ဝမ္ေပါင္နဲ႔ လက္ပံေတာင္း ေဒသခံအမႈ ေငြဒဏ္နဲ႔ အဆုံးသတ္

စစ္ကုိင္းတုိင္း ဆားလင္းႀကီးၿမိဳ႕နယ္၊ လက္ပံေတာင္းေဒသခံေတြကို ၂၀၁၉၊ ေအာက္တိုဘာ ၉ ရက္ေန႔က ဆားလင္းႀကီးၿမိဳ႕နယ္တရားရံုးမွာ ေတြ႔ရစဥ္

Zawgyi

သံုးႏွစ္ေက်ာ္ၾကာ စစ္ေဆးခဲ့တဲ့ စစ္ကုိင္းတုိင္း ဆားလင္းႀကီးၿမိဳ႕နယ္အတြင္း ေၾကးနီစီမံကိန္း ေဆာင္ရြက္ေနတဲ့ ဝမ္ေပါင္ကုမၸဏီနဲ႔ ေဒသခံေတြၾကား အျပန္အလွန္တရားစြဲဆိုထားမႈကို ဒီေန႔ ဆားလင္းႀကီး ၿမိဳ႕နယ္တရားရံုးမွာ အၿပီးသတ္အမိန္႔ခ်မွတ္ခဲ့ရာမွာ ႏွစ္ဘက္စလံုးက ဒဏ္ေငြ အသီးသီးေပးေဆာင္ခဲ့ၾကပါတယ္။

ၿပီးခဲ့တဲ့ ၂၀၁၆ ၾသဂုတ္လတုန္းက လက္ပံေတာင္းေတာင္ေျခ၊ နတ္ေတာင္က ေဒသခံရြာသားေတြ ကုိးကြယ္တဲ့ နတ္စင္ထားရွိတဲ့ေနရာမွာ ကုမၸဏီယာဥ္ေမာင္းက ေျမစာသြန္ခ်တဲ့အတြက္ ေဒသခံေတြနဲ႔ ပဋိပကၡျဖစ္ပြားခဲ့တာပါ။

ေဒသခံေတြက စြန္႔ပစ္ေျမစာေတြ မသြန္ဖို႔တားျမစ္ရာမွာ ယာဥ္ေမာင္းက ရြာသားေတြကုိ ယာဥ္နဲ႔တိုက္တယ္ဆိုၿပီး နာက်င္ေစမႈ ပုဒ္မ ၃၃၇ နဲ႔ တရားစြဲဆိုခဲ့သလို ဝမ္ေပါင္ကုမၸဏီရဲ႕ ဥပေဒအၾကံေပးကလည္း ေဒသခံ ခုႏွစ္ဦးထဲက ေလးဦးကို အက်ိဳးဖ်က္ဆီးမႈ ပုဒ္မ ၄၂၇၊ ပိုင္နက္က်ဴးလြန္မႈ ၄၄၇ နဲ႔ တရားစြဲၿပီး၊ က်န္တဲ့ သံုးဦးကို အက်ိဳးဖ်က္ဆီးမႈနဲ႔ သာမာန္ နာက်င္ေစမႈ ပုဒ္မ ၃၂၃ တို႔နဲ႔ အမႈဖြင့္ခဲ့ပါတယ္။

တရားသူႀကီးက ေဒသခံေတြကုိ ဒဏ္ေငြ ေျခာက္ေသာင္း သုိ႔မဟုတ္ ေထာင္ဒဏ္ ရက္ (၃၀) ခ်မွတ္ခဲ့ရာ၊ ေဒသခံေတြက ေငြဒဏ္ေပးေဆာင္ခဲ့တယ္လုိ႔ တရားစြဲခံရသူ မသြဲ႔သြဲ႔ဝင္းက ေျပာပါတယ္။

"သူတို႔ထဲကို ပိုင္နက္က်ဴးလြန္မႈ၊ တရုတ္ကို ရိုက္တယ္၊ သူတို႔ကားကိုလည္း ဖ်က္ဆီးတယ္ဆိုၿပီး တကယ္တမ္းေတာ့ ရိုက္ျခင္းလည္းမရွိဘူး။ သူတို႔ ဒဏ္ေငြခ်ေတာ့လည္း ဒဏ္ေငြေလွ်ာ္ခဲ့ရတာေပါ့။ စြဲလိုက္တဲ့ အခါက်ေတာ့ သူက တစ္မႈကို ေထာင္ဒဏ္က ၁၅ ရက္ေပါ့ေနာ္။ ေထာင္ဒဏ္ ၁၅ ရက္မက်ခံခ်င္ရင္ ဒဏ္ေငြ သံုးေသာင္းေဆာင္ေစဆိုၿပီး ေျပာထားတာ ပုဒ္မ တစ္ခုကို ဒဏ္ေငြ သံုးေသာင္း၊ ေထာင္ဒဏ္ ၁၅ ရက္ စုစုေပါင္းဆိုရင္ ေထာင္ဒဏ္ ရက္ ၃၀ က်မယ္ေပါ့"

