မူဆယ်-ပန်ဆိုင်း လမ်းပေါ်က ကျေးရွာမှာ မိုင်းနှစ်လုံး ပေါက်ကွဲ

ရှမ်းပြည်နယ်မြောက်ပိုင်း နမ့်တောင်းကျေးရွာမှာ ၂၀၁၈၊ စက်တင်ဘာ ၁၉ ရက်နေ့က မိုင်း ပေါက်ကွဲမှုကြောင့် ဒဏ်ရာရသူတစ်ဦးကို မူဆယ်ဆေးရုံတွင် တွေ့ရစဉ် ။ ဓါတ်ပုံ - ဦးသောင်းထွန်း
ရှမ်းပြည်နယ်မြောက်ပိုင်း မူဆယ်-ပန်ဆိုင်း (ကြူကုတ်) လမ်းပေါ်က နမ့်တောင်းကျေးရွာမှာ ဒီကနေ့ ညနေပိုင်း သုံးနာရီကျော်က မိုင်းနှစ်လုံး ပေါက်ကွဲတာကြောင့် အမျိုးသမီးတစ်ဦး သေဆုံးပြီး နှစ်ဦး ဒဏ်ရာရခဲ့တယ်လို့ သိရပါတယ်။

နမ့်တောင်းကျေးရွာက MY Tel တာဝါတိုင်းအနီးမှာ မိုင်းပေါက်ကွဲမှု ဖြစ်ခဲ့တာဖြစ်ပြီး ဒုတိယအကြိမ် ပေါက်ကွဲရာမှာ လူတွေထိခိုက်တာလို့  မူဆယ်မြို့ ကရုဏာလူမှုကူညီရေးအသင်း ဥက္ကဋ္ဌ ဦးသောင်းထွန်းက RFA ကို ဒီနေ့ ပြောပါတယ်။

မိုင်းပေါက်ကွဲတာ မှန်ကန်ကြောင်း မူဆယ်မြို့မ ရဲစခန်း တာဝန်ရှိသူက RFA ကို အတည်ပြုပြောဆိုပါတယ်။ ကနဦး မိုင်းပေါက်ကွဲမှုဖြစ်တဲ့နေရာဟာ ပန်ဆိုင် (ကြူကုတ်) အပိုင်း နောင်တောင်းရွာမှာဖြစ်ပြီး မိုင်းထိတဲ့အတွက် ဆိုင်ကယ် စီးလာတဲ့ အမျိုးသမီး နှစ်ဦးထဲက တစ်ဦးသေဆုံးတယ်လို့ သတင်းရကြောင်း ရဲတပ်ဖွဲ့ တာဝန်ရှိသူက ပြောပါတယ်။

မိုင်းထိမှန်မှုကြောင့် အမျိုးသမီး သုံးဦး ထဲက တစ်ဦးကတော့ ဒဏ်ရာပြင်းထန်ခဲ့ပြီး ဆေးရုံပို့ချိန် သေဆုံးခဲ့သလို ကျန်နှစ်ဦးကိုလည်း နီးစပ်ရာ ကားနဲ့ မူဆယ်ဆေးရုံကို ပို့ဆောင်ပေးခဲ့ပါတယ်။ တစ်ဦးကတော့ ဒဏ်ရာပြင်းထန်တဲ့ အခြေအနေတွေ့ ရတယ်လို့ ဦးသောင်းထွန်း က ပြောပါတယ်။

အဲဒီဒေသမှာ လက်နက်ကိုင် ပြည်သူ့စစ်အဖွဲ့တွေ၊ NCA လက်မှတ်မထိုးရသေးတဲ့ မြောက်ပိုင်းက တိုင်းရင်းသား လက်နက်ကိုင်အဖွဲ့တွေလည်း အတော်များများ ရှိပြီး ဘယ်အဖွဲ့က လုပ်တယ်ဆိုတာကိုတော့ မသိရသေးပါဘူး။

RFA Burmese
https://www.rfa.org/burmese

ဟင်္သာတမြို့နယ်၌ ဆေးထိုးမှား၍ အမျိုးသား ၁ ဦး သေဆုံး


ဧရာဝတီတိုင်း ဒေသကြီး ၊ ဟင်္သာတမြို့နယ်၊ ဒူးယားမြို့  မှာ စက်တင်ဘာလ နံနက်ပိုင်းက  ဆေးထိုးမှား၍ အမျိုးသား ၁ ဦး သေဆုံးခဲ့ကြောင်း သိရပါသည်။

ဖြစ်စဉ်မှာ ၂၀၁၈ ခုနှစ်၊ စက်တင်ဘာလ ၁၈ ရက်နေ့ နံနက် ၁၁း၀၀ အချိန် ဟင်္သာတမြို့နယ်၊ ဒူးယားမြို့ တိုက်နယ်ဆေးရုံမှ ဒေါက်တာမာလာထွန်းက ဆေးထိုးမှား၍ သေဆုံးသူ ဦးသိန်းဆွေ(၄၁)နှစ် ဟင်္သာတ မြို့နယ်နေသူအား ရဲဆေးစာ လာရောက်ပေးပို့ရန်အကြောင်းကြားသဖြင့် ဒူးယားနယ်မြေရဲစခန်း မှူးမှ သွားရောက်ပေးပို့ခဲ့ပြီး ဖြစ်စဉ်အားမေးမြန်းခဲ့ပါတယ်။

 စက်တင်ဘာလ ၁၆ ရက်နေ့ နံနက် ၀၉း၃၀ အချိန်တွင် ဦးသိန်းဆွေသည် ရင်ဘတ်အောင့်သဖြင့် ဒူးယားမြို့၊ (၂)ရပ်ကွက်၌ ဒေါက်တာ ကောင်းထက် (၂၆)နှစ် ဖွင့်လှစ်ထားသည့် ဆေးခန်းသို့ သွားရောက်ပြသရာ ဒေါက်တာကောင်းထက်မှ ဦးသိန်းဆွေအား အကြောဆေး ၁ လုံးထိုးပေးကာ ခဏအကြာတွင် ပင်နယ်စလင်ဆေးအား ထပ်မံထိုးပေးပြီးနောက် မိနစ် ၂၀ ခန့်အကြာ ဦးသိန်းဆွေမှာ သတိလစ်သွားသဖြင့် ဒူးယားတိုက်နယ်ဆေးရုံသို့ ပို့ဆောင်စဉ် လမ်း၌ သေဆုံးသွားခဲ့ကြောင်းနှင့် ၁၁၁၀ အချိန်တွင် ဒေါက်တာ မာလာထွန်းမှ ဦးသိန်းဆွေ၏ အလောင်းအား ရင်ခွဲစစ်ဆေးရာ ဆေးထိုးမှား၍ သေဆုံးခြင်းဖြစ်ကြောင်း သိရှိခဲ့သဖြင့် စစ်ဆေးတွေ့ရှိချက်အား ဟင်္သာတခရိုင်ပြည်သူ့ဆေးရုံအုပ်ကြီးထံ တင်ပြခဲ့ပါတယ်။

ခရိုင်ဆေးရုံအုပ်ကြီး၏ ညွှန်ကြားချက်အရ ရဲဆေးစာပေးပို့ရန် ဒူးယားနယ်မြေရဲစခန်းသို့ အကြောင်းကြားခဲ့ခြင်းဖြစ်ကြောင်းနှင့် စက်တင်ဘာလ ၁၈ ရက်နေ့ နံနက် ၁၁း၃၀ အချိန်တွင် ဒေါက်တာ ကောင်းထက်(ဖမ်းမမိ)အား ဒူးယားနယ်မြေရဲစခန်း (ပ)၁၅၅/၂၀၁၈၊ ရာဇသတ်ကြီးပုဒ်မ ၃၀၄-က (ပေါ့လျော့မှုကြောင့် လူသေမှု)ဖြင့် အမှုဖွင့် စုံစမ်းလျက်ရှိကြောင်း ပြည်ထဲရေးဝန်ကြီး ဌာန၏ သတင်းထုတ်ပြန်ချက်အရ သိရပါသည်။

သစ်ထူးလွင်
 

ပန်ဆိုင်းမြို့အနီး တရုတ်-မြန်မာ နယ်မြေ အငြင်းပွား

တရုတ်- မြန်မာနယ်စပ်တနေရာ
ဒီကနေ့ မနက်အစောပိုင်းက တရုတ်- မြန်မာနယ်စပ် ရှမ်းပြည်နယ်မြောက်ပိုင်း ပန်ဆိုင်း(ကြူကုတ်)မြို့နယ် ဖိုင်ကောင်းကျေးရွာအုပ်စု အတွင်းက နယ်မြေအငြင်းပွားမှု တခုဖြစ်ခဲ့ပါတယ်။ တရုတ်နိုင်ငံ လုံခြုံရေးတပ်ဖွဲ့တွေက မြန်မာပိုင် နယ်နမိတ် ထဲကို ၀င်ရောက်ပြီးနယ်စပ်ဖြတ်ကူးတဲ့ လမ်းကို ပိတ်ဆို့ တံတိုင်းတည်ဆောက်ခဲ့တာလို့ ဒေသခံတွေကပြောပါတယ်။ မူဆယ်ခရိုင်အုပ်ချုပ်ရေးမှူး ကတော့ အခင်းဖြစ်တဲ့နေရာကို ဘယ်သူ ပိုင်ဆိုင်သလဲဆိုတာ စိစစ်နေပြီး လောလောဆည်မှာတော့ တံတိုင်းခတ်ခဲ့ လုပ်ငန်းကို ရပ်ဆိုင်း ခိုင်းထားတယ်လို့ ဆိုပါတယ်။ ဒီသတင်းကို ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

တရုတ်မြန်မာနယ်ဒေသမှာ နယ်မြေအငြင်းပွားမှုဖြစ်နေတဲ့ နေရာဟာ ပန်ဆိုင်း(ကြူကုတ်)မြို့ နဲ့ ၆မိုင်အကွာ ဖိုင်ကောင်းကျေးရွာ အုပ်စုအတွင်းမှာ မနက် ၇နာရီလောက် က ဖြစ်ပွားခဲ့တာပါ။

တရုတ်တွေက မြန်မာပိုင်နယ်ထဲကို ပေ ၁၀၀ ၀န်းကျင်လောက် ၀င်ရောက်ပြီး တံတိုင်းခတ် တာဖြစ်တယ်လို့ ဒေသခံတစ်ဦးက အခုလို ပြောပါတယ်။

“ တရုတ်တွေက ကျနော်တို့ဘက်ကို ပေပေါင်းတော်တော်လာပြီးမှ ခြံစည်းရိုး ကာမယ်ဆိုပြီးမှ မြောင်းပြန်လာတူးနေတယ်။ ဘတ်ဖိုးနဲ့ ဒီမနက်။ ကျောက်ခင်းလမ်းကို သူတို့ ဧရိယာပါဆိုပြီးတော့ လာပြီးတော့ ဖြတ်ယူသွားတယ်ဆိုတော့ နယ်မြေခံတွေကတော့ နေပြည်တော်အစိုးရကများ အဲဒီအပိုင်း ဖြတ်ရောင်းထား လို့ သူတို့ ပိုင်စိုးပိုင်းနင်း လာပြီးမှ အုတ်ရိုးစီမယ်ဆိုပြီး လာလုပ်ယူသလားပေါ့။ ဘာမှလည်း ပြန်မပြောရဲဖြစ်နေတယ်။ နယ်မြေခံတွေက။ ပေတစ်ရာဝန်းကျင်လောက်ရှိတယ်။ တော်တော်ကို ကျယ်တယ်။ တရုတ်တွေကတော့ ရဲတွေ ကိုယ်တိုင်စောင့်ပြီး ဘတ်ဖိုးနဲ့ မြောင်းတူးနေတာပေါ့နော်။”

ဒီလို တံတိုင်းခတ်ဖို့ လုပ်တဲ့ နယ်မြေအတွင်းမှာ ဒေသခံတွေ ဘိုးစဉ်ဘောင်ဆက်လုပ်ကိုင်ခဲ့တဲ့ လယ်မြေတွေလည်း ပါဝင်နေတယ်လို့ ပြောပါတယ်။

မူဆယ်ခရိုင်အုပ်ချုပ်ရေးမှူး ဦးလှိုင်စိုးသန်းကတော့ နယ်မြေပိုင်ဆိုင်မှုကို စိစစ်ဖို့ ဆောင်ရွက်နေပြီး လုပ်ငန်းတွေ ရပ်ဆိုင်းဖုိ့ ပြောဆိုထားကြောင်း အခုလို ပြောပါတယ်။

“ ဟိုဘက်ကနေ တရုတ်နိုင်ငံဘက်ကနေ မြေကော်စက်နဲ့ မြေ တူးတာရှိတယ်။ မြောင်းဖောက်ဖို့လေ။ အဲတော့ ဒီဘက်နိုင်ငံထဲ ပါ မပါ မသေချာသေးလို့ပေါ့။ ဒီဘက်နိုင်ငံထဲ ပါတယ်လို့ ပြောတဲ့အတွက်ကို သေချာလေး ကွင်းဆင်းပြီးတော့မှ အတိအကျဖြစ်ဖို့ကတော့ နှစ်ဘက်က သေချာ တိကျလေး ရှင်းမှ ရမယ်။ ဒါကြောင့်မို့ နှစ်ဘက်က အငြင်းပွားဖွယ်ဖြစ်နေတဲ့အတွက် ရပ်ထားပါလို့ အုပ်ချုပ်ရေးအဖွဲ့အစည်းက ပြောထားလို့ ရပ်ထားတယ်။ ကွင်းဆင်းစစ်ဆေးပြီးမှပဲ သူတို့ဘက်ကမှာ ပါနေရင် သူတို့ လုပ်လို့ ရတယ်။ ဒီဘက်ကို ကျော်နေရင် နယ်စပ်နဲ့ မလုပ်ရတဲ့နယ်မြေထဲ ရောက်တယ်ဆို မလုပ်ဖို့ စိစစ်နိုင်ဖို့ တားထားတာ။ အဲဒီကိစ္စပါ။ ”

၂၀၁၄ခုနှစ်တုန်းကလည်း ရှမ်းပြည်နယ်မြောက်ပိုင်း နမ့်ခမ်းမြို့နယ်အတွင်းမှာ နယ်စပ်အငြင်းပွားမှုဖြစ်ပွားခဲ့ပါတယ်။ တရုတ်နိုင်ငံဖက်က ယူနီဖောင်းဝတ်တွေ ၀င်ရောက်လာပြီး လယ်မြေ`ဧက ၇၀လောက်ကို တိုင်စိုက်ပြီး သူတို့ပိုင်ကြောင်း သတ်မှတ်ခဲ့လို့ နမ့်ခမ်းဒေသခံတွေက ဆန္ဒြုပကန့်ကွက်ခဲ့ပါတယ်။ နောက်ပိုင်းမှာတော့ အစိုးရချင်း ညှိနှိုင်းဖြေရှင်းခဲ့ပါတယ်။

ကိုမိုးဇော်  / ဗွီအိုအေ (မြန်မာပိုင်း)
https://burmese.voanews.com

တရုတ်က မြန်မာဘက်အခြမ်းမှာ မြေလာတူးတဲ့ ကိစ္စ ကန့်ကွက်စာ ပို့မည်

မူဆယ်ခရိုင် ပန်ဆိုင်း (ကြူကုတ်) မြို့နယ် ဖိုင်းကောင်းရွာနဲ့ တရုတ်နိုင်ငံနယ်စပ် မြန်မာဘက်အခြမ်းမှာ တရုတ်နိုင်ငံ လုံခြုံရေးဝတ်စုံ ၀တ်ဆင်ထားသူတွေ ၂၀၁၈၊ စက်တင်ဘာ ၁၉ မနက်က မြေကုတ်ယာဉ်နဲ့ မြောင်းတွေ လာတူးနေတာကို တွေ့ရစဉ်။ Photo: Nammye Hpauyam
ရှမ်းပြည်နယ်မြောက်ပိုင်း မူဆယ်ခရိုင် ပန်ဆိုင်း (ကြူကုတ်) မြို့နယ်က ဖိုင်းကောင်းရွာနဲ့ တရုတ်နိုင်ငံနယ်စပ် မြန်မာဘက်အခြမ်းမှာ တရုတ်နိုင်ငံ လုံခြုံရေးဝတ်စုံ ၀တ်ဆင်ထားသူတွေဟာ ဒီနေ့ မနက် အစောပိုင်းက မြေကုတ်ယာဉ်နဲ့ မြောင်းတွေ လာတူးနေကြောင်း သတင်းရတဲ့အတွက် သွားရောက်ဟန့်တားခဲ့ပြီး တရုတ်ပြည်ပ ရေးရာဌာနကို ကန့်ကွက်ကြောင်း စာပေးပို့သွားမယ်လို့ မူဆယ်မြို့နယ် အထွေထွေအုပ်ချုပ်ရေး ဦစီးဌာန တာဝန်ရှိသူက ပြောပါတယ်။

တရုတ်နိုင်ငံဘက်က ဒီကိစ္စနဲ့ ပတ်သက်လို့ ဘာမှအကြောင်းကြားထားတာ မရှိတဲ့အတွက် ဆက်မလုပ်ဖို့ကို တားမြစ်ခဲ့ရာမှာ လုပ်ငန်းတွေ ရပ်သွားတယ်လို့ သွားရောက်ဟန့်တားရာမှာ ပါဝင်တဲ့ မူဆယ်မြို့နယ် ဒုတိယမြို့နယ် အုပ်ချုပ်ရေးမှူး ဦးအောင်ကျော်မိုး က RFA ကို ဒီနေ့ ပြောပါတယ်။

အခုလို တရုတ်ဘက်က လာရောက်မြေတူးဖော်မှုဟာ ဘာလုပ်ဖို့ဆိုတာကိုတော့ အတိအကျမသိရသေးဘူးလို့  မူဆယ်မြို့နယ် ဒုတ်ိယမြို့နယ် အုပ်ချုပ်ရေးမှူး ဦးအောင်ကျော်မိုးက RFA ကို ပြောပါတယ်။

ဖ်ိုင်းကောင်းကျေးရွာဟာ ပန်ဆိုင်း (ကြူကုတ်) နဲ့ မုံးကိုး လမ်းပေါ်မှာရှိတာဖြစ်ပြီး ၂၀၁၁ ခုနှစ် နောက်ပိုင်းမှာ မြန်မာဘက်အခြမ်းက ဒေသခံတွေနဲ့ တရုတ်နိုင်ငံအကြား အခုလို နယ်စပ်ပြဿနာအငြင်းပွားမှုရှိနေတာလို့ ဒေသခံတွေက ပြောပါတယ်။

ဖိုင်းကောင်းကျေးရွာနဲ့  နယ်စပ်တစ်လျှောက်မှာ တရုတ်ဘက်က ငါးကန်တွေ တူးထားပြီး ငါးမွေးတာ ရှ်ိသလို မြန်မာဘက်က တောင်သူတွေကတော့ စပါး နဲ့ ပြောင်းကို အဓိက စိုက်ကြပြီး တစ်ခါတစ်ရံမှာ နယ်စပ်မျဉ်းပေါ် ကျနေတဲ့ စိုက်မြေကိစ္စမှာလည်း နှစ်နိုင်ငံ နယ်စပ်ကြားမှာ နေသူတွေအချင်းချင်း အငြင်းပွားကြတာလည်း ရှိ တယ်လို့ ဆိုပါတယ်။

နယ်စပ်မျဉ်းတစ်လျှောက်မှာ ဒီလို ပိုင်နက် အငြင်းပွားနေရတဲ့ နေရာတွေများစွာရှိနေပြီး မကြာခဏဆိုသလို ပြဿနာဖြစ်လေ့ရှိတယ်လို့ သိရပါတယ်။

RFA Burmese
https://www.rfa.org/burmese
 

နန်းမိုဟွမ် ပြန်လည်လွတ်မြောက်ရေး ရှမ်းပြည်နယ်လွှတ်တော် ကိုယ်စားလှယ်တွေ လက်မှတ်ကောက်ယူ

TNLA တပ်ဖွဲ့က ဖမ်းဆီးထားတဲ့ နန်းမိုဟွမ် လွတ်မြောက်ရေးအတွက် နမ့်ခမ်းမြို့မှာ ဒေသခံတွေ ၂၀၁၈၊ စက်တင်ဘာ ၁၇ ရက်နေ့က ဆန္ဒပြစဉ်
ပလောင်လက်နက်ကိုင်တပ်ဖွဲ့ဖြစ်တဲ့ တအာင်းအမျိုးသားလွတ်မြောက်ရေးအဖွဲ့ TNLA က နမ့်ခမ်းမြို့ခံ ရှမ်းအမျိုး သမီး နန်းမိုဟွမ်ကို ဖမ်းဆီးထားတဲ့ကိစ္စကို အရေးယူဆောင်ရွက်ပေးဖို့ ရှမ်းပြည်နယ် ပြည်နယ်လွှတ်တော် ကိုယ်စားလှယ်တွေ လက်မှတ်ရေးထိုးပြီး ပြည်နယ်အစိုးရထံ တင်ပြဖို့ စီစဉ်နေတယ်လို့ သိရပါတယ်။

အဖမ်းခံထားရတာ တစ်လကျော်နေပြီဖြစ်တဲ့အတွက် ပြည်နယ်သားတစ်ယောက်ရဲ့ ဘ၀လုံခြုံရေးအတွက် ပြည်နယ်အစိုးရအနေနဲ့ အရေးယူဆောင်ရွက်ပေးဖို့ကို တင်ပြသွားဖို့ လက်မှတ်တွေကောက်နေတယ်လို့ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ပါတီရဲ့ မိုင်းရှူးမြို့နယ် ပြည်နယ်လွှတ်တော် ကိုယ်စားလှယ် ဦးစိုင်းလင်းမြတ် က RFA ကို ပြောပါတယ်။

"နမ့်ခမ်းက အရပ်သူ နန်းမိုဟွမ်ကို PSLF/TNLA အဖွဲ့အစည်းက ဖမ်းဆီးခေါ်ဆောင်သွားတာ ၁၇ ရက်နေ့က တစ်လပြည့်သွားပြီ၊ အဲဒါပြည်နယ်သားတစ်ယောက်ရဲ့ ဘ၀လုံခြုံရေးအတွက် ရှမ်းပြည်နယ်အစိုးရအနေနဲ့ Action တစ်ခုယူပေးဖို့၊ ကောင်းမွန်စွာ ပြန်လည်လွတ်မြောက်လာဖို့ဆိုတဲ့ဟာမျိုး တင်ဖို့ဟာကို ကျနော်တို့ လုပ်နေတာကတော့ လွှတ်တော်ကိုယ်စားလှယ်တွေရဲ့ လက်မှတ်တွေ လိုက်ကောက်ခံပြီးတော့ လွှတ်တော်ဥက္ကဋ္ဌ ကနေတဆင့် ရှမ်းပြည်နယ်အစိုးရကို ပေးပို့သွားဖို့ရှိတယ်၊ အခုထိတော့ ကောက်ခံနေပါတယ်၊ လက်မှတ်တွေ ထိုးနေကြတယ်"

အရင်က အဲဒီကိစ္စကို ပြည်နယ်လွှတ်တော်မှာ အဆိုတင်ဖို့ ကိုယ်စားလှယ် ဦးစိုင်းလင်းမြတ်က စီစဉ်ခဲ့ပေမယ့် မလိုလားတဲ့ပြဿနာတွေ မဖြစ်အောင် အဆိုမတင်ဖို့ လွှတ်တော်ဥက္ကဋ္ဌက တားမြစ်ခဲ့တာကြောင့် အခုလို ပြည်နယ်လွှတ်တော် ကိုယ်စားလှယ်တွေ လက်မှတ်ရေးထိုးပြီး ပြည်နယ်အစိုးရထံ တင်ပြဖို့ဖြစ်လာတာလို့လည်း ပြောပါတယ်။

