ပြည်ခိုင်ဖြိုး ပါတီ ညီလာခံ အလံပြောင်းပြန် လွှင့်ထူမှု ဥပဒေနှင့်ငြိစွန်း

ပြည်ခိုင်ဖြိုး ပါတီဥက္ကဌ သမ္မတဦး သိန်းစိန် တက်ရောက် ခဲ့သော အောက် တိုဘာ ၁၄ရက်နေ့တွင် ကျင်းပသည့် ပြည်ခိုင်ဖြိုးပါတီ ညီလာခံဖွင့်ပွဲတွင် အလံ ပြောင်းပြန် လွှင့်ထားမှုမှာ ၂၀၁၀ ပြည့်နှစ် အောက်တိုဘာ ၂၁ ရက်နေ့ တွင်ပြဋ္ဌာန်းခဲ့သော နိုင်ငံတော်အလံ ဥပဒေပါ အချက် အလက်များနှင့် ငြိစွန်း နေ၍ တရားဥပဒေ အရ အရေးယူနိုင် ကြောင်း ---

သတင်း အပြည့်အစုံ ဖတ်ရန် ဒီနေရာကို နှိပ်ပါ



အကြမ်းဖက်မှုပဋိပက္ခ ဖြစ်စဉ်များမှ လက်နက်ငယ် (၁၈၀)လက် သိမ်းဆည်းရမိခဲ့

ပြည်ထောင်စု သမ္မတ မြန်မာနိုင်ငံတော် နိုင်ငံတော် သမ္မတရုံး သတင်း ထုတ်ပြန်ချက် ( ၂ / ၂၀၁၂)



ပြည်ထောင်စုသမ္မတမြန်မာနိုင်ငံတော်

နိုင်ငံတော်သမ္မတရုံး

သတင်းထုတ်ပြန်ချက် ( ၂ / ၂၀၁၂)

၂၀၁၂ ခုနှစ်၊ အောက်တိုဘာလ ၃၁ ရက်

၁၃၇၄ ခု၊ သီတင်းကျွတ်လပြည့်ကျော် ၁ ရက်



ရခိုင် ပြည်နယ် အတွင်း ပဋိပက္ခ ဖြစ်ပွားမှု အခြေအနေနှင့် စပ်လျဉ်း၍ အသိပေး ကြေညာခြင်း

၁။ ရခိုင်ပြည်နယ် အတွင်း ပဋိပက္ခ ဖြစ်ပွားမှု အခြေအနေနှင့် စပ်လျဉ်း၍ နောက်ကွယ်မှ ကြိုးကိုင် လှုပ်ရှားနေသော လူပုဂ္ဂိုလ်များနှင့် အဖွဲ့အစည်းများ ရှိနေကြောင်း သိရှိရသဖြင့် ၎င်းတို့ကို ဖော်ထုတ်၍ ဥပဒေနှင့် အညီ ထိရောက်စွာ အရေးယူ သွားမည် ဖြစ်ကြောင်း နိုင်ငံတော် သမ္မတရုံးမှ သတင်း ထုတ်ပြန်ချက် (၁/၂၀၁၂) ဖြင့် ထုတ်ပြန် ကြေညာခဲ့ ပြီးဖြစ်ပါသည်။

၂။ တစ်ကျော့ပြန်ဖြစ်ပွားလာသော ပဋိပက္ခဖြစ်စဉ်များတွင် ၂၀၁၂ ခုနှစ်အောက်တိုဘာလ ၂၁ ရက်မှစ၍ ၂၀၁၂ ခုနှစ် အောက်တိုဘာလ ၃၀ ရက်အထိ သေဆုံးသူ (၈၉)ဦး၊ ဒဏ်ရာရသူ(၁၃၆)ဦး၊ မီးလောင်ပျက်စီးသည့် လူနေအိမ် (၅၃၅၁) အိမ်နှင့် လူဦးရေ (၃၂၂၃၁)ဦး အိုးမဲ့အိမ်မဲ့ ထပ်မံဖြစ်ပေါ် ခဲ့ပါသည်။

၃။ လူ့အဖွဲ့အစည်းနှစ်ခု အကြားရှိ ပဋိပက္ခများသည် သာမန်ဆူပူလှုပ်ရှားမှု ဖြစ်စဉ်များမှ လက်နက်ကိုင်အကြမ်းဖက်မှု အခြေအနေသို့ ကူးပြောင်းတော့မည့်လက္ခဏာ အသွင်ဆောင်ကာ လုံခြုံရေး တပ်ဖွဲ့ဝင်များကိုပင် လက်နက်ဖြင့် ရန်မူခြိမ်းခြောက်မှုများ ဖြစ်ပေါ်လာခဲ့ပါသည်။ အကြမ်းဖက်မှုပဋိပက္ခ ဖြစ်စဉ်များမှ ဒေသန္တရလုပ်လက်နက်ငယ် (၁၈၀)လက် သိမ်းဆည်းရမိခဲ့ပါသည်။ ထို့ပြင် အဆိုပါ လက်နက်ပြုလုပ်သူအချို့နှင့် ပြုလုပ်ရာတွင် အသုံးပြုသည့် သက်သေခံပစ္စည်း အထောက်အထားများ ကိုလည်း ဖမ်းဆီးရမိသဖြင့် အရေးယူဆောင်ရွက်လျက်ရှိပါသည်။

၎။ ယခုကဲ့သို့ လူစုလူဝေးဖြင့် ခြိမ်းခြောက်ခြင်း၊ အကြမ်းဖက်ခြင်း၊ တိုက်ခိုက်ခြင်း၊ မီးရှို့ဖျက်ဆီး ခြင်းကိစ္စများတွင် တစ်ဖက်အဖွဲ့အစည်းမှာ ကြိုတင်ပြင်ဆင်ခြင်း၊ အသေးစိတ်စီစဉ်ခြင်း၊ ဒေသန္တရလုပ် လက်နက်များဖြင့် အချိန်ကိုက် ပူးပေါင်းလှုပ်ရှားဆောင်ရွက်ခြင်းများ တွေ့ရှိရသည့်အပြင်၊ နိုင်ငံရေးအဖွဲ့ အစည်းနှင့် ငြိမ်းချမ်းရေးယူထားသော အဖွဲ့အစည်းများပါ ပါဝင်ပတ်သက်မှု ရှိနေသကဲ့သို့၊ အခြား တစ်ဖက်အဖွဲ့အစည်းမှလည်း အချို့သော ပြည်တွင်းပြည်ပအဖွဲ့အစည်းများ ပါဝင်ပတ်သက်နေသည့် အထောက်အထားများကို တွေ့ရှိရပါသည်။

၅။ ပဋိပက္ခများကို ဖြေရှင်းရာတွင် နှစ်ဦးနှစ်ဖက် အကျိုးကျေးဇူးရရှိစေမည့် နည်းလမ်းများကို ရွေးချယ်ပြီး ဥပဒေနှင့်အညီ ငြိမ်းချမ်းစွာနှင့် ဉာဏ်ပညာ အမြော်အမြင်ရှိစွာဖြင့် ဖြေရှင်းသွားကြရန် လိုအပ်ပါသည်။ ယခုကဲ့သို့ ဖြစ်ရပ်များနှင့်ပတ်သက်၍ ကမ္ဘာ့အလယ်တွင် နိုင်ငံတော်၏ဂုဏ်သိက္ခာကို မထိခိုက် မညှိးနွမ်းစေရေးအတွက် နိုင်ငံတော်ကိုချစ်မြတ်နိုးသူ ရဟန်းရှင်လူ ပြည်သူအပေါင်းတို့ကလည်း ငြိမ်းချမ်းစွာဖြင့် ပူးပေါင်းကူညီ ဆောင်ရွက်ကြစေလိုပါသည်။

၆။ လက်ရှိအခြေအနေတွင် ပြည်သူလူထု၏ အသက်အိုးအိမ်စည်းစိမ်များကို ထိခိုက်နစ်နာစေသည့် ဖြစ်ရပ်များ ဆက်လက်မဖြစ်ပေါ်စေရေးအတွက် ပဋိပက္ခဖြစ်စဉ်များ၌ ဆက်စပ်ပတ်သက်သူများကို နောက်ကွယ်မှ ကြိုးကိုင်လှုပ်ရှားနေသော လူပုဂ္ဂိုလ်နှင့် အဖွဲ့အစည်းများအား နိုင်ငံတော်မှ ထိရောက်စွာ အရေးယူမည်ဖြစ်ကြောင်း အသိပေး ကြေညာအပ်ပါသည်။

 Myanmar President Office
 

မလေးသွားမှောင်ခိုဘုတ် နစ်မြှုပ်၍ (၁၂၈)ဦးအနက် (၁၂၂)ဦးပျောက်ဆုံးနေ

ဘင်္ဂလာဒေ့ခ်ျ နိုင်ငံမှ မလေးရှားသို့ တရားမဝင် ဝင်ရောက် အလုပ်လုပ် ကိုင်ရန် သွားသော စက်လှေ တစ်စီး ဘင်္ဂလား ပင်လယ်ပြင်တွင် တနင်္ဂနွေနေ့က နစ်မြှုပ်သွားခဲ့ သဖြင့် (၁၂၈)ဦးအနက် (၁၂၂)ဦး ပျောက်ဆုံး နေကြောင်း သတင်းရရှိသည်။

ယင်းမလေးသွား မှောင်ခို စက်ဘုတ်မှာ ဘင်္ဂလာ ကော့စ်ဘဇားခရိုင် တာခ်နာမြို့နယ် ဆာဟ်ပေါ်ရီရ်ကျွန်းမှ တနင်္ဂနွေနေ့က စတင် ထွက်ခွာသွားခြင်း ဖြစ်ကြောင်းနှင့် ပင်လယ်ပြင်တွင် ကျောက်ဆောင်ကို တိုက်မိ၍ နစ်မြှုပ်သွားခြင်း ဖြစ်သည်ဟု အသက်ရှင်လာသူ(၆) ဦးတို့မှ အတည်ပြု ပြောဆိုလိုက်ခြင်း ဖြစ်သည်။

အဆိုပါ စက်လှေ နစ်မြှုပ်ရာတွင် ငါးဖမ်းစက်လှေများမှ ကယ်ဆယ်၍ အသက်ရှင်လာသူ(၆)ဦးမှာ တာခ်နာမြို့နယ်မှ အာဘူဘော်ကော်ရ်၊ နရုဟိုဆန်၊ မာဟ်ဘူဘ်၊ ဘုတ်မောင်းသူ စူနိုင်က္ကာနှင့် ကျန်နှစ်တို့ဖြစ်ကြောင်းဆိုသည်။

ဆာဟ်ပေါ်ရီရ်ကျွန်းမှ မလေးသို့ မှောင်ခိုသွားမည့်သူများနှင့် စက်လှေများကို မကြာခဏ ဖမ်းဆီးလေ့ရှိခဲ့ပြီး ယခုအခါ ဖမ်းဆီးရမိနေခြင်းမှာ အမျိုးသမီး၊ ကလေးသူငယ်နှင့် မိသားစုများပါ ပါဝင်နေကြောင်း သိရှိရသည်။

တာခ်နာမြို့နယ်အခြေစိုက် အမှတ်(၄၂)BGB မှ အရာရှိတစ်ဦးဖြစ်သူ ဇာဟိဒ်ဇာဟာန် က ယင်းဖြစ်ရပ်မှာ မှန်ကန်ကြောင်းနှင့် အသေးစိပ် အလောင်းများဆယ်ယူရရှိရန် ကြိုးပမ်းလုပ်ဆောင်နေကြောင်း Arakantimes သို့ ပြောသည်။

ယခုကဲ့သို့ မလေးရှားသို့ တရားမဝင် ဝင်ရောက်အလုပ်လုပ်ကိုင်ရန် ဘင်္ဂလာမှာ ခိုးထွက်၍ သွားလာနေခြင်းမှာ နှစ်အတော်ကြာနေပြီဖြစ် ကြောင်း တာခ်နာမြို့နယ်မှ ငါးပွဲရုံပိုင်ရှင်များ၏ ပြောဆိုချက်များအရ သိရသည်။

Written by သဇင်ဥ
By Arakan Times


မြန်မာအစိုးရ ပြည်ပဘဏ်များတွင် ဒေါ်လာ ခြောက်ဘီလီယံအပ်နှံထားဟုဆို

ပြည်ပ ဘဏ်များတွင် မြန်မာနိုင်ငံ အစိုးရ အနေဖြင့် အနည်းဆုံး ဘဏ် စာရင်းငါးခုဖြင့် အမေရိကန် ဒေါ်လာ ခြောက်ဘီလီယံ အပ်နှံထားကြောင်း ၀ါရှင်တန် အခြေစိုက် နိုင်ငံတကာ ငွေကြေး အဖွဲ့အစည်းများ စောင့်ကြည့် နေသည့်အဖွဲ့ (BIC)မှ မန်နေဂျာ Jelson Garcia ကပြောကြားသည်။

''စာရင်းဖွင့်ထားတာတော့ အမှန်ပဲ။ ဘယ်လောက်ဆိုတာ တိတိကျကျပြောဖို့ မလွယ်ဘူး။ ဒီထက်တော့မကနိုင်ဘူး''ဟု ဘဏ္ဍာရေးနှင့် အခွန်ဝန်ကြီးဌာန ရသုံးမှန်းခြေငွေစာရင်းဦးစီးဌာန ညွှန်ကြားရေးမှူးချုပ် ဦးမောင်မောင်ဝင်းကပြောသည်။

ပြည်ပ၌ ငွေစာရင်းဖွင့်လှစ်ရခြင်းမှာ ပြည်တွင်းမှ ပို့ကုန်သွင်းကုန်လုပ်ငန်းများ၊အစိုးရ၏ ပို့ကုန်သွင်းကုန်လုပ်ငန်းများ လုပ်ကိုင်ရန်အတွက် ဖွင့်လှစ်ရခြင်းဖြစ်ကြောင်း ဦးမောင်မောင်ဝင်းကဆိုသည်။

မြန်မာနိုင်ငံနှင့် ကုန်သွယ်မှုများပြုလုပ်နေသည့် ထိုင်း၊ မလေးရှား၊ ကိုရီးယား၊ ဂျပန်၊ စင်ကာပူ စသည့်နိုင်ငံများရှိဘဏ်များတွင် ဖွင့်လှစ်ထား ခြင်းဖြစ်ကြောင်း ဦးမောင်မောင်ဝင်းက ပြောကြားသည်။

7Day News Journal


Jelson Garcia is the Manager for BIC's Asia Program.

 

အလုပ်အကိုင် အခွင့်အလမ်းနှင့် ခြေလွတ်လက်လွတ် အိပ်မက်များ

”ကျွန်မဘဏ်မှာ အလုပ်ရဖို့ လုံးဝ မမျှော်လင့် တော့ပါဘူး။ ကျွန်မအခုချိန်မှာ သင့်တင့်တဲ့ လစာနဲ့ အလုပ် တစ်ခုခု ရဖို့ပဲ စိတ် ကူးရှိတော့တယ်”

ထိုကဲ့သို့ ပြောသူမှာ ရန်ကုန် မြို့ ဒဂုံမြောက်ပိုင်း မြို့နယ်တွင် နေ ထိုင်သူ မသဇင်။ မသဇင်တစ် ယောက် စီးပွားရေး ပညာ အဓိကဖြင့် ကျောင်းပြီး ထားသည်မှာ နှစ်နှစ်ရှိ ပြီ။ ကျောင်းပြီးပြီးချင်း ပညာသင် ထောက်ပံ့မှု ပေးခဲ့သည့် မိဘနှစ်ပါး ကို တစ်ဖန် လုပ်ကျွေးမှု ပြုရန် စိတ် ကူးခဲ့သည်။ သင်ထားသော ပညာ ဖြင့် ဘဏ်တစ်ခုခုမှာ အလုပ် လုပ် ချင်သည်ဟုလည်း စိတ်ကူးယဉ်ခဲ့ သည်။ ထိုအချိ်န်တွင် အစိုးရက ပုဂ္ဂလိက ဘဏ်များ အပြိုင်အဆိုင် ဖွင့်လှစ်ခွင့်ပေး ခဲ့သဖြင့် ပိုမိုမျှော် လင့်ခဲ့သည်။ သို့သော် ….

”စီးပွားရေးနဲ့ ကျောင်းပြီးတဲ့ အတွက် ဘဏ်မှာ လုပ်ချင်တယ်။ အဲ့ဒါကြောင့် ကျောင်းပြီးကတည်း က ဘဏ်မှာ  CV Form  တွေတင် တာ။ ဘဏ်နှစ်ခုမှာ အင်တာဗျူး ဝင်ခွင့်ရခဲ့တယ်။ အလုပ်မရခဲ့ဘူး။ CB ဘဏ်မှာ အင်တာဗျူးဝင်တုန်း က ခေါ်မယ့်ဝန်ထမ်းက လေးဆယ် ကျော်တဲ့။ အင်တာဗျူးလာဖြေတာ က လေးရာကျော်ရှိတယ်။ ဘဏ် တွေက ဝင်ဝင်ချင်း လစာတစ်သိန်း ခွဲပေးတဲ့အပြင်ဖုန်းဆိုလည်း အရစ် ကျနဲ့ဝယ်ပေးတယ်။ Facilities  ကလည်း ကောင်းတယ်ဆိုတော့ မိန်းကလေးတော်တော်

များများက ဘဏ်မှာလုပ်ချင်ကြတယ်။ အင်တာ ဗျူးတော့ ငွေကြေး ပိုင်းဆိုင်ရာတွေ မေးတယ်။ မေးတဲ့ အထဲက တစ်ခုကို မဖြေနိုင်ခဲ့ဘူး။ နောက်ဘဏ်တွေမှာ အင်တာဗျူး   ဖြေရင်းသိရတာက အသိရှိမှအကပ်ရှိမှ အလုပ်ရတာလို့ လည်း ပြောကြတယ်။ ကျွန်မက တော့အဲဒီမေးခွန်း မဖြေနိုင်လို့လား အကပ် မရှိလို့လား မသိဘူး။ အလုပ်မရ ဘူး။ ကျွန်မနဲ့ အင်တာဗျူး အတူတူဝင်တဲ့ သူငယ်ချင်းတစ် ယောက်က အလုပ်ရသွားတယ်။ သူကတော့ အဲဒီဘဏ်မှာ အသိရှိ တယ်လေ”ဟု ဘဏ်ဝန်ထမ်းဘဝ ကို စိတ် ကူးယဉ်ခဲ့သော မသဇင်ကအလုပ်ရရှိရေး အင်တာဗျူးဝင်ခဲ့ပုံ များကို ပြန်ပြောင်းပြောပြသည်။ယခု မသဇင်တစ်ယောက် အလုပ်အင်တာဗျူးပေါင်းများစွာ ဖြေခဲ့ပြီးပြီ။ သို့သော် အလုပ်တစ်ခု မျှ မရသေးပေ။ တစ်နေ့ အလုပ် တစ်ခုရမည်ဟု ယုံကြည်လျက်ပင်။ ”ဒီလ ထဲမှာပဲ အလုပ်အကိုင် ရှာဖွေရေး အေဂျင်စီနှစ်ခုမှာ CV Form တင် ထားတယ်။Office Staff အနေနဲ့ပဲ တင်ထားတာ။ အင်တာဗျူး တစ်ခါဝင်ပြီးပြီ။ ခန့်မှန်းလစာမေးလို့ ရှစ်သောင်းခွဲ လို့ပြောလိုက်တယ်။ အဲဒီအလုပ် လည်း မရပါဘူး”ဟု စိတ်ပျက်အား လျော့သော လေသံ ဖြင့် အသက် ၂ဝ ဝန်းကျင်ခန့်ရှိသေးသူ မသဇင် က ပြောသည်။

အလုပ်လက်မဲ့ ၆ သန်း 


မြန်မာနိုင်ငံတွင် လူဦးရေသန်း ၆ဝ ရှိသည့်အနက် အလုပ်လုပ်နိုင် သော ဦးရေမှာ ၃၆ ဒသမ ၈၄ သန်းရှိကြောင်း အလုပ်သမား ဝန်ကြီးဌာနက ထုတ်ပြန်ထားသည်။ ထိုအလုပ်လုပ်နိုင်သူဦးရေထဲမှ ၃ဝ ဒသမ ၄၉ သန်းသော လူဦးရေသာအလုပ်အကိုင်ရရှိနေပြီး ကျန် ၆ ဒသမ ၃၅ သန်းသော လူဦးရေမှာ အလုပ်လက်မဲ့များ ဖြစ်ကြောင်း သိရသည်။”မြန်မာနိုင်ငံမှာ နှစ်စဉ် လူဦး ရေ ၁ ဒသမ ၁ ရာခိုင်နှုန်း တိုးလာ တာနဲ့အမျှ အလုပ်လက်မဲ့ ဦးရေက လည်း နှစ်စဉ်တစ်သန်းလောက်တိုး ပွားနေတယ်” ဟု အ လုပ်သမား ဝန်ကြီးဌာန ဒုဝန်ကြီးဦးမြင့်သိန်းက ပြောသည်။အထက်ပါ အလုပ်သမားဝန် ကြီးဌာန၏ စာရင်းဇယားသည် အ လုပ်သမားမှတ်ပုံတင်စာရင်းနှင့် အ လုပ်အ ကိုင်ရရှိမှု စာရင်းများကို သာအခြေခံ တွက်ချက်ထားခြင်း ဖြစ်ရာ ရာနှုန်းပြည့် မှန်ကန်မှုရှိသည် ဟုတော့ မဆိုနိုင်ချေ။  မြန်မာနိုင်ငံတွင် ပြည်နယ်နှင့် တိုင်းဒေသကြီး ၁၄ ခုရှိရာ တော ရော၊ မြို့ပါမကျန် အလုပ်လက်မဲ့ဦး ရေ များပြားစွာရှိနေသည်။ အလုပ် အကိုင်အခွင့်အလမ်း များပြားစွာ ရှိနေသော ရန်ကုန်မြို့ကြီးတွင် မသဇင်ကဲ့သို့ အလုပ်လုပ်ချင်စိတ်ရှိ ပြီးအလုပ်အကိုင်မရှိသူ များစွာရှိ နေသလို ရန်ကုန်မြို့ရှိ လူငယ် ယောက်ျားလေး အတော်များများမှာ နေ့စဉ် လက်ဖက်ရည်ဆိုင်၊ ဂိမ်း ဆိုင်နှင့် အင် တာနက်ဆိုင်များတွင် ဒုနှင့် ဒေးရှိနေသည်။

တက်စရာသင်တန်းတွေက များ 

”B.Com နဲ့ကျောင်းပြီးဖို့ ၄ နှစ်တက်ခဲ့ရတယ်။ ကျောင်းပြီးတော့ တစ်နှစ်လောက် အလုပ်မဝင်သေး ဘဲနဲ့LCCI၊ Computer သင်တန်း၊ အင်္ဂလိပ်စာသင်တန်းတွေ   လျှောက် တက်ခဲ့တယ်။LCCI ဆို Level 2  အထိ တက်ခဲ့တယ်။ ကွန်ပျူတာ ဆိုအခြေခံလိုအပ်တာအကုန်ပဲ။ ဒီသင်တန်းတွေအတွက် သင်တန်း ကြေးက အနည်းဆုံး မကုန်ဘူးဆို ကျပ် သုံးသိန်းလောက်ရှိမယ်။ အခု စာရင်းကိုင်အလုပ်နဲ့ မီဒီယာတစ်ခု မှာ အလုပ်ဝင်လုပ်နေတယ်။ အင် တာဗျူးခေါ်တုန်းကလည်း ဘွဲ့တွေ ကိုကြည့် ပြီး ခေါ်ခဲ့တာပဲ။တကယ့် တကယ်အလုပ်ထဲကျတော့ ကိုယ် သင်ခဲ့ရတာနဲ့ လုပ်ရတာ တခြား စီဖြစ်နေတယ်။ ဒါကြောင့် အလုပ် ကထွက်လိုက်တာတစ်နှစ်လောက် ရှိပြီ”ဟု အသက် ၂၅ နှစ်အရွယ် မသဲစုမိုး ကပြောသည်။ မသဲစုမိုး နည်းတူ ရန်ကုန်မြို့ရှိ ငွေကြေး အတန်အသင့်တတ်နိုင်သူ လူငယ် အတော်များများသည် ကျောင်းပြီး ပါက လုပ်ငန်းခွင် ချက်ခြင်းဝင် ရောက်မှုမရှိဘဲ အလုပ်အကိုင် အခွင့်အလမ်း ပိုမိုရရှိရန် ရည်ရွယ် ၍ ကွန်ပျူတာ၊ အင်္ဂလိပ်စာ၊ စာရင်းအင်းသင်တန်း စသည့် သင်တန်းပေါင်းစုံ ကို ငွေကြေးများစွာအကုန်အကျခံ၍ ဆက်လက် တက်ရောက်ကြသည်။ ထို့ပြင် နယ်မှလာ၍ အလုပ်တစ်ခု လုပ်ရင်း သင်တန်းလာရောက် တက်သူများ လည်းရှိ သည်။ ထို့အတွက် ရန်ကုန် မြို့အပါအဝင်မြန်မာနိုင်ငံရှိ မြို့တိုင်း တွင်ကွန်ပျူတာသင်တန်း၊ အင်္ဂလိပ်စာသင်တန်း၊စာရင်းအင်းသင်တန်း များ တစ်ခေတ်ဖြစ်လာခဲ့သည်။ ”ကျွန်ေ တာ် ကွန်ပျူတာသင် တန်းတက်ခဲ့တယ်။ LCCI  တက်ခဲ့ တယ်။ ကွန်ပျူတာနဲ့ ပတ်သက်လို့ တစ်နှစ်လောက် Service Centre  မှာ လုပ်ခဲ့တယ်။ ကျွန်တော် သင်ခဲ့ တာနဲ့ ပတ်သက်လို့ ဒါပဲ လုပ်ခဲ့ရ တယ်။ ကုမ္ပဏီက အကြောင်း ကြောင်းကြောင့် နားသွားတော့ ကျွန်တော် အလုပ်လက်မဲ့ဖြစ်တယ်။ အကြာ ကြီးနေလို့ အလုပ်ပြန်ရတော့ သင် ထားတာတွေနဲ့ ဘာမှ မဆိုင် ဘူး။ ဦးလေးရဲ့ ထောက်ခံချက်နဲ့ အလုပ်တစ်ခု ရတယ်ဆိုတာပဲ အဖတ်တင်တယ်။ ဒါဆို ဘာလို့ ကျွန်တော်ပညာသင်မလဲ။ အလုပ် ရှာတဲ့

ကုမ္ပဏီတွေကရော လူတစ် ယောက်ရဲ့ အရည်အချင်း ထက် ဓာတ်သိရဲ့ ထောက်ခံချက်ကို ပို အလေးထားသလိုပဲ။ နောက်ဆုံး စာရင်းချုပ်လိုက်တော့ ဘာသင် တန်း၊ ညာသင်တန်းဆိုတာတွေကို လူတွေက ပိုက်ဆံပေးလုပ်ကျွေးနေ ကြတာ”ဟု ကိုသက်ထွန်းနိုင်ဆိုသူလူငယ်တစ်ဦးက ပြောသည်။”LCCI Level 3 လက်မှတ် ရှိမှဆိုပြီးေ ခ်ါတယ်။ အင်တာဗျူး တော့ သူတို့ပေးတဲ့ လစာနဲ့ ကိုယ် သင်ထားရတာနဲ့ မတန်ဘူး။ ကိုယ် က ပညာလိုချင်ရင်တော့ တန်ပါ တယ်”ဟု အလုပ်ရှင်နှင့် အလုပ်သ မားကြား လိုအပ်ချက် ကွာခြားမှုကို ရှင်းပြသည်။

 တိုင်းပြည်အတွင်း၌ အထက်ပါ ကဲ့သို့ လုပ်ငန်းရှင် လိုအပ်ချက် နှင့် လုပ်သားများ၏ လုပ်နိုင်စွမ်းကို ရေရှည်တွင် ထည့် သွင်းစဉ်းစားရ မည်ဖြစ်သည်။ထုထည်ကြီးကြီးမား မား မဟုတ်သော်လည်း နည်းပညာ အသားပေး နိုင်ငံတကာမှ လာမည့်ရင်းနှီးမြှုပ်နှံသူများက ထိုအချက်ကို ဦးစွာထည့် သွင်းစဉ်းစားမည်ဖြစ် သည်။ ထို့အတွက် တကယ် အလုပ် လုပ်လိုသူများ ကြိုတင်ပြင်ဆင်ထား ရန်လို အပ်သလို နိုင်ငံတော်ကလည်း တက္ကသိုလ်များမှ တစ်ဆင့် ဘာသာ ရပ်အလိုက် ကျွမ်းကျင်သူများ မွေးထုတ်ပေးရေးနှ င့် သက်မွေး ပညာ ရပ်များ သင်ကြားနိုင်ရန် စီစဉ်ပေးဖို့ လိုအပ်ကြောင်း အငြိမ်းစား အစိုးရ ဝန်ထမ်းတစ်ဦးက သူ၏ အမြင်ကို ပြောသည်။နည်းပါးသော အလုပ်အကိုင် အခွင့်အလမ်းနှင့် အလုပ်က လိုအပ် လာမည်ဖြစ်သော လူသား ရင်းမြစ် ဆတူအဆင်သင့်ဖြစ်ရန် မြန်မာလူ ငယ်ထုပေါ်တွင်များစွာမူတည်သည်။ ထိုအချက်က ယခုနှစ်အ တွင်း ရန်ကုန်မြို့၌ မြန်မာနိုင်ငံ လူငယ် စွန့်ဦးတီထွင် လုပ်ငန်းရှင်များအဖွဲ့ က နှစ်ကြိမ်တိတိပြုလုပ်ခဲ့သော အလုပ်အကိုင် အခွင့်အလမ်းပြပွဲက သက်သေတည်နေသည်။

”အဲဒီပွဲတွေမှာ အလုပ်လာ  လျှောက်တဲ့ သူတွေအများစုဟာ ငါဘယ်လို အလုပ်ကို လျှောက်မယ် ဆိုပြီး ပြင်ဆင်လာတာနည်းတယ်။ ဒီအတွက် အလုပ်ရရှိမှုနည်းတယ်” ဟု မြန်မာနိုင်ငံ လူငယ်စွန့်ဦးတီ ထွင်လုပ်ငန်းရှင်များအဖွဲ့ အလုပ်အကိုင်အခွင့်အလမ်းပြပွဲ ကျင်းပရေး တာဝန်ခံနှင့် အခွင့်အလမ်းဂျာနယ် တာဝန်ခံအယ်ဒီတာဖြစ်သူ ဦးသန်း စိုးက ပြောသည်။

ယင်းအပြင် အလုပ်အကိုင် ရရှိလိုသူများအနေဖြင့် လုပ်လိုသော အလုပ်နှင့် ကိုယ့်အရည်အချင်းကို သေချာစွာ စစ်ဆေးသင့်သည်။ ထို့ အပြင် အလုပ်လက်မဲ့ များရခြင်း၏ အကြောင်းအရင်းမှာ အလုပ်အ ကိုင်အခွင့်အလမ်းနေရာ နည်းပါး နေခြင်းကြောင့် ဖြစ်ကြောင်း၊ ပြပွဲ ၌ လာရောက်ပြသသော ကုမ္ပဏီ နှင့် အလုပ်အကိုင်ရှာဖွေသည့် လူဦးရေမျှတမှုမရှိကြောင်း ၄င်းက ထပ်လောင်းပြောပြသည်။”ဒီမှာက ကုမ္ပဏီတွေနဲ့ လုပ် ငန်းတွေကတော့ အစုံပါပဲ။ အလုပ် လာလျှောက်တဲ့ သူတွေလည်း အစုံပါပဲ။ အလုပ်အကိုင် အခွင့် အလမ်းရှားပါးတယ်ဆိုတာ က တော့ လုပ်ငန်းအတွေ့အကြုံ ရှိဖို့ ထက် လုပ်ချင်စိတ်ရှိဖို့ပဲ လိုပါ တယ်”ဟု ပြည်တွင်းအလုပ်အကိုင်ရှာဖွေရေးလုပ် ငန်းမှ တာဝန်ရှိသူ တစ်ဦးက ပြောသည်။

အေဂျင်စီကို ယုံမိလို့

”ဆိုင်မှာ ဗီနိုင်းလေးဘာလေး လာအပ်ရင် Photoshop ကျွမ်း ကျင်ဝန်ထမ်း လိုတဲ့အကြောင်း အခွင့်အလမ်းဂျာနယ်ကနေ ကြေ ညာခဲ့တယ်။ အဲဒီမှာ အလုပ်ရှာတဲ့   အေဂျင်စီတစ်ခုက ဖုန်းလှမ်းဆက် ပါတယ်။ အရည်အချင်း စစ်ဆေး ပြီးသား၊ကျွမ်းကျင်တဲ့လျှောက် လွှာရှင် တစ်ယောက် ရထားပါ တယ်ပေါ့။ လာပို့ရမလားဆိုပြီး   မေးပါတယ်။ ဟုတ်ပါပြီ။ အကျိုး ဆောင်ခ ဘယ်လိုပေးရမလဲပေါ့။ တစ်ယောက်ကနေ ဆယ်ယောက် အထိ အင်တာဗျူးပို့ပေးရင် ၅ဝဝဝ ယူပါတယ်။ တစ်ယောက်တည်း ဆိုရင်လည်း၅ဝဝဝ ပါလို့ပြော တော့၊ ဟုတ်ပါပြီ၊ ခေါ်လာခဲ့ပါ၊ တကယ်ကျွမ်းကျင်ရင် ခန့်မှာပါလို့ ပြောလိုက်တယ်။ အေဂျင်စီက ဝန်ထမ်းလုပ် ချင်တဲ့ ကလေးတစ်ယောက် လာပို့ ပါတယ်။ စိတ်ချပါ အစ်မ။ ကျွန်မ တို့ အသေအချာစစ်ဆေးပြီးမှ လာ ပို့တာဆိုလို့ လက်ခံလိုက်ပါတယ်။ ကလေးက ဓာတ်ပုံတွေဖြတ်တာ၊ နောက်ခံချိန်း တာ၊ ပြောင်း တာ တွေအဟုတ်ပါပဲ။ ဆိုးတာက အဲ ဒါတစ်ခုကလွဲပြီး တခြားဘာမှ မလုပ်တတ်ဘူး ဖြစ်နေတယ်။ ဓာတ်ပုံအောက်မှာ ပုံစာလည်း ရိုက်ခိုင်းရော ဘာမှ မရိုက်တတ် ဘူး   ဖြစ်နေတယ်။ ကျောင်းပညာ က ဆယ်တန်းအောင်တဲ့။ အောင် လက်မှတ်က အတုဖြစ်နေတယ်။ အဲဒါနဲ့ သနားလို့ ၁၅ ရက်စာ လုပ်ခပေးပြီး ပြန်လွှတ်မယ်ဆို တော့ သူ့မှာ လည်း အစ်မတို့က ပေး မယ်လို့ သဘောတူထားတဲ့ တစ်လ စာကို အေဂျင်စီမှာ ပေးခဲ့ရတယ် လို့ပြောတော့ သနားတာနဲ့တစ်လ စာပေးလိုက်ရတယ်။ ဒီလိုအေဂျင် စီတွေ ဆီကနေပို့တဲ့အလုပ်သမား ကို ကျွန်မတို့ ဘယ်လိုယုံကြည်ရ မလဲဟု ကွန်ပျူတာစာစီနှင့် ဓာတ် ပုံဆိုင်ရှင်တစ်ဦးက ပြောပါသည်။

