အာဆီယံအထူးသံတမန်ခန့်ရေး မြန်မာစစ်ကောင်စီအဖြေကိုစောင့်ဆိုင်းနေ



Share/Bookmark
A bird flies near the Association of Southeast Asian Nations (ASEAN) secretariat building, ahead of the ASEAN leaders' meeting in Jakarta, Indonesia, April 23, 2021. REUTERS/Willy Kurniawan

မြန်မာနိုင်ငံမှာ ရင်ဆိုင်နေရတဲ့ နိုင်ငံရေးအကြပ်အတည်းတွေကြားဝင်ဆောင်ရွက်ပေးရေး အာဆီယံက အထူးသံတမန် ရွေးချယ်ထားပေမယ့် အဲဒီ ရွေးချယ်ထားတဲ့သူကို တရားဝင် အမည်စာရင်း ထုတ်ပြန်နိုင်ဖို့ မြန်မာစစ်ကောင်စီရဲ့ သဘောတူညီချက်ကို အာဆီယံက စောင့်ဆိုင်းနေကြောင်း အေပီ သတင်းမှာ ဖော်ပြထားပါတယ်။

ဘရူနိုင်း ဒုတိယနိုင်ငံခြားရေးဝန်ကြီး Erywan Yusof ကို မြန်မာနိုင်ငံဆိုင်ရာ အထူးသံတမန်အဖြစ် ခန့်အပ် တာဝန်ပေးဖို့ မနေ့ တနင်္လာနေ့မှာ ပြုလုပ်တဲ့ အာဆီယံ နိုင်ငံခြားရေးဝန်ကြီးတွေရဲ့ နှစ်ပတ်လည် စည်းဝေးပွဲအတွင်း အရှေ့အောင်အာရှနိုင်ငံများအသင်း - အာဆီယံအဖွဲ့ဝင် နိုင်ငံတွေအကြား သဘောတူညီမှု ရရှိခဲ့ကြတာလို့ အမည်မဖော်လိုတဲ့ အာဆီယံသံတမန် အသိုင်းအဝိုင်းကို ကိုးကားပြီး အေပီသတင်းမှာ ဖော်ပြထားပါတယ်။

မနေ့ သြဂုတ်လ ၂ ရက်နေ့မှာ ကျင်းပတဲ့ အာဆီယံဝန်ကြီးတွေရဲ့ စည်းဝေးပွဲအပြီး ရွေးချယ်ထားတဲ့ အထူးသံတမန်ရဲ့ အမည်ကို ကြေညာရမှာဖြစ်ပေမယ့် မြန်မာစစ်ကောင်စီဘက်က တစုံတရာ တုန့်ပြန်ခြင်းမရှိတာကြောင့် တရားဝင်ထုတ်ပြန်ဖို့ နှောင့်နှေး ကြန့်ကြာနေရတာ ဖြစ်ပါတယ်။

အာဏာသိမ်းစစ်ခေါင်းဆောင် ဗိုလ်ချုပ်မှုးကြီးမင်းအောင်လှိုင်ကလည်း မြန်မာ့အရေး ကြားဝင်ဆောင်ရွက်ပေးဖို့ အာဆီယံ အထူးကိုယ်စားလှယ် ခန့်ထားရေးကို သဘောတူကြောင်းနဲ့ အာဆီယံမူဘောင်အတွင်းကနေ ပူးပေါင်းဆောင်ရွက်သွားမယ့်အကြောင်း ပြောကြားထားပြီး ဖြစ်ပါတယ်။ အာဆီယံအနေနဲ့ မြန်မာနိုင်ငံနဲ့ပတ်သက်လို့ အထူးကိုယ်စားလှယ်ထားရှိရေးနဲ့ တွေ့ဆုံဆွေးနွေးမှုတွေဖြစ်လာရေးအပါအဝင် သဘောတူညီချက် ၅ ချက်ကို ချမှတ်ထားပြီးဖြစ်သလို၊ နိုင်ငံတကာကလည်း ဒါတွေ အကောင်အထည်ဖော်ဖို့ တိုက်တွန်းနေပါတယ်။

ကုလသမဂ္ဂ၊ အမေရိကန်ပြည်ထောင်စုနဲ့ တရုတ်အပါအဝင် နိုင်ငံတကာအသိုင်းဝိုင်းကလည်း လက်ရှိ ဖြစ်ပေါ်နေတဲ့ မြန်မာနိုင်ငံရဲ့ နိုင်ငံရေး ပဋိပက္ခတွေပြေလည်ရေးနဲ့ တိုင်းပြည် ပြန်လည် တည်ငြိမ်အေးချမ်းမှုရှိရေးတို့အတွက် အာဆီယံက ဦးစီး လုပ်ဆောင်သင့်ကြောင်း တိုက်တွန်း ပြောဆိုနေကြပါတယ်။

အမေရိကန်နိုင်ငံခြားရေးဝန်ကြီး Antony Blinken အနေနဲ့ အခုသီတင်းပတ်အတွင်း အာဆီယံနဲ့တွေ့ဆုံမယ့် အစည်းဝေးတွေမှာ မြန်မာ့အရေးကို ထည့်သွင်း ဆွေးနွေးသွားဖို့ရှိကြောင်း အမေရီကန်နိုင်ငံခြားရေးဌာန ပြောခွင့်ရပုဂ္ဂိုလ် Ned Price က မနေ့ သြဂုတ်လ ၂ ရက်နေ့မှာ ပြောကြားခဲ့ပါတယ်။ 


ဗွီအိုအေ (မြန်မာပိုင်း)

https://burmese.voanews.com/a/aseana-special-envoy-myanmar/5988858.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