အသားမႀကိဳက္တဲ့ကေလးကို အာဟာရဓာတ္လုံေလာက္ေအာင္ ဘာေတြေကြၽးရမလဲ

(Zawgyi)⤵⤵⤵

အိမ္က သမီးေလးကေလ အသားဆိုမစားဘူး။ အသီးအ႐ြက္ေလးနဲ႔မွ ထမင္းေကြၽးလို႔ရတယ္ ဆိုတာမ်ိဳး တခ်ိဳ႕ေမေမေတြဆီက ၾကားရတတ္ပါတယ္။ တကယ္လည္းဟုတ္တယ္။ တခ်ိဳ႕ကေလးေတြက ထမင္းစစားကတည္းက အသီးအ႐ြက္ပဲႀကိဳက္တာ၊ အသားေတြ၊ ငါးေတြ လုံးဝမႀကိဳက္၊ ေထြးထုတ္တတ္တယ္။ ဒါေပမယ့္ အဲလိုဘာမွေကြၽးမရတဲ့အခါ တခ်ိဳ႕မိဘေတြက ဒီအတိုင္းထားလိုက္တယ္၊ ေနာက္ေတာ့ စားလာမွာေပါ့ ဆိုၿပီးေလ။ သူစားတာေလး လိုက္ေကြၽးၿပီး ဒီအတိုင္းေစာင့္ေနတဲ့နည္းက မွန္ရဲ႕လား ေမေမတို႔ေျပာၾကည့္ပါဦး။

အသားမႀကိဳက္တဲ့ကေလးကို အသားပါေအာင္၊ အသားဓာတ္ရေအာင္ အတင္းထည့္ေကြၽးတာမ်ိဳး မလုပ္ဘဲနဲ႔ အသားဓာတ္ရေအာင္ လုပ္ေပးလို႔ရတဲ့ နည္းေတြရွိပါတယ္ေနာ္။ ဖြံ႕ၿဖိဳးဖို႔ အရွိန္ယူဆဲအ႐ြယ္ ကေလးေတြအတြက္ အာဟာရဓာတ္မ်ိဳးစုံကို အလုံအေလာက္ရႏိုင္ဖို႔ စီစဥ္ေပးသင့္တာမို႔ ကေလးစားတာေလးေကြၽးၿပီး အလြယ္လမ္းမွာၿငိမ္မေနပါနဲ႔။ ခုေနခါ ကေလးရဲ႕ က်န္းမာေရးနဲ႔အာဟာရမွာ မိဘရဲ႕ဂ႐ုစိုက္မႈက ႀကီးျပင္းလာတဲ့အခါ ရလဒ္အေနနဲ႔ သက္ေရာက္ေစမွာ ျဖစ္လို႔ပါ။ သက္သတ္လြတ္စားတယ္ပဲထားဦး၊ ေသခ်ာဂ႐ုစိုက္စီစဥ္ေပးရင္ အသားဓာတ္ရႏိုင္တဲ့အျပင္ တျခားမရွိမျဖစ္လိုအပ္တဲ့ အာဟာရဓာတ္ေတြကိုပါ အျပည့္အဝ ရရွိႏိုင္ပါတယ္။ ႀကီးထြားဖြံ႕ၿဖိဳးမႈအတြက္ မရွိမျဖစ္လိုအပ္တဲ့ ပ႐ိုတင္းနဲ႔ သံဓာတ္က မပါမျဖစ္ဆိုေတာ့ ကေလးအာဟာရျပင္ဆင္တဲ့အခါ သတိထားသင့္တဲ့ ဒီအခ်က္ေတြေသခ်ာ ဖတ္ၾကည့္လိုက္ပါဦး။

တစ္ေန႔တာမွာ အသီးအ႐ြက္ပ႐ိုတင္းရႏိုင္တဲ့ ပဲနီေလး၊ ပဲပိစပ္နဲ႔ တျခားပဲအမ်ိဳးမ်ိဳးကို စားသုံးမိေအာင္ ဂ႐ုစိုက္ထည့္သြင္းပါ။ ပဲမွာ ပ႐ိုတင္းႂကြယ္ဝတာေၾကာင့္ ႀကီးထြားဖြံ႕ၿဖိဳးမႈနဲ႔ ဆဲလ္ေတြ က်န္းမာေရးအတြက္ အဓိကအားျဖည့္ေပးပါတယ္။

