လုပ်ခလစာ နှစ်ဆတိုးပေးရေး လက်ပံတောင်းရှိ ဘွဲ့ရ မြန်မာလုပ်သားများ ဆန္ဒပြတောင်းဆို


ဆားလင်းကြီး၊ မဇ္ဈိမ။ ။ စစ်ကိုင်းတိုင်း ဆားလင်းကြီးမြို့နယ်ရှိ လက်ပံတောင်းတောင်ကြေးနီတူးဖော်ရေး စီမံကိန်းမှ မြန်မာဘွဲ့ရ အလုပ်သမား ၂၀၀ ကျော်က တစ်လလျင် လုပ်ခလစာ အမေရိ ကန်ဒေါ်လာ ၂၄၀ ရရှိရေးအတွက် ဧပြီလ ၃၀ရက်က မြန်မာဝမ်ပေါင် ကြေးနီ ကုမ္ပဏီရုံးရှေ့တွင် စတုတ္ထအကြိမ်မြောက် ဆန္ဒပြတောင်းဆိုလိုက်သည်။

“ လုပ်ခလစာတိုးမြှင့်ရရှိရေးအတွက် သမ္မတရုံးကို တိုင်းဒေသကြီးအစိုးရအဖွဲ့က တင်ပြပေးထားပါတယ်။ အဲ့ဒီကအဖြေကိုလည်း စောင့်ရင်း ကျွန်တော်တို့ရဲ့ပန်းတိုင်ကို မရောက် ရောက်အောင် ဆက်လက်ချီတက်သွားမှာပါ” ဟု အလုပ်သမားခေါင်းဆောင်တစ်ဦးဖြစ်သူ ကိုသန်းလွင်က မဇ္ဈိမကိုပြောသည်။

လက်ပံတောင်းတောင်ကြေးနီတူးဖော်ရေး စီမံကိန်းလုပ်ငန်းခွင်ရှိ ဘွဲ့ရမြန်မာလုပ်သားများသည် လက်ရှိတွင် တစ်လလုပ်ခငွေ အမေရိကန်ဒေါ်လာ ၁၂၀ (မြန်မာငွေ ကျပ် ၁၁၅,၀၀၀ခန့်) မှ ဒေါ်လာ ၂၄၀ (ကျပ်ငွေ၂၃၀,၀၀၀ခန့်)အထိ ရရှိရန် တောင်းဆိုခြင်းဖြစ်သည်။

“ကျွန်တော်တို့မိသားစုတွေက အဲ့ဒီကုမ္ပဏီစီမံကိန်း လုပ်ငန်းတွေကြောင့် လယ်ယာမြေတွေ ဆုံးရှုံးနစ်နာခဲ့ရပါတယ်။ လယ်ယာမြေ မရှိတော့တဲ့ နောက်ပိုင်း ကုမ္ပဏီမှာ အလုပ်ဝင်လုပ်တော့လည်း အလုပ်သမားချင်း အတူတူ တန်းတူညီမျှတဲ့ အခြေခံလုပ်ခလစာမရရှိပြန်ဘူး။ အဲ့ဒါကြောင့် ဆန္ဒပြတောင်းဆိုနေရတာပါ ” ဟု ပါဝင်ဆန္ဒပြသူ ကိုဘိုဦးက ဆိုသည်။

ကြေးနီတူးဖော်ရေး စီမံကိန်းလုပ်ငန်းများကြောင့် လယ်ယာမြေများ သိမ်းဆည်းခံရသည့်အတွက် ၎င်းတို့၏ မိသားစုဘ၀များ နစ်နာသည်ဟုဆိုကာ ၀မ်ပေါင်ကုမ္ပဏီက အဆိုပါ ဒေသခံဘွဲ့ရလုပ်သားများကို အခြေခံလုပ်ခလစာငွေ တစ်လလျင် အမေရိကန်ဒေါ်လာ ၁၂၀ နှုန်းဖြင့် ခန့်အပ်ခဲ့ခြင်းဖြစ်သည်။

“၀န်ထမ်းတွေ လုပ်ခလစာတိုးမြှင့်ပေးဖို့ ကိစ္စဆိုတာ အဘက်ဘက်က စဉ်းစားရပါတယ်။ နိုင်ငံခြားရင်းနှီးမြှပ်နှံမှု လုပ်ငန်းတွေက ဟောဒီ လက်ပံတောင်းတောင် ဒေသတစ်ခုတည်း မဟုတ်ဘူး။ အခြားဆိုဒ်တွေလည်း ရှိနေပါသေးတယ်။ အားလုံးအတွက် မနစ်နာရအောင်တော့ စီမံလုပ်ဆောင်နေရပါတယ်” ဟု တိုင်းအစိုးရအဖွဲ့ သစ်တော၊ စွမ်းအင်နှင့် သတ္တုဝန်ကြီးဌာနရုံးရှိ အကြီးတန်းစာရေးတစ်ဦးက ပြောသည်။

လုပ်ခလစာတိုးမြှင့်ပေးရေး ကုမ္ပဏီရုံးရှေ့ဆန္ဒပြခြင်းကို ဧပြီလ ၁၀ရက်မှ စတင်ခဲ့ပြီး ယခုအကြိမ်သည် လေးကြိမ်မြောက် ထုတ်ဖော်ခြင်းဖြစ်သည်။ လာမည့် သတင်းပတ်အတွင်း ဆားလင်းကြီးမြို့တွင် စီတန်းလှည့်လည်ဆန္ဒပြသွားရန်လည်း ခွင့်ပြုမိန့်တောင်းခံထားပြီးဖြစ်ကြောင်း အလုပ်သမားတစ်ဦးဖြစ်သူ ကိုထွန်းထွန်းက မဇ္ဈိမကိုပြောသည်။

ကိုတိုးကြီး
Mizzima - News in Burmese


ပုံစာ - လက်ပံတောင်းတောင် ကြေးနီစီမံကိန်း တူးဖော်မည့် ဝမ်ပေါင်ကုမ္ပဏီတွင် တာဝန်ထမ်းဆောင်နေသည့် ဒေသခံဝန်ထမ်းများက လစာ နှစ်ဆတိုိးရရေးအတွက် ဧပြီလ ၃၀ရက်က ဆန္ဒထုတ်ဖော်နေစဉ်။ (ဓာတ်ပုံ- ကိုတိုးကြီး)



ကျေးရွာအုပ်ချုပ်ရေးမှူး ဖြုတ်ချရေး အောင်လံတွင် ဆန္ဒပြ


အောင်လံ၊ မဇ္ဈိမ။ ။ မကွေးတိုင်း၊ အောင်လံမြို့နယ်အတွင်းရှိ စကြီးကျေးရွာ အုပ်ချုပ်ရေးမှူး တစ်ဦးကို ဖြုတ်ချပေးရန် ကျေးရွာ အုပ်ချုပ်ရေးမှူးဟောင်းက ဦးဆောင်၍ ဆရာတော်တစ်ပါး အပါအ၀င် ရွာသူ၊ ရွာသား ၁၀၀ကျော်တို့က ဧပြီ ၃၀ ရက်က လမ်းလျှောက် ဆန္ဒထုတ်ဖော်လိုက်သည်။

“ရပ်ရွာပေါ်မှာ လူလည်လုပ်တယ်။ အာဏာပြတယ်။ တရားဟော ဘုန်းကြီးကို တရားမဟောဖို့ ပိတ်ပင်တယ်။ ကထိန်ပွဲအတွက် အလှူခံတာကိုလည်း ထောင်ချပစ်မယ် ပြောတယ်။ ဘုန်းကြီးကို ဘုန်းကြီးကျောင်းက နှင်ထုတ်တယ်။ အုပ်ချုပ်ရေးမှူးကို ချက်ချင်းဖြုတ်ပေးဖို့ဆန္ဒပြတာပါ”ဟု ဦးညီလေးငယ်က ဆိုသည်။

ကျေးရွာအုပ်ချုပ်ရေးမှူး အသစ်ဦးဖိုးသီသည် တန်ဘိုးနည်း ဖုန်းမဲပေါက်သူများကို တစ်ဦးလျှင် (၆၅၀၀)ကျပ်တောင်းခံခြင်း ၊ ၀က်တစ်ကောင်သတ် အသားဖော်ရောင်းလျှင် ကျပ် ၈၀၀၀တောင်းခြင်း၊ စိုက်ပျိုးစရိတ် ချေးငွေထုတ်ယူရာတွင် လယ်ယာမြေ အမှန်တကယ် ပိုင်ဆိုင်သူများကို ထောက်ခံမပေးခြင်း စသည့်ပြစ်ချက်များ ရှိသည်ဟု ၎င်းက စွတ်စွဲပြောဆိုသည်။

ကျေးရွာအုပ်ချုပ်ရေးမှူးအသစ် ဦးဖိုးသီ၏ ပြစ်ချက်များကို ကျေးရွာဘုန်းတော်ကြီးကျောင်းမှ ဆရာတော်နှစ်ပါးအပါအ၀င် ကျေးရွာသူရွာသား ၂၃၄ ဦး လက်မှတ်ထိုးကာ မကွေးတိုင်းဝန်ကြီးချုပ်ထံ တိုင်တန်းခဲ့သော်လည်း အရေးယူဆောင်ရွက်ခြင်းမရှိခဲ့ဟုလည်း ဒေသခံများကပြောသည်။

ဆန္ဒဖော်ထုတ်ရန် စတင်စုဝေးချိန်တွင် အောင်လံမြို့မရဲစခန်းမှူး ဒုရဲမှူးခင်မောင်ဇော် နှင့် အောင်လံမြို့နယ် အထောက်အကူပြုကော်မတီ ဥက္ကဋ္ဌ ဦးမြင့်သိန်းတို့ ဦးဆောင်သော ရဲတပ်ဖွဲ့ဝင်များက တားမြစ်သော်လည်း ခွင့်ပြုချက်မရှိ ဆန္ဒထုတ်ဖော်ခြင်းကို ဆက်လက်ဆောင်ရွက်ခဲ့သည်။

အောင်လံမြို့နယ် စကြီးကျေးရွာ အုပ်ချုပ်ရေးမှူး ဦးဖိုးသီကို တာဝန်မှဖယ်ရှားပေးရေး ယခင် အုပ်ချုပ်ရေးမှူးဟောင်း ဦးညီလေးငယ်ဦးဆောင်ကာ ဧပြီ ၂၅ ရက်က
ခွင့်ပြုမိန့်တောင်းခံခဲ့သော်လည်း ယာဉ်လမ်းကြောင်း ပိတ်ဆို့နိုင်ခြင်း ၊ ကျေးရွာသူ/သားအချင်းချင်းစိတ်ဝမ်းကွဲနိုင်ခြင်း၊ အုပ်ချုပ်ရေးမှူးအသစ် လဲလှယ်ရေးကိစ္စကို တိုင်းအစိုးရအဖွဲ့သို့တင်ပြနိုင်ခြင်းတို့ကို အကြောင်းပြကာ ဧပြီလ ၂၈ ရက်က ငြင်းပယ်ခဲ့သည်ဟု အုပ်ချုပ်ရေးမှူးဟောင်းကပြောသည်။

ထိုသို့ခွင့်ပြုချက်မရှိဘဲ ဆန္ဒဖော်ထုတ်ခြင်းကို အောင်လံမြို့မစခန်းမှူး ဒုရဲမှူးခင်မောင်ဇော်က“ အထက်လူကြီးတွေရဲ့ ညွှန်ကြားချက် အမိန့်အတိုင်း ကျွန်တော်တို့ ဆက်လက်ဆောင်ရွက်မှာပါ” ဟုပြောသည်။

လက်ရှိ အုပ်ချုပ်ရေးမှူး ဦးဖိုးသီသည် ၂၀၁၃ခုနှစ်ဖေဖော်ဝါရီလမှစတင်ကာ တာဝန်ထမ်းဆောင်ခဲ့ပြီး ယခင် အုပ်ချုပ်ရေးမှူးဟောင်း ဦးညီငယ်လေးသည် ၂၀၀၇ခုနှစ်မှ ၂၀၁၂ခုနှစ်အတွင်း ကျေးရွာအုပ်ချုပ်ရေးမှူး တာဝန်ထမ်းဆောင်ခဲ့သည်။

ရေခဲ(ပြည်)
Mizzima - News in Burmese

ပုံစာ- မကွေးတိုင်း၊ အောင်လံမြို့နယ်အတွင်းရှိ စကြီးကျေးရွာ အုပ်ချုပ်ရေးမှူးကို ဖြုတ်ချက်ပေးရန် ကျေးရွာအုပ်ချုပ်ရေးမှူးဟောင်း ဦးဆောင်၍ ဆရာတော်နှစ်ပါး အပါအဝင် ကျေးရွာသူ၊ရွာသား ၂၀၀ကျော်က ဧပြီလ ၃၀ရက်က ဆန္ဒထုတ်ဖော်စဉ်။ (ဓာတ်ပုံ- ရေခဲ၊ ပြည်)



 

အရှေ့ပိုင်းမှာ ယူကရိန်း လုံခြုံရေးတွေ မစွမ်းဆောင်နိုင်


ယူကရိန်းနိုင်ငံ အရှေ့ပိုင်းမှာ အစိုးရ အဆောက်အအုံတွေကို ရုရှား လိုလားတဲ့ လက်နက်ကိုင်တွေက နောက်ထပ် သိမ်းပိုက်မှုတွေ လုပ်နေရာမှာ အစိုးရ လုံခြုံရေး တပ်ဖွဲ့တွေဟာ ဥပဒေ စိုးမိုးရေးကို ဆောင်ရွက်နိုင်ခြင်း မရှိဘူးလို့ ယူကရိန်း ယာယီ သမ္မတ အိုလက်ဇန်းဒါး တူချင်နော့ဗ် က ပြောပါတယ်။

လက်ရှိ အခြေအနေမှာ လုံခြုံရေး တပ်ဖွဲ့တွေ အနေနဲ့ ဒွန်းညှက်မြို့နဲ့ လူဟန့်စ် မြို့တွေမှာ အခြေအနေတွေကို ပြန်မထိန်းချုပ်နိုင်ဘဲ ဖြစ်နေရပါတယ်။

အစောပိုင်းတုန်းက ဟော်လစ်ဗ်ကာ မြို့မှာ အစိုးရ အဆောက်အအုံ တစ်ခုနဲ့ ရဲဌာနချုပ်ကို လက်နက်ကိုင်တွေက သိမ်းပိုက်လိုက်ပါတယ်။

မနေ့တုန်းကလည်း လူဟန့်စ် မြို့မှာ အစိုးရရုံး အဆောက်အအုံတွေကို ရုရှားလိုလားတဲ့ လက်နက်ကိုင်တွေက သိမ်းပိုက်လိုက်ပါတယ်။

ဆလိုဗင့်စ် မြို့မှာတော့ OSCE ဥရောပ လုံခြုံရေးနဲ့ ပူးပေါင်း ဆောင်ရွက်ရေး အဖွဲ့ဝင် ၁၂ ဦးကို ရုရှား လိုလားတဲ့ လက်နက်ကိုင်တွေက ထိန်းသိမ်းထားဆဲ ဖြစ်ပါတယ်။

ဘီဘီစီ (မြန်မာပိုင်း)

Luhansk မြို့က အုပ်ချုပ်ရေးရုံးကို သိမ်းပိုက်ထားတဲ့ လက်နက်ကိုင်တွေ။

ဆီးရီးယား ဒုက္ခသည် စခန်းသစ် ဂျော်ဒန်မှာ ဖွင့်


ဆီးရီးယား နိုင်ငံကနေ ထွက်ပြေး ခိုလှုံလာတဲ့ ဒုက္ခသည်တွေ အတွက် ဒုက္ခသည် စခန်းကြီး တစ်ခုကို ဂျော်ဒန် နိုင်ငံ သဲကန္တာရမှာ ဖွင့်လှစ်လိုက်ပါတယ်။

ကနဦးတုန်းကတော့ အဲဒီ အယ်အက်ဇ်ရက် al-Azraq ဒုက္ခသည်စခန်းဟာ ဒုက္ခသည် ၅ သောင်းလောက် အတွက်ပဲ နေရာရှိတာ ဖြစ်ပေမယ့် အခုအခါ နောက်ထပ် ချဲ့ဖို့ စီစဉ်နေပါတယ်။

အဲဒီမှာ နေရာချထားမယ့် ပထမ အသုတ် ဒုက္ခသည် ရာပေါင်း အနည်းငယ်လောက် ကတော့ စခန်းကို ရောက်လာကြပြီ ဖြစ်ပါတယ်။

ဒီဒုက္ခသည် စခန်းဟာ နေရပ် စွန့်ခွာ ထွက်ပြေးလာကြ သူတွေအတွက် ဆောက်မယ့် ဒုက္ခသည်စခန်းတွေထဲမှာ အကောင်းဆုံး ဒုက္ခသည်စခန်း ဖြစ်မယ်လို့ ဆိုပါတယ်။

အဲဒီ ဒုက္ခသည်စခန်းမှာ စာသင်ကျောင်းတွေ၊ ဆေးရုံတွေ၊ ရဲဌာနတွေနဲ့ ကုန်စုံဆိုင်ကြီး တစ်ခု ထားရှိမှာ ဖြစ်ပြီး ဒုက္ခသည်တွေအတွက် ထောင်နဲ့ချီတဲ့ နေအိမ်တွေ ပါဝင်ပါတယ်။

ဒုက္ခသည်များဆိုင်ရာ ကုလသမဂ္ဂ အေဂျင်စီ အဖွဲ့အနေနဲ့ ဆီးရီးယား ဒုက္ခသည်တွေ ခိုလှုံ နေထိုင်နေတဲ့ ဂျော်ဒန်နိုင်ငံ ဇာတာရီ ဒုက္ခသည် စခန်းက အတွေ့အကြုံဆိုး တွေကနေ သင်ခန်းစာ ယူပြီး ဒီ အယ်အက်ဇ်ရက် ဒုက္ခသည်စခန်းကို တည်ဆောက်ခဲ့တာလို့ အဲဒီမှာ ရောက်နေတဲ့ ဘီဘီစီ သတင်းထောက်က ပြောပါတယ်။

ဘီဘီစီ (မြန်မာပိုင်း)

al_Azraq ဒုက္ခသည်စခန်း

 

လူသေနှုန်းမြင့် အမြန်လမ်း နိုင်ငံတကာအကူအညီ အလွဲမသုံးရန်လို


ရက်သတ္တတစ်ပတ်လျှင် ယာဉ်မတော် တဆမှုကြောင့် အနည်းဆုံး လူသုံးဦးနှင့် အထက် အသက်ဆုံးရှုံးမှုများ ဖြစ်ပေါ်နေသည့် ရန်ကုန်- မန္တလေး အမြန်လမ်းမကြီးကို နိုင်ငံတကာ အကူအညီဖြင့် ပြန်လည်ပြုပြင်ရန် အစိုးရက ပြင်ဆင် နေသော်လည်း ယနေ့အချိန်ထိ ထင်သာမြင်သာသော လမ်းအဆင့် မြှင့်တင်မှုများ မရှိသေးပေ။

နိုင်ငံ၏ စီးပွားရေးမြို့တော် ရန်ကုန်မှ အုပ်ချုပ်ရေးမြို့တော် နေပြည်တော်၊ ထိုမှတစ်ဆင့် ယဉ်ကျေးမှုမြို့တော် မန္တလေးသို့ စစ်အစိုးရလက်ထက်က ခြောက်နှစ်နှင့်နှစ်လကြာ ဖောက်လုပ်ခဲ့သည့် အမြန်လမ်းမကြီးမှာ ဦးသိန်းစိန်အစိုးရလက်ထက်တွင် တစ်နိုင်ငံလုံးအတိုင်းအတာဖြင့် နှိုင်းယှဉ်ပါက လမ်းအားလုံးတွင် ယာဉ်တိုက်မှုနှင့် လူအသေအပျောက်အများဆုံး စံချိန်တင်လျက်ရှိနေသည့် လမ်းမကြီးတစ်ခုလည်းဖြစ်သည်။

အမေရိကန်၊ ဂျပန်နှင့် ကိုရီးယားနိုင်ငံတို့မှ အကူအညီများပေးရန် သဘောတူညီမှုများ ရရှိထားသည့် အဆိုပါ အမြန်လမ်းပိုင်းမှာမူ ယနေ့အချိန်အထိ ၎င်းတို့ထံမှရရှိသော အကူအညီများဖြင့် ထင်သာမြင်သာသည့် ပြုပြင်ပြောင်းလဲမှုမျိုး သိသိသာသာ မလုပ်နိုင်သေးကြောင်း ယင်းလမ်းပိုင်းအား မကြာခဏ အသုံးပြုသူများက ဝေဖန်သည်။

ယာဉ်တိုက်မှုနှင့် လူအသေအပျောက်အများဆုံးဖြစ်နေသည့် အဆိုပါလမ်းကို ပြီးခဲ့သည့်နှစ်က အမေရိကန်သမ္မတအိုဘားမား မြန်မာနိုင်ငံသို့ လာရောက်စဉ် ယင်းလမ်းကို အမေရိကန်ဒေါ်လာတစ်သန်းခွဲ ကူညီရန် နှစ်ဖက်အစိုးရ သဘောတူညီခဲ့သည်။

ထို့ပြင် ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ JICA ကလည်း ယင်းအမြန်လမ်းအတွက် နည်းပညာပိုင်းဆိုင်ရာနှင့် ချေးငွေအကူအညီအချို့ပေးရန် ပြီးခဲ့သည့်နှစ်က သဘောတူညီခဲ့သည်။

အကူအညီပေးရန် တတိယမြောက်နိုင်ငံအဖြစ် ကိုရီးယားနိုင်ငံ KOICA ကလည်း အကူအညီအချို့ပေးရန် ကနဦးသဘောတူညီမှု ရရှိထားည်။

အမြန်လမ်းမကြီး အဆင့်မြှင့်တင်ရေး အကူအညီများပေးရန် စတင်တိုင်းတာစမ်းသပ်သည့် နိုင်ငံမှာ ဂျပန်ဖြစ်ပြီး ကွင်းဆင်းတိုင်းတာ စစ်ဆေးမှုများအရ အမြန်လမ်းတစ်လျှောက်၏ ၁၉ ရာခိုင်နှုန်းတွင် အားနည်းချက်များရှိပြီး ခြောက်ရာခိုင်နှုန်းမှာ အသေးစိတ်ပြန်လည်ပြုပြင်ရန် လိုအပ်ကြောင်း စစ်တမ်းက ထောက်ပြသည်။ ထို့ကြောင့် အကူအညီပေးနိုင်ရန် ဂျပန်အစိုးရထံသို့ ၂၀၁၄ ဖေဖော်ဝါရီလက ပြန်လည်တင်ပြထားပြီးဖြစ်ကြောင်း JICA (ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ)မှ ဌာနေကိုယ်စားလှယ် မက်ဆူကာဟန်ဂျင်းကပြောသည်။

ထို့အတူ အမေရိကန်နိုင်ငံ USaid က ဒေါ်လာတစ်သန်းခွဲတန် နည်းပညာအကူအညီများကို စတင်ရရှိထားပြီး အမြန်လမ်းနှင့်ပတ်သက်သည့် ကျွမ်းကျင်ပညာရှင်များနှင့် မြန်မာနိုင်ငံသို့ လာရောက်ပို့ချသင်ကြားပေးမှုများ ပြုလုပ်ခဲ့ကြောင်း ဆောက်လုပ်ရေးဝန်ကြီးဌာန ဦးဆောင်ညွှန်ကြားရေးမှူး ဦးကျော်လင်းကပြောသည်။

ထိုကဲ့သို့ နည်းပညာအကူအညီများ ရရှိပြီးနောက် လိုအပ်သည့် စက်ယန္တရားနှင့် ငွေကြေးအကူအညီများလည်း ဆက်လက်ပံ့ပိုးရန် အစီအစဉ်များရှိသည်ကို သိရှိထားကြောင်း ၎င်းက ဆက်လက်ပြောသည်။

ထို့အပြင် အမြန်လမ်းကို လေးလမ်းသွားပြုလုပ်ထားရာမှ အနာဂတ်တွင် ရှစ်လမ်းသွားအဖြစ် တိုးချဲ့ရန် အမေရိကန်နိုင်ငံကပင် အကူအညီပေးရန် သဘောတူညီမှုအချို့ပင် ရရှိထားကြောင်း သတင်းရရှိသည်။

ထိုသို့နည်းပညာနှင့် ပတ်သက်၍ ကမ္ဘာ့ထိပ်တန်းနိုင်ငံသုံးခုက အကူအညီပေးရန် စီစဉ်နေချိန်တွင် ၂၀၁၄ ခုနှစ်မှာပင် ဧပြီလအထိ လေးလအတွင်း အမြန်လမ်းတွင် ယာဉ်မတော်တဆမှု ၁၆၀ ကျော် လူ ၆၆ ဦး သေဆုံးခဲ့သည်။

နှစ်စဉ်သေဆုံးမှုနှုန်း မြင့်တက်နေသည့် အမြန်လမ်းမှာ ပြီးခဲ့သည့် ၂၀၁၃ ခုနှစ် တစ်နှစ်လုံးတွင် လူ ၁၀၀ ကျော် သေဆုံးခဲ့သည်။ ၂၀၁၄ နှစ်စမှ လေးလအကြာတွင် ၆၀ ကျော် သေဆုံးခဲ့သောကြောင့် ၂၀၁၃ ခုနှစ်ကထက်၂၀၁၄ မှာ လူသေဆုံးမှုပိုများမည့် အခြေအနေဖြစ်သည်။

‘‘ပြီးခဲ့တဲ့နှစ်နဲ့ယှဉ်ရင် အမြန်လမ်းက ထူးထူးခြားခြားပြောင်းလဲတာဆိုလို့ လမ်းတစ်လျှောက်ခရီးသည်တွေ ခဏလောက်နားလို့ရမယ့် သန့်စင်ခန်းတွေပဲ တိုးလာတယ်’’ဟု ရွှေစင်စကြာယာဉ်လိုင်းမှ ယာဉ်မောင်းတစ်ဦးက သူ၏အမြင်ကို ပြောသည်။

အမြန်လမ်းတစ်လျှောက်တွင် အရေးပေါ်ကတ်စနစ်သုံးဖုန်းများ၊ ကော်ဖီဆိုင်များ၊ အိမ်သာများ၊ လေထိုးကျွတ်ဖာဆိုင်များ၊ ရှေးဦးသူနာပြုစခန်းများ အရှိန်ပိုမောင်းသည့် ယာဉ်များအား မှတ်သားဖမ်းဆီးသည့်စနစ်များ တပ်ဆင်ထားမှုမှာမူ ယခုနှစ်တွင် ပိုမိုများပြားတိုးချဲ့လုပ်ကိုင်လာနိုင်ကြောင်း အမြန်လမ်းအထူးစီမံကိန်းမှ အင်ဂျင်နီယာမှူးကြီးကပြောသည်။

အမြန်လမ်းယာဉ်တိုက်မှုများတွင် ယာဉ်မောင်းများ အိပ်ငိုက်ခြင်း၊ သတ်မှတ်ကီလို ၁၀၀ ထက် ပိုမိုမောင်းနှင်ခြင်း ပေါ့ဆခြင်းများကြောင့်သာဖြစ်ပြီး လမ်း၏အားနည်းချက်နှင့် သက်ဆိုင်ခြင်းမရှိကြောင်း ရထားပို့ဆောင်ရေးဝန်ကြီးဌာန ပြည်ထောင်စုဝန်ကြီးဦးသန်းဌေးက ဧပြီ ၂၅ ရက်က အမြန်လမ်းနှင့်ပတ်သက်ပြီး ပြုလုပ်သည့် အစည်းအဝေးတွင် ပြောကြားခဲ့သည်။

ထို့ကြောင့် ကားများအား မောင်းနှင်ရာတွင်လည်း အမှန်တကယ် အတွေ့အကြုံပြည့်ဝပြီး ယာဉ်စည်းကမ်း၊ လမ်းစည်းကမ်းနားလည်သည့်သူများသာ ယာဉ်မောင်းလိုင်စင်ကို ကညနက ထုတ်ပေးမှသာ ယခုလို အမြန်လမ်းတွင် ဖြစ်ပွားနေသည့် ယာဉ်မတော်တဆမှုမျိုး လျော့ပါးသွားနိုင်ကြောင်း ၎င်းကဆိုသည်။

သို့သော် အဆိုပါလမ်းအား နေ့စဉ်အသုံးပြုမောင်းနှင်နေရသည့်သူများကမူ လမ်းတစ်လျှောက်တွင် မြင်ကွင်းအား ပြောင်းလဲစေမည့် ပုံစံမျိုးမရှိခြင်း၊ လမ်းမှာ တည့်မတ်လွန်းသည့် နေရာအလွန်တည့်မတ်ပြီး အကွေ့အကောက်များကလည်း မကြာခဏပေါ်လာတတ်သဖြင့် ယာဉ်မောင်းများဘက်မှ လမ်းနှင့်ပတ်သက်သည့် အမှတ်သင်္ကေတများကို မှတ်သားရန် လက်ရှိလမ်းစနစ်ကြောင့် အခက်အခဲရှိကြောင်း ပြောသည်။

‘‘လမ်းပုံစံတွေက ဆင်တူတော့ ဘယ်နားမှာ အကွေ့ဘယ်လိုပုံစံရှိတယ်ဆိုတာ မှတ်ဖို့ခက်တယ်။ ယာဉ်မောင်းတွေက ကျွမ်းကျင်လာရင် လမ်းတွေရဲ့ အမှတ်အသားတွေနဲ့ မောင်းရတာ။ ဒါပေမဲ့ အမြန်လမ်းမှာ မှတ်ဖို့ခက်တယ်’’ဟု အဝေးပြေးယာဉ်မောင်းတစ်ဦးက သူ၏အခက်အခဲကို ပြောပြသည်။

လမ်းအဆင့်မြှင့်တင်ရန် နိုင်ငံတကာမှ ရရှိထားသည့် နည်းပညာ၊ ငွေကြေးအကူအညီများကို အကျိုးရှိစွာဖြင့် စနစ်တကျသုံးစွဲနိုင်ပါက အမြန်လမ်း၏ လုံခြုံစိတ်ချမှုအပိုင်းမှာ ယခုထက် ပိုမိုမြင့်တက်လာနိုင်ကြောင်း မြို့ ပြစီမံကိန်းပညာရှင် ဦးဝင်းမြင့်က သုံးသပ်သည်။

‘‘အကူအညီရထားတယ်ဆိုရင်လည်း သုံးတဲ့နေရာနဲ့ သုံးတဲ့ငွေ မှန်ဖို့ပဲလိုတယ်’’ဟု ၎င်းကသုံးသပ်သည်။

အေးမြတ်သူ၊ မိုးညို
7Day News Journal အတွဲ (၁၃)၊ အမှတ်(၈)


နေရေးအခက်ကြောင့် အသက်နှင့်လဲ ထွက်ပေါက်ရှာသောအခါ


မြန်မာနိုင်ငံတွင် ကျောချစရာနေရာ တစ်နေရာအတွက် အိမ်ငှားခ မပေးနိုင်သောကြောင့် မိမိကိုယ်မိမိ အဆုံးစီရင်သွားမှုမျိုး ဖြစ်ခဲ့ပြီ ဖြစ်သည်။ အိမ်ပိုင်ရှင်အား အိမ်ခန်းငှားခပေးရန် သတ်မှတ်ရက် ပြည့်သည့်နေ့တွင် အိမ်ငှားနေထိုင်သည့် အသက်(၇၂)နှစ်အရွယ် အဘိုးဦးလှရွှေ(နာမည်ပြောင်း)တစ်ယောက်  အိမ်ငှားခမတတ်နိုင်တော့၍ နေအိမ်ထုပ်တန်းတွင် ဆွဲကြိုးချကာ ကိုယ့်ကိုယ်ကိုယ် အဆုံးစီရင်မှုတစ်ခု တောင်ဒဂုံမြို့နယ် ၁၀၆ ရပ်ကွက်တွင် ဧပြီ ၁၈ ရက်က ဖြစ်ပွားခဲ့သည်။

ထိုသေဆုံးမှုသည် အိမ်ငှားခမပေးနိုင်သောကြောင့် ကိုယ့်ကိုယ်ကိုယ်သတ်သေမှု ပထမဆုံးအကြိမ်မဟုတ်ပါ။ ၂၀၁၄ နှစ်ဦးပိုင်းက သင်္ဃန်းကျွန်းမြို့နယ်တွင်လည်း အဘိုးအိုတစ်ယောက် အိမ်ငှားခမပေးနိုင်၍ ဆွဲကြိုးချသေဆုံးမှုဖြစ်ခဲ့ပါသည်။

အိမ်ငှားခမပေးနိုင်သောကြောင့် ရက်စေ့သည့်နေ့တွင် ကိုယ့်ကိုယ်ကိုယ်ကြိုးဆွဲချ၍ သတ်သေသည့်အမှုမှာ ၂၀၁၄ ခုနှစ်အတွင်း သိသာထင်ရှားသော အမှုနှစ်မှုရှိသွားပြီဖြစ်သည်။ ထို့အပြင် အိမ်ငှားခပြဿနာဖြင့်ပင် လင်မယားချင်းစကားများကာ မောင်းနှင်လာသည့် ရထားအောက်ပြေးဝင်၍ သေဆုံးမှုမျိုးလည်း ရှိခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့မှ ရဲအရာရှိတစ်ဦးက ပြောသည်။

‘‘သေမှုသေခင်းဖွင့်တဲ့ အမှုတချို့ကို အသေးစိတ်စစ်ကြည့်တော့ စားဝတ်နေရေးကျပ်တည်းပြီး နည်းအမျိုးမျိုးနဲ့ထွက်ပေါက်ရှာကြတာ။ လာနေတဲ့ ရထားအောက်ပြေးဝင်ပြီး သေဆုံးမှုမျိုးတွေဖြစ်လာတော့ အထက်ဌာနတွေနဲ့ သီးသန့်အစည်းအဝေးထိုင်ဖြစ်တယ်။ ဥပမာ-ရပ်ကွက်တွေနဲ့ ထိစပ်နေတဲ့ ရထားလမ်းတွေကို သံဆန်ခါကာပေးဖို့နဲ့ ပညာပေးစာစောင်ကပ်ဖို့တွေ အကောင်အထည်ဖော်သွားမယ်’’ဟု အဆိုပါရဲအရာရှိကပြောသည်။

လက်ရှိဖြစ်ပေါ်နေသော အိမ်ငှားခဈေးနှုန်းများသည် စားဝတ်နေရေးအတွက် နိစ္စဓူဝ ရုန်းကန်လှုပ်ရှားနေရသည့် အခြေခံလူတန်းစားများအတွက် အဓိက၀န်ထုပ်ဝန်ပိုးဖြစ်နေသည်။ နေ့စဉ်ဝင်ငွေ၏ ရာခိုင်နှုန်းအများစုမှာ အခြားအရေးအားလုံးတွင် သုံးရသော ငွေစုစုပေါင်းထက် နေရေးတစ်ခုတည်းတွင် အသုံးပြုနေရသည်။

‘‘အိမ်လခမပေးနိုင်တော့ရင် ဆင်းပေးရမယ်လို့ အိမ်ရှင်က ပြောပြီးနောက်နေ့မှာ အဘက သူ့ကိုယ်သူ ဆွဲကြိုးချသတ်သေသွားတာ’’ဟု တောင်ဒဂုံမြို့နယ် (၁၀၆) ရပ်ကွက်တွင် နေထိုင်သော သေဆုံးသူအဘိုးအိုနှင့် အိမ်နီးချင်းကိုမြမောင်ကပြောပါသည်။

အိမ်ရှင်က ပုံမှန်အတိုင်း ပြောဆိုသတိပေးသွားခြင်း ဖြစ်သော်လည်း ပေးစရာငွေမရှိ၊ နေစရာအိမ်မရှိသော တစ်ကိုယ်တည်းနေ သက်ကြီးရွယ်အို အဘဦးလှရွှေကတော့ တမလွန်က မသေချာသောနေရာသို့ လည်ပင်းကြိုးကွင်းစွပ်လျက် ထွက်သွားခဲ့သည်။

ဦးလှရွှေပေးရန်မရှိခဲ့သည့် အိမ်ငှားခမှာ တစ်လလျှင် မြန်မာငွေကျပ်တစ်သောင်းခွဲဖြစ်ပြီး ၎င်းနေထိုင်ရာအိမ်မှာလည်း ဆယ်ပေခန့်သာကျယ်သည့် ယိုင်လုလုတဲအိမ်ဖြစ်ပါသည်။

ဦးလှရွှေနေထိုင်ခဲ့ရာ တောင်ဒဂုံမြို့နယ် (၁၀၆) ရပ်ကွက်တွင် အိမ်ငှားနေထိုင်သူများစွာရှိပြီး ၎င်းတို့တွင်လည်း အိမ်ပိုင်မရှိသူများအား ဈေးကွက်ထဲတွင် တစ်ဖက်သတ် အနိုင်ပိုင်းထားသည့် အိမ်လခပေးချေနိုင်ရန်အတွက် အခက်အခဲပေါင်းစုံရှိနေသည်။

‘‘ပိုက်ဆံမရှိတော့လည်း အိမ်ငှားဘ၀နဲ့ နပန်းလုံးနေရတာ။ ထမင်းတစ်လုတ်စားရတော်ပြီဆိုပြီး အိမ်ငှားခကို အလျဉ်မီအောင် ပေးနေရတာပေါ့။ မပေးနိုင်ရင် ဆင်းပေးရမှာလေ’’ ဟု တောင်ဒဂုံမြို့နယ် (၁၀၆) ရပ်ကွက် မြိုင်တန်းသာ (၂)လမ်းနေ ဒေါ်ကြိုင်ကြိုင်ကပြောသည်။

ဒေါ်ကြိုင်ကြိုင်တို့အိမ်တွင် မိသားစုဝင်ငါးယောက်ရှိပြီး အိမ်ဆေးသုတ်သည့် အလုပ်လုပ်ကိုင်နေသည့် ယောက်ျားဖြစ်သူ၏ တစ်နေ့ဝင်ငွေ ၇,၀၀၀ ကျပ်ဖြင့် လုံလောက်အောင် သုံးစွဲနေရခြင်းဖြစ်သည်။ ဒေါ်ကြိုင်ကြိုင်ငှားနေသည့် အလျား ၁၀ ပေ၊ အနံ ပေ ၂၀ ရှိသော သွပ်မိုးပျဉ်ထောင်အိမ်မှာ တစ်လလျှင် လေးသောင်းကျပ်ဖြင့် ခြောက်လစာချုပ်ချုပ်ကာ နေထိုင်ခြင်းဖြစ်သည်။

‘‘အိမ်ငှားစာချုပ်ချုပ်တုန်းက ခြောက်လစာ ပိုက်ဆံမရှိလို့ ဆွဲကြိုးလေးသွားရောင်းပြီး ပေးခဲ့ရတာ။ ဒီဘက်မှာ အလုပ်အကိုင်လည်းရှားတယ်။ သွားရေး၊ လာရေးလည်း ခက်တယ်။ ဒါပေမဲ့ အိမ်ငှားခနည်းနည်းသက်သာတဲ့နေရာ လိုက်ရွေးနေရတာ။ ဒီမှာ ဈေးမြင့်လာရင် နောက်ထပ်တစ်နေရာရှာရမှာပဲ’’ဟု ၎င်းကပြောသည်။

‘‘အိမ်ငှားသံသရာ ဘယ်လောက်ရှည်နေပြီလဲဆိုရင် ရွာက အမျိုးတွေနဲ့တောင် ဆွေခန်းမျိုးခန်းပြတ်တဲ့အထိပဲ။ ကိုယ်တွေက ဟိုရောက်လိုက်၊ ဒီရောက်လိုက် ဖြစ်နေတာလေ။ ရွာကလူတွေ ဘယ်လိုလုပ်ရှာနိုင်တော့မလဲ’’ဟု သင်္ဃန်းကျွန်းမြို့နယ်တွင် တစ်နှစ်နေခဲ့ပြီး လှိုင်သာယာမြို့နယ် ရွှေလင်ပန်းစက်မှုဇုန်အနီး ၁၅ ရပ်ကွက်သို့ ပြောင်းလာသူ ဦးလွန်းမြင့်ကပြောသည်။

လူဦးရေ သန်း ၆၀ ကျော်ရှိပြီး မြေနေရာကျယ်ဝန်းသော မြန်မာနိုင်ငံတွင် မြေဧရိယာနှင့်မျှတသော လူဦးရေရှိသော်လည်း အလုပ်အကိုင်အခွင့်အလမ်းပေါသည်ဟု ယူဆကြကာ စီးပွားရေးမြို့တော် ရန်ကုန်သို့ ဒေသအနှံ့မှ စုပြုံရောက်ရှိနေကြသည်။ ရှိနေသည့် အဆောက်အအုံအိမ်ရာနှင့် လူဦးရေမှာ မျှတမှုမရှိဘဲ အိမ်ရာနည်းပါးနေခြင်းက အိမ်ငှားဈေးကွက်တွင် အိမ်ပိုင်ရှင်တို့ အောင်ပွဲခံနေနိုင်ခြင်း၏ အဓိကအကြောင်းရင်းဖြစ်နေသည်။

ငွေကြေးအတော်အသင့် တတ်နိုင်သူများက မြေလွတ်များဝယ်၍ ဈေးပေါပေါနှင့်ရသော သစ်အဟောင်းများဖြင့် ၁၀ ပေ (သို့) ပေ ၂၀ ခန့်ကျယ်သည့် အိမ်များ ပြီးစလွယ်ဆောက်၍ အိမ်ငှားသူလက်ထဲ လွှဲထားခဲ့ခြင်းဖြစ်ပြီး အိမ်အများစုမှာ ဆောက်လက်စမှာပင် နေထိုင်လိုသူများက စာချုပ်ထားပြီးဖြစ်နေသည်။

‘‘ငှားချင်တဲ့သူက အဆမတန်များနေတယ်။ အိမ်ရှင်နဲ့ အိမ်ငှားအချိုးအစားက မမျှဘူး။ ဒါကြောင့် အိမ်ရှင်တွေပြောတဲ့ ဈေးပေးနေရတာ။ ဒီအခြေအနေကို အစိုးရက စီမံချက်တစ်ခုအနေနဲ့ အလျင်အမြန်ထိန်းချုပ်သင့်တယ်’’ဟု တောင်ဒဂုံမြို့နယ်မှ စူပါအိမ်ခြံမြေအကျိုးဆောင်လုပ်ငန်း မန်နေဂျာဦးစန်းအောင်က ပြောသည်။

မြို့ရွာနှင့် အိုးအိမ်ဖွံ့ဖြိုးမှုဦးစီးဌာန အငြိမ်းစားညွှန်ကြားရေးမှူး ဦးမြင့်ဆွေက အစိုးရသစ်၏ စီးပွားရေးဖွံ့ဖြိုးတိုးတက်ရေးဆိုသည့် ခေါင်းစဉ်အောက်တွင် အိမ်ရာဖွံ့ဖြိုးမှုအပိုင်းပါ ကပ်ပါမလာဘဲ နောက်ကျကျန်နေကြောင်း သုံးသပ်သည်။ ရန်ကုန်မြို့တွင် တိုးတက်နေသော လူဦးရေကြောင့် တစ်နှစ်လျှင် တိုက်ခန်းပေါင်းနှစ်သောင်း လိုအပ်သော်လည်း အခန်း ၇၀၀၀ သာ တည်ဆောက်နိုင်သည်။ နိုင်ငံရေးအပြောင်းအလဲကြောင့် အိမ်ခြံမြေဈေးနှုန်းများ အဆမတန်မြင့်တက်နေရာ အများစုဖြစ်သည့် အခြေခံလူတန်းစားမှာ အိမ်ပိုင်ဝယ်နိုင်ရန် အလှမ်းဝေးသွားပြီး ငှားသည့်ဈေးကွက်ဘက်သို့သာ ဦးတည်သွားသောကြောင့် အိမ်ပိုင်ရှင်များအကြိုက် ဖြစ်နေကြောင်း ပြောသည်။

‘‘အားနည်းနေတဲ့လူမမာကို ဆေးသွင်းပေးဖို့ လိုအပ်သလိုပဲ။ အိမ်ပိုင်မ၀ယ်နိုင်တဲ့သူတွေကို အစိုးရပိုင်းကနေ ထိရောက်တဲ့ ထောက်ပံ့မှုတွေ လုပ်ပေးသင့်တယ်။ လူအများစုက အိမ်ရာအာဟာရပြတ်နေကြတယ်’’ဟု ဦးမြင့်ဆွေကဆိုသည်။

လက်ရှိတွင် အစိုးရနှင့် စီးပွားရေးလုပ်ငန်းရှင်များက တန်ဖိုးနည်းအိမ်ရာ စီမံကိန်းများ အကောင်အထည်ဖော်နေသော်လည်း အရစ်ကျပေးရန် သတ်မှတ်ထားသည့် အချိန်ကာလမှာ တိုတောင်းလွန်းသောကြောင့် မှားယွင်းသော စီမံခန့်ခွဲမှုမျိုးဖြစ်နေကြောင်း ဒိုင်းမွန်းအိမ်ခြံမြေအကျိုးဆောင်လုပ်ငန်း မန်နေဂျာဦးမြသာကပြောကြားသည်။

‘‘စာချုပ်အတိုင်းမပေးရင် အရေးယူမယ်ဆိုတဲ့အပိုင်းလည်းရှိနေတာပဲ။ အိမ်ပိုင်ဝယ်လိုသူတွေကို ခိုင်မာတဲ့စာချုပ်တွေချုပ်ပြီး ကာလရှည်ငွေသွင်းခွင့်ပေးလိုက်ရင် အတော်အသင့် ပြေလည်သွားပါလိမ့်မယ်’’ဟုဆိုသည်။

မိုးရာသီ၌ထီးပြင်ကာ နွေနှင့် ဆောင်းရာသီ၌ ဖိနပ်ပြင်သည့် အလုပ်လုပ်ကာ အကြမ်းဖျင်းတစ်ရက်ဝင်ငွေ လေးထောင်ကျပ်ရသော ဦးတင့်စိန်ကလည်း ၎င်းမိသားစုအတွက် အဓိကအခက်အခဲမှာ နေရေးဟုပြောသည်။ ၎င်းကိုယ်တိုင်လည်း အသက် (၆၀) နှစ်ရှိပြီဖြစ်ပြီး အလုပ်မရှိသော အချိန်များ၌ အိမ်ဆေးသုတ်အလုပ်လုပ်သည့် သားမက်ဖြစ်သူ၏ ၀င်ငွေကိုသာ မှီခိုနေရသူဖြစ်သည်။

‘‘ဟိုမှာယိုင်နေတဲ့အိမ်က ကျွန်တော်တို့ ငှားနေတဲ့အိမ်ပဲ။ တစ်လကို နှစ်သောင်းပေးရတယ်။ ရေနဲ့မီးက ကိုယ့်ဘာသာကိုယ် ဖန်တီးရတာ။ နေလည်းပြင်း၊ အလုပ်ကလည်းပါးတော့ အပြင်မထွက်နိုင်ဘဲ သားမက်မျက်နှာရိပ်၊ မျက်နှာကဲကြည့်ပြီး ထမင်းစားနေရတာ’’ဟု နေပူပူအောက် မြေနိမ့်နေရာတစ်ခုတွင် တည်ဆောက်ထားသည့် ၁၀ ပေခန့်သာ ကျယ်သည့် အိမ်ကို လက်ညှိုးညွှန်ပြရင်း ဦးတင့်စိန်ကဆိုသည်။

လက်ရှိအစိုးရ ခေါင်းအခဲဆုံးဖြစ်နေသည့် ကျူးပြဿနာမှာလည်း တစ်ဦးချင်းဝင်ငွေပြဿနာနှင့် နေထိုင်မှုအတွက် အိမ်ခြံမြေဈေးနှုန်းများ မြင့်တက်နေခြင်းက တိုက်ရိုက်သက်ဆိုင်နေသည်။ ကျူးဟုနာမည်မကျော်ခင် မူလအစက အိမ်ခြေမဲ့များသည် နာဂစ်ကဲ့သို့သော သဘာဝဘေးအန္တရာယ်များကြောင့် မူလနေရပ်ကို ကျောခိုင်းကာ စီးပွားရေးမြို့တော်သို့ ခြေချလာသူများဖြစ်သည်။ နာဂစ်အောက် ပြားပြားမှောက်ကာ ရန်ကုန်မြို့သို့ ရောက်လာကြသော လူဦးရေအများစုမှာ ရန်ကုန်မြို့တော်တွင် နှစ်ကာလကြာမြင့်သည့်အထိ အခြေမကျသေးဘဲ အိမ်ရာမဲ့ (သို့) အိမ်ငှားဘ၀နှင့်ပင် ရုန်းကန်နေသေးသည်။

‘‘နာဂစ်ပြီးကတည်းက မနေရဲတော့လို့ ဖြစ်ချင်ရာဖြစ်ဆိုပြီး ရန်ကုန်ကို ထွက်လာခဲ့တာ။ အခုတော့လည်း ဘ၀ပေးက ဖြစ်ချင်တိုင်းကို ဖြစ်နေတုန်းပဲ။ ရပ်ကွက်လူကြီးရဲ့ထောက်ခံချက်နဲ့နေရပြီး ပြောင်းဆိုပြောင်းပေးရမှာလေ’’ဟု တောင်ဒဂုံမြို့နယ် ၁၇ ရပ်ကွက်ရှိ စက်မှုဇုန်မြေကွက်တွင် တဲထိုးနေထိုင်သူ ဒေါ်မြဦးကပြောကြားသည်။

ဒေါ်မြဦး၏သားက စက်မှုဇုန်အတွင်းရှိ ကားပစ္စည်းစက်ရုံတွင် အလုပ်လုပ်နေပြီး သား၏လစာကိုမှီခိုနေရကာ နာဂစ်အပြီး ခြောက်နှစ်ကြာသည်အထိ အိမ်ပိုင်မ၀ယ်သေးဘဲ ငှား၍ပင်မနေနိုင်သေးကြောင်း ပြောသည်။

စိန်ခေါ်မှုများနှင့် ပြည့်နေသည့် မြန်မာနိုင်ငံ၏ အပြောင်းအလဲကာလတွင် အစိုးရအနေဖြင့် နောက်တစ်ကြိမ် ရွေးကောက်ပွဲအတွက် အလုပ်ရှုပ်နေသည့်အပြင် ဖြေရှင်းရမည့်ပြဿနာများအနက်မှ အိမ်ခြံမြေပြဿနာကိုလည်း မေ့လျော့နေဟန်ရှိသည်။ အိမ်ပိုင်မရှိသေးသည့် အိမ်ငှားနေထိုင်သူများက အိမ်ငှားခလစဉ်ပေးနိုင်ရန် နည်းမျိုးစုံဖြင့် ကြိုးစားနေရသလို ဒေါ်မြဦးတို့လို နီးစပ်ရာမြေလွတ်တွင် နားလည်မှုဖြင့် နေထိုင်နေရသူများကတော့ စားဝတ်နေရေးကို သေရေးရှင်ရေးတမျှ နေ့စဉ်ရုန်းကန်နေရပေဦးမည်။

အသက်(၇၂)နှစ်အရွယ် ဦးလှရွှေကတော့ အိမ်လခပေးရန် ရွေးချယ်စရာလမ်းမရှိသည့်အဆုံး အဖန်ငါးရာ၊ ငါးကမ္ဘာဆိုသည့် ၀ဋ်ကြွေးကိုပင် မကြောက်ရွံ့တော့ပဲ တမလွန်ကို ရွေးချယ်သွားခဲ့သည်။

 သူ၏ နောက်ဆုံးထွက်သက်တွင် စိတ်ရော၊ ကိုယ်ပါ နာကျင်နေပါလိမ့်မည်။       ။

အောင်သစ်လွင်
7Day News Journal အတွဲ (၁၃)၊ အမှတ်(၈)


ကျွန်မအတွက် နွေ


ပူပြင်းလိုက်တာလို့ ညည်းတွားရတဲ့ အထိ။ တစ်နှစ်ပြီးတစ်နှစ် အပူချိန်တွေ စံချိန်ချိုးနေသလို ခရမ်းလွန်ရောင်ခြည်အဆင့် တွေက လွန်ကဲအဆင့်ထက်ကို လွန်ကဲ... လွန်ကဲ...။
လွန်ခဲ့တဲ့ဆယ်နှစ်လောက်ကတော့ နေပူ ထဲ ထီးမပါဘဲလည်း လျှောက်သွားဖူးသည်။ ရာသီဥတုပူသည်၊ အေးသည်မသိဘဲ နေရာစုံ ကို လျှောက်သွားဖူးသည်။ အရင်နွေက ပူတော့ပူသည်။ သို့သော် ခံနိုင်ရည်ရှိသည် ဟုထင်သည်။

အခုကျတော့ လူကနွေရာသီ ဒဏ်ကို ဆတ်ဆတ်ထိမခံ ဖြစ်လာသည်။
မနက်ဘက် ဖေ့စ်ဘုတ်ဝင်ကြည့်ဖြစ်သည့် အခါ မိုးလေဝသပညာရှင် ဒေါက်တာထွန်း လွင်ရဲ့ ရာသီဥတုအခြေအနေခန့်မှန်းချက်တွေ ကိုဂရုတစိုက်ဖတ်နေရသည်။ဟိုတစ်လောက သူ့ရဲ့ဖေ့စ်ဘုတ်ထဲမှာ မြန်မာနိုင်ငံရဲ့ တချို့ နေရာတွေခရမ်းလွန်ရောင်ခြည်အဆင့်က ၁၅ ကျော်ပြီတဲ့။ အဆင့် ၁၁ ကျော်ရင်တောင် လွန်ကဲအဆင့်လို့ သတ်မှတ်ထားတာဆိုတော့ ၁၅ တောင်ဖြစ်ပြီဆိုရင် လွန်ကဲအဆင့်ထက် လွန်ကဲပေါ့။
ပူပြင်းတဲ့နွေဒဏ်ကို မခံနိုင်ကြလွန်းလို့ လွန်းဆွဲပွဲတွေ ကျင်းပကြတာလဲ နေရာအနှံ့။ ဒါကလဲ ယုံကြည်မှုပဲဆိုစေဦးတော့ မိုးရွာဖို့ အထောက်အကူပြုမယ်ဆို လုပ်ကြရမည် သာ။ မန္တလေးမှာလဲ အပူလျှပ်လို့ ဆေးရုံ ရောက်ရတာတွေ၊ သေရတာတွေလဲ မနည်း ဘူးလို့ သတင်းတွေမှာ ဖတ်နေရသည်။

ရန်ကုန်မှာလဲ နေ့ခင်းဘက်အပြင်က ပြန်လာ လာချင်းရေခဲရေသောက်လို့ဆေးရုံရောက်ပြီး ဆုံးသွားတာတွေကြားရသေးသည်။ နွေရာသီ ကအရှိန်ပြင်းပြင်းနဲ့ပူလို့ကောင်းနေတုန်းပါပဲ။
ကျန်းမာရေး သတိပေးချက်တွေက သတင်းစာတွေမှာနေ့တိုင်းပါနေသည်။နေ့ခင်း ဘက်တွေမှာ အပြင်မထွက်ဖို့၊ အရိပ်ရတဲ့ နေရာမှာပဲ နေဖို့၊ သက်သောင့်သက်သာ ဖြစ်တဲ့အဝတ်အစားတွေဝတ်ဖို့၊ နေလောင် ကာခရင်မ်တွေလိမ်းဖို့၊ သနပ်ခါးထူထူလိမ်း ဖို့။ အပူဒဏ်သက်သာဖို့ တစ်နည်းမဟုတ် တစ်နည်းလုပ်နေရတာပါပဲ။
ရုပ်ဆိုးချင်ဆိုးပါစေ။ သနပ်ခါးထူထူ လိမ်းရ အင်္ကျီပွပွဝတ်ပြီး ရုံးတက်ရတဲ့နေ့တွေ ရှိလာပြီ။ဘာဖြစ်လာတာလဲဆိုတဲ့ စပ်စုမှုတွေ ထက် နွေအပူကို ကျွန်မပိုကြောက်မိသည်။

ကြုံတုန်းဖောက်သည်ချရဦးမည်။လက်ရှိ ကျွန်မတို့ခံစားရတာ နွေအပူဒဏ်အပြင် ရေငွေ့အပူချိန်ပါ ပူးတွဲခံစားနေရတာတဲ့။ အဲဒီအပူချိန် နှစ်ရပ်ပေါင်းဆို ၄၅-၅ဝ ဒီဂရီ စင်တီဂရိတ်လောက်ရှိတာမို့ အပူချိန်တွေက ပိုမြင့်နေတာမို့လူတွေမှာကျန်းမာရေးပြဿနာ တွေ ဖြစ်နေတာတဲ့။
မှတ်မှတ်ရရ ၂ဝဝ၈ လောက်ကစပြီး ထင်သည်။နွေသည်သိသိသာသာပူလာသည်။ 'ထီးနဲ့ဖိနပ်မပါလျှင် နွေခါမှသိ' ဆိုစကား အတိုင်း နွေရာသီမှာထီးကို လက်လွှတ်ခံလို့ မရတော့။ အယ်လ်နီညိုဆိုသည့် အသုံးအနှုန်း ကို နွေအပူကြောင့် ကျွန်မတို့ စတင်ရင်းနှီး လာခဲ့ရသည်။

ငယ်ငယ်တုန်းက နွေရောက်လျှင် ပျော် သည်။ နွေရာသီနဲ့အတူ ကျောင်းပိတ်ရက် တွေပါရှိတာမို့ နွေရာသီကို ပျော်ခဲ့ဖူးသည်။ နွေရာသီ ကျောင်းပိတ်ရက်ရောက်သည်နှင့် နယ်က အဘိုးအဘွားအိမ်သွားပြီး နွေရာသီ ကို ဖြတ်သန်းခဲ့သည်။
အလုပ်လုပ်ရတဲ့အချိန်အထိ နွေရာသီကို အဆင်ပြေပြေ ရင်ဆိုင်နိုင်ပေမယ့် ဒီလေး-ငါး-ခြောက်နှစ်မှာတော့ နွေကိုကြောက်တဲ့ ခံစားမှုတွေဖြစ်လာသည်။
သစ်တောတွေပြုန်းတီး၊ ရာသီ ဥတုတွေဖောက်ပြန်လာလို့ နွေရာ သီအပူချိန် သိသိသာသာမြင့် လာတယ်လုိ့ သဘာဝပတ်ဝန်း ကျင်ပညာရှင်တွေပြောဆိုနေကြ သည်။ မြန်မာနိုင်ငံရဲ့ သဘာဝပတ် ဝန်းကျင်အခြေအနေကိုကောင်းကောင်းမထိန်း သိမ်းရင် နောင်နှစ်ပေါင်း ၃ဝ ခန့်ကြာတဲ့ အခါ အခုထက်အပူချိန်က ၅ ဒီဂရီလောက် ပိုလာနိုင်တယ်လို့လဲ ဆိုကြပြန်သည်။ အမယ် လေးလို့သာ ဆိုပါရစေတော့...
''နွေနေပူပေမယ့် အရိပ်ကောင်းတဲ့ သစ်ပင်အောက်မှာထိုင်ရင်း လက်ဖက်ရည် ကြမ်းဖွဲ့စကားစမြည်ပြောရင်း''ဆိုတဲ့ စကား တွေကြားဖူးခဲ့သည်။အခုတော့ဘယ်သစ်ပင် အောက်မှာ နွေအပူဒဏ်ကို ဘယ်လိုအန်တုရ မှန်းမသိအောင် ဖြစ်နေရသည်။

ဟိုတစ်ရက် မိုးသံလေသံလေးတော့ ကြားလိုက်ရသည်။ မိုးနဲ့အတူ မိုးသီးတွေပါ ကြွေတယ်တဲ့။ မိုးရွာတာ အပူဒဏ်သက်သာ ပေမယ့် မိုးသီးကြွေတာတော့ သိပ်မဟုတ် သေး။ သတိပေးချက်တွေ အသစ်ပြောင်းလဲ သွားသည်။ မိုးသက်လေပြင်းတွေ ဂရုပြုရန် အတွက်တဲ့။ ဒါပေမယ့် အပူချိန်ကတော့ သိသိသာသာမကျသေး။ပူလို့ကောင်းတုန်းပဲ။
နွေ... ပူပြင်းတဲ့နွေ...အခုချိန်အထိ နွေအပူဒဏ်ကို
ကြောက်မိ နေတုန်းပါပဲ။

ခင်နွယ်ဝင်း
The Union Daily


ဒီဗွီဘီသတင်းထောက် ကိုဇော်ဖေ သူရဲကောင်း သတင်းသမား ၁၀၀ တွင် ပါဝင်


မေလ ၃ ရက် နေ့မှာ ကျရောက်မယ့် ကမ္ဘာ့ စာနယ်ဇင်း လွတ်လပ်မှုနေ့ ၂၀၁၄ ကို ဂုဏ်ပြုတဲ့အနေနဲ့ ကမ္ဘာ့မီဒီယာ စောင့်ကြည့်ရေး အဖွဲ့တဖွဲ့ဖြစ်တဲ့ နယ်စည်းမခြား သတင်းထောက်များအဖွဲ့ RSF က “သူရဲကောင်း သတင်းသမား ၁၀၀” အမည်စာရင်းကို ထုတ်ပြန်ကြေညာ လိုက်ပါတယ်။

အဲဒီအမည်စာရင်းထဲမှာ မြန်မာနိုင်ငံက ဒီဗွီဘီသတင်းထောက် ကိုဇော်ဖေ အပါအ၀င် နိုင်ငံပေါင်း ၆၅ နိုင်ငံမှ သတင်းသမားတွေ ပါဝင်ပါတယ်။

မကွေးမြို့က ဒီဗီဘီသတင်းထောက် ကိုဇော်ဖေဟာ ဂျပန်ဖောင်ဒေးရှင်းတခုက ပေးအပ်တဲ့ ပညာသင်ဆုရွေးချယ်ပုံနဲ့ ပတ်သက်လို့ သတင်းယူဖို့ ကြိုးစားရင်း ဖမ်းဆီး တရားစွဲခံခဲ့ရတာဖြစ်ပြီး ပိုင်နက်ကျူးလွန်မှု ၀တ္တရားနှောင့်ယှက်မှုတွေနဲ့ ထောင်ဒဏ် ၁ နှစ် ချမှတ်ခံရသူလည်း ဖြစ်ပါတယ်။

သူတို့ရဲ့လုံခြုံရေး၊ သူတို့ရဲ့ဘ၀၊ သူတို့ရဲ့ အသက်မွေးဝမ်းကျောင်းမှုကို စွန့်လွှတ်ပေးဆပ် အနစ်နာခံကြတဲ့ သတင်းသမားတွေနဲ့ ဘလော့ဂါတွေရဲ့ ရဲစွမ်းသတ္တိကို ဂုဏ်ပြုချီးမြှင့်တာ ဖြစ်တယ်လို့ နယ်စည်းမခြား သတင်းထောက်များအဖွဲ့ရဲ့ အထွေထွေ အတွင်းရေးမှူးချုပ် ခရစ္စတိုဖီ ဒီလွိုင်းရားက အဲဒီထုတ်ပြန်ချက်ထဲမှာ ပြောပါတယ်။

သတင်းလွတ်လပ်ခွင့်အတွက် တိုက်ပွဲဝင်မှုဟာ ဖိနှိပ်ခံရသူများအတွက် အားပေးထောက်ခံမှုကို ပံ့ပိုးဖြည့်ဆည်းပေးရာမှာ ကန့်သတ်မထားသင့်ကြောင်းနဲ့ စံပြပုဂ္ဂိုလ်တွေအဖြစ် လုပ်ဆောင်နိုင်သူ များကို တန်ဖိုးမြှင့်ပေးဖို့ ရည်ရွယ်ပါတယ်လို့လဲ RSF က ဆိုပါတယ်။ သတင်းလွတ်လပ်မှုရှိတဲ့ ကမ္ဘာ့နိုင်ငံများအညွှန်းကိန်းမှာ မြန်မာနိုင်ငံက အဆင့် ၁၄၅ ရှိနေပါတယ်။

 By ဒီဗွီဘီ


တာချီလိတ်တွင် ရေတွင်းထဲ နုန်းဆင်းဆယ်ရာမှ အောက်ဆီဂျင်ပြတ်ကာ သားအဖ နှစ်ဦး သေဆုံး

ရှမ်းပြည်နယ် အရှေ့ပိုင်းဒေသ တာချီလိတ်မြို့နယ် ၀ိန်းကျောက်ကျေးရွာ၊ အာခါဈေးလမ်း သွယ်ရှိ နေအိမ်တစ်အိမ်တွင် ယနေ့ ၂၀၁၄ခုနှစ် ဧပြီလ(၂၉)ရက် ညနေ (၄း၃၀)နာရီအချိန်ခန့်က ရေတွင်းထဲမှ နုန်းများကို ဆင်းဆယ်ရာမှ အောက်ဆီဂျင်ပြတ်၍ သားအဖနှစ်ဦး သေဆုံးမှု ဖြစ်ပွားခဲ့ကြောင်း သိရသည်။




ဖြစ်စဉ်မှာ အဆိုပါနေအိမ်၌ အိမ်ငှားအဖြစ်နေထိုင်သူ အသက်(၄၄)နှစ်အရွယ် ဦးသောင်းဌေးသည် နွေရာသီ ရေခမ်းခြောက်သည့် ကာလကို ရောက်လာသည့်အတွက် နေအိမ်အတွင်းရှိ အနက်(၃၀)ပေ၊ အကျယ်(၄)ပေခန့်ရှိသော ရေတွင်းထဲမှ နုန်းများကို ဆယ်ယူရန် ရေတွင်းထဲသို့ ၀ါးလှေကားဖြင့် ဆင်းချိန် ရေပြင်နှင့် ထိလု (၅)ပေခန့် အရောက်တွင် အောက်ဆီဂျင်ပြတ်တောက်ပြီး လှေကားပေါ်မှ ပြုတ်ကျသွားခဲ့သည့်အတွက် ရေတွင်းအပေါ်တွင် ရှိနေသူ အသက်(၁၆)နှစ်အရွယ် သားဖြစ်သူ မောင်အောင်နိုင်ဦးသည် ၎င်း၏ ဖခင်ဖြစ်သူအား ဆင်းဆယ်ရန်အတွက် ဆင်းသွားရာမှ ၎င်း၏ ဖခင်နည်းတူ အောက်ဆီဂျင်ပြတ်တောက်၍ ရေအနက် (၅)ပေခန့်တွင် နစ်မြုပ်သေဆုံးသွားခဲ့သည်။






( လူနှစ်ဦး သေဆုံးခဲ့ရသည့် ရေတွင်း )


ရေတွင်းထဲတွင် အောက်ဆီဂျင်ပြတ်တောက်၍ သေဆုံးနေသော သားအဖနှစ်ဦးကို တာချီလိတ်မြို့နယ် မီးသတ်တပ်ဖွဲ့မှ ဦးစီးအရာရှိ ဦးအောင်ကျော်နိုင် ပါဝင်သည့် သန္ဓေမီးသတ်တပ်ဖွဲ့ဝင်(၈)ဦး၊ အရန်မီးသတ်တပ်ဖွဲ့ဝင်(၂၇)ဦး စုစုပေါင်း (၃၅)ဦး အပြင် လူမှုကူညီရေးအသင်းအဖွဲ့များဖြင့် ၀ိုင်းဝန်းကြိုးပမ်း၍ ရေတွင်းထဲမှ ည(၇း၀၅)နာရီအချိန်က ဆယ်ယူနိုင်ခဲ့ကြောင်း သိရသည်။





ကယ်ဆယ်ရေးအတွက် ရောက်ရှိလာသော မီးသတ်တပ်ဖွဲ့ဝင်များသည် ရေတွင်းထဲသို့ မဆင်းမီတွင် ရေတွင်းအတွင်း မီးတောက်ဖြင့် အောက်ဆီဂျင်ရှိမရှိကို စစ်ဆေးရာ ရေပြင်နှင့်ထိလု (၅)ပေခန့်တွင် မီးငြိမ်းသွားခဲ့သဖြင့် ရေတွင်းအတွင်း သစ်ခတ်များချမွှေ့ယမ်းခြင်း၊ အောက်စီဂျင်ဘူးအား ဖွင့်ချ၍ ရေတွင်းအတွင်း မွှေ့ယမ်းခြင်းတို့ကို ပြုလုပ်ပြီးနောက် သေဆုံးသူ (၂)ဦးကို ရေတွင်းပေါ်သို့ တင်ဆောင်နိုင်ခဲ့တာဖြစ်ကြောင်း သိရသည်။





ရေတွင်းထဲ၌ သေဆုံးမှုနှင့် ပတ်သက်၍ တာချီလိတ်မြို့တွင် လွန်ခဲ့သော ၂၀၁၂ခုနှစ်ဝန်းကျင်က ရေတွင်းထဲ၌ အောက်ဆီဂျင်ပြတ်တောက်၍ သေဆုံးမှုနှင့် မြေပြို၍ သေဆုံးမှုများလည်း ဖြစ်ပွားခဲ့ဖူးကြောင်း သိရသည်။


ဓါတ်ပုံ/သတင်း။ ။ ကိုဇောင်း
တာချီလိတ် သတင်းဌာန

တံတားဦးမြို့ နယ်တွင် မိုးသက်လေပြင်း တိုက်ခက်၍ ကျောင်းဆောင်အချို့ နှင့် လူနေအိမ်အချို့ ပျက်စီး

တံတားဦး၊ ဧပြီ ၃၀

မန္တလေးတိုင်း ဒေသကြီး၊ ကျောက်ဆည်ခရိုင်၊ တံတားဦးမြို့ နယ်တွင် ဧပြီလ (၂၉) ရက် ညနေ (၂း၃၀)နာရီ အချိန်တွင် မိုးသက်လေပြင်း တိုက်ခတ်မှုကြောင့် စာသင်ကျောင်းအချို့နှင့် ကျန်းမာရေးဆေးခန်း၊ လူနေအိမ်များ ပျက်စီးဆုံးရှုံးမှု ဖြစ်ပေါ်ခဲ့ကြောင်း သိရှိရသည်။

လေပြင်းတိုက်ခတ်မှုကြောင့် ချောင်းခွ အထက်တန်းကျောင်း ပေ (၁၉၀ဍ္ဍ၃၀ဍ္ဍ၂၄)ရှိ ရွှေကံ့ကော် နှစ်ထပ်ကျောင်းဆောင် ရှေ့မျက်နှာစာ ဒိုင်းမျှားတန်းနှင့် သွပ်ချပ်ရေ (၂၀၀)ခန့် အမိုးလံပျက်စီးခြင်း၊ အေးကြည်ကုန်း အလယ်တန်းကျောင်း ပေ (၁၉၀x၃၀x၂၄) နှစ်ထပ်ကျောင်းဆောင် စာသင်ခန်း (၃) ခန်းရှိ ဒိုင်းမျှားတန်းနှင့် သွပ်ချပ်ရေ (၈၀) ခန့် အမိုးလံပျက်စီးပြီး၊ ချောင်းခွကျေးရွာ ကျေးလက်ကျန်းမာရေးဌာန ဒိုင်းမျှားတန်းများနှင့် သွပ်ချပ်ရေ (၇၀) ခန့် အမိုးလံပျက်စီးခဲ့သည်။ ထို့ပြင် မိုးကြိုးတွင်းကျေးရွာနှင့် မြင်စိုင်းကျေးရွာရှိ လူနေအိမ်များဖြစ်သည့် သွပ်မိုးအိမ် (၇) အိမ်နှင့် ထန်းရွက်မိုး (၆) အိမ် အမိုးလံကာ ပျက်စီးဆုံးရှုံးခဲ့ပြီး မိုးရေကြောင့် ချောင်းခွ အထက်တန်းကျောင်းရှိ ကွန်ပျူတာ (၂) လုံးနှင့် ပရင်တာ(၁)လုံးတို့လည်း ပျက်စီးဆုံးရှုံးမှုများ ဖြစ်ပေါ်ခဲ့ကြောင်း သိရှိရသည်။

MOI Webportal Myanmar





မြစ်ဆုံစီမံကိန်း ထာဝရ ရပ်တံ့ရန် အတွက် လမ်းလျှောက်၍ ဆန္ဒဖော်ထုတ်မည့် သူများ ခင်ဦးမြို့ သို့ရောက်ရှိ


ခင်ဦး ဧပြီ ၃၀

မြစ်ဆုံစီမံကိန်း ထာဝရ ရပ်တံ့ရန် အတွက် ရန်ကုန်မှ မြစ်ကြီးနား အထိလမ်း လျှောက်၍ ဆန္ဒ ဖော်ထုတ်မည့် နိုင်ငံရေး အကျဉ်းသားဟောင်းများ အဖွဲ့မှ ဦးသီဟ ဦးစီးသော အဖွဲ့ဝင် (၄၁)ဦး လိုက်ပါလာသည့် အဖွဲ့သည် ရွှေဘိုမြို့မှ OMC မူးဘောင် အတိုင်း လမ်းလျှောက် လာရာ ခင်ဦးမြို့နယ်၊ ပေါက်တုံ ကျေးရွာသို့ နံနက် (၁၀)နာရီခန့် က ရောက်ရှိစဉ် မြို့နယ် ရဲတပ်ဖွဲ့မှူး ရဲမှူးသန်းဝင်းနှင့် တာဝန်ရှိ သူများက မြို့နယ်အတွင်း မလိုလား အပ်သော ပြသနာ တစ်စုံတစ်ရာ ဖြစ်ပွားမှု မရှိစေရေး အတွက် ဦးသီဟနှင့် တွေ့ဆုံပြီး ကတိ ၀န်ခံချက် လက်မှတ် ရေးထိုးခဲ့သည်။

ထို့နောက် ပေါက်တုံ ကျေးရွာမှ ညနေ(၃) နာရီတွင် ခင်ဦးမြို့သို့လမ်းလျှောက် လာရာ ညနေ (၅)နာရီ တွင်ရောက်ရှိပြီး မြို့အတွင်း လမ်းမတော် တစ်လျောက် စီတန်း လှည့်လှည်ပြီး ပေါ်တော်မူ ဘုရားတွင် ညနေစာ စားပြီး ညအိပ်ခဲ့ကြောင်း သိရသည်။ အဆိုပါ လမ်းလျှောက် အဖွဲ့သည် နောက်ရက် နံနက်(၅) နာရီတွင် ခင်ဦးမြို့မှ OMC မူးဘောင် လမ်းတိုင်း ဆက်လက် လမ်းလျှောက် ထွက်ခွာ ခဲ့ကြောင်း သိရှိရသည်။

MOI Webportal Myanmar


ဗိုလ်ချုပ်မှူးကြီးစောမောင် အနားပေး ခံရချိန်အထိ အတူရှိနေခဲ့သော ရဲဘော်ဟောင်းတစ်ဦး၏ ပြန်လည်ပြောပြချက်

Q - ဗိုလ်ချုပ်မှူးကြီးစောမောင် အနားယူတဲ့ အချိန်အထိ ရုံးမှာရှိခဲ့တာဆိုတော့ နိုင်ငံ့ အကြီးအကဲ တစ်ယောက်ကို အနီးကပ် မြင်ခဲ့ရတဲ့အစ်ကို့ အမြင်လေး ပြောပြပေးပါ။
A - ကျွန်တော်က ဗိုလ်ချုပ်မှူးကြီးကိုအနားပေးလိုက်တဲ့အချိန်အထိ ၃ နှစ်လောက်အနီးကပ်နေခဲ့ရတာပါ။ ဆရာတပည့်လို ဆိုတာထက် သားသမီးလိုနေခဲ့ရတာများပါတယ်။ ဗိုလ်ချုပ်မှူးကြီးက အရမ်းရိုးဖြောင့်တယ်။ စစ်သားစိတ်အပြည့်ရှိတဲ့သူ။ ပြတ်ပြတ်သားသား ရှင်းရှင်းလင်းလင်းပြောတယ်။ သံယောဇဉ်သိပ်ကြီးတယ်။

Q - ဗိုလ်ချုပ်မှူးကြီးက စာသိပ်ဖတ်တယ်လို့သိရပါတယ်။ တစ်နေ့ကို သုံး လေးနာရီလောက်ပဲအိပ်တယ်လို့လည်း ကြားဖူးတယ်။
A - ဟုတ်ပါတယ်။ မနက် ၈း၃၀ ဆိုရင် ၇ုံးရောက်ပြီ။ ရောက်တာနဲ့စာဖတ်တယ်။ တစ်ခုပြောစရာရှိတာက စာဖတ်ရင်း အဘကဆေးလိပ်သောက်တတ်တယ်။ စီးကရက်မသောက်ဘူး။ မန္တလေးသားဆိုတော့ နဂါးဒေါ်ဥဆေးပေါ့လိပ်ပဲ သောက်တယ်။ စာထဲစိတ်ရောက်သွားရင် ဆေးလိပ်မီးပေါက်တာတောင်မသိဘူး။ တစ်ပတ်ကို အဘရဲ့အကျီဆေးလိပ် မီးပေါက်ဖာရတာ ၄၊ ၅ ပေါက်ပဲ။ ယောက်လမ်းထဲကဆိုင်မှာ။ ထမင်းစားချိန်ဆို ဒုချုပ်(ဗိုလ်ချုပ်ကြီးသန်းရွှေပေါ့) ဆီသွားပြီး ထမင်းစားတယ်။ ၁၂း၃၀ လောက်ပြန်လာပြီး ဝင်စာတွေဖတ်မယ်။ ရုံးခန်းထဲမှာ စာအုပ်ဗီရို ၁၁ လုံးရှိတယ်။ ဘယ်ဗီ၇ိုမှာ ဘာစာအုပ်ရှိတယ်ဆိုတာသူသိတယ်။

Q - လုပ်ဖော်ကိုင်ဖက်တွေကလည်းသူ့အပေါ်လေးစားချစ်ခင်ကြတယ်လို့ကြားမိပါတယ်။
A - ဘယ်တော့မှအာဏာနဲ့ခိုင်းတာပြောတာမရှိဘူး။ အားလုံးက လေးစားကြည်ညိုကြပါတယ်။ ဗိုလ်ချုပ်ကြီးခင်ညွှန့်ဆို တစ်နေ့ ၂ ခါ ၃ ခါ လာတွေ့တယ်။ ဗိုလ်ချုပ်ကြီးချစ်ဆွေဆိုရင် ရုံးခန်းကနီးနီးလေးဗျ။ ရုံးခန်းထဲကထွက်လာရင် ကျွန်တော်တို့ကိုလှမ်းမေးတယ်။ ဗိုလ်ချုပ်မှူးကြီးရှိတယ်ရင် ဘယ်တော့မှ ၇ုံးခန်းရှေ့ကဖြတ်မလျှောက်ဘူး။ ဒါ ကျွန်တော်တို့ ကြုံခဲ့ရသလောက်ပေါ့။

Q - အနားပေးလိုက်တဲ့အချိန်မှာ ဘယ်မှာရှိနေတာလဲ။ အကျယ်ချုပ်လိုလို ထိန်းသိမ်းလိုက်တယ်လိုလိုပဲ ကြားရခဲ့ရတာ ဆိုတော့။
A - အနားပေးလိုက်တဲ့အချိန်မှာ ဒဂုံရိပ်သာ ကာကွယ်ရေးဝန်ကြီးဌာနကတပ်မတော်ဂေဟာမှာပါပဲ။ စစ်ရုံးနဲ့လည်းနီးတယ်လေ။ အဲဒီအချိန်တုန်းက ပိုင်ဆိုင်မှုကအရမ်းနည်းပါတယ်။ နိုင်ငံတော်ကပေးထားတဲ့ ငွေကြာရံကအိမ်တစ်လုံးရယ် ဆာကူရာတာဝါ မှာအခန်းတစ်ခန်းရယ် ဒါပဲ၇ှိတယ်။ သားသမီးတွေဆိုရင်လည်း သိမ်သိမ်မွေ့မွေ့နေကြတာပဲ။ အကြီးဆုံးကိုသီဟစောက MOFA မှာ။ သမီးလတ် မချို (မကေသီစော) က ဆရာဝန်ဗိုလ်ကြီး။ ကိုသူရစောက ကွန်ပျူတာလုပ်ငန်းလုပ်တယ်။ ဗိုလ်ချုပ်မှူးကြီးရဲ့ဇနီး ဒေါ်စောရီဆို ဘယ်လောက်ချစ်ဖို့ကောင်းသလဲဆိုရင် ကျွန်တော်တို့ရဲဘော်သားသမီးတွေကို ကိုယ်တိုင် ထမင်းချက်ကျွေးတာ။ ပျော်ပျော်ရွှင်ရွှင်နဲ့ မိသားစုလိုနေခဲ့ရတာ။ ရဲဘော်တွေနဲ့တောင် လက်ပွန်းတတီးနေကြတာလေ။

Q - ဗိုလ်ချုပ်မှူးကြီးဖတ်တဲ့စာတွေထဲမှာ ဘယ်လိုစာမျိုးတွေအများဆုံးပါလဲအစ်ကို။
A - ၉၀ ပတ်ဝန်းကျင်ဆိုတော့ဗျာ ရွေးကောက်ပွဲနဲ့ပတ်သက်တာ နိုင်ငံရေးနဲ့ပတ်သက်တာတွေအများဆုံးဖတ်တယ်။ အဲဒီတုန်းကစာပေစိစစ်က ဒုဝန်ကြီးဦးစိုးညွှန့်က ထွက်သမျှစာအုပ်တွေပို့ပေးတယ်။ အားလုံးဖတ်တယ်။

Q - တစ်ဘက်က နိုင်ငံတော်တာဝန်တွေ ရှိတယ်။ တစ်ဘက်မှာ မိသားစု၇ှိတယ်။ အဲဒီကြားမှာ ဘယ်လိုဖြတ်သန်းခဲ့တာမြင်လဲ။
A - ၈၈ ခုနှစ်နောက်ပိုင်းမှာ မိသားစုနဲ့အချိန်ပေးတာအရမ်းနည်းပါတယ်။ အထူးသဖြင့် ရွေးကောက်ပွဲကာလမှာ ၇ုံးမှာပဲ အိပ်ဖြစ်တာများတယ်။ ၉၀ ခုနှစ်နောက်ပိုင်းကျမှ အိမ်ပြန်အိပ်တာ။ ကျန်းမာရေးလည်း နည်းနည်းဖြစ်နေပြီ။ သွေးတိုး၊ နှလုံးနဲ့ ကျောက်ကပ်ပေါ့။ ဗိုလ်မှူးရဲသွေးတို့ အနီးကပ်ကြည့်နေရပြီပေါ့။

Q - ဗိုလ်ချုပ်မှူးကြီးပြောခဲ့သမျှထဲမှာ သမိုင်းတွင်ခဲ့တဲ့စကားပေါ့။ စစ်တန်းလျားပြန်မယ်ဆိုတာ။ အဲဒါနဲ့ပတ်သက်ပြီးတော့
A - သူကအောက်ခြေစစ်သားဘဝကလာတာဆိုတော့ တကယ့်ကိုစစ်သားစစ်စစ်ကြီးပေါ့။ နိုင်ငံေ၇းသမားမဟုတ်ဘူး။ သူ အမြဲပြောလေ့ရှိတယ်။ ငါ့ကွာ ရန်သူ့နယ်မြေမှာ ဘယ်လိုသေမလဲဆိုပြီး နေခဲ့ တိုက်ခဲ့ရတာ။ ဒီလိုအခြေအနေဖြစ်လာ လိမ့်မယ်လို့မတွေးမိပါဘူး။ သမတလည်းမလုပ်ချင်ဘူး။ ဝန်ကြီးချုပ်လည်းမလုပ်ချင်ဘူး။ စစ်သားပဲလုပ်ချင်တယ်။ေ၇ွးကောက်ပွဲပြီးရင်တော့ လုပ်စရာရှိတာလုပ်ပြီး စစ်တန်းလျားပဲပြန်မယ်ကွာတဲ့။ မိန့်ခွန်းတွေထဲမှာလည်းပါ ပါတယ်။ ရုံးမှာလည်းပြောလေ့ရှိတယ်။

Q - ဒေါ်အောင်ဆန်းစုကြည်နဲ့ပတ်သက်ပြီးတော့ ဘယ်လိုသဘောထားမျိုးရှိခဲ့တယ်လို့အစ်ကိုထင်လဲ။
A - ဒေါ်အောင်ဆန်းစုကြည်နဲ့ပတ်သက်ပြီးတော့ ကျွန်တော်တို့သိရသလောက်ပေါ့။ ဗိုလ်ချုပ်အောင်ဆန်းရဲ့သမီးဆိုပြီး တပ်မတော်ရဲ့မိသားစုဝင်တစ်ယောက်လိုပဲ သဘောထားခဲ့တယ်လို့ကျွန်တော်ထင်တယ်။ ခေါ်တာတောင်မ ကလေးမလေး၊ သူငယ်မလေး ဆိုပြီးပဲခေါ်တာ။ အဲဒီအချိန်တုန်းကဆိုရင် အားလုံးအသိပဲ။ ရွေးကောက်ပွဲကာလ နိုင်ငံတကာဖိအားတွေ ရှိတယ်။ ပြည်တွင်းဖိအားတွေရှိတယ်။ ပါတီတွေနဲ့နိုင်ငံေ၇းအင်အားစုတွေရဲ့ စိန်ခေါ်မှုတွေရှိတယ်။ ပြည်တွင်းထိုးစစ်တွေ ရှိတယ်။ ၉၁ - ၉၂ မှာဆိုရင် ၇ိုဟင်ဂျာပြသနာပေါ်ခဲ့သေးတယ်။ အခုမှပေါ်တာမဟုတ်ဘူး။ အဲဒီတုန်းက ဗိုလ်ချုပ်ဝင်းမြင့်က နမခတိုင်းမှူးပေါ့။ အဲဒီလိုအချိန်မှာဒေါ်စုတို့က တစ်ခုခုလုပ်ပြီဆိုရင် `ဒီသူငယ်မလေးကတော့လုပ်ပြန်ပြီ အလုပ်တော့ရှုတ် ဦးတော့မယ်´ ဆိုပြီးပြောတတ်တယ်။ သူ့မိန့်ခွန်းတစ်ခုထဲမှာလည်းပါတယ်။ `အမိန့်အာဏာဟူသမျှဖီဆန်ကြတဲ့။ သိပ်မှား တယ်။ ကျွန်တော်ကို ပြောခွင့်ပြုပါ။ ကျွန်တော်အာဃာတနဲ့ပြောတာမဟုတ်ဘူးဆိုတာ အစောကြီးကတည်းကပြောပါတယ်။ ဒေါ်အောင်ဆန်းစုကြည်ကိုလည်းကျွန်တော်ပြောတယ်။ မှန်ပါတယ်။ ဒေါ်ခင်ကြည်ဆုံးတုန်းက အန်ကယ်ရယ်မကြိုက်ရင် မကြိုက်ဘူးပြောပါ။ အဲဒါဆိုရင် ကျွန်တော်အခုပြောပါမယ်။ ဒေါ်အောင်ဆန်းစုကြည် အဲဒါမလုပ်ပါနဲ့။ ၂/၈၈ ကိုလည်း မထိပါနဲ့ဦး။ ၈/၈၈ ကိုလည်းမထိပါနဲ့ဦး။ ပုံနှိပ်ထုတ်ဝေရေးနဲ့ပတ်သက်လို့လည်း ခဏလိုက်နာပါဦး´တဲ့။ ဒါ သတင်းစာ ရှင်းလင်းပွဲတစ်ခုမှာပြောခဲ့တာပါ။ သူ့မှာ ဖိအားတွေအရမ်းများခဲ့ပါတယ်။ အဲဒီဖိအားတွေကြောင့်ပဲ ကျန်းမာရေးထိခိုက်ခဲ့တာပါ။

