မန္တလေး မြစ်ကြီးနား မီးရထားတန်ဆာခ လျှော့ချ

မြစ်ကြီးနားမြို့မှ မန္တလေးမြို့ကို စုန်ဆင်းလာသည့် အမြန်ရထားတစ်စင်းအား ကချင်ပြည်နယ်အတွင်းရှိ ဘူတာတစ်ခုတွင် တွေ့ရစဉ်။ Photo:Kyaw Myo Min/RFA
မြန်မာ့မီးရထားက မန္တလေးတိုင်း မြို့ဟောင်းဘူတာကနေ ကချင်ပြည်နယ် မြစ်ကြီးနားဘူတာအထိ ကုန်မျိုးစုံနဲ့ ဆီတွေတင်ဆောင်တဲ့ ကုန်ရထားတန်ဆာခနှုန်းထားတွေကို အခုလလယ်ပိုင်းကစပြီး လျှော့ချလိုက်ပါတယ်။

အရင်က ခရီးတစ်မိုင်အတွက် တစ်တန် ၉၀ ကျပ်နှုန်းကနေ ၇၅ ကျပ်နှုန်းကိုလျှော့ချလိုက်တာ ဖြစ်တယ် လို့ မြစ်ကြီးနားဘူတာကြီးရဲ့ ရုံပိုင်ချုပ် ဦးကြည်ဆန်းက ပြောပါတယ်။

"ကုန်ဆို တစ်တန် တစ်မိုင်ကို ၇၅ ကျပ်နှုန်းကောက်ပါတယ်၊ ဆီလုံးရထားကတော့ တစ်တန် တစ်မိုင်ကို ၉၀ ကျပ်နှုန်းကောက်ပါတယ်၊ အဲ့ဒါပဲပြောင်းလဲသွားတာပါ၊ တစ်တန် တစ်မိုင် ၁၅ ကျပ် သက်သာသွားတဲ့အခါ မှာ မြစ်ကြီးနားနဲ့ မြို့ဟောင်း ၅၁ဝဝ သက်သာပါတယ်၊ တွဲတစ်တွဲလုံးအနေနဲ့ဆိုရင် ငွေ တစ်သိန်းခြောက်သောင်းလောက် သက်သာပါတယ်၊ ဒီလိုနှုန်းချပေးလိုက်တဲ့အတွက်ကြောင့် ကားခနဲ့ ယှဉ်လို့ရှိရင် နည်းနည်းသက်သာလာတဲ့အတွက်ကြောင့် ဒီဘက်နည်းနည်းပိုတင်လာမယ်လို့ ယူဆပါတယ်"

ဒီနှစ်ပိုင်းအတွင်း မန္တလေးဘက်ကနေ မြစ်ကြီးနားဘက်ကို ကားမျိုးစုံနဲ့ သယ်ယူတာတွေရှိလာတဲ့အတွက် ကုန်ရထားနဲ့ သယ်ယူစားရိတ် တန်ဆာခဈေးနှုန်းတွေကို လျှော့ချလိုက်တာဖြစ်တယ်လို့ ပြောပါတယ်။

အခုလျှော့ချလိုက်တဲ့ တန်ဆာခ နှုန်းထားဟာ မြို့ဟောင်းဘူတာဘက်ကနေ မြစ်ကြီးနားဘူတာဘက် အဆန်ခရီး သယ်ယူစားရိတ်ဖြစ်ပြီး မြစ်ကြီးနားဘက်ကနေ မြို့ဟောင်းဘူတာဘက် သယ်ယူခနှုန်းကတော့ မူလအတိုင်း ဖြစ် ပါတယ်။

မြစ်ကြီးနားဘူတာကနေ မြို့ဟောင်းဘူတာကို မီးရထားမိုင်အနေနဲ့ မိုင် ၃၄၀ ရှိပါတယ်။

လက်ရှိအခြေအနေမှာ မြစ်ကြီးနားဘူတာကနေ တစ်လကို လူစီးရထားမျိုးစုံ ၇ စီး အစုန်အဆန် သွားလာနေပြီး ကုန်ရထား အစီးနှစ်ဆယ်လောက် အစုန် အဆန် သယ်ယူပို့ဆောင်နေတာဖြစ်ပါတယ်။

ကချင်ပြည်နယ်၊ စစ်ကိုင်းတိုင်းဒေသကြီးနဲ့ မန္တလေးတိုင်းဒေသကြီးတစ်ချို့က တိုင်းရင်းသားပြည်သူတွေဟာ ခရီးသွားလာရေးနဲ့ ကုန်စည်ပို့ဆောင်ရေးအတွက် မြန်မာ့မီးရထားကို အစဉ်အဆက် အသုံးပြု နေကြတာ လည်း ဖြစ်ပါတယ်။

RFA Burmese
http://www.rfa.org/burmese

ဒေါ်အောင်ဆန်းစုကြည်နဲ့ အန်ဘန်လ နေပြည်တော် မှာ တွေ့ကြမယ်

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကို ဇွန်လ ၂၈ ရက်နေ့က နေပြည်တော်မှာတွေ့ရစဉ်။ Photo: Myanmar State Counsellor Office။
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ ဥက္ကဌ ဗိုလ်ချုပ်ကြီး အန်ဘန်လတို့ လာမယ့် ဇူလိုင်လအတွင်း နေပြည်တော်မှာ တွေ့ဆုံ ဆွေးနွေးသွားမှာ ဖြစ် ပါတယ်။

တွေ့ဆုံမယ့်ရက်ကို အတိအကျသတ်မှတ်နိုင်ဖို့ ၂၁ ရာစု ပင်လုံညီလာခံအကြို ပြင်ဆင်ရေးကော်မတီနဲ့ UNFC က နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့တွေ မနက်ဖြန် ရန်ကုန်မြို့မှာ ကနဦးတွေ့ဆုံ သွားမှာဖြစ်တယ်လို့ UNFC ကိုယ်စားလှယ်အဖွဲ့ခေါင်းဆောင် ခူးဦးရယ်က ပြောပါတယ်။

"ကျနော်တို့ UNFC က ခေါင်းဆောင်တွေနဲ့ နိုင်ငံတော်အတိုင်ပင်ခံပုဂ္ဂိုလ်နဲ့ တွေ့ဆုံဖို့ ဖိတ်ကြားခြင်း ခံရတဲ့ အတွက်လည်း တွေ့ဆုံဆွေးနွေးမှုဖြစ်ပေါ်ဖို့အတွက် ကျနော်တို့ ဆက်လက်ညှိနှိုင်းဆောင်ရွက်သွားမှာဖြစ်ပါ တယ်၊ တွေ့ဆုံမှုအပေါ်မှာ မူတည်ပါတယ်၊ အဲ့ဒီကမှပဲ ကျနော်တို့ ဘယ်လိုတွေ့ဆုံကြမလဲ ဘယ်အချိန်ဖြစ်မယ် ဆိုတာကို ကျနော်တို့ ပြောလို့ရမှာပါ၊ ဒီတွေ့ဆုံဆွေးနွေးမှုမဖြစ်ခင်တော့ ကျနော်တို့ ကြိုပြီးဘာမှပြောလို့မရပါဘူး"

ပြီးခဲ့တဲ့ ဇွန်လ ၃ ရက်နေ့က ထိုင်းနိုင်ငံ၊ ချင်းမိုင်မြို့မှာ ဒေါက်တာ တင်မျိုးဝင်း ဦးဆောင်တဲ့ ၂၁ ရာစု ပင်လုံညီလာခံ အကြိုပြင်ဆင်ရေးကော်မတီ အဖွဲ့ဝင်တွေနဲ့ UNFC ခေါင်းဆောင်တွေ တွေ့ဆုံခဲ့ရာမှာ UNFC က နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တွေ့ဆုံခွင့်ရဖို့ တောင်းဆိုခဲ့တာ ဖြစ်ပါတယ်။

ဒေါ်အောင်ဆန်းစုကြည်က UNFC ဥက္ကဌနဲ့အဖွဲ့ကို လက်ခံတွေ့ဆုံသွားဖို့ အကြောင်းပြန်ကြားထားပြီး ဖြစ် တာကြောင့် လာမယ့်ဇူလိုင်လ ပထမအပတ်အတွင်း တွေ့ဆုံနိုင်ဖို့အတွက် ဒေါက်တာတင်မျိုးဝင်းက စီစဉ်ဆောင်ရွက်ပေးနေ တာ ဖြစ်ပါတယ်။

လက်ရှိ UNFC အဖွဲ့ဝင်တွေဟာ တစ်နိုင်ငံလုံး အပစ်အခတ်ရပ်စဲရေးစာချုပ်မှာ လက်မှတ်မထိုးရသေးတဲ့ တိုင်းရင်းသား လက်နက်ကိုင်အဖွဲ့တွေ စုပေါင်းထားတဲ့ အဖွဲ့ဖြစ်ပါတယ်။

အခုလ ၂၈ ရက်နေ့က နေပြည်တော်မှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အပစ်ရပ် လက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့တွေ တွေ့ဆုံခဲ့ရာမှာ ၂၁ ရာစု ပင်လုံညီလာခံကို လာမယ့်သြဂုတ်လအတွင်း ဆောင်ရွက်နိုင်ဖို့ သဘောတူညီခဲ့ကြပါတယ်။

၂၁ ရာစု ပင်လုံညီလာခံ အကြိုပြင်ဆင်ရေးအဖွဲ့နဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC က ကိုယ်စားလှယ်တွေဟာ  မနက်ဖြန် ရန်ကုန်မြို့၊ ရွှေလီလမ်းက အမျိုးသားရင်ကြားစေ့ရေးနဲ့ ငြိမ်းချမ်းရေးဗဟိုဌာန NRPC မှာ တွေ့ဆုံကြဖို့ရှိပါတယ်။

အဲ့ဒီတွေ့ဆုံပွဲမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ UNFC ဥက္ကဌတို့ နေပြည်တော် မှာ တွေ့ဆုံနိုင်မယ့်ရက်ကို ညှိနှိုင်းသွားဖို့ရှိတယ်လို့ ၂၁ ရာစု ပင်လုံညီလာခံအကြိုပြင်ဆင်ရေး ကော်မတီ အတွင်းရေးမှူး ဦးလှမောင်ရွှေ က ပြောပါတယ်။

RFA Burmese
http://www.rfa.org/burmese
 

ဒေါ်စုကို ဘင်္ဂလားဒေ့ရှ် ၀န်ကြီးချုပ်ရဲ့ ကိုယ်စားလှယ် လာတွေ့

နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်
ဘင်္ဂလား ဒေ့ရှ် ပြည်သူ့ သမ္မတနိုင်ငံ ဝန်ကြီးချုပ်ရဲ့ အထူး ကိုယ်စားလှယ် ဘင်္ဂလားဒေ့ရှ် နိုင်ငံခြားရေး ဝန်ကြီးဌာန နိုင်ငံခြားရေး အတွင်းဝန် မစ္စတာ အမ်ဒီ ရှာဟိဒူလ် ဟိတ်ခ် ဟာ နိုင်ငံတော်၏ အတိုင်ပင်ခံပုဂ္ဂိုလ် နိုင်ငံခြားရေးဝန်ကြီး ဌာန ပြည်ထောင်စု ဝန်ကြီး ဒေါ်အောင်ဆန်းစုကြည် ကို ဒီနေ့ ဇွန်လ ၃၀ရက်နေ့မှာ လာရောက် တွေ့ဆုံခဲ့ပါတယ်။

မစ္စတာရှာဟိဒူလ် ဟိတ်ခ် ဟာ တပ်မတော် အကြီးအကဲနဲ့လည်း သွားရောက် တွေ့ဆုံခဲ့ပါတယ်။

ဘင်္ဂလားဒေ့ရှ် ဝန်ကြီးချုပ်ရဲ့ အထူး ကိုယ်စားလှယ် ရဲ့ ခရီးစဉ်ဟာ အန်အယ်ဒီ အစိုးရကို ထောက်ခံကြောင်း ပြဖို့ လာတာ ဖြစ်တယ်လို့ မြန်မာနိုင်ငံ နိုင်ငံခြားရေး ၀န်ကြီး ဌာန ညွန်ကြားရေးမှူးချုပ် ဦးကျော်ဇေယျက ပြောပါတယ်။

ဒေါ်အောင်ဆန်းစုကြည်နဲ့ တွေ့ဆုံရာမှာတော့ နှစ်နိုင်ငံ ဆက်ဆံရေး ကိစ္စကို ဒီထက် ပိုမြှင့်ချင်ကြောင်း ၊ လက်ရှိ နှစ်နိုင်ငံကြား လည်ပတ် လုပ်ဆောင်နေတဲ့ ယန္တယားတွေကို ခိုင်ခိုင်မာမာဆောင်ရွက်ချင်တယ်လို့ အထူးကိုယ်စားလှယ်က ပြောသွားကြောင်း ဦးကျော်ဇေယျက ရှင်းပြပါတယ်။

ဒါ့အပြင် နှစ်နိုင်ငံကြား BLO ရုံးတွေ တည်ထောင်သွားချင်ပြီး အဓိက ကတော့ ကုန်သွယ်ရေးနဲ့ ရင်းနှီးမြုပ်နှံမှုတွေ လုပ်ချင်တယ်လို့ ဆိုကြောင်း ၊ ရခိုင်နဲ့ ဟိုဘက်မှာ ရှိတဲ့ ပြည်နယ်တွေ ကြားမှာ နှစ်နိုင်ငံ နယ်စပ် ကုန်စည် ကူးသန်း ရောင်းဝယ်မှု အတွက် ဖြစ်နိုင်တဲ့ နည်းလမ်းတွေကို စဉ်းစားမယ်လို့ ပြောဆို ဆွေးနွေးကြကြောင်း သိရပါတယ်။

နှစ်နိုင်ငံကြား Foreign Office Consulation လုပ်ဖို့ ရှိနေပြီး ဒီလို တွေ့ဆုံဖို့ မနှစ်ကတည်းက ရည်ရွယ်ထားကြတာ ဖြစ်ပေမယ့် ရွေ့လိုက်တာ ဖြစ်ကြောင်း ၊ အဲသလို တွေ့ဆုံနိုင်ဖို့ကို အခုဆွေးနွေးပွဲမှာ ပြောဆိုခဲ့ကြတယ်လို့ ဆိုပါတယ်။

ရိုဟင်ဂျာ အရေးကို ဆွေးနွေးတဲ့ အထဲမပါပေမယ့် ရည်ညွန်း ကိုးကားချက်တော့ နည်းနည်း ပါကြောင်း ဦးကျော်ဇေယျက ဆိုပါတယ်။

ဒါ့အပြင် အခု ရောက်ရှိလာတဲ့ အထူးကိုယ်စားလှယ် မစ္စတာ ရှာဟိဒူလ် ဟိတ်ခ် ဟာ ဘင်္ဂလား ၀န်ကြီးချုပ် ရှိတ် ဟာစီနာ ပေးလိုက်တဲ့ သ၀ဏ်လွှာကို ဒေါ်အောင်ဆန်းစုကြည်ကို ပေးအပ်ခဲ့တယ်လို့လည်း သူက ပြောပါတယ်။

မြန်မာနဲ့ ဘင်္ဂလားဒေ့ရ်ှဟာ ရေပြင်ပိုင်နက် အငြင်းပွားမှု ပြဿနာ ဖြစ်ခဲ့ဖူးသလို နှစ်နိုင်ငံ နယ်စပ် ဖြတ်ကျော် ၀င်ရောက်မှု ၊ အဲဒီမှာ စစ်ရေး လေ့ကျင့်တာနဲ့ စစ်စခန်း တည်ဆောက်မှုတွေကြောင့် နှစ်နိုင်ငံကြား ဆက်ဆံရေးမှာ အဖုအထစ်တွေ ရှိခဲ့ဖူးပါတယ်။

