COVID ကာလ ရွှေတြိဂံနဲ့ မဲခေါင်မြစ်ဝှမ်း မူးယစ်ဆေးထုတ်လုပ်မှု တိုး



Share/Bookmark
ဘန်ကောက်မြို့မှာ ဖမ်းဆီးရမိတဲ့ အမေရိကန်ဒေါ်လာ ၃၇ သန်းတန်ဖိုးရှိ မူးယစ်ဆေးဝါးများ။ (ဖေဖော်ဝါရီ ၂၀၊ ၂၀၁၇)
COVID-19 ကာလအတွင်း ထိုင်း၊ မြန်မာ၊ လာအို ဆုံရာ ရွှေတြိဂံနဲ့ မဲခေါင်မြစ်ဝှမ်းဒေသမှာ မူးယစ်ဆေးဝါး တန်နဲ့ချီပြီး အမြောက်အမြား ထုတ်လုပ်နေကြောင်း ထိုင်းမူးယစ်နှိမ်နင်းရေးဗျူရိုက ဒီရက်ပိုင်းအတွင်း ထုတ်ပြန်ခဲ့ပါတယ်။ အပြည့်အစုံကို ထိုင်းအခြေစိုက် ဗွီအိုအေ မြန်မာပိုင်း သတင်းထောက် မအေးအေးမာ တင်ပြပေးထားပါတယ်။

ကမ္ဘာတဝန်းလုံးမှာ COVID-19 ရောဂါကပ်ဆိုးကို ရင်ဆိုင်နေတာကြောင့် နိုင်ငံအစိုးရတွေဟာ ရောဂါထိန်းချုပ် တိုက်ဖျက်နိုင်ရေးအတွက် အစွမ်းကုန် လုပ်ဆောင်နေကြရတဲ့ အချိန်မှာ ထိုင်း၊ မြန်မာ၊ လာအို နယ်စပ်ချင်း ထိစပ်နေတဲ့ Golden Triangle ရွှေတြိဂံဒေသက မူးယစ်ရာဇာတွေကတော့ စိတ်ကြွဆေး၊ ICE၊ ဘိန်းဖြူ စတဲ့ မူးယစ်ဆေးတွေကို ပိုမိုထုတ်လုပ်နေတာ တွေ့ရပြီး ထိုင်းနိုင်ငံအတွင်း စိတ်ကြွဆေးပြားပေါင်း သန်းနဲ့ချီ ဝင်ရောက်လာနေကြောင်း ထိုင်းမူးယစ်နှိမ်နင်းရေးဗျူရို The Office of the Narcotics Control Board of Thailand (ONCB) အထွေထွေအတွင်းရေးမှူး Niyom Termsrisuk က ထိုင်းဘာသာနဲ့ အခုလို ထုတ်ဖော်ပြောဆိုသွားပါတယ်။

“ထိုင်းနိုင်ငံမှာက မူးယစ်ဆေးဝါးထုတ်လုပ်တာ မရှိဘူး။ ထိုင်း၊ မြန်မာ၊ လာအို ထိစပ်နေတဲ့ ရွှေတြိဂံဒေသကနေ မူးယစ်ဆေးဝါးတွေက အများဆုံး ဝင်ရောက်လာနေတာ ဖြစ်တယ်။ အဲဒီကနေတဆင့် နိုင်ငံတကာကို တဆင့်ပို့ဆောင်နေတာကြောင့် ထိုင်းက ကြားခံနိုင်ငံလို ဖြစ်နေပါတယ်။”
၂၀၂၀ ဇူလိုင္ ၃ ရက္ေန႔တုန္းက ထိုင္းႏိုင္ငံမွာ ICE Methamphetamine စိတ္ႂကြမူးယစ္ေဆးအမ်ားအျပားဖမ္းဆီး ရမိခဲ့စဥ္
SEE ALSO:
ထိုင်းနိုင်ငံထဲ မြန်မာဘက်ကမူးယစ်ဆေးတွေ အခုနှစ်ထဲအများအပြား ဝင်ရောက်ခဲ့

COVID-19 အရေးပေါ်ကာလ အချိန်မှာ အပြင်ထွက်မရ ဖြစ်နေကြတဲ့ တောင်ပေါ် တိုင်းရင်းသားတွေ၊ ထိုင်းလူငယ်တွေ အကြားမှာ စိတ်ကြွဆေး သုံးစွဲမှုတွေ ပိုမိုများပြားလာနေတယ်လို့လည်း ပြောဆိုသွားပါတယ်။

ထိုင်းနိုင်ငံ မူးယစ်နှိမ်နင်းရေး အစည်းအဝေးမှာ နှစ်လအတွင်း ရွှေတြိဂံဒေသက ဝင်လာတဲ့ မူးယစ်ဆေးဝါးမျိုးစုံ ဖမ်းမိတဲ့ အရေအတွက် ဖော်ပြထားရာမှာ ဇွန်လနဲ့ ဇူလိုင်လအတွင်း ICE ၅ တန်နဲ့ စိတ်ကြွဆေးအလုံးရေပေါင်း သန်း ၃၀ ကျော် ဖမ်းမိခဲ့ကြောင်း၊ အလားတူ မြန်မာနဲ့ လာအို အစိုးရတွေကလည်း စိတ်ကြွဆေးပြားနဲ့ စိတ်ကြွဆေး ထုတ်ရာမှာ ရောစပ်ဓာတုဆေးတွေ အမြောက်အမြား ဖမ်းဆီးရမိခဲ့ကြောင်း ထိုင်းမူးယစ်နှိမ်နင်းရေးဗျူရိုရဲ့ ဇူလိုင်လ ၁၇ ရက်နေ့မှာ ပြုလုပ်တဲ့ အစည်းအဝေးမှာ ပြောဆိုသွားပါတယ်။

ရွှေတြိဂံဒေသကနေ ထုတ်နေတဲ့ မူးယစ်ဆေးစက်ရုံတွေကို မဲခေါင်မြစ်ကြောင်း တလျှောက်မှာလည်း မူးယစ်ကုန်သည်တွေက တိုးမြှင့် တည်ဆောက်လာနေတာကြောင့် ဒေသတွင်းမှာ မူးယစ်ဆေးအန္တရာယ်ဟာ ပိုမိုကြီးမားလာနေပြီဆိုပြီး ထိုင်းမူးယစ်နှိမ်နင်းရေးဗျူရိုက ထောက်ပြထားပါတယ်။

၂၀၂၀ ခုနှစ် မဲခေါင်မြစ်ဝှမ်းတလျှောက်မှာ တရုတ်၊ ထိုင်း၊ မြန်မာ၊ လာအို၊ ဗီယက်နမ်၊ ကမ္ဘောဒီးယား ရွှေတြိဂံစစ်ဆင်ရေး ၁၅၁၁ လို့ခေါ်တဲ့ ခြောက်နိုင်ငံ ပူးပေါင်းနှိမ်နင်းရေးကာလမှာ Methamphetamine စိတ်ကြွဆေးပြား သန်းပေါင်း ၃၀၀ ကျော်၊ ICE မူးယစ်ဆေး ၁၃ တန်နဲ့ ဘိန်းဖြူ ၁ တန်ခွဲ ဖမ်းဆီးနိုင်ခဲ့ကြောင်း ထိုင်းနိုင်ငံက ထုတ်ပြန်ခဲ့ပါတယ်။

ထိုင်းနဲ့ မြန်မာ ပါဝင်တဲ့ ခြောက်နိုင်ငံအတွင်းမှာ ဖမ်းမိထားတာကတော့ မူးယစ်ဆေး ထုတ်လုပ်ရာမှာ အသုံးပြုနေတဲ့ ဓာတုပစ္စည်း ပမာဏဟာ စိတ်ကြွဆေးပြား သန်းပေါင်း ၁၀,၀၀၀ လောက် ထုတ်လုပ်နိုင်တယ်လို့ ဆိုပါတယ်။

မအေးအေးမာ  / ဗွီအိုအေ ( မြန်မာပိုင်း)
https://burmese.voanews.com/a/golden-triangle-drugs/5508777.html

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