ရက္ခိုင့်တပ်မတော်နဲ့ ဆက်သွယ်မှု နောက်ထပ် ၁၁ ဦးကို ထောင်ဒဏ်တွေ ချမှတ်

ရက္ခိုင့်တပ်မတော် (AA) နဲ့ ဆက်သွယ်တယ်ဆိုပြီး တရားစွဲဆိုခံထားရသူ ၁၁ ဦးကို မတရားအသင်း ဆက်သွယ်မှုဥပဒေနဲ့ ရခိုင်ပြည်နယ် ကျောက်တော်မြို့နယ် တရားရုံးက မတ်လ ၃၁ ရက်နေ့က ထောင်ဒဏ်ချမှတ်လိုက်တဲ့ ၁၁ ဦးကို တွေ့ရစဉ်။ Photo: Kyaw Hlamyint (facebook)
ရက္ခိုင့်တပ်မတော် (AA) နဲ့ ဆက်သွယ်တယ်ဆိုပြီး တရားစွဲဆိုခံထားရသူ ၁၁ ဦးကို မတရားအသင်း ဆက်သွယ်မှုဥပဒေနဲ့ ရခိုင်ပြည်နယ် ကျောက်တော်မြို့နယ် တရားရုံးက ဒီနေ့ ထောင်ဒဏ် ၃ နှစ်ကနေ ၅ နှစ်အထိချမှတ်လိုက်ပါတယ်။

ဒီနေ့အမိန့်ချမှတ်ခံရသူတွေဟာ ကျောက်တော်၊ မြောက်ဦး၊ မင်းပြား၊ ရသေ့တောင် စတဲ့မြို့နယ်တွေက ဖြစ်တယ်လို့ အမိန့်ချမှတ်ခံရသူတွေကို ကူညီပေးနေတဲ့ ကျောက်တော်မြို့ခံ ဦးမောင်အေးစောက ပြောပါတယ်။

"AA ကတပ်ဖွဲ့ဝင်တွေလို့ သံသယနဲ့ဖမ်းဆီးထားတဲ့ လူတွေထဲက ကျနော်တို့ ဒီနေ့ ၁၁ ယောက်ကို ထောင် အသီးသီးချလိုက်လိုက်တာ တွေ့ရပါတယ်၊ ၅ နှစ်ချတဲ့လူက ၆ ယောက်ပါ၊ ၃ နှစ်က ၆ ယောက်ဆိုတော့ ၁၁ ယောက်ပါ၊ ကျောက်တော်၊ မြောက်ဦး၊ မင်းပြား၊ ရသေ့တောင်၊ ကျောက်ဖြူ အဲ့ဒီကလူတွေပါပါတယ်"

ဒီနေ့ အမိန့်ချမှတ်ခံရသူတွေထဲမှာ ပြီးခဲ့တဲ့နှစ် ဧပြီလက ကျောက်တော်မြို့နယ် ပီချောင်းဒေသမှာ ဖြစ်ပွားခဲ့တဲ့ တိုက်ပွဲတွေနဲ့ဆက်နွယ်ပြီး ဖမ်းဆီးခံထားရသူ ၄ ဦးပါဝင်သလို ပြီးခဲ့တဲ့နှစ် ဒီဇင်ဘာလကုန်ပိုင်းက ရမ်းချောင်းဒေသမှာဖြစ်ပွားခဲ့တဲ့ တိုက်ပွဲတွေနဲ့ဆက်နွယ်ပြီး ဖမ်းဆီးခံထားရသူ ၇ ဦး တို့ဖြစ်တယ်လို့ ပြောပါတယ်။

ကျောက်တော်မြို့နယ်မှာ အစိုးရတပ်မတော်နဲ့ ရက္ခိုင့်တပ်မတော် (AA) တို့ ဖြစ်ပွားခဲ့တဲ့ တိုက်ပွဲတွေနဲ့ ပတ်သက်ပြီး AA အဖွဲ့နဲ့ဆက်နွယ်ကြောင်း သံသယနဲ့ ဒေသခံအတော်များများ အဖမ်းခံရတာဖြစ်ပါတယ်။

ပြီးခဲ့တဲ့နှစ် ဒီဇင်ဘာလ ကုန်ပိုင်းက ရမ်းချောင်းဒေသမှာဖြစ်ပွားခဲ့တဲ့ တိုက်ပွဲတွေကြောင့် ဒေသခံ ၂ဝဝ ကျော်ဟာ နီးစပ်ရာကို ထွက်ပြေးခိုလှုံခဲ့ကြရပြီး ဒီနေ့အထိ မူလနေရပ်ကို မပြန်နိုင်ကြသေးပါဘူး။

ကျောက်တော်မြို့နယ်တရားရုံးမှာ တရားစွဲခံထားရသူ နောက်ထပ် ၁၃ ဦးလည်း မတရားအသင်းဆက်သွယ်မှု ပုဒ်မနဲ့ အမှုရင်ဆိုင်နေရဆဲဖြစ်ပါတယ်။

RFA Burmese
http://www.rfa.org/burmese

ရှမ်းပြည်မြောက်ပိုင်းမှာ တိုက်ပွဲတွေ ဆက်လက်ဖြစ်ပွား

ရှမ်းပြည်နယ်မြောက်ပိုင်းမှာ TNLA တအာင်းအမျိုးသား လွတ်မြောက်ရေး တပ်မတော်တပ်ဖွဲ့ဝင်တချို့ ကင်းလှည့်နေစဉ်။ Photo: Kan Thar/RFA
ရှမ်းပြည်နယ်မြောက်ပိုင်း ကျောက်မဲနဲ့ မန်တုံမြို့နယ်တွေမှာ အစိုးရတပ်မတော်နဲ့ တအာင်းပလောင် လွတ်မြောက်ရေးတပ်မတော် TNLA တို့ မနေ့က တိုက်ပွဲတွေ ဖြစ်ပွားခဲ့ပါတယ်။

မနေ့မနက်ပိုင်းက တိုက်ပွဲနှစ်ကြိမ်ဖြစ်ပွားခဲ့ပြီး ထိခိုက်ကျဆုံးမှုတွေ ရှိခဲ့တယ်လို့ TNLA သတင်းပြန်ကြားရေး တာဝန်ခံ ဗိုလ်မှူး မိုင်းအိုက်ကျော်က ပြောပါတယ်။

"မနေ့ကတော့ တိုက်ပွဲ ၂ နေရာ ပြန်ဖြစ်တယ်လေ၊ မနက် ၄ နာရီလောက်ကတော့ မန်တုံမြို့နယ် ခိုတပ်ကျေးရွာထဲမှာဖြစ်တယ်၊ အဲ့ဒီမှာက နှစ်ဖက်ထိခိုက်ကျဆုံးမှုရှိတယ်၊ ကျနော်တို့ အသေးစိပ်တော့ မသိရသေးဘူး၊ ရွာသား ၂ ယောက်ထိခိုက် ဒဏ်ရာရတာရှိတယ်၊ ၆ နာရီ ၅ဝ လောက်ကတော့ ကျောက်မဲ မြို့နယ် နမ့်ပါကျေးရွာအနီးမှာ တစ်ကြိမ်ပြန်ဖြစ်တယ်၊ အဲ့ဒီမှာတော့ ထိခိုက်ကျဆုံးမှုမရှိဘူး၊ အစိုးရ တပ်ကတော့ ၅ ဦးဒဏ်ရာရတယ်လို့တော့ သိရတယ်"

TNLA တပ်တွေဟာ မနေ့က မန်တုံမြို့နယ် ဟိုတပ်ကျေးရွာမှာ ရှိနေစဉ် အစိုးရတပ်နဲ့ တိုက်ပွဲဖြစ်ပွားခဲ့ တာဖြစ်ပြီး ဒေသခံရွာသား ၂ ဦး ဒဏ်ရာရရှိခဲ့တယ်လို့ ပြောပါတယ်။

TNLA အဖွဲ့ဟာ အစိုးရနဲ့ အပစ်အခတ်ရပ်စဲရေး NCA စာချုပ်မှာ လက်မှတ်မထိုးထားတဲ့ တိုင်းရင်းသား လက်နက်ကိုင်အဖွဲ့ တစ်ခုလည်း ဖြစ်ပါတယ်။

BBC Burmese
http://www.rfa.org/burmese
 

အိန္ဒိယနိုင်ငံ အရှေ့ပိုင်းတွင် ဂုံးကျော်တံတား ပြိုကျမှုကြောင့် သေဆုံးသူ ၂၀ ဦး နှင့် ဒဏ်ရာရရှိသူ၊ ၁၅၀ ဦး ရှိလာ

အိန္ဒိယနိုင်ငံ အရှေ့ပိုင်း ကာလကတ္တားမြို့ ၌ ပြိုကျခဲ့သည့် ဂုံးကျော်တံတားအားတွေ့ရစဉ်(ဆင်ဟွာ)
    နယူးဒေလီ၊ မတ် ၃၁ ရက် (ဆင်ဟွာ)

    အိန္ဒိယနိုင်ငံ အရှေ့ပိုင်း ကာလကတ္တားမြို့တွင် မတ်လ ၃၁ ရက်က ဆောက်လက်စ ဂုံးကျော် တံတားတစ်စင်း ပြိုကျမှုကြောင့် သေဆုံးသူ ၂၀ ဦး နှင့် ဒဏ်ရာရရှိသူ ၁၅၀ကျော် ထိရှိလာကြောင်း သိရသည်။

ရဲတပ်ဖွဲ့ဝင်တစ်ဦးက ပြိုကျခဲ့သည့် ဂုံးကျော်တံတားကို ကာလကတ္တားမြို့လယ်ရှိ လူစည်းကားရာအရပ်တွင် လွန်ခဲ့သည့် ခြောက်နှစ်ကတည်းက တည်ဆောက်နေခြင်းဖြစ်ပြီး ဒေသစံတော်ချိန် နေ့လည် ၁၂း၃၀နာရီ တွင်ပြိုကျခဲု့ကြာင်း၊ အပျက်အစီးများ အောက်မှ ရုပ်အလောင်း ၂၀ ကို ဆွဲထုတ်နိုင်ခဲ့ပြီး ဒဏ်ရာရှိသူ အများအပြားကို ကယ်ဆယ်ရေး ဝန်ထမ်းများက ကယ်ဆယ်ကာ နီးစပ်ရာ ဆေးရုံသို့ ပို့ဆောင် ထားကြောင်း၊ အချို့မှာ ဒဏ်ရာပြင်းထန်ပြီး သေဆုံးသူဦးရေ တိုးလာနိုင်ကြောင်း ပြောကြားခဲ့သည်။


သဘာဝ ဘေးအန္တရာယ် စီမံခန့်ခွဲရေး တာဝန်ရှိသူများ၊ ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ နှင့် ဒေသခံပြည်သူများပူးပေါင်း၍ အပျက်အစီးများအောက်တွင် အသက်ရှင်ကျန်ရစ်သူများကို အနံ့ခံခွေးများအသုံးပြု၍ ရှာဖွေလျက်ရှိကြောင်းသိရသည်။

အမေရိကန်နိုင်ငံသို့ ရောက်ရှိနေသည့် အိန္ဒိယဝန်ကြီးချုပ် နာရန်ဒရာ မိုဒီ က ကာလကတ္တားမြို့တွင် ဂုံးကျော်တံတားပြိုကျမှုအား ကြားသိရတဲ့အတွက် ထိတ်လန့်ဝမ်းနည်းရပါကြောင်း၊ ဂုံးတံတားပြိုကျမှုကြောင့် သေဆုံးသွားသူများ၏ မိသားစုဝင်များ နှင့် ထပ်တူ ဝမ်းနည်းရပါကြောင်း နှင့် ဒဏ်ရာရရှိသူများလည်း အမြန်ဆုံး ပြန်လည်ကောင်းမွန်လာစေရန် ဆုတောင်းပေးပါကြောင်း ၄င်း၏ တွစ်တာစာမျက်နှာ တွင် ဖော်ပြခဲ့သည်။

အိန္ဒိယနိုင်ငံ၌  စံချိန်စံညွှန်းမပြည့်မီသည့် ဆောက်လုပ်ရေးပစ္စည်းများ အသုံးပြု ခြင်းနှင့် လုံခြုံရေးစံညွှန်းများကို လိုက်နာမှုမရှိခြင်းတို့ကြောင့် ဂုံးကျော်တံတားပြိုကျမှုများ ဖြစ်လေ့ရှိကြောင်းသိရသည်။

(Xinhua)
http://www.xinhuamyanmar.com

ဘာသာရေးအစွန်းရောက် အဖွဲ့မှ ကာ့ဒ်တပ်ဖွဲ့ဝင် သုံးဦးကို လမ်းလယ်ခေါင်တွင် ခေါင်းဖြတ်သတ်


ဘဂ္ဂဒက် ၊ ၃၁-၃-၂၀၁၆

အီရတ်နိုင်ငံ၏ လူသွားလူလာ များပြားလှသည့် လမ်းတစ်ခုပေါ်တွင် ယမန်နေ့ နေ့လယ်ပိုင်းက ကာ့ဒ်တပ်ဖွဲ့ဝင် သုံးဦးကို ဘာသာရေး အစွန်းရောက် အဖွဲ့ဖြစ်သည့် ဒက်ရှ် အဖွဲ့က ခေါင်းဖြတ် သတ်ပြသည့် ဗီဒီယိုဖိုင် တစ်ခုကို အစ္စလာမ္မစ်နိုင်ငံ တစ်နိုင်ငံက ထုတ်လွှင့်ပြသ ခဲ့ကြောင်း Express သတင်းဌာနက ဖော်ပြခဲ့သည်။

၎င်း ဗီဒီယိုဖိုင်သည် ခြောက်မိနစ် ကြာပြီး ဘာသာရေး အစွန်းရောက် ဝါဒီတစ်ဦးက ကာ့ဒ်တပ်ဖွဲ့ဝင် သုံးဦးကို အီရတ်နိုင်ငံရှိ လမ်းတစ်ခုပေါ်တွင် လိမ္မော်ရောင် ဝတ်စုံ ဝတ်ဆင်ထားသည့် ဒက်ရှ် အဖွဲ့ဝင် ဘာသာရေး အစွန်းရောက် တစ်ဦးက ဓားကို ဝှေ့ရမ်းပြလျက် ရက်စက်စွာ ခေါင်းဖြတ် သတ်ခဲ့ခြင်းဖြစ်ပြီး ခေါင်းများကို လူသေ အလောင်းများ ပေါ်တွင်တင်ကာ ပြသခဲ့ခြင်း ဖြစ်သည်။

အီရတ် သတင်းမီဒီယာ များ၏ ဖော်ပြချက်အရ ကာ့ဒ်တပ်ဖွဲ့ဝင် သုံးဦးကို ရက်စက် ကြမ်းကြုတ်စွာ ခေါင်းဖြတ် သတ်ပြခဲ့သော ဘာသာရေး အစွန်းရောက် ဝါဒီသမားသည် အီရန်နိုင်ငံသား တစ်ဦး ဖြစ်ကြောင်း နှင့် ၄င်းက ဗီဒီယိုဖိုင်တွင် ''သင် အစ္စလာမ္မစ်နိုင်ငံ ကို ချုပ်ကိုင်နိုင်ခြင်း မပြုနိုင်'' ဟု ကင်မရာကို ကြည့်၍ ပြောခဲ့ကြောင်း သိရသည်။

အဆိုပါ ဗီဒီယိုဖိုင်သည် ဒက်ရှ် နှင့် ကာ့ဒ် တပ်ဖွဲ့ဝင်များ အကြား စစ်ရေး တိုက်ခိုက်ခြင်း အခြေအနေကို ပြသခြင်းဖြစ်သည့် အပြင် ကာ့ဒ်ဒေသ ဆိုင်ရာ အစိုးရအဖွဲ့ (KRG) သမ္မတ မာ ဆော့ဒ်ဗာဇာနီ နှင့် ဝန်ကြီးချုပ် နက်ခ်ချာဗန် ဗာဇာနီ တို့ကိုလည်း ခြိမ်းခြောက်ခြင်း ဖြစ်သည်။ ကာ့ဒ်တပ်ဖွဲ့ များသည် ISIS အဖွဲ့များ ချုပ်ကိုင်ထားသော မိုဆူလ်မြို့ကို ပြန်လည်ရယူရန် အီရတ်စစ်ဘက်၊ အမေရိကန် တို့နှင့် ပူးပေါင်းထား ပြီးဖြစ်သည်။

ယင်း ရက်စက် ကြမ်းကြုတ် သော ဗီဒီယိုဖိုင်သည် ရုရှား အထူးတပ်ဖွဲ့ များမှ အရာရှိတစ်ဦးက လေကြောင်းဖြင့် ISIS အစွန်းရောက် အဖွဲ့များကို တိုက်ခိုက်ရန် တောင်းဆိုပြီး နောက် ထွက်ပေါ် လာခဲ့ခြင်း ဖြစ်ကြောင်း သိရသည်။

PyiChitThar
http://www.pyichitthar.com
 

အသွင်သစ် နဲ့ အစိုးရသတင်းစာ

၂၀၁၆ခုနှစ် မတ်လ ၃၁ရက်နေ့ ကြေးမုံသတင်းစာ။

NLD ပါတီဦးဆောင်တဲ့ အစိုးရသစ်တက်လာပြီးနောက် ပထမဆုံးထွက်ပေါ်လာတဲ့ ဒီနေ့ထုတ် နိုင်ငံပိုင်သတင်းစာတွေဟာ အပြင်အဆင်ရော၊ သတင်းဖော်ပြချက်တွေ ပါ ပြောင်းလဲသွားတယ်ဆိုပြီး ပြည်သူတွေအကြားမှာ တအံတသြဖြစ်နေကြပါတယ်။ စာနယ်ဇင်း အသိုင်းအ၀ိုင်းကတော့ ဒီအပြောင်းအလဲကို ကြိုဆိုလိုက်ပြီး နိုင်ငံပိုင် သတင်းစာတွေ အနေနဲ့ ပြည်သူ့ဝန်ဆောင်မှုသတင်းစာစစ်စစ်ဖြစ်ဖို့နဲ့ ပုဂ္ဂလိက သတင်းစာတွေ ဆက်လက် တည်မြဲရေးကိုလည်း တဖက်တလမ်းက အားပေးသင့်တယ် လို့ ရှုမြင်ကြပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

ဒီကနေ့မနက်မိုးလင်းလိုက်တာနဲ့ ပြည်သူတွေအချင်းချင်းကြားမှာရော၊ Facebook အင်တာနက် စာမျက်နှာတွေပေါ်မှာပါ လူအများဆွေးနွေးတဲ့ အကြောင်းအရာ ကတော့အစိုးရပိုင် ကြေးမုံနဲ့ မြန်မာ့အလင်းသတင်းစာတွေရဲ့ အပြောင်းအလဲ ကိစ္စပဲဖြစ်ပါတယ်။

၂၀၁၆ခုနှစ် မတ်လ ၃၁ရက်နေ့ မြန်မာ့အလင်းသတင်းစာ။
ဒါကတော့ အစိုးရပိုင်သတင်းစာတွေမှာ တချိန်က အတိုက်အခံအင်အားစုလို့ ဆိုရမယ့် သူတွေရဲ့ အတွေးအမြင်တွေကို မထင်မှတ်ဘဲ မြန်မြန်ဆန်ဆန် တွေ့မြင် လိုက်ကြရတာပဲဖြစ်ပါတယ်။

ဒီကနေ့ သတင်းစာတွေရဲ့ အပြောင်းအလဲနဲ့ပတ်သက်ပြီး 7day နေ့စဉ်သတင်းစာက ပင်တိုင်ဆောင်းပါးရှင် ကိုဝင်းဇော်လတ်က အခုလို ပြောဆိုပါတယ်။

" ထင်သာမြင်သာရှိတာကတော့ သတင်းစာရဲ့ အပြင်အဆင်ပေါ့။ နောက်တခု ကတော့ ဒေါ်အောင်ဆန်းစုကြည်နဲ့ NLD ရဲ့ အောင်ပွဲပေါ့လေ။ လူထုအောင်ပွဲဆိုတာ သတင်းစာမျက်နှာဖုံးမှာ ဖော်ပြထားတာပေါ့။ နောက်တခုကတော့ ကိုမင်းကိုနိုင် ကဗျာတို့ ဆရာကြည်အောင်တို့ ကဗျာတွေ ဆောင်းပါးတွေ အဲ့တာမျိုးတွေ ပါလာတာပေါ့။ ပြောင်းလဲတဲ့ပြရုပ်ပဲလေ။ သင်္ကေတပဲ။"

သတင်းစာဆရာ ဆရာကျော်ရင်မြင့်ကလည်း သတင်းစာတွေရဲ့ အပြောင်းအလဲ ပတ်သက်ပြီး သူ့ရဲ့မျှော်လင့်ချက်ကိုလည်း အခုလို ဆက်ပြောပါတယ်။

" ပြည်သူလူထုကို ပိုပြီး အကျိုးပြုတဲ့ လမ်းကြောင်းကနေ ထုတ်ဝေလိမ့်မယ် လို့ မျှော်လင့်ပါတယ်။ တချိန်တုန်းက ဆရာဦးဝင်းတင်ရဲ့ စကားပါပဲ ပြည်သူတွေရဲ့ စကားပြန် ဆိုပြီးတော့ ပြည်သူပြောချင်တာကိုလည်း အစိုးရကို သတင်းစာက တဆင့်ပြောမယ်။ အစိုးရပြောချင်တာကိုလည်း ပြည်သူကို သတင်းစာကတဆင့် သတင်းပေးမယ်။ အဲ့ဒီ့လို ကြားထဲက ပေါင်းကူးအဖြစ်နဲ့ အဲ့သလို အသွင်သဏ္ဍာန် ကိုပြောင်းသွားလိမ့်မယ်လို့ မျှော်လင့်ပါတယ်ဗျ။"

သတင်းမီကောင်စီအဖွဲ့ဝင်တဦးဖြစ်တဲ့ ဦးမြင့်ကျော်ကလည်း အစိုးရပိုင် သတင်းစာတွေရဲ့ အပြောင်းအလဲ အပေါ်မှာ အခုလို သုံးသပ်ထားပါတယ်။

" ကျနော့်အမြင်မှာတော့လေ အရင်တုန်းက ဦးသိန်းစိန်အစိုးရကိ အဓိကထားပြီး ဖော်ပြတယ်။ အခုက NLD အစိုးရကို အဓိကထားပြီး ဖော်ပြတယ် ဆိုရင်တော့ အဲ့ဒီ့ဟာက အနှစ်သာရခြင်း မပြောင်းဘူးပေါ့။ အစိုးရပြောင်းလို့ အကြောင်းအရာပြောင်းသွားတဲ့သဘောပဲ ရှိမယ်။ တကယ်တမ်းကျတော့ သတင်းစာက အများပြည်သူဝန်ဆောင်တဲ့ သတင်းစာအဖြစ် အသွင်ပြောင်းချင်ရင်တော့ လူတွေ ရင်ဆိုင်နေရတဲ့ ဟာတွေ အဲ့တာတွေက တခါတလေမှာတော့ အစိုးရတွေရဲ့ ပေါ်လစီကို ဝေဖန်တာ လည်းဖြစ်ရင်ဖြစ်မယ်။ ဖော်ဆောင်မှုတွေကို ဝေဖန်တာလည်းဖြစ်ရင်ဖြစ်မယ်။ အဲ့တာမျိုးတွေကို ဖော်ပြနိုင်မှသာလျှင် တကယ် အနှစ်သာရ အားဖြင့် အများပြည်သူဝန်ဆောင်မှု မီဒီယာအဖြစ် ပြောင်းတာလို့ ယူဆလို့ရပါတယ်။"

အစိုးရပိုင် သတင်းစာတွေဟာ အရင်တည်းက ပုဂ္ဂလိကပိုင် သတင်းစာတွေ ထက် စောင်ရေအရရော၊ ဈေးကွက်အရပါ လွှမ်းမိုးထားရာက အခုလို လူအများ စိတ်ဝင်စားတဲ့ သတင်းအချက်အလက်တွေ ပိုမိုဖော်ပြပေးလာနိုင်မယ် ဆိုရင် စောင်ရေ အရ ပိုမိုတိုးတက်လာပြီး ပုဂ္ဂလိက သတင်းစာတွေအပေါ် ရိုက်ခတ်မှု ရှိလာနိုင်ကြောင်းလည်းလို့လည်း တွက်ဆကြပါတယ်။

ဆရာကျော်ရင်မြင့်ကတော့ ပုဂ္ဂလိက သတင်းစာတွေ ဖွံ့ဖြိုးရေးအတွက်လည်း အားပေးသင့်တယ်လို့ ထောက်ပြထားပါတယ်။

" ပုဂ္ဂလိကသတင်းစာတွေကလည်း ရှင်သန်ဖို့ လိုအပ်ပါတယ်။ ပြီးတော့ ပုဂ္ဂလိက သတင်းစာတွေ ပုံနှိပ်ထုတ်ဝေဖို့လို့အတွက် လိုအပ်မယ့် စက္ကူ ၊ မှင်၊ စက် စတဲ့အပိုင်းတွေမှာ ကောက်တဲ့အခွန်တွေကို လုံးဝ နီးပါး မကောက်ပဲနဲ့ ဆို ဒါတွေဟာ စာပေရေရှည်တည်တံ့ဖို့ အားပေးရာလည်း ကျပါတယ်။ အဲ့လို လုပ်စေချင်ပါတယ်။ အခွန်အကောက်တွေပေါ့နော်။ အစိုးရအနေနဲ့လည်း ပုဂ္ဂလိကဖွံ့ဖြိုးလို့အတွက်လည်း အားပေးဖို့ တာဝန်ရှိတယ်ဆိုတာကိုတော့ မမေ့လျော့စေချင်ပါဘူး။  "

လက်ရှိအစိုးရသစ်မှာ ပြန်ကြားရေးဝန်ကြီးအဖြစ် စာရေးဆရာ၊ သတင်းစာဆရာ ဦးဖေမြင့်က တာဝန်ယူဆောင်ရွက်တာဖြစ်ပါတယ်။ အရင်အစိုးရရဲ့ ပြန်ကြားရေး ၀န်ကြီး ဦးရဲထွဋ်ကတော့ အယ်ဒီတာ မူဝါဒသာ ပိုပြီး လွတ်လပ်ခွင့်ရ ရင်ကြေးမုံနဲ့ မြန်မာ့အလင်းက ၀န်ထမ်းများဟာ ပြောင်းလဲနုိုင်စွမ်းရှိကြောင်းနဲ့ အယ်ဒီတာဆိုင်ရာမူဝါဒသစ်နဲ့ဆိုရင် ကြေးမုံ နဲ့ မြန်မာ့အလင်းဟာ လက်ရှိ အခြေအနေထက် စောင်ရေအရရော၊ စာနယ်ဇင်း အရည်အသွေးအရရော အများကြီးတိုးတက်လာမယ်လို့ ယုံကြည်ကြောင်း သူရဲ့ Facebook စာမျက်နှာမှာ မှတ်ချက်ပေးထားပါတယ်။

မိုးဇော် / ဗွီအိုအေ (မြန်မာပိုင်း)
http://burmese.voanews.com

ဗီယက်နမ် လွှတ်တော်၌ ပထမဆုံး အမျိုးသမီး ဥက္ကဋ္ဌအား ရွေးချယ်တင်မြှောက်

ဗီယက်နမ်နိုင်ငံ အမျိုးသားလွှတ်တော်၏ ပထမဆုံး အမျိုးသမီး လွှတ်တော် ဥက္ကဋ္ဌ ငုယင် သီကင်မ် ငန် ကျမ်းသစ္စာကျိန်ဆိုနေစဉ် (ဆင်ဟွာ)
    ဟနွိုင်း၊ မတ် ၃၁ ရက် (ဆင်ဟွာ)

    ဗီယက်နမ်နိုင်ငံ အမျိုးသားလွှတ်တော် (National Assembly= NA) က ပထမဆုံး အမျိုးသမီး လွှတ်တော် ဥက္ကဋ္ဌ အဖြစ် ငုယင် သီကင်မ် ငန် (Nguyen Thi Kim Ngan) အား မြို့တော် ဟနွိုင်း၌ မတ်လ ၃၀ ရက်က ခန့်အပ် လိုက်သည်။

၁၃ ကြိမ်မြောက် အမျိုးသားလွှတ်တော်၏ ၁၁ ကြိမ်မြောက် အစည်းအဝေးတွင် လျှို့ဝှက်ဆန္ဒမဲ ပေးခဲ့သူ ၄၈၁ မဲအနက် ထောက်ခံမဲ ၄၇၂ မဲရရှိခဲ့သည့် ငန်သည် အမျိုးသားလွှတ်တော် ဥက္ကဋ္ဌအဖြစ် ရွေးချယ်ခံရကာ ကျမ်း သစ္စာ ကျိန်ဆိုခဲ့သည်။

ဒါ့အပြင် ငန်သည် အမျိုးသား ရွေးကောက်ပွဲ ကောင်စီ ဥက္ကဋ္ဌ ရာထူးကိုလည်း လျှို့ဝှက် ဆန္ဒမဲ ၄၇၇ ရှိသည့် အနက် ထောက်ခံမဲ ၄၆၇ မဲဖြင့် ရွေးကောက်ခံခဲ့ရသည်။

လက်ရှိတွင် ငန်သည် အမျိုးသားလွှတ်တော် ဒုတိယ ဥက္ကဋ္ဌအဖြစ် ၂၀၁၁ ခုနှစ် ဇူလိုင်လကစတင် တာဝန်ထမ်း ဆောင်နေခဲ့သည်။

မတ်လ ၃၀ ရက် အစောပိုင်းက ဗီယက်နမ် ကွန်မြူနစ်ပါတီ (CPVCC) နှင့် CPVCC ပေါ်လစ်ဗျူရိုတို့က အမျိုးသား လွှတ်တော် ဥက္ကဋ္ဌနေရာအတွက် ငန် တစ်ဦးတည်းအား အမည်စာရင်း တင်သွင်းခဲ့ကြောင်း သိရသည်။

(Xinhua)
http://www.xinhuamyanmar.com

တိုင်းဒေသကြီးနှင့် ပြည်နယ် ဝန်ကြီးချုပ်များ ကတိသစ္စာပြု

ရန်ကုန်တိုင်းဒေသကြီး အစိုးရအဖွဲ့ ဝန်ကြီးချုပ် ဦးဖြိုးမင်းသိန်းအား တွေ့ရစဉ် (ဆင်ဟွာ)
    ရန်ကုန်၊ မတ် ၃၁ ရက် (ဆင်ဟွာ)

    ယနေ့ကျင်းပသော တိုင်းဒေသကြီး နှင့် ပြည်နယ် လွှတ်တော် အစည်းအဝေးများတွင် တိုင်းဒေသကြီးနှင့် ပြည်နယ် ဝန်ကြီးချုပ်များ အဖြစ် ခန့်အပ်ခံရသူများ ကျမ်းသစ္စာ ကျိန်ဆိုခဲ့သည်။

ကချင်ပြည်နယ် ဝန်ကြီးချုပ် အဖြစ် မြစ်ကြီးနား မဲဆန္ဒနယ်အမှတ် (၁) မှ ဒေါက်တာခက်အောင်၊ ကယားပြည်နယ် ဝန်ကြီးချုပ်အဖြစ် မယ်စဲ့ မဲဆန္ဒနယ်အမှတ် (၂) မှ ဦးအယ်လ်ဖောင်းရှို၊ ကရင်ပြည်နယ် ဝန်ကြီးချုပ် အဖြစ် ဖားအံ မဲဆန္ဒနယ်အမှတ် (၁) မှ ဒေါ်နန်းခင်ထွေးမြင့်၊ ချင်းပြည်နယ် ဝန်ကြီးချုပ်အဖြစ် ဖလမ်း မဲဆန္ဒနယ်အမှတ် (၂) မှ ဦးဆလိုင်းလျန်လွယ်၊ စစ်ကိုင်းတိုင်း ဒေသကြီးဝန် ကြီးချုပ်အဖြစ် ရွှေဘို မဲဆန္ဒနယ်အမှတ် (၂) မှ ဒေါက်တာမြင့်နိုင်၊ တနင်္သာရီ တိုင်းဒေသကြီး ဝန်ကြီးချုပ်အဖြစ် သရက်ချောင်း မဲဆန္ဒနယ်အမှတ် (၁) မှ ဒေါက်တာလဲ့လဲ့မော်၊ ပဲခူးတိုင်းဒေသကြီး ဝန်ကြီးချုပ်အဖြစ် ရေတာရှည် မဲဆန္ဒနယ်အမှတ် (၂) မှ ဦးဝင်းသိန်း၊ မကွေးတိုင်းဒေသကြီး ဝန်ကြီးချုပ်အဖြစ် ပွင့်ဖြူ မဲဆန္ဒနယ်အမှတ် (၁) မှ ဒေါက်တာအောင်မိုးညို၊ မန္တလေးတိုင်းဒေသကြီး ဝန်ကြီးချုပ်အဖြစ် အမရပူရ မဲဆန္ဒနယ် အမှတ် (၁) မှ ဒေါက်တာဇော်မြင့်မောင်၊ မွန်ပြည်နယ်ဝန်ကြီးချုပ် အဖြစ် ဘီးလင်း မဲဆန္ဒနယ် အမှတ် (၂) မှ ဦးမင်းမင်းဦး၊ ရခိုင်ပြည်နယ် ဝန်ကြီးချုပ်အဖြစ် ဂွမဲဆန္ဒနယ်အမှတ် (၂) မှ ဦးညီပု၊ ရန်ကုန်တိုင်းဒေသကြီး ဝန်ကြီးချုပ်အဖြစ် လှည်းကူး မဲဆန္ဒနယ် အမှတ် (၂) မှ ဦးဖြိုးမင်းသိန်း၊ ရှမ်းပြည်နယ် ဝန်ကြီးချုပ်အဖြစ် လားရှိုး မဲဆန္ဒနယ်အမှတ် (၁) မှ ဒေါက်တာလင်းထွဋ်၊ ဧရာဝတီတိုင်းဒေသကြီး ဝန်ကြီးချုပ်အဖြစ် ကျူံပျော် မဲဆန္ဒနယ်အမှတ် (၂) မှ ဦးမန်းဂျော်နီတို့မှ ယနေ့တွင် တိုင်းဒေသကြီး နှင့် ပြည်နယ်လွှတ်တော်များတွင် ဝန်ကြီးချုပ်အဖြစ် တာဝန်ယူရန် ကျမ်းသစ္စာ ကျိန်ဆိုခဲ့သည်။

ဖွဲ့စည်းပုံ အခြေခံဥပဒေအရ နိုင်ငံတော်သမ္မတသည် တိုင်းဒေသကြီး သို့မဟုတ် ပြည်နယ်လွှတ်တော်၏ သဘောတူညီချက် ရရှိပြီးသည့် လွှတ်တော်ကိုယ်စားလှယ်အား တိုင်းဒေသကြီး သို့မဟုတ် ပြည်နယ်ဝန်ကြီးချုပ် အဖြစ် ခန့်အပ် တာဝန်ပေးအပ်ရမည် ဖြစ်ကြောင်း၊ တိုင်းဒေသကြီး သို့မဟုတ် ပြည်နယ်လွှတ်တော် ဝန်ကြီးချုပ် အရည်အချင်းများနှင့် မပြည့်စုံကြောင်း အထင်အရှားမပြနိုင်ပါက တိုင်းဒေသကြီး သို့မဟုတ် ပြည်နယ်လွှတ်တော်သည် နိုင်ငံတော်သမ္မတက အမည်စာရင်း တင်သွင်းသည့် လွှတ်တော် ကိုယ်စားလှယ်အား တိုင်းဒေသကြီး သို့မဟုတ် ပြည်နယ်ဝန်ကြီးချုပ်အဖြစ် ခန့်အပ်တာဝန်ပေးရန် ငြင်းပယ်ခွင့် မရှိစေရဟု ပါရှိသည်။

(Xinhua)
http://www.xinhuamyanmar.com

ဧရာဝတီမြစ်ရေ ရုတ်တရက်မြင့် တက်လာနိုင်ဟု သတိပေးထား


မိုးလေ၀သနဲ့ ဇလဗေဒဌာနက ဧရာဝတီမြစ်ရေဟာ မြန်မာနိုင်ငံအထက်ပိုင်း ကချင်ပြည်နယ်၊ စစ်ကိုင်းတိုင်းနဲ့မန္တလေးတိုင်းဒေသကြီးတွေမှာရုတ်တရက် မြင့်တက်လာနိုင်တယ်လို့ အောက်ပါအတိုင်း သတိပေးထုတ်ပြန်လိုက်ပါတယ်။

၂၀၁၆ခုနှစ်၊ မတ်လ (၃၁) ရက်၊ (၁၃း၀၀) နာရီအချိန် ထုတ်ပြန်ချက်ကို အောက်ပါအတိုင်း ထုတ်ပြန်ထားပါတယ်...

ဧရာဝတီမြစ်ရေသည် ၂၀၁၆ခုနှစ်၊ မတ်လ (၃၀)ရက်နေ့တွင် မြစ်ကြီးနား မြို့(၁၈)နာရီအတွင်း (၆)ပေခွဲခန့် မြင့်တက်ခဲ့ပြီး (၃၁.၃.၂၀၁၆)ရက်နေ့ (၁၂း၃၀)အချိန်တိုင်းထွာချက်အရ(၂-ပေခန့်) ပြန်လည်ကျဆင်းခဲ့ပြီး ဖြစ်ပါသည်။

အဆိုပါမြစ်ရေသည်ဗန်းမော်မြို့တွင်(၁)ရက်အတွင်း(၂)ပေခန့် မြင့်တက်ခဲ့သည်ကိုတွေ့ရှိရပါသည်။

ဧရာဝတီမြစ်အထက်ပိုင်းတွင် မြင့်တက်ခဲ့သော မြစ်ရေများသည် နောက်(၁) ရက်မှ (၂)ရက် အတွင်း ဗန်းမော်မြို့နှင့် ကသာမြို့တို့တွင် (၂)ပေမှ (၅) ပေခန့်၊ နောက် (၃)ရက်မှ (၆) ရက်အတွင်း မန္တလေးမြို့၊ စစ်ကိုင်းမြို့၊ မြင်းမူမြို့၊ ပခုက္ကူ မြို့နှင့် ညောင်ဦးမြို့တို့တွင် (၂)ပေခွဲမှ (၃)ပေခွဲခန့် လက်ရှိရေမှတ်များ အထက် မြင့်တက်လာနိုင်ပါသည်။

သို့ဖြစ်ပါ၍ မြစ်ကြောင်းများအတွင်း သွားလာနေကြမည့် ရေယာဉ်၊ လှေ၊ သင်္ဘော များအနေ ဖြင့် ဂရုပြုသင့်ပါကြောင်းနှင့် မြစ်ရေနည်းစဉ် သဲသောင်ခုံများတွင်စိုက်ပျိုးနေထိုင်ကြသူများအနေဖြင့်လည်း မြစ်ရေရုတ်တရက် တိုးလာ နိုင်မှုကို ဂရုပြုနေထိုင်သင့်ပါကြောင်း အကြံပြုအပ်ပါသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

ထိုင်းနိုင်ငံရောက် မြန်မာရွှေ့ပြောင်းလုပ်သားများ အလုပ်သမားအခွင့်အရေး ချိုးဖောက်ခံရမှု အများဆုံးဖြစ်နေ


 ထိုင်းနိုင်ငံရောက် ရွှေ့ပြောင်းမြန်မာ အလုပ်သမားများတွင် နှစ်နိုင်ငံ သဘောတူ စာချုပ်များဖြင့် သွားရောက်အလုပ်လုပ်ကိုင်နေသည့် မြန်မာလုပ်သားများမှာ အလုပ်သမား အခွင့်အရေး ချိုးဖောက်ခံရမှုများရှိနေ
ကြောင်းထိုင်းရောက် ရွှေ့ပြောင်းမြန်မာအခွင့်အရေး ကွန်ရက်မှ သိရှိရသည်။

ထိုင်းလုပ်ငန်းရှင်အများစုသည် စာချုပ်ထဲတွင် ပါဝင်ထားသည့် အလုပ်သမားအခွင့်အရေးများကို လိုက်နာမှု မရှိဘဲ ချိုးဖောက်နေကြောင်း သိရသည်။

"အဓိက ပြသ၁နာက လုပ်ငန်းခွင်မှာ ထိခိုက်ဒဏ်ရာ ရတာတွေရှိခဲ့ရင် လျော်ကြေးငွေမပေးတာတွေ၊ ဆေးရုံဆေး ခန်းတွေမှာ ဆေးကုသခွင့် မပေးတာတွေကလည်း ဒီထိုင်းနိုင်ငံထဲမှာ ထုနဲ့ထည်အများကြီးရှိပါတယ်။ အလုပ်သမားတွေ ကိုယ်တိုင်က ကျွန်တော်တို့အဖွဲ့အစည်းကို တိုင်တန်းလာခဲ့ရင် ထိုင်းလုပ်ငန်းရှင်တွေ
ကို ထိထိရောက်ရောက် အရေးယူဆောင်ရွက်သွားမှာပါ" ဟု ထိုင်းရောက်ရွှေ့ပြောင်း မြန်မာအခွင့်အရေးကွန်ရက်မှ မှုခင်းတာဝန်ခံ ကိုဇော်က ပြောသည်။

မြန်မာနိုင်ငံမှ တရားဝင်အလုပ်လုပ်ကိုင်ခွင့်ဖြင့် ထိုင်းနိုင်ငံသို့ သွားရောက်အလုပ်လုပ်ကိုင်နေသည့် ရွှေ့ပြောင်း မြန်မာများသည်နှစ်နိုင်ငံလူကုန်ကူးသူများ၏ လိမ်လည်လှည့်ဖျားမှုခံနေရပြီး အလုပ်လုပ်ခွင့် ဗီဇာအတုများဖြင့် လိမ်လည်၍ ထိုင်းနိုင်ငံဘက်သို့ ပို့ဆောင်နေမှုများရှိနေကြောင်း ၎င်းက ဆက်ပြောသည်။

"ကျွန်မဆိုရင် MOU စာချုပ်နဲ့လာတာပါ။ ဟိုရောက်တော့ ထိုင်းအလုပ်ရှင်က ဒီစာချုပ်က အတုလို့ ပြောပါတယ်။ ဒါနဲ့ ကျွန်မကို ထိုင်းအလုပ်ရှင်က အလုပ်လုပ်ခွင့် မပေးခဲ့ပါဘူး။ မလာခင်ကဆိုရင် အိမ်မှာရှိတဲ့ လယ်ယာမြေရောင်းလာခဲ့ရတာပါ။ဆယ်သိန်းကျော်လောက်ကုန်ပါတယ်။ မြန်မာဘက်က အေးဂျင့်အတော်များများက လူလိမ်တွေ များပါတယ်"ဟု ထိုင်းနိုင်ငံ တာ့ခ်ခရိုင်၊ မဲဆောက်မြို့တွင် စားပွဲထိုးအလုပ် လုပ်ကိုင်နေသည့် မအေးအေးက ပြောသည်။

ထိုင်းနိုင်ငံတွင် တရားဝင်ဗီဇာဖြင့်နေ ထိုင်သူ ရွှေ့ပြောင်းမြန်မာလေးသန်းကျော် ရှိသည့်အနက် တစ်သန်းကျော်မှာအလုပ်သမား အခွင့်အရေး ချိုးဖောက်ခံနေရကြောင်း ထိုင်းရောက် ရွှေ့ပြောင်းမြန်မာများထံမှ သိရသည်။

သတင်း - MMK
Photo - theguardian
The Ladies News
https://www.facebook.com/News.TheLadies

မန္တလေးအစိုးရအဖွဲ့ တာဝန်လွှဲပြောင်းရေး အဆင်မပြေ

မန္တလေးတိုင်းဝန်ကြီးချုပ်အသစ် ဒေါက်တာ ဇော်မြင့်မောင် ကို တွေ့ရစဉ်။ Photo: Hset Paing Toe/RFA
ဝန်ကြီးချုပ်ဟောင်း ဦးရဲမြင့် ဦးဆောင်တဲ့ မန္တလေးတိုင်းဒေသကြီး အစိုးရအဖွဲ့က မနေ့က တာဝန်လွှဲပြောင်းပေးဖို့ ရှိရာမှာ ဝန်ကြီးချုပ်အသစ် ဒေါက်တာ ဇော်မြင့်မောင်ကို တာဝန်လွှဲပြောင်းပေးတာ မလုပ်ခဲ့ဘူး လို့ ဒေါက်တာ ဇော်မြင့်မောင်က ပြောပါတယ်။

ဒီကနေ့ မန္တလေးတိုင်းဝန်ကြီးချုပ်အဖြစ် တိုင်းလွှတ်တော်မှာ ကတိသစ္စာပြုပြီးမှာ ဝန်ကြီးချုပ်ဒေါက် တာ ဇော်မြင့်မောင် က ပြောတာဖြစ်ပါတယ်။

"မနက်ဒီ မှာ ၉ နာရီ ကျနော်လာထိုင်တယ်၊ အလုပ်ရှိတယ်၊ အဲ့ဒီအချိန်မှာ ဘယ်လိုလဲ အလွှဲအပြောင်း ရှိတယ်ဆိုတာ ဝန်ကြီးချုပ်မရှိဘူးတဲ့၊ လာမှမဟုတ်ဘူး၊ အလွှဲအပြောင်းမရှိဘူးလို့ ပြောတာ တိုင်းဒေသ ကြီးအဖွဲ့ဝင် အတွင်းရေးမှူး၊ အဲ့ဒါနဲ့ကျနော်တို့ငြိမ်နေတယ်၊ ပြီးတော့ သတင်းဘာထွက်လာသလဲဆိုတော့ ကျနော်တို့ မလာဘူးဆိုတာကိုပြောတယ်၊ အဲ့ဒါမှားတယ်၊ ကျနော်တို့ထိုင်စောင့်နေတယ်၊ အလွှဲအပြောင်း ရှိတယ်ဆိုပြီး ကျနော့်ဆီကို တရားဝင်စာပို့ရင်ပို့ မပို့ရင် ကျနော့်ကို ဖုန်းဆက်ပြီး ပြောလို့ရှိရင်ရတယ်၊ ကျနော်ဒီမှာရှိနေတာ၊ ဒါပေမဲ့ မပြောဘူး၊ အဲ့ဒါကြောင့် အလွှဲအပြောင်းပြီးတဲ့အခါ မနေ့က မနက်ပိုင်းကို လာတယ်၊ ကျနော်တို့ အစည်းအဝေးပြီးတဲ့အချိန် တိုင်းဒေသကြီးအစိုးရအဖွဲ့ အတွင်းရေးမှူး ဦးဝင်းရှိန် လွှဲပြောင်းပြီးသွားပါပြီတဲ့ လာပြီးပြောတယ်၊ အဲ့တော့ ကျနော်သွားပြီးတော့ ရုံးထိုင်တယ်"

မနေ့က ဒေါက်တာဇော်မြင့်မောင်ဟာ မန္တလေးတိုင်း အစိုးရအဖွဲ့ရုံးကို ရောက်ရှိချိန်မှာ နိုင်ငံတော်သမ္မတရုံးက ညွှန်ကြားထားတာ မရှိတဲ့အတွက် တာဝန်လွှဲပြောင်းရေး အခမ်းအနား မရှိဘူးလို့ အစိုးရအဖွဲ့အတွင်းရေးမှူး က ပြောတယ်လို့ ဒေါက်တာ ဇော်မြင့်မောင်က ပြောပါတယ်။

ဒေါက်တာဇော်မြင့်မောင်က ဒီကနေ့ ကတိသစ္စာပြုရာမှာ သူ့အစိုးရအဖွဲ့ကို လွှတ်တော်ကလည်း ထိန်းကျောင်းပေး ဖို့ ပြောခဲ့ပါတယ်။

အလားတူ ရန်ကုန်၊ မန္တလေး၊ ကချင် နဲ့ မွန်ပြည်နယ် လွှတ်တော်တွေမှာလည်း သက်ဆိုင်ရာ အစိုးရအဖွဲ့ ဝန်ကြီးချုပ်တွေ ကတိသစ္စာပြုခဲ့ကြပါတယ်။

တိုင်းဒေသကြီးနဲ့ ပြည်နယ်ဝန်ကြီးချုပ်တွေဟာ ဝန်ကြီးဌာနအရေအတွက်နဲ့ ဝန်ကြီးအမည်စာရင်းတွေကို မကြာမီရက်ပိုင်းအတွင်း သက်ဆိုင်ရာလွှတ်တော်တွေမှာ တင်ပြကြရမှာပါ။

မနေ့က ရခိုင်ပြည်နယ် ဝန်ကြီးချုပ်အဖြစ် အတည်ပြုပြီးဖြစ်တဲ့ ဦးညီပုဟာ မနက် ဖြန်ကျင်းပမယ့် လွှတ်တော်မှာ ကတိသစ္စာပြုမှာ ဖြစ်ပါတယ်။

RFA Burmese
http://www.rfa.org/burmese

အိန္ဒိယနိုင်ငံ ကာလကတ္တားတွင် ဆောက်လုပ်နေဆဲ ကုန်းကျော်တံတား ပြိုကျရာမှ ၁၅ ဦးသေ


နိရဉ္စရာ၊ မတ်လ ၃၁

အိန္ဒိယနိုင်ငံ ကာလကတ္တားမြို့တွင် ဆောက်လုပ်နေဆဲ ကုန်းကျော် တံတားတစ်စင်း ပြိုကျရာမှ လူ ၁၅ ဦးသေဆုံးပြီး ၁၅၀ ကျော် အပျက်အစီးကြားထဲတွင် ပိတ်မိနေကြောင်း သိရသည်။

၎င်းကုန်းကျော်တံတားသည် ကာကတ္တားမြို့ မြောက်ဘက်တွင် တည်ဆောက်နေသော တံတား တစ်စင်းဖြစ်ပြီး ယနေ့ နေ့လယ်က ပြိုကျသွားခြင်း ဖြစ်သည်။

ကယ်ဆယ်ရေး လုပ်ငန်းများကို ဆောင်ရွက်နေပြီး ယခုအချိန်ထိ လူပေါင်း ၁၅၀ ခန့်မှာ အပျက်အစီးကြားထဲတွင် ပိမိနေသည်ဟု အာဏာပိုင်များက ပြောသည်။

