ရိုဆာရီယို မယ်နာလို ဘယ်လို ပုဂ္ဂိုလ်လဲ

၂၀၁၇ခုနှစ် မနီလာမြို့ ဆွေးနွေးပွဲ တခုမှာ မယ်နာလိုကို ဘီဘီစီ အကြီးတန်း သတင်းထောက် စောရန်နိုင်နဲ့အတူ တွေ့ရစဉ်
ရခိုင်ပြည်နယ်မှာ အာဆာ လက်နက်ကိုင်အဖွဲ့ရဲ့ အကြမ်းဖက် တိုက်ခိုက်မှု ဖြစ်ပွားခဲ့ပြီးတဲ့နောက် လူ့အခွင့်အရေး ချိုးဖေါက်မှုတွေ ရှိခဲ့တယ် ဆိုတဲ့ စွပ်စွဲချက်တွေကို စုံစမ်းဖေါ်ထုတ်ဖို့ လွတ်လပ်တဲ့ စုံစမ်း စစ်ဆေးရေး ကော်မရှင်ကို မြန်မာအစိုးရက ဖွဲ့စည်းလိုက်ပါတယ်။

ဒီကော်မရှင်ကို ဥက္ကဋ္ဌ အဖြစ် တာဝန်ယူ ဦးဆောင်မယ့်သူက ဖိလစ်ပိုင် သံအမတ်ဟောင်း ရိုဆာရီယို မယ်နာလို ဖြစ်ပါတယ်။

မယ်နာလိုဟာ မြန်မာအစိုးရ ဝန်ကြီးတချို့နဲ့ ရင်းနှီးသူ ဖြစ်သလို အရှေ့တောင် အာရှ နိုင်ငံတွေရဲ့ နိုင်ငံရေး အကြောင်း အတော်လေး ကျွမ်းဝင်သူ ဖြစ်တယ်လို့ ၂၀၁၇ခုနှစ် မနီလာမြို့ ဆွေးနွေးပွဲ တခုမှာ သူနဲ့ တွေ့ဆုံ စကားပြောဖူးသူ ဘီဘီစီ အကြီးတန်း သတင်းထောက် စောရန်နိုင်က ပြောပါတယ်။

မယ်နာလို ဟာ သံတမန်ရေးမှာလည်း ကျွမ်းကျင်သူ တစ်ယောက် ဖြစ်ပြီး ဖိလိပိုင်နိုင်ငံရဲ့ ဒုတိယ နိုင်ငံခြားရေး ဝန်ကြီးအဖြစ် တာဝန် ထမ်းဆောင်ခဲ့ ဖူးပါတယ်။

သူကိုယ်တိုင်လည်း အမျိုးသမီးရေး တက်ကြွ လှုပ်ရှားသူ တစ်ယောက် ဖြစ်ပြီး ကုလသမဂ္ဂလက်အောက်က CEDAW လို့ခေါ်တဲ့ အမျိုးသမီးတွေ အပေါ် ခွဲခြား ဆက်ဆံမှု ပပျောက်ရေး ကော်မတီရဲ့ ဥက္ကဋ္ဌအဖြစ်လည်း တာဝန် ထမ်းဆောင်ခဲ့ဖူးပါတယ်။

မယ်နာလိုဟာ အာဆီယံ ခေါင်းဆောင် တချို့နဲ့ ရင်းနှီးပြီး အာဆီယံရဲ့ ပေါ်လစီ တခုဖြစ်တဲ့ ပြည်တွင်းရေး ဝင်မစွက်ရေးဟာ အလုပ်မဖြစ်ဘူး ဆိုတာကို ပွင့်ပွင့်လင်းလင်း ဝေဖန် ထောက်ပြခဲ့သူ ဖြစ်တယ်လို့ ဆိုပါတယ်။

၂၀၀၈ ခုနှစ်တုန်းက မြန်မာနိုင်ငံမှာ နာဂစ် မုန်တိုင်းဒဏ် ခံရတုန်းက ပြည်ပ ကယ်ဆယ်ရေး အကူအညီမယူပဲ ငြင်းဆိုခဲ့တဲ့ မြန်မာအစိုးရကို မစ်စ် မယ်နာလိုက ကိုယ်တိုင် ဝင်ညှိနှိုင်းခဲ့ဖူးတယ်လို့ သိရပါတယ်။

မယ်နာလိုဟာ နိုင်ငံတကာ အသိုင်းအဝိုင်းမှာ ပေါက်ရောက်တဲ့ အပြင် အရှေ့တောင် အာရှနိုင်ငံက လူဖြစ်တာရယ်၊ မြန်မာအရေးနဲ့လည်း ရင်းနှီးမှု ရှိတာကြောင့် ဒီတာဝန်က သူနဲ့ သင့်တော်လို့ ခန့်အပ်လိုက်တာ ဖြစ်နိုင်ပါတယ်။

ဒါပေမယ့်လည်း ရခိုင်ဒေသမှာ အကြမ်းဖက်မှုတွေ ဖြစ်ပွားအပြီး လူ့အခွင့်အရေး ချိုးဖောက်မှုတွေ ကျူးလွန်ခဲ့တယ် ဆိုတဲ့ စွပ်စွဲချက်တွေကို စုံစမ်းစစ်ဆေးရာမှာ တပ်မတော်ရဲ့ ပူးပေါင်း ပါဝင်မှု မရှိရင်တော့ ကော်မရှင်အနေနဲ့ အခက်အခဲတွေနဲ့ ရင်ဆိုင်ရဖို့ ရှိတယ်လို့ အကဲခတ်တွေက သုံးသပ်နေကြပါတယ်။

BBC Burmese
https://www.bbc.com/burmese

ဖားကန့်ကမ်းပါးပြိုလို့ပျောက်ဆုံးသူ ၂၃ ဦး ရုပ်အလောင်းတွေ့ရှိ

ဖားကန့် မြေစာပုံပြိုကျတဲ့မြင်ကွင်း။ (ဇူလိုင် ၁၄၊ ၂၀၁၈၊ ဓာတ်ပုံ- ဇော်မိုးထက်)
ကချင်ပြည်နယ်က ကျောက်စိမ်းတူးဖော်ရေး လုပ်ငန်းမှာ မကြာသေးခင်တုန်းက ကမ်းပါးပြိုကျရာမှာ သေဆုံးသွားသူတွေထဲက အခုနောက်ဆုံး ရှာဖွေတွေ့ရှိထားတဲ့ အလောင်း ၂၃ လောင်းအထိ ရှိသွားပါပြီ။ မိုးသည်းထန်စွာ ရွာသွန်းမှုတွေကြောင့် ရှာဖွေရေး လုပ်ငန်းတွေ ရပ်ဆိုင်းထားခဲ့ရပြီးနောက် ပြန်လည်စတင်ခဲ့ရာမှာ ထပ်မံတွေ့ရှိတဲ့ အလောင်းတွေနဲ့ဆိုရင် စုစုပေါင်း ၂၃ လောင်းအထိ ရှိသွားပြီဖြစ်ကြောင်း ဒေသခံအာဏာပိုင်တဦးကို ကိုးကားပြီး AFP သတင်းက ဖော်ပြခဲ့တာပါ။

ဖားကန့်မြို့နယ်၊ ဆိပ်မူကျေးရွာအုပ်စုက ကျောက်စိမ်းနန်းတော် ကုမ္ပဏီပိုင် လုပ်ကွက်ဟောင်းတခုမှာ ပြီးခဲ့တဲ့သီတင်းပတ် အင်္ဂါနေ့တုန်းက မြေပြိုကျခဲ့ရာ ရေမဆေးကျောက်ရှာသူ အများအပြား သေဆုံးပျောက်ဆုံးခဲ့တာ ဖြစ်ပါတယ်။ နောက်ထပ်ပျောက်ဆုံးနေတဲ့ လူတွေကို ဆက်လက် ရှာဖွေနေဆဲ ဖြစ်ပေမဲ့လည်း မိုးတွင်းကာလ ရာသီဥတုဆိုးရွားမှုတွေကြောင့် အခက်အခဲတွေနဲ့လည်း ကြုံနေရတာပါ။

ကချင်ပြည်နယ်က ကျောက်စိမ်းထွက်ရာ ဒေသဟာ မကြာခဏ မြေပြိုကျ မတော်တဆမှုတွေ ကြုံရလေ့ရှိပြီး၊ အထူးသဖြင့် ဒီနှစ်မိုးတွင်းကာလမှာတော့ ရေကြီးရေလျှံမှုတွေနဲ့ မြေပြိုမှုတွေနဲ့လည်း ဆက်တိုက်ဆိုသလို ကြုံနေရပါတယ်။ ကချင်ပြည်နယ်က ကျောက်စိမ်းတူးဖော်ရာ ဒေသမှာ ဒီနှစ်ဟာ အဆိုးရွားဆုံး နှစ်တနှစ်အဖြစ် မတော်တဆ မြေပြိုကျမှုတွေကြောင့် သေဆုံးသူပေါင်းဟာ ဇူလိုင်လနှောင်းပိုင်းမှာ ၁၂၀ာကျော်အထိ ရှိနေပြီလို့လည်း ဒေသခံတွေက ပြောဆိုထားကြတာပါ။

မတော်တဆမှုတွေ ဆိုးဆိုးရွားရွား ကြုံနေရတဲ့အတွက် ဒေသတွင်းက ကျောက်မျက်တူးဖော်ရေး လုပ်ငန်းတွေကို စနစ်တကျ ထိန်းချုပ်ဖို့နဲ့ ပြည်ထောင်စုအစိုးရက ကျောက်မျက်ဥပဒေတရပ်ကိုလည်း အမြန်ဆုံး ရေးဆွဲပြဌာန်းဖို့လည်း ဒေသခံ တက်ကြွလှုပ်ရှားသူတွေနဲ့ နိုင်ငံရေးခေါင်းဆောင်တွေက တောင်းဆိုထားကြပါတယ်။

ဗွီအိုအေ (မြန်မာပိုင်း)
https://burmese.voanews.com
 

ပထွေးနှင့် မယားပါသား စကားများရန်ဖြစ်ရာက ဓားထိုးမှုဖြစ်ပွား၍ သေဆုံးမှုဖြစ်ပွား


စစ်ကိုင်းတိုင်းဒေသကြီး၊ ဟုမ္မလင်း မြို့နယ်၊ နမ့်တောကျေးရွာ၌ ဇူလိုင်လ ၃၀ ရက်နေ့ က ပထွေးနှင့် မယားပါသား စကားများရန်ဖြစ်ရာက ဓားထိုးမှုဖြစ်ပွား၍ သေဆုံးမှုဖြစ်ပွားခဲ့ကြောင်း သိရပါသည်။

ဖြစ်စဉ်မှာ၂၀၁၈ ခုနှစ်၊ ဇူလိုင်လ ၃၀ ရက်နေ့ နံနက် ၁ နာရီအချိန် စစ်ကိုင်းတိုင်းဒေသကြီး၊ ဟုမ္မလင်း မြို့နယ်၊ နမ့်တောကျေးရွာနေ မနှင်းနှင်းဖြူ(၁၉)နှစ်သည် နေအိမ်၌ အိပ်ပျော်နေစဉ် အစ်ကိုဖြစ်သူ နေမျိုးထွန်း(၂၂)နှစ်နှင့် ပထွေးဖြစ်သူ ညီညီ(၃၇)နှစ်တို့ နေအိမ်အောက်ထပ်တွင် စကားများရန်ဖြစ် သံကြားခဲ့ပြီး ပထွေးဖြစ်သူ ညီညီ မှ နေအိမ်အပေါ်ထပ်သို့ တက်သွားခဲ့ကြောင်း၊ ထို့နောက် ၁၀ မိနစ်ခန့်အကြာ ပထွေးဖြစ်သူ ညီညီမှ နေမျိုးထွန်း လာအုံးဟု ခေါ်ခဲ့ပြီး ထပ်မံစကားများရန်ဖြစ်သံ နှင့် လဲကျဆူညံသံများကြားခဲ့ကြောင်း၊ မနှင်းနှင်းဖြူ မှ ၎င်းတို့(၂)ဦးသည် မကြာခဏ စကားများရန်ဖြစ် နေသဖြင့် နေအိမ်အပေါ်ထပ်သို့ တက်ရောက်ကြည့်ရှုခြင်းမရှိဘဲ လှေကားမှ ပြုတ်ကျသံကြား၍ ထွက် ကြည့်ခဲ့ရာ လှေကားရင်းတွင် အစ်ကိုဖြစ်သူ နေမျိုးထွန်း အား ဓားထိုးဒဏ်ရာ(၁)ချက်ရရှိကာ လဲကျ သေဆုံးနေသည်ကို တွေ့ရှိရသည်။

 အစ်ကိုဖြစ်သူအား သေဆုံးအောင်ဓားဖြင့် ထိုးခဲ့သူအား အရေး ယူပေးရန်တိုင်တန်းချက်အရ ညီညီ အား မိုင်းကိုင်းနယ်မြေရဲစခန်း (ပ)၃၈/၂၀၁၈၊ ရာဇသတ်ကြီး ပုဒ်မ ၃၀၂ ဖြင့် အရေးယူထားကြောင်း မြန်မာနိုင်ငံရဲတပ်ဖွဲ့ ၏ သတင်းထုတ်ပြန်ချက်အရ သိရပါသည်။

သစ်ထူးလွင်

အရက်သောက်စားမူးယစ်၍ ပြဿနာအမြဲရှာနေသည့်ခင်ပွန်းအား ဇနီးဖြစ်သူမှ ဓားဖြင့် ထိုးသတ်မှုဖြစ်ပွား


ရန်ကုန်တိုင်းဒေသကြီး၊ ရွှေပြည်သာ မြို့နယ်၊ (ဏ/၁၄)ရပ်ကွက်ရှိ နေအိမ်တစ်အိမ်၌ ဇူလိုင်လ ၃၀ ရက်နေ့ က အရက်သောက်စားမူးယစ်၍ ပြဿနာအမြဲရှာနေသည့်ခင်ပွန်းအား ဇနီးဖြစ်သူမှ ဓားဖြင့် ထိုးသတ်မှုဖြစ်ပွားခဲ့ကြောင်း မြန်မာနိုင်ငံရဲတပ်ဖွဲ့ မှ ယနေ့ သတင်းထုတ်ပြန်ပါသည်။

ဖြစ်စဉ်မှာ ၂၀၁၈ ခုနှစ်၊ ဇူလိုင်လ ၃၀ ရက်နေ့ ၂၄၀၀ နာရီအချိန် ရန်ကုန်တိုင်းဒေသကြီး၊ ရွှေပြည်သာ မြို့နယ်၊ လှော်ကားနယ်မြေရဲစခန်းမှတပ်ဖွဲ့ဝင်များသည် (ဏ/၁၄)ရပ်ကွက်ရှိ နေအိမ်၌ လူတစ်ဦး သေဆုံးနေကြောင်း သတင်းအရ သက်သေများနှင့်အတူ သွားရောက်စစ်ဆေးခဲ့ပါသည်။

 သေဆုံးသူမှာ အဆိုပါနေအိမ်တွင် နေထိုင်သူ ဇေယျာလင်း(၃၂)နှစ်ဖြစ်ပြီး ၎င်း၏ဇနီးဖြစ်သူ ဒေါ်စိမ့်စိမ့်အေး(၄၇) နှစ်၏ ပြောပြချက်အရ ဒေါ်စိမ့်စိမ့်အေးသည် နေအိမ်အိပ်ခန်းအတွင်း တစ်ဦးတည်း အိပ်နေစဉ် အိမ်ရှေ့တံခါးဖွင့်သံကြားရပြီး ခင်ပွန်းဖြစ်သူ ဇေယျာလင်းမှာ ညစဉ်အရက်မူး ပြန်လာပြီး ပြဿနာ ရှာလေ့ရှိသဖြင့် အိပ်ရာမှ ထမကြည့်ဘဲ ဆက်အိပ်နေစဉ် “ဝုန်း”ဟုအသံကြား၍ ထကြည့်ရာ ခင်ပွန်း ဖြစ်သူမှာ ယာဘက်ရင်အုံထိုးသွင်းဒဏ်ရာတစ်ချက် ရရှိ၍ လဲကျသေဆုံးနေသည်ကို တွေ့ရှိရကြောင်း ပြောပြသိရှိရသဖြင့် အရေးယူပေးရန်တိုင်တန်းချက်အရ လှော်ကားနယ်မြေရဲစခန်း(ပ)၄၅၈/၂၀၁၈၊ ရာဇသတ်ကြီးပုဒ်မ ၃၀၂ ဖြင့် အမှုဖွင့်စုံစမ်းခဲ့သည်။

 ရဲတပ်ဖွဲ့ဝင်များသည် သေဆုံးသူ၏ ဇနီးဖြစ်သူ ဒေါ်စိမ့်စိမ့်အေး အား မသင်္ကာသဖြင့် အသေးစိတ်ထပ်မံစစ်ဆေးခဲ့ရာ ခင်ပွန်းဖြစ်သူ ဇေယျာလင်းမှာ အရက်အလွန် အကျွံသောက်စားပြီး အမြဲရန်ရှာလေ့ရှိကြောင်း၊ အခင်းဖြစ်နေ့ ည ၁၁ နာရီအချိန် အရက်မူး၍ နေအိမ်သို့ ပြန်လည် ရောက်ရှိစဉ် ထမင်းစားလိုကြောင်း ပြောဆိုသဖြင့် ၎င်းမှ ထမင်း စားရန်စီစဉ် ပေးခဲ့ပြီး အိပ်ရာဝင်ခဲ့ကြောင်း၊ ခဏအကြာတွင် ခင်ပွန်းဖြစ်သူမှ ခြေထောက်အား ဆွဲပြီး အမျိုးမျိုးရန်ရှာပြောဆိုမှုများ ပြုလုပ်နေသဖြင့် အရိုးအသွား(၁၁)လက်မခန့်ရှိ သစ်သား ရိုးတပ်စတီးဦးချွန် ဓားဖြင့် ထိုးခဲ့ကြောင်း စစ်ဆေးပေါ်ပေါက်ခဲ့သဖြင့် ဒေါ်စိမ့်စိမ့်အေး အား ဖမ်းဆီးပြီး ဥပဒေနှင့်အညီ ဆောင်ရွက်လျက်ရှိကြောင်း မြန်မာနိုင်ငံရဲတပ်ဖွဲ့ ၏ သတင်းထုတ်ပြန်ချက်အရ သိရပါသည်။

သစ်ထူးလွင်
 

ဝတပ်ဖွဲ့ရဲ့ ထိပ်တန်းခေါင်းဆောင် အနားယူ


အင်အားကြီး တိုင်းရင်းသားလက်နက်ကိုင် အဖွဲ ၀ပြည်သွေးစည်းညီညွတ်ရေး တပ်မတော် (UWSA) ရဲ့ အသက် ၆၀ နှစ်ကျော် ရှိပြီဖြစ်တဲ့ ဒုတပ်မှူး ရဲဘော် အိုက်လွန်း ကျန်းမာရေးအရ အနားယူ သွားတယ်လို့ UWSA ရဲ့ လားရှိုး ဆက်ဆံရေးရုံး တာဝန်ခံ ဦးညီရမ်းက ဘီဘီစီကိုပြောပါတယ်။

အခုလိုလစ်လပ်သွားတဲ့ UWSA ရဲ့ ဒုတိယ ခေါင်းဆောင် ဦးအိုက်လွန်း နေရာကို ပြန်မခန့် ရသေးဘူးလို့လည်း သူက ဆိုပါတယ်။

အနားယူသွားတဲ့ ဒုတပ်မှူး ရဲဘော်အိုက်လွန်းဟာ UWSA မှာ ဒုတိယ ခေါင်းဆောင် ဖြစ်ပေမယ့် နိုင်ငံရေးနဲ့ အုပ်ချုပ်ရေး ကဏ္ဍမှာတော့ ပါဝင်လေ့မရှိဘူးလို့ လေ့လာသူ တွေက ပြောပါတယ်။

ဝပြည်သွေးစည်းညီညွတ်ရေးပါတီမှာ တောင်ပိုင်းကလာတဲ့ ဝအဖွဲ့နဲ့ မြောက်ပိုင်းက လာတဲ့ ၀ အဖွဲ့ဆိုပြီး ယေဘုယျ နှစ်ဖွဲ့ရှိပြီး ဒုတပ်မှူး ရဲဘော်အိုက်လွန်းက ဦးပေါက်ယူချန်းတို့ရဲ့ မြောက်ပိုင်းအဖွဲ့ထဲက ဖြစ်ပါတယ်။

UWSAရဲ့ ဖွဲ့စည်းပုံအရ တပ်မှူးဖြစ်တဲ့ ဦးပေါက်ယူချန်းဟာ အကြီးဆုံးဖြစ်ပြီး ဒုတပ်မှူး ရဲဘော်အိုက်လွန်းဟာ UWSAရဲ့ ဒုတိယ အကြီးအကဲလို့လည်း နားလည် ရပါတယ်။

တပ်မှူး ဦးပေါက်ယူချန်းရဲ့ အောက်မှာ ဒုတပ်မှူး ၂ ဦးရှိပြီး နောက်ဒုတပ်မှူးက ကျောက်ကျုံးတန်း ဖြစ်ပါတယ်။
ဇူလိုင်လက နေပြည်တော်မှာ ကျင်းပတဲ့ ၂၁ ပင်လုံအစည်းအဝေး တက်ရောက်လာတဲ့ ၀ ခေါင်းဆောင်များ
ဒုတပ်မှူး ၂ ဦးရဲ့ အောက်မှာ စစ်ဦးစီးချုပ် ရှိပါတယ်။ စစ်ဦးစီးချုပ်ရဲ့ အောက်မှာတော့ ဒုတိယ စစ်ဦးစီးချုပ် ၈ ဦး ရှိပါတယ်။

၂၁ ရာစုပင်လုံညီလာခံရဲ့တတိယအကြိမ်အစည်းအဝေးအပြီး ဝအဖွဲ့နဲ့ ငြိမ်းချမ်းရေး ကော်မရှင်တို့ကြားတွေ့ဆုံဖို့ ရှိပေမယ့် အခုချိန်ထိ မတွေ့နိုင်သေးတာ ဝတပ်ဖွဲ့ အတွင်း ရာထူးအပြောင်းအလဲကြောင့်ဖြစ်နိုင်တယ်လို့ငြိမ်းချမ်းရေး လေ့လာသူ တွေက သုံးသပ်ပါတယ်။

UWSAရဲ့ ထိပ်ပိုင်း ရာအထူးအပြောင်းအလဲက ငြိမ်းချမ်းရေး လုပ်ငန်းစဉ် အပေါ်ဘယ်လို သက်ရောက်မှု တွေရှိလာမလဲဆို တာကိုလည်း လေ့လာသူတွေက စောင့်ကြည့်နေကြပါတယ်။

BBC Burmese
https://www.bbc.com/burmese

မေတ္တာမြို့၌ မိုးသည်းထန်စွာ ရွာသွန်းမှုကြောင့် တောင်စောင်းနံရံမြေပြိုကျ၍ အမျိုးသားတစ်ဦးသေဆုံး


တနင်္သာရီတိုင်းဒေသကြီး၊ ထားဝယ်ခရိုင်၊ မေတ္တာမြို့ဟိန္ဒားကျေးရွာအုပ်စု၊ မြောင်းပြိုကျေးရွာ ဟိန္ဒားသတ္တုတွင်း(MPC)ကုမ္ပဏီ လုပ်ကွက်အမှတ်(B) တောင်ဘက် မရမ်းချိုင့်လျှိုအတွင်းမှာ ဇူလိုင်(၃၀)ရက် ည(၈)နာရီကျော်က မိုးသည်းထန်စွာ ရွာသွန်းမှုကြောင့် တောင်စောင်းနံရံမြေပြိုကျကာ ပိတ်မိပြီး အမျိုးသားတစ်ဦးသေဆုံးခဲ့ကြောင်း သိရပါတယ် ။

ဖြစ်စဉ်မှာ မိုးအဆက်မပြတ်ရွာသွန်းမှုကြောင့် တောင်စောင်း နံရံမြေသားတွေ ပြိုကျခဲ့ပြီး မြောင်းပြိုကျေးရွာနေသူ မောင်ဇော်မင်းဦးဟာ မြေပိကာ (ပြင်ပဒဏ်ရာမရှိ) သေဆုံးသွားခဲ့တာ ဖြစ်ပါတယ်။

အဲဒီဖြစ်စဉ်နဲ့ ပတ်သက်ပြီး သေဆုံးသူဟာ ဓမ္မတာအတိုင်း သေဆုံးတာ ဟုတ်၊ မဟုတ် သိရှိနိုင်ဖို့ မေတ္တာရဲစခန်းက သေမှုသေခင်း အမှတ်စဉ် (၄/၂၀၁၈)နဲ့ စစ်ဆေးဆောင်ရွက်ထားတယ်လို့ သတင်းရရှိပါတယ်။

သတင်း၊ဓာတ်ပုံ - လင်းလင်း(ရေဖြူ)
One News Myanmar
https://www.facebook.com/onenewsmyan/

ပေါင်းတည်၊ ဝန်ထမ်းလိုင်းခန်းနေအိမ်တွင် အမျိုးသားတစ်ဦး ကြိုးဆွဲချ သေဆုံး


ပဲခူးတိုင်းဒေသကြီး ပြည်ခရိုင် ပေါင်းတည်မြို့နယ် ပျဉ်းပင်ကန်ရပ်ကွက် မှတ်တိုင်လမ်းရှိ သန္ဓေမီးသတ်တပ်ဖွဲ့စခန်းရုံး အနောက်ရှိ ဝန်ထမ်းအိမ်ရာ လိုင်းခန်းနေအိမ်မှာ ဇူလိုင်(၃၀)ရက် မနက်(၆)နာရီခန့်က အမျိုးသားတစ်ဦးကြိုးဆွဲချ သေဆုံးနေတယ်လို့ သိရပါတယ်။


ဖြစ်စဉ်ကတော့ မီးသတ်တပ်ဖွဲ့စခန်းရုံးက မီးသတ်တပ်ဖွဲ့ဝင် ဒုတပ်ကြပ် တစ်ဦးဖြစ်ပြီး အသက် (၂၅ )နှစ်မှာ အိပ်ခန်းအတွင်း ထုတ်တန်းမှာ ပုဆိုးနဲ့ ကြိုးဆွဲချ သေဆုံးနေတာဖြစ်ပါတယ်။ အဲဒီဖြစ်စဉ်နဲ့ ပတ်သက်ပြီး ပေါင်းတည်မြို့မရဲစခန်းက သေမှုသေခင်း ဖွင့်လှစ်ထားရှိကာ သေဆုံးသူမှာ ဓမ္မတာအတိုင်း သေဆုံးတာဟုတ်၊မဟုတ် စုံစမ်းစစ်ဆေးနေပါတယ်။

သတင်း ....... တင်ဝင်း ဇော်မင်းသားကြီး
One News Myanmar
https://www.facebook.com/onenewsmyan/

ထိုင်းပြည်ပြေး ၀န်ကြီးချုပ်ဟောင်းကို လွှဲပေးဖို့ ဗြိတိန်ထံတောင်းဆို

ထိုင်းဝန်ကြီးချုပ်ဟောင်း Yingluck Shinawatra
ထိုင်းနိုင်ငံမှာ ၂၀၁၄ ခုနှစ်တုန်းက စစ်တပ်ကအာဏာသိမ်း ဖယ်ရှားပြီး၊ အစိုးရကို အုပ်ချုပ်စဉ်မှာ ပေါ့ဆမှုအတွက် မျက်ကွယ်မှာ ထောင်ဒဏ် စီရင်ချက်ချခံထားရတဲ့ ၀န်ကြီးချုပ်ဟောင်း Yingluck Shinawatra ကို နေရပ်ရင်း ပြန်လည်လွှဲပြောင်းပေးဖို့ ၀န်ကြီးချုပ် Prayuth Chan-ocha က ဒီနေ့ပဲ တောင်းဆိုလိုက်ပါတယ်။

ဝန်ကြီးချုပ်ဟောင်း Yingluck ကတော့ ဒေါ်လာသန်းထောင်ချီ ဆုံးရှုံးခဲ့ရတဲ့ အစိုးရရဲ့ စပါးဝယ်ယူရေး အစီအစဉ်နဲ့ ပတ်သက်လို့ ထောင်ဒဏ် ကျခံရမှာကို ရှောင်ရှားတဲ့အနေနဲ့ ပြီးခဲ့တဲ့နှစ် သြဂုတ်လထဲမှာပဲ ပြည်ပကို တိမ်းရှောင်ခဲ့တာပါ။ ၀န်ကြီးချုပ်ဟောင်းကို ထိုင်းတရားရုံးချုပ်က ပြီးခဲ့တဲ့ စက်တင်ဘာလထဲမှာပဲ မျက်ကွယ်မှာ ထောင်ဒဏ် ၅ နှစ် စီရင်ချက်ချမှတ်ထားပါတယ်။

ဝန်ကြီးချုပ်ဟောင်း Yingluck ကတော့ သူ့အနေနဲ့ အမှားအယွင်းလုပ်မိတာ မရှိကြောင်းနဲ့ တရားရုံးဆုံးဖြတ်ချက်ဟာ နိုင်ငံရေး ရည်ရွယ်ချက်တွေ ပါဝင်နေကြောင်း ပြောဆိုထားတာပါ။ ထိုင်းဝန်ကြီးချုပ် Prayuth ကတော့ ရာဇ၀တ်မှု မကင်းသူတွေကို ပြန်ပို့ရေး ၂ နိုင်ငံကြား သဘောတူညီချက်အရ ၀န်ကြီးချုပ်ဟောင်းကို ပြန်လည်လွှဲပြောင်းပေးဖို့ တောင်းခံရတာဖြစ်ကြောင်း ပြောပါတယ်။

ပြည်ပမှာ ရောက်နေသူတွေကို ထိုင်းနိုင်ငံက လိုက်လံဖမ်းဆီးလို့ မရနိုင်တဲ့အတွက် ဖမ်းဆီးပြီး ပြန်လည်လွှဲပြောင်းပေးဖို့ဟာ သက်ဆိုင်ရာ တိုင်းပြည် အပေါ်မှာ မူတည်နေကြောင်းလည်း ပြောဆိုခဲ့တာပါ။ ၀န်ကြီးချုပ်ဟောင်း Yingluck နဲ့ အကိုဖြစ်သူ Thaksin Shinawatra တို့ဟာ ကျေးလက်ဒေသရဲ့ ထောက်ခံမှု ရခဲ့ကြပြီး၊ အစဉ်အလာအားဖြင့် ဘုရင်ကိုသစ္စာခံသူတွေ၊ စစ်တပ်ထိပ်တန်းခေါင်းဆောင်တွေနဲ့ နိုင်ငံရေး အားပြိုင်ခဲ့ကြတဲ့ ဆယ်စုနှစ် တခုကျော်ကြာ ထိုင်းနိုင်ငံရေး အကျပ်အတည်းမှာ အဓိက အခန်းကဏ္ဍမှာ နေရာယူခဲ့ကြသူတွေလည်း ဖြစ်ခဲ့ကြပါတယ်။

ဗွီအိုအေ (မြန်မာပိုင်း)
https://burmese.voanews.com

ဝန်ကြီးချုပ်ဟောင်း ယင်လတ်ကို လွှဲပေးဖို့ ယူကေအစိုးရကို ထိုင်းတောင်းဆို

ဝန်ကြီးချုပ်ဟောင်း ယင်လတ်ကို ၂၀၁၇ စက်တင်ဘာလက ထိုင်းတရားရုံးက ထောင်းဒဏ် ၅ နှစ် ချမှတ်ထား
ယူကေနိုင်ငံမှာ နေထိုင်နေတယ်လို့ ယူဆရတဲ့ ထိုင်းဝန်ကြီးချုပ်ဟောင်း ယင်လတ်ရှင်နာဝပ်ကို ထိုင်းနိုင်ငံဆီ ပြန်လည် လွှဲပြောင်းပေးဖို့ ထိုင်းအစိုးရက တောင်းဆိုလိုက်ပါတယ်။

လန်ဒန်မြို့မှာ ရှိတဲ့ ထိုင်း သံရုံးက ဗြိတိန်နိုင်ငံ ခြားရေးနဲ့ ဓန သဟာယ အဖွဲ့ရုံးကို ဇူလိုင်လ ၃၀ ရက်နေ့ ရက်စွဲနဲ့ စာရေးသား ပေးပို့ခဲ့တာ ဖြစ်ပါတယ်။

၂၀၁၄ ခုနှစ်က ထိုင်းစစ်တပ်က အာဏာ သိမ်းယူပြီး ဝန်ကြီးချုပ်ဟောင်း ယင်လတ် ရှင်နာဝပ် ကို ဖြုတ်ချ ခဲ့ပါတယ်။

ထိုင်းအစိုးရက ငွေစိုက်ထုတ်ပြီး လယ်သမားတွေဆီက ဆန်စပါး ဝယ်ယူတဲ့ စီမံကိန်းလုပ်ဆောင်ခဲ့မှု အတွက် ၀န်ကြီးချုပ်ဟောင်း ယင်လတ် တရားစွဲဆို ခံခဲ့ရပါတယ်။

အဲဒီ အတွက် ထိုင်းနိုင်ငံရဲ့ ဘဏ္ဍာငွေ ဒေါ်လာ ဘီလျံနဲ့ချီပြီး ဆုံးရှုံးခဲ့ရ ပါတယ်။

၂၀၁၆ ခုနှစ်က သူ့ကိုတရားရုံးမှာ ကြားနာ စစ်ဆေးမှု ပြုလုပ်ခဲ့ပါတယ်။

၂၀၁၇ ခုနှစ် သြဂုတ်လက အမိန့်ချမှတ်ဖို့ ရှိခဲ့တဲ့နေ့ကတော့ ဝန်ကြီးချုပ်ဟောင်း ယင်လတ် တရားရုံးကို ရောက် မလာခဲ့ပါဘူး။

၂၀၁၇ ခုနှစ် စက်တင်ဘာလ တုန်းက တော့ သူ့မျက်ကွယ်မှာပဲ ထောင်ဒဏ် ၅ နှစ် ချမှတ်ခဲ့ပါတယ်။

ယင်လတ် ကတော့ သူ့အနေနဲ့ တစုံတရာ အမှားအယွင်း မလုပ်ခဲ့ကြောင်းနဲ့ ဒီကြားနာ စစ်ဆေးမှုဟာ နိုင်ငံရေးနဲ့ ဆက်နွယ်မှု ရှိတယ်လို့ ပြောခဲ့ ပါတယ်။

အဲဒီနောက်မှာ သူ့ကို ဖမ်းဝရမ်း ထုတ်ပြန်ခဲ့ပါတယ်။ ယင်လတ် ထိုင်းနိုင်ငံကနေ ပြည်ပကို ထွက်ခွာ သွားခဲ့တယ် ဆိုတဲ့ သတင်းတွေလည်း ထွက်ပေါ်ခဲ့ပါတယ်။

အခု တော့ ထိုင်းအစိုးရက သူ့ကို ထိုင်းနိုင်ငံဆီပြန်လည် လွဲပြောင်းပေးဖို့ သူခိုလှုံနေတဲ့ ဗြိတိန်နိုင်ငံကို တောင်းဆိုလာပါပြီ။
၂၀၁၄ ခုနှစ်က ထိုင်းစစ်တပ်က အာဏာသိမ်းယူပြီး ယင်လတ် အစိုးရကို ဖြုတ်ချခဲ့
လက်ရှိ ထိုင်းဝန်ကြီးချုပ် ပရာယွတ် ကျန်အိုချားက ထိုင်းနဲ့ ယူကေ နိုင်ငံကြားမှာ တရားခံ ပြန်လည် လွှဲပြောင်း ပေးရေး ဆိုင်ရာ သဘောတူညီချက် လက်မှတ်ရေးထိုးထားတဲ့ အတွက် အခုလို မေတ္တာ ရပ်ခံဖို့ လိုအပ်တယ်လို့ ပြောကြောင်း ရိုက်တာ သတင်းဌာနက ဖော်ပြပါတယ်။

ပြည်ပမှာ နေထိုင်တဲ့သူတွေကို သွားရောက် ဖမ်းဆီးလို့ မရနိုင်ဘူး၊ သူ့ကို ဖမ်းပြီး ထိုင်းနိုင်ငံကို ပြန်ပို့ဖို့ ဆိုတာ ကတော့ သူနေထိုင်တဲ့ နိုင်ငံအပေါ်မှာပဲ မူတည်ပါတယ်လို့ ပြောကြောင်းလည်း ဖော်ပြထားပါတယ်။

ဝန်ကြီးချုပ်ဟောင်း ယင်လတ်နဲ့ သူ့လိုပဲ ဖြုတ်ချခံခဲ့ရတဲ့ သူ့အစ်ကို ဝန်ကြီးချုပ်ဟောင်း သက်ဆက် ရှင်နာဝပ်တို့ဟာ ထိုင်းနိုင်ငံရဲ့ နိုင်ငံရေးလောကမှာ ကို ဆယ်စုနှစ် တစ်ခုကျော်ကြာအောင် သြဇာလွှမ်းမိုး နေခဲ့ကြတာ ဖြစ်ပါတယ်။

BBC Burmese
https://www.bbc.com/burmese

ဗီယက်နမ်က အမြင့်ဆုံး မိုးမျှော်တိုက်ကြီး ဖွင့်ပြီ

ဟိုချီမင်းစီးတီးက Landmark 81 မိုးမျှော် အဆောက်အဦးကြီး
အထပ်ပေါင်း ၈၁ ထပ်ရှိပြီး ပေ ၁၅ဝဝ ကျော် အမြင့်ရှိတဲ့ Landmark 81 မိုးမျှော် အဆောက်အဦကြီးက ဗီယက်နမ်နိုင်ငံ ဟိုချီမင်း စီးတီး မြို့ကိုလာကြတဲ့ ဧည့်သည်တွေ၊ ဒေသခံတွေကို စတင် လက်ခံ ဖျော်ဖြေနိုင်ပြီ ဖြစ်ပါတယ်။

Binh Thanh ရပ်ကွက်မှာ ရှိတဲ့ အဲဒီ ၈၁ ထပ် အဆောက်အဦကြီးကို Vingroup လို့ ခေါ်တဲ့ စီးပွားရေးလုပ်ငန်းတွေကို ပေါင်းစည်းထားတဲ့ ပုဂ္ဂလိက အိမ်နဲ့ မြေရာလုပ်ငန်း ကုမ္ပဏီစုတွေက ပိုင်ဆိုင်တာ ဖြစ်ပါတယ်။

အဲဒီ အဆောက်အဦကြီးထဲမှာ ပြည်တွင်း ပြည်ပထုတ် နာမည်ကျော် အမှတ်တံဆိပ် ဆိုင်တွေ၊ ရုပ်ရှင်ရုံတွေ အပြင် ရေခဲပြင် စကိတ်စီးနိုင်တဲ့ နေရာ အပါအဝင် တခြား ဖျော်ဖြေရေးဆိုင်ရာ အပန်းဖြေစရာ နေရာတွေ၊ နိုင်ငံပေါင်း အတော်များများရဲ့ အစားအစာတွေ ရနိုင်တဲ့ နေရာတွေ ရှိပါတယ်။

အဲဒီ အဆောက်အဦကြီး ဖွင့်ပွဲကိုတော့ Vingroup ကုမ္ပဏီရဲ့ ၂၅ နှစ်မြောက် နှစ်ပတ်လည်နေ့အထိမ်းအမှတ် အဖြစ် စီစဉ်ကျင်းပတာဖြစ်ပါတယ်။

ပြိုင်ကားတွေ ခင်းကျင်း ပြသမှု၊ ဒေသခံအနုပညာရှင်တွေရဲ့ ဖျော်ဖြေမှု၊ ရေခဲပြင် စကိတ် အလှစီးသူတွေရဲ့ ဖျော်ဖြေမှုတွေလည်း ပါဝင်ခဲ့ပါတယ်။

အဲဒီ မိုးမျှော် အထပ်မြင့် တိုက်ကြီးမှာ ဧည့်သည်တွေကို ဆွဲဆောင်နိုင်ဖို့ ကြိုးပမ်း လုပ်ဆောင်ရာမှာ မဲဖောက်ပေးတာတွေ၊ အပန်းဖြေခရီးအတွက် ဘောက်ချာတွေတွေပေးတာ၊ ရေခဲပြင် စကိတ်စီးကွင်းထဲကို လာနိုင်ဖို့ လက်မှတ်တွေ အလကားပေးတာတွေ အပြင် အဝတ်အထည်တွေကို ဈေးလျှော့ရောင်းတာတွေလည်း ပါဝင်ပါတယ်။

ဒီအဆောက်အဦကြီးကို ဖွင့်လိုက်ခြင်းအားဖြင့် ဆိုင်ဂုံ လို့ အရင်က ခေါ်တဲ့ ဟိုချီမင်း စီးတီး မြို့ကို ပြည်တွင်း ပြည်ပ ခရီးသွားတွေ ပိုမို လည်ပတ်လာကြလိမ့်မယ်လို့ မျှော်လင့်ကြတာ ဖြစ်ပါတယ်။

အခုနှစ် ပထမ နှစ်ဝက်မှာ ပြည်ပ ခရီးသည် ၃ ဒသမ ၈၃ သန်း ဟိုချီမင်း စီးတီးကို လာလည်ခဲ့ကြပါတယ်။

ဒါဟာ ပြီးခဲ့တဲ့ နှစ်ကထက် ၂၆ ဒသမ ၅ ရာခိုင်နှုန်း ပိုများတာ ဖြစ်ပါတယ်။

လာမယ့် ၂၀၂၅ ခုနှစ်မှာ ပြည်ပ ဧည့်သည် ၁၀ ဒသမ ၂ သန်း လာဖို့ မျှော်လင့်ထားကြပါတယ်။ ဒီအရေအတွက်ဟာ ပြီးခဲ့တဲ့နှစ်က ကိန်းဂဏန်း ဖြစ်တဲ့ ၅ ဒသမ ၅ သန်းထက် နှစ်ဆ ဖြစ်ပါတယ်။

ဒီအဆောက်အဦးကြီးဟာ အရှေ့တောင်အာရှ ဒေသ တစ်ခုလုံးမှာ အမြင့်ဆုံး အထပ်မြင့် အဆောက်အဦးကြီး ဖြစ်လိမ့်မယ်လို့ ယုံကြည်ရကြောင်း ဘီဘီစီ ဗီယက်နမ် ဌာနက ပြောပါတယ်။

BBC Burmese
https://www.bbc.com/burmese

လယ်ယာသုံးနွားတွေ ပြည်ပတင်ပို့မှု တားဆီးဖို့ အဆိုတင်

တရုတ်နိုင်ငံကို တင်ပို့ဖို့ မူဆယ် နယ်စပ်ကုန်သွယ်ရေးဂိတ်ကို ရောက်ရှိလာတဲ့ ကျွဲနွားများ။ RFA
စိုက်ပျိုးရေးအတွက် အသုံးပြုနေတဲ့ နွားတွေကို ပြည်ပတင်ပို့တာ တားဆီးပိတ်ပင်ဖို့ အဆိုပြုချက်ကို ပြည်သူ့လွှတ်တော်မှာ ဆွေးနွေးမယ်လို့ သိရပါတယ်။ အဲဒီအဆိုကို ဧရာဝတီတိုင်းဒေသကြီး၊ မအူပင်မြို့နယ် လွှတ်တော်ကိုယ်စားလှယ် ဦးစိန်ဝင်းက တင်သွင်းဖို့ ဇူလိုင်လ ၃ဝ ရက်နေ့က အဆိုပြုခဲ့ပါတယ်။

အခုအခါ မြန်မာနိုင်ငံရဲ့လယ်ယာစိုက်ပျိုးရေးမှာ နွားနဲ့ ထွန်စက် အသုံးပြုနေတဲ့အချိူးဟာ ၂၅း၁ ဖြစ်ပါတယ်။ ဒါပေမဲ့ လယ်သမား အများစုအနေနဲ့ အကြွေးနဲ့ စိုက်ပျိုးစရိတ်အတွက် နွားတွေကို ရောင်းချလိုက်ရလို့ စိုက်ပျိုးရာသီမှာ  အခက်အခဲ တွေ့နေရတယ်လို့ ဦးစိန်ဝင်းက ပြောပါတယ်။

