီစက်ရုံမှာ အလုပ်သမား ၅၀၀ လောက်ရှိပြီး တစ်လကို လစာ ငွေကျပ် တစ်သိန်းရှစ်ထောင် ရရှိကာ အချိန်ပို တစ်နာရီကို ငွေကျပ် ၉၀၀ ရရှိတယ်လို့ အလုပ်သမားတွေက ပြောပါတယ်။

RFA Burmese
https://www.rfa.org/burmese

မွန်ပြည်သစ်ပါတီဝင် ငါဦး ပြန်လည်လွတ်မြောက်

ပြန်လည်လွတ်မြောက်လာတဲ့ မွန်ပြည်သစ်ပါတီတပ်ဖွဲ့ဝင်(၅)ဦး ( မွန်ပြည်သစ်ပါတီ)
မြန်မာအစိုးရနဲ့မကြာမီNCAလက်မှတ်ရေးထိုးဖို့ထုတ်ပြန်ထားတဲ့မွန်ပြည်သစ်ပါတီပါတီရဲ့ ထိန်းသိမ်းခံထားရတဲ့တပ်ဖွဲ့ဝင်(၅)ဦးကို ဒီကနေ့မှာ ကျိုက်မရောအကျဉ်းထောင်ကနေလွှတ်ပေးလိုက်ပြီးဖြစ်ပါတယ်။ အစိုးရကဖမ်းဆီးထားတဲ့ မွန်ပြည်သစ်တပ်ဖွဲ့ဝင်(၅)ဦးကို နိုင်ငံတော်သမ္မတရုံးရဲ့ ရာဇ၀တ်ကျင့်ထုံးဥပဒေပုဒ်မ(၄၀၁)ပုဒ်မခွဲ(၁)အရ လွတ်ငြိမ်းချမ်းသာခွင့်ပြုခဲ့တယ်လို့ မွန်ပြည်သစ်ပါတီ တာဝန်ရှိသူတွေက ပြောပါတယ်။ ဗွီအိုအေမြန်မာပိုင်းသတင်းထောက် နိုင်ကွန်းအိန်ကနေ ဆက်သွယ်မေးမြန်းသတင်းပေးပို့ထား ပါတယ်။

နိုင်ငံတော်သမ္မတရုံးရဲ့ အမိန့်အရ မွန်ပြည်နယ်ကျိုက်မရော အကျဉ်းထောင်မှာ ထိန်းသိမ်းထားတဲ့ မွန်ပြည်သစ်ပါတီ တပ်ဖွဲ့ဝင် (၅) ဦးကို ဒီမနက်မှာ ပြန်လည်လွှတ် ပေးလိုက်ပြီးလို့ မွန်ပြည်သစ်ပါတီမော်လမြိုင်ဆက်ဆံရေးရုံး ဒုတိယတာဝန်ခံ ဗိုလ်ကြီးထောနွန်က မွန်ဘာသာနဲ့အခုလို ပြောပါ တယ်။

"ပြန်လည်လွှတ်ပေးပြီးပြီး။ သထုံခရိုင်ကတပ်ဖွဲ့ဝင်တယောက်ကို ကြံတောရွာကိုပို့ထားပြီးပြီး။ ထားဝယ်ခရိုင်အဖွဲ့က ရေးမြို့ကိုပြန်ပြီး။ မော်လမြိုင်ခရိုင်ကတပ်ဖွဲ့ဝင် တယောက်ကိုလဲပို့လိုက်ပြီးပြီး။"

ဒီလိုလွတ်မြောက်လာတာဟာ နိုင်ငံတော်သမ္မတရုံးကနေ လွတ်ငြိမ်းချမ်းသာခွင့် အမိန့်အရလို့ တခြားမွန်ပြည်သစ်ပါတီတာဝန်ရှိ သူ တဦးကဆိုပါတယ်။

ပြန်လည်လွတ်မြောက်လာတဲ့ မွန်ပြည်သစ်ပါတီအဖွဲ့ဝင်(၅)ဦးဟာ လက်နက်ကိုင်ဆောင်မှု အကောက်ခွန်ကောက်ခံမှုနဲ့မနှစ်က မြန်မာအစိုးရကနေဖမ်းဆီးထိမ်းသိမ်း ထားခြင်းခံခဲ့ရတဲ့ သူတွေဖြစ်ကြပါတယ်။

မွန်ပြည်သစ်ပါတီအဖွဲ့ဝင်(၅)ဦးကို ပြန်လွှတ်ပေးတာဟာ မွန်ပြည်သစ်ပါတီအနေနဲ့ NCAအပစ်ရပ်လက်မှတ်ရေးထိုးဖို့ နိုင်ငံ တော် အကြီးအကဲတွေကိုကတိပြုထားတဲ့ ဖြစ်စဉ်နဲ့သက်ဆိုင်နေတယ်လို့ မွန်နိုင်ငံရေးလေ့လာသုံးသပ်သူနိုင်မင်းမင်းနွယ် ကဆိုပါတယ်။

"မွန်ပြည်သစ်ပါတီသွားလာတာတချို့က လက်နက်မယူ ဆောင်ရဆိုပြီးတော့ လက်နက်အတိုတွေယူလာ ဖမ်းမိတဲ့ဟာတွေရော နောက်ပြီးတော့သူတို့ရန်ပုံငွေကိစ္စတွေ လှုပ်ရှားတဲ့အခါမှာလဲ ဖမ်းဆီးထားတယ်ဆိုတော့အဲတာကို ဒါက NCA မထိုးလို့ ဒီလိုမျိုး ဖိအားပေးတဲ့ပုံစံမျိုး သွားဖြစ်နေတယ်။ အခုက NCAထိုးဖို့အလား အလာကနီးစပ်နေပြီး။ တကယ့်ကို နိုင်ငံတော်အတိုင်ပင်ခံနဲ့ညှိနှိုင်းပြီးသွားပြီး။ ဗိုလ်ချုပ်ကြီးမင်းအောင်လှိုင် နဲ့လည်း ညှိနှိုင်းပြီး သွား ပြီး။"

မနှစ်ကဒီအချိန်မှာ မွန်ပြည်သစ်ပါတီကနေကျင်းပတဲ့မွန်အမျိုးသားနေ့အခမ်းအနားကို စစ်အင်အားနဲ့ကျင်းပခြင်းမပြုဖို့ တပ်မ တော်ကနေ တားဆီးပိတ်ပင်ခဲ့သလို လိုက်နာမှုမရှိတဲ့အတွက် မွန်ပြည်သစ်အကောက်ခွန်စခန်း(၃)ခုကို သိမ်းပိုက်ခဲ့ပါတယ်။ မွန်ပြည်သစ်အခြေပြုရာဒေသတွေမှာလည်း တပ်မတော်ကနေ အကြောင်းကြားခြင်းမရှိဘဲ ၀င်ထွက်မှုတွေလုပ်ဆောင်နေခဲ့ပါတယ်။ ဒါပေမဲ့ နှစ်ဖွဲ့တပ်ဖွဲ့ အကြားတိုက်ပွဲဖြစ်ပွါးမှုတော့ မရှိခဲ့ပါဘူး။

ဇန်နဝါရီ ၂၃ ရက်နေ့မှာ မွန်ပြည်သစ်ပါတီဥက္ကဌနိုင်ထောမွန်ခေါင်းဆောင်တဲ့ ကိုယ်စားလှယ်အဖွဲ့ဟာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်တို့နဲ့ နေပြည်တော်မှာတွေ့ဆုံခဲ့ကြ အပြီး မကြာခင် တစ်နိုင်ငံလုံးဆိုင်ရာပစ်ခတ်တိုက်ခိုက်မှုရပ်စဲရေးသဘောတူစာချုပ် NCA လက်မှတ်ရေးထိုးမှာဖြစ်တယ်လို့ သတင်း ထုတ်ပြန်ထားပါတယ်။

မွန်ပြည်သစ်ပါတီအနေနဲ့ NCA လက်မှတ်ရေးထိုးသွားမယ့် အခြေအနေအပေါ် မွန်နိုင်ငံရေးလေ့လာသုံးသပ်သူနိုင်မင်းမင်းနွယ် က အခုလို သုံးသပ်ထားပါတယ်။

"ကောင်းကျိုးကဘာဖြစ်လာမလဲဆိုတော့ နိုင်ငံရေးအရ ပြည်တွင်းမှာရှိတဲ့ အဖွဲ့အစည်းတွေနဲ့ပေါင်းစည်းဆက်ဆံပြီးတော့ လုပ်ဆောင်သွား ဖို့အခန်းကဏ္ဍမှာလဲ နဲနဲကျယ်ကျယ်ပြန့်ပြန့်လေး လွတ်လွတ်လပ်လပ်လေး တခြားသော ပိတ်ပင်ခံရတဲ့အခွင့်အရေး တချို့တွေ လဲပြန်ပြီးတော့ ပွင့်လန်းလာမယ့် သဘောမျိုးအနေအထားမှာလဲရှိတယ်။"

မွန်ပြည်သစ်ပါတီနဲ့ လားဟူဒီမိုကရက်တစ် အစည်းအရုံး LDU တို့ဟာ UNFC ခေါ် ညီညွတ်သောတိုင်းရင်းသားလူမျိုးများ ဖက်ဒ ရယ်ကောင်စီအဖွဲ့မှာ ပါဝင်နေသလို တကယ်လို့NCAလက်မှတ်ရေးထိုးခဲ့ရင် UNFCအတွင်းရှေ့ဆက်သွားဖို့ဟာ ခက်ခဲမဲ့အခြေ အနေမှာရှိနေပါတယ်။

မွန်ပြည်သစ်ပါတီ NMSP နှင့် လားဟူဒီမိုကရက်တစ် အစည်းအရုံး LDU တို့ဟာဖေဖော်ဝါရီ ၁၀ ရက်နေ့မတိုင်မီ NCA လက်မှတ်ရေး ထိုးသွားမယ်လို့ လားဟူ ဒီမိုကရက်တစ်အစည်းအရုံး ထိပ်ပိုင်းခေါင်းဆောင်တွေက မီဒီယာတွေကိုပြောဆို မှုတွေရှိနေပါတယ်။

နိုင်ကွန်းအိန်  / ဗွီအိုအေ (မြန်မာပိုင်း)
https://burmese.voanews.com

ဇန်နဝါရီလထဲတွင် ဒေါ်လာဈေးဆက်တိုက်ကျဆင်း


ရန်ကုန်၊ ဇန်နဝါရီ ၃၁ ရက် (ဆင်ဟွာ)

