မုံရွာ၊ဧပြီ- ၂
စစ်ကိုင်းမြို့၊စီတီးရပ်ကွက်၊ဆွမ်းချက်ရပ်တွင် ညကင်းစောင့်သူများနှင့် ယမန်နေ့ည(ဧပြီ-၁) ၁၀နာရီခန့်က ရဲနှင့်စစ်တပ်တို့တွေ့ရာ ပစ်ခတ်မှုဖြစ်ပြီး အမျိုးသားတစ်ဦး ရင်ဘက်နှင့် ဆီးခုံအား ကျည်ဖောက်ဝင်ဒဏ်ရာဖြင့်ကျဆုံးသည်။
ကျဆုံးသူမှာ ဆွမ်းချက်ရပ်မှ အသက်၃၆ နှစ်အရွယ် ကိုအေးချမ်းဆိုသူဖြစ်သည်။
" ရပ်ကွက်ထဲကို စစ်သားတွေဝင်လာတော့ ကင်းမှာရှိတဲ့ကိုအေးချမ်းက အရေးတော်ပုံအောင်ရမည်ဆိုပြီး ရှေ့ကနေရင်ကော့ပေးတော့ သူ့ပစ်သွားကြတာ "ဟု မြို့ခံတစ်ဦးကပြောသည်။
ယမန်နေ့ည ပစ်ခတ်မှုတွင် ၁ ဦးသေဆုံးပြီး ၁ ဦးဒဏ်ရာရခဲ့သည်။သေဆုံးသူ၏ရုပ်လောင်းကို ယနေ့နံနက် ၉ နာရီက သဂြိုလ်ခဲ့သည်။
မတ်လ ၃ရက်မှ ဧပြီ ၁ရက်အထိ စစ်ကိုင်းမြို့တွင် ကျဆုံးသောပြည်သူ သုံးဦး ရှိနေသည်။
Monywa Gazette
စစ်ကိုင်းတွင် ညကင်းစောင့်တစ်ဦး ပစ်ခံရ၍ သေဆုံး
Reviewed by THITHTOOLWIN
on
21:44
Rating:
Reviewed by THITHTOOLWIN
on
21:44
Rating:
No comments:
Post a Comment