ဥပဓိရုပ်ရှိဖို့လို

လက်ရှိ ပြည်တွင်း အလုပ်အ ကိုင်နေရာအများစုသည် ၄င်းတို့ ဝန်ထမ်းဖြစ်လာမည့် သူကို အင်တာဗျူးစဉ်၌ပင် တစ်ကိုယ် ရည်သန့်ရှင်းမှုကို ဆန်းစစ်လေ့ရှိ ကြောင်း ၊ ခေတ်လူငယ်များ၏ နေထိုင်မှု ပုံစံများ ဖြစ်သည့် နားကပ်တပ်ခြင်းနှင့် ဆံပင်ပုံစံထူးထူးခြားခြားများကို သဘောမတွေ့ ကြောင်း၊ အထူးသဖြင့် ကွမ်းစား သော အမျိုး သားများကို အလုပ်ရှင် အတော်များများက ငြင်းပယ်လေ့ ရှိကြောင်း အထက်ပါ ပုဂ္ဂိုလ်က ပြောသည်။ သို့သော် လုပ်ငန်းရှင်များနှင့် တိုက်ရိုက်ဆက်ဆံရသော အလုပ် အကိုင်ရရှိလိုသူ လူငယ်အတော် များများက အလုပ်အကိုင် တစ်ခု ရရန်အတွက် ၄င်းတို့၏ လက်ထဲ တွင် ဘွဲ့လက်မှတ်နှင့် သင်တန်း ဆင်းလက်မှတ် တစ်ထပ်ကြီး လို အပ်နေသည်ဟုသာ တွေးနေ သည်။ မိမိ လုပ်ကိုင်လိုသည့် အလုပ် အကိုင်အတွက် ကျွမ်းကျင်မှု(Skill)  ကို ထည့်တွက်သူမှာ အနည်းအကျဉ်းသာရှိသည်။ လုပ် ငန်းရှင် အချို့ကလည်း မိမိ၏ လုပ်ငန်းခွင် လိုအပ်ချက်ထက် မလိုအပ်သော သင်တန်းဆင်းလက် မှတ်များကို တစ်ပွေ့တစ်ပိုက် တောင်းတော့သည်။

ဘွဲ့လက်မှတ်ထက် အတွေ့အကြုံက အရေးပါ

”အခုခေတ်မှာက ဘာအောင် လက်မှတ်၊ ညာအောင်လက်မှတ်ဆို ပိုက်ဆံအနည်းအကျဉ်းပေးရုံနဲ့ ရနေပြီ။ ဘွဲ့မရတဲ့ သူတစ်ယောက် ကလည်း လိုချင်တဲ့ ဘွဲ့ကို အတု လုပ်လို့ရတယ်။ ဒီတော့ လုပ်ငန်း ရှင်တွေက ကိုယ့်အလုပ်နဲ့ တကယ်အကျွမ်းတဝင်ဖြစ်နိုင်တဲ့သူကို ရွေး ချယ်ခန့်နိုင်ဖို့ လိုတယ်”ဟု မည် သည့်ဘွဲ့လက်မှတ်နှင့် သင်တန်း ဆင်းလက်မှတ်မှ မရှိဘဲ  လက်ရှိ တွင် အချိုရည်နှင့် စား သောက်ကုန် ဖြန့်ဖြူးရေးလုပ်ငန်း တစ်ခု၌ မန် နေဂျာအဖြစ် လုပ်ကိုင်နေသူတစ်ဦး က ပြောသည်။သို့သော် ကွန် ပျူတာဘာသာ ရပ်ဖြင့် ကျောင်းပြီးထားသူ တာမွေ မြို့နယ်မှ မပြည့်ပြည့်ဟိန်းက အမြင်တစ်မျိုးဖြစ်သည်။ ၄င်းအမြင် သည် အထက်က ဆိုခဲ့သလို မလို လားအပ်သော သင်တန်းဆင်း လက်မှတ် လိုချင်သည့် လုပ်ငန်း ရှင်များနှင့်အတူတူပင်ဖြစ်သည်။”ကိုယ်လိုချင်တဲ့ လုပ်ခလစာနဲ့ နေရာကောင်းကောင်းလိုချင်ရင်တော့ Certificate တွေ အများကြီးလိုမှာ ပါ။ တခြားသူတွေကိုလည်း အကြံ ပေးချင်တာက ကိုယ့်မှာ ကျောင်း ပြီးလို့ ဘွဲ့ရထားရုံနဲ့ အလုပ်လွယ် လွယ်ကူကူမရဘူးဆိုတာပဲ”ဟု မပြည့်ပြည့်ဟိန်း က သူ၏ အမြင်ကို ပြောသည်။ ကျောင်းပြီးလို့ ဘွဲ့တစ်ခုရထား ရုံနဲ့ အလုပ်တစ်ခု ရဖို့ မလွယ်သလို သင်တန်းဆင်းလက်မှတ် တစ်ပွေ့ တစ်ပိုက်နှင့် ရထားသည့် အလုပ် သည်လည်း အလုပ်သမားရော အလုပ်ရှင်အတွက်ပါ ထိခိုက်ပြီး နှစ်ဖက်စလုံးအတွက် ရေရှည်အကျိုး မရှိနိုင်ပါ။ထို့အတွက် မြန်မာပြည် တွင်းက သင်တန်းဆင်းလက်မှတ် တစ်ထပ်ကြီးနှင့် ဘွဲ့ရလူငယ်များ အတွက် ဘာသာစကား (အထူး သဖြင့် အင်္ဂလိပ်စာ) တစ်ရပ်နှင့် မိမိလုပ်ကိုင်လိုသည့် အလုပ်အကိုင် အတွက် တတ်မြောက်ထားမှု၊ ထိုအထဲတွင်ဝါသနာပါ ပေါင်းထည့် ပါကယင်းလုပ်ငန်းထဲက လိုချင် သောရာထူးကို တစ်နေ့ရမည်မှာ သေချာသည်။ မြန်မာနိုင်ငံတွင် လက်ရှိ၌ နိုင်ငံခြားရင်းနှီးမြှုပ်နှံမှု ဥပဒေအပြီး မသတ်သေး၍ သိသာသော နိုင်ငံ ခြားရင်းနှီးမြှုပ်နှံမှု ဝင်မလာသေးသ ဖြင့် ပြောရန် စောနေသေးသည်။ ယခု ရင်းနှီးမြှုပ်နှံရန် နိုင်ငံတကာ က စိတ်ဝင်စားနေ သည်မှာ သဘာ ဝသယံဇာတ ထုတ်ယူရေးလုပ်ငန်း များသာဖြစ်သည်။ လူအင်အား (တစ်နည်း အလုပ်သမားအင်အား) အများအပြားသုံးရသည့် ကုန် ထုတ်လုပ်မှု လုပ် ငန်းများ ရင်းနှီး မြှုပ်နှံရန် စိတ်ဝင်စားမှု နည်းနေသည်ဟု ထင်သည်။ဆင်းရဲမွဲတေမှု ပပျောက်ရေး ကို တရစပ် ပြောနေသည့် သမ္မတ ကြီးအပါအဝင် အစိုးရတာဝန်ရှိသူ များအနေဖြင့် အမှန်တကယ် ဆင်း ရဲနွမ်းပါးမှုလျှော့ချရန်မှာ အထက်က ပြောခဲ့သလို လူသားအရင်းအမြစ် များစွာသုံးနိုင်၊အလုပ်အကိုင် အခွင့်အလမ်းပိုမိုရနိုင်သော ကုန်ထုတ် လုပ်မှု လုပ်ငန်းကို နိုင်ငံတကာနှင့် ပြည်တွင်းလုပ်ငန်းရှင်များ အပြန် အလှန် ရင်းနှီးမြှုပ်နှံနိုင်ရန် မက်လုံး ပေးခြင်း သို့မဟုတ် တိုင်းပြည်၏ အလုပ်အကိုင် အခွင့်အလမ်း အတွက် ပိုမိုလုပ်သာကိုင်သာရှိသည့် အခွင့်အရေးများကိုဥပဒေပြုရာ၌ ထည့်သွင်းရေးဆွဲဖို့ လိုနေခြင်းပင် ဖြစ်သည်။ယင်းသည်တိုင်းပြည်၌ အလုပ် အကိုင် အခွင့်အလမ်း ရှားပါးမှု ကြောင့် ဝေလေလေဖြစ်နေသော လူငယ်များအတွက်၊ အစိုးရအတွက် အကောင်းဆုံးသော ဆင်းရဲနွမ်းပါးမှု လျှော့ချရေးအစီအစဉ်တစ်ခုဖြစ်လာ   နိုင်သည်။ ထို့ပြင် အသက်မွေးသင်တန်းကျောင်းများလည်း ကြို တင်စီစဉ်ထားသင့်သည်။ သို့မှသာ အလုပ်ရှင်၏ လိုအပ်ချက်နှင့် လုပ် သား၏ လုပ်ငန်းခွင် စွမ်းဆော င်နိုင် မှုအတွက် လိုအပ်ချက်များ တစ် ထပ်တည်းကျနိုင်မည်ဖြစ်သည်။အချို့က ပြောသည်။ ပြည် တွင်း ၌ အရည်အချင်းပြည့်ဝသော ကျွမ်းကျင်လုပ်သား ရှားပါးမှု ပြဿ နာကြုံရနိုင်သည်ဟု ထင်ကြေးပေး နေကြသည်။ ယင်းထင်ကြေးသည် အနည်းစုသာဝင်လာနိုင်သော နည်း ပညာဆိုင်ရာ လုပ်ငန်းများအတွက် ဖြစ်လိမ့်မည်။ကုန်ထုတ် လုပ်ငန်း၌လုပ်ငန်း တစ်ခု ကျွမ်းကျင်ရေးသည် အဓိက ဖြစ်သည်။ မြန်မာနိုင်ငံတွင် နိုင်ငံ တကာမှကုန်တိုက်ကြီးများ ဟိုတယ် ကြီးများ လာရောက်ရင်းနှီးလုပ်ကိုင် ပါကများစွာသော လုပ်ငန်းလိုအပ် ချက်များ ပေါ်လာမည်။ အခြားဝန်ဆောင်မှုလုပ်ငန်းများစွာလည်း ရှိ နေသေးသည်။ ဘာသာစကားနှင့် မိမိလုပ်လိုသော လုပ်ငန်းအေ ကြာင်း သိလျှင် ထိုအလုပ်သမားအတွက် အလုပ်မရ နိုင်စရာမရှိ။

မိုးမြင့်မြတ်ရေးဖွဲ့သည်။ by Popular Myanmar News Journal

သတင်းအချက်အလက် – ဝေယံမိုးမြင့်၊ မေဇင်ဝင်း၊ ထက်ထက်မိုးမြင့်၊ အိမ်စည်စိုးစံ


ပြည်ပကြွေးမြီ ဆယ်လအတွင်း ဒေါ်လာ လေးဘီလီယံတိုး

မြန်မာနိုင်ငံမှ ပြည်ပသို့ ပေးဆပ် ရန်ရှိသည့် ကြွေးမြီ စုစုပေါင်းမှာ အမေရိကန် ဒေါ်လာ သန်း ၁၅၀၀၀ကျော် (၁၅ ဘီလီယံကျော်)ရှိကြောင်း ဘဏ္ဍာရေးနှင့် အခွန်ဝန်ကြီး ဌာနမှ ဒုဝန်ကြီး ဒေါက်တာ မောင်မောင် သိမ်းက ပြောသည်။

ပြည်သူ့လွှတ်တော်တွင် အောက်တိုဘာ ၂၄ ရက်က ဒုဝန် ကြီးက မြန်မာနိုင်ငံ၏ ကြွေးမြီ တိုးရင်း စုစုပေါင်းမှာ ဒေါ်လာ၁၅၀၈၉ ဒသမ ၄၃၄ သန်းရှိကြောင်း လွှတ်တော် ကိုယ်စားလှယ် ဦးမောင်တိုး ၏ မေးခွန်းကို ဖြေကြားစဉ် ထည့်သွင်း ပြောကြားခဲ့သည်။

ဇန်န၀ါရီ ၃၁ ရက်က ကျင်းပခဲ့ သော အမျိုးသား လွှတ်တော်တွင် မြန်မာနိုင်ငံမှ ပြည်ပနိုင်ငံများ သို့ ပေးဆပ်ရန်ရှိသော ကန်ဒေါ်လာ ၁၁၀၂၃ ဒသမ ၂၈၉ သန်း (ဒေါ် လာ ၁၁ ဘီလီယံကျော်)ရှိကြောင်း ဘဏ္ဍာအခွန်ပြည်ထောင်စုဝန်ကြီးကဖြေကြားခဲ့သည်။

ထို့ကြောင့် ပြည်ပသို့ ပေး ဆပ်ရမည့် ကြွေးမြီတိုးရင်း စုစု ပေါင်းမှာ ဆယ်လအတွင်း ဒေါ် လာသန်း ၄၀၀၀ ကျော် (၄ ဘီလီယံကျော်)တိုးလာခြင်းဖြစ်သည်။ ထို့အပြင် အစိုးရအနေဖြင့် ပြည်တွင်းကြွေးမြီ စုစုပေါင်း ကျပ် သန်းပေါင်း ၉ç၉၈၈ç၈၅၇ လည်း ပေးဆပ်ရန်ရှိသည်။

မြန်မာတစ်နိုင်ငံလုံးတွင် ၂၀၁၂ စက်တင်ဘာလကုန်အထိ လည်ပတ်သုံးစွဲနေသော ငွေပမာဏ စုစုပေါင်းမှာ ကျပ်သန်းပေါင်း ၆၁၉၉၁၂၂ ဒသမ ၉၅ (ကျပ်ငွေ၆ဒသမ၂ ထရီလီယံခန့်)ရှိကြောင်း ဒုဝန်ကြီးကပြောကြားသည်။

ဦးမောင်တိုး၏ မေးခွန်းတွင်ပါဝင်သော နိုင်ငံခြားအရန်ငွေနှင့် ရွှေတန်ဖိုးမည်မျှရှိကြောင်း မေးခွန်းကို စိစစ်ဆောင်ရွက် ဆဲဖြစ်ပြီး သီးခြား တင်ပြသွားမည်ဟု ဦးမောင်မောင်သိမ်း က ဖြေကြား ခဲ့သည်။

၂၀၁၂ဇန်န၀ါရီအထိ တစ် နိုင်ငံလုံး လည်ပတ်သုံးစွဲငွေ ကျပ် ၅၆၀၀ဘီလျံ(၅ဒသမ၆ထရီလီယံ) ကျော်ရှိခဲ့ သည်။

ထို့ ကြောင့် ကိုးလ၀န်းကျင်အတွင်း ၆၀၀ဘီလျံနီးပါး တိုးလာခြင်းလည်းဖြစ်သည်။

7Day News Journal

ပထမ အကြိမ် ပြည်သူ့လွှတ်တော် ပဉ္စမပုံမှန် အစည်းအဝေးသို့ တက်ရောက် လာသော ဒေါ်အောင်ဆန်းစုကြည်ကို တွေ့ရစဉ်။
ဓာတ်ပုံ-သီဟ - 7Day News Journal

စွပ်စွဲမှုများအတွက် ဥပဒေနှင့်အညီပြန်လည်ရုပ်သိမ်းခဲ့သည့် ဧရာဝတီတိုင်းလွှတ်တော်

ဧရာဝတီတိုင်း တိုင်းဒေသကြီး ၀န်ကြီးချုပ်နှင့် တိုင်းလမ်းပန်း ဆက်သွယ်ရေး ၀န်ကြီးအား လွှတ်တော် ကိုယ်စားလှယ်များက  စွတ်စွဲ ပြစ်တင်ခဲ့သော ကိစ္စရပ်များအား ပြန်လည် ရုပ်သိမ်း လိုက်ပြီ ဖြစ်သည်။

တိုင်းလွှတ်တော် ကိုယ်စားလှယ်များ၏ တာဝန်နှင့် ၀တ္တရားများကို ဟန့်တား နှောင့်ယှက်ခြင်း၊ လွှတ်တော် ကိုယ်စားလှယ် များအား ပြည်သူနှင့် ကင်းကွာအောင် ပြုလုပ်ခြင်း၊ လွှတ်တော်ကိုယ်စားလှယ်များမှ လွှတ်တော် ကိုယ်စားလှယ် တစ်ဦး၏ တာဝန်ထမ်းဆောင်၍ ဆက်လက် လုပ်ဆောင်၍ မရတော့အောင် ဖြစ်ခဲ့ရသည့် ကိစ္စရပ်များအတွက် တိုင်းလွှတ်တော် ကိုယ်စားလှယ်(၁၉)ဦးမှ လက်မှတ်ရေးထိုးကာ ဧရာဝတီတိုင်း ၀န်ကြီးချုပ်ဦးသိန်းအောင်နှင့် ဧရာဝတီတိုင်း လမ်းပန်း ဆက်သွယ် ရေးဝန်ကြီးဦသန်းထွန်းတို့အား စွပ်စွဲပြစ်တင်ခြဲ့ခင်း ဖြစ်သည်။

ဧရာဝတီတိုင်းလမ်းပန်းဆက်သွယ်ရေးဝန်ကြီး ဦးသန်းထွန်းကလည်း ဖြစ်ပေါ်ခဲ့သော ကိစ္စရပ်များ အတွက် တောင်းပန်ခဲ့ပြီး ၀န်ကြီးချုပ်ဦးသိန်းအောင်ကလည်း နောက်နောင် ထိုကဲ့သို့ကိစ္စရပ်များ မဖြစ်စေရေး ကြပ်မတ်ဆောင်ရွက်သွားမည်ဖြစ်ကြောင်း ရှင်းလင်းပြောကြားခဲ့သည်။

