ပုပ္ပါး၊ နိုဝင်ဘာ ၁၃၊ ၂၀၂၁။
မန္တလေးတိုင်း၊ ညောင်ဦးခရိုင်၊ ကျောက်ပန်းတောင်းမြို့နယ်၊ ပုပ္ပါးမြို့တွင် ဒေါ်ခင်ကြည်ဖောင်ဒေးရှင်းမှ ဖွင့်လှစ်ထားသော အခမဲ့ကွန်ပျူတာသင်တန်းကျောင်းနှင့် စာကြည့်တိုက်အား နိုဝင်ဘာလ ၁၂ ရက် ညနေပိုင်းက မီးရှို့ဖျက်ဆီးခံရကြောင်းဒေသခံများထံမှ သိရသည်။
မီးရှို့ခံရမှုကြောင့် သင်တန်းကျောင်းနှင့် စာကြည့်တိုက်တွင်ရှိသော ပရိဘောကပစ္စည်းများ၊ စာရွက်စာတန်းများ၊ စာအုပ်များ အကုန်ပျက်ဆီးသွားခဲ့ပြီး ညနေ ၅နာရီဝန်းကျင်တွင် မီးစတင်ငြိမ်းသတ်ခဲ့ပြီး ၆ နာရီခန့်တွင် မီးညွှန့်ကျိုးသွားခဲ့သည်ဟု ဒေသခံတဦး ပြောသည်။
"မီးရှို့သွားတာ ဘယ်အဖွဲ့အစည်းကမှန်းမသိရသေးပါဘူး။ ခုအချိန်မှာ မီးရှို့ဖျက်ဆီးလုယက်မှုတွေလုပ်နေတာကတော့ စစ်ကောင်စီအဖွဲ့နဲ့ ပျူစောထီးတွေက လုပ်နေတာများပါတယ်။ ခုမီးရှို့သွားတာလည်း အဲဒီအဖွဲ့တွေဘဲဖြစ်ဖို့များပါတယ်" ဟုဒေသခံတဦးကပြောသည်။
မြေလတ်အသံ - Myaelatt Athan
Reviewed by THITHTOOLWIN
on
16:35
Rating:
No comments:
Post a Comment