ကန့်ဘလူ ဇူလိုင် ၃၁
စစ်ကိုင်းတိုင်းဒေသကြီး ကန့်ဘလူမြို့နယ်ဟင်သော်ကျေးရွာ အုပ်စု အုတ်ခြောက်လုံးတောတိုက်တွင် ဇူလိုင် ၃၀ ရက်ည ၁၁ နာရီ ၄၅ မိနစ်ခန့် က ဝါးခုတ်သွားသူအချင်းချင်း အရက်အတူသောက်ရင်းစကားများရန်ဖြစ်ရာမှ ဓားဖြင့်ခုတ်၍တစ်ဦးနေရာတွင်ပွဲချင်းပြီးသေဆုံးသွားကြောင်း
သိရသည်။
ကန့်ဘလူမြို့နယ် အင်းလယ်ကြီးကျေးရွာနေဦးတင်ငွေ(သေဆုံး သူ၏ အစ်ကို)သည်နေအိမ်တွင်ရှိနေစဉ် ဟင်သော်ကျေးရွာအုပ်စု အုတ်ခြောက်လုံးတောတိုက်သို့ ဝါးခုတ်သွားသူ ညီအရင်းတော်စပ်သူ ပွကြီး(၅၆)နှစ်(အင်းလယ်ကြီးကျေးရွာ)နှင့်အတူဝါးခုတ်သွားသူ စိုးအောင်(၅၂)နှစ်(အင်းလယ်ကြီးကျေးရွာ)တို့ အရက်အတူသောက်ပြီး စကားများရန်ဖြစ်ကာ ပွကြီးအား စိုးအောင်မှဝးခုတ်ရာတွင်အသုံးပြုသည့် ဓားမ(အရိုးအသွား တစ်တောင်ထွာခန့်)ဖြင့် ဂုတ်ပိုးအား တစ်ချက်ခုတ်ခဲ့ရာ အခင်းဖြစ်နေရာတွင်ပင် သေဆုံးသွားကြောင်းသိရှိခဲ့ရသည်။
သို့ဖြစ်၍ ဓားဖြင့်ခုတ်သူ စိုးအောင်အားအရေးယူပေးရန် တရားလိုပြုလုပ်တိုင်တန်းခဲ့၍ကန့်ဘလူမြို့မရဲစခန်းမှ (ပ)အမှတ် ၁၆၉/၂၀၁၈၊ပုဒ်မ ၃၀၂ ဖြင့်အမှုဖွင့်ဖမ်းဆီးစစ်ဆေးဆောင်ရွက်
လျက်ရှိကြောင်း သိရသည်။
အောင်ဝင်းငြိမ်း(ကန့်ဘလူ)
Myanmaalinn
https://www.facebook.com/MYANMAALINNNEWS/
အရက်အတူသောက်ရင်း စကားများ ရန်ဖြစ်ရာမှဓားဖြင့်ခုတ်၍ တစ်ဦးသေဆုံး
Reviewed by THITHTOOLWIN
on
20:14
Rating: