မဒါဂတ်စကာနိုင်ငံတွင် သမ္မတရွေးကောက်ပွဲကို နိုဝင်ဘာလ ၇ ရက်တွင် ပြုလုပ်မည်

မဒါဂတ်စကားနိုင်ငံ ဝန်ကြီးချုပ် Cristian Ntsay အားတွေ့ရစဉ် (ဓာတ်ပုံ-အင်တာနက်) Africa & Middle East
 အန်တာနာနာရီဗို၊ ဇွန် ၃၀ ရက် (ဆင်ဟွာ)

 မဒါဂတ်စ်ကားနိုင်ငံတွင် သမ္မတ ရွေးကောက်ပွဲအား နိုဝင်ဘာလ ၇ ရက်တွင် ကျင်းပရန် စီစဉ်ထားကြောင်း ဝန်ကြီးချုပ် Cristian Ntsay က ဇွန်လ ၂၉ ရက်၌ ပြောကြားလိုက်သည်။

“သမ္မတရွေးကောက်ပွဲ ပထမအကျော့ကို ၂၀၁၈ ခုနှစ် နိုဝင်ဘာလ ၇ ရက်မှာ ပြုလုပ်မှာဖြစ်ပြီး ဒုတိယအကျော့ကို ၂၀၁၈ ခုနှစ် ဒီဇင်ဘာလ ၁၉ ရက်မှာ ပြုလုပ်မှာဖြစ်ပါတယ်” ဟု ဇွန်လ ၂၉ ရက်တွင် ပြုလုပ်သည့် အစိုးရကောင်စီက ဆုံးဖြတ်ချက်တစ်ခု ချမှတ်ပြီးနောက် ဝန်ကြီးချုပ်က ပြောကြားခဲ့ခြင်း ဖြစ်သည်။

(Xinhua)
http://www.xinhuamyanmar.com/world

မက္ကဆီကိုနိုင်ငံ ပစိဖိတ်ကမ်းရိုးတန်းပြင်ပတွင် အင်အား ၆.၀ ရှိသော ငလျင်လှုပ်ခတ်

ငလျင်ကြိမ်နှုန်းပြပုံအား တွေ့ရစဉ် (ဓာတ်ပုံ-အင်တာနက်) Europe
မက္ကဆီကိုစီးတီး၊ ဇွန် ၃၀ ရက် (ဆင်ဟွာ)

မက္ကဆီကိုနိုင်ငံ ပစိဖိတ်ကမ်းရိုးတန်း၌ ဇွန်လ ၂၉ ရက် ဒေသစံတော်ချိန် ညနေပိုင်းက အင်အား ၆.၀ ပမာဏရှိသော ငလျင်တစ်ခုလှုပ်ခတ်ခဲ့ကြောင်း၊ ငလျင်ကြောင့် ပျက်စီးဆုံးရှုံးမှုမရှိကြောင်းအမေရိကန် ဘူမိဗေဒလုပ်ငန်း (USGS) ထံမှ သိရသည်။

အဆိုပါ ငလျင်သည် မက္ကဆီကိုနိုင်ငံ အနောက်ဘက် Jalisco ပြည်နယ် San Patricio မြို့ အနောက်-အနောက်တောင်ဘက် ၄၄ ကီလိုမီတာနှင့် မြေအောက်အနက် ၂၄.၈ ကီလိုမီတာအား ဗဟိုပြုကာလှုပ်ခတ်ခဲ့ကြောင်း USGS က ဖော်ပြခဲ့သည်။

မက္ကဆီကိုနိုင်ငံသည် ကမ္ဘာပေါ်တွင် ငလျင်အလှုပ်ခတ်ဆုံးနေရာတစ်ခုဖြစ်ပြီး မကြာသေးမီက အင်အားပြင်း ငလျင်လှုပ်ခတ်မှုများ ခံစားခဲ့ရသည်။ ၂၀၁၇ ခုနှစ် စက်တင်ဘာလတွင် ပြင်းအား ၇.၁ ရှိသော ငလျင်ကြောင့် လူ ၃၀၀ ကျော် သေဆုံးခဲ့သည်။

 (Xinhua)
http://www.xinhuamyanmar.com/world
 

လူမှုရေးအသင်းပိုင် လိုင်စင်မဲ့ကားတွေ အရေးယူမယ်ဆိုလို့ လူနာတင်မှု ရပ်နားထား

စက်မှုဝန်ကြီးဌာနထုတ် လူနာတင်ယာဉ်တွေကို မေလအတွင်းက တွေ့ရစဉ်
လူမှုကူညီရေးအသင်းအဖွဲ့တွေမှာ အသုံးပြုနေတဲ့ တရားမဝင်လိုင်စင်မဲ့ကားတွေကို ဥပဒေအတိုင်း အရေးယူတော့မယ်လို့ သတင်းတွေထွက်ပေါ်နေလို့ ဧရာဝတီတိုင်းအတွင်းက လူမှုရေးအသင်း၂၀ ကျော်ဟာ လူနာတင်ယာဉ် အခမဲ့ ကူညီမှုလုပ်ငန်းတွေ ခေတ္တရပ်ဆိုင်းထားတယ်လို့ သိရပါတယ်။ လူမှုကူညီရေးအသင်းအဖွဲ့ပိုင် လိုင်စင်မဲ့လူနာတင်ယာဉ်တွေကို တားဆီးစစ်ဆေးနေတာတွေ ဖမ်းဆီးအရေးယူတယ်ဆိုတဲ့ သတင်းတွေကြားရလို့ စိုးရိမ်ပြီး လူနာတင်ယာဉ် ပို့ဆောင်နေတဲ့ လုပ်ငန်းတွေကို ဇွန်လ ၂၇ ရက် ကတည်းက ရပ်နားထားတယ်လို့ ဧရာဝတီတိုင်း ဒေသကြီး လူမှုကယ်ဆယ်ရေးအဖွဲ့က ပြောပါတယ်။

ဧရာဝတီတိုင်း ပုသိမ်၊ ကျောင်းကုန်း၊ ဟိုင်းကြီးကျွန်း၊ ငရုတ်ကောင်း၊ လပွတ္တာ၊ မြောင်းမြ၊ အိမ်မဲ၊ မအူပင်နဲ့ ညောင်တုန်းမြို့နယ်တွေက လူမှုကူညီရေးအဖွဲ့တွေရဲ့ လူနာတင်ယာဉ် ကူညီမှုတွေကို ခေတ္တရပ်ဆိုင်းခဲ့တာလို့ လူမှုကယ်ဆယ်ရေး အဖွဲ့ဝင်တွေက ပြောပါတယ်။

လုပ်ငန်းရပ်ဆိုင်းလိုက်တဲ့ရက်ပိုင်းအတွင်း အရေးပေါ် အကူအညီတောင်းခံလာတဲ့ မတော်တဆဖြစ်ပွားတဲ့ လူနာတွေ၊ အရေးပေါ်ဆေးရုံပို့ဆောင်ရမယ့်လူနာ ဆယ်ဂဏန်းကျော် ရှိလာတဲ့အတွက် ဇွန်လ ၂၉ ရက်က စတင်ပြီး လူမှုကူညီရေးအဖွဲ့တစ်ချို့က ပြန်လည်ပို့ဆောင်ကြတယ်လို့ ဧရာဝတီတိုင်း ဒေသကြီး လူမှုကယ်ဆယ်ရေးအဖွဲ့ရဲ့ ပြန်ကြားရေးတာဝန်ခံ ဦးမျိုးဆက်က ပြောပါတယ်။

ကူညီပေးရေးယာဉ်တွေ ရပ်ထားတုန်း မတော်တဆမှုတွေဖြစ်လာတော့ အကူညီတောင်းခံမှုတွေ ရှိပြီး အကူအညီတောင်းခံသူတွေအနေနဲ့ အခက်အခဲတွေ ကြုံရတာတွေ ဖြစ်ခဲ့တယ် ဒါကြောင့် တချို့အသင်းအဖွဲ့တွေက တိုင်းအတွင်းက ဆေးရုံဆေးခန်းတွေကို ပို့ပေးတာတွေ ပြန်လုပ်နေပါပြီလို့ ဦးမျိုးဆက်က ပြောပါတယ်။

လူမှုကူညီရေးအသင်းအဖွဲ့ တံဆိပ်ကပ်ထားတဲ့ လိုင်စင်မဲ့လူနာတင်ယာဉ်တွေနဲ့ တရားမဝင် သစ်မှောင်ခို သယ်တာတွေ၊ မူးယစ်ဆေးဝါးသယ်တာတွေ ရှိနေလို့ ဥပဒေအရ အရေးယူတော့မယ်ဆိုပြီး အထွေထွေ အုပ်ချုပ်ရေးရုံးတွေကတဆင့် သက်ဆိုင်ရာ ပြည်နယ်နဲ့တိုင်းအသီးသီးက လူမှုကူညီရေး အသင်းအဖွဲ့တွေဆီကို သတိပေးခဲ့တာ ဖြစ်တယ်လို့ လူမှုကူညီရေးအဖွဲ့တွေက ပြောပါတယ်။

ဥပဒေအရ အရေးယူမှုမပြုခင် ပညာပေးကာလ ၁ လ သတ်မှတ်မယ်ဆိုပေမယ့် လတ်တလောမှာတော့ စစ်ဆေးမေးမြန်းတာတွေလုပ်တယ်လို့ သတင်းကြားနေရလို့ လူမှုကူညီရေးအသင်းအဖွဲ့တွေကြား စိုးရိမ်နေတယ်လို့ သူတို့တွေက ပြောပါတယ်။

မြို့နယ်ကျေးရွာအများစုက လူမှုကူညီရေး အသင်းအဖွဲ့တွေဟာ လှုဒါန်းထောက်ပံမှုနည်းနည်းနဲ့ ကူညီကယ်ဆယ်ရေး လုပ်ငန်းတွေ လုပ်ဆောင်နိုင်ဖို့ လူနာတင်ယာဉ်တွေ အသုံးပြုပို့ဆောင်ရာမှာ လိုင်စင်မဲ့ကားတွေသာ အသုံးပြုနိုင်တယ်လို့ ဦးမျိုးဆက်က ပြောပါတယ်။

ကျွန်မတို့ရဲ့ လက်တံတွေကို ကျွန်မတို့က ဘယ်တော့မှမဟန့်တားပါဘူး။ ပြည်ထဲရေးမှာက အသင်းအဖွဲ့တွေကို မှတ်ပုံတင်ရင် ကျွန်မတို့ဆီ မှတ်ချက်တောင်းတော့ ကျွန်မတို့ကလည်း ညှိနှိုင်းပေးတာတွေလုပ်ပေးရမှာပါ။ တင်မဲ့ကားတွေ လူနာတင်ယာဉ်တွေနဲ့ ဒီလိုလုပ်နေတယ်ဆိုရင် ကျန်းမာရေးနဲ့ ကျွန်မတို့ လူမှုဝန်ထမ်းဦးစီးဌာနကို အကြောင်းကြားလိပ်မူပေးပို့ရင် ပြည်ထဲရေးဝန်ကြီးဌာနကို စာပြန်ပေးပို့ပေးပြီး ညှိနှိုင်းပေးတာတွေ လုပ်ပေးနိုင်တယ်လို့ လူမှုဝန်ထမ်းဦးစီးဌာနရဲ့ ညွှန်ကြားရေးမှုးချုပ် ဒေါက်တာစန်းစန်းအေးက ပြောပါတယ်။

လိုင်စင်မဲ့ကား လက်ဝယ်ထားရှိစီးနင်းတာ ထင်ရှားရင် ၃ နှစ်ထက် မပိုတဲ့ ထောင်ဒဏ် ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်စလုံး ဖြစ်စေ ချမှတ်နိုင်တယ်လို့ ပို့ကုန်သွင်းကုန်ဥပဒေမှာ ပါရှိပါတယ်။

ဒီရက်ပိုင်းတွေမှာ လူနာတင်ယာဉ် အခမဲ့ကူညီမှုလုပ်ငန်းတွေ ရပ်ဆိုင်းထားလို့ ရန်ကုန်ပြည်သူ့ ဆေးရုံကြီးအထိ အရေးပေါ်လူနာပို့ဆောင်ကြရတဲ့ လူနာရှင်တွေမှာ အငှားကား ငှားရမ်းခ သိန်းချီကုန်ကျပြီး အခက်အခဲဖြစ်နေကြတာကို ကြားနေရတယ်လို့ ဦးမျိုးဆက်က ပြောပါတယ်။

BBC Burmese
http://www.bbc.com/burmese

ဗိုလ်ချုပ်ရုပ်ရှင်ဇာတ်ညွှန်း ဇူလိုင်လကုန် အပြီးသတ်မည်

ရန်ကုန်မြို့ အမျိုးသားကဇာတ်ရုံမှာ ဗိုလ်ချုပ်အောင်ဆန်း အတ္ထုပ္ပတ္တိ ရုပ်ရှင်ဖြစ်မြောက်ရေးကော်မတီရဲ့ အစည်းအဝေးမှာကို ၂ဝ၁၈ ခုနှစ် ဇွန်လ ၃ဝ ရက်နေ့က တွေ့ရစဉ် ။ Photo: Thant Zin Oo/RFA
ဗိုလ်ချုပ်အောင်ဆန်း အတ္ထုပ္ပတ္တိ ရုပ်ရှင်ဇာတ်ညွှန်းကို ဇူလိုင်လကုန်မှာ အပြီးသတ်ရေးသားမယ်လို့ ဒါရိုက်တာ မင်းထင်ကိုကိုကြီးက ဒီနေ့ ပြောပါတယ်။

ဒီကနေ့ ရန်ကုန်မြို့ မြို့မကျောင်းလမ်းမှာရှိတဲ့ အမျိုးသားကဇာတ်ရုံမှာ ဗိုလ်ချုပ်အောင်ဆန်း အတ္ထုပ္ပတ္တိ ရုပ်ရှင်ဖြစ်မြောက်ရေးကော်မတီရဲ့ အစည်းအဝေးမှာ ဒါရိုက်တာ မင်းထင်ကိုကိုကြီးက ပြောတာဖြစ်ပါတယ်။

အစည်းအဝေး တက်ရောက်လာတဲ့ ကော်မတီအလိုက် တင်ပြချက်တွေအရ ရုပ်ရှင်အတွက် လိုအပ်တဲ့ ကဏ္ဍအလိုက်မှာ အဆင်သင့်ဖြစ်နေပြီလို့ သိရပါတယ်။

လက်ရှိအချိန်ထိ ဗိုလ်ချုပ်ရုပ်ရှင် ရိုက်ကူးဖို့အတွက် အလှူငွေ ကျပ်ငွေ သိန်းပေါင်း တစ်သောင်းနှစ်ထောင်ကျော် ရရှိထားပြီဖြစ်ပါတယ်။

ဗိုလ်ချုပ်ရုပ်ရှင်ကို ၂ဝ၂ဝ နှစ်ဆန်းပိုင်းမှာ ရုံတင်ပြသဖို့ စီစဉ်နေတာဖြစ်ပါတယ်။

ဗိုလ်ချုပ်အောင်ဆန်း ရုပ်ရှင်ဖြစ်မြောက်ရေးအတွက် လိုအပ်တဲ့ အဝတ်အစားတွေ၊ အသုံးအဆောင်တွေနဲ့ သမိုင်းဝင်စာချုပ်စာတမ်းတွေအပြင် မှတ်တမ်းဓာတ်ပုံတွေ မှတ်တမ်းရုပ်ရှင်တွေကို ရုပ်ရှင်ဖြစ်မြောက်ရေးအဖွဲ့မှာ ပါဝင်တဲ့ဌာနဆိုင်ရာအလိုက် စုဆောင်းထားပြီးဖြစ်တယ်လို့ သိရပါတယ်။

အခြားနိုင်ငံတွေမှာရှိတဲ့ မှတ်တမ်းတွေရရှိဖို့လည်း သက်ဆိုင်ရာနိုင်ငံတွေဆီ ချိတ်ဆက်ထားပြီး စစ်ဘက် အသုံးအဆောင်တွေ၊ စစ်ဘက်အဝတ်အစားတွေနဲ့ အထောက်အကူပစ္စည်းတွေကို ကာကွယ်ရေးနဲ့ ပြည်ထဲရေးဝန်ကြီးဌာနတွေက ကူညီပေးသွားမှာဖြစ်ပါတယ်။

ဗိုလ်ချုပ်ရုပ်ရှင်ဇတ်ကားမှာ ဗိုလ်ချုပ်အောင်ဆန်းနေရာက သရုပ်ဆောင်မယ့် ကျော်ကျော်မျိုးကလည်း ဂျပန်ဘာသာစကား၊ အင်္ဂလိပ်ဘာသာစကားနဲ့ မြင်းစီးတတ်ဖို့ သင်ကြားနေပါတယ်။

ပြည်ထောင်စုအစိုးရအဖွဲ့က ဗိုလ်ချုပ်အောင်ဆန်းရုပ်ရှင်မှာ သမိုင်းအချက်အလက်တွေ တိကျမှန်ကန်စေဖို့ ရည်ရွယ်ပြီး သာသနာရေးနဲ့ ယဉ်ကျေးမှုဝန်ကြီး သူရဦးအောင်ကို ဦးဆောင်ကာ ကာကွယ်ရေးဝန်ကြီးဌာနနဲ့ ပြည်ထဲရေးဝန်ကြီးဌာနက တာဝန်ရှိသူတွေ သမိုင်းပညာရှင်တွေ၊ မြန်မာနိုင်ငံ ရုပ်ရှင်အစည်းအရုံးက တာဝန်ရှိသူတွေ ပါဝင်တဲ့ လုပ်ငန်းကော်မတီကို ပြီးခဲ့တဲ့ နိုဝင်ဘာလက ဖွဲ့စည်းပေးခဲ့တာဖြစ်ပါတယ်။

RFA Burmese
https://www.rfa.org/burmese

 

မြန်မာဘက်ခြမ်းရှာဖွေမှု ၃ ရက်မြောက်နေ့ ထူးခြားမှုမရှိသေး

ထိုင်းနိုင်ငံမြောက်ပိုင်း ချင်းရိုင်ခရိုင်က လှိုဏ်ဂူထဲ ပိတ်မိနေတဲ့ ကလေး ၁၂ ဦးနဲ့ ဘောလုံးနည်းပြတို့ကို မြန်မာဘက်ခြမ်းမှာ ၂ဝ၁၈ ခုနှစ် ဇွန်လ ၃ဝ ရက်နေ့က ရှာဖွေရေးလုပ်ငန်းများ လုပ်ဆောင်နေစဉ် ။ ဓါတ်ပုံ - ပုန်းထွန်ရပ်ကွက်ရုံး
ထိုင်းနိုင်ငံ မယ်ဆိုင်မြို့ ထမ့်လုံခွန်နမ့် လိုဏ်ဂူအတွင်း ပိတ်မိနေတဲ့ လူငယ် ၁၃ ယောက်ကို မြန်မာဘက်အခြမ်းက လိုဏ်ဂူတွေမှာ တာချီလိတ်ခရိုင်ရဲတပ်ဖွဲ့၊ ကြက်ခြေနီနဲ့ မီးသတ်အင်အား ၅ဝ လောက်က ရှာဖွေနေတာ ဒီနေ့ဆိုရင် ၃ ရက်ရှိနေပြီဖြစ်ပေမယ့် ထူးခြားမှုတစ်စုံတစ်ရာ မတွေ့ရသေးဘူးလို့ ရှာဖွေရေးလုပ်ငန်းမှာ ပါဝင်သူတွေက ပြောပါတယ်။

ထိုင်း-မြန်မာနယ်စပ်က ထိစပ်နေတဲ့ ဂူတွေမှာ ပူးပေါင်းအင်အားနဲ့ ရှာဖွေနေတာဖြစ်တယ်လို့ တာချီလိတ်ခရိုင် ကြက်ခြေနီတပ်ဖွဲ့မှူး ဦးဘမိုးမြင့်က ပြောပါတယ်။

"ထိုင်းနိုင်ငံဘက်က တာဝန်ရှိသူတွေက  လှမ်းပြီးအကြောင်းကြားတဲ့ ထိုင်းနဲ့ မြန်မာထိစပ်တဲ့ ဂူတွေ ဂူပေါက်တွေကို ပူးပေါင်းအင်အားတွေနဲ့ ရှာဖွေလျှက်ရှိပါတယ်၊ သူတို့ပြောတဲ့နေရာတွေကို လိုက်ပြီးရှာတဲ့အခါ တချို့နေရာတွေက ဂူပိတ်တွေဖြစ်တယ်၊ တချို့ကတော့ ၁ဝ ပေ၊ ပေ ၂ဝ အဲဒီလောက်မှာရှိတယ်။ ဂူပိတ်တွေ များပါတယ်။ သူတို့ဘက်ကတော့ တကယ်လို့များ ဂူထဲကနေပြီးတော့ ဒီကလေးတွေက တခြားတနေရာကို ရောက်သွားမယ်ဆိုရင် နယ်စပ်က ဂူပေါက်တွေကနေ ပြန်ထွက်လာနိုင်တယ်ဆိုတဲ့ အနေအထားမျိုးနဲ့ သူတို့ကလည်း အကူအညီတောင်းတဲ့သဘောပါ "

ဇွန်လ ၂၈ ရက်နေ့ညနေပိုင်းကစပြီး တာချီလိတ်ခရိုင် တာဝန်ရှိသူတွေ၊ မီးသတ်တပ်ဖွဲ့၊ ကြက်ခြေနီတပ်ဖွဲ့၊ ရဲတပ် ဖွဲ့တွေအပြင် ပရဟိတအသင်းအဖွဲ့တွေ ဒေသခံတွေက တာချီလိတ်မြို့ ပုန်းထွန်ရပ်ကွက်မှာရှိတဲ့ လှိုဏ်ဂူတွေနဲ့ ထိုင်း မြန်မာနယ်စပ်တစ်လျှောက်က လှိုဏ်ဂူတွေမှာ ရှာဖွေရေးဆောင်ရွက်နေတာဖြစ်ပါတယ်။

ထိုင်းနိုင်ငံ၊ မယ်ဆိုင်မြို့မှာရှိတဲ့ ထမ့်လုံခွန်နမ့် လှိုဏ်ဂူထဲကို ထိုင်းလူငယ် ၁၃ ယောက်က ပြီးခဲ့တဲ့ ဇွန်လ ၂၃ ရက်နေ့က ဝင်ရောက်သွားပြီး ပျောက်ဆုံးနေတာဖြစ်ပါတယ်။

ထိုင်း လူငယ် ၁၃ ယောက် လှိုဏ်ဂူအတွင်းပိတ်မိနေတာနဲ့ ပတ်သက်ပြီး ပူးပေါင်းကူညီဆောင်ရွက်ပေးနိုင်ဖို့  ပြည်ထောင်စုအစိုးရက နိုင်ငံခြားရေးဝန်ကြီးဌာနနဲ့ ရှမ်းပြည်နယ် အစိုးရအဖွဲ့တို့ကို ပြီးခဲ့တဲ့ ဇွန်လ ၂၈ ရက်နေ့က ညွှန်ကြားခဲ့ပြီးနောက် မြန်မာ-ထိုင်း နှစ်နိုင်ငံ နယ်ခြားကော်မတီအကြား ချိတ်ဆက်ဆောင်ရွက်နေတာဖြစ်ပါတယ်။

RFA Burmese
https://www.rfa.org/burmese/news

ဂူအတွင်း ပျောက်ဆုံးနေသည့် ထိုင်းဘောလုံးသမားတွေရှာဖွေရေး တရုတ်နိုင်ငံမှ ကျွမ်းကျင်သူများ ကူညီရန် ရောက်ရှိ

ချင်းရိုင်ခရိုင်ရှိ Tham Luang Nang Non ဂူအတွင်းပိုင်းနေရာအား တွေ့ရစဉ် (ဆင်ဟွာ) Asia
ဘန်ကောက်၊ ဇွန် ၃၀ ရက် (ဆင်ဟွာ)
တရုတ်နိုင်ငံ လိုဏ်ဂူဆိုင်ရာ ကယ်ဆယ်ရေးကျွမ်းကျင်သူအဖွဲ့ တစ်ဖွဲ့သည် ထိုင်းနိုင်ငံသို့ ရောက်ရှိလာပြီး ထိုင်းနိုင်ငံ တောင်ပိုင်း ချင်းရိုင်ခရိုင်အတွင်း ရေလွှမ်းမိုးမကြောင့် ခြောက်ရက်ကြာ ပိတ်မိနေသည့် ထိုင်းလူငယ် ၁၂ ဦးနှင့် ဘောလုံးနည်းပြ ၁ ဦးတို့ရှိရာ လိုဏ်ဂူသို့ ရောက်ရှိသွားပြီဖြစ်ကြောင်း သိရသည်။

အမျိုးသား ၆ ဦးပါဝင်သည့် အဆိုပါအဖွဲ့သည် ရေအောက်စက်ရုပ်၊ ရေငုပ်ကိရိယာနှင့် ဂူ၏ သုံးဖက်မြင် ပုံရိပ်ဖော်စက် အပါအဝင် ကယ်ဆယ်ရေးပစ္စည်းများ ယူဆောင်လာခဲ့သည်။

လူငယ်ဘောလုံးသမား ၁၂ ဦးနှင့် ၎င်းတို့၏ နည်းပြတို့သည် ဇွန်လ ၂၃ ရက်က ချင်းရိုင်ခရိုင်ရှိ Tham Luang Nang Non ဂူအတွင်း ပျောက်ဆုံးနေခြင်း ဖြစ်သည်။ ၎င်းတို့ကို ရှာဖွေခြင်းသည် ဇွန်လ ၂၉ ရက်နေ့က ခြောက်ရက်မြောက်နေ့သို့ ရောက်ရှိလာခဲ့ပြီး ကြောက်မက်ဖွယ် မိုးရွာသွန်းမှုများနှင့် ရေလျှံမှုကြောင်း ရှာဖွေရေးလုပ်ငန်းကို နှောင့်နှေးစေခဲ့သည်။

အစိုးအဖွဲ့က ကယ်ဆယ်ရေး လုပ်ငန်းဆောင်ရွက်ရန် စစ်သား ၁၀,၀၀၀ ကျော်စေလွှတ်ထားခဲ့သည်။

ထိုင်းရှာဖွေရေးသမားများသည် အမေရိကန်၊ ဗြိတိန်၊ လာအိုနှင့် မြန်မာ စသည့် နိုင်ငံများမှ ကယ်ဆယ်ရေးအဖွဲ့များ ကျွမ်းကျင်သူများနှင့် တွဲဖက်လုပ်ဆောင်လျက်ရှိကြောင်း သိရသည်။

(Xinhua)
http://www.xinhuamyanmar.com/world

လစ်ဗျားကမ်းရိုးတန်း အလွန်တွင် လှေမှောက်၍ ရွှေ့ပြောင်းသွားလာသူ အယောက် ၁၀၀ကျော် သေဆုံး

လစ်ဗျားကမ်းရိုးတန်း အလွန်တွင် လှေမှောက်သည့် ရွှေ့ပြောင်းသွားလာသူများအား ကယ်ဆယ်လာစဉ် (ဆင်ဟွာ) Africa & Middle East
ထရီပိုလီ၊ ဇွန် ၃၀ ရက် (ဆင်ဟွာ)
လစ်ဗျားနိုင်ငံ ကမ်းရိုးတန်း အလွန်တွင် ရွှေပြောင်းသွားလာသူများ လိုက်ပါလာသည့် လှေတိမ်းမှောက်ခဲ့၍ လူ အယောက် ၁၀၀ကျော် သေဆုံးသွားခဲ့ကြောင်း လစ်ဗျားနိုင်ငံ ရေတပ်က ဇွန် ၂၉ ရက်တွင်ပြောကြားခဲ့သည်။

လစ်ဗျားရေတပ်သည် ကလေး ၃ဦး၏ ရုပ်အလောင်းများကို ဆယ်ယူရရှိခဲ့ပြီး အခြားလူ ၁၆ဦးကို ကယ်ဆယ်နိုင်ခဲ့ကြောင်း လစ်ဗျားရေတပ် ပြောရေးဆိုခွင့်ရှိသူ Ayob Qassem က ဆင်ဟွာသို့ ပြောကြားခဲ့သည်။

ရွှေ့ပြောင်းသွားလာသူများ၏ ရော်ဘာလှေသည် ဟောင်းနွမ်းနေပြီး လူအဆမတန်တင်ဆောင်လာကြောင်း ၎င်းကပြောကြားခဲ့သည်။

ကယ်ဆယ်ရရှိခဲ့သည့် ရွှေ့ပြောင်းသွားလာသူများအနက် တစ်ဦး၏ပြောကြားချက်အရ အဆိုပါလှေသည် မတူညီသော အာဖရိက နှင့် အာရပ်နိုင်ငံများမှ အမျိုးသမီးများနှင့် ကလေးငယ်အများအပြားအပါအဝင် ရွှေ့ပြောင်းသွားလာသူ ၁၂၅ဦးခန့်ကို တင်ဆောင်လာကြောင်း သိရသည်။

လစ်ဗျားရေတပ်သည် နိုင်ငံ၏ အနောက်ပိုင်း ကမ်းရိုးတန်းအလွန်၌ လွန်ခဲ့သော ၂ပတ်အတွင်း ရွှေ့ပြောင်းလုပ်သား ၂,၀၀၀ နီးပါး ကို ကယ်ဆယ်ပေးခဲ့ပြီး ရုပ်အလောင်း ၃၀ကျော်ကိုလည်း ပင်လယ်တွင်း မှ ဆယ်ယူရရှိခဲ့ကြောင်း သိရသည်။

လစ်ဗျားနိုင်ငံသည် မြေထဲပင်လယ်ကို ဖြတ်၍ ဥရောပတိုက်သို့ သွားရောက်လိုသော ရွှေ့ပြောင်းလုပ်သားများ သဘောကျရာ ထွက်ခွာမှတ်တစ်နေရာဖြစ်လာကြောင်း သိရသည်။

(Xinhua)
http://www.xinhuamyanmar.com/world

အမေရိကန်နဲ့ ကျပ်ငွေလဲနှုန်း အနည်းငယ်ပြန်ကျ

မြန်မာငွေနဲ့ အမေရိကန်ဒေါ်လာ လဲလှယ်နေစဉ်။
မြန်မာနိုင်ငံမှာ မကြာသေးခင်ရက်တွေတုန်းက အမေရိကန်ဒေါ်လာနဲ့ ကျပ်ငွေလဲနှုန်း သိသိသာသာ တက်သွား ခဲ့ပေမဲ့ ဘဏ္ဍာရေးနဲ့ စီးပွားရေး လုပ်ငန်းရှင် တွေနဲ့ မြန်မာအစိုးရ တာဝန်ရှိသူတွေ တွေ့ဆုံဆွေးနွေးခဲ့ပြီး နောက် တရက်ဖြစ်တဲ့ ဒီနေ့မှာတော့ ဈေးအနည်းငယ် လျော့ကျသွားပါတယ်။ ဒါပေမဲ့လည်း မြန်မာကျပ်ငွေဈေး ကျဆင်း နေတာကို ဘယ်လောက်အထိ ဆက်ထိန်းနိုင်မလဲဆိုတာ မသေချာတဲ့အတွက် စီးပွားရေးအခြေအနေတွေအပေါ် ရိုက်ခတ်လာမှာကိုလည်း လုပ်ငန်းရှင်တွေ စိုးရိမ်နေကြတာပါ။ အပြည့်အစုံကို ဆက်သွယ်စုံစမ်းထားတဲ့ မဆုမွန်က တင်ပြပေးထားပါတယ်။

ဈေးကွက်ထဲမှာ အမေရိကန်ဒေါ်လာနဲ့ မြန်မာကျပ်ငွေ လဲလှယ်နှုန်း သိသိသာသာ တက်လာခဲ့ရာမှာ မနေ့ တုန်းက ဘဏ်တွေပိတ်ချိန်မှာတော့ အမေရိကန် ၁ ဒေါ်လာကို ၁၄၀၀ ကျပ်ကျော်အထိ ဈေးပေါက်ခဲ့တာပါ။ ဒါပေမဲ့လည်း မနေ့တုန်းက ငွေကြေးဈေးကွက်ကသူတွေ၊ ဘဏ်လုပ်ငန်းရှင်တွေ အပါအဝင် စီးပွားရေးလောက ကသူတွေနဲ့ အစိုးရတာဝန်ရှိသူတွေ တွေ့ဆုံ ဆွေးနွေးခဲ့ပြီးနောက်မှာတော့ ဒီနေ့မှာ ငွေလဲနှုန်းဟာ ကျပ်ငွေ ၂၀ လောက် လျော့ကျသွားခဲ့ ကြောင်း မြန်မာနိုင်ငံ မော်တော်ယာဉ် ထုတ်လုပ်မှုနှင့် ကုန်သွယ်မှုလုပ်ငန်း အသင်းချုပ်ရဲ့ဥက္ကဋ္ဌဒေါက်တာစိုးထွန်းက ဗွီအိုအေမြန်မာပိုင်းကို ပြောပါတယ်။

"မနေ့က သောကြာနေ့ကတော့ မနက်ပိုင်းမှာ ငွေလဲတဲ့သူတွေကို အစည်းအဝေးခေါ် တယ်ပေါ့နော်၊ နေ့ခင်းပိုင်းကတော့ ဘဏ်လုပ်ငန်းလုပ်တဲ့သူတွေကို ခေါ်တာပေါ့။ သူတို့ခေါ်ပြီး ဆွေးနွေးတဲ့အချိန်မှာတော့ ဒေါ်လာဈေးကတော့ အခုနပြောတဲ့အချိန်အထိ ဒေါ်လာဈေးကတော့ ကျပ် ၂၀ လောက် ပြန်ဈေး ကျသွား တာပေါ့နော်။ Intervention လုပ်တာတော့၊ အစည်းအဝေးခေါ်တာတော့ တွေ့တယ်-သောကြာနေ့က။ အဲဒီ effect ကတော့ ဒေါ်လာဈေး နည်းနည်း ပြန်ငြိမ်သွားတာပေါ့နော်။"

ဒေါ်လာနဲ့ ကျပ်ငွေလဲလှယ်မှုတွေ မတည်မငြိမ် ဖြစ်ရတာဟာ ပြည်ပက ငွေကြေးဈေး ကွက်ရဲ့ ရိုက်ခတ်မှုတွေကြောင့် သာမက ပြည်တွင်းက အခြေအနေတွေနဲ့လည်း ဆက်နွယ်နေတယ်လို့လည်း မြန်မာနိုင်ငံ ဗဟိုဘဏ် ဒုဥက္ကဋ္ဌဟောင်းလည်းဖြစ် လက်ရှိ ကမ္ဘောဇဘဏ်ရဲ့ အကြီးတန်းအကြံပေးပုဂ္ဂိုလ်ဖြစ်တဲ့ ဦးသန်းလွင် ကပြောပါတယ်။

"ဒီ ဒေါ်လာဈေး တက်တဲ့အကြောင်းရင်းထဲမှာတော့ အခြေခံအကြောင်းရင်းတွေတော့ ရှိတာပေါ့လေ။ ဥပမာဆိုရင် tourist တွေက မဝင်လာတော့ဘူး။ Tourist တွေက အဝင် သိပ်နည်းလာတော့ အဲဒီမှာလည်း ဒေါ်လာ supply က နည်းသွားတာကိုး။ ရတာကလည်း နည်းသွားတယ်။ အဲဒါကလည်း တချက်ပါတာပေါ့။ FDI (Foreign Direct Investment) လည်း ထင်သလောက်မတက်လာတော့ အဲဒါလည်း တချက်ပါတာတွေ့ရတယ်။ ဒါတွေ အကုန်လုံးက Tourism နဲ့လည်းနွယ်တယ်။ နောက်တခုက Investment နဲ့လည်း နွယ် တယ်။ နောက်တခုက ပြည်ပ ပို့ကုန်အနေနဲ့ဆိုရင်လည်း ဥပမာ ဆိုပါစို့၊ ပဲမျိုးစုံ- ခါတိုင်းက အိန္ဒိယနိုင်ငံကို အတော်လေးရောင်းရတာကိုး။ အခုက အိန္ဒိယနိုင်ငံက သိပ်ပြီးမဝယ်တော့ အဲဒီမှာ ပဲဈေးတွေလည်း ထိုးကျတော့ အဲဒီမှာလည်း နိုင်ငံခြားသုံးငွေရဖို့ အလားအလာ၊ ဒေါ်လာတွေရဖို့ အလားအလာတွေက ပြန်ပြီးတော့ လျှော့ချသွားတဲ့ သဘောတွေ ရှိတာကိုး။ ဒါတွေ အကုန်လုံးက အကြောင်းတွေက စုံသွားတဲ့သဘောရှိတယ်။ ဈေးကစားတာလည်း တချက် ပါတာပေါ့။"

ပြီးခဲ့တဲ့သီတင်းပတ်ထဲ အမေရိကန်ဒေါ်လာဈေးနှုန်း အရမ်းမြင့်တက်သွားပြီး ငွေလဲနှုန်း မငြိမ်သက်မှုတွေနဲ့ကြုံရတဲ့အတွက် လုပ်ငန်းရှင်တွေ အခက် ကြုံရသလို စက်သုံးဆီနဲ့ စားသုံးကုန်ပစ္စည်းတွေ ဈေးမြင့်တက်လာတာမျိုးတွေလို နောက်ဆက်တွဲ ရိုက်ခတ်မှုတွေ ရှိခဲ့ကြောင်းလည်း လုပ်ငန်းရှင်တွေက ပြောပါတယ်။

ဒီအတွက်လည်း ပြည်တွင်းစီးပွားရေးမှာ ရေခံမြေခံကောင်းတွေ လိုအပ်နေတယ်လို့လည်း ပို့ကုန်သွင်းကုန် စီးပွားရေး လုပ်ငန်းရှင် ဒေါက်တာစိုးထွန်းက ပြောပါတယ်။

"ရေရှည်ကတော့ ထုံးစံအတိုင်းပေါ့၊ export ပဲ ကျနော်တို့က အားကောင်းအောင် လုပ်ရမှာပေါ့နော်။ export နဲ့ import မှာ ကျနော်တို့က ကုန်သွယ်ရေး လိုငွေပြရင်တော့ ဒေါ်လာဈေးက တက်လာနိုင်တဲ့သဘောရှိတာပေါ့။ နောက်တခု ကျနော်တို့ဆီမှာဖြစ်နေတာက တရုတ်နယ်စပ်က ငွေဝင်တာ များတယ်လေ။ ကျနော်တို့ export က တရုတ်နယ်စပ်ကို သွားတာ ကျနော်တို့အတွက် surplus trade က..ပိုနေ တာပေါ့နော်။ normal trade ထက်စာရင်။ အဲဒီ ပိုနေတဲ့ ယွမ်ငွေတွေကို ဒီဘက်ကို ပြန် လည်ဖြည့်ဆည်းနိုင်အောင်လုပ်ဖို့အတွက် အစိုးရအနေနဲ့ mechanismတခု ဖန်တီးပေးဖို့ လိုတယ်။ အဲဒီကနေ ဒီဘက်ကို လွှဲတဲ့နေရာမှာ ပိုလျှံတဲ့ export ရတဲ့ ယွမ်ငွေတွေကို ဗမာပြည်ကနေ ပြန်ပြီး တရားဝင် ငွေဖြစ်အောင်လုပ်တဲ့စနစ် မပေါ်သေးဘူးပေါ့နော်။ အဲဒီဟာ ပေါ်အောင် လုပ်လိုက်ရင်တော့လည်း ရေရှည်မှာ cash flow တော့ မှန်သွားနိုင် တဲ့ အနေအထားရှိတာပေါ့။"

လတ်တလော မြန်မာနိုင်ငံရဲ့ စီးပွားရေးမှာ ပြည်ပကို ကုန်တင်ပို့မှုထက် ပြည်ပက တင် သွင်းမှု များနေတဲ့အတွက်လည်း စီးပွားရေးမှာ ဘက်မမျှတဲ့ အခြေအနေတွေ ကြုံနေရ တယ် လို့ စီးပွားရေး အသိုင်းအ၀ိုင်းက ထောက်ပြကြပါတယ်။

ပြည်ပနဲ့ ချိတ်ဆက် လုပ်ကိုင်ရတဲ့ လုပ်ငန်းတွေမှာ အခုလို ငွေကြေးလဲလှယ်မှုတွေကြောင့် ရိုက်ခတ်မှုတွေ ကြုံရတဲ့အခါ သက်ဆိုင်ရာ တာဝန်ရှိသူတွေက ထိန်းကြောင်းပေးနိုင် တာတွေ ရှိတယ်လို့လည်း ဘဏ္ဍာရေးလုပ်ငန်းရှင် ဦးသန်းလွင် ကပြောပါတယ်။

"ဒေါ်လာဈေး တက်တယ်၊ ကျတယ်ဆိုတာက supply and demand ပဲလေ။ ဝယ်လိုအား၊ ရောင်းလိုအားရဲ့ ...ဖြစ်တယ်။ အဓိက-က အဲဒါပဲ။ ဝယ်လိုအား-ရောင်းလိုအားဖြစ်တဲ့ အတွက် သာမန်အားဖြင့်တော့ နိုင်ငံခြားမှာဆိုရင်တော့ ဗဟိုဘဏ်တွေကတဆင့်ပေါ့လေ-ဗဟိုဘဏ်တွေက ဘာလို့လဲဆိုတော့ ငွေပြန် ထုတ်ရောင်းတာကို။ နော်- supply များ လာအောင်လို့။ ဒီက ဗမာပြည်ကတော့ ဗဟိုဘဏ်က ကြည့်ရတာ ...နည်းလို့လား မပြောတတ်ဘူး။ နောက်တခု ကလည်း ပြည်တွင်းမှာလည်း foreign exchange market ကလည်း ပီပီပြင်ပြင် မဖြစ်လာသေးတော့လေ၊ အဲဒါလည်း တကြောင်းပါတယ်။ market ပီပီပြင်ပြင် ဖြစ်လာရင်တော့ ပြဿနာမရှိဘူး။'"

မြန်မာအစိုးရကတော့ စီးပွားရေး ပြုပြင်ပြောင်းလဲမှု အစီအစဉ်တွေ တစိတ်တပိုင်းအဖြစ် ဘဏ္ဍာရေးလုပ်ငန်းတွေမှာ အပြောင်းအလဲတွေ လုပ်သွားဖို့လည်း ကတိပြုထားတာပါ။ ဘဏ္ဍာငွေကြေး ကဏ္ဍမှာ ဆိုရင်လည်း ပြည်တွင်းဘဏ်တွေ၊ နိုင်ငံတကာ ကုန်သွယ် မှုတွေ ကြား ငွေလွှဲပြောင်းမှုတွေနဲ့ လဲလှယ်မှုတွေ ပိုမိုသွက်လက်မြန်ဆန်အောင် စီစဉ်ဖို့လည်း ကြိုးပမ်းနေတာ ဖြစ်ပါတယ်။

မဆုမွန် / ဗွီအိုအေ (မြန်မာပိုင်း)
https://burmese.voanews.com

ထိုင်းရောက် နိုင်ငံခြားသား အလုပ်သမား မှတ်ပုံတင်ရက်ကုန်ဆုံး

ရနောင်းမြို့နားက ထိုင်းမြန်မာ နယ်စပ်ကို ဖြတ်ကျော်လာကြတဲ့ မြန်မာ ရွှေ့ပြောင်းအလုပ်သမားအုပ်စုကို တွေ့ရစဉ်။ (ဇူလိုင် ၃၊ ၂၀၁၇)
ဇွန်လ ၃၀ ရက်ဟာ ထိုင်းနိုင်ငံတွင်း နိုင်ငံခြားအလုပ်သမားတွေ မှတ်ပုံတင် နောက်ဆုံး ရက် ဖြစ်ပါတယ်။ မြန်မာ၊ ကမ္ဘောဒီယား၊ လာအို စတဲ့နိုင်ငံခြားသား ရွှေ့ပြောင်း အလုပ် သမားတွေ မှတ်ပုံတင်ဖို့ စာရင်းသွင်းထားတဲ့အထဲက လူပေါင်း ၁၄,၀၀၀ ကျော်ကျန် နေပါသေးတယ်။ ဒီထဲမှာ မြန်မာ အလုပ်သမား က ၂,၀၀၀ ကျော်ပါရှိနေကြောင်း ထိုင်းအာဏာပိုင်တွေက သတင်းထုတ်ပြန်ခဲ့ပါတယ်။ အပြည့်အစုံကို ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