နန်းမိုဟွမ် လွတ်မြောက်ရေးအတွက် နမ့်ခမ်းဒေသခံ ထောင်ပေါင်းများစွာက ပြီးခဲ့တဲ့ ၁၇ ရက်နေ့က နမ့်ခမ်းမြို့မှာ လှည့်လည်ဆန္ဒပြခဲ့ကြပါတယ်။

နန်းမိုဟွမ်ဟာ TNLA အကောက်ခွန်ဌာနက ၀န်ထမ်းတွေ လုပ်ငန်းတာဝန်ထမ်းဆောင်စဉ်မှာ ဝတ္တရား နှောင့်ယှက်မှု နဲ့ အရေးယူပေးဖို့ TNLA ဗဟိုတရားရုံးကို တိုင်ကြားထားတာကြောင့် ရာဇသတ်ကြီးဥပဒေ ပုဒ်မ ၃၃၃ နဲ့ အမှုဖွင့် အရေးယူထားပြီး စီရင်ချက်ချတဲ့နေ့ကိုလည်း မိသားစုဝင်တွေကို အသိပေးဆက်သွယ်မယ်လို့ TNLA ဘက်က သတင်းထုတ်ပြန်ထားပါတယ်။

ဖမ်းဆီးခံရချိန်က ဒီနေ့အထိ နန်းမိုဟွမ်နဲ့ အဆက်အသွယ် မရသေးတာကြောင့် မိသားစုဝင်တွေဘက်ကလည်း စိုးရိမ်မှုတွေ ရှိနေကြပါတယ်။

RFA Burmese
https://www.rfa.org/burmese

ပြည်ထောင်စုဝန်ကြီးရဲ့ လွှတ်တော်မိန်ခွန်း အခြေအနေမှန် ထင်ဟပ်ရဲ့လား

ပြည်ထောင်စုဝန်ကြီး ဦးကျော်တင့်ဆွေ
၂၀၁၈ ဖွဲ့စည်းပုံအခြေခံဥပဒေကို တဆင့်ပြီးတဆင့် ပြင်ဆင်သွားမှသာ ဒီမိုကရေစီ အသွင်ကူးပြောင်းရေး အာမခံနိုင်မှာ ဖြစ်တဲ့ အကြောင်း ဒီကနေ့ ပြည်ထောင်စု လွှတ်တော် မှာပြောကြားတဲ့ နိုင်ငံတော် အခြေအနေ အရပ်ရပ်ရှင်းလင်းတဲ့ မိန့်ခွန်းမှာ နိုင်ငံတော် အတိုင်ပင်ခံရုံး ပြည်ထောင်စုဝန်ကြီး ဦးကျော်တင့်ဆွေက ပြောဆိုသွားပါတယ်။ ဒီပြင်ရခိုင်အရေးကိစ္စမှာလည်း လက်ရှိအစိုးရဖွဲ့စည်းထားတဲ့ စုံစမ်းစစ်ဆေးရေး ကော်မရှင်အနေနဲ့ ဥပဒေနဲ့ အညီ ဖေါ်ထုတ်သွားမယ့် အကြောင်း ပြောဆိုပါတယ်။ ရခိုင် ပဋိပက္ခ ဟာ မြန်မာနိုင်ငံရဲ့ ပြည်တွင်းရေးသာဖြစ်တယ်လို့လည်း ပြောဆိုသွားပါတယ်။ နိုင်ငံရေး လေ့လာသုံးသပ်သူ တွေဘက်ကတော့ ပဋိပက္ခကို ဘယ်လိုအဖြေရှာမလဲ၊ တိတိကျကျ ရှင်းလင်းသွားတာမျိုး မရှိဘူးဆိုပြီး ဝေဖန်ပါတယ်။ ဒီသတင်းကို ဗွီအိုအေသတင်းထောက် မေခ ကစုစည်း တင်ပြထားပါတယ်။

ဒီကနေ့ ပြည်ထောင်စု လွှတ်တော်မှာပြောကြားတဲ့ နိုင်ငံတော် အခြေအနေအရပ်ရပ် ရှင်းလင်းတဲ့မိန့်ခွန်းမှာနိုင်ငံတော် အတိုင်ပင်ခံရုံး ပြည်ထောင်စုဝန်ကြီး ဦးကျော်တင့်ဆွေက လက်ရှိအစိုးရပြုပြင်ပြောင်းလဲမှု လုပ်နေတဲ့ အခြေအနေ တိုးတက်မှုနဲ့ အခက်အခဲတွေကို အဓိက တင်ပြသွားပါတယ်။

"၂၀၀၈ခုဖွဲ့စည်းပုံ အခြေခံဥပဒေကို ဆွေးနွေးညှိနှိုင်းပြီး ကျနော်တို့အစိုးရ မျှော်မှန်းထားတဲ့ အတိုင်း တဆင့်ပြီး တဆင့်လုပ်မှသာအသွင်ကူးပြောင်းရေး ကိုအာမခံနိုင်မှာ ဖြစ်ပါတယ်။ အလားတူ တိုင်းရင်းသားလူမျိုးစုတွေ အကြားလွတ်လပ်မှု၊ တန်းတူမှုနဲ့ အပြန်အလှန် လေးစားမှုတွေ ကိုတည်ဆောက်နိုင်မှသာ ဒီမိုကရေစီဖက်ဒရယ်စနစ်ကို လုပ်နိုင် ပါမယ်။ဒါကြောင့် အစိုးရအနေနဲ့ငြိမ်းချမ်းရေးလုပ်ငန်းစဉ် ကိုအဓိကထား ဆောင်ရွက် ခဲ့တာ ဘဲဖြစ်ပါတယ်"

နိုင်ငံရေးလေ့လာ စမ်းစစ်သူတဦးဖြစ်တဲ့ ဦးအောင်သူငြိမ်း ကတော့၂၀၀၈ဖွဲ့စည်းပုံပြင်ဖို့နဲ့ တိုင်းရင်းသားတန်းတူရေးကို ပြောလာတယ် ဆိုပေမယ့်ရှင်းရှင်းလင်းလင်း မရှိတဲ့အတွက် ဒီမိန့်ခွန်းဟာ နိုင်ငံတော်အခြေအနေ အရပ်ရပ် ရှင်းလင်းတာမျိုးထက်ကြား ဖြတ်ရွေးကောက်ပွဲ မတိုင်ခင် မဲဆွယ်သပ်သပ်ပြောဆို တာမျိုး ဖြစ်နေသလားဆိုပြီး မေးခွန်း ထုတ်ပါတယ်။

" ဥပမာ ကျနော်တို့အစိုးရ ဆီမှာဘယ်ကာလမှာ နိုင်ငံတော် အခြေပြမိန့်ခွန်းပြောရမယ် ဆိုတဲ့ အချိန်ဇယားမျိုး မရှိဘူး။ အခုတခါက ပြောသင့်လို့ ပြောတယ်ပေါ့။ အခုက ကြားဖြတ်ရွေးကောက်ပွဲ နဲ့ အချိန်တိုက်နေတယ်။ အဲလို ဟာရှိတယ်ပေါ့။ ခြုံပြီးသုံး သပ်ရရင်တော့ အခုလက်ရှိ ကျတော်တို့တိုင်းပြည်ကြုံနေရတဲ့ ပြဿနာကို တကယ်ထင်ဟပ် ရဲ့လားပေါ့။ နိုင်ငံတကာဖိအား အတိုင်းအစက ဘယ်လောက်များမလဲ ဘာတွေဖြစ်သင့်လဲ အစိုးရဘယ်လို စဉ်းစားလဲ ဒီလိုတွေကျတော့ ပါမလာဘူး"

ရခိုင်အရေးဟာ မြန်မာအစိုးရ အတွက် နိုင်ငံတကာဘက်က ဖိအားပြင်းထန်စေတဲ့ ကိစ္စတခုဖြစ်စေခဲ့ တယ်လို့ နိုင်ငံတော်အခြေ အနေအရပ်ရပ် ရှင်းလင်းတဲ့မိန့်ခွန်းမှာ ဦးကျော်တင့်ဆွေက ပြောဆိုသွားပါတယ်။ အရင်အစိုးရတွေ လက်ထက်က မဖြေရှင်းနိုင် ခဲ့တဲ့ ရခိုင်အရေးဟာ လွန်ခဲ့တဲ့ နှစ်ပေါင်း၇၀ ကျော်ထဲက မီးကြွင်းမီးကျန်တခုဖြစ်ပြီး ဒါကို ဖြေရှင်းရတာမို့ ဒီမိုကရေစီနိုင်ငံ ထူထောင်တာမှာ နှောင့်နှေးမှုတွေရှိခဲ့တယ် လို့ ဦးကျော်တင့်ဆွေ က ပြောဆိုသွားပါတယ်။

"အကြမ်းဖက် တိုက်ခိုက်မှုတွေနဲ့ လူ့အခွင့်အရေးချိုးဖောက်မှုတွေကို ဘက်လိုက်မှုမရှိ စုံစမ်းစစ်ဆေး ထုတ်ဖော်သွားမှာ ဖြစ်ပါတယ်။ သက်ဆိုင်ရာဌာနအဖွဲ့တွေ လုံခြုံရေးအဖွဲ့တွေကလည်း ပူးပေါင်းဆောင်ရွက်သွားမယ် လို့ပြောဆိုထားပြီး ဖြစ်ပါတယ်။ ကျနော်တို့နိုင်ငံဟာ မိမိအချုပ်အခြာ အာဏာကို ကျင့်သုံးပြီး မိမိပြည်တွင်းရေးကိစ္စကို မိမိဘာသာ ဖြေရှင်းဆောင်ရွက်နိုင်စွမ်း ရှိတဲ့ နိုင်ငံ ဒီလိုဖြေရှင်းမယ့်နိုင်ငံ လည်းဖြစ်ပါ တယ်"

လက်ရှိ အစိုးရပြုပြင်ပြောင်းလဲမှု လုပ်နေတဲ့အခြေအနေနဲ့ တိုးတက်မှုတွေကို အသားပေး တင်ပြတာဖြစ်တဲ့ ပြည်ထောင်စုဝန်ကြီးဦးကျော်တင့်ဆွေ ရဲ့ ရှင်းလင်းချက် အပေါ်မှာ နိုင်ငံရေးလေ့လာ သုံးသပ်သူတွေဘက်က ဝေဖန်မှုတွေ ရှိနေပါတယ်။

နိုင်ငံရေးလေ့လာသုံးသပ်သူ ဒေါက်တာရန်မျိုးသိမ်းက အခုလိုပြောပါတယ်။

"ကျနော့်အမြင်ကတော့ လက်ရှိနိုင်ငံတွင်းဖြစ်နေတဲ့ စီးပွားရေး၊လူမှုရေး၊ နိုင်ငံရေးတွေ ကြုံတွေ့နေရ တာတွေ နိုင်ငံ တကာဖိအားတွေက အခုရှင်းလင်းတင်ပြချက်တွေက အတော့ကို အားမရစရာ ကောင်းတယ်။ အချက်အလက်တွေက အကြောင်းအကျိုး ခိုင်မာဖို့ အခက်အခဲအကျပ်အတည်း ကို ဘယ်လိုကျော်လွှားမလဲဆိုတဲ့ ဖြေရှင်းနိုင်မယ့် နည်းလမ်း တွေတပါထဲ ပါသင့်တယ်။ ဒီမနက်ပြောကြားချက်တွေက ယေဘူယျ ဆန်တာ၊ အပေါ်ယံ ဆန်တာတွေ့ရတယ်။ ဟန်ချက် မညီတဲ့ ရှင်းလင်းတင်ပြမှု တခုဘဲလို့ ကျနော် မြင်ပါတယ်"

နိုင်ငံရေး လေ့လာသုံးသပ်သူတဦးဖြစ်တဲ့ ဦးအောင်သူငြိမ်း ကတော့

"ကြည့်ပြီးတော့ စိတ်ဓါတ်တက်ကြွတာ မဖြစ်ဘူး။ ကြည့်ပြီးတော့ အစိုးရအောင်မြင်မှု ဆိုပြီး အံ့သြတာလည်း မဖြစ်မိဘူး။ ကျနော် တွေ့သလောက်ကတော့ စုပေါင်း အင်အားလိုတယ်။ အစိုးရကို ယုံကြည်ပါ။ ကူညီပါဆိုတာ ဘဲပါတယ်။ ဘာလုပ်မလဲဆိုတဲ့ မဟာဗျူဟာ ဘာမှမတွေ့ရပါဘူး"

ဒီနေ့ ပြည်ထောင်စု လွှတ်တော်မှာ ပြောကြားတဲ့ ဦးကျော်တင့်ဆွေရဲ့ မိန့်ခွန်းဟာ NLD အစိုးရလက်ထက်၊ ပြည်ထောင်စုလွှတ် တော်မနားခင် ပြောကြားတဲ့ ဒုတိယအကြိမ် နိုင်ငံတော်အခြေအနေ အရပ်ရပ်ရှင်းလင်းတဲ့ မိန့်ခွန်းဖြစ်ပါတယ်။ ရခိုင်ပြည် နယ်ပဋိပက္ခနဲ့ ပတ်သက်ပြီး လူ့အခွင့်အရေးချိုးဖေါက်မှုတွေနဲ့ ပတ်သက်လို့ မြန်မာ့တပ်မတော် ထိပ်တန်းခေါင်းဆောင်တွေကို နိုင်ငံတကာရာဇ၀တ်ခုံရုံးမှာ အရေးယူရေး ကုလသမဂ္ဂဘက်က တောင်းဆိုနေတာတွေနဲ့ ပတ်သက်လို့တော့ ဒီနေ့မိန့်ခွန်းမှာ တစုံတရာ တုံ့ပြန်ပြောဆို သွားတာမတွေ့ရပါဘူး။

မေခ  / ဗွီအိုအေ (မြန်မာပိုင်း)
https://burmese.voanews.com

UK နိုင်ငံခြားရေးဝန်ကြီးရဲ့ မြန်မာခရီး လူ့အခွင့်အရေးကိစ္စ ဆွေးနွေးဖွယ်ရှိ

UK နိုင်ငံခြားရေးဝန်ကြီး Jeremy Hunt
မြန်မာနိုင်ငံကို ဒီကနေ့ သွားရောက်မယ့် ဗြိတိသျှနိုင်ငံခြားရေးဝန်ကြီး Jeremy Hunt ဟာ ၂ ရက်ကြာ ခရီးစဉ်အတွင်း နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တွေ့ဆုံမှာဖြစ်သလို၊ မြန်မာနိုင်ငံရဲ့ လူ့အခွင့်အရေး အခြေအနေတွေနဲ့ ပတ်သက်လို့ ဆွေးနွေးမယ်လို့လည်း မျှော်လင့်ရပါတယ်။

မြန်မာနိုင်ငံကို ရောက်ရှိစဉ် လူ့အခွင့်အရေး လှုပ်ရှားသူတွေနဲ့ တွေ့ဆုံဖို့ရှိသလို၊ ပဋိပက္ခတွေ ဖြစ်ပွားခဲ့တဲ့ ရခိုင်ပြည်နယ် မြောက်ပိုင်းကို သွားရောက်ဖို့လည်း စီစဉ်ထားတာပါ။

ရခိုင်ပြည်နယ်မှာ ပြီးခဲ့တဲ့နှစ်ထဲ ဖြစ်ပွားခဲ့တဲ့ ပဋိပက္ခတွေမှာ ရိုဟင်ဂျာမူဆလင်တွေအပေါ် ကျုးလွန်ခဲ့တဲ့ ဆိုးရွားတဲ့ လူ့အခွင့်အရေး ချိုးဖောက်မှုတွေနဲ့ ပတ်သက်လို့ အချက်အလက် အထောက်အထား ရှာဖွေစုဆောင်းမှုတွေကို ပံ့ပိုးကူညီသွားမှာဖြစ်ကြောင်းလည်း ဗြိတိန်နိုင်ငံခြားရေး ၀န်ကြီးက ခရီးစဉ်မတိုင်ခင်မှာပဲ ပြောဆိုထားပါတယ်။

လူ့အခွင့်အရေး ချိုးဖောက်ခံခဲ့ရသူတွေအတွက် လုံခြုံရေး၊ လူ့ဂုဏ်သိက္ခာနဲ့ တရားမျှတမှု ရရှိရေး နိုင်ငံတကာအသိုင်းအ၀န်းက မိတ်ဆွေတွေနဲ့ လက်တွဲကြိုးပမ်းသွားမှာ ဖြစ်ကြောင်းလည်း ကြေညာချက်ထုတ်ပြန် ပြောဆိုထားတာပါ။ ရခိုင်ပြည်နယ် မြောက်ပိုင်းမှာ ပြီးခဲ့တဲ့နှစ်ထဲ လုံခြုံရေးကင်းစခန်းတွေကို စီးနင်းတိုက်ခိုက်ခဲ့တဲ့ ARSA အစွန်းရောက်အုပ်စုကို မြန်မာလုံခြုံရေးတပ်ဖွဲ့တွေ လိုက်လံရှင်းလင်းရာက ရိုဟင်ဂျာမူဆလင်တွေအပေါ် လူ့အခွင့်အရေး ချိုးဖောက်မှုတွေ ဆိုးဆိုးရွားရွား ကျုးလွန်ခဲ့ကြောင်း ကုလသမဂ္ဂ အပါအ၀င် နိုင်ငံတကာ အသိုင်းအ၀န်းက စွပ်စွဲထားတာ ဖြစ်ပါတယ်။

မြန်မာအစိုးရကတော့ ရိုဟင်ဂျာဆိုတဲ့ အမည်ကို တရားဝင် အသိအမှတ်ပြု လက်ခံမထားသလို၊ နိုင်ငံတကာ အသိုင်းအ၀န်းက စွပ်စွဲနေသလောက် လူ့အခွင့်အရေး ချိုးဖောက်မှုတွေ ကျုးလွန်ခဲ့တာ မရှိကြောင်းနဲ့ ကျုးလွန်သူတချို့ကိုလည်း ဖော်ထုတ်အရေးယူမှုတွေ ရှိခဲ့ကြောင်းလည်း တုံ့ပြန်ပြောဆိုထားတာပါ။

နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ မနက်ဖြန်မှာ တွေ့ဆုံဖို့စီစဉ်ထားတဲ့ ဗြိတိသျှနိုင်ငံခြားရေးဝန်ကြီးကတော့ ရခိုင်ပြည်နယ်က အခြေအနေတွေကို သတင်းယူနေစဉ် ဖမ်းဆီးခံခဲ့ရပြီး မကြာသေးခင်ကပဲ တရားရုံးက ထောင်ဒဏ် ၇ နှစ်စီ အပြစ်ပေးခံလိုက်ရတဲ့ Reuters သတင်းဌာနက မြန်မာသတင်းထောက် ၂ ယောက် အရေးနဲ့ ပတ်သက်လို့လည်း ခရီးစဉ်အတွင်း ပြောဆိုမယ့်အကြောင်း အစောပိုင်းမှာ ပြောဆိုထားပါတယ်။

ဗွီအိုအေ (မြန်မာပိုင်း)
https://burmese.voanews.com

ကမန်လူမျိုးအမည်နဲ့ နိုင်ငံသားစိစစ်ရေးကတ်ပြား ထုတ်ပေးနေတာတွေကို စိစစ်ပေးဖို့ ဆွေးနွေး

ရမ်းဗြဲမြို့နယ် အမှတ်(၂)မဲဆန္ဒနယ်က ပြည်နယ်လွှတ်တော် ကိုယ်စားလှယ် ဦးသန်းမောင်ဦး ကို ၂ဝ၁၈ ခုနှစ် စက်တင်ဘာလ ၁၉ ရက်နေ့က ရခိုင်ပြည်နယ်လွှတ်တော် အစည်းအဝေးမှာ တွေ့ရစဉ်။ Photo: Min Thein Aung/RFA
ရခိုင်ပြည်နယ် ရမ်းဗြဲမြို့နယ် ကျောက်နီမော်ကျေးရွာအုပ်စုမှာ ကမန်လူမျိုးအမည်နဲ့ နိုင်ငံသားစိစစ်ရေးကတ်ပြား ထုတ်ပေးနေတာတွေကို ပြန်လည်စိစစ်ပေးဖို့နဲ့ ကမန်မဟုတ်သူတွေအတွက် ထုတ်ပေးထားတာတွေကို ပြန်လည်ရုပ်သိမ်းပေးဖို့ အစိုးရကို တိုက်တွန်းကြောင်းအဆိုကို လက်ခံဆွေးနွေးဖို့ ရခိုင်ပြည်နယ်လွှတ်တော် အစည်းအဝေးမှာ ဒီနေ့ ဆုံးဖြတ်လိုက်ပါတယ်။

မွတ်စလင်တွေဟာ ကမန်လူမျိုးလို့လိမ်လည်ပြီး ပုံစံဖြည့်သွင်းတာတွေရှိနေတယ်လို့ ရမ်းဗြဲမြို့နယ် ANP ပါတီက ၀င်ရောက်ယှဉ်ပြိုင်ပြီး အနိုင်ရခဲ့တဲ့  ပြည်နယ်လွှတ်တော် ကိုယ်စားလှယ် ဦးသန်းမောင်ဦးက လွှတ်တော်မှာ ပြောပါတယ်။

"ဘင်္ဂလီတွေ လာရောက်လျှောက်ထားသော အမှုတွဲများကို ဆန်းစစ်လေ့လာခြင်း၊ မေးမြန်းခြင်း၊ လက်ထောက် ညွှန်ကြားရေးမှူး ဦးကျော်ဇောအဖွဲ့နဲ့ သီးခြားတွေ့ဆုံမေးမြန်းခြင်း၊ စုံစမ်းခြင်းများပြုလုပ်ခဲ့ပါသည်။ အကုန်လုံး ကိုခြုံငုံသုံးသပ်ရမည်ဆိုလျှင် ယခုလာရောက်လျှောက်ထားသော အမှုတွဲလျှောက်ထားသူများအားလုံးသည် ဘင်္ဂလီလူမျိုးများသာဖြစ်ပြီး ကမန်လူမျိုးအမည်ခံလိမ်လည်၍ ပုံစံဖြည့်သွင်းထားကြခြင်းသာဖြစ်သည်ကို တွေ့ရှိရပါသည်"

ပြီးခဲ့တဲ့ ဇန်နဝါရီလက နေပြည်တော်က လက်ထောက်ညွှန်ကြားရေးမှူး ဦးကျော်ဇော ဦးဆောင်တဲ့ လူဝင်မှုကြီး ကြပ်ရေးနဲ့ အမျိုးသားမှတ်ပုံတင်ရေးဦးစီးဌာနက အထူးအဖွဲ့တစ်ခုဟာ ကျောက်နီမော်ကျေးရွာအုပ်စုက မွတ်စလင်တွေကို နိုင်ငံသားစိစစ်ရေးတွေ ထုတ်ပေးခဲ့တာဖြစ်တယ်လို့ ဆိုပါတယ်။

ဒီကိစ္စအပေါ် ရမ်းဗြဲမြို့နယ်က အထွေထွေအုပ်ချုပ်ရေးဦးဌာနနဲ့ မြို့နယ်လဝကဌာန တာဝန်ရှိသူတွေနဲ့အတူ ကိုယ်တိုင်ကွင်းဆင်းလေ့လာခဲ့ရာမှာ ကမန်လူမျိုးအဖြစ် လိမ်လည်ပြီး ပုံစံဖြည့်သွင်းထားကြတာကို တွေ့ရှိခဲ့တာလို့ ပြည်နယ်လွှတ်တော် ကိုယ်စားလှယ် ဦးသန်းမောင်ဦးက ပြောပါတယ်။

၂၀၁၅ ခုနှစ် နိုဝင်ဘာ ရွေးကောက်ပွဲမဲစာရင်းအရ မှတ်ပုံတင်ရထားတဲ့ မဲပေးခွင့်ရသူ ကမန်တိုင်းရင်းသား ၂၉၀ ကျော်ရှိခဲ့ပေမယ့် ဒီနေ့မှာတော့ ကမန်လူမျိုးအမည်နဲ့ မှတ်ပုံတင်ထုတ်ပေးထားတာ လူပေါင်း ၃၃၀၀ ကျော်အထိရှိနေတယ်လို့လည်း ပြောပါတယ်။

ဒီအဆိုနဲ့ပတ်သက်ပြီး ကန့်ကွက်မယ့်သူမရှိတာကြောင့် ဆက်လက်ဆွေးနွေးဖို့ လွှတ်တော်က ဆုံးဖြတ်ခဲ့တာပါ။

အလားတူ အဲဒီအဆိုကို နေပြည်တော်က အမျိုးသားလွှတ်တော်မှာလည်း ANP ပါတီကနေ နုတ်ထွက်စာတင် ထားတဲ့ အမျိုးသားလွှတ်တော် ကိုယ်စားလှယ် ဒေါ်ထုမေက တင်သွင်းခဲ့ပေမယ့် ပယ်ချခြင်းခံခဲ့ရပါတယ်။

ဒီကိစ္စနဲ့ ပတ်သက်လို့ RFA က အထွေထွေအုပ်ချုပ်ရေးဦးစီးဌာနနဲ့ လဝကဌာနတာဝန်ရှိသူတွေကို အကြိမ်ကြိမ် ဆက်သွယ်မေးမြန်းခဲ့ပေမယ့် ဆက်သွယ်လို့ မရခဲ့ပါဘူး။

ကျောက်နီမော်ကျေးရွာအုပ်စုမှာ အမှန်တကယ်ရှိနေတဲ့ ကမန်လူမျိုး အရေအတွက်ထက်ကျော်လွန်ပြီး မွတ်စလင်အများအပြားကို ကမန်လူမျိုးအမည်နဲ့ မှတ်ပုံတင်တွေထုတ်ပေးနေတယ်ဆိုပြီး ကျယ်ကျယ်ပြန့်ပြန့် ကန့်ကွက်မှုတွေရှိနေတဲ့အပေါ် တာဝန်ရှိသူတွေဘက်က တစ်စုံတစ်ရာတုံ့ပြန်ပြောဆိုတာ မရှိသေးပါဘူး။

RFA Burmese
https://www.rfa.org/burmese

ရခိုင်အရေး ပြင်ပဖိအားတွေကို ပြည်သူတွေရဲ့ ညီညွတ်မှုအင်အားနဲ့ ရင်ဆိုင်မယ်လို့ ၀န်ကြီးပြော

ရခိုင်အရေး ပြင်ပဖိအားတွေကို ပြည်သူတွေရဲ့ ညီညွတ်မှုအင်အားနဲ့ ရင်ဆိုင်မယ်လို့ ၀န်ကြီးပြော
ရခိုင်အရေးနဲ့ ပတ်သက်ပြီး တစ်ဖက်သက် ဖိအားပေးစိန်ခေါ်မှုတွေကို ပြည်သူရဲ့ ညီညွတ်မှုအင်အားနဲ့ ရင်ဆိုင် ကျော်လွှားသွားမယ်လို့ နိုင်ငံတော် အတိုင်ပင်ခံရုံး ၀န်ကြီး ဦးကျော်တင့်ဆွေက ဒီနေ့ ပြောကြားလိုက်ပါတယ်။

နိုင်ငံတော်ရဲ့ အခြေအနေအရပ်ရပ်နဲ့ ပတ်သက်ပြီး ပြည်ထောင်စုအစိုးရအဖွဲ့ကိုယ်စား ၀န်ကြီး ဦးကျော်တင့်ဆွေ က ပြည်ထောင်စုလွှတ်တော်မှာ ဒီနေ့ ရှင်းလင်းတင်ပြရာမှာ ထည့်သွင်းပြောကြားတာပါ။

ဒါ့အပြင် ရခိုင်အရေးမှာ မိမိရဲ့ အချုပ်အခြာအာဏာကို ကျင့်သုံးပြီး ပြည်တွင်းရေးကိစ္စကို ကိုယ်တိုင်ဖြေရှင်းနိုင်စွမ်း ရှိတဲ့အကြောင်း၊ ဖြေရှင်းဆောင်ရွက်နိုင်ဖို့လည်း စိတ်ပိုင်းဖြတ်ချက် အခိုင်အမာရှိကြောင်းလည်း ပြောပါတယ်။

ရခိုင်အရေး ကိုင်တွယ်ဖြေရှင်းရာမှာ မတူကွဲပြားမှုတွေအကြားမှာ ငြိမ်းချမ်းစွာ အတူယှဉ်တွဲနေထိုင်ရေးကို ဦးတည်ကြောင်း၊ တင်းမာမှုတွေ ဖြစ်ပွားစဉ်က ရှိခဲ့တဲ့ ရှုမြင်ချက်အဟောင်း၊ အယူအဆဟောင်းတွေနဲ့ ဖြေရှင်းနိုင်မှာ မဟုတ်ဘူးလို့လည်း ပြောပါတယ်။

အစိုးရအနေနဲ့ နိုင်ငံတော်ရဲ့ ရှေ့ရေးကို မျှော်မှန်းပြီး လုပ်သင့်လုပ်ထိုက်တာကို ခက်ခက်ခဲခဲ လုပ်ဆောင်နေရချိန်မှာ နားလည်မှု ယုံကြည်မှုအပြည့်နဲ့ ထောက်ခံအားပေးတဲ့ ပြည်သူတွေကို ကျေးဇူးတင်တယ်လို့လည်း ပြောခဲ့ပါတယ်။

RFA Burmese
https://www.rfa.org/burmese

ပိုးသတ်ဆေးဖြန်းရာမှ အဆိပ်မိ၍ သေဆုံး

 နမူနာဓါတ်ပုံသာဖြစ်ပါသည်။
၂၀၁၈ ခုနှစ်၊ စက်တင်ဘာလ ၁၇ ရက်နေ့ ည ၈ နာရီအချိန် စစ်ကိုင်းတိုင်းဒေသကြီး၊ ဝက်လက်မြို့နယ်၊ မင်းကျီကျေးရွာတွင် အမျိုးသားတစ်ဦး ပိုးသတ်ဆေးဖြန်းရာမှ အဆိပ်မိသေဆုံး သွားကြောင်း သိရပါသည်။

သတင်းအရ ဝက်လက်မြို့မရဲစခန်းမှ တပ်ဖွဲ့ဝင်များက သက်သေများနှင့်အတူ သွားရောက်စစ်ဆေးခဲ့ရာ အဆိုပါကျေးရွာနေ ဦးဆန်းဗိုလ်(၄၈)နှစ်သည် လယ်ကွက်သို့ စပါးစိုက်ခင်း အား ဆေးဖြန်းရန်ထွက်သွားရာမှ ပြန်လည်ရောက်ရှိခြင်းမရှိဘဲ လယ်ထဲ၌ ပိုးသတ်ဆေးမှုန့်ထုပ်များ ကိုင်ဆောင်ကာ ပါးစပ်မှအမြှုပ်များထွက်၍ မှောက်လျက်အနေအထားဖြင့် သေဆုံးနေသည်ကို တွေ့ရှိခဲ့သောကြောင့် ဝက်လက်မြို့မရဲစခန်း သေမှုသေခင်းအမှတ်စဉ် (၁၂/၂၀၁၈)ဖြင့် ရေးဖွင့်စစ်ဆေး လျက်ရှိကြောင်း မြန်မာနိုင်ငံရဲတပ်ဖွဲ့ ၏ သတင်းထုတ်ပြန်ချက်အရ သိရပါသည်။

သစ်ထူးလွင်

ဆရာဝန်တစ်ဦး ကားတိုက်ခံရ၍ သေဆုံး

 ဒေါက်တာ ကြည်ဆန်းထက် ။ ဓါတ်ပုံ - Kyi San Htet (fb)
၂၀၁၈ ခုနှစ်၊ စက်တင်ဘာလ ၁၈ ရက်နေ့ ည ၁၁ နာရီအချိန် ပဲခူးတိုင်းဒေသကြီး၊ တောင်ငူ မြို့နယ်၊ ကံရိုးကျေးရွာ၊ ရန်ကုန်-မန္တလေးကားလမ်း မိုင်တိုင်အမှတ်(၁၇၂/၅-၆)ကြား Felling စားသောက် ဆိုင်ရှေ့တွင် ဆရာဝန်တစ်ဦး ကားတိုက်ခံရ၍ သေဆုံးသွားကြောင်း သိရပါသည်။

အဆိုပါ ယာဉ်တိုက်မှုအား တောင်ငူမြို့မရဲစခန်းမှ တပ်ဖွဲ့ဝင်များ၊ ယာဉ်ထိန်း ရဲတပ်ဖွဲ့ဝင်များက သက်သေများနှင့်အတူ သွားရောက် စစ်ဆေးခဲ့ရာ ရှမ်းပြည်နယ်၊ ဟဲဟိုးမြို့၊ (၂)ရပ်ကွက်နေ ညွှန့်မောင်ဝင်း(၄၈)နှစ် မောင်းနှင်လာသော 6B/×××× Nissan Diesel Truck ပြာ/လိမ္မော်ရောင်(၁၂)ဘီးယာဉ်သည် လမ်းဖြတ်ကူးသူ အုတ်တွင်းမြို့နေ ဒေါက်တာ ကြည်ဆန်းထက် (၅၂)နှစ်အား တိုက်မိခဲ့ခြင်း ဖြစ်ကြောင်း သိရသည်။

 ဒေါက်တာ ကြည်ဆန်းထက် တွင် ဒဏ်ရာများရရှိ၍ အခင်းဖြစ်နေရာတွင် သေဆုံးသွားသောကြောင့် ညွှန့်မောင်ဝင်း အား တောင်ငူမြို့မရဲစခန်း ယာဉ်(ပ)၇၅/၂၀၁၈၊ ရာဇသတ် ကြီးပုဒ်မ ၃၀၄-က ဖြင့် အမှုဖွင့် အရေးယူထားကြောင်း မြန်မာနိုင်ငံ ရဲတပ်ဖွဲ့ ၏ သတင်းထုတ်ပြန်ချက်အရ သိပါသည်။

သစ်ထူးလွင်

ငြိမ်းချမ်းရေး ကဗျာရွတ်ပွဲမှာ ပါဝင်ခဲ့သူ ၃ ဦး ထောင်ဒဏ်ချမှတ်ခံရ

ငွေဒဏ်အစား ထောင်ဒဏ်ကိုသာ ရွေးချယ်လိုက်တဲ့ ကိုဇေယျာလွင် ကို ၂၀၁၈၊ စက်တင်ဘာ ၁၉ ရက်နေ့က တွေ့ရစဉ်/ Photo: Aung Thain Kha/ RFA
ရန်ကုန်မြို့ မဟာဗန္ဓုလပန်းခြံမှာ ပြုလုပ်ခဲ့တဲ့ ငြိမ်းချမ်းရေး ကဗျာရွတ်ပွဲမှာ ပါဝင်ခဲ့တယ်ဆိုပြီး ကိုဇေယျာလွင်၊ ကိုခန့်မင်းထက်နဲ့ ကိုရွှေကြယ်မိုး တို့ ၃ ဦးကို ကျောက်တံတားမြို့နယ် တရားရုံးက စီတန်းလှည့်လည်ခြင်းဆိုင်ရာ ဥပဒေ ပုဒ်မ ၁၉ နဲ့ ထောင်ဒဏ် ၁၅ ရက် ဒါမှမဟုတ် ငွေဒဏ်ကျပ် နှစ်သောင်း ပေးဆောင်ဖို့ ဒီနေ့ အမိန့်ချမှတ်လိုက် ပါတယ်။

ငွေဒဏ်အစား ထောင်ဒဏ်ကိုသာ ရွေးချယ်လိုက်တဲ့ ကိုဇေယျာလွင် က တပ်မတော်နဲ့ ပြည်ထဲရေးဟာ ငြိမ်းချမ်းရေး လုပ်ငန်းစဉ် လုပ်ကိုင်နေတာတွေကို မလိုလားတဲ့သဘောဆောင်ပြီး ငြိမ်းချမ်းရေးဖြစ်စဉ်ကို ရုပ်ဆိုးစေတယ်လို့ ပြောပါတယ်။

"ကျနော့်အနေနဲ့ ငြိမ်းချမ်းရေးကဗျာရွတ်ပွဲမှာ စကားသွားပြောရုံနဲ့ ကျနော်တို့ကို တရားစွဲအမိန့်ချတာကို လက်မခံတဲ့ သဘောနဲ့ ထောင်ဒဏ်ပဲ ရွေးချယ်တာပါ။ ကျနော်တို့က ကျနော်တို့ရဲ့ လိုအပ်ချက်တွေ ဆန္ဒတွေကို ဆန္ဒထုတ်ဖော်တယ် ကဗျာရွတ်တယ်။ အဲဒီလိုအချိန်မျိုးမှာ ပြည်ထဲရေးက တရားစွဲတယ် အမှုတွေကို အချိန် ကြာတယ်၊ ပြီးရင်သူတို့ တစ်ခုခု အမိန့်ချတယ်ပေါ့။ အဲဒီဖြစ်စဉ်မှာ ကျနော်တို့ ဒဏ်ငွေဆောင်လိုက်တယ်ဆိုရင် သူတို့ရဲ့ဖြစ်စဉ်ထဲကို လိုလားတယ်လို့ သရုပ်သဏ္ဍန်ပြမှာ မလိုလားတဲ့အတွက်ကြောင့် ထောင်ဒဏ်ပဲ ရွေးချယ် တာပါ။ ပြည်ထဲရေးအနေနဲ့ စစ်တပ်အနေနဲ့ အဲဒီလုပ်ငန်းစဉ်တွေကို မလိုလားတဲ့ သဘောဆောင် ပါတယ်။ ဒီလိုပုဒ်မမျိုးတွေ စွဲတဲ့ဟာသည် ရှိတဲ့ငြိမ်းချမ်းရေးဖြစ်စဉ်ကို များစွာများစွာ ရုပ်ဆိုးစေပါတယ် ထိခိုက်စေပါတယ်"

ကဗျာဆရာ ကိုခန့်မင်းထက်နဲ့ ရွှေကြယ်မိုးတို့ကတော့ ဒဏ်ငွေ ကျပ် ၂ သောင်းကိုပေးဆောင်လိုက်ကြပြီး ကိုဇေယျာလွင်ကတော့ ထောင်ဒဏ် ၁၅ ရက်ကို ရွေးချယ်ခဲ့တာ ဖြစ်ပါတယ်။

ကိုဇေယျာလွင် ဟာ ကဗျာဆရာတွေနဲ့ ပူးပေါင်းပြီး မေလ ၁၄ ရက်နေ့က ကချင်ပြည်နယ်မှာ တိုက်ပွဲတွေ အမြန်ဆုံး ရပ်တန့်ဖို့  ရန်ကုန်မြို့ မဟာဗန္ဓုလပန်းခြံမှာ ငြိမ်းချမ်းရေးကဗျာ ရွတ်ဆိုခဲ့ကြတာဖြစ်ပါတယ်။

ဒါ့အပြင် တာမွေမြို့နယ် Ocean ဈေးဝယ်စင်တာရှေ့မှာ ငြိမ်းချမ်းရေးရဖို့ စီတန်းလှည့်လည် လမ်းလျှောက်ခဲ့တဲ့ အတွက် ငြိမ်းစုစီ ပုဒ်မနဲ့ ဗဟန်းမြို့နယ် ရဲစခန်းက တရားစွဲဆိုထားပါတယ်။

ငြိမ်းချမ်းရေး လှုပ်ရှားမှုမှာ ပါဝင်ခဲ့ပြီး ဗဟန်းမြို့နယ် တရားရုံးမှာ ပုဒ်မ ၂၀ နဲ့ တရားစွဲဆိုခံထားရသူ တစ်ဦးဖြစ်တဲ့ ကိုပိုင်ရဲသူ က ငြိမ်းချမ်းရေးဟာ မြန်မာနိုင်ငံမှာ တကယ်လိုအပ်နေပြီး တချို့တွေက နားမလည်ကြဘူးလို့ ပြောပါတယ်။

"ပြည်သူတွေငြိမ်းချမ်းရေး တကယ်ဆာလောင်နေတဲ့ဟာကို ကဗျာသမားတွေ ပြောတယ်၊ နိုင်ငံရေးသမားတွေ ပြောတယ်၊ ကျောင်းသားတွေပြောတယ် အများကြီးငြိမ်းချမ်းရေး လိုအပ်ပါတယ် ပြောတာကို တချို့တွေက နားမဝင်ဘူး။ ကျနော်ပြောပြမယ် စစ်တပ်ဆိုတဲ့ဟာမျိုးက အိမ်ရဲ့ခြံစည်းရိုးပဲ ခြံစည်းရိုးဟာ မိသားစုဝင်ဖြစ်စရာ မလိုဘူး ခြံစည်းရိုးဟာ ခြံစောင့်သက် သက်ပဲ ဖြစ်ရမယ်။ စစ်တပ်နဲ့ပတ်သက်ပြီး သူတို့အတွက် ဘာမှ အများကြီး ညှိစရာမလိုဘူး ခြံစောင့်က ခြံစောင့် သာသာပဲ"

ငြိမ်းချမ်းရေးအတွက် တောင်းဆိုလှုပ်ရှားခဲ့ကြတဲ့ မန္တလေးမြို့က ဗမာနိုင်ငံလုံးဆိုင်ရာ ကျောင်းသားများ သမဂ္ဂ အဖွဲ့ဝင် ဟောင်း ကိုအောင်မှိုင်းဆန်း၊ ကဗျာဆရာ ကလင့်၊ ကိုဒိန်းဒေါင် တို့ကို ထောင်ဒဏ် ၂ လ ချမှတ်ခဲ့သလို ဗကသ ဗဟို ကော်မတီဝင် ကိုနှင်းအောင်နဲ့ ကိုသန်းထိုက် တို့ကိုလည်း ထောင်ဒဏ် ၃ လစီ ချမှတ်ခဲ့ပါတယ်။

RFA Burmese
https://www.rfa.org/burmese

ဗြိတိန်နိုင်ငံခြားရေးဝန်ကြီး ရန်ကုန်ရောက်ရှိ

ဘင်္ဂလားဒေ့ရ်ှက ရိုဟင်ဂျာဒုက္ခသည်စခန်း
ရခိုင်ပြည်အရေးအပါအဝင် နိုင်ငံရေးအကျဉ်းသားနဲ့ မြန်မာနိုင်ငံဖြစ်ပေါ်ပြောင်းလဲမှု အခြေအနေကို လေ့လာဖို့ ဗြိတိန်နိုင်ငံခြားရေးဝန်ကြီး ဂျယ်ရီမီဟန့် မြန်မာနိုင်ငံကို ရောက်ရှိနေပါတယ်။

မစ္စတာ ဂျယ်ရီမီဟန့်ရဲ့ နှစ်ရက်ကြာမြန်မာခရီးစဉ်မှာ ရန်ကုန်၊ နေပြည်တော်နဲ့ ရခိုင်ပြည်နယ် မြောက်ပိုင်းကို သွားရောက်လေ့လာမှာဖြစ်ပြီး နိုင်ငံတော်အတိုင် ပင်ခံပုဂ္ဂိုလ် ဒေါ်အောင်ဆန်း စုကြည်အပါအဝင် ရန်ကုန်က လူ့အခွင့်အရေးလှုပ်ရှားသူတချို့နဲ့လည်း တွေ့ဆုံမှာဖြစ်ပါတယ်။

မစ္စတာ ဂျယ်ရီမီဟန့်ဟာ စက်တင်ဘာလ ၁၉ ရက်နေ့မှာ ရန်ကုန်မြို့ကိုရောက်ရှိလာပြီး ညနေပိုင်းအထိ နိုင်ငံရေးအကျဉ်းသားကူညီစောင့်ရှောက်ရေးအဖွဲ့ (အေအေပီပီ )နဲ့ တွေ့ဆုံခဲ့ပါတယ်။

မနက်ဖြန် စက်တင်ဘာ ၂၀ ရက်နေ့မနက်ပိုင်းမှာ ရခိုင်ပြည်နယ်မြောက်ပိုင်းကို သွားရောက်လေ့ လာမယ်လို့သိရပါတယ်။ ညနေပိုင်းမှာတော့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နဲ့ နေပြည်တော်မှာတွေ့ဆုံမှာဖြစ်ပါတယ်။

ရခိုင်ပြည်က ပဋ္ဋိပက္ခကြောင့် မွတ်ဆလင်ဒုက္ခသည်တွေကြုံတွေ့ခံစားခဲ့ရတဲ့လူ့အခွင့်အရေးချိုးဖောက်မှုနဲ့ ပတ်သက်တဲ့ သက်သေအချက်အလက်ရှာဖွေဖော်ထုတ်ရာမှာ ဗြိတိန်အစိုးရအနေနဲ့ ပံ့ပိုးကူညီမှုကို တိုးမြှင့်သွားမယ်လို့ ဂျယ်ရီမီဟန့်က မြန်မာနိုင်ငံမလာခင်က ပြောဆိုခဲ့ ပါတယ်။

ပဋ္ဋိပက္ခကြောင့် လိင်ပိုင်းဆိုင်ရာ အကြမ်းဖက်မှုခံခဲ့ရတဲ့ ဓားစာခံတွေကိုလည်း ကူညီထောက်ပံ့သွားမယ်လို့ ပြောဆိုခဲ့ပါတယ်။ မြန်မာပြည်ခရီးစဉ်မှာ ရိုက်တာသတင်းထောက်နှစ်ယောက် ထောင်ဒဏ်ချမှတ်ခံရတဲ့ကိစ္စကိုလည်း ထုတ်ဖော်ပြောဆိုသွားမယ်လို့ ပြီးခဲ့တဲ့လက ဂျယ်ရီမီဟန့်က ပြောဆိုခဲ့ပါတယ်။

BBC Burmese
https://www.bbc.com/burmese

အိမ်သာထဲပြုတ်ကျသော ဖုန်းဆင်းဆယ်သည့် လူလေးဦးသေဆုံး


မုံရွာ၊ စက်တင်ဘာ ၁၉၊ ၂၀၁၈။

စစ်ကိုင်းတိုင်းဒေသကြီးအထက်ပိုင်း၊ ဟုမ္မလင်းမြို့နယ်၊ စန်ကျိန်းရွာတွင် စက်တင်ဘာ ၁၈ ရက်၊ ည ၈နာရီခွဲက အိမ်သာထဲပြုတ်ကျသော ညီမ၏ လက်ကိုင်ဖုန်းအား အကိုဖြစ်သူနှင့် ဆွေမျိုးများက ဆင်းဆယ်ရာ လေးဦးစလုံးမှာ တွင်းထဲ၌ အောက်ဆီဂျင်ပြတ်ကာ သေဆုံးမှု ဖြစ်ပွားခဲ့ကြောင်း သတင်းရရှိသည်။


အစ်ကိုရင်းဖြစ်သူ ကိုဆန်းဝင်းမှ ဆင်းဆယ်ရာ တက်မလာသဖြင့် နောက်ထပ်အစ်ကိုအရင်းဖြစ်သူ ကိုနိုင်ရွှေနှင့် အကို ၀မ်းကွဲ ကိုမောင်ဇော်၊ရန်နိုင်လင်းတို့မှ အသီးသီးဆင်းကြရာ ၄င်းတို့လည်း ပြန်တက်မလာသဖြင့် နောက်ထပ်လူတစ်ယောက်ထပ်ဆင်းရာမှ အားလုံးသေဆုံးနေသည်ကို တွေ့ခဲ့ရခြင်း ဖြစ်သည်။

ဓါတ်ပုံ - facebook
၎င်းဖြစ်စဉ်ကို နယ်မြေခံ ရဲတပ်ဖွဲ့မှ လတ်တလော သေမှုသေခင်းဖွင့်ထားပြီး ဟုမ္မလင်းပြည်သူ့ဆေးရုံကြီး၌ ဆေးစစ်ချက် ယူနေကြောင်း သိရသည်။