၂၀၁၈ ခုနှစ် ဇန်နဝါရီလထဲတွင် တစ်ဒေါ်လာကို ကျပ် ၁၃၅၈ မှ တစ်ဒေါ်လာကို ကျပ် ၁၃၂၈ အထိ တစ်လအတွင်း ငွေကျပ် ၃၀ ကျဆင်းခဲ့ပြီး မြန်မာငွေတန်ဖိုး တက်ခဲ့သော်လည်း မြန်မာနိုင်ငံတော်ဗဟိုဘဏ်မှ ထုတ်ပြန်သည့် နှစ်အလိုက် ငွေကြေးဖောင်းပွမှုသည် ၄.၄၇ ရာခိုင်နှုန်း ရှိကြောင်းထုတ်ပြန်ထားသည်။

ဘဏ်လုပ်ငန်းဆိုင်ရာအကြံပေး ဦးရဲမင်းဦးက “ဒေါ်လာဈေးက ကျရခြင်းမှာ အကြောင်းတွေ အများကြီးရှိတယ်။ မြန်မာငွေက ငွေကြေးဖောင်းပွမှု နှုန်းနည်းနည်း ပြန်ပြန်ကျတယ်။မြန်မာငွေတန်ဖိုးနည်းနည်းတက်တယ်ပေါ့။ နောက်တချက်က ကုန်သွယ်မှုနဲ့ လည်းဆိုင်တာပေါ့။ ကုန်သွယ်မှုမှာ ဒေါ်လာသုံးငွေ ပိုနည်းသွားရင် ဒေါ်လာဈေးက ကျမှာပဲ။ အဲ့ဒီ အချက်လေးတွေ သွားဆုံကြတာပေါ့။’’ ဟုဆင်ဟွာကိုပြောသည်။
ဒေါ်လာဈေးသည် ၂၀၁၇ ခုနှစ် တွင်တောက်လျှောက်အမြင့်ဈေးတွင် ရှိနေခဲ့ပြီး ၂၀၁၈ ခုနှစ် နှစ်စ တွင် တအိအိ နှင့် ကျဆင်းခဲ့ခြင်းဖြစ်သည်။ မြန်မာနိုင်ငံတော်ဗဟိုဘဏ်မှ တရားဝင်ထုတ်ပြန်သည့် အမေရိကန်ဒေါ်လာဈေးလည်း ကျဆင်းခဲ့သည်။


ဦးရဲမင်းဦးက “အစိုးရက ဘတ်ဂျက်လိုငွေ နည်းနည်းဟနေတာကို လျော့သွားနိုင်အောင် လုပ်သွားနိုင်တာတွေ့ရတယ်။ အရင်က ဘတ်ဂျက်လိုငွေများတယ်။ Inflation (ငွေကြေးဖောင်းပွမှု)လည်း ရှိတော့ မြန်မာငွေတန်ဖိုးကလည်း အရမ်းကျတယ်။ ကုန်သွယ်မှုက အရင်ကထက် နည်းနည်းလေးဒီကာလမှာ အေးတယ် အဲ့ဒီ့တော့ ဒေါ်လာအသုံးဝင်မှု နည်းနည်းလျော့သွားတာပေါ့။ အကြောင်းတစ်ခုတည်းကြောင့်တော့ ကျတာမဟုတ်ဘူးပေါ့။ အကြောင်းနည်းနည်းစုံသွားတဲ့ သဘောပါပဲ။’’ ဟုပြောသည်။

ဇန်နဝါရီလ ၃၁ ရက်နေ့တွင် ပြင်ပတွင် အမေရိကန်တစ်ဒေါ်လာလျှင် ကျပ် ၁၃၂၈ ပေါက်ဈေးရှိပြီး၊ မြန်မာနိုင်ငံတော်ဗဟိုဘဏ်မှ ထုတ်ပြန်သည့် တစ်ဒေါ်လာပေါက်ဈေးသည် ကျပ် ၁၃၃၀ ရှိသည်။
မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်မှ ဒေါက်တာမောင်မောင်လေး က “အခုဒေါ်လာဈေးကျတာ နည်းနည်းမြန်တယ်။ အခုလိုအကျမြန်တာက ဒီ ၂ နှစ်နောက်ပိုင်းလောက်မှာ မှ ဖြစ်ခဲ့တာဖြစ်တယ်။ စီးပွားရေး နဲ့လည်းဆိုင်တယ်။ အမေရိကန်ဘက်ကလည်း ဒေါ်လာဈေးကိုချပြီး ကုန်ပစ္စည်းပိုရောင်းရဖို့ရည်ရွယ်တာလည်း ရှိတယ်။ မြန်မာနိုင်ငံက တစ်ခါတလေမှာ ကမ္ဘာမှာ ဖြစ်တိုင်းလည်း မြန်မာနိုင်ငံက မဖြစ်ဘူး။ တချို့ ကရွှေဈေး နဲ့ ပတ်သက်ပြီး ချိန်တာရှိတယ်။ ဒါပေမယ့် မြန်မာနိုင်ငံက တစ်ခါတစ်ခါမှာ မှန်းဆလို့မရတာဖြစ်တတ်ပါတယ်။ နောက်တစ်ခုပြန်ကြည့်ရင် စီးပွားရေး က နည်းနည်းနှေးသွားတာ ဖြစ်နိုင်တယ်။’’ ဟု ဆင်ဟွာကိုပြောသည်။

ရောင်းလိုအားနှင့် ဝယ်လိုအား တွင် ဝယ်လိုအားနည်းသွားသည့် အတွက် ရောင်းလိုအား အားထပ်မသွင်းတော့သည့် အပိုင်းလည်းဖြစ်နိုင်ကြောင်း၊ ကုန်သွယ်ရေးတွင် ဒေါ်လာကိုအခြေခံသည့် ပစ္စည်းများ ၏ ကုန်ဈေးနှုန်းအား အစိုးရအနေဖြင့် အထိုက်အလျောက် ထိန်းလို့ရနိုင်ကြောင်း ဒေါ်က်တာမောင်မောင်လေးက ဆိုသည်။

ဒေါ်လာဈေးကျခြင်း နှင့် ပတ်သက်၍ ပညာရှင်များမှ ထင်ကြေးအမျိုးမျိုးပေးကြပြီး ၊လက်ရှိဖြစ်နေ သည့်ဒေါ်လာဈေးကျဆင်းမှုကြောင့် ကုန်ဈေးနှုန်းကျဆင်းရန် ဆောင်ရွက်နိုင်ကြောင်းအကောင်းဘက်မှ ပညာရှင်တို့မှ ထောက်ပြသည်။ မြန်မာနိုင်ငံ မှ ငွေကြေးဖောင်းပွမှုကလည်း များနေသေးသည့်အတွက် ဒေါ်လာဈေးကျသည့်အတွက် မြန်မာ့ငွေကြေးဖောင်းပွမှု မှာလည်း အထောက်အပံ့တော့ ဖြစ်သွား ကြောင်းစီးပွားရေးပညာရှင်တစ်ဦးက သုံးသပ်သည်။
စီးပွားရေးပညာရှင် ဦးစောမြင့်မောင်က “ဒေါ်လာဈေးကျတာ ၂မျိုး ဖြစ်နိုင်ချေရှိတယ်။ မြန်မာပြည်ထဲမှာ ဒေါ်လာကို အဝယ်နည်းသွားလို့ဆိုတာ ဖြစ်နိုင်ချေတစ်ခု အမေရိကန် အနေနဲ့ ဒေါ်လာဈေးချတာ က တစ်ခုပေါ့။ အခုဒေါ်လာဈေးကျတာက တခြားနိုင်ငံတွေ မှာ ကျလို့ လိုက်ကျ တယ်လို့ ခန့်မှန်းရတာပဲ။ ကုန်ဈေးနှုန်းတွေက လက်ရှိကဈေးတက်နေတယ်။ အင်ပို့ ပစ္စည်းများနေတော့ ဈေးတက်တာ။’’ ဟုဆင်ဟွာကိုပြောသည်။

လက်ရှိတွင်ဒေါ်လာဈေးကျဆင်းလာသော်လည်း ကုန်ပစ္စည်းများ ဈေးနှုန်းကျဆင်းမှု မရှိသေးသလို၊ စက်သုံးဆီဈေးများလည်း မြင့်တက်လျက်ရှိသည်။
ဒေါက်တာမောင်မောင်လေးက “အများစုသော ကုန်စည်တွေကဒေါ်လာကို အခြေခံပြီးသွင်းလာတာဖြစ်တယ်။ အစိုးရအနေနဲ့ ဒါမျိုးဖြစ်ရင် ဘယ်လိုလုပ်မလဲ ဆိုတာမျိုး ကုစားတဲ့ဟာကို ပြင်ဆင်ထားဖို့ လိုပါတယ်။ တက်ရင်ဘာလုပ်မယ်။ ကျရင် ဘာလုပ်မယ် ဆိုတဲ့ မဟာဗျူဟာတွေ ရှိဖို့လိုအပ်ပါတယ်။ အစိုးရအနေနဲ့ တင်ဒါ တွေ ကန့်သတ်ပြီးစိစစ်တဲ့အခါ တင်ဒါနည်းသွားတဲ့ အတွက် ဒေါ်လာ ကျတာလည်းဖြစ်နိုင်တယ်။ အတက်အကျကတော့ မှန်းဖို့ သိပ်ခက်ပါတယ်။ အဓိက ကတော့ဝယ်လိုအားနဲ့ ရောင်းလိုအားပါပဲ။’’
ယနေ့ အထိတော့ ဒေါ်လာဈေးသည် နေ့စဉ် နှစ်ကျပ် မှ လေးကျပ်အထိ ကျဆင်းလျက်ရှိပြီး ဆက်လက်ကျဆင်းနိုင်ခြင်း ရှိမရှိ အား ခန့်မှန်းရခက်ကြောင်း၊ အနည်းငယ်တော့ ဈေးဆက်လက်ကျဆင်းနိုင်ကြောင်း သိရသည်။
ဒေါ်လာဈေးကွက်အားစောင့်ကြည့်လေ့လာသူ ဦးစန်းဝင်းက “ဒေါ်လာဈေးက ဖေဖော်ဝါရီ လလယ်လောက် အထိ တော့ ကျနိုင်တယ်လို့ခန့်မှန်းရတယ်။ ကမ္ဘာ့ငွေကြေးဈေးကွက် ပေါ်မူတည်ပြီး ဈေးအတက်အကျ က ဖြစ်နိုင်တယ် လို့ထင်ပါတယ်။အကျဘက်များတော့ လက်ရှိမှာတော့ အရောင်းက နည်းနည်းကျတယ်။’’ ဟုဆင်ဟွာကိုပြောသည်။