တိုင်းလွှတ်တော်မှ စွပ်စွဲပြစ်တင်မှုကို ဥပဒေနှင့် အညီရုပ်သိမ်းခဲ့ခြင်းလည်းဖြစ်သည်။

မျိုးမင်းထွန်း ဧရာဝတီတိုင်း (မြစ်မခ)
by Myit Makha Mediagroup


မြန်မာ့ဆက်သွယ်ရေးလုပ်ငန်းမှ ADSL စနစ်အသုံးပြုလိုသူများ သိရှိစေရန်

၁။ ရန်ကုန်တိုင်း ဒေသကြီး စည်ပင် သာယာ နယ်နမိတ် အတွင်းရှိ မြန်မာ့ ဆက်သွယ်ရေး လုပ်ငန်းမှ ADSL စနစ် အသုံးပြု လိုသူများသည် www.mpt.net.mm website တွင် ပါရှိသော လျှေက်လွှာ ပုံစံကို  Download ပြုလုပ်ပြီး လိုအပ်သော စာရွက် စာတမ်းများအား ပူးတွဲလျှက် စာအိတ်ပေါ်တွင် အင်ဂျင်နီယာ ချုပ်၊ သတင်း အချက် အလက်နှင့် နည်းပညာဌာန၊ ရုံးချုပ် အခြေစိုက် ပြည်ပ ဆက်သွယ်ရေး အဆောက်အဦး၊ (၈)မိုင် ၊မရမ်းကုန်းမြို့နယ်၊ ရန်ကုန်မြို့သို့ လိပ်မူ၍ လျှောက်ထား နိုင်ပါသည်။

လျှောက်လွှာပုံစံ ယူရန် ဒီနေရာကို နှိပ်ပါ

၂။ပြည်နယ်နှင့် တိုင်းဒေကြီး နယ်နမိတ်များ အတွင်းရှိ မြန်မာ့ ဆက်သွယ်ရေး လုပ်ငန်းမှ ADSL စနစ် အသုံးပြုလို သူများသည် www.mpt.net.mm  Website တွင် ပါရှိသော  လျှောက်လွှာပုံစံကို Download ပြုလုပ်ပြီး လိုအပ်သော စာရွက်စာတမ်းများအား ပူးတွဲလျှက် စာအိတ်ပေါ်တွင် သက်ဆိုင်ရာပြည်နယ်/ တိုင်းဒေသကြီး မန်နေဂျာသို့ လိပ်မူ၍ လျှောက်ထားနိုင်ပါသည်။

မြန်မာ့ဆက်သွယ်ရေးလုပ်ငန်း

ဖားကန့် ၌ ငြိမ်းချမ်းပါစေ မီးပုံးလွှတ်တင်ခဲ့သော်လည်းလူ(၂)ဦးသေဆုံး

ကချင်ပြည်နယ် ဖားကန့်မြို့နယ် ဖြစ်ပွားခဲ့သည့်  တိုက်ပွဲများ ကြောင့် နန့်မော်ရွာ ၌ အောက်တိုဘာ လ(၃၀)ရက် နေ့နေ့လည်ပိုင်းက   နန့်မော်ရွာ၌ ခရီးသည် တင်ကား ကားသေနတ် မှန်၍ ခရီးသည် (၂)ဦး သေဆုံး၍ (၃)ဦး ဒဏ်ရာ ရရှိခဲ့ကြောင်း ဖားကန့်ဒေသခံ များထံက သိရှိရသည်။

အောက်တိုဘာလ (၃၀)ရက်နေ့တွင် ဖားကန့်မှ တာမခံသို့ သွားသော ခရီးသည်တင် ကားသည် နန့်မော်ရွာ တွင် သေနတ်ထိ မှန်ခဲ့ပြီှး တာမခံနယ်ေ ညာင်ပင်ကုန်းရွာမှ ကိုကျော်ကျော် အသက်(၂၂)နှစ်နှင့် စစ်ကိုင်းတိုင်း ယင်းမာပင်မြို့နယ် ပေါက်သဖရွာမှ မဆွေဆွေအောင် အသက် (၂၆)နှစ်တို့နေရာတွင် သေဆုံးပြီးကားဆရာ ကိုမျိုးထွန်းအောင်၊ မမြင့်မြင့်ခိုင်၊ ကိုစိုင်းခမ်းအောင် တို့ ဒဏ်ရာအသီးသီးရခဲ့ကြောင်း သိရှိရသည်။

 “အစိုးရတပ်နဲ့KIAတို့တိုက်ပွဲက ကျည်ဆံလာမှန်တာလို့ ပြောတယ်၊နန့်မော်ရွာနားမှာ ဖြစ်တာပါ နှစ်ယောက် ကတော့ ပွဲချင်းပြီး ဆုံးသွားတယ်၊သုံးယောက်ဒဏ်ရာရတယ်”ဟု ဖားကန့်NLDပါတီမှ ကိုစိန်ထွန်းက ပြောသည်။

အောက်တိုဘာ(၃၀)ရက် သီတင်းကျွတ်လပြည့်နေ့တွင် ဖားကန့်မြို့နယ်အမှိုက်ခုံရွာ၊မဏိဇေရုံဘုန်းကြီး ကျောင်းနှင့် စရှော်ခကျေးရွာတို့တွင်”ငြိမ်းချမ်းပါစေ ကချင်မြေ” ၊ ”ငြိမ်းချမ်းပါစေ ရတနာမြေ” နှင့်”ငြိမ်းချမ်းပါစေ ကမ္ဘာမြေ”ဟူ မီးပုံး(၃)လုံး လွှတ်တင်လိုက်ကြောင်း ဒေသခံများထံက သိရှိရသည်။

 “ကချင်ပြည်နယ်မှာ စစ်ပွဲတွေရပ်ဖို့အတွက် ဆုတောင်းပြီးသုံးနေရာခွဲပြီး မီးပုံးသုံးလုံးလွှတ်တင်လိုက်တယ်”ဟု ဖားကန့်ဒေသခံ ကိုကျော်မြိုင်ကပြောသည်။

ကချင်ပြည်နယ်တွင် (၁)နှစ်ကြာ အပစ်အခတ်ရပ်စဲခဲ့သော ကေအိုင်ကေနှင့် မြန်မာစစ်တပ်ကြား စစ်ပွဲများပြန်လည်ဖြစ်ပွားခဲ့သည်မှာ ၂၀၁၁ခုနစ်ဇွန်လ(၉)ရက်ကတည်းကဖြစ်ပြီး ယခုအခါ တစ်နှစ်နှင့် လေးလကြာမြင့်လာပြီဖြစ်သည်။

အောက်တိုဘာလ(၃၀)ရက်နေ့ကလည်း တရုတ်နိုင်ငံရွှေလီမြို့၌အစိုးရဘက်မှပြည်ထောင်စုအဆင့် ငြိမ်းချမ်ရေး အကျိုးတော်ဆောင်များနှင့် KIA(ဗဟို)ဘက်မှ အရာရှိများ ပထမဆုံးအကြိမ်ငြိမ်းချမ်းရေးဆွေးနွေးခဲ့ကြောင်း သိရှိရသည်။

ငြိမ်းချမ်း(မြစ်မခ)
by Myit Makha Mediagroup



တရုတ်သို့ပိုရန် ဆမ္မဆယ်၌ နွားကောင်ရေ (၅၀၀)ကျော် ရောက်ရှိ

 တရုတ်ပြည်သို့ ရှမ်းပြည် မြောက်ပိုင်း နောင်ချိုမြို့နယ် ဆမ္မဆယ် ကျေးရွာမှတဆင့် ယခုလ အောက်တိုဘာ (၂၉)ရက်နေ့မှ စ၍ ပြန်လည် တင်ပို့ရန် အတွက် နွားအကောင်ရေ (၅၀၀)ကျော် ဆမ္မဆယ် ကျေးရွာ ၌ ရောက်ရှိ နေကြောင်း ဒေသခံများ ထံက သိရှိရသည်။

အဆိုပါ နွားများမှာ ဆမ္မဆယ်ကျေးရွာ အနောက်ရှိ တောင်နှစ်လုံးကြားတွင် ထားရှိကြောင်း ကိုလည်း သိရသည်။

 ယခုနှစ် ဇန်န၀ါရီလပိုင်းမှ စတင်ကာ ဆမ္မဆယ်မှ တဆင့်တရုတ်ပြည်သို့ နေ့စဉ် နွားအကောင်ရေ(၁)ထောင် နီးပါးတင်ပို့နေပြီှး ယခုနှစ် စက်တင်ဘာလ အတွင်းတွင် နောင်ချိုရဲစခန်းမှ ဖမ်းဆီးမှုများကြောင့် ရပ်နားထားရာမှ ယခုလ (၂၉)ရက်နေ့တွင် ဆမ္မဆယ် ကျေးရွာအနောက် ဘက်တောင်ကြားထဲတွင် နွားအကောင်ရေ(၅၀၀)ကျော် ရောက်ရှိနေကြောင်း ဒေသခံများထံက သိရှိရသည်။


 “ဒီနှစ်စတုန်းက နေ့တိုင်းအကောင်ရေ တစ်ထောင်တင်ပို့နေတာ ရဲတွေက ဖမ်းလိုက်တော့တစ်လလောက် နားသွားသေးတယ် အခုဒီလ တင်ပို့ဖို့လုပ်နေပြီ”ဟု ဆမ္မဆယ်ကျေးရွာသား တစ်ဦးက ပြောသည်။


ယခုနှစ်အတွင်းတွင် နောင်ချိုရဲစန်းအနေဖြင့် အရေးကြီးပုဒ်မ(၈၁)ဖြင့် ပိုင်ရှင်မဲ့ နွားဖမ်းဆီး မှု(၄)မှု ဖမ်းဆီးထားပြီး၊ နောင်ချိုမြို့မှ (၁၇)ကောင်နှင့် ဒိုးပင်ကျေးရွာမှ အကောင် (၃၀)ဖမ်း ဆီးထားကြောင်းကိုလည်း သိရှိရသည်။

 “ကျွန်တော်တို့ ကိုးလပိုင်းအတွင်းက သတင်းရတော့ သွားရောက်ဖမ်းဆီးမှုတွေ လုပ်ထားပါတယ် ပိုင်ရှင်မဲ့တွေ များပါတယ်၊ ဒီနှစ်အတွင်းမှာနွားဖမ်းဆီးမှုတွေ တော်တော်များပါတယ်”ဟုနောင်ချိုရဲစခန်းမှ တာဝန်ရှိသူတစ်ဦးက ပြောသည်။

ယခုလိုနွားများအလွန်အကျွံတင်ပို့နေမှုများကြောင့် တောင်သူလယ်သမားများ၏ကျေးဇူးရှင်များဖြစ်သောနွားများ မျိုးတုန်းသွားမည်ကို ဒေသခံများက စိုးရိမ်လျက် ရှိနေသည်။

နောင်ချိုမြို့နယ်ဆမ္မ ဆယ်မှတဆင့် တရုတ်ပြည်သို့ နွားများကို(၁၂)ဘီးကားများဖြင့် တင်ပို့ပြီး ကားတစ်စီးလျှင် နွားအကောင်ရေ(၂၅)ကောင်မှ(၃၀)ကြား တင်ဆောင်ကြောင်းသိရှိရသည်။

 တရုတ်ပြည်သို့နွားတင်ပို့ရာတွင် ကားတစ်စီးလျှင်ကျပ်(၈)သိန်းဝန်းကျင်အထိကျန်ရှိပြီးထိုကားခေါင်မိုးပေါ်သို့ နွားများကြည့်ရန် အတွက်လိုက်ပါသော လူတစ်ယောက်အတွက် တစ်ခေါက်လျှင် ကျပ်(၂)သောင်းရရှိသည်။

အဆိုပါနွားတင်ဆောင်သော ကားများမှာ ည(၉)နာရီဝန်းကျင်အချိန်တွင်ဖြတ်သန်းလေ့ရှိကြောင်း မန္တလေး-လားရှိုးလမ်းဘေးနေထိုင်သူများထံက သိရှိရသည်။

ငြိမ်းချမ်း(မြစ်မခ)
by Myit Makha Mediagroup



ရခိုင်ပြည်နယ်တွင် စစ်အုပ်ချုပ်ရေး မလိုလားဟုဆို

ရခိုင် ပြည်နယ် အတွင်း ယခုထက် အခြေအနေ ပိုမို ဆိုးရွား လာပါက စစ်အုပ်ချုပ်ရေး ကြေညာ နိုင်ဖွယ် ရှိပြီး စစ် အုပ်ချုပ်ရေးကို ရခိုင် တိုင်းရင်းသားများ အနေဖြင့် လိုလားမှု မရှိကြောင်း ရခိုင် တိုင်းရင်း သား ခေါင်းဆောင် အချို့က ပြောသည်။ “ရခိုင်မှာ မငြိမ် သက်မှုတွေ ဖြစ်တာ ကြာလာရင် ပုဒ်မ ၁၁ အရ ဆောင်ရွက် သွားမယ်လို့ ပြည်ထဲရေး ၀န်ကြီးက လွှတ်တော်ထဲမှာ ပြောသွားတယ်။ ဒီထက်ဆိုးလို့ စစ်အုပ်ချုပ်ရေး ကြေညာရင် ----

သတင်း အပြည့်အစုံ ဖတ်ရန် ဒီနေရာကို နှိပ်ပါ


ဓါတ်ပုံ - 7Day News Journal

ရန်ကုန်တွင် မင်းမဲ့စရိုက်ဆန်ဆန်လူသတ်မှု ပိုများလာ

ရန်ကုန်မြို့တွင် လူအများ ရှေ့၌ပင် အုပ်စုဖွဲ့၍ လူသတ်မှု၊ ရိုက်နှက်မှုများ မကြာခဏ ဖြစ်ပွား လာခြင်းကို တွေ့ရကြောင်း မြို့နေ ပြည်သူများနှင့် ဥပဒေ နယ်ပယ်မှ ပုဂ္ဂိုလ်များက ပြောကြားသည်။

၂၀၁၁ ခုနှစ် နိုဝင်ဘာလက ပုဇွန်တောင်မြို့နယ်တွင် ဖြစ်ပွားခဲ့သော မြို့လယ်ခေါင်၌ ရုပ်ရှင်ဆန်ဆန် လူသတ်မှုမှစ၍ နာမည်ကြီးပြီး ဆန်းပြားသော လူသတ်မှုများ၊ ရိုက်နှက်မှုများ ထပ်မံဖြစ်ပွား လာခြင်းဖြစ်သည်။ ပုဇွန်တောင်မြို့နယ်တွင် ကားပေါ်မှလူက ကားအပြင်မှလူကို လည်ပင်း ညှစ်လျက်သား အနေအထားဖြင့် ကတ္တရာလမ်း တစ်လျှောက် ကားနှင့်တရွတ် တိုက်ပါသွားကာ သေစေခဲ့သော ရုပ်ရှင်ဒါရိုက်တာ တစ်ဦး၏ အမှုနှင့် မရှေးမနှောင်းပင် မြောက်ဥက္ကလာပ မြို့နယ်အတွင်း၌ လူအများထိုင်နေသော စားသောက်ဆိုင် အတွင်းသို့ ကားသုံးစီးဖြင့် ရောက်ရှိလာသူများက ဆိုင်အတွင်းထိုင်နေသူကို ဓားများဖြင့်ခုတ်ကာ သတ်ဖြတ်မှု ဖြစ်ပွားခဲ့သည်။

အင်းလျားကန်ပေါင်ပေါ်ရှိ တာဝန်ကျလုံခြုံရေးဝန်ထမ်းနှင့် ဆိုင်ခန်းများကို ဆိုင်ကယ်များနှင့် ရောက်လာသူ ၁၄ ဦးက ဓားဖြင့်ထိုး၊ တုတ်များဖြင့် ရိုက်နှက်ဖျက်ဆီးမှုများ ပြုလုပ်ခဲ့သည်။ ယခုနောက်ဆုံး အောက်တိုဘာ၂၃ ရက်ညတွင် လမ်းလျှောက်သီချင်းဆိုလာသူအား ပြိုင်ကားပေါ်မှလူများက ၎င်းတို့ကို စောင်းမြောင်းဆိုသည်ဟုဆိုကာ ရေအိုးဖြင့် ခေါင်းကိုရိုက်ခွဲသတ်မှုသည်လည်း လူများသွားလာနေရာ ကမ္ဘာအေးဘုရားလမ်းပေါ်ရှိ နှင်းဆီကုန်းဘိုးဘွားရိပ်သာရှေ့တွင် ဖြစ်ပွားခဲ့သည်။

ယခုကဲ့သို့ လူအများရှေ့တွင် ရက်စက်စွာပြစ်မှုကျူးလွန်မှုများ မကြာခဏ ခပ်စိပ်စိပ်ဖြစ်ပွားလာခြင်းသည် ငြိမ်ဝပ်ပိပြားမှုမရှိခြင်းနှင့် တရားဥပဒေစိုးမိုးမှုမရှိခြင်းတို့၏ အကျိုးဆက်ဖြစ်သည်ဟု တရားလွှတ်တော်ရှေ့နေဦးကိုနီကဆိုသည်။ ပြစ်မှုဖြစ်ပွားခြင်းသည် တရားဥပဒေစိုးမိုးရေးအတွက် တာဝန်ယူရသော လုံခြုံရေးရဲတပ်ဖွဲ့တွင် တာဝန်ရှိသကဲ့သို့ တရားရုံးများကလည်း ပြစ်မှုကျူးလွန်ခြင်းများကို ထိရောက်စွာဟန့်တားနိုင်သည့် ပြစ်ဒဏ်များ ချမှတ်နိုင်ရန် လိုအပ်သည်ဟု ဦးကိုနီကပြောကြားသည်။