Arakan State
https://www.facebook.com/NarinjaraNews

မင်းပြား စွန်ရဲတွင် မီးလောင်


နိရဉ္စရာ၊ မတ်လ ၃၁

ရခိုင်ပြည်နယ် မင်းပြားမြို့နယ် စွန်ရဲရွာတွင် ယနေ့ နေ့လယ် တစ်နာရီ ၀န်းကျင်က မီးလောင်ရာ အိမ်သုံးလုံး မီးထဲပါသွားပြီး နှစ်လုံးကို မီးမကူးရအောင် ဖြိုဖျက်လိုက်ရသည်ဟု သိရသည်။

ဦးစိန်ညောင်အိမ်မှ မီးစလောင်ခြင်း ဖြစ်ပြီး တစ်ခြားနေ အိမ်နှစ် လုံးကိုပါ ကူးစက် လောင်ကျွမ်းခြင်း ဖြစ်ကြောင်း မီးသတ်ရာတွင် ကိုယ်တိုင်ပါဝင်သူ စွန်ရဲရွာသား ကိုကျော်ကျော်က ပြောသည်။

မီးလောင်ရခြင်းမှာ မီးဖို အထက် အိမ်မျက်နာကြက်တွင် ချိတ်ထားသော ခမောက် မီးဖိုပေါ် ပြုတ်ကျရာမှ ခမောက်ကို မီးလောင်ရာမှ စတင် မီးကူးစက် လောင်ကျွမ်းခြင်း ဖြစ်ကြောင်း သူက ဆက်လက် ပြောကြားသည်။

မီလောင်ခံရရာတွင် ဦးစိန်ညောင်၏ ဓနိမိုး ထရံကာ အိမ်အပါအ၀င် တစ်ခြား ဓနိမိုး ထရံကာ အိမ်တစ်လုံးနှင့် သွပ်မိုးပျဉ်ထာင် အိမ်တစ်လုံး တို့ ပါဝင်သွားခဲ့သည်ဟု ကိုကျော်ကျော်က ပြောသည်။

နေ့လယ် ၂ နာရီခွဲတွင် ရွာသားများ ၀ိုင်းဝန်းငြိမ်းသတ်ရာမှ မီးညွှန်းကျိုးကာ ငြိမ်းသတ်သွားသည်ဟု သတင်းရရှိသည်။

မင်းပြားရဲစခန်းသို့ ဖုန်းဆက် မေးမြန်းရာ တာဝန်ကျ ရဲအရာရှိက မီးလောင်သည်မှာ ဟုတ်မှန်ကြောင်း၊ သို့သော်လည်း အိမ်အမိုးစွန်လောက်သာ လောင်ကျွမ်းသွားခဲ့သည်ဟု ပြောဆိုသည်။

(စွန်ရဲရွာ မီးလောင်မြင်ကွင်း/ ဓာတ်ပုံ- နိရဉ္စရာ)
ရွှေရအောင် (တောင်ကုတ်)
Arakan State
https://www.facebook.com/NarinjaraNews

မူဆယ်၌ တပ်ဆင်ပြီး အသင့်မိုင်း(၂)လုံး၊ ပစ္စတိုတစ်လက်နှင့် ကျည်ဆံများ အား တရားခံနှင့်အတူ ဖမ်းဆီးရမိ


လားရှိုး၊ မတ် ၃၁

ရှမ်းပြည်နယ်မြောက်ပိုင်း မူဆယ်မြို့၌ မတ်လ ၃၀ ရက် ည ၁၁နာရီအချိန်က မူဆယ်မြို့၊ကောင်းမှုတုံရပ်ကွက်၊ပြည်ထောင်စုလမ်းမကြီးနှင့် ပန်လုံ(၄) လမ်း ထိပ် အမှောင် ရိပ်တွင်ဖောက်ခွဲဖျက်ဆီးရေးပစ္စည်းများနှင့်အတူ ဖမ်းဆီးရမိ ခဲ့ကြောင်းသိရှိရသည်။


ဖြစ်စဉ်မှာ ဒုရပရ(လားရှိုး) နယ်မြေအတွင်း သင်္ကြန်အကြိုကာလ မှုခင်းကြိုတင် ကာကွယ်ရေးအတွက် ဒုရပရမှူး(လားရှိုး) ၏ ကြီးကြပ်ကွပ်ကဲ မှုဖြင့် လှည့်ကင်း၊ရပ်ကင်း၊ဝပ်ကင်း၊ပိတ်ဆို့ စစ်ဆေးခြင်း များအားနေ့စဉ်ဆောင်ရွက်လျက်ရှိနေပြီး ရဲအုပ်စိုင်းရှုအောင် ဦးစီးအဖွဲ့နှင့် ရဲအရာခံဘိုဘိုဟန် ဦးစီးအဖွဲ့တို့သည် မတ်လ ၃၀ ရက် ည ၁၁နာရီအချိန်က မူဆယ်မြို့၊ကောင်းမှုတုံရပ်ကွက်၊ပြည်ထောင်စုလမ်းမကြီးနှင့် ပန်လုံ(၄)လမ်း ထိပ် အမှောင်ရိပ်တွင် အမျိုးသားတစ်ဦးအား မသင်္ကာဖွယ်တွေ့ရှိသဖြင့် စစ်ဆေးရန်ဆောင်ရွက်စဉ် အမည်မသိသူမှ ထွက်ပြေးသွားသဖြင့် လိုက်လံဖမ်းဆီးခဲ့ရာ ပန်လုံ(၄)လမ်းနှင့် (၃)လမ်းထောင့် ခမ(LG-884525) တွင် ဖမ်းဆီးရမိ၍ စစ်ဆေးရာ သန်းအောင် (၄၈)နှစ် ၊မပတ (မမှတ်မိ) အမှတ်(၃၂)၊ပန်လုံ(၄)လမ်း၊ကောင်းမှုတုံရပ်ကွက်၊ မူဆယ်မြို့နေ သူဖြစ်ကြောင်း သိရှိရပြီး ၄င်းကိုင်ဆောင်ထားသော လက်ကိုင် အိတ်အတွင်းမှ CZECH REPUBLIC စာတမ်းပါ အသားရောင်အောက်ခံ တွင် အညိုရောင်ပါ(ပြောက်ကျားကွက်) A-01311 နံပါတ်ပါ 9mm ပစ္စတို (၁)လက်၊ ကျည်(၁၅)တောင့်ပါ ကျည်အိမ်(၁)ခု၊ အလျား (၇.၅)လက်မ၊ အနံ(၄.၅)လက်မ၊ ထု(၁.၅)လက်မခန့်ရှိ ယမ်းမှုန့်များထည့် ထားသော ကော်ချပ်ပြား(၂)ခု၊ အရှည် (၂.၅)လက်မခန့် ဒီတိုနီတာ(၂)ခု (၂ လက်မခန့်ရှိ ဖြူ/နီ ဝါယာကြိုးတပ်လျက်)၊ အလျား(၅)လက်မ၊ အနံ(၃) လက်မ ခန့်ရှိ အမည်းရောင် ဘက်ထရီကတ်(၂)ခု၊(၆ လက်မခန့်ရှိ ဖြူ/နီ ဝါယာကြိုးတပ်လျက်)၊ YK 3000 စာတမ်းပါ အရှည် (၆)လက်မခန့် ရှိ အဖြူရောင် ရီမု (၁)ခု (Panasonic 9V ဓါတ်ခဲ တစ်လုံးတပ်လျက်) တို့အား ဖမ်းဆီးရမိခဲ့သည်။

သန်အောင်အား စစ်ဆေးခဲ့ရာ လွန်ခဲ့သည့် နယုန်လ(နေ့ရက် မမှတ်မိ)ခန့် က SSA ဝမ်ဟိုင်း အဖွဲ့မှ လူသစ်စုဆောင်းခြင်းခံရပြီး ဝမ်ဟိုင်း ဌာနချုပ်တွင် လက်နက်ငယ်ပစ်ခတ်ခြင်း သင်တန်းအား (၂)လခန့် တက်ရောက်ခဲ့ကြောင်း၊ သင်တန်းတွင် နယ်ပေါင်းစုံမှ သင်တန်းသား (၂၀၀)ဦးခန့်ရှိကြောင်း သင်တန်းအား SSA ဝမ်ဟိုင်း အဖွဲ့မှ( စိုင်းနော်အပါ အဝင်-၆ဦး) (အမည်၊ ရာထူး၊ အဆင့် မသိ) တို့မှ ပို့ချခဲ့ပြီးနောက် ၄င်းအဖွဲ့၏ ပေးအပ်သည့် တာဝန်နှင့်အမိန့်များကို လိုက်နာရန်မှာကြား၍ နေရပ် အသီးသီး သို့ပြန် လည်စေလွှတ်ခဲ့ကြောင်း၊ သင်တန်းတက်ရောက်စဉ် ကိုင်ဆောင်သည့် ဖုန်းအမှတ်များကို ဆက်သွယ်ရန် ပေးအပ်ခဲ့ရကြောင်းနှင့် အချိန်မရွေး ဆက်သွယ်နိုင်ရေးအတွက် ၄င်းကိုင်ဆောင်သည့် ၀၉ ၄၅၂၀၀၅၁၉၇ အားပေးအပ်ခဲ့ပြီး အသင့်ထားရှိရန်မှာကြားခဲ့ကြောင်း သန်အောင်သည် ၄င်းနေအိမ်သို့ ပြန်လည်ရောက်ရှိပြီး ပန်လုံ(၄)လမ်းရှိ 97 ဆပ်ပြာစက်ရုံ အနီးရှိ ၄င်းပိုင် (၁)ဧကခန့်ရှိခြံတွင် နာနတ်စိုက်ခြင်း လုပ်ငန်းလုပ်ကိုင် ခဲ့ကြောင်းနှင့် SSA ဝမ်ဟိုင်း အဖွဲ့မှ ဆက်သွယ်လာမှု မရှိပဲ မတ်လ ၃၀ ရက် ညနေ ၄ နာရီ ခန့်အချိန်တွင် SSA ဝမ်ဟိုင်း အဖွဲ့မှ ဟုပြောဆိုပြီး ၄င်းထံ ဖုန်းဖြင့် စွမ်စော်ရပ်ကွက်ရှိ ဘာသာပေါင်းစုံ သုသာန်သို့လာရန် ဆက်သွယ်လာသဖြင့် သွားရောက်ခဲ့ရာမီးသဂြိုလ် စက် အဝင်လမ်းဆုံတွင် ဝမ်ဟိုင်းဌာနချုပ်၌ မြင်တွေ့ဘူးသည့် (အဆင့်၊အမည်၊ မသိ) SSA ဝမ်ဟိုင်း တပ်ဖွဲ့ဝင် အားတွေ့ဆုံခဲ့ပြီး ဖမ်းဆီးရမိ တပ်ဆင်ပြီးမိုင်း (၂)ခု၊ သေနတ်(၁) လက်နှင့်ကျည်တို့အားပေးအပ်ကာ ယနေ့ည မူဆယ်မြို့ လမ်းမကြီးပေါ် တွင် ဖောက်ခွဲဖျက်ဆီးရန်၊ဖောက်ခွဲမှု မပြုလုပ်ပါက ထိထိရောက်ရောက် အရေးယူမည်ဟုပြောဆိုခဲ့ကြောင်း၊ဖမ်းဆီးရမိသည့် မိုင်းနှင့်လက်နက်ခဲယမ်း များပေးအပ်ခဲ့သည့် SSA ဝမ်ဟိုင်းမှ အမည်မသိသူမှာ ISUZU အဖြူရောင် (နံပါတ် မသိ) မော်တော်ယာဉ်ဖြင့် မူဆယ်မြို့နယ်၊မန့်မိုင်ရွာဘက်သို့ ထွက်ခွာသွားကြောင်းနှင့် မတ်လ ၃၀ ရက် ည၁၀နာရီခွဲ အချိန်ခန့်တွင် ပန်လုံ(၄)လမ်းနှင့် ပြည်ထောင်စုလမ်းဆုံတွင် ဖောက်ခွဲဖျက်ဆီးရန် နေအိမ်မှ ထွက်လာစဉ် လှည့်ကင်းအဖွဲ့နှင့်တွေ့၍ဖမ်းဆီးခြင်းခံခဲ့ရပြီး သန်းအောင်အား ရဲအုပ် စိုင်းရှုအောင်မှ တရားလိုပြုလုပ်တိုင်တန်းသဖြင့် မြို့မရဲစခန်း(မူဆယ်)(ပ)၁၃၂/၁၆၊ရှမ်း လက်နက်ဥပဒေ ၁၂(က)ဖြင့် အမှုဖွင့်အရေးယူထားရှိပြီး အမှုအားရဲအုပ် မျိုးထွန်းလွင်မှ စစ်ဆေးလျက်ရှိကြောင်းနှင့် ၁၇(၁)ဖြင့် အမှုဖွင့် အရေးယူနိုင်ရေးဆောင်ရွက်လျက်ရှိကြောင်းသိရှိရသည်။

ဟန်ဌေး (လားရှိုး)
MOI Webportal Myanmar
https://www.facebook.com/MOIWebportalMyanmar

မြန်မာအမျိုးသမီးတစ်ဦး ၆လအရွယ်ကလေးကိုရောင်းစား


မနေ့မတ်လ ၃၀ရက်နေ့ နံနက် ၉နာရီလောက်တွင် ထိုင်းနိုင်ငံ ရနောင်းမြို့ဈေးထဲတွင် မြန်မာအမျိုးသမီးကြီးတစ်ဦး ဒေါ်မြသက် အသက် ၅၉နှစ်ဆိုသူက ၆လအရွယ်ကလေးမလေးကိုချည်ပြီး ကလေးကိုဈေးထဲမှာ ဘတ်ငွေ ၃၀၀၀၀ နဲ့ ထိုင်းဈေးသည်တွေဆီမှာ လိုက်ရောင်းပေးနေပါတယ်။

 ၎င်းကလေးဟာ သူမမြေးမလေးပဲ သူမသား၏သမီးအစစ်ပဲလို့ပြောပါတယ် ထိုင်းနိုင်ငံမှာမွေးထားကြောင်း မွေးစာရင်းလည်းရှိတယ်၊ ကလေးဘ၀တိုးတက်ကောင်းမွန်စေချင်လို့ဆိုပြီးပြောပါတယ်။

 ထိုင်းဈေးသည်အမျိုးသမီးတစ်ဦးက ၀ယ်မည့်အသွင်ဆောင်ပြီး ၁၀၀၀၀ နဲ့ရောင်းမလားလို့ဈေးစစ်ကြည့်တဲ့အခါ မရပါဘူး ၃၀၀၀၀ မှရမယ် ဈေးလျှော့လို့မရဘူးပြောပါတယ်။ ဒီတစ်ယောက်မက ရောင်းစားဖို့ ၂ယောက် ၃ယောက်ကျန်ရှိသေးတယ်လို့လည်းပြောပါတယ်။

 ဒီလိုဈေးကိုင်ပြီးရောင်းချခြင်းကို သုံးသပ်ရမယ်ဆိုရင် ကလေးဘ၀၏ကောင်းစားရေးအတွက်မဟုတ်ပဲ ကလေးလူကုန်ကူးများဖြစ်လေမလားလို့ပတ်ဝန်းကျင်လူတွေကထင်မြင်ယူဆကြသည့်အတွက် ရဲစခန်းသို့တိုင်ကြားလိုက်ပါတယ်။

 ကလေးနဲ့မိခင်စောင့်ရှောက်ရေးအဖွဲ့လည်းလာရောက်စစ်ဆေးမေးမြန်းခဲ့ပါတယ် ဒေါ်မြသက်၏ဖြေကြားချက်ကတော့ ဖြေကြားချက်တစ်ခါနဲ့တခါလွဲမှားတာရှိပြီး သူမမြေး ၂ယောက်ရှိတယ်ပြောလိုက် ၃ယောက်ရှိတယ်ပြောလိုက်နဲ့ မသင်္ကာမှုတွေ ပိုဖြစ်စေတဲ့အတွက် ရနောင်းမြို့တဘက်ကမ်း မြန်မာဘက်ခြမ်း ကော့သောင်းမြို့ရှိ မြန်မာတာဝန်ရှိထံ ဆက်သွယ်အကြောင်းကြား လိုက်ပါတယ်။

 မြန်မာဘက်ကလည်းဤတစ်ရက်နှစ်ရက်အတွင်းမှာ ကော့သောင်းမြို့ဈေးရုံမှာ ကလေးပျောက်ဆုံးနေတယ်လို့ ပြောပါတယ်။ ၎င်းပျောက်ဆုံးသွားသောကလေးနဲ့ ဤဒေါ်မြသက်ရောင်းစားနေသောကလးက တစ်ဦးတည်းဟုတ်မဟုတ်စစ်ဆေးရန် ဒေါ်မြသက်ကိုထိုင်းဘက်ခြမ်းရနှောင်းမြို့မှာချုပ်နှောင်ထားပြီး မြန်မာဘက်ခြမ်းကတာဝန်ရှိတွေ လာရောက်ခေါ်ဆောင်သွားဖို့ စောင့်ဆိုင်းနေပါတယ်။ မြန်မာဘက်ခြမ်းကိုပဲလွဲအပ်ပေးမှာဖြစ်ပြီး မြန်မာနိုင်ငံကဥပဒေအရ အရေးယူဆောင်ရွက်သွားမှာဖြစ်တယ်လို့ သိရပါတယ်။

Thai News Agency
MTF Channel
https://www.facebook.com/mtftv

သူရဦးရွှေမန်း ဦးဆောင်တဲ့ ကော်မတီက ဥပဒေ ၁၄၂ ခုကို ပြင်ဆင်ဖို့  အကြံပြုချက် ထုတ်ပြန်


သို့
နာယက၊ ပြည်ထောင်စုလွှတ်တော်
ဥက္ကဋ္ဌ၊ ပြည်သူ့လွှတ်တော်
ဥက္ကဋ္ဌ၊ အမျိုးသားလွှတ်တော်

အကြောင်းအရာ။ သုံးသပ်အကြံပြုချက်များတင်ပြခြင်း

၁။ ဒုတိယအကြိမ် ပြည်သူ့လွှတ်တော်ကာလအတွင်း ၂၀၁၆ ခုနှစ်၊ဖေဖော်ဝါရီလ ၄ ရက်နေ့တွင် ပြည်သူ့လွှတ်တော်၊ ဥပဒေရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင်ကို စတင်ဖွဲ့စည်းခဲ့ပြီးနောက် ထိုကော်မရှင်ကို ပြည်သူ့လွှတ်တော်မှ ၂၀၁၆ ခုနှစ်၊ မတ်လ ၁ ရက်နေ့တွင် ရုပ်သိမ်းကာ ပြည်ထောင်စုလွှတ်တော်၊ ဥပဒေ ရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေးကော်မရှင်ကို ၂၀၁၆ ခုနှစ်၊ မတ်လ ၁ ရက်နေ့တွင် ဆက်လက်ဖွဲ့စည်းခဲ့ပါသည်။

၂။ ကော်မရှင်သည် ဤကာလအတွင်း နိုင်ငံတော်နှင့် နိုင်ငံသားအကျိုးစီးပွား အတွက် ဘာသာရပ်အသီးသီးနှင့် အစိုးရအဖွဲ့အသစ်လက်ထက်တွင် မဖြစ်မနေ ကြုံတွေ့ဖြေရှင်း ဆောင်ရွက်ရမည့် အဓိကကိစ္စရပ်များကို လေ့လာဆန်းစစ်သုံးသပ်၊ ဆွေးနွေးညှိနှိုင်းပြီး ပြည်သူ့လွှတ်တော်ဥက္ကဋ္ဌ၊ အမျိုးသားလွှတ်တော်ဥက္ကဋ္ဌ၊ အမျိုးသား ဒီမိုကရေစီအဖွဲ့ချုပ်ပါတီ ဥက္ကဋ္ဌတို့အား ရှင်းလင်းတင်ပြခဲ့ပြီးနောက် ထိုအဖွဲ့များ၏ ပြန်လည်ဆွေးနွေးချက်များအပေါ် ပြန်လည်စိစစ် ဖြည့်စွက်ဆောင်ရွက်ပြီး ကော်မရှင်၏ နောက်ဆုံးသုံးသပ်အကြံပြုချက်များကို လိုအပ်သလို ဆက်လက်ဆောင်ရွက်နိုင်ပါရန် ကဏ္ဍအလိုက် သုံးသပ်အကြံပြုချက်များနှင့်အတူ ပူးတွဲပေးပို့တင်ပြအပ်ပါသည်-
(က) တည်ဆဲဥပဒေများအနက်မှ ပြင်ဆင်ရန်၊ ပယ်ဖျက်ရန်၊ ရုပ်သိမ်းရန်၊ အသစ် ပြန်လည်ရေးဆွဲရန် လိုအပ်ကြောင်း စိစစ်တွေ့ရှိရသည့် ဥပဒေ ၁၄၂ ခု တွေ့ရှိရပြီးဖြစ်ကာ ဆက်လက် လေ့လာဆောင်ရွက်သွားရန် လိုအပ်မည်ဖြစ်ပါသည်။ တည်ဆဲဥပဒေသာရှိပြီး၊ နည်းဥပဒေမရှိခြင်း၊ နည်းဥပဒေရှိပြီး အမိန့်ကြော်ငြာစာများ မထုတ်ပြန်နိုင်သေးခြင်း၊ ထုတ်ပြန်ပြီးသော အမိန့်ကြော်ငြာစာများမှာလည်း မူလဥပဒေနှင့် ကိုက်ညီမှုမရှိခြင်း၊ လက်တွေ့လုပ်ဆောင်၍မရခြင်း စသော ကိစ္စရပ်များ အပေါ် သုံးသပ်ချက်၊ ပူးတွဲ(က)
(ခ) ၂၀၁၆-၂၀၁၇ ခု ဘဏ္ဍာရေးနှစ် ဘတ်ဂျက်ဥပဒေ၊ စီမံကိန်းဥပဒေများကို ၂၀၁၆ ခုနှစ် ဇန်နဝါရီလ ၂၅ ရက်နေ့တွင် ကျင်းပပြုလုပ်သော ပထမအကြိမ် ပြည်ထောင်စုလွှတ်တော်တွင် ပြဋ္ဌာန်းခဲ့ပြီးဖြစ်သော်လည်း အချိန်လု၍ အချိန်မီ ပြီးစီးအောင် ဆောင်ရွက်ခဲ့ရသောကြောင့် ပြည်သူ့ဘဏ္ဍာငွေများ စနစ်တကျ ထိရောက်မှန်ကန်စွာ အသုံးပြုနိုင်ရန် လက်ရှိ ဒုတိယအကြိမ် ပြည်ထောင်စုလွှတ်တော်သည် အမျိုးသား ဒီမိုကရေစီအဖွဲ့ချုပ်အစိုးရသစ်နှင့် ဆွေးနွေးညှိနှိုင်းပြီး ဆောင်ရွက်သင့်သော လုပ်ငန်းများ၊ စီမံကိန်းများကို စိစစ်နိုင်ရန် အမျိုးသား ဒီမိုကရေစီအဖွဲ့ချုပ်အစိုးရဖွဲ့စည်းပြီးနောက် ဆောလျင်စွာ ပြန်လည် စိစစ် သုံးသပ်ရန်အတွက် အစိုးရနှင့်လွှတ်တော်မှ ဆောင်ရွက်ရန် တင်ပြချက်၊ ပူးတွဲ(ခ)
(ဂ) ပထမအကြိမ်၊ လွှတ်တော်ကာလအတွင်း ထုတ်ပြန်ခဲ့ပြီးဖြစ်သော ၂၀၁၆ ခုနှစ်၊ ပြည်ထောင်စု၏ အခွန်အကောက်ဥပဒေနှင့်စပ်လျဉ်း၍ ကော်မရှင် အဖွဲ့ဝင် များသည် ဘဏ္ဍာရေးဝန်ကြီးဌာနမှ တာဝန်ရှိသူများနှင့် လေးကြိမ်တိုင် တွေ့ဆုံဆွေးနွေး လေ့လာဆန်းစစ် ညှိနှိုင်း အဖြေရှာ သုံးသပ်ခဲ့ပြီး ထိုတွေ့ရှိသုံးသပ် အကြံပြုချက်အတိုင်း ပြင်ဆင်ရန် လိုသော အခွန်ဥပဒေကို ပြည်ထောင်စုအစိုးရအဖွဲ့နှင့် ပြည်ထောင်စု လွှတ်တော်က ပြန်လည်ပြင်ဆင်ခြင်းနှင့် လိုက်နာဆောင်ရွက်ရမည့် ကိစ္စရပ်များကို အခွန်ထမ်းပြည်သူနှင့် အခွန်ဦးစီးဌာနတို့မှနည်းလမ်းတကျ ဆောင်ရွက်ခြင်းဖြင့် နိုင်ငံတော်နှင့် ပြည်သူများအတွက် များစွာ အကျိုးဖြစ်ထွန်းမည် ဖြစ်သည်။ ထိုသို့အခွန်ထမ်းပြည်သူများနှင့် အခွန်ဦးစီးဌာနမှ ဝန်ထမ်းများအနေဖြင့် တိကျစွာ လိုက်နာဆောင်ရွက် နိုင်ရေးအတွက် စံပြုထားသော လုပ်ထုံးလုပ်နည်းများ (Standard Operation Procedure ) များ ထုတ်ပြန်နိုင်ရေးကိစ္စ၊ ပူးတွဲ(ဂ)
(ဃ) အစိုးရအဖွဲ့အသစ်လက်ထက်တွင် မလွှဲမသွေကြုံတွေ့ဆောင်ရွက်ရမည့် တင်ဒါခေါ်ယူခြင်း ကြီးကြပ်ခြင်းဆိုင်ရာ ကိစ္စရပ်များအတွက် ထုတ်ပြန်ထားပြီးဖြစ်သော ဥပဒေ၊ နည်းဥပဒေ၊ အမိန့်ကြော်ငြာစာ၊ ညွှန်ကြားချက်များအတိုင်း တိကျစွာလိုက်နာဆောင်ရွက်နိုင်ရေးနှင့် ထိုသို့ဆောင်ရွက်နိုင်ရေး ကြီးကြပ်ဆောင်ရွက်ပေးရေးကိစ္စများအပေါ်သုံးသပ်ချက်၊ ပူးတွဲ(ဃ)
(င) တောင်သူလယ်သမား အခွင့်အရေးကာကွယ်ရေးနှင့် အကျိုးစီးပွား မြှင့်တင်ရေးဥပဒေ ထုတ်ပြန်ပြီးသော်လည်း သက်ဆိုင်ရာဌာနများမှ နည်းဥပဒေ၊ အမိန့်ကြော်ငြာစာများ ထုတ်ပြန်နိုင်ခြင်း မရှိသေးခြင်း တို့ကြောင့် တောင်သူလယ်သမားများအတွက် ဥပဒေပါအတိုင်း သင့်တင့်မျှတ လုံလောက်သော ၂၀၁၆ ခုနှစ်၊ မိုးရာသီစိုက်ပျိုးစရိတ် အချိန်မီ ထုတ်ချေးနိုင်ရေးနှင့် လိုအပ်သော နည်းပညာပံ့ပိုးပေးရေး၊ ထွက်ရှိသော သီးနှံများကို ဈေးကွက်နှင့် သင့်တင့်မျှတသော ဈေးနှုန်းမရရှိနိုင်ခြင်း၊ သိမ်းဆည်းခံ လယ်ယာမြေများနှင့် ပတ်သက်၍ လည်း ယခုတိုင်ပြီးပြတ်မှုမရှိဘဲ ကြန့်ကြာနေသဖြင့် သက်ဆိုင်ရာ ပြည်ထောင်စုအစိုးရအဖွဲ့ ဌာနဆိုင်ရာများမှ အလေးဂရုပြု၍ ဆောင်ရွက်ပေးပါက အဆင်ပြေနိုင်ကြောင်း သုံးသပ်ချက်များ၊ ပူးတွဲ(င)
(စ) ရုံးဌာနအသီးသီးရှိ အချို့သောရုံးအသုံးစရိတ်များမှာ အမှန်ကုန်ကျငွေများ ကို ခွင့်ပြုပေးထားခြင်း မရှိသည့်အတွက် လုပ်ငန်းဖြစ်မြောက် အဆင်ပြေစေရန်ဝန်ထမ်းများမှ မလျော်မကန်သောနည်းဖြင့် ဆောင်ရွက်လျက်ရှိမှု များကြောင့် ဝန်ထမ်းများ၏ ဂုဏ်သိက္ခာကျဆင်းခြင်း၊ ပြည်သူများ၏ ယုံကြည်မှုကျဆင်း လျော့နည်းလာခြင်းများ ဖြစ်ပေါ်နေပါသည်။ သို့ဖြစ်၍ အမှန်တကယ် ကုန်ကျငွေများကို စိစစ်ပြီးခွင့်ပြုထုတ်ပေးနိုင်ရေး သုံးသပ်၍ လိုအပ်သလို ဆောင်ရွက်သွားရန် ကိစ္စများ။ ပူးတွဲ(စ)

၃။ အထက်အပိုဒ် ၂ အပိုဒ်ခွဲ(က)(ခ)(ဂ)(ဃ)(င)(စ) ပါ ကိစ္စရပ်များမှာ မဖြစ်မနေ ဆောင်ရွက်သင့်သောကိစ္စရပ်များဖြစ်၍ အမျိုးသားဒီမိုကရေစီအဖွဲ့ချုပ်အစိုးရအဖွဲ့အသစ် စတင်တာဝန်ယူရသောအချိန်မှပင် ထိရောက်လျင်မြန်စွာ ဆောင်ရွက်နိုင်မှသာ ပြည်သူများ၏ မျှော်လင့်ထားသောအပြောင်းအလဲနှင့် နိုင်ငံတော်နှင့် နိုင်ငံသားများ အကျိုးစီးပွားရရှိလာနိုင်မည် ဖြစ်ပါသည်။

၎။ သို့ရာတွင် ဆောင်ရွက်ရမည့်လုပ်ငန်းများအားလုံးမှာ အချိန်တိုအတွင်း ပြီးမြောက်အောင် ဆောင်ရွက်နိုင်သောကိစ္စများရှိသလို အချိန်ယူ ဆောင်ရွက်ရမည့် ကိစ္စရပ်များလည်း ရှိသည့်အတွက် ဦးစားပေးအစီအစဉ်များ ချမှတ်၍ စနစ်တကျ ထိရောက်စွာ ဆောင်ရွက်သွားရန် လိုအပ်ကြောင်းသုံးသပ်တင်ပြပါသည်။
ပူးတွဲပါ- ကော်မရှင်၏သုံးသပ်ချက်(၆)စောင်

သူရဦးရွှေမန်း
ဥက္ကဋ္ဌ
မိတ္တူကို
ပြည်ထောင်စုအစိုးရအဖွဲ့ရုံး
ဒေါ်အောင်ဆန်းစုကြည်
ရုံးလက်ခံ

Thura U Shwe Mann
https://www.facebook.com/HEThuraUShweMann





ကြံစိုက်ခင်းရေသွင်းမြောင်းပေါ်တွင် မျက်နှာ၌ သွေးများပေကျံလျက် လူသေဆုံးမှုဖြစ်ပွား


နောင်ချိုမြို့နယ် ကံကြီးကျေး ရွာအုပ်စု သရက်ကုန်းကျေးရွာ၌ ယခုလ ၂၈ ရက် နံနက် ၈နာရီခန့်က ဒေါ်ထွေး၏ကြံခင်းအနီးတွင် နောင်ချိုမြို့နယ် ကံကြီးကျေးရွာ အုပ်စု သရက်ကုန်းကျေးရွာနေထိုင်သူ ဝင်းမင်းသန်းအသက်(၂၇နှစ်) သည် ကြံစိုက်ခင်းရေသွင်းမြောင်း ပေါင်ပေါ်တွင် ဦးခေါင်းငယ်ထိပ်ပေါက်ပြဲ၊ မျက်နှာဒဏ်ရာရရှိပြီး သေဆုံးနေကြောင်း သတင်းရရှိ သဖြင့် နောင်ချိုမြို့မရဲစခန်းတာဝန် မှူးနှင့် သက်သေများက သွားရောက်ကြည့်ရှုစစ်ဆေးကြသည်။

ရာအိမ်မှူး ဦးကျော်ဝင်းကို မေးမြန်းစုံစမ်းရာသေဆုံးသူဝင်းမင်း သန်းက အရက်ကိုစွဲမြဲစွာသောက်လေ့ရှိပြီး ကြံစိုက်ခင်းထဲတွင် ညအိပ်ရေသွင်း လုပ်ငန်းလုပ်ကိုင် သူဖြစ်ကာ မသေဆုံးမီသုံးရက်ခန့်က ကိုယ့်ကိုယ်ကိုယ် သတ်သေ ချင်သည်ဟုပြောဆိုသံကြားကြောင်း ပြောသည်။

နောင်ချိုမြို့မရဲစခန်းက ဓမ္မတာ အတိုင်းသေဆုံးခြင်း ဟုတ် မဟုတ် သေမှုသေခင်းအမှတ်စဉ် ၄/၂ဝ၁၆ ဖြင့် အမှုဖွင့်ထားကြောင်း သိရသည်။

စိုးစိုး(နောင်ချို)
The Union Daily
http://uniondaily.net

သောက်ရေအိုးအတွင်း လယ်ယာသုံး ပိုးသတ်ဆေးခပ်သည့် ချွေးမဖြစ်သူအား တိုင်တန်းအမှုဖွင့်


Wednesday, 30 March 2016

စလင်းမြို့နယ် မြောက်ဇီးကုန်း ကျေးရွာနေ အမျိုးသမီးတစ်ဦးက ၄င်း၏ချွေးမဖြစ်သူအား နေအိမ်ရှိ သောက်ရေအိုးအတွင်း လယ်ယာ သုံးပိုးသတ်ဆေးခပ်ခဲ့မှုနှင့်ပတ်သက်၍ တိုင်တန်းအမှုဖွင့်ခဲ့မှု ယမန်နေ့ ကဖြစ်ပွားခဲ့ကြောင်း နယ်မြေခံ ရဲစခန်းမှ သိရသည်။

ဖြစ်စဉ်မှာ ဒေါ်အေးနီ မြောက်ဇီးကုန်းကျေးရွာ စလင်းမြို့နယ်နေ သူသည် ယမန်နေ့ နံနက် ၉နာရီက ယာခင်းမှ နေအိမ်သို့ပြန်ရောက်စဉ် သားဖြစ်သူ ကျော်ဇင်ဝင်း အသက်ခုနစ်နှစ်သည် နေအိမ်ရှိ သောက်ရေအိုးမှ ရေသောက်ပြီး ''အမေ ဘာစော်နံမှန်းမသိဘူး'' ဟုပြော၍ ဒေါ်အေးနီက ရေအိုး အတွင်းငုံ့ကြည့်ရာ သောက်ရေအိုး အတွင်းတွင် အဖြူရောင်အမှုန့်များ မြင်တွေ့၍ ရေပုံးအတွင်း သွန်ပြီး စစ်ဆေးရာ အမြှုပ်များထလာ သဖြင့် အိမ်နီးချင်းဒေါ်စန်းမြိုင်နှင့် ကျော်ဇင်ဝင်းတို့အား ပြသ၍ မေးမြန်းကြည့်ရာ နံနက်ပိုင်းက သောက်ရေအိုးအနီး ဒေါ်အေးနီ၏ ချွေးမဖြစ်သူ တစ်ရွာတည်းနေ မရွှေလင်း (၂၉နှစ်) လာရောက်ခဲ့ ကြောင်း ပြောပြသည်။

အဆိုပါရေများ သောက်မိ၍ မူးဝေအော့အန်သော ဒေါ်အေးနီ၏ ခင်ပွန်း ဦးသိန်းဦးနှင့် သားဖြစ်သူ ကျော်ဇင်ဝင်းတို့အား ဆင်ဖြူကျွန်း တိုက်နယ်ဆေးရုံသို့ ပို့ခဲ့ရသည်။ ယင်းဖြစ်စဉ်နှင့်ပတ်သက်၍ လူကို သေစေရန်ကြံရွယ်၍ သောက်ရေ အိုးအတွင်း လယ်ယာသုံးပိုးသတ် ဆေးခပ်သူ မရွှေလင်းအား အရေး ယူပေးရန် ဒေါ်အေးနီက တရားလို ပြုတိုင်ကြားခဲ့သောကြောင့် စလင်း မြို့နယ်ဆင်ဖြူကျွန်းနယ်မြေရဲစခန်း မှ (ပ)၁၄/၂ဝ၁၆ ပုဒ်မ ၃ဝ၇ ဖြင့် အမှုဖွင့်ထားကြောင်း သိရသည်။

ကျော်ဇေယျ(မကွေး)
The Union Daily
http://uniondaily.net

ထွက်တော်မူ နန်းကခွာသလား၊ အောင်စေပိုင်စေလား


မတ်လ ၃၀ ရက်နေ့ ကြံ့ခိုင်ဖွံ့ဖြိုးရေးအစိုးရဟောင်းနှင့် NLD အစိုးရသစ်တို့ အာဏာလွှဲပြောင်း အခမ်းအနား ကျင်းပကြောင်းကို စကိုင်းနက် ရုပ်သံအစီအစဉ်မှာ ပြသည်။ သမ္မတအိမ်တော်မှာ သမ္မတဟောင်းက သမ္မတ သစ်ကို အာဏာလွှဲပြောင်းမည့် အစီအစဉ်မှာတော့ နောက်ခံတီးလုံးကလည်း တီးထားတော့ ရှေးသီချင်းတပုဒ်၊ နှစ်ပုဒ်ကိုသွားသတိရမိသည်။ တပုဒ်ကတော့ ထိုအထဲကစာသားကို လူအများ မကြာခဏအသုံးပြုနေကြသည့် ယသော်ဓရာပတ်ပျိုး ဖြစ်သည်။ သိဒ္ဓတ္ထမင်းသား တောထွက်ခန်းကို သီဆိုထားသော ပတ်ပျိုးဖြစ်သည်။

''ထွက်တော်မူ . . . နန်းကခွာတယ် . . . မောင် ဖုန်းပျောက်တယ် . . . ဆောင်အုန်းဗွေမြင့်လယ်'' ဆိုသော သီချင်းဖြစ်သည်။ မတ်လ ၃၀ ရက်နေ့က သမ္မတအိမ်တော်တွင် ယခင်အစိုးရအဖွဲ့ဝန်ကြီးဟောင်းများက တဖက်၊ ယခုအသစ်တက်လာမည့် အစိုးရသစ်မှ ၀န်ကြီးများက တဖက်ထိုင်နေကြပါ သည်။ သမ္မတဟောင်း၊ ၀န်ကြီးဟောင်းများအတွက်ကတော့ ယသော်ဓရာပတ်ပျိုးထဲကလို ''ထွက်တော်မူ နန်းကခွာတယ်''ဆိုသော အခမ်းအနား ဖြစ်သည်။ စကိုင်းနက်ရုပ်မြင်အစီအစဉ်က နောက်ခံတီးလုံးကလည်း အလွမ်းသယ်နေသည့် တီးလုံးသံဖြစ်သည်။ ၀န်ကြီးသစ်နှင့် ၀န်ကြီးဟောင်းများတဖက်စီ ထိုင်နေကြစဉ် သမ္မတဟောင်း ဦးသိန်းစိန်နှင့် သမ္မတသစ် ဦးထင်ကျော်တို့ ထွက်အလာကို အချိန်အတော်ကြာစောင့်စားနေကြရသည်မှာ ဇာတ်အဖွဲ့ထဲမှာ နောက်ပိုင်း အဓိကဇာတ်မင်းသားထွက်အလာကို မျှော်ရသလို ဖြစ်နေပါသည်။

''ဘာဖြစ်လို့ ဒီလောက်ကြာနေတာလဲ၊ ဦးသိန်းစိန် ဘာအ၀တ်တွေ လဲနေတာလဲ၊ ဒါမှမဟုတ် ၀မ်းနည်းနေ လို့လား''စသဖြင့် ပရိသတ်ထံမှ ကြားနေရသည်။ ထိုင်နေကြသည့်အချိန်မှာ အစိုးရအဖွဲ့ဟောင်း ပုဂ္ဂိုလ်များ သည် ရင်ထဲမှာ ဘယ်လိုခံစားနေကြသလဲ၊ ဘာတွေ အကြံအစည်ရှိနေ ကြသလဲဆိုသည်ကို သူတို့သာ အသိဆုံး ဖြစ်သည်။

အချိန်အတန်ကြာစောင့်ပြီးမှ သမ္မတဟောင်း ဦးသိန်းစိန်နှင့် သမ္မတသစ် ဦးထင်ကျော်တို့ ထွက်လာကြပါသည်။ တကယ်က ယနေ့အာဏာလွှဲပြောင်း အခမ်းအနားကို တနိုင်ငံလုံး တီဗွီမှကြည့်ကြသည်မှာ လက်ဖက် ရည်ဆိုင်များကအစ ယခင်ဘောလုံးပွဲကြည့်သလို ပရိသတ်များ စုဝေးကာကြည့်ကြသည်။ ၀မ်းသာအားရ လက်ခုပ်လက်ဝါးတီးကြသည်။ ယခုနှစ် သင်္ကြန်ကာလမှာ ပျော်ရွှင်ပွဲသည် ယခုကတည်းက အကြိုပျော်ပွဲ ဖြစ်နေပါသည်။ ပြည်သူတရပ်လုံး ပျော်ကြသည်။ ပြည်သူတရပ်လုံး၏ အပျော်ဆုံ စည်းရာနေ့တနေ့ဖြစ်သည်။

ဒုတိယသမ္မတ(၁)ဦးမြင့်ဆွေကို မျက်နှာထားတင်းတင်းနှင့် တွေ့ရသည်။ သမ္မတဦးထင်ကျော်ကို နေရာသို့ ခြံရံပို့ဆောင်သည့်ပုဂ္ဂိုလ်များထဲတွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ကိုလည်း တွေ့ရသည်။ ကာချုပ်မင်းအောင်လှိုင်ကတော့ မျက်နှာအပြုံးမပျက်ပါ။ ဒုသမ္မတဟောင်း ဦးဥာဏ်ထွန်းကိုမူ ဂနာမငြိမ်သည့် အမူအရာမျိုး တွေ့ရသည်။ ဒူးနှန့်နေသည်ကို တွေ့ရသည်။

သမ္မတအပြောင်းအလွှဲအခမ်းအနားကို ဒီ့ထက်ခမ်းနားစွာကျင်းပရန် လိုပါသည်။ ဘာကြောင့်လဲဆိုလျှင် မြန်မာ ပြည်သူတရပ်လုံး အာရုံစိုက်သောကြောင့်ဖြစ်သည့်အပြင် ယခင် ကြံ့ဖွံ့အစိုးရ တချိန်လုံးသုံးနှုန်းခဲ့သော နိုင်ငံရေးယဉ်ကျေးမှုအရ ဖြစ်သည်။
သမ္မတဦးထင်ကျော်က ပြည်သူအား မိန့်ခွန်းပြောကြားသလို သမ္မတဟောင်း ဦးသိန်းစိန်ကလည်း ပြည်သူသို့ နှုတ်ဆက်မိန့်ခွန်းပြောကြားသင့်သည်။ ထို့ပြင် ဒုသမ္မတအဟောင်း၊ အသစ်၊ ၀န်ကြီး အဟောင်း၊ အသစ်တို့ မှာလည်း တဦးကိုတဦး သဘောထားကြီးစွာ၊ ကြည်ဖြူစွာ လက်ဆွဲနှုတ်ဆက်ကြရန် လိုသည်။

အစိုးရအဖွဲ့ဟောင်းများအတွက် ''ထွက်တော်မူ နန်းကခွာတယ်'' ဆိုသော ယသော်ဓရာပတ်ပျိုးကို သတိရမိ သော်လည်း အစိုးရအဖွဲ့သစ်အတွက်မူ 'အောင်စေ ပိုင်စေ နိုင်စေ' သီချင်းကို သတိရစေသည်။ ၁၉၉၀ ပြည့်နှစ်တုန်းက NLD ရွေးကောက်ပွဲမှာ အနိုင်ရသည့်အခါ ပြည်ပ အသံလွှင့်ဌာနတခုဖြစ်သော VOA အမေရိကန် မြန်မာသံက လွှင့်ခဲ့သည်မှာ 'အောင်စေ ပိုင်စေ နိုင်စေ ပွဲပေါင်း''ဆိုသော သီချင်းတပုဒ်ဖြစ်သည်။ အလွန် ကျက်သရေမင်္ဂလာရှိသော သီချင်းဖြစ်သည်။
မြန်မာအစိုးရသစ်ကို ပေါ်ပေါက်စေသည့် NLD ပါတီဥက္ကဋ္ဌ ဒေါ်အောင်ဆန်းစုကြည်ကို ယခင် အာဏာရှင် ဟောင်း ဗိုလ်ချုပ်မှူးကြီးသန်းရွှေကလည်း ''ဒေါ်အောင်ဆန်းစုကြည်သည် အနာဂတ် မြန်မာနိုင်ငံ၏ ခေါင်း ဆောင်ဖြစ်မည်''ဟု ပြောကြားထားပါသည်။

ပြီးခဲ့သည့် မတ်လ ၂၇ ရက် (၇၁)နှစ်မြောက် တော်လှန်ရေးနေ့(တပ်မတော်နေ့)ကလည်း ဗိုလ်ချုပ်မှူးကြီးမင်းအောင်လှိုင် (တပ်မတော် ကာကွယ်ရေးဦးစီးချုပ်)ကလည်း ''တပ်မတော်အနေဖြင့် နိုင်ငံတော်နှင့် ပြည်သူလူထုအကျိုးစီးပွားကို ဖြစ်ထွန်းအောင်မြင်အောင် ဖော်ဆောင်နိုင်ရန်အတွက် ပူးပေါင်းဆောင်ရွက်သွားမည်ဖြစ်ကြောင်း''ပြောကြားသွားပါသည်။ ဗိုလ်ချုပ်မှူးကြီးမင်းအောင်လှိုင်က သူတို့တပ်မတော်က ဒီမိုကရေစီကိုဖော်ဆောင်သွားမည်ဟုဆိုခြင်းမဟုတ်ဘဲ 'ပူးပေါင်းဆောင်ရွက်သွားမည်'ဟု ပြောသည်မှာလည်း အဓိပ္ပာယ်ရှိပါသည်။ ပူးပေါင်းသည် ဆိုကတည်းက မည်သူနှင့် ပူးပေါင်းမည်နည်း။ ဒီမိုကရေစီအစိုးရနှင့်သာ ဒီမိုကရေစီကို ပူးပေါင်းဆောင်ရွက်သွားရမည်မဟုတ်ပါလား။ ထို့ကြောင့် သူ၏ 'ပူးပေါင်းဆောင်ရွက်သွားမည်'ဆိုသည့် စကားမှာ ကြိုဆိုရမည့်စကား ဖြစ်ပါသည်။

ဤ NLD အစိုးရ၏ အောင်ပွဲသည် NLD ပါတီတခုတည်း၏ အောင်ပွဲမဟုတ်ပါ။ ၁၉၆၂ ခုနှစ်ကတည်းက စစ်အစိုးရကို နည်းမျိုးစုံနှင့် ကာလကြာရှည်တိုက်ပွဲဝင်ခဲ့ကြသော ခေတ်အဆက်ဆက်က တိုက်ပွဲဝင် သူရဲ ကောင်းတို့၏ ကိုယ်ကျိုးစွန့်မှုတို့ကို မေ့ပစ်၍မရနိုင်ပါ။ လူမျိုး၊ ဘာသာ၊ အယူဝါဒ၊ ခံယူချက်၊ ယုံကြည်ချက် အမျိုးမျိုး ကွဲပြားမှုရှိကောင်းရှိပါလိမ့်မည်။ သို့သော် စစ်အာဏာရှင်စနစ်ကို တော်လှန်ခဲ့ကြရာမှာတော့ တခု တည်းသော ရည်မှန်းချက်ပန်းတိုင်ဖြစ်ပါသည်။
ထို့ပြင် ဒီမိုကရေစီစနစ်ကို ရှောရှောရှူရှူ ငြိမ်းငြိမ်းချမ်းချမ်းပေးခဲ့သည်ဟု စစ်အာဏာရှင် တဖြစ်လဲ ကြံ့ခိုင်ရေးနှင့် ဖွံ့ဖြိုးရေးအစိုးရက မကြာခဏပြောခဲ့သည်။ ဤသို့ ငြိမ်းငြိမ်းချမ်းချမ်းပေးသည်ဆိုခြင်းကို ပြည်သူလူထုက တကယ်ရော ယုံမှတ်နေကြပါသလား။

ဤသို့သော အခြေအနေတရပ် ဖြစ်လာရန်အတွက် နှစ်ပေါင်း ၅၀ ကျော်ကြာ အသေအကျေခံ၊ ထောင်သွင်း အကျဉ်းချခံ၊ တကျွန်းအကျခံကာ တိုက်ပွဲဝင်ခဲ့ကြသူများ ယနေ့ထိ ရှိနေကြဆဲပါ။ အလုပ်သမား၊ လယ်သမား၊ ကျောင်းသား၊ အရပ်သား လူထုလူတန်းစား အသီးသီး၏ စစ်အာဏာရှင်စံနစ်ကို ဆန့်ကျင်ခဲ့ကြသည့် ၁၉၈၈ အရေးတော်ပုံကိုလည်း မမေ့အပ်ပါ။
ထို့ကြောင့် စစ်အာဏာရှင် ဆန့်ကျင်သူများ၊ ကျဆုံးသွားသူများကို စာရင်းဇယားပြုစု၍ အညတြစစ်သည်တော် ဗိမာန်လို ဗိမာန်ဆောက်လုပ်ထားသင့်ပါသည်။ ထို့နောက် ဒုတိယကမ္ဘာစစ်ကာလက ဖက်ဆစ်တို့အောက်တွင် အသက်ပျောက်ခဲ့ရသော စစ်သည်တော်များကို ကမ္ပည်းမော်ကွန်းထိုးကာ အမှတ်တရ မှတ်တမ်းစိုက်ထူထား သော ထောက်ကြန့်ရှိ စစ်သချိုင်္င်းလို ဆောက်လုပ်မှတ်တမ်းတင်ထားရမည်ဖြစ်သည်။

ခေတ်တခေတ်ပြောင်းလဲရန်မှာ လူတဦးတယောက်တည်းက ပြောင်း၍မရ။ လူအများက ပြောင်းလဲရန် လိုလားကာ လှုပ်ရှားရုန်းကန် တိုက်ပွဲဝင်ပါမှ ခေတ်ပြောင်းသွားရခြင်း ဖြစ်သည်။
ခွင့်လွှတ်သင့်သူများကိုတော့ ခွင့်လွှတ်ရမည်ဖြစ်သော်လည်း သမိုင်းဆိုသည်မှာတော့ မေ့ပစ်ရန် မဟုတ်ပါ။ သမိုင်းကတော့ အမှန်အကန် မှတ်တမ်းတင်လိမ့်မည် ဖြစ်သတည်း။

တင်တင်ဦး
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

ဒေါ်အောင်ဆန်းစုကြည်ကို အတိုင်ပင်ခံ ပုဂ္ဂိုလ် အဖြစ် တာဝန်ပေးရန် နိုင်ငံတော်၏ အတိုင်ပင်ခံ ပုဂ္ဂိုလ် ဆိုင်ရာ ဥပဒေကြမ်း အမျိုးသား လွှတ်တော်၌ လက်ခံ ဆွေးနွေးသွားမည်

အမျိုးသားလွှတ်တော် အစည်းအဝေးကျင်းပနေစဉ် (ဆင်ဟွာ)
    နေပြည်တော် ၊ မတ် ၃၁ ရက် (ဆင်ဟွာ)

    အမျိုးသား ဒီမိုကရေစီ အဖွဲ့ ချုပ် ဥက္ကဋ္ဌ ဒေါ်အောင်ဆန်းစုကြည်ကို အတိုင်ပင်ခံ ပုဂ္ဂိုလ် အဖြစ် ပြည်ထောင်စု လွှတ်တော်မှ တာဝန် ပေးအပ်နိုင်ရန် နိုင်ငံတော်၏ အတိုင်ပင်ခံ ပုဂ္ဂိုလ် ဆိုင်ရာ ဥပဒေကြမ်းကို ယနေ့ မတ်လ ၃၁ ရက်တွင် ပြုလုပ်သည့် အမျိုးသား လွှတ်တော် အစည်းအဝေးတွင် မကွေးတိုင်းဒေသကြီး မဲဆန္ဒနယ် အမှတ် (၄) မှ အမျိုးသား လွှတ်တော် ကိုယ်စားလှယ် ဦးအောင်ကြည်ညွှန့် က စတင် တင်သွင်းခဲ့သည်။

ထိုဥပဒေကြမ်းနှင့် စပ်လျဉ်း၍ ချင်းပြည်နယ် မဲဆန္ဒနယ် အမှတ် (၇) မှ လွှတ်တော်ကိုယ်စားလှယ် ဒေါ်ကျိန်ငိုက်မန်က ထောက်ခံ ဆွေးနွေးခဲ့သဖြင့် ဥပဒေကြမ်းအား လက်ခံဆွေးနွေးရန် သင့်၊ မသင့် လွှတ်တော်၏ အဆုံးအဖြတ် ရယူရာတွင် လက်ခံ ဆွေးနွေးရန် ဆုံးဖြတ်ခဲ့သည်။

နိုင်ငံတော်၏ အတိုင်ပင်ခံ ပုဂ္ဂိုလ် ဆိုင်ရာ ဥပဒေ၏ ရည်ရွယ်ချက်များမှာ ပါတီစုံ ဒီမိုကရေစီ စနစ် ထွန်းကားရေး ၊ ဈေးကွက် စီးပွားရေး စနစ် ပီပြင်ရေး ၊ ဖက်ဒရယ် ပြည်ထောင်စု နိုင်ငံတော် တည်ဆောက်ရေး နှင့် ပြည်ထောင်စု ငြိမ်းချမ်းရေး နှင့် ဖွံ့ ဖြိုး တိုးတက်ရေး တို့ ဖြစ်ပြီး အတိုင်ပင်ခံ ပုဂ္ဂိုလ် ဆိုသည်မှာ ယင်းရည်ရွယ်ချက်များ အောင်မြင်စေရန် ဤဥပဒေအရ တာဝန်ပေးအပ်ခြင်း ခံရသူကို ဆိုလိုကြောင်း ဥပဒေကြမ်းတွင် ဖော်ပြပါရှိသည်။


ထို့ ပြင် အတိုင်ပင်ခံ ပုဂ္ဂိုလ်၏ ရာထူး သက်တမ်းသည် နိုင်ငံတော် သမ္မတ၏ ရာထူး သက်တမ်း အတိုင်း ဖြစ်ပြီး ဤ ဥပဒေသည် ဒုတိယ အကြိမ် ပြည်ထောင်စု လွှတ်တော် သက်တမ်း ကာလတွင် တာဝန်ထမ်းဆောင်သည့် နိုင်ငံတော် သမ္မတ၏ သက်တမ်းကာလ အတွက်သာ ဖြစ်စေရမည်ဟု ဥပဒေကြမ်းတွင် ဖော်ပြပါရှိပြီး ပြည်ထောင်စု လွှတ်တော်သည် ဤဥပဒေပါ ပြဋ္ဌာန်းချက်များနှင့် စပ်လျဉ်း၍ လိုအပ်သော နည်းဥပဒေများကို ထုတ်ပြန်နိုင်ကြောင်း ဖော်ပြထားသည်။

အတိုင်ပင်ခံ ပုဂ္ဂိုလ်၏ တာဝန် ၊ လုပ်ပိုင်ခွင့်နှင့် ရပိုင်ခွင့်များမှာ ဖွဲ့ စည်းပုံ အခြေခံ ဥပဒေပါ ပြဋ္ဌာန်းချက်များ နှင့် မဆန့်ကျင် စေဘဲ နိုင်ငံတော်နှင့် နိုင်ငံသားများ၏ အကျိုးစီးပွားများ အတွက် အကြံပြုချက်များ ပေးရခြင်း ၊ အကြံပြုချက်များ ဆောင်ရွက်ချက်များ နှင့် စပ်လျဉ်း၍ ပြည်ထောင်စု လွှတ်တော်သို့ တာဝန်ခံရခြင်း ၊ အတိုင်ပင်ခံ ပုဂ္ဂိုလ်သည် ဤဥပဒေပါ ရည်ရွယ်ချက်များ အောင်မြင်စေရန် အတွက် အစိုးရ အဖွဲ့ ၊ ဌာနဆိုင်ရာများ ၊ အဖွဲ့ အစည်းများ ၊ အသင်းအဖွဲ့ များ ၊ လူပုဂ္ဂိုလ်များ နှင့် ဆက်သွယ် ဆောင်ရွက်နိုင်ခြင်း ၊ အတိုင်ပင်ခံ ပုဂ္ဂိုလ်သည် ရာထူးအလျောက် ရရှိသည့် လစဉ် ချီးမြှင့်ငွေ ၊ စရိတ် ၊ အဆောင်အယောင်နှင့် အခွင့်အရေးများကို ခံစားခွင့် ရှိခြင်း ၊ အတုိုင်ပင်ခံ ပုဂ္ဂိုလ်၏ ချီးမြှင့်ငွေ ၊ စရိတ်နှင့် အဆောင်အယောင်များ အတွက် ပြည်ထောင်စု၏ ဘဏ္ဍာငွေ အရအသုံးဆိုင်ရာ ဥပဒေတွင် ခွဲဝေ သတ်မှတ် ထားရှိရခြင်းများ ပါဝင်ကြောင်း သိရသည်။

 (Xinhua)
http://www.xinhuamyanmar.com

နိုင်ငံတော် သမ္မတ ဦးထင်ကျော်၏ ဇနီးဖြစ်သူ ဒေါ်စုစုလွင် တာဝန်ယူထားသည့် လွှတ်တော် ကော်မတီ ဥက္ကဋ္ဌ နေရာအား ပြောင်းလဲဖွဲ့ စည်း

ပြည်သူ့လွှတ်တော် ဥက္ကဋ္ဌ ဦးဝင်းမြင့်အားတွေ့ရစဉ် (ဆင်ဟွာ)
    နေပြည်တော် ၊ မတ် ၃၁ ရက် (ဆင်ဟွာ)

    နိုင်ငံတော် သမ္မတ ဦးထင်ကျော်၏ ဇနီးဖြစ်သူ ဒေါ်စုစုလွင် တာဝန်ယူ ဆောင်ရွက်နေသည့်  ပြည်သူ့ လွှတ်တော် နိုင်ငံတကာ ဆက်ဆံရေး ကော်မတီ ဥက္ကဋ္ဌ နေရာအား ယနေ့ မတ်လ ၃၁ ရက် ပြည်သူ့ လွှတ်တော် အစည်းအဝေးတွင် ပြောင်းလဲ ဖွဲ့ စည်းခဲ့သည်။

ယခုအခါတွင် ဒေါ်စုစုလွင်၏ ခင်ပွန်းဖြစ်သူ ဦးထင်ကျော်သည် နိုင်ငံတော် သမ္မတ အဖြစ် ရွေးချယ် တင်မြှောက်ခံခဲ့ရပြီး ကတိသစ္စာပြုပြီးနောက် နိုင်ငံတော် သမ္မတ၏ ဇနီး အဖြစ် ရောက်ရှိလာပြီးနောက်  ၄င်းတာဝန်ယူ ဆောင်ရွက်နေသည့် ပြည်သူ့ လွှတ်တော် နိုင်ငံတကာ ဆက်ဆံရေး ကော်မတီ ဥက္ကဋ္ဌ နေရာအား ဝါးခယ်မ မဲဆန္ဒနယ်မှ ပြည်သူ့ လွှတ်တော် ကိုယ်စားလှယ် ဦးဇော်သိန်း ဖြင့် ပြောင်းလဲ ဖွဲ့ စည်းလိုက်ခြင်းကို ယနေ့ ကျင်းပပြုလုပ်ခဲ့သည့် ပြည်သူ့ လွှတ်တော် အစည်းအဝေးတွင် ပြည်သူ့ လွှတ်တော် ဥက္ကဋ္ဌ ဦးဝင်းမြင့်က ကြေညာပြီးနောက် လွှတ်တော်၏ သဘောတူညီချက်ဖြင့် အတည်ပြုချက် ရယူခဲ့သည်။

ဒေါ်စုစုလွင်သည် အမျိုးသား ဒီမိုကရေစီ အဖွဲ့ ချုပ် (NLD) ကိုယ်စားပြု၍ သုံးခွမဲဆန္ဒနယ်မှ ပြည်သူ့ လွှတ်တော် ကိုယ်စားလှယ်အဖြစ် ၂၀၁၂  နှင့် ၂၀၁၅ ခုနှစ် ပါတီစုံ အထွေထွေ ရွေးကောက်ပွဲများတွင် ရွေးကောက်ခံခဲ့ရသူ တစ်ဦးဖြစ်ပြီး ၄င်းသည် ပညာရေး တက္ကသိုလ် (ရန်ကုန်) သို့ တက်ရောက် ပညာသင်ကြားခဲ့ပြီး မဟာဝိဇ္ဇာဘွဲ့ (အင်္ဂလိပ်စာ) ရရှိထားသူ တစ်ဦး ဖြစ်ကာ Sydney University(Australia) ၌လည်း ပညာသင်ကြားခဲ့ပြီး ၁၉၇၆ မှ ၁၉၈၉ ထိ ရန်ကုန် တက္ကသိုလ် ၊ အင်္ဂလိပ်စာ ဌာနတွင် နည်းပြမှ ကထိက ရာထူးအထိ တာဝန်ထမ်းဆောင်ခဲ့ပြီး ၁၉၉၀ မှ ၂၀၀၅ ထိ Programme Officer(Education) UNICEF Yangon ၊ အလွတ်တန်း ပညာရေး အကြံပေး နှင့် စေတနာ့ ဝန်ထမ်း ၊ ၂၀၀၅ မှ ၂၀၁၂ ထိ ဘ/က ပညာရေး စီမံကိန်း ရေးဆွဲရေး နှင့် နည်းပြ လုပ်ငန်းများ ဆောင်ရွက်ခဲ့သူ တစ်ဦး ဖြစ်သည်။

(Xinhua)
http://www.xinhuamyanmar.com

ဒေါ်အောင်ဆန်းစုကြည် နိုင်ငံတော် အတိုင်ပင်ခံပုဂ္ဂိုလ် ဖြစ်လာမယ်

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ကို နေပြည်တော်သမ္မတ အိမ်တော်က သံတမန်ခမ်းမဆောင်မှာ မတ်လ ၃ဝ ရက်နေ့က တွေ့ရစဉ်။ Photo:Myo Thant Khaing/RFA
ဒေါ်အောင်ဆန်းစုကြည်ကို နိုင်ငံတော် အတိုင်ပင်ခံပုဂ္ဂိုလ်အဖြစ် ထားရှိမယ့် ဥပဒေမူကြမ်းကို အမျိုးသားလွှတ်တော် ဥပဒေကြမ်းကော်မတီဝင် ဦးအောင်ကြည်ညွန့်က လွှတ်တော်မှာ ဒီကနေ့ တင်သွင်းမယ်လို့ သတင်းတွေ ထွက်ပေါ်နေပါတယ်။

နိုင်ငံတော်၏ အတိုင်ပင်ခံပုဂ္ဂိုလ်ဆိုင်ရာ ဥပဒေလို့ အမည်ပေးထားတဲ့ အဲ့ဒီ ဥပဒေမူကြမ်းမှာ အခန်းငါးခန်း ပါဝင်ပြီး အခန်း ၂ မှာ အတိုင်ပင်ခံပုဂ္ဂိုလ်အနေနဲ့ ပါတီစုံ ဒီမိုကရေစီစနစ် ထွန်းကားရေး၊ ဈေးကွက်စီးပွါးရေးစနစ် ပီပြင်ရေး၊ ဖက်ဒရယ်ပြည်ထောင်စု နိုင်ငံတော် တည်ဆောက်ရေးနဲ့ ပြည်ထောင်စုငြိမ်းချမ်းရေးနဲ့ ဖွံ့ဖြိုးတိုးတက်ရေးတွေကို ရည်ရွယ်ချက်ထားပြီး ဆောင်ရွက်ရမယ်လို့ ဖေါ်ပြထားပါတယ်။

အခန်း ၃ မှာတော့ "၂ဝ၁၅ ခုနှစ်၊ ပါတီစုံ ဒီမိုကရေစီ အထွေထွေရွေးကောက်ပွဲတွင် ပြည်သူများ၏ ယုံကြည် အားကိုးမှုဖြင့် တစ်ခဲနက် ထောက်ခံမဲ ရရှိခဲ့သည့် အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ကို အတိုင်ပင်ခံ ပုဂ္ဂိုလ်အဖြစ် ပြည်ထောင်စု လွှတ်တော်က တာဝန်ပေးအပ်သည်" လို့ ရေးသားဖော်ပြပါတယ်။

အတိုင်ပင်ခံ ပုဂ္ဂိုလ်၏ တာဝန်၊ လုပ်ပိုင်ခွင့်နှင့် ရပိုင်ခွင့်များ အခန်းမှာတော့ (က) ဖွဲ့စည်းပုံအခြေခံ ဥပဒေပါ ပြဋ္ဌာန်း ချက်များနှင့် မဆန့်ကျင်စေပဲ နိုင်ငံတော်နှင့် နိုင်ငံသားများ၏ အကျိုးစီးပွားအတွက် အကြံပြုချက်များ ပေးရမည်၊ (ခ) အကြံပြုချက်များ ဆောင်ရွက်ချက်များနှင့် စပ်လျဉ်း၍ ပြည်ထောင်စုလွှတ်တော်သို့ တာဝန်ခံရမည်၊ (ဂ) အတိုင်ပင်ခံ ပုဂ္ဂိုလ်သည် ဤဥပဒေပါ ရည်ရွယ်ချက်များ အောင်မြင်စေရန်အတွက် အစိုးရအဖွဲ့၊ ဌာနဆိုင်ရာများ၊ အဖွဲ့အစည်းများ၊ အသင်းအဖွဲ့များ၊ လူပုဂ္ဂိုလ်များနှင့် ဆက်သွယ်ဆောင်ရွက်နိုင်သည် စသဖြင့် ပါရှိပါတယ်။

ဒ့ါအပြင် အခု ဥပဒေဟာ ဒုတိယအကြိမ် ပြည်ထောင်စုလွှတ်တော် သက်တမ်းကာလမှာ တာဝန်ထမ်းဆောင် တဲ့ နိုင်ငံတော် သမ္မတရဲ့ သက်တမ်းကာလအတွက်သာ ဖြစ်စေရမည်ဟုလည်း ဖော်ပြထားပြီး ဒီ ဥပဒေမူကြမ်းကို အမျိုးသားလွှတ်တော် ကိုယ်စားလှယ်တွေထံ မနေ့က ဖြန့်ဝေခဲ့တယ်လို့ သတင်းရပါတယ်။

RFA Burmese
http://www.rfa.org/burmese

မြစ်ဆုံကိစ္စ တရုတ်အမြင်

Yun Sun: Fellow, Stimson Center (Source: VOA)
ဒီတပတ် မြန်မာ့မျက်မှောက်ရေးရာ ဆွေးနွေးခန်းအစီအစဉ်မှာ တရုတ်နိုင်ငံဟာ မြန်မာအစိုးရသစ် နဲ့ ဆက်ဆံရေးကောင်းမွန်ဖို့ လိုလားပေမယ့် မြန်မာနိုင်ငံရဲ့မိတ်ဆွေမဆန်တဲ့ လုပ်ရပ်တွေကြေင့် နယ်စပ်အင်အားစုတချို့ ကို ကြိုးကိုင်ကစားဖို့ လိုအပ်တယ်လို့ ယူဆချက်တချို့တရုတ်ဘက်မှာ ရှိနေပါတယ်။ အခက်ကြုံနေရချိန်မှာ အကူအညီပေးတာကို မထောက်ထားတဲ့အပြင် မြန်မာတို့ဘက်က တရုတ်စီမံကိန်းတွေကို ရပ်ဆိုင်းပြီး အနောက်နိုင်ငံတွေဆီ မျက်နှာမူသွားခဲ့တယ်ဆိုပြီး ပြောဆိုသူတချို့  ရှိတယ်လို့ တရုတ်ရေးရာ ကျွမ်းကျင်သူတဦးက ဆိုပါတယ်။ အမေရိကန်အခြေစိုက် Stimson သုတေသနဌာန တရုတ်နိုင်ငံခြားရေးရာ ဆက်ဆံရေးသုတေသီ Yun Sun နဲ့ ဦးကျော်ဇံသာ တို့ ဆွေးနွေးသုံးသပ်ထားပါတယ်။

ဦးကျော်ဇံသာ ။ ။ အခု မြန်မာပြည်မှာ ရပ်ဆိုင်းခဲ့တဲ့ မြစ်ဆုံတာတမံ စီမံကိန်းကို တရုတ်ဘက်က ပြန်ပြီးစတင်ချင်တဲ့ လေသံပြစ်နေတာ တွေ့ရပါတယ်။ ဘယ်လောက် ဖြစ်နိုင်မယ် ထင်ပါသလဲ … ဒီ စီမံကိန်း ပြန်စဖို့အတွက်။

Ms. Yun Sun ။ ။ တရုတ်ဟာ မြစ်ဆုံစီမံကိန်းကို ပြန်စဖို့ စိတ်ဝင်စားတာ သေချာပါတယ်။ တချိန်တည်းမှာပဲ ပြီးခဲ့တဲ့ ရက်သတ္တပတ် အတော်ကြာအတွင်းက တရုတ်သံအမတ်ကြီး ပြောတာကိုကြည့်မယ်ဆိုရင် သတိထားပြီး သုံးနှုန်းသွားတာကို တွေ့ရပါတယ်။ Proper resolution ကောင်းမွန်တဲ့ ပြေလည်မှု လိုချင်တယ်လို့ ဆိုပါတယ်။ ဒီ စီမံကိန်းကို ပြန်စမယ်။ NLD အစိုးရက ပူးပေါင်းဆောင်ရွက်မယ်လို့တော့ မဆိုလိုပါဘူး။ မြန်မာအကြောင်း နုားလည်တဲ့ တရုတ်မူဝါဒ ချမှတ်သူတွေကတော့ မြစ်ဆုံစီမံကိန်း ပြန်စဖို့ သိပ်မဖြစ်နိုင်ဘူးဆိုတာကို ကောင်းကောင်းသဘောပေါက်ကြပါတယ်။ ဆိုတော့ မြန်မာတွေ ဒီလောက် ခါးသီးနေတာကို တရုတ်က ဘာကြောင့်တွန်းနေရသလဲလို့ မေးစရာရှိပါတယ်။ NLD အစိုးရသစ် တက်လာလို့ ဒါကို စူးစမ်းတဲ့သဘော ဖြစ်ပါလိမ့်မယ်။ မဖြစ်နိုင်ဘူးဆိုရင်လဲ တရုတ်တို့ဘက်က လက်ခံဖို့ အဆင်သင့်ပဲလို့ ထင်ပါတယ်။

ဦးကျော်ဇံသာ ။ ။ ဆိုတော့ ဒီ စီမံကိန်း ပြန်စဖို့ မဖြစ်နိုင်ဘူး။ ဒီ စီမံကိန်းကို ရပ်ဆိုင်းလိုက်တော့မယ်လို့ဆိုရင် မြန်မာဘက်က တရုတ်ကို လျော်ကြေး ပေးရမလား။ အဲဒီတော့ လျော်ကြေးက ဘယ်လောက်ပေးရမလဲ။ ဘယ်လို ပေးရမလဲ။ ငွေကြေးနဲ့ ပေးရမလား။ ဒါမှမဟုတ် အစားထိုး စီမံကိန်းတခုခု လုပ်ခွင့်ပေးရမလား။ ဘယ်လို ပုံစံမျိုးနဲ့ ဖြေရှင်းမလဲ။

Ms. Yun Sun ။ ။ ကျမကတော့ ပေးရမယ်လို့ ထင်ပါတယ်။ ၂၀၁၅ မှာ တရုတ် ရင်းနှီးမြှုပ်နှံသူတွေနဲ့ ဦးသိန်းစိန်အစိုးရတို့ သဘောတူညီခဲ့တာ ရှိပါတယ်။ စီမံကိန်းကို ဖျက်သိမ်းမယ်ဆိုရင် အနည်းဆုံး သုံးပြီးသားကုန်ကျစရိတ်တွေကို ပြန်လျော်ပေးရမှာ ဖြစ်ပါတယ်။ ဆိုတော့ တရုတ်ဘက်က ကုန်ကျသမျှ ပြန်ရမယ်ဆိုတာ စိတ်ချပြီးသာပါ။ ဘယ်လောက် သုံးထားပြီလဲဆိုတာတော့ အတိအကျ မသိပါဘူး။ တော်တော်တော့များပါတယ်။ ဒီအတွက် တရုတ် CPI ကုမ္ပဏီဟာ ဘဏ်တွေ တခြားအဖွဲ့အစည်းတွေဆီက ငွေသားနဲ့ယူတာ၊ စိတ်ယန္တရားတွေ ယူတာကိုတော့ ငွေသားနဲ့ အမေရိကန်ဒေါ်လာနဲ့ ပြန်ပေးရလိမ့်မယ်လို့ ထင်ပါတယ်။ မြစ်ဆုံတမံအတွက် သက်သက်ကုန်ကျတာကိုတော့ တခြားစီမံကိန်းတွေထဲ ပြောင်းထည့်နိုင်ပါတယ်။

ဦးကျော်ဇံသာ ။ ။ တခြားစီမံကိန်းတွေဆိုလို့ ကျနော် မေးရအုံးမယ်။ အဲဒီ တခြားစီမံကိန်းတွေဖြစ်ကြတဲ့ လက်ပံတောင်းကြေးနီ စိမံကိန်း။ ရခိုင်ကျောက်ဖြူ ဓါတ်ငွေ့ပိုက်လိုင်းကိစ္စ။ ဒီ စီမံကိန်းတွေနဲ့ ပတ်သက်လို့ မြန်မာပြည်သူတွေက သိပ်ပြီးတော့ ကျေနပ်ကြတာ မဟုတ်ဘူး။ အကုန်လုံး ဒီကိစ္စတွေကလဲ မမျှတဘူးဆိုပြီး ညည်းညူနေကြတယ်လို့ ကြားရပါတယ်။

Ms. Yun Sun ။ ။ မြန်မာပြည်သူတွေလို့ ပြောလိုက်တာကတော့ သိပ်ပြီးတော့ ယေဘုယျဆန်လွန်တယ်လို့ ထင်ပါတယ်။ စစ်အစိုးရကို အားပေးလို့ တရုတ်ကို မြန်မာပြည်သူတွေ မကျေနပ်ကြဘူး။ ခံပြင်းကြတယ်။ ဒါပေမဲ့ တရုတ်နဲ့ ဆက်ဆံရေးကနေ အကျိုးအမြတ် ရရှိနေသူတွေ၊ စီးပွားရေး၊ နိုင်ငံရေး၊ အထက်လွှာတွေလည်း ရှိပါတယ်။ ဆိုတော့ မြန်မာပြည်သူအားလုံး တရုတ်ကို ဆန့်ကျင်တယ်ဆိုတာတော့ ကျမ လက်မခံနိုင်ပါဘူး။ လက်ပံတောင်းကြေးနီစီမံကိန်းကို လူတွေ ကန့်ကွက်ကြတာ မှန်ပါတယ်။ ဒါပေမဲ့ ဒေါ်အောင်ဆန်းစုကြည် ဦးဆောင်စုံစမ်းပြီးတော့ ဆက်လုပ်ဖို့ တင်ပြထားပြီးပါပြီ။ တရုတ်ဘက်ကတော့ အခြေအနေကို သုံးသပ်ပြီး ဆက်လုပ်မယ်။ ပေးနိုင်တာလည်း အများကြီးပါ။ ဆိုတော့ မြန်မာနိုင်ငံဟာ တရုတ်ကို လုံးဝဖယ်ထုတ်ပြစ်ချင်သလား။ ဒါမှမဟုတ် တရုတ်တို့လုပ်ရပ်ကို ထိန်းကွပ်ပြီးတော့ နှစ်ဘက်အကျိုးတူ ဆက်ပြီးတော့ လုပ်ကြမလားဆိုတာ မြန်မာလူထု ဖြေရမယ့် မေးခွန်းပါ။

