မြစ်ဆုံစာချုပ် တစ်လအတွင်း ထုတ်ပြန်ပေးဖို့ တောင်းဆို

မြစ်ဆုံစီမံကိန်း အပြီးတိုင်ဖျက်သိမ်းရေး နိုင်ငံလုံးဆိုင်ရာကွန်ရက် ရန်ကုန်မြို့ Orchid Hotel မှာ ၂၀၁၉ မေ ၂၈ ရက်နေ့က သတင်းစာရှင်းလင်းစဉ် / Photo: Thant Zin Oo/RFA
မြစ်ဆုံစီမံကိန်းစာချုပ်ကို တစ်လအတွင်း ပြည်သူတွေကို ပွင့်လင်းမြင်သာစွာ ထုတ်ပြန်ပေးဖို့နဲ့ တရားဝင်မိတ္တူ ကူးယူခွင့်ပြုဖို့ မြစ်ဆုံစီမံကိန်း အပြီးတိုင်ဖျက်သိမ်းရေး နိုင်ငံလုံးဆိုင်ရာကွန်ရက်က တောင်းဆိုလိုက်ပါတယ်။

ဒီကနေ့ ရန်ကုန်မြို့ Orchid Hotel မှာပြုလုပ်တဲ့ မြစ်ဆုံစီမံကိန်းအပြီးတိုင်ဖျက်သိမ်းရေး နိုင်ငံလုံးဆိုင်ရာကွန်ရက်ရဲ့ ရှေ့ဆက်လုပ်ငန်းစဉ်တွေနဲ့ ပတ်သက်တဲ့ သတင်းစာရှင်းလင်းပွဲမှာ ကြေညာချက်ထုတ်ပြန်ပြီး တောင်းဆို လိုက်တာပါ။

မြစ်ဆုံစီမံကိန်းကို တပ်မတော်အစိုးရလက်ထက်က ချုပ်ဆိုခဲ့တာဖြစ်ပြီး ဦးသိန်းစိန်အစိုးရလက်ထက်မှာတော့ သူ့အစိုးရသက်တမ်းအတွင်း စီမံကိန်းကို ရပ်ဆိုင်းခဲ့တာဖြစ်ပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က NLD ပါတီအစိုးရဖွဲ့နိုင်ရင် ပထမဆုံးအနေနဲ့ မြစ်ဆုံစာချုပ်ကို ပြည်သူတွေထံချပြမယ်လို့ ပြောဆိုခဲ့ပေမယ့် လက်ရှိ အစိုးရသက်တမ်း ၃ နှစ်ကျော်လာတဲ့ အချိန်အထိ ပြည်သူကိုချပြတာမရှိသေးပါဘူး။

မြစ်ဆုံစီမံကိန်း အပြီးတိုင်ဖျက်သိမ်းရေး နိုင်ငံလုံးဆိုင်ရာကွန်ရက်ကို ၂၀၁၉ ခုနှစ် မေလ ၂ ရက်နေ့က စတင်ပြီး သဘာဝပတ်ဝန်းကျင်ဆိုင်ရာပညာရှင်တွေ၊ အရပ်ဘက်အဖွဲ့အစည်းအသီးသီးက အဖွဲ့ဝင်တွေနဲ့ တက်ကြွ လှုပ်ရှားသူတွေ စုစုပေါင်း ၁၀၀ နီးပါးနဲ့ဖွဲ့စည်းခဲ့တာဖြစ်ပါတယ်။

ကွန်ရက်ရဲ့ အကြံပေးအဖွဲ့ထဲမှာ ဒေါ်ဒေ၀ီသန့်ဇင်၊ စာရေးဆရာမ ဂျူး၊ ဒေါက်တာ ညိုညိုသင်း၊ ဒေါက်တာ မြင့်ဇော်၊ ဆရာ ကိုတာ၊ ဦးထွန်းလွင်၊ ပေါင်းကူး- ဦးကျော်သူ၊ ဦးခွန်ထွန်းဦး တို့ ပါဝင်တယ်လို့ သိရပါတယ်။

မြစ်ဆုံစီမံကိန်းကို တစ်နိုင်ငံလုံးက အပြင်းအထန်ကန့်ကွက်နေတဲ့ကြားက ဆက်လက်ပြုလုပ်ခဲ့ရင် လက်ရှိပြည် သူတွေတောင့်တနေတဲ့ ဖက်ဒရယ်ပြည်ထောင်စုတည်ဆောက်ရေး၊ အမျိုးသားပြန်လည်သင့်မြတ်ရေး၊ တိုင်းရင်းသား စည်းလုံးညီညွတ်ရေး၊ ရင်ကြားစေ့ရေး၊ တန်းတူညီတူဖြစ်ရေး၊ ငြိမ်းချမ်းရေးနဲ့ တိုင်းပြည်ဖွံ့ဖြိုးတိုးတက်ရေးတွေကို ထိပ်တိုက်တွေ့မှာဖြစ်လို့ စီမံကိန်းကို လုံးဝဖျက်သိမ်းဖို့လည်း တောင်းဆိုထားပါတယ်။

ဒီသတင်းကို RFA သတင်းထောက် ကိုသန့်ဇင်ဦး ပေးပို့တာပါ။

RFA Burmese
https://www.rfa.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