ကြားဖြတ်ရွေးကောက်ပွဲ မဲဆွယ်စည်းရုံးရေး တနင်္လာနေ့စမည်


လာမယ့်နိုဝင်ဘာ ကြားဖြတ်ရွေးကောက်ပွဲဝင်မယ့်ပါတီတွေအနေနဲ့ စက်တင်ဘာလ ၃ ရက်ကစပြီး မဲဆွယ် စည်းရုံးတာတွေ လုပ်နိုင်ပြီလို့ ပြည်ထောင်စုရွေးကောက်ပွဲကော်မရှင် ကြေငြာထားပြီးဖြစ်ပါတယ်။ ဒီကြားဖြတ် ရွေးကောက်ပွဲရလဒ်တွေဟာ ၂၀၂၀ မှာကျင်းပမယ့် ရွေးကောက်ပွဲကြီးရဲ့ အရှုံးအနိုင်ကို ထင်ဟပ်လိမ့်မယ်ဆိုပြီး နိုင်ငံရေးသုံးသပ်သူတချို့က ခန့်မှန်းတွက်ဆပါတယ်။ NLD ဗဟိုရွေးကောက်ပွဲအောင်နိုင်ရေး ကော်မတီ ပြောခွင့်ရသူကတော့ ဒီခန့်မှန်းချက်ကို လက်မခံပါဘူး။ လစ်လပ်နေရာအားလုံးမှာ အနိုင်ရဖို့ကြိုးစားသွားမယ်လို့ ပြော ပါတယ်။ ဒီအကြောင်းကို ဗွီအိုအေ မြန်မာပိုင်းသတင်ထောက် ကိုဇော်ထက်က စုစည်းတင်ပြထားပါတယ်။

၂၀၁၈ နိုဝင်ဘာ ၃ ရက်မှာလုပ်မယ့် ကြားဖြတ်ရွေးကောက်ပွဲကို နိုင်ငံရေးပါတီ ၂၅ ခုက လစ်လပ်နေရာ ၁၃ နေရာအတွက် ယှဉ်ပြိုင်ဖို့ ပြင်ဆင်နေပါပြီ။ ရှေ့လ စက်တင်ဘာ ၃ ရက်ကစပြီး ရက်ပေါင်း ၆၀ အတွင်းမှာ ကိုယ်စားလှယ် ၆၉ ယောက်က မဲဆွယ်စည်းရုံးရေးကို လုပ်ရမှာပါ။

NLD ပါတီက လစ်လပ်မဲဆန္ဒနယ် ၁၃ နေရာစလုံး ဝင်ပြိုင်မှာဖြစ်ပြီး ပြည်ခိုင်ဖြိုးပါတီကတော့ ဆယ်နေရာပဲ ဝင်ပြိုင်သွားမယ်လို့ ဆိုပါတယ်။ လက်ရှိနိုင်ငံရေးအခင်းအကျင်းအရဆိုရင် လက်ရှိအာဏာရနေတဲ့ NLD ပါတီအတွက် ကြိုးစားပမ်းစားယှဉ်ပြိုင်ရမယ့် အနေအထားဖြစ်နိုင်တယ်လို့ နိုင်ငံရေးသုံးသပ်သူတချို့ က ခန့်မှန်းထားတာတွေလည်းရှိပါတယ်။ NLD ပြောရေးဆိုခွင့်ရှိသူကတော့ ဒီရွေးကောက်ပွဲဟာ လာမယ့် ၂၀၂၀ ရွေးကောက်ပွဲအတွက် အဆုံးအဖြတ်လို့မယူဆဘဲ အကောင်းဆုံးယှဉ်ပြိုင်သွားဖို့ လစ်လပ်မဲဆန္ဒနယ် ၁၃ ခုစီနဲ့ ကိုက်ညီမယ့် မဲဆွယ်စည်းရုံးရေးကိုလုပ်သွားမယ်လို့ NLDဗဟိုရွေးကောက်ပွဲအောင်နိုင်ရေးကော်မတီရဲ့ ဥက္ကဌ ဒေါက်တာမျိုးညွှန့်က အခုလိုပြောပါတယ်။

“ပြည်သူရဲ့ ဆန္ဒသဘောထားကို ခံယူတာဖြစ်တဲ့အတွက် ဘယ်တော့မှာ ကျနော်တို့ ပေါ့ပေါ့တန်တန် သဘောထားလို့မရပါဘူး။ ဒီ၂၀၁၈(ကြားဖြတ်) ရွေးကောက်ပွဲရဲ့ ရလာဒ်က ၂၀၂၀ ရွေးကောက်ပွဲကို ထင်ဟပ်မယ် ကိုယ်စားပြုမယ်ဆိုတာကိုတော့ ကျနော် ငြင်းဆိုပါတယ်။ ကြားဖြတ်ရွေးကောက်ပွဲ တွေမှာ ကျွန်တော်တို့ အောင်မြင်မှုနည်းပါးရခြင်းဟာ အဓိကအားဖြင့် မဲဆန္̔ဒရှင်တွေအဖို့ အောင်မြင်ပြီးပြီ ဆိုပြီးတော့ စိတ်ချလက်ချနေခဲ့တဲ့ သဘောမျိုးကြောင့် အခုလို ဖြစ်တယ်လို့ ကျနော်တို့သုံးသပ်တဲ့အတွက်၊ အပြောင်းအလဲဟာ မပြီးမြောက်သေးတဲ့အတွက် အပြီးသတ် အနိုင်ရတဲ့အထိ တက်တက်ကြွကြွနဲ့ ပါဝင်ကူညီကြဖို့ကို ကျနော်တို့က မဲဆွယ် စည်းရုံးသွားရမှာ ဖြစ်ပါတယ်။”

ပြီးခဲ့တဲ့ ၂၀၁၇ ဧပြီလ၁ရက် ကြားဖြတ်ရွေးကောက်ပွဲမှာ လစ်လပ်မဲဆန္ဒနယ် ၁၉ နေရာအတွက် ၂၄ပါတီ ဝင်ပြိုင်ကြပြီး NLD ပါတီက ၉ နေရာအနိုင်ရခဲ့ပြီး ပြည်ခိုင်ဖြိုးက ၂ နေရာနဲ့ ကျန်တဲ့ ပြည်နယ်နေရာအများစု ကိုတော့ တိုင်းရင်းသားပါတီတွေကရရှိသွားပါတယ်။

ပြည်ထောင်စုရွေးကောက်ပွဲကော်မရှင်အနေနဲ့ ကြားဖြတ်ရွေးကောက်ပွဲအတွက် အားလုံး ပြင်ဆင် ထားပြီး ဖြစ်တယ်လို့ ကော်မရှင်ရဲ့ ပြောရေးဆိုခွင့်ရှိသူ ဦးမြင့်နိုင်ကပြောပါတယ်။

“ကော်မရှင်မှာလည်း အဆင့်ဆင့်မှာလည်း သင်တန်းတွေပေးနေတယ်။ မဲရုံးတွေလည်း သတ်မှတ်ပြီး လုဖြစ်နေပြီ မဲရုံမှုတွေလည်း ရွေးချယ်မယ် သင်တန်းပေးမယ်ပေါ့။ တောက်လျှောက်လုပ်မှာပေါ့နော်။ အောက်တိုဘာလ ပထမပတ်မှာလည်းတစ်ခါ နောက်ဆုံးမဲစာရင်း ကြေညာမယ်။ နောက်စေ့စပ် ညှိနှိုင်းမှု ရွေးကောက်ပွဲမှာ အငြင်းပွားမှုတွေဖြစ်လာရင်လည်းပဲ ဗဟိုအဆင့် တိုင်းဒေသကြီးအဆင့် နောက် ခရိုင်အဆင့် မြို့နယ် အဆင့်တွေမှာ စေ့စပ်ညှိနှိုင်းရေးကော်မတီတွေလည်းပဲဖွဲ့ပြီးပါပြီ။”

လစ်လပ်မဲဆန္ဒနယ် ၁၃ခုကတော့ ပြည်သူ့လွှတ်တော်အတွက် ကန်ပက်လက်၊ လဲချား၊ တာမွေနဲ့ မြင်းခြံ။ အမျိုးသားလွှတ်တော်အတွက် ကချင်ပြည်နယ်မြစ်ကြီးနားမဲဆန္ဒနယ်(၂)၊ တိုင်းဒေသနဲ့ ပြည်နယ်နေရာတွေ အတွက် ကတော့ မတူပီ၊ တမူး၊ အုတ်တွင်း၊ သပိတ်ကျင်း၊ ရသေ့တောင်၊ မင်းဘူး၊ ဆိပ်ကမ်းနဲ့ မန္တလေးတိုင်း ဒေသကြီးရှမ်းတိုင်းရင်းသား မဲဆန္ဒနယ်တွေ ဖြစ်ပါတယ် ခင်ဗျား။

ဇော်ထက် / ဗွီအိုအေ (မြန်မာပိုင်း)
https://burmese.voanews.com

မြောက်ကိုရီးယားကို Donald Trump စကားကျွံခဲ့လေသလား


မြောက်ကိုရီးယားခေါင်းဆောင် Kim Jong Un နဲ့ စင်္ကာပူမှာ တွေ့ဆုံစဉ်က အဲဒီ တွေ့ဆုံမှုအပြီး ကိုရီးယားစစ်ပွဲ ပြီးဆုံးကြောင်း ကြေညာစာတမ်းကို သူ့အနေနဲ့ လက်မှတ်ထိုး ထုတ်ပြန်မယ်လို့ သမ္မတ Donald Trump က မြောက်ကိုရီးယား ခေါင်းဆောင်ကို ကတိပြုခဲ့ကောင်း ပြုခဲ့နိုင်တယ်ဆိုတဲ့အကြောင်း အမေရိကန်သတင်းမီဒီယာမှာ ရေးသား ဖော်ပြထားပါတယ်။

ဇွန်လအတွင်း ကျင်ပခဲ့တဲ့ ထိပ်သီးစည်းဝေးပွဲအတွင်းမှာ သမ္မတ Trump က မြောက်ကိုရီးယားခေါင်းဆောင်ကို အဲဒီလို ကတိပေးခဲ့ကြောင်း ဆွေးနွေးမှုတွေနဲ့ နီးစပ်တဲ့ အသိုင်းအ၀ိုင်းတချို့ကို ကိုးကားပြီး အမေရိကန်အခြေစိုက် အဖြစ်အပျက်တွေ စုံစမ်း ဖော်ထုတ်ရေးသားတဲ့ Vox ခေါ် သတင်းဌာနမှာ ဖော်ပြထားတာပါ။

သမ္မတ Trump အဲဒီလို ကတိပေးပြီးတဲ့နောက် မြောက်ကိုရီးယားအနေနဲ့လည်း သူပိုင်ဆိုင်တဲ့ နြူကလီးယားလက်နက် အများစုကို ဖျက်သိမ်းပေးဖို့ တောင်းဆိုခဲ့တယ်လို့ ဆိုပါတယ်။

နှစ်ဘက် သဘောတူညီချက်အပိုင်းမှာ အဲဒီလို ပြောင်းလဲမှုတွေ ရှိခဲ့တဲ့အတွက် မြောက်ကိုရီးယားဘက်က ပိုပြီး ရန်လိုတဲ့ အသုံးအနှုန်းတွေကို သုံးစွဲလာကြောင်းလည်း Vox သတင်းဌာနက ခန့်မှန်း ရေးသားပါတယ်။

ပြောထားတဲ့အတိုင်း သမ္မတ Trump ဘက်က လက်တွေ့ မလုပ်ဆောင်တာကြောင့် မြောက်ကိုရီးယားဘက်က ဒေါသထွက်နေတာ ဖြစ်နိုင်ကြောင်း သူတို့ရဲ့ သတင်းအရင်းအမြစ်တွေကို ကိုးကားပြီး Vox သတင်းမှာ ရေးသားထားပါတယ်။

ဒီကိစ္စနဲ့ ပတ်သက်လို့ သမ္မတ Trump အစိုးရဘက်ကတော့ တစုံတရာ တုန့်ပြန် ပြောဆိုခြင်း မရှိသေးပါဘူး။

ဗွီအိုအေ (မြန်မာပိုင်း)
https://burmese.voanews.com
 

လူ့အခွင့်အရေးချိုးဖောက်ကြောင်း အထောက်အထားပြနိုင်ရင် NLD အစိုးရက အရေးယူဖို့ အသင့်ရှိ

အမျိုးသားဒီမိုကရေစီအဖွဲ့ချုပ် ဗဟိုအောင်နိုင်ရေးအဖွဲ့ ဥက္ကဋ္ဌ ဒေါက်တာမျိုးညွန့် ကို တွေ့ရစဉ်/ Photo: Htet Arkar/ RFA
ရခိုင်ပြည်နယ် မြောက်ပိုင်းက ထွက်ပြေးသွားခဲ့တဲ့ မွတ်စလင်ဘာသာဝင် ဒုက္ခသည်တွေကို တပ်မတော်က လူ့အခွင့်အရေး ချိုးဖောက်တာရှိခဲ့ရင် ဥပဒေနဲ့ ညီညွတ်တဲ့ အထောက်အထား ခိုင်ခိုင်လုံလုံနဲ့ တိုင်ကြားပါက NLD ဦးဆောင်တဲ့ အစိုးရက အရေးယူဖို့ အဆင်သင့်ရှိတယ်လို့ အမျိုးသားဒီမိုကရေစီအဖွဲ့ချုပ် ဗဟိုအောင်နိုင်ရေးအဖွဲ့ ဥက္ကဋ္ဌ ဒေါက်တာမျိုးညွန့်က ပြောလိုက်ပါတယ်။

ရခိုင်ပြည်နယ် မြောက်ပိုင်းမှာ ရွာပေါင်း ၃၀၀ ကျော်ကို မီးရှို့ဖျက်ဆီးခဲ့တာဟာ တပ်မတော်ကလုပ်တယ်ဆိုတဲ့ နိုင်ငံတကာက ပြောဆိုနေတာတွေနဲ့ လက်ရှိရရှိထားတဲ့ သတင်းအချက်အလက်တွေဟာ မှန်းဆချက်သာဖြစ်ကြောင်း ဒေါက်တာမျိုးညွန့်က ပြောပါတယ်။

"တရားရုံးတွေကနေပြီးတော့ ကျနော်တို့ ဒီလက်ခံနိုင်တဲ့ အထောက်အထား ဖြစ်ရမှာပါ၊ အထောက်အထားဟာ ခိုင်လုံရမယ်၊ ဒီအထောက်အထား တစ်ခုနဲ့ တစ်ခုမှာ အဆက်အစပ်ရှိရမယ်၊ ဒီကောက်ချက်ရမှ ကျနော်တို့ ဒီဟာကို ထည့်စဉ်းစားမှာပါခင်ဗျ၊ ဒီစိတ်မချရတဲ့ သက်သေတွေ အထောက်အထားတွေဆိုရင် စတည်းကိုက သူက ပျက်ပြယ်ပါတယ်ခင်ဗျ၊ နောက်အထောက်အား သေချာတာတောင်မှ တစ်ခုနဲ့ တစ်ခု ကွင်းဆက်ပြတ်လို့ မရဘူး၊ ဒီလိုကွင်းဆက်မပြတ်တဲ့ အထောက်အထားတွေရှိမှ နောက်ဆုံး ကျနော်တို့ ကောက်ချက်ကိုချမှာ တရားရုံးကလည်း ဒီလိုဟာမျိုးကိုပဲ လက်ခံပါတယ်၊ ဥပမာဆိုပါတော့ လူ ၆ သိန်း ၇ သိန်း ဒီလောက်တောင် ထွက်သွားတာ လူ့အခွင့်အရေး ချိုးဖောက်မှုရှိလို့သာပေါ့၊ ရွာပေါင်း ၃၀၀ ကျော်ကို စနစ်ကျမီးရှို့ဖျက်ဆီးခံခဲ့ ရတာဟာ တပ်မတော်က လုပ်တာပဲ မှန်းဆချက်မျိုးတော့ ကျနော်တို့ လက်မခံပါဘူး"

မြန်မာနိုင်ငံကနေ ဘင်္ဂလားဒေ့ရ်ှနိုင်ငံကို ထွက်ပြေးသွားတဲ့ ဒုက္ခသည် ၇ သိန်းလောက်မှာ လက်ရှိအချိန်အထိ တစ်ယောက်မှ ပြန်မလာချင်တာကိုလည်း သံသယဖြစ်မိကြောင်း၊ မြန်မာနိုင်ငံအနေနဲ့ ထွက်ပြေးသွားသူတွေကို ပြန်လည်လက်ခံဖို့ ငြင်းဆိုနေတာမဟုတ်ဘဲ အလိုအလျောက်နိုင်ငံသားဖြစ်ခွင့် ပေးရေးဟာ နိုင်ငံရဲ့အချုပ် အခြာအာဏာကိုထိခိုက်တဲ့အတွက် ငြင်းဆိုတာ ဖြစ်ကြောင်း ဒေါက်တာမျိုးညွန့်က ပြောပါတယ်။

လက်ရှိအချိန်မှာ ရခိုင်ပြည်နယ်က ရိုဟင်ဂျာတွေအပေါ် မြန်မာ့တပ်မတော်အနေနဲ့ လူ့အခွင့်အရေးချိုးဖောက်မှုတွေ ကျူးလွန်တယ်လို့ စွပ်စွဲချက်တွေနဲ့ ဥရောပသမဂ္ဂ EU နဲ့ အမေရိကန်ပြည်ထောင်စုက တပ်မတော် အရာရှိကြီး တချို့ကို ဒဏ်ခတ်ပိတ်ဆို့ အရေးယူမှုတွေ ပြုလုပ်ထားသလို ကုလသမဂ္ဂ အထွေထွေအတွင်းရေးမှုးချုပ်ကလည်း တပ်မတေ်ာကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ တာဝန်ရှိသူတွေကို ပြင်းထန်တဲ့ အရေးယူမူတွေ ပြုလုပ်ဖို့ နိုင်ငံတကာကို တောင်းဆိုထားပါတယ်။

ကုလသမဂ္ဂ လူ့အခွင့်အရေး ကောင်စီက အသိအမှတ်ပြုထားတဲ့ မြန်မာ့နိုင်ငံရေးနဲ့ ပတ်သက်ပြီး အချက်အလက် ရှာဖွေရေး အဖွဲ့တစ်ခုဖြစ်တဲ့ Fact-Finding Mission က တပ်မတော်ရဲ့ လူ့အခွင့်အရေး ချိုးဖောက်မှုတွေကို တွေ့ရှိထားကြောင်းလည်း ဖော်ပြထားပါတယ်။

RFA Burmese
https://www.rfa.org/burmese

တပ်မတော်က ရိုဟင်ဂျာသမိုင်းကြောင်း ဓာတ်ပုံတွေ လိမ်ညာထားတယ်လို့ ရိုက်တာဖော်ပြ

၁၉၉၆ ခုနှစ်က ဟူတူမျိုးနွယ်စုများ ရဝမ်ဒါနိုင်ငံမှ တန်ဇန်းနီးယားနိုင်ငံသို့ ထွက်ပြေးလာပုံ (အပေါ်) ကို မြန်မာ့တပ်မတော်က ထုတ်ဝေသည့်စာအုပ်တွင် “နယ်ချဲ့အင်္ဂလိပ်တို့ အောက်မြန်မာပြည်သိမ်းပိုက်ပြီးနောက် ဘင်္ဂါလီများ မြန်မာနိုင်ငံအတွင်း ဝင်ရောက်လာပုံ” အဖြစ် ပြုပြင်ဖော်ပြထားပုံ။ (Photo: Reuters)
ရိုဟင်ဂျာသမိုင်းကြောင်းနဲ့ ပတ်သက်ပြီး မြန်မာ့တပ်မတော်က ဇူလိုင်လအတွင်း ထုတ်ဝေလိုက်တဲ့ “မြန်မာ့နိုင်ငံရေးနှင့် တပ်မတော် အပိုင်း-၁” စာအုပ်မှာ.. တခြားနိုင်ငံတွေမှာ ဖြစ်ပျက်ခဲ့တဲ့ ဓာတ်ပုံအဟောင်းတွေကို ပြင်ဆင်ပြီး ရိုဟင်ဂျာတွေရဲ့ ရက်စက်မှုအဖြစ် လိမ်ညာဖော်ပြထားတယ်လို့ ရိုက်တာသတင်းဌာန ဖော်ထုတ်လိုက်ပါတယ်။

ဓာတ်ပုံအစစ်နဲ့ ပြင်ဆင်ထားတဲ့ပုံတွေ ဆိုပြီး မူရင်း ဓာတ်ပုံသုံးပုံနဲ့အတူ တစ်ပုံချင်း ယှဉ်ပြပြီး ရိုက်တာသတင်းဌာနက ဖော်ပြထားတာပါ။

၁၉၄ဝ ပြည့်လွန်ကာလက ရခိုင်ပြည်နယ်မှာ “ဘင်္ဂါလီများ ဒေသခံ တိုင်းရင်းသားများအား ရက်စက်စွာ သတ်ဖြတ်ခဲ့ပုံ” ဆိုပြီး ဖော်ပြထားတဲ့ပုံဟာ ၁၉၇၁ ခုနှစ် ဘင်္ဂလားဒေ့ရှ် လွတ်လပ်ရေးစစ်ပွဲကာလအတွင်း ပါကစ္စတန်တပ်ဖွဲ့တွေက ဘင်္ဂါလီတွေကို သတ်ဖြတ်နေတဲ့ပုံ ဖြစ်တယ်လို့ ရိုက်တာ သတင်းဌာနက ဓာတ်ပုံအထောက်အထားတွေနဲ့ ဖော်ပြထားပါတယ်။

နောက်ထပ်ဓာတ်ပုံ တပုံမှာတော့ ၁၉၉၆ ခုနှစ်က ဟူတူမျိုးနွယ်စုတွေ ရဝမ်ဒါနိုင်ငံကနေ တန်ဇန်းနီးယားနိုင်ငံကို ထွက်ပြေးလာတဲ့ပုံကို ပြင်ဆင်ပြီး... “နယ်ချဲ့အင်္ဂလိပ်တို့ အောက်မြန်မာပြည်သိမ်းပိုက်ပြီးနောက် ဘင်္ဂါလီများ မြန်မာနိုင်ငံအတွင်း ဝင်ရောက်လာပုံ” ဆိုပြီး ဖော်ပြထားတယ်လို့ ဆိုပါတယ်။

