ရှမ်းပြည်နယ် နမ္မတူ - ကျယ်ခေါင်းလမ်းက သစ်မှောင်ခိုကားတွေကို တွေ့ရစဉ်/ Gammaw.com - facebook |
အစိုးရက နယ်စပ်ကနေ ပြင်ပကို သစ်တင်ပို့တာတွေကို တရားဝင်ပိတ်ပင်ထားတဲ့ကြားက အခုလို မှောင်ခိုကားတွေ နေ့စဉ်သွားနေကြတာဖြစ်ပါတယ်။
အမည်မဖော်လိုတဲ့ မူဆယ်မြို့ ဒေသခံတစ်ဦးက အခုလို ပြောပါတယ်။
"မြန်မာတစ်ပြည်လုံးက သစ်ခုတ်မယ်ထင်တယ်။ နည်းတာမဟုတ်ဘူးလေ။ တရုတ်ပြည်ဘက်ကို ပို့တာလေ။ တခါတလေ ၁၀ စီး အစီး ၂၀၊ ၃၀ အဲဒီလောက်အထိ နေ့တိုင်းနေ့တိုင်းလေ။ အမြဲတမ်းလိုလိုပဲ"
အဲဒီလို တရားမ၀င်သစ်ကားတွေ ဖြတ်သန်းသွားလာနေတာ ၅ နှစ်ခန့်ရှိနေပြီလို့လည်း သိရပါတယ်။
ရှမ်းပြည်နယ် မူဆယ်မြို့ဟာ ကောင်းခါးပြည်သူ့စစ် စိုးမိုးတဲ့နယ်မြေဖြစ်ပြီး အဲဒီလို တရားမ၀င်သစ်ပို့ဆောင်နေတဲ့ ကိစ္စမှာလည်း ပါဝင်နေတယ်လို့လည်း အမည်မဖော်လိုတဲ့ ဒေသခံတစ်ဦးက ပြောပါတယ်။ တရားမ၀င်သစ် သယ်ဆောင်တဲ့အခါမှာ တစ်ခါတရံ ကောင်းခါးပြည်သူ့စစ်ရဲ့ တံဆိပ်တွေနဲ့ ၀တ်စုံဝတ်ဆင်သူတွေကိုလည်း တွေ့ရတယ်လို့ ပြောပါတယ်။
အဲဒီဒေသမှာ အစိုးရအဖွဲ့အစည်းတွေ၊ သက်ဆိုင်ရာဌာနတွေရှိကြပေမယ့် စစ်ဆေးတာတွေကိုတော့ မတွေ့ရဘူးလို့ ဆိုပါတယ်။
RFA Burmese
https://www.rfa.org/burmese
နမ္မတူ-ကျယ်ခေါင်းလမ်းမှာ တရုတ်ကိုပို့မယ့် သစ်မှောင်ခိုကားတွေ နေ့စဉ်သွားလာနေ
Reviewed by THITHTOOLWIN
on
22:00
Rating: