မြန်မာနိုင်ငံကို အန္တရာယ်ရှိမှု အမြင့်ဆုံးအဆင့် ၄ အဖြစ် အမေရိကန်သတ်မှတ်



Share/Bookmark
မြန်မာနိုင်ငံကို အန္တရာယ်ရှိမှု အမြင့်ဆုံးအဆင့် ၄ အဖြစ် အမေရိကန်သတ်မှတ် စစ်အာဏာသိမ်းပြီးနောက် ဖေဖော်ဝါရီလလယ်ပိုင်းက နေပြည်တော်မှာ တွေ့ရတဲ့ စစ်ကောင်စီတပ်ဖွဲ့ဝင်များ။ Photo: AFP

မြန်မာနိုင်ငံက လက်ရှိအခြေအနေတွေဟာ အသက်အန္တရာယ် စိုးရိမ်ရတဲ့အခြေအနေဖြစ်လို့ အမေရိကန် နိုင်ငံသားတွေ မြန်မာပြည်ကို ခရီးမသွားဖို့၊ မြန်မာပြည်ထဲမှာရှိနေတဲ့ အမေရိကန်နိုင်ငံသားတွေ မြန်မာနိုင်ငံကနေ အမြန်ဆုံးပြန်ထွက်ခွာဖို့ အမေရိကန် နိုင်ငံခြားရေးဝန်ကြီးဌာနက အကြံပေးထုတ်ပြန်ချက်ကို မြန်မာနိုင်ငံဆိုင်ရာအမေရိကန်သံရုံးရဲ့ ဝက်ဘ်ဆိုဒ်မှာ မနေ့ကဖော်ပြထားပါတယ်။

မြန်မာနိုင်ငံက အခြေအနေတွေဟာ အန္တရာယ်ဆိုင်ရာ အမြင့်ဆုံးအဆင့်၄ အဖြစ် အမေရိကန် နိုင်ငံခြားရေးဝန်ကြီးဌာနက သတ်မှတ်လိုက်တာပါ။ အမေရိကန် သံရုံးအနေနဲ့ အကူအညီပေးနိုင်တာက အကန့်အသတ်နဲ့ပဲဖြစ်တယ်လို့လည်း မနေ့ကထုတ်ပြန်တဲ့ ကြေညာချက်မှာ ဖော်ပြထားပါတယ်။ အခု သီတင်းပတ်တွေအတွင်း ရန်ကုန်နဲ့ တခြားမြို့တွေမှာ ပေါက်ကွဲမှုဖြစ်တာတွေ မြင့်တက်လာနေပြီး အရပ်သားထိခိုက်သေဆုံးမှုတွေလည်း ရှိလာနေတာကို အမေရိကန်သံရုံးက သတိထားမိတယ်လို့ဆိုပါတယ်။

လောလောဆယ်အချိန်အထိတော့ အမေရိကန်အပါအဝင် နိုင်ငံခြားသားတွေကို ပစ်မှတ်ထားတိုက်ခိုက်တာမျိုးတော့ မတွေ့ရသေးကြောင်း၊ အပြင်ထွက်တဲ့အခါမှာ သတိဝီရိယနဲ့ သွားလာဖို့၊ အထူးသဖြင့် လူအုပ်စုတွေကို ရှောင်ဖို့ အန္တရာယ်ရှိတယ်လို့ မသင်္ကာရင် အဲဒီနေရာကနေ ချက်ချင်းထွက်ခွာဖို့လည်း သတိပေးထားပါတယ်။ မြန်မာနိုင်ငံအတွင်းမှာ စစ်အုပ်ချုပ်ရေး ထုတ်ပြန်ထားတဲ့နေရာတွေ၊ ညမထွက်ရ ထုတ်ပြန်ထားတဲ့ နေရာတွေကိုလည်း အမေရိကန်သံရုံးရဲ့ သတိပေးချက်မှာ ဖော်ပြထားပါတယ်။


RFA Burmese

https://www.rfa.org/burmese/news/us-embassy-statement-for-security-05182021155425.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