ႏွစ္ဘက္ သက္ေသေတြ၊ တရားလို၊ တရားစြဲခံရသူ ၃၀ ေက်ာ္ကို စစ္ေဆးၿပီး အမိန္႔ခ်ခဲ့တာျဖစ္ပါတယ္။

တရုတ္ႏိုင္ငံသား ယာဥ္ေမာင္းကို နာက်င္ေစမႈ ပုဒ္မ ၃၃၇ အတြက္ ေထာင္ဒဏ္ ေျခာက္လ သို႔မဟုတ္ ေငြဒဏ္ တစ္သိန္းက်ခံေစဖို႔ တရားရံုးက ဒီေန႔ အမိန္႔ခ်မွတ္ရာမွာ ေငြဒဏ္ကို ေပးေဆာင္သြားခဲ့ပါတယ္။

ဝမ္ေပါင္ကုမၸဏီနဲ႔ တရားရံုးဘက္ကို သတင္းရယူရတဲ့ အေျခအေနနဲ႔ ပတ္သက္ၿပီး မံုရြာအေျခစိုက္ သတင္းေထာက္ ကိုေကာင္းခန္႔လင္းက သတင္းရယူရမွာ အကန္႔အသတ္ေတြရွိေၾကာင္း RFA ကိုေျပာပါတယ္။

"သူတို႔ဘက္ကို က်ေနာ္တို႔ သိပ္ၿပီးအဆင္မေျပဘူး။ ဘယ္ခ်ိန္ကေနၿပီး ထြက္သြားလိုက္မွန္း က်ေနာ္တုိ႔ မသိလိုက္ဘူး။ က်ေနာ္တို႔က တရားသူႀကီးနဲ႔ေတြ႔ဖို႔ လုပ္ေနတဲ့ အခ်ိန္မွာ သူတို႔က ဘယ္လိုကေန ဘယ္လို ထြက္သြားမွန္း မသိခဲ့ဘူး။ တရားသူႀကီးနဲ႔ အသံဖမ္းမယ္၊ ရုပ္သံရိုက္ကူးေရးလုပ္မယ္ဆိုရင္ ခြင့္ျပဳမိန္ေတြဘာေတြ တင္ရေသးတယ္။ သူအေနနဲ႔ သိပ္အဆင္မေျပဘူး။ ဒီအေပၚမွာ တစ္ေယာက္နဲ႔ တစ္ေယာက္ နားလည္မႈ ယူၿပီးမွ လုပ္လိုက္တဲ့အေနအထားေပါ့။ သို႔ေသာ္လည္း ပုဒ္မေတြရဲ႕ အေသးစိတ္ကို သိခြင့္ရခဲ့တယ္။ သူကလည္း ရွင္းျပပါတယ္"

RFA က ဝမ္ေပါင္ကုမၸဏီဘက္ကို အဆက္အသြယ္ရဖို႔ ႀကိဳးစားခဲ့ေပမယ့္ မရခဲ့ပါဘူး။

ဒီေန႔ ဆားလင္းႀကီးၿမိဳ႕နယ္ တရားရံုးမွာ ရဲဝန္ထမ္း ၃၀ နီးပါးက လက္နက္အျပည့္အစံုနဲ႔ လံုၿခံဳေရးတင္းက်ပ္ ထားတာ ေတြ႔ခဲ့ရတယ္လို႔ သြားေရာက္သတင္းရယူခဲ့တဲ့ မံုရြာအေျခစိုက္ သတင္းေထာက္ေတြက ေျပာၾကပါတယ္။

လက္ပံေတာင္းေတာင္ ေၾကးနီစီမံကိန္းကို ေဒသခံေတြ ကန္႔ကြက္ဆႏၵျပတာေတြရွိခဲ့တဲ့အျပင္ ကုမၸဏီနဲ႔ ေဒသခံေတြၾကားမွာ မၾကာခဏဆုိသလုိ ပဋိပကၡျဖစ္ပြားတာေတြရွိေနပါတယ္။