ထိုင်းနိုင်ငံထဲမှာ ဇွန်လ ၃၀ ရက် နောက်ဆုံးထားပြီး အထောက်အထားလက်မှတ်တွေ အပြီးအစီးဆောင်ရွက်ဖို့ ထိုင်းအစိုးရရဲ့ သတ်မှတ်ပေးထားတာဖြစ်လို့ ဒီညနေမှာပဲ ဒီ သတ်မှတ်သက်တမ်းကာလ ကုန်ဆုံးတော့မှာ ဖြစ်ပါတယ်။ ဇွန်လ ၃၀ ရက် မနက်ခင်း အထိ ကောက်ခံထားတဲ့စာရင်းအရ အထောက်အထားလက်မှတ်လုပ်ဖို့ ကျန်နေသေးတဲ့ မြန်မာ ၂,၀၀၀ ကျော် ရှိနေသေးကြောင်း ထိုင်းနိုင်ငံတောင်ပိုင်း အခြေစိုက် ပညာရေးနဲ့ ဖွံ့ဖြိုးရေးဖောင်ဒေးရှင်းရဲ့ အလုပ်သမားရေးရာနဲ့ မှတ်တမ်းရေးရာတာဝန်ခံ ဦးမင်းဦးက ပြောပါတယ်။

"သတ်မှတ်တဲ့အချိန် အတောအတွင်းမှာ အထောက်အထားလက်မှတ် မပြီးသေးသူက ၁ သောင်း၊ ၄ ထောင် ကျော်ရှိတယ်။ စာရင်းထွက်လာတာပေါ့။ ဒီနေ့ညနေအထိတော့ ဘယ်လောက်ပြီးမလဲ မသိဘူး။ မပြီးရင်တော့ ပြန်ပို့ခံရမယ်ပေါ့။ တရားမဝင်ဖြစ် သွားပြီ ဆိုပြီး မြန်မာကတော့ ၂,၀၀၀ ကျော် ပါတယ်။ ဒီနေ့ မိုးချုပ်တဲ့အထိတော့ သူတို့ လုပ်ပေးမယ်ထင်တယ်။"

အဖမ်းအဆီးတွေကို ဇူလိုင်လ ၁ ရက်နေ့က စတင်တော့မှာဖြစ်ကြောင်း ထိုင်းအစိုးရက ဇွန်လ ၉ ရက်နေ့ကတည်းက ထုတ်ပြန်ထားပါတယ်။ ဇွန်လထဲမှာပဲ ခရိုင်၊ ပြည်နယ် နဲ့ မြို့နယ်အသီးသီးက ရပ်ကွက်တွေထဲမှာရှိတဲ့ နိုင်ငံခြားသား အလုပ်သမားတွေအနေနဲ့ စာရင်းပေးသွင်းကြဖို့ နှိုးဆော်ထားခဲ့ပါတယ်။ မကြာခင် လူဝင်မှု ကြီးကြပ်ရေးဌာနက ဦးစီးပြီး လိုက်လံ စစ်ဆေးမယ့်အကြောင်းလည်း အသိပေးထားပါတယ်။ တချို့ နေရာတွေ မှာတော့ အိမ်တအိမ်မှာ လူ ဘယ်နှစ်ယောက် နေသလဲ ဆိုတာနဲ့ မိသားစုလိုက် ဓာတ်ပုံ မှတ်တမ်းတွေကိုပါ ရယူရပါတယ်။ မြန်မာနိုင်ငံသား သိန်းနဲ့ချီရှိတဲ့ မဲဆောက်မြို့မှာတော့ မူဆလင်အများစု နေထိုင်ရာ ရပ်ကွက်တွေ၊ တန်းလျားနေရာတွေကို အဓိကထား စစ်ဆေးနေတာကိုလည်း တွေ့ရပါတယ်။

အခုဆိုရင် အလုပ်သမားတွေကို အထောက်အထားတွေသာမက သတ်မှတ်နေရာမှာ မဟုတ်ဘဲ တခြားနေရာတွေမှာ ဧည့်စာရင်းမတိုင်ဘဲ နေထိုင်ကြရင် အရေးယူခံရမယ့် အခြေအနေရှိတယ်လို့လည်း ဦးမင်းဦးက ပြောပါတယ်။

"ဧည့်စာရင်းကိစ္စကပါလာပြီ။ ကိုယ်နေတဲ့နေရာတွေကို အသိပေးထားရမယ်၊ မပေးထား ဘူး ဆိုရင်တော့ လဝက လာစစ်ရင် ပြဿနာဖြစ်ပြီ။"

ထိုင်းနိုင်ငံမှာတော့ တရားဝင်ရော တရားမဝင်ပါ ရွှေ့ပြောင်းအလုပ်သမား ၃ သန်းထက် မနည်း ရှိနေပြီး အထောက်အထားလက်မှတ်ရှိသူက ၁ သန်းကျော်ပဲ ရှိပါတယ်။ နောက် ထပ်လည်း နေ့စဉ်နဲ့အမျှ နယ်စပ်ဖြတ်ကျော်ဝင်လာနေသူ ထောင်ဂဏန်းကျော် ရှိနေဆဲ ဖြစ်ပြီး လဝက စာရင်းတွေအရ နေ့စဉ် ရာဂဏန်းလောက်သာ ပြန်သွားကြတယ်လို့ ဆိုပါတယ်ရှင်။

မအေးအေးမာ / ဗွီအိုအေ (မြန်မာပိုင်း)
https://burmese.voanews.com

မလေးမူးယစ်မှု ၄ ဦးကို တရားစွဲဆို

မလေးရှားမှာ ဖမ်းဆီးရမိခဲ့တဲ့ မူးယစ်ဆေးဝါးတွေနဲ့ ဆက်စပ်သူတချို့ကို တွေ့ရစဉ် ။ Photo: Ministry of Home Affairs, Myanmar - facebook
မလေးရှားနိုင်ငံမှာ ဖမ်းဆီးရမိခဲ့တဲ့ မူးယစ်ဆေးဝါးတွေနဲ့ ပတ်သက်ပြီး မြန်မာနိုင်ငံအတွင်းမှာ ဖမ်းဆီးရမိသူ ၄ ဦးကို ရန်ကုန်နဲ့ ထားဝယ်က တရားရုံးတွေမှာ မနေ့က မူးယစ်ပုဒ်မ ၂ဝ(ခ)/၂၂(က) နဲ့ တရားစွဲဆိုလိုက်ပါတယ်။

ရန်ကုန်အနောက်ပိုင်းခရိုင် တရားရုံးနဲ့ ဆိပ်ကမ်းတရားရုံးတွေမှာ နှစ်ဦး၊ ထားဝယ်မြို့မှာ တစ်ဦး စွဲချက်တင်လိုက်တယ်လို့ မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့တားဆီးနှိမ်နင်းရေးဌာန ဌာနမှူး ရဲမှူးကြီး ရွှေညာမောင်က ပြောပါတယ်။

"နောက်ထပ်ဖမ်းဆီးဖို့ တရားခံ ၂ ယောက်ကျန်ပါသေးတယ်ခင်ဗျ၊ သတင်းစာထဲမှာလည်း ကြေညာထားပြီးသားဖြစ်ပါတယ်၊ မချင်ကျားမူဆိုတဲ့ တစ်ယောက်ရယ် သယ်ယူပို့ဆောင်ရာမှာပါဝင်တဲ့ ဟူစိန် ဆိုသူ တစ်ယောက်ရယ် ကျန်ပါသေးတယ်ခင်ဗျ၊ သူတို့ပိုင်ဆိုင်မှုတွေကိုလည်း ငွေကြေးခဝါချမှု တိုက်ဖျက်ရေးဥပဒေနဲ့ အရေးယူဖို့ ဆောင်ရွက်နေပါတယ်ခင်ဗျ၊ ရန်ကုန်တိုင်းရဲတပ်ဖွဲ့ကနေ အမှုစစ် ဆောင်ရွက်တာဖြစ်ပါတယ်ခင်ဗျ၊ ကျနော်တို့မိထားတဲ့ ၃ ယောက်ကတော့ ရန်ကုန်ဆိပ်ကမ်းတရားရုံး အနောက်ပိုင်း ခရိုင်တရားရုံစစ်တယ် နောက်တစ်ယောက်ကတော့ ထားဝယ်မှာပဲ စစ်လိမ့်မယ်၊ ဖမ်းဆီးရမိတဲ့သူတွေရဲ့ စစ်ဆေးထွက်ဆိုချက်အရ ရလာတဲ့သက်သေခံ အထောက်အထားတွေပေါ် မူတည်ပြီး ပိုပြီးတော့ကွင်းဆက်တရားခံတွေ ပေါ်လာနိုင်ပါတယ်ခင်ဗျ"

မူးယစ်ဆေးဝါးနဲ့ စိတ်ကိုပြောင်းလဲစေတဲ့ ဆေးဝါးများဆိုင်ရာ ဥပဒေပုဒ်မ ၂၀(ခ)/၂၂(က) ဟာ အနည်းဆုံးထောင်ဒဏ် ၁၅ နှစ်ကနေ အများဆုံး သေဒဏ်အထိ ချမှတ်နိုင်တဲ့ပုဒ်မဖြစ်တယ်လို့ သိရပါတယ်။

ပြီးခဲ့တဲ့မေလ ၂၂ ရက်နေ့က မလေးရှားနိုင်ငံ စီမရစ်မြို့ကုန်လှောင်ရုံမှာ မြန်မာနိုင်ငံကနေ တင်ပို့လိုက်တဲ့ မက်အဖက်တမင်း ၁၁၈၇ ကီလိုဂရမ်နဲ့ ဘိန်းဖြူ ၇၅ဝ ဂရမ်တို့ကို မလေးရှားနိုင်ငံသား ၃ ဦး၊ မြန်မာ နိုင်ငံသား ၃ ဦးတို့နဲ့အတူ ဖမ်းဆီးရမိခဲ့တာပါ။

မြန်မာနိုင်ငံထဲမှာ လက်ရှိဖမ်းဆီးရမိသူတွေကို တရားစွဲတင်ထားသလို နောက်ထပ်ကွင်းဆက် တရားခံတွေဖြစ်တဲ့ မချင်ကျားမူနဲ့ ဟူစိန်ဆိုသူကိုလည်း ဆက်လက်ဖမ်းဆီးရမိရေး ကြိုးပမ်းနေတယ်လို့ ပြောပါတယ်။

ဖမ်းဆီးရမိထားတဲ့သူတွေရဲ့ ထွက်ဆိုချက်တွေအရ မူးယစ်ဆေးဝါး သယ်ဆောင်ရောင်းဝယ်ရာကနေ ရရှိတဲ့အကျိုးအမြတ်တွေနဲ့ ပိုင်ဆိုင်ထားတယ်လို့ယူဆရတဲ့ မြေ၊ အဆောက်အဦ၊ မော်တော်ယာဉ်၊ ရွှေ၊ ငွေ၊ ဘဏ်စာရင်းတွေကို စိစစ်ခဲ့ရာမှာ မောင်မောင်(ခ) HJ Yassin (ဖမ်းမိ) ဆီက ခန့်မှန်းကျပ် သိန်း ပေါင်း ခုနှစ်သောင်းကျော်၊ ထားဝယ်မြို့မှာ နေထိုင်သူဆီက ခန့်မှန်း ကျပ်သိန်းပေါင်း နှစ်သောင်း ခုနှစ် ထောင်ကျော်၊ ဇေယျာဟိန်းဆီက ခန့်မှန်း ကျပ်သိန်းပေါင်း လေးထောင်ကျော်၊ မင်းနိုင်ဆီက ခန့်မှန်း ကျပ်သိန်းပေါင်း ငါးရာခန့်၊ တိမ်းရှောင်နေသူနှစ်ဦးဆီက ခန့်မှန်းကျပ် သိန်းပေါင်း ရှစ်သောင်းခွဲကျော် တို့ကို စိစစ်တွေ့ရှိထိန်းသိမ်းပါတယ်။ အဲဒီပိုင်ဆိုင်မှုတွေကို ငွေကြေးခဝါချမှု တိုက်ဖျက်ရေး ဥပဒေနဲ့အညီ ဆက်လက်အရေးယူ ဆောင်ရွက်ဖို့ စီစဉ်နေပါတယ်။

ဒီအမှုနဲ့ပတ်သက်ပြီး မလေးရှားနိုင်ငံနဲ့ မြန်မာနိုင်ငံရဲတပ်ဖွဲ့ ပူးပေါင်းဖော်ထုတ်နိုင်ဖို့အတွက် ကြိုးပမ်းနေတယ်လို့ ရဲမှူးကြီး ရွှေညာမောင်က ပြောပါတယ်။

RFA Burmese
https://www.rfa.org/burmese

ထောက်ခံချက်တွေထုတ်ပေးဖို့ ပရဟိတအဖွဲ့ ၁ဝဝ ကျော် တိုင်းအစိုးရထံ စာတင်မည်

ရန်ကုန်တိုင်းအတွင်းမှာရှိတဲ့ ပရဟိတအသင်းအဖွဲ့တွေ ၂ဝ၁၈ ခုနှစ် ဇွန်လ ၃ဝ ရက်နေ့က မင်္ဂလာဒုံမြို့နယ် စက္ကဝဌာကျောင်းတိုက်မှာ လိုင်စင်မဲ့ကားနဲ့ ပတ်သက်ပြီး ဆွေးနွေးခဲ့စဉ်
Photo: Golden Middle Way - facebook
ရန်ကုန်တိုင်းအတွင်း လူမှုကူညီရေးအဖွဲ့တွေ အသုံးပြုနေတဲ့ လိုင်စင်မဲ့ယာဉ်တွေ ဖမ်းဆီးမခံရအောင် ထောက်ခံ ချက်တွေ ထုတ်ပေးဖို့အတွက် ပရဟိတအဖွဲ့ ၁ဝဝ ကျော်က တိုင်းအစိုးရအဖွဲ့ထံ အသနားခံစာတင်ဖို့ ဒီနေ့ ဆုံးဖြတ်လိုက်ပါတယ်။

တိုင်းဒေသကြီးအစိုးရအဖွဲ့နဲ့ ကျန်းမာရေးဝန်ကြီးဌာနတို့က ထောက်ခံချက်ပေးမယ်ဆိုရင် ပြည်သူတွေကို ဆက်ပြီးကူညီနိုင်မှာဖြစ်တယ်လို့ Golden Middle Way လူမှုကယ်ဆယ်ရေးအသင်းက ကိုအောင်သော်က ပြောပါတယ်။

"ပရဟိတကို တကယ်လုပ်ဆောင်နေတဲ့ ပုဂ္ဂိုလ်တွေရဲ့ကားတွေ၊ အသင်းတွေရဲ့ကားတွေကို ဖမ်းဆီးလာရင် အသင်းအနေနဲ့ ထိခိုက်မယ်။ ပြည်သူ့ရဲ့ဒုက္ခတွေကို ကူညီနေတဲ့ဟာ ပြည်သူကိုလည်း ထိခိုက်မယ်။ အဲဒါတွေ နဲ့ပတ်သက်ပြီး တိုင်းဒေသကြီးအစိုးရရုံးကို ကျနော်တို့ အသနားခံစာတင်ပါတယ်။ ကျနော်တို့ လုပ်ဆောင်နေ တာတွေ အားလုံးကို ဥပမာ ကျန်းမာရေး ဦးစီးဌာနရယ်၊ ရန်ကုန်တိုင်းအစိုးရက ထောက်ခံချက်လေးနဲ့ ကျနော်တို့ တကယ်လုပ်ဆောင်နေပါတယ်ဆိုတဲ့ အသင်းတွေကျရင် ကားတွေ ထောက်ခံချက်နဲ့။ လိုင်စင်မလုပ်ပေးနိုင် ရင်တောင် ထောက်ခံချက်နဲ့ ပြေးဆွဲခွင့်ရရင် ပြည်သူတွေဒုက္ခကို ဆက်ပြီးကူညီပေးနိုင်မှာခင်ဗျ။"

ဒါ့အပြင် လူနာတင်ယာဉ်တွေကို အလွယ်တကူ တရားဝင်လိုင်စင်တွေ ရရှိရေးအတွက် ဆောင်ရွက်ပေးစေချင်တယ် လို့လည်း ပြောပါတယ်။

လိုင်စင်မဲ့ကားတွေကို ဖမ်းဆီးမယ်ဆိုတဲ့ တိုင်းဒေသကြီးအစိုးရအဖွဲ့ရဲ့ ကြေညာချက်နဲ့ ပတ်သက်ပြီး ရန်ကုန်တိုင်း အတွင်းမှာရှိတဲ့ ပရဟိတအသင်းအဖွဲ့ ၁ဝဝ လောက်က ရှေ့ဆက်ဆောင်ရွက်မယ့် လုပ်ငန်းစဉ်တွေကို မင်္ဂလာဒုံ မြို့နယ် စက္ကဝဌာကျောင်းတိုက်မှာ ဒီကနေ့ ဆွေးနွေးခဲ့ကြတာဖြစ်ပါတယ်။

ရန်ကုန်တိုင်းအတွင်းက ပရဟိတအဖွဲ့တွေရဲ့ လိုင်စင်မဲ့ယာဉ်တွေရဲ့ ဓာတ်ပုံမှတ်တမ်းတွေနဲ့အတူ ရန်ကုန် တိုင်းဒေသကြီး အစိုးရအဖွဲ့ဆီကို ဇူလိုင်လအတွင်း အသနားခံစာတင်ဖို့ ဆုံးဖြတ်တယ်လို့ သိရပါတယ်။

လတ်တလောမှာ လိုင်စင်မဲ့လူနာတင်ယာဉ်တွေရဲ့ အကူအညီတွေကို ရပ်နားထားရတဲ့ ပရဟိတအဖွဲ့တွေလည်း ရှိနေပါတယ်။

ရန်ကုန်တိုင်းအတွင်း မတော်တဆမှုတွေ၊ အရေးပေါ်လူနာတွေ ဆေးရုံရောက်ရှိနိုင်ရေးနဲ့  ဆေးရုံဆင်းတာတွေ အတွက် ပရဟိတအဖွဲ့တွေက အခမဲ့ကူညီပေးနေတာဖြစ်ပါတယ်။ နယ်ဒေသတွေကနေ ရန်ကုန်ကို ဆေးရုံလာ တက်တဲ့ လူနာတွေကိုတော့ ဆီဖိုးအလှူခံပြီး ပို့ဆောင်ပေးနေတာဖြစ်ပါတယ်။

အခုအချိန်မှာ လိုင်စင်မဲ့ယာဉ်တွေကို ဖမ်းမယ်ဆိုတဲ့ သတင်းတွေကြောင့် ရန်ကုန်မြို့ပြင်ကို သွားလာမယ့် လူနာတွေအတွက်လည်း အကူအညီတွေ ရပ်ဆိုင်းထားရပါတယ်။

RFA Burmese
https://www.rfa.org/burmese/news

ကျေးလက်က အိမ်ထောင်စု ၆၃ ရာခိုင်နှုန်း ဓာတ်အားလိုင်း မရသေး

 ကျေးလက်ဒေသတွေမှာ အစိုးရ ဓာတ်အားလိုင်းချိတ်ဆက်မှုတွေ တိုးချဲ့ ပြုလုပ်နိုင်ဖို့ စိန်ခေါ်မှုတွေ ရှိနေဆဲဖြစ်
လွန်ခဲ့တဲ့ နှစ်တွေအတွင်း မြန်မာနိုင်ငံမှာ လျှပ်စစ်မီးအသုံးပြုတဲ့ အိမ်ထောင်စု အရေအတွက် ၁ သန်းကျော်တိုးလာပေမယ့် နိုင်ငံတဝန်းက အိမ်ထောင်စုအများစုဟာ အစိုးရ လျှပ်စစ်ဓာတ်အားလိုင်းနဲ့ ချိတ်ဆက်နိုင်မှု မရှိသေးဘူးလို့ ကုလသမဂ္ဂ ဖွံ့ဖြိုးမှု အစီအစဉ် UNDP ၊ ကမ္ဘာ့ဘဏ်နဲ့ ဗဟိုစာရင်းအင်းအဖွဲ့တို့က ပူးတွဲသုတေသနပြုလုပ်ထားတဲ့ အစီအရင်ခံစာမှာ ဖော်ပြထားပါတယ်။

ဆိုလာနဲ့ အစိုးရ ဓာတ်အားလိုင်းကွန်ရက်တွေကို လက်လှမ်းမီမှုတွေ တိုးလာပြီး ၂၀၁၇ မှာ ကျေးလက်ဒေသ အိမ်ထောင်စု အားလုံးရဲ့ လေးပုံတပုံလောက်ဟာ မီးလင်းဖို့အတွက် ဆိုလာစနစ်ကို သုံးနေရတယ်လို့ ဖော်ပြထားပါတယ်။

မီးထွန်းဖို့အတွက် လျှပ်စစ်မီး အသုံးပြုခဲ့တဲ့ အိမ်ထောင်စု အရေအတွက်ဟာ ၂၀၁၅ ခုနစ်မှာ ၃.၄ သန်းရှိရာမှ ၂၀၁၇ ခုနစ်မှာ ၄.၅ သန်း အထိတိုးမြင့်လာတယ်လို့ ဆိုထားပါတယ်။

ဒါပေမယ့်လည်း ကျေးလက်ဒေသတွေမှာ အစိုးရ ဓာတ်အားလိုင်းချိတ်ဆက်မှုတွေ တိုးချဲ့ ပြုလုပ်နိုင်ဖို့ စိန်ခေါ်မှုတွေ ရှိနေဆဲဖြစ်ပြီး ကျေးလက်တွေမှာရှိတဲ့ အိမ်ထောင်စုတွေရဲ့ ၆၃ ရာခိုင်နှုန်းက ဓာတ်အားလိုင်းနဲ့ မချိတ်ဆက်ရသေးဘူးလို့ ဖော်ပြထားပါတယ်။

လျှပ်စစ်မီးလက်လှမ်းမီတဲ့ လူဦးရေအချိုးအစားကတော့ လွန်ခဲ့တဲ့ ၁၀ နှစ်ကထက် တိုးတက်လာတဲ့အတွက် လျှပ်စစ်ကို အခြေခံပြီးသုံးရတဲ့ အိမ်သုံးပစ္စည်း ကိရိယာသုံးစွဲနိုင်မှုကတော့ တိုးတက်လာခဲ့တယ်လို့ စစ်တမ်းမှာ ဖော်ပြထားပါတယ်။