Q - ဗိုလ်ချုပ်မှူးကြီးကိုအနားပေးလိုက်တာနဲ့ပတ်သက်ပြီး အဲဒီတုန်းက ကောလာဟလတွေအများကြီးထွက်ခဲ့တယ်။ အဲဒီအပေါ်မှာအစ်ကိုသိသလောက်ပြောပြပေးပါဦး။
A - ပြောရမယ်ဆိုရင်တော့ ကျွန်တော့်အမြင်ပေါ့ မှားချင်လည်းမှားနိုင်ပါတယ်။ အဲဒီတုန်းက တပ်ခေါင်းဆောင်တွေကြားမှာ စီးပွားရေးကိစတွေဘာတွေမရှိသေးဘူး။ ငွေရေးကြေးရေးကိစတွေမရှိဘူး။ အပြိုင်အဆိုင်ဆိုတာမရှိဘူး။ သူ့ကိုအားလုံးက လေးလေးစားစားဆက်ဆံကြတယ်။ အကွဲအပြဲဆိုတာ နေရာလုတာ အာဏာလုတာမရှိဘူးလို့ထင်တယ်။ အဓိကအချက်က ဖိအားတွေများပြီး ကျန်းမာရေးထိခိုက်လာခဲ့တယ်။ နောက်ပိုင်းပိုပြီးဆိုးလာတယ်။ Golf တောင်မရိုက်နိုင်တော့ဘူး။ PSO တွေတောင်အိမ်မလာခိုင်းတာ။ ပြီးတော့အမြဲစိတ်တိုနေတတ်တယ်။ ဒါကြောင့်ကျန်းမာရေးအရအနားပေးလိုက်တာပါ။ ဒါအမှန်ပါပဲ။ အနားပေးလိုက်တော့ ကျွန်တော်တို့မျက်ရည်တောင်ကျခဲ့ရတယ်။

Q - အနားပေးလိုက်တဲ့နေ့ကအခြေအနေနဲ့ပတ်သက်ပြီး မှတ်မိသလောက်ပြောလို့ရမလားအစ်ကို။
A - ၁၉၉၂ ခုနှစ်၊ ဧပြီလပေါ့။ သင်္ကြန်၇ုံးပိတ်ရက်တွေမှာ ကျွန်တော်တို့ဗိုလ်ချုပ်မှူးကြီးရဲ့၇ုံးခန်းကိုပြင်ကြ ဆင်ကြပေါ့။ သင်္ကြန်အပြီးမှာ ဗိုလ်ချုပ်မှူးကြီးက၇ုံးမတက်နိုင်တော့ဘူး အဲဒီအချိန်အိမ်မှာ ဆရာဝန်ကအနားယူဖို့ပြောထားလို့။ အနားပေး လိုက်ပြီဆိုတဲ့အမိန့်စာကို ဗိုလ်ချုပ်ကြီးခင်ညွှန့်ကအိမ်ကိုသွားပေးခဲ့တာလို့သိရတယ်။ ကျွန်တော်တို့၇ုံးအဖွဲ့တွေကိုတော့ စစ်ဆင်ရေးက G1 ကြီး၊ အခုသမတကြီးဦးသိန်းစိန်ပေါ့။ လာပြီးတော့ပြောတယ်။ ရဲဘော်တို့ကိုယ်လုပ်စရာရှိတာဆက်လုပ်ပေါ့။ စစ်သားစစ်သားအလုပ်လုပ်ရမယ်ပေါ့။ နောက်ကျွန်တော်တို့လည်း စစ်ဆင်ရေးဘက်ရောက်၊ အဲဒီကနေ ထလရ နောက် ပင်စင်ယူပြီး အခုတော့ လူမူရေးလုပ်ငန်း၊ ဘာသာရေးလုပ်ငန်းတွေပဲလုပ်တော့တယ်။ အနားပေးပြီးနောက်ပိုင်း ကိုသူရစော နဲ့တွေ့ဖြစ်တာကလွဲလို့ ဗိုလ်ချုပ်မှူးကြီးမိသားစုနဲ့ထပ်မဆုံဖြစ်တော့ဘူး။

နဒီလှိုင်(IR)တွေ့ဆုံမေးမြန်းသည်။

News Watch(စောင့်ကြည့်သတင်းဂျာနယ်)



နာဂစ်နဲ့ မေးခွန်းနှစ်ခု


၂၀၁၄ မေလ ၂၊ ၃ ရက်ဟာ နာဂစ်မုန်တိုင်း မြန်မာနိုင်ငံကို ဝင်ရောက်တိုက်ခတ်သွားခဲ့တဲ့ (၆)နှစ်မြောက် ဖြစ်ပါတယ်။ ပြီးတော့ ပြီးခဲ့ပြီဖြစ်တဲ့ အဖြစ်အပျက်တစ်ခုပါပဲ။ ဒါပေမဲ့လည်း လောကကြီးမှာ လိုချင်သည်ဖြစ်စေ၊ မလိုချင်သည်ဖြစ်စေ၊ နှစ်သက်သည်ဖြစ်စေ၊ မနှစ်သက်သည်ဖြစ်စေ တွေ့ကြုံလာကြရတဲ့ကိစ္စတွေဟာ နှစ်မျိုးနှစ်စားပဲရှိပါတယ်။ တရားသဘောအရပြောရရင်တော့ တရားနှစ်ပါးပဲရှိပါတယ်။ တရားတစ်ပါးကတော့ ပစ်ပယ်ရမယ့်တရား၊ ဆိုလိုချင်တာကတော့ မေ့ပစ်ရမယ့်၊ လျစ်လျူရှုရမယ့်၊ ခေါင်းထဲက ထုတ်ပယ်ရမယ့်တရား။ ဥပမာ၊ လောဘ၊ ဒေါသ၊ မောဟတရားတွေဆိုပါတော့။ နောက်တရားတစ်ခုကတော့ ပစ်ပယ်ရမယ့်တရားမဟုတ်ဘူး ပစ်ပယ်လို့လည်းမရဘူး။ မရှိအောင်လုပ်လို့လည်းမရဘူး။ မတွေ့ချင်လို့လည်း မရဘူး။ တွေ့ကိုတွေ့ရမှာ။ ရင်ကိုရင်ဆိုင်ရမှာ။ ဒါပေမဲ့ တွေ့တဲ့အခါမှာ သူပြုသမျှ၊ ကိုယ်နုရတဲ့ ဘဝမျိုးမဖြစ်ရလေအောင် ကြိုတင်ပြင်ဆင်မှုတွေနဲ့ ကိုယ်ကဦးဆောင်ပြီး ကိုယ်ကအနိုင်ယူရမယ့်တရား။ ဥပမာ အနိစ္စ၊ ဒုက္ခ၊ အနတ္တတရားတွေလိုပေါ့။ ဒီလို တရားနှစ်ပါးအနက် နာဂစ်အဖြစ်အပျက်ဟာ ချစ်သည်ဖြစ်စေ၊ မုန်းသည်ဖြစ်စေ၊ ပစ်ပယ်လို့မရတဲ့ကိစ္စ၊ တကယ်တော့ နာဂစ်ဟာ နောက်တစ်ကြိမ်ကြုံလာခဲ့ရင် ရင်ဆိုင်ပြီး အနိုင်ယူရမယ့်တရား ဖြစ်ပါတယ်။

နောက်တစ်ကြိမ် နာဂစ်လိုမုန်တိုင်းကြုံတွေ့လာခဲ့ရင်တော့ အနိုင်ယူနိုင်ရလေအောင် နာဂစ်က ဘာသင်ခန်းစာတွေပေးခဲ့သလဲ။ နာဂစ်ရဲ့အကြောင်း ဓမ္မဓိဋ္ဌာန်ကျကျ ဆန်းစစ်တွေးခေါ်ဖို့လိုတာတော့ အမှန်ဖြစ်ပါတယ်။ Men learn much from defeat ဆိုတဲ့ စကားကလည်း ရှိနေတယ်မဟုတ်လား။

နာဂစ်အဖြစ်အပျက်ကြီးမှာ လူပေါင်းတစ်သိန်းလေးသောင်းလောက် အသက်ဆုံးရှုံးခဲ့ရတယ်။ အိမ်ရာအဆောက်အအုံပေါင်း ခုနစ်သိန်းခွဲလောက် ပျက်စီးခဲ့တယ်။ လူပေါင်းဆယ့်တစ်သန်းကျော်လောက် ထိခိုက်ခဲ့ရတယ်။ နိုင်ငံတော်ပိုင်နဲ့ ပုဂ္ဂလိကပိုင် နှစ်ရပ်ပေါင်း ပစ္စည်းဆုံးရှုံးမှုတန်ဖိုး ၁၂ ထရီလီယံကျော်ရှိခဲ့တယ်။ ကမ္ဘာမှာ ပျက်စီးဆုံးရှုံးမှုနဲ့ အသေအပျောက်အဆိုးဆုံးစာရင်းမှာ နံပါတ်(၈)အဆင့်ဖြစ်ခဲ့တယ်။ ဒီအကြောင်းနဲ့ပတ်သက်ပြီး ကျွန်တော့်ခေါင်းထဲမှာ မကြာမကြာရောက်လာတဲ့ မေးခွန်းနှစ်ခုရှိနေပါတယ်။

ပထမမေးခွန်းကတော့ နာဂစ်မုန်တိုင်းကြီး ၂-၅-၂၀၀၈ ရက်နေ့ နံနက်ပိုင်း ဟိုင်းကြီးကျွန်းကိုမဝင်မီ ရေပြင်ပေါ်မှာ အချိန်လေးနာရီကြာအောင် မရွေ့လျားဘဲ ရပ်နေခဲ့ပြီးမှ ဟိုင်းကြီးကျွန်းကို မွန်းလွဲညနေပိုင်းမှာ ဝင်ရောက်ခဲ့တာဖြစ်ပါတယ်။ ဒီမှာ ကျွန်တော့်ကိုယ်ကျွန်တော် မေးနေမိခဲ့တဲ့ မေးခွန်းကတော့ နာဂစ်ဟာ အခုလို ဧရာဝတီမြစ်ဝကျွန်းပေါ်ဒေသကို မဝင်ခဲ့ဘဲ ယခင်ဝင်နေကျလမ်းကြောင်းအတိုင်း ရခိုင်ပြည်နယ်ဘက်ကိုသာဝင်ခဲ့ရင် အခုလို အသေအပျောက်၊ အပျက်အစီးတွေ များပါ့မလားဆိုတဲ့ မေးခွန်းပါပဲ။

နောက်မေးခွန်းတစ်ခုကတော့ မနှစ်က ၂၀၁၃ ခုနှစ် အောက်တိုဘာအတွင်း ဘင်္ဂလားပင်လယ်အော်ထဲမှာ ဖိုင်လင်းဆိုင်ကလုန်းမုန်တိုင်းဖြစ်တော့ လေတိုက်နှုန်းက တစ်နာရီ ၁၆၂ မိုင်နှုန်းအထိရှိခဲ့လို့ အလွန်ပြင်းထန်တဲ့အဆင့်(၅) (category V)ရှိ မုန်တိုင်းကြီးဖြစ်ခဲ့တယ်။ တစ်နာရီကို လေတိုက်နှုန်း မိုင် (၁၄၀-၁၄၅) လောက်သာရှိခဲ့တဲ့ နာဂစ်ထက် ပိုပြင်းတာပေါ့။ အဲဒီလောက်အင်အားနဲ့ လူဦးရေထူထပ်လှတဲ့ အိန္ဒိယနိုင်ငံ အရှေ့ဘက်ကမ်းခြေ Andra Pradesh ပြည်နယ်ကို ဝင်ရောက်တိုက်ခတ်ခဲ့ပါတယ်။ ဒီမှာ ကျွန်တော့်ကို မိတ်ဆွေကြီး ကာတွန်းကိုအော်ပီကျယ်က မေးလာပါတယ်။ ‘‘ဆရာ ခင်ဗျား။  အခု အိန္ဒိယနိုင်ငံကို တိုက်ခတ်သွားခဲ့တဲ့ ဆိုင်ကလုန်းမုန်တိုင်း ဖိုင်လင်းဟာ ကျွန်တော်တို့မြန်မာနိုင်ငံကို တိုက်ခတ်သွားခဲ့တဲ့ နာဂစ်မုန်တိုင်းထက် ပိုပြင်းထန်တယ်လို့ သိရပါတယ်။ ဒါပေမဲ့ လူအသေအပျောက်ကတော့ ဆယ်ဂဏန်းမျှသာရှိခဲ့ပြီး သူ့လောက်မပြင်းထန်တဲ့ ကျွန်တော်တို့ရဲ့ နာဂစ်ကတော့ လူတွေတစ်သိန်းကျော် သေဆုံးခဲ့ရတာ ဘာကြောင့်ပါလဲခင်ဗျား’’ပါတဲ့ဗျာ။

နာဂစ်နဲ့ပတ်သက်လို့ ကျွန်တော့်ကို အတွေးပွား၊ အတွေးများစေခဲ့တာ အဲဒီမေးခွန်းနှစ်ခုပါပဲ။

ပထမမေးခွန်းနဲ့ပတ်သက်လို့ ကျွန်တော် နာဂစ်ဖြစ်အပြီး ရက်ပိုင်းအတွင်းကပဲ အဖြေထုတ်ထားခဲ့ပြီးဖြစ်ပါတယ်။ အဲဒါကတော့ နာဂစ်ဟာ ဒီအင်ဒီအားနဲ့ပဲ မြစ်ဝကျွန်းပေါ်ကို မဝင်ခဲ့ဘဲ၊ ရခိုင်ကမ်းရိုးတန်းကိုသာဝင်ခဲ့ရင် အခုလောက်အသေအပျောက်၊ အပျက်အစီး ဘယ်လိုမှမရှိနိုင်ပါဘူး။ ဘာပြုလို့လဲ။ ရခိုင်ကမ်းရိုးတန်းနဲ့ မြစ်ဝကျွန်းပေါ် ကမ်းရိုးတန်းဒေသနှစ်ခုဟာ သဘာဝအန္တရာယ်ကျရောက်နိုင်မှုကြောင့် ထိခိုက်မှုအလားအလာ အလွန်ကွာခြားနေကြလို့ ဖြစ်ပါတယ်။ အဲဒါကို သဘာဝဘေးအန္တရာယ် ကာကွယ်ရေးစောင့်ရှောက်မှုလုပ်ငန်းမှာ Vulnerability(ထိခိုက်နိုင်ခြေ)လို့ခေါ်ပါတယ်။ ခပ်လွယ်လွယ်ပြောရရင်တော့ Risk(အန္တရာယ်ဖြစ်နိုင်ခြေ)လို့ ဆိုကြပါတော့။ ပြောရရင်တော့ အဲဒီအပိုင်းကို ရခိုင်ကမ်းရိုးတန်းနဲ့ မြစ်ဝကျွန်းပေါ်ကမ်းရိုးတန်းတို့ကို နှိုင်းယှဉ်လိုက်တဲ့အခါ မြစ်ဝကျွန်းပေါ်ဒေသက Vulner-ability ရော Risk ရော အလွန်မြင့်မားနေတာကို တွေ့ကြရပါတယ်။

မြစ်ဝကျွန်းပေါ်မှာ တွေ့ရတဲ့ အားနည်းချက်က ၁၀ ချက်လောက်ရှိပါတယ်။ အဲဒါတွေကတော့

(၁) မြေနိမ့်ဒေသဖြစ်ခြင်း

မြစ်ဝကျွန်းပေါ်ဒေသဟာ မြေအလွန်နိမ့်ပါတယ်။ ကောင်းကင်မြေတိုင်း DEMS တိုင်းတာချက်တွေနဲ့ တိုင်းကြည့်လိုက်တော့ ဘယ်.. ဒီနေရာက ရေ ၅ မီတာ လောက် တက်လာရင်ကို မြစ်ဝကျွန်းပေါ်တစ်ခုလုံးရဲ့ ၄၃ ရာခိုင်နှုန်းက ရေအောက်ရောက်သွားပြီ။ ၅ မီတာဆိုတာ ၁၇ ပေလောက်ရှိတာ။ နာဂစ်တုန်းက ကွင်းဆင်းတိုင်းတာချက်အရ သဘာဝဒီရေအထက် ပိုတက်ခဲ့တဲ့ မုန်တိုင်းဒီရေလှိုင်းအမြင့်က ၂၂ ပေအထိ ရှိခဲ့ပါတယ်။

(၂) လူဦးရေထူထပ်ခြင်း

မြစ်ဝကျွန်းပေါ်ဒေသဟာ မြန်မာတစ်နိုင်ငံလုံးမှာ လူဦးရေ အထူထပ်အသိပ်သည်းဆုံးဒေသ။ ပွဲခင်းထဲ ခဲပစ်လိုက်သလိုပေါ့ဗျာ။ ပစ်မလွဲဆိုတာ ဒီဒေသမျိုးပေါ့။

(၃) မြစ်လက်တက်များနှင့် မြစ်ဝများပေါများခြင်း

မြစ်ဝကျွန်းပေါ်ဒေသဟာ မြစ်ကြောင်းစနစ်ကလည်း ရှုပ်သလားမပြောနဲ့။ မြစ်ချည်းက ၁၇ စင်း။ မြစ်ဝချည်းပဲခုနစ်ပေါက်။ ဝင်လာတဲ့ပင်လယ်ရေတွေ မျက်စိလည်သွားနိုင်တယ်။

(၄) မုန်တိုင်းခိုအဆောက်အအုံနှင့် သက်ကယ်ကုန်းမြင့်များမရှိခြင်း

နာဂစ်ဖြစ်တုန်းက မုန်တိုင်းခိုအဆောက်အအုံ (storm shelter) ဆိုတာ ကြားတောင်မကြားဖူးဘူး။ အသက်ကယ်ကုန်းဆိုတာ ဘာမျှမရှိဘူး။ နာဂစ်ဖြစ်တုန်းက မိသားစုငါးဦးမှာ တစ်ဦးတည်းကျန်ရစ်တော့တဲ့ အိမ်ထောင်ဦးစီးတစ်ယောက်က ကျွန်တော်တို့အဖွဲ့ ကွင်းဆင်းတော့ ပြောပြပါတယ်။ နာဂစ်သတိပေးချက်ကို ကြိုသိလို့ သူကြိုတင်ကာကွယ်တဲ့အနေနဲ့ အဲဒီနေ့က ပင်လယ်ကို မထွက်တော့ပါဘူးတဲ့။ အိမ်မှာပဲနေပါတယ်တဲ့။ ရေတွေတက်လာတော့ သူတို့မိသားစုငါးဦး အိမ်အောက်ထပ်ကနေ အပေါ်ထပ်ကိုပြောင်းပါတယ်။ ရေတွေထပ်တက်လာတော့ ထုပ်တန်းပေါ်ကိုတက်ပါတယ်။ အဲဒီကနေ ထပ်တက်လာတော့ အိမ်အမိုးသွပ်ကိုလှန်ပြီး ခေါင်မိုးပေါ်တက်ပါတယ်။ အဲဒီကနေ ထပ်တက်လာတော့ ကျွန်တော်တစ်ယောက်တည်းပဲ ကျန်ပါတော့တယ်တဲ့။ ပြေးစရာမြေကို မရှိခဲ့ပါဘူးဗျာ။

(၅) သဘာဝဘေးအန္တရာယ်အခြေအနေအမျိုးအစားနှင့် အန္တရာယ်ရှိမှုပြ မြေပုံများမရှိခြင်း

သဘာဝဘေးကာကွယ်စောင့်ရှောက်ရေးအတွက် အရေးပါလှတဲ့ မြေယာအသုံးချမှုအတွက် Risk Map, Hazard Map ဘာတစ်ခုမျှ လုပ်ထားတာမရှိခဲ့ပါဘူး။ ဒီတော့ လူတွေက ရွာလေးတွေတည်ပြီး ရေလုပ်ငန်းနဲ့နီးတဲ့ ကမ်းစပ်တစ်လျှောက် ရွာတည်နေကြတော့ ပင်လယ်ကတက်လာမယ့် ရေလှိုင်းတွေကို ထွက်ကြိုနေကြသလိုပါပဲ။ ဒီရေလှိုင်းတွေက အရင်တုန်းကမှ လူတစ်ယောက်တွေ့ဖို့အရေး အတော်လေး အထဲရောက်အောင် ကြိုးပမ်းနေရသေးတယ်။ အခုတော့ အေးဆေးပဲပေါ့။

(၆) မုန်တိုင်းဆိုင်ရာ ယခင်အတွေ့အကြုံနည်းမှုကြောင့် ကြိုတင်ကာကွယ်ရေးလုပ်ငန်းများ ဆောင်ရွက်ရန်ခဲယဉ်းခြင်း

မြစ်ဝကျွန်းပေါ်သားတွေဟာ ပင်လယ်မှာမွေး၊ ပင်လယ်ထဲမှာ အသက်မွေးဝမ်းကျောင်းနေခဲ့ကြပေမယ့် ဘာမုန်တိုင်းအတွေ့အကြုံမှ မရှိခဲ့ကြပါဘူး။

၂၀၀၈ မတိုင်မီအထိ မြန်မာပြည်ကို မုန်တိုင်း(၈၂)ကြိမ် ဝင်ခဲ့ဖူးရာမှာ အားလုံး ရခိုင်ကိုချည်းဝင်ခဲ့တာပါ။ မြစ်ဝကျွန်းပေါ်ဒေသကို ဆိုင်ကလုန်းအဆင့်မုန်တိုင်း တစ်ခါမျှမဝင်ခဲ့ဖူးပါဘူး။

(၇) မုန်တိုင်းဒီရေဆိုင်ရာ အပါအဝင် သဘာဝဘေးဆိုင်ရာ အတွေ့အကြုံနှင့် အသိပညာနည်းပါးခြင်း

မုန်တိုင်းဒီရေဆိုတဲ့စကားကို မြစ်ဝကျွန်းပေါ်နာဂစ်ဒေသကလူတွေ ကြားတောင်မကြားခဲ့ဖူးပါဘူး။

(၈) သယ်ယူပို့ဆောင်ရေးလမ်းပန်းဆက်သွယ်မှုခက်ခဲခြင်း

ရွှေ့ပြောင်းပြေးလွှားဖို့ အလွန်ခက်ပါတယ်။ ရေလမ်းပဲရှိပါတယ်။ စက်လှေပေါ်မှာရှိသမျှပစ္စည်းတွေ၊ မိသားစုတွေ အကုန်တင်ပြီးပြေးရင်တောင် ရေကရေဆန်ဖြစ်မယ်။ ခရီးတွင်သလားမပြောနဲ့။ နောက်ကမျောလာတဲ့ဗေဒါကတောင် လမ်းတောင်းရလိမ့်မယ်။

(၉) ကမ်းခြေရေတိမ်မှု၊ ဒီရေအတက်အကျခွင်ကြီးမားမှု၊ မြစ်ကြောင်းများပေါများမှုတို့ကြောင့် အပြန်အလှန်သက်ရောက်စေသော ရှုပ်ထွေးသောစနစ် (Non-linearity)ရှိနေခြင်း

မြစ်ဝကျွန်းပေါ်ကမ်းရိုးတန်းဟာ ရေအနက်တိမ်တယ်။ ဒီရေအတက်အကျ ခွင်ကြီးတယ်။ မြစ်များတည်ရှိမှုစနစ်က ရှုပ်ထွေးတယ်။ ဒါကြောင့် မုန်တိုင်းကြောင့် ပင်လယ်ထဲကရေတွေ တိုးဝင်လာရင် ဒီအချက်တွေက ရှုပ်ထွေးတဲ့ အပြန်အလှန်သက်ရောက်မှုတွေ (non-linear interactions)ကို ဖြစ်စေပြီး အတိုင်းအဆမဲ့ရေလှိုင်းကြီးတွေ (exceptionally high waves)ကို ဖြစ်စေနိုင်ပါတယ်။ နာဂစ်မှာဖြစ်လည်းဖြစ်ခဲ့ပါတယ်။

(၁၀) ဒီရေတောများ ပြုန်းတီးကုန်ခြင်း

သဘာဝဘေးအတားအဆီးတွေဖြစ်တဲ့ သဘာဝဒီရေတောတွေကလည်း ပြုန်းတီးလို့ကုန်ပြီ။ ထင်းလုပ်ဖို့၊ သစ်လုပ်ဖို့၊ အိမ်ဆောက်ဖို့၊ လယ်ကွင်းဖော်ဖို့၊ လူနေရပ်ကွက်တိုးချဲ့ဖို့၊ ငါးမွေးဖို့၊ ပုစွန်မွေးဖို့၊ စားအုန်းဆီပင်စိုက်ဖို့၊ မီးသွေးဖုတ်ဖို့။ .... ပြုန်းတီးလိုက်တာ။ ဘိုကလေးမှာဆိုရင် အသေအပျောက်၊ အပျက်အစီးမရှိနိုင်ဘူးလို့ ကျွန်တော် ဆိုခဲ့ခြင်းဖြစ်ပါတယ်။

တစ်လောကပဲ အိန္ဒိယကို ဝင်ရောက်တိုက်ခတ်သွားတဲ့ ပိုင်လင်းဆိုင်ကလုန်းဟာ လေတိုက်နှုန်းတစ်နာရီ ၁၆၂ မိုင်၊ category V အဆင့်နဲ့ ဝင်ရောက်သွားခဲ့တာ။ လူဆယ်ဂဏန်းပဲသေခဲ့တယ်။ ၂၀၀၈ က ကျွန်တော်တို့ဆီ နာဂစ်တိုက်တော့ လေတိုက်နှုန်းက ၁၄၀ နဲ့ ၁၅၀ ကြား category IV အဆင့်သာရှိပါလျက်နဲ့ လူပေါင်းတစ်သိန်းကျော် ၁၃၄,၀၀၀ သေဆုံးခဲ့ရတာ။ ဘာကြောင့်ပါလဲတဲ့။

ဒီနေရာမှာ စိုင်းထီးဆိုင်သီချင်း သတိရမိတယ်။ ဘဲကြီး။ မသိလို့မေးတာလား.. ။ သိလျက်နဲ့ မေးတာလား.. ။ ဆိုတာလေ။

ကြိုတင်သတိပေးချက်။ သူတို့လည်း ငါးရက်လောက်ကြိုပြောခဲ့တယ်။ ကျွန်တော်တို့လည်း ငါးရက်ကြိုပြောခဲ့တယ်။ အတူတူလောက်ပါပဲ။

အဲဒီငါးရက်အတွင်း သူတို့က Volunteer တစ်သိန်းကျော်၊ မော်တော်ယာဉ်အစီးပေါင်း ငါးသောင်းကျော်၊ Helicopter အစီး ၄၀ ကျော်အပါအဝင် ကားတွေ၊ လူတွေ၊ အများကြီးနဲ့ မုန်တိုင်းအဝင်မှာ အရေးပေါ်ကယ်ဆယ်ရေးဆောင်ရွက်ဖို့ မုန်တိုင်းမဝင်ခင် နှစ်ရက်လောက်ကတည်းက We are ready လို့ ကြေညာခဲ့တယ်။ လူပေါင်းငါးသိန်းကျော်ကို ဘေးကင်းရာနေရာများကို ကြိုတင်ပြောင်းရွှေ့ခဲ့တယ်။ မပြောင်းမရွှေ့ဘဲ ငြင်းဆန်နေခဲ့တဲ့လူတွေကို Defence Act Section 34 ကို အသုံးပြုပြီး မဖြစ်မနေပြောင်းရွှေ့ပေးခဲ့တယ်။

