ကလေးမြို့မှာ ၂ဖက် ဖမ်းဆီးထားသူတွေ လဲလှယ်



Share/Bookmark

ကလေး-ဧပြီ၄-၂၀၂၁

ကလေးမြို့အနောက်ခြမ်း တာဟန်းပင်မသပိတ်စခန်းဆီ ကျွံ၀င်လာတဲ့ ရဲတပ်ဖွဲ့၀င် ၅ ဦးနဲ့ စစ်တပ်သတင်းပေးနှစ်ဦးကို ဆန္ဒပြသူတွေက ခေတ္တထိန်းသိမ်ထားရာက ပြန်လွှတ်ပေးလိုက်ပြီးနောက်ပိုင်း စစ်တပ်ဖက်ကလည်း ဖမ်းဆီးခံ ပြည်သူ ၉ ဦးအား ချက်ချင်းလွှတ်ပေးခဲ့ပါတယ်။

ပုဒ်မတပ် တရားစွဲထားပြီးသူတွေကလွှဲလို့ အခြားဖမ်းဆီးထားတဲ့ ပြည်သူတွေကိုလည်း လာမယ့် တနင်္လာနေ့မှာ လွှတ်ပေးသွားမယ်လို့ သိရပါတယ်။ 

ခံတပ်အခိုင်အမာ တည်ဆောက်ထားတဲ့ ကလေးမြို့ ပင်မသပိတ်စခန်းထဲ ခေတ္တထိန်းသိမ်းထားရသူတွေထဲမှာ ယာဉ်ထိန်းရဲတပ်ဖွဲ့က ဒုရဲအုပ် ကိုမင်း၊ တပ်ကြပ်ကြီး သိန်းနိုင်ဦး ဒုတပ်ကြပ် နန္ဒမင်း၊ ရဲတပ်သား ဖြိုးသီဟ တို့ပါ၀င်သလို နယ်မြေခံရဲတစ်ဦးနဲ့ စစ်တပ်သတင်းပေး နှစ်ဦးတို့ ပါ၀င်ပါတယ်။ 

စစ်တပ်ဖက်က ကတိပေးထားတဲ့အတိုင်း ပုဒ်မတပ်တရားစွဲထားပြီးသူအချို့ကလွှဲလို့ ကျန်ရှိနေသေးတဲ့ ဖမ်းဆီးခံပြည်သူတွေကို အမှန်တကယ် လွှတ်ပေးမယ် လွှတ်မပေးဘူးဆိုတာကိုတော့ မနက်ဖြန် ဧပြီလ ၅ ရက် တနင်္လာနေ့မှာ စောင့်ကြည့်ရအုံးမယ်လို့ ကလေးမြို့ခံတွေက ပြောပါတယ်။ 


သိမ်မွေ့ကဗျာ

Voice of Myanmar

https://www.facebook.com/VoiceofMyanmarNews



Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Last 7 days Pageviews

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