ဖုန်းပိုင်ဆိုင်မှုက ကျေးလက်ဒေသတွေနဲ့ ရခိုင် ၊ ချင်းပြည်နယ်တို့မှာ အနိမ့်ဆုံးဖြစ်နေတယ်လို့ ဆိုပါတယ်။ ဒါပေမယ့် စစ်တမ်းကောက်တဲ့နှစ်နဲ့ ၂၀၁၄ ခုနစ် ဆက်သွယ်ရေးကဏ္ဍပြောင်းလဲစကာလနဲ့ ၂၀၁၇ အထိ ကာလအတွင်း မြို့ပြကျေးလက် ဖုန်းပိုင်ဆိုင်မှု ကွာဟချက် ကျဉ်းမြောင်းသွားတယ်လို့လည်း စစ်တမ်းက ဖော်ပြပါတယ်။

"ဒီအစီရင်ခံစာကြောင့် မြန်မာနိုင်ငံအကြောင်း နောက်ဆုံးအချက်အလက်တွေကို ကျွန်တော်တို့ သိခွင့် ရပါတယ်။ တိုးတက်မှုရှိခဲ့တဲ့ နေရာတွေကိုလည်း သိရှိနိုင်သလို လိုအပ်မှုတွေ ရှိနေသေးတဲ့ နေရာ တွေကိုလည်း ကွက်ကွက်ကွင်းကွင်း သိမြင်နိုင်ပါတယ်။ ပြည်သူတွေအားလုံးအတွက် တိုးတက်မှုရဲ့ အကျိုးကျေးဇူးတွေ ခံစားနိုင်အောင် အလေးထားလုပ်ဆောင်ကြဖို့ လိုအပ်ပါတယ်။" လို့ ကမ္ဘာ့ ဘဏ်မှ ဌာနေမန်နေဂျာ Gevorg Sargsyan ကပြောပါတယ်။

သန့်ရှင်းတဲ့ ရေလက်လှမ်းမီမှုက တိုးလာခဲ့ပြီး လုပ်သားအင်အားစုမှာအမျိုးသမီး ပါဝင်မှုနှုန်းကလည်း စုစုပေါင်း လုပ်သားအင်အားရဲ့ ၅၅ ရာခိုင်နှုန်းအထိ ရှိလာခဲ့တဲ့အတွက် ၂၀၀၅ခုနစ်မှာ ရှိခဲ့တဲ့ ၄၉ ရာခိုင်နှုန်းထက် ၆ ရာခိုင်နှုန်း တိုးတက်လာခဲ့တယ်လို့ ဆိုထားပါတယ်။

မြန်မာနိုင်ငံနေထိုင်မှု အခြေအနေ စစ်တမ်း ၂၀၁၇ ကို ၂၀၁၆ ခုနစ်ဒီဇင်ဘာလမှ ၂၀၁၇ ခုနစ် ဒီဇင်ဘာလအတွင်း မြို့နယ်ပေါင်း ၂၉၆ မြို့နယ်မှာ ကောက်ယူခဲ့တာဖြစ်ပါတယ်။

UNDP မြန်မာရဲ့ ဌာနေညွှန်ကြားရေးမှူး Peter Batchelor က တော့ "ဒီအစီရင်ခံစာဟာ မြန်မာနိုင်ငံရဲ့ ဘယ်ဒေသတွေဟာ ထိခိုက်အလွယ်ဆုံး ဖြစ်နေတယ်၊ ဘယ်ဒေသတွေက ပြည်သူတွေက ဖွံ့ဖြိုးမှုမှာ နောက်ကျကျန်နေခဲ့တယ်ဆိုတာတွေကို မီးမောင်းထိုးပြနိုင်ပြီး အားလုံးပါဝင်နိုင်မှု ပိုရှိတဲ့ ဖွံ့ဖြိုးတိုးတက်မှုကို ရရှိဖို့အတွက် ဘယ်နေရာတွေမှာ ပိုပြီး ကြိုးပမ်းလုပ်ဆောင်ရမယ်ဆိုတာကိုလည်း ပြသနိုင်ပါတယ်။ ဒီအစီရင်ခံစာဟာ စဉ်ဆက်မပြတ် ဖွံ့ဖြိုးတိုးတက်ရေးပန်းတိုင်တွေ ပြည့်မီရေးကို အထောက်အကူပြုမယ်လို့ ကျွန်တော် မျှော်လင့်ပါ တယ်" လို့ ပြောပါတယ်။

BBC Burmese
http://www.bbc.com/burmese

ပြည်ခိုင်ဖြိုး ကြားဖြတ် ဝင်၊ မဝင် မဆုံးဖြတ်ရသေး

၂၀၁၅ နဲ့ ၂၀၁၇ ကြားဖြတ်ရွေးကောက်ပွဲ ဆုံးဖြတ်ချက်တွေအပေါ်မူတည် သံသယရှိနေ
လာမယ့် နိုဝင်ဘာ ၃ ရက်နေ့မှာကျင်းပမယ်လို့ ရွေးကောက်ပွဲကော်မရှင်က ကြော်ငြာထားတဲ့ ၂၀၁၈ ကြားဖြတ်ရွေးကောက်ပွဲအတွက် ဝင်ရောက်ယှဉ်ပြိုင်မယ့် ကိုယ်စားလှယ်လောင်းစာရင်းကို လက်ရှိအာဏာရပါတီ အမျိုးသားဒီမိုကရေစီအဖွဲ့ချုပ်အန်အယ်လ်ဒီပါတီက ထုတ်ပြလိုက်ပေမယ့် ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီကတော့ ခုထိ ရွေးကောက်ပွဲဝင်မယ်မဝင်ဘူးဆိုတာ မဆုံးဖြတ်ရသေးပါဘူး။

ကြာဖြတ်ရွေးကောက်ပွဲအတွက် ကနဦးလုပ်ဆောင်ချက်အနေနဲ့ မဲပေးခွင့်ရှိသူစာရင်းတွေကို ဇူလိုင် ၉ ရက်ကနေ ၂၂ ရက်နေ့ထိ မဲဆန္ဒရှင်တွေသိအောင် ကြားဖြတ်ရွေးကောက်ပွဲလုပ်မယ့် လစ်လပ်မဲဆန္ဒနယ် ၁၃ ခုမှ ကြေငြာမယ်လို့ ပြည်ထောင်စုရွေးကောက်ပွဲကော်မရှင်က ထုတ်ပြန်ထားပါတယ်။ ဇွန်လ ၂၉ ရက်နေ့မှာပဲ အန်အယ်လ်ပါတီကနေ ဝင်ရောက်ယှဉ်ပြိုင်မယ့် ကိုယ်စားလှယ်လောင်း ၁၃ ဦးကို ပါတီဗဟိုက ထုတ်ပြန်လိုက်ပြီဖြစ်ပါတယ်။

ပါတီကချမှတ်ထားတဲ့ မူဝါဒတွေကို လိုက်ပါနိုင်သူဖြစ်ပြီး ပေးအပ်တဲ့ တာဝန်တွေကို ထမ်းဆောင်နိုင်တဲ့ ထူးခြားတဲ့ အရည်အသွေးရှိသူတွေကို ဦးစားပေးပါမယ်။ တိုင်းရင်းသားဒေသတွေမှာဆိုရင် တိုင်းရင်းသား ဘာသာစကားကျွမ်းကျင်သူ ဒေသတွင်း တိုင်းရင်းသားတွေနဲ့ ဆက်ဆံရေးအဆင်ပြေတဲ့သူ အဲဒါမျိုးတွေကို ဦးစားပေးတယ်။ အရည်အချင်းချင်း တူရင် လူငယ် ၊ တိုင်းရင်းသား ၊ အမျိုးသမီးတွေကို ဦးစားပေးရမယ်လို့ ဆုံးဖြတ်ထားပါတယ်လို့ ကြားဖြတ်ရွေးကောက်ပွဲအတွက် ဝင်ပြိုင်မယ့် ကိုယ်စားလှယ်လောင်းတွေကို စိစစ်ရွေးချယ်ထားမှုအပေါ် အန်အယ်လ်ဒီ ပါတီ ပြောခွင့်ရ ဒေါက်တာမျိုးညွှန့်က ပြောပါတယ်။

ဒါပေမယ့် အန်အယ်လ်ဒီရဲ့ ကိုယ်စားလှယ်လောင်းစာရင်းထဲမှာ အမျိုးသမီး တဦးသာ ပါဝင်တာပါ။

ဒါကလည်း အောက်ခြေက တင်ပြလာမှုအပေါ် စိစစ်ရွေးချယ်ထားမှုသာ ဖြစ်တယ်လို့ ဒေါက်တာမျိုးညွှန့်က ပြောပါတယ်။

အောက်ခြေပါတီအဆင့်ဆင့်က ကန့်ကွက်မှုတွေရှိရင် ဗဟိုကခေါ်ယူစစ်ဆေးပြီးတော့ သေချာမှ အပြီးသတ်ရွေးချယ်ထားတာဖြစ်တယ်လို့ ဒေါက်တာမျိုးညွန့်ကပြောပါတယ်။ အာဏာရပါတီက ခုလိုရွေးချယ်ပြီးမကြာခင်ပြည်ထောင်စုရွေးကောက်ပွဲကော်မရှင်ကို ကိုယ်စားလှယ်လျှောက်လွှာတွေ တင်သွင်းတော့မှာဖြစ်ပေမယ့် အတိုက်ခံဖြစ်မယ့် ပြည်ခိုင်ဖြိုးပါတီကတော့ ခုချိန်ထိရွေးကောက်ပွဲဝင်ဖို့ မဝင်ဖို့ မဆုံဖြတ်ရသေးကြောင်း ပြည်ခိုင်ဖြိုးပါတီရဲ့ ပြောခွင့်ရ ဒေါက်တာနန္ဒာလှမြင့်က ပြောပါတယ်။

ကျွန်တော်တို့ ဝင်မဝင်အခုထိ မဆုံးဖြတ်ရသေးဘူး ဇူလိုင် ၄ ရက်နေ့မှ ဆုံးဖြတ်ရမယ် ရွေးကောက်ပွဲကော်မရှင်နဲ့ ပတ်သက်ပြီး အားမရတာက အချက်တချက်ဖြစ်ပြီး ကိုယ်စားလှယ်လောင်းလည်း မရွေးချယ်ရသေးဘူးလို့ ဒေါက်တာ နန္ဒာလှမြင့်က ပြောပါတယ်။

၂၀၁၅ နဲ့ ၂၀၁၇ ကြားဖြတ်ရွေးကောက်ပွဲ ဆုံးဖြတ်ချက်တွေအပေါ်မူတည် သံသယရှိနေတာဖြစ်ပြီး ရွေးကောက်ပွဲကော်မရှင်ကိုလည်း တင်ပြထားပြီးဖြစ်တယ်လို့ ဒေါက်တာနန္ဒာလှမြင့်က ပြောပါတယ်။

လာမယ့်နိုဝင်ဘာလမှာ ကျင်းပမယ့် ကြားဖြတ်ရွေးကောက်ပွဲဟာ အန်အယ်လ်ဒီပါတီအနိုင်ရပြီးနောက် ဒုတိယအကြိမ်ကျင်းပမယ့် ကြားဖြတ်ရွေးကောက်ပွဲလည်းဖြစ်ပါတယ်။၂၀၁၇ခုနစ် ကြားဖြတ်ရွေးကောက်ပွဲပြီးတဲ့နောက်မှာ နိုင်ငံတော်အဆင့်ရာထူး တာဝန်ထမ်းဆောင်လို့လစ်လပ်သွားတဲ့ လွှတ်တော်ကိုယ်စားလှယ်နေရာတွေနဲ့ ကွယ်လွန်သွားတဲ့ လွှတ်တော်ကိုယ်စားလှယ်တွေရဲ့ နေရာတွေ စုစုပေါင်း ၁၃ နေရာအတွက်ကျင်းပမှာဖြစ်ပါတယ်။

၂၀၁၈ နိုဝင်ဘာ ၃ ရက်နေ့မှာ ကျင်းပမယ့် ကြားဖြတ်ရွေးကောက်ပွဲမှာ လစ်လပ်နေတဲ့ ပြည်သူ့လွှတ်တော်အတွက် ၄နေရာ၊ အမျိုးသားလွှတ်တော်အတွက် ကချင်ပြည်နယ်မဲဆန္ဒနယ်က တနေရာနဲ့ ပြည်နယ်တိုင်း လွှတ်တော်အတွက် ၈ နေရာ ကျင်းပမယ်လို့ ရွေးကောက်ပွဲကော်မရှင်က မေလ ၈ ရက်နေ့ကတည်းက ကြေငြာထားပါတယ်။

BBC Burmese
http://www.bbc.com/burmese

ရွှေပြည်သာမြို့နယ်တွင် အမျိုးသမီးတစ်ဦးကို ဓားထောက်ကာ ဓားစာခံ အဖြစ်ခေါ်ယူပြီး ဆိုင်ကယ်လုယူထွက်ပြေးသူကို ကင်းတာဝန်ကျတပ်ဖွဲ့ဝင်များက သေနတ်ဖြင့်ပစ်ခတ် ဖမ်းဆီး

ရန်ကုန်၊ ဇွန် ၃၀
၃၀.၆.၂၀၁၈ ရက်နေ့ နေ့လယ် ၁၂း၁၀ နာရီအချိန်တွင် ရွှေပြည်သာမြို့မရဲစခန်းမှ တပ်ဖွဲ့ဝင်များသည် ဆိုင်ကယ်လှည့်ကင်းအား (၂)ဖွဲ့ခွဲ၍ အမှတ်(၂)ရပ်ကွက်၊ ဗိုလ်ချုပ်လမ်းပေါ်တွင် လှည့်ကင်း တာဝန်ဆောင်ရွက်နေစဉ် အင်းစိန်မြို့နယ်၊ တညင်းကုန်းလမ်းဆုံဘက်မှ သုံးယောက်အတူ စီးလာသည့် ဆိုင်ကယ်တစ်စီးအား မသင်္ကာတွေ့ရှိသဖြင့် စစ်ဆေးရန်ရပ်တန့်စေရာ အဆိုပါ ဆိုင်ကယ်စီးသူများမှာ ရပ်တန့်ပေးခြင်းမရှိဘဲမောင်းနှင်ထွက်ပြေးသွားခဲ့သဖြင့် လိုက်လံဖမ်းဆီးရာ


၎င်းဆိုင်ကယ်အားမောင်းနှင်လာသူ အမျိုးသားတစ်ဦးမှာ ရွှေပြည်သာမြို့နယ်၊ အမှတ်(၂)
ရပ်ကွက် အရောက်၌ ဓားကိုင်ဆောင်ကာဆင်းလာပြီး ကျန် (၂)ဦးမှာ ဆက်လက်မောင်းနှင်ထွက်ပြေးသွားခဲ့ကြောင်း၊ အဆိုပါ ဓားကိုင်ကျန်ရစ်သူ အမျိုးသားမှာ ဒေါင်းမင်းလမ်းအတိုင်းထွက်ပြေးသွားသဖြင့် ရဲတပ်သား မျိုးကိုကိုကျော် မှ MA 13 သေနတ်ကိုင်ဆောင်ကာ ရဲတပ်သား ၀င်းပိုင်နှင့်အတူ လိုက်လံဖမ်းဆီးခဲ့ရာ ပန်းမူလမ်းထောင့်အရောက်တွင် ၎င်းအမျိုးသားမှာ လမ်းလျှောက်လာသူ အမျိုးသမီး(၁) ဦး၏ လည်ပင်းအား ဓားထောက်ကာ ဓားစာခံအဖြစ်ခေါ်ဆောင်ပြီး ထွက်ပြေးရန်အတွက် အနီးရှိ JLM အနီရောင်ဆိုင်ကယ်သော့အား ဓားဖြင့်ဖျက်ဆီးပြီးယူဆောင် ရန်ဆောင်ရွက်နေစဉ် ရဲတပ်ဖွဲ့ဝင်များက ဓားစာခံအမျိုးသမီးကို လွှတ်ပေးရန်နှင့် ဓားအား အောက်သို့ ချ၍ အဖမ်းခံရန်ပြောဆိုရာ လက်ခံခြင်းမရှိဘဲ ရဲတပ်ဖွဲ့ဝင်များအား ဓားဖြင့်ပြန်လည်ခုခံရန်ပြုသဖြင့် ရဲတပ်သား မျိုးကိုကိုကျော်မှ ၎င်းကိုင်ဆောင်သည့် MA 13 သေနတ်ဖြင့်(၁)ချက်ပစ်ခတ်ခဲ့ရာ ဓားကိုင်သူ အမျိုးသား၏ ဘယ်ဘက်ခါးမှ ၀မ်းဗိုက်သို့ဖောက်ထွက်ဒဏ်ရာ(၁)ချက်ရရှိခဲ့ကြောင်း၊ ၎င်းအမျိုးသားမှာ မင်္ဂလာဒုံမြို့နယ်၊ ထောက်ကြန့်နေ ၀င်းထွန်းနိုင်၊(၃၆)နှစ်၊ (ဘ)ဦးမျိုးညွန့်ဖြစ်ကြောင်း သိရရှိရပြီး ၎င်းအား အင်းစိန်ဆေးရုံသို့ ပို့အပ်ကာ အတွင်းလူနာ(စိုးရိမ်းရ)အဖြစ် ဆေးကုသမှုခံယူ လျက်ရှိကြောင်း သိရှိရသည်။

ယင်းသို့ ဓားကိုင်ဆောင်ပြီး အမျိုးသမီးတစ်ဦးအား ဓားထောက်၍ ဓားစာခံအဖြစ်ခေါ်ဆောင်ပြီး ဆိုင်ကယ်အားလုယူ၍ တာဝန်ဝတ္တရားဆောင်ရွက်နေ့သည့် တပ်ဖွဲ့ဝင်များကို ဓားလက်နက်ကိုင်ဆောင်ကာပြန်လည်ခုခံရန် ပြုသူ ၀င်းထွန်းနိုင်အား ရွှေပြည်သာမြို့မရဲစခန်း(ပ)၈၇၂/၂၀၁၈၊ ရာဇသတ်ကြီးပုဒ်မ ၃၆၄/၃၈၂/၃၀၇/၃၅၃ဖြင့် အမှုဖွင့်ကာ အရေးယူဆောင်ရွက်လျက်ရှိကြောင်း သတင်းရရှိသည်။

Yangon Police
https://www.facebook.com/yangonpolice/posts

ကုလညွှန်ချုပ်နဲ့ ကမ္ဘာ့ဘဏ်ဥက္ကဋ္ဌ ဘင်္ဂလားဒေ့ရှ် သွားမည်

ကုလအတွင်းရေးမှူးချုပ် Antonio Guterres
ကုလသမဂ္ဂအတွင်းရေးမှူးချုပ် Antonio Guterres နဲ့ ကမ္ဘာ့ဘဏ်ဥက္ကဋ္ဌ Jim Yong Kim တို့ဟာ မြန်မာနိုင်ငံက ထွက်ပြေးလာတဲ့ ရိုဟင်ဂျာဒုက္ခသည် ထောင်ပေါင်းများစွာရဲ့ လိုအပ်ချက်တွေကို ဆန်းစစ်ဖို့အတွက် ဇူလိုင်လ ၁ ရက် တနင်္ဂနွေနေ့မှာ ဘင်္ဂလား ဒေ့ရှ် နိုင်ငံကို သွားရောက်မယ်လို့ ကုလသမဂ္ဂက သောကြာနေ့မှာ သတင်းထုတ်ပြန်ပါတယ်။

ဒီ နှစ်ရက်ကြာ ဒီခရီးစဉ်ဟာ “၂၀၁၇ ခုနှစ်အတွင်း အများဆုံးထွက်ပြေးလာတဲ့ ဒုက္ခသည် တွေကို လက်ခံထားတဲ့ ဘင်္ဂလားဒေ့ရှ် နိုင်ငံရဲ့ စာနာကူညီမှုနဲ့ နိုင်ငံတကာအသိုင်းအဝိုင်း က ပိုပြီးလုပ်ဆောင်ဖို့ လိုအပ်တာကို အထူး ဖော်ပြ” မှာဖြစ်တယ်လို့ ကုလသမဂ္ဂ ထုတ်ပြန်ချက်မှာ ဖော်ပြထားပါတယ်။

မစ္စတာ Guterres နဲ့ မစ္စတာ Kim တို့ဟာ ဒုက္ခသည်တွေအတွက် ကာလလတ် အစီ အစဉ်နဲ့ “ပြီးပြည့်စုံတဲ့ အဖြေတွေ” ရဖို့ အတွက် လိုအပ်ချက်တွေကို ဘင်္ဂလားဒေ့ရ်ှနဲ့ “နောက်ထပ် ဆွေးနွေးရေး အခြေခံအချက်တွေကို ချမှတ်” မှာဖြစ်တယ်လို့ ကုလသမဂ္ဂက ပြောပါတယ်။

အတွင်းရေးမှူးချုပ်နဲ့ ကမ္ဘာ့ဘဏ်ဥက္ကဋ္ဌတို့ဟာ ဒါကားမြို့တော်မှာ ဘင်္ဂလားဒေ့ရ်ှဝန်ကြီး ချုပ် Sheikh Hasnia နဲ့ တခြား ထိပ်တန်း တာဝန်ရှိသူတွေနဲ့ တွေ့ဆုံပါမယ်။ တနင်္လာနေ့ မှာတော့ Cox’s Bazar က ဒုက္ခသည်စခန်းကိုသွားပြီး ဒုက္ခသည်တွေ၊ အကူအညီ ပေး လုပ်သားတွေနဲ့ တွေ့ဆုံမှာဖြစ်ပါတယ်။

ဒီအတောအတွင်းမှာပဲ ရိုဟင်ဂျာဒုက္ခသည်ပြဿနာဟာ ဘင်္ဂလားဒေ့ရ်ှအတွက်သာမက ဒေသတခုလုံးအတွက် စိုးရိမ်ဖွယ် ကိစ္စ ကြီးတခုဖြစ်တယ်လို့ အိန္ဒိယနိုင်ငံဆိုင်ရာ ဘင်္ဂလားဒေ့ရ်ှသံအမတ်ကြီး Syed Muazzem Ali က သောကြာနေ့မှာပြောပါတယ်။

အိန္ဒိယနိုင်ငံအရှေ့ပိုင်း Siliguri မြို့က ဘင်္ဂလားပြည်နယ်မြောက်ပိုင်း စာနယ်ဇင်း ကလပ်မှာ လုပ်တဲ့ ပွဲတခုအတွင်း သံအမတ်ကြီး Ali က သတင်းထောက်တွေကို အဲဒီလို ပြောသွားတာပါ။