အမွ်င္ဓာတ္ေတြခ်ည္း အမ်ားႀကီးမစားမိပါေစနဲ႔။ တျခားလိုအပ္တဲ့အာဟာရေတြ မစားႏိုင္ဘဲ ဗိုက္ျပည့္တင္းတိမ္သြားပါလိမ့္မယ္။ အသီးအႏွံေတြနဲ႔ အသီးအ႐ြက္ေတြက ကေလးအာဟာရမွာ တကယ္ကို ေကာင္းက်ိဳးျပဳတယ္ဆိုေပမယ့္ သူတို႔မွာ ကယ္လိုရီပါဝင္မႈနည္းၿပီး ခြန္အားျပည့္ဖို႔လည္း မလုံေလာက္ပါဘူး။ ကယ္လိုရီနဲ႔ တျခားဓာတ္ေတြ အစုံပါဝင္တဲ့ အစားအစာနဲ႔ တြဲေကြၽးပါ။ ဥပမာေထာပတ္သီး၊ ႏြားႏို႔၊ ႏို႔ထြက္ပစၥည္း စတာေတြ။

သံဓာတ္ကလည္း အရမ္းအေရးပါတယ္ေနာ္။ ကေလးရဲ႕ခႏၶာကိုယ္အႏွံ႔က ဆဲလ္ေတြအတြက္ ေအာက္ဆီဂ်င္ သယ္ေဆာင္ေပးတဲ့ ေဟမိုဂလိုဘင္ထုတ္လုပ္မႈအတြက္ လုပ္ေဆာင္ေပးတာ ေၾကာင့္ပါ။ သံဓာတ္ရေအာင္လို႔ အာလူးမီးဖုတ္၊ တို႔ဖူး တို႔လို စားစရာေတြအျပင္ ပန္းေဂၚဖီစိမ္း၊ ႐ုံးပတီသီး၊ ဟင္းႏုႏြယ္တို႔လို အစိမ္းရင့္ေရာင္ဟင္းသီးဟင္း႐ြက္ေတြ ပါေအာင္ေကြၽးပါ။

ဗီတာမင္ C က သံဓာတ္စုပ္ယူမႈကို အားေကာင္းေစလို႔ လိေမၼာ္သီး၊ စေတာ္ဘယ္ရီ၊ ခရမ္းခ်ဥ္သီး နဲ႔ အေပၚကအခ်က္လို အစိမ္းရင့္ေရာင္ ဟင္းသီးဟင္း႐ြက္ေတြကို အားကိုးလိုက္ရင္ အဆင္ေျပပါတယ္။ သေရစာအျဖစ္နဲ႔ အသီးအႏွံေတြကို ဒီအတိုင္းေရာ၊ ေဖ်ာ္ရည္အျဖစ္နဲ႔ပါ စီစဥ္ေပးလို႔ရပါတယ္။

ၾကက္ဥမွာ ဗီတာမင္ B12 အျပည့္အဝပါဝင္တဲ့အတြက္ သက္သတ္လြတ္ထမင္းပြဲမွာ ပါဝင္သင့္တဲ့ အာဟာရတစ္မ်ိဳးပါ။ ဗီတာမင္နဲ႔ သတၱဳဓာတ္ေတြအျပင္ သံဓာတ္လည္း ပါဝင္တယ္ေလ။ B12 က ကေလးရဲ႕ခႏၶာကိုယ္မွာ စားလိုက္တဲ့ အစားအစာေတြကို ခြန္အားအျဖစ္ ေျပာင္းလဲေပးႏိုင္ဖို႔ လုပ္ေဆာင္ေပးတဲ့အတြက္ ေသြးနီဥဆဲလ္ေတြျဖစ္ေပၚမႈနဲ႔ အာ႐ုံေၾကာစနစ္ က်န္းမာေရးအတြက္ မရွိမျဖစ္ပါ။ ကေလးကိုေကြၽးတဲ့ ၾကက္ဥ၊ ဘဲဥကို ေသခ်ာက်က္ေအာင္ ခ်က္ျပဳတ္ထားဖို႔ေတာ့ လိုပါတယ္။