အခု ဒေါ်အောင်ဆန်းစုကြည်နဲ့ လာရောက် တွေ့ဆုံတဲ့ အခါမှာတော့ နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှု မြှင့်တင်ရေးဆိုင်ရာ ကိစ္စရပ်များအပေါ် ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြတယ်လို့ ဦးကျော်ဇေယျက ပြောပါတယ်။

အဲဒီ တွေ့ဆုံပွဲကို နိုင်ငံတော်အတိုင်ပင်ခံရုံး ဝန်ကြီးဌာန ပြည်ထောင်စု ဝန်ကြီး ဦးကျော်တင့်ဆွေ၊ နိုင်ငံခြားရေးဝန်ကြီးဌာန ဒုတိယဝန်ကြီး ဦးကျော်တင်နှင့် နိုင်ငံခြားရေး ဝန်ကြီးဌာနမှ အဆင့်မြင့် အရာရှိကြီးများ တက်ရောက်ခဲ့ကြပါတယ်။

BBC Burmese
http://www.bbc.com/burmese

တရားမ၀င်သစ်တွေ တင်ဆောင်ပြီး ဂိတ်ကိုချိုးဖောက် မောင်းနှင်တဲ့ မော်တော်ယာဉ်တွေကို သေနတ်နဲ့ ပစ်ဖောက်ဖမ်းဆီး


ဇွန်လ(၃၀)ရက် မနက်(၂)နာရီဝန်းကျင်က ပဲခူးတိုင်းဒေသကြီး ကျောက်တံခါး မြို့နယ် မြို့ချောင်းသစ်တောစစ်ဆေးရေးဂိတ်မှာ တရားမ၀င်သစ်တွေ တင်ဆောင်မောင်းနှင်လာတဲ့ မော်တော်ယာဉ်တွေဟာ ဂိတ်ကိုချိုးဖောက် ပြီး မောင်းနှင်လာတာကြောင့် သေနတ်နဲ့ ခြောက်လှန့်ပစ်ဖောက်ဖမ်းဆီးခဲ့ ရတယ်လို့သိရပါတယ်။


 ဖြစ်စဉ်ကတော့ ကျောက်တံခါးမြို့နယ်သစ်တောဦးစီးဌာနက တောအုပ်ကြီးနဲ့ သစ်တောဝန်ထမ်းတွေအပါအ၀င် သစ်တောရဲတပ်ဖွဲ့ အဖွဲ့ဝင်တွေဟာ မြို့ချောင်းသစ်တော စစ်ဆေးရေးဂိတ်မှာ လုံခြုံရေး တာဝန်ယူနေစဉ် ဂိတ်ရဲ့အောက်ဘက်မှာ လူ(၂၀)ခန့်စုရုံးရောက်ရှိ လာတယ်လို့ သိရပါတယ်။


 အဲဒီအချိန်မှာ ပဲခူးရိုးမတောင်ပေါ်ကနေ မင်းလှစိန်ကန့်လန့်လမ်းအတိုင်း တရားမ၀င်သစ်တွေတင်ဆောင်
မောင်းနှင်လာတဲ့ မော်တော်ယာဉ်(၄)စီးရောက်ရှိလာပြီး ဂိတ်အောက်မှာ ရောက်ရှိနေတဲ့ လူ(၂၀)နဲ့ပူးပေါင်းကာ ဂိတ်ရဲ့Check Pointမှာ ချထားတဲ့ အတားအဆီးနဲ့မောင်းတံတွေကို ဖယ်ရှားဖို့ ကြံစည်နေတဲ့အတွက် သစ်တောရဲတပ်ဖွဲ့မှ ရဲအုပ်ဝင်းကိုနဲ့ သစ်တောဝန်ထမ်းတွေက မလုပ်ဖို့တားမြစ်ခဲ့ပါတယ်။


 ဒါပေမယ့် ယာဉ်(၄)စီးထဲက နံပါတ်မပါတဲ့ ယာဉ်(၁)စီးက အတင်းတိုးဝင်မောင်းနှင် တဲ့အတွက် အတားအဆီးပြုလုပ်ထားတဲ့ သံဆူးကြိုးကိုနင်း မိပြီး ရှေ့ဘီးပေါက်သွားခဲ့ပါတယ်။


အဲဒီနောက် ရဲတပ်ကြပ်ကြီးကျော်စိုးမိုးက မိုးပေါ်ကိုသေနတ်ထောင်ပြီး (၇)ချက်ပစ်ဖောက်ခြောက်လန့်ခဲ့ပေမယ့်လည်း ယာဉ်ကိုမရပ်တန့်တဲ့အတွက် ယာဉ်နောက်ဘီးကို ရဲတပ်ကြပ်အောင်ကျော်မြင့်က သေနတ်နဲ့ပစ်ဖောက်ပြီး ဟန့်တားခဲ့ရပါတယ်။


အဲဒီနောက် ၀ိုင်းဝန်းဖမ်းဆီးရာ နောက်မှာပါလာတဲ့ ယာဉ်တစ်စီးကိုပါ ဖမ်းမိခဲ့ပေမယ့် ယာဉ်ပေါ်ပါလာတဲ့သူတွေကတော့ ထွက်ပြေးသွားခဲ့ပါတယ်။


 ဒါ့အပြင်ကျန်တဲ့ယာဉ်နှစ်စီးကလည်း ပဲခူးရိုးမတောင်ပေါ်ကို ပြန်လှည့်မောင်းနှင်ထွက်ပြေးခဲ့ပါတယ်။ ဖမ်းဆီးရမိခဲ့တဲ့ယာဉ်ပေါ်ကနေ တရားမ၀င်ပျဉ်းကတိုးသစ်ခွဲသား ဆိုဒ်စုံ(၂၇)ချောင်းသိမ်းဆည်းရမိခဲ့ပါတယ်။


ဒီဖြစ်စဉ်နဲ့ ပတ်သက်ပြီး ကျောက်တံခါးမြို့မရဲစခန်းက မောင်းနှင်ထွက်ပြေးသွားတဲ့ယာဉ်နဲ့ တရားခံတွေကို ဖမ်းဆီးရမိနိုင်ရေး ဆောင်ရွက်နေတယ်လို့ သိရပါတယ်။

ဓာတ်ပုံ - ခင်ကို (ကျောက်တံခါး)
5 Plus News
https://www.facebook.com/5plusnews/
 

ဘရာဇီး အိုလံပစ်ပွဲ မြန်မာအားကစားသမား ၆ ဦး ယှဉ်ပြိုင်မည်

RIO 2016 Summer Olympics
၂၀၁၆ ရီယိုအိုလံပစ် အားကစားပြိုင်ပွဲမှာ မြန်မာနိုင်ငံအနေနဲ့ အားကစားနည်း ၅ မျိုး ၀င်ရောက် ယှဉ်ပြိုင်သွားမှာ ဖြစ်တယ်လို့ မြန်မာအိုလံပစ် အားကစား အဖွဲ့ခေါင်းဆောင် က ပြောလိုက်ပါတယ်။ မြန်မာနိုင်ငံ အနေ နဲ့ ရေကူး၊ ပြေးခုန်ပစ် ၊ သေနတ်ပစ်၊ ဂျူဒို၊ နဲ့ မြှားပစ်အားကစားနည်းတွေမှာ ၀င်ရောက် ယှဉ်ပြိုင်မှာဖြစ်ပြီး သေနတ်ပစ်ပြိုင်ပွဲကနေ ဆုတံဆိပ်တွေ မှန်းထားတယ် လို့သူက ပြောပါတယ်။ ဒီအကြောင်းအပြည့်အစုံကိုတော့ ဆက်သွယ်စုံစမ်းထားတဲ့ ကိုရန်နိုင်က ပြောပြပေးမှာဖြစ်ပါတယ်။

ဘရာဇီးနိုင်ငံမှာ သြဂုတ်လ ၅ ရက်နေ့ကနေ ၂၁ ရက်နေအထိ ကျင်းပမယ့် ၂၀၁၆ ရီယိုအိုလံပစ်ပြိုင်ပွဲကို မြန်မာနိုင်ငံကလည်း သွားရောက်ယှဉ်ပြိုင်မှာဖြစ်ပါတယ်။ မြန်မာနိုင်ငံအနေနဲ့ အားကစားနည်း ၅ မျိုးမှာ ၀င်ရောက်ယှဉ်ပြိုင်မှာဖြစ်တယ်လို့ မြန်မာအိုလံပစ်အားကစားအဖွဲ့ခေါင်းဆောင်၊ ကျန်းမာရေး နဲ့ အားကစားဝန်ကြီးဌာန အားကစားနဲ့ ကာယပညာဦးစီးဌာန ဒု-ညွန်ချုပ် ဦးသက်လွင်က ပြောပါတယ်။

" အားကစားနည်းက သေနတ်ပစ်၊ မြှားပစ်၊ ပြေးခုန်ပစ်၊ ရေကူး၊ ဂျူဒို ငါးမျိုးပါ။"

မြန်မာအိုလံပစ်အားကစားအဖွဲ့မှာ ပြေးခုန်ပစ်အားကစားသမား ၂ ဦး၊ ရေကူး အားကစားသမား ၂ ဦး၊ သေနတ်ပစ်၊ ဂျူဒို၊ နဲ့ မြှားပစ်အားကစားသမား ၁ ဦးစီ ပါဝင်မှာဖြစ်တယ်လို့ သူကပြောပါတယ်။ ရီယိုအိုလံပစ် အားကစားပြိုင်ပွဲ မှာ မြန်မာနိုင်ငံက ဝင်ရောက်ယှဉ်ပြိုင်မယ့် အားကစားနည်းတွေကို ဘယ်လိုရွေးချယ် သတ်မှတ်ခဲ့သလဲဆိုတဲ့ အပေါ်မှာတော့ မြန်မာအိုလံပစ် အားကစားအဖွဲ့ ခေါင်းဆောင် ဦးသက်လွင်က အခုလိုရှင်းပြပါတယ်။

" ပြေးခုန်ပစ်နဲ့ရေကူးကတော့ အိုလံပစ်ဂိမ်းမှာ ဦးစားပေးအဆင့်တစ် သတ်မှတ်ထားတဲ့ အားကစားနည်းထဲမှာ ပါဝင်တယ်။ ကမ္ဘာ့ပြေးခုန်ပစ် အဖွဲ့ချုပ်နဲ့ ကမ္ဘာ့ရေကူးအဖွဲ့ကတော့ အမြဲတမ်း အဖွဲ့ဝင် နိုင်ငံတိုင်းက အားကစားသမား တနိုင်ငံကို ကျားတစ်ဦး၊ မတစ်ဦးနှုန်း ကိုတာသတ်မှတ်ပေးတယ်။ အဲ့တော့ အဲ့ဒီ့ကနေ ကျနော်တို့က ဒါကို ဝင်ပြိုင်ရတာ။ နောက်တခုကတော့ ဂျူဒိုဆိုရင် ကျနော်တို့က အရှေ့တောင်အာရှပြိုင်ပွဲတွေမှာ ကျနော်တို့ ဂျူဒိုအဖွဲ့က ရွှေ၊ ငွေ၊ ကြေး အောင်မြင်မှု ရှိတာပေါ့နော်။ အဲ့တာကြောင့် အဲ့ဒီ့အားကစားနည်း ကို ကျနော်တို့က လျှောက်တယ်။ လျှောက်တော့ သူတို့က ကျနော်တို့ကို အမျိုးသားတဦးရွေးပေးတယ်။ အဲ့တော့ ကျနော်တို့က အဲ့တာပြိုင်ရတယ်။ နောက်တခုကတော့ သေနတ်ပစ်ကတော့ နဂိုကတည်းက ကျနော်တို့က လက်ရည်စစ်ပြိုင်ပွဲမှာ အဆင့်မှီတဲ့အတွက် အောင်မြင်လို့ သူက ပြိုင်ရတာ။ ကွာလီဖိုင်း ဖြစ်တာကတော့ အားကစားအဖွဲ့သွားမယ့်အထဲမှာ သူတယောက်ပဲ ကွာလီဖိုင်း ဖြစ်တာဖြစ်တယ်။ ကျန်တဲ့အားကစားနည်းနဲ့ အားကစားသမားတွေကတော့ ကျနော်တို့သက်ဆိုင်ရာ ကမ္ဘာ့အိုလံပစ်ကနေ အိုလံပစ်သွေးစည်းညီညွတ်ရေးအစီအစဉ်အရ ခွဲတမ်းပေးတဲ့အရ ကျနော်တို့သွားပြီးတော့ ယှဉ်ပြိုင်ရမှာဖြစ်ပါတယ်။"

မြန်မာနိုင်ငံအနေနဲ့ လက်ဝှေ့ပြိုင်ပွဲမှာ ၀င်ရောက်ယှဉ်ပြိုင်နိုင်ဖို့အတွက် ပြိုင်ပွဲဝင် တနေရာရဖို့ ကြိုးပမ်းခဲ့ပေမယ့်လည်း လက်ရည်စစ်ပွဲမအောင်မြင်တဲ့အတွက် ၀င်ရောက် ယှဉ်ပြိုင်ခွင့်မရခဲ့ဘူးလို့ ဦးသက်လွင်က ပြောပါတယ်။ အိုလံပစ်ပြိုင်ပွဲ ရဲ့ သေနတ်ပစ် နဲ့ မြှားပစ်ပြိုင်ပွဲတွေမှာ ရလဒ်ကောင်းတွေ ရဖို့ မျှော်လင့်နေပြီး၊ သေနတ်ပစ်ပြိုင်ပွဲ ကတော့ ဆုရဖို့ အလားအလာ အကောင်းဆုံးဖြစ်တယ်လို့ ဦးသက်လွင်ကပြောပါတယ်။

"သူက လက်ရည်စစ်ပွဲလည်း အောင်တယ်။ သူ့ရဲ့စိတ်တည်ငြိမ်မှု၊ သူ့ရဲ့ကိုယ်ရော စိတ်ပါ လန်းဆန်းတည်ငြိမ်မှု ပုံမှန်အတိုင်းကို ရမယ်။ သူ့ရဲ့ Equipment ကိုအသုံးပြုတဲ့အခါမှာ ပုံမှန်အတိုင်း အသုံးပြုခွင့်ရမယ်ဆိုရင် သူများနဲ့ တန်းတူ ယှဉ်လို့ရတာပေါ့နော်။ မြှားပစ်လည်း ထိုနည်းလည်းကောင်းပါပဲခင်ဗျ။ အခုလက်ရည်စစ်ပွဲ မအောင်ဘူးဆိုပေမဲ့ ဒီအားကစားသမားက ဆီးဂိမ်းတွေမှာလည်း ဆုရဖူးတဲ့ အားကစားသမားဖြစ်တဲ့အတွက် သူလည်း လက်ရည်ပစ်နိုင်တယ်ဆိုရင်တော့ ဖြစ်နိုင်ခြေရှိတာပေါ့။"

မြန်မာနိုင်ငံအနေနဲ့ ဂျူဒိုမှာ အရှေ့တောင်အာရှ အဆင့်ကို ကောင်းကောင်း ယှဉ်ပြိုင်နိုင်ပေမယ့်၊ ဂျူဒိုအပါအ၀င် ၊ ပြေးခုန်ပစ် နဲ့ ရေကူးပြိုင်ပွဲတွေမှာတော့ ကမ္ဘာ့အဆင့်ထိပ်တန်းနိုင်ငံတွေကို ယှဉ်ပြိုင်နိုင်ဖို့မလွယ်ကူကြောင်း ၊ ပြေးခုန်ပစ်ပြိုင်ပွဲမှာတော့ တာဝေးပြေးမှာ ၀င်ရောက် ယှဉ်ပြိုင်မှာဖြစ်တယ်လို့ ပြောပါတယ်။ ရီယိုအိုလံပစ်ပြိုင်ပွဲဝင်မယ့် အားကစားသမားတွေကို ပြီးခဲ့တဲ့ စင်ကာပူဆီးဂိမ်းပြိုင်ပွဲအပြီးကတည်းက စတင် ပြင်ဆင်လေ့ကျင့်ခဲ့တာဖြစ်ပြီး ၊ မြန်မာအိုလံပစ်အားကစားအဖွဲ့ဟာ ဘရာဇီးနိုင်ငံကို သြဂုတ်လဆန်းမှာသွားမှာဖြစ်တယ်လို့ သူကပြောပါတယ်။

