ကျောင်းကုန်း စက်တင်ဘာ ၁၃
ဧရာဝတီတိုင်းဒေသကြီး၊ပုသိမ်ခရိုင်၊ကျောင်းကုန်းမြို့နယ်၊ ဂုန်မင်းအုပ်စု၊ဂုန်မင်းကျေးရွာ ပေ(၄၀)တံတားအနီးတွင် ယနေ့ နံနက် ၁၁ နာရီ ၄၅ မိနစ် အချိန်က ယာဉ်တိုက်မှု ဖြစ်ပွားရာ အမျိုးသမီးတစ်ဦး သေဆုံးမှု ဖြစ်ပွားခဲ့ကြောင်း သိရသည်။
ဖြစ်စဉ်မှာ တရားလို ဒုရဲအုပ်လှမိုးသည် လှည်းဆိပ်ရဲကင်းစခန်းတွင် တာဝန်မှူးတာဝန်ဆောင်ရွက်နေစဉ် ယာဉ်တိုက်မှုဖြစ်ပွားကြောင်း သတင်းအရ သက်သေများနှင့်အတူ အခင်းဖြစ်နေရာသို့ သွားရောက်စစ်ဆေးရာ ရန်ကုန်-ပုသိမ် ကားလမ်း၊မိုင်တိုင်အမှတ် ၈၇/၅ နှစ် ၈၇/၆ ကြား၊ဒါးကဘက်မှ ရန်ကုန်ဘက်သို့ ယာဉ်မောင်း ဇော်မင်းလွင်(၄၅)နှစ် မောင်းနှင်ပြီး၊ယာဉ်ပေါ်တွင် မနွဲ့ရီဝင်း နှင့် မနှင်းဝေလွင် တို့နှစ်ဦးလိုက်ပါလာသောအပြာရောင်သုံးဘီးဆိုင်ကယ်သည် ရန်ကုန်ဘက်မှ ဒါးကဘက်သို့မျက်နှာချင်းဆိုင် ယာဉ်ကြောမှ ဦးသက်ဆွေ မောင်းနှင်လာသော အနက်ရောင်မော်တော်ယာဉ်၏ ယာဉ်ကြောဘက်သို့ စလစ်ဖြစ်ကာဝင်ရောက်တိုက်မိသဖြင့် သုံးဘီးယာဉ်မောင်းနှင့် မနွဲ့ရီဝင်း တို့နှစ်ဦးမှာ ထိခိုက်ဒဏ်ရာရရှိသွားပြီး၊ မနှင်းဝေလွင်(၁၈)နှစ်မှာအခင်းဖြစ်နေရာတွင် သေဆုံးသွားသောကြောင့် ယာဉ်မဆင်မခြင် မောင်းနှင်ခြင်းဖြင့် လူကိုထိခိုက်သေဆုံးစေသူ သုံးဘီးယာဉ်မောင်းအား ကျောင်းကုန်းမြို့မ ရဲစခန်းက အမှုဖွင့်အရေးယူ ဆောင်ရွက်ထားကြောင်း မြို့မရဲစခန်းက သိရသည်။
ဝင်းကြိုင်(ပြန်/ဆက်)
Myanmaalinn
https://www.facebook.com/MYANMAALINNNEWS
ကျောင်းကုန်းမြို့ ပေ(၄၀)တံတားအနီး ယာဉ်တိုက်မှုဖြစ်ပွားရာ အမျိုးသမီးတစ်ဦး သေဆုံး
Reviewed by THITHTOOLWIN
on
08:45
Rating: