လက်ပံတောင်းတောင် အကြမ်းဖက်မှု သံဃာတော်တွေ ရန်ကုန်မှာ ဆန္ဒပြ (ရုပ်/သံ)

ဆူးလေမှာ ဆန္ဒပြခဲ့တဲ့ သံဃာတော်တွေဟာ ဗိုလ်တစ်ထောင်မြို.နယ်ရှိ မြန်မာ့ စီးပွားရေး ဦးပိုင် လီမီတက်ရုံးရှေ.ကို ဆက်လက် ချီတက်သွားခဲ့ပြီး ဆက်လက် ဆန္ဒပြခဲ့ကြပါတယ်။
(ရိုက်ကူး-ဇေကြီး၊ ညီငယ်) DVB TV News

ရုပ်/သံ ကြည့်ရှုရန် ဒီနေရာကို နှိပ်ပါ

လက်ပတောင်းတောင် အရေးမှာ သံဃာတော်တွေ ကို အကြမ်းဖက်မှုကိစ္စ နဲ့ပတ်သက်ပြီး ရန်ကုန် မြို့ ရှိသံဃာ အပါး ၃၀ ခန့် ဆူးလေ ဘုရားမှ ဦးပိုင်ကုမ္ပဏီ အထိ လမ်းလျှောက် ချီတက် ဆန္ဒ ထုတ်ဖော်။



လက်ပံတောင်းတောင် အကြမ်းဖက်မှုကို မြန်မာသံဃာတော်များ ဘန်ကောက်မြို့ရှိ မြန်မာသံရုံးရှေ့တွင် ဆန္ဒပြ

၃၀-၁၁-၂၀၁၂(ထိုင်းနိုင်ငံ၊ဘန်ကောက်)

(၂၉-၁၁-၂၀၁၂) နေ့ မနက်ပိုင်း အချိန်မှာ ဖြစ်ပွားခဲ့သည့် လက်ပံတောင်းတောင် အကြမ်းဖက်မှုကို ကန့်ကွက် ရှုတ်ချသည့် အနေဖြင့် ထိုင်းနိုင်ငံရောက် မြန်မာ သံဃာတော် အပါး(၅၀)ကျော်က ယနေ့ နေ့လည်(၁)နာရီ ၁၅ မိနစ်အချိန်မှ စတင်ကာ (၂)နာရီ ၃၀ မိနစ်အချိန်ထိ ဘန်ကောက်မြို့ရှိ မြန်မာသံရုံးရှေ့တွင် မေတ္တာသုတ် ရွတ်ဆိုခြင်းနှင့် မြန်မာအစိုးရကို
 တောင်းဆိုချက်(၅)ချက်တောင်းဆိုပြီး ဆန္ဒပြ ကြွချီခဲ့ပါတယ်။

ရုပ်/သံ ကြည့်ရှုရန် ဒီနေရာကို နှိပ်ပါ



လက်ပံတောင်းတောင် အကြမ်းဖက်မှုကို  မြန်မာသံဃာတော်များ ဘန်ကောက်မြို့ရှိ မြန်မာသံရုံးရှေ့တွင် ဆန္ဒပြ ။ ဓါတ်ပုံ - MNN





 

သံဃာတော်များကို စစ်ကိုင်းတိုင်း ရဲတပ်ဖွဲ့တရားဝင် တောင်းပန်မည်


မန္တလေး ဆေးရုံကြီးတွင် ဆေးကုသမှု ခံယူနေသည့် အကြမ်းဖက်ခံရသည့် သံဃာတော်များကို တွေ့ ရစဉ်။
မုံရွာ၊ နိုဝင်ဘာ ၃၀

လက်ပန်တောင်းတောင် ကြေးနီး စီမံကိန်းကို ငြိမ်းချမ်းစွာ ကန့်ကွက် ဆန္ဒပြနေကြသည့် ရဟန်း သံဃာတော်များနှင့် ဒေသခံပြည်သူလူထုကို အကြမ်းဖက် နှိမ်နင်း ဖြိုခွဲခဲ့သည့် စစ်ကိုင်းတိုင်း ဒေသကြီး ရဲတပ်ဖွဲ့က ဒေသခံ ရဟန် သံဃာတော်များကို ဝန်ချတောင်းပန်ပွဲတစ်ရပ် မနက်ဖြန် ၂၀၁၂ခုနှစ် ဒီဇင်ဘာလ(၁)ရက်၊ စနေနေ့တွင် မုံရွာမြို့ ရွှေစည်းခုံစေတီတော်ရှိ၊
တင်ဝင်းထွန်း ဓမ္မာရုံ၌ မွန်းလွဲ ၁နာရီတွင် ပြုလုပ်မည်ဖြစ်ကြောင်း ဒေသရဲတပ်ဖွဲ့နှင့် နီးစပ်သော သတင်းရပ်ကွက်ထံမှ သိရှိရသည်။

အဆိုပါ တောင်းပန်ပွဲသို့ တက်ရောက်ရန် မုံရွာမြို့ပေါ်ရှိ ရဟန်းသံဃာတော် အပါး ၁၀၀အထက် ရှိသော ကျောင်းတိုက်များမှ ကျောင်းထိုင် ဆရာတော်ကြီးများကို ပင့်ဖိတ်ထားပြီး မြို့မိမြို့ဖများကိုလည်း ဖိတ်ကြားထားကြောင်း အဆိုပါ သတင်းရပ်ကွက်က ဆိုသည်။

The Voice Weekly

အကြမ်းဖက်မှု နဲ့ ပတ်သက်ပြီး ဒေါ်အောင်ဆန်းစုကြည် ရှုတ်ချ (ရုပ်/သံ)

လက်ပံတောင်း အကြမ်းဖက်မှု နဲ့ ပတ်သက်ပြီး မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်း စုကြည်က ရှုတ်ချ လိုက်ပါတယ်။

ရုပ်/သံ ကြည့်ရှုရန် ဒီနေရာကို နှိပ်ပါ


ဓါတ်ပုံ - Aung Nay Myo

 

ဒေါ်အောင်ဆန်းစုကြည် မုံရွာမြို့ တွင် နိုဝင်ဘာလ ၃၀ ရက်နေ့ နံနက် ၈နာရီခွဲအချိန်က ပြောကြားခဲ့သော မိန့်ခွန်းအပြည့်အစုံ

ဓါတ်ပုံ - Eleven Media Group
အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည် မုံရွာမြို့ အုန်းခြံ ရပ်ကွက်၊ ဇက်ဆိပ် သောင်ပြင်တွင် နိုဝင်ဘာလ ၃၀ ရက်နေ့ နံနက် ၈နာရီခွဲ အချိန်က ဒေသခံ ပြည်သူလူထုအား မိန့်ခွန်း ပြောကြား ခဲ့ကြောင်း သိရသည်။

နိုဝင်ဘာလ ၂၉ ရက်နေ့ ညနေပိုင်းကလည်း ဆားလင်းကြီးမြို့နယ်၊ ကံကုန်းကျေးရွာတွင် မိန့်ခွန်းပြောကြားရာ၌ လက်ပံတောင်းတောင် အရေးနှင့်ပတ်သတ်၍ အနည်းငယ်သာ ပါဝင်ခဲ့ပြီး နိုဝင်ဘာလ ၃၀ ရက်နေ့ နံနက်က ပြောကြားခဲ့သော မိန့်ခွန်းတွင် လက်ပံတောင်းတောင် အရေးအား အဓိကထား ပြောကြားခဲ့ကြောင်းလည်း သိရသည်။

မိန့်ခွန်းအပြည့်အစုံမှာ အောက်ပါအတိုင်း ဖြစ်ပါသည်။

တစ်ဖက်တည်း ကိုယ်လိုချင်တာချည်း တောင်းလို့မဖြစ်ဘူး။ ကျွန်မတို့နိုင်ငံအတွက် အကောင်းဆုံးအဖြေကို အားလုံးကနေ အတူတူရှာရမယ်။ အဖြေတစ်ခုရှာတယ်ဆိုတာဟာ အပေးအယူ လုပ်တတ်ရမယ်။ အလျော့အတင်း လုပ်တတ်ရမယ်။ ကျွန်မအမြဲပြောတယ်။ လောကကြီးက အနတ္တလောကပဲ အနတ္တဆိုတာ  ကိုယ်စိုးမိုးလို့ ရတာမဟုတ်ဘူး။ ကိုယ်ဖြစ်ချင်တိုင်း ဘာမှ ၁၀၀ ရာခိုင်နှုန်း ဖြစ်လို့မရဘူး။ ငါဖြစ်ချင်တိုင်း ၁၀၀ ရာခိုင်နှုန်းဖြစ်မယ်ဆိုတဲ့ စိတ်ဓာတ်နဲ့ သွားလို့တော့ ကျွန်မတို့က ဒီမိုကရေစီနိုင်ငံကိုတော့ ကောင်းကောင်းထူထောင်လို့ ရမှာမဟုတ်ပါဘူး။

ကျွန်မပွင့်ပွင့်လင်းလင်း ပြောမှာနော်။ ကျွန်မပြည်သူတွေအကြိုက်ကို လိုက်မပြောဘူး။ ပြည်သူတွေအကြိုက်ကို လိုက်ပြောတဲ့သူလည်း ပြည်သူတွေကို စေတနာရှိလို့ မဟုတ်ဘူး။ ပြည်သူတွေကို အသုံးချချင်တဲ့သူပဲ။