 ကိုရန်နိုင် / ဗွီအိုအေ (မြန်မာပိုင်း)
http://burmese.voanews.com

ဒေါ်အောင်ဆန်းစုကြည် နေပြည်တော် အားကစားရွာသို့ သွားရောက်ကြည့်ရှု


နေပြည်တော် အားကစားလေ့ကျင့်ရေးစခန်းတွင် စခန်းသွင်းလေ့ကျင့်ထားသည့် အား/ကာ သိပ္ပံတက္ကသိုလ် အားကစားသမားများအတွက် ကျန်းမာရေးစောင့်ရှောက်မှု ဆောင်ရွက်ထားရှိမှု အခြေအနေကို နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်မှ သွားရောက်ကြည့်ရှုခဲ့သည်။


ထိုသို့ သွားရောက်လေ့လာစဉ် ဒေါ်အောင်ဆန်းစုကြည်က “အားကစားသမားတွေအနေနဲ့ ငွေကြေးဆုလာဘ်တွေကို မျှော်ကိုးပြီးတော့ မကစားဘဲ ၀ါသနာကို အရင်းခံပြီးတော့သာ အောင်မြင်မှုရဖို့အတွက် ကြိုးစားကြပါလို့ တိုက်တွန်းလိုပါတယ်။”ဟု ပြောကြားခဲ့သည်။

ယင်းအပြင်“အားကစားသမားတွေဟာ မိမိနိုင်ငံမှာပဲ ယှဉ်ပြိုင်ရမှာ မဟုတ်တဲ့အတွက် အခြားနိုင်ငံကို သွားရောက်ယှဉ်ပြိုင်တဲ့အခါမှာ အားကစားပရိသတ်မရှိလည်း အကောင်းဆုံးယှဉ်ပြိုင်ဖို့ လိုပါတယ်။ ဒါ့အပြင် ပြိုင်ပွဲတွေကို သွားရောက်ယှဉ်ပြိုင်မယ်ဆိုရင်လဲ ပြိုင်ပွဲတွင်း စိတ်ဓါတ်တည်ငြိမ်နေဖို့လိုပြီး တည်ငြိမ်ရင့်ကျက်မှုမရှိရင် လေ့ကျင့်ထားသမျှ အလကားဖြစ်သွားမယ်”ဟု ၎င်းက ဆက်လက်ပြောကြားသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/

ယင်းမာပင်မြို့ စိန်ဆေးဆိုင်မှ သိန်းနှစ်ဆယ်ကျော် တန်ဖိုးရှိ ဖုန်းငွေဖြည့်ကဒ်များ ဖောက်ထွင်းခံရ


ယင်းမာပင်၊ဇွန်-၂၉

ယင်းမာပင်မြို့ မြို့မဈေးအနီးတွင်ရှိသော စိန်ဆေးဆိုင်ကို ဇွန်(၂၈)ရက်ညတွင် ဖောက်ထွင်းခံခဲ့ရပြီးသိန်း၂၀ကျော်တန်ဖိုးရှိဖုန်း ငွေဖြည့်ကဒ်များခိုးယူခံခဲ့ရသည်ဟုစိန်ဆေးဆိုင် ပိုင်ရှင်ကပြောသည်။

"ဆိုင်ကိုဘယ်သူဘယ်ဝါဖောက်တယ်ဆိုတာတော့မသိရသေးပါဘူး ရဲကတော့ဖြစ်စဉ်ကိုအသေးစိတ်လာ မေးပြီး မှတ်တမ်းယူသွားတယ်"ဟု၎င်းက ဆက်ပြောသည်။


ဈေးဆိုင်၏သွပ်မိုး အား ဖွင့်ဖောက်ကာပစ္စည်းခိုးယူမှု ဖြစ်ခဲ့ပြီးယင်းဆေးဆိုင်အတွင်း သေတ္တာ ထဲတွင်သိမ်းဆည်းထားခဲ့သောဖုန်းငွေ ဖြည့်ကဒ်များခိုးယူခံခဲ့ရပြီးတခြားသော ပစ္စည်းများလည်း ခိုးယူခံခဲ့ရသည်။

ယင်းဖြစ်စဉ်နှင့်ပတ်သက်ပြီး ယင်းမာပင်မြို့မရဲစခန်းမှ အမှုဖွင့်အရေးယူခြင်းမရှိသေး ကြောင်းသိရှိရသည်။

နွယ်နွယ်ထွန်း
Monywa Gazette
https://www.facebook.com/chindwingazet

ကျောက်ထု-ထုတ်ခွင့် လုပ်ငန်း လိုင်စင်မပြနိုင်၍ ကုမ္ပဏီ(၃)ခု ရပ်နားခိုင်းထား


မုံရွာ-ဇွန်(၂၉)ရက်

ယင်းမာပင်မြို့နယ် တရော်ကျင်းကျေးရွာအနီးတွင်ရှိသော တောင်နှစ်တောင်၌ ကျောက်ထု-ထုတ်နေကြသည့် ကုမ္ပဏီ(၃)ခုအား လုပ်ငန်းလိုင်စင်မပြနိုင်၍ ကျောက်ထု-ထုတ်ခွင့် ရပ်နားခိုင်းထားကြောင်း တရော်ကျင်းဒေသခံများထံမှသိရသည်။

ကျောက်ထု-ထုတ်ခွင့်ရပ်ထားခိုင်းခံခဲ့ရသည့် ကုမ္ပဏီ(၃)ခုမှာ မုံရွာဆောက်လုပ်ရေးကုမ္ပဏီ-ချင်းတွင်းနဂါးကုမ္ပဏီ-စိုးကြည်အောင်တည် ဆောက်ရေး ကုမ္ပဏီတို့ဖြစ်ပြီး ယင်းကုမ္ပဏီ(၃)ခုသည် အစိုးရ၏ ခွင့်ပြုအမိန့် ကျောက်ထု-ထုတ်ခွင် လုပ်ငန်းလိုင်စင်အား ကျေးရွာသားများထံ မပြနိုင်ခဲ့၍ ကျေးရွာသားများမှ ရပ်နားခိုင်းခဲ့သည်ဟုဒေသခံများကဆိုသည်။

"ကျမသူဌေးက ၂၀၁၃-၂၀၁၄ခုနှစ်က တစောင်ဘဲ ကျမကို ပေးလိုက်တယ်။သူဌေးပြောတာကတော့ မြို့နယ်မြေစာရင်းရုံးကို ဖုန်းဆက်မေးလိုက်ရင် မြို့နယ်မြေစာရင်းရုံးက အကုန်စုံပြောပြပါလိမ့် မယ်လို့ ကျမကို ပြောခိုင်းလိုက်ပါတယ်"ဟု ချင်းတွင်းနဂါးကုမ္ပဏီမှ ကိုယ်စားလှယ် ဒေါ်ရီမွန်တင့်ကပြောသည်။

၂၀၁၃-၂၀၁၄ခုနှစ်မှစတင်ကာ တရော်ကျင်းကျေးရွာအနီးမှာရှိသည့် မြတောက်တောင်နှင့်တောင်ဆုံတောင်တို့အား ကျောက်ထု-ထုတ်လုပ်ငန်း လုပ်ကိုင်နေကြပြီး ယင်းကုမ္ပဏီ(၃)ခုသည် နိုင်ငံတော်၏ ခွင့်ပြုမိန့်မပါရှိဘဲ လုပ်ကိုင်နေကြကြောင်း သိရသည်။

"ကျွန်တော်တို့က လုပ်ငန်းလိုင်စဉ်တောင်းတယ်။ သူတို့ဖက်က မပေးနိုင်ပါဘူး။ လုပ်ငန်းလိုင်စဉ် မပေးနိုင်လို့ အခုလို့ ရပ်-ရွာက ကျောက်ထု-ထုတ်ဖို့ ရပ်ခိုင်းထားပါ"ဟု တရော်ကျင်းကျေးရွာ ဥက္ကဌဦးပြေငြိမ်းကပြောသည်။

ပြီးခဲ့သည့် ဇွန်(၂၀)ရက်က စစ်ကိုင်းတိုင်း ဒေသကြီးအစိုးရ အဖွဲ့သည် ကျောက်ထု-ထုတ်ခြင်းဆိုင်ရာ-စည်းမျင်းစည်းကမ်းများဖြစ်သည့် ရှေ့ဟောင်းအမွေအနှစ်များရှိသောနေရာ- သဘာဝပတ်ဝန်းကျင်ဂေဟစနစ် ထိန်းညှိပေးသောနေရာ-သစ်တောဖုံးလွှမ်းသောနေရာ-မြို့ရွာနဲ့နီးသောနေရာ-လူနေဒေသနဲ့ နီးသောနေရာ-ဘာသာရေးအဆောက်အဦးနဲ့နီးသောနေရာ-ရိုးရာယဉ်ကျေးမှု ဓလေ့ရှိသောနေရာများတွင် တူးဖော်ခွင့်မပြုကြောင်း ထုတ်ပြန်ချက်(၆)ချက် ထုတ်ပြန်ထားပြီးကျောက်ထု-ထုတ်နေသည့် ကုမ္ပဏီ(၃)ခုသည် ယင်းအချက်များဖြင့် ညှိစွန်းနေကြောင်းသိရသည်။

Monywa Gazette
https://www.facebook.com/chindwingazet

တူရကီ လေဆိပ် ဗုံးခွဲသူတွေ ထုတ်ပြန်

တိုက်ခိုက်မှု အတွင်း သေဆုံးသူတွေကို သင်္ဂြိုဟ်
ပြီးခဲ့တဲ့ အင်္ဂါနေ့က အစ္စတန်ဘူလ် မြို့ရဲ့ အဓိက လေဆိပ်ကို အသေခံ ဗုံးခွဲ တိုက်ခိုက်ခဲ့သူ သုံးယောက်ဟာ ရုရှ ၊ ဥဇဘက် ကစ္စတန်နဲ့ ခါဇက် စတန် နိုင်ငံတို့က လူတွေ ဖြစ်တယ်လို့ တူရကီက ပြောပါတယ်။

အဲဒီလူ သုံးယောက်လုံးဟာ သူတို့ကိုယ်မှာ တပ်ထားတဲ့ ဗုံးတွေကို ခွဲပြီး အသေခံ တိုက်ခိုက်ခဲ့တာ ဖြစ်ပါတယ်။

ဒီတိုက်ခိုက်မှုအတွင်း လူ လေးဆယ်နီးပါး သေဆုံးခဲ့ပြီး ဒါဟာ အစ္စလာမ္မစ် စတိတ် အကြမ်းဖက် အဖွဲ့ရဲ့ လက်ချက်လို့ တူရကီ နဲ့ အမေရိကန် အစိုးရတို့က ယူဆနေကြပါတယ်။

အစ္စတန်ဘူလ်နဲ့ အစ်ဇ်မီယာ ကမ်းခြေမြို့ တို့မှာ ရဲတွေက စီးနင်း ရှာဖွေမှု တော်တော်များများ လုပ်ခဲ့ပါတယ်။

လူ ၁၃ ယောက်ကိုလည်း ထိန်းသိမ်းခဲ့ပြီး အဲဒီ အထဲမှာ အနည်းဆုံး တယောက်က နိုင်ငံခြားသား ဖြစ်ပါတယ်။

BBC Burmese
http://www.bbc.com/burmese

မထသ ဖျက်ပြီး ရသအ ဖွဲ့မယ်

ဘတ်စ်ကားတွေမှာ စပယ်ယာ ထားတော့မှာ မဟုတ်
မော်တော်ယာဉ် လိုင်းပေါင်းစုံ ထိန်းသိမ်း ကြီးကြပ်မှု ဗဟို ကော်မတီ (မထသ) ကို ဖျက်သိမ်းပြီး ရန်ကုန် သယ်ယူ ပို့ဆောင်ရေး အာဏာပိုင်အဖွဲ့ က ရန်ကုန်မြို့တွင်း ခရီးသည် သယ်ယူ ပို့ဆောင်ရေး စနစ်သစ်ကို (၃)လတွင်း အကောင်အထည် ဖော်ဖို့ ရှိပါတယ်။

Yangon Transport Authority အနေနဲ့ လက်ရှိ ဘတ်စ်ကားတွေ စည်းကမ်း မလိုက်နာတာ၊ ယာဉ်လိုင်းများ နေတာတွေ အပြင် နေ့စဉ်ကြုံနေရတဲ့ ယာဉ်ကြော ပိတ်ဆို့တာတွေကို ဖြေရှင်းဖို့ အဓိကထား လုပ်ဆောင်မှာ ဖြစ်ပါတယ်။

လက်ရှိ ပြေးဆွဲနေတဲ့ ဘတ်စ်ကားလိုင်း (၃၅၀) ကျော်ကို လိုင်းပေါင်း (၅၀) အထိ လျှော့ချပြီး ပုဂ္ဂလိကပိုင် ဘတ်စ်ကားလိုင်းတွေကို အများပိုင် ကုမ္ပဏီအဖြစ် စုဖွဲ့ဖို့ ရှိနေပါတယ်။

ဘတ်စ်ကားတွေ လျော့သွားမှာ မဟုတ်ဘဲ E-Ticket စနစ် နဲ့ လက်မှတ်ရောင်းပြီး ဘတ်စ်ကားတွေမှာ စပယ်ယာ ထားတော့မှာ မဟုတ်ပါဘူး။

စနစ်သစ်မှာ အီလက်ထရောနစ် စနစ်နဲ့လက်မှတ် ရောင်းမှာ ဖြစ်လို့ လက်ရှိ ကားဟောင်းတွေ နေရာမှာ ကားသစ်တွေ အစားထိုးဖို့ လိုတဲ့ ငွေကို ဒီအဖွဲ့က ထုတ်ချေးပေးမယ်လို့ ရန်ကုန်တိုင်း အစိုးရ သယ်ယူ ပို့ဆောင်ရေး အကြံပေး ဒေါက်တာ မောင်အောင် က ပြောပါတယ်။

စနစ်သစ်မှာ ဘတ်စ်ကားခ တိုးကောက်ဖို့ အစီစဉ် မရှိသေးဘူးလို့ ဒေါက်တာ မောင်အောင်က ပြောပါတယ်။

မထသ ကို အစိုးရ ဦးဆောင်မှုနဲ့ ၁၉၆၂ ကတည်းက စတင် ဖွဲ့စည်းခဲ့တာ ဖြစ်ပါတယ်။

အသစ်ဖွဲ့မယ့် ရန်ကုန်သယ်ယူပို့ဆောင်ရေး အာဏာပိုင်အဖွဲ့ မှာ တိုင်းဝန်ကြီးချုပ် ဦးဖြိုးမင်းသိန်းက နာယက၊ တိုင်း နယ်စပ်ရေးရာနဲ့ လုံခြုံရေးဝန်ကြီး၊ ပို့ဆောင်ရေး ဝန်ကြီးတွေ အပြင် တတ်သိပညာရှင်တွေ ပါမှာ ဖြစ်ပါတယ်။

ဒီအဖွဲ့ဟာ ရန်ကုန်မြို့တွင်း ဘတ်စကားလိုင်းတွေ သာမက မြို့ပတ်ရထား ပြေးဆွဲတာကို ကြီးကြပ်မယ့် အပြင် လှိုင်မြစ်ကြောင်း နဲ့ ငမိုးရိပ်ချောင်း တလျှောက် ရေကြောင်း သယ်ယူ ပို့ဆောင်ရေး Water Taxi စနစ် ကိုလည်း လပိုင်းအတွင်း အကောင်အထည် ဖော်ဖို့ ရှိပါတယ်။

BBC Burmese
http://www.bbc.com/burmese

မြိတ်မြို့က လွင်နယ်မြေတွင် တစ်မြို့လုံးရှိ အမှိုက်များ လာရောက် စွန့်ပစ်နေသည့် ကိစ္စ


မြိတ်မြို့က လွင်နယ်မြေရှိ ကလွင်သုဿာန်တွင် အမှိုက်များ လာရောက် စွန့်ပစ်ရန် အတွက် တာဝန်ရှိသူများက မြေကျင်းတူးပေးထားပြီး လာရောက် စွန့်ပစ်ခိုင်းနေတာတောင် မြို့ပတ်(2)လမ်း ငွေပုလဲရပ်ကွက်မှ ရွာသစ်ရွာသို့ သွားရာလမ်းတလျှေက်တွင် အမှိုက်ကားများ လာရောက် စွန့်ပစ်နေကြပါသည်။

မေးလိုက်လို့ရှိရင် စည်ပင်က ပစ်ခိုင်းသည်ဟု ပြောပါသည်။ လမ်းတလျှောက်တွင် အမှိုက်များ ကြောင့် မိုးရာသီတွင် ယင်ပေါက်ဖွားမှုနှုန်း ပိုများလာသဖြင့် မနက်ပိုင်းထမင်းစားလျှင် ခြင်ထောင်ဖြင့် စားရပါတယ်လို့ အနီးအနား တဝိုက်ရှိ နေအိမ်များမှပြောလာပါသည်။

ဒီကိစ္စကို ဘယ်လိုဆောက်ရွက်ပေးနိုင်မလဲဟု တာဝန်ရှိသော စည်ပင်သာယာရေးဌာနကို မေးချင်ပါတယ်။ အမြန်ဆုံးပြေလည်အောင် ဆောင်ရွက်ပေးပါလို့။

တာဝန်သိပြည်သူတစ်ဦး
မြိတ်မြို့ သတင်းမီဒီယာ


ဇနီးဖြစ်သူအား ဓါးမြှောင်ဖြင့်(၅)ချက် ထိုးသတ်ခဲ့မှု


ကြာအင်းဆိပ်ကြီး ဇွန် ၃၀

ကရင်ပြည်နယ်၊ ကြာအင်းဆိပ်ကြီးမြို့နယ်၊ အဇင်းကျေးရွာ၊ အမှတ်(၃) ရပ်ကွက်၊ နှင်းဆီးလမ်းတွင် ဇွန်လ (၂၉)ရက်နေ့ က ဇနီးဖြစ်သူအား ခင်ပွန်းဖြစ်သူက ဓားဖြင့် ထိုးသတ်မှု ဖြစ်ပွားခဲ့ကြောင်း သိရသည်။

ဖြစ်စဉ်မှာ ၂၉-၆-၂၀၁၆ ရက်နေ့ နံနက် ၇နာရီခန့်အချိန် အဇင်းရဲစခန်းမှူး ရဲအုပ် လှိုင်ဘွားသည် အဇင်းကျေးရွာ၊ အမှတ်(၃) ရပ်ကွက်၊ နှင်းဆီးလမ်းတွင် လူသတ်မှုဖြစ်ပွားကြောင်း သိရ၍ သွားရောက်စစ်ဆေးမှု ပြုလုပ်ခဲ့ရာ အဇင်းကျေးရွာနေ မအေးစန္ဒနှင့် မကြည်အောင်တို့နှစ်ဦးသည် ဆိုင်ကယ်ဖြင့် နေအိမ်သို့ ပြန်လာစဉ် မအေးစန္ဒ၏ လင်ယောကျာ်းဖြစ်သူ ဝေယံဦး (၂၀)နှစ်၊ (ဘ)ဦးသန်းအောင်မှ ဆိုင်ကယ်အား ၀ါးလုံးဖြင့် ရိုက်လိုက်ရာ ဆိုင်ကယ်လဲကျ တိမ်မှောက်စဉ် ဝေယံဦးသည် ဇနီးဖြစ်သူ မအေးစန္ဒ(၂၃)နှစ် အား ဓားမြောင်ဖြင့် (၅)ချက်တိတိ ထိုးခဲ့ခြင်းကြောင်း သိရသည်။

ဓားဒဏ်ရာ ရင်ညွှန့်ဝဲ/ယာ (၁)ချက်စီး ၀မ်းဗိုက် ထိုးသွင်းဒဏ်ရာ(၃)ချက် ရရှိကာ အခင်းဖြစ်နေရာတွင် သေဆုံးသွားသည်။

 တရားခံ ဝေယံဦးသည် ထွက်ပြေးတိမ်းရှောင် သွားသဖြင့် အဇင်းနယ်မြေရဲစခန်း (ပ) ၂/ ၂၀၁၆၊ ပြစ်မှုပုဒ်မ ၃၀၂ ဖြင့် အမှုရေးဖွင့် ဆောင်ရွက်ခဲ့ပြီး တရားခံအား စခန်းမှူးဦးစီး ပူးပေါင်းအဖွဲ့များဖြင့် ည(၈)နာရီ၊(၃၀)မိနစ်အချိန်ဖမ်းဆီး ရမိခဲ့ကြောင်း ကရင်ပြည်နယ်ရဲတပ်ဖွဲ့၏ သတင်းထုတ်ပြန်ချက်အရ သိရသည်။

သစ်ထူးလွင်

ရှမ်းပြည်နယ် ပဋိပက္ခအတွင်း အရပ်သား ၅ ဦး သေဆုံး

စစ်ပွဲတွေရပ်ရေး ငြိမ်းချမ်းစွာဆန္ဒပြကြစဉ်။
ရှမ်းပြည်နယ်မြောက်ပိုင်း လားရှိုးမြို့နယ်အတွင်းမှာ မိုင်းယော်ကျေးရွာ အနီးက ပြောင်းခင်းမှာ မြှုပ်နှံထားတဲ့ အလောင်းတွေ ကို တွေ့ရှိကြောင်း ဒေသခံတွေ က ပြောပါတယ်။ သေဆုံးသူတွေဟာ မိုင်းယော်ရွာက ပြောင်းခင်း လုပ်သားတွေဖြစ်ပြီး ပစ်ခတ် တိုက်ခိုက် သံတွေကြားရပြီးနောက် အိမ်ပြန်မလာဘဲ ရှိနေရာက ၄ရက်အကြာ သွားရောက် ရှာဖွေရာမှာ တွေ့ရှိခဲ့တာဖြစ်ပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

မိုးယော်ကျေးရွာဟာ လားရှိုးမြို့အရှေ့ဘက်က မိုင်၃၀လောက်အကွာမှာတည်ရှိပြီး လူ၅ယောက် ရဲ့ အလောင်းတွေကိုတော့ ဗုဒ္ဓဟူးနေ့ နေ့ခင်းပိုင်းက တွေ့ရှိခဲ့ တာဖြစ်ပါတယ်။ ဒီလိုတွေ့ရှိတဲ့အကြောင်းကို မိုင်းယော်ရွာသားတဦးက အခုလို ပြောပါတယ်။

" မိုင်းယော်၊ မိုင်းယော်၊ ရွာအဝင် ပြောင်းခြံနားမှာ တွေ့တာ။ တောင်ပေါ်မှာ။ မနေ့က နှစ်နာရီခွဲ၊ သုံးနာရီလောက်မှာ။ မြေကြီးထဲမှာ မြှုပ်ထားတာ။ သိပ်ပြီးတော့ မနက်တော့ ယင်ကောင်တွေ တလောင်းလောင်းနဲ့ အပုတ်နံ့ပါ ရတယ်လေ။ အဲ့ဒီ့မိုင်းယော် ရွာထဲကပဲဗျ။ ရပ်ကွက်ထဲက ကလေးတွေ ရှမ်းနှစ်ယောက်၊ ပလောင်ဝ်သုံးယောက်ဗျ။ "

ရွာသား၅ယောက် ပျောက်ဆုံးတဲ့ဖြစ်စဉ်ကိုတော့ မိုင်းယော်ရွာခံက အခုလို ဆက်ပြောပါတယ်။

" ၂၅ရက်နေ့က အဲ့တာ ပစ်တာခတ်တာ တချက်ဖြစ်သေးတယ်။ ပြောင်းခြံ နားမှာပေါ့။ အဲ့မှာ သူတို့ငါးယောက်ကို ဖမ်းသွားတာ။ အဲ့ကတည်းက သတင်းမကြားတော့ ၂၉ရက်နေ့ စစ်ကြောင်းတွေ အကုန်လုံး ထွက်သွားတော့မှ သူ့မိဘတွေ၊ ရွာသားတွေ လိုက်ရှာတာပေါ့ဗျာ။ အဲ့ဒီ့ပြောင်းခြံအပေါ်မှာ အပုတ်နံ့ရတော့ အဲ့မှာ သွားဖော်ကြည့်တော့မှ ငါးယောက်စလုံး သေသွားမှန်း သိတယ်။"

ပြောင်းခြံ အနီးအနားမှာလည်း သေနတ်ကျည်ဆံခွံ အတော်များများ ကို တွေ့ရှိရကြောင်း ပြောပါတယ်။

သေဆုံးသူတွေရဲ့ ဈာပနကို မိုင်းယော်ရွာမှာ ဒီကနေ့ပြုလုပ်ပြီး ဒီဈာပနကို တက်ရောက်ခဲ့တဲ့ အမျိုးသားလွှတ်တော်ကိုယ်စားလှယ် ဦးစိုင်းဝမ်းလှိုင်ခမ်း က ဖြစ်ပျက်တဲ့ အခြေအနေကို အခုလို ပြောပါတယ်။

"ဒေသခံတွေ ပြောပြချက်ပေါ့လေ မျက်မြင်ကိုယ်တွေ့ အဲ့ဒီ့ ထိတွေ့မှုတွေဖြစ်တယ်ဆိုတဲ့ ၂၅ရက် မိုင်းယော်၊ လားရှိုးလမ်းမကြီးပေါ်မှာ ကားတွေရပ်ထားတယ်။ ဆိုင်ကယ်တွေရပ်ထားတယ်။ အဲ့ဒီ့ရွာသားငါးဦးကို ပြောင်းခြံထဲကနေ ဖမ်းသွားတာလို့ပြောပါတယ်ခင်ဗျ။ ဖမ်းသွားတာကတော့ တပ်မတော်စစ်ကြောင်းပေါ့လေ။ ဖမ်းသွားပါတယ်။ ဒါပေမဲ့ သတ်တာဖြတ်တာတော့ ကျနော်တို့ အတိအကျတော့ မသိရဘူးပေါ့လေ။ ဖမ်းသွားပြီးနောက်ပိုင်း ပြီးခဲ့တဲ့ မနေ့ကပေါ့လေ ၂၉ရက်နေ့က အလောင်းတွေ မြှုပ်ထားတာ တွေ့ရတာပေါ့လေ။ "

ဒီသေဆုံးမှုတဲ့ပတ်သက်ပြီး သေဆုံးသူတွေရဲ့ မိဘဆွေမျိုးသားချင်းတွေက ရဲတပ်ဖွဲ့နဲ့ တခြားသက်ဆိုင်ရာအာဏာပိုင်တွေကို အကြောင်းကြားတိုင်ကြားတာမရှိကြောင်းနဲ့ ဦးစိုင်းဝမ်းလှိုင်ခမ်း အနေနဲ့လည်း ဒီလိုအဖြစ်မျိုးတွေ ထပ်မံမဖြစ်ပွားအောင် မိခင်ပါတီနဲ့ ညှိနှိုင်းဆောင်ရွက်ဖို့ ပြင်ဆင်နေကြောင်း ဆက်ပြောပါတယ်။

ဒီအခင်းဖြစ်ပွားတာနဲ့ပတ်သက်ပြီး လားရှိုးမြို့ ပြည်နယ်ရဲတပ်ဖွဲ့ကို ဆက်သွယ်မေးမြန်းရာမှာတော့ ပြည်နယ်ရဲမှူးကြီး အောင်မြတ်မိုးက အခုလို ပြောပါတယ်။

" အတည်ပြုလို့တော့ မရသေးဘူးပေါ့နော်။ အဲ့ဒီ့နေရာက သောင်းကျန်းသူ ဧရိယာဖြစ်တော့ သွားဖို့ခက်တယ်။ အဲ့တာကို တရားဝင် တိုင်ချက်လာဖွင့်မလားလို့ ကျနော်တို့ကလည်း စောင့်နေတယ်။ အခုအချိန်အထိကတော့ တရားဝင် ဒီဖြစ်ရပ်နဲ့ပတ်သက်ပြီးတော့ သတင်းလာပေးတာတို့ တိုင်ကြားတာတို့ မရှိသေးဘူးခင်ဗျ။ hear say တွေပဲ ကြားနေရတယ်။"

အခင်းဖြစ်ပွားတဲ့ မိုင်းယော်ရွာတိုက်နယ်အတွင်းမှာ မန်ပန်ပြည်သူ့စစ်တပ်ဖွဲ့တွေနဲ့ အစိုးရတပ်မတော်စစ်ကြောင်းတွေသွားလာလှုပ်ရှားနေပြီး ပလောင်၊ ရှမ်းနဲ့ ကချင်စတဲ့ လက်နက်ကိုင်တပ်ဖွဲ့တွေကတော့ မိုင်းယော်ရွာနဲ့ မိုင်၃၀အကွာ တောင်ပေါ်ဒေသတွေမှာ လှုပ်ရှားတာတွေရှိကြောင်း ရှမ်းသံတော်ဆင့်သတင်းဌာနက ဖော်ပြထားပါတယ်။

 မိုးဇော် / ဗွီအိုအေ (မြန်မာပိုင်း)
http://burmese.voanews.com

တရုတ်ရဲ့  စည်းရုံးရေး လှုပ်ရှားမှု

ဂျွန်လ ၄ရက်နေ့က ကချင်ပြည်နယ်သို့ လာရောက်သော တရုတ် သံအမတ်ကို မြစ်ဆုံဆည်တည်ဆောက်ရန် ကြိုးပမ်းမှုများ ရပ်ဆိုင်းရန် တောင်းဆိုဆန္ဒပြနေသော မြစ်ကြီးနား ဒေသခံများ။ ဓါတ်ပုံ (EPA/MYITKYINA NEWS JOURNAL)
ဇွန်လဆန်းပိုင်းက တရုတ်သံအမတ် ဟုန်လျန်နဲ့အဖွဲ့ ကချင်ပြည်နယ်ကို ချစ်ကြည်ရေးခရီးထွက်ကြပြီး မြစ်ဆုံဆည် စီမံကိန်းပြန်စနိုင်ရေးအတွက် စည်းရုံးရေး ဆင်းကြပါတယ်။ မြစ်ဆုံစီမံကိန်းကို ကချင်ပြည်နယ်အစိုးရက ရပ်ဆိုင်းတာမဟုတ်ဘဲ ပြည်သူ့ဆန္ဒအရ ပြည်ထောင်စုအစိုးရက ရပ်ဆိုင်းတာဖြစ်ကြောင်း ကချင်ပြည်နယ် ဝန်ကြီးချုပ်က ရှင်းပြပါတယ်။ တရုတ်ကုမ္ပဏီ လာဘ်ထိုးကောင်းမှုကြောင့် ဗိုလ်သန်းရွှေအစိုးရက ခွင့်ပြုခဲ့တဲ့ စီမံကိန်းကို ပြည်သူ့ဆန္ဒအရ ဦးသိန်းစိန်အစိုးရက ရပ်ဆိုင်းတာဖြစ်တဲ့အတွက် ပြည်သူက သဘောတူရင် ပြန်စနိုင်မယ့် သဘောရှိတယ်လို့ တရုတ်ဘက်က ယူဆပုံရပါတယ်။

