(နိုဝင်ဘာလ ၁၃ ရက်)
ရန်ကုန်တိုင်း၊ လှိုင်သာယာမြို့နယ်(အရှေ့ပိုင်)၊ ကစင်ကျေးရွာ အုပ်ချုပ်ရေးမှူး ဒီကနေ့ နံနက်(၁၁:၃၀)ဝန်းကျင်ခန့်က စစ်ကောင်စီတပ်စွဲထားသော မိုးလုံလေလုံအားကစားရုံ မလှမ်းမကမ်းတွင် သေနတ်နဲ့ ပစ်ခတ်ခံခဲ့ရကြောင်း သိရသည်။
အဆိုပါ ပစ်ခတ်ခံရသူသည် ကစင်အုပ်ချုပ်ရေးမှူး ကိုထက် ဆိုသူဖြစ်ပြီး ၎င်း၏ တပည့်ဖြစ်သူများနှင့်အတူ ကားဖြင့်ပြန်လာစဉ် ကနောင်မင်းသားကြီးလမ်း စစ်ကောင်စီတပ်စွဲထားသော မိုးလုံလေလုံအားကစားရုံ မလှမ်းမကမ်းရှိ မော်ဒန်(KTV-2) အနီးတွင် ပစ်ခတ်ခံခဲ့ရကြောင်းသိရှိရပါသည်။
၎င်းပစ်ခတ်မှုအား လှိုင်သာယာမြို့နယ် ဒလန်ရှင်းလင်းရေးအဖွဲ့က သတင်းကြိုရ၍ စောင့်ကြို ပစ်ခတ်ခဲ့ခြင်းဖြစ်ပြီး ရပ်ကွက်အတွင်း အလွန်ဆိုးရွားသော အုပ်ချုပ်ရေးမှူးတစ်ဦးဖြစ်ခါ ဘယ်သွားသွား လက်နတ်ကိုင်အစောင့်တွေနဲ့ ပြည်သူများအားဖိနှိပ်တာ၊ ဖမ်းဆီးတာတွေလုပ်ဆောင်နေသောကြောင်း ပစ်ခတ်ခဲ့တာလို့ အဖွဲ့၏ တာဝန်ရှိသူတစ်ဦးကဆိုပါသည်။
ပစ်ခတ်မှုဖြစ်ပွားအပြီး စစ်ကောင်တပ်ဖွဲ့ဝင်များ မိနစ်(၃၀)အကြာရောက်ရှိလာခဲ့ပြီး ပစ်ခတ်ခံရသော အုပ်ချုပ်ရေးမှူးကို ဆေးရုံသို့ ပို့ဆောင်ထားကြောင်းသိရှိရပါသည်။
HTY Information III
No comments:
Post a Comment