ဒီအခြေအနေကြောင့် ထွန်ယက်စိုက်ပျိုးချိန် နှောင့်နှေးနေရပြီး သီးနှံအထွက်လျော့တဲ့အတွက် အခြေခံ ကုန်ပစ္စည်းတွေ ဈေးကြီးးမြင့်ပြီး၊ စားနပ်ရိက္ခာ ပြဿနာ မြင့်မားလာတယ်လို့လဲ ပြောပါတယ်။

ကျွဲနွားတွေ ပြည်ပပို့ခွင့်ပြုပေမဲ့၊  ထွန်စက်တွေ လုံလောက်အောင် အစားမထိုးနိုင်တာကြောင့် ရေရှည်မှာ စိုက်ပျိုး မွေးမြူရေး ထိခိုက်သွားနိုင်တယ်လို့လည်း ဦးစိန်ဝင်းက ပြောပါတယ်။

ဒီအတောအတွင်း မြန်မာ့နွားကောင်ရေ တသန်းကို တရုတ်ပြည်က တရားဝင် ဝယ်ယူလိုကြောင်း ကမ်းလှမ်းလာတယ်လို့ ကုန်သွယ်ရေးဝန်ကြီးဌာန လက်အောက်က ကုန်သွယ်ရေးဌာန ညွှန်ကြားရေးမှူးချုပ် ဦးရန်နိုင်ထွန်းက ပြောပါတယ်။ ရှမ်းပြည်နယ် မူဆယ် နယ်စပ်ကုန်သွယ်ရေးဂိတ်ကတဆင့် တရားဝင် တင်သွင်းဖို့ တရုတ်ဘက်က အဆိုပြုထားတယ်လို့ သိရပါတယ်။

မှောင်ခိုကုန်သွယ်မှု ပပျောက်ရေးနဲ့ အလုပ်အကိုင် အခွင့်အလမ်း ဖန်တီးရေးအတွက် ၂ဝ၁၇ အောက်တိုဘာ ၉ ရက်နေ့ကစလို့ ကျွဲနွားတွေ တင်ပို့ဖို့ ကုန်သွယ်ရေးဝန်ကြီးဌာနက ခွင့်ပြုခဲ့ပါတယ်။ အခုအခါ လစဉ် ကျွဲနွားကောင်ရေ ငါးထောင်ဝန်းကျင် တရုတ်နိုင်ငံကို တင်ပို့နေတယ်လို့ သိရပါတယ်။

RFA Burmese
https://www.rfa.org/burmese

ကန်ရင်းနှီးမြုပ်နှံမှုအလားအလာနဲ့ မြန်မာ

အမေရိကန် နိုင်ငံခြားရေး ၀န်ကြီး Mike Pompeo က အမေရိကန် ကုန်သည်ကြီးများ အသင်းမှာ မိန့်ခွန်း ပြောကြားစဉ်။ (ဇူလိုင် ၃၀-၂၀၁၈)
အမေရိကန် ကုန်သွယ်ရေးနဲ့ ရင်းနှီးမြှုပ်နှံမှုတွေ အာရှဒေသမှာ တိုးချဲ့ဆောင်ရွက်ဖို့ အမေရိကန် နိုင်ငံခြားရေး ၀န်ကြီးက ပြောဆိုလိုက်ပါတယ်။ မြန်မာနိုင်ငံ ပါဝင်တဲ့ အင်ဒို - ပစိဖိတ် ဒေသတွင်း အမေရိကန်ဘက်က စီးပွားရေး အရ ပိုပြီး ရင်းနှီးမြှုပ်နှံ ဆောင်ရွက်ဖို့ ပြောဆိုထားပေမယ့် မြန်မာနိုင်ငံ အနေအထား အရတော့ အမေရိကန် ရင်းနှီးမြှုပ်နှံမှုတွေ ပိုပြီး ၀င်ရောက်လာနိုင်ဖို့ အခြေအနေ မရှိသေးဘူးလို့ မြန်မာ့ စီးပွားရေး အသိုင်းအ၀ိုင်းက သုံးသပ်ပါတယ်။ မသိင်္ဂီထိုက် စုစည်းတင်ပြထားပါတယ်။

အင်ဒို - ပစိဖိတ် ဒေသတွင်း အမေရိကန် ရင်းနှီးမြှုပ်နှံမှုတွေ တိုးမြှင့်ဆောင်ရွက်မှုနဲ့ အတူ ဒေသတွင်း ပွင့်လင်း လွတ်လပ်မှုကို ရည်ရွယ်တဲ့ အမေရိကန်ရဲ့ မျှော်မှန်းချက်ကို နိုင်ငံခြားရေး ၀န်ကြီးက ထုတ်ဖော်ပြောဆိုလိုက်ပါတယ်။ အာရှဒေသကို အလားအလာရှိတဲ့ မဟာဗျူဟာမြောက် ကုန်သွယ်ရေး မိတ်ဖက်တွေ အဖြစ် အမေရိကန် နိုင်ငံခြားရေး ၀န်ကြီးက အခိုင်အမာ ပြောဆိုပြီး အမေရိကန်တို့ အနေနဲ့ စိုးမိုးချယ်လှယ်ဖို့ မဟုတ်ဘဲ မိတ်ဖက်တွေ အဖြစ်ဘဲ လိုလားတယ်ဆိုတာကိုလည်း ပြောဆိုခဲ့ပါတယ်။ အရှေ့တောင်အာရှ နိုင်ငံတချို့ကို ခရီးသွားဖို့ ရှိနေတဲ့ အမေရိကန် နိုင်ငံခြားရေး ၀န်ကြီး Mike Pompeo က မနေ့ တနလာင်္နေ့ အမေရိကန် ကုန်သည်ကြီးများ အသင်းမှာ ပြောကြားတဲ့ မိန့်ခွန်းမှာတော့ အခုလို ထည့်သွင်း ပြောဆိုခဲ့တာပါ။

အမေရိကန်ရဲ့ မဟာဗျူဟာအရ ဒေသတွင်းမှာ ပိုပြီး ထိတွေ့ ဆက်ဆံဖို့ ဖြစ်ပါတယ်။ ကမ္ဘာ့လူဦးရေရဲ့ သုံးပုံတပုံကျော်က အဲဒီ ဒေသတွင်းမှာ ရှိပါတယ်။ တရုတ်၊ ဂျပန်၊ အိန္ဒိယ၊ အမေရိကန်တို့လို ကမ္ဘာ့ စီးပွားရေး အင်အာအကြီးဆုံး ၆ နိုင်ငံမှာ လေးနိုင်ငံက အင်ဒို - ပစိဖိတ် ဒေသတွင်းမှာ ရှိပါတယ်။ နောက် အရှေ့တောင်အာရှ နိုင်ငံများ အသင်း ASEAN အသိုင်းအ၀ိုင်းထဲက ၁၀ နိုင်ငံဟာဆိုရင်လည်း ကမ္ဘာပေါ်မှာ စီးပွားရေး ဖွံ့ဖြိုးမှု အမြန်ဆုံး ဖြစ်ပြီး အမေရိကန် ထုတ်ကုန်တွေရဲ့ အဓိက ၀ယ်လက်လည်း ဖြစ်ပါတယ်။ အမေရိကန် ပြည်သူတွေ အတွက် စီးပွားရေး အကျိုးအမြတ်တွေ ရဖို့ သေချာနေတာကြောင့် သမ္မတ Trump အနေနဲ့ ဒီအခွင့်အရေးကို အစွမ်းကုန် အသုံးချမှာပါ။

အမေရိကန်ရဲ့ အင်ဒို - ပစိဖိတ် အရေး မျှော်မှန်းချက်ထဲမှာ အရှေ့တောင်အာရှနိုင်ငံများအသင်း ASEAN က တကယ့်ကို အရေးပါကြောင်း အမေရိကန် နိုင်ငံခြားရေး ၀န်ကြီး Pompeo က မိန့်ခွန်းမှာ ထည့်သွင်း ပြောဆိုခဲ့ပါတယ်။ အင်ဒို - ပစိဖိတ် ဒေသတွင်း အမေရိကန် စီးပွားရေး ကတိက၀တ်အတွက် ကနဦး ရံပုံငွေ အဖြစ် အမေရိကန် ဒေါ်လာ ၁၁၃ သန်း ပေးအပ်မယ့် အကြောင်းလည်း မနေ့ တနလာင်္နေ့မှာ ၀န်ကြီးက ကြေညာပါတယ်။ ကဏ္ဍသုံးရပ်ပါမယ့် ဒီအစဉ်ထဲမှာ အရှေ့တောင် အာရှ နိုင်ငံများ အသင်းဝင် နိုင်ငံတွေ အတွက် နည်းပညာ၊ စွမ်းအင်နဲ့ အခြေခံ အဆောက်အဦးတည်ဆောက်ရေးတို့ အတွက် ရံပုံငွေလည်း ပါဝင်ပါတယ်။

အင်ဒို - ပစိဖိတ် ဒေသတွင်း အမေရိကန်ဘက်က စီးပွားရေး ရင်းနှီးမြှုပ်နှံမှုတွေ တိုးမြှင့်ဆောင်ရွက်ဖို့ ပိုင်းဖြတ်ထားတာမှာ မြန်မာနိုင်ငံတွင်း အမေရိကန် ရင်းနှီးမြှုပ်နှံမှုတွေ တိုးတက်လာဖို့ အလားအလာ ရှိသလားဆိုတဲ့ အပေါ်မှာတော့ စီးပွားရေး လုပ်ငန်းရှင် ဒေါက်တာ စိုးထွန်းက အခုလို သုံးသပ်ပါတယ်။

" အလားအလာကတော့ ကျနော်တို့ မြင်တာကတော့ အမေရိကန်အစိုးရရဲ့ ပေါ်လစီပေါ် မူတည်တာပေါ့နော်။ သူက ရင်းနှီးမြုပ်နှံမှုတွေကို တွန်းအားပေးမယ်ဆိုရင်တော့ ကောင်းတာပေါ့နော်။ ဒါပေမဲ့ ကျနော်တို့က ဒီနောက်ပိုင်းမှာ ရခိုင်အရေးအခင်းဖြစ်ပြီးနောက်ပိုင်းမှာ အမေရိကန်က အစ ကျန်တဲ့ EU နိုင်ငံတွေရဲ့ရင်းနှီးမြုပ်နှံမှုက လျော့ကျလာတယ် ကျေန်ာတို့ဆီကတော့ အမေရိကန်ထွက်ကုန်တွေကို သဘောကျတယ်လေ။ ကားဆိုရင် ကျနော်တို့ဆီက ဖို့ဒ်ကားဆိုပြီး မြန်မာပြည်မှာ ထုတ်လုပ်နေတာတွေ့ရတယ်ပေါ့နော် ကျနော်တို့ကတော့ သဘောကျပါတယ်။"

ပြီးခဲ့တဲ့ နှစ်အတွင်း ရခိုင်ပြည်နယ် ပဋိပက္ခကြောင့် ရိုဟင်ဂျာ မူဆလင် သိန်းနဲ့ချီပြီး ဘင်္ဂလားဒေရှ့်ဘက် ထွက်ပြေးရတဲ့ ကိစ္စကို မဖြေရှင်းနိုင်သေးတဲ့ အခြေအနေမှာ မြန်မာနိုင်ငံ အတွင်း ခရီးသွားလုပ်ငန်း၊ နောက် နိုင်ငံတကာ ရင်းနှီးမြှုပ်နှံမှုတွေ အပေါ် သက်ရောက်မှု ရှိနေတာပါ။ မြန်မာ အစိုးရဘက်က ထွက်ပြေးရသူတွေကို စိစစ်လက်ခံမယ်လို့ ကတိပြုထားပေမယ့် ရိုဟင်ဂျာဆိုတဲ့ အသုံးအနှုန်းကိုတော့ လက်သင့်မခံပါဘူး။ ဒါ့အပြင် ကုလသမဂ္ဂရဲ့ အချက်အလက်ရှာ အဖွဲ့၊ အထူးကိုယ်စားလှယ်တို့ကိုလည်း ပြည်ဝင်ခွင့် ပိတ်ပင်ထားဆဲ ဖြစ်ပါတယ်။

မသိင်္ဂီထိုက်  / ဗွီအိုအေ (မြန်မာပိုင်း)
https://burmese.voanews.com

မြန်မာတ၀ှမ်း ရေကြီးရေလျှံနောက်ဆက်တွဲ အသေအပျောက်ရှိ

မြစ်ရေကြီးနေစဉ်။ (သတင်းဓာတ်ပုံ MOI)
မိုးသည်းထန်စွာရွာသွန်းမှုကြောင့်ရေကြီးမှုဖြစ်ပွါးခဲ့တဲ့ မွန်ပြည်နယ် ကရင်ပြည်နယ် တနင်္သာရီတိုင်း ပဲခူးတိုင်း မကွေး တိုင်းဒေသတွေဘက်မှာ ဒီကနေ့မှာရေတွေလျော့ကျလာတယ်ဆိုပေမဲ့ ရေဘေးရှောင်အများစုဟာ အိမ်မပြန်နိုင်သေး ဘဲ ကယ်ဆယ်ရေးစခမ်းတွေမှာနေထိုင်ရဆဲဖြစ်ပါတယ်။ မွန်ပြည်နယ်အတွင်းရေလျော့ကျလာလို့ မော်လမြိုင်ရန်ကုန် ကားလမ်း ပွင့်လာပြီးရေဘေးရှောင်အများစုအိမ်ပြန်ကြပြီးလို့ ပြည်နယ်အစိုးရကပြောပါတယ်။ တပါတ်နီးပါး ရေကြီးမှု ဖြစ်ပွါးခဲ့တဲ့ဒေသမှာ ရေဘေးနဲ့ မြေပြိုကျမှုောကာင့်သေဆုံးမှုတွေလဲဖြစ်ပွါးခဲ့ပါတယ်။ ဗွီအိုအေထိုင်းအခြေစိုက် သတင်းထောက်နိုင်ကွန်းအိန်ကနေသတင်းပေးပို့ထားပါတယ်။

မြန်မာနိုင်ငံတိုင်းနဲ့ပြည်နယ်အတွင်း မိုးသဲထန်စွာရွာသွန်းခဲ့လို့ ရေကြီးနေရာကနေ ဒီကနေ့မှာရေလျော့ကျသွားတဲ့ အနေအထား မှာရှိနေတာပါ။

တနင်္သာရီတိုင်းဒေသကြီးတနင်္သာရီမြို့နယ်အတွင်းမှာတော့ ရေကျသွားပြီးဆိုပေမဲ့ စိုးရိမ်ရေမှတ်အထိရှိနေဆဲ အခြေအနေ ကြောင့် ရေဘေးရှောင်(၂၀၀၀၀)၀န်းကျင်ရှိနေတယ်လို့ တိုင်းလွှတ်တော်ကိုယ်စားလှယ် ဦးရဲမြင့် ဆွေက ဗွီအိုအေကိုပြောပါတယ်။

"လက်ရှိအခြေအနေကရေကတော့စိုးရိမ်ရေမှတ်အထက်မှာဘဲရှိနေပါတယ်ခင်ဗျ။ ဒါပေမဲ့အန္တရာယ်ရေအမှတ်(၂၄)ပေ အောက်ကိုတော့ကျသွားပါပြီး။ ခုလောလောဆယ်(၂၁)ပေလောက်နဲ့ရေတန့်နေပါတယ်ခင်ဗျ။ အန္တရာယ်စိုးရိမ် ရေမှတ် ကတော့(၁၇)ပေပါ။ (၁၇)ပေကျော်နေတုန်းပါဘဲခင်ဗျ။ ရေဘေးသင့်တဲ့ပြည်သူပေါင်းကနှစ်သောင်းကျော် လောက်ရှိတယ်။ အဲဒီထဲမှာပြောင်းရွှေ့တဲ့သူက (၆၀၀၀)ကျော်လောက်ရှိပါတယ်။ အဲဒီ(၆၀၀၀)ကျော်ကိုကျွန်တော် တို့ ကယ်ဆယ်ရေးလုပ်ငန်းတွေလုပ်နေပါပြီးဗျ။ တပါတ်စာရိက္ခာတွေကိုကျွန်တော်တို့ပိုပြီးသားဖြစ်ပါတယ်။"

တနင်္သာရီမြို့ထဲမှာရေဘေးကယ်ဆယ်ရေးစခမ်းဖွင့်ထားပေမဲ့ ရွှေ့ပြောင်းနေထိုင်သူတွေသာနေထိုင်ကြပြီး အများ စုကတော့နီးစပ်ရာဆွေးမျိုးသားချင်းအိမ်တွေနဲ့ ဘုန်းကြီးကျောင်းတွေမှာနေထိုင်ကြတာများတယ်လို့ သူကဆို ပါတယ်။

တနင်္သာရီမြို့ထဲရေကြီးမှုကြောင့် လူတဦးသေဆုံးခဲ့ပြီး အိမ်ခြေထိခိုက်မှုတော့အတည်မပြုနိုင်သေးဘူးလို့ ဦးရဲမြင့် ဆွေကပြောပါတယ်။

"ထိခိုက်မှုအခြေအနေကတော့ ရေကျရင် အိမ်အောက်မှာ ဒီကျွန်တော်တို့ကျောက်တွေ ဖြူးလို့ရအောင် ကျောက် မှုန့် လာတိုက်တဲ့ လှေတစီးနစ်မြုတ်ပြီးတော့လူတဦးသေသွားတယ်ဗျ။ အိမ်ပြိုကျတာ ကျွန်တော်တို့အခုလောလော ဆယ်မသိရသေးဘူးဗျ။ လောလောဆယ်ရေနစ်နေတုန်းဘဲရှိသေးတယ်။ တချို့တွေကနှစ်ထပ်ရှိရင်တထပ်က မြုတ် တုန်းဘဲရှိသေးတယ်။ ရေကျတော့မှဘဲကျွန်တော်တို့သိပါ့မယ်ခင်ဗျ။"

မနေ့က မိုးသည်းထန်စွာရွာသွန်းပြီး မြေပြိုကျမှုကြောင့် ကော့သောင်းမြို့နယ်ထဲမှာ ပုလုံးတုံးတုံးကျေးရွာမှာ လူ(၅)ဦးသေဆုံးပြီး ထိခိုက်ဒဏ်ရာတချို့ရရှိခဲ့တယ်လို့ ကော့သောင်းမြို့နယ်မဲဆန္ဒက ပြည်သူ့လွှတ်တော် ကိုယ်စားလှယ်ဦးခင်ဇော်က ပြောပါတယ်။

"ပုလုံးတုံးတုံးကျေးရွာမှာ အိမ်တွေကတောင်ဘေးမှာသူတို့ဆောက်ထားတာ။ မိုးရွာလို့တောင်ပြိုတဲ့အခါကျတော့ လူ(၅)ယောက်သေတယ်လို့ပြောတယ်။ တယောက်ဒဏ်ရာရတယ်။ သက်ဆိုင်ရာအာဏာပိုင်အဖွဲ့အစည်း ကတော့ ဆောင်ရွက်နေပါတယ်။"

မွန်ပြည်နယ်အတွင်းမှာတော့ ဒီရက်ပိုင်းမှာရေပြန်ကျသွားတဲ့အတွက် (၄)ရက်တာပိတ်ပင်ထားရတဲ့ ရန်ကုန်မော်လ မြိုင် ကားလမ်းပွင့်သွားသလို ရေဘေးရှောင်တွေနေရပ်စတင်ပြန်နေကြပြီးလို့ မွန်ပြည်နယ်အစိုးရ စီမံကိန်း၊ ဘဏ္ဍာ ရေးနဲ့လူဝင်မှုကြီးကြပ်ရေးဝန်ကြီး ဦးဝဏ္ဏကျော် ကပြောပါတယ်။

"အားလုံးအဆင်ပြေသွားပါပြီး။ ရေကျသွားပြီးပေါ့နော်။ ရန်ကုန်မော်လမြိုင်ကားလမ်းလဲပွင့်သွားပါပြီး။ မနေ့က(၂)နာရီ ခွဲ လောက်ကစဖွင့်တာပေါ့။ ရေဘေးရှောင်တွေရဲ့အခြေအနေကတော့ ကယ်ဆယ်ရေးစခမ်းကနေပြီးတော့ အိမ်ကို ပြန် နေကြပြီးပေါ့နော်။ ဘီလင်းမြို့ရဲ့အခြေအနေက။ ရေဘေးသင့်ပြည်သူက(၁၂၃၀၃)ဦးပေါ့။ ကယ်ဆယ်ရေးစခမ်း မှာ ရှိတာကတော့နော်။"

မွန်ပြည်နယ်အတွင်းမှာ ရေးမြို့နယ် ကျိုက်မရောမြို့နယ် သထုံမြို့နယ်ဘက်မှာရေကြီးမှုတွေရှိနေသလို ဘီလင်းမြို့ နယ်မှာတော့အဆိုးဝါးဆုံးရေကြီးမှုဖြစ်ပွါးလာခဲ့တာပါ။

ရေကြီးမှုအများဆုံးဖြစ်ပွါးခဲ့တဲ့ ပဲခူးတိုင်းဒေသကြီးရွှေကျင်မြို့နယ်မှာတော့ ရေကျသွားပြီးဆိုပေမဲ့ ရေဘေးဒုက္ခ သည် တွေရှိနေဆဲလို့ တိုင်းဒေသကြီးလွှတ်တော်ကိုယ်စားလှယ်ဦးဝင်းမြင့်ကပြောပါတယ်။

"အခုကတပေလောက်ကျသွားပြီး။ ဒီရေဘေးဒုက္ခသည်တွေကရွှေ့လို့ပြောင်ိးု့မရသေးဘူး။ ရွှေကျင်မြို့နယ်က အိမ်ထောင်စုပေါင်းက(၅၄၇၉)။ ရေဘေးဒုက္ခသည်စုစုပေါင်း(၂၆၀၇၃)။"

ပဲခူးတိုင်းဒေသကြီးမှာဆိုရင် ရွှေကျင် ကျောက်ကြီး မိုးညို အုတ်တွင်း တောင်ငူတွေဘက်မှလဲရေကြီးမှုဖြစ် ပွါးနေ တာပါ။ ပြီးခဲ့တဲ့(၂၇)ရက်နေ့တုန်း ရွှေကျင်မြို့နယ်ကမဒေါက်ဆည်ရေဖေါက်ချလိုက်ပြီးဆိုတဲ့သတင်းတွေကြောင့် ဒေသခံတွေစိုးရိမ်မှုတွေမြင့်တက်လာနေတာပါ။