ဇွန်လ (၈) ရက်နေ့ရောက်တော့ တရုတ်-မြန်မာ ဆွေမျိုးပေါက်ဖော် ချစ်ကြည်ရေး ဖောင်ဒေးရှင်းကို တည်ထောင်ပါတယ်။ တရုတ်-မြန်မာ ပူးပေါင်းဆောင်ရွက်ရေးကို မြှင့်တင်ဖို့ အဓိက ရည်ရွယ်ပါတယ်။ မြန်မာ့အသက်မွေးဝမ်းကျောင်း ပညာကို ကူညီရေး၊ တရုတ်-မြန်မာ ပညာသင်ကျောင်း ကွန်ရက်ဖွဲ့စည်းရေး (၂) နိုင်ငံ လူငယ်များ နားလည်မှု ရရှိရေး၊ အခမဲ့မျက်စိ ကုသပေးရေး၊ ဆေးရုံနှစ်ရုံ တည်ဆောက်ရေး စတာတွေဟာ ဆွေမျိုးပေါက်ဖော်အဖွဲ့ရဲ့  လတ်တလော ဦးတည်ချက်တွေ ဖြစ်ပါတယ်။ ဇွန်လ (၁၁) ရက်နေ့ရောက်တော့ တရုတ်-မြန်မာ မော်တော်ယာဉ်တန်းရဲ့  ခရီးစဉ်ကို တရုတ်သံရုံးက ကြေညာပါတယ်။

လာမယ့် အောက်တိုဘာလမှာ မြန်မာပြည်ထဲ စတင်ဝင်ရောက်မယ့် ဆွေမျိုးပေါက်ဖော် ချစ်ကြည်ရေး မော်တော်ယာဉ်တန်း ခရီးစဉ်အတွင်းမှာ အခမဲ့ဆေးကုသမှု၊ ဆင်းရဲနွမ်းပါးတဲ့ ဒေသကို လှုဒါန်းမှု၊ စာသင်ကျောင်း ဆောက်လုပ်ပေးမှု၊ ဘုန်းကြီးသင် ပရဟိတ မိဘမဲ့ကျောင်းနဲ့ ဆင်းရဲနွမ်းပါးတဲ့ကျောင်းတွေကို ကူညီထောက်ပံ့မှု စတာတွေ ဆောင်ရွက်မယ်လို့ ဆိုပါတယ်။ အားကစားပြိုင်ပွဲတွေဖြစ်တဲ့ လက်ဝှေ့ပွဲ၊ ဘောလုံးပွဲ၊ ဘောလီဘောပွဲတွေအပြင် ချစ်ကြည်ရေးပဒေသာကပွဲ နဲ့ ပန်းချီပွဲတွေကို ကျင်းပဖို့လည်း စီစဉ်ထားကြောင်း သိရှိရပါတယ်။ အနှစ် (၂၀) ကျော် စစ်အစိုးရကို အကြိုက်ပေးပြီး သယံဇာတ ထုတ်ယူဖို့သာ အာရုံစိုက်ခဲ့တဲ့ တရုတ်ဟာ NLD အစိုးရလက်ထက်မှာ ပြည်သူလူထုကို စည်းရုံးသိမ်းသွင်းဖို့ ကြိုးစားလာပါတယ်။ ပြည်သူ့အကျိုး သယ်ပိုးတဲ့ ဆွေမျိုးပေါက်ဖော်အဖြစ် မြင်လာအောင် ကြိုးစားနေပုံရပါတယ်။

ဇွန်လ (၁၈) ရက်နေ့မှာ စွမ်းအင်ဆိုင်ရာ အလုပ်ရုံဆွေးနွေးပွဲတက်ဖို့ တရုတ်ပြည်သွားမယ့် ပြည်ထောင်စုဝန်ကြီး ဦးအုန်းဝင်းကို လေဆိပ်လိုက်ပို့ရင်း လူသားအရင်းအမြစ် ဖွံ့ဖြိုးတိုးတက်ဖို့ ကူညီမယ့် အစီအစဉ်တွေကို တရုတ်သံမှူး မစ္စတာရှဲ့ ကောရှန်း က ရှင်းပြကြောင်း (၂၅) ရက်နေ့ထုတ် ရှင်ဟွာသတင်းမှာ ဖော်ပြပါတယ်။ မြန်မာပြည်ဟာ အရေးပါတဲ့ အိမ်နီးချင်းနိုင်ငံ ဖြစ်တာမို့ လူ့စွမ်းအားအရင်းအမြစ် မြှင့်တင်ဖို့အတွက် တရုတ်က ကူညီပံ့ပိုးမယ်လို့ ဆိုပါတယ်။ လက်ရှိ လိုအပ်ချက်ကို ဖြည့်ဆည်းပေးနိုင်မယ့် လူစွမ်းအားမြှင့်တင်ရေး မွမ်းမံသင်တန်းတွေ ပေးသွားမှာ ဖြစ်ပါတယ်။ သင်တန်းသားဦးရေမှာ မြန်မာ့အတွက် အထူးဦးစားပေးမယ်လို့ ဆိုပါတယ်။ (၂၀၁၅) မှာ မြန်မာအစိုးရဝန်ထမ်း (၇၀၆) ဦး တရုတ်ပြည်မှာ မွမ်းမံသင်တန်းတက်ခဲ့ပြီး ဒီနှစ် ဧပြီက ဇွန်လအထိ (၂၄၆) ဦး သင်တန်းတက်ကြောင်း သိရပါတယ်။

တချိန်တည်းမှာပဲ ယူနန်-မြန်မာနယ်ဒေသ စီးပွားရေးပူးပေါင်းဆောင်ရွက်မှု အရှိန်အဟုန် ပြင်းထန်လာဖို့လည်း ကြိုးစားနေတာတွေ့ရပါတယ်။ အာဆီယံ နဲ့ အိန္ဒိယ သမုဒ္ဒရာနိုင်ငံတွေနဲ့ ကုန်သည်ဖို့အတွက် ယူနန်နယ်စပ်မှာ စီးပွားရေး ပူးပေါင်းဆောင်ရွက်ရေးဇုန်တွေ တည်ဆောက်ပုံကို ဟောင်ကောင် ကုန်သွယ်ရေး နဲ့ ဖွံ့ဖြိုးရေးကောင်စီ စီးပွားရေးပညာရှင် Billy Wong က လွန်ခဲ့တဲ့လက စာတမ်းထုတ်ထားပါတယ်။ ယူနန်-မြန်မာ နယ်စပ်ကုန်သွယ်ရေးနဲ့ ပူးပေါင်းဆောင်ရွက်ရေး မဟာစီမံကိန်း ဖြစ်ပါတယ်။ တရုတ်ပြည် ကမ်းရိုးတန်းဒေသထုတ် အထည်အလိပ်နဲ့ အိမ်သုံးပစ္စည်းကို ယူနန်ကနေ အာဆီယံနိုင်ငံတွေကို တင်ပို့နေတာ ဖြစ်ပါတယ်။ ၂၀၁၄ စာရင်းအရ ယူနန်ရဲ့  နိုင်ငံခြားကုန်သွယ်ရေးမှာ အာဆီယံနိုင်ငံတွေနဲ့ ကုန်သွယ်တဲ့ ပမာဏ က (၅၀) ရာခိုင်နှုန်းရှိပြီး မြန်မာနဲ့ ကုန်သွယ်တာဟာ အများဆုံး ဖြစ်ပါတယ်။

ယူနန်-မြန်မာ ကုန်သွယ်ရေးမှာ ရွှေလီ-မူဆယ်လမ်းက (၆၀) ရာခိုင်နှုန်း ယူထားပါတယ်။ ထူခြားမှုကတော့ တရုတ်ကမ်းရိုးတန်းဒေသက ကုမ္ပဏီတွေ ရွှေလီမှာ ကုန်ထုတ်လုပ်ငန်း တည်ထောင်လာတာ ဖြစ်ပါတယ်။ ရွှေလီမှာ မြန်မာအလုပ်သမားတဦးဟာ ယွမ် (၁) ထောင် (ဒေါ်လာ ၁၅၀) လောက် လခ ရတာမို့ မြန်မာ (၅) သောင်းကျော် အလုပ်လုပ်နေကြောင်း သိရပါတယ်။ ကျောက်မျက် ကျောက်စိမ်း၊ သစ်၊ ရာဘာ နဲ့ ပတ်သက်တဲ့ ကုန်ထုတ်လုပ်ငန်းတွေ ရွှေလီမှာ တိုးပွားနေပါတယ်။ ဘေဂျင်း မော်တော်ကားလုပ်ငန်းဟာ တရုတ်ပြည် အနယ်နယ်အရပ်ရပ်က ပေးပို့တဲ့ ကားပစ္စည်း အစိတ်အပိုင်းတွေကို ရွှေလီစက်ရုံမှာ တတ်ဆင်ပြီး မော်တော်ကား ထုတ်လုပ်နေပါတယ်။

ရွှေလီ၊ ဂျယ်ဂေါင်၊ မူဆယ် နယ်စပ် စီးပွားရေးဇုန်ဟာ တရုတ်-မြန်မာ စီးပွားရေး ပူးပေါင်းဆောင်ရွက်မှု အခြေခံနယ်မြေဖြစ်ဖို့ တရုတ်က လိုလားပါတယ်။ မြန်မာရဲ့  (၂၀၁၄) ပြည်တွင်း အသားတင် ထုတ်လုပ်မှုဟာ ဒေါ်လာသန်း (၆၆၀၀၀) ဖြစ်ပြီး၊ ယူနန်ရဲ့  ထုတ်လုပ်မှုဟာ ဒေါ်လာသန်းပေါင်း (၁) သန်း (၃) သိန်း ဖြစ်တဲ့အတွက် မြန်မာထုတ်လုပ်မှုထက် အဆပေါင်း (၂၀) လောက် ပိုများနေပါတယ်။ တရုတ်အစိုးရရဲ့  ပိုးလမ်းမ စီးပွားရေးလမ်းကြောင်းမှာ ယူနန်ဟာ အချက်အချာ ကူရုံတင်မကဘဲ မြန်မာ့ကုန်ကြမ်းကို ကုန်ချောဖြစ်အောင် လုပ်တဲ့နေရာလည်း ဖြစ်နေပါတယ်။

 ဦးအောင်ခင် /  ကျော်ကျော်သိန်း / ဗွီအိုအေ (မြန်မာပိုင်း)
http://burmese.voanews.com

ဦးခေါင်းမှာ ပေါက်တူးနဲ့ ထုတဲ့ ဒါဏ်ရာအပြင် ဓားဒါဏ်ရာများ ပါတွေ့ရှိရတဲ့ လူသတ်မှု


ပဲခူးတိုင်းဒေသကြီး ရေတာရှည် မြို့နယ် မြို့လှမြို့ အရှေ့တောင် ဘက် ၃ မိုင်ခန့် အကွာ ဆည် မြောင်းဘောင်အနီးမှာ တစ်ရပ် တည်းသားချင်း ဝိုင်းဖွဲ့ အရက် သောက်စားကြရာက စကားများ ရန်ဖြစ်ကာ လူသတ်မှုတစ်ခု ဇွန်လ ၂၉ ရက်နေ့ ဖြစ်ပွားခဲ့ပါ တယ်။


သေသူက ကျွန်းပင်စု ရွာနေ ဦးထွန်းလှ ၆၈ နှစ်ဖြစ်ပြီး ဦးခေါင်းမှာ ပေါက်တူးနဲ့ ထုတဲ့ ဒါဏ်ရာအပြင် ဒါးဒါဏ်ရာများ ပါတွေ့ရှိရတဲ့အတွက် နယ်ထိန်း ခေါင်းဆောင် ရဲအုပ် သန့်ဇော် ဟိန်း နှင့်အဖွဲ့က ပြစ်မှုကျူးလွန် သူကိုစုံစမ်းခဲ့ပြီး ဒီကနေ့ မနက် ပိုင်း ၁၀ နာရီခွဲ အချိန်က စစ် တောင်းမြစ်အရှေ့ဘက်ကမ်း ဘူးအိုင်ရွာ နဲ့ သဲကောကျေးရွာ ကြားမှာ ဖမ်းမိပါတယ်။

ပြစ်မှုကျူး လွန်သူသူနှစ် ယောက်ဟာ ဒေါင်းနန်းကျ ကျေးရွာ နေသူများဖြစ်ပြီး မြို့လှနယ်မြေ ရဲစခန်းအပိုင်မှာ တစ်လအတွင်း ဒုတိယမြောက် လူသတ်မှုဖြစ် ပါတယ်။

Ko Lwin

ဆိုင်ကယ်အရှိန်မထိမ်းနိုင်ဘဲ လမ်းဘေးတွင် ရပ်ထားသော လိုက်ထရပ်ကုန်တင်ယာဉ်ငယ်ကို တိုက်မိရာ ဆိုင်ကယ်မောင်းနှင်သူသေဆုံးခဲ့


ဇွန်လ ၃၀ ရက် ၂၀၁၆

စစ်ကိုင်းတိုင်းဒေသကြီး အင်းတော်မြို့နယ် မံဟဲကျေးရွာအုပ်စု ပေကုန်းကျေးရွာ ရွှေဘို-မြစ်ကြီးနားကားလမ်းမပေါ် နန့်စီးအောင်သစ်ထုတ်လုပ်ရေးဝင်းအရှေ့ တွင် အရှိန်ပြင်းစွာမောင်းနှင်လာသော ဆိုင်ကယ်တစ်စီးက လမ်းဘေးတွင် ရပ်ထားသော လိုက်ထရပ်ကုန်တင် ယာဉ်ငယ်တစ်စီးကို တိုက်မိရာ ဆိုင်ကယ်မောင်းနှင်သူမှာ ပြင်းထန်ဒဏ်ရာဖြင့် မိုးညှင်းဆေးရုံသို့ အရေးပေါ်ပို့ဆောင် ကုသခဲ့ရကြောင်း သိရသည်။


ဖြစ်စဉ်မှာဇွန် ၃၀ ရက်နံနက် ၁၀ နာရီ ၅၅ မိနစ်အချိန်က အင်းတော်မြို့နယ် ပေကုန်းရဲကင်း စခန်းပိုင်နယ်မြေတွင် ရဲအုပ်မင်းဇော်ဦးစခန်းမှူး တာဝန်ထမ်းဆောင်နေစဉ် အင်းတော်မြို့နယ် မံဟဲကျေးရွာအုပ်စု ပေကုန်းကျေးရွာနန့်စီးအောင် သစ်ထုတ်လုပ်ရေးဝင်းအရှေ့ ရွှေဘို-မြစ်ကြီးနား ကားလမ်းမကြီးနဘေး ဈေးဆိုင်အနီးတွင်ရပ်ထားသော လိုက်ထရပ်ကုန်တင် ယာဉ်ငယ်တစ်စီး (ယာဉ်မောင်းဦးကျော်ဦး ၄၈နှစ် တန့်ဆည်မြို့ စစ်ကိုင်းတိုင်းဒေသကြီး)ကို မော်လူးကျေးရွာဘက်မှ အရှိန်ပြင်းစွာမောင်းနှင် လာသော Kenbo125နက်ပြာရောင်ဆိုင်ကယ်မောင်းနှင်သူ ကျော်ထက်ဇော်၂၀နှစ်ခန့်နှင့်အနောက်မှ စီးနင်လိုက်ပါလာသူ ဒေါ်ရွယ်၄၆နှစ်(ဘ) ဦးဂျာခွန်တူး မြို့မ(၂)ရပ်ကွက် ကားမိုင်းမြို့ တို့နှစ်ဦး ဝင်တိုက်မိရာ၊