ကျွန်မဒီကိုလာတဲ့ကိစ္စက လက်ပံတောင်းတောင်ကိစ္စနဲ့ လာတာပဲ။ ဘာလဲဆိုတော့ ကျွန်မတို့နိုင်ငံမှာ ဒီလို လိပ်ခဲတည်းလည်းနဲ့ ပြဿနာတစ်ခု ဖြစ်နေတယ်ဆိုတာ မသင့်တော်ဘူး။ နောက်ပြီးတော့ ဖြစ်နေတဲ့ ကိစ္စတွေမှာ အိမ်နီးချင်းနိုင်ငံတစ်ခုကလည်း ပါနေတယ်။ တရုတ်နိုင်ငံပေါ့။ အားလုံးခေါင်းထဲမှာ ထားရမှာက ကျွန်မတို့နိုင်ငံဟာ ဒီမိုကရေစီနိုင်ငံအဖြစ်နဲ့ ထူထောင်မယ်ဆိုရင် ကျွန်မတို့ဟာ ဒီမိုကရေစီနိုင်ငံတစ်ခုရဲ့ သိက္ခာနဲ့ ကိုက်ညီအောင် နေနိုင်ရမယ်။ အဲဒီဟာမှာ ဘာပါလဲဆိုတော့ နိုင်ငံတကာရဲ့ လုပ်ထုံးလုပ်နည်းတွေနဲ့ ကိုက်ညီအောင်လို့ နေနိုင်ရမယ်။ ကျွန်မတို့ နိုင်ငံရဲ့ ပြဿနာက နှစ်ပေါင်း ၅၀ လောက် အာဏာရှင်လက်အောက်မှာ နေခဲ့ရတယ်။  နှစ်ပေါင်း ၅၀ လောက် အာဏာရှင်လက်အောက်မှာ နေခဲ့တဲ့အချိန်မှာ လုပ်ပုံလုပ်နည်းတွေဟာ ပြည်သူရဲ့ဆန္ဒမပါတဲ့ လုပ်ပုံလုပ်နည်းတွေ ဖြစ်နေတယ်။ ပွင့်လင်းမြင်သာမှုဆိုတာလည်း မရှိခဲ့ဘူး။ ပြည်သူတွေရဲ့ဆန္ဒကို ထည့်ပြီးတွက်တယ်ဆိုတာလည်း မရှိခဲ့ဘူး။ အဲဒီတုန်းက လုပ်ခဲ့တဲ့ အကျိုးဆက်တွေကို ကျွန်မတို့ ဆက်ပြိးတော့ ခံစားနေရတယ်။ ဒီလို ခံစားနေရတဲ့နေရာမှာ နှစ်ဖက် စဉ်းစားရမယ်။ အရင်တုန်းက ပြည်သူရဲ့ဆန္ဒမပါဘဲနဲ့ အာဏာရှင်နည်းနဲ့ လုပ်ခဲ့တဲ့ ကိစ္စတွေရဲ့ အကျိုးဆက်တွေကို ခံစားတဲ့နေရာမှာ ဘယ်လောက်ထိ တာဝန်ရှိတယ် မရှိဘူးဆိုတာကို စဉ်းစားရမယ်။ အရေးကြီးဆုံးကိစ္စတစ်ခုက တာဝန်ပဲ။ ကျွန်မကတော့ တာဝန်ရှိမှုကို အင်မတန်မှ လေးစားပါတယ်။ ကျွန်မတို့အားလုံးဟာ ဒီလိုစိတ်ဓာတ်ရှိရမယ်။ ဘ၀ရဲ့ဆုံးခန်းမှာ ငါဟာ တာဝန်တွေအားလုံး ကျေခဲ့ပြီ။ တတ်နိုင်သလောက် ကျေခဲ့ပြီပေါ့။ ၁၀၀ ရာခိုင်နှုန်းလည်း ကျေချင်မှကျေနိုင်မှာ။ တစ်ခါတလေမှာ တာဝန်ဆိုတာဟာ ဟိုဘက်ကတာဝန်၊ ဒီဘက်ကတာဝန် ကိုယ် ပိုပြီးအလေးထားရမယ်ဆိုတဲ့ တာဝန်ကို လုပ်ရတယ်။ တာဝန်တွေအားလုံး ကျေတယ်ဆိုတာကတော့ ဖြစ်ချင်မှဖြစ်နိုင်မယ်။ ဒါပေမယ့် အဓိကယူထားတဲ့ တာဝန်တွေတော့ ကျေတယ်ဆိုတာ ဖြစ်စေချင်တယ်။ ကျွန်မတို့နိုင်ငံက ကိုယ့်နိုင်ငံသားတွေ အားလုံးတာဝန်ရှိတယ်ဆိုတာ လက်ခံထားရမယ်။ ဒီတော့ အာဏာရှင်စနစ်အောက်က ကတိက၀တ်ပြုခဲ့တဲ့ ဟာတွေကို ကျွန်မတို့အခုခေတ်မှာ တည်ဖို့လိုလား အလေးထားဖို့လိုလားဆိုတာကို မေးရမယ်။ အဲဒီလိုမေးတဲ့အခါမှာ နိုင်ငံတကာမှာ ကျွန်မတို့နိုင်ငံရဲ့ အနေအထားကိုလည်း ပြန်ပြီးတော့ကြည့်ရမယ်။ နိုင်ငံတကာရဲ့ လုပ်ထုံးလုပ်နည်းအရဆိုရင် နိုင်ငံနှစ်နိုင်ငံ ကြားထဲမှာ ယူထားတဲ့ သဘောတူညီချက်တွေကို လေးစားရတယ်။ လိုက်နာရတယ်။ ပြည်သူတွေရဲ့ စိတ်ဓာတ်ဆန္ဒမပါဘဲနဲ့ ယူထားတဲ့ သဘောတူညီချက်တွေကို အဲဒါဟာ တစ်ချို့ဟာတွေက လေးစားရမှာပဲ လိုက်နာရမှာပဲ။ ဘာဖြစ်လို့လဲဆိုတော့ နိုင်ငံရဲ့မျက်နှာနဲ့။ ကျွန်မတို့ရဲ့ အနေအထားက ဒီလိုပါပဲ။ ဆုံးဖြတ်တဲ့ နေရာမှာ ငါမပေးခဲ့တဲ့ ကတိက၀တ်တွေမို့လို့ ငါလုံးဝ မလေးစားဘူးဆိုပြီး လုပ်လို့လည်းမရဘူး။ ဘာဖြစ်လို့လည်းဆိုတော့ ဟိုဘက်ဒီဘက်ဆိုတာ ရှိတယ်။ ကိုယ့်ဘက်ကိုချည်း ကြည့်လို့မရဘူး။ လက်ပံတောင်းတောင်နဲ့ ပတ်သက်တဲ့ကိစ္စနဲ့ ပတ်သတ်လို့ရှိရင် ကျွန်မတို့နိုင်ငံနဲ့ တရုတ်နိုင်ငံက္ပကုမ္ပဏီနဲ့ ဘယ်လိုသဘော တူညီချက်တွေလုပ်ခဲ့လဲဆိုတာ ပြည်သူတွေအနေနဲ့ သိရမယ်လို့ ကျွန်မယုံကြည်တယ်။ သိပိုင်ခွင့်ရှိတဲ့ အပေါ်မှာ အခြေခံပြီးတော့ ညှိနှိုင်းပြီးတော့ ဆွေးနွေးတိုင်ပင်ရမယ်။ အခုဟာက ဒီမှာ လက်ပံတောင်းတောင်ပတ်ဝန်းကျင် ပျက်စီးသွားတယ်ဆိုတာ ဘယ်သူမှ ငြင်းလို့မရဘူး။ ဒါပေမယ့် ဒီကိစ္စတွေ စတာကတော့ အခု ၂၀၁၀ မှ စတာ မဟုတ်ပါဘူး။ ကြေးနီစီမံကိန်းကို စပြီးလုပ်တာက ၁၉၈၄ ခုနှစ်က မဆလ အစိုးရခေတ်မှာ စတယ်လို့ နားလည်ပါတယ်။ နောက်ပိုင်းမှာ အိုင်ဗင်ဟိုး ကုမ္ပဏီက ၉၂ ခုနှစ်မှာ ၀င်လာတယ်။ နောက်ပိုင်း ၂၀၁၀ ကျမှ လက်ရှ္ပိကုမ္ပဏီက ၀င်လာတယ်။ အဲတော့္ပကုမ္ပဏီ အဆက်ဆက် မြန်မာနိုင်ငံက လုပ်ငန်းမှာ ပါဝင်ခဲ့တာ အခုမှဖြစ်တာ မဟုတ်ဘူး။ ဒေသခံတွေအနေနဲ့လည်း နည်းနည်းနဲ့ ကြေးနီတွေကို တူးတဲ့လုပ်ငန်းတွေကို လုပ်နေတာလည်း တော်တော်ကြာပါပြီ။ ဒါလည်း အများအသိပဲဖြစ်ပါတယ်။ အရင်တုန်းက ကျွန်မတို့နိုင်ငံသာမက တစ်ကမ္ဘာလုံးမှာ ပတ်ဝန်းကျင် ထိန်းသိမ်းရေးနဲ့ပတ်သက်လို့ အင်မတန်မှ နည်းပါတယ်။ အလေးထားတာလည်း မရှိခဲ့ပါဘူး။ အဲတော့ ကျွန်မတို့ပတ်ဝန်းကျင် ပျက်စီးလာတာဟာ အခုမှ မဟုတ်ပါဘူး နည်းနည်းနှစ်နဲ့ကြာပြီဆိုတာ အားလုံးသိပြီးဖြစ်တယ်လို့ ထင်ပါတယ်။ အဲဒါ ဟုတ်တယ်မဟုတ်လား (ဟုတ်ပါတယ်)။ ကျွန်မပြောချင်တာက တာဝန်ယူစိတ်ရှိရမယ်။ ပြသနာတစ်ခု ဖြစ်လို့ရှိရင် တစ်ဖက်ကိုပဲ အားလုံးပုံချတဲ့စိတ်ဓာတ်နဲ့ လုပ်လို့မဖြစ်ပါဘူး။ ကိုယ့်တာဝန် ကိုယ်ယူနိုင်တဲ့ စိတ်ဓာတ်ရှိရမယ်။ အဲဒါဟာ လူတစ်ယောက်ရဲ့သိက္ခာ ၊ မာနလို့လည်း ပြောလို့ရတယ်။ အဲဒါဟာ နိုင်ငံတစ်ခုရဲ့ သိက္ခာ၊ နိုင်ငံတစ်ခုရဲ့ မာနလို့လည်း ပြောလို့ရတယ်။ ဒါဟာ ထားသင့်တဲ့ မာနတစ်ခုပါ။ အခုချိန်မှာ ဖြစ်နေတာတော့ နောက်ဆုံးမှာလာပြီးတော့ တာဝန်ယူတဲ့္ပကုမ္ပဏီနဲ့ ဖြစ်တာပေါ့နော်။ အရင်တုန်းက္ပကုမ္ပဏီတို့၊ မဆလခေတ်တုန်းက လုပ်ခဲ့တဲ့ကိစ္စတွေကို ကျွန်မတို့ လုံးဝလျစ်လျူရှု ထားလို့ မရဘူး။ တစ်ဖက်သတ်ကြည့်လို့ မရဘူး။ ကျွန်မက ပွင့်ပွင့်လင်းလင်း ပြောပါမယ်။ ဒါကိုပြည်သူက ကြိုက်ချင်ရင်လည်း ကြိုက်မယ်။ မကြိုက်ချင်လည်း မကြိုက်ဘူး။ ကျွန်မအမြင်အတိုင်း အမှန်အတိုင်းပဲပြောမယ်။ ပြည်သူကို လှည့်ဖြားပြီး ပေါ်ပြူလာဖြစ်အောင် မစည်းရုံးဘူး။ ကျွန်မတို့ရဲ့ အိမ်နီးချင်းနိုင်ငံတွေနဲ့ အဆင်ပြေအောင် နေတတ်ရမယ်။ အိမ်နီးချင်းနိုင်ငံဆိုတာ တရုတ်နိုင်ငံတစ်ခုတည်းပြောတာ မဟုတ်ဘူး။ အိန္ဒိယရှိတယ်။ ထိုင်းနိုင်ငံရှိတယ်။ ဘင်္ဂလားဒေ့ရ်ှရှိတယ်။ လာအိုရှိတယ်။ ကျွန်မတို့ အိမ်နီးချင်းနိုင်ငံတွေအားလုံးနဲ့ အဆင်ပြေအောင် နေတတ်ရမယ်။ အဲဒါဟာ နိုင်ငံကြီးတစ်ခုရဲ့ တာဝန်ပဲ။ နိုင်ငံကြီးတစ်ခုရဲ့ သိက္ခာပဲ။ အဆင်မပြေတဲ့ကိစ္စတွေရှိရင် ညိနှိုင်းတိုင်ပင် ဖြေရှင်းရမယ်။ အဲလိုလုပ်မှ ကမ္ဘာ့အလယ်မှာ တင့်တင့်တယ်တယ်နဲ့ နေနိုင်မယ်။ နောက်တစ်ခုပြောမယ်နော်။ အိမ်နီးချင်းနိုင်ငံတွေနဲ့ မတည့်လို့ ရွှေ့ပြောင်းပြီး နေလို့မရဘူး။ ဒါဟာ လုံးဝဖြစ်နိင်တဲ့ ကိစ္စမဟုတ်ဘူး။ အဲဒါကတော့ ဘယ်လိုမှ ငြင်းလို့မရဘူး။ ဒီပြသနာကို ဖြေရှင်းတဲ့နေရာမှာ ကျွန်မတို့ ပြည်သူပြည်သားတွေ မနစ်နာအောင်လည်း ဖြေရှင်းရမယ်။ ကျွန်မတို့ရဲ့ နိုင်ငံအနေနဲ့ အိမ်နီးချင်း နိုင်ငံတွေနဲ့ ဆက်ဆံရေးမှာ ဂုဏ်သိက္ခာရှိရှိ လုပ်နိုင်တယ်ဆိုတာလည်း ကျွန်မတို့ သေသေချာချာ သတ်မှတ်သွားရမယ်။ အိမ်နီးချင်းနိုင်ငံတွေနဲ့ မတည့်လို့ ရွေ့ပြောင်းသွားလို့ မရပါဘူး။ ပွင့်ပွင့်လင်းလင်း ပြောရရင် လင်မယားချင်းမတည့်တာကမှ ကွာရှင်းလို့ ရသေးတယ်။ အိမ်နီးချင်းနိုင်ငံတွေ မတည့်လို့ ဘယ်လိုမှ ပြောင်းလို့မရပါဘူး။ လက်တွေ့ကျကျ ကြည့်ရမယ်။ အဖြစ်ကို အဖြစ်အတိုင်း ရင်ဆိုင်ရမယ်။ ဒီကိစ္စကို ဖြေရှင်းတဲ့နေရာမှာ အစတုန်းက ဘယ်လိုသဘောတူညီချက်တွေ လုပ်ခဲ့လည်းဆိုတာကတော့ အများပြည်သူမှာ သိပိုင်ခွင့်ရှိတယ်ဆိုတဲ့ အချက်ကိုတော့ ခိုင်ခိုင်မာမာ ကိုင်သွားချင်တယ်။ ဒါဟာ ဖြစ်သင့်ဖြစ်ထိုက်တဲ့ ကိစ္စပဲ။ အဲတော့ ဒီသဘောတူညီချက်ပေါ်မှာ အခြေခံပြီးတော့ မျှတသလား၊ မမျှတဘူးလား၊ နှစ်ဦးနှစ်ဖက်စလုံးကနေ လက်ခံနိုင်အောင်လို့ ဘယ်လိုအပေးအယူလုပ်မလဲ ဆိုတာကို စဉ်းစားရမယ်။ မနေ့က ကုမ္ပဏီကအကြီးအကဲတွေနဲ့ သွားတွေ့ပါတယ်။ သူတို့ပြောတာတွေကိုလည်း ကျွန်မနားထောင်ခဲ့တယ်။ အလုပ်တစ်ခုလုပ်တယ်ဆိုရင် ဟိုဖက်ဒီဖက်ကို နားထောင်ရမယ်။ တစ်ဖက်ထဲကို နားထောင်လို့မဖြစ်ဘူး။ ကိုယ်ကြိုက်တဲ့ဘက်ကိုပဲ နားထောင်လို့မဖြစ်ဘူး။ ဒါကြောင့် ကျွန်မတရားဟောတာကိုပဲ လာနားထောင်မနေနဲ့၊ တခြားပါတီတွေ ဟောတာကိုလည်း သွားပြီးနားထောင်လိုက်ဦး။ အဲ့တာမှ ဟိုဘက်ဒီဘက် ချင့်ချိန်လို့ရအောင်။ ဟိုဖက်ဒီဖက်နားထောင်မှ အဖြေရှာနိုင်မှာပါ။ လက်ပံတောင်းတောင်နဲ့ ပတ်သက်တဲ့ အဓိကကျတဲ့ ရွာလေးရွာနဲ့ ဒီနေ့မှ ဆွေးနွေးဖြစ်မှာ။ ဒီလိုဆွေးနွေးတဲ့ အခါမှာ ဟိုဘက်ဒီဘက်အမြင်ကို အများကြီး နားလည်လာတယ်။ အခုချိန်မှာဆို၇င် ဒီမှာလုပ်နေတဲ့ ကုမဏီတွေကလည်း ညှိနှိုင်းချင်တဲ့စိတ် ရှိလာပါတယ်။ အဲဒါ ကောင်းပါတယ်။ တစ်ဖက်က လက်ကမ်းရင် ကိုယ်ကလည်း ပြန်ကမ်းရပါတယ်။ ဒီလိုနည်းနဲ့မှ တိုးတက်မှုရနိုင်ပါတယ်။ ကျွန်မတို့ဟာ စိတ်ကာက်တဲ့စိတ်နဲ့ လုပ်လို့မရဘူး။ ကိုယ့်စိတ်ကိုယ် အလေးထားလို့ မရဘူး။ ရေရှည်ကို ကြည့်ရမယ်။ ကိုယ့်ရွာသူရွာသားတွေရဲ့ ခံစားချက်ကို တော်တော်လေး နားလည်လာပါတယ်။ ဒီခံစားချက်ကို ပြေလည်အောင်လည်း လုပ်ရမယ်။ တော်င်သူလယ်သမားတွေဟာ မြေမရှိရင် ဘာလုပ်ရမှာလဲတဲ့။ အများကြီး နားလည်ပါတယ်။ ကြေးနီစမံကိန်းဆိုတာ ရေရှည်စီမံကိန်း မဟုတ်ဘူး။ ဒါ နားလည်သလေဘာက် နှစ် ၃၀ လောက်ထိပဲ လွန်ရောကျွံရော။ ဒီကြေးနီထုတ်လပ်ရေးဟာ ဖြစ်နိုင်တယ်။ ကျွန်မတို့ နိုင်ငံသူ နိုင်ငံသားတွေဟာ ကမ္ဘာတည်သရွေ့ ဘယ်လိုဆက်ပြီး လုပ်သွားမလဲဆိုတာ သိရမယ်။ စီမံကိန်တွေနဲ့ သွားရမယ်။ ရေရှည်အကျိုးရိမယ့် ပုံစံမျိုး ညှိပြီးတော့ လုပ်ယူ၇မယ်။ တော်တော်မျးများကတော့ စီမံကိန်းကို ချက်ချင်းရပ်သွားအောင် လုပ်ပေးပါလို့ တောင်းဆိုတယ်။ ပွင့်ပွင့်လင်းလင်းပြောပါမယ်။ စီမံကန်းရပ်သွားအောင် လုပ်ပေးနိုင်တဲ့  အခြေအနေမရှိပါဘူး။ ဘာဖြစ်လို့လည်းဆိုတော့ အကြောင်းနှစ်ခုရှိပါတယ်။ တစ်ခုကတော့ ဘယ်လိုစာချုပ် ချုပ်ထားတယ်ဆိုတာ ကျွန်မမသိပါဘူး။ အစိုးရနဲ့ ကုမ္ပဏီနဲ့ ချုပ်ထားတဲ့စာချုပ်၊ နောက်တစ်ခုကတော့ ကျွန်မတို့ တစ်ပတ်ကျော်ကျော်လောက်က အဆိုတင်သွင်းခဲ့တာပါ။ အဆိုအရ လက်ပံတောင်းတောင်ကိစ္စကို သေသေချာချာ စိစစ်ဖို့ ကော်မရှင်တစ်ခုဖွဲ့ရေး ဖြစ်ပါတယ်။ ဒီကော်မရှင်ထဲမှာ ပြည်သူလူထုအများက ရိုသေလေးစားပြီးတော့ လက်ခံနိုင်တဲ့သူတွေလည်း ပါရမယ်။ အစိုးရဘက်ကလည်း ပါရမယ်။ ကျွမ်းကျင်သူတွေလည်း ပါရမယ်။ အဲလိုကော်မရှင်တစ်ခုအနေနဲ့ ဒီကိစ္စကိ လူမှုရေးဘက်က စီးပွားရေးဘက်က ပတ်ဝန်းကျင်ဘက်က အားလုံးကို အမြန်ဆုံး လေ့လာပြီးတော့ အစီရင်ခံစာတင်ဖို့ ဖြစ်ပါတယ်။ အဲလို လုပမှပဲ ကျွန်မတို့ တစ်နိင်ငံလုံးကရော၊ တစ်ကမ္ဘာလုံးကရော လက်ပံတောင်းတောင်ရဲ့ အခြေအနေကို ရှင်းရှင်းလင်းလင်း နားလည်သွားမှာ။ ဘာတွေဖြစ်နေလဲ။ ဘယ်လိုဖြစ်နေလဲ။ ဘယ်သူတွေက ဘယ်လိုနစ်နာမလဲ။ နစ်နာမှုတွေကို ဘယ်လိုရှောင်နိုင်မလဲ။ ဘယ်လိုပြန်ပြီးတော့ ဖြစ်ပြီးသား ကိစ္စတွေကို ပြန်ပြီးတော့ ကောင်းအောင်ဘယ်လိုလုပ်နိုင်မလဲ၊ ဘယ်လိုဖြည့်ဆည်းပေးနိုင်မလဲ ဆိုတာ အဲဒါ အဖြေကို ရှာရမှာဖြစ်ပါတယ်။ ကျွန်မကတော့ အဖြေရှာပြီးတော့ အဖြေပေါ်မှာ အခြေခံပြီးတော့ အားလုံးကောင်းအောင် စီမံကိန်းတစ်ခုကို ချသင့်တယ်လို့ ယုံကြည်ပါတယ်။ ဒါဟာ လူကြီးပီသတယ်။ ရင့်ကျက်တယ်။ အပေးအယူလုပ်မယ် ကိုယ့်ဘက်ကနေ ပြီးတော့ အတတ်နိုင်ဆုံး သည်းခံမယ်။ အတတ်နိုင်ဆုံး သဘောထားကြီးကြီးနဲ့ လုပ်မယ်။ အဲလိုဆိုရင် နောက်တစ်ဖက်ကလည်း ဒီလိုပဲတုန့်ပြန်လိမ့်မယ်လို့ ကျွန်မ မျော်လင့်ပါတယ်။ ကျွန်မတို့ကနေပြီးတော့ သဘောထားကြီးကြီးနဲ့ ဦးတည်တယ်ဆိုရင် တစ်ဖက်ကလည်း ဒီလို ဦးတည်လိမ့်မယ်လို့ ယုံကြည်တယ်။ ဦးတည်အောင်လည်း လုပ်နိုင်စွမ်းရှိမယ်လို့ ယုံကြည်ပါတယ်။

တစ်ခုကတော့ သံဃာတော်တွေနဲ့ သပိတ်စခန်းမှာ ပြောရမယ်ဆိုရင်တော့ အင်မတန် ကြမ်းကြမ်းတမ်းတမ်းနဲ နှိမ်နင်းလိုက်တယ်။ ခွဲလိုက်တယ်လို့ သိရပါတယ်။ ဒီကိစ္စနဲ့ပတ်သက်လို့ သက်ဆိုင်ရာ အာဏာပိုင်နဲ့တွေ့ဖို့ စီစဉ်ထားပါတယ်။ ဘာကြောင့် ဒီလို ကြမ်းကြမ်းတမ်းတမ်း လုပ်ရတာလဲလို့။ ပြည်သူ အနေနဲ့ မေးပိုင်ခွင့်ရှိတယ်လို့ ယုံကြည်ပါတယ်။ ပြဿနာရှာချင်လို့ မဟုတ်ပါဘူး။ ပြဿနာရှင်းချင်လို့ပါ။ ဒီလောက်လုပ်ဖို့ လုံးဝမလိုအပ်ပါဘူး။ ဒီလိုပြောလို့ ပြည်သူကို စိတ်စွပေး တာမဟုတ်ဘူးနော်။ ကျွန်မပြည်သူကို စိတ်စွပြီးတော့ ဘယ်တော့မှ မစည်းရုံးဘူး။ ပြည်သူတွေအနေနဲ့ စဉ်းစဉ်းစားစားနဲ့ ဆုံးဖြတ်နိုင်အောင်လို့ လုပ်ရတာပါ။ မနေ့ညတုန်းက ဆေးရုံမှာ ဒဏ်ရာရနေတဲ့ သံဃာတွကို ဖူးလိုက်ပါတယ်။ မဖူးမီ မိးလောင်တဲ့ မိန်းကလေးတစ်ယောက်ကို တွေ့လိုက်ပါတယ်။ တော်တော်ဆိုး တာပဲ၊ သံဃာတော်တွေရဲ့ ဒဏ်ရာကလည်း တော်တော်ကို ဆိုးတာပဲ။ အဲဒီလောက်ထိ ဘာဖြစ်လို့ လုပ်တယ်ဆိုတာ ပြည်သူအနေနဲ့ သိပိုင်ခွင့်ရှိတယ်လို့ ထင်ပါတယ်။ နားလည်သလောက်ကတော့ သမ္မတရုံးကနေပြီးတော့ ထုတ်ပြန်ချက်နှစ်မျိုး ထုတ်ပါတယ်။ တစ်မျိုးက မီးလောင်ဗုံးမသုံးခဲ့ပါဘူး။ မျက်ရည်ယိုဗုံးပဲ သုံးခဲ့ပါတယ်တဲ့။ နောက်တစ်ခါ အဲဒါကို ရုပ်သိမ်းပါတယ်ဆိုတာ ထုတ်တယ်။ ကျွန်မ နည်းနည်းခေါင်းမှာ ရှုပ်သွားပါတယ်။ အဲဒီတော့ ကျွန်မခေါင်းရှုပ်တာလည်း ရှင်းရင်းနဲ့ ပြည်သူတွေခေါင်းရှုပ်တာလည်းရှင်းဖို့ သက်ဆိုင်ရာအာဏာ ပိုင်တွေနဲ့ကြည့်ပြိး လုပ်ပါမယ်။

မြန်မာနိုင်ငံမှာ သတ္တုတွင်းဝန်ကြီးဌာနဆိုတာ ရှိပါလျက် ဘာကြောင့်ကြေးနီစီမံကိန်းက ဦးပိုင်လက်အောက်ကို ရောက်သွားတာပါလဲတဲ့

(ပြည်သူထဲမှ စာဖြင့်မေးသည်ကို ဖတ်ပြခြင်းဖြစ်)

ဦးပိုင်ကုမ္ပဏီဆိုတာကတော့ စစ်တပ်နဲ့ဆက်စပ်နေတယ်ဆိုတာ အများသိပါတယ်။ တပ်မတော်ဟာ ကျွန်မတို့နိုင်ငံနဲ့  ဆက်စပ်နေပါတယ်။ တစ်ချို့က ကျွန်မအနေနဲ့ တပ်မတော်အပေါ်မှာ မေတ္တာထားတယ်ဆိုရင် မကြိုက်ကြပါဘူး။ မတတ်နိုင်ဘူး။ ထားတာက ထားတာပဲ။ ဒါကတော့ ကျွန်မ အမှန်အတိုင်းပြောတာပဲ။ ဘာဖြစ်လို့လဲဆိုတော့ ကျွန်မက ငယ်ငယ်ကတည်းက ဖေဖေ့သမီးအနေနဲ့ ကြီးလာတာကိုး။ တပ်မတော်အပေါ်မှာ မေတ္တာမထားဘဲနဲ့ကို မနေတတ်ဘူး။ ငယ်ငယ်ကတည်းက မွေးကတည်းက တပ်မတော်အပေါ်မှာ မေတ္တာထားဖို့ သင်ခဲ့တော့ မေတ္တာကတော့ ဘယ်လိုမှ မပျောက်ကွယ်သွားနိုင်ဘူး။ လုပ်တဲ့ ကိစတွေကိုတော့ ကျွန်မ မကြိုက်ဘူးပေါ့။ အထူးသဖြင့် ကျွန်မအပေါ်မှာလုပ်တာလည်း မကြိုက်ဘူး။ ပြည်သူအပေါ်မှာလုပ်တာလည်း မကြိုက်ဘူး။ မကြိုက်သော်လည်း မေတ္တာတော့ မပျက်ပါဘူး။ အဲတော့ ဦးပိုင်လီမိတက်ဆိုတာလည်း ဦးပိုင်နဲ့ဆက်စပ်နေတယ်ဆိုတော့ ကျွန်မတို့ ဒီကိစ္စတွေကို ချဉ်းကပ်တဲ့အခါမှာ သဘောထားကြီးကြီးနဲ့ နောက်ဆုံးကျတော့ အမျိုးသားရင်ကြားစေ့ရေးကို ဦးတည်ပြီးတော့ပဲ ချဉ်းကပ်မယ်လို့ ကျွန်မပြောပါရစေ။ မသိချင်ယောင်တော့ ဆောင်မနေပါဘူး။ မေးသင့်တာတွေတော့ ကျွန်မမေးမှာပါ။ ဒါပေမယ့် မေးတယ်ဆိုတာဟာ ကောင်းတဲ့အဖြေတစ်ခုကို လိုချင်လို့ မေးခွန်းမေးတာပါ။ ဖြေလိုက်တဲ့အဖြေကို ပြောတာမဟုတ်ဘူး။ ဖြေလိုက်တဲ့အဖြေပေါ်မှာ အခြေခံပြီး ဘယ်လိုအကောင်းဆုံး ဖြစ်နိုင်မလဲဆိုတာကို အဲဒါကိုလုပ်ဖို့ ကျွန်မတို့ရည်ရွယ်တာပါ။ ဥိးပိုင်က တာဝန်ခံတွေနဲ့လည်း တွေ့ဆုံဖို့ ရှိပါတယ်။ ကျွန်မ ပွင့်ပွင့်လင်းလင်းပဲ မေးလိုက်မယ်။ ပြည်သူကတော့ ဒီလိုမေးနေတယ်။ ကျွန်မဘယ်လို ဖြေရမလဲလို့။

ကျွန်မတစ်ခုတော့ သတိပေးမယ်နော် ကျွန်မတို့စိတ်ထဲမှာ အာဃာတတွေတော့ မထားပါနဲ့။ အာဃာတတွေထားလို့တော့ ကျွန်မတို့နိုင်ငံ တိုးတက်ရေးအတွက် အင်မတန်မှ ခက်ပါတယ်။ ကျွန်မတို့ ရုန်းကန်ခဲ့ရတယ်ဆိုတာ အနှစ်၂၀ ကျော်ပါပြီ။ ညတုန်းကလည်း သံဃာတော်တွေကို တွေ့ဆုံခဲ့ပါတယ်။ ဒီအနှစ် ၂၀ ကျော် ရုန်းကန်ခဲ့ရတဲ့အချိန်မှာ ကျွန်မစိတ်ထဲမှာ ဘာရှိလဲဆိုတော့ ကျွန်မနှလုံးသားထဲမှာ အမုန်းတ၇ားဝင်သွားရင် ကျွန်မရှုံးတော့မယ်လို့ ကျွန်မခိုင်ခိုင်မာမာ စွဲထားတယ်။ အမုန်းတရား ၀င်သွားရင်တော့ ကျွန်မရှုံးမှာ။ ကျွန်မကို တိုက်ခိုက်နေတဲ့သူတွေ ရှုံးမှာမဟုတ်ဘူးလို့ ဆိုပြီး ကျွန်မနှလုံးသားထဲကို ဘယ်တော့မှ အမုန်းတရား အ၀င်မခံခဲ့ဘူး။ ကံကောင်းထောက်မလို့လည်း ၀င်လည်းဝင်မလာပါဘူး။ ကျွန်မတို့ ပြည်သူတွေလည်း ဒီလိုပဲထားစေချင်တယ်။ မတရားတဲ့ကိစ္စဆိုရင် မခံရဘူး။ ဒီလိုပဲ ကိုယ်ကနေပြန်ပြီး ကာကွယ်ရမယ်။ ကိုယ်ကနေ ပြန်ပြီးတုန့်ပြန်ရမယ်။ အမုန်းတရားနဲ့ မဟုတ်ဘူး။ အမှန်တ၇ားကို အခြေခံပြီး ခေါင်းအေးအေး ပြန်ပြီးတော့ တုန့်ပြန်ရမယ်။ လက်ပံတောင်းတောင် ကိစ္စနဲ့ ပတ်သက်လို့လည်း ကျွန်မဒီအတိုင်းပဲ လုပ်ချင်တယ်။ အမှန်တရားပေါ်မှာ အခြေခံပြီး တုန့်ပြန်မယ်။ အမုန်းတရားပေါ်မှာ အခြေခံပြီး ကျွန်မတို့ မတုန်ပြန်ဘူး။ အာဃာတတွေပေါ်မှာ အခြေခံပြီး မတုန့်ပြန်ဘူး။ အဲဒီလိုလုပ်တဲ့အခါမှာ ပြည်သူလူထုရဲ့ ထောက်ခံမှုကို အများကြီး လိုလိမ့်မယ်။ ဘာဖြစ်လို့လဲဆိုတော့ ပြည်သူတွေက ပါဝင်ပြီးထောက်ခံမှ လုပ်ငန်းတစ်ခု အောင်မြင်အောင် လုပ်နိုင်မှာပါ။ အားလုံးသိတယ်နော်။ အာဏာရှင် စနစ်ဆိုတာ နှစ် ၅၀ တည်ခဲ့တယ်။ ဒါပေမယ့် ပြည်သူက မထောက်ခံခဲ့တော့ အာဏာရှင်စနစ်ဟာ ပြိုလဲခဲ့ပါတယ်။ အာဏာရှင်စနစ် ပြိုလဲရုံနဲ့လည်း ကျွန်မတို့နိုင်ငံကို ဒီမိုကရေစီနိုင်ငံဖြစ်ပြီလို့ ပြောလို့မရသေးဘူး။ ဖြစ်အောင်လုပ်ဖို့ အလုပ်တွေကလည်း အများကြိးကျန်ပါသေးတယ်။ အဲဒီလိုအလုပ်တွေ အောင်မြင်ဖို့ဆိုတာလည်း ပြည်သူကပါမှ ဖြစ်ပါမယ်။ ပြည်သူက ပါတယ်ဆိုတာမှာလည်း ရွေးကောက်ပွဲမှာ မဲထည့်ရုံနဲ့ မပြီးသေးဘူး။ ကိုယ်လုပ်နေတဲ့အလုပ်တွေဟာ ဒီမိုကရေစီနိုင်ငံသူ၊ နိုင်ငံသား တစ်ယောက်ရဲ့ လုပ်ရပ်နဲ့ ကိုက်ညီရဲ့လားဆိုတာ စဉ်းစားရမယ်။ အမြဲတမ်းစိစစ်ပါ။ နိုင်ငံရေးဆိုတာ အားလုံးနဲ့ဆိုင်ပါတယ်။ အထူးသဖြင့် ဒီမိုကရေစီ နိုင်ငံရေးမှာ ပိုဆိုင်ပါတယ်။ ဘာမဆို ခေါင်းအေးအေးနဲ့ စဉ်းစားပါ။ ကျွန်မတစ်ခုပြောမယ်။ လူတိုင်းလူတိုင်း ညမအိပ်ခင်ကလေးမှာ အဲဒီမေးခွန်းကို စဉ်းစားကြည့်စေချင်တယ်။ ငါဒီနေ့ ဒီမိုကရေစီနိုင်ငံသားတစ်ယောက်ရဲ့ ကျင့်ဝတ်နဲ့အညီ နေခဲ့ရဲ့လားဆိုတဲ့ မေးခွန်းကို ပြန်မေးစေချင်တယ်။ မနေ့က ကြေးနီစီမံကိန်းက အပြန်မှာ ဟောပြောပွဲတစ်ခု လုပ်ခဲ့ပါတယ်။ အဲဒီမှာ ကျွန်မပြောခဲ့ပါသေးတယ်။ ကျွန်မတို့ဟာဆက်ပြီးတော့ ရုန်းကန်ရမှာတွေ အများကြီးရှိတယ်။ ဆက်ပြီး ရုန်းကန်တဲ့နေရာမှာ စည်းစည်းလုံးလုံးနဲ့ နေရမယ်။ ကျွန်မတို့နိုင်ငံဟာ ပြန်လည်ရင်ကြားစေ့ရေး လုပ်ရမယ်။ ပြန်လည်ရင်ကြားစေ့ရေး ဆိုတာဟာ ကျွန်မတို့ တိုင်း၇င်းသားတွေကြားမှာလည်း လုပ်ရမယ်။ ကျွန်မတို့ ပြည်သူတွေကြားထဲမှာလည်း လုပ်ရမယ်။ အဖွဲ့အစည်းအတွေ ကြားထဲမှာလည်း လုပ်ရမယ်။ အဲဒီအတွက် ပြည်သူတွေအားလုံး ပါလာမှဖြစ်မှာပါ။ ပြည်သူတွေကို လှည့်ဖြားပြီးတော့လည်း မစည်းရုံးဘူး။ အစကတည်းက ပြောထားတယ်နော်။ အကောင်းဆုံးပဲ ကြိုးစားမယ်။ ဘာလုပ်ပေးမယ်။ ညာလုပ်ပေးမယ်ဆိုပြီး ကတိတွေပေးလို့ မရဘူး။ ကျွန်မ အကောင်းဆုံး ကြိုးစားမယ်။ ကျွန်မ အကောင်းဆုံးထက်တော့ ပိုမတတ်နိုင်ဘူးလေ။ ကျွန်မအတတ်နိုင်ဆုံး ကြိုးစားမှာပဲ။ အတတ်နိုင်ဆုံးက မလုံလောက်ဘူးဆိုရင်လည်း ပိုပြီးတတ်နိုင်တဲ့သူတွေ ရှာရမှာပဲ။ အဲဒီတော့ အတတ်နိုင်ဆုံး ကြိုးစားမယ်။ ကျွန်မက ၀ိဇ္ဇာဖော်ဂျီလည်း မဟုတ်ဘူး။ ဒါပေမယ ကျွန်မအတတ်နိုင်ဆုံး ကြိုးစားပါမယ်။ ဒီလိုကြောင့် ဒီလိုဆုံးဖြတ်တယ်ဆိုတာကို ပြည်သူတွေကို ကျွန်မရှင်းပြပါမယ်။ ပြည်သူတွေအနေနဲ့လည်း ကျွန်မရဲ့လုပ်ဆောင်မှုတွေကို ထောက်ခံမလား၊ မထောက်ခံဘူးလားဆိုတာ ကိုယ့်ဘာကိုဆုံးဖြတ်ပါ။ ကျွန်မကတော့ မှန်မှန်ပြောရရင် ထောက်ခံစေချင်တာပေါ့နော်။ သဘာဝကျကျ ပြောရရင်တော့ ထောက်ခံစေချင်တာပေါ့။ မထောက်ခံလို့ကတော့ ကျွန်မအလုပ်တွေကလည်း လွယ်မှာမဟုတ်ပါဘူး။ ကျွန်မတို့နိုင်ငံရဲ့အကျိုးကို ရေရှည်အနေနဲ့ စဉ်းစားပါတယ်။ ရေတိုအနေနဲ့ မစဉ်းစားပါဘူး။ မနက်ဖြန် သန်ဘက်ခါအတွက်၊ နောက်လ နောက်နှစ်အတွက် မစဉ်းစားဘူး။ အနောက်မှာ အင်မတန်မှ ပြတ်ကျန်ရစ်ခဲ့တဲ့ နိုင်ငံဟာ ကျန်တဲ့နိုင်ငံတွေကို ဘယ်လိုလိုက်နိုင်မလဲဆိုတာ အမြဲပဲ စဉ်းစားနေတဲ့ ကိစ္စပဲ။ အဲလိုစဉ်းစားတဲ့အခါမှာ ပြည်သူလူထုကလည်း ပါဝင်ပြီးတော့ စဉ်းစားစေချင်တယ်။ ပြည်သူကလည်း ယုံကြည်လို့သာ ထောက်ခံစေချင်တယ်။ ယုံကြည်ချက်နဲ့ ထောက်ခံမှ ထိရောက်တဲ့ထောက်ခံမှုဖြစ်မယ်။

အခုကြေးနီစီမံကိန်းနဲ့ ပြဿနာတွေကို ပြေပြေလည်လည်နဲ့ ဂုဏ်သိက္ခာရှိရှိ ဖြေရှင်းချင်ပါတယ်။ ပြဿနာတွေကို ဖြေရှင်းမယ်။ ဒေသခံတွေရဲ့ ရေရှည် အကျိုးကိုကြည့်ပြီး ဖြေရှင်းမယ်။ ရေရှည်အကျိုးဆိုတာဟာ မနက်ဖြန် သန်ဘက်ခါအတွက်လည်း မဟုတ်ဘူး။ နောက်နှစ်အတွက်လည်း မဟုတ်ဘူး။ ဒီကြေးနီစီမံကိန်းပြီးတဲ့ နောင်အနှစ် ၃၀ မှာလည်း ဒေသခံတွေဟာ  ပြည့်ပြည့်စုံစုံနဲ့ ရပ်တည်နိုင်ဖို့ကို ကြည့်ပြီးလုပ်သွားမယ်။  အဲလိုလုပ်ရတဲ့နေရာမှာ အပေးအယူလုပ်ရမယ်ဆိုတာကို အခုကတည်းက ပြောထားပါ၇စေ။ နိုင်ငံတစ်နိုင်ငံမှာပဲဖြစ်ဖြစ် အဖွဲ့အစည်း တစ်ခုခုမှာပဲဖြစ်ဖြစ် ပြဿနာတွေဆိုတာ ရင်ဆိုင်ရတာပဲ ဒီပြဿနာတွေ ဖြေရှင်းတဲ့နေရာမှာ အပေးအယူလုပ်တဲ့ နည်းသာလျင် ယဉ်ကျေးတဲ့ပုဂိုလ်များရဲ့ နည်းလမ်းဖြစ်တယ်လို့ ကျွန်မယုံကြည်ပါတယ်။ ကိုယ်နဲ့မတည့်သူကို မီးပုံးနဲ့လည်း ပစ်လို့မရဘူး။ သေနတ်နဲ့လည်း ပစ်လို့မရဘူး။ ပြည်သူတွေရဲ့ အားဆိုတာလည်း ရှိတယ်။ ပြည်သူတွေရဲ့ အားဆိုတာ မနည်းတဲ့အားတွေပါ။ မနည်းတဲ့အားတွေမို့ အလွဲသုံးစား မလုပ်ရဘူး။ မှန်မှန်ကန်ကန်နဲ့ သိက္ခာရှိရှိသုံးဖို့ပဲ လိုပါတယ်။ ကျွန်မလည်း ကျွန်မမှာရှိတဲ့အားကို မှန်မှန်ကန်ကန်နဲ့ သိက္ခာရှိရှိ သုံးဖို့ကြိုးစားပါမယ်။ နောက်ဆုံးကျတော့ ပြည်သူပဲ ရှိပါတယ်။ ဘယ်သူမှ မရှိပါဘူး။ ဒီအားကိုးချက်နဲ့ လုပ်နေတာပဲ။ အားကိုးစရာမရှိရင် ကျွန်မရဲ့လုပ်ငန်းတွေဟာလည်း အောင်မြင်စရာ မရှိပါဘူး။ လက်ပံတောင်းတောင် ကိစ္စနဲ့ပတ်သက်လို့ အာဏာပိုင်တွေနဲ့ ကျွန်မတွေ့ဖို့ရှိတယ်။ ရွာသူရွာသားတွေနဲ့ တွေ့ဖို့ရှိတယ်။ အားလုံးအဖြေရှာပြီးတော့ အကောင်းဆုံးဖြစ်အောင်လို့ ကြိုးစားသွားမယ်။ ကျွန်မတို့ ဘယ်လိုဆုံးဖြတ်တယ်။ ဘယ်လိုဖြစ်တယ် ဘယ်လိုအဖြေပေါ်တယ် ဆိုတာကို ကျွန်မတို့ရဲ့ ပြည်သူတွေသိအောင် ကျွန်မအသိပေးပါမယ်။ အသိပေးပြီးတဲ့အခါကျရင်လည်း ပြည်သူတွေအနေနဲ့ ခေါင်းအေးအေးနဲ့ စဉ်းစားကြပါ။ ဒါ ဖြစ်သင့်သလား မဖြစ်သင့်ဘူးလား။ သဘောတူတဲ့သူရှိမယ်။ သဘောမတူတဲ့သူရှိမယ်။ ဒါပေမယ့် ဒီမိုကရေစီလမ်းကို လျောက်ချင်တယ်ဆိုရင် အများရဲ့ သဘောတူညီချက်ကို လေးစားရလိမ့်မယ်။ ဒီလိုအများရဲ့ သဘောတူညီချက်ကို လေးစားလို့  အများရဲ့ဆုံးဖြတ်ချက်ကို လေးစားလို့ အနည်းစုရဲ့ ခံစားချက်ကို ကျွန်မတို့ လျစ်လျူရှုမှာ မဟုတ်ပါဘူး။ အနည်းစုရဲ့ ခံစားချက်ကိုလည်း လေးစားရမယ်။ ဒါပေမဲ့ အပေးအယူဆိုတာတော့ လုပ်ရမှာပေါ့။ ကျွန်မတို့နိုင်ငံဟာ ဒီမိုကရေစီ လမ်းပေါ်ကို ရောက်သွားပြီလို့ ပြောနေကြတယ်။ ကျွန်မခဏခဏ ပြောတယ်။ ဒီလမ်းဟာ ဘယ်သူမှ ဆောက်ပေးထားတဲ့ လမ်းမဟုတ်ဘူး။ လမ်းစတော့တွေ့ပြီ။ ကိုယ့်ဟာကိုယ် ခင်းသွားရမယ်။ ဒီလမ်းဟာလည်း ဖြောင့်ဖြောင့်ဖြူးဖြူးတော့ မဟုတ်ဘူး။ ကြမ်းကြမ်းတမ်းတမ်းတော့ရှိတယ်။ ကြမ်းကြမ်းတမ်းတမ်းလမ်းကို လျောက်တဲ့အခါမှာ ကျွန်မတို့ဟာ တက်ညီလက်ညီနဲ့ တစ်ယောက်နဲ့တစ်ယောက် ယုံယုံကြည်ကြည်နဲ့ လျောက်သွားမှ  ခရီးရောက်နိုင်မှာပါ။ မိတ်ဆွေနဲ့ သွားတဲ့လမ်းဆို ဘယ်လောက်ပဲ ခက်ခဲ ခက်ခဲ ပျော်စရာကောင်းပါတယ်။ ကိုယ့်ဘက်မှာ ကိုယ်အားကိုးရတဲ့ ရဲဘော်ရဲဘက်တစ်ယောက်ရှိရင် အမှောင်ကိုလည်း အမှောင်လို့ မမြင်တော့ဘူး။ လမ်းကြမ်းဆိုတာလည်း လမ်းကြမ်းလို့ မမြင်တော့ဘူး။ စိတ်ဓာတ်ခိုင်ခိုင်မာမာနဲ့ ဆက်သွားနိုင်မှာ ဖြစ်ပါတယ်။ ကျွန်မတို့ ရဲဘော်ရဲဘက်တွေအနေနဲ့ မိတ်ဆွေတွေအနေနဲ့ ဒီလမ်းတွေကို ကျွန်မနဲ့အတူ လျောက်လှမ်းပေးပါလို့ ပြောကြားချင်ပါတယ်။

Eleven Media Group

မိုးထိမိုးမိ ရွှေလုပ်သားများ အဖွဲ့ခေါင်းဆောင်များ ကို ယနေ့ ရုံးတင် စစ်ဆေး တစ်ဦးမှ အာမခံမရခဲ့ဟုဆို

ပဲခူးတိုင်း ဒေသကြီး မြိုလှမြို့နယ် အထွက်တွင် ဖမ်းဆီးခံရသည့် မိုးထိမိုးမိ ရွှေတွင်း လုပ်သားများအဖွဲ့ ခေါင်းဆောင်များ အမှုကို ယနေ့ မွန်းလွဲ ၁၂း၃၀ အချိန် ရေတာရှည်မြို့နယ်၊ တရားတရားရုံး၌ စစ်ဆေးခဲ့သည်ဟု သတင်းရရှိသည်။ စစ်ဆေးရာတွင် တရားလိုဖြစ်သူ ရေတာရှည် မြို့နယ် အုပ်ချုပ်ရေးမှုကို ကနဦး စစ်ဆေးခဲ့ပြီး တရားခံရှေ့နေက ---

သတင်း အပြည့်အစုံ ဖတ်ရန် ဒီနေရာကို နှိပ်ပါ


မိုးထိမိုးမိရွှေလုပ်သားအဖွဲ့ခေါင်းဆောင်များတစ်ဦးမှအာမခံမရခဲ့ဟုဆို



မိုဘိုင်းဖုန်းများ အင်တာနက်သုံးစွဲမှုကို Time Based Charging စနစ်ကို ဆက်လက်သုံးစွဲမည့် အစီအစဉ်ကြေညာခြင်း

ယနေ့ 30-11-2012 ရက်နေ့တွင် မီဒီယာများနှင့် မြန်မာ့ ဆက်သွယ်ရေး လုပ်ငန်းတို့ တွေ့ဆုံဆွေးနွေး ညှိနှိုင်းမှုနှင့် ပြည်သူလူထု မိုဘိုင်းဖုန်း အင်တာနက်ကို ဈေးနှုန်း သက်သာစွာနှင့် ပိုမို တွင်ကျယ်စွာ အသုံးပြုနိုင် ရေးတို့ အတွက် ယခုကြေညာထားသည့် Volume Based Charging စနစ်ထက် ပိုမိုကောင်းမွန်စွာနှင့် ဈေးနှုန်း သက်သာစွာ သုံးစွဲနိုင်မည့် နည်းလမ်းများကို အသေး စိတ်ထပ်မံ စိစစ်လျက်ရှိပါသည်။

သို့ပါ၍ ယင်းသို့စိစစ်နေစဉ်အတွင်း လက်ရှိအသုံးပြုနေသည့် Time Based Charging စနစ်ကိုသာ ဆက်လက်သုံးစွဲသွားမည်ဖြစ်ပါသည်။ အသေးစိတ် ထပ်မံစိစစ်ရရှိသည့် နှုန်းထားသစ်ကို 1-1-2013 ရက်နေ့မှ စ၍ အသုံးပြုနိုင်ရန် စီစဉ်ဆောင်ရွက်သွားမည်ဖြစ်ပါကြောင်း အသိပေး ကြေညာအပ်ပါသည်။

မြန်မာ့ဆက်သွယ်ရေးလုပ်ငန်း


ဓါတ်ပုံ - Popular Myanmar News Journal

လက်ပန်းတောင်း ကြေးနီစီမံကိန်း ဆက်လုပ်ရေး အခြေအနေ ဖန်တီးပေးရန် တရုတ်တောင်းဆို

မုံရွာမြို့နယ်ထဲမှာရှိတဲ့ လက်ပန်းတောင်းတောင် စီမံကိန်းကို တရုတ်နိုင်ငံ Wanbo Maing Ltd. က အမေရိကန်ဒေါ်လာ ၉၉၉ သန်းနဲ့ ရာနှုန်းပြည့် ရင်းနှီးမြှုပ်နှံလုပ်ကိုင်နေတာဖြစ်ပြီး  အကျိုးအမြတ်ကိုတော့ တရုတ်ကုမ္ပဏီက ၁၃ ဒဿမ ၃၃ ရာခိုင်နှုန်းကျော်၊ မြန်မာ့စီးပွားရေး ဦးပိုင်လီမိတက်က ၁၃ ဒဿမ ၈ ရာခိုင်နှုန်းနဲ့ မြန်မာအစိုးရက ၁၆ ဒဿမ ၈ ရာခိုင်နှုန်း ခွဲဝေယူဖို့ သဘောတူထားတာပါ။

သတင်း အပြည့်အစုံ ဖတ်ရန် ဒီနေရာကို နှိပ်ပါ



သပိတ်စခန်း အကြမ်းဖက်ဖြိုခွဲမှုကို မန္တလေး သံဃာတော်များ ကန့်ကွက်သပိတ်မှောက်

လက်ပန်းတောင်းတောင် သပိတ်စခန်းကို အင်အားသုံး အကြမ်းဖက် ဖြိုခွဲခဲ့တဲ့အပေါ် မန္တလေးမြို့ သံဃာတော်တွေက  အိမ်တော်ရာ ဘုရားဝင်းအတွင်းမှာ ဒီနေ့ကစပြီး ထိုင်သပိတ်  ကန့်ကွက်ရှုတ်ချနေပါတယ်။ မန္တလေးမြို့က သံဃာတော် အပါး ၁၀၀ နဲ့ လူပရိသတ် ၁၀၀ နီးပါးလောက်က အိမ်တော်ရာဝန်းထဲမှာ ဒီနေ့မွန်းလွဲပိုင်းကစပြီး  ထိုင်သပိတ်လုပ်ပြီး ကန့်ကွက်ရှုတ်ချနေတာပါ။

သတင်း အပြည့်အစုံ ဖတ်ရန် ဒီနေရာကို နှိပ်ပါ

မန္တလေးသံဃာများ ထိုင်သပိတ် ဆန္ဒဖော်ထုတ် နေကြစဉ် (ဓာတ်ပုံ - ဒီဗွီဘီ)

လာဘ်စားမှုများကို ပြည်ထဲရေးဌာန ကိုင်တွယ်အရေးယူမည်

လာဘ်ပေး လာဘ်ယူမှုတွေကို ထိထိရောက်ရောက် အရေးယူ ဆောင်ရွက်နိုင်ဖို့ အထောက်အထား အချက်အလက် ပြည့်ပြည့်စုံစုံနဲ့ ဆက်သွယ် တိုင်ကြား နိုင်တယ်လို့ ပြည်ထဲရေး ၀န်ကြီးဌာနက ဒီနေ့ နိုင်ငံပိုင် သတင်းစာတွေကနေ သတင်း ထုတ်ပြန် လိုက်ပါတယ်။

ပြည်ထဲရေးဌာနရဲ့ ထုတ်ပြန်ကြေညာချက်ထဲမှာ အစိုးရရုံးဌာနတွေမှာ ငွေကြေး ဒါမှမဟုတ် ပစ္စည်း တောင်းဆိုပေးကမ်းမှုတွေ ရှိနေဆဲဖြစ်ပြီး ဒါတွေဟာ ဒီမိုကရေစီနိုင်ငံတော် တည်ဆောက်ရေးမှာ လက်ခံလို့မရတဲ့ ဆိုးဝါးတဲ့ အကျင့်စရိုက်တွေဖြစ်ပြီး  တိုင်းပြည်နဲ့ လူမျိုးဂုဏ်သိက္ခာကို ထိခိုက်စေတဲ့အတွက် ထိထိရောက်ရောက် တိုက်ဖျက်အရေးယူ ဆောင်ရွက်သွားရမယ်လို့ ဖော်ပြပါတယ်။

လာဘ်စားမှုတွေကို ပြည်သူတွေအနေနဲ့ ပြည်ထဲရေးဝန်ကြီးဌာန၊ ၀န်ကြီးရုံးနဲ့ အထူးစုံစမ်းစစ်ဆေးရေးဌာနတို့ကို ဆက်သွယ်တိုင်ကြားနိုင်ပြီး၊ ဆက်သွယ်နိုင်တဲ့ ဖုန်းနံပါတ်နဲ့ ဖက်စ်နံပါတ်တွေလည်း သတင်းစာမှာ ဖော်ပြထားပါတယ်။

တိုင်ကြားလိုသူတွေအနေနဲ့ ဘယ်လို အချက်အလက် အထောက်အထားတွေ တင်ပြတိုင်ကြားရမှာလဲလို့ ဆက်သွယ်မေးမြန်းတဲ့အခါ အဲ့ဒီအတွက် အသေးစိတ်ထုတ်ပြန်ဖို့ ပြင်ဆင်နေတုန်းပဲလို့  ပြည်ထဲရေး ၀န်ကြီးရုံး တာဝန်ရှိသူတဦးက ပြောပါတယ်။

သတင်းကြေညာချက်မှာ ဖော်ပြထားတဲ့ ဖုန်းနံပါတ်တွေကို ဆက်သွယ်တိုင်ကြားလို့ ရ မရ အခြေအနေနဲ့ပတ်သက်ပြီး အခုလို ပြောပါတယ်။

“ဘယ်အချက်တွေကို တိုင်ကြားချင်တယ်ဆိုရင် အချက်အလက်တွေရေးလိုက်ပါ။ ပြီးရင် ဖက်စ်နံပါတ်ပေးပါမယ်၊ ဖက်စ်ထိုးပေးလိုက်ပါ။ စစ်ဆေးပြီးရင် အခြေအနေကို ပြန်ကြားပေးပါမယ်။”

တိုင်ကြားသူရဲ့ လုံခြုံရေးအတွက် စီမံထားမှု အခြေအနေနဲ့ ပတ်သက်ပြီး မေးမြန်းရာမှာ အခုလို ပြောပါတယ်။

“တိုင်တဲ့သူကိုလည်း ဖော်ထုတ်မှာ မဟုတ်ဘူး။ ဒီလူကတိုင်ပါတယ်လို့လည်း ပြောမှာမဟုတ်ပါဘူး။ မှန်တယ်ဆိုရင် စိစစ်ဖော်ထုတ်မယ်၊ သက်ဆိုင်ရာ ဌာနကို အကြောင်းကြားပြီးတော့ အရေးယူဖို့လုပ်မယ်။ လိုအပ်ရင် အထက်ဌာနကို တင်ပြမယ်။ ဘယ်သူတိုင်တယ်ဆိုတာကိုတော့ ဖော်ထုတ်ဖို့ မရှိပါဘူး။”

လာဘ်ပေးလာဘ်ယူမှုတွေကို အခုလို ၀န်ကြီးဌာနတခုတည်းက အရေးယူဆောင်ရွက်ရုံနဲ့ လုံလောက်မှု ရှိမရှိ၊ တိုင်ကြားသူတွေအတွက် ဥပဒေအရ ဘယ်လိုအကာအကွယ်ပေး ဆောင်ရွက်သင့်သလဲ ဆိုတာနဲ့ ပတ်သက်ပြီး ရန်ကုန်မြို့က တရားလွှတ်တော်ရှေနေ့ ဦးကိုနီက အခုလို ပြောပါတယ်။

“ပြည်ထဲရေး ၀န်ကြီးဌာနက လာဘ်လာဘ်ယူကိစ္စတွေကို ဖော်ထုတ်အရေးယူပေးဖို့ တာဝန်ရှိတယ်။ တချိန်တည်းမှာ မှန်မှန်ကန်ကန် သတင်းပေးသူတွေကိုလည်း ကာကွယ်ပေးဖို့ တာဝန်ရှိတယ်။ ဘာလို့လဲဆိုတော့ အုပ်ချုပ်ရေး အာဏာပိုင်ဆိုတာ နိုင်ငံတော်ငြိမ်ဝပ်ပိပြားရေး၊ အေးချမ်းသာယာရေးကို တာဝန်ယူရတဲ့ အဖွဲ့ဖြစ်တယ်။ လာဘ်ပေးလာဘ်ယူဆိုတာ ဥပဒေချိုးဖောက်တဲ့ ကိစ္စ၊ လာဘ်ပေးလာဘ်ယူမှုကို မဖြစ်အောင် ဟန့်တားဖို့ရော၊ အကာအကွယ်ပေးဖို့ရော ဒါဟာ သူတို့ လုပ်ရမယ့် တာဝန်ပဲ။ တကယ် ထိထိရောက်ရောက် အလုပ်လုပ်တာကို လိုချင်ပါတယ်၊ ထိထိရောက်ရောက်လည်း အရေးယူပေးပါ။ တိုင်တဲ့သူကိုလည်း ကာကွယ်ပေးပါ။ အဲလိုမဟုတ်ဘဲ အပြောပဲ ပြောနေမယ်ဆိုရင် ဒီကိစ္စက တော်တော်တော့ ပြောဖို့ခက်ပါတယ်။ လာဘ်ပေးလာဘ်ယူ အများဆုံးလုပ်နေတာက ဘယ်အ၀န်းအ၀ိုင်းလဲဆိုတာ မေးလိုက်ရင်ကို အဖြေကပေါ်နေပါပြီ။ ဒါက ဆက်စပ်မှုရှိနေပါတယ်။ ဆိုပါတော့. အုပ်ချုပ်ရေးဆိုင်ရာ ၀န်ထမ်းတွေ၊ တရားရေးဆိုင်ရာ ၀န်ထမ်းတွေ၊ လာဘ်စားလို့ရတဲ့နေရာမှာ ရှိနေတဲ့သူတွေ။ တချိန်တည်းမှာ အရေးယူရမယ့်သူတွေကလည်း သူတို့ပဲဖြစ်နေတယ်လေ။ အုပ်ချုပ်ရေးဝန်ထမ်းဆိုတာ အများကြီး. စည်ပင်ရှိမယ်၊ ရဲတပ်ဖွဲ့ရှိမယ်၊ လူဝင်မှုကြီးကြပ်ရေး ရှိမယ်ဗျာ။ နေရာတိုင်းက သူတို့ရဲ့ လုပ်ပိုင်ခွင့် အာဏာကို လာဘ်ငွေယူပြီး တလွဲသုံးနိုင်တာပဲ။ ဒါကြောင့် လာဘ်ပေးလာဘ်ယူကိစ္စဟာ တော်တော်ကို ကျယ်ကျယ်ပြန့်ပြန့် ဆွေးနွေးတိုင်ပင်လုပ်ရမယ်။ မူဝါဒတွေ ကောင်းကောင်းချမှတ်ပြီး လုပ်ရမယ်။ ဘက်ပေါင်းစုံ တရားရေးနဲ့ အုပ်ချုပ်ရေးပူးပေါင်းပြီး လုပ်ရမယ်။ အဓိကက ထိပ်ပိုင်းက မူဝါဒချမှတ်ပေးသူတွေ ကောင်းကောင်းမွန်မွန် မူဝါဒချမှတ်ပေးပြီး သူတို့ချမှတ်ပေးတဲ့ မူဝါဒ စည်းကမ်းတွေကိုလည်း တိတိကျကျ အောက်လူတွေ လိုက်နာအောင်၊ အပေါ်က ဥပဒေလုပ်ပေးလိုက်မယ်. အောက်ကလူတွေ လိုက်နာတာ မလိုက်နာတာ သူတို့ကိစ္စဆိုပြီးထားမယ်ဆိုရင် တရားဥပဒေစိုးမိုးရေးဟာ ဖြစ်လာမှာမဟုတ်ဘူး။”

ပြည်ထဲရေးဝန်ကြီးဌာနအနေနဲ့ ကတော့ အခုလို လာဘ်ပေးလာဘ်ယူကိစ္စ တိုင်ကြားချက်တွေကို လွန်ခဲ့တဲ့ ၂၀၀၆ ခုနှစ်ကတည်းက လက်ခံဆောင်ရွက်ပေးနေတာလို့ တာဝန်ရှိသူက ပြောပါတယ်။

ခေတ်ကာလအချိန်နဲ့ လိုက်လျောညီထွေရှိပြီး နိုင်ငံတကာစံနဲ့ ကိုက်မယ့် အဂတိလိုက်စားမှု တိုက်ဖျက်ရေး ဥပဒေ လွှတ်တော်မှာရေးဆွဲနေပြီး လာဘ်ပေးလာဘ်ယူမှု ကင်းရှင်းအောင် ဆောင်ရွက်ရာမှာ ပြည်သူလူထုရဲ့ အကူအညီ ရယူဖို့ အထူးလိုအပ်တယ်လို့ ပြည်ထဲရေးဌာန ကြေညာချက်မှာ ဖော်ပြထားပါတယ်။

ကမ္ဘာ့နိုင်ငံတွေရဲ့ အကျင့်ပျက်ချစားမှုတွေကို စောင့်ကြည့်လေ့လာတဲ့   နိုင်ငံတကာ ပွင့်လင်းမြင်သာမှုအဖွဲ့ Transpararency International ကတော့ မြန်မာ၊ မြောက်ကိုရီးယား၊ ဆိုမားလီးယားနဲ့ အာဖဂန်နစ္စတန်နိုင်ငံတွေကို လာဘ်စားမှု အဆိုးရွားဆုံးတိုင်းပြည် တွေအဖြစ် နှစ်စဉ်ထုတ်ပြန်တဲ့ အစီရင်ခံစာတွေမှာ ဖော်ပြထားပါတယ်။

by ရွှေအောင် (ဒီဗွီဘီ)


အမျိုးသားဒီမိုကရေစီအဖွဲချုပ်ဥက္ကဌ ဒေါ်အောင်ဆန်းစုကြည် လက်ပံတောင်းတောင်အရေး သတင်းစာရှင်းလင်းပွဲပြုလုပ်

အမျိုးသား ဒီမိုကရေစီ အဖွဲချုပ်ဥက္ကဌ ဒေါ်အောင်ဆန်းစုကြည်သည် မုံရွာမြို့ ၀င်းယူနတီ ဟော်တယ်၌ လက်ပံတောင်းတောင် အရေး သက်ဆိုင် ရာ ဒေသခံများ ၊ တာဝန်ရှိဒေသ အာဏာပိုင်များနှင့် တွေ့ဆုံပြီးတွင် မီဒီယာ များ နှင့်တွေ့ ဆုံကာ သတင်းစာ ရှင်းလင်းပွဲ တစ်ရပ်ပြု လုပ်ခဲ့ကြောင်း သိရသည်။

သတင်း အပြည့်အစုံ ဖတ်ရန် ဒီနေရာကို နှိပ်ပါ


အမျိုးသား ဒီမိုကရေစီ အဖွဲ့ချူပ် ဥက္ကဌ ဒေါ်အောင်ဆန်းစုကြည် မုံရွာမြို့မှ ပြန်လည်ထွက်ခွာစဉ် ပြည်သူ များ နှုတ်ဆက်နေစဉ် ။

လက်ပန်တာင်းတောင်ကိစ္စ သမ္မတကြီး တာဝန်မယူ ပါက နှုတ်ထွက်ပေးရန်တောင်းဆို

ရန်ကုန်၊ နိုဝင်ဘာ ၃၀။

လက်ပန်တာင်းတောင် ကြေးနီ စီမံကိန်းအား ရပ်တန့်ပေးရန် တောင်းဆိုမှု များကြောင့် ဖမ်းဆီး ချုပ်နှောင်ခြင်း၊ ဒဏ်ရာရအောင် ပြုလုပ်ခြင်း စသည့် ကိစ္စများအား နိုင်ငံတော် သမ္မတကြီးမှ တာဝန်ယူ မဖြေရှင်းပါက လက်ရှိ ရာထူးမှ နှုတ်ထွက်ပေးရန် တောင်းဆိုမှု ကို ရန်ကုန်မြို့ (၅၁) လမ်းရှိ မြန်မာ့စီးပွားရေး ဦးပိုင်လီမိတက်ရုံးရှေ့တွင် မကွေးကျောင်းတိုက် ဆရာတော် ဦးဝါယမမှ ဦးဆောင်၍ နေ့ညနေ လေးနာရီခွဲခန့်၌ ပြုလုပ်ခဲ့ကြသည်။

၎င်းတို့၏ တောင်းဆိုချက်များတွင် လက်ပံတောင်းတောင် ကြေးနီစီမံကိန်း ချက်ချင်းရပ်တန့်ပေးရန်၊ ဒဏ်ရာရသူများကို အန္တရာယ် ကင်းရှင်းစွာ တာဝန် ယူ ကုသပေးရန် ၊ တိုက်ခိုက်သောအဖွဲ့အစည်းများကို အရေးယူပေးရန်၊ ဆန္ဒပြမှုကြောင့် ဖမ်းဆီးခံရသူများကို လွှတ်ပေးရန် စသည့် အချက်များ ပါဝင်သည့်ကြေညာချက်ကိုလည်း ထုတ်ပြန်၍ ဆန္ဒထုတ်ဖော်ခဲ့ကြသည်။

အောင်သိုက်- မြန်မာ့ခေတ်



ဝန်ကြီးချုပ် ဦးသာအေး ၏ နေ့ဆွမ်းဆပ်ကပ် လှူဒါန်းမှု အား ဇောတိကကျောင်းတိုက် သံဃာတော် များ လက်မခံ

စစ်ကိုင်းတိုင်းဒေသကြီး ၀န်ကြီးချုပ် ဦးသာအေးမှ မုံရွာမြို့ ဇောတိကကျောင်း တိုက်ရှိ သံဃာတော်များအား ယနေ့ နိုဝင်ဘာ ၃၀ ရက်နေ့ တွင် နေ့ဆွမ်း ကပ်လှူခဲ့ရာတွင် ကျောင်းတိုက် သံဃာတော်များက လက်ခံခဲ့ခြင်း မရှိကြောင်း-----

သတင်း အပြည့်အစုံ ဖတ်ရန် ဒီနေရာကို နှိပ်ပါ

လက်ပံတောင်းတောင် အရေးတွင် ထိခိုက် ဒဏ်ရာရ သံဃာတော်များအား သိတဂူ ဆရာတော် ဒေါက်တာ ရှင်ဥာဏိသရ လာရောက် ကြည့်ရှုအားပေးစဉ်


လက်ပန်းတောင်း အကြမ်းဖက်မှု ဒေါ်အောင်ဆန်းစုကြည် ရှုတ်ချ

လက်ပန်းတောင်းတောင် ကြေးနီစီမံကိန်း သပိတ် စခန်းတွေကို အစိုးရဘက်က အကြမ်းဖက် ဖြိုခွင်းတဲ့အပေါ် တရားဥပဒေ စိုးမိုးရေးနဲ့ တည်ငြိမ်းအေးချမ်းရေး ကော်မတီဥက္ကဋ္ဌ၊ အမျိုးသား ဒီမိုကရေစီ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က ရှုတ်ချလိုက်ပါတယ်။

သတင်း အပြည့်အစုံ ဖတ်ရန် ဒီနေရာကို နှိပ်ပါ

ဓါတ်ပုံ  - အောင်နေမျိုး

ရဲသုံးဦး လူသတ်မှုကျူးလွန်

ရန်ကုန်၊ နိုဝင်ဘာ၃၀။

ရန်ကုန်မြို့ ရွှေပြည်သာမြို့နယ် အောင်ကြွေပြား စက်ရုံရှိ အလုပ်သမား တစ်ဦးအား ယမန်နေ့ ည ကိုးနာရီခန့်တွင် လှော်ကား ရဲစခန်းမှ ရဲသုံးဦးက ရိုက်နှက်သောကြောင့် သေဆုံးမှု တစ်ခု ဖြစ်ပွားခဲ့ကြောင်း အလုပ်သမား အရေး ဆောင်ရွက်သော ရှေ့နေတစ်ဦးဖြစ်သူ ကိုသူဇော်က မြန်မာ့ခေတ်သို့ ယနေ့ နံနက်တွင် ပြောကြားသည်။

သေဆုံးသူမှာ အောင်ကြွေပြားစက်ရုံ အလုပ်သမားသမဂ္ဂမှ အလုပ်အမှုဆောင် ကိုဇေယျာမင်းဖြစ်ပြီး ရိုက်နှက်သူများမှာ
လှော်ကားရဲစခန်းမှ ရဲတပ်သားပြည့်ဖြိုး အပါအ၀င် (၃)ဦး ဖြစ်ကြောင်း သိရသည်။

အဆိုပါကိစ္စနှင့် ပတ်သက်၍ လှော်ကားရဲစခန်းသို့ ဆက်သွယ်မေးမြန်းရာ အထက်သို့ တင်ပြဦးမည်ဟု ပြော ကြားသည်။

အထက်ပါသတင်းနှင့် ပတ်သက်၍ မြန်မာ့ခေတ် မီဒီယာဂရုမှ ဆက်လက် ဖော်ပြသွားပါမည်။

အောင်သိုက် (မြန်မာ့ခေတ်)


ကြေးနီစီမံကိန်းနှင့်ပတ်သက်၍ စာချုပ်ချုပ်ခဲ့ပုံအား ပြည်သူများသိရှိရန် လိုအပ်ဟု ဒေါ်စုပြောကြား

လက်ပံတောင်း ကြေးနီ စီမံကိန်းနှင့် ပတ်သက်၍ ယခင် အစိုးရ လက်ထက်တွင် ချုပ်ဆိုခဲ့သော စာချုပ်အား မည်သို့ ချုပ်ဆိုခဲ့ကြောင်း ပြည်သူများ သိခွင့်ရှိ သင့်သည်ဟု ဒေါ်အောင်ဆန်းစုကြည် က ယနေ့ နံနက်တွင် မုံရွာမြို့၌ ပြုလုပ်သော ပြည်သူများနှင့် တွေ့ဆုံပွဲတွင် ပြောကြားလိုက်သည်။

သတင်း အပြည့်အစုံ ဖတ်ရန် ဒီနေရာကို နှိပ်ပါ


ရှေ့ကသွားနောက်ကလိုက် အနာဂတ်ကို ကိုက်ခဲနေတဲ့ ယမကာ ယဉ်ကျေးမှု

သွားနှင့်ကြသူများ

”ဦးသန်းဝင်းကြီး ဆုံးပြီတဲ့။ ဝဋ်ကျွတ်တာပေါ့အေ။ နို့မဟုတ်ရင် သူသောက်ဖို့ သားသမီးတွေက ပိုက်ဆံပေးရတာနဲ့၊ ဝတ်ကြီးဝတ် ငယ်ပြုစုရတာနဲ့၊ တာဝန်ပေါ့သွား တာပေါ့’သက်လတ်ပိုင်းအရွယ် အမျိုး သမီးနှစ်ဦး လမ်းပေါ်လျှောက်ရင်း အချင်းချင်းပြောသွားသည့် စကား ဖြစ်သည်။ယင်း အမျိုးသမီးနှစ်ဦးပြော သွားသောဦးသန်းဝင်း သည်

မိုးလင်း မိုးချုပ်အချိန်ကို လစ်မစ်မထားသလို အရက်ကိုလည်း လစ်မစ်မထားဘဲ သောက်တတ်သူ။ အိမ်ထောင်ပျက် ၍ သားသမီး ငါးဦးရှိသည့်အနက် သမီးအကြီးဆုံးနှင့်   နေကာ နိစ္စဓူဝ သူ့အလုပ်မှာအရက်သောက်၊ ကြက်တိုက်၊ နှစ်လုံးထီထိုးနေသူ။ တစ်ခါတစ်ရံ ကျန်းမာရေးမကောင်း လျှင်လည်း သားသမီးများကပင် ဆက်လက် တာ ဝန်ယူဆေးကုပေးရ သူ။မည်သည့် အချိန်က အရက် စသောက်သည်ကို မမေးဖူးသော် လည်း အသက် ၈ဝ ကျော်အရွယ်  သူ၏ မိခင်အိုကြီး ပြောနေကျ စကားက ”သူ့အေ ဖမကောင်းလို့ ငါ့ သားသမီးတွေ ဒီလိုဖြစ်တာ။ သားတွေချည်း ခုနစ်ယောက်မွေး ထားတာအရက်မသောက်တတ် တဲ့သူ မရှိဘူး။ တစ်နေကုန်သောက် နေတဲ့ ကောင်နဲ့ တစ်ခါတစ်ရံ သောက်တဲ့ကောင်ပဲ ကွာတယ်။ သူ့အဖေမဆုံးမဘဲ အလိုလိုက်ခဲ့လို့ ပေါ့”ဟု သားများအပေါ် အလွန် အင်မတန်ချစ်သော အမေအိုကြီးက သားလုပ်သူ များအပေါ် အပြစ်မတင် ဘဲသွားလေသူ ခင်ပွန်းသည်အပေါ် အပြစ်ဆိုစကား ပြောသည်။

အသက် ၅ဝ ကျော်အရွယ် ဦးသန်းဝင်းဆိုသူသည် လွန်ခဲ့ သော တစ်လခန့်ဝန်းကျင်က ဆေး ရုံတက်ဆေးဝါးကုသမှုခံယူကာ အ ရက်ဖြတ်ထားသူ။ ယခုအရက်ပြန်   သောက်ပြီး အသက်နှင့် စတေး လိုက်ပြီ။ရပ်ကွက်ထဲမှ အချို့က အမ နာပ ပြောကြသည်။ ”ဒီလောက် သောက်နေတာ အမှန်ဆို ဒီထက် ပိုပြီး စောသေသင့်တယ်”ဟု မှတ် ချက်ပြုသူများလည်း ရှိသည်။ဦးသန်းဝင်းကို သဂြိုင်္ဟ်သည့် နေ့က သူနှင့်အတူ သောက်ဖော် သောက်ဖက် ယမကာလုလင် လေးငါး ခြောက်ဦး သွားလေသူ အတွက် ဝေ ယျာဝစ္စလာရောက် လုပ်ပေးသည်။ မူးမူးနှင့် ဝမ်းနည်း မျက်ရည်ပင် စို့နေခဲ့သည်။ တစ်ဦး က ပြောသည်။”မင်းက သူများထက် ပို သောက် တာကိုး။ သူများထက်ထူးပြီး   ဆေးရုံတက် အရက်တောင်ဖြတ် လိုက်သေးတယ်။ ဒါကြောင့် မင်း အရင်သေတာ”ဟု မကြာမီ မီး သင်္ဂြိုဟ်ခံရမည့်သူကို ပွတ်သတ် ကြည့်ရှုရင်း တစ်ဦးတည်း ရေရွတ်သည်။

”အရက်ဖြတ်မယ်ဆိုလို့ ပိုက်ဆံရှာပေးပြီး ဆေးရုံတက် အရက် ဖြတ်ခိုင်းလိုက်တာ။နောက်သူ့ကျန်း မာရေးကြောင့် ဖြတ်ချင်တယ် ပြော တော့ဖြတ်ခိုင်းလိုက်တာ။ ဆေးရုံက ဆင်းပြီး အစားတွေ ပုံမှန်ပြန်စားလို့ စိုစိုပြည်ပြည်တောင် ဖြစ်လာပြီ။မသေခင်နှစ်ရက်လောက်က ကြက်သွားတိုက်တယ်တဲ့။ နှစ်လုံးထီ နှစ်ရာဖိုးပေါက်တာကို ရတဲ့ပိုက်ဆံနဲ့ ကြက်သွားတိုက်တာ ရှုံးလို့ဆိုပြီး သူ့ကြက်ကို စိတ်တွေတိုပြီး အရက် သွားပြန် သောက်လိုက်တာ။ ရင်ကျပ်ရောဂါအခံကလည်း ရှိတော့ အသက်ရှုတွေကျပ်ပြီးဆေးရုံသွား ရင်းနဲ့လမ်းမှာသေတာ”ဟု သေဆုံး သူဦးသန်းဝင်း၏ နာရေးလိုက်ပါပို့ ဆောင်သူ တစ်ဦးကို ကျန်ရစ်သူ သမီးလတ်က မျက်ရည်စက်လက် ဖြင့် သုသာန်ခန်းမအတွင်း၌ ရှင်းပြ နေသည်။ထိုနေ့က သုသာန်သို့ လိုက် ပါပို့ဆောင်သူ အချို့က အရက်၏ ဆိုးကျိုးကို ကိုယ့်တွေ့အဖြစ်အပျက် များနှင့် ယှဉ်၍ ပြောသွား ကြသူ အတော်များများ တွေ့ ခဲ့ရသည်။ သူတို့ထဲက အချို့က မွန်းလွဲ ၁ နာရီခန့်ပင် ရှိသေးသည်။ ပေါက် ဖော်ရနံ့ကလေးသင်းလို့နေသည်။

ယမကာနှင့် ရွှေမြန်မာ

မြန်မာနိုင်ငံတွင် အရက်ဆိုင်၊ ဘီယာဆိုင်မရှိသည့် အရပ်ဒေသဟူ ၍ မရှိဟုထင်သည်။ တစ်နိုင်ငံလုံး နီးပါး ခရီးသွားခဲ့သည့် အတွေ့ အကြုံအရ မကြာသော ကာလေ လး အတွင်းတွင် ဘီယာဆိုင်ယဉ်ကျေး မှုတစ်ရပ် ပေါ်ပေါက်လာခြင်း လောဟုဆိုရလောက်အောင်ပင် ရောက် လေရာ အရပ်တိုင်း၌ အရက်၊ ဘီယာ၊ ယမကာဆိုင်   မြောက်မြား စွာ ပေါ်ပေါက်လာသည်။ ဘုရားပွဲ ဈေးတွင်လည်း ရှိသည်။ စာသင် ကျောင်းနှင့် တက္ကသိုလ်များ ဝန်း ကျင်တွင် မပြတ်။ နိယာမ သဘော အရ ဝယ်လိုအားနှ င့် ရောင်းလိုအား၏ မျှချေပင်။

 မြို့ပြများသည်ပြောပြစရာပင် မလိုတော့။အထူးသဖြင့် ရန်ကုန် မြို့ကြီး၌ အရက်၊ ဘီယာ၊ ယမကာ ဆိုင်များစွာသည် နှစ်လိုဖွယ် အထူး ကောင်းသော ဝန်ဆောင်မှု များဖြင့် အနာဂတ်မြန်မာ့သားကောင်းများ ကို ယဉ်ကျေးမှုတစ်ရပ်ဆီ တိုးပို့ နေသည့် အလား။ထိုအထဲတွင် ယမကာ ထုတ်လုပ် ဖြန့်ဖြူးသူများ၏ စွဲမက်ဖွယ် အရောင်းမြှင့် တင်ရေး (ကံစမ်းမဲ)အစီအစဉ်များကပါ ရင် ခုန်စရာကောင်းလောက်သည်အထိ ဆွဲဆောင်နေသည် ”ရပ်ကွက်ထဲမှာ ကျန်းမာရေး မကောင်းလို့ ပါရာစီတမော့လ် ဝယ်   သောက်ဖို့ခက်ရင် ခက်မယ်။ လူ တစ်ယောက်ရဲ့ ကျန်းမာရေး အတွက် ဆေးခန်းတို့၊ ဆေးဆိုင်တို့ ရှားတယ်။ အရက်ဘီယာဆိုင်က တိုးတိုးဆိုင်ရော ကျယ်ကျယ် ဆိုင်   ရော ရပ်ကွက်တိုင်းမှာဆိုင်တွေ အများကြီးရှိတယ်။ စတိုးဆိုင်တိုင်း နီးပါးပါ အရက်၊ ဘီယာ အလွယ် တကူဝယ်လို့ရတယ်”ဟု ရန်ကုန် မြို့ ဒဂုံတောင်မြို့နယ်နေသူ အ သက် ၆ဝ ကျော်အရွယ် တစ်ဦးက ပြောသည်။

ဘဏ္ဍာရှာတဲ့ ယမကာ

အရက်၊ ဘီယာ၊ ယမကာ ဆိုင် များအတွက် လိုင်စင်သက်တမ်း ကို တစ်နှစ်လျှင် တစ်ကြိမ် လိုင်စင် သက်တမ်းတိုးပေးပြီး ယစ်မျိုးနှင့် အခွန်ဌာန၏ ၂ဝ၁၁ ခုနှစ်အတွက် ယစ်မျိုးလိုင်စင် ချထားပေးမှုမှာ ရန်ကုန်တိုင်းဒေသကြီးတွင် ၈၉၆၉ ခု၊မန္တလေးတိုင်းဒေသကြီးတွင် ၇၂၂၉ ခု၊ ဧရာဝတီတိုင်းဒေသကြီး တွင် ၅၁ဝ၅ ခု၊ စစ်ကိုင်းတိုင်းဒေ သ ကြီးတွင် ၃၃၃၁ ခု၊ တနင်္သာရီတိုင်း ဒေသကြီးတွင် ၉၂၃ ခု၊ ပဲခူးတိုင်းဒေ သကြီးတွင် ၄၉၉၆ ခု၊ မကွေးတိုင်း ဒေသကြီးတွင် ၃၃၇ဝ ခု၊ ကချင် ပြည်နယ်တွင် ၈၆၂ ခု၊

ကယားပြည် နယ်တွင် ၂၃၉ ခု၊ ကရင်ပြည်နယ် တွင် ၆၂၅ ခု၊ ချင်းပြည်နယ်တွင်  ၂၁၃ ခု၊ မွန်ပြည်နယ်တွင် ၂ဝ၂၅ ခု၊ ရခိုင်ပြည်နယ်တွင် ၁ဝ၅၇ ခုနှင့် ရှမ်းပြည်နယ်တွင် ၂၃၅၉ ခုစသည် ဖြင့် ပြည်နယ်နှင့်တိုင်း ၁၄ ခု၌ ၄၁၃ဝ၁ ခုရှိကြောင်း ယစ်မျိုးနှင့်အခွန်ဌာန၏စာရင်းဇယားအရ သိရ သည်။ထို့အပြင် ၂ဝ၁ဝ ပြည့်နှစ်က တစ်နိုင်ငံလုံး၌ ချထားပေးခဲ့သော ယစ်မျိုးလိုင်စင် ၃၉၅ဝ၂ ခုရှိခဲ့ရာ ယင်းနှစ်အတွင်း တစ်နိုင်ငံလုံးရှိ အရက်၊ ဘီယာ၊ ယစ်မျိုးစုံဆိုင်များ  အခွန်ရရှိမှုမှာ ကျပ်သန်းပေါင်း ၆၈၆၂ ဒသမ ၇၇၉ သန်းရရှိခဲ့ ကြောင်း သိရသည်။ယင်းသည် ၄င်းနှစ်အတွင်း အခွန်ရရှိမှု လျာ ထားချက်ထက် ကျပ်သန်းပေါင်း ၈ဝဝ ကျော်ပင် အခွန်ဝင်ငွေတိုးရခဲ့ သည်ဟု ဆိုသည်။

ရန်ကုန်တိုင်းဒေသကြီးတွင် ၂ဝ၁၂ ခုနှစ်၌ ယစ်မျိုးလိုင်စင် အရက်၊ ဘီယာ၊ ယမကာသောက် သုံးနိုင်သောဆိုင် ၇၈ဝ၉ ဆိုင် လိုင်စင်ချထားပေးခဲ့ပြီး သောက်သုံး မဟုတ်ေ သာ ဖြန့်ဖြူးရောင်းချဆိုင် ၁၄၃၂ ဆိုင်၊ လိုင်စင်ချပေးခဲ့ကြောင်း သိရသည်။ယင်းစာရင်းအရ ၂ဝ၁၂ ခုနှစ်တွင် ရန်ကုန်၌အရက်၊ ဘီယာ၊ ယမကာဆိုင်လိုင်စင် ၉၂၄၁ ခုရှိရာ ၂ဝ၁၁ ခုနှစ်ထက်များစွာ ပိုလာခြင်း ဖြစ်သည်။

မရှိလို့ရယ်တဲ့မှ မဖြစ်

ယင်းစာရင်း ဇယားတို့သည် တရားဝင်လိုင်စင်ဖြင့် အခွန်ထမ်း ဆိုင်များဖြစ်ရာ လိုင်စင်မဲ့ တရား မဝင် ပုန်းဆိုင်များပါ အချိုး တစ်ခု ခုနှင့် ချကြည့်ပါက ရန်ကုန်မြို့အပါ အဝင်မြန်မာနိုင်ငံ၏အရက်၊ ဘီယာ၊ ယမကာဆိုင်များမှာ မရှိမဖြစ် စား သောက်ကုန် ဆန်ပြီးလျှင် အကြီး ဆုံးဈေးကွက်ဖြစ်နိုင်စရာ ရှိသည်ဟု အချို့က ဆိုသည်။ ”ကျွန်ေ တ်ာတို့မြို့မှာ အရက် ဆိုင်က တအားပေါတာ။ လွန်ခဲ့တဲ့ နှစ်နှစ်လောက်ကထက်စာရင် အ နည်းဆုံးနှစ်ဆလောက်ကို တိုးလာ တာ။ အဖြူဆိုင်၊အနီဆိုင်တွေရော၊ ခိုးေ ရာင်းတာတွေရော စုံနေတာပဲ”ဟု ပခုက္ကူမြို့မှ ကိုဇော်က ပြော သည်။တိကျသေချာ ရေရာသည့် စစ်တမ်းများ ပြုလုပ်မထားသော် လည်းအရက်ဘီယာ၊ ယမကာဆိုင် အထိုင်များသူများမှာ လူငယ်ထုက အများဆုံးဖြစ်သည်။ တစ်ချိန်က လူငယ် အတော်များများ၏ ညနေ ဆည်းဆာ လက်ဖက်ရည်ဆိုင်ယဉ် ကျေးမှုသည်ဘီယာဆိုင် ထိုင် ယဉ် ကျေးမှုအဖြစ် ပြောင်းလဲသွားသည် ဟု လူအတော်များများက ကောက် ချက်ချသည်။ယင်းကို လူငယ်တစ်ဦး ၏အမြင်က စိတ်ဝင်စားစရာကောင်း သလို၊ စဉ်းစားစ ရာကောင်းသည်။ ”အဓိက ကျွန်တော်ထင်တာ က အနာဂတ်ပျောက်နေကြတယ် လို့ထင်တယ်။ ကျောင်းတက်တယ်၊ ဘွဲ့ရတယ်။ ပြီးတော့ ဘယ်မှာလဲသင့်တင့်တဲ့ အ လုပ်။ အချိန်တန် တော့ မိဘလက်ငုပ် လက်ရင်း အလုပ်ပဲ လုပ်ရတာဆိုတော့ မိဘ လုပ်ငန်းကလည်း မငတ်အောင်ပဲ လုပ်နေရတဲ့ လုပ်ငန်းဆိုတော့ ဘာ တိုးတက်မှုမှမရှိ ဘူး”ဟု လူငယ် တစ်ဦးက သူ၏အမြင်ကို ပြောပြ သည်။ထွက်ပေါက်တစ်ခု အတွက်  အကြောင်းပြချက်က လုံလောက်ခြင်း မလုံလောက်ခြင်း ဆိုသည်ထက် ဆည်းဆာရိပ် ယမကာဆိုင်များ တွင် လူငယ်အများစု ပျော်မွေ့သည် က အမှန်ပင်။

အမြူကောင်းသည့် ယစ်ရွှေရည်

ထိုသို့ ပျော်မွေ့လာအောင် ဆွဲဆောင်မှုတွေက ပြည့်လို့နေ သည်။ ထုတ်လုပ်ရောင်းချသူက ကံစမ်းမဲနှင့် ဆွယ်သည်။ မြို့ပြ၏ စားသောက်ဆိုင်ဆိုသော ယမကာ ပေါင်း စုံရသည့် နေရာများသည်ဆန့် ကျင်ဘက်လိင်နှင့် စင်တင်တေးဂီတ များကယစ်ရွှေရည်ဝင်နေသော သူများကို အမြင့်ဆုံးဆွဲခေါ်သွား သည်။ ထိုအချိန်မျိုးတွင် တတ် နိုင် သူကတတ်နိုင်သလောက် အနှိပ် ခန်း၊ကေတီဗီ၊ နိုက်ကလပ်မည်သူ တစ်ဦးတစ်ယောက်၏ တိုက်တွန်း ချက်မှ မပါဘဲ ယစ်ရွှေရည်က ပို့ ဆောင်ပေးသည်။ ”ပြောင်းလာတဲ့   ခေတ်ကြောင့် ထင်တယ်ဗျ။ အဓိကအချက်က နေ ရာတိုင်းမှာ ရနိုင်လို့လည်း ပါတယ်။ ကျွန်တော်နေတဲ့လမ်းထဲမှာကို နှစ် ဆိုင် ရှိတယ်။ အရက်ကလည်း ဈေးပေါတယ်။ ပိုက်ဆံတစ်ထောင် လောက်ရှိရင်တောင် သောက်လို့ ရနေပြီလေ။ကျွန်တော်အတည် အခန့် အလုပ်တစ်ခုလောက်လုပ် နေတယ်ဆိုရင်တော့ သိပ်သောက် ဖြစ်မှာမဟုတ် ဘူး။ အလုပ်ရှားတာ လည်းတစ်ခုလို့ထင်တယ်”ဟုဘွဲ့ရ ကျောင်းပြီး နှစ်နှစ်ကျော်သည်အထိ အလုပ်အကိုင်မည်မည်ရရ မရှိသော အသက် ၂၄ နှစ်အရွယ် လူငယ် တစ်ဦး က ဆိုသည်။ သူနှင့်အတူ ရွယ်တူလူငယ် ငါးဦးသည် အရက်ဖြူကို ရေရော သောက်သောက်နေရင်း သူတို့အား လုံး အဓိပ္ပာယ်မဲ့စကားတို့ တစ်ကိုယ် တစ်မျိုး မရိုးအောင် ဆိုလျက်။ အချိန်က ည ၁ဝ နာရီ။ ရန်ကုန် မြို့၏ အချက်အချာကျသော ကမ်းနားလမ်းတစ်နေရာမှအရက် ဖြူဆိုင် တစ်ဆိုင်တွင် ကြိုက်လို့ သောက်ခြင်းဆိုသည်ထက် အလုပ် အ ကိုင် မည်မည်ရရ မရှိ။ စိတ် ညစ်တိုင်း စုဖွဲ့သောက်တတ်သည် ဟု ဆိုကြသည်။

ဒုစရိုက်မှုများဆီသို့

ပြီးခဲ့တဲ့ ရက်ပိုင်းများအတွင်း ရန်ကုန်မြို့တွင် အုပ်စုဖွဲ့ ရမ်းကား မှုများ ရှေ့ဆင့်နောက်ဆင့်ပေါ်ပေါက် ခဲ့သည်။ မူးရူးရမ်းကားသူ ဘယ် နှဦးပါသည် အတိအကျမသိေ သာ် လည်းမြန်မာနိုင်ငံရဲတပ်ဖွဲ့၏ တရား ဝင်ပြောပြချက်အရ အမှုအခင်းများ တွင်အရက်သောက်ပြီး ခိုက်ရန်ပွား မှုနှင့် အခြားသော ဆိုးကျိုးများက ရာခိုင်နှုန်းပိုများသည် ဟုဆိုသည်။ ”အရက်မူးလာတဲ့ သူတစ်ဦး က ခိုက်ရန်ဖြစ်ပွားဖို့ ဝန်မလေးဘူး။ စိတ်ကထွေနေတော့ နည်းနည်းမူး လာရင် ထွက်ပေါက်ရှာချင်ကြတာ ပဲ။ ပြီးတော့ မူးရင် တခြားဖြစ်နိုင်စရာ တွေအများကြီးပဲ။ ဆိုင်ကယ်မှောက် တယ်။ ကားတိုက်တယ်။ အဓိက ဇာစ်မြစ်ကအရက်ဆိုင်တွေများလာ တာပဲ”ဟု လူငယ်တစ်ဦးက သူ၏ အမြင်ကို   ပြောပြသည်။

ရှေ့ကသွား နောက်ကလိုက်

ထို့အပြင် ယမကာ၏ နှစ်လို ဖွယ်မရှိသော အခြားစာမျက်နှာ တစ်ခုလည်းရှိသေးသည်။ အများ သတိမထားကြဘဲ အကြွေစောခဲ့ သူများ။ မကြာသောအချိန်က   ပြည်   ထောင်စုဝန်ကြီးတစ်ဦးက ပြောဖူး သည်။ မြန်မာနိုင်ငံတွင် အရက်တု များတင်သွင်းရောင်းချခြင်းနှင့် စံချိန်မမီဓာတုပစ္စည်းများဖြင့် ထုတ် လုပ်ရောင်းချသော အရက် များ သောက်နေ၍ ကျန်းမာရေးထိခိုက်မှု များရှိကြောင်း လူသိရှင်ကြား ပြော ကြားခဲ့သည်။ ယမကာ လုလင်များ အတွက် အချက်ပေးခေါင်းလောင်း ပင်။”မနက် ၇နာရီထိုး တာနဲ့ တစ်ပိုင်းလောက် သောက်လိုက်ရ မှ။ ဒါမှ အလုပ်သွားဖို့အဆင်သင့် ဖြစ်တာ။ တစ်ရက် လေးကြိမ် လောက်သောက်တယ်။ ကျွန်တော် အရက်ကို အမြဲတမ်းသော က်ပေ မယ့်တွေ့ရာဆိုင်မှာတော့ မသောက် ဘူး။ အရက်ထဲမှာဘီအီးကသစ္စာ အရှိဆုံးလေ။ ဒါကြောင့် ဘီအီးပဲ သောက်တယ်။ ဘာလို့ လဲဆိုတော့ စိတ်နာလို့။ ကျွန်တော့် အဖေ အ သက် ၃၅ နှစ်နဲ့ သေသွားတာ ဘီအီးပဲ သောက်ပြီး သေတာ။ အရမ်းသောက်ပြီး သွားဖြတ်လိုက် တာ ခံနိုင်ရည်မရှိတော့ သေတာပဲ”ဟု အသက် ၂၇ နှစ်အရွယ်
တိုး ကြောင်ကလေး-ရန်ကုန်မြို့ပတ်ရ ထားပေါ် ရေခဲချောင်းရောင်းနေသူ   ကိုဝင်းမြင့်အောင်က ပြောသည်။

ချာချာလည် ယမကာရယ်

ရန်ကုန်မြို့ ရွာသာကြီးရှိ စိတ် ကျန်းမာရေးဆေးရုံကြီးတွင် အရက် ကြောင့်ဖြစ်သော စိတ်ရောဂါမှာ တစ်နှစ်ထက်တစ်နှစ် ပိုများလာ ကြောင်း ဆေးရုံ၏ စာရင်းဇယား များ အရ သိရသည်။ အရက်သောက်ခြင်း ကြောင့် စိတ်ရောဂါဝေဒနာ ခံစားရ သူကအခြားစိတ်ရောဂါ ဝေဒနာ ရှင်နဲ့ နှိုင်းယှဉ်ကသုံးပုံတစ် ပုံရှိ သည်ဟုဆိုသည်။ အဆို ပါ ဆေးရုံ ကြီးတွင် ၂ဝ၁၁ ခုနှစ်အတွင်း လာရောက်အရက်ဖြတ်သူ ၂၆၄၁ ဦးရှိခဲ့ရာ ၂ဝ၁ဝ ခုနှစ် ထက်ပိုများခဲ့ ကြောင်း၊ ယခု ၂ဝ၁၂ ခုနှစ် စက် တင်ဘာလအထိ ၁၉၇၃ ဦးရှိ ကြောင်းသိရသည်။”ဘယ်အရက်ကမှ ပိုထိခိုက် စေတာမရှိပါဘူး။ အရက်မှန်သမျှ အကုန်ထိခိုက်စေတာပဲ။ ဘီယာနဲ့ အရက်လည်း အတူတူပါပဲ။ ချက်အ ရက်ကေ တာ့ရောတာတွေက မသန့် ရှင်းဘူး။ အဆိပ်အတောက် ဖြစ်စေ တာ များတယ်။ ပိုထိခိုက်နိုင်တာ ပေါ့”ဟုရွာသာကြီး စိတ်ကျန်းမာ ရေးဆေးရုံကြီးမှ ဆရာဝန်တစ်ဦး က ပြောသည်။ယစ်မျိုးစီမံခန့်ခွဲ အခွန်ကောက် သူများက အရက်သေစာ သောက် စားခြင်း အလေ့အထ ပြန့်ပွားမှုမ ရှိစေရန်၊ တရားမဝင် ထုတ်လုပ်ဖြန့် ဖြူးရောင်းချခြင်း မရှိစေရန် အခွန်ကို တိုးမြှင့်နိုင်သမျှ တိုးမြှင့်ကောက် ခံရန်၊ ပြည်ပမှ တင်သွင်းအရက် လျှော့ချရန်စသည်ဖြင့် အမျိုး မျိုးသော စည်းကမ်းချက်များ ထုတ် ထားသည်။ မြို့နယ် တစ်ခုလျှင် ယစ်မျိုးလိုင်စင် မည်ရွေ့မည်မျှ ချ ထားပေးမည်ဆိုခြင်း ကန့်သတ် မထားသော်လည်း တစ်ဆိုင်နှင့် တစ်ဆိုင် အကွာအဝေးသာ သတ် မှတ်ထားသည်။ ထိုအကွာအဝေး လိုက်နာမှုရှိမရှိကို ရန်ကုန်မြို့၏ လူစည်ကားရာ စားသောက်ဆိုင် ညဈေးတန်းက သက်သေခံနေ သည်။ တစ်နှစ်ထက်တစ်နှစ် ယစ် မျိုးလိုင်စင် လျှောက် ထားမှုတိုးမြင့် လာခြင်းက ငြင်းမရ။

အတုမှ အစစ်ဆီသို့ များမကြာမီ

အဖြူအစိမ်းဝတ် ကျောင်းသားငယ်နှစ်ဦး နာမည်ကြီးတံဆိပ် ဘီယာဘူး ကိုယ်စီကိုင်ပြီး ချီးယား လုပ်နေသည့် မြင်ကွင်းက မြင်ရသူအတွက် အထူးအဆန်းဖြစ်လို့   နေသည်။ သို့ရာတွင် သူ၏ဘေးပတ်ဝန်းကျင် ရှိသူအချို့က မထူးဆန်းသလို ဖြစ်နေခြင်းအကြောင်းအရင်း ကို တွေးမရ။ မနေနိုင်လွန်း၍ အနီးကပ်မေးမြန်းကြည့်ရာမှ အချိုရည် ဘူးများ ဖြစ်နေခြင်းပင်။ ဘီယာ ကုမ္ပဏီတစ်ခုက ထုပ်ပိုးမှုပုံစံ ခြားနားမှုမရှိသော အသွင်အပြင်နှင့် ထုတ်လုပ်ထားသော အားဖြည့်အချို ရည်တစ်မျိုး။”ကလေးေ တွက ဒါကိုပဲ လာ လာဝယ်နေကြတော့ ကျွန်တော် လည်း တင်ရောင်းရတာပဲ။ သူတို့က လူကြီးတွေကို အတုခိုးပြီး ဘီယာသောက်သလို ပုံစံမျိုး ဂိုက်ဖမ်းနေကြတာ”ဟု လှိုင်သာယာမြို့နယ်မှ ကုန်စုံဆိုင်ပိုင်ရှင် တစ်ဦးက ပြောသည်။လူ့သဘာဝအရ ကောင်းသော အမှုပြုခြင်းသာ တွေဝေတုံ့ဆိုင်း နေနိုင်သည်။ မကောင်းမှုအတွက် အတုခိုးမြန်သည်။ ရှေ့သွားနောက် လိုက်ညီသည်။ ဒါသည် လောကနိယာမ။ ဦးသန်းဝင်းသင်္ဂြိုဟ်သည့်နေ့က သောက်ဖော် သောက်ဖက် ယမကာ လုလင်တစ်သိုက် ပြောသွားတာတစ်ခု ရှိသည်။ ”တို့ဒီညနေ သန်းဝင်းအတွက်ပါ ပိုသောက်ကြတာပေါ့ကွာ”တဲ့။

မိုးမြင့်မြတ် ရေးဖွဲ့သည်။

သတင်းအချက်အလက်

ကျော်ရဲလင်း၊ ညွန့်ဝင်း၊ မြတ်စုငြိမ်း
by Popular Myanmar News Journal

လူထုခေါင်းဆောင် ဒေါ်အောင်ဆန်းစုကြည် လက်ပန်းတောင်းတောင် ခရီးစဉ် (၁၃)

အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည် ယနေ့နံနက်ပိုင် မုံရွာမြို့ဟောပြောပွဲ မြင်ကွင်းများ

ဓါတ်ပုံ - Aung Nay Myo












မုံရွာကြေးနီစီမံကိန်း သုံးသပ်ချက် တရုတ်သံရုံး ထုတ်ပြန်

ယင်းထုတ်ပြန်ချက်တွင် ကြေးနီစီမံကိန်းနှင့် ပတ်သက်သော ရွှေ့ပြောင်းမှု လျော်ကြေးငွေ ကိစ္စ၊ သဘာဝပတ်ဝန်း ကျင် ကာကွယ်ရေး ဆိုင်ရာကိစ္စနှင့် အကျိုးမြတ် ခွဲဝေမှုဆိုင်ရာ ကိစ္စရပ်များသည် နှစ်ဖက်စလုံး ညှိနှိုင်း ဆွေးနွေး သဘောတူပြီး ဖြစ်ကာ မြန်မာနိုင်ငံ၏ စည်းမျဉ်းစည်းကမ်း ဥပဒေများနှင့်အညီ ဖြစ်ကြောင်းလည်း ဖော်ပြထားသည်။

မြန်မာနိုင်ငံတွင်းရှိ ဥပဒေနှင့် စည်းမျဉ်း စည်းကမ်းများကို အခြေခံလေးစား လိုက်နာပြီး မုံရွာ ကြေးနီစီမံကိန်း ချောချောမွေ့မွေ့ လုပ်ကိုင် ဆောင်ရွက်နိုင်ရန် ပြည်တွင်းရှိ အလွှာအသီးသီးမှ ပြည်သူများ အနေဖြင့် အခြေ အနေ ကောင်းများ ဖန်တီးပေးပါရန် မေတ္တာရပ်ခံကြောင်း တရုတ်နိုင်ငံ ဆိုင်ရာ မြန်မာသံရုံးက ယနေ့သတင်း ထုတ်ပြန်သည်။


လူထုခေါင်းဆောင် ဒေါ်အောင်ဆန်းစုကြည် လက်ပန်းတောင်းတောင် ခရီးစဉ် (၁၂)


အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည် မုံရွာမြို့  ဟောပြောပွဲ မြင်ကွင်းများ
ဒီချူပ်ဥက္ကဌ ဒေါ်အောင်ဆန်းစုကြည် လက်ပံတောင်းတောင် ကိစ္စနှင့် ပက်သတ်၍ ဒုတိယနေ့ မိန့်ခွန်းအဖြစ် ချင်းတွင်းမြစ် သဲသောင်ပြင်တွင် ဟောပြော


ဒေါ်အောင်ဆန်းစုကြည်သည် ယနေ့ နိုဝင်ဘာ 30 ရက် နံနက် ၈နာရီခွဲခန့် တွင် ချင်းတွင်းမြစ် အတွင်း ၊ မုံရွာဘက်ခြမ်း သဲသောင်ပြင်
( ရွှေလွန်းပျံ ကူးတို့ဆိပ်)တွင် နာရီဝက်ကျော်အကြာ ဟောပြော သွားကြောင်း သိရသည် ။

အဆိုပါဟောပြောပွဲတွင် ဒေသခံများအနေဖြင့် အချိန်မှီ ရောက်လာသူနည်းပါးသော ကြောင့် ဧည့်ပရိတ်သတ် ၁၀၀၀ ကျော်ခန့် သာရှိကြောင်း ရန်ကုန်မဒီယာ သတင်းထောက်မှ ပေးပို့သည်။

“ အချိန်ကစောတာလဲပါတယ် တစ်ချို့က ဟောပြောပွဲ မလုပ်ဖြစ်ဘူးလို့ လဲ ထင်သွားကြတယ် ဒါကြောင့်မို့ လူတော်တော် နည်းတယ် မိနစ်၄၀ လောက်သာ ကြတော့ ပွဲပြီးတဲ့ အထိ လူတွေကလာနေတုန်းပဲ” ဟု မုံရွာမြို့ခံ ကုန်သည် တစ်ဦးက ရန်ကုန်မီဒီယာဂရု သို့ ဆက်သွယ် ပြောကြားသည်။

ဒေါ်အောင်ဆန်းစုကြည်သည် အဆိုပါ ဟောပြောပွဲ အပြီးနံနက် ၉ နာရီ ၅၀ ကျော်ခန့်တွင် တည်းခိုရာ ၀င်းယူနတီ ဟိုတယ် သို့ပြန်သွားပြီး လက်ပံတောင်းတောင် စီမံကိန်းနှင့် ပက်သတ်၍ သက်ဆိုင်ရာအဖွဲ့အစည်း များနှင့်တွေဆုံညှိနှိုင်းမည်ဟု သိရသည်။

