(16.8.2021 - Monday)
မင်းတပ်မြို့ အနောက်ခြမ်းစစ်မျက်နှာ..
စကစ အင်အား ၁၅၀ ဝန်းကျင် ရှိပြီး မနက် ၈ နာရီဝန်းကျင်မှာ တိုက်ပွဲစပါတယ်။ CDF-Mindat က အနည်းငယ် နောက်ဆုတ်လိုက်ပြီး နေ့လည်လောက်မှာ တိုက်ပွဲရပ်သွားပါတယ်။ CDF-Mindat ဘက်က ၂ ဦး (မစိုးရိမ်ရ) ဒဏ်ရာရပါတယ်။
မင်းတပ်မြို့ မြောက်ခြမ်း စစ်မျက်နှာ..
စကစ အင်အား ၁၃၀ ကျော်ရှိပါတယ်။ ဒီဘက်ခြမ်းက စကစတပ်တွေဟာ အဖွဲ့ ၂ ဖွဲ့ခွဲပြီး ထိုးစစ်ဆင်လာတာ ဖြစ်ပြီး.. စကစအဖွဲ့တစ်ဖွဲ့နဲ့ CDF-Mindat တို့ ထုံကိန်းရွာအောက်ဘက်မှာ ညနေ ၅ နာရီ ဝန်းကျင်က တိုက်ပွဲဖြစ်ခဲ့ပါတယ်။ တိုက်ပွဲပြင်းထန်ခဲ့ပြီး စကစတွေ တက်မလာနိုင်ဘဲ ရွာအောက်မှာပဲရှိနေပါတယ်။
ဒီနေ့ တိုက်ပွဲ ၂ ခုလုံးမှာ စကစ ဘက်က အင်အားသာလွန်ပြီး လက်နက်ကြီးတွေ ၄၀ မမ၊ ၆၀ မမ၊ ပခုံးထမ်းလောင်ချာတွေနဲ့ တရစပ် ထိုးစစ်ဆင်ခဲ့ပါတယ်။
CDF-Mindat ဘက်က ဒီနေ့တိုက်ပွဲတွေမှာ ဒဏ်ရာရသူ စုစုပေါင်း ၃ ဦး (မစိုးရိမ်ရ) ရှိပါတယ်။
စကစဘက်ကလည်း ဒဏ်ရာရသူတွေ ရှိပြီး ကျဆုံးသူတွေလည်း ရှိမယ်လို့ ခန့်မှန်းရပါတယ်။
Zalen
Reviewed by THITHTOOLWIN
on
00:25
Rating:
No comments:
Post a Comment