ကရင်ပြည်နယ်အတွင်းမှာ ရေအနည်းငယ်ကျသွားတယ်ဆိုပေမဲ့ မိုးရွာနေဆဲအခြေအနေကြောင့် ရေဘေးရှောင်ပြည် သူ တွေနေရပ်မပြန်နိုင်သေးဘူးလို့ ကရင်ပြည်နယ် သာသနာရေးဝန်ကြီးဦးမင်းတင်ဝင်းကပြောပါတယ်။

"နောက်ဆုံးအခြေအနေက ဒီကနေ့ကို လက်မနဲ့ပြောရရင်(၆)လက်မလောက် ရေကျသွားတယ်။ လမ်းတချို့နဲနဲပေါ် လာတယ်။ ဒါပေမဲ့ရေဘေးဒုက္ခသည်တွေကအိမ်ပြန်လို့မရသေးဘူး။ သူတို့အိမ်တွေကမြုတ်တုန်းဘဲရှိသေးတယ်။ ဖါးအံပေါ်မှာပေါ့နော်။ ကျွန်တော်တို့ကရင်ပြည်နယ်မှာ ရေဘေးစခမ်း(၆၄)ခုဖွင့်ထားတယ်။ လူဦးရေနှစ်သောင်း ကျော်ပေါ့။ မြို့နယ်အလိုက်စခမ်းတွေကတော့လှိုင်းဘွဲမြို့နယ်မှာ (၂၉)ခုဖွင့်ထားတယ်။ ကော့ကရိတ်မြို့နယ်မှာက (၄)ခုဘဲဖွင့်ထားတယ်။ မြ၀တီမြို့နယ်မှာ(၂)ခု ။ ဖါးပွန်မြို့နယ်မှာ(၁၁)ခု။ ဖါးအံမြို့နယ်မှာ(၁၈)ခု။ လူဦးရေအားလုံး (၂၃၂၃၅)ဦး။"

ဇူလိုင်လ(၂၆)ရက်နေ့ကနေ ဒီကနေ့အထိ တိုင်းနဲ့ပြည်နယ်(၅)ခုမှာ ရေဘေးအန္တရာယ်ကြုံတွေ့နေရတာနဲ့ စပ် လျင်းလို့ သဘာဝဘေးအန္တရာယ် စီမံခန့်ခွဲမှု ဦးစီးဌာနက ညွှန်ကြားရေးမှူး ဒေါက်တာမင်းသိန်းက အခုလို ပြော ပါတယ်။

"လက်ရှိကတော့ တိုင်းဒေသကြီးပြည်နယ်(၅)ခုမှာရေဘေးဆက်ဖြစ်နေသေးတာဘဲဗျာ။ အများဆုံးကတော့ ပဲခူးတိုင်း ပေါ့။ ပြီးရင်တော့ကရင်ပြည်နယ်။ မွန်ပြည်နယ်။ တနင်္သရီတိုင်းမကွေးပေါ့။ လက်ရှိတော့ဖြစ်နေပါတယ်။ အားလုံး ပေါင်း လိုက်ရင်တော့တသိန်းနဲ့တသောင်းကျော်လောက်က ရေဘေးရှာင်စခမ်းကို ခနသွားနေရတယ်။ စခမ်းစုစု ပေါင်း(၂၈၀)ကျော်ရှိပါတယ်ဗျ။ ရေကြီးတဲ့အချိန်မှာမတော်တဆထိခိုက်ဖြစ်တာလေးတွေကြောင့်မို့လို့ အသက် ဆုံးရှုံးတာက(၁၁)ယောက်ရှိပါတယ်။"

ရေကြီးမြေပြိုမှုကြောင့်သေဆုံးသူစာရင်းကိုတော့ ရေဘေးကြောင့်သေဆုံးသူစာရင်းထဲအကြုံးမ၀င်ဘူး လို့ ဒေါက်တာမင်းသိန်းကဆိုပါတယ်။

တိုင်းနဲ့ပြည်နယ်(၅)ခုအတွင်းရေဘေးဒုက္ခသည်တွေကို လူမှုကယ်ဆယ်ရေးနဲ့ ပြန်လည် နေရာချထားရေး ၀န်ကြီး ဌာနနဲ့ သက်ဆိုင်ရာပြည်နယ်တိုင်းအစိုးရတို့ကနေ အကူညီပေးဆောင်နေတယ်လို့ ဒေါက်တာမင်းသိန်းက ပြော ပါတယ်။

အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှု ကော်မတီအနေနဲ့ ကရင်ပြည်နယ် ဘားအံ မြဝတီ၊ ပဲခူးမြို့ နယ်၊ ရွှေကျင်မြို့နယ်နဲ့ မဒေါက်မြို့ အပါအဝင် မြစ်ကမ်းနားတွေနဲ့ မြေနိမ့်ပိုင်း နေထိုင်ကြသူတွေအနေနဲ့ မြစ်ရေ ကြီးမှုဘေးအန္တရာယ်က ကင်းလွတ်ရာကို ရှောင်ရှားကြဖို့နဲ့ တောင်ငူမြို့နယ်နဲ့ ဘီးလင်းမြို့ နယ်တွေ အတွင်းရှိ မြစ်ကမ်းအနီးနဲ့ မြေနိမ့်ပိုင်း နေထိုင်သူတွေအနေနဲ့ အထူး သတိပြု နေထိုင်ကြဖို့ ဇူလိုင်(၂၉)ရက်စွဲ နဲ့သတိပေး ကြေညာချက်ထုတ်ပြန်ထားပါတယ်။

ဇူလိုင်လ(၂၆)ရက်နေ့ကစပြီး မိုးအဆက်မပြတ်ရွာသွန်းမှု တောင်ကျရေစီးဆင်းလာမှု ပင်လယ်ရေဒီရေတက် လာမှုတွေနဲ့ကြုံကြိုက်လာတာကြောင့် မြန်မာနိုင်ငံအောက်ပိုင်းဒေသတွေမှာ အနှစ်(၅၀)ကျော် အတွင်း မကြုံစဘူး ရေကြီးမှုတွေဖြစ်ပွါးနေတာလဲဖြစ်ပါတယ်။

ကိုနိုင်ကွန်းအိန်  / ဗွီအိုအေ (မြန်မာပိုင်း)
https://burmese.voanews.com

သီပေါမြို့တွင် ပြောင်းအဝယ်ဒိုင် ရွာသားတဦး ပစ်ခတ်ခံရ

ပစ်ခတ်ခံရသူ ဦးစိန်ဝင်း၏နေအိမ်
သျှမ်းပြည်မြောက်ပိုင်း သီပေါမြို့နယ်တွင် စံဖိတ်ရွာသားတဦးအား အမည်မသိလက်နက်ကိုင်အဖွဲ့မှ ၀င်ရောက် ပစ်ခတ်သောကြောင့် သေဆုံးသွားရကြောင်းသိရသည်။

ဂျူလိုင်လ ၂၆ ရက် ည ၁၀ နာရီခန့်က သီပေါမြို့နယ် စံဖိတ်အုပ်စု စံဖိတ်ရွာသား ဦးစိန်ဝင်း (အသက် ၄၄ နှစ်) အား မျက်နှာဖုံးစွပ်ထားသော သေနတ်သမားတဦးက နေအိမ်အတွင်း ၀င်ရောက်ပစ်ခတ်ရာ ကျည်ဆန် ၃ ချက် ထိမှန်ကာ သေဆုံးသွားကြောင်းသိရသည်။

သီပေါမြို့သားစိုင်းဆိုင်က – “ကျနော်တို့သီပေါမှာ အခုတလော လုံခြုံရေးလုံးဝ မရှိတဲ့အနေ အထား ဖြစ်နေပါတယ်။ အခု လုံးစိန်ဝင်းပစ်ခတ်ခံရမှုမှာလည်း ပစ်ခတ်မှုလက်သည်က ၂ ယောက်လာတယ် ဆိုင်ကယ်နဲ့။ တယောက်ကဝင်ပစ်ပြီး နောက်တယောက်က ဆိုင်ကယ်မှာစောင့်တယ်။ လက်သည်တွေကို ရဲတပ်ဖွဲ့က မဖမ်းမိသေးတော့ ဘယ်သူမှန်းမသိရသေးဘူး ”- ဟု သျှမ်းသံတော်ဆင့်အားပြောသည်။

ပစ်ခတ်ခံရသူ ဦးစိန်ဝင်းမှာ တအာင်းအမျိုးသားတဦးဖြစ်ကြောင်းသိရသည်။ ၄င်းသည် သီပေါမြို့နှင့် ၁ မိုင်ခန့် အကွာရှိ ၀မ့်စံဖိတ်ရွာတွင် ပြောင်းဖူးအဝယ်ဒိုင်လုပ်ငန်းလုပ်ကိုင်နေပြီး နေအိမ်တွင်လည်း ကုန်စုံဆိုင်ဖွင့်လှစ် ထား ကြောင်းသိရသည်။

လုပ်ကြံပစ်သတ်မှုများ ဆက်တိုက်ဖြစ်ပေါ်နေသော သီပေါမြို့နယ်တွင် ယခုနှစ် ရ လတာကာလအတွင်း လူ ၁၀ ဦးထက်မနဲ ပစ်သတ်ခံခဲ့ရကြောင်း   နာရေးကူညီမှုအသင်း၏ ဖေ့စ်ဘုစာမျက်နှာ တွင်ဖော်ပြထားချက်အရသိရသည်။

သီပေါမြို့နယ်အတွင်း တရားဥပဒေမဲ့ ပစ်ခတ်မှုများ ရပ်တန့်နိုင်ရေးအတွက် တရားဥပဒေ စိုးမိုးမှုလိုအပ် နေသည်ဟုဆိုသော်လည်း အစိုးရ တပ်မတော်စစ်ကြောင်းများ ရှိနေသော်လည်း ပစ်ခတ်ခံရမှုရှိနေကြောင်း၊ လက်ရှိအနေအထားတွင် မည်သည့်လက်နက်ကိုင်အဖွဲ့အစည်းမှ အားထား၍ မရတော့ကြောင်း ပစ်ခတ်ခံရမှု အနီးနေထိုင်သည့် စိုင်းဆိုင်က ပြောသည်။

သျှမ်းသံတော်ဆင့်၊ ဟွမ်ဟိန်း
http://burmese.shannews.org

မာန်အောင်မြို့နယ်တွင် ရေလုပ်သား နှစ်ဦး ပျောက်ဆုံးနေ


နိရဉ္စရာ ဇူလိူင် ၃၁

ရခိုင်ပြည်နယ် မာန်အောင်မြို့မှ ကျေးရွာနှစ်ခုတွင် ဇူလိုင် ၃၀ ရက်နေ့ တစ်နေ့တည်း အတွင်း ငါးဖမ်းသမား အမျိုးသားနှစ်ဦး ပျောက်ဆုံးနေကြောင်း သတင်းရရှိသည်။

မာန်အောင်မြို့နယ်၊ သစ်ဝအုပ်စု၊ သစ်ဝချောင်းအတွင်း ပင်လယ်မှ ငါးဖမ်းပြီး အိမ်အပြန် ဆိပ်ကမ်း ကပ်ရန် ပြင်ဆင်နေချိန်တွင် စက်လှေမှာ ချောင်းအတွင်း ကန့်လန့်ဖြတ် ဖြစ်သွားပြီး နစ်မြုပ်ရာ ငါးဖမ်း စက်လှေပေါ် လိုက်ပါသူ ၄ဦး အနက် ၃ဦးမှာ အသက်ရှင် လွတ်မြောက်လာခဲ့သော်လည်း တစ်ဦးမှာ ပျောက်ဆုံးနေကြောင်း သစ်ပုံရဲကင်း တာဝန်ရှိသူမှာ ပြောကြားပါသည်။

"ဇူလိုင် ၃၀ ရက်နေ့က ဦးဖြူလှအောင် စက်လှေနဲ့ လူ ၄ဦး လိုက်ပါသွားခဲ့ပါတယ်။ ညနေ ၄ နာရီ ၁၅ မိနစ် အချိန်မှာ ပင်လယ်ကနေ ငါးဖမ်း အပြီး အပြန်မှာ ဆိပ်ကမ်းကပ်ဖို့အတွက် စက်ရှိန် လျော့ပြီး ကြိုးချည်ရန်လုပ်နေတုန်း ချောင်းရေစီးပြင်းတဲ့ အတွက်ကြောင့် စက်လှေက ချောင်း အတွင်း ကန့်လန့် ခံပြီး နစ်မြုပ်သွားပါတယ်။ သုံးဦးက လွတ်မြောက်လာပြီး တစ်ဦးက စက်လှေနှင့် အတူ ပါသွားပြီး ပျောက်ဆုံးနေပါတယ်။ စက်လှေကို ဒီနေ့ မနက် ၈ နာရီ ၄၅ မိနစ် အချိန်မှာ ချောင်းအဝင် ပင်လယ်ဝ သဲခုံပြင်မှာ ပြန်တွေ့တယ်။ လူကိုတော့ အခုအချိန်ထိ မတွေ့ သေးဘူး” ဟု သစ်ပုံရဲကင်းမှ တာဝန်ရှိသူတစ်ဦးက ပြောကြားသည်။

အသက်ရှင် လွတ်မြောက်လာသူ ၃ ဦးမှာ ဦးဖြူလှအောင်၊ ကျော်လွင်နှင့် ဦးမောင်ဆန်းလွှင် တို့ဖြစ်ကြပြီး ပျောက်ဆုံးနေသူမှာ ဘူးရေမျက်ကျေးရွာနေသူ ဦးဖြူလုံး (၅၅)နှစ် ဖြစ်ကြောင်း သိရသည်။

အလားတူ မာန်အောင်မြို့နယ် ဘဲအင်းကျေးရွာအုပ်စု ပန်းခြံချောင်းအတွင်း ကမ်းကပ်ထားသော စက်လှေတစ်စီးမှ ရေခပ်ထုတ်နေသူတစ်ဦး ရေထဲပြုတ်ကျပြီး ပျောက်ဆုံးနေကြောင်း သိရသည်။

ပျောက်ဆုံးသူမှာ ဒုန်းဒုန်းပြင်ကျေးရွာနေ ဦးမြင့်လွှင် ဖြစ်ကြောင်း သိရသည်။

“ ဇူလိုင် ၃၀ ရက်နေ့ ညဥ့် ၁၁ နာရီ ၃၀ မိနစ် အချိန်မှာ ဖြစ်တာပါ။ ဦးမြင့်လွှင်က ၎င်းပိုင်ဖြစ်တဲ့ စက်လှေအတွင်းကနေ မိုးရေတွေကို ခပ်ထုတ်ပြီး ပစ်ချနေစဉ် ရေထဲပြုတ်ကျပြီး ပျောက်ဆုံးနေခြင်း ဖြစ်ပါတယ်” ဟု ဒေသခံ တစ်ဦးက ပြောသည်။

ဦးမြှင့်လွှင်ကို ပျောက်ဆုံးသွားချိန်မှ စပြီး ချောင်းရိုးတစ်လျှောက် ရေလုပ်သားများနှင့် ကျေးရွာအုပ်ချုပ်ရေးမှူးတို့ အဖွဲ့မှ လိုက်လံ ရှာဖွေနေကြောင်း သိရသည်။

ဇူလိုင်လအတွင်း မာန်အောင်မြို့နယ်အတွင် ရေနစ် မတော်တဆေ သဆုံးသူ ၄ဦး သေဆုံးခဲ့ပြီး နှစ်ဦး ပျောက်ဆုံးနေကြောင်း သိရသည်။

အောင်လင်းထွန်း(မာန်အောင်)
Narinjara
https://www.facebook.com/Narinjara

အောင်ရဲထွေး အမှုရုပ်သိမ်းတဲ့ နောက်ခံအကြောင်းရင်းကို စိစစ်ဖို့ သမ္မတ ညွှန်ကြား


ဟာသသရုပ်ဆောင် အောင်ရဲထွေး အမှုကို ရုပ်သိမ်းလိုက်တာနဲ့ပတ်သက်တဲ့ နောက်ခံအကြောင်းရင်းတွေ၊ တခြားဆက်နွယ်တာတွေကို တိတိကျကျ စိစစ်ပြီး ဥပဒေနဲ့အညီ မှန်မှန်ကန်ကန်ဆောင်ရွက်ဖို့ နိုင်ငံတော်သမ္မတ ဦးဝင်းမြင့် က ပြည်ထောင်စုတရားသူကြီးချုပ်၊ ပြည်ထောင်စုရှေ့နေချုပ်နဲ့ အဂတိလိုက်စားမှု တိုက်ဖျက်ရေးကော် မရှင် ဥက္ကဌတို့ကို ဒီနေ့ တွေ့ဆုံမှာကြားလိုက်ပါတယ်။

အောင်ရဲထွေး အသတ်ခံရတဲ့အမှုနဲ့ သံသယရှိသူ ၃ဦးကို ပြီးခဲ့တဲ့ ဇူလိုင်လ ၂၅ရက်နေ့က ရန်ကုန်အရှေ့ပိုင်းခရိုင် တရားရုံးက အမှုရုပ်သိမ်းခွင့်ပြုပြီး လွှတ်ပေးလိုက်တာဖြစ်ပါတယ်။

အဲဒီခရိုင်တရားရုံးက လွှတ်မိန့်ချထားတာကို ပယ်ဖျက်ပြီး အမှုကို ဆက်လက်စစ်ဆေးဖို့ ပြည်ထောင်စုရှေ့နေချုပ်ရုံး က တိုင်းဒေသကြီး ဥပဒေချုပ်ထံ မနေ့က ညွှန်ကြားလိုက်တယ်လို့ နိုင်ငံတော်အတိုင်ပင်ခံရုံးပြောခွင့်ရပုဂ္ဂိုလ် ဦးဇော်ဌေး က သူရဲ့ လူမှုကွန်ယက်စာမျက်နှာမှာ ရေးသားထားပါတယ်။

ဒီနေ့မနက်မှာ နိုင်ငံတော်သမ္မတ ဦးဝင်းမြင့် က ပြည်ထောင်စုတရားသူကြီးချုပ်၊ ပြည်ထောင်စုရှေ့နေချုပ်နဲ့ အဂတိလိုက်စားမှုတိုက်ဖျက်ရေးကော်မရှင် ဥက္ကဌတို့နဲ့ တွေ့ဆုံခဲ့ကြောင်းလည်း ဦးဇော်ဌေး က ရေးသားဖော်ပြ ထားပါတယ်။

အဲဒီအမှုကို ရုပ်သိမ်းခွင့်ပြုလိုက်တာကြောင့် မြန်မာနိုင်ငံရဲ့ တရားစီရင်ရေး စနစ်ကို ဝေဖန်မှုတွေပြင်းထန် ခဲ့ပါတယ်။

အောင်ရဲထွေး သေဆုံးတဲ့အမှုကို ရုပ်သိမ်းခွင့်ပေးလိုက်တဲ့ တရားသူကြီးအပါအ၀င် ပါဝင်ပတ်သက်သူတွေကိုပါ စစ်ဆေးပေးဖို့ လိုအပ်တယ်လို့ လူမှုကွန်ယက်စာမျက်နှာတွေမှာ ရေးသားကြသူတွေရှိပါတယ်။ အဲဒီပါဝင်ပတ်သက် သူတွေကို စစ်ဆေးဖို့ သမ္မတကြီးက မှာကြားခဲ့တာရှိ မရှိကို မေးမြန်းဖို့အတွက် နိုင်ငံတော်သမ္မတရုံး ပြောရေး ဆိုခွင့်ရှိသူ ဦးဇော်ဌေးနဲ့ အဂတိလိုက်စားမှု တိုက်ဖျက်ရေးကော်မရှင်တို့ကို ဆက်သွယ်ခဲ့ပေမဲ့ ဖုန်းလက်ခံဖြေ ကြားခြင်း မရှိခဲ့ပါဘူး။

RFA Burmese
https://www.rfa.org/burmese

လူဦးရေ တစ်သိန်းသုံးသောင်းကျော် ရေဘေးသင့်

ဘားအံမြို့နယ် မဲဘောင်ရွာမှာ ရေတက်နေတာကို ၂၀၁၈ ဇူလိုင်လ ၃၁ ရက်နေ့ကတွေ့ရစဉ် / Photo: RFA
ကရင်၊ တနင်္သာရီ၊ မွန်၊ ပဲခူး၊ မကွေး စတဲ့ တိုင်းနဲ့ ပြည်နယ် ၅ခုမှာ ရေဘေးကြောင့် လူဦးရေ တစ်သိန်း သုံးသောင်းကျော် ကယ်ဆယ်ရေးစခန်းတွေမှာ ရွှေ့ပြောင်းနေရပါတယ်။

ရေဘေးကယ်ဆယ်ရေးစခန်း ၄၉၀ မှာ ရွှေ့ပြောင်းနေကြတဲ့ စာရင်းဖြစ်တယ်လို့ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာန တာဝန်ရှိသူတစ်ဦးက ပြောပါတယ်။

မနေ့က ရေဘေးဒုက္ခသည် နှစ်သောင်းခြောက်ထောက်ကျော်ရှိတဲ့ ပဲခူးတိုင်းဒေသကြီး ရွှေကျင်မြို့နယ် မှာ ရေဘေးဒုက္ခသည် ၂၇၀၀၀ ကျော်အထိ တိုးလာပါတယ်။

နောက် ၄ ရက်စာလောက်ပဲ ရိက္ခာရှိတော့တယ်လို့ ရွှေကျင်မြို့နယ် အုပ်ချုပ်ရေးမှူး ဦးထွန်းထွန်းလင်း က ပြောပါတယ်။

"ဒီနေ့အထိကတော့ တစ်မြို့နယ်လုံး အတိုင်းအတာနဲ့ အိမ်ထောင်စုပေါင်း ၅၆၇၈စု ပေါ့၊ လူဦးရေပေါင်း ကတော့  ၂၇၂၆၆ ဦးပါ၊ ကျနော်တို့ ရေလွှတ်ရာဒေသကို အားလုံးရွေ့ပြောင်းထားပါတယ်၊ ဆန်ကနောက်ထပ် တပတ်စာလောက်အထိက လုံလောက်မှုမရှိဘူးဗျ၊ ကျနော်တို့ဆီမှာ အလှူရှင်တွေ လာတဲ့အနေအထားပေါ် တွက်ချက်မယ်ဆိုရင် နောက်ထပ် ၃ရက်စာလောက်တော့ ကောင်းကောင်း မွန်မွန်ဖြန့်ဝေလို့ ရပါတယ်ဗျ"

