ဒိုင်နာကားမှ ဝါးကားကြီးအား နောက်မှကပ်လိုက် အရှိန်မထိန်းနိုင်ဘဲ ယာဉ်တိုက်မှုဖြစ်ပွား အမျိုးသမီးတစ်ဦးသေဆုံး


မကွေးတိုင်းဒေသကြီး မကွေးမြို့နယ် တောင်တွင်းကြီး-မကွေး ကားလမ်းမကြီး ရွာတော်ကျေးရွာအနီးတွင် ယာဉ်တိုက်မှုဖြစ်ပွားသွားခဲ့ရာ အမျိုးသမီးတစ်ဦးသေဆုံး သွားကြောင်းမိကျောင်းရဲ နယ်မြေရဲစခန်း ရဲစခန်းမှူးရဲအုပ် စန်းလွင်မှပြောပြသိရှိရသည်။

၂၀၁၇ ခုနှစ် စက် ၂၉ ရက်နေ့ ( ၁၂၁၀ ) အချိန်ခန့် နယ်မြေရဲစခန်းမှူး ရဲအုပ်စန်းလွင်မှ စခန်းမှူးတာဝန်ဝတ္တရားများ ဆောင်ရွက်နေစဉ် တောင်တွင်းကြီး-မကွေး ကားလမ်းမကြီး မိုင်တိုင်အမှတ် ( ၃၀၅/၆ နှင့် ၃၀၅/၇ ) အကြား ရွာတော်ကျေးရွာအနီး ယာဉ်တိုက်မှုဖြစ်ပွားသွားကြောင်း သတင်းအရ သက်သေဦးအောင်ကျော်သန်း အုပ်/မှူး ကနီကျေးရွာ မကွေးမြို့နယ် ဦးအေးလွင် ရွာခွဲတာဝန်ခံ ရွာတော်ကျေးရွာ မကွေးမြို့နယ်တို့နှင့်အတူ သွားရောက်စစ်ဆေးခဲ့သည်ဟု ဆို၏ ။


ဖြစ်စဉ်မှာ တောင်တွင်းကြီးဘက်မှ မကွေးဘက်သို့ ယာဉ်မောင်း မင်းစိုး အသက် (၃၈/၂၀၁၇) နှစ် ( ဘ ) ဦးပြေမောင်း လဲဘူးကျေးရွာ နတ်မောက်မြို့နယ် နေထိုင်သူမောင်းနှင်လာသည့် ယာဉ်အမှတ် 2B--------NISSAN ယာဉ်မှာ ဝါးများသယ်ဆောင်၍ မောင်းနှင်လာခဲ့သော ကားမှာ အတက်ဖြစ်၍ ဂီယာချိန်းစဉ် ရပ်တန့်သွားခဲ့ပြီး ၄င်းယာဉ်၏နောက်မှ ကပ်လျှက်လိုက်ပါလာသည့် ဘိုအောင် အသက် ( ၃၈/၂၀၁၇ ) နှစ် ( ဘ ) ဦးညီလေး ကန်တော်လေးရွာ မကွေးမြို့နယ် နေထိုင်သူ မောင်းနှင်လာသည့် 8B/ ------- ဒိုင်နာအမျိုးအစား မော်တော်ယာဉ်မှ အရှိန်ပြင်းစွာဖြင့် မောင်းနှင်လာစဉ် အရှိန်မထိန်းနိုင်တော့ဘဲ ၄င်း၏ရှေ့မှ မင်းစိုးမောင်းနှင်သည့် ဝါးကားနောက်ပိုင်းအား ဝင်ရောက်တိုက်မိရာ ဘိုအောင်မောင်းနှင်သော ကားရှေ့ခန်းတွင် လိုက်ပါလာသူ မမူမူ အသက် ( ၂၇/၂၀၁၇ ) နှစ် ( ဘ ) ဦးညီလေး မှီခို ကန်တော်လေးရွာ မကွေးမြို့နယ်နေသူမှာ ပါးစပ်မှသွေးယိုစီးပြီး ရင်ဘတ်ကြေမွဒဏ်ရာဖြင့် အခင်းဖြစ်နေရာတွင်သေဆုံးပြီး ၄င်း၏ဝဲဘက်ဘေး ကပ်လျှက်စီးနှင်းလိုက်ပါလာသူ တစ်ရွာတည်းနေ ဦးအုန်းမြင့် အသက် ( ၈၀/၂၀၁၇ ) နှစ် ( ဘ ) ဦးလှဝင်းမှာ ဝဲ/ယာ မျက်ခုံးများပေါက်ပြဲဒဏ်ရာ နှုတ်ခမ်းများပေါက်ပြဲဒဏ်ရာ ရင်ဘတ်အောင့်ဒဏ်ရာ ( စိုးရိမ်ရ ) ရရှိသဖြင့် ရဲဆေးစာပြုလုပ် မကွေးတိုင်းပြည်သူဆေးရုံသို့ တင်ပို့ထားရှိကြောင်းသိရှိရသည် ။

ထိုသို့ဖြစ်စဉ်နှင့်ပတ်သက်ပြီး မိချောင်းရဲ ရဲစခန်းမှ ၂၀၁၇ ခုနှစ် စက် ၂၉ ရက် ( ၁၅၃၀ ) အချိန်တွင် မော်တော်ယာဉ်အား မဆင်မခြင်မောင်းနှင်ကြသူ မင်းစိုး နှင့် ဘိုအောင်တို့အား မိချောင်းရဲ နယ်မြေရဲစခန်း ယာဉ် (ပ) ၁၆/၂၀၁၇ ရာဇသတ်ကြီးပုဒ်မ ၃၀၄- က/၃၃၈ ဖြင့်အရေးယူ အမှုဖွင့်ထားရှိပြီး အမှုအား နယ်မြေရဲစခန်းမှူး ရဲအုပ်စန်းလွင်မှ ဆက်လက်စစ်ဆေး ဆောင်ရွက်နေကြောင်း သတင်းရရှိပါသည် ။

လှိုင်ဘွား ( မြို့သစ် )

တောင်တွင်းကြီး ဆူပူမှု မသင်္ကာခံရသူ နောက်ထပ် ၇ ဦး ကို ဖမ်းဝရမ်းထုတ်

ဆူပူမှု ကို ရဲတွေ က ရာဘာကျည်သုံးပြီး ဖြိုခွဲခဲ့ရ
မကွေးတိုင်း၊ တောင်တွင်းကြီးမြို့မှာ ဖြစ်ခဲ့တဲ့ လူစု လူဝေးနဲ့ ဆူပူမှု ဖြစ်စဉ်မှာ ပါဝင် ပတ်သက်ခဲ့တယ်လို့ ယူဆရသူ နောက်ထပ် (၇)ဦးကို ဖမ်းဝရမ်းထုတ်လိုက်ပါတယ်။

အဲဒီလူတွေဟာ တုတ်၊ ဓား လက်နက်တွေ ကိုင်ဆောင်ပြီး ဆူပူမှုဖြစ်အောင် လှုံဆော်ခဲ့ကြတဲ့ လူတွေအဖြစ် သံသယရှိရသူတွေဖြစ်တယ်လို့ မကွေးတိုင်း ရဲတပ်ဖွဲ့ က ဘီဘီစီ ကို ပြောပါတယ်။

သူတို့ကို လှုံဆော်မှု၊ ပါဝင်ပတ်သက်မှု၊ ရုန်းရင်းဆန်ခတ်မှု၊ ညအချိန်မတော် ကျူးကျော် ဝင်ရောက်မှု သူတပါး အကျိုးဖျက်ဆီးမှု စတဲ့ အမှုတွေနဲ့ တောင်တွင်းကြီးမြို့နယ် ရဲစခန်းမှာ အမှုဖွင့်ထားပါတယ်။

အခု ဖမ်းဝရမ်းထုတ်ခံရသူ အားလုံးဟာ တောင်တွင်းကြီးမြို့ခံတွေပဲ ဖြစ်ပါတယ်။

စက်တင်ဘာလ (၁၀)ရက်နေ့ည က ဖြစ်ပွားခဲ့တဲ့ ဆူပူမှု ဖြစ်စဉ်မှာ သံသယရှိလို့ အရင်ကတည်းက လူ (၇)ဦး ကို ဖမ်းဆီးထိန်းသိမ်းထားဆဲဖြစ်ပါတယ်။

တောင်တွင်းကြီးမြို့မှာ အခင်းဖြစ်ပွားခဲ့တဲ့ ညက အစ္စလာမ်ဘာသာဝင်တချို့ရဲ့ နေအိမ် နဲ့ ဆိုင်ခန်းတချို့ကို လူအုပ်စုတစ်စုကနေ ဝင်ရောက်ဖျက်ဆီးခဲ့တာကြောင့် နေအိမ် နဲ့ ဈေးဆိုင် (၈)ခု လောက် ထိခိုက် ပျက်စီး ခဲ့ပါတယ်။

ဖြစ်ဖြစ်ချင်းညမှာပဲ ဆူပူမှုမှာ ပါဝင်ခဲ့သူ တစ်ဦး ဖမ်းဆီးမိခဲ့ပြီး သူ့ကို တာဝန်ရှိသူတွေက စစ်ဆေးရာမှာတော့ ရခိုင်ပြည်နယ်မြောက်ပိုင်းမှာ ဖြစ်နေတာတွေကို မကျေနပ်လို့ လုပ်ဆောင်တာဖြစ်ကြောင်း ထွက်ဆိုခဲ့တယ်လို့ အစိုးရ သတင်းထုတ်ပြန်ရေး ကော်မတီက ထုတ်ပြန်ခဲ့ပါတယ်။

ဆူပူမှုလုပ်လိုသူတွေ က အဲဒီတုန်းက လူ ၃၀ ၊ ၄၀ လောက်စုပြီး ဗလီ ရှေ့ကိုလာကာ အော်ဟစ်ကြ၊ ရန်ရှာကြ၊ သွေးထိုးကြ နဲ့ တကယ်လို့ တခြားမြို့တခု မှာ တခုခု ဖြစ်ပြီ ဆိုရင် တောင်တွင်းကြီး ကို ဘယ်တော့ ပြဿနာ က ဖြစ်လာမလဲ လို့ အမြဲစိတ်ပူနေရကြောင်း တောင်တွင်းကြီးမြို့ခံတဦးက ဘီဘီစီ ကို ပြောပါတယ်။

တောင်တွင်းကြီး ဖြစ်စဉ်မှာ တုတ်၊ဓား လက်နက်တွေ ကိုင်ဆောင်ပြီး ဆူပူအကြမ်းဖက်သူ နဲ့ ဝိုင်းအုံကြည့်ရှုသူက အယောက် (၄၀၀)လောက် ရှိခဲ့ပြီး ရုတ်ရုတ်သဲသဲ ဖြစ်နေချိန်မှာ လုံခြုံရေးတပ်ဖွဲ့ဝင်တွေက ရာဘာ ကျည်ဆန်သုံးကာ လူစု ခွဲခဲ့ရပါတယ်။

BBC Burmese
http://www.bbc.com/burmese
 

စစ်တွေမြို့ ပွိုင့်အပန်းဖြေကမ်းခြေတွင် လူသေအလောင်း တစ်လောင်းတွေ့ရှိ


ရခိုင်ဂေဇက်၊ စက်တင်ဘာ ၃၀

ရခိုင်ပြည်နယ်၊ စစ်တွေမြို့ ပွိုင့်အပန်းဖြေကမ်းခြေတွင် စက်တင်ဘာ ညနေ ၂၉ ရက် ၅ နာရီ ခန့်တွင် သူသေလောင်းအလောင်းတွေ့ရှိသည်ဟု စစ်တွေမြို့မရဲစခန်း အမှတ်(၁)မှ တာဝန်ရှိသူ တစ်ဦးထံမှ သိရှိရသည်။

“ဟုတ်ကဲ့ပျောက်ဆုံးနေတာက စက်တင်ဘာ ၂၈ ရက်နေ့ကနေပျောက်ဆုံးနေတာပါ မနေ့ကဘဲ စစ်တွေပွိုင့်ကမ်းခြေမှာပေါ်လာတာလို့ကြားလို့ သတင်းအရသွားကြည့်တော့ စစ်တွေပွိုင့်ကမ်း
ခြေပင်လယ်ကမ်းစပ် မှာပေါ်နေတာပါ အလောင်းကတော့ တောင်ဖက်မျက်နှာမှုကာ မှောက်လျှက်တွေ့ရှိတာပါ”ဟု စစ်တွေမြို့မရဲစခန်းမှ တာဝန်ရှိသူတစ်ဦးမှ ရခိုင်ဂေဇက်သို့ ပြောသည်။

သေဆုံးသူမှာ ပေါက်တောမြို့နယ် စိုင်းတုတ်ကျေးရွာမှ ဦးအောင်စောချေ(ဘ)ဦးဖြူလှအောင် ရခိုင်/ဗုဒ္ဓ ရေလုပ်သား ဖြစ်ပြီး စစ်တွေသို့ မြေပုံမြို့နယ် ပွန်ခြောက်ချောင်းမှ စက်လှေနှင့် ငါးရောင်းရန် အခြားသူ သုံးဦးနှင့်အတူ (သေဆုံးသူ)တို့ (၄)ဦး ထွက်လာခဲ့ပြီး စက်တင်ဘာ ၂၈ ရက် ညနေ ၅ နာရီခန့်တွင် စက်တွေ ဆိပ်ကမ်း(မြို့မဈေး)အနီးသို့ ရောက်ရှိစဉ် လှိုင်းလေပြင်းထန်၍ ဦးမောင်ရွှေညွှန့်နှင့်အတူ (မြို့မ)ဆိပ်ကမ်းမှ ဆက်ရိုးကျဆိပ်ကမ်းသို့ ထွက်ခွာလာစဉ် မြို့လယ်ချောင်းဝင်ဝ ကုလားတန်မြစ်အရောက် မိုးသက်လေပြင်းကျရောက်၍ စက်လှေပေါ်ပြုကျ ပျောက်ဆုံးနေခဲ့သူ ဖြစ်ကြောင်း လည်းစစ်တွေမြို့မရဲစခန်းမှ တာဝန်ရှိသူတစ်ဦးမှ ဆိုသည်​။

သေဆုံးခြင်းအပေါ် ဓမ္မတာအတိုင်း သေဆုံးခြင်း ဟုတ်/မဟုတ် မြို့မရဲစခန်းမှအမှုဖွင့် စုံစစ်ဆေးဆောင်ရွက်လျှက်ရှိကြောင်းသိရသည်။

ဇွဲလင်းနိုင် (စစ်တွေ)
Rakhine Gazette
https://www.facebook.com/RakhineGazetteJournal/

အမေရိကန်အစိုးရနဲ့ မြောက်ကိုရီးယားအစိုးရ တိုက်ရိုက်ဆက်သွယ်နေပြီလို့ ကန်နိုင်ငံခြားရေးဝန်ကြီး

အမေရိကန်သမ္မတ Donald Trump နဲ့ မြောက်ကိုရီးယားခေါင်းဆောင် Kim Jong Un
အမေရိကန်အစိုးရနဲ့ မြောက်ကိုရီးယားအစိုးရ တိုက်ရိုက်ဆက်သွယ်မှု ရရှိနေပြီလို့ အမေရိကန်နိုင်ငံခြားရေးဝန်ကြီး Rex Tillerson က ပြောပါတယ်။

ပြီးတော့ မြောက်ကိုရီးယားခေါင်းဆောင် Kim Jong Un အစိုးရဟာ ဒီဆွေးနွေးပွဲတွေ ပြုလုပ်ဖို့ တကယ်ပဲ စိတ်ဝင်စားသလားဆိုတာ စုံစမ်းနေတယ်လို့ မြောက်ကိုရီးယားရဲ့နျူကလီးယား လက်နက်ပိုင်ဆိုင်ရေး ရှေ့တိုးလုပ်ဆောင်နေမှုကို ဝိုင်းဝန်းဖိအားပေးရာမှာ တရုတ်နိုင်ငံရဲ့ ပူးပေါင်းမှုရရေး ကြိုးပမ်းဖို့ ပီကင်းမြို့တော်မှာ ရောက်ရှိနေတဲ့ အမေရိကန်နိုင်ငံခြားရေးဝန်ကြီး Rex Tillerson ကပဲ ပြောသွားပါတယ်။

တရုတ်သမ္မတ Xi Jinping နဲ့ တွေ့ဆုံခဲ့ပြီး မြောက်ကိုရီးယားရဲ့ nuclear လက်နှက်နဲ့ ဒုံးကျည်အစီအစဉ်ကို ဆက်မလုပ်ဖို့ ဘယ်လိုဖိအားပေးနိုင်မလဲဆိုတာနဲ့ တရုတ်နဲ့ အမေရိကန် ၂ နိုင်ငံ ကုန်သွယ်ရေးနဲ့ ရှေ့လ နိုဝင်ဘာလမှာ တရုတ်နိုင်ငံကို ပထမဆုံးအကြိမ်အဖြစ် ရောက်ရှိလာမယ့် အမေရိကန်သမ္မတ Donald Trump ရဲ့ ခရီးစဉ်အတွက် ဘယ်လိုပြင်ဆင်ကြမလဲဆိုတာတွေကို ခေါင်းဆောင် ၂ ဦး ဆွေးနွေးခဲ့ကြတာပါ။

စနေနေ့ အစောပိုင်းကတော့ တရုတ်နိုင်ငံရဲ့ထိပ်တန်းသံတမန်ဖြစ်သူ နိုင်ငံတော်ကောင်စီဝင် Yang Jiechi၊ တရုတ်နိုင်ငံခြားရေးဝန်ကြီး Wang Yi တို့နဲ့ သီးခြားစီ တွေ့ဆုံခဲ့ပါတယ်။ အိမ်နီးချင်း မြောက်ကိုရီးယား နိုင်ငံရဲ့ ပြည်ပကုန်သွယ်မှု မှာ တရုတ်နိုင်ငံက အများဆုံး လုပ်နေတာဖြစ်ပြီး မြောက်ကိုရီးယားရဲ့ ပြည်ပကုန်သွယ်မှု ၉၀% က တရုတ်နိုင်ငံနဲ့ ဖြစ်ပါတယ်။ မြောက်ကိုရီးယားက ကျောက်မီးသေး သံ၊ သံသတ္တုရိုင်း၊ ခဲ၊ ခဲသတ္တုရိုင်း နဲ့ ပင်လယ်စာ တွေ တင်သွင်းနေတာကိုလျှော့ချဖို့ ကိစ္စမှာ အမေရိကန်နဲ့ အနီးကပ်တိုင်ပင်ဆွေးနွေးတာတွေ ရှိတာပါ။

အခုဆို တရုတ်က ကုလသမဂ္ဂရဲ့ အရေးယူပိတ်ဆို့မှုအတိုင်း လိုက်နာလုပ်ဆောင်ပြီး မြောက်ကိုရီးယားနဲ့ စီးပွားရေးလုပ်နေတာတွေကို ရပ်တန့်ချင်တဲ့ပုံ ပိုတွေ့လာရတယ်လို့ အမေရိကန် အရာရှိတွေကလည်း ပြောပါတယ်။ အမေရိကန်ပြည်ထောင်စုကတော့ မြောက်ကိုရီးယားရဲ့ နျူကလီးယား လက်နက်နဲ့ ဒုံးကျည်အစီအစဉ်ကို ဆက်မလုပ်ဖို့ဖိအားပေးတဲ့အနေနဲ့ စီးပွားရေးဒဏ်ခတ်ပိတ်ဆို့မှုတွေကို ပိုတင်းကြပ်လုပ်ဆောင်ထားတာလည်း ဖြစ်ပါတယ်။

 ဗွီအိုအေ (မြန်မာပိုင်း)
https://burmese.voanews.com

 

ယောင်္ကျား၏ ဓါးချက်ဖြင့်မိန်းမဖြစ်သူသေဆုံး

နေပြည်တော် တပ်ကုန်းမြို့နယ်တွင် လင်မယားနှစ်ဦးစကားများ ရန်ဖြစ်ရာမှ ယောင်္ကျား၏ ဓါးချက်ဖြင့်မိန်းမဖြစ်သူသေဆုံး
နေပြည်တော် စက်တင်ဘာ ၃၀

နေပြည်တော် တပ်ကုန်းမြို့၊ ဆရာစံရပ်ကွက်တွင်စက်တင်ဘာ(၂၈)ရက် ည(၇)နာရီကျော်ခန့်က လင်မယားနှစ်ဦးစကားများ ရန်ဖြစ်ရာမှ ယောင်္ကျား၏ ဓါးချက်ဖြင့် မိန်းမဖြစ်သူ သေဆုံးမှုဖြစ်ပွားခဲ့သည်။

ဖြစ်ပွားပုံမှာ ဆရာစံရပ်ကွက်၊ နယ်မြေ(၁၁)နေဆိုက်ကားနင်းသူ ဇော်ကြီး(ခ)မောင်ဇော်(၄၅)နှစ်နှင့် မစံပယ်(၂၃)နှစ်တို့နေအိမ်မှ ည(ရ)နာရီကျော်ခန့်တွင် စကားများရန်ဖြစ်သံများကြားရပြီး၊ (မပိတောက်ရေ ကယ်ပါအုန်း၊ ကယ်ပါအုန်း၊ ကျွန်မကို ကိုဇော်ကြီး ဓါးနဲ့ထိုးနေလို့)ဟု မစံပယ်၏အော်ဟစ်သံကြောင့် အိမ်နားနီးခြင်းများဝင်ရောက် ကြည့် ရှုကြရာ နေအိမ်ခြေရင်းလှေခါးအနီးတွင် မစံပယ်မှာ ဒူးထောက်လျှက် ခန္တာကိုယ်မှာ ဦးခေါင်း စိုက်ပြီ်း၊ ဓါးဒဏ်ရာများဖြင့် သေဆုံး နေသည်ဟုသိရသည်။

တရားခံဇော်ကြီးမှာ ဓါးဖြင့်ထိုးပြီး၊ ထွက်ပြေးတိမ်းရှောင်သွားသဖြင့် ဖမ်းဆီးရမိရေးအတွက် တပ်ကုန်းမြို့မရဲစခန်းမှ လိုက်လံစုံစမ်းလျှက်ရှိသည်။

တင်ထွန်းတာ(တပ်ကုန်း)
Myanmaalinn
https://www.facebook.com/MYANMAALINNNEWS/

ကွန်တိန်နာမော်တော်ကားတစ်စီး ၀ါယာရှော့မှ မီးလောင်


ခင်ဦး စက်တင်ဘာ ၃၀

စစ်ကိုင်းတိုင်းဒေသကြီး၊ ရွှေဘိုခရိုင်၊ ခင်ဦးမြို့နယ်၊ ခင်ဦး-ရေဦးကားလမ်း၊ မိုင်တိုင်အမှတ် (၆/၆)နှင့် (၆/၇)ကြား၊ ဂွေးကုန်းကျေးရွာအနီးတွင် စက်တင်ဘာလ ၂၉ ရက် ည ၈ နာရီက (ISUZU) ဒိုင်နာကွန်တိန်နား မော်တော်ကားတစ်စီး မီးလောင်မှုဖြစ်ပွားခဲ့သည်။

ဖြစ်စဉ်မှာ ယာဉ်မောင်း ဇာနည်ထွန်းနှင့် အတူပါ တေဇာမောင်၊ ၀မ်ဆွေ့၊ အောင်မိုးသူတို့ မောင်းနှင်လာသော(ISUZU) ဒိုင်နာကွန်တိန်နား YGN-(6I-----)၊(၆)ဘီး အဖြူရောင်၊ MPTစတစ်ကာကပ် Online Shopping မော်တော်ယာဉ်သည် ရေဦးမြို့ဘက်မှ ခင်ဦးမြို့ဘက်သို့ မောင်းနှင်လာစဉ် ဂွေးကုန်းကျေးရွာ သုဿာန်ဇရပ်အနီးတွင် ဘတ္တရီရှော့ဖြစ်၍ ယာဉ်ရှေ့ခန်း ကူရှင်၊ ဒက်ဘုတ်၊ ရှေ့တာယာနှစ်လုံး၊ ဘတ္တရီနှစ်လုံး မီးလောင်ကျွမ်းခဲ့ရာ လူများထိခိုက်မှုကြောင်းသိရသည်။


အဆိုပါမီးလောင်ရာသို့ မြို့နယ်စီမံခန့်ခွဲမှုကော်မတီဥက္ကဌ ဦးသိန်းဇော်၊ ရဲအုပ်ဝင်းနိုင်နှင့် တပ်ဖွဲ့ဝင်များ၊ ခင်ဦးမြို့နယ်မီးသတ်ဦးစီး ဦးကျော်စိုးပိုင်နှင့် တပ်ဖွဲ့ဝင်များမှ မီးသတ်ယာဉ်တစ်စီး၊ အရန်မီးသတ်တပ်ဖွဲ့ဝင်များ၊ ကျေးရွာပြည်သူများ မီးဝိုင်းဝန်ငြိမ်းသတ်သဖြင့် ည(၈) နာရီခွဲတွင် မီးငြိမ်းသတ်နိုင်ခဲ့သည်။ မီးလောင်မှုကြောင့် တန်ဖိုး(၆) သိန်းကျပ် ဆုံးရှုံးခဲ့ကြောင်း သိရသည်။

မော်တော်ယာဉ်မီးလောင်မှုကြောင့် ယာဉ်မောင်း ဇာနည်ထွန်း (၂၇)နှစ်၊ (ဘ) ဦးအုန်းမြင့်၊ တာမွေမြို့နယ်၊ ရန်ကုန်မြို့အား မြို့နယ်ရဲစခန်းမှ အမှုဖွင့် အရေးယူ ဆောင်ရွက် ထားကြောင်းသိရသည်။


(ခင်ဦးစိုးဝေ)
Myanmaalinn
https://www.facebook.com/MYANMAALINNNEWS/

MICA ရဲ့ လုပ်ငန်းလွှဲပြောင်းရေးအခြေအနေတွေကို လွှတ်တော်ကော်မတီ ကွင်းဆင်းစိစစ်

MICA ဖျက်သိမ်းဖို့အဆို အမျိုးသားလွှတ်တော်မှာ ဖေဖော်ဝါရီလက အတည်ပြုခဲ့စဉ်။ Photo: MOI
မြန်မာအပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (MICA) ကို ဖျက်သိမ်းပြီးနောက် အဲဒီအေဂျင်စီ လုပ်ကိုင်ခဲ့တဲ့ လုပ်ငန်းတွေနဲ့ ပတ်သက်ပြီး အမျိုးသားလွှတ်တော် အစိုးရရဲ့ အာမခံချက်များ၊ ကတိများနှင့် တာဝန်ခံချက်များ စိစစ်ရေးကော်မတီက ရန်ကုန်တိုင်းနဲ့ ဧရာဝတီတိုင်းဘက်ကို ကွင်းဆင်း စိစစ်ခဲ့တယ်လို့ သိရပါတယ်။

MICA ကို ဖျက်သိမ်းပြီးတဲ့နောက် အဲဒီလုပ်ငန်းစဉ်တွေကို လယ်ဆည်ဝန်ကြီးဌာနလက်အောက်ကို ထည့်ပေး ထားတာဖြစ်တဲ့အတွက် အဲဒီအခြေအနေတွေကို စစ်ဆေးတာဖြစ်တယ်လို့ အစိုးရရဲ့ အာမခံချက်များ၊ ကတိများနှင့် တာဝန်ခံချက်များ စိစစ်ရေးကော်မတီဥက္ကဌ အမျိုးသားလွှတ်တော် ကိုယ်စားလှယ် ဦးသိမ်းဆွေက ပြောပါတယ်။

"ဖျက်သိမ်းပြီးနောက်ပိုင်းမှာ MICA နဲ့ ပတ်သက်ပြီး လယ်ဆည်ဝန်ကြီးဌာနအောက်ကို ပြန်ထည့်ထား တယ်။ အဲ့လို လယ်ဆည်ဝန်ကြီးဌာနကို ပြန်ထည့်ပြီးတဲ့အချိန်မှာ MICA နဲ့ ပတ်သက်ပြီးတော့ လယ်ဆည် ၀န်ကြီးဌာနက ကိုင်တွယ်ခဲ့တဲ့အပိုင်းတွေဟာ ဘယ်အတိုင်းတာထိ ရောက်ပြီလဲ၊ စာချုပ်စာတမ်းနဲ့အညီ လုပ်သလား။ နောက်ပြီးတော့ ဆက်ပြီးတော့လုပ်မယ့် လုပ်ငန်းစဉ်တွေဟာ MIC ကိုရော ခွင့်ပြုချက်တွေ ယူပြီးပြီလား။ အဲ့အပိုင်းတွေကို အစ်ကိုတို့က လိုက်ပြီးစိစစ်တာလေနော်။ စိစစ်တွေ့ရှိချက်တွေကတော့ လွှတ်တော်ကို မတင်ပြခင် အစ်ကိုတို့ ပြောခွင့်မရှိလို့ပါ။ အဲ့ဒါကြောင့်ပါနော်"

ကွင်းဆင်းစိစစ်ချက်တွေနဲ့ ပတ်သက်တဲ့ အသေးစိတ်အခြေအနေတွေကို လွှတ်တော်ကို မတင်ပြရသေး တာကြောင့် ဖွင့်ပြောလို့မရသေးဘူးလို့လည်း ဦးသိမ်းဆွေက ပြောပါတယ်။

ကော်မတီဟာ ရန်ကုန်တိုင်းက အင်းစိန်၊ ရွာသာကြီး၊ တွံတေးမြို့နဲ့ ဧရာဝတီတိုင်း မအူပင်မြို့နယ်က အအေးခန်းတွေ၊ ငါးကန်တွေကို စက်တင်ဘာလ ၁၆ ရက်နေ့ကနေ ၂၂ ရက်အထိ ကွင်းဆင်းစစ်ဆေးခဲ့တာလို့ ပြောပါတယ်။

ဒါ့အပြင် တစ်နိုင်ငံလုံးမှာရှိတဲ့ MICA ရဲ့ လုပ်ငန်းတွေကို ဆက်လက်စိစစ်ရမှာဖြစ်တယ်လို့လည်း ဆိုပါတယ်။

မြန်မာအပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ MICA ဟာ နိုင်ငံတော်နဲ့ ပြည်သူတွေအတွက် အကျိုးမပြုဘဲ လူတစ်စုက လက်ဝါးကြီးအုပ် ခြယ်လှယ်နေတယ်ဆိုပြီး အဲဒီအေဂျင်စီကို ဖျက်သိမ်းဖို့အဆိုကို အမျိုးသားလွှတ်တော်က ဖေဖော်ဝါရီလမှာ အတည်ပြုခဲ့တာဖြစ်ပါတယ်။

MICA အဖွဲ့ကို အရင်အစိုးရလက်ထက်က ပြည်ထောင်စုဝန်ကြီးတွေဖြစ်တဲ့ ဦးစိုးသိန်းနဲ့ ဦးအုန်းမြင့် တို့ ဦးဆောင်ပြီး အစိုးရအရာရှိဟောင်းတချို့နဲ့ ဖွဲ့စည်းထားတာဖြစ်ပါတယ်။

RFA Burmese
http://www.rfa.org/burmese

အကြမ်းဖက်မှုတွေကို ကန့်ကွက်ဆန္ဒပြ

ကချင်တိုင်းရင်းသား ကိုယ်စားလှယ် ဂျိန်းဖောအမျိုးသား ဦးနော်ဆန်း ကို စက်တင်ဘာလ ၃ဝ ရက်နေ့က တွေ့ရစဉ်။ Photo: Kyaw Myo Min/RFA
ကချင်ပြည်နယ် မြစ်ကြီးနားမြို့မှာ ရခိုင်၊ ရှမ်း၊ ကချင်၊ ဗမာ စတဲ့ တိုင်းရင်းသားပြည်သူ ၂ ထောင်လောက်က ရခိုင်ပြည်နယ် မောင်တောဒသက အကြမ်းဖက်မှုတွေကို ဒီနေ့ ဆန့်ကျင်ဆန္ဒပြခဲ့ကြပါတယ်။

မြန်မာ့တပ်မတော်အနေနဲ့ အစွန်းရောက် အကြမ်းဖက်သမားတွေကို ပြတ်ပြတ်သားသား ချေမှုန်းဖို့ ကချင် တိုင်းရင်းသား ကိုယ်စားလှယ် ဂျိန်းဖောအမျိုးသား ဦးနော်ဆန်းက တိုက်တွန်းခဲ့ပါတယ်။

"ဒီပြဿနာက ဘာသာရေးမဟုတ်ဘူး။ ဒါက အကြမ်းဖက်တယ်။ အစွန်းရောက်တယ်။ ခိုးဝင်ကျူးကျော်တဲ့ ပြဿနာပဲဖြစ်တယ်။ အခုလို အစွန်းရောက် အကြမ်းဖက် ဘင်္ဂလီတွေဟာ သူတို့ဇာတိ၊ သူတို့နေရာဖြစ် တဲ့ ဘင်္ဂလားဒေ့ရ်ှနိုင်ငံကို ပြန်သွားတာ ကျနော်တို့ ပြန်လည်ပြီးမှ လက်ခံစရာလည်းမလိုဘူး။ သူတို့ လာရာလမ်းအတိုင်း သွားတာဖြစ်လို့ ကျနော်တို့ နိုင်ငံကို ပြန်မလာနဲ့။ ကျနော်တို့ လက်လည်းမခံဘူး။ ဒါကြောင့် ဒီအစွန်းရောက် ဘင်္ဂလီ အကြမ်းဖက်တွေကို ကျနော်တို့ မြန်မာ့တပ်မတော်က ပြတ်ပြတ် သားသားနဲ့ ချေမှုန်းဖို့၊ မောင်းထုတ်ဖို့ ကျနော် တိုက်တွန်းလိုပါတယ်"

ဆန္ဒပြသူတွေဟာ မြစ်ကြီးနားမြို့ လူစည်ကားရာနေရာနဲ့ ရပ်ကွက်တချို့ကို ချီတက် လှည့်လည်ခဲ့ကြပြီးနောက် ရမ်ပှုရပ်ကွက်က အနန္တသုခရွှေတိဂုံဓါတုစေတီတော်ကြီး ပုရဝဏ်အတွင်းမှာ စုဝေးပြီးဟောပြောခဲ့ပါတယ်။

အစိုးရက တိုင်းရင်းသားပြည်သူအားလုံးရဲ့ အကျိုးကိုရှေးရှုပြီး ရခိုင်ပြည်နယ်အရေးကို ပြတ်ပြတ်သားသား ကိုင်တွယ်ဆောင်ရွက်မယ်ဆိုရင် အစိုးရနဲ့အတူ ရပ်တည်ပူးပေါင်းဆောင်ရွက်သွားမှာ ဖြစ်တယ်လို့ ဆန္ဒပြသူတွေက ပြောပါတယ်။

အလားတူ ဆန္ဒပြဟောပြောပွဲတွေကို တောင်ကြီး၊ ပုသိမ်၊ မန္တလေး စတဲ့ မြို့ကြီးတွေမှာလည်း ပြီးခဲ့တဲ့ရက်ပိုင်း က ပြုလုပ်ခဲ့ကြပါတယ်။

RFA Burmese
http://www.rfa.org/burmese

မြန်မာနိုင်ငံ ရခိုင်ဒေသ အခြေအနေများအပေါ် စိတ်ရှည်သည်းခံကြရန် တရုတ်နိုင်ငံ ပြောကြား

ကုလသမဂ္ဂတွင် မိန့်ခွန်းပြောကြားနေသည့် ကုလသမဂ္ဂဆိုင်ရာ တရုတ်နိုင်ငံ ဒုတိယ အမြဲတမ်း ကိုယ်စားလှယ် ဝူဟိုင်ထောင်းအား ၂၀၁၆ ခုနှစ် ဒီဇင်ဘာလ ၁၃ ရက်က တွေ့ရစဉ် (ဆင်ဟွာ)
    ကုလသမဂ္ဂ၊ စက်တင်ဘာ ၃၀ ရက် (ဆင်ဟွာ)

    မြန်မာနိုင်ငံ ရခိုင်ပြည်နယ်တွင် ဖြစ်ပေါ်လျက်ရှိသော အခြေအနေများအပေါ် စိတ်ရှည်သည်းခံကြရန် ကုလသမဂ္ဂဆိုင်ရာ တရုတ်နိုင်ငံ သံတမန်က စက်တင်ဘာလ ၂၉ ရက်တွင် ပြောကြားလိုက်သည်။

“ရခိုင်ရဲ့ ပြဿနာက ရှုပ်ထွေးသော သမိုင်းကြောင်း၊ လူမျိုးစုနှင့် ဘာသာရေး ကိစ္စတွေနဲ့ ဆက်စပ်မှုကို အခြေခံနေတယ်။ မတူကွဲပြားမှုတွေ၊ ဆန့်ကျင်မုန်းတီးမှုတွေက ကာလရှည် အခြေခိုင်နေခဲ့ပါတယ်။ ဒါတွေကို အလွယ်တကူနဲ့ ပြေလည်အောင်လုပ်ဖို့ မဖြစ်နိုင်ပါဘူး” ဟု ကုလသမဂ္ဂဆိုင်ရာ တရုတ် လက်ထောက် အမြဲတမ်း ကိုယ်စားလှယ် ဝူဟိုင်ထောင်း (Wu Haitao) က လုံခြုံရေးကောင်စီသို့ ပြောကြားခဲ့သည်။

ရခိုင်ပြည်နယ်တွင် မကြာသေးမီက ဖြစ်ပွားခဲ့သော အကြမ်းဖက်မှုများအပေါ် တရုတ်နိုင်ငံ ရှုတ်ချလိုက်ကြောင်း၊ ပြည်တွင်း အခြေအနေ တည်ငြိမ်မှု ထိန်းသိမ်းရေး မြန်မာနိုင်ငံ၏ အားထုတ်မှုအပေါ် တရုတ်က ထောက်ခံသွားမည် ဖြစ်ကြောင်း ဝူက ပြောကြားခဲ့သည်။

“တရားဥပဒေ စိုးမိုးမှုက ရခိုင်ဒေသမှာ မြန်နိုင်သမျှမြန်မြန် တစ်ဖန် လွှမ်းမိုးနိုင်ဖို့နဲ့ အပြစ်မဲ့ အရပ်သားတွေကို ထပ်မံ မထိခိုက်စေဖို့  မြန်မာနိုင်ငံအတွင်း လူမှု တည်ငြိမ်ရေး၊ လူမျိုးစုများအကြား စည်းလုံးရေးနဲ့ စီးပွားရေး ဖွံ့ဖြိုးတိုးတက်မှုတွေ ရေရှည်တည်တံ့စေဖို့ ကျွန်တော်တို့ ရိုးရှင်းစွာ မျှော်လင့်ပါတယ်” ဟု ဝူက ကုလသမဂ္ဂတွင် ပြောကြားခဲ့သည်။

ထို့အပြင် မြန်မာ အစိုးရ ရင်ဆိုင် ဖြေရှင်းနေရသော စိန်ခေါ်မှုများနှင့် အခက်အခဲများကို ဓမ္မဓိဋ္ဌာန်ကျကျ ရှုမြင်ရန်၊ စိတ်ရှည်သည်းခံကြရန်၊ နိုင်ငံအတွက် လိုအပ်သော ထောက်ပံ့မှုများနှင့် ကူညီမှုများ လုပ်ဆောင်ရန် နိုင်ငံတကာ အသိုင်းအဝိုင်းအား ဝူက ပြောကြားခဲ့သည်။

တရုတ်နိုင်ငံအနေဖြင့် ရခိုင်ပြည်နယ်တွင် တင်းမာမှုလျှော့ချရေးနှင့် ပြန်လည် တည်ငြိမ်ရေးအတွက် မြန်မာအစိုးရ၏ လုပ်ဆောင်မှုများအပေါ် အလေးထားကြောင်း၊ ယင်းသို့ လုပ်ဆောင်မှုများသည် ရေရှည်အဖြေတစ်ခုအတွက်လည်း ဖြစ်ကြောင်း ၎င်းက ဆိုသည်။

“ကျွန်တော်တို့ ပြောခဲ့သလိုပဲ မြေပြင် အခြေအနေတွေက စတင် တည်ငြိမ်နေပါပြီ။ အဲ့ဒီ အရှိန်အဟုန်ကို အဖွဲ့အစည်းအားလုံးက အပြုသဘောဆောင်တဲ့ ကူညီ တွန်းအားပေးဖို့၊ အခြေအနေ တင်းမာမှုကို လျှော့ချစေဖို့နှင့် လူသားချင်းစာနာထောက်ထားမှု အခြေအနေတွေ ပြေလည်စေဖို့ တစ်ဆင့်ပြီး တစ်ဆင့် လုပ်ဆောင်သင့်တယ်” ဟု ဝူက ထည့်သွင်း ပြောကြားခဲ့သည်။

တရုတ်နိုင်ငံကလည်း ရခိုင်ပြည်နယ်တွင် အစ်ိုးရ တရားဥပဒေ စိုးမိုးမှု ပြန်လည်သက်ရောက်ရေး၊ ငြိမ်းချမ်းရေးနှင့် တည်ငြိမ်မှု ပြန်လည်ရရှိရေး စသည့်အကြောင်းအရာများအတွက် ဆက်စပ် အဖွဲ့အစည်းများအားလုံးနှင့် အတူတကွ လုပ်ဆောင်ရန် အသင့်ရှိသည်ဟု ဆိုသည်။

ထို့ပြင် လူသားချင်းစာနာထောက်ထားမှုဆိုင်ရာ မြေပြင် အခြေအနေ တိုးတက်မှု လုပ်ဆောင်ခဲ့သော ဘင်္ဂလားဒေ့ရ်ှနိုင်ငံအား ချီးကျူးခဲ့သလို နိုင်ငံတကာ ကြက်ခြေနီအဖွဲ့၊ လူသားချင်း စာနာထောက်ထားမှုဆိုင်ရာ လုပ်ဆောင်သော အခြား နိုင်ငံတကာ အဖွဲ့အစည်းများနှင့် ပူးပေါင်း ဆောင်ရွက်ခဲ့သော မြန်မာ အစိုးရကိုလည်း ကြိုဆိုခဲ့သည်။

နိုင်ငံတကာ အသိုင်းအဝိုင်းအနေဖြင့်လည်း မူဆလင် လူဦးရေ အများအပြား ဘင်္ဂလားဒေ့ရ်ှတွင် ဒုက္ခသည်များ အဖြစ် ခံယူနိုင်ရန် ထွက်ခွာနေကြခြင်းအတွက် အစဉ်တည်တံ့မည့် အဖြေတစ်ခု ရှာဖွေရန် မြန်မာနှင့် ဘင်္ဂလားဒေ့ရ်ှအကြား ဆွေးနွေးဆက်သွယ်မှုများကို တွန်းအားပေးသင့်ကြောင်း ဝူက တိုက်တွန်းခဲ့သည်။

တရုတ်နိုင်ငံသည် မြန်မာနှင့် ဘင်္ဂလားဒေ့ရှ် နှစ်နိုင်ငံလုံးနှင့် ချစ်ကြည်ရင်းနှီးမှုရှိသော အိမ်နီးချင်း ဖြစ်သောကြောင့် နှစ်နိုင်ငံ အရေးကိစ္စ ဆွေးနွေးခြင်းနှင့် အဖြေရှာရာတွင် တက်ကြွစွာ စေ့စပ်ညှိနှိုင်းခဲ့ပါကြောင်း၊ နေရပ်စွန့်ခွာ ထွက်ပြေးတိမ်းရှောင်နေရသူများအတွက် လိုအပ်သော ကူညီထောက်ပံ့မှုများ ဆက်လက် ပေးအပ်သွားမည် ဖြစ်ကြောင်းလည်း ဝူက ထည့်သွင်း ပြောကြားခဲ့သည်။

(Xinhua)
http://www.xinhuamyanmar.com

ဇနီး မှ facebook သုံးတဲ့ ခင်ပွန်း ဖြစ်သူအား ၆ ပေါင်တူဖြင့် ထုသတ်


၃၀.၉.၂၀၁၇

စက်တင်ဘာလ ၃၀ရက်နေ့  ယနေ့ နံနက် ၂ နာရီအချိန်ခန့်တွင် ပဲခူးမြို့ ဥဿာ မြို့သစ် ရပ်ကွက်ကြီး (၉)၊ ပွဲစားကြီးကုန်းနေသူ ကိုမျိုးသန့်ဦး အသက် (၃၅ )နှစ်အား ဇနီးဖြစ်သူမလှသင်းကြည် ( ၂၁) နှစ်မှ ၆ ပေါင်တူဖြင့် ထုသတ်မှု ဖြစ်ပွားခဲ့ကြောင်း သိရပါသည်။


ဖြစ်စဉ်မှာ ကိုမျိုးသန့် ဦး(၃၅)နှစ်၊ မင်းအနော်ရထာ စက်ယန္တရားကုမ္ပဏီလီမိတက် Supervisor ၊ ဖောင်ရွာ၊ ကျောက်ဆည်မြို့နယ်၊ မန္တလေးတိုင်းဒေသကြီးနေသူအား ဇနီးဖြစ်သူ မလှသင်းကြည် (၂၁)နှစ် ၊ အောက်ကမ္ဘာကျေးရွာ၊ ပဲခူးမြို့နယ်နေသူသည် ခင်ပွန်းဖြစ်သူ ကိုမျိုးသန့် ဦးအား အခြားမိန်းကလေးများနှင့် အင်တာနက်လိုင်းသုံးစွဲသည့် ကိစ္စမပြုလုပ်ရန်ပြောဆိုစဉ် ကိုမျိုးသန့် ဦးမှ မလှသင်းကြည်အား ရိုက်နှက်ခြင်းများ ပြုလုပ်ခဲ့ သဖြင့် မလှသင်းကြည်သည် ကိုမျိုးသန့် ဦး အိပ်ပျော်နေစဉ်  (၆)ပေါင်တူဖြင့် ဦးခေါင်းအား အချက်ပေါင်းများစွာ ထုနှက်ရိုက်မှုကြောင့် ခင်ပွန်းဖြစ်သူနေရာတွင် သေဆုံးနေကြောင်း စစ်ဆေးပေါ်ပေါက်ခဲ့ပါသည်။