“အမေစုက ဟောပြောပွဲမှာ လက်ပံတောင်းကိစ္စနှင့် ပက်သတ် လို့ အခုလို ဖြေရှင်းပုံဟာ မလိုအပ်ဘူးလို့ပြောသွားတယ် ဒီကိစ္စနှင့်ပက်သတ်ပြီး အာဏာပိုင်တွေကိုတွေ့မယ်၊ လက်ပံတောင်းဒေသခံတွေကို တွေ့မယ်၊ စီမံကိန်းနယ်မြေ အနီးက ၂၆ ရွာက ကိုယ်စားလှယ်တွေကိုတွေမယ် လို့ ပြောကြားသွားတယ်” ဟုမုံရွာမြို့ ရှိ သီးနှံစုံ ပွဲရုံတစ်ခုမှ မန်နေဂျာကပြောကြားသည်။

အခုနောက်ဆုံးရရှိသော သတင်းများအရ ဒေါ်အောင်ဆန်းစု ကြည်သည် ၀င်းယူနတီ ဟိုတယ်တွင် သက်ဆိုင် ရာ အဖွဲ့အစည်းများ နှင့် တွေ့ဆုံရန် အဆင်သင့် စောင့်ဆိုင်းနေကြောင်းသိရသည်။

တည်ကြည်အေး - Yangon Media Group

လူထုခေါင်းဆောင် ဒေါ်အောင်ဆန်းစုကြည် လက်ပန်းတောင်းတောင် ခရီးစဉ် (၁၁)


ယနေ့ နံနက် ဒေါ်အောင်ဆန်းစုကြည် မုံရွာမြို့ ခံများကို မိန့် ခွန်းပြော


ပြည်သူ့လွှတ်တော် တရားဥပဒေ စိုးမိုးရေးနှင့် တည်ငြိမ်အေးချမ်းရေး ကော်မတီ ဥက္ကဋ္ဌ ဒေါ်အောင်ဆန်းစုကြည်သည် လက်ပန်းတောင်းတောင် ကြေးနီ စီမံကိန်း နယ်မြေ အတွင်းရှိ သပိတ် စခန်းများအား လူအင်အားသုံး ဖြိုခွင်းခဲ့သည့် စစ်ကိုင်းတိုင်းဒေသကြီး မုံရွာခရိုင် အာဏာပိုင်များ၊ ရဲမှူးများနှင့် တာဝန်ရှိသူများကို ၄င်းတည်းခိုရာ ဟိုတယ်၌ တွေ့ဆုံဆွေးနွေး လျက်ရှိသည်။

အဆိုပါ လက်နက်မဲ့ ငြိမ်းချမ်းစွာ ဆန္ဒပြသူများကို အင်အားသုံး ဖြိုခွင်းခဲ့သည့် အတွက် မိမိအနေဖြင့် နားမလည် နိုင်အောင် ဖြစ်ရကြောင်း ယင်းပြဿနာကို ပြေလည်မှု ရသည်အထိ ဆောင်ရွက် ပေးသွားလိုကြောင်း ဒေါ်အောင်ဆန်းစုကြည်က ပြောကြားသည်။

နေ့လယ်ပိုင်းတွင် လက်ပန်းတောင်ကြေးနီ စီမံကိန်း အနီးရှိ ရွာလေးရွာမှ ပြည်သူလူထုများ၊ သပိတ်ခေါင်းဆောင် များ နှင့်လည်း တွေ့ဆုံဆွေးနွေး သွားမည်ဖြစ်ကြောင်း မုံရွာခရိုင်၊ အမျိုးသား ဒီမိုကရေစီ အဖွဲ့ချုပ် (NLD)ပါတီမှတာဝန်ရှိသူတစ်ဦးကဆိုသည်။

အစိုးရ သတင်းထုတ်ပြန်ရေးအဖွဲ့က ထုတ်ပြန်ချက်နှင့် ပတ်သက်၍ လည်း အစိုးရ တစ်ရပ်အနေဖြင့် သတင်းထုတ်ပြန်ချက် တစ်ရပ်ကို ထိုသို့ ခပ်လွယ်လွယ် မလုပ်သင့်ကြောင်း ဒေါ်အောင်ဆန်းစုကြည် က ပြောကြားသည်။

သတင်း-ဓါတ်ပုံ ။  ။ The Voice Weekly

တကယ်မွှေးမှာလား ကံ့ကော်မြေ

“ကန်ရေပြင် မြေနီလမ်း ..တို့နဲ့ဝေး ..စွယ်တော်ခုံပြာတန်း တို့နဲ့ဝေး .. ယုံပါကွာ အချစ်ဆုံးမင်းကို . တို့တော့ သတိရ နေမှာပါ ...”

လွန်ခဲ့သည့် ဆယ်စုနှစ်များစွာက ကျောင်းဖွင့်ချိန် ဇွန်လများမှာ မိုးစက်များခပ်ဖွဲဖွဲရွာနေပေလိမ့်မည်။ စိန်ပန်းတွေလည်း ရဲရဲပွင့်နေလိမ့်မည်။ တရုတ်စကားပွင့်တွေလည်း ဖူးပွင့်နေပေလိမ့်မည်။ အဓိပတိလမ်းမကြီးတစ်လျှောက် ထီးရောင်စုံကိုယ်စီဖြင့် အဆင်အသွေးစုံ ကျောင်းသား၊ ကျောင်းသူများ ပျားပန်းခတ်နေလိမ့်မည်။ သည်လမ်း မကြီးကို ဂုဏ်ယူဝံ့ကြွားစွာ ခြေချခဲ့ကြပါလိမ့်မည်။

ပြီးတော့ ရန်ကုန်တက္ကသိုလ် ရင်ခွင်ကို ခိုလှုံဖူးသူတို့ ဘယ်တော့မှမေ့မရနိုင်သည့် သစ်ပုပ်ပင်ကြီး၊ အဓိပတိလမ်းကို ၀င်ဝင်ချင်း ဘယ်ဘက်က မန္တလေးဆောင်ကြီး၊ ညာဘက်က ဗိုလ်အောင်ကျော် ကျောက်တိုင်ပုလေး၊ ဂျပ်ဆင်ဘုရားကျောင်း၊ ရွှေဘိုဆောင်၊ နာမည်ကျော်မာလာဆောင်၊ အင်းလျားဆောင်၊ ကိုအောင်ဆန်းနေဖူးသော ပဲခူးဆောင်စသည့် အဆောင်များအားလုံး၏ ပင်မဖြစ်သော ဘွဲ့နှင်းသဘင်ခန်းမဆောင်ကြီး၊ တက္ကသိုလ်စာကြည့်တိုက်ကြီး .. ပြီးတော့ .. ကံ့ကော်ပင်တွေ၊ ပိတောက်ပင်တွေ၊ တရုတ်စကားပွင့်လေးတွေ၊ သစ်တိုပင်လမ်းကလေး၊ ဦးချစ်လက်ဖက်ရည်ဆိုင်၊ ယမ်းဘီလူးဆိုင်၊ အင်းလျားကန်ပေါင်။

ရန်ကုန်တက္ကသိုလ်ကျောင်းသား၊ ကျောင်းသူတို့အတွက် ဂုဏ်ယူစရာအထိမ်းအမှတ်နေရာများစွာက ခေတ်အဆက်ဆက် ရှင်သန်နေဆဲဖြစ်သည်။ ယခင်က တက္ကသိုလ်ကြီးထဲ ခြေချဖူးသူတို့ ၏ သတင်းစကားများ၊ တက္ကသိုလ်မှ မွေးထုတ်ပေးလိုက်သည့် စာရေးဆရာကြီးများ၏ ရေးသားဖော်ပြ ချက်များကိုသာ ယနေ့မှာတော့ ခေတ်လူငယ်တို့အတွက် ပုံပြင်တစ်ပုဒ်နှယ် ကြားသိခဲ့ရသည်။

တက္ကသိုလ်ကြီးအကြောင်း မည်သည့်အချိန်မှာပင် ကြားရစေတော့ ချက်ချင်းပင်ပြေးကြည့်၊ ပြေးတက်လိုက်ချင်သည့်စိတ်ကလည်း တဖွားဖွားပေါ်လာတတ်စမြဲ၊ သို့ သော် ရန်ကုန်တက္ကသိုလ်ကြီး ကိုယ်တိုင်ပင် သူ့ရင်သွေးများနှင့်ဝေးကွာခဲ့ရသည်မှာ နှစ်ပေါင်းများစွာ ကြာမြင့်ခဲ့ပါပြီ။
အမိရင်ခွင်မှ အမှတ်တရများကိုတော့ ဘယ်သောအခါမျှ မမေ့နိုင်ကြ။

အဓိပတိလမ်းထက်က ရွက်ကြွေများ
“ကြင်နာသူရဲ့ ကံ့ကော်တန်း .. ခြေရာထင်ကျန်ဆဲ အဓိပတိလမ်း ... ရင်မှာသံမှိုစွဲ နှလုံးအိမ်ထဲ ... တို့တော့သတိရနေမှာပါ”
ရန်ကုန်တက္ကသိုလ်ပင်မဂိတ်ပေါက်မှ လှမ်းဝင်လိုက်သည်နှင့် အဓိပတိလမ်းမကြီးက ခန့်ထည်စွာ ဆီးကြိုပါလိမ့်မည်။ ယခုအခါ ပြန်လည်ပြင်ဆင်ထားသည့် အဓိပတိလမ်းသည် ၀ဲယာတစ်ဖက် တစ်ချက်၌ မီးတိုင်သစ်များ၊ ပိုးထားသော ကတ္တရာသစ်များ၊ ပလက်
ဖောင်းသစ်များ၊ မြက်ခင်းသစ်များဖြင့် ကြည့်ကောင်းနေပေသည်။ ၀င်ဝင်ချင်း ညာဘက်သို့ လှည့်ကြည့်ပါက ဗိုလ်အောင်ကျော်အထိမ်းအမှတ် ကျောက်တိုင်ငယ်လေး တွေ့ရပါမည်။

ဘယ်ဘက်သို့ လှမ်းကြည့်ပါက New Hall ဟုခေါ်ဆိုခဲ့ကြသော မန္တလေးဆောင်၊ အမရဆောင်၊ ရာမညဆောင်၊ တောင်ငူဆောင်စသည်တို့ကို တွေ့ရမည် ဖြစ်သည်။ အဓိပတိလမ်းမတစ်လျှောက်တွင် ငွေစာရင်းရုံး၊ ရွှေဘိုဆောင်၊ ဒဂုံဆောင်၊ တက္ကသိုလ် စာကြည့်တိုက်နှင့် သိပ္ပံ၊ ၀ိဇ္ဇာစာ သင်ဆောင်များရှိကြသည်။

ဗြိတိန်နိုင်ငံ၊ အောက်စဖို့ဒ် တက္ကသိုလ်ဖွဲ့စည်းပုံအတိုင်း တည်ထောင်ထားသော ရန်ကုန်တက္ကသိုလ် အဓိပတိလမ်းမကြီးသည် ယနေ့ထက်တိုင်ပင် သစ်ရွက်ခြောက်များ တဖွဲဖွဲကြွေကျဆဲဖြစ် သည်။ သူ့ရင်ခွင်ပေါ် နင်းဖြတ်လာမည့် ကျောင်းသား၊ ကျောင်းသူတို့၏ ခြေသံများကိုလည်း နားစွင့် နေဆဲဖြစ်ပါသည်။

အထီးကျန်သော်လည်း အကျည်း မတန်သည့် ကျောင်းဆောင်များ
ရန်ကုန်ကောလိပ်အဆောက်အအုံများကို ၁၉၀၀ ပြည့်နှစ်တွင် စတင်ဆောက်လုပ်ခဲ့ပြီး ၁၉၂၀၊ ဒီဇင်ဘာလ ၁ ရက်တွင် ရန်ကုန်တက္ကသိုလ်ကြီးအဖြစ် စတင်ဖွင့်လှစ်ခဲ့သည်။

သထုံ၊ ပဲခူး၊ ပင်းယ၊ အင်းဝ၊ စစ်ကိုင်းကျောင်းဆောင်များသည် Central Hall ပင်မကျောင်းဆောင်များဖြစ်ပြီး ၁၉၂၈ ခုနှစ်အတွင်း ဆောက်လုပ်ပြီးစီးခဲ့သည်။ ပြည်၊ တကောင်းနှင့် ပုဂံဆောင်များကို ၁၉၂၆ ခုနှစ်တွင် ပြီးစီးခဲ့သည်။ ၀ိဇ္ဇာနှင့်သိပ္ပံစာသင်ဆောင်များ အပါအ၀င် ရွှေဘိုဆောင်၊ ဒဂုံဆောင်၊ သီရိဆောင်များကို ၁၉၃၁ ခုနှစ်တွင် ဆောက်လုပ်ခဲ့သည်။

New Hall ဟုခေါ်သည့် မန္တလေး၊ အမရ၊ ရာမည၊ တောင်ငူဆောင်များ၊ မာလာဆောင်၊ ရတနာဆောင်၊ အင်းလျားဆောင်တို့ကို လွတ်လပ်ရေးခေတ်ဦးကျမှ ဆောက်လုပ်ခဲ့ခြင်းဖြစ်သည်ဟု သိရသည်။ သထုံလမ်းဘက်တွင် ပညာရေးကျောင်းသူများ နေထိုင်သည့် တီတီစီကျောင်းဆောင် (နှင်းဆီကုန်း) လည်းရှိသည်။

လက်ရှိရန်ကုန်တက္ကသိုလ် နယ်မြေကြီးကို ၁၉၁၈ ခုနှစ် ဇွန်လမှစတင်ကာ ဧက ၇၀၀ နှင့် ၈၀၀ အကြား ကျယ်ဝန်းသည့် သရက်နှင့် မရမ်းခြံများကို ခုတ်ထွင်ရှင်းလင်း၍ ရန်ကုန်တက္ကသိုလ် အဆောက်အအုံများ ဆောက်လုပ်ခဲ့ကြောင်း သိရသည်။

အင်္ဂလိပ်ခေတ်လက်ရာ အဆောက်အအုံနီနီကြီးများ၏ အခန်းငယ်များထဲမှ စာအံသံများ ထွက်ပေါ်ခဲ့ဖူးသည်။ ဂစ်တာသံများ၊ ပျော်ရွှင်စွာရယ်မောသံများ ပေါ်ထွက်ခဲ့ဖူးသည်။ တေးသီချင်းများဖြင့် အဆောင်သူတို့ အိပ်မက်တွေ လှပခဲ့ကြသည်။

ထင်ရှားသည့်နိုင်ငံ့ခေါင်းဆောင်အချို့သည် ထိုအဆောင်များထဲမှပင် ပေါ်ထွက်လာကြသည်။ အနုပညာရှင်များစွာသည် ထိုအဆောင်များထဲမှာ သန္ဓေတည်ခဲ့ကြသည်။ စာပေပညာရှင်များသည် ထိုအဆောင်များထဲမှာ ဉာဏ်ကွန့်မြူးခဲ့ကြသည်။ ပဲခူးဆောင်မှ ကိုအောင်ဆန်းနေထိုင်ခဲ့သည့် အခန်းငယ်လေးကို တန်ဖိုးထားခဲ့ကြသည်။

မည်သို့မျှ မေ့ပျောက်မရနိုင်သော အဆောင်ဟောင်းကြီးများထဲမှာ ကြီးမားသော သမိုင်းကြောင်းတွေ ရှိသည်။ မြန်မာတစ်နိုင်ငံလုံး၏ အနာဂတ်အဆုံးအဖြတ်သည် ထိုအဆောင်ဟောင်းကြီးများထဲမှ ပေါ်ထွက်လာဖူးသည်။ ယခင်က စည်ကားသိုက်မြိုက်ခဲ့ဖူးသည့် အ ဆောင်ဟောင်းကြီးများသည် ယခုအခါ ခြောက်သွေ့နွမ်းလျနေပါသည်။ လူတွေကလည်း နေထိုင်သည်ဆိုရုံ၊ ရှိသည်ဆိုရုံမျှ။

ထိုသို့နှစ်ပေါင်းများစွာ အထီးကျန်နေခဲ့သော်လည်း အဆောင်များအားလုံး အကျည်းမတန်သေးပါ။ ခန့်ညားထည်ဝါလျက်ပင် ရှိပါသည်။ လက်ရှိတွင် ရန်ကုန်တက္ကသိုလ်ရှိ အဆောင်များကို ပြန်လည်မွမ်းမံပြင်ဆင်မှုများ ပြုလုပ်နေသည်ကို တွေ့ရသည်။

သမိုင်းကြောင်းကို ငုံ့ကြည့်နေသော သစ်ပုပ်ပင်ကြီး
အဓိပတိလမ်းမထက်မှာ ရန်ကုန်တက္ကသိုလ်စတည်စဉ်ကတည်းက ရှိနေခဲ့သည့် သစ်ပုပ်ပင်ကြီးကို တွေ့ရပါမည်။ မလှမ်းမကမ်းမှာ ဘွဲ့နှင်းသဘင်ကြီးက ထည်ဝါစွာ ရပ်တည်လျက်ရှိသည်။ နှစ်ပေါင်းတစ်ရာကျော်လာပြီဖြစ်သည့် သစ်ပုပ်ပင်အိုကြီးသည် ရာသီဥတုဒဏ်ကို ကြံ့ကြံ့ခံဆဲ။

တက္ကသိုလ်နယ်မြေမှ ကျောင်းသားကျောင်းသူတိုင်းသည် သစ်ပုပ်ပင်ကြီးနှင့် ထိတွေ့ရင်းနှီးခဲ့ကြသည်။ သူ့အရိပ်အောက်မှာ ခိုဝင်ခဲ့ကြသည်။ သူ့ပင်စည်မှာ စာထွင်း၍ တစ်သက်တာ အမှတ်တရများ ရေးခြစ်ခဲ့ကြသည်။

နာဂစ်မုန်တိုင်းကြောင့် ရန်ကုန်တက္ကသိုလ်နယ်မြေအတွင်းရှိ သက်တမ်းရင့်သစ်ပင်ကြီးများစွာ ပြိုလဲခဲ့ရသည်။ ထိုစဉ်က ကျောင်း သားဟောင်းများသာမက ပြည်သူအများက သူတို့ချစ်သော သစ်ပုပ်ပင်ကြီးကို စိုးရိမ်တကြီးဖြစ်ခဲ့ရသည်။ ရန်ကုန်တက္ကသိုလ်နှင့် တွဲမြင်ရသည့် ကြီးမားသော ဂုဏ်ပုဒ်တစ်ရပ်ကြောင့် သစ်ပုပ်ပင်ကြီး အဆုံးသတ်သွားမှာကို စိုးထိတ်ခဲ့ ကြသည်။ သစ်ပုပ်ပင်ကြီးရှိနေဆဲပါ။ ကြံ့ကြံ့ခံ၍ နာဂစ်ကို ဖြတ်သန်းနိုင်ခဲ့သည်။

ဂျပ်ဆင်အိုနှင့်ဓမ္မာရုံ
အမေရိကန် ဘက်ပတစ် သူနာပြုအဖွဲ့ ထူထောင်သော ဘက်ပတစ်ကောလိပ်သည် ၁၈၉၄ ခုနှစ်တွင် ပေါ်ပေါက်ခဲ့သည်။ အဆိုပါကောလိပ်ကို ယုဒသန်ကောလိပ်ဟူ၍ ၁၉၁၈ ခုနှစ်တွင် အမည်ပြောင်းလဲခဲ့သည်။ ယုဒသန်ဘုရားကျောင်းကိုလည်း တည်ဆောက်ခဲ့ပြီး နောက်ပိုင်းတွင် ဂျပ်ဆင်ခန်းမ၊ ဂျပ်ဆင်ဘုရားကျောင်းဟု ခေါ်ဝေါ်ခဲ့ကြသည်။ ၁၉၂၀ ရန်ကုန် တက္ကသိုလ် အက်ဥပဒေအရ ရန်ကုန်ကောလိပ်နှစ်ခုကိုပေါင်းစည်းကာ ရန်ကုန်တက္ကသိုလ်ဟူ၍ ပေါ်ထွန်းလာခဲ့ခြင်းဖြစ်သည်။

ဂျပ်ဆင်ဘုရားရှိခိုးကျောင်းမှာ ယနေ့ထက်တိုင် တနင်္ဂနွေနေ့တိုင်း လူစည်ကားဆဲဖြစ်သည်။ အမေရိကန်အဖွဲ့က ဂျပ်ဆင်ဘုရားရှိခိုးကျောင်းကို တည်ဆောက်ခဲ့ကြသလို မြန်မာကျောင်းသားကြီးများကလည်း တက္ကသိုလ်ရိပ်သာလမ်းနှင့် လှည်းတန်းမီးပွိုင့်အနီး၌ တက္ကသိုလ်ဓမ္မာရုံကြီးကို ၁၉၃၁-၃၂ ခုနှစ်တွင် တည်ဆောက်ပြုပြင်ခဲ့ကြသည်။

ရန်ကုန်တက္ကသိုလ်နယ်မြေအတွင်းက ခရစ်ယာန်ဘုရားကျောင်းနှင့် ဗုဒ္ဓဘာသာ ဓမ္ဓာရုံကြီးတို့ နှစ်ခုစလုံးသည် ယခုအခါ အိုမင်းလာကြပြီဖြစ်သည်။ သမိုင်းဝင် နေရာများအဖြစ် တည်ရှိနေကြပြီဖြစ်သည်။ ဂျပ်ဆင်ဘုရားကျောင်းထိပ်မှာ လရိပ်ကတော့ သာဆဲပင်။

ဇာတ်လိုက်ကျော်အင်းလျားနှင့် အတိတ်ဆိုးတံတားဖြူ
“အိမ်ပြန်ချိန် .. တို့ခွဲ .. တစ်လမ်းစီမို့ .. ပြန်လည်ဆုံဆည်းကြနိုင်ဖို့ .. ကံကိုသာ မျှော်လင့်ရင်းအဝေးက .. တို့ သတိရနေမှာပါ ..””
ရေပြင်သည် လေအသော့တွင် လှိုင်းကြက်ခွပ်လေးများ လှုပ်ကာလှုပ်ကာဖြင့် အမြင်တင့်နေဆဲ။ တက္ကသိုလ် ကျောင်းသားနှင့် တက္ကသိုလ်ကျောင်းသူတို့၏ ချစ်သူ့နယ်မြေဖြစ်သော အင်းလျားကန်ပေါင်သည် တစ်သက်တာ လက်တွဲရမည့် အိမ်ထောင်ဖက်ကို ရွေးချယ်ပေးလိုက်လေ့ရှိသည်။ အင်းလျားကန်ပေါင်ထက်မှ ကျောင်းသား၊ ကျောင်းသူတို့၏ ခြေရာများမှာလည်း မေ့ပျောက်မရသည့် အမှတ်တရများထဲမှ တစ်ခုပင်ဖြစ်သည်။ အင်းလျားကန်ပေါင်အောက်ဘက် ပြည်လမ်းပေါ်မှ တံတားဖြူမှတ်တိုင်ကတော့စနစ်ဆိုးအောက်မှာ သွေးစက်တို့ဖုံးလွှမ်း၍ တံတားနီအဖြစ် အတိတ်ဆိုးတွင်ရစ်ခဲ့ရသည်။ ၁၉၈၈ မတ်လ ၁၆ ရက် (တံတားနီအရေးအခင်းနေ့)ကို တံတားဖြူမှတ်တိုင်နှင့် အင်းလျားရေပြင်ကြီးက ဘယ်တော့မှမမေ့။

အစဉ်အလာကြီးသော တက္ကသိုလ်
တစ်ချိန်က ရန်ကုန်တက္ကသိုလ်သည် ပညာရေးနှင့်ပတ်သက်လျှင် အရှေ့တောင်အာရှတွင် အစဉ်အလာကြီးမားခဲ့သည်။ ၁၉၆၀ မတိုင်မီအထိ နိုင်ငံရပ်ခြား အချို့မှ ကျောင်းသားကျောင်းသူများသည် ရန်ကုန်တက္ကသိုလ်တွင် လာရောက်ပညာသင်ကြားခဲ့ကြရသည်။

ရန်ကုန်တက္ကသိုလ်မှ ပါမောက္ခဒေါက်တာလုစ်၊ ကျောင်းအုပ်ကြီး ဦးဖေမောင်တင်၊ ဆရာဇော်ဂျီ၊ ဆရာမင်းသုဝဏ်၊ ဆရာတိုက်စိုး၊ ဒေါက်တာ သန်းထွန်း၊ ပါမောက္ခချုပ်ဒေါက်တာ ထင်အောင်၊ ဒေါက်တာသာလှ၊ ဒေါက်တာညီညီ၊ ဒေါက်တာမောင်မောင်ခတို့အပြင် အင်္ဂလိပ်စာဌာနမှဆရာကြီးဦးမျိုးမင်း၊ ဦးခင်မောင်လတ်၊ ဒဿနိကဗေဒပါမောက္ခ ဒေါက်တာခင်မောင်ဝင်း၊ ယခုနိုင်ငံတော်သမ္မတ အကြံပေး ဦးမြင့် (စီးပွားရေးတက္ကသိုလ်) တို့အထိ ပေါ်ထွန်းခဲ့ကြသည်။

အပြောင်းအလဲများရဲ့အစ၊ ကျောင်းသားသမဂ္ဂနဲ့ တိုက်ပွဲခေါ်သံ
ရန်ကုန်တက္ကသိုလ်ကို ၁၉၂၀ ဒီဇင်ဘာလ ၁ ရက်တွင် စတင်ဖွင့်လှစ်ခဲ့ပြီး ဖွင့်ဖွင့်ချင်းပင် ဆောက်နှင့်ထွင်းသလိုဖြစ်ခဲ့ရသည်။ ဖွင့်လှစ်လိုက်သည့် တက္ကသိုလ်နှင့်အတူ ပေါ်ထွက်လာခဲ့သည့် ကိုလိုနီနယ်ချဲ့အစိုးရ၏ ၁၉၂၀ ရန်ကုန်တက္ကသိုလ် အက်ဥပဒေကို ဆန့်ကျင်သောအားဖြင့် ကျောင်းသား ၂၆ ဦး ခေါင်းဆောင်၍ ပထမကျောင်းသားသပိတ်ကြီးကို ၁၉၂၀ ဒီဇင်ဘာ ၅ ရက်နေ့ (တန်
ဆောင်မုန်းလဆုတ် ၁၀ ရက်) တွင် စတင်ဆင်နွှဲခဲ့ကြသည်။ ထိုသပိတ်ကြီး၏ နောက်ဆက်တွဲအဖြစ် ယနေ့နိုင်ငံတော်က သတ်မှတ်ထား
သော အမျိုးသားနေ့အဖြစ် ပေါ်ပေါက်လာခဲ့သည်။

၁၉၃၈ ဒီဇင်ဘာလ ၂၀ ရက် ဒုတိယကျောင်းသားသပိတ်တွင် အတွင်းဝန်များရုံးကို ကျောင်းသားများ ၀ိုင်းဝန်းဆန္ဒပြခဲ့ကြရာမှ မြင်းစီးပုလိပ်များ၏ ရိုက်နှက်မှုကြောင့် ကျောင်းသားခေါင်းဆောင် ဗိုလ်အောင်ကျော်ကျဆုံးခဲ့ရသည်။

ကိုနု၊ ကိုအောင်ဆန်း၊ ကိုသိန်းဖေ၊ ကိုသိန်းတင် (ညိုမြ)၊ ကိုကျော်ငြိမ်းတို့သည် ကျောင်းသားသမဂ္ဂကို ဦးဆောင်၍ နယ်ချဲ့အား ဆန့်ကျင်ခဲ့ကြသည်။ လွတ်လပ်ရေးရပြီး ခေတ်တွင်လည်း ကျောင်းသား သမဂ္ဂနှင့် ကျောင်းသားခေါင်းဆောင်အသီးသီးသည် ကျောင်းသားအခွင့်အရေးသာမက ပြည် တွင်းငြိမ်းချမ်းရေးနှင့် ဒီမိုကရေစီအရေးတို့တွင် ရှေ့တန်းမှ ဦးဆောင်ပါဝင်ခဲ့ကြစမြဲ။

ဤသို့ဖြင့် ၁၉၆၂ ခုနှစ်၊ ဇူလိုင် လ ၇ ရက်တွင် စစ်အာဏာရှင် နေ၀င်း၏ တပ်များက သမိုင်းဝင် ကျောင်းသားသမဂ္ဂအဆောက်အအုံကို မိုင်းခွဲဖျက်ဆီးရုံသာမက ပစ်ခတ်မှုကြောင့် ကျောင်းသားကျောင်းသူပေါင်း ရာနှင့်ချီကျဆုံးခဲ့ရသည်။ ၁၉၇၄ ခုနှစ် ဦးသန့်အရေးအခင်းနှင့် ၁၉၇၆ ခုနှစ် မှိုင်းရာပြည့် အရေးတော်ပုံတို့တွင် ကျောင်းသားများရက်စက်စွာ သတ်ဖြတ်ခံကြရသော်လည်း ဦးကားမညွတ်။

၁၉၈၈ ခုနှစ် မတ်လ ၁၃ ရက်နေ့တွင် လုံထိန်းများ၏ လက်ချက်ဖြင့် ရန်ကုန်စက်မှုတက္ကသိုလ် ကျောင်းသား ကိုဖုန်းမော်၊ ကိုစိုးနိုင်တို့ ကျဆုံးခဲ့ရသည်။ ထိုမှစ၍ ကျောင်းသားလှုပ်ရှားမှုများ ဆက်တိုက်ဖြစ်ပွားလာခဲ့ပြီး ၁၉၉၆ တွင် ကျောင်းသားသပိတ်တစ်ခု ထပ်မံဖြစ်ပွားခဲ့သည်။ နောက်ပိုင်းတွင် ရန်ကုန်တက္ကသိုလ်ကိုပိတ်ပစ်ခဲ့ပြီး တက္ကသိုလ်သစ်များကို ရန်ကုန်မြို့ ဆင်ခြေဖုံးမြို့နယ်များ၏ အပြင်ဘက်သို့တိုင် ပြောင်းရွှေ့တည်ဆောက်ကာ ကျောင်းသားကျောင်းသူများကို ဝေးလံစွာ တက်ရောက်စေခဲ့သည်မှာ ယနေ့ထိတိုင်ပင်ဖြစ်သည်။

ကျောင်းသားများသည် ၂၀၀၇ ခုနှစ် ရွှေဝါရောင်တော်လှန်ရေး သံဃာ့အရေးအခင်းကြီးတွင်လည်း သံဃာထုနှင့်အတူ ပါဝင်ဆင်နွှဲခဲ့ ကြသည်။ မြန်မာ့နိုင်ငံရေးအပြောင်းအလဲများနှင့် ကြီးမားသော လှုပ်ရှားမှုတိုင်းတွင် ရန်ကုန်တက္ကသိုလ်မှ ကျောင်းသားများကတိုင်းပြည်အတွက် အမြဲဦးဆောင် ပါဝင်ခဲ့ကြလေသည်။

ရန်ကုန်တက္ကသိုလ် ပြန်လည်အသက်ဝင်လာတော့မည်လော
“လိုင်ဘရီလေးလည်း တို့နဲ့ ဝေး .. အာစီလေးလည်း သတိရမိတယ် .. ရင်မှာလွမ်းလို့ ကျတဲ့ မျက်ရည် .. ဂျပ်ဆင်အိုကလေး .. ဘယ်မမေ့ဘူး...”
နှစ်များစွာကြာအောင် စွန့်ပစ်ခြင်းခံထားရသည့် ရန်ကုန်တက္ကသိုလ်နယ်မြေသည် သမ္မတ ဦးသိန်းစိန်ဦးဆောင်သော ဒီမိုကရေစီအစိုးရသစ် လက်ထက်တွင် ပြန်လည်အသက်ဝင်လာတော့မည့် သဏ္ဍာန်ကို ခပ်ရေးရေးတွေ့လာရသည်။ အမေရိကန် သမ္မတဘားရက်အိုဘားမား၏ နိုဝင်ဘာ ၁၉ ရက် ခရီးစဉ်တွင် တက္ကသိုလ်ဘွဲ့နှင်းသဘင်ခန်းမအတွင်း မိန့်ခွန်းပြောကြားပြီးနောက် ရန်ကုန်တက္ကသိုလ်အား ပြည်တွင်းပြည်ပမှ ပြန်လည်အာရုံစိုက်မိလာကြခြင်းသည် တက္ကသိုလ်နယ်မြေ၏ ပြန်လည်ရှင်သန်မှုအတွက် ရောင်နီဦးတစ်ရပ်ပင်ဖြစ်ပါသည်။

ပြင်ဆင်မှုများပြုလုပ်လာသည့် ရန်ကုန်တက္ကသိုလ်တွင် ဘွဲ့လွန်သင်တန်းများ၊ အင်္ဂလိပ်စာ သင်တန်းများ၊ ဖွင့်လှစ်နေဆဲဖြစ်
သော်လည်း အများစုသော ကျောင်းဆောင်များကတော့ သော့ခတ်ထားဆဲ။

ထိုကျောင်းဆောင်များသည် တိုင်းပြည်အနာဂတ်ကို ဖန်တီးမည့် ကျောင်းသား၊ ကျောင်းသူများကို စောင့်ကြိုနေပါသည်။ အဓိပတိလမ်းကြီး သည်လည်းကောင်း၊ သစ်ပုပ်ပင်ကြီးသည်လည်းကောင်း၊ ဂျပ်ဆင်အိုကြီးသည်လည်းကောင်း၊ ဘွဲ့နှင်းသဘင်ကြီးသည်လည်းကောင်း တစ်ချိန်က အရှေ့တောင်အာရှတွင် လက်မထောင်နိုင်ခဲ့သည့် ပညာရေးစနစ်တစ်ရပ်နှင့် ပညာရည်နို့သောက်စို့ကြမည့် ရင်သွေးများကို မျှော်လင့်ကြိုဆို နေပါသည်။

ကံ့ကော်ပန်းများ ပင်လုံးကျွတ် ဝေေ၀ဆာဆာပွင့်လာမည့် တစ်နေ့တွင် အဓိပတိလမ်းမကြီးပေါ်၌ တက်ကြွသော ခြေသံများနှင့် ချိုလွင်လတ်ဆတ်သော ရယ်သံများ ပျံ့လွင့်လာပါလိမ့်ဦးမည်။ ယခုတော့ လေတစ်ချက်ဝှေ့လိုက်တိုင်း ရွက်ခြောက်များ တရှဲရှဲ အော်မြည်၍ တဖွေ့ဖွေ့ တဖွဲဖွဲ ကြွေကျ နေဆဲ .....။

မှတ်ချက်-တို့သတိရနေမှာပါသီချင်းကို လူမောင်(ဆေး-၁)ရေးဖွဲ့ခြင်းဖြစ်ပါသည်။

ရေးသားသူ- ဥက္ကာကိုကို -7Day News Journal


နျူပစ္စည်းတွေကိစ္စ သမ္မတ ဦးသိန်းစိန်ကို ကန်အထက် လွှတ်တော် အမတ် စာရေးမေးမြန်း

မြန်မာနိုင်ငံကို တရားမဝင် တင်ပို့မယ်လို့ ယူဆရတဲ့ နူကလီယား အနုမြူ အစီအစဉ်မှာ သုံးစွဲနိုင်တဲ့ ပစ္စည်း တချို့ကို ဂျပန် နိုင်ငံရောက် မြောက်ကိုရီးယား သင်္ဘော တစ်စီး ပေါ်ကနေ တွေ့ရှိတဲ့ သတင်း ပေါ်ထွက်လာ ခဲ့ပြီး တဲ့နောက်၊ ဒီကိစ္စနဲ့ ပတ်သက်ပြီး အမေရိကန် ဆီးနိတ် အထက် လွှတ်တော်အမတ် တစ်ယောက် က သမ္မတ ဦးသိန်းစိန်ဆီကို စာရေးသားမေးမြန်းခဲ့တယ်လို့ သိရပါတယ်။

သတင်း အပြည့်အစုံ ဖတ်ရန် ဒီနေရာကို နှိပ်ပါ


မြန်မာစစ်အစိုးရ၏ နေပြည်တော်တွင် မြောက်ကိုရီးယား ပညာရှင်များက မြေအောက် ဥမင်လိုဏ်ခေါင်းများ ဖောက်လုပ်ပေးသော သတင်းကို QQ.com တရုတ် သတင်းဝက်ဘ်ဆိုက်တွင် ဖော်ပြထားပုံ ဖြစ်ပါသည်။ (Image: RFA)

သပိတ် စခန်းတွေကို အင်အားသုံး ဖြိုဖျက်ဖို့  နေပြည်တော်က တိုက်ရိုက် ညွှန်ကြားခဲ့

နိုဝင်ဘာ ၂၉ ရက်နေ့ မနက်ပိုင်းက သပိတ် စခန်းတွေကို အင်အားသုံး ဖြိုဖျက် လိုက်တာဟာ  စစ်ကိုင်းတိုင်း ဒေသကြီး အစိုးရအဖွဲ့ရဲ့ ညွှန်ကြားချက် မဟုတ်ဘဲ ၊ပြည်ထောင်စု အစိုးရ အဖွဲ့ရုံး စိုက်ရာ နေပြည်တော်က တိုက်ရိုက် ညွှန်ကြား ချက်ကြောင့် ဖြစ်တယ်လို့ ဗိုလ်မှုးကြီး ယုလွင်က ဆက်လက် ပြောပါတယ်။

သတင်း အပြည့်အစုံ ဖတ်ရန် ဒီနေရာကို နှိပ်ပါ

နိုဝင်ဘာ ၂၈ ရက်နေ့က လက်ပန်းတောင်းတောင် သပိတ်စခန်းတွေကို စောင့်ကြည့်နေသည့် လုံထိန်း တပ်ဖွဲ့ဝင်များကို တွေ့ရစဉ်။ Photo Courtesy/Aung Nay Myo



ဓာတုဗေဒပညာရှင် ဒေါက်တာခင်မောင်ညိုနှင့် တွေ့ဆုံခြင်း

သပိတ် စခန်းများအား နှိမ်နင်း ခဲ့ခြင်းကြောင့် သပိတ် စခန်းများရှိ သံဃာတော်များနှင့် ဒေသခံများ ဒဏ်ရာ ပြင်းထန်စွာ ရရှိမှုနှင့် ပတ်သက်ပြီး ရဲတပ်ဖွဲ့မှ အသုံးပြုခဲ့သည့် ဗုံးများမှာ မျက်ရည်ယိုဗုံးနှင့် မီးခိုးဗုံး မဖြစ်နိုင်ဟု အငြင်းပွား နေမှုများ အပေါ် ဓာတုဗေဒ ဘာသာရပ်ဖြင့် ဒေါက်တာဘွဲ့ ရရှိထားသူ ဒေါက်တာခင်မောင်ညိုနှင့် တွေ့ဆုံမေးမြန်း ခဲ့သည်များကို ပြန်လည် ဖော်ပြ လိုက်ပါသည်။

မေးမြန်းချက် အပြည့်အစုံ ဖတ်ရှုရန် ဒီနေရာကို နှိပ်ပါ


အမည် - ဒေါက်တာခင်မောင်ညို
ပညာအရည်အချင်း -B.Sc (Chem:) မန္တလေး၊ M.Sc (ရန်ကုန်)၊ Ph.D (Chem:) (ဆဲလ်ဖို့ဒ်တက္ကသိုလ်၊ မန်ချက်စတာ)
ရန်ကုန်တက္ကသိုလ်တွင် ဓာတုဗေဒ ကထိကအဖြစ် ၂၆ နှစ် လုပ်ကိုင်ခဲ့ပြီး ၁၉၉၁ ခုနှစ်တွင် အငြိမ်းစားယူ။
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