တောင်ကိုရီးယား လွှတ်တော်အမတ်တွေပါမယ့် မြန်မာ့အရေး တွေ့ဆုံပွဲ



Share/Bookmark
တောင်ကိုရီးယား လွှတ်တော်အမတ်တွေပါမယ့် မြန်မာ့အရေး တွေ့ဆုံပွဲ

မြန်မာနိုင်ငံအတွင်းက လတ်တလော အခြေအနေတွေကို တောင်ကိုရီးယားနိုင်ငံအတွင်းက ပြည်သူလူထုတွေ ပိုမို သိလာနိုင်စေဖို့ ရည်ရွယ်ပြီး တောင်ကိုရီးယားရောက် မြန်မာကျောင်းသားများ အဖွဲ့နဲ့ ဂယောင်းဂီပြည်နယ် လွှတ်တော်တို့ ပူးပေါင်းပြီး သရုပ်ပြနဲ့ တွေ့ဆုံပွဲ တစ်ခု ကျင်းပဖို့စီစဉ်ထားပါတယ်။

အဲဒီပွဲကို ၂၀၂၁ ခုနှစ် ဧပြီလ ၇ ရက်နေ့ တောင်ကိုရီးယား စံတော်ချိန် နေ့လယ် ၂ နာရီကနေ ၃ နာရီခွဲအထိ (မြန်မာ စံတော်ချိန် - နေ့လည် ၁၁ နာရီခွဲမှ ၁ နာရီအထိ) ဂယောင်းဂီပြည်နယ် လွှတ်တော်ချုပ် အဆောက်အအုံမှာ ကျင်းပမှာ ဖြစ်ပါတယ်။ ပွဲကို ဂယောင်းဂီ ပြည်နယ် လွှတ်တော်က ကူညီစီစဉ် ကျင်းပပေးတာလည်း ဖြစ်ပါတယ်။

အဲဒီပွဲ​မှာ ဂယောင်းဂီပြည်နယ် လွှတ်တော် အမတ်ချုပ် အပါအဝင် အခြား လွှတ်တော် အမတ်တွေလည်း တက်ရောက်ကြမှာ ဖြစ်တဲ့အတွက် သူတို့နဲ့ တွေ့ဆုံပြီးမြန်မာ့အရေးအတွက် တိုက်ရိုက်တောင်းဆိုပေးနိုင်အောင် စီစဉ်ထားတယ်လို့ ပွဲစီစဉ်သူ ကိုဇင်မင်းပိုင်က ပြောပါတယ်။ အထူးသဖြင့် ဂယောင်းဂီပြည်နယ် လွှတ်တော် အနေနဲ့ မြန်မာ့အရေးကို လက်တွေ့ကျကျ ချက်ချင်း ထိရောက်စွာ ဆောင်ရွက်ပေးနိုင်မယ့် အရာတွေကို တောင်းဆိုသွားဖို့ စဉ်းစားထားတယ်လို့ ဆိုပါတယ်။

ပွဲကျင်းပပုံတွေကို ဂယောင်းဂီပြည်နယ် လွှတ်တော် ရဲ့ Youtube စာမျက်နှာကနေလည်း တိုက်ရိုက် ထုတ်လွှင့်ပေးသွားမှာ ဖြစ်တယ်လို့ သိရပါတယ်။

ဒီတောင်ကိုရီးယားရောက် မြန်မာကျောင်းသားများ အဖွဲ့ဟာ ပြီးခဲ့တဲ့ မတ်လ ၁၄ ရက်နေ့ကလည်း Gyeonggi Art Centre မှာ မြန်မာ့နွေဦးတော်လှန်ရေးပွဲ ဆိုပြီး ကျင်းပခဲ့ရာမှာ ပြည်ပက မြန်မာ့အရေး လှုပ်ရှားမှု တစ်ခုအနေနဲ့ အင်တာနက်ပေါ်မှာ လူသိများခဲ့ပါတယ်။


BBC Burmese

https://www.bbc.com/burmese/live/burma-56582387



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