 |
| မွမ်ဘိုင်းမြို့မှာ COVID-19 ကူးစက်ခံရမှုရှိမရှိ စစ်ဆေးပေးနေတဲ့ ကျန်မာရေးဝန်ထမ်း။ (ဇူလိုင် ၁၈၊ ၂၀၂၀) |
သောကြာနေ့တုန်းကတော့ ကမ္ဘာတဝန်းမှာ ဗိုင်းရပ်စ်ကူးစက်ခံရသူ ၂၃၈,၀၀၀ လောက်ရှိခဲ့တာ ဖြစ်ပါတယ်။
ဗိုင်းရပ်စ်ကြောင့် သေဆုံးသူအရေအတွက်ဟာ စနေနေ့ညနေကအထိ ၆၀၀,၀၀၀ နီးပါး ရှိလာခဲ့ပြီဖြစ်တယ်လို့ WHO က ပြောပါတယ်။
အခုလို သေဆုံးသူအရေအတွက် တိုးလာရတာဟာ မနေ့က တရက်တည်းမှာတင် ၇,၃၀၀ လောက် သေဆုံးခဲ့တာကြောင့်ဖြစ်ပြီး ဒါဟာ ပြီးခဲ့တဲ့ မေလလယ်ကစပြီး တရက်တည်းမှာ ဗိုင်းရပ်စ်ကြောင့် အများဆုံးသေဆုံးတာ ဖြစ်ပါတယ်။
အခု ဇူလိုင်လထဲမှာ ဗိုင်းရပ်စ်ကြောင့် နေ့စဉ်သေဆုံးမှုနှုန်းဟာ ပျမ်းမျှ ၄,၈၀၀ လောက်ရှိတယ်လို့ WHO က ဆိုပါတယ်။
နေ့စဉ် ဗိုင်းရပ်စ်ကူးစက်မှု အများဆုံးဖြစ်တဲ့ နိုင်ငံတွေကတော့ အမေရိကန်၊ ဘရာဇီး၊ အိန္ဒိယနဲ့ တောင်အာဖရိကနိုင်ငံတွေ ဖြစ်ပါတယ်။
အမေရိကန်မှာ မနေ့က ဗိုင်းရပ်စ်ကူးစက်ခံရသူ ၇၂,၀၀၀ လောက်နဲ့ အများဆုံးဖြစ်ခဲ့ပြီး ဘရာဇီးနိုင်ငံမှာ ၄၅,၀၀၀ လောက်ရှိပြီး အိန္ဒိယမှာတော့ ကူးစက်သူ အရေအတွက်ဟာ မနေ့က ၃၅,၀၀၀ လောက်ရှိတယ်လို့ ဆိုပါတယ်။ ဒါ့အပြင် တောင်အာဖရိကနိုင်ငံမှာလည်း မနေ့က ရောဂါကူးစက်ခံရသူ ၁၄,၀၀၀ လောက်ရှိတယ်လို့ ပြောပါတယ်။
ဗွီအိုအေ (မြန်မာပိုင်း)
https://burmese.voanews.com/a/covid19-worldwide/5508594.html
ကမ္ဘာတဝန်း ကိုဗစ်ကူးစက်သူ စံချိန်တင်မြင့်တက်
Reviewed by THITHTOOLWIN
on
22:55
Rating:
Reviewed by THITHTOOLWIN
on
22:55
Rating:
