 |
| မှတ်တမ်းဓါတ်ပုံ- ၂၀၂၀ မေလ ၈ ရက်နေ့တုန်းက စေတနာ့ဆရာစန်များကို တွေ့ရစဉ် |
စက်တင်ဘာလ ၁၇ ရက် မနက်ပိုင်း ကျန်းမာရေးနဲ့ အားကစားဝန်ကြီးဌာန ထုတ်ပြန်ကြေညာချက်အရ COVID – 19 ကူးစက်ခံရသူ အတည်ပြုလူနာတွေထဲက နောက်ထပ် ၆ ဦး သေဆုံး သွားခဲ့လို့ မြန်မာနိုင်ငံမှာ COVID 19 ကြောင့် သေဆုံးသူ စုစုပေါင်း ၄၆ ဦး ရှိပြီ ဖြစ်ပါတယ်။
သေဆုံးသူတွေထဲ သွေးတိုး၊ နှလုံး၊ ဆီချိုလို ရောဂါ အခံ ရှိတဲ့ အသက်ကြီးရင့်သူတွေ ပါဝင်သလို ရောဂါ အခံ မရှိသူ အသက် ၅၄ နှစ် အရွယ်အမျိုးသား တစ်ဦးနဲ့ သွေးနဲ့ဆိုင်တဲ့ ရောဂါ အခံရှိသူ အသက် ၁၃ နှစ်အရွယ် ရှိသူ မိန်းကလေးတစ်ဦး လည်း ပါဝင်တာကို ကျန်းမာရေး ဝန်ကြီး ဌာနရဲ့ ထုတ် ပြန်ချက်မှာ တွေ့ရှိရပါတယ်။
ကူးစက်ခံရသူ လူနာသစ် နောက်ထပ် ၇၃ ယောက်အတည်ပြုလိုက်တာ ကြောင့်လည်း ရောဂါ ပိုးကူးစက်ခံရသူ စုစုပေါင်း ၃၈၉၄ ဦး ရှိပြီဖြစ်ပါတယ်။
စက်တင်ဘာလ ၁၆ ရက်နေ့အတွက် ဓာတ်ခွဲနမူနာ စုစုပေါင်း ၄,၅၅၅ ခုထဲက အခု မနက်ပိုင်း ထုတ်ပြန်ထားတဲ့ ရောဂါပိုး ကူးစက်သူ ၇၃ ဦး အပါအဝင် အတည်ပြုလူနာ ၃၈၉၄ ကို ထပ်မံ အတည်ပြု နိုင်ခဲ့တာလည်း ဖြစ်ပါတယ်။
မြန်မာနိုင်ငံမှာ COVID 19 ရောဂါ ဓာတ်ခွဲအတည်ပြုလူနာသစ်တွေ နေ့စဉ် ရာနဲ့ချီ နေ့စဉ်တိုးလာနေတာကြောင့် ယာယီ ဆေးရုံ တွေ ဆောက်နေကြရသလို Quarantine Center တွေလည်း ပိုတိုးချဲ့ အသုံးပြုဖို့ ပြင်ဆင် နေပါတယ်။ ကုသရေးအတွက် ယာယီ ဆေးရုံ တွေ တည်ဆောက်ပေးနေရပြီး ၊ တချို့ Quarantine Center တွေမှာလည်း ကုသရေး စင်တာတွေ အဖြစ် ပြင်ဆင်ပြောင်းလဲ ဆေး ကုသ ပေးနေရပါတယ်။ နောက်တိုးလာတဲ့ စောင်ကြည့်လူနာတွေအတွက်လည်း Quarantine Center တွေ ထပ်ပြီး တိုးချဲ့ ဖွင့်လှစ် ပေးနေပါတယ်။
ဗွီအိုအေ (မြန်မာပိုင်း)
https://burmese.voanews.com/a/myanmar-covid-update-3894/5586790.html
Reviewed by THITHTOOLWIN
on
20:13
Rating:
No comments:
Post a Comment