ဦးကျော်ဇံသာ ။ ။ မြန်မာတွေက တရုတ်ကို ဆန့်ကျင်တယ်။ မြန်မာတွေဟာ တရုတ်ဆန့်ကျင်ရေးစိတ်ဓါတ်နဲ့ ဒီ စီမံကိန်းတွေကို ကန့်ကွက်နေကြတယ်ဆိုတာလဲ မမှားပါဘူး။ ဒါပေမဲ့ ကျနော် ပြောချင်တာက တရုတ်တွေ လုပ်နေတဲ့ စီမံကိန်းတွေ ကိုယ်နှိုက်က သဘာဝပတ်ဝန်းကျင်တွေ ထိခိုက်စေတာ၊ ဒေသခံတွေ ဘဝပျက်ရတာတွေ အများကြီး ရှိနေပါတယ်။ ဆိုတော့ ဒီပြဿနာတွေကို မြန်မာနိုင်ငံမှာ တက်လာမယ့် NLD အစိုးရသစ်နဲ့ တရုတ်တို့ ဘယ်လို ပူးပေါင်းပြီးတော့ ကိုင်တွယ်ကြမလဲ။ ညှိနှိုင်းကြမလဲဆိုတာကို သိချင်ပါတယ်။

Ms. Yun Sun ။ ။ တရုတ်မို့လို့ ဆန့်ကျင်တာတော့ မဟုတ်ပါဘူး။ တရုတ် ရင်းနှီးမြှုပ်နှံတာ လိုချင်တယ်။ ဒါပေမဲ့ စီမံကိန်းမကောင်းလို့ ဆန့်ကျင်တာဆိုရင်တော့ တရုတ်တို့နဲ့ ညှိနှိုင်းရမှာ ဖြစ်ပါတယ်။ Sustainable ဖြစ်စေချင်တဲ့ သဘာဝပတ်ဝန်းကျင် မပျက်ပြုန်းစေချင်ဘူး။ ဒေသဖွံ့ဖြိုးစေချင်တယ်ဆိုတာတွေ ရအောင် တောင်းဆိုရမှာပါ။ ဒါပေမဲ့ စီမံကိန်းက ဘယ်လိုဖြစ်နေနေ၊ တရုတ်မို့လို့ မလိုချင်ဘူးဆိုရင် ညှိနှိုင်းစရာအကြောင်းကို မရှိတော့ပါဘူး။

ဦးကျော်ဇံသာ ။ ။ ဒီနေရာမှာ တရုတ်တွေရဲ့  ရင်းနှီးမြှုပ်နှံမှုက မြန်မာနိုင်ငံအတွက် ဘယ်လောက် အရေးကြီးပါလဲ။ တရုတ်ကိုယ်တိုင်က မြန်မာကို မယုံကြည်တော့လို့။ မရင်းနှီး မမြှုပ်နှံတော့ဘူးဆိုရင် ကျန်ရင်းနှီးမြှုပ်နှံမယ်သူတွေအတွက် လက်တွန့်သွားစရာ ဖြစ်မယ်လို့ သုံးသပ်သူတွေ ရှိကြပါတယ်။

Ms. Yun Sun ။ ။ ပြီးခဲ့တဲ့ ဆယ်စုနှစ်အတွင်းမှာတော့ အားလုံးကို ခြုံပြောရမယ်ဆိုရင် မြန်မာနိုင်ငံမှာ တရုတ်ရဲ့  တိုက်ရိုက်ရင်းနှီးမြှုပ်နှံမှုဟာ (၃၀) ရာခိုင်နှုန်းရှိပြီး၊ အများဆုံး ဖြစ်ပါတယ်။ ဒါပေမဲ့ တနှစ်ချင်းကို ကြည့်မယ်ဆိုရင်တော့ တရုတ်ဟာ ယမန်နှစ်တုန်းက နံပတ် (၆) (၇) နေရာမှာပဲရှိမှာ ထင်ပါတယ်။ နောက်ရောက်နေပါတယ်။ မြစ်ဆုံစီမံကိန်း ရပ်ဆိုင်းထားတာ၊ တခြား စီမံကိန်းတွေ ဆန့်ကျင်မှုတွေနဲ့ ရင်ဆိုင်ရလို့ ဖြစ်ပါတယ်။ တရုတ် စီးပွားရေးလုပ်ငန်းတွေ မြန်မာနိုင်ငံမှာ ရင်းနှီးမြှုပ်နှံရမှာ စိုးရိမ်နေကြပါတယ်။ သူတို့ကို မြန်မာဒေသခံတွေက မကြိုက်ဘူးဆိုတာ သိထားကြပါတယ်။ ဆိုတော့ မြန်မာနိုင်ငံမှာထက် လာအိုနိုင်ငံမှာ လုပ်တာ ကောင်းမယ်လို့ စဉ်းစားကြမှာပါ။ တခြား အရှေ့ တောင်အာရှနိုင်ငံတွေဆီကိုလည်း တရုတ် စီးပွားရေးတွေ သွားနိုင်ပါတယ်။

ဦးကျော်ဇံသာ ။ ။ ကျနော်အနေနဲ့ စီးပွားရေး အကျိုးစီးပွားကို အဓိကထား မေးတယ်ဆိုပေမယ့် ဒီနေရာမှာ မဟာဗျူဟာကိစ္စကိုလည်း မေးပါရစေခင်များ။ ဒေါ်အောင်ဆန်းစုကြည်ဟာ အစကတည်းက အနောက်ဘက်ကို ယိမ်းတယ်။ အခု မြန်မာနိုင်ငံမှာ ဖော်ဆောင်နေတဲ့ နိုင်ငံရေးစနစ်ဟာလဲ အနောက်တိုင်း ဒီမိုကရေစီပုံစံ ဖြစ်တယ်ဆိုပြီး လူတွေ ပြောကြပါတယ်။ မှန်လဲမှန်ပါတယ်။ ဆိုတော့ တရုတ်က ဒါကို လိုလားပါ့မလား။ တနည်းအားဖြင့် တရုတ်ရဲ့  မဟာဗျူဟာ၊ အကျိုးစီးပွားဟာ မြန်မာနိုင်ငံမှာ အနောက်တိုင်းပုံစံ ဒီမိုကရေစီအစိုးရတရပ် ထွန်းကားလာတဲ့အတွက် ထိခိုက်မသွားနိုင်ဘူးလား။

Ms. Yun Sun ။ ။ ဒီကိစ္စမှာ ပြဿနာ တော်တော်များများ အကြုံဝင်နေပါတယ်။ တရုတ်ဟာ NLD အစိုးရနဲ့ ဆက်ဆံရေးကောင်းဖို့ သိပ်ကို လိုလားတယ်ဆိုတာ ဦးစွာ ပြောချင်ပါတယ်။ ဒေါ်အောင်ဆန်းစုကြည်နဲ့လည်း သိပ်ကောင်းမွန်တဲ့ ဆက်ဆံရေးကို လိုလားပါတယ်။ ဒါဟာ အမေရိကန်နဲ့အပြိုင် မြန်မာနိုင်ငံအပေါ် သြဇာညောင်းချင်လို့ချည်း မဟုတ်ပါဘူး။ မဟာဗျူဟာအရ မြန်မာနိုင်ငံ ပါဝင်ပတ်သက်နေလို့လည်း ဖြစ်ပါတယ်။ အိန္ဒိယ သမုဒ္ဒရာ ထိုးဖောက်ရေးဗျူဟာမှာ တရုတ်အတွက် မြန်မာနဲ့ ပါကစ္စတန် နှစ်နိုင်ငံပဲ ရှိပါတယ်။ ပါကစ္စတန်ပြည်တွင်း၊ နိုင်ငံရေးက မတည်မငြိမ်ဘူး။ မြန်မာက ပိုပြီးအဆင်ပြေပါတယ်။ နောက် တရုတ်နိုင်ငံရဲ့  One Belt, One Road ခါးပတ်လမ်း စီမံကိန်းမှာလည်း မြန်မာက အရေးပါပါတယ်။ တောင်တရုတ်ပင်လယ် အငြင်းပွားမှုမှာ မြန်မာဟာ အငြင်းပွားနိုင်ငံတော့ မဟုတ်ပါဘူး။ ဒီအပေါ် မြန်မာအစိုးရသစ်လက်ထက် ရပ်တည်မှု ပြောင်းလဲနိုင်ပါတယ်။

ဦးကျော်ဇံသာ ။ ။ ဒီနေရာမှာ အိန္ဒိယဟာလဲ မြန်မာနိုင်ငံအပေါ်ကို မဟာဗျူဟာအရ စိတ်ဝင်စားမှု ရှိမယ်လို့ ထင်ပါတယ်။ ဆိုတော့ အင်အားကြီးတဲ့ အိန္ဒိယ နဲ့ တရုတ် နိုင်ငံအကြား မြန်မာနိုင်ငံအနေနဲ့ သတိထားလျှောက်လှမ်းရမယ့် အခြေအနေလဲ ဖြစ်နေရမယ်လို့ ဆိုရမှာပေါ့။

Ms. Yun Sun ။ ။ ဟုတ်ပါတယ် .. ဒီကိစ္စမှာတော့ တရုတ်ရှုထောင့် နဲ့ မြန်မာရှုထောင့် အများကြီး ကွာတယ်လို့တော့ ကျမ ထင်ပါတယ်။ မြန်မာဘက်က သူတို့ဟာ အင်အားကြီး နှစ်နိုင်ငံအကြား ညှပ်ပိနေတယ်လို့ မြင်ပါတယ်။ တရုတ်ဘက်ကကြတော့ မြန်မာနိုင်ငံနဲ့ ပတ်သက်ပြီး အိန္ဒိယကို ပြိုင်ဘက်လို့ မမြင်ပါဘူး။ မြန်မာနိုင်ငံအပေါ် တရုတ်ရဲ့  ရင်းနှီးမြှုပ်နှံမှု၊ တရုတ်ရဲ့  လွှမ်းမိုးမှုတွေနဲစာရင် အိန္ဒိယက ဘာမှမဆိုလောက်ပါဘူး။ တရုတ်က အဓိက ပြိုင်ဘက်လို့မြင်တာက အမေရိကန်ပဲ ဖြစ်ပါတယ်။ အိန္ဒိယက အခု အရှေ့ မျှော်ဝါဒ (Look East) မဟုတ်ဘဲနဲ့ အရှေ့ မှာ လှုပ်ရှားရေးဝါဒ (Act East) ဆိုပြီးတော့ ပိုမိုတက်ကြွတဲ့မူဝါဒ ချမှတ်လာပါတယ်။ ကျမတို့ စောင့်ကြည့်နေရအုံးမှာပါ။

ဦးကျော်ဇံသာ ။ ။ နောက်ဆုံး မေးချင်တဲ့ အကြောင်းအရာတခုက တရုတ်က ဘာကြောင့် UWSA တပ်ဖွဲ့၊ ကိုးကန့်တပ်ဖွဲ့တို့ကို အားပေးအားမြှောက် လုပ်နေရသလဲဆိုတာပဲ ဖြစ်ပါတယ်။ ဒါဟာ မြန်မာနိုင်ငံရဲ့  ငြိမ်းချမ်းရေးကို အဟန့်အတား လုပ်နေသလို ဖြစ်မနေဘူးလား။

Ms. Yun Sun ။ ။ သိပ်အရေးကြီးတဲ့ မေးခွန်းပါ။ ဒီသူပုန်တွေနဲ့ တရုတ် ဘာကြောင့် ဆက်ဆံနေလဲဆိုတော့ ဒီ ဆက်ဆံရေးတွေဟာ ဆယ်စုနှစ်နဲ့ချီ ရှိလာခဲ့ပါပြီ။ ဒီသူပုန်တွေဟာ တရုတ်နဲ့ ပုဂ္ဂိုလ်ရေးအရ ရင်းနှီးတဲ့ဆက်ဆံမှု၊ စီးပွားရေး ဆက်နွယ်မှု၊ နိုင်ငံရေးအရ ဆွေးနွေးဆက်ဆံမှုတွေ ရှိနေပါတယ်။ ဒါဟာ အဲဒီဒေသတွေမှာ ဆယ်စုနှစ်တွေနဲ့ချီ ကြာမြင့်လာခဲ့ပါပြီ။ ဒီအခြေအနေကို နောက်ပြန်လှည့်ဖို့ဆိုတာ အဲဒီဒေသအတွင်း အခြေအနေတွေ အပြောင်းအလဲတရပ်ရပ်။ ဒါမှမဟုတ် တရုတ်အကျိုးစီးပွား ဖြစ်ထွန်းနိုင်တဲ့အခြေအနေ၊ အပြောင်းအလဲတရပ်ရပ်၊ တကယ်ဖြစ်ပေါ်လာမှပဲ ပြန်လှည့်နိုင်မယ်လို့ ထင်ပါတယ်။ တချိန်တည်းမှာပဲ တရုတ်နိုင်ငံဘက်မှာ အသံတချို့  ကြားနေရတယ်။ မြန်မာအစိုးရက ငါတို့နဲ့ ပူးပေါင်းဆောင်ရွက်တာ မလိုလားဘူးဆိုရင်တော့ ငါတို့အနေနဲ့ မြန်မာနဲ့ ဆက်ဆံရေး အလျှော့အတင်း လုပ်နိုင်အောင်လို့ ဒီသူပုန်တွေကို ကိုင်ထားရမယ်ဆိုတဲ့ အသံတွေပါ။ မြန်မာကို ထိန်းကွပ်ရာမှာ ဒီအင်အားစုတွေဟာ တကယ်ထိရောက်တဲ့ ကရိယာတွေလို့ တရုတ်ဘက်က တချို့ က ယုံကြည်ထားကြပါတယ်။

ဦးကျော်ဇံသာ ။ ။ ဒါပေမဲ့ တရုတ်ဟာ တချိန်က ဗကပ ဗမာပြည်ကွန်မြူနစ်ပါတီကို ထောက်ခံအားပေးခဲ့ပေမယ့် နောက်ပိုင်းမှာ လုံးဝရပ်ပစ်လိုက်တယ်။ အခုကော မြန်မာနိုင်ငံအပေါ်မှာ တကယ်တမ်း စေတနာရှိတယ်။ မြန်မာနိုင်ငံ ငြိမ်းချမ်းဖွံ့ဖြိုးတိုးတက်စေချင်တယ်ဆိုရင် ဒီသူပုန်တွေကို ထောက်ပံ့အားပေးနေတာကို ဘာကြောင့် မရပ်တန့်နိုင်သလဲ။

Ms. Yun Sun ။ ။ ရှင် ပြောတာနဲ့ ပတ်သက်ပြီးတော့ တရုတ်ဘက်က တုံ့ပြန်ချက်ကတော့ စစ်အစိုးရလက်ထက်တုန်းက ငါတို့ဟာ ဗမာပြည်ကွန်မြူနစ်ပါတီကို ထောက်ခံခဲ့တာကို ရပ်ဆိုင်းပစ်လိုက်တယ်။ ဒါကြောင့် ဗကပ ပြိုကွဲကျဆုံးသွားခဲ့တယ်။ ပြီးတော့ မင်းတို့ကို ငါတို့ နှစ် (၂၀) ကျော် ကူညီထောက်ခံပေးခဲ့တယ်။ ကုလသမဂ္ဂရဲ့  အပြစ်ပေးဒဏ်ခတ်မယ့် ဆုံးဖြတ်ချက်ကိုတောင်မှ ငါတို့က ဗီတို သုံးပြီးတော့ ပယ်ချပေးခဲ့တယ်။ ဒါပေမဲ့ ငါတို့အတွက် ဘာအကျိုးရှိသလဲ။ ငါတို့ စီမံကိန်းတွေကိုတောင် မင်းတို့ ရပ်ဆိုင်းပြစ်ခဲ့တယ်။ မင်းတို့ အမေရိကန်ဘက်ကို မျက်နာလှည့်သွားတယ်။ ဆိုတော့ မြန်မာနိုင်ငံအတွက် ဒီထက်တော့ ငါတို့ ပိုမလုပ်ပေးနိုင်တော့ဘူးလို့ တရုတ်ဘက်က စောဒကတက်ကြမှာ ဖြစ်ပါတယ်။ ဒါကိုကြည့်မယ်ဆိုရင် နယ်စပ်တိုင်းရင်းသားတချို့ ကို အသုံးချပြီးတော့ မြန်မာနိုင်ငံအပေါ် ထိန်းညှိသင့်တယ်လို့ တရုတ်တချို့ ရဲ့  အယူအဆအချက်ကိုလည်း နားလည်နိုင်မယ်လို့ ကျမ ထင်ပါတယ်။

ဦးကျော်ဇံသာ ။ ။ ဒါပေမဲ့ မြန်မာတွေကတော့ တရုတ်တွေကြောင့် သူတို့နိုင်ငံမှာ ဘာမှမကျန်တော့ဘူး။ သယံဇာတတွေ ကုန်ပြီ၊ ကျောက်စိမ်း၊ ရေနံ၊ ကျွန်းသစ် အကုန်လုံး ပြောင်တလင်းခါပြီဆိုပြီး ညည်းညူကြပါတယ်။ ဒါကို မမျှတဘူး။ တရုတ်က တဘက်သတ် အမြတ်ထုတ်သွားကြတယ်လို့ သတ်မှတ်နေကြတာပါ။ ဒီကိစ္စကို တရုတ်က ဘာပြန်ပြောမလဲ။

Ms. Yun Sun ။ ။ တရုတ်တို့ဘက်က ပြန်ပြောမှာကတော့ စစ်အစိုးရလက်အောက်မှာတုန်းက မြန်မာနိုင်ငံဟာ နိုင်ငံတကာရဲ့  ဒဏ်ခတ်အရေးယူမှုကို ခံနေရတာပါ။ မြန်မာနိုင်ငံအနေနဲ့ နိုင်ငံတကာ ထောက်ခံမှုရဖို့ တခြားရွေးချယ်စရာ နည်းလမ်းလည်း မရှိပါဘူး။ တရုတ်ဟာ ကုလသမဂ္ဂ လုံခြုံရေးကောင်စီ အမြဲတမ်းအဖွဲ့ဝင်နိုင်ငံလည်း ဖြစ်ပါတယ်။ မြန်မာနိုင်ငံ အရေးယူခံရမယ့်ကိစ္စကို တရုတ်ကသာ ဗီတိုသုံး ပယ်ချနိုင်ပါတယ်။ အိန္ဒိယ နဲ့ အာဆီယံတို့ မလုပ်နိုင်ပါဘူး။ ဆိုတော့ မြန်မာနိုင်ငံအဖို့ မိတ်ဆွေကင်းမဲ့နေတဲ့အချိန် ငါတို့ ကူညီခဲ့တယ်။ ငါတို့ စီးပွားရေး စီမံကိန်းတွေအတွက်လည်း မင်းတို့ လုပ်ကိုင်ခဲ့တယ်။ ဒါဟာ မျှတတယ်လို့ ပြောကြမှာပါ။ တကယ်ပဲ တရုတ်တွေက ကျမကို ပြောကြပါတယ် ငါတို့မှာ ရွေးစရာ အများကြီး။ မြန်မာမှာ ငါတို့မှတပါး ရွေးစရာ မရှိခဲ့ဘူးလို့ ကျမက တရုတ်နိုင်ငံ ကိုယ်စားပြုပြီးတော့ ပြောနေတာ မဟုတ်ပါဘူး။ သုတေသီတဦးသာ ဖြစ်ပါတယ်။

ဦးကျော်ဇံသာ / ဗွီအိုအေ (မြန်မာပိုင်း)
http://burmese.voanews.com

သမ္မတသစ် ဦးထင်ကျော်ကို နိုင်ငံတကာကြိုဆို


မြန်မာနိုင်ငံ သမ္မတအဖြစ် မနေ့က ကျမ်းသစ္စာကျိန်ဆိုလိုက်တဲ့ ဦးထင်ကျော်ကို ချီးကျူးဂုဏ်ပြုကြောင်း အမေရိကန်ပြည်ထောင်စု၊ ဗြိတိန်နဲ့ ကုလသမဂ္ဂ အပါအ၀င် နိုင်ငံတကာ အစိုးရတွေက ဆက်တိုက်ဆိုသလို ထုတ်ဖော် ပြောဆိုနေကြပါတယ်။

တချိန်ထဲမှာပဲ မြန်မာနိုင်ငံ ဒီမိုကရေစီ ဖော်ဆောင်လုပ်ငန်းတွေအတွက် အစိုးရသစ်ကို ဆက်လက် ကူညီ ပံ့ပိုးပေးသွားမယ်လို့လည်း ပြောဆိုကြပါတယ်။ အပြည့်အစုံကိုတော့ ကိုဇော်ဝင်းလှိုင်က စုစည်း တင်ပြပေးထားပါတယ်။

မနေ့ မတ်လ ၃၀ ရက်နေ့ မနက်ပိုင်းက ပြည်ထောင်စု လွှတ်တော်မှာ ပြုလုပ်တဲ့ ကျမ်းသစ္စာ ကျိန်ဆိုပွဲအပြီး နိုင်ငံတော်သမ္မတသစ် ဦးထင်ကျော်က တိုင်းပြည်ကို ပထမဆုံးအကြိမ်အဖြစ် မိန့်ခွန်း ပြောကြားခဲ့တာမှာ အစိုးရသစ်အနေနဲ့ အမျိုးသားရင်ကြားစေ့ရေး၊ ပြည်တွင်း ငြိမ်းချမ်းရေး၊ ဒီမိုကရေစီ ဖက်ဒရယ်ပြည်ထောင်စု ပေါ်ပေါက်ရေး စတာတွေကို ဦးစားပေး လုပ်ဆောင်သွားမယ်လို့ ပြောကြားခဲ့ပါတယ်။

"ဒီနေ့ ဒီအချိန်မှာ လေးနက်စွာတင်ပြလိုတဲ့ အချက်တခုရှိပါတယ်။ ဒီအချက်ကတော့ မကြာမီကပဲ ကျနော်ဟာ နိုင်ငံတော်သမ္မအဖြစ် ကတိသစ္စာပြုခဲ့ပြီးဖြစ်ပါတယ်။ အဲဒီကတိသစ္စာကို ထိန်းသိမ်းစာင့်ရှောက်ရမယ့် တာဝန်ရှိကြောင်းကိုလည်း အစဉ်သတိချပ်နေမှာဖြစ်ပါတယ်။ ဒါ့အပြင် နိုင်ငံတော်နဲ့ သင့်တော်မယ့် ဒီမိုကရေစီစံချိန်စံညွန်းများနဲ့ကိုက်ညီတဲ့ ဖွဲ့စည်းပုံအခြေခံ ဥပဒေတရပ် ဖြစ်ပေါ်လာရေးအတွက်လည်း ဆောင်ရွက်ရမယ့် တာဝန်ရှိပါတယ်။ နှစ်ရှည်လများ ပြည်သူလူထုလိုလား တောင်းတနေတဲ့ ဒီနိုင်ငံရေးရည်မှန်းချက် အကောင်အထည် ပေါ်လာရေးအတွက် စိတ်ရှည်သီးခံပြီး ဆောင်ရွက်သွားရမယ် ဆိုတာကိုလည်း သိနားလည်ထားပါတယ်။ နိဂုံးချုပ်အားဖြင့် တင်ပြချင်တာကတော့ ယခု ပေါ်ပေါက်လာတဲ့ ပြည်ထောင်စု အစိုးရအဖွဲ့ဟာ ပြည်သူလူထုရဲ့ မျှော်လင့်ချက်များ၊ ဆန္ဒများ ပြည့်ဝစေရန် မမှိတ်မသုန် ကြိုးပမ်းဆောင်ရွက် သွားမှာဖြစ်ကြောင်း အလေးအနက် ပြောကြားလိုခြင်းဖြစ်ပါတယ်။"