လက်ရှိ မြန်မာ့စီးပွားရေးက အထိအခိုက်မခံသည့် အနေအထားမျိုး မဟုတ်သည့် အတွက် လက်ရှိဒေါ်လာဈေး ကျဆင်းမှုသည် များစွာပြောပလောက်ခြင်းမရှိကြောင်း ဦးစောမြင့်မောင်ကဆိုသည်။

(Xinhua)
China Xinhua News

နှစ်ပေါင်း ၂၀၀ နီးပါးသက်တမ်းရှိ ကျွန်းသားဖြင့်ဆောက်လုပ်ထားသည့် ရမည်းသင်းကျောင်းဆောင်အား လာရောက်လေ့လာသူများပြား


မန္တ​လေးမြို့၊ အောင်မြေသာဇံမြို့နယ် ၆၂ လမ်း၊ ၂၃ လမ်းနှင့် ၂၄ ကြား မဟာဝိသုဒ္ဓါရာမကျောင်းတိုက် အတွင်းရှိ နှစ်ပေါင်း ၂၀၀နီးပါးသက်တမ်းရှိ ကျွန်းသားဖြင့်ဆောက်လုပ်ထားသည့် ရှေးဟောင်းရမည်းသင်း ကျောင်းဆောင်ကြီး၏ ဗိသုကာအနုပညာလက်ရာများအား ပြည်တွင်း၊ ပြည်ပမှ လာရောက်လေ့လာသူများပြား လျက်ရှိကြောင်း သိရသည်။

မဟာဝိသုဒ္ဓါရာမကျောင်းတိုက်ကြီးကို ဆင်ဖြူမရှင် အလယ်နန်းမတော်မိဖုရားကြီးမှ သက္ကရာဇ် ၁၂၃၀ပြည့်နှစ်တွင် စတင်တည်ဆောက်လှူဒါန်းခဲ့ပြီး အဆိုပါရမည်သင်းကျောင်းဆောင်ကြီးကို ၎င်း၏ သမီးတော်ဖြစ်သူ ရမည်းသင်းမြို့စား စုဖုရားလေးကဆောက်လုပ်ခဲ့ခြင်းဖြစ်ကြောင်း လက်ရှိ ရမည်းသင်း ကျောင်းထိုင်ဆရာတော်ကြီး ဦ၀ဏ္ဏိတက မိန့်ကြားသည်။

“ဒီရမည်းသင်းကျောင်းကို ပြည်တွင်းရော ပြည်ပကပါ လေ့လာသူတွေအများကြီးလာကြတယ်။ တစ်ချို့ ရုပ်ရှင်နဲ့ ဗီဒီယိုတွေပါလာရိုက်ကြတယ်။ ကျွန်းသားတွေနဲ့ ဆောက်လုပ်ထားပြီး မှန်စီရွှေချတံခါးတွေပါတဲ့ အမရပူရခေတ်လက်ရာတွေဆိုတော့ ထူးခြားတာပေါ့”ဟု ဆရာတော်ကမိန့်ကြားသည်။

အဆိုပါကျောင်းတော်ကြီးအား အသစ်ဆောက်လုပ်ထားခြင်းမဟုတ်ဘဲ မင်းတုန်းမင်းတရားကြီး မန္တလေးမြို့ နန်းတည်စဉ်က မိဖုရားနှင့် သားတော်၊ သမီးတော်များနေထိုင်ရန် အဆောင်များဆောက်လုပ်ရန်အတွက် အမရပူရမြို့တော်မှ ရွှေ့ပြောင်းသယ်ယူဆောက်လုပ်ထားခြင်းဖြစ်ပြီး အကျယ်အ၀န်းအနေဖြင့် အရှေ့အနောက် ပေ၆၀ နှင့်တောင်မြောက် ပေ၇၀ ခန့်ရှည်လျားသည့် နှစ်ထပ်ကျောင်း ဆောင်ကြီးဖြစ်ခြင်းကြောင့် သက်တမ်းအားဖြင့် နှစ် ၂၀၀ နီးပါးခန့်ရှိကြောင်း သိရသည်။

“လက်ရှိယိုယွင်းပျက်စီးမှုအနေနဲ့ ကျောင်းကနိမ့်ဝင်သွားလို့ မြောက်တင်ထားရတာကလွဲရင် သိပ်ပြီး အပျက်အစီးမရှိဘူး။ ဒါပေမယ့် အမိုးတွေကမလုံတော့တဲ့အတွက် ပြန်မိုးနိုင်ရင် ရေရှည်အတွက် ကောင်းမှာပါ။ ပြုပြင်မှုကတော့ ရန်ပုံငွေလည်း မရှိ၊ အလှူခံတာလည်းမရှိတဲ့အတွက် ကိုယ်ထူကိုယ်ထနဲ့ပဲ စောင့်ရှောက်နေပါ တယ်။ ရေရှည်တည်တံ့ဖို့အတွက်တော့ နိုင်ငံတော်ကိုယ်ပဲ အားကိုးလို့မရပါဘူး။ ဘတ်ဂျက်အပေါ်မူတည်ပြီး အကုန်လုံးကိုလိုက်လုပ်မပေးနိုင်ဘူးလေ။ ဒါကြောင့် ရှေးဟောင်းအဆောက်အဦး တွေကို ပြုပြင်ထိန်းသိမ်းတဲ့ လူငယ်အဖွဲ့အစည်းတွေဖွဲ့ပြီး ထိန်းသိမ်းနိုင်ရန် ကောင်းမယ်”ဟု ဆရာတော် ဦ၀ဏ္ဏိတကအကြုံပြုမိန့်ကြားခဲ့သည်။

မင်းတုန်းမင်းတရားကြီးသည် ဗုဒ္ဓသာသနာကို လွန်စွာကြည်ညိုသူဖြစ်သည့်အတွက် မန္တလေးမြို့ကို စတင်တည်ဆောက်သည့်အချိန်တွင် ဘုရား၊ ကျောင်း၊ ကန်များ ၀န်းရံပြီးတည်ဆောက်ခဲ့သည့် ရာဇဂြိုလ်မြို့ တော်ကြီးကဲ့သို့ မန္တလေးမြို့တော်ကိုလည်း မြို့ထိပ်များတွင် ကျောင်းတိုက်ကြီးများကို ဆောက်လုပ်ပြီး မြို့ တည်ခဲ့ကြောင်းနှင့် လက်ရှိ ကုသိုလ်တော်ဘုရားအရှေ့ဘက်မှ ၃၅ လမ်းအထိ ကျောင်းတိုက်ပေါင်း ၁၈ တိုက် ကို တစ်ပြိုင်တည်းဆောက်လုပ်လှူဒါန်းခဲ့သည့်အနက် ယခု မဟာဝိသုဒ္ဓါရာမကျောင်းတိုက်လည်း တစ်တိုက် အပါအ၀င်ဖြစ်ကြောင်း သိရသည်။

မန်းကိုကို
The Mandalay News Journal
https://www.facebook.com/TheMandalayNewsJournal/

ပိတ်မိသူ ၂ ထောင်ကျော် ရှိနေဆဲ

 ဇူလိုင်လတုန်းက စစ်ဘေးကနေ တိမ်းရှောင်လာတဲ့ နမ္မတီးဒေသခံ အချို့ကို တွေ့ရစဉ်
တိုက်ပွဲတွေဖြစ်နေတဲ့ ကချင်ပြည်နယ်မှာ ဇန်နဝါရီလ ၃၀ ရက်နေ့မှာလည်း နေရာ ၂ နေရာထက် မနည်း တိုက်ပွဲတွေ ဆက်ဖြစ်ခဲ့ပါတယ်။

ဒါ့အပြင် တနိုင်းဒေသဘက်မှာတော့ တိုက်ပွဲတွေကြောင့် ပိတ်မိနေသူတွေ အရေအတွက် ၂၂၀ဝ လောက် ဆက်ရှိနေဆဲဖြစ်သလို စစ်ရေးလိုအပ်ချက်အရ မချမ်းဘောမြို့နယ်ဘက်က တံတားအချို့ကို ဖျက်ဆီးခဲ့ရတယ်လို့လည်း ကေအိုင်အို ဘက်က ပြောပါတယ်။

ဇန်နဝါရီလ ၃၀ ရက်နေ့မနက်ပိုင်းမှာတော့ တနိုင်းမြို့နယ်အပြင် ကချင်ပြည်နယ် မံစီမြို့နယ်ဘက်မှာလည်း ကေအိုင်အေ ကချင်လွတ်မြောက်ရေးတပ်ဖွဲ့နဲ့ အစိုးရစစ်တပ်တို့အကြား တိုက်ပွဲတွေ ဆက်ခဲ့တယ်လို့ ကေအိုင်အို ကချင်လွတ်မြောက်ရေးတပ်ဖွဲ့မှ ပြောခွင့်ရ ဗိုလ်မှူးကြီးနော်ဘူက ဘီဘီစီကို ပြောပါတယ်။

ရှမ်းပြည်နဲ့ ကချင်ပြည်နယ်စပ်ဘက် မန့်ဝိန်းကြီးဘက်မှာလည်း ဒီကနေ့ မနက်ပိုင်းကစလို့ ပစ်ခတ်သံတွေကြားနေရတယ်လို့ မန့်ဝိန်းကြီး ဒေသခံတွေက ဘီဘီစီကို ပြောပါတယ်။

တနိုင်းဒေသ ကေအိုင်အေ တပ်ရင်း ၁၄ နယ်မြေဘက်မှာတော့ လွန်ခဲ့တဲ့ ရက်ပိုင်းက တိုက်ပွဲတွေအတွင်း တပ်မတော်ဘက်က လေကြောင်းအသုံးပြုတိုက်ခိုက်တာရှိခဲ့ပေမဲ့ ဇန်နဝါရီ ၃၀ ရက်နေ့ တိုက်ပွဲတွေမှာတော့ လေကြောင်းသုံးတာ မတွေ့ရဘူးလို့ ဗိုလ်မှူးကြီးနော်ဘူက ပြောပါတယ်။
 ကေအိုင်အေ စစ်သည်တွေ
တပ်မတော်ဘက်ကတော့ တနိုင်းမြို့နယ်အတွင်းက ကေအိုင်အေရဲ့ အကောက်ခွန်ဂိတ်တွေကို သိမ်းပိုက်ခဲ့တယ်ဆိုပြီး သတင်းထုတ်ပြန်ထားသလို ဆွမ်ပရာဘွမ်သွားလမ်းပေါ်က တံတားနှစ်စင်းကလည်း ဖျက်ဆီးခံရတယ်လို့ သတင်းအချို့မှာ ဖော်ပြထားပါတယ်။

တံတားတွေကိုဖျက်ဆီးရတာဟာ စစ်ရေးအခြေအနေအရ လုပ်ဆောင်ခဲ့တာဖြစ်တယ်လို့ ကေအိုင်အေဘက်က ဘီဘီစီကို ပြောပါတယ်။

    တနိုင်း တိုက်ပွဲကြား လူ ၂၀၀၀ ကျော် ပိတ်မိ
    တနိုင်းဒေသမှာ တိုက်ပွဲပြန်ဖြစ်ပြီး တင်းမာမှု မြင့်တက်လာ

ဆွမ်ပရာဘွမ်မြို့နယ်အတွင်းမှာ ဖြစ်ခဲ့တဲ့ လွန်ခဲ့တဲ့အပတ်အတွင်းက တိုက်ပွဲတွေအတွင်း စစ်ရှောင်စခန်းမှာနေနေတဲ့ စစ်ဘေးရှောင် ၄၀ဝ အပါဝင် စုစုပေါင်း ၇၀ဝ ဟာ နေရပ်စွန့်ခွာ ထွက်ပြေးခဲ့ရတယ်လို့ ဇန်နဝါရီလ ၂၉ ရက်နေ့မှာ သတင်းထုတ်ပြန်ပါတယ်။

တိုက်ပွဲတွေကြောင့် လူ ၃၀ဝ၀ ကျော် လောက်ပိတ်မိနေတဲ့ တနိုင်းဒေသဘက်မှာတော့ တပ်မတော်ဘက်က ပိတ်မိနေသူတွေကို တနိုင်းမြို့ပေါ်ရောက်အောင် ကူညီပေးနေတယ်ဆိုပေမဲ့ လူ ၂၂၀ဝ လောက်ကတော့ ပိတ်မိနေဆဲဖြစ်တယ်လို့ တနိုင်းမြို့နယ် ပြည်နယ်လွှတ်တော်ကိုယ်စားလှယ် ဦးဇော်ဝင်းက ပြောပါတယ်။

ပိတ်မိနေသူတွေဟာ တနိုင်းနဲ့ မိုင် ၃၀ ခန့်အကွာ မှော်ထဲက နမ့်ကွန် ပလပ်ချောင်းဆိုတဲ့ နေရာမှာ အစိုးရစစ်တပ်နဲ့အတူ ရှိနေတာဖြစ်ပြီး ပိတ်မိသူတွေရဲ့ မော်တော်ဆိုင်ကယ် အစီး ၅၀ဝ လောက်ကို တပ်ဘက်က သယ်ဆောင်သွားခွင့်မပြုဘူးဆိုပြီး အဲဒီနေရာမှာ ပိတ်မိနေသူ တဦးကလည်း ဘီဘီစီကို ပြောပါတယ်။

တနိုင်းမြို့နယ်အတွင်းကဖြစ်ခဲ့တဲ့ လွန်ခဲ့တဲ့ ရက်ပိုင်းတိုက်ပွဲတွေကြောင့် အရပ်သား ၄ ဦးသေဆုံးခဲ့တယ်လို့ ကုလသမဂ္ဂရဲ့ လူသားချင်းစာနာမှုဆိုင်ရာ အကူအညီပေးရေးအဖွဲ့က သတင်းထုတ်ပြန်ထားပါတယ်။

BBC Burmese
http://www.bbc.com/burmese

ကယ်လီဖိုးနီးယားပြည်နယ်ရှိ နေအိမ်တစ်လုံးအား ရဟတ်ယာဉ် ဝင်တိုက်ပြီး လူ ၃ ဦးသေဆုံး၊ ၂ ဦး ဒဏ်ရာရ

နေအိမ်တစ်လုံးပေါ်သို့ ပျက်ကျခဲ့သည့် ရဟတ်ယာဉ်နှင့် ကယ်ဆယ်ရေးသမားများအား တွေ့ရစဉ် (ဓာတ်ပုံ-အင်တာနက်)
   လော့စ်အိန်ဂျလိစ်၊ ဇန်နဝါရီ ၃၁ ရက် (ဆင်ဟွာ)

    အမေရိကန်နိုင်ငံ ကယ်လီဖိုးနီးယားပြည်နယ် Newport Beach မြို့ရှိ နေအိမ် တစ်လုံးအား ရဟတ်ယာဉ် တစ်စီးက ဇန်နဝါရီလ ၃၁ ရက်တွင် ဝင်တိုက်မိခဲ့ရာ အနည်းဆုံး လူ ၃ ဦး သေဆုံးကာ အခြား ၂ ဦး ဒဏ်ရာရရှိခဲ့ကြောင်း သိရသည်။

“ရဟတ်ယာဉ်ပျက်မှုမှာ ပါဝင်သူတွေက လေယာဉ်ပေါ်က လေးဦးနဲ့ မြေပြင်က ရပ်ကြည့်သူ တစ်ဦးဖြစ်ပါတယ်။ အဲဒီထဲကမှ သုံးဦး သေဆုံးသွားတာပါ။ ရဟတ်ယာဉ် ပျက်ကျတဲ့ အိမ်ထဲမှာတော့ လူမရှိနေခဲ့ပါဘူး” ဟု Newport Beach ရဲတပ်ဖွဲ့က တွစ်တာ၌ ရေးသားထားသည်။

Revolution လေကြောင်းပိုင် လူလေးယောက်စီး Robinson 44 ရဟတ်ယာဉ်သည် Bristol လမ်းနှင့် Bayview Place အနီး Shearwater Place ၌ ဒေသစံတော်ချိန် နေ့လယ် ၁း၄၅ နာရီဝန်းကျင်တွင် ပျက်ကျခဲ့ခြင်း ဖြစ်သည်။

CBS Los Angeles သို့ မျက်မြင်သက်သေတစ်ဦး ပြောကြားချက်အရ ရဟတ်ယာဉ်မှာ “ခဲလုံးပြုတ်ကျသလို ပြုတ်ကျလာခြင်း” ဖြစ်သည်ဟု သိရသည်။

Revolution လေကြောင်းကုမ္ပဏီ၏ ဝက်ဘ်ဆိုက်၏ ထုတ်ပြန်ချက်အရ အဆိုပါ လေယာဉ်အား ၁၉၆၀ ခုနှစ်ကတည်းက လေယာဉ်မှူး လေ့ကျင့်ခြင်းနှင့် ဒေသရှုခင်းလည်ပတ်သည့် ခရီးစဉ်များအတွက် အသုံးပြုရန် ထုတ်လုပ်ထားခြင်း ဖြစ်သည်။ ၎င်းတို့၏ လေယာဉ်သည် ၁၀၀ ရာခိုင်နှုန်း ဘေးကင်းစိတ်ချမှုရှိသည်ဟု ကုမ္ပဏီက ပြောဆိုထားသည်။

(Xinhua)
http://xinhuamyanmar.com

အယ်ကိုင်ဒါစစ်သွေးကြွများ သတ်ဖြတ်ခဲ့သည့် စစ်သား၄၅ဦးကို ဆီးရီးယားစစ်တပ် တူးဖော်တွေ့ရှိ


ဒမတ်စကပ်စ်၊ ဇန်နဝါရီ ၃၁ ရက် (ဆင်ဟွာ)

ဆီးရီးယားနိုင်ငံ အနောက်မြောက်ပိုင်း Idlib ပြည်နယ် ရှိ အဓိကကျသော လေတပ်စခန်းတစ်ခု အနီးတွင် အယ်လ်ကိုင်ဒါစစ်သွေးကြွများနှင့် ဆက်စပ်နေသည့် စစ်သွေးကြွအုပ်စုက သတ်ဖြတ်ခဲ့သော စစ်သား ၄၅ဦး၏ ရုပ်အလောင်းများကို ဆီးရီးယား စစ်တပ်က တူးဖော်တွေ့ရှိခဲ့ကြောင်း ပြည်တွင်းသတင်းဋ္ဌာနက ဇန်နဝါရီ ၃၀ရက်တွင်ဖော်ပြခဲ့သည်။

ရုပ်အလောင်းများကို Abu al-Duhur လေတပ်အခြေစိုက်စခန်း အနီးတွင် ဆီးရီးယားတပ်ဖွဲ့ဝင်များ နှင့် ဆီးရီးယားအာရပ်လခြမ်းနီအဖွဲ့တို့ ပူးပေါင်းရှာဖွေတွေ့ရှိခဲ့ခြင်းဖြစ်ကြောင်း pan-Arab al-Mayadeen ရုပ်သံလိုင်းကဖော်ပြခဲ့သည်။


သေဆုံးနေသည့် စစ်သားအများစုကို အယ်လ်ကိုင်ဒါနှင့်ဆက်စပ်နေသော Nusra တပ်ဦး စစ်သွေးကြွအဖွဲ့ (ခေါ်) LLC အဖွဲ့က ဦးခေါင်းအား သေနတ်ဖြင့် ပစ်ခတ်ခြင်း (သို့) ခေါင်းဖြတ် သတ်ဖြတ်ခြင်းများပြုလုပ်ထားကြောင်း သတင်း၌ဖော်ပြခဲ့သည်။

အဆိုပါ အခြေစိုက်စခန်းအတွင်း နှင့် အနီးပတ်ဝန်းကျင်ဧရိယာတွင် ရုပ်အလောင်းများ ထပ်မံတွေ့ရှိလိမ့်မည်ဟု ယူဆရကြောင်း သိရသည်။
အစွန်းရောက်စစ်သွေးကြွ များ သည် လေတပ်စခန်းအား ၂၀၁၅ခုနှစ်တွင် သိမ်းပိုက်ခဲ့ပြီး စစ်သားအများအပြားကို သတ်ဖြတ်ခဲ့ကြောင်း သိရသည်။ ဆီးရီးယားစစ်တပ်သည် စစ်သွေးကြွများ နှင့် အပြင်းအထန်တိုက်ပွဲများဖြစ်ပွားပြီးနောက် ဇန်နဝါရီ ၂၀ရက်တွင် အဆိုပါစခန်းအား အပြည့်အဝပြန်လည်သိမ်းပိုက်ခဲ့ကြောင်း သိရသည်။


Abu al-Duhur လေတပ်အခြေစိုက်စခန်း နှင့် နာမည်တူမြို့အား သိမ်းပိုက်လိုက်နိုင်ခြင်းသည် LLC စစ်သွေးကြွတို့ရှိနေသော ၁၂၀၀ စတုရန်းကီလိုမီတာ ဧရိယာ အား ဆီးရီးယားစစ်တပ်အနေဖြင့် ဝိုင်းဝန်းပိတ်ဆို့နိုင်သွားခြင်းဖြစ်ကြောင်း သိရသည်။

Idlib ပြည်နယ်သည် မတူညီသော နယ်မြေများမှ များစွာသော သူပုန်အုပ်စုများအတွက် ခိုလှုံရာဖြစ်လာပြီး ၎င်းတို့အနက်အချို့ကို တူရကီနိုင်ငံက ထောက်ပံ့ပေးထားကာ Nusra တပ်ဦးကဲ့သို့ အကြမ်းဖက်အုပ်စုများလည်း ခိုအောင်းလျက်ရှိကြောင်း သိရသည်။

(Xinhua)
China Xinhua News

လုပ်ကြံသတ်ဖြတ်ခံခဲ့ရသူ ဘိုဘိုမင်းသိုက်၏ကား မီးရှို့ခံရ

( ကားမီးလောင်နေသည်ကို တွေ့ရစဉ်/ ဓာတ်ပုံ- မူရင်းပိုင်ရှင်)
နိရဉ္စရာ၊ ဇန်န၀ါရီ ၃၁

ယမန်နေ့ ညနေ ၅ နာရီခွဲက လုပ်ကြံသတ်ဖြတ်ခံရသူ မြောက်ဦးမြို့နယ် အုပ်ချုပ်ရေးမှူးဟောင်း ဘိုဘိုမင်းသိုက်၏ ကား မီးရှို့ခံရကြောင်း ပုဏ္ဍားကျွန်းမြို့ရဲမှ အတည်ပြုပြောကြားသည်။

“ ဟုတ်ပါတယ်။ မနေ့ည ၈ နာရီကျော်လောက်မှာ မီးရှို့ခံရတာပါ။ ကားက ပုဏ္ဍားကျွန်းမြို့နယ် သရက်ချိုနဲ့ ယိုးငုံအကြား ပြည်ထောင်စု ကားလမ်းဘေးမှာ ထားစဉ် မီးရှို့ခံရတာပါ” ဟု ပုဏ္ဍားကျွန်း ရဲစခန်းမှ ရဲအုပ် ဘစုက ပြောကြားသည်။

မီးရှို့ခံရသဖြင့် ကားတစ်ခုလုံး မီးလောင်သွားခဲ့သည်ဟု သိရသည်။

“ ဘယ်သူတွေ လုပ်သွားသလဲဆိုတော့ စုံစမ်းစစ်ဆေးနေဆဲဖြစ်ပါတယ်။ လုပ်စရာတွေရှိနေတဲ့ အတွက် အသေးစိတ်တော့ မပြောနိုင်သေးပါဘူး” ဟု ရဲအုပ်ဘစုက ဆက်လက် ပြောကြားသည်။

မြောက်ဦးမြို့နယ် အုပ်ချုပ်ရေးမှူးဟောင်း ဘိုဘိုမင်းသိုက်သည် မြောက်ဦးဖြစ်စဉ် ဖြစ်ပွားပြီးနောက် ဇန်န၀ါရီ ၁၉ ရက်နေ့က ရခိုင်ပြည်အစိုးရရုံးသို့ လက်ထောက်ညွှန်မှူး တာဝန်ဖြင့် ရွှေ့ပြောင်းခံရပြီးနောက် ဇန်န၀ါရီ ၃၀ ရက် ညနေ ၅ နာရီခွဲခန့်တွင် ပုဏ္ဍားကျွန်းမြို့နယ် သရက်ချိုကျေးရွာနှင့် ယိုးငူအကြား မိုင်တိုင်အမှတ် (၁၆၉/၁) ကားလမ်းပေါ်တွင် သူ၏ ကားထဲ၌ အသတ်ခံခဲ့ရသည်။
ဓါတ်ပုံ - Ye Ko (facebook)
ဓါတ်ပုံ - Ye Ko (facebook)
ဓားဒဏ်ရာ တစ်ချို့တွေ့ရှိကြောင်းကို ရဲက အတည်ပြုပြောကြားသော်လည်း အသေးစိတ်ကိုမူ တရားဝင် ထုတ်ဖော်ပြောကြားခြင်း မရှိသေးပါ။

Narinjara
https://www.facebook.com/Narinjara

အပြန်အလှန်ယုံကြည်မှုဖြင့် ခရီးသွားလာကြမည်ဆိုလျှင် (ဆောင်းပါး)


နေ့စဉ်ယာဉ်ကြောပိတ်ဆို့မှုကို ကြုံတွေ့နေရသော ရန်ကုန်မြို့နေပြည်သူတို့မှာ မိမိသွားလိုသောခရီးစဉ်မြန်ဆန်စွာရောက်ရှိစေရန် လိုင်းကားများထက် တက္ကစီယာဉ်များကို အားကိုးအားထားပြုနေရလျက်ရှိသည်။ လိုင်းကားယာဉ်ကြီးများထက် ယာဉ်ငယ်ဖြစ်သောတက္ကစီယာဉ်များဖြင့် သွားလာရေးက ပို၍အဆင်ပြေသောကြောင့် အရေးပေါ်ခရီးစဉ်တို့တွင် တက္ကစီယာဉ်များကိုရန်ကုန်မြို့နေပြည်သူတို့ အားထားနေရခြင်းဖြစ်ရာ ရန်ကုန်မြို့တွင်ယာဉ်လိုင်းများမည်မျှရှိစေကာမူ တက္ကစီယာဉ်များကိုထဲထဲဝင်ဝင်အသုံးပြုနေရဆဲဖြစ်သည်။
ယခုရက်ပိုင်းအတွင်း တက္ကစီယာဉ်များဖြင့် ခရီးသွားလာမှု ယခင်ကထက် နည်းလာသောကြောင့် မိသားစုဝမ်းရေးကို သမ္မာအာဇီဝဖြင့် အသက်အ္တရာယ်ကြားမှ ရှာဖွေနေကြသော တက္ကစီယာဉ်မောင်းတို့မှာ ငါးခုံးမတစ်ကောင်ကြောင့် တစ်လှေ လုံး ပုပ်သည်ဟူသော စကားနှင့်အညီ စီးနင်းသောခရီးသည်တို့က တက္ကစီယာဉ်မောင်းတို့ကို အထူးသတိပြု သွားလာနေကြသည့် နည်းတူ တက္ကစီယာဉ်မောင်းတို့ကလည်း ဘယ်ခရီးသည်က ဘယ်လိုများ ရန်ရှာမလဲဟူသော အတွေးများဖြင့် တစ်ဦးနှင့် တစ်ဦး စိတ်ပင်ပန်းကြီးစွာ ရန်ကုန်မြို့နေပြည်သူတို့ ခရီးသွားလာနေရလျက်ရှိသည်။ မကြာသေးမီရက်ပိုင်းက ခရီးသည်အမျိုးသမီးတစ်ဦး သေဆုံးဖြစ်စဉ်ရှိခဲ့ သည့်နည်းတူ တက္ကစီယာဉ်မောင်းအား ခရီးသည်က အ္တရာယ်ပြုခဲ့သော ဖြစ်စဉ်များကလည်း ယာဉ်မောင်းနှင့် ခရီးသွားတို့ကြား ယခု တလော တစ်ဦးနှင့်တစ်ဦး ယုံကြည်မှုကို အားနည်းလာစေ လျက်ရှိသည်။

ယုံကြည်မှုကို တည်ဆောက်ရန်

ယခုလအတွင်း ခရီးသွားလုပ်ငန်းထိခိုက်မှုကို ရန်ကုန် မြို့ပြရှိ တက္ကစီယာဉ်မောင်းများ ကြုံတွေ့နေရလျက်ရှိသည်။ ဝမ်းစာကို နေ့စဉ်ယာဉ်ကြောရှုပ်ထွေးလျက်ရှိသော လမ်းပေါ်၌ ရှာဖွေရာတွင် ခရီးသည်တို့၏ ယုံကြည်မှုကို တည်ဆောက်ရန် ယခင်ကထက်များစွာ အချိန်ပေးနေရလျက်ရှိသည်။ မိမိလုပ်ငန်း ၏ ဒဏ်၊ မိသားစုဝမ်းရေးကို တဖြည်းဖြည်းတက်လာသော ကုန်ဈေးနှုန်းနှင့်အညီ ဖြေရှင်း ဆောင်ရွက်ရသောကြောင့် ရုပ်ပိုင်းဆိုင်ရာကျဆင်းမှု ကြုံလာရသောအခါ ခရီးသည်တို့ ၏ ယုံကြည်မှုကို မရ၍ လုပ်ငန်းအဆင်မပြေမှုများ ယခုရက် ပိုင်းတွင် တက္ကစီယာဉ်မောင်းများ ကြုံတွေ့နေရလျက်ရှိသည်။
ခရီးသည်ကလည်း စိုးရိမ်စိတ်တို့ဖြင့် ခရီးသွားလာနေရသည့် နည်းတူ တက္ကစီယာဉ်မောင်းကလည်း နောက်ကျောမလုံစွာ ဖြင့် ပို့ဆောင်နေရလျက်ရှိသည်။ အမှန်တွင်တစ်ဦးနှင့်တစ်ဦးယုံကြည်မှုထားရှိရန်လိုအပ်လာသည့်အပြင် တရားဥပဒေစိုးမိုးမှုပို၍လိုအပ်လာဟန်ရှိသည်။ အချို့သော တက္ကစီများသည် သားကောင်ရှာသော ဝန်ဆောင်မှုကို လုပ်ဆောင်နိုင်သကဲ့သို့ အချို့သော ခရီးသည်ဟန်ဆောင်သူတို့ကလည်း သားကောင် ရှာသော မုဆိုးများဖြစ်နေတတ်သောကြောင့် ဖြစ်သည်။ နှစ်ဦး နှစ်ဖက်ဖြစ်စဉ်များက ရန်ကုန်မြို့ပြတွင် ရှိနေ၍ဖြစ်သည်။

စေတနာထားပြီး ပြောဆိုဆက်ဆံ

ရန်ကုန်မြို့တွင် ၁ဝနှစ်ကြာ တက္ကစီပြေးဆွဲ၍ မိသားစု ဝမ်းရေးကို ဖြည့်ဆည်းဆောင်ရွက်နေသောာ ယာဉ်မောင်း တစ်ဦးကလည်း‘''အခုတလော တက္ကစီဆွဲလို့ မကောင်းကြတာ အမှန်ပဲ၊ လကုန်ပိုင်းဖြစ်လို့ ခရီးသည်နည်းတာပါသလို မျက်နှာသိ တက္ကစီယာဉ်မောင်းကိုပဲ စီးကြတာများလာတယ်၊ လမ်းက ဖြတ်ပြီး စီးရင်လည်း သေချာမေးမြန်း၊ တစ်ဦးနဲ့တစ်ဦး အကဲခတ်ပြီးမှ စီးနင်းလာသလို ဖြစ်နေတယ်၊ ဘယ်သူ့ဘက်မှ လိုက်ပါပြီး မပြောပါဘူး၊ ကျွန်တော်တို့ တက္ကစီဆွဲတာ ၁ဝ နှစ် ရှိပြီ၊ ရိုးရိုးသားသားလုပ်ကိုင်တယ်၊ ခရီးသည်ပေါင်းစုံ တွေ့ကြုံ ရပေမယ့် စေတနာထားပြီး ပြောဆိုဆက်ဆံတယ်၊ ခရီးသည် အဆင်ပြေအောင် အနစ်နာခံသင့်ရင်ခံပြီး ပို့ဆောင်ပေးတယ်၊ အကျိုးရလဒ်က အဲ့ဒီခရီးသည်တွေက ဘယ်သွားသွား ကျွန်တော့် ကားကိုပဲ စီးကြတယ်၊ ဒါဟာ တစ်ဦးက မေတ္တာထားလို့ တစ်ဦးက စေတနာရောင်ပြန်ဟပ်တဲ့ သဘောပါပဲ။
'' ပြီးတော့ ရန်ကုန်မြို့ပြမှာ ယာဉ်မောင်းနဲ့ ခရီးသည်တွေ နေ့စဉ်ကြုံနေရတဲ့ အခက်အခဲက ယာဉ်ကြောပိတ်လို့ နှစ်ဦး နှစ်ဖက်စိတ်ဖိစီးမှု ဒဏ်ရယ်၊ ဒီလထဲမှာ ဆီဈေးနှုန်းမြင့်တက်လို့ တောင်းတဲ့ဈေး မပေးလို့၊ အချို့ခရီးသည်က ပေးရတာမတန်ဘူး ထင်လို့ အဲ့ဒီ ပြဿနာတွေရှိနေကြတယ်၊ ဆီဈေးနဲ့ လမ်းပေါ်မှာ ကြုံတွေ့နေရတဲ့ အကျိုးဆက်တွေကို ယာဉ်မောင်းနဲ့ ခရီးသွား ပြည်သူတွေခံစားရပြီး ပြဿနာဖြစ်ပွားမှုကို ဦးတည်သွား တယ်လို့လည်း ဆိုနိုင်ပါတယ်။
''တက္ကစီယာဉ်အားလုံးကို CNG ကုမ္ပဏီပုံစံ ဆီဈေးကို ထိန်းချုပ်ပြီး ပြေးဆွဲနေတဲ့ တက္ကစီယာဉ်တွေကိုလည်း ကုမ္ပဏီတစ်ခုတည်းက ဖြစ်စေ၊ အစိုးရက ဖြစ်စေ ဝန်ဆောင်မှုကို ထိန်းချုပ်ကိုင်တွယ်မယ်ဆိုရင် ခရီးသည် ဘယ်သူ၊ ဘယ် ဖုန်းနံပါတ်နဲ့ တက္ကစီခေါ်တာကအစ သိရပြီးတော့ တက္ကစီ ယာဉ်မောင်းကို ခရီးသည်လည်း သိသလို ကုမ္ပဏီကလည်း သိနေမယ်၊ အဲ့ဒီတက္ကစီဘယ်နေရာရောက်နေပြီး ဘယ်နေရာမှာ ပြဿနာဖြစ်နေတယ်ဆိုတာကအစ အချိန်နဲ့တစ်ပြေးညီ အားလုံး သိနေတယ်၊ ခရီးသည်ကလည်း တိုင်ကြားလို့ရတယ်၊ အခုYGN တက္ကစီလိုပေါ့။ YGN တက္ကစီ မဟုတ်တဲ့ တက္ကစီတွေပြဿနာဖြစ်ရင် ဘယ်လိုက်ရမှန်း မသိကြဘူး၊ တိုးဂိတ်တွေကCCTV ဆိုတာကလည်း ဖြတ်သန်းခမပေးတဲ့ ယာဉ်ကိုပဲ ယာဉ်နံပါတ်ကို မှတ်မိအောင်ချိန်ပြီး အသေရိုက်ထား တာများတယ်၊ ညပိုင်းဆိုရင် ရန်ကုန် မြို့ထဲကနေ မြို့နယ်အချို့ကို ငှားရင် မလိုက်ကြတော့ဘူး၊ ဘယ်လိုပဲဖြစ်စေ နေ့စဉ် ယာဉ် ကြောပိတ်မှုများလာတဲ့ ရန်ကုန်မြို့ပြမှာ ခရီးသွားနဲ့ တက္ကစီ ယာဉ်မောင်းတွေ တစ်ဦးကစေတနာထားပြီး တစ်ဦးကမေတ္တာတရားတုံ့ပြန်မယ်ဆိုရင် အေးချမ်းတဲ့ခရီးစဉ်တစ်ခုကို နှစ်ဦး နှစ်ဖက်ရရှိကြမှာပါ''ဟု မိသားစုငါးဦး၏ ဝမ်းရေးကို ဖြည့်ဆည်း ပေးနေသော အသက် (၄၇ နှစ်)ရှိ ဦးအောင်မိုးက ပြောပြသည်။

တရားဥပဒေစိုးမိုးရေးအတွက်

ရန်ကုန်မြို့ပြတွင် တက္ကစီဖြင့် ခရီးသွားလာမှုသည် ထိရောက်သောဝန်ဆောင်မှုလည်းဖြစ်၍ ခရီးသွားနှင့် ယာဉ် မောင်းများ သွားလာရေးအဆင်ပြေ ချောမွေ့စေရန် အဘက် ဘက်မှ လိုအပ်ချက်များကို ပြုပြင်ဆောင်ရွက်ရန် လိုအပ်နေ လျက်ရှိသည်။ ယာဉ်အ္တရာယ်၊ ယာဉ်ကြောကျပ်တည်းလာမှု၊ ယာဉ်ဖြင့်ခရီးသွားပို့ဆောင်ရေးတွင် မှုခင်းဖြစ်ပွားလာမှု၊ မိမိ၏စီးပွားရေးကြောင့် ခရီးသွားလာစရိတ်ကို တတ်နိုင်သမျှ ချွေတာ သူနှင့် ဈေးနှုန်းမြင့်တက်လာသော ဓာတ်ဆီဈေးနှင့် ယာဉ်ကြော ပိတ်ဆို့မှုကြောင့် လမ်းပေါ်တွင် အချိန်ကုန်သမျှကို ကာမိစေရန် ဈေးတိုးတောင်းသော တက္ကစီသမားတို့ တွေ့ဆုံသောအခါ လူမှုပြဿနာအဖြစ် ဦးတည်တတ်၍ ထိုသို့ဖြစ်စဉ်များ လျော့ကျစေရန် မြို့ပြအင်္ဂါနှင့်အညီ လိုက်ဖက်ညီစေသော မြို့ပြစည်းကမ်းများကို ထိရောက်စွာဆောင်ရွက်ခြင်း၊ တက္ကစီ ပြေးဆွဲမှုကို ထိရောက်စွာ ထိန်းချုပ်ဆောင်ရွက်ခြင်းနှင့် တရားဥပဒေစိုးမိုးရေးအတွက် ကြိုတင်ကာကွယ်ရေးလုပ်ငန်း စဉ်များကို ထိရောက်စွာ ဆောင်ရွက်ခြင်းဖြင့် ရန်ကုန်မြို့ပြရှိ တက္ကစီစီးနင်းသောပြည်သူများ စိတ်အေးချမ်းသာစွာဖြင့် ခရီးသွားလာနိုင်မည့် နည်းတူ ယာဉ်မောင်းများမှာလည်း စိတ်သောက ကင်းဝေးစွာဖြင့် ဝန်ဆောင်မှုပေးနိုင်မည်ဖြစ် သည်။
အထူးသဖြင့် နေ့စဉ် ခရီးသွားလာကြသော ရန်ကုန်မြို့ပြနေ ပြည်သူများ စိတ်အေးချမ်းသာစွာဖြင့် လုံခြုံစိတ်ချစွာ ခရီးသွားလာနိုင်ရန်နှင့် တက္ကစီယာဉ်မောင်းများအိမ်တွင် စောင့်ကြိုနေ သော မိသားစုထံ နွေးထွေးလုံခြုံစွာဖြင့် ပျော်ရွှင် ချမ်းမြေ့စွာ ဖြတ်သန်းနိုင်စေရန် တစ်ဦးနှင့်တစ်ဦး စာနာ နားလည်မှုများ လိုအပ်လာလျက်ရှိသည်။

သို့ဖြစ်၍ တစ်ဦးကစေတနာ၊ တစ်ဦးက မေတ္တာအရင်းခံဖြင့် အပြန်အလှန်ယုံကြည်မှုထားကာ ရန်ကုန်မြို့ပြနေပြည်သူများ တက္ကစီဖြင့် ခရီးသွားလာရာတွင် လိုရာခရီးသို့ အေးချမ်း ပျော်ရွှင်စွာဖြင့် သွားလာနိုင်ကြပါစေကြောင်း ရေးသားလိုက် ရပါသည်။ ။