ပြီးခဲ့တဲ့ ဇူလှိုင်လ ၂၄ရက်နေ့ကတည်းက မိုးအဆက်မပြတ်ရွာနေတာကြောင့် စစ်တောင်းမြစ်ရေတက်တာ၊ တောင် ကျရေ ကျတာတွေကြောင့် ရွှေကျင်မြို့နယ်မှာ ရပ်ကွက် ၈ခုနဲ့ ကျေးရွာအုပ်စု ၃၁ အုပ်စုမှာ ရေကြီးနေတာဖြစ် ပါတယ်။

အဲဒီရွာတွေထဲမှာ သွားလာရခက်ခဲတဲ့ ကျေးရွာတွေအတွက် အနီးဆုံးကျေးရွာတွေအထိ သွားပြီး ရိက္ခာတွေ ပို့ဆောင်ပေးနေတယ်လို့ ဦးထွန်းထွန်းလင်းက ပြောပါတယ်။

ရွှေကျင်-ညောင်လေးပင်လမ်းမှာ ရေကြီးနေတာကြောင့် ကယ်ဆယ်ရေးပစ္စည်းတွေကို လှေတွေ၊ ကားတွေနဲ့ သယ်ယူနေရတယ်လို့လည်းပြောပါတယ်။

အလားတူ ကရင်ပြည်နယ်မှာဆိုရင် ရေအနည်းငယ်ကျနေပေမယ့် ဘားအံ၊ လှိုင်းဘွဲ့၊ ဖာပွန်၊ ကော့ကရိတ်မြို့တွေ မှာ ရေကြီးနစ်မြုပ်နေပြီး မွန်ပြည်နယ်မှာဆိုရင် ဘီးလင်း၊ သထုံ၊ ကျိုက်ထိုနဲ့ ကျိုက်မရောမြို့နယ်တွေမှာ ရေကြီးနေ ပါတယ်။

တနင်္သာရီတိုင်းမှာတော့ တနင်္သာရီမြို့မှာရေမကျသေးဘဲ ရေဘေးဒုက္ခသည် ၆ထောင်ကျော်နဲ့ ရေဘေး သင့်ပြည်သူတွေထဲက လက်လုပ်လက်စား လူဦးရေ ၃၅၀၀ ကို ရိက္ခာတွေ ဝေငှနေရဆဲဖြစ်ပါတယ်။

ရေဘေးကြောင့် သေဆုံးသူစုစုပေါင်း ၁၁ ဦး ရှိပြီး ဘီးလင်းရေဘေးကယ်ဆယ်ရေးမှာ ရေစီးနဲ့မျောပါ သေဆုံးခဲ့တဲ့ တပ်မတော်သား ၃ဦးထဲက နှစ်ဦးရဲ့ ရုပ်အလောင်းကို ပြန်လည်တွေ့ရှိထားတယ်လို့ သိရပါတယ်။

RFA Burmese
https://www.rfa.org/burmese

ဖိလစ်ပိုင်နိုင်ငံ အနောက်တောင်ပိုင်းတွင် ကားဗုံးကွဲမှုကြောင့် လူ ၆ ဦး သေဆုံး

ဖိလစ်ပိုင်နိုင်ငံတွင် ကားဗုံးကွဲမှုဖြစ်ပွားခဲ့သော အခင်းဖြစ်နေရာအား တွေ့ရစဉ် (ဓါတ်ပုံ- အင်တာနက်)
မနီလာ ၊ ဇူလိုင် ၃၁ ရက်(ဆင်ဟွာ)

    ဖိလစ်ပိုင်နိုင်ငံ တောင်ပိုင်း Basilan ပြည်နယ် Lamitan  မြို့ရှိ စစ်ဆေးရေးဂိတ်တစ်ခုတွင်  ဇူလိုင်လ ၃၁ ရက်နေ့ မနက်ပိုင်းက ကားဗုံးကွဲမှုတစ်ခုဖြစ်ပွားခဲ့ရာ လက်ရှိအချိန်ထိ သေဆုံးသူ ၆ ဦး ရှိပြီဖြစ် ကြောင်း  ဖိလစ်ပိုင်အစိုးရတပ်က ယင်းနေ့တွင် ပြောကြားခဲ့သည်။

လုံခြုံရေးတပ်ဖွဲ့ဝင်များက ဒေစံတော်ချိန် ၆ နာရီခန့်က သံသယဖြစ်ဖွယ် အဖြူရောင်ကားတစ်စီးကို တွေ့ရှိခဲ့သောကြောင့် စစ်ဆေးရေးဂိတ်တွင် စစ်ဆေးနေစဉ်  ရုတ်တရက်ပေါက်ကွဲမှုဖြစ်ပွားခဲ့ကြောင်း ၊ ပေါက်ကွဲမှုကြောင့် တပ်ဖွဲ့ဝင် ၅ ဦးအပါအ၀င် ၆ ဦး သေဆုံးခဲ့ပြီး တပ်ဖွဲ့ဝင် ၂ ဦး ဒဏ်ရာရရှိခဲ့ကြောင်း အနောက် Mindanao စစ်ဌာနချုပ်က ဇူလိုင် ၃၁ ရက်တွင် ကြေညာချက် ထုတ်ပြန်ခဲ့သည်။

ပေါက်ကွဲမှုနှင့်စပ်လျဉ်း၍ Basilan ပြည်နယ်အစိုးရနှင့် ဖိလစ်ပိုင်အစိုးရတပ်ဖွဲ့ဝင်များက စုံစမ်းစစ်ဆေး လျက် ရှိကြောင်း သိရသည်။ ကနဦး စစ်ဆေးချက်များအရ   အဆိုပါပေါက်ကွဲမှုမှာ အသေခံဗုံးခွဲ တိုက်ခိုက်မှု ဖြစ်နိုင်ပြီး အဘူ ဆာရပ်ဖ် (Abu Sayyaf) အကြမ်းဖက်အဖွဲ့က လုပ်ဆောင်ခြင်း ဖြစ်နိုင်ကြောင်း  Basilan ပြည်နယ် ပြည်နယ်မှူးက ဒေသခံမီဒီယာများကို ပြောကြားခဲ့သည်။

အဘူ ဆာရပ်ဖ် (Abu Sayyaf) လက်နက်ကိုင် အကြမ်းဖက်အဖွဲ့သည် ၁၉၉၀ ပြည့်နှစ်များ အစောပိုင်းက တည်ထောင်ခဲ့ခြင်းဖြစ်သည်။ ယင်းအဖွဲ့မှာ အဓိကအားဖြင့် ဖိလစ်ပိုင်နိုင်ငံ တောင်ပိုင်းတွင် လှုပ်ရှားလေ့ရှိပြီး အကြမ်းဖက်တိုက်ခိုက်မှုနှင့်ပြန်ပေးဆွဲမှုများလုပ်ဆောင်ခဲ့ဖူးကြောင်း ၊ ဖိလစ်ပိုင်အစိုးရ၏ဖိနှိပ်မှုကြောင့် အင်အားဆုတ်ယုတ်ခဲ့ခြင်းဖြစ်ကြောင်း သိရသည်။

(Xinhua)
http://www.xinhuamyanmar.com

နိုင်ငံတကာမှ ကြားဝင်ညှိနှိုင်းမှုများရှိနေသော်လည်း ပါလက်စတိုင်း နှင့် အစ္စရေးတို့ ဂါဇာဒေသတွင် စစ်ရေးအရ ထိပ်တိုက်ရင်ဆိုင်မှုများ မြင့်တက်လျက်ရှိ

ဂါဇာကမ်းမြောင်ဒေသ နှင့် အစ္စရေးနိုင်ငံ နယ်စပ် တွင် ပါလက်စတိုင်းလူမျိုးများ၏ ဆန္ဒပြမှုများအားတွေ့ရစဉ် (ဆင်ဟွာ)
ဂါဇာ၊ ဇူလိုင် ၃၁ ရက် (ဆင်ဟွာ)

    အစ္စရေးနှင့် ပါလက်စတိုင်းတို့အကြား သွေးထွက်သံယို ပဋိပက္ခများ ကို ရှောင်ရှားပြီး ကာလရှည်ကြာပြီဖြစ်သော မြေပိုင်နက် သဘောတူညီချက် တစ်ခုကို ရရှိရန် ဒေသတွင်း နှင့် နိုင်ငံတကာမှ ကြိုးပမ်းအားထုတ်မှုများ ရှိနေသည့်ကြားက ဂါဇာကမ်းမြောင်ဒေသတွင် ပါလက်စတိုင်းနှင့် အစ္စရေး တို့၏ စစ်ရေးအရ ထိပ်တိုက်ရင်ဆိုင်မှုများ ဖြစ်ပေါ်နေဆဲဖြစ်သည်။

လွန်ခဲ့သည့် ရက်သတ္တပတ် အနည်းငယ်အတွင်း ပါလက်စတိုင်းအုပ်စုများမှ အစ္စရေးတောင်ပိုင်းသို့ ဒုံးကျည်များဖြင့် တရစပ်ပစ်ခတ်ခဲ့ပြီးနောက် အစ္စရေးတို့က ဂါဇာကမ်းမြောင်ဒေသကို လေကြောင်းတိုက်ခိုက်မှုများစွာ နှင့် လက်နက်ကြီးဖြင့် တုံ့ပြန်ပစ်ခတ်ခဲ့ရာ ပါလက်စတိုင်းလူမျိုးအများအပြား သေဆုံး၊ ဒဏ်ရာရရှိခဲ့ကြသည်။

အစ္စရေးနိုင်ငံက ဇူလိုင် ၂၅ရက်တွင် ဂါဇာ-အစ္စရေးနယ်စပ်တစ်လျှောက် ဗုံးကြဲချမှုတစ်ခုကြောင့် ဂါဇာကမ်းမြှောင်ဒေသကို အုပ်စိုးနေသည့် အစ္စလာမ်မစ်ဟားမားစ်အုပ်စု မှ စစ်သွေးကြွ ၃ဦး သေဆုံးခဲ့သည်။

နယ်စပ်ခြံစည်းရိုးရှိ အစ္စရေးစစ်တပ်၏ စခန်းတစ်ခုကို အစောပိုင်းက ဂါဇာကမ်းမြောင်ဒေသမှ စတင်ပစ်ခတ်မှုကြောင့် အစ္စရေးစစ်သားတစ်ဦး ဒဏ်ရာရရှိခဲ့သည်ကို လက်တုံ့ပြန်သည့်အနေဖြင့် ယင်းသို့ တိုက်ခိုက်ရခြင်းဖြစ်ကြောင်း အစ္စရေးဘက်က ခုခံပြောဆိုခဲ့သည်။

ဟားမားစ်အဖွဲ့၏ အုပ်စုခွဲတစ်ခုဖြစ်သော al-Qassam တပ်ခွဲ က အခြေအနေအားလုံးကို တပ်လှန့်ထားကြောင်း၊ ဖြစ်ပေါ်လာနိုင်ခြေရှိသည့် မည်သည့်လှုပ်ရှားမှုမျိုးကိုမဆို တုံ့ပြန်ဆောင်ရွက်ရန် အမြင့်ဆုံး အသင့်အနေအထား၌ ရှိနေရန်အတွက် ဂါဇာကမ်းမြောင်ဒေသရှိ လက်နက်ကိုင်အုပ်စုအားလုံးကို နှိုးဆော်ထားကြောင်း ပြောကြားခဲ့သည်။

၂၀၁၄ခုနှစ် နွေရာသီတွင် ဂါဇာကမ်းမြောင်ဒေသအပေါ် အစ္စရေးတို့ဘက်က တိုက်ခိုက်မှုများ ပြုလုပ်ပြီးကတည်းက ဖြစ်ပွားခဲ့သည့် နှစ်ဖက်အုပ်စုအကြား အပြင်းထန်ဆုံးသော ပဋိပက္ခများအနက် တစ်ခု ဖြစ်သည့် ဇူလိုင် ၂၇ ရက် တိုက်ခိုက်မှုတွင် ဟားမားစ်စစ်သွေးကြွ ၃ဦးအပါအဝင် ပါလက်စတိုင်း ၄ဦးသေဆုံးပြီး အစ္စရေးစစ်သားတစ်ဦးလည်း သေဆုံးခဲ့သည်။

ဂါဇာကမ်းမြောင်ဒေသ နှင့် အစ္စရေးနိုင်ငံ နယ်စပ် တွင် ပါလက်စတိုင်းလူမျိုးများ၏ ဆန္ဒပြမှုများအားတွေ့ရစဉ် (ဆင်ဟွာ)

အီဂျစ်နိုင်ငံ၊ ကာတာနိုင်ငံ နှင့် ကုလသမဂ္ဂအဖွဲ့အနေဖြင့် အစ္စရေးနိုင်ငံက ပိတ်ဆို့ကာရံထားသော ပါလက်စတိုင်း၌ တည်ငြိမ်မှုပြန်လည်ရရှိရန် ကြိုးပမ်းအားထုတ်လုပ်ဆောင်ကြရန်အတွက်လည်း ယင်းဖြစ်ရပ်များ က တွန်းအားပေးခဲ့သည်။

ဂါဇာအခြေစိုက် နိုင်ငံရေးကျွမ်းကျင်သူ Adnan Abu Amer က အစ္စရေး နှင့် ပါလက်စတိုင်း နှစ်ဖက်စလုံးသည် ရှေ့တန်းစစ်မျက်နှာဖွင့်၍ ထိပ်တိုက်ရင်ဆိုင်ရန် မလိုလားကြောင်း၊ အဘယ်ကြောင့်ဆိုသော် ယင်းသို့ဖြစ်ပွားပါက နှစ်ဖက်စလုံးအတွက် ကုန်ကျစရိတ်အလွန်များပြားစေမည်ဖြစ်၍ ဖြစ်ကြောင်း ပြောကြားခဲ့သည်။

သို့သော် ၎င်းက ယခုလို ထိပ်တိုက်ရင်ဆိုင်မှု အသေးစားများ ထပ်ခါထပ်ခါဖြစ်ပွားနေခြင်းကြောင့် နောက်ဆုံးတွင် ခိုင်မာသည့် ဆုံးဖြတ်ချက်တစ်ခုကို ချမှတ်ရန်အကြောင်းတရားသို့ ဦးတည်သွားနိုင်ပြီး ယင်းဆုံးဖြတ်ချက်သည် အမှန်တကယ် ခိုင်မာသည့် အပစ်အခတ်ရပ်စဲရေးသဘောတူညီချက်တစ်ခု ဖြစ်နိုင်သလို စစ်ရေးအရကြီးမားသော လှုပ်ရှားမှုတစ်ခု ဖြစ်နိုင်ကြောင်း ပြောကြားခဲ့သည်။

၂၀၀၇ခုနှစ်မှ စတင်၍ ဂါဇာကမ်းမြောင်ဒေသအပေါ် အစ္စရေး၏ ပိတ်ဆို့ထားမှုများကို ပယ်ဖျက်ရန် တောင်းဆိုသည့် “Great March of Return” ဆန္ဒပြပွဲအား ပါလက်စတိုင်းတို့ဘက်မှ မတ် ၃၀ရက်တွင် စတင်လုပ်ဆောင်ခဲ့စဉ်ကတည်းက နှစ်ဖက်တင်းမာမှုများ မြင့်တက်လာခဲ့သည်။

သောကြာနေ့တိုင်း အပြင်းထန်ဆုံးဖြစ်သည့် ဆန္ဒပြပွဲများအတွင်း အစ္စရေးဘက်က ပစ်ခတ်မှုကြောင့် ပါလက်စတိုင်းလူမျိုး ၁၄၈ဦးခန့် သေဆုံးခဲ့သည်။

ဂါဇာကမ်းမြောင်ဒေသတွင် ယခင်ကတည်းက ရည်မှန်းချက်အောင်မြင်မှုမရနိုင်သည့် အပစ်အခတ်ရပ်စဲရေး သဘောတူညီချက် ပြိုကွဲပျက်စီးမှုကို ရှောင်ရှားရန် ဒေသတွင်း နှင့် နိုင်ငံတကာ က ဆွေးနွေးညှိနှိုင်းမှုများစွာ ပြုလုပ်ခဲ့ပြီး အစ္စရေး နှင့် ဟားမားစ်တို့အကြား ခိုင်မာသည့် အပစ်အခတ်ရပ်စဲရေးသဘောတူညီချက် တစ်ခုကိုရရှိရန် ကြားဝင်ညှိနှိုင်း၍ ကြိုးပမ်းအားထုတ်ခဲ့ကြသည်။

သတင်းမီဒီယာများ ၌ ဖော်ပြချက်အရ အဆိုပါ သဘောတူညီချက်တွင် ဂါဇာကမ်းမြောင်ဒေသ၌ ဆိုးရွားနေသည့် အခြေအနေများ ကောင်းမွန်လာစေရန် အထူးသဖြင့် စီးပွားရေးနယ်ပယ်၌ တိုးတက်လာစေရန် အတွက် အစ္စရေးနိုင်ငံမှ လူသားချင်းစာနာထောက်ထားမှု အဆောက်အအုံများ  နှင့် နှစ်ပေါင်းများစွာ ဆောင်ရွက်ခဲ့သည့် အပစ်အခတ်ရပ်စဲရေးသဘောတူညီချက် ပြန်လည်တည်ဆောက်ရေး ကိစ္စများပါဝင်နိုင်ခြေရှိကြောင်း သိရသည်။

သို့သော် ဂါဇာကမ်းမြောင်ဒေသတွင် မကြာသေးမီကဖြစ်ပွားခဲ့သော ကိစ္စရပ်များကို ကြည့်ရှုခြင်းဖြင့် အစ္စရေးနိုင်ငံက ယခင်ပိတ်ဆို့မှုများအပြင် အထူးသဖြင့် ကုန်ကြမ်းပစ္စည်းများ နှင့် ဆောက်လုပ်ရေးပစ္စည်းများ အပါအဝင် ကုန်ပစ္စည်းများ တင်သွင်းခွင့်အပေါ် တင်းကျပ်သည့် တားမြစ်မှုများ ကိုလုပ်ဆောင်ခဲ့ပြီး လူသားချင်းစာနာထောက်ထားမှု ပဋိပက္ခ ပြင်းထန်လာစေရန် ခြိမ်းခြောက်နေကြောင်း သိမြင်နိုင်သည်။

ဂါဇာကမ်းမြောင်ဒေသမှ အစ္စရေးဘက်သို့ မီးရှို့ထားသည့် စွန်များ နှင့် ဟီလီယံဓါတ်ငွေ့မိုးပျံပူပေါင်းများ လွှတ်တင်ခဲ့မှုကြောင့် အစ္စရေးပိုင်နက်အတွင်း မီးလောင်မှုကြီးများ နှင့် ဆုံးရှုံးမှုများ ဖြစ်ပေါ်ခဲ့သည်ကို လက်တုံ့ပြန်သည့်အနေဖြင့် အစ္စရေးက ယင်းကဲ့သို့ တင်းကျပ်သည့် ပိတ်ဆို့တားမြစ်မှုများ ပြုလုပ်ခဲ့ခြင်းဖြစ်သည်။

ဂါဇာကမ်းမြှောင်ဒေသမှ နိုင်ငံရေးလေ့လာသုံးသပ်သူ နှင့် စာရေးဆရာတစ်ဦးဖြစ်သူ Hamza Abu Shanab က နှစ်ဘက်စလုံး၏ စစ်ရေးအရ အပြုအမူ သည် တင်းမာမှုများ ပြင်းထန်မှု (သို့) လျော့ကျသွားမှုတို့၏ အဓိက အဆုံးအဖြတ်ဖြစ်ကြောင်း ပြောကြားခဲ့သည်။

၎င်းက နှစ်ဖက်စလုံးသည် စစ်ပွဲအသစ်တစ်ခုအတွက် နိုင်ငံရေးမျှော်မှန်းချက် ပန်းတိုင်မရှိကြောင်း ထောက်ပြပြောဆိုခဲ့ပြီး အစ္စရေးနိုင်ငံအနေဖြင့် ဆီးရီးယားနိုင်ငံ နှင့် ထိစပ်နေသော ဂိုလန်ကုန်းမြင့် မြောက်ပိုင်း စစ်မျက်နှာပြင်တွင် ခြိမ်းခြောက်မှုများ တိုးမြင့်ရင်ဆိုင်လာရမှုကို အလေးထားနေရကြောင်း ပြောကြားခဲ့သည်။

အစ္စရေးနိုင်ငံ ၏ တင်းကျပ်သော ပိတ်ဆို့တားမြစ်မှုများသည် မရေမတွက်နိုင်သော အလုပ်လက်မဲ့ရာခိုင်နှုန်း နှင့်အတူ ဂါဇာကမ်းမြောင်ရှိ ပြည်သူ ၂သန်းကို ဆင်းရဲတွင်းထဲသို့ တွန်းပို့ခဲ့သည်။

လွန်ခဲ့သည့် ၉နှစ်တာကာလအတွင်း အစ္စရေး နှင့် ဟားမားစ်အုပ်စုတို့ အဓိက စစ်ပွဲ ၃ခု ဖြစ်ပွားခဲ့ပြီး ထောင်ပေါင်းများစွာသော ပါလက်စတိုင်းလူမျိုး နှင့် အစ္စရေးနိုင်ငံသားများ သေဆုံးခဲ့ကြကြောင်းသိရသည်။

(Xinhua)
http://www.xinhuamyanmar.com

ဒုံးကျည်စမ်းသပ်မှုသစ်တွေ မြောက်ကိုရီးယားလုပ်နေလို့ အမေရိကန်ပြော


ထောက်လှမ်းရေးဂြိုဟ်တုတွေက ရတဲ့ အချက်အလက် ဓာတ်ပုံတွေအရ ဒုံးခွင်းဒုံးကျည်စမ်းသပ်မှုသစ်တွေလုပ်နေတဲ့ နေရာကို ခြေရာခံမိထားတယ်လို့ အမည်မဖော်လိုတဲ့ အမေရိကန်အရာရှိတွေက ဝါရှင်တန်ပို့စ်သတင်းစာကို ပြောပါတယ်။