ဒီပြဿနာရဲ့ အဓိကအခြေခံအချက်က မြန်မာနိုင်ငံဟာ ကိုယ့်လူထုကို နိုင်ငံသားတွေ အဖြစ် အသိအမှတ်ပြုဖို့ ငြင်းဆန်နေတာပဲ ဖြစ်တယ်လို့လည်း သံအမတ်ကြီး Ali က ပြောပါတယ်။

 ဗွီအိုအေ (မြန်မာဌာန)
https://burmese.voanews.com

ပင်လုံတတိယအစည်းအဝေး ဂျူလိုင် ၁၁ မှာ ကျင်းပမည်

၁၅ ကြိမ်မြောက် ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ (UPDJC) အစည်းအဝေးကျင်းပစဉ်။ (ဇွန်၂၉၊ ဓာတ်ပုံ- နိုင်ငံတော် အတိုင်ပင်ခံရုံး)
ပြည်ထောင်စုငြိမ်းချမ်းရေးညီလာခံ ၂၁ ရာစု ပင်လုံ တတိယအစည်းအဝေးကို ဇူလိုင်လ ၁၁ ရက်နေ့ကနေ ၁၆ ရက်နေ့အထိ နေပြည်တော် အပြည်ပြည်ဆိုင်ရာကွန်ဗင်းရှင်း ဗဟို ဌာနမှာ ကျင်းပမယ့်အကြောင်း နိုင်ငံတော်အတိုင်ပင်ခံပုဂ္ဂိုလ်ရုံး ဖေ့စ်ဘုတ် စာမျက်နှာမှာ တင်ထားတဲ့ သတင်းတပုဒ်မှာ ဖော်ပြထားပါတယ်။

ဇွန်လ ၂၉ ရက် သောကြာနေ့က နေပြည်တော်၊ အမျိုးသား ပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာန (NRPC) မှာ ကျင်းပတဲ့ ၁၅ ကြိမ်မြောက် ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ (UPDJC) အစည်းအဝေးမှာ ၂၁ ရာစု ပင်လုံ တတိယ အစည်းအဝေးကျင်းပမယ့်ရက်ကို အခုလို အတည်ပြု သတ်မှတ်လိုက်တာပါ။

အဲဒီ UPDJC အစည်းအဝေးအတွင်းမှာပဲ ညီလာခံအစီအစဉ်ကို အတည်ပြုတာ၊ ညီလာခံ ဖွင့်ပွဲမှာ JMC အစီရင်ခံစာ တင်သွင်းရေး ကိစ္စ၊ တနိုင်ငံလုံး အပစ်အခတ်ရပ်စဲရေး သဘောတူစာချုပ် NCA ကို လက်မှတ်မထိုးရသေးတဲ့ တိုင်းရင်းသား လူမျိုးစု လက်နက် ကိုင်အဖွဲ့ EAO တွေကို ဖိတ်ကြားရေးကိစ္စ၊ ညီလာခံကို လေ့လာသူတွေ ဖိတ်ကြားရေးနဲ့ လေ့လာသူဦးရေ သတ်မှတ်ရေးကိစ္စ စတာတွေကို ဆွေးနွေးကြတယ်လို့ သတင်းမှာ ဖော်ပြထားပါတယ်။

အခုကျင်းပမယ့် အစည်းအဝေးကို NCA လက်မှတ်မထိုးရသေးတဲ့ EAO အဖွဲ့တွေထဲက ဘယ်အဖွဲ့တွေကို ဖိတ်မယ်ဆိုတာ အတိအကျ မသိရသေးပါဘူး။

အထူးသဖြင့်တော့ ဝပြည် သွေးစည်းညီညွတ်ရေးတပ် UWSA ဦးဆောင်တဲ့ မြောက်ပိုင်း မဟာမိတ် ၇ ဖွဲ့ကို ဖိတ်မဖိတ်ဆိုတာနဲ့ ဘယ်လို ဖိတ်မယ်ဆိုတာတွေကို ရှင်းရှင်း လင်းလင်း မသိရသေးသလို မြောက်ပိုင်းမဟာမိတ်အဖွဲ့ဘက်က သဘောထားကိုလည်း အတိအကျ မသိရသေးပါဘူး။

ဗွီအိုအေ (မြန်မာဌာန)
https://burmese.voanews.com

ရိုဟင်ဂျာအရေး ကုလ နဲ့ မြန်မာ သဘောတူညီချက် ပေါက်ကြား

(နှစ်နိုင်ငံနယ်စပ် နတ်မြစ်ကိုဖြတ်ပြီး တစ်ဘက် ဘင်္ဂလားဒေ့ရ်ှနိုင်ငံကို ထွက်ခွာနေတဲ့ မွတ်စလင်တွေကို ၂၀၁၇ ခုနှစ်၊ အောက်တိုဘာလ ၁၆ ရက်နေ့က တွေ့ရစဉ်)/Photo: AFP
ရခိုင်ပြည်နယ်ကနေ ဘင်္ဂလားဒေ့ရ်ှနိုင်ငံကို ထွက်ပြေးသွားကြတဲ့ ရိုဟင်ဂျာတွေ ပြန်လာရေးနဲ့ ပတ်သက်ပြီး ကုလသမဂ္ဂနဲ့ မြန်မာအစိုးရအကြား မကြာခင်က လျှို့ဝှက်သဘောတူညီချက်တစ်ခု ရေးထိုးခဲ့ရာမှာ အဲဒီသူတွေပြန်လာတဲ့အခါ ရခိုင်ပြည်နယ်ရှိ တခြားတိုင်းရင်းသားအားလုံးနည်းတူ လွတ်လပ်ခွင့်တွေ ရရှိမှာဖြစ်ပေမယ့် နိုင်ငံသားဖြစ်ခွင့်နဲ့ ရခိုင်ပြည် နယ်နိမိတ်ကို ကျော်လွန်ပြီး တခြားတိုင်းနဲ့ပြည်နယ်တွေကို သွားလာခွင့်အတွက် ကတိပြုခြင်းတော့ မပါဝင်ဘူးလို့ နောက်ဆုံးရ ရိုက်တာ သတင်းမှာ ဖေါ်ပြထားပါတယ်။

အဲဒီ မြန်မာနဲ့ ကုလအကြား မေလကုန်ပိုင်းက သဘောတူခဲ့တဲ့ နားလည်မှုစာချွန်လွှာအရဆိုရင် မွတ်စလင် ဒုက္ခသည်တွေအနေနဲ့ မိမိတို့ သဘောဆန္ဒအလျှောက် ပြန်လာတဲ့အခါ သူတို့ရဲ့ လုံခြုံရေးအတွက် မြန်မာအစိုးရက တာဝန်ယူထားပြီး တည်ဆဲ နည်းဥပဒေတွေအတိုင်း ရခိုင်ပြည်နယ်မှာ လွတ်လပ်စွာ နေထိုင်ခွင့်နဲ့ တခြားအခွင့်အရေးတွေ တန်းတူရမှာဖြစ်ပါတယ်။ ဒါ့အပြင် ပြန်လာသူတွေကို သက်သေခံကတ်ပြားတွေ ထုတ်ပေးမှာဖြစ်ပြီး သတ်မှတ်ချက်တွေနဲ့ ကိုက်ညီရင် နောင်တချိန်မှာ နိုင်ငံသားဖြစ်ခွင့် ရရှိဖို့လည်း လမ်းဖွင့်ပေးထားတယ်လို့ ဆိုပါတယ်။

ဒီသဘောတူညီချက် မှန်ကန်ကြောင်း နိုင်ငံတကာအဖွဲ့အစည်း ၂ ခုက အတည်ပြုခဲ့ပေမယ့် ကုလသမဂ္ဂ ပြောရေးဆိုခွင့်ရှိသူကတော့ တရားမဝင် အခုလိုပေါက်ကြားသွားတဲ့ သတင်းအတွက် မှတ်ချက်မပေးနိုင်ကြောင်း၊ ဒီသဘောတူညီချက်ကို တရားဝင် လူသိရှင်ကြား ထုတ်ပြန်ဖို့အတွက် မြန်မာအာဏာပိုင်တွေနဲ့ ကုလသမဂ္ဂ အဖွဲ့အစည်း ၂ ခုဖြစ်ကြတဲ့ UNDP ကုလသမဂ္ဂ ဖွံ့ဖြိုးရေးအစီအစဉ် နဲ့ UNHCR ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံး တို့အကြား ဆက်လက်ညှိနှိုင်းဆဲဖြစ်ကြောင်း ရိုက်တာ သတင်းဌာနကို ပြောပါတယ်။

အဲဒီ နားလည်မှုစာချွန်လွှာကို ကုလ အဖွဲ့အစည်းတွေက မြန်မာအာဏာပိုင်တွေနဲ့ ပူးပေါင်းဆောင်ရွက်ရေးအတွက် အခြေခံမူဘောင် ချမှတ်ရန် ပထမခြေလှမ်းအဖြစ် သတ်မှတ်ထားကြောင်း သိရပါတယ်။ ဒါပေမဲ့ ဒီသဘောတူညီချက်ဟာ အခြေခံ လူ့အခွင့်အရေးတွေနဲ့ ကိုက်ညီခြင်းမရှိဘူးလို့ ဒုက္ခသည်ခေါင်းဆောင်တွေနဲ့ လူ့အခွင့်အရေးအဖွဲ့တွေက ပြောကြားကြောင်းနဲ့ အဲဒီ သဘောတူညီချက်မှာ ဒုက္ခသည်တွေကို ရိုဟင်ဂျာလို့ ခေါ်ဝေါ်သုံးစွဲခြင်း မရှိတဲ့အတွက် မကျေနပ်ဘူးလို့ ရိုဟင်ဂျာ ခေါင်းဆောင်တစ်ဦးက ပြောဆိုကြောင်း ရိုက်တာသတင်းမှာ ဖေါ်ပြထားပါတယ်။

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF ခေါင်းဆောင်ဟောင်းတစ်ဦးဖြစ်တဲ့ မြန်မာ့အရေးလှုပ်ရှားသူ ကိုမောင်မောင်သိန်းကတော့ ဒီသဘောတူညီချက်ဟာ မျှတပြီး အားလုံးလက်ခံသင့်တဲ့ အချက်တွေပဲလို့ ဝေဖန်ပါတယ်။

"သူတို့ကိုပြန်လာတာ လက်ခံပေးရင် သူတို့ကျေနပ်ဖို့ကောင်းတယ်။ နဂိုကတည်းကလည်း သူတို့က ဒီနေရာမှာပဲနေပြီး ဒီနေရာမှာပဲ သွားလာလှုပ်ရှားခွင့်ရထားတာပဲ။ အင်တာနေရှင်နယ်အရလည်း ကျနော်တို့တွေ ဒီဘက်ကို အခြေချ လာရောက်နေထိုင်ခွင့်ရလို့ လာတယ်ဆိုရင်လည်း ဒီအမေရိကန်ရဲ့ Immigration Law လူဝင်မှုကြီးကြပ်ရေးဥပဒေအရ ဘောင်အတွင်းနေထိုင်ရတာပဲလေ။ သူတို့တွေ ပြန်လာပြီဆိုရင်လည်း တရားဥပဒေဘောင်အတွင်းနေပြီး နောက်ပိုင်းကျမှ နိုင်ငံသားပြုမှုဥပဒေတို့ ဘာတို့ ရှိတဲ့အတိုင်း ရေရှည်မှာ သူတို့ သတ်မှတ်ထားတဲ့ စည်းကမ်းဥပဒေအတိုင်း နိုင်ငံသားကောင်း တစ်ယောက်အနေနဲ့ နေထိုင်သွားရင် သူတို့တွေလည်း နိုင်ငံသားဖြစ်ခွင့် ရလာမှာပေါ့ဗျာ။ နိုင်ငံသားဖြစ်ပြီဆိုရင်တော့ ကျန်တဲ့ နိုင်ငံသားတွေ နည်းတူ အခွင့်အရေးတွေ တန်းတူ ရလာကြမှာပေါ့ဗျာ။ အဲဒီ အချိန်အထိတော့ သူတို့လည်း စိတ်ရှည်လက်ရှည် စောင့်ရမှာပေါ့"

မွတ်စလင်ဒုက္ခသည် ခေါင်းဆောင် အများစုကတော့ နိုင်ငံသားဖြစ်ခွင့်အတွက် အာမခံချက်မရရင် သူတို့ မပြန်နိုင်ဘူးလို့ ပြောနေကြဆဲ ဖြစ်ပါတယ်။ အခုထွက်ပေါ်လာတဲ့ သဘောတူညီချက်သတင်းနဲ့ ပတ်သက်ပြီး မြန်မာအစိုးရရဲ့ တုံ့ပြန်ချက် တစ်စုံတစ်ရာ မရရှိသေးပါဘူး။

RFA Burmese
https://www.facebook.com/pg/rfaburmese

မြန်မာ့ စပါးအုံး အောင်လအန်ဆန် ကစိန်ခေါ်သူအား အနိုင်ယူကာ ၀မ်းမစ်ဒယ် ၀ိတ်တန်း ကမ္ဘာ့ ချန်ပီယံ ခါးပတ်အား ဆက်လက် ကာကွယ်နိုင်ခဲ့

အောင်လအန်ဆန် နှင့် Ken Hasegawa တို့ ယှဉ်ပြိုင် ထိုးသတ်မှု မြင်ကွင်းများ(ဆင်ဟွာ) 
 ရန်ကုန် ၊ ဇွန် ၂၉ ရက်(ဆင်ဟွာ)

 မြန်မာ့ စပါးအုံး ခေါ် ၀မ်းမစ်ဒယ်ဝိတ်တန်း ကမ္ဘာ့ ချန်ပီယံ အောင်လအန်ဆန်သည် စိန်ခေါ်သူ ဂျပန်နိုင်ငံမှ Ken Hasegawa နှင့် ယနေ့ ဇွန် ၂၉ ရက်တွင် ရန်ကုန်မြို့ ၌ ယှဉ်ပြိုင် ထိုးသတ်ခဲ့ရာ အောင်လအန်ဆန်က စိန်ခေါ်သူအား  အလဲထိုး အနိုင် ရရှိပြီး ၀မ်းမစ်ဒယ် ၀ိတ်တန်း ကမ္ဘာ့ ချန်ပီယံ ခါးပတ်အား ဆက်လက် ကာကွယ်နိုင်ခဲ့သည်။

အောင်လအန်ဆန် နှင့် Ken Hasegawa တို့ သည် “ONE: SPIRIT OF A WARRIOR” ပြိုင်ပွဲတွင် အဓိက ပွဲစဉ် အဖြစ် ယှဉ်ပြိုင်ခဲ့ပြီး  ၅ ချီ ယှဉ်ပြိုင် ထိုးသတ်ခဲ့ရာ နောက်ဆုံး အချီ ၃ မိနစ်ကျော် အချိန်တွင် အောင်လအန်ဆန်းက  လက်သီးချက်ဖြင့်  စိန်ခေါ်သူအား အလဲထိုး အနိုင်ရရှိခဲ့သည်။

အောင်လအန်ဆန် နှင့် Ken Hasegawa တို့ ယှဉ်ပြိုင် ထိုးသတ်မှု မြင်ကွင်းများ(ဆင်ဟွာ)


အောင်လအန်ဆန် နှင့် Ken Hasegawa တို့ ယှဉ်ပြိုင် ထိုးသတ်မှု မြင်ကွင်းများ(ဆင်ဟွာ)


အောင်လအန်ဆန် နှင့် Ken Hasegawa တို့ ယှဉ်ပြိုင် ထိုးသတ်မှု မြင်ကွင်းများ(ဆင်ဟွာ)


အောင်လအန်ဆန် နှင့် Ken Hasegawa တို့ ယှဉ်ပြိုင် ထိုးသတ်မှု မြင်ကွင်းများ(ဆင်ဟွာ)
ဝမ်းမစ်ဒယ် ၀ိတ်တန်း ကမ္ဘာ့ ချန်ပီယံ ခါးပတ်အား ဆက်လက် ကာကွယ်နိုင်ခဲ့သူ အောင်လအန်ဆန်က ပွဲပြီး အနိုင်ရရှိခဲ့ပြီးနောက် အားလုံးကို ကျေးဇူးတင်ရှိကြောင်း ထည့်သွင်း ပြောကြားခဲ့သည်။အောင်လအန်ဆန်သည် ၂၀၁၇ ခုနှစ် ဇွန်လတွင် Vitaly Bigdash ကို အနိုင်ယူကာ ၀မ်းမစ်ဒယ် ၀ိတ်တန်း ကမ္ဘာ့ ချန်ပီယံဆုကို ရယူခဲ့ပြီး ယခုအခါ စိန်ခေါ်သူ ဂျပန်နိုင်ငံမှ Ken Hasegawa အား အနိုင်ယူကာ ၀မ်းမစ်ဒယ် ၀ိတ်တန်း ကမ္ဘာ့ ချန်ပီယံ ခါးပတ်အား ဆက်လက် ကာကွယ်နိုင်ခဲ့သည်။

ထို့ ကြောင့် အောင်လအန်ဆန်သည် ဝမ်းမစ်ဒယ်ဝိတ်တန်း နှင့် လိုက်ဟဲဗီးဝိတ်တန်း ကမ္ဘာ့ချန်ပီယံဆုများ (ONE Middleweight & Light Heavyweight World Champion) ကိုပိုင်ဆိုင်ရရှိထားသူအဖြစ်ဆက်လက်ရပ်တည်ထားနိုင်ခဲ့သည်။ “ONE: SPIRIT OF A WARRIOR” ပြိုင်ပွဲအား ရန်ကုန်မြို့ အမျိုးသား အားကစားပြိုင်ပွဲရုံ(၁) သုဝဏ္ဏ၌ ကျင်းပရာ ပြည်တွင်း ၊ ပြည်ပ တွဲဆိုင်း ၁၀ ဆိုင်း ပါဝင် ယှဉ်ပြိုင် ကစားခဲ့ကြသည်။

(Xinhua)
http://www.xinhuamyanmar.com

ရုရှားရဲ့နိုင်ငံတကာ စစ်စွမ်းရည်ပြိုင်ပွဲ မြန်မာပါဝင်မည်

၂၀၁၆ ခုနှစ် နိင်ငံတကာစစ်စွမ်းရည်ပြိုင်ပွဲမှာ Kazakhstan က A T-72 နဲ့ တပ်ဖွဲ့ဝင်များရဲ့ ယှဉ်ပြိုင်မှုတခု။
ဒီနှစ်ကျင်းပမယ့် နိုင်ငံတကာ စစ်စွမ်းရည်ပြိုင်ပွဲမှာ မြန်မာ၊ ဗီယက်နမ်၊ ဖိလစ်ပိုင်၊ ပါကစ္စတန်၊ ဆူဒန်နဲ့ အလ်ဂျီး ရီးယား စုစုပေါင်း ၆ နိုင်ငံက ပထမဆုံးအကြိမ် ပါဝင်ယှဉ်ပြိုင်ကြမှာ ဖြစ်တယ်လို့ ရုရှားကာကွယ်ရေး ဝန်ကြီး Sergei Shoigu က သောကြာနေ့က ပြောပါတယ်။

နေတိုးအဖွဲ့ဝင်နိုင်ငံတွေအပါအဝင် နိုင်ငံပေါင်း ၈၀ ကျော်ကို ၂၀၁၈ ခုနှစ် နိုင်ငံတကာ စစ် စွမ်းရည်ပြိုင်ပွဲမှာ ပါဝင် ဆင်နွှဲဖို့ဖိတ်ခေါ်ထားပြီး ဒီပြိုင်ပွဲတွေကို ဇူလိုင်လ ၂၈ ရက်နေ့ကနေ သြဂုတ်လ ၁၁ ရက်နေ့အထိ နိုင်ငံ ၇ ခုမှာ ခွဲပြီး ကျင်းပမှာဖြစ်တယ်လို့ ရုရှားကာကွယ်ရေး ဝန်ကြီးဌာန ပြောခွင့်ရပုဂ္ဂိုလ် Alexander Zinchenko က သတင်းထောက်တွေကို ပြော ပါတယ်။ အိမ်ရှင်အဖြစ်လက်ခံကျင်းပမယ့်နိုင်ငံတွေကတော့ ရုရှား၊ တရုတ်၊ အဇာ ဘိုင်ဂျန်၊ ဘေလာရုစ်၊ ကာဇက်ခ်စတန်၊ အီရန်နဲ့ အာမေးနီးယားနိုင်ငံတွေပါ။

ပြီးခဲ့တဲ့၂၀၁၇ ခုနှစ်တုန်းကတော့ ၅ နိုင်ငံမှာခွဲပြီးကျင်းပခဲ့ပါတယ်။ ဒီနှစ် စစ်စွမ်းရည်ပွဲတွေမှာ ၃၂ နိုင်ငံက အသင်းပေါင်း ၁၈၁ သင်းပါဝင်ယှဉ်ပြိုင်ကြပါလိမ့်မယ်။ ပြိုင်ပွဲစုစုပေါင်း ၂၈ ခုရှိပြီး အဲဒီအထဲက ၄ ခုကို တရုတ် နိုင်ငံမှာကျင်းပပါလိမ့်မယ်။

အခုလိုစစ်စွမ်းရည်ပြိုင်ပွဲတွေကို ရုရှားကာကွယ်ရေး ဝန်ကြီးဌာနက နိုင်ငံတကာစစ်ရေး အခန်းအနားတခုအဖြစ် စီစဉ်ခဲ့တာပါ။ ပြီးခဲ့တဲ့နှစ်တုန်းကပြိုင်ပွဲတွေထဲမှာ နိုင်ငံ ၃၆ နိုင်ငံက လေ့လာသူ ၄၄ ဦး တက်ရောက်ခဲ့ကြ ပါတယ်။

 ဗွီအိုအေ (မြန်မာပိုင်း)
https://burmese.voanews.com

ကမ္ဘာ့ကုန်သွယ်ရေးအဖွဲ့က ကန် လောလောဆယ်နုတ်ထွက်ဖို့ အစီအစဉ်မရှိ

အမေရိကန်သမ္မတ Donald Trump နယူးဂျာစီသွားမယ့် Air Force One လေယာဉ်ပေါ်မှာ သတင်းထောက်များနဲ့ တွေ့ဆုံစဉ်။ (ဇွန် ၂၉၊ ၂၀၁၈)
ကမ္ဘာ့ကုန်သွယ်ရေးအဖွဲ့ WTO ကနေ အမေရိကန်ပြည်ထောင်စု ချက်ခြင်းကြီးထွက်ဖို့ အစီအစဉ်မရှိဘူးလို့ သမ္မတ ဒေါ်နယ်လ်ဒ် ထရမ့်ပ်က ပြောပါတယ်။