မောင်သင်းပျံ့
Myanmaalinn
https://www.facebook.com/MYANMAALINNNEWS

မောင်တောမြို့နယ် ၊ ကမ်းပိုင်းနားကျေးရွာ၌ မီးလောင်၊ နေအိမ်(၆)လုံး မီးလောင်ဆုံးရှုံး


၃၁.၁.၂၀၁၈ ရက်နေ့၊ ၀၁း၁၅ အချိန်ခန့်တွင် မောင်တောမြို့နယ် ၊ ရွှေဇားအုပ်စု ၊ ကမ်းပိုင်းနားကျေးရွာ၌ မီးဖိုမီးကြွင်းမီးကျန်မှတစ်ဆင့် မီးလောင်မှုဖြစ်ပွားနေကြောင်း သတင်းရရှိသဖြင့် မောင်တောမြို့နယ်မီးသတ်ဦးစီးမှူး ဦးစီးအရာရှိ ဦးသန့်ဇင် ဦးဆောင်၍ မီးငြှိမ်းသတ်ယာဉ် (၂)စီးဖြင့် သွားရောက်ငြိမ်းသတ်ခဲ့ ၊ မီးလောင်မှုကြောင့် သွပ်မိုး ၊ ၀ါးထရံကာ(၁၅×၁၂×၁၀)ပေရှိ နေအိမ်(၆)လုံး မီးလောင်ဆုံးရှုံးခဲ့ပါသည်။

Rakhine Fire Force

ချင်းပြည်နယ်အတွင်း လိုင်စင်မဲ့သေနတ် ကိုင်ဆောင်မှုကို ထိန်းချုပ်စိစစ်သွားမည်

ချင်းပြည်နယ်အတွင်း တောရိုင်းတိရစ္ဆာန်များ ပျောက်ကွယ်လာသောကြောင့် လိုင်စင်မဲ့သေနတ် ကိုင်ဆောင်မှုကို ထိန်းချုပ်စိစစ်သွားမည်
မင်းတပ် ဇန်နဝါရီ ၃ဝ

ချင်းပြည်နယ်တွင် တရားမဝင် ကိုင် ဆောင်သည့် တူမီးသေနတ်များကို အမဲလိုက်ရာတွင် ကိုင်ဆောင်ကြခြင်း ဖြစ်ရာ ယခုအခါ ချင်းပြည်နယ်၏တောတောင်နေရာအနှံ့၌ အမဲလိုက်မှု များပြားလာသည့်အတွက် ချင်းပြည် နယ်အတွင်း တောပျော် တောရိုင်း တိရစ္ဆာန်များ ရှားပါးပျောက်ကွယ် လုနီးဖြစ်နေသည့် အန္တရာယ်ကို ထိရောက်စွာ ကာကွယ်တားဆီးနိုင်ရန် လိုင်စင်မဲ့သေနတ် ကိုင်ဆောင်မှုကို ထိန်းချုပ်စိစစ်သွားမည် ဖြစ်ကြောင်း ချင်းပြည်နယ်အစိုးရအဖွဲ့ရုံးမှ သိရ သည်။

''ချင်းပြည်နယ်မှာ လိုင်စင်ရှိတဲ့ သေနတ်တော့ ကိုင်ဆောင်ခွင့်ရှိပါ တယ်၊ ကျေးလက်ဒေသတွေမှာတော့ လိုင်စင်မဲ့သေနတ်၊ လုပ်သေနတ်တွေ အကိုင်များတယ်၊ အဓိကတော့ အမဲ လိုက်ဖို့နဲ့ ကျေးရွာအသုဘ တချို့ တွေမှာ သေဆုံးသူကို ဝမ်းနည်း ကြောင်းပြသတဲ့အနေနဲ့ ပစ်ဖောက် အသုံးပြုကြတာတွေ ရှိတတ်ပါသေး တယ်၊ အဓိကတူမီးသေနတ်ခေါ်တဲ့ လက်လုပ်သေနတ် ကိုင်ဆောင်သူတွေ ဖြစ်တယ်၊ အမဲလိုက်မှုကြောင့်လည်း ချင်းပြည်နယ်မှာ တောပျော်တိရစ္ဆာန် တွေ တော်တော်ရှားပါးသွားပြီ၊ ပျောက်ကွယ်သွားတဲ့ တိရစ္ဆာန်တွေ လည်းရှိတယ်၊ တောရိုင်းတိရစ္ဆာန်တွေ ချင်းပြည်နယ်မှာ မျိုးသုဉ်းပျောက်ကွယ် လုနီးပါး အခြေအနေရှိလာတော့ တောကောင် သားကောင်တွေကို ထိန်းသိမ်းကာကွယ်ဖို့ လိုအပ်လာပါ ပြီ၊ သေနတ်ကိုင်ဆောင်မှုကို ထိန်း ချုပ် စိစစ်သွားရတော့မှာဖြစ်ပါတယ်'' ဟု ချင်းပြည်နယ် အစိုးရအဖွဲ့မှ တာဝန်ရှိသူတစ်ဦးက ပြောသည်။

ချင်းပြည်နယ်တွင် ချင်းရိုးရာ ဓလေ့ထုံးစံအရ(ချင်းအက်ဥပဒေအရ)သေနတ်သည် ရိုးရာအမွေအနှစ် စာရင်းတွင်ပါဝင်ပြီး သေနတ်ကိုအမြတ် တနိုးထား ကိုင်ဆောင်မှုများရှိရာ တရားဝင်မဟုတ်သည့် လိုင်စင်မဲ့ သေနတ်(လုပ်သေနတ်) ကိုင်ဆောင် သူကိုတွေ့ရှိပါက ထောင်ဒဏ်ခုနစ်နှစ် အထိကျခံနိုင်သည့်အတွက် လိုင်စင် မဲ့သေနတ် ကိုင်ဆောင်သူများအနေ ဖြင့် သက်ဆိုင်ရာဌာနသို့ အပ်နှံကြရန် နှင့် အပြစ်ပေးအရေးယူဆောင်ရွက် မည်ဟု ချင်းပြည်နယ်အစိုးရအဖွဲ့မှ သတိပေးထုတ်ပြန်ထားပြီး ဖြစ်သည်။

ချင်းတိုင်းရင်းသားများ၏ သေနတ် များကိုင်ဆောင်မှုမှာ အမဲလိုက်ရန် အတွက် အဓိကဖြစ်ရာ အမဲလိုက်ရာ မှ ဘဝတစ်သက်တာပစ်ခတ်ရရှိသည့် သားရဲတိရစ္ဆာန်များကို ဂုဏ်တစ်ခု အဖြစ် မှတ်ယူကြကာ ကျောက်စာတိုင် များဖြင့် မှတ်တမ်းတင် ထွင်းထုထား ကြသည်။ အမဲလိုက်ရာတွင် အသုံးပြု လေ့ရှိကြသော လုပ်သေနတ်များတွင် တူမီး၊ ကာတို၊ နှစ်လုံးပြူးနှင့် တစ်လုံးပြူးသေနတ်များ ကိုင်ဆောင် ကြကြောင်း သိရသည်။

ဇိုဟေဆာ
The Mirror Daily
https://www.facebook.com/TheMirrorDaily

ရိုဟင်ဂျာခေါင်းဆောင်ကို အာဆာဖမ်းဆီး

Kutupalong ရိုဟင်ဂျာဒုက္ခသည်စခန်း
ဘင်္ဂလားဒေ့ရ်ှနိုင်ငံတောင်ပိုင်းမှာရှိတဲ့ Kutupalong ရိုဟင်ဂျာဒုက္ခသည်စခန်းခေါင်းဆောင်နဲ့ သူ့ ညီအစ်ကို တော်စပ်သူကို ARSA အဖွဲ့က ဒီလ ၂၈ ရက်ညက ဖမ်းဆီးခေါ်ဆောင်သွားပါတယ်။
ARSA အဖွဲ့လို့ ကြေညာတဲ့ ဒါဇင်နဲ့ချီတဲ့လူတွေက သူတို့နှစ်ယောက်ကို ဆွဲထုတ်ခေါ်သွားပြီး ကြိုးတုပ်ပြီးတဲ့နောက် ရိုက်နှက်တယ်လို့ စခန်းခေါင်းဆောင်ရဲ့ ညီမက ပြောပါတယ်။

မိသားစု ၁၅၂ စုကိုကြီးကြပ်တဲ့ စခန်းခေါင်းဆောင်မိသားစုနေတဲ့ တဲကို ၀ိုင်းတဲ့လူတွေထဲက အနည်းဆုံး ၈ ယောက်ဟာ ARSA ကဖြစ်တယ်လို့လည်း ပြောပါတယ်။ သူတို့ကို ဗမာပြည်ကတည်းက သိလာပြီး သူ့အစ်ကိုက အဲဒိလူတွေကို မထောက်ခံဘူးလို့လည်း ပြောပါတယ်။

Cox’s Bazar ခရိုင်လက်အောက်ခံ Ukhia ရဲအဖွဲ့ ကလည်း လူနှစ်ယောက် ပြန်ပေးဆွဲခံရတာကို အတည်ပြုပါတယ်။
အမှုကို စုံစမ်းစစ်ဆေးနေပြီး ဒေသတွင်းက တခြား စခန်းတွေမှာလိုက်ရှာပေမဲ့ မနေ့ကထိမတွေ့ရသေးဘူးလို့လည်း ပြောပါတယ်။

လုံခြုံရေးတာဝန်ရှိသူတယောက်ကတော့ ဒုက္ခသည်စခန်းတွေမှာ ARSA အဖွဲ့ဝင်တွေ လှုပ်ရှားနေတယ်ပြောပြီး ရိုဟင်ဂျာခေါင်းဆောင်တယောက်ကတော့ တလွဲဂတိတွေပေးပြီး လူငယ်တွေကို ARSA အဖွဲ့က စုဆောင်းနေတယ်လို့ ပြောပါတယ်။