ဒီစီမံကိန္းကုိ ဝမ္ေပါင္ကုမၸဏီနဲ႔ တပ္မေတာ္ပုိင္ စီးပြားေရးလုပ္ငန္းစုျဖစ္တဲ့ ျမန္မာ့စီးပြားေရး ဦးပုိင္လီမိတက္က ေဆာင္ရြက္ေနတာျဖစ္ပါတယ္ရွင္။

RFA Burmese
https://www.rfa.org
-----------------
Unicode

ဝမ်ပေါင်နဲ့ လက်ပံတောင်း ဒေသခံအမှု ငွေဒဏ်နဲ့ အဆုံးသတ်

သုံးနှစ်ကျော်ကြာ စစ်ဆေးခဲ့တဲ့ စစ်ကိုင်းတိုင်း ဆားလင်းကြီးမြို့နယ်အတွင်း ကြေးနီစီမံကိန်း ဆောင်ရွက်နေတဲ့ ဝမ်ပေါင်ကုမ္ပဏီနဲ့ ဒေသခံတွေကြား အပြန်အလှန်တရားစွဲဆိုထားမှုကို ဒီနေ့ ဆားလင်းကြီး မြို့နယ်တရားရုံးမှာ အပြီးသတ်အမိန့်ချမှတ်ခဲ့ရာမှာ နှစ်ဘက်စလုံးက ဒဏ်ငွေ အသီးသီးပေးဆောင်ခဲ့ကြပါတယ်။

ပြီးခဲ့တဲ့ ၂၀၁၆ သြဂုတ်လတုန်းက လက်ပံတောင်းတောင်ခြေ၊ နတ်တောင်က ဒေသခံရွာသားတွေ ကိုးကွယ်တဲ့ နတ်စင်ထားရှိတဲ့နေရာမှာ ကုမ္ပဏီယာဉ်မောင်းက မြေစာသွန်ချတဲ့အတွက် ဒေသခံတွေနဲ့ ပဋိပက္ခဖြစ်ပွားခဲ့တာပါ။

ဒေသခံတွေက စွန့်ပစ်မြေစာတွေ မသွန်ဖို့တားမြစ်ရာမှာ ယာဉ်မောင်းက ရွာသားတွေကို ယာဉ်နဲ့တိုက်တယ်ဆိုပြီး နာကျင်စေမှု ပုဒ်မ ၃၃၇ နဲ့ တရားစွဲဆိုခဲ့သလို ဝမ်ပေါင်ကုမ္ပဏီရဲ့ ဥပဒေအကြံပေးကလည်း ဒေသခံ ခုနှစ်ဦးထဲက လေးဦးကို အကျိုးဖျက်ဆီးမှု ပုဒ်မ ၄၂၇၊ ပိုင်နက်ကျူးလွန်မှု ၄၄၇ နဲ့ တရားစွဲပြီး၊ ကျန်တဲ့ သုံးဦးကို အကျိုးဖျက်ဆီးမှုနဲ့ သာမာန် နာကျင်စေမှု ပုဒ်မ ၃၂၃ တို့နဲ့ အမှုဖွင့်ခဲ့ပါတယ်။

တရားသူကြီးက ဒေသခံတွေကို ဒဏ်ငွေ ခြောက်သောင်း သို့မဟုတ် ထောင်ဒဏ် ရက် (၃၀) ချမှတ်ခဲ့ရာ၊ ဒေသခံတွေက ငွေဒဏ်ပေးဆောင်ခဲ့တယ်လို့ တရားစွဲခံရသူ မသွဲ့သွဲ့ဝင်းက ပြောပါတယ်။

"သူတို့ထဲကို ပိုင်နက်ကျူးလွန်မှု၊ တရုတ်ကို ရိုက်တယ်၊ သူတို့ကားကိုလည်း ဖျက်ဆီးတယ်ဆိုပြီး တကယ်တမ်းတော့ ရိုက်ခြင်းလည်းမရှိဘူး။ သူတို့ ဒဏ်ငွေချတော့လည်း ဒဏ်ငွေလျှော်ခဲ့ရတာပေါ့။ စွဲလိုက်တဲ့ အခါကျတော့ သူက တစ်မှုကို ထောင်ဒဏ်က ၁၅ ရက်ပေါ့နော်။ ထောင်ဒဏ် ၁၅ ရက်မကျခံချင်ရင် ဒဏ်ငွေ သုံးသောင်းဆောင်စေဆိုပြီး ပြောထားတာ ပုဒ်မ တစ်ခုကို ဒဏ်ငွေ သုံးသောင်း၊ ထောင်ဒဏ် ၁၅ ရက် စုစုပေါင်းဆိုရင် ထောင်ဒဏ် ရက် ၃၀ ကျမယ်ပေါ့"

