၂၀၂၁ခုနှစ်၊ဒီဇင်ဘာလ၊(၁)ရက်
ယမန်နေ့ ၃၀.၁၁.၂၀၂၁ရက်နေ့၊ညနေ(၄)နာရီ(၄၀)မိနစ်အချိန်ခန့်တွင် စစ်ကိုင်းတိုင်းဒေသကြီး၊တမူးခရိုင်၊မြို့သစ်မြို့၊နယ်မြေရဲစခန်းမှ ရဲတပ်ကြပ် ဇော်မင်းထွန်း(ခ)ဖိုးဇော်နှင့် ၎င်း၏ဇနီးအပါအဝင် အကြမ်းဖက်စစ်ကောင်စီတပ်ဖွဲ့ဝင်(၂)ဦး လိုက်ပါလာသော ကားတစ်စီးအား တမူးPDF တပ်ရင်း(၁) မှစောင့်ကြိူတိုက်ခဲ့သည်ဟုသိရသည်။
တမူးမြို့မှ လစာငွေများထုတ်ယူပြီး မြို့သစ်မြို့သို့ လာမည်ဟူသော သတင်းရရှိခြင်းကြောင်း ပြည်သူ့ကာကွယ်ရေးတပ်ဖွဲ့၊တပ်ရင်း(၁)မှ Gurkha Defence Force (GDF) တပ်စိတ် တစ်စိတ်အပါအဝင် တပ်စိတ်(၂)စိတ်မှ တမူး-ကွန်းတောင်း လမ်းပိုင်းကြားတွင် (၃)ဖွဲ့ခွဲ၍ စောင့်ကြို တိုက်ခိုက်ခဲ့ကြသည်ဟု့ ဖော်ပြထားသည်။
ယင်းပစ်ခတ်မှုဖြစ်စဉ်အတွင်း ရဲတပ်ကြပ် ဇော်မင်းထွန်း၏ ဇနီးဖြစ်သူ သေဆုံးသွားပြီး ရဲတပ်ကြပ် ဇော်မင်းထွန်းနှင့် စစ်ကောင်စီတပ်ဖွဲ့ဝင်တစ်ဦးမှာ ကျည်ထိမှန်ကာ ထိခိုက်ဒဏ်ရာများ ရရှိပြီး၎င်းတို့စီးနင်းလာသော ကားမှာ ထွက်ပြေးလွတ်မြောက်သွားခဲ့ပါသည်ဟုသိရသည်။
Zalen
No comments:
Post a Comment