“ကျနော်တို့အပေါ် WTO က သိပ်ကို ဆိုးဆိုးရွားရွား ပြုမူ လုပ်ဆောင်နေပါတယ်” လို့ မေရီလန်းပြည်နယ်ကနေ နယူးဂျာစီပြည် နယ်ကို ခရီးတိုတခုအသွား Air Force One လေယာဉ်ပေါ်မှာ သမ္မတထရမ့်ပ်က သတင်းထောက်တွေကိုပြောပါတယ်။

နိုင်ငံတွေအကြား ကုန်သွယ်ရေးဆိုင်ရာ စည်းမျဉ်းစည်းကမ်းတွေ ချမှတ် လုပ်ဆောင်နေတဲ့ တခုတည်းသော ကမ္ဘာလုံးဆိုင်ရာအဖွဲ့ ဖြစ်တဲ့ WTO ကနေ အမေရိကန်နုတ်ထွက်ဖို့ ရည်ရွယ်ထားပါသလားလို့ မေးတဲ့အခါမှာတော့ သမ္မတထရမ့်ပ်က “လောလောဆယ် တော့ မထွက်ပါဘူး၊ ဒါပေမဲ့ ကျနော်တို့ကို သူတို့ မျှမျှတတ ဆက်ဆံရပါမယ်” လို့ ပြောပါတယ်။

သမ္မတထရမ့်ပ်ဟာ ဥရောပသမဂ္ဂ (EU)၊ စီးပွားရေးအင်အားကြီး ခုနစ်နိုင်ငံအဖွဲ့ (G-7)၊ မြောက်အတ္တလန်တိတ် စာချုပ်အဖွဲ့ (NATO)၊ ကမ္ဘာ့ကုန်သွယ်ရေးအဖွဲ့ (WTO) တို့နဲ့ ပူးပေါင်းဆောင်ရွက်ရေးအစား ပိုပြီးတော့ ထိပ်တိုက်တွေ့ဖို့ ရည်ရွယ်ထားပုံ ရတာ နဲ့အမျှ အခုလိုပြောဆိုလာတာပါ။ ကုန်သွယ်ရေးနဲ့ မဟာဗျူဟာပိုင်းမှာ တနိုင်ငံချင်းစီနဲ့ ဆက်ဆံလုပ်ဆောင်တာက အမေရိကန် အတွက် ပိုပြီးကောင်းမယ်ဆိုတာကို သမ္မတထရမ့်ပ်က ထပ်ခါတလဲလဲ ပြောထားဖူးပါတယ်။

သီတင်းနှစ်ပတ်တောင် မရှိတော့တဲ့အချိန်အတွင်းမှာ NATO အဖွဲ့ နှစ်ပတ်လည် ထိပ်သီးအစည်းအဝေး တက်ဖို့အတွက် ဥရောပ ကို သမ္မတထရမ့်ပ် သွားမှာဖြစ်ပြီး အဲဒီနောက် ဗြိတိန်ဝန်ကြီးချုပ် Theresa May နဲ့ ဗြိတိန်မှာ သီးခြားတွေ့ဆုံမှာဖြစ်သလို ရုရှား သမ္မတ ဗလာဒီမီယာ ပူတင်နဲ့ ဖင်လန်နိုင်ငံ၊ Helsinki မြို့တော်မှာ တွေ့ဆုံမှာဖြစ်ပါတယ်။

ရုရှား၊ တောင်ကိုရီးယားနဲ့ NATO အဖွဲ့ဆိုင်ရာ အမေရိကန်သံအမတ်ကြီးဟောင်း Alexander Vershbow က “ဒီကိစ္စဟာ ပူတင့် အတွက် ဒီ့ထက် ပိုကောင်းစရာတော့ မရှိတော့ပါဘူး။ ကျနော်တို့ မဟာမိတ်တွေကို အသုံးချပြီး ထရမ့်ပ်နဲ့ ပူတင်အကြား မိတ်ဘက်ဆက်ဆံရေး အသစ်တခုကို Helsinkin အစည်းအဝေးမှာ အခိုင်အမာ တည်ဆောက်သွားနိုင်ကြမှာပါပဲ” လို့ ပြောပါတယ်။

ဗွီအိုအေ (မြန်မာပိုင်း)
https://burmese.voanews.com

အိန္ဒိယတပ်သားတွေ မြန်မာပိုင်နက်ဝင်ရောက်ပြီး နာဂသူပုန်တွေကိုတိုက်ခိုက်

နာဂ အမျိုးသားဆိုရှယ်လစ်ကောင်စီ NSCN-K တပ်ဖွဲ့ဝင်များကို တွေ့ရစဉ်။
အိန္ဒိယကွန်မန်ဒိုအဖွဲ့က ဝင်ရောက်တိုက်ခိုက်တဲ့အတွက် နာဂ အမျိုးသားဆိုရှယ်လစ်ကောင်စီတပ် NSCN-K အဖွဲ့ဝင်တချို့ အကျအဆုံးရှိခဲ့တယ်လို့ အိန္ဒိယစစ်တပ်အရာရှိတယောက်က မနေ့က ပြောကြားလိုက်ပါတယ်။

ပြီးခဲ့တဲ့ဇွန်လ ၁၈ ရက်နေ့က နာဂ အမျိုးသားဆိုရှယ်လစ်ကောင်စီတပ် NSCN-K အဖွဲ့ဝင်တွေရဲ့ခြုံခိုတိုက်ခိုက်မှုကြောင့် အာသံရိုင်ဖယ် ရဲတပ်ဖွဲ့ဝင် ၃ ယောက်နဲ့ တခြား တပ်သား ၃ ယောက်ဒဏ်ရာရခဲ့ပြီးတဲ့နောက် အခုလို ပြန်လည်တိုက်ခိုက်ခံခဲ့ရတာပါ။

အိန္ဒိယပါရာကွန်မန်ဒိုအဖွဲ့ဝင် ၁၂ ယောက်ပါတဲ့အဖွဲ့က မြန်မာနိုင်ငံပိုင်နက်ထဲက နာဂအမျိုးသား ဆိုရှယ်လစ်ကောင်စီရဲ့ စစ်ဆေးရေးစခန်းတခုကို ဗုဒ္ဓဟူးနေ့ကဝင်ရောက်တိုက်ခိုက်တာဖြစ်ပြီး တိုက်ပွဲ ဟာ နာရီဝက်လောက်ကြာခဲ့တယ်လို့ အိန္ဒိယစစ်တပ်အရာရှိကပြောပါတယ်။

အိန္ဒိယစစ်တပ်ဘက်က အသေအပျောက်မရှိပေမဲ့ NSCN-K အဖွဲ့ဝင် ၄- ၅ ယောက်လောက် ကျဆုံးတယ်လို့ သူကဆက်ပြောပါတယ်။

အဲဒီ NSCN အရာရှိရဲ့အဆိုအရ တိုက်ပွဲဖြစ်ပွားတဲ့နေရာဟာ နာဂလန်းမွန်ခရိုင်အတွင်းက မြန်မာ-အိန္ဒိယနယ်ခြားမှတ်တိုင်အမှတ် ၁၅၁ ကနေ ၂ မိုင်အကွာ မြန်မာဘက်အခြမ်းမှာဖြစ်တယ်လို့ သိရပါတယ်။

အိန္ဒိယစစ်တပ်က အရေအတွက်အတော်များတဲ့ စစ်သားတွေဟာ NSCN-K တပ်ရှိရာ မိုင်အနည်းငယ်အကွာ ချန်မို့ရွာအထိ ဝင်ရောက်လာတယ်လို့ NSCN-K အဖွဲ့ရဲ့ ဒုတိယဝန်ကြီးတဦးဖြစ်သူ ဗိုလ်မှူးကြီး အီဆတ်ဆူမီက အတည်ပြုပြောပါတယ်။

NSCN-K ဟာ အိန္ဒိယအစိုးရနဲ့ ၂၀၀၁ ခုနှစ်မှာ အပစ်ရပ်လက်မှတ်ထိုးထားပြီး အဲဒီသဘောတူညီချက် ကို ၂ဝ၁၅ ခုနှစ်မှာ ပယ်ဖျက်ခဲ့ပါတယ်။

RFA Burmese
https://www.rfa.org/burmese

ကုလအတွင်းရေးမှူးချုပ်နဲ့ ကမ္ဘာ့ဘဏ်ဥက္ကဋ္ဌ ရိုဟင်ဂျာစခန်းတွေသွားမည်

ကမ္ဘာ့ဘဏ်ဥက္ကဋ္ဌ ဂျင်ယုံကင်နှင့် ကုလသမဂ္ဂအတွင်းရေးမှူးချုပ် အန်တိုနီယို ဂူးထားရက်စ်။
UN Photo/Rick Bajornas
ကုလသမဂ္ဂ အတွင်းရေးမှူးချုပ် အန်တိုနီယို ဂူးတားရက်စ်ဟာ ကမ္ဘာ့ဘဏ်ဥက္ကဋ္ဌနဲ့အတူ လာမယ့် ဇူလိုင်လ ၁ ရက်နေ့မှာ ဘင်္ဂလားဒေ့ရ်ှနိုင်ငံကို သွားပြီး အဲဒီမှာရောက်နေတဲ့ ရိုဟင်ဂျာတွေရဲ့ အခြေအနေကို လေ့လာမယ်လို့ ကုလသမဂ္ဂ ပြောခွင့်ခွင့်ရပုဂ္ဂိုလ်က ဇွန်လ ၂၈ ရက်နေ့က ပြောလိုက်ပါတယ်။

မစ္စတာဂူးတားရက်စ်နဲ့ ကမ္ဘာ့ဘဏ်ဥက္ကဋ္ဌ ဂျင်မ်ယောင်ကင်တို့ဟာ ဒီခရီးစဉ်အတွင်း ဘင်္ဂလားဒေ့ရ်ှဝန်ကြီးချုပ် ရှိတ်ဟာဆီနာနဲ့ အစိုးရအဖွဲ့ဝင်တွေကို ဒါကာမြို့မှာတွေ့ဆုံပြီး ဒုက္ခသည်တွေရဲ့အခြေအနေကို ဆွေးနွေးမယ်လို့ ဆိုပါတယ်။

ဇူလိုင်လ ၂ ရက်နေ့မှာတော့ ကော့စ်ဘဇားကိုသွားပြီး ဒုက္ခသည်တွေကိုကူညီနေတဲ့ ကော်မတီတွေ၊ အဖွဲ့တွေနဲ့တွေ့ပြီး အလှူငွေ ပိုပေးမယ့်ကိစ္စတွေ ပြောဆိုမယ်လို့သိရပါတယ်။

သူတို့နဲ့အတူ ကုလသမဂ္ဂ ဒုက္ခသည်များဆိုင်ရာ မဟာမင်းကြီး ဖိလစ်ပိုဂရန်ဒီနဲ့ ကုလသမဂ္ဂလူဦးရေရန်ပုံငွေအဖွဲ့ ညွှန်ကြားရေးမှူးချုပ် နာထလီယာ ကာနမ် တို့လည်း လိုက်ပါသွားမှာဖြစ်ပါတယ်။

ဒီခရီးစဉ်အတွင်းမှာ အသစ်ရောက်လာတဲ့ ဒုက္ခသည်တွေကိစ္စကိုလည်း သုံးသပ်မှာဖြစ်သလို၊ ဒုက္ခသည်တွေ ကိုယ့်ဆန္ဒနဲ့ကိုယ် နေရပ်ပြန်ပြီး ဘေးအန္တရာယ်ကင်းကင်းနဲ့ လုံလုံခြုံခြုံဘဝပြန်ထူထောင်နိုင်ရေး အခြေအနေတွေ ဘယ်အဆင့်ရောက်နေပြီလဲ ဆိုတာကို လေ့လာကြမယ်လို့ သိရပါတယ်။

RFA Burmese
https://www.rfa.org/burmese

IOM အကြီးအကဲ နေရာကနေ အမေရိကန် ဖယ်ပေးရတော့မယ်

IOM အကြီးအကဲအဖြစ် မစ္စတာ Ken Isaacs ကို သမ္မတ ထရမ့်က အဆိုတင်သွင်းခဲ့
IOM ကုလသမဂ္ဂရဲ့ နိုင်ငံရွှေ့ပြောင်းသူများ ဆိုင်ရာ နိုင်ငံတကာအဖွဲ့ရဲ့ အကြီးအကဲအဖြစ် အမေရိကန် သမ္မတ ထရမ့်က အဆိုပြု တင်သွင်းသူကို အဖွဲ့ဝင် နိုင်ငံတွေက ကန့်ကွက် ပယ်ချလိုက်ပြီး သူ့နေရာမှာ ပေါ်တူဂီ ဝါရင့် နိုင်ငံရေးသမား တဦးကို ရွေးချယ် ခန့်အပ်လိုက်ပါတယ်။

ခရစ်ယာန် ပရဟိတ အဖွဲ့တဖွဲ့ရဲ့ အမှုဆောင်ချုပ် တဦး ဖြစ်တဲ့ Ken Isaacs ဟာ အဖွဲ့ဝင် နိုင်ငံတွေ ၃ကြိမ်မြောက် မဲခွဲအပြီးမှာ ပယ်ချခံခဲ့ရတာပါ။

သူ့အစား ပေါ်တူဂီ ဒုတိယ ဝန်ကြီးချုပ်ဟောင်း Antonio Vitorino ကို ရွေးချယ် တင်မြှောက်လိုက်ကြပါတယ်။

မစ္စတာ Isaacs ဟာ အစ္စလာမ်ဘာသာကို ဆန့်ကျင်တဲ့ မှတ်ချက်တွေ ပေးခဲ့ဖူးတဲ့ အစဉ်အလာလည်း ရှိခဲ့ပါတယ်။

အစ္စလာမ် ဘာသာဟာ အကြမ်းဖက်တဲ့ ဘာသာ ဖြစ်တယ်၊ ငြိမ်းချမ်းတဲ့ ဘာသာ မဟုတ်ဘူး ဆိုပြီး သူ့ရဲ့ တွစ်တာ လူမှုကွန်ရက်ပေါ်မှာ ရေးသားခဲ့အပြီး ပြန်တောင်းပန်ခဲ့ရပါတယ်။

ဒါ့အပြင် လူသားတွေရဲ့ ပြုမှုလုပ်ဆောင်မှုနဲ့ ရာသီဥတု ပြောင်းလဲလာနေမှု ဆက်နွယ်နေတယ် ဆိုတဲ့အချက်ကို လက်မခံဘူးလို့လည်း မစ္စတာ Isaacs က ငြင်းဆိုထားပါတယ်။

နိုင်ငံ ရွှေ့ပြောင်း ဝင်လာသူတွေ ပြဿနာကို တူညီတဲ့ နည်းလမ်းနဲ့ တုံ့ပြန်ဖြေရှင်းဖို့ EU ရဲ့ ကြိုးပမ်းနေမှုဟာလည်း EU ဥရောပ သမဂ္ဂ ကော်မရှင်နာ မင်းကြီးဟောင်းလည်း ဖြစ်ခဲ့ဖူးတဲ့ မစ္စတာ Vitorino အရွေးခံခဲ့ရမှုမှာ အထောက်အကူ ဖြစ်စေခဲ့တယ်လို့ သံတမန်တွေက ပြောပါတယ်။

လက်ရှိ အမေရိကန် ဝါရင့် သံတမန် William Lacy Swing ရဲ့နေရာကို မစ္စတာ Antonio Vitorino ရ
အမေရိကန် နိုင်ငံထဲ တရားမဝင် ဝင်လာသူ မိဘတွေနဲ့ သူတို့ရဲ့ သားသမီး ကလေးငယ်တွေကို သီးသန့် ခွဲထားဖို့ အပါအဝင် သမ္မတ ထရမ့်ရဲ့ လူဝင်မှု ကြီးကြပ်ရေး မူဝါဒတွေနဲ့ ပတ်သက်လို့ ကျယ်ကျယ်ပြန့်ပြန့် ဝေဖန်ခံနေရချိန်မှာပဲ IOM အဖွဲ့ အကြီးအကဲအတွက် မဲခွဲ ရွေးချယ်ခဲ့ကြတာ ဖြစ်ပါတယ်။

အခုလို မစ္စတာ Isaacs အရွေးမခံရတာဟာ အမေရိကန် နိုင်ငံအပေါ် အရေးမစိုက်ဘူးဆိုတာကို ပေါ်ပေါ်တင်တင် ပြလိုက်တာလို့ အများက ရှုမြင်ကြမှာ ဖြစ်ပြီး IOM အဖွဲ့ရဲ့ ခေါင်းဆောင်ပိုင်းမှာ အမေရိကန်က နှစ်ပေါင်း ၅၀ နီးပါး ဦးဆောင်လာတာကို ဆုံးခန်းတိုင်သွားတော့မှာ ဖြစ်ပါတယ်။

၁၉၆၁ခုနှစ်ကနေ ၁၉၆၉ ခုနှစ်အထိက လွဲလို့ IOM အဖွဲ့ကြီးရဲ့ ၆၇နှစ်ကြာ သက်တမ်းတလျှောက်လုံးကို အမေရိကန်ကပဲ ဦးဆောင်လာခဲ့တာပါ။

နိုင်ငံရွှေ့ပြောင်းသူများ ဆိုင်ရာ နိုင်ငံတကာ အဖွဲ့ကြီးရဲ့ နှစ်စဉ် အသုံးစရိတ် တစ်ဘီလျံ ဒေါ်လာရဲ့ သုံးပုံ တပုံလောက်ကို အမေရိကန်က ထောက်ပံ့ပေးနေတာမို့ အခုအခါ ဒီထောက်ပံ့ငွေတွေ မရတော့မယ့် အခြေအနေမျိုး ဆိုက်လာနိုင်တယ်လို့ တချို့က စိုးရိမ်နေကြပါတယ်။

BBC Burmese

ဝက်နားရွက်ပြာ ရောဂါ ဝန်းသိုနဲ့ ကောလင်းမှာ ဖြစ်ပွား

စစ်ကိုင်းက ၀က်တွေမှာ နားရွက်ပြာ ရောဂါ ဖြစ်ပွားနေ
ပြီးခဲ့တဲ့လပိုင်း အတွင်းက ဝန်းသိုနဲ့ ကောလင်းမြို့တွေမှာ ရှိတဲ့ ဝက်မွေးမြူရေးခြံတွေမှာ ဝက်တွေ သေဆုံးတာတွေ ရှိခဲ့ပါတယ်။

ဝက်နားရွက်ပြာ ရောဂါ ဖြစ်ပွားနေတာကို ဇွန်လ ၁၄ရက်နေ့မှာမှ ဓာတ်ခွဲခန်းမှာ စမ်းသပ် စစ်ဆေး ပြီးတော့မှ အတည်ပြုနိုင်ခဲ့တာ ဖြစ်ပါတယ်။

ဝန်းသိုမြို့မှာ ကျေးရွာအုပ်စုပေါင်း ၁၇၀ကျော်ရှိတဲ့ အထဲက ၁၂၀ ကျော်မှာ ပျံ့နှံ့ဖြစ်ပွားနေသလို ကောလင်း မြို့မှာလည်း ကျေးရွာအုပ်စု ၅၄ ခု ရှိတဲ့အထဲ သုံးပုံ တပုံ လောက်မှာ ဖြစ်ပွားနေတယ်လို့ သက်ဆိုင်ရာ မွေးမြူရေးနဲ့ ကုသရေး ဦးစီးဌာနက ဆိုပါတယ်။

ဝက်နားရွက်ပြာ ရောဂါကြောင့် မွေးမြူရေးခြံ အတော်များများ ဆုံးရှုံးမှုတွေ ရှိနေပြီး ခြံလုံးပေါက် ဆုံးရှုံးသွားတဲ့ သူတွေလည်း ရှိနေတယ်လို့ ဝန်းသိုမြို့က ဝက်မွေးမြူရေးသမား ဦးသိန်းလွင်ကပြောပါ တယ်။

ဝန်းသိုမြို့မှာ ဝက်မွေးမြူရေးခြံ များစွာရှိသလို တနိုင်မွေးမြူသူတွေလည်း များပြီး ဝက်ကောင်ရေ သောင်းနဲ့ချီ ရှိပါတယ်။

ဒီဝက်တွေကို အများအားဖြင့် မန္တလေးနဲ့ မိုးကုတ်မြို့တို့ကို တပတ်ကို ကားနှစ်စီးနဲ့ ပုံမှန် တင်ပို့နေတာ ရှိပြီး လတ်တလောမှာတော့ ဝက်နဲ့ တိရစ္ဆာန်ထွက် ပစ္စည်းတွေကို မြို့နယ် ပြင်ပကို ထုတ်ယူခြင်း မပြုဖို့ ဒေသ အုပ်ချုပ်ရေးပိုင်းက စာထုတ်ပြီး တားမြစ်ထားပါတယ်။

လက်ရှိမှာတော့ ဝက်နားရွက်ပြာ ရောဂါကြောင့် ဝက်သေဆုံးတာတွေ ရှိနေလို့ ဝန်းသိုမြို့ပေါ်မှာ ဝက်သားစားသူ မရှိသလောက် ဖြစ်ပြီး ဈေးတွေ အတွင်းမှာလည်း ဝက်သားဆိုင်တွေ ပိတ်ထားရတာ ၂ပတ်လောက် ရှိနေပြီလို့ ဒေသခံတွေက ပြောပါတယ်။

အခုလို ဝက်နားရွက်ပြာ ဗိုင်းရပ်စ် ကူးစက် ပြန့်ပွားနေတာကို ထိန်းချုပ်နိုင်ဖို့ ဆောင်ရွက်နေပေမယ့်လည်း ကျေးရွာအုပ်စု အများစု နီးပါးမှာ ဖြစ်နေတာကြောင့် လတ်တလောမှာတော့ မြို့ပေါ် ဝန်းကျင်မှာသာ ထိန်းချုပ် ဆောင်ရွက်နိုင်သေးပြီး ကျေးရွာအချို့မှာတော့ ဆက်လက်ဖြစ်ပွားနေမှုကို မထိန်းချုပ်နိုင်သေးဘူးလို့ ဝန်းသိုမြို့နယ် တိရစ္ဆာန် မွေးမြူရေးနဲ့ ကုသရေး ဦးစီးဌာန ဦးစီးမှူး ဒေါက်တာ ဇာနည်ဇော် က ပြောပါတယ်။

