အမေရိကန်ကို ယုံကြည်စိတ်ချရမှ မြောက်ကိုရီယား နူကလီးယား ကင်းအောင်လုပ်မည်

မြောက်ကိုရီးယား နိုင်ငံခြားရေးဝန်ကြီး Ri Yong Ho ၇၃ ကြိမ်မြောက် ကုလအထွေထွေညီလာခံမှာ စကားပြောစဉ်။
အမေရိကန်ပြည်ထောင်စုပေါ်မှာ လုံလောက်တဲ့ယုံကြည်မှု မရှိသေးဘဲနဲ့တော့ နျူကလီးယား ကင်းရှင်းရေး လုပ်မှာမဟုတ်ဘူးလို့ မြောက်ကိုရီးယား နိုင်ငံခြားရေးဝန်ကြီးက စနေနေ့မှာ ပြောလိုက်ပါတယ်။

ကုလသမဂ္ဂအထွေထွေညီလာခံမှာ ပြောတဲ့မိန့်ခွန်းထဲ ဝန်ကြီး Ri Yong Ho က “အမေရိကန်ကို မယုံရဘဲနဲ့ တော့ ကျနော်တို့ရဲ့ အမျိုးသားလုံခြုံရေးအတွက် စိတ်ချလောက်စရာ မရှိပါဘူး။ အဲဒီအခြေအနေတွေအောက်မှာ ကိုယ့်တဘက်တည်းက အရင်ဆုံး နျူကလီးယား ဖျက်သိမ်းဖို့ဆိုတာတော့ လုံးဝမဖြစ်နိုင်ပါဘူး” လို့ပြောပါတယ်။

“နျူကလီးယားကင်းရှင်းရေး DPRK အစိုးရရဲ့ သန္နိဋ္ဌာန်ဟာ ခိုင်မာမြဲမြံပါတယ်၊ ဒါပေမဲ့ အမေရိကန်အပေါ် ကျနော်တို့ရဲ့ယုံကြည်မှု အပြည့်အဝရအောင် အမေရိကန်က လုပ်ဆောင်မှသာ အဲဒီကိစ္စ ဖြစ်နိုင်ခြေ ရှိပါလိမ့်မယ်” လို့လည်း ဝန်ကြီး Ri Yong Ho က ပြောပါတယ်။ DPRK ဆိုတာကတော့ မြောက်ကိုရီးယားရဲ့ တရားဝင်နိုင်ငံအမည်ကို အတိုကောက် ခေါ်ဆိုသုံးစွဲတာပါ။

သမ္မတ ဒေါ်နယ်လ်ဒ် ထရမ့်ပ်နဲ့ မြောက်ကိုရီးယားခေါင်းဆောင် Kim Jong Un တို့ ဇွန်လက စင်္ကာပူမှာ သမိုင်းဝင် ထိပ်သီး အစည်းအဝေး လုပ်ပြီးတဲ့နောက် နျူကလီးယားကင်းရှင်းရေးဆိုင်ရာ ဆွေးနွေးပွဲတွေ ရပ်ဆိုင်းနေရတာဟာ အမေရိကန်အပေါ် ယုံကြည်မှုအားနည်းနေတာကြောင့်ဖြစ်တယ်လို့ ဝန်ကြီး Ho ကပြောပါတယ်။

နှစ်နိုင်ငံအကြားမှာ ယုံကြည်မှုကင်းမဲ့တာ ဆက်ရှိနေမယ်ဆိုရင် ဒီထိပ်သီးအစည်းအဝေးရဲ့ ပူးတွဲကြေညာချက် ဟာလည်း “နှစ်နိုင်ငံအကြား အရင်က သဘောတူညီချက်တွေအားလုံး ကျဆုံးသွားတဲ့ ကြမ္မာအတိုင်း” အလားတူ ကြုံတွေ့ရမယ်လို့ မြောက်ကိုရီးယားနိုင်ငံခြားရေးဝန်ကြီး Ri Yong Ho က သတိပေး ပြောဆိုသွားပါတယ်။

ဗွီအိုအေ (မြန်မာဌာန)
https://burmese.voanews.com

အိန္ဒိယ-ပါကစ္စတန် အထွေထွေညီလာခံမှာ အချေအတင်

Shah Mahmood Qureshi - Sushma Swaraj
အိန္ဒိယနိုင်ငံခြားရေးဝန်ကြီး Sushma Swaraj ဆူရှမာ ဆွာရာ့ခ်ျ ဟာ မနေ့ စနေနေ့က ကုလသမဂ္ဂ အထွေထွေ ညီလာခံတွင်း မိန့်ခွန်းပြောကြားရာမှာပါကစ္စတန်နိုင်ငံရဲ့ လုပ်ရပ်ကို ဝေဖန်ပြောကြား ခဲ့ပြီး နှစ်နိုင်ငံဆွေးနွေးပွဲ ဖြစ်မြောက်ရေး ဆက်လက်ပြီး လမ်းတွေဖွင့်ထားကြောင်း ပြောသွားပါတယ်။

အိန္ဒိယနိုင်ငံပိုင် Kashmir ပြည်နယ်ဘက်ခြမ်းမှာ ရှိနေတဲ့ ခွဲထွက်ရေး အစွန်းရောက် မွတ်စလင် စစ်သွေးကြွတွေ ကို ပါကစ္စတန်ဘက်က အားပေးအားမြှောက်ပြုနေတယ်လို့ အရင်အချိန်ကြာမြင့်စွာ ကတည်းက အိန္ဒိယက စွပ်စွဲ ပြောဆိုခဲ့တာပါ။ စစ်သွေးကြွတွေဟာ မကြာခဏဆိုသလို အိန္ဒိယ ပိုင်နက်ထဲ ရှိနေတဲ့ မြို့တွေ၊ အချက်အချာ ကျတဲ့ မြို့ကြီးတွေထဲ အကြမ်းဖက် တိုက်ခိုက်တာ တွေကြောင့် ထိခိုက်သေဆုံးမှု အမြောက်အများရှိခဲ့တာပါ။

ပါကစ္စတန်နိုင်ငံဟာ လူသတ်သမားတွေကို ချီးမွမ်း အားပေးထောက်ခံနေပြီး အပြစ်မဲ့သူတွေ ထိခိုက်သေဆုံးနေ တာတွေကိုတော့ မတွေ့မမြင်ယောင်ဆောင်နေတယ်လို့ အိန္ဒိယနိုင်ငံခြားရေး ၀န်ကြီး Swaraj က ကုလသမဂ္ဂ အထွေထွေညီလာခံ မိန့်ခွန်းမှာ ပြောသွားပါတယ်။ အိန္ဒိယနဲ့ ပါကစ္စတန် ပထမဆုံးအကြိမ် နှစ်နိုင်ငံအဆင်မြင့် ဆွေးနွေးပွဲပြုလုပ်ဖို့ လျာထားတဲ့အစီအစဉ်ကို ဒီလအစောပိုင်းက အိန္ဒိယဘက်က ဖျက်သိမ်းခဲ့ပြီး အိန္ဒိယ လုံခြုံရေး တပ်ဖွဲ့ဝင်တွေ အသတ်ခံရမှု ကြောင့်တုံ့ပြန်ဆန္ဒပြတာဖြစ်တယ်လို့ အကြောင်းပြချက်ပေးခဲ့ပါတယ်။

အလားတူစနေနေ့က ကုလသမဂ္ဂအထွေထွေညီလာခံမှာ ပါကစ္စတန် နိုင်ငံခြားရေးဝန်ကြီး Shah Mehmood Qureshi က မိန့်ခွန်းပြောကြားရာမှာ အိန္ဒိယဘက်ကို တုံ့ပြန်ဝေဖန်ပြောဆိုသွားပါတယ်။ ခိုင်လှုံမှုမရှိတဲ့ အချက်အလက်တွေပေါ်မှာ အခြေခံပြီး အိန္ဒိယအစိုးရဘက်က နှစ်နိုင်ငံဆွေးနွေးပွဲကို ဖျက်ခဲ့ကြောင်းနဲ့ ငြိမ်းချမ်းရေးထက် နိုင်ငံရေးကစားကွက်ကို အိန္ဒိက ပိုပြီးလိုလားခဲ့ကြောင်း သူရဲ့မိန့်ခွန်းမှာ ထည့်သွင်းပြောသွား ပါတယ်။ ဒါအပြင် အကြမ်းဖက်ဝါဒကို အိန္ဒိယကသာ ထောက်ခံအားပေးနေတာဖြစ်ကြောင်း ပါကစ္စတန် နိုင်ငံခြားရေး ၀န်ကြီးက စွပ်စွဲပြောဆိုခဲ့ပါတယ်။

ဗွီအိုအေ (မြန်မာဌာန)
https://burmese.voanews.com
 

တရုတ်ပြည်မှာ HIV/AIDS ကူးစက်သူ နှစ်စဉ် ၁၄% တိုးနေ

(သွေးစစ်နေတာကို တွေ့ရစဉ်)
တရုတ်အစိုးရက သူတို့ နိုင်ငံမှာ HIV/ AIDS ဖြစ်ပွားသူဦးရေ တစ်နှစ်ကို ၁၄% တိုးတက်လာနေတယ်လို့ မနေ့က ကြေညာလိုက်ပါတယ်။ ဇွန်လကုန်အထိ နိုင်ငံတဝန်း ဒီရောဂါပိုး ကူးစက်ပြန့်ပွားနေသူဦးရေ ၈ သိန်း ၂ သောင်းကျော်ရှိပြီး အရင် တစ်နှစ်တာကာလထက် ၁ သိန်းကျော် များလာတယ်လို့ ဆိုပါတယ်။

တရုတ်ပြည်မှာ သွေးသွင်းမှုတွေကနေ HIV/AIDS ကူးစက်မှုလုံးဝမရှိသလောက်ဖြစ်အောင် တားဆီးကာကွယ်နိုင်ခဲ့ပြီဖြစ်လို့ အခု ကူးစက်သူ အားလုံးလိုလိုဟာ လိင်ဆက်ဆံမှုကြောင့်ဖြစ်တယ်လို့လည်း သိရပါတယ်။

RFA Burmese
https://www.facebook.com/pg/rfaburmese

အင်ဒို ငလျင် သေသူ ၄ဝဝ နီးပါးရှိပြီ

(အင်ဒို ငလျင်ကြောင့် သေဆုံးသူတွေကို တွေ့ရစဉ်)
အင်ဒိုနီးရှားနိုင်ငံ အလယ်ပိုင်း ဆူလာဝေဆီကျွန်းမှာ သောကြာနေ့က ပြင်းအား ၇.၅ အဆင့်ရှိတဲ့ ငလျင်လှုပ်ခတ်ခဲ့ပြီး နောက်ဆက်တွဲအဖြစ် ဆူနားမီးရေလှိုင်းတက်ခဲ့ရာမှာ အခုအချိန်ထိ သေဆုံးသူ ဦးရေ ၃၈၄ ဦး ရှိသွားပြီဖြစ်ပြီး အရေအတွက် ထပ်တိုးလာနိုင်တယ်လို့ အာဏာပိုင်တွေက ပြောပါတယ်။

ဒဏ်ရာရသူ ၅ဝဝ ကျော်ရှိပြီး ဆူနားမီး ရေလှိုင်းရိုက်ခဲ့တဲ့ ကမ်းစပ်ဒေသတွေမှာ သေဆုံးသူအလောင်းတွေနဲ့ အပျက်အစီးတွေ ပြန့်ကျဲနေဆဲပဲလို့ ဆိုပါတယ်။ သမ္မတ ဂျိုကိုး ဝီးဒိုဒို က ကယ်ဆယ်ရေးအတွက် စစ်တပ်ကို အရေးပေါ်ဆင့်ခေါ်ခဲ့ပြီး နိုင်ငံတကာ ကြက်ခြေနီနဲ့ လခြမ်းနီအသင်းတွေလည်း ပါဝင်ကူညီနေပါတယ်။

RFA Burmese
https://www.facebook.com/pg/rfaburmese
 

မန်စီးတီး ထိပ်ရောက်သွားတဲ့ စနေ ပရီးမီးယားလိဂ် ရလဒ်များ

ချယ်လ်ဆီးဂိုးသမား လုံးဝမကာကွယ်လိုက်နိုင်သည့် လီဗာပူးလ် အသင်းသား Daniel Sturridge သွင်းယူလိုက်သည့်ဂိုး။ စက်တင်ဘာ ၂၉၊ ၂၀၁၈။
ပရီးမီးယားလိဂ်ပွဲစဉ် ၇ ကို စနေနေ့က ကစားကြပြီးတဲ့နောက် မန်စီးတီးနဲ့ လီဗာပူးလ်တို့ အမှတ်တူ ၁၉ မှတ်စီ ရထားကြပေမဲ့ မန်စီးတီးက ဂိုးကွာခြားချက်အသာနဲ့ ဇယား ထိပ်ရောက်သွားပြီး လီဗာပူးလ်က အဆင့် ၂ မှာရောက်နေပါတယ်။

မန်စီးတီးအသင်းဟာ အိမ်ကွင်းမှာ ဘရိုက်တန်အသင်းကို ၂ ဂိုး ဂိုးမရှိနဲ့ အနိုင်ရပြီး ချယ်လ်ဆီးနဲ့ လီဗာပူးလ်တို့ကတော့ ချယ်လ်ဆီးကွင်းမှာ တဘက် ၁ ဂိုးစီနဲ့ သရေကျတဲ့ အတွက် လီဗာပူးလ်က ၁၇ မှတ်နဲ့ တတိယနေရာကို ရောက်သွားတာပါ။

ခုချိန်ထိကစားပြီးသမျှမှာ ရှုံးပွဲမရှိသေးတာ ဒီသုံးသင်းပဲရှိပါတယ်။

မန်ချက်စတာ ယူနိုက်တက်အသင်းကတော့ အဝေးကွင်းမှာ ဝက်စ်ဟမ်းကို ၃ ဂိုး ၁ ဂိုးနဲ့ရှုံးပြီး လက်ရှိမှာ အမှတ်ပေးဇယား အဆင့် ၁၀ မှာရောက်နေပါတယ်။

စနေနေ့ပွဲတွေမှာ ချယ်လ်ဆီးနဲ့ လီဗာပူးလ်ပွဲ သရေကျတာကလွဲပြီး ကျန်တဲ့ပွဲတွေအားလုံး အရှုံး အနိုင်ရလဒ်နဲ့ အဆုံးသတ်ပါ တယ်။ စပါးက ဟတ်ဒါစ်ဖီးလ်ဒ်ကို အဝေးကွင်းမှာ ၂ ဂိုး ဂိုးမရှိ၊ အာဆင်နယ်လ်က ဝတ်တ်ဖို့ဒ်ကို အိမ်ကွင်းမှာ ၂ ဂိုး ဂိုးမရှိ၊ ဝို့လ်ဗ်စ်က ဆောက်သမ်ပ် တန်ကို အိမ်ကွင်းမှာ ၂ ဂိုး ဂိုးမရှိ၊ လက်စတာ စီးတီးက နယူးကက်ဆယ်လ်ကို အဝေးကွင်း မှာ ၂ ဂိုး ဂိုးမရှိ၊ အဲဗာတန်က ဖူလ်ဟမ်းကို အိမ်ကွင်းမှာ ၃ ဂိုး ဂိုးမရှိနဲ့ အသီးသီး အနိုင်ရကြ တာဖြစ်ပါတယ်။

ဗွီအိုအေ (မြန်မာဌာန)
https://burmese.voanews.com

မြန်မာ့ပုံရိပ်ထိခိုက်စေသော အချက်နှစ်ရပ်အပေါ် မြန်မာဝန်ကြီး တုန့်ပြန်ချက်

ဗွီအိုအေနှင့် တွေ့ဆုံမေးမြန်းခန်းတွင် တွေ့ရသည့် ပြည်ထောင်စုဝန်ကြီး ဦးကျော်တင်။ စက်တင်ဘာ ၂၉၊ ၂၀၁၈။
ရခိုင်ပြည်နယ်မြောက်ပိုင်း အဖြစ်အပျက်ကို genocide လူမျိုးတုံးသတ်ဖြတ်မှုအဖြစ် သတ်မှတ်ဖို့ အမေရိကန် အောက်လွှတ်တော်အမတ်တချို့က တွန်းအားပေး လုပ်ဆောင်နေတာနဲ့ ရိုက်တာ သတင်းထောက်နှစ်ယောက်ကို ထောင်ဒဏ်ချမှတ်တဲ့ အပေါ် နိုင်ငံတကာက ဖိအားပေးနေတာ တွေနဲ့ပတ်သက်ပြီး ပြည်ထောင်စုဝန်ကြီး ဦးကျော်တင်ကို ဒေါ်ခင်စိုးဝင်းက နယူးယောက်မှာ တွေ့ဆုံမေးမြန်းထားပါတယ်။

ရခိုင်ပြည်နယ်မြောက်ပိုင်းမှာ ကျူးလွန်ခဲ့တယ်လို့ဆိုတဲ့ လူ့အခွင့်အရေးချိုးဖောက်မှုတွေကို အမေရိကန်နိုင်ငံခြားရေးဌာနက Ethnic Cleansing လူမျိုးစုအလိုက် ရှင်းလင်းဖယ်ရှားမှု လို့ သုံးနှုန်းနေဆဲဖြစ်ပြီး အောက်လွှတ်တော်၊ နိုင်ငံခြားရေးရာကော်မတီက Genocide လူမျိုးတုံး သတ်ဖြတ်မှုအဖြစ် ခေါ်ဆိုသတ်မှတ်ဖို့ တွန်းအားပေး လုပ်ဆောင်နေပါတယ်။ ဒါနဲ့ပတ်သက်ပြီး အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီး ဦးကျော်တင်ကို ဒေါ်ခင်စိုးဝင်းက နယူးယောက်မြို့မှာ တွေ့ဆုံမေးမြန်းထားပါတယ်။

မေး။ ။ မြန်မာနိုင်ငံအရေးနဲ့ပတ်သက်ပြီး အမေရိကန်ရဲ့ ရပ်တည်မှုအနေအထားပေါ့ … အမေရိကန်နိုင်ငံခြားရေးဝန်ကြီးဌာနရဲ့ သဘောအရဆိုလို့ရှိရင်တော့ မြန်မာနိုင်ငံမှာ အခုဖြစ်နေ တဲ့ ဒုက္ခသည်အရေးဟာ ethnic cleansing ပေါ့၊ လူမျိုးစုအလိုက် ရှင်းလင်းဖယ်ရှားရေး အဆင့် အနေနဲ့သာ သုံးနှုန်းပြောဆိုတာ ရှိပါတယ်။ ဒါပေမဲ့ ဒီဟာနဲ့ပတ်သက်ပြီး အမေရိကန် အောက်လွှတ်တော်ကနေပြီးတော့ နိုင်ငံခြားရေး ရာကော်မတီဥက္ကဌ Ed Royce ရယ်၊ လွှတ်တော်အမတ် Steve Chabot နဲ့ Eliot Engle တို့က ဦးစီးပြီးတော့ ပါတီကြီးနှစ်ရပ်စလုံးရဲ့ အရေးယူမှုတရပ်အနေနဲ့ မြန်မာစစ်တပ်ရဲ့ ရိုဟင်ဂျာတွေအပေါ် ရက်စက်နှိပ်ကွပ်မှုတွေကို genocide လူမျိုးတုံးသတ်ဖြတ်မှုအဖြစ် ကြေညာဖို့၊ ဆုံးဖြတ်ဖို့အရေးကို တင်ထားတာရှိပါတယ်။ အမေရိကန်နဲ့ မြန်မာအကြားမှာ ဒီဒုက္ခသည်အရေးနဲ့ ပတ်သက်ပြီးတော့ သဘောထား တင်းမာ လာနိုင်သလား၊ ဒါမှမဟုတ် အမေရိကန်နဲ့ဆက်ဆံရေး ဘယ်လိုများဖြစ်သွားနိုင်ပါလဲ၊ ဝန်ကြီး ဘယ်လို သုံးသပ်လို့ရပါလဲရှင့်။

ဖြေ။ ။ “အခုဖြစ်ပျက်နေတဲ့ ဒုက္ခသည်တွေ ဘင်္ဂလားဒေ့ရ်ှဘက်ကို ရွေ့လာတဲ့ကိစ္စကို ဘယ်လို နည်းနဲ့ သတ်မှတ်ကြလဲ … ethnic cleansing တို့၊ genocide တို့ ဒီလို လွန်လွန်ကျူးကျူး အသုံးတွေနဲ့ သုံးတာမျိုးဟာ ဒေါက်တာ ကိုဖီ အာနန် ပြောသွားဖူး ပါတယ်၊ ဒီလိုစကား အသုံး အနှုန်းတွေကိုတဲ့ လက်လွတ်စပယ် မပြောသင့်ဘူးပေါ့ နော် … ဒါမျိုးဆိုတာကတဲ့ သက်ဆိုင်ရာ အထောက်အထားခိုင်လုံမှ တရားရုံးတွေကပဲ ဆုံးဖြတ်ပြီး ပြောလို့ရတဲ့ဟာမျိုး ဖြစ်ပါတယ်လို့ အဲဒီလိုမျိုး ပြောသွားဖူးပါတယ်၊ သတင်းထောက် တယောက်ကို။

“အဲဒီတော့ ဒီကိစ္စဟာ ကျနော်တို့အနေနဲ့ကတော့ ဒေါ်ခင်စိုးဝင်း သိတဲ့အတိုင်းပဲ၊ အခု ဒီဘက်ကို ပြေးလာတာ အကုန်မဟုတ်ဘူး နော်၊ ethnic cleansing လည်းမဟုတ်ဘူး၊ ကျနော်တို့ဘက်မှာ သုံးပုံတပုံလောက်က ကျန်တယ်။ နောက်ပြီးတော့ ဒီလိုဖြစ်နေတာ သည်၊ ဒီမွတ်ဆလင် community သည် မြောက်ပိုင်းမှာလေးပဲဖြစ်နေတာ၊ ရခိုင်တောင် ပိုင်းမှာဆိုရင်လည်း အဆင်ပြေနေကြတယ်၊ မြန်မာပြည်တပြည်လုံးမှာလည်း မွတ်ဆလ င်ရော၊ ခရစ်ယာန်ရော၊ ဗုဒ္ဓ ဘာသာရော သဟဇာတရှိစွာနဲ့ နေနေကြတာပဲ။ အဲဒီတော့ သူတို့ကို ethnic cleansing လုပ်တာလည်းမဟုတ်ဘူး၊ နောက်ပြီးတော့ genocide လို့လည်း မသုံးသင့်ဘူး။

“အခုလောလောဆယ်ကတော့ ကနေဒါကတော့ သူ့ပြည်တွင်းနိုင်ငံရေးအရပေါ့၊ ပြည်တွင်း pressure တွေအရ ဒီလိုမျိုး သတ်မှတ်လာတာမျိုး ကျနော်တို့တွေ့ရတယ်။ ဒါ အင်မတန် ဝမ်းနည်းစရာကောင်းပါတယ်။ တချို့က ဒီလို ပေါ်ပြူလာဖြစ်တဲ့ issue မျိုးကို မိမိတို့နိုင်ငံရေး အကျိုးအမြတ်အတွက်ကို ဒါမျိုးတွေ သတ်မှတ်သုံးနှုန်းလာတာ ဝမ်းနည်းစရာကောင်းပါတယ်။

“အဲဒီတော့ အမေရိကန်ကတော့ လောလောဆယ်ကတော့ ဒါမျိုး မသုံးသေးပါဘူး။ ဒါပေမဲ့ အဲဒီလိုမျိုး သုံးလိမ့်မယ်လို့လည်း ကျနော်တို့အနေနဲ့တော့ မယူဆပါဘူး။ ကျနော်တို့လည်း အခု သူတို့ကိုရှင်းပြထားပြီးပြီ။ ကျနော်တို့မှာ independent commission ရှိတယ်၊ သူ့ရဲ့သုံးသပ် ချက်တွေကိုလည်း စောင့်ကြည့်ဖို့လိုတယ်ဆိုတာ ရှင်းပြထားပါတယ်။”

မေး။ ။ ရခိုင်အရေးနဲ့ပတ်သက်ပြီးတော့ ဖိအားပေးနေသလိုမျိုးပဲ ရိုက်တာသတင်းထောက် နှစ်ယောက်နဲ့ ပတ်သက်ပြီးတော့လည်း ဖိအားတော်တော်များများ ပေးနေတာ ကြားရပါတယ်။ ကုလသမဂ္ဂအတွင်းရေးမှူးချုပ် အပါအဝင်ပေါ့လေ၊ အမေရိကန်နိုင်ငံခြားရေးဝန်ကြီးဌာန၊ EU ဥရောပသမဂ္ဂ အကုန်လုံးကနေပြီးတော့ ဝိုင်းပြီးတော့ ဒီ ရိုက်တာသတင်းထောက် နှစ်ယောက် ဟာ တရားဥပဒေအရ မျှမျှတတမဟုတ်ဘဲနဲ့ မတရားစွပ်စွဲမှုနဲ့ ဒီလိုမျိုး ထောင်ချခံရတယ်ဆိုပြီး တော့ ပြောနေတာရှိပါတယ်။ မနေ့ကပဲ သူတို့အတွက် ဥပဒေအကြံပေးနေတဲ့ နိုင်ငံတကာ နာမည်ကြီး လူ့အခွင့်အရေးရှေ့နေဖြစ်တဲ့ Amal Clooney ကလည်း ဒီဟာနဲ့ ပတ်သက် ပြီးတော့ ဒေါ်အောင်ဆန်းစုကြည်အနေနဲ့ပေါ့လေ သူလည်း နိုင်ငံရေးအကျဉ်းသားတယောက် ဖြစ်ခဲ့တဲ့ အတွက် ကိုယ်ချင်းစာနာပြီးတော့ ဒီကိစ္စမှာ သူသာလျှင် ဆောင်ရွက်ပေးနိုင်လိမ့်မယ်ဆိုပြီးတော့ တိုက်တွန်းသွားတာ တွေ့ရပါတယ်။ ဒါနဲ့ပတ်သက်ပြီးတော့ရော ဝန်ကြီး ဘယ်လိုများ သုံးသပ်လို့ ရပါလဲရှင့်။

ဖြေ။ ။ “နိုင်ငံတော်အတိုင်ပင်ခံပုဂ္ဂိုလ်က ဟနွိုင်း World Economic Forum မှာလည်း ပြောသွားပါတယ်။ တရားရုံးရဲ့ဆုံးဖြတ်ချက်ကို ကြည့်ရတာ သူ့ရဲ့ဆုံးဖြတ်ချက်အရ ကတော့ လျှို့ဝှက်ချက်အက်ဥပဒေကို ချိုးဖောက်လို့ အရေးယူတယ်လို့ သုံးသပ်ထား တယ်ဆိုတာ ပြောပါ တယ်။ ဒါပေမဲ့ အဲဒီထဲမှာ တရားစီရင်မှုကလည်း ပွင့်ပွင့် လင်းလင်းပေးထားတယ်၊ အားလုံး ဘယ်သူမဆို ကြည့်လို့ရတယ်၊ တကယ်လို့ တရား စီရင်မှုမှာ မျှတမှုမရှိတာပေါ့၊ Miscarriage of Justice ရှိတယ်ဆိုရင် အသိပေးပါ၊ ဒါကိုကြည့်မယ်ဆိုပြီးတော့ ပြောထားပါတယ်။

“အခုလောလောဆယ်ကတော့ စီရင်ချက် ချပြီးသွားပြီပေါ့။ တရားစီရင်ရေး လုပ်ထုံး အရဆိုရင် တော့ နှစ်လအတွင်းမှာ သူတို့ အယူခံဝင်ခွင့်ရှိပါတယ်။ အယူခံဝင်လား၊ မဝင်ဘူးလားဆိုတာ သေချာတော့ မစိစစ်ရသေးပါဘူး။ အဲဒီတော့ အယူခံဝင်တဲ့ judicial process ပြီးလို့ရှိရင်တော့ တရားစီရင်မှု မျှတလား မမျှတဘူးလားဆိုတာကို ခေါင်းဆောင်တွေအနေနဲ့ အလေးအနက်ထား စဉ်းစားလိမ့်မယ်လို့ ကျနော်တို့ မျှော်လင့်ပါတယ်။

“မနေ့က သတင်းစာရှင်းလင်းပွဲမှာ ပြောတဲ့ဟာလည်း သူတို့က မမျှတတဲ့အချက်ကို ထောက်ပြ ခြင်းဖြစ်ပါတယ်။ အစိုးရအနေနဲ့ကတော့ နိုင်ငံတကာ ပြောနေတယ်ပေါ့၊ အစိုးရနဲ့ တရားစီရင် ရေးက သီးခြားစီဖြစ်တယ်လို့ ပြောတဲ့အတွက် တရားစီရင်ရေး လုပ်တဲ့ကာလမှာ အစိုးရအနေနဲ့ စွက်ဖက်ခွင့်မရှိပါဘူး။ အဲဒီတော့ သူ့ due legal process ပြီးဆုံးသွားပြီးတော့ ဒီ case ကို ပြန်လည်သုံးသပ်တဲ့အခါမှာတော့ အလေးထား စဉ်းစား လာလိမ့်မယ်လို့ ကျနော့်အနေနဲ့ မျှော်လင့်ပါတယ်။”

ဒေါ်ခင်စိုးဝင်း/ ဗွီအိုအေ (မြန်မာပိုင်း)
https://burmese.voanews.com

ဆူနာမီအပြီး ပါလူမြို့ရဲ့ အပျက်အစီးမြင်ကွင်း

ထိခိုက်ဒဏ်ရာရသူတွေကို အရေးပေါ် ပြုစု ကုသပေးနေတဲ့ ယာယီဆေးရုံ
အင်ဒိုနီးရှားနိုင်ငံ ဆူလာဝေဆီကျွန်းမှာ ဖြစ်ခဲ့တဲ့ ကြီးမားတဲ့ ငလျင်နဲ့ ဆူနာမီရေလှိုင်းဒဏ်ကြောင့် သေဆုံးသူ ၄၀၈ ယောက်ရှိခဲ့ပြီး ထိခိုက်ဒဏ်ရာရသူ ၅၀၀ လောက်ရှိသွားပါပြီ။

စက်တင်ဘာ ၂၈ ရက်နေ့ သောကြာနေ့ ညပိုင်းက လှုပ်ခဲ့တဲ့ ရစ်ခ်ျတာစကေး ၇.၅ ပြင်းအားရှိတဲ့ ဒီငလျင်ကြီးကြောင့် ဖြစ်လာတဲ့ နောက်ဆက်တွဲ ဆူနာမီရေလှိုင်းဒဏ်ကို ခံစားခဲ့ရတာဖြစ်ပါတယ်။

လူ ဒါဇင်နဲ့ချီပြီး ပျောက်ဆုံးနေဆဲဖြစ်သလို ပါလူမြို့ရဲ့ အဆောက်အအုံ အပျက်အစီးတွေကြားထဲမှာ ရှာဖွေ ကယ်ဆယ်ရေးတွေလည်း လုပ်နေကြပါတယ်။

ဒီအဖြစ်အပျက်ဆိုးကြီး ဖြစ်အပြီးမှာတော့ ပါလူမြို့ လမ်းမပေါ်မှာ လူသေအလောင်းတွေ ရှိနေသလို ဆေးရုံမှာလဲ ထိခိုက်ဒဏ်ရာရသူတွေနဲ့ ပြည့်နေပါတယ်။

မြို့တော်အတွင်းမှာ ထိခိုက်သေဆုံးမှုတွေနဲ့ ပျက်စီးဆုံးရှုံးမှုတွေတော့ အတိအကျ မသိသေးပါဘူး။
ဒုက္ခသည်တချို့
တာဝန်ရှိသူတွေကတော့ မြို့သူမြို့သားတွေကို နေအိမ်တွေမှာ ပြန်မနေဖို့ အကြံပြုနေကြပါတယ်။ တချို့ အိမ်တွေကတော့ ရေလှိုင်းဒဏ်ကြောင့် ပြားချပ် ပျက်စီးသွားတာတွေ ရှိနေပါတယ်။

အင်ဒိုနီးရှားက မကြာခဏ ငလျင်လှုပ်တတ်ပြီး မီးတောင်ပေါက်ကွဲတတ်တဲ့ အဝန်းအဝိုင်းမှာ တည်ရှိပြီး ငလျင်တွေ မကြာခဏဆိုသလို လှုပ်တဲ့ဒဏ် ခံရတဲ့နိုင်ငံဖြစ်ပါတယ်။

ကမ္ဘာတဝန်းလုံးက ပင်လယ်ရေမျက်နှာပြင် အထက်မှာရှိတဲ့ မီးတောင်ရှင်တွေထဲက တဝက်ကျော်ဟာ အဲဒီအ ဝန်းအဝိုင်းမှာ ရှိနေပါတယ်။

၂၀၁၄ ခုနှစ်မှာ အင်ဒိုနီးရှား ဆူမားတြားကျွန်းမှာဖြစ်ခဲ့တဲ့ ဆူနာမီဒဏ်ကြောင့် လူပေါင်း ၂၂၆၀၀၀ သေဆုံးခဲ့သလို အိန္ဒိယ သမုဒ္ဒရာကို ဖြတ်ပြီး တိုက်ခိုက်ခဲ့တာကြောင့် အင်ဒိုနီးရှားမှာ လူပေါင်း ၁၂၀၀၀၀ သေဆုံးခဲ့ပါတယ်။

ပြီးခဲ့တဲ့ သြဂုတ်လကတည်း လွမ်ဘော့ကျွန်းမှာ အင်အားပြင်းတဲ့ ငလျင်တွေ ဆက်တိုက် လိုလို လှုပ်ခက်ခဲ့လို့ လူ ၄၆၀ ကျော် သေဆုံးခဲ့ပါတယ်။

 မိမိဆွေမျိုးတွေကို အပူတပြင်း လိုက်လံ ရှာဖွေသူ

"သူတို့ကံကြမ္မာ ကျနော်တို့ မသိရဘူး "

ကြီးမားတဲ့ ငလျင်နဲ့ ဆူနာမီက ဖျက်ဆီးခဲ့တဲ့ အပျက်အစီးဧရိယာထဲမှာပျောက်ဆုံးနေတဲ့ မိမိဆွေမျိုးတွေကို အပူတပြင်း လိုက်လံ ရှာဖွေသူတွေကို တွေ့နေရပါတယ်။

ကျနော့်မိသားစုဝင်သုံးယောက်တော့ သေသွားတာတော့သိတယ် လို့ အဲဒီလိုက်ရှာနေသူတွေထဲက တယောက်က ပြောပါတယ်။ အဲဒီထဲကမှ နှစ်ယောက်ကတော့ အသက်ကြီးရွယ်အိုတွေဖြစ်ပေမယ့် တယောက်ကတော့ ခပ်ငယ်ငယ် ကလေးအဖေ ပါလို့သူက ဆိုပါတယ်။

သူ့ရဲ့ မိသားစုဝင်တချို့လဲ ပျောက်ဆုံးနေဆဲဖြစ်ပြီး သူတို့ရဲ့ ကံကြမ္မာ ကျနော်တို့ မသိနိုင်ဘူးလို့လည်း ဆိုပါတယ်။

ဒီလို အဖြစ်အပျက်တွေကတော့ အင်ဒိုနီးရှားက လူတွေအတွက် အကျွမ်းတဝင်ဖြစ်နေပါပြီ ။ သူတို့ဆီမှာ ၂၀၀၄ က ဖြစ်ခဲ့တဲ့ ဆူနာမီတွေရဲ့ အမှတ်တရတွေက ကျန်နေဆဲပဲဖြစ်ပါတယ်။

ငလျင်နဲ့ ဆူနာမီကြောင့် လူပေါင် ၃၈၄ ဦးထက်မနည်းသေဆုံးခဲ့

"သူတို့ပြောတဲ့ ရှင်သန်မှု"

ငလျင်စလှုပ်တော့ သူတို့အားလုံး အရမ်းထိတ်လန့်ပြီး အိမ်တွေထဲကို ပြေးဝင်ခဲ့ကြတယ်လို့ အသက်ရှင် ကျန်သူတွေထဲက အသက် ၃၉ နှစ် အရွယ်ရှိတဲ့ အန်ဆာဘခ်ျမင်က AFP သတင်းဌာနကို ပြောပါတယ်။

သူက ကျနော်တို့ လောလောဆယ်မှာ အစားအစာနဲ့ သောက်ရေသန့်တွေ လိုတယ်။ အခုညစားဖို့တောင် ဘာစားရမလဲ မသိဘူးလို့ ဆိုပါတယ်။

ပါလူမြို့မှာ နေထိုင်သူ တယောက်ဖြစ်တဲ့ ရူဆီဒန်တိုကလည်း လှိုင်းတံပိုးတွေ တက်လာပြီး အိမ်တွေကို တိုက်ချတဲ့အခါ ကျနော်လဲ ပြေးတော့တာပဲလို့ ဆိုပါတယ်။

ငလျင်လှုပ်တဲ့အခါ ပါလူမြို့ကို ဇနီး၊ သမီးတို့နဲ့ အတူ မင်္ဂလာပွဲ တခုတက်ဖို့ ရောက်နေတဲ့ ဒဝီဟာရီက ဟိုတယ်တခုထဲမှာ ရှိနေပါတယ်။

သူက အဲဒီအချိန်မှာ သူတို့ကို ကယ်ဖို့ အချိန်မရှိတော့ဘူးလို့ AP သတင်းဌာနကို သူက ပြောပါတယ်။ သူနောက်ဆုံးကြားလိုက်တာကတော့ သူ့ဇနီးရဲ့ ကယ်ဖို့အော်သံနဲ့ ဘယ်လိုမှ ကယ်ချိန်မရခဲ့ဘူးလို့ ဆိုပါတယ်။

သူ့မိန်းမနဲ့ကလေးကတော့ ပျောက်ဆုံးနေဆဲဖြစ်ပေမယ့် သူကတော့ သူတို့လုံလုံခြုံခြုံရှိနေမယ်လို့ မျှော်လင့်နေတုန်းပါပဲလို့ ပါလူမြို့စစ်ဆေးရုံမှာ ပခုံးထိ ခိုက်ဒဏ်ရာရလို့ ဆေးကုသမှု ခံယူရင်း ဒဝီဟာရီက သူ့မိန်းမနဲ့ သမီးကို စောင့်နေပါတယ်။

ပါလူမြို့က လေကြောင်းထိန်းတယောက်ကတော့ အန္တရာယ်ရှိတဲ့ တာဝါ ပေါ်က မဆင်းပဲ နောက်ဆုံးအချိန်အထိ သူ့တာဝန်ကို ထမ်းဆောင်ရင်း သေဆုံးသွားခဲ့ပါတယ်။

ပါလူမြို့ကို အကူအညီပေးဖို့ လေယာဉ်ပြေးလမ်းတခုကို အသုံးပြုပြီး မြို့တော် ဂျကာတာနဲ့ ဆက်သွယ် ပျံသန်းနေပါတယ်။

ဒဏ်ရာရသူတွေကိုလည်း စစ်တပ် သယ်ယူပို့ဆောင်ရေး လေယာဉ်ပေါ်ကို ရွှေ့ပြောင်းပေးခဲ့ပါတယ်။ လူနာတွေကိုလည်း မြို့ပေါ်က ဆေးရုံွျှွေသာမက အနီးဆုံးစစ်တပ်နားက လယ်ကွင်းပြင်တွေမှာလဲ ယာယီဆေးရုံတွေ ဖွင့်ပြီး ကုသပေးနေပါတယ်။

သေဆုံးသွားသူတွေကိုတော့ ဆွေမျိုးသားချင်းတွေ လာပြီး ရှာဖွေ ကြည့်ရှုနိုင်အောင် ဆေးရုံ အပြင်ဘက်မှာ အိတ်တွေနဲ့ ချထားပေးထားပါတယ်။

BBC Burmese
https://www.bbc.com

လင်​မယားခြင်း စကားများရန်​ဖြစ်​ရာ ဇနီးမှခင်​ပွန်းအား ရင်​ဝတည့်​တည့်​ ကတ်​​ကြေးဖြင့်​ထိုးရာ ပွဲချင်း ပြီး​သေဆုံး


တိုက်​ကြီး စက်​တင်​ဘာ ၂၉

ရန်​ကုန်​တိုင်း​ဒေသကြီး၊ တိုက်​ကြီးမြို့နယ်​၊ ​လောက်​လေး​ချောင်း​ကျေးရွာအုပ်​စု၊ ကျောင်းစုရွာတွင်​ စက်​တင်​ဘာ ၂၈ ရက်​ ည ၁၀နာရီ​ကျော်​က လင်​မယားချင်းစကားများရာ ဇနီးဖြစ်​သူက ကတ်​​ကြေး ဖြင့်​ ရင်​ဝတည့်​တည့်​ထိုးသဖြင့်​ ခင်ပွန်း​သေဆုံးသွာ​ကြောင်း တိုက်​ကြီးရဲစခန်းမှ သိရသည်​။

ဖြစ်​စဉ်​မှာ ​ကျောင်းစု​ကျေးရွာထိပ်​တွင်​​နေထိုင်​​သော ဦးတင်​လှ​နေအိမ်​တွင်​ သားဖြစ်​သူ ​မောင်​ဇင်​မင်​သူ ၂၅နှစ်​နှင့်​ ဇနီးဖြစ်​သူ နတ်​တလင်းမြို့နယ်​​နေသူ မအိအိလွင်​ ၂၄ နှစ်​ တို့သည်​ စကားများရန်​ဖြစ်​ ကြရာ ခင်​ပွန်းဖြစ်​သူ ​မောင်​ဇင်​မင်းသူ အား လက်​ကိုင်​ကွင်းပါ ၆ လက္မရှိကတ်​​ကြေး ဖြင့်​ ရင်​ဝတည့်​တည့်​ သို့ ထိုးသွင်းရာ အခင်းဖြစ်​​နေရာတွင်​သေဆုံးသွားသဖြင့်​ မအိအိလွင်​အား တိုက်​ကြီးရဲစခန်း က အမှုဖွင့်​ထာ​ကြောင်း သတင်းရရှိသည်​။


ထွန်းလှိုင်​(မြိုင်​)
Myanmaalinn
https://www.facebook.com/MYANMAALINNNEWS/

မိုးကောင်း၌ ဆန်စက်ပြုပြင်စဉ် သံဖောက်စက်မှတစ်ဆင့် ဓာတ်လိုက်၍ အမျိုးသားတစ်ဦး သေဆုံ


မိုးကောင်း - စက်တင်ဘာ ၂၉

ကချင်ပြည်နယ် မိုးကောင်းမြို့၌ စက်တင်ဘာ၂၉ရက် ညနေ ၅နာရီခန့်က လျှပ်စစ်သံဖောက်စက်မှတစ်ဆင့် ဓာတ်လိုက်၍ အမျိုးသားတစ်ဦး သေဆုံးခဲ့ကြောင်း မြို့မရဲစခန်းမှ သိရသည်။

ဖြစ်စဉ်မှာ ယနေ့ ညနေ ၅ နာရီခန့်က မိုးကောင်းမြို့နယ်ဆေးရုံတွင် အမျိုးသားတစ်ဦး ဓာတ်လိုက်၍ သေဆုံးနေကြောင်း သတင်းအရ မြို့မရဲစခန်းမှ ဒုတိယရဲအုပ်သျှားသက်အောင်နှင့် တာဝန်ရှိသူများက သွားရောက်ကြည့်ရှုရာ သေဆုံးသူမှာ ကျွန်းတောရပ်ကွက်နေ ဆန်စက်လုပ်ငန်းလုပ်ကိုင်သူ ဦးသိန်းဝင်း(၅၅)နှစ်ဖြစ်ပြီး ယနေ့ညနေပိုင်းက သားဖြစ်သူ နေမျိုးကျော်နှင့် အတူ ဆန်စက်အထိုင်စက်များ အထိုင်ပြန်ချရန်အတွက် သံဖောက်စက်ဖြင့် နတ်တိုင်အပေါက်များဖောက်နေစဉ် ဓာတ်လိုက်ပြီး လဲကျသွားခဲ့၍ သားဖြစ်သူနေမျိုးကျော်မှ နေအိမ်ရှိမော်တော်ယာဉ်ဖြင့် မိုးကောင်းမြို့နယ်ပြည်သူ့ဆေးရုံသို့ ပို့ဆောင်ဆေးကုသမှုခံယူစဉ် သေဆုံးသွားကြောင်း သိရသည်။
ဖြစ်စဉ်နှင့်ပတ်သက်၍ ဦးသိန်းဝင်းသေဆုံးမှုမှာ ဓမ္မတာအတိုင်းသေဆုံးခြင်း ဟုတ်မဟုတ် သိရှိနိုင်ရန် မိုးကောင်းမြို့မရဲစခန်းမှ ရဲဆေးစာစစ်ချက်များရယူထားကြောင်း သိရသည်။

