၂၀ ဇူလိုင် ၂၀၂၁
သျှမ်းပြည်တောင်ပိုင်း ခရိုင်အတွင်းလှုပ်ရှားနေသည့် စစ်ကောင်စီတပ်မှ ဗိုလ်ကြီး တစ်ဦး ကိုယ်ကိုယ့်အဆုံးစီရင်ခဲ့ကြောင်း စုံစမ်းသိရှိရသည်။
ဖြစ်စဉ်မှာ ဇူလိုင် ၁၅ ရက် မနက်ပိုင်း ( ၆) နာရီ အချိန် သျှမ်း-ထိုင်းနယ်စပ် ဟိုမိန်းမြို့ သို့ရောက်ရှိလှုပ်ရှားသည့် ကွန်ဟိန်းမြို့နယ် တာ့ကော့အခြေချစိုက် တပ်မ ခလရ( ၂၆၉) မှ အရာရှိ ဗိုလ်ကြီးတစ်ဦး မိမိကိုယ်ကို သေနတ်ပစ်ခတ် အဆုံးစီရင်မှုဖြစ်ပွါးခဲ့ကြောင်းသိရသည်။
“ အဲအရာရှိဗိုလ်ကြီး ဘာကြောင့် သူကိုယ့်သူ သတ်သေတာလဲ တော့မသိဘူး။ စိတ်ဖိတ်စီးမှုတခုခုကြောင့်လို့တော့ထင်တယ်။ သူကိုယ့်သူ သတ်သေသွားတာတော့ ဟုတ်တယ်။” ဟု ဟိုမိန်း ဒေသခံ တစ်ဦးက ပြောသည်။
အဆိုပါဗိုလ်ကြီးသည် ဟိုမိန်းမြို့နယ် နားမွန်းအွန်ကျေးရွာရှိ BP7 တပ်တွင် သေနတ်ပစ်ခတ် အဆုံးစီရင်ခဲ့ကြောင်း သိရသည်။
ဖေဖော်ဝါရီ ၁ ရက်နေ့မှ စစ်အာဏာသိမ်းယူပြီးနောက်ပိုင်း စစ်အုပ်ချုပ်မှုကို သဘောမကျသောကြောင့် စစ်သားများ တပ်တွင်း စွန့်ခွာမှုများရှိခဲ့ကြောင်းသိရသည်။
SHAN News (Burmese Version)
Reviewed by THITHTOOLWIN
on
21:02
Rating:
No comments:
Post a Comment