ခေတ်အရ ပြောင်းလဲပေါ်ပေါက်လာသည့် နိုက်ကလပ်များ၊ ရာသီပေါ်ပွဲလမ်းသဘင်များတွင် လူငယ်များစုရုံးလာခြင်း၊ မူးယစ်ရမ်းကားခြင်းတို့မှာ ဖြစ်လေ့ဖြစ်ထရှိသော်လည်း လုံခြုံရေးအရ ညအချိန်တွင် သတ်မှတ်ထားသည့် ဥပဒေများကို သက်ဆိုင်ရာက ထိထိရောက်ရောက် အရေးယူဆောင်ရွက်မှု အားနည်းနေကြောင်း ရှေ့နေဦးအောင်သန်းစိုးကပြောသည်။ “ထုတ်ထားတဲ့အမိန့်တွေကို သက်ဆိုင်ရာက ထိထိရောက်ရောက် ဆောင်ရွက်ဖို့လိုတယ်”ဟု ၎င်းကပြောသည်။

ပြစ်မှုဆိုင်ရာဥပဒေတွင် လူသတ်မှုကျူးလွန်သူကို အမြင့်ဆုံးပြစ်ဒဏ်ဖြစ်သည့် သေဒဏ်ထိ ချမှတ်နိုင်သော်လည်း အနိမ့်ဆုံးပြစ်ဒဏ်ဟူ၍ သတ်မှတ်ထားခြင်းမရှိဘဲ မှုခင်းဖြစ်ပွားသည့် အခြေအနေကိုလိုက်၍ တရားသူကြီး၏ ဆင်ခြင်ဉာဏ်ဖြင့်သာ ပြစ်ဒဏ်ချမှတ်ရခြင်းဖြစ်ကြောင်း သိရသည်။

ယခုနောက်ပိုင်းတွင် ဖြစ်ပွားသည့် ပြစ်မှုများသည် ကြိုတင်ကြံစည်မှုက နည်းပါးပြီး လူငယ်အချင်းချင်းဖြစ်ပွားသော ပြဿနာများမှ ရိုက်ကြနှက်ကြသည်သာရှိကြောင်း၊ သို့သော် အုပ်စုဖွဲ့ရမ်းကားမှုများတွင် လူသေဆုံးပါက ထောင်ဒဏ် နှစ်၂၀ မှ တစ်သက်တစ်ကျွန်းထိ ချနိုင်ကြောင်း အလုံမြို့နယ်မှ အငြိမ်းစားတရားသူကြီးတစ်ဦးကပြောသည်။

ပြစ်မှုများတွင် အဖွဲ့လိုက်ကျူးလွန်မှုများ များပြားလာခြင်းနှင့် ပတ်သက်၍ မြန်မာနိုင်ငံရဲတပ်ဖွဲ့မှ လက်ရှိ တာဝန်ထမ်းဆောင်နေသူ ရဲအုပ်တစ်ဦးက “အုပ်စုဖွဲ့ ကျူးလွန်တဲ့ မှုခင်းတွေက အမျိုးမျိုးရှိတတ်တယ်။ တချို့ကလည်း ဂိုဏ်းဖွဲ့မျိုးမဟုတ်ပေမယ့် ပိုက်ဆံရှိတယ်။ ခိုင်းသမျှလုပ်ပေးမယ့် တပည့်တပန်းတွေရှိတယ်။ ဒီတော့ တပည့်တွေကို ငါ့အစားသွားလုပ်ပေးဆိုတာမျိုးပေါ့။ ပြီးရင် ပိုက်ဆံပေးတယ်။ အဲဒီလို ပိုက်ဆံယူပြီး တမင်လုပ်စားတာမျိုးကတော့ နည်းပါတယ်။ အဲဒီအခါမှာလည်း သူတို့လုပ်တဲ့ပြစ်မှုအလိုက်ပဲ အရေးယူပါတယ်။ နာကျင်စေမှုဆိုရင် နာကျင်စေမှု၊ လူသတ်မှုဆိုရင် လူသတ်မှုအတိုင်းပါ”ဟု ပြောသည်။

သို့သော် အခကြေးငွေယူ၍ ပြစ်မှုကျူးလွန်ခဲ့ဖူးသူတစ်ဦးက အောက်ပါအတိုင်းပြောသည်။

“တချို့အုပ်စုဖွဲ့ရိုက်နှက်မှုတွေမှာဆို ရိုက်ရုံပဲ။ ဒါပေမဲ့ရိုက်ရင်းနဲ့ လက်လွန်သွားတာမျိုးတွေရှိတယ်။ အဲဒီတော့ အစပါ ဖျောက်ပစ်ရတယ်။ အမှုကပိုကြီးသွားတာပေါ့။ အထူးသဖြင့် ကိုယ်နဲ့မဆိုင်တဲ့ပြဿနာတွေကို ပတ်သက်ရာပတ်သက်ကြောင်းကို ၀င်ရောက်ဖြေရှင်းပေးရတာများတယ်”ဟု ၂၀၁၂ ခုနှစ်က လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာသော ရင်းနှီးသူများက ခိုင်းပါက၊ အဆက်အသွယ်ဖြင့် ငွေပေး၍ တာဝန်ပေးပါက လူသတ်၊ ရိုက်နှက်သောပြစ်မှုများ ကျူးလွန်ခဲ့ဖူးသူတစ်ဦးကပြောသည်။

တရားရုံးများတွင် ပြစ်ဒဏ်ချမှတ်ရာတွင်လည်း ဖြစ်ရပ်တစ်ခုနှင့်တစ်ခုအပေါ် ပြစ်ဒဏ်ချမှတ်မှု မတူညီသည်မှာ တရားသူကြီးက လာဘ်ယူ၍ ဆုံးဖြတ်ရခြင်းမျိုးမဟုတ်ဘဲ ဒေါသအလျောက်ဖြစ်သည့်ပြစ်မှု၊ မတော်တဆကျူးလွန်မိသည့်ပြစ်မှု၊ ပြစ်မှုကျူးလွန်သူ၏ အခြေအနေ စသည်တို့နှင့် သက်ဆိုင်၍ တရားသူကြီးက ဆုံးဖြတ်ရခြင်းမျိုးသာဖြစ်ကြောင်းလည်း သတင်းရရှိသည်။

နှင်းဆီကုန်းဘိုးဘွားရိပ်သာရှေ့တွင် ဖြစ်ပွားခဲ့သော လူသတ်မှု၌ အမျိုးသမီးတစ်ဦး အပါအ၀င် လူငယ်ကိုးဦးက အရက်သေစာသောက်စားထား၍ ရန်စမှုကြောင့်သာ ဖြစ်ပွားခဲ့ခြင်းဖြစ်သည့်အတွက် ညဘက်အပြင်ထွက်လေ့ရှိသော ယောက်ျားလေးများအတွက်လည်း စိုးရိမ်ပူပန်စရာများရှိလာသည်။ “အခုဆိုရင် ကိုယ်ကပြဿနာစမရှာရင်တောင် အုပ်စုလိုက်ရန်စလာရင် ဘာမှမတတ်နိုင်ဘူး။ ဒါကြောင့် ညဘက်ဘောလုံးပွဲသွားကြည့်တာမျိုးတောင် သတိထားရတယ်”ဟု အမျိုးသားတစ်ဦးကပြောသည်။

အုပ်စုဖွဲ့ရမ်းကား လူသတ်မှုဖြစ်စဉ်များ ဖြစ်ပေါ်ခဲ့သည့် မြောက်ဥက္ကလာပလူသတ်မှုတွင် ပြစ်မှုကျူးလွန်သူ ၂၀ ကျော်အနက် ၁၅ ယောက်အား ဖမ်းဆီးထားနိုင်ခဲ့ပြီး၊ အောက်တိုဘာ ၂၃ ရက်က ဖြစ်ပွားခဲ့သော နှင်းဆီကုန်းဘိုးဘွားရိပ်သာရှေ့၌ဖြစ်သော ဖြစ်စဉ်တွင် ပြစ်မှုကျူးလွန်သူ ကိုးဦးစလုံးကို ဖမ်းဆီးနိုင်ခဲ့သည်ဟုဆိုသည်။ အောက်တိုဘာ ၁ ရက် ညက အင်းလျားကန်ပေါင်တွင် ဖြစ်ပွားသော
ဆိုင်ကယ်စီးအုပ်စုဖွဲ့ရိုက်နှက်မှု ၁၄ ဦးတွင် သုံးဦးကိုသာ လက်ရဖမ်းဆီးရရှိသေးကြောင်း ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ
သတင်းရရှိသည်။

လူအများရှေ့တွင် ဖြစ်ပွားနေသော အမှုများသည် ကြိုတင်ကြံစည်မှုကြောင့် ဖြစ်ပွားသည်ထက် မတော်တဆ ခိုက်ရန်ဖြစ်ပွားမှုမှ စတင်သည့် ပြစ်မှုမျိုးက ပို၍များပြားသောကြောင့် လူငယ်များအနေဖြင့် အသွားအလာ၊ အပြောအဆိုကို သတိထားနေရသော အခြေအနေဖြစ်နေကြောင်း ဥပဒေအကြံပေးတစ်ဦးကပြောသည်။

သို့ရာတွင် ထိုသို့ရာဇ၀တ်မှုများ ထူပြောလာခြင်း၊ သောင်းကျန်းမှုများ ဖြစ်ပေါ်လာသည်တို့မှာ တရားဥပဒေစိုးမိုးရေးယန္တရား ကောင်းမွန်စွာ မလည်ပတ်နိုင်ခြင်းကြောင့်သာဖြစ်ပြီး အဓိကတာဝန်ရှိသူများမှာ ရဲတပ်ဖွဲ့ပင်ဖြစ်သည်ဟု ဦးကိုနီကပြောသည်။

ရေးသားသူ-အိဖြူလွင်၊အေးမြတ်သူ၊မိုးညို
By 7Day News Journal



မြန်မာသို့ ရိုက်ခတ်လာသော K-Pop

တီးလုံးသံ စတင်သည်နှင့် လူငယ် တစ်ဦး ခြေချိတ်ထိုင်ကာ စည်းချက်နှင့်အညီ ယိမ်းထိုးနေသည်။ ထို့နောက် မြူးကြွကြွ တေးသံနှင့် အညီ အဆိုပါ လူငယ်နှင့် အတူ လူငယ် တစ်စု ကခုန် နေကြသည်ကို တွေ့မြင် ရသည်။ ၄င်းတို့ အဖွဲ့သည် ယခု လတ်တလော ကမ္ဘာအနှံ့ K-Pop Music ရေပန်း စားလာခြင်းနှင့် အတူ ၂ဝ၁၂ ခုနှစ် ဇူလိုင်လ ၁၅ ရက်နေ့က ဖြန့်ချိလိုက်သော K-Pop သီဆိုသူ PSY သီဆိုထားသည့် Oppa Gangnum Style သီချင်းကို ပုံစံတူကခုန်ပြီး Youtube တွင် Oppa Burma Style  ဟူ၍ လွှင့်တင်ထားကြခြင်းဖြစ်သည်။

လူငယ်တစ်စု ဖုန်းတွင်း အင်တာနက်မှ တစ်ဆင့် ယခုလပိုင်း အတွင်း ခေတ်စားလာနေသော Oppa Burma Style  ကို ကြည့်ရှုနေကြသည်။

Oppa Gangnum Style  အကမှာ တောင် ကိုရီးယား Pop ဂီတ ပညာရှင် PSY က တောင် ကိုရီးယားနိုင်ငံရှိ Gangnum ဒေသ အကြောင်းကို သရုပ်ဖော်ထားသည့် သီချင်းဖြစ်ပြီး မြူးမြူးကြွကြွ ကပြ ထားသဖြင့် ယင်းအကမှာ ကမ္ဘာ တစ်ဝန်း ကျော်ကြားလာခြင်း ဖြစ်သည်။

ထိုကဲ့သို့ ကျော်ကြား လာသည်နှင့် အမျှ နိုင်ငံ ပေါင်းစုံမှလည်း ထိုအကကို အတုယူကာ Oppa Burma Style ၊ Obama Style ၊ Hitler Style စသည်ဖြင့် ပုံစံတူ ရိုက်ကူး လာကြသည်ကို Youtube တွင် တွေ့မြင်နေရသည်။

အဆိုပါ PSY ၏ Oppa Gangnum Style သီချင်းကို Oppa Burma Style ဟူ၍ ကကြသူထဲတွင် အပါအဝင် ဖြစ်သော ဘလော့ဂါ တစ်ဦး ဖြစ်သူ မနန်းညီ က "MICT ကို Barcamp အတွက် အစည်းအဝေး သွားရင်း အဓိက သရုပ်ဆောင်က PSY ရဲ့ ဆံပင်ကေ ညှပ်လာလို့ ဝိုင်းစရင်းနဲ့ ကဖြစ်သွားတာ။ ရိုက်ပေး တာက ကိုရဲအောင်သူပါ။ ကကြတာ ကိုးယောက် လားတော့ မသိဘူး။ ကျန်တဲ့ သူတွေတော့ ပါတယ်။ ဒါပေမဲ့ နည်းနည်းပဲ။ ကတာ သုံးနာရီ လောက်တော့ ကြာသွားတယ်"ဟုဆိုသည်။

Oppa Burma Style ကရသည့် ခံစားချက် ကို မနန်းညီက "သူငယ်ချင်းတွေ အပျော်ကကြတာ ဆိုတော့ စလိုက် နောက်လိုက်နဲ့ ပျော်ပါတယ်။ မူရင်း PSY ကတော့ မိုက်ပါတယ်။ သူက တစ်ခုခုကို လှောင်ထားတယ် ဆိုတာ ပေါ်လွင်တော့ လူကြိုက် များတာ ထင်တယ်"ဟု သူ့ခံစားချက်ကို ဖွင့်ဟသည်။

"မူရင်းဆိုထားတဲ့ PSY ရဲ့ Oppa Gangnum Style ကတော့ Channal V မှာ လာတုန်းက ကြည့် ဖူးတယ်။ အဲဒါက ကိုရီးယားတင် မဟုတ်ဘဲ တစ်ကမ္ဘာလုံးမှာ အရမ်း ကျော်ကြားသွားတဲ့ သီချင်းလေ။ အခု Oppa Burma Style ဆိုပြီး မြန်မာတွေ ကတော့လည်း စိတ်ဝင်စားလို့ ကြည့်ဖြစ်တယ်။ မူရင်း သီချင်း MTV က အရမ်းရယ်ရတော့ အခု ပုံစံတူ လုပ်ထားတဲ့ မြန်မာတွေ ကလည်း ကောင်းပါတယ်" ဟု မူရင်း အဆိုရှင် PSY ရဲ့ Oppa Gangnum Style သီချင်းရော မြန်မာများ ပုံစံတူ ကခုန်ထား သော Oppa Burma Style သီချင်းပါ ကြည့်ရှု ဖူးသူ မနန္ဒာက ဆိုသည်။

မူရင်းသီဆိုထားသော PSY ၏ Oppa Gangnum Style သီချင်းသည် စတင် ဖြန့်ချိသည့် အချိန်မှစ၍ ယနေ့ထက်တိုင် Youtube တွင် Like အများဆုံး ရရှိ ထားသော တေးသီချင်း တစ်ပုဒ် ဖြစ်သည်။ ထို့အပြင် အဆိုပါ သီချင်းကို Youtube တွင် ဝင်ရောက် ကြည့်ရှုသူ သန်းပေါင်း ၅၂၀ ကျော်သွားပြီဖြစ်သည်။ ထိုသို့ Oppa Gangnum Style သီချင်း ကမ္ဘာတစ်လွှား လူကြိုက်များလာသည့် နည်းတူ နိုင်ငံအနှံ့အပြား အဆိုပါ သီချင်း MTV ထဲက ကကွက်များကို ကခုန် ကြရာတွင် မြန်မာနိုင်ငံ ၌လည်း Oppa Burma Style၊ မလေးရှားရောက် မြန်မာများ မြန်မာစာသားများ သွတ်သွင်း သီဆို ကခုန်ထားသော Oppa Myanmar Style ကို Youtube တွင် တင်ထားပြီး လက်ရှိအချိန်ထိ Oppa Burma Style ကိုကြည့်ရှုသူ ၉၀,၀၀၀ ကျော်ရှိကာ Oppa Myanmar Style သီချင်းကို ကြည့်ရှုသူ ၄၀၀၀၀ နီးပါး ရှိသည်ကို တွေ့မြင်ရသည်။

"PSY ရဲ့ လူချမ်းသာတွေ အပေါ် သရော် ထားတဲ့ သီချင်းကို သဘောကျတယ်။ ပြီး Oppa Burma Style သီချင်းကို ရိုက်ထားတာက လူငယ် ဘလော့ဂါတွေ အပျော်ရိုက်ထား ကြတာ။ လူငယ် ပီပီ ပေါ့ပေါ့ပါးပါးနဲ့ ရယ်စရာလေး လုပ်ထားတာ ဆိုတော့ သဘောကျပါတယ်"ဟု ချင်းမိုင်တွင်  ရေဒီယို သင်တန်းတစ်ခု တက်ရောက်နေသူ ကိုသူရမျိုး က အဆိုပါ သီချင်း အပေါ် သူ၏ အမြင်ကို ပြောပြ သည်။

ကိုသူရမျိုးက ဆက်လက်ပြီး ၄င်းလက်ရှိ တက်ရောက်နေသော သင်တန်းတွင် အိပ်ငိုက်မည် စိုးသဖြင့် သင်တန်းဆရာက အဆိုပါ Oppa Gangnum Style အကကို ကခိုင်းကြောင်း ရယ်မောပြောဆိုသည်။

မြန်မာနိုင်ငံရှိ နိုင်ငံတကာသို့ တရားဝင် ခေါ်ဆို နိုင်သော အင်တာနက်ဖုန်း ဖြစ်သည့် Ytalk ကလည်း အဆိုပါ Oppa Gangnum Style သီချင်း ကို ယူရေနီယံ အဖွဲ့၏ အကများဖြင့် Online တွင် ထုတ်လွှင့်ထားသည်။

