ရဟတ်ယာဥ်ပစ်ချခံရပြီးနောက် စစ်ကောင်စီလက်နက်ကိုင်များ၏ လက်လွတ်စပယ် ပစ်ခတ်သည့် လက်နက်ကြီးထိမှန်ပြီး ပျံလွန်တော်မူသွားသည့် ဘုန်းကြီးနှင့် ပြည်သူနှစ်ဦး။
May 3 - Kachinwaves
ရဟတ်ယာဥ်ပစ်ချခံရပြီး စစ်ကောင်စီလက်နက်ကိုင်များသည် လက်နက်ကြီးများဖြင့် ကျေးရွာများသို့ ရမ်းပစ်သည့်အတွက် ကုန်းလော ဘုန်းကြီးကျောင်းသို့ လက်နက်ကြီး နှစ်လုံးကျပြီး ဘုန်းကြီးတစ်ပါးပျံလွန်တော်မူပြီး ပြည်သူနှစ်ဦးသေဆုံးကာ ၉ ယောက် ဒဏ်ရာရရှိခဲ့သည်။
"လက်ရှိချိန်ထိ ဆုံးတာ ၃ ယောက်။ အသက် ၅၀ အရွယ် အမျိုးသားနှစ်ယောက် သေဆုံးပြီး ကျောင်းထိုင်ဘုန်းကြီးတစ်ပါးပျံလွန်တော်မူတယ်။ လက်နက်ကြီးက နှစ်ခုကျတာ တစ်ခုက မပေါက်ကွဲသေးဘူး ခုထိရှိတယ်။"ဟု ဒေသခံတစ်ဦးကဆိုသည်။
ဒဏ်ရာရသည့် ကလေးငယ်များလည်း ဒဏ်ရာစိုးရိမ်ရပြီး ခွဲစိတ်ခန်းဝင်နေကြောင်း ဆိုသည်။
ဆုံးသွားတဲ့အမျိုးသား နှစ်ဦးကို မီးသဂြိုလ်ခဲ့ပြီး ဘုန်းကြီးကို လည်း မနက်ဖြန် မီးသဂြိုလ်မည်ဟု သိရသည်။
မိုးမောက်မြို့နယ် ကျေးရွာများမှ စစ်ကောင်စီလက်နက်ကိုင် တပ်များ လက်နက်ကြီးများဖြင့် ပစ်ခတ်သောကြောင့် ပြည်သူများ လက်နက်ကြီးထိမှန်ပြီး သေဆုံးသူ ယနေ့ ၃ဦးအပါအဝင် ၈ဦးထိရှိလာပြီ ဖြစ်သည်။
Kachinwaves
Reviewed by THITHTOOLWIN
on
19:29
Rating:
No comments:
Post a Comment