RCSS/SSA ထိန်းချုပ်နယ်မြေထဲ လာရောက်ခိုလှုံသူ ၃၀၀ နီးပါးရှိ



Share/Bookmark

ဧပြီ ၆ ရက် ၂၀၂၁

ရှမ်းပြည်ပြန်လည်ထူထောင်ရေးကောင်စီ၊ရှမ်းပြည်တပ်မတော် (RCSS/SSA) နယ်မြေအတွင်း လာရောက်ခိုလှုံသူ (၃၀၀) နီးပါးခန့်ရှိကြောင်း ဗိုလ်ချုပ် ယွက်စစ် က သျှမ်းသံတော်ဆင့် ကိုပြောသည်။

ဖေဖော်ဝါရီ ၁ ရက် မနက်မှ စတင်ကာ နိုင်ငံတော်၏ အာဏာကို စစ်တပ်မှ သိမ်းယူလိုက်ပြီး၊ ထို့နောက် မြန်မာတဝှမ်းပြည်သူများ၊ အစိုးရဝန်ထမ်းများ၊ ပုဂလိက ဝန်ထမ်းများက စစ်အာဏာရှင် စနစ်ကျဆုံးရေး အတွက် ဆန့်ကျင်ဆနထုတ်ဖော်မှုကို ယနေ့ထိတိုင် အရှိန်အဟုန်မြင့်ကာ ပြုလုပ်နေကြသည်။

“CDM လုပ်ထားတဲ့ သူတွေ လာရောက်ခိုလှုံ တာတော့မရှိသေးဘူး။လာရောက်ခိုလှုံတဲ့သူ ဘယ်လောက်ရှိလဲ ဆိုတာ စာရင်း အတိအကျတော့ မရသေးဘူး။ ၂၀၀ ကျော် ၃၀၀ လောက် ရှိမယ်။ ဌာနချုပ်မှာရှိတာတော့ မဟုတ်ဘူး။ ကျနော်တို့ လှုပ်ရှားရာ နယ်မြေတွေမှာ ရှိကြတယ်” ဟု RCSS/SSA ၏ ဥက္ကဋ္ဌ ဗိုလ်ချုပ်ကြီး ယွက်စစ် က သျှမ်းသံတော်ဆင့် ကိုပြောသည်။

ထို့အပြင် စစ်အာဏာရှင် စနစ်အောက်တွင် အလုပ်မလုပ်လိုသဖြင့် အစိုးရ ဝန်ထမ်းများကလည်း အာဏာရှင် ဖီဆန်ရေး လှုပ်ရှားမှုဖြစ်သည့် (CDM) ကို ပူးပေါင်းပါဝင်လာကြသည်။

ထို CDM ပြုလုပ်သည့် ပြည်သူမျာကိုလည်း စစ်ကောင်စီ၏ လက်နက်ကိုင်တပ်ဖွဲ့က နေ့စဉ်နဲ့ အမျှ ဖမ်းဆီးချုပ်နှောင်မှုရှိသဖြင့် CDM လုပ်ထားသည့် အစိုးရဝန်ထမ်းများသည် လုံခြုံသည့် နေရာတွင် ပြောင်းရွှေ့ရှောင်ပုန်းနေရပြီး၊ တချို့မှာ ဖမ်းဆီးထိန်းသိမ်းထားခံရကြောင်း သိရသည်။

စစ်အာဏာရှင် ဆန့်ကျင်ဆနထုတ်ဖော်သူများ၊ အာဏာဖီဆန်ရေး လှုပ်ရှားမှုတွင် ပါဝင်သည့် ရဲ၊ စစ်သားများ နှင့် အစိုးရ ဝန်ထမ်းအားလုံး မည်သူမဆို RCSS/SSA နယ်မြေအတွင်း လုံခြုံရေးအရ လာရောက်ခိုလှုံမည်ဆိုပါက လက်ခံသွားမည်ဖြစ်ကြောင်း သိရသည်။


SHAN News (Burmese Version)

https://www.facebook.com/shannewsburmese



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