စပါးကို ပြည်ပတင်ပို့ဖို့ သဘောတူ

 တရုတ်ကို တရားမဝင် တင်ပို့မှုကြောင့် မြန်မာ့စပါး ထင်သလောက်ဈေးကောင်းမရ

စပါးကို ကာလတစ်ခုသတ်မှတ်ပြီး ပြည်ပကို တရားဝင်တင်ပို့ဖို့ အစိုးရနဲ့တောင်သူတွေ၊ ဆန်စပါးအသင်းအဖွဲ့ တာဝန်ရှိသူတွေ တွေ့ဆုံတဲ့ အစည်းအဝေးက သဘောတူခဲ့ပါတယ်။

စပါးတန်ချိန် နှစ်သိန်းလောက်တင်ပို့ဖို့ နေပြည်တော်မှာ စက်တင်ဘာ ၂၄ ရက်က ကျင်းပတဲ့ အဲဒီအစည်းအဝေးမှာ သဘောတူခဲ့တာဖြစ်ပါတယ်။

မြန်မာနိုင်ငံက ထွက်ရှိတဲ့စပါးကို ပြည်ပကို အရင်က တရားဝင် တင်ပို့ခွင့် မပြုခဲ့ပါဘူး။ ဒါပေမဲ့လည်း ပြီးခဲ့တဲ့ သုံးနှစ်လောက်ကစလို့ တရုတ်နိုင်ငံက ဝယ်ယူတဲ့အတွက် မြန်မာနိုင်ငံက စပါးတွေ တရုတ်နိုင်ငံထဲ တရားမဝင် တင်ပို့တာတွေ ရှိခဲ့ပါတယ်။

ဒါကြောင့် ဆန်စက်လုပ်ငန်းရှင်တွေက ဒီလို တရားမဝင် တင်ပို့နေတာတွေ တားဆီးပေးဖို့ အစိုးရကို တောင်းဆိုတင်ပြတာတွေ ရှိခဲ့ပါတယ်။

ဒါ့အပြင် ဒီအစည်းအဝေးမှာ မိုးစပါးအခြေခံ ဈေးနှုန်းသတ်မှတ်နိုင်ဖို့လည်း ဆွေးနွေးခဲ့ပါတယ်။

အစည်းအဝေးမှာ သဘောတူခဲ့တဲ့ အခြေခံဈေးနှုန်းကို လာမယ့် အောက်တိုဘာ ၁၅ ရက်မှာ ထုတ်ပြန်ပေးဖို့ရှိပါတယ်။

မြန်မာနိုင်ငံဆန်စပါးအသင်းချုပ် (MRF) အနေနဲ့ မိုးစပါးအခြေခံဈေးနှုန်းအတွက် ဧည့်မထအုပ်စုဝင် စပါး တင်းတစ်ရာကို ၄ သိန်း ၈ သောင်း၊ ၅ သိန်း၊ ၅ သိန်း ၂ သောင်း စတဲ့ ဈေးနှုန်း ၃ မျိုး အဆိုပြုတင်ပြထားပါတယ်။

သဘောတူခဲ့တဲ့ ဈေးနှုန်းကို ဒုသမ္မတဦးဆောင်တဲ့ ဝယ်ယူရေးဦးဆောင်ကော်မတီကို တင်ပြရဦးမှာ ဖြစ်

ဒါပေမဲ့ စိုက်ပျိုးရေးဝန်ကြီးဌာနအနေနဲ့ မိုးစပါးအတွက် အခြေခံဈေးနှုန်းကို ထုတ်လုပ်မှု ကုန်ကျစရိတ် အပေါ် ၃၀ ရာခိုင်နှုန်း သတ်မှတ်မလား၊ ၄၀ ရာခိုင်နှုန်း သတ်မှတ်မလားလို့ တင်ပြတာတွေရှိပါတယ်။

သဘောတူခဲ့တဲ့ စပါးအခြေခံဈေးနှုန်းနဲ့ စပါး ပြည်ပတင်ပို့မယ့်အချက်တွေကို အစိုးရအကြီးအကဲတွေနဲ့ ဒုသမ္မတဦးဆောင်တဲ့ ဝယ်ယူရေးဦးဆောင်ကော်မတီကို တင်ပြရဦးမှာ ဖြစ်ပြီး ဒီကော်မတီက သဘောတူမှသာ အတည်ဖြစ်မှာဖြစ်ပါတယ်။

အစိုးရအဖွဲ့ဘက်ကတော့ မိုးစပါးအခြေခံဈေးနှုန်းသတ်မှတ်ချက်ကို အောက်တိုဘာလ ၁၅ ရက်နေ့မှာ ထုတ်ပြန်ပေးမှာဖြစ်ပါတယ်။

BBC Burmese
https://www.bbc.com