ဂြိုဟ်တု ဓာတ်ပုံတွေထဲမှာတော့ စက်ရုံထဲ ယာဉ်တွေဝင်ထွက်နေတာတွေကို တွေ့ရပါတယ်။

မြို့တော်ပြုံယမ်းအနီးက Sanumdong နျူကလီးယားစမ်းသပ်စက်ရုံအနီးမှာ ဒုံးခွင်းဒုံးကျည်စမ်းသပ်ရေး အဆောက်အဦ တခု ဒါမှမဟုတ် ၂ ခု ရှိနေတယ်လို့ အမည်မဖော်လိုတဲ့ အမေရိကန်အရာရှိက ပြောခဲ့တာပါ။

ရိုက်တာသတင်းအေဂျင်စီကို ပြောရာမှာတော့ စမ်းသပ်မှုက ဘယ်လောက်ထိ ခရီးပေါက်နေပြီလဲဆိုတာ ရှင်းရှင်းလင်းလင်းမသိရသေးဘူးလို့ အဲဒီအမေရိကန်အရာရှိက ပြောပါတယ်။

သမ္မတထရမ့် နဲ့ ခေါင်းဆောင်ကင်ဂျုံအွန်း တို့ဟာ ပြီးခဲ့တဲ့ဇွန်လတုန်းက စင်္ကာပူမှာ တွေ့ဆုံဆွေးနွေးခဲ့ကြပြီး နျူကလီးယားက လျှော့ချရေးကို ထိပ်သီး ခေါင်းဆောင် ၂ ဦးက သဘောတူခဲ့ကြပါတယ်။
သမ္မတထရမ့် နဲ့ မြောက်ကိုရီးယားခေါင်းဆောင် တွေ့ဆုံစဉ်
ဒါပေမယ့် နျူးကလီးယားစွန့်လွှတ်ရေး နဲ့ ဒုံးလက်နက်တွေ အဆုံးသတ်ရေးမှာ အမေရိကန်ဟာ မြောက်ကိုရီးယားခေါင်းဆောင်နဲ့ တိကျတဲ့ကတိကဝတ်တွေ မယူဘဲ လိုက်လျောခဲ့တဲ့အပေါ် သမ္မတထရမ့်ကို ဝေဖန်ပြစ်တင်တာတွေ ရှိနေပါတယ်။

ပြီးခဲ့တဲ့ ဇွန်လတုန်းကလည်း မြောက်ကိုရီးယားဟာ နျူကလီးယားစမ်းသပ်မှုတွေ ဆက်လုပ်နေသေးတယ်လို့လည်း စုံစမ်းထောက်လှမ်းမှုတွေက ထွက်ရှိလာတဲ့ အစီရင်ခံစာတွေကို ကိုးကားပြီး အမေရိကန်မီဒီယာတွေမှာ ရေးသား ဖော်ပြခဲ့ဖူးပါတယ်။

BBC Burmese
https://www.bbc.com/burmese

အောင်သပြေအသက် ၇၀ အရွယ်တစ်ဦးအပါအ၀င် ၃ဦး အာမခံမရ

ပုသိမ်ကြီးမြို့နယ် ရဲစခန်းကို ၂၀၁၈ ဇူလိုင်လ ၃၁ ရက်နေ့က လာရောက်အဖမ်းခံတဲ့ အောင်သပြေရွာသားတွေကို တွေ့ရစဉ်/ Photo: Khaymani Win/RFA
လမ်းတံတားဥပဒေ၊ ငြိမ်းစုစီဥပဒေတွေနဲ့ အမှုဖွင့်ခံထားရတဲ့ ပုသိမ်ကြီးမြို့နယ်က ဒေသခံ ၇ ဦးဟာ မြို့နယ်ရဲစခန်း မှာ ဒီနေ့လာရောက် အဖမ်းခံရာ ၄ဦး အာမခံရရှိခဲ့ပြီး ၃ဦးက အာမခံမရရှိတဲ့အတွက် အိုးဘိုထောင်ကို ပို့ဆောင်ခံ လိုက်ရပါတယ်။

အမှုဖွင့်ခံထားရသူတွေ ရဲစခန်းကိုလာရောက်ဖို့ အကြိမ်ကြိမ်ဆင့်ခေါ်နေတဲ့အတွက် အခုလိုလာရောက်အဖမ်းခံ တာဖြစ်တယ်လို့ ငြိမ်းစုစီဥပဒေပုဒ်မ ၁၉ နဲ့ တရားစွဲဆိုခံထားရတဲ့ အောင်သပြေကျေးရွာက ဦးရွှေအုန်း က ပြောပါတယ်။

"ပုဒ်မ ၂၂ နဲ့ တောင်သူ ၄ ဦးကို တရားစွဲထားပါတယ်။ တစ်ဦးက ဒေါ်မြမြက ၂၄ ရက်နေ့က အဖမ်း ခံထားရပြီးပြီ။ ကျန်တောင်သူ သုံးဦးကို ပို့ပါပို့ပါဆိုပြီး အကြိမ်ကြိမ်ဆင့်ခေါ်လို့ တောင်သူတွေ က ကြောက်လို့လန့်လို့ လာပို့ရတာပါ။ အဲထဲမှာ ငြိမ်းစုစီသမားတွေရော ဆင့်ခေါ်လို့လာရတာပါ။ မလာခဲ့လို့ရှိရင် ဝရမ်းထုတ်မယ် အကြိမ်ကြိမ်ပြောခံရလို့ တရားဥပဒေအတိုင်းရင်ဆိုင်ဖို့ လာခဲ့ရတာပါ"

ငြိမ်းစုစီဥပဒေပုဒ်မ ၁၉ နဲ့ လာရောက်အဖမ်းခံသူ ၄ ဦးဟာ အာမခံရရှိခဲ့ပေမယ့် လမ်းတံတားဥပဒေ ပုဒ်မ ၂၂ နဲ့ လာရောက်အဖမ်းခံသူ ၃ဦးက အာမခံမရခဲ့ပါဘူး။ ဒီနေ့ အာမခံမရရှိသူ ၃ဦးထဲမှာ အသက် ၇၀ ကျော်အရွယ် အမျိုးသမီးကြီးတစ်ဦးလည်း ပါဝင်ပါတယ်။

သူတို့ဟာ အောင်သပြေကျေးရွာအနီးမှာ ဆောက်လုပ်တဲ့ ကျောက်မီးသွေးသုံး ဘိလပ်မြေစက်ရုံစီမံကိန်းကို ကန့်ကွက်နေကြသူတွေဖြစ်ပါတယ်။

အဲဒီစီမံကိန်းကို အကောင်အထည်ဖော်နေတဲ့ မြင့်ရင်းနှီးမြှုပ်နှံမှုကုမ္ပဏီရဲ့ လုပ်ငန်းခွင်သုံး စက်ယန္တရားတွေ အသုံးမပြုနိုင်အောင် ပုသိမ်ကြီးမြို့နယ် အောင်သပြေ-သရက်ကိုင်း ကျေးရွာချင်းဆက်လမ်းကို တားဆီးကြရင်း နယ်နိမ်ိတ်ကို ကျူးကျော်ခြံခတ်တယ်ဆိုပြီး လမ်းတံတားဥပဒေ၊ ငြိမ်းစုစီဥပဒေပုဒ်မ ၁၉ တို့နဲ့ အမှုဖွင့်ခံထားရ တာဖြစ်ပါတယ်။

လမ်းတံတားဥပဒေနဲ့ အမှုဖွင့်ခံထားရသူတွေထဲက ဒေသခံအမျိုးသမီးတစ်ဦးကတော့ ပြီးခဲ့တဲ့တပတ်လောက် ကတည်းက ဖမ်းဆီးခံထားရပါတယ်။

RFA Burmese
https://www.rfa.org/burmese

တနင်္သာရီဂျာနယ်အမှု ချေဖျက်ပေးဖို့ လျှောက်ထားချက် ပယ်ချခံရ

တနင်္သာရီဂျာနယ်မှာ ဖော်ပြခဲ့တဲ့ မဲဆွယ်အပြုံး အမည်ရှိတဲ့ သရော်စာကို တွေ့ရစဉ်/ Photo: Dawei Watch
တနင်္သာရီတိုင်းဒေသကြီး အစိုးရက တနင်္သာရီဂျာနယ်ကို တရားစွဲဆိုထားတာ ချေဖျက်ပေးဖို့ လျှောက်ထားချက်ကို တိုင်းတရားလွှတ်တော်က ဒီနေ့ ပယ်ချလိုက်ပါတယ်။

မီဒီယာလွတ်လပ်ခွင့်၊ လွတ်လပ်စွာထုတ်ဖော်ခွင့်အရ အခုလိုတရားမစွဲသင့်ဘူးလို့ ယုံကြည်တဲ့အတွက် ဥပဒေအတိုင်း ဆက်လက်တရားရင်ဆိုင်သွားမယ်လို့ တနင်္သာရီဂျာနယ် တာဝန်ခံအယ်ဒီတာ ဦးမျိုးအောင်က ပြောပါတယ်။

"မီဒီယာလွတ်လပ်ခွင့် လွတ်လပ်စွာ ထုတ်ဖော်ပြောဆိုခွင့် ရေးသားခွင့်ဆိုတဲ့ ထုံးစံတွေအရ ဒီဟာက ပလပ်ရမယ့်အမှုလို့ ယုံကြည်တယ်၊ ဒီအမှုက မစွဲသင့်ဘူးလို့လည်း ယုံကြည်တယ်လေ၊ ဒီဟာက ကျနော်တို့တစ်ခုထဲ ရင်ဆိုင်နေရတယ်ဆိုပေမယ့် မီဒီယာလောကတစ်ခုလုံး အားလုံးနဲ့သက်ဆိုင်တယ်၊ အဲတော့အားလုံးအတွက်လည်း အရေးကြီးတယ်လို့လည်းယူဆတယ်၊ ယုံလည်းယုံကြည်တယ် ယုံကြည်တဲ့အတိုင်းပဲ ဥပဒေကြောင်းအရ ဆက်လုပ်သွားမယ်"

ဒီနေ့တိုင်းတရားလွှတ်တော်က ပယ်ချလိုက်ပေမယ့် ပြည်ထောင်စုတရားလွှတ်တော်ထံ ဆက်လက်တင်ပြသွားမယ် လို့ ဦးမျိုးအောင်က ပြောပါတယ်။

တနင်္သာရီအပတ်စဉ်ဂျာနယ်မှာ ဖော်ပြခဲ့တဲ့ ကလောင်ရှင် မူးဆေးအိုးရဲ့ " မဲဆွယ်အပြုံး "ခေါင်းစဉ်နဲ့ရေးသားခဲ့တဲ့ သရော်စာဟာ ဝန်ကြီးချုပ်နဲ့ အစိုးရအဖွဲ့ရဲ့ ဂုဏ်သိက္ခာကို ထိခိုက်စေတယ်ဆိုပြီး သတင်းမီဒီယာဥပဒေ ပုဒ်မ ၂၅ (ခ)နဲ့ ပြီးခဲ့တဲ့နှစ် နိုဝင်ဘာလတုန်းက ထားဝယ်မြို့နယ်တရားရုံးမှာ တရားစွဲဆိုခဲ့တာဖြစ်ပါတယ်။

မီဒီယာဥပဒေပုဒ်မ ၂၅ (ခ) ဟာ လူတစ်ဦးတစ်ယောက်ကို အသရေဖျက်စေမှုအတွက် စွဲဆိုတဲ့ ပုဒ်မဖြစ်ပြီး ပြစ်မှု ကျူးလွန်ကြောင်း ထင်ရှားရင် ငွေဒဏ် ၃ သိန်းကနေ ၁၀ သိန်းအထိ ချမှတ်နိုင်တယ်လို့ ပြဌာန်းထားပါတယ်။

တနင်္သာရီဂျာနယ်ဟာ ၂၀၁၆ ခုနှစ် မေလတုန်းကလည်း "ငါးရံ့တစ်ကောင်ရဲ့ ရင်ဖွင့်သံ" ဆောင်းပါးကို ဂျာနယ်မှာဖော်ပြခဲ့ရာ ဆောင်းပါးပါ စာသားတချို့ဟာ ကံပေါက်ဒေသမှာ သတ္တုတူးဖော်နေတဲ့ DELCO ကုမ္ပဏီကို ဂုဏ်သိက္ခာကျ ဆင်းစေတယ်ဆိုပြီး အသရေဖျက်မှု ပုဒ်မ ၅၀၀ နဲ့ ရေဖြူတရားရုံးမှာ တရားစွဲဆိုခံခဲ့ရပြီး တရားရုံးက ဒဏ်ငွေ ကျပ် ၃ သောင်း ချမှတ်ခဲ့ပါတယ်။

RFA Burmese
https://www.rfa.org/burmese

ဘီးလင်းမြို့နယ်တွင် ရေစီးနှင့်အတူ မျောပါသွားသော တပ်မတော်သား သုံးဦးအနက် နှစ်ဦး သေဆုံးလျက်ပြန်တွေ့

ဘီးလင်းမြို့နယ်တွင်း ရေကြီးခဲ့သော လမ်းမကြီးအားတွေ့ရစဉ်(လွှတ်တော်ကိုယ်စားလှယ်)
ရန်ကုန်၊ ဇူလိုင် ၃၁ ရက် (ဆင်ဟွာ)

    မွန်ပြည်နယ်၊ ဘီးလင်းမြို့နယ်အတွင်း ဇူလိုင် ၂၇ ရက်နေ့တွင် ရေစီးနှင့်အတူ မျောပါသွားသော နယ်မြေခံ တပ်မတော်သား သုံးဦးအနက် နှစ်ဦးအား သေဆုံးလျက်ပြန်လည်တွေ့ရှိခဲ့ကြောင်း တပ်မတော်ကာကွယ်ရေးဦးစီး ချုပ်ရုံးက ထုတ်ပြန်သော သတင်းအရ သိရသည်။

အဆိုပါ ရေစီးနှင့်အတူ မျောပါပျောက်ဆုံး သွားခဲ့သည့် စစ်သည် သုံးဦးအနက် စစ်သည် တစ်ဦး၏ ရုပ်အလောင်းအား ယမန်နေ့ နေ့လယ်ပိုင်းတွင် ပြန်လည်ရှာဖွေတွေ့ရှိခဲ့ပြီး ယင်းနေ့ ညနေပိုင်းတွင် တပ်မတော်လုပ်ထုံး လုပ်နည်းများနှင့်အညီ စစ်အခမ်းအနားဖြင့် ကောင်းမွန်စွာသင်္ဂြိုဟ်ပေးခဲ့ပြီးဖြစ်သည်။

ယင်း ကျန်စစ်သည် ၂ ဦးအား ဆက်လက်ရှာဖွေခဲ့ရာ ယနေ့(ဇူလိုင် ၃၁)ရက် နံနက် ၈ နာရီ ၄၅ မိနစ်ခန့်တွင် မစောတံတား၏ တောင်ဘက် မီတာ ၁၄၀၀ ခန့်အကွာ ရေအောက်ရှိ ချုံနွယ် များအတွင်း ငြိတွယ်လျက်ရှိသော စစ်သည် ၁ ဦး၏ ရုပ်အလောင်းအား ထပ်မံရှာဖွေ တွေ့ရှိခဲ့ပြီး ဘီးလင်းမြို့ပြည်သူ့ဆေးရုံသို့ ပို့ဆောင်၍ လုပ်ထုံးလုပ်နည်းများနှင့်အညီ ဆောင်ရွက်လျက်ရှိကြောင်း သိရသည်။

ကျန်ရှိနေသော တပ်မတော်သားတစ်ဦးကိုလည်း ဆက်လက်ရှာဖွေနေကြောင်း သိရသည်။

(Xinhua)
http://www.xinhuamyanmar.com

အရက်​အတူ​သောက်​ရင်း စကားများ ရန်​ဖြစ်​ရာမှဓားဖြင့်​ခုတ်​၍ တစ်​ဦး​သေဆုံး


ကန့်​ဘလူ ဇူလိုင်​ ၃၁

စ​စ်​ကိုင်းတိုင်း​ဒေသကြီး ကန့်​ဘလူမြို့နယ်​ဟင်​​သော်​​ကျေးရွာ အုပ်​စု အုတ်​​ခြောက်​လုံး​တောတိုက်​တွင်​ ဇူလိုင်​ ၃၀ ရက်​ည ၁၁ နာရီ ၄၅ မိနစ်​ခန့်​ က ဝါးခုတ်​သွားသူအချင်းချင်း အရက်​အတူ​သောက်​ရင်းစကားများရန်​ဖြစ်​ရာမှ ဓားဖြင့်​ခုတ်​၍တစ်​ဦး​နေရာတွင်​ပွဲချင်းပြီး​သေဆုံးသွား​ကြောင်း
သိရသည်​။

ကန့်​ဘလူမြို့နယ်​ အင်းလယ်​ကြီး​ကျေးရွာ​နေဦးတင်​​ငွေ(​သေဆုံး သူ၏ အစ်​ကို)သည်​​နေအိမ်​တွင်​ရှိ​နေစဉ်​ ဟင်​​သော်​​ကျေးရွာအုပ်​စု ​အုတ်​​ခြောက်​လုံး​တောတိုက်​သို့ ဝါးခုတ်​သွားသူ ညီအရင်း​တော်​စပ်​သူ ပွကြီး(၅၆)နှစ်​(အင်းလယ်​ကြီး​ကျေးရွာ)နှင့်​အတူဝါးခုတ်​သွားသူ စိုး​အောင်​(၅၂)နှစ်​(အင်းလယ်​ကြီး​ကျေးရွာ)တို့ အရက်​အတူ​သောက်​ပြီး စကားများရန်​ဖြစ်​ကာ ပွကြီးအား စိုး​အောင်​မှဝးခုတ်​ရာတွင်​အသုံးပြုသည့်​ ဓားမ(အရိုးအသွား တစ်​​တောင်​ထွာခန့်​)ဖြင့်​ ဂုတ်​ပိုးအား တစ်​ချက်​ခုတ်ခဲ့ရာ အခင်းဖြစ်​​နေရာတွင်​ပင်​ ​သေဆုံးသွား​ကြောင်းသိရှိခဲ့ရသည်​။

သို့ဖြစ်​၍ ဓားဖြင့်​ခုတ်​သူ စိုး​အောင်​အားအ​ရေးယူ​ပေးရန်​ တရားလိုပြုလုပ်​တိုင်​တန်းခဲ့၍ကန့်​ဘလူမြို့မရဲစခန်းမှ (ပ)အမှတ်​ ၁၆၉/၂၀၁၈၊ပုဒ်​မ ၃၀၂ ဖြင့်​အမှုဖွင့်​ဖမ်းဆီးစစ်​​ဆေး​ဆောင်​ရွက်​
လျက်​ရှိ​ကြောင်း သိရသည်​။

အောင်​ဝင်းငြိမ်း(ကန့်​ဘလူ)
Myanmaalinn
https://www.facebook.com/MYANMAALINNNEWS/

ကော့လှိုက်ကျေးရွာအုပ်စု ထန်းတပင်ကျေးရွာတွင် လှေတိမ်းမှောက်၍ ကလေးငယ် တစ်ဦး ရေနစ်သေဆုံး


ဘားအံ ဇူလိုင် ၃၁

ဘားအံမြို့ ကော့လှိုက်ကျေးရွာအုပ်စု ထန်းတပင်ကျေးရွာတွင် ဇူလိုင် ၃၀ ရက် ညနေ ၃ နာရီခွဲအချိန်ခန့်က ကလေးငယ်တစ်ဦး ရေနစ်သေဆုံး ခဲ့ကြောင်း သိရှိရသည်။

ဖြစ်စဉ်မှာ ဘားအံမြို့ ကော့လှိုက်ကျေးရွာနေ ကလေးခုနစ်ဦးသည် လက်လှော် လှေဖြင့် လှေလှော်ကစားခဲ့ရာ ထန်းတပင်ကျေးရွာ စာသင်ကျောင်းအနီးရှိ တံတားအရောက်တွင် လှေတိမ်းမှောက်ခဲ့ရာ အခြားခြောက်ဦး လွတ်မြောက် ခဲ့သော်လည်း ကော့လှိုက်ရွာနေ အသက် (၁၀)နှစ်အရွယ် (၅)တန်း ကျောင်းသူ မိန်းကလေးတစ်ဦးမှာ ရေနစ်သေဆုံးခဲ့ ကြောင်း သိရသည်။

( ခရိုင် ပြန်/ဆက်)
Myanmaalinn
https://www.facebook.com/MYANMAALINNNEWS/

ဖားကန့်နဲ့ နမ္မတီးမှာ လမ်းပြအဖြစ်ဖမ်းဆီးခံရသူ ၇ ဦးထိရှိလာ

ဇန်နဝါရီက တပ်မတော်က ဖမ်းဆီးခဲ့တဲ့ ကချင် ၂ ဦးရဲ့ အလောင်းတွေသာ ပြန်တွေ့ခဲ့ရ
တိုက်ပွဲတွေကြိုကြားကြိုကြားဖြစ်နေတဲ့ ကချင်ပြည်နယ်က ဖားကန့်နဲ့ နမ္မတီးဘက်မှာ အစိုးရတပ်က လမ်းပြ ပေါ်တာအဖြစ်ဖမ်းသွားတယ်လို့ ယူဆရသူ ၇ ယောက်ထိရှိသွားပြီလို့ ဖမ်းဆီးခံရသူတွေ အရေးကို လိုက်လံ ကူညီဆောင်ရွက်ပေးနေတဲ့ ဦးဆန်းအောင်မျိုးကဘီဘီစီကိုပြောပါတယ်။

ဇူလိုင် ၁၅ ရက်ကစပြီး ဖားကန့်နားက ဆိုင်းတောင်နဲ့ လဘန်ကထောင်အရပ်က ဒေသခံ ၃ယောက်ကို တပ်မ၃၃လက်အောက်ခံတပ်ရင်းကဖမ်းသွားသလို ဇူလိုင် ၁၈မှာ ၂ယောက်ထပ်ဖမ်းခံရပြီး ဇူလိုင် ၂၆မှာတော့ နမ္မတီးက ၂ယောက်ကိုဖမ်းသွားခဲ့တာဖြစ်ပြီး ဖမ်းခံရသူအားလုံးကို ရှာမတွေ့သေးပဲဖြစ်နေတယ်လို့ သိရပါ တယ်။

ဖားကန့်မှာ ဖမ်းသွားသူ ၅ယောက်ကတော့ တပ်မတော်က လမ်းပြပေါ်တာအဖြစ်ဖမ်းသွားတာကို မျက်မြင်တွေ့သူတွေ ရှိတဲ့အတွက် ပေါ်တာအဆွဲခံရတာ သေချာပြီး နမ္မတီး က ၂ယောက်ကတော့ ဘာကိစ္စအတွက် ဖမ်းသွားတယ်ဆိုတာ သေချာမသိသေးဘူးလို့ ကိုဆန်းအောင်မျိုး ကပြောပါတယ်။