ဝက်နားရွက်ပြာ ရောဂါကြောင့် မွေးမြုရေးခြံ အတော်များများ ဆုံးရှုံးမှုတွေရှိနေ
၂၀၁၁ ခုနှစ် မတ်လတုန်းကလည်း မန္တလေးတိုင်း အောင်မြေသာဇံ၊ ချမ်းအေးသာဇံ၊ ချမ်းမြသာစည်၊ မဟာအောင်မြေနဲ့ ပြည်ကြီးတံခွန် မြို့နယ် တွေက ဝက်မွေးမြူရေးခြံ တချို့မှာ ဝက်တွေ နားရွက်ပြာ ရောဂါဖြစ်ပွားခဲ့လို့ သေဆုံးမှုတွေ ရှိခဲ့ပါတယ်။

အဲဒီနှစ် ဖေဖော်ဝါရီ လဆန်းပိုင်းကတည်းက စတင်လို့ ဝက်တွေမှာ နားရွက်ပြာရောဂါ ဖြစ်ပွားခဲ့ပြီး တလအတော်အတွင်း အချိန်အထိ အကောင်ရေ ၄၀၀ ကျော် သေဆုံးခဲ့တယ်လို့ ဆိုပါတယ်။

အဲဒီတုန်းက တခြားဒေသတွေကိုတော့ ကူးစက် ပြန့်ပွားတာ မတွေ့ခဲ့ရပါဘူး။

ဒီရောဂါကြောင့် သေဆုံးတဲ့ ဝက်ရဲ့ အသားကို ချက်ပြုတ် စားသောက်ရင် လူကို ရောဂါ ကူးစက်တာမျိုး မဖြစ်နိုင်ပေမယ့် ဝက်ရောဂါ ပျံ့နှံ့ ကူးစက်တာမျိုးတော့ ဖြစ်နိုင်တယ်လို့ တိရစ္ဆာန် ဆရာဝန်တဦးက ဘီဘီစီကို ပြောကြားခဲ့ဖူးပါတယ်။

BBC Burmese
http://www.bbc.com/burmese

ရခိုင်ပြည်နယ်ဝန်ကြီးကို တာဝန်ကနေမရပ်စဲဖို့ ဆုံးဖြတ်

၂၀၁၈ ဇွန်လ ၂၉ ရက်နေ့ကကျင်းပတဲ့ ရခိုင်ပြည်နယ် လွှတ်တော်အစည်းအဝေးကို တွေ့ရစဉ် /Photo: Min Thein Aung/RFA
ရခိုင်ပြည်နယ်အစိုးရအဖွဲ့ ဘဏ္ဍာရေး၊ အခွန်၊ စီမံကိန်းနဲ့ စီးပွားရေးဝန်ကြီး ဦးကျော်အေးသိန်း ကို တာဝန်ကနေ ရပ်စဲရေး စွပ်စွဲချက်တွေဟာ မှန်ကန်မှုမရှိကြောင်း ဒီနေ့ကျင်းပတဲ့ ရခိုင်ပြည်နယ် လွှတ်တော်အစည်းအဝေးက ဆုံးဖြတ်လိုက်ပါတယ်။

တာဝန်ကနေရပ်စဲဖို့ မဲခွဲဆုံးဖြတ်ရာမှာ ထောက်ခံတဲ့ဦးရေ သုံးပုံနှစ်ပုံ မပြည့်တဲ့အတွက် စွပ်စွဲချက် မမှန်ကန်ဘူးလို့ ပြည်နယ်လွှတ်တော်ဥက္ကဌ ဦးစံကျော်လှက အခုလို ကြေညာခဲ့ပါတယ်။

ရခိုင်ပြည်နယ်အစိုးရအဖွဲ့ ဘဏ္ဍာရေး၊ အခွန်၊ စီမံကိန်းနဲ့စီးပွားရေးဝန်ကြီး ဦးကျော်အေးသိန်းကို တာဝန်ကနေ ရပ်စဲပေးဖို့ ပြည်နယ်လွှတ်တော်ကိုယ်စားလှယ် ၁၂ ဦးက ပြီးခဲ့တဲ့ မတ်လ ၁၄ ရက်နေ့က လွှတ်တော်ဥက္ကဌထံ တိုင်ကြားခဲ့တာပါ။

ဒီအပေါ်မှာ လွှတ်တော်ကအဖွဲ့နဲ့ စုံစမ်းစစ်ဆေးခဲ့ပြီး စွပ်စွဲချက်တွေအားလုံး မှန်ကန်ကြောင်း ပြီးခဲ့တဲ့ မေလ ၃၀ ရက်နေ့က လွှတ်တော်ဥက္ကဌထံ အစီရင်ခံစာတင်သွင်းခဲ့ပြီး ဒီနေ့ လွှတ်တော်အရေးပေါ်အစည်းအဝေးမှာ မဲခွဲဆုံးဖြတ်ခဲ့တာဖြစ်ပါတယ်။

ဝန်ကြီးအပေါ် စွပ်စွဲပြစ်တင်မှုတွေဟာ မှန်ကန်နေတယ်လို့ စုံစမ်းတွေ့ရှိထားပေမယ့် ထောက်ခံသူ သုံးပုံနှစ်ပုံမပြည့်တာကြောင့် စွပ်စွဲချက်မမှန်ကန်ဘူးလို့ဆုံးဖြတ်တာဟာ ဥပဒေအရအားနည်းချက်ဖြစ်တယ်လို့ လွှတ်တော်ကိုယ်စားလှယ်တွေကထောက်ပြကြပါတယ်။

ပြည်နယ်ဝန်ကြီး ဦးကျော်အေးသိန်းကို အရေးယူပေးဖို့ အဂတိလိုက်စားမှုတိုက်ဖျက်ရေးကော်မရှင်ထံ လွှတ်တော်ကိုယ်စားလှယ်နှစ်ဦးက မကြာသေးခင်က တိုင်ကြားထားတယ်လို့လည်းသိရပါတယ်။

ဒီကိစ္စနဲ့ပတ်သက်ပြီး ပြည်နယ်ဝန်ကြီး ဦးကျော်အေးသိန်းဘက်က တစ်စုံတရာ တုံ့ပြန်ပြောဆိုတာမရှိပါဘူး။

RFA Burmese
https://www.rfa.org/burmese

လူမှုကူညီရေးအသင်းတွေရဲ့ ကားတွေကိစ္စ စာတင်မည်

လူမှုကူညီရေးအဖွဲ့တစ်ခုရဲ့ လူနာတင်ကားကို တွေ့ရစဉ် / Photo: Khaymani Win/RFA
လူမှုကူညီရေးအသင်းက လိုင်စင်မဲ့ကားတွေကို အစိုးရက တရားဝင်လိုင်စင်ချထားပေးဖို့အတွက် လူမှုကူညီရေး အသင်းတွေ စုပေါင်းလက်မှတ်ရေးထိုးပြီး မန္တလေးတိုင်းဒေသကြီး ဝန်ကြီးချုပ်ကို တင်ပြသွားဖို့ ပြင်ဆင်နေပါတယ်။

လူမှုကူညီရေးအသင်းအဖွဲ့တွေ တပတ်အတွင်းမှာ တင်ပြသွားမှာသွားဖြစ်တယ်လို့ ONE TO ONE ပြည်သူ့ ကူညီရေးအဖွဲ့က ကိုဝမ်းက ပြောပါတယ်။

“နောင်ရေရှည်မှာ အသင်းအဖွဲ့တွေအားလုံး တရားဝင်လိုင်စင်တွေနဲ့ ဖြစ်စေချင်တဲ့သဘောနဲ့ တွေ့ ဆုံဆွေးနွေးကြတာပါ။ စုပေါင်းလက်မှတ်ထိုးပြီး ဝန်ကြီးချုပ်ဆီတင်မှာပေါ့”

မန္တလေးမြို့ ရွှေဖြူပလာဇာက မြန်မာနိုင်ငံ ကွန်ပြူတာပညာရှင်အသင်းရုံးမှာ ဒီနေ့ ပြုလုပ်တဲ့ တွေ့ဆုံဆွေးနွေးပွဲမှာ အခုလိုဆုံးဖြတ်ခဲ့တာဖြစ်ပါတယ်။

လိုင်စင်မဲ့ကားတွေကို အခုလကုန်ကစတင်ကာ ဖမ်းဆီးတော့မယ်ဆိုတဲ့သတင်းတွေ ထွက်ပေါ်နေတာကြောင့် လူမှုကူညီရေးက ကားတချို့လည်း ရပ်နားထားကြပါတယ်။

မန္တလေးတိုင်းဝန်ကြီးချုပ် ဒေါက်တာဇော်မြင့်မောင် ကတော့ မနေ့က ပြုလုပ်တဲ့ သတင်းစာရှင်းလင်းပွဲမှာ သစ်ခိုးထုတ်တဲ့သူတွေက လိုင်စင်မဲ့ကားတွေကို အသုံးပြုနေကြတယ်လို့ ပြောခဲ့ပါတယ်။

လိုင်စင်မဲ့ယာဉ်တွေကိစ္စအတွက် ဘယ်လိုလုပ်ဆောင်ရမယ်ဆိုတာကတော့ တိုင်ပင်နေဆဲပဲဖြစ်တယ် လို့ ဒေါက်တာဇော်မြင့်မောင်က ပြောပါတယ်။

ဒီနေ့ ပြုလုပ်ခဲ့တဲ့ လူမှုကူညီရေးအသင်းများတွေ့ဆုံပွဲမှာ မန္တလေးတိုင်းနဲ့ စစ်ကိုင်းတိုင်းအတွင်းက အသင်းပေါင်း ၅၀ ကျော် တက်ရောက်ဆွေးနွေးခဲ့ကြပါတယ်။

RFA Burmese
https://www.rfa.org/burmese

ရုရှားအပေါ် အရေးယူဒဏ်ခတ်မှု EU သက်တမ်းတိုး

EU ခေါင်းဆောင်များ ဥရောပသမဂ္ဂအစည်းအဝေးကို ဘရပ်ဆဲလ်မှာ ကျင်းပစဉ်။
ရုရှားက ယူကရိန်းနိုင်ငံ ခရိုင်းမီးယားကျွန်းဆွယ်ကို ၂၀၁၄ ခုနှစ်မှာ သူ့ပိုင်နက်ထဲ သွတ်သွင်းခဲ့တဲ့အတွက် ရုရှားအပေါ်ချမှတ်ခဲ့တဲ့ အီးယူ ဥရောပသမဂ္ဂရဲ့ ဒဏ်ခတ် ပိတ်ဆို့မှုတွေကို အခု ထပ်မံ သက်တမ်းတိုးဖို့ အီးယူ ခေါင်းဆောင်တွေ သဘောတူ ဆုံးဖြတ်လိုက်ပါတယ်။

ရုရှားအပေါ် ဒဏ်ခတ်အရေးယူမှု နောက်ထပ် ခြောက်လ သက်တမ်းတိုးတဲ့အကြောင်း ဒီကနေ့ သောကြာနေ့မှာ EU ခေါင်းဆောင်တွေက ကြေညာချက် ထုတ်ပြန်လိုက်တာပါ။ Belgium နိုင်ငံမှာ ကျင်းပနေတဲ့ အီးယူထိပ်သီး ဆွေးနွေးပွဲအတွင်း ယူကရိန်းအရေးနဲ့ပတ်သက်လို့ အချိန် ခဏယူ ဆွေးနွေးခဲ့ကြပြီးတဲ့နောက် အခုလို ဆုံးဖြတ် လိုက်တာဖြစ်တယ်လို့ အမည်မဖော်လိုတဲ့သတင်းရင်းမြစ်တခုက AFP သတင်းဌာနကို ပြောဆိုခဲ့တာ ဖြစ်ပါ တယ်။ ရုရှားရဲ့ ခရိုင်းမီးယားကျွန်းဆွယ် သိမ်းယူမှုအတွက် အမေရိကန်ပြည်ထောင်စုကလည်း ရုရှားအပေါ် အလားတူ ဒဏ်ခတ်ပိတ်ဆို့မှုတွေ ချမှတ်ထားတာပါ။

ပြီးခဲ့တဲ့ ၂၀၁၆ အမေရိကန်သမ္မတ ရွေးကောက်ပွဲမှာ လည်း ရုရှားဟာ Trump အနိုင်ရဖို့အတွက် ဝင်ရောက် စွက်ဖက်တာတွေ ရှိခဲ့တယ်ဆိုပြီး အမေရိကန် ထောက်လှမ်းရေးအရာရှိတွေက ကောက်ချက် ချထားတဲ့အပြင် ရုရှားက လူပုဂ္ဂိုလ်တချို့နဲ့ အဖွဲ့အစည်း တချို့ကိုလည်း ရွေးကောက်ပွဲမှာ ဝင်ရောက်စွက်ဖက်ခဲ့မှုနဲ့ ဒီကိစ္စ စုံစမ်း စစ်ဆေးနေတဲ့ အထူးစုံစမ်းရေးမှူးRobert Mueller က စွဲချက်တင်ထားပါတယ်။

သမ္မတ Trump ကတော့ ၂၀၁၆ ရွေးကောက်ပွဲမှာ ရုရှားအစိုးရ စွက်ဖက်ခဲ့တယ်ဆိုတဲ့ စွပ်စွဲချက်ကို ငြင်းပယ်နေ တုန်းပါ။ ဒီအခြေအနေတွေ ရှိနေတဲ့ တချိန်တည်းမှာပဲ သမ္မတ Trump နဲ့ ရုရှားသမ္မတ Vladimir Putin တို့ ရှေ့ လ ၁၆ ရက်နေ့ ဖင်လန်နိုင်ငံ Helsinki မြို့မှာ ထိပ်သီးတွေ့ဆုံကြဖို့ ရှိနေပါတယ်။

ဗွီအိုအေ (မြန်မာပိုင်း)
https://burmese.voanews.com

မြေမြှုပ်မိုင်းဒဏ် ရှမ်းပြည်နယ်နဲ့ ကချင်ပြည်နယ် အများဆုံးခံရ

မြေမြှုပ်မိုင်းဒဏ်ခံထားရသူ ကရင်ဒုက္ခသည် ပကို (ဇွန် ၂၉၊ ၂၀၁၀)
မြန်မာနိုင်ငံက လက်နက်ကိုင် ပဋိပက္ခတွေအတွင်းအသုံးပြုကြတဲ့ မြေမြှုပ်မိုင်းဒဏ်ကြောင့် ထိခိုက် သေဆုံးမှုအများဆုံး ကြုံရတဲ့အထဲမှာ ရှမ်းပြည်နယ်နဲ့ ကချင်ပြည်နယ်က အများဆုံး ဖြစ်ခဲ့ကြောင်း ရှမ်း ပြည်နယ်အစိုးရက ပြောဆိုလိုက်ပါတယ်။ တိုင်းရင်းသားဒေသတွေမှာ တိုက်ပွဲတွေ ဆက်လက် ဖြစ်ပွား နေတာနဲ့အမျှ မြေမြှုပ်မိုင်း အန္တရာယ်ကြောင့် အရပ်သား တွေ ထိခိုက်နေတဲ့အတွက် ကူညီပံ့ပိုးမှုတွေ လိုအပ်နေတယ်လို့လည်း ဆိုပါတယ်။ အကြောင်းစုံကိုတော့ ဗွီအိုအေ မြန်မာပိုင်း သတင်းထောက် နိုင်ကွန်းအိန်က သတင်းပေးပို့ထားပါတယ်။

မြန်မာနိုင်ငံအတွင်း ၂၀၁၄ ခုနှစ် ၂၀၁၈ ဧပြီလအထိ မြန်မာနိုင်ငံ ကြက်ခြေနီအဖွဲ့က ထုတ်ပြန်ချက်အရ မိုင်းကြောင့် ဒဏ်ရာရသူ (၆၀၄) ဦး သေဆုံးသူ (၉၅) ဦးရှိခဲ့တဲ့အထဲ ရှမ်းပြည်နယ်နဲ့ ကချင်ပြည်နယ် ဘက်မှာ ထိခိုက်မှုအများဆုံး ဖြစ်ခဲ့ကြောင်း ရှမ်းပြည်နယ် အစိုးရက ပြောဆိုလိုက်တာပါ။ တရားဝင် စာရင်းမှာ မပါသေးတဲ့ ထိခိုက်မှုတွေ ရှိနိုင်သေး တယ်လို့လည်း ရှမ်းပြည်နယ် တောင်ကြီးမြို့က မြန်မာ နိုင်ငံ ဆရာဝန်များအသင်းရုံးမှာ ဒီသီတင်းပတ် အစောပိုင်းတုန်းက ကျင်းပခဲ့တဲ့ မြေမြှုပ်မိုင်းအန္တရာယ် အသိပညာပေး လုပ်ငန်း ဆွေးနွေးညှိနှိုင်း အခန်းအနားမှာ ရှမ်းပြည်နယ်အစိုးရအဖွဲ့ဝင် ဗမာ တိုင်းရင်း သားရေးရာ ဝန်ကြီးဒေါက်တာအောင်သန်းမောင်က ပြောဆိုခဲ့တာပါ။

"အချက်အလက်ကျတော့ မြို့နယ်စာရင်းဇယားတွေတက်လာကြတယ်ပေါ့။ မသိတဲ့ ဟာတွေ ရှိနိုင်တယ်လို့။ စာရင်းမပို့ရင် ရှိသေးတယ်လို့။ မိုင်းတွေကတော့ရှိတဲ့နေရာ ရှိနေမှာပဲ။"

အထူးသဖြင့် မြန်မာ့တပ်မတော်နဲ့ တိုင်းရင်းသားလက်နက်ကိုင်အဖွဲ့တို့ တိုက်ပွဲဖြစ်ပွါးမှု များတဲ့ ရှမ်းပြည် နယ်မြောက်ပိုင်း မူဆယ်၊ နမ္မတူ၊ မန်တုန်၊ နန့်ဆန်၊ ကျောက်မဲမြို့နယ်တွေ မှာ နှစ်ဖက်တပ်တွေ ထောင် ထားတဲ့မိုင်းကြောင့် ဒေသခံတွေထိခိုက်သေဆုံးမှုတွေ တိုးလာနေခဲ့တာပါ။

မြေမြှုပ်မိုင်းတွေဟာ အရင်ကတည်းကရှိလာတဲ့မိုင်းတွေဖြစ်ပြီး လက်ရှိအစိုးရအနေနဲ့ မြေမြှုပ်မိုင်း အန္တရာယ် အသိပညာပေးလုပ်ငန်း လုပ်ဆောင်နေတယ်လို့ ဝန်ကြီးဒေါက်တာ အောင်သန်းမောင်က အခုလို ပြောပါတယ်။

"အရင်ကလက်ကျန်တွေလည်း ဖြစ်မယ်။ ပြည်တွင်းစစ်တွေကြောင့်လည်း ဖြစ်နိုင်တာ ပေါ့နော်။ ပြည်တွင်းစစ် လက်ရှိဖြစ်နေတဲ့နေရာတွေလည်း ရှိနိုင်တာပေါ့နော်။ ရှမ်းပြည် နယ် ဆိုတာလက်ကျန်တွေပဲ ရှိတယ်။ ကျနော်တို့ လက်ရှိအစိုးရအနေနဲ့ ကြက်ခြေနီတွေ သင်တန်းတွေပေးနေတယ်။ ဒီမိုင်းတွေနဲ့ပက်သက်လို့။ နောက်ပြီးတော့ ထိတဲ့အခါမှာ ထောက်ပံ့ကြေးတွေပေးတာ။ နောက်ပြီးတော့ခြေတုလက်တုတပ်ဖို့ရယ်။ လူမှုထန်ထမ်းနဲ့ ICRC တို့ ပူးပေါင်းပြီး ဆောင်ရွက်တာတွေရှိတယ်။"

(၂၀၁၈) ခုနှစ်အတွင်း မြန်မာနိုင်ငံကြက်ခြေနီအသင်းအနေနဲ့ ရှမ်းပြည်နယ်တောင်ပိုင်း လွိုင်လင်ခရိုင်နဲ့ လင်း ခေးခရိုင်အတွင်းရှိ မြို့နယ် ၅ မြို့မှာ ကြက်ခြေနီအဖွဲ့ဝင်တွေကို မိုင်းအန္တရာယ်အကြောင်း သင်တန်းပေးခြင်း ပြည်သူ လူထုအတွင်းအသိပညာပေးခြင်း စာစောင် လက်ကမ်းစာစောင် ပိုစတာများဖြန့်ဝေခြင်း ထောက်ပံ့ပေးဖို့ ရှမ်းပြည်နယ် အစိုးရက စီစဉ်နေပါတယ်။

အလားတူ ကချင်ပြည်နယ်ဘက်မှာ တပ်မတော်နဲ့ကချင်လွတ်လပ်ရေးတပ်မတော် KIA ကြားခံနယ်မြေဘက်မှာ လည်း မြေမြှုပ် မိုင်းအန္တရာယ်အတွက်စိုးရိမ်နေရဆဲလို့ ကချင် ငြိမ်းချမ်းရေးအကျိုးတော်ဆောင် ဦးဆမ်အောင် က ပြောပါတယ်။

"နှစ်ဖက်ကြားခံနယ်မြေလို့ ပြောလို့ရတဲ့နေရာတွေမှာ ဘယ်ဘက်ကအဖွဲ့မှန်းတော့ မသိ ဘူး။ မိုင်းထောင်တာ မျိုးတွေ ရှိတတ်ပါတယ်။ ထိတာခိုက်တာလည်း မကြာခနရှိတယ်။ ဧရာဝတီ မလိခရဲ့အနောက်ခြမ်းဘက် မိုးကောင်းမြို့နယ်တို့၊ ဖါးကန့်မြို့နယ်တို့၊ တနိုင်း မြို့နယ်တို့ အဲဒီဘက်မှာ များပါတယ်။ အဓိကအားဖြင့်။"

၂၀၁၇ ခုနှစ်အောက်တိုဘာလကစပြီး မသန်စွမ်းဥပဒေအရ မိုင်းထိမှန်ပြီး မသန်စွမ်း သူတွေ ကို လူမှုဝန်ထမ်း၊ ကယ်ဆယ်ရေးနှင့်ပြန်လည်နေရာချထားရေး ဝန်ကြီးဌာန ကနေ စတင်ကူညီထောက်ပံ့ကူညီခဲ့တာပါ။