သမ္မတ ဦးထင်ကျော် ဦးဆောင်တဲ့ မြန်မာအစိုးရအဖွဲ့သစ် အစိုးရလုပ်ငန်းတာဝန်တွေ တရားဝင် လွှဲပြောင်းရယူပြီး ပြည်ထောင်စု လွှတ်တော်မှာ ကျမ်းသစ္စာကျိန်ဆိုတဲ့နေ့မှာပဲ အမေရိကန်သမ္မတ Barack Obama က ဦးထင်ကျော်ကို ချီးကျူးဂုဏ်ပြုကြောင်း ပြောကြားလိုက်ပြီး - ဦးထင်ကျော် သမ္မတအဖြစ် ကတိသစ္စာ ပြုလိုက်တာဟာ ဒီမိုကရေစီနည်းကျ ရွေးကောက်တင်မြှောက်တဲ့၊ အရပ်သားဦးဆောင်တဲ့ အစိုးရအဖွဲ့တခုဆီ မြန်မာနိုင်ငံရဲ့ အသွင်ကူးပြောင်းရေးမှာ သမိုင်းမှတ်တိုင် တခုဖြစ်ကြောင်း၊ မြန်မာ့သမိုင်းမှာ အင်မတန်ထူးခြားတဲ့ အခု အချိန်ကာလဟာ လူထု၊ နိုင်ငံတွင်း အဖွဲ့အစည်းတွေ၊ ငြိမ်းချမ်းစွာ အာဏာလွှဲပြောင်းရေး ဖြစ်ပေါ်စေဖို့ အတူတကွ လုပ်ဆောင်ခဲ့ကြတဲ့ ခေါင်းဆောင်တွေရဲ့ ပြယုဂ်သက်သေဖြစ်ကြောင်း၊ ဒါဟာ ၂၀၁၁ ခုနှစ်ကတည်းက လုပ်ဆောင်လာတဲ့ ပြုပြင်ပြောင်းလဲရေးရဲ့ အရေးပါမှုကို ကိုယ်စားပြုကြောင်း သမ္မတ အိုဘားမားက ပြောကြားချက်ကို အိမ်ဖြူတော်က ကြေညာချက် ထုတ်ပြန်ခဲ့ပါတယ်။

တချိန်ထဲမှာပဲ အမေရိကန်နိုင်ငံခြားရေးဌာနကလည်း သမ္မတသစ် ဦးထင်ကျော်ကို ချီးကျူး ဂုဏ်ပြုကြောင်း ကြေညာချက်ထုတ်ပြန်ခဲ့ပါတယ်။ Ana Richey-Allen ဟာ အမေရိကန်နိုင်ငံခြားရေးဌာနက အရှေ့အာရှဆိုင်ရာ အရာရှိတဦးပါ။ သူက အမေရိကန်အစိုးရက သမ္မတသစ်ကို ချီးကျူး ဂုဏ်ပြုကြောင်း နိုင်ငံခြားရေးဌာနက ထုတ်ပြန်တဲ့ ကြေညာချက်ကို အခုလို ဖတ်ကြားပြခဲ့ပါတယ်။

“သမ္မအဖြစ် ကျမ်းသစ္စာကျိန်ဆိုလိုက်တဲ့ ဦးထင်ကျော်ကို အမေရိကန်ပြည်ထောင်စုအနေနဲ့ ချီးကျူး ဂုဏ်ပြုပါတယ်။ ဒါဟာ မြန်မာနိုင်ငံ ဒီမိုကရေစီ ပြုပြင်ပြောင်းလဲရေး လုပ်ငန်းစဉ်အတွက် သမိုင်း မှတ်ကျောက်တင်ရမယ့် အခါသမယ ဖြစ်ပါတယ်။ အရပ်သားဦးဆောင်တဲ့ အစိုးရတစ်ရပ် ဖွဲ့စည်းပြီး အာဏာကို ငြိမ်းချမ်းစွာ လွှဲပြောင်းလိုက်နိုင်တာဟာ မြန်မာနိုင်ငံသမိုင်းမှာ ၀ိသေသ ထူးခြားတဲ့ အချိန်အခါ ဖြစ်ပါတယ်။ မြန်မာနိုင်ငံ ဒီမိုကရေစီ ပြုပြင် ပြောင်းလဲရေးလုပ်ငန်းစဉ်တွေ အပါအ၀င် စီးပွားရေး ဖွံ့ဖြိုးတိုးတက်မှု ဖြစ်စေမယ့် အစီအစဉ်တွေ ချမှတ်နိုင်ရေး၊ လူ့အခွင့်အရေးအခြေအနေ တိုးတက်ကောင်းမွန်ရေး၊ အမျိုးသားပြန်လည် ရင်ကြားစေ့ရေး စတဲ့ ကိစ္စတွေမှာ အစိုးရသစ်နဲ့ လက်တွဲ လုပ်ဆောင်သွားဖို့ အမေရိကန်ပြည်ထောင်စုအနေနဲ့ မျှော်လင့်ပါတယ်။”

ကုလသမဂ္ဂ အတွင်းရေးမှူး ဘန်ကီမွန်းကလည်း နှစ်ပေါင်း ၅၀ ကျော်အတွင်း အရပ်သားသမ္မတအဖြစ် ဦးထင်ကျော်ကို ရွေးချယ် တင်မြောက်လိုက်တာဟာ မြန်မာနိုင်ငံအတွက် အင်မတန် ထူးခြားတဲ့အခါသမယဖြစ်တယ်လို့ယူဆကြောင်း အတွင်းရေးမှူးချုပ် ဘန်ကီမွန်းရဲ့ ပြောခွင့်ရပုဂ္ဂိုလ် Stephane Dujarric က ပြောပါတယ်။

“မြန်မာနိုင်ငံမှာ သမ္မတသစ်ကို ရွေးချယ် တင်မြှောက်လိုက်တာဟာ ဒီမိုကရေစီဖော်ဆောင်ရေး လုပ်ငန်းစဉ်မှာ ထူးခြားတဲ့ အခါသမယဖြစ်တယ်လို့ အတွင်းရေးမှူးချုပ် ဘန်ကီမွန်းက ယူဆပါတယ်။ အခုသမ္မတဟာ မြန်မာနိုင်ငံမှာ နှစ်ပေါင်း ၅၀ ကျော်အတွင်း ပထမဆုံး အရပ်သားသမ္မတဖြစ်တယ်ဆိုတာကို မမေ့သင့်ပါဘူး။ ဒါဟာ ကြီးမားတဲ့ အောင်မြင်မှုတခု ဖြစ်ပါတယ်။ မြန်မာနိုင်ငံမှာ ပြုပြင် ပြောင်းလဲမှုတွေ လုပ်ဆောင်ဖို့ မနှစ် နိုဝင်ဘာ ၈ ရက်နေ့မှာ ကျင်းပခဲ့တဲ့ ရွေးကောက်ပွဲကတဆင့် လူထုက ပြတ်ပြတ်သားသား ဆန္ဒပြုလိုက်တယ်ဆိုတာကို ပြသနေတာလည်း ဖြစ်ပါတယ်။ မြန်မာနိုင်ငံမှာ တိုင်းရင်းသားလူမျိုးစုံနဲ့ မတူညီတဲ့ ဘာသာကိုးကွယ်သူတွေ အားလုံးပါဝင်တဲ့ တက်ကြွ လန်းဆန်းတဲ့ တိုင်းပြည်တခုဖြစ်လာရေးအတွက် မြန်မာနိုင်ငံမှာ ကြီးမားတဲ့ အခွင့်အလန်းတွေ ရှိနေပါတယ်။”

ဒါ့အပြင် တိုင်းပြည်တွင်း လူမှု စီးပွား စတဲ့ ဘက်စုံဖွံ့ဖြိုးတိုးတက်ရေးအတွက် လုပ်ဆောင်နေတဲ့ မြန်မာအစိုးရကို ကုလသမဂ္ဂအနေနဲ့ ဆက်လက် ကူညီ ပံ့ပိုးပေးသွားမှာ ဖြစ်တယ်လို့ အတွင်းရေးမှူးချုပ် ဘန်ကီမွန်းက ပြောကြားခဲ့တယ်လို့ Stephane Dujarric က ပြောပါတယ်။

ဗြိတိန်နိုင်ငံ နိုင်ငံခြားရေးဝန်ကြီး Philip Hammond ကလည်း သမ္မတသစ်အဖြစ် ကျမ်းသစ္စာကျိန်ဆိုလိုက်တဲ့ ဦးထင်ကျော်ကို ကြိုဆိုကြောင်း မတ်လ ၃၀ ရက်နေ့ ရက်စွဲနဲ့ ကြေညာချက် ထုတ်ပြန်ခဲ့ပါတယ်။

ဒါဟာ မြန်မာနိုင်ငံနဲ့ မြန်မာ ပြည်သူ ပြည်သားတွေရဲ့ ဒီမိုကရေစီ ဖြစ်စဉ်အတွက် မှတ်တိုင်တခုဖြစ်ကြောင်း၊ အခုလို အရေးပါတဲ့ အောင်မြင်မှု ရရှိလိုက်တဲ့အတွက် NLD အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်ကိုလည်း သူ့အနေနဲ့ ချီးကျူး ဂုဏ်ပြုခဲ့ကြောင်း၊ အခုလို ညင်သာ ချောမွေ့တဲ့ အာဏာလွဲပြောင်းမှု ဖြစ်ပေါ်လာရေးအတွက် မနှစ်က ရွေးကောက်ပွဲ ငြိမ်းချမ်းစွာ ကျင်းပနိုင်ရေးအတွက် လုပ်ဆောင်ပေးခဲ့တဲ့ အရင်အစိုးရရဲ့ လုပ်ရပ်ကိုလည်း အသိအမှတ်ပြုပါကြောင်း နိုင်ငံခြားရေးဝန်ကြီး Philip Hammond ရဲ့ ကြေညာချက်မှာ ဖော်ပြထားပါတယ်။

အလားတူပဲ မြန်မာ့အိမ်နီးချင်း ထိုင်းနိုင်ငံက ဘုရင် ဘူမိဘော အဒူယာဒက်ခ်ျကလည်း ဦးထင်ကျော် သမ္မတအဖြစ် ကျမ်းသစ္စာ ကျိန်ဆိုလိုက်တဲ့အပေါ် ချီးကျူး ဂုဏ်ပြုပါကြောင်းနဲ့ သမ္မတနဲ့အတူ မြန်မာပြည်သူ ပြည်သားတွေလည်း အောင်မြင်မှုတွေ၊ ပျော်ရွှင်မှုတွေ ရရှိစေဖို့အတွက် ဆုတောင်း မေတ္တာ ပို့သပါကြောင်း သ၀ဏ်လွှာ ရေးသား ပေးပို့လိုက်ပါတယ်။

သမ္မတသစ် ဦးထင်ကျော် ကျမ်းသစ္စာ ကျိန်ဆိုတဲ့အခမ်းအနားအတွင်းမှာလည်း အိမ်နီးချင်း နိုင်ငံတွေအပါအ၀င် ကမ္ဘာ့နိုင်ငံအသီးသီးက ခေါင်းဆောင်တွေက ချီးကျူးဂုဏ်ပြုကြောင်း ပေးပို့ကြတဲ့ သ၀ဏ်လွှာတွေကို ဖတ်ကြားပြခဲ့ပါတယ်။

ကိုဇော်ဝင်းလှိုင် / ဗွီအိုအေ (မြန်မာပိုင်း)
http://burmese.voanews.com

အမြန်လမ်းမကြီးတွင် ယာဉ်တိမ်းမှောက်မှုဖြစ်ပွား


ကျောက်တံခါး မတ် ၃ဝ

ပဲခူးတိုင်းဒေသကြီး ကျောက်တံခါး မြို့နယ် မြို့ချောင်းအမြန်လမ်းမကြီးရဲစခန်းအပိုင် ရန်ကုန်- မန္တလေးအမြန်လမ်းမကြီး မိုင်တိုင်အမှတ် (၇၇/၄) နှင့်( ၇၇/၅)အကြားတွင် ယနေ့နံနက် ၈ နာရီခွဲက ယာဉ်တိမ်း မှောက်မှုဖြစ်ပွားခဲ့သည်။

အခင်းဖြစ်နေရာသို့ မြို့ချောင်းအမြန်လမ်းမကြီးရဲစခန်းမှ စခန်းမှူး ဒုရဲမှူး ထွန်းထွန်းဦး၊ တာဝန်ကျတာဝန်မှူး ရဲအုပ် သိန်းဗိုလ်နှင့် ရဲတပ်ဖွဲ့ဝင်များက သွားရောက် ကြည့်ရှုစစ်ဆေးရာ နေပြည်တော်ဘက်မှ ရန်ကုန်ဘက်သို့ ဘောဂသိဒ္ဓိရပ်ကွက် ပိတောက်အိမ်ရာ တိုက်အမှတ်(၇၃၇)နေ အောင်စိုးသူ (၂၅)နှစ် မောင်းနှင်သည့် ယာဉ်အမှတ် ၅ဃ/----- မတ်တူးအမျိုးအစား အဖြူရောင်ယာဉ်သည် အရှိန်လွန်ပြီး လမ်းလယ်ကျွန်းပေါ်မှတစ်ဆင့် တစ်ဖက် ယာဉ်ကြောဘက်သို့ရောက်ရှိကာ တိမ်းမှောက် ခဲ့သည်။

ယာဉ်တိမ်းမှောက်မှုကြောင့် ယာဉ်အမိုး ပိုင်း ပိန်ချိုင့်ပျက်စီး၊ ရှေ့လေကာမှန်နှင့် ရှေ့ မီးသီးများကွဲ၊ ဘော်ဒီယာဘက်ဘေးပိန်ချိုင့်ပျက်စီးခဲ့ပြီး အောင်စိုးသူအား မြို့ချောင်းအမြန် လမ်းမကြီးရဲစခန်းက အမှုဖွင့်အရေးယူ ဆောင်ရွက်ထားကြောင်း သိရသည်။

ခင်ကို(ကျောက်တံခါး)
The Mirror Daily
https://www.facebook.com/TheMirrorDaily

မချောစန္ဒီထွန်း လွတ်မြောက်

ချစ်သမီး (ခေါ်) မချောစန္ဒီထွန်း ကို မတ်လ ၃ဝ ရက်နေ့က တွေ့ရစဉ်။ ဓါတ်ပုံ- ချောစန္ဒီထွန်းဖေ့ဘုတ်
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဓာတ်ပုံကို ပြုပြင်ပြီး သရော်တဲ့စာသားတွေ နဲ့ ဖေ့စ်ဘွတ်မှာ တင်ခဲ့တာကြောင့် ထောင်ဒဏ် ၆လ ချမှတ်ခံထားရတဲ့ ချစ်သမီး (ခေါ်) မချောစန္ဒီထွန်းဟာ ဒီနေ့ မအူပင်အကျဉ်းထောင်ကနေ ပြစ်ဒဏ်ကာလပြည့်မြောက်ပြီး လွတ်မြောက်လာပါတယ်။

အကျဉ်းကျစဉ်မှာ နှစ်လလောက်က ဖိနှိပ်ချုပ်ချယ်မှုတွေခံခဲ့ရတယ်လို့ မချောစန္ဒီထွန်းက ပြောပါတယ်။

"အခန်းအပြင်ဘက်ထွက်လို့ရတော့ သမီးက အပြင်ထွက်တယ်၊ အပြင်ထွက်ပြီး တခြားအကျဉ်းသူတွေနဲ့ စကားပြောတယ်၊ အဲ့ဒါသူတို့က စကားပြောတာ မကြိုက်ဘူးပေါ့၊ လူ့အချင်းချင်းစကားပြောတာ မကြိုက်ဘူး ဆိုတာက လူ့အခွင့်အရေး ချိုးဖောက်တဲ့ သဘောတွေလည်း တက်ရောက်တယ်ပေါ့၊ နောက်ညီမလှုပ်ရှားသမျှ အကုန်လိုက်ကြည့်နေတယ်၊ သူတို့တွေက သတင်းပို့တယ်၊ အဲ့လိုမျိုးတွေတော့ရှိတယ်၊ နောက်ပိုင်းမှ အဲ့တင်းကြပ် မှုတွေအကုန်လုံး ဖြေလျော့ပေးတာပေါ့၊ ဒီဟာက သူတို့ဘက်က အရေးယူသင့်တယ်ဆိုပြီး အရေးယူတာပေါ့၊ ကိုယ့်ဘက်ကအနေနဲ့ကတော့ ဒီဥစ္စာက အရောင်တူလို့ တူတယ်လို့ ပြောမိလိုက်တာ၊ အမှန်တရားကို ပြောမိ လို့ ထောင်ထဲရောက်တာ၊ စိတ်မကောင်းတော့ မဖြစ်ပါဘူး"

ဆက်သွယ်ရေးဥပဒေ ပုဒ်မ ၆၆(ဃ)နဲ့ တရားစွဲဆိုခံရပြီး အမှုရင်ဆိုင်နေရချိန်မှာ အာမခံမပေးတဲ့အပေါ် မဖြစ်သင့်ကြောင်းလည်း ပြောပါတယ်။

တပ်မတော်ဝတ်စုံ အရောင်ပြောင်းလဲလိုက်တာနဲ့ ပတ်သက်ပြီး ဖေ့စ်ဘွတ်မှာ တင်ခဲ့တဲ့အတွက် မချောစန္ဒီထွန်းကို အနောက်တောင်တိုင်းစစ်ဌာနချုပ် ဒုတိယဗိုလ်မှူးကြီး ကျော်ထင်က တရားလိုလုပ်ပြီး စွဲဆိုခဲ့တာဖြစ်ပါတယ်။

မချောစန္ဒီထွန်းကို ပြီးခဲ့တဲ့နှစ် အောက်တိုဘာလမှာ ဖမ်းဆီးခဲ့ပြီး ဒီဇင်ဘာလကုန်မှာ မအူပင်မြို့နယ်တရားရုံး က ထောင်ဒဏ် ၆ လ ချမှတ်ခဲ့တာဖြစ်ပြီး ဒီနေ့ လွတ်မြောက်လာတာဖြစ်ပါတယ်။

RFA Burmese
http://www.rfa.org/burmese

မြန်မာသမ္မတသစ်အပေါ် အမေရိကန်ရောက် မြန်မာတချို့အမြင်


မြန်မာနိုင်ငံမှာ သမ္မတ ဦးထင်ကျော် ဦးဆောင်တဲ့ အစိုးရသစ် တက်လာပါပြီ။ တက်လာတဲ့ အစိုးရသစ် အနေနဲ့ လိုအပ်ချက်တွေ အများကြီးရှိနေတဲ့ မြန်မာနိုင်ငံမှာ ရင်ဆိုင်ရနိုင်တဲ့ စိန်ခေါ်မှုတွေနဲ့ ပတ်သက်ပြီး အမေရိကန်နိုင်ငံရောက် မြန်မာနိုင်ငံသားတွေက ဘယ်လို မြင်ကြပါသလဲ။ ဆက်သွယ်မေးမြန်းထားတဲ့ ဒေါ်ခင်မျိုးသက်က တင်ပြထားပါတယ်။

မြန်မာနိုင်ငံမှာ သမ္မတသစ် ဦးထင်ကျော် တက်လာပြီး အပြောင်းအလဲတွေ ဖြစ်လာပြီ ဆိုပေမဲ့ နှစ်ပေါင်းများစွာ အုပ်ချုပ်လာတဲ့ စစ်တပ်ရဲ့ လွှမ်းမိုးမှုတွေ ရှိနေသေးတာမို့ နိုင်ငံတကာမှာလို သမ္မတအနေနဲ့ နိုင်ငံအတွက် သူလုပ်ချင်တာတွေကို အပြည့်အဝ လုပ်ခွင့်ရှိအောင် စစ်တပ်ကို အရပ်ဘက်အုပ်ချုပ်ရေး လက်အောက်မှာ ရှိစေချင်တယ်လို့ ရေဇင်းစိုက်ပျိုးရေး တက္ကသိုလ် ကျောင်းအုပ်ကြီးဟောင်း ဆရာ ဆလိုင်းထွန်းသန်းက ပြောပါတယ်။

“ကျနော်မြင်ချင်တာတော့ နိုင်ငံတကာမှာလိုပဲ စစ်တပ်သည် အရပ်သားအောက်မှာ ရှိစေချင်တယ်။ အဓိပ္ပါယ်ကတော့ သမ္မတသည် အလုံးစုံကိုပိုင်တဲ့ အာဏာပိုင်တယောက် ဖြစ်စေချင်တယ်။ ဒါကတော့ တစ်အချက်။ တရားဥပဒေစိုးမိုးရေးဆိုတာက ပါးစပ်နဲ့ စာပေါ်မှာပဲ ရှိတယ်။ တကယ်မှ မကျင့်ဘဲ။ အဲဒါတော့ ကျင့်စေချင်တယ်။ တရားဥပဒေစိုးမိုးရေးဆိုတဲ့ ဥစ္စာကတော့ ဒါ တော်တော့်ကို လိုအပ်တယ်။ နောက်ဆုံးအချက်က ဒေါ်စုက ပြောတယ်လို့ပြောတယ် အဲဒါတော့ ထောက်ခံတယ်။ အဲဒါ ဘာလဲဆိုတော့ ကျနော်တို့ လူမျိုးရေး ပယ်ရမယ်။ ဘာသာရေး ပယ်ရမယ်။ အရပ်တကာ စွဲလန်းမှုတွေကို ကျနော်တို့ ပယ်ရမယ်။ လူတော်လူကောင်း တက်ဖို့ လိုနေပြီ ကျနော်တို့။ လူတော်လူကောင်းမတက်လို့ ကျနော်တို့ အကုန်လုံး အဖတ်ဆယ်လို့ကို မရတော့ဘူး။ အဲ့သလိုဖြစ်နေတယ်။”

မေး - အခု ဦးထင်ကျော် တက်လာတော့ရော ဆရာ။

ဖြေ - “၀မ်းတော့သာတယ်။ သူ ဘယ်လိုလုပ်မလဲဆိုတာတော့ ကျနော် မသိဘူး။ သို့သော်လည်းပဲ မျှော်တော့မျှော်လင့်တယ်။ ကောင်းတာတွေ သူလုပ်လိမ့်မယ်လို့။ ဘယ်လောက်ပဲ ကောင်းတာတွေ သူလုပ်လိမ့်မယ်လို့ ပြောပေမဲ့လို့ သူ့မှာ အာဏာက အပြည့်မရှိဘူးဆိုတော့ ကျနော်တို့ သိနေပြီးသား ဖြစ်နေပြီ။ အဲဒါတော့ ကျနော် စိုးရိမ်တယ်။”

နှစ်ပေါင်း ၅၀ ကျော် စစ်တပ်အုပ်ချုပ်ရာကနေ အရပ်သားအစိုးရစစ်စစ် တက်လာတာမို့ အပြောင်းအလဲတွေတော့ နေ့ချင်းညချင်း မြင်ရအောင် မျှော်လင့်လို့ မရနိုင်ဘူးလို့ မှတ်ချက်ပေးသူကတော့ အနောက် Illinois တက္ကသိုလ်က ပါမောက္ခ ဒေါက်တာ ရန်နိုင်လွင်ပါ။

“ကြားရတာ တွေ့ရတာတော့ ၀မ်းသာတာပေါ့။ မျှော်မှန်းကြည့်တာပေါ့ ရှေ့ကို ကောင်းလာဖို့အတွက်။ အားလုံးအတွက် ကောင်းလာမယ်လို့ ထင်တာပဲလေ။ ဒါပေမဲ့ အချိန်ကတော့ ယူရမှာပေါ့။ ဘာဖြစ်လို့လဲဆိုတော့ နှစ်ပေါင်း ဒီလောက်အကြာကြီး ဖြစ်ခဲ့ပြီးတော့ အခုကျမှ ပြောင်းရတော့ လုပ်ရမယ့် ဟိုဒင်းတွေက အများကြီးကိုး။ အဲတော့ လူတိုင်းလူတိုင်းက အကုန်လုံး တာဝန်ရှိကြတာပေါ့။ အဲဒါကို ဒီလိုပြောင်းလိုက်တာနဲ့ ချက်ခြင်း နောက်တနေ့ကောင်းသွားမယ်လို့ ဆိုပြီးတော့ တွေးလို့မရဘူး။ နဲနဲ သည်းညည်းခံရမှာပေါ့။”

အခု မြန်မာနိုင်ငံရဲ့ အနေအထားဟာ ပြည်သူတွေ လိုလားတဲ့ အနေအထား အသင့်အတင့် ရောက်နေပြီလို့ အမေရိကန်နိုင်ငံကို ရောက်နေတဲ့ အနုပညာရှင် ကာတွန်း ဝင်းထွန်းက သုံးသပ်ပါတယ်။

“အခု ဗမာပြည်မှာ အာဏာလွှဲပြောင်းမှုပဲ ဆိုဆို၊ သမ္မတ ကျမ်းသစ္စာကျိန်ဆိုပွဲပဲ ပြောပြော၊ ဒုတိယလွတ်လပ်ရေးလို့လည်း ဆိုဆို၊ ကျနော်တို့ ပြည်သူတွေ လိုချင်တဲ့အနေအထား အသင့်အတင့်ရောက်ပြီလို့ ပြောလို့ရပါတယ်။ ဒီအတွက် ၀မ်းသာစရာလည်း ကောင်းပါတယ်။ နှစ်ရှည်လများ စောင့်ခဲ့ရတဲ့ ကိစ္စတခုအတွက် ၀မ်းသာအားရ ဖြစ်မိပါတယ်။ ဒါပေမဲ့လို့ ကိုယ်လိုချင်သလိုတော့ ဖြစ်မလာသေးဘူး။ ဘာဖြစ်လို့လဲဆိုတော့ အနေအထားတွေ အားလုံးကို ပြည်သူတွေလည်း သိပါပြီလေ။ ဘာဖြစ်လို့လဲဆိုတော့ တဘက်ကလည်း လုံးဝဥဿုံ လျှော့ပေးတာမျိုးမှ မဟုတ်ဘဲဟာ။”

ဒီလို အနေထားမှာ တက်လာတဲ့ အစိုးရသစ်အနေနဲ့ လိုအပ်ချက်တွေ အများကြီး ရှိနေတဲ့ မြန်မာနိုင်ငံအတွက် လုပ်စရာတွေ အများကြီး ရှိနေသလို ရင်ဆိုင်ရမယ့် စိန်ခေါ်မှုတွေလည်း အများကြီး ရှိနေတယ်လို့ ထောက်ပြပါတယ်။

“ဆင်းရဲချမ်းသာကွာဟမှုက အရမ်းကို လွန်လွန်းတော့ ငတ်ပြတ်နေတဲ့သူတွေ တပုံကြီးပါပဲ။ အဲတော့ ဒီလူတွေကို ကိုယ်တိုင် ထမင်းမကျွေးနိုင်ရင်တောင် သူတို့ ချောင်လည်နိုင်အောင် ဘာစီစဉ်ပေးနိုင်မလဲ။ နောက်တချက်က သန့်ရှင်းမှုနဲ့ ကျန်းမာရေးပါ။ ဘာဖြစ်လို့လဲဆိုတော့ ဗမာပြည်မှာ ဘာမှမလုပ်ခဲ့တာ နှစ်ပေါင်းများစွာ ကြာတဲ့အတွက် မြို့ကြီးမြို့ငယ်တွေ အားလုံးဟာ လူတွေအတွက် သန့်ရှင်းမှုမရှိဘူး။ ကျန်းမာရေးဟာ ထိခိုက်ပြီးတော့ အရာရာ ချို့ယွင်းနေကြမှာပဲ။ နောက်တခုက အဓိက ပညာရေးပဲ။ ကျနော်တို့ ခေတ်ကတည်းက ရတဲ့ဘွဲ့ဟာ ဘာမှမှ သုံးမရတာပဲ။ အခုလည်း မထူးပါဘူး။ ရရာ အလုပ်ကလေးတွေ နိုင်ငံခြားကပဲ လာလာ၊ ပြည်တွင်းကပဲ ဖွင့်ဖွင့် ကုမ္ပဏီလေးတွေမှာ သင့်ရာသင့်ရာ ၀င်နေကြပြီး ဘာမှ ဒီလောက် အလုပ်မဖြစ်ကြဘူး။ အဓိကကတော့ အတတ်ပညာ အများကြီး လိုအပ်နေတာ။ နောက်တခုက တိုင်းပြည်ပွင့်လင်းလာရင် ၀င်လာကြတော့မယ်။ ၀င်လာကြလို့ရှိရင် ခုနကပြောတဲ့ အတတ်ပညာဟာ မရှိမဖြစ် လိုအပ်လာပြီ။ အဲဒါတွေကို နားလည်ပြီးတော့ နောက်မျိုးဆက်သစ်ဖြစ်ဖြစ်၊ လက်ရှိပဲဖြစ်ဖြစ်၊ ကိုယ်လိုအပ်တာကို ကိုယ်လုပ်ဖို့ပဲ လိုတယ်။ နောက်တခုက အရာရာကို အားကိုးနေလို့ မရဘူး။ အစိုးရက ပွင့်လင်းအောင်၊ လမ်းဖြောင့်အောင် ဖွင့်ပေးရုံပဲ တတ်နိုင်တယ်။ လူတိုင်း ကိုယ့်ဟာကိုယ် လျှောက်ရမှာ။ လူ တော်တော်များများရဲ့အသံက အားကိုးလွန်းတယ်။ မျှော်လင့်လွန်းတယ်။ အဲဒါဟာ အစိုးရအသစ်လည်း ဒုက္ခရောက်မယ်။ လူတွေလည်း ဘာမှဖြစ်မှာမဟုတ်ဘူး။”

အစိုးရသစ်အဖွဲ့ဟာ ဧပြီလ ၁ ရက်နေ့မှာ တာဝန်စတင် ထမ်းဆောင်တော့မှာ ဖြစ်ပါတယ်။

ဒေါ်ခင်မျိုးသက် / ဗွီအိုအေ (မြန်မာပိုင်း)
http://burmese.voanews.com

အစိုးရသစ်ဖွဲ့အပြီး NLD နိုင်ငံရေးပါတီ ပြန်လည်ဖွဲ့စည်းဖို့ ပြင်ဆင်


NLD ပါတီကို ပြန်လည်ဖွဲ့စည်းသွားဖို့ ရှိနေတယ်လို့ ပါတီရဲ့ ဗဟိုအလုပ်မှုဆောင် ဦးဉာဏ်ဝင်းက ပြောဆိုသွားပါတယ်။ ပါတီရဲ့ ပြန်ကြားရေးတာဝန်ခံ ဒေါက်တာ ဇော်မြင့်မောင် ကတော့ ဒေါ်အောင်ဆန်းစုကြည်ဟာ ပါတီဥက္ကဌအနေနဲ့ ဆက်ရှိနေမယ်လို့လည်း ပြောဆိုလိုက်ပါတယ်။

ပါတီနာယကကြီး ဦးတင်ဦးကတော့ အပြောင်းအလဲက ပါတီအပေါ်မှာ အကျိုးသက်ရောက်မှု ကြီးကြီးမားမား ဖြစ်လာမှာမဟုတ်ဘဲ စုစည်းမှုနဲ့ ရှေ့ဆက်မယ်လို့ ပြောပါတယ်။ အပြည်အစုံကို နေပြည်တော်ကနေ ဗွီအိုအေသတင်းထောက် မမေခက ပေးပို့ထားပါတယ်။

နိုင်ငံတော်အာဏာ အလွှဲအပြောင်းမှာ ဝန်ကြီးဌာနတွေကို တာဝန်ယူမယ့် ပြည်ထောင်စုဝန်ကြီး ၁၈ ဦး ကတိသစ္စာပြုခဲ့တာမှာ NLD ပါတီဥက္ကဌ ဒေါ်အောင်ဆန်းစုကြည် က ဝန်ကြီးဌာန ၄ ခုကို တာဝန်ယူခဲ့ပါတယ်။ ပါတီထဲက ဒေါ်အောင်ဆန်းစုကြည် အပါအဝင် လွှတ်တော်ကိုယ်စားလှယ် ၆ ဦးဟာ အစိုးရအဖွဲ့အစည်းထဲမှာ တာဝန်ထမ်းဆောင်သွားမှာပါ။ ဒီပြင် ဒုသမ္မတ ဟင်နရီဗန်တီးယူ အပြင် ဖွဲ့စည်းပုံ အခြေခံဥပဒေ ခုံရုံးမှာလည်း ပါတီဝင် လွှတ်တော်ကိုယ်စားလှယ်တွေ ပါဝင်ထားပါတယ်။ တိုင်းနဲ့ ပြည်နယ် ဝန်ကြီးချုပ်နေရာတွေမှာလည်း ပါတီဝင်တွေ ပါဝင်ထားသလို နောက်ထပ် ခန့်အပ်ဦးမယ့် တိုင်းနဲ့ပြည်နယ်က ဝန်ကြီးဌာနတွေအတွက် ဝန်ကြီးတွေနဲ့ရှေ့နေချုပ် နေရာတွေမှာလည်း NLD ပါတီဝင်တွေ ပါဝင်ဖို့ ရှိနေပါသေးတယ်။ ဒီလိုပါဝင်မှုတွေရှိ လာတာကြောင့် ပါတီကို ပြန်လည်ဖွဲ့စည်းသွားဖို့ စီစဉ်နေတာပါ။ ပြန်လည်ဖွဲ့စည်းမှုနဲ့ ပတ်သတ်ပြီး ဦးဉာဏ်ဝင်းက အခုလို ပြောဆိုလိုက်ပါတယ်။

“ကျနော်တို့ ပြန်လည်ဖွဲ့စည်းရေးလုပ်မှာပါ။ ဒါပေမဲ့ လက်ရှိကတော့ အတွင်းရေးမှူး ၅ ဦးက ဦးဆောင်မှာ။ အချိန်ရတာနဲ့ လုပ်မှာ။ အခု ဒီအချိန်မှာတော့ အန်ကယ်လ် ပြောလို့မရဘူး။ ဒီအချိန် ဘာမှမလုပ်နိုင်ဘူး။”

အရင် သမ္မတဟောင်း ဦးသိန်းစိန် အစိုးရလက်ထက်မှာလည်း ဝန်ကြီးနေရာတွေ တာဝန်ထမ်းဆောင်သူတွေမှာ ကြံ့ခိုင်ရေးပါတီကနေ နှုတ်ထွက်ခဲ့တာ မရှိခဲ့ပါဘူး။ ဒီပြင် သမ္မတဟောင်း ဦးသိန်းစိန် ကိုယ်တိုင်လည်း ပါတီဥက္ကဌ နေရာယူထားသလို သမ္မတတာဝန် ထမ်းဆောင်ခဲ့ပါတယ်။ ဒီအပေါ်မှာ ဝေဖန်မှုတွေ ရှိ်ခဲ့ပါတယ်။ တည်ဆဲ ဖွဲ့စည်းပုံအခြေခံဥပဒေ ပုဒ်မ ၆၄ နဲ့ ၂၃၂ အရ သမ္မတ၊ ဒုသမ္မတတွေနဲ့  ပြည်ထောင်စုဝန်ကြီးတွေဟာ လွှတ်တော်တရပ်ရပ်ရဲ့ ကိုယ်စားလှယ်ဖြစ်ခဲ့ရင် အစိုးရအဖွဲ့အစည်းမှာ တာဝန်ခန့်အပ်တဲ့ နေ့ကစပြီး လွှတ်တော် ကိုယ်စားလှယ်ကနေ နှုတ်ထွက်ရမယ်လို့ ပါဝင်ထားပါတယ်။ ဒီပြင် ရာထူးသက်တမ်းအတွင်း ပါတီအဖွဲ့အစည်း လုပ်ငန်းတွေမှာလည်း ဆောင်ရွက်ခွင့် မရှိစေရလို့ ပါပါတယ်။

ဒေါ်အောင်ဆန်းစုကြည်အနေနဲ့ ပြည်ထောင်စုဝန်ကြီး တာဝန်ယူလိုက်တာ ဖြစ်တာကြောင့် သူ့ရဲ့ အနာဂတ်နဲ့ ပတ်သက်ပြီး ပါတီ ပြန်ကြားရေးတာဝန်ခံ ဒေါက်တာဇော်မြင့်မောင် ကတော့ အခုလို ပြောပါတယ်။

“အဲတော့ ရှေ့ကသွားခဲ့တဲ့ အစိုးရကို ကြည့်လိုက်ပေါ့နော်။ ကျနော်တို့ လွှတ်တော်တွင်းမှာ ဒါကို မေးခွန်းမေးဖူးပါတယ်။ သမ္မတကြီး ဦးသိန်းစိန်က ပါတီမှာ ဘာတာဝန်ရှိသလဲပေ့ါနော် အခု အခြေခံ ဥပဒေအရဆိုရင်။ ဘာပြောလိုက်လဲဆိုတော့ ပါတီရဲ့လုပ်ငန်းတွေကို မဆောင်ရွက်တာပဲ ရှိပါတယ်။ ဥက္ကဌက ဥက္ကဌ ပါပဲဆိုပြီး ဖြေခဲ့တဲ့ ပုဂ္ဂိုလ်ကြီး ရှိပါတယ်။ အဲတော့ ကျနော်တို့ ဥက္ကဌ ဒေါ်အောင်ဆန်းစုကြည်ဟာ ပွင့်ပွင့်လင်းလင်းပြောမယ် NLD ဥက္ကဌပါ။ ပါတီလုပ်ငန်းကို မဆောင်ရွက်တာပဲ ရှိမယ်။ ဒါကြောင့်မို့လို့ အတွင်းရေးမှူး အဖွဲ့ဝင် လုပ်ပေးထားလိုက်တာကို သတိထားမိမှာပေါ့နော်။ အဲတော့ ဒေါ်အောင်ဆန်းစုကြည် ကျနော်တို့ရဲ့ ဥက္ကဌနေရာမှာ ဒေါ်အောင်ဆန်းစုကြည် ရှိနေမယ်။ ပါတီလုပ်ငန်းတော့ မဆောင်ရွက်ဘူးပေါ့လေ။”

NLD ပါတီကို ပြန်လည်ဖွဲ့စည်းသွားဖို့ ရှိနေတဲ့အပေါ်မှာ ပါတီရဲ့ ရှေ့အလားလာနဲ့ ပတ်သက်ပြီး ပါတီနာယကကြီး ဦးတင်ဦးကတော့ အခုလို မှတ်ချက်ပေး ပြောဆိုလိုက်ပါတယ်။

“တာဝန်ကတော့ မကြီးပါဘူး။ အခါတိုင်းလိုပဲ ပူးပေါင်းပြီး လုပ်နေတဲ့အခါကျတော့ ပိုပြီး ကြီးလာတယ် မဟုတ်ပါဘူး။ ဒီလိုပဲ မှန်မှန်ပဲ လုပ်သွားကြတာပေါ့။ အခက်အခဲတခုက နှစ်ပေါင်း ၂၇ ခုနှစ်လုံးလုံး ကျော်လွှားပြီးပြီ။ နောက်ဟာကို ဆက်ပြီးတော့ ကျော်လွှားနိုင်ဖို့အတွက် ဆက်လုပ်နိုင်ဖို့အတွက်ကို လမ်းပွင့်သွားတယ်။ လုပ်နိုင်မယ်လို့ ထင်ပါတယ်။ ပြည်သူပြည်သားတွေကလည်း တပါတည်း ပူးပေါင်းလာပြီးတော့ ကျနော်တို့ချည်း NLD ချည်းပဲ လုပ်လို့မရဘူး။ အားလုံး ခုနက ပြောသလိုပဲ အားလုံးပြန်ပြီးတော့ ပေါင်းပြီး စည်းရုံးသွားပြီး ဆောင်ရွက်ဖို့အတွက် ဖိတ်ခေါ်ထားတဲ့အတွက် အဲဒီအတိုင်း လိုက်ပြီးတော့ အောင်မြင်အောင် လုပ်ဖို့ဆိုတဲ့ဟာ လမ်းပွင့်သွားတယ်။ ၀မ်းသာတယ်။”

ဗုဒ္ဓဟူးနေ့က အာဏာလွှဲပြောင်းပြီးပြီ ဖြစ်တာကြောင့် NLD ပါတီကနေ ရွေးချယ်တင်မြှောက်လိုက်တဲ့ သမ္မတ၊ ဒုသမ္မတ၊ ပြည်ထောင်စုဝန်ကြီးတွေနဲ့ ဖွဲ့စည်းပုံအခြေခံခုံရုံးအဖွဲ့ဝင်နဲ့ ဝန်ကြီးချုပ်တွေဟာ လာမယ့် ဧပြီ ၁ ရက်နေ့မှာ စတင် တာဝန်ထမ်းဆောင်တော့မှာ ဖြစ်ပါတယ်။

မေခ / ဗွီအိုအေ (မြန်မာပိုင်း)
http://burmese.voanews.com

ဘူးသီးတောင်နဲ့ မောင်တောမှာ ညမထွက်ရအမိန့် ၂ လ တိုးမြှင့်

ဘူးသီးတောင် မြို့အဝင်ဆိုင်းပုဒ်ကို တွေ့ရစဉ်။ Photo: Min Thein Aung
ရခိုင်ပြည်နယ် ဘူးသီးတောင်နဲ့ မောင်တောမြို့နယ်မှာ ည ၁၁ နာရီကနေ မနက် ၄ နာရီအထိ ထုတ်ပြန်ထားတဲ့ ပုဒ်မ- ၁၄၄ ညမထွက်ရအမိန့်ကို နောက်ထပ် သက်တမ်း ၂လ တိုးမြှင့်လိုက်ပါတယ်။

မြို့နယ်အုပ်ချုပ်ရေးမှူးအမိန့်နဲ့ ရပ်ကွက်အသီးသီးမှာ မနေ့ညက ကြေညာခဲ့တာလို့ ဘူးသီးတောင်မြို့ အမှတ်(၇) ရပ်ကွက်အုပ်ချုပ်ရေးမှူး ဦးနိုင်နိုင် က ပြောပါတယ်။

ရခိုင်ပြည်နယ်မှာ လွန်ခဲ့တဲ့ ၂၀၁၂ ခုနှစ် ဇွန်လကဖြစ်ပွားခဲ့တဲ့ ပဋိပက္ခတွေကြောင့် ရခိုင်ပြည်နယ်တစ်ခုလုံးမှာ ပုဒ်မ ၁၄၄ ညမထွက်ရအမိန့်ကို ထုတ်ပြန်ကြေညာခဲ့တာဖြစ်ပါတယ်။

နယ်မြေတည်ငြိမ်မှုအပေါ်မူတည်ပြီး မြို့နယ်အားလုံးနီးပါးမှာ ပြန်လည်ရုပ်သိမ်းခဲ့ပေမယ့် ဘူးသီးတောင် နဲ့ မောင်တောမြို့နယ်နှစ်ခုမှာ ဆက်ရှိနေတာဖြစ်ပါတယ်။

၂၀၁၂ ခုနှစ်က ဖြစ်ပွားခဲ့တဲ့ ပဋိပက္ခတွေကြောင့် ရခိုင်ပြည်နယ် တစ်ခုလုံးမှာ ထုတ်ပြန်ထားတဲ့ အရေးပေါ် အခြေအနေကို ၄နှစ်နီးပါးအကြာမှာ ပြီးခဲ့တဲ့ မတ်လ ၂၈ရက်နေ့က နိုင်ငံတော်သမ္မတက ပြန်လည် ရုပ်သိမ်းခဲ့ပါတယ်။

RFA Burmese
http://www.rfa.org/burmese

ကိုယ်ဝန်ဖျက်ချပေးတဲ့ လူကို အပြစ်ပေးသင့်လို့ Trump ဆို

ရီပါပလေကန် ပါတီ သမ္မတလောင်းအဖြစ် ဝင်ရောက် ယှဉ်ပြိုင်နေတဲ့ သူဌေးကြီး Donald Trump (Credit: AFP) 
အမေရိကန် ​သမ္မတလောင်း ​ရွေးချယ်ပွဲမှာ ​ရီပါပလေကန် ​ပါတီဘက်ကနေ ​ဝင်ပြိုင်တဲ့ ​Donald ​Trump ​က ​ကိုယ်ဝန်ဖျက်ချတဲ့ ​အမျိုးသမီးတွေကို ​အပြစ်ပေးသင့်တယ်လို့ ​ပြောဆိုခဲ့ပေမယ့် ​အခုအခါမှာတော့ ​ကိုယ်ဝန် ​ဖျက်ချပေးခဲ့တဲ့ ​လူကို ​အပြစ်ပေးသင့်တယ်လို့ ​ပြန်ပြောင်း ​ပြောဆိုလိုက်ပါတယ်။

MSNBC ​သတင်းဌာနက ​ထုတ်လွှင့်တဲ့ ​အင်တာဗျူးမှာ ​အမေရိကန်နိုင်ငံမှာ ​ကိုယ်ဝန်ဖျက်ချတာကို ​တရားမဝင်ဘူးလို့ ​သတ်မှတ်ရင် ​ဘာဖြစ်သင့်သလဲလို့ ​မေးခဲ့ပါတယ်။

အဲဒီမှာ ​Donald ​Trump ​က ​အပြစ်ပေး ​အရေးယူတာ ​လုပ်ရမယ်လို့ ​ပြောပါတယ်။ ​ကိုယ်ဝန်ဖျက်ချတဲ့ ​အမျိုးသမီးကို ​ပြောတာလားလို့ ​မေးရာမှာတော့ ​ဟုတ်တယ် ​အမျိုးသမီးကို ​ပြောတာလို့ ​ဖြေကြားခဲ့ပါတယ်။

Donald ​Trump ​ရဲ့ ​ပြောဆိုမှုကြောင့် ​ဝေဖန် ​ကဲ့ရဲ့မှုတွေ ​များတဲ့အပြင် ​သမ္မတလောင်း ​ပြိုင်ဘက်တွေကလည်း ​သူ့ကို ​ထိုးနှက်ခဲ့ကြပါတယ်။

အဲဒီလို ​ဖြစ်ပေါ်ပြီးနောက် ​Donald ​Trump ​က ​အမျိုးသမီးကို ​အပြစ်ပေးဖို့ ​မသင့်ပဲ ​ကိုယ်ဝန်ဖျက်ချပေးတဲ့ ​ဆရာဝန်ကို ​အပြစ်ပေးသင့်ကြောင်းနဲ့ ​ဒီကိစ္စဟာ ​ပြည်နယ် ​အစိုးရနဲ့သာ ​ဆိုင်တယ်လို့ ​ပြန်ပြောင်း ​ပြောဆိုခဲ့ပါတယ်။

တချို့နိုင်ငံရေး ​သမားတွေကတော့ ​မုဒိမ်းကျင့် ​ခံရ ​ရာကနေ ​ကိုယ်ဝန်ရသွားတဲ့ ​အမျိုးသမီးတွေကလွဲရင် ​တခြား ​အမျိုးသမီးတွေ ​ကိုယ်ဝန်ဖျက်ချတာမျိုး ​မလုပ်သင့်ဘူးလို့ ​ပြောဆိုလိုက်ပါတယ်။

အမေရိကန် ​နိုင်ငံမှာ ​၁၉၇၃ ​ခုနှစ် ​ကတည်းက ​တရားဝင် ​ကိုယ်ဝန် ​ဖျက်ချခွင့်ပြုထားပေမယ့် ​ပြည်နယ်အလိုက် ​ကန့်သတ်မှုတွေ ​ရှိတယ်လို့ ​သိရပါတယ်။

ABC Radio Australia
http://www.radioaustralia.net.au/burmese

ဝန်ကြီးချုပ်ဟောင်း Khaleda တရားရုံးဖမ်းဝရမ်းထုတ်


ဘင်္ဂလားဒေ့ရ်ှနိုင်ငံမှာ ၂၀၁၅ ခုနှစ်က လူ ၂ ဦး သေဆုံးပြီး အများအပြား ဒဏ်ရာတွေ ရရှိခဲ့တဲ့ ဘတ်စ်ကားတစင်းကို မီးလောင်ဗုံးနဲ့ တိုက်ခိုက်ခဲ့မှုနဲ့ ဆက်နွယ်ပြီး - အတိုက်အခံခေါင်းဆောင် Khaleda Zia ကို ဘင်္ဂလားဒေ့ရ်ှတရားရုံးက ဗုဒ္ဓဟူးနေ့မှာပဲ ဖမ်းဝရမ်းထုတ်လိုက်ပါတယ်။

မနှစ်တုန်းက ဘင်္ဂလားဒေ့ရ်ှဝန်ကြီးချုပ် Sheikh Hasina အစိုးရကို ဖြုတ်ချဖို့ ကြိုးပမ်းရာမှာ နိုင်ငံတ၀ှမ်း ဆန္ဒပြသူတွေက လမ်းတွေကို ပိတ်ဆို့ ဆန္ဒပြခဲ့ကြတဲ့ ဖြစ်ရပ်အတွင်း - ဗုံးခွဲတိုက်ခိုက်အောင် လှုံ့ဆော်ခဲ့တယ်ဆိုပြီး ခါလီဒါ ဇီယာ နဲ့ ဘင်္ဂလားဒေ့ရှ် အမျိုးသားပါတီက ခေါင်းဆောင် ၂၇ ဦးကို စွပ်စွဲထားတာ ဖြစ်ပါတယ်။

သူတို့အပေါ် စွဲချက်တွေကို လက်ခံခဲ့ပြီးနောက် တရားရုံးတော်က ဖမ်းမိန့်ကို အတည်ပြုခဲ့သလို၊ ဒီအမှုမှာ Khaleda Zia ကို အဓိက မသင်္ကာသူအဖြစ် စွပ်စွဲထားကြောင်း - အစိုးရရှေ့နေ Shah Alam Talukdar က ပြောဆိုခဲ့ပါတယ်။

အတိုက်အခံပါတီရဲ့ ပြောခွင့်ရပုဂ္ဂိုလ် Ruhul Kabir Rizvi ကတော့ - စွဲချက်တွေဟာ ရီစရာကောင်းတဲ့အကြောင်း ပြောဆိုခဲ့သလို - ခါလီဒါ ဇီယာအပေါ် နိုင်ငံရေးအရ ပူးပေါင်းကြံစည်မှု တစိတ်တပိုင်းအဖြစ် တမင်သက်သက်လုပ်ဆောင်ခဲ့တာသာ ဖြစ်တယ်လို့လည်း ပြောဆိုခဲ့ပါတယ်။

အတိုက်အခံခေါင်းဆောင် ခါလီဒါ ဇီယာနဲ့ ၀န်ကြီးချုပ် ဟာဆီနာ တို့ဟာ ကာလကြာရှည် နိုင်ငံရေးပြိုင်ဘက်တွေ ဖြစ်ကြပြီး၊ လွန်ခဲ့တဲ့ နှစ်ပေါင်း ၂၀ အတွင်း တိုင်းပြည်ရဲ့ ၀န်ကြီးချုပ်အဖြစ် တလှည့်စီ တာဝန်ယူခဲ့ကြသူတွေပါ။ နှစ်ယောက်စလုံးဟာ တိုင်းပြည်ရဲ့ အမျိုးသားခေါင်းဆောင်ဟောင်းတွေနဲ့ သွေးသားတော်စပ်သူတွေလည်း ဖြစ်ကြပါတယ်။

ဗွီအိုအေ (မြန်မာပိုင်း)
http://burmese.voanews.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