အလားတူ နောက်ထပ်တစ်ပုံမှာလည်း ၂ဝ၁၅ မေလ ၂၉ ရက်နေ့က ဧရာဝတီတိုင်း ဖျာပုံမြို့နယ်အနီး မြန်မာ့ရေပိုင်နက်ထဲမှာ မြန်မာရေတပ်က ဖမ်းဆီးမိခဲ့တဲ့ လှေစီးဒုက္ခသည်တွေရဲ့ပုံကို ပြုပြင်ပြီး ဖော်ပြထားတာ တွေ့ရတယ်လို့ ရိုက်တာသတင်းဌာနက ဖော်ပြထားပါတယ်။

RFA Burmese
https://www.rfa.org/burmese
 

သင်္ဘောဟောင်းဖျက်ဖို့အသွား မြန်မာ့ပင်လယ်ပြင်မှာ သောင်တင်ဟု စင်္ကာပူကုမ္ပဏီဆို

မြန်မာ့ရေပိုင်နက်ထဲမှာ သောင်တင်နေတဲ့ SAM RATULANGI PD အမည်ရှိ နိုင်ငံခြား ကုန်တင်သင်္ဘော (ဓာတ်ပုံ-MOI)
မြန်မာ့ရေပိုင်နက်ထဲကို တာဝန်ရှိသူတွေ မသိလိုက်ဘဲရောက်လာတဲ့ နိုင်ငံခြား သင်္ဘောကြီးအကြောင်း နောက်ဆုံးသိရတဲ့ အခြေအနေတချို့ ကို ကိုဉာဏ်ဝင်းအောင်က စုစည်းတင်ပြပေးထားပါတယ်။

ရန်ကုန်တိုင်း သုံးခွမြို့နယ်၊ သမစိတ္တ ကျေးရွာအနီး မုတ္တမပင်လယ်ကွေ့မှာ ပိုင်ရှင်မဲ့ နိုင်ငံခြားကုန်တင် သင်္ဘောကြီးတစင်း သောင်တင်နေတာကို ဩဂုတ် ၂၈ ရက်က ငါးဖမ်းစက်လှေတွေကစတင်တွေ့ရှိခဲ့တာပါ။ ဒီကနေ့ မနက်ပိုင်းမှာတော့ သုံးခွမြို့နယ် ရဲတပ်ဖွဲ့ဝင်တွေနဲ့အမှတ် (၁) ဗျူဟာ ရေတပ်အရာရှိတွေက အဲဒီ သင်္ဘောကို သွားရောက် စစ်ဆေးခဲ့ကြောင်း၊ အဲဒီသဘောင်္ကို သွားရောက်ကြည့်ရှုခဲ့သူ တဦးက VOA ကို ပြောပါတယ်။ ဒီသင်္ဘောပေါ်မှာ အန္တရာယ်ရှိတဲ့ ဓါတုပစ္စည်းတွေ ပါလာတဲ့ဆိုတဲ့ သတင်းတွေလည်း လူမှုကွန်ယက်မီဒီယာမှာ ပျံ့နှံ့နေတာပါ။

သုံးခွမြို့နယ်ကနေ ရေမိုင် (၇) မိုင် အကွာမှာရှိတဲ့ အဲဒီသဘောင်္ရှိရာကို ကိုယ်တိုင်သွားရောက်ကြည့်ရှုခဲ့တဲ့ သုံးခွမြို့နယ် အောင်သာတန်းရပ် အုပ်ချုပ်ရေးမှူး ဦးအောင်ဖြိုးမြင့်က VOA ကို အခုလို ပြောပါတယ်။

“အခု ရေတပ်ကအရာရှိတွေလည်း သင်္ဘောပေါ်မှာ ရှိတယ်လေ။ သင်္ဘောပေါ်မှာ ဘာတခုမှ မရှိဘူး။ ကုန်ပစ္စည်းတွေလည်းမရှိပါဘူး။ သူများတွေပြောသလို ကောလဟာလ - ဟိုဟာတွေ ပါတယ်၊ ဒီဟာတွေ ပါတယ်- ဘာမှမပါဘူး။ သင်္ဘောပေါ်မှာ အန္တရာယ်ရှိနိုင်တဲ့ဟာတွေပါသလိုလို အဲဒီလိုတွေပြောနေတာဟာ ဘာသတင်းမှ မဟုတ်ဘူး၊ အဲဒါ ဘာတခုမှ မဟုတ်ဘူး။ အဲဒါတော့ သေချာတယ်။ သင်္ဘောက - ကျနော်တို့ အတည်မပြုနိုင်သေးတာက သင်္ဘောက ဘယ်လိုပျက်လာတယ်ဆိုတဲ့ ပုံစံမျိုးပဲရှိတယ်။ ဒါပေမယ့် သင်္ဘောပေါ်မှာ ဘာမှမပါဘူး၊ အဲဒါတော့ သေချာတယ်။”

အခုတွေ့ရှိတဲ့ Sam Ratulangi ဆိုတဲ့ သဘောင်္ဟာ အင်ဒိုနီးရှားနိုင်ငံမှာ နောက်ဆုံး မှတ်ပုံတင်ထား တာကို စစ်ဆေးတွေ့ရပြီး မြန်မာနိုင်ငံကို ဝင်ရောက်ဖို့ မဟုတ်ဘဲ ဘင်္ဂလားဒေ့ရ်ှနိုင်ငံကိုသွားဖို့ ဆွဲသင်္ဘောနဲ့ ဆွဲလာတဲ့ သင်္ဘောဖြစ်တယ်လို့ စင်ကာပူနိုင်ငံအခြေစိုက် Smith Salvage Company က မြန်မာ ပို့ဆောင်ဆက်သွယ်ရေး ဝန်ကြီး ဌာန မြန်မာ့ဆိပ်ကမ်း အာဏာပိုင်အဖွဲ့ကို အကြောင်းကြားထားပါတယ်။သဘောင်္ဟာ အမြင်အရ ဟောင်းနွမ်းနေပြီဖြစ်တာကြောင့် ဘင်္ဂလားဒေ့ရ်ှမှာ သံတိုသံစအဖြစ် ထုခွဲဖျက်ဆီးဖို့ သယ်လာတာ ဖြစ်နိုင်ကြောင်း ရေကြောင်း ဆိုင်ရာ ကျွမ်းကျင်သူတွေကသုံးသပ်ထားပြီး၊ မြန်မာကမ်းခြေဘက် မျောပါလာတာမျိုး ဒါမှမဟုတ် ဆွဲယူမရလို့ စွန့်ပစ်သွားခဲ့မျိုး ဖြစ်နိုင်တယ် လို့ သုံးသပ်ကြပါတယ်။ ဒီလိုကြီးမားတဲ့ နိုင်ငံခြားကုန်တင် သဘောင်္ကြီးတစင်း မြန်မာရေပိုင်နက်ထဲ ၀င်ရောက်လာတာကို တာဝန်ရှိသူတွေ ဘက်က ကြိုတင် မသိခဲ့ဘူးဆိုတဲ့သတင်းတွေကြောင့် လုံခြုံရေးအရသတိရှိသင့်တယ်ဆိုပြီး ပင်လယ်ပြင်ဆိုင်ရာ ကျွမ်းကျင်သူ တချို့က သတိပေးထားပါတယ်။

ကိုဉာဏ်ဝင်းအောင်  / ဗွီအိုအေ (မြန်မာပိုင်း)
https://burmese.voanews.com

စစ်ဘက်အရာရှိကြီးတွေ ICC ကအရေးယူရေး တကိုယ်တော်ဆန္ဒပြသူအဖမ်းခံရ

ဒီမိုကရေစီရေး စဉ်ဆက်မပျက်လှုပ်ရှားမှု အင်အားစုကော်မတီ အဖွဲ MDCF အဖွဲ့ခေါင်းဆောင် ဦးထင်ကျော်ရဲ့ ၂၀၁၄ ပုံရိပ်။
မြန်မာတပ်မတော် ကာကွယ်ရေး ဦးစီးချုပ်အပါအ၀င် တပ်မတော် ထိပ်တန်းခေါင်းဆောင်တွေကို နိုင်ငံတကာ ရာဇဝတ်ခုံရုံးမှာ အရေးယူနိုင်ရေး တောင်းဆိုရင်း တကိုယ်တော်ဆန္ဒပြတဲ့သူတဦးကို ဒီနေ့ ရန်ကုန်မှာ အာဏာ ပိုင်တွေက ဖမ်းဆီးလိုက်ပါတယ်။ ဒီမိုကရေစီရေး စဉ်ဆက်မပျက်လှုပ်ရှားမှု အင်အားစုကော်မတီ အဖွဲ MDCF အဖွဲ့ခေါင်းဆောင် ဦးထင်ကျော်ကိုနိုင်ငံတော် အကြည်ညိုပျက်စေမှု ပုဒ်မ ၅၀၅ (ခ) နဲ့ အမှုဖွင့်ထားတယ်လို့ လည်း သူနဲ့ နိုင်ငံရေးလုပ်ဖေါ်ကိုင်ဘက်တွေက ပြောပါတယ်။ သတင်းအပြည့်အစုံကို ဗွီအိုအေ သတင်းထောက် မေခကပေးပို့ထားပါတယ်။

ဒီမိုကရေစီရေး စဉ်ဆက်မပျက်လှုပ်ရှားမှု အင်အားစုကော်မတီ အဖွဲ့ခေါင်းဆောင် ဦးထင်ကျော်ဟာ ဒီကနေ့ မနက်ပိုင်းမှာ ရန်ကုန်မြို့ မဟာဗန္ဓုလ ပန်းခြံရှေ့မှာ မြန်မာနိုင်ငံက လူသတ်တရားခံ စစ်ဗိုလ်ချုပ်ကြီးများကို UN နဲ့ ICC မှ အမြန်ဆုံး လာရောက်ဖမ်းဆီးပါ ဆိုတဲ့ ပိုစတာကိုကို ကိုင်ပြီး ဆန္ဒပြခဲ့တာပါ။

ဆန္ဒပြပြီး မကြာခင်မှာပဲ ကျောက်တံတားစခန်းမှူးနဲ့ တာဝန်ရှိသူတွေက လာခေါ်သွားတာဖြစ်ပါတယ်။ ဒီမိုကရေစီရေး စဉ်ဆက်မပျက်လှုပ်ရှားမှု အင်အားစုကော်မတီ MDCF အဖွဲ့ ဗဟိုကော်မတီဝင် ကိုမှတ်ကြီးက ကိုထင်ကျော် ဖမ်းခံရတာနဲ့ပတ်သတ်ပြီး အခုလို VOA ကို ပြောပါတယ်။

“၁၁ နာရီခွဲလောက် ဆန္ဒပြတဲ့အချိန်မှာ ကျောက်တံတားစခန်းမှူးက လာရောက်ခေါ်ဆောင် သွားပြီး တော့ ရန်ကင်းစခန်းကိုပို့တယ်။ ရန်ကင်းစခန်းကနေ တရားရုံးကိုပို့တယ်။ ရန်ကင်းတရားရုံးမှာ ရမန်ယူပြီးတော့ အင်းစိန်ထောင်ကို ပို့လိုက်တယ်။ ၁၂ နာရီ ၁၅ မှာ အင်းစိန်ထောင်ကိုပို့တယ်။ လောလောဆယ်တော့ ဒီအတိုိင်းပဲ သူ့တရားရုံးထွက်နဲ့ တရားရုံးအပြင်မှာ သူရင်ဆိုင်နေရတဲ့ ဟာလေးတွေ ရှိတယ်။ အဲဒီဟာကိုပဲသွားမယ်။ကျန်တာကတော့ လောလောဆယ် ဆုံးဖြတ်ထားတာ မရှိသေးဘူး။”

ဦးထင်ကျော်ဟာ မနေ့ကလည်း ရန်ကင်းမြို့နယ်တွင်းမှာ အခုလို ဆန္ဒပြခဲ့ပါသေးတယ်။ ဒီလိုဆန္ဒပြခဲ့တာ ကြောင့် ကျောက် တံတားကနေ ရန်ကင်းမြို့နယ်ကိုဆက်လက်လွှဲအပ်ခဲ့ပါတယ်။ အခုတော့ အင်းစိန် အကျဉ်းထောင်ကို ပို့ဆောင်လိုက်ပြီလို့ ကိုမှတ်ကြီးကပြောပါတယ်။

ရခိုင်ပြည်နယ်အတွင်း လူ့အခွင့်အရေး ချိုးဖေါက်မှုတွေနဲ့ ပတ်သက်လို့ ကုလသမဂ္ဂက ဖွဲ့စည်းထားတဲ့ မြန်မာဆိုင်ရာ အချက်အလက်ရှာဖွေရေးအဖွဲ့က တပ်မတော်ကာကွယ်ရေးဦးစီးချုပ်နဲ့ အရာရှိကြီးတွေမှာ တာဝန်ရှိ ကြောင်းထုတ်ပြန်ခဲ့ပြီး ရက်ပိုင်းအတွင်းမှာပဲ ဦးထင်ကျော်က တကိုယ်တော် ဆန္ဒပြခဲ့တာပါ။

မြန်မာအစိုးရဘက်ကတော့ ကုလသမဂ္ဂ အချက်အလက်ရှာဖွေရေးအဖွဲ့ကို မူလကတည်းက အသိအမှတ်ပြု လက်မခံကြောင်းနဲ့ အစီရင်ခံစာပါဖေါ်ပြချက်တွေကိုလည်း လက်မခံကြောင်း တုံ့ပြန်ထားပါတယ်။ ပြည်တွင်းမှာ မြန်မာအစိုးရကိုယ်တိုင်က ဘက်မလိုက်တဲ့ လွတ်လပ်တဲ့ စုံစမ်းစစ်ဆေးရေး ကော်မရှင် ဖွဲ့စည်းပြီး လုပ်ငန်းတွေ စတင်ဆောင်ရွက်နေပြီလို့ ပြောဆိုပါတယ်။

 မေခ  / ဗွီအိုအေ (မြန်မာပိုင်း)
https://burmese.voanews.com

တပ်နဲ့ KNU တပ်မဟာ ၅ တို့ ဒီနေ့ မနက်ပိ်ုင်းအထိ တိုက်ပွဲဖြစ်

KNU တပ်မဟာ ၅ က စစ်သားတစ်ဦးကို တွေ့ရစဉ်/ Photo: Kyaw Lwin Oo/RFA
ကရင်ပြည်နယ် ဖာပွန်မြို့နယ် ဝဲကြီးနဲ့ ကန်ညီနောင်ကျေးရွာတဝိုက်မှာ KNU တပ်မဟာ ၅ နဲ့ အစိုးရတပ်တို့ ဒီနေ့မနက်ပိုင်းအထိ တိုက်ပွဲတွေဖြစ်ပွားနေပါတယ်။

တိုက်ပွဲအခြေအနေနဲ့ ပတ်သက်ပြီး KNU တပ်မဟာ ၅ ဆက်ဆက်ရေးတာဝန်ခံ ဒုဗိုလ်မှူးကြီး စောအယ်ဒိုက အခုလို ပြောပါတယ်။

"မနေ့တုန်းက ထိတွေမှုရှိတယ်၊ ဒီမနက်လည်း ထိတွေမှုရှိတယ်၊ ကန်ညီနောင် ဝဲကြီးမှာ စစ်တပ်နဲ့ မနေ့က တုန်းက ထိခိုက်မှုတော့ရှိမယ်၊ ကျနော်တို့ဘက်မှာတော့ မရှိဘူး၊ ရှိတာတော့ တပ်မတော်ဘက်က ဒီနေ့ကတော့ ပစ်တုန်းပဲ၊ ပစ်တုန်းဆိုတော့ အတိအကျ မသိရသေးဘူး"

ပြီးခဲ့တဲ့ ရက်ပိုင်းက KNU တပ်မဟာ ၅ နယ်မြေထဲက ကန်ညီနောင်ကျေးရွာ ဝန်းကျင်မှာ ဝင်ရောက်နေတဲ့  ဒီမိုကရေ စီအကျိုးပြု ကရင့်တပ်မတော် DKBA ခွဲထွက်အဖွဲ့နဲ့ KNU တို့ တိုက်ပွဲတွေဖြစ်ခဲ့ပါတယ်။

အဲဒီနေရာအနီးမှာ တပ်မတော် စစ်ကြောင်းတစ်ကြောင်းဟာ ပြီးခဲ့တဲ့ သြဂုတ်လ ၂၈ ရက်နေ့ကစပြီး ဝင်ရောက်နေ တာကြောင့် KNU က သတိပေးပစ်ခတ်တာတွေ ပြုလုပ်ခဲ့ပေမယ့် အစိုးရတပ်က ပြန်လည်ထွက်ခွာသွားတာ မရှိသေးပါဘူး။

ဒီတိုက်ပွဲတွေကြောင့် ကန်ညီနောင်ကျေးရွာက ရွာသား ၄၀၀ ကျော်လည်းဟာ မြိုင်ကြီးငူကို ထွက်ပြေးတိမ်းရှောင်နေ ရပါတယ်။

တပ်မ ၄၄ လက်အောက်ခံ တပ်တွေဟာ KNU ထိန်းချုပ်ရာနယ်မြေထဲမှာ လှုပ်ရှားနေတာကြောင့် အရှေ့တောင်တိုင်း စစ်ဌာနချုပ်ကို KNU က မနေ့က ကန့်ကွက်စာပေးပို့ထားပါတယ်။

အစိုးရတပ်က တာဝန်ရှိသူတွေနဲ့ KNU တပ်မဟာ ၅ က တာဝန်ရှိသူတွေ ဒီနေညနေပိုင်းမှာ တွေဆုံဆွေးနွေးနေတယ်လို့ သိရပါတယ်။

KNU အဖွဲ့ဟာ တစ်နိုင်ငံလုံးအပစ်အခတ်ရပ်စဲရေးစာချုပ် NCA လက်မှတ်ထိုးထားတဲ့အဖွဲ့ဖြစ်ပေမယ့် KNU လက်အောက်ခံ တပ်တချို့နဲ့ တပ်မတော်တို့အကြား မကြာခဏ တိုက်ပွဲတွေ ဖြစ်ပွားနေဆဲဖြစ်ပါတယ်။

RFA Burmese
https://www.rfa.org/burmese

နမ္မတူ­-ကျယ်ခေါင်းလမ်းမှာ တရုတ်ကိုပို့မယ့် သစ်မှောင်ခိုကားတွေ နေ့စဉ်သွားလာနေ

ရှမ်းပြည်နယ် နမ္မတူ - ကျယ်ခေါင်းလမ်းက သစ်မှောင်ခိုကားတွေကို တွေ့ရစဉ်/ Gammaw.com - facebook
ရှမ်းပြည်နယ် နမ္မတူ - ကျယ်ခေါင်းလမ်းမှာ သစ်မှောင်ခိုကားတွေဟာ နေ့စဉ် ကားအစီးရေ ၁၀ စီးကနေ ၃၀ အထိ သွားလာနေကြတယ်လို့ မူဆယ်မြို့ မော်တောင်းရွာက အမည်မဖော်လိုတဲ့ ဒေသခံတစ်ဦးက ပြောပါတယ်။

အစိုးရက နယ်စပ်ကနေ ပြင်ပကို သစ်တင်ပို့တာတွေကို တရားဝင်ပိတ်ပင်ထားတဲ့ကြားက အခုလို မှောင်ခိုကားတွေ နေ့စဉ်သွားနေကြတာဖြစ်ပါတယ်။

အမည်မဖော်လိုတဲ့ မူဆယ်မြို့ ဒေသခံတစ်ဦးက အခုလို ပြောပါတယ်။

"မြန်မာတစ်ပြည်လုံးက သစ်ခုတ်မယ်ထင်တယ်။ နည်းတာမဟုတ်ဘူးလေ။ တရုတ်ပြည်ဘက်ကို ပို့တာလေ။ တခါတလေ ၁၀ စီး အစီး ၂၀၊ ၃၀ အဲဒီလောက်အထိ နေ့တိုင်းနေ့တိုင်းလေ။ အမြဲတမ်းလိုလိုပဲ"

အဲဒီလို တရားမ၀င်သစ်ကားတွေ ဖြတ်သန်းသွားလာနေတာ ၅ နှစ်ခန့်ရှိနေပြီလို့လည်း သိရပါတယ်။

ရှမ်းပြည်နယ် မူဆယ်မြို့ဟာ ကောင်းခါးပြည်သူ့စစ် စိုးမိုးတဲ့နယ်မြေဖြစ်ပြီး အဲဒီလို တရားမ၀င်သစ်ပို့ဆောင်နေတဲ့ ကိစ္စမှာလည်း ပါဝင်နေတယ်လို့လည်း အမည်မဖော်လိုတဲ့ ဒေသခံတစ်ဦးက ပြောပါတယ်။ တရားမ၀င်သစ် သယ်ဆောင်တဲ့အခါမှာ တစ်ခါတရံ ကောင်းခါးပြည်သူ့စစ်ရဲ့ တံဆိပ်တွေနဲ့ ၀တ်စုံဝတ်ဆင်သူတွေကိုလည်း တွေ့ရတယ်လို့ ပြောပါတယ်။

အဲဒီဒေသမှာ အစိုးရအဖွဲ့အစည်းတွေ၊ သက်ဆိုင်ရာဌာနတွေရှိကြပေမယ့် စစ်ဆေးတာတွေကိုတော့ မတွေ့ရဘူးလို့ ဆိုပါတယ်။

RFA Burmese
https://www.rfa.org/burmese

ငွေ"၆၀၀၀"ကျပ် ပျောက်​လို့ သားသမီးကို သေ​အောင်​ရိုက်​တဲ့ ဖခင်

ဓါတ်ပုံ - သာခိုင်(မုနိမြီ)
နေပြည်တော်၊ ဩဂုတ် ၃၁

၂၀၁၈ ခုနှစ်၊ သြဂုတ်လ ၃၀ ရက်နေ့ နံနက် ၇ နာရီအချိန်က မကွေးတိုင်းဒေသကြီး၊ နတ်မောက် မြို့နယ်၊ မဲဇလီကျေးရွာမှာ ငွေ "၆၀၀၀" ကျပ် ပျောက်​လို့ သားနှင့်သမီးကို ကြိုးတုပ်ရိုက်နှက်ရာမှ သမီးဖြစ်သူ သေဆုံးမှု ဖြစ်ပွားခဲ့ကြောင်း သိရပါသည်။

ဖြစ်စဉ်မှာ မဲဇလီကျေးရွာနေ မလှဝင်းကြည်(၄၂)နှစ်သည် နေအိမ်၌ ခင်ပွန်းဖြစ်သူ ခင်နိုင်(၅၁)နှစ် နှင့်အတူ ရှိနေစဉ် ၎င်းထံမှ ငွေကျပ်(၆၀၀၀)ပျောက်ဆုံးနေပြီး သားဖြစ်သူ နန်းထက်အောင် (၈)နှစ်တွင် ငွေကျပ်(၁၀၀၀)တွေ့ကြောင်း ပြောဆိုကာ မလှဝင်းကြည် သည် ရွာအနောက်ဘက်ရှိ မချို၏ ယာခင်းတဲသို့ မြေပဲနုတ်ရန်ထွက်သွားခဲ့ကြောင်းသိရသည်။


 နေအိမ်သို့ပြန်ရောက်စဉ် သမီးဖြစ်သူ အမွှာမောင်နှမ မနန်းထက်ဝေ(၈)နှစ်မှာ ဒဏ်ရာများရရှိသေဆုံးနေပြီး သားဖြစ်သူ နန်းထက်အောင် တွင် ဒဏ်ရာများ ရရှိထားသည်ကို တွေ့ရှိရ၍ မေးမြန်းရာ ခင်နိုင်မှ ၎င်းတို့(၂)ဦးသည် ကျောင်းမှပြန်လာစဉ် ပိုက်ဆံခိုးယူသဖြင့် မြေစိုက်နေအိမ် အနောက်ခန်းတွင် လက်နှစ်ဖက်အား ကြိုးတုပ်ချည်နှောင်၍ ဝါးခြမ်းပြားဖြင့် ရိုက်နှက်ခဲ့ရာမှ သေဆုံးသွားခြင်းဖြစ်ကြောင်း သိရှိရသည်။

အဆိုပါ လူသေဆုံးမှုအား အရေးယူပေးရန် တိုင်တန်းချက်အရ ခင်နိုင် အား နတ်မောက်မြို့မရဲစခန်း (ပ)၁၀၁/၂၀၁၈၊ ရာဇသတ်ကြီးပုဒ်မ ၃၀၄-က/၃၂၅ ဖြင့် အမှုဖွင့်အရေး ယူထားကြောင်း မြန်မာနိုင်ငံ ရဲတပ်ဖွဲ့ ၏ သတင်းထုတ်ပြန်ချက်အရ သိရပါသည်။

သစ်ထူးလွင်

ဈေးကွက်အတွင်းမှ မှတ်ပုံတင်ထားခြင်းမရှိသော တရားမဝင်ဆေးဝါး၈မျိုး စိစစ်တွေ့ရှိ

မှတ်ပုံတင်ထားခြင်းမရှိသော တရားမဝင်ဆေးဝါးများအားတွေ့ရစဉ်(FDA)
 ရန်ကုန်၊ သြဂုတ် ၃၁ ရက် (ဆင်ဟွာ)

    ပြည်တွင်းဈေးကွက်အတွင်းရှိ ဆေးဝါးများ ကိုစိစစ်ခဲ့ရာ မြန်မာနိုင်ငံတွင် မှတ်ပုံတင်ထားခြင်းမရှိသော တရားမဝင်ဆေးဝါး (၈)မျိုးကို စိစစ်တွေ့ရှိခဲ့ကြောင်း အစားအသောက်နှင့်ဆေးဝါးကွပ်ကဲရေးဦးစီးဌာနမှ ထုတ်ပြန်သော သတင်းအရ သိရသည်။

အဆိုပါ ဆေး(၈)မျိုးသည် Regenta Eye/Ear Drops ၊Phenolphthalein Tablets၊ Ninazol Tablets၊

Piyenchin Solution၊ Compound Miconazole Nitrate Cream၊ Chlorpheniramine Tablets၊Diclo-M Tabletsနှင့် Oxytocin Injection ဆေးအမှတ်တံဆိပ်များဖြစ်ပြီး ယင်းဆေးဝါးများကို

ဝယ်ယူသုံးစွဲခြင်းမပြုကြရန်နှင့် မြန်မာနိုင်ငံတွင်မှတ်ပုံတင်ရရှိထားသောဆေးဝါးများကို ဆရာဝန် ညွှန်ကြားချက်ဖြင့်ဝယ်ယူသုံးစွဲပါရန် သတင်းထုတ်ပြန်ချက်တွင် ဖော်ပြထားသည်။

ဆေးဝါးရောင်းချသည့်ဆေးဆိုင်များသည် မြန်မာ နိုင်ငံတွင် မှတ်ပုံတင်ထားခြင်းမရှိသောဆေးဝါးများ၊ ဆေးဝါးအတု၊ စံမညီဆေးဝါးများကို တင်သွင်း ဖြန့်ဖြူးရောင်းချခြင်း (လက်လီ/ လက္ကား) လုံးဝမပြုရန်နှင့် လိုက်နာဆောင်ရွက်ခြင်းမရှိပါက သက်ဆိုင်ရာအာဏာပိုင်အဖွဲ့အစည်းက အမျိုးသားဆေးဝါးဥပဒေပုဒ်မ(၁၈)အရ တရားစွဲဆိုအရေး ယူမည်ဖြစ်ကြောင်း သိရသည်။

(Xinhua)
http://www.xinhuamyanmar.com

ဥက္ကာခဲအပိုင်းအစ ဝင်မှန်လို့ ISS ပေါက်ပြဲခဲ့

ISS ထဲ လေဖိအား လျော့လာကြောင်း သတိထားမိခဲ့
နိုင်ငံတကာ အာကာသ စခန်း ISS မှာ အပေါက်တစ်ခု တွေ့လာရတဲ့နောက် လေစိမ့်ထွက်နေတဲ့ အဲဒီ ပြဿနာကို စခန်းမှာ ရှိနေကြတဲ့ အာကာသ သူရဲကောင်းတွေ ကြိုးစား ဖြေရှင်း နေကြရပါတယ်။

အာကာသ စခန်းမှာ လေစိမ့်ထွက်နေတဲ့ အပေါက်အပြဲ ရှိနေနိုင်တယ် ဆိုတာကို ကမ္ဘာမြေပေါ်က ထိန်းချုပ်စခန်းက တာဝန်ရှိသူတွေ စပြီး သတိထား မိခဲ့တာ ဖြစ်ပါတယ်။

အာကာသ စခန်းထဲက လေဖိအားကို အဆက်မပြတ် စောင့်ကြည့်ပေးနေတဲ့ ပစ္စည်း ကိရိယာကနေ လေဖိအား လျော့လာကြောင်း အချက်ပြခဲ့တာ ဖြစ်ပါတယ်။

အဲဒီလို စ သိသိချင်းမှာ အာကာသာ သူရဲကောင်း ၆ ယောက် စလုံး အိပ်ပျော် နေချိန် ဖြစ်ပါတယ်။

သူတို့ အိပ်ရာနိုးလာတဲ့ အချိန်မှာတော့ လေစိမ့်ထွက်နေတဲ့ အပေါက် ရှိနေနိုင်တယ် ဆိုပြီး သူတို့ကို လှမ်း သတိပေးခဲ့ပြီး အဲဒီ အပေါက်ကို လိုက်ရှာဖို့ ညွှန်ကြား ခဲ့ပါတယ်။

ဒီလိုနဲ့ အာကာသ သူရဲကောင်းတွေလည်း ဘယ်နေရာကနေ လေစိမ့်ထွက် နေတာလည်း ဆိုတာ လိုက်ရှာ ခဲ့ကြရင်းသား ISS ရှိရာဆီ သူတို့ကို ပြီးခဲ့တဲ့ ဇွန်လ ၈ ရက်နေ့တုန်းက သယ်ဆောင် လာပေးခဲ့တဲ့ ရုရှားရဲ့ ဆိုယုစ် အာကာသယာဉ်မှာ အပေါက် ရှိနေတယ် ဆိုတာ တွေ့လာပါတယ်။
ဂျာမနီ အာကာသ ယာဉ်မှူး အလက်ဇန္ဒာ ဂတ်စ်
ဒီ အပေါက်ကို တွေ့သူက ဥရောပ အာကာသ အေဂျင်စီကနေ စေလွှတ်ထားတဲ့ ဂျာမနီ အာကာသ ယာဉ်မှူး အလက်ဇန္ဒာ ဂတ်စ် ဖြစ်ပါတယ်။

၂ မီလီမီတာ လောက် ရှိတဲ့ အပေါက်ကို သူ့လက်နဲ့ ပိတ်ရင်းသားမှာပဲ ဆိုယုဇ်မှာ အဲဒီ အပေါက် ရှိနေတယ်ဆိုတာကို အလက်ဇန္ဒာဂတ်စ်က အတည်ပြု ပေးခဲ့တာ ဖြစ်ပါတယ်။

လောလောလတ်လတ် ဖြေရှင်းတဲ့ အနေနဲ့တော့ အဲဒီ အပေါက်ကို လေလုံဆေး တစ်မျိုး သုတ်ပြီး တိပ်ကြိုးနဲ့ အပေါ်ကနေ ကပ်ထားလိုက်ပါတယ်။

ဒီလောက်နဲ့ လုံလောက်လား၊ ဒီထက်ပိုပြီး ပြင်ဆင် ဖာထေးတာမျိုး လုပ်ဖို့ လိုမလား ဆိုတာကို မြေပြင်စခန်းကသူတွေရဲ့ အကြံဉာဏ်တွေကို ရယူ နေပါတယ်။

လက်ရှိမှာတော့ ISS ပေါ် ရှိနေကြတဲ့ အာကာသ ယာဉ်မှူးတွေ အတွက် အန္တရာယ် ရှိ မနေဘူး ဆိုပြီး အမေရိကန်ရော၊ ရုရှားကပါ အတည်ပြုပါတယ်။

အရေးပေါ် အခြေအနေနဲ့ ကြုံတွေ့ရင် ဘယ်လို တုံ့ပြန်ရမလဲ ဆိုတာကို လေ့ကျင့်ခဲ့တာတွေက ဘယ်လောက် အဖိုးတန်သလဲ ဆိုတာ အခု ဖြစ်ရပ်က သက်သေပဲလို့ အလက်ဇန္ဒာဂတ်စ်က တွစ်တာ လူမှုကွန်ရက်ပေါ် ရေးသားထားပါတယ်။
မိုင် ၂၅ဝ အမြင့်မှာ လှည့်ပတ်နေတဲ့ ISS
ကမ္ဘာ့ နေရာ အနှံ့ ထားရှိတဲ့ မြေပြင် ထိန်းချုပ် စခန်းတွေရဲ့ အကူအညီကြောင့်သာ အပေါက်ရှိတဲ့ နေရာကို ရှာတွေ့ခဲ့တာ ဖြစ်တယ် ဆိုပြီးတော့လည်း အလက်ဇန္ဒာဂတ်စ်က ဆိုပါတယ်။

အာကာသ ဆိုင်ရာ စူးစမ်းလေ့လာရေးတွေ၊ သုတေသနတွေ ပြုလုပ်ဖို့ ထားရှိတဲ့ ISS စခန်းဟာ မြေကမ္ဘာကနေ မိုင် ၂၅ဝ အမြင့်မှာ တည် ရှိတာ ဖြစ်ပါတယ်။

မြေကမ္ဘာကို လှည့်ပတ်နေတဲ့ ISS စခန်းကို အာကာသထဲက ဥက္ကာခဲ အပိုင်းအစ သေးသေးလေးတွေ အဆက်မပြတ် လာပြီး ထိမှန် လေ့ ရှိပါတယ်။

ဒါ့ကြောင့်မို့လည်း ဒီလို ထိမှန်တဲ့ ဒဏ်ကို ခံနိုင်အောင်ရည်ရွယ်ပြီး ISS ကို တည်ဆောက် ထားရပါတယ်။

အခု ISS နဲ့ တွဲချိတ်ထားတဲ့ ဆိုယုဇ်မှာ အပေါက် သေးသေးလေး ဖြစ်သွားတာကလည်း အရှိန်နဲ့ လာမှန်တဲ့ ဥက္ကာခဲ အစအနလေး ကြောင့်လို့ ယူဆ ထားပါတယ်။

ဂတ်ဇ်ရယ်၊ အမေရိကန်နဲ့ ရုရှား အာကာသယာဉ်မှူးတွေရယ် စုစုပေါင်း ၃ ယောက်ဟာ အခုနှစ်ကုန်ရင် ဒီ ဆိုယုစ် ယာဉ်ကိုပဲ အသုံးပြီး ကမ္ဘာမြေကို ပြန်လည် ဆင်းသက်မှာ ဖြစ်ပါတယ်။

ကံကောင်းတာကတော့ အခု အပေါက် ဖြစ်ခဲ့တဲ့ နေရာဟာ အာကာသယာဉ်ကနေ ဖြုတ်ထုတ်ပြီး စွန့်ပစ်ခဲ့ရမယ့် အစိတ်အပိုင်းမှာ ရှိနေတာကြောင့် သူတို့ရဲ့ အိမ်ပြန် ခရီး အတွက် အနှောင့်အယှက် မရှိနိုင်ဘူးလို့ မျှော်လင့် နေကြပါတယ်။

BBC Burmese
https://www.bbc.com/burmese

မန္တလေးမြို့၊ မနော်ရမ္မံကစားကွင်းရှေ့တွင် လည်ပင်းကို ဓားဖြင့်လှီး၍ ဆိုင်ကယ်လုယူမှုမှု ကျူးလွန်သူအား ဖမ်းဆီးရမိ


မန္တလေးမြို့၊ မဟာအောင်မြေမြို့နယ်၊ ၆၂လမ်း၊ မနော်ရမ္မံကစားကွင်းရှေ့တွင် သြဂုတ်လ ၂၉ရက်နေ့ ညပိုင်းက ဖြစ်ပွားခဲ့သည့် လည်ပင်းကို ဓားဖြင့်လှီး၍ ဆိုင်ကယ်လုယက်သွားမှူမှ ပြစ်မှုကျူးလွန်သူကို ရဲတပ်ဖွဲ့မှ ဖမ်းဆီးရမိပြီး လိုအပ်သည့် စစ်ဆေး အရေးယူမှုများ ဆောင်ရွက်လျက်ရှိကြောင်း ရဲတပ်ဖွဲ့မှ သိရသည်။

ဖြစ်စဉ်မှာ ဩဂုတ်လ ၂၉ ရက်နေ့ ည ၁၀ နာရီအချိန်ခန့်က မန္တလေးမြို့၊ ချမ်းအေးသာစံမြို့နယ်၊ ကန်ကောက်ရပ်ကွက်နေ ဦးကျော်ကျော်ဦး(၄၂)နှစ်သည် မဟာမြိုင်(၂)ရပ်ကွက်ရှိ မနော်ရမ္မံ ကစားကွင်းရှေ့လမ်းဘေးတွင် ၂၄ယ/----- YAMAHAFINO ဆိုင်ကယ်အားရပ်ပြီး ဖုန်းပြောနေစဉ် ၆၂ လမ်းအတိုင်း မြောက်မှ တောင်သို့ လမ်းလျှောက်လာသည့် အမည် မသိ အမျိုးသားတစ်ဦးက နောက်မှရောက်ရှိလာပြီး ဦးကျော်ကျော်ဦး၏ လည်ပင်းကို ဓားဖြင့်လှီးခဲ့သဖြင့် ၄ လက်မခန့်ပြတ်ရှဒဏ်ရာ တစ်ချက်(စိုးရိမ်ရ)ရရှိကာ လဲကျသွားစဉ် ဆိုင်ကယ်အား လုယူမောင်းနှင် ထွက်ပြေးသွားခြင်းဖြစ်သည်။

ဖြစ်စဉ်အပေါ် ဦးကျော်ကျော်ဦး၏ အစ်ကိုဖြစ်သူ ချမ်းအေးသာစံမြို့နယ်၊ ပတ်ကုန်းပျော်ဘွယ်ရပ်ကွက်နေ ဦးခင်မောင်အေး၊ (၅၂)နှစ်မှ ပြစ်မှုကျူးလွန်သူများကို ဖော်ထုတ်အရေးယူပေးရန် တရားလိုပြုလုပ် တိုင်တန်းချက်အရ မဟာအောင်မြေမြို့နယ် မြို့မရဲစခန်းမှ (ပ)၆၅၂/၂၀၁၈၊ ရာဇသတ်ကြီးပုဒ်မ ၃၉၄ ဖြင့် အမှုဖွင့်စုံစမ်းခဲ့သည်။

ပြစ်မှုကျူးလွန်သူအား ဖမ်းဆီးရမိရေးအတွက် ရဲတပ်ဖွဲ့ဝင်များက လိုက်လံစုံစမ်းခဲ့ရာ ပြစ်မှုကျူးလွန်သူ အောင်ကိုကို(ခ)အောင်ကိုဦး၊ (၂၂)နှစ်၊ (ဘ)ဦးမျိုးညွန့်(ခ)ဦးမျိုးသန့်၊ မှတ်ပုံတင်မရှိ၊ ရေတွင်းတူးလုပ်၊ (ဖ/၁၅)၊ ကျူးကျော်၊ ထွန်တုံးရပ်၊ ချမ်းမြသာစည်မြို့နယ်နေသူအား ပြစ်မှုကျူးလွန်ရာတွင်အသုံးပြုသည့် သက်သေခံဓား၊ လုယူသွားသည့် သက်သေခံဆိုင်ကယ်တို့နှင့်အတူ ဩဂုတ်လ ၃၀ ရက်နေ့ နံနက် ၀၁၃၀နာရီအချိန်ခန့်က ပုသိမ်ကြီးမြို့အဝင် နာရီစင်အနီး၌ဖမ်းဆီးရမိခဲ့ပြီး ဥပဒေနှင့်အညီ အရေးယူဆောင်ရွက်လျက်ရှိကြောင်း ရဲမှတ်တမ်းများအရ သိရသည်။

( Ah Lin Nge )
The Mandalay News Journal
https://www.facebook.com/TheMandalayNewsJournal/

စစ်တောင်းမြစ်ရေ မြင့်တက်မှု သတိထားဖို့လို

တောင်​ငူခရိုင်​ ထန်းတပင်​မြို့နဲ့ ပတ်​ဝန်းကျင်​ရွာတွေ ​ရေနစ်​မြုပ်​နေတာကို ၂ဝ၁၈ ခုနှစ် သြဂုတ်လ ၃၁ ရက်နေ့က တွေ့ရစဉ်/ Photo: Kyaw Thu Win -facebook
စစ်တောင်းမြစ်ရေဟာ လောလောဆယ် စိုးရိမ်ရေမှတ်မှာ ရပ်တန့်နေပြီး နောက်ထပ် မိုးရွာလာနိုင်တဲ့ အခြေအနေရှိတာကြောင့် ဒေသခံတွေအနေနဲ့ မိုးရေကြီးမြင့်မှု အန္တရာယ်ကို သတိထားဖို့လိုတယ်လို့ မိုးလေဝသနဲ့ ဇလဗေဒ ညွန်ကြားမှုဦးစီးဌာန ဒုညွှန်ကြားရေးမှူး ဦးလှထွန်းက ပြောပါတယ်။

ပုံမှန်အခြေအနေဆိုရင် နောက်ထပ်ရွာမယ့်မိုးအတွက် စိုးရိမ်စရာမရှိပေမယ့် အခုချိန်မှာ ဆွာရေလှောင်တမံက ကျလာတဲ့ရေတွေ ရှိနေတာကြောင့် သတိထားရမှာဖြစ်တယ်လို့ ဦးလှထွန်းက ပြောပါတယ်။

"စစ်တောင်းမြစ်ရေ တက်တာကတော့ အဓိကကတော့ ဆွာချောင်းရေလှောင်တမံက ရေတွေကြောင့် ဖြစ်တာပေါ့နော်။ လက်ရှိက ရေပိုလွှဲက Damage ( ပျက်စီး) သွားတော့ နောက်ဆုံးဒီ စစ်တောင်းမြစ်ထဲ ရောက်တာပေါ့လေ။ ဒ့ါကြောင့် ရေတိုးတာပေါ့လေ။ ရောက်တော့ စိုးရိမ်ရေမှတ်ကို ရောက်သွားတာပေါ့။ တစ်ခုသတိထားရမှာတော့ အဲဒီနေရာမှာ မိုးရွာသွန်းမှုများလား၊ နည်းလားပေ့ါလေ။ အဲဒါကို မူတည်ပြီး စစ်တောင်းမြစ်ရေ အတက်ကျတော့ ရှိမှာပေါ့"

လက်ရှိအချိန်မှာ ဆွာရေလှောင်တမံက ရေတွေပြန်ကျနေပြီလို့လည်း သိရပါတယ်။ ဒါပေမဲ့ ပဲခူးတိုင်း တောင်ငူမြို့မှာတော့ ဆွာရေလှောင်တမံက ရေတွေနဲ့ စစ်တောင်းမြစ်ရေကြောင့် နေအိမ်တွေ ရေမြုပ်နေပါတယ်။

တောင်ငူမြို့မှာ စစ်တောင်းမြစ်ရေ တက်တာကြောင့် လူဦးရေနှစ်သောင်းကျော် ကယ်ဆယ်ရေးစခန်း ၃၅ ခုမှာ ခိုလှုံနေရတယ်လို့ ပဲခူးတိုင်း ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနကနေ သိရပါတယ်။

တောင်ငူမြို့ပေါ်ရပ်ကွက် ၆ ခုနဲ့ ကျေးရွာအုပ်စု ၁၁ ခုမှာ ရေဝင်နစ်မြုပ်တာကြောင့် ပြောင်းရွှေ့နေကြရတာ ဖြစ်ပါတယ်။

စစ်တောင်းမြစ်ရေဟာ တောင်ငူမြို့နဲ့ မဒေါက်မြို့တွေမှာ စိုးရိမ်ရေမှတ်ကို ကျော်လွန်ရောက်ရှိနေတယ်လို့လည်း မိုးလေဝသနဲ့ ဇလဗေဒညွန်ကြားမှု ဦးစီးဌာက ထုတ်ပြန်ထားပါတယ်။

RFA Burmese
https://www.rfa.org/burmese

ကိုထင်ကျော်ကို အင်းစိန်ထောင်ကို ဖမ်းဆီးခေါ်ဆောင်

MDCF ခေါင်းဆောင် ကိုထင်ကျော် ကို ၂၀၁၆ ခုနှစ် အောက်တိုဘာလ ၂၇ ရက်နေ့က ရန်ကုန်တိုင်း မြောက်ဥက္ကလာပမြို့နယ် တရားရုံးမှာ ရုံးထုတ်လာစဉ်/ Photo:Aung Thain Kha/RFA
ဒီမိုကရေစီအရေး စဉ်ဆက်မပြတ်လှုပ်ရှားမှု အင်အားစုကော်မတီ MDCF ခေါင်းဆောင် နိုင်ငံရေး အကျဉ်း သားဟောင်း ကိုထင်ကျော်ကို နိုင်ငံတော်အကြည်ညိုပျက်စေမှု ပုဒ်မ ၅၀၅-ခ နဲ့ ရန်ကင်းမြို့နယ်တရားရုံးက အမှုဖွင့်လိုက်ပြီး အင်းစိန်ထောင်ကို ဒီနေ့ ဖမ်းဆီးခေါ်ဆောင်သွားပါတယ်။

ဒီနေ့ မနက်က ရန်ကုန်မြို့ မဟာဗန္ဓုလပန်းခြံ ရှေ့မှာ ကိုထင်ကျော် တစ်ကိုယ်တော် ဆန္ဒပြနေစဉ် ကျောက်တံတား စခန်းမှူးက ဖမ်းဆီးပြီး ရန်ကင်းမြို့နယ် ရဲစခန်းကို ခေါ်ဆောင်သွားပြီးနောက် အင်းစိန်ထောင်ကို ပို့တာဖြစ်တယ်လို့ MDCF အဖွဲ့ဝင် တစ်ဦးဖြစ်တဲ့ ကိုမှတ်ကြီးက ပြောပါတယ်။

"ကျောက်တံတားစခန်းမှူးက ရောက်လာပြီးတော့ ကိုထင်ကျော်ကို ခေါ်တယ်၊ ခေါ်တော့ အဲဒါနဲ့   ကိုထင်ကျော်က ဘယ်ကိုသွားရမှာလဲဆိုတော၊့ မဟုတ်ဘူး ကျနော်တို့ဆီက နောက်မှအမှုဖွင့်မယ်တဲ့ လောလောဆယ်တော့ ရန်ကင်းစခန်း၊ ရန်ကင်းစခန်းကနေ ဟိုရောက်တာနဲ့ ကိုထင်ကျော်ကိုကားနဲ့ ခေါ်ပြီးတော့ ရန်ကင်းတရားရုံးပေါ့၊ ရန်ကင်းတရားရုံးရောက်တော့ အမှုကို ရုံးချိန်းယူတယ်ပေါ၊့ ရမန်ယူတယ် ရမန်ယူပြီးတော့ အဲဒီကကားနဲ့ပဲချက်ချင်း အင်းစိန်ထောင်ကို ပို့လိုက်တယ်"

တကိုယ်တော် ဆန္ဒပြခဲ့တဲ့ ကိုထင်ကျော်က စစ်ဗိုလ်ချုပ်ကြီးတွေကို ICC က လာရောက်ဖမ်းဆီးပါလို့ စာသားရေးထားတဲ့ ဗီနိုင်းကို ကိုင်ဆောင်ပြီး ဆန္ဒပြခဲ့တာဖြစ်ပါတယ်။

နိုင်ငံတော်အကြည်ညိုပျက်စေမှု ပုဒ်မ ၅၀၅ -ခ နဲ့ ကိုထင်ကျော်  ရန်ကင်းတရားရုံးမှာ အမှုဖွင့်ခံထားရတာဟာ ပြီးခဲ့တဲ့ ဇူလိုင်လ က ဖြစ်ပါတယ်။

ကျောက်တံတားမြို့နယ်မှာ ဆန္ဒပြတဲ့ကိစ္စကိုတော့ နောက်မှအမှုဖွင့်မယ်လို့ စခန်းမှူးက ပြောတယ်လို့ သိရပါတယ်။

လာမယ့် စက်တင်ဘာလ ၆ ရက်နေ့မှာတော့ ဒီနေ့ ဖမ်းခံရတဲ့အမှုနဲ့ ပက်သတ်လို့ ကိုထင်ကျော်ကို ရန်ကင်းတရားရုံးမှာ စစ်ဆေးမှာဖြစ်ပါတယ်။

RFA Burmese
https://www.rfa.org/burmese

ယူကေမှာ ၁၈ နှစ်အောက်ကို အားဖြည့်အချိုရည်ရောင်းခွင့်ပိတ်ဖို့ စီစဉ်

 အားဖြည့်အချိုရည်တွေကို ကလေးတွေကို ရောင်းချခြင်း မပြုနိုင်ဖို့ ယူကေမှာ စီစဉ်နေ
အင်္ဂလန်မှာ အားဖြည့်အချိုရည်တွေကို ၁၈ နှစ်အောက် ကလေးတွေကို ရောင်းချခွင့် ပိတ်ပင်ဖို့ စီစဉ်နေတယ်လို့ ဝန်ကြီးချုပ်က ပြောပါတယ်။

အဲဒီအားဖြည့်အချိုရည်တွေမှာ သကြားနဲ့ ကဖင်းဓာတ် အများအပြား ပါဝင်ပြီး ဒါဟာ အဝလွန်ရောဂါနဲ့ တခြား ကျန်းမာရေး ပြဿနာတွေကို ဖြစ်စေနိုင်တာကြောင့်လို့ ဆိုပါတယ်။

ဒါကြောင့် ကလေးတွေကို အားဖြည့်အချိုရည် ရောင်းချခွင့်ကို တရားမဝင်တာဖြစ်တယ်ဆိုတာ ပြုလုပ်ဖို့ အများပြည်သူ လူထုနဲ့ တိုင်ပင် နှီးနှော ဆွေးနွေးဖို့ စီစဉ်နေပါတယ်။
အားဖြည့်အချိုရည်တွေမှာ ပါဝင်တဲ့ ကဖိန်းနဲ့ သကြားပမာဏ
ဘယ်အရွယ်ကို ပိတ်ဖို့သင့်တယ်ဆိုတာကို အစိုးရက လူထု အမြင်ကို ပြန်စစ်တမ်းကောက် နေပါတယ်။ အများစုကတော့ အသက် ၁၆ နှစ်အောက်နဲ့ ၁၈ နှစ်အောက်တွေကို ပိတ်သင့်တယ်လို့ ဖြေပါတယ်။

စကော့တလန်၊ မြောက်ပိုင်း အိုင်ယာလန်နဲ့ ဝေလနယ်တွေမှာတော့ ဒီပိတ်ပင်မှုမျိုး လုပ်နိုင်ဖို့ရာ သူတို့ဘာသာ ဆုံးဖြတ်နိုင်တဲ့ အခွင့်အာဏာရှိပါတယ်။

ယူကေ ဆယ်ကျော်သက်တွေဟာ ဥရောပမှာ အားဖြည့်အချိုရည် အများဆုံး ဝယ်သောက်သုံးတဲ့ စားသုံးသူတွေ ဖြစ်တယ်လို့ သုတေသန သမားတွေက ဆိုပါတယ။

ဒီအချိုရည်တွေထဲမှာ ပါဝင်တဲ့ သကြားနဲ့ ကဖိန်းပမာဏဟာ တခြားပုံမှန်ဖျော်ရည်တွေထက် ပိုများပါတယ်။

ဒါကြောင့် အဝလွန်တာတွေ သွားယိုယွင်းပျက်စီးတာတွေ ခေါင်းကိုက်ခြင်းနဲ့ အိပ်မပျော်ခြင်း ပြဿနာတွေ ကို ဆယ်ကျော်သက်တွေ ရင်ဆိုင်နေရပါတယ်။

BBC Burmese
https://www.bbc.com/burmese

တရုတ်က ဝီဂါမွတ်ဆလင် အကျဉ်းစခန်းတွေ အရေး ကုလ စိုးရိမ်

တရုတ်အစိုးရကတော့ ဘာသာရေးအစွန်းရောက်တချို့ကို ပြန်လည် ပြုပြင်ရေးစခန်းမှာ ရှိတယ်ဆိုတာ ဝန်ခံထားပါတယ်
တရုတ်ပြည်မှာ ဝီဂါမွတ်ဆလင် ၁ သန်းလောက်ကို အကြမ်းဖက် ကာကွယ်ရေး အကြောင်းပြချက်နဲ့ ထိန်းသိမ်းရေး စခန်းတွေမှာ ချုပ်နှောင်ထားတာကို ကုလသမဂ္ဂက စိုးရိမ်ကြောင်း ပြောလိုက်ပါတယ်။

တရုတ်အစိုးရကတော့ စွပ်စွဲချက်တွေကို ငြင်းဆိုပြီး ဘာသာရေး အစွန်းရောက် တချို့ကို ပြန်လည် ပြုပြင်ရေး စခန်းမှာ ထားရှိတယ် ဆိုတာကို ဝန်ခံပါတယ်။

တရုတ်အစိုးရကတော့ ဒေသအတွင်း မတည်ငြိမ်မှုတွေ ဆူပူမှုတွေဟာ အစ္စလမ်မစ် စစ်သွေးကြွများနဲ့ ခွဲထွက်သူများကြောင့်လို့ အပြစ်တင်ထားပါတယ်။

ဝီဂါမွတ်ဆလင်တွေ အုပ်ချုပ်တဲ့ ဒေသဟာ အကျဉ်းစခန်းတွေအဖြစ် ပြောင်းလဲနေပြီဆိုတာကို ပြောဆိုထားတဲ့ ခိုင်မာတိကျတဲ့ သတင်းပေးပို့ချက်တွေရှိခဲ့ကြောင်း ဒီလ အစောပိုင်းက လုပ်ခဲ့တဲ့ သုံးသပ်ချက် တခုမှာ ကုလသမဂ္ဂရဲ့ လူမျိုးရေး ခွဲခြားမှု တိုက်ဖျက်ရေး ကော်မတီဝင်တွေက ပြောခဲ့ပါတယ်။

တရုတ်အစိုးရဘက်ကတော့ ဝီဂါ လူမျိုးတွေဟာ ရပိုင်ခွင့်အပြည့်အဝရရှိပြီး စိတ်ပျော်ရွှင်ချမ်းမြေ့စွာရှိနေတယ်လို့ ပြောဆိုပါတယ်။ ဒါပေမယ့် ဘာသာရေး အစွန်းရောက် ဝါဒရဲ့ လှည့်ဖျားသွေးဆောင်ခံရသူတွေကို ပြန်လည်နေရာချထားရေးနဲ့ ပြန်လည် ပညာပေးရေး ဆောင်ရွက်ပေးမယ်လို့ ဘေဂျင်းအစိုးရက ရှားရှားပါးပါး ဝန်ခံချက် ပြောဆိုခဲ့ပါတယ်။

BBC Burmese
https://www.bbc.com/burmese

Facebook ဖယ်ရှားခံရမှု အရေးကြီးအဆို လွှတ်တော်ပယ်ချ

ဖေ့စ်ဘွတ်ကနေဖြုတ်ချလိုက်တဲ့ တပ်မတော်ကာကွယ်ရေးဦးစီးချုပ် ဖေ့စ်ဘွတ်စာမျက်နှာနဲ့ မြဝတီ ဖေ့စ်ဘွတ်စာမျက်နှာတွေကို တွေ့ရစဉ် / ဓါတ်ပုံ - တပ်မတော်ကာကွယ်ရေးဦးစီးချုပ်နဲ့ မြဝတီ ဖေ့စ်ဘွတ်စာမျက်နှာများ
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ရဲ့ ဖေ့စ်ဘွတ် လူမှုကွန်ရက် စာမျက်နှာအပါအဝင် တပ်မတော်နဲ့ပတ်သတ်တဲ့ စာမျက်နှာတွေ ဖြုတ်ချခံရတာနဲ့ ပတ်သက်ပြီး အစိုးရက တစ်စုံတစ်ရာ လုပ်ဆောင်ပေးရေးအတွက် ပြည်သူ့လွှတ်တော်မှာ အရေးကြီးအဆို တင်သွင်းခွင့် တင်ပြရာမှာ ပယ်ချခံခဲ့ရပါတယ်။

သြဂုတ်လ ၂၇ ရက်မှာ ဖေ့စ်ဘွတ်ကုမ္ပဏီက မြန်မာနိုင်ငံက ဖေ့စ်ဘွတ်အကောင့် ၁၈ ခု၊ ဖေ့စ်ဘွတ် စာမျက်နှာ  ၅၂ ခုနဲ့ အင်စတာဂရမ် အကောင့် ၁ ခုကို ဖယ်ရှားပိတ်ပင်လိုက်တယ်လို့ သတင်းထုတ်ပြန်ထားတာပါ။

ဒီအဆိုတင်သွင်းတဲ့  ကြံ့ခိုင်ဖွံ့ဖြိုးရေးပါတီ ကိုယ်စားလှယ် ဦးသောင်းအေးက ဘာကြောင့် အရေးကြီးအဆို တင်သွင်းတယ်ဆိုတာကို ပြောပါတယ်။

“သူလုပ်တဲ့ လုပ်ဆောင်မှုအပေါ်မှာပဲ သုံးသပ်ရမယ်။ ဒီအပေါ်မှာ သုံးသပ်ပြီးတော့မှ အစိုးရတစ်ရပ်အနေနဲ့ ခိုင်ခိုင်မာမာ ရပ်တည်ကာကွယ်စေချင်လို့၊ တုံ့ပြန်စေချင်လို့၊ ပြောနေတာတွေရှိပါတယ်... ဦးဇော်ဌေးတို့ ဒေါက်တာမျိုးညွန့်တို့။ ဒါပေမယ့် ဒီလောက်နဲ့မလုံလောက်ဘူး၊ အစိုးရက တရားဝင် ထုတ်ပြန်ခြင်းတွေ လုပ်ရမယ်။ လိုအပ်ရင် ဒီဟာကို block လုပ်ပစ်လိုက်ရမယ်.. ဆိုတဲ့အဆင့်အထိ ကိုယ်တို့ လိုအပ်ရင်ပေါ့နော်၊ ဒီလိုလုပ်ပြီးတော့.. ကိုယ့်နိုင်ငံရဲ့ ဒီလိုထိလာရင် မခံဘူးဆိုတဲ့ ဇာတိ ပုည ဂုဏ်မာနပေါ့၊ ဒါကိုပြဖို့လိုတယ်”

သမ္မတရုံးပြောရေးဆိုခွင့်ရှိသူ ဦးဇော်ဌေးနဲ့ NLD ပါတီပြောရေးဆိုခွင့်ရှိသူ ဒေါက်တာမျိုးညွန့်တို့က ဒီကိစ္စအပါ် ပြောကြားတာတွေရှိပေမယ့် မလုံလောက်တဲ့အတွက် အရေးကြီးအဆို တင်တာလို့လည်း ပြောပါတယ်။

တင်သွင်းတဲ့အရေးကြီးအဆိုဟာ လွှတ်တော်ဥပဒေ၊ နည်းဥပဒေတွေနဲ့ မကိုက်ညီဘူးဆိုပြီး ပြည်သူ့လွှတ်တော် ဥက္ကဋ္ဌ ဦးတီခွန်မြတ်က အဆိုကို ခွင့်မပြုခဲ့ဘူးလို့လည်း ဦးသောင်းအေးက ပြောပါတယ်။

အရေးကြီးအဆိုဟာ လတ်တလောဖြစ်တဲ့အကြောင်းအရာ၊ အများပြည်သူနဲ့ သက်ဆိုင်တဲ့အကြောင်း၊ လွှတ်တော်က ဆုံးဖြတ်ရမယ့် အကြောင်းအရာဖြစ်မှသာ အရေးကြီးအဆိုမြောက်တယ်လို့ လွှတ်တော်ဥပဒေမှာ ပြဋ္ဌာန်းထားတာပါ။

အဆိုတင်သွင်းသူ ဦးသောင်းအေးကတော့ သူရဲ့အဆိုဟာ အရေးကြီးအဆိုဖြစ်နိုင်တဲ့ အချက်တွေနဲ့ ပြည့်စုံတဲ့ အကြောင်း၊ တပ်မတော်ဟာ တခုတည်းသော တပ်မတော်ဖြစ်သလို အများနဲ့သက်ဆိုင်တယ်လို့လည်း ပြောပါတယ်။

RFA Burmese
https://www.rfa.org/burmese

"အဖရခိုင်ပါတီ" အမည်နှင့်ပါတီသစ် မှတ်ပုံတင်ခွင့် ပယ်ချခံရ

ပြည်ထောင်စု ရွေးကောက်ပွဲကော်မရှင် အဆောက်အဦး အဝင်ဝကို တွေ့ရစဉ် / Photo: RFA
ရခိုင်ပြည်နယ်မှာ အခြေစိုက်မယ့် “အဖရခိုင်ပါတီ” တည်ထောင်ခွင့် လျှောက်ထားချက်ကို ပြည်ထောင်စု ရွေးကောက်ပွဲကော်မရှင်က ဒီနေ့ ငြင်းပယ်လိုက်ပါတယ်။

ပြည်ထောင်စု ရွေးကောက်ပွဲကော်မရှင်က ခေါ်ယူတွေ့ဆုံခဲ့တဲ့အပေါ် ပါတီတည်ထောင်ခွင့် လျှောက်ထားရာမှာ ပါဝင်တဲ့ ဦးစိုးဝင်းက ပြောပါတယ်။

ရခိုင်အမျိုးသားပါတီ (ANP) ဥက္ကဋ္ဌအဖြစ် ဆောင်ရွက်ခဲ့တဲ့ ဒေါက်တာအေးမောင်ဟာ အဲဒီပါတီက နုတ်ထွက်ခွင့်တင်ပြီးနောက် ပါတီတည်ထောင်လိုသူတွေက ဖေဖော်ဝါရီလ ၁၉ ရက်နေ့မှာ ပါတီတည်ထောင်ခွင့် လျှောက်ထားခဲ့တာပါ။

ဒါပေမဲ့ ပါတီတည်ထောင်လိုသူ စာရင်းထဲမှာ ဒေါက်တာအေးမောင် မပါဝင်ဘူးလို့ သိရပါတယ်။

ပြည်ထောင်စုရွေးကောက်ပွဲကော်မရှင်က ကျယ်ကျယ်ပြန့်ပြန့်စဉ်းစားပြီးမှ အခုလို ဆုံးဖြတ်ခဲ့တာဖြစ်ပြီး တခြားပါတီနာမည်တစ်ခုကို စဉ်းစားဖို့လည်း ပါတီတည်ထောင်လိုသူတွေကို ပြောခဲ့တယ်လို့ သိရပါတယ်။

ပြည်ထောင်စုရွေးကောက်ပွဲကော်မရှင်က အခုလိုငြင်းပယ်လိုက်တဲ့အတွက် နောက်ထပ် နာမည်သစ်တစ်ခုနဲ့ ပါတီတည်ထောင်ခွင့် ထပ်ပြီး လျှောက်ထားမလားဆိုတာကိုတော့ ဆွေးနွေးရဦးမှာဖြစ်တယ်လို့ ဦးစိုးဝင်းက ပြောပါတယ်။

RFA Burmese
https://www.rfa.org/burmese

မတ်​ကျန်းပြည်​သူ့စစ်​မှ စစ်​သားတစ်​ဦး ၁၃နှစ်​အရွယ် ​မိန်းက​လေးငယ်​ကို မုဒိမ်းကျင့်​


လွိုင်​လင်​ သြဂုတ်​ ၃၀

လွယ်​လင်​မြို့နယ်​ ​တောင်​​နောက်​​ကျေးရွာအုပ်​စု နမ့်​ဟူး​ကျေးရွာမှာ သြဂုတ်​လ ၃၀ ရက်​​နေ့ ည​နေ ၆း၃၀ နာရီ အချိန်တွင်​ မတ်​ကျန်းပြည်​သူ့စစ်​တစ်​ဦးမှ အသက် ​၁၃နှစ်​ရှိ မိန်းက​လေးငယ်​တစ်​ဦးကို မုဒိမ်းကျင့်​ခဲ့​ကြောင့်​ နမ့်​ဟူးရွာသားတစ်ဦး​ထံမှ သိရသည်​။

ဖြစ်​စဉ်​မှာ မတ်​ကျန်းပြည်​သူ့စစ်​တစ်​ဦးဖြစ်​သူ စိုင်း​အောင်​ကျွန်းသည်​ နမ့်​ဟူးရွာ​သား ခွန်​တကျုံး နန်း​​ရောင်​ အိမ်ကို လာ ခြိမ်း​ခြောက်​ပြီး​ ဆိုင်​ကယ်​လာငှါးယူခဲ့​ကြောင့်​ ထိုသို့ ငှါးယူသည့်​ဆိုင်​ကယ်​ကို အသက်​ ၁၃နှစ်​ အရွယ်​သမီးက ဆိုင်​ကယ်​ပြန်​ယူလာရန်​ အတူ​ပါသွားခဲ့ရာမှ မတ်​ကျန်းပြည်​သူ့စစ်​တစ်​ဦးဖြစ်​သူ စိုင်း​အောင်ကျွန်းက မုဒိမ်းကျင့်​ခံရခြင်း ဖြစ်​သည်​။

``ငါကစစ်​သား ငါ့ကိုဆိုင်​ကယ်​ငှါးရမယ်​ ခြိမ်း​ခြောက်​ပြီး ဆိုင်​ကယ်​​တောင်းတာ သူကမတ်​ကျန်းပြည်​သူ့စစ်​​လေ အိမ်​ရှင်​က​ကြောက်​​တော့ ​ပေးရတာ​ပေါ့ အဲမှာ ဆိုင်​ကယ်​ပြန်​​ယူဖို့ လိုက်​သွားတဲ့ က​​လေးမကို မုဒိမ်းကျင့်​လိုက်​တာ´´ဟု နမ့်​ဟူးရွားသား ခွန်​ထွန်းဦးက ​ပြောသည်​။

လက်​ရှိတွင်​ စိုင်း​အောင်​ကျွန်းသည်​ ထွက်​​ပြေးလျက်​ရှိပြီး မဖမ်းမိ​သေး​ကြောင်း မုဒိမ်းကျင့်​ပြီး ထွက်​​ပြေးတိမ်း​ရှောင်​​နေသူ မတ်​ကျန်းပြည်​သူ့စစ်​စိုင်း​အောင်​ကျွန်းကို အ​ရေးယူ​ပေးရန်​ မုဒိမ်းကျင့်​ခံရသည့်​ အမျိုးသမီးငယ်​၏ မိဘက လွိုင်လ​င်​ရဲစခန်းတွင်​ အမှုဖွင့်​ထား​ကြောင်းသိရသည်​။

မတ်​ကျန်းပြည်​သူ့စစ်​သည်​ ဦးလင်းစိုင်​ဦး​ဆောင်​သည့်​ အဖွဲ့ဖြစ်​ပြီး ပြီးခဲ့သည့်​ ၂၀၁၈ မေလ၁၄ ရက်​​နေ့တွင်​လည်း မတ်​ကျန်းပြည်​သူ့စစ်မှ ရွာသားများ လုပ်​ကိုင်​စား​သောက်​လာသည့်​​မြေယာ ဧက ၄၀၀ သိမ်းယူမှု​ကြောင့်​ ​ပြဿနာဖြစ်​ပွားရာမှ မတ်​ကျန်းပြည်​သူ့စစ်​က နမ့်​ဟူးရွာသားများကို ​သေနတ်​ဖြင့်​ ပစ်​ခတ်​ရိုက်​နက်​မှုဖြစ်​ပွားခဲ့သည်​။