 ဆိုင်ကယ်မောင်းနှင် သူ ကျော်ထက်ဇော်မှာ ယာဘက်ဒူးဆစ်အထက်ပေါက်ပြဲသော ပြင်းထန်ဒါဏ်ရာ(စိုးရိမ်သတိမေ့)ဖြင့် ၄င်းနောက်လိုက်ဒေါ်ရွယ်မှာ ယာဒူးပွန်းပဲ့ဒဏ်ရာ ယာလက်မောင်းအဆစ်လွဲဒဏ်ရာနဖူးထိပ် ဖူးရောင်ဒါဏ်ရာတို့ဖြင့်၊


 မြိုင်သာယာရွာဖြူစင်မေတ္တာလူမှု့ ကူညီရေးကားဖြင့် မိုးညှင်းဆေးရုံသို့ အရေးပေါ်ပို့ဆောင်ခဲ့ရကြောင်း အခင်းဖြစ်ပွားရာသို့ ပေကုန်းရဲကင်းစခန်းမှူး ရဲအုပ်မင်းဇော်ဦးနှင့် ရဲတပ်ဖွဲ့ဝင်များ လူမှူကူညီရေးအသင်းအဖွဲ့  များနှင့်မြိုင်သာယာရွာဖြူစင်မေတ္တာလူမှုကူညီရေးကားဖြင့် မိုးညှင်းပြည်သူ့ဆေးရုံသို့ပို့ ဆောင်ခဲ့ရကြောင်း။


အဆိုပါဆိုင်ကယ်မဆင်မချင်မောင်းနှင်သူကို ပေကုန်းရဲကင်းရဲစခန်းက ထိရောက်စွာ အရေးယူရန်ဆောင် ရွက်လျက်ရှိကြောင်းသိရသည်။ (ဆက်လက်စုံစမ်းသိရှိရသည်မှာ အဆိုပါနေ့ နေ့လည်၃နာရီ၂၀မိနစ်တွင်
ပြင်းထန်ဒဏ်ရာဖြင့် မိုးညှင်းပြည်သူ့ဆေးရုံတွင် ကွယ်လွန်သွားခဲ့သည်။

ရတနာပုံ သတင်းစာ
https://www.facebook.com/yadanabonnewspaper/

Istanbul အသေခံဗုံးခွဲမှုမျိုး အမေရိကန်မှာလည်း ဖြစ်နိုင် CIA သတိပေး


တူရကီနိုင်ငံ Istanbul မြို့ လေဆိပ်မှာ လူ ၃ ဦးက အသေခံဗုံးခွဲ တိုက်ခိုက်ခဲ့တဲ့ ဖြစ်ရပ်ဟာ IS အစ္စလာမ်မစ် စစ်သွေးကြွတွေရဲ့ ရက်စက် ကြမ်းကြုတ်တဲ့ လုပ်နည်း လုပ်ဟန်နဲ့ တူနေကြောင်းနဲ့ အလားတူ တိုက်ခိုက်မှုမျိုး အမေရိကန်ပြည်ထောင်စု အတွင်းမှာလည်း ပြုလုပ်နိုင်ကြောင်း CIA ဗဟိုထောက်လှမ်းရေးအေဂျင်စီ အကြီးအကဲ John Brennan က သတိပေးလိုက်ပါတယ်။

တူရကီလေဆိပ်က ပေါက်ကွဲမှုတွေကို ကြည့်ရင် သူတို့ဟာ ဖောက်ခွဲရေးပစ္စည်းတွေ တပ်ဆင်ထားတဲ့ အင်္ကျီတွေကို အသုံးပြုခဲ့တယ်ဆိုတာ တွေ့ရှိရမှာဖြစ်ပြီး အဲဒီအင်္ကျီတွေကို ပြုလုပ်ဖို့ သိပ်မခက်ခဲဘူးလို့ Brennan က Yahoo သတင်းဌာနကို ဗုဒ္ဓဟူးနေ့မှာ ပြောပါတယ်။

IS အဖွဲ့ရဲ့ လုပ်နိုင်စွမ်းနဲ့ လူတွေ အတတ်နိုင်ဆုံး အများဆုံး သေကြေအောင် ပြည်ပနိုင်ငံတွေမှာ သူတို့ရဲ့ လုပ်ဆောင်နိုင်စွမ်းကို ထောက်လှမ်းရေးလုပ်ငန်း လုပ်ဆောင်နေသူတဦးရဲ့ ရှုဒေါင့်ကကြည့်ပြီး စိုးရိမ်ပူပန်နေခြင်းဖြစ်ကြောင်း Brennan က ပြောပါတယ်။

Istanbul မြို့က Ataturk လေဆိပ်မှာ အင်္ဂါနေ့နှောင်းပိုင်းက ဖြစ်သွားခဲ့တဲ့ တိုက်ခိုက်မှုနဲ့ ပတ်သက်လို့ ဘယ်သူက တာဝန်ယူ လုပ်ဆောင်ခဲ့တယ်ဆိုတာကို ကြေညာခြင်း မရှိသေးပေမဲ့ တူရကီအစိုးရကတော့ ဒါဟာ IS အဖွဲ့ရဲ့ လက်ချက်လို့ အပြစ်တင်လိုက်ပါတယ်။

တိုက်ခိုက်မှုကြောင့် အနည်းဆုံး လူ ၄၁ ဦး သေဆုံးပြီး ၂၃၉ ဦး ထိခိုက် ဒဏ်ရာရသွားခဲ့တာပါ။

 ဗွီအိုအေ (မြန်မာပိုင်း)
http://burmese.voanews.com

အီးယူကနေ ခွဲထွက်ဖို့ဆုံးဖြတ်ခဲ့ပြီး ပြည်တွင်းပြဿနာ ဗြိတိန်ရင်ဆိုင်


ဗြိတိန်နိုင်ငံအနေနဲ့ ဥရောပသမဂ္ဂကနေ ခွဲထွက်ဖို့ ပြီးခဲ့တဲ့သီတင်းပတ်အတွင်း ဆုံးဖြတ်ခဲ့ပြီးတဲ့နောက် ပြည်တွင်းမှာ စီးပွားရေးထိခိုက်နေတဲ့အပြင် အဓိက နိုင်ငံရေးပါတီကြီး နှစ်ရပ်ကြားမှာလည်း ထိပ်တိုက်ရင်ဆိုင်မှုတွေ ကြုံတွေ့နေရပါတယ်။ အာဏာရ ကွန်ဆာဗေးတစ်ပါတီအတွင်းမှာရော၊ အတိုက်အခံ လေဘာပါတီအတွင်းမှာပါ ပြဿနာတွေ တက်နေကြပါတယ်။ အကြောင်းစုံကို ကိုရဲခေါင်က တင်ပြထားပါတယ်။

ဗြိတိန်နိုင်ငံဟာ ဥရောပသမဂ္ဂကနေ ခွဲထွက်ဖို့ ပြီးခဲ့တဲ့အပတ်က ဆုံးဖြတ်ခဲ့ပြီးနောက်ပိုင်း စီးပွားရေးအရ အခက်အခဲတွေ ကြုံနေရတယ်လို့ ဗြိတိန်ဝန်ကြီးချုပ် David Cameron က ဗုဒ္ဒဟူးနေ့က ပြောလိုက်ပါတယ်။

"လက်ရှိ အခြေအနေမှာ စီးပွားရေးအခက်အခဲတွေနဲ့ ကြုံတွေ့ရမယ်ဆိုတာ ကျနော့်စိတ်ထဲမှာ သံသယ မရှိပါဘူး။”

ဒါကတော့ David Cameron ဗြိတိလျှ ပါလီမန်မှာ ပြောသွားတာပါ။

David Cameron က အစိုးရအနေနဲ့ အများပြည်သူ အသုံးစရိတ်တွေအတွက် ဘဏ္ဍာငွေ သုံးစွဲမှုကို ကန့်သတ်တဲ့ စည်းမျဉ်းတွေ ချမှတ်ထားတာကို ပြောင်းလဲဖို့ မရှိတဲ့အကြောင်းပြောပြီး အတိုက်အခံ လေဘာပါတီ ခေါင်းဆောင် Jeremy Corbyn ရဲ့ ရင်းနှီးမြှုပ်နှံမှုတွေ ပိုလုပ်ဖို့ တောင်းဆိုမှုတွေကို ငြင်းဆို လိုက်ပါတယ်။

Corbyn က လူကြိုက်နည်းတဲ့ ကွန်ဆာဗေးတစ်ပါတီရဲ့ စီးပွားရေးမူဝါဒတွေကို ပြန်လည် ပြင်ဆင်ဖို့ David Cameron ကို တောင်းဆိုလိုက်တာပါ။ အဲဒီကိစ္စကြောင့်ပဲ ဗြိတိန်ပြည်သူတွေဟာ အစိုးရရဲ့ သဘောထားကို ဆန့်ကျင်ပြီး အီးယူကနေ ထွက်ခွာဖို့ ရွေးချယ်ခဲ့ကြတာ ဖြစ်တယ်လို့ Corbyn က ပြောပါတယ်။ အာဏာရ ကွန်ဆာဗေးတစ် ပါတီဝင်တွေဟာ ၀န်ကြီးချုပ် David Cameron ရဲ့ နေရာမှာ အစားထိုးနိုင်ဖို့ ပါတီခေါင်းဆောင်သစ်ကို ရွေးချယ်ဖို့ နာမည်စာရင်း တင်သွင်းတာတွေကို မနေ့က စတင်လိုက်ပါတယ်။ ဒီနေ့ ကြာသာပတေးနေ့ နေ့လည်အချိန်မှာ အမည်စာရင်း တင်သွင်းတာတွေ အဆုံးသတ်မှာ ဖြစ်ပါတယ်။

David Cameron နေရာကို အစားဝင်ဖို့ နာမည်စာရင်းတင်သွင်းခံရမယ့် သူတွေထဲမှာ အီးယူကနေ ခွဲထွက်ရေး လှုပ်ရှားမှုတွေရဲ့ ခေါင်းဆောင် လန်ဒန်မြို့တော်ဝန်ဟောင်း Boris Johnson က ရှေ့ဆုံးက ပြေးနေပါတယ်။ အလားတူ ပါဝင်လာနိုင်သူတွေကတော့ ပြည်ထဲရေးဝန်ကြီး Theresa May နဲ့ ကျန်းမာရေးဝန်ကြီး Jeremy Hunt တို့ ဖြစ်ပါတယ်။ အင်္ဂါနေ့ကတော့ အတိုက်အခံ လေဘာပါတီက အမတ်တွေက အတိုက်အခံပါတီ ခေါင်းဆောင် Corbyn ကို အယုံအကြည် မရှိတဲ့ အကြောင်း အဆိုတခု တင်သွင်းခဲ့ပါတယ်။ Corbyn ဟာ ဗြိတိန်နိုင်ငံ အီးယူထဲကနေ မခွဲထွက်ဖြစ်အောင် လုံလောက်တဲ့ မဲဆွယ်စည်းရုံးမှုတွေ မလုပ်ခဲ့ဘူးလို့ သူတို့က စွပ်စွဲခဲ့ကြတာပါ။

ဒါပေမဲ့ Corbyn ကတော့ ရာထူးကနေ ဆင်းပေးဖို့ ငြင်းဆိုထားခဲ့ပါတယ်။ ခုလို လေဘာပါတီ ရဲ့ ခေါင်းဆောင် Corbyn ကို ရာထူးကနေ နှုတ်ထွက်ပေးဖို့ တောင်းဆိုမှုတွေမှုတွေနဲ့ ပက်သက်လို့ David Cameron က ခုလို ပြောပါတယ်။

“သူ လွှတ်တော်ထဲမှာ ၀င်ထိုင်နေတာဟာ ကျနော်တို့ ပါတီအတွက် အကျိုးရှိကောင်း ရှိနိုင်ပေမဲ့ နိုင်ငံအတွက် အကျိုးမရှိပါဘူး။ ကျနော်ကတော့ သူ့ကို “သွားပေတော့” လို့ပဲ ပြောချင်ပါတယ်”

ဒါကတော့ မနေ့က David Cameron က ဗြိတိသျှ အောက်လွှတ်တော်မှာ ပြောသွားတာ ဖြစ်ပါတယ်။

မျက်မှောက်ခေတ်မှာ ဗြိတိန်နိုင်ငံအနေနဲ့ အဆိုးရွားဆုံး နိုင်ငံရေး အကျပ်အတည်း ကြုံနေရချိန်မှာ အတိုက်အခံ လေဘာပါတီဝင်တွေက ကိုယ့်ခေါင်းဆောင်ကို ပြန်ဖြုတ်ချဖို့ ကြိုးစားနေကြတာ ဖြစ်ပါတယ်။ သူတို့ရဲ့ ကြိုးပမ်းအားထုတ်မှု အောင်မြင်မှု ရှိမရှိ ဆိုတာဟာ ဆန္ဒခံယူပွဲ နောက်ပိုင်း ဗြိတိန်နိုင်ငံနဲ့ အီးယူ ရဲ့ ဆက်ဆံရေးကို အဆုံးအဖြတ်ပေးမှာ ဖြစ်ပါတယ်။

 ရဲခေါင် / ဗွီအိုအေ (မြန်မာပိုင်း)
http://burmese.voanews.com

ကွန်ဆာဗေးတစ် ခေါင်းဆောင်နေရာ အကြိတ်အနယ်

တရားရေး ၀န်ကြီး မိုက်ကယ် ဂိုးဗ်
ဗြိတိန်က ကွန်ဆာဗေးတစ်ပါတီ ခေါင်းဆောင်နေရာ အတွက် လန်ဒန်မြို့တော်ဝန်ဟောင်း ဘောရစ်ဂျွန်ဆင် ၀င်ရောက်ယှဉ်ပြိုင်မှာ မဟုတ်တော့ပါဘူး။

သူဟာ တကယ်တော့ အီးယူကနေ ဗြိတိန် ခွဲထွက်ဖို့ မဲဆွယ် စည်းရုံးမှုတွေ ဦးဆောင်ခဲ့သူလည်း ဖြစ်ပါတယ်။

အဲဒီ မဲဆွယ်ပွဲတွေမှာ ပါဝင် လှုပ်ရှားခဲ့တဲ့ တရားရေး ၀န်ကြီး မိုက်ကယ် ဂိုးဗ်က သူ့နေရာမှာ ဝင်ပြိုင်သွားမှာ ဖြစ်ပါတယ်။

ပြည်ထဲရေး ၀န်ကြီး ထရီဆာ မေ လည်း ၀င်ရောက် ယှဉ်ပြိုင်မှာ ဖြစ်ပြီး ပါတီတွင်း ညီညွတ်မှု ရအောင် လုပ်ဆောင် သွားမယ်လို့ ဆိုပါတယ်။

အီးယူထဲက ဗြိတိန် ထွက်ခွာရေး ကိစ္စကို သွေဖီမှုတွေ လုပ်သွားမှာ မဟုတ်ဘူးလို့လည်း ပြောပါတယ်။

BBC Burmese
http://www.bbc.com/burmese

၁၈ နှစ်ကြာ အေးခဲထားသည့် သန္ဓေသား တရုတ်နိုင်ငံ အရှေ့ပိုင်း၌ အောင်မြင်စွာ မွေးဖွားနိုင်ခဲ့

၁၈ နှစ်ကြာ အေးခဲထားသည့် သန္ဓေသားမှ မွေးဖွားခဲ့သည့် ကလေးငယ်အား တွေ့ရစဉ် (ဓာတ်ပုံ- အင်တာနက်)
    ရှန်ဟိုင်း၊ ဇွန် ၃၀ ရက် (ဆင်ဟွာ)

    တရုတ်နိုင်ငံ  ရှန်ဟိုင်းမြို့ ဆေးရုံတွင် ၁၈ ကြာ အေးခဲထားသည့် သန္ဓေသား တစ်ခုမှ ကျန်းမာသည့် မိန်းကလေး တစ်ဦး မွေးခဲ့ကြောင်း ဇွန်လ ၂၉ ရက်က ကြေညာခဲ့သည်။

အသက် ၄၅ နှစ်အရွယ် အမျိုးသမီး တစ်ဦးက အဆိုပါ သန္ဓေသားကို ကိုယ်ဝန်ဆောင်ကာ အလေးချိန် ၃၃၀၀ ဂရမ်ရှိ သမီး မိန်းကလေးအား ကျန်းစုပြည်နယ်တွင် ဇွန်လ ၂၉ ရက်က မွေးဖွားခဲ့သည်။ ၂၀၁၅ ခုနှစ် နိုဝင်ဘာ လက ရှန်ဟိုင်းရှိ ဖူဒန် ဆေးတက္ကသိုလ် သားဖွား နှင့် မီးယပ်ဌာန၌ အဆိုပါ သန္ဓေသားအား ယင်း အမျိုးသမီး၏ သားအိမ်အတွင်းသို့  ထည့်သွင်းပေးခဲ့သည်။

ယင်း အမျိုးသမီးသည်သားဥပြွန် ပိတ်ဆို့မှုရောဂါ ခံစားပြီးနောက် ၁၉၉၈ ခုနှစ်တွင် ရှန်ဟိုင်းဆေးရုံ၌ ဖန်ပြွန် သန္ဓေနည်း (IVF) ဖြင့် ပဋိသန္ဓေရယူရန် ကြိုးစားခဲ့သည်။ ထိုသို့သောနည်းဖြင့် ကလေးရယူ သုံးကြိမ်ခန့် ကြိုး စားခဲ့ပြီး မအောင်မြင်ခဲ့ခြင်းကြောင့် နောက် တစ်ကြိမ် ကြိုးစားရန် အချိန် စောင့်ဆိုင်းနေခဲ့သည်။

၂၀၁၅ ခုနှစ် နှစ်ဦးပိုင်း၌ နောက်တစ်ကြိမ် ကလေးရယူရန် မျှော်လင့်ချက်ဖြင့် ယင်း အမျိုးသမီးသည် ဆေးရုံသို့ ပြန်ရောက်လာခဲ့သည်။ ဆရာဝန်များက ၎င်း၏ သားအိမ် ပိတ်ဆို့မှုနှင့် သားအိမ် အမြှေးပါး ပါးလွှာမှုအား ရှာဖွေ တွေ့ရှိခဲ့ပြီးနောက် ခွဲစိတ်ကုသပြီး ၎င်း၏ သားအိမ်အတွင်းသို့ သန္ဓေသား ထည့်သွင်းခဲ့သည်။

အေးခဲထားသည့် သန္ဓေသားများအား နိုက်ထရိုဂျင် အရည်များထဲတွင် အနုတ် ၁၉၆ ဒီဂရီ စင်တီဂရိတ်၌ သိမ်း ဆည်းထားရပြီး အေးခဲထားသည့် သန္ဓေသားများအား ငါးနှစ်အထိ သိမ်းဆည်းထားသင့်ကြောင်း ရှန်ဟိုင်း ကျန်း မာရေး ဋ္ဌာနထံမှ သိရသည်။

(Xinhua)
http://www.xinhuamyanmar.com

အာဖဂန်မြို့တော် တိုက်ခိုက်မှု ရဲတပ်ဖွဲ့ဝင် ၃၀ ခန့်သေဆုံး

အာဖဂန်မြို့တော် တိုက်ခိုက်မှု ရဲတပ်ဖွဲ့ဝင် ၃၀ ခန့်သေဆုံး။ (ဇွန် ၃၀၊ ၂၀၁၆)
အာဖဂနစ္စတန် နိုင်ငံ ကဘူလ်းမြို့တော်တွင်း ဒီကနေ့ ကြာသပတေးနေ့မှာ ရဲတပ်ဖွဲ့ ယာဉ်တန်းကို တာလီဘန်တို့ အသေခံ ကားဗုံးခွဲ တိုက်ခိုက်ခဲ့တာကြောင့် အနည်းဆုံး လုံခြုံရေး တပ်သား ၃၀ သေဆုံးပြီး ဒါဇင်နဲ့ချီ ဒဏ်ရာရပါတယ်။ ရဲတပ်ဖွဲ့ဝင် သင်တန်းသားတွေနဲ့ သင်တန်းဆရာတွေကို တင်ဆောင်လာတဲ့ ယာဉ်တန်း တိုက်ခိုက်ခံခဲ့ရတာပါ။

ပေါက်ကွဲမှုတွေ ရှေ့ဆင့် နောက်ဆင့် ဖြစ်ခဲ့တယ်လို့ အာဖဂန် အရာရှိတွေက အတည်ပြုပါတယ်။ သေဆုံး၊ ဒဏ်ရာရတဲ့ ရဲတပ်ဖွဲ့ဝင်တွေကို သယ်ဆောင် သွားတယ်လို့ ကိုယ်တိုင် မြင်တွေ့ခဲ့ရသူတွေက ဗွီအိုအေကို ပြောပါတယ်။ အာဖဂန် သမ္မတ Ashraf Ghani က အကြမ်းဖက်တိုက်ခိုက်မှုကို လူသားထုအပေါ် ကျူးလွန်တဲ့ ရာဇ၀တ်မှု တခု အဖြစ် ရှုတ်ချပါတယ်။

ရဲသင်တန်းသားတွေကို အခုလို ပို့ဆောင်ဖို့ ဆုံးဖြတ် လုပ်ဆောင်ခဲ့မှုကို စုံစမ်းစစ်ဆေးဖို့ ပြည်ထဲရေး ၀န်ကြီးဌာနကို အာဖဂန် သမ္မတက ညွှန်ကြားလိုက်ပြီး ပျက်ကွက်မှုတွေ ရှိရင် အရေးယူမယ်လို့လည်း ကတိပြုလိုက်ပါတယ်။ အသေခံ ဗုံးခွဲတိုက်ခိုက်ခံရသူတွေဟာ ရာမာဒန် ဥပုသ်လ အပြီးသတ် Eid ပွဲတော် ဆင်နွှဲဖို့ အတွက် နိုင်ငံအလယ်ပိုင်း Maidan Wardak ပြည်နယ်ကနေ ကဘူးလ်မြို့တော်ကို ဘတ်စ်ကားတွေနဲ့ ခရီးထွက်လာကြတာ ဖြစ်ပါတယ်။

ဗုံးခွဲတိုက်ခိုက်မှုဟာ သူတို့လက်ချက် ဖြစ်တယ်လို့ တာလီဘန် အဖွဲ့က ပြောပါတယ်။ အသေခံ ဗုံးခွဲသမား တဦးက ဖောက်ခွဲရေး ပစ္စည်းတွေတင်ထားတဲ့ ကားနဲ့ ယာဉ်တန်း အတွင်းကို ၀င်တိုက်လိုက်တာလို့ တာလီဘန် ပြောခွင့်ရ Zabihullah Mujahid က သတင်းထောက်ထံကို ပေးပို့တဲ့ ကြေညာချက်ထဲမှာ ပြောဆိုပါတယ်။

ပေါက်ကွဲတဲ့ နေရာတ၀ိုက်မှာ ရဲတပ်ဖွဲ့ဝင်တွေ စုစည်းရောက်ရှိနေချိန်မှာ နောက်ထပ် ဒုတိယမြောက် ဗုံးခွဲသမားက ၀င်တိုက်တာလို့လည်း တာလီဘန် ပြောခွင့်ရက ထပ်ပြောပါတယ်။ တိုက်ခိုက်မှု အတွင်း အာဖဂန် လုံခြုံရေး တပ်ဖွဲ့ဝင် ဒါဇင်နဲ့ချီ သေဆုံးတယ်လို့လည်း သူက ပြောပါတယ်။

ပြီးခဲ့တဲ့ သတင်းပတ်တုန်းကလည်း ကဘူးလ်မြို့တော်က ကနေဒါသံရုံးမှာ အလုပ်လုပ်နေတဲ့ နီပေါလ် လုံခြုံရေး အစောင့်တွေ အများစု လိုက်ပါလာတဲ့ ဘတ်စ်ကား တစင်းကို တာလီဘန် အသေခံဗုံးခွဲသမား တဦးက တိုက်ခိုက်ခဲ့ပါတယ်။ ဒီတိုက်ခိုက်မှုအတွင်း သေဆုံးသူ ၁၄ ဦးထဲမှာ အများစုက နီပေါလ်နိုင်ငံသားတွေ ဖြစ်ကြပါတယ်။

 ဗွီအိုအေ (မြန်မာပိုင်း)
http://burmese.voanews.com

တူရကီလေဆိပ် တိုက်ခိုက်မှု မသင်္ကာသူ ၁၃ ဦးကို ဖမ်းဆီး

တူရကီလေဆိပ်တိုက်ခိုက်မှုအပြီး လုံခြုံရေးတင်းကျပ်စွာ ချထား။
တူရကီနိုင်ငံ၊ အစ္စတန်ဘူလ်မြို့က နိုင်ငံတကာလေဆိပ်ကို အင်္ဂါနေ့က အသေခံ ဗုံးခွဲတိုက်ခိုက်မှု သုံးခုလုပ်ခဲ့တဲ့ဖြစ်ရပ်နဲ့ ဆက်စပ် ပြီး သံသယရှိသူ ၁၃ ဦးကို ရဲတပ်ဖွဲ့က ဖမ်းဆီးထားတယ်လို့ တူရကီသတင်းမီဒီယာတွေက ဒီကနေ့ဖော်ပြပါတယ်။ အဲဒီတိုက်ခိုက် မှုတွေကြောင့် လူ ၄၂ ယောက်သေဆုံးပြီး ၂၃၉ ယောက် ဒဏ်ရာရခဲ့တာပါ။

အစ္စတန်ဘူလ်မြို့က နေရာ ၁၆ နေရာကို ၀င်ရောက် စီးနင်း ရှာဖွေမှုတွေအတွင်း အခုလိုဖမ်းဆီးတာတွေ လုပ်ခဲ့တာပါ။ အစ္စတန် ဘူလ်မြို့မှာ အဖမ်းခံရသူ သုံးဦးထက်မနည်းဟာ နိုင်ငံခြားသားတွေလို့ ဆိုပါတယ်။

နိုင်ငံအနောက်ပိုင်းက Izmir ကမ်းရိုးတန်းမြို့မှာလည်း လူ ကိုးယောက်ကို ဖမ်းခဲ့တယ်လို့ နိုင်ငံပိုင် Anadolu သတင်းဌာနက ပြော ပါတယ်။ အဲဒီလူတွေကိုတော့ ဘဏ္ဍာငွေကြေးပိုင်း၊ လူသစ်စုတာနဲ့ သယ်ယူပို့ဆောင်ရေးပိုင်း ကူညီထောက်ပံ့တာတွေ အပါအ၀င် ဆီးရီးယားက IS အဖွဲ့နဲ့ အချိတ်အဆက် ရှိတယ်ဆိုတဲ့သံသယနဲ့ ဖမ်းတာပါ။

လေဆိပ်တိုက်ခိုက်မှုဟာ IS တွေလက်ချက်လို့ တူရကီ တာဝန်ရှိသူတွေက ပြော ထားပေမဲ့လည်း IS တွေကိုယ်တိုင်ကတော့ သူတို့ လုပ်တာလို့ မပြောသေးပါဘူး။ စုံစမ်းစစ်ဆေးတာကို ဆက်လုပ်နေပေမဲ့လည်း အထောက်အထားတွေက IS လက်ချက်ဆိုတာ ပြနေတယ်လို့ ၀န်ကြီးချုပ် Binali Yildrim က မနေ့ကပြောပါတယ်။ ရုရှား၊ အစ္စရေးလ်တို့နဲ့ ဆက်ဆံရေးတိုးတက်လာဖို့ တူရကီကကြိုးစားနေတဲ့အပေါ် တုန့်ပြန်တာ ဖြစ်နိုင်တယ်လို့ သူကဆိုပါတယ်။

ဒီဗုံးခွဲတိုက်ခိုက်မှုတွေဟာ IS အဖွဲ့ရဲ့ ဆိုးရွား ယုတ်မာတဲ့ တွေ့နေကျ သွင်ပြင်လက္ခဏာတွေအားလုံးပါဝင်ပြီး ဒီလိုတိုက်ခိုက်မှုမျိုးတွေကို တားဆီးဖို့ ခက်ခဲတယ်ဆိုတာ CIA အကြီးအကဲ John Brennan က သတိပေးပါတယ်။

 ဗွီအိုအေ (မြန်မာပိုင်း)
http://burmese.voanews.com

နေပြည်တော်မှာ လယ်မြေတွေပြန်ပေး

နေပြည်တော်ကောင်စီနယ်မြေမှာ သိမ်းဆည်းခဲ့တဲ့ လယ်ယာမြေ ဧက ၂ဝဝ ကျော်ကို တောင်သူတွေထံ ဇွန်လ ၃ဝ ရက်နေ့ က ပြန်လည်ပေးအပ်စဉ်။ Photo: Win Ko Ko Latt/RFA
နေပြည်တော်ကောင်စီနယ်မြေ၊ ဇေယျာသီရိမြို့နယ်၊ ဝဲကြီးကျေးရွာမှာ ပြန်ကြားရေးဝန်ကြီးဌာန၊ သတင်းစာတိုက်နဲ့ ပုံနှိပ်စက် အဆောက်အအုံအတွက် သိမ်းဆည်းခဲ့တဲ့ တောင်သူ ၇၄ ဦးပိုင် လယ်ယာမြေ ဧက ၂ဝဝ ကျော် ကို တောင်သူတွေဆီ ပြန်လည်ပေးအပ်ခဲ့ပါတယ်။

လယ်ယာမြေတွေကို ပြန်လည်ပေးအပ်တာမှာ ပုံစံ ၃ လို့ ခေါ်တဲ့ ယာယီအသုံးပြုခွင့်ကို ပေးအပ်ထား တာဖြစ်ပြီး ဒီနှစ်အတွင်း ပုံစံ ၇ ဆိုတဲ့ လယ်မြေပိုင်ဆိုင်ခွင့်ကို နောက်ဆက်တွဲအနေနဲ့ ပေးအပ်မှာဖြစ်တယ် လို့ နေပြည်တော်ကောင်စီ ဥက္ကဌ ဒေါက်တာ မျိုးအောင်က ပြောပါတယ်။

ဒုတိယသမ္မတ ၂ ဦးဟင်နရီဗန်ထီးယူ ဦးဆောင်တဲ့ လယ်ယာမြေနဲ့ အခြားမြေများသိမ်းဆည်းခံရမှု များပြန်လည်စိစစ်ရေး ဗဟိုကော်မတီနဲ့ ကော်မတီအဆင့်အဆင့် ပူးပေါင်းစိစစ်ပြီး အသုံးမပြုတော့တဲ့ လယ်ယာမြေတွေကို တောင်သူတွေဆီ ပြန်လည်ပေးအပ်တာဖြစ်ပါတယ်။

ပြီးခဲ့တဲ့အစိုးရလက်ထက် ၂ဝဝ၃ ခုနှစ် ကနေ ၂ဝဝ၇ ခုနှစ်အတွင်းက သိမ်းဆည်ခဲ့တဲ့ လယ်မြေတွေ ဖြစ်ပြီး လယ်ယာမြေတွေပြန်လည်ရရှိဖို့ ထွန်တုံးတိုက်ပွဲဆင်နွှဲခဲ့တာတွေကြောင့် ဒေသခံတောင်သူ ၁ဝ ဦးခန့်ကို ပြီးခဲ့တဲ့အစိုးရက ထောင်ဒဏ်တွေ ချမှတ်ခဲ့တာလည်းရှိခဲ့ပါတယ်။