ဒိန္ခ်ဥ္နဲ႔ ခ်ိစ္မွာ ကယ္လ္စီယမ္နဲ႔ ပ႐ိုတင္းဓါတ္ပါဝင္မႈမ်ားလို႔ ကေလးရဲ႕ အ႐ိုးနဲ႔ႂကြက္သား က်န္းမာဖြံ႕ၿဖိဳးေရးအတြက္ အားထားစရာေတြျဖစ္ပါတယ္။

အုတ္ဂ်ဳံ၊ ဂ်ဳံေျပာင္းႏွံေတြလည္း လိုအပ္တာေၾကာင့္ ေကြကာအုပ္ကို ႏြားႏို႔ေလးနဲ႔ျဖစ္ျဖစ္၊ အာဟာရႏို႔မႈန္႔ေတြနဲ႔ျဖစ္ျဖစ္ စီစဥ္လုပ္ေကြၽးပါ။ အသင့္စားေကြကာေတြက သၾကားပါဝင္မႈ မ်ားတာေၾကာင့္ သတိေတာ့ထားပါ။ ျဖစ္ႏိုင္ရင္ ေကြကာသီးသန္႔ဝယ္ၿပီး ကိုယ္တိုင္လုပ္ေကြၽးတာ ပိုေကာင္းပါတယ္။

ႏြားႏို႔မွာ ကယ္လ္ဆီယမ္၊ ဗီတာမင္ D နဲ႔ ပ႐ိုတင္းႂကြယ္ဝတာေၾကာင့္ အ႐ိုးႀကီးထြားဖြံ႕ၿဖိဳးမႈအတြက္ အေရးႀကီးပါတယ္။ ဒါ့ေၾကာင့္ တစ္ႏွစ္အထက္ကေလးေတြကို ႏြားႏို႔ကိုပုံမွန္ တိုက္ေကြၽးသင့္ ပါတယ္။ ထမင္းမစားခင္ေတာ့ မတိုက္မိဖို႔ ဂ႐ုစိုက္ပါ။ ႏြားႏို႔အစား ကေလးေတြ ႀကီးထြားဖြံ႕ၿဖိဳးမႈအတြက္ အေထာက္အကူျပဳတဲ့ အာဟာရႏို႔မႈန္႔ေတြ တိုက္ေကြၽးရင္လည္း အထက္မွာ ေျပာခဲ့တဲ့ အေရးပါတဲ့အာဟာရဓာတ္ေတြအတြက္ တစ္ခ်က္ခုတ္ႏွစ္ခ်က္ျပတ္ပါပဲ။

ေရးသားသူ Yun Sandi Nan Mon
ေဆးပညာပိုင္းဆိုင္ရာတည္းျဖတ္သူ Dr. Thurein Hlaing Win
Myanmar Digital News
https://www.facebook.com/MyanmarDigitalNews/
-------------
(Unicode)⤵⤵⤵
အသားမကြိုက်တဲ့ကလေးကို အာဟာရဓာတ်လုံလောက်အောင် ဘာတွေကျွေးရမလဲ

အိမ်က သမီးလေးကလေ အသားဆိုမစားဘူး။ အသီးအရွက်လေးနဲ့မှ ထမင်းကျွေးလို့ရတယ် ဆိုတာမျိုး တချို့မေမေတွေဆီက ကြားရတတ်ပါတယ်။ တကယ်လည်းဟုတ်တယ်။ တချို့ကလေးတွေက ထမင်းစစားကတည်းက အသီးအရွက်ပဲကြိုက်တာ၊ အသားတွေ၊ ငါးတွေ လုံးဝမကြိုက်၊ ထွေးထုတ်တတ်တယ်။ ဒါပေမယ့် အဲလိုဘာမှကျွေးမရတဲ့အခါ တချို့မိဘတွေက ဒီအတိုင်းထားလိုက်တယ်၊ နောက်တော့ စားလာမှာပေါ့ ဆိုပြီးလေ။ သူစားတာလေး လိုက်ကျွေးပြီး ဒီအတိုင်းစောင့်နေတဲ့နည်းက မှန်ရဲ့လား မေမေတို့ပြောကြည့်ပါဦး။