နှင်းမောင်
Central News Myanmar
https://www.facebook.com/CNMyanmar

နျူကလီးယား ဒုံးလက်နက် စမ်းသပ်တဲ့ နေရာတခု ပိတ်ဖို့ မြောက်ကိုရီးယား သဘောတူ

နျူကလီးယား ဒုံးလက်နက် စမ်းသပ်တဲ့ နေရာတခု ပိတ်ဖို့ မြောက်ကိုရီးယား သဘောတူ
နျူကလီးယား ဒုံးလက်နက် စမ်းသပ်တဲ့ နေရာတွေထဲက တခုကို အပြီးသတ် ပိတ်ပစ်ဖို့ မြောက်ကိုရီးယား ခေါင်းဆောင် ကင်ဂျုံအွန်းက သဘောတူလိုက်တယ်လို့ တောင်ကိုရီးယားသမ္မတ မွန်ဂျေအင်း က ပြောပါတယ်။

အခု ဆွေးနွေးနေကြတဲ့ မြောက်ကိုရီးယားမြို့တော် ပြုံယမ်းက တွေ့ဆုံပွဲမှာလည်း နျူကလီးယား ဖျက်သိမ်းရေး အောင်မြင်အောင် လုပ်ဆောင်ဖို့ နှစ်ဖက်ခေါင်းဆောင်တွေက သဘောတူတယ်လို့ တောင်ကိုရီးယား ခေါင်းဆောင်က ပြောပါတယ်။

အခု သဘောတူညီမှုဟာ ကိုရီးယားကျွန်းဆွယ် ငြိမ်းချမ်းရေးအတွက် ရှေ့ကို ဦးတည်တဲ့ မြန်ဆန်တဲ့ ခြေလှမ်းတခုပဲလို့ မြောက်ကိုရီးယားခေါင်းဆောင် ကင်ဂျုံအွန်း က ဆိုပါတယ်။

တောင်ကိုရီးယား မြို့တော် ဆိုးလ်မြို့ကိုလည်း မကြာတော့တဲ့ အနာဂတ်မှာ သွားရောက်ဖို့ မျှော်လင့် တယ်လို့ မြောက်ကိုရီးယား ခေါင်းဆောင် ကင်ဂျုံအွန်း က ပြောပါတယ်။

မြောက်ကိုရီးယား နျူကလီးယား ဖျက်သိမ်းရေး အစီအစဉ်ကို ဆွေးနွေးဖို့ တောင်နဲ့မြောက် ကိုရီးယား ခေါင်းဆောင်နှစ်ယောက်ဟာ ပြုံယမ်းမှာ ပထမဆုံးအကြိမ် တွေ့ဆုံနေတာ ဖြစ်ပါတယ်။
 တောင်ကိုးရီးယားသမ္မတ ဇနီးမောင်နှံကို လာကြိုတဲ့ မြောက်ကိုးရီးယားခေါင်းဆောင်နဲ့ဇနီး
ဒီနှစ် ဧပြီနဲ့ မေလမှာ သမ္မတ မွန်ဂျေအင်းနဲ့ ခေါင်းဆောင် ကင်ဂျုံအွန်းတို့ တောင်နဲ့ မြောက် နှစ်နိုင်ငံ နယ်စပ်မှာ တွေ့ဆုံခဲ့ပေမယ့် နျူကလီးယား ဖျက်သိမ်းရေး ကိစ္စကို ဆွေးနွေးခဲ့တာ မရှိလို့ အခုခရီးစဉ်က အရေးပါတဲ့ ခရီးစဉ်တခုလည်း ဖြစ်ပါတယ်။

တောင်ကိုးရီးယား သမ္မတ မွန်ဂျေအင်းနဲ့ ဇနီး ကင်ဂျွန်ဆုတ်တို့ဟာ ပြုံယမ်းကို သုံးရက်ကြာ ခရီးစဉ်အဖြစ် သွားရောက်တာလည်း ဖြစ်ပါတယ်။

BBC Burmese
https://www.bbc.com/burmese

ပါကစ္စတန်နိုင်ငံတွင် စစ်သွေးကြွ ၂၆၅ဦး လက်နက်ချ အညံ့ခံ

ပါကစ္စတန်နိုင်ငံတွင် ယခင်က လက်နက်ချ အလင်းဝင်လာခဲ့သည့် စစ်သွေးကြွများအား လက်နက်များ နှင့်အတူတွေ့ရစဉ် (ဆင်ဟွာ)
အစ္စလာမ်မာဘတ်၊ စက်တင်ဘာ ၁၉ ရက် (ဆင်ဟွာ)

    ပါကစ္စတန်နိုင်ငံ အနောက်တောင်ပိုင်း Balochitstan ပြည်နယ် တွင် စက်တင်ဘာ ၁၈ ရက်က တရားမဝင် အစိုးရဆန့်ကျင်ရေး စစ်သွေးကြွအဖွဲ့များစွာ မှ အဓိက အဖွဲ့ခေါင်းဆောင်များအပါအဝင် အနည်းဆုံး စစ်သွေးကြွ ၂၆၅ဦး အစိုးရထံ လက်နက်ချ ခဲ့ကြောင်း ပြည်တွင်းမီဒီယာက ဖော်ပြခဲ့သည်။

စစ်သွေးကြွများသည် Balochitstan ပြည်နယ် မြို့တော် Quetta မြို့ တွင် လက်နက်ချ အညံ့ခံခဲ့ကြောင်း အစိုးရတာဝန်ရှိသူများကပြောကြားခဲ့သည်။

ယင်း စစ်သွေးကြွ ၂၆၅ဦးသည် အကြမ်းဖက်မှုအား စွန့်လွှတ်ပြီး နိုင်ငံရေးလမ်းကြောင်းပေါ်သို့ ဝင်ရောက်ကာ တိုင်းပြည်ဖွံ့ဖြိုးတိုးတက်မှု နှင့် ငြိမ်းချမ်းရေးအတွက် ဆောင်ရွက်သွားရန် ကတိပြုခဲ့ကြကြောင် ပြည်တွင်းသတင်းများ၌ ဖော်ပြခဲ့သည်။

ထိုသို့ စစ်သွေးကြွများ လက်နက်ချ အညံ့ခံမှုသည် လက်ရှိလုပ်ဆောင်နေသော ပြည်နယ်အတွင်း နိုင်ငံရေးအရ ပြန်လည်သင့်မြတ်ရေး လုပ်ငန်းများ၏ အစိတ်အပိုင်းတစ်ခု ဖြစ်ပြီး ၎င်းအား အကြမ်းဖက်မှုတိုက်ဖျက်ရေး အမျိုးသားလုပ်ငန်းဆောင်ရွက်မှု အစီအစဉ် အောက်တွင် ၂၀၁၅ခုနှစ်မှ စ၍ ဆောင်ရွက်ခဲ့ကြောင်း သိရသည်။ ယခုအချိန်အထိ ခန့်မှန်းခြေ စစ်သွေးကြွ ၂,၀၀၀ဦး အာဏာပိုင်များထံ လက်နက်ချခဲ့ကြောင်း သိရသည်။

(Xinhua)
http://www.xinhuamyanmar.com

MLM ကုမ္ပဏီ အိမ်းစတား(AIM STAR) က MLM စနစ်နဲ့ရောင်းချမှုရပ်ဆိုင်း

စက်တင်ဘာ ၁၈ ရက်က စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ရဲ့ ဆင့်ပွားဈေးကွက်ဖြန့်ချိရေးလုပ်ငန်း MLM တွေကို တားမြစ်တဲ့ အမိန့်ကြေညာစာ ထွက်လာအပြီး ချက်ချင်းဆိုသလိုပဲ နာမည်ကြီး ဆင့်ပွားဈေးကွက်ဖြန့်ချိရေးကုမ္ပဏီဖြစ်တဲ့ အိမ်းစတား ကုမ္ပဏီက MLM စနစ်နဲ့ပစ္စည်းတွေရောင်းချတာ ရပ်ဆိုင်းလိုက်တယ်လို့ အဲဒီကုမ္ပဏီက စက်တင်ဘာ ၁၈ ရက် နေ့စွဲနဲ့ ကြေညာလိုက်ပါတယ်။

 သာကေတမြို့နယ် စက်မှုလက်မှုရပ်ကွက်၊ ဧရာဝဏ်လမ်းပေါ်က နာမည်ကြီး MLM ကုမ္ပဏီတစ်ခုဖြစ်တဲ့ Aim Star Network (MNR) Co., Ltd ဟာ အမျိုးသားအစားအသောက်ဥပဒေပုဒ်မ ၃၁ နဲ့ ပြီးခဲ့တဲ့ ဇွန်လက သာကေတနယ်မြေရဲစခန်းမှာ အမှုဖွင့်ခံထားရတဲ့ ကုမ္ပဏီလည်းဖြစ် ပါတယ်။

Aim Star ကုမ္ပဏီဟာ မိသားစုသုံးရေသန့်စက် ၊ စပါးပင်စည်ဆီ နဲ့ စပါးနို့ရည် ဖြည့်စွက် အာဟာရဘူး ၊ ဖြည့်စွက်အာဟာရ၊ ငါးကြီးဆီ စတာတွေအပြင် အခြားပစ္စည်းပေါင်းများစွာကို MLM စနစ်နဲ့ရောင်းချနေ တာဖြစ်ပါတယ်။ ကုမ္ပဏီရဲ့ ကြေညာချက်အပြည့်အစုံကတော့ အောက်ပါအတိုင်းဖြစ်ပါတယ်။

One News Myanmar
https://www.facebook.com/onenewsmyan

ငြိမ်းချမ်းရေးဖြစ်စဉ်အပေါ် သုံးသပ်ဆွေးနွေးပွဲ PNLO ဦးဆောင်ပြုလုပ်

ပအိုဝ်းအမျိုးသားလွတ်မြောက်ရေးအဖွဲ့ချုပ် PNLO ကရဲ့ ၂၁ ရာစု ပင်လုံညီလာခံ ဆွေးနွေးပွဲရလဒ်တွေကို ပြန်လည်သုံးသပ်ပွဲ ၂ဝ၁၈ ခုနှစ် စက်တင်ဘာလ ၁၉ ရက်နေ့က တောင်ကြီးမြို့မှာ ကျင်းပစဉ်။ ။ ဓာတ်ပုံ - မြတ်မိုးသူ
တစ်နိုင်ငံလုံး အပစ်အခတ်ရပ်စဲရေးစာချုပ် NCA လက်မှတ်ထိုးထားတဲ့ ပအိုဝ်းအမျိုးသားလွတ်မြောက်ရေးအဖွဲ့ချုပ် PNLO က ဦးဆောင်ပြီး ၂၁ ရာစု ပင်လုံညီလာခံ ဆွေးနွေးပွဲရလဒ်တွေကို ပြန်လည်သုံးသပ်ပွဲကို တောင်ကြီးမြို့မှာ ဒီနေ့ စတင်ကျင်းပနေပါတယ်။

ငြိမ်းချမ်းရေးဖြစ်စဉ်နဲ့ပတ်သက်ပြီး တက်ရောက်လာသူတွေနဲ့ အမေးအဖြေပုံစံမျိုး ပြုလုပ်ခဲ့တယ်လို့ ပွဲကျင်းပရေးကော် မတီ အဖွဲ့ဝင်တစ်ယောက်ဖြစ်တဲ့ PNLO အဖွဲ့က ခွန်မင်းသိန်းက ပြောပါတယ်။

"ဒီနေ့တော့ မနက်ပိုင်းကျတော့ ဖွင့်ပွဲနဲ့ပဲပြီးသွားတယ်၊ ဒီနေ့လယ်ပိုင်းအခြေအနေတော့ အမေးအဖြေကဏ္ဍ အခြေအနေတော့ရှိတာပေါ့၊ အဓိကတော့ ငြိမ်းချမ်းရေးဖြစ်စဉ်အကြောင်းကို ရှင်းပြတဲ့ပုံစံတွေပါပဲ၊ လူထုတွေက နည်းနည်းလေးသိပ်အားမရတဲ့ အပိုင်းတွေရှိတယ်၊ အဲဒီအခါ ထမေးကြတဲ့ပုံစံပါပဲ၊ အဓိကကတော့ Resource Prerson တွေကတော့ ၃ ယောက် ၄ ယောက်လောက်တော့ ရှိတယ်၊ ရှေ့ဆောင်နာယကကြီး ဗိုလ်မှူးကြီး ခွန်ဥက္ကာရယ်၊ ဦးခွန်မြင့်ထွန်းတို့၊ JMC နဲ့ပတ်သက်တဲ့အကြောင်းအရာ ပေါ်လာတယ်ဆိုရင် ဒုတိယဗိုလ်မှူးကြီး ခွန်အောင်မန်းတို့ ရှင်းပြပေးတာတော့ရှိပါတယ်"

ဒီပွဲကို တောင်ကြီးမြို့က Royal Taunggyi Hotel မှာ ဒီနေ့ကစပြီး လာမယ့် စက်တင်ဘာ ၂၁ ရက်နေ့အထိ ပြုလုပ်သွားမှာဖြစ်ပါတယ်။

နောက်ရက်တွေမှာ ၂၁ ရာစု ပင်လုံညီလာခံ အစည်းအဝေးရလဒ်တွေနဲ့ ပတ်သက်ပြီး သုံးသပ်သွားဖို့ရှိတယ်လို့လည်း ခွန်မင်းသိန်းက ပြောပါတယ်။

ဒီတွေ့ဆုံပွဲကို ပအိုဝ့်နိုင်ငံရေးအဖွဲ့အစည်းတွေ၊ ပအိုဝ့်စာပေနဲ့ ယဉ်ကျေးမှုအဖွဲ့တွေ၊ ပအိုဝ့် အရပ်ဖက်အဖွဲ့အစည်းတွေ စုစုပေါင်းအင်အား ၁၅၀ လောက် တက်ရောက်တယ်လို့လည်း သိရပါတယ်။

ပြီးခဲ့တဲ့ ရက်ပိုင်းကလည်း ထိုင်းနိုင်ငံ ချင်းမိုင်မြို့မှာ NCA လက်မှတ်ထိုးတားတဲ့ တိုင်းရင်းသားလက်နက်ကိုင် အဖွဲ့ ၁၀ ဖွဲ့က ခေါင်းဆောင်တွေဟာ ၂၁ ပင်လုံညီလာခံက ရလဒ်တွေအပေါ် ပြန်လည်သုံးသပ်တဲ့ အစည်းအဝေး ကျင်းပခဲ့ပါတယ်။

RFA Burmese
https://www.rfa.org/burmese

အရက်တု သောက်မိလို့ မြန်မာနိုင်ငံသား ရွှေ့ပြောင်းအလုပ်သမား ၁၆ ဦး သေဆုံး

မလေးရှားနိူင်ငံ ကွာလာလမ်ပူမြို့  (GH HOSPITAL I C U ) အရေးပေါ်ကို အရက်တုသောက်မိပြီး ရောက်ရှိလာတဲ့ မြန်မာနိုင်ငံသား လူနာကို တွေ့ရစဉ် ။ ဓါတ်ပုံ - မြန်မာလူမှုကူညီရေးအသင်း မလေးရှား
မလေးရှားနိုင်ငံမှာ အရက်တုသောက်မိပြီး သေဆုံးခဲ့ရတဲ့ မြန်မာနိုင်ငံသား ရွှေ့ပြောင်းအလုပ်သမား ၁၆ ယောက် ရှိပြီလို့ ကပုန်း ၇ ရက်သားသမီး နာရေးကူညီမှုအသင်း ဥက္ကဋ္ဌ ဦးစန်းဝင်းက ပြောပါတယ်။

မြန်မာအလုပ်သမားတွေဟာ လစာထုတ်ရက်မှာ အရက်သောက်ပြီးနောက် ၂ နာရီအကြာမှာ ရင်ပူပြီး အန်တာ၊ သွေးအန်တာ စတဲ့ ဝေဒနာတွေဖြစ်လာပြီး သေဆုံးရတာ၊ ဆေးရုံတက်ရောက် ကုသခဲ့ရတာတွေရှိတယ်လို့ ဦးစန်းဝင်းက RFA ကို ဒီနေ့ ပြောပါတယ်။

"ပြီးခဲ့တဲ့ သောကြာ၊ စနေ၊ တနင်္ဂနွေ၊ တနလာင်္က မလေးရှားမှာ ပိတ်ရက်ဖြစ်တယ်။ ပိတ်ရက်လည်းဖြစ်၊ လစာ ထုတ်ပြီးတဲ့ရက်ဖြစ်တော့ ပိုက်ဆံရှိကြတယ်။ သူငယ်ချင်းတွေ အားလုံးစုပြီး အရက်တူတူသောက်ကြတယ်။ သောက်ပြီးတာနဲ့ ၂ နာရီလောက်အကြာမှာ ရင်တွေပူတယ်။ ပြီးတော့ ထိုးအန်တယ်။ ထိုးအန်ပြီးရင် သွေး အန်တယ်။ သွေးအန်ပြီးတာနဲ့ နောက်ဆုံးအဆင့်က သေဖို့များသွားပြီ"

ဆေးရုံမှာလည်း လက်ရှိအတွင်းလူနာအနေနဲ့ ကုသမှုခံနေရတဲ့ မြန်မာအလုပ်သမား ၄ ယောက်ရှိတယ်လို့လည်း သိရပါတယ်။

မလေးရှာနိုင်ငံမှာ တရားဝင်ခွင့်ပြုထားတဲ့ အရက်တွေက မလေးရှားငွေ ရင်းဂစ် ၃၅ ကနေ ၄၀ ( မြန်မာငွေ ကျပ် ၁ သောင်း ၃ ထောင်ကနေ ကနေ ၁ သောင်းခွဲအထိရှိကြောင်း၊  အခု မြန်မာအလုပ်သမားတွေ အများစုသောက်တဲ့ အရက်ကတော့ မလေးရှားက တရားဝင်ခွင့်ပြုထားတဲ့ အရက်တွေမဟုတ်ဘဲ မလေးရှားငွေ ရင်းဂစ် ၁၀ လောက် (မြန်မာငွေ ကျပ် ၃ ထောင်) လောက်သာ ပေးရတဲ့ အရက်တွေဖြစ်တဲ့အကြောင်း ဦးစန်းဝင်းက ပြောပါတယ်။

သေဆုံးသွားတဲ့ မြန်မာအလုပ်သမားတွေထဲမှာ ချင်း၊ မကွေး၊ ရခိုင်၊ မွန်၊ မန္တလေး စတဲ့ တိုင်းနဲ့ ပြည်နယ်တွေက အလုပ်လာလုပ်တဲ့သူတွေလို့လည်း သိရပါတယ်။

မလေးရှားအစိုးရရဲ့ ထုတ်ပြန်ချက်မှာတော့ အရက်တုသောက်မိလို့ မြန်မာ၊ နီပေါ၊ ဘင်္ဂလားဒေ့ရှ် နိုင်ငံသားအပါအ၀င် လူပေါင်း ၃၀ ကျော် သေဆုံးပြီး အယောက် ၂၀ ကျော် ဆေးရုံတင်ထားရတယ်လို့ ဖော်ပြထားပါတယ်။ ဒါကြောင့် အရက်ဆိုင်တွေကို စီမံချက်တစ်ခုအနေနဲ့ မလေးရှား အစိုးရက ၀င်ရောက်စစ်ဆေးနေတယ်လို့လည်း သိရပါတယ်။

RFA Burmese
https://www.rfa.org/burmese

၂၄ နာရီအတွင်း မုန်တိုင်းငယ် ဖြစ်လာမယ်လို့ သတိပေး

 လေဖိအားနည်းရပ်ဝန်းပြမြေပုံ
ဘင်္ဂလား ပင်လယ်အော်မှာ ဖြစ်ပေါ်နေတဲ့ လေဖိအားနည်းရပ်ဝန်းဟာ လာမယ့် ၂၄ နာရီ အတွင်း မုန်တိုင်းငယ်ဖြစ်လာမယ်လို့ မိုးလေဝသနဲ့ ဇလဗေဒညွှန်ကြားမှု ဦးစီးဌာနက သတိပေးပါတယ်။

လေဖိအားနည်းရပ်ဝန်းဟာ မြန်မာ့ကမ်းရိုးတန်းအနီး ဘင်္ဂလား ပင်လယ်အော် အရှေ့အလယ်ပိုင်းမှာ ဖြစ်ပေါ်နေလို့ ရခိုင် ကမ်းရိုးတန်းနဲ့ မြစ်ဝကျွန်းပေါ် ကမ်းရိုးတန်းတွေမှာ မိုးပြင်းလေထန်ပြီး ၁ နာရီကို မိုင် ၄၀ အထိ တိုက်ခတ်နိုင်တယ်လို့ မိုးလေဝသနဲ့ ဇလဗေဒညွှန်ကြားမှု ဦးစီးဌာန ညွှန်ကြားရေးမှူးချုပ် ဒေါက်တာကျော်မိုးဦး က ပြောပါတယ်။

တိုင်းတာမှုတွေအရ မုန်တိုင်းငယ် ဦးတည်နေတာက အန္ဒိယနိုင်ငံ သြရိသကမ်းခြေကို စက်တင်ဘာ ၂၀ ရက် ညပိုင်း နောက်ကျရင် ၂၁ ရက် မနက်စောပိုင်း ဖြတ်ကျော် ဝင်ရောက်မယ် ခန့်မှန်းထားတယ်လို့ ဒေါက်တာကျော်မိုးဦး က ပြောပါတယ်။

မုန်တိုင်းငယ်အရှိန်ကြောင့် မြစ်ရေကြီးမှု သတိပေးထားတဲ့ ဒေသတွေမှာတော့ သက်ရောက်မှု မရှိနိုင်ဘူးလို့ ဒေါက်တာကျော်မိုးဦး က ဆိုပါတယ်။
ဂျပန်မှာ ဂျေဘီ တိုင်ဖွန်းမုန်တိုင်း မတိုက်ခတ်ခင် လေပြင်းတိုက်နေပုံ
ဖြစ်ပေါ်နေတဲ့ လေဖိအားနည်းရပ်ဝန်း အရှိန်ကြောင့် ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ မွန်ပြည်နယ်၊ ကရင်ပြည်နယ်နဲ့ တနင်္သာရီ ကမ်းရိုးတန်းတစ်‌လျှောက်မှာ မိုးကြီးပြီး တခါတရံ လေပြင်းတိုက်နိုင်တယ်လို့ မိုးဇလ ဦးစီးဌာနက သတိပေးပါတယ်။

မြန်မာ့ကမ်းရိုးတန်းတစ်လျှောက်နဲ့ ကမ်းလွန် ပင်လယ်ပြင်တွေမှာ မိုးသက်လေပြင်း ကျပြီး၊ လှိုင်းအမြင့် ၉ ပေ ကနေ ၁၂ ပေ အထိ ရှိနိုင်လို့ သင်္ဘောတွေ၊ ကမ်းနီးကမ်းဝေး ငါးဖမ်းရေယာဉ်တွေ ကြိုတင်သတိပြုကြဖို့ မိုးဇလ ဦးစီးဌာနက သတိပေးထားပါတယ်။

မုန်တိုင်းငယ်အရှိန်ကြောင့် ကပ္ပလီပင်လယ်ပြင်နဲ့ ဘင်္ဂလားပင်လယ်အော် တို့မှာ မုတ်သုံလေ အားကောင်းနေတယ်လို့ မိုးဇလဦးစီးဌာနက ပြောပါတယ်။

BBC Burmese
https://www.bbc.com/burmese

ဘိုကလေးမြို့နယ် ဗဟိုရဲကင်းအချုပ်ခန်းမှ ဖောက်ထွင်းထွက်ပြေး တရားခံသုံးဦး ပြန်လည်ဖမ်းမိ


ဖျာပုံ စက်တင်ဘာ ၁၈

ဧရာဝတီတိုင်းဒေသကြီး ဖျာပုံခရိုင် ဘိုကလေးမြို့နယ် မြို့မရဲစခန်းတွင် အချုပ်ခန်း သုံးခန်းရှိရာမှ အမှတ်(၂) အချုပ်ခန်းမှ တရားခံသုံးဦးသည် စက်တင်ဘာ ၁၈ ရက် နံက် ၃ နာရီ မိနစ် ၃ဝ ခန့်တွင် အမှတ်(၂) အချုပ်ခန်း၏ တိုင်အမှတ် (၉၃) မြေပြင်မှ (၃)ပေအမြင့် တိုင်အား သံဖြတ်လွှဖြင့် ဖြတ်တောက်ထွက်ပြေးသွားသော တရားခံ သုံးဦးအား ၂၄ နာရီအတွင်း ပြန်လည်ဖမ်းမိခဲ့ကြောင်း သိရသည်။