"ကမ္ဘာနဲ့ အညီ လှုပ်ရှားတဲ့ ပုံတွေအတိုင်း လှုပ်ရှားမယ်ဆိုပြီး Event တစ်ခု အနေနဲ့ လုပ်ဖြစ် တာ။ ယူရေနီယံ အဖွဲ့နဲ့လည်း ရင်းနှီး နေတော့ သူတို့က ကူညီပေးတာ။ ပြည်သူ့ ဥယျာဉ်ထဲမှာ ကဖြစ်တာ။ ပြန်ကြားရတဲ့ Feedback တွေက ကောင်းတယ်။ ကြိုက်ကြပါတယ်"ဟု Ytalk ၏ ဈေးကွက် မန်နေဂျာ အသက် ၂၉ နှစ်အရွယ် ကိုဇေယျာဖြိုးဝေက အဆိုပါ Oppa Gangnum Style သီချင်း အသုံးပြု ရခြင်းနှင့် ပတ်သက်၍ ရှင်းပြသည်။

Ytalk တွင် Oppa Gangnum Style ကဖြစ် ပုံနှင့် ပတ်သက်၍ ယူရေနီယံအကအဖွဲ့မှ သင်တန်း ဆရာမ မခိုင်လေးက "မစမိုင်းတို့နဲ့ ကျွန်မတို့နဲ့က ခင်နေတာ ကြာပါပြီ။ သူတို့က Ytalk ကို Oppa Gangnum Style နဲ့ ကချင်တာဆိုတော့ စဉ်းစား ကြည့်ကြတယ်။ အစကတော့ ထပ်တူ ဖြစ်ပါ့မလား ဆိုပြီး စိတ်ပူကြသေးတယ်။ တစ်ပိုဒ် နှစ်ပိုဒ် လောက်ပဲ ဆိုတော့လည်း ကိစ္စ မရှိပါဘူးဆိုပြီး လက်ခံပြီး ကဖြစ်သွားတာပါ။ ကတော့လည်း သင်တန်းသားရော ဘာရော ပေါင်းပြီး ၄၀ လောက် ရှိပါတယ်။ အားလုံး ပျော်ပျော်ရွှင်ရွှင် ပါပဲ။ သင် တန်းမှာက သင်တန်းသားတွေက အဲဒီအက ကို သိပ်က ချင်နေကြတော့ သင်ခန်းစာ တစ်ခုအနေနဲ့ မဟုတ်ဘဲ အပျော် သင်ပေးဖူးပါတယ်။ ဒါကြောင့် Ytalk မှာ ကတော့ သိပ်ပြီး အချိန်မပေးရဘူး။ ရက်ပိုင်းလောက်ပဲ လေ့ကျင့်ပြီး ကဖြစ် သွားတာပါ" ဟု ဆိုသည်။

မခိုင်လေးက Oppa Gangnum Style  အက ကသည့် PSY ကို ဂုဏ်ယူကြောင်း၊ ပျော်စရာ ကောင်းသည့် အကတစ်ခု ဖြစ်ကြောင်း သူ၏ ခံစား ချက်ကို ပြောပြသည်။

မူရင်း သီဆိုသူ PSY ၏ Oppa Gangnum Style ကို ကြိုက်နှစ်သက် သော်လည်း မြန်မာများ ပြန်၍ ရိုက်ကူး ထားသည်ကို ကြိုက်နှစ်သက်မှု မရှိ သောသူများကိုလည်း တွေ့ရသည်။

"PSY ကတဲ့ မြင်းစီး အကက ပေါတောတော ပေမယ့် ကျွန်တော်ကြိုက်တယ်။ ပြီးတော့ PSY က ဆရာကျတယ်။ MTV Award မရလည်း သူက ဂင်းနစ် စံချိန်ဝင် သွားပြီ။ ပြီးတော့ သူ့ရဲ့ Video ကြည့်တဲ့သူ အရမ်းများလို့ YouTube ကသူ့ကို သန်းနဲ့ချီပြီး ပိုက်ဆံပေးတယ်လေ။ ကျွန်တော်က တော့ အခု မြန်မာတွေ ပြန်ကတာကို လုံးဝကို မကြိုက်ဘူး၊ မညီလို့"ဟု မြန်မာများ ပြန်ကခြင်းကို သဘော မကျကြောင်း အသက် ၂၃ နှစ်အရွယ် ကိုမင်းထိုက်ကျော်က ဆိုသည်။

PSY ကို လေးစားကြောင်း၊ အသက်ကြီး သော်လည်း အမေရိကက ဂီတဘွဲ့ ရအောင်ယူထား ပြီး သူ့ဂီတကို အသေအချာ ပုံဖော် ထားသည်ကို တွေ့ရကြောင်း၊ PSY သီချင်း၏ ၉၀ ရာခိုင်နှုန်း လောက်ကို နားမလည် သော်လည်း နားထောင်၍ ကောင်းကြောင်း၊ မြန်မာထဲမှ ပြန်ရိုက် ထားသည်ထဲမှ နှစ်ခုသာ ကြည့်ဖူးကြောင်း၊ YouTube တင် သည့်အတွက် ဒီထက်ကောင်းအောင် ရိုက်စေချင် ကြောင်း Oppa Gangnum Style ကိုကြိုက်နှစ်သက် သူ ကိုမင်းမောင်ဟန်က သူ့အမြင်ကိုပြောဆိုသည်။

"ကျွန်တော် သူတို့လိုလည်း မရိုက်နိုင်ဘူး။ အဲဒီလို အိုင်ဒီယာ ကောင်းကောင်းလည်း မရှိဘူး။ ဒါပေမဲ့ သူတို့ ဒီထက်ပိုပြီး ကောင်းအောင် ရိုက်နိုင် ရင် ပိုကောင်းမယ်။ ဘာဖြစ်လို့လဲဆိုတော့ YouTube က တစ်ကမ္ဘာလုံး ကြည့်နေတာ ဆိုတော့"ဟု မြန်မာများ Oppa Gangnum Style ရိုက်ကြခြင်း နှင့်ပတ်သက်၍ ကိုမင်းမောင်ဟန်က သူ့အမြင်ကို ပြောဆိုသည်။

ထိုကဲ့သို့ ကမ္ဘာတစ်ဝန်း လူသိများနေသော် PSY ၏ Oppa Gangnum Style အကနှင့် သီချင်း သည် မြန်မာလူငယ်များ ကြားတွင် ရေပန်းစားနေသည် သာမက အောက်တိုဘာလ ၆ ရက်နေ့က ကျင်းပခဲ့သော ရွှေ FM ၏ ဆုပေးပွဲ အခမ်းအနား ၌ အစီအစဉ် တင်ဆက်သူ အဖြစ် ပြုလုပ်ခဲ့သော တေးသံရှင် ရဲလေးနှင့် သရုပ်ဆောင် ကျော်ကျော်ဗို တို့သည်လည်း အဆိုပါ အကဖြင့် ကပြခဲ့သည်ကို တွေ့မြင်ရသည်။

"ကျွန်တော်တို့ PSY ရဲ့အကကို ကဖြစ်တာ က အားလုံး ပျော်အောင်လို့ပါ။ PSY ကိုလေးလည်း လေးစားပါတယ်။ Asia ကဖြစ်ပေမယ့် အခုလို ကမ္ဘာက သိတဲ့ တေးသံရှင် တစ်ယောက်မို့လို့။ သူ့ သီချင်းက ပျော်ဖို့ကောင်းလို့ ကဖြစ်တာ။ ကျွန် တော်တို့ ဒီသီချင်းကဖို့ တိုက်ဖြစ်တာ ၁၅ မိနစ်ပဲ အချိန်ရပေမယ့် အားလုံး ပျော်ရပါတယ်"ဟု တေး သံရှင် ရဲလေးက PSY ၏ Oppa Gangnum Style ကဖြစ်ပုံကို ပြန်ပြောင်း ပြောပြသည်။

ထိုကဲ့သို့သော နာမည်ကြီး အောင်မြင်နေသည့် Oppa Gangnum Style အကသာမက Version မျိုးစုံဖြင့် ရိုက်ကူး ထားကြသည်များကို ကြည့်ရှုသူများ အတွက် တဒင်္ဂ စိတ် ပျော်ရွှင်စေသည် မှာ အမှန်ပင်ဖြစ်သည်။

Written by  ချမ်းငြိမ်းဖြူ၊ ဆွေငြိမ်းအေး

The Voice Weekly


အရွယ်မရောက်သေးသော မြေးကို အဘွားဖြစ်သူက ပြည့်တန်ဆာ အဖြစ် စေခိုင်းမှု တာမွေတွင်ဖြစ်ပွား

အသက် ၁၂ နှစ်အရွယ် မိန်းမငယ် တစ်ဦးအား ၄င်း၏ အဘွား ဖြစ်သူက မိဘများ မသိစေဘဲ ပြည့်တန်ဆာ အဖြစ်စေခိုင်း ခဲ့မှုဖြင့် တာမွေရဲစခန်းမှ အောက်တိုဘာလ ၂၈ ရက်နေ့တွင် အမှုဖွင့် ထားကြောင်း ရန်ကုန်တိုင်း ဒေသကြီး ရဲတပ်ဖွဲ့မှူးရုံးမှ သိရသည်။ ဖြစ်စဉ်မှာ အောက်တိုဘာလ ၂၈ ရက်နေ့ နံနက် ၁၁နာရီ အချိန် က ဒဂုံမြို့သ စ်မြောက်ပိုင်း ၃၅ ရပ် ကွက်တွင် နေထိုင်သူ---

သတင်း အပြည့်အစုံ ဖတ်ရန် ဒီနေရာကို နှိပ်ပါ



ရခိုင်အရေး မြန်မာသံတမန်ကို ဗြိတိန်နိုင်ငံခြားရေးဌာန ဆင့်ခေါ်

ဗြိတိန် နိုင်ငံခြားရေး ၀န်ကြီးဌာနက ရခိုင်ပြည်နယ်မှာ ဆက်လက် ဖြစ်ပွားနေတဲ့ အကြမ်းဖက်မှုတွေနဲ့ ပတ်သက်ပြီး ဗြိတိန် နိုင်ငံဆိုင်ရာ မြန်မာသံရုံးရဲ့ သံရုံး ယာယီ တာဝန်ခံကို ဆင့်ခေါ် ဆွေးနွေး ခဲ့ပါတယ်။
ရခိုင် ပြည်နယ်မှာ အကြမ်းဖက် တာတွေနဲ့ ခိုက်ရန် ဖြစ်ပွားတာတွေ နောက်တကြော့ ထပ်ပြီး ဆက်လက် ဖြစ်ပွား နေတာတွေကြောင့် ဗြိတိန်နိုင်ငံက အလေး အနက် စိတ် အနှောက် အယှက် ဖြစ်ရပါကြောင်း၊---

သတင်း အပြည့်အစုံ ဖတ်ရန် ဒီနေရာကို နှိပ်ပါ

Hugo Swire in Parliament

ဘုန်းကြီးကျောင်းအမှု ရွာပတ်နေ

သံဃာတော်များနှင့် ပဋိပက္ခ ဖြစ်ပွားခဲ့သည့်   ဧရာဝတီတိုင်း ဒေသကြီး၊ ဟင်္သာတမြို့နယ်၊ သက္ကယ်ပြင် ကျေးရွာ အုပ်ချုပ် ရေးမှူးအား   ဒေသခံများမှ ပုဒ်မ (၃) ခုဖြင့် အမှုဖွင့် ထားသော်လည်း တရားစွဲဆိုရန် ညွှန်ကြားချက် မရရှိသေးသဖြင့် တရားစွဲဆို နိုင်ခြင်း မရှိသေးကြောင်း    အမှတ်(၂)ရဲစခန်းက သိရသည်။---

 သတင်း အပြည့်အစုံ ဖတ်ရန် ဒီနေရာကို နှိပ်ပါ



နိုဝင်ဘာလ ၁ ရက်နေ့ ထုတ် The Hot News Weekly Vol-3, No-114

နိုဝင်ဘာလ ၁ ရက်နေ့ ထုတ် The Hot News Weekly Vol-3, No-114

ဂျာနယ် ဖတ်ရှုရန် ဒီနေရာကို နှိပ်ပါ


အောက်တိုဘာ ၃၀ ရက်နေ့ထုတ် First Eleven Sports Journal အတွဲ ၁၃ အမှတ် ၂၂

အောက်တိုဘာ ၃၀ ရက်နေ့ထုတ် First Eleven Sports Journal အတွဲ ၁၃ အမှတ် ၂၂

ဂျာနယ် ဖတ်ရှုရန် ဒီနေရာကို နှိပ်ပါ



စန္ဒီ ဟာရီကိန်းကြောင့် နယူးယောက် အထိနာ

အမေရိကန် နိုင်ငံ အရှေ့ဘက်ကမ်းခြေကို ဝင်ရောက် တိုက်ခတ် သွားခဲ့တဲ့ စန္ဒီ မုန်တိုင်းကို ဟာရီကိန်း မုန်တိုင်းအဆင့်ကနေ အဆင့် လျှော့ချ သတ်မှတ်လိုက်ပြီ ဖြစ်ပေမယ့် မဟာ မုန်တိုင်း တခုအဖြစ် ဖေါ်ညွှန်း ပြောဆို နေဆဲ ဖြစ်ပါတယ်။ အဲဒီ မုန်တိုင်း တိုက်ခတ် သွားခဲ့ ရာမှာ အထိအနာဆုံး ကတော့ နယူးယောက် မြို့လို့ ပြောရမှာပါ။ ---

သတင်း အပြည့်အစုံ ဖတ်ရန် ဒီနေရာကို နှိပ်ပါ

မုန်တိုင်းအောက်က နယူးယောက်မြို့

မွတ်ဆလင်တွေကို မောင်းထုတ်တဲ့ ဆန္ဒပြမှု ရဲက ပစ်ခတ် နှိမ်နင်း

ရခိုင်ပြည်နယ် ရမ်းဗြဲ မြို့နယ် ကျောက်နီမော်နဲ့ သပြေချောင် ကျေးရွာ တို့မှာ နေထိုင် ကြတဲ့ မွတ်ဆလင် တွေကို အဲဒီ အရပ် ကနေ ထွက်ခွာ သွားဖို့ ရွာနီးဝန်းကျင် ကျေးရွာ သားတွေ စုပေါင်း ဆန္ဒပြ ခဲ့ရာမှာ ရဲက ပစ်ခတ် နှိမ်နှင်း ခဲ့ရပါတယ်။ လောလောဆယ်မှာ အခြေ အနေက တင်းမာ နေပြီး ညမထွက်ရ အမိန့် ထုတ်ပြန် ထားပါတယ်။ ----

သတင်း အပြည့်အစုံ ဖတ်ရန် ဒီနေရာကို နှိပ်ပါ



အမေရိကန်အရှေ့ဘက်ဒေသ ဟာရီကိန်းမုန်တိုင်းကြီး တိုက်ခတ်

အမေရိကန် ပြည်ထောင်စု အရှေ့ဘက် ကမ်းရိုးတန်းမှာ စန္ဒီ ဟာရီကိန်း မုန်တိုင်းဒဏ် အကြီးအကျယ် ခံလိုက်ရတဲ့ နယူးယောက် ပြည်နယ်ဟာ သဘာဝ ဘေးအန္တရာယ် ဆိုးကြီးကို ရင်ဆိုင်နေရတယ်လို့ အမေရိကန် သမ္မတ အိုဘားမားက ကြေငြာ လိုက်ပါတယ်။

သတင်း အပြည့်အစုံ ဖတ်ရန် ဒီနေရာကို နှိပ်ပါ


ဆူပါမုန်တိုင်း စန္ဒီ တိုက်ခိုက်ခံရသည့် နယူးယောက်မြို့၊ ကွင်းန်စ်အရပ်တွင် တနင်္လာနေ့ညက မီးလောင်ခဲ့သည့်အတွက် အိမ်ခြေ ၈၀ မှ ၁၀၀ ကြား ပျက်စီး ဆုံးရှုံးခဲ့ရသည်။ အောက်တိုဘာ ၃၀၊ ၂၀၁၂

ရခိုင်အရေး နိုင်ငံတကာကြားဝင်ဖို့ အာဆီယံ တောင်းဆို

မြန်မာနိုင်ငံ၊ ရခိုင်ပြည်နယ်မှာ ဖြစ်နေတဲ့ အကြမ်းဖက်မှု တွေဟာ ရိုဟင်ဂျာ မူစလင်တွေကို အစွန်းရောက်တဲ့ အခြေ အနေဆီ ရောက်သွား စေနိုင်ပြီးတော့ ဒေသတခုလုံးရဲ့ တည်ငြိမ်မှု ကိုပါ ထိခိုက် လာနိုင်တယ်လို့ ASEAN အရှေ့တောင် အာရှနိုင်ငံများ အဖွဲ့ရဲ့ အကြီး အကဲက ပြော လိုက်ပါတယ်။ နိုင်ငံတကာ အသိုင်းအ၀ိုင်း အနေနဲ့ ရခိုင်ပြည်နယ်မှာ ဖြစ်နေတဲ့ အခြေအနေတွေကို ကြားဝင်ဆောင်ရွက်ဖို့---

သတင်း အပြည့်အစုံ ဖတ်ရန် ဒီနေရာကို နှိပ်ပါ

စစ်တွေမြို့၊ သဲချောင်းဒုက္ခသည်စခန်းရှိ မူစလင် ဒုက္ခသည်များ။ အောက်တိုဘာ ၂၉၊ ၂၀၁၂


အလင်းတန်းဂျာနယ် အမှတ်စဉ် ၇၂၈

အလင်းတန်းဂျာနယ် အမှတ်စဉ် ၇၂၈

ဂျာနယ် ဖတ်ရှုရန် ဒီနေရာကို နှိပ်ပါ





မဇ္ဈိမ အပတ်စဉ် ဂျာနယ်၊ အတွဲ (၁)၊ အမှတ် (၆)၊ အင်္ဂါနေ့၊ အောက်တိုဘာလ (၃၀) ရက်၊ ၂၀၁၂ ခုနှစ်

မဇ္ဈိမ အပတ်စဉ် ဂျာနယ်၊ အတွဲ (၁)၊ အမှတ် (၆)၊ အင်္ဂါနေ့၊ အောက်တိုဘာလ (၃၀) ရက်၊ ၂၀၁၂ ခုနှစ်

ဂျာနယ် ဖတ်ရှုရန် ဒီနေရာကို နှိပ်ပါ



ငြိမ်းချမ်းရေး ဆွေးနွေးသည့် နေ့ ဖားကန့် တွင် တိုက်ပွဲဖြစ်

ငြိမ်းချမ်းရေး ဖော်ဆောင်ရေး လုပ်ငန်း ကော်မတီ နှင့် ကေအိုင်အို ဗဟို ငြိမ်းချမ်းရေး ဆွေးနွေးရေး အဖွဲ့ တို့ ရွှေလီမြို့ တွင် တွေ့ဆုံ ဆွေးနွေး သည့် နေ့တွင် ဖားကန့် မြို့နယ် မှော်လဂင် ကျေးရွာ အနီးတွင် တပ်မတော် နှင့် ကေအိုင်အေ တို့ တိုက်ပွဲ များ ဖြစ်ပွား နေကြောင်း ထွက်ပြေး တိမ်းရှောင် လာရသည့် ဒေသခံ တို့က----

သတင်း အပြည့်အစုံ ဖတ်ရန် ဒီနေရာကို နှိပ်ပါ

ဓါတ်ပုံ - The Voice Weekly

ကျောက်နီမော်တွင် ရခိုင်ဒေသခံ များကို ရဲတပ်ဖွဲ့မှ ပစ်ခတ် ထိန်းသိမ်းရာမှ တစ်ဦးသေ နှစ်ဦး ဒဏ်ရာရ

တစ်ကျော့ပြန် ပဋိပက္ခများ ဖြစ်ပွား နေသော ရခိုင်ပြည်နယ် တွင် ဘင်္ဂါလီ ရွာ များကို ဖယ်ရှား ပေးရန် တောင်းဆို သော ဒေသခံ တိုင်းရင်းသား များကို ရဲတပ်ဖွဲ့ က ပစ်ခတ် ထိန်းသိမ်း ရသည့် အတွက် တစ်ဦး သေဆုံးပြီး နှစ်ဦး ဒဏ်ရာ ရရှိကြောင်း ဒေသခံ များက တူညီစွာ ပြောဆို ကြသည်။
ယင်းဖြစ်စဉ် မှာ ရခိုင် ပဋိပက္ခ အရေး စတင်ခဲ့သည် ဟု အစိုးရမှ တရားဝင် ပြောဆိုခဲ့သော ရမ်းဗြဲ မြို့နယ် ကျောက်နီမော် ကျေးရွာ ၌----

သတင်း အပြည့်အစုံ ဖတ်ရန် ဒီနေရာကို နှိပ်ပါ

ကျောက်နီမော်ကျေးရွာ (ဓါတ်ပုံ- google images)

ကျောက်နီမော်လူထု တောင်းဆိုချက်(၃)ချက် အာဏာပိုင်တို့လိုက်လျော

ယနေ့ ကျောက်ဖြူမြို့နယ်၊ ကျောက်နီမော် လူထုနှင့် ကျောက်နီမော် တစ်ဖက်ကမ်း စကုကျွန်းတို့မှ လူထုတောင်းဆိုချက် (၄)ချက်အနက် (၃)ချက်ကို ဒေသလုံခြုံရေး တာဝန် ယူထားသော အာဏာပိုင်တို့မှ ယနေ့ညနေ (၄)နာရီ အချိန်တွင် သဘောတူ လိုက်လျောလိုက်ပြီ ဖြစ်သည်။ ကျောက်နီမော် ဒေသခံ ကိုသိန်းဇော်က အာဏာပိုင်တို့ သဘောတူသည့် အချက်များကို---

သတင်း အပြည့်အစုံ ဖတ်ရန် ဒီနေရာကို နှိပ်ပါ


ကျောက်နီမော် အခြေအနေ တင်းမာ

ရမ်းဗြဲမြို့နယ်၊ ကျောက်နီမော် ကျေးရွာတွင် ယနေ့မနက် အစောပိုင်းတွင် ၄င်းကျေးရွာရှိ ဘင်္ဂလီ မူဆလင်များက ရွာကို မီးရှို့ရန် စီစဉ်နေကြောင်း သတင်းရရှိသဖြင့် ယင်းကျေးရွာရှိ လူနည်းစု ရခိုင်များအား ကူညီပေးနိုင်ရန် ပတ်ဝန်းကျင် ကျေးရွာများမှ လူများရောက်ရှိလာ၍ တင်းမာမှုဖြစ်နေစဉ် ကျောက်နီမော် ရဲစခန်းမှ ဒုရဲအုပ် ကျော်လွင်မှ သေနပ်ဖြင့် ပစ်ခတ်သဖြင့် ----

သတင်း အပြည့်အစုံ ဖတ်ရန် ဒီနေရာကို နှိပ်ပါ


ပဲခူးမှာ ၈ တန်းကျောင်းသူလေးကို မတရားပြုကျင့် သတ်ဖြတ်ခဲ့သူကို ဖမ်းမိ

အောက်တိုဘာ ၁၆ ရက်က ရေစက်ကုန်း ကျေးရွာရှိ နာရေးတစ်ခုတွင် ဖဲရှုံး၍ ရေစက် ကုန်းကျေးရွာမှ ဇိုင်းဂနိုင်းကြီးကျေး ရွာဘက်သို့ အခင်းဖြစ်နေ့ နံနက် ၀၇း၃၀ နာရီအချိန်ခန့် လမ်း လျှောက်လာစဉ် လမ်းတွင် ကျောင်း သူမိန်းကလေးအားတွေ့၍ ပိုက်ဆံ  တောင်းကြောင်း၊မပေးသဖြင့် ပါးစပ်  ပိတ်ပြီး နောက် လမ်းနံဘေးလယ် ကွင်းထဲသို့ ဆွဲခေါ်သွားကာ သေသူ  မိန်းကလေးပါးကို နှစ်ချက်ရိုက်၍ မုဒိမ်းကျင့်၊ လည်ပင်းညှစ်ပြီး သတ်ခဲ့ ကြောင်း ထိုနောက် ကျောပိုးအိတ် အတွင်းမှ စာအုပ်များကိုအခင်းဖြစ်  ရပ်တွင် သွန်ချခဲ့ပြီး အဆိုပါအိတ် ကိုယူ၍ ထွက်ပြေးခဲ့ကြောင်း ----

သတင်း အပြည့်အစုံ ဖတ်ရန် ဒီနေရာကို နှိပ်ပါ



လိုင်စင်ဘောင်ကျော်ပြီး ဖော်ပြသည့် ဂျာနယ်များကို အရေးမယူတော့ဟုဆို

ပညာရေး၊ စီးပွားရေးနဲ့ ကျန်းမာရေး စတဲ့ ထုတ်ဝေခွင့် လိုင်စင် စည်းကမ်း သတ်မှတ်ချက် ဘောင် ထက် ကျော်ပြီး ရေးသား ဖော်ပြနေကြတဲ့ ဂျာနယ် မဂ္ဂဇင်းတွေကို အရင် စာပေ စိစစ်ရေး လက်ထက် တုန်းကလို ခေါ်ယူ သတိပေးတာ၊ အရေးယူ တာမျိုး လုပ်တော့မှာ မဟုတ်ဘူးလို့ ပြန်ကြားရေး ၀န်ကြီးဌာန မူပိုင်ခွင့်နဲ့ မှတ်ပုံတင်ဌာန ညွှန်ကြားရေးမှူး ဦးမျိုးမြင့်မောင်က----

သတင်း အပြည့်အစုံ ဖတ်ရန် ဒီနေရာကို နှိပ်ပါ


အရပ်ဘက်အုပ်ချုပ်ရေးအဖွဲ့များကို လုပ်ပိုင်ခွင့်ပေးရန် တောင်းဆို

လက်ရှိ ရခိုင်ပြည်နယ်မှာ ဖြစ်ပွားနေတဲ့ ပဋိပက္ခတွေနဲ့ ပတ်သက်ပြီး အရပ်ဘက် အုပ်ချုပ်ရေးကို အာဏာ တိုးမြှင့်ပေးဖို့နဲ့ နောက်ကွယ်က ကြိုးကိုင် လှုပ်ရှား နေသူတွေကို အရေးယူဖို့ ဒီမိုကရေစီ မိတ်ဆွေ ပါတီများက နိုင်ငံတော်သမ္မတ ဦးသိန်းစိန်ကို ကြေညာချက် ထုတ်ပြန် တိုက်တွန်း လိုက်ပါတယ်။ ရခိုင်မှာ ဖြစ်ပွားနေတဲ့ ပဋိပက္ခတွေကနေ နိုင်ငံအတွင်း အခြားဒေသတွေဆီ မပျံ့နှံ့ဖို့နဲ့----

သတင်း အပြည့်အစုံ ဖတ်ရန် ဒီနေရာကို နှိပ်ပါ

ရခိုင်ပြည်နယ်မှာ ဖြစ်ပွားခဲ့တဲ့ ပဋိပက္ခတွေ

ရမ်းဗြဲမြို့နယ်၊ ကျောက်နီမော်ကျေးရွာတွင် အခင်းစတင်ဖြစ်ပေါ်ပြီး

၃၀.၁၀.၂၀၁၂ ရက် နံနက် (၈)နာရီလောက်မှ စတင်သော ရမ်းဗြဲမြို့နယ် ကျောက်နီမော်ကျေးရွာ ဆန္ဒဖော်ထုတ်မှုမှ ဆက်လက်ဖြစ်ပွါးလျှက်ရှိနေပါသည်။ ဆန္ဒပြလူအုပ်သည် တဖြည်းဖြည်း တိုးလာလျှက်ရှိပြီး လုံခြုံရေးဖက်မှာလည်း တပ်ရင်းတစ်ရင်းတိုးချပြီး အခြေအနေကို ထိန်းသိမ်းရန် ကြိုးစားနေကြောင်းကို စုံစမ်းသိရှိရပါသည်။

သတင်း အပြည့်အစုံ ဖတ်ရန် ဒီနေရာကို နှိပ်ပါ



ဟာရီကိန်းမုန်တိုင်းကြောင့် အမေရိကန်နှင့်ကနေဒါတွင် ၁၃ ဦး သေဆုံး

ဧရာမ ဟာရီကိန်းမုန်တိုင်း ဆန်ဒီဟာ အမေရိကန် ပြည်ထောင်စု အရှေ့ဘက် ကမ်းခြေကို ၀င်ရောက် တိုက်ခတ်ခဲ့တဲ့ အတွက် အမေရိကန် ပြည်ထောင်စုနဲ့ ကနေဒါ နိုင်ငံတွေမှာ မနေ့က အနည်းဆုံး လူ ၁၃ ဦး သေဆုံးခဲ့ရပြီး သစ်ပင်တွေ၊ လျှပ်စစ် မီးကြိုးတွေ ပြိုလဲပျက်စီး ခဲ့ပါတယ်။ နယူးယောက်၊ နယူးဂျာစီ၊ မေရီလန်း၊ ပင်ဆယ်ဗေးနီးယား၊ ဗာဂျီးယား အနောက်ပိုင်းနဲ့ မြောက် ကယ်ရိုလိုင်း နား ပြည်နယ်တွေက ----

သတင်း အပြည့်အစုံ ဖတ်ရန် ဒီနေရာကို နှိပ်ပါ



ကချင်စစ်ရေးတွင် ကာကွယ်ရေး ဦးစီးချုပ်က သမ္မတ အမိန့်ကို နာခံမည်

ရန်ကုန် ၊ အောက်တိုဘာ ၃

ကချင်ပြည်နယ်တွင် ဖြစ်ပွားနေသော စစ်ပွဲအရှိန်များ လျှော့ချနိုင်ရန် အတွက် တပ်မတော် ကာကွယ်ရေး ဦးစီးချုပ်က နိုင်ငံတော် သမ္မတကြီး၏ အမိန့်ကို နာခံရန် ကတိ ပေးထားကြောင်း ငြိမ်းချမ်းရေး ဖော်ဆောင်ရေး လုပ်ငန်းကော်မတီ ဒုဥက္ကဋ္ဌ ဝန်ကြီး ဦးအောင်မင်း က တရားဝင်ပြောကြားသည်။

ယနေ့ ငြိမ်းချမ်းရေးဆွေးနွေးပွဲကို အောက်တိုဘာ ၃၀ ရက်နေ့ ရွှေလီမြို့ရှိ JING CHENG ဟိုတယ်၌ ဒေသစံတော်ချိန် ၁၀ နာရီ ၃၀ မိနစ်တွင် စတင် ကျင်းပခဲ့ပြီးနောက် အထက်ပါ အတိုင်း ပြောဆို လိုက်ခြင်း ဖြစ်သည်။

ယင်းဆွေးနွေးပွဲတွင် စစ်ဘက်ဆိုင်ရာ အပစ်အခတ် ရပ်စဲရေး ကိစ္စရပ်များ ဆွေးနွေးမည်ဟု ဆိုသော်လည်း ကေအိုင်အေ (ကချင် လွတ်လပ်ရေး တပ်မတော်) ဒုတိယ စစ်ဦးစီးချုပ် ဗိုလ်ချုပ် ဂွမ်မော်နှင့် ကာကွယ်ရေး ဦးစီးချုပ် ကိုယ်စား တက်ရောက် လာမည့် ဒုတိယ ဗိုလ်ချုပ်ကြီး မြင့်စိုးတို့ တက်ရောက်လာခြင်း မရှိကြောင်း တွေ့ရသည်။

The Voice Weekly




ငြိမ်းချမ်းရေး ဆွေးနွေးရန် ကမ်းလှမ်းစဉ်အတွင်း တပ်မတော်မှ လက်နက်ကြီး ၁၄ လုံးပစ်ဟု ကေအိုင်အို ဆို

ရန်ကုန်၊ အောက်တိုဘာ၃၀

ယနေ့ ကျင်းပနေသော ငြိမ်းချမ်းရေး ဖော်ဆောင်ရေး လုပ်ငန်း ကော်မတီနှင့် ကေအိုင်အိုတို့ ဆွေးနွေးပွဲ၌ ငြိမ်းချမ်းရေး ဆွေးနွေးရန် ကမ်းလှမ်းသည့် အောက်တိုဘာလ ၂၄ ရက်နေ့မှ ၂၈ ရက်နေ့ထိ တပ်မတော်မှ ၁၀၅ မမ အမြောက်ဖြင့် ၁၄ လုံး ပစ်ခတ်ခဲ့ကြောင်း ကေအိုင်အေ ဘက်က ပြောကြားလိုက်သည်။

ငြိမ်းချမ်းရေး ဖော်ဆောင်ရေး လုပ်ငန်း ကော်မတီ ဒုဥက္ကဋ္ဌ ဦးအောင်မင်းကလည်း “ဘယ်သူမှားတယ် ဘယ်သူမှန်တယ် ဆွေးနွေးပြီး စစ်ရေးကို ဖြေလျှော့ဖို့ လိုတယ်" ဟု ဆိုသည်။

ထို့အတွက် နှစ်ဦးနှစ်ဖက် အောက်ခြေတွင် သံသယ အမှန်ဖြစ်သော်လည်း တွေ့ဆုံဆွေးနွေး၍ စစ်ရေးလျှော့ချရန် လိုအပ်ကြောင်း
ထပ်မံ ပြောကြားလိုက်သည်။

The Voice Weekly


ရခိုင်ပြည်နယ် အကြမ်းဖက်မှု သေဆုံးသူ ဦးရေတိုးလာ

ရခိုင်ပြည်နယ်မှာ ပြီးခဲ့တဲ့ အောက်တိုဘာလ ၂၁ ရက်ကနေ ၂၆ ရက်နေ့လောက် အထိ ဖြစ်ပွားခဲ့တဲ့ အကြမ်းဖက်မှုမှာ သေဆုံးသူ ၈၈ ဦး နဲ့ အိုးအိမ်တွေ စွန့်ခွာ ထွက်ပြေး ရသူပေါင်း နှစ်သောင်း ခြောက်ထောင် လောက်ရှိ နေပြီလို့ ဒီကနေ့ အစိုးရက ထုတ်ပြန်ကြောင်း အေအက်ဖ်ပီ သတင်းမှာ ဖေါ်ပြပါတယ်။

မနေ့က ထုတ်ပြန်တဲ့ စာရင်းအရ အိုးမဲ့အိမ်မဲ့ ဖြစ်ရသူ ၂၂၀၀၀ လောက်ရှိမယ်လို့ ပြောတဲ့အတွက် ဒီကနေ့ ထုတ်ပြန်ချက်ဟာ နောက်ထပ် များလာတာလည်း ဖြစ်ပါတယ်။ သေဆုံးသူတွေထဲမှာ အမျိုးသား ၄၉ ဦး နဲ့ အမျိုးသမီး ၃၉ ဦးဖြစ်တယ်လို့ အစိုးရ အရာရှိ တစ်ဦးက ပြောတယ်လို့ သိရပါတယ်။

ရခိုင်ပြည်နယ် ပေါက်တော ၊ ကျောက်ဖြူ၊ မင်းပြား၊ မြေပုံ ၊ ရသေ့တောင် စတဲ့ မြို့နယ်တွေမှာ ဖြစ်ပွားခဲ့တဲ့ မီးရှို့တိုက်ခိုက်မှုတွေမှာ အိမ်ခြေ ရာပေါင်းများစွာ ဆုံးရှုံးတယ်လို့လည်း သိရပါတယ်။ ပေါက်တောမြို့မှာ မနေ့က ဖြစ်ပွားခဲ့တဲ့ မီးရှို့တိုက်ခိုက်မှုမှာ အိမ်ခြေ အလုံးရေ ၃၀၀ မီးလောင်ပျက်စီးသွားတယ်လို့လည်း ဆိုပါတယ်။

ပြီးခဲ့တဲ့ ဇွန်လတုန်းက ဖြစ်ခဲ့တဲ့ အကြမ်းဖက်မှုတွေကြောင့် လူပေါင်း ၇၅၀၀၀ လောက် အိုးမဲ့အိမ်မဲ့ ဖြစ်ပြီး ကယ်ဆယ်ရေး စခန်းတွေမှာ ရှိပြီးသားဖြစ်တာကြောင့် အခုဆိုရင် ရခိုင်ပြည်နယ်မှာ ဒုက္ခသည်အရေအတွက်ဟာ တစ်သိန်းတစ်သောင်းကျော်လောက် ရှိနေပြီဖြစ်ပါတယ်။

ရန်ကုန်အခြေစိုက် ကုလသမဂ္ဂရုံးခွဲအဆိုအရ လိုအပ်တဲ့ စားနပ်ရိက္ခာတွေကို သက်ဆိုင်ရာ အာဏာပိုင်တွေ နဲ့ ညှိနှိုင်းပြီး ကူညီနေပေမယ့် ရေရှည် ထောက်ပံ့ကူညီနိုင်ဖို့ ငွေကြေး နဲ့ တခြား လိုအပ်ချက် အခက်အခဲတွေ များလာမယ်လို့ အာအက်ဖ်အေကို ပြောပါတယ်။

RFA Burmese

၂၀၁၂ ခုနှစ် ဇွန်လက ရခိုင်ပြည်နယ် အတွင်း အကြမ်းဖက် ပဋိပက္ခများကြောင့် ဘေးလွတ်ရာ ထွက်ပြေး တိမ်းရှောင် နေရသူများအား တွေ့ရစဉ်။ RFA


ကော့ကရိတ်မြို့ တွင်းရှိ ဗလီ ဗုံးခွဲခံရ

ကော့ကရိတ်မြို့နယ်၊ ကျုံဒိုးရွာ ဗလီကို ည ၁၁ နာရီလောက်မှာ ဆိုက္ကယ်နဲ့လူတယောက် က လက်ပစ်ဗုံး တလုံးနဲ့ ပစ်ပြေး သွားပြီးတော့၊ ကော့ကရိတ်မြို့ ရေနံဆီကုန်းရပ် က ဗလီကို လည်းဆိုက္ကယ်နဲ့ လူနှစ် ယောက် က ည ၁၂ နာရီခွဲလောက် မှာ ဗုံးနှစ်လုံး နဲ့ပစ်ခတ်သွားတာ လို့ ဒေသခံတွေက ပြောပါတယ်။

သတင်း  အပြည့်အစုံ ဖတ်ရန် ဒီနေရာကို နှိပ်ပါ

ကော့ကရိတ်ဗလီ လက်ပစ်ဗုံးခွဲခံရ

ရခိုင်အရေးတွင် မျိုးချစ်စိတ်ရှိသင့်သည်ထက်လွန် ဟုဆို

ရခိုင်ပြည်နယ်ရှိ မငြိမ်မသက်မှု ဖြစ်ပွားခဲ့သည့် မြို့များသို့ သွားရောက်လျှက်ရှိသည့်  ဒု-ဗိုလ်ချုပ်ကြီး လှမင်း ယနေ့ညနေပိုင်း သံတွဲမြို့တွင် ရခိုင်ပြည်နယ် ၀န်ကြီးချုပ်၊ မြို့မိမြို့ဖ၊ နိုင်ငံရေးပါတီများမှ ပုဂ္ဂိုလ်များနှင့် တွေ့ဆုံရာတွင် မျိုးချစ်စိတ်ရှိဖို့ လိုအပ်သည်မှာ မှန်သော်လည်း ရခိုင်အမျိုးသားများ အနေဖြင့် အရှိ လွန်နေသည်ဟု ပြောဆိုခဲ့ကြောင်း တွေ့ဆုံရှင်းလင်းပွဲတက်ရောက်သူတဦးက ပြောကြားသည်။
၎င်းက “အခုတခေါက် ရမ်းဗြဲကိုသူရောက်တော့ ရခိုင်အမျိုးသား အိမ်တွေမှာ ဘင်္ဂလီတွေ ထွက်သွားဆိုတာတွေ ရေးထားတာ ထူးထူးခြားခြား တွေ့ရတယ်လို့ ပြောတယ်၊ အဲဒါနဲ့ ပတ်သက်ပြီးလည်း မျက်ကန်းမျိုးချစ်ဆိုတဲ့ စကားလုံးလည်း သုံးသွားတယ်” ဟု -----

သတင်း အပြည့်အစုံ ဖတ်ရန် ဒီနေရာကို နှိပ်ပါ


နယ်စပ်ရေးရာ ၀န်ကြီးဌာန ပြည်ထောင်စု ၀န်ကြီး ဒုတိယ ဗိုလ်ချုပ်ကြီးသိန်းဌေး
စစ်တွေလေဆိပ်သို့ ရောက်ရှိလာစဉ်။ ဓါတ်ပုံ - Messenger News Journal

အမေရိကန်အရှေ့ခြမ်း စန္ဒီမုန်တိုင်းဘေး ရင်ဆိုင်ဖို့ ပြင်ဆင်

အမေရိကန် ပြည်ထောင်စုမှာ ကြုံဖူးသမျှ မုန်တိုင်းတွေထဲမှာ အကြီးမား ဆုံးဖြစ်မယ့် စန်ဒီ ဟာရီကိန်း မုန်တိုင်းဟာ ဒီကနေ့ တနင်္လာနေ့မှာ ကုန်တွင်းပိုင်းကို ၀င်ရောက်ဖို့ ရှိတာနဲ့အမျှ နိုင်ငံရဲ့ လူဦးရေ အထူထပ်ဆုံး ဒေသဖြစ်တဲ့ အရှေ့ဘက် ကမ်းရိုးတန်း ဒေသတလျှောက် မိုးကြီးရွာပြီး လေပြင်း တိုက်မှာ ဖြစ်တာကြောင့် အခြေအနေတွေ ဆိုးဖို့ရှိနေ ပါတယ်။ ---

သတင်း အပြည့်အစုံ ဖတ်ရန် ဒီနေရာကို နှိပ်ပါ

Sandy မုန်တိုင်း Atlantic Ocean ကို စတင် တိုက်ခိုက်နေပုံ ( အောက်တိုဘာ ၂၉၊၂၀၁၂)

SSA နဲ့ မြန်မာအစိုးရကြား မူးယစ်တိုက်ဖျက်ရေး သဘောတူညီမှုမရ

ရှမ်းပြည် တပ်မတော်SSA တောင်ပိုင်းခေါ် ရှမ်းပြည် ပြန်လည် ထူထောင်ရေး ကောင်စီRCSSနဲ့ အစိုးရ အကြား မူးယစ်ဆေးဝါး တိုက်ဖျက်ရေးနဲ့ ပတ်သက်ပြီး ဆွေးနွေးရာမှာ ဒေသတွင်း လုံခြုံရေးနဲ့ ပတ်သက်ပြီး သဘော တူညီချက် မရတာကြောင့် ဆွေးနွေးပွဲဟာ မအောင်မမြင် ဖြစ်ခဲ့ရပါတယ်။ ဒီဆွေးနွေးပွဲမှာ SSA တောင်ပိုင်းဖက်က အချက် ၁၀ချက် တင်ပြဆွေးနွေးခဲ့ပြီး နောက်ဆုံးအချက် ၂ချက်မှာ သဘောတူညီချက် မရခဲ့တာ ဖြစ်ပါတယ်။ ဒီသတင်း အပြည့်အစုံ ကိုတော့ ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။

ရှမ်းပြည် တပ်မတော် တောင်ပိုင်းလို့ လူသိများတဲ့ ရှမ်းပြည်ပြန်လည် ထူထောင်ရေးကောင်စီRCSSနဲ့ အစိုးရကိုယ်စားလှယ် အဖွဲ့တို့ဟာ ဘိန်းအစားထိုး စိုက်ပျိုးရေးအတွက် စံပြစီမံကိန်းဖော်ဆောင်ဖို့ ဒီလ ၂၇ရက်နေ့ကစတင်ပြီး ရှမ်းပြည်နယ် အရှေ့ပိုင်း တာချီလိတ်မြို့က မြိုတော်ခမ်းမမှာ ၂ရက်ကြာ ဆွေးနွေးခဲ့တာဖြစ်ပါတယ်။

ဒီဆွေးနွေးပွဲမှာ တိကျတဲ့ သဘောတူညီချက်တွေ မရခဲ့တဲ့အကြောင်းကိုတော့ ရှမ်းပြည်တပ်မတော်တောင်ပိုင်းရဲ့ ပြောရေးဆိုခွင့်ရှိသူ ဗိုလ်မှုးစိုင်းလောင်ဆိုင်းက အခုလို ပြောပါတယ်။

“သဘောထားချင်းတိုက်ဆိုင်တာတွေတော့ရှိတယ်။ သဘောထားချင်းမတိုက်ဆိုင်တာတွေလည်း ရှိတယ်ဆိုတော့ မနေ့က ကျနော်တို့ ဆွေးနွေးပွဲက အထမမြောက် တဲ့ ဆွေးနွေးပွဲလို ဖြစ်သွားပါတယ်ခင်ဗျ။ သဘောထားချင်း မတိုက်ဆိုင်တဲ့ကိစ္စကတော့ စိုက်ပျိုးရေးသီးနှံအစားထိုးစီမံကိန်းမှာ လုံခြုံရေးတာဝန်ခွဲဝေတဲ့ အပိုင်းမှာပါခင်ဗျ။”

နှစ်ဖက်သဘောထားချင်းမတိုက်ဆိုင်တဲ့အခြေအနေကို သူက အခုလို ဆက်ရှင်းပြပါတယ်။

“ကျနော်တို့ကတော့ ကျနော်တို့ RCSS ရယ်၊ နိုင်ငံတော်အစိုးရရယ် အချိုးညီမျှတဲ့ လုံခြုံရေး တပ်တွေကို ဖွဲ့စည်းဖို့ တင်ပြတောင်းဆိုခြင်းဖြစ်ပါတယ်။ အဲဒီကိစ္စကို အစိုးရဖက်က လုံခြုံရေးကို တပ်မတော်နဲ့ ပြည်သူ့ရဲ ကသာ တာဝန်ရှိတဲ့အကြောင်း၊ ကျနော်တို့ ပူးပေါင်းပြီးလုပ်ဆောင်ချင်တဲ့ ကိစ္စရပ်ကို ကျနော်တို့ ဆန္ဒအတိုင်း အစိုးရဖက်က မလိုက်လျောနိုင်တဲ့ အတွက်ကြောင့် ဆွေးနွေးပွဲကြီးက အထမမြောက်ရခြင်းပဲ ဖြစ်တဲ့ပုံစံမျိုးရှိပါတယ်။”

SSA တောင်ပိုင်းဖက်ကတင်ပြတဲ့အချက် ၁၀ချက်မှာ ဘိန်းအစားထိုးသီးနှံစိုက်ပျိုးရေးအတွက် မိုင်းပန်နဲ့ မိုးနဲဒေသမှာ အစိုးရ၊ ကုလသမဂ္ဂ မူးယစ်ဆေးဝါးနှင့် ရာဇ၀တ်မှု ဆိုင်ရာရုံး (UNODC)နဲ့ အတူပူးပေါင်းပြီး လိုအပ်ချက်တွေလေ့လာဖို့၊ ရှေ့ပြေးစီမံကိန်းဖော်ဆောင်မယ့်နေရာရွေးခြယ်ဖို့၊ စီမံကိန်းကိုပူးပေါင်းရေးဆွဲဖို့၊ ပူးပေါင်း ဆောင်ရွက်ဖို့ စတဲ့အချက်တွေ ပါဝင်တာဖြစ်ပါတယ်။

ဒီရှေ့ပြေးစီမံကိန်းအတွက် UNODCက နည်းပညာနဲ့ ဘဏ္ဍာငွေ ထောက်ပံဖို့လည်း တင်ပြထားတာဖြစ်ပါတယ်။ ဒီတင်ပြချက်တွေထဲမှာမှ လုံခြုံရေးပူးပေါင်းဆောင်ရွက်ဖို့ ဆိုတဲ့အချက် ကို နှစ်ဖက်သဘောတူညီချက် မရခဲ့သလို နောက်တကြိမ် ထပ်မံတွေ့ဆုံမယ့်ရက်ကိုလည်း မဆုံးဖြတ်နိုင်ခဲ့ကြပါဘူး။

SSA တောင်ပိုင်းဖက်ကတော့ ဆွေးနွေးခဲ့တဲ့အချက်တွေကို အထက်ကို တင်ပြပြီး ထပ်မံဆွေးနွေးဖို့ ကြိုးစားသွားမယ်လို့လည်း ပြောပါတယ်။

တာချီလိတ်မှာ ၂ရက်ကြာကျင်းပတဲ့ ဆွေးနွေးပွဲကိုတော့ အစိုးရဖက်က ရှမ်းပြည်နယ် နယ်စပ်ရေးရာနဲ့ လုံခြုံရေးဝန်ကြီး ဗိုလ်မှုးကြီးအောင်သူနဲ့ မြန်မာနိုင်ငံမူးယစ်ဗဟိုက ရဲမှုးကြီး မြင့်အောင်တို့ ဦးဆောင် တက်ရောက်ပြီး SSA တောင်ပိုင်းဖက်ကတော့ RCSSရဲ့ ငြိမ်းချမ်းရေးဖော်ဆောင်ရေး ကော်မတီခေါင်းဆောင် ဗိုလ်မှုးချုပ်ပေါင်ခေး ဦးဆောင် တက်ရောက် ခဲ့တာဖြစ်ပါတယ်။ ဒီဆွေးနွေးပွဲကို UNODCက ဌာနေကိုယ်စားလှယ် ဂျက်ဆင် အဲလ်နဲ့ ကိုယ်စားလှယ်အဖွဲ့ တက်ရောက်ခဲ့တာဖြစ်ပါတယ်။

SSA တောင်ပိုင်းတပ်ဖွဲ့ဟာ ပြီးခဲ့တဲ့ ဒီဇင်ဘာလက အစိုးရနဲ့ အပစ်အခတ်ရပ်စဲဖို့ သဘောတူညီခဲ့ပြီး ဒီနှစ်မေလအတွင်း ဒုတိယအကြိမ်ဆွေးနွေးပွဲမှာတော့ ရှမ်းပြည်နယ် မြို့နယ် ၃၀လောက်မှာ မူးယစ်ဆေးဝါးတိုက်ဖျက်ရေး ကိစ္စကို ထည့်သွင်းဆွေးနွေးထားတာဖြစ်ပါတယ်။

 ကိုမိုးဇော် (ဗွီအိုအေ)

Members of Myanmar government negotiators, right, shake hands with representatives of the Shan State Army (SSA).

အစ်ဒ်နေ့ ဆီးရီးယားအပစ်ရပ် ချိုးဖောက်မှု ထိပ်တန်းသံတမန်တွေ စိတ်ပျက်

မူစလင်တွေရဲ့ အစ်ဒ်ပွဲတော် ကာလအတွင်း ဆီးရီးယား နိုင်ငံမှာ အပစ်အခတ် ရပ်စဲထားနိုင်ရေး ကြိုးပမ်းချက် မအောင်မမြင် ဖြစ်ခဲ့ တဲ့အပေါ် နိုင်ငံတကာ သံတမန်တွေက အကြီးအကျယ် စိတ်ပျက်ကြောင်း ပြောဆိုကြပါတယ်။ ကုလသမဂ္ဂနဲ့ အာရပ်ဘ် အဖွဲ့ချုပ်တို့ရဲ့ အထူးသံတမန် Lakhdar Brahimi ကြားဝင် စေ့စပ်ပေးခဲ့တဲ့ အပစ်ရပ် သဘောတူ ညီချက်ကို---

သတင်း အပြည့်အစုံ ဖတ်ရန် ဒီနေရာကို နှိပ်ပါ

a damaged building that destroyed by a car bomb, at Jaramana neighborhood, in Damascus, Syria, Monday Oct. 29, 2012

နင့်တို့ရေကို ခွေးတောင်မသောက်ဘူး

လက်ပံတောင်းတောင် ကြေးနီစီမံကိန်းမှ တာဝန်ရှိ ပုဂ္ဂိုလ်များနှင့် ၂၆ ရွာမှ ရွာသူ ရွာသားများနှင့် တွေ့ဆုံ ဆွေးနွေးညှိနှိုင်း။ 

အထက်ပါ တွေ့ဆုံ ညှိနှိုင်းပွဲတွင် ကျေးရွာပေါင်း ၂၆ ရွာမှ တစ်ရွာလျှင် ၂ ယောက်နှုန်းဖြင့် ကိုယ်စားတက်ရောက်လာသည့် ကျေးရွာသားများနှင့် လက်ပံတောင်းတောင် ကြေးနီ စီမံကိန်းမှ တာဝန်ခံ ဦးမြင့်အောင်၊ ဦးပိုင် ကုမ္မဏီမှ ပုဂ္ဂိုလ်များနှင့် တွေ့ဆုံပွဲတွင် ကြေးနီ စီမံကိန်းဘက်မှ တာဝန်ရှိ ပုဂ္ဂိုလ်များ၏ အပြောအဆို မိုက်ရိုင်းခက်ထန်သည့် စကားလုံး များကြောင့် ဆွေးနွေးပွဲ ပျက်ပြားခဲ့ရသည် ဟု သိရသည်။

သတင်း အပြည့်အစုံ ဖတ်ရန် ဒီနေရာကို နှိပ်ပါ

သတင်းနှင့် ဓါတ်ပုံ
Aung Nay Myo (Facebook)






အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