မြန်မာနိုင်ငံအတွင်း မသန်စွမ်းဥပဒေအရ မိုင်းထိမှန်ပြီးမသန်စွမ်းသူတွေအတွက် ကူညီ ထောက်ပံ့နေတယ်လို့ ကယ်ဆယ်ရေးနဲ့လူမှုဝန်ထမ်းဦးစီးဌာနမှ ညွန်ကြားရေးမှူး ဦးအောင်ကျော်မိုး ကပြောပါတယ်။

"အထူးသဖြင့် ကချင်ပြည်နယ်တို့၊ ရှမ်း၊ ရှမ်းအရှေ့တို့ တချို့လည်း ကရင်ပြည်နယ်တို့ ရှိတာပေါ့နော်။ အဲဒီလို မိုင်းကြောင့် ထိခိုက်ဒဏ်ရာရရှိတယ်ဆိုလို့ရှိရင် အသက်ဆုံးရှုံးမှု မရှိဘူးပေါ့။ ခြေလက်အင်္ဂါ တခုခုဆုံးရှုံးတယ် ဖြစ်သွားတယ်ပေါ့နော်။ ဒါမျိုးဆိုရင် နိုင်ငံတော် ဘတ်ဂျက်ကနေ တယောက်ကို နှစ်သိန်းနှုန်းနဲ့ထောက်ပံ့ပေးနေ တယ်ပေါ့ နော်။"

လက်ရှိမြန်မာ့တပ်မတော်နဲ့ တိုင်းရင်းသားလက်နက်ကိုင်အဖွဲ့တို့အကြား စစ်ရေးတင်း မာနေ ဆဲ ဒေသတွေမှာ နှစ်ဖက်တပ်တွေထောင်ထားတဲ့ဗုံးတွေအပြင် NCA အပစ်ရပ် တိုင်းရင်းသားအဖွဲ့ နယ်မြေဒေသတွေ မှာလည်း မြေမြှုပ်မိုင်း အန္တရာယ်တွေ ရှိနေဆဲ ဖြစ်ပါတယ်။

မြန်မာအစိုးရအနေနဲ့ ငြိမ်းချမ်းရေးလုပ်ငန်းစဉ်တွေဆောင်ရွက်ရာမှာ မိုင်းရှင်းလင်းရေးကို ထည့်သွင်းထားသလို ပစ်ခတ်တိုက်ခိုက်မှုစောင့်ကြည့်ရေး ပူးတွဲကော်မတီ (JMC) က လည်း မိုင်းရှင်းလင်းရေးကို ကဏ္ဍတရပ်အဖြစ် ဆောင် ရွက်နေပေမဲ့လည်း မပီပြင်သေးတဲ့ အခြေအနေမှာရှိနေပါတယ်။

မြန်မာနိုင်ငံမှာ မြေမြှုပ်မိုင်းနှင့် အခြားပေါက်ကွဲစေတတ်တဲ့ စစ်ကျန် ပစ္စည်းများကြောင့် ထိခိုက်နစ်နာခဲ့သူ ၂၀၁၆ ခုနှစ်၊ ပထမသုံးလအတွင်းစာရင်းအရ ၂၁ ဦးအထိ ရှိနေပြီး ၂၀၁၅ ခုနှစ်မှာတော့ (ကလေးသူငယ် ၃၄ ဦး အပါ အဝင်)စုစုပေါင်း လူဦးရေ ၅၉ ဦး ရှိခဲ့ပြီးတော့ ဒီအထဲမှာ သေဆုံးသူ ၁၇ ဦးနဲ့ ပြင်းထန်စွာဒဏ်ရာရရှိခဲ့သူ ၄၂ ဦး ရှိခဲ့တယ် လို့ ယူနီဆက်ဖ် ကနေ ထုတ်ပြန်ထားပါတယ်။

မြန်မာနိုင်ငံဟာ မြေမြှုပ်မိုင်း အဆိုးဝါးဆုံး အသုံးပြုတဲ့ နိုင်ငံစာရင်းမှာပါနေဆဲဖြစ်တယ်လို့့မြေမြှုပ်မိုင်း စောင့် ကြည့်ရေးအဖွဲ့ ရဲ့ အစီရင်ခံစာမှာဖော်ပြထားသလို လက်ရှိ အစိုးရ တပ်မတော်နဲ့ တိုင်းရင်းသားလက်နက်ကိုင် အဖွဲ့တို့ စစ်ရေး တင်းမာနေဆဲ ဒေသဖြစ်တဲ့ ကချင်ပြည်နယ်၊ ရှမ်းပြည်နယ်၊ ကရင်ပြည်နယ်တို့အပြင် ကယား ပြည်နယ်နဲ့ မွန်ပြည်နယ် ဘက်တွေမှာလည်း မိုင်းအန္တရာယ်ရှိနေဆဲဖြစ်ပါတယ်။

ကိုနိုင်ကွန်းအိန်/ ဗွီအိုအေ (မြန်မာပိုင်း)
https://burmese.voanews.com

ရွှေ့ပြောင်းဝင်လာသူတွေ အတွက် ပြင်ပ ထွက်ခွင့် ကန့်သတ်တဲ့ ဌာနတွေ ထောင်မယ်

သင်္ဘောတွေ လှေတွေပေါ်မှာ ကလေးတွေ သေဆုံး
ဘယ်ဂျီယံနိုင်ငံ ဘရပ်ဆဲ မြို့တော်မှာ ဆွေးနွေး နေကြတဲ့ ဥရောပ သမဂ္ဂ ခေါင်းဆောင်တွေ ကြားမှာ ရွှေ့ပြောင်းဝင်ရောက်လာသူတွေ အတွက် ပြင်ပ ထွက်ခွင့် ကန့်သတ်ထားတဲ့ ဌာနတွေ ထူထောင်ဖို့ သဘောတူညီချက် တရပ် ရခဲ့တာ ဖြစ်ပါတယ်။

ဘယ်သူတွေက တရားမဝင် ၀င်ရောက်သူတွေဖြစ်တယ်၊ ဘယ်သူတွေကို ပြန်ပို့မယ် ဆိုတာတွေကို အဲဒီဌာနတွေကနေ စိစစ်ဆုံးဖြတ်မှာပါ။

ရွှေ့ပြောင်းဝင်လာတာတွေ ကန့်သတ်ဖို့ အတွက် တူရကီ၊ မော်ရိုကိုနဲ့ မြောက်အာဖရိက နိုင်ငံတွေကို ဘဏ္ဍာရေး အရ ပိုပြီး ထောက်ပံ့ပေးဖို့လည်း ဥရောပ ခေါင်းဆောင်တွေ သဘောတူခဲ့ကြပါတယ်။

 စပိန်ကို အသစ်ဝင်လာတဲ့သူတွေ
ခေါင်းဆောင်တွေကြား ၁ဝ နာရီလောက် ကြာအောင် ဆွေးနွေးပြီးမှ အခုလို သဘောတူခဲ့ ကြတာဖြစ်ပါတယ်။

အခုတော့ သဘောတူညီချက် ရမှာမဟုတ်ဘူးလို့ သံသယရှိသူတွေ မှားသွားပြီလို့ ပြင်သစ် သမ္မတ မက်ကရွန် က ပြောပါတယ်။

ဒါပေမဲ့ ဒုက္ခသည်တွေအတွက် စိစစ်ရေးဌာနတွေကို ဘယ်နိုင်ငံတွေမှာ ထားရှိမယ်၊ ဒါမှ မဟုတ် ဒုက္ခသည်တွေကို ဘယ်နိုင်ငံတွေက လက်ခံထားမယ် ဆိုတဲ့ အသေးစိတ်ကိုတော့ မသိရပါဘူး။

အီးယူခေါင်းဆောင်တွေ ဆက်လက် ဆွေးနွေးကြရ မှာ ဖြစ်ပါတယ်။

အာဖရိကတိုက်က အဓိက လာကြသူ ထောင်နဲ့ချီတဲ့ ရွှေ့ပြောင်းဝင်ရောက်လာသူတွေရဲ့ ဝင်ပေါက်ဖြစ်တဲ့ အီတလီနိုင်ငံ ပြည်ထဲရေး ဝန်ကြီး ဆယ်ဗီနီကတော့ အီးယူဘက်က ခိုင်မာတဲ့ ကတိကဝတ်မျိုး လိုချင်တယ်လို့ ပြောပါတယ်။

သူတို့ အကူအညီမရရင် ထိပ်သီးဆွေးနွေးပွဲရဲ့ အစီအစဉ် တခုလုံးကို ဗီတိုအာဏာနဲ့ ပယ်ချမယ်လို့တောင် ပြောခဲ့ပါတယ်။

ဒါပေမဲ့ ဆယ်ဗီနီရဲ့ မဟာမိတ်ပါတီဖြစ်တဲ့ Five Star Movement ပါတီက နိုင်ငံခြားရေး ဝန်ကြီး စတက်ဖနိုကတော့ ခုလှုံခွင့်တောင်းခံတဲ့ ဒုက္ခသည်တွေကို ကနဦး စိစစ်ဖို့အတွက် အီးယူဘက်က အကူအညီ ယန္တရားတွေ ပိုလိုတယ် ဆိုတာ လွန်ခဲ့တဲ့ ၅ နှစ် ကတည်းက သူတို့ ပြောခဲ့တယ်၊ ဒါမှ ဒုက္ခသည်တွေကို သူတို့ သွားခွင့်ရှိတဲ့ နေရာဆီ အန္တရာယ်ကင်းကင်း၊ သိက္ခာရှိရှိ နဲ့ ပြောင်းရွှေ့နိုင်မယ်လို့ ပြောသွားပါတယ်။

ဒုက္ခသည်တွေကို လိုက်ကယ်တဲ့ ဖောင်
ဥရောပကို ဝင်လာတဲ့ ဒုက္ခသည်အရေ အတွက် အများဆုံးဖြစ်ခဲ့တဲ့ ၂ဝ၁၅ ခုနှစ်က ထက်စာရင် တရားမဝင် ဝင်လာသူ အရေအတွက် ၉၆ ရာခိုင်နှုန်း ကျဆင်းသွားတယ်လို့ ဥရောပ ကောင်စီက ပြောပါတယ်။

အခုသဘောတူညီချက်အရ အီတလီဝန်ကြီးချုပ်သစ်အတွက် အောင်ပွဲလို့ ပြောနိုင်တဲ့ အချက်တချို့ ပါတယ်လို့ ဘရပ်ဆဲလ်က ဘီဘီစီ သတင်းထောက်က ပြောပါတယ်။

အဲဒီထဲမှာ နိုင်ငံတကာဥပဒေတွေကို လိုက်နာပြီး မြေထဲပင်လယ်ထဲမှာ အာဖရိကက ဝင်လာသူတွေကို ကယ်ဆယ်ဖို့ သင်္ဘောတွေ လိုအပ်တဲ့အကြောင်း ထုတ်ပြန်ချက်မှာ ထည့်သွင်းလာတဲ့ အချက်လို့ ဆိုပါတယ်။

ဒုက္ခသည်တွေကို ပြင်ပ ထွက်ခွင့် ကန့်သတ်ထားတဲ့ ဌာနတွေမှာထား၊ သေချာတဲ့ စိစစ်ရေး အစီအစဉ်တွေ လုပ်ဖို့ ဆိုတဲ့ ကြီးမားတဲ့ သဘောတူညီချက်ကို ခေါင်းဆောင်တွေကြား ရခဲ့ပေမယ့် တချို့ကတော့ ဒါဟာ ခိုလှုံခွင့် ငြင်းပယ်ခံရသူတွေကို ပြန်ပို့ရာမှာလည်း ပိုလွယ် သွားမယ်လို့ ပြောကြပြီး တချို့ကတော့ အဲဒီဌာနတွေဟာ အကျဉ်းထောင်တွေပါပဲလို့ ဆိုသူတွေလည်း ရှိနေတယ်လို့ သူက ပြောပါတယ်။

BBC Burmese
http://www.bbc.com/burmese

ဂူ ထဲ ပိတ်မိသူတွေ ပြန်လွတ်ဖို့ ထိုင်းတွေ မျှော်ဆဲ

 ဂူ ထဲ ပိတ်မိသူတွေ ပြန်လည်လွတ်မြောက်ဖို့ ထိုင်းပြည်သူတွေ မျှော်လင့်နေဆဲ
လူငယ်ဘောလုံးသမား ၁၂ ဦးနဲ့ သူတို့ရဲ့ နည်းပြဖြစ်သူတို့ ထိုင်းမြောက်ပိုင်းက ဂူ ထဲမှာ ပိတ်မိနေခဲ့တာဟာ အခုဆိုရင် ရက်သတ္တပတ် တပတ် နီးပါး ရှိလာခဲ့ပြီဖြစ်ပါတယ်။

သိရသရွေ့တော့ သူတို့ဟာ ဂူထဲကို စူးစမ်းသွားလာကြရင်းနဲ့ အခုလို ပျောက်ဆုံးနေတဲ့ အဖြစ်ကို ကြုံတွေ့ခဲ့ရတာပါ။

သူတို့ကို ရှာဖွေတဲ့ အစီအစဉ်တွေ အကြီးအကျယ် ပြုလုပ်ခဲ့ပေမယ့် ဂူအတွင်း ရေလွှမ်းနေတဲ့ အခြေအနေတွေက တနိုင်ငံလုံးကို စွဲဆောင်စရာ အခြေအနေ ဖြစ်ခဲ့ပါတယ်။

ဂူထဲပိတ်မိနေတဲ့ ကိစ္စဟာ အခုဆိုရင် ဆိုရှယ်မီဒီယာတွေအပေါ်မှာ မဖြစ်မနေ အပြောများတဲ့ ကိစ္စတရပ်ဖြစ်လာခဲ့ပြီး အားမလျှော့ဘဲ ရှာဖွေကြဖို့ အားပေးနေကြတာတွေကိုလည်း မြင်တွေ့လာရပါတယ်။

လူတွေ တော်တော်များများမှာ ဒီလိုပူပန်မှုတွေ မဖြစ်ခဲ့ဖူးဘဲ သူတို့ကို အမြန်ဆုံးပြန်တွေ့ချင်တဲ့ ဆန္ဒက အဲဒီအသက် ၁၁ နှစ်ကနေ ၁၆ နှစ်အရွယ်အကြား ပိတ်မိနေတဲ့ ကောင်လေးတွေ အတွက် တနိုင်ငံလုံးရဲ့ ပူပန်မှုအဖြစ် ပြောင်းလဲပေးလိုက်ပါတယ်လို့ တဦးက ရေးထားပါတယ်။
 ဂူထဲပိတ်မိနေတဲ့ ကိစ္စဟာ အခုဆိုရင် ဆိုရှယ်မီဒီယာတွေအပေါ်မှာ မဖြစ်မနေ အပြောများတဲ့ ကိစ္စတရပ်ဖြစ်လာခဲ့
တွစ်တာသုံးစွဲသူ တဦးကတော့ လူ ၁၃ ယောက် အိမ်ပြန်လာတာ ကျွန်တော်စောင့်မျှော်နေတယ်လို့ တဦးကလည်း ရေးထားသလို ထွက်လာကြပါ လူတိုင်းက သင့်ကိုစောင့်နေကြတယ်လို့လည်း ရေးထားပါတယ်။

ရှာဖွေမှုတွေ ပြီးဆုံးပြီး ၁၃ ယောက်စလုံး ဘေးအန္တရာယ်ကင်းကင်းနဲ့ ရှိနေတယ်ဆိုတဲ့ စကားကို ကျွန်တော်ကြားချင်ပါတယ်လို့လည်း တွစ်တာသုံးသူတဦးက ရေးသားထားပါတယ်။
Image caption လူ ၁၃ ယောက် အိမ်ပြန်လာတာ ကျွန်တော်စောင့်မျှော်နေတယ်လို့ တဦးကလည်း ရေးထားသလို ထွက်လာကြပါ၊ လူတိုင်းက သင့်ကိုစောင့်နေကြတယ်လို့လည်း ရေးထား
ဆိုရှယ်မီဒီယာ သုံးစွဲသူ တချို့ကတော့ အဲဒီလူငယ်လေးတွေ တောဝက်ထီး တကောင်အပေါ်မှာ တက်ထိုင်နေတဲ့ပုံကို ပြန်လည်မျှဝေမှုတွေ ပြုလုပ်နေကြပါတယ်။

 မိုလ်ပါရ် လို့ခေါ်တဲ့ ဘောလုံးအသင်းက ဖြစ်ပြီး အဲဒီဘောလုံးအသင်းရဲ့ နာမည်က တောဝက်ထီး လို့ အဓိပ္ပာယ်ရပါတယ်
သူတို့ဟာ မိုလ်ပါရ် လို့ခေါ်တဲ့ ဘောလုံးအသင်းက ဖြစ်ပြီး အဲဒီဘောလုံးအသင်းရဲ့ နာမည်က တောဝက်ထီး လို့ အဓိပ္ပာယ်ရပါတယ်။

သူတို့ဟာ မယ်ဆိုင် ဒေသဘောလုံးအသင်းက ဖြစ်ပြီး ဘောလုံး လေ့ကျင့်ခန်းတွေနဲ့ နားနေအပန်းဖြေဖို့အတွက် အဲဒီ ဂူ ကို လာရောက်လေ့ရှိသူတွေလည်း ဖြစ်ပါတယ်။

ဇွန်လကနေ အောက်တိုဘာလအထိ မိုးတွင်းကာလမှာဆိုရင် အဲဒီဂူဟာ ၁၆ ပေ လောက်အထိ ရေဖုံးလွှမ်းလေ့ရှိတဲ့ နေရာလည်း ဖြစ်ပါတယ်။

ဟတ်စ်တွဲထားတဲ့ အခြားပိုစ့်တခုကတော့ ၁၃ ယောက်သောက် မိုလ်ပါရ် ဘောလုံးအသင်းသားတွေ အသက်ရှင်ရမယ် မိုလ်ပါရ်အသင်းသားတွေ အိမ်ကို ပြန်လာနိုင်ကြပါစေလို့ပုံနဲ့ ရေးထားတဲ့ စာဟာ လူမှုကွန်ယက် မီဒီယာမှာ အတော်လေး ပျံ့နှံ့တဲ့အထိ ဖြစ်ခဲ့ပါတယ်။

သူတို့ ဘောလုံးအသင်းရဲ့ ဂျာစီအင်္ကျီနဲ့ အသင်းခေါင်းဆောင်တို့ပုံကို တွစ်တာသုံးစွဲသူတဦး ကလည်း မျှဝေထားပြီး မကြာခင် ပြန်ဆုံရအောင် ဆိုပြီးလည်း ရေးသားထားတာပါ။

မယ်ဆိုင်က ဂူရဲ့ အဓိက ဝင်ပေါက်ကတော့ ရေဖုံးလွှမ်းနေပြီး ရေငုပ်ကျွမ်းကျင်သူတွေ ၊ ကယ်ဆယ်ရေးသမားတွေနဲ့ စစ်သည်တွေက အခြားနည်းသုံးပြီး ကယ်ဆယ်နိုင်ဖို့ နည်းလမ်းရှာဖွေနေကြပါတယ်။

ဂူအတွင်းက ရေမျက်နှာပြင်ကလည်း ဆက်လက် မြင့်တက်နေပြီး ကယ်ဆယ်ဖို့ ကြိုးစားမှုတွေအတွက် စိတ်ပျက်စရာ အခြေအနေမျိုးမှာ ရှိနေဆဲပါ။

ဂူထဲမှာ ပိတ်မိနေသလားဆိုတာ မသိရပေမယ့် ဂူထဲမှာ ခြေရာတွေ ရောရောထွေးထွေးနဲ့ တွေ့ထားခဲ့တဲ့အတွက် ဒီလူငယ်လေးတွေဟာ အသက်ရှင်နေနိုင်သေးတယ်ဆိုတဲ့ မျှော်လင့်ချက်တွေ ပေါက်ဖွားစေပါတယ်။

အဲဒီလူငယ်လေးတွေဟာ ဂူထဲကို မသွားရောက်မီက သူတို့ပို့ထားခဲ့တဲ့ မက်ဆေ့ခ်ျတွေကို ကြည့်မယ်ဆိုရင် အစားအသောက်နဲ့ ဓာတ်မီးယူဖို့ ကိစ္စတွေလည်း ပါဝင်တာပါ။

ဂူ ထဲ ပိတ်မိသူတွေ ပြန်လည်လွတ်မြောက်ဖို့ ထိုင်းပြည်သူတွေ မျှော်လင့်နေဆဲ
ကျွန်တော်ဟာ ဒီနိုင်ငံက လူတွေနဲ့အတူ မျှော်လင့်ချက်တွေ ပျောက်ဆုံးခဲ့တယ်ဆိုရင်တောင် အဲဒီကိစ္စဟာ ဒီကနေ့တော့ ဖြစ်မှာ မဟုတ်ပါဘူး။ တိုင်းပြည်ဟာ အမြဲတမ်းမျှော်လင့်ချက် ရှိနေတယ်ဆိုတာ ဒီဖြစ်ရပ်ကတဆင့် ကျွန်တော့်ကို သိလာစေပါတယ်လို့ တွစ်တာသုံးစွဲသူ တဦးကလည်း ရေးသားထားပါတယ်။

ထိုင်းနိုင်ငံက ပြည်သူတွေဟာ မလိုမုန်းထားမှုတွေနဲ့ အာဃာတတွေကို ချန်ထားနိုင်ခဲ့ကြပြီး ကလေးတွေ ရှင်သန်နေနိုင်ရေးအတွက် နည်းလမ်းပေါင်းစုံအတူလက်တွဲနေကြပါတယ်၊ ကျွန်တော့်အနေနဲ့ကတော့ သူတို့ အန္တရာယ်ကင်း ဘေးရှင်းစွာနဲ့ ရှိနေတယ်လို့ မျှော်လင့်ထားပါတယ်လို့လည်း တွေ့ရပါတယ်။
ဂူ ထဲ ပိတ်မိသူတွေ ပြန်လည်လွတ်မြောက်ဖို့ ထိုင်းပြည်သူတွေ မျှော်လင့်နေဆဲ
ဂူ ထဲ ပိတ်မိသူတွေ ပြန်လည်လွတ်မြောက်ဖို့ ထိုင်းပြည်သူတွေ မျှော်လင့်နေဆဲ 

BBC Burmese
http://www.bbc.com/burmese
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