အဆိုပါလူသတ်မှုအား ပဲခူးမြို့ အမှတ်(၃)နယ်မြေရဲစခန်းမှ ပုဒ်မ ၃၀၂ / ဖြင့် အမှုဖွင့် ဖမ်းဆီးစစ်ဆေးလျှက်ရှိကြောင်း သိရပါသည်။

သတင်း - ဓါတ်ပုံ ။ ကျော်မင်း / ကိုသန့် ဇင်

သစ်ထူးလွင်

တာချီလိတ်တွင် သုံးဘီးဆိုင်ကယ်နှင့် မိသားစု(၄)ဦး စီးနင်းလာသည့်ဆိုင်ကယ်တို့ မျက်နှာချင်းဆိုင်တိုက်မိ၍ သားအဖနှစ်ဦးသေဆုံးပြီး တစ်ဦးဒဏ်ရာပြင်းထန်


ရှမ်းပြည်နယ်(အရှေ့ပိုင်း) တာချီလိတ်မြို့တွင် စက်တင်ဘာလ (၂၉)ရက်နေ့ညပိုင်းက မိသားစုလေးဦး စီးနင်းလာသည့် ဆိုင်ကယ်နှင့် သုံးဘီးဆိုင်ကယ်တို့ မျက်နှာချင်းဆိုင် တိုက်မိ၍ ဆိုင်ကယ်မောင်းနှင်သူနှင့် ကလေးတစ်ဦးနေရာတွင် သေဆုံးသွားပြီး အမျိုးသမီးတစ်ဦးမှာ ပြင်းထန်ဒဏ်စွာ ရရှိသွားကြောင်း သိရသည်။

ဆေခမ်းရပ်ကွက်၊ ဗိုလ်ချုပ်အောင်ဆန်းလမ်းပေါ်တွင် ဟောင်လိတ်လမ်းဆုံမီးပွိုင့်ဘက်မှ လေဆိပ် လမ်းဆုံဘက်သို့ မောင်းနှင်လာသည့် သုံးဘီးဆိုင်ကယ်သည် မျက်နှာချင်းဆိုင်မှ လေးဦးစီးနင်းလာသည့် ဆိုင်ကယ်နှင့် မျက်နှာချင်းဆိုင် တိုက်မိသဖြင့် ဆိုင်ကယ်မောင်းလာသည့် အမျိုးသားနှင့် အသက် (၈)နှစ်အရွယ်မိန်းကလေးတို့ နေရာတွင် သေဆုံးသွားပြီး နောက်မှ လိုက်ပါလာသည့် အမျိုးသမီးမှာ ဒဏ်ရာ ပြင်းထန်စွာ ရရှိသွားသဖြင့် တာချီလိတ်ခရိုင် ပြည်သူ့ဆေးရုံတွင် ကုသမှုခံယူနေရကြောင်း သိရသည်။

ဆိုင်ကယ်တွင် လိုက်ပါလာသည့် အသက်(၃)နှစ်အရွယ်ကလေးမှာ ပွန်းပဲ့ဒဏ်ရာ အနည်းငယ်သာ ရသွားသဖြင့် အဆိုပါ ကလေးအား လက်ရှိတွင် တာချီလိတ်နာရေးကူညီမှုအသင်း ဥက္ကဌ ဦးလှမိုးက စောင့်ရှောက်ထားကြောင်း သိရသည်။

ဒဏ်ရာပြင်းထန်သည့် အမျိုးသမီးမှာ စကားမေးမြန်း၍ မရသေးသည့် အခြေအနေတွင် ရှိနေဆဲဖြစ်ကြောင်း သိရသည်။

အဆိုပါ ယာဉ်တိုက်မှုနှင့် ပတ်သက်၍ ဆိုင်ကယ်မောင်းနှင်သည့် အမျိုးသားနှင့် သုံးဘီးဆိုင်ကယ် မောင်းနှင်သည့် စိုင်းဆမ်တို့အား တာချီလိတ်မြို့မရဲစခန်းတွင် ယာဉ်(ပ) ၄၆/၂၀၁၇၊ ရာဇသတ်ကြီး ဥပဒေပုဒ်မ ၂၇၉/၃၃၇/ ၃၃၈/၃၀၄ - ကတို့ဖြင့် အမှုဖွင့်ဆောင်ရွက်ထားကြောင်း သိရသည်။

သတင်း - စိုင်းဇေယျ
ဓာတ်ပုံ - တာချီလိတ်နာရေးကူညီမှုအသင်း
Tachileik News Agency
http://www.tachileik.net

မူဆလင်တွေကို တဖက်နိုင်ငံဆီ ခေါ်ထုတ်မှု မြန်မာဘက်ကရှင်းပြ

ဘူးသီးတောင်မြို့နယ်အတွင်းရှိ မူဆလင်များ ဘင်္ဂလားဒေ့ရ်ှနိုင်ငံ ဘက်သို့ ထွက်ခွာရန် နယ်စပ် အနီးရောက်ရှိ လာစဉ် တာဝန်ရှိသူများသွားရောက် တွေ့ဆုံညှိနှိုင်း (သတင်းဓာတ်ပုံ- သတင်းကော်မတီ- ပြန်ကြားရေးဝန်ကြီးဌာန)
ရခိုင် ပြည်နယ်၊ ဘူးသီးတောင်မြို့နယ်ကနေ အိမ်နီးချင်း ဘင်္ဂလားဒေရှ့်နိုင်ငံကို ထွက်ခွာနေကြတဲ့ အစ္စလမ်ဘာသာဝင်တွေ ရှိနေတာမို့ ဒေသ တွင်း ကျန်ရှိသူနဲ့ ထွက်ခွာသူ အရေအတွက် အမှန်ရရှိနိုင်ဖို့ လူဦးရေစာရင်းကို စတင်ကောက် ယူနေပြီဖြစ်ကြောင်း လူဝင်မှုကြီးကြပ်ရေးနဲ့ ပြည်သူ့ အင်အား ဦးစီးဌာနကပြောပါတယ်။ အခုလို ထွက်ခွာသူအများစုဟာ နိုင်ငံတွင်း စားဝတ်နေရေး အခက်အခဲကြောင့်နဲ့ တဖက်နိုင်ငံ ဘက်ကနေ လာရောက်ခေါ်ဆောင်နေကြတာကြောင့် ထွက်ခွာ သွားနေကြတာဖြစ်ကြောင်းကိုလည်း အာဏာပိုင်တွေဘက်က ထောက်ပြကြပါတယ်။ ဒီသတင်းကို ဗွီအိုအေ မြန်မာပိုင်းသတင်းထောက် မ မေခက တင်ပြသွားမှာပါ။

နိုင်ငံတကာအသိုင်းအဝိုင်းကတော့ ရခိုင်ပြည်နယ်မြောက်ပိုင်းက အစ္စလာမ် ဘာသာဝင်တွေဟာ မြန်မာအာဏာပိုင်တွေရဲ့ ရက်ရက်စက်စက် နှိပ်ကွပ်မှုတွေကြောင့် ဘင်္ဂလားဒေ့ရ်ှနိုင်ငံဘက်ကို ထွက်ပြေးနေကြတယ်လို့ အစဉ်တစိုက် ပြောဆိုနေကြတာ ဖြစ်ပါတယ်။ ဒါပေမယ့် မြန်မာနိုင်ငံ၊ နိုင်ငံတော် အတိုင်ပင်ခံဒေါ်အောင်ဆန်းစုကြည် ကိုယ်တိုင်က စစ်တပ်ကို လုပ်ထုံးလုပ်နည်းဘောင်အတွင်းမှာပဲ လုပ်ဆောင်ဖို့ ညွှန်ကြားထားပြီး စစ်ဆင်ရေးလုပ်ငန်းအားလုံးကို စက်တင်ဘာ (၅) ရက်နေ့ကစပြီး ရပ်ဆိုင်းလိုက်ပြီဖြစ်ပေမယ့် ဘာကြောင့် အခုလို ဆက်လက်ထွက်ပြေးနေတာကို နားမလည်နိုင်ကြောင်း စက်တင်ဘာ (၁၉) ရက်နေ့က သံတမန်တွေကို ရှင်းလင်းပြောကြားခဲ့ပါတယ်။

အခုအခါမှာတော့ ထွက်ပြေးသူတချို့ဟာ သူတို့ရဲ့ သဘောဆန္ဒအရ ထွက်ခွာနေကြ တာကို သိရှိရကြောင်း၊ ထွက်ခွာသူနဲ့ ကျန်ရစ်သူစာရင်းကို အတိအကျကောက် ယူနေပြီဖြစ်ကြောင်း လူဝင်မှုကြီးကြပ်ရေးနဲ့ ပြည်သူ့အင်အား ဦးစီးဌာနက အမြဲတမ်း အတွင်းဝန် ဦးမြင့်ကြိုင်က ပြောပါတယ်။

" ကျနော်တို့ အတတ်နိုင်ဆုံးတော့ နယ်စပ်ဒေသမှာ တရားမဝင် ဖြတ်သွားဖြတ်လာမှုတွေ မရှိအောင်တော့ တားဆီးနေတယ်ခင်ဗျ တားဆီးနေတယ်ဆိုပေမဲ့ ခုနကလို ဒီဘက်က လုံခြုံရေးခြံစည်းရိုးတွေက အားလုံးလုံခြုံအောင် ကာထားတာ မပြီးစီးသေးတဲ့အတွက် သူတို့ကလည်း နည်းမျိုးစုံနဲ့ သစ်သားတန်းတွေဘာတွေ ကျော်ခွပြီးတော့ သွားနေကြတာတွေ ရှိနေသေးတယ်ခင်ဗျ။ ကျနော်တို့ ပြည်ထဲရေးနဲ့ လဝက နဲ့ပေါင်းပြီးတော့ ပဋိပက္ခဖြစ်ပြီးနောက်မှာ လက်ကျန်စာရင်းဇယားတွေကို အဲ့က နယ်မြေတွေမှာ စာရင်းကတော့ ကောက်နေတုန်းပဲခင်ဗျ။ အရင်တုန်းက စာရင်းတွေကတော့ နှစ်စဉ် စာရင်းကောက်ထားတာတွေ လုပ်ထားရှိတဲ့အတွက် အရင်တုန်းက အိမ်ထောင်စုစာရင်းတွေရော ဓာတ်ပုံတွေနဲ့ရော တွဲရက်တွေ ရှိပြီးသားပါဗျ အခုလက်ရှိပဋိပက္ခဖြစ်ပြီးနောက်မှာ အခြေအနေ ဘယ်လိုရှိတယ်ဆိုတာကိုတော့ စာရင်းကောက်တုန်းပါပဲ အဲ့တာတော့ မသိသေးပါဘူးခင်ဗျ။"

အခုလို စာရင်းကောက်ယူရာမှာ အချို့နေရာတွေက လုံခြုံရေး အားနည်းနေသေး တာကြောင့် ဒေသတွင်း လုံခြုံရေး အာဏာပိုင်တွေနဲ့ ပူးပေါင်းဆောင်ရွက်နေပေမယ့်လည်း အခက်အခဲတချို့ ရှိတယ်လို့လည်း ဦးမြင့်ကြိုင်က ဆိုပါတယ်။

အစ္စလာမ် ဘာသာဝင်အချို့ကို ပြီးခဲ့တဲ့ စက်တင်ဘာ ၂၆ ရက်နေ့ကနေ စတင်ပြီး ဘင်္ဂလားဒေရှ့်ဘက်ကနေ စက်လှေတွေနဲ့ လာရောက်ခေါ်ယူနေတယ်လို့ အစိုးရ အာဏာပိုင်တွေက ပြောထားပါတယ်။ လက်ရှိမှာ နှစ်နိုင်ငံ နယ်စပ်အနီး မှာ ဒုက္ခသည်တွေ စုပြုံရောက်နေတယ်လို့လည်း အစိုးရဘက်က ပြောပါတယ်။

အစိုးရဘက်ပိုင်းက ဒီလိုထွက်ခွာမယ့်သူတွေကို သူတို့တောင်းဆိုတဲ့ စားဝတ်နေရေး အခက်အခဲ ၊ လုံခြုံမှု အခက်အခဲတွေ ဖြေရှင်းပေးမယ်ဆိုကာ အမျိုးမျိုးဖြောင်းဖျပြောဆုို ခဲ့ပေမယ့် တဖက်နိုင်ငံကိုသာ ကိုယ့်သဘောနဲ့ သွားရောက် လိုတယ်လို့ ဆိုတာကြောင့် အာဏာပိုင်တွေဘက်က ခွင့်ပြုခဲ့ရတယ်လို့ မသွားဖို့ ဖြောင်းဖျတာမှာ ပါဝင်ခဲ့တဲ့ မြန်မာနိုင်ငံ လူ့အခွင့်အရေးကော်မရှင်က ပြောရေးဆိုခွင့်ရှိသူ ဦးယုလွင်အောင်က ပြောပါတယ်။

ဒီလို ထွက်ခွာတာမှာ တဖက်နိုင်ငံဘက်ကနေ တရားမဝင် လာရောက်ခေါ်ဆောင်နေတာ တွေရှိနေတဲ့ အပေါ် မှာလည်း အာဏာပိုင်တွေ ဘက်က မေးခွန်း ထုတ်လာတာတွေ ရှိနေပါတယ်။ ရခိုင်ပြည်နယ် အစိုးရအတွင်းရေးမှူး ဦးတင်မောင်ဆွေ က အခုလိုမေးခွန်းထုတ်လိုက်တာ ဖြစ်ပါတယ်။

" နံပတ်တစ်က သူတို့တွေက ခုနကပြောသလို မိမိရဲ့နိုင်ငံသားတွေ မဟုတ်တဲ့အတွက် မိမိတို့ကတော့ အတင်းအကျပ် တားပိုင်ခွင့်တော့ မရှိဘူး။ သူ့သဘောနဲ့သူပေါ့။ တကယ်တမ်းတာဝန်ရှိတာကတော့ တဘက်ကနေပြီးတော့ မိမိနယ်မြေထဲကို မဝင်ဖို့အတွက်တော့ တားဖို့ရှိတာပေါ့ အခုက နှစ်နိုင်ငံ နိုင်ငံခြားရေးမူဝါဒပဲဖြစ်ဖြစ် နယ်စပ်လုံခြုံရေးပဲပြောပြော တဘက်ကနေပြီးတော့ တဘက်နိုင်ငံကနေပြီးတော့ တားဆီးရမှာပေါ့။ ဒါပေမဲ့ ဒီလိုတားဆီးခြင်းလည်း မရှိပဲနဲ့ ဟိုကနေ လိုလိုလားလားကို သင်္ဘောတွေနဲ့လွှတ်ပြီးတော့ အကြိုလွှတ်တာပေါ့ အကြိုလွှတ်နေတဲ့အခါကျတော့ ဒါတွေကလည်း စဉ်းစားစရာတွေပေါ့ အခြေအနေကတော့ ဒီဥစ္စာပါပဲ။ အစိုးရတရပ်အနေနဲ့ ကိုယ့်နိုင်ငံသားတွေ မဟုတ်တဲ့အတွက် ကျနော်တို့အနေနဲ့ တားတယ်။ အစွမ်းကုန် တားတယ် ဖြောင်းဖျတယ်။ လိုအပ်တာတွေ အကုန်ထောက်ပံ့ပေးတယ်။ ရွာတွေမှာလည်း ရိက္ခာတွေ ထောက်ပံ့ပေးထားတယ်။ ဒီလိုတားလို့မရလို့မှ သွားချင်တယ်ဆိုလို့ရှိရင် သူ့သဘောနဲ့သူပဲ။"

ရခိုင်ပြည်နယ်မြောက်ပိုင်းက အစ္စလာမ်ဘာသာဝင်တွေဟာ နောက်ထပ် ထွက်ခွာဖို့ ပြင်ဆင်နေကြရှိနေကြောင်းကိုလည်း ဦးတင်မောင်ဆွေက ပြောပါတယ်။ အစိုးရဘက်က လက်ရှိ ထုတ်ပြန်ထားချက်အရ စက်တင်ဘာ ၂၆ ကနေ စက်တင်ဘာ ၂၉ အထိ အစ္စလမ် ဘာသာဝင် ၂၃၀၀ နီးပါး ဘင်္ဂလားဒေရှ် ဘက်ကို ထွက်ခွာသွားကြပြီးဖြစ်ပါတယ်။

 မေခ  / ဗွီအိုအေ (မြန်မာပိုင်း)
https://burmese.voanews.com

မီးတောင် အန္တရယ်ကြောင့် ပြောင်းပြေးရသူ ၁၄၀, ၀၀၀ ကျော်ပြီ


အင်ဒိုနီးရှားနိုင်ငံ ဘာလီကျွန်း အရှေ့ပိုင်း က အာဂွန် မီးတောင်ကြီး ပေါက်ကွဲဖို့အရှိန်ယူနေစဲ ဖြစ်ပြီး ဒေသခံတွေ ဘေးလွတ်ရာကို ရွှေ့ပြောင်းနေကြတာ သီတင်းတပတ်အတွင်း လူပေါင်း တသိန်း လေးသောင်းရှိနေပြီ လို့ သိရပါတယ်။

မီးတောင်ကြီးက ပြာမှုန့်တွေ မီးခိုးတွေ တော်တော်ထွက်နေပြီး တရက် ၂ရက်မှာ ပေါက်ကွဲမယ်လို့ မှန်းဆထားကြပါတယ်။
လူမှုကူညီရေးအဖွဲ့တွေ ကယ်ဆယ်ရေးအဖွဲ့တွေက အစစပြင်ဆင်ထားပေမယ့်လဲ ဘယ်တော့ ပေါက်မလဲ မသိရပဲ စောင့်မျှော်နေကြရတာမို့ စိတ်မောနေကြပါတယ်။

လယ်သမားတဦးကတော့ ရွာမှာ ကျန်ရစ်ခဲ့တဲ့ နွားတွေထဲက တချို့တဝက်ကို ခေါ်ဖို့ဆိုပြီး အန္တရယ် ရှိမှန်းသိရက်နဲ့ ပြန်သွားတယ်လို့ သိရပါတယ်။

ဘာလီ ကျွန်းက နွားတွေဟာ တခြားအရပ်က နွားတွေထက် ရောဂါဒဏ် ရာသီဥတုဒဏ်ခံနိုင်ရည်ရှိလို့ နာမည်ကျော်ကြားပြီး ကိုယ်လွတ်ရုံး ထွက်ပြေးခဲ့ကြရလို့ နွားကောင်ရေ ထောင်နဲ့ချြီ့ပီး ကျန်ရစ်ခဲ့တယ်လို့ဆိုပါတယ်။

Photo credit: indonesia travel
RFA Burmese
https://www.facebook.com/rfaburmese

ဆီးရီးယား နဲ့ ရုရှား သူပုန်ဒေသကို လေကြောင်းထိုးစစ်ဆင်

အပျက်အစီးတွေကြားက ဆီးရီးယား ပြည်သူတွေ
ဆီးရီးယား အနောက်မြောက်ပိုင်း သူပုန်ထိန်းချုပ်ရာ Idlib ပြည်နယ်က မြို့တမြို့ပေါ်ကို လေကြောင်းက ပစ်ခတ် တိုက်ခိုက်ခဲ့လို့ ကလေးတွေ အပါအဝင် ဆယ်ဂဏန်းနဲ့ချီရှိတဲ့ လူတွေ သေဆုံးသွားတယ်လို့ နိုင်ငံရေး တက်ကြွ လှုပ်ရှားသူတွေက ပြောပါတယ်။

Arminaz မြို့က လာတဲ့ သတင်းနဲ့ ဗွီဒီယိုတွေ အရ ဆီးရီးယား ဒါမှမဟုတ် ရုရှား လေယာဉ်တွေရဲ့ လေကြောင်းက အပြင်းအထန် တိုက်ခိုက်ခံရပြီးနောက် အပျက်အစီးပုံ အောက်က အော်ငိုနေတဲ့ သမီးငယ်လေးကို ဖခင်ဖြစ်သူက ကြိုးစား ဆွဲထုတ်နေတာကို တွေ့ရပါတယ်။

ပြီးခဲ့တဲ့ ဆယ်ရက်အတွင်း Hama မြောက်ပိုင်း နဲ့ Idlib ပြည်နယ်တွေကို ဆီးရီးယားနဲ့ သူ့ရဲ့ မိတ်ဖက် ရုရှား တို့က လေကြောင်းကနေ ထိုးစစ်တွေ ဆင်နွှဲခဲ့တာ ဖြစ်ပါတယ်။

ဒီလို လေကြောင်းကနေ ထိုးစစ်ဆင် တိုက်ခိုက်မှုတွေကြောင့် ဒေသန္တရ ဆေးရုံ အတော်များများကို ပိတ်ပစ်ခဲ့ရပြီး ဒဏ်ရာရသူတွေကို ဆေးကုသပေးဖို့ အခွင့်အရေးလည်း မရှိဘဲ ထားရတယ်လို့ နယ်စည်းမထား ဆေးကုသရေး ပရဟိတ အဖွဲ့က ပြောပါတယ်။

BBC Burmese
http://www.bbc.com/burmese

အမေရိကန် ကျန်းမာရေး ဝန်ကြီး ရာထူးကနေ ရုတ်တရက် နှုတ်ထွက်ပေးရ

သူသုံးထားတဲ့ ပြည်သူ့ အခွန်ငွေတွေကို ပြန်လျော်ပေးမယ်လို့ မစ္စတာ Price ပြော
အမေရိကန်နိုင်ငံမှာ တန်ဘိုးကြီးတဲ့ စင်းလုံးငှား လေယာဉ်တွေကို တရားဝင် အလုပ် ခရီးစဉ်တွေအတွက် အသုံးပြုခဲ့မှုနဲ့ ပတ်သက်ပြီး ကျန်းမာရေး ဝန်ကြီး Tom Price ရာထူးကနေ နှုတ်ထွက်သွားခဲ့ရပြီ ဖြစ်ပါတယ်။

ပြီးခဲ့တဲ့ မေလကစလို့ စင်းလုံးငှား လေယာဉ်တွေနဲ့ ခရီးစဉ်ပေါင်း ၂၆ခု သွားခဲ့ရာမှာ လူထု အခွန်ငွေ ဒေါ်လာ ၄သိန်းကုန်ကျခဲ့တာနဲ့ ပတ်သက်လို့ မစ္စတာ Price က အစောပိုင်းက တောင်းပန်စကား ပြောခဲ့ပါတယ်။

မစ္စတာ Price က ကုန်ကျစရိတ်တွေကို အမေရိကန် ဘဏ္ဍာရေးဌာနကို ချက်လက်မှတ်ရေးပြီး ပြန်ဆပ်ပါ့မယ်လို့ ကြာသပတေးနေ့က ပြောခဲ့ပါတယ်။