ဇူလိုင် ၁၅ ရက်က ဖားကန့်ကနေဖမ်းသွားခံရတဲ့ ကိုလွမ်းထော်တို့နဲ့ပတ်သက်ပြီး ၂၇ရက်နေ့က ပြည်ဘက် ထွက်လာတဲ့စစ်ကြောင်းမှာ ပါသလိုလို ဖမ်းဆီးပြီး သူတို့နဲ့ အတူ ဓားစာခံအဖြစ် ခေါ်သလိုလို ကြားရတယ်၊ ရဲစခန်းကို အကြောင်းကြားထားပေမဲ့ ဘာမှအကြောင်းပြန်မလာဘူးလို့လည်း ကိုလွမ်းထော်ရဲ့ဖခင် ဦးဟောင်လွမ်းက ပြောပါတယ်။

ရှေ့တန်းမှာ ပေါ်တာအဖြစ်ပါသွားရင်တော့ မသေရင်ပြန်လာနိုင်မယ်မျှော်လင့်ပြီး တပ်မတော်က သတ်ဖြတ်တာ မခံရပါစေနဲ့လို့ ဆုတောင်းယုံကလွဲပြီး ဘယ်အဖွဲ့ကမှ ထိထိရောက်ရောက်မကူနိုင်ကြဘူးလို့ ဦးဟောင်လွမ်းက ပြောပါတယ်။

ဒီနှစ် နှစ်ဆန်းပိုင်းက မန်စီမြို့နယ်မှာ ဖမ်းခံရသူ ၂ယောက်လည်းခုထိစုံစမ်းမရသေးသလို ၂၀၁၇ မေလ ၂၆ ရက်က မိုင်ခေါင်စစ်ရှောင် ဒုက္ခသည်စခန်းကနေ ထင်းခွေသွားတဲ့ ဒေသခံ ၃ယောက်ကို မန်စီအခြေစိုက် ခမရ ၃၁၉ ကဖမ်းဆီးသွားပြီး သတ်လိုက်တဲ့ကိစ္စမျိုးရှိခဲ့လို့ ဖမ်းခံရသူတွေရဲ့ မိသားစုဝင်တွေက စိတ်ပူနေကြပါတယ်။

BBC Burmese
https://www.bbc.com/burmese

ကရင်မှာ ဒုက္ခသည်တွေထပ်တိုးလာလို့ ကယ်ဆယ်ရေးစခန်းတွေ ထပ်ဖွင့်ရ

 ရေမြုပ်နေတဲ့ ဘားအံမြို့ပေါ်ရပ်ကွက်တခု
နေရာအတော်များများမှာရေကြီးနစ်မြုပ်နေဆဲဖြစ်တဲ့ ကရင်ပြည်နယ်မှာ ကယ်ဆယ်ရေး စခန်းပေါင်း ၆၀ကျော်ဖွင့်ထားရပြီး ရေဘေးသင့်ပြည်သူကလည်း ၂၃၀၀၀ကျော်ရှိ လာပြီလို့ ကရင်ပြည်နယ်အစိုးရအဖွဲ့ မွန်တိုင်းရင်းသားရေးရာ ဝန်ကြီး ဦးမင်းတင်ဝင်းက ဘီဘီစီကိုပြောပါတယ်။

ဇူလိုင် ၃၁ ရက် နေ့မှာ ရေ နည်းနည်း ပြန်ကျလာပေမယ့် နေအိမ်အများစုက ရေမြုပ်နေ ဆဲ ဖြစ်တာကြောင့် ရေဘေးသင့် ပြည်သူတွေအနေနဲ့ ကယ်ဆယ်ရေး စခန်းတွေကနေ မပြန်နိုင်သေးတဲ့ အပြင် ကယ်ဆယ်ရေးစခန်း တွေကိုပါ ထပ်တိုးထားရ ပါတယ်။

လူ နှစ်သောင်းကျော် ရှိနေပြီဖြစ်တဲ့ ကရင်ပြည်နယ်က ရေဘေးသင့် ပြည်သူတွေအရေး ဆောင်ရွက် နေတာနဲ့ ပတ်သက်ပြီး ကရင်ပြည်နယ်အစိုးရအဖွဲ့ မွန်တိုင်းရင်းသားရေးရာဝန်ကြီး ဦးမင်းတင်ဝင်းက

' ' ဒီနေ့ ရေက ၆လက်မလောက် ကျလာတယ်လို့ ဆိုပေမယ့် နေအိမ်တွေကမြုပ်နေဆဲဖြစ်သလို သံလွင် (ဘားအံ ) တံတားဆိုရင် ဘားအံအဝင် ထောင်ဝိဘုန်းကြီးကျောင်းနားအထိရေကမြုပ်နေတုန်း၊ တချို့အိမ် တွေဆိုလည်း ရေတက်တော့ မြွေ အကိုက်ခံရလို့ ၊ အေးလို့ ဖျားလို့ဆိုပြီး စခန်းတွေကို ထပ်ရောက် လာတာတွေလည်းရှိတယ်။ ဒါကြောင့် ဘားအံမှာဆိုရင် ကယ်ဆယ်ရေးစခန်းကို ထပ်တိုးထားရတယ်။ လူတွေရဲ့ ကျန်းမာရေး အတွက် ပြဿနာတွေရှိလာမှာ၊ ဝမ်းရောဂါတွေဖြစ်လာကြောက်လို့ စခန်းတိုင်းမှာ ကျန်းမာရေးအဖွဲ့တွေထားပေးထားတယ်။ စားသောက်ရေးအတွက် အစိုးရအဖွဲ့ရော အလှူရှင်တွေ ရော မလစ်လပ်အောင် အသေ အချာဆောင်ရွက်ပေးနေတယ်လို့'' ပြောပါတယ်။

ရေဘေးကယ်ဆယ်ရေးစခန်းက ပြည်သူတွေ စားဝတ်နေရေးအတွက် ကူညီထောက်ပံ့ရေးတွေ ရှိနေတယ်ဆို ပေမယ့် နေအိမ်တွေမှာပဲ ဆက်နေကြတဲ့ ပြည်သူတွေ အတွက်တော့ ရေတက်တဲ့ရက် ကြာလာတာ နဲ့ အမျှ သွားလာရေး အခက်အခဲ တွေရှိနေပြီး စားသောက်ကုန် ဈေးတွေလည်း တက်လာတယ်လို့ ဘားအံမြို့ခံ တချို့က ဘီဘီစီကိုပြော ပါတယ်။

'' ရေက အရင်နှစ်တွေကလည်း တက်တာပဲ။ ဒါပေမဲ့ ကျမ အသက် ၃၀အတွင်းမှာတော့ ဒီနှစ်တက်တဲ့ ရေကအဆိုးဆုံးပဲ။ အိမ်အောက်ထပ် တထပ်လုံးမြုပ်သွားတယ်။ ဟိုနားဒီနားသွားရင် လှေလေးတွေနဲ့သွားလို့ ရတယ်ဆိုပေမယ့် ဒီအမှတ် ၂ရပ်ကွက်နားဆိုရင် ရေတအားစီးလို့ လှေတွေကလည်း မလိုက်ဘူး။ ရေပေါ်ဈေးဆိုလည်း မြုပ်သွားလို့ ပိတ်ထားရတယ်။ ဘားအံမြို့မဈေးတခုပဲဖွင့်တယ်။ဒီနေ့ဆိုရင် ရန်ကုန်ကလာတဲ့မုန့်တွေဆို ဝယ်မရတော့ဘူး။ ဂေါ်ဖီထုပ်တွေဘာတွေဆိုရင်လည်း အရင်က တထုပ် ၈၀၀၊ ၁၀၀၀က အခု ၁၈၀၀ လောက်ပေးဝယ်နေရတယ်'' လို့ ဘားအံမြို့ပေါ် အမှတ် ၂ရပ်ကွက်မှာနေထိုင်တဲ့ မရင်မာဝင်းကပြောပါတယ်။

ဇူလိုင် ၂၅ရက်နေ့ ကတည်းက ရေ စတင်မြင့်တက် လာတဲ့အတွက် ကရင်ပြည်နယ်အတွင်းက စာသင်ကျောင်း အများစုကို ပိတ်ထားရပြီး အခုချိန်အထိ ကျေးရွာ အုပ်စုတွေအပြင် မြို့ပေါ်ကကျောင်းတွေပါ ပြန်မဖွင့်နိုင် သေးဘူးလို့ သိရပါတယ်။

BBC Burmese
https://www.bbc.com/burmese

ဗန်းမော်မှာ လယ်ဧက ၃ထောင်ကျော် ရေနစ်မြုပ်

ရေမြုပ်နေတဲ့ လယ်မြေတချို့ကို တွေ့ရစဉ်/ Photo: RFA
ကချင်ပြည်နယ် ဗန်းမော်မြို့နယ်မှာ ပြီးခဲ့တဲ့ ဇူလိုင်လ ၂၇ ရက်နေ့ကစလို့ မိုးကြီးတာကြောင့် တောင် ကျရေတွေနဲ့အတူ နန့်ကျင်လီချောင်း ရေကြီးပြီး လယ်ဧက ၃ ထောင်ကျော်လောက် ရေနစ်မြုပ်နေပါတယ်။

ရေလွှမ်းနစ်မြုပ်ထားတဲ့ စပါးစိုက်ခင်းတွေထဲက ပမာဏ ဘယ်လောက်ပျက်စီးတယ်ဆိုတာကို ရေကျသွားမှသာ သိနိုင်မယ်လို့ ဗန်းမော်မြို့နယ် လွှတ်တော်ကိုယ်စားလှယ် ဦးအောင်သင်း က ပြောပါတယ်။

"ရေမြုပ်သွားတာ ဧက သုံးထောင့်ငါးရာခုနှစ်ဆယ့်လေးဧက။ ပျက်စီးတဲ့စာရင်းက အဲဒီမှာပါလာတဲ့ သဲတို့ ဘာတို့ တချို့လယ်တွေဖုံးတာပေါ့။ အခုက မိုးက ဆက်ရှိနေသေးတဲ့အခါကျတော့ တောင်ကျချောင်း ကလာလိုက်၊ ရေက ပြန်မြုပ်လိုက်၊ ပေါ်လာလိုက်၊ ပျက်စီးမှုစာရင်းကတော့ အတိအကျတော့ မရနိုင်သေးဘူး။ ခန့်မှန်းခြေကတော့ ရာခိုင်နှုန်းအားဖြင့် ငါးဆယ်နီးနီးလောက် ပျက်စီးမှုတော့ရှိတယ်လို့ တွက်တာပဲ။ ဒါပေမဲ့လို့ ပေါ်လာရင်တော့ ဘယ်လောက်ပျက်စီးမယ်လို့တော့ မပြောတတ်ဘူး။"

အခုရက်ပိုင်းအတွင်း ဗန်းမော်မြို့နယ်မှာ မိုးကြီးခဲ့တာကြောင့် စီဟဲ၊ စီအင်၊ မန်ခွန်၊ ခိုကျင်၊ မန်ဖာ၊ ကံကြီး၊ ကုန်းမဟတ် စတဲ့ ရွာတွေဘက်က နန့်ကျင်လီချောင်းဝဲယာမှာရှိတဲ့ လယ်ဧက ၃ ထောင်ကျော် ရေလွှမ်းခဲ့ပါတယ်။

ဒါ့အပြင် အဲဒီလိုမိုးများပြီး တောင်ကျချောင်းရေတိုက်စားတာကြောင့် ဗန်းမော်မြို့အထွက် စီဟဲရွာအနီးက ဗန်းမော်ကနေ မန္တလေးဘက်သွားတဲ့ လမ်းပိုင်းတချို့လည်း ပျက်စီးနေပါတယ်။

အလားတူ မန်စီမြို့နယ် ဟန်ထက်-မန်သာလမ်းပေါ်က စီကော် နဲ့ သံတံတား စတဲ့ရွာတွေဘက်မှာ လမ်းပိုင်းတချို့ ရေကျော်ပြီး စိုက်ပျိုးပြီးစ စပါးစိုက်ခင်းတချို့ ရေနစ်မြုပ်နေတာကို သွားရောက်စစ်ဆေးနေတယ်လို့ မန်စီမြို့နယ် လွှတ်တော်ကိုယ်စားလှယ် ဦးမင်းမင်း က ပြောပါတယ်။

ဇူလိုင် ၂၇ ရက်နေ့က မိုးကြီးပြီး တောင်ကျချောင်းရေတိုက်စားတာကြောင့် မိုးမောက်မြို့နယ် ဝိန်းမွန်ရွာက အိုးအိမ်ဆောက်အဦး ၂၀ ကျော်ထဲကို သဲနှုန်းရွှံ့နွှံတွေဝင်ရောက်လို့ လယ်မြေနဲ့ အိမ်မွေးတိရိစ္ဆာန်တွေ အပြင် နေအိမ်တချို့လည်း ပျက်စီးဆုံးရှုံးခဲ့ပါတယ်။

အရင်လတွေတုန်းကလည်း မိုးကောင်း၊ ဖားကန့်၊ တနိုင်း စတဲ့ မြို့နယ်တွေဘက်က နေရာတချို့ မှာ ရေကြီးရေလျှံခဲ့ပါတယ်။

တိုင်းနဲ့ပြည်နယ် ၅ခုမှာ နှစ်လအတွင်း ရေကြီးတာကြောင့် လယ်ဧက ၃သိန်းကျော် ရေနစ်မြုပ်ပျက်စီးခဲ့တယ်လို့ စိုက်ပျိုးရေး၊ မွေးမြူရေး နဲ့ ဆည်မြောင်းဝန်ကြီးဌာန ဒုတိယအမြဲတမ်းအတွင်းဝန် ဦးမျိုးတင့်ထွန်း က ပြောထားပါတယ်။

RFA Burmese
https://www.rfa.org/burmese

ရေလှောင်တမံ ၃၆ ခုမှာ ရေကျော်နေ

ရေလှောင်တမံတခုကို တွေ့ရစဉ်/ Photo: RFA
တိုင်းဒေသကြီးနဲ့ ပြည်နယ် ၉ ခုက ရေလှောင်တမံ ၃၆ ခုမှာ ရေကျော်နေပေမယ့် စိုးရိမ်စရာမရှိကြောင်း စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာန တာဝန်ရှိသူတစ်ဦးက ပြောပါတယ်။

အဲဒီထဲမှာ ကြီးအုံကြီးဝနဲ့ မုန်းချောင်းရေလှောင်တမံ နှစ်ခုပဲ ၃ ပေ နဲ့ ၄ ပေရေကျော်နေတာဖြစ်တယ်လို့ စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာန ဒုတိယအမြဲတမ်း အတွင်းဝန် ဦးမျိုးတင့်ထွန်း က ပြောပါတယ်။

"လက်ရှိ ရေကျော်နေတယ်ဆိုတဲ့ ဆည်က စုစုပေါင်း ၃၆ ခုရှိပါတယ်၊ သူတို့ကျော်တယ်ဆိုတဲ့ရေကလည်း တကယ်တမ်းကျတော့ ရေပိုလွှဲကနေ ထွက်နေတာ ဖြစ်တယ်၊ စိုးရိမ်ရတဲ့အနေအထားထိတော့ မရှိသေးပါဘူး၊ အမှတ်ကတော့လေ၊ ၃ ပေကျော်တာတော့ တစ်ခုရှိတယ်၊ မကွေးတိုင်း မုန်းချောင်းရေလှောင်တမံပေါ့၊ ၄ ပေကျော်တာတစ်ခုရှိသေးတယ်ဗျ၊ သူက ကြီးအုံကြီးဝ၊ ကျန်တာတွေ ကတော့ ၁ ပေအောက်တွေများတယ်ဗျ၊ တစ်ပေကျော်တာတွေလည်း ရှိတော့ရှိတာပေါ့။"

ကရင်၊ ချင်း၊ စစ်ကိုင်း၊ ပဲခူး၊ မကွေး၊ မွန်၊ ရခိုင်၊ ရန်ကုန် နဲ့ ဧရာဝတီ စတဲ့ တိုင်းဒေသကြီး နဲ့ ပြည်နယ်တွေက ရေလှောင်တမံ ၃၆ ခုမှာ အများဆုံး ၄ ပေခွဲအထိ ရေကျော်နေတာ ဖြစ်ပါတယ်။

ရေလှောင်ပမာဏထက် ကျော်တဲ့အမှတ်ကို ရောက်ရှိနေတဲ့ရေတွေဟာ ရေပိုလွှဲတွေကနေ အလိုအလျှောက် စီးဆင်းသွားတာ ဖြစ်တယ်လို့ ဦးမျိုးတင့်ထွန်း က ပြောပါတယ်။

အရင်နှစ်တွေက ဒီအချိန်လောက်ဆို တချို့ဆည်တွေမှာ ၅ ပေ ကနေ ၁၀ ပေလောက်အထိ ရေကျော်မှုတွေ ရှိခဲ့ပေမယ့် ဒီနှစ်မှာ အရင်နှစ်တွေလောက် ရေမတက်သေးဘူးလို့ ပြောပါတယ်။

တိုင်းနဲ့ ပြည်နယ် ၅ ခုမှာ နှစ်လအတွင်း ရေကြီးရေလျှံမှုတွေကြောင့် လယ်ဧက သုံးသိန်းကျော် ရေနစ်မြုပ် ပျက်စီးနေပြီး ကရင်၊ မွန်၊ ပဲခူး နဲ့ တနင်္သာရီ စတဲ့တိုင်းနဲ့ ပြည်နယ် ၄ ခုမှာ ရေဘေးဒဏ်ခံနေရပါတယ်။

RFA Burmese
https://www.rfa.org/burmese

လားရှိုးမြို့ နမ့်လောင်းချောင်းအတွင်း ကားရောလူပါပြုတ်ကျမျောပါသူ၏အလောင်းအား ယနေ့မနက်ပိုင်းတွင် တွေ့ရှိ


ဇူလိုင်လ ၃၁ ရက် ၂၀၁၈

ပြီးခဲ့သည့် စနေနေ့ညပိုင်းက လားရှိုးမြို့နယ် ခိုလောင်းရွာတံတားမှ နမ့်လောင်းချောင်းရေအတွင်း ကားနှင့်အတူမျောပါသွားသော ကားပိုင်ရှင် စိုင်းငြိမ်းကျော်ဦး၏အလောင်းအား ယနေ့မနက်ပိုင်းက လားရှိုး ၁၂ ရပ်ကွက်အနီးရှိ နမ့်သျှိုချောင်းပေါ်က သံမဏိဆည်အနီးတွင်တွေ့ရှိပြီဖြစ်ကြောင်းသိရသည်။

မနက် ၈ နာရီကျော်ကျော်က ဘူးခွံကောက်ထွက်သူ ၂ ဦးက တွေ့ရှိရာ မှ ကူညီကယ်ဆယ်ရေးအဖွဲ့များနှင့် ဆွေမျိုးသားချင်းများက လာရောက်ဆယ်ယူခဲ့ကြခြင်းဖြစ်သည်။

၎င်းအလောင်းအားရင်ခွဲရုံသို့ပို့ဆောင်ပြီးနောက်ယနေ့အတွင်းပင်မီးသဂြိုဟ်မည်ဖြစ်ကြောင်းမိသားစုဝင်ကပြောပါသည်။

ရေနှင့်မျောပါသွားသူ စိုင်းငြိမ်းကျော်ဦးမှာ ရေမကူးတတ်ကြောင်းလည်း မိသားစုဝင်ကပြောသည်။

ဇူလိုင်လ ၂၈ ရက်ညပိုင်းက မိုးသည်းထန်စွာရွာသွန်းမှုကြောင့် မြောင်းရေလျှံတက်ကာရေစီးသန်ချိန် ၁၂ ရပ်ကွက်သား စိုင်းငြိမ်းကျော်ဦးသည် တားမြစ်ထားသည့်ဧရိယာအတွင်းရှိ တံတားတခုအားဖြတ်မောင်းနှင်ရာ ချောင်းရေနှင့်အတူ လူရော ကားပါ မျောပါသွားခဲ့သည်။ တနင်္ဂနွေနေ့နှင့် တနင်္လာနေ့က လားရှိုးမြို့နယ်အတွင်းရှိ ကူညီကယ်ဆယ်ရေးအဖွဲ့များ ပရဟိတအဖွဲ့များ၊ ဒေသခံလူထုများ စုပေါင်းကာ ရှာဖွေခဲ့သော်လည်း အလောင်းအားမတွေ့ရှိခဲ့ပေ။

လားရှိုးမြို့ ၁၂ ရပ်ကွက်သား စိုင်းငြိမ်းကျော်ဦးခေါ် ချိုချိုမှာ လက်ရှိတွင် ဇနီးနှင့် သမီး ၂ ဦးကျန်ရစ်ခဲ့ကြောင်းသိရသည်။ နမ့်လောင်းချောင်းသည် အထက်ပိုင်းမှစီးဆင်းလာကာ ၀မ့်လောင်းတွင် နမ့်သျှိုနှင့်ပေါင်းပြီး အေဒီတွင် နမ့်ယောဝ်ချောင်းအတွင်းစီးဝင်ကြောင်း၊ ထိုမှတဆင့် နမ္မတူမြစ်အတွင်းသို့စီးဝင်ကြောင်း သိရသည်။

သျှမ်းသံတော်ဆင့်
Panglong(Burmese)
https://www.facebook.com/Panglong.burmese/

မြန်မာရေဘေး ကုလ ကူညီဖို့ညှိနှိုင်း

ရေကြီးရေမြုပ်
မြန်မာနိုင်ငံမှာ ရေကြီးနေတဲ့ ပဲခူးတိုင်း၊ ကရင်ပြည်နယ်၊ မွန်ပြည်နယ်တွေက မြစ်ရေတွေဟာ စိုးရိမ်ရေအမှတ်ကို ဆက်လက် ကျော်လွန်နေပြီး ပဲခူးတိုင်းထဲမှာ စစ်တောင်းမြစ်၊ ရွှေကျင်မြစ်၊ ပဲခူးမြစ်၊ ကရင်ပြည်နယ်မှာ သံလွင်မြစ်၊ မွန်ပြည်နယ်မှာ ဘီးလင်းမြစ်ရေတွေဟာ စိုးရိမ်ရေ အမှတ်ထက် ဆက်လက်ကျော်လွန်နေတယ်လို့ ဒီနေ့ အင်္ဂါနေ့မနက်အစောပိုင်းမှာ အစိုးရက သတင်းထုတ်ပြန်ပါတယ်။

