"ကာကွယ်ဆေး" လို့ တံဆိပ်တပ်ထားတဲ့ ပုလင်းတချို့။ (ဧပြီ ၁၀၊ ၂၀၂၀) |
စမ်းသပ်ဆေးကို အသက် ၁၈ နှစ်ကနေ ၅၅ နှစ်ကြား မိမိသဘောနဲ့ စမ်းချင်သူ ၄၅ ယောက်နဲ့ စမ်းသပ်ခဲ့တာပါ။ သူတို့ကို ဆေး နှစ် ခါပေးပြီး စမ်းသပ်တာမှာ ဘယ်သူမှ ပြင်းထန်တဲ့ ဘေးထွက်ဆိုးကျိုးတွေ မတွေ့ရဘူးလို့ New England ဆေးသိပ္ပံဂျာနယ်မှာ သုတေသီတွေက ပြောထားပါတယ်။ စမ်းသပ်ခံရသူ ထက်ဝက်ကျော်မှာတော့ နည်းနည်းပင်ပန်းနွမ်းနယ်တာ၊ ခေါင်းကိုက်တာ၊ ချမ်းစိမ့်တာ၊ ကြွက်သားတွေ နာကျင်ကိုက်ခဲတာမျိုးဖြစ်ကြတယ်လို့ ပြောပါတယ်။
ကာကွယ်ဆေးကို စိတ်ချလက်ချသုံးလို့ရမလား၊ ရောဂါပိုးကို ခုခံနိုင်မယ့် ကိုယ်ခံစွမ်းအား ကောင်းအောင်လုပ်နိုင်မလားဆိုတာကို ပထမအတင့်အနေနဲ့ လူတွေကို ဆေးပမာဏခွဲပေးပြီး ပထမအဆင့်လုပ်ခဲ့တဲ့ စမ်းသပ်မှုတွေမှာ ခုလိုတွေ့ရှိတာဖြစ်ပါတယ်။
လက်ရှိမှာ ဒုတိယအဆင့် စမ်းသပ်မှုတွေကို Moderna ကုမ္ပဏီက လုပ်နေပါပြီ။ တတိယအဆင့် စမ်းသပ်မှုကိုလည်း ဇူလိုင် ၂၇ ရက်နေ့မှာ လူပေါင်း ၃၀,၀၀၀ လောက်နဲ့ စတင်လုပ်တော့မှာဖြစ်ပါတယ်။ ကမ္ဘာတဝန်း COVID-19 အတည်ပြုလူနာ ၁၃ သန်းကျော်နဲ့ သေဆုံးသူ ၅၈၀,၀၀၀ နီးပါးဖြစ်နေချိန်မှာ ရောဂါကာကွယ်ဆေးကို အမြန်ဆုံးထုတ်လုပ်နိုင်ဖို့ သိပ္ပံပညာရှင်တွေက ကြိုးစားနေကြတာဖြစ်ပါတယ်။
ဗွီအိုအေ (မြန်မာပိုင်း)
https://burmese.voanews.com/a/covid-main-vaccine/5503655.html
Moderna ကုမ္ပဏီရဲ့ ကိုဗစ်ကာကွယ်ဆေးစမ်းသပ်ချက် တိုးတက်မှုရနေ
Reviewed by THITHTOOLWIN
on
20:22
Rating: