“ဝ”တောင်ပိုင်း ဟွေ့အော့်မြို့နယ် အတွင်း စိတ်ကြွဆေးပြား ၁၈ သိန်း သယ်ဆောင်သူများ ဖမ်းဆီးရမိ


အောက်တိုဘာလ ၂ ရက် ၂၀၁၉

တောင်ပိုင်း ၀ တပ်ဖွဲ့များအခြေချရာ မိုင်းတုံမြို့နယ် ပုံပါကျင်မြို့နယ်ခွဲရှိ ထိုင်းနယ်စပ် ဟွေ့အော့ရွာ နမ့်ယုမ်းကျေးရွာ အနီးတွင် စိတ်ကြွဆေးပြား ၁၈ သိန်း နှင့်အတူ သယ်ဆောင်သူများကိုပါ ဖမ်းဆီးရမိကြောင်း သတင်းရရှိသည်။

ဖြစ်စဉ်မှာ ယမန်နေ့ အောက်တိုဘာ ၁ ရက်နေ့က ဟွေ့အော့တပ်စခန်း နမ့်ယုမ်းကျေးရွာတွင် ၁၇၁ စစ်ဒေသကို ဖြတ်သန်းပြီး ထိုင်းနိုင်ငံအတွင်း မူးယစ်ဆေးဝါး ပို့ဆောင်ရန်သွားသည့် မူးယစ်မှောင်ခိုအဖွဲ့နှင့် “ ဝ” တပ်ဖွဲ့တို့ အပြန်အလှန် ပစ်ခတ်ကာ စိတ်ကြွဆေးပြား ၁၈ သိန်း သယ်ဆောင်သည့် အမျိုးသား ၈ ဦး ၊ သေဆုံးသည့်အလောင်း ၂ လောင်းတို့ကို ဖမ်းဆီးရ မိကြောင်း သိရသည်။

“ ၁၇၁ စစ်ဒေသကိုဖြတ်သန်းပြီး ထိုင်းနယ်စပ်ကိုမူးယစ်ဆေးဝါး သယ်ဆောင် မှုတွေလုပ်နေတယ်ဆိုတဲ့ သတင်းရထားလို့ပါ။ အဲ့ဒါနဲ့ ကျနော်တို့ မနေ့က မနက်ပိုင်း ဆေးပြား ၁၈ သိန်းနဲ့ အတူ မူးယစ်သယ်ဆောင်သူ ၈ ဦး နဲ့ အလောင်း ၂ လောင်းကို ဖမ်းဆီးရမိတယ်။ အခုတော့စစ်ဆေးနေဆဲပါ” ဟု ဦးညီရမ်း က သျှမ်းသံတော်ဆင့် သို့ပြောသည်။

အဆိုပါအဖွဲ့သည် မူးယစ်ဆေးဝါးများကို စစ်စိမ်းရောင်ကျောပိုးအိတ်များဖြင့် သယ်ဆောင် ကြောင်း၊ လက်ရှိ ဖမ်းဆီးရမိသူများသည် မြန်မာနိုင်ငံ တိုင်းရင်းသားများသာ ဖြစ်ကြောင်း၊ မူးယစ်ဆေးဝါးများသည် မည့်သည့် အဖွဲ့ ပိုင်ဆိုင်သည်ကို စစ်ဆေးနေကြောင်းလည်း ဦးညီရမ်း က ပြောသည်။

“ ကျနော်သိရသလောက် ကတော့ တချို့ လွှတ်မြောက်နေတယ်။ ထိုင်းဘက် ကို ရောက်သွားတယ်လို့ ကြားတယ်” ဟုလည်း ဦးညီရမ်းက ထပ်လောင်းပြောကြားသည်။
“ဝ” တောင်ပိုင်းတွင် မကြာခဏ မူးယစ်ဆေးဝါး ဖမ်းဆီးရမိသဖြင့် မူးယစ်ဆေးဝါး ကို ယခင်ကထက် ပိုပြီးတားဆီးကာကွယ်သွားရန် မူဝါဒများ ချမှတ်ခဲ့ထားကြောင်းလည်း ဦးညီရမ်း က ပြောသည်။

သြဂုတ် ၂၆ ရက်တွင်လည်း “ဝ” တပ်ဖွဲ့ တောင်ပိုငး ၁၇၁ စစ်ဒေသတွင် မူးယစ်ဆေးဝါး နှင့် လက်နက်ကိုင် အဖွဲ့များကို ဖမ်းဆီး ရမိကာ သက်ဆိုင်ရာ အစိုးရထံ လွှဲပြောင်းပေးခဲ့ကြောင်း သိရသည်။

Panglong(Burmese)
https://www.facebook.com/ShanNewsBurmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