နမ့်​ဟူး​ကျေးရွာ​ဒေသခံ​များသည်​ နှစ်​စဉ်​ မတ်​ကျန်းပြည်​သူ့စစ်​ထံ အခွန်​၊ဆန်​များ ​ပေး​ဆောင်​ရပြီး စစ်​သားစု​ဆောင်းသည့်​အခါတွင်​ လူငှါးထည့်​ရသည့်​အ​ခြေ​နေမျိုးကြုံရ​ကြောင်း ​ဒေသခံတစ်ဦး​ပြောပြချက်​အရသိရသည်​။

BY ခွန်​ယံ
The People's Voice - ခမ်းသားငေါဝ်း
https://www.facebook.com/KhamSarNgor

ယူကရိန်းစီးပွါးရေးကို မနှောက်ရှက်ဖို့ ကန်သတိပေး

Russian နှင့် Crimean ကို ဆက်သွယ်ထားတဲ့ တံတားတခု
အမေရိကန်သမ္မတ ဒေါ်နယ်လ်ဒ် ထရမ့်ပ်အစိုးရက သူတို့ယူဆချက်အားဖြင့် Azov ပင်လယ်နဲ့ Kerch ရေလက်ကြားတို့မှာ သွားလာနေတဲ့ နိုင်ငံတကာ ရေယာဉ်တွေကို ရုရှားတို့က ဟန့်တားနှောက်ယှက်နေတယ်လို့ ဆိုတာတွေကို ဆက်မလုပ်ဖို့ ကြာသပတေးနေ့က တောင်းဆိုလိုက်ပါတယ်။ ရုရှားနိုင်ငံရဲ့ အဲဒီလုပ်ရပ်တွေဟာ ယူကရိန်းနိုင်ငံရဲ့စီးပွားရေး အားနည်းသွားစေဖို့ ကြိုးစားတာဖြစ်တယ်လို့ဆိုပြီး ရပ်ပစ်ဖို့ ပြောတာပါ။

အမေရိကန်နိုင်ငံခြားရေးဌာန ပြောခွင့်ရ Heather Nauert က “ရေကြောင်းသွားလာရေးကို ရုရှားက ဟန့်တားနှောက်ယှက်တာ ဟာ ယူကရိန်းနိုင်ငံ ထိခိုက်ပြီး မတည်မငြိမ်ဖြစ်အောင် ဆက်လုပ်နေတာရဲ့ နောက်ထပ်ဥပမာတွေဖြစ်တဲ့အပြင် နိုင်ငံတကာ သတ်မှတ်ချက်တွေကို ဂရုမစိုက်တာလည်းဖြစ်ပါတယ်” လို့ပြောပါတယ်။

ရုရှားနိုင်ငံဟာ ဧပြီလကတည်းက ကုန်စည်သင်္ဘောတွေကို နှောင့်နှေးအောင်လုပ်နေပြီး ကုန်တင်သင်္ဘော ၁၆ စင်းထက်မနည်း ယူကရိန်းဆိပ်ကမ်းတွေကို မသွားနိုင်အောင် တားထားတယ်လို့ အမေရိကန်က စွပ်စွဲထားပါတယ်။

ယူကရိန်းပိုင်၊ Crimea ဒေသကို ရုရှားက သူပိုင်နယ်အဖြစ် တရားမဝင်ရယူပြီး ယူကရိန်းအရှေ့ပိုင်းမှာ ရုရှားလိုလားတဲ့ သီးခြား ခွဲထွက်ရေးဝါဒီတွေနဲ့ ယူကရိန်းတပ်ဖွဲ့တွေအကြား ပဋိပက္ခဖြစ်အောင် ၂၀၁၄ ခုနှစ်ကတည်းက သွေးထိုးလုပ်ဆောင်လာတာ ကြောင့် ရုရှားနဲ့ ယူကရိန်းအကြား ဆက်ဆံရေး အဆင်မပြေဖြစ်နေတာပါ။

အမေရိကန်ဘက်က အခုလို တောင်းဆိုတာနဲ့ပတ်သက်ပြီး ရုရှားအစိုးရဘက်က တုန့်ပြန်ချက် ထွက်မလာသေးပါဘူး။

ဗွီအိုအေ (မြန်မာပိုင်း)
https://burmese.voanews.com

ကိုထင်ကျော် ကို ပုဒ်မ ၅၀၅-ခနဲ့ အမှုဖွင့်

MDCF ခေါင်းဆောင် ကိုထင်ကျော် ကို ၂၀၁၆ ခုနှစ် အောက်တိုဘာလ ၂၇ ရက်နေ့က ရန်ကုန်တိုင်း မြောက်ဥက္ကလာပမြို့နယ် တရားရုံးမှာ ရုံးထုတ်လာစဉ်/Photo:Aung Thain Kha/RFA
ဒီမိုကရေစီအရေး စဉ်ဆက်မပြတ်လှုပ်ရှားမှု အင်အားစုကော်မတီ MDCF ခေါင်းဆောင် နိုင်ငံရေး အကျဉ်းသားဟောင်း ကိုထင်ကျော်ကို နိုင်ငံတော်အကြည်ညိုပျက်စေမှု ပုဒ်မ ၅၀၅-ခ နဲ့ ရန်ကင်းမြို့နယ်တရားရုံးက အမှုဖွင့်လိုက်ပါတယ်။
တရားစီရင်ရေးစနစ်ကို ဝေဖန်ခဲ့တဲ့အတွက် ခုလို အရေးယူလိုက်တာလို့ ယူဆရတဲ့အကြောင်း ကိုထင်ကျော် က ပြောပါတယ်။

"၃၀ ရက် ရက်စွဲနဲ့ ပုဒ်မက ၅၀၅-ခ ပါခင်ဗျ၊ ကျနော့်ခန့်မှန်းချက်ကတော့ ၇ လပိုင်း ၁၂ ရက်နေ့က ရန်ကင်းတရားရုံး မှာ ဦးအိုက်လင်း ဆိုတဲ့လူရဲ့ အမှုနဲ့ပတ်သက်ပြီး တရားစီရင်ရေးရယ် ပြည်ထဲရေးရယ် လက်ရှိအစိုးရပေါ့ဗျာ၊ ထိထိရောက်ရောက် ကိုင်တွင်အရေးမယူဘဲနဲ့ တရားခံကို အမှုမှာ အပြစ်မရှိဘူးဆိုတဲ့ကိစ္စ အဲအပေါ်မှာ ကျနော် ဝေဖန်ပြောဆိုသုံးနှုန်းတဲ့ကိစ္စတွေကို အရေးယူတယ်လို့ ယူဆပါတယ်ခင်ဗျ"

နန်းထိုက်တော်ဝင် စားသောက်ဆိုင်ရှင်နဲ့ ဂရိတ်နိုင်း ကျောက်မျက်ရတနာကုမ္ပဏီပိုင်ရှင် ဦးအိုက်လင်းရဲ့ လုပ်ရပ်နဲ့ပတ်သက်ပြီး ကိုထင်ကျော် က အခုလို ပြောပါတယ်။

"လုပ်ရပ်က ၂၀၀၄ ခုနှစ်က မရမ်းကုန်းမြို့နယ် ၆ ရပ်ကွက်ကို လူတစုကနေ အမွေပိုင်ပါတယ်ဆိုပြီးတော့ အိမ်ခြေ ၂၉၃ လုံးကို အဓမ္မဖယ်ရှားတဲ့ကိစ္စ အပြောင်းအရွှေ့စရိတ်တွေကို မယူရင်ဖမ်းမယ် ဆီးမယ် ခြိမ်းခြောက်ပြီး စာရွက်ပြောင်မှာ အတင်းလက်မှတ်ထိုးခိုင်းပြီးတော့ အဓမ္မဖယ်ခိုင်းတဲ့ကိစ္စ အဲကိစ္စကို ၂၀၀၇ ခုနှစ်က ကျနော်တို့ အဖွဲ့ကို လာပြီးတော့ ရပ်ကွက်လူကြီးတွေက အကူအညီတောင်းတယ်၊ ကျနော်က ထောင်ထဲရောက်သွားတဲ့အခါ ကျတော့ ၂၀၁၂ မှထွက်လာတယ်၊ ထွက်လာတော့ သတင်းစာရှင်းလင်းပွဲလုပ်တယ်၊ ရှင်းလင်းပွဲလုပ်တဲ့အခါ ကျနော့်ကို ဦးအိုက်လင်း က အသရေဖျက်မှုနဲ့စွဲတယ်"

အဲဒီလို တရားစွဲတဲ့အခါ ဦးအိုက်လင်းက မမှန်ကန်တဲ့ စာရွက်စာတမ်း၊ ပိုင်ဆိုင်မှုစာရွက်အတု စတာတွေ တင်ပြတဲ့အတွက် ကိုထင်ကျော်က မမှန်သက်သေတင်မှုနဲ့ ပြန်လည်တရားစွဲခဲ့ပါတယ်။

အဲဒီအခါ ဦးအိုက်လင်းက ကိုထင်ကျော်ကို စွဲဆိုတဲ့ အမှုရုပ်သိမ်းသွားပေမဲ့ ကိုထင်ကျော်က တရားလိုအဖြစ် ရုံးချိန်းရက်တိုင်း တရားရုံးကို နှစ်ပတ်တကြိမ်သွားတဲ့အခါ ဦးအိုက်လင်းက မလာရောက်ခဲ့ပါဘူး။ ၂၀၁၆ မှာ ရန်ကင်းမြို့နယ်တရားရုံးမှာ အမှု ပြောင်းရွှေ့စစ်ဆေးပေမယ့် ဦးအိုက်လင်းကို ဥပဒေအရ ထိုက်သင့်သလို အရေးမယူတဲ့အတွက် ကိုထင်ကျော်က ဝေဖန်တာလို့ ပြောပါတယ်။

RFA Burmese
https://www.rfa.org

တာချီလိတ်၌ဆိုင်ကယ်လုယက်သူအား ဖမ်းဆီးရာမှ ရွှေဆိုင်အား သေနတ်ဖြင့် ပစ်ခတ်လုယက်မှုပေါ်ပေါက်


တာချီလိတ် သြဂုတ် ၃ဝ
ရှမ်းပြည်နယ်(အရှေ့ပိုင်း) တာချီလိတ်မြို့ ဆန်ဆိုင်း(က)ရပ်ကွက် ဗယ်လင်တိုင်း ဟိုတယ် အနီး ဆိုင်ကယ်တက္ကစီသမား၏ လည်ပင်းအား သေနတ်ဖြင့် ပစ်ခတ်ပြီး ဆိုင်ကယ်လုယက်သွားသူကိုသြဂုတ် ၂၉ ရက် ညနေ ၆ နာရီကမိုင်းပျဉ်းမြို့နယ်၊ တာကော် (၂) မိုင်ရွာ၌ ဖမ်းဆီးရမှ ရွှေဆိုင်အား သေနတ်ဖြင့် ပစ်ခတ် လုယက်မှု ထပ်မံပေါ် ပေါက်ခဲ့သည်။

ဖြစ်စဉ်မှာ တာချီလိတ်မြို့၌ ဆိုင်ကယ်လုယက်မှုနှင့် ဒိုင်းမွန်းရွှေဆိုင် လုယက်မှုတရားခံအား ဖမ်းဆီးရမိရေး အတွက် ရှမ်းပြည်ရဲတပ်ဖွဲ့မှူး ရဲမှူးချုပ် ဇော်ခင်အောင်၊ ရဲမှူးကြီး မင်းအောင်၊ တာချီလိတ်ခရိုင်ရဲတပ်ဖွဲ့မှူး ဒုရဲမှူးကြီး ပေါ်ထွန်း၊ မြို့နယ်ရဲတပ်ဖွဲ့မှူး ရဲမှူး သန်းနုတို့၏ အနီးကပ်ကြီးကြပ်မှုဖြင့် အမှုစစ်အရာရှိ မြို့မစခန်း ဒုရဲမှူး မျိုးခိုင်၊ နယ်ထိန်းခေါင်းဆောင် ရဲအုပ်အေးလွင်နှင့် နယ်ထိန်းတပ်ဖွဲ့ဝင်များသည် တာချီလိတ် မြို့ပေါ်အတွင်း လိုက်လံသတင်းစုံစမ်း ဆောင်ရွက်နေစဉ် သြဂုတ် ၂၉ ရက်ညနေ ၅ နာရီခန့်တွင် ဆန်ဆိုင်း(ခ)ရပ်ကွက်၊ အားကစားရုံအနီး နိုင်နိုင်မင်း(အမျိုးသား) ဆိုင်ကယ်ဝယ်ရောင်းဆိုင်တွင် ဆန်ဆိုင်း(က)ရပ်ကွက်၊ ဗယ်လင်တိုင်းဟိုတယ်အနီး ဆိုင်ကယ်တက္ကစီသမား၏ လည်ပင်းအား သေနတ်ဖြင့် ပစ်ခတ်ပြီး လုယက်သွားသည့် ဆိုင်ကယ်အား စတင်တွေ့ရှိရာမှ အဆိုပါဆိုင်ကယ်ကို လွန်ခဲ့သည့် ၁၂ ရက်ခန့်က မိုင်းပျဉ်းမြို့နယ်၊ တာကော်(၂)မိုင်နေ စိုင်းလှဝင်းဆိုသူမှ လာရောက်ရောင်းချသဖြင့် ထိုင်းဘတ်ငွေ ၁၁ဝဝဝဖြင့် ဝယ်ယူခဲ့ကြောင်း စစ်ဆေးပေါ်ပေါက် ချက်အရ ပူးပေါင်းအဖွဲ့သည် သက်သေများနှင့်အတူ တရားခံဖမ်းဆီး ရမိရေးအတွက် မိုင်းပျဉ်းမြို့နယ်၊ တာကော်(၂)မိုင်သို့သွားရောက်ခဲ့ပြီး စိုင်းလှဝင်းကို သြဂုတ် ၂၉ ရက်ညနေ ၆ နာရီတွင် ဖမ်းဆီးရမိခဲ့သည်။

ထို့နောက် ရဲအုပ်အေးလွင် ဦးစီး ပူးပေါင်းအဖွဲ့၏ စစ်ဆေးပေါ်ပေါက်ချက်အရဆိုင်ကယ်တက္ကစီသမားရဲ့ လည်ပင်းကို သေနတ်နဲ့ပစ်ပြီး လုယက်သွားမှုနှင့် ဒိုင်းမွန်းရွှေဆိုင်လုယက်မှု ကျူးလွန်သူဖြစ်ကြောင်း၊ အဆိုပါပြစ်မှုကျူးလွန်စဉ် တရားခံ ဝတ်ဆင်သည့် အဝတ်အစားများနှင့်အခင်းဖြစ်စဉ် အသုံးပြုသည့် ပွိုင့် ၂၂ သေနတ်နှင့် ၄င်းကျည် ၁၃ တောင့်တို့အား သိမ်းဆည်းရမိခဲ့သည်။

အမှုမှ တာချီလိတ်မြို့မရဲစခန်း၏ (ပ)၂၆၆/၂ဝ၁၈၊ ရာဇသတ်ကြီးပုဒ်မ ၃၉၄ ဆိုင်ကယ်လုယက်မှုနှင့် (ပ)၂၇၃/၂ဝ၁၈၊ ရာဇသတ်ကြီးပုဒ်မ ၃၉၄/၄၂၇ ဒိုင်းမွန်းရွှေဆိုင်လုယက်မှုတရားခံ စိုင်းလှဝင် (၂၂ နှစ်)၊ မိုင်းပျဉ်းမြို့နယ်၊ တာကော်(၂)မိုင်နေသူအား တရားစွဲတင်ပို့နိုင်ရေးအတွက် အမှုစစ်အရာရှိ မြို့မရဲစခန်းမှူး ဒုရဲမှူး မျိုးခိုင်နှင့် အဖွဲ့မှ စစ်ဆေးဆောင်ရွက်လျက်ရှိကြောင်း သိရသည်။

မြင့်မိုရ်(တာချီလိတ်)
Myanmaalinn
https://www.facebook.com/MYANMAALINNNEWS

ကျောင်းသားဆန္ဒပြပွဲတွေကြောင့် ဘင်္ဂလားဒေ့ရ်ှအတိုက်အခံပါတီ အားတက်လာ


ဘင်္ဂလားဒေ့ရ်ှနိုင်ငံမှာ ဒီဇင်ဘာလအတွင်း ကျင်းပမယ့် ရွေးကောက်ပွဲမတိုင်ခင် ကျောင်းသားဆန္ဒပြပွဲတွေကြောင့် ပါတီခေါင်းဆောင် ခါလီဒါဇီယာ အကျဉ်းချခံရပြီးကတည်းက အင်အားချည့်နဲ့ခဲ့တဲ့ အတိုက်အခံ ဘင်္ဂလားဒေ့ရ်ှအမျိုးသားပါတီ (Bangladesh Nationalist Party) ပြန်လည်အားကောင်းလာမယ့် အလားအလာတွေ ရှိလာနေပါတယ်။

ဒက္ကားမြို့တော်မှာ ကျောင်းသားငယ်လေးနှစ်ယောက် ဘတ်စ်ကားတိုက်မိလို့ သေဆုံးခဲ့ပြီးတဲ့နောက် ကုန်းလမ်းဆက်သွယ်ရေးဌာနရဲ့ ပေါ့လျော့မှုတွေအတွက် ဒေါသထွက်နေတဲ့ ပြည်သူတွေက နိုင်ငံအနှံ့မှာ ဆန္ဒပြကြရင်း ဝန်ကြီးချုပ်ရှိတ်ဟာဆီနာရဲ့ အာဏာရှင်ဆန်တဲ့ လုပ်ရပ်တွေအပေါ် မကျေနပ်ချက်တွေကိုပါ ထုတ်ဖော်ခဲ့ကြပါတယ်။

ဒီဆန္ဒပြပွဲတွေကြောင့် လက်ရှိအာဏာရ ဝန်ကြီးချုပ်ရှိတ်ဟာဆီနာရဲ့ အဝါမီလိပါတီ (Awami League Party) ဟာ လာမယ့်ရွေးကောက်ပွဲကာလမှာ အနိုင်ရဖို့ အပြင်းအထန် ကြိုးစားရတော့မှာဖြစ်ပါတယ်။

အခုနှစ်မှ မဲ စပေးရမယ့်လူငယ်တယောက်ကတော့ ခါလီဒါဇီယာရဲ့ပါတီကို မဲပေးမှာဖြစ်တယ်လို့ ပြောပါတယ်။ နိုင်ငံနဲ့အဝှမ်းမှာလည်း အဲဒီလိုလူတွေ အများအပြားရှိနေတယ်လို့ လေ့လာသူတွေက ပြောပါတယ်။

“အစိုးရဟာ အရာရာတိုင်းကို ကြိုးကိုင်ဖို့ ကြိုးစားနေပါတယ်၊ နိုင်ငံထဲမှာ လွတ်လပ်မှု၊ ဒီမိုကရေစီ ဘာမှ မရှိပါဘူး၊ အစိုးရကို ဖေ့စ်ဘွတ်ပေါ်မှာတောင် ဝေဖန်လို့ မရပါဘူး” လို့ ဆန္ဒပြသူတယောက်က ပြောပါတယ်။

BNP ပါတီကတော့ ဆန္ဒပြပွဲတွေစတင်ရာမှာ ပါတီအနေနဲ့ မပါဝင်ခဲ့ပေမဲ့ ဆန္ဒပြပွဲတွေ တပြည်လုံး ပျံ့နှံ့သွားချိန်မှာတော့ BNP ပါတီခေါင်းဆောင်ကို လွှတ်ပေးဖို့ အစိုးရကို တွန်းအားပေးခဲ့တယ်လို့ ဆိုပါတယ်။

“ဆန္ဒပြပွဲတွေမှာ နိုင်ငံရေးမပါပါဘူး၊ ကျောင်းသားတွေဟာ ဒီနိုင်ငံအနေနဲ့ ပြင်ဆင်ပြောင်းလဲဖို့ လိုနေပြီဆိုတာကို ပြသွားတာပါ” လို့ BNP ပါတီ အထွေထွေအတွင်းရေးမှူးက ပြောပါတယ်။ ဘင်္ဂလားဒေ့ရှ် အစိုးရကတော့... BNP ပါတီဟာ ကျောင်းသားတွေကို သွေးထိုးလှုံ့ဆော်ပေးနေတယ်လို့ ပြစ်တင်စွပ်စွဲထားပါတယ်။

သေဆုံးသွားသူ ကျောင်းသားတွေရဲ့ မိသားစုတွေကို လျော်ကြေးပေးပြီး သူတို့ကိုတိုက်ခဲ့တဲ့ ဘတ်စ်ကားဒရိုင်ဘာကို အမြင့်ဆုံးထောင်ဒဏ် ချမှတ်သွားမယ်လို့ ဝန်ကြီးချုပ်ရှိတ်ဟာဆီနာက ကြေညာထားပါတယ်။

- ဘင်္ဂလားဒေ့ရ်ှနိုင်ငံ ဒက္ကားမြို့တွင် ကျောင်းသားငယ်လေးနှစ်ယောက် ဘတ်စ်ကားတိုက်မိပြီး သေဆုံးခဲ့သည့်ကိစ္စအတွက် ဆန္ဒပြနေစဉ်။

RFA Burmese
https://www.facebook.com/pg/rfaburmese

ကမ္ဘာ့ကုန်သွယ်ရေးအဖွဲ့က နုတ်ထွက်ဖို့ ကန်ခြိမ်းခြောက်


WTO ကမ္ဘာ့ကုန်သွယ်ရေးအဖွဲ့ကြီးအနေနဲ့ ပြုပြင် ပြောင်းလဲမှုတွေ မလုပ်ဆောင်ရင် အမေရိကန်ပြည်ထောင်စုကို အဖွဲ့ထဲက နှုတ်ထွက်မယ်လို့ သမ္မတ Donald Trump က ကြာသပတေးနေ့က Bloomberg သတင်းဌာနနဲ့ ပြုလုပ်တဲ့ မေးမြန်းခန်းအတွင်း ခြိမ်းချောက် ပြောကြား လိုက်ပါတယ်။ ဒါဟာ WTO အပေါ် ဝေဖန် သမ္မတ Trump က နောက်ဆုံးအကြိမ် ထပ်မံ ဝေဖန်လိုက်ပြန်တာလည်း ဖြစ်ပါတယ်။