ဝင်းနိုင်(ကချင်မြေ)
မိုးကောင်းသတင်းမီဒီယာ
https://www.facebook.com/mogaungnews.media

နတ်မြစ်ကမ်းစပ်တွင် အမျိုးသမီးအလောင်း ၂ လောင်းတွေ့ရှိ၊ တစ်ဘက်နိုင်ငံသို့ ခိုးထွက်သူ ၁၂ ဦးဖမ်းမိ


နိရဉ္စရာ၊ စက်တင်ဘာ ၂၉

ရခိုင်ပြည်နယ် အနောက်ဘက်နယ်စပ် မောင်တောမြို့နယ် နတ်မြစ်ကမ်းစပ်တွင် အမည်မသိ အမျိုးသမီး ၂ ဦး အလောင်းကိုတွေ့ရှိခဲ့ပြီး စက်တင်ဘာ ၂၇ နှင့် ၂၈ ရက်အတွင်း တစ်ဖက်နိုင်ငံသို့ ခိုးထွက်သူ ၁၂ ဦးကို ဖမ်းမိခဲ့သည်ဟု တပ်မတော်ကာကွယ်ရေး ဦးစီးချုပ်ရုံးမှ သတင်းထုတ်ပြန်သည်။

ဖြစ်စဉ်နှင့် ပတ်သက်ပြီး ဖော်ပြရာတွင် မောင်တောမြို့နယ်စပ်တွင် လုံခြုံရေးဆောင်ရွက်နေသည့် တပ်ဖွဲ့ဝင်များသည် စက်တင်ဘာ ၂၈ ရက် နံနက် ၁ နာရီခန့်တွင် မောင်တောမြို့၏ အနောက်မြောက်ဘက် ၆ မိုင်ခန့်အကွာရှိ ခြံစည်းရိုးတိုင်အမှတ် ၃၄၀ နှင့် ၃၅၀ ကြား၌မသင်္ကာဖွယ် လူ ၁၅ ဦးခန့်အား တွေ့ရှိသဖြင့် ခေါ်ယူခဲ့ရာ ဘင်္ဂါလီအမျိုးသမီးများဖြစ်သော မောင်တောမြို့နေ မမော်တာဘေဂေါင်(ဘ) ဇော်ကော်ရီယာနှင့် မဒိလာရာဘေဂေါင်(ဘ)နူရ်ရိုလောက်တို့ကို ဖမ်းဆီးရမိခဲ့သည်။

ကျန်လူ ၁၃ ဦးမှာ တစ်ဖက် နိုင်ငံခြံစည်းရိုးအပြင်ဘက်သို့ထွက်ပြေးသွားခဲ့သဖြင့် လိုက်လံဖမ်းဆီးရာ နံနက် ၇ နာရီခွဲခန့်တွင် အမျိုးသမီး ၂ ဦးကို ဖမ်းဆီးရမိသည့် နေရာ၏ အနောက်ဘက် မီတာ ၂၀ ခန့်အကွာရှိ လမုပင်များ ကြားပုန်းအောင်းနေသည့် ဘင်္ဂါလီ လူမျိုး ၅ ဦးကို ထပ်မံ ဖမ်းမိခဲ့သည်။

၎င်း ၅ ဦးအထဲတွင် အမျိုးသားတစ်ဦး၊ အမျိုးသမီးနှစ်ဦးနှင့်ကလေးနှစ်ဦး ပါဝင်သည်ဟု သတင်းတွင် ဖော်ပြသည်။

ဖမ်းဆီးရမိသူများ၏ ထွက်ဆိုချက် အရ ၎င်းတို့နှင့်အတူ အမျိုးသားခုနစ်ဦး၊ အမျိုးသမီးရှစ်ဦး၊ စုစုပေါင်း ၁၅ ဦးသည် မင်္ဂလာကြီးကျေးရွာအုပ်စု၊ မိကျောင်းတက်ကျေးရွာနေ ရှော်ဖီအာ မောက်(ဘ)ဖော်ဇီရာမောက် ဆိုသူအား ငွေကျပ်လေးသိန်းပေးဆောင်ပြီး ဘင်္ဂလားဒေ့ရ်ှနိုင်ငံသို့ လှေဖြင့်သွားရောက်ရန် ခြံစည်း ရိုးမှတိုးထွက်စဉ် လုံခြုံရေးတပ်ဖွဲ့ဝင်များနှင့်တွေ့ဆုံခဲ့ခြင်းဖြစ်ကြောင်း ပြောကြားသည်ဟု သိရသည်။

၎င်းနေရာအနီးတစ်ဝိုက် ဆက်လက်ရှာဖွေရာ နံနက် ၈ နာရီ မိနစ် ၄၀ တွင် အဆိုပါနေရာ၏အနောက်ဘက် မီတာ ၁၀၀ ခန့်အကွာ နတ်မြစ်ကမ်းစပ်၌ ပြင်ပဒဏ်ရာမတွေ့ရှိရဘဲ ရေနစ်သေဆုံးသည်ဟုယူဆရသော ဘင်္ဂါလီအမျိုးသမီးအလောင်းနှစ်လောင်းကို တွေ့ရှိခဲ့ကြောင်း သတင်းတွင် ဖော်ပြသည်။

အလားတူ စက်တင်ဘာ ၂၇ ရက် နံနက် ၂ နာရီခန့်တွင်လည်း မောင်တောမြို့နယ်၊ မင်္ဂလာကြီး ချောင်းဝအနီး လုံခြုံရေးတပ်ဖွဲ့ဝင်များသည် မင်္ဂလာကြီးချောင်းအတိုင်း နတ်မြစ်ဘက်သို့ လှော်ခတ် လာသော လှေတစ်စင်းအားတွေ့ရှိသဖြင့် အချက်ပြခေါ်ယူစစ်ဆေးခဲ့ရာ အာဖီဒူလာအပါအ၀င် ဘင်္ဂါလီအမျိုးသားငါးဦး အား အဖြူရောင်ဆာလာအိတ် ၃၅ အိတ်ဖြင့်ထည့်ထားသော Energy Plus တံဆိပ်ပါ ကွေကာအုပ် ၃၂၅ ထုပ်၊ Rich တံဆိပ်ပါ ကော်ဖီမစ်၄၂၀ ထုပ်၊ Happy တံဆိပ်ပါတီးမစ် ၂၂၀ ထုပ်၊ ဆေးရွက်ကြီးအမှုန့် သုံးအိတ်၊ ထုံးတစ်အိတ်၊ ကွမ်းသီးနှစ်အိတ်၊ ကွန်မန်ဒိုတံဆိပ်ပါ အချိုရည် ၁၉ ဖာ၊ ရွှေခြင်္သေ့တံဆိပ်ပါ လက်ဖက်ခြောက် ၃၀၀ထုပ်တို့နှင့်အတူ ဖမ်းဆီးရမိခဲ့ပြီး လုပ်ထုံး လုပ်နည်းနှင့်အညီ ဆက်လက်ဆောင်ရွက်လျက်ရှိကြောင်း သတင်းတွင် ဖော်ပြထားသည်။

Narinjara
https://www.facebook.com/Narinjara

အင်ဒိုနီးရှားဆူနာမီ လူ ၄၀၀ နီးပါး သေဆုံး

ငလျင်ဒဏ်သင့် အင်ဒိုနီးရှားပြည်သူတွေ အသက်အန္တရာယ် စိတ်ချရစေဖို့ အိမ်အပြင်မှာ ထွက်နေကြစဉ်။
အင်ဒိုနီးရှားနိုင်ငံ၊ ဆူလာဝေစီကျွန်းမှာ သောကြာနေ့က ၇.၅ ပြင်းအားရှိတဲ့ ငလျင် လှုပ်ခတ်ပြီး တဲ့နောက် Paula နဲ့ Donggala မြို့တွေကို ဆူနာမီရေလှိုင်းကြီးတွေဝင် ရိုက်သွာခဲ့တာကြောင့် သေဆုံးသူ ၃၈၄ ဦးထက်မနည်းရှိနေပြီး ဒဏ်ရာရထားသူ ၅၄၀ ကျော်ရှိနေတယ်လို့ အင်ဒိုနီးရှားတာဝန်ရှိသူုတွေကပြောပါတယ်။

ပျော်ပွဲရွှင်ပွဲကျင်းပနေတဲ့Palu မြို့ကမ်းခြေမှာ လူတွေရာနဲ့ချီ လာရောက်ဆင်နွှဲနေချိန်မှာပဲ ငလျှင် လှုပ်ပြီး ဆူနာမီရေလှိုင်းတွေ ၀င်ရောက်ခဲ့ရာမှာ လူအတော်များများ လှိုင်းလုံးကြီးတွေနဲ့ ပင်လယ်ထဲ မျောပါသွားပြီးသေဆုံးခဲ့ရတယ်လို့ အာဏာပိုင်တွေကပြောပါတယ်။ ဆူနာမီရေလှိုင်းတွေရဲ့အရှိန်က တနာရီ ကီလိုမီတာ ၈၀၀ နှုန်းရှိပြီး နေအိမ်အဆောက်အအုံအတော်များများ ပျက်စီးသွားခဲ့ရတယ်လို့ အင်ဒိုနီးရှား သဘာဝဘေးအန္တရယ်ဆိုင်ရာ အေဂျင်စီ ပြောခွင့်ရ Sutopo Purwo Nugroho က ပြောပါတယ်။ လှိုင်းလုံးကြီးတွေ ၀င်ရိုက်လို့ ထောင်နဲ့ချီတဲ့ လူနေအိမ်တွေ၊ ဆေးရုံတွေ၊ ဈေးဝယ် စင်တာကြီးတွေ နဲ့ ဟိုတယ်တွေ ပြိုကျခဲ့ရပြီး Palu မြို့ ရဲ့ အဓိက အဝေးပြေးလမ်းမကြီး အစိတ်အပိုင်းအချို့လည်း မြေပြိုတဲ့အထဲပါသွားတယ်လို့ သူကဆက်ပြောပါတယ်။ ဆူလာဝေစီ ကမ်းခြေအနီးက မြစ်တခုပေါ်ဆောက်ထားတဲ့ တံတားကြီးလည်း ကျိုးကျသွားခဲ့တာပါ။ အဲဒီဒေသကို ရှာဖွေကယ်ဆယ်ရေးအဖွဲ့တွေစေလွှတ်ပြီးလုပ်ကိုင်နေပြီလို့လည်း ပြောခွင့်ရသူက ဆိုပါတယ်။

ရုပ်မြင်သံကြားကပြတဲ့ ဗွီဒီယိုဖိုင်ထဲမှာတော့အိတ်တွေထဲ တချို့ထည့်ထားတဲ့ လူသေ အလောင်း တွေကို လမ်းတွေပေါ်မှာတန်းစီချထားတာကိုတွေ့ရပြီး ဒဏ်ရာရထားသူတွေကိုလည်း အမြန် ဖြစ်သလို ဆောက်ထားတဲ့ ကျန်းမာရေးဌာန အပြင်ဘက်မှာ ကုသပေးနေတာကို တွေ့ရပါတယ်။ ပြိုကျခဲ့တဲ့အဆောက်အအုံ အပိုင်းအစတွေနဲ့ ရိုက်မိတာ ဒါမှမဟုတ် ဆူနာမီရေလှိုင်းနဲ့ မျောပါသွားလို့ လူတွေသေဆုံးခဲ့ရတဲ့အတွက် နေရာပေါင်းစုံကနေ အလောင်းတွေကို လိုက်ကောက်ခဲ့ရတယ် လို့လည်း တာဝန်ရှိသူတွေကပြောပါတယ်။

ဗွီအိုအေ (မြန်မာဌာန)
https://burmese.voanews.com

TNLA အဖွဲ့ ခရီးသွားယာဉ်တွေကို ငွေကောက်ခံနေ

သိန္နီဂိတ်အနီးမှာ ကုန်တင်ကားတွေ ပိတ်ဆို့နေတာကို ၂၀၁၈၊ စက်တင်ဘာ ၂၉ ရက်နေ့က တွေ့ရစဉ် / Photo: Kan Thar/ RFA
တအာင်းအမျိုးသားလွတ်မြောက်ရေးအဖွဲ့ TNLA က ဒီကနေ့  မနက် ၆ နာရီလောက်ကစပြီး ရှမ်းပြည်နယ် ကွတ်ခိုင် မြို့နယ် မန်ပြိန်းရွာလယ်နဲ့ မူဆယ်မြို့အထွက် နမ့်အွမ်ကျေးရွာတွေမှာ ငွေကောက်ခံနေတယ်လို့ သိရပါတယ်။

ပြည်ထောင်စုလမ်းမကြီးတလျှောက် သွားလာနေတဲ့ ခရီးသည်တင်ကားတွေ၊ ကုန်တင်ကားတွေ ခရီးသွားကားတွေကို ကားအမျိုးအစားပေါ်မူတည်ပြီး ကားသေးဆိုရင် ငွေကျပ်တစ်သိန်း၊ ကားလတ်နဲ့ ကားကြီးတွေကို ငွေကျပ် သုံးသိန်းကနေ ငါးသိန်းအထိ ကောက်ခံနေတာ ဖြစ်တယ်လို့ သိရပါတယ်။

TNLA အခွန်ဌာနက တစ်နှစ်စာ ဘီးလှိမ့်ခွန် ကောက်ခံတာဖြစ်ပြီး ငွေပေးပြီးသား ကားတွေအနေနဲ့ ဖြတ်ပိုင်းပြရင် ငွေထပ်ပေးဖို့ မလိုဘူးလို့ အဲဒီလို ငွေကောက်ခံရာမှာပါဝင်တဲ့ TNLA အဖွဲ့ ခေါင်းဆောင်တစ်ဦးက ပြောပါတယ်။

ခရီးသွားတဲ့ ကားသမားတွေထဲက ငွေအပြည့်အ၀ မပေးနိုင်သေးတဲ့သူတွေ ရှေ့ ဆက်သွားလို့မရဘဲ ကားတွေ ရပ်ထားရတာကြောင့် အခက်ခဲရှိနေတယ်လို့  ပြောကြပါတယ်။

ဒါအပြင် ဒီနေ့ နေ့လယ် ဆယ့်နှစ်နာရီအချိန်အထိ သိန္နီ တိုးဂိတ်နဲ့ ကွတ်ခိုင် တိုးဂိတ် မူဆယ် အထွက်တွေမှာ ခရီးသည်တင်ကားတွေ ကုန်တင်ကားတွေ ပိတ်ဆို့နေပါတယ်။ ကွတ်ခိုင်နဲ့ မူဆယ် လမ်းပိုင်းတလျှောက် တိုက်ပွဲဖြစ်လာနိုင်တဲ့ အလားအလာတွေ ရှိနေပြီး ခရီးသွားတွေအနေနဲ့ သတိထားသွားလာဖို့ လိုအပ်နေပါတယ်။

RFA Burmese
https://www.rfa.org/burmese

တောင်ဒဂုံ ကြက်ဆူစိုက်ခင်းပေါ်က အိမ်ခြေ ၂၀၀ ကျော် အင်အားသုံး ဖယ်ရှား

တောင်ဒဂုံမြို့နယ် ၆၂ ရပ်ကွက် ကြက်ဆူစိုက်ခင်းမြေနေရာမှာ ဖြတ်သန်းသွားလာခြင်းမပြုဖို့ ကြိုးတွေတားထားတာကို တွေ့ရစဉ်/ Photo: Aung Thain Kha/ RFA
ရန်ကုန်တိုင်းဒေသကြီး အစိုးရအဖွဲ့နဲ့ Myanmar Petrol စက်ဆီကုမ္ပဏီတို့ အကျိုးတူစီမံကိန်း ပူးပေါင်းလုပ်ဆောင် မယ့် တောင်ဒဂုံမြို့နယ် ၆၂ ရပ်ကွက် ကြက်ဆူစိုက်ခင်းမြေနေရာက စက်ရုံ၊ အလုပ်ရုံတွေနဲ့ လူနေအိမ် ၂၀၀ ကျော်ကို အရှေ့ပိုင်းခရိုင်အုပ်ချုပ်ရေးက ဦးဆောင်ပြီး ဒီနေ့ မနက်အစောပိုင်းက အင်အားသုံး ဖယ်ရှားခဲ့ပါတယ်။

လွှတ်တော် ကိုယ်စားလှယ်တစ်ဦးအနေနဲ့ ပြည်သူတွေ မနစ်နာစေဖို့ စုံစမ်းသိရှိရတဲ့ အချက်အလက်တွေအရ အဲဒီမြေနေရာဟာ အစိုးရပိုင်မြေနေရာ ဖြစ်တယ်လို့ တောင်ဒဂုံမြို့နယ် လွှတ်တော် ကိုယ်စားလှယ် ဦးညီညီက ပြောပါတယ်။

"ကျနော့်ဘက်က ကျနော် တာဝန်ခံပေးရဲတာတော့ ကျနော်လည်း ဒါကို ပြည်သူမနစ်နာအောင်လို့ ကျနော် စုံစမ်းထားတာ ရှိပါတယ်။ ဒါသည် ကျနော်တို့ အစိုးရပိုင်မြေပါ။ အစိုးရကနေပြီး စီမံခန့်ခွဲမှု ရှိတဲ့မြေပါ။ ဒီအပေါ်မှာ ကို ကျနော်တို့ တစ်ဦးတစ်ယောက်အတွက်ကို ကျနော်တို့ မြေချပါမစ်တို့ မြေချဂရမ်တို့ လုံးဝထုတ်ပေးထားခြင်း မရှိပါဘူး။ ဒီအတွက်ကို အစိုးရကလည်းပဲ ဒီအချိန်လေးတစ်ခုယူပြီးတော့ ကျနော်တို့ Notice တွေ ပေးတယ်လို့ ကျနော်တို့ သိရပါတယ်ခင်ဗျ။ ကျနော်တို့ ပြည်သူ့အစိုးရလက်ထက်မှာတော့ ပိုင်ဆိုင်မှုတွေပေါ်မှာ မူတည်ပြီးတော့ မြေသိမ်းတဲ့ ယာသိမ်းတဲ့ ကိစ္စမရှိပါဘူး။ လျော်ပေးတဲ့ ကိစ္စမျိုးပဲ နစ်နာကြေးပေးတဲ့ကိစ္စမျိုးတွေပဲ ရှိပါတယ်ခင်ဗျ"

တောင်ဒဂုံမြို့နယ် ၆၂ ရပ်ကွက် ကြက်ဆူစိုက်ခင်း မြေနေရာဟာ အရင်စစ်အစိုးရလက်ထက် ၂၀၀၅ - ၂၀၀၆ ခုနှစ်က ဗိုလ်ချုပ်မှူးကြီး သန်းရွှေ (အငြိမ်းစား)ရဲ့ လမ်းညွှန်ချက်နဲ့ ကြက်ဆူစီမံကိန်းအတွက် မြေနေရာတွေကို ဇုန်ကော်မတီကို ချပေးခဲ့တာဖြစ်ပါတယ်။ အဲဒီကော်မတီက လုပ်ငန်းရှင် ၁၇ ဦးကို ကိုယ့်စရိတ်နဲ့ကိုယ် ကြက်ဆူပင်စိုက်ဖို့ ချပေးခဲ့ပေမယ့် အကောင်အထည် မဖော်ခဲ့တဲ့အတွက် အရှုံးပေါ်ပြီး မြေနေရာတွေကို ပြန်လည် ရောင်းချခဲ့တာ ဖြစ်တယ်လို့ သိရပါတယ်။

အဲဒီနေရာမှာ နေထိုင်နေကြတဲ့ အမှန်တကယ် နစ်နာသူ ပြည်သူတွေအတွက် တိုင်းဒေသကြီး လွှတ်တော် ဥက္ကဋ္ဌ ထံ စီမံကိန်းနဲ့ ပတ်သက်ပြီး လာမယ့် နိုဝင်ဘာ ၁ ရက်နေ့မှာ ဆွေးနွေးသွားမယ်လို့ ဦးညီညီက ပြောပါတယ်။

ကြက်ဆူစိုက်ခင်းမြေနေရာမှာ သံတိုသံစ ရောင်းဝယ်ရေးဆိုင်တွေလည်း ရှိပါတယ်။ အဲဒီမြေနေရာမှာ အသေးစား အလတ်စားလုပ်ငန်းရှင်တွေနဲ့ အလုပ်သမား ၁ ထောင်ကျော် အလုပ်လုပ်ကိုင်နေတဲ့ ဆိုင်တွေလည်း ရှိနေပြီး ဒီနေ့မနက်မှာ ဝင်ရောက်ခွင့်မရတဲ့အတွက် အဆင်မပြေ ဖြစ်နေရကြောင်း ဒေသခံတွေက ပြောပါတယ်။

အဲဒီနေရာက ဖယ်ရှားပေးဖို့ ပြီးခဲ့တဲ့ ဇူလိုင်လ ၂၆ ရက်နေ့က သတိပေးစာ တစ်ကြိမ်ပေးခဲ့ကြောင်း၊ ကျူးကျော် နေထိုင်သူတွေကို တစ်ဦးကို လျော်ကြေး ငွေကျပ် ၁၀ သိန်းပေးပြီး လုပ်ငန်းရှင်တွေအတွက် ဆိုင်ဖျက်ခ ငွေကျပ် ၃ သိန်း ကနေ ၅ သိန်း ပေးတာတွေ ရှိပေမယ့် ယူတဲ့သူတွေ ရှိသလို မယူတဲ့သူတွေလည်း ရှိတယ်လို့ ပြောပါတယ်။

လက်ရှိမှာ ရန်ကုန်တိုင်းဒေသကြီး အစိုးရအဖွဲ့နဲ့ Yangon Petrol ကုမ္ပဏီတို့ အကျိုးတူ ပူးပေါင်းစီမံကိန်း လုပ်ဆောင်ဖို့အတွက် အဲဒီနေရာကို ဝင်ရောက်ရှင်းလင်းတာဖြစ်ပြီး လက်ရှိ အဲဒီမြေနေရာဟာ operation ဧရိယာ အဖြစ် ခရိုင် အုပ်ချုပ်ရေးမှူးက သတ်မှတ်လိုက်ပြီဖြစ်တာကြောင့် သတင်းမီဒီယာတွေအနေနဲ့ ဝင်ရောက် သတင်းယူခွင့်မရရှိခဲ့ပါဘူး။

