ကန့်ဘလူ၊နိုဝင်ဘာ ၂၉၊ ၂၀၂၁။
ကန့်ဘလူမြို့နယ်အတွင်းမှာ ပျူစောထီးဆိုသူတွေ ပစ္စည်းသယ်လာတဲ့ကားကို နိုဝင်ဘာ ၂၈ ရက် မနေ့ကညနေ ၅ နာရီလောက်မှာ မိုင်းဆွဲတိုက်ခိုက်ခဲ့တယ်လို့ Kanbalu Underground Warriors ( KBU – UG ) ဆီကသိရပါတယ်။
စစ်ကိုင်းတိုင်း၊ ကန့်ဘလူမြို့နယ်၊ ဇီးကုန်းမြို့၊ ငါးရာနဲလမ်းအထွက်မှာ အဝေးထိန်းစနစ်နဲ့ မိုင်းနှစ်လုံးဆင့်တိုက်ခိုက်ခဲ့တာဖြစ်ပြီး အဲ့ဒိကားပေါ်မှာ လိုက်ပါလာတဲ့ ပျူစောထီးအချို့ဒဏ်ရာရှိခဲ့တယ်လို့ KBU – UG ရဲ့တာဝန်ရှိသူတဦးကပြောပါတယ်။
“အင်အားက ၅ ယောက်လောက်ပဲပါမယ်၊ ကားပေါ်မှာက သူတို့အတွက်လိုအပ်တဲ့ ပစ္စည်းတွေဖြစ်ဖို့များတယ်။ ကားကတော့ အဲ့ဒိနေရာမှာရပ်သွားတယ်။ အပျက်အစီးတော့ရှိတယ်" လို့ သူက ဆက်ပြောပါတယ်။
ဒီတိုက်ခိုက်မှုကို KBU – UG နဲ့ ဒေသခံပျောက်ကြားတပ်ဖွဲ့တို့ ပူးပေါင်းတိုက်ခိုက်ခဲ့တာဖြစ်ပြီး အဲ့ဒိကားပေါ်မှာ လိုက်ပါလာတဲ့ ပျူစောထီးအချို့ ဒဏ်ရာရှိခဲ့တယ်လို့ သိရပါတယ်။
KBU- UG အနေနဲ့ ကန့်ဘလူမြို့နယ်အတွင်း စစ်ကောင်စီနဲ့ပက်သက်ဆက်နွယ်နေတဲ့ ဌာနဆိုင်ရာရုံးတွေကို ဗုံးဖောက်ခွဲတာအပြင် ဒလန်ရှင်းလင်းရေးနဲ့ မိုင်းဆွဲတိုက်ခိုက်တာတွေကိုလုပ်ဆောင်တာ အကြိမ် ၅၀ နီးပါးလောက်ရှိပြီလို့လည်း KBU – UG ဆီက သိရပါတယ်။
မြေလတ်အသံ - Myaelatt Athan
No comments:
Post a Comment