သမ္မတ Trump က သူပြောတဲ့အတိုင်းသာ လက်တွေ့ လုပ်ဆောင်လိုက်မယ်ဆိုရင် အမေရိကန်ပြည်ထောင်စုကိုယ်တိုင် ဦးဆောင် ဖွဲ့စည်းခဲ့တဲ့ WTO အဖွဲ့ကြီးနဲ့ ခေတ်သစ် ကမ္ဘာလုံးဆိုင်ရာ ကုန်သွယ်ရေးစံနစ်ကို ထိခိုက်သွားစေနိုင်ပါတယ်။

ကမ္ဘာ့ကုန်သွယ်ရေးမှာ အမေရိကန်ပြည်ထောင်ဟာ မမျှမတ ပြုမှု ဆက်ဆံခံနေရကြောင်း သမ္မတ Trump မကြာခန ဝေဖန် ပြောကြားလေ့ရှိပြီး အဲဒီလို ဖြစ်အောင် WTO က ဖန်တီးပေးနေတယ်လို့ ဆိုပါတယ်။ ဒါ့အပြင် WTO ကို အရေးယူနိုင်ဖို့ သူ့အနေနဲ့ လုပ်ဆောင်ကောင်း လုပ်ဆောင်မယ်လို့ သမ္မတ Trump ပြောဆိုထားပေမယ့် ဘယ်လိုပုံနဲ့ ချဉ်းကပ် ဆောင်ရွက်မယ်ဆိုတဲ့ အသေးစိတ်ကိုတော့ ထုတ်ဖော် ပြောဆိုခြင်း မရှိပါဘူး။

ဗွီအိုအေ (မြန်မာပိုင်း)
https://burmese.voanews.com

ဂျွန်မက်ကိန်းကို ဗီယက်နမ် ချီးကျူး


ကွယ်လွန်သူ အမေရိကန် အထက်လွှတ်တော်အမတ် John McCain ကို ဗီယက်နမ် အဖွဲ့အစည်း ၂၀၀ ကျော်က ကိုယ်စားလှယ် တွေနဲ့ တခြားလူပုဂ္ဂိုလ်တွေ ဟနွိုင်းမြို့တော်က အမေရိကန်သံရုံးကို ဒီသီတင်းပတ်အတွင်း သွားရောက် ဂုဏ်ပြု နှုတ်ဆက်ကြ တယ်လို့ ဗီယက်နမ်အစိုးရပိုင် VNA သတင်းဌာနနဲ့ Tin Tuc သတင်းဌာနတို့ရဲ့ သတင်းတွေမှာ ဖော်ပြထားပါတယ်။

အဲဒီလို သွားရောက် ဂုဏ်ပြု နှုတ်ဆက်ကြတဲ့ထဲမှာ ဗီယက်နမ် ထိပ်တန်းခေါင်းဆောင်တွေ၊ ဗီယက်နမ်ကွန်မြူနစ်ပါတီ ဗဟို ကော်မတီ ပြင်ပဆက်ဆံရေးကော်မရှင်၊ ဝန်ကြီးဌာနတွေ၊ အစိုးရဌာနတွေ၊ အဖွဲ့အစည်းတွေနဲ့ ဗီယက်နမ်-အမေရိကန်အဖွဲ့က ကိုယ်စားလှယ်တွေ ပါဝင်တယ်လို့ ဗီယက်နမ်ပြည်တွင်း သတင်းတွေမှာ ဖော်ပြပါတယ်။

မစ္စတာမက်ကိန်းဟာ ဗီယက်နမ်စစ်ပွဲကာလအတွင်းက စစ်အကျဉ်းသားတဦးအဖြစ် ဟနွိုင်းမြို့တော်မှာ ငါးနှစ်ခွဲကြာ ဖမ်းဆီးခံရပြီး ညှဉ်းပန်းနှိပ်စက်ခံခဲ့ရပါတယ်။

ဗီယက်နမ် ဒုတိယဝန်ကြီးချုပ်နဲ့ နိုင်ငံခြားရေးဝန်ကြီး Pham Binh Minh က “အထက်လွှတ်တော်အမတ် ဂျွန် မက်ကိန်းဟာ ဗီယက်နမ်စစ်ပွဲရဲ့ စစ်မှုထမ်းဟောင်း လွှတ်တော်အမတ်မျိုးဆက်ကို အမှတ်သင်္ကေတပြုသူတဦးဖြစ်ပါတယ်။ စစ်ရဲ့ ဒဏ်ရာ ဒဏ်ချက်တွေကို ကုစားဖို့နဲ့ ဗီယက်နမ်နဲ့ အမေရိကန်ကြား ပြီးပြည့်စုံတဲ့ မိတ်ဘက်ဆက်ဆံရေးဖြစ်အောင် ပြန်တည်ဆောက်ပြီး အားပေးမြှင့်တင်တာမှာ အဓိကအခန်းကဏ္ဍကနေ ပါဝင်ခဲ့သူဖြစ်ပါတယ်” လို့ပြောပါတယ်။

အမေရိကန် ဒုတိယသမ္မတဟောင်း ဂျိုး ဘိုင်ဒန်ကလည်း ကွယ်လွန်သူ အထက်လွှတ်တော်အမတ် ဂျွန် မက်ကိန်းဟာ သူ့ရဲ့ မိတ်ဆွေဟောင်းကြီးဖြစ်တယ်လို့ ခေါ်ဆိုပြီး မစ္စတာမက်ကိန်းဟာ ဘယ်တော့မှ ဟောင်းနွမ်း ပျက်စီးမသွားတဲ့ ကြီးမြတ်တဲ့ဂုဏ်၊ ရဲစွမ်းသတ္တိ၊ တိုင်းပြည်တာဝန် ထမ်းရွက်မှုဆိုတဲ့ စံသတ်မှတ်ချက်တွေနဲ့ နေထိုင်သွားသူဖြစ်တယ်လို့ ပြောပါတယ်။

အသက် ၈၁ နှစ်အရွယ်မှာ သြဂုတ်လ ၂၅ ရက်နေ့ကကွယ်လွန်သွားတဲ့ John McCain ရဲ့ ကြွင်းကျန်ရစ်တဲ့ ရုပ်အလောင်းကို ပြင်ဆင်ထားရာ အရီဇိုးနားပြည်နယ်၊ ဖီးနစ်က်စ်မြို့က ပြည်နယ်လွှတ်တော် အဆောက်အဦးတွင်းမှာ ဒုသမ္မတဟောင်း ဘိုင်ဒန်က မစ္စတာမက်ကိန်းအတွက် အမှတ်တရ ဂုဏ်ပြုစကားကို ကြာသပတေးနေ့မှာ ပြောတာပါ။

မစ္စတာဘိုင်ဒန်ဟာ ဒီမိုကရက်ပါတီကဖြစ်ပြီး မစ္စတာမက်ကိန်းက ရီပတ်ဘလီကန်ပါတီက ဖြစ်ပေမဲ့လည်း သူတို့ကြား မတူကွဲပြား တဲ့ နိုင်ငံရေးအမြင်တွေကြားမှာပဲ နှစ်ပေါင်းများစွာ အတူလက်တွဲ လုပ်ဆောင်ခဲ့ကြတာနဲ့ မိတ်ဆွေရင်းတွေ ဖြစ်ခဲ့ကြတာကို မစ္စတာဘိုင်ဒန်က ပြန်ပြောင်းပြောဆိုပါတယ်။

“အမေရိကန်ရဲ့ အနှစ်သာရအပေါ်မှာ John ဟာ တကယ့်ကို လေးနက်ခိုင်မာစွာ ယုံကြည်သူဖြစ်တယ်၊ သူယုံကြည်တာက အမေရိကန်ဟာ ဘာမဆိုလုပ်နိုင်တယ်ဆိုတာပါပဲ” လို့လည်း မစ္စတာဘိုင်ဒန်ကပြောပါတယ်။

မစ္စတာဘိုင်ဒန်နဲ့ မစ္စတာမက်ကိန်းတို့ဟာ အထက်လွှတ်တော်အမတ်တွေအဖြစ် နှစ်ပေါင်းများစွာ အတူလက်တွဲ လုပ်ဆောင်ခဲ့ကြ ပါတယ်။ ၂၀၀၈ ခုနှစ် သမ္မတရွေးကောက်ပွဲမှာ မစ္စတာဘိုင်ဒန်က ဒီမိုကရက် သမ္မတလောင်း ဘရာ့ခ် အိုဘားမားရဲ့ ဒုသမ္မတ လောင်းအဖြစ် ရွေးကောက်ပွဲဝင်ခဲ့ပြီး မစ္စတာမက်ကိန်းက ရီပတ်ဘလီကန်ပါတီရဲ့ သမ္မတလောင်းအဖြစ် ရွေးကောက်ပွဲဝင် ယှဉ်ပြိုင်ခဲ့ကြပြီးတော့ မစ္စတာမက်ကိန်း အရေးနိမ့်သွားခဲ့ပါတယ်။

မစ္စတာမက်ကိန်းဟာ သူမကွယ်လွန်မီကတည်းက သူ့ရဲ့နာရေးအခမ်းအနားအတွက် ကိုယ်တိုင်စီစဉ်မှာကြားသွားတာဖြစ်ပြီး အရီဇိုးနားပြည်နယ် လွှတ်တော်တွင်းမှာ အမှတ်တရစကားပြောပေးဖို့ မစ္စတာဘိုင်ဒန်ကို ကိုယ်တိုင်ပန်ကြားထားတာဖြစ်သလို ဝါရှင်တန်မြို့တော်က National Cathedral ဘုရားကျောင်းကြီးအတွင်းမှာ စနေနေ့လုပ်မယ့် အမှတ်တရ အခမ်းအနားမှာတော့ သမ္မတဟောင်း အိုဘားမားနဲ့ ဘုရ်ှတို့ အမှတ်တရစကားပြောပေးဖို့ မှာကြားသွားပါတယ်။

 ဗွီအိုအေ (မြန်မာပိုင်း)
https://burmese.voanews.com

ယူကေမှာ ၁၈ နှစ်အောက်ကို အားဖြည့်အချိုရည်ရောင်းခွင့်ပိတ်ဖို့ စီစဉ်

အားဖြည့်အချိုရည်တွေကို ကလေးတွေကို ရောင်းချခြင်း မပြုနိုင်ဖို့ ယူကေမှာ စီစဉ်နေ
အင်္ဂလန်မှာ အားဖြည့်အချိုရည်တွေကို ၁၈ နှစ်အောက် ကလေးတွေကို ရောင်းချခွင့် ပိတ်ပင်ဖို့ စီစဉ်နေတယ်လို့ ဝန်ကြီးချုပ်က ပြောပါတယ်။

အဲဒီအားဖြည့်အချိုရည်တွေမှာ သကြားနဲ့ ကဖင်းဓာတ် အများအပြား ပါဝင်ပြီး ဒါဟာ အဝလွန်ရောဂါနဲ့ တခြား ကျန်းမာရေး ပြဿနာတွေကို ဖြစ်စေနိုင်တာကြောင့်လို့ ဆိုပါတယ်။

ဒါကြောင့် ကလေးတွေကို အားဖြည့်အချိုရည် ရောင်းချခွင့်ကို တရားမဝင်တာဖြစ်တယ်ဆိုတာ ပြုလုပ်ဖို့ အများပြည်သူ လူထုနဲ့ တိုင်ပင် နှီးနှော ဆွေးနွေးဖို့ စီစဉ်နေပါတယ်။

အားဖြည့်အချိုရည်တွေမှာ ပါဝင်တဲ့ ကဖိန်းနဲ့ သကြားပမာဏ
ဘယ်အရွယ်ကို ပိတ်ဖို့သင့်တယ်ဆိုတာကို အစိုးရက လူထု အမြင်ကို ပြန်စစ်တမ်းကောက် နေပါတယ်။ အများစုကတော့ အသက် ၁၆ နှစ်အောက်နဲ့ ၁၈ နှစ်အောက်တွေကို ပိတ်သင့်တယ်လို့ ဖြေပါတယ်။

စကော့တလန်၊ မြောက်ပိုင်း အိုင်ယာလန်နဲ့ ဝေလနယ်တွေမှာတော့ ဒီပိတ်ပင်မှုမျိုး လုပ်နိုင်ဖို့ရာ သူတို့ဘာသာ ဆုံးဖြတ်နိုင်တဲ့ အခွင့်အာဏာရှိပါတယ်။

ယူကေ ဆယ်ကျော်သက်တွေဟာ ဥရောပမှာ အားဖြည့်အချိုရည် အများဆုံး ဝယ်သောက်သုံးတဲ့ စားသုံးသူတွေ ဖြစ်တယ်လို့ သုတေသန သမားတွေက ဆိုပါတယ။

ဒီအချိုရည်တွေထဲမှာ ပါဝင်တဲ့ သကြားနဲ့ ကဖိန်းပမာဏဟာ တခြားပုံမှန်ဖျော်ရည်တွေထက် ပိုများပါတယ်။

ဒါကြောင့် အဝလွန်တာတွေ သွားယိုယွင်းပျက်စီးတာတွေ ခေါင်းကိုက်ခြင်းနဲ့ အိပ်မပျော်ခြင်း ပြဿနာတွေ ကို ဆယ်ကျော်သက်တွေ ရင်ဆိုင်နေရပါတယ်။

BBC Burmese
https://www.bbc.com

ဆီးရီးယား မှာ စစ်မုန်တိုင်း ကြီး တိုက်တော့မလား

အရပ်သားတွေ ကယ်ထုတ် ဖို့ ကုလ တောင်းဆို
ဆီးရီးယား နိုင်ငံ အနောက်မြောက်ပိုင်း က သူပုန် တွေ ထိန်း ချုပ်ထားတဲ့ အဒ်လစ် ပြည်နယ် ကို အစိုးရ စစ်တပ် က ထိုးစစ်ဆင် တိုက်ခိုက်ဖို့ လုပ် ဆောင် နေပါတယ်။

အဲဒီ ပြည်နယ် မှာ စစ်မုန်တိုင်းကြီး တခု ဖြစ်လာ နိုင်ကြောင်း ကုသမဂ္ဂ အဖွဲ့ကြီး က လည်း သတိပေးနေပါတယ်။

ဒီနေရာဟာ ဆီးရီးယား သူပုန်တွေ ရဲ့ အခိုင်အမာ နောက်ဆုံး ထိန်းချုပ် ထားတဲ့ ဒေသ ဖြစ်တာ ကြောင့် အစိုးရ စစ်တပ်အနေနဲ့ ထိုးစစ်ကြီး တခု ဆင်နွှဲပြီး သိမ်းပိုက် လိုတာ ဖြစ်ပါတယ်။

ဒီကိစ္စ နဲ့ ပတ်သက်လို့ ဆီးရီးယား နိုင်ငံခြားရေး ဝန်ကြီး ဝါလစ် အယ်မိုလန် က အဒ်လစ် ကို ထိန်းချုပ် ထားတဲ့ အယ်လ်နူစရာ တပ် ကို ချေမှုန်းဖို့ လုပ်ဆောင် တာပါ။ နည်းလမ်းပေါင်းစုံ သုံးပြီးတော့ တိုက်ခိုက်သွားမှာပါ။ ဒါပေမယ့် အရပ် သားတွေ အထိအခိုက် မရှိအောင်တော့ ဆောင်ရွက် ထားပါတယ် လို့ ပြောဆို ပါတယ်။

ရုရှား စစ်သင်္ဘောတွေ ဆိုက်ရောက်လာနေ
ဆီးရီးယား သမ္မတ အာဆတ် အစိုးရ ကို ထောက်ခံမှု ပေးနေတဲ့ ရုရှား ဘက်ကလည်း အဒ်လစ် က အကြမ်းဖက် သမားတွေ ကို တိုက်ထုတ် မယ်လို့ ပြောဆို နေပါတယ်။ သူတို့ဟာ အရပ်သား တွေ ကို လူသား အကာအကွယ် အဖြစ် အသုံးပြုနေကြတယ်လို့ လည်း ဆိုပါတယ်။

လာ မယ့် နာရီ ပိုင်းအတွင်းမှာ စစ် ပွဲကြီး ဖြစ်ပွားတော့မယ့် အရိပ် အယောင် ကို မြင်တွေ့ နေရ တာကြောင့် အရပ်သား တွေ ကို အမြန် ကယ်ထုတ် နိုင်ရေး နဲ့ လူသားချင်း စာနာထောက်ထားမှု အကူအညီ ပေးကြဖို့ ကုလသမဂ္ဂ အဖွဲ့က ပန်ကြား နေပါတယ်။

BBC Burmese
https://www.bbc.com

စွန့်ပစ်သင်္ဘောသောင်တင်မှု လုံခြုံရေးသတိရှိသင့်

(Yangon Police Facebook)
ရန်ကုန်တိုင်းဒေသကြီး၊ သုံးခွမြို့နယ်၊ မုတ္တမပင်လယ်ကွေ့မှာ ရောက်နေတဲ့ နိုင်ငံခြား ကုန်တင်သင်္ဘောကြီးဟာ အမြင်အရ ဟောင်းနွမ်းနေပြီ ဖြစ်တာကြောင့် ဘင်္ဂလားဒေ့ရ်ှနိုင်ငံဘက်မှာ သံတိုသံစအဖြစ် ထုခွဲ ဖျက်ဆီးပစ်ဖို့ သယ်လာတာ ဖြစ်နိုင်ကြောင်း ရေကြောင်းဆိုင်ရာ ကျွမ်းကျင်သူတွေက ပြောပါတယ်။ သင်္ဘောပေါ်မှာ လူတဦးမှ ပါမလာပေမယ့် အခုလို သောင်တင်တဲ့အချိန်အထိ ဘယ်သူမှ မသိလိုက်တဲ့ ဖြစ်ရပ်ကြောင့် လုံခြုံရေးအရ သတိထားသင့်တယ်လို့ ဆိုပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးပါမယ်။


သုံးခွမြို့နယ်၊ သမစိတ္တကျေးရွာအနီး မုတ္တမ ပင်လယ်ကွေ့မှာ သြဂုတ်လ ၂၉ ရက်နေ့က သောင်တင်နေတဲ့ Sam Ratulangi ဆိုတဲ့ သင်္ဘောဟာ သင်္ဘောပျက်၊ သင်္ဘောဟောင်းတွေကို ဖျက်ဆီးတဲ့လုပ်ငန်းတွေ အများဆုံး ပြုလုပ်နေတဲ့ ဘင်္ဂလားဒေ့ရ်ှနိုင်ငံကိုအသွား ဆွဲသင်္ဘောက ကြိုးပြတ်ပြီး အခုလို သုံးခွမှာ သောင်လာတင်တာ ဖြစ်နိုင်ကြောင်း မဟာနဒီ Maritime ကုမ္ပဏီက မန်းနေးဂျင်း ဒါရိုက်တာလည်းဖြစ်၊ ၀ါရင့် သင်္ဘော ကပ္ပတိန် တဦးလည်းဖြစ်တဲ့ ဟန်နရီ ခင်မောင်က ဗွီအိုအေကို ရှင်းပြပါတယ်။

"သဘောင်္က ဘင်္ဂလားဒေ့ရ်ှကို သွားဖို့အတွက် တိုးလုပ်သွားနေလို့နားလည်ထားတယ်။ လုပ်ပြီးသွားတဲ့အခါမှာ ဖြစ်နိုင်ခြေရှိတာက ရာသီဥတုဆိုးလို့ သောင်တင်သွားတဲ့အခါမှာ အဲဒီအပေါ်မှာ သင်္ဘာသားနဲ့ အကူတွေကပြောင်းပြီးတော့ Abandon လုပ်သွားတယ်လို့ ယူဆရတယ်။ Procedure အရကတော့ တကယ်တမ်း Abandon လုပ်မယ်ဆိုရင် သူတို့သဘောင်္က သက်ဆိုင်ရာတွေကိုအကြောင်းကြားပြီးတော့ လုပ်ရမယ်၊ ဒါမှမဟုတ်လို့ရှိရင်လည်း Procedure အရ Abandon ship ဆိုပြီးလုပ်သွားရမယ် အဲဒီတော့ သူတို့ သင်္ဘာသားနဲ့ အကူတွေဆုံးဖြတ်ချက်အားနည်းပြီးတော့ သွားရင်လာရင်နဲ့ပဲ ဘုတ်ပေါ်ကို ကူးသွားတာလည်း ဖြစ်နိုင်တယ်။"

နောက်ဖြစ်နိုင်ခြေ တခုကတော့ ဟောင်းနေပြီဖြစ်တဲ့ ဒီသင်္ဘောအတွက် အာမခံကုမ္ပဏီကနေ လျှော်ကြေးရအောင် တမင် ပင်လယ်ပြင်ထဲမှာ စွန့်ပစ်သွားတာလည်း ဖြစ်နိုင်တယ်လို့ ကပ္ပတိန် ဟန်နရီ ခင်မောင်က သုံးသပ်ပါတယ်။

"အရင်တုန်းက သူတို့ ဘယ်လိုလုပ်သလဲဆိုတော့ insurence အရ ပြန်ပြီးတော့ claim လုပ်ချင်တာမို့လို့ ဒါမျိုးကို အကြံရှိရှိနဲ့ လုပ်သွားတာမျိုးလည်းဖြစ်နိုင်တယ်။ဆိုတော့ အကြောင်းအချက်တွေကတော့ အများကြီးရှိတယ်။ အဲဒါကတော့ သာမန်သင်္ဘောလုပ်ငန်းမှာ ဖြစ်လေ့ဖြစ်ထရှိတဲ့အနေအထား။ ဒါပေမယ့် authority ကိုအကြောင်းမကြားပဲနဲ့ ခိုးပြီးတော့ ထွက်သွားတယ်ဆိုတာကတော့ တော်တော်ကို ဖြစ်လေ့ဖြစ်ထအင်မတန်နည်းတယ်။ ဘယ်protocol နောက်ပြီး procedure တခုမှ လိုက်မနာပဲနဲ့ လုပ်သွားတာဖြစ်ပါတယ်။ ပြီးတော့ သင်္ဘောလုပ်ငန်းကို လုပ်နေတဲ့ လူတွေအနေနဲ့ ကြည့်မယ်ဆိုရင်တော့ ဒါက malpractice ဖြစ်နေတာသေချာတယ်။"