RFA Burmese
https://www.facebook.com/rfaburmese/

မူးယစ်မှောင်ခိုသူ ကန် အရေးယူ

Kings Romans Casino လောင်းကစားရုံ
မြန်မာ-ထိုင်းနဲ့ လာအို သုံးပွင့်ဆိုင်မှာရှိတဲ့ ရွှေတြိဂံအထူးစီးပွားရေးဇုန်-GTSEZ နယ်အတွင်းက လာအိုဘက်ခြမ်းမှာ ကက်စီနိုလောင်းကစားရုံဖွင့်ပြီး မူးယစ်ဆေးမှောင်ခိုကူး၊ ငွေမည်းခ၀ါချ၊ လာဘ်ပေးလာဘ်ယူလုပ်၊ လူနဲ့ သားရိုင်းတိရိစ္ဆာန်မှောင်ခိုကူးတဲ့ Zhao Wei ဆိုသူကို အမေရိကန်ပြည်ထောင်စု OFAC ဘဏ္ဍာရေးဌာန နိုင်ငံရပ်ခြားပိုင်ဆိုင်မှု ထိန်းချုပ်ရေးရုံးက နယ်စပ်ဖြတ်ကျော်ရာဇ၀တ်မှုကျူးလွန်သူအဖြစ် မနေ့က သတ်မှတ်လိုက်ပါတယ်။

ရွှေတြိဂံအထူးစီးပွားရေးဇုံမှာ ဖွင့်ထားတဲ့ Kings Romans Casino လောင်းကစားရုံကနေ အိမ်နီးချင်းမြန်မာနိုင်ငံက UWSA ၀ပြည်သွေးစည်းညီညွတ်ရေးတပ်မတော် အပါအ၀င် ဥပဒေမဲ့ကွန်ရက်တွေအတွက် ဘိန်းဖြူ၊ Methamphetamine နဲ့ တခြားမူးယစ်ဆေးဝါးတွေ သိုလှောင်ဖြန့်ဖြူးပေးနေတယ်လို့ အမေရိကန်ဘဏ္ဍာရေးဌာနကြေညာချက်မှာ ပါရှိပါတယ်။

မူးယစ်ဆေးဝါးအကြီး အကျယ် တင်ပို့တာတွေကိ်ု ထိုင်း၊ လာအိုနဲ့ တရုတ်အာဏာပိုင်တွေက ၂၀၁၄ ကစတင် ဖမ်းဆီးမိပြီး Kings Romans Casino ကို ခြေရာခံမိပါတယ်။

Zhao Wei နဲ့ Kings Romans Casino က အကြီးတန်းတာဝန်ရှိသူတွေဟာ လူမှောင်ခိုကူးမှုနဲ့ ကလေးပြည့်တန်ဆာလုပ်ငန်းတွေကို အားပေးအားမြှောက် လုပ်ခွင့်ပေးထားတယ်လို့လည်း ဖော်ပြပါတယ်။

ရွှေတြိဂံအထူးစီးပွားရေးဇုန်ကို အသုံးချပြီူး Zhao Wei ဟာ အာရှဝက်ဝံမည်း၊ သင်းခွေချပ်၊ ကျား၊ ကြံ့နဲ့ ဆင်အပါအ၀င် မျိုးမပျောက်အောင် ကာကွယ်စောင့်ရှောက်ထားတဲ့ သားရိုင်းတိရိစ္ဆာန် မှောင်ခိုကူးတယ်လို့ အမေရိကန် ဘဏ္ဍာရေးဌာနက ပြောပါတယ်။

မူးယစ်ဆေးဝါးနှိမ်နင်းရေးအဖွဲ့နဲ့ အနီးကပ်ပူးပေါင်းဆောင်ရွက်ပြီး Zhao Wei ကို နယ်စပ်ဖြတ်ကျော်ရာဇ၀တ်မှုကျူးလွန်သူအဖြစ် သတ်မှတ်လိုက်တာလို့လည်း ဖော်ပြပါတယ်။

RFA Burmese
https://www.facebook.com/rfaburmese/

သမ္မတ အိမ်တော် အနီးတဝိုက် သူပုန်တွေ အသင့် နေရာယူ

 သမ္မတ နုတ်ထွက်ပေးဖို့ ရာဇသံပေးထား
ယီမင်နိုင်ငံတောင်ပိုင်းက ခွဲထွက်ရေး သူပုန်တွေဟာ နာမည်ကျော် ဆိပ်ကမ်းမြို့ အေဒင်ကို အလုံးစုံနီးပါး ထိန်းချုပ်နိုင်လိုက်ပြီ ဆိုတဲ့ သတင်းတွေ ရရှိထားပါတယ်။

အာရပ် စော်ဘွားများ ပြည်ထောင်စု ယူအေအီးက ကျောထောက်နောက်ခံ ပေးထားတဲ့ အဲဒီ လက်နက်ကိုင်တွေဟာ နိုင်ငံတကာ အသိအမှတ်ပြု ယီမင် အစိုးရ ရုံးစိုက်ထားရာ အေဒင်ကို သိမ်းပိုက် လိုက်နိုင်တာ ဖြစ်ပါတယ်။

အဲဒီ လက်နက်ကိုင်တွေဟာ သမ္မတ အိမ်တော် တဝိုက်မှာ အသင့် နေရာယူထားနှင့်ပြီး ဖြစ်ပေမယ့်၊ ခြံဝင်းထဲထိတော့ မဝင်သေးပဲ နှစ်ဘက် ဆွေးနွေးနိုင်ခွင့် ပေးထားတယ်လို့ အေဒင်က လာတဲ့ သတင်းတွေက ဆိုပါတယ်။

နှစ်ရက်ကြာ အပြင်းအထန် ဖြစ်ခဲ့တဲ့ တိုက်ပွဲတွေ အတွင်းမှာတော့ လူ အယောက် ၄ဝ သေဆုံး ခဲ့ရတယ် ဆိုပြီး နိုင်ငံတကာ ကြက်ခြေနီ အဖွဲ့ရဲ့ ပြောခွင့်ရသူက ဆိုပါတယ်။

ဟူသီတွေကို ချေမှုန်း ခဲ့စဉ်တုန်းကတော့ အစိုးရတပ်တွေကို အကူအညီ ပေးခဲ့တဲ့ လက်နက်ကိုင်တွေဟာ အခုတော့ သမ္မတ အဗ္ဗဒရာဘူရ် မန်ဆူး ဟာဒီ အပေါ် ပြန်လည် ဆန့်ကျင့် လာတာ ဖြစ်ပြီး၊ အစိုးရ ကက်ဘိနက် ဖျက်သိမ်းပေးဖို့ တောင်းဆို နေပါတယ်။

သမ္မတ မန်ဆူး ဟာဒီကတော့ လောလောဆယ် ဆော်ဒီအာရေဗျ နိုင်ငံကို ရောက်ရှိ နေတယ်လို့ ယူဆရပါတယ်။

ယီမင် နိုင်ငံ မြောက်ပိုင်း တလွှားကတော့ ၂ဝ၁၅ ခုနှစ်ကစလို့ အီရန်က ကျောထောက် နောက်ခံ ပြုပေးထားတဲ့ ဟူသီတွေရဲ့ ထိန်းချုပ်မှုအောက် ရှိနေပါတယ်။

BBC Burmese
http://www.bbc.com/burmese

မျောက်တွေကို စမ်းသပ်မှုကြောင့် ဗောက်စ်ဝက်ဂွန် အရာရှိ အရေးယူခံရ

ထိပ်တန်း တာဝန်ရှိသူ တစ်ဦးကို ရာထူးကနေ ဆိုင်းငံ့
ဗောက်စ်ဝက်ဂွန် ကုမ္ပဏီက ငွေကြေးထောက်ပံ့တဲ့ စမ်းသပ်မှု တချို့မှာ မျောက်တွေကို ဒီဇယ် ဓာတ်ငွေ့တွေ လွှတ်ပြီး ရှူခိုင်းတာမျိုးတွေ ရှိခဲ့တယ်ဆိုတဲ့ အချက် ထွက်ပေါ် လာခဲ့ပြီး၊ နိုင်ငံတကာရဲ့ ဝေဖန် ရှုတ်ချသံတွေ ဆူညံ လာခဲ့တဲ့ နောက် အခုဆိုရင် ထိပ်တန်း တာဝန်ရှိသူ တစ်ဦးကို ကုမ္ပဏီက ရာထူးကနေ ဆိုင်းငံ့ လိုက်ပါတယ်။

လေလုံခန်းထဲမှာ မျောက်တွေကို ထားပြီး ဓာတ်ငွေ့တွေ လွှတ်တာမျိုးတွေ လုပ်ဆောင်မယ် ဆိုတာကို သူ့ အနေနဲ့ ကြိုတင် သိထားခဲ့တယ်လို့ အခု တာဝန်က ရပ်နား ခံရတဲ့ ထောမတ်စ် စတက်ဂ်က ဝန်ခံ ခဲ့ပါတယ်။
 ထောမတ်စ် စတက်ဂ် ရာထူးကနေ ဆိုင်းငံ့ခံရ
ဒီလို စမ်းသပ်တာမျိုးဟာ အင်မတန်မှာ စက်ဆုပ်ဖွယ်ကောင်းပြီး ကျင့်ဝတ်နဲ့ မလျော်ညီဘူးလို့ ဂျာမန် ကားကုမ္ပဏီ ဗောက်စ်ဝက်ဂွန်ရဲ့ အမှုဆောင် အရာရှိချုပ် မက်ထေးရပ်စ် မူလာက ပြောပါတယ်။

မျောက်တွေကို ဓာတ်ငွေ့တွေနဲ့ စမ်းသပ်တာဟာ အမေရိကန် ပြည်ထောင်စုထဲမှာ ၂ဝ၁၄ တုန်းက ပြုလုပ် ခဲ့တာ ဖြစ်ပြီး၊ လုပ်ဆောင်ခဲ့တဲ့ ဂျာမန် သုတေသန အဖွဲ့ကတော့ လက်ရှိ အဖွဲ့ အနေနဲ့ မရပ်တည်ပဲ ပျက်သွား ခဲ့ပြီ ဖြစ်ပါတယ်။

ဗောက်စ်ဝက်ဂွန် ကုမ္ပဏီဟာ သူတို့ထုတ်တဲ့ ဒီဇယ်ကားတွေကနေ ဓာတ်ငွေ့ ပမာဏ ဘယ်လောက် ထုတ်လွှင့် သလဲဆိုတာကို အမှန်တိုင်း မပေါ်အောင် လှည့်ဖျားခဲ့လို ဆိုပြီး ပြီးခဲ့တဲ့ နှစ်တုန်းကလည်း ဒဏ်ငွေတွေ ဒေါ်လာ ဘီလီယံနဲ့ချီပြီး ပေးဆောင် ခဲ့ရပါတယ်။

BBC Burmese
http://www.bbc.com/burmese
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