နိုင်ငံတော် လုံခြုံရေးကိစ္စတွေ ကိုင်တွယ်နေတဲ့ သူတွေကလွဲလို့ အမေရိကန် အစိုးရ တာဝန်ရှိပုဂ္ဂိုလ်တွေအနေနဲ့ အလုပ်ခရီးစဉ်တွေအတွက် ခရီးသည်တင် လေယာဉ်တွေကိုသာ သုံးခွင့်ရှိတာပါ။

Politco ဆိုတဲ့ နိုင်ငံရေး သတင်း website ရဲ့ လေ့လာစုံစမ်းမှု တခုအရတော့ မစ္စတာ Priceရဲ့ ခရီးစရိတ်က ဒေါ်လာ တသန်း ကျော်လောက် ကုန်ကျခဲ့တယ်လို့ တွေ့ရပါတယ်။

အဲဒီ ကုန်ကျစရိတ်ထဲမှာ စင်းလုံးငှား လေယာဉ်တွေအတွက် ကုန်ကျစရိတ် ဒေါ်လာ ၄သိန်းနဲ့အတူ နိုင်ငံခြားခရီးစဉ်တွေအတွက် စစ်လေယာဉ်တွေ အသုံးပြုတဲ့ ကုန်ကျစရိတ်တွေလည်း ပါဝင်တယ်လို့ ဆိုပါတယ်။

မစ္စတာ Priceရဲ့ ခရီးသွား စရိတ် အကုန်အကျ အဆမတန် များလာနေတာဟာ ဘယ်လိုမှ လျစ်လျူရှုထားလို့ မရတဲ့ အရှုပ်တော်ပုံကြီး ဖြစ်လာခဲ့တာပါ။

ရွေးကောက်ပွဲ မဲဆွယ်စဉ်ကာလတုန်းကတော့ မစ္စတာထရမ့်က သူ့အစိုးရ တက်လာခဲ့ရင် အလဟဿ ဖြစ်မယ့် အသုံးစရိတ်တွေကို ဖြတ်တောက် ချွေတာသွားမယ်လို့ ကတိပြု မဲဆွယ်ခဲ့တာ ဖြစ်ပါတယ်။

အခုတော့ အဲဒီတုန်းက ကတိပေးခဲ့တာတွေနဲ့ ပြောင်းပြန် ဖြစ်နေပါပြီ။

တခါ သမ္မတ ထရမ့် အစိုးရရဲ့ နောက်ကက်ဘိနက် ဝန်ကြီး ၃ဦးလည်း အလုပ်ခရီးစဉ်တွေအတွက် စင်းလုံးငှား လေယာဉ်တွေ သုံးခဲ့တဲ့အတွက် အဝေဖန် ခံနေရ သလို သမ္မတ ထရမ့်ရဲ့ အဆင့်မြင့် အကြံပေးပုဂ္ဂိုလ် Kellyanne Conway လည်း မစ္စတာ Priceရဲ့ လေယာဉ် ခရီးစဉ် တခုမှာ လိုက်ပါခဲ့ဖူးတဲ့အတွက် ဒီအရှုပ်တော်ပုံကြီးဟာ အိမ်ဖြူတော်ထဲအထိ ရောက်လာနိုင်တယ်ဆိုတဲ့ အရိပ်အမြွက် ပြောဆိုမှုတွေ ထွက်ပေါ်နေပါတယ်။

အမေရိကန်နိုင်ငံမှာ ပြည်သူ့ ဘဏ္ဍာကို ဒီလို မတန်တဆ သုံးဖြုန်းတာမျိုးဟာ ရာထူးကနေ ထုတ်ပယ်နိုင်လောက်တဲ့ ပြစ်မှုမျိုး ဖြစ်တယ်လို့ ဘီဘီစီ သတင်းထောက် Anthony Zurcher က သုံးသပ်ထားပါတယ်။

BBC Burmese
http://www.bbc.com/burmese

သမ္မတ Donald Trump အာရှ ၅ နိုင်ငံ ခရီးထွက်မည်

အမေရိကန်သမ္မတ Donald Trump။
အမေရိကန်သမ္မတ Donald Trump ဟာ လာမယ့် November လထဲမှာ အာရှ ၅ နိုင်ငံကို ခရီးထွက်မှာဖြစ်ပါတယ်။ ဂျပန်၊ တောင်ကိုရီးယား၊ တရုတ်၊ Vietnam။ ဖိလစ်ပိုင်နိုင်ငံတွေအပြင် Hawaii ကျွန်းကို November ၃ ရက်ကနေ ၁၄ ရက်နေ့အတွင်း ခရီးသွားမယ်လို့ အိမ်ဖြူတော်က သောကြာနေ့မှာ ထုတ်ပြန်ပါတယ်။ အာရှဒေသနဲ့ အမေရိကန်ပြည်ထောင်စုကြား မဟာမိတ်ဆက်ဆံရေးနဲ့ ပူးပေါင်းဆောင်ရွက်မှုကို အလေးထားတယ်ဆိုတဲ့ သန္နိဌာန်ကို ပြသတဲ့အနေနဲ့ ခုလိုအာရှနိုင်ငံတွေဆီ သမ္မတ Trump သွားရောက်တာဖြစ်တယ်လို့ အိမ်ဖြူတော်ရဲ့ ထုတ်ပြန်ချက်ထဲမှာ ဖော်ပြထားပါတယ်။

အမေရိကန်သမ္မတဟာ ဖိလစ်ပိုင်မှာကျင်းပမယ့် အမေရိကန် အာဆီယံထိပ်သီးစည်းဝေးပွဲ၊ အရှေ့အာရှထိပ်သီးစည်းဝေးပွဲတွေကို တက်ရောက်မှာ ဖြစ်ပါတယ်။ Vietnam နိုင်ငံမှာ ကျင်းပမယ့် အာရှ Pacific စီးပွားရေးပူးပေါင်းဆောင်ရွက်ရေး APEC ထိပ်သီး စည်းဝေးပွဲကိုလည်း သမ္မတ Trump တက်ရောက်ပါလိမ့်မယ်။

အမေရိကန်ရဲ့သာယာဝပြောမှုနဲ့ လုံခြုံရေးအတွက် Indo Pacific ဒေသမှာ လွတ်လပ် ပွင့်လင်းမှုရှိတယ်ဆိုတာကို သမ္မတက ဆွေးနွေးမှာဖြစ်တဲ့အပြင် အမေရိကန်ကုန်သွယ်ဖက်နိုင်ငံတွေ အနေနဲ့ မျှတပြီး အပြန်အလှန်စီးပွားဆက်ဆံရေးဟာ အရေးကြီးတယ်ဆိုတာကို အလေးထားပြောဖို့ရှိတယ်လို့ အိမ်ဖြူတော်ထုတ်ပြန်ချက်မှာ ပြောထားပါတယ်။

မြောက်ကိုရီးယားရဲ့ ရန်ကြီးမားနေချိန်မှာ ဂျပန်။ တောင်ကိုရီးယားနဲ့ တရုတ်နိုင်ငံတွေ ဆီကိုလည်း သမ္မတ Trump သွားရောက်တာဖြစ်ပါတယ်။ ခုလိုသမ္မတခရီးစဉ်ကြောင့် ကိုရီးယားကျွန်းဆွယ်မှာ Nuclear လုံးဝကင်းစင်ရေးနဲ့ မြောက်ကိုရီးယားရန်ကို နိုင်ငံတကာရဲ့ဖြေရှင်းမှု ပိုပြီးအင်အားကောင်းစေမှာဖြစ်တယ်လို့ အိမ်ဖြူတော်က ပြောပါတယ်။

ဗွီအိုအေ (မြန်မာပိုင်း)
https://burmese.voanews.com

ကျူးဘားဆိုင်ရာ ကန်သံအရာရှိဦးရေ လျှော့မည်

Cuba နိုင်ငံ Havana မြို့က အမေရိကန်သံရုံး။
Cuba နိုင်ငံ Havana မြို့ကအမေရိကန်သံရုံးဝန်ထမ်း ၂၁ ယောက် ကျန်းမာရေး ထိခိုက်စေတဲ့ တိုက်ခိုက်မှုတွေခံခဲ့ရပြီးနောက် မရှိမဖြစ်မလိုအပ်တဲ့ ဝန်ထမ်းအားလုံးကို ပြန်ခေါ်မယ်လို့ အမေရိကန်နိုင်ငံခြားရေးဌာနက ကြေညာခဲ့ပါတယ်။ အမေရိကန်ပြည်ထောင်စု အနေနဲ့ Cuba နိုင်ငံနဲ့ သံတမန်ဆက်ဆံရေး ဆက်လက်ထားရှိမှာဖြစ်ပေမဲ့ အမေရိကန်သံရုံးဝန်ထမ်းတွေရဲ့ ကျမ်းမာရေးနဲ့ လုံခြုံရေးကို ပထမဦးစားပေးရမယ်လို့ နိုင်ငံခြားရေးဝန်ကြီး Rex Tillerson ကသောကြာနေ့က ထုတ်ပြန်တဲ့ကြေညာချက်ထဲမှာ ပြောထားပါတယ်။

သံရုံးဝန်ထမ်းတချို့ နားနဲ့ပါတ်သတ်တဲ့ရောဂါဖြစ်တာ အကြားအာရုံဆုံးရှုံးတာ သိမြင်မှတ်သားမှု မလုပ်နိုင်တော့တာ မူးဝေ ခေါင်းကိုက် ပင်ပန်းနွမ်းနယ်တာတွေအပြင် အိပ်မပျော်တဲ့ ဝေဒနာတွေခံစားရတာဟာ ဘယ်လိုတိုက်ခိုက်မှုကြောင့်လဲ ဘယ်သူ့ကြောင့်လဲ ဆိုတာ စုံစမ်းစစ်ဆေးသူတွေ အဖြေမရှာနိုင်သေးဘူးလို့ နိုင်ငံခြားရေးဝန်ကြီး Tillerson ကပြောပါတယ်။

Cuba ကသံဝန်ထမ်းတွေ ခုလိုတိုက်ခိုက်ခံရတဲ့အပေါ် စိတ်ဆိုးဒေါသထွက်ကြောင်း သမ္မတ Trump ကလည်း သောကြာနေ့က ပြောကြားခဲ့ပါတယ်။ စောစောကပြောသလို ဝေဒနာခံစားရတဲ့ သံတမန်တချို့က Havana မြို့ထဲက ဟိုတယ်တွေမှာ တည်းခိုစဉ် ခံစားရတာမို့ အမေရိကန်ပြည်သူတွေကို Cuba နိုင်ငံကို မသွားကြဖို့ အကြံပြုထားတယ်လို့ နိုင်ငံခြားရေးဌာနက အကြီးတန်းတာဝန်ရှိသူတွေက ပြောပါတယ်။ တချို့တိုက်ခိုက်မှုတွေ ကတော့ သံရုံးအိမ်ရာတွေမှာ ဖြစ်ခဲ့တာလို့ ပြောပါတယ်။

ဗွီအိုအေ (မြန်မာပိုင်း)
https://burmese.voanews.com

လင်းခေးမြို့တွင် နေအိမ် ၂ လုံးမီးလောင်

ဓါတ်ပုံ- မီးဘေးသင့်နေသော ဦးလုံးလမ်နေအိမ်အား ရွာသားများ မီးငြိမ်းသတ်နေသည်ကိုတွေ့ရစဉ်
စက်တင်ဘာလ ၂၉ ရက် ၂၀၁၇

စက်တင်ဘာလ ၂၉ ရက်နေ့ည ၉ နာရီခန့်က သျှမ်းပြည်တောင်ပိုင်း လင်းခေးခရိုင် လင်းခေးမြို့နယ် ပင်ဟုန်းရပ်ကွက်တွင်နေအိမ် ၂ လုံး မီးလောင်ပြာကျကြောင်း သိရသည်။

ပင်ဝေါင်ရပ်ကွက် အခြေခံပညာအလယ်တန်းကျောင်းအနီး ပင်ဟုန်း ရပ်ကွက် ဦးလုံးလမ် ဒေါ်ပါမိုင်တို့ခြံဝင်းအတွင်းရှိနေအိမ် ၂ လုံးအား မီးလောင်ကျွမ်းခြင်းဖြစ်ကြောင်း လင်းခေးမြို့ခံ နန်းလ ကပြောသည်။

“မီးသတ်ကားကြီး ၃-၄ စီး သွားကူငြိမ်းတယ်။ လင်းခေးမှာ အကြောက်ရ ဆုံးကမီးဘေးဘဲ။ အဲ့ကြောင့် အိမ်တိုင်းက အမျိုးသားတွေ သွားကူငြိမ်း သတ်ကြတယ်။ ၁၀ နာရီလောက်မှာ မီးညွန့်ကျိုးသွားတယ်။ ဝါယာလျှော့ လို့ပြောတယ်။ တော်သေးတယ် ဒီ ၂ ရက် ၃ ရက်အတွင်း မိုးရွာလို့လေ လင်းခေးမှာ။ သူ့အိမ်ရှေ့ကအိမ်ပါ မီးကူးရင်တော့ ပင်ဝေါင်အလကကျောင်းလဲ လွှတ်တော့မှာမဟုတ်ဘူး။ ” - ဟု နန်းလ ကပြောသည်။

ဓါတ်ပုံ- မီးဘေးသင့်နေသော ဦးလုံးလမ်နေအိမ်အား ရွာသားများ မီးငြိမ်းသတ်နေသည်ကိုတွေ့ရစဉ်
မီးလောင်မှုကြောင့် နေအိမ်နှင့်ပစ္စည်းဆုံးရှုံးမှုမှအပ လူသူထိခိုက်ဒဏ်ရာရမှုတော့မရှိကြောင်း၊ နေအိမ်မှာ ကျွန်းသစ်ကာအိမ်ဖြစ်သဖြင့် ဆုံးရှုံးမှုတန်ဖိုးအတိအကျမသိရသေးကြောင်းသိရသည်။

မီးငြိမ်းသတ်ရာတွင် ရွာသားများသာမက မြို့နယ်အာဏာပိုင် တချို့လည်း သွားရောက်ငြိမ်းသတ်ကြကြောင်း ပင်ဟုန်းရပ်ကွက်မှေ ဒသခံများ ကပြောဆိုသည်။

သို့သော် မီးလောင်မှုဖြစ်ပွါးရခြင်းအဓိကအကြောင်းအချက်ကိုမူ အတည်ပြုချက်မရသေးပေ။

တောင်ပတ်လည်ခြံရံကာ ချိုင့်ဝှမ်းသဏ္ဍာန်ရှိ လင်းခေးမြို့တည်နေရာသည် ပင်လယ်ရေမျက်နှာပြင်အမြင့် ၉၉၇ ပေသာရှိသဖြင့် ပူပြင်းသော ရာသီဥတုရှိရာ မီးဘေးမကြာခနသင့်သဖြင့် ဒေသခံများအထူးဂရုပြု နေထိုင်ကြရပါသည်။

၁၉၉၅ ခုနှစ်ကလည်း လင်းခေးမြို့မ အနောက်တရပ်ကွက်လုံး၊ မြို့မအရှေ့ တဝက်ခန့် နှင့်ပင်ဟုန်းရပ်ကွက်နေအိမ်အချို့ မီးလောင် ကျွမ်းပြာကျ မှုဖြစ်ပွါးခဲ့ဖူးသည်။

ပြီးခဲ့သည့်နှစ် ဂျူလိုင်လကလည်း မြို့လယ်ရှိ မဟာဝိဟာရ ပရိယတ္တိ စာသင်တိုက်ကြီးလည်း ဝါယာလျှော့ဖြစ်၍မီးလောင်ရာ ကျောင်းတိုက်ကြီးပြာကျသွားခဲ့သည်။

သျှမ်းသံတော်ဆင့်- ဟွမ်ဟိန်း
https://www.facebook.com/Panglong.burmese/

နိုင်ငံသားဖြစ်မှု စိစစ်ရေးလုပ်ငန်းစဉ် ပြန်စမယ်

NVC နိုင်ငံသားဖြစ်မှုစိစစ်ရေးကဒ်
ဒေါ်အောင်ဆန်းစုကြည် ဦးဆောင်တဲ့ အန်အယ်ဒီအစိုးရတက်လာပြီး ရက် ၁၀၀ စီမံကိန်းမှာကိုပဲ ရခိုင်ပြည်နယ်မှာ နိုင်ငံသားစိစစ်တဲ့ လုပ်ငန်းစဉ်ဖြစ်တဲ့ NVC နိုင်ငံသားဖြစ်မှုစိစစ်ရေးကဒ် ထုတ်ပေးရေးလုပ်ငန်းကို စတင်ခဲ့ပါတယ်။

ဒါပေမယ့် ရခိုင်ပြည်နယ်မှာရှိတဲ့ မွတ်ဆလင်အများစုက ဒီလုပ်ငန်းစဉ်ကို လက်မခံတဲ့အတွက် မအောင်မြင်ခဲ့ပါဘူး။ အစ္စလာမ်ဘာသာဝင် တသန်းကျော်ရှိတဲ့ မောင်တောခရိုင်ထဲမှာ NVC ကဒ် လုပ်တဲ့လူက တစ်သောင်းမပြည့်ခဲ့ပါဘူး။

ဒါပေမဲ့လည်း ရခိုင်အရေးနဲ့ပတ်သက်လို့ ကိုဖီအာနန်ကော်မရှင်ရဲ့ အကြံပြုချက်ထွက်ပြီးတဲ့ နောက်မှာ ဒီလုပ်ငန်းစဉ်ကို ပြန်စဖို့ စတင်ဆောင်ရွက်နေပြီလို့ တာဝန်ရှိသူတွေကပြောပါတယ်။

ရခိုင်ပြည်နယ်အရေး အကြံပြုချက်တွေကို အကောင်အထည်ဖော်ရေး ကော်မတီရဲ့ အဖွဲ့ဝင်တွေဖြစ်တဲ့ ဝန်ကြီးဌာနအများစုက အမြဲတမ်း အတွင်းဝန်တွေဟာ ပြီးခဲ့တဲ့ရက်ပိုင်းက နယ်မြေအခြေအနေတွေကို သွားရောက်လေ့လာခဲ့ ကြပြီး ဒီလုပ်ငန်းပြန်လည်စတင်ဖို့လုပ်ဆောင်လာတာပါ။

NVC ကဒ်ထုတ်ပေးတဲ့ လုပ်ငန်းကို အရင်က လက်မခံခဲ့ကြတဲ့ ဒေသနေ မွတ်ဆလင်တွေအနေနဲ့ အကြမ်းဖက် တိုက်ခိုက်မှုတွေ ဖြစ်ခဲ့ပြီးနောက်ပိုင်း အခုအခါ ဒီကဒ်ဟာ သူတို့ မြန်မာနိုင်ငံထဲမှာ တရားဝင်ရောက်ရှိနေတယ်ဆိုတဲ့ အထောက်အထား စာရွက်ဖြစ်တယ် ဆိုတာကို သဘောပေါက် လက်ခံလာကြပြီလို့ ရခိုင်ပြည်နယ် လေ့လာရေးခရီးစဉ်က ပြန်လာတဲ့ အလုပ်သမား လူဝင်မှုကြီးကြပ် ရေးဝန်ကြီးဌာန အမြဲတမ်းအတွင်းဝန် ဦးမြင့်ကြိုင်က ပြောပါတယ်။

ကိုဖီအာနန်ကော်မရှင်ရဲ့ အကြံပြုချက်တွေထဲမှာ နိုင်ငံသားစိစစ်တဲ့လုပ်ငန်းကို လုပ်ကိုင်ဖို့ပါတဲ့ အတွက်လည်း ဒီလုပ်ငန်းကို ဦးစားပေးလုပ်ငန်းအဖြစ် လုပ်ကိုင်တာဖြစ်ပါတယ်။

ဒေသခံတွေက NVC ကဒ်ထုတ်ပေးတဲ့လုပ်ငန်းကို လက်ခံလာလို့ ပြန်လည်လုပ်ဆောင်တယ်ဆိုပေမဲ့ ဒေသခံတချို့ ကတော့ သူတို့အနေနဲ့ နိုင်ငံသားအဖြစ် ရွေးကောက်ပွဲတွေမှာ မဲတောင် ထည့်ခဲ့ပြီးဖြစ်လို့ အခုလို NVC ကဒ်ကို လက်မခံလိုဘူး၊ ဒါပေမယ့် အစိုးရက အတင်းအကျပ်လုပ်ခိုင်းရင် လက်ခံရမှာဖြစ်တယ်လို့ ပြောပါတယ်။

ဒီနိုင်ငံသားစိစစ်ရေးလုပ်ငန်းစဉ်ကို ဘင်္ဂလားဒေ့ရ်ှဘက် ထွက်ပြေးသွားတဲ့လူတွေကို ပြန်လည်လက်ခံတဲ့အခါမှာလဲ လုပ်ဆောင်မှာဖြစ်ပါတယ်။

BBC Burmese
http://www.bbc.com/burmese

ဦးကိုနီလုပ်ကြံမှု အရေးကြီးတရားလိုပြ သက်သေကိုစစ်ဆေး

ဦးကိုနီ အသတ်ခံရမှု အတွက် ဖမ်းဆီးခံထားရသူ ကြည်လင်း
တရားလွှတ်တော်ရှေ့နေ ဦးကိုနီကို တစ်နှစ်နီးပါး ကြာ ကြိုတင်ကြံစည်ပြီး လုပ်ကြံ သတ်ဖြတ်ခဲ့တယ်ဆိုတဲ့ အမှုနဲ့ ပတ်သက်ပြီး အရေးကြီး သက်သေ ဦးအောင်စိုးကို တရားလိုပြ သက်သေ အဖြစ် စက်တင်ဘာလ ၂၉ ရက်နေ့က ကြားနာ စစ်ဆေးခဲ့ ပါတယ်။

ဦးအောင်စိုးဟာ လုပ်ကြံသတ်ဖြတ် ခဲ့တယ်လို့ သံသယရှိတဲ့ တရားခံ ကြည်လင်း နဲ့ရော ဒီလုပ်ကြံမှုကို စေခိုင်းခဲ့ တယ်လို့ သံသယရှိတဲ့ ဦးအောင်ဝင်းဇော်တို့ နှစ်ယောက်စလုံးနဲ့ပါအတူအကျဉ်းကျခဲ့ဖူးသူဖြစ်ပါတယ်။

ဦးကိုနီကို လုပ်ကြံ သတ်ဖြတ်ရာမှာ ပါဝင်တယ်လို့ စွဲဆို ခံထားရတဲ့ ဦးအောင်ဝင်းဇော်က သူ ဦးအောင်စိုးနဲ့ တွေ့ဆုံ ခဲ့တယ်ဆိုတာ တရားခွင်မှာ ဝန်ခံခဲ့ ပေမဲ့ တွေ့ဆုံဆွေးနွေးခဲ့တဲ့ အကြောင်းအရာကိုတော့ ပြောဖို့ ငြင်းဆန်ခဲ့ ပါတယ်။