အသားမကြိုက်တဲ့ကလေးကို အသားပါအောင်၊ အသားဓာတ်ရအောင် အတင်းထည့်ကျွေးတာမျိုး မလုပ်ဘဲနဲ့ အသားဓာတ်ရအောင် လုပ်ပေးလို့ရတဲ့ နည်းတွေရှိပါတယ်နော်။ ဖွံ့ဖြိုးဖို့ အရှိန်ယူဆဲအရွယ် ကလေးတွေအတွက် အာဟာရဓာတ်မျိုးစုံကို အလုံအလောက်ရနိုင်ဖို့ စီစဉ်ပေးသင့်တာမို့ ကလေးစားတာလေးကျွေးပြီး အလွယ်လမ်းမှာငြိမ်မနေပါနဲ့။ ခုနေခါ ကလေးရဲ့ ကျန်းမာရေးနဲ့အာဟာရမှာ မိဘရဲ့ဂရုစိုက်မှုက ကြီးပြင်းလာတဲ့အခါ ရလဒ်အနေနဲ့ သက်ရောက်စေမှာ ဖြစ်လို့ပါ။ သက်သတ်လွတ်စားတယ်ပဲထားဦး၊ သေချာဂရုစိုက်စီစဉ်ပေးရင် အသားဓာတ်ရနိုင်တဲ့အပြင် တခြားမရှိမဖြစ်လိုအပ်တဲ့ အာဟာရဓာတ်တွေကိုပါ အပြည့်အဝ ရရှိနိုင်ပါတယ်။ ကြီးထွားဖွံ့ဖြိုးမှုအတွက် မရှိမဖြစ်လိုအပ်တဲ့ ပရိုတင်းနဲ့ သံဓာတ်က မပါမဖြစ်ဆိုတော့ ကလေးအာဟာရပြင်ဆင်တဲ့အခါ သတိထားသင့်တဲ့ ဒီအချက်တွေသေချာ ဖတ်ကြည့်လိုက်ပါဦး။

တစ်နေ့တာမှာ အသီးအရွက်ပရိုတင်းရနိုင်တဲ့ ပဲနီလေး၊ ပဲပိစပ်နဲ့ တခြားပဲအမျိုးမျိုးကို စားသုံးမိအောင် ဂရုစိုက်ထည့်သွင်းပါ။ ပဲမှာ ပရိုတင်းကြွယ်ဝတာကြောင့် ကြီးထွားဖွံ့ဖြိုးမှုနဲ့ ဆဲလ်တွေ ကျန်းမာရေးအတွက် အဓိကအားဖြည့်ပေးပါတယ်။

အမျှင်ဓာတ်တွေချည်း အများကြီးမစားမိပါစေနဲ့။ တခြားလိုအပ်တဲ့အာဟာရတွေ မစားနိုင်ဘဲ ဗိုက်ပြည့်တင်းတိမ်သွားပါလိမ့်မယ်။ အသီးအနှံတွေနဲ့ အသီးအရွက်တွေက ကလေးအာဟာရမှာ တကယ်ကို ကောင်းကျိုးပြုတယ်ဆိုပေမယ့် သူတို့မှာ ကယ်လိုရီပါဝင်မှုနည်းပြီး ခွန်အားပြည့်ဖို့လည်း မလုံလောက်ပါဘူး။ ကယ်လိုရီနဲ့ တခြားဓာတ်တွေ အစုံပါဝင်တဲ့ အစားအစာနဲ့ တွဲကျွေးပါ။ ဥပမာထောပတ်သီး၊ နွားနို့၊ နို့ထွက်ပစ္စည်း စတာတွေ။

သံဓာတ်ကလည်း အရမ်းအရေးပါတယ်နော်။ ကလေးရဲ့ခန္ဓာကိုယ်အနှံ့က ဆဲလ်တွေအတွက် အောက်ဆီဂျင် သယ်ဆောင်ပေးတဲ့ ဟေမိုဂလိုဘင်ထုတ်လုပ်မှုအတွက် လုပ်ဆောင်ပေးတာ ကြောင့်ပါ။ သံဓာတ်ရအောင်လို့ အာလူးမီးဖုတ်၊ တို့ဖူး တို့လို စားစရာတွေအပြင် ပန်းဂေါ်ဖီစိမ်း၊ ရုံးပတီသီး၊ ဟင်းနုနွယ်တို့လို အစိမ်းရင့်ရောင်ဟင်းသီးဟင်းရွက်တွေ ပါအောင်ကျွေးပါ။