RFA Burmese
https://www.rfa.org/burmese

မြောက်ဦးမြို့နယ် ဘာညိုတွင် မိုးကြိုးထိမှန်၍ လူ ၃ ဦးသေဆုံး


နိရဉ္စရာ၊ စက်တင်ဘာ ၂၉

ရခိုင်ပြည်နယ်၊ မြောက်ဦးမြို့နယ်၊ ဘာညို ကျေးရွာတွင် မိုးကြိုးထိမှန်၍ လူ သုံးဦးသေဆုံးသွားကြောင်း သတင်းရရှိသည်။

သေဆုံးသူ သုံးဦးမှာ ဦးကျော်တင်ဝင်း(ဘ) ဦးအောင်ကျော်ဇော (၂၉) နှစ်၊ ဦးဘလိူင် (ဘ) ဦးစိန်သာလှ (၂၇) နှစ်နှင့် ဒေါ်ဆန်းမြရီ (ဘ) ဦးငိုကြူးအောင် (၂၅) နှစ်တို့ ဖြစ်ကြောင်း ဘာညို ကျေးရွာအုပ်ချုပ်ရေးမှူး ဦးကျော်စိန်ထွန်းက ပြောသည်။

“ သူတို့က ဒီကနေ့ ညနေ ၅ နာရီခွဲအချိန် မြက်ရိတ်နေတဲ့ အချိန်မှာ မိုးရွာတော့ တဲထဲကို ၀င်းပြေးတယ်။ အဲဒီမှာ သုံးယောက်လုံးထိုင်နေတော့ မိုးကြိုးထိမှန်တာ။ သုံးယောက်လုံးပွဲချင်းပြီး သေဆုံးသွားတာဖြစ်ပါတယ်” ဟု ၎င်းက ပြောကြားသည်။

တဲထဲတွင် ရှိနေသော ကလေးငယ် တစ်ဦးမှာ တစ်စုံတစ်ရာထိခိုက်မှု မရှိခဲ့ကြောင်း သိရသည်။

သေဆုံးသူများ၏ အလောင်းကို ယခုအခါ မြောက်ဦးမြို့နယ် ဆေးရုံသို့ ယူဆောင်နေကြောင်း အုပ်ချုပ်ရေးမှူးက ပြောကြားသည်။

Narinjara
https://www.facebook.com/Narinjara

အင်ဒိုနီးရှား နိုင်ငံ တွင် ဖြစ်ပွား ခဲ့သည့် ပြင်းထန်သည့် ငလျင် နှင့် ဆူနာမီ ကြောင့် သေဆုံးသူပေါင်း ၃၈၄ ဦး အထိ ရောက်ရှိလာ

အင်ဒိုနီးရှား နိုင်ငံ တွင် စက်တင်ဘာ ၂၈ ရက် ၌ ပြင်းအား ၇.၇ အဆင့်ရှိ ငလျင် လှုပ်ခတ် ပြီးနောက် မြင်ကွင်း(ဆင်ဟွာ)
ဂျာကာတာ ၊ စက်တင်ဘာ ၂၉ ရက် (ဆင်ဟွာ)

    အင်ဒိုနီးရှား နိုင်ငံ သဘာဝဘေး တားဆီးကာကွယ်ရေး ဌာန ၏ ထုတ်ပြန်ချက် အရ Central Sulawesi ပြည်နယ် တွင် ဖြစ်ပွား ခဲ့သည့် အင်အား အလွန်ပြင်းထန်သော ငလျင် ကြောင့် ဆူနာမီ ဖြစ်ပေါ်ခဲ့ရာ လူပေါင်း ၃၈၄ ဦး သေဆုံးခဲ့ကြောင်း သိရှိရသည်။

အင်ဒိုနီးရှား နိုင်ငံ Central Sulawesi ပြည်နယ် တွင် စက်တင်ဘာ ၂၈ ရက် ညနေပိုင်း အချိန်၌ အင်အား ၇.၇ အဆင့် ရှိ ပြင်းထန်သည့် ငလျင် လှုပ်ခတ်ခဲ့ကာ ဆူနာမီ ဖြစ်ပေါ် ခဲ့ကြောင်း အင်ဒိုနီးရှား နိုင်ငံ အစိုးရ မှ ထုတ်ပြန်ကြေညာ ခဲ့သည်။

အင်ဒိုနီးရှား နိုင်ငံ မိုးလေဝသ ၊ ရာသီဥတု နှင့် ဘူမိရူပ ဌာန ၏ ထုတ်ပြန်ချက်အရ ငလျင် လှုပ်ခတ်ခဲ့သည့် အနီးပတ်ဝန်းကျင်ရှိ ပင်လယ်ပြင်တွင် ဆူနာမီ ဖြစ်ပေါ် ခဲ့ပြီး ဆူနာမီ လှိုင်းအမြင့် မှာ ၁.၅ မှ ၂ မီတာ အထိ မြင့်မားကြောင်း ထုတ်ပြန် ခဲ့သည်။
အင်ဒိုနီးရှား နိုင်ငံ တွင် စက်တင်ဘာ ၂၈ ရက် ၌ ပြင်းအား ၇.၇ အဆင့်ရှိ ငလျင် လှုပ်ခတ် ပြီးနောက် မြင်ကွင်း(ဆင်ဟွာ)
အင်ဒိုနီးရှား နိုင်ငံ သတင်း မီဒီယာ ၏ ဖော်ပြချက်များအရ ငလျင်လှုပ်ခတ်မှုကြောင့် လျှပ်စစ်မီး နှင့် ဆက်သွယ်ရေး များ ပြတ်တောက်သွားခဲ့ပြီး ကူညီကယ်ဆယ်ရေးလုပ်ငန်း အတွက် အခက်အခဲ ဖြစ်စေခဲ့ကြောင်း သိရှိရသည်။

အင်ဒိုနီးရှား နိုင်ငံ တွင် နှစ်စဉ် ငလျင် ကြီးငယ်ပေါင်း ထောင်နှင့်ချီ၍ ဖြစ်ပွား လေ့ရှိပြီး ယခု နှစ် ဇူလိုင်လကုန်ပိုင်း မှ သြဂုတ်လလယ်ပိုင်း အထိ အင်ဒိုနီးရှား နိုင်ငံ တွင် လှုပ်ခတ်ခဲ့သည့် ငလျင် များကြောင့် လူပေါင်း ၅၅၅ ဦး သေဆုံးခဲ့ကြောင်း သိရှိရသည်။

(Xinhua)
http://www.xinhuamyanmar.com

Facebook account သန်း ၅၀ hack ခံရ

Mark Zuckerberg
Facebook ရဲ့ လုံခြုံရေးစနစ်ကို ထွင်းဖောက်ခံရပြီး သုံးစွဲသူ သန်းပေါင်း ၅၀ လောက်ရဲ့ Facebook account တွေကို ဟက်ကာ တွေ ချိုးဖောက် ဝင်သွားနိုင်ခြေရှိတယ်လို့ Facebook ကုမ္ပဏီကပြောပါတယ်။

Facebook ရဲ့ လုံခြုံရေးစနစ်ကို ထွင်းဖောက်ခံရပြီး သုံးစွဲသူ သန်းပေါင်း ၅၀ လောက်ရဲ့ Facebook account တွေကို ဟက်ကာ တွေ ချိုးဖောက် ဝင်သွားနိုင်ခြေရှိတယ်လို့ Facebook ကုမ္ပဏီကပြောပါတယ်။

ပြဿနာကို ပြုပြင်နိုင်အောင် လုပ်ဆောင်ထားပြီးဖြစ်တယ်လို့ Facebook ကုမ္ပဏီက သောကြာနေ့မှာပြောပြီး ဥပဒေထိန်းသိမ်း ရေးပိုင်းကို အကြောင်းကြားထားပြီး ဖြစ်တယ်လို့လည်း ပြောပါတယ်။

အသုံးပြုသူတွေအနေနဲ့ သူတို့နဲ့ဆိုင်တဲ့ ကိုယ်ရေးအချက်အလက်တွေကို တခြားလူတွေ ဘယ်လိုမြင်စေချင်တယ်ဆိုတာ သတ်မှတ်လုပ်ဆောင်လို့ရတဲ့ “View As” ဆိုတဲ့ နေရာက အားနည်းချက်ကို ဟက်ကာတွေက အခွင့်ကောင်းယူ ထွင်းဖောက်တာ လို့လည်း Facebook ကုမ္ပဏီကပြောပါတယ်။ အဲဒီလို ထွင်းဖောက်ဝင်ရောက်တာကနေတဆင့် log-in key တွေနဲ့ တခြား လျှို့ဝှက်အချက်အလက်တွေကို ရယူပြီး သုံးစွဲသူတွေရဲ့ account တွေကို ဝင်လို့ရသွားနိုင်စေတယ်လို့ ဆိုပါတယ်။

Facebook ရဲ့ လုပ်ငန်းစီမံခန့်ခွဲမှုဌာန ဒုတိယဥက္ကဌ Guy Rosen က “ထွင်းဖောက်သူတွေဟာ Facebook ရဲ့ code မှာ အားနည်း ချက်ရှိနေတာကို အသုံးချသွားတယ်ဆိုတာ ရှင်းပါတယ်” လို့ ဘလော့ဂ်မှာ ရေးထားပါတယ်။

Facebook account တခုခုကို တကယ်တမ်း ခိုးယူ အသုံးပြုခဲ့သလားဆိုတာ ကုမ္ပဏီအနေနဲ့ မသိပါဘူးလို့ Facebook ကို တည်ထောင်သူနဲ့ အမှုဆောင်အရာရှိချုပ် Mark Zuckerberg ကပြောပါတယ်။ လုံခြုံရေးအကာအကွယ် အားနည်းချက်ကနေ ထွင်းဖောက်ဝင်ရောက်တာကို အင်္ဂါနေ့က သိရပြီး ကြာသပတေးညမှာ ပြင်ဆင်လိုက်ပြီးဖြစ်တယ်လို့လည်း Zuckerberg က ပြောပါတယ်။ တကမ္ဘာလုံးမှာ Facebook ကိုအသုံးပြုသူ သန်းပေါင်း ၂,၀၀၀ ကျော်ရှိပါတယ်။

ဗွီအိုအေ (မြန်မာဌာန)
https://burmese.voanews.com

Kavanaugh အပေါ်စွပ်စွဲမှု စုံစမ်းဖို့ FBI ကိုသမ္မတညွှန်ကြား

Brett Kavanaugh
တရားရုံးချုပ် တရားသူကြီးအဖြစ်ခန့်အပ်ဖို့ အမည်စာရင်းတင်သွင်းထားတဲ့ Brett Kavanaugh ကို အမေရိကန် အထက် လွှတ်တော် တရားရေးကော်မတီရဲ့ ပန်ကြားချက်အရ စုံစမ်းစစ်ဆေးမှုအသစ်တခုလုပ်ဖို့ သမ္မတ ဒေါ်နယ်လ်ဒ် ထရမ့်ပ်က FBI ကို ညွှန်ကြားလိုက်ပါတယ်။

တရားရုံးချုပ် တရားသူကြီးအဖြစ်ခန့်အပ်ဖို့ အမည်စာရင်းတင်သွင်းထားတဲ့ Brett Kavanaugh ကို အမေရိကန် အထက် လွှတ်တော် တရားရေးကော်မတီရဲ့ ပန်ကြားချက်အရ စုံစမ်းစစ်ဆေးမှုအသစ်တခုလုပ်ဖို့ သမ္မတ ဒေါ်နယ်လ်ဒ် ထရမ့်ပ်က FBI ကို ညွှန်ကြားလိုက်ပါတယ်။

လိင်ပိုင်းဆိုင်ရာ မတော်မလျော် ပြုမှုမှုဆိုင်ရာ စွပ်စွဲချက်တွေ ထွက်ပြီးတဲ့နောက် အခုလုပ်မယ့် စုံစမ်းစစ်ဆေးမှုဟာ “ကန့်သတ် အတိုင်းအတာအတွင်း လုပ်ဆောင်ရမှာ” ဖြစ်ပြီး “သီတင်းတပတ်အတွင်း ပြီးဆုံးအောင်” လုပ်ရမယ်လို့ ထုတ်ပြန်ချက်တခုမှာ သမ္မတထရမ့်ပ်က ပြောထားပါတယ်။

တရားသူကြီး Kavanaugh ကို အသေအချာ နောက်ကြောင်း စစ်ဆေးပြီးသားဖြစ်တယ်လို့ သမ္မတထရမ့်ပ်အစိုးရအဖွဲ့က တောက်လျှောက် ပြောလာတာကြောင့် အခုဆုံးဖြတ်ချက်ဟာ လုံးဝ ပြောင်းလဲသွားတဲ့အချက်ပါ။

မစ္စတာ Kavanaugh ကို ခန့်ထားရေး အထက်လွှတ်တော်တခုလုံးမှာ မဲခွဲဆုံးဖြတ်ဖို့ သောကြာနေ့အစောပိုင်းမှာတော့ အထက်လွှတ်တော် တရားရေးကော်မတီက မဲခွဲ အတည်ပြုလိုက်ပြီးသားပါ။ အထက်လွှတ်တော်တခုလုံးမှာ မဲခွဲဆုံးဖြတ်ဖို့ ဆိုင်းငံ့ထားပြီး စုံစမ်းစစ်ဆေးမှုလုပ်မယ်လို့ သဘောတူရင် တရားရေးကော်မတီမှာ မဲခွဲတဲ့အခါ သူထောက်ခံမယ်လို့ ရီပတ်ဘလီ ကန်အထက်လွှတ်တော်အမတ် Jeff Flake ကပြောတာကို ကော်မတီကသဘောတူပြီးတဲ့နောက် မဲခွဲ အတည်ပြုလိုက်နိုင်တာပါ။

တရားရေးကော်မတီမှာ ရီပတ်ဘလီကန်အမတ် ၁၁ ယောက်၊ ဒီမိုကရက်အမတ် ၁၀ ယောက်ရှိပြီး ရီပတ်ဘလီကန်အားလုံးက ထောက်ခံမဲပေးပြီးတော့ ဒီမိုကရက်အားလုံးက ကန့်ကွက်မဲပေးခဲ့ကြပါတယ်။

အထက်လွှတ်တော်တခုလုံးအနေနဲ့ဆိုရင် ရီပတ်ဘလီကန်အမတ်က ၅၁ ဦးနဲ့ ဒီမိုကရက်အမတ်က ၄၉ ဦးရှိပြီး တရားသူကြီး Kavanaugh ကို အတည်ပြုခန့်ထားနိုင်ဖို့ မဲအရေအတွက် ၅၀ ထက်မနည်းရဖို့ လိုအပ်ပါတယ်။ အထက်လွှတ်တော်တခုလုံးမှာ မဲခွဲတဲ့အခါ ထောက်ခံမဲနဲ့ ကန့်ကွက်မဲ အရေအတွက် တူနေမယ်ဆိုရင် ဒုတိယသမ္မတ Mike Pence က အဆုံးအဖြတ်မဲကို ပေးပိုင်ခွင့်ရှိပါတယ်။

တရားသူကြီး Kavanugh ကို ခန့်ထားရေးကိစ္စ ပျက်ပြယ်ဖြစ်ဖို့ဆိုရင် ဒီမိုကရက်အမတ်အားလုံးက ကန့်ကွက်မဲပေးကြမယ်ဆိုရင် တောင်မှ ရီပတ်ဘလီကန်အမတ် အနည်းဆုံးနှစ်ယောက်က ကန့်ကွက်မဲပေးဖို့လိုပါတယ်။

ဗွီအိုအေ (မြန်မာဌာန)
https://burmese.voanews.com

ဘီယွန်းဆေး ကို ဂီတလောကရဲ့ အင်အားအကြီးဆုံး အမျိုးသမီးအဖြစ် ဘီဘီစီ အမျိုးသမီး အစီအစဉ်က သတ်မှတ်

ဣတ္ထိယ ဝါဒ၊ လှုပ်ရှား တက်ကြွမှု၊ စီးပွားရေး ဆုံးဖြတ်ချက်ကောင်းမှုနဲ့ ဂီတစာသားတွေ အားကောင်းမှုကြောင့် ရှေ့ကပြေး
သူ့ကိုယ်သူ လူမည်းထဲက ဘီလ်ဂိတ် လို့ ပြောတတ်တဲ့ ဘီယွန်းဆေးပါ။

ဣတ္ထိယ ဝါဒ၊ လှုပ်ရှား တက်ကြွမှုနဲ့ ဂီတစာသားတွေ အားကောင်းမှုကြောင့် ဘီယွန်းဆေးကို ဘီဘီစီက ဂီတလောကရဲ့ သြဇာအကြီးဆုံး အမျိုးသမီး ၄ဝ စာရင်းမှာ ထိပ်က ထည့်ထားပါတယ်။

တေလာဆွတ်ဖ်၊ အက်ဒီလီနဲ့ ဒူယာလီပါ တို့လည်း ဒီစာရင်းမှာ ပါပါတယ်။ ဘီဘီစီရဲ့ တေးဂီတနေ့ အဖြစ် ထုတ်ပြန်လိုက်တဲ့ စာရင်း ဖြစ်ပါတယ်။

ဒီစာရင်းမှာ ရောင်းအကောင်းဆုံးနဲ့ ကမ္ဘာကျော် အဆိုတော်တွေသာ မက နောက်ကနေ သူတို့ကို ကမ္ဘာကျော်အောင် လုပ်ပေးသူတွေကိုပါ ထည့်ထားပါတယ်။

တတိယ ဆု ချိတ်သူက ဗနက်ဆာ ရိဒ်ပါ။ သူထောင်တဲ့ ပီအာရ်အက်စ် ဖောင်ဒေးရှင်းကနေ ဂီတပွဲတော်တွေမှာ ကျားမ ဖျော်ဖြေသူ အချိုးအစားညီစေဖို့ စည်းရုံးခဲ့သူ ဖြစ်ပါတယ်။

ဒီစာရင်းမှာ ၂ဝ၁၃ က ဘီဘီစီ သံစုံတီးဝိုင်း ပွဲကြီးတွေမှာ အမျိုးသမီး ဂီတမှူး ပထမဆုံး စဖြစ်ခဲ့တဲ့ မာရင် အယ်လ်ဆော့ပ်လည်း ပါပါတယ်။ နောက် ဥရောပရဲ့ ပထမဆုံး လူမည်းနဲ့ လူနည်းစု သံစုံတီးဝိုင်း ကို တည်ထောင်သူ ချစ်ချီ နွားနကူ လည်း ပါပါတယ်။

ဂီတလောကမှာ ကျားမ အချိုး မညီမှုက ဆိုးပါတယ်။ အင်ဂျင်နီယာပိုင်းနဲ့ ထုတ်လုပ်ရေးလို နည်းပညာပိုင်းဆိုင်ရာ အလုပ်တွေမှာပေါ့။ ကာဒီဘီ၊ အက်ဒီလီနဲ့ ဒူယာလီပါ တို့လို နာမည်ကြီးတွေ ရှိတာတောင်မှ ရောင်းအကောင်းဆုံး ဆင်ဂယ် ဓာတ်ပြားစာရင်းမှာ အမျိုးသား အဆိုတော်က ၇၈ ရာခိုင်နှုန်း ရှိပါတယ်။

ဘီဘီစီ အမျိုးသမီး ကဏ္ဍရဲ့ ထိပ်ဆုံး ၁ဝ စာရင်း

၁။ ဘီယွန်းဆေး

၂။ တေလာဆွတ်ဖ်

၃။ ဗနက်ဆာ ရိဒ်၊ ပီအာရ်အက်စ် ဖောင်ဒေးရှင်း

၎။ အက်ဒီလီ

၅။ စတေစီ တန်၊ အာစီအေ ဓာတ်ပြားတိုက် အုပ်ချုပ်ရေး ဒါရိုက်တာ

၆။ ဂျီလီယန် မိုး၊ လန်ဒန် ဆောက်ဘင့်စင်တာ ဂီတ ဒါရိုက်တာ

၇။ ရီဘက်ကာ အယ်လန်၊ ဒက်ကာ ဓာတ်ပြားတိုက် ဥက္ကဋ္ဌ

၈။ မာရင် အယ်လ်ဆော့ပ်

၉။ ချစ်ချီ နွားနကူ

၁ဝ။ မက်ဂီ ခရိုး၊ ဘီပီအိုင်ဓာတ်ပြား အစီအစဉ် ဒါရိုက်တာ

ပြီးခဲ့တဲ့ တနှစ်အတွင်း သူတို့ရဲ့ ဂီတလောကမှာ လှုပ်ရှားမှုတွေကို ကြည့်ပြီး ရွေးချယ်တာ ဖြစ်ပါတယ်။

ဘီယွန်းဆေးဟာ အမေရိကန်က လူမည်းတွေကို အားပေးတယ်၊ မတရားတာတွေကို ထိပ်တိုက်တွေ့တယ် ပြီးတော့ အမျိုးသမီးတွေ အကျိုး သယ်ပိုးတယ်လို့ အကဲဖြတ် တယောက်က ဆိုပါတယ်။

ဂီတစာသားတွေနဲ့တင် လှုပ်ရှားတက်ကြွတာ မဟုတ်ဘဲ ရတဲ့ ငွေကြေးနဲ့ လူမည်းတွေ အရေး၊ ကက်ထရီနာ မုန်တိုင်းက ဒုက္ခသည်တွေ ကိစ္စစတာတွေမှာလည်း ဒီအမျိုးသမီးက ကူညီတယ်လို့ ဆိုပါတယ်။
သုံးလ အစမ်းကာလမှာ အသုံးပြုသူတွေဆီက အခကြေးငွေရရေး ကုမ္ပဏီတွေကို စည်းရုံးနိုင်တဲ့ တေလာဆွတ်ဖ်
တေလာဆွတ်ဖ် ကိုတော့ ဒီဂျေဟောင်း တယောက်ကို လိင်ပိုင်းဆိုင်ရာ စော်ကားမှုနဲ့ တရားစွဲပြီး တရားရုံးမှာ အမှုကို အနိုင်ယူနိုင်တာ၊ အက်ပဲနဲ့ စပိုတီဖိုင်းတို့လို ကုမ္ပဏီကြီးတွေဆီက မူပိုင်ခွင့် ကိစ္စတွေမှာ တခြား အနုပညာသည်တွေအတွက် ရပ်ခံ ခဲ့တာကို ချီးကျူးကြပါတယ်။

အမျိုးသမီးကလေးတွေကို ကြံ့ခိုင်တဲ့ မိန်းမတွေ ဖြစ်လာအောင် သူက ပုံသွင်း ပေးခဲ့တယ်၊ သူ့ရဲ့ သြဇာဟာ အနာဂတ်မှာလည်း ဆက်ရှိနေလိမ့်မယ်လို့ ကိုယ်တိုင် ဂီတ ရုပ်သံ ထုတ်လုပ်သူ ဖြစ်တဲ့ ဂျပ်စမင် ဒိုတီဝါလားက ပြောပါတယ်။

၁၈ နှစ် အရွယ်မှာ အိုးအိမ်မဲ့ လင်သားမရှိတဲ့ ကလေးအမေ ဘဝရောက်ပေမယ့် ဂီတပွဲတော် တခုကို စီမံနေတဲ့ ဖီယိုနာ စတီးဝပ်ဆိုတဲ့ မိန်းကလေးကိုလည်း အကဲဖြတ်တွေက သဘောကျကြပါတယ်။

ကုမ္ပဏီကြီးတွေက ပေးတဲ့ စပွန်ဆာကို ငြင်းပြီး ဗီအိုင်ပီ နေရာတွေ မစီစဉ်တဲ့သူ ၊ ဒီစာရင်းမှာ အောက်ရောက်ပေမယ့် ချီးကျူးစရာ ကောင်းတယ်လို့ ဆိုကြပါတယ်။

ရီဘက်ကာ အယ်လန်၊ ချစ်ချီ နွားနကူနဲ့ ဂရေစ့်လာဒိုဂျာ

ကျွန်မရဲ့ လိင်ကြောင့် ကျွန်မကို ကန့်သတ်ချုပ်ချယ်စရာ ရှိလိမ့်မယ်လို့ မထင်ခဲ့ကြောင်း First Access Entertainment ရဲ့ အမှုဆောင် အရာရှိချုပ် စတန်းနက် က ဘီဘီစီကို ပြောပါတယ်။

အမျိုးသား ကြီးစိုးတဲ့ ဖျော်ဖြေရေးလောကမှာ ရှင်သန်အောင် ကြိုးစားရတာ မလွယ်ဘူးလို့လည်း ပြောပါတယ်။

သူ့သမီးရေးတဲ့ စာစီစာကုံးမှာ ဖခင်ရဲ့ မသိစိတ်က လွှမ်းမိုးမှုကို ခံရတဲ့ အမျိုးသမီးတွေ အကြောင်း ဖတ်ရမှပဲ ကျွန်မကို ဒီစာရင်းမှာ ပါအောင်၊ မကျဆုံးရအောင် နောက်က တွန်းနေတဲ့ အားက ဒါပဲလား ဆိုတာ သိရတယ်လို့လည်း စတန်းနက် က မှတ်ချက်ချပါတယ်။

သူ့ရဲ့ အောင်မြင်မှုက စီးပွားရေးလောကမှာ ရှိတဲ့ ကျားမ မညီမျှမှုကို တံတားခင်းပေးရာ ရောက်မယ်၊ တခြားအမျိုးသမီးတွေအတွက် အကူအညီ ဖြစ်မယ်လို့ မျှော်လင့်တယ်လို့လည်း ဆိုပါတယ်။

BBC Burmese
https://www.bbc.com

ရခိုင်လူငယ်ရှစ်ဦးကို ထပ်မံဖမ်းဆီးတရားစွဲခြင်းသည် အစိုးရအပေါ် ရခိုင်ပြည်သူများ၏ ယုံကြည်မှုကျဆင်းစေသည်ဟု AASYCမှ သဘောထားထုတ်ပြန်


စိုးဇံအောင်(တောင်ကုတ်)
နိရဉ္စရာ၊စက်တင်ဘာ ၂၉

မြောက်ဦးဖြစ်စဉ်တွင် ဖမ်းဆီးခံရသည့် ဒဏ်ရာရ လူငယ်ရှစ်ဦးကို အာဏာပိုင် များမှပြန်လည် ဖမ်းဆီးတရားစွဲဆိုခြင်းသည် အစိုးရ အပေါ် ရခိုင်ပြည်သူများ၏ ယုံကြည်မှု ကျဆင်းစေသည်ဟု ရခိုင်ပြည်လုံးဆိုင်ရာကျောင်းသားနှင့် လူငယ် များအစည်းအရုံး - All Arakan Student & Youth’s Congress (AASYC) မှ စက်တင်ဘာလ ၂၈ ရက် နေ့စွဲဖြင့် ကြေညာချက် ထုတ်ပြန်သည်။

AASYC ထုတ်ပြန် ကြေညာချက်ထဲတွင် “ အစိုးရအနေဖြင့် ရခိုင်ပြည်တည်ငြိမ်းအေးချမ်းရေးနှင့် ဖွံ့ဖြိုး တိုးတက်ရေး အတွက် ဆောင်ရွက် နေသည့် ကာလတွင် ယခုကဲ့သို့ ရခိုင်လူမျိုးများ အပေါ် မတရား ဖမ်းဆီးနှိပ်ကွပ်နေသည့် လုပ်ရပ်သည် အစိုးရအပေါ် ရခိုင်ပြည်သူများ၏ ယုံကြည်မှု ကျဆင်းလာစေပြီး အကြမ်းဖက် နည်းသို့ တွန်းပို့နေသည်ကို ထင်ဟပ်စေသည်” ဟုလည်း ဖော်ပြထားသည်။

“ကျွန်တော်တို့ လူငယ်ရှစ်ဦးကို ပြည်သူပိုင်ပစ္စည်းကာကွယ်ရေးဥပဒေပုဒ်မ (၆)၁ နဲ့တရားစွဲ ဆိုတယ်။ သူတို့က အမှန်တရားကို ရှာဖွေတာမျိုးမဟုတ်ဘဲနဲ့ ပြည်သူတွေ၊ဒီလူငယ်တွေကို အပြစ်မကျကျအောင်၊ပြောရ မယ်ဆိုရင် လူငယ်တွေဆိုလည်း ဒီရခိုင်လူငယ်တွေကို ပိုပြီးတော့ အပြစ်မြင်နေတဲ့ပုံစံမျိုးပါ။သူတို့ သတ်မှတ်ချင်တဲ့နေရာ တစ်ခုကိုမရောက်ရောက်အောင် ပို့နေတဲ့ပုံစံမျိုး အမုန်းတရားနဲ့ လုပ်နေသလို ကျွန်တော်တို့ ထင်မြင်သုံးသပ်ပါတယ်” ဟု ရခိုင်ပြည်လုံး ဆိုင်ရာကျောင်းသားနှင့်လူငယ်များအစည်းအရုံး၏ ပြည်တွင်း တာဝန်ခံ ကိုစောထွန်းက နိရဉ္စရာသတင်းဌာနသို့ ပြောဆိုသည်။

မြန်မာအစိုးရ၏ ယခုကဲ့သို့ လုပ်ရပ်များသည် တိုင်းပြည်၏ ဒီမိုကရေစီ အသွင်ကူပြောင်းရေး ကာလတွင် နိုင်ငံသားများ၏ ဒီမိုက ရေစီနှင့် အခြေခံလူ့အခွင့်အရေးများဖြစ်ကြသည့် ငြိမ်းချမ်းစွာ စုဝေးခြင်းနှင့် လွတ်လပ်စွာ ထုတ်ဖော် ပြောဆိုခွင့်များကို ချိုးဖောက်သည့်အပြင် ရခိုင်ပြည်သူများ အပေါ် ဥပဒေပုဒ်မ အမျိုးမျိုးကို အမည်ပြပြီး လိုသလိုအသုံးချကာ မတရားသဖြင့် တရားစွဲဆို ဖိနှိပ်အုပ်ချုပ်နေသည်ဟု မိမိတို့အနေဖြင့်ရှုမြင်သည်ဟုလည်း ကြေညာချက်တွင် ဖော်ပြသည်။

ရခိုင်ပြည်လုံးဆိုင်ရာ ကျောင်းသားနှင့် လူငယ်များ အစည်းအရုံး (AASYC)မှ ၎င်းလုပ်ရပ်များကို ပြင်းထန်စွာကန့်ကွက်ရှုတ်ချကြောင်းနှင့် အစိုးရအား အချက်(၃) ချက်ကို တောင်းဆိုထားသည်။

၎င်းအချက် (၃) ချက်မှာ မြောက်ဦး ဆန္ဒပြပွဲဖြစ်စဉ်နှင့် ပတ်သက်၍ မတရားဖမ်းဆီးခံထားရသော သူများအားလုံးကို ခြွင်းချက်မရှိ အမြန်ဆုံးလွတ်ပေးရန်၊ ဥပဒေနှင့်အညီ မဟုတ်ဘဲ ကိုင်တွယ် ခဲ့သော အပြစ်ကျူးလွန်ထားသူ သက်ဆိုင်ရာ အာဏာပိုင်များကို အမြန်ဆုံးအရေး ယူပေးရန်၊ စိတ်ပိုင်းရုပ်ပိုင်းဆိုင်ရာ ဒဏ်ရာရ ဒေသခံလူထုအပေါ် ကုစားပေးရေး အတွက် မြောက်ဦးမြို့တွင် အမှတ်တရပန်းခြံနှင့် အထိမ်းအမှတ် ကျောက်တိုင်တို့ ထားရှိရေး ပြည်နယ်လွတ်တော်မှ ဥပဒေပြဌာန်း အကောင်အထည်ဖော်ဆောင်ရွက်ပေးရန် စသည့် အချက်သုံးချက်တို့ ဖြစ်သည်။

“ကျွန်တော်တို့အခုလိုထုတ်ပြန်ရတဲ့ရည်ရွယ်ချက်ကတော့ ကျွန်တော်တို့ ရခိုင်လူငယ်တွေ ကိုပေါ့နော်။ ဇန်န၀ါရီတုန်းကဖြစ်ခဲ့တဲ့ ဖြစ်စဉ်မှာ သူတို့ကို အပြစ်မရှိ၊အပြစ်ရှိတဲ့ပုံစံမျိုးနဲ့ သူတို့ အတင်းအဓမ္မစွပ်စွဲ နေတဲ့ပုံစံမျိုး ကျွန်တော်တို့အနေနဲ့ တွေ့မြင်နေရလို့ အခုလို ထုတ်ပြန်ရတာ ဖြစ်ပါတယ်” ဟု ကိုစောထွန်းက ပြောဆိုသည်။

၂၀၁၈ ခုနှစ်၊ စက်တင်ဘာလ (၂၈) ရက် ၂၀၁၈ ခုနှစ်၊ ဇန်နဝါရီလ (၁၆) ရက်နေ့တွင် ရခိုင်ပြည်၊ မြောက်ဦးမြို့၌ ကျင်းပပြုလုပ်ခဲ့သည့် (၂၃၃) နှစ်မြောက် ရခိုင့်အချုပ် အခြာအာဏာ ကျဆုံးခြင်း အထိမ်းအမှတ်အတွက် ဟောပြောပွဲကို ဒေသအစိုးရ အာဏာပိုင်များက ပိတ်ပင် တားဆီး ခဲ့သောကြောင့် မြို့ခံလူထုက ငြိမ်းချမ်းစွာဆန္ဒဖော်ထုတ်ခဲ့သည်ကို အစိုးရ အာဏာပိုင်များက အကြမ်း ဖက်နှိမ်နှင်းခဲ့ရာ ဒေသခံအရပ်သား (၇) ဦး သေဆုံးပြီး၊ (၁၂) ဦး ဒဏ်ရာရရှိခဲ့သည်။ မြောက်ဦးမြို့ လူထုဆန္ဒဖော်ထုတ်ပွဲဖြစ်စဉ်တွင် ဆေးကုသခံနေရသော ဒဏ်ရာရရှိခဲ့သူ (၁၂) ဦးအနက် စစ်တွေဆေးရုံတွင် ဆေးကုသခံနေရ သည်ပြည်သူ (၈) ဦးကို အစိုးရက ပြည်သူ့ပိုင်ပစ္စည်း ဥပဒေပုဒ်မ ၆(၁) ဖြင့် တရားစွဲဆိုခဲ့ရာ သက်သေအထောက်အထား မခိုင်လုံသောကြောင့် ရာဇသတ်ကြီး ပုဒ်မ (၁၄၈) ဖြင့် စစ်တွေမြို့နယ်တရားရုံးမှ စက်တင်ဘာ လ (၂၄) ရက်နေ့က ထောင်ဒဏ် (၈) လချမှတ်ခဲ့ပြီးနောက် လွှတ်မပေးဘဲပြန်လည် ဖမ်းဆီး ချုပ်နှောင်ထားပြီး နိုင်ငံတော် အလံဥပဒေပုဒ်မ (၆) ဖြင့် ဆက်လက် တရားစွဲထားသည်။

Narinjara
https://www.facebook.com/pg/Narinjara

လိင်စော်ကားမှု စွပ်စွဲချက် တရားရုံးချုပ်တရားသူကြီး ရွေးချယ်ခံ Kavanaugh ငြင်းဆန်


တရားရုံးချုပ် တရားသူကြီးအဖြစ် အမည်စာရင်းတင်သွင်းခံထားရသူ Brett Kavanaugh က သူ့အပေါ် Christine Blasey Ford က စွပ်စွဲထားတာတွေကို ပြတ်ပြတ်သားသား ငြင်းဆန်လိုက်ပါတယ်။ မစ္စတာ Kavanaugh နဲ့ မစ္စစ် Ford တို့နှစ်ဦးလုံး အထက် တန်းကျောင်းသားကျောင်းသူဘဝ ၁၉၈၂ ခုနှစ်တုန်းက အထက်တန်းကျောင်းသား ကျောင်းသူတွေချည်းပါတဲ့ ပါတီလို စုဝေးပွဲ တခုအတွင်း မစ္စတာ Kavanaugh က သူ့ကို လိင်ပိုင်းဆိုင်ရာ မတော်မတရားပြုမူခဲ့တယ်လို့ မစ္စစ် Ford က စွပ်စွဲထားတာပါ။

မစ္စတာ Kavanaugh ကို တရားရုံးချုပ် တရားသူကြီးအဖြစ် အတည်ပြုခန့်ထားနိုင်ရေး အထက်လွှတ်တော် တရားရေးကော်မတီက ကြားနာပွဲတွေလုပ်နေတာမှာ ကြာသပတေးနေ့ကတော့ စွပ်စွဲသူရော၊ စွပ်စွဲခံရသူရော နှစ်ဘက်လုံးရဲ့ ထွက်ဆိုချက်တွေကို ကော်မတီဝင် အထက်လွှတ်တော်အမတ်တွေ နားထောင်ကြသလို မေးခွန်းတွေ မေးမြန်းကြတာပါ။ အဲဒီကြားနာထွက်ဆိုပွဲဟာ ၉ နာရီနီးပါး ကြာမြင့်ပါတယ်။

ကြားနာပွဲ ပထမပိုင်းမှာ မစ္စစ် Ford က ထွက်ဆိုခဲ့သလို မေးခွန်းတွေကိုလည်း ဖြေဆိုတာမှာ သူ့ကို လိင်ပိုင်းဆိုင်ရာ မတော် မတရားလုပ်ဖို့ ကြံစည်သူတွေဟာ မစ္စတာ Kavanaugh နဲ့ သူ့ရဲ့သူငယ်ချင်း Mark Judge တို့ဖြစ်တယ်ဆိုတာ ရာနှုန်းပြည့် သေချာတယ်လို့ ပြောသွားပါတယ်။

၁၉၈၂ ခုနှစ်ကဖြစ်ခဲ့တာလို့ သူပြောထားတဲ့ အဲဒီ အဖြစ်အပျက်အတွင်း Kavanaugh က သူ့ကို “မတော်တဆ သတ်မိတော့မယ်” လို့ စိုးရိမ်ထိတ်လန့်ခဲ့ကြောင်း မစ္စစ် Ford က ပြောသွားပါတယ်။

ဗွီအိုအေ (မြန်မာပိုင်း)
https://burmese.voanews.com

ဒီမို ပြောင်းလဲရေး ထောက်ခံ၊ လူ့အခွင့်ရေးချိုးဖောက်မှု အရေးယူရန် မြန်မာကို အမေရိကန် ပြောကြား

အမေရိကန်နိုင်ငံခြားရေးဝန်ကြီး Mike Ponpeo ကို တွေ့ရစဉ် / Photo: ROD LAMKEY / GETTY IMAGES NORTH AMERICA / AFP
အမေရိကန်နိုင်ငံခြားရေးဝန်ကြီး Mike Ponpeo မိုက် ပွန်ပေးယိုက မြန်မာနိုင်ငံရဲ့ ဒီမိုကရေစီ ကူးပြောင်းရေး၊ အမျိုးသား ရင်ကြားစေ့ရေးနဲ့ ပြည်တွင်းငြိမ်းချမ်းရေး လုပ်ဆောင်မှုတွေကို အမေရိကန်ပြည်ထောင်စုက ဆက်လက်ပံ့ပိုးကူညီမှာဖြစ်ကြောင်း အလေးအနက်ပြောကြားရင်းနဲ့ တပြိုင်နက်မှာ မြန်မာအစိုးရအနေနဲ့ လူ့အခွင့်အရေးချိုးဖောက်မှုတွေကို တိကျခိုင်မာစွာ အရေးယူဖို့ တိုက်တွန်းပြောကြားလိုက်ပါတယ်။

နိုင်ငံတော် အတိုင်ပင်ခံရုံး ဝန်ကြီး ဦးကျော်တင့်ဆွေနဲ့ စက်တင်ဘာ ၂၇ ရက်နေ့က နယူးယောက်မြို့ အထွေထွေညီလာခံ တက်ရောက်စဉ်အတွင်း ညီလာခံပြင်ပ တွေ့ဆုံရာမှာ ဝန်ကြီး ပွန်ပေးယိုက အခုလို ပြောကြားခဲ့တာဖြစ်တယ်လို့ အမေရိကန် နိုင်ငံခြားရေးဝန်ကြီးဌာနရဲ့ သောကြာနေ့ မနေ့က ထုတ်ပြန်ချက်မှာ ဖော်ပြထားပါတယ်။

အဲဒီတွေ့ဆုံပွဲမှာ မြန်မာနိုင်ငံနဲ့ ပတ်သက်ပြီး အမေရိကန် အစိုးရနဲ့ ကုလသမဂ္ဂ အချက်အလက် ရှာဖွေရေးအဖွဲ့က ထုတ်ပြန်ခဲ့တဲ့ အစီရင်ခံစာတွေမှာ ဖော်ပြထားတဲ့ လူ့အခွင့်အရေးချိုးဖောက်မှုတွေကို မြန်မာအစိုးရအနေနဲ့ ခိုင်ခိုင်မာမာ စုံစမ်းစစ်ဆေးဖို့ပြောကြားခဲ့သလို လူ့အခွင့်အရေးချိုးဖောက်ခဲ့သူတွေနဲ့ တာဝန်ရှိသူတွေကို ဥပဒေနဲ့အညီ တာဝန်ခံမှုရှိစွာ အရေးယူအပြစ်ပေးဖို့လည်း ဝန်ကြီး မိုက် ပွန်ပေးယိုက တိုက်တွန်းခဲ့တယ်လို့ ဆိုပါတယ်။

ဒါ့အပြင် မြန်မာနိုင်ငံမှာ သတင်းလွတ်လပ်ခွင့်နဲ့ လွတ်လပ်စွာ ဆန္ဒသဘောထား ဖော်ထုတ်ခွင့်တွေကို အကာအကွယ်ပေးပြီး ပိုမိုအားကောင်းမောင်းသန်ဖြစ်လာအောင် ဆောင်ရွက်ဖို့နဲ့ ထောင်ဒဏ်ကျခံနေရတဲ့ ရိုက်တာ သတင်းထောက် ကိုဝလုံးနဲ့ ကိုကျော်စိုးဦးတို့ နှစ်ဦးကို မြန်မာအစိုးရအနေနဲ့ အမြန်ဆုံးလွှတ်ပေးဖို့လည်း နိုင်ငံခြားရေးဝန်ကြီး Mike Ponpeo မိုက် ပွန်ပေးယို က နိုင်ငံတော် အတိုင်ပင်ခံရုံး ဝန်ကြီး ဦးကျော်တင့်ဆွေနဲ့ တွေ့ဆုံရာမှာ တောင်းဆိုပြောကြားခဲ့တယ်လို့ အမေရိကန် နိုင်ငံခြားရေးဌာနရဲ့ စက်တင်ဘာ ၂၈ ရက်နေ့ ထုတ်ပြန်ချက်မှာ ဖော်ပြထားပါတယ်။

RFA Burmese
https://www.rfa.org

အားပြင်းတဲ့ ငလျင်ကြီး နောက်မှာ ဆူနာမီ က အင်ဒိုနီးရှား ပါလူမြို့ ကို သက်ရောက်ထိခိုက်

ဆူနာမီ ကြောင့် ပျက်ဆီးသွားတဲ့ ဗလီတခု
စက်တင်ဘာလ ၂၈ ရက်နေ့ ဒေသစံတော်ချိန် ညပိုင်းက အင်ဒိုနီးရှားနိုင်ငံမှာ ရစ်ခ်ျတာ စကေး ၇.၅ ပြင်းအားရှိတဲ့ ငလျင်ကြီး လှုပ်ခတ်သွားအပြီး အားကြီးတဲ့ ဆူနာမီရေလှိုင်း တွေ ဆူလာဝေဆီကျွန်း က ကမ်းရိုးတန်းမြို့တမြို့ဖြစ်တဲ့ ပါလူမြို့ ကို ထိခိုက်ခဲ့တယ် လို့ အစိုးရ အရာရှိတွေ က ပြောပါတယ်။

ဆူနာမီလှိုင်းတွေ က ၆ ပေခွဲကျော် မြင့်မားပြီး မြို့ကို ရေတွေ တိုက်ချ လွှမ်းသွားခဲ့ပါတယ်။

