ပင်လည်ဘူးမြို့ နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဥက္ကဋ္ဌ နှင့် စစ်ကောင်စီသတင်းပေးတစ်ဦးတို့ကို မြို့ပေါ်ရှိ လက်ဖက်ရည်ဆိုင်တွင် အမည်မသိလူအချို့က ယနေ့နံနက်ပိုင်းက သေနတ်ဖြင့် ပစ်သတ်သွားကြောင်း ဒေသခံများကပြောသည်။
ပင်လည်ဘူးမြို့နယ် ကြံ့ခိုင်ရေးပါတီဥက္ကဋ္ဌဦးဝင်းသိန်း နှင့်စစ်ကောင်စီသတင်းပေးဟုဆိုသူ ညိုသန်းတို့ လက်ဖက်ရည်ဆိုင် ထိုင်နေစဥ် ယနေ့(နိုဝင်ဘာ ၃၀) နံနက် ၈ နာရီခန့်တွင် သေနတ်ဖြင့် ပစ်သတ်ခံလိုက်ရခြင်းဖြစ်သည်။
"သူတို့နှစ်ယောက်က အတူတူ သွားသွားလာလာရှိတယ်။ ဒီမနက်တော့ အဆော်ခံလိုက်ရပြီ။ နှစ်ယောက်စလုံး သေ သွားပြီး အလောင်းတွေလည်း သယ်သွားပြီ" ဟု ဒေသခံတစ်ဦးကပြောသည်။
ဦးဝင်းသိန်းသည် ၂၀၂၀ ရွေးကောက်ပွဲတွင် ပင်လည်ဘူးမြို့နယ် ပြည်သူ့ လွှတ်တော်ကိုယ်စားလှယ်နေရာ၌ ယှဉ်ပြိုင်ခဲ့သော်လည်းဒီချုပ် ပါတီကို ရှုံးနိမ့်ခဲ့သူဖြစ်သည်။ ၄င်းသည် စစ်ကောင်စီအလိုကျနေသူဖြစ်ပြီး ဒီမိုကရေစီအရေးလှုပ်ရှားသူများနှင့် ဒီချုပ် ပါတီထောက်ခံသူများကို ဖမ်းဆီးရာတွင် လက်ထောက်ချသူဖြစ်ကြောင်း ဒေသခံများကပြောသည်။
၄င်းတို့နှစ်ဦး အသတ်ခံရကြောင်းကို ပင်လည်ဘူးရှိ အာဏာရှင်ဆန့်ကျင်ရေးလှုပ်ရှားနေသော ဖေ့စ်ဘွတ်ခ်လူမှုကွန်ရက် စာမျက်နှာများတွင် ရေးသားဖော်ပြနေသော်လည်းမည်သည့်အဖွဲ့အစည်းက သေနတ်ဖြင့်ပစ်သတ်သွားသည်ကို သတင်းမထုတ်ပြန်သေးပေ။
People's Spring
Reviewed by THITHTOOLWIN
on
18:11
Rating:
No comments:
Post a Comment