တစ္သ်ွဴးငွက္ေပ်ာ လုပ္ကုိင္ေနတဲ့ ေနာက္ထပ္တရုတ္ေလးဦးကုိ ဖမ္းဆီး



Share/Bookmark
တစ္သွ်ဴးငွက္ေပ်ာ စိုက္ခင္းတစ္ခုကို ေတြ႔ရစဥ္
ကခ်င္ျပည္နယ္ ဝုိင္းေမာ္ၿမိဳ႕နယ္မွာ တရားမဝင္ တစ္သ်ဴးငွက္ေပ်ာလုပ္ကိုင္ေနတဲ့ တ႐ုတ္ႏိုင္ငံသား ေလးဦးကို လဝကဥပေဒ၊ သစ္ေတာဥပေဒ ၄၀ (က) နဲ႔ ေမလ ၂၅ ရက္ေန႔က ဝိုင္းေမာ္ၿမိဳ႕နယ္ ရဲစခန္းမွာ ဖမ္းဆီးအေရးယူေဆာင္ရြက္ထားတယ္လို႔ သိရပါတယ္။ ဒါဟာ ႏွစ္ပတ္အတြင္း ဒုတိယ အႀကိမ္ေျမာက္ ဖမ္းဆီးျခင္းျဖစ္ၿပီး တစ္သ်ဴးငွက္ေပ်ာ လုပ္ငန္းျဖင့္ ဖမ္းဆီးခံရသူ တရုတ္နုိင္ငံသား ကိုးဦး ရွိသြားၿပီ ျဖစ္ပါတယ္။

ဝိုင္းေမာ္ၿမိဳ႕နယ္ နန္႔ဝါႀကိဳးဝိုင္းထဲမွာ နန္႔ဝါ မ်ိဳးဆက္ၾကယ္ပြင့္ ကုမၸဏီက တ႐ုတ္ႏိုင္ငံသား ႏွစ္ဦးနဲ႔ ဝါေရွာင္ႀကိဳးျပင္ေတာမွာ မလိခနဂါးကုမၸဏီက တ႐ုတ္ႏိုင္ငံသား ႏွစ္ဦးကို သစ္ေတာဦးစီးဌာနနဲ႔ လဝက တာဝန္ရွိသူေတြက ေရွာင္တခင္စစ္ေဆးရာမွာ က်ဴးေက်ာ္ဝင္ေရာက္ေနတာကို ေတြ႕ရွိၿပီး ဖမ္းဆီးအေရးယူေဆာင္ရြက္ထားတာျဖစ္တယ္လို႔ ဝိုင္ေမာ္ၿမိဳ႕နယ္ စခန္းမွဴး ဒုရဲမွဴး ေက်ာ္စိုးက RFA ကို ေျပာပါတယ္။

အေရးယူေဆာင္ရြက္မႈနဲ႔ပတ္သက္ၿပီး လက္ရွိမွာေတာ့ သက္ေသ၊ အေထာက္အထားေတြကို စစ္ေနဆဲသာျဖစ္တယ္လို႔ သိရပါတယ္။

ၿပီးခဲ့တဲ့ ေမလ ၁၂ ရက္ေန႔မွာလည္း ဝိုင္းေမာ္ၿမိဳ႕နယ္ ေအာင္ေျမ ၂ ေက်းရြာမွာ တစ္သွ်ဴးငွက္ေပ်ာစိုက္ဖို႔ ေျမဧကအသစ္ ျပန္လည္ေဖာ္ထုတ္လာတဲ့ ဂ်ိန္းေဖါ့နဒီ ကုမၼဏီ မန္ေနဂ်ာအပါအဝင္ တရုတ္ႏိုင္ငံသား ငါးဦးကို ဝိုင္းေမာ္ၿမိဳ႕နယ္ သစ္ေတာဦးစီးဌာနက မႈဖြင့္ထားပါတယ္။

လက္ရွိမွာေတာ့ ကုမၸဏီမန္ေနဂ်ာကို အာမခံနဲ႔ ျပန္လႊတ္ေပးထားေၾကာင္း က်န္ တ႐ုတ္ႏိုင္ငံသားေတြကိုေတာ့ ဝိုင္းေမာ္အခ်ဳပ္ခန္းထဲမွာ ဖမ္းဆီးထားၿပီး ဥပေဒအရ ေဆာင္ရြက္ေနဆဲျဖစ္တယ္လို႔ သိရပါတယ္။

ဒီသတင္းကုိ RFA သတင္းေထာက္ မအဲလိဇဘက္ဂ်န္မာ ေပးပုိ႔တာပါ။

RFA Burmese
https://www.rfa.org

Share/Bookmark

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

အချိန်နဲ့တပြေးညီ သတင်းများ ဖတ်ရှုနိုင်ဖို့ facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့နိုင်ပါသည်။
 

Advertisement

 

အသစ် တင်သမျှ သတင်းများ အလို အလျှောက်ပို့ ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