ဒါဟာ ဆူနာမီ သတိပေးချက် ကို အာဏာပိုင်တွေ က ရုပ်သိမ်းအပြီး သိပ်မကြာတဲ့အချိန်မှာ ဖြစ်ခဲ့တာပါ။
ယိုင်လဲပျက်စီးနေတဲ့ ကုန်တိုက်ကြီး
လူမှုကွန်ရက်တွေမှာ ပျံ့နှံ့နေတဲ့ ဗီဒီယိုတခုထဲမှာ လူတွေ ကြောက်လန့်တကြား အော်ဟစ်ပြေးလွှား နေတာ ကို တွေ့ရပြီး အဆောက်အအုံတွေ ထိခိုက်ပျက်စီးနေတာ တွေ့ရသလို ဗလီတခုလည်း ပျက်စီး သွားတာတွေ့ရပါတယ်။

လူ ၅ ယောက် သေဆုံးခဲ့ပြီလို့ အာဏာပိုင်တွေ က ပြောပေမယ့် ဆူနာမီ ကြောင့် သေဆုံးတာလား ဆိုတာတော့ ရှင်းရှင်းလင်းလင်း မသိရသေးပါဘူး။

ပြီးခဲ့တဲ့လ အတွင်း အင်ဒိုနီးရှား လွန်းဘောက်ကျွန်းမှာ ငလျင်တွေ ဆက်တိုက်ဖြစ်ခဲ့ပြီး လူ ရာပေါင်းများစွာ သေဆုံးခဲ့ရပါတယ်။ သြဂုတ်လ ၅ ရက်မှာ ဖြစ်ခဲ့တဲ့ ငလျင် က အထိခိုက်ဆုံးဖြစ်ပြီး လူအယောက် ၄၆၀ ကျော် သေဆုံးခဲ့တာပါ။

အမေရိကန် ဘူမိဆန်းစစ်လေ့လာရေးအဖွဲ့ က ငလျင်ဟာ ဆူလာဝေဆီ အလယ်ပိုင်းဘက် က မြေအောက် ၁၀ ကီလိုမီတာ အနက် မှာ ဖြစ်ခဲ့တာလို့ ဆိုပြီး ဒေသစံတော်ချိန် ညနေ ၆ နာရီ မတိုင်မီလေးတင် ဖြစ်ခဲ့တာလို့ ထုတ်ပြန်ပါတယ်။

ဆူနာမီ လာနိုင်တယ်လို့ ထုတ်ပြန်ကြေညာခဲ့ပေမယ့် တနာရီ အချိန် ကာလ အတွင်းမှာပဲ သတိပေးချက် ကို ရုပ်သိမ်းသွားပါတယ်။

ဗီဒီယို တခုထဲမှာ ငလျင် ဗဟိုချက်နဲ့ မိုင် ၅ဝ အဝေး က နေရာမှာ ဗလီ တခု စောင်းကျနေတာကို တွေ့ကြရသလို ဆူနာမီလှိုင်းတွေ ကလည်း အဆောက်အအုံ အများအပြား ကို တိုက်စားသွားတာ တွေ့ရပါတယ်။

အင်ဒိုနီးရှား မိုးလေဝသနဲ့ဇလဗေဒ ဌာန အကြီးအကဲ မစ္စက် ဒဝီကော်ရီတာ ကာနာဝါတီ က ဆူနာမီ က အင်အားလျော့ကျသွားပြီလို့ ဆိုပါတယ်။

 ထိခိုက်ခံရတဲ့ ပါလူမြို့ နေရာ
အခြေအနေကတော့ တကယ့် ကသောင်းကနင်းဖြစ်ခဲ့တာပါ၊ လူတွေလည်း လမ်းတွေပေါ်မှာ ပြေးကြရ၊ အဆောက်အအုံတွေလည်း ပြိုကျနဲ့ပါ၊ သင်္ဘောတွေလည်း ကမ်းတွေပေါ် လာတင်နေတယ် လို့ သူ က ပြောပါတယ်။

၂၀၀၄ ခုနှစ်က ဆူမတ္တရား ကျွန်းနားမှာ ဖြစ်ခဲ့တဲ့ ငလျင်ကြီးအပြီး ဆူနာမီ ဒဏ်ကြောင့် အင်ဒိုနီးရှား က လူ ၁ သိန်း ၂ သောင်း ကျော် အပါအဝင် အိန္ဒိယ သမုဒ္ဒရာ တဝိုက်က နိုင်ငံတွေ က လူပေါင်း ၂ သိန်း ၂ သောင်း ၆ ထောင် ကျော် သေဆုံးခဲ့ရပါတယ်။

အင်ဒိုနီးရှား ဟာ ငလျင်တွေ လှုပ်တတ်၊ မီးတောင်တွေ ပေါက်တတ်တဲ့ အဝန်းအဝိုင်းပေါ်မှာ တည်ရှိပြီး ငလျင် ခဏ ခဏ လှုပ်တဲ့ ဒဏ်ကို ခံရတဲ့ နိုင်ငံပါ။

ကမ္ဘာတဝန်းက ပင်လယ်ရေမျက်နှာပြင်အထက်မှာရှိတဲ့ မီးတောင်ရှင် တွေ ထဲ က တဝက်ကျော် ဟာ အဲဒီ အဝန်းအဝိုင်းမှာ ရှိနေပါတယ်။

ဆူလာဝေဆီ အလယ်ပိုင်း က အိမ်တွေ ငလျင်ဒဏ် ကြောင့် ပြိုလဲခဲ့ရ 

BBC Burmese
https://www.bbc.com

မြန်မာ စစ်တပ် က နိုင်ငံတကာ ဥပဒေတွေ ချိုးဖောက်ခဲ့တဲ့ အထောက်အထားတွေ စုဆောင်းတော့မယ်

 မြန်မာ့သမိုင်းတလျောက် အကျပ်အတည်းအဖြစ်ဆုံး အရေးကို ကုလသမဂ္ဂမှာ ခုခံချေပရဖို့ ရှိနေ
ကုလသမဂ္ဂ လူ့အခွင့်အရေး ကောင်စီ က သီးခြားလွတ်လပ်တဲ့ လုပ်ငန်းစဉ်တရပ် ထူထောင်ပြီး မြန်မာနိုင်ငံမှာ ဖြစ်ပျက်ခဲ့တဲ့ လူ့အခွင့်အရေး ချိုးဖောက်မှုတွေ နဲ့ ပတ်သက်တဲ့ သက်သေအထောက်အထားတွေ စုဆောင်းထားရှိဖို့ ဆုံးဖြတ် ခဲ့ ပါတယ်။

မြန်မာနိုင်ငံမှာ ဖြစ်ပျက်ခဲ့တဲ့ နိုင်ငံတကာဥပဒေတွေ ချိုးဖောက် ကျူးလွန်တဲ့ ပြစ်မှုတွေနဲ့ ပတ်သက်ပြီး သက်သေ အထောက်အထားတွေ စုဆောင်းကာ သိမ်းဆည်းထားဖို့ ရည်ရွယ်တဲ့ လုပ်ငန်းစဉ်ပါ။

အခုလို လုပ်ငန်းစဉ် လုပ်ဖို့ ကုလသမဂ္ဂ က ဆုံးဖြတ်တာကို လူ့အခွင့်အရေးဆိုင်ရာအဖွဲ့တွေနဲ့ အတူ နိုင်ငံတကာ ဥပဒေပညာရှင်များ ကော်မရှင် ICJ က ထောက်ခံကြိုဆိုခဲ့ပါတယ်။

ICJ ရဲ့ အဆင့်မြင့် ဥပဒေအကြံပေး မက်သရူး ပိုလတ် က ဒီလုပ်ငန်းစဉ်က မြန်မာနိုင်ငံမှာ ဖြစ်ပျက်ခဲ့တဲ့ နိုင်ငံတကာ ဥပဒေ ကို ချိုးဖောက် ကျူးလွန်တဲ့ ပြစ်မှုတွေရဲ့ သက်သေ အထောက်အထားတွေ စုဆောင်းဖို့၊ သိမ်းဆည်းဖို့ ရည်ရွယ် ထားတာပါ။ ဒီအထောက်အထားတွေကို နောင် နိုင်ငံတကာ ရာဇဝတ်ခုံရုံးတို့လို ဒါမှမဟုတ် နိုင်ငံတွေက တရားရုံးတွေမှာ တရားစွဲဆို ရုံးတင်စစ်ဆေးရာမှာ သုံးဖို့ ဖြစ်ပါတယ်။ ရာဇဝတ်မှုတခုကို စုံစမ်းစစ်ဆေးရာမှာ လုပ်တဲ့ လုပ်ငန်းစဉ် မျိုးပါပဲ။ သူတို့က တရားစွဲဆို ရုံးတင်တဲ့ အဖွဲ့တော့ မဟုတ်ပါဘူး။ သူတို့က နိုင်ငံတကာအဆင့်၊ ဒေသအဆင့်၊ နိုင်ငံအဆင့် တရားရုံးတွေက လိုအပ်ရင် အထောက်အထား ကူညီတာပဲ လုပ်မှာပါ။ ဒီလို လုပ်ငန်းစဉ် လုပ်တာက အချိန်ကြာ လာတာနဲ့ အမျှ အထောက်အထားတွေ ပျက်စီးသွားတာ၊ တမင်ဖျက်ဆီးတာမျိုးတွေ မဖြစ်ခင် အထောက်အထားတွေ ကို စုဆောင်းသိမ်းဆည်းတာလို့ ရှင်းပြပါတယ်။

ဒီလုပ်ငန်းစဉ်ဟာ လ နဲ့ချီ ကြာနိုင်တဲ့ လုပ်ငန်းစဉ်တခုဖြစ်ပေမယ့်လည်း နိုင်ငံတကာဥပဒေ ချိုးဖောက်သူတွေ ကို အရေးယူနိုင်ရေးအတွက် ကုလသမဂ္ဂ ရဲ့ ခြေလှမ်းဖြစ်ကြောင်း ICJ က ကောက်ချက်ချထားပါတယ်။

စက်တင်ဘာလ ၂၇ ရက်က ဂျီနီဗာ မှာ ပြုလုပ်ခဲ့တဲ့ ကုလသမဂ္ဂလူ့အခွင့်အရေး ကောင်စီ အစည်းအဝေးမှာ ဒီလုပ်ငန်းစဉ်ကို ဆောင်ရွက်ဖို့အတွက် အဖွဲ့ တခုဖွဲ့ဖို့ မဲခွဲ ခဲ့ကြပါတယ်။

လူ့အခွင့်အရေးကောင်စီ အဖွဲ့ဝင် တွေက ၄၇ နိုင်ငံ က ကိုယ်စားလှယ်တွေ ဖြစ်ပြီး ထောက်ခံမဲ ၃၅ မဲ၊ ကန့်ကွက်မဲ ၃ မဲ၊ ကြားနေမဲ ၇မဲ နဲ့ ဒီအဖွဲ့ကို ဖွဲ့မယ်လို့ ဆုံးဖြတ်ကြပါတယ်။

 မြန်မာဝန်ကြီး ကျော်တင့်ဆွေ နဲ့ အမေရိကန် နိုင်ငံခြားရေး ဝန်ကြီး တွေ့ဆုံ
ကန့်ကွက်တဲ့နိုင်ငံတွေကတော့ တရုတ်၊ ဖိလစ်ပိုင် နဲ့ ဘူရွန်ဒီ နိုင်ငံ တွေ ပါ။ ထောက်ခံမဲ ပေးခဲ့တဲ့ နိုင်ငံတွေရဲ့ အပြောအရ သူတို့နောက်ကွယ်မှာ နိုင်ငံပေါင်း ၁၀၀ ကျော်ရဲ့ ထောက်ခံမှုတွေ ရှိနေတယ်လို့ ဆိုပါတယ်။

ရခိုင်ပြည်နယ်မြောက်ပိုင်းက ရိုဟင်ဂျာတွေအပေါ် လုံခြုံရေးတပ်ဖွဲ့ဝင်တွေက လူမျိုးတုံးအောင် ဆောင်ရွက်မှု၊ လူအမြောက်အများကို ရက်စက်စွာ ရာဇဝတ်မှုကျူးလွန်မှု စတဲ့ လုပ်ဆောင်မှုတွေလုပ်ခဲ့ကြောင်း ကုလသမဂ္ဂ အချက်အလက် ရှာဖွေရေး အဖွဲ့ ရဲ့ အစီရင်ခံစာ ပြီးခဲ့တဲ့ လပိုင်းက ထွက်လာခဲ့ပြီး ဒီကျူးလွန်မှုတွေ အတွက် တာဝန်ရှိသူတွေ ဖြစ်တဲ့ မြန်မာစစ်တပ် အကြီးအကဲ ဗိုလ်ချုပ်မှူးကြီးမင်းအောင်လှိုင် နဲ့ တခြား စစ်ဗိုလ်ချုပ် ၅ ယောက် ကို အရေးယူဖို့ လိုတယ်လို့ ကုလသမဂ္ဂ ဘက်က ပြောဆိုနေတာပါ။

အဆိုပါ လုပ်ငန်းစဉ်နဲ့ အဖွဲ့ ဖွဲ့ဖို့ အဆိုမူကြမ်းကို ဥရောပ သမဂ္ဂအဖွဲ့ဝင်နိုင်ငံတွေ နဲ့ OIC လို့ခေါ်တဲ့ အစ္စလာမ် နိုင်ငံများ ပူးပေါင်းဆောင်ရွက်ရေးအဖွဲ့ က တင်ပြခဲ့ကြတာဖြစ်ပြီး မြန်မာနိုင်ငံ က ကုလသမဂ္ဂ လူ့အခွင့်အရေး ကောင်စီ ဆိုင်ရာ ကိုယ်စားလှယ် ကတော့ ဒီ ဆုံးဖြတ်ချက် ဖြစ်လာတာဟာ ကုလသမဂ္ဂ အချက်အလက် ရှာဖွေရေးအဖွဲ့ က တင်ပြတဲ့ အချက်အလက်တွေကို မူတည်လုပ်ဆောင်တာ ဖြစ်တယ်။

မြန်မာနိုင်ငံအနေနဲ့ ဒီအချက်အလက် တွေဟာ မမျှတဘဲ ဘက်လိုက်ရေးသား ထားတာ ဖြစ်တဲ့အတွက် ပြတ်ပြတ်သားသား ပယ်ချထားပြီး ဖြစ်တယ်လို့ ဆိုပါတယ်။

BBC Burmese
https://www.bbc.com

အင်ဒိုနီးရှားဆူလာဝေစီကျွန်းမှာ ၇.၅ ပြင်းအားရှိငလျင်လှုပ် တဦး သေဆုံးပြီး ၁၀ ဦးဒဏ်ရာရ

အင်ဒိုနီးရှားဆူလာဝေစီကျွန်းမှာ ငလျင်ကြောင့် ပျက်စီးသွားသော အိမ်တလုံး
အင်ဒိုနီးရှားနိုင်ငံ Sulawesi ကျွန်းမှာ ဒီကနေ့ အင်အားပြင်း ငလျင်တွေ လှုပ်ခတ်ခဲ့ရာက အနည်းဆုံး လူတဦး သေဆုံးပြီး၊ အိမ်တွေလည်း ပျက်စီးကုန်ပါတယ်။

အင်ဒိုနီးရှားနိုင်ငံ Sulawesi ကျွန်းမှာ ဒီကနေ့ အင်အားပြင်း ငလျင်တွေ လှုပ်ခတ်ခဲ့ရာက အနည်းဆုံး လူတဦး သေဆုံးပြီး၊ အိမ်တွေလည်း ပျက်စီးကုန်ပါတယ်။ ငလျင် ၂ ကြိမ် လှုပ်ခဲ့တဲ့အထဲမှာ အားအပြင်းဆုံးဖြစ်တဲ့ အင်အား ၇.၅ ရှိတဲ့ ငလျင်ကတော့ Sulawesi ကျွန်းပေါ်က Donggala မြို့ရဲ့ အရှေ့မြောက်ဘက် ၃၅ မိုင်လောက်အကွာ မြေအောက် ၆ မိုင်လောက် အနက်ကို ဗဟိုပြုလှုပ်ခဲ့ကြောင်း အမေရိကန် ဘူမိဗေဒတိုင်းတာရေးစခန်းက ပြောဆိုခဲ့တာပါ။

ငလျင်ကြောင့် အိမ်အများအပြား ပြိုကျခဲ့ကြောင်းလည်း ဒေသခံ ကပ်ဘေးအန္တရာယ် အကူအညီပေးရေးဌာန တာဝန်ရှိသူတဦးကို ကိုးကားပြီး AP သတင်းက ဖော်ပြပါတယ်။ အစောပိုင်းမှာ ငလျင်ဒဏ်ခံခဲ့ရတဲ့ ရွာ ၅ ရွာက အချက်အလက်တွေကို စုဆောင်းရာမှာ အခက်အခဲတွေ ကြုံနေချိန်မှာပဲ နောက်ထပ် ငလျင်ထပ်လှုပ်ခဲ့တာဖြစ်ပြီး၊ လူတွေ ထိတ်လန့်တကြား ထွက်ပြေးခဲ့ကြကြောင်းလည်း ပြောဆိုခဲ့တာပါ။ ငလျင်ကြောင့် ဆူနာမီသတိပေးချက် ထုတ်ပြန်ခဲ့ပေမဲ့၊ ပြန်လည်ရုပ်သိမ်းခဲ့ပြီးနောက်မှာပဲ ဆူနာမီရေလှိုင်းဒဏ်ခံခဲ့ရတဲ့အတွက် အိမ်တချို့ရေနောက် မျောပါသွားခဲ့ကြောင်းလည်း အင်ဒိုနီးရှား ကပ်ဘေးဒဏ်လျော့ပါးရေး အေဂျင်စီ ပြောခွင့်ရ Sutopo Purwo Nugroho ကပြောပါတယ်။ ကနဦးအစီရင်ခံစာတွေအရဒီနေ့ အစောပိုင်းမှာ လှုပ်ခတ်ခဲ့တဲ့ ပြင်းအား ၆.၁ ရှိတဲ့ ငလျင်ကြောင့် လူတဦး သေဆုံး၊ ၁၀ ဦးထက်မနည်း ဒဏ်ရာရပြီး ဒါဇင်နဲ့ချီတဲ့ အိမ်တွေလည်း ပျက်စီးခဲ့ပါတယ်။

ပစိဖိတ်သမုဒ္ဒရာထဲက မီးတောင်တွေနဲ့ ငလျင်ကြောတွေရှိရာဒေသမှာ တည်ရှိတဲ့ အင်ဒိုနီးရှားနိုင်ငံဟာ မကြာခဏ ငလျင်ဒဏ်ခံရလေ့ ရှိပါတယ်။ ၂၀၀၄ ခုနှစ် ဒီဇင်ဘာလမှာတုန်းက အင်ဒိုနီးရှားနိုင်ငံ အနောက်ပိုင်း ဆူမားထြားကျွန်း ကမ်းလွန်ကို ဗဟိုပြုပြီး လှုပ်ခတ်ခဲ့တဲ့ ပြင်းအား ၉.၁ ရှိတဲ့ ငလျင်ကြောင့် ဆူနာမီရေလှိုင်းကြီးတွေ ဖြစ်ပေါ်ခဲ့ပြီး ဒေသတွင်းနိုင်ငံပေါင်း တဒါဇင်လောက်မှာ လူပေါင်း ၂၃၀,၀၀၀ လောက် သေဆုံးခဲ့ရဖူးပါတယ်။

ဗွီအိုအေ (မြန်မာဌာန)
https://burmese.voanews.com

ကုလအထွေထွေညီလာခံတွင် ဝန်ကြီး ဦးကျော်တင့်ဆွေ မိန့်ခွန်းပြော

၇၃ ကြိမ်မြောက် ကုလသမဂ္ဂ အထွေထွေညီလာခံတွင် မိန့်ခွန်းပြောကြားနေသည့် ပြည်ထောင်စုဝန်ကြီး ဦးကျော်တင့်ဆွေ။ စက်တင်ဘာ ၂၈၊ ၂၀၁၈။

အမေရိကန်ပြည်ထောင်စု၊ နယူးယောက်မြို့ ကုလသမဂ္ဂဌာနချုပ်မှာ ကျင်းပနေတဲ့ ၇၃ ကြိမ်မြောက် ကုလသမဂ္ဂအထွေထွေ ညီလာခံမှာ စက်တင်ဘာလ ၂၈ ရက်၊ သောကြာနေ့က နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေတက်ရောက်ပြီး မိန့်ခွန်းပြောကြပါတယ်။

နိုင်ငံတကာအရေးကိစ္စတွေကို ဖြေရှင်းတာမှာ ကုလသမဂ္ဂရဲ့အခန်းကဏ္ဍ၊ မြန်မာနိုင်ငံရဲ့ ဒီမိုကရေစီအသွင်ကူးပြောင်းရေး၊ တိုင်းရင်းသားလက်နက်ကိုင် ပဋိပက္ခအဆုံးသတ်ရေးနဲ့ ငြိမ်းချမ်းရေးရဖို့ လုပ်ဆောင်နေတာတွေကို ဝန်ကြီး ဦးကျော်တင့်ဆွေက သူ့မိန့်ခွန်း ရှေ့ပိုင်းမှာ ပြောသွားပြီးတဲ့နောက် ကျန်တဲ့အချိန်အားလုံးမှာ ရခိုင်ပြည်နယ်အရေးကိစ္စကိုပဲ အကျယ်တဝံ့ပြောသွားပါ တယ်။

တိုင်းရင်းသား လက်နက်ကိုင်ပဋိပက္ခတွေကို နိုင်ငံရေးနည်းလမ်းနဲ့သာ အဆုံးသတ်နိုင်မယ်လို့ ခံယူထားတဲ့အကြောင်း ဝန်ကြီး ဦးကျော်တင့်ဆွေကပြောပါတယ်။

ရခိုင်ပြည်နယ်အကျပ်အတည်းကို ဖြေရှင်းတာမှာ အကြံပေးခဲ့တဲ့ ကွယ်လွန်သူ ကုလသမဂ္ဂအတွင်းရေးမှူးချုပ်ဟောင်း ကိုဖီ အာနန်ကို ချီးကျုး ဂုဏ်ပြုစကားပြောသွားသလို ကိုဖီ အာနန်ကော်မရှင်ရဲ့ အကြံပြုချက် ၈၈ ချက်အနက် ၈၁ ချက်ကို အကောင်အထည်ဖော်နေပြီ ဆိုတာကိုလည် ထည့်ပြောသွားပါတယ်။

