မြန်မာစစ်ကောင်စီရဲ့ စီးပွားရေးလုပ်ငန်းတွေအပေါ် EU တဖွဲ့လုံး ဒဏ်ခတ် အရေးယူမည်



Share/Bookmark

မြန်မာ စစ်တပ်ရဲ့ စီးပွားရေး အကျိုးစီးပွားတွေကို ပစ်မှတ်ထားပြီး ဥရောပ သမဂ္ဂ EU က တပေါင်းတစည်းတည်း ပြစ်ဒဏ်ခတ် အရေးယူမှု ချမှတ်ရေး ပြင်ဆင်နေကြောင်း ပြင်သစ် နိုင်ငံခြားရေး ဝန်ကြီး Jean-Yves Le Drian က အင်္ဂါနေ့မှာ ပြောဆိုပါတယ်။

မြန်မာ စစ်တပ်နဲ့ ဆက်စပ်နေတဲ့ စီးပွားရေး လုပ်ငန်းတွေ အပေါ် စီးပွားရေး ဒဏ်ခတ် ပိတ်ဆို့မှုကို ဥရောပ သမဂ္ဂ အဖွဲ့ဝင် ၂၇ နိုင်ငံ အဆင့်ထိ တိုးမြှင့် ဆောင်ရွက်မှာ ဖြစ်တဲ့ အတွက် ဒီ ဒဏ်ခတ်ပိတ်ဆို့မှုတွေကို မြန်မြန် ဆန်ဆန် ကျင့်သုံးနိုင်မှာ ဖြစ်ကြောင်း ပြင်သစ် နိုင်ငံခြားရေး ဝန်ကြီးက ပါရီမြို့တော်မှာ လွှတ်တော် အမတ်တွေကို ပြောဆိုခဲ့တာပါ။

စစ်အာဏာသိမ်းမှုမှာ တာဝန်ရှိသူတွေကို အနောက်နိုင်ငံတွေက ပြစ်ဒဏ်ခတ် ပိတ်ဆို့မှု ချမှတ်နေတာကြောင့် မြန်မာနိုင်ငံမှာ ပြည်တွင်းစစ် ဖြစ်သွားနိုင်ကြောင်း ရုရှားအစိုးရက ပြောဆိုကြောင်း Interfax သတင်းအေဂျင်စီကိုးကားပြီး ရိုက်တာ သတင်းက ဖော်ပြပါတယ်။

စစ်အာဏာသိမ်းမှုမှာ တာဝန်ရှိသူတွေ၊ နောက်သူတို့နဲ့ ပတ်သက်ဆက်နွယ်သူတွေ၊ စစ်တပ်နဲ့ ဆက်စပ်တဲ့ လုပ်ငန်းကြီးတွေ အပေါ်မှာ အမေရိကန်၊ ဗြိတိန်၊ ကနေဒါနဲ့ ဥရောပ သမဂ္ဂ EU တို့က ဒဏ်ခတ် ပိတ်ဆို့မှုတွေ အသီးသီး ချမှတ်နေတာ ဖြစ်ပါတယ်။

စစ်အာဏာသိမ်းသူတွေ အပေါ် ဖိအားပေး ခြိမ်းခြောက်တဲ့ ဒဏ်ခတ် အရေးယူမှုတွေက အကျိုးမရှိဘဲ အန္တရာယ် အလွန်ကြီးကြောင်း၊ ပြည်တွင်း ပဋိပက္ခကြီး ဖြစ်အောင် တွန်းပို့သလို ဖြစ်မယ့် အကြောင်း ရုရှား နိုင်ငံခြားရေး ဌာန ပြောခွင့်ရကိုကိုးကားပြီး Interfax သတင်းက ဖော်ပြပါတယ်။

မြန်မာ့ စစ်အာဏာသိမ်းမှု အရေးနဲ့ ပတ်သက်ပြီး တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင် အပါအဝင် စစ်ဘက် အရပ်ဘက် လူပုဂ္ဂိုလ် ၁၁ ဦးကို ပြီးခဲ့တဲ့ မတ်လ အတွင်း ဥရောပ သမဂ္ဂ EU က ဒဏ်ခတ် အရေးယူထားတာပါ။

ဒါ့အပြင် ပြီးခဲ့တဲ့ စနေနေ့က နေပြည်တော်မှာ စစ်တပ်ရဲ့ အုပ်ချုပ်ရေး ကောင်စီ က လုပ်တဲ့ ဥရောပ သမဂ္ဂ အကူအညီများဆိုင်ရာ ဝန်ကြီး အဆင့် အစည်းအဝေးကိုလည်း EU ကိုယ်စားလှယ်တွေ မတက်ခဲ့ကြပါဘူး။ လက်ရှိ နိုင်ငံရေး အခြေအနေ အရ မြန်မာနိုင်ငံ အတွက် EU က ပေးအပ်ေ်နတဲ့ ဖွံ့ဖြိုးရေး အကူအညီတွေကိုလည်း ပြန်လည် သုံးသပ်နေကြောင်း EU ရဲ့ မြန်မာရုံးက ပြောဆိုထားပါတယ်။ 


ဗွီအိုအေ (မြန်မာပိုင်း)

https://burmese.voanews.com/a/myanmar-eu-sanction-/5843168.html



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