မႏၲေလး-ျပင္ဦးလြင္ကားလမ္းတြင္ ရဲတပ္ဖြဲ႕ဝင္ အေယာင္ေဆာင္သူအား ဖမ္းဆီးရမိ


ပုသိမ္ႀကီးၿမိဳ႕နယ္ရဲတပ္ဖြဲ႕မွ တပ္ဖြဲ႕ဝင္မ်ားသည္ ဇူလိုင္ ၁၀ ရက္ ၂ နာရီအခ်ိန္က ပုသိမ္ႀကီးၿမိဳ႕နယ္၊ ေက်ာက္ေခ်ာေက်း႐ြာ၊ (၁၆)မိုင္စစ္ေဆးေရးဂိတ္အနီး မႏၲေလး-ျပင္ဦးလြင္ကားလမ္း အဆင္းလမ္းခြဲတြင္ ရပ္တန္႔ထားေသာ MDY 9D/×××× Mark II ယာဥ္အား စစ္ေဆးရာ ယာဥ္ပိုင္ရွင္ေက်ာ္သင္းခိုင္(ခ) ေက်ာ္ႀကီး(၄၀)ႏွစ္၏ ယာဥ္ေရွ႕ခန္းဒက္ရွ္ဘုတ္ေပၚကားမွန္ ဝဲ/ယာႏွစ္ဖက္၌ ကပ္ထားသည့္ ၄.၅ လက္မခန္႔ ျမန္မာႏိုင္ငံရဲတပ္ဖြဲ႕စာတန္းပါ တံဆိပ္ ၂ ခု၊ ျမန္မာႏိုင္ငံရဲတပ္ဖြဲ႕တံဆိပ္ပါ ေတာေဆာင္းဦးထုပ္ ၁ လုံး၊ အ႐ိုးအသြား ၉.၅ လက္မခန္႔ ေမာင္းခ်ဓားဦးခြၽန္ ၁ ေခ်ာင္း၊ စစ္စိမ္းေရာင္ေျပာက္က်ားအေႏြးထည္ ၁ ထည္တို႔ႏွင့္အတူ ဖမ္းဆီးရမိခဲ့သည္။

 ေက်ာ္သင္းခိုင္(ခ)ေက်ာ္ႀကီးအား အုန္းေခ်ာနယ္ေျမရဲစခန္း (ပ)၁၈၅/၂၀၁၉၊ ရာဇသတ္ႀကီးပုဒ္မ ၁၇၀(ျပည္သူ႔ဝန္ထမ္း အေယာင္ေဆာင္မႈ)ျဖင့္ လည္းေကာင္း၊ (ပ)၁၈၆/ ၂၀၁၉၊ လက္နက္ဥပေဒပုဒ္မ ၁၉(င)ျဖင့္လည္းေကာင္း အမႈဖြင့္စစ္ေဆးလ်က္ရွိေၾကာင္း ျပည္ထဲေရးဝန္ႀကီးဌာန၏ သတင္းထုတ္ျပန္ခ်က္အရ သိရသည္။

The Mandalay News Journal
https://www.facebook.com/TheMandalayNewsJournal

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