ဒီတော့ သူတို့က သဘာဝဘေးအန္တရာယ်ကာကွယ်ရေးမှာ Management Plan, Act, Pre-paredness, Action အကုန်ရှိခဲ့ပြီး ထိထိရောက်ရောက်လည်း သုံးခဲ့တယ်။

နာဂစ်တုန်းကတော့ ကျွန်တော်ကိုယ်တိုင် သတင်းစာ၊ ရေဒီယို၊ တယ်လီဖုန်း၊ ဖက်စ်၊ ရုပ်မြင်သံကြား အားလုံးမှတစ်ဆင့် ပြောခဲ့တယ်။ ကိုယ်တိုင်တာဝန်ရှိသူအားလုံးကို တစ်ဦးချင်းဖုန်းဆက်ပြောခဲ့တာ။ အကြီးအကဲတွေအထိရောက်တယ်။ သတင်းစာမှာလည်း အင်တာဗျူးလုပ်ပြီး တစ်ရက်ကြိုတင်သတိပေးခဲ့တယ်။ အဲဒီတုန်းက ဟိုင်ကြီး၊ ချောင်းသာက ဒေသတာဝန်ခံတွေကို ရွာတွေကလူတွေကိုပြောင်းဖို့ (Evacuate) လုပ်ဖို့ ကျွန်တော်ဖုန်းနဲ့ သတိပေးခဲ့တယ်။ အဲဒီပြောဆိုချက်ကို ချောင်းသာ Max Hotel မန်နေဂျာ အပါအဝင် ဒေသခံစခန်းရဲမှူးကအစ သက်သေအဖြစ်ရှိနေကြတယ်။ ဒါပေမဲ့ အဲဒီ evacuate လုပ်ဖို့ဆိုတာ knowledge, plan, act, management, transporation, public participation, volunteers အားလုံးပါမှရတာဗျ။ အဓိက,ကတော့ ခေါင်းဆောင်မှု (leadership)ပေါ့ဗျာ။ ဒါပေမဲ့ ကျွန်တော်တို့မှာ သဘာဝဘေးအန္တရာယ်အတွက် Management, Plan, Act, Action ဘာမှလည်းမရှိခဲ့ဘူး။ ဘာမှလည်း ကြိုတင်စီစဉ်ထားမှုမရှိခဲ့ဘူး။

ကျွန်တော်တို့က ကယ်ဆယ်ရေး (Relief, Resettlement, Rehabilitation)ပဲ တစ်သက်လုံး လုပ်လာကြတာ။ ကာကွယ်ရေး (Preparation, Prevention, Reduction)ဆိုတာတွေတော့ ဘာမှမလုပ်ကြဘူး။ လုပ်လည်းမလုပ်တတ်ကြဘူး။ လုပ်ရကောင်းမှန်းလည်း မသိကြဘူး။ မဖြစ်သေးသမျှ စောင့်ကြည့်နေကြတဲ့ သဘောပဲ။ အဲ.. ဖြစ်ရင်တော့ လုပ်ကြပါပြီ။

ဒါပါပဲဗျာ။ နာဂစ်နှစ်ပတ်လည်နေ့မှာ ဒါတွေဟာ စဉ်းစားကြရမယ့်အချက်တွေလို့ မြင်ပါကြောင်း ပြောချင်တာပါပဲ။

မောင်ထွန်းလွင် (မိုးလေ၀သ)
7Day News Journal  အတွဲ (၁၃)၊ အမှတ်(၈)


နာဂစ်ပေးတဲ့ဒဏ်ရာ အခုထိ မကျက်သေးဘူး


ကြိမ်ချောင်းကြီးကျေးရွာ စကားဝိုင်းများတွင် ယခုတစ်လော ထိပ်တန်း သတင်းအဖြစ် နေရာယူနေသည်က ညညရွာထိပ်နားတွင် သရဲခြောက်သည်ဆိုသည့် သတင်းပင် ဖြစ်သည်။

ညညဖြတ်သွားဖြတ်လာ လုပ်ကြသူများ၊ ရွာထိပ်တွင် ညအိပ်ရပ်နားလေ့ရှိသည့် မော်တော်ယာဉ်အစောင့်များကို ခြောက်လှန့်ခဲ့သည်ဆိုသည့် သတင်းများသည် ရွာထဲက စကားဝိုင်းများတွင် မပါမဖြစ်ဆိုသလောက်ပင်။

သည်ခြောက်လှန့်မှုများသည် လွန်ခဲ့သည့် ခြောက်နှစ်က သူတို့ရွာတွင် လူပေါင်း ၃၀၀၀ ကျော် အသက်သေဆုံးခဲ့သည့် နာဂစ်ဆိုင်ကလုန်းမုန်တိုင်းအတွင်း ကွယ်လွန်သွားခဲ့ပြီး မကျွတ်မလွတ်ဘဲ ဖြစ်နေသူများက ခြောက်လှန့်နေခြင်းဖြစ်ကြောင်း ရွာသားအချို့က ယုံကြည်လျက်ရှိသည်။ ဧရာဝတီတိုင်း၊ ဘိုကလေးမြို့အတွင်းရှိ အဆိုပါရွာကလေးသည် မုန်တိုင်းအပြီး ခြောက်နှစ်ကျော်ကြာခဲ့ပြီဖြစ်သော်လည်း နာဂစ်၏အရိပ်ဆိုးက သူတို့ကို ခြောက်လှန့်နေဆဲဖြစ်သည်။

မုန်တိုင်းဒဏ်ကြောင့် မသေမပျောက်ကျန်ရစ်သူများသည် ပြည်တွင်းနှင့် နိုင်ငံတကာအဖွဲ့အစည်းများ၏ အကူအညီကြောင့် နာဂစ်အပြီး ခြောက်နှစ်အကြာတွင် နေအိမ်အဆောက်အအုံ စသည့် ရုပ်ပိုင်းဆိုင်ရာအခြေအနေများ တိုးတက်လာသော်လည်း အလွယ်တကူမမြင်နိုင်သည့် စိတ်ပိုင်းဆိုင်ရာပြဿနာများကိုတော့ ရင်ဆိုင်နေရဆဲဖြစ်သည်။

သေဆုံးသူများထဲမှ မကျွတ်လွတ်သေးသူများက ခြောက်လှန့်သည်ဟု ခံစားရခြင်း၊ အသက်မသေဘဲ ကျန်ရစ်ခဲ့သော်လည်း ကွယ်လွန်သွားခဲ့ကြသည့် မိသားစုဆွေမျိုးများကို မကယ်တင်နိုင်ခဲ့သောကြောင့် အပြစ်ရှိသည်ဟု စိတ်ထဲခံစားနေရခြင်း၊ လေပြင်းပြင်းတစ်ချက်တိုက်လိုက်တိုင်း ဆောက်တည်ရာမရဖြစ်ကြခြင်း စသည့် မျက်စိဖြင့် အလွယ်တကူ မမြင်တွေ့နိုင်သည့် စိတ်ပိုင်းဆိုင်ရာထိခိုက်မှုများလည်း ခံစားခဲ့ကြရခြင်းဖြစ်သည်။

ထိုအထဲတွင် ဘိုကလေးမြို့တွင် ကျပန်းအလုပ်သမားတစ်ဦးအဖြစ် အသက်မွေးနေသည့် ဦးစိုးဝင်းတစ်ယောက်လည်း အပါအ၀င်ဖြစ်သည်။ လွန်ခဲ့သည့်ခြောက်နှစ်က ဘိုကလေးမြို့နယ်အတွင်းရှိ ပင်လယ်ဝရွာကလေးတစ်ခုတွင် ရေလုပ်သားအဖြစ် အသက်မွေးခဲ့သည့် ဦးစိုးဝင်းသည် နာဂစ်မုန်တိုင်းအတွင်း သူ၏ဇနီး၊ သားနှစ်ဦးနှင့် သမီးတစ်ဦးတို့ ဆုံးရှုံးခဲ့ရသည်။

နာဂစ်မုန်တိုင်းအတွင်း ရုန်းကန်ရင်း အသက်ရှင်သန်ခဲ့သော်လည်း သူ၏မိသားစုဝင်အားလုံး သေဆုံးခဲ့ရခြင်းသည် သူ့တွင် တာဝန်မကင်းကြောင်း စိတ်ထဲခံစားနေရကြောင်း ဦးစိုးဝင်းကပြောသည်။ ထိုကြေကွဲဖွယ်ဖြစ်ရပ်ကြောင့် သူသည်လည်း အရက်ကို စွဲစွဲလမ်းလမ်းသောက်သုံးသူတစ်ဦးအဖြစ် ရောက်ရှိခဲ့သည်။

‘‘လှိုင်းတစ်ချက်အပုတ်မှာ ကျွန်တော့်လက်ထဲက အငယ်ကောင်လေး လွတ်ထွက်သွားတယ်။ ဘယ်လိုမှ ရှာမရတော့ဘူး။ နောက်ပိုင်း ၂ နှစ်၊ ၃ နှစ်လောက် ကလေးပေါက်စလေးတွေတွေ့တိုင်း ကျွန်တော်အသုံးမကျလို့ ကလေးသေတယ်လို့ပဲ တွေးတွေးပြီး ငိုနေရတယ်။ နောက်တော့လည်း သူ့ကံပါသလောက်ပဲလို့ဆိုပြီး ဖြေသိမ့်ခဲ့ရတယ်’’ဟု ဦးစိုးဝင်းကပြောသည်။

ထိုကဲ့သို့ ခံစားခဲ့ရသည်မှာ ဦးစိုးဝင်းတစ်ယောက်တည်းမဟုတ်ခဲ့။ နာဂစ်မုန်တိုင်းကြောင့် သေဆုံးသွားခဲ့သည့် လူပေါင်း ၁၃၈,၀၀၀ ကျော်၏ မိသားစုဝင်များလည်း အပါအ၀င်ဖြစ်သည်။

မုန်တိုင်းလာမည်ကို ကြိုတင်သိထားကြသော်လည်း ဒီလောက်ထိ ပြင်းထန်မည်ကို မသိခဲ့သောကြောင့် မြစ်ဝကျွန်းပေါ်နေသူများက ကြိုတင်ပြင်ဆင်မှု မပြုလုပ်ထားခဲ့ကြ။

‘‘မုန်တိုင်းမတိုက်ခင်အစလောက်မှာ အပင်တွေလဲတာ။ သွပ်တွေပျံနေတာကြည့်ပြီး လူတွေတောင် ပျော်နေကြသေးတယ်’’ဟု လူ ၃,၅၀၀ ခန့်ရှိသည့် သူတို့ရွာတွင်လူ ၅၀၀ ခန့်သာ အသက်ရှင်ခွင့်ရခဲ့သည့် ၂၀၀၈ နာဂစ်မုန်တိုင်းအခြေအနေကို ဧရာဝတီတိုင်း၊ ဘိုကလေးမြို့နယ် ကြိမ်ချောင်းကြီးကျေးရွာမှ ကိုသန်းထိုက်အောင်က ပြန်ပြောပြသည်။

တကယ်တမ်း မုန်တိုင်းတိုက်ခတ်သည့်အခါ တစ်နာရီလျှင် ပျမ်းမျှလေတိုက်နှုန်းမိုင် ၁၂၀၊ မြစ်ဝကျွန်းပေါ်ဒေသနေသူများအတွက် ကံဆိုးမိုးမှောင်ကျသည့်နေ့ ဖြစ်ခဲ့ရသည်။ လူပေါင်းတစ်သိန်းသုံးသောင်းသေဆုံးခဲ့ပြီး သန်းနဲ့ချီသောသူများ ဒုက္ခရောက်ခဲ့ကြရသည်။

ကော်ဇောပြင်တစ်ချပ် ဖြန့်ခင်းထားသလို ပြန့်နေသည့် မြစ်ဝကျွန်းပေါ်ဒေသ၏ မြေမျက်နှာသွင်ပြင်ကလည်း သေဆုံးစာရင်းကို တိုးစေခဲ့သည်။ မုန်တိုင်းနှင့်အတူ တက်လာသည့် မုန်တိုင်းဒီရေများဆီမှ လွတ်ရာကျွတ်ရာပြေးရန် ကုန်းမြေမြင့်ကမရှိခဲ့။ နာဂစ်မုန်တိုင်းအပြီး ၂ နှစ်အကြာ ၂၀၁၀ တွင် ရခိုင်ပြည်နယ်သို့ နာဂစ်လေတိုက်နှုန်းအတိုင်း ဂီရိမုန်တိုင်း တိုက်ခတ်ခဲ့သော်လည်း ကုန်းမြေမြင့်၊ ရေကာလေကာများကြောင့် သေဆုံးသူ ၆၀ ဦးခန့်သာရှိခဲ့သည်။

မြန်မာ့သမိုင်းတွင် အဆိုးရွားဆုံးသော သဘာဝဘေးအန္တရာယ်ကြီးအတွင်း ကျန်ရစ်ခဲ့သူများအတွက် ခြောက်နှစ်တာကာလအတွင်း ရုပ်ပိုင်းဆိုင်ရာ ပြန်လည်ထူထောင်ရေးအတွက် အကူအညီများရရှိခဲ့သော်လည်း စိတ်ပိုင်းဆိုင်ရာနှစ်သိမ့်ပေးမှုများအတွက်တော့ လုံလောက်သည့်အကူအညီများ မရခဲ့ကြပေ။

အချိန်ကာလကြာသွားသည်နှင့်အမျှ မေ့မေ့ပျောက်ပျောက်နှင့် ဖြေဆည်နိုင်သူများရှိသလို ယခုအချိန်အထိ မိသားစုဆုံးရှုံးမှုဒဏ်ကြောင့် စိတ်စွဲလမ်းကာ တုန်လှုပ်ချောက်ချားနေသူများလည်း ရှိနေဆဲဖြစ်သည်။

သဘာဝဘေးအပါအ၀င် တုန်လှုပ်ချောက်ချားစရာအဖြစ်အပျက်များ ကြုံတွေ့ပါက သွေးပျက်ချောက်ချားမှုများ ဖြစ်ပေါ်တတ်သည်မှာ သဘာဝဖြစ်သော်လည်း အချိန်ကာလတစ်ခုအထိ မပျောက်ဘဲ စွဲလမ်းမှုများဖြစ်ပေါ်နေပြီး စိတ်ဒဏ်ရာရသွားသည့် အခြေအနေအထိ ဖြစ်ပေါ်ခဲ့ပါက လုံလောက်သော ဆေးဝါးကုသမှု ခံယူသင့်ကြောင်း စိတ်ပညာရှင် ဒေါက်တာအောင်မြတ်ကျော်စိန်ကပြောသည်။

‘‘ဥပမာ ဗုံးပေါက်တာကို ကြုံတဲ့သူက နောက်တစ်ခါကားဘီးပေါက်သံကြားရင် လန့်လန့်တတ်တာမျိုးပေါ့။ ဒါမျိုးနောက်တစ်ခါ၊ နှစ်ခါကြုံရင် ဘီးပေါက်တာကိုသိပြီး ပုံမှန်အတိုင်းဖြစ်သွားတယ်ပေါ့။ ဒီလိုမှမဟုတ်ဘဲ အမြဲလန့်နေရင် စိတ်ရောဂါလိုအသွင်ပြောင်းသွားတယ်လို့ ဆိုနိုင်တာပေါ့။ နာဂစ်ဒေသက လူတွေလည်း အချိန်အတော်ကြာတဲ့အထိ ပြန်မြင်ယောင်နေတာမျိုးဆိုရင် ကုသမှုခံယူသင့်တယ်’’ဟု မော်လမြိုင်တက္ကသိုလ်မှ ဒုတိယပါမောက္ခချုပ် ဒေါက်တာအောင်မြတ်ကျော်စိန်ကပြောသည်။

လူ့အသက်ပေါင်းများစွာကို ချေဖျက်သွားခဲ့သည့် နာဂစ်ကပေးခဲ့သည့် သင်ခန်းစာများကြောင့် မြစ်ဝကျွန်းပေါ်ဒေသတွင် မုန်တိုင်းကြိုတင်ကာကွယ်ရေးအသိပညာများ၊ မုန်တိုင်းရှောင်နိုင်သည့်နေရာများ တိုးတက်လာခဲ့သော်လည်း တကယ်တမ်းနဖူးတွေ့၊ ဒူးတွေ့ မုန်တိုင်းနှင့် ကြုံလာမည်ကိုတော့ ကြောက်လန့်နေကြဆဲဖြစ်သည်။

‘‘အနီရောင်တို့၊ အ၀ါရောင်တို့ဆို ကြောက်နေကြပြီ။ ဘယ်ပြေးလို့ပြေးရမှန်းမသိတဲ့လူတွကလည်းရှိတယ်။ တချို့ဆို နာဂစ်အပြီး ၂ နှစ်၊ သုံးနှစ်လောက်အထိ မုန်တိုင်းဆိုတုန်နေကြတဲ့သူတွေလည်းရှိတယ်’’ဟု ကြိမ်ချောင်းကြီးကျေးရွာမှ ဒေါ်အေးမြင့်ကပြောသည်။

သိန်းနှင့်ချီသောလူများ သေဆုံးသွားခဲ့သည့် နာဂစ်မုန်တိုင်းအပြီးတွင် မကျွတ်မလွတ်သေးသူများက ခြောက်လှန့်သည်ဆိုသည့် စိတ်ခံစားမှုများကလည်း အသက်ရှင်ကျန်ရစ်သူများကို ခြောက်လှန့်နေဆဲဖြစ်သည်။ နာဂစ်ဖြတ်သန်းရာ လမ်းကြောင်းတစ်လျှောက်တွင်လည်း သရဲတစ္ဆေဇာတ်လမ်းများမှာ တစ်နေရာနှင့်တစ်နေရာ မရိုးအောင် ကြားနေရသည်။

ဧရာဝတီတိုင်းဒေသကြီး ဘိုကလေးမြို့ တစ်ဖက်ကမ်းနှင့် ကြိမ်ချောင်းကြီးကျေးရွာသို့ တစ်နာရီကျော်ကြာ သွားရောက်ရသည့် လမ်းတစ်လျှောက်သည် နာဂစ်တစ္ဆေဇာတ်လမ်းများနှင့် ပြည့်နှက်နေသည့် လမ်းတစ်ခုဖြစ်သည်။ လမ်းတစ်လျှောက် နေရာလေးခုထက်မနည်းတွင် နာဂစ်မုန်တိုင်းကြောင့် သေဆုံးပြီး မကျွတ်မလွတ်သေးသူများ ခြောက်လှန့်နေကြောင်း လူအများက ယုံကြည်လျက်ရှိသည်။

နာဂစ်မုန်တိုင်းကြောင့် သေဆုံးပြီး မကျွတ်မလွတ်သေးသူများကို ဘာသာရေးအရ နှစ်စဉ်ရည်စူးပြီး အမျှအတန်းပေးဝေခဲ့သော်လည်း မကျွတ်မလွတ်သေးသူများ ရှိနေဆဲဖြစ်ကြောင်း လူအချို့၏စိတ်ထဲတွင် ယုံကြည်ထိတ်လန့်နေဆဲဖြစ်ကြောင်း ကြိမ်ချောင်းကြီးကျေးရွာမှ ဆရာတော်ဦးကောဝိဒကမိန့်သည်။

လာမည့်ရက်အနည်းငယ်အတွင်း နာဂစ်မုန်တိုင်းတိုက်ခတ်မှုမှာ (၆)နှစ်ပြည့်မည်ဖြစ်သည်။ ခြောက်နှစ်တာကာလအတွင်း ပြန်လည်ထူထောင်ရေးလုပ်ငန်းများကြောင့် နေအိမ်အဆောက်အအုံကဲ့သို့သော ရုပ်ပိုင်းဆိုင်ရာအခြေအနေများ တိုးတက်လာခဲ့ပြီး မုန်တိုင်းအသိပညာများလည်း တိုးတက်လာခဲ့ကြသည်။ သို့သော်လည်း မုန်တိုင်းကပေးသည့် စိတ်ဒဏ်ရာများကတော့ သူတို့ခံစားနေရဆဲဖြစ်သည်။

နာဂစ်မုန်တိုင်း (၂၀၀၈ မေ ၂/၃)

မုန်တိုင်းအမည်- နာဂစ်
သေဆုံး/ပျောက်ဆုံး- ၁၃၈,၃၇၃ ဦး
ပျက်စီးဆုံးရှုံးမှုတန်ဖိုး- ကျပ်သန်း ၁၁ ဒသမ ၇ ထရီလီယံ
တစ်နာရီပျမ်းမျှလေတိုက်နှုန်း- မိုင် ၁၂၀
ထူးခြားချက်များ-   မြန်မာ့သမိုင်းတွင် လူအသေအပျောက်အများဆုံး သဘာဝဘေးအန္တရာယ်။
-  ကမ္ဘာပေါ်တွင် ရှစ်ခုမြောက် လူအသေအပျောက်အများဆုံး ဆိုင်ကလုန်းမုန်တိုင်း။


ထွန်းခိုင်
7Day News Journal  အတွဲ (၁၃)၊ အမှတ်(၈)


လူငယ်သုံးဦးကို ကားဖြင့် ၀င်တိုက်ကာ ထွက်ပြေး၊ တစ်ဦးသေဆုံး


စားပွဲထိုး ကလေးငယ်တစ်ဦးပါ စားသောက်ဆိုင် ၀န်ထမ်း သုံးဦးကို လမ်းလျှောက် နေစဉ်အတွင်း မော်တော်ကားတစ်စီးက ၀င်တိုက်မိ၍ မောင်းနှင်ထွက်ပြေး သွားပြီး တစ်ဦး သေဆုံးခဲ့မှုတစ်ခု ဧပြီ ၂၈ ရက် ည ၁၁ နာရီခွဲက ဗဟန်းမြို့တွင် ဖြစ်ပွားခဲ့သည်။

ယာဉ်တိုက်မှုမှာ ဆရာစံလမ်းအတိုင်း ပုလဲကွန်ဒိုဘက်မှ ပြည်ထဲရေး မီးပွိုင့်ဘက်သို့ မောင်းနှင်လာသည့် တောင်းအေ့ယာဉ် တစ်စီးက ယာဘက်လမ်းစပ်တွင် လမ်းလျှောက်သွားနေသည့် ရွှေထိုင်းစားသောက် ဆိုင်မှ ၀န်ထမ်းသုံးဦးကို ၀င်တိုက်မိခဲ့ခြင်း ဖြစ်သည်။

ထို့နောက် မော်တော်ယာဉ်မှာ ရပ်တန့် ခြင်းမရှိဘဲ မောင်းနှင်ထွက်ပြေးသွားပြီး ယာဉ်တိုက်ခံရသည့် စားပွဲထိုး အောင်ကိုထက် (၁၄)နှစ်မှာ နဖူး ဖူးရောင် ပေါက်ပြဲ၊ နှာတံပေါက်ပြဲ၊ အပေါ်နှုတ်ခမ်းပေါက် ဒဏ်ရာရ ရှိပြီး စားဖိုမှူးဖြစ်သူ ကိုနေလင်းထွန်း (၁၇)နှစ်မှာလည်း နဖူး ဖူးရောင်ဒဏ်ရာ၊ ၀ဲပါးပွန်း၊ ၀ဲလက်ခုံပွန်းပဲ့ ဒဏ်ရာရရှိခဲ့ပြီး ရန်ကုန်ဆေးရုံကြီးတွင် စိုးရိမ်ရသည့် လူနာများအဖြစ်ကုသနေရသည်ဟု ရဲက သတင်း ထုတ်ပြန်ထားသည်။

စားပွဲထိုးဖြစ်သူ မျိုးလှိုင်ဝင်း (၁၇) နှစ်မှာ နောက်စေ့ပွန်း၊ ခါးပွန်း၊ ၀ဲမျက်ခုံစုတ်ပြဲ၊ ယာခြေကျင်းဝတ်ဖူးရောင် ဒဏ်ရာများရရှိပြီး ဆေးရုံအရောက်တွင် သေဆုံးသွားခဲ့သည်။

ထို့ကြောင့် ကားဖြင့် ၀င်တိုက်မိခဲ့သည့် မော်တော်ယာဉ်မောင်းကို အရေးယူပေးရန် ယာဉ်ထိန်းရဲတပ်ဖွဲ့မှ ရဲအုပ်မျိုးဆွေဦးက တရားလိုပြုလုပ် တိုင်တန်းထားသည်။

ယင်းတိုင်တန်းမှုကို ဗဟန်းရဲစခန်းက ယာဉ် (ပ)၄၇/၂၀၁၄ ဖြင့် အမှုဖွင့်ပြီး ပြစ် မှုပုဒ်မ ၃၀၄ က/၃၃၈/ ၂၀၂ ဖြင့် အရေးယူရန် စုံစမ်းရှာဖွေနေသည်ဟု ရဲတပ်ဖွဲ့က သတင်းထုတ်ပြန်ထားသည်။

Written by  ဇော်ဇော်ထွေး
Mizzima - News in Burmese


ရှမ်းပြည်အရှေ့ပိုင်း မိုင်းဖြတ်တွင် မီးဘေးသင့် ပြည်သူများ အကူအညီလိုအပ်


ရှမ်းပြည်အရှေ့ပိုင်း မိုင်းဖြတ်မြို့နယ်ထဲမှာ ပြီးခဲ့တဲ့ ဧပြီလ ၁၀ ရက်နေ့က တရွာလုံးနီးပါး မီးဘေးသင့်ခဲ့တဲ့ ငါးဟေရွာက ရွာသူရွာသားတွေ အကူအညီတွေ အများကြီး လိုနေသေးတယ်လို့ လားဟူ အမျိုးသမီး အဖွဲ့က ပြောပါတယ်။

အိမ်ခြေ ၇၂ လုံးရှိတဲ့ အဲဒီရွာမှာ အိမ် ၃ လုံးလွဲပြီး အားလုံးနီးပါး မီးလောင်သွား ပါတယ်။ လောလောဆယ် အိမ်ပြန်မဆောက်နိုင်သေးဘဲ လူပေါင်း ၂၀၀ ကျော် ၃၀၀ နီးပါးဟာ ယာယီမိုးကာတဲ ရွက်ဖျဉ်တဲတွေမှာ နေနေရပြီး စောင်၊ အ၀တ်အစားနဲ့ အသုံးအဆောင် ပစ္စည်းတွေ လိုအပ်နေတဲ့အတွက် အကူအညီတွေ လိုအပ်နေတယ်လို့ လားဟူအမျိုးသမီး အဖွဲ့အစည်း ပြောခွင့်ရ နာဗစ်ဘွန်က ဒီဗွီဘီကို ပြောပါတယ်။

မီးလောင်ပြီးချိန်က မြို့နယ်အုပ်ချုပ်ရေးဘက်ကရော အခြားလူမှုအဖွဲ့အစည်းတွေကပါ စားနပ်ရိက္ခာ အသုံးအဆောင်တချို့ လာရောက်လှူ ခဲ့ပေမယ့် ရွာသားအများစုက အ၀တ်တထည် ကိုယ်တခုသာ ကျန်ခဲ့တာမို့ နောက်ထပ် အကူအညီတွေ လိုအပ်နေတာ ဖြစ်ပါတယ်။

သူတို့ကို မြို့နယ်အုပ်ချုပ်ရေးဘက်က နေအိမ်ပြန်ဆောက်ပေးမယ်လို့ ပြောသွားခဲ့ပေမယ့် ဒီနေ့ထိ ဘာမှလာလုပ်ပေးတာ မရှိသေးဘူးလို့ နာဗစ်ဘွန်က ဆက်ပြောပါတယ်။

ငါးဟေရွာမှာ လားဟူတိုင်းရင်းသား အများစု နေထိုင်ပြီး တောင်ယာအလုပ်ကို အဓိကထား လုပ်ကာ မီးလောင်တဲ့နေ့က လူကြီးတွေက တောင်ယာသွားနေတဲ့အတွက် မီးဟာ ဘယ်ကနေ ဘယ်လိုစလောင်တာ အတိအကျ မသိရဘဲ ရွာသားအများစုကတော့ တောမီးကနေတဆင့် ကူးစက်တာလို့လည်း ပြောဆိုနေကြပါတယ်။

 By ဒီဗွီဘီ


ဆိုက်ရောက်ဗီဇာပြဿ နာ

ခရီးသွား ကုမ္ပဏီ တစ်ခု၏ အုပ်ချုပ်မှု ဒါရိုက်တာဖြစ်သော ဒေါ်ဒါလီက ဆိုက်ရောက်ဗီဇာ(Arrival Visa)နှင့်ပတ်သက်၍ ခရီးသွားများကို နားလည်အောင် ရှင်းမပြတတ်ဟု ပြောပါသည်။

ခရီးလှည့်လည်ရေး ကုမ္ပဏီတစ်ခုလျှင် ဧည့်သည်ဆယ်ဦးနှင့် အထက် လျှောက်ထားမှသာ ကြိုတင်ပြုလုပ်သော ဆိုက်ရောက်ပြည်ဝင်ခွင့် ပြုမည့် ပေါ်လစီအပေါ် Tour De Myanmar အုပ်ချုပ်မှု ဒါရိုက်တာ ဒေါ်ဒါလီက မေးခွန်းထုတ်သည်။

‘‘၀န်ကြီးဌာနရဲ့ပေါ်လစီကို လုံးဝ နားမလည် ဖြစ်ရတယ်’’ဟု ဒေါ်ဒါလီကပြောသည်။ ထိုသို့ မူဝါဒချမှတ်ထား၍ ခရီးသွားများ နားလည်လက်ခံအောင် သူရှင်းမပြနိုင်ခြင်းဖြစ်သည်။

‘‘ဆယ်ယောက်ဖြစ်ဖို့ဆိုတာဟာ သဘာဝမကျဘူး။ အားလုံးကို လိမ်ခိုင်းသလိုဖြစ်နေတယ်’’ဟု RubyLand ခရီးလှည့်လည်ရေးကုမ္ပဏီ အုပ်ချုပ်မှုဒါရိုက်တာ ဦးအေးကျော်ကဆိုသည်။

ထိုအစီအစဉ်ပြောင်းလိုက်သည့်အချိန်မှစ၍ မြန်မာနိုင်ငံသို့ လာရောက်ရန်စီစဉ်ထားသော ကမ္ဘာလှည့်ခရီးသည်များမှာ ခရီးစဉ်ဖျက်သိမ်းခြင်းနှင့် ခရီးစဉ်ရွှေ့ဆိုင်းခြင်းများ ပြုလုပ်လာကြသည်ဟု ခရီးလှည့်လည်ရေးကုမ္ပဏီများထံမှ သတင်းရရှိသည်။

မတ်လမှ ဧပြီလအတွင်း Nature Dream ကုမ္ပဏီဖြင့် လာရောက်ရန် ပြင်ဆင်ထားသော ကမ္ဘာလှည့်ခရီးသွား ၁၅ ဖွဲ့မှာ ခရီးစဉ်များဖျက်သိမ်းသွားခဲ့သည်ဟု အဆိုပါကုမ္ပဏီမှ အုပ်ချုပ်မှုဒါရိုက်တာ ဒေါ်စံပယ်အောင်ကပြောသည်။

မတ်လဆန်းမှစ၍ နှစ်ပတ်အတွင်း မြန်မာနိုင်ငံသို့ လာရောက်လည်ပတ်ချင်သူများ ပြည်ဝင်ခွင့်ရရှိရန် ခရီးသွားကုမ္ပဏီများအနေဖြင့် အာမမခံရဲဖြစ်နေကြသည်။

လာရောက်လည်ပတ်ရန် စုံစမ်းသူများအား နီးစပ်ရာသံရုံးတွင် ဗီဇာလျှောက်ထားပြီးမှသာ လာရောက်ရန် အကြောင်းပြန်နေကြရသည်။ ထို့အပြင် မြန်မာနိုင်ငံသံရုံးများမှာလည်း မြို့ကြီးများတွင်သာရှိကြပြီး မိုးတွင်းကာလတွင် အဓိကလာရောက်သော စပိန်နိုင်ငံ၌ မြန်မာသံရုံးမရှိပေ။

ပြည်ပနိုင်ငံများတွင်ရှိသော မြန်မာသံရုံးများတွင် ပြည်ဝင်ခွင့်ရရှိရန် လျှောက်ထားသည့်ကိစ္စမှာလည်း ထင်သလောက်မလွယ်သည့်ကိစ္စဖြစ်သည်။

မေလဆန်းတွင် ကျင်းပမည့် အာဆီယံထိပ်သီးအစည်းအဝေးတွင် တက်ရောက်သတင်းယူရန်အတွက် အင်ဒိုနီးရှားနိုင်ငံထုတ် Kompas သတင်းစာမှ သတင်းထောက်တစ်ဦးသည်ပင် ပြည်ဝင်ခွင့်ဗီဇာမရရှိသဖြင့် မြန်မာနိုင်ငံ ပြန်ကြားရေးဝန်ကြီးဌာနသို့ အကူအညီတောင်းခံနေရသည်။

မြန်မာနိုင်ငံသို့ ကမ္ဘာလှည့်ခရီးသွားများ လာရောက်မှုမြင့်တက်လာပြီးနောက် လက်ရှိမြန်မာနိုင်ငံ၏ ဟိုတယ်အခန်းများလည်း ဒေသတွင်း နိုင်ငံများနှင့် နှိုင်းယှဉ်လျှင် ဈေးကြီးနေသဖြင့် လာမည့်နှစ်အတွက် မြန်မာနိုင်ငံသို့ လာရောက် ရန် စုံစမ်းမှုများ လျော့နည်းလာကြောင်း ခရီးသွားကုမ္ပဏီများကပြောသည်။

သမ္မတဦးသိန်းစိန် ဦးဆောင်သော အစိုးရအဖွဲ့တက်လာပြီး မြန်မာနိုင်ငံသို့ ကမ္ဘာလှည့်ခရီးသွား ဝင်ရောက်မှုမှာ သိသိသာသာ မြင့်တက်လာခဲ့သည်။

မြန်မာနိုင်ငံသို့ ခရီးသည်ရောက်ရှိမှုသည် ၂၀၁၂ ခုနှစ်တွင် ၁ ဒသမ ၀၆ သန်းရှိခဲ့ပြီး တိုးတက်မှု ၃၀ ရာခိုင်နှုန်းရှိရာမှ ၂၀၁၃ ခုနှစ်တွင် ၂ ဒသမ ၀၄ သန်းရှိ၍ တိုးတက်မှု ၉၃ ရာခိုင်နှုန်းထိ ရှိလာသည်။ ခရီးသွားလုပ်ငန်းမှ အမျိုးသားဝင်ငွေရရှိမှုသည်လည်း ၂၀၁၂ ခုနှစ်တွင် အမေရိကန်ဒေါ်လာ ၅၃၄ သန်းရရှိမှုမှ ၂၀၁၃ ခုနှစ်တွင် ၉၂၆ သန်းအထိ တိုးတက်လာကြောင်း ဟိုတယ်ခရီးဝန်ကြီးဌာန အင်တာနက်စာမျက်နှာတွင် ဖော်ပြထားသည်။

ထိုသို့ မြင့်တက်လာသော ကမ္ဘာလှည့်ခရီးသွားများထဲတွင် ပြည်ပနိုင်ငံတွင် အခြေစိုက်သော ခရီးသွားကုမ္ပဏီများမှ ရောင်းချသော Package Tour များမှတစ်ဆင့် လာရောက်သူများထက် မိမိအစီအစဉ်ဖြင့် မြန်မာနိုင်ငံသို့ တိုက်ရိုက်လာရောက်သော FIT ဧည့်သည်များမှာ တစ်နှစ်ထက်တစ်နှစ် ပိုမိုများပြားခဲ့သည်။

FIT ဧည့်သည်အများစုမှာလည်း အုပ်စုလိုက် လာရောက်ခြင်းမျိုးမဟုတ်ဘဲ တစ်ဦး၊ နှစ်ဦးမှသည် ငါးဦး၊ ခြောက်ဦးခန့်သာရှိကြသည်။

ရန်ကုန်လေဆိပ်ဝင်ပေါက်မှ Package Tour ဖြင့် လာရောက်သူမှာ ၂၀၁၃ ခုနှစ်တွင် ၁၄၈,၅၅၇ ဦးရှိပြီး FIT ဖြင့် လာရောက်သူမှာ ၂၉၄,၂၁၈ ဦးအထိ ရှိသည်။

ထို့ကြောင့် ကိုယ်ပိုင်အစီအစဉ်ဖြင့် လာရောက်သော တစ်ဦးချင်း ခရီးသွားဦးရေက ခရီးစဉ်ကြိုတင်စီစဉ်ကာ အဖွဲ့လိုက်လာရောက်သောဦးရေထက် နှစ်ဆကျော်များသည်။

မြန်မာနိုင်ငံအနေဖြင့် တပ်မတော်အစိုးရလက်ထက်ကပင် မြန်မာနိုင်ငံသို့ လာရောက်လည်ပတ်ကြမည့် ကမ္ဘာလှည့်ခရီးသွားများအတွက် ကြိုတင်ပြုလုပ်သော ဆိုက်ရောက်ပြည်ဝင်ခွင့်စနစ်ဖြင့် ခွင့်ပြုပေးခဲ့သည်။ ဗီဇာလျှောက်ထားရာတွင်လည်း ငါးရက်အတွင်း ရရှိခဲ့သည်။

 သမ္မတဦးသိန်းစိန် အစိုးရတက်လာပြီးနောက်ပိုင်း ထိုစနစ်အပြင် စီးပွားရေးဗီဇာဖြင့် လာရောက်သူများနှင့် လူမှုရေးဗီဇာဖြင့် လာရောက်သူများအား ဆိုက်ရောက်ပြည်ဝင်ခွင့်ဗီဇာဖြင့် လာရောက်ခွင့်ပြုခဲ့သည်။

စီးပွားရေးဗီဇာဖြင့် ဝင်ရောက်လာသူများအား ဗီဇာကြေး ဒေါ်လာ ၅၀ ကောက်ခံ၍ ရက်ပေါင်း ၇၀ နေထိုင်ခွင့်ပေးခဲ့သည်။

သို့သော် ၂၀၁၄ ခုနှစ် မတ်လ ၁၀ ရက်မှစတင်၍ ယခင်ခွင့်ပြုပေးခဲ့သော ဆိုက်ရောက်ပြည်ဝင်ခွင့်ဗီဇာ လျှောက်ထားရာတွင် ကုမ္ပဏီတစ်ခုလျှင် ၁၀ ဦးနှင့်အထက် လျှောက်ထားမှသာ ခွင့်ပြုပေးမည်ဟု ပြောင်းလဲခဲ့သည်။

ထို့ကြောင့် ခရီးသွားကုမ္ပဏီများအနေဖြင့် နှစ်ပတ်အတွင်း လာရောက်လိုသူများအား ခရီးစဉ်ရောင်းချခြင်း မပြုကြတော့ပေ။

အချို့သော ကုမ္ပဏီများကမူ ကမ္ဘာ့လှည့်ခရီးသွားများအား စီးပွားရေးဗီဇာလျှောက်ထားပြီး စီးပွားရေးလုပ်ငန်းရှင်ပုံစံဖြင့် ၀င်ရောက်နေကြသည်။

‘‘ဧည့်သည်ကိုတော့ ကြိုပြောထားရတယ်။ စီးပွားရေးလုပ်ဖို့ လာတာပါလို့ လေဆိပ်မှာပြောဖို့’’ဟု ခရီးသွားလုပ်ငန်းရှင်တစ်ဦးက ပြောသည်။ အချို့သော ခရီးသွားကုမ္ပဏီများကမူ သက်ဆိုင်ရာနှင့် နားလည်မှုပြုလုပ်ကာ ပြည်ဝင်ခွင့်ရရှိအောင် ဆောင်ရွက်နေကြသည်ဟု သတင်းရရှိသည်။ ထိုကဲ့သို့ နားလည်မှုပြုလုပ်ရာတွင် သက်ဆိုင်ရာတာဝန်ရှိသူများကို စာရွက်စာတမ်းကြေးသဘောမျိုး ပေးဆောင်ရသည်ဟုလည်း ကိုယ်တိုင်ဆောင်ရွက်နေသော ခရီးသွားကုမ္ပဏီများမှ တာဝန်ရှိသူများကပြောသည်။

မြန်မာနိုင်ငံခရီးသွားလုပ်ငန်းရှင်များအသင်းကလည်း ခရီးသွားကုမ္ပဏီများမှ ပြည်ဝင်ခွင့်ဗီဇာ လျှောက်ထားသူအများစုက ၁၀ ဦး ပြည့်ပါက သက်ဆိုင်ရာဝန်ကြီးဌာနသို့ လျှောက်ထားပေးနေသည်။

‘‘ဗီဇာကိစ္စက အခုလက်ရှိ ၁၀ ယောက်အဖွဲ့ဆိုရင် ပေးတုန်းပဲ ၁၀ ယောက်အဖွဲ့ဆိုရင် ဟိုတယ်ခရီးက လ.ဝ.ကကို ထောက်ခံပေးပြီးတော့ ခွင့်ပြုချက်တောင်းခံပေးရတယ်။ အခုကတော့ ခရီးသွားရာသီ Low Season ဆိုတော့ သိပ်ပြဿနာမရှိတော့ပါဘူး’’ဟု ဟိုတယ်နှင့် ခရီးသွားလာရေးဝန်ကြီးဌာန ဗီဇာဌာနမှ ဦးဇော်မင်းနောင်ကဆိုသည်။

လာမည့်ခရီးသွားရာသီအစဖြစ်သော အောက်တိုဘာတွင် E-Visa စနစ် စတင်အကောင်အထည်ဖော်နိုင်ပါက လက်ရှိဖြစ်ပေါ်နေသော အခက်အခဲများ အဆင်ပြေသွားမည်ဖြစ်ကြောင်း ဦးဇော်မင်းနောင်ကဆိုသည်။

 E-Visa စနစ် အကောင်အထည်ဖော်နိုင်ပါက လက်ရှိကမ္ဘာလှည့်ခရီးသွားများ ကြုံတွေ့နေရသော အခက်အခဲများ အဆင်ပြေသွားမည်ဟုလည်း ခရီးလှည့်လည်ရေးကုမ္ပဏီများက ယုံကြည်နေကြသည်။ သို့သော် ထိုစနစ်မစတင်နိုင်မီ ကမ္ဘာလှည့်ခရီးသွားများ၏ ပြည်ဝင်ခွင့်ဗီဇာနှင့်ပတ်သက်၍ တိကျသည့် မူဝါဒတစ်ခုရှိရန် လိုအပ်သည်။ လက်ရှိအခြေအနေတွင် အဆင်ပြေရန်အတွက် နားလည်မှုများ၊ လိမ်လည်မှုများ ဆောင်ရွက်နေကြရသည့် အခြေအနေကို ခရီးလှည့်လည်ရေးကုမ္ပဏီများက မနှစ်သက်ကြပေ။

ထို့ကဲ့သို့ မပြတ်သားသော ပေါ်လစီကြောင့် စီးပွားရေးလုပ်ကိုင်သူများအနေဖြင့် သိက္ခာမရှိဖြစ်စေသလို တိုင်းပြည်၏ ဂုဏ်သိက္ခာလည်း ကျစေခဲ့သည်။

ဆိုက်ရောက်ဗီဇာ မူဝါဒပြောင်းလဲမှုများ

၂၀၁၄ ဖေဖော်ဝါရီ ၁၄ ရက်
ကမ္ဘာလှည့်ခရီးသွားများအတွက် ဆိုက်ရောက်ဗီဇာ (VOA) ထုတ်ပေးခြင်းကို စတင်ရပ်ဆိုင်း။

၂၀၁၄ မတ်လ ၁၀ ရက်
ကမ္ဘာလှည့်ခရီးသွားများ ဆိုက်ရောက်ဗီဇာလျှောက်ထားရာ ကုမ္ပဏီတစ်ခုလျှင် ၁၀ ဦးနှင့်အထက် လျှောက်ထားမှသာ ခွင့်ပြုမည်ဖြစ်ပြီး လျှောက်ထားရာတွင်  ဗီဇာကြေးကြိုတင်သွင်းရမည်ဟု ထုတ်ပြန်။

၂၀၁၄ မတ်လ ၁၄ ရက်
ခရီးသွားကုမ္ပဏီများ ဆိုက်ရောက်ဗီဇာ လျှောက်ထားရာတွင် မိမိတို့ Package Tour မှအပ အခြားခရီးသည်များအား အခကြေးငွေယူပြီး ဆောင်ရွက်ပေးပါက အရေးယူမည်ဟု ဟိုတယ်/ခရီးဝန်ကြီးဌာနမှ ထုတ်ပြန်။

အောင်သူရ၊ ခန့်ထက်
7Day News Journal အတွဲ (၁၃)၊ အမှတ်(၈)


ဗိုလ်ကြီးဟောင်း နေမျိုးဇင်နှင့် လယ်သမားအရေး တက်ကြွလှုပ်ရှားသူ ဦးဝင်းချိုတို့ ရွေးကောက်ပွဲဝင်မည်


ရန်ကုန်၊ ဧပြီ ၂၉

မြန်မာ့လူမှုဘဝ ဖွံ့ဖြိုးတိုးတက်ရေး ကွန်ရက်၏ ဥက္ကဋ္ဌ ဗိုလ်ကြီးဟောင်း နေမျိုးဇင်နှင့် တောင်သူ လယ်သမားရေး ဆောင်ရွက်သူ ဦးဝင်းချိုတို့သည် လာမည့် ၂၀၁၄ ကြားဖြတ် ရွေးကောက်ပွဲ အပါအဝင် ၂၀၁၅ အထွေထွေ ရွေးကောက်ပွဲများ၌ ဝင်ရောက် ယှဉ်ပြိုင်မည် ဖြစ်ကြောင်း ဦးဝင်းချိုက ပြောကြားသည်။

ဦးနေမျိုးဇင်နှင့် ဦးဝင်းချိုတို့ နှစ်ဦးမှာ ဧပြီလ ၁ ရက်နေ့က ပုဒ်မ ၁၈ ဖြင့် ထောင်ဒဏ်သုံးလစီ ကျခံနေရသူများ ဖြစ်ပြီး အခြားပုဒ်မ ၁၈ စွဲချက်တစ်ခုအတွက် ကျောက်တံတားမြို့နယ် တရားရုံးသို့ တရားရင်ဆိုင်ရန် လာရောက်စဉ် ၎င်းက အထက်ပါအတိုင်း ပြောဆိုခြင်း ဖြစ်သည်။

“ကျွန်တော်တို့က ပြည်သူတွေ နစ်နာတဲ့ ကိစ္စတွေကို တတ်နိုင်သလောက် လုပ်ခဲ့ကြတယ်။ သာမန်ပြည်သူ အနေနဲ့ အဲ့ဒီလို ဆောင်ရွက်တဲ့အခါ ပုဒ်မ ၁၈ တွေ တန်းစီပြီး ထောင်ကျခံနေမယ့် အစား ပိုပြီးထိရောက်အောင် ဆောင်ရွက်နိုင်မယ်လို့ ယုံကြည်လို့ ရွေးကောက်ပွဲ ဝင်မှာပါ” ဟု ဦးဝင်းချိုက The Voice ၏ ဆက်သွယ် မေးမြန်းမှုကို ပြန်လည် ဖြေကြားသည်။

ဦးဝင်းချိုနှင့် ရန်ကုန် ပြည်သူ့ အကျိုးဆောင် ကွန်ရက်မှ ကိုဝေဠုတို့ နှစ်ဦးကို မတ်လအတွင်း လျှပ်စစ်မီတာခ တိုးမြှင့်ကောက်ခံမည့် ကိစ္စနှင့် ပတ်သက်၍ ဆန္ဒဖော်ထုတ်မှုအတွက် ပုဒ်မ ၁၈ ဖြင့် ကျောက်တံတားမြို့နယ် တရားရုံးတွင် စွဲဆိုထားခြင်း ဖြစ်သည်။

ပြည်ထောင်စု အဆင့်နှင့် တိုင်းဒေသကြီး ပြည်နယ် လွှတ်တော်များအလိုက် လစ်လပ် မဲဆန္ဒနယ်ပေါင်း ၃၀ ကျော်အတွက် ၂၀၁၄ ခုနှစ် ပွင့်လင်းရာသီ တွင် ဒုတိယအကြိမ် ကြားဖြတ် ရွေးကောက်ပွဲ ပြုလုပ်မည် ဖြစ်ပြီး အသေးစိတ်ကို ရက်ပေါင်း ၆၀ ကြိုတင် ထုတ်ပြန် မည် ဖြစ်ကြောင်း ပြည်ထောင်စု ရွေးကောက်ပွဲ ကော်မရှင်က ကြေညာထားသည်။

The Voice Weekly


မြို့တွင်းနှင့် နီးကပ်သော မြို့နယ်များမှ တိုက်ခန်းများ ဈေးတိုးမြင့်လာ


ရန်ကုန်မြို့၏ အိမ်ရာ လိုအပ်ချက်ကို ဖြည့်ဆည်းနိုင်ရန် အတွက် တန်ဖိုးနည်းနှင့် တန်ဖိုးသင့် အိမ်ရာစီမံကိန်း များကို အကောင်အထည်ဖော် ဆောင်ရွက်လျက်ရှိရာ အိမ်ခြံမြေ အကျိုးဆောင်များကို အလုပ်ဖြစ်စေပြီး အနီး အနားတွင် ရှိနေသည့် မြေကွက်များ၏ ဈေးနှုန်းကိုလည်း မြင့်တက်လာစေသည့် အပြင် မြို့တွင်းနှင့် နီးစပ်သော မြို့နယ်များမှ တိုက်ခန်းများပါ ဈေးတိုးမြင့်လာကြောင်း အိမ်ခြံမြေ အကျိုးဆောင်များ ထံမှ သိရသည်။

အိမ်ရာ စီမံကိန်းများကို မြို့စွန် ဧရိယာများတွင် အကောင်အထည်ဖော် ဆောင်ရွက်နေခြင်း ဖြစ်ပြီး အိမ်ရာ စီမံကိန်းများကြောင့် စီမံကိန်း ပတ်ဝန်းကျင်ရှိ မြေကွက်ဈေးများသည် အဆမတန် မြင့်တက်လျက်ရှိကြောင်း၊ အိမ်ရာ စီမံကိန်းများသည် မြို့ရွာနှင့် အိုးအိမ် ဖွံ့ဖြိုးတိုးတက်ရေး ဦးစီးဌာန၏ တန်ဖိုးနည်းအိမ်ရာ စီမံကိန်းများထဲမှ တစ်ခုဖြစ်ပြီး မူလက လယ်မြေအဖြစ် တည်ရှိခဲ့သော မြေပေါ်တွင် စီမံကိန်း အခြေစိုက် ထားခြင်း ဖြစ်ကြောင်း သိရသည်။

အိမ်ရာများ၏ ဈေးနှုန်း သတ်မှတ်ချက် ဂယက်ကြောင့် အိမ်ခြံမြေ အကျိုးဆောင် ဈေးကွက်တွင် မြို့တွင်းနှင့် နီးစပ်သော မြို့နယ်များတွင်ရှိသော တိုက်ခန်းများကိုပါ ဈေးတိုးမြှင့်ခေါ်ယူ ရောင်းချမှုများ ရှိလာကြောင်း အဆိုပါ အကျိုးဆောင်များ အသိုင်းအဝိုင်းမှ သိရသည်။

''တန်ဖိုးမျှတ အိမ်ရာက အနိမ့်ဆုံး ၂၃၇ သိန်းကနေ အမြင့်ဆုံး ၃၂၉ သိန်းဆိုတော့ ကျန်တဲ့ တိုက်ခန်းတွေရဲ့ ဈေးကိုပါ ဆွဲတင် လိုက်ကြတယ်။ အရင်က တာမွေတို့၊ မင်္ဂလာတောင်ညွန့်တို့က တိုက်ခန်းတွေက အဲဒီလောက် ဈေးမပေါက်ဘူးလေ။ ဒါပေမဲ့ တန်ဖိုးမျှတ အိမ်ရာက အဲဒီလောက် ဈေးဆိုတော့ ကျန်တာ တွေလည်း ဆွဲတင်ကြတာပေါ့'' ဟု အိမ်ခြံမြေ အကျိုးဆောင် အသိုင်းအဝိုင်းက ပြောကြားခဲ့သည်။

မြန်မာနိုင်ငံတွင် အခြေခံ လူတန်းစားနှင့် လူလတ်တန်းစားများ၏ ဝင်ငွေမှာ နည်းပါးလျက်ရှိပြီး စားဝတ်နေ ရေးစရိတ်များမှာ ဝင်ငွေနှင့် နှိုင်းယှဉ်လျှင် လွန်စွာ ကြီးမြင့်လျက် ရှိသည်။ အထူးသဖြင့် နေထိုင်စရိတ် ဖြစ်သည့် အိမ်ခြံမြေ ဈေးနှုန်းများမှာ အကျမရှိဘဲ တိုးတက်လာနေသဖြင့် နေထိုင်စရိတ်မှာ ပိုမိုကြီးမြင့်လာ နေကြောင်း သိရသည်။

မြ၀တီ


ရေသယံဇာတ ပေါကြွယ်ဝသော နိုင်ငံမှ ရေငတ်နေသော ပြည်သူများ


မြို့နယ်စည်ပင်က အချိန်နှင့် ပေးဝေသော ရေက သူတို့ မိသားစု အတွက်မဖူလုံ။ သူတို့မိသားစု တစ်စု တည်းမဖူလုံသည်မဟုတ် ဟာခါးမြို့တွင် နေထိုင်သူ အားလုံးအတွက် မဖူလုံ။ ထမင်းချက်၊ ဟင်းချက်ရန်အတွက် ကြံရာမရသည့်အဆုံး ပြည်မကလာသော တစ်လီတာ ရေသန့်ဘူးများ ၀ယ်၍သုံး လိုက်သည်။

မိုးတွင်းကာလ စီးဆင်းနေ သော ချောင်းမှန်သမျှ ခန်းခြောက် ကုန်သည့် ပူပြင်းလှသော ရာသီ  ဥတုကြောင့် ရေထွက်ပေါက်စိမ့် နှင့် စမ်းချောင်း မှန်သမျှလည်း ရေ ခန်းလာသည်။

‘‘ဒီနှစ်က အပူချိန်အရမ်းများ တယ်။ ခါတိုင်းနှစ်ထက်တောင်ရေ ရဖို့ ခက်ခဲလာတယ်။ အရင်ကရွာ တွေပဲ ခက်ခဲတာ။ အခု မြို့ပေါ် တွေမှာပါ ခက်ခဲလာပြီ။ ရေခက်ခဲ တော့ သန့်ရှင်းရေးကလည်းအ ဆင်မပြေဘူး။ ညစ်ပတ်လာတယ်’’ ဟုနွေရာသီတွင် တစ်နှစ်ထက်တစ် နှစ် ပိုမိုပူပြင်းလာပြီး ရေရရှိရန် ခက်ခဲလာကြောင်း ဟားခါးမြို့မှ ဦးဂျိမ်းစ်ငွန်ဟရဲက ပြောသည်။

မြန်မာနိုင်ငံတွင် နွေရာသီရေ ပြဿနာကြုံရသည့် ဒေသများမှာ မိုးနည်းရေရှားဒေသများဟုသတ် မှတ်ထားသော မန္တလေး၊ မကွေး နှင့် စစ်ကိုင်းတိုင်းဒေသကြီးဟုသာ လူသိများကြသည်။ ရာသီဥတု ပြောင်းလဲခြင်း၊ သဘာဝပတ်ဝန်း ကျင်ယိုယွင်းလာမှုများကြောင့်ယ ခုအခါ တောင်ပေါ်ဒေသများဖြစ် သည့် ချင်း၊ ရှမ်း၊ ရခိုင်ပြည်နယ်တို့ တွင် သာမက ရန်ကုန်၊ဧရာဝတီ၊ပဲ ခူးတိုင်းဒေသကြီးများနှင့်ကရင် ပြည်နယ်တို့တွင် နွေရာသီရေရှား ပါးမှု ပြဿနာကို ကြုံတွေ့နေရ သည်။

ထို့ကြောင့် နိုင်ငံ၏ အစိတ် အပိုင်းအများစုတွင် နွေရာသီရေ ရှားပါးမှုပြဿနာကို ခံစားနေရ သည်။ ယခင်က နွေရာသီရေရှား ပါးမှုပြဿနာကို ရေပေးဝေမှုစနစ် မရှိသော ကျေးလက်ဒေသများ တွင် အများဆုံးကြုံတွေ့ခံစားနေရ သော်လည်း ယခုနှစ်များနောက် ပိုင်းတွင် မြို့များအထိပါ ကူးစက် ပျံ့နှံ့လာခဲ့ခြင်းဖြစ်သည်။

မေယုတောင်တန်းရှိ သစ် တောများ ပြုန်းတီးလာမှုကြောင့် ယခင်ပေါများခဲ့သော စိမ့်စမ်းရေ များ ခန်းခြောက်ကုန်ရာယခုနှစ် တွင် တောင်ပေါ်နေကျေးရွာအ များစုသည် ရသေ့တောင်မြို့နယ် အနီး တောင်အောက်ခြေတွင် စိမ့် ထွက်နေသည့် နေရာများကိုရှာဖွေ ကာ ရေခပ်သွားနေရသည်ဟု ဒေ သခံအချို့ကပြောသည်။

‘‘အရမ်းပူတော့ ရေတွေခန်း ကုန်တယ်။ တောင်ပေါ်မှာနေတဲ့ သူတွေ မိုးလင်းတာနဲ့ တောင် အောက်ကိုလာပြီး ရေခပ်ကြ တယ်။ အရင်တုန်းက အိမ်မှုကိစ္စ ကို တစ်ယောက်တည်းလုပ်လို့ရ တယ်။ အခုက မိုးလင်းတာနဲ့ ထ မင်းချက်တဲ့လူက သက်သက်၊ ရေ ရှာတဲ့သူက သက်သက်လုပ်နေရ တယ်’’ဟု ရသေ့တောင်မြို့နယ်မှ ဒေသခံကိုကိုမောင်ကပြောသည်။

ရခိုင်ပြည်နယ်တွင်လည်း ပင် လယ်ကမ်းရိုးတန်းအနီးရှိ စစ်တွေ၊ ကျောက်ဖြူ၊ မြေပုံ၊ ရသေ့တောင်၊ ပုဏ္ဏားကျွန်းတို့သာမက ရခိုင်ရိုးမ နှင့် နီးကပ်နေသော ကျေးလက်ဒေ သများတွင်ပါ စိမ့်စမ်းရေများခန်း ခြောက်လာမှုကြောင့်သောက်သုံးရေမလုံလောက်မှုများကြုံတွေ့ နေရသည်။

 ‘‘လောလောဆယ်ချွေတာ သုံးနေရတယ်။ အရင်က မြို့ကန် က တစ်ရက်ကို နာရီဝက်လောက် ရေပေးတယ်။ အခုရေမရှိဘူး။ ဆယ်မိနစ်၊ ၁၅ မိနစ်လောက်ပဲ ပေးနိုင်တော့တယ်။ မေလလောက် ဆိုရင် ဘယ်လိုဖြစ်လာမလဲမပြော တတ်သေးဘူး’’ဟု ပုဏ္ဏားကျွန်းမြို့ နယ် ၀ံလက်လူမှုကူညီရေးအဖွဲ့မှ ဦးခိုင်ကောင်းစံကပြောသည်။

ထို့အပြင် ရှမ်းပြည်နယ် မြောက်ပိုင်း၊ နောင်ချို့မြို့နယ်၊ လားရှိုးမြို့နယ်နှင့် ရှမ်းပြည်နယ် တောင်ပိုင်း တောင်ကြီးမြို့နယ်၊ အင်းလေးဒေသများတွင်လည်းနွေ ရာသီကာလ၌ သောက်သုံးရေးပြ ဿနာကို ကြုံတွေ့နေရသည်။ရေ ရရှိရေးအတွက် တစ်ရက်လျှင်နေ့ ထက်ဝက်ခန့်အချိန်ပေးနေရသည် ဟု ဒေသခံတို့ကဆိုသည်။

‘‘စိမ့်စမ်းရေတွေက ခန်းကုန် တော့ ရွာထဲမှာတူးထားတဲ့ အ၀ိစိ တွင်းတွေဆီကမျှသုံးနေရတယ်။ အ၀ီစိတွင်းကလည်း လူတိုင်း မတူး နိုင်ဘူး။ ရေထွက်ဖို့ပေနှစ်ရာကျော် လောက်တူးရတယ်။ အရင်ကနွေ သုံးလို့ရတဲ့ ချောင်းတွေကလည်း ကောကုန်ပြီ။ နွေရောက်ရင် ရေရ

ဖို့ ကြောက်နေရတယ်’’ဟု နောင်ချိုမြို့နယ်မှ ဒေသခံဦးစိုးနိုင်ကအခက်အခဲကိုဖွင့်ဟသည်။

ရှမ်းပြည်နယ်တောင်ကြီးမြို့ နယ်တွင် စိမ့်စမ်းရေကို အမှီ ပြုသုံးစွဲနေရသည့်ရပ်ကွက်၊ကျေး ရွာများတွင် နှစ်စဉ်ရေအခက်အခဲ ကြုံတွေ့နေရသော်လည်း အ၀ီစိ တွင်းရှိသည့် ဒေသများမှ လူမှုရေး အဖွဲ့အချို့က ရေစည်များတင်၍ လိုက်လံ ဝေငှသောကြောင့်လတ် တလောအဆင်ပြေကြသည်ဟုဒေ သခံအချို့ကဆိုသည်။

ကရင်ပြည်နယ်တွင် နှစ်စဉ် သံလွင်မြစ်ရေလျှံတက်မှုကြောင့် သဘာဝဘေးအန္တရာယ်ခံစားရ သည့် ဘားအံ၊ သံတောင်ကြီးမြို့ နယ်များတွင်ပင် ရေရှားပါးခြင်းရင် ဆိုင်နေရသည်။ ယခုနှစ်တွင်ဘော ကလိ၊ ပဲခူးတိုင်းဒေသကြီးတောင် ငူမြို့နယ်နှင့် နီးစပ်သောကျေးရွာ အချို့တွင်လည်း ရှေရှားပါးမှု ပြဿနာကို စတင်ခံစားနေရပြီဟု ဒေသခံအချို့ကပြောသည်။

‘‘ပဲခူးအရှေ့ခြမ်းက လူတွေ ရေမရှိတော့လို့ နွားလှည်းနဲ့ ဒီ ဘက်က ချောင်းတွေမှာလာခပ်နေ ရတယ်။ မိုးတွင်း၊ ဆောင်းတွင်းမှာ ရေက ကိစ္စမရှိပေမယ့်အခုတော့ ပြဿနာဖြစ်နေတယ်’’ဟု သံ တောင်ကြီးမြို့ခံ စောကလိုထူးက ပြောသည်။

ထို့အပြင် ကျေးလက်ဒေသ များတွင်လည်း လက်တွင်းတူးဖော် ရာ၌ ရေရရှိရေးအတွက် တစ်နှစ် ထက်တစ်နှစ် တစ်တောင်ခန့်ပို၍ ရေတွင်းနက်နက်တူးဖော်ရသည်။ နေရာဒေသကိုလိုက်၍ ထိုသို့တွင်း နက်တူးဖော်ရသည်မှာ ငါးနှစ်မှခု နစ်နှစ်အကြားရှိလာသည်ဟုဆို သည်။

‘‘မုန်းချောင်းရေက မနှစ်က ထက်စာရင်တစ်တောင် လောက်ကျသွားတယ်။ တွင်းရေကလည်း မြေကြီးထဲကိုနက်နက်တူးရတယ်။ တစ်နှစ်ကိုတစ်တောင်လောက်က ထပ်တူးရတယ်’’ဟု ပွင့်ဖြူမြို့နယ်မှ ဦးဇော်ဇော်ကပြောသည်။

ယခင်က နေရပ်ဒေသကို လိုက်၍ ခြောက်ပေ၊ ဆယ်ပေ၊ပေ နှစ်ဆယ်၊ပေရှစ်ဆယ် တူးဖော် လိုက်လျှင် ရေထွက်ရှိသော်လည်း ယခုအခါ ထိုအရပ်ဒေသများတွင် ယခင်ထက် ထက်ဝက်ခန့်ပိုတူး ဖော်မှသာ ရေတွေ့ရှိရသည်ဟု ဒေသခံတို့က ဆိုသည်။

 ‘‘ကျုပ်တို့ဆီမှာ ရေတွင်းတစ်တွင်းတူးရင် သိန်းနှစ်ဆယ် လောက်အနည်းဆုံးကုန်တယ်။ရေ ကလည်း အရင်လိုပေသုံးဆယ်၊ လေးဆယ်လောက်နဲ့မတွေ့တော့ ဘူး။ ပေငါးဆယ်ကျော်လောက်မှ ရေတွေ့တယ်။ ဒီလိုအချိန်အခါဆို ရင် ရေတွေက ဈေးကြီးတယ်။ တစ်စည်ကို ငါးရာ။ မိသားစုတစ်စု ကို ကျွဲရေ၊ နွားရေတိုက်နဲ့သုံးစည် လောက်ကုန်တယ်။တွက်ကြည့် ဗျာ။ တောင်သူဆိုတော့ ပိုက်ဆံ တစ်ရာသီပဲဝင်တယ်။ တစ်ရက် ကို ကျပ် ၁,၅၀၀ လောက်က ရေဖိုးကုန်နေပြီ။ စိတ်ညစ်စရာပဲဗျာ’’ဟု ကန့်ဘလူမြို့နယ်၊ စပယ်နံ့သာကျေးရွာမှ ဦးသန်းညွန့်ကပြော သည်။

မြန်မာနိုင်ငံတွင် မြို့ကြီး၊ မြို့ ငယ်၊ ကျေးရွာများ၌ ရေနှင့် ပတ်သက်၍ ဖိစီးမှုများ၊အကျပ်အ တည်းများကို ပုံစံမျိုးစုံဖြင့်ခံစားနေ ရသည်။ မြန်မာနိုင်ငံရှိ ကျေးရွာ ပေါင်း ခြောက်သောင်းကျော်သည် ရေမလုံလောက်မှုပြဿနာကိုနှစ် စဉ်ခံစားနေရပြီး သုံးထောင်ကျော် မှာ ယနေ့အချိန်အထိ ဖူလုံမှုမရှိ သေးကြောင်း ကျေးလက်ဖွံ့ဖြိုး ရေးဦးစီးဌာနက ထုတ်ပြန်သည့် စာရင်းဇယားများတွင်ဖော်ပြထား သည်။

‘‘ကျေးရွာရေရရှိဖို့ အစိုးရက တော့ ရေတွင်း၊ ရေကန်တွေတူး ဖော်ပေးတယ်။ အခြားရေရနိုင်တဲ့ ကိစ္စတွေလုပ်ပေးတယ်။ ရေပေး ဝေရေးကိစ္စတွေမှာ နိုင်ငံတော် ဘတ်ဂျက်နဲ့ လုပ်ပေးပါတယ်’’ဟု ကျေးလက်ဖွံ့ဖြိုးတိုးတက်ရေးဦးစီးဌာန ညွှန်ကြားရေးမှူးချုပ်ဦးစိုး ကိုကိုကပြောသည်။

 ယခင် နယ်စပ်စည်ပင်ဝန် ကြီးဌာနမှ ယခုပြောင်းလဲပြီးမွေး ရေ၀န်ကြီးဌာနလက်အောက်မှနေ ၍ ရေရရှိရေးအတွက် အစိုးရက လုပ်ဆောင်ခဲ့သည့်ဆယ်စုနှစ် နှစ် ခုကျော်အတွင်းကျေးရွာပေါင်းသုံး သောင်းကျော်ကို ရေပေးဝေနည်းစနစ်တစ်မျိုး မဟုတ်တစ်မျိုး အ ကောင်ထည်ဖော် ပေးနိုင်ခဲ့သည်ဟု ဆိုသည်။

အစိုးရက သောက်သုံးရေရ ရှိရေးအတွက် ကျေးလက်ဒေသ များတွင် တွင်းတိမ်၊ တွင်းနက်၊ လက်တူးတွင်း၊ ရေကန်၊ စိမ့်စမ်း ရေစသည်တို့ကို တူးဖော်ပြီးရေရရှိ ရေးလုပ်ငန်းများကိုဆောင်ရွက် ပေးလျက်ရှိသည်။

ယခင်အစိုးရအနေဖြင့် ရေ ပြဿနာကိုအနည်းငယ်လျစ်လျူ ရှုခဲ့သော်လည်း အစိုးရသစ်တက် လာပြီး ၂၀၁၃ခုနှစ်တွင် ရေရရှိရေး အတွက် နိုင်ငံတော်ဘတ်ဂျက်များ ကို နှစ်အလိုက်တိုးမြှင့်ချထား သည်။ ယခင်ကရေရရှိရေးအ တွက် အစိုးရက ကျပ်ငွေ ၆ ဒသမ ၅ ဘီလီယံ(ကျပ်သန်း ၆၅၀၀)ထုတ် ယူသုံးစွဲရာမှ ထက်ဝက်ခန့်တိုးမြင့် သုံးစွဲလာသည်။

အစိုးရ၏ စာရင်းဇယားများ တွင် ကျေးလက်သုံးသောင်းကျော် သောက်သုံးရေရရှိအောင်ဆောင် ရွက်ပေးနေသည်ဟု ဆိုသော် လည်း နှစ်စဉ်နွေကာလ၌ သောက် သုံးရေအခက်အခဲပြဿနာမှာ အ သံတိတ်သွားခြင်းမရှိချေ။ သောက် သုံးရေမဖူလုံခြင်းပြဿနာရပ်များ ကို နေရာအနှံ့ကျယ်ကျယ်လောင် လောင်ပြောဆိုနေကြဆဲဖြစ်သည်။

‘‘ကျူပ်တို့ဆီမှာ တစ်နှစ်ထက်တစ်နှစ်ရေက ပိုပိုခက်ခဲလာတယ်။ နယ်စပ်စည်ပင်ကတူးဖော်ပေးတာရှိပေမယ့်လည်း လူအင်အားနဲ့ ရေကမလုံလောက်ဘူး။ ဒုံရင်းက ဒုံရင်းပဲ။ အရင်က ဌာနဆိုင်ရာဆိုရင် ကြောက်ကြတဲ့ လူတွေက ရေရဖို့အရေးဆိုရင် ဘယ်ကိုပဲသွားရ သွားရ။ ပြောရဆိုရ။ အဲဒီလောက်တောင်ဖြစ်နေပြီ’’ဟု ကန့်ဘလူမြို့နယ် စံပယ်နံ့သာကျေးရွာမှ ဦးသန်းညွန့်ကပြောသည်။

မြန်မာနိုင်ငံသည် ကမ္ဘာ့ရေ အရင်းအမြစ်ပေါများသည့်နိုင်ငံ စာရင်းတွင် ပါဝင်နေပါလျက် အဘယ်ကြောင့်နှစ်စဉ်ရေချိုရရှိ ရေးပြဿနာဖြစ်ပေါ်နေရသလဲဆို သည်မှာအဓိက မေးခွန်းဖြစ်သည်။

အဆိုပါ ရေအရင်းအမြစ် သည် လွန်ခဲ့သော ဆယ်စုနှစ်များ စွာက တွက်ချက်တိုင်းတာထားခြင်းကြောင့် ယနေ့အချိန်ကာလ နှင့် နှိုင်းယှဉ်၍မရကြောင်း၊ မြန်မာ နိုင်ငံ၏ ရေအရင်းအမြစ်နှင့်ပတ် သက်ပြီး အချက်အလက်အသစ်ရ ရှိရန် သုတေသနလုပ်ငန်းများ စ တင်လုပ်ဆောင်သင့်နေပြီဟု ရေ နှင့် ပတ်သက်သောပညာရှင်အချို့ ကပြောသည်။

တောင်ပေါ်ဒေသများတွင် စိမ့်စမ်းရေများ ရှားပါးလာခြင်း၊မြေပြန့်လွင်ပြင်များတွင် ရေတွင်း တူးဖော်ရသည့်အခြေအနေများ ပြောင်းလဲလာခြင်းသည် တော တောင်များရှားပါးလာခြင်းကြောင့် ဖြစ်၍ အစိုးရဖြေရှင်းနေသည့် ရေပြဿနာမှာထိုထက်ပို၍ ကျယ်ကျယ်ပြန့်ပြန့်စဉ်းစားသင့်သည်ဟု ပညာရှင်များကထောက်ပြသည်။

‘‘ရေပြဿနာကို ရေတို၊ ရေ ရှည်၊ ရေလတ် အဲဒီလိုသုံးပိုင်းခွဲပြီး ဖြေရှင်းရမယ်။ ရေလိုအပ်တဲ့နေ ရာတွေမှာ ချက်ချင်းရေပြဿနာ ဖြေရှင်းပေးတာက ရေတိုဖြေရှင်း တာပါ။ ရေရှည်ကတော့ နှစ်ကာ လတွေအများကြီးအချိန်ယူရပါ တယ်။ ပညာရပ်ဆန်တယ်။ အား လုံးပူးပေါင်းပါဝင်မှရမယ်’’ဟု ရေ ပညာရှင်ဒေါ်ခင်နီနီသိန်းကပြော သည်။

မြန်မာနိုင်ငံတွင် စီးဆင်းနေ သည့် အဓိကမြစ်ကြီး လေးစင်းဖြစ် သည့် ဧရာဝတီ၊ စစ်တောင်း၊သံ လွင်၊ ချင်းတွင်းမြစ်နှင့် အခြား မင်း တုန်း၊ ယော၊ စလင်း၊ မန်း၊ မုံး၊ မြစ်ငယ်၊ စမုံ၊ ပန်းလောင်၊ ဇော် ဂျီ၊ မူးနှင့် မြစ်လက်တက်များမှရေ ချိုတစ်နှစ်လျှင် ကုဗကီလိုမီတာ ၁၀၈၂ထုတ်ယူနိုင်သည်။ သို့သော် လည်း ငွေကြေးမလုံလောက်မှု၊ နည်းပညာခေတ်နောက်ကျမှု၊ မ ဟာဗျူဟာမရှိခြင်းတို့ကြောင့် အ မှန်တကယ်ထုတ်လုပ်နိုင်သောပ မာဏ၏ ၃ရာခိုင်နှုန်းနှင့် ၅ရာခိုင် နှုန်းလောက်သာထုတ်ယူသုံးစွဲနိုင် သည်။

ထို့အပြင် မြေအောက်ရေ ပြဿနာကို ဖြေရှင်းရန်အတွက် ရေရှည်စီမံကိန်းချပြီး သုတေသန လုပ်ငန်းများဆောင်ရွက်ရမည်ဖြစ် သည်။ မြေအောက်ရေများ ခို အောင်းရာတွင် ပြန်ဖြည့်နိုင်သည့် မြေအောက်ရေလွှာနှင့် ပြန်မဖြည့် နိုင်သည့် မြေအောက်ရေလွှာ မြန် မာနိုင်ငံတွင် မည်မျှရှိသည်ကို သိ ရှိစေရန်အတွက် မြေအောက်ရေ အောင်းလွှာမြေပုံများရေးဆွဲထား ရန်လိုအပ်သည်။

ထိုလုပ်ငန်းစဉ်ကို ဒေသဆိုင် ရာ လူ့အဖွဲ့အစည်းများ၊အစိုးရနှင့် လူထု၊ ပညာရှင်တို့ ပူးပေါင်း ဆောင်ရွက်ရမည်ဖြစ်ပြီး မြေပုံများ ကို အစိုးရက ငွေကြေးစိုက်ထုတ် မှုများ ပြုလုပ်ရမည်ဟု ပညာရှင် များက အကြံပြုသည်။

‘‘အကောင်အထည်ဖော်နေ တဲ့ မွေးရေကျေးလက်တစ်ခုတည်း လုပ်လို့မရဘူး။ ရေအရင်းမြစ်တွေ ထိန်းသိမ်းပေးနေတဲ့ သစ်တော ပြုန်းတီးမှုတွေက နေရာအနှံ့ရှိနေ တယ်။ ရေချိုရှိတဲ့မြစ်ချောင်းတွေ က ဆည်တာတမံကြီးတွေနဲ့ပြည့် နေတယ်’’ဟု ရေရရှိရေးအကောင် အထည်ဖော်သည့် လုပ်ငန်းများ တွင်လုပ်ကိုင်နေသည့် အစိုးရ၀န် ထမ်းတစ်ဦးကပြောသည်။

မြန်မာနိုင်ငံတွင် နှစ်စဉ်ရေပြ ဿနာကြုံတွေရမှုများကို ကား ဘောက်ဆာများဖြင့် ရေမလုံ လောက်သည့် အရပ်ဒေသများ တွင် ဖြန့်ဖြူးပေးခြင်း၊ မိုးကျရေ ကန်တူးဖော်ပေးခြင်းတို့သည် ရေ ပြဿနာများဖြေရှင်းရာတွင် လုပ် သင့်လုပ်ထိုက်သည့်လုပ်ငန်းများ ဖြစ်သော်လည်း ရေရှည်ရေတိုစီမံ အုပ်ချုပ်မည့်စနစ်တစ်ရပ်ရှိသင့် သည်ဟု ပညာရှင်တို့ကထောက်ပြ သည်။

မြန်မာနိုင်ငံတွင် လက်ရှိကြုံ တွေ့နေရသည့် ရေအခက်အခဲပြ ဿနာကို ဖြေရှင်းရန်အတွက် ရေ တိုဖြေရှင်းဆောင်ရွက်ရာမှ ၂၀၁၃ တွင် ရေရှည်ဆောင်ရွက်ရန် အ မျိုးသားအဆင့် ရေအရင်းအမြစ် ကော်မတီကိုဖွဲ့စည်းတည်ထောင်ခဲ့သည်။ ထိုအဖွဲ့အစည်းက စာမျက်နှာ ၈၆ မျက်နှာပါ မြန်မာအမျိုးသားရေမူဝါဒကိုရေးဆွဲ ပြီးဖြစ်သည်။

ပထမဆုံးခြေလှမ်းတစ်ရပ် အနေဖြင့် မြန်မာအမျိုးသားရေမူ ၀ါဒကို ရေးဆွဲပြီးဖြစ်သော်လည်း လက်တွေ့အကောင်အထည်ဖော် မှုများမတွေ့ရသေးပေ။ နိစ္စဓူဝ အတွက်ပင် အချိန်များစွာကုန်နေ သော ပြည်သူများအတွက်အစိုးရ က ပို၍အာရုံစိုက်လုပ်ကိုင်ရန်လို သည်။

မတ်လမှ ဇွန်လအထိ ရေပြ ဿနာကြုံတွေ့နေရသော ဦးဂျိမ်းစ်တို့ ချင်းတိုင်းရင်းများအတွက် ရေက ရွှေဖြစ်နေပြီး နွေရောက်မှာကိုပင်ကြောက်နေပြီဖြစ်သည်။

Author: အိဖြူမွန်

7Day Daily

ရေအနည်းငယ်သာ ရှိသော ရေကန်မှ သုံးရေ ခပ်ယူနေသော ကလေးငယ်တစ်ဦး {ဓာတ်ပုံ- ဂျေမောင်မောင် (အမရပူရ)}

ဇနီးဖြစ်သူ အိမ်အကူကို နှိပ်စက်ပြီးနောက် မြို့ နယ် တရားသူကြီး ရာထူးတိုး


အိမ်အကူကိုနှိပ်စက်ခဲ့သည့် ဇနီးဖြစ်သူ ၂နှစ်ကျော်ကြာ တိမ်းရှောင်နေဆဲ ဖြစ်သော်လည်း ခင်ပွန်းဖြစ်သူမှာ မြို့နယ်တရားသူကြီး အဖြစ် ရာထူးတိုးမှု အပေါ် ဝေဖန်ခံနေရ

အိမ်အကူ အမျိုးသမီးငယ်အား ထိခိုက်နာကျင်အောင် ပြုမူခဲ့ပြီး နှစ်နှစ်ကျော်ကြာ ထွက်ပြေး တိမ်းရှောင်နေဆဲဖြစ်သည့် ဒုတိယမြို့နယ်တရားသူကြီး၏ ဇနီးကို ဖမ်းဆီးနိုင်ခြင်း မရှိသေးသော်လည်း ခင်ပွန်း ဖြစ်သူမှာမူ မြို့နယ် တရား သူကြီး အဆင့်သို့ ရာထူးတက်ခဲ့ ခြင်း အပေါ်ဝေဖန်မှု အချို့ရှိလာ ခဲ့သည်။

၂ဝ၁၂ ခုနှစ်မတ်လ ၂၅ ရက်နေ့ က ပဲခူးမြို့ရဲစခန်းတွင် ပုဒ်မ ၃၂၄ (သာ မန်ထိခိုက်နာကျင်စေသောအမှု ပုဒ်မ)နှင့် အမှုဖွင့်ခံရပြီး အမှုလာ မရင်ဆိုင် သောကြောင့် ပဲခူးတရားရုံးက ပုဒ်မ ၅၁၂ ဖြင့် တရား ခံပြေးအဖြစ်ထပ်မံကာ ကြေညာခံထားရသော ယင်းအမျိုးသမီး ကိစ္စနှင့်ပတ်သတ်ကာ တရားဥပဒေစိုးမိုးဖို့ လိုလားနေသူတို့က

ဝေဖန်နေ ချိန်တွင်တရားခံပြေး၏ခင်ပွန်းဖြစ်သူက တောင်တွင်းကြီးမြို့ တရားရုံးတွင် ရာထူး ပင်တိုးသွားသည်က ထောက်ပြစရာဖြစ်သည်ဟု တရားလွှတ်တော်ရှေ့နေ ဦး ရောဘတ်စန်းအောင်က ဆိုသည်။

''သာမန်လူ မဟုတ်ဘူးလေဗျာ။ ဘက်မလိုက်ဘဲ တကယ့်ကို တရားစီရင်ရတဲ့ ပုဂ္ဂိုလ်တစ်ဦးက သူ့အမျိုးသမီးကို တောင် ဥပဒေဘောင်ထဲရောက်အောင် မစည်းရုံးနိုင်သေးဘဲ ရာထူးတိုးသွားတာ လူဝေဖန်စရာကြီးပါပဲ''ဟု ၎င်းကပြောသည်။ ယင်းသို့ ဖမ်းဆီးရမိခြင်းမရှိသေးသည့်အိမ်ဖော်အား မတရားနှိပ်စက် သောအမှုမှာ ပဲခူးတိုင်းဒေသကြီးလွှတ် တော်ဥက္ကဋ္ဌ ၏ နေအိမ်တွင် ငှားရမ်းနေထိုင်သော ဒုတိယ မြို့နယ်တရားသူကြီး၏ ဇနီးက ကျူးလွန်ခဲ့ခြင်းဖြစ်သည်ဟု ရဲမှတ်တမ်းများအရသိရသည်။

ပဲခူးမြို့နယ် ရဲတပ်ဖွဲ့မှူး ရဲမှူးဇော်မင်းက''တရားရေးမဏ္ဍိုင်က သီးခြားဖြစ် နေတဲ့အတွက် ဒီအပေါ်ဘာမှမဝေဖန် ချင်ဘူး။ သို့သော်လည်း ကျူးလွန်သူလို့ ယူဆရသူကို ဖမ်းမိဖို့ သူနေနိုင်တဲ့နေရာ တွေက ရဲစခန်း၊ ကုန်ကုန်ပြောရရင် နယ်စပ်၊ လေဆိပ်အထိကို ပုံနဲ့တကွ ပို့ ထားပါတယ်၊ ဖမ်းမှာပါ''ဟုပြောသည်။ လက်ရှိအချိန်အထိ ယင်းအမျိုး သမီးအား မမိသေးမှုအပေါ် ၎င်းက မိသားစုဝင်များ ပူးပေါင်းပါဝင်ဖို့ လိုနေသည် ဟု ထောက်ပြနေပြီး၊ယခုလိုရှောင် ပြေးနေခြင်းက ပြဿနာကို ဖြေရှင်းရာ မရောက်ဘဲ အများဝေဖန်စရာ ဖြစ်နေသည်ဟု ထောက်ပြသည်။ ''မဖြစ်သင့်ဘူးဗျာ''ဟု ပဲခူးမြို့နယ် ရဲတပ်ဖွဲ့မှူး ရဲမှူးဇော်မင်းက ဆက်ပြော သည်။

ထို့အပြင် အိမ်ဖော်မှာ မီးပူဖြင့်အပြင်းအထန် နာကျင်အောင်လုပ်ခံခဲ့ ရပြီး အမှုကို ပုဒ်မ ၃၂၆(အပြင်းအထန် နာကျင်အောင်လုပ်မှု)ဖြင့် အမှုဖွင့်သင့် သော်လည်း၊ သာမန်ထိခိုက်နာကျင်စေ သောအမှု ပုဒ်မဖြစ်သော ဥပဒေပုဒ်မ ၃၂၄(သာမန်ထိခိုက်နာကျင်စေသော အမှုပုဒ်မ) နှင့်သာ အမှုဖွင့်ခြင်းက လူ့အခွင့်အရေးတက်ကြွသူတို့၏ နောက် ထပ်ဝေဖန်စရာအဖြစ် ရှိနေသေးသည် ဟုလည်းသိရသည်။

တရားလွှတ်တော်ရှေ့နေ ဦးရော ဘတ်စန်းအောင်က ''မှားနေတယ် ထင်တယ်နော်။ ဥပဒေကို လက်တစ်လုံးခြားလုပ်တာပဲ၊ ဒါက သာမန်နာကျင်စေမှုလို့ ခေါင်းစဉ်တပ်တာက အံ့သြစရာပဲ'' ဟု ဝေဖန်လိုက်သည်။ အမှုကို လက်ခံခဲ့ သော ရဲစခန်းမှရဲအရာရှိဖြစ် သူက ၃၂၆ နှင့် ဖွင့်သင့်သည့်အတွက် ဖွင့်ခဲ့သော်လည်း နောက်ပိုင်းတွင် သာမန်ထိခိုက်

မှုဟု ဥပဒေတပ်ရန်ဖြစ်လာခဲ့သည်ဟု ထုတ်ပြောသည်။ တနင်္သာရီတိုင်းဒေသ ကြီး တရားလွှတ်တော်တရားသူကြီးချုပ် ဦးမြင့်ဝင်းက ရာထူးတိုး မှုမှာ ဖြစ်သင့် ဖြစ်ထိုက်သူကိုသာ တိုးခြင်းဖြစ်သည့်အတွက် ၎င်းနှင့်ပတ်သက်သူတစ်ဦးကြောင့် မတိုးပေးဟုဆိုပါလျှင် မဖြစ်သင့်ပါကြောင်း ပြောသည်။ ''သူကကျူးလွန်သူမဟုတ်ဘူး'' ဟု တိုင်းဒေသကြီးတရားလွှတ်တော်တရားသူကြီးချုပ်က ပြောသည်။

Popular Myanmar News Journal

တရားသူကြီး ဇနီး နှိပ်စက်ခဲ့သည့် အိမ်အကူ မအေးယုအောင် 

လက်ပံတောင်းတောင် စီမံကိန်းရှိ လယ်တီသိမ်ကို အပြီးဖြိုဖျက်


စစ်ကိုင်းတိုင်းဒေသကြီး မုံရွာခရိုင် ဆားလင်းကြီးမြို့နယ် လက်ပံတောင်းတောင် စီမံကိန်းမှာ ရှိတဲ့ လယ်တီသိမ်ကို ဧပြီ ၂၉ ရက်နေ့က အပြီးတိုင် ဖြိုဖျက်လိုက်ပြီ ဖြစ်ကြောင်း ၀က်မှေး ကျေးရွာသူ ဒေါ်သွဲ့သွဲ့ဝင်းက ဒီဗွီဘီကို ပြောပါတယ်။

“အပြီးဖျက်လိုက်တာ တမှုန်မှတောင် မကျန်တော့ဘူး။ အပဲ့တွေ ပျက်စီးတဲ့ဟာ မှန်သမျှကို ကျင်းကြီးတူးပြီး ထည့်ပစ်လိုက်တယ်။”

လက်ပံတောင်းတောင် စုံစမ်းစစ်ဆေးရေး ကော်မရှင်အစီရင်ခံစာအရ လယ်တီသိမ်ကို မူလ အနေအထားမပျက် ပြောင်းရွှေ့ရန် ဒေသခံများအားလုံးရဲ့ သဘောတူညီချက်နဲ့ တခြားနေရာကို ပြောင်းရွှေ့ရန် ပါရှိခဲ့ပေမယ့် ဧပြီ ၂၉ ရက်နေ့က လယ်တီသိမ်ကို အပြီး ဖြိုဖျက်ပြီး ပြောင်းရွှေ့ပေးခြင်း မရှိဘူးလို့ ဒေသခံတွေက ဆိုပါတယ်။

လက်ပံတောင်းတောင် ကြေးနီစီမံကိန်းကို မြန်မာအစိုးရ၊ မြန်မာ့စီးပွားရေး ဦးပိုင်လီမိတက်နဲ့ တရုတ်နိုင်ငံ ၀မ်ပေါင်ကုမ္ပဏီတို့က အကျိုးတူပူးပေါင်းပြီး ဆောင်ရွက်နေတာ ဖြစ်ပါတယ်။

၂၀၁၂ ခုနှစ် နိုဝင်ဘာလက လက်ပံတောင်းတောင် ကြေးနီစီမံကိန်းရပ်တန့်ဖို့ ရဟန်းသံဃာတွေက သပိတ်စခန်းဖွင့်လှစ် ဆန္ဒပြရာမှာ ရဲတပ်ဖွဲ့က မျက်ရည်ယိုဗုံး၊ မီးခိုးဗုံးတွေနဲ့ အင်အားသုံးပြီး ဖြိုခွင်းခဲ့တဲ့အတွက် ရဟန်းရှင်လူ ၇၀ ကျော်ထိခိုက် ဒဏ်ရာရခဲ့ဖူးပါတယ်။ အခုချိန်အထိလည်း ဒီစီမံကိန်း လုံးဝရပ်ဆိုင်းပေးဖို့ ဆန္ဒထုတ်ဖော်မှုတွေ ရှိနေပါတယ်။

By ဒီဗွီဘီ

လယ်တီ သာသနိက အဆောက်အအုံများကို မြင်တွေ့ရစဉ်

အဝေးပြေးခရီးသည် အထူးခရီးသွားအာမခံ မဖြစ်မနေ ဝယ်ရမည်


ရန်ကုန်၊ ဧပြီ ၂၉

အဝေးပြေး ခရီးသည်တင်ယာဉ် စီးနင်းကြသည့် မြန်မာနိုင်ငံရှိ ခရီးသွား ပြည်သူအားလုံး မေလ ၁ ရက်နေ့မှ စတင်ကာ အထူးခရီးသွား အာမခံကို မဖြစ်မနေ ဝယ်ယူရမည်ဟု ဘဏ္ဍာရေး ဝန်ကြီးဌာန ဒုတိယဝန်ကြီး ဒေါက်တာ မောင်မောင်သိမ်းက ပြောကြားသည်။

ယင်းခရီးသွား အမခံကြေးကို မိမိစီးနင်းမည့် ယာဉ်လိုင်း လက်မှတ် ဝယ်ရာတွင် တစ်ပါတည်း ပေးဆောင်ရမည် ဖြစ်ပြီး အာမခံကြေးကို ၃၀၀ ကျပ် သတ်မှတ်ထားကြောင်း၊ အကြောင်း အမျိုးမျိုးကြောင့် ဘေးအန္တရာယ်နှင့် ကြုံတွေ့ပြီး အသက်သေဆုံးခဲ့ပါက ယင်းအာမခံအတွက် တစ်ဦးလျှင် လျော်ကြေးငွေ ကျပ်သိန်းသုံးဆယ် ပေးလျော် သွားမည်ဟု ၎င်းက ရှင်းပြသည်။

“မိုင်တစ်ရာနဲ့အထက် ပြေးဆွဲနေတဲ့ အဝေးပြေး လိုင်းတွေအားလုံး မဖြစ်မနေ ရောင်းရမှာ။ ဘုရားဖူးကားတွေ လည်း မဖြစ်မနေ၀ယ်ယူရမယ်။ လက်ရှိ သေဆုံးသူတွေကို သူတစ်ပါး ထိခိုက်မှု အာမခံအတွက် ငါးသိန်း လျော်ပေးနေတော့ စုစုပေါင်း ၃၅ သိန်း ဖြစ်သွားမယ်” ဟု ၎င်းကဆိုသည်။

အဝေးပြေး လမ်းမများတွင် မမျှော်လင့်သော ဘေးအန္တရာယ် များကြောင့် ခရီးသွား ပြည်သူများ မကြာခဏ အသက်သေဆုံးမှုများ ရှိနေသဖြင့် ယင်းအာမခံစနစ်ကို အကောင်အထည် ဖော်ရခြင်း ဖြစ်ပြီး အဝေးပြေး ယာဉ်လိုင်းများ သာမက သာမန် ခရီးသွား ကားများပါ ဝယ်ယူနိုင်အောင် စီစဉ်ပေးသွားမည်ဟု ၎င်းကဆိုသည်။

အထူးခရီးသွား အာမခံလုပ်ငန်းကို မြန်မာ့အာမခံ လုပ်ငန်းနှင့် ပုဂ္ဂလိက အာမခံ ကုမ္ပဏီများနှင့် လက်တွဲ လုပ်ဆောင် သွားဖြစ်ပြီး လတ်တလောတွင် မြန်မာ့ အာမခံလုပ်ငန်းက ဦးဆောင်၍ ဆောင်ရွက်သွားမည် ဖြစ်ကြောင်း မြန်မာ့အာမခံ လုပ်ငန်းမှ အကြီးတန်း တာဝန်ရှိသူ တစ်ဦးက ပြောကြားသည်။

The Voice Weekly


ပဋိပက္ခများ ဖြေရှင်းရန် အစိုးရနှင့် ကေအိုင်အို မြစ်ကြီးနားတွင် သီးသန့်တွေ့မည်


ရန်ကုန်၊ ဧပြီ ၂၉

တပ်မတော်နှင့် တိုက်ပွဲများ ဆက်လက် ဖြစ်ပွားနေဆဲဖြစ်သော ကချင် လွတ်လပ်ရေးအဖွဲ့ ကေအိုင်အိုနှင့် အစိုးရ ငြိမ်းချမ်းရေး ဖော်ဆောင်ရေး လုပ်ငန်း ကော်မတီတို့သည် တိုက်ပွဲများ ဖြစ်ပွားနေခြင်းကို ဖြေရှင်းနိုင်ရန် အတွက် မေလ ဒုတိယပတ်အတွင်း မြစ်ကြီးနားတွင် သီးသန့် တွေ့ဆုံမည် ဖြစ်ကြောင်း မြန်မာ့ ငြိမ်းချမ်းရေးစင်တာမှ အကြီးတန်း အကြံပေးတစ်ဦးက ပြောကြားသည်။

နှစ်ဖက်တိုက်ပွဲ များကြောင့် ယင်းသို့ တွေ့ဆုံရန် ကေအိုင်အိုက ပြည်ထောင်စုဝန်ကြီး ဦးအောင်မင်းထံ ကမ်းလှမ်းခဲ့သဖြင့် တွေ့ဆုံရန် အသေးစိတ်ကို ဆက်လက် ညှိနှိုင်းသွားမည် ဖြစ်ကြောင်း ၎င်းကထပ်လောင်း ပြောကြားသည်။
“မေလ ၁၀ ရက်နေ့မှာ မြစ်ကြီးနားမှာ တွေ့ဖို့ ကေအိုင်အိုက ကမ်းလှမ်းတယ်။ အဲဒီရက်က အာဆီယံ ထိပ်သီး အစည်းအဝေး ရှိနေတော့ ၁၀ ရက် နောက်ပိုင်းမှတွေ့ဖို့ အကြောင်းပြန်ထားတယ်” ဟု ၎င်းကရှင်းပြသည်။

တစ်နိုင်ငံလုံး အပစ်အခတ် ရပ်စဲရေးအတွက် ကြိုးပမ်းနေစဉ် နှစ်ဖက်တိုက်ပွဲများ ပြန်လည် ဖြစ်ပွားခဲ့သဖြင့် အစိုးရနှင့် သီးသန့်တွေ့ဆုံရန် ကမ်းလှမ်းခဲ့ခြင်း ဖြစ်ပြီး လေ့လာသူအဖြစ် တိုင်းရင်းသား လက်နက်ကိုင်အဖွဲ့များ ကိုယ်စားပြု (NCCT) အပါအဝင် ကုလသမဂ္ဂ အထူးအကြံပေး မစ္စတာ နမ်ဘီးယားနှင့် တရုတ်နိုင်ငံမှ ငြိမ်းချမ်းရေး လေ့လာသူ တို့ကိုလည်း ဖိတ်ကြားမည် ဖြစ်ကြောင်း ကေအိုင်အို အဖွဲ့ထံမှ သိရသည်။

အစိုးရနှင့် ကေအိုင်အိုအကြား အပစ်အခတ် ရပ်စဲရေး ဆွေးနွေးမှုမှာ တစ်နိုင်ငံလုံး အပစ်အခတ် ရပ်စဲရေးနှင့် ဆက်နွှယ်နေသဖြင့် ကေအိုင်အို၏ ဖိတ်ကြားချက်အပေါ် မူတည်ကာ ပါဝင် တက်ရောက်သွားမည် ဖြစ်ကြောင်း NCCT အဖွဲ့ခေါင်းဆောင် ဦးနိုင်ဟံသာက ပြောကြားသည်။

“အကောင်းဆုံး ဖြစ်အောင် ဝိုင်းဝန်းပြီး ဖြေရှင်းပေးရမယ့် တာဝန်ရှိပါတယ်” ဟု ဦးနိုင်ဟံသာက ပြောဆိုသည်။

အစိုးရနှင့် ကေအိုင်အိုအဖွဲ့များ ၂၀၁၁ ခုနှစ်တွင် တိုက်ပွဲများ ပြန်လည် ဖြစ်ပွားခဲ့ပြီး အပစ်အခတ် ရပ်စဲရေးအတွက် သဘောတူညီမှု မရသေးဘဲ ၂၀၁၃ ခုနှစ် အောက်တိုဘာလအတွင်း ကချင်ပြည်နယ် မြစ်ကြီးနားမြို့တော်၌ နောက်ဆုံး အကြိမ်အဖြစ် သီးသန့် တွေ့ဆုံ ထားပြီး နှစ်ဖက် သဘောတူညီချက်အရ တိုင်းရင်းသား လက်နက်ကိုင် ထိပ်သီး အစည်းအဝေး များလည်း ကျင်းပနိုင်ခဲ့သည်။

တပ်မတော်နှင့် ကေအိုင်အေအကြား ဧပြီလဆန်း တိုက်ပွဲများကြောင့် တပ်မတော် အရာရှိတစ်ဦး အပါအဝင် စစ်သည် ဆယ်ဦးခန့် ကျဆုံးခဲ့ပြီး ကေအိုင်အေ အဖွဲ့တွင်လည်း ထိခိုက်ကျဆုံးမှုများ ရှိခဲ့ကြောင်း နှစ်ဖက် ထုတ်ပြန်ချက်များအရ သိရသည်။

The Voice Weekly

အစိုးရနှင့် NCCT ငြိမ်းချမ်းရေးဆွေးနွေးပွဲ အကန့်အသတ်မရှိ ရွှေ့ဆိုင်းသည်ဆိုသော သတင်းမမှန်


ပြည်ထောင်စု ငြိမ်းချမ်း ရေး ဖော်ဆောင်ရေး လုပ်ငန်း ကော်မတီနှင့် တစ်နိုင်ငံလုံး အပစ် အခတ်ရပ်စဲရေး ညှိနှိုင်းရေးအဖွဲ့ (NCCT)တို့ ဆွေးနွေးနေကြသည့် ငြိမ်းချမ်းရေးဆွေးနွေးပွဲများအား ရက်အကန့်အသတ်မရှိ ရွှေ့ဆိုင်း သည်ဆိုသော သတင်းမှာ လုံးဝ မမှန်ကန်ကြောင်း သတင်းရရှိသည်။

‘‘NCCT ကတော့ အဲဒီ သဘောမရှိပါဘူး။ ပထမသတ် မှတ်ထားတာကတော့ မေလဒုတိ ယအပတ်မှာ တွေ့ဖို့ပဲ။ အခုတော့ မေလ ၂၀ နောက်ပိုင်းရွှေ့လိုက် တယ်’’ဟု NCCT အဖွဲ့မှ ဒုတိယ ခေါင်းဆောင် ဖဒိုစောကွယ်ထူး ဝင်းက ပြောသည်။

‘‘အဲဒီသတင်းက လုံးဝမှား တယ်။ NCCT အစည်းအဝေး နှစ် ရက်လုပ်တယ်။ အဲဒီကိစ္စလုံးဝ မဆွေးနွေးဘူး’’ဟု NCCT အဖွဲ့မှ အကြံပေးအဖွဲ့ဝင် ဒေါက်တာ ဆလိုင်းလျန်မှုန်းက ပြောသည်။

နှစ်ရက်တာ ဆွေးနွေးပွဲတွင် ပြည်ထောင်စုငြိမ်းချမ်းရေး ဖော် ဆောင်ရေး လုပ်ငန်းကော်မတီနှင့် NCCT အဖွဲ့တို့သည် မေလ ၂၁ ရက်တွင် ရန်ကုန်မြို့၌ တွေ့ဆုံရန် သဘောတူညီခဲ့ပြီး ထိုသဘောတူ ညီချက်အတိုင်း ပြည်ထောင်စု ငြိမ်းချမ်းရေးဖော်ဆောင်ရေး လုပ် ငန်းကော်မတီသို့ ပေးပို့သွားမည် ဟု ဒေါက်တာဆလိုင်းလျန်မှုန်းက ပြောသည်။

တစ်နိုင်ငံလုံး အပစ်အခတ် ရပ်စဲရေးမူကြမ်းတွင် အစိုးရနှင့် သဘောထားကွဲလွဲနေသော အ ချက်များအား သက်ဆိုင်ရာ တိုင်း ရင်းသားခေါင်းဆောင်များထံသို့ ပေးပို့၍ သဘောထားမှတ်ချက် များ တောင်းခံသွားမည်ဖြစ် ကြောင်း ဖဒိုစောကွယ်ထူးဝင်းက ပြောသည်။

တစ်နိုင်ငံလုံး အပစ်အခတ် ရပ်စဲရေးအဖွဲ့ NCCT အဖွဲ့ဝင် များသည် ဧပြီ ၂၈၊ ၂၉ ရက်များ တွင် ထိုင်းနိုင်ငံ ချင်းမိုင်မြို့၌ တွေ့ ဆုံဆွေးနွေးခဲ့ကြသည်။

Author: အောင်သူရ
7Day Daily

အပစ်ရပ်ရေးဆွေးနွေးပွဲ ပြန်သုံးသပ်ဖို့ KIO ကမ်းလှမ်း


တပြည်လုံး အပစ်အခတ်ရပ်စဲရေး ဆွေးနွေးနေစဉ် ကချင်ပြည်နယ်နဲ့ ရှမ်းပြည်နယ် မြောက်ပိုင်းမှာ တိုက်ပွဲတွေ ထပ်မံ ဖြစ်ပွားလာတာကို ပြန်လည်သုံးသပ်ဖို့ အတွက် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီနဲ့ တွေ့ဆုံဆွေးနွေးဖို့ ကချင်လွတ်မြောက်ရေးအဖွဲ့ KIO က ဒီကနေ့ ကမ်းလှမ်းလိုက်ပါတယ်။

ဒီတွေ့ဆုံပွဲဟာ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနဲ့ KIO တို့ သီးသန့်ဆွေးနွေးမှာဖြစ်ပြီး ဆွေးနွေးပွဲအလားအလာကို ဗွီအိုအေ မြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနဲ့ KIO တို့ဟာ ပြီးခဲ့တဲ့နှစ် အောက်တိုဘာလ အစောပိုင်းက နောက်ဆုံးတွေ့ဆုံခဲ့ကြပြီး ၆ လနီးပါး ကြာမြင့်ချိန်မှာ နောက်တကြိမ် တွေ့ဆုံကြဖို့ တောင်းဆိုတာ ဖြစ်ပါတယ်။ KIO ဘက်က ထပ်မံတွေ့ဆုံဖို့ ကမ်းလှမ်းခဲ့တဲ့ အကြောင်းကို ကချင်လွတ်မြောက်ရေးတပ်ဖွဲ့ KIA ရဲ့ ဒုတိယစစ်ဦးစီးချုပ် ဗိုလ်ချုပ်ဂွမ်မော်က အခုလို ပြောပါတယ်။

“ကျနော်တို့ ဒီမေလ ၁၀ ရက်နေ့မှာ KIO ဆွေးနွေးရေးအဖွဲ့နဲ့ ဦးအောင်မင်းတို့နဲ့ မြစ်ကြီးနားမြို့မှာ တွေ့ဆုံလိုတယ်ဆိုတဲ့စာ ပို့ထားတာဖြစ်ပါတယ်။ ဒီကနေ့ ပို့တာပါ။ ဒီအောက်တိုဘာလမှာ နောက်ဆုံးတွေ့ခဲ့တယ်။ ပြီးတော့ ကျနော်တို့က တချို့ဟာတွေ သဘောတူချက်တွေရှိခဲ့တယ်။ တနိုင်ငံလုံး အပစ်အခတ်ရပ်စဲရေး ဆွေးနွေးနေတဲ့အချိန် ကျနော်တို့ ကချင်ဒေသမှာ ကချင်ပြည်နယ်နဲ့ ရှမ်းပြည်နယ်မြောက်ပိုင်းဒေသတွေမှာ တိုက်ပွဲတွေ တော်တော်များများ ခပ်စိပ်စိပ်ဖြစ်လာတဲ့ အနေအထားတွေကို ပြန်သုံးသပ်ပြီး ညှိနှိုင်းချင်တဲ့အတွက်ကြောင့်မို့ အခုလို တောင်းဆိုရတာဖြစ်ပါတယ်။”

၂၀၁၂ ခုနှစ် အောက်တိုဘာလက တွေ့ဆုံပွဲမှာတော့ နိုင်ငံရေး ဆွေးနွေးမှုတွေ ဆက်လက် ဆောင်ရွက်ဖို့ နှစ်ဘက်တိုက်ခိုက်မှုတွေ လျှော့ချဖို့နဲ့ တိုက်ပွဲတွေ ဆက်မဖြစ်အောင် ထိန်းသိမ်းဖို့၊ စစ်ရှောင်ဒုက္ခသည်တွေကို ပြန်လည် ထူထောင်ရေး နေရာ ၄ ခုမှာ ရှေ့ပြေးလုပ်ငန်းတွေ ဆောင်ရွက်ဖို့နဲ့ အများပြည်သူသုံး လမ်းတွေ ပြန်လည် ဖွင့်လှစ်ဖို့ အပါအ၀င် အချက် ၇ ချက်ကို သဘောတူညီခဲ့တာ ဖြစ်ပါတယ်။

လာမယ့်မေလမှာ ဆွေးနွေးပွဲ ဖြစ်မြောက်မယ်ဆိုရင် မဟာမိတ်အဖွဲ့တွေ၊ ကုလသမဂ္ဂ ကိုယ်စားလှယ်နဲ့ တရုတ်နိုင်ငံက ကိုယ်စားလှယ်တွေကိုလည်း ဖိတ်ကြားဖို့ ရှိနေတယ်လို့ ဗိုလ်ချုပ် ဂွမ်မော် က ပြောပါတယ်။ လက်ရှိအခြေအနေမှာ ကချင်ပြည်နယ်အတွင်းက တိုက်ပွဲတွေ ဆက်လက် ပြင်းထန်လာမယ်ဆိုရင်  တပြည်လုံး အပစ်အခတ်ရပ်စဲရေးအတွက် အဟန့်အတား ဖြစ်စေလိမ့်မယ်လို့လည်း ဗိုလ်ချုပ် ဂွမ်မော် က သုံးသပ်ပါတယ်။

“တကယ်လို့ ဒီတိုက်ပွဲတွေက ပိုပြီး ပြင်းထန်လာမယ်ဆိုရင် ဆွေးနွေးမှုအပိုင်းမှာတော့ အနည်းနဲ့အများက ဟန့်တားမှုတွေ ဖြစ်နိုင်ပါတယ်။ ဒီဆွေးနွေးမှုတခုလုံးအပေါ်မှာ ယုံကြည်စိတ်ချစွာနဲ့ ရင်းရင်းနှီးနှီး တွေ့ဆုံဆွေးနွေးမှုအပိုင်းမှာ အများကြီး အားလျော့သွားစေပါတယ်။”

ဒီလ ၁၀ ရက်နေ့ကနေ ၁၈ ရက်နေ့အထိ ကချင်ပြည်နယ်နဲ့ ရှမ်းပြည်နယ်မြောက်ပိုင်းမှာ KIA နဲ့ အစိုးရတပ်တွေအကြား တိုက်ပွဲတွေ ပြင်းထန်ခဲ့သလို နောက်ပိုင်းမှာလည်း တအာင်းခေါ် ပလောင်လက်နက်ကိုင်တပ်နဲ့ အစိုးရတပ်အကြား တိုက်ပွဲတွေ ဆက်လက် ဖြစ်ပွားခဲ့ပါတယ်။ ဒီတိုက်ပွဲတွေဟာ အစိုးရနဲ့ တိုင်းရင်းသား လက်နက်ကိုင်အဖွဲ့ ၁၆ ဖွဲ့ပါဝင်တဲ့ တပြည်လုံး အပစ်အခတ်ရပ်စဲရေးဆိုင်ရာ ညှိနှိုင်းအဖွဲ့ NCCT တို့ အပစ်အခတ်ရပ်စဲရေး စာချုပ်မူကြမ်း ရေးဆွဲပြီး ၂ ရက်အကြာမှာ စတင်ခဲ့တာလည်း ဖြစ်ပါတယ်။

မြန်မာငြိမ်းချမ်းရေးစင်တာက အကြီးတန်းအကြံပေး ဦးလှမောင်ရွှေကတော့ KIO ရဲ့ ကမ်းလှမ်းချက်ကို လက်ခံရရှိကြောင်းနဲ့ အစိုးရဘက်က မကြာခင် အကြောင်းပြန်မှာဖြစ်ကြောင်း ပြောဆိုပါတယ်။

“ဒီနေ့ ကျနော်တို့ ၀န်ကြီးဦးအောင်မင်းဆီကို KIO ဘက်ကနေပြီးတော့ bilateral မြစ်ကြီးနားမှာဆွေးနွေးဖို့ပေါ့လေ အဆိုပြုတဲ့စာ ရောက်ပါတယ်ခင်ဗျ။ ၀န်ကြီးလည်း ဒီဟာကိုတော့ ပြည်ထောင်စု ငြိမ်းချမ်းရေး ဗဟိုကော်မတီနဲ့ လုပ်ငန်းကော်မတီမှာ သူ့အနေနဲ့လည်း ဒါကို ဆွေးနွေးပြီးတော့ အကြောင်းပြန်ပါလိမ့်မယ်ခင်ဗျ။ မနက်ဖြန်လောက်ဆိုရင်တော့ အကြောင်းပြန်နိုင်ပါလိမ့်မယ်။”

တချိန်တည်းမှာပဲ တပြည်လုံး အပစ်အခတ် ရပ်စဲရေးဆိုင်ရာ ညှိနှိုင်းအဖွဲ့ NCCT နဲ့ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီတို့ဟာ မေလ စတုတ္ထအပတ်အတွင်းမှာ ထပ်မံ တွေ့ဆုံနိုင်ကြောင်း ဦးလှမောင်ရွှေက ပြောပါတယ်။

“ဒီနေ့ ကျနော်တို့ဘက်က ရထားတဲ့ သတင်း အချက်အလက်အရဆိုရင်တော့ NCCT နဲ့ ကျနော်တို့ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီဘက်ကတော့ ဒီ စတုတ္ထပတ် အစလောက်မှာ တွေ့နိုင်ဖို့တော့ ဟို အတည်ပြုချက်တွေ ရပါပြီခင်ဗျ။ မေလ ဒီ ၁၉၊ ၂၀ လောက်ကို ဖြစ်ပါလိမ့်မယ်။ အခုကတော့ ကျနော်တို့ စာနဲ့တော့ နှစ်ဘက်စလုံး တရားဝင်တွေ ဆက်သွယ်ဖို့ လုပ်နေပါတယ်။ ဒါပေမဲ့ နှုတ်အားဖြင့်တော့ ဒီကနေ့နေ့လည်ပိုင်းက ရပါတယ်ခင်ဗျ။”

NCCT အဖွဲ့က ဒီကနေ့ ပြီးဆုံးတဲ့ ၂ ရက်ကြာ ဆွေးနွေးပွဲအပြီးမှာ အခုလို ပြန်ကြားတာဖြစ်ပါတယ်။ NCCT နဲ့ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီတို့ဟာ ဧပြီလ ၅ ရက်ကနေ ၈ ရက်အထိ ရန်ကုန်မှာ တွေ့ဆုံဆွေးနွေးပြီးနောက် မေလပထမပတ်မှာ ထပ်မံတွေ့ဆုံဖို့ သဘောတူထားတာ ဖြစ်ပါတယ်။

ဒီဆွေးနွေးပွဲပြီးနောက်မှာတော့ ကချင်နဲ့ ရှမ်းမြောက်ဒေသတွေမှာ တိုက်ပွဲတွေ ပြန်ဖြစ်ခဲ့တဲ့အပေါ် တိုင်းရင်းသား လက်နက်ကိုင်အဖွဲ့တွေဘက်က အပြင်းအထန် ကန့်ကွက်ပြီးတဲ့နောက် ဆွေးနွေးပွဲတွေ ရက်အကန့်အသတ်မရှိ ရွှေ့ဆိုင်းနိုင်ကြောင်း သတင်းတွေလည်း ထွက်ပေါ်ခဲ့ပါတယ်။

ကိုမိုးဇော် (ဗွီအိုအေမြန်မာပိုင်း)

KIA ဒုတိယစစ်ဦးစီးချုပ် ဗိုလ်ချုပ်ဂွမ်မော် အမေရိကန်ပြည်ထောင်စုကို လာရောက်စဉ် ဗွီအိုအေ (မြန်မာပိုင်း) နဲ့ သီးသန့်တွေ့ဆုံမေးမြန်းချိန် - 04-21-2014

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