မြန်မာနိုင်ငံမှာ ကလေး ၁၂ သန်းကျော် ကျောင်းမတက်နိုင်တာ ၁၈ လ ရှိပြီ (ကုလ ပြောခွင့်ရ (Farhan Haq)


မြန်မာနိုင်ငံမှာကလေးငယ်ပေါင်း ၁၂ သန်းကျော်ဟာ ကျောင်းမတက်နိုင်တာ ၁၈ လကျော်သွားပြီ ဖြစ်ကြောင်း ကမ္ဘာ့ကုလသမဂ္ဂအတွင်းရေးမှုးချုပ်ရဲ့ ပြောရေးဆိုခွင့်ရှိသူ Farhan Haq ကသောကြာ နေ့မှာပြောဆိုလိုက်ပါတယ်။

“မြန်မာနိုင်ငံမှာ အလုပ်လုပ်ကိုင်နေတဲ့ကျနော်တို့ရဲ့ လုပ်ဖေါ်ကိုင်ဖက်တွေရဲ့ ပြောကြားချက်တွေအရ ကလေး ၁၂ သန်းကျော်ဟာ ကျောင်းမတက်နိုင်တာ ၁၈ လကျော်ရှိပါပြီ၊ ဒါကြောင့် ကလေးတွေရဲ့ ပညာရေးနဲ့ ဘဝတိုးတက်ကောင်းမွန်ရေးအပေါ်များစွာ ထိခိုက်နိုင်တယ်လို့ အတွင်းရေးမှုးချုပ်ရဲ့ပြော ရေးဆိုခွင့်ရှိသူ ကပြောဆိုသွားတာပါ။”

ကမ္ဘာ့ကုလသမဂ္ဂကလေးများရံပုံငွေအဖွဲ့ UNICEF နဲ့မဟာမိတ်အဖွဲ့တွေက ကလေးတွေပညာ ဆက်လက်သင်ကြားနိုင်မှု လုံးဝပြတ်လပ်သွားတာမျိုးမဖြစ်အောင် တိုင်းပြည်အနှံက ကလေး ၃ သိန်းလောက်ကိုသင်ကြားမှုအထောက်အကူ ပစ္စည်းတွေဖြန့်ဝေပေးနေပါတယ်။ ဒါကြောင့် ဒီကလေး တွေဟာအိမ်ကနေပညာ ဆက်လက်သင်ကြားနိုင်မှာဖြစ်ပါတယ်။

ဒါ့အပြင်တိုင်းရင်းသားလူမျိုးစုနယ်မြေတွေမှာလည်း ကလေးတွေလုံခြုံရေးနဲ့ အိမ်မှာစာဆက်လက် သင်ကြားနိုင်ရေးအတွက် ကလေး ၁ သိန်း ၈ သောင်းကျော်အတွက် သင်ကြားမှုပစ္စည်းတွေကို UNICEF ကဖြန့်ဝေပေးလျက်ရှိပါတယ်လို့လည်းကုလသမဂ္ဂအတွင်းရေးမှုးချုပ်ရဲ့ပြောခွင့်ရပုဂ္ဂိုလ် Farhan Haq ကပြောဆိုခဲ့ပါတယ်။ 

ဗွီအိုအေ (မြန်မာဌာန) 

မြန်မာနိုင်ငံမှာ ကလေး ၁၂ သန်းကျော် ကျောင်းမတက်နိုင်တာ ၁၈ လ ရှိပြီ (ကုလ ပြောခွင့်ရ (Farhan Haq)   မြန်မာနိုင်ငံမှာ ကလေး ၁၂ သန်းကျော် ကျောင်းမတက်နိုင်တာ ၁၈ လ ရှိပြီ (ကုလ ပြောခွင့်ရ (Farhan Haq) Reviewed by THITHTOOLWIN on 09:22 Rating: 5

No comments:

Powered by Blogger.