နှစ်ဘက် သက်သေတွေ၊ တရားလို၊ တရားစွဲခံရသူ ၃၀ ကျော်ကို စစ်ဆေးပြီး အမိန့်ချခဲ့တာဖြစ်ပါတယ်။

တရုတ်နိုင်ငံသား ယာဉ်မောင်းကို နာကျင်စေမှု ပုဒ်မ ၃၃၇ အတွက် ထောင်ဒဏ် ခြောက်လ သို့မဟုတ် ငွေဒဏ် တစ်သိန်းကျခံစေဖို့ တရားရုံးက ဒီနေ့ အမိန့်ချမှတ်ရာမှာ ငွေဒဏ်ကို ပေးဆောင်သွားခဲ့ပါတယ်။

ဝမ်ပေါင်ကုမ္ပဏီနဲ့ တရားရုံးဘက်ကို သတင်းရယူရတဲ့ အခြေအနေနဲ့ ပတ်သက်ပြီး မုံရွာအခြေစိုက် သတင်းထောက် ကိုကောင်းခန့်လင်းက သတင်းရယူရမှာ အကန့်အသတ်တွေရှိကြောင်း RFA ကိုပြောပါတယ်။

"သူတို့ဘက်ကို ကျနော်တို့ သိပ်ပြီးအဆင်မပြေဘူး။ ဘယ်ချိန်ကနေပြီး ထွက်သွားလိုက်မှန်း ကျနော်တို့ မသိလိုက်ဘူး။ ကျနော်တို့က တရားသူကြီးနဲ့တွေ့ဖို့ လုပ်နေတဲ့ အချိန်မှာ သူတို့က ဘယ်လိုကနေ ဘယ်လို ထွက်သွားမှန်း မသိခဲ့ဘူး။ တရားသူကြီးနဲ့ အသံဖမ်းမယ်၊ ရုပ်သံရိုက်ကူးရေးလုပ်မယ်ဆိုရင် ခွင့်ပြုမိန်တွေဘာတွေ တင်ရသေးတယ်။ သူအနေနဲ့ သိပ်အဆင်မပြေဘူး။ ဒီအပေါ်မှာ တစ်ယောက်နဲ့ တစ်ယောက် နားလည်မှု ယူပြီးမှ လုပ်လိုက်တဲ့အနေအထားပေါ့။ သို့သော်လည်း ပုဒ်မတွေရဲ့ အသေးစိတ်ကို သိခွင့်ရခဲ့တယ်။ သူကလည်း ရှင်းပြပါတယ်"

RFA က ဝမ်ပေါင်ကုမ္ပဏီဘက်ကို အဆက်အသွယ်ရဖို့ ကြိုးစားခဲ့ပေမယ့် မရခဲ့ပါဘူး။

ဒီနေ့ ဆားလင်းကြီးမြို့နယ် တရားရုံးမှာ ရဲဝန်ထမ်း ၃၀ နီးပါးက လက်နက်အပြည့်အစုံနဲ့ လုံခြုံရေးတင်းကျပ် ထားတာ တွေ့ခဲ့ရတယ်လို့ သွားရောက်သတင်းရယူခဲ့တဲ့ မုံရွာအခြေစိုက် သတင်းထောက်တွေက ပြောကြပါတယ်။

လက်ပံတောင်းတောင် ကြေးနီစီမံကိန်းကို ဒေသခံတွေ ကန့်ကွက်ဆန္ဒပြတာတွေရှိခဲ့တဲ့အပြင် ကုမ္ပဏီနဲ့ ဒေသခံတွေကြားမှာ မကြာခဏဆိုသလို ပဋိပက္ခဖြစ်ပွားတာတွေရှိနေပါတယ်။

ဒီစီမံကိန်းကို ဝမ်ပေါင်ကုမ္ပဏီနဲ့ တပ်မတော်ပိုင် စီးပွားရေးလုပ်ငန်းစုဖြစ်တဲ့ မြန်မာ့စီးပွားရေး ဦးပိုင်လီမိတက်က ဆောင်ရွက်နေတာဖြစ်ပါတယ်ရှင်။

RFA Burmese
https://www.rfa.org