ဗီတာမင် C က သံဓာတ်စုပ်ယူမှုကို အားကောင်းစေလို့ လိမ္မော်သီး၊ စတော်ဘယ်ရီ၊ ခရမ်းချဉ်သီး နဲ့ အပေါ်ကအချက်လို အစိမ်းရင့်ရောင် ဟင်းသီးဟင်းရွက်တွေကို အားကိုးလိုက်ရင် အဆင်ပြေပါတယ်။ သရေစာအဖြစ်နဲ့ အသီးအနှံတွေကို ဒီအတိုင်းရော၊ ဖျော်ရည်အဖြစ်နဲ့ပါ စီစဉ်ပေးလို့ရပါတယ်။

ကြက်ဥမှာ ဗီတာမင် B12 အပြည့်အဝပါဝင်တဲ့အတွက် သက်သတ်လွတ်ထမင်းပွဲမှာ ပါဝင်သင့်တဲ့ အာဟာရတစ်မျိုးပါ။ ဗီတာမင်နဲ့ သတ္တုဓာတ်တွေအပြင် သံဓာတ်လည်း ပါဝင်တယ်လေ။ B12 က ကလေးရဲ့ခန္ဓာကိုယ်မှာ စားလိုက်တဲ့ အစားအစာတွေကို ခွန်အားအဖြစ် ပြောင်းလဲပေးနိုင်ဖို့ လုပ်ဆောင်ပေးတဲ့အတွက် သွေးနီဥဆဲလ်တွေဖြစ်ပေါ်မှုနဲ့ အာရုံကြောစနစ် ကျန်းမာရေးအတွက် မရှိမဖြစ်ပါ။ ကလေးကိုကျွေးတဲ့ ကြက်ဥ၊ ဘဲဥကို သေချာကျက်အောင် ချက်ပြုတ်ထားဖို့တော့ လိုပါတယ်။

ဒိန်ချဉ်နဲ့ ချိစ်မှာ ကယ်လ်စီယမ်နဲ့ ပရိုတင်းဓါတ်ပါဝင်မှုများလို့ ကလေးရဲ့ အရိုးနဲ့ကြွက်သား ကျန်းမာဖွံ့ဖြိုးရေးအတွက် အားထားစရာတွေဖြစ်ပါတယ်။

အုတ်ဂျုံ၊ ဂျုံပြောင်းနှံတွေလည်း လိုအပ်တာကြောင့် ကွေကာအုပ်ကို နွားနို့လေးနဲ့ဖြစ်ဖြစ်၊ အာဟာရနို့မှုန့်တွေနဲ့ဖြစ်ဖြစ် စီစဉ်လုပ်ကျွေးပါ။ အသင့်စားကွေကာတွေက သကြားပါဝင်မှု များတာကြောင့် သတိတော့ထားပါ။ ဖြစ်နိုင်ရင် ကွေကာသီးသန့်ဝယ်ပြီး ကိုယ်တိုင်လုပ်ကျွေးတာ ပိုကောင်းပါတယ်။

နွားနို့မှာ ကယ်လ်ဆီယမ်၊ ဗီတာမင် D နဲ့ ပရိုတင်းကြွယ်ဝတာကြောင့် အရိုးကြီးထွားဖွံ့ဖြိုးမှုအတွက် အရေးကြီးပါတယ်။ ဒါ့ကြောင့် တစ်နှစ်အထက်ကလေးတွေကို နွားနို့ကိုပုံမှန် တိုက်ကျွေးသင့် ပါတယ်။ ထမင်းမစားခင်တော့ မတိုက်မိဖို့ ဂရုစိုက်ပါ။ နွားနို့အစား ကလေးတွေ ကြီးထွားဖွံ့ဖြိုးမှုအတွက် အထောက်အကူပြုတဲ့ အာဟာရနို့မှုန့်တွေ တိုက်ကျွေးရင်လည်း အထက်မှာ ပြောခဲ့တဲ့ အရေးပါတဲ့အာဟာရဓာတ်တွေအတွက် တစ်ချက်ခုတ်နှစ်ချက်ပြတ်ပါပဲ။

ရေးသားသူ Yun Sandi Nan Mon
ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
Myanmar Digital News
https://www.facebook.com/MyanmarDigitalNews/