ဒါ့အပြင် ဦးအောင်စိုးက သူ့ကို ဦးကိုနီ လုပ်ကြံမခံရခင် ၆ လကျော် အချိန်က ဦးအောင်ဝင်းဇော်လာရောက် တွေ့ဆုံခဲ့ပြီး နိုင်ငံခြား သံတမန်တစ်ယောက်ကို လုပ်ကြံသတ်ဖြတ်ပေးဖို့ ငွေပေး စေခိုင်းခဲ့တာကို သူက လက်မခံခဲ့ဘူးလို့ တရားရုံးမှာ ထွက်ဆိုခဲ့ ပါတယ်။

ဦးကိုနီ လုပ်ကြံ ခံခဲ့ရမှုမှာ ကြည်လင်းရဲ့ မျက်နှာကို တွေ့လိုက်တာနဲ့ သူ့နောက်ကွယ်မှာ ဦးအောင်ဝင်းဇော် ရှိမယ်ဆိုတာ သူ အသေအချာ မှန်းဆနိုင်ကြောင်း လည်း ဦးအောင်စိုးကပြောပါတယ်။ သူတို့နှစ်ယောက်က မန္တလေး အကျဉ်းထောင်မှာ အတူနေ အတူစား သူငယ်ချင်းတွေဖြစ်လို့ လို့ ဆိုပါတယ်။

တရားခံရှေ့နေ ဦးအောင်ခိုင်ကတော့ သူ့အမှုသည် ဦးအောင်ဝင်းဇော်က သံတမန် တစ်ယောက်ကို လုပ်ကြံသတ်ဖြတ်ပေးဖို့ ငွေပေး စေခိုင်းခဲ့တယ်ဆိုတဲ့ အထောက် အထား အခိုင်အမာ ဦးအောင်စိုး ဘက်က မပြနိုင်ဘူးလို့ ပြောပါတယ်။

ဦးကိုနီအမှုမှာ ရှေ့နေအဖြစ်လိုက်ပါ ဆောင်ရွက်ပေးနေတဲ့ တရားလွှတ်တော် ရှေ့နေ ဦးနေလ ကတော့ ဦးအောင်စိုးရဲ့ ထွက်ဆိုချက်တွေဟာ အမှုအတွက် အလွန် အရေးပါတယ်လို့ ပြောပါတယ်။

ဦးကိုနီ လုပ်ကြံအသတ်ခံရမှုမှာ သေနတ်သမား ကြည်လင်းနဲ့ အတူ ပါဝင်ပတ်သက်တဲ့ အောင်ဝင်းဇော်၊ အောင်ဝင်းထွန်း၊ ဇေယျာဖြိုးတို့ကို ရုံးတင်စစ်ဆေးနေတာ ၆ လကျော် ရှိနေပြီး အမှုနဲ့ ဆက်စပ်တဲ့ တရားလိုပြ သက်သေ အယောက် ၈၀ မှာ ၄၂ ယောက်ကို စစ်ဆေးထားပြီး ဖြစ်ပါတယ်။

အမှုမှာ အဓိက တရားလို့ ဆိုရမယ့် အောင်ဝင်းခိုင်ကိုတော့ ဖမ်းဝရမ်းထုတ် ရှာဖွေနေဆဲ ဖြစ်ပြီး လာမယ့် ရုံးချိန်းတွေမှာတော့ တရားခံပြေး ဦးအောင်ဝင်းခိုင်နဲ့ အမှုမှာ ပတ်သက်တဲ့ ဇေယျာဖြိုးတို့ ဆက်စပ်မှုတွေကို ဆက်လက်စစ်ဆေးဖို့ ရှိပါတယ်။

BBC Burmese
http://www.bbc.com/burmese

ခန္တီးတွင်ပစ္စတိုသေနတ်ကိုင် ရမ်းကားသူအား တပ်မတော်မှ ပစ်ခတ်ဖမ်းဆီးခဲ့ရ


မုံရွာ၊ စက်တင်ဘာ ၂၉။

စစ်ကိုင်းတိုင်းဒေသကြီးအထက်ပိုင်း၊ ခန္တီးမြို့နယ်တွင် ပစ္စတိုသေနတ်ကိုင်ပြီး ရမ်းကားနေသူတစ်ဦးအား နယ်မြေခံ ခြေမြန်တပ်ရင်း၃၄၇မှ ကင်းပုန်းဝပ် စုံစမ်း၍ ပစ်ခတ်ဖမ်းဆီးခဲ့ကြောင်း ခန္တီးမြို့မရဲစခန်းသို့ အမှုဖွင့်တိုင်ကြားစာအရ သတင်းရရှိသည်။

ခန္တီးမြို့၊ ကင်းတော်ရွာနေ ညီညီထွန်း (ခ) မောင်ညီမှာ အရက်သောက်ပြီး လက်နက်ပြ ခြိမ်းခြောက်ကြောင်း နယ်ခံများက သတင်းပို့သဖြင့် ဖြစ်စဉ်မှန်ကို စုံစမ်းနိုင်ရန် စက်တင်ဘာ ၂၈ ရက်နေ့ ညနေပိုင်းက နန်ဖာရွာအနီး ချင်းတွင်းမြစ်ဘေးတွင် တပ်မတော်မှ ကင်းပုန်းဝပ်၍ စောင့်ဆိုင်းခဲ့သည်။

ထိုစဉ် ညီညီထွန်းမှ လမ်းလျောက်လာခိုက် စစ်ဆေးရန် ရပ်တန့်ခိုင်းရာ မရပ်ပဲ လွယ်အိတ်အတွင်းမှ ပစ္စတိုကို ထုတ်၍ ချိန်သဖြင့် ဒူးခေါင်းအား ပစ်ခတ်ဖမ်းခဲ့ကြောင်း တိုင်စာတွင် ဖော်ပြထားသည်။

၎င်း၏လက်အတွင်းမှလည်း ထိုင်းနိုင်ငံလုပ် ပစ္စတိုအား သိမ်းဆည်းရမိပြီး ခန္တီးဆေးရုံသို့ ဆေးကုရန် ပို့ဆောင်ပြီးနောက် ရဲစခန်းတွင် လက်နက်ပုဒ်မ ၁၉ -ကဖြင့် အမှုဖွင့်လှစ်ခဲ့ကြောင်း သိရသည်။

နှင်းမောင်
Central News Myanmar
https://www.facebook.com/CNMyanmar/

တရုတ်နိုင်ငံသားတွေ စိုက်ပျိုးရေးဝင်လုပ်တာကို ကန့်ကွက်မည်

ကချင်ပြည်နယ် ဝိုင်းမော်မြို့နယ်အတွင်းက တရုတ်နိုင်ငံကို တင်ပို့တဲ့ တစ်ရှူးငှက်ပျော စိုက်ခင်းတချို့ကို တွေ့ရစဉ်။ Photo: Kyaw Myo Min/RFA
ကချင်ပြည်နယ် မြစ်ကြီးနားမြို့နယ် တာလောကြီးဒေသဘက်မှာ စိုက်ပျိုးရေးလုပ်ဖို့အတွက် တရုတ်နိုင်ငံသားတွေ ရောက်ရှိနေတာနဲ့ ပတ်သက်ပြီး ကန့်ကွက်ကြောင်းကို ဒေသခံတွေက ပြည်နယ်အစိုးရကို ရက်ပိုင်းအတွင်း စာပေး ပို့ တင်ပြသွားမယ်လို့ တာလောကြီးကျေးရွာက ရပ်မိရပ်ဖ တစ်ယောက်ဖြစ်တဲ့ ဦးစိုင်းစန်းဝေ က ပြောပါတယ်။

တာလောကြီးဒေသဘက်မှာ တရုတ်နိုင်ငံသားတွေ တံခါးမရှိ ဓါးမရှိ ဝင်ရောက်လုပ်ကိုင်နေတဲ့ အခြေအနေတွေကို ကန့်ကွက်ကြောင်း ပြောဆိုမှာဖြစ်တယ်လို့ ဦးစိုင်းစန်းဝေက ပြောပါတယ်။

"အခုက အသိမပေးဘဲနဲ့ ဒီအတိုင်းပဲ ပိုင်းစိုးပိုင်နင်း ဝင်ပြီးတော့မှ ဒါ သူတို့ နေရာထိုင်ခင်းတွေချတယ်။ ဖရဲစိုက်ဖို့တွေ ပြင်ဆင်လုပ်နေတယ်။ အဲဒါကို ဒီကသိတော့ သွားမေးတော့ စင်ကြိုင်ကုမ္ပဏီလက်ခွဲပါ ဆိုပြီးတော့မှ ပြောတာပေါ့။ အဲဒီကိစ္စနဲ့ပတ်သက်ပြီး တာလောကြီးနယ်မှာ လာမလုပ်ဖို့ ကျနော်တို့က ဒီရပ်မိ ရပ်ဖတွေက ဝန်ကြီးချုပ်ဆီမှာ စာတင်ဖို့ရန်အတွက် စီစဉ်နေပြီ။ ပိုက်ဆံရှိတဲ့ ကုမ္ပဏီကြီးတွေကနေ မြေတွေ အများကြီးလာယူလိုက်တော့ ဒေသခံတွေမှာ လုပ်စားကိုင်စားဖို့ ဒါ မြေပျောက်ရမယ့် အနေအထားဖြစ်နေ တာ။ မြန်မာပြည်ဘက်ကို တရုတ်တွေက တံခါးမရှိ ဓါးမရှိ ဝင်နေတဲ့ကိစ္စကို ပြောချင်တာပေါ့။ ပြောမယ် ဆိုလို့ရှိရင် အရှေ့တံခါးပေါက်ကြီးဟာ ဟင်းလင်းပွင့်နေတယ်။ ဒါ ပြောချင်တာပေါ့လေ"

ပြီးခဲ့တဲ့ လပိုင်းတွေကစပြီး ခေါင်ဖူးရွာသစ်၊ ဦးလောက်၊ တာလောကြီး စတဲ့ရွာတွေဘက်မှာ စင်ကြိုင်၊ ဆွတ်ဘွမ်၊ ပူတာအိုနဂါးနှစ်ကောင်စတဲ့ ကုမ္ပဏီတွေက တစ်ရှူး ငှက်ပျောစိုက်ခင်းတွေကို လုပ်ကိုင်နေကြပြီး အခုအခါမှာ ဖရဲစိုက်ပျိုးဖို့အတွက်ပါ ပြင်ဆင်လာကြတာလို့ ဒေသခံတွေက ဆိုပါတယ်။

လတ်တလောမှာ ကုမ္ပဏီတချို့က တရုတ်နိုင်ငံသားတွေကို ထပ်ခေါ်လာပြီး တာလောကြီးရွာ အရှေ့တောင်ဘက် နောင်းရမ်းကွင်းဘက်က ဒေသခံတောင်သူတွေရဲ့ လယ်ယာမြေတွေကို သိမ်းယူပြီး  ဖရဲ စိုက်ပျိုးဖို့ ပြင်ဆင်နေကြ တယ်လို့ ရွာသားတွေက ပြောပါတယ်။

အခုနှစ်ပိုင်းအတွင်း စိုက်ပျိုးရေးလုပ်ကိုင်ဖို့ တရုတ်နိုင်ငံသားတွေ အလုံးအရင်းနဲ့ ရောက်ရှိလာမှုနဲ့အတူ ကုမ္ပဏီတွေ က ဒေသခံရွာသားတွေရဲ့ လယ်ယာစိုက်ပျိုးမြေတွေကို နည်းမျိုးစုံနဲ့ သိမ်းယူမှုတွေကြောင့် မြေယာပြသနာတွေ လည်း ဖြစ်ပွားနေတာပါ။

ကုမ္ပဏီတွေက တရုတ်နိုင်ငံသားလုပ်သားတွေကို ခေါ်ယူရာမှာ အစိုးရက ခွင့်ပြုတဲ့ အရေအတွက်ထက်ပိုပြီး ခေါ်ယူတာတွေရှိနေတယ်လို့လည်း သတင်းတွေထွက်နေပါတယ်။

ကချင်ပြည်နယ်မှာ အစိုးရရဲ့ ခွင့်ပြုချက်နဲ့ စိုက်ပျိုးရေး၊ လျှပ်စစ်၊ လမ်းပန်းဆက်သွယ်ရေး စတဲ့ ကဏ္ဍတွေမှာ လာရောက်လုပ်ကိုင်နေတဲ့ တရုတ်နိုင်ငံသား အယောက် ၂ ထောင်ကျော်ရှိတယ်လို့ ပြီးခဲ့တဲ့ မေလအတွင်းက RFA နဲ့ တွေ့ဆုံမေးမြန်းရာမှာ ပြည်နယ်လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီးသူရမျိုးတင် က ပြောဆိုထားပါ တယ်။

RFA Burmese
http://www.rfa.org/burmese

ရခိုင်မြောက်ပိုင်း ပဋိပက္ခဒေသတွေဆီ အကူအညီပေးရေးအဖွဲ့ တွေ သွားခွင့်ပြုဖို့ တောင်းဆို

ရခိုင်မြောက်ပိုင်းအကြမ်းဖက်မှုကြောင့် ဘင်္ဂလားဒေ့ရ်ှဘက် တိမ်းရှောင်လာတဲ့ ဒုက္ခသည်တွေကို အကူအညီပေးရေး ပစ္စည်းတွေ ပေးနေစဉ်။ (စက်တင်ဘာ-၂၀၁၇)
ရခိုင်ပြည်နယ်မြောက်ပိုင်းမှာ ပဋိပက္ခတွေဖြစ်တာ ၁ လ ကျော်လာပြီးတဲ့နောက်၊ ဒေသတွင်းကို အကူအညီပေးရေးအဖွဲ့တွေသွားရောက်နိုင်ဖို့ တောင်းဆိုတာတွေလည်း တိုးလာနေပါတယ်။ ရိုဟင်ဂျာမွတ်စလင်သူပုန်အဖွဲ့ရဲ့ အကြမ်းဖက်တိုက်ခိုက်မှုကြောင့်၊ မြန်မာစစ်တပ်ဘက်က နယ်မြေရှင်းလင်းရေးလုပ်စဉ် လူ ၄ သိန်းကျော် ဘင်္ဂလားဒေ့ရ်ှနိုင်ငံဘက်ကို ထွက်ပြေးခဲ့ကြပါတယ်။ ဗီအိုအေသတင်းထောက် Joe Freeman ရန်ကုန်မြို့ကနေ သတင်းပေးပို့ထားတာကို ကိုရန်နိုင်က ပြောပြပေးမှာဖြစ်ပါတယ်။

ရခိုင်ပြည်နယ်မြောက်ပိုင်း မွတ်စလင်တွေအများအပြား ဘင်္ဂလားဒေ့ရ်ှနိုင်ငံဘက်ကို ထွက်ပြေးနေချိန်မှာ၊ တချို့တွေလည်း ရခိုင်ပြည်နယ် အတွင်းက သူတို့ရဲ့နေအိမ်တွေမှာ ဆက်ပြီးတော့ နေနေကြပါတယ်။ ဒါပေမဲ့ ဒေသတွင်းမှာဖြစ်ခဲ့တဲ့ ပဋိပက္ခတွေကြောင့် အဲဒီလူတွေဟာ ပုံမှန်စားနပ်ရိက္ခာ နဲ့ ကျန်းမာရေးစောင့်ရှောက်မှု အကူအညီတွေ ရဖို့အတွက် အခက်အခဲတွေနဲ့ ရင်ဆိုင်နေရတယ်လို့ မြန်မာနိုင်ငံဆိုင်ရာ ကုလသမဂ္ဂ လူသားချင်းစာနာမှုအကူအညီပေးရေးရုံးရဲ့ ပြောခွင့်ရ Pierre Peron က ပြောပါတယ်။

"ရခိုင်ပြည်နယ်မြောက်ပိုင်းက အခြေအနေတွေဟာ တကယ်ကို လူမှုကပ်ဒုက္ခ အခြေအနေကြီးဖြစ်ပါတယ်။"

ကုလသမဂ္ဂ နဲ့ နိုင်ငံတကာ NGO အဖွဲ့အစည်းတွေအနေနဲ့ သူတို့ရဲ့ ၀န်ထမ်းတွေ နဲ့ လုပ်ငန်းတွေကို တခြားနေရာတွေကို ရွှေ့ပြောင်းခဲ့ ရပါတယ်။ အဲဒီထဲမှာ အဟာရပြည့်ဝမှုအကူအညီပေးရေးအစီအစဉ် နဲ့ ကျန်းမာရေးစောင့်ရှောက်မှုအစီအစဉ်တွေ ပါဝင်ပြီး၊ အဲဒီလုပ်ငန်းစဉ်တွေဟာ သိသိသာသာကို လျှော့ကျသွားတယ်လို့ သူကပြောပါတယ်။

"လွန်ခဲ့တဲ့ ၁ လ ပဋိပက္ခတွေစတင်ဖြစ်ပေါ်လာချိန်ကစပြီး၊ အဲဒီလို အသက်ကယ်ဆယ်ရေး အတွက် အရေးတကြီးလိုအပ်နေတဲ့ လူသားချင်းစာနာမှု အကူအညီတွေကို ရပ်ဆိုင်းခဲ့ရပါတယ်။ ဒါကြောင့် ကျနော်တို့အနေနဲ့ လူသားချင်းစာနာမှု အကူအညီတွေကို ပေးနိုင်ဖို့၊ နဂိုကတည်းကလူသားချင်းစာနာမှုအကူအညီတွေကို အမှန်တကယ် လိုအပ်နေတဲ့ လူမှုအအသိုက်အ၀န်းတွေရှိနေတဲ့ နေရာတွေကို လွတ်လပ်စွာသွားရောက်ပြီး ပေးနိုင်ဖို့အတွက် တောင်းဆိုပါတယ်။"

မြန်မာအာဏာပိုင်တွေအနေနဲ့ နိုင်ငံတကာအကူအညီပေးရေးအဖွဲ့တွေကို ရခိုင်ပြည်နယ် အတွင်းမှာ အကူအညီတွေလွတ်လပ်စွာပေးခွင့်ပြုဖို့ နော်ဝေးဒုက္ခသည်ကောင်စီရဲ့ အတွင်းရေးမှူး Jan Egeland က တောင်းဆိုလိုက်ပါတယ်။ ရခိုင်ပြည်နယ်အတွင်းက အကူအညီပေးရေး ကိစ္စတွေဟာ၊ အကဲဆတ်ပြီး ထိခိုက်လွယ်တဲ့ကိစ္စရပ်ဖြစ်ပြီး၊ ဒေသခံရခိုင်တွေကတော့ နိုင်ငံတကာအဖွဲ့အစည်းတွေဟာ ရိုဟင်ဂျာမွတ်စလင် တွေကို ဘက်လိုက်တယ်ဆိုပြီး၊ ယူဆနေကြပါတယ်။

ပြီးခဲ့တဲ့သီတင်းပတ်တွေအတွင်းကလည်း ကမ္ဘာ့စားနှပ်ရိက္ခာအစီအစဉ် WFP က ပေးနေတဲ့ ဘီစကွတ်မုန့်တွေ ရိုဟင်ဂျာအကြမ်းဖက်အဖွဲ့တွေရဲ့ စခန်းတွေမှာ တွေ့ရှိခဲ့တယ်လို့ မြန်မာအစိုးရက ထုတ်ပြန်ခဲ့တာကြောင့် အခြေအနေတွေ ပိုတင်းမာလာခဲ့ပြီး၊ အကြမ်းဖက်သမားတွေကို အကူအညီပေးနေတယ်လို့ စွပ်စွဲချက်တွေကို ငြင်းဆိုလိုက်ပါတယ်။

ဒါ့အပြင် ဒေသခံတွေက အကူအညီပေးရေးဝန်ထမ်းတွေ အပေါ်မှာ ခြိမ်းခြောက်တာတွေ၊ သတင်းမှားတွေနဲ့ စွပ်စွဲပြောဆိုတာတွေကြောင့်တယ်လို့ အကူအညီပေးရေး ၀န်ထမ်းတွေ အပေါ် ဖိအားတွေ စိုးရိမ်ကြောက်လန့်စိတ်တွေ့ဖြစ်ပေါ်စေတယ်လို့ နော်ဝေးဒုက္ခသည် အကူအညီ ပေးရေးကောင်စီက နိုင်ငံတကာအကူအညီပေးရေးအဖွဲ့ ၁၉ ဖွဲ့ နဲ့ အတူပူးတွဲပြီး ထုတ်ပြန်လိုက်တဲ့ကြေညာချက်မှာ ပြောထားပါတယ်။

ပြီးခဲ့တဲ့သီတင်းပတ်ကလည်း စစ်တွေမြို့မှာ ဒေသခံတွေက အကူအညီပေးရေးအဖွဲ့တွေကို တိုက်ခိုက်ခဲ့ပြီး၊ ဒီဖြစ်ရပ်ကြောင့် အာဏာပိုင်တွေ ဘက်က လူ ၉ ဦးကို ဖမ်းဆီးခဲ့ပါတယ်။ မြန်မာအစိုးရကတော့ ရခိုင်ပြည်နယ်မြောက်ပိုင်းမှာ လိုအပ်နေတဲ့ အကူအညီတွေကိုပေးဖုိ့ အတွက် ၊ နိုင်ငံတကာကြက်ခြေနီအဖွဲ့ကို တာဝန်ပေးခဲ့ပါတယ်။ ဒါပေမဲ့ နိုင်ငံတကာ အကူအညီပေးရေးအဖွဲ့တွေကတော့ - အဖွဲ့တခုတည်းကို ဒီတာဝန်ပေးတာသိပ်ကို တာဝန်ကြီးလွန်းပြီး၊ အကူအညီတွေမလုံလောက်မှာကို စိုးရိမ်နေကြပါတယ်။

ရန်ကုန်မှာရှိတဲ့ နိုင်ငံတကာကြက်ခြေနီအဖွဲ့ရဲ့ ပြောခွင့်ရ Cecilia Goin ကလည်း ကုလသမဂ္ဂ နဲ့ တခြားလူသားချင်းစာနာမှုအဖွဲ့အစည်းတွေရဲ့ တာဝန်တွေကို ပြည့်မှီအောင်လုပ်ဆောင်နိုင်ဖုိ့က မဖြစ်နိုင်ကြောင်း၊ ဒါပေမဲ့ သူတို့အနေနဲ့ အကူအညီတွေကို အရှိန်အဟုန်မြှင့်လုပ်ဆောင်နေတယ်လို့ ပြောလိုက်ပါတယ်။

ရခိုင်ပြည်နယ်မြောက်ပိုင်းမှာဖြစ်ခဲ့တဲ့ အကြမ်းဖက်မှုတွေကြောင့်၊ ဒေသခံ ဗုဒ္ဓဘာသာဝင်တွေ ထောင်နဲ့ချီပြီး အိုးအိမ်စွန့်ခွာထွက်ပြေးခဲ့ရသလို၊ တခြားဒေသခံ တိုင်းရင်းသားတွေလူနည်းစုတွေလည်း ထွက်ပြေးခဲ့ရပါတယ်။ အခုသီတင်းပတ် အစောပိုင်းကတော့ - ARSA အကြမ်းဖက်အဖွဲ့ရဲ့ လက်ချက်ကြောင့် သေဆုံးသွားတဲ့ ဟိန္ဒူဘာသာဝင်ဒါဇင်ပေါင်းများစွာရဲ့ ရုပ်အလောင်းတွေကို ရှာဖွေတွေ့ရှိခဲ့တယ်လို့ မြန်မာအစိုးရအာဏာပိုင်တွေဘက်က ပြောပါတယ်။

ဟိန္ဒူဘာသာဝင်တချို့ကတော့ တချို့သေဆုံးသွားသူတွေဟာ သူတို့ရဲ့ မိသားစုဆွေမျိုးတွေဖြစ်တယ်လို့ အတည်ပြုခဲ့ပြီး၊ ARSA အဖွဲ့ကတော့ ဒါဟာ သူတို့လက်ချက်မဟုတ်ဘူးလို့ ငြင်းဆိုခဲ့ပါတယ်။

ကိုရန်နိုင် / ဗွီအိုအေ (မြန်မာပိုင်း)
https://burmese.voanews.com

မိသားစုဝင် ၆ ဦး သတ်ဖြတ်ခံရမှုအကြောင်းကို လွတ်မြောက်လာသူ ပြန်ပြောပြ

အကြမ်းဖက်မှုအတွင်း မိသားစုဝင် ၆ ဦးကို ဆုံးရှုံးရပြီး ကိုယ်တိုင်လည်း ဒဏ်ရာ အပြင်းအထန် ရရှိခဲ့သူ မဟောင်မာလာကို စက်တင်ဘာလကုန်ပိုင်းက စစ်တွေမြို့ ဟိန္ဒူဘုရားကျောင်းတစ်ခုတွင် တွေ့ရပုံ (ဓာတ်ပုံ - ဖြိုးသီဟချို/Myanmar Now)
စစ်တွေ (Myanmar Now) - ကြောက်မက်ဖွယ် အကြမ်းဖက်မှုဖြစ်ရပ် အများအပြား ပေါ်ပေါက်နေသည့် ရခိုင်ပြည်နယ်မြောက်ပိုင်းတွင် ဒေသခံများအကြား လူသားဆန်မှုအနေအထားတချို့ကိုလည်းတွေ့မြင်နိုင်သည်။

ထိုအကြောင်း ပြန်ပြောပြနိုင်သူများထဲတွင်  မိသားစုဝင် ၆ ဦး သတ်ဖြတ်ခံရပြီးနောက် ပြည်နယ်မြို့တော် စစ်တွေသို့ ကျည်ထိဒဏ်ရာဖြင့် ရောက်ရှိလာသည့် ဟိန္ဒူဘာသာဝင် အမျိုးသမီးတစ်ဦးလည်း ပါဝင်သည်။

အသက် ၂၇ နှစ် အရွယ်ရှိ မဟောင်မာလာသည် မောင်တောမြို့ ရပ်ကွက်(၄)တွင် နေထိုင်ခဲ့သူဖြစ်သည်။

မြို့၏ မြောက်ဘက် ကျေးလက်ဒေသတစ်ခုတွင် အိမ်ငှားနေထိုင်ပြီး မိသားစုလိုက် ပန်းတိမ်လုပ်ငန်း လုပ်ကိုင်စဉ် ကမ္ဘာ့သတင်းများတွင် နေ့စဉ်ရက်ဆက် နေရာယူလာသည့် အကြမ်းဖက် တိုက်ခိုက်မှု၏သားကောင် ဖြစ်လာသည်။

စစ်တွေမြို့ရှိ ဟိန္ဒူဘုရားကျောင်းတစ်ခုတွင် ခိုလှုံလျက်ရှိသည့် မဟောင်မာလာက ကြုံတွေ့ခဲ့ရသည့် ဖြစ်ရပ်ဆိုးများအကြောင်းကို  Myanmar Now နှင့် စက်တင်ဘာ ၂၇၊ ၂၈ ရက်နေ့တို့တွင် တွေ့ဆုံစဉ် ပြောပြခဲ့သည်။

ပထမအကြိမ် ရန်မူခံရခြင်း

မဟောင်မာလာတို့ သွားရောက် အလုပ်လုပ်ကိုင်သည့် မြို့လွတ်ကျေးရွာသည် မွတ်စလင် အများစု နေထိုင်ပြီး သြဂုတ် ၂၅ ညပိုင်းအထိ တည်ငြိမ်နေသည်ဟု ဆိုသည်။ သို့သော်လည်း နောက်တစ်နေ့ နံနက် အာရုံမတက်မီတွင် ဒေသခံ အများအပြားက လူမျိုး၊ ဘာသာ မတူသူတို့ကို ရွာမှ ထွက်သွားကြရန်၊ သုံးနာရီအတွင်း ထွက်သွားခြင်း မပြုပါက အသက်အန္တရာယ်ပြုမည်ဟု ခြိမ်းခြောက် အော်ဟစ်ကြသည်ဟု မဟောင်မာလာက ပြောပြသည်။

ထိုအချိန်တွင် မောင်တောဒေသ နေရာ အနှံ့အပြား တိုက်ခိုက်မှုများ ပေါ်ပေါက်နေပြီ ဖြစ်သည်။

များမကြာမီ ကျေးရွာအတွင်း ပဋိပက္ခ စတင် ပေါ်ပေါက်လာပြီး လူ ၃ ဦး ရောက်လာကာ မဟောင်မာလာတို့ မိသားစုပိုင်ဆိုင်သည့် ရွှေထည်ပစ္စည်း၊ ငွေကြေး၊ လက်ကိုင်ဖုန်းများကို လုယက်သွားသည်။ ၎င်းတို့ မိသားစု ရန်မူခံရသော်လည်း  အိမ်ရှင်ဖြစ်သူ ကြားဝင်တောင်းပန်ပေးမှုကြောင့် အသက်ချမ်းသာရခဲ့သည်ဟု ဆိုသည်။

ထို့နောက် မွတ်စလင်ဖြစ်သူ အိမ်ရှင်   စီစဉ်ပေးသည့် မော်တော်ယာဉ်ဖြင့် မောင်တောမြို့ဘက်သို့ ထွက်ပြေးခဲ့သည်ဟု မဟောင်မာလာက ပြောပြသည်။

ယာဉ်မောင်းသူက ၎င်းတို့ကို မောင်တောမြို့သို့အနီးရှိ ရခိုင်ရွာတစ်ခုအထိ ပို့ပေးခဲ့ကြောင်း၊ ထိုရွာမှ ရခိုင်တိုင်းရင်းသား ၃ဝ နှင့် အတူ ထွက်ခွာလာရာ သုံးမိုင်စခန်းသို့ ရောက်သွားကြောင်း သိရသည်။

ဒုအကြိမ် ရန်မူခံရခြင်း

သုံးမိုင်စခန်းမှ မောင်တောမြို့သို့ သွားသည့်လမ်းတွင် ဆောက်လက်စ အဆောက်အဦတစ်ခုအတွင်း ဝင်ရောက် ပုန်းအောင်းရစဉ် ၎င်းတို့မိသားစု ကြမ္မာဆိုး ဝင်ခဲ့ရသည်။

အနက်ရောင်ဝတ်စုံကို ဝတ်ဆင်ထားပြီး အနက်ရောင် အလံများ ကိုင်ဆောင်လာသည့် လက်နက်ကိုင်အုပ်စု တစ်ခု ရောက်လာပြီး ပစ်ခတ်သွားသည်ဟု ဆိုသည်။

 “ကျွန်မတို့က ဟိန္ဒူတွေလို့ပြောပါတယ်။ ဒါပေမယ့် ရခိုင်သားတွေနဲ့ပေါင်းပြီးတော့ နင်တို့ ဗုဒ္ဓဘာသာတွေ၊ တူတူပဲ ဆိုပြီး သေနတ်နဲ့ပစ်ပါတယ်” ဟု မဟောင်မာလာက ပြောသည်။

ပစ်ခတ်မှုကြောင့် မိသားစုဝင်များထဲမှ ၆ဦးမှာ နေရာတွင်ပင် သေဆုံးသွားသည်။   သေဆုံးသူများထဲတွင် ခင်ပွန်းသည်နှင့် သမီးတစ်ဦး ပါဝင်သည်။ ကျန် ၄ ဦးမှာ ယောက်မဖြစ်သူ ရှိုမီတာ၊ ၎င်း၏ အိမ်ထောင်ဘက် ဆံသဆရာ ရှစ်ဂျော့၊ ၎င်းတို့၏ ကလေးများ ဖြစ်ကြသည်။

သေနတ်သမားတို့၏နောက်တွင်  ရာထောင်ချီသည့် လူအုပ်ကြီး လိုက်ပါလာသည်ဟု ဆိုသည်။

“ဒီမြေမှာ သူတို့ကလွဲလို့ ဘယ်သူမှ မနေရဘူး” ဟု  အော်ဟစ်လာကြကြောင်း သူက ပြန်ပြောပြသည်။

ဝမ်းဗိုက် ကျည်ထိ

ပစ်ခတ်မှုကြောင့် မဟောင်မာလာ၏ ဝမ်းဗိုက် အထက်နားတွင် ဒဏ်ရာ ရသွားသည်။

မဟောင်မာလာကို ပစ်ခတ်မှုနှင့် ပတ်သက်ပြီး အနီးရှိ မွတ်စလင် တချို့က  သေနတ်သမားတို့ကို တောင်းပန်ကြသည်ဟု ဆိုသည်။ ဒဏ်ရာ ပြင်းထန်စွာရနေပြီဖြစ်ကြောင်း၊ ခင်ပွန်းသည်လည်း သေဆုံးသွားကြောင်း ဝိုင်းဝန်း ပြောဆိုသည့်အတွက် သေနတ်သမားများ ထိုနေရာမှ ထွက်သွားကြသည်ဟု သိရသည်။

အတူလိုက်ပါလာသည့်  အသက် ၃ဝ အရွယ် မမူနော်ဗာလာက   ပစ်ခတ်မှု ဖြစ်ပွားစဉ်  ကလေး၎ဦးကို ဆွဲပြီး မြေပြင်ပေါ် လှဲချလိုက်သည်ဟု ပြောပြသည်။

ထိုလူအုပ်စု ပြန်ထွက်သွားသည့်အချိန်တွင် ဒေသခံ လူအုပ်စုတစ်ခု  ဝင်ရောက်လာသောကြောင့် ပုန်းရှောင်ကြရကြောင်း၊  ဝင်ရောက်လာသူများက လဲကျနေသူ ၆ ဦးကို လှုပ်ကြည့်ပြီးနောက် ပြန်လည်ထွက်သွားခဲ့ကြောင်း မမူနော်ဗာလာက ပြောသည်။

မဟောင်မာလာ၏ ဒဏ်ရာကို ဆာရီဖြင့် ပတ်ထားပေးရသည်ဟု  ထိုအမျိုးသမီးက ဆိုသည်။

“အဲဒီအချိန်မှာ ဟောင်မလာက သတိမေ့နေပြီး ကျွန်မကို ရေပေးလို့ပဲ တောင်းနေတယ်” ဟု မမူနော်ဗာလာက ပြောသည်။

လမ်းတွင် တပ်မတော်နှင့်တွေ့ပြီး ကနဦး ကုသမှုခံယူခဲ့ကြောင်း၊   ဘူးသီးတောင်ဆေးရုံတွင် ကျည်ဆံထုတ် ခွဲစိတ်ကုသမှု ခံယူကာ စစ်တွေဆေးရုံသို့လည်း ရောက်ခဲ့ကြောင်း သူက ရှင်းပြသည်။

ယခုအခါ လွတ်မြောက်လာသူများသည် စစ်တွေမြို့တွင် ခိုလှုံလျက်ရှိသည်။  သမီးအကြီးဆုံး၊ ခင်ပွန်းသည်တို့ကို ဆုံးရှုံးခဲ့ရသည့် မဟောင်မာလာသည်လည်း မင်းဘာကြီးလမ်းရှိ ဟိန္ဒူဘုရားကျောင်းတွင် ရှိနေသည်။  ဘာသာရေးပွဲတော်ကာလ ဖြစ်သောကြောင့် ကြိုတင်စီစဉ်ထားသည့် အခမ်းအနားကျင်းပနေသည့် ထိုဘုရားကျောင်းတွင် ခိုလှုံနေသူများအကြား မဟောင်မာလာကို သမီးတစ်ယောက်၊ သားတစ်ယောက်နှင့်အတူ တွေ့နိုင်သည်။ မုဆိုးမဖြစ်သွားသောကြောင့် မဟောင်မာလာ၏ နဖူးတွင် တွေ့ရသည့်အစက်မှာ အနက်ရောင် ဖြစ်နေသည်။

မောင်တောဒေသ အရပ်သားများကို သတ်ဖြတ်မှုမှာ ARSA အဖွဲ့၏ လက်ချက်ဖြစ်သည်ဟု မြန်မာအစိုးရက ကြေညာထားသည်။

သို့သော်လည်း ထိုအဖွဲ့က စက်တင်ဘာ ၂၇ တွင် ကြေညာချက်ထုတ်ပြီး စွပ်စွဲချက်ကို ငြင်းဆိုထားသည်။

ဖြိုးသီဟချို/Myanmar Now
http://www.myanmar-now.org

မွန်ဘိုင်းဘူတာရုံမှာ လူချင်းနင်းမိပြီး ၂၂ ဦး သေဆုံး

တိုးဝှေ့နင်းမိခံရသူတွေကို လမ်းသွားလမ်းလာတွေက ဆွဲထုတ်ကယ်ဆယ်ခဲ့ကြ
အိန္ဒိယနိုင်ငံရဲ့ ဘဏ္ဍာရေးမြို့ဖြစ်တဲ့ မွန်ဘိုင်းမြို့က ဘူတာရုံမှာ လူချင်းတိုးဝှေ့နင်းမိပြီး ၂၂ ဦး သေဆုံးခဲ့ပါတယ်။

မနက်ပိုင်း လူသွားလူလာများချိန်မှာ မိုးသည်းသည်းမဲမဲ ရွာလိုက်လို့ မွန်ဘိုင်းမြို့လယ်က Elphinstone Road ဘူတာကိုသွားတဲ့ လူကူးတံတားကျဉ်းကျဉ်းလေးပေါ်မှာ လူတွေကြပ်ညပ် တိုးဝှေ့ သွားကြရင်း အချင်းချင်း နင်းမိခဲ့ကြတာပါ။

နောက်ထပ် လူ ၃၀ ကျော်လည်း ဒဏ်ရာရခဲ့ပါတယ်။ ဒဏ်ရာရသူတွေကို အနီးအနားက ဆေးရုံကို တင်ထားပါတယ်။
 သေဆုံး ဒဏ်ရာရသူတွေရဲ့ မိသားစုဝင်တွေ ဝမ်းနည်းပူဆွေးနေ

ကယ်ဆယ်ရေးလုပ်သားတွေလည်း အခင်းဖြစ်ရာ နေရာကို ရောက်လာကြ
ရထားအာဏာပိုင်တွေကလည်း အခင်းဖြစ်တဲ့နေရာကို ရောက်လာပြီး အခြေအနေကို စုံစမ်း စစ်ဆေးနေပါတယ်။

မွန်ဘိုင်းမြို့က ရထားလုပ်ငန်း အခြေခံအဆောက်အအုံတွေက အိုဟောင်းလွန်းနေပြီး မြို့ရဲ့ လူထုအတွက် ပြည့်စုံလုံလောက်မှု မရှိ ဖြစ်နေတယ်လို့ မွန်ဘိုင်းက ဘီဘီစီသတင်းထောက်က ပြောပါတယ်။

အိန္ဒိယဝန်ကြီးချုပ် နာရန်ဒြာ မိုဒီက သေဆုံးသူတွေအတွက် အလွန်ဝမ်းနည်းစိတ်မကောင်းဖြစ်မိကြောင်း၊ ဒဏ်ရာရသူတွေအတွက် ဆုတောင်းပေးနေကြောင်း တွစ်တာမှာ ရေးသားပါတယ်။

BBC Burmese
http://www.bbc.com/burmese

ငွေသုံးရာ ခိုးမှုနဲ့ အမှုဖွင့်ခံထားရတဲ့ ကလေးတွေ လွတ်မြောက်

အမှုဖွင့်ခံရတဲ့ ကလေးတွေကို လွှတ်ပေးဖို့ စက်တင်ဘာ ၂၆ ရက်နေ့က တောင်ဒဂုံမြို့နယ်မှာ ဆန္ဒထုတ်ဖော်ကြစဉ်
ဘုရားအလှူခံပုံးထဲကနေ ကျပ်ငွေ ၃၀၀ ကျပ် ယူခဲ့တဲ့အတွက် ခိုးမှုနဲ့ အမှုဖွင့်ခံထားရတဲ့ ကလေး ၃ ယောက်ကို စွဲချက်မတင်သင့်ဘူးဆိုပြီး တောင်ဒဂုံမြို့နယ် ဥပဒေရုံးက ဆုံးဖြတ်လိုက်တဲ့အတွက် အမှုကနေ ကွင်းလုံးကျွတ် လွတ်သွားပြီလို့ တောင်ဒဂုံမြို့နယ် တိုင်းဒေသကြီး လွှတ်တော် ကိုယ်စားလှယ် ဦးညီညီက ပြောပါတယ်။

ဥပဒေရုံးက အခုလို ဆုံးဖြတ်တဲ့အပေါ် ကြိုဆိုကြောင်းနဲ့ ကလေးသုံးယောက်အမှုဟာ အောက်ခြေမှာ ပြီးသွားရမယ့် ကိစ္စဖြစ်ကြောင်း တောင်ဒဂုံမြို့နယ် တိုင်းဒေသကြီး လွှတ်တော် ကိုယ်စားလှယ် ဦးညီညီက ပြောပါတယ်။

လွတ်မြောက်လာတဲ့ ကလေး ၃ ယောက်ကို စာမေးပွဲ အစားထိုး ဖြေဆိုနိုင်အောင် ဆောင်ရွက်ထားတယ်လို့လည်း ဦးညီညီက ပြောပါတယ်။

စက်တင်ဘာ ၁၃ ရက်နေ့က တောင်ဒဂုံမြို့နယ် အောင်ဗောဓိ ဆုတောင်းပြည့်စေတီတော်မှာရှိတဲ့ အလှူခံပုံး တစ်ခုက ငွေကျပ် ၃၀၀ ကျပ်ကို ယူတယ်ဆိုပြီး ၃ တန်း ကလေးနှစ်ယောက်နဲ့ ၅ တန်း ကလေးတစ်ယောက်ကို အောင်ဗောဓိ ဘုရားဂေါပကအဖွဲ့က ရာဇသတ်ကြီးပုဒ်မ ၃၇၉ နဲ့ဒဂုံတောင်မြို့နယ် ရဲစခန်းမှာ အမှုဖွင့်တိုင်ကြားခဲ့ တာ ဖြစ်ပါတယ်။

ကလေးတွေကို အမှုဖွင့်တိုင်ကြားလိုက်တဲ့အတွက် စက်တင်ဘာ ၂၆ ရက်နဲ့ ၂၇ ရက်နေ့တို့မှာ တောင်ဒဂုံမြို့နယ် ပြည်သူတွေက တောင်ဒဂုံမြို့နယ်မှာ ဆန္ဒထုတ်ဖော်မှုတွေ ပြုလုပ်ခဲ့ကြပြီး နောက်မှာတော့ မြို့နယ်ဥပဒေရုံးက စွဲချက်မတင်ဖို့ အခုလိုဆုံးဖြတ်လိုက်တာ ဖြစ်ပါတယ်။

RFA Burmese
http://www.rfa.org/burmese

ဝမ်ပေါင်ကုမ္ပဏီကို လက်ပံတောင်းဒေသခံတွေ ဆန္ဒပြ

ဝမ်ပေါင်ကုမ္ပဏီကို စက်တင်ဘာလ ၂၉ ရက်နေ့က ဒေသခံတချို့ လမ်းလျောက်ဆန္ဒပြစဉ်။ Photo: Soe Lwinoo facebook
ဒေသခံတွေရဲ့ တောင်းဆိုချက်ကို အကောင်အထည် မဖော်ပေးလို့ဆိုပြီး စစ်ကိုင်းတိုင်းဒေသကြီး ဆားလင်းကြီး မြို့နယ် လက်ပံတောင်းတောင် စီမံကိန်းကို ဆောင်ရွက်နေတဲ့ ဝမ်ပေါင်ကုမ္ပဏီကို ဒေသခံ အယောက် ၁၅၀ လောက်က ဒီကနေ့ ဆန္ဒပြကြပါတယ်။

အဲဒီစီမံကိန်း စတင်ကတည်းက စီမံကိန်းကြောင့် ထိခိုက်နစ်နာတဲ့ တောင်သူတွေနဲ့ တွေ့ဆုံဆွေးနွေးတာတွေ မရှိတဲ့အပြင် ဒေသခံတွေ တောင်းဆိုတဲ့အချက်တွေကို အကောင်ထည်မဖော်ပေးတာကြောင့် အခုလို ဆန္ဒပြကြ တာဖြစ်တယ်လို့ ဆန္ဒပြရာမှာ ပါဝင်တဲ့ ဆည်တည်းကျေးရွာက မရီဝင်းက ပြောပါတယ်။

"ကျမတို့ ဆန္ဒပြတာက ဒီစီမံကိန်းကြီး စတင်ကတည်းက ငြိမ်းချမ်းစွာ စီတန်းလှည့်လည်ပြီး တောင်းဆို တယ်။ စာတွေကိုလည်း တရားဝင်စာ တင်ပို့ပြီး တောင်းဆိုတယ်ပေါ့။ ဒါတွေကိုလည်း ကျမတို့ကို ဘယ်သူက မှ အလေးတမူ ဂရုမစိုက်ဘူး။ လျစ်လျူရှု ပစ်ထားတယ်။ တကယ်နစ်နာတဲ့ တောင်သူ လယ်သမားတွေနဲ့ ဆွေးနွေးလှည့်ပါဆိုပြီး ကျမတို့ ဖိတ်ခေါ်ထားတယ်။ တကယ်နစ်နာတဲ့ တောင်သူ သမားတွေနဲ့က ဘယ်နေရာမှာမှ တွေ့ဆုံဆွေးနွေးခြင်း တစ်ခုမှ မရှိဘူး။ တွေ့ဆုံဆွေးနွေးပြီလား ဆိုလို့ရှိရင်လည်း ဒီဒေသခံတွေ တောင်းဆိုတဲ့အချက်လက်တွေကို သူတို့ တစ်ခုမှလည်း အကောင် အထည်ဖော်မပေးဘူး"

တုံရွာ၊ တုံအလယ်ရွာ၊ တုံအလယ်တော၊ တုံရွာမ၊ တုံရွာသစ် ၊ ဆည်တည်းနဲ့ မိုးကြိုးပြင်စတဲ့ ကျေးရွာတွေ က ဒေသခံတွေက ၀မ်ပေါင်ကုမ္ပဏီရှေ့မှာ ဒီကနေ့ ဆန္ဒပြကြတာဖြစ်ပါတယ်။

လက်ပံတောင်းတောင် ကြေးနီစီမံကိန်း စုံစမ်းစစ်ဆေးရေး ကော်မရှင်ရဲ့ အစီရင်ခံစာမှာပါတဲ့အတိုင်း အစားထိုးမြေ ဧက ၁၉၀၀ ချက်ချင်းဖော်ထုတ်ပေးဖို့နဲ့ အဲဒီ အစီရင်ခံစာကို မလိုက်နာတဲ့ ကုမ္ပဏီကို စစ်ဆေးအရေးယူဖို့နဲ့ စီမံကိန်းကို ရပ်ဆိုင်းဖို့ ဒီကနေ့ ဆန္ဒပြသူတွေက တောင်းဆိုကြပါတယ်။

ဒါ့အပြင် အစီရင်ခံစာကို ဖောက်ဖျက်တဲ့ အာဏာရူးတွေ အလိုမရှိ၊ လူသတ်မြေသိမ်း တရုတ်ဝမ်ပေါင်ကုမ္ပဏီ ခုထွက်သွား၊ မီးလောင်ဗုံး အကြမ်းဖက် အာဏာပိုင်များ ကျဆုံးပါစေ ဆိုပြီး ဆန္ဒပြသူတွေက ကြွေးကြော်ကြပါတယ်။

BBC Burmese
http://www.rfa.org/burmese

အမေရိကန်က မြန်မာအပေါ် ပိတ်ဆို့ဒဏ်ခတ်ရေးနဲ့ ဆက်ဆံရေး ပြန်သုံးသပ်ဖို့ ကန်အမတ်တွေ တိုက်တွန်း

အမေရိကန်လွှတ်တော်။
ရခိုင်ပြည်နယ်က အခြေအနေတွေနဲ့ ပတ်သက်လို့ နိုင်ငံတကာ အသိုက်အ၀န်းကြား စိုးရိမ်မှုတွေ၊ ဖိအားတွေ တိုးလာနေချိန်မှာပဲ အမေရိကန် အစိုးရက မြန်မာနိုင်ငံအပေါ် ပိတ်ဆို့ဒဏ်ခတ် အရေးယူဖို့နဲ့ ဆက်ဆံရေးကို ပြန်လည်သုံးသပ်ဖို့ အမေရိကန် လွှတ်တော်အမတ်တွေက မနေ့တုန်းကပဲ တိုက်တွန်း လိုက်ကြပါတယ်။

ရခိုင်ပြည်နယ်က ပဋိပက္ခတွေကြောင့် အိမ်နီးချင်း ဘင်္ဂလားဒေ့ရ်ှနိုင်ငံကို ထွက်ပြေးလာသူ ၅ သိန်းလောက်အထိ ရှိနေပြီလို့ ကုလသမဂ္ဂရဲ့ ခန့်မှန်းချက် ထွက်ပေါ်လာပြီး နောက်မှာပဲ အမေရိကန် ပြည်ထောင်စုက နိုင်ငံရေးပါတီကြီး ၂ ခုဖြစ်တဲ့ ရီပတ်ဘလစ်ကန်နဲ့ ဒီမိုကရက်တစ်ပါတီ လွှတ်တော်အမတ်တွေက အစိုးရကို တိုက်တွန်းလိုက်ကြတာပါ။

လွန်ခဲ့တဲ့နှစ်တွေအတွင်း မြန်မာနိုင်ငံရဲ့ ဒီမိုကရေစီ အသွင်ကူးပြောင်းရေး လုပ်ငန်းစဉ်မှာ အရေးကြီးတဲ့ အခန်းကဏ္ဍက ပါဝင်ခဲ့တဲ့ အမေရိကန် ပြည်ထောင်စု အနေနဲ့ လတ်တလော ရိုဟင်ဂျာတွေ ရင်ဆိုင်နေရတဲ့ ပြဿနာမှာ တဖက်တလမ်းက မကူညီရင်၊ ရရှိထားပြီးသား တိုးတက်မှုတွေကို ထိခိုက်နိုင်ကြောင်း နိုင်ငံခြားရေးဝန်ကြီး Rex Tillerson နဲ့ အမေရိကန် နိုင်ငံတကာ အကူအညီပေးရေး အေဂျင်စီ USAID အကြီးအကဲ Mark Green တို့ထံ ပေးပို့တဲ့ စာထဲမှာ ဖော်ပြထားပါတယ်။

ရခိုင်ပြည်နယ်မှာ လူ့အခွင့်အရေး ချိုးဖောက်မှုတွေ ဆိုးဆိုးရွားရွား ကျုးလွန်ခဲ့ကြောင်း ခိုင်လုံတဲ့ စွပ်စွဲချက်တွေ ရှိနေတာကြောင့်၊ ကျုးလွန်သူတွေကို ဖော်ထုတ်ပြီး၊ ဒဏ်ခတ်အရေးယူဖို့လည်း တိုက်တွန်းထားပါတယ်။ မြန်မာအစိုးရ အနေနဲ့ နိုင်ငံတကာက လူသားချင်းစာနာမှု အကူအညီတွေ လွတ်လွတ်လပ်လပ် ပေးအပ်နိုင်အောင် ခွင့်ပြုဖို့နဲ့ အမေရိကန် အစိုးရ အနေနဲ့လည်း အကူအညီ အထောက်အပံ့တွေ တိုးမြှင့်ဖို့ တိုက်တွန်းခဲ့ပါတယ်။

ရခိုင်ပြည်နယ်က အကျပ်အတည်းတွေကို မြန်မြန်ဆန်ဆန် ကိုင်တွယ်ဖြေရှင်းဖို့ ပျက်ကွက်ခဲ့မယ်ဆိုရင်၊ ရေရှည် အကျိုးဆက်တွေဟာ ဒေသတွင်းနဲ့ တကမ္ဘာလုံးကိုပါ ရိုက်ခတ်လာနိုင်ကြောင်းလည်း အမေရိကန် အထက်လွှတ်တော်အမတ်တွေက သတိပေးထားတာပါ။ အမေရိကန်အစိုးရ တာဝန်ရှိသူတွေထံ ပေးပို့တဲ့စာကို လက်မှတ် ရေးထိုးခဲ့သူတွေထဲမှာတော့ အထက်လွှတ်တော် နိုင်ငံခြားဆက်ဆံရေးကော်မတီက ဒီမိုကရက်အထက်လွှတ်တော်အမတ် Ben Cardin အထက်လွှတ်တော် လက်နက်ကိုင်တပ်ဖွဲ့များရေးရာ ကော်မတီဥက္ကဋ္ဌ John McCain တို့လည်း ပါဝင်ကြပါတယ်။

ရှေ့သီတင်းပတ်ထဲမှာလည်း အမေရိကန် အောက်လွှတ်တော် နိုင်ငံခြားရေး ကော်မတီက ရိုဟင်ဂျာ အကျပ်အတည်း ဆိုတဲ့ခေါင်းစဉ်နဲ့ ကြားနာပွဲတခုလုပ်ဖို့ စီစဉ်ထားပြီး၊ မကြာသေးခင်ကပဲ မြန်မာနိုင်ငံကို သွားရောက်ခဲ့တဲ့ အမေရိကန် နိုင်ငံခြားရေးဝန်ကြီးဌာန အရှေ့တောင်အာရှရေးရာ ဒု-လက်ထောက် နိုင်ငံခြားရေးဝန်ကြီး Patrick Murphy လည်း တက်ရောက်ထွက်ဆိုမှာဖြစ်ကြောင်း သတင်းထုတ်ပြန်ထားပါတယ်။

ဗွီအိုအေ (မြန်မာပိုင်း)
https://burmese.voanews.com

ရိုဟင်ဂျာဒုက္ခသည် စက်လှေတိမ်းမှောက် လူ ၂၀ သေဆုံး

ဘင်္ဂလားဒေ့ရ်ှဘက် စက်လှေတွေနဲ့ တိမ်းရှောင်လာတဲ့ ရိုဟင်ဂျာဒုက္ခသည်တွေ။ ( စက်တင်ဘာ ၁၄-၂၀၁၇)
ရခိုင်ပြည်နယ်တွင်းက လတ်တလောဖြစ်ပွါးနေတဲ့ ပဋိပက္ခတွေကြောင့် နေရပ်စွန့်ခွါ ထွက်ပြေးလာတဲ့ ရိုဟင်ဂျာဒုက္ခသည်တွေ အဆမတန် တင်ဆောင်လာတဲ့စက်လှေတစီး၊ ဘင်္ဂလားပင်လယ်အော်အနီးမှာ ကြာသပတေးနေ့က တိမ်းမှောက်ခဲ့တဲ့အတွက် လူ ၅၀ ထက်မနည်းပျောက်ဆုံးနေပြီး ၂၀ သေဆုံးတယ်လို့ ဘင်္ဂလားဒေ့ရှ် ရဲတို့ကသောကြာနေ့မှာ အတည်ပြုပြောဆိုပါတယ်။

ဒဏ်ရာရသွားသူ ၁၀ ဦးထက်မနည်းကိုလည်း Cox Bazar ကဆေးရုံတခုမှာ ကုသပေးနေတယ်လို့ ရဲအရာရှိ Chailaw Marma ကပြောပါတယ်။ မြန်မာနိုင်ငံဘက်ကနေ ဘင်္ဂလားဒေ့ရ်ှဘက်ကို စက်လှေစီးပြီးထွက်ပြေးလာရာမှာ ဆိုးရွားတဲ့ ရာသီဥတုကြောင့် စက်လှေတိမ်းမှောက်ခဲ့ရတာဖြစ်တယ်လို့လည်း သူကပြောပါတယ်။

အသက်ရှင်ကျန်ရစ်သူ Abdus Salam က သူတို့ဟာ နတ်မြစ်တဘက်ကမ်း၊ မြန်မာနိုင်ငံထဲက Mariumpur ရွာကနေ ထွက်လာခဲ့ကြတာဖြစ်ပြီး စက်လှေထဲမှာ လူပေါင်း ၈၀ လောက်ပါတယ်လို့ ပြောပါတယ်။ မြန်မာလုံခြုံရေးစခန်းတွေကို ARSA လက်နက်ကိုင်တွေ ၀င်ရောက်တိုက်ခိုက်ပြီးတဲ့နောက် မြန်မာစစ်တပ်ရဲ့ နယ်မြေရှင်းလင်းရေးလုပ်ဆောင်မှုအတွင်း ဘင်္ဂလားဒေ့ရ်ှဘက်ကို ထွက်ပြေးသူပေါင်း ၅ သိန်းဝန်းကျင်ရှိသွားပြီလို့ ကုလသမဂ္ဂက ခန့်မှန်းထားတာဖြစ်ပါတယ်။

မြန်မာနိုင်ငံ၊ ရခိုင်ပြည်နယ်က အခြေအနေအရပ်ရပ်နဲ့ပတ်သက်ပြီး ကုလသမဂ္ဂလုံခြုံရေးကောင်စီမှာ စက်တင်ဘာ လ ၂၈ ရက်၊ ကြာသပတေးနေ့က တံခါးဖွင့်အစည်းအဝေးတခုပြုလုပ်ခဲ့ရာမှာ ကုလသမဂ္ဂဆိုင်ရာ အမေရိကန်သံအမတ်ကြီး Nikki Haley ကတော့ နှိပ်စက် ညှဉ်းပန်း သတ်ဖြတ်မှုကျူးလွန်သူတွေကို အရေး ယူဖို့၊ မြန်မာစစ်ဘက်ကို လက်နက်ခဲယမ်း ရောင်းချတာတွေ ရပ်ထားဖို့ တောင်းဆိုသွားပါတယ်။ ဒါဟာ မြန်မာစစ်တပ်ကို ပြစ်ဒဏ်ချဖို့ အမေရိကန်ပြည်ထောင်စုက ပထမဆုံးအကြိမ် တောင်းဆိုသွားတာလည်းဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

ဦးကိုနီ အမှုအတွက် အင်းစိန်အောင်စိုး သက်သေထွက်ဆို

အင်းစိန်တရားရုံးမှာ စက်တင်ဘာလ ၂၉ ရက်နေ့က လာရောက်သက်သေထွက်ဆိုတဲ့ ဦးအောင်စိုး ကို တွေ့ရစဉ်။ Photo: Kyaw Zaw Win/ RFA
တရားလွှတ်တော်ရှေ့နေ ဦးကိုနီကို လုပ်ကြံသတ်ဖြတ်ဖို့ အောင်ဝင်းဇော် က ပိုက်ဆံ သိန်းထောင်ချီပေးကာ ညှိနှိုင်း ခဲ့တယ်လို့ အောင်ဝင်းဇော်နဲ့ ထောင်ထဲမှာ သိကျွမ်းခဲ့တယ်ဆိုတဲ့ ဦးအောင်စိုး(ခေါ်) စာရေးဆရာ အင်းစိန်အောင်စိုးက တရားရုံးမှာ ဒီကနေ့ သက်သေထွက်ဆိုလိုက်ပါတယ်။

အောင်ဝင်းဇော် က သူ့ကို လူသတ်ဖို့ကိစ္စ လာရောက်ပြောဆိုရာမှာ စရံငွေပေးဖို့အတွက် ပိုက်ဆံပါ ယူဆောင်လာ တာဖြစ်ပြီး သတ်ပြီးသွားရင်လည်း ထပ်ပြီးပေးဖို့ ပြောဆိုခဲ့တာတွေကို ဒီကနေ့ တရားရုံးမှာ သက်သေထွက်ဆိုခဲ့ တယ်လို့ ဦးအောင်စိုးက ပြောပါတယ်။

ဦးအောင်စိုးဟာ ဦးကိုနီ အသတ်ခံရပြီး မကြာခင်အချိန်မှာလည်း သူ့ကို အောင်ဝင်းဇော်က လူသတ်ပေးဖို့ လာရောက်ကမ်းလှမ်းတဲ့အကြောင်း မီဒီယာတွေကို ဖွင့်ပြောခဲ့သူဖြစ်ပါတယ်။

တရားလွှတ်တော်ရှေ့နေ ဦးကိုနီ လုပ်ကြံခံရတဲ့အမှုနဲ့ ပတ်သက်ပြီး ဒီကနေ့ ၂၆ ကြိမ်မြောက် ရုံးချိန်းမှာ ဦးအောင်စိုးအပါအ၀င် သက်သေ ၄ ယောက်ကို အင်းစိန်တရားရုံးမှာ စစ်ဆေးခဲ့တာ ဖြစ်ပါတယ်။

ဦးအောင်စိုးရဲ့ ဒီကနေ့ ထွက်ဆိုချက်တွေအရ အမှုဟာ ပိုမိုလေးနက်လာတယ်လို့လည်း တရားလိုရှေ့နေတွေက မှတ်ချက်ပြု ပြောကြပါတယ်။

တရားလွှတ်တော်ရှေ့နေ ဦးကိုနီဟာ ဇန်နဝါရီလ ၂၉ ရက်နေ့က ညနေပိုင်းက ရန်ကုန်အပြည်ပြည်ဆိုင်ရာ လေဆိပ်မှာ လုပ်ကြံခံခဲ့ရတာဖြစ်ပါတယ်။ သူရဲ့အမှုနဲ့ပက်သက်ပြီး သက်သေ အယောက် ၈၀ ကျော်ကို စစ်ဆေး ရမှာဖြစ်ပြီး အခုဆိုရင် အယောက် ၄၀ ကျော် စစ်ဆေးပြီးဖြစ်ပါတယ်။

နောက်လာမယ့် ရုံးချိန်းကိုတော့ အောက်တိုဘာ ၁၃ ရက်နေ့ကို ထပ်မံချိန်းဆိုလိုက်ပါတယ်။

RFA Burmese
http://www.rfa.org/burmese

မန္တလေးပေါက်ကွဲမှုဟာ ကြိုတင်စီမံပြီး ဖောက်ခွဲတဲ့အမှုဖြစ်တယ်လို့ အစိုးရထုတ်ပြန်

မန္တလေးမြို့မှာ စက်တင်ဘာလ ၂၈ ရက်နေ့ညက ပေါက်ကွဲမှုကြောင့် ပျက်စီးသွားတဲ့ ဆိုင်ကယ်တစ်စင်းကို တွေ့ရစဉ်။ ဓါတ်ပုံ - နေဝမ်းထွန်း ဖေ့စ်ဘွတ်
မန္တလေးမြို့၊ ချမ်းအေးသာစံမြို့နယ် ၇၄ လမ်းနဲ့ ၂၈ လမ်းဒေါင့်မှာ မနေ့က ဖြစ်ပွားခဲ့တဲ့ပေါက်ကွဲမှုဟာ ကြိုတင် စီမံထားတဲ့ အချိန်ကိုက်ဖောက်ခွဲမှုဖြစ်တယ်လို့ မန္တလေးတိုင်းဒေသကြီးအစိုးရအဖွဲ့က ဒီကနေ့ ထုတ်ပြန်ခဲ့ပါတယ်။

အခင်းဖြစ်တဲ့နေရာမှာ စစ်ဆေးတွေ့ရှိချက်တွေအရ ဒီဖြစ်စဉ်ဟာ လက်ကိုင်ဖုန်းကို အသုံးပြုပြီး ဖောက်ခဲ့ဖို့အတွက် ကြိုတင်ပြင်ဆင်ထားတဲ့ ဖောက်ခွဲမှုဖြစ်စဉ်ဖြစ်တယ်လို့ မန္တလေးတိုင်းဒေသကြီးအစိုးရအဖွဲ့ အတွင်းရေးမှူး ဦးမြင့်တင် က ပြောပါတယ်။

မနေ့ည စက်တင်ဘာလ ၂၈ ရက်နေ့ ည ၉ နာရီခွဲခန့်က ချမ်းအေးသာစံမြို့နယ် ၇၄ လမ်းနဲ့ ၂၈ လမ်းဒေါင့်က သုံးဆယ်ဝင်းဓမ္မာရုံ ဘုရားပွဲအနီးမှာ ပေါက်ကွဲမှုတစ်ခု ဖြစ်ပွားခဲ့ပြီး ဘုရားပွဲလာသူတစ်ဦး ဒဏ်ရာအနည်းငယ်ရရှိ ခဲ့ကာ ဆိုင်ကယ် ၁ စီး ပျက်စီးခဲ့တယ်လို့ ရဲတပ်ဖွဲ့က ထုတ်ပြန်ထားပါတယ်။

ဒဏ်ရာရရှိသူ ဦးဇော်ဟိန်း ကိုတော့ မန္တလေးပြည်သူ့ဆေးရုံ ပြင်ပလူနာဌာနမှာ ဆေးကုသမှု ခံယူနေပါတယ်။

ဒီဖြစ်စဉ်နဲ့ ပတ်သက်ပြီး အမှတ် ၈ မြို့မရဲစခန်းက ပေါက်ကွဲစေတတ်သောသတ္တုပစ္စည်းများ အက်ဥပဒေ ပုဒ်မ ၃ အရ အမှုဖွင့်စုံစမ်းနေတယ်လို့ သိရပါတယ်။

အခုလိုပေါက်ကွဲမှုဖြစ်စဉ်ကြောင့် မန္တလေးတိုင်းအတွင်းမှာရှိတဲ့ လူစည်ကားရာနေရာတွေဖြစ်တဲ့ ဘုရားပွဲ၊ ကျောင်း၊ ဈေးနဲ့ ကားဂိတ်၊ ရထားဘူတာတွေမှာ လုံခြုံရေး တိုးမြှင့်ချထားမယ်လို့ မန္တလေးတိုင်းအစိုးရအဖွဲ့က ဒီကနေ့ ထုတ်ပြန်ကြောငြာခဲ့ပါတယ်။

RFA Burmese
http://www.rfa.org/burmese

မောင်တော၌ အကြမ်းဖက်တိုက်ခိုက်မှုတွင် ပါဝင်သော ပြစ်မှုကျူးလွန်သူများအား ဥပဒေနှင့်အညီ အရေးယူလျက်ရှိ

အကြမ်းဖက်သမားများ မီးရှို့ဖျက်ဆီးထားသော နေအိမ်ကို တွေ့ရစဉ် (ဓာတ်ပုံ- သတင်းထုတ်ပြန်ရေးကော်မတီ)
    ရန်ကုန်၊ စက်တင်ဘာ ၂၉ ရက် (ဆင်ဟွာ)

    ရခိုင်ပြည်နယ် မောင်တောမြို့၌ ARSA အစွန်းရောက်အကြမ်းဖက်သမားများက အကြမ်းဖက် တိုက်ခိုက်မှုများ ပြုလုပ်ပြီးနောက် အကြမ်းဖက်တိုက်ခိုက်မှုတွင် ပါဝင်သော ပြစ်မှုကျူးလွန်သူများအား ဥပဒေနှင့် အညီအရေးယူ ဆောင်ရွက်လျက်ရှိကြောင်း သတင်းထုတ်ပြန်ရေးကော်မတီက ထုတ်ပြန်သော သတင်းအရ သိရသည်။

မောင်တောမြို့နယ်နေအိမ်များကို မီးရှို့ဖျက်ဆီးသော တရားခံများ၊ လူသတ်မှုကျူးလွန်သော တရားခံများအား အမှုဖွင့် အရေးယူလျက်ရှိကြောင်း သိရသည်။

မောင်တောမြို့နယ်တွင်း ထွက်ပြေးတိမ်းရှောင်သွားသည့် ကျေးရွာအချို့တွင် လူမရှိသည့် နေရာများသို့ သွားရောက် ခြင်း၊ ပစ္စည်းများလုယူခြင်းနှင့် မီးရှို့ခြင်းများကို လူအချို့က ဆောင်ရွက်သည့် သတင်းများအရ မောင်တော ခရိုင်အုပ်ချုပ်ရေးမှူးနှင့် ရသေ့တောင်မြို့နယ် အုပ်ချုပ်ရေးမှူးတို့က ညမထွက်ရအမိန့် ပုဒ်မ (၁၄၄) ကို သြဂုတ်လ ၂၅ ရက်နေ့တွင် နံနက် ၆ နာရီမှ ညနေ ၆ နာရီထိ သတ်မှတ်ကြောင်း တိုးမြှင့်ထုတ်ပြန်၍ ကန့်သတ်နယ်မြေများသို့ ဝင်ရောက်ခြင်းမပြုရန်နှင့် ဥပဒေနှင့်အညီ အရေးယူမှုများ ပြုလုပ်သွားရန် ထုတ်ပြန်ကြေညာထားကြောင်း သိရသည်။

(Xinhua)
http://www.xinhuamyanmar.com

တစ်ဖက်နိုင်ငံသို့ တိမ်းရှောင်မည့် ဘင်္ဂါလီများအား တာဝန်ရှိသူများ သွားရောက်တွေ့ဆုံ