သက်ဆိုင်ရာ ရေပိုင်နက်နိုင်ငံကို အသိပေး အကြောင်းကြားခြင်း မရှိဘဲ လူတယောက်မှမကျန်အောင် သင်္ဘောကို အခုလို စွန့်ပစ်သွားတဲ့ ဖြစ်ရပ်က ထူးဆန်းလွန်နေတယ်လို့ ဆိုပါတယ်။

"အစိုးရိမ်ဆုံးကိစ္စကတော့ လူတယောက်မှ မရှိတာကိုလည်း စိုးရိမ်တယ် ကျနော်တို့က။ လူတယောက်မှ မရှိဘူး အဲဒီလူတွေဘယ်ရောက်သွားလဲ နံပတ် ၁ ၊ နံပတ် ၂ က သောင်တင်တယ်ဆိုရင်တောင်မှ တခုခု အသက်အန္တရာယ်ကြုံတယ်ဆိုရင်လည်း ဆိပ်ကမ်းမှာရှိတဲ့ လူတွေအားလုံးက သက်ဆိုင်ရာနယ်မြေ ၊ မြန်မာပြည်ဆိုရင်လည်း မြန်မာပိုင်နက်ထဲမှာ ဖြစ်တယ်ဆိုရင် ကူညီနိုင်ဖို့အနေအထား အကုန်ရှိတယ် အဲဒါတွေအားလုံး တခုကိုမှ သတင်းမရပဲနဲ့ ပျောက်သွားတယ်ဆိုတာမျိုးကတော့ တေ်ာတေ်ာကို ထူးဆန်းတဲ့ ဖြစ်ရပ်တခုပဲခင်ဗျ။"

ဒီသင်္ဘောကို စစ်ဆေးကြည့်တဲ့အခါ အင်ဒိုနီးရှားနိုင်ငံမှာ နောက်ဆုံး မှတ်ပုံတင်ထားတာကို တွေ့ရှိရကြောင်း သုံးခွမြို့နယ် တိုင်းဒေသကြီး လွှတ်တော်ကိုယ်စားလှယ် ဦးနေ၀င်းက ဗွီအိုအေကို ကြာသပတေးနေ့မှာ ပြောပြခဲ့ပါတယ်။

“ဒီဘက်က အင်တာနက်ကနေ ဒီသင်္ဘောနာမည်နဲ့ မှတ်ပုံတင်ကိုကြည့်ပြီးတော့ ရှာတဲ့အခါမှာ နောက်ဆုံးပိုင်ရှင်ကတော့ အင်ဒိုနီးရှား နိုင်ငံကလို့ သိရပါတယ်ခင်ဗျ။နောက်ပြီးတော့ ဘာဆက်လုပ်မယ်ဆိုတာကတော့ ဒီရေတပ်အစိုးရပိုင်း၊ ရေတပ် အာဏာပိုင် အဖွဲ့အစည်းရဲ့ တာဝန်ဖြစ်ပါတယ်။”

ရေတပ်အပါအ၀င် ဆိပ်ကမ်းအာဏာပိုင်တွေ မသိဘဲ နိုင်ငံခြားမှာ မှတ်ပုံတင်ထားတဲ့သင်္ဘောတစင်း အခုလို သောင်လာတင်နေတဲ့ ဖြစ်ရပ်ကြောင့် လုံခြုံရေးအတွက် စိုးရိမ်စရာ ရှိတယ်ဆိုတာကိုလည်း ကပ္ပတိန် ဟန်နရီ ခင်မောင်က ထောက်ပြပါတယ်။

"နောက်တခုကတော့ တချို့တွေဆွေးနွေးတာရှိတယ်ပေါ့နော် အဲဒါကတော့ Security point of view သတိကတော့ အင်မတန်ထားရမယ့်ကိစ္စဖြစ်တယ်။ အဲဒီတော့ case က တကယ့်ကို severe ဖြစ်နေတဲ့အတွက် Security point ကိုလည်း လျော့မတွက်မိဖို့လည်းကျနော်သုံးသပ်ပါတယ်။"

ဗွီအိုအေက စုံစမ်းကြည့်တဲ့အခါ ကုန်တန်ချိန် ၂ သောင်းနီးပါ သယ်ဆောင်နိုင်ပြီး ရေစူး ၉ မီတာကျော် (ပေ ၃၀ ကျော်) ရှိတဲ့ ဒီသင်္ဘောဟာ ၂၀၀၁ ခုနှစ် တည်ဆောက်ခဲ့တဲ့ သင်္ဘောဖြစ်ကြောင်းနဲ့ တောင်တရုတ် ပင်လယ်ပြင်အတွင်း ခုတ်မောင်းသွားလာနေတဲ့ သင်္ဘောဖြစ်ကြောင်း ဖော်ပြထားပါတယ်။ အခုချိန်မှာတော့ သင်္ဘောနဲ့ သက်ဆိုင်တဲ့ အသေးစိတ်အချက်အလက်တွေ သိရှိနိုင်ဖို့ မြန်မာအာဏာပိုင်တွေဘက်က စုံစမ်း ဖော်ထုတ်နေတယ်လို့ သိရပါတယ်။

 ကိုဇော်ဝင်းလှိုင်/ ဗွီအိုအေ (မြန်မာပိုင်း)
https://burmese.voanews.com

BIMSTEC ထိပ်သီးဆွေးနွေးပွဲ သမ္မတဦးဝင်းမြင့်တက်ရောက်

BIMSTEC ထိပ်သီးဆွေးနွေးပွဲ သမ္မတဦးဝင်းမြင့်တက်ရောက်(Myanmar President Office)
နီပေါလ်နိုင်ငံက အိမ်ရှင်အဖြစ်လက်ခံကျင်းပတဲ့ နည်းပညာနှင့် စီးပွားရေး ကဏ္ဍပေါင်းစုံ ပူးပေါင်းဆောင်ရွက်မှုဆိုင်ရာ ဘင်္ဂလား ပင်လယ်အော်အစီအစဉ်လို့ဆိုရမယ့် BIMSTEC ထိပ်သီးအစည်းအဝေးကို ခတ္တမန်ဒူမြို့တော်မှာ ကြာသပတေးနေ့ကစပြီး နှစ်ရက် ကြာ ကျင်းပနေပါတယ်။

အစည်းအဝေးအတွင်း စီးပွားရေးဆိုင်ရာ ပိုပြီး ပူးပေါင်းဆောင်ရွက်ကြဖို့ ခေါင်းဆောင်တွေ ဆွေးနွေးဖို့ရှိသလို ဒေသတွင်း လျှပ်စစ် ဓာတ်အားလိုင်း ချိတ်ဆက်မှုဆိုင်ရာ သဘောတူညီချက်တရပ်ကို လက်မှတ်ရေးထိုးဖို့ရှိပါတယ်။ ဒီသဘောတူညီချက်အရဆိုရင် သက်ဆိုင်ရာနိုင်ငံတွေကြားမှာ စွမ်းအင် အရောင်းအဝယ်လုပ်ဖို့ လမ်းပွင့်သွားမှာပါ။

ဒါ့အပြင် ရာဇဝတ်ပြစ်မှုဆိုင်ရာ၊ လူမှောင်ခိုကူးမှုဆိုင်ရာနဲ့ အကြမ်းဖက်ဝါဒဆိုင်ရာတွေကိုလည်း ခေါင်းဆောင်တွေ ဆွေးနွေးကြ မယ်လို့ ခန့်မှန်းထားပါတယ်။

ဒီထိပ်သီးအစည်းအဝေးမှာ မြန်မာသမ္မတ ဦးဝင်းမြင့်နဲ့အတူ ဘင်္ဂလားဒေ့ရ်ှဝန်ကြီးချုပ် Shiekh Hasina ၊ ဘူတန် ကြားဖြတ်အစိုးရ အဖွဲ့အကြီးအကဲ Lyonpo Tshering Wangchuk ၊ အိန္ဒိယဝန်ကြီးချုပ် Narendra Modi ၊ သီရိလင်္ကာသမ္မတ Maithripala Sririsena ၊ ထိုင်းဝန်ကြီးချုပ် Prayuth Chan-ocha နဲ့ အိမ်ရှင် နီပေါလ်ဝန်ကြီးချုပ် Khadga Prasad Oli တို့ တက်ရောက်နေပါ တယ်။

အစည်းအဝေးလာတက်တဲ့ တခြား ခြောက်နိုင်ငံက နိုင်ငံခေါင်းဆောင်တွေနဲ့ သမ္မတဦးဝင်းမြင့်တို့ တဦးချင်း သီးခြားစီ တွေ့ဆုံ ဆွေးနွေးတာမျိုးတွေ ရှိမလားဆိုတာကိုတော့ ရှင်းရှင်းလင်းလင်း မသိရသေးပါဘူး။

ဗွီအိုအေ (မြန်မာပိုင်း)
https://burmese.voanews.com

ဗန်းမော်ရေကြီး လယ်ဧက သောင်းချီရေမြုပ်

ပျက်စီး ဆုံးရှုံးမှုတွေ အတွက် တွက်ချက်လို့ မရသေး
ကချင်ပြည်နယ်မှာ မိုးများလို့ မိုးမောက် ကနေစပြီး ဗန်းမော်ထိ လယ်မြေဧက သောင်းချီ ရေနစ်မြုပ်နေပါတယ်။

ဗန်းမော်နဲ့ မံစီကားလမ်း ဗန်းမော် ဘက်ခြမ်းမှာ နမ့်ကျလီ ချောင်းရေကြောင့် ကြာသပတေးနေ့ နေ့လည် ပိုင်းက ငါးမိုင်တံတား ချဉ်းကပ်လမ်း ပေ ၅၀ ကျော် ရေစားပြီး ပြိုသွားတဲ့ အတွက် ကားလမ်း ပြတ်တောက် သွားပြီး၊ မန္တလေး ကနေ ဗန်းမော် ဘက်ကို လာတဲ့ ကားတွေ ဆက်သွား မရပဲ ပိတ်မိနေ ပါတယ်။

လူတွေ ကိုတော့ စက်လှေတွေနဲ့ ကမ်းဘက်ကို ကယ်ထုတ်ပေး နေရတယ်လို့ ဗန်းမော် မဲဆန္ဒနယ် အမှတ်၁ ပြည်နယ် လွှတ်တော် ကိုယ်စားလှယ် ဦးဇော်သင်း က ပြောပါတယ်။

သောကြာနေ့ မနက်မှာတော့ ကားတွေ တစီးချင်း သွားနိုင်အောင် ဆောက်လုပ်ရေး ဝန်ကြီး ဌာနက အားချင်း ဗေလီ တံတား ထိုးဖို့ ဆောင်ရွက်နေ တယ်လို့ လည်း ဦးဇော်သင်းက ပြောပါတယ်။

လောလောဆယ် ဘယ်လောက် အထိ ပျက်စီး ဆုံးရှုံးမှုတွေ ရှိလဲ ဆိုတာ ကတော့ တွက်ချက်လို့ မရသေးဘူးလို့လည်း ဆိုပါတယ်။

BBC Burmese
https://www.bbc.com

နိုင်ငံခြားကုန်တင်သင်္ဘောကြီးတစီး မြန်မာ့ရေပိုင်နက်ထဲရောက်လာ

လူမပါတဲ့ နိုင်ငံခြား ကုန်တင်သင်္ဘောကြီး တစီး မြန်မာ့ ရေပိုင်နက်ထဲ မျောလာ
သုံးခွမြို့နယ် နဲ့ ရေမိုင် ၇ မိုင် အကွာ မြန်မာ့ပင်လယ်ပြင်မှာ ကုန်တင်သင်္ဘောကြီး တစီး မျောပါရောက်လာပြီး သောင်တင်နေကြောင်း သြဂုတ်လ ၂၉ ရက်နေ့ ညက သတင်းရတဲ့အတွက် သြဂုတ်လ ၃၀ ရက်နေ့ မနက် အစောပိုင်းမှာ မြန်မာ့ ရေတပ်နဲ့ ရဲတပ်ဖွဲ့ က အရာရှိတွေ အပါအဝင် အစိုးရ ပိုင်းက သွားရောက် စုံစမ်းခဲ့ကာ သင်္ဘောကြီး ရှိနေတာကို အတည်ပြုခဲ့ကြပါတယ်။

အင်ဒိုနီးရှား အလံလွှင့်တင်ထားပြီး တန်ချိန် ၂၆၅၁၀ ခန့်ရှိတဲ့ အဲဒီ သင်္ဘောကြီးမှာ လူတွေလည်း တယောက်မှ မရှိသလို၊ ကုန်တွေလည်း တခုမှ မပါပါဘူး။

သင်္ဘောကြီးရဲ့ အမည် က SAM RATULANGI PB 1600 ဖြစ်ပြီး ၂၀၀၁ က တည်ဆောက်ခဲ့တဲ့ ကုန်တင်သင်္ဘောအမျိုးအစား ဖြစ်ပါတယ်။

သောင်တင်နေတဲ့ သင်္ဘောကြီးဟာ ခါးကျိုးနေတာကို လည်း သွားရောက် ကြည့်ရှုတဲ့သူတွေ က သတိထားမိကြပါတယ်။

တန်ချိန် ၂ သောင်း ၆ ထောင် ကျော် ရှိတဲ့ ကုန်တင် သင်္ဘော အဟောင်းကြီးဖြစ်
ရေကြောင်းပို့ဆောင်ရေးညွှန်ကြားမှုဦးစီးဌာန က သြဂုတ်လ ၃၀ ရက် နေ့စွဲနဲ့ ထုတ်ပြန်ချက်တခုအရ ဒီ သင်္ဘောကြီးဟာ ရန်ကုန်မြစ် အရှေ့ဘက် မိုင် ၃၀ အကွာ မှာ ရှိနေပြီး သြဂုတ်လ ၂၇ ရက် ညပိုင်း ရာသီဥတု ဆိုးဝါးချိန်မှာ သောင်တင်ခဲ့တာ လို့ သိရပါတယ်။

သူတို့က ဒီ သင်္ဘောကို တခြားသင်္ဘောတစီးနဲ့ ဆွဲယူလာခဲ့ပုံရပြီး မျောပါလာရင်း သောင်တင်တာလား၊ ရည်ရွယ်ချက်နဲ့ မျှောယူ စွန့်ပစ်ခဲ့တာလား ဆိုတာ ကို စဉ်းစား သုံးသပ်နေပါတယ်။

ရေကြောင်းပို့ဆောင်ရေး ညွှန်ကြားမှု ဦးစီးဌာန က သင်္ဘောဆိုင်ရာ အချက်အလက် တွေကို အတည်ပြုပြီးရင် သင်္ဘောမှတ်ပုံတင် နိုင်ငံရဲ့ ရေကြောင်းအာဏာပိုင်နဲ့ သင်္ဘောပိုင်ရှင် တို့ကို သတင်းပေးပို့ အကြောင်းကြားမယ် လို့ ဆိုပါတယ်။

သင်္ဘောသောင်တင်နေတဲ့နေရာမှာ အန္တရာယ်ရှိကြောင်း ရေကြောင်းသတိပေးချက် ထုတ်ပြန်မယ့်အကြောင်း ရေကြောင်းပို့ဆောင်ရေး ညွှန်ကြားမှု ဦးစီးဌာန က ပြောသလို ရေထုညစ်ညမ်းမှု ရှိမရှိလည်း စစ်ဆေးသွားမှာဖြစ်ပါတယ်။

BBC Burmese
https://www.bbc.com

ပိုင်ရှင်မဲ့ နိုင်ငံခြားကုန်တင်သင်္ဘောဟောင်းတစင်း မြန်မာ့ပင်လယ်ပြင်မှာတွေ့ရှိ

ပိုင်ရှင်မဲ့ နိုင်ငံခြားကုန်တင်သင်္ဘောဟောင်းတစင်း (ခရက်ဒစ်- အမျိုးသားဒီမိုကရေစီအဖွဲ့ချုပ်)
ရန်ကုန်တိုင်း သုံးခွမြို့နယ်တွင်း ပင်လယ်ပြင်မှာ နိုင်ငံခြားကုန်တင်သင်္ဘောဟောင်းတစင်း သောင်တင်ပြီး ပိုင်ရှင်မဲ့အဖြစ် အာဏာပိုင်တွေက တွေ့ရှိထားပါတယ်။ သင်္ဘောအမည်ကို စစ်ဆေးရာမှာ အင်ဒိုနီးရှားနိုင်ငံမှာ နောက်ဆုံး မှတ်ပုံတင်ထားတာ တွေ့ရပြီး၊ မြောပါပြီး ကမ်းခြေဖက် တက်လာတာ ဒါမှမဟုတ် ရည်ရွယ်ချက်နဲ့ မျောခဲ့တာ ဒါမှမဟုတ် ဆွဲယူမရလို့ စွန့်ပစ်ခဲ့တာမျိုးဖြစ်နိုင်တယ်လို့ ပို့ဆောင်ရေးနဲ့ဆက်သွယ်ရေးဝန်ကြီးဌာနက ထုတ်ပြန်ထားပါတယ်။ အခုလို ပိုင်ရှင်မဲ့ နိုင်ငံခြားကုန်တင်သင်္ဘောတစင်း သုံးခွမြို့နယ် ပင်လယ်ကမ်းခြေပိုင်း ရောက်လာတာနဲ့ပတ်သက်ပြီး သုံးခွမြို့နယ် တိုင်းဒေသကြီးလွှတ်တော်ကိုယ်စားလှယ် ဦးနေ၀င်းကို ကိုသားညွန့်ဦး ဆက်သွယ်မေးမြန်းထားပါတယ်။

ဦးနေ၀င်း။ ။ မုတ္တမပင်လယ်ဖြစ်တဲ့ သုံးခွမြို့နယ်ပေါ့နော် အဲဒီကနေ ရေမိုင် ၇ မိုင်အကွာလောက်မှာ ဒီသင်္ဘောကြီးရောက်နေတယ် ဆိုတာ ကျနော်သတင်းရပါတယ် အဲလိုသတင်းရတဲ့အခါမှာ သင်္ဘောကြီးနဲ့ ပတ်သက်တဲ့ အချက်အလက်ကို ကျနော်တို့မြို့နယ်မှာရှိတဲ့တာဝန်ရှိတဲ့သူတွေကို ကျနော်သွားပြီးတော့ မေးတယ်ပေါ့နော်။ ဒီသင်္ဘောကြီးဘယ်လိုကြောင့်ရောက်သလဲ အခြေအနေထူးခြားမှုဘယ်လိုရှိသလဲ ။ ဒီသင်္ဘောကြီးက မတရားကြီးတဲ့အတွက် ဘယ်ကလဲမသိတဲ့အတွက် သက်ဆိုက်ရာနယ်မြေ မြို့နယ်အုပ်ချုပ်ရေးမှူးတွေကို လှမ်းပြောပြီးတော့ နယ်မြေလုံခြုံရေးတွေ သတိရှိဖို့ ဒီသင်္ဘောကြီးနဲ့ ပတ်သက်ပြီးတော့ ပတ်ဝန်းကျင်အခြေအနေတွေ စောင့်ကြည့်ပေးဖို့ မနေကညတွင်းကြီးဒါတွေ မှာတယ်ပေါ့နော်။ ဒီမနက်မှာပဲ ကျနော်တို့မြို့နယ်တပ်ဖွဲ့မှူးအပါအ၀င် မြို့နယ်အုပ်ချုပ်ရေးမှူးအဖွဲ့တွေနဲ့ ကျနော် ရေတပ်က အရာရှိတွေအပါအ၀င်ပေါ့နော် သင်္ဘောကြီးကို သွားစစ်ဆေးတယ်ပေါ့နော်။ အဲလိုသွားစစ်ဆေးတဲ့အခါမှာ သင်္ဘောကြီးအပေါ်မှာ လူတယောက်မှမပါဘူးခင်ဗျ။ မပါတဲ့အခါမှာ အဲဒီအပေါ်မှာ ကုန်ပစ္စည်တွေပါမလားလို့ ကြည့်တဲ့အခါမှာလည်း ဘာမှမပါဘူး။ သင်္ဘောကြီးက အခွံဖြစ်နေတယ်ပေါ့နော်။ သင်္ဘောကြီးဓါတ်ပုံမှတ်တမ်းတွေပို့တာကို ကြည့်ချင်းအားဖြင့် သင်္ဘောကြီးက အခွံပေါ့။ ပြောမယ်ဆိုရင်ပိုင်ရှင်မဲ သင်္ဘောကြီးဖြစ်နေတယ်။ တခုတော့ရှိတယ် ဒီလောက်ကြီးတဲ့ သင်္ဘောကြီးဒီကိုရောက်လာတာက ထူးဆန်းတယ်၊ ဘာဖြစ်လို့ရောက်နေသလဲဆိုတာက ထူးဆန်းတယ်။

မေး။ ။ အခုက ဘာဆက်လုပ်ထားသလဲ ကျနော်တို့သိရသလောက်က သင်္ဘောနာမည်နဲ့ လိုက်ကြည့်တဲ့အခါကျတော့ အင်ဒိုနီးရှားနိုင်ငံမှတ်ပုံတင်ထားတယ်လို့ သိရပါတယ်ခင်ဗျ။ ဘာများဆက်လုပ်ထားပါသလဲ။

ဦးနေ၀င်း။ ။ ဒီဘက်က အင်တာနက်ကနေ ဒီသင်္ဘောနာမည်နဲ့ မှတ်ပုံတင်ကိုကြည့်ပြီးတော့ ရှာတဲ့အခါမှာ နောက်ဆုံးပိုင်ရှင်ကတော့ အင်ဒိုနီးရှားနိုင်ငံကလို့ သိရပါတယ်ခင်ဗျ။နောက်ပြီးတော့ ဘာဆက်လုပ်မယ်ဆိုတာကတော့ ဒီရေတပ်အစိုးရပိုင်း၊ ရေတပ်အာဏာပိုင်အဖွဲ့အစည်းရဲ့တာဝန်ဖြစ်ပါတယ်။

မေး။ ။ ဒေသထဲမှာရော စိုးရိမ်စရာတွေဖြစ်နေသလား။ ဒီဟာနဲ့ ပတ်သက်လို့ သံသယတွေ စိုးရိမ်စရာတွေရှိလား။