ဒီကနေ့ အခမ်းအနားကို နေပြည်တော်ကောင်စီ ဥက္ကဌ ဒေါက်တာမျိုးအောင်နဲ့ ကောင်စီဝင်တွေ၊ လွှတ်တော် ကိုယ်စားလှယ်တွေ၊ မြို့နယ်အုပ်ချုပ်ရေးအဖွဲ့၊ ဒေသခံတောင်သူတွေလည်း တက်ရောက် ခဲ့ကြပါတယ်။

RFA Burmese
http://www.rfa.org/burmese

ပေါ်တော်မူ ဆိုသတိထားပါ


Posted on 30June2016

ထိုင်းနိုင်ငံမှာတော့ လုပ်စားတာများလို့  ထိုင်းပြည်သူတွေ သိကုန်ကြပါပြီ၊ ထိုင်းနိုင်ငံအရှေ့ ပိုင်းနဲ့  မြောက်ပိုင်း ပြည်နယ်တွေမှာ ရှေးဟောင်းဘုရား ရုပ်ပွားတော် ပုံစံတွေ နတ်ရုပ်တွေ၊ ရုပ်ဘိုးတော်ရုပ်- စတာတွေကိုမြေကြီးထဲ မှာ လူမသိအောင် အရင်မြုပ်ထားပြီး အထက်ဘိုးတွေ အိမ်မက်ပေး လို့  ဖေါ်ကြည့် ရာကနေတွေတဲ့ ပုံမျိုး ဒါမဟုတ် ရေကန်နဲ့  မြစ်မှာအလိုလိုပေါ်လာတဲ့ ပုံစံမျိုး လုပ်ကြပါတယ်။


တချို့ လည်း နတ်တွေ အစောင့်တွေက၀င်ပူးပြီး ရွာထိတ်က ဘယ်နေရာတူးကြည့်စတာတွေနဲ့  ပုံစံမျိုးစုံ လိမ်ကြတာပါ။ ခုလိုလိမ်တဲ့နည်းတွေဟာ တကယ့်ရှေးဟောင်း သုတေသနပညာရှင်တွေ လာရောက် စစ်တဲ့အခါ ရုပ်ထုပြလိမ်တဲ့သူတွေ ထွက်ပြေးသွားတတ် ပါတယ်။


လူမှုကွန်ရက်မှာ ခုလို ပေါ်တော်မူ တွေ ထူးဆန်းသတင်းမှာ ပါလာတော့ လာကြည့်ကြသူတွေ များလာ ပါတယ်၊ ပြီးရင် နတ်ကွန်းနဲ့  ဘာသာရေးနေရာ ဟာ လှူကြတမ်းကြ တဲ့ သူတွေ နဲ့  စည်ကားအောင်လုပ်နည်း ဖြစ်ပါတယ်။

မြန်မာနိုင်ငံက ပြည်သူတွေ အယုံမလွယ်အောင် သတိပေးဖေါ်ပြတာပါ။

Social Action for Women - SAW

တမူးမြို့တွင် KGတန်းတက် အမွှာညီအစ်ကို ကလေးနှစ်ဦး ရေနစ်သေဆုံး


တမူးမြို့ မြို့မ (12/ခ )ရပ်ကွက်မှ kgတန်းတက်ရောက်နေသည့် ကျောင်းသား ၂ယောက် ယမန်နေ့ညနေပိုင်း(29.6.2016)တွင် ပျောက်ဆုံးနေကြောင်း သိရသည်။

ပျောက်ဆုံးသူနှစ်ဦးမှာ အမွှာညီအစ်ကို ၂ယောက်ဖြစ်ကာ ချောင်းနံဘေးတွင် ပျောက်ဆုံးကလေးငယ်၂ဦး၏ အ၀တ်အစားများကိုတွေ့ရသည်ဟုဆိုသည်။

ယနေ့(30.6.2016)တွင်မူ ချောင်းအတွင်းမှ ကလေးတစ်ယောက်ကို နံနက် ၈ နာရီခန့်တွင်တွေ့၍ ကျန်တစ်ယောက်အား နေ့လည် ၁ နာရီတွင် တွေ့ရှိခဲ့ကြသည်ဟုဆိုသည်။ ပြန်လည်တွေ့ရှိစဉ်တွင် ကလေးငယ်၂ယောက်လုံး အသက်မရှိတော့ကြောင်း သိရသည်။

ဖြစ်စဉ်မှာ ကျောင်းဆင်းပြီး အိမ်မပြန်ဘဲ ချောင်းထဲတွင် ရေဆင်းချိုးရာမှ ရေနစ်သေဆုံးသွားခြင်း ဖြစ်ကာ အနာဂတ်အတွက် သားကောင်းရတနာများ ဆုံးရှုံးမှုပင်ဖြစ်သည်။ ကလေးမိဘများ အတွက် စိတ်မကောင်းဖြစ်ရပါသည်။

ထို့ကြောင့် ‎မိဘများအနေဖြင့်‬ မိမိကလေးငယ်များအား ကျောင်းမှအိမ်သို့ တန်းတန်းမတ်မတ်ပြန်လာစေရန် သွန်သင်သင့်ပေသည်။

U Than Lwin

တံတားဘေးမှာ ပြုတ်ကျနေတဲ့ ဆက်သွယ်ရေးကြိုးလိုင်းနှင့် facebook ပေါ်မှ ရိုက်ခတ်သံ

ဇွန်လ ၃၀ ရက် ၂၀၁၆

ဇွန်လ (၃၀)ရက်နေ့ ယနေ့ မှာ ရန်ကုန်မြို့ဘုရင့်နောင်မြစ်ကူးတံတား အမှတ်၂ ရဲ့တံတားဘေးဘောင်အောက်ခြေမှာ ကလစ်နဲ့တွဲပြီး မြစ်ကိုဖြက်သွယ်ထားတဲ့ ဆက်သွယ်ရေးကြိုးလိုင်းက ပြုတ်ကျကာ တွဲလောင်းကြီးဖြစ်နေပြီး ရေနဲ့ထိနေပါတယ်။


ရေယာဉ်တွေဖြတ်လို့ မရဘူးဖြစ်နေပါတယ်၊ ညမှောင်သွားရင်ပိုပြီး အခက်အခဲရှိမယ် အချက်ပြ မီးမပြပေးနိုင်ရင် အန္တရာယ်များတယ် တံတားအတွက်ရော ရေယာဉ်တွေအတွက် တင်ပြလိုက်ရပါတယ်။


လှမ်းမြင်နေရတာ သစ်လုံးတင်လာတဲ့ တွဲသင်္ဘောတွေပါ အပေါ်က စုန်လာတာ ဘုရင့်နောင်ဆိပ်ကမ်းမှာကုန်တင်နေတဲ့ ကမ်းရိုးတန်းသင်္ဘောတွေက လှမ်းပြီး သတိပေးလို့ သင်္ဘောတွေပြန်လှည့်ပြီး ရေလယ်မှာ ကျောက်ပေါက်ထားရပါတယ်။

Credit Original Uploader


ရွှေဆွဲကြိုး လုယက်ထွက်ပြေးသူနှစ်ဦးကို ပတ်ဝန်းကျင်ရှိပြည်သူများမှ ၀ိုင်းဝန်း ဖမ်းဆီးရမိ


ရန်ကုန်၊ ဇွန် ၃၀

၃၀.၆.၂၀၁၆ ရက်နေ့ ၀၈၀၀ အချိန်ခန့်တွင် မရမ်းကုန်းမြို့နယ်နေ ဒေါ်--- သည် မရမ်းကုန်းမြို့နယ်၊ (၂)ရပ်ကွက်၊ ရန်ကုန်-အင်းစိန်လမ်းမကြီးအတိုင်း လမ်းလျှောက်လာစဉ် မြဂန္ဓမာဈေးရှေ့အရောက် အမျိုးသားတစ်ဦးနှင့် အမျိုးသမီးတစ်ဦးတို့က ၎င်း၏လည်ပင်းတွင် ဆွဲထားသော အလေးချိန်၂ ကျပ်သားခန့်ရှိ ရွှေဆွဲကြိုး(၁)ကုံးအား လုယူထွက်ပြေးသွားခဲ့သဖြင့် ပတ်ဝန်းကျင်အား အော်ဟစ်အကူအညီ တောင်းခံခဲ့ပါသည်။

ပတ်ဝန်းကျင်ရှိပြည်သူများမှ ၎င်းအမျိုးသားနှင့် အမျိုးသမီးတို့အား ၀ိုင်းဝန်း ဖမ်းဆီးထားရှိခဲ့ပြီး ရဲစခန်းသို့ အကြောင်း ကြားခဲ့၍ ဘုရင့်နောင်နယ်မြေ ရဲစခန်းမှတပ်ဖွဲ့ဝင်များက အခင်းဖြစ်နေရာသို့ ရောက်ရှိစစ်မေးခဲ့ရာ ၎င်းတို့မှာ လှိုင်သာယာမြို့နယ်နေ အေးမင်း၊ (၄၉)နှစ်နှင့် မတင်ထွေး၊ (၄၉)နှစ်တို့ ဖြစ်ကြောင်း သိရှိရပြီး ၎င်းတို့ထံမှ သက်သေခံရွှေဆွဲကြိုးအား ပြန်လည် သိမ်းဆည်းနိုင်ခဲ့ပါသည်။

ယင်းသို့ကျူးလွန်သူ အေးမင်းနှင့် မတင်ထွေးတို့(၂)ဦးကို ဘုရင့်နောင်နယ်မြေ ရဲစခန်းတွင် (ပ)၄၈၉/၂၀၁၆၊ ရာဇသတ်ကြီးဥပဒေပုဒ်မ-၃၈၂ ဖြင့် အရေးယူ ဆောင်ရွက်လျက်ရှိကြောင်း သတင်းရရှိပါသည်။

Yangon Police
https://www.facebook.com/yangonpolice

တောင်တွင်းကြီးမြို့နေ အမျိုးသားတစ်ဦး မိန်းမခိုးလာစဉ် မကွေး၌ ဓါးထိုးခံရ

 မေဖူးပွင့် စတိုးဆိုင်အတွင်းတွင် လူတစ်ဦး သွေးအိုင်ထဲလဲကျနေေ ဓါတ်ပုံ - People and Police Media
တောင်တွင်းကြီးမြို့နေ အမျိုးသားတစ်ဦး မိန်းမခိုးပြေးလာစဉ် မကွေးမြို့၌ ဓါးထိုးခံခဲ့ရမှု ဇွန် ၂၉ ရက်က ဖြစ်ပွားခဲ့ကြောင်း မကွေးနယ်မြေရဲစခန်းမှသိရသည်။

 ဖြစ်စဉ်မှာ ဇွန်၂၉ ရက် ည ၁၀ နာရီအချိန်ကမကွေးမြို့၊ အောင်ချမ်းသာရပ်ကွက်၊ရန်ကျော်ရပ်၊ပြည်တော်သာ လမ်းရှိ “မေဖူးပွင့်” စတိုးဆိုင်ရှေ့တွင် ခိုက်ရန်ဖြစ်ပွားကြောင်း သတင်းအရ မကွေးနယ်မြေရဲစခန်းမှ ရဲအုပ်ဝင်းဇော်လွင် သွားရောက်စစ်ဆေးခဲ့ရာ ရင်ဘတ်တည့်တည့်တွင် ထိုးသွင်း ဒဏ်ရာဖြင့်သတိလစ် နေသော အမျိုးသားတစ်ဦးအားတွေ့ရှိခဲ့ပြီး ၎င်းမှာ ကိုကိုဦး၊အသက် ၂၉ နှစ်၊ရွှေကြာအင်းတစ် ရပ်ကွက်၊တောင်တွင်းကြီးမြို့နေသူဖြစ်ကြောင်း သိရှိရပြီး။

 မေဖူးပွင့် စတိုးဆိုင်အတွင်းတွင် လူတစ်ဦး သွေးအိုင်ထဲလဲကျနေေ ဓါတ်ပုံ - People and Police Media
 ဖြစ်စဉ်အားမေးမြန်းစုံစမ်းရာ ကိုကိုဦးသည် မခင်ဆွေဝင်း၊ အသက် ၂၂ နှစ်၊ကျောက်မဲကျေးရွာ၊ဆင်ပေါင်ဝဲမြိ့နယ်နေသူအား လက်ထပ်ပေါင်းသင်းရန် ခိုးပြေးလာရာ မခင်ဆွေဝင်း၏ ဆွေမျိုးများဖြစ်သော တစ်ရွာတည်းနေ ဝင်းဇော်၊အသက် ၃၄ နှစ်၊မြင့်သိန်း၊ အသက် ၄၆ နှစ်၊ကျော်ဆန်းဦး၊ အသက် ၂၉ နှစ်၊ ရန်ပိုင်စိုး၊အသက် ၁၈ နှစ်နှင့် ဆင်ပေါင်ဝဲမြို့နယ်၊ဒနုန်းမြောင်ကျေးရွာနေ ချမ်းမြေ့အောင်၊အသက် ၂၀ နှစ်တို့မှ ကားဖြင့်လိုက်လာပြီး ခင်ဆွေဝင်းအား ခိုးယူပေါင်းသင်းသည်ကိုမကျေနပ်ကာ “ မေဖူးပွင့်” စတိုးဆိုင်အတွင်း၌ ကိုကိုဦးနှင့်ခင်ဆွေဝင်းတို့အားတွေ့ရှိစဉ် ဝင်းဇော်ပါငါး ဦးကားပေါ်မှဆင်းလာပြီး ကိုကိုဦးနှင့်ခင်ဆွေဝင်းတို့အား ဆိုင်အတွင်းမှ ဆွဲရုန်းခေါ်ဆောင်ကာ စတိုးဆိုင်ရှေ့အဝအရောက်တွင် ကိုကိုဦး အား ဝင်းဇော်မှ အရိုးလေးလက်မ၊ အသွားခြောက်လက်မ၊ဗျက်တစ်လက်မခန့်ရှိ ဓါးမြှောင့်ဖြင့်ထိုးရာ ကိုကိုဦးတွင် ရင်ဘတ်ထိုးသွင်းဒဏ်ရာတစ်ချက် (စိုးရိမ်ရ) ရရှိခဲ့ခြင်းဖြစ်ကြောင်း မခင်ဆွေဝင်းမှ ပြောပြသိရှိခဲ့ခြင်းဖြစ်ကြောင်း အမှုစစ်၏ကနဦးစစ်ဆေးချက်အရသိရသည်။

 ဖြစ်စဉ်နှင့်ပက်သက်၍ ဓါးဖြင့်ထိုးသူ ဝင်းဇော်နှင့် အားပေးကူညီသူ မြင့်သိန်းပါလေးဦးတို့အား အရေးယူပေးရန် ရဲအုပ်ဝင်းဇော်လွင်မှ တရားလိုပြုတိုင်ကြားခဲ့သောကြောင့် မကွေးမြို့နယ်၊ မကွေးနယ်မြေရဲစခန်းမှ (ပ)၈၁၄/၂၀၁၆၊ ပြစ်မှုပုဒ်မ ၃၂၆/၁၁၄ ဖြင့်ကနဦးအမှုဖွင့်ထားကြောင်းသိရသည်။

ရတနာပုံ သတင်းစာ
https://www.facebook.com/yadanabonnewspaper
အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

သင်ရဲ့မိတ်ဆွေတွေ ဘာတွေဖတ်သလဲ စိတ်ဝင်စားသလဲ

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