မြန်မာနိုင်ငံမှာ ကြုံနေရတဲ့ ရေဘေးအတွက် အကူအညီတွေ ပေးနိုင်ဖို့ ကုလသမဂ္ဂက ဆက်သွယ်ဆောင်ရွက်နေတယ်လို့ ကုလသမဂ္ဂ အတွင်းရေးမှုးချုပ်ရုံး ပြောခွင့်ရ Faren Haq က ပြောပါတယ်။

“ပြီးခဲ့တဲ့ သီတင်းပတ်အတွင်း မြန်မာနိုင်ငံမှာ မုတ်သုန်မိုး သည်းထန်စွာရွာသွန်းခဲ့တဲ့အတွက် နိုင်ငံတဝှမ်း ရေဘေး ဒုက္ခ ကြုံနေရပါတယ်။ ဒေသခံ ၁ သိန်း ၁ သောင်းကျော်လည်း အိုးအိမ်မဲ့ ရေဘေးဒုက္ခ ရောက်နေကြသလို ရေကြီးမှုကြောင့် သေဆုံးသူက ၁၁ ယောက်ထက် မနည်း ရှိသွားပါပြီ။ အစိုးရက ကူညီ ကယ်ဆယ်ရေးစခန်း ၁၇၈ ခုဖွင့်လှစ်ထားသလို ဒေသခံပရဟိတအဖွဲ့တွေ၊ လူထုအခြေပြု အရပ်ဖက် အဖွဲ့အစည်း တွေကလည်း အစိုးရဦးဆောင်တဲ့ ကယ်ဆယ်ရေးတွေမှာ ပံ့ပိုးကူညီနေပါတယ်။ ရေဘေးဒုက္ခသည်တွေအတွက် လိုအပ်တဲ့ အကူအညီတွေ ပေးနိုင်ဖို့ အစိုးရနဲ့ လူသားချင်းစာမှု အကူအညီပေးရေးဆိုင်ရာ မိတ်ဖက်အဖွဲ့တွေနဲ့ ကုလသမဂ္ဂက အနီးကပ်ဆက်သွယ် ဆောင်ရွက်နေ ပါတယ်။ ” လို့ ပြောသွားတာပါ။

ပြီးခဲ့တဲ့ သီတင်းပါတ် အစောပိုင်းကတည်းက မြန်မာနိုင်ငံ အရှေ့ပိုင်း၊ အလယ်ပိုင်းနဲ့ တောင်ပိုင်းတွေမှာ မိုးသည်းထန်စွာရွာပြီး ပဲခူးမြို့၊ မဒေါက်မြို့၊ ရွှေကျင်မြို့၊ဘားအံမြို့၊ ဘီးလင်းမြို့တွေမှာ ရေကြီးနေပါတယ်။ တချို့ဒေသတွေမှာ ကားလမ်းတွေ ရေကျော်နေတဲ့အတွက် လမ်းပန်းဆက်သွယ်ရေး အခက်အခဲရှိပါတယ်။

တနင်္သာရီတိုင်းဒေသကြီးထဲက သရက်ချောင်းမြို့နယ်မှာလည်း မိုးသည်းထန်စွာရွာ သွန်းတဲ့အတွက် မြိတ်-ထားဝယ် ကားလမ်းမကြီး တချို့နေရာတွေမှာ တနင်္လာနေ့က ရေလွှမ်းနေပါတယ်။ မွန်ပြည်နယ် သထုံမြို့နယ်ကနေ ဘီလင်းမြို့နယ်ကြားက အဝေးပြေး ကားလမ်း ပေါ်မှာတော့ ရေပြန်ကျသွားတဲ့အတွက် တနင်္လာနေ့ ညနေပိုင်းလောက်မှာ ဘီးလင်းမြို့ကနေ သထုံမြို့ဖက်ကို ကားတွေပြန်သွားနေပြီလို့ သိရပါတယ်။

VOA (မြန်မာပိုင်း)
https://burmese.voanews.com

အီရန်နဲ့ ဆွေးနွေးဖို့ ထရမ့်ကမ်းလှမ်းပြီ

အီရန်သမ္မတ ဟတ်ဆန် ရိုဟာနီ
ခြွင်းချက် တစုံတရာမထားဘဲ အီရန်ခေါင်းဆောင်တွေနဲ့ အချိန်မရွေးတွေ့ဆုံ ဆွေးနွေးဖို့ သူ့ဖက်က အသင့်ဘဲလို့ အမေရိကန် သမ္မတ ထရမ့်က ကမ်းလှမ်းလိုက်ပါတယ်။

ပြီးခဲ့တဲ့ မေလတုန်းက အီရန်နဲ့ ပတ်သက်တဲ့ နိုင်ငံတကာ နျူကလီးယား စာချုပ် ကနေ အမေရိကန်နုတ်ထွက်ခဲ့ အပြီး ပြည့်စုံ လေးနက်တဲ့ နောက်စာချုပ်တခုနဲ့ အစားထိုးဖို့ လုပ်ဆောင် သွားချင်တယ်လို့ မစ္စတာ ထရမ့်က ပြောပါတယ်။

အီရန် သမ္မတ ဟတ်ဆန် ရိုဟာနီရဲ့ အကြံပေးတယောက်ကတော့ သူတို့နဲ့ ဆွေးနွေးလိုတယ် ဆိုရင် အမေရိကန် အနေနဲ့ နျူကလီးယား စာချုပ် မှာ ပြန်လည် ပါဝင် သင့်တယ်လို့ ဆိုပါတယ်။
ထရမ့်ကို ဆန့်ကျင် ဆန္ဒပြနေတဲ့ အီရန် လူငယ်
အခုလ အစောပိုင်းတုန်းကတော့ သူတို့ကိုရန်စလာရင် အမေရိကန်ဟာ စစ်မီးတောက် စမွှေးတဲ့ သူဖြစ်သွားလိမ့်မယ်လို့ အီရန်သမ္မတ ဟတ်ဆန် ရိုဟာနီက သတိပေးခဲ့ပါတယ်။

သမ္မတ ထရမ့်ကလည်း အီရန်ဟာ သမိုင်းမှာ နာမယ်ဆိုး တွင်ရစ်လိမ့်မယ်လို့ တုံ့ ပြန် ခြိမ်းခြောက်ခဲ့တာ ဖြစ်ပါတယ်။
အီရန်နဲ့ တွေ့ဖို့ အမေရိကန် သမ္မတ ထရမ့် ကမ်းလှမ်း
အမေရိကန် သမ္မတ ထရမ့် က အိမ်ဖြူတော်မှာ ကျင်းပတဲ့ သတင်းစာ ရှင်းလင်းပွဲမှာ အီရန် ခေါင်းဆောင် တွေ နဲ့ ကြိုတင် သတ်မှတ် စည်းကမ်းချက်တွေ မပါတဲ့ တွေ့ဆုံဆွေးနွေးမှု ပြုဖို့ အသင့်ပြင်ပြီးသား ဖြစ်ကြောင်း ထုတ်ဖေါ် ပြောလိုက်ပါတယ်။

အီရန်ဘက်က တွေ့လိုတယ် ဆိုရင် အသင့် ဖြစ်ကြောင်းနဲ့ အီရန်မှာ အခြေအနေ မကောင်းပဲ အခက်အခဲတွေ ရှိနေတဲ့ အတွက် မျက်နှာချင်းဆိုင် တွေ့ဖို့ ကို ပိုလိုလားတယ် လို့ မစ္စတာ ထရမ့်က ဆိုပါတယ်။

အီရန် ကို အမေရိကန် ဘက်က ဒဏ်ခတ် ပိတ်ဆို့မှု အသစ် ချမှတ်ရေး ဟာလည်း သီတင်း တပတ် ကျော်ပဲ လိုပါတော့တယ်။

မစ္စတာထရမ့် အနေနဲ့ လည်း မြောက်ကိုးရီးယား ခေါင်းဆောင် ကင်ဂျုံအွန် နဲ့ တွေ့ဆုံမှု လည်း ပြီးသွားပြီ ဖြစ်တဲ့ အတွက် သူ့အနေနဲ့ အပြုသဘော ဆောင်တဲ့ မျက်နှာချင်းဆိုင် ဆွေးနွေးမှုဟာ အမေရိကန် ဘက် က အသိအမှတ် ပြုထားတဲ့ နိုင်ငံတကာ အကြမ်းဖက် အဖွဲ့တွေ ကို ထောက်ခံတဲ့ ခေါင်းဆောင် တွေ ကို သူကိုင်တွယ် နိုင်စွမ်း ရှိတယ် လို့ ယုံကြည်ထားတာ ဖြစ်ပါတယ်။

ဒါပေမဲ့ မစ္စတာထရမ့် ရဲ့ ကမ်းလှမ်းမှု ကို အီရန် နိုင်ငံခြားရေး ဌာန ကတော့ ဘယ်လိုမျိုး တွေ့ဆုံဆွေးနွေးတဲ့ ပုံစံဖြစ်ပါစေ၊ လက်မခံ နိုင်တဲ့ အကြောင်း၊ အမေရိကန် ဟာ လုံးလုံးလျားလျား ယုံကြည် အားထား လို့ မရတဲ့ အကြောင်းတွေ တုံ့ပြန် ထားပါတယ်။

BBC Burmese
https://www.bbc.com/burmese

လပွတ္တာမြို့နယ်၌ ဇနီးမောင်နှံ(၂)ဦး ကြိုးဆွဲချသေဆုံးမှုဖြစ်ပွား


၂၀၁၈ ခုနှစ်၊ ဇူလိုင်လ ၂၈ ရက်နေ့ ည ၁၁ နာရီ ၄၅ မိနစ်အချိန် လပွတ္တာမြို့နယ်၊ သိုင်းကုန်း ကျေးရွာနေ စောပါဖလု(၃၃)နှစ်နှင့် ဇနီး မနော်မာမာအောင်(၂၈)နှစ်တို့သည် ၎င်းတို့၏ နေအိမ်၌ ကြိုးဆွဲချသေဆုံးသွားခဲ့ ကြောင်းသိရပါသည်။

 အလောင်းများအား (၃)မိုင်မြို့ ခုတင်(၂၀)ဆေးရုံသို့ပို့အပ်ခဲ့ပြီး ကန်ဘက်နယ်မြေရဲစခန်း သေမှုသေခင်းအမှတ်စဉ်(၁၀/၂၀၁၈)ဖြင့် ရေးဖွင့်စစ်ဆေးလျက်ရှိကြောင်း မြန်မာနိုင်ငံရဲတပ်ဖွဲ့ ၏ သတင်းထုတ်ပြန်ချက်အရ သိရပါသည်။

သစ်ထူးလွင်

ရည်းစား ဖြစ်သူနှင့် အဆင်မပြေ၍ ကြိုးဆွဲချသေဆုံး


ရန်ကုန်တိုင်းဒေသကြီး၊ မြောက်ဥက္ကလာပမြို့နယ်၊ (၁)ရပ်ကွက်တွင် ဇူလိုင်လ ၂၉ ရက်နေ့ က အမျိုးသားတစ်ဦး ရည်းစား ဖြစ်သူနှင့် အဆင်မပြေ၍ ကြိုးဆွဲချသေဆုံး ခဲ့ကြောင်း သိရပါသည်။

ဖြစ်စဉ်မှာ ၂၀၁၈ခုနှစ်၊ ဇူလိုင်လ ၂၉ ရက်နေ့ ည ၈ နာရီ ၃၀ မိနစ်အချိန် ရန်ကုန်တိုင်းဒေသကြီး၊ မြောက်ဥက္ကလာပမြို့နယ်၊ (၁)ရပ်ကွက်တွင်အမျိုးသားတစ်ဦး ကြိုးဆွဲချသေဆုံးမှုဖြစ်ပွားကြောင်း သတင်းအရ မြောက်ဥက္ကလာပမြို့မရဲစခန်းမှ တပ်ဖွဲ့ဝင်များသည်သက်သေများနှင့်အတူ သွားရောက်စစ် ဆေးခဲ့ပါသည်။

 သေဆုံးသူမှာ အဆိုပါရပ်ကွက်နေ မျိုးပြည့်စုံအောင်(၂၀)နှစ်ဖြစ်ပြီး ၎င်းသည်ရည်းစား ဖြစ်သူနှင့် အဆင်မပြေသည်ကို စိတ်ထိခိုက်ရာမှ နိုင်လွန်ကြိုးအားအသုံးပြု၍ ကြိုးဆွဲချသေဆုံး ခဲ့ခြင်းဖြစ်ကြောင်း သိရှိရသောကြောင့် မြောက်ဥက္ကလာပမြို့မရဲစခန်း သေမှုသေခင်း အမှတ် စဉ် (၂၂ /၂၀၁၈) ဖြင့် ရေးဖွင့် စစ်ဆေးလျက်ရှိကြောင်း မြန်မာနိုင်ငံရဲတပ်ဖွဲ့ ၏ သတင်းထုတ်ပြန်ချက်အရ သိရပါသည်။

သစ်ထူးလွင်

မီးတောင်သွားကြည့်သူ ၅၆ဝ ငလျင်ဒဏ်ကြောင့် တောင်ပေါ် ပိတ်မိ

အင်ဒိုနီးရှားနိုင်ငံ Lombok လောင်းဘတ်ခ် ကျွန်းမှာ ငလျင်ဒဏ်ကြောင့် ပြိုကျပျက်စီးနေတဲ့ အဆောက်အဦးတချို့ကို တွေ့ရပုံ။ Photo: AFP
အင်ဒိုနီးရှားနိုင်ငံမှာ မနေ့က ပြင်းအား ၆ ဒသမ ၄ ရှိတဲ့ ငလျင်လှုပ်ခဲ့တာကြောင့် Lombok ကျွန်းမှာရှိတဲ့ မီးတောင်လှုပ်သွားပြီး မြေပြိုကာ ပိတ်မိနေတဲ့ လမ်းပြနဲ့ တောင်တက်သမား ငါးရာကျော်ဆီကို ကယ်ဆယ်ရေးအဖွဲ့တွေ ဒီနေ့ သွားရောက် ကယ်ဆယ်နေကြပါတယ်။

ပေ တသောင်းနှစ်ထောင်မြင့်တဲ့ Rinjani တောင်စောင်းတွေမှာ ရဟတ်ယာဉ်တွေနဲ့ ကယ်ဆယ်ရေး အဖွဲ့တွေက နေရာဖြန့်ရှာဖွေနေကြတာပါ။ အကွေ့အကောက်တွေ၊ တောင်တက်လမ်းတွေနဲ့ ကမ္ဘာလှည့်ခရီးသည်တွေ အသွားအလာများတဲ့ တောင်ကြောတလျှောက်မှာ လမ်းပျောက် ပိတ်မိနေသူတွေကို ရဟတ်ယာဉ်တွေပေါ်ကနေ စားနပ်ရိက္ခာတွေ ချပေးရပါတယ်။

မနေ့မနက်အစောပိုင်းက လှုပ်သွားတဲ့ ငလျင်ကြောင့် တန်နဲ့ချီတဲ့ ကျောက်တုံးတွေ၊ ရွှံ့တုံးတွေ ပိတ်သွားလို့ ဖယ်ရှားပစ် နေရပါတယ်။
အမေရိကန်ပြည်ထောင်စု၊ ပြင်သစ်၊ နယ်သာလန်၊ ထိုင်း၊ ဂျာမနီနဲ့ တခြားနိုင်ငံတွေက ကမ္ဘာလှည့်ခရီးသည်တွေလည်း ပိတ်မိနေတယ်လို့ ပြောပါတယ်။
Lombok ကျွန်းတလျှောက်လှုပ်သွားတဲ့ အဲဒီ ငလျင်ကြောင့် လူ ၁၆ ယောက်ထက်မနည်း သေဆုံးရပြီး ရာနဲ့ချီတဲ့ အဆောက်အဦတွေလည်း ပျက်စီးသွားရပါတယ်။

RFA Burmese
https://www.facebook.com/rfaburmese/

စားသုံးသူ ဥပဒေကြမ်းမှာ ဝန်ဆောင်မှုကဏ္ဍ အရေးယူတာ မပါသေး

နိုင်ငံသားများ အခွင့်အရေး ကော်မတီ၊ စီးပွားရေးနှင့်ဘဏ္ဍာရေး ဖွံ့ဖြိုးတိုးတက်ရေးကော်မတီနဲ့ ပြည်ထောင်စုလွှတ်တော် ဥပဒေရေးရာကော်မရှင်တို့ ဒီဥပဒေကြမ်းကိစ္စဆွေးနွေးခဲ့
စားသုံးသူကာကွယ်ရေး ဥပဒေကြမ်းကို မြန်မာနိုင်ငံ စီးပွားရေးနဲ့ ကူးသန်းရောင်းဝယ်ရေး ဝန်ကြီးဌာနက ဇူလိုင်လ ၃၀ ရက်နေ့ ပြည်သူ့လွှတ်တော် အစည်းအဝေးမှာ တင်သွင်းခဲ့ပါတယ်။

မင်္ဂလာဒုံ ပြည်သူ့လွှတ်တော် ကိုယ်စားလှယ် ဦးအောင်လှိုင်ဝင်းကတော့ ဒီဥပဒေကြမ်းထဲမှာ ဝန်ဆောင်မှုကဏ္ဍ ဥပဒေနဲ့ မကိုက်ညီရင် အရေးယူနိုင်တဲ့အပိုင်း ပါဝင်တာ မတွေ့ရဘူးလို့ ဘီဘီစီကို ပြောပါတယ်။

အဓိကအားဖြင့် နိုင်ငံခြားက တဆင့်ခံ ဝန်ဆောင်မှုတွေ ဖြစ်တဲ့ ကျန်းမာရေး၊ ပညာရေးနဲ့ ခရီးသွားလုပ်ငန်း ဝန်ဆောင်မှုတွေမှာ ချို့ယွင်းမှု၊ မပြည့်မှီမှု ဖြစ်ခဲ့ရင် လက်ရှိဥပဒေကြမ်းက စားသုံးသူတွေကို အကာအကွယ် မပေးနိုင်တဲ့အတွက် ဝန်ဆောင်မှု အပိုင်း ဥပဒေ မလိုက်နာသူတွေကို အရေးယူနိုင်တဲ့ အချက်အလက်တွေ ထည့်သွင်းဖို့ ဆွေးနွေးမယ်လို့လည်း ဦးအောင်လှိုင်ဝင်းက ပြောပါတယ်။

အခုလို တင်သွင်းထားတဲ့ ဥပဒေကြမ်းမှာ ကုန်ပစ္စည်း တခုခုနဲ့ ပတ်သက်လို့ ကြော်ငြာနဲ့ ပစ္စည်းအညွှန်းပါအတိုင်း အရည်အသွေး မပြည့်မီဘူးဆိုရင်တော့ ပြည်နယ်နဲ့ တိုင်း ဒေသအလိုက် စားသုံးသူ ကာကွယ်ရေး ကော်မတီတွေကို တိုင်ကြားနိုင်ပြီး အမြင့်ဆုံး ထောင်ဒဏ် ၆ လနဲ့ ငွေဒဏ် ကျပ် သိန်း ၅၀ အထိ အမြင့်ဆုံး ချမှတ်နိုင်တယ်လို့ ဖော်ပြထားပါတယ်။
ဒီဥပဒေဟာ စားသုံးသူ အနှောက်အယှက် မဖြစ်စေဖို့နဲ့ ဘေးအန္တရာယ် မကျရောက်စေဖို့လည်း ရည်ရွယ်
ဒါ့အပြင် စားသောက်ကုန်တွေမှာ ပါဝင်တဲ့ ပစ္စည်းနဲ့ အကျိုးအာနိသင်တွေကို မြန်မာလို ရိုက်နှိပ် ဖော်ပြရမယ်ဆိုတဲ့ အချက်လည်း ပါဝင်ပါတယ်။

ဒီဥပဒေရဲ့ ရည်ရွယ်ချက်ကတော့ စားသုံးသူတွေ အခွင့်အရေး အပြည့်အဝ ရရှိရေး၊ အသိပညာပေးရေး၊ ဘေးအန္တရာယ် ကင်းရှင်းရေး၊ ကျန်းမာရေး အပါအဝင် စိတ်ကျေနပ်မှုရအောင် အာမခံချက် ပေးနိုင်တဲ့ ကုန်စည် ဒါမှမဟုတ် ဝန်ဆောင်မှုတွေ ဖော်ဆောင်ပေးရေး ဖြစ်တယ်လို့ ဥပဒေကြမ်းမှာ ဖော်ပြထားပါတယ်။

ဒီဥပဒေဟာ စားသုံးသူ အနှောက်အယှက် မဖြစ်စေဖို့နဲ့ ဘေးအန္တရာယ် မကျရောက်စေဖို့လည်း ရည်ရွယ်တယ်လို့ ဒီဥပဒေကြမ်း ကော်မတီ အဖွဲ့ဝင် ထန်းတပင်မြို့နုယ် ပြည်သူ့လွှတ်တော် ကိုယ်စားလှယ် ဦးနေမျိုးထွန်းက ပြောပါတယ်။

မြန်မာနိုင်ငံမှာ စားသုံးသူ ကာကွယ်ရေး ဥပဒေကို ၂၀၁၄ ခုနှစ်က ပြဌာန်းခဲ့ပေမယ့် စားသုံးသူတွေကို ထိထိရောက်ရောက် ကာကွယ်နိုင်ဖို့အတွက် ဒါကို ဖျက်သိမ်းပြီး အသစ်ပြဌာန်းဖို့ စီစဉ်နေတာ ဖြစ်ပါတယ်။

ဒီဥပဒေကြမ်းနဲ့ ပတ်သက်လို့ ပြင်ဆင်ချက် အဆို တင်သွင်းချင်တဲ့ ကိုယ်စားလှယ်တွေ အနေနဲ့ သြဂုတ်လ ၁ ရက် လာမယ့် ဗုဒ္ဓဟူးနေ့ ညနေ ၄ နာရီ နောက်ဆုံးထားပြီး တင်သွင်းရမှာ ဖြစ်ပါတယ်။

BBC Burmese
https://www.bbc.com/burmese
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