ဦးနေ၀င်း။ ။ မရှိပါဘူး စိုးရိမ်စရာတွေမရှိပါဘူး။ ပထမပိုင်းက သတင်းဌာနတွေ ကျနော့်ကို မေးတာတွေရှိတယ်။ ဓါတုပစ္စည်းတွေတွေ့တယ်လို့ပြောတယ်။ မဟုတ်ပါဘူး အဲဒါတွေက တချို့ဟာတွေက သတင်းကို ကြားပြီးတော့ မှန်းပြီးတော့ ရေးတယ်လို့ထင်ပါတယ်။ နောက်ပြီးတော့ ပစ္စည်းတက်ခိုးတယ် လုတယ်ဆိုတာမျိုး အဲဒီလူတွေကိုလည်းဖမ်းဆီးချုပ်ထားတယ်၊ အဲဒါတွေကတော့လည်း မဟုတ်ပါဘူး ။ လက်ရှိအခြေအနေ အမြင်နဲ့ ပြောရရင် သင်္ဘောကို စွန့်ပစ်သလို ခန့်မှန်းနေတယ်။ ဒါပေမယ့် ဒီလောက်ကြီးတဲ့ သင်္ဘောကြီးကို စွန့်ရင် ဘာဖြစ်လို့ မြန်မာနိုင်ငံထဲကို ရောက်လာသလဲ ဆိုတာကတော့ စဉ်းစားစရာတခုပေါ့နော်။

သားညွန့်ဦး / ဗွီအိုအေ (မြန်မာပိုင်း)
https://burmese.voanews.com

ကုလစုံစမ်းရေးတွေ့ရှိချက် မပြည်စုံနိုင်ဟု Stimson Center သုတေသီသုံးသပ်

Stimson Center ရဲ့ အရှေ့အာရှရေးရှာ အစီအစဉ်ရဲ့ တွဲဖက် ညွှန်ကြားရေးမှူး၊ တရုတ်ဆိုင်ရာ အစီအစဉ်ရဲ့ ညွှန်ကြားရေးမှူး Yun Sun
လူမျိုးတုံးရှင်းလင်းရေး ရည်ရွယ်ချက်နဲ့ ရိုဟင်ဂျာ မူဆလင်တွေကို ရှင်းလင်းခဲ့တယ်ဆိုတဲ့ စွပ်စွဲချက်နဲ့ မြန်မာ စစ်တပ် တာဝန်ရှိသူတွေကို စွဲချက်တင်ဖို့ ကုလသမဂ္ဂ အချက်အလက်ရှာ အဖွဲ့ရဲ့ အစီရင်ခံစာကို မြန်မာ အစိုးရက လက်မခံ ပယ်ချခဲ့ပါတယ်။ မြန်မာနိုင်ငံထဲကို ၀င်ရောက်ခွင့် မရဘဲ ဘင်္ဂလားဒေရှ့်မှာ ခိုလှုံနေကြတဲ့ ရိုဟင်ဂျာ ဒုက္ခသည်တွေနဲ့ တွေ့ဆုံမေးမြန်းပြီး ထုတ်ပြန်လိုက်တဲ့ ကုလ အစီရင်ခံစာက မပြည့်စုံဘူးလို့ အမေရိကန် အခြေစိုက် Stimson Center ရဲ့ အရှေ့အာရှရေးရှာ အစီအစဉ်ရဲ့ တွဲဖက် ညွှန်ကြားရေးမှူး၊ တရုတ်ဆိုင်ရာ အစီအစဉ်ရဲ့ ညွှန်ကြားရေးမှူး Yun Sun က သုံးသပ်ပါတယ်။ CCTV သတင်းတပုဒ်ကို မသိင်္ဂီထိုက် ပြန်ပြောပြမှာပါ။

ရခိုင်ပြည်နယ်တွင်းကနေ ရိုဟင်ဂျာ ဒုက္ခသည် သိန်းနဲ့ချီပြီး ဘင်္ဂလားဒေရှ့်ဘက် ထွက်ပြေးခဲ့ကြရတာက မြန်မာ စစ်တပ်ရဲ့ အင်အားအလွန်အကျွံသုံး နယ်မြေ ရှင်းလင်းမှုတွေကြောင့်လို့ ကုလသမဂ္ဂ လူ့အခွင့်အရေး ကော်မရှင်က ဖွဲ့စည်းတဲ့ မြန်မာ ဆိုင်ရာ အချက်အလက်ရှာ အဖွဲ့က အစီရင်ခံစာ ထုတ်ပြန်ပါတယ်။ ဒါ့အပြင် တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် အပါအ၀င် စစ်တပ် တာဝန်ရှိသူ ၆ ဦးကို နိုင်ငံတကာ စုံစမ်းစစ်ဆေးရေးနဲ့ တရားစွဲဆိုနိုင်ဖို့လည်း အစီရင်ခံစာက တိုက်တွန်းပါတယ်။ မြန်မာ အစိုးရဘက်ကတော့ ဒီအစီရင်ခံစာကို ယတိပြတ် ပယ်ချပါတယ်။

အမေရိကန် အခြေစိုက် ပညာရှင် အဖွဲ့ Stimson Center ရဲ့ အရှေ့အာရှရေးရှာ အစီအစဉ်ရဲ့ တွဲဖက် ညွှန်ကြားရေးမှူး၊ တရုတ်ဆိုင်ရာ အစီအစဉ်ရဲ့ ညွှန်ကြားရေးမှူး Yun Sun ကတော့ ကုလ အစီရင်ခံစာ အပေါ် အခုလို သုံးသပ်ပါတယ်။

"အမှန်တရားဆိုတာက နှစ်ဘက်ရဲ့ ကြားမှာဘဲ အမြဲတမ်း ရှိတယ်လို့ ပြောချင်ပါတယ်။ အချက်အလက်ရှာ အဖွဲ့ အနေနဲ့ ရခိုင်ပြည်နယ်ထဲကို ၀င်ရောက်ခွင့် မရခဲ့ပေမယ့် ဘင်္ဂလားဒေရှ့်မှာ လက်ရှိ နေထိုင်နေကြတဲ့ ဒုက္ခသည် ၇ သိန်းနဲ့တော့ တွေ့ဆုံခွင့် ရခဲ့ပါတယ်။ ရခိုင်ပြည်နယ်ထဲကို ၀င်ရောက်ခွင့် မရခဲ့တော့ သူတို့ ဘာမှ မသိဘူး ဒါကြောင့် ဒါက မျှတတဲ့ အကဲဖြတ်ချက် မဟုတ်ဘူးလို့ ပြောစရာပါ။ အမှန်တရားက နှစ်ဘက်စလုံးရဲ့ ကြားမှာ ရှိပါတယ်။ ဒါပေမယ့်လည်း ရှုပ်ထွေးတဲ့ ပြည်တွင်း နိုင်ငံရေး အကြောင်းတွေရှိနေပြီး ဒေါ်အောင်ဆန်းစုကြည် အနေနဲ့ ဒီကိစ္စ အပေါ် သူမရဲ့ ရှုမြင်ချက်ကို ပြောဖို့ တွန့်ဆုတ်နေဟန် ရှိပါတယ်။ မြန်မာ လူထုက ဒီလူတွေကို ဘင်္ဂါလီလို့ဘဲ ခေါ်ကြတာကြောင့် သူမ အနေနဲ့ ရိုဟင်ဂျာလို့ သုံးနှုန်း ပြောဆိုဖုိ့တောင် ၀န်လေးနေတာပါ။ ဒီကိစ္စနဲ့ ပတ်သက်ပြီး စစ်တပ်နဲ့ အရပ်သား အစိုးရကြားမှာ ပြသနာ ရှိနေပါတယ်။ အမြင် မတူတာတွေ ရှိနေပါတယ်။"

ရိုဟင်ဂျာ ပဋိပက္ခမှာ ရှုထောင့်ပေါင်းစုံက သုံးသပ်နိုင်ဖို့ လိုအပ်တယ်လို့လည်း Stimson Center ရဲ့ အရှေ့အာရှရေးရှာ အစီအစဉ်ရဲ့ တွဲဖက် ညွှန်ကြားရေးမှူး၊ တရုတ်ဆိုင်ရာ အစီအစဉ်ရဲ့ ညွှန်ကြားရေးမှူး Yun Sun က အခုလို ပြောပါတယ်။

ဒါက အပြည့်အ၀ မှန်မှာ မဟုတ်ဘူးလို့ဘဲ ပြောချင်ပါတယ်။ အကြောင်းအရာ အများကြီး ပါဝင်တဲ့ ဒီပဋိပက္ခရဲ့ ရှု့ထောင့် တခုကိုဘဲ အချက်အလက်ရှာ အဖွဲ့ အနေနဲ့ ရွေးပြီး အဓိကထား လုပ်ခဲ့တယ်လို့ ကျမ အနေနဲ့ ယူဆပါတယ်။ မူဝါဒရေးရာ ကျွမ်းကျင် နှံ့စပ်သူတွေ၊ ကောင်းကောင်း နားလည်တဲ့ အရာရှိတွေ လိုအပ်တဲ့ အကြောင်းလည်း သူတို့က ပြောဆိုကြပါတယ်။ သူတို့ အနေနဲ့ တကယ့် ပြသနာကို နားလည်ကြပါတယ်။ နိုင်ငံတွင်းမှာ ရိုဟင်ဂျာတွေ ရှိနေတာကို ပြင်းပြင်းထန်ထန်ကို လက်မခံနိုင်တဲ့မြန်မာ လူထုရဲ့ သဘောထားက နက်နက်ရှိုင်းရှိုင်းကို အမြစ်တွယ်နေတာက ပြသနာပါ။

ဒါက လူမျိုးရေး ခွဲခြားမှုများ ဖြစ်နေပါသလားဆိုတဲ့ မေးခွန်းကိုတော့ Yun Sun က အခုလို တုံ့ပြန်ပါတယ်။

"လူမျိုးရေး အရ ခွဲခြား ဆက်ဆံတာ မဟုတ်ပါဘူး။ ဒါက ကိုးကွယ်ယုံကြည်မှု ပါနေတာပါ။ အချက်အလက်တွေ သမိုင်းဆိုင်ရာတွေလည်း ပါနေပါတယ်။ နောက် တချက်ကတော့ မူဆလင်တွေမှာ မိသားစုတွေက ပိုပြီး ကြီးတယ်၊ ဗုဒ္ဓဘာသာဝင်တွေထက် ကလေးတွေ ပိုပြီးမွေးတယ် ဆိုပြီး မြန်မာ လူထုကြားမှာ ယုံကြည်နေကြတဲ့ အချက်ပါ။ ဒီကိစ္စ အပေါ်မှာလည်း မြန်မာ ပြည်သူတွေက စိုးရိမ်ကြပါတယ်။ ဒါကြောင့်မို့လို့ အချက်အလက်ရှာ အဖွဲ့ အနေနဲ့ ပြသနာ တခုလုံးကို ပုံပေါ်လာအောင် ဘက်ပေါင်းစုံ ပါဝင်အောင် လုပ်ရမယ်လို့ ကျမ ယူဆပါတယ်။"

မြန်မာ အစိုးရဘက်ကတော့ လူ့အခွင့်အရေး ချိုးဖောက်မှုတွေကို လုံးဝ လက်သင့်မခံဘူးလို့ ပြောဆိုနေသလို လူ့အခွင့်အရေး ချိုးဖောက်မှုတွေကို တရားစွဲဆိုကြဖို့ တိုက်တွန်းထားတာပါ။ ဒါ့အပြင် ဘင်္ဂလားဒေရှ့်ဘက်ကို ထွက်ပြေးရသူတွေ ပြန်လာကြဖို့လည်း ဖိတ်ခေါ်ပါတယ်။ ဒါပေမယ်လို့ ရိုဟင်ဂျာ ဆိုတာကိုတော့ လက်မခံပါဘူး။ ရခိုင်ပြည်နယ်ထဲကို ကိုယ်တိုင် သွားရောက်ခဲ့ကြတဲ့ ကုလသမဂ္ဂ တာဝန်ရှိသူတွေကတော့ မြန်မာနိုင်ငံ အခြေအနေဟာ ရိုဟင်ဂျာတွေ ဌာနေပြန်နိုင်တဲ့ အခင်းအကျင်းမျိုး မရှိသေးဘူးလို့ ပြောဆိုထားကြပါတယ်။

မသိင်္ဂီထိုက် / ဗွီအိုအေ (မြန်မာပိုင်း)
https://burmese.voanews.com

ဖားကန့် ကျောက်စိမ်းတွင်း ပြိုကျမှု လူ (၂)ဦးသေ၊ (၁)ဦး ဒဏ်ရာရ

ဖားကန့် ကျောက်စိမ်းတွင်း ပြိုကျမှု လူ (၂)ဦးသေ၊ (၁)ဦး ဒဏ်ရာရ
ဖားကန့် ဆိပ်မှု (ဆိုင်းတောင်) ကျေးရွာအုပ်စု Kawng San ကျေးရွာ နှင့် မိုးကာရွာ ကြားတွင် ကျောက်စိမ်းတွင်း ကမ်းပါး ပြိုကျမှုကြောင့် ရေမဆေးသမား (၂)ဦး သေဆုံးပြီး (၁)ဦး ဒဏ်ရာ ရရှိသွားပါသည်။

သြဂုတ်လ (၂၉)ရက်ည (၈)နာရီ အချိန် 'အောင်ဟိန်းမင်း ကုမ္ပဏီ' ဟောင်း လုပ်ကွက်တွင် တနိုတပိုင် ကျောက်စိမ်းတူးဖော်သူ (၃)ဦးသည် ကမ်းပါးပြိုလာသောကြောင့် ပြုတ်ကျသွားရာမှ ယခုလိုသေဆုံး ထိခိုက်မှု ဖြစ်ပွားခြင်း ဖြစ်သည်ဟု အခင်းဖြစ်ပွားနေရာရောက်ရှိသူများ ပြောပြသည်။

ယခုလို ရေမဆေးသမားများ မကြာခဏ မြေစာပုံပြိုကျခြင်း၊ ကမ်းပါးပြိုကျမှုကြောင့် လူသေဆုံးမှုများလာသည့်အပေါ် အစိမ်းရောင်အဖွဲ့ (Green Land) မှ တာဝန်ရှိသူ ဦး Ying Hkaw ယခုလို
သုံးသပ်ပြောဆိုသည်။

“ကျောက်မျက်တူးဖော်တဲ့ကုမ္ပဏီများက နိုင်ငံတောအစိုးရ ပြဌာန်းထားတဲ့ ဥပဒေအတိုင်း လိုက်နာဆောင်ရွက်ခြင်းမရှိဘူး။ ဘာကြောင့်လဲဆိုတော့လုပ်ငန်းတွေ ပိတ်သိမ်းချိန်မှာ မြေ ပြန်ဖို့ခြင်း မရှိဘူး။ ပွင့်လင်းရာသီမှာ စက်ကရိယာတွေကိုလိုအပ်တာထက် အလွန်အကျုံ အသုံးပြုတာကြောင့် ကမ်းပါးတွေကွဲအက်လာတယ်။ မိုးရာသီဆိုတော့ ကမ်းပါးတွေပြို။ လူသေဆုံးမှုများလာတယ်။”

ရေမဆေးကျောက်တူးသမားများသည်လည်း မဆင်မခြင် လုပ်ကိုင်စားသောက်မှု၊ ဥပဒေနဲ့မညီသော သက်တမ်းကုန် လုပ်ကွက်များတွင် ဝင်ရောက်တူးဖော်ခြင်း စသည်တို့ကို မလုပ်သင့်ကြောင်း နှင့် တနိုင်တပိုင် လုပ်ကိုင်ရာတွင် သက်ဆိုင်ရာအစိုးရအာဏာပိုင်များကိုခွင့်တောင်းပြီး လုပ်ကိုင်စားသောက်စေလိုကြောင်း ကို သူ ဆက်ဆိုသည်။

ယခုလက်ရှိ ဒဏ်ရာရရှိသူ ရေမဆေးသမား (၁)ဦး ဖားကန့်ဆေးရုံကြီးတွင် ဆေးကုသမှု ခံယူနေကြောင်း မေးမြန်းသိရသည်။

Kachinnews
http://kachinnews.com/

ရှမ်းမြောက် မူဆယ်မြို့နယ်တွင် အစိုးရတပ်နှင့် မြောက်ပိုင်းမဟာမိတ် တိုက်ပွဲ ဖြစ်

မုန်းကိုးမြို့ပြင် လမ်းဘေး မိုင်းရှင်းနေတဲ့ မြန်မာအစိုးရ စစ်သားများ
ရှမ်းပြည်မြောက်ပိုင်း မူဆယ်မြို့နယ် နမ်အွမ် ကျေးရွာ အနီး မြောက်ပိုင်းမဟာမိတ် တပ်ပေါင်းစု နှင့် မြန်မာအစိုးရတပ် တို့ သြဂုတ် (၂၉) ယမန်နေ့ တိုက်ပွဲကြောင့် ဒေသခံများ တောင်ယာ လုပ်ကိုင်ရန် စိုးရိမ်မှုများ ရှိနေကြပါသည်။

တိုက်ပွဲ ဖြစ်ပွားရာ နေရာ Bum Pri Bum နယ်မြေသည် ကချင်လွတ်လပ်ရေးတပ်မတော် KIA တပ်ရင်း (၉) နယ်မြေ ဖြစ်ပြီး Northern Alliance-Burma တိုင်းရင်းသား တော်လှန်ရေး တပ်ပေါင်းစု တပ်ဖွဲ့များ ရှိရာသို့ အစိုးရတပ် စစ်ကြောင်းများ ဝင်ရောက်လာကြောင့် တိုက်ပွဲ ဖြစ်ပွားရသည်ဟု ဒေသခံ တစ်ဦး ကချင်သတင်းဌာန KNG ကို ယခုလိုပြောသည်။

“တိုက်ပွဲ ဖြစ်တာတော့ မကြာဘူး။ မနေ့က မနက်ပိုင်း ၈ နာရီလောက်မှာ ၁ကြိမ်၊ မွန်းလွဲပိုင်း ၃ နာရီ လောက်မှာ ၁ ကြိမ် ပြန်တိုက်ကြတယ်။ မြန်မာအစိုးရတပ် ဖက် က လက်နက်ကြီး ပစ်ခတ်သံတွေလည်း ကြားနေရတယ်။”

ယနေ့ တိုက်ပွဲ မကြားရသော်လည်း ပြန်လည် ဖြစ်ပွားလာမည်ကို ဒေသခံ ပြည်သူများ တောင်ယာ လုပ်ကိုင်ရန် စိုးရိမ်နေကြပါသည်။

Kachinnews
http://kachinnews.com/

အ.ပ.က ပုဒ်မ ၃ နဲ့ ဒေါ်ဝင်းဝင်းနု ကို စွဲချက်တင်

ရန်ကုန်အရှေ့ပိုင်း ခရိုင်တရားရုံးကို တွေ့ရစဉ် / Photo: RFA
၁၉၉၃ ခုနှစ်က မန္တလေးဘီယာစက်ရုံကို စစ်အစိုးရနဲ့ ဖက်စပ်လုပ်ကိုင်ခဲ့တဲ့ မြန်မာရောင်ခြည်ဦး ကုမ္ပဏီ ပိုင်ရှင် ဒေါ်ဝင်းဝင်းနုကို အများနဲ့ဆိုင်သောပစ္စည်းများ ကာကွယ်စောင့်ရှောက်ရေး ဥပဒေ အ.ပ.က ပုဒ်မ ၃ နဲ့ ဒီကနေ့ ဒေါ်ပုံမြို့နယ် အရှေ့ပိုင်းခရိုင်တရားရုံးက စွဲချက်တင်လိုက်ပါတယ်။

ဒေါ်ဝင်းဝင်းနုရဲ့ မိသားစုဝင်တဦးဖြစ်ပြီး အလုပ်အတူတူလုပ်ကိုင်ခဲ့တဲ့ ဦးကျော်လင်းက အခုလို ပြောပါတယ်။

"ဒီကနေ့မှာ သူ့ကို အမှု ၃ မှုနဲ့ စွဲထားတယ်လေ၊ အပက ၃ နဲ့ အဲ ၃ မှုစလုံးကို စွဲချက်တင်လိုက်တယ်လေ၊ တရားသူကြီးက ပြစ်မှုမြောက်တယ်လို့ ယူဆပြီးတော့ စွဲချက်တင်လိုက်တယ်"

အဲဒီလို စွဲချက်တင်လိုက်တဲ့အတွက် ဒေါ်ဝင်းဝင်းနုဟာ အာမခံမရတဲ့အပြင် ထောင်ဒဏ် ၁၀ နှစ် သို့မဟုတ် တစ်သက်တစ်ကျွန်းအထိ ကျခံရမယ့်ကိန်းရှိနေပါတယ်။

အသက် ၆၂ နှစ် ရှိပြီဖြစ်တဲ့ စီးပွားရေးလုပ်ငန်းရှင် ဒေါ်ဝင်းဝင်းနုဟာ ပြီးခဲ့တဲ့ ဇန်န၀ါရီလကတည်းက စင်္ကာပူကနေ ပြန်အရောက်မှာ ဖမ်းဆီးခံခဲ့ရတာဖြစ်ပါတယ်။ လက်ရှိမှာ ကျန်းမာရေးကောင်းမွန်မှုမရှိဘူးလို့ ဦးကျော်လင်း က ပြောပါတယ်။

မန္တလေးဘီယာစက်ရုံလည်ပတ်စဉ် ၁၉၉၄ နဲ့ ၁၉၉၈ ခုနှစ်အတွင်းက ဘီယာချက်ဖို့ လယ်ယာစိုက်ပျိုးရေး ဝန်ကြီးဌာနကနေ သကြားတွေဝယ်ယူရာမှာ ဈေးနှုန်းကို မမှန်မကန် တင်ပြခဲ့တယ်ဆိုပြီး အထူးစုံစမ်းစစ်ဆေးရေး ဌာန (စသုံးလုံး) က ဖမ်းဆီးခဲ့တယ်လို့ ကနဦး သတင်းတွေမှာ ဖော်ပြထားပါတယ်။

ဒီအမှုအတွက် တရားလိုပြသက်သေ ၁၀ ဦးနီးပါကို စစ်ဆေးခဲ့ပြီးဖြစ်ပါတယ်။

မန္တလေး ဘီယာစက်ရုံကို အမှတ် ၁ စက်မှုဝန်ကြီးဌာနနဲ့ ဖက်စပ်လုပ်ကိုင်ခဲ့ပြီး ၁၉၉၈ ခုနှစ် နိုဝင်ဘာလ ၁ဝ ရက်နေ့မှာ ဝန်ကြီး ဦးအောင်သောင်းရဲ့ အမိန့်နဲ့ အစိုးရက ပြန်ပြီးသိမ်းယူခဲ့ပါတယ်။

အမှုကို လာမယ့် စက်တင်ဘာ ၆ ရက်နေ့ကို ချိန်းဆိုလိုက်ပြီး တရားခံပြသက်သေတွေကို ဆက်လက်စစ်ဆေးသွား မှာဖြစ်ပါတယ်။

RFA Burmese
https://www.rfa.org
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