ထွက်ပြေးသွားသော တရားခံသုံးဦးသည် ဘိုကလေးမြို့နယ် ပိုက်စလေးကျေးရွာ အုပ်စုအနီးတွင် ဘိုကလေးမြို့ဘက်မှ မော်လမြိုင်ကျွန်းမြို့ဘက်သို့ ဆိုင်ကယ် မောင်းနှင်းလာသူထံမှ ဆိုင်ကယ်လု၍ ထွက်ပြေးသွားခဲ့သဖြင့် ဧရာဝတီတိုင်းဒေသ ကြီး ရဲတပ်ဖွဲ့မှူး ကြီးကြပ်၍ ဖျာပုံခရိုင်ရဲတပ်ဖွဲ့၊ မအူပင်ခရိုင်နှင့် ဘိုကလေးမြို့နယ် ရဲတပ်ဖွဲ့မှ လိုက်လံစုံစမ်းဖမ်းဆီးရာ စက်တင်ဘာ ၁၈ ရက် နံနက် ၇ နာရီ မိနစ် ၄ဝ ခန့်က မအူပင်မြို့နယ်အတွင်း ရေလဲကျေးရွာလယ်ကွင်းအတွင်း တရားခံ အာကာဂျူး (၂၃နှစ်) ဘိုကလေးမြို့မရဲစခန်း (ပ)၃၆၁/၂ဝ၁၈၊ ရာဇသတ်ကြီးပုဒ်မ ၃၈ဝ နှင့် တရားခံ ဖိုးဖြူ(ခ)နန္ဒာအောင် (၁၉နှစ်) ဘိုကလေးမြို့မရဲစခန်း (ပ) ၂၃၇/၂ဝ၁၈၊ ရာဇသတ်ကြီး ပုဒ်မ ၃၈၂/၁၁၄ တို့ တရားခံနှစ်ဦးတို့အား ပြန်လည်ဖမ်းမိခဲ့ကြောင်း သိရသည်။

ဆက်လက်၍ တရားခံလှနိုင်ဦး (၃၃ နှစ်) ဘိုကလေးမြို့မရဲစခန်း (ပ)၃၄၆/ ၂ဝ၁၈၊ ရာဇသတ်ကြီးပုဒ်မ ၃၇၇ အား ဖမ်းမိနိုင်ရေး လိုက်လံစုံစမ်းဖမ်းဆီးရာ စက်တင်ဘာ ၁၈ ရက် ညနေ ၄ နာရီ ၁၅ မိနစ်ခန့်တွင် ရန်ကုန်တိုင်းဒေသကြီး လှိုင်သာယာမြို့နယ် သောင်ကြီးရဲစခန်းပိုင် လှိုင်သာယာ (၁ဝ)ရပ်ကွက်တွင် ဖမ်းမိ ခဲ့ပြီး တရားခံ လှနိုင်ဦးအား ဖျာပုံခရိုင်ရဲတပ်ဖွဲမှ ဖျာပုံသို့ ခေါ်ဆောင်လာပြီဖြစ်ကြောင်း သိရသည်။ ပြန်လည်ဖမ်းဆီးမိသော တရားခံ အာကာဂျူးနှင့် ဖိုးဖြူတို့အား ဖျာပုံ မြို့မရဲစခန်းသို့ ပြောင်းရွှေ့ကာ စစ်ဆေးဆောင်ရွက်လျက်ရှိကြောင်း သိရသည်။

ကျော်စိုးမိုး
Myanmaalinn
https://www.facebook.com/MYANMAALINNNEWS/

မူးယစ်ဆေးဝါး အများပြား ဖမ်းဆီးရရှိဟု ထိုင်းရဲ ပြောကြား

Photo: AP Photo/Sakchai Lalit
 လူ ၄ ဦးကို မက်သဖက်တမင်း စိတ်ကြွဆေးပြား ၁၀ သန်းနဲ့ အလေးချိန် ၈၁ ပေါင်ရှိတဲ့ ဘိန်းဖြူ အပါအ၀င် မူးယစ်ဆေးဝါး အမြောက်အများနဲ့ ဖမ်းဆီးရမိခဲ့ကြောင်း ထိုင်းရဲတပ်ဖွဲ့က အင်္ဂါနေ့မှာ ကြေညာခဲ့ပါတယ်။

ကုန်တင် pickup ကားတစီးပေါ်က ကြက်ချေးမြေသြဇာအိတ် အမြောက်အများအောက်မှာ ဖွက်ပြီး တင်ဆောင်လာတဲ့ အဲဒီ မူးယစ်ဆေးဝါးတွေကို တနင်္ဂနွေနေ့က သတင်းအရ ရှာဖွေတွေ့ရှိခဲ့တယ်လို့ ဆိုပါတယ်။

ပြီးခဲ့တဲ့ စနေနေ့ကလည်း လူ ၃ ဦးကို ထိုင်းနိုင်ငံမှာရှိတဲ့ အာဖရိကနွယ်ဖွား ရာဇ၀တ်ဂိုဏ်းတဂိုဏ်းထံက ၀ယ်ယူခဲ့တဲ့ - မက်သဖက်တမင်း စိတ်ကြွဆေး ၄ ပေါင်ခွဲကျော်နဲ့ ဖမ်းဆီးနိုင်ခဲ့ကြောင်းနဲ့ အဲဒီ မူးယစ်ဆေးတွေကို နယူးဇီးလန်နိုင်ငံ တင်ပို့ရောင်းချဖို့ လူဆိုးတွေက စီစဉ်ခဲ့တာဖြစ်ကြောင်း ရဲက ပြောပါတယ်။

ဒါ့အပြင် ပြီးခဲ့တဲ့ ကြာသပတေးနေ့ကလည်း လူ ၆ ဦးကို အလေးချိန် ပေါင် ၂၀၂၀ ရှိတဲ့ ဆေးခြောက်တွေနဲ့အတူ ဖမ်းဆီးခဲ့တယ်လို့ ဆိုပါတယ်။

ထိုင်းအာဏာပိုင်တွေဟာ တနှစ်ကို စိတ်ကြွဆေးပြား ၁ သန်း ဒါမှမဟုတ် ဒီထက်မက ဖမ်းဆီးရမိကြောင်း ကြေညာလေ့ရှိပေမယ့် အဲဒီ မူးယစ်ဆေးဝါးတွေနဲ့ ဖမ်းဆီးမိသူတွေဟာ ယေဘုယျအားဖြင့် အောက်ခြေအဆင့် သယ်ဆောင်ရောင်းဝယ်သူတွေနဲ့ ယာဉ်မောင်းသမားတွေသာဖြစ်တယ်လို့ အေပီ သတင်းမှာ ဖေါ်ပြထားပါတယ်။

RFA Burmese
https://www.facebook.com/rfaburmese

ဘုန်းကြီး ၂ ပါးအား ဓားထောက်ပြီး ဝမ်းလျာမှောက်လျှက် ခြိမ်းခြောက်သူအား ရဲတပ်ဖွဲ့မှသေနတ်ဖြင့် ပစ်ခတ်၍ (အရှင်)ဖမ်းဆီး


မွန်ပြည်နယ်၊ မုဒုံမြို့နယ်၊ ကန်ကြီးဘုရားကျောင်း ဘုန်းကြီးကျောင်းဝင်းအတွင်း၌ စက်တင်ဘာလ ၁၈ ရက်နေ့  နေ့လည် ၁၁ နာရီချိန်ခန့်တွင် ဘုန်းကြီး ၂ ပါးအား ဓားထောက်ပြီး ဝမ်းလျာမှောက်လျှက် ခြိမ်းခြောက်သူအား ရဲတပ်ဖွဲ့မှ သေနတ်ဖြင့် ပစ်ခတ်၍ (အရှင်)ဖမ်းဆီးခဲ့ကြောင်း သိရပါသည်။

ဖြစ်စဉ်မှာ ကျောင်းဝင်းအတွင်း သီတင်းသုံးနေသော ဦးစန္ဒပါလ ဝါတော် ၆ ဝါ (သက်တော် ၆၃) နှစ် နှင့် ဦးသောပိတ ဝါတော်(၁၁) ဝါ သက်တော် (၅၁ နှစ်) နှစ်ပါးမှ ထွန်းထွန်းဦး (၃၅) နှစ် ခေမာလမ်း မြို့မ ၂ နေသူအား ဘိလပ်မြေနှင့် ပစ္စည်းအချို့ ဝယ်ရန် ပိုက်ဆံပေးလိုက်ရာမှ ထွန်းထွန်းဦး(၃၅)နှစ်မှ ပိုက်ဆံပျောက်သွားပြီး ပြန်မပေးနိုင်ဘူးဟုဆိုကာ ဝယ်ရန်မှာထားသောပစ္စည်းများအား ဝယ်မပေးပဲ ၎င်းဘုန်းကြီးနေထိုင်သော ကျောင်းအောက်မှ တုတ်ဖြင့်စိန်ခေါ်ခြင်း ၊ ကျောင်းပေါ်တက်၍ ဓားမ သွားယူ၍ ဘုန်းကြီး ၂ ပါးအား ကြမ်းပြင်တွင်မှောက်ရန် မမှောက်ပါက ဓားဖြင့် ခုတ်မည်ဟု ခြိမ်းခြောက်နေကြောင်း အနီးရှိ ဘုန်းကြီးတစ်းပါးမှ မုဒုံမြို့မ ရဲစခန်းသို့ ဖုန်းဆက်အကြောင်းကြားခဲ့သည်။

အဆိုပါ ဘုန်းကြီးကျောင်းသို့  မုဒုံမြို့မ ရဲစခန်းမှ ဒုရဲအုပ်ဆန်းထွန်းဦးစီး တပ်ဖွဲ့ဝင်များ သွားရောက်ရာတွင် ထွန်းထွန်းဦး (၃၅) နှစ်၊ ခေမာလမ်း၊ မြို့မ ၂ နေသူမှ ဓားကိုင်ရင် ဘုန်းကြီး ၂ ပါးအား ကြမ်းပြင်တွင် ဝမ်းလျာမှောက်ရန် ခိုင်းစေနေသည်ကို တွေ့ရ၍ ရဲတပ်ဖွဲ့မှ ဓားအားအောက်ချရန်နှင့် အညံ့ခံရန် အကြိမ်ကြိမ်ပြောဆိုသော်လည် ထွန်းထွန်းဦး (၃၅)နှစ် မှ အညံ့မခံပဲ လက်ထဲမှဓားဖြင့် ရဲတပ်ဖွဲ့ဝင်များထံ ခုတ်ရန်ပြေးလာနေသည်ကို တွေ့ရသောကြောင့် ရဲတပ်ဖွဲ့မှ ခန္ဓာကိုယ်အောက်ပိုင်းအား ၁၂ ဗို့ပြောင်းချောသေနတ်ဖြင့် ပစ်ခတ်၍ ဓားကိုင်ထားသူအား လုံးထွေးသတ်ပုတ် ဖမ်းဆီးခဲ့ကြောင်း သိရသည်။


ထိုသို့လုံးထွေးသတ်ပုတ်ဖမ်းဆီရာတွင် ရဲတပ်ဖွဲ့မှ အခြားဆင့် ၃ ဦး ထိခိုက်ဒဏ်ရာများရရှိခဲ့၍ ထွန်းထွန်းဦး (၃၅) နှစ် ခေမာလမ်း မြို့မ ၂ နေသူ၌ ဘယ်ဘက်ပေါင်ရင်းတွင် သေနတ်ထိမှန်ဒဏ်ရာ (၆)ချက် ၊ ညာနဖူးတွင် ပေါက်ပြဲဒဏ်ရာတစ်ချက်ရရှိခဲ့ရာ မုဒုံပြည်သူ့ဆေးရုံကြီး၌ဆေးကုသမှုခံယူစေ၍ ပြစ်မှုကျူးလွန်သူအား မုဒုံမြို့မရဲစခန်း၌ ဥပဒေအတိုင်း အမှုဖွင့် အရေးယူဆောင်ရွတ်ထားကြောင်း သတင်းရရှိသည်။

အမွှာညီနောင် (ဖေ့ဘွတ်ခ်)

Nuclear ဟန့်တားရေး စာချုပ်လက်မှတ်ထိုးဖို့ မြန်မာဆုံးဖြတ်

ပြည်ထောင်စုလွှတ်တော်
ကုလသမဂ္ဂ နျူကလီးယားလက်နက် တားဆီး ပိတ်ပင်ရေးစာချုပ်မှာ မြန်မာနိုင်ငံက လက်မှတ်ရေးထိုး တော့မယ်လို့ ဆုံးဖြတ်လိုက်ပါတယ်။ ဒီစာချုပ်ကို လက်မှတ်ထိုးလိုက်ခြင်းအားဖြင့် နျူကလီးယားသုံးစွဲလိုမှုနဲ့ ပတ်သက်လို့ မြန်မာ့တပ်မတော်ပေါ် နိုင်ငံကြီးတချို့က ပြစ်တင်ဝေဖန်နေ တာတွေ လျော့ကျသွားနိုင်တယ်လို့ တပ်မတော်သားကိုယ်စားလှယ် တဦးက ထောက်ပြပြောဆိုပါတယ်။ တချိန်ထဲမှာပဲ စစ်တပ်ထိပ်ပိုင်း ခေါင်းဆောင်တွေ လတ်တလောရင်ဆိုင်နေရတဲ့ နိုင်ငံတကာ ဒဏ်ခတ်မှုနဲ့ ဖိအားတွေ လျော့ကျစေဖို့အတွက် အဲဒီစာချုပ်ကို လက်မှတ်ထိုးတာ ဖြစ်နိုင်ကြောင်းလည်း နိုင်ငံရေးလေ့လာသူတဦးက သုံးသပ်ပါတယ်။

အပြည့်အစုံကိုတော့ ကိုဉာဏ်ဝင်းအောင်က တင်ပြထားပါတယ်။

ကုလသမဂ္ဂက သတ်မှတ်ထားတဲ့ နူကလီးယားလက်နက် တားဆီးပိတ်ပင်ရေးစာချုပ် Treaty on the Prohibition of Nuclear Weapons- TPNW မှာ မြန်မာနိုင်ငံက ပါဝင်လက်မှတ် ရေးထိုးရေးဖို့ အဆိုတရပ်ကို သမ္မတဦးဝင်းမြင့်က လွှတ်တော်အရပ်ရပ်ကို တင်သွင်ပြီး ဆွေးနွေးခဲ့ ကြတာပါ။ ဒီဆွေးနွေးမှုကို နောက်ဆုံးအဆင့်အဖြစ် စက်တာဘာ(၁၄)ရက် သောကြာနေ့က ပြည်ထောင်စုလွှတ်တော်မှာ တပ်မတော်သား ကိုယ်စားလှယ် အပါအဝင်၊ လွှတ်တော် ကိုယ်စားလှယ် စုစုပေါင်း(၁၀)ဦးက ထောက်ခံဆွေးနွေးခဲ့ကြပြီး အဆိုကို ကန့်ကွက်သူမရှိ သဘောတူ အတည်ပြုလိုက်တာကြောင့် အခုလာမယ့် စက်တင်ဘာ ၂၆ ကနေ ၂၈ နေ့ထိ နယူးယောက်မြို့မှာကျင်းပမယ့် (၇၃)ကြိမ်မြောက် ကုလသမဂ္ဂ အထွေထွေညီလာခံအတွင်း လက်မှတ်ရေးထိုးသွားဖို့ ရှိပါတယ်။

စစ်အစိုးရ လက်ထက်တုန်းက မြန်မာ့တပ်မတော်ဟာ မြောက်ကိုရီးယားနိုင်ငံနဲ့ ကူးလူးဆက်ဆံခဲ့သလို၊ နျူကလီးယားလက်နက် ပိုင်ဆိုင်ရေး ကြိုးပမ်းနေတယ်ဆိုတဲ့ စွပ်စွဲချက်အတွက် ကမ္ဘာ့အင်အားကြီးနိုင်ငံတွေရဲ့ စောင့်ကြည့်မှု ခံရသလို၊ ကုလသမဂ္ဂရဲ့ သတိပေးခြင်း ကိုလည်း ခံခဲ့ရတာပါ။ ဒါကြောင့် TPNW စာချုပ်မှာ မြန်မာနိုင်ငံက လက်မှတ်ထိုးလိုက်မယ်ဆိုရင် တပ်မတော်အပေါ် နိုင်ငံကြီးတွေရဲ့ ပြစ်တင်ဝေဖန်မှုတွေ လျော့ကျ သွားနိုင်တယ်လို့ ပြည်သူ့လွှတ်တော်က တပ်မတော်သားကိုယ်စားလှယ် ဒုဗိုလ်မှူးကြီး ဇော်ထွန်းဦးက ဆွေးနွေးသွားပါတယ်။

"မြန်မာနိုင်ငံအနေဖြင့် ဖျက်စွမ်းအားကြီးမားတဲ့ လက်နက်အန္တရာယ်များဒဏ် မခံရရေးအတွက် သဘောတူညီချက်များမှာ လက်မှတ်ရေးထိုး ပါဝင်ဆောင်ရွက်ခဲ့ပါတယ်။ ကျနော်တို့ မြန်မာတပ်မတော်အနေဖြင့် နျူကလီးယားစွမ်းအင်ကို ငြိမ်းချမ်းစွာအသုံးပြုခြင်းနဲ့ စပ်လျဉ်း၍ အနုမြူနည်းပညာကို လူအများ သေစေနိုင်တဲ့ လက်နက်အဖြစ် ဖန်တီးထုတ်လုပ်ဖို့မဟုတ်ပဲ လူအများအတွက်အကျိုးရှိစေမယ့် ငြိမ်းချမ်းစွာ အသုံးပြုနိုင်တဲ့ ဆေးပညာနယ်ပယ် ၊ တက္ကသိုလ် ဓါတ်ခွဲခန်းများမှာ သုတေသနပြုတဲ့ သိပ္ပံပညာနယ်ပယ် ၊ စွမ်းအင်ဆိုင်ရာ လျှပ်စစ်ဓါတ်အား ထုတ်ယူသုံးစွဲရေး နယ်ပယ်တွေမှာ အသုံးချနိုင်ဖို့လိုအပ်တဲ့ လေ့လာသင်ယူမှုတွေ စမ်းသပ်မှုတွေကိုလည်း နိုင်ငံတကာစံနှုန်းများနဲ့ အညီ ဆောင်ရွက်သွားရန် သဘောထားရှိပါတယ်။ မြန်မာနိုင်ငံအပေါ်မှာ နျူကလီးယားဆောင်ရွက်မှုများနဲ့ ပတ်သက်ပြီးတော့ နိုင်ငံတချို့ဟာ မဟုတ်မမှန် စွပ်စွဲ ပြောဆိုမှုတွေ ရှိခဲ့ပါတယ်။ ယခုကဲ့သို့ သမ္မတထံမှာ ပေးပို့လာတဲ့စာချုပ်မှာ ပါဝင်လက်မှတ် ရေးထိုးမည်ဆိုပါက နိုင်ငံနဲ့ တပ်မတော်ပေါ်မှာ ယခင်ကာလက စွပ်စွဲပြောဆိုမှုတွေအပေါ်မှာ သံသယ ကင်းရှင်းသွားမှာဖြစ်ပါတယ်။"

TPNW စာချုပ်မှာ လက်မှတ်ထိုးမယ်ဆိုရင် မြန်မာနိုင်ငံအတွက် အကျိုးကျေးဇူးများစေမယ်လို့ အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာန ပြည်ထောင်စုဝန်ကြီး ဦးကျော်တင်က လွှတ်တော်မှာ ရှင်းပြသွားပါတယ်။

"ဒီစာချုပ်ဟာ နျူကလီးယားလက်နက်များကို အရေအတွက် တိုးမြှင့်ထုတ်လုပ်မှု ၊ ပိုမို အဆင့်မြင့်တင်အောင် ထုတ်လုပ်မှု အပေါ်မှာ နိုင်ငံရေးအရ တားဆီးရေးမှာ အကျိုးသက်ရောက်မှု ရှိစေမှာဖြစ်ပါတယ်။ နျူကလီးယား လက်နက်များဟာ ကမ္ဘာ့ငြိမ်းချမ်းရေးအတွက်ရော ၊ လုံခြုံရေးအတွက်ရော လူသားများရဲ့ ရပ်တည်ရေးအတွက်ရော အကြီးမားဆုံး ခြိမ်းခြောက်မှုတရပ် ဖြစ်နေဆဲ ဖြစ်ပါတယ်။ ယနေ့အခါမှာ နျူကလီးယားလက်နက်ပိုင် နိုင်ငံများအကြား အင်အားပြိုင်ဆိုင်မှု၊ တင်းမာမှုတွေဟာလည်း တိုးမြင့်ဖြစ်ပေါ် လျက်ရှိပါတယ်။ ဒါ့ကြောင့် ကမ္ဘာကြီးမှာ နျူကလီးယား ဘေးအန္တရာယ် ကင်းဝေးရေးအတွက်ဆိုရင် နျူကလီးယား လက်နက်များ တားဆီးပိတ်ပင် ဖျက်သိမ်းရေးကို ကြိုးပမ်းဆောင်ရွက်ချင်းသည်သာ ဦးစားပေးဆောင်ရွက်သင့်တဲ့ နည်းလမ်းတရပ် ဖြစ်တယ်လို့ ယုံကြည်မိပါတယ်။"

လတ်တလောမှာတော့ ရခိုင်ပဋိပက္ခအပါအဝင် တိုင်းရင်းသားဒေသတချို့မှာ မြန်မာစစ်တပ်က စစ်ရာဇဝတ်မှု ကျူးလွန်နေတယ်ဆိုပြီး နိုင်ငံတကာရဲ့ဖိအားတွေ ရင်ဆိုင်နေရသလို၊ တပ်/ချုပ် ဗိုလ်ချုပ်မှူးကြီး မင်းအောင်လှိုင်အပါအဝင် ထိပ်တန်းစစ်ခေါင်းဆောင် (၆)ဦးတို့ကို ICC အပြည်ပြည်ဆိုင်ရာ ရာဇဝတ်ခုံရုံး ဆင့်ခေါ်ကြားနာ စစ်ဆေးဖို့ တောင်းဆိုသံတွေလည်း ကျယ်လောင်နေချိန်ဖြစ်ပါတယ်။ နူကလီးယား လက်နက် တားဆီးပိတ်ပင်ရေးစာချုပ်မှာ လက်မှတ်ထိုးလိုက်ခြင်းအားဖြင့် မြန်မာ့တပ်မတော်ပေါ် နိုင်ငံတကာဖိအားတွေကို လျော့ကျလာနိုင် မယ်လို့ စစ်တပ်ဘက်က တွက်ဆထားပုံရကြောင်း သုံးသပ်သူကတော့ ဂျာမနီအခြေစိုက် မြန်မာ့အရေးလေ့လာသူ စိုင်းဝမ်စိုင်း ဖြစ်ပါတယ်။

"အခုလောလောဆယ်က အဲဒီ Crime Against Humanity ပေါ့နော်။ လူသားတွေအပေါ်မှာ ကျူးလွန်တဲ့ ပြစ်မှုပေါ့ဗျာ။ အဲဒါနဲ့ ပတ်သက်ပြီး သူက တပ်မတော်နဲ့ တပ်မတော်အရာရှိတွေကို ဖိအားပေး ထားတာပေါ့နော် ။ အဲဒီ နျူကလီးယားကိစ္စနဲ့ ပတ်သက်ပြီး လက်မှတ်ထိုးရင် အပြည်ပြည်ဆိုင်ရာက သူတို့ကို ဖိအားပေးတဲ့အတိုင်းအတာများ လျော့သွားလေမလားပေါ့နော်၊ အဲလိုတွေးတာလည်း ဖြစ်နိုင်တယ်။ နဂိုကတော့ Nuclear ambition သူတို့ဆီမှာ ရှိတာကို ၊ အရင်က မြောက်ကိုရီးယားနဲ့ အဆက်ဆံတာကို ၊ လှိုင်ခေါင်းတွေ ဘာတွေလည်း တူးခဲ့ဖူးတာရှိတယ်။ နောက်ပြီး အရင်တုန်းကလည်း မြောက်ကိုရီးယားကနေ လက်နက်တွေဘာတွေ ပို့တယ်လို့ ထင်ရတဲ့ ကိစ္စတွေလည်း ရှိတာကိုး ။ ရှိတဲ့အတွက်ကြောင့် အမေရိကန်တို့ကလည်း သူတို့ကို အမြဲတမ်းဖိအားပေးနေတာကို"

TPNW စာချုပ်ဆိုတာက နျူကလီးယားလက်နက် အလုံးစုံ ဖျက်သိမ်းရေးကို ဦးတည်စေတာဖြစ်ပြီး၊ ဒီကနေ့အချိန်ထိ အဲဒီစာချုပ်မှာ လက်မှတ် ထိုးထားတဲ့ နိုင်ငံပေါင်း (၆၀)သာရှိသေးတာပါ။ အိမ်နီးချင်း တရုတ်နဲ့ အိန္ဒိယနိုင်ငံတွေကတော့ လက်မှတ် ထိုးမထားပါဘူး။ အာဆီယံနိုင်ငံတွေ ထဲမှာတော့ အင်ဒိုနီးရှား၊ လာအို၊ မလေးရှား၊ ဖိလစ်ပိုင်နိုင်ငံတွေက စာချုပ်ကို လက်မှတ်ရေးထိုးထားပြီး၊ ထိုင်းနဲ့ ဗီယက်နမ်နိုင်ငံတွေက စာချုပ်ကို အတည်ပြု ပါဝင်ထားပါတယ်။ ကုလသမဂ္ဂရဲ့ TPNW စာချုပ်ကို နိုင်ငံပေါင်း ၁၂၂ နိုင်က သဘောတူ အတည်ပြုထားကြတာ ဖြစ်ပါတယ်။

၁၉၉၂ ခုနှစ်နောက်ပိုင်း မြန်မာနိုင်ငံဟာ နျူကလီးယားလက်နက် မပြန့်ပွားရေးစာချုပ်ကိုရော၊ ဇီဝနဲ့ဓာတု လက်နက် တားဆီးပိတ်ပင်ရေး စာချုပ် တွေကိုပါ အတည်ပြုပါဝင်ထားပါတယ်။

ကိုဉာဏ်ဝင်းအောင်  / ဗွီအိုအေ (မြန်မာပိုင်း)
https://burmese.voanews.com

ရခိုင်ပြည်နယ်နဲ့ ရိုဟင်ဂျာအကြောင်း မှတ်တမ်းရုပ်ရှင်ကား အင်တာနက်လင့်ကို မြန်မာနိုင်ငံခြားရေးဝန်ကြီးဌာနက ကုလအဖွဲ့အစည်းထံပေးပို့


Photo: Rick Heizman Facebook
အမေရိကန်နိုင်ငံသားတဦး ရိုက်ကူးခဲ့တဲ့ ရခိုင်ပြည်နယ်နဲ့ ရိုဟင်ဂျာ အကြောင်း မှတ်တမ်း ရုပ်ရှင်ကားတကားကို မြန်မာအစိုးရ နိုင်ငံခြားရေးဝန်ကြီးဌာနက ကုလသမဂ္ဂ အဖွဲ့အစည်းတွေထံ ပေးပို့ခဲ့တယ်လို့ Frontier Myanmar သတင်းက ဖေါ်ပြပါတယ်။

အပိုင်းလေးပိုင်းပါ အဲဒီ ရုပ်ရှင်ကားကို ကြည့်ရှုနိုင်တဲ့ အင်တာနက် စာမျက်နှာလိပ်စာစာရင်းတွေကို ပေးပို့ခဲ့တာလို့ သိရပါတယ်။ ဒါပေမဲ့ ရုပ်ရှင်နဲ့ ပတ်သက်ပြီး တစ်စုံတရာ ပြောဆိုမထားဘဲ၊ ကြည့်ရှုနိုင်တဲ့ လိပ်စာသက်သက်ကိုသာ ပေးပို့ခဲ့တာလို့ ဆိုပါတယ်။

အဲဒီရုပ်ရှင်ကားမှာ ရခိုင်ပြည်နယ်က အစ္စလာမ်အစွန်းရောက် အကြမ်းဖက်အဖွဲ့ရဲ့အန္တရာယ်၊ ပြီးခဲ့တဲ့ ပဋိပက္ခအတွင်း မွတ်စလင်တွေကို အာဆာအဖွဲ့က ကိုယ့်အိမ်ကိုမီးရှို့ပြီး ဘင်္ဂလားဒေ့ရ်ှကို သွားကြဖို့ စေခိုင်းတဲ့အကြောင်းတွေ ပါဝင်တယ်လို့ သိရပါတယ်။

မစ္စတာ Rick Heizman အမည်ရှိ အမေရိကန်နိုင်ငံသားဟာ ဆန်ဖရန်စ္စကိုမှာ နေထိုင်သူဖြစ်ပြီး လူမျိးစုတွေရဲ့ ရိုးရာတေးဂီတတွေကို လေ့လာနေသူဖြစ်ပါတယ်။ သူဟာ မြန်မာနိုင်ငံကို လွန်ခဲ့တဲ့နှစ်အတော်ကြာကတည်းက အကြိမ်ကြိမ်လာရောက်ခဲ့ပါတယ်။ ရခိုင်ပြည်နယ်ဟာ ဗုဒ္ဓဘာသာပျောက်ကွယ်ပြီး အစ္စလာမ်မစ်နိုင်ငံ ဖြစ်သွားမှာ စိုးရိမ်ဖွယ်ရှိနေတယ်လို့ ပြောဆိုရေသားနေသူလည်းဖြစ်ပါတယ်။ သူ့ရဲ့ရေးသားချက်တချို့ကို မြန်မာစစ်တပ်က အသုံးပြုလေ့ရှိတယ်လို့လည်း သတင်းမှာဖေါ်ပြပါတယ်။

အင်္ဂါနေ့က ထုတ်ပြန်ခဲ့တဲ့ ရခိုင်ပြည်နယ်ဆိုင်ရာ ကုလသမဂ္ဂ အချက်အလက်ရှာဖွရေးအဖွဲ့ရဲ့ အစီရင်ခံစာမှာလည်း အဲဒီ ရုပ်ရှင်ကားနဲ့ ပတ်သက်လို့ အောက်ခြေမှတ်စုမှာ ထည့်သွင်းဖေါ်ပြထားပြီး၊ အစိုးရတရပ်ရဲ့ ခိုင်မာတဲ့ တုံ့ပြန်ချက်ဆိုတာ အမုန်းစကားတွေ မဟုတ်ဘဲ ကိုယ့်ကိုယ်ပိုင်အချက်အလက်တွေနဲ့သာ စတင်သင့်ကြောင်း ဖေါ်ပြထားပါတယ်။

RFA Burmese
https://www.facebook.com/pg/rfaburmese

မြန်မာ့ တပ်မတော်ခေါင်းဆောင်တွေကို အရေးယူပေးဖို့ ကုလတိုက်တွန်း

Photo: Reuters
ကုလသမဂ္ဂ လူ့အခွင့်အရေးကောင်စီ အချက်အလက်စုံစမ်းရေးကော်မရှင်ရဲ့ အစီရင်ခံစာမှာ ကချင်ပြည်နယ်၊ ရှမ်းပြည်နယ်နဲ့ ရခိုင်ပြည်နယ်မှာ ဖြစ်ပွားခဲ့တဲ့ လူ့အခွင့်အရေးချိုးဖေါက်မှုတွေဟာ ထိတ်လန့်အံသြဖွယ်ရာ ဖြစ်ကြောင်းနဲ့ တာဝန်ရှိတဲ့ မြန်မာ့တပ်မတော် ထိပ်တန်းခေါင်းဆောင်တွေကို လူမျိုးတုန်းရှင်းလင်းမှု၊ လူသားဖြစ်တည်မှုဆန့်ကျင်တဲ့ စစ်ရာဇဝတ်မှုတွေနဲ့ အရေးယူစစ်ဆေးဖို့ တိုက်တွန်းထားပါတယ်။

အရပ်သားတွေရဲ့အသက်ကို လုံးဝထည့်မတွက်တဲ့ မြန်မာ့တပ်မတော်ရဲ့ ကြမ်းတမ်းလှတဲ့ နယ်မြေရှင်းလင်းပုံအဆင့်ဟာ တိုင်းတာဖို့ ခက်ခဲလှတယ်လို့ အချက်အလက်စုံစမ်းရေးကော်မရှင် ခေါင်းဆောင် မာဇူကီ ဒါရုစ်မင်း က ကုလသမဂ္ဂ လူ့အခွင့်အရေးကောင်စီမှာ ပြောကြားခဲ့ပါတယ်။ ရခိုင်ပြည်နယ်မှာ ဖြစ်ပျက်ခဲ့ပုံနဲ့ တပ်မတော်ရဲ့ တုံ့ပြန်ပုံဟာ အချိုးအစား မမျှတဲ့အပြင်၊ အကြမ်းဖက်မှုတွေကို အစီအစဉ်ရှိရှိလုပ်ခဲ့တာဖြစ်ပြီး၊ အဓမ္မကျင့်မှုကိုလည်း စစ်ပွဲနည်းပရ်ိယာယ်အဖြစ် သုံးစွဲခဲ့တယ်လို့ ဆိုပါတယ်။

အချက်အလက်စုံစမ်းရေး အဖွဲ့ဝင်တဦးကလည်း မြန်မာနိုင်ငံမှာ စစ်တပ်က နိုင်ငံရေး၊ စီးပွားရေးနဲ့ အခြေခံဥပဒေမှာ ပါဝင်ပတ်သက်နေသမျှ၊ ဒီမိုကရေစီ အသွင်ကူးပြောင်းရေး ပေါ်ပေါက်မလာနိုင်ပါဘူး၊ အခုဆို မြန်မာနိုင်ငံမှာ ဒီမိုကရေစီ သားလျှောသွားတာမြင်လိုက်ရပါပြီ၊ သတင်းမီဒီယာ ဖိနှိပ်ခံနေရသလို၊ ကျူးလွန်သူတွေ အပြစ်လွတ်နေကြတယ်လို့ ပြောဆိုပါတယ်။

ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်း ကတော့ လူ့အခွင့်အရေးကောင်စီ အချက်အလက် စုံစမ်းရေးကော်မရှင်ရဲ့ အစီရင်ခံစာဟာ တဘက်သတ်ကျလွန်းပြီး၊ အမှားအယွင်းတွေ ရှိနေကြောင်း၊ အစီရင်ခံစာရဲ့ ဦးတည်ချက် လွဲချော်နေတာကြောင့် အစိုးရရဲ့ငြိမ်းချမ်းရေး၊ အမျိုးသားရင်ကြားစေ့ရေး၊ တနိုင်ငံလုံးဖွံ့ဖြိုး တိုးတက်ရေးဆောင်ရွက်ချက်တွေ ထိခိုက်ရကြောင်း၊ ဘက်လိုက်မှုတွေ၊ မမျှတတာတွေနဲ့ ရင်ဆိုင်နေရပေမဲ့ အစိုးရအနေနဲ့ လူ့အခွင့်အရေးအပေါ် ဘယ်တော့မှ ချိုးဖေါက်မှာ မဟုတ်ကြောင်း ပြောဆိုပါတယ်။

RFA Burmese
https://www.facebook.com/pg/rfaburmese

မြန်မာအပေါ် စွပ်စွဲချက် ကနဦး စစ်ဆေးမှုတွေ အိုင်စီစီ လုပ်မယ်

အိုင်စီစီက အမှုလိုက် အရာရှိ Fatou Bensouda
ရခိုင်ပြည်နယ်မှာ ဖြစ်ပွားခဲ့တဲ့ ပဋိပက္ခအတွင်း ရိုဟင်ဂျာတွေအပေါ် သတ်ဖြတ်တာ၊ လိင်ပိုင်းဆိုင်ရာ အကြမ်းဖက်တာ၊ အတင်းအကြပ် ပြောင်းရွှေ့စေတာတွေ ကျူးလွန်တယ်လို့ စွပ်စွဲ ခံထားတဲ့ ကိစ္စရပ်တွေကို ကနဦး စစ်ဆေးမှုတွေ လုပ်မယ်လို့ နိုင်ငံတကာ ရာဇဝတ်မှုခုံရုံး (အိုင်စီစီ)က ထုတ်ပြန်ပါတယ်။

မြန်မာက အိုင်စီစီရဲ့ အဖွဲ့ဝင်နိုင်ငံမဟုတ်ပေမယ့် ရိုဟင်ဂျာတွေအပေါ် ရာဇဝတ်မှု တွေ ကျူးလွန်တယ် ဆိုတဲ့ စွပ်စွဲချက်တွေအပေါ် တရားရုံးက စီရင်ပိုင်ခွင့် ရှိတယ်လို့ အိုင်စီစီက ပြောဆိုခဲ့အပြီး သီတင်း နှစ်ပတ်အကြာမှာ အခုလို ထုတ်ပြန်လာတာ ဖြစ်ပါတယ်။

အိုင်စီစီက အမှုလိုက် အရာရှိ Fatou Bensouda ရဲ့ ထုတ်ပြန် ချက်မှာ ၂၀၁၇ ခုနှစ်ကတည်းက သူရဲ့ ရုံးက ရိုဟင်ဂျာတွေအပေါ် ကျူးလွန်တဲ့ ရာဇဝတ်မှုတွေနဲ့ ပတ်သက်တဲ့ စွပ်စွဲချက်တွေကို လက်ခံရရှိခဲ့တယ်လို့ ဆိုပါတယ်။

ဘင်္ဂလားဒေ့ရ်ှရောက် ဒုက္ခသည်
စစ်ဆေးမှုတွေကို တဆင့်တက်လုပ်ဆောင်ဖို့နဲ့ ကနဦး စိစစ်မှုတွေကို အပြည့်အဝ လုပ်ဆောင်သွားဖို့ ဆုံးဖြတ်လိုက်တယ်လို့ လည်း ထုတ်ပြန်ချက်မှာ ရေးပါတယ်။

ကနဦး စစ်ဆေးမှုဆိုတာ စုံစမ်းစစ်ဆေးမှု မဟုတ်သေးဘဲ ရရှိတဲ့ သတင်းအချက် အလက်တွေကို စိစစ်ဆုံးဖြတ်တဲ့ ဖြစ်စဉ်ပြီး ရောမသဘောတူ စာချုပ်ရဲ့ လုပ်ထုံး လုပ်နည်းတွေအရ စုံစမ်းစစ်ဆေးမှု လုပ်ဖို့ ခိုင်မာမှု ရှိမရှိ ဆုံးဖြတ်နိုင်ဖို့လို့ ဆိုပါတယ်။

ဒီကနဦး စစ်ဆေးမှုတွေကနေတဆင့် အိုင်စီစီအနေနဲ့ တရားဝင် စုံစမ်းစစ် ဆေးခွင့်တွေ ရရှိနိုင်သလို နောက်ထပ် တရားစွဲဆိုမှုတွေ ပြုလုပ်သွားနိုင်မယ်လို့ ဆိုပါတယ်။

BBC Burmese
https://www.bbc.com

ရိုဟင်ဂျာအရေး ICC ပဏာမ လေ့လာသုံးသပ်မှု စတင်တော့မည်

ရိုဟင်ဂျာတွေ အစုလိုက် အပြုံလိုက် အတင်းအကျပ် မောင်းထုတ်ခဲ့မှု စွဲချက်အတွက် စတင် လေ့လာ စုံစမ်းတော့မှာ ဖြစ်ကြောင်း ICC ရှေ့နေချုပ် Fatou Bensouda ဗွီဒီယိုကတဆင့် ပြောကြားနေစဉ် (စက်တင်ဘာလ ၁၈၊ ၂၀၁၈)
ICC နိုင်ငံတကာ ရာဇ၀တ်ခုံရုံး ရှေ့နေချုပ် အနေနဲ့ ရိုဟင်ဂျာတွေ အစုလိုက် အပြုံလိုက် အတင်းအကျပ် မောင်းထုတ်ခဲ့မှု စွဲချက်အတွက် အချက်အလက်တွေကို စတင် လေ့လာ စုံစမ်းတော့မှာ ဖြစ်ကြောင်း ICC ရှေ့နေချုပ် Fatou Bensouda က မနေ့ အင်္ဂါနေ့က ပြောကြားလိုက်ပါတယ်။

မြန်မာဘက်ကနေ ရိုဟင်ဂျာတွေကို ဘင်္ဂလားဒေ့ရ်ှနိုင်ငံဘက် နှင်ထုတ်ခဲ့တဲ့ ဆိုတဲ့ ပြစ်မှုကျူးလွန်မှုကို တရားစီရင်ပိုင်ခွင့်ရှိကြောင်း အမှုမစစ်မှီကြိုတင်ကြားနာတဲ့ ICC တရားသူကြီးအဖွဲ့ရုံးက ဆုံးဖြတ်ချက် ချခဲ့တဲ့အတွက် သူ့အနေနဲ့ ရှေ့ဆက်ပြီး ဆောင်ရွက်တော့မယ့်အကြောင်း အများပြည်သူအောင် သိအောင် ဗွီဒီယိုကနေ တဆင့် Fatou Bensouda က ကြေညာခဲ့တာပါ။

မအင်ကြင်းနိုင်က အပြည့်အစုံ တင်ပြမှာပါ။

မြန်မာနိုင်ငံမှာ ရိုဟင်ဂျာတွေအပေါ် သတ်ဖြတ် ညှမ်းပမ်း ဖိနှိပ်မှုတွေ ကျူးလွန်ခဲ့တယ်ဆိုတဲ့ အကြောင်းကြား ဆက်သွယ်မှုတွေနဲ့ အစီရင်ခံစာတွေကို ၂၀၁၇ခုနှစ် အကုန်ပိုင်းကတည်းက ICC ခုံရုံးရဲ့ ရှေ့နေချုပ်ရုံးအနေနဲ့ လက်ခံရရှိခဲ့ကြောင်း ICC ရှေ့နေချုပ် Fatou Bensouda ကပြောပါတယ်။ ရှေ့နေချုပ်ရုံးရဲ့ ပဏာမ လေ့လာသုံးသပ်မှု ပထမအဆင့် အဖြစ် အဲဒီအစီရင်ခံစာတွေကို သူတို့ သုံးသပ်ခဲ့ကြောင်း Bensouda ကဆိုပါတယ်။

ဒီသုံးသပ်ချက်တွေအရ ပဏာမ ဥပဒေဆိုင်ရာ ကိစ္စရပ်တွေအဖြစ် ကိုင်တွယ်ဖို့ အထောက်အထားတွေ တွေ့ရှိခဲ့ တယ်လို့ ပြောပါတယ်။ ဒါကြောင့်လည်း ICC ခုံရုံးအနေနဲ့ စီရင်ပိုင်ခွင့်ရှိဖို့ ICC တရားသူကြီးတွေစီ သူအစီရင်ခံတင်ပြခဲ့တယ်လို့ Bensouda ကဆိုပါတယ်။ မြန်မာဘက်ခြမ်းကနေ ဘင်္ဂလားဒေ့ရ်ှဘက်ကို ရိုဟင်ဂျာတွေ မောင်းထုတ်ခဲ့တယ်ဆိုတဲ့ ပြစ်မှု အပါအ၀င် Rome Statute အောက်မှာ အခြား ပြစ်မှုတွေကိုပါ ကျူးလွန်မှုတွေ ရှိနိုင်တဲ့ အလားအလာ အပေါ်မှာ ICC ခုံရုံးအနေနဲ့ တရားစီရင်ပိုင်ခွင့်ရှိကြောင်း အမှုမစစ်မှီကြိုတင်ကြားနာတဲ့ ICC တရားသူကြီးအဖွဲ့ရုံးက ဆုံးဖြတ်ချက်ချခဲ့တဲ့အတွက် တရားလိုရှေ့နေအနေနဲ့ ရှေ့ဆက် ဆောင်ရွက်တော့မယ့်အကြောင်း Fatou Bensouda ကပြောပါတယ်။

“ ကျမအနေနဲ့ ICC ခုံရုံးတင်ရေး နောက်တဆင့်ကို ဆက်ပြီးလုပ်ဆောင်ဖို့ ဆုံးဖြတ်လိုက်ပါပြီ။ အဲဒါကတော့ လက်ရှိအခြေအနေနဲ့ ပတ်သက်လို့ အပြည့်အ၀ ပဏာမလေ့လာသုံးသပ်မှု ပြုလုပ်သွားဖို့ပါပဲ။ မြန်မာနိုင်ငံအနေနဲ့ Rome Statue စာချုပ် ကို လက်မှတ်ရေးထိုးထားတဲ့ အဖွဲ့ဝင်နိုင်ငံမဟုတ်ပေမယ့် ဘင်္ဂလားဒေ့ရ်ှက အဖွဲ့ဝင်ပါ။ ဘင်္ဂလားဒေ့ရ်ှမြေမှာ တစိတ်တပိုင်းဖြစ်ပွားခဲ့တာကြောင့် ICC တရားရုံးက တရားစီရင်ပိုင်ခွင့် ရှိနိုင်ပါတယ်။ ဒီအခြေအနေတွေအောက်မှာ ရိုဟင်ဂျာတွေကို အတင်းအဓမ္မနေရပ်ရွေ့ပြောင်းစေခဲ့ပြီး အိုးအိမ်မဲ့ဖြစ်စေခဲ့တဲ့ အတင်းအဓမ္မလုပ်ရက် စွပ်စွဲချက်တွေကို ပဏာမ စစ်ဆေးဖို့ပါပဲ။ ဒီလိုစစ်ဆေးရာမှာ အခြေခံလူ့အခွင့်အရေးတွေ ဆုံးရှုံးခဲ့တဲ့ သတ်ဖြတ်မှုတွေ ၊ လိင်ပိုင်းဆိုင်ရာ အကြမ်းဖက်မှုတွေ၊ အဓမ္မပြန်ပေးဆွဲမှုတွေ ဖျက်ဆီးမှုတွေနဲ့ လုယက်ခိုးယူမှုတွေပါဝင်ပါတယ်။ ဒါ့အပြင် Rome Statue စာချုပ် အပိုး ၇ အောက်မှာ အကြုံးဝင်တဲ့ ပြစ်မှုတွေနဲ့ တခြားလူမဆန်တဲ့လုပ်ရက်တွေ ကျူးလွန်မှု ရှိမရှိကိုလည်း ကျမတို့ ရုံးက လေ့လာသုံးသပ်သွားမှာဖြစ်ပါတယ်။”

ဒါအပြင် သူအခု စတင်မယ့် preliminary examination ပဏာမ လေ့လာသုံးသပ်မှု ဆိုတာ investigation စုံစမ်းစစ်ဆေးတဲ့ အဆင့်မဟုတ်သေးဘူးလို့ လည်း သူက ဗွီဒီယိုက တဆင့် အခုလို ရှင်းပြသွားပါတယ်။

“ဒီပဏာမ လေ့လာစစ်ဆေးမှုတွေက စုံစမ်းစစ်ဆေးမှုအဆင့်မဟုတ်သေးပါဘူး။ လက်ရှိ ရနိုင်တဲ့အချက်တွေကို လေ့လာသုံးသပ်ပြီး Rome Statute စာချုပ်အရ ချမှတ်ထားတဲ့ စည်းမျဉ်းတွေနဲ့ အကြုံးဝင်ခြင်းရှိ မရှိဆိုတဲ့အချက်ကိုလေ့လာသုံးသပ်သွားမှာဖြစ်ပါတယ်။ အထူးသဖြင့် Rome Statute စာချုပ်ရဲ့ အပိုဒ် ၅၃ အရ ကျမက တရားလိုရှေ့နေတဦးအနေနဲ့ ဥပဒေဘောင် အကြုံးဝင်မှု ၊ တရားရုံးတော်ကို တင်သွင်းနိုင်တဲ့ ခိုင်လုံမှုနဲ့ တရားမျှတမှုကို ရှေးရှုပြီးတော့ စဉ်းစားသွားရမှာပါ။”

ပဏာမ စစ်ဆေးမှုအတွက်လည်း ရှေ့နေချုပ် ရုံးအနေနဲ့ ရနိုင်သလောက် သတင်းအချက်အလက်တွေအပေါ်မှာ တင်းတင်းကျပ်ကျပ် ဆန်းစစ်မယ်လို့ Fatou Bensouda ကဆိုပါတယ်။ ဒါကြောင့်လည်းဒီစစ်ဆေးမှု အစအဆုံးကို အကြောင်းအရာ အရရော၊ ဥပဒေဆိုင်ရာ အရပါ အပြန်အလှန် စိစစ်တဲ့အပြင် Rome Statue ပါ ပြဌာန်းချက်နဲ့ အညီ အကဲဖြတ် စစ်ဆေးကြောင်း ICC ရှေ့နေချုပ်က ပြောပါတယ်။

အနည်းဆုံးတော့ ညှမ်းပမ်းနှိပ်စက်ခံရတဲ့ ရိုဟင်ဂျာတွေအတွက် ICC ခုံရုံးအနေနဲ့ ဆောင်ရွက်ပေးရမယ့် တာဝန်ဝတ္တရားဖြစ်တယ်လို့ လည်း Fatou Bensouda ကပြောပါတယ်။ ပဏာမ လေ့လာသုံးသပ်မှုလုပ်နေတဲ့ ကာလမှာ သူ့ရုံးအနေနဲ့လည်း တင်သွင်းထားတဲ့ အစီရင်ခံစာ အချက်အလက်တွေ အားလုံးကို အသေအချာ သုံးသပ်ကြည့်ရှုမှာဖြစ်သလို Rome Statute ပါ ပြဌာန်းချက်တွေအတိုင်း တသွေမတိမ်း ဆောင်ရွက်မှာဖြစ်တယ်လို့ သူက ဆိုပါတယ်။ ဒါဟာလည်း ပဏာမလေ့လာသုံးသပ်မှု ဖြစ်စဉ် တခုချင်းအတွက် လွပ်လပ်ပြီး သမာသမတ်ကျတဲ့ ICC ရှေ့နေချုပ်ရုံးရဲ့ လုပ်ပိုင်ခွင့် နဲ့အညီ ဆောင်ရွက်တာဖြစ်တယ်လို့လည်း Fatou Bensouda ကပြောပါတယ်။

ဒါအပြင် Rome Statue အရ ပြစ်မှုကျူးလွန်သူတွေကို စစ်ဆေးဖို့၊ တာဝန်ရှိသူတွေ ဒါမှမဟုတ် နိုင်ငံတကာ ရာဇ၀တ်မှုတွေအတွက် တရားစွဲဖို့ နိုင်ငံတွင်း တရားစီရင်မှုဟာ မူလ တာဝန်ဖြစ်တယ်လို့ သူက ဆိုပါတယ်။

“Rome Statute စာချုပ်နဲ့အညီ ပူးပေါင်းဆောင်ရွက်မှုအရ ပါဝင်ပတ်သက်တဲ့ နိုင်ငံတွေရဲ့ အာဏာပိုင်တွေနဲ့ ကျမရုံးကဆက်သွယ်ပြီး အဲဒီသက်ဆိုင်ရာနိုင်ငံတွေအဆင့်မှာ ပါဝင်ပတ်သက်နေတဲ့အပေါ် စုံစမ်းစစ်ဆေးမှုတွေ အရေးယူမှုတွေအကြောင်းကို ဆွေးနွေးပြီး အကဲဖြတ်သွားမှာဖြစ်ပါတယ်။”

အခုလို ICC ရှေ့နေချုပ်ရဲ့ ဗွီဒီယို ကတဆင့် ကြေညာချက်ဟာ ကုလသမဂ္ဂက ဖွဲ့စည်းထားတဲ့ အဖွဲ့ဝင် သုံးဦးပါတဲ့လွတ်လပ်တဲ့ နိုင်ငံတကာ အချက်အလက်ရှာဖွေရေးအဖွဲ့ က ဂျီနီဗာမှာ ကျင်းပနေတဲ့ လူ့အခွင့်အရေးကောင်စီ ညီလာခံမှာ မြန်မာနိုင်ငံ ဆိုင်ရာ အစီရင်ခံစာ အပြည့်အစုံကို တင်သွင်းတဲ့ နေ့နဲ့ တနေ့တည်းဖြစ်နေပါတယ်။

၂၀၁၇ သြဂုတ်လက ရခိုင်ပြည်နယ်မြောက်ပိုင်းမှာ မြန်မာလုံခြုံရေးတပ်တွေရဲ့ နယ်မြေရှင်းလင်းမှုအတွင်းရိုဟင်ဂျာတွေအပေါ် လူမျိုးတုန်းသတ်ဖြတ်မှု၊ လူသားထု အပေါ် ကျူးလွန်တဲ့ ရာဇ၀တ်မှုနဲ့ စစ်ရာဇ၀တ်မှု စတာတွေအတွက် တာဝန်ရှိသူတွေအဖြစ် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဒုတိယ တပ်မတော် ကာကွယ်ရေး ဦးစီးချုပ် ဒုဗိုလ်ချုပ်မှူးကြီး စိုးဝင်းအပါအ၀င် အခြား တပ်မတော် ထိပ်ပိုင်း တာဝန်ရှိသူ လေးဦးတို့ကို နိုင်ငံတကာ ဥပဒေတွေနဲ့အညီ စစ်ဆေးအရေးယူဖို့ နိုင်ငံတကာအချက် အလက်ရှာဖွေရေးအဖွဲ့က မနေ့က အစီရင်ခံစာတင်သွင်းရာမှာ ထပ်ပြီး တောင်းဆိုထားပါတယ်။

အင်ကြင်းနိုင်  / ဗွီအိုအေ (မြန်မာပိုင်း)
https://burmese.voanews.com

ရုရှားစစ်လေယာဉ်ဆီးရီးယား ပစ်ချမှု Putin နားလည်မှုနဲ့ တုံ့ပြန်


ရုရှားစစ်တပ်ရဲ့ ကင်းထောက်လေယာဉ်ကို ဆီးရီးယား လေကြောင်းရန် ကာကွယ်ရေးစနစ်က ပစ်ချခဲ့တာဟာ မတော်တဆဖြစ်မှုတွေ ဆက်တိုက်ဖြစ်ပွါးခဲ့တဲ့ အခြေနေတရပ်ဖြစ်ကြောင်း ရုရှားသမ္မတ Vladimir Putin ကပြောကြားလိုက်ပြီး အစ္စရေးနဲ့ အခြေနေတင်းမာလာ နိုင်တဲ့ အနေထားကို လျှော့ချလိုက်ပါတယ်။

အစ္စရေးရဲ့ ဒုံးကျည်နဲ့ တိုက်ခိုက်မှုကို တုံ့ပြန်ဖို့ ဆီးရီးယားက ပစ်ခတ်မှုအတွင်း ပျက်ကျခဲ့တဲ့ ရုရှားကင်းထောက်လေယာဉ်ပေါ်မှာ ပါသွားသူ ၁၅ ဦးစလုံး သေဆုံးခဲ့ရတာ ဖြစ်ပါတယ်။

အစ္စရေးဟာ ဒီကိစ္စမှာ လုံးဝတာဝန်ရှိပြီး ရုရှားဘက်က လက်တုံ့ပြန်ပိုင်ခွင့်ရှိတယ်လို့ ရုရှားကာကွယ်ရေးဝန်ကြီး Sergei Shoigu က အစ္စရေးကာကွယ်ရေးဝန်ကြီး Avigdor Lieberman ကို ပြောပါတယ်။

ဒါပေမယ့် ရုရှားသမ္မတ Putin က ဒီဖြစ်ရပ်ဟာ မတော်တဆဖြစ်မှုတွေ ဆက်တိုက်ဖြစ်ပွါးခဲ့တဲ့ အခြေနေတရပ်ဖြစ်ကြောင်း ဝင်ရောက်ပြောဆိုခဲ့ပါတယ်။ ရုရှားအနေနဲ့ ဆီးရီးယားမှာ ရှိတဲ့ ရုရှားတပ်သားတွေနဲ့ ရုရှားပိုင်ဆိုင်မှုတွေကို ကာကွယ်ဖို့ တဆင့်တိုး လုပ်ဆောင်သွားမယ်လို့လည်း ပြောပါတယ်။ ဒါ့အပြင် ဒီတဆင့်တိုး လုပ်ဆောင်မယ့် ခြေလှမ်းတွေကို လူတိုင်း သတိထားမိမှာ ဖြစ်ကြောင်းလည်း ပြောပါတယ်။

အစ္စရေးဝန်ကြီးချုပ် Benjamin Netanyahu ကလည်း ရုရှားတပ်သားတွေ အသက်သေဆုံးခဲ့ရမှုအတွက် ဝမ်းနည်းကြေကွဲရကြောင်းနဲ့ ဒီလို မတော်တဆ ဖြစ်မှုအတွက် ဆီးရီးယားကို အပြစ်တင်ပါတယ်။

အစ္စရေးစစ်တပ်ကတော့ သူတို့ရဲ့ ဂျက်လေယာဉ်ဟာ အီရန်တွေ ထောက်ပံ့နေတဲ့ အကြမ်းဖက်အဖွဲ့ကို လက်နက်ထုတ်ပေးတဲ့ ဆီးရီးယား စစ်တပ်စခန်းကို ပစ်မှတ်ထား တိုက်ခိုက်ခဲ့တာ ဖြစ်ကြောင်း ပြောပါတယ်။

ဗွီအိုအေ (မြန်မာပိုင်း)
https://burmese.voanews.com

မထင်မှတ်သော သွေးတစ်စက်

ဓာတ်ပုံ- Google
၂၀၀၃ ခုနှစ် ဒီဇင်ဘာရဲ့ ဆောင်းအအေးဓါတ်နှင့်အတူ ကျွန်မတို့ သင်တန်းသူ(၁၁)ယောက် တောင်ကြီးမြို့ စဝ်စံထွန်း ဆေးရုံတွင် သင်တန်းတက်ရောက်ကာ ပညာသင်ယူချိန်အခါက အထူးအဆန်း ဖြစ်နေတော့သည်။ သွေးဖောက်ယူ တတ်ရန် သင်ယူချိန်တွင် ကျွန်မရဲ့သူငယ်ချင်းတစ်ယောက် မတော်တဆ လူနာကိုသွေးဖောက်ပြီးသော အပ်ထိုးမိ တော့သည်။ ထိုသို့ အပ်ထိုးမိသောအခါ ကျွန်မသူငယ်ချင်း ရှမ်းတိုင်းရင်းသူလေးကတော့ ချုံးပွဲချ ငိုယိုပါလေသည်။ ချော့မော့ နှစ်သိမ့်ကြပေသော်လည်း မပြေပျောက်ပါ။ ထိုစဉ်အချိန်က အပ်စူးတာလေးကိုပင် အဘယ့်ကြောင့် ဖြေမ ဆည်နိုင်အောင် ငိုကြွေးခဲ့သည်ကို ကျွန်မ စဉ်းစားမရ ဖြစ်ခဲ့သည်။ ထိုသူငယ်ချင်းကိုလည်း ဇီဇာကြောင်သည်ဟု တွေး ထင်မိခဲ့ဖူးသည်။

နောင်သောအခါမှ ကျွန်မတို့ ဓါတ်ခွဲခန်းမှူးများ အထူးသတိပြုရမည့် ရောဂါဆိုးကြီး တစ်ရပ်ကြောင့်ဟု သိရှိလာရတော့ သည်။ အမှတ်တမဲ့ ပေါ့ဆမှုများသည် HIV မည်သော ရောဂါဆိုးကြီး ကူးစက်လောဟု တွေးပူထိတ်လန့်ခြင်းဖြစ် ကြောင်း ကိုယ်ချင်းစာ နားလည်မိပါသည်။ များမကြားမီပင် စဝ်စံထွန်းဆေးရုံ၏ ရှေ့ဘက်စစ်တပ်မှ စစ်သည်များ ရာ ထူးတိုးသင်တန်း တက်ရောက်ရန်အတွက် (၁၅)ယောက်ခန့် သွေးဖောက်စစ်ကြလေသည်။ ထိုအထဲမှ စစ်သည် တစ် ဦးသည် HIV (Positive) အဖြေထွက်လေသည်။ (Confiation test) ထပ်လုပ်ပြီး အဖြေထုတ်သောအခါ ကျွန်မတို့ အားလုံး တအံ့တသြ ဖြစ်ခဲ့ရသည်။ ထိုကာလ HIV ရှိသူကို ရှားရှားပါးပါး တွေ့ရှိခဲ့လိုက်ရခြင်းပင်။ ထို့ပြင် ထိုစစ်သည် ကိုလည်း ကျွန်မတို့ သင်တန်းသူများ တွေ့ချင် မြင်ချင်မိခဲ့သည်။

ထိုစစ်သည်မှာ စစ်ရေးပြတပ်ဖွဲ့မှ ဘင်ခရာတပ်စု တာဝန်ထမ်းဆောင်နေသော လူငယ်တစ်ဦးဖြစ်နေလေသည်။ ထိုင်း-မြန်မာနယ်စပ်တွင် တာဝန်ထမ်းဆောင်နေစဉ်အခါက ငှက်ဖျားရောဂါဖြင့် ဆေးရုံတက်ကုသစဉ် သွေးသွင်းကုသခံခြင်း ကြောင့် ကူးစက်ခံရမှုကြောင်းကို ဝမ်းပန်းတနည်း ပြောပြရှာသည်။ ထိုခေတ် ထိုသော အချိန်ကာလက HIV ရောဂါအ တွက် ART (Antiretroviral Therapy) ဆေးသောက်သုံးခွင့် မရခဲ့သည့်အတွက် ကူးစက်ခံလူနာများ၏ ရင်ထဲတွင် မည်မျှ ထိတ်လန့်တုန်လှုပ်နေမည်ကို ကိုယ်စားဝင် မတွေးရဲအောင်ပင် စာနာသနားမိပါတော့သည်။

ART ဆေးဆိုသည်မှာ HIV ရောဂါရှင်များ၏ HIV ပိုးကို ပျောက်ကင်းအောင် မပြုလုပ်နိုင်သော်လည်း မိမိတို့၏ စိတ်ကို မကျဆင်းစေဘဲ ပုံမုန်သောက်သုံးမည်ဆိုပါက သက်တမ်းစေ့ အသက်ရှည်စွာ နေထိုင်နိုင်ပေမည် ဖြစ်သည်။ ART သည် ကိုယ်ခံအား မြင့်တက်စေသော အကျိုးအာနိသင်များ ရှိနေပေသည်။

HIV ရောဂါကို မြန်မာနိုင်ငံတွင် (၁၉၈၈) ခုနှစ်တွင် စတင်တွေ့ရှိခဲ့သည်။ ထိုကာလမှ ယခု (၂၀၁၈)ခုနှစ် ကာလအထိ နှစ်ပေါင်း(၃၀)အတွင်း HIV ရောဂါကူးစက်ပျံ့နှံ့မှုသည် အထူးအဆန်းပင် မဖြစ်တော့အောင် များပြားလွန်းလှပေသည်။ ကူးစက်ပျံ့ပွားလာမှု အမျိုးမျိုးထဲမှ မူးယစ်ဆေးဝါးကို အကြောထဲသို့ ထိုးသွင်းရာမှတဆင့် ကူးစက်နှုန်းမှာ ယခုဆိုလျှင် ကျွန်မတို့ ရှမ်းပြည်မြောက်ပိုင်းက အမြင့်ဆုံးဖြစ်နေသည်။ တစ်နိုင်ငံလုံးအတိုင်းအတာအရ လိင်တူဆက်ဆံသူများက လည်း အများဆုံး ပါဝင်နေသည်။

တိုးတက်သော ခေတ်နှင့်အညီ အသိအမြင်ကျယ်ပြောလာသော ယခုအခါတွင် သွေးစစ်ဆေးခြင်း၊ သွေးလှူဒါန်းခြင်းကို ယခင်ခေတ်ကကဲ့သို့ ကြောက်ရွံ့မနေကြတော့ဘဲ သတ္တိရှိရှိ ကိုယ်တိုင်လာရောက်စစ်ဆေးသူများလည်း များပြားလာ ပေပြီ။ ယခင်က စိုးရွံ့စိတ်များဆိုသည်မှာ မိမိ၌ ရောဂါတစုံတရာရှိလာသည်ကို စစ်ဆေးတွေ့ရှိသဖြင့် တစုံတယောက် သိလာမည်ကို ရှက်ရွံ့ စိုးထိတ်မှုများကြောင့် ဖြစ်သည်။ မိမိတို့ လူမှုပတ်ဝန်းကျင်တွင် နှိမ်ချခွဲခြား ဆက်ဆံခံရမည်ကို တွေးပူ ကြောက်ရွံ့လာမှုများလည်း ပါဝင်ပေမည်။

သင့်တင့်မျှတသော အခကြေးငွေသာ ယူဆောင်ကာ ဖွင့်လှစ်ထားသော ကျွန်မရဲ့ ကိုယ်ပိုင်ဓာတ်ခွဲခန်းလေးသို့ သွေး လာစစ်သူများထဲမှလည်း အကြောင်းမျိုးမျိုးကြောင့် HIV လာရောက်စစ်ဆေးသူများလည်း ရှိနေပေပြီ။ နိုင်ငံရပ်ခြားသိုိ့ သွားရောက်ရန် တစ်ယောက်တည်းသာ ကျွန်မဆေးခန်းလေးသို့ လာရောက်စစ်ဆေးရာ မမျှော်လင့်ဘဲ HIV ရောဂါရှိ ကြောင်း အဖြေကို ရုတ်တရက် သိရှိလိုက်ရသဖြင့် ဆေးခန်းထဲ၌ပင် မေ့လဲကျသွားတာမျိုးပင် ကျွန်မကိုယ်တိုင် ကြုံ တွေ့ခဲ့ရဖူးသည်။ ကျွန်မတို့သည်လည်း ရှေးဦးသူနာပြုစုနည်းကိုပါ တတ်ထားရလေတော့သည်။ ထိုကဲ့သို့ အဖြစ်အ ပျက်မျိုး ကြုံလာပေက ကျွန်မတို့မှာ သတိပြန်လည် ရရှိလာအောင် ပြုလုပ်ကြရခြင်းပင်။

မည်သို့ပင် မိမိ၏ ကိုယ်ကျင့် သိက္ခာစောင့်ထိန်းမှုကို မိမိတို့ ကိုယ်တိုင်ယုံကြည်နေကြသည်ဖြစ်စေ အမှတ်တမဲ့ ပေါ့ လျော့မှုကြောင့်လည်းကောင်း အခြားတစုံတယောက်ယောက် ပေါ့ဆမှုများကြောင့်လည်းကောင်း မိမိကိုယ်တိုင် မည်မျှ စောင့်ထိန်းနေထိုင်သော်လည်း ထိုရောဂါဆိုးသည် တည့်တည့်မတ်မတ် ဆိုက်ကပ်လာတတ်သေးပေသည်။

အချို့သွေးလာစစ်သူများတွင်လည်း HVI ရောဂါ စမ်းသပ်တွေ့ရှိပါသော်လည်း စစ်ဆေးသူ ကျွန်မအား ရှက်သော ကြောင့် ထင်ပါသည်။ မိမိတို့ကိုယ်တိုင် မူးယစ်ဆေးမကင်းလွှတ်၊ လိင်ကိစ္စ ရှုပ်ပွေသော်လည်း ရောဂါရှိသူသွေးကို ဆေးကုသရင်း သွင်းမိပါသည်ဟု ချော်လဲရောတိုင် ပြောတတ်ကြပါသေးသည်။ ရောဂါပိုးများကို အသေချာ စစ်ဆေး ပြီးပေမှ လူနာ၏ ခန္ဓာကိုယ်အတွင်းသို့ ထည့်သွင်းကုသပေးနေသော ကျွန်မတို့ ဓါတ်ခွဲခန်းမှူးများကို သွယ်ဝှိုက်ကာ စော်ကားနေသကဲ့သို့လည်း ခံစားခဲ့ရပေသည်။

ယခုအခါတွင် တိုးတက်လာသော ဆေးပညာနှင့်အညီ အစိုးရမှ ထောက်ပံ့ထားသော သွေးစစ်ပစ္စည်းများ ရောက်ရှိ သုံး စွဲလာချိန်တွင် မည်သည့်နည်းနှင့်မျှ သွေးသွင်းကုသမှုမှတဆင့် ရောဂါကူးစက်မှု မရှိသလောက် ရှားပါးပြီဟု ကျွန်မဆို ချင်ပါသည်။

ဆေးရုံကြီးများဆိုပေက ပိုမိုဂရုစိုက်ပြီး အထပ်ထပ် စစ်ဆေးပြီးကာမှ လူနာ၏ ကိုယ်တွင်းသို့ သွေးသွင်းကုသပေးနေကြ ပြီ။ ကျွန်မတို့ လုပ်ငန်းဌာနမှ လုပ်ဖော်ကိုင်ဖက်များလည်း ရောဂါအမျိုးမျိုးကြောင့် လူ့လောကကို ကျောခိုင်းသွားကြပေ ပြီိ ဖြစ်သည်။ အဆုတ်ကင်ဆာ အဆီကျိတ်ကင်ဆာ၊ တစ်ဦးလျှင် ကျောက်ကပ်ရောဂါ စသဖြင့် စောစီးစွာ ဝမ်းနည်း ဖွယ် လူ့ဘဝမှာ စွန့်ခွာကြရလေသည်။ ပင်စင်ယူခါစ အဒေါ်တစ်ယောက်ရဲ့ ဟာသ အနှောအပြောလေးကို ကြား ယောင်မိပါတော့သည်။

"သမီးရေ…အဒေါ်ကတော့ ဆီးချို သွေးတိုးနဲ့ မသေချင်ဘူး။ HIV ရောဂါနဲ့ပဲ သေချင်တော့တယ်။ ဆီးချို သွေးချိုက ဘာမှမစားရဘူး။"

HIV ရောဂါသည် ART သောက်ဆေးကြောင့် အစားအသောက်ရှောင်စရာမလိုဘဲ သက်တမ်းစေ့ နေထိုင်ရသည်ကို ထိုအဒေါ်က ဆိုချင်ပုံရသည်။ HIV ရောဂါသည် လွန်ခဲ့သော ရာစုနှစ်များကကဲ့သို့ ခြောက်ခြားစရာ မလိုတော့ပါ။ မထင်မှတ်သော သွေးတစ်စက်ကြောင့် ကူးစက်ခံရသည်ဆိုစေဦး HIV ရောဂါဝေဒနာရှင်တွေ ပြုံးပျော်စွာ ငါသူမခြား နေထိုင်ကြပေပြီ။ ထိတ်လန့်စရာရောဂါ အိပ်မက်ဆိုးကြီးလည်း ပျောက်ပျယ်သွားပေပြီ။

မေကြေးမုံ (ဓါတ်ခွဲ)
Marnagar News Journal
https://www.facebook.com/marnagarnewsjournal

ဘောလုံးကစား​နေစဉ်​ မိုးကြိုးပစ်​​ ​သေဆုံး

ပလက်​ဝမြို့နယ်​ လယ်​လှ​ကျေးရွာအုပ်​စု စိမ်းညင်းဝ​ကျေရွာတွင်​ လူတစ်​ဦးမိုးကြိုးပစ်​​သေဆုံး
ပလက်​ဝ - စက်​တင်​ဘာ ၁၈