တစ်ဖက်နိုင်ငံသို့ တိမ်းရှောင်ရန် ရောက်ရှိနေသော ဘင်္ဂါလီများအား တာဝန်ရှိသူများလာရောက် တွေ့ဆုံစဉ် (ဓာတ်ပုံ- သတင်းထုတ်ပြန်ရေးကော်မတီ)
    ရန်ကုန်၊ စက်တင်ဘာ ၂၉ ရက် (ဆင်ဟွာ)

    ရခိုင်ပြည်နယ်၊ မောင်တောမြို့နယ်၊ အလယ်သံကျော်ကျေးရွာအုပ်စု၊ လေယာဉ်ကွင်းကျေးရွာတွင် လေယာဉ်ကွင်းကျေးရွာသို့ ရောက်ရှိလာသော တစ်ဖက်နိုင်ငံသို့ တိမ်းရှောင်မည့် ဘင်္ဂါလီများအား မောင်တောခရိုင် မြို့နယ်အုပ်ချုပ်ရေးမှူးများ၊ ဌာနဆိုင်ရာများ ပူးပေါင်းပါဝင်သော အဖွဲ့ သွားရောက်တွေ့ဆုံကြောင်း သတင်းထုတ်ပြန်ရေးကော်မတီက ထုတ်ပြန်သော သတင်းအရ သိရသည်။

မောင်တောခရိုင် မြို့နယ်အုပ်ချုပ်ရေးမှူးများ၊ ဌာနဆိုင်ရာများ ပူးပေါင်းပါဝင်သော အဖွဲ့သည် စက်တင်ဘာ ၂၇ ရက် နေ့တွင် တိမ်းရှောင်ရန် ရောက်ရှိနေသူများအား သွားရောက်တွေ့ဆုံမေးမြန်းရာ စားဝတ် နေရေး အခက်အခဲရှိသဖြင့် ဆက်လက်နေထိုင်၍ မရသောကြောင့် သွားရောက်လိုခြင်း ဖြစ်ကြောင်း လုံခြုံရေး အခြေအနေအရ ကျေးရွာတွင် လုံခြုံမှုမရှိဟု ယူဆ၍ သွားရောက်လိုခြင်း ဖြစ်ကြောင်း သိရသည်။

ဘင်္ဂလားဒေ့ရ်ှနိုင်ငံသို့ ရောက်ရှိနေသည့် ဘင်္ဂါလီများကထွက်ခွာရန် ဆက်သွယ်ပြောဆိုခြင်း များရှိကြောင်း၊ ဒေသခံ တိုင်းရင်းသားအချို့မှ ဖုန်းဖြင့်ခြိမ်းခြောက်ခြင်း၊ ပတ်ဝန်းကျင်ကျေးရွာများမှ ဘင်္ဂါလီများလည်း တိမ်းရှောင်မှုများလည်း ရှိနေခြင်းတို့ကြောင့် ၎င်းတို့အုပ်စုသည် လူနည်းစုဖြစ်မည်ကို စိုးရိမ်သဖြင့် တစ်ဖက်နိုင်ငံရှိ ၎င်းတို့မျိုးနွယ်စုများထံ သွားရောက်လိုခြင်းဖြစ်ကြောင်း  တိမ်းရှောင်ရန်ရောက်ရှိနေသူများက ဖြေကြားခဲ့ကြောင်း သိရသည်။

အဆိုပါ တိမ်းရှောင်ရန် ရောက်ရှိနေသူများကို စားဝတ်နေရေး အခက်အခဲ ရှိပါက ဆန်၊ ဆီ၊ ဆား၊ ပဲ (၄)မျိုးတို့ကို ထောက်ပံ့ပေးမည်ဖြစ်ကြောင်း လုံခြုံရေးနှင့် ပတ်သက်၍ လက်ရှိ နေရာမှ မူလနေရာသို့ ပြန်လိုလျှင် မော်တော်ယာဉ်ဖြင့် ပို့ဆောင်ပေးမည်ဖြစ်ပြီး လုံခြုံရေးဆိုင်ရာ ကိစ္စရပ်များကိုလည်း စီစဉ်ဆောင်ရွက်ပေးမည်ဖြစ်ကြောင်း ဒေသခံတိုင်းရင်းသားများမှ ဖုန်းဖြင့် ခြိမ်းခြောက်မှု ရှိပါက တရားဥပဒေနှင့်အညီ အရေးယူဆောင်ရွက်ပေးမည်ဖြစ်ကြောင်း ခြိမ်းခြောက်မှုများပြား၍ လူနည်းစု ဖြစ်မည်ဟုယူဆပါက ပတ်ဝန်းကျင်ကျေးရွာများကို စုစုစည်းစည်း လုံခြုံအောင်စီမံဆောင်ရွက် ပေးမည် ဖြစ်ကြောင်းနှင့် တစ်ဖက်နိုင်ငံသို့ တိမ်းရှောင်ခြင်း/ မိမိနေရပ်သို့ ပြန်လိုခြင်းတို့အတွက် ပြန်လည် ဆက်သွယ်ပြောကြားရန် ခရိုင်အုပ်ချုပ်ရေးမှူးက ရှင်းလင်းပြောကြားခဲ့ကြောင်း သိရသည်။

တစ်ဖက်နိုင်ငံသို့ တိမ်းရှောင်ရန် ရောက်ရှိနေသူများသည် ဘူးသီးတောင်မြို့နယ်၊ ဒုအိုးသည်မ ကျေးရွာအုပ်စုနှင့် ပြိုင်းတောင်ကျေးရွာအုပ်စု၊ ဇင်ခါးမကျေးရွာ၊ ဘိုလီကျေးရွာ၊ ငွေတောင်ကျေးရွာတို့မှ ဖြစ်ပြီး ဒေသအခြေအနေ မတည်ငြိမ်မှုအပေါ် ကြောက်ရွံ့၍ တစ်ဖက်နိုင်ငံသို့ တိမ်းရှောင်ရန် ၎င်းနေရာသို့ ရောက်ရှိကြောင်း သိရှိရသည်။

(Xinhua)
http://www.xinhuamyanmar.com

ဘူးသီးတောင်မြို့နယ်အတွင်းရှိ ဘင်္ဂါလီများ ဘင်္ဂလားဒေ့ရ်ှနိုင်ငံဘက်သို့ ထွက်ခွာရန် နယ်စပ်အနီးရောက်ရှိ၊ တာဝန်ရှိသူများသွားရောက် တွေ့ဆုံညှိနှိုင်း


စက်တင်ဘာ ၂၉ ၊ ၂၀၁၇

ဘူးသီးတောင်မြို့နယ်အတွင်းရှိ ကျေးရွာများမှဘင်္ဂါလီများသည် စားဝတ်နေရေးအခက်အခဲ ကြောင့်လည်ကောင်း၊ လုံခြုံရေးအခြေအနေအရကျေးရွာတွင် လုံခြုံမှုမရှိဟု ယူဆ၍လည်ကောင်း ၊ ဘင်္ဂလားဒေ့ရ်ှနိုင်ငံသို့ ရောက်ရှိနေသည့် ဘင်္ဂါလီများကထွက်ခွာရန် ဆက်သွယ်ပြောဆိုခြင်းများကြောင့် လည်ကောင်း၊၎င်းတို့အုပ်စုသည် လူနည်းစုဖြစ်မည်ကို စိုးရိမ်သဖြင့် တစ်ဖက်နိုင်ငံရှိ ၎င်းတို့မျိုးနွယ်စုများထံ သွားရောက်လိုခြင်း ကြောင့်လည်ကောင်း မိမိနေထိုင်သည့်ကျေးရွာများမှ တစ်ဖက်နိုင်ငံသို့သွားရောက်ရန် စက်တင်ဘာ ၂၆ ရက်မှစတင်၍ ထွက်ခွာခဲ့ကြပြီး နှစ်နိုင်ငံနယ်စပ်အနီးသို့ စုပြုံရောက်ရှိလျက်ရှိသည်။


မောင်တောမြို့နယ်၊ ပညောင်ပင်ကြီးကျေးရွာ၊ နယ်စပ်ခြံစည်းရိုးအနီး မှိုဝင်ချောင်းဝနှင့် ဂေါ်ဒူသာရ ချောင်းဝတွင် ဘူးသီးတောင်မြို့နယ်အတွင်းမှ တစ်ဖက်နိုင်ငံသို့ တိမ်းရှောင်မည့် ဘင်္ဂါလီများ ရောက်ရှိ နေကြောင်း သတင်းအရ မောင်တောခရိုင်အုပ်ချုပ်ရေးမှူးနှင့်အဖွဲ့သည် စက်တင်ဘာ ၂၉ ရက်နေ့ နံနက် ၉နာရီခွဲတွင် သွားရောက်တွေ့ဆုံခဲ့သည်။


ထိုသို့ သိရှိပြီးနောက် ခရိုင်အုပ်ချုပ်ရေးမှူးက စားဝတ်နေရေး အခက်အခဲ ရှိပါက ဆန်၊ ဆီ၊ ဆား၊ ပဲ (၄)မျိုးကို ဒေသအတွင်းမှ နှစ်ဖက်လူအဖွဲ့အစည်းများကို လူမျိုးဘာသာမရွေးထောက်ပံ့ပေးနေကြောင်း၊ လုံခြုံရေးနှင့်ပတ်သက်၍လည်း ဒေသအတွင်း၌ အေးချမ်း တည်ငြိမ်ရေးအတွက် ဆောင်ရွက်နေမှုများအား ရှင်းလင်းပြောကြားပြီး မိမိတို့ဒေသ ရပ်ရွာဒေသများ၌ အေးချမ်းစွာပြန်လည်နေထိုင်၍ လုပ်ကိုင် စားသောက်ကြရန် အခက်အခဲရှိသည်များကို ပူးပေါင်း၍ တက်နိုင်သလောက် ရှင်းလင်းစွာ ပူးပေါင်း ဆောင်ရွက်သွားမည်ဖြစ်ကြောင်း၊ တွေ့ဆုံရှင်းလင်းပြောကြားခဲ့မှုအပေါ် ၎င်းတို့ဘက်မှ နားလည် သဘော ပေါက်သော်လည်း တစ်ဖက်နိုင်ငံသို့သာ ၎င်းတို့ကိုယ်ပိုင်ဆန္ဒဖြင့် သွားရောက်လိုကြောင်း ပြန်လည် တင်ပြချသည်။


ဘူးသီးတောင်မြို့နယ်အတွင်းရှိ ဂူတာပြင်ကျေးရွာမှ ဘင်္ဂါလီ ၁၆၈ ဦးသည် စက်တင်ဘာ ၂၆ ရက်နေ့တွင် ရွာသစ်ကေကျေးရွာအနီး၌လည်ကောင်း၊ ရွှေထားကျေးရွာနှင့် ဇင်ခါးမကျေးရွာတို့မှ ဘင်္ဂါလီ ၂၅၅ ဦး၊ တောင်ချောင်းကျေးရွာနှင့် ပေါက်တောကျေးရွာမှ ဘင်္ဂါလီ ၂၈၁ ဦး၊ သိမ်တောင်ပြင်ကျေးရွာနှင့် ကာလီကျေးရွာတို့မှ ဘင်္ဂါလီ ၂၀၀ ဦးနှင့် ဒုအိုးသည်မကျေးရွာတို့မှ ဘင်္ဂါလီ ၃၅ ဦးတို့သည် စက်တင်ဘာ ၂၇ ရက်နေ့တွင် လေယာဉ်ကွင်းကျေးရွာအနီးကမ်းစပ်၌လည်ကောင်း၊ တောင်ချောင်းကျေးရွာ၊ ဇင်ခါးမ ကျေးရွာ၊ ဘိုလီကျေးရွာနှင့် ငွေတောင်ကျေးရွာတို့မှ ဘင်္ဂါလီ ၈၉၅ ဦးတို့သည် စက်တင်ဘာ ၂၈ ရက်တွင် လေယာဉ်ကွင်းကျေးရွာအနီးကမ်းစပ်၌လည်ကောင်း၊ ဂူတာပြင်ကျေးရွာမှ ဘင်္ဂါလီ ၅၃၀ ဦးတို့သည် စက်တင်ဘာ ၂၉ ရက်(ယနေ့) တွင် ပညောင်ပင်ကြီးနှင့် နယ်စပ်ခြံစည်းရိုးကြားတွင်လည်ကောင်း တစ်ဖက် နိုင်ငံသို့ ထွက်ခွာရန် စုပြုံရောက်ရှိနေကြောင်း သိရှိရသည်။

Information Committee
https://www.facebook.com/InfomationCommittee

မြန်မာနိုင်ငံမှ မျောက်လွှဲကျော်များသည် မျိုးသုဉ်းရန်နှင့် မျိုးသုဉ်းရန် အန္တရာယ် ကျရောက်လုနီးဖြစ်နေ


နေပြည်တော် စက်တင်ဘာ ၂၈

မြန်မာနိုင်ငံ၌ အရှေ့ခြမ်းမျောက်လွှဲကျော် မျက်ခုံးဖြူ၊ အနောက်ခြမ်း မျောက်လွှဲကျော် မျက်ခုံးဖြူနှင့် မျောက်လွှဲကျော် လက်ဖြူဟူ၍ မျောက်လွှဲကျော် မျိုးစိတ်သုံးမျိုးတွေ့ရပြီး အနောက်ခြမ်းမျောက်လွှဲကျော် မျက်ခုံးဖြူနှင့် မျောက်လွှဲကျော်လက်ဖြူတို့သည် မျိုးသုဉ်းရန် အန္တရာယ် ရှိသော မျိုးစိတ် (Endangered Species) အဖြစ်လည်းကောင်း၊ အရှေ့ခြမ်းမျောက်လွှဲကျော် မျက်ခုံးဖြူသည် မျိုးသုဉ်းရန် အန္တရာယ် ကျရောက် လုနီးမျိုးစိတ် (Vulnerable Species ) အဖြစ်လည်းကောင်း ကျရောက်လျက် ရှိကြောင်း သားငှက် ထိန်းသိမ်းရေးအဖွဲ့ (မြန်မာနိုင်ငံ အစီအစဉ်)မှသိရသည်။

အဆိုပါမျောက်လွှဲကျော်များအား ထိန်းသိမ်းစောင့်ရှောက်မှု မရှိပါက နှစ်ပေါင်း ၅၀ အတွင်း မျိုးသုဉ်း ပျောက်ကွယ် သွားနိုင်ကြောင်း သိရပြီး သစ်တောဦးစီးဌာနမှ သဘာဝဝန်းကျင်နှင့် သားငှက်တိရစ္ဆာန် ထိန်းသိမ်းရေး ဌာနနှင့် သားငှက်ထိန်းသိမ်းရေး အဖွဲ့(မြန်မာနိုင်ငံ အစီ အစဉ်)တို့ ပူးပေါင်း၍ မဟာမြိုင်၊ ဟူးကောင်း ချိုင့်ဝှမ်း၊ ထမံသီနှင့် ဖုန်ကန် ရာဇီ တောရိုင်းတိရစ္ဆာန်ဘေးမဲ့တောများ၌ မျောက်လွှဲကျော် ထိန်းသိမ်းရေးနှင့် သုတေသနလုပ်ငန်းများကို ဆောင်ရွက်လျက်ရှိကြောင်း သိရသည်။

“မျောက်လွှဲကျော်တွေဟာ အသီးအမှည့်တွေစားသုံးတယ်။ အစေ့တွေကို မျိုချပြီး မစင်ဖြစ် ပြန်လည် စွန့်ထုတ်တယ်။ မျိုမချနိုင်တဲ့ အစေ့တွေကို ပြန်ပြီး ထွေးထုတ်တယ်။ ဒီလိုမျိုး စွန့်ထုတ်လိုက်တဲ့ အစေ့ တွေဟာ ပိုပြီးတော့ အပင်သစ်ပေါက်နိုင်တဲ့အတွက်ကြောင့် မျောက်လွှဲကျော်တွေကို သဘာဝသစ်တော ပြုစုပျိုးထောင်သူတွေလို့တင်စားခေါ်ဝေါ် ကြတယ်” ဟု သားငှက်ထိန်းသိမ်းရေးအဖွဲ့ (မြန်မာနိုင်ငံ အစီအစဉ်)မှ ဦးလှနိုင်က ပြောကြားသည်။

“မျောက်လွှဲကျော်တွေဟာ အလွန်အကျွံ အမဲလိုက်ခံရခြင်းအန္တရာယ်နဲ့ သူတို့ နေရင်းဒေသတွေ လျော့ နည်းလာတဲ့ အန္တရာယ် တွေကို ရင်ဆိုင်နေရ ပါတယ်။ သူတို့ဟာအစုလိုက် နေထိုင် ကျက်စား လေ့ရှိကြ ပါတယ်။ တစ်အုပ်စုမှာ ပျမ်းမျှသုံးလေးကောင်အထိ တွေ့ရတတ်ပါတယ်။ သူတို့တွေ ဟာ မျိုးသုဉ်း လုနီးပါး အန္တရာယ်ကို ရင်ဆိုင်နေရတဲ့အတွက် ထိန်းသိမ်းရေး လုပ်ငန်းတွေကို စနစ်တကျ ဆောင်ရွက် သွားဖို့ လိုအပ်ပါတယ်။ ထိန်းသိမ်းရေးပညာပေးလုပ်ငန်းတွေကိုလည်း ဆက်လက် ဆောင်ရွက် သွားမှာ ဖြစ်ပါတယ်” ဟု ၎င်းက ဆက်လက်ပြောကြားသည်။

ရှင်မင်း၊ ဓာတ်ပုံ- သားငှက်ထိန်းသိမ်းရေးအဖွဲ့ (မြန်မာနိုင်ငံအစီအစဉ်)
MOI Webportal Myanmar
https://www.facebook.com/MOIWebportalMyanmar/

ပါကစ္စတန် နိုင်ငံ ရဲတပ်ဖွဲ့ က နိုင်ငံ တောင်ပိုင်းတွင် အကြမ်းဖက် အဖွဲ့ဝင် ၆ ဦး ကို ပစ်ခတ်ရှင်းလင်း

ပါကစ္စတန် နိုင်ငံ တပ်ဖွဲ့ဝင် များအား မြင်တွေ့ရစဉ်(ဆင်ဟွာ)
    အစ္စလာမ်မာဘတ် ၊ စက်တင်ဘာ ၂၉ ရက် (ဆင်ဟွာ)

    ပါကစ္စတန် နိုင်ငံ တောင်ပိုင်း Sindh ပြည်နယ် Karachi မြို့ မှ ရဲတပ်ဖွဲ့ က စက်တင်ဘာ ၂၈ ရက်နေ့၌ အကြမ်းဖက် အဖွဲ့အစည်း ရှင်းလင်းရေး ဆောင်ရွက်ခဲ့ရာတွင် အကြမ်းဖက် အဖွဲ့ဝင် ၆ ဦး ကို ပစ်ခတ်ရှင်းလင်း နိုင်ခဲ့ပြီး လက်နက်ခဲယမ်းများ ကိုလည်း သိမ်းဆည်း နိုင်ခဲ့ကြောင်း သိရှိခဲ့ရသည်။

ပါကစ္စတန် နိုင်ငံ သတင်းမီဒီယာ များ၏ ဖော်ပြချက်အရ ရဲတပ်ဖွဲ့သည် သတင်းပေးပို့မှု အရ Karachi မြို့အတွင်း ပုန်းခိုနေသော အကြမ်းဖက် အဖွဲ့ ကို သွားရောက်ရှင်းလင်းရာတွင် အကြမ်းဖက်အဖွဲ့အစည်း ၏ ခုခံ တိုက်ခိုက်မှု ကို ခံခဲ့ရသဖြင့် ရဲတပ်ဖွဲ့ မှ ပြန်လည် ပစ်ခတ်ခဲ့ရာ အကြမ်းဖက်အဖွဲ့ဝင် အားလုံး ကို ပစ်ခတ်ရှင်းလင်းနိုင်ခဲ့ကြောင်း ၊ ထို့ပြင် ရဲတပ်ဖွဲ့ က ပခုံးထမ်းဒုံးကျည်များ ၊ ပေါက်ကွဲစေနိုင်သည့် ပစ္စည်းများ နှင့် လက်နက်ခဲယမ်းများ ကိုလည်း သိမ်းဆည်း နိုင်ခဲ့ကြောင်း သိရှိခဲ့ရသည်။

ဒေသတွင်း ရဲတပ်ဖွဲ့ဝင် တစ်ဦး က ရဲတပ်ဖွဲ့အနေဖြင့် ယခု ရှင်းလင်းခဲ့သည့် အကြမ်းဖက် အဖွဲ့အစည်း ၏ သွားလာလှုပ်ရှားမှု ကို သိရှိထားပြီး ဖြစ်ကာ ၄င်းတို့ထွက်ပြေးတိမ်းရှောင်မည် စိုးသဖြင့် ရှင်းလင်းမှု ပြုလုပ် ခဲ့ခြင်း ဖြစ်ကြောင်း ပြောကြား ခဲ့သည်။

သတင်းဖော်ပြချက်များတွင် ပစ်ခတ်ရှင်းလင်းလိုက်သည့် အကြမ်းဖက်သမား ၆ ဦးသည် Al-Qaeda နှင့် IS အစွန်းရောက် အဖွဲ့အစည်း တို့၏ လက်အောက်ခံများ ဖြစ်ကြပြီး ၄င်းတို့အတွင်း မှ အကြမ်းဖက်သမား တစ်ဦး သည် အင်ဂျင်နီယာဖြစ်ပြီး မောင်းသူမဲ့လေယာဉ်နည်းပညာရှင်လည်း ဖြစ်ကာ အကြမ်းဖက် တိုက်ခိုက်မှု အများအပြား တွင် ပါဝင်ဆောင်ရွက်ခဲ့ကြောင်း သိရှိခဲ့ရသည်။

လတ်တလော နှစ်ပိုင်းတွင် ပါကစ္စတန် နိုင်ငံ သည် နိုင်ငံအတွင်း၌ အကြမ်းဖက်အဖွဲ့အစည်း ရှင်းလင်းရေး ကို အတိုင်းအတာ ကြီးမားစွာ ဆောင်ရွက်ခဲ့သောကြောင့် နိုင်ငံ လုံခြုံရေး အခြေအနေ အလွန်တိုးတက် ကောင်းမွန်လာ ခဲ့သည်။ ၂၀၁၅ ခုနှစ်တွင် ပါကစ္စတန် နိုင်ငံ အတွင်း၌ အကြမ်းဖက် တိုက်ခိုက်မှု များစတင် ကျဆင်းလာခဲ့ပြီး ၂၀၁၆ ခုနှစ်အတွင်း ပါကစ္စတန် နိုင်ငံ ၌ အကြမ်းဖက် တိုက်ခိုက်မှုပေါင်း ၇၈၅ ကြိမ်ဖြစ်ပွားခဲ့ရာ ယခင်နှစ်ထက် ၃၁ ရာခိုင်နှုန်းကျဆင်းခဲ့ကြောင်း သိရှိခဲ့ရသည်။

(Xinhua)
http://www.xinhuamyanmar.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