ရခိုင်ပြည်နယ်ကနေ နေရပ်စွန့်ခွာသွားရသူတွေ၊ အထူးသဖြင့် အမျိုးသမီးတွေနဲ့ ကလေးသူငယ်တွေရဲ့ ဒုက္ခတွေအပေါ် လွန်စွာ စာနာထောက်ထားမိပါတယ်လို့ပြောပြီး နေရပ်စွန့်ခွာသွားသူအားလုံးကို ပြန်လည်လက်ခံနိုင်ဖို့အတွက် အစီအမံတွေ ဆောင်ရွက် ထားတဲ့အကြောင်း ပြောပါတယ်။

ဘင်္ဂလားဒေ့ရှ်-မြန်မာ နှစ်နိုင်ငံ သဘောတူညီချက်တွေအတိုင်း ကတိကဝတ်တွေကို လိုက်နာဖို့နဲ့ စိစစ်ပြီးသူတွေကို ဆန္ဒ အလျောက် လုံခြုံသိက္ခာရှိစွာ ပြန်လာနိုင်ရေးအတွက် အချိန်မဆွဲဘဲ ခွင့်ပြုပေးဖို့ ဘင်္ဂလားဒေ့ရ်ှနိုင်ငံကို တိုက်တွန်းသွားပါတယ်။

နေရပ်စွန့်ခွာသွားသူတချို့ ကိုယ့်သဘောဆန္ဒအလျောက် ကိုယ့်အစီအစဉ်နဲ့ကိုယ် ပြန်လာကြပြီးဖြစ်တယ်လို့ ဆိုပေမဲ့ နှစ်နိုင်ငံ သဘောတူညီချက်အရ ဘင်္ဂလားဒေ့ရ်ှကပြန်ပို့သူ တယောက်မှ မရှိသေးဘူးလို့လည်း ထည့်ပြောသွားပါတယ်။

လူ့အခွင့်အရေးကောင်စီ အစီရင်ခံစာနဲ့ ICC ရဲ့ ဆုံးဖြတ်ချက်တို့ ပတ်သက်လို့တော့ အရင်က ပြောထားဖူးတဲ့ ရပ်တည်ချက် သဘောထားတွေအတိုင်းပဲ လက်မခံနိုင်ဘူးဆိုတာ ဝန်ကြီးဦးကျော်တင့်ဆွေက ထပ်ပြောသွားပါတယ်။

အဆုံးမှာတော့ မြန်မာနိုင်ငံရင်ဆိုင်နေရတဲ့ အခက်အခဲအားလုံးကို ရင်ဆိုင်ဖြေရှင်းဖို့ စည်းလုံးညီညွတ်စွာ ရပ်တည်လျက်ရှိပါတယ် လို့ ဝန်ကြီးဦးကျော်တင့်ဆွေက ပြောသွားပါတယ်။

ဗွီအိုအေ (မြန်မာဌာန)
https://burmese.voanews.com

ရခိုင်ကိစ္စကြောင့် ခရီးသွားတွေ အလာနည်းသလား၊ ဟိုတယ်ခရီးဝန်ကြီးနဲ့ မေးမြန်းခန်း


မြန်မာနိုင်ငံမှာ အခုနှစ်ပိုင်းအတွင်း ကမ္ဘာလှည့် ခရီးသွားလုပ်ငန်း ကျဆင်းလာနေတယ်လို့ ပြောဆို နေပါတယ်။

ကမ္ဘာလှည့် ခရီးသွား ဝင်ရောက်တာ ဘယ်လောက် လျော့နည်းသွားပါသလဲ၊ ပြန်လည်မြှင့်တင်ဖို့ ဘာတွေဆောင်ရွက်ဖို့ လိုနေပါသလဲ။ ဒါတွေနဲ့ပတ်သက်လို့ ဟိုတယ်နဲ့ ခရီးသွားလာရေး ဝန်ကြီးဌာန ပြည်ထောင်စုဝန်ကြီး ဦးအုန်းမောင်ကို ဘီဘီစီ သတင်းထောက် ကိုအောင်သူရက သီးသန့်တွေ့ဆုံ မေးမြန်းထားပါတယ်။

မေး။ခရီးသွားလောကသားအချို့တွေ့ ပြောကြပါတယ်၊ဧည်သည်တွေ မလာလို့ဟိုတယ်တွေပိတ်ရတာ၊ နားရတာတို့ ဝန်ထမ်းလျော့ရတာတို့ ပြောကြပါတယ်ခင်ဗျ။

နိုင်ငံခြားသားကိုပဲ အားကိုးပြီးတော့မှ ဖွင့်ထားတဲ့ ဟိုတယ်တွေ ဆိုရင်တော့ ဧည်သည် ဝင်ရောက်မှု နည်းပါးနိုင်ပါတယ်။ ဒါပေမဲ့ ကျွန်တော်တို့ ဗမာပြည်မှာ လူလတ်တန်းစား ခရီးသွားဧည့်သည်တွေဟာလည်း အများကြီး ရှိနေပါတယ် ခင်ဗျ။ အဲတော့ ကျွန်တော့် အနေနဲ့ကတော့ ကျဆင်းသွားတယ်လို့ မမှတ်ယူပါဘူး။

ရခိုင်ပဋိပက္ခကြောင့် လူသိန်းချီ နိုင်ငံစွန့်ပြေးခဲ့ရ
မေး။ရခိုင်ပြည်နယ်မြောက်ပိုင်းမှာ ဖြစ်ပွားခဲ့တဲ့ ပြဿနာတွေကြောင့် နိုင်ငံခြားရင်းနှီးမြှုပ်နှံမှု လုပ်ငန်း တော်တော် ထိခိုက်တယ်ဆိုပြီးအစိုးရကိုယ်တိုင်ပြောထားတာရှိပါတယ်။ ခရီးသွားလုပ်ငန်းကိုထိခိုက်တယ်လို့လည်း ပြောကြတယ်။ ခရီးသွားလုပ်ငန်းနဲ့ရခိုင်ပြည်နယ်အရေးက ဘယ်လိုဆက်စပ်နေတယ်လို့ထင်လဲခင်ဗျ။

အနောက်တိုင်းနဲ့ ဥရောပသားတွေအတွက်တော့ မှန်ကောင်းမှန်မှာပေါ့နော်။ ဒါပေမဲ့ ကျွန်တော်တို့ အရှေ့ တိုင်းအနေနဲ့ ကြည့်ရင်တော့ အာရှနိုင်ငံသား ကမ္ဘာလှည့်ခရီးသွားတွေက ကျဆင်းသွားမှုမရှိပါဘူး ။ မြန်မာနိုင်ငံကို လာလည်တဲ့ ဧည့်သည်တွေထဲမှာ အာရှနိုင်ငံသားတွေက ၇၀ ရာခိုင်နှုန်းလောက် ရှိပါတယ်။ ဥရောပနိုင်ငံသားတွေ က ၃၀ ရာခိုင်နှုန်းလောက်ရှိပါတယ်။ ခရီးသွား ဧည့်သည်တွေရဲ့ ခရီးစဉ် လှည့်လည်တဲ့နေရာတွေ၊ ဥပမာ ပုဂံ၊ မန္တလေး၊ အင်းလေး ၊ ရန်ကုန် အစရှိတဲ့ မြို့ကြီးတွေဟာဆိုရင် ရခိုင်ပြည်နယ်က ပြဿနာ ဖြစ်တဲ့နေရာတွေနဲ့အဝေးကြီးပါပဲ။ အဝေးကြီးဆိုတော့ သက်ရောက်မှုမရှိပါဘူးခင်ဗျ။ ဧည့်သည်တွေက လာမြဲလာနေပါတယ်။

ဥရောပဈေးကွက်တွေကို သွားဖို့စီစဉ်
မေး။အချို့ဥရောပ ခရီးသွားကုမ္ပဏီတွေဆိုရင်သူတို့ရဲ့ ခရီးစဉ် တွေမှာ မြန်မာနိုင်ငံကိုထည့်မရောင်းတာတွေရှိလာတယ်ပေါ့။ ဒီပြဿနာကိုဘယ်လိုဖြေရှင်းဖို့ပြင်ဆင်ထား လဲခင်ဗျ။

ဥရောပဈေးကွက်ကို ပြန်လည်ပြီးတော့ ဦးမော့လာအောင် ကျွန်တော်တို့မှာ ဥရောပဈေးကွက်ကို ထိုးဖောက်မယ့် ကော်မတီတရပ် ဖွဲ့ထားတာရှိပါတယ်။ အဲဒီကော်မတီက ဥရောပဈေးကွက်တွေကို သွားဖို့အစီအစဉ်တွေ ရှိနေပါတယ်၊ လုပ်နေပါတယ်။ အဲဒီအတွက်ကြောင့်မို့ ကျွန်တော်တို့အတွက်က ဥရောပဈေးကွက်က နှစ်ကုန်မှာတော့ သိပ်ပြီးကွာခြားမှုရှိမယ်လို့ မထင်ပါဘူးခင်ဗျ။

မေး။မကြာခင်မှာ ပွင့်လင်းရာသီရောက်လို့ ခရီးသွားရာသီ စပါတော့မယ်၊ အဲဒီအချိန်မှာ ကမ္ဘာလှည့်ခရီးသွား ဝင်ရောက်မှု လျော့မသွားနိုင်ဘူးလို့ ဝန်ကြီးအနေနဲ့ပြောနိုင်လား။

ပြောနိုင်ပါတယ် မလျော့နိုင်ပါဘူး ခင်ဗျာ။ တရုတ်ခရီးသည်တွေ လာမယ်၊ ဂျပန် ခရီးသည်တွေလည်း တိုးလာမယ်၊ ကိုရီးယားကလည်း ဈေးကွက်စပြီးတော့ ဖောက်နေပါပြီ။

ဟိုတယ်လုပ်ငန်းရှင်ဘဝကနေ ဟိုတယ်ခရီးဝန်ကြီးဖြစ်သွားတဲ့ ဦးအုန်းမောင်
မေး။အာရှနိုင်ငံသားကမ္ဘာလှည့်ခရီးသွားတွေရဲ့အခန်းကဏ္ဍကကော သူတို့အလားအလာက ဆက်ကောင်းနိုင်လား ခင်ဗျ။

သူတို့အလားအလာက ဆက်ကောင်းမှာပါ။ ဆက်ကောင်းမှာကို ကျွန်တော်တို့က စိုးရိမ်နေရတယ်။ ဧည့်လမ်းညွန် မလောက်မှာတို့၊ ကား မလောက်မှာတို့၊ အိပ်ခန်း မလောက်မှာတို့ ကျွန်တော်တို့ စိုးရိမ်နေရပါတယ်။ အခုဆိုလို့ ရှိရင် တရုတ်ပြည်မကြီးက လာမယ့် ဧည့်သည်တွေဟာ တပတ်မှာ အနည်းဆုံး စီးလုံးငှား လေယာဉ် ၁၅ စီးလောက်နဲ့ဝင်ဖို့ အကြောင်းရှိပါတယ်ခင်ဗျ။ အဲဒါကြောင့်မို့ ခရီးသည်တွေထားဖို့နေရာ ၊ ခရီးသည်တွေစီးဖို့ကား၊ ခရီးသည်တွေစားဖို့ စားသောက်ဆိုင်တွေ၊ အဲဒါတွေကအစ ကျွန်တော်တို့ပြင်ဆင်ဖို့ အများကြီးလိုပါတယ်။ ထို့အတူပဲ တရုတ်စကားပြန်တွေ အများကြီး မွေးထုတ်ဖို့ လိုပါသေးတယ် ခင်ဗျာ။

မေး။အာရှသားတွေ မြန်မာပြည်ကိုလည်တဲ့အခါ တရုတ်လူမျိုးတွေ၊ ထိုင်းလူမျိုးတွေက သူတို့ဧည့်လမ်းညွန်တွေပဲ သူတို့သုံးကြတယ်။ သူတို့ကားတွေသူတို့စားသောက်ဆိုင်တွေပဲသုံးကြတယ်ပေါ့။ မြန်မာနိုင်ငံသားတွေအတွက် သိပ်အကျိုးမရှိဘူးလို့ဆိုပြီးပြောဆိုတာတွေရှိပါတယ်။ အဲဒါတွေနဲ့ပတ်သက်လို့ကောဝန်ကြီးအနေနဲ့ဘယ်လိုဖြေရှင်းဖို့စဉ်းစားထားသလဲ။

ဟုတ်ပါတယ်၊ တရုတ်နဲ့ ကိုရီးယားတွေ ပေါ့ဗျာ။ အထူးသဖြင့် တရုတ်နဲ့ ကိုရီးယားက ဒီကိစ္စမျိုး ဖြစ်တတ်ပါတယ်။ ဒါပေမဲ့လို့ ဧည့်လမ်းညွန်မပါပဲနဲ့ ခရီးစဉ်တခုကို မစီစဉ်ရဘူးဆိုတဲ့ ကျွန်တော်တို့ရဲ့ ပညတ်ချက်က ရှိတဲ့အတွက် အင်္ဂလိပ်စကားပြော ဧည့်လမ်းညွန်တွေကို ကားပေါ်မှာ ခေါ်ထိုင်ပြီးတော့မှ နေ့တွက်လုပ်အားခ ပေးပြီးတော့မှ သွားလာနေတာတွေ ရှိပါတယ်။ ဒါကလည်း ကျွန်တော်တို့ဘက်က အားနည်းချက်ပါ။ ဒီအားနည်းချက်ကို ဖြည့်ဆည်းဖို့အတွက် အရင်တုန်းက ကျွန်တော်တို့ရဲ့ သတ်မှတ်ချက်က ၁၀ တန်းအောင်မှ ၊ ဘွဲ့ရမှ ဧည့်လမ်းညွန်သင်တန်းကို တက်ခွင့်ပေးတာကိုး။ အဲဒါကိုကျွန်တော်တို့က ၁၀ တန်းမအောင်ရင်နေပါစေ၊ သင်တန်းတက်ခိုင်းပြီး လိုင်စင်ထုတ် ပေးပြီးတော့မှ လုပ်ငန်းကိုလုပ်စေမှာပါ။ အဲဒီနည်းနဲ့ဒီကိစ္စဟာ ကျော်လွှားနိုင်မှာဖြစ်ပါတယ်။

အာရှခရီးသွားတွေ အလာများတဲ့ ရွှေတိဂုံ
မေး။အင်းလေးဒေသမှာ ဦးသန်းရွှေရဲ့သား ဦးထွန်းနိုင်ရွှေနဲ့ဆက်စပ်တဲ့ မြန်မာနိုင်ဂရုကုမ္ပဏီက တပ်မတော်အစိုးရလက်ထက်က ဟိုတယ်ဆောက်ဖို့ဆိုပြီးတော့ မြေလွတ်မြေရိုင်းဧက ၉၀ ကို ရယူထားတယ်။ အစိုးရကလည်း ခွင့်ပြုထားတယ်။ အဲဒီကိစ္စကိုဒေသခံတွေက ကန့်ကွက်ထားပါတယ်။ တကယ်လို့အဲဒီကုမ္ပဏီက အင်းလေးဒေသမှာ ဟိုတယ်ဆောက်ဖို့တင်ပြလာရင် ဝန်ကြီးအနေနဲ့ဘယ်လို စဉ်းစားမှာလဲ။

အဲဒီကုမ္ပဏီက ကျွန်တော်တို့ဆီမှာ ဟိုတယ်ဆောက်ခွင့် တင်ပြထားခြင်းမရှိပါဘူး။ နောက်တချက်က ကျွန်တော်တို့ ဒီလ ၁၇ ရက်မှာ ဟိုတယ်နဲ့ ခရီးသွားလာရေး ဥပဒေအသစ် ထွက်ပါပြီ ခင်ဗျာ။ အဲဒီဥပဒေ အသစ်ထဲမှာ ခရီးသွား လုပ်ငန်းနဲ့ ဆိုင်တဲ့ လိုင်စင်အမျိုးမျိုး ဆောက်လုပ်မိန့်အမျိုးမျိုးတွေဟာ တိုင်းနဲ့ပြည်နယ်က အစိုးရတွေကပဲ ဆုံးဖြတ်မှာ ဖြစ်ပါတယ်။

BBC Burmese
https://www.bbc.com

ရိုက်တာသတင်းထောက်များ လွတ်မြောက်ရေး ဒေါ်အောင်ဆန်းစုကြည်ကို အမားလ်ကလွန်းနီမေတ္ထာရပ်ခံ

( photo: RFA)
ရိုက်တာသတင်းထောက် ကိုဝလုံးနဲ့ ကိုကျော်စိုးဦးတို့ နှစ်ယောက်ကို လွတ်ငြိမ်းချမ်းသာခွင့်နဲ့ လွှတ်ပေးဖို့ နာမည်ကျော် အမေရိကန် လူ့အခွင့်အရေး ရှေ့နေတစ်ဦးဖြစ်တဲ့ အမားလ်ကလွန်းနီက ဒီနေ့ မေတ္တာရပ်ခံလိုက်ပါတယ်။

ကုလသမဂ္ဂ အထွေထွေညီလာခံ ကျင်းပနေစဉ် ကာလအတွင်း နယူးယောက်မြို့ကို ရောက်ရှိနေတဲ့ ရှေ့နေ အမားလ်ကလွန်းနီက RFA လွတ်လပ်တဲ့အာရှအသံ မြန်မာပိုင်းအစီအစဉ်နဲ့ သီးသန့်တွေ့ဆုံမေးမြန်းခန်းမှာ အခုလိုပြောကြားတာပါ။

“ဒီသတင်းထောက်တွေကို တရားရုံးက ထောင်ဒဏ် ၇ နှစ်စီ ချမှတ်လိုက်ပြီးနောက် သူတို့ရဲ့ မိသားစုတွေက နိုင်ငံတော်သမ္မတ ဦးဝင်းမြင့်ထံ လွတ်ငြိမ်းချမ်းသာခွင့်ပေးဖို့ အသနားခံစာ တင်ပြထားပါတယ်၊ သမ္မတဦးဝင်းမြင့်ဟာ ဒေါ်အောင်ဆန်းစုကြည်နဲ့ တိုင်ပင်ပြီး သဘောတူညီချက်ရရင် သူတို့ကို လွှတ်ပေးနိုင်ပါတယ်

“ဒါကြောင့် မြန်မာအစိုးရက သူတို့တွေကို လွတ်ငြိမ်းချမ်းသာခွင့် ပေးလိမ့်မယ်လို့ ကျမတို့ မျှော်လင့်ပါတယ်” လို့ အမားလ်ကလွန်းနီက ပြောပါတယ်။ တဆက်တည်းမှာပဲ အဲဒီ သတင်းထောက်တွေဟာ ဘာအပြစ်မှ မရှိပါဘူးလို့လည်း သူကပြောပါတယ်။

တကယ်တော့ ဒီအမှုဟာ ရခိုင်ပြည်နယ်မှာ လူ ၁ဝ ဦး ကွပ်မျက်ခံရတဲ့သတင်းကို လိုက်လံစုံစမ်းနေတဲ့ သတင်းထောက်တွေကို နှုတ်ပိတ်သွားစေဖို့ ကြိုးစားတဲ့အမှုသာ ဖြစ်ပါတယ်လို့ သူမကပြောကြားရင်း... အင်းဒင်ရွာမှာ အဲဒီရွာသားတွေကို ကြိုးနဲ့ချည် ခေါ်ဆောင်သွားပြီး အစိုးရတပ်ဖွဲ့တွေက သတ်ဖြတ်ခဲ့တဲ့ အမှုဟာ အင်မတန်ထိတ်လန့်ဖွယ်ကောင်းတဲ့ လူ့အခွင့်အရေး ချိုးဖောက်မှုပါပဲလို့ မှတ်ချက်ချပါတယ်။

ဒါ့အပြင် အဲဒီလို လုံခြုံရေးတပ်ဖွဲ့တွေ သတ်ဖြတ်ခဲ့တာကို မြန်မာအာဏာပိုင်တွေအနေနဲ့ ငြင်းဆိုနိုင်ခြင်း မရှိပါဖူးလို့လည်း ထောက်ပြခဲ့ပါတယ်။

လူတွေကို အစုအပြုံလိုက် သတ်ဖြတ်မှုဟာ နိုင်ငံတော်လျှို့ဝှက်ချက် မဟုတ်သလို ဒီကိစ္စကိုဖော်ထုတ်တဲ့အတွက် သတင်းထောက်တယောက်ဟာ သူလျှိုတယောက် ဖြစ်မသွားဘူးဆိုတာကို ဒေါ်အောင်ဆန်းစုကြည် ကောင်းကောင်းသိပါတယ်လို့ သူက ပြောပါတယ်။ လက်ရှိအနေအထားမှာ ဒီသတင်းထောက် ၂ ဦး လွတ်မြောက်ရေးဟာ ဒေါ်အောင်ဆန်းစုကြည်အပေါ်မှာ မူတည်နေပါပြီလို့လည်း ဆိုပါတယ်။

“ဒေါ်အောင်ဆန်းစုကြည် နိုင်ငံ့ခေါင်းဆောင်အဖြစ် တာဝန် စတင်ထမ်းဆောင်ချိန်က နိုင်ငံရေးအကျဉ်းသားတွေကို လွှတ်ပေးရေးဟာ သူမရဲ့ ဦးစားပေးအစီအစဉ် ဖြစ်တယ်လို့ ပြောဖူးပါတယ်။ မြန်မာပြည်က နိုင်ငံရေးအကျဉ်းသားတွေရဲ့ ဘဝကို တခြားသူတွေထက် ဒေါ်အောင်ဆန်းစုကြည် ပိုပြီးသိပါတယ်၊ ဒါကြောင့် ကျမတို့ သူ့ကို မေတ္တာရပ်ခံနေတာ ဖြစ်ပါတယ်လို့လည်း ပြောပါတယ်။

လူ့အခွင့်အရေးရှေ့နေ အမားလ်ကလွန်းနီဟာ ကမ္ဘာကျော် ရုပ်ရှင်မင်းသား ဂျော့ကလွန်းနီရဲ့ဇနီး ဖြစ်ပါတယ်။ အမားလ် ကလွန်းနီနဲ့ RFA မြန်မာဌာန၊ ဌာနမှူး ဦးကျော်ကျော်အောင် နယူးယောက်မြို့မှာ သီးသန့်တွေ့ဆုံမေးမြန်းချက် အပြည့်အစုံကို တနင်္ဂနွေနေ့ မနက်ပိုင်း အစီအစဉ်မှာ တင်ဆက်မှာဖြစ်ပါတယ်။

RFA Burmese
https://www.facebook.com/pg/rfaburmese

ဒေါ်အောင်ဆန်းစုကြည်ဆီက နိုဗယ်ဆု ပြန်ရုပ်သိမ်းမည်မဟုတ်


နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို စစ်အစိုးရက နေအိမ်အကျယ်ချုပ်ချထားတဲ့ ၁၉၉၁ ခုနှစ်က နိုဘဲလ် ငြိမ်းချမ်းရေးဆု ချီးမြှင့်ဖို့ရွေးချယ်ခဲ့တဲ့ ဆုံးဖြတ်ချက်အပေါ် နိုဘဲလ်ဖောင်ဒေးရှင်းရဲ့ ဒါရိုက်တာက ရပ်တည်ပြောဆိုလိုက်ပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို စစ်အစိုးရက နေအိမ်အကျယ်ချုပ်ချထားတဲ့ ၁၉၉၁ ခုနှစ်က နိုဘဲလ် ငြိမ်းချမ်းရေးဆု ချီးမြှင့်ဖို့ရွေးချယ်ခဲ့တဲ့ ဆုံးဖြတ်ချက်အပေါ် နိုဘဲလ်ဖောင်ဒေးရှင်းရဲ့ ဒါရိုက်တာက ရပ်တည်ပြောဆိုလိုက်ပါတယ်။

“လူသားထုအတွက် သူလုပ်ဆောင်တဲ့ သိပ်ကိုကောင်းတဲ့ လုပ်ရပ်တွေအတွက် သူ့ကို ဆုချီးမြှင့်ခဲ့တာပါ။ အဲဒီနောက်ပိုင်း ဖြစ်ပျက်တာတွေကို ကျနော်တို့ အနီးကပ်စောင့်ကြည့်နေတာ မဟုတ်သလို သိပ်ကြီး ပြန်ပြီးသုံးသပ်တာမျိုးလည်း မရှိပါဘူး။ နိုဘဲလ်ဆုရှင်အားလုံးကို လိုက်ကြည့်နေဖို့က ကျနော်တို့အလုပ် မဟုတ်သလို ချီးမြှင့်ထားတဲ့ဆုတွေကို ပြန်ရုပ်သိမ်းတာလည်း မရှိပါဘူး။ ဒါက အဓိပ္ပါယ်ပြည့်ဝတဲ့ နည်းလမ်းနဲ့ လုပ်လို့ရနိုင်တဲ့ကိစ္စ မဟုတ်ပါဘူး။” လို့ နိုဘဲလ်ဖောင်ဒေးရှင်းရဲ့ ဒါရိုက်တာ Lars Heikensten က ရိုက်တာသတင်းဌာနနဲ့ တွေ့ဆုံမေးမြန်းခန်းအတွင်း ပြောသွားတာပါ။

ရခိုင်ပြည်နယ်မှာ ဖြစ်ပျက်ခဲ့တာတွေနဲ့ပတ်သက်ပြီး ဒေါ်အောင်ဆန်းစုကြည်က ဝေဖန်ပြောဆိုတာမျိုးမရှိတဲ့အပေါ် နိုင်ငံတကာက ဝေဖန်ပြောဆိုနေကြပြီး နှစ်ပေါင်းများစွာအတွင်း သူ့ကို အသိအမှတ်ပြု ချီးမြှင့်ခဲ့တဲ့ ဂုဏ်ထူးဆောင်ဆုတချို့ကို ပြန်ရုပ်သိမ်းတာ တွေလည်းရှိထားပါတယ်။

နိုဘဲလ်ငြိမ်းချမ်းရေးဆုကို ပြန်ရုပ်သိမ်းဖို့ တောင်းဆိုချက်တချို့ ရှိပေမဲ့လည်း ဆုချီးမြှင့်ရေးကော်မတီကတော့ ပြန်ရုပ်သိမ်းမှာ မဟုတ်ဘူးလို့ ပြောထားဖူးပါတယ်။

ဗွီအိုအေ (မြန်မာဌာန)
https://burmese.voanews.com

ဒေါ်လာလဲနှုန်းအနည်းငယ်ကျပေမဲ့ စက်သုံးဆီဈေးတက်ဆဲ

US dollar (Photo- the Global New Light of Myanmar)
ဒေါ်လာနဲ့မြန်မာကျပ်ငွေလဲလှယ်နှုန်းမှာ ဒေါ်လာတန်ဖိုးနည်းနည်းပြန်ကျလာတယ်ဆိုပေမယ့် စက်သုံးဆီ ဈေးနှုန်းတွေကတော့ ဆက်ပြီး တက်နေဆဲဖြစ်ပါတယ်။

ဒေါ်လာနဲ့မြန်မာကျပ်ငွေလဲလှယ်နှုန်းမှာ ဒေါ်လာတန်ဖိုးနည်းနည်းပြန်ကျလာတယ်ဆိုပေမယ့် စက်သုံးဆီ ဈေးနှုန်းတွေကတော့ ဆက်ပြီး တက်နေဆဲဖြစ်ပါတယ်။ ဈေးတက်နေပေမယ့် စက်သုံးဆီကိုအရှုံးခံပြီး ရောင်းချ နေရတာလို့ မြန်မာနိုင်ငံ စက်သုံးဆီတင်သွင်းဖြန့်ဖြူးရေးအသင်း တာဝန်ရှိသူကပြောလိုက်တဲ့အပေါ် ဒီလို ဈေးတက်နေတာဟာ စက်သုံးဆီဈေးကွက်မှာ လူနည်းစုကလွှမ်းမိုးချုပ်ကိုင် နေတာတွေလျှော့ချဖို့ လိုနေတယ်လို့ဆိုပါတယ်။ ဒီအကြောင်းဗွီအိုအေ မြန်မာပိုင်းသတင်းထောက် ကိုဇော်ထက် ပြောပြပေးထားပါတယ်။

ဒေါ်လာငွေကြေးကစားတဲ့သူတချို့ကို အရေးယူခဲ့ပြီးတဲ့နောက်ပိုင်း ဒေါ်လာဈေးက ၁၅၅၀ ဝန်းကျင်လောက် ပြန်ကျလာတယ်ဆိုပေမယ့် လောင်စာဆီဈေးကဆက်တက်နေလို့ လောင်စာဆီဈေးကစားတဲ့သူတွေကိုလည်း စစ်ဆေးမေးမြန်းတာတွေလုပ်သင့်တယ်ဆိုပြီး ဝေဖန်မှုတွေမြင့်တက်နေပါတယ်။

ပြည်တွင်းလောင်စာဆီဈေးနှုန်းမကျပေမယ့် ဆီတင်သွင်းဖြန့်ဖြူးရောင်းချတဲ့သူတွေအနေနဲ့ အတိုင်းအတာတခု အထိ အရင်းဈေးအောက်ကို လျှော့ချပြီးရောင်းနေရတဲ့အခါမျိုးလည်း ရှိနေတယ်လို့ မြန်မာနိုင်ငံ စက်သုံးဆီ တင်သွင်းဖြန့်ဖြူးရောင်းချရေးအသင်း အတွင်းရေးမှူး ဦးဝင်းမြင့်က ပြောပါတယ်။

“ကျနော်တို့သည် ဆီဈေးနှုန်းကိုတွက်ချက်တဲ့အခါမှာ လက်ရှိဖြစ်ပေါ်နေတဲ့ ဒေါ်လာငွေလဲနှုန်း လက်ရှိဖြစ် ပေါ်နေတဲ့ ဆီဈေးကိုပဲယူပါတယ်။ အရင်တုန်းကဝယ်ခဲ့တဲ့ ဈေးကြီးပါတယ်ဆိုတဲ့အကြောင်းတွေလည်း ထည့် မတွက်ပါဘူး။ လေးရက်နေ့ဈေး တခုကိုကြည့်မယ်ဆိုရင် လက်ကားဈေးမှာ ၁.၃၅% ကျနော်တို့ minus (အရှုံး) ဖြစ်နေတယ်။ ငွေဈေး ၁၅၄၅ ကျပ်ဖြစ်တဲ့အချိန်တောင်မှ ဒီတစ်ပတ်လုံး ကြည့်လိုက်မယ်ဆိုရင် အမြတ် ရာခိုင်နှုန်းထွက်တဲ့ရက်က အတော်လေးနည်းပါတယ်။ average ကြည့်မယ်ဆိုရင် -၀.၃၆ ပါ လက်ကားမှာ။ လက်လီမှာလည်း -၃.၆၅ မာဂျင်ဆိုပြီး ပထမအပတ်မှာဖြစ်ပေါ်ပါတယ်။ အဲဒီတော့ ပြောချင်တာကတော့ ကျနော်တို့က ဒီငွေဈေး ၁၅၃၀/ ၄၀ မှာကတည်းကိုက ကျနော်တို့ရောင်းတဲ့ဈေးတွေသည် အရင်းအရတဲ့ဈေး ဖြစ်တဲ့ရက်က အတော်လေးများနေတဲ့ အနေအထားလေးရှိတာတွေ့ရမှာဖြစ်ပါတယ်။”

ပြည်တွင်းမှာလောင်စာဆီဈေးကွက်က ပြည်တွင်းကုမ္ပဏီတွေကပဲဈေးကွက်ကို အဓိကကိုင်တွယ်ထားတာ ဖြစ်ပါတယ်။ စင်္ကာပူက အမှန်တကယ်ယူတဲ့တန်ဖိုးထက်ကြီးနေပြီး နိုင်ငံတကာ လောင်စာဆီကုမ္ပဏီတွေကို အပြိုင်အဆိုင် ခွင့်ပြုဖို့လိုတယ်လို့ အများစုကသုံးသပ်ပါတယ်။ အခုလိုစက်သုံးဆီဈေးတွေတက်နေတာကြောင့် ကုန်စည်ပို့ဆောင်ရေးနဲ့ ခရီးသွားလုပ်ငန်းကိုလည်း အထိုက်အလျှောက်ထိခိုက် မှုတွေရှိနေပါတယ်။ JJ Express ခရီးသွားလုပ်ငန်းကတာဝန်ရှိသူတစ်ဦးဖြစ်တဲ့ ဦးမြင့်ဦးက အခုလိုပြောပါတယ်။

“ဆီဈေးကပိုကုန်သွားတာပေါ့ အခုဆိုရင် တစ်ပီပါကို တစ်သိန်းခွဲလောက်ကုန်သွားပြီထင်တယ်။ ပိုများ သွားပြီပေါ့။ ဈေးတက်ဖို့ကျတော့လည်း ခက်နေတာပေါ့။ အကြောင်းအကြောင်းတွေ ထောက်နေတော့ပေါ့လေ။ နည်းနည်းတော့ အကျပ်အတည်းတော့ရှိနေတာပေါ့။ ဒါပေမယ့် အခုလောလောဆယ်က ကားတွေကလည်း မိုးတွင်းဘက်ဆိုတော့ လူနည်းနေတော့ သိပ်တော့မသိသာသေးဘူး။ ပွင့်လင်းရာသီမှာ ဈေးလေးနည်းနည်းကျဖို့ ပြန်မျှော်ရတာပေါ့။ မခံနိုင်တဲ့အခါကျတော့လည်း(ကားလက်မှတ်) တက်ရောင်းရတာပေါ့။”

သြဂုတ်လအစပိုင်းမှာ တဒေါ်လာကို မြန်မာကျပ် ၁၄၀၀ဝန်းကျင်ရှိခဲ့ပြီး 92 အောက်တိန်းတစ်လီတာကို ၉၀၀ ကျပ်ပါ။ အမေရိကန်နဲ့ တရုတ်ကုန်သွယ်ရေး မညီမျှမှုပြဿနာက ကမ္ဘာ့နိုင်ငံအများစုက ရိုက်ခတ်ခဲ့ပြီး စီးပွားရေး မတည်ငြိမ်သေးတဲ့ မြန်မာနိုင်ငံအနေနဲ့ပိုပြီး အထိနာခဲ့လို့ စက်တင်ဘာလ ၂၀ လောက်မှာ ဒေါ်လာ ဈေး က ၁၆၅၀ ကျပ်အထိ အမြင့်ဆုံးဖောင်းပွခဲ့ပါတယ်။ ဒေါ်လာနဲ့ဝယ်ယူရတဲ့ လောင်စာဆီဈေးနှုန်းလည်း လိုက်တက်ခဲ့ပြီး 92 အောက်တိန်းတစ်လီတာကို ကျပ် ၁၀၅၀ လောက်ထိတက်ခဲ့ပါတယ်။

ဒီနေ့ ရန်ကုန်လောင်စာဆီဈေးနှုန်းကတော့ 92 အောက်တိန်းတစ်လီတာကို ၁၀၃၅ ကျပ်၊ 95 အောက်တိန်းကို ၁၀၈၅ ကျပ်ရှိပြီး၊ ပရီမီယံဒီဇယ်က တလီတာကို ၁၀၇၅ ကျပ်ရှိပါတယ်။ ကျန်တဲ့ တိုင်းနဲ့ပြည်နယ်တွေမှာ ဒီထက်ပိုပြီးဈေးများပါတယ်။ ဒေါ်လာဈေးကတော့ ဒီနေ့အတွက် ဗဟိုဘဏ်သတ်မှတ်တဲ့နှုန်းကတော့ ၁၅၆၀ ကျပ်ဖြစ်ပြီး ပြင်ပပေါက်ဈေးမှာတော့ ကျပ် ၁၅၂၀ ဖြစ်ပါတယ်။

ဇော်ထက်/ ဗွီအိုအေ (မြန်မာပိုင်း)
https://burmese.voanews.com

ခရစ်ယာန် ကျောင်းသား ၄၀ ကျော် စစ်မှုထမ်းခိုင်းခြင်း ရှိ မရှိ UWSA စုံစမ်းနေဆဲ

UWSA "ဝ" တပ်ဖွဲ့ဝင်တချို့ကို တွေ့ရစဉ်/ Photo: Kan Thar/RFA
UWSA "ဝ" အထူးဒေသက ခရစ်ယာန် ဓမ္မဆရာ၊ ဆရာမ ၉၂ ဦးကို ဖမ်ဆီးထားပြီး ကျမ်းစာတက်နေတဲ့ ကျောင်းသား ၄၁ ဦးကို "ဝ" အာဏာပိုင်တွေက စစ်မှုထမ်းခိုင်းထားကြောင်း လားဟူနှစ်ခြင်း ခရစ်ယာန် အသင်းတော်ရဲ့ ကြေညာချက်ပါ ဖော်ပြချက်နဲ့ ပတ်သက်လို့ UWSA က စုံစမ်းနေဆဲပဲလို့ RFA ကို ဒီနေ့ ပြောပါတယ်။

UWSA ရဲ့ လာရှိုးမြို့ ပြည်သူ့ဆက်ဆံရေးတာဝန်ခံ ဦးညီရမ်းက အဲဒီကိစ္စကို စုံစမ်းနေဆဲဖြစ်တာကြောင့် အတည်မပြုနိုင်သေးကြောင်း ပြောပါတယ်။

ဒါ့အပြင် UWSA "ဝ"  စစ်တပ်မှာ ကလေးစစ်သားတွေ ရှိပါသလားလို့  RFA က မေးမြန်းရာမှာ မိဘမဲ့နဲ့  အခြေအနေ အမျိုးမျိုးကြောင့် ကျောင်းနေဖို့ ခက်ခဲတဲ့ ကလေးတွေကို နီးစပ်ရာ တပ်စခန်းနဲ့ ဌာနတချို့မှာ တရုတ်၊ ဝနဲ့ မြန်မာစာ၊ စစ်ပညာနဲ့ ပတ်သက်တဲ့ အသိပညာတွေကို အခမဲ့သင်ကြားပေးနေတာတွေရှိပြီး သူ့တို့ဟာ စစ်သားတွေတော့ မဟုတ်ကြပါဘူးလို့ ဦးညီရမ်းက RFA ကို ပြောပါတယ်။

ဝ ဒေသမှာ အမြဲတန်း နေထိုင်သူတွကို တစ်အိမ်မှာ တစ်ယောက်နှုန်းနဲ့ စစ်မှုထမ်းရမယ်ဆိုတဲ့ စည်းကမ်းချက် ပြဌာန်းထားတယ်လို့ သိရပါတယ်။

လွတ်လပ်စွာ ကိုးကွယ်ခွင့်နဲ့ ပတ်သက်ပြီး “၀”  ဒေသရဲ့ ဥပဒေမှာလည်း စည်းစနစ်ရှိတဲ့ ဘယ်လိုကိုးကွယ်မှုမျိုး ကိုမဆို လွတ်လပ်ခွင့်ပြုကြောင်း ပြဌာန်းထားတယ်လို့ ပြောပါတယ်။

ဒါ့အပြင် လားဟူနှစ်ခြင်း ခရစ်ယာန်အသင်းတော်ရဲ့ ကြေညာချက်မှာ မိုင်းပေါက် သာသနာနယ်အတွင်းက ခရစ်ယာန် ဘုရားရှိခိုးကျောင်း ၅၂ ကျောင်းကို ချိတ်ပိတ်ခဲ့တဲ့အပြင် ဘုရားကျောင်း ၃ ကျောင်းကိုလည်း ဖြိုချဖျက်ဆီးခဲ့ကြောင်းလည်း ပါဝင်ပါတယ်။ အဲဒီအချက်တွေဟာ ဝ ဒေသက ထွက်ပြေးလာသူတွေနဲ့ တွေ့ဆုံမေးမြန်းခဲ့တဲ့ အချက်တွေအရ ထုတ်ပြန်ထားတယ်လို့လည်း လားဟူနှစ်ခြင်း ခရစ်ယာန်အဖွဲ့ချုပ်က RFA ကို မနေ့က ပြောပါတယ်။

RFA Burmese
https://www.rfa.org/burmese

ကျေးရွာအုပ်ချုပ်ရေးမှူးရွေးချယ်ပွဲ မကျေနပ်တဲ့ ရွာသားတွေ ဆန္ဒပြ

မကွေးမြို့နယ် ထုံးပေါက်တော (ဒဘောက်တော) မှာ ကျေးရွာအုပ်ချုပ်ရေးမှူး ရွေးချယ်ရာ မကျေနပ်တဲ့အတွက် ၂ဝ၁၈ ခုနှစ် စက်တင်ဘာလ ၂၈ ရက်နေ့က ဆန္ဒပြကြစဉ် / ဓာတ်ပုံ - ဇော်တူး
ကျေးရွာအုပ်ချုပ်ရေးမှူး ရွေးချယ်ရာမှာ ကျေးရွာလူထုရဲ့ ဆန္ဒမဲနဲ့ မဟုတ်ဘဲ ကံစမ်းမဲလိပ်နှိုက်သလို မဲပေါက်တဲ့သူကို ရွေးချယ်ခဲ့တဲ့အတွက် မကျေနပ်တဲ့ ဒေသခံတွေက ဒီနေ့ မနက်ပိုင်းက မကွေးမြို့ ကန်သာအေးစေတီဘုရားအနီး ကနေ မြို့တော်ခန်းမအထိ ချီတက်ဆန္ဒပြခဲ့ပါတယ်။

ကျေးရွာလူထုရဲ့ ဆန္ဒမဲမပါတဲ့အတွက် အခုလို ဆန္ဒပြကြရတာလို့ ဆန္ဒပြမှာပါဝင်တဲ့ ထုံးပေါက်တောရွာသူတစ်ဦးက ပြောပါတယ်။

ပြီးခဲ့တဲ့ ၂၀၁၇ ခုနှစ်က  ဒီဇင်ဘာလက မကွေးမြို့နယ် ထုံးပေါက်တော (ဒဘောက်တော) ကျေးရွာအုပ်စု ရပ်ကျေးအုပ်ချုပ်ရေးမှူးတွေကို ပြန်လည်ရွေးချယ်ပေးခဲ့ရာမှာ အခုလို အငြင်းပွားမှုတွေနဲ့ဖြစ်ပွားခဲ့တာလို့ သိရပါတယ်။

ဆန္ဒပြသူတွေက  မြို့နယ်အုပ်ချုပ်ရေးမှူးနဲ့ မဲလိပ်နှိုက်ရာမှာ ပါဝင်ကူညီခဲ့တဲ့ လွှတ်တော်ကိုယ်စားလှယ်ကို အလိုမရှိကြောင်းနဲ့ ကျေးရွာက မဲဆန္ဒပေးရွေးခဲ့တဲ့သူကို ပြန်လည်ခန့်ထားပေးဖို့ တောင်းဆိုခဲ့ပါတယ်။

ဒီနေ့ ဆန္ဒပြပွဲနဲ့ ပတ်သက်လို့  မကွေးမြို့နယ် အထွေထွေအုပ်ချုပ်ရေးမှူးကို RFA ကသွားရောက် မေးမြန်းတဲ့အခါ ရှင်းပြခဲ့ပါတယ်။

အဲဒီကျေးရွာမှာ အကြိမ်ကြိမ် ရွေးချယ်ပွဲလုပ်ပေးခဲ့ပေမယ့်လည်း မပြီးပြတ်နိုင်တဲ့အတွက် အရွေးချယ်ခံထားရ သူတွေရော ကြီးကြပ်ရေးမှူးတွေ အပါဝင် အများသဘောဆန္ဒနဲ့ ကံစမ်းမဲနှိုက်ရွေးချယ်ပေးခဲ့တာလို့ ပြောပါတယ်။

ဒီလိုဖြစ်ရပ်မျိုးတွေ မဖြစ်ရအောင် နောင်တစ်ချိန်မှာ ရပ်ကျေးအုပ်ချုပ်ရေးမှူး ရွေးချယ်ရေးဥပဒေမှာ ကြီးကြပ်ရေးမှူးတွေအတွက် စည်းကမ်းသတ်မှတ်ချက်တွေ ထည့်သွင်းပြီးဥပဒေနဲ့အညီ ဆောင်ရွက်နိုင်ဖို့ ရေးဆွဲသွားစေလိုတယ်လို့ မြို့နယ်အုပ်ချုပ်ရေးမှူးက ပြောကြားပါတယ်။

RFA Burmese
https://www.rfa.org/burmese
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