ချင်းပြည်​နယ်​ ပလက်​ဝမြို့နယ်​ ​လယ်​လှ​ကျေးရွာအုပ်​စု စိမ်းညင်းဝ​ကျေးရွာ​နေ အဘ ဦးသန်းထွန်း၊ အမိ ​ဒေါ်ဦး​ငွေနု တို့၏သား ​မောင်​မျိုးနိုင်​စိုး အသက်​(၁၅)နှစ်​၊ နဝမတန်း​ကျောင်းသားသည်​၁၇-၉-၂၀၁၈(တနင်​လာ​နေ့) ည​နေ ၅ နာရီ ၁၅ မိနစ်​အချိန်​တွင်​ ​ဘောလုံးကွင်း၌ ​ဘောလုံးကစား​နေစဉ်​ မိုးကြိုးပစ်​​ ​သေဆုံးခဲ့​ကြောင်းသိရသည်​။

ပလက်ဝမြို့ နယ် ပြန်/ဆက်

ဘိုကလေးမြို့မရဲစခန်းမှ အချုပ်ခန်းဖောက် ထွက်ပြေးခဲ့သည့် အချုပ်သား ၃ ဦးမှ ၂ ဦးပြန်လည်ဖမ်းဆီးရမိ


ဧရာဝတီတိုင်းဒေသကြီး၊ ဘိုကလေးမြို့မ ရဲစခန်းတွင် စက်တင်ဘာ ၁၈ ရက် နံနက်အစောပိုင်းက အချုပ်သား ၃ ဦး အချုပ်ခန်းဖောက် ထွက်ပြေးမှုဖြစ်ပွားခဲ့ပြီး ၂ ဦးကို နံနက် ၇း၄၀ နာရီအချိန်တွင်ပြန်လည် ဖမ်းဆီးရမိပြီဖြစ် ကြောင်း ဧရာဝတီတိုင်းဒေသကြီး ရဲတပ်ဖွဲ့မှူးရုံးမှ သိရှိရသည်။

စက်တင်ဘာ ၁၈ ရက် နံနက် ၃း၃၀ နာရီအချိန်က အချုပ်သားများဖြစ်သည့် ခိုးမှုဖြင့် ဖမ်းဆီးစစ်ဆေးခံနေရသူ အာကာဂျူး (၂၃ နှစ်)၊ လုယက်မှုနှင့် စစ်ဆေးခံနေရသူ ပိုးဖြူ(ခ)နန္ဒအောင်(၁၉ နှစ်)နှင့် ဓမ္မတာနှင့် ဆန့်ကျင် သော ပြစ်မှုပုဒ်မ ၃၇၇ ဖြင့် ဖမ်းဆီး စစ်ဆေးခံနေရသူ လှနိုင်ဦး (၃၃ နှစ်)တို့သည် အချုပ်ခန်း သစ်သားတိုင်အား သံဖြတ်လွှဖြင့် ဖြတ်ကာ ထွက်ပြေး လွတ်မြောက်ခဲ့ခြင်း ဖြစ်သည်။

ထွက်ပြေးလွတ်မြောက်ခဲ့သည့် အချုပ်သားများကို ပြန်လည်ဖမ်းဆီးရမိရန် ဧရာဝတီတိုင်းဒေသကြီး ရဲတပ်ဖွဲ့မှူး ရဲမှုးကြီး ရွှေသောင်း ဦးဆောင်သည့် ရဲတပ်ဖွဲ့ဝင်များမှ ပိတ်ဆို့ရှာဖွေမှုများ လုပ်ဆောင်ခဲ့ရာ မအူပင်မြို့နယ် ရေလဲကျေးရွာအနီး လယ်ကွင်းအတွင်း၌ အာကာဂျူးနှင့် ပိုးဖြူ(ခ)နန္ဒအောင်တို့အား ပြန်လည် ဖမ်းဆီးရမိခဲ့ပြီး လှနိုင်ဦးမှာ ဆက်လက်ထွက်ပြေး လွတ်မြောက်နေကြောင်း တိုင်းဒေသကြီး ရဲတပ်ဖွဲ့မှူးရုံးမှ သိရသည်။

“၃ ယောက်ထွက်ပြေး လွတ်မြောက်သွားတာမှာ နှစ်ယောက်တော့ပြန်ဖမ်းမိပါပြီ ထွက်ပြေးလွတ်မြောက်နေတဲ့ တစ်ယောက်ကိုလည်း ပြန်လည်ဖမ်းမိအောင် ပိတ်ဆို့ ရှာဖွေမှုတွေ လုပ်ဆောင်နေပါတယ်။”ဟု ဧရာဝတီတိုင်း ဒေသကြီး ရဲတပ်ဖွဲ့မှူး ရုံးမှ ဒုရဲမှူးကြီး ထွန်းရွှေက ပြောသည်။
လွတ်မြောက်နေသူ ဘိုကလေးမြို့နယ် ခရေကွဲကျေးရွာတွင်နေထိုင်သူ လှနိုင်ဦး (ဘိုကလေးမြို့မ ရဲစခန်းမှ (ပ) ၃၄၆/၂၀၁၈ ဓမ္မတာနှင့် ဆန့်ကျင်သောပြစ်မှုပုဒ်မ ၃၇၇ ဖြင့်ဖမ်းဆီး စစ်ဆေးခံနေရသူ)အား အမြန်ဆုံး ပြန်လည် ဖမ်းဆီးရမိရေး ရဲတပ်ဖွဲ့ဝင်များမှ ပိတ်ဆို့ရှာဖွေမှုများ လုပ်ဆောင်နေကြောင်း သိရသည်။

ရတနာပုံ နေ့စဉ်သတင်းစာ
https://www.facebook.com/yadanabonnewspaper

မန္တလေး ဂျယ်လီစက်ရုံက အလုပ်သမားတွေ ဆန္ဒပြ

SSA N0-1 ဂျယ်လီစက်ရုံရှေ့မှာ အလုပ်သမားတွေ ၂၀၁၈ စက်တင်ဘာလ ၁၈ ရက်နေ့က ဆန္ဒပြစဉ်/ Photo: Khaymani Win/RFA
မန္တလေးတိုင်း၊ ပြည်ကြီးတံခွန်မြို့နယ် စက်မှုဇုန်မှာရှိတဲ့ SSA N0-1 ဂျယ်လီစက်ရုံက အလုပ်သမားတစ်ဦး အလုပ်ထုတ်ခံရတာနဲ့ ပတ်သက်ပြီး မကျေနပ်တဲ့ အလုပ်သမား ၅၀ ခန့်က အလုပ်ပြန်ခန့်ပေးဖို့အပါအဝင် အချက် ၁၁ ချက်ကို တောင်းဆိုပြီး စက်ရုံရှေ့မှာ ဒီနေ့ဆန္ဒပြခဲ့ပါတယ်။

တောင်းဆိုချက်တွေ စက်ရုံဘက်က လိုက်လျောတဲ့အထိ ဆက်ပြီးဆန္ဒပြသွားမယ်လို့ ဆန္ဒပြအလုပ်သမား မခင်သန်းလင်း က ပြောပါတယ်။

“ရုံးကိုသွားတယ်။ အလုပ်ထုတ်တယ်။ ခေါင်းဆောင်ထင်တဲ့သူကို ထုတ်တယ်။ တကယ်တော့ အဖွဲ့မှာ ခေါင်းဆောင်မပါဘူး။ မခံနိုင်တဲ့သူတွေစုသွားတာ။ အဲဒါကြောင့် အခုလိုမျိုးလုပ်ရခြင်းဖြစ်တယ်”

တောင်းဆိုချက်တွေထဲမှာ စက်ရုံစီမံခန့်ခွဲရေး တာဝန်ရှိသူတွေက အလုပ်သမားတွေကို ခြေထောက်နဲ့ ညွှန်ပြစေခိုင်းတာတွေမလုပ်ဖို့၊ လူမှုဖူလုံရေး အာမခံထားပေးဖို့နဲ့ အလုပ်သမားတွေကို ကြမ်းတမ်းစွာ ပြောဆိုခိုင်းစေတာတွေကို ပြုပြင်ပေးဖို့ စတာတွေပါဝင်ပါတယ်။

အလားတူ မန္တလေးတိုင်း၊ ပြည်ကြီးတံခွန် စက်မှုဇုန်မှာရှိတဲ့ မီကိုကော်ဖီမစ်စက်ရုံက အလုပ်သမားတွေကလည်း အမျိုးသမီးများကို လိင်ပိုင်းဆိုင်ရာ ထိပါးခိုင်းစေတာတွေ၊ ခေါင်းဆောင်တွေက နင်းနှိပ်ခိုင်းတာတွေမလုပ်ဖို့၊ ဥပဒေနဲ့မညီတဲ့ ဒဏ်ကြေးဖြတ်တောက်တာတွေ မလုပ်ဖို့ အပါအဝင် အချက် ၂၁ ချက်ကို တောင်းဆို ဆန္ဒပြနေကြပါတယ်။

အလုပ်ရှင်က ရင့်ရင့်သီးသီးဆက်ဆံတာတွေက စိတ်မကောင်းဖြစ်စေတယ်လို့ ဆန္ဒဖော်ထုတ်ရာမှာ ပါဝင်တဲ့ အလုပ်သမားတစ်ဦးဖြစ်တဲ့ ဒေါ်နွယ်နွယ်အုန်းကပြောပါတယ်။

ဆန္ဒပြတဲ့နေရာကို အလုပ်သမားဖြန်ဖြေညှိနှိုင်းရေးအဖွဲ့ ရောက်ရှိနေပြီး အလုပ်ရှင် အလုပ်သမားအကြား ညှိနှိုင်းဆွေးနွေးပေးနေတယ်လို့ သိရပါတယ်။

RFA Burmese
https://www.rfa.org/burmese

ဘွက်ကြီးဆည် မြေသားဘောင် နိမ့်ကျတာကြောင့် ဒေသခံတွေ ရွှေ့ပြောင်းနေ

ဘွက်ကြီးဆည်ရဲ့ အပြင်ဘက် မြေသားန်ိမ့်ကျတဲ့နေရာတွေကို ပြုပြင်ထိန်းသိမ်းရေး ဆောင်ရွက်နေစဉ်
မကွေးတိုင်း၊ အောင်လံမြို့နယ်က ဘွက်ကြီးဆည်ရဲ့ အပြင်ဘက်က မြေသားဘောင်တွေ နိမ့်ကျလာတဲ့အတွက်  ဆည်အောက်ပိုင်းကျေးရွာတွေက ဒေသခံတွေ ဆည်ပေါက်မှာစိုးရိမ်ပြီး ဘေးလွတ်ရာကို ရွှေ့ပြောင်းနေကြတယ်လို့ သိရပါတယ်။

ဆွာရေလှောင်တမံ ကျိုးပေါက်တာမျိုး ဖြစ်လာမှာကို စိုးရိမ်တဲ့အတွက် ရေလွတ်ရာကုန်းမြင့်တွေကို ရွေ့ပြောင်းနေ ထိုင်နေကြတာလို့ မကွေးတိုင်းဒေသကြီး လွှတ်တော်ကိုယ်စားလှယ် ဦးအေးကျော် ကပြောပါတယ်။

"ဆည်ရဲ့အောက်မှာရှိတဲ့ ရွာသုံးရွာလောက်ကတော့ စိုးရိမ်တဲ့သူတွေက ညအိပ်တဲ့အချိန်ကျရင်တော့ ကုန်းပေါ် လွတ်တဲ့နေရာတွေမှာ တဲလေးတွေ ထိုးပြီးတော့ သွားအိပ်ကြတာပေါ့၊ အင်ဂျင်နီယာပညာရှင်တွေကတော့ ရပါတယ်၊ ဒါတွေက ဖြစ်လေ့ဖြစ်ထရှိတယ်၊ သိပ်မစိုးရိမ်ရဘူးဆိုပေမဲ့ ကျနော်တို့ကကျတော့ ပြည်သူတွေကို သတိနဲ့နေကြဖို့ နည်းနည်းလေး ဆော်သြထားရတာပေါ့"

ဘွက်ကြီးဆည်အနီးနားမှာရှိတဲ့ တံခွန်တိုင်၊ မောင်းမလှုပ်၊ ဆင်တဲဆင်ကျန် စတဲ့ကျေးရွာတွေက သက်ကြီးရွယ်အိုနဲ့ ကလေးသူငယ် စတဲ့ လူဦးရေ ၁၀၀ နီးပါးလောက်က  ရေလွတ်နိုင်မယ့် ကုန်းမြင့်တွေပေါ်ကို ညအချိန်တွေမှာ ရွေ့ပြောင်းနေထိုင်နေကြတယ်လို့ ဦးအေးကျော်က ပြောပါတယ်။

ဘွက်ကြီးဆည်ရဲ့ အပြင်ဘက် မြေသားဟာ စက်တင်ဘာလ ၂ ရက်နေ့က  ၄ ပေခန့် နိမ့်ကျမှုဖြစ်ခဲ့ပြီးနောက်  စက်တင်ဘာ ၁၅ ရက်နေ့မှာတော့ မြေအက်ကြောင်း ဖြစ်ပေါ်လာခဲ့တယ်လို့ သိရပါတယ်။

လက်ရှိမှာ  ဆည်မြောင်းက အင်ဂျင်နီယာတွေ၊ ဘူမိဗေဒပညာရှင်တွေနဲ့ တာဝန်ရှိသူတွေက  မြေသားန်ိမ့်ကျတဲ့နေ ရာတွေမှာ ပြုပြင်ထိန်းသိမ်းရေး  ဆောင်ရွက်နေတဲ့အတွက် စိုးရိမ်စရာမရှိဘူးလို့ အောင်လံမြို့နယ် ဆည်မြောင်းနှင့် ရေအသုံးချမှုဦးစီးဌာနက ဦးစီးအရာရှိ ဦးမိုးလှိုင်က အခုလိုပြောပါတယ်။

"ကျနော်တို့တမံကနေ တမံကျိုးတာတို့ တမံကနေ ရေပေါက်ကျတာတို့ မရှိပါဘူး၊ လက်ရှိ ဖြစ်စဉ်ဖြစ်တဲ့နေရာ ကလည်း အောက်မှာ ကုန်းကြောရှိပါတယ်၊ ချောင်းရိုးထဲမှာဖြစ်တာ မဟုတ်ပါဘူး၊ အပေါ်ကုန်းရိုးပေါ်မှာဖြစ် တာပါ၊ အဲဒီအနေအထားကလည်း တမံရဲ့အပြင်ဘက် အောက်ခြေဘက်ကနေပြီးတော့ မြေသားဘောင် ထိုးပြီးတော့ အပေါ်ကနေ ထပ်လျောမကျလာအောင် ထိန်းတဲ့လုပ်ငန်းတွေလုပ်နေပါတယ်၊ စက်ယန္တရားတွေ သုံးပြီး ဆောင်ရွက်နေပါတယ်။ တမံအတွင်းဘက်ကနေ ဘာမှပြဿနာမရှိပါဘူး၊ တမံအပြင်ဘက် မှာဖြစ်တဲ့ကိစ္စကို ပညာရှင်အပြည့်အစုံနဲ့ ဆောင်ရွက်နေပါတယ်"

လယ်ယာမြေ ဧက ၇၀၀၀ နီးပါးကို  ဆည်ရေပေးဝေနိုင်ဖို့ ၂၀၀၀ ပြည့်နှစ်မှာ ဘွက်ကြီးဆည်ကို စတင်ဆောက်လုပ်ခဲ့တာဖြစ်ပြီး လက်ရှိမှာတော့ ဧက ၂၀၀၀ ကျော်လောက်သာ ဘွက်ကြီးဆည်ရေသုံးပြီး စိုက်ပျိုးနေတယ်လို့ သိရပါတယ်။

RFA Burmese
https://www.rfa.org/burmese

မြန်မာကျပ်ငွေတန်ဖိုး ဆက်လက်ကျဆင်း


မြန်မာကျပ်ငွေတန်ဖိုး ရက်ဆက်ကျဆင်းနေတာကို ထိန်းထားနိုင်အောင် ဗဟိုဘဏ်ကကြိုးစားခဲ့ပေမဲ့ ငွေလဲနှုန်းဟာဒီနေ့ မနက်ဈေးဖွင့်ချိန် တဒေါ်လာကို၁၅၆၀ကျပ် အထိရှိခဲ့ပြီးညနေပိုင်းမှာတော့ တဒေါ်လာကို ရောင်းဈေး ၁၅၈၀၀န်းကျင်အထိ ဆက်ကျသွားခဲ့ပါတယ်။ ရွှေဈေးကလည်းဒီနေ့ ဈေးပိတ်ချိန်မှာ အခေါက်ရွှေဈေး တကျပ်သားကို ဆယ်သိန်းခွန်ထောင့်ငါးရာ အထိ ဈေးပေါက်သွားပါတယ်။ ကျပ်ငွေတန်ဖိုးကျဆင်းမှုကြောင့် ရေရှည်မှာကုန်ထုတ်လုပ်ငန်းတွေအပေါ်ထိခိုက်မှုတွေရှိလာနိုင်တဲ့အတွက် ရှေရှည်အတွက် ပြုပြင်ပြောင်းလဲမှုတွေလုပ်ဖို့လုပ်ငန်းရှင်တွေဘက်က အစိုးရနဲ့ဗဟိုဘဏ်ကိုအကြံပြုချက်တွေ ပေးပို့နေကြတဲ့အကြောင်း မမေခသတင်းပေးပို့ထားပါတယ်။

မြန်မာကျပ်ငွေတန်ဖိုး ကျတာနဲ့အတူ၊ ရွှေဈေးတက်သွားသလို စက်သုံးဆီဈေးလည်းသုံးလခွဲအတွင်း ၁၃ရာခိုင်နှုန်းကျော် မြင့်တက်ခဲ့တဲ့အကြောင်း ပြည်တွင်းသတင်းတွေမှာ ရေးပါတယ်။ နိုင်ငံခြားငွေလဲနှုန်းနဲ့ သယ်ယူပို့ဆောင်ရေးစရိတ်ကို အခြေခံတဲ့ ကုန်ပစ္စည်းတွေလိုက်ပြီး ဈေးတက်သွားတာကြောင့် အခြေခံစားကုန်တွေအပေါ် ရိုက်ခတ်မှုတွေရှိလာပါတယ်။ စီးပွားရေးလုပ်ငန်းရှင် ဒေါက်တာစိုးထွန်းကတော့ မြန်မာကျပ်ငွေတန်ဖိုး ကျဆင်းတဲ့အတွက် ရိုက်ခတ်မှုတွေကို အခုလိုပြောပြပါတယ်။

"စီးပွားရေးက ကျနော်တို့ပြောမယ်ဆိုရင်တော့ ဒေါ်လာဈေးတက်တိုင်း တချို့ပစ္စည်းတွေက ဆွဲတင်လို့မရဘူးလေ။ ဒေါ်လာဈေးကမနက်နဲ့ ညပြောင်းလဲ တက်နေတယ်။ ကုန်ဈေးနှုန်းကကျတော့ မနက်နေ့လည် ညနေပြောင်းလဲတက် လို့မရဘူးပေါ့နော်။ တက်တဲ့နှုန်းကတဖြေးဖြေး တက်လာတာမို့ဒီဘက်က လုပ်ငန်းတွေပိုင်း ဆုံးရှုံးမှုပိုများလာတဲ့ တပိုင်းရှိတယ်။ နောက်တခုကတော့ လူတွေရဲ့ သုံးစွဲနိုင်မှု ပါဝါကျလာလို့ စီးပွားရေးလုပ်တာမှာ လုပ်ရကိုင်ရ ခက်တဲ့ အနေအထားဖြစ်လာတယ်လို့ မြင်ပါတယ်။ ဘယ်လောက်ထိဈေးတက်မလဲ ဆိုတာကတော့ပြောရ ခက်တယ်။ လက်ရှိမှာ တရုတ်ကို အမေရိကန်ကကုန်သွယ်ရေးကပြေလည်မှုမရှိဘူး။ တရုတ်ကိုအမေရိကန်က တင်း ကျပ်တဲ့ စီးပွားရေးလုပ်တာလဲပါတာပေါ့။ ဒါတွေလည်းပါတယ်လို့ မြင်ပါတယ်။"

စီးပွားရေးပညာရှင်ဦးမင်းခင်ကလည်း ဒီအတိုင်းကျပ်ငွေတန်းဖိုး ကျမယ်ဆိုရင် ရေရှည်မှာကုန်ထုတ်လုပ်မှုကို ထိခိုက်နိုင်တယ်လို့ အခုလိုသုံးသပ်ပါတယ်။

"ဒါကလည်းနိုင်ငံတကာအခြေအနေရော၊ ကိုယ့်အခြေအနေနဲ့ ပက်သတ်နေတာကို။ ဘာသက်ရောက်လာလဲ ဆိုရင်တော့ သွင်းကုန်တွေဈေးကြီး လာတာ၊ ဒေါ်လာဈေးပေါ်အခြေခံတဲ့ ကုန်ထုတ်သွင်းအားစုတွေ ဈေးတက်လာ တာ၊ အများသုံးတဲ့ပစ္စည်းတွေ ဒီထက်သုံးအားပိုလျော့လာတာပေါ့။ ထိခိုက်နိုင် တာကတော့ ကုန်ထုတ်လုပ်မှု သွင်းအားစုဈေးတက်လာတော့ ရေရှည်မှာ ကုန်ထုတ်လုပ်မှုပိုင်းထိခိုက်လာနိုင်တာပေါ့။"

နိုင်ငံတကာငွေကြေး ဈေးကွက် ရဲ့ရိုက်ခတ်မှုတွေကို လွန်ဆန်နိုင်သေးမှာမဟုတ်ဘူးဆိုတဲ့သုံးသပ်ချက်တွေနဲ့ အတူအစိုးရဘက်က ရေရှည်အတွက် ပြုပြင်ပြောင်းလဲမှုတွေလုပ်သင့်ပြီဆိုပြီး စီးပွားရေးပညာရှင်တွေက သတိပေးနေကြပါတယ်။တချိန်တည်းမှာ စီးပွားရေးပညာရှင်တွေကလည်း ဗဟိုဘဏ်နဲ့ စီးပွားရေးပူးပေါင်းဆောင်ရွက်မှုအဖွဲ့ တွေကို ရေရှည်အတွက် ပြုပြင်ပြောင်းလဲသင့်တဲ့ အကြံပြုချက်တွေ ပေးပို့ထားတယ်လို့ ဒေါက်တာ စိုးထွန်းက ပြောပါတယ်။

"လက်ရှိမှာတရားမဝင် ဟွန်ဒီတွေကနေ ဝင်နေတာတွေ တရားဝင်ဆောင် ရွက်ပေးနိုင်ရင် မလိုလားအပ်တာတွေလျော့ချနိုင်မယ်။ နောက်တခုက market မှာ ၂ခုဖြစ်နေတာတွေပေါ့။ ဒါတွေကိုပြင်နိုင်ရင် ကောင်းမယ်ပေါ့"

ဗဟိုဘဏ်အနေနဲ့ ပြည်တွင်း ငွေကြေးလှဲလည်သူတွေနဲ့ တွေ့ဆုံဆွေးနွေးညှိ့နိုင်း တာမျိုးတွေလုပ်သင့်တယ် လို့ ဒေါက်တာစိုးထွန်းက ပြောပါတယ်။တချိန်တည်းမှာပို့ကုန်မြှင့်တင်ရေးလုပ်ငန်းတွေကို ပြန်လည်သုံးသပ်ပေးဖို့နဲ့၊ တရားမ၀င်ကုန်သွယ်ရေးလုပ်ငန်းတွေကိုကာကွယ်နိုင်အောင် ထိထိရောက်ရောက်ဆောင်ရွက်ဖို့လိုမယ်ဆိုပြီး နိုင်ငံတော်အစိုးရကိုလုပ်ငန်းရှင်တွေဘက်အကြံပေးတင်ပြထားကြပါတယ်။

မေခ/ ဗွီအိုအေ (မြန်မာပိုင်း)
https://burmese.voanews.com
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