စလင်းတွင် PDF သင်တန်းဆင်းများ အလင်းဝင်သည်ဟု စစ်ကောင်စီဝါဒဖြန့်၊ ထိုသူများမှာ PDF မဟုတ်ကြောင်း စလင်း PDF သတင်းထုတ်ပြန်

မကွေးတိုင်း၊ စလင်းမြို့နယ်တွင် PDF သင်တန်းဆင်းများ အလင်းဝင်သည်ဟု အာဏာသိမ်းစစ်ကောင်စီက ဝါဒဖြန့်သော်လည်း အလင်းဝင်သူများမှာ PDF များ မဟုတ်ကြောင်း စလင်း PDF က ယနေ့ဇွန်လ (၂၀)ရက်နေ့တွင် သတင်းထုတ်ပြန်သည်။

ယနေ့ဇွန်လ(၂၀)ရက်နေ့၊ နံနက်ပိုင်းက စလင်းမြို့နယ်အထွေထွေအုပ်ချုပ်ရေးဦးစီးဌာနရုံး၌ "အလယ်ပိုင်းတိုင်းစစ်ဌာနချုပ်၊ စလင်းတပ်နယ်၊ ပြစ်မှုကျူးလွန်ခြင်းမရှိသော (PDF)သင်တန်းဆင်း အလင်းဝင်ရောက်လာသူများအား မိဘအုပ်ထိန်းသူများထံ လွှဲပြောင်းပေးအပ်ပွဲအခမ်းအနား"ပြုလုပ်သည်ဟုဆိုကာ စစ်ကောင်စီက ဝါဒဖြန့်ထားခြင်းဖြစ်သည်။

၎င်းဝါဒဖြန့်ခြင်းနှင့်ပတ်သက်၍ စလင်းPDF က "သတင်းတင်တော့လိမ်ဆင်၊ အလင်းဝင်တဲ့သူတွေက ဘယ်က ဘယ်သူပါလို့ ချမပြရဲ၊ အဆဲခံရမှာဆိုးလို မန့်ဘောက်က ပိတ်လျှက်၊ ဟေ့ကောင်တွေ ပုဆိုးခြုံထဲက လက်သီးပြမနေနဲ့ ငါတို့က လက်နက်တော့မချဘူး။ မင်းတို့ -င် ဘဲချမှာဟေ့၊ သဘောပေါက်အပြစ်မရှိသူတွေကို ဂွင်ဆင်ပြီးဖမ်း၊ ငွေညှစ်တဲ့ ရဲခွေးတွေ ကိုယ့်အလှည့်ကျမှ မနွဲ့ကြနဲ့ပေါ့ကွာ"ဟု သတင်းထုတ်ပြန်ထားသည်။

အလင်းဝင်ရောက်လာသူ လူငယ်(၃)ဦးအား မိဘအုပ်ထိန်းသူများထံသို့ ကတိလက်မှတ်များရေးထိုး၍ လွှဲပြောင်းပေးအပ်ခဲ့ပြီး မကွေးတိုင်းအစိုးရအဖွဲ့က ၎င်းတို့ (၃)ဦးအား ထောက်ပံငွေ(၁) သိန်းစီ ပေးအပ်ခဲ့သည်ဟု အာဏာသိမ်းစစ်ကောင်စီက ဝါဒဖြန့်ထားသေးသည်။

Tachileik News Agency